CLOSE WINDOW

D1960
བོད་ཡིག

/dpal gshin rje gshed nag po'i 'khor lo bri ba'i cho ga rdzogs so// //[ ]@##/ /rgya gar skad du/ kr-iSh+Na ya mA ri nA ma sA d+ha naM/ bod skad du/ gshin rje dgra nag bo zhes bya ba'i sgrub pa'i thabs/ dpal zhe sdang gshin rje gshed la phyag 'tshal lo/ /bla ma la gus phyag 'tshal nas//de rjes gshin dgra nag rdor la/ /rang 'od yan lag bzhugs pa yi/ /bde bas gang bas gzhan don mdzad/ /rdo rje ral gri 'khor lo dang / /'dam skyes gri gug phyag pad 'dzin/ /zhal gsum 'jigs pa yang 'jigs mdzad/ /de la phyag 'tshal sgrub thabs bri/ / gshin dgra nag po'i sgrub thabs 'di/ /de nyid blo ldan 'dod pa yis skye/ /dbang sogs la ni thob pa gang / /de yi 'di ni bsgom rim mo/ /byis pa rnams kyis go bde dang / /rang dran don du byas pa yin/ /mchog rnams la ni 'grub par gsungs/ /rab dga' bas ni bri bar bya/ /sbyin dang tshul khrims la sogs ldan//blo legs 'gro don ro gcig pa/ /byams sogs yon tan yang dag ldan/ /dad ldan thos pas brgyan pa yi/ /thog mar gdong sogs dag byas nas/ /snga dro gshin rje bdag nyid pas/ /dben yul la ni rab tu brtsam/ /dur khrod la sogs bde stan bzhugs//rang snying pad+ma'i zla ba la/ /ya yig rnam pa 'od ldan dmigs/ /kha dog sngon po 'gro don byed/ /bla ma dang ni rdzogs sangs rgyas/ /ma lus nam mkha'i 'od gang bar/ /bsgom zhing de ni legs dmigs te/ /sku tshogs de la phyag 'tshal nas/ /tsArtsi la sogs mchod byas te//lus ngag yid kyis sdig byas gang / /byas shing de bzhin yi rang ba/ /mgon la lan gsum smras shing bshags/ /'phags pa rdzogs sangs rgyas sras dang / /'dul ba'i bsod nams rjes yi rang / /yang dag sangs rgyas bdag skyabs mchi/ /dag pa'i chos dang mchog dge 'dun//khyod la bdag gi lus sbyin te/ /yon tan rgya mtsho la yang 'bul/ /chos ni thams cad gnas pa yin/ /legs pa'i sgras ni bstan pa'o/ /rdzogs pa yi ni sangs rgyas sku/ /de lam sbyin pa la sogs bzhugs/ /sku gsum ye shes thob don du/ / gnang bas bdag gis gnas pa ste/ /sems can don ni byed pa'i phyir/ /yang dag byang chub sems bskyed bya'o/ /bdag gis bsod nams byas pa gang / /yang dag sangs rgyas la bsngos te/ /dpal ldan gshin rje dgrar gyur nas/ /bdag gis 'gro ba'i don byed shog /smon lam mchog 'di byas nas ni//blo ldan de rnams gshegs su gsol/ /snying rje'i rim pa mthong nas ni/ /sna tshogs stong par rnam dmigs na/ /rgyu ni mi rtog pa yin te/ /rang bzhin rnam par bral ba'o/ /rnam par rtog pa med pa'i phyir/ /smon lam de ni rnam gshegs bya'o/ /oM shu n+ya tA dz+nyA na badzra swa b+hA wa At+ma kou0f85haM/sems de nyid ni dag byas nas/ /a las byung ba'i nyi dkyil te/ /de la hUM skyes kha dog sngo/ /'od zer 'phros pas kun du khyab/ /bsrung ba'i don du rdo rje bsgom/ /kun du rtse ni lnga yin te/ /rdo rje sa gzhi de las byung / /de bzhin gur dang ra ba'o/ /sangs rgyas zhing dag don du ni//yang dag bsam gtan kun brtsams te/ /de la sna tshogs pad zla la/ /rtag rdor yan lag las byung ngo / /dkar po gru gsum chos dbyings te/ /dbus su sna pad rdo rje'i gdan/ /nam mkha' dang mnyam 'greng ba bsam/ /dkyil 'khor dbus su gnas pa'o/ /b+h+ruM rnams 'khor lo ste dbus skyes//dag pa'i yan lag las byung ste/ /zur bzhi dang ni sgo bzhi pa/ /rta babs bzhis ni brgyan pa'o/ /dra ba dra phyed kyis ni spras/ /mchod rnams lha mo yang dag brgyan/ /sna tshogs rtse mo rlung gis 'phyar/ /ba dan dang ni dril bu ldan/ /sna tshogs rdo rje kun du mnan//zla ba nyi ma rgyal ba'i stan/ /shar du dkar po chen po ste/ /lho ru ser po yang dag ldan/ /nub kyi cha ni dmar bo yin/ /byang du ljang gu'i kha dog go/ /in+d+ra nI la'i 'od dang ldan/ /dbus kyi sa ni rnam bsgoms te/ /'di ltar phyogs kyi dbye ba yis/ /sna tshogs rdo rje bsgom bya'o//bris sku la yang de bzhin bsgom/ /rab tu gzugs kyi rim ji bzhin/ /rnam lnga bsam par byas nas ni/ /sangs rgyas gzugs brnyan rnam bsgom mo/ /rnam lnga de ni dpal dang ldan/ /de rjes gang bar bdud sel byed/ /de ni sangs rgyas gzugs brnyan grags/ /de phyir de la de gsungs so//lte bar sna tshogs pad zla la/ /dbyangs yig nyis skor dgod par bya/ /de yis zla ba rdzogs pa ste/ /ka yi thog mar nyis skor bya/ /Da D+ha da d+ha ya la drug /bsnan pas de rnams rdzogs pa yis/ /zla ba dmar po rnam bsgom bya/ /de gnyis rdzogs la ji skad gsungs//me long mnyam pa nyid du brjod/ /de dbus hUM skyes so sor rtog /de las gyur pa rdo rje ste/ /de ni bya ba nan tan brjod/ /nyi ma'i nor bu 'od zer mtshungs/ /'od dang sa bon lan rdo rje/ /oM badzra At+ma kou0f85haM/ zhes bya bas nga rgyal bya'o/ /de la skyes pa kha dog dkar/ / thub pa'i mchog gis rab brgyan pa/ /rang 'od kyis lus 'khyud pa ste/ /sgeg pa khro bo'i gzugs can no/ /mchog gi bde ba dang ldan pa/ /dkar po sngon po dmar po'i zhal/ /g.yas bskum g.yon brkyang bar gnas pa/ /'bar ba dang ldan ral gri dang / /rdo rje gri gug gsor bar byed//'khor lo'i pad+ma skal ldan pa/ /g.yas pa'i g.yon du shin tu yang / /'od zer 'phro zhing phyag gis 'dzin/ /oM d+harma d+hA tu dz+nyA na badzra swa b+hA wa At+ma kou0f85haM/ zhes bya bas rnam pa lnga'i rang bzhin las/ rnal 'byor 'di ni yod pa ste/ /'di rnal 'byor ro/ /chags pa che b as 'dul ba yis//'gro ba gsum ni kun du dmigs/ /rang gi rnam shes 'od zer gyis/ /sna tshogs spros pa rdzogs sangs rgyas/ /rtag bde dga' ba'i rang bzhin can/ /de rnams rang gi lus la zhugs/ /rtog pa thams cad rnam spangs bya/ /bdag nyid longs spyod rdzogs par bsgom//'di ni de nyid sngags rtsa dmar/ /hoHgnyis kyis ni spel ba ste/ /ji ltar skar ma 'pho ba bzhin/ /byang chub sems ni de bzhin gzhug /snying rje pya chags pa'i sems kyis ni/ /rdor 'dzin nyid du 'od du zhu/ /byams pa la sogs tsartsi kAs/ /'khor lo'i bdag po skul byed do/ / snying rje'i khro bo rje btsun bzhengs/ /gnas gsum kun gyi gti mug spongs/ /bdud rnams bzhi las gtso bo rgyal/ /kye 'khrugs pa'i sems kyis rje btsun bzhengs/ /'jig rten mgron gnyer stong par bzhugs/ /'jig rten bsod nams rje btsun bzhengs/ /kye stong par bsams nas ci ste bzhugs//byang chub rang bzhin 'jig rten mgron/ /'dis ni zhu ba bskul ba ste/ /chags pa'i rjes chags thim pa'o/ /'di yi glu yi mngon pa yis/ /'od du zhu ba'i bde sems ni/ /rab tu zhu zhing zhu la skyes/ /nyi dkyil la ni ya sngon te/ /khro bo dang ni khros pa can/ /rus pa'i rgyan gyis yang dag brgyan//smin ma rnon po 'bar ba can/ /yan lag spu gri bzhin 'jigs sbyin/ /rdo rje sngon po 'od dang ldan/ /ma he'i rgyab tu gnas pa'o/ /de yi sa bon 'od zer gyis/ /nag po dgra yi gzugs byas nas/ /stobs chen 'jigs pa'ang 'jigs par byed/ /sna tshogs bdag nyid mnyam par bzhugs//ma he'i rdo rje bsams nas ni/ /dkyil 'khor bdag po rnam par bsgoms/ /dug bzhin tsha ba 'phros pa ni/ /'jig rten gsum zad dkyil 'khor ni/ /mun nag lus ni drag shul can/ /ljags 'dril rab tu 'od zer 'phro/ /mche ba 'od zer 'phro zhing zhal//smin ma sma ra skra gyen te/ /g.yas bskum g.yon brkyang zhabs kyis gnas/ /dus ni mi dran byed pa'o/ /rtsa ba'i zhal ni bung ba che/ /g.yas pa shin tu zla ba 'od/ /g.yon pa dmar po rab tu gsungs/ /rdo rje rgyan gyis brgyan pa ste/ /mi thung gsus chen nag po yin//mgo bo'i phreng bas do shal byed/ /g.yas g.yon dang po'i phyag gnyis kyis/ /b+han+d+ha dang ni gri gug 'dzin/ /rang 'od shes rab yang dag sbyor/ /bde ba 'bab byung gzhan don byed/ /lhag ma g.yas pa'i phyag gnyis kyis/ /'bar bzhin rdo rje ral gri 'dzin/ / g.yon pa gnyis kyi phyag gis ni/ /pad+ma dang ni 'khor lo 'dzin/ /sbrul gyi rgyal pos rgyan byed pa/ /sngon po grangs med sbrul rgyan gyis/ /shin tu 'jigs byed dbu skra bcings/ /dmar po 'jog po glu yis ni/ /stobs chen rna cha'i rna rgyan byed/ /rigs ldan ser pos dpung rgyan te/ / ser po yang ni phyag gdub 'dzin/ /klu rgyal dung skyong klu yis ni/ /shin tu dkar po'i pad+ma 'dzin/ /'jog po ljang gu klu rgyal gyis/ /legs par tshangs skud byed pa ste/ /nor rgyas klu yi rgyal pos ni/ /de yi ska rags byas pa ste/ /pad+ma chen po klu rgyal gyis/ /pad skud kha dog dkar po bzhin//des ni zhabs gdub byas pa ste/ /thams cad phuT sgra drag shul can/ /mche gnyis so phreng lce gnyis pa'o/ /'di ni 'khor byang rang bzhin can/ /'di legs gshin rje gshed po yin/ /shes nas rnam rtog med par bya/ /brlabs shing sngags kyis mnyam bya'o//oM d+harma d+hA tu swa b+hA wa At+ma kou0f85haM/ zhes bya ba 'dis ni rjes su rnal 'byor ro/ /rang snying 'od zer lcags kyus dgug /mkha' khyab rdzogs pa'i sangs rgyas kun/ /thams cad de ni zhal du gzhug /bde zhugs 'bab cing snying gar zhu/ /byas pas blo ldan rnal 'byor gyis/ / rdor lam khu ba de nyid 'phro/ /rang 'od pad+ma'i nang gnas pa/ /sa bon gzugs kyis dmigs par bya /sa bon 'khor lo yang dag 'byung / /sa bon rnams kyi byin rlabs te/ /tsha tsha 'phro zhing 'bar ba can/ /mkhas pas rim par bsgom pa ste/ /gsungs pa'i mtshan nyid ji bzhin pa//ya rnams dbus su sngon po byung / /dkyil 'khor bdag po bzhengs pa'o/ /shar du k+She yis 'khor lo rdzogs/ /rtag pa phyag drug dkar bo ste/ /g.yas par 'khor lo ral gri gnas/ /g.yon par rin chen mtsho skyes 'dzin/ /ma yis rnam pas lho phyogs su/ / rin chen 'byung gnas rin chen rgyal/ /gser bsregs dang ni mtshungs pa'i mdog /g.yas pas rin chen ral gri 'dzin/ /g.yon pas 'khor lo pad+ma gnas/ /nub tu 'dod chags rdo rje ste/ /mi yi sa bon pad+ma rdzogs/ /pad+ma rA ga mnyam mtshungs pa/ /pad+ma ral gri g.yas par gnas//nor bu 'khor lo g.yon par bkod/ /sa bon de las ral gri skyes/ /ljang gu phrag dog gshin dgra ste/ /ral gri 'khor lo g.yas pas 'dzin/ /pad+ma nor bu g.yon par bsnams/ /thams cad zhe sdang gshin dgra yi/ /mtshan nyid kyis ni khro bo'i gzugs/ /rtsa ba'i phyag ni gnyis gnyis kun//gri gug b+han+d+ha bsgom bya ste/ /rang gi shes rab gnyis med lus/ /bde ba'i gzugs kyis rang bzhin can/ /nyi ma'i dkyil 'khor kun gnas pa/ /dge ba zla ba'i dkyil 'khor gnas/ /sna tshogs rdo rje rtsibs rtse la/ /sems can don mdzad bsgom par bya//ya rnams shar phyogs sgo ru byung / /tho ba sngon po rang bzhin te/ /g.yas par ral gri tho ba 'dzin/ /g.yon na nor bu pad dkar gnas/ /de tho zhes ni gshin rje gshed/ /tsa las byung ba be con lho sgor gnas/ /be con gshin dgra kha dog dkar/ /g.yas pas be con ral gri 'dzin//g.yon pas 'dam skyes 'khor lo bsnams/ /nub tu pad+ma gshin dgra ni/ /dmar po zhal gsum phyag drug ste/ /ni las skyes pa 'dod chags rgyal/ /byang du ral gri gshin dgra ni/ /ra las skyes pa'i cha byad ni/ /rgyal po phrag dog dbyibs kyis gnas//cung zhig sngon po'i dbye ba yis/ /rab tu 'jigs bzhin byas pa ste/ /thams cad khros pa dang ldan pa/ /yan lag la 'grogs pa yis brgyan/ /gtsigs pa'i zhal gyis bzhad pa ste/ /skra ni ser skya 'bar zhing 'greng / /nyi dkyil la ni yang dag gnas/ /mche ba gtsigs shing stobs kyi zhal//gri gug b+han+d+ha 'dzin pa'o/ /sna tshogs rdo rje grwa bzhi ru/ /de bzhin lha mo zla dkyil gnas/ /dza 'khor rdo rje tsArtsi kA/ /lha mo de ni shar lhor gnas/ /skems ma dkar mo khro chen ma/ /gti mug gshin dgra rang bzhin bzhugs/ /de nas lho nub phag mo ste//sa las rdo rje skyes ma yin/ /phag pa'i gdong can khro chen ma/ /zhe sdang gshin dgra 'dra ba'i 'od/ /rab tu zhi ba'i dbyangs can ma/ /nub byang gi ni grwa ru gnas/ /do las skyes ma mchog dmar mdog /'dod chags gshin dgra'i dbyibs can ma/ / byang shar grwa ru yang dag gnas/ /dkar mo ljang gu 'jigs byed ma/ /phrag dog gshin dgra'i phyag mtshan 'dzin/ /ru las skyes pa'i phrag dog dbyibs/ /sngon po'i g.yas pa dkar po ste/ /dkar po'i g.yas pa sngon po yin/ /de gnyis g.yon zhal dmar po ste/ /gzhan ma'i zhal ni dkar po'o//Na yo ni ra grwa bzhi ru/ /dkyil 'khor gyi ni b+han+d+ha ste/ /rang sngags rig pa ji bzhin gyis/ /blo ldan rdzogs shing 'phro bar bya/ /hUM hrIHSh+T+r-iHla sogs sngags sgra yis/ /dkyil 'khor mnga' bdag yang dag bskul/ /grangs med sprul pa rnam 'phros te/ / brtson 'grus sems can don mdzad pa/ /dngos po thams cad rang lus la/ /khro bo'i dpa' bos gzhug bya'o/ /dzi na dzika ces bya bas ni/ /shar du gti mug gshin dgra ste/ /sna tshogs pad zla dbyibs rtse ru/ /de la de ni gnas par bya/ /rat+na d+h+r-ika ces bya bas ni/ /lho yi pad+ma'i nyi dkyil la//bgegs med don du dgug pa ste/ /rim pas de la gzhug par bya/ /A ro l-ika ces bya sngags kyis/ /'dod chags gshin dgra skyon med pa/ /nub kyi sna tshogs pad nyi la/ /rim pas de ni rnam bsgom bya/ /pradz+nyA d+h+r-ika ni de nyid kyis/ /phrag dog dgra ni rnam zil byed//byang gi pad+mo rnon po la/ /de ni rim pas gnas par bsam/ /mung+gar d+h+r-ika ni de nyid kyis/ /shar phyogs sgo ru pad+ma la/ /nyi dkyil la ni 'bar zhing gnas/ /tho ba mthar byed min zhes bya/ /rim pas mkhas pas yang dag bsam/ /daN+Da d+h+r-ika ces bya sngags kyis//lho yi sgo ru yang dag gnas/ /be con gshin dgra mi bgrungs pa/ /sna tshogs pad nyi zla 'od bsam/ /pad+ma d+h+r-ika ces bya bas ni/ /pad+ma dus med gshin dgra ste/ /nub sgor 'dam skyes nyi dkyil la/ /'khrugs pa stobs chen bsam par bya/ /khang+ga d+h+r-ika ni de nyid kyis//ral gri de ni dus med pa/ /sna tshogs pad dang nyi dkyil la/ /bdud med byed pa byang sgor sgom/ /sna tshogs rdo rje grwa bzhi ru/ /gzhan yang de bzhin lha mo bsam/ /dwe Sha ra ti zhes sngags kyis/ /shar lho mtshams kyi lha mo ste/ /zla ba dang ni sna tshogs pad/ /khros ma tsArtsi yang dag gnas//de nas lho nub rdo rje phag /rigs kyi bdag mo phag mo ste/ /mo ha ra ti de nyid kyis/ /pad+ma zla bar mkhas pas bsgom/ /de nas nub byang grwa nyid la/ /rA ga ra ti zhes sngags kyis/ /pad zla la ni dbyangs can dgod/ /de nas byang shar dkar mo ste/ /badzra ra ti zhes sngags kyis//zla pad la ni lha mo bsgom/ /dkyil 'khor gyi ni grwa bzhi ru/ /de nyid gsum gyi b+han+d+ha rnams/ /'di ni rnam 'phros dag pa'i 'khor/ /dam par byas na bde dang ldan/ /gong ma'i 'khor lo de thim ste/ /mnyam nyid pas ni dmigs pa ste/ /'di ni sbyor ba dang po'o/ / gshin dgra nag po dus 'jigs pas/ /de yi rang bzhin dkyil lha rnams/ /mig dang lus sogs rang bzhin te/ /lha rnams kyis ni byin rlabs bya /gti mug k+ShiM la 'khor lo skyes/ /cung zhig khros pa mig la gnas/ /rdo rje mig yin blo ldan dmigs/ /rna gnyis dzre las rdo rje byung / / rdo rje rna ba kha dog gnag /dri las khaM skyes rin chen 'byung / /ser sna de ni zla ba la/ /rdo rje dri ni de bzhin mchog /ljags la gaM las pad+ma byung / /'dod chags dra ba rdor ljags yin/ /kaM las skyes pa ral gri ste/ /ri dwags mtshan pa'i rdor lus yin/ /phrag dog gshin dgra rang bzhin gzugs//dpral bar lus yin zhes bya ste/ /lte stengs saM las rdo rje yin/ /rdo rje sems ni de bzhin mchog /sgeg po khro bo rang bzhin gzugs/ /rdo rje 'dzin pa dgod bya ste/ /'di ni yan lag drug dgod pa'o/ /mngon sum don grub las su gsungs/ /snying gar hUM rdor dbus su gnas//hUM rdor sngon po legs 'od can/ /gshin dgra dang 'dra phyag mtshan mtshungs/ /sems la gnas pa'i thugs rdor bsgom/ /ol gong a las pad+ma skyes/ /de dbus su~M` las chags pa byung / /'dod chags gshin dgra lta bu'i lus/ /dpal ldan gsung rdor rnam bsgom bya//spyi bor oM rnams 'khor lo dbus/ /dkar po gshin 'bar de dbur 'khor/ /sku yi rdo rje sku dang 'dra/ /phyag dang phyag mtshan kha dog mtshungs/ /de ni de nyid rdor mchog ste/ /rdzogs pas mkha' gnas sangs rgyas mchod/ /sngags kyis de rnams byin rlabs bya//oM sarba ta thA ga ta tsit+ta badzra swa b+hA wa At+ma kou0f85haM/ oM sarba ta thA ga ta wAka badzra swa b+hA wa At+ma kou0f85haM/ oM sarba ta thA ga ta kA ya badzra swa b+hA wa At+ma kou0f85haM/ rang snying sa bon 'od zer gyis/ /sras dang bcas pa'i sangs rgyas kun/ /sna tshogs la gnas dgug bya s pas//mdun du de ni bzhugs dmigs te/ /des ni yang dag spros pa yi/ /ji srid tsArtsi la sogs pa/ /zla 'od mtshungs pa'i bum pa yis/ /bkra shis la sogs glu rnams kyis/ /yang ni dbang bskur dmigs par bya/ /bdag nyid dang ni thams cad la/ /dbang bskur bas ni ci byung ste//spyi bor gshin dgra nag po yi/ /rdor 'dzin bdag nyid de bzhin no/ /rang snying sa bon 'od zer gyis/ /bdag mdun ye shes 'khor lo dgug /'khor lo de ni dmigs nas ni/ /khro rnams bgegs bskrad srung bar byed/ /ar+g+ha bsil yab phul byas nas/ /oM mung+ga ra dzaH/'di sngags kyis ni dgug pa ste/ /oM daN+Da hUM/ 'di sngags kyis ni rab tu gzhug /oM pad+ma baM/ sngags 'di yis ni 'ching ba ste/ /oM khaD+ga hoHsngags 'di yis ni dbang byed do/ /rang snying sa bon 'od rnams kyis/ /sangs rgyas dgug cing gzhug pa ste/ /snying gar 'od zhu dmigs nas ni//ma lus rdo rje lam nas dbyung / /rang 'od rig ma'i pad+ma la/ /zla ba las byung lha mo rnams/ /sna tshogs me tog la sogs rdzas/ /phyag gi yal gas de rnams 'dzin/ /sgeg ldan de yi mchod pa ste/ /yid 'phrog mchod pa'i glu dang ni/ /sna tshogs gar gyi bye brag gis//des ni bde chen rab yin no/ /kye kye gshin rje dgra nag po/ /bla ma srin po'i rang bzhin can/ /khyod mthong bdag ni rnam 'jigs te/ /bla ma khro bo'i rang bzhin spongs/ /bdag pos gar byed pa yis ni/ /steng ris mi yul sa 'og 'dir/ /mig sman bcag bzhin khros pa'i yid//mig bgrungs khyod ni gar byed do/ /mi thung nag po gshin dgra ste/ /gzugs ni rnam pa sna tshogs sprul/ /rdo rje dbyangs can bdag gis zhus/ /bde chen khyod ni gar mdzod cig /hrIHSh+T+r-iHsngags kyis khyod gar byed/ /khams gsum the tshom med par mdzod//gshin rje khro bo rje btsun khyod/ /gar byed 'gro bas mthong ba'o/ /oM sarba ta thA ga ta pU dza badzra swa b+hA wa At+ma kou0f85haM/ thams cad sgra brnyan lta bu'i dpe/ /sgra yul bzhin du rnam dmigs bya'o/ /'khor lo la gnas lha rnams kyis/ /'khor lo'i bdag po bstod pa ste/ / gti mug rdo rje rang bzhin khyod/ /gshin dgra bde ba 'jigs pa'o/ /sangs rgyas kun ldan mgon po ste/ /'jigs med rdo rje phyag 'tshal bstod/ /ser sna rdo rje rang bzhin khyod/ /yang dag gshin dgra 'jigs pa po/ /thugs kyi rdo rje rab snang ba/ /rin chen rdo rje phyag 'tshal bstod//'dod chags rdo rje rang bzhin khyod/ /'dod chags rgya mtsho chos kyi bdag /thams cad dbyangs kyi mchog gi mchog /gsung gi rdo rje phyag 'tshal bstod/ /phrag dog rdo rje rang bzhin khyod/ /gshin dgra las kun thams cad byed/ /sku yi rdo rje rab snang ba/ / ral gri phyag la phyag 'tshal bstod/ /sangs rgyas kun gyi rang bzhin khyod/ /sangs rgyas kun gcig yang dag 'dus/ /sangs rgyas thams cad mchog gi mchog /dkyil 'khor mnga' bdag phyag 'tshal bstod/ /a las skyes pa'i dag pad de/ /mgo gsum steng du yang dag gnas//rnam rdzogs de 'og me dkyil 'khor/ /gru gsum ra~M` ba las byung ba'o/ /de 'og rlung gi dkyil 'khor te/ /g.yo ba sngon po gzhu dang 'dra/ /yaM las skyes pa ba dan dang / /de la kha dog ming dang gzugs/ /snang mdzad la sogs gnas pa ste/ /de la sogs pa yang dag dbyung //rigs ngan la sogs rnam pa lnga/ /hUM las rdo rje rim pa yis/ /de ni dgag pa bsgom par bya/ /rlung gis me ni rab sbar bas/ /zhu bzhin rnam par dmigs pa yin/ /rdo rje ro mnyam bsgyur ba ste/ /gshin dgra dri med dmigs pa'o/ /de la oM rnams 'od zer gyis//sangs rgyas ye shes rang bzhin dgug /sngags kyi gzugs kyis rab tu gzhug /dmigs nas bdud rtsi lnga mchog ste/ /de nyid gsum gyis byin brlabs nas/ /dkyil 'khor bdag po tshim par bya/ /zhi ba rdo rje lce la gnas/ /hUM las skyes pa dmigs nas ni//de la sbu gu'i rnam pa yis/ /des ni mnyam par dgug par bya/ /sna tshogs gnas pa'i rdzogs sangs rgyas/ /dkyil 'khor lha rnams de bzhin no/ /snying ga'i 'od zer rnams kyis ni/ /rnam rtog spangs pas dmigs bya'o/ /thog ma dbus mtha' dbye ba yis//'di la gcig tu sbyor med de/ /rdul phran cha med rgyu yin pas/ /grangs med de ni sbyor mi bya/ /gcig dang du ma'i rang bzhin gyis/ /rnam par bral ba gang yin de/ /de ni de bzhin de ma yin/ /the tshom de nyid las bya'o/ /gang phyir the tshom gnyis la gnas//bsam mi khyab la the tshom med/ /spro dang bsdu ba'i sku yin te/ /sems can ro gcig don las byung / /gzhan ni rgyas par de nyid med/ /'di ni gsal bar rab tu gsungs/ /ye shes zhabs kyi zhal nas byung / /dpal ldan gsang ba 'dus par gsungs//'di la bdag gis rgyas ma smras/ /dngos po'i bdag nyid dngos po med/ /khams med rnam par shes pa'ang med/ /nam mkha' kun mnyam gnas bzhin te/ /nam mkha' ji bzhin bdag med pa/ /'di ni chos mchog bde chen po/ /sa min chu min gnyi ga min//me min rlung min mkha' min te/ /rdo rje sems dpa' rab sbyor bas/ /skye ba 'di ni rab gnas pa'i/ /dngos po thams cad dngos min te/ /de'i phyir dngos med grags pa'o/ /rnal 'byor rnal 'byor gyis ni 'brel/ /rtag dang chad pa gnyis min te/ /zhal med phyag med kha dog med//mchog gi dga' ba'i mtshan nyid la/ /dngos po thams cad nges rtag min/ /thog ma dbus mtha' rnam par spangs/ /de ltar pho brang shes gnas pas/ /rnam rtog thams cad spangs pa ste/ /phung po khams dang bdag med par/ /dag pa'i bde gzugs bsgom pa'o//'gro ba gshin rje gshed byas nas/ /rang snying sa bon 'di rnams kyis/ /de bkug 'ong bar dmigs nas ni/ /sku gsung thugs rdor rang bzhin can/ /rdo rje'i rang bzhin chos yin te/ /ye shes las skyes dgod par bya/ /de la de yi sa bon rnams//hrIHSh+T+r-iHla sogs ye shes 'bar/ /lhag rtog spangs pas mthong ba ste/ /dag pa'i bde ba'i rnam pa can/ /'phro ba 'dus pas yang dag dgang / /bdag nyid mkhas pas bsgom pa yin/ /sku la sogs par 'phro bya ste/ /dus gcig dang ni rim pa yis//khro gzugs sna tshogs sprul pa byed/ /hrIHSh+T+r-iHla sogs sngags kyis ni/ /'gro ba thams cad bde byed do/ /oM hrIHSh+T+r-iHwi kr-i tA na na hUM hUM phaT phaT swA hA/ bsam gtan byed pa'i rim pa 'dis/ /'bad la sngags ni de bzhin bya/ /gzhan yang bza' ba la sogs las//bsam gtan ldan zhing thams cad bya'o/ /mchod dang bstod dang bdud rtsi za/ /sems can don byed yid kyis bya/ /de nyid gsum gyi rim pa yis/ /ye shes 'khor lo rnam par dbyung / /bdag gi 'khor lo bdag nyid la/ /ji ltar rim pas gnas pa ste//bdag gis bsod nams byas pa gang / /mngon par byang chub la smon bya/ /de nas smon lam byas nas ni/ /oM AHhUM muH'i sngags kyis ni/ /ye shes 'khor lo gshegs su gsol/ /'di ni rnal 'byor chen po'o/ /rang bdag rnam pa'i rang bzhin bzhengs//de yi nga rgyal yang dag byed/ /'bad la dngos po thams cad ni/ /de bzhin de yi gzugs nges bya/ /gti mug gshin dgra'i gzugs kyis ni/ /gnas dang 'gro ba bsgom pa'o/ /gsungs pa'i dus ni de rnams la/ /rnal 'byor rnal 'byor bzhi bsgoms te//dang po'i rnal 'byor rnal 'byor che/ /cung zhig ye shes de rjes sbyor/ /sbyor bdag yang dag rnal 'byor che/ /yang dag ye shes dbang gnas so/ /ji ltar gsungs pa'i rim pa gcig /dus gcig la ni sngags bsgom bya/ /rnal 'byor che ldan rnal 'byor pa//'phro dang 'du ba'i lus nyid do/ /de nyid ye shes gzugs can dag /de phyir bdag nyid gshin rje gshed/ /dbang bskur rim pa bsam gtan gyis/ /khrus dang bza' ba thams cad bya/ /de bzhin bdud rtsi'i rim pa yis/ /gzhan mchod pa la rtogs par bya//bdag nyid dang ni gzhan ma rnams/ /rim pa ltar ni rtag tu mchod/ /dpal ldan gshin dgra'i bdag nyid can/ /byang chub bsgom pas rtag tu dmigs/ /bdag gzhan mnyam pa byang chub yin/ /de phyir rang bdag sbyor ba ste/ /de med bdag nyid bsgyur 'dod pa/ /rnal 'byor chos sgrub rnyed min no//ji ltar sna tshogs rnam pa la/ /dngos po gcig la rtog pa ste/ /sdug bsngal bral nas bde ba skye/ /las kyi dbye bas de dag skye'o/ /bdag nyid sems la rnam rtog med/ /dag pa'i dga' ba'i rang bzhin can/ /thabs dang shes rab rang bzhin la/ / nag ces pa ni dga' ba'o/ /des ni 'khor ba'i rgya mtsho la/ /de skyes 'khril bas shi dus su/ /zab pa stobs chen gshin dgra nag /des ni phan byed gzhan min no/ /gshin sgrub zhags pa lcags kyu 'dzin/ /stobs chen 'byung tshogs 'jigs med de/ /de rnams dgug cing phur pas gdab//de ni 'jigs can khro gzugs so/ /oM hrIHSh+T+r-iHwi kr-i tA na na hUM hUM phaT phaT/ 'byung po thams cad 'khor dang bcas pa dgug pa ste dzaHoM hrIHSh+T+r-iHwi kr-i tA na na hUM hUM phaT phaT/ 'byung po thams cad 'khor dang bcas pa phur bus gdab pa ste hUM phaT/ 'dis ni 'ong bar shes byas nas//rang gi kha dog brgyan pa brtag /g.yas pa'i phyag la rang mtshon 'dzin/ /g.yon pa'i phyag na sna tshogs pa'o/ /brgya byin gshin rje dbang ldan dang / /hrIHSh+T+r-iHwi kr-i sa bon gyis/ /de dag thams cad rdzogs pa ste/ /me dang bden bral rlung lha dang / /hUM byung lus ni shes bya ste//nyi zla sa yi 'jig rten lha/ /hUM phaT phaT swA hA las skyes/ /lha rnams thams cad khyab 'jug ldan/ /'di ni gtor ma'i de nyid kyis/ /mnyam pa thams cad yang dag skyes/ /rim pas dmigs nas byin gyis brlab/ /de la rim pas dbang bskur sbyin//bdud rtsi lnga yi rim pa yis/ /raM gyi sa bon gser dang mtshungs/ /mchod dang gtor ma de rnams dbul/ /'di ni gshin rje dgra nag po'i sgrub thabs/ slob dpon kun du bzang po'i zhal snga nas mdzad pa rdzogs so// //slob dpon don yod rdo rje yis//legs par gsal byed sgrub thabs 'di/ /bsgyur ba'i bsod nams grangs med dang / /gzhan yang smon lam 'di btab pas/ /rgyu dang sgrub thabs mi 'bral zhing / /de yi man ngag rjes 'brangs pas/ /bdag dang gzhan dag sems can kun/ /gshin rje gshed kyi zhal mthong shog/