CLOSE WINDOW

D1956
བོད་ཡིག

/[ ]@##/ /rgya gar skad du/ /kr-iSh+Na ya mA ri shAn+ti hom bi d+hi nA ma/ bod skad du/ gshin rje gshed nag po'i zhi ba'i sbyin sreg gi cho ga zhes bya ba/ mgon po 'jam dpal la phyag 'tshal lo//sku gsung thugs kyi bdag nyid can/ /char sprin gzhon nu'i mdog 'dra ba/ /rtog bral lhun gyis skyes pa'i bdag /gshin rje gshed la phyag 'tshal te/ /sdig pa zhi dang bsod nams 'phel/ /dbang du bya dang tshar bcad dang / /dngos grub myur du thob bya'i phyir//bdag gis sbyin sreg bshad par bya/ /bde gshegs chos kyi sku dag gi/ /bsnyen pa sngon du song ba yis/ /yid dga' ba yi sa phyogs su/ /bkra shis bzang po'i gzhi dag la/ /mtshan nyid ldan pa'i sa sbyangs nas/ /tshad dang ldan pa'i thab khung ni//rgyar ni khru gang zabs su phyed/ /kha khyer sor bzhi dor nas kyang / /dpangs dang rgya ru sor bzhi brtsig/ /phyogs kyi thad kar sor gnyis las/ /dra ba zla tshes rdo rje'i gzugs/ /kha dog dkar po nyid byas te/ /tsan+dan dkar po'i 'o mas byugs/ / me tog dkar po dus gsum gtor/ /nang du 'dab brgyad dkar po bri/ /'khor lo rdo rje rin chen dang / /pad+ma ral gri phyag rgya dgod/ /nang du rdo rje'i phreng ba ste/ /kha khyer me ris rnam par bskor/ /thab kyi dbang du byas pa'o/ /bud shing tshad ni khru gang la/ / skam pa dang ni rnying pa dag /rul dang srog chags rnam spangs te/ /n+ya gro d+ha dang pA la sha /sha mi ta dang dri bzangs dang / /byang chub shing dang tsan+dan dang / /dri zhim bzang po'i shing de dag /thab kyi kho ra khor yug tu/ /ku sha sngon po bkram pa'i steng / /thab khung dma' bar legs brtsigs la//sbrang rtsi 'o ma dri chus byug /bud shing dbang du byas pa'o/ /yam shing 'bras bu tsan+dan gyi/ /shing ngam dri zhim shing dag la/ /rtse mo'i cha las byung ba yi/ /rlon dang 'dab mar bcas pa ste/ /sor bcu'i tshad du mngon par gsungs/ /dri chu 'o mas sbags la bzhag /rtse gnyis gas dang chag pa dang / /'bus zos pa dang srog chags bcas/ /shun pa med dang brla bskams dang / /yo dang rul dang sbom pa dang / /ring thung phra ba rnam par spangs/ /gdags yig btags la bsreg par bya/ / bye brag dang ni sde tshan no/ /na maHshAn+ti dku ru swA hA/ u ma ka s+ye sarba tre ha Na~M/ sarba big+h+nA na/ sarba dz+wa ra na~M/ sarba byA d+hi na~M/ sarba ro ga na~M/ sarba bi Sha na~M/ sarba a maM ga le na~M/ sarba dur ni mi ta na~M/ sarba pA paM karmA ba ra Na~M/ shAn+ting ku ru swA hA/ til dang yungs kar rgyal po ni//sdig pa sbyang phyir bsreg par bya/ /oM sarba pA paM da ha na badzrA ya hUM phaT swA hA/ de nas mchod bstod gsol ba gdab/ /dgang blugs phul la bsreg par bya/ /ye shes gshegs la dam tshig bsdu/ /oM AHhUM muH/ de nas me sbyangs sreg rdzas kyi//lhag ma ji snyed pa rnams ni/ /me yi lha la sngags kyis dbul/ /mchod bstod dgang blugs bzod gsol bya/ /ye shes me lha gshegs su gsol/ /dam tshig 'bar ba'i rnam par bstim/ /de nas bdag gi phyag rgya che/ /dgrol dang thugs kar bsdu tshul gyis//dam tshig rgyal por gnas nas kyang / /thab la bskor zhing me tog dbul/ /de nas glegs bam klog la sogs/ /ji ltar mthun pa'i spyod lam bya/ /sgrub thabs mngon rtogs 'di dag ni/ /dngos grub thob phyir bdag gis brtsams/ /'di yis bsod nams gang thob des//kun gyi thun mong mchog thob shog /dpal gshin rje gshed nag po'i zhi ba'i sbyin sreg gi cho ga rdzogs so// //bla ma nag po'i zhabs nyid chen po la/ /gser gling rnal 'byor gu Na dz+nyA na yis/ /bram ze karma tsan+d+ra btang nas kyang / /rnal 'byor rnams kyi zhal ngor sbyin sreg 'di/