CLOSE WINDOW

D1951
བོད་ཡིག

ma bltas sems can la brtse'i phyir/ /ral gri rdo rje'i sgrub thabs byas/ /'di yis nges 'byung rnyed gyur cig /ral gri gshin rje gshed gtum po'i sgrub thabs zhes bya ba rdzogs so//[ #]@##/ /rgya gar skad du/ pradz+nyA su kha ya pad+ma ya mA ri sA d+ha naM nA ma/ bod skad du/ pad+ma gshin rje gshed shes rab bde ba can gyi sgrub thabs zhes bya ba/ dpal rdo rje sems dpa' la phyag 'tshal lo/ /sems can rjes su dran ldan zhing / /de 'dren thugs rje'i rtags mnga' ba/ /mtsho skyes zhal la phyag 'tshal te/ /de yi sgrub thabs bshad par bya/ /dang por sngags pas khrus byas nas//ku sha'i stan la legs 'dug ste/ /lus ngag yid gsum bag ldan pas/ /cung zad 'gro 'ong ldan pas bya/ /rang gi lhag pa'i lhar ldan pas/ /cod pan rje btsun gzung bar bya/ /de nas rje btsun spyan drangs te/ /skyabs 'gro byang chub sems bskyed de//de nas maN+Dal bstar ba ste/ /me tog dgram zhing mchod tshogs bsham/ /de nas sems can kun gyi phyir/ /bsod nams tshogs bsags gshegs su gsol/ /bu gcig ltar dran byams pa dang / /sdug bsngal bral 'dod snying rje dang / /bde ba thob pa'i dga' ba dang / / phun sum tshogs pa'i btang snyoms so/ /snying rje thabs kyi rang bzhin dang / /ldan pa'i stong pa bsgom par bya/ /srung 'khor pad+ma nyi ma'i steng / /ni las chu skyes gyur pa'i sku/ /pad+ma rA ga'i mdog 'dra la/ /g.yas dang g.yon ni sngo dang dkar/ /gri gug chu skyes ral gri dang / thod pa 'khor lo rin chen 'dzin//thod pa lnga yis dbu bskor cing / /phreng ba klu dang dur khrod brgyan/ /me dpung skyil krung stag lpags mnabs / /bskyed pa cung zad 'jam pa'i mdangs/ /sku gsung thugs dang skye mched drug /rang lus ngo bo byin gyis brlab/ /dbang bskur rtags dang ldan pa la/ / mchod la bstod pa 'dis mnyes bya/ /hUM rdo rje dam tshig rdo rje gsung / /rdo rje dbyangs ni zab mo che/ /'dod chags rdo rje nyid mtshungs pa/ /skyon bral rje la phyag 'tshal bstod/ /bdud rtsi myang zhing spro bsdu bzlas/ /byas nas phyag rgya bkrol par bya/ /oM badzra pad+ma d+h+r-ika hUM hU~M phaT phaT swA hA/ rig pa'i shes rab mda' dag gis/ /ltong ldan 'ben la thug pa na/ /gcig kyang mi gnas bde ba che/ /bsgom bya sgom byed med pa yi/ /rje btsun gsung gi drin dag dang / /rgyud las mthong ba bris pa 'dis/ /'gro kun dri ma med pa yi / /sangs rgyas sa la gnas par shog /pad+ma gshin rje gshed shes rab bde ba can gyi sgrub thabs zhes bya ba/