CLOSE WINDOW

D1940
བོད་ཡིག

/slob dpon mar me mdzad pa rdzogs so//[ #]@##/ /rgya gar skad du/ /badzra tI k+Sh+Na ya mA ri sA d+ha naM nA ma/ bod skad du/ gshin rje gshed rdo rje rnon po zhes bya ba'i sgrub thabs/ /dpal rdo rje sems dpa' la phyag 'tshal lo/ /dam tshig sems can don byed cing //nan tan ye shes phyir mi ldog /mar gad ljang gu'i mdog 'dra la/ /rab tu dang bas btud byas te/ /brtul zhugs thogs pa med pa yis/ /las kyi don kun rab 'grub phyir/ /dgra nag rgyud la nyer bsten nas/ /phrag dog rdo rje'i sgrub thabs bshad/ /dpal ldan g.yo sgyu med pa yis//bla ma mgon la btud sbyangs te/ /bum sogs dbang ni thob nas kyang / /dam bcas nas ni bsgrub par bya/ /rang nyid lhag pa'i lhar dmigs te/ /snying gar ri bong can gyi dkyil/ /ng+hIHyig 'od zer lnga ldan las/ /zhing gnyis ma lus sbyang bar bya/ /khyad par yul la brten nas kyang //phra rab lus kyi phyag 'tshal bya/ /tsa rtsi la sogs rnam 'phrul gyis/ /phyi nang gsang ba'i mchod pa bya/ /sdig sogs dag par byas nas kyang / /rje btsun pa ni mkha' la gshegs/ /don dam kun rdzob byang chub sems/ /tshangs pa'i gnas dang stong pa bsgom/ /oM shU n+ya tA dz+nyA na badzra swa b+hA wa At+ma kou0f85 haM/nyi dkyil 'od zer lnga ldan pa'i/ /hUM las srung ba'i 'khor lo bsam/ /pad+ma'i steng du nyi ma ste/ /d+hIHlas ut+pal ral grir gyur / /spro bsdus sku gsung thugs bcug ste/ /gyur pas phrag dog gshin rje gshed/ /mar gang ljang gu lta bur mdzes/ /sdo dang dkar ba g.yas g.yon zhal//rang 'dra yum ni cung zad skem/ /'khyud cing yang dag mdzes par ldan/ /gri gug ral gri 'khor lo dang / /thod pa rin chen chu skyes 'bar/ /stong smad glang chen stag lpags bsnams/ /rtog med go cha phreng bar dbyangs/ /glu brgyad phuT sgra mche ba gtsigs/ / me dkyil nang na bzhugs pa la/ /sku gsung thugs la rdo rje gsum/ /skye mched drug la byang chub sems/ /dbang bskur spyi bor gshin rje gshed/ /sgo bzhi'i sngags kyi byin gyis brlabs/ /rnam 'phrul mchod pa bsam mi khyab/ /phrag dog rdo rje'i ngo bo khyod/ /gshin rje gshed po las kun byed//sku yi rdo rje rab 'dra ba/ /ral gri phyag la phyag 'tshal bstod/ /rlung dang mes ni pad+ma sbyangs/ /ye shes zhu ba gsum byin brlab / /rdo rje sbu gus mchod byas pas/ /sangs rgyas thams cad mnyes par 'gyur/ /spro dang bsdu ba'i rnal 'byor ni/ /kun rdzob bden pa bla med yin/ / khab len rdo yi rnam pa ltar/ /bde ba'i ye shes 'dzin byed pa/ /chos kun ro gcig pa yin te/ /nan tan ye shes zhes bya'o/ /rgyud rgyal gsang ba 'dus sogs kyi/ /dgongs pa bskyed dang rdzogs pa'i rim/ /rgyud gzhung thams cad 'gal med 'dis/ /'gro rnams nye bar 'tsho gyur cig /