CLOSE WINDOW

D1935b
བོད་ཡིག

/ //[{Db}]@##/ /rgya gar skad du/ kr-iSh+Na ya mA ri kro d+ha rA dza ba tra sa ra sA d+ha naM nA ma/ bod skad du/ khro bo'i rgyal po gshin rje'i gshed nag po dus mthar phyin pa'i sgrub thabs zhes bya ba/ bcom ldan 'das gshin rje gshed la phyag 'tshal lo//spros bral thugs su chud bdag 'gro ba kun khyab pa/ /ma lus bdud 'joms thogs med khro bo kun gyi gtso/ /pad+ma rdo rje snyoms 'jug zhi bde mdzes pas bsgyings/ /longs spyod rdzogs skur bzhengs pa'i snying po la btud de/ /sangs rgyas thugs kyi rgyud rgyal 'bum pa thu bo che//na da ku be ra la yab kyis rjes gdams shing / /de yis de nyid bsdus pa'i byang chub sems chen po'i/ /rnam par rgyal ba gshed rgyud las byung bshad par bya/ /'gro kun sangs rgyas snying po ste/ /gtso bo mi yang dad ldan brtan/ /ral gri pad+ma skyon med gnas/ /cod pan brgyan pa mthong bar bya//mtha' yang mi gnas gtso bo la/ /dmigs dang pad+mos rjes bzung nas/ /rgyal por dran pa byas nas kyang / /lhag pa'i lha rnams spyan drang ngo / /rnam dag bdun gyis sbyangs pa la/ /tshangs pa bzhi yi sems gnas nas/ /'phrog pa med pa'i snying po nyid//thog mtha' med pa dmigs par bya/ /oM shU n+ya tA dz+nyA na badzra swa b+hA wa At+ma kou0f85haM/ yi ge gsum gyi rang bzhin ni/ /bde gsal stong pa'i rang bzhin nyid/ /thog mtha' med nas sems can la/ /gnas phyir rig pa nyams mi bya/ /hUM las re pha byung nas su/ /nyi d kyil rdo rje 'khor lo bsgom//de rjes hUM las hUM byung ste/ /rdo rje sems dpa' chos 'byung gnas/ /sku gsung thugs kyi phyag rgyar ldan/ /pad+ma rdo rjes mtshan byas pa'o/ /gong mtshungs b+h+rUM las gzhal yas khang / /oM las rtag pa sna tshogs mnyam/ /gdan ni rjes mthun gnas pa'o//a las mar ldan nyi ma zla/ /mnyam pa hUM las rdo rje ste/ /sku yi gzi brjid bsdus nga rgyal/ /rgyud gshed rdo rje 'dzin pa bsgom/ /phab pa'i sbyor ldan byang chub sems/ /yongs 'gyur thabs dang shes rab sku/ /yig 'bru lnga yis gang ba las/ /'phros pa'i lha mos bskul nas bzhengs//chos kun bdag pos bsgom par bya/ /oM d+harma d+hA tu swa b+hA wa At+ma kou0f85haM/ ya las skyes pa'i gshin rje gshed/ /in+d+ra nI la'i mdog 'dra ba/ /g.yas dkar g.yon dmar phag mos 'khril/ /ma he ser skya la bskum brkyang / /g.yas pa gri g ug g.yon thod pa//rdo rje ral gri 'khor lo pad/ /thod pa lnga yis dbu brgyan cing / /dbu skyes gyen 'greng brgyad kyis brgyan/ /rlon pa khrag 'dzag lnga bcu 'phyang / /me dpung nang na gnas par bsgom/ /rang mtshungs ye shes sems dpa' ni/ /cho ga gsum dang ldan pas so//yi ge lnga rdzogs de bzhin gshegs/ /rigs kyi mdog dang mtshun mar ldan/ /sku ni mtho gang tshad yin te/ /phra mo lnga ni tshon gang ngo / /sku gsum rab tu thob bya'i phyir/ /lus ngag yid gsum byin brlab bya/ /spyi gtsug rtag pa'i rgyal po ste/ /mgrin par rdo rje nyi ma bsgom//snying gar mi bskyod rdo rje 'chang / /oM AHhUM/ mig la sa yi snying po ste/ /rna ba la ni rdo rje 'dzin/ /sna la nam mkha'i snying po mchog /lce la 'jig rten dbang phyug mgon/ /sgrib pa rnam sel lus la dgod/ /kun du bzang po yid kyi'o/ /k+ShiM dziM khaM gaM kaM saM/ /cho ga gsum dang ldan pa la//oM dang hUM gis spel bar bya/ /rdo rje lnga ni mchod byas la/ /gsol btab dbang gis mi bskyod 'gyur/ /mi bzad rdo rje 'khor lo nyid/ /mchod bstod byas la dgug gzhug bya/ /oM badzra sa twa sa ma ya/ tsakra maN+Dal d+hA tu dzaHhUM ba hoHsa ma ya s+t+waM au0f85haM/ a la l a la la ho//a a a a/ rdo rje nam mkha' byin rlabs la/ /bskyod pas lnga 'gyur byang chub sems/ /mkha' yi pad+mar rdzus skyes nas/ /sa dgur bskyed la rab rgyas sku/ /ba spu'i bu ga che nas spro/ /sangs rgyas sprin yang rjes bsams nas/ /rigs kyi don yang bsgrub par bya//oM badzra d+h+r-ika ya hUM/ oM dzi na dzika k+She hUM/ oM rat+na d+h+r-ika ma hUM/ oM A ro l-ika me hUM/ oM pradz+nyA d+h+r-ika da hUM/ shar du gti mug gshed po ste/ /lho ru nga rgyal gshed po'o/ /nub tu 'dod chags gshed po ste/ /byang du phrag dog gshed po'o/ /shar la 'od zer gzhan rnon po//dkar ser dmar ljang rang 'od rig /rigs kyi bdag po'i phyag rgya 'dzin/ /gzhan ni go rims sbyor shes pa'o/ /Na yo nI ra 'phros pa las/ /byang chub sems kyis rab rgyas pa'i/ /tsartsi kA sogs lha mo yis/ /mchod pas rab tu mnyes par bya/ /de nas rdo rje dril 'chang bas/ / bstod pa yang ni ched du brjod/ /dam tshig bzang po byin brlabs nas/ /rdo rje hUM gis myang bar bya/ /spro ba chen po 'jig rten khams/ /thog ma med pas bsdus byas nas/ /du mar brtson 'grus ldan yid kyis/ /yang dang yang du goms par bya/ /rdo rje snying ga'i dkyil 'khor la/ /yid skyob bkod nas bzlas par bya//oM hrIHSh+T+r-iHwi kr-i tA na na hUM hUM phaT phaT/ rim dang cig car sbyor ba yi/ /sems can don du bzlas par bya/ /zla ba'o cog gi bcu bzhi la/ /dri chus byugs pa'i dkyil 'khor ni/ /gru gsum ldan zhing me tog spras/ /mchod pa bzang ldan gtor mas bkang / /mi rus lnga bcu tham pa la//khrag gi sbags pa'i mgo bor bsgom/ /ri lu re kha gshed nag pos/ /brgyan pa khri yi bar du bzlas/ /mchod pa rnams kyis mnyes byas la/ /gsol btab gtor ma dur khrod sbyin/ /oM in+d+rA ya hrIH/ ya ma ya Sh+T+r-iH/ ba ru NA ya wi/ ku be rA ya kr-i/ I shwA nA ya ta/ ag+na ye a/ nai r+r-i ta ye na/ bA ye be+e ya na/ tsan+d+rA ya hUM/ sUR+YA ya hUM/ brah+ma NA ya phaT/ ba su d+ha rA ya phaT/ be+e ma tsi tra ya swA/ sarba b+hu te b+h+yo hA/ hi hi hi hi hUM/ pheM pheM pheM pheM phaT swA hA/ gad mo chen mo brgyad brgad nas/ /gnang ba byin nas gshegs par bsam/ /'di ni bsnyen pa'i cho ga'o//srid pa gsum gyi 'khor lo ni/ /dbang po skye mched stong pa yi/ /lcags kyi khang pa bcu bdun gyi/ /rdo rje snying po dgod par bya/ /chu yi dkyil 'khor shing rta dang / /ce spyang rgyug pa lta bu'o/ /sbyor ldan man ngag dam pa ni/ /dam pa'i zhal las shes par bya//las dang rjes mthun 'khor ni/ gzhan du rgya cher bshad pas na/ /'dir ni mang du ma smos so/ /ya ma rA dza sa do me ya/ ya me do ru Na yo da ya/ ya da yo ni ra ya k+She ya/ yak+She yats+tsha ni rA ma ya/ zhi ba'i mthar ni swA hA/ rgyas dang dbang la oM dang ho/ /drag po phaT kyis brtan par bya/ / phrin las bzhi ni 'grub par 'gyur/ /rgyud dang bstan bcos mkhas pa bdag min te/ /dam pa bla ma'i zhabs la brten nas chos 'di byas/ /rgyud kyi mngon rtogs nges par byin pa'i yon tan dpal/ /dad dang shes rab snying rjer bcas rnams nges sgrol shog /bsnyen dang sgrub pa'i cho ga'i rim//zab mo'i sgrub pa rnyed dka' ba/ /nor bu lta bu'i gzhung 'di yis/ /'gro kun gshin rje gshed nag shog /khro bo'i rgyal po gshin rje gshed nag po'i dus mthar phyin pa'i sgrub pa'i thabs zhes bya ba rdzogs so// //rgya gar gyi mkhan po shrI paN+Di tas mdzad pa'o/ /rnal 'byor pa bsod snyoms pa pradz+nyA shrI dz+nyA na kIrti sa rang 'gyur du bsgyur ba'o/