CLOSE WINDOW

D1935
བོད་ཡིག

gshin rje gshed kyi rgyud bzhi brgya lnga bcu pa la brten nas maN+Dal gyi cho ga mdzad pa'o// //lo tsA ba shrI pradz+nyA na kI rtis bsgyur pa'o//[ ]@##/ /rgya gar skad du/ kr-iSh+Na la nA ri sA d+ha na pro ta phul la ku mu dA nA ma/ bod skad du/ gshin rje'i dgra nag po'i sgrub pa'i thabs ku mu da kha bye ba zhes bya ba/sangs rgyas la phyag 'tshal lo/ /'bar ba'i 'od zer phreng 'khrugs pas/ /'gro ba'i mun sel gshin rje'i dgra/ /rab snang btsun mo dga' mdzad la/ /btud nas de yi sgrub thabs bshad/ /dang po re zhig sngags pas stan bde ba la nye bar 'dug ste/rang gi snying gar zla ba'i dkyil 'khor rnam par bsams la/ de'i steng du yi ge yaM sngon po blta'o/ /de ma thag tu byams pa dang / snying rje dang / dga' ba dang btang snyoms rnam par bsgoms te/ de'i 'og tu snying ga'i yi ge yaM las skyes pa'i 'od zer rnams kyis/bla ma dang sangs rgyas dang / byang chub sems dpa' thams cad dang / dpal gshin rje'i dgra nam mkha' la snang bar byas la/ de rnams la mngon par 'dud pa dang / mchod pa dang mdun du sdig pa bshags pa dang / bsod nams la rjes su yi rang ba dang /de yongs su bsngo ba dang / gsum la skyabs su 'gro ba dang / smon pa byang chub kyi sems bskyed pa dang / rgyal ba'i lam la brten pa dang / 'jug pa byang chub tu sems bskyed pa dang / slar btang ba'i bar du bsgrub bo/ /de nas yang rnam par thar pa'i sgo gsum dran pas stong pa nyid bsgoms la/oM shU n+ya tA dz+nyA na badzra swa b+hA wa At+ma kou0f85haM/ zhes bya ba'i sngags brjod de/ 'di ni bsod nams dang ye shes kyi tshogs dpal gshin rje'i dgra skyed par byed pa'o/ /de bzhin du rang bzhin gyi lus dang ngag dang yid dag /oM AHhUM zhes pa'i yi ge gsum pha dang ma'i dbus n a gnas pa steng du zla ba la gnas pa bsam mo//mdun du nyi ma la gnas pa'i hUM nag po las byung ba'i rdo rje nag po 'bar ba las/ rdo rje'i sa gzhi dang dra ba dang gur rnams bsgom par bya zhing / bgegs med pa'i sems kyis dbus su sna tshogs pad+ma dang zla ba la gnas pa'i rdo rje sems dpa' yongs su gyur pa las chos kyi 'byung gnas dbus na paM las byung ba'i pad+ma sna tshogs dang /khaM las byung ba'i sna tshogs rdo rje can bsams te/ de'i zla ba la yi ge b+h+rUM las byung ba'i 'khor lo rtsibs brgyad pa yi ge b+h+rUM gyis byin gyis brlabs pa'o/ /de yongs su gyur pa las skyes pa'i rnam par snang mdzad rig ma dang bcas pa'i yan lag las byung ba'i khang pa brtsegs pa/gru bzhi sgo bzhi pa/ rta babs bzhi dang ldan pa/ dra ba dang dra ba phyed pas mdzes pa/ sna tshogs pa'i rgyan gnas pa/ sna tshogs rdo rje la brten pa'i sna tshogs pad+ma la zla ba dang nyi mas mnan pa bcu bdun gyis mdzes pa rnam par bsgom mo//de'i dbus su zla ba'i gdan la gnas pa'i yi ge gsum la gzigs nas byon pa'i sangs rgyas rnams/ dbyangs bcu drug dang ya ra la wa Da D+ha lhag pa'i gsal byed bzhi bcu'i gzugs nyis 'gyur du byas pa byon nas/ rim pa bzhin 'og dang steng du zla ba gnyis su gyur par bya ba ni/ me long lta bu'i ye shes so/ /zla ba gnyis dang yi ge gsum 'dres pas gang ba'i zla ba gsum du gyur pa ni mnyam pa nyid do/ /de yongs su gyur pa las yi ge hUM dkar pos mtshan pa'i rdo rje bsams te/ oM badzra At+ma kou0f85haM/zhes ngar 'dzin pa ni so sor rtog pa'o/ /yi ge hUM las byung ba'i de bzhin gshegs pa rnams kyis sems can thams cad de bzhin gshegs par byas te/ yi ge hUM gi nang du son pa dang / oM ya thA sarba ta thA ga tA ta thA a haM/ zhes nga rgyal bya ba ni bya ba grub pa'o//yi ge hUM las byung ba'i 'od zer rnams kyis rdo rje sems dpa'i gzugs dang ldan pa'i de bzhin gshegs pa rnams bskul te/ hUM la zhugs pa dang hUM dang rdo rjer bcas pa yongs su gyur pa las byung ba'i rdo rje sems dpa' khro ba sgeg pa'i nyams can/ g.yas brkyang ba/ rtsa ba'i zhal dang sku thams cad dkar ba/ zhal g.yas g.yon sngo ba dang dmar ba/ phyag dang po g.yas dang g.yon gyis gri gug dang thod pa 'dzin pas rang dang 'dra ba'i shes rab ma la 'khyud pa/ phyag lhag ma rnams ni rdo rje dang ral gri dang / 'khor lo dang pad+ma bsnams pa/dbu rgyan du mi bskyod pas mnan pa/ 'di ltar bdag nyid bsgom pa ni chos kyi dbyings rnam par dag pa'o/ /'di ni dpal gshin rje'i dgra sgo ngar 'jug pa rab tu bsgom pa'o/ /de nas rang gi ye shes sems dpa'i sa bon las byung ba'i 'od zer gyis 'gro ba thams cad sangs rgyas su byas pa drangs te/rang gi lus la gzhug go/ /de'i 'og tu yi ge gsum pha dang ma'i dbus na gnas pa dri za'i sems can lta bu rang gi kha nas zhugs te/ byang chub kyi sems kyi rnam pa rdo rje'i lam nas byung ste/ rang gi rig ma'i pad+mar lhung ba dang / de las byung ba'i 'od zer dmar pos de la reg pas rig ma 'dod chags chen pos zhu zhing /bcom ldan 'das kyang zhu bar blta'o/ /zhu ba'i sgo nga las byung ba'i tsartsi kA la sogs pa bzhi rang rang gi stan la 'khod pas/ bcom ldan 'das mi bzhugs par mthong bas/ /yid mi dga' bas mgrin pa gshibs te/slong ba'i glus 'di ltar bskul lo/ /rje btsun thugs rjes khro ba bzhengs mdzod la/ /jo bo da ring bdud las rgyal ba'i phyir/ /srid gsum kun gyi gti mug mthar mdzod cig/ /'jig rten ma lus thugs kyi mgron bos nas/ /stong pa nyid du ma bzhugs rje btsun bzhengs//'jig rten bsod nams bya ba'i ched du ni/ /stong pa nyid du ma bzhugs rje btsun bzhengs/ /byang chub dngos la 'jig rten mgron bos na/ /cis na bsam pa mi mnga' rje btsun bzhengs/ /de ma thag tu tsartsi kA la sogs pa sgo nga la zhugs shing zhugs ma thag tu/sgo nga yongs su gyur pa las/ gshin rje'i dgra ma he'i steng nas sna tshogs pad+ma nyi ma la g.yas brkyang bas gnas pa/ zhal gsum phyag drug pa/ rtsa ba'i zhal dang sku mdog mthing nag /zhal g.yas dang g.yon dkar ba dang dmar ba/ phyag rnams rdo rje sems dpa'i mtshan dang ldan pa/rus pa'i rgyan gyis spras pa/ 'od zer mthing ga'i phreng ba 'khrugs pa/ smin ma 'bar zhing khro gnyer gtsigs pa/ phyag dang zhabs kyi sen mo rno ba/ gsus pa che ba/ mi'u thung gi gzugs can/ skra kham pa gyen du brdzes pa/ klu chen po mthong ba'i dug chen phuHzhes zer ba rnams kyis yan lag rnam par brgyan pa/'di ltar bdag nyid rnam par bsams pa'i 'og tu bdag nyid la chu'i nang gi zla ba ltar bskyod pas/ oM d+harma d+hA tu swa b+hA wa At+ma kou0f85haM/ zhes bzlas par bya'o/ /'di ni dpal gshin rje'i dgra sgo nga las byung ba'i sgrub p a'i thabs so//de nas rang gi sa bon las byung ba'i 'od zer gyis sangs rgyas thams cad spyan drangs te/ rang gi kha nas zhugs pa dang / rdo rje'i lam nas song ste/ shes rab ma'i pad+mar gnas pa'i gong bu las/ zhe sdang rdo rje dang / gti mug rdo rje dang / ser sna rdo rje dang / 'dod chags rdo rje dang /phrag dog rdo rje rnams ya dang k+She dang ma dang me dang da rnams kyi sa bon las spro zhing / de bzhin du gong bu las byung ba'i sa bon ya dang tsa dang ni dang rA dang dza dang sa dang / do dang ru rnams las tho ba dang / be con dang / pad+ma dang / ral gri dang tsartsi kA dang / phag mo dang / dbyangs can ma dang / mdzod ldan ma rnams dbyung bar bya'o/ /yang gong bu las byung ba'i sa bon/ na dang yo dang ni dang rA rnams las grwa bzhir thod pa bzhi dbyung bar bya'o/ /de ni 'di ltar sa bon las rang rang gi stan gyi steng du rang rang gi rtsa ba'i mtshan ma des mtshan pa dbyung zhing de yongs su gyur pa las rang rang gi lus su gnas pa'o//de nas rim pa bzhin du/ oM hrIHSh+T+r-iHwi kr-i tA na na hUM hUM phaT phaT swA hA/ oM dzi na dzika /oM rat+na d+h+r-ika /oM A ro l-ika /oM pradz+nyA d+h+r-ika /oM mung+gAr d+h+r-ika /oM daN+Da d+h+r-ika /oM pad+ma d+h+r-ika /oM dwe Sha ra ti/ oM mo ha ra ti/oM rA ga ra ti/ oM badzra rA ti/ oM AHhUM zhes pa'i sngags rnams kyis sngar bshad pa'i lha rnams dang / thod pa bzhi spros te/ 'gro ba'i don byas nas/ rang re'i stan la sa bon las byung ba'i lus rnams la zhugs par blta'o/ /da ni de dag gi gnas dang stan dang / kha dog dang /lag cha rnams bshad par bya ste/ dbus su ni nyi ma la zhe sdang rdo rje sngar bshad pa'i mdog dang lag cha'o/ /sna tshogs rdo rje'i shar phyogs su ni gti mug rdo rje zla ba la gnas pa dkar po/ zhal gsum phyag drug pa/ g.yas na 'khor lo dang / ral gri dang / g.yon na rin po che dang pad+ma can no//sna tshogs rdo rje'i lho'i cha la ni/ nyi ma la gnas pa'i ser sna rdo rje gser btso ma lta bu/ zhal gsum phyag drug pa/ g.yas na rin po che dang ral gri can/ g.yon dag na 'khor lo dang chu skyes 'dzin pa'o/ /sna tshogs rdo rje'i nub tu nyi ma la 'dod chags rdo rje mdog dmar ba/zhal gsum phyag drug pa/ g.yas dag na pad+ma dang ral gri can/ g.yon dag gis nor bu dang 'khor lo thogs pa'o/ /sna tshogs rdo rje'i byang phyogs su nyi ma la gnas pa'i phrag dog rdo rje sku mdog ljang gu/ zhal gsum phyag drug pa/ g.yas dag na ral gri dang 'khor lo 'dzin pa/g.yon dag na nor bu dang pad+ma 'dzin pa'o/ /'di rnams ni rtsa ba'i zhal sku dang 'dra ba/ zhal lhag ma dag 'chad par byed pa lta bu/ phyag dang po gnyis thod pa gri gug dang bcas pa/ rang dang 'dra ba'i shes rab ma la 'khyud pa 'dug stangs dang / rgyan thams cad zhe sdang rdo rje dang 'dra ba/sna tshogs pad+ma la brten pa'o/ /shar gyi sgor rdo rje tho ba mdog dkar ba/ g.yas dag na tho ba dang ral gri/ /g.yon dag na nor bu dang pad+ma'o/ /lhor rdo rje be con mdog ser po/ g.yas dag na be con dang ral gri/ g.yon dag na pad+ma dang 'khor lo 'dzin pa'o//nub tu rdo rje pad+ma mdog dmar ba/ g.yas dag na pad+ma dang ral gri/ g.yon dag na nor bu dang 'khor lo can no/ /byang gi sgor rdo rje ral gri mdog ljang gu/ g.yas dag na ral gri dang 'khor lo can/ g.yon dag na nor bu dang pad+ma can no/ /'di rnams ni sna tshogs pad+ma'i nyi ma la bzhugs pa/zhal rnams 'chad par byed pa las rtsa ba'i zhal rang rang gi sku dang 'dra ba/ dang po'i phyag na gri gug dang thod pa 'dzin pas/ rang dang 'dra ba'i shes rab ma la 'khyud pa/ shin tu 'jigs par byed pa'i gzugs can no/ /de bzhin du sna tshogs rdo rje'i shar lho'i mtshams su rdo rje tsartsi kA sha chung ba mdog dkar ba/g.yas dag na 'khor lo dang ral gri dang / g.yon dag na rin po che dang pad+ma 'dzin pa'o/ /lho nub tu rdo rje phag mo mdog ser ba/ g.yas na rin po che dang ral gri 'dzin pa/ g.yon dag na 'khor lo dang pad+ma 'dzin pa'o//nub byang du rdo rje dbyangs can ma mdog dmar mo g.yas dag na pad+ma dang ral gri can/ g.yon dag na nor bu dang 'khor lo 'dzin pa'o/ /byang shar du rdo rje mdzod ldan ma mdog ljang gu g.yas dag na ral gri dang 'khor lo can/ g.yon dag na nor bu dang pad+ma 'dzin pa'o/ /'di rnams ni shin tu gtum pa'i gzugs can ma sna tshogs pad+ma'i zla ba la gnas shing /dang po'i phyag dag gis gri gug dang thod pa 'dzin cing / rang dang 'dra ba'i thabs rnams la 'khyud pa/ g.yon brkyang bas gnas pa/ zhal gsum pa la gang gi rtsa ba'i zhal sngo ba ni g.yas pa dkar ba'o/ /g.yon pa dmar ba'o//yang gang gi rtsa ba'i zhal dkar ba de'i zhal g.yas sngo ba'o/ /g.yon pa dmar ba'o/ /gang gi rtsa ba'i zhal ser ba de'i ni/ g.yas dang g.yon sngo ba dang dkar ba ste/ ljang gu dang dmar ba yang de bzhin no/ /grwa bzhi na gnas pa'i mi'i thod pa rnams ni kha dog dkar po bcud kyis bkang ba'i pad+ma sna tshogs pa'i dbus su gnas pa'o//de nas ye shes kyi 'khor lo dam tshig gi 'khor lo la bstims te/ thams cad kyi mig la sogs pa byin gyis brlabs la de bzhin du thams cad kyi sku dang gsung dang thugs byin gyis brlabs nas cho ga ji lta bas dbang bskur te/rjes su mthun par spyi bo la rgyas gdab par bya'o/ /de nas man ngag ji lta bas mchod pa dang / bstod pa dang / bdud rtsi myang ba'i bar du bya'o/ /de nas rang gi snying ga'i ye shes sems dpa'i thugs kar pad+ma la gnas pa'i rdo rje rtse mo lnga pa gyen du 'greng ba zla ba la gnas pa'o/ /de'i lte ba la zla ba'i dkyil 'khor ro//de la dbus su yaM sngon po nyid de/ oM hrIHSh+T+r-iHwi kr-i tA na na hUM hUM phaT phaT swA hA/ zhes pas bskor ba yi ge shin tu phra bas gnas par bltas la/ de las byung ba'i gshin rje'i dgra dbugs la zhon pas 'gro zhing de dang lhan cig 'jug pa gsal bar spro bar bya'o//gang gi tshe skyo ba na/ rus pa'i rang bzhin gyi phreng ba bdud rtsi bcus legs par byugs pa blangs la/ ril bu re re zhing yi ge me yongs su 'gyur ba'i 'dod chags gshin rje'i dgra'i gzugs su rnam par bsam pa'am/ mi'i mgo bo 'phral du bcad pa khrag 'dzag pas khyab par bsams te/g.yas pa'i mthe bo dang srin lag gis bzung la/ khro bo'i brjod pa kho nas gsang sngags bzlas pa bya'o/ /'di la gang gi tshe rim gyis zlos pa de'i tshe/ sa bon yaM las zhe sdang gshin rje'i dgra la sogs pa re re lha mo dang bcas par spro ba dang / gsang sngags re re'i yongs su rdzogs par bya'o/ /'on te cig car du ni sa bon yaM las kyang zhe sdang gshin rje'i dgra nas/ ji srid mdzod ldan ma gshin rje'i dgra'i bar du dus gcig tu spro zhing / sngags kyang re re yongs su rdzogs par bya ste/ cig car ba'i phyogs la sku rdo rje la sogs pa yang ye shes sems dpa'i sa bon dang lhan cig spro ba'o//'dir yang thogs pa dang / shin tu myur ba dang shin tu gsal ba dang / mi gsal ba dang / yang dag pa ma yin pa'i rnam par rtog pa spangs pa'i sngags pas ni grangs 'bum gyi phra mo'i dngos grub tu 'gyur ro//bye bas ni mkha' la spyod pa'i dbang po phyag rgya chen por gnas pa'o/ /de nas bzlas pas yid skyo ba na/ /ye shes 'khor lo mdun na bzhugs pa legs par mchod de/ bstod cing bdud rtsi bcu phul la/ oM AHhUM muHzhes pas gshegs su gsol bar bya'o//yang dam tshig 'khor lo bdag nyid kyi yaM gi sa bon gyi nang du bcug la/ bdag nyid zhe sdang gshin rje'i dgra'i ngar 'dzin pa dang gnas par bya'o/ /thun mtshams bzhi po thams cad du 'di ltar sgrub pa 'di ni/ dpal gshin rje dgra'i las rab tu sgrub pa/ las dang po pa'i rnal 'byor pa'i bya ba'o//gzhan ye shes cung zad babs pa dang / ye shes la dbang thob pa dang / ye shes la yang dag par dbang thob pa rnams kyis bsgrub par bya ba ni le'u bcu bdun pa'i rnam par bshad pa rgya cher 'grel pa 'dir yang ma smras so/ /de bzhin du bdud rtsi myang ba dang / gtor ma sbyin pa dag kyang / bdag gis le'u gsum pa dang drug pa'i rnam par bshad pa'i skabs su gsal bar byas pa kho nas shes so/ /phyogs dbang zla ba zhes grags pa/ /dpal ldan chos skyong de yi bkas/ /gshin rje'i dgra gang nag po yi/ /sgrub thabs cho ga rnams gsal ba//zla ba'i zer gyis reg pa yis/ /ku mud rab tu rgyas 'dra ba/ /'di ni rnam sbyar dge gang des/ /'gro rnams 'chi bdag las rgyal gyur/ /gshin rje'i dgra nag po'i sgrub pa'i thabs/ /ku mu da kha bye ba zhes bya ba/ slob dpon rin chen 'byung gnas zhi ba'i zhal snga nas kyis mdzad pa rdzogs so/