57a7 / //rgya gar gyi mkhan po paN+Di ta chen po dI paM ka ra shrI dz+nyA na dang / bod kyi lo tsA ba dge slong tshul khrims rgyal bas bsgyur cing zhus te gtan la phab pa'o//[ ]@##/ /rgya gar skad du/ maN+Dal bi d+hiH/ bod skad du/ maN+Dal gyi cho ga /sangs
57b1 rgyas dang byang chub sems dpa' thams cad la phyag 'tshal lo//mnyam par gzhag pas rtag tu yang / /bla ma'i maN+Dal byas nas ni/ /yi dam lha yi maN+Dal dang / /klog pa'i maN+Dal mchod sogs bya/ /da ni bla ma'i maN+Dal bya/ /de la dbus su ni/ oM haM su ma hA me ra be na maH/ shar
57b2 du ni/oM yaM pUrba bi de hA ya na maH/ lhor ni/ oM raM dzam+bu dwI pA ya na maH/ nub tu ni/ oM laM a pa ra go dA nI ye na maH/ byang du ni/ oM baM ut+ta ra ku ra be na maH/ me'i mtshams su ni/ oM yaH/ u pa dwI pA ya na maH/ bden bral du ni/ oM raH / u pa dwI pA ya na maH/ rlung gi phyogs su ni/
57b3 oM laH/ u pa dwI pA ya na maH/ dbang ldan gyi phyogs su ni/ oM baH/ u pA dwI pA ya na maH/ yang dbus kyi shar du ni/ oM ya ga dza rat+nA ya na maH/ lhor ni/ oM ra pu ru Sha rat+nA ya na maH/ nub tu ni/ oM la a shwa rat+nA ya na maH/ byang du ni/ oM bsti rat+ni rat+nA ya na maH/ me'i mtshams su
57b4 ni/oM yA khaD+ga rat+nA ya na maH/ bden bral gyi phyogs su ni/ oM rA tsakra rat+nA ya na maH/ rlung gi phyogs su ni/ oM lA ma hA ma Ni rat+nA ya na maH/ dbang ldan gyi phyogs su ni/ oM bA ma hA ni d+hi b+h+yo rat+nA ya na maH/ 'di dag thams cad ni gzugs ji lta bar blta ste/ mchod nas bla ma
57b5 mdun du bltas la/'di mtha' dag bla ma la phul nas/ me tog gi snyim pa sngon du 'gro bas phyag bya ste/ oM AH/ yang dag pa'i ye shes kyi snang ba mdzad pa dpal ldan bla ma'i zhabs kyi pad+ma la phyag 'tshal lo/ /hUM gang gi sku drin 'od kyis gsal byas bdag nyid kyi/ /de nyid rin
57b6 chen tshogs kyi 'od kyis mun bcom ste//mthong ba skyon med bdag rnam rol pas lhag blta ba/ /bla ma nyi ma de la gus pas phyag 'di 'tshal/ /zhes bstod pa bya'o/ /bla ma'i maN+Dal gyi cho ga'o/ /dang po'i sangs rgyas kyi rgyud chen po las kyang gsungs pa/ rang gi yi dam
57b7 gyi lha'i steng du klog khri'u la sogs pa 'jog pa ni bkag pa'i yang phyir na/de nyid las gsungs pa'i maN+Dal gyi dkyil 'khor brjod do/ /shar du shar gyi lus 'phags te/ /lho yi phyogs su 'dzam+bu'i gling / /nub tu ba lang spyod yin te/ /byang du byang gi sgra mi snyan/ /dbus su ri rab
58a1 mtshams rnams su//de gling sngar gyi sngags kyis mchod/ /de yi steng du gnas pa yi/ /shes rab pha rol phyin pa sogs/ /chos la gus pas bklag par bya/ /de la mchod sogs byas nas ni/ /'di kun yang dag nyid du spyad/ /ces bya ba ni klog pa'i
58a2 dkyil 'khor gyi cho ga'o//oM badzra maN+Dal la muHzhes bya ba ni maN+Dal gnyis gshegs su gsol ba'o/ /yi dam lha'i maN+Dal ni so so'i sgrub thabs kyi gzhung las shes par bya'o/ /slob dpon chen po dpal rnyog med rdo rje'i zhal snga nas mdzad pa rdzogs so// //