CLOSE WINDOW

D1932
བོད་ཡིག

/[ ]@##/ /rgya gar skad du/ kr-iSh+Na ya mA ri sA d+ha naM/ bod skad du/ gshin rje'i gshed nag po sgrub pa'i thabs/ 'phags pa 'jam dpal gshin rje'i gshed la phyag 'tshal lo/ /snying rjes sems can phan pa mdzad cing dpag bsam shing dang 'dra ba yi//dpal ldan gshin rje'i gshed kyi mdangs 'bar char sprin gzhon 'dra yid 'ong ba/ /rtog pa'i rlabs bral lhan cig skyes pa'i 'o ma las 'phros de la phyag 'tshal nas/ /'di yi dkyil 'khor bsgrub bya dang bcas dpal ldan bla ma'i bka' yis bshad par bya//dang por sngags pas phyi nang gi rnam par g.yo ba ma lus pa yongs su btang la/ blo dang ldan zhing snying rje dang ldan pas rang gi snying gar thugs kyi sa bon gyi sngags 'od zer gyi rigs kun du 'khrigs pa bltas la/ 'od 'phros pa de las phyogs skyong ba brgyad/ shing brgyad kyis brgyan cing drag po'i dur khrod do/ /de'i dkyil du 'jigs pa dang bral bas stan bde ba la nye bar 'dug la/ sems can la phan pa'i phyir bsam gtan la spyad par bya ste/ sa bon de las 'od 'phros pas rang gi ba spu'i bu ga las phyir byung ba'i kha dog lnga dang ldan pa'i 'od kyis bdag nyid rnam par sbyang bar bya'o//de nyid kyis 'gro ba rigs drug na 'khor ba'i sems can sdug bsngal ba rnams la bltas pas/ rnam par thar pa'i sgo gsum gyi ngo bo nyid du 'gro bar blta'o/ /de nas 'od zer des spyan drangs pa'i bla ma dang sangs rgyas dang byang chub sems dpa' dang /dpal gshin rje gshed la sogs pa spyan drangs te mdun du zla ba'i gdan la bzhugs par bltas la/ phyag 'tshal ba dang mchod pa dang / sdig pa bshags pa la sogs pa bya ste/ rdzogs pa'i sangs rgyas thams cad la mchod pa chen po mchod par bgyi'o//rdzogs pa'i sangs rgyas thams cad la lus dang ngag dang yid kyis phyag bgyi'o/ /sangs rgyas dang byang chub sems dpa' thams cad la bdag nyid sdig pa thams cad so sor bshags so/ /sangs rgyas dang byang chub sems dpa' thams cad dang /'phags pa dang so so'i skye bo thams cad kyi bsod nams la rjes su yi rang ngo / /sangs rgyas thams cad la chos kyi 'khor lo bskor bar bskul bar bgyi'o/ /yongs su mya ngan las 'da' bar bzhed pa'i sangs rgyas thams cad la bskal pa mang por bzhugs par gsol ba gdab po//mchod pa'i rang bzhin rnam pa bdun nam/ gzhan yang gang ji skad gsungs pa'i dge ba ma lus pa de dag thams cad rdzogs pa'i byang chub tu bsngo'o/ /de'i rjes la gsum la skyabs su 'gro ba ni sangs rgyas dang chos dang dge 'dun la skyabs su mchi'o zhes 'di ltar bya'o//de nas byang chub tu sems bskyed de/ yang dag par rdzogs pa'i byang chub thob nas thams cad du sems can gyi don yangs pa bgyi'o zhes so/ /de nas bdag gi lus dbul te sangs rgyas dang byang chub sems dpa' rnams la bdag nyid kyi lus dbul bar bgyi'o//de nas lam gzung bar bya ste/ ji ltar yang bla na med pa'i lam rdo rje sems dpa'i snying po gshin rje'i gshed bdag gis gzung bar bgyi'o/ /de nas byams pa dang snying rje dang / dga' ba dang btang snyoms kyi ngo bo tshangs pa'i gnas bzhi bsgom par bya'o/ /de'i rjes la dngos po thams cad sems tsam gyi rang bzhin pas dngos po ngo bo nyid kyis dag par blta ste/oM swa b+hA wa shud+d+haHsarba d+harmAHswa b+hA ba shud+d+hou0f85haM/ oM shU n+ya tA dz+nyA na badzra swa b+hA wa At+ma kou0f85haM/ zhes sngags 'dis stong pa nyid du byin gyis brlabs te/ 'di ni bsrung ba'i mchog go/ /'di las lhag pa 'i srung ba'i don ni/yi ge re yongs su gyur pa'i nyi ma la gnas pa'i yi ge hUM las byung ba'i sna tshogs rdo rje las spros pa'i rdo rje ra ba dang / rdo rje gur dang / rdo rje dur khrod dang bcas par rdo rje'i sa gzhi bsgom mo/ /yang dur khrod rnams 'di ltar 'byung ste/ rdo rje'i phyogs su shIr Sha ste/ / gnod sbyin lag g.yas spyi blugs dang / /g.yon na thod pa thogs pa yi/ /tsaN+Da zhes pa'i mdog ser gnas/ /gnod sbyin dpal 'dzin dmar po ste/ /g.yas pa na ni phreng ba dang / /g.yon na thod pa'i snod thogs te/ /men ka raM dza shing la'o/ /gshin rje'i gshed ni tsU ta la/ /rnam 'jigs zhes bya'i mdog nag po//g.yas pa na ni dbyug pa dang / /g.yon pa chu skyes snod yin no/ /bden bral g.yas na gri gug dang / /g.yon na chu skyes snod thogs pa'i/ /ser po go ra an+d+ha kar/ /'khri shing la ma'i shing la'o/ /chu ni mya ngan med shing la/ /'od kyi phreng can mgo yi rus/ /dkar po g.yas na klu zhags dang //g.yon na chu skyes snod thogs pa'o/ /rlung na ki la ki ra ba/ /sngon po g.yas na gos sngon thogs/ /g.yon pa na ni chu skyes snod/ /ardzu na yi shing la gnas/ /ku be ra na g+ha ba dar/ /lag pa g.yas na rdo rje dang / /g.yon pa na ni pad+ma'i snod/ /a shwad tha la mnan nas gnas//gnod sbyin gad mo cher grags pa/ /dkar po g.yas na rtse gsum pa/ /g.yon pa na ni pad+ma'i snod/ /dbang ldan shing chen po la gnas/ /thams cad shing las lus phyed bton/ /drag cing 'bar la skra dang ni/ /sma ra smin ma lkog spu dang / /rdzi ma'ang ser po khros pa'i zhal//spyan gsum dmar po rab 'gul ba/ /mche ba drag tu gtsigs pa'o/ /shing 'di rnams kyi rtsa ba ru/ /gsal shing gis phug ro yang bzhag /kha cig ltung ba'i ro dag dang / /khyi dang bya rgod za ba'o/ /de la yang dag ros myos pa'i/ /rnal 'byor pa dag glu len te/ /lhan cig skyes zhes 'gro ba gsum//rnam par sbyong zhing rnal 'byor pas/ /bdud rtsi lnga ldan thod pa dang / /chags pas dpal la 'dud byed cing / /'gro ba gsum po tshim par byed/ /des na rig pa dang bcas pa'i dpal mchog dang po las byung ba'i chos 'byung zhes bya ba'i phyag rgya gru gsum gyi nang nam mkha'i ngo bo nyid kyi dkyil na gnas pa'i sna tshogs pad+ma dang /rdo rje bsgom par bya'o/ /de nas sna tshogs rdo rje'i lte ba la gnas pa'i sna tshogs pad+ma dang / zla ba la gnas pa'i yi ge b+h+rUM yongs su gyur pa las/ 'khor lo rtsibs brgyad pa/ de'i lte ba la zla ba la gnas pa'i yi ge b+h+rUM yongs su gyur pa'i rnam par snang mdzad rig pa dang bcas pa las byung ba'i sna tshogs par snang ba'i nor bu'i rang bzhin kha dog lnga dang ldan pa'i 'od 'phro bas/phyogs mtshams ma lus pa'i 'jig rten gyi khams dpag tu med par sangs rgyas kyis khyab par gnas pa gru bzhi pa sgo bzhi pa/ka ba brgyad kyis nye bar brgyan pa/ se mo do dang do shal dang / me long dang gos dang nor bus rnam par brgyan pa/ mchod pa'i lha mo'i tshogs kyis yongs su bskor ba'i gzhal yas khang bsgom par bya'o/ /de'i dkyil du yi ge re yongs su gyur pa las nyi ma'i dkyil 'khor bltas la/de'i steng du yi ge hUM yongs su gyur pa las/ sna tshogs rdo rje bsgoms pa byas la/ lha bcu bdun gyi gdan sna tshogs pad+ma bsgom mo/ /de'i lte ba'i zla ba'i dkyil 'khor la shes rab kyi ngo bo nyid yi ge a la sogs pa nyis 'gyur du byas pa bzhugs te/mtshan sum cu rtsa gnyis kyis brgyan par blta'o/ /de'i steng du re las byung ba'i nyi ma'i dkyil 'khor la thabs kyi ngo bo nyid nyis 'gyur du byas pa las/ Da D+ha da d+ha ya la bsnan pa'i yi ge ka la sogs pa gsal byed rnams bcug la/dpe byad bzang po brgyad cus brgyan par rnam par bsams te/ de dag thams cad ro mnyam par byas la/ de gnyis ka'i yang nang du 'dus pa'i hUM las byung ba'i rdo rje sngon po la gnas pa'i zla ba'i gdan la yi ge hUM rnam par bsams la/ de'i 'od kyis reg pas byon par bzhed pa'i phyogs bcu na bzhugs pa'i sangs rgyas rnams dang lha mo rnams de'i nang du byon par bsams la/de nas de'i nga rgyal spang bar bya ste/ oM sarba ta thA ga ta badzra swa b+hA ba At+ma kou0f85haM zhes so/ /de nas de yongs su gyur pa las rdo rje sems dpa' zhal dang / rgyan thams cad gshin r je gshed dang 'dra ba la/lhan cig skyes pa tsam gyi rig ma can/ sngon po dang dkar po dang dmar po ste zhal gsum pa/ g.yas pa'i phyag dang de las gzhan pa'i phyag rnams la go rims ji lta ba bzhin du/ rdo rje sngon po 'bar zhing 'phro ba dang / ral gri dang / gri gug dang / 'khor lo dang pad+ma dang /thod pa 'dzin pa'o/ /sku dang gsung dang thugs dang ye shes sems dpa' byin gyis brlabs pa bsgom par bya'o/ /de nas sa bon gyi lha mo'i mgo dang / mgrin pa dang / snying ga dang lte ba dang gsang ba rnams dang / oM AHhUM swA hA zhes bya ba'i yi ge rnams rim pa ji lta ba bzhin du dgod par bya ste/rigs lnga gcig tu bsdus pas dgod par bya'o/ /de'i rjes la hUM oM hUM AH/ zhes pa'i sngags 'dis gnyi ga'i rdo rje dang pad+ma rnam par sbyang bar bya'o/ /de'i rjes la yi ge hoHdmar po gnyis gnyi ga'i mthar rnam par bskor la dga' ba brtsam par bya'o//oM sarba ta thA ga ta a nu rA ga Na badzra swa b+hA ba At+ma kou0f85haM zhes bya bas so/ /de nas 'dod chags chen po nges pa'i ting nge 'dzin la snyoms par zhugs te/ rang ye shes sems dpa'i snying po'i sa bon gyi 'od kyis bkug pa'i rdo rje tsartsi kA la sogs pa'i lha m o bzhi dang ldan pa'i sangs rgyas thams cad bdag gi lus kyi nang du bsgoms la/bdag nyid kyang rig ma dang bcas pa/ 'dod chags chen po'i dbang gi yi ge gsum dang ldan pa'i khu ba'i gzugs su blta'o/ /de nas rnam par dag pa'i 'od zer gyis phyogs bcur khyab pas/ 'gro ba drug na 'khor ba'i sems can rnam par sbyangs nas/ de'i nang du chud par bsgoms la/ de yang khu ba'i gzugs su blta bar bya'o/ /de nas ting nge 'dzin las bslang ba'i phyir/ lha mo bzhis thugs la bstod pa/ /snying rjes khros pa'i dad sgrol bzhengs/ /khams gsum kun gyi gti mug sol//dad sgrol rtsol med ma bzhugs bzhengs/ /bdud 'di dag las rgyal bar mdzod/ /'jig rten mgon pos stong nyid ci ste bzhugs/ /dad sgrol 'jig rten bsod nams kyis bzhengs shig /byang chub 'dod pa'i 'jig rten mgron bos nas//ji ltar stong pa nyid ni sems par byed/ /ces bya bas bstod nas/ skar mda' 'pho ba bzhin du de nyid du zhugs par gyur to/ /de nas lha mo bzhi yang khu ba der rab tu zhugs pas yi ge gsum dang ldan pa'i sngags kyis rang bzhin gyis lha'i ngo bo nyid du bkod la/ gsang ba'i dkyil 'khor 'byung ba'i lha'i sa bon blta ste/yak+She ma med/ yats+tsha ni rA dza do ru da Na yo ni rA zhes bya ba 'di lta bu mtshams bzhi ru'o/ /de'i dkyil du ma lus pa la rang gi sa bon dang phyag mtshan gyi nang du 'dus pa'i nam mkha' la bzhugs pa'i de bzhin gshegs pa dang / lha mo ma lus pa byon nas/byang chub kyi sems khu ba'i rnam pa der bzhugs te/ de rnams zhugs nas chos kyi dbyings kyi ngo bo nyid du bsam par bya ste/ oM d+harma d+hA tu swa b+hA ba At+ma kou0f85haM zhes bya'o/ /de ni de bzhin gshegs pa thams cad kyi ye shes dang ldan pa ste 'di ni rnal 'byor ro/ /de'i rjes l a rdo rje tsartsi kA la sogs pa lha mo bzhi po tshangs pa'i gnas bzhi'i ngo bos bskul ba'i dbang du byas nas/de'i khu ba las byung ba'i nyi ma la gnas pa'i yi ge hUM yongs su gyur pa las in+d+ra nI la'i 'od ltar 'bar ba'i rdo rje'i lte ba la gnas pa'i rigs kyi yi ges byin gyis rlob cing 'phro ba/yi ge yaM las yang dag par byung ba/ in+d+ra nI la lta bu'i 'od can/ zhal gsum phyag drug pa/ rtsa ba dang / g.yas pa dang gzhan la rim pa ji lta ba bzhin du/ sngon po dang dkar po dmar ba'i zhal can/ 'bar ba 'phro ba'i rdo rje dang / ral gri dang / gri gug dang / 'khor lo dang pad+ma dmar po dang /thod pa 'dzin pa ste/ g.yas pa dang de las gzhan pa la rim pa ji lta ba bzhin no/ /'jigs byed kyang 'jigs par byed pa/ thod pa drug gis bskor bas mgo brgyan pa/ phyogs bcur blta ba'i dmar la zlum pa'i spyan gsum pa/ dga' bo dang nyer dgas gyen du 'bar ba'i skra bcings pa/mche ba cung zad gtsigs shing lce 'dril ba sma ra dang smin ma ser po rdo rjes brgyan pa/ stag gi pags pa 'dzin pa/ mi'u thung ltar gsus pa che bar 'dzin pa ba su kis sa ral nye bar brgyan pa/ stod du seng ge'i pags pa bsnams pa/ lus kyi ba spu'i bu ga thams cad gyen du g.yas su 'khyil zhing 'od 'phro ba/ rol pa dang bcas pa'i lhan cig skyes pa'i shes rab dang gnyis su med pa'i sku hrIHSh+T+r-iHla sogs pa mgur nas brjod cing / ma he la gnas pa'i gshin rje'i rgyab tu nyi ma'i gdan la g.yon brkyang ba'i zhabs kyis mnan pa'i bdag nyid gshin rje gshed du bsgom par bya'o/de'i snying gar nyi ma la gnas pa'i yaM las byung ba'i rdo rje 'bar ba'i lte ba la nyi ma dang / de la sa bon yaM bsgom zhing phyag mtshan dang / sa bon yongs su gyur pa las ye shes sems dpa' gshin rje gshed dang 'dra ba'i snying gar nyi ma la gnas pa'i rdo rje'i lte ba'i nyi ma la gnas pa'i rang gi sa bon gyi byin gyis brlabs la snying gar bsgom par bya'o//rang gi sa bon las kyang 'od zer spros la 'od des sangs rgyas thams cad kyi rang bzhin ye shes sems dpa' bkug la/ mdun gyi nam mkha' la bzhugs te/mchod pa thams cad kyis yang dag par mchod la/ rang gi ye shes sems dpa' bcug la der byin gyis brlab pa yang bya ste/ oM d+harma d+hA tu swa b+hA wa At+ma kou0f85haM zhes pa'o/ /de nas snying ga'i 'og tu zla ba la gnas pa'i hUM las byung ba'i rdo rje'i lte bar zla ba de las s a bon rnam par bsams te/rang gi phyag mtshan dang sa bon yongs su gyur pa las zhe sdang gshin rje gshed dang 'dra ba la gnas pa phyag mtshan sa bon gyi byin gyis brlabs pa/ snying po thugs rdo rje rnam par bsam par bya'o/ /rang gi sa bon gyi 'od kyi thugs rdo rje'i sangs rgyas thams cad bkug la mdun du zla ba la bzhugs te/yang dag par mchod nas rang gi thugs rdo rje la bcug la byin gyis brlab par bya ste/ oM sarba ta thA ga ta tsit+ta badzra swa b+hA wa At+ma kou0f85haM zhes so/ /de bzhin du sku rdo rje ni gti mug rdo rje gshin rje gshed dang 'dra ba'o/ /gsung r do rje ni 'dod chags gshin rje gshed dang 'dra bar rnam par bsgoms la/sku rdo rje dang gsung rdo rje'i sangs rgyas thams cad bkug la yang dag par mchod de/ nang du bzhugs pa byas la/ /de'i byin gyis brlab pa yang bya ste/ oM sarba ta thA ga ta kA ya badzra swa b+hA wa At+ma kou0f85haM/oM sarba ta thA ga ta bA ka badzra swa b+hA wa At+ma kou0f85haM/ oM sarba ta thA ga ta tsit+ta badzra swa b+hA wa At+ma kou0f85haM/ zhes so/ /de'i rjes la mig la sogs pa byin gyis brlab pa blta bar bya ste/ mig la k+ShiM gi sa bon las sa'i snying po/ rna ba la dzriM las phyag na rdo rje/ sna la khaM la s nam mkha'i snying po/zhal du gaM las 'jig rten dbang phyug /mgo la k+ShaM las sgrib pa thams cad rnam par sel ba/ snying ga'i 'og tu saM las kun du bzang po ste/ skye mched 'di rnams la de rnams kyi pad+ma dang zla ba la gnas pa/ zla ba'i steng du phyag mtshan dang sa bon yongs su gyur pas byin gyis brlabs la/phyis nas ye shes sems dpa'i thugs ka'i sa bon las 'phros pa'i 'od zer gyis bkug pa'i dkyil 'khor gyi 'khor lo thams cad mi bskyod pas gtso bo byas pa rnam par bsams la/ de las 'phros pa'i lha mo lnga rnams kyis bdud rtsi lnga'i khu ba rnams kyis bkang ba'i bum pa'i kha nas 'bab pas/bdag nyid la dbang bskur nas/ cod pan la mi bskyod pa blta bar bya'o/ /yang rdo rje sems dpa' khu ba'i gzugs las byung ba'i gshin rje gshed bzhin du rig ma rang gi ngo bo yang mdun du bltas la/ bskyed cing rang gi lus su 'dus par byas la/ oM hUM swa aM hA zhes bya ba'i yi ge 'di rnams mgo dang / snying ga dang lte ba dang / gsang ba dang / pus mo rnams la rnam par bkod la/ des rigs lnga bsdus pas brgyan par bya'o/ /oM hUM hUM a 'dis ni rdo rje dang / pad+ma rnam par sbyangs la gnyi ga'i mthar yi ge hoH dmar po gnyi ga bkod la/oM a nu rA ga ya mi zhes brjod de/ bla na med pa'i bde ba la mngon par phyogs nas/ dga' ba brtsam par bya zhing der byin gyis brlab par bya ste/ oM sarba ta thA ga ta a nu rA ga Na badzra swa b+hA wa At+ma kou0f85haM zhes pa ni rjes kyi r nal 'byor ro//de ltar don dam pa'i bden pa la gnas pa'i rnal 'byor pa'i snying ga'i sa bon gyi 'od kyis bkug pa'i lha mo bzhi dang bcas pa'i sangs rgyas lnga rnams rang gi sa bon gyi nang du bsams la/ 'dod chags chen po'i dbang gis pad+ma'i nang gi nor bu nas rang gi lte ba'i zla ba la mngon par byung bar bsams la/de'i rjes la de'i 'od zer las byung ba'i hUM gi sa bon las yang dag par byung ba'i mi bskyod pa gshin rje gshed dang 'dra ba'i yi ge bcu pa'i sngags kyis bskul ba/ oM badzra d+h+r-ika ces bya ba 'dis bton nas/ sems can thams cad tha mal pa'i zhe sdang gi rigs su ltung ba skyob cing mchod pa chen po zhe sdang chen po'i rang gi bdag nyid du bsgom par bya'o//de bzhin du oM dzi na dzika ces k+She'i sa bon la gti mug gshin rje gshed bton la tha mal pa'i gti mug gi rigs su ltung ba'i sems can rnams mchod pa chen po gti mug chen po'i rigs su rab tu bkod nas/yang phyir 'ongs nas sna tshogs rdo rje'i shar gyi rtse mo la zla ba'i gdan la dgod par bya ste/ dkar po zhal gsum phyag drug pa/ rtsa ba'i zhal dang lus thams cad dkar po/ g.yas nag po g.yon dmar po'o/ /phyag g.yas pa na 'khor lo dang ral gri dang gri gug 'dzin pa/g.yon na rin po che dang / pad+ma dang thod pa 'dzin pa'o/ /de bzhin du oM rat+na d+h+r-ika ces ma'i sa bon las phra ma gshin rje gshed bton la/ phra ma'i rigs su ltung ba'i sems can rnams mchod pa chen po phra ma chen po'i rigs su bkod nas yang phyir log ste/ lho phyogs su sna tshogs rdo rje'i rtse mo'i nyi ma la dgod par bya ste/rtsa ba'i zhal dang lus thams cad ser po/ g.yas dkar po g.yon nag po/ de'i phyag g.yas pa rnams la rin po che dang / ral gri dang gri gug 'dzin pa/ g.yon pas 'khor lo dang pad+ma dang thod pa'i snod 'dzin pa'o/ /de bzhin du oM A ro l-ika ces me'i sa bon las 'dod chags gshin rje gshed bton la 'dod chags kyi rigs su ltung ba'i sems can la bltas te/mchod pa chen po 'dod chags chen po'i rigs su rab tu gnas par byas nas yang phyir log ste/ nub phyogs su sna tshogs rdo rje'i rtse mo'i nyi ma la dgod par bya ste/'dod chags gshin rje gshed dbang chen po can pad+ma rA ga'i mdangs dang ldan pa/ zhal gsum phyag drug pa/ dmar po rgyan dmar po can/ zhal dang po dang lus thams cad dmar po/ g.yas dkar po g.yon nag po/ g.yas kyi phyag na pad+ma dmar po dang /ral gri dang gri gug /g.yon na 'khor lo dang rin po che dang / thod pa'i snod 'dzin pa'o/ /de bzhin du oM pradz+nyA d+h+r-ika ces de'i sa bon las phrag dog gshin rje gshed bton la/ phrag dog la zhen pa'i sems can rnams mchod pa chen po phrag dog chen po'i rigs su bkod nas yang phyir 'ongs te/byang gi sna tshogs rdo rje'i rtse mo'i nyi ma la dgod par bya ste/ zhal gsum phyag drug pa/ rtsa ba'i zhal dang lus thams cad ljang gu/ ma ra ka ta dang 'dra ba'i mdangs can/ g.yas dkar po g.yon nag po/ g.yas kyi phyag na ral gri dang / 'khor lo dang gri gug 'dzin pa/g.yon pas nor bu dang pad+ma dang thod pa 'dzin pa'o/ /de bzhin du oM mo ha ra ti badzra tsartsi kAM zhes pa/ dza'i sa bon las bton la/ de bzhin du rang gi rigs su gyur ba'i sems can rnams kyi don byas nas/ yang phyir log ste/ me'i phyogs su sna tshogs rdo rje rtse mo gnyis kyi zla ba la dgod par bya ste/gti mug gshin rje gshed dang 'dra ba la rgyan thams cad kyis brgyan pa/ cung zad bud med kyi cha byad kyis 'gying zhing sgeg pa'o/ /yang de bzhin du sa'i sa bon las byung ba'i rdo rje phag mo zhe sdang gshin rje gshed dang 'dra ba/ dwe Sha ra ti zhes bya bas phyung nas/ de bzhin du rang gi rigs su gyur pa'i sems can rnams kyi don byas nas/phyir log ste/ bden bral gyi phyogs su sna tshogs rdo rje'i rtse mo gnyis kyi zla ba la dgod do/ /de bzhin du rlung gi phyogs su de'i sa bon las byung ba'i rdo rje dbyangs can ma 'dod chags gshin rje gshed dang 'dra ba/ rA ga ra ti zhes bya bas phyung nas de bzhin du rang gi rigs su gtogs pa'i sems can rnams kyi don byas te/sna tshogs rdo rje'i rtse mo gnyis kyi zla ba'i dkyil 'khor la dgod do/ /yang de bzhin du ru'i sa bon las byung ba'i rdo rje gau rI ma phrag dog gshin rje gshed dang 'dra ba badzra ra ti zhes bya bas bton nas de bzhin du rang gi rigs su gtogs pa'i sems can rnams kyi don byas te sna tshogs rdo rje'i dbang ldan gyi rtse mo gnyis la zla ba la dgod do//thams cad kyang rang rang gi rigs kyi kha dog dang phyag mtshan 'dzin pa'o/ /yang de bzhin du 'dir ya'i sa bon las byung ba'i tho ba gshin rje gshed rdo rje tho ba 'dzin cing /lhag ma gshin rje gshed dang 'dra ba/ phung po'i bdud dang / ma dad pa dang / shes bya'i sgrib pa'i gnyen por gyur pa/ oM mung+ga ra d+h+r-ika ces bya bas bton la/ shar phyogs na gnas pa'i bgegs rnams yang dag par btul te/ de bzhin du rang gi rigs su gtogs pa rnams kyi don byas nas/slar log ste shar phyogs kyi sna tshogs rdo rje'i rtse mo'i nyi ma'i gdan la dgod do/ /de bzhin du 'byung ba ni ts+tsha'i sa bon las byung ba'i dkar po dang / nag po dang / dmar po ste zhal gsum pa rdo rje dbyig pa dang / ral gri dang / gri gug phyag g.yas pas 'dzin pa/g.yon pas 'khor lo dang rin po che dang / pad+ma'i snod 'dzin pa/ le lo dang / nyon mongs pa'i bdud dang / mthar 'dzin pa'i lta ba dang / nyon mongs pa'i sgrib pa'i gnyen po dbyig pa gshin rje gshed oM daN+Da d+h+r-ika ces bya bas phyung la/ lho phyogs na gnas pa'i bgegs btul nas/de las spros pas sems can gyi don byas nas/ /sna tshogs rdo rje'i rtse mo'i nyi ma'i gdan la dgod do/ /yang de lta bu ni ya'i sa bon las byung ba'i sku mdog/ dmar po dang / dkar po dang nag po ste/ zhal gsum pa/ phyag g.yas pa rnams kyis pad+ma dmar po dang / ral gri dang gri gug 'dzin pa/g.yon pa rnams kyis 'khor lo dang / rin po che dang / pad+ma'i snod 'dzin pa ste/ brjed pa dang 'chi bdag gi bdud dang lta ba log pa dang / skye ba'i sgrib pa'i gnyen po pad+ma gshin rje gshed pad+ma d+h+r-ika ces bya bas phyung la/ nub phyogs na gnas pa'i bgegs btul te/de bzhin du 'gro ba rnams kyi don byas nas sna tshogs rdo rje'i rtse mo'i nyi ma'i gdan la dgod do/ /de nas de bzhin du de las byung ba'i ra'i sa bon las yang dag par byung ba'i sku mdog ljang gu/ ljang gu dang / dkar po dang nag po ste zhal gsum pa/ ral gri dang 'khor lo dang gri gug g.yas pa rnams kyis 'dzin pa/g.yon gyis 'khor lo dang rin po che dang / pad+ma dang thod pa'i snod 'dzin pa/ rmugs pa dang lha'i bu'i bdud dang / lta ba mchog tu 'dzin pa dang / las kyi sgrib pa rnams kyi gnyen por gyur pa/ ral gri gshin rje gshed oM khaD+ga d+h+r-ika ces bya bas bton la/byang phyogs na gnas pa'i bgegs rnams btul nas/ de bzhin du sems can gyi don byas te sna tshogs rdo rje'i rtse mo'i nyi ma'i gdan la dgod do/ /yang snam bu gnyis pa'i mtshams bzhir zla ba la phyi rol dang / gsang ba'i mchod pa'i don du de las byung ba Na dang yo dang ni ra bzhi'i sa bon las yang dag par byung ba rnams kyis bdud rtsi lngas yongs su bkang ba'i mi'i thod pa ste/shin tu rnal 'byor ro/ /'di lta bur yongs su rdzogs pa'i dkyil 'khor la rnam par bltas te/ snying ga'i sngags las spros pa'i 'od zer gyi lcags kyus ye shes kyi dkyil 'khor bkug la/mdun du bzhugs su gsol te/ gang de dang lhan cig 'ongs pa'i bgegs rnams ni/ sgo skyong ba rnams kyis bskrad de de rnams nyid ni sngags bzlas pas srung ba byas la/ lam la sogs pa sbyin par bya ste/ de ni dzaHhUM baM hoHzhes bya ba 'dis brjod la sgo skyong ba dgug pa dang gzhug pa dang bcing ba dang /mnyes pa la sogs pa bya'o/ /de nas ro mnyam pa'i mchod pas yang dag par mchod de/ dkyil 'khor gyi de kho na nyid rab tu bsgrubs la/ de bzhin du dam tshig dang ye shes kyi dkyil 'khor dang bcas pa ro mnyam par gyur pas/rang gi bdag po dang / dkyil 'khor thams cad la ye shes sems dpa' dang / rdo rje gsum rnams gsal por blta'o/ /de nas rang gi snying ga'i sa bon las spros pa'i 'od kyis phyogs bcu na bzhugs pa'i mi bskyod pa/ dkyil 'khor dang bcas pa spyan drangs pa'i thugs ka'i sngags las byung ba'i lha'i tshogs kyis lo ma'i kha rgyan dang bcas pa'i bum pa'i kha nas 'bab pa'i byang chub sems kyi khu bas rang gi dkyil 'khor pa rnams mngon par dbang bskur ba'i dbu la gshin rje gshed blta bar bya'o//de yang gtso bo'i dbu rgyan ni mi bskyod pa'o//de'i rjes la snying ga'i sngags las nges par byung ba'i gzugs dang sgra la sogs pa rnam pa sna tshogs shing tha dad pas/ nam mkha' khyab par mtshon la snying ga'i sa bon gyi 'od kyis bcug la nor bu'i nang gi lam du khu bar gyur pa de bltas la/ de nas 'di ltar dpe med pa'i 'dod pa'i yon tan gyis/nam mkha'i dkyil khyab pas khyad par du lhag pa dang / rdo rje tsartsi kA la sogs pa bzhis glu dang bcas pas mchod pa byed pa ste/ yang de'i glu ni/ a/ kye kye gshin rje gshed nag po/ /srin po'i gzugs can rang bzhin khyod/ /bdag gis mthong na shin tu 'jigs//khros pa'i rang bzhin 'di mthong mdzad/ /mi dang sa 'og rgya mtshor bcas/ /khyod kyi gar gyis g.yos par mdzod/ /any+dza nag po bcag 'dra yis/ /khro bos ro langs bzhin gar mdzod/ /rnam pa sna tshogs gzugs sprul zhing / /mdangs nag tshad ni thung ba la//bde chen ngo bo'i gar mdzod ces/ /rdo rje dbyangs can ma gsol 'debs/ /hrIHSh+T+r-iH'i sngags dang gar gyis khyod/ /srid pa gsum gyi 'khrul pa chod/ /snying rje khros nas gar byed pa/ /'gro bas mthong na ngo mtshar 'gyur/ /de'i rjes la byin gyis brlab par bya ste/oM sarba ta thA ga ta pU dza badzra swa b+hA wa At+ma kou0f85haM zhes pa'o/ /de'i rjes la bstod pa bya ste/ gshin rje gshed po rab 'jigs pa/ /gti mug rdo rje'i ngo bo khyod/ /ston pa sangs rgyas kun rang bzhin/ /rdo rje'i sku la phyag 'tshal bstod/ /gshin rje gshed po rab 'jigs pa/ /phra ma rdo r je'i ngo bo khyod//rdo rje thugs dang rab mtshungs pa/ /rdo rje rin chen phyag 'tshal bstod/ /'dod chags rdo rje'i ngo bo khyod/ /'dod chags pad+ma'i 'byung gnas brnyes/ /nyes pa kun mchog gtso bo'i gtso/ /rdo rje'i gsung la phyag 'tshal bstod/ /phrag dog ngo bo'i rang bzhin khyod/ /gshin rje gshed po las kun pa//rdo rje'i sku dang rab tu mtshungs/ /phyag na ral gri phyag 'tshal bstod/ /sangs rgyas kun gyi dngos po khyod/ /sangs rgyas thams cad gcig bsdus pas/ /sangs rgyas kun mchog gtso bo'i gtso/ /dkyil 'khor gtso la phyag 'tshal bstod/ /de nas g.yo ba'i ba dan gnyis mtha' gnyis nas phyar ba yaM las byung ba gzhu'i rnam pa lta bu'i rlung gi dkyil 'khor gyi steng du/raM yongs su gyur pa las gru gsum pa'i me'i dkyil 'khor mngon par bltas nas/ de'i steng du kaM yongs su gyur pa las mi'i mgo bo gsum/ de'i steng du yi ge a yongs su gyur pa las pad+ma'i snod/de'i steng du sla ba'i rdzas lnga/ oM hUM swa A hA zhes bya bas byin gyis brlabs pas khu ba lnga dang bcas pa bsgoms la/ 'bar bas bskol bar bya'o/ /de nas ro mnyam par gyur pa de'i steng du oM AHhUM zhes bya bas byin gyis brlabs par blta'o//de nas de'i 'od kyis zla ba zhu ba'i gzugs su gyur pa de sangs rgyas dang / byang chub sems dpa' thams cad la bstan nas/ de nas oM de'i 'od kyis sangs rgyas dang byang chub sems dpa' rnams kyi ye shes kyi bdud rtsi bkug nas gcig tu gyur par bsgom par bya'o/ / de nas snying gar zla ba'i dkyil 'khor chen po la gshin rje gshed kyi dkyil 'khor rnam par bkod de/ a yongs su gyur pa las pad+ma dkar po/ de'i steng du nyi ma la gnas pa'i hUM las byung ba'i rdo rje spros pas/ /rdo rje'i rang bzhin gyi lces myang bas/ bdag nyid 'khor lo dang bcas pa'i dngos po thams cad tshim par bya'o//'di ltar bya ba ni rnal 'byor chen po'o/ /de nas bdag pos bskul bas dkyil 'khor ba rnams kyis phyogs bcur spros pas/ sems can gyi don byed par bltas la yi ge'i mthar lus nye bar bsdus te/ yang spro ba dang bsdu ba rnal 'byor pas/ A li dang kA li gnyis su med par ro//de nas thams cad kyi snying gar zla ba la rang rang gi sa bon yi ge bkod la/ de nas spro zhing sngags bzlas te/ oM ya ma rA dza sa do me ya/ ya me do ru Na yo da ya/ ya da yo ni ra ya k+She ya/ ya k+She yats+tsha ni rA ma ya/ hUM hUM phaT phaT swA hA/ 'di ni 'bum bzlas na/ dngos grub phra mo rab tu 'grub pa'o//'di ni phreng ba'i sngags so/ /yang na dkyil 'khor gyi bdag po'i thugs ka'i zla ba la yi ge bcu pa'i sngags bkod la sngags spro zhing bzlas pa bya ste/ oM hrIHSh+T+r-iHwi kri tA na na hUM hUM phaT phaT swA hA/ 'di ni dpal gshin rje gshed nag po'i snying po sngags kyi gtso bo las thams cad byed pa'o//yang na yi ge drug pa'i sngags te/ oM ya mAn+ta ka hUM brgya byin la sogs pa thams cad dral ba'i sngags te/ sngags re re zhing yang mthu che ste/ mdor na las thams cad byed do zhes bya ba'o/ /de la mi dang / ba lang dang / glang po che dang / bong bu dang / rnga mo dang /rta dang / khyi'i rus pa la bzlas pa'i phreng ba yang dag par byas la mnyam par gzhag pas bzlas pa bya'o/ /de yang dal bar ma yin/ drag par ma yin/ tshig mi gsal bar ma yin/ yid kyis bzlas pa ma yin/ /sems gzhan du ma yin/ ring po ma yin/ thung ngu ma yin/ 'di lta bu'i mtshan nyid kyis ji srid mi skyo bar ma gyur pa de srid du bzlas pa bya'o/ /gal te skyo na dkyil 'khor yang dag par mchod de/ sngar gyi bstod pas yang dag par bstod/ ye shes kyi dkyil 'khor gshegs su gsol ba ni/ yi ge muHmthar bzhag pa'i yi ge gsum gyi sngags kyis so//de nas dam tshig gi dkyil 'khor ni gzhag par bya'o/ /da ni sngags bzlas pa'i che ba'i bdag nyid dang gtor ma nye bar bstan par bya'o/ /zla ba'o cog gi bcu bzhi la/ /bdud rtsi lnga dang ldan pa yi/ /sha lnga yis ni byugs byas nas/ /bzlas na grub pa'i mchog 'grub byed/ / gsang sngags bzlas pa khri byas na/ /'byung po mnye dang de bzhin du/ /mkha' 'gro ma ni stong bsad pa/ /mtshams med lnga po byas pas kyang / /'grub par 'di la the tshom med/ /dge ba bcu la goms pa dang / /dbang po las rgyal bla ma gus/ /nga rgyal khro las rnam grol ba/ / de yis nges par chen por 'gyur/ /slong mo byed cing bzlas mi bya/ /kun du rgyu zhing ma yin te/ /yan lag ma nyams gsang sngags bzla/ /gtso bo dngos dang dngos med bdag/ /rtag tu dam tshig la sogs bsten/ /rtsa ba sbom po bsrung bar bya/ /sems can kun la rnal 'byor ni/ / rig pas byams pa'i sems mi btang / /snying rje mchog gi dbang gyur pas/ /phyogs bcur gtor ma sbyin par bya/ /nyin re'am yang na zla re'am/ /lo ni re re dag kyang rung / /gtor ma drug cu rtsa bzhi sbyin/ /dbyu gu drug cu rtsa bzhir brtag /rtag tu bgegs rnams zhi bya dang / /bsod nams 'phel bar bya ba'i phyir//'byung po kun la gtor ma sbyin/ /rtag tu cho ga ji bzhin du/ /dkyil 'khor gru gsum bri bar bya/ /chu dang dri chen bsres pas byug /gshin rje nor bzang rnal 'byor gyis/ /de la phyogs skyong ba rnams dgug /yi ge oM gyis tshangs pa/ hriHyis dbang po/ Sh+T+r-iHyis me lha/ wi yis gshin rje/ kr-i yis bden bral/ tA yis chu lha/ na yis khyab 'jug /yang na yis rlung / hUM gis gnod sbyin/ yang hUM gis dbang ldan/ phaT kyis zla ba/ yang phaT kyis nyi ma/ swA yis nor 'dzin/ /tA yis thags bzangs ris so/ /de bzhin du ye shes sems dpa'i thugs ka'i sa bon las 'od 'phros pas khams gsum na gnas pa rnams bkug la/oM AHhUM pheM pheM phaT phaT khams gsum thams cad na gnas pa'i lha la sogs pa rnams/ lha rdzas rdo rje yongs su dag pa'i gtor ma 'di/ gr-ih+Na tha gr-ih+Na tha/ ma ma shAn+ti dku ru swA hA/gshin rje gshed kyi dkyil 'khor 'di bkod pa las bsod nams gang thob ston ka yis/ /'o ma'i mtsho bsrubs las skyes zla ba'i 'od dang 'dra ba bdag gi cung zhig gang / /de yis bdag ni gshin rje'i rgyal po'i 'dra gnas thob nas nam mkha' gnas kyi bar/ /sems can 'gro ba drug tu 'khor ba ma lus gshin rje gshed du byed par shog /dpal ldan nag po'i sgrub thabs bris pa 'di/ /gzhung lugs sna tshogs dag dang mngon 'gal bas/ /yang dag gzhan gyi don du 'di ma byas/ /mthong ba 'ba' zhig tsam zhig bstan pa yin/ /sbas pa go bar bya phyir byas las bsod nams gang zhig bsgrubs pa ni//zla ba'i 'od 'dra de yis 'gro ba mtha' dag gshin rje gshed por shog /dpal gshin rje gshed nag po'i rgyud bzhi brgya lnga bcu pa las/ mkhas pa rnams kyis gsol ba btab pas/ dge slong bsod snyoms pa ka ma la rak+Shi ta zhes bya bas bsdus pa rdzogs so/