CLOSE WINDOW

D1928
བོད་ཡིག

@##/ /rgya gar skad du/ /rak+Sha sA d+ha no pi ka /bod skad du/ /srung ba'i 'khor lo sgrub pa'i thabs/ 'jam dpal gshin rje gshed po la phyag 'tshal lo/ /'jam dpal gshin rje dgra mgon la/ /yang dang yang du phyag byas la/ /bar chad zhi bar byed pa yi/ /srung ba dam pa bshad par bya//bsnyen pa'i cho ga rdzogs pa yi/ /de yis bsgrub pa 'bras bcas phyir/ /da ni srung ba'i las rnams bya/ /rab tu shis pa'i gnas mchog tu/ /khrus byas byug pa dri zhim byug /mchog gi gos bgo rgyan rnams gdags/ /bde stan skyil krung shar bltas la//phan pa'i sems dang byams par ldan/ /spro bas 'dod pa'i lhar bskyed de/ /bsod nams tshogs bsags gnyis med bsre/ /mtshan bcas sngags bzlas gtor ma sbyin/ /gsar zhing dge ba'i ras dag la/ /tsan+dan ga pur byug bya ste/ /skyes bu zhi byed gur kum ste/ / bud med la ni gi wang ngo / /ser ba la sogs zhi byed dang / /nad dang gnod pa thams cad la/ /gur gum dag gis yang dag bya/ /de dag bri ba'i smyu gu yang / /gser ram dngul lam shis par bri/ /de dag bri ba'i rim pa yang / /phyi dro maN+Dal legs byas te/ /mchod par ldan pas yang dag bri//bden pa bdar la bri bar bya/ /thig chen brgyad ni yang dag gdab/ /zlum por bskor ba gsum byas te/ /tha ma thong bas bskor bar bya/ /thig thung rnams kyang gdab bya ste/ /dgu dang bcu gnyis bcu drug mig /dbus kyi re'u mig dgu pa la/ /dbus su ya la shar du k+She/ / lho ru ma bri nub tu me/ /byang du da ste mtshams bzhi ru/ /rak+Sha rak+Sha bar ming gzhug /rim pa gnyis pa shar brtsams nas/ /ya tsa ni ra dza sa do ru/ /Na yo ni rA/ rim pa gsum pa'i shar brtsams nas/ /shar gyi re'u mig dang po la/ /oM hrIHSh+T+r-iHwi kr-i tA na na hUM hUM phaT phaT swA hA/ che ge mo rak+Sha rak+Sha/de 'og re'u mig gnyis pa la/ /che ge mo rak+Sha rak+Sha/ de ltar re'u mig bcu drug pa/ /spel zhing spel zhing dgod par bya/ /de ltar bris pa'i 'khor lo ni/ /lugs dang lugs min gnyis byas te/ /sa skor lugs su byung ba la/ /gnam skor dang ni lugs las bzlog /yig sngags mthun mthun mgo sprod de//so sor mnyam por bris la dril/ /kham phor yang dag gtsang ma'i nang / /phyi rol spra tshil dril byas te/ /rtsi mar sbrang rtsir bcas pa gzhug /bas bskyed skud pa dkar po yis/ /khris bdun dag tu dkri bar bya/ /maN+Dal dkar po khru gang tshad//ba yi rnam lnga dri yis byug /de steng kham phor kha sbyar bzhag /stong nyid ngang las thig le ste/ /de las yig 'bru phyag mtshan sku/ /kun kyang zhal gsum nyis 'gyur phyag /rang gi rig bcas bde ba gang / /sku mdog phyag mtshan rdzogs par bskyed/ /dbang bskur byin rlabs tshul bzhin bya//rang nyid hUM gi 'od zer gyis/ /ye shes 'khor lo rdzogs pa dgug /phyag dang mchod sogs sdom pa gzung / /de nas gnyis med 'od zer gyis/ /dam tshig 'khor lo gnyis med bsre/ /phyi nang gsang ba'i mchod pas mchod/ /de nas thugs rje rjes dran nas//bsrung ba'i don du 'od du zhu/ /thig le dag las yi ger gyur/ /lha rnams sngags kyi gzugs kyi bzhugs/ /de la byin rlabs 'di dag bya/ /spyan gyi phyag rgya dang ldan pa'i/ /hUM ya mAn ta kr-ita badzra d+harmA tsak+Shu pra be sha ya zhes brjod do/ /zhal gyi phyag rgya shes pa yis/ /oM ya mAn+ta ka de wa sho d+ha ya traM phra be sha ya phaT ces brjod//gtsug tu phyag rgya rab byas la/ /oM ya mAn+ta ka ba/ che ba'i phyag rgya ldan pa yis/ /oM gu h+ya gu laM/ de nas mchod dang bstod byas la/ /spro bsdu ldan pas gsang sngags bzlas/ /bsrung ba'i don du rab tu sbyar/ /de nas kham phor dbyung byas la//spra tshil dag gis dril byas la/ /yang na rgya skyegs bskus byas pa'i/ /dri dang bsres te byug par bya/ /bsgrub bya khrus bya rgyan bgo ste/ /dris byugs maN+Dal steng bzhag ste/ /bden pa bdar te skyes pa g.yon/ /dpa'i min dag ni g.yas su gdags/ /phas kyi rgol ba'i dmag rnams dang //me dang chu dang nad la sogs/ /gang dag rlung dang ser ba rnams/ /bsrung bar 'dod pa'i rnal 'byor pas/ /shin tu gtsang zhing mthon por ni/ /maN+Dal legs byugs me tog dgram/ /de ni rgyal mtshan rtse la gdags/ /nyin re dus gsum yang dag mchod/ / bskul tshig ldan pas gsang sngags bzlas/ /gtor ma rgyun du sbyin par bya/ /sbyin sreg thal ba phyogs bcur gtor/ /'khor lo 'dod pa'i bskul tshig ldan/ /de dag rab tu zhi bar 'gyur/ /srung ba kun gyi mchog yin pas/ /rnal 'byor pa yis 'bad par bya/ /srung ba kun gyi cho ga dam pa 'di/