CLOSE WINDOW

D1926
བོད་ཡིག

/ma rig mun sel khyod la phyag 'tshal bstod/ /rdo rje dbyangs can ma'i bstod pa slob dpon dpal 'dzin gyis mdzad pa rdzogs so// //paN+Di ta su ma ti kI rti dang / lo tsA ba mar do chos kyi dbang phyug gis bsgyur ba'o/ /[ ]@##/ /rgya gar skad du/ /ya mA ri maN+Dal no pi ka ya mAn+ta ko da ya nA ma/bod skad du/ gshin rje dgra'i dkyil 'khor gyi cho ga gshin rje gshed 'byung ba zhes bya ba/ dpal rdo rje khrag 'thung la phyag 'tshal lo/ /rab tu mdzes pa'i sku 'bar thub dbang 'od tshogs can/ /rang 'od gnyis med 'khril zhing dpe bral bde bas gang //rab chags mdzes pas lha dang khro bas 'khrugs lta la/ /blo mnyam 'jug mdzad gshin rje gshed der mngon phyogs te/ /rgyud rgyal yon tan mang ldan mkhas pa'i spyod yul ba/ /gshin rje dgra yi don la bdag blo blun gyur kyang / /zhal gyi pad+ma las rnyed de yi rjes 'brangs nas//dbang bskur sgrub bcas lo 'dab rtse tsam bya bar 'dod/ /de la dang por sngags pa ni/ /rang lus 'jig na'ang gzhan don 'dod/ /rnyed dang bkur sti la ma chags/ /rgyud 'dir gsang sogs dbang bskur bas/ /ri bo'i phyogs sogs 'byor pa yod/ /ljon shing gis bklubs yid du 'ong //skye bo 'dus nas rnam bral zhing / /dris byugs me tog legs bkram par/ /dang por gdong sogs dag byas la/ /spro bas bde ba'i stan 'dug nas/ /snying gar zla ba'i dkyil 'khor la/ /ya sngon 'od dang ldan pa bsam/ /de 'od las byung rigs tshogs kyis//bla ma rdzogs sangs rgyas bkug nas/ /rnam thar gyi sgo dag byas te/ /dag par gyur pas mngon sum blta/ /gshin rje gshed por sgrub pa yang / /bsod nams med par mi 'grub la/ /sbyin sogs bsod nams bya ba yang / /dbul phyir bdag gis mi nus pas//tshe rabs sngon nas tshangs spyod bzhi/ /'bras bu yid bzhin nor bu ltar/ /'gro ba kun gyi don byed pa'i/ /ya nyid rab tu dran par bya/ /de las bdag nyid mAM sprul te/ /lan gsum bskor zhing phyag 'tshal bsam/ /de sprul rig ma'i tshogs rnams kyis//ma lus mchod pas mnyes par bya/ /lus ngag yid kyis sdig bgyis dang / /bgyid du stsal dang yi rang gang / /sgyu ma sgyu ma la sogs bzhin/ /thugs rje can rnams mdun du 'chags/ /sngon byas ma lus bshags nas ni/ /phyin chad de la mi 'jug cing / /byang chub snying por gnas kyi bar//mi dge kun las ldog par bgyid/ /sangs rgyas de sras 'phags rnams dang / /srid pa mthar phyin dam pa'i chos/ /skyabs kyi dam pa de gsum la/ /deng nyid gus pas skyabs su mchi/ /rnam rtog rgya mos rab bcings shing / / 'khor ba'i rgya mtshor nub pa kun/ /bsgral phyir bde gshegs nyid thob par/ /byang chub mchog tu sems bskyed do/ /bde gshegs sras bcas 'phags skyes po/ /kun gyi dge ba kun bsdus la/ /sel med rab tu yi rang zhing / /legs so zhes kyang bsngags par bya//dus gsum bde gshegs sras bcas kun/ /gshegs shing gshegs dang gshegs 'gyur ba'i/ /sbyin sogs lam gyi rang bzhin gang / /ci yod stobs kyis yang dag bsten/ /yon tan rgya mtsho ldan rnams la/ /bdag nyid bdag gis dbul lags kyis//thugs rje mnga' ba khyed rnams kyis/ /so sor nang 'khor spyod du bzhes/ /gang zhig mya ngan 'da' bzhed pa/ /ji srid 'khor ba gnas bar du/ /de srid mya ngan mi 'da' bar/ /thugs rje can la gsol ba 'debs/ /byang chub shing la gzigs rnams la//theg chen bdud rtsi rab bshad par/ /'gro ba'i yab tu gyur rnams la/ /'khor lo bskor bar gsol ba gang / /lus ngag yid kyi dge ba gang / /bgyis pa ma lus kun bsdus nas/ /'gro ba kun gyi bde chen nyid/ /thob pa'i rjes su mthun gyur cig//de ltar bsod nams tshogs bsags la/ /gzhan don lhur mdzad thugs mnyes nas/ /rigs kyi bu khyod legs so zhes/ /gtang rag gnang nas mi snang gyur/ /rnam rtog rgya mtsho gting zab par/ /yang dag lta ba'i gru shor cing / /sna tshogs lta bas g.yengs rnams la//thugs rje chen pos dmigs nas su/ /rang bzhin med pas stong pa nyid/ /rgyu dang bral bas mtshan ma med/ /rnam rtog med pas rnam bral bar/ /byang chub sems mchog bsgom par bya/ /oM shUn+ya tA dz+nyA na badzra swa b+hA wa At+ma kou0f85haM/ sngags 'di bzlas nas 'gro kun gyi/ /lus ngag yid rnams ngo bo gcig/ /stong phyir de rnams brtags pa tsam/ /brtags pa yin phyir lus ngag yid/ /oM AHhUM yig gsum byas la/ /'od 'bar hoHgnyis par gnas pa/ /zla ba'i dkyil 'khor steng du ni//nam mkha' la gnas bsam par bya/ /de las AHchad byung nyi ma/ /de dbus yi ge hUM mthing las/ /sna tshogs rdo rje 'od 'bar ba/ /lte bar yi ge hUM bcas bsam/ /de 'od phyogs bcur rab 'phros pas/ /'od 'bar rdo rje'i gur du bsam/ /de dbus pad+ma zla stengs su/ /saM dkar las byung rdo rje las//kun bzang yum bcas bsam par bya/ /'bru lngas de zhu las byung ba/ /chos dbyings dkar po gru gsum pa/ /gyen du gnas pa phyogs 'od bskor/ /pad+mo sna tshogs paM las skyes/ /'dab ma 'bum ldan de dbus bsam/ /ge sar dbus su khaM yig las/ /sna tshogs rdo rje 'od tshogs can/ / lte bar b+h+rUM ser las byung ba'i/ /rig bcas rtag pa las byung ba/ /gzhal yas khang mchog gru bzhi pa/ /sgo bzhi rta babs mu khyud bcas/ /rdo rje ra ba 'od phreng bskor/ /dbus su rdo rje rgya gram mdzes/ /pad+ma nyi ma'i gdan ldan bsgom/ /gzhi'o// //lte ba'i gdan stengs bsam bya ba/ /a dang AHmthar thug phreng gnyis//de las zla ba de yis brgyan/ /ka sogs dpe byad 'od ldan pa/ /zung gcig las byung gnyis pa ste/ /dbus su 'dod chags yi ge raM/ /des bzhu 'od kyi gong bu las/ /dkar dmar hUM ni rab tu bsam/ /de mdog rdo rje de yis brgyan/ /badzrod kou0f85haM nga rgyal bskyed/ /rdo rje ' chang mchog 'od tshogs can//zhal gsum sngo dkar dmar ba la/ /rdo rje ral gri g.yas gnyis na/ /gzhan gnyis 'khor lo pad+ma 'chang / /gri gug ban+d+has rang 'od 'khyud/ /bde bas gang ba bsam par bya/ /rnam pa lnga yi rang bzhin gang / /de ni sangs rgyas gzugs brnyan no/ /rnal 'byor ro/ /'dod chags chen pos 'dul ba yi//snod du 'jig rten mthong nas su/ /rang snying las byung 'od zer gyis/ /khyab ste sna tshogs sangs rgyas byas/ /bkug nas bdag la zhugs pa yi/ /bde ba chen po nyid du gyur/ /mkha' la gnas pa'i yig 'bru lnga/ /ji ltar skar mda' 'pho ba ltar/ /khar thim khu bar rab 'phros pas//rig dang bcas pa'i kun bzang zhu/ /'od kyi gong bur gyur pa las/ /thig le phra mo bzhi chad de/ /byams sogs tsartsi kA sogs kyis/ /snyan pa'i glu yis bskul bar bsam/ /rje btsun thugs rjes khro bzhengs la/ /gnas gsum kun gyi gti mug spongs/ /gtso bo bdud rnams kun las rgyal//rje btsun khros pa'i thugs kyis bzhengs/ /'jig rten mgron gnyer stong gnas shing / /rje btsun 'jig rten bsod nams bzhengs/ /kye/ khyod ni stong dmigs ci ste bzhugs/ /'jig rten byang chub rang bzhin mgron/ /'dod chags la ni dga' ba yis/ /zhu ba la ni bskul nas su//de nyid la thim yang sngon gyur/ /rdo rje las byung mi bskyod pa/ /g.yas g.yon dkar dang dmar ba la/ /'od 'bar mthing ga sngon mtshungs phyag /rgyan kun bklubs pa'i sbrul gyis bcings/ /yum ldan thub pa'i 'od kyis 'khrigs/ /'khor dang mya ngan 'das dngos kyi/ /sku de byang chub sems mchog go//oM swa b+hA wa At+ma kou0f85haM/ rjes su rnal 'byor ro/ /gsang byin brlab dang rjes chags ni/ /rgyud 'dir bdag gis mthong med kyang / /rgyud rgyal don 'dir mi 'gal phyir/ /byin rlabs rjes chags bya bar 'os/ /rang snying sa bon 'od zer gyis/ /mkha' khyab bde gshegs kun b kug nas//rdo rje las byung pad lte la/ /bde ba'i rgyun du 'phros par bsam/ /dga' ba'i thig le sa bon ni/ /'og nas 'chad pa nyid du gyur/ /de las thugs kyi phyag rgya ste/ /de las phyag rgya chen por blta/ /snod chen bzhi yang rdzogs pa dang / /blo ldan phyi rol spro bar bya/ /hrIHSh+T-iHla sogs gsang sngags kyis//zhe sdang mthing ga rdo rje dang / /ral gri 'khor lo pad+ma 'chang / /spros nas slar byon bdag la thim/ /dzi na dzika ces brjod pa yis/ /gti mug dkar po 'od 'bar ba/ /'khor lo ral gri rin chen pad/ /mkha' las bton nas shar phyogs su/ /lho phyogs rdo rje'i ra nyid las/ / rat+na d+h+r-ika gis ser sna ni/ /btso ma gser dang mtshungs pa'i mdog /rin chen ral gri 'khor lo pad/ /A ro l-ika gis nub phyogs su/ /'dod chags byu ru bcag 'dra ba/ /pad+ma dang ni ral gri dang / /'khor lo rin chen 'chang ba mchog /pradz+nyA d+h+r-ika ces bya ba yis/ /byang du phrag dog chen po ste//sngo bsangs ral gri rdo rje dang / /'khor lo pad+ma 'dzin pa'o/ /mung+gar d+h+r-ika gis de bzhin te/ /sngon po tho ba ral gri dang / /rin chen pad+ma 'dzin pa ni/ /shar gyi sgo ru bsam par bya/ /daN+Da d+h+r-ika ces bya ba yis/ /be con 'dzin pa dkar ba ste/ /be con ral gri 'khor lo pad/ /lho yi sgo ru bsam par bya//pad+ma d+h+r-ika gis nub sgo ru/ /pad+ma rA ga'i mdog 'dra ba/ /pad+ma ral gri rdo rje dang / /rin chen 'dzin pa bsam par bya/ /khaD+ga d+h+r-ika gis byang sgo ru/ /ljang gu ral gri 'dzin pa ste/ /ral gri rdo rje 'khor lo can/ /rim bzhin 'chang ba 'khrugs pa'o/ /dwe Sha ra ti zhes de nyid/ tsartsi kA mdog dkar mo la//gtso bo dang mtshungs phyag mtshan can/ /me yi phyogs su legs par gzhag /mo ha ra ti zhes pa yis/ /phag mo sku mdog sngon mo la/ /rang gi gtso bo'i phyag rgya can/ /spros nas bden bral grwa la'o/ /rA ga ra ti zhes sngags kyis/ /dbyangs can ma ni dmar mo la/ /pad+ma la sogs 'dzin pa'i phyag /rlung mtshams na ni 'gro don mdzad/ /badzra ra ti zhes pa yis/ /mdzod ldan ljang gu ut+pal can/ /phyi ma gtso bo'i mtshan 'dzin ma/ /dbang ldan grwa ru bsam par bya/ /gti mug gshin rje lha mo bzhi/ /pad+ma zla ba'i gdan la bzhugs/ /lhag ma pad+ma nyi ma la/ /lnga phrag gnyis dang drug phyed lha//gri gug ban+d+ha'i phyag zung cig /mthun par rang gi rig ma 'khyud/ /bzhir gyur dbus su de 'od bsam/ /sngon po'i g.yas dkar g.yon pa dmar/ /dkar po'i g.yas sngo g.yon pa dmar/ /dmar po ser po ljang gu yi/ /g.yas sngo g.yon pa dkar po yin/ /ral pa'i thor tshugs 'od phreng can//ma lus 'khrugs pa sbrul gyis brgyan/ /me mtshams la sogs b+han+d+ha bzhi/ /zla bas gang ba oM gyis mtshan/ /pad+ma zla ba'i dkyil 'khor la/ /de nyid gsum gyis rim bzhin gdon/ /rdzogs pa'i rnal 'byor ro/ /dkyil 'khor lha rnams thams cad kyi/ /mig dang rna ba sna dang lce//lus yid skra mtshams brang rtse ru/ /k+ShiM dzi khaM gaM kaM saM las/ /gti mug gshin dgra sogs rim bzhin/ /rdo rje can sogs kha dog rgya/ /mngon par shes pa'i don du ni/ /rdo rje skye mched rnam par bsgom/ /snying mgrin dpral ba'i zla stengs su/ /rdo rje pad+ma 'khor lo la/ /hUM AHoM yig bkod byas te//de las phyag rgya de byung sku/ /zhe sdang 'dod chags gti mug dang / /'dra bar thugs sogs bsgom byas te/ /de dag thams cad rang rang rgya/ /mtshan ma'i lte bar hUM AHoM/ /de las tsartsi kA sogs spro/ /mkhar bkug sangs rgyas mnyes byas nas/ /spyan drangs thugs gsung skur bcug la//byin gyis brlab pa'i sngags 'di brjod/ /oM sarba ta thA ga ta tsit+ta badzra swa b+hA wa At+ma kou0f85haM/ oM sarba ta thA ga ta wA ka badzra swa b+hA wa At+ma kou0f85haM/ oM sarba ta thA ga ta kA ya badzra swa b+hA wa At+ma kou0f85haM/ ye shes sems dpa'i thugs ka yi/ /sa bon las 'od lha mor spro//phyogs bcu'i mgon po mchod byas nas/ /dbang bskur ba yang blang bar bya/ /de nas de bzhin gshegs dag las/ /sprul pa'i tsartsi ka la sogs/ /phyag na ye shes chus gang ba'i/ /bum pa zla 'od legs thogs te/ /yid 'ong bkra shis glu len cing / /sil snyan spos kyi sprin dag dang //dri med dbang bskur sprin phab pas/ /so so'i gtso bos dbu brgyan no/ /rang snying 'od kyi tsartsi kA/ /bskul nas de yi thugs ka nas/ /rang 'dra 'phros te khro mo bkug /rdo rje'i gur stengs bzhugs bsams la/ /khro bo rnams kyis mngon bskrad de/ /rdo rje'i ra ba bshig byas nas//zhugs te rang mdun pad+mar bsam/ /de nas snying 'phros khro bo yis/ /phur bshig phyir brtsigs snying zhugs bsam/ /rang mdun dung chos sogs gsum bzhag /me tog dkar ldan dri chus bkang / /de mdun man 'ji gnyis stengs su/ /gser sogs gsol ba'i snod gnyis bzhag /g.yas phyogs dung ni gsum pa la/ /'og nas 'byung ba'i cho gas su/ /byin brlabs bdud rtsi bcu byed blugs/ /hrIHSh+T+riHwi kr-i'i sngags bzlas la/ /ku sha'i bam pos dang po'i chu/ /bzed zhal dang por lan gsum gtor/ /gnyis pa chu dang me tog bcas/ /gzung ste de yi snod nyid la//phyogs su dung ni gsum pa la/ /lan gsum nye reg sbyin par bya/ /gsum pa bdud rtsi dang ldan pas/ /gnyis par mchod yon chu yang sbyin/ /de nas me tog gzung byas la/ /zhabs bsil phyag rgya dang ldan pas/ /de yi snod la zhabs bsil sbyin/ /rang snying 'od kyis tho ba bskul/ / mung+gar dzaHzhes brjod nas dgug /de bzhin be con bskul ba yis/ /daN+Da hUM zhes brjod nas gzhug /snying pos pad+ma bskul nas su/ /pad+ma baM zhes brjod nas bcing / /de bzhin ral gri 'dzin bskul te/ /khaD+ga hoHzhes brjod mnyes bya/ /rang snying ye shes 'od zer gyis/ /mkha' khyab sangs rgyas kun bkug nas//khar thim lus kyi bcud gyur te/ /rdo rje lam byung shes rab kyi/ /pad+ma'i snying por rab 'phros las/ /lha mo'i tshogs ni mdzes gyur te/ /ba spu'i bu ga las 'phros nas/ /me tog sna tshogs mdzes rnams kyi/ /sdong bu lag pas legs bzung nas/ /sgeg dang bcas pas mchod byas te//rab snyan yid 'phrog glu dang ni/ /sna tshogs mdzes pa'i gar gyis su/ /bde ba chen po rab tu ster/ /kye kye gshin rje dgra nag po/ /bla ma srin po'i gzugs rang bzhin/ /bdag gis khyod mthong rnam par 'jigs/ /khro bo'i rang bzhin nyid spongs te/ / bdag po yis ni gar byas pas/ /mtho ris mi yul sa 'og 'dir/ /nag po khro bo yid kyis 'jigs/ /gar byed khyod ni 'jigs pa che/ /nag po mi'u thung gshin dgra nag /gzugs ni rnam pa sna tshogs sprul/ /rdo rje dbyangs can mas zhus pa/ /gar byed khyod ni bde ba che/ /hrIHSh+T+riH'i sngags kyis gar byed khyod//gnas gsum kun gyi the tshom spongs/ /rje btsun gshin rje khro bo khyod/ /'gro ba kun gyis gar byed mthong / /oM sarba ta thA ga ta pU dza badzra swa b+hA wa At+ma kou0f85haM/ sgra yul thams cad brag ca dang / /'dra bar rab tu blta byas te/ /rang nyid lhag pa'i lhar gnas la/ / yon tan kun ni sgrogs par bsam/ /gti mug rdo rje'i rang bzhin khyod/ /gshin dgra nag po rab tu 'jigs/ /ston pa sangs rgyas kun gyi bdag /mi 'jigs sangs rgyas phyag 'tshal bstod/ /ser sna rdo rje'i rang bzhin khyod/ /gshin dgra nag po shin tu 'jigs/ /thugs kyi rdo rje rab snang ba/ / rin chen rdo rje phyag 'tshal bstod/ /'dod chags rdo rje'i rang bzhin khyod/ /gtso bo 'dod chags chos 'byung ba/ /dbyangs kun gyi ni mchog gi mchog /gsung gi rdo rje phyag 'tshal bstod/ /phrag dog rdo rje'i rang bzhin khyod/ /thams cad las kun gshin rje'i dgra/ /las kyi rdo rje rab snang ba/ /ral gri'i phyag la phyag 'tshal bstod//sangs rgyas kun gyi rang bzhin khyod/ /sangs rgyas thams cad gcig bsdus pa/ /sangs rgyas kun gyi mchog gi mchog /dkyil 'khor bdag la phyag 'tshal bstod/ /yaM las byung ba sngon po la/ /gzhu 'dra'i ba dan mtshan pa ste/ /yaM gis byin brlabs rlung dkyil 'khor//g.yo med steng na me nyid ni/ /dmar po gru gsum raM las byung / /de steng a las ba dan ni/ /mtshan nyid thams cad rdzogs pa'o/ /de nang bdud rtsi rnam lnga ni/ /gshin rje lnga yi yi ge las/ /lcags kyu lnga ni de nyid kyi/ /ming gi thog ma'i yi ge las/ /hUM dkar las byung rdo rje yis//de la kha ni bkab par bsam/ /mtho gang spags pa'i bar snang la/ /zla ba'i steng du oM dkar bsam/ /kha bkab rdo rje'i lte ba yis/ /hUM las 'od 'phros ba dan bskul/ /de yis rlung bskyod des me bskul/ /rdzas kun zhu zhing khol ba la/ /rdo rjes 'khrug cing zhu gyur pas//shin tu dri med bdag mthong nas/ /oM las 'od byung ye shes kyi/ /bdud rtsi bsdus nas der thim pas/ /gangs chu 'dra bar bsil gyur te/ /yi ge gsum brjod bsrungs la bzhag /gshin rje gshed kyi lha rnams kyi/ /ljags la rdo rje dkar po re/ /bsams te de las 'od zer ni/ / sbu gur gyur pa rab 'phros te/ /bdud rtsir zug la rang rang sngags/ /brjod pas sbu gus btung nas tshim/ /snying 'od 'phros pas phyogs bcur khyab/ /dngos kun gshin rje dgrar byas nas/ /bsdus te bdag la thim gyur bas/ /bdag nyid yar thim thig ler gyur/ /thig ler 'khor lo rdzogs par bskyed//de yi 'od kyi phreng ba yis/ /bdag sogs lha rnams bsal byas te/ /snying gar dkyil 'khor phra gnas pas/ /brtan par gyur nas spro dang bsdu/ /las dang chos dang chen po dang / /gsang gsum dam tshig phyag rgya ste/ /thugs gsung sku yi rdo rje la/ /rang rang sa bon thugs kar bsam//ye shes sems dpa'i thugs ka ru/ /hrIHSh+T+r-iHla sogs gsang sngags bsam/ /gsang sngags bzlas pas gnas bzhi nas/ /khro bo'i rgyun rnams spro bsdu ba/ /rim pa'am lhan cig bya bar 'dod/ /dbugs dbyung 'phro bar bsam bya ste/ /dbugs bsdu sngags kyang bsdu bar bya/ / bgrang phreng dung chen la sogs la/ /bdud rtsi lnga sogs mchod byas nas/ gshin rje dgra yi skur bsams te/ /mthe bo lcags kyus drang zhing bzlas/ /rang snying de bzhin dmigs nyid pas/ /sems la nyams su chung 'gyur zhing / /bzlas pas skyo na lag g.yas kyis/ /bsgrims te rdo rje gsor nas kyang //g.yon pas rdo rje dril gsil zhing / /rdo rje glu tshul sna tshogs dang / /mchod pa sna tshogs rnams kyis mchod/ /dkyil 'khor bzhengs la yang bzlas so/ /bdag nyid gtong bar 'dod gyur na/ /'gro ba'i don la 'gro bsams te/ /mchod bstod bdud rtsi myang byas la/ / yig gsum mtha' ru muHbzhag pa'i/ /sngags kyis ye shes gshegs par bskul/ /ting nge 'dzin gyi lha rnams ni/ /oM AHhUM muHbdag la bsdu/ /bdag nyid ye shes sems dpa' la/ /ye shes sems dpa' phyag rgya ste/ /de yang yi ge de stong bsam/ /bzod pa gsol dang gsol ba gdab/ / bsngo dang smon lam gdab par bya/ /'di ni rnal 'byor chen po'o// //rang gi lha yi nga rgyal gyis/ /yang dag langs la spyod lam kun/ /gshin rje dgra yi ngo bor byas/ /zab cing rgya che'i rang bzhin no/ /kha zas ci za bdud rtsir brlab/ /kha yi hom khung sreg khang du/ /lha rnams tshim bya sreg rdzas rnams//lag pa'i gzar bus bstab par bya/ /phyi yi khrus rnams byed pa ni/ /'gro ba rang bzhin dag bsams la/ /dbang bskur ba yi cho ga bzhin/ /lha mo'i bum chus bkrus par bsam/ /phyi thun la yang de bzhin du/ /dkyil 'khor bsdu ba'i bar du bya/ /bza' ba zos nas nyal ba'i tshe//shes rab snying rjer ldan pas nyal/ /ldang ba'i dus na dpal ldan pa'i/ /lha ma'i dbyangs kyis bskul bar bsam/ /'di ltar 'di las dang po pa'i/ /rnal 'byor pa yi bya ba yin/ /ye shes 'ga' sogs rnal 'byor pas/ /sbyor ba rnam gsum rim bzhin bya/ /spyod lam dag gi tshe na yang //lus ngag yid kyi bya ba kun/ /phyag rgya sngags kyi bdag nyid du/ /bsams te bya ba kun bya'o/ /dpa' mi gcig cig mthong ba la/ /bde sdug rnam par grol 'gyur ba/ /sems nyid kho na yin pa'i phyir/ /rtog med sems gnag ga la 'gyur/ /sngon du bsnyen pa bya ba'i cho ga'o// // bsnyen pas bgegs kyi tshogs bcom la/ /gzhan gyi don la brtson bya ba'ang / /mtshan ma brtan po yang dang yang / /mthong zhing gnang ba thob nas bya/ /yid dga' ba yi sa phyogs ni/ /shar dang byang gi cha nyid do/ /dbus mtho shar dang byang gzhol bar/ /bgegs bskrad phur btab gtor ma sbyin/ / gsol btab rnal 'byor gsum byas nas/ /sangs rgyas la yang gsol ba gdab/ /mchod yon zhabs bsil phul nas su/ /sbyin sreg gis kyang rab tshim bya/ /de nas mkha' la bkod nas su/ /bgegs med sa ni legs brkos nas/ /slar yang sa yis rab tu dgong //sngon du dus ring bsnyen byas pa'i/ /gshin rje gshed kyi sbyor ldan pas/ /dkyil 'khor sa ni rdzogs byas te/ /oM b+hu khaM zhes sngags kyis ni/ /mkha' la ri ni bskyed par bya/ /hUM laM hUM zhes rdo rje'i bdag /nyid du sa byas de byin brlab/ /oM me di nI badzrI b+ha ba badzra ban+d+ha hUM/sngon bzhin lha yi ting nge 'dzin ni/ /sa yi dbus su rnal 'byor bzhi/ /rim bzhin byas nas rdzogs pa dang / /sangs rgyas kun bdag gshin rje ni/ /rdo rje dril 'dzin gtso bo la/ /grogs po rdo rje dril 'dzin bzhi/ /gti mug sogs bdag lhan cig tu/ /sprul pas dkyil 'khor gsum la ni//mchod nas gsol ba gdab par bya/ /de bzhin gshegs pa kun zhi ba/ /de bzhin gshegs pa kun gyi gnas/ /chos kun bdag med pa yi mchog /dkyil 'khor dam pa bshad du gsol/ /mtshan rnams thams cad yang dag rdzogs/ /mtshan min thams cad yang dag spangs//kun du bzang po sku yi mchog /dkyil 'khor dam pa bshad du gsol/ /zhi ba'i chos mchog yang dag byung / /ye shes spyod pa rnam sbyong ba/ /kun du bzang po gsung gi mchog /dkyil 'khor dam pa bshad du gsol/ /sems can kun gyi sems chen po/ /rang bzhin dag pas dri ma med//kun bzang thugs mchog kha lo sgyur/ /dkyil 'khor dam pa bshad du gsol/ /de nas gshin rje gshed langs te/ /ma dang Ta yi yi ge las/ /g.yas dang g.yon gyi mig gnyis su/ /nyi ma dang ni zla ba bsam/ /blo can 'gro ba kun bltas nas/ /dkyil 'khor sa la stang stabs bskor//rkang mthil a las rdo rjer bsgom/ /g.yas pas rdo rje gsor byed cing / /g.yon pas dril gsil 'gying bag tu/ /gnas te mche gtsigs hUM brjod do/ /lha dang lha min la sogs pa/ /gdug pa'i tshogs rnams bskrad par bya/ /nyon cig bgegs kyi tshogs rnams kun//sku gsung thugs la gnas pa yi/ /bdag ni dpal ldan ral gri 'dzin/ /srung ba'i 'khor lo'i don byed pa/ /ral gri 'bar ba'i gzugs 'di yis/ /gal te gang gis bdag tshig 'das/ /lus ngag gsum las skyes pa bcad/ /'jig par 'gyur bar gdon mi za//de nas sa la bskor byas te/ /bgegs med bya phyir phur bus gdab/ /phur pa stod ni khro bo la/ /smad ni rdo rje rtse gcig pa/ /phur pa'i gsang sngags bzlas pa lnga/ /mtshams dang dbus su gdab par bya/ /'od zer rnon po rab 'phro bas/ /phyogs bcur yang dag gnas pa yi//bgegs kyi phung po kun gzhom mo/ /shin tu bgegs med rab mthong nas/ /mtshams bcad phyogs bcing sngon bzhin du/ /blo yis byas nas sa rdzogs nas/ /sta gon gnas pa'i rim bzhin bya/ /baM ser las byung lha mo ni/ /'od dang bcas pa bkug nas su/ /mchod pa phul nas gsol ba gdab//skyob pa sangs rgyas thams cad kyi/ /spyod pa'i tshul dang khyad par gyi/ /sa dang pha rol phyin pa la/ /lha mo khyod ni dpang btsugs te/ /shAkya seng ge skyob pa yis/ /ji ltar bdud kyi sde bcom pa/ /de ltar bdag gis bdud sde las/ /rgyal bar byas te dkyil 'khor bri//dri zhim chu yis sa byugs nas/ /me tog mdzes pa sna tshogs dgram/ /bdud rtsi dang ldan dri chu yis/ /lha rnams maN+Dal rab tu bya/ /de la dkyil 'khor rang sngags kyis/ /bkug la mtshams sogs bcing byas nas/ /mchod bstod bdud rtsi myang bar bya/ /de nas bum pa'i sta gon ni/ / rin chen bum pa mi gnag pa/ /mgrin pa ras kyis bcings pa las/ /ldum bu mchog gis kha la brgyan/ /rin chen sman 'bru sna lnga dang / /dri chus bkang ba mngon par bsngags/ /sna tshogs me tog brgyus pa yi/ /skud pa'i rtse mor rdo rje gdags/ /bum khar bzhag la lag pas bzung / / rgyal ba'i dkyil 'khor gtso la sogs/ /sngags bzlas nas ni mchod yon 'bul/ /me tog dbul dang spos sogs mchod/ /dri sogs pad+ma'i snod legs gzhag /nyin dang mtshan mo thun gsum du/ /gtor ma sbyin zhing de bzhin bzla/ /de dag dkyil 'khor phyi rol la/ /gnas nas rgyal ba gtso bo yis//de nas g.yon gyi snod la chu/ /blugs nas de yis gtor bas na/ /bdag dang slob ma thams cad kyi/ /chu yis dbang bskur gyur ba yin/ /de nas rang gi lce brlabs la/ /g.yas pas spor phor bteg nas su/ /pus mo btsugs nas blo ldan pas/ dkyil 'khor gtso dang sangs rgyas zhu/ /mgon po zhe sdang gshin rje yi/ /rig pa'i rgyal po phyag 'tshal bstod/ /bdag gis gshin rje'i dkyil 'khor ni/ /mgon po bri bar 'dod pa ste/ /slob ma rnams la phan phyir dang / /khyed rnams la yang mchod pa'i phyir/ /de bas bcom ldan gus ldan la//byin gyis brlab pa mdzad par gsol/ /sangs rgyas rnams ni bdag la dgongs/ /'gro ba 'khor ba'i don byed rnams/ /'bras gnas byang chub sems dpa' dang / /gsang sngags kyi ni lha gzhan dang / /'jig rten skyong ba'i lha rnams dang / /'byung po yang dag rdzogs pa yi/ /sangs rgyas bstan par mngon dga' dang //gang su lha yi mig can rnams/ /che ge zhes pa'i rdo rje yis/ /dkyil 'khor gshin rje las byung ba/ /ji ltar nye bar spyod nus pas/ /'gro dag don du bri bar bya/ /slob ma dang bcas bdag la ni/ /thugs rjes nye bar bzung nas su/ /thams cad dkyil 'khor la bcug nas//byin gyis brlab pa mdzad du gsol/ /de ltar snyan gsan lan gsum du/ /byas nas gtso la yon chab sogs/ /phul nas bsrungs te phyir byung nas/ /slob ma brtags pa gzung bar bya/ /byas pa gzo dang khengs pa med/ /rigs mdog na sor ldan pa dang / /theg pa mchog la mngon dga' ba'o//de las bzlog pa'i slob ma ni/ /dman pas sta gon gnas mi bya/ /tshe 'dir 'bras bu 'dod pa yis/ /phyi ma'i tshe la mi 'byung ngo / /skyes bu tshe phyi mar 'dod pas/ /'dir yang 'bras bu rgyas par 'gyur/ /de ltar slob ma la smras nas/ /blo ldan rang gis nang du 'gro/ / yon tan de ldan slob ma yis/ /sgo nas gsol ba gdab par bya/ /dga' chen khyod bdag ston pa bas/ /slob dpon khyod ni dgongs su gsol/ /byang chub chen po'i tshul brtan pa/ /mgon po chen po bdag la stsol/ /de nyid dam tshig bdag la stsol/ /byang chub sems kyang bdag la stsol/ / sangs rgyas chos dang dge 'dun te/ /skyabs gsum dag kyang bdag la stsol/ /thar pa chen po'i grong khyer du/ /mgon po bdag ni 'jug par bgyid/ /de ltar lan gsum brjod nus pa'i/ /slob ma rab chags mdzes pa la/ /slob dpon rtse gcig tu byas la/ /tshig 'dis gnang ba sbyin par bya/ / 'dir shog bu 'di theg chen gyi/ /cho ga sngags kyi spyod pa'i tshul/ /khyod la yang dag bstan par bya/ /tshul chen la khyod bsnyen pa gyis/ /rdzogs pa'i sangs rgyas gang 'das dang / /de bzhin gang dag ma byon dang / /da ltar byung ba'i mgon po rnams/ /'gro la phan phyir zhugs pa kun//de dag gis ni gsang sngags kyi/ /cho ga mchog bzang 'di brnyes nas/ /dpa' bos byang chub shing drung du/ /thams cad mkhyen pa mnyam med brnyes/ /gsang sngags cho ga mnyam med de/ /shAkya seng ge la sogs kyis/ /bdud sde shin tu mi bzad pa'i/ /dpung chen dag kyang de yis bcom//'jig rten 'jug par rab shes nas/ /'khor lo bskor nas mya ngan 'das/ /de bas kun mkhyen thob bya'i phyir/ /bu yis blo gros 'di gyis shig /de nas bshags dang yi rang sogs/ /byas nas byang chub sems bskyed la/ /srung ba byas te de nas ni/ /thugs gsung sku yi byin brlabs la//yi ge gsum dang ldan pa der/ /mchod pa rnams kyis mchod par bya/ /de nas lha yi sngags bzlas pa'i/ /so shing sor ni bcu gnyis pa/ /me tog rtser ldan sbyin par bya/ /tho rangs langs nas shar bltas te/ /sa la ma lhung lci ba yis/ /sa la ba ko tsam byugs te//rtse mo bca' zhing de ru dor/ /zhi dang rgyas sogs gar grub blta/ /de nas kha bshal hub gsum chu/ /byin la sngags 'di bzlas par bya/ /oM hrIHbi shud+d+ha d+harmaHsarba pA paM ni tsa s+ya sho d+ha ya sarba bi kal paM a pa na ya hUM/ gshin rje'i sngags bzlas ku sha ni/ /stan dang sngas su sbyin par bya//mdud pa gsum ldan srung skud ni/ /dpung pa g.yon par bcing bar bya/ /de nas sems kyi sbungs bskyed phyir/ /zab cing rgya che'i chos bshad de/ /theg pa chen po cher 'byung ba'i/ /lam mchog 'di ni dpal dang ldan/ /de phyir khyod rnams dong bas na/ /rab byung skal ba chen po pa//yod dang med las rnam 'das shing / /zab mo rtog ge thams cad kyis/ /rab tu mi rtogs gnas med pa/ /spros pa kun dang bral ba ste/ /spros pa rnams kyis ma spros pa/ /rgyu dang las las kun du byung / /las dang bya ba sogs dang bral/ /bden pa gnyis la gnas pa yi//theg pa rab kyi mchog 'di yi/ /tshul la gnas na thob par 'gyur/ /ku sha'i mal du nyal bcug la/ /rmi lam mthong ba dge mi dge/ /tho rangs bdag la ma 'dzem par/ /smros shig ces ni bsgos la btang / /de nas sdom pa bzung nas su/ /dkyil 'khor sbyor ba bsgom byas te//mchod cing gsol ba btab byas la/ /nam mkha' la ni dgod par bya/ /kha dog lnga yi skud pa la/ /yak+She ma med bkod de/ /gshin rje dgra lnga'i sku ru bsam/ /zhe sdang gshin rjer bdag bltas la/ /dza las byung ba'i nyi zla'i mig/ /'bar mig lcags kyus drangs nas su/ /rang mdog skud pa'i nang du thim//gti mug ral gri dang lhan cig /thig sna drangs la bsgril bar bya/ /a n+yo n+yA nu ga ta sarba d+harmAHpa ra spa ra a nu pra biSh+Ta sarba d+harmA t+yan+ta a nu pra biSh+Ta sarba d+harmAH mtha' ma dkar ldan lag pa yis/ /gzung la sngags 'di bzlas par bya/ /sa ma ya sU tra mA ti kra ma hUM/ ring thung dkyil 'khor nyis 'gyur la//sbom phra sgo yi nyi shu cha/ /dri zhim bdud rtsi lnga yis ni/ /byugs nas bsrungs la snod gtsang bzhag /de la mchod pa rnams kyis mchod/ /de nas skud pa bsngags byas la/ /dz+dza yig gsum gyis gtang bar bya/ /des kyang dz+dza yig gsum gyis drangs/ /lte bar khu tshur g.yon gyis bzung //nub tu gnas nas shar bltas te/ /mkhas pas nam mkhar thig gdab bo/ /oM badzra sa ma ya sU tra mA ti kra ma hUM/ sems can don byed dus dag tu/ /mkha' khyab pa yi de bzhin gshegs/ /'dir gshegs pa yi don gyi phyir/ /thig skud sgra yis bskul bar bsam/ /lho nas byang du kha bltas te//shar gyi thig ni rab tu gdab/ /de bzhin byang nas lhor bltas te/ /nub kyi phyogs kyi skud pa brtag /de nas shar du drangs pa yis/ /byang phyogs kyi ni ngos gdab bo/ /shar nas bden bral mtshams bltas te/ /lho yi thig ni gdab par bya/ /de nas me yi mtshams gnas te/ /rlung gi mtshams su gdab par bya//bden bral mtshams nas dbang ldan du/ /drangs te grwa yi thig gdab bo/ /de nas thig rnams ci rigs par/ /lhag chad med pa nyid du gdab/ /de nas dbus su phur btab ste/ /de la brtod pa'i srad bu ni/ /dkyil 'khor nyis 'gyur dag gis so/ /rdo rje ra ba la sogs bskor//'di yi phyi yi 'khor lo ni/ /gru bzhi pa la sgo bzhi pa/ /rta babs bzhi yis rab tu mdzes/ /kha khyer bzhi dang ldan pa la/ /rdo rje dril bu la sogs brgyan/ /sgo yi mtshams dang grwa bzhi ru/ /zla phyed rdo rje mdzes par bya/ /de yi nang gi 'khor lo ni/ /sna tshogs rdo rje 'jigs pa ste//rdo rje phreng bas rab mdzes pas/ /kun nas yongs su bskor bar bya/ /hI las nyi ma zla ba dag /mig tu bsams te khro bo yi/ /blta bar bcas pas kun bltas nas/ /sgo rnams dag ni legs bya ba/ /sgo ni 'khor lo'i brgyad char bya/ /sgo khyud chen po spangs pa yin/ /sgo yi tshad du khyams bya ste//de bzhin lha yi snam bu'o/ /kha khyer sgo yi phyed du ste/ /'gram dang gshog pa de yi tshad/ /dra ba dra phyed nyi zla dang / /rnga dang rdung dkrol la sogs rgyan/ /de phyed tshon sna lnga yi sa/ /rdo rje ra ba'ang de yi tshad/ /rta babs sgo yi sum 'gyur la/ /ba dan dril bu la sogs rgyan/ / rin chen kun dang lcags rnams dang / /'byung khung dag gi phye ma la/ /yi ge lnga bkod byin brlab bya/ /'bar bar gyur dang gsang sngags bzlas/ /oM badzra tsi tra sa ma ya hUM/ sems can khams rnams grol mdzad cing / /de ni chos dbyings ro yin no/ /de ltar dkyil 'khor 'dri ba'i tshe/ /rlung la sogs pa byung gyur na//khro bo'i sbyor dang ldan pa yis/ /rlung sogs bcing ba tshul bzhin bya/ /gshin rje gshed po rgyal kun gtso/ /dkyil 'khor kun gyi gtsor gyur pa/ /skyon kun las ni rnam grol ba/ /de yi dbus su legs gnas te/ /dbang ldan mtshams nas mnyam po ru/ /bla mas g.yon gyi khu tshur gyis//dkar dang ser dang de bzhin dmar/ /ljang gu sngon po de bzhin no/ /mnyam dang g.yas skor tshad ldan par/ /dkyil 'khor ri mo bri bar bya/ /mnyam po bri bar ri mo ni/ /sgo yi nyi shu cha yin te/ /de las sboms na nad 'byung la/ /phras na nor rnams zad par 'gyur//kyag kyog byung na 'thab mo 'byung / /chad na slob ma bla ma 'chi/ /g.yas skor du ni ma bris na/ /rdul tshon gyi ni dngos grub nyams/ /rdo rje rtse mo dkar po'i ngos/ /gzhan ser ba yi mdog yin te/ /gzhan ni pad+ma rA ga'i ngos/ /de bzhin ma ra ka ta ste//nang du sngon por shes par bya/ /de ni rdul tshon rim par bshad/ /shar gyi phyogs su dkar po ste/ /lho yi phyogs su ser po yin/ /nub phyogs dmar po bya ba ste/ /byang phyogs ljang gu dag tu 'dod/ /dbus ma'i sa yi cha nyid ni/ /in+d+ra nI la rab tu 'bar/ /rtag tu shes rab thabs ldan pas//shin tu mnyam gzhag yang dag bri/ /zla ba nyi ma'i gdan dag la/ /rdo rje'i 'od kyis kun 'khrigs pa'i/ /rdo rje dbus su yang dag bri/ /'khor lo 'od 'bar rab 'jigs pa'i/ /'khor lo shar gyi ra la bri/ /rin chen 'od 'bar rab 'khrigs pa'i/ / rin chen lho yi phyogs su bri/ /nub tu pad+ma'i sprin 'khrigs pa'i/ /pad+ma dmar po sdong bur bcas/ /ral gri'i 'od kyi rab 'khrigs pa'i/ /ral gri byang gi ra la bri/ /tho ba 'bar 'od gsal ba ni/ /shar gyi sgo ru bri bar bya/ /be con 'bar 'od 'khrigs pa yi/ /be con lho yi sgo ru dgod//pad+ma 'bar ba rab 'jigs pa'i/ /'od dang ldan pa nub sgor bri/ /ral gri 'bar ba'i sprin ldan pa/ /byang gi sgo ru bri bar bya/ /me mtshams la sogs grwa bzhi ru/ /go rims bzhin du 'khor lo dang / /rdo rje pad+ma ut+pa la/ /'od dang ldan pa bri bar bya/ /phyi yi me mtshams la sogs par//zla bas gang ba'i snod bzhi bri/ /de ltar 'khor lo rdzogs pa dang / /mkha' la bkod pa phab byas la/ /de nas sngon bzhin shes rab dang / /sbyor byas 'khor lo bskyed nas gdon/ /de la spyan sogs byin brlab dang / /thugs gsung sku yi rdo rje dang / /dbang bskur la sogs bya ba yin//de nas sngon bzhin ye shes kyi/ /'khor lo dgug dang bgegs bskrad sogs/ /byas la sgo bzhi'i khro bo yi/ /sngags la dzaHsogs mthar ldan pas/ /dgug gzhug bcing dang dbang bya dang / /ra ba dra ba la sogs bya/ /de nas lha mos sngon bzhin mchod/ /bstod dang bdud rtsi myang ba dang //rdul yab sbrang yab bsil yab dang / /khams dang skyed mos tshal dag dang / /gzims mal dang ni gdan khri dang / /myur 'gro rta dang glang po dang / /yid bzhin nor bu dpag bsam shing / /rta babs dang ni bla re sogs/ /bza' btung bro mchog sna tshogs dang / /glu gar la sogs mtha' yas mchod//de nas ci 'byor gzhan dag la/ /bzlas pa byas te mnyes par bya/ /bdud rtsi dang ldan dri chu yis/ /maN+Dal legs par byas nas su/ /oM hrIHSh+T+r-iHwi kr-i tA na na hUM hUM phaT phaT swA hA/ 'byung po 'khor dang bcas pa thams cad aM ku sha dzaH oM hrIHSh+T+r-iH wi kr-i tA na na hUM hUM phaT phaT swA hA/'byung po 'khor dang bcas pa thams cad kI la ya hUM phaT/ dgug dang phur bus gdab pa ste/ /de ltar byas pas 'od nyid du/ /gyur las rang rang yi ge ste/ /de las mtshan ma de las sku/ /hrIHSh+T+r-iHwi kr-i rnam bzhi ni/ /dbang po gshin rje chu lus ngan//'byung po me lha srin po rlung / /ta A na na las byung ba'o/ /hUM hUM phaT dang yi ge gsum/ /nyi ma zla ba tshangs pa'o/ /phaT dang swA ste yi ge gnyis/ /sa bdag dang ni lha ma yin/ /hA ni khyab 'jug la sogs so/ /thams cad zhal gsum nyis 'gyur phyag /dang po rang rang phyag mtshan la//lhag ma bde bar gshegs dang mthun/ /zhal mdog rigs kyi gtso bo 'dra/ /mig sogs brlab dang lus ngag yid/ /dbang bskur ba yang 'dra byas nas/ /gtor ma bdud rtsi bzhin brlabs la/ /lce yang brlabs te sbubs kyis su/ /rang sngags brjod pas brngub par bya/ /oM in+d+rA ya h+'+riHya ma Sh+Th-iHwa ru NA ya wi/gu be+e rA ya kr-i/ I shA nA ya ta/ ag+na ye A/ nai r-I t+ya ya na/ bA ya be na/ tsan+d+ra ya hUM/ arka ya hUM/ brah+ma NA ya phaT/ ba su d+ha rA ya phaT/ be ma tsi tA ya swA/ sarba b+hu te b+h+yo hA/ ha ha ha ha hUM/ hi hi hi hi hUM/ de yis phyogs skyong tshim byas nas/ /'thor 'thung byas pa nang du 'gro//de nas dkyil 'khor zhal bsro'i phyir/ /sbyin sreg gis ni tshim bya ste/ /sbyin sreg las las 'byung ba ltar/ /zhi dang rgyas pa bya bar 'dod/ /de nas slob ma rnams gzhug phyir/ /dang por bdag nyid 'jug par bya/ /bdag nyid sku sogs byin brlab cing / /snang ba thob par gyur pa yis//slob ma gzhug pa'i don du ni/ /de nyid rab tu brjod par bya/ /oM nam mkha' las byung mtshan ldan phyir/ /thog ma tha ma med pa'i mchog /sems dpa' rdo rje che rang bzhin/ /rdo rje sems dpar deng grub mdzod/ /kun mchog dngos grub chen po ste/ /dbang phyug chen po lhag pa'i lha//rdo rje 'dzin pa kun gyi rgyal/ /mi 'gyur mchog tu bdag grub mdzod/ /nyes pa mi mnga' rtag pa khyod/ /'dod chags kun gyi rjes chags pa/ /'dod chags chen po dga' ba che/ /bcom ldan de nyid kyis grub mdzod/ /shin tu dag pa kun gyi mchog /gdod nas grol bde bzhin gshegs//kun du bzang po kun bdag nyid/ /byang chub sems dpar bdag grub mdzod/ /dngos grub chen po kun gyi mchog/ /dbang phyug chen po phyag rgya'i mchog/ /grub pa'i rdo rje cher bstod pa/ /rdo rje snyems bdag bdag mdzod cig/ /de nas bden pa'i byin rlabs brjod//sems can kun gyi yid khyab cing / /sems can kun gyi snying la zhugs/ /sems can kun gyi yab gyur nyid/ /'dod chags dam tshig mchog gyur pa'i/ /mgon po bden pa 'di yis ni/ /bdag la khyed kyis 'dod rdzogs shog /chos rnams gzugs brnyan lta bu ste//dag cing gsal la rnyog pa med/ /gzung du med cing brjod du med/ /rgyu dang las las kun du byung / /de nyid de nyid bskyed pa ni/ /de dag bden pas dkyil 'khor la/ /gzugs brnyan gsal bar slob ma ni/ /sdig med par ni thams cad mthong / /thun mong sdom bzung slob ma ni/ / sngon bzhin sku sogs 'od gsal ba/ /yol bas bar du bcad nas su/ /kun byed bum pa'i chu yis su/ /bkrus pa'i dar ras dmar po yis/ /bu sdug de yi ngo bkab la/ /khyod su zhes ni dri bar bya/ /bdag ni skal ldan yin zhes smra/ /khyod ci dga' zhes dris pa la/ /skal ba bzang la bdag dga' zhes//'jug pa pos kyang smra bar bya/ /de nas phreng ba sbyin bya ste/ /u dum+WA ra man+da ra/ /yongs 'du dag ni ma li ka/ /kar ni ka yi phreng ba ni/ /legs par mnos te bus zung shig /oM AHhUM/ bla ma slob dpon mgon rjes su/ /'bad pa chen pos dbang gi don/ /ji ltar sangs rgyas chos chen pos//rdo rje sems dpa' dbang bskur ltar/ /de bzhin bdag kyang dbang bskur te/ /bdag la don mchog stsal du gsol/ /gtso la yon sogs rab tu dbul/ /gtang sems yang dag bskyed par bya/ /de yi snying gar rdo rje ni/ /me tog bcas pa'i snying por bzhag / oM sarba yo ga tsit+ta/ ut+pAd yA mi su ra ta sa ma ya s+t+wAM ho sid+hi badzra ya thA su khaM/ de ring khyod la de bzhin gshegs pa thams cad kyis byin gyis brlab par 'gyur/ /de bzhin gshegs pa thams cad kyi dam pa'i gsang chen 'di/ /dkyil 'khor du ma zhugs pa rnams la smra bar mi bya'o//dad pa med pa la yang mi rung ngo / /zhes brjod par bya'o/ /tho sogs sngags kyis drang bya zhing / /yi ge gsum gyis gzhug par bya/ /nang du sdom pa 'dzin du gzhug /de nas tshig 'di brjod par bya/ /de ring khyod de bzhin gshegs pa thams cad kyi rigs la rab tu chud do/ /de bas bdag gis khyod kyi rdo rje ye shes bskyed par bya'o//ye shes gang gis khyod la de bzhin gshegs pa thams cad kyi dngos grub kyang thob par bya ste/ /gzhan lta smos kyang ci dgos/ /dngos grub 'di ni khyod kyis dkyil 'khor ma mthong ba rnams kyi mdun du smra bar mi bya'o/ /khyod ni dam tshig la 'da' bar mi rung ngo //de ring rdo rje sems dpa' nyid/ /khyod kyi snying la yang dag gnas/ /gal te tshul 'di smras na ni/ /de ma thag tu dral te gshegs/ /oM badzra satwa hUM/ pad gnas yig gsum 'bar ba yi/ /bdud rtsi lnga ni 'thung bcug ste/ /'di ni khyod kyi dmyal ba'i chu/ /dam tshig 'das na sreg par byed//dam tshig bsrungs na dngos grub ni/ /rdo rje bdud rtsi'i chu 'dis 'grub/ /oM badzrod ka ThaHde nas 'di skad smra bar bya'o/ /de ring phan chad khyod kyi phyag na rdo rje nga yin gyis/ /ngas ci smras pa'i bya ba 'di khyod kyis bya dgos so/ /nga la yang brnyas par ma byed cig /mi bde ba ma spangs par shi ba'i dus byas te/dmyal bar ltung bar ma 'gro shig /de nas de ltar smra ba la/ /slob mas 'di ltar smra bar bya'o/ /de bzhin gshegs pa thams cad kyis byin gyis brlabs nas/ rdo rje sems dpa' bdag la 'bab par gyur cig /ces smra bar bya'o/ /gsol 'debs de yi gnas bzhi ru//'byung chen bzhi yi dkyil 'khor ni/ /yi ge bzhi la dbyibs mdog ldan/ /ba dan la sogs mtshan byas pa/ /bsams te rlung la sogs bskyod pa/ /rdo ba dag kyang 'bab gyur na/ /sems ldan 'bab pa ci zhig smos/ /ye shes babs nas 'phar gyur na/ / tiSh+Tha badzras brtan par bya/ /lce la yi ge a bsams te/ /dge dang mi dge dri bar bya/ /de nas mig gi snang ba dri/ /me tog 'khor lo la dor nas/ /pra tIts+tsha badzra ho zhes brjod/ /slar yang blangs la mgor bcings la/ /pra ti gr-ih+na la sogs brjod/ /mtshan ma gang la bab pa ste/ / de ni de yi lha ru sbyin/ /'od 'bar oM gnyis mig tu bsam/ /rdo rje sems dpa' nyid kyis khyod/ /de ring nan tan mig phye'o/ /bla na med pa'i rdo rje'i mig/ /thams cad rab tu phye bar 'gyur/ /badzra pA sha/ /dkyil 'khor bzang po 'di la ltos/ /da ni dad pa rab tu bskyed/ /sangs rgyas gdung gi rigs su 'khrungs//sngags dang phyag rgyas byin gyis brlabs/ /'gro ba phun tshogs dngos grub kyang / /khyod la mngon du phyogs par 'gyur/ /dngos grub thob phyir dam tshig skyongs/ /gsang sngags la yang brtson par gyis/ /ral gri gshin dgra nas brtsams nas/ /ji srid gtso bo'i mthar thug par//bstan pa'i dkyil 'khor 'jug pa yin/ /spyi bor chu yis gtor bya zhing / /badzra a b+hiShiny+tsa brjod/ /dbu rgyan dbang yang de bzhin te/ /de nas rdo rje sbyin par bya/ /sangs rgyas kun gyi rdo rje'i dbang / /de ring khyod la sbyin par bya/ /'di de sangs rgyas thams cad kyi/ /rdo rje zungs shig rab grub phyir//rdo rje dril bu 'khyud byas nas/ /bdag po'i dbang yang bskur bar bya/ /oM badzra ad+hi pa ti twaM a b+hi Shiny+tsa mAM/ spyi bor gdab tshul ming dbang bskur/ /tiSh+Tha badzra sa ma ya s+t+waM/ oM badzra sa twa twaM a b+hi Shiny+tsa mi/ /badzra nA ma a b+hi She ka ta/ slob dpon gang dang gang dag gi//lhag pa'i lha ni gang gang gi/ /de nas de yi mtshan dag ni/ /dpal dang kye yis mdzes par bya/ /rig pa'i dbang lnga byin nas su/ /rig sbyor brtul zhugs lung bstan dang / /dbugs dbyung dang ni gsum du 'dod/ /hUM gis rdo rje de bskyed la/ /'di ni sangs rgyas thams cad de/ /phyag na rdo rje'i lag na 'dug//khyod kyis rtag tu gzung bar bya/ /phyag na rdo rje brtul zhugs brtan/ /oM sarba ta thA ga ta sid+d+hi badzra sa ma ya tiSh+Tha maM/ e Sha s+t+waM d+ha ra yA mi badzra satwa hi hi hi hi hUM/ thog ma tha ma med pa yi/ /rdo rje sems dpa' dga' ba che/ /kun du bzang po kun bdag nyid/ /rdo rje snyems bdag bdag mdzod cig//chos kyi dril bu gzung bar bya/ /'di de sangs rgyas thams cad kyi/ /shes rab rjes 'gro ba yi dbyangs/ /rtag par khyod kyis kyang gzung ste/ /rgyal ba byang chub mchog tu bzhed/ /chos kyi dril bu dkrol bar bya/ /srid pa rang bzhin gyis dag phyir/ / rang bzhin gyis ni 'byung bar byed/ /rang bzhin dag pa'i sems dpa' mchog /srid pa'i mchog ni 'grub par byed/ /srid pa'i bde ba shin tu chung / /sdug bsngal chen po dag bya'i phyir/ /shin tu bde ba dam pa'i thabs/ /dam tshig 'di ni rtag tu bskyed/ /'dod pa'i longs spyod thams cad la//ci 'dod par ni bstan bzhin du/ /rang gi lha yi sbyor ba yis/ /bdag dang gzhan la mchod par bya/ /ji srid 'khor ba'i gnas su ni/ /mkhas mchog bzhugs par gyur gyi tshe/ /de srid mtshungs med sems can don/ /mya ngan mi 'da' byed par nus/ /shes rab pha rol phyin pa'i thabs//bsod nams byin brlabs kyis bsgrubs la/ /dam tshig 'di ni rtag tu bskyed/ /dngos grub thams cad phun sum tshogs/ /phyag rgya chen po'i brtul zhugs ni/ /de yis rab tu sbyin par bya/ /de nas sdom bzung yon phul te/ /phyag byas tshig 'dis gsol ba gdab//byang chub rdo rje sangs rgyas la/ /ji ltar mchod chen bgyis pa ltar/ /bdag kyang rab tu bsgral ba'i phyir/ /nam mkha'i rdo rje bdag la stsol/ /'jug sgor pad+ma 'dab brgyad pa/ /dar gyis bkab par 'dug byas la/ /bkra shis tshigs bcad glu sgra dang / /rdo rje dril bu gsil ba yis//skyob pa kun gyis mngon sum du/ /til gyi gang bu bzhin gang ba'i/ /rgyal bas bum pa bzung nas su/ /de nyid la ni dbang bskur bas/ /dkyil 'khor de nyid rig par bsam/ /chu dang dbu rgyan sngon bzhin te/ /rdo rje dril bu tshig 'dis sbyin/ /shes rab thabs kyi rang bzhin du//grub pa'i rdo rje dril bu 'di/ /khyod kyis dad pas rab zung la/ /rdo rje khyod kyis slob ma bsdus/ /ming yang sngon dang 'dra bar sbyin/ /de nas bla mas tshig 'di brjod/ /sangs rgyas kun gyi ral gri che/ /khams gsum kun gyis phyag byas pa/ /las kyi ral gri gcig pu mchog /bdud rnams las ni rgyal bzung / /dkyil 'khor de bzhin nyid bstan pa/ /mnyam pa nyid phyir gru bzhi ste/ /nye bar bzhag dang yang dag spong / /rdzu 'phrul rkang pa dang dbang po/ /go rims bzhin du sgo bzhi'o/ /bsam gtan bzhi ni rta babs te//ting nge 'dzin bzhi kha khyer yin/ /de rten gzungs kyi rang bzhin no/ /'gro kun gdul phyir phyogs sgo na/ /rlung gis bskyod pa'i dril sgra sgrogs/ /byang chub yan lag rnam dag phyir/ /dra ba dra phyed la sogs spras/ /rnam thar brgyad ldan ka ba ste/ /rgyan bkod bkra bas mdzes pa ni/ / bsam pa thams cad yongs bskong phyir/ /sna tshogs las kyi mthar thug phyir/ /pho brang sna tshogs rdo rje 'bar/ /theg chen 'khor lo bskor ba'i phyir/ /rdo rje'i phreng bas yongs su bskor/ /sems can sems ni dgrol bya'i phyir/ /tshon rnams ye shes lnga yin no/ /dam pa'i tshogs gnyis rdzogs pa'i phyir//byang chub sems gang ka pA la/ /bdug pa me tog mar me dang / /bshos dang byug pa la sogs ni/ /snyan grags byang chub yan lag dang / /dga' dang chos zas lus bde yin/ /ngo tsha khrel yod sdom pa yis/ /bde bskyed dbyangs dang gar sogs yin//sangs rgyas bzhugs phyir gzhal yas khang / /snying po len phyir dkyil 'khor ro/ /lha yi de nyid bstan bya ba/ /dad dang brtson 'grus dran ting 'dzin/ /stobs rnams dag pa sgor gnas bzhi/ /byams sogs tshangs pa'i gnas pa bzhi/ /tsartsi kA sogs lha mo bzhi/ /shin tu rnam dag la sogs lnga//zhe sdang gshin rje la sogs pa'o/ /'khor bas ma chags pad+ma ste/ /nyi zla byang chub sems myu gu/ /gso dang smin par byed pa'o/ /de nas byad dang na sor ldan/ /ri dwags lte ba'i dri mnam dang / /gser gyi rna cha g.yo ba zhig /gcig cig legs btsal dbul bar bya//bla mas bzhes te byin brlabs la/ /sbyor ba'i cho gas mnyes par bya/ /bde ba mthe bong srin lag gis/ /slob ma'i kha ru dbab par bya/ /bde ba'i btung ba rin chen de/ /brtan pa'i blo yis btung bar bya/ /a ho su kha zhes kyang smra/ /de nas bu mo mig yangs mo//mdzes shing nu ma rgyas pa zhig /rang gi bu la sbyin par bya/ /mgo bor lag bzhag gsang ba gtad/ /de yi gzungs ma legs sbyin mo/ /de dang bde ba myang bar bya/ /de nas slob dpon shes rab dang / /bcas pas dkyil 'khor lha de nyid/ /slob dpon las rnams bstan par bya//ji ltar dbang bskur la sogs 'dis/ /sangs rgyas sogs kun thob pa bzhin/ /byang chub spyod sogs gzhan dag dang / /'dul sogs dge bas de bzhin min/ /de bas dam tshig bus srungs shig /rtag tu sdom pa yang bsrung ngo / /sha lnga bdud rtsi lnga bza' ste/ / de las gzhan pa'i dam tshig bsrung / /dkon mchog gnod pa gsad bya ste/ /bud med kun kyang spyad par bya/ /pha rol nor yang blangs nas su/ /rtag tu rdzun gyi tshig kyang smra/ /rnal 'byor rgyud las gang gsungs pa/ /de ni cho ga bzhin du bsrung / /de nas de bzhin gshegs gyur nas/ / lung bstan pa ni bya ba yin/ /g.yon gyis snying gar chos gos gzung / /g.yas pa yis ni mchog sbyin bya/ /oM/ ngas khyod 'di ltar lung bstan yin/ /srid pa'i ngan 'gro rnams las bton/ /srid pa'i mchog tu grub pa'i phyir/ /rdo rje sems dpa' de bzhin gshegs/ /kye gshin rje mthar 'byin pa ni b+hur b+hu ba swaH de ltar lung bstan bsngags pa de//bla med nyid du lung bstan yin/ /de nas dbugs dbyung sbyin bya ste/ /gsang ba'i dkyil 'khor dam pa ni/ /mthong ba dang ni zhugs gyur pas/ /sdig pa kun las nges grol zhing / /khyed rnams de nyid legs par gnas//bde chen theg pa 'di la ni/ /slar 'chi ba ni yod med de/ /mi tshugs pa dang mi song bas/ /cis kyang mi 'jigs dga' bar gyis/ /srid pa shin tu dag pa'i phyir/ /srid pa'i sdug bsngal las khyod bton/ /srid pa shin tu grub pa'i phyir/ /rtog pa mchog tu gyur pa yis/ /dam tshig sdom pa grub pa 'di//rtag tu khyod kyis bsrung bar bya/ /sangs rgyas kun gyis mthun par gsungs/ /gang zhig bskyed pa tsam gyis su/ /sangs rgyas nyid du dogs med pa'i/ /byang chub sems ni btang mi bya/ /phyag na rdo rje gang yin pa'i/ /de la sogs pa'i bka' stsal ni//ci rigs par ni brjod par bya/ /de ltar bka' stsal thob pa dang / /slob ma gus dang ldan pa yis/ /bla ma'i rkang par phyag byas la/ /thams cad bsgrub par khas blang ngo / /de nas zhi ba'i sbyin sreg ni/ /ci nus pa yang bya ba ste/ /slob ma g.yon phyogs bzhag nas su/ / de yi srin lag nas bzung la/ /sbyin sreg bsang dang bsrung ba dang / /me tog bsdus te bla ma la/ /phul la mer dor smon lam bya/ /de ltar bya ba kun zin nas/ /de nyid gsum mthar muHldan pas/ /ye shes sems dpa' gshegs par bskul/ /de dang mthun par bskyed par bsdu//thog mar a ldan gsang sngags kyis/ /rdul tshon bsgrims te bsdu bar bya/ /rol mo bcas pas spyan drangs la/ /kI li kI lis chu bor dor/ /rdo rje'i skam khas phur bu gdon/ /rig pa spyan bzlas 'o mas bkru/ /ba yi lci bas dkyil 'khor byug /de steng dga' ston la sogs bya//dkyil 'khor gyi ni yo byad kun/ /rdo rje slob dpon dbang bar bshad/ /de ltar bya ba las dang po'i/ /rnal 'byor pa yi bya ba yin/ /gzhan dag dbab dang sems nyid kyis/ /byas pa rmad du byung ba yin/ /de ltar dbang thob slob ma de/ /deng nyid slob dpon go 'phang 'gyur//de yis bsgrub pa 'bras bcas phyir/ /des ni bsgrub pa brtsam par bya/ /las kyi mthar thug rgyud 'di ru/ /thun mong ma yin 'khor lo ni/ /dgos pa ma lus kun byed pa/ /de 'dir bdag gis bri bar bya/ /rnam par snang mdzad la sogs pas/ /legs byugs dur khrod ras ma la//dug dang nim pa'i khu ba dang / /khrag dang dur khrod sol ba dang / /da du ra sogs snag tsha dang / /rus pa'i smyu gus bri bya ba/ /gcer bu skra bshig gdong bsnyer te/ /khros pas lho ru mngon phyogs la/ /sngags bzlas rtse gcig pa yis bri/ /zlum por bskor ba gsum bya ste//dgu dang bcu gnyis bcu drug ste/ /le tshe rnams ni byas pa la/ /yi ge gsang sngags sa bon bri/ /dbus su zhe sdang rdo rje nyid/ /yang / shar du gti mug rdo rje ste/ /lhor ni ser sna rdo rje yin/ /nub tu 'dod chags rdo rje la/ /byang du phrag dog rdo rje'o/ /k+She ma me da gnyis pa yi//gnyis pa'i phyogs bzhir lhor brtsams nas/ /shar gyi phyogs la thug gi bar/ /khro bo yum dang snod dag gi/ /re re'i gong ma mas rim bzhin/ /do yo ya/ mtshams kyi le tshe brgyad po la/ /bden bral mtshams na lha mo gnyis/ /rlung gnas mdzod ldan me mtshams snod//dbang ldan na ni thod pa gnyis/ /me mtshams na ni sgo srung gnyis/ /dzA/ sa ru Na ni rats+tsha ni/ /kun ming thog ma dbus su ste/ /a/ lho ru ser sna ral gri 'dzin/ /nub tu chags dang dbyangs can ma/ /byang du phrag dog bden bral snod/ /shar du gti mug dang tho ba//mar me do yo k+She ya/ /sngags ming bskul tshig bcas pa dang / /yi ge gnyis par ming bcug pa/ /spel zhing spel zhing bri bar bya/ /de ltar bris pa'i 'khor lo ni/ /lugs dang lugs min bar byas la/ /do da yo k+She ya gnas la/ /gnas pa phyi nang so so yi/ /phyogs mtshams bye brag bklag pa dang //phyi nang thun mong phyogs mtshams su/ /bklag pa dag ste gnyis su 'dod/ /gnas pa sde tshan so so ni/ /gtso bo khro bo lha mo dang / /ban+d+ha bzhi ru shes bya ste/ /sdom dang so sor bklag par bya/ /ya k+She ma me da pAts+tsha ni rA/ /dzA sa do ru Na yo ni ra/ /yi ge bcu bdun dbang byas nas//rnam pa dgu ru bklag pa yin/ /rtsa ba'i sngags su gdon pa la/ /yi ge sum cu rtsa gnyis kyang / /rkang pa bzhi ru gdon pa dang / /so sor phye ste gdon pa'o/ /ya ma rA dza la sogs pa'o/ /dang po dang 'og mtha' ltag mtha'/ /gtso bo lnga ru bstan pa yin//dang po tha ma yi ge brgyad/ /gshin rje dgra nyid shes par bya/ /ya ya ya ya/ ya ya ya ya/ /dang po mgo mtha' mtha' ma'i ltag/ /ser sna rdo rje yin par 'dod/ /ma ma/ dang po'i mtha' ltag gnyis dang mgo/ /'dod chags rdo rje'i yi ge yin/ /me me/ gnyis pa'i mtha' ltag gsum dang 'og /phrag dog nyid du bstan pa yin/ /da da/ gsum pa'i mtha' ltag bzhi dang 'og /gti mug rdo rje'i yi ge yin/ /k+She k+She/ rkang pa dang po'i dbu ma bzhi/ /khro bo gcig dang lha mo gsum/ /rA dza sa do/ /rkang pa gnyis pa'i dbu ma bzhi//lha mo gnyis dang thod pa gnyis/ /do ru Na yo/ /rkang pa gsum pa'i dbu ma bzhi/ /snod chen gsum dang khro bo gcig/ /yo ni rA ya/ rkang pa bzhi pa'i dbu ma bzhi/ /khro bo bzhi ru shes par bya/ /yats+tsha ni rA/ /'jug pa dang ni ldog pa dang / /'phel dang 'grib dang mu bzhi dang / /thun mong dang ni rnam pa drug /gcig gnyis gsum bzhi gong nas 'phel/ /gsum gnyis gcig dang zad mthar thug /rA do ru yo/ ni rA yats+tsha ni rA/ dzA sa do na yo ya/ mtha' ma gcig dang gong ma gsum/ /'og ma gnyis dang gong ma gnyis/ /'og ma gsum dang dang po gcig/ /ma 'dres bzhi dang mu bzhi'o//'jug dang ldog dang thun mong ni/ /gong du bstan pas shes bya ste/ /'jug ldog phyogs kyi gtso bo la/ /thun mong phyi yi phyogs la'o/ /dgu dang brgyad kyi yi ge ni/ /bcu bdun dag ste lha ru 'dod/ /re re'ang mgo dang mthar ldan par/ /gsang sngags gdon par bya ba yin//dbus kyi phyogs min stong pa ru/ /sa bon gnyis par ming spel bri/ /rim pa gsum pa'i le tse ni/ /bcu drug pa la bri bya ba/ /sngags ming bskul tshig bcas pa dang / /yi ge gnyis par ming bcug pa/ /spel zhing spel zhing bri bar bya/ /de ltar bris pa'i 'khor lo ni//lugs dang lugs min gnyis byas la/ /so sor mthun par mgo sprad la/ /til te phyi rol mar khus byug/ /thod pa gnyis ni kha sbyar bar/ /mar khus khrag blugs der bcug la/ /skud pa sngon pos khris bdun dkri/ /de la me tog nag po dang / /dus sogs nag pos mchod par bya//rgyal po'i sgo khang sa dang ni/ /grog khyim la sogs sa dag las/ /gshin rje'i dgra yi sku bya ba/ /'khrugs pa zhal gcig phyag gnyis pa/ /khru gang tsam gyi tshad byas la/ /de yi mdun du dkyil 'khor ni/ /gnag pa khrag gis chag chag can/ /byas la de steng spos chen dbul/ / de nas bdag gi gsang sngags ni/ /bskul tshig ldan par rab tu bzlas/ /khro bo'i rgyun ni rnam spros te/ /gzas pa'i lus las go cha dang / /srung ba phrogs nas bdag la thim/ /de nas de ni gos med cing / /sdug bsngal sna tshogs pas gzir bsam/ /de bkug mthar byed lto bar gzhug//khro bo gcan gzan sna tshogs kyis/ /gshin rje gshed kyi lto ba nas/ /rkang dang rgyu ma khrag tshil bu/ /phyogs bcur khyer nas 'gro bar bsam/ /de ltar brtan par gyur pa dang / /shing gcig dur khrod la sogs par/ /gshin rje'i lto bar bcug la sba/ /'khor lo dgos pa kun byed 'di//so so'i bye brag shes byas la/ /zhi sogs las rnams thams cad ni/ /ji ltar mngon par dga' bar bya/ /la li badzra zhes bya nus pa kun dang rnam bral yang / /bla ma'i rjes 'brangs dad pas de yi phyogs tsam gzung bya ste/ /dkyil 'khor cho ga 'di byas dge ba dri med gang yin pa//de yi 'gro kun gshin rje ma lus mthar phyin byed gyur cig /gshin rje gshed kyi dkyil 'khor gyi cho ga/ /gshin rje gshed 'byung ba zhes bya ba/ slob dpon chen po la li ta badzra'i zhal snga nas mdzad pa rdzogs so// //rgya gar gyi mkhan po a mo g+ha badzra dang /