CLOSE WINDOW

D1925
བོད་ཡིག

slob dpon mkhas pa dpal 'dzin gyis mdzad pa rdzogs so// //rgya gar gyi mkhan po dA na kI rti dang / lo tsA ba dge slong tshul khrims rgyal bas bsgyur cing zhus te gtan la phab pa//[ ]@##/ /rgya gar skad du/ badzra sa ra swa tI sto tra/bod skad du/ rdo rje dbyangs can ma'i bstod pa/ rdo rje dbyangs can ma la phyag 'tshal lo/ /shes rab mnga' bdag rdo rje dbyangs can ma/ /yang dag lam ston bla ma rje btsun la/ /dad cing mos la gus par phyag 'tshal lo/ /blo gros spel phyir bstod pa cung zad bri/ /dpal ldan rdo rje dbyangs can ma//rang don grub nas gzhan don ni/ /mchog tu gzhol mdzad rje btsun ma/ /dbyangs can de la spyi bo yis/ /kun nas dang bas phyag 'tshal bstod/ /zhal gsum rnam thar gsum gyi dngos/ /phyag drug pha rol phyin drug rdzogs/ /zhabs gnyis bden gnyis don rtogs ma//rje btsun ma la phyag 'tshal bstod/ /thugs rjes 'gro ba smin mdzad pas/ /rtag tu pad+ma rA ga'i mdog /dbyangs can de la spyi bo yis/ /kun nas dang bas phyag 'tshal bstod/ /'dod pa'i 'dam gyis ma gos pas/ /rtag tu chu skyes steng na bzhugs//dbyangs can de la spyi bo yis/ /kun nas dang bas phyag 'tshal bstod/ /rtsa ba'i zhal ni pad+ma rA ga'i mdog /'dod chags rnam dag gsung la phyag 'tshal bstod/ /g.yas kyi zhal ni in+d+ra nI la'i mdog /zhe sdang rnam dag thugs la phyag 'tshal bstod/ /g.yon pa'i zhal ni kun da zla ba'i mdog /gti mug rnam dag sku la phyag 'tshal bstod/ /phyag drug g.yas kyi dang po pad+ma bsnams/ /ma chags 'gro don mdzad la phyag 'tshal bstod/ /bar pa ma rig gcod mdzad ral gri bsnams/ /shes rab rnam gsum gsol la phyag 'tshal bstod//tha ma rnam rtog gcod mdzad gri gug bsnams/ rtog med ting 'dzin gsol la phyag 'tshal bstod/ /phyag drug g.yon gyi dang po b+han+d+ha bsnams/ /bdag med don rtogs mnga' la phyag 'tshal bstod/ /bar pa dbul ba gcod mdzad rin chen bsnams/ /'gro kun re 'dod skong la phyag 'tshal bstod//tha ma 'khor ba gcod mdzad 'khor lo bsnams/ /'khor ba rtsad nas gcod la phyag 'tshal bstod/ /mtshan dang dpe byad sku la phyag 'tshal bstod/ /ka la ping+ka'i gsung la phyag 'tshal bstod/ /shes bya kun mkhyen thugs la phyag 'tshal bstod/