| བོད་ཡིག |
1a1 @##/
1b1 /rgya gar skad du/ kr-iSh+Ta ya mA ri sA d+ha naM nA ma/ bod skad du/ gshin rje gshed nag po'i sgrub thabs zhes bya ba/ dpal gshin rje gshed la phyag 'tshal lo/ /
1b2 bla ma la gus de rjes gshin rje gshed nag rdo rje la/ /rang 'od yan lag 'dus pa bde ba rgyas pa gzhan gyi don 'jug pa/ /rdo rje ral gri 'khor lo chu skyes gri gug thod pa'i phyag /zhal
1b3 gsum 'jigs pa'i 'jigs byed la ni spyi bos phyag 'tshal lo//gshin rje gshed nag sgrub pa'i thabs/ /de nyid rig pa mngon 'dod pa'i/ /dbang la sogs pa thob pa nyid/ /de
1b4 yi 'di ni sgrub thabs rim//byis rnams bde bar rtogs phyir dang / /mnyam pa dran par bya ched dang / /mchog rnams byis pa'i ngag la ni/ /mgu bya'i phyir ni rnam par bri/ /sbyin dang
1b5 tshul khrims la sogs ldan//sems can don la ro gcig blo/ /byams sogs yon tan yang dag rdzogs/ /dad dang thos pas rnam par brgyan/ /tho rangs snying rje'i bdag nyid can/ /
2a1 dang por gdong sogs khrus byas nas/ /dben pa'i sa phyogs dur khrod sogs/ /bde ba'i stan la 'dug nas ni/ /brtsam bya rang snying pad+ma ste/ /zla ba la blta shin tu gsal/ /ya yig sngon
2a2 po'i 'od zer can//sems can don ni phun tshogs byas/ /bla ma rdzogs pa'i sangs rgyas rnams/ /nam mkha' ma lus khyab par bsgom/ /de rnams dmigs la phyag byas nas/ /lus sprul pa yi cho ga yis/ /
2a3 sems ma la sogs kyis mchod nas/ /sdig pa bshags pa'o/ /lus ngag yid kyis sdig pa bgyis/ /de bzhin bgyid du stsal pa dang / /mgon po rjes su yi rang gang / /de gsum byas pa bshags par bgyi/ /
2a4 rdzogs sangs rgyas dang de sras 'phags/ /bsod nams tshogs la rjes yi rang / /rdzogs sangs rgyas dang dam chos bcas/ /tshogs kyi mchog la skyabs su mchi/ /yon tan rgya chen khyed cag la/ /bdag gi
2a5 lus ni dbul bar bgyi//dam pa'i chos ni thams cad dang / /ston pa'i sgra mdzes gnas gyur cig /rdzogs sangs rgyas dang de yi sras/ /sbyin sogs las kyi ngo bo la/ /sku gsung ye shes thob bya'i phyir/ /rab
2b1 tu gus pas gnas par bgyi//byang chub tu ni sems bskyed bgyi/ /sems can kun gyi don gyi phyir/ /gang zhig bsod nams tshogs bsags pas/ /byang chub tu ni bsngo bar bgyi/ /dpal ldan gshin rje gshed gyur nas/ /'gro la phan pa dag sde byed cing / /'di ltar
2b2 smon lam btab nas ni//de nas blo yis gshegs su gsol/ /snying rjes cho ga bzhin bltas nas/ /sna tshogs stong pa'i rnam par bsgom/ /rang bzhin rnams dang bral ba'i phyir/ /rgyu yang mtshan ma med par bsgom/ /spyod dang bral ba nyid kyis ni/ /smon pa dag ni rnam par spangs/ /
2b3 oM shu n+ya tA dz+nyA na badzra swa b+hA wa At+ma kou0f85haM/ de la sems ni brtan byas nas/ /aM yig las byung nyi ma las/ /der ni hUM yig sngon po'i mdangs/ /'od zer 'phros pas kun la khyab/ /rdo rje rtse lnga thams cad du/ /bsrung ba'i don du bsgom par bya/ /rdo rje sa gzhi lcags ri dang / /ra ba
2b4 gur dang de bzhin no//sangs rgyas zhing ni rnam dag don/ /slar yang bsam gtan yang dag brtsam/ /de la sna tshogs chu skyes zla/ /saM las byung ba'i rdo rje las/ /yan lag bzang po yan lag 'byung / /chos 'byung dkar po gru gsum pa/ /steng du gnas pa mkha' mnyam bsam/ /
2b5 dbus su pad+ma zla ba la/ /slar yang de dbus dkyil 'khor te/ /hUM yig 'khor lo las bskyed pa/ /rtag pa'i yan lag las byung ba/ /gru bzhi pa la sgo bzhi pa/ /rta babs bzhi yis brgyan pa dang / /dra ba dra phyed kyis brgyan pa/ /stegs bu lha mos legs mdzes pa/ /sna tshogs rtse mo
2b6 rlung gis bskyod//ba dan dril bu dang ldan pa/ /sna tshogs rdo rjes rnam par brgyan/ /zla ba nyi ma rgyal ba'i gdan/ /shar ni dkar po chen po ste/ /lhor ni ser po yang dag ldan/ /nub kyi cha ni dmar po ste/ /byang ni btsod dang mtshungs pa'o/ /in+d+ra nI la'i 'od byed pa/ /dbus kyi sa gzhi rnam
2b7 par bsam//phyogs kyi kha dog dbye ba 'dis/ /sna tshogs rdo rje bsgom par bya/ /de bzhin gur yang bsgom par bya/ /so so'i rtsig pa go rims bzhin/ /rnam pa lnga ni bsgom byas nas/ /sangs rgyas gzugs ni bsgom par bya/ /dpal ldan rnam pa lnga dang bcas/ /rdo rje nag po sel byed pa/ /sangs
3a1 rgyas kyi ni gzugs zhes grags//de ni dbye bas bsnyad par bya/ /lte bar sna tshogs pad+ma'i gdan/ /zla bar dbyangs yig nyis rim dgod/ /de yi zla bar ka yig sogs/ /Da D+ha da d+ha ya la yang / /bcug nas de dag nyid las grub/ /'di dag 'di ltar grub pa ni/ /
3a2 me long ye shes brjod par bya/ /mnyam nyid de dag gcig pa nyid/ /de skyes hUM ni so sor rtog /bya ba nan tan ye shes ni/ /de las skyes pa rdo rjer bsgom/ /nor bu me shel 'od 'dra ba/ /sa bon bcas pa'i 'od zer 'phros/ /oM badzra At+makou0f85haM/ zhes pas bdag nyid nga rgyal bya/ /de
3a3 skyes dkar dmar mdangs ldan pa//'od zer mdzes pas 'khyud pa'i lus/ /khro bo sgeg gzugs bde ba yis/ /dkar dang sngo dang dmar ba'i zhal/ /gdan la g.yon brkyang gis gnas pa/ /'bar ba'i ral gri rdo rje gri gug gsor ba'o/ /'khor lo 'dam skyes snod ni 'od zer 'phro ba yi/ /
3a4 phyag ni g.yas dang g.yon rnams kyis/ /chos kyi dbyings kyi rang bzhin ni/ /ye shes rdo rje 'dzin pa'i bdag /rnam pa lnga yi rang bzhin gang / /rnal 'byor zhes ni mngon par brjod/ /zhes pa ni rnal 'byor ro/ /'dod chags chen pos 'dul ba ru/ /'gro ba gsum po yang dag bltas/ /
3a5 rang snying ye shes 'od zer gyis/ /sna tshogs sangs rgyas gzugs byas nas/ /rang gi lus la yang dag gzhug /bde ba dam pa rnam pa'i gzugs/ /bdag gi longs spyod bsgom par bya/ /rtog pa thams cad yang dag spangs/ /sngags mchog de nyid gsum zhes pa/ /hoHdmar
3a6 gnyis kyi nang du gzhug /ji ltar skar mda' 'phro ba ltar/ /byang chub sems ni de bzhin gzhug /snying rje chags pa'i sems kyis ni/ /rdo rje 'dzin pa bdag nyid zhu/ /byams sogs sems ma sogs rnams kyi/ /'khor lo'i gtso bo skul bar byed/ /bzhengs shig gshin rje rje btsun
3a7 snying rje'i khro//khams gsum thams cad pa yi gti mug sol/ /de bzhin bdud las rgyal bar mdzod/ /bzhengs shig rje btsun thugs ni g.yengs gyur pas/ /'jig rten mgon po stong nyid ci ste bzhugs/ /bzhengs shig rje btsun 'jig rten bsod nams kyis/ /byang chub 'dod
3b1 pa'i 'jig rten mnyam mnan nas//ci phyir stong pa nyid la sems shing zhugs/ /bskul nas de ni thim gyur nas/ /de yi ro yi rjes su song / /glu 'di yi ni dor byas nas/ /phun tshogs nyams 'dra las byung ba/ /zhu ba rjes pa las skyes pa/ /maM sngon po las nyi dkyil 'khor/ /mi bzad
3b2 khro bcas mdog sngo ba//rus pa'i rgyan gyis brgyan pa ste/ /sma ra rnon po 'bar ba'i rwa/ /rmig pa rko ba 'jigs byed pa/ /ma hiR+Sha de'i rgyab gnas pa/ /rdo rje sngon po 'od zer bcas/ /sa bon 'od zer bcas pa yis/ /gshed nag gzugs ni de yis bya/ /sna tshogs dag la yang
3b3 dag gzhug /'jigs byed chen po 'jigs su rung / /ma hiR+Shar ni rdo rjer bsgom/ /dkyil 'khor dbang phyug bsgom par bya/ /'jig rten gsum po bdud kyi 'khor/ /'od zer rnon po 'phro bas bsreg /mi bzad drag shul mun pa'i lus/ /'od zer ljags ni 'dril ba po/ /'bar ba'i mche
3b4 ba gtsigs pa'i byad//ral pa sma ra gyen du 'greng / /g.yon brkyang pa yi zhabs kyis mnan/ /nag po rnam par myos byed pa/ /rtsa ba'i zhal ni bung nag 'dra/ /g.yas pa zla ba'i 'od byed pa/ /g.yon pa dmar po'i mdangs su bstan/ /rdo rje'i rgyan gyis brgyan pa ste/ /sbom thung gsus pa
3b5 'phyang ba po//mgo bo'i phreng ba 'phyang dang ldan/ /g.yas dang g.yon pa'i phyag dag gis/ /gri gug dang ni thod pa 'dzin/ /rang 'od shes rab yan lag sbyor/ /bde ba 'bab pa gzhan gyi don/ /lhag ma g.yas pa'i phyag dag gis/ /'bar ba'i rdo rje ral gri 'dzin/ /g.yon na 'khor lo chu skyes
3b6 'dzin//sbrul gyi dbang pos brgyan byas te/ /sngon po mtha' yas sbrul dag gis/ /ral pa bcings pa shin tu 'jigs/ /dmar po 'jog po klu yis ni/ /ma rungs pa yi rna ba brgyan/ /sna tshogs rigs ldan dpung rgyan te/ /dung skyong dag gi sbrul nyid ni/ /ser po gdu bu 'dzin pa'o/ /pad+ma
3b7 dkar po'i do shal can//ljang gu karko Ta yis ni/ /tshangs pa'i skud pa shin tu mdzes/ /bdud rtsi'i kha dog 'dra ba yi/ /nor 'dzin gyis ni ska rags byas/ /pad+ma'i rtsa ba kha dog skya/ /pad+ma chen pos zhabs gdub po/ /thams cad phuT kyi sgra byed pa/ /lce gnyis drag shul mche ba'i phreng / /'di ni 'khor ba myang
4a1 'das gzugs//gshin rje sel bar byed pa'o/ /rtog pa zad pa'i ched bsams nas/ /sngags kyis yang dag byin kyis brlab/ /oM d+harma d+hA tu dz+nyA na swa b+hA wa At+makou0f85haM/ zhes pa ni rjes su rnal 'byor ro/ /rang snying 'od zer lcags kyu yis/ /mkha' khyab rdzogs pa'i sangs rgyas r
4a2 nams//thams cad bkug nas zhal du gzhug /bde bar phab nas snying gar zhu/ /rdo rje lam byung zhu ba de/ /blo dang ldan pas spro bar bya/ /rang 'od pad+ma'i khongs su gnas/ /rang gi sa bon gzugs su blta/ /sa bon las byung 'khor lo kun/ /sa bon kun gyis byin gyis brlab/ /'phro zhing sdud pa'i
4a3 'od zer ni//mkhas pas cho ga bzhin du bsgom/ /ya yig sngon bos dbus ma bskyed/ /dkyil 'khor can gyi mtshan nyid gsungs/ /shar du k+She las 'khor lo grub/ /rtag pa dkar po phyag drug pa/ /'khor lo ral gri g.yas pa'i phyag /g.yon na rin chen chu skyes 'dzin/ /lhor ni ma yi yi ge
4a4 las//rin chen las skyes rin chen 'byung / /btso ma gser gyi mdangs byed pa/ /rin chen ral gri g.yas na 'dzin/ /g.yon na 'khor lo chu skyes so/ /nub tu 'dod chags rdo rje can/ /sa bon me dang pad+ma grub/ /pad+ma rA ga'i 'od dang mnyam/ /g.yas na pad+ma ral gri'o/ /nor bu 'khor
4a5 lo g.yon du dgod//de dang ral gri las byung ba/ /ljang gu phrag dog gshin rje gshed/ /g.yas na ral gri 'khor lo bsnams/ /mdzes pa'i nor bu pad+ma g.yon/ /thams cad zhe sdang gshin rje gshed/ /khro bo gzugs kyi mtshan nyid do/ /de rnams kyi ni rtsa ba'i phyag /gri gug thod pa bsgom par
4a6 bya//gnyis med gnyug ma'i shes rab dang / /lus bdag med pa'i ngo bo dang / /nyi ma'i dkyil 'khor la gnas pa/ /rtag pa zla ba'i dkyil 'khor la'o/ /sna tshogs rdo rje rtsa bar gnas/ /sems can don byed bsgom par bya/ /shar sgor ya yig las skyes pa/ /tho ba sngon po yi ni gzugs/ /
4a7 g.yas na tho ba ral gri 'dzin/ /nor bu bzang po pad+ma g.yon/ /rdo rje thor grags gshin rje gshed/ /lhor ni dza dang dbyug pa las/ /dbyug pa gshin rje gshed dkar mdangs/ /dbyug pa ral gri g.yas pa na/ /chu skyes 'khor lo g.yon pa'o/ /nub tu pad+ma gshin rje gshed/ /ni skyes 'dod
4b1 chags mtha' 'joms gzugs//pad+ma ral gri g.yas pa na/ /g.yon na 'khor lo nor bu'o/ /byang du ral gri gshin rje gshed/ /ra skyes phrag dog mtha' 'joms pa/ /ral gri 'khor lo g.yas pa na/ /g.yon na nor bu pad+ma ste/ /cung zad sngo ba'i bye brag ste/ /zhes pa 'jigs par byed
4b2 pa'o//sbrul ni thams cad pa yi gzugs/ /rnam par gtsigs pa'i gad rgyangs can/ /skra ser gyen du 'greng ba ste/ /nyi ma'i dkyil 'khor yang dag ldan/ /mche ba gtsigs pa gad rgyangs che/ /gri gug dang ni thod pa 'dzin/ /sna tshogs rdo rje mtshams bzhi la/ /zla ba la gnas lha
4b3 mo rnams//shar lho mtshams kyi lha mo ni/ /dza skyes rdo rje sems ma'o/ /dkar mo sgeg mo khro ba che/ /gti mug gshin rje gshed kyi gzugs/ /de nas lho nub mtshams su ni/ /rdo rje phag mo sa las skyes/ /khro bo phag mo'i gdong can ma/ /zhe sdang gshin rje gshed dang mtshungs/ /byang
4b4 dang nub kyi mtshams su ni//rab tu zhi ba'i dbyangs can ma/ /do skyes shin tu dmar ba'i mdog /'dod chags gshin rje mthar 'joms gzugs/ /byang shar gyi ni mtshams su ni/ /gau rI ljang gu 'jigs su rung / /ru skyes phrag dog gshin rje gshed/ /gzugs dang mtshan ma 'dzin pa'i
4b5 mchog /sngon po'i g.yas ni dkar ba dang / /dkar po'i g.yas ni sngo ba dang / /de gnyis kyi g.yon dmar po ste/ /de las gzhan pa sngo dkar po/ /dkyil 'khor gyi ni mtshams bzhi ru/ /na yo ni ra thod pa'o/ /grub nas rab spro blo ldan gyis/ /ji skad brjod pa'i rang sngags kyis/ /
4b6 hrIHSh+T+r-iHla sogs sngags kyi sgras/ /dkyil 'khor gtso bo yang dag bskul/ /sprul pa mtha' yas spros pa yis/ /sems can don mchog byas nas ni/ /rang gi lus la thams cad kyis/ /khro bo dpa' bo thams cad dgod/ /dzi na dzika ces bya ba 'dis/ /shar du gti mug mthar byed
4b7 pa//rtsibs kyi rtsa ba la gnas pa/ /sna tshogs chu skyes zla bar dgod/ /rat+na d+h+rika ces bya ba 'dis/ /lho rtsibs chu skyes nyi ma la/ /phra ma zhes bya drangs nas ni/ /cho ga bzhin du dgod par bya'o/ /A ro l-ika ces bya ba 'dis/ /'dod chags gshin rje sel byed pa/ /nub rtsibs 'dam skyes nyi ma
5a1 la//cho ga bzhin du rnam par bsam/ /pradz+nyA d+h+r-ika ces bya ba 'dis/ /phrag dog gshin rje zad byed pa/ /byang rtsibs chu skyes nyi ma la/ /cho ga bzhin du dgod par bya/ /mung+gar d+h+rika ces bya ba yis/ /shar sgor chu skyes nyi ma la/ /tho ba'i mtha' 'joms za byed pa/ /blo dang ldan
5a2 pas bsam par bya//daN+Da d+h+r-ika pa'i sngags 'di yis/ /lho yi sgo ru yang dag gnas/ /dbyug pa gshin rje 'dul dka' ba/ /sna tshogs chu skyes nyi mar dgod/ /pad+ma d+h+rika ces bya ba 'dis/ /pad+ma gshin rje gshed 'joms pa/ /nub sgor chu skyes nyi ma la/ /gtum po
5a3 stobs chen bsgom par bya//khaD+ga d+h+r-ika ces bya ba 'dis/ /ral gri gshin rje zad par byed/ /sna tshogs pad+ma nyi mar bsam/ /byang du bdud ni 'joms pa'o/ /sna tshogs rdo rje'i mtshams bzhi la/ /lha mo bsgom bya de bzhin mchog /shar lho lha mo sems ma ste/ /gtum mo mdzes
5a4 ma'i 'od zer can//mo ha ra ti zhes sngags kyis/ /sna tshogs chu skyes zla bar gnas/ /de nas lho nub rdo rje mo/ /phag mo rigs kyi gtso mo ste/ /dwe Sha ra ti de nyid 'dis/ /pad+ma zla bar mkhas pas dgod/ /de nas nub byang mtshams su ni/ /zla bar dbyangs can dgod par bya/ /rA ga
5a5 ra ti'i sngags 'di yis//de nas byang shar go rI ste/ /badzra ra ti'i sngags 'di yis/ /zla bar oM gyis mtshan pa'o/ /rtsa ba'i dkyil 'khor grwa bzhi ru/ /de nyid gsum gyi thod pa'o/ /'di ltar spro bya dkyil 'khor bcas/ /brtan par byas nas bde ldan pa/ /sngon gyi 'khor lo der thim par/ /
5a6 mnyam par gzhag pas blta bar bya/ /'di ni shin tu rnal 'byor ro/ /gshin rje nag po 'joms pa dang / /dkyil 'khor pa yi rang bzhin gyis/ /mig dang sku sogs ngo bo la/ /lha rnams byin gyis brlab par bya/ /k+ShiM las 'khor lo gti mug mdangs/ /cung zad khro bo mig la ni/ /rdo rje
5a7 mig dgod blo ldan gyis//rna bar dzaM yig rdo rje las/ /rdo rje rna ba nag po'i mdangs/ /sna ru khaM yig rin chen 'byung / /phra ma zhes bsgrags dang mtshungs pa/ /zla bar rdo rje sna tshogs so/ /lce la raM zhes pad+ma las/ /rdo rje lce byung pad+mar song / /'dod chags gshin rje mdangs ldan pa'o/ /kaM skyes
5b1 ral gri las byung ba//rdo rje sku ste zla bar gnas/ /phrag dog gshin rje gshed kyi gzugs/ /dpral bar sku yi lus can no/ /lte ba'i steng du saM las skyes/ /thugs kyi rdo rje de bzhin mchog /khro bo sgeg pa'i gzugs can ni/ /rdo rje 'dzin pa'i rnam par dgod/ /yan lag drug la dgod pa ni/ /mngon
5b2 shes sgrub pa'i don du bshad//snying gar hUM las rdo rje dbus/ /hUM gnas rdo rje sngon po'i mdangs/ /thugs kyi rdo rje gshin rje gshed/ /kha dog phyag mtshan yang dag ldan/ /mgrin par AHyig pad+ma las/ /slar yang pad+ma las byung ba/ /'dod chags gshin rje gshed 'dra'i lus/ /dpal ldan gsung
5b3 gi rdo rje bsam//spyi bor oM las 'khor lo ste/ /oM dang 'khor lo dkar po'i mdangs/ /sku yi rdo rje sku dbang phyug /phyag dang kha dog mtshan ma mchog /de nyid gsung gi rdo rje mchog /rdzogs nas nam mkhar gnas pa yi/ /sangs rgyas mchod nas sngags kyis ni/ /de rnams byin gyis
5b4 brlab par bya//oM sarba ta thA ga ta tsit+ta badzra swa b+hA wa At+makou0f85haM/ oM sarba ta thA ga ta wAka badzra swa b+hA wa At+makou0f85haM/ oM sarba ta thA ga ta kA ya badzra swa b+hA wa At+makou0f85haM/ rang snying sa bon 'od zer gyis/ /sna tshogs gnas pa'i sangs rgyas rnams/ /sras dang bcas pa spyan drangs nas/ /mdun du bltas nas
5b5 de rnams las//rnam par spros pa gang yin pa/ /sems ma la sogs slar yang ni/ /zla mdangs bum pa bzung nas ni/ /de rnams bkra shis tshigs bcad dang / /de bzhin snyan pa glu yi sgras/ /dbang bskur bar ni bsam par bya/ /bdag dang gzhan nyid thams cad la/ /spyi bor gshin rje nag
5b6 por ro//rdo rje can rnams bdag spyi bor/ /rang snying sa bon 'od zer gyis/ /ye shes 'khor lo spyan drangs nas/ /bdag mdun bltas nas khro bos ni/ /bgegs bskrad nas ni bsrung ba dang / /ar+g+ha zhabs bsil la sogs 'bul/ /oM mung+gar dzaHzhes bya ba'i sngags 'dis dgug go/ /
5b7 oM daN+Da hUM zhes pa 'dis gzhug go/ /oM pad+ma baM zhes pa 'dis bcing ngo / /oM khaT+gahoHzhes pa 'dis dbang du bya'o/ /rang snying sa bon 'od zer kyis/ /sangs rgyas rnams ni bkug nas gzhug /snying gar zhu bar bltas nas ni/ /rang snying pad+ma'i lte ba la/ /zla ba las byung lha mo'i tshogs/ /sna tshogs me tog
6a1 yo byad tshogs//lag pa'i 'dab mas bzung nas ni/ /mchod pa'i glu ni yid 'ong ba/ /sna tshogs gar gyi bye brag dang / /bde ba chen po ster ba yi/ /'gying dang bcas pas mchod par bya/ /e ma kye kye bla ma gshin rje gshed nag po/ /srin po'i gzugs kyi rang bzhin
6a2 gang //da ni khyod mthong bas 'jigs pas/ /bla ma khro ba'i rang bzhin dor/ /sa stengs sa bla sa 'og rnams/ /khyod kyis gar byas pas ni 'dar/ /mig sman bdar nag khro bo'i yid/ /gar mdzad khyod ni ro langs gzugs/ /gnag cing sgom pa yi ni tshad/ /rnam pa mang po'i gzugs
6a3 sprul byed//rdo rje dbyangs can 'dud par byed/ /khyod ni gar mdzod bde ba che/ /khyod ni hrIHSh+T+r-iHsngags kyi sgras/ /khams gsum pa yi 'khrul pa sol/ /rje btsun snying rje yis ni khro/ /khyod ni 'gro bltas gar byed pa/ /oM sarba ta thA ga ta pU dza badzra swa b+hA wa At+ma kou0f85haM/ brag ca dang m
6a4 tshungs thams cad ni//sgra yi grong rnams rnam bltas nas/ /'khor lo can ni de rnams kyis/ /de bzhin gtso bos de rnams so/ /gti mug rdo rje'i rang bzhin can/ /gshin rje gshed po shin tu 'jigs/ /ston pa sangs rgyas kun rang bzhin/ /rdo rje sku la phyag 'tshal lo/ /phra mo rdo rje'i
6a5 rang bzhin khyod//gshin rje gshed po shin tu 'jigs/ /rdo rje thugs bzhin rab gsal ba/ /rdo rje rin chen phyag 'tshal bstod/ /'dod chags rdo rje'i rang bzhin khyod/ /'dod chags chos kyi 'byung gnas gtso/ /thams cad dbyangs mchog dam pa mchog /rdo rje gsung la phyag 'tshal bstod/ /
6a6 phrag dog dngos po'i rang bzhin khyod/ /gshin rje gshed po las kun byed/ /rdo rje sku bzhin rab gsal ba/ /phyag na ral gri phyag 'tshal bstod/ /sangs rgyas kun gyi rang bzhin khyod/ /sangs rgyas thams cad gcig tu sdud/ /sangs rgyas kun dang mchog gi mchog /dkyil 'khor dbang phyug phyag
6a7 'tshal bstod//a yig las bskyed dag pa ni/ /mgo bo gsum gyi steng na gnas/ /pad+ma'i snod ni rab rdzogs nas/ /de 'og me yi dkyil 'khor ni/ /ra~M` las byung ba gru gsum mo/ /de 'og rlung gi dkyil 'khor ni/ /yaM skyes sngon po gzhu yi dbyibs/ /g.yo ba'i 'phan gyis mtshan
6b1 pa'o//de la ming yig dang po skyes/ /de ni rnam par snang mdzad sogs/ /da yig las skyes yang dag byung / /glang po la sogs lnga po rnams/ /hUM skyes rdo rje'i kha chod kyis/ /da yi kha bcad bsgom par bya'o/ /rlung gis bskul ba'i me yis ni/ /de yang zhu bar rnam par bsam/ /rdo rje mnyam
6b2 pa'i ror gyur pa//shin tu dri med dag par bltas/ /der ni oM yig 'od zer gyis/ /sangs rgyas kun bkug ye shes gzugs/ /sngags kyi gzugs kyis rab tu gzhug /bdud rtsi mchog lnga bltas nas ni/ /de nyid gsum gyi byin gyis brlab/ /dkyil 'khor bdag po tshim par bya/ /yi ge hUM
6b3 las byung ba yi//lce ni rdo rje dkar por blta/ /de yi 'od zer sbu gu'i gzugs/ /de yis yang dag drangs nas ni/ /sna tshogs gnas pa'i sangs rgyas rnams/ /dkyil 'khor pa ni de bzhin mchod/ /snying gar ye shes 'od zer gyis/ /bkod nas rtog pa thams cad spangs/ /thog mtha' dbus kyi
6b4 bye brag gis//'dir yang gcig tu mi rigs so/ /rdul phran cha shas med pas na/ /du mar yang ni rigs ma yin/ /gcig dang du ma'i rang bzhin gang / /gang bral de ni de bzhin min/ /'khrul gzugs de nyid ma yin pas/ /gang phyir 'khrul pa gnyis la gnas/ /ma 'khrul rtag tu bsam mi khyab/ /spro
6b5 dang bsdu ba yi ni las//sems can don la ro gcig blo/ /'di las de nyid gzhan du med/ /ye shes zhabs sogs mchog rnams kyis/ /'di dag nyid ni gsal bar bshad/ /dpal ldan gsang ba 'dus pa las/ /gsungs pa cung zad bshad par bya/ /dngos po med cing bsgom pa med/ /khams
6b6 dag med byung rnam shes med//nam mkha' dang ni mthun pa'i gnas/ /nam mkha' bzhin du bdag med pa/ /chos 'di bde ba chen po yin/ /sa yang med cing chu yang med/ /me dang rlung yang yod ma yin/ /rdo rje sems dpa'i sbyor ba yis/ /skye ba 'di ni rab tu gnas/ /thams cad dngos po dngos
6b7 med bshad//dngos po med par de yis bsgrags/ /rnal 'byor rnal 'byor par 'brel pas/ /chad pa ma yin rtag pa min/ /phyag dang zhabs dang kha dog med/ /mchog tu dga' ba'i mtshan nyid do/ /dngos po thams cad bden pa min/ /thog ma bar dang mtha' spangs pa/ /'di ltar dpyad na
7a1 'khor lo la//dam pa yang dag rtog pa spangs/ /phung po khams ni bdag med pa/ /bsgom bya bde ba dam pa'i gzugs/ /rang snying sa bon 'od zer gyis/ /'gro ba gshin rje gshed byas nas/ /sku gsung thugs kyi rdo rje can/ /bkug nas de la song bar bsam/ /rdo rje
7a2 dri ma med dang chos//ye shes lam skye dgod par bya/ /der ni rang gi sa bon rnams/ /ye shes hrIHSh+T+r-iHla sogs dgod/ /bde ba dam pa'i rnam pa mthong / /yang dag rtog pa thams cad spangs/ /spro dang bsdu ba yang dag rgyas/ /bdag nyid mkhas pas bzlas pa brtsam/ /sku la sogs pa spro
7a3 dang bsdu//rim dang cig car dag kyang rung / /khro bo'i tshogs ni sprul las bya/ /'gro ba hrIHSh+T+r-iHla sogs sgra/ /oM hrIHSh+T+r-iHwi kr-i tA na na hUM hUM phaT phaT swA hA/ 'di ltar cho ga 'di yis ni/ /bsgoms nas bzlas pa thams cad bya/ /zas sogs bya ba thams cad ni/ /byed 'dod blta bar brtson pa
7a4 yin//mchod bstod bdud rtsi myang byas nas/ /sems can don ni bya ba'i sems/ /de nyid gsum gyi cho ga yis/ /ye shes 'khor lo gshegs su gsol/ /bdag la bdag gi 'khor lo ni/ /cho ga ji ltar gzhug par bya/ /rang gi bsod nams yang dag bsags/ /mngon par byang chub
7a5 yang dag bsngo//oM AHhUM muHzhes pa 'dis/ /gshegs su gsol bar bya'o/ /'di ni rnal 'byor chen po'o/ /langs nas rang gi bdag po yi/ /rnam pa'i nga rgyal byas nas 'gro/ /rnam pa thams cad dngos po kun/ /sngags kyi dngos po de bzhin du/ /gti mug gshin rje gshed po'i
7a6 gzugs//bsgoms nas bcag pa dag tu bya/ /thun mtshams su ni rnal 'byor sogs/ /dang po rnal 'byor pas bsgom bya/ /cung zad ye shes rjes rnal 'byor/ /shin tu rnal 'byor rnal 'byor che/ /yang dag ye shes dbang rnam pas/ /shin tu rnal 'byor rnal 'byor che/ /ji skad
7a7 gsungs pa'i cho ga yis//thun gcig la ni bsam gtan 'dir/ /rnal 'byor pa yi spro bsdu lus/ /de nyid gsum bdag ye shes gzugs/ /rang nyid gshin rje gshed po yis/ /dbang bskur cho ga bsams pa dang / /bdud rtsi lnga yi cho ga yis/ /zas kyi bya ba bya ba dang / /gzhan yang
7b1 mchod pa'i rnam rtog gis//bdag dang pha rol po yang rung / /cho ga bzhin du rtag tu mchod/ /dpal ldan gshin rje gshed gzugs su/ /mthong ba nyid ni byang chub che/ /bdag gzhan mnyam par byang chub ste/ /gang phyir rang gi bdag po sbyor/ /de ltar min ni ji ltar 'gyur/ /rnal 'byor pa yi
7b2 grub pa mchog /ji ltar rnam pa sna tshogs nyid/ /dngos po gcig la brtags pa ste/ /grol dang bde dang sdug bsngal gnas/ /skye 'gyur las kyi bye brag las/ /rnam par mi rtog bdag nyid sems/ /bde ba dam pa mtha' yas gzugs/ /shes rab thabs kyi ngo bo nyid/ /gang phyir 'bras
7b3 bu nag por 'gyur//sgrol 'dod 'khor ba'i rgya mtsho skye dang 'chi bar bcas pa'i 'khor ba zab mo 'jigs/ /chags sdang la sogs chu srin 'khrugs pa shin tu g.yo ba lbu ba rmugs gnyid sogs/ /dpal ldan gshin rje gshed po bde ba'i rang bzhin nor chen sgrub thabs byas pa yis/ /tshig gi
7b4 snang ba grub bcas bdag gis bsod nams thob pas 'gro kun grub thob shog /tshig gi snang ba grub pa zhes bya ba'i sgrub thabs/ slob dpon dpal 'dzin gyis mdzad pa rdzogs so// //paN+Di ta dA na kIrti dang / lo tsA ba tshul khrims rgyal ba'i 'gyur// //