CLOSE WINDOW

D1918
བོད་ཡིག

@##/ /rgya gar skad du/ shrI ya mA ri tan+h+ra pany+dzi ka sa ha dzA lo ka nA ma/ bod skad du/ dpal gshin rje gshed kyi rgyud kyi dka' 'grel lhan cig skyes pa'i snang ba zhes bya ba/ 'phags pa 'jam dpal gzhon nur gyur pa la phyag 'tshal lo/ /thams cad mkhyen pa la phyag 'tshal lo/ / dngos po kun gyi bla ma rnams/ /zab mo rdo rje 'chang btud de/ /dpal ldan gshin rje'i dka' 'grel ni/ /lhan cig skyes pa'i snang ba bri/ /lung dang tshad mas dpyod pa yi/ /blo gsal rnams la'ang sbas pa la/ /sgra tsam nyid kyang mi shes pa'i/ /bdag 'dra rmongs pa smos ci dgos/ /'on kyang bla ma'i zab mo'i bka'i//cung zad don thob thos skyes gang / /bdag ni yongs su ngal ba yis/ /de yi don ni dran par bya/ /thams cad du rtog pa dang ldan pa rnams dgos pa mthong nas 'jug pa yin pas/ de'i phyir dang por 'jug pa'i yan lag tu thun mong ma yin pa'i 'bras bu 'thob pa'i rgyu dgos pa bsgrub par nus pa brjod par bya'o//gang yang / /bstan bcos dag ni thams cad dang / /las rnams dag ni 'ga' zhig la/ /ji srid dgos pa ma smras par/ /de srid su zhig len par byed/ /ces bstan pa yin no/ /de yang 'brel pa dang rjod par byed pa ma bstan par rtogs par mi nus pa yin pa'i phyir/ 'brel pa dang rjod par byed pa yang bstan par bya'o/ /thabs med par yang bsgrub par mi nus pas thabs kyang bstan par bya'o/ /de la bdag dang gzhan gyi bde ba mchog gi rgyu bcom ldan 'das gshin rje gshed nag po'i rgyud nyid 'dir brjod par bya ba ste 'dir dgos pa'o/ /de gang gis nges par ston par byed pa de yang rjod par byed pa yin pas sangs rgyas kyi mdzad pa snyan dngags kyis ston pa ltar rgyud la yang gshin rje gshed nag po zhes de skad brjod do//rjod byed dang brjod bya 'di dag gi rjod pa dang brjod bya'i mtshan nyid can gyi 'brel pa yang don gyi shugs kyis bstan pa yin no/ /'dir thabs kyang ga sum la skyabs su 'gro ba dang byang chub tu sems bskyed pa dang /dkyil 'khor du 'jug pa la sogs pas dbang bskur ba thob pas rnal 'byor bzhi bsgom pa'i mtshan nyid can yin te/ gang gi phyir 'dis bdag de'i ngo bor mngon sum du 'gyur ba yin no/ /de phyir yang dag yang dag min/ /shin tu bsgoms pa gang gang yin//bsgom pa'i stobs ni rdzogs pa na/ /de gsal mi rtogs blo'i 'bras bu/ /zhes bstan pa yin no/ /gal te ji ltar na 'di thun mong ma yin pa yin zhe na/ brjod par bya ste thams cad kyang thams cad du bdag nyid kyis bde ba'i don du 'jug pa yin te/de yang 'di ltar spang bya dang bsgrub bya mi shes pas mu stegs pa rnams ni lha dang mi'i bde ba 'dod pa nyid kyis 'jug par byed de/ chu dang me la sogs pa'i nang du bdag nyid 'jug pa dang / 'dab ma dang nas la sogs pa za ba dang gcig la slong ba dang gnyis la slong ba la sogs pa'i lus la gnod pa byed kyang /re zhig de la sogs pa'i dka' blas kyi brtul zhugs kyis spyod na yang 'bras bu bde ba ni med do/ /gang gi phyir/ /sdug bsngal la sogs sems g.yengs nas/ /g.yengs pas dngos grub gzhan du 'gyur/ /dngos grub med na 'khor ba ste/ /'khor bas dmyal bsgrub par byed//ces gsungs pas so/ /nyan thos la sogs pa yang dngos po ma lus pa'i de kho na nyid yongs su mi shes pas phung po med pa'i bde ba mchog yin no zhes bya bar shes nas bdag nyid mya ngan las 'das par nges par 'gyur ro/ /pha rol tu phyin pa'i theg pa la spyod pa yang sbyin pa la sogs pa la zhugs na yang rtag tu stong pa nyid du ro gcig pa nyid kyis longs spyod rdzogs pa dang sprul pa'i sku gnyis su med pa'i phyir/snying rje dman pas bdag nyid kyis mya ngan las 'das pa gtsor byed pa nyid do/ /pha rol tu phyin pa'i mthar thug pa phyir mi ldog pa gang yin pa de yang sangs rgyas ni ma yin te/ de lta na ni sa bcu par sangs rgyas par thal bar 'gyur ro//gzhan yang zab mo mngon sum du byas pa nyid yin yang sems can gyi don ni med de 'gro ba ma lus par nye bar 'tsho bar gyur pa de thams cad mkhyen pa'i ye shes su 'dod na bdag med pa'i mthar thug pa la 'jug par byed pa nyid kyi rgyu ni ma yin te de ni brtags pa'i gnyen po tsam yin pa'i phyir ro//de yang / /thabs dang bral ba'i dngos med tsam/ /bsgrub par bya ba'ang ma yin te/ /bdag dang gzhan gyi don sgrub mthu/ /med phyir nam mkha'i me tog bzhin/ /zhes bstan pa yin no/ /sbyin pa la sogs pa thabs kyi sgo nas dang / smon lam gyi stobs kyis 'byung par 'gyur ro zhes brjod par yang mi bya ste/gang gi phyir ma bsgoms pa'i longs spyod rdzogs pa dang sprul pa'i bdag nyid dag la yang the tshom za ba na ji ltar sems nges par 'gyur/ de ltar na yang smon lam gyi stobs kyis 'byung bar 'gyur ro zhe na/ bdag med pa yang ma bsgoms pa nyid du mngon sum nyid du 'gyur bas de bsgom pa'i ngal bas ci zhig bya/gal te de ni bsgoms pa nyid kyis 'byung bar 'gyur ro zhe na/ longs spyod rdzogs pa dang sprul pa'i sku gnyis kyis nyes pa ci zhig byas na gang gi phyir de dag bsgom par mi bya/ de'i phyir pha rol tu phyin pa'i theg pa la gnas pas kyang sku gsum gyi bdag nyid can gyi sangs rgyas khas blang bar bya'o//de ni bsgoms pas gsal bar 'gyur ro/ /de'i phyir/ /sangs rgyas nyid ni sgrub pa'i rgyu/ /sangs rgyas rnal 'byor kun du yang / /rgyu dang 'dra ba'i 'bras bu nyid/ /kun du mthong ba ma yin nam/ /zhes bstan pa dang thams cad gsang ba las kyang //sangs rgyas nyid kyang mdor bsdu na/ /ting 'dzin ye shes las nges 'byung / /sangs rgyas rnal 'byor ma gtogs par/ /sangs rgyas rnal 'byor pas mi thob/ /ces gsungs pas sangs rgyas kyi rnal 'byor yang sems can ma lus pa 'dul bas khro zhing zhi ba'i bdag nyid can gshin rje gshed nag po nyid do//bya ba dang spyod pa'i lugs la yang bsgrub bya dang sgrub pa'i thabs dus ring por rjes su mi 'jug ste/ de dag ni brtags pa las rab tu byung ba nyid yin te/ de ni 'di ltar ras ris la sogs par rtogs pa'i lha'i stobs kyis dngos grub rdzogs par byed pa'i phyir ro/ /rnal 'byor gyi rgyud du ni khyad par 'di yod de rang gi lha'i rnal 'byor gyis ras ris la sogs par rtogs pa'i lha la dmigs nas mthun pa'i dngos grub sgrub par byed do//rnal 'byor bla na med par ni gtso bo nyid du de rgyu'i gtso bor ma bstan no/ /'dir ni thabs dang shes rab gnyis su med pa'i rnal 'byor gyis chos dang longs spyod rdzogs pa dang sprul pa'i bdag nyid can cig tu 'gro ba ma lus pa la phan par byed pa zag pa med pa'i bde ba'i rang bzhin can bstan te/des na thun mong ma yin pa'i 'bras bu thob pa'i rgyu nyid yin pas bla na med pa'o/ /tak+Sha ka'i mgo la yod pa'i rims nad sel ba'i gtsug gi nor bu bzhin du bsgrub par mi nus pa yang ma yin te/gang gi phyir yul ma lus pa la brten cing bsgrubs pas gsal por 'gyur ro/ /de ji lta bu zhig ce na sngags la sogs pas sbyangs pa'i dug la spyod pa ltar khyad par can gyi 'bras bu 'dren par byed pa nyid do/ /de yang / ji ltar dug gi de nyid rig /dug gis dug ni sel bar byed/ /de bzhin 'dod pa'i rtsed mo'i ros/ /brtags pa thams cad sbyor bar bya/ /zhes gsungs pas so/ /dpal gsang ba 'dus pa las kyang / /dka' thub sdom pa mi zad pas/ /brten kyang 'grub par mi 'gyur te/ /'dod pa kun la longs spyod cing //brten na myur du 'grub par 'gyur/ /zhes gsungs so/ /da ni 'di skad ces bya ba la sogs pas dgos pa dang bsdus pa'i don dang tshig gi don dang / 'brel pa dang / rgal ba dang / lan rnams brjod par bya'o/ /de la re zhig dgos pa smras zin to/ /bsdus pa'i don ni mngon par rtogs pa las shes par bya'o//da ni 'brel pa sngon du 'gro ba'i tshig 'ga' zhig gis bshad pa brjod par bya'o/ /rgal ba dang lan ni de dang der bsgrub par bya'o/ /'di skad ces bya ba la sogs pa la/ 'dir sdud par byed pa phyag na rdo rjes rgyud ma lus pa'i don dang gzhung sems la bsngogs nas 'di skad ces nges par byas nas rang dang rjes su mthun pa'i shes pas nges par bzung ba'i rgyud kyi don ma lus par nye bar ston pa la gcig tu nges pa byas nas phyin ci ma log par smras pa'o//bdag gi zhes bya ba ni bdag nyid kyis mngon sum du thos pa ste/ bcom ldan 'das las bdag gis don dang gzhung dag thos kyi bdag gis byas pa yang ma yin/bcom ldan 'das las gcig nas gcig tu brgyud pas bstan pa yang ma yin zhes pa'o/ /yang na bdag rang gi mos pa'i dbang gis 'di skad thos kyi gzhan gyis ni gzhan du yang ma yin te 'chad par 'gyur ba'i 'khor bstan pas so/ /'dis ni gzhan dang ldan pa rnam par gcod pa spangs pa yin no//slob dpon ma khol gyis kyang / /gsung gcig gis ni bstan mod kyang / /du ma nyid du rtogs mdzad par/ /bdag la nye bar ston to zhes/ /skye bo kun gyis shes par 'gyur/ /zhes gsungs so/ /thos pas zhes bya bas ni bdag nyid nyan pa'i dus na byang chub sems dpa' nyid du bstan la/sdud pa'i dus na ni 'dis sangs rgyas nyid yin te/ gang gi phyir le'u bco brgyad pa las/ /de'i dus na bdag gis bcom ldan 'das kyis gsungs pa thos te/ skad cig ma gcig la bzung zhing don bzung ste zhes bya ba la sogs pa gsungs pas so/ /'dis ni yang bstan pas shin tu yang tshad ma yin no zhes bstan pa yin no//mngon sum du thos pas yang 'di ltar shes par bya ste/ slob dpon med par 'di'i bya ba mi bya'o zhes yang dag par gzung bar bya'o/ /de ltar bstan nas gang gi tshe gang las gang du gang dang lhan cig thos pa de dang de rim pa bzhin bstan par bya ba'i phyir/dus gcig na zhes bya ba gsungs te/ 'dis ni shin tu dkon pa nyid dang bdag nyid mang du thos pa nyid du sgrub par byed de/ 'di lta bu'i phyin ci ma log pa ngo mtshar che ba'i chos ni gzhan gyi tshe bstan par mi srid pa'i phyir ro/ /'dis ni ma 'ongs pa'i 'gro ba rnams gus pa bskyed pa bstan par byed pa'o//dus gcig gi tshe bdag gis 'di thos kyi gzhan gyi tshe ni gzhan dang gzhan pa 'di thos so zhes mang du thos pa nyid kyang bstan to/ /gal te yi ge dang ngag dang tshig sna tshogs pa tha dad pa nyid kyi phyir dus gcig na zhes bya ba ji lta bu zhe na/ bden na yang rgyun mi chad par rtag tu thos pa'am/ yang na bcom ldan 'das bdag por gyur pa'i dbang gis bdag gis bsam gyis mi khyab pa'i rnam par thar pa'i sgo thob pas dus gcig nyid du thos zhes bya ba'o//gang las zhes 'dri na bcom ldan 'das las te/ bag chags dang bcas pa'i nyon mongs pa ma lus pa'i gnyen po bla na med pa'i shes rab ni bcom ldan te/de gang la yod pa de ni bcom ldan 'das so/ /de yang / /'joms pa'i phyir na bcom ldan te/ /nyon mongs bdud la sogs 'joms pas/ /shes rab nyon mongs de 'joms phyir/ /de phyir shes rab bcom ldan brjod/ /ces gsungs pa dang yang na/ dbang phyug dang ni gzugs bzang dang / / dpal dang grags dang ye shes dang / /brtson 'grus phun sum tshogs pa ste/ /drug po de la ldan zhes bya/ /zhes bya bas de dang ldan pa la bcom ldan 'das zhes bya ste/ de lta bur gyur pas gsungs pa ni phyin ci ma log pa zhes pa'o/ /de'i phyir bcom ldan 'das de nyid las thos pas gzhan dag la de lta bur gyur pa med pa'i phyir ro//'dis ni ston pa phun sum tshogs pa bstan to/ /gnas gang du thos zhes 'dri ba la/ de bzhin gshegs pa thams cad kyi zhes bya ba la sogs pa'o/ /de bzhin ni gnyis su med pa'i ye shes kyi ngo bo'o/ /rang rang gi rang bzhin gyis de bzhin nyid du song bas na de bzhin gshegs pa ste chos kyi sku'i ngo bo'o//kun rdzob tu ni longs spyod rdzogs pa dang sprul pa'i gzugs nyid kyis rang gi mos pa'i dbang gis rnam pa gang dang gis 'jig rten la snang bar 'gyur ba'i gzugs de dang der gshegs pas de bzhin gshegs pa'o/ /chos kyi sku nyid yin na yang snying rje'i dbang gis de bzhin du snang ba yin gyi de kho na nyid la ni rtog pa ma lus pa mi mnga' bas gar yang gshegs pa med do//thams cad kyang yin la de bzhin gshegs pa yang yin pas/ de bzhin gshegs pa thams cad de/ gti mug gshin rje gshed la sogs pa'o/ /de rnams kyi sku dang gsung dang thugs ni de bzhin gshegs pa thams cad kyi rdo rje btsun mo thams cad kyi b+ha ga ste/mi phyed cing 'byed par byed pas byang chub kyi sems kyi ngo bo yin pa'i phyir dang / bla na med pa'i dga' ba'i rgyu yin pa'i phyir dang / sku dang gsung dang thugs kyi rang bzhin yin pa'i phyir chos 'byung gi phyag rgya gru gsum nyid de/'dod pa dang gzugs dang gzugs med pa rnam par dag pa'i rang bzhin yin pa'i phyir 'og tu zur gcig steng du zur gnyis pa'o/ /'dis ni 'di ltar bstan par 'gyur te/ gang gi tshe 'dod chags la sogs pa la spyod pa'i sems can rjes su gzung ba'i phyir/ gshin rje gshed kyi tshogs chen po dang lhan cig bcom ldan 'das chos kyi 'byung gnas kyi khongs su gtogs pa'i gzhal yas khang na bzhugs pa de'i tshe 'di skad bdag gis thos pa zhes bya'o//'dis ni gnas phun sum tshogs pa bstan to/ /'di lta bu'i khyad par can gyi gnas su 'dod chags chen pos 'dul ba rnams yid mnyam par 'jog par 'gyur ro//sems mnyam par gzhag pa rnams kyis yang dag pa ji lta ba nyid so sor rtogs pa bzod par 'gyur ro/ /des na 'di dag la 'di ni phan gdags pa chen po nyid yin no/ /shes rab kyi pha rol tu phyin pa las kyang bde ba dang ldan pa'i sems mnyam par 'jog par 'gyur ro//sems mnyam par bzhag pas yang dag pa nyid ji lta ba bzhin shes par 'gyur ro zhes bya ba rgyas par gsungs pa yin no/ /mang po'i tshig nyid ni 'jig rten gsum po ma lus pa'i rdul phra rab so so'i khongs su gtogs pa'i chos 'byung gi nang gi gzhal yas khang gi nang na dkyil 'khor pa thams cad dang lhan cig tu bcom ldan 'das rang gi rig ma dang gnyis su med par snang bar 'gyur ba'o//bzhugs te zhes bya ba ni rdzu 'phrul rnam pa sna tshogs kyis gdul bya'i 'gro ba'i sems 'phrog par byed ces bya ba'i don to/ /bcom ldan 'das bdag nyid che ba dang /phan pa chen po mdzad pa nyid dang / dbang po dang bcas pa nyid du bsgrub pa'i phyir/ 'khor 'dus pa chen po nyid gsungs pa/ gti mug rdo rje gshin rje gshed dang zhes bya ba la gcig dang du ma la sogs pa dang bral ba nyid kyis chos thams cad la rtogs pa med pa dang shes pa med pa ni gti mug ste/de nyid ni gzugs brnyan ltar mi 'khrul pa nyid kyi phyir mi phyed pa dang / de las gzhan pa 'byed par byed pa nyid kyi phyir rdo rje yang yin te/ byams pa chen po mngon sum du byas pa'i phyir/ mya ngan las 'das pa'i 'chi ba'i gshin rje 'joms pas/ de'i phyir gti mug rdo rje gshin rje gshed de/des kyang der thos zhes bya'o/ /phra ma rdo rje gshin rje gshed dang zhes bya ba la gzhan 'byed pa'i tshig ni phra ma zhes bya'o/ /de la gzhan ni phyi rol gyi don yod par smra ba ste/ rigs pa dang lung gis phye zhing sun phyung nas rang dang mnyam pa nyid kyi rgyud la sbyor bar byed de zhes bya ba rang dang mnyam pa nyid kyi ngo bo nyid kyis dbyer med pa dang des gzhan dag 'byed pa nyid kyis rdo rje zhes bya la/snying rje chen po rang bzhin gyis mngon sum du byas pa'i ngo bos mi 'dra ba'i mya ngan las 'das pa'i gshin rje gshed nag po yin pas phra mo rdo rje gshin rje gshed do/ /'dod chags rdo rje gshin rje gshed dang zhes bya ba la sems can gyi don la so sor rtog pa la zhen pa ni chags pa'o//de'i ngo bo nyid kyis mi phyed pa dang gzhan 'byed par byed pa nyid yin pa'i phyir dang dga' ba chen po mngon sum du byas pa'i phyir/ 'dod chags dang bral bas bskyed pa'i mya ngan las 'das pa'i 'chi ba'i gshin rje 'joms pas 'dod chags rdo rje gshin rje gshed do//phrag dog rdo rje gshin rje gshed dang zhes bya ba dang / phrag dog ni gzhan gyi yon tan la sdang ba ste/ rang rang gi sems can gyi don byed pa grub pa la gzhan gyis mi bya ste de bdag gis bya'o zhes rnam par snang ba'o//bya ba nan tan nyid kyi phyir mi phyed cing 'byed par byed pas rdo rje ste/ btang snyoms chen po mngon sum du byas pa'i phyir rang gi don tsam gyi mya ngan las 'das pa'i gshin rje 'joms par byed pas phrag dog rdo rje gshin rje gshed do/ /zhe sdang rdo rje gshin rje gshed dang zhes bya ba la phan tshun dga' bar mi byed pa la sdang ba ni zhe sdang ngo //yang na chos thams cad shes pa dang shes bya la sogs pa'i ngo bor rnam par gzhag pa la sdang ba ni bdag med pa'i ngo bo nyid yin pa'i zhe sdang ngo / /de nyid kyi phyir rdo rje ste mi phyed pa nyid dang / de las gzhan pa 'byed par byed pa'i phyir dang /snying rje chen po'i ngo bo nyid mngon sum du byas pa nyid kyis sems can gyi don 'dor ba'i rtag tu bde ba nyid kyi mya ngan las 'das par ltung ba'i gshin rje 'joms par byed pa'i phyir zhe sdang rdo rje gshin rje gshed do/ /tho ba rdo rje gshin rje dang / /zhes bya ba la 'jig tshogs la lta ba dang shes bya'i sgrib pa 'jig par byed pa mtshon pas tho ba ste/phung po'i bdud kyi gshin rje 'joms par byed pas tho ba rdo rje gshin rje gshed do/ /mthar 'dzin pa lta ba dang nyon mongs pa'i sgrib pa 'jig par byed pas dbyug pas nye bar mtshon pa ste/ nyon mongs pa'i bdud kyi gshin rje 'joms par byed pas dbyug pa gshin rje gshed do//log par lta ba dang skye ba'i sgrib pas gos pa med pa'i chos rab tu ston pa ni pad+mas nye bar mtshon pa yin pa dang / 'chi bdag gi bdud kyi gshin rje 'jig par byed pas pad+ma gshin rje gshed do/ /lta ba mchog tu 'dzin pa dang las kyi sgrib pa gcod par byed pa ni ral gris nye bar mtshon pa yin pa dang /rnam par g.yeng bar byed pa'i lha'i bu'i bdud kyi gshin rje 'joms par byed pas ral gri gshin rje gshed do/ /mi phyed pa'i byams pa chen po'i ngo bos rang gi gdul bya la spyod par byed pas rdo rje tsartsi ka'o/ /rdo rje gti mug rdo rje gshin rje gshed la sogs pa'o//bar ni de rnams kyi mchog ste gshin rje gshed po'o/ /hi ni de la phan pa ste byang chub la'o/ /de yang rang gi phyag rgya dang gnyis su med par gyur pa nyid las 'thob pas des na rdo rje phag mo'o/ /bar hi zhes bya ba'i tshig gis ni dbyer med pa'i shin tu rnam par dag pa'i ye shes 'byung bas zhe sdang gi nang du lhung ba'i sems can zlog par byed cing zhe sdang las bzlog nas zhe sdang chen po la sbyor bar byed do//de'i phyir badzra bar ni bcom ldan 'das nyid do/ /hi ni de la phan pa nyid snga ma bzhin no/ /dbyer med pa'i gdul bya'i pad+ma ma lus pa'i skye gnas yin pa'i phyir rdo rje'i mtshon ni 'dod chags rdo rje gshin rje gshed do//de nyid ni lhan cig skyes pa'i mchog gi bde ba gnyis su med pa'i dga' ba skyed par byed pa ste/ de gang la yod pa de ni rdo rje dbyangs can ma'o/ /go ni mig la sogs pa'i dbang po rnams so/ /de'i bdag nyid can gyi bla na med pa'i sems can gyi don gyi ngo bo nyid du song zhing 'dzin par byed pas gau rI ste/phrag dog rdo rje gshin rje gshed do/ /'di ni de la phan pa'i bla na med pa'i lhan cig skyes pa'i bde ba gnyis su med pa'i ngo bo nyid yin pas gau rI ste/ rang gi bya ba la mi phyed pas rdo rje yang yin la de nyid gau rI yang yin pas rdo rje gau rI'o/ /mtshams su zhes bya ba ni mtshams bzhir gnas pa'i thod pa bzhi po mthong ba gshin rje gshed de//de dag la sogs pa zhes bya ba ni de dag gtso bor gyur pa gshin rje gshed kyi tshogs chen po'o/ /bcu bdun po smos pas 'di dag dang zhes bya ba brjod par bya ba yin na yang sogs pa zhes bya'i sgras ni 'di ltar sgrub par byed de/'di dag nyi tshe ba ma yin gyi gzhan yang nang gi bdag nyid can gyi dbang po rnam par dag par grub pa rdo rje mig la sogs pa dang yang ngo / /'di skad bstan par yang 'gyur te de lta bu'i khyad par can gtso bor gyur pa gang la yod pa de ni de dag la sogs pa ste mig rdo rje la sogs pa dang / lus rdo rje la sogs pa'o//'di rnams kyis thams cad kyi rdo rje mig la sogs pa byin gyis brlab par grub pa yin no/ /kha cig ni bcom ldan 'das kho na'i spyan la sogs pa byin gyis brlab par 'dod do/ /de ni thams cad du rnam pa thams cad mkhyen pa nyid 'grub pa la mthun pa ma yin no zhes kho bo'i bla ma gsung ngo //rta mchog gi dkyil 'khor la sogs pa'i lha mo la sogs pa dang lhan cig thos so zhes bya bar 'brel lo/ /da ni dngos grub dang man ngag ni bla ma la rag las par bya ba'i phyir dang rang dgar 'jug pa dgag pa'i phyir mngon par rtogs pa la sogs pa'i 'brel pa 'tshol bar bstan pa ni the tshom med par bsgrub pa'i phyir te/ji lta ba bzhin du bstan na the tshom du 'gyur ba ni sgra'i don du mar 'byung ba'i phyir ro/ /ji ltar dkar po rgyug ces bya bas ci khyi 'di rgyug gam 'on te dkar po'i yon tan dang ldan pa gzhan rgyug ces bya ba lta bu'o/ /de lta bas na gang mkhas pa nga rgyal byed pa dag rang dgar 'jug par ma gyur cig ces bslab par bya ba'i phyir 'brel pa 'tshol bar bstan to//de la bcom ldan 'das mngon par byang chub pa'i dus su zhes bya ba nas gshin rje gshed kyi khro bo chen po nges par phyung nas zhes bya ba'i bar rim par phye ba bco brgyad pa las gsungs pa'i de ma thag tu de nas zhes bya ba la sogs pa 'di ltar blta bar bya'o//dang po'i de nas zhes bya ba la sogs pa'i de nas zhes bya ba ni nges par gzung ba'am tshig gi rgyan no/ /bcom ldan 'das de bzhin gshegs pa thams cad kyi bdag po rdo rje sems dpas phyag na rdo rje la bos te/ gsungs pa zhes bya bar 'brel lo//de la bos te gsungs pa ni 'di yin/ phyag na rdo rje bcom ldan 'das thub pa chen po'i bka' bzhin byed pa la phyag na rdo rje khyod 'di lta bu'i gshin rje gshed kyi khro bo'i gzugs su bsgyur la/ bdud la sogs pa sod cig ces bya ba la sogs pa rim par phye ba bco brgyad pa nas gsungs pa 'brel to//da ni de nas zhes bya ba la sogs pas ni gang de lta bu'i rnam pa lnga mngon par byang chub pa'i rdo rje 'chang yongs su gyur pa las bcom ldan 'das bsgom par bya'o zhes ston pa yin no/ /de nas bcom ldan 'das zhes bya ba la sogs pa ste/ de nas zhes bya ba'i sgras ni/ sna tshogs rdo rje 'jigs rung ba/ /nam mkha'i rdo rje'i dkyil du bsam/ /zhes bya ba'i rjes thogs su'o/ /thams cad kyang de yin la de bzhin gshegs pa yang de yin pas de bzhin gshegs pa thams cad de gti mug rdo rje gshin rje gshegs la sogs pa'o/ /de rnams kyi bdag po ni rdo rje 'chang ngo //bdud thams cad ni phung po la sogs pa'o/ /ting nge 'dzin gang gis de dag 'dzoms par byed de gcod par byed pa de nyid ni chos kyi dbyings shin tu rnam par dag pa'i ngo bo nyid kyis mi phyed pa'i phyir rdo rje ste/ de skad ces bya ba'i ming 'di nyid kyi sku dang gsung dang thugs rdo rje las de'i bdag nyid du nges par bstan to zhes bya ba ste rnam par spros so zhes bya ba ni don to//ting nge 'dzin gyi don bstan pa'i phyir/ zla ba rdo rje sbyor ba yis/ /zhes bya ba la sogs pa la/ a la sogs pa dbyangs kyi yi ge bcu drug nyis 'gyur du byas pa shes rab kyi bdag nyid can gyi zla ba'o/ /de'i steng du ka la sogs pa'i yi ge sum cu rtsa bzhi dang Da D+ha da d+ha ya la sogs pa'i yi ge bzhi bcu nyis 'gyur du byas pa'i thabs kyi bdag nyid can gyi zla ba gzhan no//de dag gnyi ga yang ro mnyam par gyur pa'i zla ba dang / de las gyur pa'i shes rab dang thabs kyi bdag nyid can yin pa'i phyir dkar la dmar ba'i hUM las skyes pa nor bu dmar po lta bu'i rdo rje'o//de'i sbyor ba khyad par can las nyid dang mtshungs pa'i shes rab kyis 'khyud pa'i rdo rje 'chang gi rnam pa can dkar la dmar ba g.yon brkyang pa g.yas bskum pa de las gyur pa rol cing khro ba phyag g.yas pa rnams na rdo rje dang ral gri dang gri gug bsnams pa/ phyag g.yon pa rnams na 'khor lo dang pad+ma dang thod pa bsnams pa/ zhi ba tha mal pa rjes su 'dzin pas zhi ba/ shin tu gdug pa can rjes su 'dzin pas khro bo'i gzugs can no/ /nag por la lar 'dod do/ /de ni mi 'thad de gang gi phyir thams cad rjes su gzung ba'i phyir rnam par gnas pa yin la/nag po nyid ni zhe sdang la spyod pa rjes su gzung ba'i don yin pa'i phyir ro/ /gzhan yang rgyud gzhan nas bstan pa dang yang 'gal ba yin te/ de yang dgyes pa'i rdo rje las/ /nor bu chu shel 'od 'dra zhing / /zhes gsungs pa dang / dpal 'dus pa'i don ye shes zhabs kyi zhal snga nas kyis kyang /zla ba rgyas pa'i mdangs ltar dkar ba la/ /g.yas dang g.yon pa'i zhal ni sngo dang dmar/ /zhes gsungs pas de'i phyir zla ba rdo rje sbyor ba yis te thabs dang shes rab snyoms par 'jug pa yongs su gyur pa las gshin rje mthar byed bsgom par bya'o/ /'di'i phyag dang zhal dang mdog dang dbyibs ni rim par phye ba bzhi par bsgrub par bya'o//ci'i phyir zhe na/ bdud rnams zhi bar bya phyir dang / /zhes bya ba la sogs pa ni go sla'o/ /stong pa nyid bsgom pa'i rjes thogs su rnal 'byor pa'i srung ba gsungs pa/ rdo rje bsrung ba'i don du bsgom/ /zhes bya'o/ / rang gi don rdzogs nas gzhan gyi don bya ba'i phyir gzhan gyi don sprul pa'i dkyil 'khor gsungs pa/ de nas bcom ldan 'das zhes bya ba la sogs pa ste/ de bzhin gshegs pa thams cad de gti mug rdo rje gshin rje gshed la sogs pa bskyed pa ni nyid dang mtshungs pa'i chu skyes su rdzogs par byed pas/des na de bzhin gshegs pa thams cad skyed pa po ste/ dpal gshin rje gshed nag po'i ngo bo'o/ /gang gis bdud thams cad 'dul bar byed pa des ni mi phyed pa'i gshin rje gshed kyi gzugs de nyid rdo rje'o/ /de skad ces bya ba'i ting nge 'dzin la yang de skad ces bstan to/ /de la snyoms par zhugs pa ni der sems rtse gcig par byas pa'o//'di zhes bya ba ni 'chad par 'gyur ba'o/ /gti mug gshin rje gshed la sogs pa thams cad kyi sa bon 'di zhes bya ba ni bskyed pa'i rgyu'o/ /nges par phyung ba zhes bya ba ni rnam par spros pa'o/ /'di skad bstan par 'gyur te rang gi snying ga'i 'od kyis de bzhin gshegs pa rnams bkug nas zhal du bcug ste thugs su bzhus nas rdo rje'i lam nas phyung zhing nyid dang mtshungs pa'i chu skyes su zla ba zhu bar gyur pa las byung ba'i ya las gzhal yas khang sprul par mdzad de 'di ltar 'chad par 'gyur ba'i gnas der nyi ma dang zla ba la sa bon bcu bdun dgod par bya ba yin no//'dir ni bcom ldan 'das snyoms par zhugs pa ni ma yin no zhes la la 'dod do/ /de'i lugs ltar na/ /b+ha gar ling+ga rnam bsgom nyid/ /dkyil 'khor bdag por rnam par bsgom/ /zhes rim par phye ba bcu pa las bstan pa dang 'gal bar 'gyur ro/ /gzhan yang nyid dang mtshungs pa'i chu skyes su dkyil 'khor bskyed nas 'byin par byed pa yang snyoms par 'jug pa med na ji ltar der 'gyur//'on te de med du zad mod ce na/ de ltar na ni 'byin pa'i sngags dgos pa med par 'gyur ro/ /'on te sngags nyid kyis rang gi snying ga nas spro bar bya'o zhe na de ltar na ni sa bon dgod pa'i don ci yin/sa bon las bskyed nas gnas ji lta bar 'byin par byed cing dgod par bya bar ni grags so/ /gang gi tshe dam tshig gi dkyil 'khor du sa bon las rdzogs par gyur na/ de'i tshe de ltar phyung nas gang du khyer bar byed de de'i phyir nges pa kho nar gsang ba'i dkyil 'khor du sa bon dang phyag mtshan gyi rim gyis lha'i 'khor lo ma lus pa sprul la phyung nas dam tshig gi dkyil 'khor du rnam par gzhag par bya'o zhes bya bas chog gi mang du smra ci dgos/ra sogs yi ge dang po ni ya'o/ /de ni gshin rje gshed du 'gyur ba ste 'byung ba'o/ /de yongs su gyur pa las zhes bya ba'i don to//yi ge k+She ni gti mug brjod/ /ces bya ba la yi ge k+She gyur pa las gti mug rdo rje gshin rje gshed du bstan to zhes bya ba'i don to/ /de bzhin du gzhan dag bskyed pa yang rang rang gi sa bon du gyur pa las rab tu bsgrub par bya'o/ /nyid dang mtshungs pa'i chu skyes su gzhal yas khang bskyed pa ni rigs so//sna tshogs rdo rje 'jigs rung ba/ nam mkha' rdo rje zhes bya ba la sogs pa la nam mkha' ni nam mkha'o/ /de nyid brtags pa ma lus pa zad par byed pa'i rgyu yin pa'i phyir dang mi phyed pa'i phyir rdo rje'o/ /chos kyi brdas ni nyid dang mtshungs pa'i chos 'byung ba'i phyag rgya yang yin no//de'i dkyil du ste nyid dang mtshungs pa'i chu skyes kyi lte ba'i ngo bo sna tshogs pad+ma dang / sna tshogs rdo rje'i steng du zla ba la gnas pa'i gzhal yas khang gi gzugs der bsam pa ste/ sna tshogs rdo rje ni sna tshogs kyi ngo bo nyid kyi phyir ro/ /'di'i kha dog gi khyad par ni bcu bzhi pa las bstan par bya'o//de'i dkyil du gshin rje gshed bsgom par bya'o/ /shar du zhes bya ba ni rtsibs kyi rtsa bar zhes bya ba'i don to/ /gzhan du yang de bzhin no/ /mtshams kyi rdo rje rtse bzhi la/ /zhes bya ba ni sna tshogs rdo rje'i mtshams bzhir zhes bya ba'i don to/ /sgo yi rdo rje rtse bzhi la/ / zhes bya ba ni sgor byung ba'i sna tshogs rdo rje'i rtse mo la'o/ /sna tshogs rdo rje'i mtshams bzhi ru/ /zhes bya ba ni sna tshogs rdo rje'i mtshams bzhi'i dkyil 'khor la zhes bya ba ni lhag ma'o/ /da ni de nas bcom ldan 'das de bzhin gshegs pa thams cad la zhes bya ba la sogs pas 'byin pa'i sngags gsungs pa ni/oM hrIHSh+T+r-iHzhes bya ba la sogs pa ji ltar rigs pa'o/ /gshin rje gshed nyid du rigs gcig pa'i phyir thams cad gshin rje gshed kyi gzugs su gdon par bya'o/ /spro ba yang bcu pa las/ ba spu'i khung nas spro bar bya/ /zhes bya ba la sogs pa 'chad par 'gyur ro//dkyil 'khor yongs su rdzogs pa'i sku dang gsung dang thugs byin gyis brlab pa'i sngags bcom ldan 'das kyis gsungs pa de nas zhes bya ba la sogs pa ste/ sku dang gsung dang thugs ni oM AHhUM las skyes pa'i 'khor lo dang pad+ma dang rdo rje'i dkyil na bzhugs pa'i lha'i gzugs te/sngags 'di rnams kyis byin gyis brlab po zhes bya ba'i don to/ /de nas zhes bya ba la sogs pas ni bskyed zin pa'i mdog dang zhal dang phyag mtshan bstan to/ /zhi ba la zhes bya ba ni zhi ba la sogs pa'i las bzhi byed pa'i phyir ro/ /gsal ba'i gzugs ni zla ba'i gzugs so/ /gang gi gzugs de dang 'dra bar 'od gsal ba'i rgyu zhes bya ba'o//rgyas pa zhes bya ba ni rgyas pa'i las la'o/ /gser gyi rnam pa'i zhes bya ba ni ser po'o/ /dbang byed pa zhes bya ba ni dbang du bya ba'i las la'o/ /pad+ma rA ga ni rin po che'i khyad par ro/ /rin chen margad 'od dang ldan/ /zhes bya ba ni ljang gu ste/ rin po che margad dang 'dra ba'i 'od can no//shugs can zhes bya ba ni ral gri'o/ /de bzhin gshegs pa thams cad kyi sku dang gsung dang thugs nyid ni gshin rje gshed nag po'o/ /de rgyas par ston par byed pa de la yang de skad ces bstan to/ /mngon par ni dngos po kun gyis so/ /rtogs pa ni mngon sum du ngo bo nyid gang gis thob pa ste de ni mngon par rtogs pa'o//mi shes pa thams cad mi snang bar byed pas gos dang 'dra ba'i phyir rim pa'o/ /de len cing 'dzin par byed pas de nyid ni rim par phye ba yang yin pas mngon par rtogs pa'i rim pas phye ba ste gnyis pa la ltos nas dang po'o/ / rdzogs so zhes bya ba ni lhag ma med pa'o/ /dpal gshin rje gshed nag po'i dka' 'grel slob dpon shrI d+ha ras mdzad pa las rim par phye ba dang po'i bshad pa'o// //da ni sems can rnams dbang bskur ba la sogs pas snod du bsgrubs nas gsang ba bstan par bya'o zhes bya ba yin la de yang sngon du dkyil 'khor 'gro ba yin no zhes bya bas las dang po'i rnal 'byor pas dkyil 'khor bri ba gsungs pa yin no//de nas zhes bya ba la sogs pa la/ rdo rje sems dpa' chen po zhes bya ba ni 'gro ba rnams sdud pa po nyid yin pas chen po'o/ /byang chub kyi sems kyi ngo bo nyid yin pas rdo rje'o//de yang / byang chub sems gang de rdo rje/ /zhes gsungs pas so/ /gang la de la sems pa yod pa de la bstod pa zhes bya ba 'chad par 'gyur ba'i yon tan dam pas bstod pa dang ldan pa'o zhes bya ba'i don to/ /chos thams cad la rtogs pa med pa ni gti mug go/ /de nyid me long lta bu'i ye shes kyi ngo bo nyid kyis mi phyed pa'i rdo rje ste/gang la de'i ngo bo yod pa de ni de nyid do/ /gshin rje gshed nag po ni bstan zin to/ /rab 'jigs par zhes bya ba ni rang gi mi mthun pa'i phyogs so/ /'di yang ye shes lnga'i bdag nyid yin pas sangs rgyas kun rang bzhin no//gang gi gdul bya rnams la ston cing phan pa la sbyor bar byed pas ston pa'o/ /rdo rje sku zhes bya ba la mi mthun pa'i phyogs thams cad kyis mi 'jigs shing mi phyed pa'i ye shes lnga'o/ /de ltar bos nas phyag 'tshal zhing bstod pa'o/ /yang na gshin rje zhes bya ba nas bstod pa la thugs pa'i tshig lngas gshin rje gshed lnga bstan to//rdo rje sku la zhes bya ba gcig pus ni dbye ba ma byas pa'i rdo rje 'chang ste ci rigs par sbyar bar bya'o/ /de bzhin du phra ma rdo rje la sogs pa la yang sbyar ro/ /'dis ni ma 'ongs pa'i slob dpon rnams kyis kyang gsol ba gdab pa sngon du 'gro bas dkyil 'khor bri bar bya'o zhes bstan pa yin no//mchod pa'i rjes thogs su bstod pa yang bya ba'o/ /da ni rnal 'byor chen po yongs su rdzogs par bya ba'i phyir mig la sogs pa byin gyis brlab pa gsungs pa/ rdo rje mig dang zhes bya ba la sogs pa ste/ gang gis rdo rje ltar mi phyed cing mi shigs pa'i mig sgrub par byed pa de la de skad ces bya'o//de ltar gzhan la yang go bar bya'o zhes bya ba ni bstan zin pa'o/ /mig la sogs pa byin gyis brlab pa ni rdo rje mig la sogs pa lha'i ngo bo nyid yang dag par sgrub par byed do/ /'thob par byed pa gang yin pa ni rdo rje mig la sogs pa ni byin gyis brlab pa'i cho ga'o//'di rnams rdo rje ste dbyer med pa'i tshul gyis so/ /dam tshig sgrub par byed pa ni 'dir ma bstan to/ /de nas zhes bya ba la sogs pas ni dkyil 'khor bri ba bstan to/ /'jigs pa zhes bya ba ni drag po'i gzugs can yin pa'i phyir ro//dkyil 'khor ni byang chub kyi sems ngo bo nyid do/ /de yang dpal gsang ba 'dus pa las/ /byang chub sems kyi dkyil 'khor dang / /zhes gsungs pa yin no/ /de'i phyir gsungs pa/ gshin rje gshed po nyid mtshungs pa/ /zhes bya ba ni 'dra ba zhes bya ba'i don to/ /ji ltar bcom ldan 'das stong pa nyid dang snying rje'i bdag nyid can gyi byang chub kyi gzugs can yin pa de bzhin du dkyil 'khor yang yin no zhes bya ba'i don to//'dod pa'i don kun ni 'dod par bya ba lnga po gzugs la sogs pa'o/ /des yang dag par rdzogs pa'i byang chub kyi don sgrub par byed pa ste/ dpal gshin rje gshed nag po bsgoms pas mngon sum du byed pas 'dod pa'i don kun sgrub par byed pa'o//thig gdab pa gsungs pa la sar pa zhes bya ba ni ma spyad pa'o/ /legs bsgril ba zhes bya ba ni nyi shu rtsa lnga'i dbye ba las skud pa lnga'i bdag nyid du bsgril ba'o/ /legs pa'i tshad la zhes bya ba ni sgo'i nyi shu char sbom pa/dkyil 'khor gyi nyis 'gyur gyi tshad du ring ba'o/ /mdzes pa zhes bya ba ni dri zhim po lnga dang bdud rtsi lngas sbangs pa rang gi lha'i gzugs kyi ye shes kyi dkyil 'khor gzhug pas ye shes kyi skud par byas pas thig gdab po zhes bya bar 'brel to/ /shes rab can zhes bya ba ni dkyil 'khor gyi thig gdab pa la sogs pa la gzo ba'o//cho ga ni dkyil 'khor gyi cho ga rgyas par bsgrubs so/ /mtshan nyid thams cad rab rdzogs shing / /zhes bya ba gru bzhi pa la sogs pa'i mtshan nyid dang ldan pa'o/ /bar chad thams cad rab mnyam pa/ /zhes bya ba ni 'dod chags la sogs pa'i nyon mongs pa'i bar chad thams cad rnam par nyams pa'o//zhi ba la sogs rab 'jug pa/ /zhes bya ba ni zhi ba dang rgyas pa la sogs pa'i las byed pa'o/ /dkyil 'khor nyid gang la byang chub kyi sems kyi cha byad dang 'dra ba yod pa bsdu bar bya'o/ /'dis ni phyi rol nyid kyi rtog pa spong bar byed do//las kyi rdo rje zhes bya ba ni sna tshogs rdo rje'o/ /de la zhes bya ba ni dkyil 'khor gyi dbus su bri bar bya'o/ /rtse mo lnga dang mnyam ldan pa/ /zhes bya ba ni phyogs bzhir ro/ /de'i zhes bya ba ni sna tshogs rdo rje'o/ /dbus su zhes bya ba ni dbus kyi gnas su rdo rje sngon po rtse lnga kha gyes pa mdzes pa bri zhes bya ba'i don to//rdo rje 'bar bas 'khrigs pa yi/ /zhes bya ba ni dbyer med pa'i 'od kyis bskor bas so/ /shar gyi rtsibs la zhes bya ba ni shar gyi rtsibs kyi rtsa bar zhes bya ba'i don to/ /'khor lo zhes bya ba ni rtsibs brgyad pa dkar po'o/ /'khor lo'i 'od kyis 'khrigs bskor ba//zhes bya ba ni 'khor lo'i rnam pa can gyi 'od kyis kun tu bskor ba'o/ /de bzhin du lho dang nub dang byang phyogs kyi rtsibs kyi rtsa ba la ni rin po che dang pad+ma dang ral gri'o/ /shar gyi mtshams su zhes bya ba ni sna tshogs rdo rje'i lte ba'i me'i mtshams su zhes bya ba'i don to/ /de bzhin du lho dang nub dang byang gi mtshams rnams su ni rdo rje la sogs pa'o//de bzhin du tho ba dang dbyug pa dang 'dam skyes dang ral gri rnams shar la sogs pa'i sgo rnams su bri bar bya'o/ /rdzogs pa zhes bya ba ni dkyil 'khor sgrub pa'i rim pas bskyed pa ste/ de ni bcu bzhi pa la 'chad par 'gyur ro/ /the tshom med par zhes bya ba ni mchod bya dang mchod pa po dang mchod pa dbyer med pa'i blos so//rim par phye ba gang gi dkyil 'khor chen po sgrub par byed pa'i rim par phye ba de la de skad ces bya'o/ /dpal gshin rje gshed nag po'i dka' 'grel slob dpon shrI d+ha ras mdzad pa las rim par phye ba gnyis pa'i bshad pa'o// //gsol ba ma btab par dkyil 'khor bri bar mi bya'o zhes ma 'ongs pa'i slob dpon rnams la bstan pa'i phyir/ de bzhin gshegs pa rnams kyis gsol ba gdab pa'i phyir de nas zhes bya ba la sogs pa gsungs te/ dkyil 'khor zhes bya ba ni rdul tshon gyi dkyil 'khor ro//sdig pa thams cad de des skyes zin pa'i srog gcod pa la sogs pa rnams 'joms pa'o/ /dkyil 'khor thams cad ni rgyud gzhan sgrub pa yang len cing bsgrubs pas dkyil 'khor thams cad kyi gtso bo'o/ /'di skad bstan par 'gyur te/ 'dir dbang bskur ba thob pa'i bsgom pa pos ni dkyil 'khor thams cad kyi ye shes thob par 'gyur ro zhes bya'o//rnal 'byor chen po rdzogs par bya ba'i phyir gsungs pa/ de nas zhes bya ba la sogs pa ste/ rdo rje 'dzin chen po ni ye shes lnga'i bdag nyid kyi de bzhin gshegs pa lnga'o/ /de de'i bdag nyid du 'dzin par mdzad pas rdo rje 'chang chen po ste/byang chub kyi sems rdo rje'o/ /byang chub kyi sems rdo rje'i bdud rtsi gang gis myong bar byed cing de nyid kyis dbang du byed pa ni de ni mi 'da' bar bya ba nyid kyi phyir dam tshig go/ /nges par phyung ba zhes bya ba ni de'i bdag nyid du spros pa dang ldan pa'o/ /de nyid gsungs pa/ oM AH hUM chos thams cad dngos po med pa zhes bya ba ni a/ci'i phyir zhe na skye ba dang bral ba'i phyir te des na u'o/ /gnas pa gsungs pa/ sgyu ma lta bu'i zhes bya bas ma'o/ /'di dag bsdus pa ni oM mo/ /chos thams cad gdod ma nas ma skyes pa zhes bya ba a ste/ mtshan ma med pa zhes bya ba'i don to//gnas pa gsungs pa dngos po dang bral ba las dngos po dang bral ba'i chos rnams rab tu 'byung ngo zhes bya bas AH'o/ /chos thams cad nyams pa med do zhes bya bas ha'o/ /chos thams cad rtog pa dang bral bas u'o/ /de nyid kyis smon pa med pas sgyu ma lta bu'o zhes bya bas ma'o//de rnams bsdus pa ni hUM ngo / /yang bdud rtsi ni bdud rtsi lnga'o/ /de myang ba ni nye bar longs spyod pa'o/ /de'i don gyis dam tshig ni 'da' bar mi bya ba'i sngags kyi gzugs so/ /nges par phyung zhes bya ba ni gsal bar bstan pa ste/ oM AHhUM 'di skad bstan te/ 'dis bdud rtsi lnga mngon par bsngags la myang bar bya'o zhes bya ba yin no//myang ba'i cho ga gsungs pa/ rdo rje lce'i zhes bya ba la lce nyid rdo rje ste man ngag gis hUM las skyes pa'o/ /de'i khyad par can gyi sbyor ba ni sbyor ba yis zhes bya ba ste/ 'od zer sbu gu 'dra ba'i rdo rje lce'i sbyor ba des so/ /rdo rje can kun zhes bya ba la//rdo rje ni me long lta bu dang / mnyam pa nyid dang so sor rtog pa dang / bya ba nan tan dang / chos kyi dbyings shin tu rnam par dag pa'i ye shes so/ /dpal gsang ba 'dus pa las kyang / shes dang shes bya lnga nyid ni/ /rdo rje zhes ni brjod pa yin/ /zhes gsungs pa yin no//rdo rje can gang la de yod pa de ni de bzhin gshegs pa lnga'i ye shes kyi bdag nyid can no/ /de ni kun yang yin la rdo rje can yin pas rdo rje can kun te de rnams so/ /kun zhes bya ba'i sgras ni de'i rigs rnams kyang bsdu'o/ /'dis ni 'di skad bstan pa yin te 'jig rten gsum po ma lus pa na bzhugs pa'i 'khor dang bcas pa'i sangs rgyas rnams bdag gi lus la bcug la bdud rtsi myang bar bya'o zhes bya ba'i don to//bdud rtsi sgrub pa'i thabs gsungs pa/ /rdzogs pa'i sangs rgyas thams cad gzhug /ces bya ba ni rlung dang me la gnas pa'i snod du bi mu ma ra su dang / da ha na go ku rnams rdo rje dang bcas pa zhu bar byas la oM gyi 'od kyis dgug go zhes bya ba'i don to/ /ye shes 'byung gnas zhes bya ba ni ye shes kyi ngo bos zhes bya ba'i don to/ /dam tshig gi 'khor lo bskyed nas ye shes kyi 'khor lo ji ltar gzhug par bya zhe na gsungs pa/ ngo bo nyid ces bya ba ste ngo bo nyid ni dam tshig gi 'khor lo'i ngo bo ji lta ba'i gzugs des zhes bya ba'i don to//dgug pa dang zhes bya ba ni dgug pa'o/ /gzhug dang zhes bya ba ni rab tu gzhug pa'o/ /bcings pa dang zhes bya ba ni yid mi g.yo bar bya ba'o/ /dbang du bya zhes bya ba ni dga' bar bya'o/ /'di dag ji ltar bya ba yin zhe na gsungs pa/tho ba la sogs sngags bzhi yis/ /zhes bya bas so/ /tho ba la sogs pa ste/ tho ba dang dbyug pa dang pad+ma dang ral gri gshin rje gshed bzhi'i sngags bzhis zhes bya ba'i don to/ /de yang rim par phye ba bcu gsum pa las go bar bya'o/ /dkyil 'khor gyi gtso bo bsgom pa gsungs pa ma he rdo rje zhes bya ba la ma hiR+Sha ni ma he'o//de'i rgyab tu ni rdo rje ste/ ya las rdzogs pa zhes bya ba'i don to/ /rnam bsgom zhes bya ba de gyur pa las bsgom pa'o/ /rta bdun ldan pa ni nyi ma'o/ /dmar po yin pa'i phyir de nyid ni dkyil 'khor dmar po'o//rdo rje las kyi dkyil 'khor ni las kyi dkyil 'khor te nyi ma nyid do/ /gzhan ni go sla'o/ /da ni rnal 'byor pa mtshan ma thob pas phyag rgya chen po bsgrub mi nus na ngal so ba'i rgyur mi snang ba la sogs pa'i dngos grub gsungs pa/ mi tshil zhes bya ba la sogs pa ste don ni 'di yin no//rdo rje las kyi rnal 'byor pas sngon du bsnyen pa byas la mdung gis phug pa'am/ dpyangs pa'am/ mtshon gyis rgyab pa'i mi'i thod par de lta bu'i tshil la mi'i skra dang a rka'i spra ba bsres pas sdong bu byas la mar me sbar te/ de'i steng du thod pa gzhan zhig la ji skad gsungs pa'i gnas su du ba bsgrubs la de bsdus nas thod par bzhag la/de yang rdo rje las kyi rnal 'byor bsgoms nas mar ngo'i gang yang rung ba zhig gi nub mo lag pa g.yon pas bkab nas/ ji srid 'bar ba'i bar du bzlas pa byas nas de mig la bskus na sus kyang mi mthong ngo / /'jig rten gsum du yang spyod par 'gyur ro//du ba byung bas na sa spyod du 'gyur ro/ /dro bas ni 'gro ba thams cad dga' bar 'gyur ro zhes bya ba ni man ngag go/ /rkang mgyogs bsgrub pa ni de'i rnal 'byor pas so/ /gur gum zhes bya ba ni mngal nas skyes pa'i rang byung gi khrag go/ /de yang gur gum mngal gyi khrag yin no zhes bya ba bstan pas so//khrag ces bya ba ni sngar bstan pa'i sha'i las bya ba ni man ngag go/ /sngar bstan pa'i gnas su sngar bstan pa bzhag la der rdo rje las rnam par bsgoms nas lag pa g.yas pas bkab la ji srid du sngar bstan pa'i dngos grub gsum 'byung gi bar du bzla bar bya'o zhes bya ba'o//ri lu sgrub pa'i thabs ni/ gser dang dngul dang zangs ma rnams/ /man cha gsum dang bzhi bzhi dag /ra ti dang po thub pa dang / /yon tan mda' yis bshad pa'o/ /rim pa bzhin du ri lur bcing / /zhes bya ba 'di dag gis sha lnga dang ldan pa'i bdud rtsi lnga rgya shug gi 'bras bu tsam mam ras bal gyi 'bras bu tsam mam/rim pa bzhin gtubs nas de'i rnam par bsgoms la lag pas bkab cing ji srid 'bar bar 'gyur gyi bar du bzla bar bya'o/ /de nas khar bcug nas gang du 'dod pa der bsams pa tsam gyis thogs pa med par 'gro'o//ral gri sgrub pa ni gdong drug pa'i sa bon las byung ba'i khab long gi lcags las byas pa'i ral gri de'i rnal 'byor gyis de'i bdag nyid du bsgoms nas lag pas bzung nas ji srid 'bar bar gyur gyi bar du bzla bar bya'o/ /de nas de blangs nas thogs pa med pa'i gang du 'dod pa der 'gro'o//sum cu pas khros kyang mi 'pham mo/ /de bzhin du zhe sdang gshin rje gshed kyi rnal 'byor gyis lcags las byas pa'am/ gser las byas pa'i rdo rje la bsgrub par bya'o/ /de bzhin du gti mug gi rnal 'byor gyis ni dngul las byas pa'am shel las byas pa'i 'khor lo thogs pa'i rig pa 'dzin pa bsgrub par bya'o//de bzhin du phra ma'i rnal 'byor gyis ni rin po che margad cha dgu pas ni rin po che'i rig 'dzin gyi dngos grub bsgrub par bya'o/ /de bzhin 'dod chags kyi rnal 'byor gyis zangs las byas pa'am pad+ma rA ga las byas pa'i pad+mas ni pad+ma thogs pa'i rig 'dzin gyi dngos grub bsgrub par bya'o//de bzhin du kyo ba dang / zhags pa dang / gi wang gi thig le dang / mchil lham la sogs pa rgyud gzhan du mthong ba dag la yang las kyi rnal 'byor nyid kyis bsgrub par bya'o zhes bya ba yin no/ /las kyi dngos grub sna tshogs kyi rgyu mtshan gyi khyad par gyi lha'i rnal 'byor gyi gzugs kyis de dang de bsgrub pa'o//rim par phye ba gang du bstan pa de la yang de skad ces bya'o/ /dpal gshin rje gshed nag po'i dka' 'grel slob dpon shrI d+ha ras mdzad pa las rim par phye ba gsum pa'i bshad pa'o// //da ni gdug pa can dang zhi ba dang bar ma rnams rjes su gzung ba'i phyir/rnal 'byor pas tshar bcad pa dang / rjes su gzung ba'i las bya'o zhes bya ba las/ de nas bcom ldan 'das zhes bya ba nas yon tan rgya mtsho rnams gsan zhes bya ba'i bar gyis de'i don du de bzhin gshegs pa rnams kyis gsol ba btab par gsungs pa yin no//bud med dbang du bya ba dang srung ba la ni gi wang gis so/ /skyes pa la gur kum gyis so/ /ngag rengs par bya ba la khyad par 'di yod do/ /bsgrub bya'i lce la laM las skyes pa'i dbang chen gyi dkyil 'khor de'i steng du hUM las byung ba'i sna tshogs rdo rje gnon pa'i gshin rje gshed ser por bsgom par bya'o//tshar gcod pa'i sprul pa'i khro bo gsungs pa ba spu'i khung nas zhes bya ba sogs pa la/ chen po ni ba spu'i khung chen po ste khung bu'i tshogs so/ /de las rnam par spro bar bya'o/ /rang gi bdag po zhes bya ba la rigs ni gti mug la sogs pa'o/ /de dang ldan pa ni bdag po ste rigs kyi bdag po'o//'di rang yang yin la rigs kyi bdag po yang yin pas rang rigs bdag po'o/ /don ni 'di yin te/ 'dis bdag nyid kyi rigs kyi khro bo'i gzugs kyis spro bar bya'o/ /de rnam par spros nas bsgrub bya'i lus la zhugs te de la gnas pa'i ye shes kyi lha yang dag par mchod de/de'i las de byed par shes par bya ste bcom ldan 'das rnams 'di ni 'di lta bu'i las byed pa dmyal bar 'gro ba yin gyi de'i phyir 'di yongs su btang bar 'tshal lo zhes byas pa dang / de dag de ma thag tu de btang nas 'ong bar 'gyur ro//de nas yon chab la sogs pa phul la rang gi ye shes kyi sa bon la gzhug go/ /rang gi khro bo'i tshogs kyis de'i srung ba la sogs pa blangs nas 'ong bar byed do/ /srung ba la sogs pa de dag kyang nyid kyi btsun mo'i pad+ma'i nang du gshin rje gshed khro bo'i phur bus btab la rdo rjes btsir bar bya'o//phyi nas las thams cad kyang bya'o/ /gsal por ni bla ma las shes so/ /'khrul 'khor ni bris pa'i 'khor lo'o/ /sngags ni hrIHSh+T+r-IHla sogs pa'o/ /rgyud ni bsam gtan to/ /'di dag nyid gsad pa la sogs pa la 'da' bar bya ba ma yin pa'i phyir na dam tshig go//gang du rim par phyi ba de la de skad ces bya'o/ /dpal gshin rje gshed nag po'i dka' 'grel slob dpon shrI d+ha ras mdzad pa las rim par phye ba bzhi pa'i bshad pa'o// //da ni sngar bstan pa'i mngon spyod kyi phyogs gcig dbye ba dang bskrad pa'i las gnyis nye bar gzhag par bya ba'i phyir/'khor lo rim bzhin bri ba gsungs pa/ de nas zhes bya ba la sogs pa go sla'o/ /lhor bltas la zhes bya ba ni lhor mngon par phyogs pa'o/ /rang khrag ces bya ba ni srin lag gi'o/ /ro bsregs thal ba ni dur khrod kyi me'i 'o/ / smyon pa'i khu ba ni da du ra'i 'dab ma'i khu ba'o/ /ras ni ras nyid do/ /gshin rje'i lus la gnas pa zhes pa ni gshin rje'i lto bar gnas pa'o/ /rta dang ma he ni rgyab tu'o/ /bskrad pa ni gdong pa'o/ /rnga mo'i lus la bskyon zhes pa ni rgyab tu gnas pa'o/ /btsun mo'i snying ga ni pad+ma'o//ra la zhes bya ba ni ra'i snying la gnas pa'o/ /ri bo'i dkyil du zhes bya ba ni steng dang 'og dang g.yas dang g.yon dang mdun rgyab kyi ri'i dkyil du gzhag pa zhes bya ba'i don to/ /shar ba ni rkang pa brgyad yod pa'i seng ge'o/ /de bzhin du smyo bar bya ba ni smyos pa'i byed pa'am//spre'u la sogs pa la bsgrub bya dgod par mtshon par bya'o/ /ro tsa na ni gi wang ste/ bud med dbang du bya ba dang srung ba la'o/ /kha che ni gur gum ste skyes pa dbang du bya ba dang rgyas pa la'o/ /zhi ba dang rgyas pa ni dge ba'i sems kyis so/ /khwa ni bya rog chen po'o/ / bri bar bya zhes bya ba ni bskrad pa la'o/ /ro sreg pa ni dur khrod kyi me'o/ /pad+ma kha sbyar ni thod pa kha sbyar ro/ /mngon spyod gsum la zhes bya ba lhag ma'o/ /tshar gcad pa ni tshar gcad par bya ba'o/ /lho phyogs gnas te zhes bya ba ni/ kha lhor bltas te gnas zhes bya ba'i don to/ / zhi ba la zhes bya ba ni zhi ba'i las la'o/ /ya zhes bya ba ni shar gyi ya'o/ /ni de gnyi ga zhes bya ba yi ge gnyis so/ /ya ni de'i dbus kyi yi ge ya'o/ /ye shes ni gshin rje gshed kyi rnam pa'o/ /de nyid ni gzung ba dang 'dzin pa'i rnam par rtog pas mi phyed pas rdo rje ste rnal 'byor pa gang la de yod pa de la de skad ces bya'o//rab tu drag pa'i zhes bya ba la sogs pas ni 'khor lo che ba'i bdag nyid gsungs pa'o/ /'khor lo bri ba'i go rims gong du bstan pa de la de skad ces bya'o/ /dpal gshin rje gshed nag po'i dka' 'grel slob dpon shrI d+ha ras mdzad pa las rim par phye ba lnga pa'i bshad pa'o// //da ni de nas zhes bya ba nas/ /dbu la gshin rje gshed po bsgom/ /zhes bya ba'i bar gyis rgyas gdab pa gsungs nas/ gtor ma sngon du 'gro ba'i 'khor lo rnam par lta ba'i rim par phye ba gsungs pa/ de yang rtag tu dkyil 'khor sgom par byed pa dang /dam tshig sgrub pa la brtson pa dang / dam tshig sgrub pa la brtson pa dang / sdom pa gzung ba dang dbang thob pas bya'o zhes bslab par bya'o/ /de nyid bstan pa'i phyir/ /rtag tu dkyil 'khor bri bar bya/ /zhes bya ba la bri bar bya ba ni bsgom par bya'o/ /rtag tu ni rgyun du'o/ /sbyin sreg ni nang gi bdag nyid can no//dam tshig ni bsrung bar bya ba dang bza' bar bya ba'o/ /de la bsrung ba ni mtshams med pa byed pa las so/ /bza' ba ni go ku la sogs pa'o/ /sdom pa ni slob dpon gyi'o/ /dang po zhes bya ba la sogs pas dbang mdor bstan pa'o/ / rgyas par bstan pa yang bshad par bya'o/ /zla ba bza' ba zhes bya ba ni gsang ba'i dbang bskur ba'o/ /bzhi po 'di ni dbang chen po/ /zhes bya ba la dbang bskur ba bzhi po 'di nyid shes rab ye shes kyi rgyu'i gnas skabs tsam dang de kho na nyid kyi ngo bo nyid yin pa'i phyir dbang ni ma yin no/ / dri ma 'khrud par chos mthun pas so zhe na de yin du zad mod bdag la ci gnod/ /sngags ni de nas bshad par bya/ /zhes bya ba ni rab kyi mthar thug par bshad par bya'o/ /rab kyi mthar thug pa'i don yang dkyil 'khor gyi cho gar rgyas par bstan pas 'dir mi brjod do/ /phyi rol gyi lha mnyes par bya ba'i gnas gsungs pa/dkyil 'khor gru gsum byas nas ni/ /zhes bya ba la sogs pa ste/ gru gsum ni zur gsum mo/ /chu ni byang chub kyi sems so/ /bsres zhes bya ba ni khrag dang gsal byed lnga'o/ /don ni 'di yin te gsal byed lnga dang bcas pa'i bdud rtsi lngas dkyil 'khor gru gsum byas la der phyi rol gyi lha rnams tshim par bya zhing gtor ma yang der sbyin par bya zhes bya'o//ha ha zhes kyang dran par bya/ /zhes bya ba ni mnyes nas mjug rdzogs par bya ba'i phyir gad mo rnam pa brgyad bya'o/ /da ni 'khor lo bri ba'i rim pa gsungs pa'i 'khor lo rim gsum byas nas zhes bya ba la/dkyil 'khor ma gtogs par re'u mig brgyad pa'i dkyil 'khor dang / de'i phyi rol du gzhan re'u mig bcu gnyis pa'i dkyil 'khor dang / de'i yang phyi rol du gzhan re'u mig bcu drug pa'i dkyil 'khor bri bar bya'o/ /ji skad gsungs pa'i zhi ba dang rgyas pa'i cho ga dang las de dang de'i rnal 'byor gyis so//mkhas pa ni goms pa'i bdag nyid do/ /kun du zhes bya ba ni/ rnam pa kun gyis dgod par bya/ /zhes bya ba'i don to/ /grub pa'i sngags ni yi ge bcu gnyis pa'i yats+tsha ni rA dza sa do ru na yo ni ra zhes brjod pa ste/ re'u mig bcu gnyis par dgod par bya'o//'di'i che ba'i bdag nyid gsungs pa/ ma lus lus pa med par 'grub/ /ces bya ba la sogs pa ste lhag ma ma lus pa ni ma lus pa'o/ /de nas lus pa med par 'grub pa'o/ /ci zhig ce na/ 'jig rten gsum ste 'jig rten gsum gyi las zhes bya ba ni lhag ma'o//rgyu dang mi rgyu ba ni brtan pa dang g.yo ba'o/ /rtsa ba'i sngags gsungs pa/ ya ma rA dza zhes bya ba la sogs pa ste/ dkyil du yang zhes bya ba ni dkyil 'khor gyi re'u mig la'o/ /k+She ma me da ni shar la sogs pa'i phyogs su'o/ /hUM gnyis dang bcas pa'i bsgrub bya'i ming las thams cad la dgod par bya'o zhes gsungs pas bsgrub bya'i ming ni zhes bya ba la sogs pa'o//re'u mig bcu gnyis pa'i sngags gsungs pa/ yats+tsha zhes bya ba la sogs pa'o/ /phyi rol zhes bya ba ni re'u mig brgyad pa'i phyi rol re'u mig bcu gnyis pa la'o/ /g.yon nas brtsams zhes bya ba ni phyin ci log tu'o//gsum pa zhes bya ba ni re'u mig bcu drug pa la'o/ /cha re bor ba la ste de'i re'u mig dang po la oM de'i rgyab tu hrIH'o/ /de'i gnyis pa la ShaT+r-iH'o/ /de'i rgyab tu wi'o/ /gsum pa la ni kr-i'o/ /de'i rgyab tu tA'o/ /bzhi pa la ni na'o/ /de'i rgyab tu yang na'o/ / lnga pa la ni hUM ngo / /de'i rgyab tu yang hUM ngo / /drug pa la ni pha'o/ /de'i rgyab tu Ta'o/ /bdun pa la yang de nyid do/ /brgyad pa la ni swA'o/ /de'i rgyab tu ni hA'o/ /de ltar mdor bsdus nas bri bar bya'o/ /oM hrIHSh+T+r-iHbi kr-i tA na na hUM hUM phaT phaT swA hA/ zhes bya ba re'u mig brgyad po la dgod par ro/ / yang 'di ni mngon spyod tsam la yin no/ /zhi ba la sogs pa la ni tshul ji lta ba bzhin du'o/ /bor ba'i re'u mig rnams la yang bri bar bya ba yin pas gsungs pa/ de'i bar dag thams cad kyi/ /zhes bya ba la sogs pa ste las dang rjes su mthun par ni zhes bya ba ni las ji lta ba'i rjes su 'brangs nas so//phyag 'tshal zhes pa ni oM mo/ /de'i phyi nas na ma'o/ /de'i rjes la sngags dang ming ngo / /mtha' dang ldan par yang na ma'o/ /zhes bya ba'i swA hA'i ltag tu yang na maHste zhi ba la'o/ /rgyas pa la ni puSh+TiM bau Sha Ta'o/ /dbang la ni wa shaM bau Sha Ta ho/ rjes su hUM phaT ni mtha' ste/ mngon spyod la'o/ /ji ltar rigs pas byed ces bya ba byed pa por 'gyur ro zhes bya bar shes par bya'o/ /rim par phye ba gong du 'khor lo rnam par bri bar dgod par kun du bstan pa de la de skad ces bya'o/ /dpal gshin rje gshed nag po'i dka' 'grel slob dpon shrI d+ha ras mdzad pa las rim par phye ba drug pa'i bshad pa'o// //da ni rnal 'byor pa mtshan ma thob pas gdug pa can tshar bcad cing sems can gzhug pa'o zhes bya bas de'i phyir gdug pa can tshar bcad pa gsungs pa zhal gsum phyag drug ces bya ba la sogs pa ste bsgom bya zhes bya ba dang 'brel lo//de la snying gar sna tshogs pad+ma dang zla bar yi ge dza bkod la/ sangs rgyas rnams la dmigs nas phyag 'tshal ba la sogs pa ma lus pa bsgrubs la/ stong pa nyid du bsgoms nas sngags kyi byin gyis brlab par bya zhing oM las nyi ma hUM las rdo rje'i gur gyi dkyil du pad+ma dang zla ba la dza dang 'khor lo las byung ba'i zhal gsum pa rtsa ba'i zhal dang sku kun dkar ba/zhal g.yas dang g.yon sngo ba dang dmar ba/ g.yas na 'khor lo dang ral gri 'dzin pa/ g.yon na pad+ma dang nor bu 'dzin pa/ rtsa ba'i g.yas dang g.yon na gri gug dang thod pa bsnams pas 'khyud pa'i tshul can/g.yon brkyang ba'i zhabs can lus la sha med pa skra dmar ser 'bar zhing gyen du 'greng ba/ mi mgo rlon pa khrag 'dzag pa'i phreng ba 'phyong ba rus pa'i rgyan gyis brgyan pa/ 'od kyi phreng ba 'phro ba'o/ /mkhas pas zhes bya ba ni 'gugs pa la mkhas pa'o//khrag dgug pa'i sbyor ba ni zhes bya ba la de'i sbyor ba ni 'di yin te/ rang gi lce la yi ge dza dmar po bkod la de'i 'od khab kyi rnam pa lta bus snying phug la/ de'i phyi nas spros pa'i 'od zer pad+ma'i rnam pa lta bus khrag rnams bkug nas bdag nyid kyi kha gang bar bsgom par bya'o//don 'di 'chad par 'gyur ba'i kha gdangs pa dag byas pas ni zhes bya bas rdzogs par bya'o/ /phag mo'i ting nge 'dzin gyis chang dgug pa gsungs pa/ zhal gsum pa ste rtsa ba'i zhal phag gdong lta bu sngon po'o/ /zhal g.yas dang g.yon pa ni dkar po dang dmar po'o/ /phyag g.yas na rdo rje dang ral gri g.yon na 'khor lo pad+ma bsnams pa/phyag gtso bo gnyis na gri gug dang thod pa dang 'khyud pa'i tshul can no/ /phyag 'tshal ba la sogs pa lhag ma ni snga ma bzhin no/ /sa dang rdo rje las byung ba zhes bya ba ni khyad par ro/ /chang dgug pa'i sbyor ba zhes bya ba la lce la dza dmar po bkod la de'i 'od sbu gu'i rnam pa 'dra bas bkug la 'chad par 'gyur ba'i rdza mkhan gyi lag pa phyis pa'i sa la bum pa byas par gzhug go//shes rab 'phel bar bya ba'i phyir dbyangs can ma sprul pa gsungs te/ zhal gsum zhes bya ba la sogs pa'o/ /phyag 'tshal ba la sogs pa thams cad ni snga ma bzhin no//khyad par ni 'di yin te/ ho dang pad+ma las byung ba'i rtsa ba'i zhal dang lus kun dmar ba g.yas sngo ba g.yon dkar ba g.yas na pad+ma dang ral gri/ g.yon na 'khor lo dang nor bu 'dzin pa/ gzhan dag gis gri gug dang thod pa bsnams pas 'khyud pa'i tshul can zhi ba/rin po che'i rgyan 'chang ba'o/ /'dir sbyor ba ni 'chad par 'gyur ba'i tshes kyi dang po nas bzung ste zhes bya ba la sogs pas shes par bya'o/ /khu ba dgug pa'i gau rI sprul pa gsungs pa/ zhal gsum zhes bya ba la sogs pa la/ g.yas dang g.yon pa'i zhal ni sngo ba dang dkar ba/phyag g.yas na ral gri dang 'khor lo/ /g.yon na nor bu dang pad+ma bsnams pa/ gzhan dag gis gri gug dang thod pa bsnams pas 'khyud pa'i tshul can ni nor bu margad 'dra ba ni rin po che ljang gu'o/ /khu ba dgug pa'i sbyor ba ni zhes bya ba ni dza dmar po'i 'od kyis 'chad par 'gyur ba'i pad+ma'i kha dang zhes bya ba la sogs pas shes par bya'o//lha mo kun yang g.yon brkyang ba'i zhabs kyis sna tshogs pad+ma dang zla ba la bzhugs pa'o/ /phag mo dang gau rI gnyis ni thung zhing lto 'phyang ba'o/ /tsartsi ka ni skem pa'o/ /dbyangs can ma ni zhi ba'o//de nas zhes bya ba la sogs pas ni ji skad smras pa'i sbyor ba rnams ston par byed pa'o/ /khrag 'gugs pa'i zhes bya ba la gang gis khrag 'gugs par byed pa'i rdo rje tsartsi ka 'di ni byams pa chen po'i ngo bo dang dbyer med pa yin pa'i phyir rdo rje ste/ de skad ces bya ba'i ting nge 'dzin la yang de skad ces bya'o//'di zhes bya ba ni 'chad par 'gyur ba'o/ /sngags zhes bya ba ni yid skyob par 'gyur ba'i phyir ro/ /gsungs so zhes bya ba ni gsungs pa dang ldan pa'o/ /kha zhes bya ba ni khro bo'i gzugs can nyid do/ /gdangs zhes bya ba ni rab tu phye ba'o//'di dag ces pa ni smras ma thag pa'o/ /'jig rten gsum ni 'jig rten gyi srid pa'o/ /khrag chen zhes bya ba ni khrag kun no/ /dkon mchog gsum la sogs pa la ldang ba'i zhes bya ba lhag ma'o/ /chang 'gugs pa'i rdo rje zhes bya ba la gang gis chang 'gugs pa'i byed pa 'di ni snying rje'i ngo bo dang dbyer med pa'i ngo bo nyid yin pa'i phyir rdo rje ste/de skad ces bya ba'i ting nge 'dzin la yang de skad ces bya'o/ /gsungs pa zhes bya ba ni gsungs pa dang ldan pa'o/ /khru gang tsam gyi bum pa rdza mkhan lag pa phyis pa'i sas zhes bya ba rdza mkhan gyi'o//bum pa zhes bya ba rdza mkhan gyis so/ /kha mdzes zhes bya ba ni mtho gang gi khyon tsam mo/ /rkun ma'i skra yi rten gzhag ste/ /zhes bya ba ni dpyangs pa'i rkun ma'i skra'i rten la gzhag pa'o/ /don ni 'di yin te/ chang 'tshong gi khyim nas chang blangs la sngar bstan pa'i rdo rje phag mo'i rnal 'byor gyis bum par blugs la shin tu mnyam par gzhag pa'i yid kyis rten la bzhag la sngar bstan pa'i cho gas sngags gang dang gang du bzlas pa byas pa'i chang lus pa med par 'gugs par byed do//sngags 'di'i che ba'i bdag nyid ni/ pa ta na mchod rten du bstan zhes bya ba ni pa ta na'i mchod rten zhes bya ba o Ta'i yul shar phyogs kyi yul gyi rgya mtsho'i 'gram mo//der dpa' bo dang dpa' mo'i dbang phyug gi tshogs kyi dkyil 'khor du/ bcom ldan 'das ma rdo rje phag mos 'jig rten gsum po ma lus pa'i chang bkug go zhes thos te/de nas da ltar yang rdo rje phag mo'i snying po'i khyim na nam yang chang zad pa med do zhes zer te/ 'di la dad pa rnams kyis dad pa phyir zhing 'phel bar bya ba'i phyir 'di'i che ba'i bdag nyid nye bar bstan to/ /dal gyis dmigs nas zhes bya ba ni brtan par byas nas so//rab tu grags zhes pa ni sgrub par ro/ /shes rab kyi pha rol tu phyin pa zhes bya ba la shes rab ni chos thams cad bdag med par rtogs pa nyid do/ /'khor ba dang mya ngan las 'das pa'i rnam par rtog pa rgya mtsho'i pha rol mi gnas pa'i mya ngan las 'das par phyin pa ni son pa ste/shes rab kyi pha rol tu phyin pa'o/ /de nyid ni bdag dang gzhan gyi don phun sum tshogs pa dbyer med pa'i ngo bo rdo rje dbyangs can ma'i rnam pa yin pa'i phyir rdo rje ste/ de skad ces bya ba'i ting nge 'dzin la yang de skad ces bya'o/ /tshes kyi dang po nas bzung ste/ kun du zla ba nya yi bar/zhes bya ba la tshes gcig nas brtsams nas zla ba nya'i bar du'o/ /kun du ni rnam pa kun gyis so/ /ji srid zla ba'i rjes 'jug pas/ /zhes bya ba ni zla ba 'phel ba'i rim pas so/ /de la mngon du phyogs pas zhes bya ba ni man ngag go/ /des cir 'gyur zhe na gsungs pa 'grub par 'gyur zhes bya ba la sogs pa'o//rnal 'byor ni thabs dang shes rab kyi snyoms par 'jug pa'o/ /de 'di la yod pas rnal 'byor te/ bcom ldan 'das gshin rje gshed nag po'o/ /de'i dbang phyug ni ji srid phyag rgya chen po'i bar phun sum tshogs pa ma lus pa 'grub pa ste/'di'i bsgom pa rab kyi mthar phyin na de lta bu'i dngos grub khyad par can 'byung ngo zhes bya ba'i don to/ /bya ba'i 'bras bu gsungs pa/ tshigs bcad brgya zhes bya ba la 'di ni nye bar mtshon pa yin te/ brgya dang stong yang zin pa'o/ /'di zhes bya dang ldan pa'i rnal 'byor pa'o//'grub par 'gyur zhes pa ni nges par 'grub par byed pa'o/ /ma lus par zhi ba la sogs pa'i las rnams so/ /lus pa med pa ni ji ltar 'byung ba ste/ khams gsum pa'i las de ltar bya zhes bya ba'i don to/ /ma lus pa dag ni zhes bya ba ni nyan thos dang rang sangs rgyas dang khyab 'jug dang bde byed dang tshangs pa la sogs pa 'dul ba'i las zhes bya ba'i don te/khu ba 'gugs pa'i rdo rje zhes bya ba ni gang gis khu ba 'gugs par byed pa 'di la btang snyoms chen po'i ngo bos gau rI'i rnam pa lta bu'i mi phyed pa yod pa'i phyir rdo rje ste de skad ces bya ba'i ting nge 'dzin la yang de skad ces bya'o//pad+ma'i kha zhes bya ba ni btsun mo'i ze'u 'bru'o/ /rdo rje nas zhes bya ba ni skyes pa'i rdo rje'i khung bu'o/ /rlung zhes bya ba ni 'jug pa'i rlung ngo / /dril bu zhes bya ba ni oM ka D+ha ni zhes bya ba la sogs pa'i sngags kyi sgra'o/ / lcags kyu'i sbyor ba ni lcags kyu'i rnam pa lta bu'i 'od zer gyi sbyor ba'o/ /rlung dang dril bu dang lcags kyu'i sbyor ba ni dril bus lcags kyu'i rlung sbyor ro/ /don ni 'di yin te/ dza dmar po lce la bkod pa'i 'od zer 'byung ba'i rlung dag byung nas bsgrub bya'i bstan pa'i lam nas zhugs nas/ klad pa na yod pa tshun chad blangs nas bstan pa'i lam du bltas la/ de las 'jug pa'i rlung gis rang gi khar btung bar bsam mo/ /de yang gsungs pa/ 'gugs par byed ces bya ba la sogs pa ste khu ba'i tshogs ni khu ba bsdus pa'o/ /bzlas dang zhes bya ba ni sngags bzlas pa'o/ / bsgoms pa ni goms par byed pa'o/ /sbyor ba 'di dag la sems brtan par gyur par bya'o/ /dben pa zhes bya ba la sogs pa ni go sla'o/ /da ni de nas zhes bya ba la sogs pas dbang bskur rgyas par bshad pa gsungs pa/ nag po 'jig pa zhes bya ba la nag po ni gshin rje gshed nag po'o//de 'jig pa ni nyams par byed pa'o/ /de nyid ni bcom ldan 'das kyi ngo bo nyid yin pa'i phyir dbyer med pas rdo rje'o/ /de skad ces bya ba'i ting nge 'dzin la yang de skad ces bya'o/ /'di zhes bya ba ni 'chad par 'gyur ba'o/ /dbang bskur ba mchog gi dam tshig ces bya ba la/mchog ni gang du dbang bskur bas bdag dang gzhan gyi don phun sum tshogs par 'gyur ba'o/ /de ni 'da' bar mi bya ba yin pas dam tshig go/ /de phyung par mdzad do zhes bya bar gsungs par gyur pa'o/ /u dum+WA ra zhes bya ba la sogs pa la don ni 'di yin te/ dkyil 'khor du 'jug pa'i dus su dkyil 'khor du 'phangs pa'i phreng ba tshigs bcad 'dis mgo la bcing bar bya'o//yang na/ /rigs lnga nyid du rtogs pa yi/ /rig ma lnga po bstan pas ni/ /me tog ming gis slob ma la/ /bde ba dam pa rtogs par byed/ /ces pas de dag re re la yang myu gu dang kha bye ba dang rgyas pa'i bye brag gis gsum yin pa nyid ni phreng ba ste rgyan gyi ngo bo nyid yin pa'i phyir ro//ral gri chen po khams gsum pa'i/ /zhes bya ba la khams gsum du byung ba'i 'dod chags la sogs pa de gcod pa'i chos mthun pa'i ral gri dang 'dra bas ral gri ste rdo rje zhes bya'o//de nyid kyi phyir spros pa med pa ye shes lnga'i ngo bo nyid yin pa'i phyir sangs rgyas kun gyis phyag byas pa'o/ /bdud las zhes bya ba ni phung po'i bdud dang / nyon mongs pa'i bdud dang 'chi bdag gi bdud dang / rnam par g.yeng bar byed pa ni lha'i bu'i bdud de de dag las so//las kyi ral gri zhes bya ba ni las thams cad byed pa'i phyir phrag dog gshin rje gshed do/ /de ni ral gri dang 'dra bar ji ltar las thams cad rab tu sgrub pa nyid kyis nyon mongs pa gcod par byed pa de bzhin du 'di yang de lta bu'i don du zhes bya ba'i don to//'di ni/ rdo rje'i brtul zhugs sbyin pa'o/ /shes rab thabs kyi ngo bo nyid/ /ces bya ba la shes rab nyid rnam par rtog pa ma lus pa nyams par byed pas thabs te de'i ngo bo gang la yod pa de la de skad ces bya'o/ /rdo rje zhes bya ba ni rnam pa thams cad kyi mchog dang ldan pa'i stong pa nyid do//de yang / /rnam pa kun gyi mchog ldan pa/ /stong pa nyid ni rdo rjer brjod/ /ces gsungs pas so/ /de nyid ni sems can thams cad kyi don sgrub par byed pas dril bu'o/ /sgrub pa ni bla na med pa'i byang chub rdzogs par byed pa'o/ /rdo rje khyod ces bya ba ni mi phyed pa'i ye shes kyi bdag nyid khyod ces bya ba'i don to//'di ni dril bu'i dam tshig sngon du 'gro ba'i dbugs dbyung ba'o/ /slob ma yang dag zung zhes bya ba ni rjes su gnang ba sbyin pa'o/ /'di ni zhes bya ba ni bla ma'i mdun na gnas pa'o/ /bla ma'i rdo rje'i nang gi mthar mthe bong dang srin lag gis mnan pa'i rang gi rig pas myong ba'o//btung ba rin po che zhes bya ba ni bla na med pa'i de bzhin gshegs pa'i dga' ba rgyas par byed pas rin po che'o/ /rdo rje'i lus ni rab tu sgrub/ /ces bya ba ni phung po lnga'i rang bzhin gyi lus kyi rdo rje ste/ ye shes lnga'i ngo bo nyid de sgrub par byed pa'o//'thung zhes bya ba ni longs spyod kyi sbubs su gtong bar byed pa ste/ rang rig pa'i mthar bya ba'i phyir ro/ /'dis cir 'gyur ba de gsungs pa/ ye shes zhes bya ba ste/ chos thams cad dbyer med pa bla na med pa'i rtog pa'i ngo bo zhes bya ba'i don to//shin tu dga' ba'i sems zhes bya ba ni brtan pa'o/ /bdag nyid ces bya ba ni rang gis rig na yang slob ma gzung ba'i phyir te/ de lta bu'i rnam par bzhugs pa'i rdo rje slob dpon gyis zhes bya ba'i don to/ /gang du dgug pa la sogs pa'i sbyor ba mngon par brjod pa de la de skad ces bya'o//dpal gshin rje gshed nag po'i dka' 'grel slob dpon shrI d+ha ras mdzad pa las/ rim par phye ba bdun pa'i bshad pa'o// //de nas zhes bya ba la sogs pa ni gsol ba btab pa'i rjes thogs la'o/ /rdo rje ni ye shes lnga'o/ /de'i bdag nyid 'chang bas rdo rje 'dzin no//srung ba ni bdud ma lus pa skrod par byed pas rdo rjer ba sprul pa nyid do/ /'khor lo ni rdo rje ra ba dang gur gyi rnam pa gnyis sbyor bar byed pa de la de skad ces bya'o/ /bgegs ni lus las kun du byung ba'o/ /log par 'dren pa ni ngag las kun du 'byung ba'o/ /gdug pa can ni sems las kun du 'byung ba'o//bsal ba ni rnam par gcod pa'o/ /bdag ces bya ba ni de bzhin gshegs pa thams cad kyi skur gcig pa'o/ /ral gri 'chang zhes bya ba ni bcom ldan 'das de nyid rdo rje 'chang de nyid du grub pas ral gri gang 'dzin pa nyid kyis mtshan ma thams cad nye bar mtshon pa'i don to//don ni 'di yin te/ brjod pa'i dus su ral gri'i gnas su rdo rje dang 'khor lo dang pad+ma dang rin po che bcug pas tshigs su bcad pa lngar 'gyur ba'o/ /bla na med pa'i bsod nams dang ye shes dang ldan pas dpal ldan no/ /ral gri 'bar ba zhes bya ba ni mtshon pa ste snga ma bzhin no//gang la 'bar zhing gsal ba'i gzugs yod pa des gcod pa zhes bya ba 'gegs pa ste/ sngar bstan pa'i bgegs la sogs pa'o/ /gsal por bya ba'i phyir gsungs pa/ rigs gsum las skyes zhes bya ba la sogs pa ste/ rigs gsum ni sku dang gsung dang thugs kyi bdag nyid las skyes pa'o//sa'i lha mo lhag par gnas par bya ba'i phyir gsungs pa/ lha mo khyod ni zhes bya ba la sogs pa la/ sangs rgyas thams cad ces bya ba ni drug pa'i don gyi gnyis pa'o/ /slob ma gzhug par gsungs pa gos kyi zhes bya ba ni gos kyi khyad par de dmar po'o//slob dpon gyis dri bar bya ba gsungs pa/ khyod su zhes bya ba ste/ gang la dga' zhes bya ba ni lhag ma'o/ /slob mas smra bar bya ba gsungs pa/ skal bzang bdag ni zhes bya ba ste bde ba chen po zhes bya ba ni lhag ma'o/ /ci zhig byas nas bya ba yin pa de gsungs pa/yol ba'i bar du zhes bya ba gos kyi yol ba'i bar du'o/ /bla ma la gsol ba btab pa zhes bya bar 'brel to/ /blo bzang zhes bya ba ni dkyil 'khor mthong bar spro ba'i yid can no/ /gsol ba btab pa gsungs pa/ ji ltar zhes bya ba ni cho ga gang gis so/ / sangs rgyas ni chos kyi sku dang gnyis su med pa'i sprul pa'i ngo bo nyid do/ /chos chen pos zhes bya ba ni longs spyod rdzogs pa'i gnas skabs pa'o/ /rdo rje sems dpa' zhes bya ba la rdo rje ni bla na med pa'i chos thams cad dbyer med pa'i bde ba chen po'i ye shes te de la sems dpas na de skad ces bya'o//bdag gi zhes bya ba ni bdag la'o/ /de bzhin du cho ga des dbang bskur bar bya'o/ /mchog ni mngon par 'dod pa de 'dod pa'o/ /bdag ni bdag go/ /stsal du gsol ba ni byin cig pa'o/ /slob ma'i bya ba mdor bstan pa gsungs pa de bzhin glu dang zhes bya ba la sogs pa ni go sla'o//'di dag thams cad ni dkyil 'khor gyi cho ga las rtogs par bya'o/ /de nas zhes bya ba bsod nams kyi tshogs kyi rjes thogs su'o/ /rdo rje ni chos thams cad dbyer med pa'i ngo bo nyid do/ /de de'i bdag nyid du 'dzin pa de la de skad ces bya'o/ /de nyid ni bla na med pa nyid yin pas rgyal po nyid do zhes bya bas rgyal po'o//oM zhes bya ba ni khas len pa ste ma skyes pa dang / rnam par rtog pa spangs pa dang / sgyu ma lta bu nyid ni oM mo/ /shU n+ya tA zhes bya ba ni chos thams cad bdag gcig dang du ma nyid dang bral bas bdag med pa nyid do/ / de'i ngo bo nyid ni bden pa'o/ /de nyid ni rtogs pa'i ngo bo nyid kyi dz+nyA na'o/ /de nyid ni mi phyed cing gzhan 'byed pa'i phyir dang / bla na med pa'i phyir badzra'o/ /de'i bdag nyid kyi ngo bo swa b+hA ba gang la yod pa de'i bdag nyid ni At+ma ko'o/ /de'i bdag nyid yin pas a haM ste/shU n+ya tU dz+nyA na badzra swa b+hA ba At+ma kou0f85haM zhes bsdu ba'o/ /de bzhin gshegs pa thams cad kyi bla na med pa'i ngo bo zang zing med pa'i chos kyi ngo bo nyid yin pa'i phyir rdo rje'o/ /de'i bdag nyid gang la yod pa de ni bdag ste a haM zhes bya ba ni bU dza badzre swa b+hA ba At+pa ko ste ye shes kyi 'khor l o bcug pa'i rjes thogs su bya ba'o//khu ba yongs su gyur pas bzhengs nas srid pa dang zhi ba gnyis su med pa nyid kyis nga rgyal gsungs pa/ d+harmA d+hA tu ni rang bzhin stong pa nyid do/ /gang la rang bzhin yod pa de swa b+hA ba ste/ phyag dang zhal dang dbyibs kyi bdag nyid can ni At+ma kou0f85haM ngo / / da ni zhi ba la sogs pa zhes bya ba la sogs pas sbyin sreg gi las rab 'byam gsungs pa ste/ zhi ba la sogs dbye ba yi/ /zhes bya ba ni zhi ba dang rgyas pa dang dbang dang dgug pa dang rengs pa dang dbye ba dang bskrad pa dang mngon spyod kyi dbye bas so/ /grub pa ste rdzogs par gyur pa na'o/ / yi zhes bya ba byung na'o/ /de nyid kyi phyir/ las rnams thams cad rab sgrub pa/ /zhes bya ba'o/ /zhi ba'i sems kyis zhes bya ba ni/ dge ba'i sems kyis rnam par mig yengs pas so/ /rgyas pa'i sems kyis zhes bya ba ni bu ram dang 'o ma za zhing ngo / /chags pa'i sems kyis zhes bya ba ni chags pa'i sems kyis so//la yang ngo zhes bya ba ni khros pa dang bcas pa'i sems kyis so/ /thab khung gsungs pa/ zhi ba'i dkyil 'khor rnam pa ste/ /zhes pa ni zlum pa'o/ /rdzing bu 'dra zhes bya ba ni gru bzhi'o/ /zla gam 'dra zhes bya ba ni gzhu lta bu'o/ /nam mkha'i khams 'dra zhes bya ba ni gru gsum pa'o//de dag gi rgya'i tshad gsungs pa/ khru gang zhes bya ba la sogs pa ste/ zabs su gsungs pa ni gting du khru phyed tshad ces bya ba la sogs pa'o/ /sor lnga gnyis ni bcu'o/ /zhi ba la ni sor bzhi bor ba'i pad+ma rgyas pa lta bu'i rnam pa sor bzhis mtho ba'i kha khyer ro//dkyil du ni sor brgyad pa bzhi'i rdo rje'o/ /yam shing ni dkyil 'khor gyi cho gar bstan to/ /rgyas pa la ni sor brgyad bor ba'i kha khyer rdo rjes mtshan pa'o/ /dkyil du ni rdo rje snga ma lta bu'o/ /zho dang sbrang rtsi dang sha kha ra dang / ma gong pa'i 'bras dang / sran ge'u dang /n+ya gro d+ha rlon pa'i yam shing sor nyi shu rtsa bzhi pa'o/ /mngon spyod la ni nim pa dang / dug dang / da du ra dang / tsha ba'i mar dang / skye tshe dang / tsha ba rnams so/ /bskrad pa la ni khwa'i sgro'o/ /gang du sbyin sreg gi cho ga gsungs pa de la de skad ces brjod do/ /dpal gshin rje gshed nag po'i dka' 'grel slob dpon shrI d+ha ras mdzad pa las rim par phye ba brgyad pa'i bshad pa'o// //da ni rgya mtsho'i zhes bya ba la sogs pas char dbab pa'i cho ga gsungs pa ni/ de la dpal gshin rje gshed nag po'i rnal 'byor pa lhag pa'i bsam pa brtan pas rams kyi khu bas kham phor ma bsregs pa'i nang du/ral gri'i 'khor lo rtsibs brgyad pa'i steng du pad+ma 'dab ma brgyad pa bris la/ de'i steng du ku ru kul+le'i sngags bsgrub bya'i ming dang spel bar bri bar bya'o/ /de la dbyar zla tha chungs la karko Tas so/ /ston zla ra ba la shaM ka pA las so//ston zla 'bring po la tak+Sha ka'o/ /ston zla tha chungs la ba su kis so/ /de dag nyid yang gdab nas dgun zla ra ba la sogs pa la char 'bebs so/ /de las gzhan pa'i kham phor ma bsregs pa dang kha sbyar du byas la/ skud pa sngon pos bcings nas dor ku ru kul+le 'chad par 'gyur ba'i gzugs kyis bkug la yang dag par mchod de bkas bsgo la klu gnas pa'i mtsho la sogs par gzhug par bya'o//yang na ma si biSh+Ti ko Ta bsten pa'i sngags kyi tshig bris la/ de yongs su gyur pa las/ ku ru kul+le klu thams cad skrag par byed pa bsgoms la yang dag par mchod de/ bcom ldan 'das ma bdag gi che ge mo'i dgos pa mdzod cig ces bka' bsgo nas klu'i gnas su gzhug par bya'o/ /de nas char dbab pa'i sa phyogs su 'dug la gdugs dang rgyal mtshan dang / bla re dang yol ba la sogs pa thams cad sngon por byas la gdung ba'i khyad par thams cad dang ldan par rgyan sngon po dang ldan pa'i rnal 'byor pas me'i dkyil 'khor gru gsum pa 'od 'bar zhing gsal bar bris la de'i dbus su rlung gi dkyil 'khor gzhu lta bu ba dan gyis mtshan pa sngon po'o//de'i dbus su chu'i dkyil 'khor bum pa lta bu dkar po'o//de la pad+ma 'dab ma brgyad pa'o/ /de'i dkyil du chu bdag sprul dkar po bdun gyi gdengs ka yod pa/ skyes bu'i cha byad can lag pa g.yas na ral gri g.yon na klu'i zhags pa thogs pa'o/ /shar gyi 'dab ma la dga' bo ut+pal sngon po ltar ljang ba/ lho yi 'dab ma la nor rgyas kyi bu dkar po//nub kyi 'dab ma la tak+Sha ka dmar po/ /byang gi 'dab ma la karko Ta nag po/ /mer ni pad+ma ste dkar po'o/ /bden bral du ni pad+ma chen po ste dkar skya/ rlung du dung skyong ser po/ /dbang ldan du rigs ldan sna tshogs kyi mdog go/ /de nas naM las klu thams cad bskyed la/bu ram dang 'o ma dang mar la sogs pa klu la 'os pas bshos gtsang yi ge phus sngags la dbul lo/ /me tog sngon po de bzhin dri/ /gos dang 'phan yang sngon po dang / /sngon po chu dang ldan pa yi/ /bum pa dag kyang dbul bar bya/ /dus kyi rjes su 'brang ba dang / /ta ka ra dang /chu srin sder mo dang / yungs kar ser po dang / nA ga puSh+pa rnams sha kha ra dang sbyar ba'am/ yang na nA ga ge sar gyi rdul sha kha ra dang sbyar ba'i spos dang zhun mar gyi mar me mngon par bsngags pa yang dbul bar bya'o/ /de nas dz+ha naM dzaHzhes bya ba'i sngags kyis yid kyis rdo rje lcags kyu spros la/klu rnams bkug nas rang rang gi gnas su bsgom zhing / yon chab byin nas yang dag par mchod de klu chen po khyed rnams kyis bcom ldan 'das kyi bka' dang / bdag la brtse bar dgongs nas char chen po dbab par mdzod cig ces gsol ba gdab bo/ /de nas klu rnams kun nas char chen po 'bebs pa la ched cher byed par bsams la/oM hrIHSh+T+r-iHbi kr-i tA na na hUM hUM phaT phaT oM phu nA ga naM pa ri sha pa ya swA hA zhes bzlas la de'i rjes la char 'bebs so/ /gal te yang mi 'bebs na/ de nas me thab zlum po la de bzhin du dkyil 'khor bris la dgug cing de rnams kyi lce la yi ge naM bsgoms nas/yon chab la sogs pa sngon du 'gro ba'i sbyin sreg gi cho gas bu ram dang 'o ma dang zhun mar gyis bkang ba'i sreg blugs gsum byin nas/ oM naM swA hA zhes pa'i sngags kyis bu ram dang 'o ma la sogs pa bsreg go/ /de ltar tshim par gyur pas char 'bebs so//de lta na yang char mi 'bebs na chad pa bya ste/ snga ma'i rim pa nyid kyis klu'i dkyil 'khor bya ste/ 'on kyang dang por rlung gi dkyil 'khor bri bar bya'o/ /bdag nyid kyang blo yis pad+ma'i dbus su bskal pa'i me ltar 'bar ba'i rnam pa can klu thams cad 'jigs par byed pa'i gshin rje gshed kyi rnal 'byor du byas nas/klu thams cad kyi mjug ma bsdoms la g.yon brkyang ba'i zhabs kyis mnan nas rang gi sngags kyi yi ge re re'i bar du klu'i snying po bcug nas nga rgyal dang bcas pas bzla bar bya'o/ /de nas rlung gis bskul ba'i me'i 'od kyis pad+ma rnyid par blta ste/de ltar 'og nas mes gdungs shing steng nas kyang khro bo'i mes gdungs bas shin tu sems stor bar gyur pas chu skyug par byed pa'i klu'i 'khor lor mos par bsams na nges par char 'bebs so/ /de lta na yang char mi 'bebs na dur khrod kyi gos sam mtshon gyis bsad pa'i gos la dug dang /tsha dang / skye tshe dang / tsha ba'i mar gyis rtsibs brgyad pa ral gri'i 'khor lo bris la/ de'i lte ba la pad+ma 'dab ma brgyad pa'i 'dab ma so so la klu'i snying po yi ge baM dang hUM gi bar du bcug pa bri bar bya'o/ /chu klung gi ngos kyi sa'am/klu'i gnas kyi sa dang bsres pa'i thal ba dang grog mkhar gyi sa dang / shing gcig gi rtsa ba'i sa dang bcas pa las klu'i gzugs byas la 'khrul 'khor bris nas de'i snying gar bcug nas bkug pa'i rjes la bskal pa'i me ltar 'bar ba'i gshin rje gshed kyi gzugs su gyur pas zhabs kyis de'i gzugs mnan nas/snga ma bzhin du khros pa dang bcas pas sngags bzla bar bya zhing nam mkha'i dkyil ma lus pa na klu rnams kyis khyab pas char chen po 'bebs par byed par bsams na char 'bab par 'gyur ro/ /gal te de lta na yang mi 'bebs na gzugs de nyid tsha ba gsum dang ske tshe la sogs pas mngon par byugs la gru gsum pa'i thab khung gi 'gram du bzhag nas dur khrod kyi shing las me sbar la khros pas sngags lan brgya rtsa brgyad bzlas shing brdung pa'am/yungs kar brdegs na nges par char 'bebs so//de lta na yang mi 'bab na/ de'i tshe gzugs de nyid skye tshe dang tshwa dang dug dang / da du ra las byas pa la seng ldeng gi phur pa sor dgu pas snying gar gdab cing rkang pa g.yon pas mgo bo mnan la/ kha lho'am nub du bltas te/ char dbab pa'i tshul gyis mnan cing me thab gru gsum pa la dur khrod kyi me phus sbar la/de'i dkyil du gshin rje gshed bsgoms nas/ de'i zhal du hUM gis mnan pa'i lce la khros shing sngags 'chol bar brjod pas 'jug ma nas brtsams nas mtshon rnon pos bcad cing bcad cing brgya rtsa brgyad kyi bar du bsregs pas char 'bab par 'gyur ro//de lta na yang gal te mi 'bab na/ 'di ni bcom ldan 'das gshin rje gshed kyi skyon te/ bdag nyid khro bo chen po rdo rje 'chang gi rnal 'byor du bsgoms nas snga ma bzhin du chu ngogs gnyis kyi sa la sogs pa las gshin rje gshed kyi gzugs byas la/ /'khor lo de'i snying gar bcug nas rkang pas mnan te/rkang pa g.yon pa'i mthe'u chung nas brtsams nas de bzhin du bcad cing bcad cing mngon spyod la gnas pa'i rdo rje 'chang gi zhal du bskyur bar bya'o/ /de lta bu khri byas na nges par gshin rje gshed kyis char 'bebs par byed do/ /gcad pa ni klu la sogs pa'i zhi ba'i thab khung du gti mug rdo rje gshin rje gshed ji lta ba bzhin du bsgoms nas zhi ba'i cho gas mar dang 'o ma la sogs pa'i sbyin sreg khri bya'o//de lta na yang klu gdug pa can tshar mi gcod na/ de'i tshe sngar bstan pa'i mngon spyod kyi thab khung du mngon spyod kyi tshogs/ dpal rdo rje sems dpa' la phul pa'i me tog rnying pa dang /ras bal gyi 'bras bur bcas pas sbyin sreg byas na nges par char gcod do/ /char ni mi 'bab dus dag tu/ /zhes bya ba ni char mi 'bab pa'i tshe'o/ /'bab par zhes bya ba ni char 'bab par 'gyur ro zhes bya ba'i don to/ /rgya mtshor bzhon pa dang 'gro ba'i tshe rlabs rengs par byed pa'i tshogs gsungs pa/sbrul nag po zhes bya ba la sogs pa ni go sla'o/ /lha la sogs pa lta ba'i phyir sbyor ba gsungs pa/ tsan da'i 'bras bu zhes bya ba la sogs pa la/ tsan da'i 'bras bu ni da du ra'i 'bras bu'o/ / gzhan dag ni go sla'o/ /don ni 'di yin te/ gshin rje gshed kyi rnal 'byor pas dbang du bya ba'i cho gas thab khung byas la bstan pa ltar sbyin sreg byas la/ lha ste bcom ldan 'das gshin rje gshed do/ /'di ni mtshon pa tsam ste/ tshangs pa la sogs pa yang mthong bar 'gyur ro//mthong nas dgyes par 'gyur bas mngon par 'dod pa ster bar 'gyur ro/ /gdug pa can tshar gcad pa'i phyir/ /dur khrod ro bsregs yog pa'i shing / /zhes bya ba gsungs te/ yog pa ni gang gis shi ba'i ro bsgul ba'o/ /man ngag ni ar ka'i shing las gzugs ni gzugs brnyan bya ba'o//smyon pa'i khu ba ni da du ra'i lo ma'i khu ba'o/ /de la bsgrub bya bkug la bzlas na mdzes thebs par 'gyur ro zhes bya ba'i don to/ /'bum phrag bzhi ni bzlas byas na/ zhes bya ba ni 'bum phrag bzhi bzlas pa'o/ /grub pa'i yungs kar ni yungs kar ser po'o//de blangs te zhes bya ba mang po nyid do/ /de na grub pa'i yungs kar blang bya sa zhes bya'o/ /sbrul gyis bzung nas 'gyel ba la/ zhes bya ba sbrul gyis bzung bas 'gyel ba la gtor na 'tsho bar 'gyur bas 'gyel ba 'tsho bya zhes bya ste/ bya zhes bya ba ni bya ba nyid do//don ni 'di yin te/ gshin rje gshed mdog dkar po zhi bas yar ngo'i tshes gcig la grub pa'i yungs kar dkar po lag tu blangs la sngags 'bum phrag bzhi'i bar du bzlas par bya'o/ /de nas de rnal 'byor pas bsdus nas gzung bar bya'o/ /de nas sbrul gyis gzung ba byung na des brdegs na 'tsho bar 'gyur ro//de las gzhan pa'i sbyor ba man ngag gis bshad par bya'o/ /de la ji lta ba bzhin du gshin rje gshed kyi rnal 'byor byas la dug gsad par bya ba'i don du bsgrub bya'i snying gar hUM dam hrIHSh+T+r-iHla sogs pa'i sngags las nyi ma'i dkyil 'khor de'i steng du yi ge hUM de'i 'od kyis de na yod pa'i dug rab tu 'bar bar 'gyur ro//lag pa g.yon pa'am lag pa g.yas pa'i mthil du paM las skyes pa'i pad+ma 'dab ma brgyad pa'o/ /de'i dkyil du 'od zer gyis brgyan pa'i hUM dkar po bdud rtsi 'dzag pa blta bar bya'o/ / gzhan dag ni 'od dkar po can gyi dkyil du ha bkod pas so zhes man ngag tu ston to/ /de nas hrIHSh+T+r-i'i sngags sam/ dbyug pa gshin rje gshed kyi'am/ bi kr-i tA na na'am/ oM hri ha hUM dza ha zhes bya ba'i sngags brjod cing 'gyel ba de'i spyi bo'i skra nas brtsams nas rkang pa'i bar du bya ba'o//de la lag pa la bkod pa'i sa bon gyi 'od kyis dug blangs nas 'ongs pas nag por gyur pa de bzhin du bor nas bdud rtsis gang ba'i dkar po 'phro bar gyur pas dkar por gyur par bsam mo/ /yang na spang leb la ni yi ge bcu pa re re dang ha yig dkar po re re spel la bsgrub bya'i ming spel ba bri bar bya'o//des dug med par 'gyur zhing 'tsho bar 'gyur ba la the tshom med do/ /yang na mgo la hrI bdud rtsi'i tshogs 'o ma lta bur 'bab pa bkod la lus la gnas pa'i dug ngo bo nyid kyis nag por 'dug pa'i dri ma rim gyis sel bar byed pa'i 'od kyi rgyun bsams la/ sngags bzlas pas dug med par 'gyur ro//rengs par bya ba'i don du ni sngags kyi yi ge nyid dbang chen gyis bcings pa mdog ser po mgo la sogs pa rnams su dgod do/ /sbar ba ni me'i sa bon mche bas btab pa'i gnas su bsgoms la/ phyag 'tshal dang po gshegs gsol mtha'/ /brdeg pa cho ga bzhin du sbyar//dug ni bcing ba byas pa yin/ /rnal 'byor pas ni gsal 'dod kyang / /zhes pas so/ /gtor na 'tsho bya the tshom med/ /ces bya ba yin no/ /ri gshong chu'i sa zhes bya ba la sogs pa mgo'i nad zhi bar bya ba ni go sla'o/ /de lta bu gzhan yang 'byung po dang phol mig dang 'brum phran la sogs pa yang gso bar bya'o//gdug pa can tshar gcad pa'i phyir 'jigs byed gshin rje gshed kyi rnal 'byor gsungs pa/ bram ze zhes bya ba la sogs pa la/ dur khrod thal ba ni dur khrod kyi me'i thal ba'o/ /de yi sa ni dur khrod kyi sa ste/ gshin rje gshed kyi gzugs bya'o zhes bya bar 'grel to//g.yas pa ni ste zhes bya ba ni phyag g.yas na'o/ /rdo rje chen po zhes bya ba ni rdo rje 'gyes pa'o/ /g.yon pa zhes bya ba ni phyag g.yon pa'o/ /mi mgo zhes bya ba ni skyes pa'i mgo bo'o/ /dkar po zhes bya ba ni bri ba'am de ltar bsgom pa'o//de yis zhes bya ba ni de nyid kyis te/ des bkug ste 'joms par byed rnam par 'jigs par byed pa'o/ /'di skad ces bstan par 'gyur te/ gshin rje gshed kyi gzugs ji lta ba bzhin du gsang ba'i gnas su byas la rab gnas bya zhing rang de lta bu'i sbyor ba dang ldan pas bstan pa ltar bya'o//de nyid gsungs pa/ nyin re zhes bya ba la sogs pa ste/ bdud rtsi dang ni sha lnga yis/ /zhes bya ba ni bdud rtsi lnga sha lnga dang ldan pas so/ /rtag tu zhes bya ba ni nyin re zhing ngo / /gsol ba gdab pa zhes bya ba ni don du gnyer ba'o/ /thun bzhi'am thun gsum du bdag gi dgra 'di choms shig ces bya ba'i bskul tshig dang bcas pa'i sngags bzla zhing nub mo 'di skad brjod pas nyal na tho rangs kyi dus su dgra ste/dgra bo nyid 'chi bar 'gyur ba ste/ de'i tshe 'du byed zad par 'gyur ro/ /yang na nad kyis theb par 'gyur/ /zhes bya ba ni gal te ma shi na yang de zhes bya ba'i don to//gzhan yang smyo bar bya ba'i sbyor ba gsungs pa la/ dgra'i ro tsa na zhes bya ba ni dgra'i dri chen no/ /mi'i rkang sbubs zhes bya ba ni skyes bu'i rkang gi sbubs so/ /des dgang bar bya'o zhes bya ba dang 'brel to/ bkang nas zhes bya ba gang yin pa de gsungs pa/ rab tu bkang nas 'bum bzlas na/ shing rtser rgyu ba'i yi dags mtshungs/ /zhes bya ba la yi dags kyi shing gi rtse mo la btags na'o/ /rgyu ba'i yi dags mtshungs zhes bya ba ni ji ltar yi dags shing skam po lta bu'i bdag nyid yin pa ltar de lta bu'i rgyu ba ste yongs su 'khyams zhes bya ba dang smyo bar 'gyur zhes bya ba'i don to//don ni 'di yin te/ mi'i rje ngar gyi rus pa'i sbubs su dgra'i dri chen gyis bkang nas 'khrul 'khor ni dug dang tshwa dang da du ra'i lo ma'i khu ba'i snag tsha dang / bya rog gi rje ngar gyi rus pa'am/ sgro'i rtsa ba'i smyu gus rgyal mtshan gyi gos sam dur khrod kyi gos la bris la gzhug cing /sa ko ta ka'i shing dam/ ba ru ra'i shing la btags na bstan pa bzhin du 'gyur ro/ /de nas zhes bya ba la sogs pas ro langs chen po bsgrub pa bstan te/ rim par phye ba bcu pa las bstan to/ /gshin rje gshed 'jigs byed ni 'jigs su rung ba'o//gang du dgra tshar gcad pa gsungs pa de ni 'jigs byed gshin rje gshed de/ de ston pa'i le'u la yang de skad ces bya'o/ /dpal gshin rje gshed nag po'i dka' 'grel slob dpon shrI d+ha ras mdzad pa las rim par phye ba dgu pa'i bshad pa'o// //da ni de nas zhes bya ba la sogs pas ro langs sgrub pa'i thabs mdor bstan to//shing la dpyangs pa zhes bya ba ni dpyangs pa'o/ /ma god ces bya ba ni mtshon gyis ma phog pa'o/ /rma med pa zhes bya ba ni rnag tu ma rul ba'o/ /phab la legs par bkru bya ste/ /zhes bya ba ni khrus bya'o/ / sngags ni hrIHSh+T-i la sogs pa'o/ /der zhes bya ba ni de'i snying gar ro/ /kha cig ni de'i mdun du zhes zer ro/ /'di skad du bstan pa yin te/ rkun ma dpyangs pa'i ro shing las phab la dri zhim po la sogs pas bkru zhing der ro langs gzhug ste/ nag po 'jigs su rung ba gri gug dang thod pa lag na thogs pa'o//spos dang me tog la sogs pas mchod cing so rtsi la sogs pa yang byin nas/ de'i snying ga'i steng du gshin rje gshed kyi rnal 'byor gyis khro ba dang bcas pas 'dug la sngags bzla bar bya'o/ /sngags kyi che ba'i bdag nyid gsungs pa/ e ma'o zhes bya ba la sogs pa la bsam pa med pa ni shi ba'o//rnal 'byor pas 'jigs par mi bya ba gsungs pa/ gshin rje gshed kyi rnal 'byor zhes bya ba la sogs pa'o/ /des cir 'gyur zhe na gsungs pa/ rnal 'byor pa ni gang 'dod pa/ /zhes bya ba la sogs pa la ral gri dang /mig sman dang / rkang pa byug pa dang / zhags pa dang / lcags kyu dang / rdo rje dang / gi wang dang / dngul chu dang / bcud kyis len pa la sogs pa gang ci yang rung ba rnal 'byor pas blang bar bya zhing 'dod pa'i don la gsol ba gdab par bya'o/ /de kun thams cad ster bar byed/ces bya ba sbyin par 'gyur ro zhes bya ba'i don to/ /da ni mtshan ma thob pa'i rnal 'byor pas rig pa'i brtul zhugs kyi phyir bu mo dgug pa'i sbyor ba gsungs pa/ ma he dang ni zhes bya ba la sogs pa ste go sla'o/ /dom ni dom nyid do/ /'di dag ces bya ba ni rdzas 'di dag gcig tu byas nas so//gzugs su bya ba ni/ shin tu 'jigs pa'i gshin rje gshed kyi gzugs te/ de nyid kyi phyir/ gshin rje gshed po 'jigs pa'i gzugs/ /zhes gsungs pa'o/ /'dir yang nyin re zhing snga ma bzhin du sha lnga dang bcas pa'i bdud rtsi lngas gtor ma sbyin par bya'o zhes shes par bya'o//de la rnal 'byor pas gsol ba gdab/ hrIHSh+T+r-iHla sogs sngags kyis ni/ zhes bya ba la che ge mo de bdag la stsol zhes bya ba'i gsol ba gdab pa'i tshig dang ldan pa zhes bya ba'i don to/ /de'i pha gang yin pas zhes bya ba'o//'dir ni de'i pha la ji ltar 'byung ba de gsungs pa ste/ rmi lam gshin rje gshed ces bya ba la sogs pa la/ de ltar 'jigs par gyur na nges par ster bar 'gyur ro zhes bya ba'i don to/ /don ni 'di yin te/ bstan pa'i cho gas gshin rje gshed 'dus byas la rab gnas bya zhing de'i mdun du bdag nyid gshin rje gshed nag po'i rnal 'byor gyi nga rgyal dang bcas pas bzlas pa byas na 'dod pa de thob par 'gyur ro zhes bya ba'i don to//mngon par rtogs pa'i rim par phye bar zhe sdang gshin rje gshed la sogs pa'i phyag dang zhal dang mdog ni bstan zin to//sgo skyong rnams kyi 'dir gsungs pa/ zhal gsum zhes bya ba la sogs pa ni go sla'o/ /ral gri zhes bya ba ni sngo ljang ngo / /rim par phye ba dang por gsungs pa'i dkyil 'khor gyi bdag po ji ltar bsgom par bya ba de lta bu nyid du sgrub pa'i phyir/ b+ha gar zhes bya ba gsungs pa ni/nyid dang mtshungs pa'i pad+ma la'o/ /ling+ga zhes bya ba ni rang gi gsang ba'i rdo rje'o/ /rnam bsgom nyid ces bya ba ni rnam par bsgom par bya ba'o/ /dkyil 'khor bdag po ni dkyil 'khor gyi gtso bo'o/ /rnam par bsgom zhes bya ba ni don 'di yin te nyid dang mtshungs las byung ba'i//ral gri'i yu ba Sh+kaM gis mtshan/ /de las sgrib pa rnam sel nyid/ /g.yas sngo g.yon ni dkar ba'i zhal/ /g.yas gnyis 'khor lo ral gri 'dzin/ /g.yon gnyis nor bu pad+ma 'dzin/ /lte ba'i dbus su zla ba la/ /dkar po saM las byung ba yi//rdo rje bum pa saM gis mtshan/ /de las kun du bzang po nyid/ /g.yas gnag g.yon ni dmar ba'i zhal/ /g.yas gnyis rdo rje ral gri 'dzin/ /g.yon gnyis nor bu pad+ma 'dzin/ /rang rang sa bon ji lta bar/ /dbus kyi zhal dang mtshan ma dang / /sku rnams kun yang de bzhin du//rdo rje skyil krung rab brtan zhing / /phyag gnyis rang 'od rig ma 'khyud/ /rin chen dbu rgyan ldan pa'o/ /bsnyen pa'i grub pa'i yan lag dang / /rnam par smin pa'i 'bras bu'o/ /de nas snying ga'i zla ba la/ /nag po hUM las byung ba yi/ /rdo rje bum pa'i hUM gis mtshan//de nas rdo rje bum pa las/ /hUM gis mtshan pa bsgom byas te/ /nang gi hUM dang rdo rje las/ /phyag na rdo rje lta bu yi/ /thugs kyi rdo rje bsam byas te/ /de yi thugs kar zla ba la/ /hUM gis mtshan pa bsam par bya/ /lce rtsa zla ba'i dkyil 'khor la/ /dmar po AHlas byung ba yi/ / pad+ma'i dbus na AHyis mtshan/ /de las pad+ma AHsa mtshan pa/ /nang gi AHdang pad+ma las/ /'jig rten dbang phyug lta bu yi/ /ngag gi rdo rje bsam byas te/ /de yi thugs kar zla ba la/ /AHlas pad+ma dbus su yang / /AHyis mtshan pa bsam par bya/ /mgo dbus zla ba'i dkyil 'khor la//oM las 'khor lo'i lte ba la/ /oM gyis mtshan pa bsam par bya/ /de las 'khor lo oM gyis mtshan/ /nang gi oM dang 'khor lo las/ /sa yi snying po lta bu yi/ /sku yi rdo rje bsam par bya/ /de yi thugs kar zla ba la/ /oM las 'khor lo lte ba la//oM gyis mtshan pa bsam par bya/ /de nas thugs sogs rdo rje yi/ /thugs las 'od zer rab spros nas/ /spyan sogs lha mo bcu rnams kyis/ /mkha' la gnas pa'i bde gshegs rnams/ /so so thugs ka la sogs la/ /gnas pa'i thugs sogs rdo rje la//mchod nas zhu ba gsol bar bya/ /dpal ldan thugs ni rdo rje 'chang / /rdo rje mi phyed gsum bsgoms pas/ /de ring bdag dbang byin gyis rlobs/ /rdo rje thugs can mdzad du gsol/ /de ni rang gis bsgom pa la'o/ /phyogs bcur bzhugs pa'i sangs rgyas rnams//rdo rje mi phyed gsum bsgoms kun/ /de ring bdag dbang byin gyis rlobs/ /rdo rje thugs can mdzad du gsol/ /de ni lhun gyis grub pa yi/ /thugs ka ni na gnas pa la'o/ /de nas lhun gyis grub pa yi/ /thugs kyi rdo rje ma lus rnams/ /rang gi nyid la zhugs byas la//oM sar+b+ba ta thA ga ta tsit+ta badzra swa b+hA wa At+ma kou0f85haM/ zhes gnyis su med par byin gyis brlab/ /chos kyi ngag lam dpal dang ldan/ /rdo rje mi phyed gsum bsgoms pas/ /de ring bdag dbang byin gyis rlobs/ /rdo rje gsung can mdzad du gsol/ /phyogs bcur b zhugs pa'i sangs rgyas rnams//rdo rje mi phyed gsum bsgoms kun/ /de ring bdag dbang byin gyis rlobs/ /rdo rje gsung can mdzad du gsol/ /de yis de bzhin gshegs pa yi/ /gsung gi rdo rje ji snyed rnams/ /rang gi nyid la zhugs byas la/ /oM sarba ta thA ga ta bA ka badzra swa b+hA wa At+ma kou0f85haM/zhes gnyis su med par byin gyis brlab/ /dpal ldan sku ni rdo rje 'chang / /rdo rje mi phyed gsum bsgoms pas/ /de ring bdag dbang byin gyis rlobs/ /rdo rje sku can mdzad du gsol/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms kun//de ring bdag dbang byin gyis rlobs/ /rdo rje sku can mdzad du gsol/ /de yis de bzhin gshegs pa yi/ /sku yi rdo rje ji snyed rnams/ /rang gi nyid la zhugs byas la/ /oM sar+b+ba ta thA ga ta kA ya badzra swa b+hA wa At+ma kou0f85haM/ zhes gnyis su med par byin g yis brlab//bsnyen pa'i sgrub pa'i yan lag dang / /skyes bu byed pa'i 'bras bu'o/ /de nas nu ma'i bar du ni/ /zla ba'i dbus su maM las byung / /ral gri'i yu ba maM gyis mtshan/ /de nas ral gri'i yu ba la'ang / /maM gis mtshan par rab bsams te/ /nang gi de gnyis las byung grags pa dang /ma grags pa dang / smad pa dang / bstod pa zhes bya ba 'jig rten gyi chos brgyad la sems mnyam pa nyid do/ /dkyil 'khor ji ltar spro bar bya zhe na gsungs pa/ bdag nyid dngos po zhes bya ba la sogs pa ste/ bdag nyid ces bya ba ni rang gi gzugs kyis so//rdzogs par byas nas zhes bya ba ni rdo rje sems dpa'i rjes thogs la'o/ /bcom ldan 'das kyi gzugs su rdzogs par byas nas dkyil 'khor spro bar bya'o zhes bya bar sbyar ro/ /gang nas she na gsungs pa/ snying ga'i sa bon zhes bya ba gsungs te/snying ga na gnas pa'i ya las zhes bya ba'i don to/ /'di skad bstan pa yin te/ snying ga'i sa bon gyi 'od kyis de bzhin gshegs pa thams cad bkug la/ kha nas zhugs pa snying ga'i sa bon gyis zhu bar gyur te de nyid spro bar bya'o zhes bya ba ste/ lha mo'i pad+ma'i nang du bskyed nas zhes bya ba'i don to//des cir 'gyur zhe na gsungs pa/ 'grub par 'di la zhes bya ba la sogs pa ste go sla'o/ /da ni ye shes cung zhig la dbang thob pa'i rnal 'byor pas/ yang dag pa'i ye shes kyi phyag rgya chen po'i dngos grub sgrub pa'i phyir rig pa'i brtul zhugs kyi ngo bo spyad par bya'o zhes bya ba gsungs pa/de nas da ni zhes bya ba la sogs pa ste/ spyod pa ni bya ba'i ngo bo nyid do/ /de mtshan nyid gang gis mtshon par byed pa de'i khyad par ji lta bu can zhig ce na/ mchog ces bya ba kun gyi gong ma ste/ bdag dang gzhan gyi don nges par bsgrub pa'i phyir ro//gang gi yin zhe na/ gshin rje gshed po zhes bya ba gsungs pa'o/ /'jigs gzugs zhes bya ba ni nyon mongs pa thams cad 'jigs par mdzad pas 'jigs gzugs te gzugs de gang la yod pa'o/ /ci'i don du spyod par byed ce na gsungs pa/ sku dang gsung dang thugs su 'grub//ces bya ste drag po dang zhi ba la sogs pa'i rnam pa'i sku'i sbyor ba nyid ni sprul pa'i sku'i gzugs so/ /gdul bya ma lus pa'i dbang gis bstan pa'i ngo bo dag gi sbyor ba ni longs spyod rdzogs pa'i sku'o/ /rnam par rtog pa ma lus pa nub par 'gyur ba'i rang bzhin med pa'i ngo bo nyid kyi sems ni chos kyi sku'o//'di rnams 'grub pa ni rdzogs par 'gyur ba ste de'i don du'o/ /sku dang gsung dang thugs 'grub par bya ba'i phyir te/ sprul pa dang longs spyod rdzogs pa dang chos kyi sku rdzogs par bya ba'i phyir zhes bya ba'i don to/ / dgon po chen po zhes bya ba la sogs pa ni go sla'o/ /lcags ni lcags so/ /gzung bar bya zhes pa ni gsor ba'o/ /seng ge sgra zhes bya ba ni nyon mongs pa'i ri dgas ma lus pa gsod par byed pas seng ge'o/ /bcom ldan 'das gshin rje gshed nag po'o/ /de'i sgra ni ya ma rA dza zhes bya ba la sogs pa'o//rig pa dang yang dag par sbyor ba gsungs pa/ rdo rje gshin rje gshed sbyor bas/ /zhes bya ba la rang nyid gshin rje gshed nyid do/ /rang gi rig pa'i nyams su myong ba de nyid gshin rje gshed do/ /rnam par mi rtog pa'i bdag nyid yin pa'i phyir rdo rje'o//de'i khyad par can gyi sbyor ba ni shes rab dang thabs kyi bdag nyid can gyi snyoms par 'jug pa'o/ /de'i phyir shes rab dang thabs kyi snyoms par 'jug pa nyid kyi rig pa'i brtul zhugs sngon du 'gro ba'i spyod pa spyad do zhes pa ni lhag ma'o/ /ci dang po nyid nas bya ba'am zhe na gsungs pa/nus pa cung zhig skyes pa na/ /zhes bya ba ste nus pa ni sems kyis te sngags la sogs pa'i nus pa'o/ /skyes pa ni yod pa'o/ /rol cing zhes bya ba ni sems can mngon par dad par bya ba'i mtshan nyid do/ /sdug las skyes pa zhes bya ba ni rdo rje'i tshig dang ldan pa'i glu'i khyad par ro//'dis ni mnyam par gzhag pa'i sbyor ba bstan to/ /bstan pa'i rig pa dang snyoms par 'jug pa gsal por bstan pa'i phyir/ bsgrub par bya ba nges par bshad pa gsungs pa/ rgyal mtshan zhes bya ba la rgyal mtshan ni mtshan ma'o/ /de yang bcom ldan 'das kyi rdo rje'o//khyams zhes bya ba ni shes rab kyi mtsho skyes so/ /de nas zhes bya ba ni bu mo rnyed pa'i rjes thogs su'o/ /mthong nas zhes bya ba ni hUM dang oM las bskyed pa'i rdo rje dang / nor bu dang phaT las bug pa dang / hUM dang a dag las pad+ma dang ge sar dang phaT ni bug par ro/ /'o ma zhes bya ba ni bdud rtsi ste/kun rdzob dang don dam pa'i ngo bo can gyi byang chub kyi sems zhes bya ba'i don to/ /der ni zhes bya ba ni gnyi ga'i bug pa nas mnyam du tshogs pa'i skad cig go/ /rab bsgrub bya zhes bya ba ni rab kyi mthar thug par bsgrub par bya'o/ /don ni 'di yin te/bla ma la sogs pa'i bka' thob nas sngags pas rig pa'i brtul zhugs kyi rim pas thun pa zhir lha la sogs pa'i bu mo bkug ste/ nang dang phyi'i yon tan thams cad kyis brgyan pa ji ltar rnyed pa'i man ngag gis goms par byed pas nye bar mtshon par bya ste/ a ba d+hU tI zhes bya ba'i rtsar sor mo dang lces mngon du phyogs par byas la/ rdo rje dal bus bskyod pas dus dang gnas kyi khyad par gyis byang chub kyi sems mi gtong bas gnas na zla ba bco brgyad dam/ zla ba drug gam/ gsum mam/ phyed dang gnyis sam/ thun bzhi'i skye rengs 'char ba'i dus su chos thams cad dbyer med pa'i bde ba chen po'i ngo bor dngos po thams cad mtshon nas/phyag rgya chen po rab bsgrub bya/ /zhes bya ba ni rdzogs par bya zhes bya ba'i don to/ /yang don 'di nyid gsal bar bya ba'i phyir gsungs pa/ 'o ma la sems gcig goms pas zhes bya ba la sogs pa 'o ma ni rang gis rig pa'i phan pa'i bdag nyid can byang chub kyi sems te/goms pa ni yang dang yang du 'jal ba'o/ /'o ma goms pa'i de nyid gnyis su med pa'i sems te/ des na 'o ma la sems gcig goms pas so/ / pas zhes bya ba ni rgyu'i don gyi gsum pa'o/ /de'i rgyus goms pa'i gnas skabs na rgyur gyur pas so/ /phyag rgya chen po zhes bya ba ni 'gro ba ma lus pa'i don bde ba chen po'i ngo bo mngon par rdzogs par byang chub pa rab tu bsgrub pa ste/ rdzogs par bya zhes bya ba'i don to/ /de yang / sor mos cung zhig bskyod byas nas//phyi nas lce yi skam pas kyang / /na Da gang de rgyas pa las/ /byang chub sems ni 'bab par 'gyur/ /sngags pas rdo rje cung zhig tsam/ /bar bar du ni bsgul bar bya/ /nor bu la gnas phaT kyis ni/ /sems las byung ba brtan par bya//byang chub sems ni ma shor na/ /dam pa'i bde ba rgyas myong 'gyur/ /'gro ba de yi rang bzhin du/ /spros la rgyun mi 'chad snang bya/ /brtan pa khyab pa bde ba zhi/ /go 'phang mchog ni thob par 'gyur/ /byang chub sems ni shor gyur na/ /thob pa nyams 'gyur sems pa rgyal phyir//zhes bstan pa yin no/ /rig ma 'du bya ba gsal bar gsungs pa/ /phag mo'i zhes bya ba la sogs pa la phag mo'i ni bshad zin to/ /nyid dang mtshungs pa'i shes rab po/ /de'i ngo bo gzung ba ni brtag pa ste bsgom par bya zhes bya ba'i bar du'o/ /btsun mo kun la zhes bya ba ni rigs thams cad las byung ba'i btsun mo'o//'dod pa'i zhes bya ba ni 'dod par bya ba'o/ /don ni 'di yin te/ rigs lnga dang 'brel pa'i gang yang rung ba'i bu mo blangs la/ thos pa la sogs pa'i yon tan gyis 'dus byas pa nyid dang mtshungs par bskyed la/ phyag rgya chen po'i dngos grub kyi phyir 'dod par bya'o//de ltar rnam par gnas pa'i rnal 'byor pas 'jigs pa med par bya ba gsungs pa/ dpa' bos seng ge bzhin zhes bya ba la nyon mongs pa'i ri dgas thams cad gsod par byed pas seng ge ste bcom ldan 'das so/ /de bzhin du spyod pa bya zhes bya ba'i don to//de'i phyir gsungs pa/ dpa' bos zhes bya ba la nyon mongs pa'i dgra ma lus pa las rgyal bas na dpa' bo'o/ /'dod pa'i don kun rab tu sgrub/ /ces bya ba la/ 'dod par bya bas na 'dod pa ste gzugs la sogs pa'i yul rnams so/ /thams cad kyang yin la 'dod pa yang yin pas 'od dpa'i don kun no/des don yang dag par rdzogs pa'i byang chub kyi mtshan nyid can sgrub par byed pas 'dod pa'i don kun rab sgrub pa'o/ /don ni 'di yin te/ 'dod pa'i yon tan lnga'i rol mo ma lus pas rig pa'i brtul zhugs kyi spyod pa bsgrub par bya'o zhes pa'o//da ni snying rjes gdul bya'i bsam pa'i dbang gis sgrub pa'i thabs kyi khyad par gzhan gsungs pa/ de nas da ni zhes bya ba la sogs pa la srung ba dang gur gyi rjes thogs su'o/ /gang la phyag rgya yod pa de ni phyag rgya ste/ de'i sgrub pa'i thabs bshad par bya'o zhes bya bar sbyar ro//gsang sngags chen po'i yi ge gcig /ces bya ba ni hrIHSh+T+r-iHnyid de bskyed pa'i rgyu nyid kyi sa bon no/ /de nyid ni bzlas pa yin no zhes bstan to/ /ma he yang dag bsgom par bya/ /zhes bya ba la gang la ma he lta bu'i gdong yod pa de ni ma he'o//rdo rje'i dkyil 'khor zhes bya ba ni rdo rje gur gyi khongs su chud pa'i dkyil 'khor ni rdo rje'i dkyil 'khor ro/ /bcom ldan 'das khro bo'i gzugs nyid yin pas nyi ma'i dkyil 'khor te de la gnas pa'o/ /ma he'i steng du zhes bya ba ni ma he'i rgyab kyi steng du'o//don ni 'di yin te/ sdig pa bshags pa la sogs pa sngon du 'gro ba'i stong pa nyid dang / srung ba dang gur gyi nang du Sh+T+r-iHyongs su gyur pa las phyag brgya pa ma he'i zhal can/ ma he'i steng du gshin rje mnan pa dpag tu med pa'i 'od kyi phreng ba 'phro ba/ g.yon brkyang pa khro bo'i rgyan thams cad kyis brgyan pa bsgom par bya'o//phyag gi gtso bo gnyis na gri gug dang thod pa bsnams pa/ phyag lhag ma rnams na rdo rje dang ral gri la sogs pa rnam pa sna tshogs pa'i mtshon cha bsnams pa zhes bya bar gsungs pa/ gang yang cung zhig gcod cing zhes bya ba la sogs pas so//blo dang ldan pa zhes bya ba ni gnyis su med pa'i bde ba chen po dang ldan pa'o/ /de las gzhan yang de nas zhes bya ba la sogs pas gshin rje gshed kyi sgrub thabs gsungs pa la yang gzhan thams cad ni snga ma dang 'dra'o/ /'on kyang yi ge hrIHlas rdzogs pa thal bas byugs pa/phyag 'bum phrag gnyis mnga' ba'o/ /de nas yang dag bshad bya ba/ /zhes bya ba la sogs pas ni rnam par 'gyur ba'i zhal can gyi gshin rje gshed kyi sgrub thabs gsungs pa ste/ yang gzhan thams cad ni snga ma dang 'dra'o/ / hrUM las bskyed pa zhes bya ba ni khyad par ro/ /sngar gshin rje gshed gnyis kyi bzlas pa'i sngags yi ge Sh+T+r-iHgcig pa nyid do/ /de nyid zhal rnam par 'gyur ba 'di yang de rang nyid yin no/ /da ni rnal 'byor pa'i bza' ba dang mi bza' ba'i rnam par rtog pa spangs pa dang sngags kyis dub na rgyas par bya ba'i phyir dam tshig sgrub pa'i thabs gsungs pa/dam tshig sgrub thabs bshad par bya/ /zhes bya ba la/ dam tshig 'dis rnam par mi rtog pa dang mnyam par byed cing thob par byed pas dam tshig gam/ rnal 'byor pas 'da' bar bya ba ma yin pas dam tshig ste de'i sgrub thabs so//rnam par mi rtog pa nyid kyis dgos pa thams cad sgrub pas de'i phyir dgos pa thams cad ces bya ba la sogs pa gsungs pa la/ 'di ni sems can la gnod pa med pas bya'o zhes gsungs pa ni ngan pa dang bral zhes bya ba ste dpyas pa dang bral ba ni ngan pa dang bral ba ste/srog chags la gnod pa dang bral bas ngan pa dang bral ba'o/ /rnyed dka' min zhes bya ba ni thams cad kyis bor ba nyid do/ /sha chen dang ni zhes bya ba la sogs pa ni go sla'o/ /snum chen gyis zhes bya ba ni mdung la bskyon pa 'am mtshon gyis phug pa 'am/shing la btags pa'i mi'i tshil gyis so/ /rams dang bsres pa'i zhes bya ba la/ de dag mnyam par bskor bar bya/ /zhes bya ba'i don to/ /des cir 'gyur zhe na de'i phyir gsungs pa dbang du 'gyur zhes bya ba la sogs pa'o/ /gzhan yang sbyor ba gsungs pa/snang mdzad ni bai ro tsa na'o/ /sin+du ba ra ni sin+du ba ra'i lo ma'o/ /bil ba ni dpal 'bras so/ /so phag phye ma bsres pa dang / /zhes bya ba la rtag pa la sogs pa dang mnyam pa'i so phag gi phye ma'o/ /gser shing lo ma'i khu ba rnams/ /zhes bya ba ni da du ra'i lo ma'i khu ba dang btags la bsre bar bya'o//'di yi zhes bya ba ni go sla'o/ /sbyor ba gzhan yang gsungs pa/ gci ba chen po zhes bya ba la gci ba chen po ni gcin no/ /rdo rje bdud rtsi zhes bya ba ni byang chub kyi sems so/ /'di dag mnyam par rtag tu btung bar bya ste/ dbugs rgyu ba'i sna'i khung bu nas so//re res kyang rgas pa dang shi ba spang bar 'gyur ro zhes shes par byas la/ 'chi ba'i tshe 'phral gyi rdo rje'i bdud rtsi sna gnyis kyi sbubs nas phus btab la blugs na yang 'tsho bar 'gyur ro/ /sbyor ba 'di'i phan yon gsungs pa ni/ 'di ni rnal 'byor mchog gtso bos//zhes bya ba'o/ /ci ltar zhe na gsungs pa/ rang byung me tog btung ba bzhin/ /zhes bya ba ste rang byung gi me tog ni bud med kyi dang po'i me tog go/ /bstan pa'i cho gas 'thungs na 'chi bar mi 'gyur ro zhes grags te/ de bzhin du zhes bya ba'i don to/ /de yang nag mo yi ni mar ngo blang //dkar po yi ni yar ngo blang / /zhes bya ba yin la sngo bsangs dang / dkar bsangs ni de dag gi khongs su gtogs so zhes bya ba ni man ngag go/ /gang du spyod par ston par byed pa de la de skad ces bya'o/ /dpal gshin rje gshed nag po'i dka' 'grel slob dpon shrI d+ha ras mdzad pa las rim pa phye ba bcu gcig pa'i bshad pa'o// //da ni 'dod pa'i yon tan lnga zhes bya ba la sogs pas bsgrub pa'i mchod pa glus yongs su rdzogs par bya ba'i phyir bshad pa gsungs pa/ de nas zhes bya ba la sogs pa la/ bcom ldan 'das zhes bya ba ni bshad zin to//sems kyi phung po chen po'i don mdzad pa'i byams pa'i bdag nyid yin pa'i phyir chen po'o/ /'di ni chen po yang yin zhing skyes bu yang yin pas skyes bu chen po ste/ gang phyir pho brang 'gengs byed pa/ /de'i phyir skyes bu zhes brjod do/ / zhes bya ba'i tshig gis skyes bu ste sangs rgyas kyi zhing gi ngo bo ma lus pa'i rten gyi dkyil 'khor gyi pho brang brten pa'i dkyil 'khor gyis 'gengs pa'i phyir ro/ /snying rje'i dbang gis 'da' bar mi bya ba'i phyir dam tshig go/ rtsa rtsi ka'i rnam pa'i ting nge 'dzin la zhes bya ba la de'i rnam par sems rtse gcig par byas zhes bya ba'i don to//phag mo'i rnam pa lta bu yi/ /zhes bya ba la sogs pa ni go sla'o/ /'di dag ces bya ba ni 'chad par 'gyur ba'o/ /mchod pa'i glu zhes bya ba ni bla na med pa'i de kho na nyid gsal bar byed pa'i ngo bo nyid do/ /brjod par mdzad do zhes bya ba ni gsung ba dang ldan pa'o//a kye kye zhes pa ni yul ra da'i 'bod skad do/ /yang bla na med pa'i sku gsum gyi ngo bo nyid yin pa'i phyir a kye kya zhes bod pa'o/ /gshin rje gshed nag po zhes bya ba ni de nyid bod pa ste/ 'di'i don ni bshad zin to/ /bla ma bya ba ni bla ma'o//srin po'i gzugs can rang bzhin khyod/ /ces bya ba ni srin po'i gzugs kyi rang bzhin te/ gdug pa can rnams 'jigs par byed pas srin po'i gzugs so/ /nyon mongs pa'i rnam par rtog pa ma lus par zad par byed pa'i phyir rang bzhin khyod ces bya ba ni srin po'i gzugs kyi rang bzhin no//bdag gis zhes bya ba ni byams pa bdag gis so/ /khyod ces bya ba ni khyod nyid do/ /mthong na zhes bya ba ni bltas na zhes bya ba ste mthong bar gyur na zhes bya ba'i bar du'o/ /shin tu 'jigs zhes bya ba ni skrag par gyur pa ste/ zhi ba nyid yin na yang 'di lta bu'i rnam par gnas par gyur pa'i phyir ro/ /'di thong mdzod ces bya ba ni yongs su thong mdzod ces bya ba'o/ /khros pa'i rang bzhin zhes bya ba ni khro bo'i ngo bo ste/ zhi ba dang bar mar gnas pa'i gdul bya rnams la yang so sor de'i ngo bor mdzad do zhes bya ba'i don to//snying rje'i glu gsungs pa/ khyed kyi zhes bya ba ni khyod nyid kyi'o/ /gar gyis zhes bya ba ni bla na med pa'i sangs rgyas kyi gar byas pa na'o/ /g.yos par zhes bya ba ni 'dar bar ro/ /mtho ris sa stengs sa 'og bcas/ /zhes bya ba ni sa bla sa stengs sa 'og rnams so//don ni 'di yin te/ khyod kyis gar mdzad pas srid pa gsum g.yos par 'gyur gyis ngo bo de thong mdzod la sangs rgyas kyi gzugs su mdzod cig ces bya ba'o/ /nag po ni rnam par 'gyur ba'o/ /any+dza na bcag pa 'dra zhes bya ba la bcag pa ni mig sman gyi 'de gu ste any+dza na bcag pa dang 'dra bar mthong ba'o//khro zhes bya ba ni rnam par rtog pa la khros pa'i yid can no/ /gar mdzod ces bya ba ni bla na med pa'i gar mdzod cig ces bya'o/ /khyod ces bya ba ni khyod kyis so/ /ro langs ni ro langs nyid de khro bo chen po zhes bya ba'i don to/ /dga' ba'i glu gsungs pa/mdog nag tshad ni thung ba la/ /zhes bya ba ni mdog nag po tshad thung ba'o/ /rnam pa sna tshogs gzugs sprul zhing / /zhes bya ba ni sems can gyi don mthong bas dga' bar gyur nas gzugs rnam pa sna tshogs pa sprul par mdzod cig ces bya ba'i don to/ /rdo rje dbyangs can ma zhes bya ba ni bdag rdo rje dbyangs can ma gsol ba 'debs pa'o//bde chen ngo bo khyod gar mdzod/ /ces bya ba la khyod gar mdzod ces bya ba ni bstan zin to/ /bde chen zhes bya ba ni bdag dang gzhan gyi don phun sum tshogs pa'i ngo bo bde ba chen po'o/ /btang snyoms kyi glu gsungs pa/hrIHSh+T+r-iH'i sngags dang zhes bya ba ni hrIHSh+T+r-iHla sogs pa'i sngags kyi nga ro'i sgras so/ /srid pa gsum gyi 'khrul pa chod/ /ces bya ba la/ srid pa gsum ni 'dod pa dang gzugs dang gzugs med pa'i srid pa'i gzung ba dang 'dzin pa'i ngo bo'i 'khrul pa'o/ /de spang bar byed pa 'di nyid ni btang snyoms chen po'o zhes bya ba'i don to//'dis gsang sngags kyi che ba yang bstan par 'gyur ro/ /snying rjes khros pa'i dad sgrol ba/ /zhes bya ba la snying rjes zhes pa ni/ /snying rje'i dbang gis khro bor sprul/ /zhes bya ba'i don to/ /dad par gyur pa de sgrol bar byed pas dang sgrol lo//'gro bas mthong na zhes bya ba ni 'gro bas gzugs mthong na zhes bya ba'i don to/ /de nas zhes bya ba la sogs pa'i rab tu byed pa ni bzlas pa gsungs te/ rab bzlas na zhes bya ba ni khyad par can gyi bzlas pa ni rab bzlas na ste/ nang gi ma ning gi bzlas pa'i ngo bo'o//yangs pa zhes bya ba ni phyag rgya chen po'i mtshan nyid can no/ /myur bar ma yin zhes bya ba ni skyan par ma yin pa'o/ /dal bar ma yin pa ni yi ge re re nas dal bus brjod pa ma yin pa'o/ /ring du ma yin zhes bya ba ni thung ba rnams so/ /thung bar min zhes bya ba ni ring po rnams zhes bya ba'i lhag ma'o//cung zad mi thos par zhes bya ba ni ji ltar gzhan gyis mi thos par ro/ /phreng ba 'dus bya ba gsungs pa ma he mi dang zhes bya ba la sogs pa la so gnyis ni glang po che'o/ /rta ni rta'o/ /bong bu ni lung bong ngo / /ri lu dag ni so so la/ /zhes bya ba ni ril bu so so la'o//phyogs gzhan gsungs pa/ mkhas pas yang na mi mgo bsgom/ /zhes bya'o/ /bzlas pa'i grangs kyi sbyor ba gsungs pa/ khri tsam gyis zhes bya'o/ /'byung po rnams dang mkha' 'gro ma'i/ /zhes bya ba ni gnyis pa'i don gyi drug pa'o/ /'chi zhes bya ba ni tshar gcod pa'o//de la gshin rje gshed kyi rnal 'byor ji lta ba bzhin du byas la 'byung po la sogs pas gzung bar shes par byas nas de la de bkug nas bsgrub bya'i lus la gzhug cing bcings la sna tshogs rdo rjes mnan nas/ hUM las byung ba'i rdo rje rtse lnga pa gnyis kyis glo gnyis nas bcings la 'og tu 'bar zhing g.yo ba me'i dkyil 'khor la gnas pa'i bsgrub bya'i snying ga dang mgrin par bltas la/hUM 'bar ba las byung ba'i rdo rje dang 'dra ba'i yungs kar gyi rgyal po la lan brgya rtsa brgyad bsngags nas lus nges par 'bigs par byed par bltas la/nga rgyal dang bcas pas sngags bzlas nas brdegs na nges par grol bar 'gyur ro/ /yang na lag pa gnyis la hUM las byung ba'i rdo rje 'bar ba bsgoms la des bzung ba'i lus la 'byung po la sogs pa bkug la/ rdo rje gnyis kyi dbus su chud par byas la de'i 'od kyis bsregs shing rang gi lag pa'i rdo rje kha sbyor gyis btsir zhing mnyes la sngags bzlas na grol bar 'gyur ro//rkang pas kyang mnye bar bya'o/ /rtsal sprod pa ltar snying ga nas kyang mnye zhing mnan par bya'o/ /yang na des zin par 'dod na de'i rnal 'byor byas la/mar ngo'i brgyad dam bcu bzhi la dur khrod kyi sol ba chu dang bcas pas sbangs pa'i gos gyon la mdung la bskyon pa'am/ mtshon gyis brgyab pa'am/ dpyangs pa'i mi'i thod pa la dur khrod kyi sol bas hUM las byung ba'i mche ba rnon po gtsigs pa thod pa'i phreng ba'i rgyan can khro ba dang bcas pa/skra gyen du 'bar ba lag pa g.yas pa bsgreng ba ni gri gug ring po thogs pa/ lag pa g.yon na mi'i mgo dang sdigs mdzub mdzad pa'i srin po bris la mi bsregs pa'i sol ba dang sa dang thal ba dang / bsgrub bya'i rkang rjes kyi rdul rnams las byas pa'i gzugs brnyan gyi snying gar snga ma bzhin du sngags tA la'i lo ma la bris pa bcug la/dug dang lan tshwa dang ske tshe la sogs pas byugs pa'i gzugs brnyan thod pa gnyis par bcug nas/ gnyi ga yang dgug pa la sogs pa byas nas bris pa'i thod pa de'i steng du kha thur du bstan nas bkab la des de bzung bar bsams nas rkang pas mnan cing dur khrod du nam phyed na khro ba dang bcas pas che ge mo zung shig ces bya ba'i bskul tshig dang bcas pas bzlas na nges par des 'dzin par 'gyur ro//sbyor ba 'di nyid kyis rims la sogs pas kyang 'debs par byed do//de la tsha ba'i rims la ni dmar po skra dmar po 'bar ba gyen du 'greng ba'o/ /grang ba'i rims la ni dkar ba dang gsus pa 'phyang ba ste/ gnyi ga yang rkang pa gsum pa mgo gsum pa/ lag pa gsum pa khro ba dang bcas pa'o/ /'di nyid gsungs pa/ gshin rje gshed rdo rje sbyor ba'i/ /zhes bya ba yin no/ /sngon du bsnyen pa'i cho ga gsungs pa/ rnal 'byor bdag nyid 'bum bzlas zhes bya ba la sogs pa la smos ci dgos zhes bya ba ni 'grub pa nyid du ji ltar mi 'gyur te/ 'di ni nges zhes bya ba'i don to/ /sgrub pa po'i gtor ma'i cho ga gsungs pa la/nyin re 'am zhes bya ba ni rtag tu'o/ /zla re 'am zhes bya ba ni zla ba re re la nyin re'o/ /lo ni re re zhes bya ba ni lo re re la nyin re'o/ /gtor ma drug cu rtsa bzhi sbyin/ /zhes bya bar sbyar ro/ /dus nam zhe na dus bstan pa'i phyir gsungs pa/ dbyu gu zhes bya ba la thun gcig gi brgyad cha ni dbyu gu'o//de'i grangs gang zhe na gsungs pa/ drug cu rtsa bzhi zhes bya bar sbyar ro/ /don ni 'di yin te/ thun brgyad kyis mtshon pa'i nyin zhag gcig la dbyu gu drug cu rtsa bzhi'o zhes bya ba ni/ dbyu gu'i sbyor ba la bzo ba'o/ /de la yar ngo'i tshes gcig nas brtsams nas sna g.yon pa'i bug pa nas zla ba zhes bya ba'i rlung 'byung ste/de yang thun phyed khyab par gnas so/ /de'i rjes la ni 'pho ba ste/ thun phyed pa brgyad kyi bar du byung nas nub par 'gyur ro/ /de bzhin du nub mo yang ste/ 'di dag ni 'pho ba bcu drug go/ /de la 'pho ba de re re la yang me dang rlung dang chu dang dbang chen gyi dbye bas skad cig bzhi la ni dbyu gu zhes bya ba ste/de la gang gi tshe steng du 'byung ba de ni me yin/ /logs gnyis su 'byung ba ni rlung yin/ thur la 'byung ba ni chu yin/ dbus nas 'byung ba ni dbang chen yin no/ /de la/ gang tshe dbus nas gang tshe steng //gang tshe yang ni glo gnyis nas/ /gang tshe 'og car khyab pa ni/ /skad cig skad cig rlung 'byung ba/ /'pho ba bzhi ni shes byas la/ /dbyu gu bzhi ru blta bar bya/ /ji ltar dbyu gu dbyu gu bzhin/ /rab sbyor bdag nyid gtor ma sbyin/ /de bzhin du mar ngo la ni nyi ma zhes bya ba'i ming can sna khung g.yas pa nas 'byung bar rig par bya'o//de ltar tshes gnyis dang gsum gyi bar du'o/ /de nas bzhi pa yang nyi ma nas zla bar ro/ /de ltar lnga pa dang drug pa'i bar du'o/ /de nas yang ldog ste tshes bdun dang brgyad dang dgu'i bar du'o/ /de nas bcu dang bcu gcig dang bcu gnyis kyi bar du'o//de nas bcu gsum dang bcu bzhi dang bco lnga pa'i bar du ste zla ba phyed gang la dang po gang nas byung ba der tha mar nub par 'gyur ro/ /nyin mo'i ji lta ba de bzhin du nub mo yang ngo / /'dir dge ba dang mi dge ba'i las dang / 'gro ba dang 'ong ba la sogs pa'i las bya'o//de la/ sa dang chu la dge ba'i las/ /me dang rlung las nag po'o/ /zla ba yang dag shes par bya/ /'od rno ba la 'bring po yin/ /mi dge gal te nyi mar byas/ /de ni nges par 'chi ba ster/ /de nyid zla bar byung gyur na/ /shin tu sdug bsngal ster ba min//zhes bya ba yin no/ /rtag tu cung zad ci za dang / /zhes bya ba la sogs pa ni rnal 'byor pa'i bya ba gnyis gsungs pa ste/ phud ces bya ba ni dang po'o/ /'dis ni phyi'i gshin rje gshed tshim par bya ba gsungs pa'o/ /yang na rnal 'byor pa'i mchog gi ting nge 'dzin gyi khyad par gzhan gsungs pa ste/phud ces bya ba ni gong na med pa ste der ji ltar 'gyur ba de lta bur gshin rje gshed rang gis rig pa'i bdag nyid can la zhes bya ba'i don to/ /da ni bla ma mnyes par gyur na dngos grub 'byung zhes bya bar bstan pa'i phyir gsungs pa/ de nas yang dag bshad bya ba//zhes bya ba la sogs pa ni go sla'o/ /nye bar mkho ba'i khyad par thams cad ni phreng ba la sogs pa 'dus bya ba khyad par ro/ /gang du de lta bu bstan pa de yang nye bar mkho ba'i khyad par thams cad pa zhes bya ba'o/ /dpal gshin rje gshed nag po'i dka' 'grel slob dpon shrI d+ha ras mdzad pa las rim par phye ba bcu gnyis pa'i bshad pa'o// //da ni de nas zhes bya ba la sogs pas mtshon cha'i rnam par dag pa sngon du 'gro ba'i nges pa'i tshul gsungs pa la/ ji snyed pa zhes bya ba ni tshad ji tsam yod pa'o/ /gang mi dge ba'i rgyus sdig pa byas pa nyid ni sdig pa'o//de dag ces bya ba ni rnam pa kun du gcod cing 'bigs pas gri gug go/ /shubs can ni ral gri ste nyon mongs pa nyid kyi dgra yin pas ral gri'o/ /des gcod cing gshog par byed pa'i phyir ro/ /ring ba'i thos pa bsgrub pa'i phyir de nas zhes bya ba la sogs pas rdo rje mkha' 'gro ma'i sgrub pa'i thabs gsungs pa la ring thos pa zhes bya ba ni yun ring po nas so//kun du zhes bya ba ma lus pa'i rnam pa thos pa ni ring ba'i thos pa'o/ /de bsgrub pa ni rdzogs par bya ba'o/ /de'i don du rdo rje mkha' 'gro ma bsgom par bya'o zhes bya bar sbyar ro/ / nam mkha' zhes bya ba ni nam mkha'o/ /de nyid ni khams te chos thams cad kyi rang bzhin no/ /de'i dbus su gzhal yas khang ste der gtogs pa ni de'i khongs su gtogs par ro/ /nyi ma'i dkyil 'khor bsam par bya/ /zhes bya ba ni bsgom pa'o/ /rtse lnga pa yang zhes bya ba ni gang la rtse lnga yod pa de ni rtse lnga pa ste rdo rje zhes bya ba'i don to//gnas zhes bya ba ni sa bon gyi yi ge ste/ sa bon yi ge gnas zhes brjod/ /ces bya ba'i tshig gis so/ /de'i steng du zhes pa ni de'i lte ba'i dkyil du'o/ /de nyid gsungs pa/ D+h+ri zhes bya ba ste/ de yongs su gyur pa las zhes bya ba'i don to/ /nag po 'jigs rung ba zhes bya ba ni 'jigs par byed pa'o//g.yas dang g.yon pa'i zhal ni dkar po dang dmar po'o/ /phyag tu rdo rje rnam bsgom bya/ /zhes bya ba ni phyag gi gtso bo na'o/ /gzhan ni phyag gzhan dag la dgod/ /ces bya ba ni phyag mtshan lhag ma ral gri dang / gri gug dang / 'khor lo dang / pad+ma dang / thod pa rnams phyag gzhan dag na ste lhag ma lnga po la dgod par bya ba ste bsgom par bya zhes bya ba'i don to/ /sbyor ba'i dkyil 'khor ni zla ba'i dkyil 'khor ro/ /ral gri 'dzin ma zhes bya ba ni gang la ral gri yod pa de ni ral gri 'dzin ma'o/ /dkyil 'khor rim pa'o zhes bya ba ni lha mo lnga po de dkyil 'khor gyi dbus su bsgom par bya'o//'dis ni dkyil 'khor rim pa gnyis par bstan pa yin no/ /'di skad ston pa yin te/ dkyil 'khor snga ma'i sna tshogs rdo rje med pa la ka ba brgyad kyis nye bar mdzes par byas pa zhes bya ba'i don to/ /de la shar gyi ka ba gnyis ni 'khor lo'i rang bzhin no//lho'i gnyis ni rin po che'i rang bzhin no/ /nub kyi gnyis ni pad+ma'i rang bzhin no/ /byang gi gnyis ni ral gri'i rang bzhin no/ /gzhan dag thams cad ni snga ma bzhin no/ /me la sogs pa'i mtshams bzhi ru/ /zhes bya ba ni me dang bden bral dang rlung dang dbang ldan gyi mtshams rnams su'o//lA s+ye ma dkar mo gar byed pa'i tshul dang / phreng ba sor mo phreng ba 'dzin pa'i tshul dang / gar ma dmar mo gar byed pa'i tshul dang / glu ma sngo bsangs glu len pa'i tshul can te lha mo kun kyang phyag gnyis pa zhal gcig pa g.yon brkyang ba'i zhabs/rin po che'i phreng ba 'dzin pa cung zhig khros pa'i gzugs can no/ /sangs rgyas mkha' 'gro ma nas brtsams nas ral gri 'dzin ma zhes bya ba'i bar gyi phyag dang zhal dang phyag mtshan dang kha dog gi 'khor lo ni snga ma bzhin blta bar bya'o/ / oM badzra DA ki nI zhes bya ba ni bcom ldan 'das ma la bod pa'o/ /oM karma DA ki nI zhes bya ba ni las kyi mkha' 'gro ma la'o/ /oM d+harma DA ki nI zhes bya ba ni chos kyi mkha' 'gro ma la'o/ /oM bud+d+ha DA ki nI zhes bya ba ni sangs rgyas mkha' 'gro ma la bod pa'o/ /oM rat+na DA kI nI zhes bya ba ni rin chen mkha' 'gro ma la'o//laM la sogs pa ni lA s+ye la sogs pa'o/ /oM mud+ha rA dza zhes bya ba la sogs pa ni sgo skyong ba rnams la'o/ /dgug pa la sogs pa'i sngags ni 'khor lo snga ma yin no/ /'di ni zhes bya ba ni bstan zin pa nyid do/ /'di lta bu'i bsgom pa ni sngon gyi bsnyen pa'i cho ga'o//der ni zhes bya ba la sogs pas ni sgrub pa'i dus kyi bzlas pa'i sngags bstan te/ oM A ka sha zhes bya ba la sogs pa'o/ /sa 'og sgrub pa'i phyir gsungs pa/ de nas yang dag ces bya ba la sogs pa la/ yang dag ces bya ba ni yang dag par bshad par bya ba'o//yang dag pa nyid ni yang phyag 'tshal ba la sogs pa thams cad dang / stong pa nyid dang / srung ba dang gur gyi nang du chud pa'i gzhal yas khang mngon par sprul la/ de'i dkyil du nyi ma la gnas pa'i hrIHlas skyes pa'i gnod mdzes rdo rje bsgom par bya'o zhes bya ba'i don to//phyag drug pa snga ma bzhin du mtshon cha 'dzin pa/ rtsa ba'i zhal dang lus thams cad sngo ba/ g.yas dang g.yon pa'i zhal dkar ba dang dmar ba'o/ /phyag tu gtun shing zhes bya ba ni rdo rje'i gnas su ste phyag gtso bo gnyis pa na'o/ /dkyil dag tu zhes bya ba ni ka ba brgyad kyis nye bar mdzes par byas pa'i dkyil 'khor gyi dbus su'o//'di ni zhes bya ba 'chad par 'gyur ba'o/ /shar du spyan ma ni dkar mo ste/ zhal g.yas dang g.yon sngo ba dang dmar ba 'khor lo dang ral gri dang rin po che dang pad+ma 'dzin pa'o/ /lho ru mA ma kI sngon mo zhal g.yas pa dang g.yon pa dkar ba dang dmar ba rdo rje dang ral gri dang 'khor lo dang pad+ma bsnams pa'o//nub tu gos dkar mo dmar po zhal g.yas dang g.yon sngo ba dang dkar ba/ pad+ma dang ral gri dang 'khor lo dang nor bu bsnams pa/ byang du sgrol ma sngo bsangs zhal g.yas pa dang g.yon pa sngon po dang dkar po//ral gri dang 'khor lo dang nor bu dang pad+ma bsnams pa'o/ /lha mo kun kyang g.yon brkyang ba khro ba dang bcas pa'o/ /gri gug dang thod pas 'khyud pa'i tshul can no/ /me tog ces bya ba ni/ me tog ma me tog dkar po'i phreng ba lag tu thogs pa'o//spos zhes bya ba ni spos me ma spos snod lag tu thogs pa'o/ /mar me zhes bya ba ni mar me ma mar me lag tu thogs pa'i tshul can no/ /dri zhes pa ni dri'i dung phor thogs pa'i lag pa'i tshul can no/ /me sogs mtshams su dgod ces bya ba ni me dang / bde bral dang rlung dang dbang ldan gyi mtshams rnams su go rims ji lta ba bzhin du dgod par bya'o//tho ba la sogs sgo ru ste/ /zhes bya ba ni go sla'o/ /'di ni bcom ldan 'das bskyed nas dkyil 'khor pa yang bskyed par bya'o zhes gsungs pa/ cho ga mthong nas zhes bya ba la 'dir cho ga ni 'khor lo snga ma nyid ltar ro//rmi lam ni mtshan ma nyid do/ /don ni 'di yin te/ rnal 'byor pa sngon du bsnyen pa byas la/ bcom ldan 'das rmi lam gyi mtshan mar sa 'og gi khung bu ston par 'gyur ro/ /der rdo rje sa 'og gi rnal 'byor pa 'jug par bya'o zhes bya ba'i don to/ / de nas zhes bya ba la sogs pas ni mkha' spyod kyi dngos grub gsungs te/ 'dir yang gzhan thams cad ni snga ma bzhin no/ /bdun pa'i rgyal po zhes bya ba la bdun pa ste rta'o/ /de'i gzugs kyis 'dul ba'i rgyud la rgyal po ltar byed pas bdun pa'i rgyal po'o/ /dkyil 'khor snga ma dang de'i khyad par gsungs pa/phyag gnyis pa la zhes bya ba la sogs pa la/ sran gre'u khu tshur bcangs zhes bya ba ni sran gre'u brdungs pa dang bcangs pa'o/ /'di dag snga ma gnyi ga'i sngags gsungs pa/ oM zhes bya ba la sogs pa la shar du zhes bya ba la sogs pas lha mo dgod pa ni go sla'o//kha dog gi dbye ba yang bstan zin to/ /sngags 'di yis ni zhes bya ba ni yi ge hris so/ /gshegs su gsol ba ni phyung ba ste sprul pa zhes bya ba'i bar du'o/ /'di skad ston par 'gyur te/ bcom ldan 'das kyi sngags nyid kyis dkyil 'khor pa rnams kyang sprul par bya'o zhes bya ba'i don to//smyug ma'i gling bu ni gling bu nyid la ched du byed pa'o/ /pi wang ni pi wang nyid la ched du gtod pa'o/ /rnga zlum yang de bzhin te kha cig pags pas g.yogs pa ni rnga zlum mo/ /rnga bran ni pa tra ha chen po ste/ de ni kha gyen du bstan nas brdung ba'o//'di dag gi yang kha dog dang dgod pa'i gnas ni go rims bzhin shes par bya'o/ /ba lang rna dang glang po'i rna ni ming gis don go bar zad do/ /gdong bzang gdong ngan zhes bya ba ni ming du chags pa'i sgra'o/ /thams cad kyang khro bo'i gzugs so/ /kha dog gi dbye ba ni snga ma bzhin no//'di dag gi phyag mtshan gsungs pa ni gtun shing dang ni zhes bya ba la sogs pa ste/ sgo bzhi ru ni zhes bya ba la sogs pa ni go sla'o/ /ji ltar rta mchog sngags kyis ni/ /zhes bya ba la rta mchog gi sngags de nyid rdo rje sa 'og gi sngags kyang de nyid yin no zhes bya ba'i dan to//'di bsgom pa'i sbyor bas cir 'gyur ba de gsungs pa/ khams gsum nam mkha'i khongs su rgyu ba ste yongs su 'khor ba'o/ /bsgom pa rab kyi mthar phyin pa na zhes bya ba'i don to/ /gang du sa 'og tu 'jug pa la sogs pa'i dngos grub nges par bstan pa'i le'u la de skad ces bya'o//dpal gshin gshed nag po'i dka' 'grel slob dpon shrI d+ha ras mdzad pa las rim par phye ba bcu gsum pa'i bshad pa'o// //da ni sa gzung ba'i rjes thogs su thig gdab pa gsungs pa/ de la zhes bya ba ni sa gzung ba byas pa'i sa gzhi la'o//'di ni zhes bya ba ni 'chad par 'gyur ba'o/ /srad bu zhes bya ba ni ye shes kyi srad bu'o/ /de rkyong ba'i phun sum tshogs pa'i mchog gang la yod pa de na srad bu brkyang ba'i dam tshig gi mchog ste/ rnal 'byor pas sems can bsdu bar bya ba'i phyir 'da' bar mi bya ba nyid do/ / srad bu de nyid mngon par bsngags pa'i sngags gsungs pa/ A ka ro zhes bya ba la sogs pa la 'di la 'chad par 'gyur ba'i de kho na nyid gsum gyis spel ba yin par shes par bya'o/ /slob ma rnam par snang mdzad du bsgom zhes bya ba ni gti mug gshin rje gshed kyi gzugs su dmigs par byas la zhes bya ba'i don to//rang nyid ni dpal gshin rje gshed kyi gzugs dang ldan par ro/ /ye shes thig mchog rtse mo'i rtse/ /zhes bya ba ni ye shes ni yak+She ma me dang zhes bya ba'i sa bon gyi ngo bo'o/ /des bskyed pa'i lha'i bdag nyid can gyi gzugs ni ye shes kyi thig go//de ni dri zhim po lngas bsgos pas mchog go/ /rtse mo ni ye shes kyi 'khor lo'i ngo bo de bzhin gshegs pa rnams so/ /de zhugs pas rtse mo'i rtse mo ste gtso bo'o/ /de nas/ ye shes thig mchog rtse mo'i rtse/ /shin tu mnyam par gzhag pas zhes bya ba ni phyogs dang sa la mkhas pa ste/phyogs kun mnyam pa nyid kyi bdag nyid can no/ /de la zhes bya ba ni so shing bza' ba la sogs pa thams cad bsgrubs nas so/ /'di ni zhes bya ba ni 'chad par 'gyur ba'o/ /dkyil 'khor chen por 'jug pa la/ /zhes bya ba ni dkyil 'khor chen por 'jug pa ste/slob ma zhes bya ba ni lhag ma'o/ /de nyid 'da' bar mi bya ba yin pas dam tshig go/ /de nyid gsungs pa/ oM AHhUM don ni 'di yin te/ sngags 'di zlos shing slob ma gzhug par bya la dkyil 'khor bri ba'i dus su re khA'i nang du 'jug cing phyir 'byung bar yang bzla bar bya'o//dkyil 'khor nyis 'gyur zhes bya ba la sogs pas ni thig skud kyi khyad par ro/ /de la zhes bya ba la sogs pa ni slob mas gsang ba'i dbang la sogs pa'i gsol ba gdab pa bstan to/ /yang de la zhes bya ba la sogs pa ni sa'i lha mo dgug pa'o//sgo ni dkyil 'khor brgyad cha zhes bya ba la sogs pa ni dkyil 'khor gyi mtshan nyid do/ /'di dag thams cad dkyil 'khor gyi cho gar rgyas par bstan pas dgrol bar mi bya'o/ /dkyil 'khor bsgrub pa gsungs pa de nas zhes bya ba ni bris zin nas so/ /de bzhin gshegs pa la sogs pa chen po rnams kyi snying po ni 'byin pa'i sngags so//'dis byed pa'i don gyi gsum pa ste/ snying po chen po yis zhes bya ba'i don to/ /bdag nyid ni rang ste 'khor lo dgod ces snga ma dang sbyar ro/ /rang gi phyag rgya zhes bya ba ni ji skad bstan pa'i mtshan nyid dang ldan pa'i rang snang ba der bstan pa'o//don ni 'di yin te/ rdul tshon gyi dkyil 'khor bsgrubs la/ der blos rnam par gnas nas rnal 'byor dang rjes su rnal 'byor sngon du 'gro bas rang snang ba'i chu skyes su dkyil 'khor mngon par sprul nas/ 'byin pa'i sngags kyis bton la gnas ji lta bar bkod te dkyil 'khor bsgrub par bya'o//de ji lta bu zhe na/ gsal bar bya ba'i phyir gsungs pa/ dam tshig yi ge zhes bya ba la yang dag par 'gro zhing rnam par mi rtog pa'i bdag nyid can gyi ye shes thob par byed pas dam tshig ces rang snang ba'i rig pa la bya'o//de'i yi ge ni mi 'gyur zhing ngo bo nyid las mi 'pho bas rang gis rig pa'i ye shes te/ dam tshig gi yi ge des byang chub kyi sems kyi dkyil 'khor bsgrub par bya ba ste/ nges par bskyed par bya ba ni dkyil 'khor bsgrub par bya'o/ /dpal gsang ba 'dus pa las kyang b+ha ga'i dkyil 'khor zhes bya dang //byang chub sems kyi dkyil 'khor dang / /lus kyi dkyil 'khor zhes gsungs pas/ /dkyil 'khor rnam pa gsum du brtags/ /zhes gsungs pas so/ /'di dag ni dkyil 'khor gyi cho ga dang bla ma las gsal bar 'gyur ro//shar du zhes bya ba la sogs pas ni dkyil 'khor gyi kha dog rdzogs par byed do/ /phyag rgya dgod pa zhes bya ba ni mtshan ma dgod pa'o/ /las kyi cho ga mthong nas ni/ /zhes bya ba ni dkyil 'khor gyi cho gar bstan pa'o/ /dkyil du zhes bya ba ni dbus kyi gdan la rdo rje bri ba'o//shar du ni 'khor lo'o/ /de lta bu la sogs par blta/ /zhes bya ba la rin po che dang pad+ma dang ral gri rnams ni lho dang nub dang byang du'o/ /'khor lo dang rdo rje dang pad+ma dang ral gri rnams ni me dang bden bral dang rlung dang dbang ldan rnams su'o/ /tho ba dang dbyug pa dang pad+ma dang ral gri rnams ni shar la sogs pa'i sgor ro//thod pa bzhi ni mtshams bzhir bri bar bya'o/ /phyag mtshan kun du zhal dang mtshungs/ /zhes bya ba ni zhal dang 'dra ba ni zhal dang mtshungs pa ste zhal gyi gtso bo dang mdog 'dra ba ste/ bcom ldan 'das kyi zhal gyi gtso bo dang 'dra ba'i phyag mtshan zhes bya ba'i don to//de la 'di yis zhes bya ba la sogs pas ni dgang gzar dang blugs gzar gyi tshad bstan te go sla'o/ /da ni rgyud kyi che ba'i bdag nyid/ dkyil 'khor du ni ma zhugs dang / /zhes pa la sogs pas gsungs pa ste/ gshin rje gshed rgyud mngon gzhol nas//zhes bya ba ni gshin rje gshed kyi rgyud la gcig tu mngon par zhen pa'o/ /don ni 'di yin te/ sngar de ltar zhugs pa dag phyi nas gshin rje gshed kyi rgyud rnyed pa las de dang de yongs su btang nas/ de'i yon tan rnyed pas 'dod pa'i don grub par 'gyur ro//de nyid kyi phyir gsungs pa/ 'grub par 'di la zhes bya ba ste/ phyag rgya chen po'i ngo bor nges par 'grub pa'o/ /yang na thams cad kyang ji ltar gnyis su med pa'i rnal 'byor pa la de ltar gsungs te/ dpal gsang ba 'dus pa las kyang / mi bya ba ni cung zhig med//de bzhin mi bza' cung zhig med/ /mi smra ba yang ci yang med/ /kun du mi bsam ci yang med/ /mnyam par ma bzhag rnal 'byor gyis/ /rtag tu mnyam par gzhag pa yin/ /zhes gsungs pas so/ /gal te dkyil 'khor du zhugs shing dbang bskur ba thob pa la lta na dngos grub gsungs nas/dkyil 'khor du ma zhugs pa dang / dbang ma bskur ba la 'grub par ji ltar 'gyur zhe na/ de'i phyir gsungs pa/ nag pos gsungs pa'i tshig bzhin du/ /zhes bya ba ste/ nag po ni bcom ldan 'das rdo rje 'chang ngo / /de'i tshig ni gsung ngo / /de yang gsungs pa ste/rgyud ma lus par bstan pa'i dbang bskur ba la sogs pa rnam pa sna tshogs pa'i cho ga'i rnam pas zhes bya bar dgongs so/ /de nas zhes bya ba ni de lta bu'i chos bstan pa'i rjes thogs su'o/ /byams pa la sogs kyis zhes bya ba ni byams pa la sogs pa gzhan dag gis kyang ngo //rdo rje nges pa ni dbyer med pa'i ye shes lnga'i bdag nyid kyi nges pa'o/ /mi smra bar ni sdod par gyur/ /zhes bya ba ni rtog pa ma lus pa bsal nas ngag gi spyod yul las 'das pa'i chos mngon sum du byas pa dang ldan pa'o/ /da ni dkyil 'khor du slob ma ngo mtshar dang yid ches pa bskyed pa'i phyir/rdo rje dbab pa gsungs pa 'byung ba bzhi zhes bya ba nas ltar bsil ba zhes bya ba'i bar ni go sla'o/ /gnas bzhi ru ni zhes bya ba ni mgo dang snying ga dang lte ba dang rkang pa rnams su'o/ /sbyor ba khyad par can gyi dkyil 'khor gyi cho gar bstan to/ / 'phar bar 'gyur zhes bya ba ni lta bar 'gyur ba ste/ nam mkha' la zhes bya ba ni lhag ma'o/ /gnod sbyin mo'i sgrub thabs gsungs pa/ de nas yang dag bshad bya ba/ /zhes bya ba la sogs pa la yang dag ces bya ba ni yang dag pa'i don ji lta ba bzhin te/ dkyil 'khor sprul pa ni snga ma bzhin no//phyag gnyis pa la zhes bya ba la sogs pa ni go sla'o/ /hUM las bskyed pa zhes bya ba ni lhag ma'o/ /don ni 'di yin te/ sngags pas sngon du bsnyen pa byas la/ ral gcig ma'i rnal 'byor dang ldan pas gzhon nu mas bkal ba'i skud pa las byas pa'i ras kha tshar ma bcad pa la gnod sbyin mo mngon par bris te rgyan rnam pa sna tshogs kyis brgyan pa/lang tsho la bab pa sgeg pa'i ro dang ldan pa/ shing chen po dang mya ngan med pa'i shing dang / a mra'i me tog dang 'bras bu dang bcas pa gang yang rung ba zhig la lag pa g.yon pas reg pa/lag pa g.yas pa mchog sbyin pa'o/ /de'i mdun du me tog dang / spos dang / bshos gtsang phul la rang gi rnal 'byor dang ldan pas mtshan mo bzlas pa byas nas nyi ma bdun na 'ong bar 'gyur/ /'ongs nas kyang me tog dri zhim po dang chu gtsang ma'i yon chab dbul bar bya'o//des 'grub par 'gyur te ma dang sring mo dang chung ma'i tshul gyis byung na ji ltar rigs pa bzhin du tha snyad du bya'o/ /yang na dur khrod kyi sol bar mar ngo'i gang yang rung ba zhig la rtsig ngos sam/ spang leb la mtshan ma snga ma bzhin du bris la de dgug cing bcug la/skye gnas su lag pas bkab nas snga ma bzhin du gzhan dang ci yang mi smra bas sngags bzlas na de nas zhag bdun na de 'ong bar 'gyur ro/ /'ongs nas stobs kyis kyang sgrub pa po 'dod par byed do/ /brtse ba'i tshig tu smra bar byed do/ /'jigs pa'i tshul yang bstan to/ / de lta na yang 'jigs par mi bya'o/ /smra bar mi bya'o/ /de lta na yang sbyor ba'i rjes thogs su 'grub par 'gyur ro/ /gang dang gang rnal 'byor pa 'dod pa de dang de 'dod pa'i rtsed mo byas pas ster bar byed do/ /de ltar yang ma grub na gshin rje gshed kyi rnal 'byor ram/ ral gcig ma'i rnal 'byor gyis rdo rje lcags kyu spros la lcags kyus skye gnas phug la mgul nas zhags pas bcings te bkug la/de'i mgo la gshin rje gshed bskal pa'i me dang 'dra ba bsgom par bya'o/ /'og tu ni me'i dkyil 'khor ro/ /de nas khro ba dang bcas pas de'i ming gi tshig dang bcas pa'i hrIHShatriHla sogs pa'i sngags sam/ral gcig ma'i sngags bzlas na zhag bdun gyis nges par 'grub par 'gyur ro/ /gdug pa can tshar bcad pa'i phyir/ spos byed ma'i sgrub thabs gsungs pa/ de nas yang dag bshad bya ba/ /zhes bya ba la/'jig rten gsum la 'tshe nus pa/ /zhes bya ba ni sbos par byed pa'o/ /'di yang snga ma bzhin du srung ba dang gur gyi nang du'o/ /sku mdog ser po zhes bya ba la sogs pa ni go sla'o/ /pu'i sa bon las shes par bya'o/ /pu ka sI'i las zhes bya ba la de'i las ni 'di yin te/ lce la dza dmar po bkod la de'i 'od kyis bsgrub bya'i snying gar khaM dkar po bsgoms nas/ snying la sogs pa thams cad bkug la rang gi ltor bcug par bsams na bstan pa bzhin du 'gyur ro/ /tho ba rgyas pa mda' dag ces bya ba la/ gang gi kha gyes pa'i tho ba ni tho ba rgyas pa ste de dang bcas pa'i mda' rna ba'i bar du bkang bas 'bigs pa'o zhes bya ba ni man ngag go//phyag bzhi bong bu la bcings pa/ /zhes bya ba ni go sla'o/ /mi snang bar bya ba'i phyir/ 'jam pa'i rdo rje'i sgrub pa gsungs pa la/ de nas zhes bya ba la sogs pa la/ 'dir yang yang dag bshad par bya//zhes bya ba ni snga ma bzhin no/ /mi snang ba zhes bya ba ni sems can thams cad kyis mthong ba'i lam las 'das pa'o/ /de'i mod la zhes bya ba ni bsgom pa rab kyi mthar phyin pa'i skad cig la zhes bya ba'i don to/ /zhal gsum zhes bya ba la sogs pa ni go sla'o//'dir ni phyag mtshan ma bstan te/ sgyu 'phrul dra ba las gsungs pa'i phyag mtshan yin no/ /der ni g.yas na ral gri dang mda'/ /g.yon na ut+pal sngon po dang gzhu'o/ /phyag gzhan dag na gri gug dang thod pa bsnams pa'o/ /sngon po dang dkar po ni g.yas pa dang g.yon pa'i zhal lo//shar du mdzes ma zhes bya ba la sogs pa ni snga ma bzhin te/ gti mug la sogs pa'i kha dog dang phyag mtshan dgod do/ /'khor lo la sogs zhes bya ba yang de nyid ltar ro/ /'di'i khyad par gsungs pa ni/ /sa bon yi ge maM las byung / / zhes bya ba'o/ /don ni 'di yin te/ yi ge maM las bcom ldan 'das bskyed pa na thams cad kyang bskyed par bya'o/ /dkyil 'khor gyi ni dbus na bzhugs/ /zhes bya ba ni dbus nyid du ka ba brgyad kyis nye bar mdzes pa'i snying po'i dkyil 'khor la gnas pa'o/ /thams cad g.yon brkyang ba kho na'o//sngon gyi 'khor lo las gdan gyi khyad par gsungs pa/ zla ba'i dkyil 'khor yang dag gnas/ /zhes bya'o/ /phyi'i dkyil 'khor dgod pa gsungs pa/ 'od zer can dang zhes bya ba la sogs pa la/ me la sogs pa'i zhes bya ba ni/me dang bden bral dang rlung dang dbang ldan gyi mtshams su'o/ /de dag gi phyag mtshan gyi gtso bo rnams gsungs pa/ mya ngan med dang zhes bya ba la sogs pa'o/ /kha dog gsungs pa ni ser po zhes bya ba la sogs pa'o/ /zhal dang phyag gzhan ni snga ma bzhin no/ / tho ba la sogs pa'i don ni go bar zad do/ /de lta bu'i khyad par can gyi bcom ldan 'das bsgoms na mthong bar mi 'gyur ro zhes bya ba ni sems can thams cad kyis mthong ba'i yul las 'da' bar 'gyur ro/ /yang zhes bya ba ni gdul bya'i bsam pa dang snying rje'i khyad par gyis mthong bar yang 'gyur zhing 'dod pa bzhin spyod par yang 'gyur ro//'dir man ngag ni 'di yin te/ rnal 'byor pa sems brtan par gyur pas 'jam pa'i rdo rje'i skur byas la/ ba spu'i bu ga thams cad du maM bkod na bstan pa bzhin du 'gyur ro//gang du 'jam pa'i rdo rje sgrub pa'i thabs gtso bo nyid du bstan pa'i rim par phye ba gang yin pa de la de skad ces bya'o/ /dpal gshin rje gshed nag po'i dka' 'grel slob dpon shrI d+ha ras mdzad pa las/ rim par phye ba bcu bzhi pa'i bshad pa'o// //sems can mngon par mos par bya ba'i phyir/ chu rengs par bya ba gsungs pa/ de nas yang dag bshad par bya/ /zhes bya ba la sogs pa la 'dir thams cad snga ma bzhin no/ /'on kyang sbrul dang ral gri dang 'khor lo dang pad+ma 'dzin pa rma bya la zhon pa'o//shar du zhes bya ba la sogs pa ni go sla'o/ /sgro dang zhes bya ba ni rma bya'i sgro'o/ /yal ga zhes bya ba ni 'dab ma dang bcas pa'i yal ga'o/ /lcags sgrog ces bya ba ni rdo rje'i lcags sgrog go/ /de dag gi mdog gi dbye ba ni go rims bzhin du ser dang zhes bya ba la sogs pa'o//mkhas pas zhes bya ba ni chu rengs par byed pa'i cho ga la mkhas pa'o/ /de la chu'i rdul phra rab rnams laM las skyes pa'i dbang chen gyi dkyil 'khor gyi gzugs su bsgoms la/ de la dzaM gu la'i rnal 'byor gyis sngags bzla zhing bcag par bya'o//de nas zhes bya ba la sogs pas ni ku ru kul+le sgrub pa'i thabs kyis klu 'gugs par byed pa gsungs pa ste 'dir yang snga ma bzhin du thams cad yin no/ /'on kyang stong pa nyid kyi rjes thogs su pad+ma dang zla ba la gnas pa'i hrIHlas byung ba'o/ /gzhan ni go sla'o/ / mtshon cha'i khyad par gsungs pa ni/ phyag brgyad du ni zhes bya ba la sogs pa la de la g.yas kyi phyag bzhi ni mtha' yas dang / tak+Sha ka dang / rigs ldan dang / dung skyong ngo / /phyag g.yon pa rnams na ni pad+ma dang / korka Ta dang / nor rgyas kyi bu dang / pad+ma chen po bsgom par bya'o//'dir yang rang gi snying gar bkod pa'i hrIH'i 'od zer lcags kyu'i rnam pa lta bus snga ma bzhin du bkug par shes par bya'o/ /lha'i bu mo dgug pa'i phyir rdo rje lus med bsgom pa gsungs pa de nas zhes bya ba la sogs pa la/ gsang ba zhes bya ba ni nyan thos la sogs pa'i spyod yul ma yin pas gsang ba'o//'dir yang dkyil 'khor ni snga ma bzhin no/ /mda' ni 'phang ba'o/ /gzhu ni gzhu'o/ /shar du dga' ma zhes bya ba la sogs pa ni go sla'o/ /bcom ldan 'das kyi phyag mtshan nyid kyis thams cad kyang mtshan pa'o//go rims bzhin du kha dog gi nges pa gsungs pa ni ser dang zhes bya ba la sogs pa'o/ /dmar skye zhes bya ba ni skye rengs dang po dang 'dra ba'o/ /mtshams rnams ni nang gi dkyil 'khor gyi ste ma 'gags pa la sogs pa dgod par bya'o/ /kha dog gi dbye ba ni me tog la sogs pa lta bu'o//'dod pas 'gengs la sogs pa'i kha dog ni tho ba la sogs pa ltar ro/ /kun kyang mda' dang gzhu bsnams pa'o/ /'dir ni gshin rje gshed nyid kyi dbang bskur bar gsungs pa ni/ lha rnams de dag thams cad kyi/ /zhes bya ba la sogs pa'o//bsgrub bya dgug pa'i dus su ji ltar bsgom gsungs pa ni bud med kyi ni pad+ma ru zhes bya ba ste/ mngon par 'dod pa'i bsgrub bya pad+ma'i ge sar la gnas par ro/ /rdo rje lus med kyi ni sngags te sngags dang lha dbyer med par ro/ / de yang sI ta zhes bya ba'o/ /don ni 'di yin te/ bsgrub bya dgug pa'i dus su ji skad bshad pa'i gnas su sngags bsgom par bya'o/ /rna ba'i drung du bkang ba'i mda' 'phang bar bya ste/ myos par byed pa dang rmongs par byed pa dang 'dar bar byed pa dang / ltung bar byed pa dang brgyal bar byed pa'i mda' lngas/mgo bo dang / mgrin pa dang / snying ga dang / lte ba dang / gsang ba rnams phug nas snying po'i sngags kyi 'od kyis bkug par gyur par bsam par bya'o/ /yi ge sI ta las yang dag byung zhes bya ba ni sI ta las skyes pa'o/ /bslus shing zhes bya ba ni 'dod par bya ba la mos par bya'o//g.yengs pa ni myos pa'o/ /myos nas zhes bya ba ni g.yo ba'o/ /bde ba 'dod pa ni 'dod pa la zhen pa'o/ /bkug nas rkang pa'i drung du btud pa gos dmar pos yongs su dkris par bsam par bya'o/ /sngags btu ba gsungs pa/der ni zhes bya ba la bsgom pa de la'o/ /yi ge oM ni ring por drang / /zhes bya ba ni dang por yi ge oM nye bar mtshon par bya'o/ /yi ge swA hA tha mar sbyin/ /zhes bya ba ni mthar de sbyin pa'o/ /'di dag gi bar du yi ge sI ta'i sngags brjod pa ni bzlas pa'o/ / sngags bsdus pa 'di yin te/ oM hri sI ta swA hA zhes bya ba'o/ /hri zhes bya ba ni man ngag las shes par bya'o/ /che ge mo zhig bdag dbang gyur/ /ces bya ba ni sgrub pa'i dus su bskul tshig dang ldan pa'o/ /thams cad du ni bsgom bya min/ /zhes bya ba ni rtag tu'o/ / zhag bdun bar du zhes bya ba'i tshig yod pa der ni sgrub pa'i dus su nyi ma bdun bsgom pa'o/ /'dir cir 'gyur zhe na gsungs pa/ 'dod pa de 'thob 'gyur zhes pa'o/ /gang rdo rje lus med kyi sgrub thabs gsungs pa de la yang de skad ces bya'o/ /dpal gshin rje gshed nag po'i dka' 'grel slob dpon shrI d+ha ras mdzad pa las/rim par phye ba bco lnga pa'i bshad pa'o// //da ni he ru ka'i sgrub pa'i thabs kyi rim par phye ba gsungs pa/ de nas zhes bya ba la sogs pa la he ru ka chen po zhes bya ba ni sems can gyi phung po'i don byed pa'i phyir chen po'o//he ni chos thams cad rgyu dang bral ba'o/ /ha ni chos thams cad nyams pa med pa'o/ /e ni chos thams cad tshor ba dang bral ba'o/ /ru zhes bya ba ni chos thams cad brag ca lta bu'o/ /ra zhes bya ba ni chos thams cad dga' ba dang ldan pa'o//u zhes bya ba ni chos thams cad skye ba dang bral ba'o/ /ka zhes bya ba ni chos thams cad bde ba dang ldan pa'o/ /a zhes bya ba ni chos thams cad skye ba med pa'o/ /'dis ni 'di skad bstan pa yin te/ brtan pa dang g.yo ba'i dngos po thams cad kyi rang bzhin gnyis su med pa bdag med pa'i rnam pa/rang gis rig pa'i bde ba chen po'i ngo bo nyid 'gro ba ma lus pa la phan pa la gcig tu zhugs pa ni bcom ldan 'das he ru ka chen po'o/ /de'i sgrub pa'i thabs ni 'dis sgrub par byed pas bsgom pa'i rim pa'o/ /gang zhig shes pas zhes bya ba ni gang gis sgrub pa'i thabs nyams su len pa'o//myur du grol ba zhes bya ba ni myur du'o/ /rnal 'byor zhes bya ba ni sbyor ba ste/ thabs dang shes rab gnyis su med pa'i lus can ni he ru ka chen po'o/ /gang la de yod pa de ni rnal 'byor ro/ /'khor bar bcings pa las zhes bya ba ni 'khor bas na 'khor ba ste rgyun mi 'chad par 'gro ba drug tu gnas pa sngon du song bas 'khor ba'o//de nyid ni 'ching ba ste mi gnas pa'i mya ngan las 'das pa'i grong du 'gro ba 'ching bar byed pas 'ching ba ste de lta bu las grol ba'o/ /de nyid gsungs pa/phyag gnyis zhes bya ba la sogs pa la 'dir yang snga ma kun dang 'dra'o/ /phyag gnyis zhes bya ba la sogs pa ni khyad par ro/ /phyed gar zhes bya ba ni gar gyi khyad par te phyed krung gis gar zhes bya ba'i don to/ /phyag tu zhes bya ba ni phyag gi gtso bo na'o//gzhan la thod pa dgod par bya/ /zhes bya ba ni phyag ya gcig la thod pa dgod pa'o/ /phyag rgya lnga zhes bya ba ni 'khor lo dang rna cha dang mgul rgyan dang lag gdub dang ske rags so/ /phyag rgya 'di dag gis rgyas btab pa 'di la yod pas/ phyag rgya lnga yis rnam par brgyan/ /zhes bya'o/ /'di skad ston par 'gyur te/ sangs rgyas lnga nyid phyag rgya lnga yin te de yang dgyes pa'i rdo rje las/ 'khor lo'i gzugs kyis mi bskyod pa/ rna cha snang ba mtha' yas dag /mgul gyi phreng ba rin po che/ /lag gdub rnam snang mdzad du dran//ske rags la ni don yod gnas/ phyag rgya 'di lnga rnam par dag /ces gsungs pas so/ /kha T+wAM ga ni g.yon phyogs su/ /zhes bya ba la thod pa 'dzin pa'i phyag gis phrag pa g.yon par kha T+wAM ga 'phyar ba'o/ /sa bon hUM las yang dag byung / /zhes zhes bya ba ni yi ge hUM gi sa bon las gang byung ba'o//yi dags la gnas zhes bya ba ni ro'i snying gar gnas pa'o/ /rtag tu dgod ces bya ba ni gad mo rnam pa brgyad dang ldan pa'o/ /dbu la zhes bya ba ni mgo la'o/ /thod pa zhes bya ba ni kaM ni bde ba'o/ /de skyong bar byed pas thod pa ste sangs rgyas nyid thod pa'i gzugs su gnas pa'o//de'i phyir/ sangs rgyas lnga ru rab sbyor ba/ /gsungs pa yin no/ /mi bskyod pa zhes bya ba ni rdo rje 'chang ste ma lus pa'i rnam par rtog pas mi 'khrugs pas na de skad ces bya ba'o/ /lhag ma ni go sla'o//chos kyi 'khor lo ma zhes bya ba la sogs pas ni dkyil 'khor gyi snying po'i lha mo dgod pa bstan to/ /gti mug thams cad nyer 'joms byed/ /ces bya ba ni gti mug la sogs pa thams cad med par byed pa'o/ /bya ba ste nus pa'i rgyal po zhes bya ba'i rigs pas sogs pa zhes bya ba'i sgras bar gyi tshig mi mngon par byas pa'i bsdu ba yin no//'di rnams kyi phyag mtshan gsungs pa/ chos kyi 'khor lo zhes bya ba ni rtsibs brgyad pa'i 'khor lo'o/ /a shwad+tha zhes bya ba ni byang chub kyi shing ngo / /yid bzhin gyi nor bu'i shing ni dpag bsam gyi shing ngo //rdo rje ni sngon po rtse lnga pa'o/ /phyag g.yas la zhes bya ba ni phyag g.yas pa'i cha la'o/ /g.yon pa la zhes bya ba ni g.yon pa la'o/ /'khor lo'i dkyil 'khor ni dbus kyi dkyil 'khor zlum po la'o/ /dbus der spyan la sogs pa yang dgod par bya'o//de'i phyir gsungs pa/ me la sogs pa'i mtshams bzhir ro/ /zhes bya ba yin no/ /yid du 'ong ba rnams zhes bya ba ni me long lta bu'i ye shes la sogs pa'i bdag nyid yin pa'i phyir shin tu yid 'phrog pa'o/ /'khor lo'i phyi rol zhes bya ba ni phyi rol gyi dkyil 'khor gru bzhi la ni gshin rje gshed la sogs pa dgod do//yang gnas nges pa gsungs pa/ sgo srung zhes bya ba la sogs pa la/ cho ga'i las ni mthong ba yis/ /zhes bya ba ni cho ga'i las gsungs pa'o/ /de la spyan la sogs pa dkar mo dang sngon mo dang dmar mo dang ljang gus 'khor lo dang ut+pal dmar po dang pad+ma dmar po dang ut+pal sngon po bsnams pa'o//kha cig na re 'khor lo dang rdo rje dang pad+ma dang ral gri 'dzin pa'o zhes zer ro/ /g.yon pa thams cad na thod pa bsnams pa'o/ /gshin rje gshed la sogs pa la ni tho ba dang dbyug pa dang pad+ma dang / ral gri bsnams pa'o/ /kha cig na re 'khyil pa ni rdo rje bsnams pa'o zhes zer ro/ /'dir yang bcom ldan 'das rdzogs pas thams cad kyang rdzogs par 'gyur ro/ /gang du he ru ka'i sgrub thabs gsungs pa de la de skad ces bya'o/ /dpal gshin rje gshed nag po'i dka' 'grel slob dpon shrI d+ha ras mdzad pa las/rim par phye ba bcu drug pa'i bshad pa'o// //da ni rgyud ma lus pa rab tu rtogs par bya ba la go rims 'chol ba'i sgrub thabs la the tshom med pa'i go rims rab tu shes par bya ba'i phyir dang / spro ba dang sdud par byed pa la sogs pa dang /las kyi tshogs ma lus pa'i mtshan nyid kyi rnam par rtog pa zhi bar bya ba'i phyir/ byang chub kyi sems ston par byed pa'i rim par phye ba dris pa'i lan dang bcas pa nyid gsungs pa/ rnam pa lnga ni zhes bya ba la sogs pa la rnam pa lnga dag las rdzogs pa'i bcom ldan 'das rdo rje 'chang ni rnam pa lnga ste/'di lta ste/ A li dang kA li dang yongs su gyur pa'i zla ba gnyis ni me long lta bu'i ye shes te dang po'i rnam pa'o/ /de dag gcig tu gyur pa ni mnyam pa nyid de de gnyis pa'o/ /de las skyes pa'i hUM ni so sor rtog pa ste gsum pa'o//de las skyes pa'i rdo rje ni bya ba nan tan te bzhi pa'o/ /de las yang dag par byung ba'i rdo rje 'chang ni chos kyi dbyings shin tu rnam par dag pa'i bdag nyid de lnga pa'o/ /bsgom byas nas zhes bya ba ni bsgom par bya zhes bya ba dang sbyar ro/ /ci zhig ce na/ sangs rgyas gzugs zhes bya ba gsungs te/sangs rgyas kyi gzugs ni chos thams cad nges par rtogs pa dang ldan pas bcom ldan 'das gshin rje gshed nag po'o/ /de'i gzugs ni lus so/ /de nas ci zhig bya zhe na/ 'khor lo'i zhes bya ba la sogs pa gsungs te 'khor lo ni dkyil 'khor pa'o/ /drug pa 'di ni gnyis pa'i don to/ / mkhas pa ni bsgom bya dang sgom pa po dang / bsgom pa la mngon par zhen pa med pa'o/ /ji ltar na dkyil 'khor pas 'khor lo can khu ba'i rnam pa'i mkha' khyab kyi ting nge 'dzin las slob par byed ce na gsungs pa/ gar dang glu yi sbyor ba yis/ /zhes bya ba ste sems can mtha' yas pa'i don byed pa'i gar dang /de sngon du song ba'i yid 'phrog cing gsal bar byed pa'i ngag ni glu'o/ /de dag gi sbyor ba rab kyi mthar thug pa dus ring por goms par byas pa'i byams pa la sogs pa rnams/ tsa rtsi ka la sogs pa'i gzugs kyis spros nas/ de dag gis 'khor lo can bskyed pa ni 'khor lo bskyed par bya ba ste/'khor lo can ni gzugs zhes bya ba'i don to/ /de nyid gsungs pa/ tsa rtsi ka sogs glu dang ni/ /zhes bya ba la sogs pa la/ tsa rtsi ka la sogs pa de dag gi glu ni dbyangs su bya ba yin zhing sgra dbyangs yin pas so/ /drug las skyes sogs zhes bya ba la drug las skyes ni glu'i khyad par ro//de nyid gsungs pa/ snying rjes khros pa'i dad sgrol zhes bya ba la sogs pa ste dad sgrol bzhengs shig ces bod pa ste stong pa nyid mthong mdzod ces bya bar bsam pa'o/ /snying rjes khros pa zhes bya ba la/ snying rjes khros pa ni snying rje'i dbang gis 'di lta bu'i gzugs bzung zhes bstan pa yin no//de'i phyir 'bod pa'o/ /khams gsum kun gyi gti mug ces bya ba la sogs pa la khams gsum ni 'dod pa dang gzugs dang gzugs med pa'i ming can no/ /kun ni lhag ma ma lus pa'o/ /khams gsum ma lus pa de dag gi sol zhes bya ba ste med par byed pa'o//gti mug ni rmongs pa ste ma rig pa'o/ /dad sgrol zhes bya ba la sogs pa la bdud bzhi ni phung po dang / nyon mongs pa dang 'chi bdag dang lha'i bu'i rnam par g.yeng byed de de las rgyal bar mdzod la rgyal rigs khyod bzhengs shig pa'o//rtsol bas zhes bya ba ni snying rje'i sems kyis so/ /ma bzhugs zhes bya ba ni nyon mongs pa'i dbang du gyur pa'i sems can gyi khams mngon par gzigs pas snying rje'i sems kyis g.yengs pa'o/ /'jig rten mgron pos zhes bya ba la 'jig rten mgron du bos pa ste/dang po sangs rgyas nyid du zhes bya ba'i don to/ /ci ste bzhugs zhes pa ni 'dug par 'dod pa'o/ /stong nyid ces bya ba ni mkha' khyab kyi ting nge 'dzin la'o/ /dad sgrol bzhengs zhes bya ba'i don bstan zin to/ /'jig rten bsod nams zhes bya ba ni 'jig rten pa'i bsod nams bsags pa'i rgyur ro//khyod ni zhes bya ba ni ci'i phyir khyod ces bya'o/ /'dug ces bya ba ni gnas pa'o/ /stong pa nyid la sems zhes bya ba ni stong pa nyid rnam par bsams nas so/ /byang chub 'dod pa'i 'jig rten mgron pos zhes bya ba ni byang chub kyi ngo bo la 'jig rten mgron du bos nas so//ma dang phar gyur pa'i rdo rje 'chang gi sku srid pa bar ma rnam par dag pa ho gnyis kyis brtan pa'i sku dang gsung dang thugs kyi bdag nyid can/ oM AHhUM gi bdag nyid can byang chub kyi sems kyi 'jug pa gsungs pa/ ji ltar skar mda' 'pho ba bzhin/ / zhes bya ba la gang gis ji ltar nam mkha' la skar mda' 'pho ba ste/ gzhan du 'gro ba ltar de bzhin du byang chub kyi sems kyang 'jug go/ /des cir 'gyur zhe na gsungs pa/ snying rje dang ni 'dod chags sems/ /zhes bya ba la snying rje ni sdug bsngal dang sdug bsngal gyi rgyu las 'byin par 'dod pa'o//de'i 'dod chags ni zhen pa'o/ /de nyid ni sems te de'i ngo bo zhes bya ba'i don to/ /ngo bo nyid ni khu bar gyur pa'o/ /rdo rje 'chang zhes bya ba ni rdo rje ni ye shes lnga'o/ /de'i bdag nyid 'dzin par byed pas de la de skad ces bya'o/ /rang nyid ces bya ba ni rang rang gi ngo bos te/ji ltar de'i rang gi ngo bo gang yin pa des so/ /'dis ni khu ba'i gnas skabs na yang snying rje'i bdag nyid dang / ye shes lnga'i bdag nyid ma spangs par 'gyur ro/ /de dag kyang ji ltar bsgom par bya zhes the tshom za ba bsal bar bya ba'i phyir dang por bsgom pa zhes bya ba la sogs pa gsungs pa la dang por ni thog mar ro//rnal 'byor ni shes rab dang thabs kyi bdag nyid kyi rdo rje 'chang gi gzugs so/ /de nas ni rdo rje ste phyin nas so/ /rnal 'byor ni rjes kyi rnal 'byor ro/ /de las shin tu yang sbyor ba ni shin tu rnal 'byor ro/ /thub pa'i 'od zer dpag tu med pa 'phro ba'i rnam pa can gyi rang rig pa nyid ni rnal 'byor chen po'o//rnal 'byor la sogs pa 'di ci zhig ce na/ rdo rje sems dpa' rdzogs pa zhes bya ba la sogs pa gsungs te/ de'i rgyu mthun pa gang yin pa de de dang 'dra bas lha'i sku ste/ bde ba chen po nam mkha' las byung pas rjes kyi rnal 'byor zhes bstan zin to//lha'i mig sogs byin brlab dang / /zhes bya ba ni/ lha'i yang yin la mig kyang yin pas lha'i mig sogs te ji lta bu zhe na/ lha'i mig dang lha'i rna ba dang gzhan gyi sems shes pa dang / sngon gyi gnas rjes su dran pa dang rdzu 'phrul gyi cho 'phrul dang zag pa zad pa'i shes pa'o//de dag gi byin gyis brlabs pa ni lha'i rnam par bskyed pa'o/ /lus la sogs pa ma lus pa byin gyis brlab pa bstan pa'o/ /slob dpon ni bla ma'o/ /de yang / dam chos klog pa 'byin pa dang / /'chad byed man ngag ston pa dang //dbang bskur ba dang las byed pa/ /de rnams slob dpon zhes bstan to/ /zhes gsungs pa yin no/ /brnyas mi bya zhes bya ba ni de dag la brnyas par mi bya'o/ /byams pas gdug pa zhes bya ba ni chags pa nye bar bcom pa'i byams pa'o/ /dam tshig ni bsrung bar bya ba dang bza' bar bya ba'o//slong mo ni rgyun mi 'chad pa'i ngo bo'o/ /rnal 'byor ni shes rab dang thabs kyi ngo bo'o/ /rtag par ni dus thams cad du'o/ /rtag tu zhes bya ba ni mnyam par gzhag pa'am/ mnyam par ma bzhag pa'i gnas skabs su yang ngo / /dam tshig la sogs pa 'dis rang rig pa thob par byed mnyam par byed pas na dam tshig ni phyag rgya'o//sogs pa'i sgras ni gzugs dang / sgra dang / dri dang / ro dang / reg bya'o/ /gnod pa ni gnod pa byed pa'o/ /bag med pa ni zhe sdang gis rgyas par byas pa'i sems so/ /dkyil 'khor ni 'khor lo ste slob dpon gtsor byas pa'i tshogs kyi 'khor lo zhes bya ba'i don to//bde gshegs rnams ni bla ma'o/ /da ni rgyud ma lus pa don mnyam par rtogs nas/ de bzhin gshegs pas bstan pa 'dus na lkog tu gyur pa'i sems can sems spro bar bya ba'i phyir ched du brjod pa gsungs pa/de nas bcom ldan 'das zhes bya ba la sogs pa gsungs pa/ sems can gyi phung po chen po'i don byed pa'i phyir chen po'o/ /dga' ba'i mchog gang la lhan cig skyes pa'i ming yod pa de ni mchog tu dga' ba'o/ /de'i ngo bo ste rang bzhin gang la yod pa de ni mchog tu dga' ba'i ngo bo ste de'i gsung ngo //mi smra bar gyur ces bya ba ni ngag gi lam las 'das pa'i chos thob pas zhes bya ba'i don to/ /'di lta bu'i zhes bya ba ni 'chad par 'gyur ba'o/ /ched du brjod pa ni snying rjes dag pa'i 'jig rten pa'i rnam par rtog pa mngon du byas nas bskyed pas brjod pa ni ched du brjod pa'o//ched du brjod do zhes bya ba ni brjod pa dang ldan pa'o/ /'khrul 'khor mthar thug ces bya ba la sogs pa ni go sla'o/ /e ma'o zhes bya ba ni ngo mtshar ba'o/ /chos ni spyi'i mtshan nyid dang rang gi mtshan nyid 'dzin pa'i phyir ro/ / khyad par ji lta bu dang ldan pa zhig ce na/ zhi ba chen po zhes bya ba gsungs te/ gzung ba dang 'dzin pa dang dngos po dang dngos po med pa dang / kun rdzob dang don dam pa'i rnam par rtog pa ma lus pa nub pa'i phyir ro/ /de ltar gyur na yang gdug pa can gzhug pa'i phyir shin tu khros shing 'jigs par mdzad pa yang ngo mtshar ba'o//e ma'o mya ngan 'das pa mchog /ces bya ba ni gang la bdag dang gzhan gyi don phun sum tshogs pa mchog yod pa'i mya ngan las 'das pa la de skad ces bya ste/ mi gnas pa'i mya ngan las 'das pa zhes bya ba'i don to//rnam par mi rtog bzhin du bdag dang gzhan gyi don phun sum tshogs pa zhes bya ba yang ngo mtshar ro/ /chos thams cad kyi rang bzhin gyi de kho na nyid gsungs nas ma rtogs pa'i ngo mtshar che ba yang gsungs pa chos rnams kyi de kho na nyid de lta bur gnas su zin kyang / gang 'khor ba na 'khor ba yang ngo mtshar che'o//gal te don dam par rang bzhin gyi don phun sum tshogs pa lta ngo mtshar che bar 'gyur na/ yang kun rdzob tu ji ltar yin zhe na gsungs pa/ e ma'o 'di ni rab tu mtshar/ /zhes bya ba la sogs pa la nyes pa gang de zhes bya ba ni lus dang ngag dang yid kyi nyes pa ni 'khor ba'i rgyu yin pa'i phyir skyon te/'dod chags la sogs pa'i nyon mongs pa'i tshogs kyi ngo bo'o/ /de'i yon tan zhes bya ba ni don dam pa rdzogs par bya ba'i phyir yon tan du byed/ goms par byed pas yon tan te/ stobs bcu dang mi 'jigs pa la sogs pa'i ngo bo'o//'gyur zhes bya ba ni skyed par byed pa'o/ /don ni 'di yin te/ shes rab dang thabs kyis yongs su bsdus pa'i blos ni nyes pa yang yon tan gyi ngo bor sgrub par byed do zhes bya ba yang ngo mtshar ba'o/ /de skad du yang / ji ltar ba tsha'i rgya mtsho ru/ /chu yi thigs pa zhugs na ni//ba tshar 'gyur zhing 'o mar ni/ /zhugs pas de yang bdud rtsir 'gyur/ /zhes gsungs pa dang / tshul khrims bsngags pa'i mdo las kyang / /mi mkhas sdig pa cung zad byas kyang 'og tu 'gro/ /mkhas pas chen po byas kyang de yi gnod pa spong / /lcags kyi gong bu chung yang chu yi gting du 'bying //de nyid snod du byas na steng na 'phyo bar 'gyur/ /zhes gsungs pas so/ /de lta bu'i chos kyi de kho na nyid bstan nas/ rnam pa gang gis brtags pa ma lus pa spong ba de rab tu bstan pa ni/ dngos po ma yin zhes bya ba la 'byung bar 'gyur bar dngos po'o/ /de ma byung ngo zhes bya ba'i don te rang dang gzhan dang gnyi ga las skye bar mi rigs pas so//de la phyogs dang po la ni/ de las de skye na khyad par cung zad kyang med pas sa bon las sa bon nyid skye na myu gu la sogs pa med par 'gyur ro/ /'on te sa bon nyid myu gu'i ngo bor gyur to zhe na/ ma yin te myu gu'i dbyibs dang kha dog dang ro dang nus pa ma gyur pa rnams gzhan ma yin pas myu gu ma yin no//'on te sngon gyi sa bon gyi ngo bo yongs su btang ba yin no zhe na/ de lta na ni gzhan dang gzhan yin zhe na/ ji ltar de nyid yin/ de lta na yang ngo zhe na/ e ma'o yongs su gyur pas smra ba la mkhas pa yin te/bdag nyid nyams na nus pa med pas bskyed do zhes bya ba yin no gnyis pa yang mi rigs te/ de lta na ni ko tra pa'i sa bon las sA lu'i myu gu 'byung bar thal bar 'gyur ro/ /rang gi rgyun bskyed pa'i stobs kyis so zhe na/ de lta na ni sA lu'i sa bon las sA lu'i myu gu bskyed pa'i nus pa med de/gzhan yin pa'i phyir ro/ /'on te rgyun gcig nyid ji ltar gzhan du 'gyur zhe na/ de lta na yang sa bon dang myu gu dag khyad par ci yang med do/ /de med pas gcig nyid yin na gcig nyid yin pa la gzhan med pas skye ba med de mang po smra ci dgos/ gsum pa yang mi rigs te/bdag dang gzhan ni shin tu yang 'gal ba'i phyir ro/ /de yang myu gu ni rang gi ngo bos 'byung ba'i dngos po med la/ gzhan gyi ngo bo ni sa bon te/ yod pa yin na ji ltar na gnyi ga las yin/ 'on te skye bar 'gyur ba'i myu gu la gzhan sa bon 'thob pa yong pas des na cung zhig ni rang las cung zhig /gzhan las skye ba yod par 'gyur ro zhe na/ skye bzhin pa'i rang gi ngo bo ni yod pa ma yin pas de nyid ni gzhan yin te/ gzhan du na ji ltar skye bzhin par bstan par bya/ gal te de lta yin na sa bon gzhan gyis ci zhig bya ste/rang nyid de las rdzogs pa'i phyir ro/ /de'i phyir skye bzhin par yod pa nyid du mi rigs so/ /gang med pa de ni skye bar mi rigs te ji ltar ri bong gi rwa bzhin no/ /'di nyid 'phags pa klu sgrub kyis rgyas par/ rang las ma yin gzhan las min/ / gnyi ga las min zhes bya ba la sogs pas dbu ma'i rab tu byed pa las bstan pa yin no/ /'di'i don ni de nyid las rig par bya'o/ /gzhung mangs pa'i 'jigs pas ma brjod do/ /med ces bya ba la bsgom par bya bas na bsgom bya ste yang dang yang du sems la bsgom pa'o//de yang 'di lta bu'i khyad par can gyi ma skyes pa la med do/ /dngos po bsgom pa 'di dag bkag pas sgom pa po gsal por bkag pa yin te ma skyes pa'i phyir ro/ /spyir dngos po dang de la brten pa'i bsgom pa bkag nas/ khyad par du khams la sogs pa'i sgo nas gsungs pa//khams ma yin zhes bya ba la mdor na khams bco brgyad ni khams so/ /'di lta ste gzugs kyi khams dang / de bzhin du sgra dang dri dang ro dang reg dang chos dang mig dang rna ba dang sna dang lce dang lus dang yid dang / mig gi rnam par shes pa dang / rna ba dang / sna dang / lce dang lus dang yid kyi rnam par shes pa'i khams zhes bya'o//de mig la brten cing gzugs la brten nas mig gi rnam par shes pa skye bar 'gyur te sngon po la sogs par snang ba'o/ /de bzhin du yid kyi bar du yang yin la brten te chos la brtan nas yid kyi rnam par shes pa skye bar 'gyur te chos kyi dbyings su snang zhes bya ba'o//de la gzugs dang mig dag gcig dang du ma la sogs par mi rigs pas gnyi ga yang med pa yin no/ /des na de la brten pa'i rnam par shes pa yang med do/ /de bzhin du ci srid rnam par shes pa'i bar du'o/ /de yang / shes bya med pas shes pa'ang bkag pa yin//bde bas sangs rgyas nyid ni 'thob pa yin/ /zhes bstan pa yin no/ /de ltar khams rnams bkag nas gang du 'di dag thams cad nub par 'gyur ba'i bag chags ma lus pa'i rten du gyur pa'i kun gzhi rnam par shes pa de dgag pa'i phyir gsungs pa/rnam shes min zhes bya ba ste dgongs pa ni 'di yin te/ yul rnams snga ma bzhin bkag pas gang gi phyir yul can bkag par 'gyur ro/ /gzhan yang dpes don gang gsal por bya ba'i phyir/ nam mkha'i dkyil dang mtshungs pa nyid/ /ces bya ba gsungs te/nam mkha' dang mnyam pa nyid ni mtshungs pa ste/ ngo bo nyid gcig ces bya ba'i bar du'o/ /ji ltar nam mkha' mi skye ba mi 'gag pa/ ma byas pa/ mi 'gyur ba/ kun tu mi gnas pa/ rnam par mi gnas pa bzhin du chos thams cad kyang de bzhin no zhes bya ba'i don to//nam mkha' dang mtshungs pa'i gnas nyid ni dkyil te bsnga ba'o/ /yang na nam mkha'i dkyil dang mtshungs par thim par gyur cing mtshungs par gyur pas de ltar ro/ /de ltar khyad par can yin na yang bdag la sogs pa brtags pa zhi bar bya ba'i phyir gsungs pa/ nam mkha' lta bur zhes bya ba la nam mkha' ji lta ba de lta bur bdag med pa ste/'das shing bral ba'i bdag gang yin pa de la de skad ces bya'o/ /bdag ces bya ba ni mtshon pa ste/ bdag dang sems can dang / srog dang / gso ba dang / skyes bu dang / gang zag dang / shed can dang / shed bdag dang /byed pa po dang / rig pa la sogs pa spangs pa'o/ /'di zhes bya ba ni 'di nyid do/ /chos 'di bde ba chen po'o zhes bya ba la chos rnams ni bde ba chen po ste/ rtog pa ma lus pa zad pa'i phyir bde ba'o/ /yang sa la sogs pa'i sgo nas gsungs pa/ /sa yang ma yin chu yang min//zhes bya ba la sogs pa la sa yang ma yin zhes pa ni sa'i rdzas ma yin no/ /chu min zhes bya ba ni khu ba'i ngo bo ma yin pa'o/ /me min zhes bya ba ni dro ba yang ma yin pa'o/ /rlung min zhes bya ba ni 'phel ba dang rgyas pa dang g.yo ba ma yin pa'o/ /nam mkha' min zhes bya ba ni me dang 'dra bar brtags pa'i dngos po thams cad sreg par byed pas nam mkha'o//gal te thams cad du dngos po med na de'i phyir ji ltar na gshin rje gshed bskyed pa yin zhe na gsungs pa/ rdo rje sems dpa'i sbyor ba yis/ /zhes bya ba la rdo rje ni rmi lam dang gzugs brnyan dang sgyu ma ltar chos thams cad stong pa'o//de yang / rnam pa kun gyi mchog ldan pa/ /stong pa rdo rjer brjod par bya/ /zhes gsungs pa yin no/ /de ltar de nyid snang ba'i ngo bo nyid yin pa'i phyir sems dpa'o/ /de'i sbyor ba khyad par can rten cing 'brel par 'byung ba bsam gyis mi khyab pa ni/rdo rje sems dpa'i sbyor ba yis/ /zhes bya ste bskyed pa 'di la rab tu gnas pa'o/ /de dag bsam gyis mi khyab pa yin yang dngos po nyid du ni yod do zhes the tshom za ba bsal ba'i phyir/ dngos pa thams cad dngos med bshad/ /ces bya ba gsungs te/ ji ltar dngos po 'di dag thams cad rten cing 'brel par 'byung bas so sor snang ba de bzhin du dngos por brjod par mi bya zhing dngos por brjod par bya ba ma yin te/rten cing 'brel par 'byung ba'i phyir ro zhes bya ba'i don to/ /de dang de brten gang 'byung ba/ /rang gi ngo bor de ma skyes/ /rang gi ngo bor gang ma skyes//de la skyes zhes ji ltar bya/ /zhes gsungs pa yin no/ /de lta na ni dngos po 'di dag nyid dngos po med par 'gyur ro zhes the tshom za ba bsal ba'i phyir/ dngos po med ces ma grags pa/ /zhes gsungs te/ rten cing 'brel par 'byung ba'i dngos po de dngos po med par grags te/dngos po med par ngo bor mi rtag ces bya ba'i don to/ /gal te de ltar na rnal 'byor pa shes rab dang thabs la snyoms par zhugs pa'i rnal 'byor nyid du ji ltar 'brel zhe na/ de'i phyir gsungs pa/ chad pa ma yin zhes bya ba la chad pa ni med pa'o//rtag pa med pa zhes bya ba la rtag pa ni ther zug go/ /'ang gi sgras ni rtag pa dang mi rtag pa dang / rtag pa yang ma yin mi rtag pa yang ma yin pa de la cung zad kyang bsam du med pa'o zhes bya ba'i don to/ /phyag dang zhal gyi sgo nas gsungs pa/ yan lag med cing kha gdong med//ces bya ba la sogs pa la/ /phyag dang zhal la sogs pa'i rtog pa yang mi rtag pa'o/ /bsam gyis mi khyab pa'i lhan cig skyes pa'i rig pa'i ngo bo yin pa'i phyir zhes dgongs pa'o/ /de nyid gsungs pa/ mchog tu dga' ba'i mtshan nyid do/ /zhes bya ba la mchog ni bdag dang gzhan gyi don phun sum tshogs pa'o//dga' ba gang la de yod pa de ni mchog tu dga' ba ste/ lhan cig skyes pa yang dag par rig pa'i bde ba chen po'i ngo bo'o/ /de nyid kyi mtshan nyid gang yin pa'i phyag dang zhal la sogs pa ni mchog tu dga' ba'i mtshan nyid do/ /'dis mtshon par byed pas so//de yang / /sems kyi 'jug pa ji snyed pa/ /mgon po gzugs kyang de nyid do/ /chu gzhan rlabs kyang gzhan nam ci/ /srid dang zhi ba 'dres pa'i gzugs/ /zhes gsungs pas so/ /da ni mdor bsdus nas 'di dag rtag pa nyid bsal bar bya ba'i phyir/ dngos po thams cad med par 'gyur//zhes bya ba gsungs te/ rtag pa'i dngos po yod par mi 'gyur ro/ /ji ltar zhe na/ thog ma bar dang mtha' spangs pas/ /zhes bya ba gsungs te thog ma ni dang po'i cha'o/ /gnyi ga'i bar ni dbus so/ /mtha' ni lhag ma'i cha ste de spangs pas so/ /don ni 'di yin te/rim pa med pa'i gzugs gcig pu la thog ma dang bar dang mtha'i dbye ba med de/ rdul phra rab du ma cha shas med pa'i phyir dmigs par mi 'gyur te bsags pa med do zhes bya ba ni bsdus pa'o/ /de bzhin gshegs pa rnams kyi ched du brjod pa bstan nas/ /da ni rdo rje tsa rtsi ka la sogs pa'i gsungs pa/de nas zhes bya ba la sogs pa la/ dri med ces bya ba ni dngos po la sogs par rtog pa'i dri ma ma lus pa spangs pa'i phyir dri med do/ /de nyid kyi phyir dag pa ste ci zhig yin zhe na gsungs pa/ mchog tu dga' ba zhes bya ba ste don bstan zin to/ /bsod nams sdig pa dag dang ma 'brel zhes bya ba la/bsod nams dang sdig pa dang 'brel pa med pa ste/ yang dag pa'i 'brel pa ma mthong bas rnam par mi rtog pa yang dag par rig pa nyid kyi phyir ro/ /gal te de ltar na yang dag pa'i 'brel pa med pas 'gro ba'i don bya ba yang med do zhe na/ de'i phyir gsungs pa/ kun kyang snying rje'i sems kyis mgon 'di yod//ces bya ba la snying rje gang gis ro mnyam par byas pa'i sems 'di'o/ /yod pa ni gnas pa'o/ /kun kyang ni bsod nams dang sdig pa dang 'brel pa'i skye ba la sogs pa'o/ /bden par zhes bya ba'i tshig yod par ni kun rdzob dang don dam pa'i bden pa'o/ / sdig pa la sogs pa 'di dang kun rdzob dang don dam pa gnyis kyi ci zhe na/ mgon po de bzhin nyid kyi gter chen gcig pu zhes bya ba gsungs te/ gcig pu ni gcig nyid do/ /gter chen zhes bya ba ni rig ma rnams kyis nges par bod pa'o/ /yang na gter chen ni bdag dang gzhan gyi don phun sum tshogs pa gang la yod pa de ni gter chen po'i de nyid kyang yin la mi bden pa brtags pa'i ngo bo nyid do//de nyid ni don yin te mgon po de bzhin nyid do/ /dga' ba la sogs pa dbye ba'i sgo nas gsungs pa/ mchog tu dga' ba 'di'i ngo bo/ /zhes bya ba la dga' ba las khyad par du 'phags pa'i dga' ba'i bde ba phun sum tshogs pa gang la yod pa de ni mchog tu dga' ba'o//de lta bu'i mchog tu dga' ba yang ci zhig ce na/ 'di'i ngo bo ni zhes bya ba gsungs te/ lhag par bde ba'i ngo bo ste/ lhag par 'gyur ba'i bde ba zhes bya ba'i bar du'o//bde ba chen po'i dngos zhes bya ba ni rang gis rig pa'i 'gro ba'i don byed pa'i bde ba ni bde ba chen po'o/ /dngos zhes bya ba ni ngo bo'o/ /de'i phyir bde ba chen po'i dngos zhes bya'o/ /chos rnams ngo bo zhes bya ba la dngos po'i tshogs ma lus pa 'dzin pas chos ni nam mkha' ste/ nam mkha'i ngo bo zhes bya ba'i don to/ /de la zhes bya ba ni de la'o/ /spun zhes bya ba dang he zhes bya ba ni spun zla'o zhes 'bod pa'o/ /bsod nams med cing sdig pa med/ /ces bya ba ni bsod nams dang sdig pa med pa'o/ /ci'i phyir zhe na/ skye dang 'gag pa dag ni yod ma yin/ zhes gsungs te/ skye ba dang 'jig pa de dag gi ngo bo med pa'o/ /yang na ngo bo zhes bya ba gnas pa ste skye ba med pa dang 'jig pa med ces bya ba'i don to/ /gang du byang chub kyi sems bstan pa de la de skad brjod do/ /dpal gshin rje gshed nag po'i dka' 'grel slob dpon shrI d+ha ras mdzad pa las rim par phye ba bcu bdun pa'i bshad pa'o// //da ni de nas zhes bya ba la sogs pas rgyud la 'jug pa'i gtam rgyud gsungs te/ de'i dus zhes bya ba la sogs pa la/ bdud chen po las mchog tu rgyal ba zhes bya ba la bdud ni phung po la sogs pa'i mtshan nyid can no/ /gang gis mchog tu rgyal bar byed pa ni zla ba rdo rje'i sbyor bas so//de la snyoms par zhugs pa ni mngon sum du byas pa'o/ /nyid kyi sku dang gsung thugs zhes bya ba ni sku dang gsung dang thugs kyi bdag nyid can gyi khu ba'o/ /nges par phyung zhes bya ba ni rang rang gi ngo bos nges par spros pa'o/ /nges par phyung nas kyang zhes bya ba ni spros pas so//gang mdzad pa de gsungs pa/ phyag na rdo rje khyod 'di lta bu zhes bya ba la sogs pa la 'di dag nyid ni rim par phye ba dang por de nas zhes bya ba la sogs par smos nas bshad pa yin no/ /de'i dus zhes bya ba gang gi tshe bcom ldan 'das bzhugs pa'i tshe'o/ / ji ltar na rnam pa gang gis so/ /thos pas zhes bya ba ni rna ba'i rnam par shes pas so/ /skad cig la zhes bya ba'i don ni bshad zin to/ /gzung ba ni don dang gzhung dag go/ /don bzung zhes bya ba ni mngon sum du byas pa'o/ /bsdus nas zhes bya ba ni gzhan la bstan pa'o/ /legs par rab tu zhes bya ba ni phyi dang nang gi rab tu dga' bas rab tu bsngags pa'o//yid la byas so zhes bya ba ni gzhan dag la'o/ /de skad ces bya ba ni bstan pa'i rgyud ma lus pa'o/ /gang gi tshe bcom ldan 'das kyis chos kyi dbyings su gtogs pa'i gzhal yas khang du 'di skad gsungs so zhes bya bar bstan to//de'i tshe gshin rje gshed kyi tshogs dpag tu med pa dang bdag gis thos zhes dang po'i tshig dang sbyar ba'o/ /gsang ba chen po ni gnod sbyin no/ /de dag gi bdag po ni gsang ba chen po'i bdag po ste phyag na rdo rje'o/ /rdo rje'i rigs ni zhe sdang gi rigs so//de'i gtso bo ni zhe sdang der de dag khyer bar byed pas rdo rje rigs kyi gtso bo ste na Da ku be+e ra'i yab po/ /rkang pa dang bcas pa'i 'bum du brjod pas na de'i phyir 'di ni rgyud kyi rgyal po chen po ste yang dag par 'bad pas phyung ba zhes bya ba'i don to/ /u rgyan gyi yul nas yang dag par byung zhes bya ba ni u rgyan na gnas pa'i rnal 'byor mas phyung nas rab tu spros zhes bya'o//de'i phyir rkang pa dang bcas pa'i 'bum phrag bdun pa las zhes gsungs pas so/ /rdzogs so zhes bya ba ni yang dag par rnyed nas thob ces bya ba ste bcom ldan 'das las zhes bya ba'i don to/ /dpal gshin rje gshed nag po'i dka' 'grel lhan cig skyes pa'i snang ba zhes bya ba slob dpon shrI d+ha ras mdzad pa las rim par phye ba bco brgyad pa'i bshad pa rdzogs so// //paN+Di ta chen po shAn+ti b+ha dra dang / lo tsA ba dge slong tshul khrims rgyal bas bsgyur te zhus nas gtan la phab pa// //