CLOSE WINDOW

D1916
བོད་ཡིག

@##/ /rgya gar skad du/ tsa tur de ba ti pa ri pr-i ts+tsha TI kA/ bod skad du/ lha mo bzhis yongs su zhus pa'i rnam par bshad pa/ dpal rdo rje sems dpa' la phyag 'tshal lo/ /chags chen bcom ldan dgyes chen po/ /bde chen kun bdag chen po'o/ /mgon po rdo rje sems dpa' la//btud nas rnam par bshad pa brtsam/ /de la nyan pa po 'jug par bya ba'i phyir/ dang por brjod par bya ba ni gang zhig 'brel ba ni ci/ dgos pa ni ji lta bu/ dgos pa'i dgos pa ni ci zhig snyam du rtog na de rnams kyi don bstan te/ de la rdo rje sems dpa' lha mo bzhi'i mtshan nyid dang bcas pa ni brjod par bya ba'o//de ston par byed pa'i sgra'i tshogs dang 'brel ba ni 'brel pa'o/ /dgos pa ni so so'i skye bo 'dod chags la sogs pa las bzlog nas yang dag pa'i 'dod chags la sogs pa bskyed pa'o/ /de'i dgos pa ni theg pa chen po'i lam rgyu dang 'bras bur bcas pas mngon par rdzogs par byang chub ste sems can gyi don byed pa'o//ci'i phyir 'di skad bdag gis thos pa ma smos she na/ 'di ni gsang ba 'dus pa'i bshad pa'i rgyud yin pas rtsa ba'i mdor gsungs pas nyes pa med do/ /gang gi phyir/ gang zhig mthong nas gang la zhus she na/ gsungs pa/ lha mo bzhi dang mnyam ldan zhing / /zhes rgya cher 'byung ba la lha mo yang yin la bzhi yang yin pas lha mo bzhi'o/ /bzhi zhes bya ba ni nges par gzung ba'o/ /ji ltar zhe na/ 'byung ba bzhi'i rang bzhin yin pa'i phyir ro/ /gang la de dag gis bskor ba'i rang bzhin yod pa de la de skad ces bya'o//de yang rdo rje sems dpa'i mtshams bzhir lha mo bzhis bskor zhes bya ba'i tha tshig go/ /de yang spros nas phyag rgya bzhi dag ni/ /dkyil 'khor de la bskor bar brtag /bdag nyid dbus su gnas byas te/ /'khor lo thams cad bsdu bar bya/ / zhes gsungs so/ /de lta bu ni gsang ba'i bsnyen sgrub bzhi ste/ de yang / bsgrub bya sgrub par sbyor ba gang / /de ni bsnyen par gsungs pa yin/ /rdo rje pad+ma mnyam sbyor ba/ /de ni nye bar sgrub pa'o/ /hUM phaT tshul dang ldan pa ru/ /bskyod pa'i sgrub pa gsungs pa'o/ /rang bzhin zhi bar gsungs pa ni//sgrub pa chen por gsungs pa'o/ /zhes gsungs so/ /zhi zhes bya ba'i sgra ni nges par gzung ba ma yin te gzhan dang ldan zhes bya ba'i tshig lhag ma'o/ /de gang zhe na/ sangs rgyas gzugs kyis nyer brgyan pa/ /zhes bya'o/ /sangs rgyas nyid gzugs te de la de skad ces bya'o//gang la brgyan zhe na/ rdo rje sems dpa'i phung po la sogs pa'o/ /rigs lnga dang / lha mo bzhi dang / lcags kyu la sogs pa dang / byang chub sems dpa' drug la ni sangs rgyas gzugs zhes bya'o/ /des phung po la sogs pa byin gyis brlabs pa la brgyan zhes de skad du bya'o//rgyan de tsam du zad dam zhe na/ rab tu dga' ba'i sbyor chen la/ /zhes gsungs te/ de la sems can gyi don mdzad pa'i rab tu dgyes pa'i dga' ba dang ldan pa la dga' ba zhes bya'o/ /de skad du/ skyon med rtag par gtan du ni/ /thams cad la ni rjes chags pas//de nyid gsang ba bcom ldan 'das/ /'dod chags chen po dga' ba che/ /zhes gsungs so/ /thabs dang shes rab kyi sbyor ba la rdo rje sems dpa' bzhugs so zhes gsungs so/ /de yang rdo rje ni stong pa nyid la sogs pa'i ye shes lnga'o/ /de yang rgyu lnga dag gi 'bras dag ni//rdo rje zhes su bstan pa yin/ /zhes 'byung ngo / /de nyid la sems zhes bya ste/ /byang chub nyid dngos ye shes ni/ /de ni rdo rjer 'dir gsungs te/ /rdo rje ye shes las byung ba/ /de ni rdo rje sems dpar gsungs/ /zhes bya'o/ /ji ltar bzhugs she na/ cher bzhugs zhes gsungs te sbyor ba chen po la bzhugs zhes bya ba'i tha tshig go//rang gi ngo bo nyid ni bde ba chen po byang chub kyi sems thig le yum gyi pad+ma la gnas pa'o/ /bzhugs pa de'i las bstan pa/ /'od zer 'chang zhing 'khrigs pa yi/ /zhes pa ni 'od zer 'chang ba ni ldan pa'o/ / 'khrigs pa ni 'du ba'o/ /de ni gsang bar bya bas na gsang chen te gsang ba yang yin la chen po yang yin pas de skad ces bya'o/ /gzhi gang la zhe na/ chos kyi 'byung gnas la zhes bya ba gsungs te/ pad+ma'o zhes khong nas drang ngo / /chos ni phung po la sogs pa'o/ /de'i gnas ni chos kyi 'byung gnas so//de yang rgyas par ni rang bzhin gyis grub pa'i rim pa las blta bar bya'o/ /chos kyi 'byung gnas e gru gsum sku gsung thugs kyi rang bzhin kho na'o/ /de yang / sku gsung thugs kyi bye brag gis/ /zur gsum la ni rnam par bsgom//zhes gsungs so/ /la zhes bya ba bdun pa 'di yang gnas gzhi ste shing la bya yi gnas bcas zhes bya ba lta bu'o/ /de'i byed pa gang zhe na/ byang chub sems ni 'phros nas su/ /zhes bya ba la 'phros pa ni zhu ba'o/ /de yang thabs dang shes rab sbyor ba las byung ba brjod kyis mi lang ba'i byang chub kyi sems bde ba chen po don dam pa rtogs pa'i rgyur gyur pa'o//dbyangs yig rdo rje zhes bstan te/ /yi ge bcu ni gzugs ma'o/ /sems yig bcu pa gsungs pa ste/ /yi ge sa ni bde ba che/ /zhes 'byung bas 'dis bshad par rig par bya'o//de'i byed pa'i rang gi ngo bo de bzhin gshegs pa thams cad kyi snying po ni byang chub kyi sems gsang ba'i pad+ma la phab po zhes man ngag go/ /de ji lta bu zhe na/ chos kyi dbyings ni zhu mdzad do/ /zhes gsungs so/ /byang chub kyi sems de yig 'brur byin gyis brlab pa ni byang chub sems ni zhes bya'o//chos ni bshad zin to/ /dbyings ni rgyu'o/ /zhu ba ni yi ge zhu ba'o/ /de yang 'od kyi gong bur gyur pa'o/ /zhu ba'i dngos po de mthong nas/ /zhes bya ba ni zhu ba yang yin la dngos po yang yin pas de skad ces bya'o/ /lha mo 'di la mthong ba yod pas mthong ba'o//lha mo yang yin la spyan ma yang yin pas spyan ma'o/ /des zhus zhes bya ba dang sbyar ro/ /gang la zhe na/ bcom ldan 'das te/ bcom ldan 'das nyid rdo rje sems dpa' zhes bya ba'i tha tshig go /'dir skal ba phun sum tshogs pa dang ldan pas bcom ldan 'das so/ / rdo rje sems dpa' ni bshad zin to/ /tshig ni 'og nas gsal ba'o/ /chos kyi dbyings rnams 'phro ba ni/ /gang las skye bar 'gyur ba lags/ /zhes pa ni khungs zhus pa'o/ /dang po ci las 'ong ba yin/ /zhes bya bas ni de'i lam zhus pa'o/ /de bzhin phyir 'gro ji ltar lags/ /zhes bya bas ni gnas zhus pa'o//yan lag med pa gang de ni/ /zhes bya bas ni spyi'i mtshan nyid zhus pa'o/ /yan lag dang bcas gyur nas su/ /lus dngos gyur pa ji ltar lags/ /zhes bya bas ni rang gi mtshan nyid rig pa'o/ /de nyid la skye mched kyi sgo nas zhus pa ni/ mig nas dbang po'i bar ro//phung po dang khams kyi sgo nas zhus pa ni/ phung po zhes pa nas 'jug ces pa'i bar ro/ /nyon mongs pa'i sgo nas zhus pa ni/ ma rig pa nas 'dod pa la sogs pa'i bar ro/ /de rnams bsdus pa'i sgo nas zhus pa ni rnam par shes pa nas 'dus pa lags kyi bar ro//bsgom pa'i sgo nas zhus pa ni/ /dngos po med par bsgom pa'i gzugs/ /zhes bya bas bstan to/ /gong du zhus pa'i 'phro gzugs la sogs pa'i sgo nas zhus pa ni/ gzugs la sogs zhes pa nas ji ltar lags zhes bya ba'i bar du'o//lhag ma ni mjug bsdus pa'o/ /de ltar bsdus pa'i don brjod nas yan lag thams cad bshad par bya ste de la/ chos kyi dbyings ni rnam 'phro ba/ /zhes bya ba ni bshad zin to/ /gang las zhes bya ba ni 'byung khungs te a mra las me tog ces bya ba lta bu'o//dang po ji ltar byung ba ni 'gro ba'i lam zhes bya ba'i tha tshig go/ /phyir 'gro ba ni 'du ba'o/ /yan lag med pa nyid yin pas yan lag med pa ste sa bon zhes bya ba'i tha tshig go/ /de dang bcas pa ni yan lag dang bcas pa'o/ /lus kyang yin la dngos gyur kyang yin pas de skad ces bshad do//mig la sogs pa'i tha mar dbang po zhes sems kun la sbyar bar bya'o/ /dngos po rnams ni 'byung ba bzhi'o/ /'jug pa ni yul bskyed pa'o/ /gang gi sgras ni dge ba dang mi dge ba sdud do/ /sa bon la ma rig bag chags zhes bya'o/ /sred pa ni chags pa'o//de ni nyon mongs pa yang yin la 'dod chags la sogs pa yang yin pas de skad ces bya'o/ /sogs pa ni zhe sdang la sogs pa'o/ /rnam par shes pa ni kun gzhi'o/ /sna tshogs ni lhag ma'o/ /de'i phyir khams gsum pa ni sems tsam mo/ / mdo las kyang kye rgyal ba'i sras khams gsum pa 'di ni sems tsam mo zhes gsungs so/ /gzugs la sogs pa ni spyod yul te/ de yang dngos por grub pa ni med de kun brtags pa'i phyir ro/ /de skad du yang / bdag dang gzhan smra dngos 'di dag /yang dag du na gcig pa dang //du ma'i rang bzhin bral ba'i phyir/ /rang bzhin med de gzugs brnyan bzhin/ /zhes bya ba'i tshad ma 'di gsungs so/ /dmigs pa ni yul la de dag dang bcas pa ni 'dzin pa'o/ /dngos po med bzhin du rtog ces bya ba'i tha tshig go/ /de dag ces bya ba ni zhus pa de dag go//ngo mtshar che ba ni ma yin gyi ma rtogs pa la ngo mtshar du rtogs pa'o/ /bdag ni spyan ma'o/ /the tshom ni yid gnyis za ba'o/ /lha'i sgra ni rdo rje sems dpa'o/ /ji ltar zhe na/ dbang phyug chen po la sogs pa 'dul ba'i phyir/ de'i gzugs su sprul pas lha mo'o/ /de ltar ni zhus pa'o//zhus ma thag pa ni de ma thag pa'o/ /gsungs pa de bka' stsal pa'o/ /gzung ba dang 'dzin pa dang bral ba ni shes rab bo/ /de nyid zab pas de skad bshad do/ /nyon cig ni gdams pa'o/ /'di la yang dag pa'i shes rab mnga' bas spyan ma'o/ /bshad par bya ba ni dam bca' ba'o/ /da ni chos nyid de'i che ba gsungs pa ni tshad ma las 'das pas dpyad du med pa'o//de'i phyir chos 'di de ni shes par bya ba'i yul las 'das pa'i phyir ro/ /de ni rnam pa thams cad mkhyen pa'i spyod yul du bzhag ste/ de skad du yang / gzhan sems rig pas shes pa ni/ /rang sems shes pas sangs rgyas kyi/ /spyod yul ji bzhin ma shes phyir//bsam yas sangs rgyas spyod yul lo/ /zhes 'byung ngo / /ci'i phyir zhe na/ sangs rgyas kun gyi gsang chen no/ /zhes gsungs so/ /sangs rgyas kun kho na ni gsang ba yin te/ dper na srid sgrub kho na gzhu thogs bya ba lta bu yin gyi/ nag po kho na gzhu thogs pa lta bu bya ba ni ma yin no//de yang ye shes nam mkha' lta bu yin te de ma grub par bstan pa'i phyir ro/ /'phags pa klu sgrub kyi zhal snga nas kyis kyang / dmigs pa med pa'i sems dag ni/ /nam mkha' lta bur gnas pa ste/ /nam mkha' kho nar bsgom pa ste/ /stong nyid 'dod pa bsgom pa'o/ / zhes gsungs so/ /de gang gi yul du 'gyur zhe na/ mi shes mun pas bsgribs pas na/ /nyan thos rnams kyis shes pa min/ /zhes gsungs so/ /de ni nyon mongs pa dang bral ba mi shes pa ste/ de la thams cad mkhyen pa'i ye shes dang mi ldan pa'i phyir ro/ /nyan thos kyang yin la rnams kyang yin pas nyan thos rnams te des shes bya'i sgrib pa ma spangs pa'i phyir ro//de rang sangs rgyas kyi spyod yul lo snyam na yang spyod yul bag chags zhes gsungs te/ spyod yul ni gzugs la sogs pa'i skye mched drug go/ /de bag chags brtas nas snang mod kyis de brtags pa'i phyir ro/ /de bas ye shes nam mkha' ni/ / rang sangs rgyas su sprul pa ste/ /zhes pa ni goms pa las rang 'byung bas rang sangs rgyas te de'i sprul pa'o/ /des kyang mi shes pa'i 'dzin rtog ma spangs pa'i phyir ro/ /de skad du yang 'phags pa byams pa'i zhal snga nas kyis kyang / gzung ba'i rtog pa nyams phyir dang / /'dzin pa ma spangs phyir gyis ni//rten gyi bse ru lta bu'i lam/ /yang dag bsdus pa shes par bya/ /zhes gsungs so/ /kyang gi sgra ni nyan thos kyis ma mthong ba de rang sangs rgyas kyis mi mthong ngo zhes so/ /yang na kyang gi sgras ma bshad pa bsdu ste mu stegs dag gis zhes bsdu'o/ /gal te tshangs pa la sogs pas kyang / 'jig rten chags pa la sogs pa shes pas de shes par mi rung ngam zhe na/ shes med zhes bya ba la sogs pa gsungs so/ /de la shes med nyid so so'i skye bo'o/ /des ni dus gsum gyi mtshan nyid kyang mi rtogs na/ de lta bu shes par 'gyur ba lta ga la yod re skan/ byol song rig pa dang ldan pa 'ga' yang yod pas des mi shes sam zhe na/dud 'gro yi dwags te bag chags las skyes pa zhes sbyar ro/ /dud 'gro ni glang po che la sogs pa'o/ /yi dwags ni kha 'bar ma'o/ /de kun gyis kyang mi shes te zhes bya ba 'di'i dgag pa 'di ni ma yin par dgag pa yin gyi med par dgag pa ma yin no/ /gsang ba chen po de'i ni su'i spyod yul yang ma yin nam zhe na de'i phyir/sangs rgyas spyod yul gsang chen no/ /zhes gsang bar gsungs te de'i don bshad zin to// //da ni chos dbyings rnam par 'phro ba ni/ /gang las skye bar 'gyur ba lags/ /zhes bya ba de'i lan gsungs pa/ snying po shin tu snying po'i mchog /ces rgyas par 'byung ba las snying po ni sku gsung thugs so/ /de'i rang bzhin ni shin tu snying po'i mchog go/ /de ni rdo rje sems dpa'i ngo bo rnam par mi rtog pa'i ye shes so/ /de'i ngo bo ni gang / de kun bdag la gnas pa yi/ /zhes bya ba ni thams cad la khyab pa'o/ /sangs rgyas kun gyi gsang chen ni//lha mo khyod la bshad par bya/ /zhes pa ni bshad zin to/ /phra mo'i ting nge 'dzin gsungs ba byang chub sems zhes bya ba la sogs pa rgyas par 'byung ba la/ byang chub sems ni bshad zin to/ /de ni gzung ba dang 'dzin pa dang bral ba'o/ /de yang / gzhan gyi sems kyis rig pa med/ /des kyang gzhan sems rig pa med//gzung dang 'dzin dang bral ba'i phyir/ /rang de tsam du snang bar gnas/ /zhes gsungs so/ /phra mo'i ting nge 'dzin gyis kha dog gsungs pa/ zla ba shel dang mnyam pa'i 'od/ /ces bya ba ste dkar ba dang dngas pa dang ldan pa'o/ /de'i ngo bo ni/ de nyid ye shes lnga yi dngos/ /zhes bya'o/ /de nyid ces bya ba gang zhe na/ de kho na ni rigs lngar gsungs zhes bya'o//de yang me long lta bu la sogs pa'o/ /de yang tshig mang por byas pa ni 'dod ba'i dbang du byas pa yin te/ dngos po'i dbang du bya ba ni ma yin pa'i phyir ro/ /dper na khyed cag la zhes bya ba lta bu'o/ /de bas na phra mo dang ye shes tha dad par ga la 'gyur/ /de'i tshad/ yungs kar che ba'i 'bru tshad tsam/ / zhes gsungs te tshad de tsam du shes bar bya'o/ /de'i gnas ni/ de yi dbus su bzhugs pa'i lha/ /zhes bya ba la dbus ni rig ma'i dbyings so/ /bzhugs pa de nyid lha'o/ /thun mong du na dbus ni rdo rje'i dkyil la bzhugs pa'i lha ni yig 'bru'o/ /de rnal 'byor pa gang gi spyod yul yin zhe na/ mi gsal gsal ba'i gzugs can de//zhes bya ba la/ de yang mi gsal ba'i gzugs can dang gsal ba'i gzugs can zhes sbyar ro/ /de la yang las dang po pa dang ye shes 'ga' tsam dbang du gyur pa'i dbang du byas nas de skad bshad kyis/ rnal 'byor pa 'phags pa'i go 'phang thob pa rnams kyis ni mngon sum du gzigs pas gsal zhes bshad do//phyed tshad tsam gyi phra mo mchog /ces bya ba 'dir yig 'bru'i tshad tsam yin la gong du de'i rten rdo rje'i tshad du gsungs pas zlos pa'i nyes pa med do/ /rten gyi phyed kyi tshad du rten can bshad do/ /de bzhin gshegs pa thams cad rang gi lus la thim nas/ byang chub sems su gyur te rdo rje'i lam nas byung nas/rig ma'i pad+ma'i sna rtser rdo rjer gyur te/ de'i dkyil du de'i phyed tshad tsam gyi yig 'bru bsam mo zhes bstan par 'gyur ro/ /de dus ji srid bsgom pa'i tshad kyang gsang ba 'dus pa'i rgyud phyi ma las/ mtshan ma byung gi bar du bsgom par gsungs te/ dang po ni smig rgyu 'dra ba ste/zhes bya ba rgyas par gsungs so/ /rtsa ba'i mdo las kyang / rin chen kha dog rnam lnga pa/ /zhes rgyas par 'byung ngo / /thig le'i ting nge 'dzin gyi dbang du mdzad nas gsungs pa/ yid kyi dngos po thig le zhes bya ba rgyas par gsungs so/ /yid ni rnam par rtog pa'o/ /de'i ngo bo ni thig le'i dngos po ste/yid dang thig le ni dbyer med pa'i phyir de nyid gzugs te sran ma'i 'bru tsam zhes bya ba'i don to/ /de lta bu snying gi dbus su bsam par bya'o/ /de'i mtshan nyid bstan pa'i phyir/ /'od zer chen po 'bar ba can/ /zhes bya ba ste de la 'od 'bar ba yong ba'o/ /'di skad du rnal 'byor pas rang gi snying gi dbus su de bzhin gshegs pa thams cad 'dus te/byang chub sems kyi 'od du gyur nas tsan ka'i tshad tsam gyi thig le yid dang dbyer med par gyur nas thig le bsgom par bya'o/ /de'i dkyil du yig k+ShUM bsgom te/ de'i 'od kyis thig le gsal bar bya ste/ de las byung bas rang gi snying ga gsal bar byed/ snying ga nas byung bas lus kun gsal bar byed/de las lus kyi ba spu'i bu ga thams cad nas byung ste 'jig rten thams cad snang bar byas te 'od phyir 'dus nas yig 'bru dang gcig par gyur pa ni man ngag go/ /de'i tshes grangs kyi rim pas gnas bstan pa/ ji snyed dgu yi bar du ni/ /zhes bya ba ni/ nu ma dang / lag pa'i rtse mo dang / mgrin pa dang / mchu dang / 'gram pa dang / mig dang / rna ba'i rtsa dang / spyi bo dang / yan lag mchog rnams so/ /de yang / nu ma lag rtse mgrin pa dang / /ma mchu de bzhin 'gram pa mig /rna rtse spyi bo yan lag mchog /de dag kun la sdod byed pa/ /nam zla yar tshes mar yang ni/ / zla ba mar tshes log par bshad/ /ces gsungs so/ /de yang gnas bco lnga la sgra yig bcu drug pa bsgom pa'i don bstan pa/ dpral ba la gnas rkang mthil bar/ /zhes gsungs so/ /mthe bo'i rtsa ba la a/ rje ngar la A/ brla gnyis la i/ gsang ba la I/ lte ba la u/ gsus pa la U/ nu ma la r-i/ lag pa la r-I/ mgrin pa la l-i/ mchu la l-I/ 'gram pa la e/ mig gnyis la ai/ rna ba'i rtse mo la o/ /spyi bor au/ lus kun la aM AHde rnams kyi gzugs su bsgom par bya'o/ /de yang / mthe po'i rtsar ni yi ge a/ /rje ngar gnyis la de bzhin A/ /brla gnyis la ni yi ge i//yi ge I ni gsang ba ste/ /lte ba'i rtsa la yi ge u/ /de bzhin gsus bar yi ge U/ /nu ma'i rtse la yi ge r-i/ /yi ge r-I ni lag par gnas/ /mgrin pa kho nar yi ge l-i/ de bzhin ma mchur yi ge l-I/ /'gram pa'i phyogs su yi ge e/ /de bzhin ai ni mig gnyis la//rna ba'i rtse mor yi ge o/ /de bzhin au ni spyi bor gnas/ /aM aHyan lag kun la gnas/ /cho ga rnams kyis sbyor bar bya/ /zhes gtsug lag brgyad pa las gsungs so/ /de dag gang du bsdu zhe na smras pa/ thig le de kho nar bsdu ste zhes bya ba gsungs so/ /gnas dgu dang bco lnga la khyab pa'i byang chub kyi sems/snying ga'i pad+ma'i thig le la 'dus zhes bya ba'i don to/ /lte ba'i dbus su rnam par gnas/ /zhes bya ba ni snying ga'i pad+ma las babs te lte ba'i pad+ma la gnas so/ /de ltar chos kyi dbyings skye ba'i khungs bstan nas/ de ni dang po ltar 'ong ba yin zhes bya ba'i lan re zhig gong du yig 'bru bsgom pa'i sbas pa bstan pa/cha shas lnga pa can yin te/ /zhes pa ni yi ge k+ShUM de yan lag lnga dang ldan pa'i phyir ro/ /'di lta ste thig le dang / zla tshes dang / ka dang / Sha dang / zhabs skyed ring po dang u rnams so/ /de bstan pa bcu gnyis kyi mtha' ma la zhes bya ba ni ma ning gi yi ge bzhi ma gtogs pa gzhan a la sogs pa'i mtha' ma ka'o//cha shas drug gis mtshan pa nyid/ /ces bya ba ni yal sogs pa drug pas mtshan pa ste Sha'o/ /nga ro zhes bya ba ni u'i zhabs skyed la bya'o/ /thig les brgyan pa zhes bya ba ni zla tshes dang thig le'o//rdo rje khong nas phyung nas su/ /zhes bya ba ni gsang ba'i rdo rje'i lam nas byang chub kyi sems yi ge k+ShUM gi ngo bor 'phro ba'o/ /de bzhin phyir 'gro ji ltar lags/ /zhes zhus pa'i lan sa bon skye gnas zhes bya ba la sogs pa gsungs te/ de la sa bon ni yi ge k+ShUM ste/de skye gnas su phab pa la de skad ces bya'o/ /chos kyi dbyings ni zhu bar byed/ /ces bya ba ni/ gsang ba'i rdo rje'i lam nas yi ge k+ShUM chos thams cad kyi rgyu byang chub sems chu'i khams su gyur pa'o/ /da ni/ yan lag med ba gang de ni/ /zhes bya ba nas/ khams gsum rnams su 'jug pa'ang //zhes bya ba'i bar gyi zhus lan gsungs pa/ de ni rim par zhes bya ba la sogs pa ste/ de ni zhes bya ba ni yan lag med pa chos kyi dbyings so/ /rim par bskyed byas nas zhes bya ba ni/ mer mer po dang / nur nur po dang / ltar ltar bo dang / mkhrang 'gyur dang /rkang lag 'gyus pa mngal gyi rim pa lngas ming dang gzugs su 'gyur ba'o/ /de nyid bstan pa'i phyir/ sgo dgu la ni kun du 'gro/ /zhes bya ba spyi bo tshangs pa'i bu ga dang / mig dang rna ba sna dang kha dang snying ga dang / lte ba dang gsang ba chu mig gi bu ga dang rnam pa dgu'o/ /de dag la byang chub sems kyis khyab par gyur to zhes bya ba'i tha tshig go//ci tsam du khyab ce na/ khyab cing zhen zhes bya ba ni go rims bzhin no zhes bya ba'i tha tshig go/ /'gro ba lnga'o/ /mi g.yo ba ni ri rab la sogs pa'i rnam pa'o/ /sogs pa'i sgra ni gzhal yas khang la sogs pa'o/ /g.yo dang bcas pa ni rab tu lding ba'i gzhal yas khang la sogs pa'o//de yang tshangs pa la sogs pa'o/ /tshangs pa ni gdong bzhi pa'o/ /sogs pas ni khyab 'jug la sogs pa'o/ /de nyid lha yin pas tshangs lha'o/ /ming ni rA hu la la sogs pa'o/ /de rnams ni chos kyi dbyings las byung pas gzhi ni de ltar gyur pa'o zhes bya'o//sa 'og de gtso bo yin pa'i phyir/ gang las gtso bor skyed byed pa/ /zhes gsungs te/ de yang sa zhes bya ba la sogs pa ste/ sa 'og ni 'dzam bu gling man chad de/ sa bla ni nyi mas khyab pa'o/ /sa steng ni gang ri rab kyi rtse mo'o/ /nam mkha' ni ma bsgribs pa la bya'o//de gsungs zhes bya ba ni/ chos kyi dbyings las 'phros zhes bya ba'i tha tshig go/ /ma rig bag chags zhes bya ba nas/ dngos su ji ltar 'dus pa lags/ /zhes bya ba'i bar gyi lan/ ji snyed lus la gnas pa'i bar/ /zhes rgyas par 'gyur ba la/ ji snyed ni lus kyi tshad mtshon pa'o//lus ni gzugs kyi phung po'o/ /de la gnas pa ming gzhi'o/ /bar ni lus kyi tshad do/ /de yis ni chos kyi dbyings so/ /las ni lus ngag yid do/ /las min ni de las bzlog pa'o/ /de las 'jug pa ni byed pa'o/ /don de ltar gsungs pa/ dge dang zhes bya ba la sogs pa gsungs pa'o//dge ba ni srog gcod pa spong ba'o/ /de las bzlog pa ni mi dge ba'o/ /bsam pa de'i 'bras bu ni las kun byed pa'o/ /de gnyi ga yang chos kyi dbyings la 'phros pa yin par shes par bya'o/ /dngos po med la zhes bya ba nas/ dmigs pa dang bcas ji ltar lags//zhes pa'i lan gsungs pa/ sbyor ba rtag tu de gsungs te/ /zhes pa la sogs pa la de la sbyor ba rtag tu de gsungs zhes bya ba ni/ gong du chos kyi dbyings phra mo'i ting nge 'dzin dang / thig le'i ting nge 'dzin rtag tu sbyor ba'o/ /de ltar thabs dang shes rab kyi mchod pas mchod pa ni/ mchod pa bsgom par 'gyur ba yin/ /zhes bya'o/ /de skad du rnal 'byor pha dang mas le'u bzhi'i lugs kyi dkyil 'khor gyi lha bsgom ste phra mo dang thig le'i ting nge 'dzin bsgoms te thabs dang shes rab kyi rol pas mchod na de bzhin gshegs par 'gyur ro/ /de'i 'bras bu gsungs pa/ gang tshe las kyi lus zhig na/ /zhes bya ba la sogs pa'o/ /gang gi tshe lus zhig na seng shi ba'i tshe'o/ /lus lha'i dkyil 'khor du bsgoms pa'i dge ba'i las kyi bag chags dang ldan pa'i phung po'o/ /de 'chi ba'i tshe na/ de'i mthus rnal 'byor pa bsgoms pa'i rang mthus/de dang 'dra ba'i lus su zhes pa/ lus kyi dkyil 'khor de rnal 'byor pas thob par 'gyur te mi gnas pa'i mya ngan las 'das pa thob par 'gyur ro/ /thob pa med pa ji ltar 'thob pa bstan pa'i phyir/ g.yo dang zhes bya ba la sogs pa'o/ /kun la khyab mod kyi nam mkha' la tha snyad yod pa dang 'dra bar rnal 'byor pa yang de dang 'dra bar rig par bya'o//de'i yon tan gsungs pa/ bcu gnyis zhes bya ba la sogs pa ste bcu gnyis mtha' tshig ni yi ge ka'o/ /de yang dngos su k+ShUM ngo / /de sgom pa goms pa na mi gnas pa'i mya ngan las 'das pa'i bsod nams dang ye shes kyi tshogs rgyas par 'gyur ro//de yang dpal mchog dang po las/ /kun du bzang po'i ye shes ni/ /rang nyid kho nas 'thob pa'o/ /zhes gsungs so/ /de la rdo rje 'dzin pa ni rdo rje sems dpa'o/ /de 'dzin pas rdo rje 'dzin pa'o/ /gnod sbyin lag na rdo rje 'dzin pa la sogs pa ni ma yin no//yig 'bru yang ma grub par bstan pa/ so dang ma mchu zhes bya ba la sogs pa go sla'o/ /de dag 'dus nas 'byung ba'i sgra ni/ /mgul nas gang la yod pa ni/ /zhes bya'o/ /de'i phyir/ gang la de ni yig 'bru nyid/ /ces bya ba ni yig 'bru yang stong pa nyid do//de ni zad dang 'gag phyir ro/ /zhes bya ba gsungs te/ yi ge k+ShUM ni rang bzhin gyis mi rtag pa'i phyir ro/ /'di lta ste/ ka brjod tsam na sha med/ sha brjod tsam na ka 'gags/ de bzhin du zhabs skyed dang thig le yang brjod par bya'o/ /de ltar dngos por ma grub pa ste/ klu sgrub kyis kyang /mi rtag pa yi sems kyis ni/ /stong pa nyid du mi 'gal lo/ /zhes gsungs so/ /yi ge'i rang bzhin brjod pa med cing the tshom pa/ /zhes bya ba ni brjod pa las 'das pa'i phyir ro/ /de yang / brjod du med pa'i bdag nyid chos/ /ming dang gzugs ldan ngo bo med/ /ces gsungs so//the tshom ni yod med las 'das pas mya ngan las 'das pa'i phyir ro/ /de yang chos kyi sku'i bstod pa las/ gang zhig gcig min du ma min/ /bdag gzhan phal cher bkra shis rten/ /zhes bya ba la sogs pa'o/ /a la sogs pa'i ngo bo ma yin pas sgra yig rnam par spangs zhes bya'o//rang gi phyi nang gi skye mched do/ /'gyur ba med pas de bzhin nyid do/ /de'i ming ni byang chub sems zhes bya'o/ /gang du zhe na 'dir ro/ /ci zhe na gsungs so/ /lha mo bzhis yongs su zhus pa las lha mo spyan mas zhus pa'i le'u dang po'i rnam par bshad pa'o// // da ni byang chub sems kyi rim pa mA ma kIs zhus pa/ de nas zhes bya ba ni 'das ma thag pa la bya'o/ /lhag ma ni go sla'o/ /byang chub sems ni chos kyi dbyings so/ /de'i rim pa ni byang chub sems kyi rim pa'o/ /gnas dang kha dog gi rim pa bskyed pa dang mdor bsdus pa'i rim pa'o//kha snying lte ba zhes bya ba la sogs pa go sla'o/ /cha shas rnam pa du zhig gsungs/ /zhes bya ba ni/ byang chub sems kyi yan lag gi sgo nas zhus pa'o/ /gnas kyi rnam par bsgyur ba du/ /zhes bya ba ni byang chub sems kyi gnas zhus pa'o/ /kha dog rnam pa du zhig gsungs//zhes bya ba ni byang chub sems kyi kha dog gi rim pa zhus pa'o/ /de bzhin gdan yang ji ltar 'tshal/ /zhes bya ba ni byang chub kyi sems kyi gdan gyi rim pa zhus pa'o/ /da ni lan gsungs pa/ rdo rje can gyis bka' stsal pa/ /zhes bya ba ni bshad zin to/ /cha shas rnam pa du zhig gsungs//zhes bya ba'i lan gsungs pa/ cha shas bzhi dang mnyam ldan zhing / /zhes bya ba ni yi ge k+ShUM dang / oM dang / hUM dang / AHrnams ni cha shas bzhi dang ldan pa'i phyir ro/ /gnas kyi rnam par bsgyur ba du/ /zhes bya ba'i lan/ pad+ma bzhi la yang dag gnas/ /zhes bya ba ste kha dang snying dang lte ba dang /gsang bar pad+ma re re'o/ /kha dog rnam pa du zhig gsungs/ /de bzhin gdan yang ji ltar 'tshal/ /zhes zhus pa'i lan gsungs pa/ snying ga'i pad+ma la gnas gnag /ces bya ba la sogs pa'o/ /de ni oM kha dog nag por gnas pa yin par shes par bya'o/ /la ni pad+ma la gnas dkar//zhes bya ba ni yi ge k+ShUM dkar po'o/ /nga ro pad+ma'i lte bar gnas/ /zhes bya ba ni hUM kha dog dmar po'o/ /gsang ba'i pad+ma ngor mtha'/ /zhes bya ba ni a kha dog ser po'o/ /de lta bu'i rim pas/ stobs kyis mtha' ru 'gro byed gnas/ /zhes bya ba ni chags pa'i dus su 'jig rten kun la bskyed par byas nas/'jig pa'i dus su yang thig le chos kyi dbyings su byas nas sems thig le'i sbyor bas rab tu gnas zhes bya'o/ /de la don gsal bar gsungs pa/ /snom byed pa dang thos byed pa/ /zhes bya ba la sogs pa'o/ /de la snom byed ni sna'i rnam par shes pa dri la spyod pa'o//phyi ma yang de bzhin du shes par bya'o/ /dbang po'i go rims 'khrul par snang ste/ 'dir yang bcom ldan 'das kyi bka' la skur ba gdab par mi bya ste/ rgyud dang mdog gzhan gyi rim pa bzhin du shes par bya'o/ /bde ba ni sim pa'o/ /de las bzlog pa ni sdug bsngal lo/ de myong ba ni tshor ba'o/ /de yang chos kyis tshor bar byed pas tshor byed do/ /gang las zhes bya ba la sogs pa ni go sla'o/ /byed pa ni shing la sogs pa'o/ /gcod pa ni sta re la sogs pa'o/ /de kho nas zhes bya ba ni chos kyi dbyings kyis byed do zhes bya ba'i tha tshig go/ /cho ga rnam pa mang pos zhes bya ba ni de las gzhan pa 'jig rten gsum gyi gtsug lag thams cad do//rgyal po la sogs pa chos kyi dbyings te/ rgyal pos don yang byed par 'gyur/ /zhes bya ba la sogs pa la rgyal po ni khams dang 'khor los sgyur ba'i rgyal po'o/ /de la 'khor los sgyur ba ni gling bzhi pa dang / gsum pa dang /gnyis pa dang / gcig la dbang ba ste/ gser dang / dngul dang / zangs dang / lcags te/ go rims bzhin du sbyar ro/ /gling de rnams nas khams kyi rgyal po 'ongs nas mnga' dbul byed do/ /de ltar snang ba yang byang chub kyi sems kyi rang bzhin no/ /yang zhes bya ba'i sgras ni dmag dpung bsdu ba'i sgra'o//dbang phyug don yang de bzhin te/ /zhes bya ba ni khyim bdag shing sA la lta bu yang chos kyi dbyings kyi ye shes kyi rang bzhin no/ /yang zhes bya ba'i sgra ni sems can phal pa bsdu'o/ /de yang chos kyi dbyings kyi rang bzhin kho nar shes par bya ste chos kun gnyis su med par gnas pa'i phyir ro//de yang gsang chen thams cad kyi rgyud las gsungs pa/ chos bdag med pa las byung ba/ /gnyis su med pa'i ye shes mchog /chos nyid dam pa'i ye shes ni/ /chos kyi dbyings zhes bya ba'o/ /zhes gsungs so/ /bram ze ni bskal pa dang po la dgon par bsnyags te khyim spangs pas bram ze'i phyir ro//rgyal po ni bskal pa dang po la rkun ma la sogs pa la tshar gcod cing bsrung bar bskos pa'o/ /rje'u rigs ni bskal pa dang po la phyugs kyi las la brten pa'i phyir ro/ /dmangs rigs ni bskal pa dang po zhing la brten pa'i phyir ro//smad pa ni rigs ngan pa lnga ste sog mig can dang / nya pa dang / gdol pa dang / mda' mkhan dang / btso blag mkhan dang lnga ni dang por smad pa'i las la 'jug pa'i phyir ro/ /de rnams dang po de las brgyud pa'i phyir ro/ /de yang rigs ni rgyud mar bstan pa ste rgyud ni thog ma zhes bya'o zhes gsungs so//bud med du ma sprul byed pa/ /zhes bya ba ni bskal pa dang po la 'od gsal gyi lha las babs pa pho 'ba' zhig las med pa las/ 'dod chags kyi dbang gis mo'i gzugs su sprul pa'o/ /de dag kyang chos kyi dbyings kyi rang bzhin zhes bya ba'i tha tshig go//dud 'gro yi dwags skye ba dang / /zhes bya ba ni bshad zin to/ /gzugs med pa'i khams ni gzugs med ces bya'o/ /'di la gzugs yod pas gzugs can zhes bya'o/ /rnams kyi sgras ni khams bcu bdun ston par byed do/ /skye mched bzhir skyes pa'i sems can ni gzugs med de//gang la gzugs rnams med pa ni gzugs med de rnams zhes bya ba 'dir yang sbyar ro/ /'dod chags la sogs pa'i spyod pa'i sems can ni 'dod pa'i sred pa ste/ gang 'dod pa la chags pa gang la yod pa de ni de skad ces bya'o/ /rnams zhes bya ba'i sgra ni gnas rigs nyi shu la bsnyegs so//sa la sogs pa las 'byung ba thams cad ces gsungs so/ /de dag kyang chos kyi dbyings las skyes zhes bya ba'i tha tshig go/ /de kho na ni chos kyi dbyings so/ /de stong gsum gyi stong chen po'i 'jig rten gyi khams su gyur pa ni/ de kho na nyid rdzu 'phrul gnas/ / zhes bya'o/ /de yang gcig las du mar gyur pa'i phyir ro/ /nu ma dang / skad phra mo dang / mo'i dbang pos mtshan pa ni mo'i gzugs so/ /nga ro dang skad dang kha spu dang pho'i dbang pos mtshan pa ni pho'i gzugs so/ /de gnyis kyis 'khrig pa'i 'dod chags kyang chos kyi dbyings kyi rang bzhin yin pas/bde ba chen po'i go 'phang nas/ /zhes gsungs so/ /de ltar ni gong du bstan pa'o/ /mi 'gyur bas de bzhin nyid do/ /de rtogs pa ni shes rab bo/ /de las dam pa'i yig 'bru mya ngan las 'das pa'i ngo bo k+Sha oM hUM AHde lta bu shes pa'i rnal 'byor pa gang yin pa de ni/ des ni gsang chen zhes pa ste//zhes gsungs te don ni bshad zin to/ /de'i khyad par gsungs pa/ gang de bdag nyid kun gnas pa/ /zhes bya ba ni snod bcud kyi rang bzhin du gyur pa'i phyir ro/ /gong du yig 'bru bstan pa'i yig 'bru'i kha dog gi 'phro bstan pa/ kha dog med cing dmar ba dang //zhes bya ba la sogs pa gsungs te/ de la kha dog med pas nag po dkar po la sogs pa med pa'i phyir ro/ /kha dog dmar po la sogs pa ni go sla'o/ /yig 'bru'i tshad tsa na ka'i tshad tsam thig le'i dbus su gnas pa las/ thig le'i gzugs su bsgyur ba de/ /zhes bya'o/ / de spro ba dang bsdu bar bya ba ni/ 'gro dang zhes bya ba la sogs pa gsungs so/ /pad+ma bzhi las phyir spro ba dang / nang du bsdu ba'o/ /gshegs dang byon pa tsam mdzad dam zhe na smras pa gang de zhes bya ba la sogs pa gsungs so/ /gang chos kyi dbyings der rig pa rdzu 'phrul che ste gcig las du ma med pa'i phyir ro//mtha' yas pa de nyid sna tshogs so zhes de skad ces bya'o/ /gang+gA'i klung gi bye ma snyed du sems can gyi don mdzad pa'o/ /de lta bu'i byang chub kyi sems dang po bskyed pa dang / 'jug pa'i don bsdu ba'i don gsal bar gsungs pa/ skye dang zhes bya ba la sogs pa'o/ / sems can gyi las kyi dbang gis bskal pa 'jig chags byung ba'i tshe yang / byang chub kyi sems yig 'bru'i ngo bo can de'i thig le'i gzugs su bsdus nas gnas so zhes shes par bya'o/ /byang chub sems de'i skyon dang yon tan bstan pa/ gang gis zhes bya ba la sogs pa ni/ rnal 'byor pa gang gis nyon mongs pa'i gnyen po chos kyi sgo mo brgyad khri bzhi stong de snyed do//de gcig dang gnyis su brtsis pa stong phrag brgya la 'bum phrag gcig go/ /tha snyad kyi don de tsam shes mod kyi/ rnal 'byor pa mkhas pa des kyang de kho na'i don mi shes na chos kyi phung po de dag la mkhas pa mya ngan las 'das pa'i 'bras bu med ces bya'o//de ni gong du cha shas kyi yig rtsis bstan pa'i 'phro/ /bcu gnyis lnga yi lnga pa yang / /zhes bya ba la sogs pa la/ de la sgra yig AHla sogs pa ma ning ma gtogs pa bcu gnyis kyi mtha' ma ni AH'o/ /lnga pa'i zhes bya ba ni lnga pa ste ka sde las brtsis pa'i lnga pa ni pa'i sde'o//de'i lnga pa ni pa nas brtsis pa'i yi ge ma'o/ /des o'i klad kor du byas ma thag tu oM du 'gyur ro/ /brgyad kyi mtha' zhes pa ni/ ya nas brtsis pa'i yi ge ha'o/ /'byung ba bsdus zhes bya ba ni 'byung ba bzhis bskor ba'i yi ge d+hi'o/ /sgra yig dang po yi ge a'o//de ni go sla'o/ /lnga pa yis ni yang dag brgyan/ /zhes bya ba ni lnga pa ni ma'o/ /des a la klad kor du brgyan pa ni oM la bya'o/ /snying rje chen po las byung ba/ /zhes bya ba ni ka'o/ /de ni man ngag tu bya ba'i tshig go/ /drug pa ni ya nas brtsis pa'i Sha'o//yi ge thugs rjes brtags pa ni k+Sha'o/ /kha mar blta zhes bya ba ni kha'i pad+mar mgo bo mar blta bar bya'o/ /de'i khyad par gsungs pa/ gdod ma tha ma med pa'i lha/ /zhes gsungs so/ /de la gdod ma ni skye ba'o/ /tha ma ni 'jig pa'o/ /de dang bral ba ma yin pas de skad ces bya'o//de yang byed pa pos ma byas te/ byang chub kyi sems nam mkha' dang 'dra bar rig par bya'o/ /de yang / nam mkha' las byung mtshan ma'i phyir/ /gdod ma tha ma med pa'i mchog /ces gsungs so/ /lha zhes bya ba ni yig 'bru 'od dang ldan pa dang / rdo rje sems dpa'i rang bzhin yin pa'i phyir ro//der ni spyi bor bstan pa yin/ /zhes bya ba ni yi ge k+Sha gong du gzhag pa'i tha tshig go/ /yig 'bru de chos kyi dbyings kyi rang bzhin yin pas gsang chen no/ /yig 'bru de rnams de bzhin gshegs pa'i rang bzhin yin pas dam pa'o/ /lha mo ni bod pa'i tshig go//bdag gis zhes bya ba ni rdo rje sems dpa'o/ /rab bstan no zhes bya ba ni byang chub sems kyi rim pa bshad pa'o zhes bya ba'i tha tshig go/ /lha mo bzhis yongs su zhus pa las/ lha mo mA ma kIs zhus pa'i le'u gnyis pa'i bshad pa'o// //da ni chos kyi dbyings byang chub kyi sems su bsdu ba lha mo na bza' dkar mos zhus pa/de nas zhes bya ba la sogs pa gsungs te/ de nas ni 'das ma thag pa'o/ /'di la na bza' dkar mo'o/ /yan lag kun gyis btud nas su/ /zhes bya ba ni shin tu yang bkur ba'i phyir ro/ /thal mo zhes bya ba la sogs pa ni go sla'o//rdo rje sems dpa' la gsol ba/ /zhes bya ba ni zhu ba'i rim pa zhus pa'o/ /chos kyi zhes bya ba la sogs pa bshad zin to/ /bsdu ba'i don ni gcig tu gyur pa'i don zhus pa'o/ /sku gsung thugs kyi rdo rje ni/ /zhes pa ni sku dang gsung dang thugs rdo rje zhus pa'o/ /rang bzhin nyid ni ji ltar lags//zhes bya ba ni/ thabs dang shes rab bsdu ba zhus pa'o/ /lha'i dbang phyug ni rdo rje sems dpa'o/ /bod pa'i sgo nas gsol ba gdab pa ni khyod la ste/ sems can gyi ched du zhes bya ba'i don to/ /gang gis 'od kyi gong bu zhes bya ba ni bdud rtsi'i ngo bo bsdu ba'i sgo nas zhus pa'o/ / rdo rje sems dpa' ji ltar lags/ /zhes bya ba ni/ 'od kyi gong bu de rdo rje sems dpar bsdu ba zhus pa'o/ /gsungs shig de ni yig 'bru'i tshogs/ /'dus pa ji ltar 'byung ba lags/ /zhes bya ba ni/ sngags bsdu ba'i sgo nas zhus pa'o/ /chu'i khams la sogs pa yi/ /ji ltar ro ni mnyam par 'gyur//zhes bya ba ni sems can gyi phung po la sogs pa'i bsdu ba zhus pa'o/ /de kho na rgyas par zhus pa ni/ ma las skye ba gsum tsam dang / /de bzhin pha las skye ba gsum/ /de dag drug tshogs gong bu las/ /ji ltar mi rnams skye ba lags/ /zhes bya ba ni 'jig rten pa'i phung po gong bu'i sgo nas bsdu bar zhus pa'o//sangs rgyas gzugs ni bdag mi 'tshal/ /zhes bya ba ni phung po'i sgo nas bsdu bar zhus pa'o/ /lhag mas ni zhus pa'i mjug sdud do/ /da ni lan gsungs pa/ rdo rje can gyis bka' stsal pa/ /zhes bya ba la sogs pa ni bshad zin to//de la re zhig /chos kyi dbyings ni bsdu ba dang / /zhes pa'i lan gsungs pa la sogs pa'o/ /de la gsang ba ni gsang ba'i rdo rje'o/ /shin tu gsang bar gyur pa ni gsang ba'i pad+ma'o/ /de yang gsang ba nor bu thig le zhes bya ba'i rgyud las/ rdo rje de ni gsang ba ste/ /de las pad+ma shin tu gsang //zhes gsungs so/ /nyon cig ces bya ba la sogs pa ni go sla'o/ /shin tu gsang ba'i don gsal bar gsungs pa/ skye gnas dbus su rtsa gnyis ni/ /zhes bya ba la sogs pa la/ de la skye gnas ni gsang ba'i pad+ma'o/ /de'i dkyil ni dbus so/ /de'i bya lce'i rtsa g.yas g.yon gyi rtsa gnyis so//rtsa g.yas g.yon de la ni/ g.yon dang de bzhin g.yas par zhes bya ba'o/ /de yang gsal bar gsungs pa/ g.yon du byang chub sems zhes pa ni/ g.yon pa'i rtsa la ni lhag pa'i byang chub kyi sems 'bab po zhes bya'o/ /g.yas su de bzhin rak+ta'o/ / zhes bya ba ni/ g.yas pa'i rtsa la ni rak+ta 'bab bo zhes bya ba'i tha tshig go/ /de gnyis phrad nas zhes bya ba ni byang chub sems rol pa'i dus su zhes bya ba'i tha tshig go/ /de'i dus su chu dang 'o ma ltar 'dres zhes bya ba'i don to/ /de la/ kye lha mo chos kyi dbyings ni 'dus pa yin//zhes gsungs so/ /de gnyis 'dus pa la de skad ces bya'o/ /sku gsung thugs ni rdo rje yi/ /rang bzhin nyid ni ji ltar lags/ /zhes pa'i lan gsungs pa/ mun pa sku ste rdul gsung gzugs/ /zhes bya ba ni de la ma rig pa ni mun pa ste de'i rang bzhin gnas gyur pa ni sku ste sku'i rdo rje'i rang bzhin du shes par bya'o//rdul de ni 'dod chags te de gnas gyur pa ni gsung gi rdo rje zhes bya'o/ /gzugs ni gsal ba spangs pa ste de ni sems te de gnas gyur pa ni thugs kyi rdo rje zhes bya'o/ /de yang snying stobs te thugs rdo rje'o/ /'di skad du rdul dang mun pa dang / snying stobs gsum sku gsung thugs so//de gsal bar gsungs pa/ rdul ni rak+ta byang chub sems/ /zhes bya ba la sogs pa gsungs te/ de la rdul ni rak+ta ste mu stegs pas rdul zhes brtags te ras la rdul chags pa bzhin du chags pa chen po dang ldan pa'i phyir ro/ /byang chub sems la ni mun pa zhes brtags te de ni gti mug chen po'o//rang bzhin bskyed pa yin zhes bya ba ni/ rgyu 'bras la zhe sdang gi rang bzhin gnyis su med pa'i ye shes sems can skye ba'i ngo bor gyur pa la/ mu stegs pas snying stobs zhes brtags te gsum 'dus nas skye ba'i phyir ro/ /de sku gsung thugs su ji ltar gcig ce na rdo rje pad+ma zhes bya ba la sogs pa gsungs te thabs dang shes rab kyi ngo bo gsang ba'i rdo rje dang pad+ma bde ba chen po de las logs shig na sku gsung thugs med pa'i phyir ro//gong gi 'od kyis gong bur bsdus/ /zhes pa'i lan/ dri chen dri chu dang zhes bya ba la sogs pa ste/ dri chen ni bshang gci'o/ /dri chu ni gsang ba'i rdo rje'i chu'o/ /shel ni lus kyi sna las byung ba'i phyir te shel dang mthun pa'i phyir ro/ /me tog ni pad+ma'i rak+ta ste 'bras bu la nye ba'i phyir ro/ /de bzhin lnga pa byang chub sems/ /zhes bya ba ni byang chub sems khu ba ste/ byang chub sems dang 'dra ste bde ba skyed pa'i phyir ro//'khor ba'i bdud 'joms pas na lnga kho na'o/ /de yang / dri chen dang dri chus ni/ lus kyi rims la sogs pa 'joms pa'i phyir ro/ /shel gyis ni nad med pa 'phel bar byed do/ /me tog gis ni sku gsung thugs 'grub par byed do/ /byang chub sems kyis ye shes 'grub par byed do//'di ni 'jig rten las 'das pa'i 'phags pa'o/ /rdzas 'di dag ni bdud rtsi 'byung ba'i rgyud las/ ye shes zhes bya bsgrub pa'i phyir/ /zhes bya ba la sogs pa rgyas par gsungs so/ /de lnga dang dbyer med pa'i 'od kyi gong bur bsdus pa ni bdud rtsi lnga zhes bya ste gong bu dang bdud rtsi lnga tha mi dad pa'i phyir ro//rdo rje sems dpa' ji ltar lags/ /zhes bya ba'i lan gsungs pa/ de la rdo rje 'di gsungs so/ /zhes bya ste 'od kyi gong bu las rdo rje sems dpa' grub par rgyud 'di las gsungs so/ /mngon par rtogs pa lnga'i rang bzhin ye shes lnga dang rigs lnga dang / bdud rtsi lnga dbyer med pa 'od kyi gong bu rdo rje sems dpa' yin pa'i phyir ro//gsungs shig de nyid yig 'bru'i tshogs/ /zhes bya ba'i lan gsungs pa/ cha shas gnyis pa zhes bya ba la sogs pa'o/ /de la cha shas gnyis pa dang ldan pa zhes bya ba ni k+Sha ste/ ka dang Sha la sogs pa yin pa'i phyir ro//de nyid gsal bar gsungs pa/ de bzhin dgu pa yang yin no/ /zhes gsungs so/ /ya'i sde tshan la sogs pa dgu ni yi ge k+Sha kho na'o/ /de 'di skad du bstan te/ k+Sha de la ma dang ra dang ya btags nas zhabs skyed ring por byas te/ zla ba tsam dang thig le brtsegs pa'i yig 'bru ni k+Sh+m+r+yUM de ni man ngag go//de yang gsal bar gsungs pa/ de skad gsungs pa zhes bya ba la sogs pa'o/ /de la sum cu zhes bya ba ni ma ning gi yi ge ma brtsis pa'i a la sogs pa nas ha'i bar du'o/ /bcu dang zhes bya ba ni d+ha nas ra'i bar du'o/ /de bzhin lnga pa zhes bya ba ni la nas ha'i bar du'o//sa bon zhes bya ba ni ha de'i mgo la yi ge k+Sha'o/ /cha shas gnyis pa ni k+Sha'o/ /lnga'i ni zhes bya ba k+Sha la ma dang ra dang thig le byas pa de ni chos kyi dbyings kyi yi ge'i bsdu ba gsungs pa yin no/ /'dus pa ji ltar 'gyur ba lags/ /zhes pa'i lan/ yig 'bru b+h+rUM dang chos dbyings kyang //zhes bya ba ni/ b+h+rUM ni go sla'o/ /chos kyi dbyings kyang zhes bya ba ni yi ge k+Sha'o/ /skye gnas pad+ma ni gsang ba'i pad+mo'o/ /la gnas zhes bya ba ni gsang ba'i pad+mar yi ge rnams bkod pa'o/ /de mi 'gyur bas de nyid ces bya'o/ /k+Sh+m+r+yUM k+Sh+m+r+yUM k+Sh+m+r+yUM de nyid sa bon zhes bya ste/skye ba rnams kyi rgyur gyur pa'i phyir ro/ /swA hA'i mtha' ni sngags kyi mtha' na swA hA yod pa'i phyir ro/ /'di lta ste b+h+rUM k+ShuM swA hA/ 'dus pa las ni shes pa zhes bya ba ni/ chos kyi dbyings kyi yi ge 'bru de lta bu de 'dus pa zhes bya ba'i tha tshig go/ /chu khams zhes bya ba nas/ji ltar mi rnams skye ba lags/ /zhes bya ba'i bar gyi lan/ chu khams pha las skyes zhes bya ba la sogs pa'o/ /chu khams 'ba' zhig pha las skyes pa'o/ /me'i khams 'ba' zhig ma las skyes pa'o/ /sa dang / rlung dang / rnam par shes pa dang / nam mkha'i khams ni don gyis na gnyi ga las skyes par shes par bya'o/ /de yang dper na lag bzangs kyi bu zhes bya ba lta bu'o/ /de yang nam mkha'i khams ni bu ga dgu'o/ /rnam par shes pa'i khams ni zag pa dang bcas pa'i khams so/ /sha dang khrag gang las she na/ sha dang khrag dang pags pa dang //de yang ma las skyes zhes bshad/ /ces bya'o/ /tshil dang rkang dang khu ba gong las skyes she na/ tshil dang rkang dang khu ba ni/ /pha las skyes par bshad pa yin/ /zhes bya'o/ /gnyis las skyes pa ji lta bu zhe na/ gong bur yang dag 'dus pa ni/ /de dag tsam du bshad pa yin//zhes bya'o/ /sangs rgyas gzugs ni bdag mi 'tshal/ /zhes bya ba'i lan/ gzugs dang zhes bya ba la sogs pa'o/ /de la gzugs ni glen pa'i ngo bo ste/ de rnam par dag pa ni gnyis su med pa'i ngo bo ste gti mug chen po'o/ /tshor ba'i phung po dang / 'du shes dang / 'du byed dang / rnam par shes pa rnam par dag pa mnyam pa nyid dang / so sor rtog pa dang / bya ba grub pa dang / me long lta bu'o/ /de yang gsang ba 'dus pa'i rgyud phyi ma las/ gzugs ni gti mug tu bstan pa'o zhes bya ba rgya cher gsungs so/ /de'i phyir dngos po lnga yi gzugs//phung po lnga zhes bya bar bshad/ /ces gsungs so/ /lha mo bzhis yongs su zhus pa las/ le'u gsum pa gos dkar mos zhus pa'i bshad pa'o// //da ni byang chub sems kyi sgrub pa'i thabs lha mo sgrol mas zhus pa/ de nas zhes bya ba la sogs pa'o//bzhad pa ni mi 'gyur ba dang ngo / /da ni mnyes par byed pa'i mtshan ma'o/ /bzhad pa mchod pa yin par ni 'phags pa rdo rje gdan bzhi pa'i mchod pa nyi shu las gsal bar bstan to/ /lha mo yang yin la sgrol ma yang yin te sems can 'khor ba'i rgya mtsho las sgrol ba'i phyir ro//de'i phyir bcom ldan 'das ma'o/ /chos kyi dbyings kyi sgrub pa ni gang gis sgrub par byed pa de ni sgrub pa ste rgyu zhes bya ba'i tha tshig go/ /gsungs shig rdo rje can chen po/ /zhes bya ba ni chos kyi dbyings kyi sgrub pa'i sgo nas zhus pa'o/ /rdzas sgrub pa yang bka' stsal 'tshal//zhes bya ba ni/ sman bsgrub pa'i sgo nas zhus pa'o/ /de bzhin rig pa'i sngags rnams kyang / /zhes bya ba ni las bzhi'i sgo nas zhus pa'o/ /dkyil 'khor de ni brtags pa dang / /zhes bya ba ni/ dkyil 'khor sgrub pa zhus pa'o//sbyin sreg so so bya ba dang / /zhes bya ba ni sbyin sreg gi sgo nas zhus pa'o/ /de bzhin mchod pa'i cho ga yang / /zhes bya ba ni mchod nas sgrub pa zhus pa'o/ /de'i lan de ltar zhes bya ba la sogs pa'o/ /chos kyi dbyings bsgrub pa'i lan/ chos kyi dbyings ni sgrub pa ni//zhes pa la sogs pa'o/ /gzugs sgra zhes bya ba ni mdor na chos kyi dbyings su shes par bya ste/ rdo rje sems dpa'i rang bzhin yin pa'i phyir ro/ /de yang gzugs dang sgra dang dri dang ro dang reg bya kho na ste de lnga ni rdo rje sems dpa' dang mnyam mo/ /zhes gsungs so//de dag nyid las byung ba ni/ /khams la sogs pa de las skyes pa'i phyir ro/ /byang chub sems zhes bshad par bya ba ste lhag pa'i byang chub kyi sems so/ /byang chub sems las gong bu skye/ /zhes bya ba ni de las sa la sogs pa'i gong bu skye'o/ /gong bu las kyang yid bskyed do//zhes bya'o/ /gong bu las rnam par shes pa'i khams skye ste/ rnam par shes pa rdzas dang dbyer med pa'i phyir rnam par shes pa'i khams su shes par bya'o/ /yid las nam mkha'i khams kyang ni/ /zhes bya ba ni yid de las nam mkha'i khams sgo dgu'i bu ga nam mkha'i khams su gyur pa'o//de las khams la sogs pa 'byung ba bstan pa/ khams rnams zhes bya ba la sogs pa bshad zin to/ /de ltar dbyings su bsdu ba ste/ /zhes bya ba ni khams byang chub kyi sems/ de las gong bu/ de las 'byung ba chen po'i bar du 'khor bar skyes pa ni dbyings su bsdus pa ste rten cing 'brel par 'byung ba thog ma dang tha ma med pa'o//bsdu ba de bzhin brtan byas la/ /zhes bya ba ni/ bsdu ba phan tshun rgyur gyur pa'i bsgom pa'i sems rtse gcig par gyur pa ni/ chos kyi dbyings kyi sgrub pa yin/ /zhes bya'o/ / de ci'i phyir zhe na/ de bas thams cad nan tan gyis/ /sgrub pa yang dag spyad par bya/ /zhes gsungs so/ /de'i phyir dus thams cad du nyan pa la sogs pa'i nan tan gyis mngon du spyod par bya'o/ /thams cad ji ltar bsgrub ce na/ /gal po'i rgyud kyi nang nas 'byung ba'i sgrub thabs kyis so//de dang mthun pa'i rang bzhin no/ /gal po dngos kyis kyang bsgrub par bya ba rab tu brtag go zhes bya ba'i tha tshig go/ /rdzas las bsgrub pa'i lan/ chos dbyings sgrub pa bshad nas ni/ /zhes bya ba ni de ma thag tu zhes bya ba'i tshig go/ /rdzas brgyad yan lag sgrub pa bshad//ces bya ba ni thun mong ngo / /yan lag brgyad ni/ ri lu dang / mig sman dang / sa 'og dang / ral gyi dang / ral gyi dang / nam mkha' la 'gro ba dang / mig rno ba dang / 'chi 'pho med pa dang / nad 'joms pa'i dngos grub dang brgyad do/ /de yang gsal bar gsungs pa/ ri lu zhes bya ba la sogs pa'o//de la ri lu ni 'og nas bshad do/ /mig sman ni zla ba mar gyi ngo tshes nyi shu dgu'i nam phyed na/ lam gyi bzhi mdor thod pa'i steng du 'dug go/ /mdun du yang sgyed pu btsugs nas thod pa gnyis bzhag ste/ de gnyis kyi bar du bdud rtsi lnga dang tshil chen bsres pas bkang ba'i b+han+d+ha gzhag ste/de'i nang du khrag dang dri chen la sogs pa shing a mra'i bal la pad+ma'i skud pas dkris pa'i snying po btsugs nas mar me bltam par bya'o/ /shing a mra dang pad+ma'i skud pa med na yang gzhan ci 'tsham par bya'o/ /me mar gyi lce'i du ba la b+han+d+ha gcig bkab nas sgyed pu gnyis la gzhag go//de la rdo rjes reg nas phung po lnga la rigs lngar bsgoms pa'i rnal 'byor pas/ oM AHhUM swA hA nam langs par bzla bar bya'o/ /de nas dud pa blangs la rang gi mig la bskus na sku gsung thugs kyi dngos grub 'thob po/ /de yang gu h+ya sa ma dza las/ lam gyi bzhi mdo 'am shing gcig tu//ma mo'i gnas sam zhi gnas su/ /de ru rdo rje any+dza na/ /thod pa dag tu dbab par bya/ /zhes gsungs so/ /sa 'og ni sa 'og gi dngos grub ste/ lha ma yin dang klu'i bu mo bsgrub pa'o/ /de yang 'dir 'phags pa rdo rje sa 'og zhal gsum phyag drug pa g.yas bar ma na zhags pa/de'i 'og ma na dgra sta/ g.yon pa na rtse gsum pa/ bar ma na lcags kyu/ dang po gnyis kyis lha mo la 'khyud pa/ sku mdog nag por bsgoms la/ btsag la sogs pas ta la la sogs pa'i lo ma la rdo rje lcags kyu gnyis bris te/ de khar bcug la zla ba gzas zin pa'i dus su lcags kyu 'phros pas lha ma yin gyi bu mo bkug par bsgoms nas sngags oM AHhUM A kaR+Sha ya bzla bar bya'o//lha ma yin gyi bu mo la sogs pa gang ming nas smos pa de dgug go/ /de ltar yang gsang ba 'dus pa las/ btsag gam zhes bya ba la sogs pa gsungs so/ /ral gri'i dngos grub ces bya ba ni/gyo mo'am gser la sogs pa ral gri mtshan dang ldan pa byas la mdun du ral gri gzhag ste/ bdud rtsi rnam pa lngas byugs te/ don yod grub pa bsgom pa dang / oM AHhUM zhes brjod nas ral gri la sku gsung thugs thim par byas te/ 'od zer 'bar ba bsgom par bya'o//ral gri de 'phros ma thag tu gong ma'i sngags de bzlas te lag par blangs ma thag tu rig 'dzin du 'grub bo/ /sgrub pa de kho na'i mthus gang+gA'i klung gi bye ma snyed kyi 'jig rten gyi khams su rgyu bas na nam mkhar 'phur dang zhes bya'o/ /rnam par snang mdzad sgyu 'phrul dra ba'i rgyud las kyang /ral gri mdun du gzhag byas te/ /zhes bya ba rgyas par gsungs so/ /mig sman zhes bya ba ni mig rnon gyi dngos grub bo/ /lam gyi bzhi mdo la sogs par thod pa la 'dug pa la sogs pa gong ma bzhin byas la/ 'dir ni zha nye'i kong bu la tshil gyis bkang nas sa la ma lhung ba'i ro dkris pa'i ras kyis snying po byas te mar me bltam par bya'o//phung po lnga rigs lngar bsgoms pa'i rnal 'byor pas/ oM AHhUM zhes bzla bar bya'o/ /dud pa de blangs nas mig la bskus na snang ba sku gsung thugs rdo rje lha klu kun mthong bar 'gyur ro/ /de yang 'phags pa gdan bzhi pa las ma lhung ba'i ro dkris ras zhes bya ba la sogs pa'o//'chi ba med dang zhes bya ba ni/ dri chen gyis tshe sgrub pa ste/ 'di lta ste dri chen gyi phye ma dang / mar dang / sbrang rtsi bsres la rtog pa spangs la rigs lngar bsgoms pa'i rnal 'byor pas/ oM AHhUM bzlas te lo gsum gyi bar du zos na nyi ma dang 'dra ba'i tshe 'grub par byed do//de yang rnam par snang mdzad kyi gal po las gsungs pa/ dri chen phye mar btags nas su/ /mar dang sbrang rtsi bsres nas bza'/ /lo gsum na ni lha yi lus/ /nyi zla skar ma bzhin tsher 'gyur/ /zhes gsungs so/ /nad 'joms dang zhes bya ba ni rims la sogs pa med pa'i phyir ro//da ni ri lu'i bsgrub pa gsungs pa/ mi dang glang po zhes bya ba la sogs pa'o/ /yon tan 'di lta ste mi'i shas sku gsung thugs 'grub pa dang / glang po che'i shas mngon par shes pa 'grub pa dang / rta'i shas ni mi snang ba 'grub pa dang /ba lang gi shas ni dgug pa'i las 'grub pa dang / khyi'i shas ni 'gugs pa'i las 'grub pa dang / bong bu la sogs pa'i shas spyi'i las 'grub bo/ /ci'i phyir sha de rnams la dngos grub tu 'gyur zhe na/ 'jig rten pa ni gtsang sme la rtog pa yin pas de rnams sku gsung thugs dbyer med par byas te zos na rnam par rtog pa bcom pa'o//de ma thag tu de bzhin gshegs pas byin gyis rlob po/ /'di rnams kyang gsang ba 'dus par/ sha chen dam tshig mchog gis ni/ /zhes bya ba la sogs pa dang sbyar ro/ /de rnams kyi tshad gsungs pa/ cha bzhi mnyam par sbyar bya'o//zhes bya ba'i tshad do/ /de yang gsal bar gsungs pa/ mthe bo tshigs tsam tshad du ni/ /zhes bya ba ni sha rnams te bsdu ba'i tshad de/ sred pa'i sgo nas sha de dag mang du tshogs pa ni mi rung ba'i phyir ro/ /shin tu mnyam por gzhag nas sbyar/ /zhes bya ba ni sbyong ba la sogs pa bya'o//tshad gsungs pa dri chen zhes bya ba la sogs pa gsungs pa/ de la bzhi smos nas shel ma smos pa ni don gyis shes par bya'o/ /nas tsam tshad du ni zhes bya ba ni/ bdud rtsi lnga las nas 'bru tsam re bsdu ste mang ba ni skyon ba'i phyir ro/ /sngags bzlas nas ni sbyang byas te/ /zhes bya ba ni sbyong ba la sogs pa bya'o zhes bya ba'i tha tshig go//sbyangs zin ma thag tu yang sngags kyis brtan par bya'o/ /byin gyis brlab pa'i sngags bstan pa/ /phyag 'tshal zhes bya ba la sogs pa ste/ phyag 'tshal ni oM la bya ste/ sngags kun gyi mgo la bzhag pa'i phyir ro/ /yi ge AHdbus su zhes bya ba ni oM dang hUM gi bar du zhes bya ba'i tha tshig go//de bzhin du hUM zhes bya ste zhes bya ba ni/ mtha' mar yi ge hUM gzhag par bya'o/ /'di lta ste/ oM AHhUM zhes bya ba'i sngags 'di ni gong gi mig sman la sogs pa la yang shes par bya'o/ /thab gsungs pa/ 'bar ba'i hri yig 'bar byed pa//zhes bya ba ni/ de'i don ni 'di lta ste yaM las rlung / de'i steng du raM las me/ de'i steng du paM las bskyed pa'i pad+ma b+han+d+ha'i nang du sha rnam pa dgu dang / bdud rtsi rnam pa lnga gzhag ste/ de la hri bkod nas/ de'i steng du hUM las rdo rje bsgoms te rlung gis me bus te/ b+han+d+ha'i nang gi bdud rtsi btsos pa dang /steng gi rdo rje kha gab las 'od thur du 'bar bas sha dang bdud rtsi sbyangs par bsgom par bya'o/ /yang hri las 'od 'phros pas phyin ci log gi mthu bcom ste dag par bsgom mo/ /de ltar kun du bzang mo las kyang gsungs pa/ phyag 'tshal 'bar bas byin brlabs pa'i//rlung gi dkyil 'khor rab 'bar ba'i/ /zhes bya ba 'di gsungs so/ /'dir ni oM ma yin te/ hri yin te rgyud so so'i yin pa'i phyir ro/ /dgu pa de ni rab tu bsgrub/ /ces bya ba ni bdud rtsi lnga de ltar bsgrub par ma zad de/ sha dgu yang de ltar bsgrub par bya'o zhes pa'o/ / ri lu bya ba'i thabs bstan pa/ /lan ni nyi shu rtsa gcig tu/ /zhes bya ba la sogs pa la nub tu kha bltas la lan nyi shu rtsa gcig tu brtags so/ /yungs kar tshad tsam ni go sla'o/ /de lnga tsam gcig tu byas pa'o/ /lnga dang lnga ni 'byor par bya/ /zhes bya ba ni yungs kar lnga tshad gcig tu bya ba'i tshad do//dus ni tshes brgyad ces bya ba la sogs pa ni go sla'o/ /ri lu bsgril pa ni ri lu rnams ni byas nas zhes pa'o/ /pad+ma'i snod ni b+han+d+ha'o/ /de la/ bkang nas ri lu gzhag byas te/ /stong phrag brgyad ni bzla bar bya/ /zhes bya ba ni oM AHhUM stong phrag brgyad bzlas nas byin gyis brlabs pa'o//mtshams bzhi la ni bsgom byas nas/ /zhes bya ba ni snga dro dang nyin phyed dang phyi dro dang / nam phyed la gong ma bzhin du sbyang bar bya'o/ /de ltar bsgoms zin pa dang / ri lu de re re bza' ba ni rgyun du bza' bar bya'o/ /zhes bya'o/ /de'i yon tan de ni bskal pa mtha' yas par zhes bya ba la sogs pa ste go bar zad do//sred med kyi bu'i stobs ni/ glang po che bcu'i stobs ni/ spos kyi glang po che gcig go/ /de bcu'i stobs ni gcer bu'i stobs gcig go/ /de bcu ni phung po'i stobs gcig go/ /de bcu ni yan lag mchog gi stobs gcig go/ /mchog gi stobs bcu ni sred med kyi bu'i stobs zhes bya'o//brtson 'grus ni dge ba la spro ba'o/ /lnga pa la ni smon lam yang / /zhes bya ba ni/ sems can gyi don du sangs rgyas par 'dod pa'o/ /mngon par shes pa lnga zhes bya ba ni/ lha'i mig rna ba sems shes pa dang gnas dang 'chi 'pho rdzu 'phrul lnga'o//thob pa ni gong gi yon tan de lnga'o/ /de gang las gyur ce na/ ri lu chen po zos phyir ro/ /zhes bya ba ste/ de'i mthu zhes bya ba'i tha tshig go/ /de bzhin rig pa'i sngags rnams kyang / /zhes pa'i lan/ rdzas kyi sgrub pa zhes bya ba la sogs pa ste/ rdzas kyi dngos grub bshad zin to//e yig dang ni zhes bya ba ni/ raM las skyes pa'i zur gsum pa'i dkyil 'khor ro/ /baM yig ni chu'i dkyil 'khor zlum po'o/ /laM yig ni sa'i dkyil 'khor gru bzhi'o/ /dbus su yang dag gnas zhes bya ba ni me'i dkyil 'khor gyi dbus su raM mo/ /chu'i dbus su baM/ dbang chen la laM/ dang po'i mdog ni me dang rA ga'i mdog dmar ba'o/ /gnyis pa yi ni mdog dkar ba/ /zhes bya ba ni chu'o/ /gsum pa ni ser po dbang chen no/ /de gang du bsgom zhe na/ dgug par bya ba'i b+ha ga'i dbus su'o/ /thabs ji ltar bsgom zhe na/ 'khor lo ltar ni bskor ba ni/ /zhes bya ba ni rdza mkhan gyi 'khor lo bzhin du me'i dkyil 'khor la sogs pa b+ha ga'i nang du 'khor bar bsam mo//dus ni/ nyin phyed dang ni mtshan phyed dang / /zhes bya ste dus de gnyis na sems kyi stobs nyams pa'i phyir ro/ /de'i yon tan de la rig pa ni bu mo dgug pa'i las byed pa'i phyir ro/ /rab 'byor de ni bya ba ni pad+ma dang b+ha ga'i nang du dkyil 'khor bsgom pa'o//de yis skad cig kho nar 'grub/ /ces bya ba ni myur bar ro/ /bsgrub bya dngos ni lha mo zhes bya ba la sogs pa ste go sla'o/ /rnam bzhi zhes bya ba ni pad+ma can dang / dung can dang / ri mo can dang / glang po can ma'o/ /de la pad+ma can ni pad+ma'i dri bro ba dang /ngo zlum pa la sogs pa'o/ /dung can ma ni ba tsha'i dri bro ba dang / skra dang sna ring ba la sogs pa'o/ /ri mo can ni sha'i dri bro ba dang / lus chung ba dang / mdzes pa la sogs pa'o/ /glang po che ni chang gi dri bro ba dang / byin pa sbom pa dang / sna yo ba la sogs pa'o//sa 'og ma la sogs pa ni sa'i dkyil 'khor ro/ /sngags kyis bkug ces bya ba ni gong du gsungs pa'i sngags kyis so/ /bu mo thams cad spyad par bya/ /zhes bya ba'i tha tshig go/ /dkyil 'khor rnams ni brtags pa dang / /zhes bya ba'i lan me'i dkyil 'khor la sogs pa bsgom pa'o//de bzhin rig pa'i sngags zhes bya ba ni raM dang laM dang baM mo/ /de ni man ngag go/ /kye lha mo bdag gis bshad pa zin mdzad de/ /zhes gsungs so/ /da ni/ dkyil 'khor rnams ni bshad par bya/ /dga' ma'i sems kyis rtse gcig nyon/ /zhes bya ba ni dam bcas pa'i tha tshig go//de la dga' ma ni sgrol ma la bod pa'o/ /de nas dkyil 'khor gsungs pa/ dkyil 'khor lus zhes bya ba gsungs te gong du bstan pa dang 'og nas 'byung bas 'dir ma 'brel to/ /dkyil 'khor b+ha ga zhes bya ba ni chos kyi 'byung gnas e gru gsum gyi nang du bsgom pa'i dkyil 'khor ro//dkyil 'khor byang chub sems dang ni/ /zhes bya ba ni/ de ltar lus dang b+ha ga dang byang chub sems kyi dkyil 'khor gsum ka gnyis dang bzhi ma yin par gsang ba'i rgyud las yang dag par brtags so/ /dkyil 'khor du ming ji ltar btags she na/brtags pa rnams la 'dus pa ste/ /zhes bya ba gsungs so/ /brtags pa rnams la 'dus pa zhes bya ba ni/ dkyil 'khor du ming btags pa ni 'dus pa'i phyir ro/ /'jig rten snang ba las kyang / snying po 'dus pa'i dkyil 'khor ro/ /zhes gsungs so/ /snying po gang zhe na/ gang na gtso bo zhes bya ba ni gang dang gang du'o//gtso bo ni khyab bdag rdo rje sems dpa'o/ /bskyed pa ni rgyu'o/ /da ni lus kyi dkyil 'khor gsungs pa phung po rnams zhes bya ba ni phung po lnga ni rigs lnga ste/ de la gzugs kyi phung po dang / tshor ba'i phung po dang / 'du shes kyi phung po dang / 'du byed dang / rnam par shes pa rnams dang /rnam par snang mdzad dang / rin chen 'byung ldan dang / 'od dpag med dang / don yod grub pa dang / mi bskyod pa dang go rims bzhin no/ /de ltar yang thams cad gsang chen zhes bya ba rnal 'byor chen po'i rgyud las gsal bar gsungs te/ sems kyi phra mo sbyor ba yis/ / ye shes phra mo dang sbyar ba/ /de bzhin gshegs kun ye shes ni/ /rnam par snang mdzad ces su 'dod/ /snying rje 'phro ba'i sbyor ba yis/ /thams cad phan don byed pa'o/ /sems can don dang ldan sems ni/ /rin chen 'byung ldan zhes gsungs so/ /dga' ba 'phro ba'i thig le yis/ /theg chen dri med pa yi mchog /rang bzhin 'od gsal dag pa'i sems/ /snang ba mtha' yas de gsungs so/ /btang snyoms 'phro ba'i sems kyis ni/ /gang gis sems can shes byed pa/ /thogs med bla med don byed pa/ /don yod grub par de gsungs so/ /byams pa 'phro ba'i sbyor ba yis/ / mchog gi spyod pa spyod byed pa/ /zag med brtan par gyur pa'i sems/ /mi bskyod par ni gsungs pa yin/ /zhes 'byung ngo / /'di skad du bstan te rnam par snang mdzad ni dang po'i byang chub kyi sems 'phro ba'i sems so/ /rin chen 'byung ldan ni snying rje ste 'phros pas sems can gyi don byed pa'o//snang ba mtha' yas ni 'phro 'du'i dga' ba rol bzhin pa'i 'od gsal ba'o/ /don yod grub pa ni btang snyoms kyi sbyor ba'i sems so/ /mi bskyod pa ni byams pa'i sbyor ba'i sems te zag pa med par bstan pa'o/ /de ltar phung po lnga ni sems yin la de ni rigs lnga'o/ /de yang sa bcu pa las/kye rgyal ba'i sras khams gsum sems tsam mo/ /zhes bya ba la sogs pa gsungs so/ /'byung ba rig mar brtag ces bya ba ni/ spyan ma la sogs pa 'byung ba rnams rig mar brtag ces bya ba'i tha tshig go/ /sa spyan ma/ chu mA ma kI/ /me gos dkar mo/ /rlung sgrol ma'o/ / de yang thams cad gsang chen gyi rgyud las gsungs pa/ byang chub sems kyi mthu yis ni/ /sangs rgyas nyid du pha rol phyin/ /thob pa'i pha rol phyin zhes pa/ /sems ma'i rdo rje ma zhes brtags/ /bsdu ba'i dngos po bzhi rnams la/ /shes rab pha rol phyin ma dge /chos bzhi gcig tu gyur pa ni//rin chen rdo rje ma ru 'dod/ /gsang ba'i chos kyi thig le la/ /de nyid pha rol phyin dge ba/ /pha rol phyin ces dge ba ni/ /chos kyi rdo rje ma ru 'dod/ /pha rol phyin bzhi gtso mo ste/ /rdo rje pha rol phyin pa dge /sbyor ba'i bsam gtan brtags pa ni/ /las kyi rdo rje ma zhes 'dod/ /ces 'byung ngo //byang chub sems kyi rang mthu dang / /chu ni bsdu ba'i dngos po dang / /me ni smin par byed pa dang / /rlung ni 'gegs pa'i ngo bo pha rol phyin pa bzhi dang ngo bo tha dad pa med pa'i phyir ro/ /chags ma lcags kyu zhes bya ba ni/ rig ma la rigs lnga'i sgo nas dbyer med par sems kyis 'dzin pa'o/ / de yang thams cad gsang chen gyi rgyud las/ 'dod chags kun la thabs che ba/ /rdo rje lcags kyu zhes brjod do/ /zhes 'byung ngo / /zhags pa pad+ma chud byed pa/ /zhes bya ba ni/ log sred can ma yin gyi 'di yang byang chub kyi spyod pa'i ched du de ltar byas pa la ni nyes pa med do/ /de yang rgyud de nyid las/spyod pa byang chub tu spyod pa/ /rdo rje zhags pa de 'dod do/ /zhes gsungs so/ /kha sprad pa ni sgrog yin par/ /zhes bya ba ni sems brtan par bsgom pa ni sgrog ste/ rgyud de nyid las/ gang zhig de ltar bsten pa gang / /rdo rje sgrog ces 'dod pa'o/ /zhes gsungs so/ /sgra grags pa ni dril bur 'dod//ces bya ba ni chos thams cad mi skye ba yin zhes pa'i sngags kyi sgra brjod nas thabs dang shes rab rol pa'i sems ni dril bu'o/ /de'i sngags ni/ a kA ro mu khaM sarba d+harmA NAM Ad+ya nut+pan+na twata/ ces brjod do/ /de yang rgyud de nyid las/ chos ni thams cad ma skyes pa/ /nam mkha' dang mnyam 'dod zhi ba/ /de ltar tshig tu brjod pa ni/ /rdo rje dril bu zhes 'dod do/ /zhes gsungs so/ /spos ni dri chen zhes gsungs te/ /zhes bya ba ni/ gtsang ba dang mi gtsang ba mnyam por 'gyur te mi rtag par shes rab kyi pha rol tu phyin pa'i rang bzhin spos yin pa'i phyir ro//de nyid las/ thams cad du ni mnyam pa'i mchog /shes rab pha rol phyin pas so/ /zhes gsungs so/ /me tog rak+ta zhes 'dod do/ /zhes bya ba ni phyin ci log gi 'dod chags kyis ma gos pa'i rang bzhin bsam gtan gyi pha rol tu phyin pa ni me tog yin pa'i phyir ro//yang de nyid las/ 'dod pa'i 'dam skyes ma gos pa/ /bsam gtan pha rol phyin me tog /ces gsungs so/ /mar me sha rnams kho na yin/ /zhes bya ba ni gtsang ba dang mi gtsang ba'i rnam par rtog pa kun spangs la/ smon lam gyi pha rol tu phyin pa'i rang bzhin ni mar me yin pa'i phyir ro//yang de nyid las/ phyogs kun du ni gsal byed pa/ /mar me smon lam pha rol phyin/ /zhes 'byung ngo / /dri ni byang chub ye shes 'dod/ /ces bya ba ni/ byang chub kyi sems las dang po dri nga ba na yang thabs kyi dge ba'i rang bzhin dri 'dod pa'o/ /yang de nyid las/ dri nga ba yang dge ba ste//thabs kyi pha rol phyin pa dri/ /zhes gsungs pa lta bu'o/ /sgeg mo'i ling+gar bstan pa ste/ /zhes bya ba ni/ de bzhin gshegs pa la mchod pa 'bul ba'i sgo nas dge ba'i rang bzhin gyi rol pa ni sgeg mo'o/ /yang de nyid las/ ci'i phyir dge ba'i rol pa ni/ /sbyin pa'i pha rol phyin pa sgeg /ces gsungs so/ /phreng ba b+ha ga kho na yin/ /zhes bya ba ni/ dam tshig gi tshul dang ldan pa'i rnal 'byor mas/ de bzhin gshegs pa'i thugs mnyes par byed pa'i rang bzhin phreng bar 'dod do/ /yang de nyid las/ brgyan pa'i lus can yid 'phrog ma/ /phreng ba tshul khrims pha rol phyin//zhes gsungs so/ /dbyangs ma dbugs su bstan pa dang / /zhes bya ba ni/ rol pa'i dus su sngags ched du brjod pa ni dbyangs ma yin pa'i phyir ro/ /yang de nyid las/ ched du brjod pa legs brjod pas/ /dbyangs ma bzod pa'i pha rol phyin/ /zhes gsungs so/ / gar mkhan ma ni kha sbyor te/ /zhes bya ba ni/ 'bras bu don du gnyer ba'i rnal 'byor pas/ /lha bsgom pa'i rtsol ba dang bcas pa ni gar mkhan ma zhes bya'o/ /yang de nyid las/ myur bar sangs rgyas nyid sbyin pa/ /gar mkhan brtson 'grus pha rol phyin/ /zhes gsungs so/ /de lta bu'i lus kyi dkyil 'khor ni b+ha ga dang /byang chub sems kyi dkyil 'khor las khyad par du bstan to/ /de'i phyir/ bcom ldan 'das kyis bzang por gsungs/ /zhes bya'o/ /shin tu sbyor ba yin pa'i phyir ro/ /de rtogs pa ni bskal bzang yin/ /zhes bya ba ni lus kyi dkyil 'khor bzang po'i don to//de rtogs pa ni rnam par shes pa brgyad do/ /de rnams byams sogs zhes bya ba ni rnam par shes pa'i tshogs brgyad byams pa la sogs pa'i byang chub sems dpa' brgyad du bsgom mo zhes bya ba'i tha tshig go/ /'di lta ste kun gzhi dang / yid dang / sems kyi rnam par shes pa dang /mig dang / rna ba dang / sna dang / lce dang / lus kyi rnam par shes pa rnams byams pa dang / 'jam dpal dang / kun du bzang po dang / sa'i snying po dang / phyag na rdo rje dang / nam mkha'i snying po dang / spyan ras gzigs dang / sgrib pa rnam par sel ba go rims bzhin no/ / de ltar na ni dkyil 'khor gsungs/ /zhes bya ba ni lus kyi dkyil 'khor rnal 'byor pa rnams kyis bsgoms zhes bya ba'i don to/ /dkyil 'khor gsum las gnyis ma gsungs pa ci zhe na/ dkyil 'khor gzhan ni sngar bshad zin ces gsungs te/ rtsa ba'i rgyud las b+ha ga dang byang chub sems kyi dkyil 'khor rgyas par bshad zin to//sbyin sreg so sor bya zhes pa'i lan/ sbyin sreg las rnams bshad par bya/ /zhes bya ba la sogs pa smos so/ /rnam pa bzhi ni zhi ba la sogs pa'o/ /de'i dbye ba ni/ sbyin sreg phyi dang nang gsungs pa/ /zhes bya ba ni/ phyi ni hom khung brko ba la sogs pa'o//thabs ji ltar bya zhe na/ phyi ni sngon du bstan pa yin/ /zhes bya ba rtsa ba'i rgyud du bstan to/ /nang gi ni gang zhe na/ nyon cig ces bya ba la sogs pa'o/ /de ni lha mo sgrol ma la gdams pa'o/ /pad+ma bzhi rnams 'byor pa ni/ /lus kyi dbus su nye bar gnas//zhes bya ba ni/ gsang ba dang / lte ba dang / snying ga dang / mgrin pa bzhi la pad+ma'i gdan re re bsam mo/ /me zhes bya ba ni lte ba'i steng du raM las me'i dkyil 'khor gru gsum raM gyis mtshan pa'o/ /rlung zhes bya ba ni gsang ba'i pad+ma'i gdan la yaM las rlung gi dkyil 'khor zla gam mdog sngon po yaM gis mtshan pa bsgom/dbang chen ni snying gi pad+ma'i steng du laM las dbang chen gyi dkyil 'khor gru bzhi kha dog ser po laM gyis mtshan pa'o/ /chu zhes bya ba ni mgrin pa'i pad+mar baM las chu'i dkyil 'khor zlum po kha dog dkar po baM gyis mtshan pa'o/ /de dag gi las gsungs pa/rlung gis me la 'bar byas te/ /zhes bya ba ni gsang ba'i rlung gis lte ba'i dkyil 'khor la 'bud pa'o/ /chu yis yongs su smin par byed/ /ces bya ba ni dbang chen gyi dkyil 'khor gyi drod byung bas zas thams cad mgrin pa'i chu'i dkyil 'khor la smin par byed pa'o/ /de gsal bar gsungs pa/dbang chen dkyil 'khor las byung ba/ /zhes gsungs so/ /dbang chen gyi drod ji ltar byung zhe na/ gang du me ni bskyed pa'o/ /zhes bya ba ste me'i dkyil 'khor gyi 'od kyis dbang chen gyi dkyil 'khor la reg pa'o/ /de ltar go rims yin pa la rgyud las de ltar ma bstan pa ni man ngag bstan pa dang shes rab can nga rgyal gcig pa'i phyir ro//yon tan rang rig mngon spyod ces bya ba la sogs pa ni go sla'o/ /sreg rdzas ni/ gang zhig zas dang btung ba dang / /zhes bya ba la sogs pa ni kha zas so/ /de dag thams cad chu las te/ /zhes bya ba ni rdzas de dag thams cad chu'i dkyil 'khor la sbyin sreg bya'o//pad+ma k+Sha yig kha mar bltas/ /zhes bya ba ni mgrin pa'i steng gi chu'i dkyil 'khor gyi steng na yi ge k+Sha kha dog dkar ba kha thur du bltas pa/ 'od zer mer 'bar ba kha gab kyi tshul du bsgom pa'o/ /sreg rdzas de dag kyang chu'i dkyil 'khor nas mar rim gyis babs te snying ga'i pad+mar btsud par bya'o//lte ba'i pad+mar 'gro phyir ro/ /zhes bya'o/ /thabs ji ltar bya zhe na/ kha sbyar tshul ni sbyor ba yis/ /zhes bya ba ni thabs dang shes rab kyi sbyor bas sbyin sreg bya'o/ /phyi rol dbang 'dra bar lus lha'i dkyil 'khor la yang bya'o zhes bya ba'i tha tshig go//gsang ba'i pad+mar 'gro ma thag /thal bar mtha' ru rnam par bstan/ /zhes bya ba ni/ sreg rdzas de dag gis lus lha'i dkyil 'khor tshim ste snyigs ma lnga tshig par bya'o/ /yon tan ji ltar sbyin sreg ces bya ba la sogs pa smos pa'o/ /bdag ni ston pa po'o/ /tshe 'di kho nas 'grub par 'gyur//zhes bya ba ni/ de bzhin gshegs pa'i zhing khyad par can la mchod pa dang bsam pa khyad par can du gyur pas tshe 'di kho na la chos mthong nas myong ba'i 'bras bu 'thob par 'gyur ro/ /rgas pa med pa nas dga' bar smra ba'i bar ni go sla'o/ /mthong ba tsam gyis skul byed do//zhes bya ba ni/ de bzhin du mthong ba tsam gyis chags par 'gyur ro/ /de bzhin mchod pa'i cho ga yang / /zhes bya ba'i lan/ sreg rdzas las rnams bshad byas nas/ /zhes bya ba la sogs pa smos so/ /mchod pa ni bkur sti'o/ /phreng ba ni me tog gi phreng ba'o//sogs pa ni mar me'o/ /dbang po ni gsang ba'i mchod pa'o/ /gang la mchod ce na bdag la ste rang gi lus kho na la'o/ /mchod rten la sogs pa la ci'i phyir mi mchod ce na/ bdag ni sangs rgyas thams cad nyid/ /ces gsungs so/ /phung po la sogs pa lha'i dkyil 'khor du byas pa'i phyir ro//sangs rgyas kun gyi gnas yin te/ /zhes bya ba ni ji ltar mchod rten sangs rgyas [(]gyi [,]kyi [)]gzhir gyur pa de bzhin du/ dbang dang man ngag thob pa'i rnal 'byor pa sangs rgyas thams cad kyi gnas su gyur pa'o/ /de yang gsang ba 'dus pa las/ rdo rje slob dpon de la ni//phyogs bcu'i sangs rgyas rnams byon nas/ /zhes bya ba la sogs pa gsungs so/ /de'i phyir na/ de bas nan tan thams cad kyis/ /rdo rje slob dpon rtag tu mchod/ /ces bya ba thams cad ni mchod pa'o/ /nan tan ni bdag lhar bsgom pa'o/ /gang yang 'ga' yi bya ba'i las/ /zhes bya ba ni gar la sogs pa'o//rnal 'byor pa yis mchod par bsgom/ /zhes bya ba ni lus ngag gi mchod pa la sogs pa bya ba'o/ /bsgom pa'i thabs zas dang zhes bya ba la sogs pa ste/ rig ma bzhi yis rnam brgyan pa/ /bdag nyid lha ni bsgom bya ba/ /zhes ba ni 'byung ba bzhi'i ngo bor gyur pa zas la sogs pa lha mo bzhi dang /rdo rje sems dpa'i rang bzhin du bsgom mo/ /de yang gsang ba 'dus pa las/ yang na de la bsgom pa ni/ /rigs kyi rnam par bsgom par bya/ /zhes gsungs so/ /rdo rje ni rdo rje sems dpa'o/ /de zhes bya ba ni gsungs pa kho na'o//cang mi gsung bar bzhugs zhes bya'o/ /chos rnams med par bstan pa'i phyir ro/ /de bas mdo sde rgyan las kyang / bcom ldan 'das mya ngan las 'das kyi bar du/ tha na tshig cig tsam yang ma bstan to/ /zhes gsungs so/ /slob dpon nA ga rdzu nas kyang theg pa nyi shu pa las/tshig gis brjod du mi lang ba'i/ /chos rnams snying rje gang gis bstan/ /sangs rgyas thogs med mkhyen pa yi/ /bsam med de la phyag 'tshal lo/ /zhes gsungs so/ /bcom ldan 'das de ltar bzhugs pa'i tshe 'khor rnams ci mdzad ce na/ de nas zhes bya ba la sogs pa go sla'o//rnam par mi rtog pa thob ces bya ba ni mnyam pa nyid tha mi dad pa'o/ /cang mi gsung zhes bya ba ni the tshom khong du chud pa'o/ /lha mo bzhis yongs su zhus pa las sgrol mas zhus pa'i gsang ba mchog gi le'u bzhi pa'i bshad pa'o// // gsang ba mchog gi rgyud 'di ni/ /bdag gi spyod yul ma yin yang / /blo dman rnams la sman slad du/ /rnam par bshad pa 'di brtsams so/ /'di phyi dge ba gang bsags pa/ /bdag kyang dge des don rtogs nas/ /gzhan yang de la dgod pa dang / /byang chub dam pa thob par shog //lha mo bzhis yongs su zhus pa'i rgyud kyi bshad pa slob dpon ye shes snying pos mdzad pa rdzogs so// //rgya gar gyi mkhan po dran pa ye shes grags pas bsgyur te gtan la phab pa'o// //