CLOSE WINDOW

D1911
བོད་ཡིག

rab tu 'grub par 'gyur ro/ /dkyil 'khor gyi slob dpon sgeg pa'i rdo rjes mdzad pa rdzogs so// //[ ]@##/ /dpal bde ba chen po'i sgrub thabs bzhugs/ @##/ /dpal rdo rje sems dpa' la phyag 'tshal lo/ /mgon po sangs rgyas kun ngo bo/ /zhe sdang rdo rje rgyal ba'i gtso/ /lha mo'i tshogs bcas bde chen la/ /dad pas rtag tu phyag 'tshal te/ /dpal ldan gsang 'dus rgyud 'di yi/ /don rtogs gsal bar bya ba dang //sems can rnams la phan pa'i phyir/ /sgrub pa'i thabs 'di bshad par bya/ /dang por sngags pas nges par ni/ /rdo rje slob dpon mnyes byas te/ /dbang bskur gnang ba thob nas ni/ /de nas sgrub pa brtsam par bya/ /dkyil 'khor du ni zhugs pa dang / / de bzhin gsang nyid shes pa dang / /kun byed thams cad za ba yis/ /the tshom med par dngos grub thob/ /gtso la mi phyed dad pa dang / /rnam par mi rtog blo ldan zhing / /dam tshig sdom la gnas pa ni/ /bram ze bsad na'ang 'grub par 'gyur//dkyil 'khor dag ni dman pa dang / /dam tshig rnam par spangs pa dang / gsang ba de nyid mi shes pas/ /bsgrubs kyang cung zad 'grub mi 'gyur/ /de la 'di ni dam tshig sdom pa ste/ sha khrag dri chen rdo rje chu/ /lnga pa sems ni 'byung ba ste/ /sngags pas cho gas byin brlabs nas/nyin gcig bzhin du bza' bar bya/ /sbyang sbar de bzhin rtogs byas la/ /dogs pa med pa'i sems kyis ni/ /de bzhin gshegs pa mnyes bya'i phyir/ /dga' ba'i sems kyis bza' bar bya/ /hUM zhes pas ni kun du sbyar/ /AHzhes pas ni rtogs par bya//oM gyis 'bar bar bsgom byas pa/ /'di ni dam tshig dam pa'o/ /glang chen rta dang sha chen dang / /ba lang khyi sha mchog yin te/ /zas phyir 'di dag bza' bar bya/ /gzhan ni bza' bar mi bya'o/ /sha rnams dag ni ma rnyed na/ /kun la bsgom zhing rnam par brtag /rdo rje'i sbyor ba 'di dag gis/ /sangs rgyas kun gyis byin gyis rlob/ /bza' ba'am yang na btung ba ste/ /brtul zhugs can gyis ci bza' ba/ /dri chu sha yi sbyor ba ste/ /cho ga ji bzhin brtag par bya/ /rnam pa thams cad mchog ldan pa/ / rang lus ngag yid rdo rje yi/ /snying gar ye shes dam tshig ste/ /rdo rje mchog 'dzin cod pan du'o/ /dam tshig rdo rje lce rtser ni/ /hUM las rdo rjer bsgom byas la/ /AHdang oM gyi sbyor ba yis/ /zos na byang chub 'thob par 'gyur/ /'di ni dam tshig mchog yin te/ / sangs rgyas thams cad mnyes 'gyur ba/ /dam tshig mchog ces bya ba ste/ /mchog gi dngos grub thams cad byed/ /rtag par gzhan nas dbrog pa dang / /rmad du byung bas gsod pa dang / /'dod chags rdo rje nyid sbyor ba/ /'di ni sdom pas bsdams pa'o/ /dam bca' brtul zhugs dka' spyod pa//bsten pas 'grub par mi 'gyur te/ /'dod pa'i longs spyod thams cad la/ /brten na myur du 'grub par 'gyur/ /slong mo'i zan zas mi bzlas shing / /slong la dga' bar mi bya ste/ /yan lag mi gnyis sngags bzlas la/ /'dod pa'i longs spyod kun spyad do//lus dang ngag yid bder gnas na/ /byang chub sems dpa' 'thob par 'gyur/ /gzhan du dus min 'chi 'gyur zhing / /dmyal ba rnams su rtag tu bsreg /sangs rgyas byang chub sems dpa' dang / /sngags kyi spyod pa mchog spyod pas/ / 'dod pa'i longs spyod kun brten na/ /chos kyi yi ge mchog thob 'gyur/ /chags pa'i ye shes rtag bsgrubs pas/ /'dod pa'i longs spyod lnga brten zhing / /byang chub dpa' bo chags pa dang / /byang chub sems dpa' mnyes par bya/ /gzugs sgra dri la sogs pa la//smad pa dag tu mi bya ste/ /rdo rje 'chang rgyal de nyid ni/ /thams cad du ni yang dag gnas/ /gzugs sgra ro dang reg gi rnams/ /de bzhin rab 'bring tha ma ste/ /khyad par rnam gsum shes byas nas/ /rdo rje sems la mchod par bya/ /sngags pas rnam pa 'di dag gis//dam tshig sdom pa bsrung byas na/ /tshe 'di nyid la 'di dag gis/ /rdo rje gsum nyid thob par 'gyur/ /gal te gti mug can gyis 'das/ /de la dngos grub mi 'byung zhing / /rims dang dug dang nad bgegs kyis/ /bsad nas sems can dmyal bar 'gro//sangs rgyas byang chub sems dpa' yang / /byin gyis rlob par mi mdzad cing / /me tog bdug spos la sogs rnams/ /phul yang bzhes par mi mdzad do/ /'jig rten 'dir yang sdug bsngal zhing / /pha rol tu yang dmyal bar 'gro//dam tshig spyod pa nyams pa yis/ /gti mug can gyis grub mi 'thob/ /sngar smos sdom la gnas pa ni/ /rtag par mi phyed brtul zhugs kyis/ /lus dang ngag yid rdo rje yi/ /sgrub pa dag ni brtsam par bya/ /nags tshal chen po'i phyogs dag dang //dben pa chen po'i gnas dag dang / /ri bo ril sul rnams su ni/ /dngos grub rtag tu thob par 'gyur/ /sems dpa' yi ni skyil krung gis/ /'jam pa'i stan la 'dug nas ni/ /zhe sdang rdo rje'i ting 'dzin du/ /gnas nas gnas bsrung rnam par bsam//gzugs chen 'bar ba 'jigs byed pa'i/ /khro bo bcu dag phyung nas ni/ /hUM las skyes pa'i nyi ma'i steng / /smad ni rtse mor rnam par bsam/ /phyogs bcu'i dkyil 'khor phyogs rnams su/ /rim pa bzhin du kun du bsam/ /bgegs rnams thams cad gzhig pa'i phyir//gnod mdzes bka' stsal phur bus gdab/ /nyi ma'i dkyil 'khor dbus gnas pa'i/ /dbyar gyi sprin dpung lta bu ste/ /bskal pa'i me dpung bzhin du 'bar/ /g.yas brkyang bar ni rab tu gnas/ /smin mtshams khro gnyer dmar ba'i spyan//zhal gsum mche gtsigs rnam par sgyur/ /phyag gnyis hUM gi rgya bcings te/ /dpa' bo rdo rje dril bu 'dzin/ /g.yas gnyis lcags kyu ral gri bsnams/ /g.yon gnyis dgra sta zhags pa 'dzin/ /'di 'dra'i gzugs ni bsam byas nas/ /rang gis de la bka' stsal to//oM sum+b+ha ni sum+b+ha hUM/ gr-ih+Na gr-ih+Na hUM/ gr-ih+NA pa ya gr-ih+NA pa hUM/ A na ya ho/ b+ha ga wAn/ bi d+ya rA dzA ya hUM phaT/ khro bo'i rgyal po 'di dag gis/ /bgegs ni kun nas rnam par 'jig/ /blo ldan rab tu sbyor ba yis/ /cho ga bzhin du phur kun gdab//rdo rje bdud rtsi rgyal chen po/ /rdo rje phur bu nyid gnas pa/ /ut+pal sngon po'i 'dab 'dra ba/ /'bar ba'i phreng ba 'khrigs pa'i 'od/ /lte ba man chad cha rnams ni/ /rtse mo lta bur rnam par bsgom/ /ro stod khro bo lta bu nyid/ /zhal gsum phyag ni drug pa ste//bgegs kyi tshogs la 'og tu gzigs/ /de yi sngags 'di brjod bya ste/ /rdo rje phur bu nges btab na/ /bgegs lus shin tu mi g.yo'o/ /oM g+ha g+ha g+hA ta ya g+hA ta ya/ sarba du Sh+TAM hUM phaT/ kI la ya kI la ya/ sarba pA paM phaT hUM hUM hUM badzra kI la ya badzra d+hA ro adz+nyA pa ya ti/kA ya bAka tsit+ta badzra kI la ya hUM phaT/ /rdo rje tho ba phyag bsnams mchog /gnod mdzes rgyal po rnam par bsgom/ /hUM brjod 'bar ba'i lta bas ni/ /bgegs rnams thams cad phur bus gdab/ /phyogs rnams kun du rdo rje'i me/ /rnam par 'phro ba rnam bsams te//ma rungs pa ni tshig bsams na/ /phyogs bcu dag tu 'bros par 'gyur/ /phyogs mtshams phur bus btab nas ni/ /steng 'og yang dag byin gyis brlab/ /dam pa'i don du bsgom pa ni/ /srid gsum rang bzhin med pa ste/ /dngos po med pa bsgom pa'i dngos//bsgom par bya ba bsgom pa min/ /de ltar dngos po dngos med pas/ /bsgom pa dmigs su med pa'o/ /dngos po brtan g.yo la sogs kun/ /tshigs bcad 'di yis stong gyur nas/ /cho ga 'di yi sbyor ba yis/ /ye shes sa ni byin gyis brlab//byang chub rdo rje dmigs nas ni/ /zla ba'i dkyil 'khor la 'dug nas/ /nam mkha'i khams kun khyab pa yi/ /lha mo mA ma kI ni bsam/ /nam mkha' rdo rje dbus gnas pa/ /dung dang kun da zla 'dra yi/ /ye shes bdud rtsi las byung ba/ / sa yi khams ni byin gyis brlab/ /chu zheng dpag tshad bye ba ste/ /dang la rang bzhin dri ma med/ /'od zer rnam lngas kun du 'khrigs/ /sangs rgyas rdo rje can gyi gnas/ /de dbus b+h+rUM ni gnas pa la/ /gser gyi ri bo 'dra ba yi/ /sangs rgyas kun gyi gzhal med khang //'khor los sgyur ba bsgom par bya/ /las kyi rdo rje stan nyid du/ /shes rab ldan pas de'i 'og bsam/ /nam mkha'i dbyings kyi dbus gnas pa/ /bde gshegs kun gyi pho brang ngo / /rin chen bzhi dngos mchod rten ni/ /'od zer phreng bas rnam par brgyan/ /ye shes rgya mtsho dus gsum gyi//gnas su de ni rnam par bsam/ /gru bzhi pa la sgo bzhi pa/ /sgo rgyan bzhi dang yang dag ldan/ /dril bu dar dpyangs 'phen la sogs/ /sgo khyud kyis ni rnam par brgyan/ /grwa mtshams dag ni thams cad du/ /rdo rje rin chen rnams kyis spras/ / zla gam chun 'phyang gis brgyan pa/ /nyi ma zla la sogs pas brgyan/ /bla re bras pas mdzes gyur cing / /na bza' phreng ba sogs kyis brgyan/ /thig skud bzhi ni yongs btab pas/ /ka ba mchog brgyad kun du gnas/ /de dbus 'khor lo dmigs bya ba//kun nas yongs su zlum po ste/ /mdor na sangs rgyas thams cad kyi/ /rang gi gnas su rnam par bsam/ /rdo rje lha mo bzhi rnams kyang / /'khor lo'i grwar ni rnam par bsgom/ /gshin rje gshed sogs sgor dmigs te/ /sa snying la sogs bsgom par bya/ / nyi ma'i dkyil 'khor dbus gnas pa/ /sems kyi rdo rje rang bdag nyid/ /zhal gsum phyag drug lta bu ni/ /sangs rgyas dkyil 'khor dbus su gnas/ /lus dang ngag yid rdo rje yi/ /mtshan nyid dam pa'i don nyid de/ /tshul bzhin rnal 'byor pas dpyad nas/ /sngags 'di rab tu brjod par bya//oM shU n+ya tA dz+nyA na badzra swa b+hA ba At+ma kou0f85haM/ nam mkha' bzhin du blta bar bya/ /nam mkha' bstan du med pa ltar/ /bdag nyid rang bzhin med mthong nas/ /yi ge'i rnam pa bsgom par bya/ /bla 'og dbus ni rim bzhin du'o/ /bdag nyid yi g e 'bru gsum gzugs//sangs rgyas dkyil 'khor dbus nyid du/ /kha dog gsum du bskyed nas ni/ /nyi zla pad+ma yang dag gnas/ /oM AHhUM/ dang ba'i zla ba 'dra bar ni/ /yi ge 'bru gsum zhu bar brtag /ye shes 'od zer rnam 'phros pas/ /rgyud drug gnas pa'i sems can dang //sangs rgyas rnams kyi sku gsung thugs/ /bsdu ba'i sbyor bas kun bsdus nas/ /rang bzhin med par mos pa yis/ /byang chub sems la gzhug par bya/ /oM d+har+m+mAd+hA tu badzra swa b+hA ba At+ma kou0f85haM/ byang chub sems de kun du dag /dri med z la ba lta bur gnas//kun bsdus bdud rtsi'i sbyor ba yis/ /gzugs kyi ngo bor rnam par bsgom/ /sngags kyi sku ni mthar phyin pa/ /sangs rgyas kun gyi rang bzhin dag /phung po khams su rnam bsams te/ /skye mched la sogs rnams kyis brgyan/ /gzugs kyi phung po rang bzhin du//rnam par snang mdzad rab tu gnas/ /tshor ba dkon mchog dpal dang ni/ /'du shes su ni snang mtha' yas/ /'du byed thams cad gdon mi za/ /rnam par shes su mi bskyod gnas/ /mdor na phung po lnga rnams ni/ /sangs rgyas lngar ni rab tu grags//oM swA aM hA hUM/ sa yi khams ni rnam bsams pa/ /phyi dang nang gi brtan pa ste/ /grub par spyan ni bsam byas na/ /sra ba lta bur byin gyis rlob/ /chu khams mA ma kI ra bsams pa/ /khu ba khrag ni nyid kyi rgyu/ /lus ngag sems zhes brjod pa la/ / gang ba nyid du rnam par gnas/ /me yi khams su rab sbyor ba/ /gos dkar mor ni blta bar bya/ /kun du mchog rab 'bar ba ste/ /de ni 'bar ba lta bur 'byung / /rlung gi khams kyi rang bzhin du/ /blo dang ldan pas sgrol ma bsam/ /de ni rlung lnga 'byung ba ste/ /de bzhin yid kyi 'gro ba 'grub//nam mkha'i khams kyi rang bzhin du/ /kun du bzang mo rab tu brtag /nam mkha' de yi sbyor bas ni/ /sangs rgyas kyis kyang mi gzigs so/ /phung po khams kyi bye brag ni/ /gnyis su med pa'i sbyor bar gnas/ /de ltar khams nyid bsam byas na//de ni kun du tshim par 'gyur/ /mo ha ra ti/ dwe Sha ra ti/ rA gar ti/ badzra ra ti/ mig dang rna ba sna dang ni/ /lce dang lus dang yid dag tu/ /sa yi snying po la sogs sems/ /skye mched dag tu rnam par bsgom/ /th+l+hiM oM oM oM haM oM/ nang gi skye mched rnams su ni/ / sa yi snying po la sogs gnas/ /phyi yi skye mched rang bzhin du/ /gzugs la sogs pa rab tu gnas/ /sa snying la sogs sngags rnams ni/ /rdo rje can gyi rgyud las gsungs/ /'di dag rnams ni ma gsungs phyir/ /gzugs la sogs pa ma bris so/ /phyi yi longs spyod kyis mchod phyir//gzugs sgra dag tu rab tu gnas/ /byin gyi rlabs kyis byin brlabs nas/ /'dod pa lnga ni spyad par bya/ /gzugs ni mig gi spyod yul gnas/ /sgra ni rna ba'i gnas su gnas/ /dri ni sna dang mtshungs ldan te/ /ro ni lce la rab tu gnas/ /reg ni lus kyi bde bar gnas//phyi yi skye mched nyid dag ni/ /byang chub sems dpa'i dkyil 'khor mchog /gshin rje gshed po lag pa g.yas/ /gzhan gyis mi thub g.yon pa ste/ /kha la rta mgrin bsgom par bya/ /bdud rtsi 'khyil pa rdo rje la'o/ /ya mAn+ta kr-ita/pradz+nyAn+ta kr-ita/ pad+mAn+ta kr-ita/ bib+h+nAn+ta kr-ita/ de ltar don kun rab zhugs nas/ /sangs rgyas kun bdag gtso bo ni/ /bskyed nas byin gyis brlab bya ste/ /tshigs su bcad pas gsol ba gdab/ /spyi bo'i dbus gyur bsam pa ni/ /zla ba'i dkyil 'khor gang ba ste/ /der ni oM dkar 'od ldan pa'i//'od zer lnga ni 'phro ba'o/ /de las lha mo rnams 'phro ba/ /bdag po'i rab tu sbyor ba ste/ /spyan ni rnam par bsam bya ba/ /nam mkha'i khams kun gang bar ro/ /rdo rje'i sku ni rnam bsams pa/ /bar snang khams ni gang bar gnas/ /de dbus bdag por bsam bya zhing //bdag gi mdun na gnas par ro/ /sum cu rtsa gnyis mtshan 'chang ba/ /dpe byad bzang po brgyad cus brgyan/ /sngags pa de yis bcol ba ni/ /tshigs su bcad pa gnyis gnyis brjod/ /dpal ldan sangs rgyas sku 'chang ba/ /rdo rje mi phyed gsum bsgoms pas//deng nyid byin gyis brlabs nas su/ /rdo rje skus ni mdzad du gsol/ /phyogs bcur bzhugs pa'i sangs rgyas ni/ /rdo rje mi phyed gsum bsgoms te/ /deng nyid byin gyis brlabs nas su/ /rdo rje skus ni mdzad du gsol/ /spyan dang thabs cig ldan par ni//rtag par rnam par bsgom par bya/ /de bzhin zhugs par mos byas la/ /phung po lnga ni byin gyis brlab/ /sangs rgyas kun gyi sku ni gang / /phung po lnga la rab tu gang / /sangs rgyas sku yi rang bzhin gyis/ /bdag kyang de dang 'dra bar shog /oM sarba ta thA ga ta kAya badzra swa b+hA wa At+ma kou0f85haM/de bzhin lce dbus pad+ma la/ /a las rdo rje 'dod chags te/ /rab zhugs de la gsol gdab cing / /rdo rje dag tu byin gyis brlab/ /chos kyi ngag lam dpal ldan pa/ /rdo rje mi phyed gsum bsgoms pas/ /deng nyid byin gyis brlabs nas su/ /rdo rje gsung gis mdzad du gsol//phyogs bcur bzhugs pa'i sangs rgyas ni/ /rdo rje mi phyed gsum bsgoms te/ /deng nyid byin gyis brlabs nas su/ /rdo rje gsung gis mdzad du gsol/ /lce ni 'phro bar rnam bsgoms te/ /rang ngag chos rnams kun gyi gnas/ /gsung dbyangs thams cad rnam dag dang //chos kyi ngag tu byin gyis brlab/ /ngag de rdo rje chos kyi ni/ /nges pa'i tshig ni phun sum tshogs/ /bdag gi tshig kyang de bzhin du/ /chos 'chad lta bur 'gyur bar shog /oM sarba ta thA ga ta bAka badzra swa b+hA wa At+ma kou0f85haM/ snying gi zla ba la d migs pa//kha dog mthing shun lta bu yi/ /hUM zhes pa yi rdo rje sems/ /'od zer rnam lnga shin tu 'bar/ /sngar smos pa yi rim pa yis/ /rdo rje sems la gsol btab nas/ /de ni zhugs par bsgom byas te/ /sems ni byin gyis brlab par bya/ /dpal ldan sems ni rdo rje 'chang //rdo rje mi phyed gsum bsgoms pas/ /deng bdag byin gyis brlabs nas su/ /rdo rje thugs kyis mdzad du gsol/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms pas/ /deng bdag byin gyis brlabs nas su//rdo rje thugs kyis mdzad du gsol/ /snying la dpal be'u bsam pa ni/ /skyes bu chen po'i mtshan nyid do/ /'od zer lngas 'khrigs lta bu ni/ /nga rgyal bskyed pas sbyar bar bya/ /kun du bzang po'i sems ni gang / /gsang dbang gi ni blo ldan pa/ /bdag dang de dang 'dra ba'i sems//rdo rje 'chang 'drar gyur par shog /oM sarba ta thA ga ta tsit+ta badzra swa b+hA wa At+ma kou0f85haM/ dbang bskur gong ma bzhin bsgom pa/ /chen po'i rgyu mthun la sogs yin/ /mi bskyod dbu brgyan sangs rgyas bzhin/ /lhag ma rang gi bdag dbang bskur/ /sku yi d bang phyug mi bskyod pa//ngag gi dbang phyug thugs kyi dbang / /dbu rgyan de bzhin 'dod pa'o/ /de ltar rim pas dbang bskur nas/ /rang gi snying po 'od zer gyis/ /shes rab ma yi dkyil du ni/ /gzugs la sogs pa thim byas te/ /ba spu'i bu ga las byung ba'i/ /gzugs kyi rdo rje sogs 'od ni//gzhal yas khang nas byung nas su/ /bar snang dkyil du khyab pa yis/ /bdag dang thub dbang mchod byas te/ /mchod dang mchod pa'i bdag nyid 'gyur/ oM sarba ta thA ga ta pU dza badzra swa b+hA ba At+ma kou0f85haM/ rigs gsum r igs lnga brgya rnams la//ye shes lnga dang phyag rgya dang / /sangs rgyas bdag nyid gzugs rnams kyis/ /dkyil 'khor chos rnams kyis bstod pa/ /mi bskyod rdo rje ye shes che/ /rdo rje dbyings ni mkha' chen po/ /rdo rje gsum mchog dkyil 'khor gsum/ /rdo rje dbyings la phyag 'tshal bstod//rnam par snang mdzad dga' chen po/ /rdo rje zhi ba dga' ba che/ /rang bzhin gyis ni 'od gsal mchog /rdo rje ston la phyag 'tshal bstod/ /rin chen rgyal po shin tu zab/ /nam mkha' rdo rje dri ma med/ /rdo rje sku la phyag 'tshal bstod/ / rdo rje mtha' yas chags pa che/ /rnam par mi rtog rdo rje mkha'/ /'dod chags pha rol phyin pa thob/ /rdo rje gsung la phyag 'tshal bstod/ /rdo rje don grub rdzogs sangs rgyas/ /bsam pa thams cad yongs rdzogs pa'i/ /rang bzhin dag pa nyid las byung / /rang bzhin dag pas gos pa med//rdo rje sems la phyag 'tshal bstod/ /zla ba nyi ma chu sman dri/ /rlung me'i dkyil 'khor la gnas pa'i/ /'od ldan phyag 'tshal byin gyis brlab/ /de nyid gsum gyi sngags btab nas/ /lce la rdo rje hUM bkod de/ /ye shes bdud rtsi gang bsgoms nas/ /snying ga'i zla ba'i dkyil gnas kun//dkyil 'khor de yis tshim par bya/ /snying 'od sprul pa mgon po yis/ /dbus kyi kun rtog yongs spangs te/ /'gro ba sangs rgyas nyid byas nas/ /ye shes sa bon dkyil du thim/ /snying ga'i phyag mtshan dkyil gnas pa/ /zla ba'i snying po thig le gzugs//'od gsal rang gi yid bsgoms te/ /ye shes sems dpa' gsal bar bya/ /sku gsung thugs kyi rdo rje yang / /'od zer 'phros pas gsal byed de/ /de yang snying la bzhugs bsams nas/ /de ni ye shes bdud rtsi'i rgyun/ /de nas lus kyi nang kun du//de yis kun du gsal byas te/ /so so ba spu'i 'od zer gyis/ /'gro ba'i don ni rdzogs par bya/ /rang gi phyag mtshan phra mo la/ /rang rig thub pa'i dkyil 'khor ni/ /'ong 'bar dam pa'i shes rab thogs/ /rig ma'i sna la gnas par bsgom/ /brtan pa'i mtshan ma mthong ma thag /de yi 'od zer 'phro ba ni/ /sangs rgyas sna tshogs phyag mtshan bsnams/ /yang dang yang du 'phro bar bsgom/ /sku gsung thugs kyi rdo rje dang / /'od zer lnga yi ye shes las/ /'phros nas sngags ni zlos byed pa/ /lhan cig yang na rim par bya/ / dbugs phyung 'phro ba spro byas te/ /dbugs bsdu sngags kyang bsdu bar bya/ /sku la sogs pa'i spro bsdu ba/ /rim pa rim par bzlas par bya/ /de ltar bzlas na nam mkha' la/ /sku sogs de dag rnams kyis khyab/ /sngon bzhin rang gi 'od zer mchod/ /dbugs phyung rig ma'i chu bo yis//gsang ba'i rig ma le lo yis/ /bde bar zhugs nas dbang gyur pa/ /ye shes sangs rgyas chu bo rnams/ /dgag pa'i dbugs kyis thim nas su/ /rang gi dkyil du thim par bya/ /rgyu mthun la sogs mos pa yis/ /thig le phra mo gsang gsum la//'bring po chung sogs phye nas su/ /sbyor ba bsnyen sogs de bzhin no/ /rang snying de nyid mchog gzigs pa/ /sems la nyams su phyung gyur na/ /spyan sogs yon tan dbyangs kyis ni/ /dkyil 'khor gsol nas mchod par bya/ /spyi bor zla ba phyag mtshan ldan//dam pa'i sems ni chu rgyun ni/ /'bab pa rim par byas nas su/ /sku gsung thugs la thim par bya/ /de ltar dbugs phyung bzlas nas su/ /mkhas pas mchod pa la sogs bya/ /ci phyir de bzhin nyid gsum dag /thogs pa spangs nas rdzogs par bya/ /de 'dra de nyid dang bral ba'i//'gro ba thams cad mthong nas su/ /de dag phan phyir snying rje yis/ /smon lam kun du mngon par bya/ /ting nge 'dzin las langs nas su/ /'gying bag gtso bo dang ldan nas/ /spyod pa sangs rgyas shes byas te/ /spyod yul rnams kyis rab tu mchod/ / 'jam dpal rdo rje bdag nyid kun/ /rang bzhin las ni spyod yul 'gro/ /spyod yul de dag bsgom pa nyid/ /rang rang dag nas gnas phyir ro/ /rtag pa la sogs gnas pa'i phyir/ /so so rang rig chos su gnas/ /dpal ldan rdo rje 'dzin pa'i gzugs//sems dpa' dag pa dang ldan pas/ /dbugs kyi rtog pa spangs nas su/ /bya ba thams cad bya ba yin/ /dkyil 'khor mchod pa mtha' yas 'di/ /rtag tu sgom pa'i rnal 'byor pa'i/ /rang gi snying ga'i zla ba la/ /rang gi dkyil 'khor gtso bo ni/ /gzhi yi sa bon gyis bskyed la//rang gis bza' ba za dus na/ /rang snying de bzhin nyid dmigs dang / /bdud rtsis sangs rgyas kun tshim bya/ /chos nyid kyi ni kun dag la/ /de nyid gsum gyi sngags btab nas/ /dkyil 'khor rang gi rig pa'i lha/ /de yis tshim par byas nas mchod/ /phyi yi sbyin sreg rjes dpags te//sems ni sems nyid yin pa'i phyir/ /bla na med pa 'di yin te/ /ye shes me ni 'bar byed nas/ /phung po'i bud shing bsregs pa'o/ /'dod pa 'di dag thams cad ni/ /rang rang lha dag rang bzhin skye/ /de ltar bdag gzhan mchod byed pa/ / bde bar gshegs pa'i dam tshig yin/ /gang zhig la ni de sku sogs/ /sangs rgyas kun la mchod byed dang / /rjes su rig pa 'gro ba'i don/ /rtag tu mnyam gzhag bsam gtan bya/ /gang zhig lus ngag dngos po las/ /phyag rgya sngags kyi bdag nyid che/ /las de yang dag brtsams nas su//sangs rgyas thams cad mchod par bya/ /rnam rtog dngos po gcig pu la/ /sna tshogs rnam par snang ba ste/ /sdug bsngal bde ba grol 'byung ba/ /ci phyir las ma lus pa yin/ /de phyir dge dang mi dge las/ /lus la sogs pa'i rtog pa 'byung //kun rtog thams cad nges grol nas/ /ye shes rtogs par ga la 'gyur/ /don yod rdo rje dkyil 'khor gtsor/ /bsams nas dam tshig bslab don du/ /snying gar las kyi rdo rje khang / /bsams nas kun bdag dbang bskur bya/ /bla ma brnyas sogs skyon gyur na//yon dang bcas par ston mo dbul/ /rang gi dkyil 'khor la gnas te/ /bdag nyid la ni pha rol tu/ /rim pa gcig ni rnam bsams pa/ /snga ma'i gzugs ni gnas gyur nas/ /zhe sdang gzugs su rnam par gnas/ /an+d+ra nI la'i mdog lta bu//zhal gdangs mche ba gtsigs pas 'jigs/ /mi 'khrugs 'bar ba spyi bor 'chang / /'jig rten khams kun 'khrugs par byed/ /nyi ma'i dkyil 'khor dbus gnas pa/ /nyi ma bye ba phrag brgya'i 'od/ /dmar ba'i spyan ni 'jigs pa che/ /rgyan rnams kun gyis rab tu brgyan//khro gnyer zhi ba 'dod chags che/ /zhal gsum dag ni rnam par 'chang / /rang gi dam tshig mnyam par ldan/ /phyag drug gis ni mngon par brgyan/ /'dzam bu na da'i 'od 'dra ba'i/ /sangs rgyas sprin gyis rnam 'khrigs pa'i/ /rdo rje chen po rtse dgu pa//de yi phyag tu rnam par bsgom/ /sngar gsungs pa yi rim bzhin du/ /phyag rgya phyi ma rnam par bsgom/ /zhe sdang rdo rjer byin brlabs nas/ /dkyil 'khor thams cad rab tu spro/ /dzin dzi ka /sa bon las ni bskyed bya ba/ /rnam par snang mdzad gtso bo ste//zhi ba'i cha lugs dag dang ldan/ /phyogs ni thams cad snang bar mdzad/ /ston ka'i 'dam bu'i 'od 'dra ba/ /ral pa'i cod pan dag gis brgyan/ /mi 'khrugs pas ni dbang bskur zhing / /sna tshogs rgyan rnams kun gyis brgyan/ /dkar dang gnag dang dmar chen po//kha dog gsum pa zhal gsum pa/ /'od zer sna tshogs chen pos brgyan/ /phyag drug rnam par bsgom par bya/ /'khor lo rdo rje pad+ma dkar/ /g.yas pa'i phyag tu rnam par bsam/ /dril bu nor bu ral gri rnams/ /g.yon pa'i phyag tu rnam par bsgom/ / snying las de bzhin byung nas ni/ /phyogs kun du ni rnam par gzigs/ /sangs rgyas rdzu 'phrul mdzad la sogs/ /chos kyi 'khor lo rab tu bskor/ /gti mug lam la rab gnas pa'i/ /sems can ma lus sbyangs nas ni/ /slar log mdun gyi phyogs dag na/ /zla ba'i dbus su rnam par gnas//rat+na d+h+r-ika /sa bon las ni skyes pa yi/ /dkon mchog dbal ni mkhas pas bskyed/ /ral pa cod pan 'chang la zhi/ /mi 'khrugs dbang bskur bas ni brgyan/ /zhal gsum kha dog gsum pa ste/ /ser dang dmar dang dkar ba'i zhal//thams cad rgyan dang rab ldan pa'i/ /phyag drug pa ni rnam par bsgom/ /nor bu rdo rje 'khor lo ni/ /g.yas pa'i phyag tu bsgom par bya/ /dril bu ral gri pad+ma ser/ /g.yon pa dag tu rnam par bsgom/ /de bzhin snying ga nas byung nas/ /'jig rten khams ni rnam par gzigs//nga rgyal gnas la gnas pa yi/ /sems can thams cad sbyong bar mdzad/ /rin chen chen po slar gshegs nas/ /thams cad dbang bskur phun sum tshogs/ /rdo rje sems dpa'i g.yas phyogs kyi/ /rin chen dbus su rnam par bzhugs/ / a ro l-ika/ sa bon dag las grub pa yis/ /rdo rje snang ba mtha' yas bskyed/ /pad+ma rA ga'i mdog 'dra ba'i/ /mi 'khrugs pas ni cod pan brgyan/ /zhi ba ral pa cod pan 'chang / /dmar dang gnag dang dkar ba'i zhal/ /thams cad rgyan gyis rnam brgyan pa'i/ /phyag drug pa ni bsgom par bya//g.yon pa 'gying bas pad+ma 'dzin/ /dril bu dkur brten phan phyir te/ /g.yas par pad+ma skyong mdzad cing / /thugs kar pad+ma kha yang 'byed/ /phyag gnyis rdo rje 'khor lo dang / /g.yon gnyis rin chen ral gri bsnams/ /snying ga nas ni byung gyur nas//thams cad phyogs su rnam par gzigs/ /sems can 'dod chags ldan sbyong ste/ /'dam can chu yi pad+ma bzhin/ /slar gshegs pad+ma'i dbus su ni/ /rgyab kyi phyogs su mngon par bzhugs/ /pradz+nyA d+h+r-ika/ sa bon las ni grub pa yi/ /rdo rje gdon mi za ba bskyed/ / ljang gu baiDUR+Ya 'dra ba/ /ral pa cod pan rdo rje gnas/ /thams cad rgyan gyis rnam par brgyan/ /ljang gu gnag dang dkar ba'i zhal/ /'od zer rnam lnga 'khrigs par 'bar/ /phyag drug rnam par bsam par bya/ /ral gri rdo rje rgya gram dang / /'khor lo g.yas pa'i phyag tu bsgom/ / dril bu pad+ma'i sdong bcas dang / /nor bu g.yon pa'i phyag tu bsam/ /de bzhin snying ga nas byung nas/ /phyogs bcu kun du gzigs mdzad de/ /brdzun tshig smra ba'i lam gnas pa'i/ /sems can thams cad kun du spyod/ /sna tshogs chen po slar gshegs nas/ /gru gsum dkyil 'khor dbus su ni//rdo rje sems kyi byang phyogs su/ /sems dpa'i skyil mo krung gis bzhugs/ /zhe sdang gti mug 'dod chags dang / /yid bzhin nor bu dam tshig ste/ /rigs lngar gtogs pa 'di rnams kyis/ /'dod dang grol bar rab grub pa'o/ /dwe Shar ti/ gsang sngags las ni grub pa yi//rgyal ba'i yum gyi lha mo bskyed/ /sngo bsangs ut+pal mdog 'dra ba/ /yid du 'ong ba mdzes pa'i zhal/ /gnag dang dmar dang dkar 'dra ba'i/ /zhal gsum gyis ni rnam par brgyan/ /mi 'khrugs cod pan gnas byas pa'i/ /phyag drug pa ni bsgom par bya//rgyal mo rdo rje 'khor lo 'dzin/ /sngo dmar ut+pal phyag na bsnams/ /g.yon pa 'gying bas dril bu ste/ /rin chen ral gri rtag tu 'chang / /snying ga nas ni byung gyur nas/ /phyogs bcur rnam par gzigs mdzad de/ /bgegs chen gyis ni 'jigs rnams la//rtag tu srung ba nyid du mdzad/ /'bar bslar yang gshegs nas ni/ /rdo rje dkyil 'khor dbus ma yin/ /lho yi grwar ni bzhugs nas kyang / /rab dgyes rdo rje la yang gzigs/ /mo ha ra ti/ gsang sngags las ni grub pa yi/ /spyan gyi lha mo bskyed par bya/ / ston ka'i zla ba'i mdog 'dra ba'i/ /rnam par snang mdzad spyi bor gnas/ /me tog sna tshogs tshad med pas/ /dbu la thod du rnam par bcings/ /dkar dang gnag dang dmar chen po'i/ /zhal gsum pa ni rab tu 'bar/ /cha lugs brgyad dang ldan pa ste/ /'od zer dkar pos kun du 'khrigs//rgyan rnams kun dang ldan pa yi/ /phyag drug pa ni rnam par bsam/ /rgyal mo 'khor lo rdo rje 'dzin/ /ut+pal dkar po phyag na bsnams/ /rin chen sdong bu g.yon na ste/ /dril bu ral gri 'dzin pa'i mchog /de bzhin snying ga nas byung nas/ /phyogs bcu dag tu rnam par gzigs//gdon nad na ba'i sems can dag /zhi ba'i gnas kyis zhi bar mdzad/ /snang mdzad de ni slar gshegs nas/ /dad pa'i dkyil 'khor dbus su ni/ /shar gyi grwar ni bzhugs nas kyang / /rdo rje mgon la gzigs par mdzad/ / rA ga ra ti/ gsang sngags las ni grub pa yi/ /gos dkar mo ni bskyed par bya/ /zhal mdzes spyan ni ring ba ste/ /pad+ma rA ga zla mdog 'dra/ /zhal gsum dag ni bzhad pa'i zhal/ /dmar dang gnag dang dkar ba ste/ /snang ba mtha' yas cod pan gnas/ /thams cad rgyan gyis rnam par brgyan//sgyu 'phrul mtshon las kun du 'byung / /'dod chags dmar po 'chad la dga'/ /mtshan rnams thams cad kun rdzogs pa'i/ /phyag drug rnam par bsgom par bya/ /g.yon pa 'gying bas dril bu dang / /sdong bu lor bcas ut+pal 'dzin/ /sgeg dang bcas pa'i g.yas pa yis//ut+pal dmar po kha yang 'byed/ /gnyis ni rdo rje 'khor lo 'dzin/ /g.yon gnyis nor bu ral gri 'chang / /snying ga nas ni byung gyur nas/ /thams cad phyogs su rnam par gzigs/ /gza' sogs kyis skams sems can rnams/ /tshe dang mtshungs par rgyas par mdzad//slar gshegs pad+ma'i dbus su bzhugs/ /badzra ra ti/ gsang sngags las ni grub pa yi/ /lha mo sgrol ma mkhas pas bskyed/ /yan lag mtshan rnams kun dang ldan/ /bud med ma rungs myos mdzad brtson/ /mdzes pa'i zhal ni spyan ring ba/ /margad ser po'i mdog kyang 'dra//gdon mi za mchog cod pan mdzes/ /me tog phreng gi cod pan dkris/ /ljang gu nag dang dkar 'dra ba'i/ /zhal gsum gyis ni rnam par brgyan/ /rgyan rnams thams cad kun rdzogs pa'i/ /phyag drug pa ni bsam par bya/ /rdo rje rgya gram 'khor lo 'dzin/ / ut+pal ser po phyag na bsnams/ /g.yon pa 'gying bas dril bu ste/ /rin chen ral gris phyag ni brgyan/ /snying ga nas ni byung gyur nas/ /'dod chags zhe sdang gis rmongs pa'i/ /sems can dbang du byed pa ni/ /'od kyis reg pa tsam gyis te/ /sems ni med ltar dbang gyur nas//thams cad mngon par phyogs par gnas/ /slar gshegs dam tshig dbus su ni/ /byang gi phyogs kyi grwar ni bzhugs/ /gsang sngags yi ge las grub pa'i/ /mkhas pas byang chub sems dpa' bskyed/ /rigs kyi bdag pos dbang bskur ba'i/ /kha dog gsum dag zhal gsum pa'o//rnam pa thams cad mchog ldan pa/ /phyag drug pa ni rnam par bsgom/ /so so'i rigs bzhin kha dog brgya/ /de dag thams cad bsgom par bya/ /sgrol ma'i phyag rgyar gsungs pa ni/ /kun du bzang po bsgom par bya/ /ut+pal yongs su bsal nas ni//pad+ma de la sbyin par bya/ /byams pa klu shing me tog ste/ /lhag ma rnam snang mdzad kyi gnas/ /'jam dpal dril bu ral gri mchog /de bzhin du ni rab tu gnas/ /lag pa g.yon pa sa la gnon/ /g.yas pa zhu ba'i phyag rgya ste/ /lhag ma kun du bzang po yi/ /phyag rgya de ni rnam par bsgom//shar gyi ngos la gnyis nyid de/ /sa yi snying po byams pa gnas/ /lhor ni phyag na rdo rje dang / /nam mkha' zhes bstan kun du gnas/ /nub tu 'jig rten dbang phyug dang / /'jam pa'i dbyangs ni rnam par gnas/ /byang du sgrib sel bstan pa dang / / kun du bzang po rab tu grags/ /'di ltar 'di yi dam gsungs pa/ /gzugs kyi rdo rje la sogs lha/ /'di dang thabs cig bzhugs pa ni/ /lag gnyis rang rtags ldan par gzhag /gzugs ni lag gnyis me long 'dzin/ /sgra ni lag gnyis pi wang ngo / /dri ni lag gnyis dung phor te//ro ni lag gnyis snod gnas so/ /reg ni rdo rje yongs 'khyud ma/ /snying ga dag tu yongs su 'khyud/ /rdo rje rgya gram dam tshig gis/ /bde bar gnas pa chos kyi dbyings/ /rnam snang mdzad sogs kha dog dang / /mtshon cha dag ni sna tshogs te/ / gzugs la sogs pa rnam bsgom pa/ /ji skad gsungs pa'i rim bzhin no/ /rnam par sel dang byams gnyis kyi/ /kha dog mtshon cha ji bzhin gnas/ /dam tshig gnyis ni bsgom bya ba/ /byams pa snying rje zhes bya gnyis/ /ya mAn+ta kr-ita/ ye shes las ni grub pa yi/ / rdo rje zhabs drug bskyed par bya/ /sprin sngo lta bu'i kha dog la/ /gsus po che la stobs po che/ /'od zer stug po dag gis 'bar/ /kun du khros pa'i 'jigs dang bcas/ /spyan dmar zhal gdangs mche ba gtsigs/ /zhal gsum dag ni rnam par bskyod//'bar ba'i dbu ni gyen du bcings/ /rtag par cod pan gnas byas te/ /yan lag rgyan gyis rab brgyan pa'i/ /phyag drug rnam par bsgom par bya/ /'khor lo ral gri bsnyems pas 'dzin/ /gtun shing mngon par bstod pa'i phyag /g.yon pa 'gying bas dril bu mchog /dgra sta zhags pa bsdigs par bcas/ /snying ga nas ni byung gyur pa/ /nyi ma'i dkyil 'khor dbus dag tu/ /g.yas brkyang gnon pa'i tshul gyis ni/ /shar phyogs kyi ni sgor gnas so/ /pradz+nyAn+ta kr-ita/ ye shes las ni grub pa yi/ /rdo rje gzhan gyis mi thub bskyed//'od zer 'phro ba gdug 'bar zhing / /sprul rnams kyis ni yan lag brgyan/ /'bar ba'i dbu ni brtan par bcings/ /mi 'khrugs pas ni spyi bor brgyan/ /khro gnyer mdzad cing dmar ba'i spyan/ /zhal gsum dag ni rnam par gdangs/ /dung dang kun+da zla 'dra ba'i/ / zhabs g.yas brkyang bar gnas pa ste/ /rnam pa thams cad mchog ldan pa/ /phyag drug pa ni rnam par bsgom/ /rdo rje be con phyag na bsgreng / /ral gri 'debs pa'i tshul du gnas/ /g.yon pa 'gying bas dril bu 'dzin/ /dgra sta mdzub mo zhags pa 'chang / /de bzhin snying ga nas byung nas//nyi ma'i dkyil 'khor dbus dag tu/ /lho yi sgo yi dbus su ni/ /'dod pa'i khro bo kun du gnas/ /pad+mAn+ta kr-ita/ ye shes las ni grub pa yi/ /rdo rje gnyis med bskyed par bya/ /'od zer stug po 'phro 'bar ba'i/ /ban+du ka yi me tog 'dra/ /dbu skra 'bar bcings gyen du 'greng //rdo rje snang bas rnam par brgyan/ /phyag drug pa ni 'jigs pa che/ /zhal ni khro gnyer mdzad pa ste/ /phyag na pad+ma bskyod pa che/ /ral gri gtun shing mtshon cha'i phyag /g.yas brkyang 'gying ba'i tshul du gnas/ /g.yon pa dgra sta zhags pa 'chang / /khro bo snying ga nas byung nas//nyi ma'i dkyil 'khor dbus su ni/ /btul nas rang gi dkyil 'khor la/ /nub phyogs kyi ni sgo ru gnas/ /big+h+nan+ta kr-ita/ ye shes las ni grub pa yi/ /bdud rtsi 'khyil pa bskyed par bya/ /'od zer stug po 'bar ba ni/ /kha dog zar ma'i me tog 'dra/ /'bar bas 'khrigs pa'i sgra can dang //rdo rje don grub cod pan can/ /zhal gsum khro gnyer rab bskyod cing / /mche ba rno can ha har bzhad/ /rdo rje rgya gram ral gri mtshon/ /phyag na gtun shing gsod par gnas/ /dril bu dgra sta ral gri dang / /g.yon pa'i phyag tu rnam par brtag/ de bzhin snying ga nas byung nas/ /nyi ma'i dkyil 'khor dbus su ni/ /khro bo zhabs g.yas brkyang ba yis/ /byang gi sgo yi dbus su gnas/ /khro bo'i dam tshig gsungs pa ni/ /ro langs gzhan gyis mi thub ma/ /khro gnyer ral pa gcig ma ste/ /lha mo 'di bzhi rab tu grags//sangs rgyas rnams ni mnyam sbyor ba/ /sems dpa'i skyil krung sbyor ba ste/ /byang chub sems dpa' de bzhin gsungs/ /khro mo g.yon brkyang dag tu'o/ /dkyil 'khor dag ni bskyed pa rnams/ /thams cad dam tshig bzhis rgyas gdab/ /de ltar sbyor bas mnyam bsdus nas//phra mo'i sbyor ba brtsam par bya/ /sna rtser yungs kar bsams nas ni/ /yungs kar de ni spro zhing bsdu/ /tshad med ye shes gnas bsgom pa'i/ /gsang ba'i ye shes brtags pa'o/ /kha dog lnga pa'i rin po che/ /yungs kar sbom po'i tshad tsam dag /sna yi rtse mor nan tan du//rnal 'byor pas ni rtag tu bsgom/ /brtan par gyur nas rin chen spro/ /brtan par ma gyur spro mi bya/ /sangs rgyas 'od 'bar lta bu yi/ /sprin gyi mchog ni spro bar bya/ /rdo rje 'khor lo sprin chen po/ /pad+ma mdzod ni mtshon cha 'dzin/ /byang chub sems dpa' sprin chen po//spro ba'i bdag nyid spro bar bya/ /ut+pal sngon po'i 'dab 'dra ba'i/ /rtse mo lnga pa khyad par du/ /nas kyi tshad tsam nan tan gyis/ /sna yi rtse mor rnam par bsam/ /'khor lo la sogs bye brag gis/ /de ltar bsgoms pas brtags pa ste/ /byang chub tshad med 'grub 'gyur zhing //yon tan gnas rnams thams cad 'grub/ /mdor na de ltar bskyed byas na/ /sangs rgyas byang chub rab tu gnas/ /chos kyi gnas ni 'byung 'gyur te/ /lus dang ngag yid mtshon pa'o/ /de nas spro bar bya ba ni/ /rdo rje bye ba grangs med de//til gong bzhin du mkha' dgang la/ /rdo rje bzlas pa brtsam par bya/ /bzlas mthar sangs rgyas ye shes kyi/ /rdo rje mi phyed gsum bsgoms te/ /rdo rje bzlas pa'i spyor bas ni/ /sangs rgyas kun gyi byin gyis rlob/ /dus gsum sangs rgyas kun 'byung ba//sku gsung thugs ni rdo rje ste/ /rdo rje gsang sngags byin rlabs kyis/ /mtshungs pa med pa'i ye shes 'thob/ /gsang sngags don kun bzlas pa ni/ /rdo rje mi phyed gsum gyis mtshan/ /rdo rje mi phyed gsum rdzogs pa/ /'di dmigs rdo rje gsum zhes bya/ /sangs rgyas rnams kyi sku gsung thugs//rdo rje ye shes bsgoms nas ni/ /mchod pa'i mchog ni rtag byas na/ /'dis ni byang chub mtshungs par 'gyur/ /sku gsung thugs ni mngon sum du/ /cho ga gsum gyis spro bar bya/ /bzlas pa rdo rje 'di yis ni/ /rdo rje gsum gyi sems 'drar 'gyur/ / yang na spro bar bya ba ni/ /so sor gsum gyi bye brag gis/ /sku gsung thugs ni bdag med par/ /ye shes sems kyis spro bar bya/ /khro bo'i dam tshig ye shes kyis/ /rang gi rdo rje'i dkyil 'khor du/ /sngags kyi yi ge'i sgra sgrogs pa/ /de ni khro bo'i bzlas pa yin/ /bzlas pa rdo rje kun du spro//rdzogs nas rab tu bsdu bar bya/ /'di ni sangs rgyas thams cad kyis/ /bzlas par gsungs ba don dam pa'o/ /chos dang phyag rgya glur blangs pa/ /rdo rje tshig tu sbyor ba ste/ /'di ni gsal ba gsang ba'i tshig /rdo rje'i tshig ni skad gdangs med/ /hUM badzra d+h+r-ika /gsum pa spros pa bsdus nas ni//rdo rje sems dpa' bsgrub par bya/ /gal te rgyal po ma grub na/ /drag shul sbyor bas bsgrub par bya/ /rdo rje chen pos bsgrub par bya/ /cho ga bzhin du rtag bsgoms te/ /snying ga dag tu brdeg pa yis/ /ye shes sems dpa' rab tu bskul/ /yang na rang gi dam tshig khro//lus dang ngag sems las byung ba/ /g.yon pa'i phyag na lcags kyu dang / /g.yas pa na ni rdo rje 'dzin/ /gal te me ltar 'bar ba yi/ /stobs chen de ni gtang bar bya/ /mi gnas mya ngan 'das pa thob/ /rdo rje sems dpa' gnas pa de/ /khro bos snying gar brdeg bya zhing //khro bo'i tshig gis bskul bar bya/ /che ge zhes bya rdo rje che/ /khyod ni sgrub par gnas pa ste/ /'di ltar rtag tu khyod la gus/ /de ni dam tshig srung ba'i mchog /dbang bskur rjes su gnang ba ste/ /de la dngos grub rab tu stsol/ /'di ni rdo rje tshul mchog ste//zhag bdun bar du byas na ni/ /lus ngag yid ni 'grub 'gyur te/ /rdo rje gsang ba'i dngos grub bo/ /'jigs shing skrag pa'i sems kyis ni/ /mchog sbyin mgon po gzigs mdzad de/ /chog shes sems dang dga' bar ni/ /dngos grub chen po stsol bar mdzad//rdo rje gsum 'byung 'dra bar ni/ /'dis ni byang chub thob 'gyur te/ /rgyal ba byang chub rgya mtsho yi/ /rdo rje sems dpar de 'gyur ro/ /spyan la sogs pa'i lha mo dang / /bral ba'i cha lugs ji bzhin du/ /bde ba mchog la zhen pa yis/ /rdo rje sems dpa' rnam par gzigs//snyan cing 'jebs pa'i dbyangs dag dang / /phra mo yi ni dbyangs la sogs/ /'dod pa bde ba zhi don gyis/ /bskul ba dag tu rnam par bsam/ /rdo rje sems khyod sa bdag ste/ /sems can khams ni skyed mdzad pa/ /'dod dga' yid 'ong don chen te/ / sems can kun gnyen che mchog gis/ /gal te bdag srog bzhed pa na/ /mgon po bdag la 'dod pa spyod/ /rdo rje sku khyod sangs rgyas 'khor lo don/ /sems can mang po dga' ba rtogs mdzad cing / /byang chub dam pa'i don ni phan pa ston/ /dam tshig la ni 'dod pas 'dod chags pa//gal te mgon po bdag srog bzhed pa na/ /khyod kyis 'dod pa bdag la spyad du gsol/ /rdo rje gsung khyod thams cad kun la ni/ /phan dang 'jig rten thugs brtse sems can don/ /dgos pa'i bya ba kun la rab tu chags/ /gal te mgon po bdag srog bzhed pa na/ / rab dgyes kun bzang 'dod pas bdag la spyod/ /rdo rje 'dod khyed dam tshig mchog lags te/ /phan pa'i don chen rdzogs sangs rgyas pa'i rigs/ /mnyam nyid thig le rjes su thugs brtser ldan/ /gal te mgon po bdag srog bzhed pa na/ /yon tan rin chen gtar mang bdag la spyod//de ltar lha mos bskul nas ni/ /de bzhin gshegs la stod par byed/ /mi bskyod pa ni ye shes che/ /rdo rje dbyings ni mkha' chen po/ /rdo rje gsum mchog dkyil 'khor gsum/ /gsang ba gsum la phyag 'tshal lo/ /rnam par snang mdzad dga' chen po//rdo rje zhi ba dgyes pa che/ /rang bzhin gyis ni 'od gsal chos/ /rdo rje ston la phyag 'tshal lo/ /rin chen rgyal po shin tu zab/ /nam mkha' rdo rje dri med mkha'/ /rang bzhin dag pa dri ma med/ /gsang ba gsum la phyag 'tshal lo/ /rgyal chen rdo rje snang mtha' yas//rnam par mi rtog rdo rje mkha'/ /'dod chags pha rol phyin brnyes pa'i/ /rdo rje gsum la phyag 'tshal lo/ /rdo rje don grub rdzogs sangs rgyas/ /bsam pa thams cad rdzogs par mdzad/ /rang bzhin dag pa nyid las byung / /rdo rje sems la phyag 'tshal lo//'di ltar bstod tshig zhi ba yis/ /sangs rgyas thams cad bskul byas nas/ /rdo rje longs spyod kyis bstod na/ /de yang sangs rgyas 'dra bar 'gyur/ /lha mos de bzhin gshegs bstod pa/ /rdo rje blo yis gzigs nas ni/ /sku gsung thugs la bsdus mdzad nas/ / sna tshogs rjes su chags par mdzad/ /dkyil 'khor thams cad mthong ba ni/ /sku gsung thugs kyi rdo rje ni/ /cho ga bzhin du brtan byas nas/ /bzlas pa dag ni bsdu bar bya/ /ting nge 'dzin la dmigs pa na/ /sngags pa lus nyam chung gyur na/ /lus ngag yid ni brtan bya'i phyir//sbyor ba 'di ni brtsam par bya/ /spyi bor dkyil 'khor brtag pa ni/ /mtho gang gi ni tshad tsam ste/ /oM ni dbus su bsgoms nas kyang / /bdud rtsi lnga ni 'gyur bar bsam/ /rdo rje sbyor ba 'di yis ni/ /skad cig gis ni mdangs ldan 'gyur/ /lus dang ngag sems bde gnas pa//the tshom med par 'grub pa yin/ /bkres skom la sogs sdug bsngal la/ /sbyor ba 'di ni rnam par bsam/ /sdug bsngal thams cad med 'gyur ba/ /mi gtsang rdo rje tshig bzhin te/ /rnam par snang mdzad gzugs chen po/ /bsgoms pas don kun phun sum tshogs//ba ni kha la bsgom byas nas/ /oM zhes pa ni lce la dmigs/ /bza' ba kun gyi gnas gyur pa/ /yid bzhin nor bus rnam par brgyan/ /sdug bsngal kun sel rab zhi ba/ /ye shes rdo rje byin brlab ste/ /gang zhig 'di ni sgom byed pa/ /byang chub sems dpa' grags chen 'gyur//rdo rje sems dpa'i sbyor ldan na/ /sku gsung dngos grub thob par 'gyur/ /dad pa med dang theg dman zhugs/ /'dod chags zhe sdang dbang rtul na/ /slob bu la yang sbyin mi bya/ /gang phyir sgrub pa 'di brtsams pa/ /rgyud don mngon par rtogs nas ni/ /rdo rje sems bsgrub phyir bris te/