བོད་ཡིག |
89b1 @##/ /rgya gar skad du/ shrI gu h+ya sa mA dza tan+t+ra ni dA na gu rU pa de she nA khya ta/ bod skad du/ dpal gsang ba 'dus pa'i rgyud kyi gleng gzhi bla ma'i man ngag gis bshad pa/ thams cad mkhyen pa la phyag 'tshal lo/ /de nas gsang ba 'dus pa'i rgyud kyi gleng gzhi bla ma'i man ngag gis bshad par bya'o/ /
89b2 de la rgyud 'di mgo mjug tu phun sum tshogs pa rnam pa lnga dang ldan par ston to/ /lnga gang zhe na/ ston pa phun sum tshogs pa dang / sdud pa po phun sum tshogs pa dang / gnas phun sum tshogs pa dang / 'khor phun sum tshogs pa dang / rgyud phun sum tshogs pa'o/ /de la bcom ldan 'das zhes bya bas ni ston
89b3 pa phun sum tshogs pa ston to//bdag gis thos pa dus gcig na zhes bya bas ni sdud pa phun sum tshogs pa ston to/ /de bzhin gshegs pa thams cad kyi zhes bya ba nas btsun mo'i dkyil na bzhugs so zhes bya ba'i bar gyis ni gnas phun sum tshogs
89b4 pa ston to//brjod du med pa'i yang brjod du med pa'i sangs rgyas kyi zhing gi zhes bya ba nas de bzhin gshegs pa thams cad kyis gang bar snang ngo zhes bya ba'i bar gyis ni 'khor phun sum tshogs pa ston to/ /'dis ci'i phyir rgyud phun sum tshogs pa ston zhe na/ ji skad brjod
89b5 pas rgyud mgo mjug gi don rdzogs par 'dren pa'i phyir rgyud phun tshogs pa ston to//de la yang bcom ldan 'das zhes gong du bstan pa ni kun rdzob tu 'dod chags nas phrag dog gi bar gyi chos lnga po'i rang bzhin dang / sa bon gyi ngo bor gnas par bstan te/ de'i
89b6 ngo bo lhun gyis grub pa ni 'dod chags snang ba mtha' yas/zhe sdang mi 'khrugs pa/ gti mug rnam par snang mdzad/ nga rgyal rin chen 'byung ldan/ phrag dog gdon mi za bar grub pa/ sa bon ni rnam par snang mdzad chen po'o/ /chos lnga po 'di dag
89b7 las ye shes lngar yang sbyar te/de la me long lta bu'i ye shes ni mi 'khrugs pa/ mnyam pa nyid kyi ye shes ni rin chen 'byung ldan/ so sor kun du rtog pa'i ye shes ni snang ba mtha' yas/ bya ba grub pa'i ye shes ni gdon mi za bar grub pa'o/ /ci'i phyir
90a1 gdon mi za bar grub pa'i ye shes kyi ngo bor bstan zhe na/las kyi rang bzhin yin pa'i phyir ro/ /chos kyi dbyings kyi ye shes ni rnam par snang mdzad do/ /rnam par snang mdzad chen po ni yang dag pa'i ye shes so/ /ye shes 'di dag
90a2 las gzugs la sogs pa'i ngo bor gnas pa thams cad kyang 'byung bar 'gyur te/de la rim par sbyar na gzugs kyi phung po rnam par snang mdzad/ tshor ba rin chen 'byung ldan/ 'du shes snang ba mtha' yas/ 'du byed gdon mi za bar grub pa/
90a3 rnam par shes pa mi 'khrugs pa'o/ /'di dag thams cad dam tshig gi ngo bor yang shes par bya ste/ de la yang gzugs rnam gsum ni rnam par snang mdzad/ sgra rnam gsum ni rin chen 'byung ldan/ dri rnam gsum ni snang ba mtha' yas/ ro rnam
90a4 gsum ni gdon mi za bar grub pa/reg rnam gsum ni mi 'khrugs pa'o/ /gzhan yang byang chub kyi sems lhun gyis grub pa las chos lnga po 'di dag skyed par byed de/ lnga gang zhe na/ sa chu me rlung nam mkha'o/ /de ji ltar skyed par byed ce na/ de yang rim
90a5 par dbye na/sa'i khams ni sangs rgyas spyan/ chu'i khams ni mA ma kI/ me'i khams ni gos dkar mo/ rlung gi khams ni 'phags ma sgrol ma/ nam mkha'i khams ni rdo rje dbyings kyi dbang phyug ma'o/ /de yang 'bras bu rnam pa lnga skyed par byed de/ de
90a6 gang zhe na/zad par sar bsgoms pas ni nam mkha' la 'chag pa dang gzhal med khang mngon par skyed par byed do/ /byang chub kyi sems rlan pa lta bu'i rang bzhin du bsgoms pas ni 'jig rten thams cad chus yongs su gang bar spro ba dang bsdu ba nus
90a7 par 'gyur ro//mer bsgoms pas ni 'bar ba'i rdzu 'phrul skyed par byed do/ /rlung gi khams su bsgoms pas ni yid kyi 'gro ba skyed par byed do/ /nam mkha'i khams su bsgoms pas ni sgrib pa med pa'i ye shes skyed par byed do/ /'bras bu mdo
90b1 tsam zhig bstan pa yin no//gzhan yang mig la sogs pas 'phrul gyi mig la sogs pa skyed pa'i rgyur yang ston te/ de yang gang zhe na/ mig dang / rna ba dang / sna dang / lce dang / lus dang / yid do/ /de la mig ni sa'i snying po/ rna ba ni phyag na rdo rje/ sna
90b2 ni nam mkha'i snying po/lce ni spyan ras gzigs dbang phyug /lus ni sgrib pa rnam par sel ba/ yid ni rdo rje sems dpa'o/ /de ltar bsgoms pa'i 'bras bu ni 'di dag skyed par byed de/ sa'i snying pos 'phrul gyi mig /phyag na rdo rjes 'phrul gyi rna ba/
90b3 nam mkha'i snying pos 'phrul gyi sna/ spyan ras gzigs kyi dbang pos 'phrul gyi lce ste/ sems can sna tshogs la sgra sna tshogs kyis so so'i mos ba ji lta ba bzhin chos ston pa'o/ /sgrib pa rnam par sel bas lus kyi rdzu 'phrul dang yid kyi gzugs dang sprul pa skyed
90b4 par byed do//gzhan yang 'jig rten gyi khams thams cad du rdo rje'i rdzu 'phrul yang skyed par byed do/ /yid rdo rje sems dpas ni sngon gyi gnas rjes su dran pa dang / zag pa thams cad zad pa'i ye shes skyed par byed do/ /mnyam par sbyor ba'i dus su 'phags
90b5 pa gshin rje gshed lag pa gnyis te lcags kyu'i don/'phags pa gzhan gyis mi thub pa rdo rje pad+mor zhugs pa ste zhags pa'i tshul/ 'phags pa rta mgrin ni phyag rgya chen po dang mu dra gnyis zhal sbyor ba ste lcags sgrog gi don to/ /'phags pa bdud rtsi
90b6 'khyil pa las kyi phyir las kyi dus su bde ba chen po'i gnas gnyis mnyes par byed pa ste dril bu'i don to//de dag thams cad byang chub kyi sems las byung bar ston to/ /thams cad mkhyen pa'i ye shes bskyed par 'dod pa'i rnal 'byor pas/ sngar bsdus pa'i don gsal
90b7 bar bstan nas/phyis slob dpon gyi rgyud bshad par brtsam par bya'o/ /de la 'di skad bdag gis thos pa zhes bya ba nas/ btsun mo'i dkyil na bzhugs so zhes pa'i bar dag gi don ni slob dpon gyi man ngag gis bstan par bya ste/ e zhes pa dam tshig gi phyag rgya/ waM zhes
91a1 pa ni phyag rgya chen po/ma ni chos kyi phyag rgya/ yA ni las kyi phyag rgya/ shru kra zhes pa ni spro ba'i don to/ /e zhes pa ni gzungs ma'o/ /waM zhes bya ba ni byang chub kyi sems rdo rje/ 'di'i dus na zhes pa ni 'di'i tshe na zhes bya bar sbyar/ yang na sa ma
91a2 ya zhes pa ni dus dang mi sbyar gyi/'di'i phyag rgya nyid la gnas so zhes bya bar sbyar ro/ /bcom ldan 'das zhes bya ba ni bdud sde bzhi bcom pa dang / legs pa'i yon tan drug dang ldan pa'i phyir yang bcom ldan 'das zhes bya'o/ /yang rnam pa gcig tu na/ ye
91a3 shes phun sum tshogs pa mnga' ba'i phyir yang bcom ldan 'das so//de bzhin gshegs pa zhes pa ni ji ltar skye ba bzhin skyes pa'i phyir yang de bzhin gshegs zhes pa'o/ /de la yang ji ltar skye zhe na/ pha ma gnyis thog ma med pa'i dus nas 'dod chags dang ldan pa'i
91a4 dbang gis pho mo phrad par gyur nas/de nyid rnam par sbyangs nas yang dag pa'i lam du 'gro ba'i phyir na de bzhin gshegs pa'o/ /yang na ji ltar 'ongs bzhin 'gro ba'i phyir yang de bzhin gshegs pa'o/ /dper na zangs dang 'khar ba la sogs pa rdzas
91a5 kyi dngos po gcig la chol zangs su byas pa'i dus na ni btsog par 'dzin cing mchil snabs la sogs pa 'dor bar byed/de la gzhong ba la sogs par byas na ni gtsang bar 'dzin cing / zas skom la sogs pa 'jog cing za bar byed/ de la sku gzugs
91a6 la sogs pa byas pa'i dus na ni phyag 'tshal zhing mchod pa'i las su byed do//de dang 'dra bar 'khor ba'i rgyu 'dod chags kyang nyon mongs pa dang bcas pa'i dus na ni smad cing spang bar bya ba yin la de nyid thabs dang shes rab kyi tshul du sbyor ba'i dus na rdo rje sems
91a7 dpa'i skur grub par byed pa'i dga' ba'i longs spyod kyi gnas kyang yin la/de ltar thabs dang shes rab zung du 'brel ba'i ting nge 'dzin gyi longs spyod goms pa'i dbang gis 'bras bu dpal rdo rje sems dpa' nyid mngon par grub par byed do/ /de bzhin du 'dod chags
91b1 nas phrag dog gi bar gyi chos lnga po 'di dag kyang dang po'i tshul ltar spyad na ngan song gi rgyu yang yin/de nyid rang bzhin rnam par dag par bsgoms na thams cad mkhyen pa'i ye shes bskyed pa'i rgyu yang yin pas nyes par mi 'gyur te/ de'i phyir de bzhin gshegs pa zhes bya'o/ /
91b2 de bzhin gshegs pa'i sgra mang du sbyar zhing bshad ci dgos te/ rgyud kyi don nges par bstan pa 'di yin no// //sku dang gsung dang thugs kyi snying po rdo rje btsun mo'i dkyil na bzhugs so zhes bya ba la/ sku gsung thugs ni lus ngag yid do cog gi rang bzhin yang yin la/
91b3 de bzhin gshegs pa thams cad kyi sku la sogs pa'i rang bzhin yang yin pas de'i phyir sku dang gsung dang thugs rdo rje zhes bya'o/ /snying po ni sa bon te/ rnam par snang mdzad chen po'i btsun mo'i dkyil na bzhugs so zhes pa ni btsun mo ni dam tshig gi phyag rgya/ dkyil zhes pa ni pad+mo ste de ni bzhugs par
91b4 sbyar/de yang ji ltar bzhugs she na/ rnam par snang mdzad chen po ye shes kyi rang bzhin chu lta bu'i ngo bo zla ba lta bur dkar zhing dag pa'i tshul du bzhugs so/ /de la yang 'di skad ces pa nas btsun mo'i dkyil na bzhugs so zhes pa'i bar de dag rnam grangs gzhan du yang bstan par bya ste/ e ni chos kyi
91b5 'byung gnas/waM ni rdo rje ma ni rnam par snang mdzad chen po'i ye shes kyi sa bon/ ya ni bskyod pa las kyi mtshan nyid/ shru kra ni 'byung ba'i don/ e ka ni ldan pa'i mtshan nyid/ 'di'i dus na zhes bya ba ni rdo rje dbyings kyi dbang phyug ma'i dges pa'i gnas b+ha ga bAn ni b+ha ga'i gnas na bzhugs pa'i
91b6 phyir/b+ha ga bAn zhes bya'o/ /de bzhin gshegs pa thams cad kyi sku dang gsung dang thugs kyi snying po rdo rje zhes pa ni sa bon zla ba lta bu dang sbyar/ btsun mo'i dkyil na bzhugs so zhes pa ni de bzhin gshegs pa thams cad kyi sku dang gsung dang thugs rdo rje btsun mo rdo rje dbyings kyi dbang phyug ma'i
91b7 pad+ma'i gnas na bzhugs par ston to//bi dza ha ra'i sgras ni bzhugs pa'i don to/ /bzhugs so zhes pa'i sgras ni rnam par gnas so zhes pa'i don to/ /yang rnam grangs gzhan du yang bshad par bya ste/ e khaM zhes pa ni 'dzin pa'i don te/ sdud par mdzad pa rdo rje chos kyis bsdus
92a1 pa'o//de yang 'di skad ces bya ba nas/ bcom ldan 'das kyis gsungs pa la mngon par bstod do zhes pa'i bar dag /bdag gis mngon sum du thos so zhes ston to/ /bdag gis zhes pa ni gzhan dang gzhan las brgyud pa lta bu ma yin pa'i don to/ /
92a2 sa ma ya zhes pa'i sgra ni dus mtshon pa'o/ /'di ltar dus mtshon pa yang dus gsum la sogs pa dus nges par bstan pa ni ma yin no/ /ci'i phyir zhe na/ dgos pa med pa'i phyir ro/ /bcom ldan 'das zhes bya ba ni bdud bzhi bcom pa dang / dbang phyug la sogs pa dang ldan pa'i phyir bcom
92a3 ldan 'das zhes bya'o//de bzhin gshegs pa thams cad kyi sku dang gsung dang thugs snying po rdo rje zhes pa ni sangs rgyas bcom ldan 'das de dag gi thugs kyi snying po'i sa bon ni rdo rje zhes pa ni mi phyed pa'i mtshan nyid do/ /btsun mo zhes pa ni phyag rgya'i don to/ /bcom ldan 'das chos kyi 'byung
92a4 gnas de'i gnas na bzhugs so zhes bya ba de ni ngo mtshar che'o//skabs 'dir gzhan dag gis brgal ba bcom ldan 'das kyis gsungs pa zhes bya bas chog mod/ 'di skad bdag gis thos pa dgos ched med de/ de nas zhes bya ba dang rgyud ldan pa'am/ lhan cig ces byas na tshig 'brel
92a5 cing bde ste/de yang ci'i phyir zhe na/ bcom ldan 'das mya ngan las 'das pa'i 'og tu brjod na ni 'di skad bdag gis thos pa zhes brjod pa'i rigs kyi/ da ltar bcom ldan 'das mngon sum du bzhugs pa'i dus su 'di skad bdag gis thos pa zhes pa 'di rigs pa ma yin no zhe na/ lan du rigs
92a6 pa yin te/rgyud thams cad las kyang 'di skad bdag gis thos so zhes 'byung la/ ston pa mya ngan las 'das so zhes ni rgyud gzhan gang las kyang ma gsungs so/ /kha cig gis brgal ba/ rgyud sdud par mdzad pa dag med do zhes gzhan dag smra'o/ /de ci'i phyir zhe na/ rgyud 'di dag
92a7 gnyis su med par gnas pa'i phyir ro zhe'o//lan du rgyud 'di dag las phyir gyur pa gzhan dag ci ste 'dri ba po zhig med na rgyud 'di dag ji ltar 'byung bar 'gyur zhes rnam par rtog ste/ /de dag bsal ba'i phyir 'di skad bdag gis thos so zhes smos so/ /brjod du med pa'i yang brjod du med pa
92b1 zhes pa ni rgya gar gyi sgra dang sbyar na a phyi la ba ni grangs bstan pa yin la/nas bkag na grangs las 'das pa'i don du bstan pa yin te/ de'i phyir brjod du med pa zhes bya'o/ /yang brjod du med pa zhes bya ba ni gzugs dang yon tan brjod du med pa ste/ de'i phyir brjod du med pa'i brjod
92b2 du med pa zhes bya'o//de la sangs rgyas kyi zhing gi rdul phra rab dang mnyam pa zhes pa ni rab tu mang po'i don te grangs med pa'i byang chub sems dpa' chen po'o/ /byang chub sems dpa' chen po zhes pa la byang chub ni phyag rgya/ sems dpa' ni 'dod pa ste/ de'i phyir byang chub
92b3 sems dpa'o//de ci'i phyir zhe na/ de ni gnyis su med par gnas pa'i don to/ /sems dpa' chen po zhes pa ni bde ba chen po'i ye shes la gnas so zhes bya ba'i don te/ de'i phyir sems dpa' chen po zhes bya'o/ /de lta bas na chos kyi 'byung gnas la gnas so/ /de yang
92b4 su'i thad na bzhugs she na/bcom ldan 'das kyi 'khor na bzhugs so/ /de la gong du sangs rgyas kyi zhing rdul phran dang mnyam pa'i byang chub sems dpa' sems dpa' chen po zhes bsdus pa'i don du bstan gyi/ gang dang gang bzhugs pa bstan pa'i phyir 'dir so so'i mtshan
92b5 yang smos so//de la dam tshig rdo rje zhes bya ba'i byang chub sems dpa' chen po dang zhes bya ba thog mar ci'i phyir smos she na/ dam tshig gis lha rnams mnyes pa'i rgyur byed pa'i phyir gtsor smos te dang por bstan pa yin no/ /dam tshig nyid ji lta bu zhen rnam pa gnyis te/ phyi dang nang ngo / /
92b6 de la phyi gang zhe na/ 'jig rten pa'i bsrung bar bya ba rnams so/ /nang gi gang zhe na/ byang chub kyi sems la sogs pa bza' ba'o/ /de ltar dam tshig bsrungs nas sku bsgrub pa'i phyir sku rdo rje zhes bya ba'i byang chub sems dpa' chen po zhes bya ba smos so/ /gang gis sku grub pa dang /
92b7 tshig kyang dgos te/ sku dang gsung mi phyed par bstan pa'i phyir te/ bcom ldan 'das kyis kyang byang chub sems dpa'i tshul du mngon par sprul nas gnas par bstan to/ /de'i phyir gsung rdo rje zhes bya ba'i byang chub sems dpa' chen po zhes smos so/ /de ltar tshig 'grub nas sems
93a1 dpyod par byed de/de la sems ni dngos po thams cad dang rang bzhin gyis bral bar yang mkhyen la/ thams cad dang mi gnyis par yang mkhyen pas byang chub sems dpa'i tshul du mngon par sprul nas gnas par bstan te/ de'i phyir thugs rdo rje zhes bya ba'i byang
93a2 chub sems dpa' sems dpa' chen po zhes smos so//de la sku gsung thugs ting nge 'dzin med par sangs rgyas kyi sku gnyis su med par mngon par mi 'grub pas/ de'i phyir ting nge 'dzin rdo rje byang chub sems dpa' sems dpa' chen po zhes smos so/ /de ltar ting nge 'dzin thob
93a3 nas gang gis sems mngon par dga' bar 'gyur ba de rgyal bar bstan pa yin te/de'i phyir rgyal ba rdo rje zhes byang chub sems dpa' sems dpa' chen po smos so/ /gang gis sku gsung thugs dang phyag rgya chen po'i gzugs lha mo dang ldan pa'i bde ba chen po'i ye shes rgyal ba de thams cad
93a4 sa la sogs pa med par gzugs bskyed par mi nus pas de'i phyir sa rdo rje zhes byang chub sems dpa' sems dpa' chen po la sogs pa rim pa bzhin du bstan te/de'i phyir sa rdo rje zhes bya ba'i byang chub sems dpa' sems dpa' chen po smos so/ /da ni chos kyi chu'i char 'bebs pas
93a5 chu rdo rje zhes bya ba'i byang chub sems dpa' sems dpa' chen po zhes bya bar bstan to//de'i phyir chu rdo rje zhes bya'o/ /de ltar chu rdo rje zhes bya ba'i byang chub sems dpar bstan nas me las thams cad 'grub par bstan pa'i phyir me rdo rje zhes bya bar bstan to/ /de ltar me rdo rje zhes bya ba'i
93a6 byang chub sems dpar bstan nas/thams cad du 'gro ba'i gzugs lhun gyis grub par bstan pa'i phyir/ rlung rdo rje zhes bya ba'i byang chub sems dpar bstan to/ /de ltar rlung rdo rje zhes bya ba'i byang chub sems dpar bstan nas/ sgrib pa med par snang ba'i rang bzhin nam mkha' rdo rje
93a7 zhes bya ba'i byang chub sems dpa'i tshul du bcom ldan 'das kyis mngon par sprul pa'i phyir nam mkha' rdo rje zhes bya ba'i byang chub sems dpa' smos so//de ltar nam mkha' rdo rje zhes bya ba mngon par bsgrubs nas/ da ni gnyis su med pa la dmigs pa lta bas chog mi shes pa'i
93b1 gzugs ye shes kyi rang bzhin du bstan te/de'i phyir gzugs rdo rje zhes bya ba'i byang chub sems dpa' smos so/ /de ltar gzugs ji lta bu yang bstan nas/ gnyis su med pa'i sgras sems can thams cad kyi sems tshim par byed pa'i sgra bzhin dang / gang dag gis sgrar brjod
93b2 pa de dag byang chub sems dpa'i tshul du gnas par bstan te/de'i phyir sgra rdo rje zhes bya ba'i byang chub sems dpa' smos so/ /de ltar pad+ma dang rdo rje la sogs pa'i sgra bstan nas/ da ni bdag nyid rab tu tshim pa myong bar bstan pa'i phyir byang chub sems dpa'i tshul du bcom ldan 'das kyis
93b3 mngon par sprul nas gnas par bstan te/de'i phyir dri rdo rje zhes bya ba'i byang chub sems dpa' smos so/ /de ltar dri rdo rjes bdag dang gzhan gyi sems tshim par byed pa bstan nas/ da ni dam tshig dang zhal mi gnyis pa sprad pa'i ro myang bar bstan pa'i phyir byang chub sems dpa'i tshul du
93b4 gnas par bstan te/de'i phyir ro rdo rje zhes bya ba'i byang chub sems dpar smos so/ /de ltar ro rdo rje zhes bya bar bstan nas/ dbang po gnyis reg pa'i bde ba bstan pa'i phyir reg rdo rje zhes bya ba'i byang chub sems dpa' smos so/ /de ltar de yan chad du 'dod pa'i yon tan lnga mdor
93b5 bstan pa'am yang na 'dod pa'i yon tan lnga byang chub sems dpa'i tshul du bstan pa yin no//de ltar reg rdo rje zhes bya ba'i byang chub sems dpar bstan nas/ rdo rje dang pad+mor ldan pa las byang chub kyi sems 'byung ba'i dus na rnal 'byor pas shes par bya ba ni/ 'dod chags ma yin chags
93b6 bral min//gnyis ka min pa'ang mi dmigs so/ /zhes bstan pa khong du chud par bya zhing byang chub kyi sems 'byung ba na bdag nyid chos kyi dbyings yin no zhes nga rgyal bskyed par bya ba'i phyir chos kyi dbyings rdo rje zhes bya ba'i byang chub sems dpa' smos so/ /de la sogs pa brjod du med
93b7 pa'i yang brjod du med pa zhes bya ba nas/byang chub sems dpa' sems dpa' chen po rnams dang zhes pa'i bar dag ni gong du bstan pas 'dir ma smos so/ /de ltar 'khor phun sum tshogs pa bstan nas/ da ni ston pa phun sum tshogs pa ston te/ de yang tshad ji tsam zhe na/ nam mkha'i
94a1 dbyings dang mnyam pa zhes 'byung mod kyi/re zhig 'dir mi bskyod pa la sogs pa gtso bo tsam zhig bstan pa yin no/ /de la bdag gi 'dod chags zhe sdang gti mug nga rgyal phrag dog rnams kyi rang bzhin bstan te/ mi bskyod pa rdo rje zhes pa'i de bzhin gshegs
94a2 pa gang dag zhe sdang dang ldan pa'i sems de'i ngo bor gnas par bstan to//rnam par snang mdzad rdo rje zhes bya ba'i de bzhin gshegs pa ni gang dag gti mug dang bcas pa rnams la de'i ngo bor rnam par snang mdzad kyi tshul du gnas par bstan to/ /rin chen 'byung ldan zhes pa'i de
94a3 bzhin gshegs pa ni gang dag nga rgyal dang ldan pa'i sems kyi tshul du rin chen 'byung ldan de'i ngo bor gnas par bstan to//tshad med pa rdo rje zhes bya ba'i de bzhin gshegs pa ni gang dag 'dod chags dang ldan pa'i sems snang ba mtha' yas de'i rang bzhin las byung bar bstan pa'i
94a4 phyir tshad med pa rdo rje zhes pa'i de bzhin gshegs pa smos so//gdon mi za ba rdo rje zhes bya ba'i de bzhin gshegs pa gang phrag dog dang ldan pa'i sems de'i ngo bor gdon mi za ba'i rdo rje gnas par bstan to/ /de dag la sogs pa de bzhin gshegs pa nam mkha'i dbyings dang mnyam par
94a5 bstan pa 'di dag ni phyag rgya chen po'i gzugs lhun gyis grub par bstan te/rang gi lus kyi yan lag dang nying lag byang chub kyi sems las rang grub pa'i phyir de bzhin gshegs pa dang byang chub sems dpa' de dag rgyud las gtsor smos te bstan pa yin no/ /gzhan yang de bzhin
94a6 gshegs pa dang byang chub sems dpa' nam mkha'i dbyings dang mnyam par bstan pa de dag ni chos kyi dbyings dang mnyam par sprul pas khyad par sprul pa'i don du bstan pa'o//de la nam mkha' thams cad ces pa ni chos kyi 'byung gnas/ dbyings zhes pa ni sa bon/ mnyam
94a7 zhes pa ni khyab pa/bstan pa zhes pa ni gsungs pa'i don to/ /'di dag gsungs pa ni chos kyi 'byung gnas kyi dkyil na sa bon gyi tshul du phyag rgya thams cad kyi skur khyab par gnas par bstan pa'o/ /yang na nam mkha' thams cad ces pa ni lha mo bzhi dang de bzhin gshegs par ldan pa
94b1 phyag rgya chos kyi 'byung gnas rdo rje dang mi gnyis par chos kyi dbyings kyi rang bzhin du thams cad sprul nas bzhugs so//mang por smos ci dgos te don mdor bstan pa ni 'di dag yin no zhe na/ de la sngar smos pa 'di dag ni byang chub kyi sems zla ba'i dkyil 'khor du bsdus te bsgrub
94b2 ba'i gzhung gis bcom ldan 'das ngo mtshar du skyed do//de ltar bcom ldan 'das nyid bskyed par ma zad kyi sngags pa nyid kyang 'di lta bu'i tshul gyis mngon par bsgrub bo/ /rgyud 'di nyid kyang 'phags pa nyid kyi sku dang mnyam pa'i tshul du byin gyis brlabs par shes par bya'o/ /
94b3 yang na de bzhin nyid rnam par bsgoms la de las snang ba'i ye shes skye bar 'gyur ro/ /de skyes pas yig 'bru'i rgyur 'gyur te sngags kyi 'bru skyed par 'gyur ro/ /de las lus kyi bdag po bcom ldan 'das rab tu 'grub par 'gyur te/ de yang mtshan dang gnyis su med pa'i
94b4 sbyor bar ldan pa pad+ma'i gnas na bzhugs pa'i nam mkha'i phyogs na rgyud las smos pa'i lha thams cad kyi rang bzhin gyi yan lag dang nying lag tu blos rnam par rtog ste/de yang ji ltar rnam par rtog ce na/ 'dod chags zhe sdang gti mug nga rgyal phrag dog de kho na nyid rnam pa lnga
94b5 dang bdag ldan par rnam par rtog par byed do//'dod chags snang ba mtha' yas/ zhe sdang mi bskyod pa/ gti mug rnam par snang mdzad/ nga rgyal rin chen 'byung ldan/ phrag dog gdon mi za bar grub pa/ sa bon rnam par snang mdzad chen po ste/ de las rnam pa lnga
94b6 po 'di dag tu 'gyur bar ston no//'dod chags la sogs pa 'di dag de bzhin gshegs pa'i skur rnam par brtag go/ /de nas yang ye shes kyi tshul du so sor dbye na/ me long lta bu'i ye shes mi bskyod pa/ mnyam pa nyid kyi ye shes rin chen 'byung ldan/ so sor kun du
94b7 rtog pa'i ye shes snang ba mtha' yas/bya ba grub pa'i ye shes gdon mi za bar grub ba/ chos kyi dbyings kyi ye shes rnam par snang mdzad gang bcom ldan 'das kyi gzugs 'di gti mug rnam par snang mdzad/ gang bde ba dang sdug bsngal ba'i tshor ba mnyam pa nyid kyi bdag nyid kyi tshul
95a1 du gnas pa ni rin chen 'byung ldan/gang dus gsum du chags pa'i 'du shes 'byung ba'i rang bzhin ni snang ba mtha' yas/ gang phrag dog mngon par 'du byed pa'i rang bzhin ni gdon mi za bar grub pa'o/ /gang zhe sdang ba ni mi bskyod pa ste rnam par shes pa'o/ /
95a2 rnal 'byor pas ni 'dod chags la sogs pa chos ji snyed pa thams cad kyi bdag po'i rang bzhin du bdag gyur par rnam par brtag go/ /gzugs rnam pa gsum gyi tshul du gnas pa rnam par snang mdzad/ sgra rnam pa gsum gyi tshul du gnas pa rin chen 'byung ldan/ dri rnam pa
95a3 gsum gyi tshul du gnas pa ni snang ba mtha' yas/ro rnam pa gsum gyi tshul du gnas pa ni gdon mi za bar grub ba/ reg rnam pa gsum gyi tshul du gnas pa ni mi bskyod pa'o/ /de ltar rnam par brtags nas yang 'byung ba chen po bzhi ji ltar rnam par brtag ce na/ de la sa'i
95a4 khams ni sangs rgyas spyan/me'i khams ni gos dkar mo/ /chu'i khams ni mA ma kI/ rlung gi khams ni 'phags ma sgrol ma/ nam mkha'i khams ni rdo rje dbyings kyi dbang phyug ma'o/ /de la mig gi rnam par shes pa'i rang bzhin yang 'di ltar shes par bya ste/ mig gi rnam
95a5 par shes pa ni sa'i snying po/rna ba'i rnam par shes pa ni phyag na rdo rje/ sna'i rnam par shes pa ni nam mkha'i snying po/ lce'i rnam par shes pa ni spyan ras gzigs dbang phyug /lus kyi rnam par shes pa ni sgrib pa rnam par sel ba/ yid kyi rnam par shes pa ni dpal
95a6 rdo rje sems dpa' ste/'phrul gyi mig la sogs pa yang rnam par dag go/ /mnyam pa nyid kyi dus su blos 'di ltar shes par bya ste/ lag pa gnyis ni gshin rje gshed kyi rang bzhin te yongs su 'dzin pa'i dus na lcags kyu'i don/ 'phags pa gzhan
95a7 gyis mi thub pa rdo rje pad+mor gnas pa'i dus na zhags pa'i tshul du bsam mo//'phags pa rta mgrin ni zhal sprod pa'i dus su lcags sgrog ste/ tshems kyi sgros bsdams pa'o/ /bdud rtsi 'khyil pa las kyi rang bzhin te/ las kyi dus na bde ba chen po la gnas pa'am mnyes
95b1 par byed pa ste dril bu'i don to//sgrub pa'i rnal 'byor pas de ltar rnam par rtogs par bya'o/ /'di dag thabs chen po ye shes las grub par shes par bya'o/ /rgyud las 'khor sems dpa' gang dag gsungs pa mngon par 'byung ba'i dus na lus thams cad kyi yan
95b2 lag dang nying lag lta bu blos rnam par dbye bar bya ba ste/de la dam tshig rdo rje dang / sku gsung thugs rdo rje dang / ting nge 'dzin rdo rje dang / rgyal ba rdo rje dang / sa rdo rje dang / chu rdo rje dang / me rdo rje dang / rlung rdo rje dang / nam mkha' rdo rje dang / gzugs rdo rje dang / sgra rdo rje dang /
95b3 dri rdo rje dang / ro rdo rje dang / reg rdo rje dang / chos kyi dbyings rdo rje dang / rnam par snang mdzad rdo rje dang / mi 'khrugs pa rdo rje dang / rin chen 'byung ldan rdo rje dang / snang ba mtha' yas rdo rje dang / gdon mi za bar grub pa rdo rje dang ste/ 'di dag thams cad lus kyi yan lag dang
95b4 nying lag tu blos rim pa bzhin du gtso bo'i skur rnam par brtag go//de la dam tshig gi rang bzhin ni bdud rtsi dang ldan pa'i ngo bo ste/ de bas na dam tshig rdo rje zhes bya'o/ /de la sku gsung thugs kyi rdo rje zhes bya ba la sku ni chos kyi sku dang longs spyod rdzogs pa'i sku dang sprul pa'i
95b5 sku'o//gsung gi rang bzhin ni gsang sngags thams cad ston pa'i rang bzhin no/ /sku gsung thugs kyi rig pa la rjes su chags pa'i don ni ting nge 'dzin to/ /de ltar ting nge 'dzin brnyes pa las dgyes pa 'byung ba ni rgyal ba'o/ /sa la sogs pa'i rang bzhin las skur 'grub
95b6 ste/sa ni gzhal med khang gi rang bzhin no/ /chu ni gsher ba'o/ /me ni cho 'phrul lo/ /rlung ni brkyang bskum byed pa'o/ /nam mkha' ni lus thams cad gsal bar byed pa'o/ /gzugs ni mtshan bzang po sum cu rtsa gnyis dang dpe byad bzang po brgyad cu'o/ /sgra ni
95b7 rdo rje dang pad+mar ldan pa'o//dri ni yid tshim par byed pa'o/ /ro ni zhal gnyis myong bar byed pa'o/ /reg pa ni dbang po gnyis bdar bar byed pa'o/ /chos kyi dbyings ni bde ba chen po la gnas pa'o/ /mi bskyod pa ni zhe sdang / rnam par snang mdzad ni gti mug /rin chen 'byung
96a1 ldan ni nga rgyal/gdon mi za bar grub pa ni phrag dog/ /snang ba mtha' yas ni 'dod chags te/ thams cad kyang lus la gnas par shes nas gtso bo 'di dag la sogs pa spro bar mdzad do/ /zhal du zhugs nas dbang po'i lam du byung ste chos
96a2 kyi 'byung gnas kyi dkyil du bdag po'i sku dang ldan par gnas te/de yang lus thams cad rnam par zhu nas sa bon gyi tshul du bde ba chen po'i lus la gnas par rnal 'byor pas mthong ngo / /sgrub pa thams cad kyi thabs kyi rim gyis bdag nyid dngos po thams cad kyi
96a3 rang bzhin du mthong ste 'di nyid phyag rgya chen po'o//rdo rje pad+mor ldan pa ni dam tshig gi phyag rgya'o/ /bde ba chen po ni chos kyi phyag rgya'o/ /gnyis kyi las gang yin pa de nyid las kyi phyag rgya'o/ /rdo rje dang pad+mor mnyam par sbyor ba yid kyis mthong nas 'di longs spyod rdzogs
96a4 pa'i sku zhes mngon pa'i nga rgyal bskyed do//yang na bde ba chen po la gnas te/ byang chub kyi sems sa bon gyi tshul du lus thams cad la khyab ste de la 'dod chags zhe sdang gti mug nga rgyal phrag dog dang / gzugs dang tshor ba dang / 'du shes dang / 'du byed dang / rnam
96a5 par shes pa dang /sa chu me rlung nam mkha' dang / mig dang / rna ba dang / sna dang / lce dang / lus dang yid la sogs pa lus thams cad byang chub kyi sems kyi rang bzhin du byas nas/ 'dod chags ma yin chags bral min/ /dbus su 'ang dmigs par mi 'gyur ro/ /
96a6 zhes bya ba'i tshul gyis mnyam par spros nas/ rnam par mi rtog par 'gyur te gnas so/ /de ltar lhun gyis grub nas sprul pa'i 'khor lo skor bar byed do/ /de yang sngon gyi stobs kyis sems can gyi don byed par 'byung bar 'gyur ro/ /de la rtag tu dkyil 'khor gyi dbus su
96a7 thabs dang shes rab gnyis kyi tshul du gnas te/thams cad bde ba chen po ye shes kyi tshul du bsgom par bya'o/ /gzugs rnam gsum ni mig gi dbang po la rnam par snang mdzad kyi tshul du yongs su thim mo/ /sgra rnam gsum ni rna ba'i dbang po la rin chen 'byung ldan gyi tshul du
96b1 yongs su thim mo//dri rnam gsum ni sna'i dbang po la snang ba mtha' yas kyi tshul du yongs su thim mo/ /ro rnam gsum ni lce'i dbang po la gdon mi za ba'i tshul du yongs su thim mo/ /reg rnam gsum ni lus kyi dbang po la mi bskyod pa'i tshul du yongs
96b2 su thim mo//bdag gi lus sam gang dag gi lus dang ldan pa de dag 'di ltar rnam par gnas te/ de la 'dod chags kyi rang bzhin snang ba mtha' yas te 'di ltar nga rgyal bskyed par bya'o/ /gang dag zhe sdang dang ldan pa de dag ni mi bskyod pa'i rang bzhin du
96b3 nga rgyal bskyed par bya'o//bdag gam bdag gi lus la bad kan ltar gnas pa de dag ni gti mug ste rnam par snang mdzad kyi rang bzhin nga rgyal bskyed par bya'o/ /rgyas pa ni no pe ka dag las smos te/ 'dir ni sa 'dzin tsam du smos par zad do/ /bza' ba la sogs pa yang
96b4 'dir ma smos so//de nas rang bzhin gyis grub pa yang rim bzhin du bstan to/ /byang chub kyi sems rang bzhin bskyed pa mdo tsam zhig bskyed par bya ste/ de bas na 'di ltar brtag par bya'o/ /bdag sngon pha ma phrad pa'i sa bon las bskyed pa bzhin du bdag skyes te/ de bas
96b5 na bdag ni grub pa'o zhes sku 'ba' zhig dran par bya'o//ji ltar grub pa dang rim gyis bstan te/ pha gang yin pa de bdag gi lha'o/ /ma gang yin pa de rigs kyi lha mo'o/ /de'i lus kyi 'dod chags gang yin pa de snang ba mtha' yas/ zhe sdang gang yin pa de mi 'khrugs
96b6 ba/gti mug gang yin pa de rnam par snang mdzad/ nga rgyal gang yin pa de rin chen 'byung ldan/ phrag dog gang yin pa de gdon mi za bar grub pa/ gzhan yang byang chub kyi sems sa bon gang yin pa de ni rnam par snang mdzad chen po ste/ de bas de dag mngon par 'byung ngo / /de
96b7 nas yang ye shes lnga'i rang bzhin du bstan te/pha dang ma'i me long lta bu'i ye shes ni mi bskyod pa/ mnyam pa nyid kyi ye shes ni rin chen 'byung ldan/ so sor kun du rtog pa'i ye shes ni snang ba mtha' yas/ bya ba nan tan gyi ye shes ni don yod grub pa/ chos kyi dbyings
97a1 kyi ye shes ni rnam par snang mdzad do//gzhan yang gzugs la sogs pa de dag thams cad gzugs so zhes dran par bya'o/ /pha dang ma'i gzugs ni rnam par snang mdzad/ tshor ba rin chen 'byung ldan/ 'du shes snang ba mtha' yas/ 'du byed don
97a2 yod grub pa/rnam par shes pa mi bskyod pa/ pha dang ma'i lus kyi sa ni sangs rgyas spyan/ chu ni rgyal ba'i yum/ me ni gos dkar mo/ /rlung ni 'phags ma sgrol ma/ nam mkha' ni rdo rje dbyings kyi dbang phyug ma/ yang gzhan yang dran par bya ste/ mig sa'i snying po
97a3 rna ba phyag na rdo rje/sna nam mkha'i snying po/ lce spyan ras gzigs dbang phyug /lus sgrib pa rnam par sel ba/ yid rdo rje sems dpa' pha dang ma kun du sbyor ba'i lcags kyu gshin rje gshed/ rdo rje pad+mar zhugs pa zhags pa ste gzhan gyis mi thub pa/ 'ching ba lcags
97a4 sgrog ste rta mgrin/las sam sa bon 'byung ba'i dus na bdud rtsi 'khyil pa ste/ de'i dus na bdag zhugs so/ /zhugs pa'i dus na 'dod chags zhe sdang gti mug nga rgyal phrag dog/ /gzugs sgra dri ro reg bya/ sa chu me rlung nam mkha'/ mig rna ba sna lce lus
97a5 yid la sogs pa sa bon rnam par snang mdzad chen pos bskyed de/bde ba chen po la gnas pa'i dus na'o/ /de bas na bdag dang de bzhin gshegs pa thams cad kyi rang bzhin no/ /gang dag rdzas dgu'i dngos po las skyes pa'i dus na dgu po de dag rnam par bsgom par
97a6 bya'o//de la rdzas dgu ni 'di dag ste/ gzugs tshor ba 'du shes 'du byed rnam par shes pa sa chu me rlung nam mkha'/ mig rna ba sna lce lus yid la sogs pa ba spu'i bu ga thams cad nas byang chub kyi sems las mngon par sprul te/ chos kyi dbyings kyi rang bzhin du bdag
97a7 skyes pas/de'i phyir bdag chos kyi dbyings so/ /de ltar shes par bya ste/ spyod lam rnam pa bzhi thams cad du rtag par bsgom par bya'o/ /byang chub kyi sems las de lta bu'i tshul du skye ba'am/ yang na snang ba mtha' yas kyi tshul du skyes pa'o/ /ye shes tsam du shes par
97b1 byas nas thams cad kyi rang bzhin du bdag bsgom par bya'o//gzhan yang rang bzhin gyis grub pa rim gyis bstan par bya ste/ 'dod chags 'dod chags kyi rang bzhin gyis med do/ /de bas na zhe sdang zhe sdang gi rang bzhin gyis med do/ /de bzhin du gti mug gti mug gi
97b2 rang bzhin gyis mi dmigs so//nga rgyal yang shin tu rang bzhin med do/ /de bzhin du phrag dog kyang rang bzhin med do/ /sa ni rdul phra mo'i rang bzhin yin pa'i phyir rang bzhin gyis stong ngo / /chu yang de bzhin no/ /me dang rlung dang nam mkha' yang 'du shes tsam du brtag
97b3 par bya'o//gzugs dang tshor ba dang / 'du shes dang / 'du byed dang rnam par shes pa la sogs pa yang stong ngo / /de bzhin du mig dang rna ba dang sna dang lce dang lus dang yid la sogs pa yang stong ngo / /gang gi dus na de lta bu'i byang chub kyi sems skyes pa de ni yongs su
97b4 mya ngan las 'das pa'o//de lta bas na bdag rang bzhin gyis grub pa ste/ skye ba dang 'jig pa med pa'i phyir ro/ /de bzhin du 'gro ba dang gnas pa la sogs pa thams cad kyang bdag grub pa bzhin no bar shes par bya'o/ /rang bzhin gyis kun 'di ltar lhun gyis grub pa'i
sgyu ma stong pa'i sbyor gzhi mgon po thams cad mkhyen pa'i bdag go zhes 'di ltar shes par byas na/