CLOSE WINDOW

D1905
བོད་ཡིག

lo tsA ba dge slong pradz+nyA kI rtis bsgyur ba'o// //[ ]@##/ /rgya gar skad du/ pra tiSh+Tha bi d+hi nA ma/ bod skad du/ /rab tu gnas pa'i cho ga zhes bya ba/ dpal 'jam pa'i rdo rje la phyag 'tshal lo/ /rnam pa kun gyi mchog ldan pa/ /bde ba che la rab btud nas//bdag 'dra'i blo dman nyid la ni/ /rab gnas cho ga bshad par bya/ /rtsa ba'i yan lag rab gnas la/ /phal cher khrus su 'dod pas na/ /bum pa'i nang du cho ga yis/ /blo dang ldan pas chu bskyed bya/ /mi nag zhabs med mchu 'phyang ba/ /lnga dang bcu dang bcu dgu'o//lnga po'i rim pa 'di yin te/ /gsang ba 'dus par mngon gsungs pa/ /sangs rgyas sangs rgyas sras sogs rnams/ /de rnams phyag mtshan shes par bya/ /de las gzhan pa'i rigs 'di yin/ /sa gnon dang ni byang chub mchog /mchog sbyin bsam gtan skyabs sbyin rnams//mi bskyod rtag pa rin chen dang / dpag med don yod grub rnams kyi'o/ /sangs rgyas rnams kyi chos bshad rgya/ /byang chub mchog gis bsdus gyur pa'o/ /des na rdo rje gdan sogs kyis/ /mi bskyod sogs kyi rang bzhin no/ /thams cad kyis ni po ti bsnams//gsung gi rdo rje'i bdag nyid gsal/ /rdo rje chos su rtag tu bya/ /de la sogs pa'i tshig gis kyang / /mchod rten gtsang khang byur bu dang / /mchod rten gyi ni bye brag rnams/ /rtag pa yi ni bdag nyid do/ /byang chub sems dpa' la sogs gang //bya ba'i rgyud la sogs dang mthun/ /'dus pa las gsungs de nyid kyi/ /rgyal sras rnams kyis yang dag bzung / /sgyu 'phrul dra sogs bltas nas ni/ /de bzhin gzhan gyi rigs kyi rim/ /'dus pa'i cho gar bya ba ste/ /slar yang mi shes pa yi rigs/ / rdo rje thugs kyis bzung nas ni/ /phyag mtshan nyid ni yang dag bri/ /gtso bo'i mgrin par bri bar bya/ /logs su bde gshegs bzhi phyag mtshan/ /gcig la cho ga'i rim pas so/ /rdo rje gzugs sogs phyag mtshan ni/ /drug po cig car de bzhin gcig /khro bo gsum brtags bgegs dgra gcig /bcu yi phyogs la lha mo bzhi/ /de bzhin phyag mtshan re re la'o/ /khro bo rnams kyang so sor ro/ /lhag ma rnams ni sngar bzhin bri/ /slar yang bcu dgu'i phyogs la ni/ /grangs ni ji bzhin bri bar bya/ /slar yang kha cig nyi shur 'dod//las kun byed pa bsnan pas so/ /me tog dri zhim ldan pa dang / /mgrin pa gos kyis dkris pa dang / /cung zad chu ldan a mrar ldan/ /go rims ji bzhin rnam par gzhag /g.yon du a mra la sogs dgod/ /'dug nas gtor ma yang dag sbyin/ /mu tig dngul dang gser zhes grags//mu men dang ni byi ru rnams/ /kaN+Da ka ri daN+Dod nyid/ /br-i ha sti dang ka r+Ni ka / nas dang gro dang so ba dang / til dang sran gre'u mngon par brjod/ /'bru lnga dang ni sman lnga dang / /rin chen 'di rnams kyis khengs pa/ /rang gi lha yi gzugs kyis ni//chu dang ldan par bskyed nas ni/ /kun du nyung ba'i chu blugs nas/ /kham phor rnam rgyal zhes brjod la/ /de ni baM las byung ba yi/ /rin chen rang bzhin bum steng gzhag /rtsa ba'i phyag mtshan gyis bskyed pa'i/ /dam tshig dkyil 'khor bdag nyid la/ /ye shes dkyil 'khor bkug nas ni//zhabs bsil la sogs rim bzhin no/ /dam tshig dang ni lhan cig tu/ /byas nas mnyes bya mchod pa'o/ /me tog spos sogs phyi yis kyang / /rab tu 'bad de yang dag mchod/ /dril bu dkrol bya de yi ni/ /bstod pa byas te bzlas ba bya/ / gcig tu g.yon pa'i khu tshur bcings/ /rdo rje me tog gis bcings nas/ /bum pa chu yis gang ba ni/ /kham phor steng du brtan par gzhag /de nas mchod cing phyag byas nas/ /dkyil 'khor 'khor lo'i rang bzhin nyid/ /chu yi rang bzhin nyid kyis gzhag /yang na bum pa la gzhug bya//de ltar 'di dang gzhan rnams kyi/ /thams cad so sor byas nas ni/ /me tog spos sogs sbyin byas nas/ /gtor ma sngon 'gro yang dag bsrung / /'di ni bum pa sta gon la gnas pa'i cho ga'o/ /lhag pa'i lha yi sbyor ba las/ /don grub chu dang zan rnams kyis//lha rnams rdul ni bral bar bya/ /ba yi rnam lnga shing shun lngas/ /byugs te khrus bya mngon bzlas la/ /dri zhim gtsang ma'i chu yis ni/ /bkru bar rung ba rang gzugs kyis/ /ri mo la sogs me long la/ /gang du las la sngags med pa/ / bgegs dgra de ru sbyar bar bya/ /mar nag dri zhim gyis byugs la/ /skyu ru ra yis bkru bar bya/ /ba yi rnam lnga sogs kyis byug /mar nag gis ni byugs pa gang / /bkru bya skyu ru ra yis kyang / /dUr ba'i chun po de 'dod do/ /chu yis bkru bar bya ba ste/ /yang na bsgrubs pa'i chu yis kyang //de la 'di ni mar nag gi sngags te/ oM sarba ta thA ga ta kA ya bi sho d+ha ne swA hA/ /ras 'jam po yis dbyi bar bya/ /ji ltar nus pas gos sogs sbyin/ /ye shes sems dpa'i snying 'od kyis/ /lha rnams bkug nas bzhugs par bya//sangs rgyas dang gzhan de yi sras/ /bstan pa la ni dga' rnams la'ang / /ku sha'i chun pos bsang gtor bya/ /zhabs bsil sogs kyis de rnams mchod/ /mchod sogs byas nas de rnams la/ /pus mo btsugs te yang dag gnas/ /rdo rje dril bu g.yon du 'dzin//spos phor g.yas su gzung bar bya/ /bcom ldan 'jam pa'i rdo rje khyod/ /rig pa'i rgyal po phyag 'tshal bstod/ /bcom ldan snying rje'i bdag nyid can/ /bdag ni rab gnas bgyi bar 'tshal/ /slob ma la ni brtse don dang / / khyed rnams la yang mchod pa'i ched/ /sems can bsod nams 'phel don dang / /byang chub sems ni spel don du/ /bcom ldan bdag la thugs brtse bas/ /bka' drin gyis ni bskyab pa'i rigs/ /sangs rgyas rnams ni bdag la dgongs/ /byang chub sems sogs rang bzhin rnams//bstan la mngon par dga' ba gzhan/ /gang dag rdo rje'i mig can rnams/ /rdo rje 'chang chen che ge bdag /rab gnas che ge mo 'di yang / /bdag gis bgyi bas khyed rnams kyis/ /byin gyis brlab ni bgyi bar rigs/ /ting 'dzin gsum dang ldan pa yis//lugs sku la sogs bskyed par bya/ /'dab ma dang bcas chu yis ni/ /mnyam par bzhag pas khrus byas nas/ /mchod pa sngon 'gro de yis ni/ /sngags kyis mngon par bsngags par bya/ /phyag byas mchod pa sogs byas nas/ / slar yang nye bar spyod pa lnga/ /nad par byon par bzhed pa yis/ /ye shes 'khor lo gshegs su gsol/ /'di ni lha sta gon la gnas pa'i cho ga'o/ /nang par sta gon bya ba la/ /rdul bral la sogs byas nas ni/ /sangs rgyas la sogs sngar bkug nas/ /zhabs bsil byas te mchod par bya//spos phor bzung nas pus btsugs te/ /tshigs bcad sngon gsungs brjod par bya/ /bgyi ba'i tshig ni bor nas ni/ /bgyid par 'tshal zhes brjod par bya/ /ting 'dzin gsum la sbyar byas nas/ /mnyam par gzhag pas bsam par bya//bum pas khrus bya mang po yis/ /bkra shis sgra ni sngon 'gro bas/ /de la 'di ni khrus kyi sngags te/ ji ltar bltams ma thag tu ni/ /de bzhin gshegs kun khrus gsol ltar/ /lha rdzas chu ni dag pa yis/ /de bzhin bdag gis khrus gsol lo//oM sarba ta thA ga ta a b+hi She ka ta sa ma ya shri ye hUM/ gos sogs rang rang sngags kyis ni/ /mnyam par bzhag pas brtan par bya/ /yang na rang gi sngags kyis sbyin/ /lhag par bzlas nas gtso la 'dud/ /de la 'di rnams ni rang rang gi sngags te/ oM badzra bAs se swA hA/oM badzra d+hU pe swA hA/ oM badzra dI pe hUM/ oM badzra nai bi d+ye hUM/ oM badzra gan+b+he hUM/ oM badzra sarba A ba ra Na bi shod+ha ne swA hA/ snod ni gser gyi rang bzhin nam/ /dngul gyi rang bzhin mnyam bzhag pas/ /bgegs dgra'i sngags kyis yang dag bsgrub/ /mar dang sbrang rtsis byugs pa yi//gser gyi thur mas mig dbye ste/ /yang na bsam gtan dag gis bya/ /sbyin sreg mes bsgrubs zas kyis ni/ /de ma thag tu gsol bar bya/ /de la 'di ni mig gnyis dbye ba'i sngags te/ oM tsak+Shu tsak+Shu sa man+ta tsuk+Shu bi sho d+ha swA hA/ oM dI be an+ne sa mA d+hi d+h+yA na prI na ni swA hA/'di ltar rdzogs pa'i sangs rgyas kun/ /dga' ldan gnas su rab bzhugs nas/ lha mo sgyu ma'i lhums zhugs ltar/ /de bzhin 'dir yang bzhugs su gsol/ /mgon po rtag tu 'dir bzhugs la/ /me tog la sogs 'di bzhes mdzod//che ge mo yi don gyi phyir/ /byang chub sems ni 'phel bar mdzod/ /oM su pra tiSh+Tha badzra swA hA/ /smad dang snying ga mgrin pa ru/ /rdo rje gsor bas de rnams la/ /lan gsum bskor nas gzhag par bya/ /lha rnams brtan par 'dod pa yis/ / 'chad par 'dod pas tshigs bcad gdon/ /blo gros brtan pas bsam par bya/ /ma tshang lhag pa'i cho ga rnams/ /pus mo btsugs nas bzod par gsol/ /'di ni rab gnas kyi cho ga'o// //de la 'di ni sbyin sreg gi cho ga ste/ g.yon du me tog dkar po dang / /ldan pa'i dung sogs chu dang ldan//rang gi lhag pa'i lha yi bzlas/ /yang na bgegs kyi dgra yi sngags/ /las kun byed pa bzlas nas kyang / /ku sha'i chun po ldan pa yis/ /snod ni de ru gzhag par bya/ /bsang gtor la sogs dgos don du/ /yon chab la sogs sbyin pa'i phyir//man+dzi la sogs gzhan rnams la/ /g.yas phyogs su ni pa na sha /blag sha dang ni u dum+WA ra/ /tsan+dan arka b+ha tA rnams/ /yal ga be yi kang+ka dang / /a b+ha sa mi gaM b+ha ri/ /a ba marga a shwad+tha/ /byang chub shing las byung ba rnams/ /rlon pa drang zhing rtse gcig pa//srin bu sogs kyis ma zos pa/ /mthe chung gi ni mtho gang la/ /dri zhim chu yis khrus byas la/ /mar byugs til dang dUr ba bzang / /ma chag pa yi 'bras rnams kyang / /zho zan ku sha so ba dang / /nas dang gro dang mon sren gre/ /sran gre'u 'bras yos de bzhin gzhan//sbrang rtsi 'o ma la sogs srid/ /rim pa bzhin du bzhag nas ni/ /ting 'dzin gsum dag rnal 'byor pas/ /zhi ba'i gtor ma byin nas ni/ /sbyin sreg las ni yang dag brtsam/ /mtho gang gting du brkos byas nas/ /khru gang 'khor lo zlum po la//bde gshegs bzhi yi phyag mtshan dang / /bdag po'i phyag mtshan dbus su'o/ /de bzhin dbus su bgegs kyi dgra/ /las kun byed pa'i phyag mtshan no/ /pad+ma rab tu rgyas 'dra ba/ /ngos bzhi sor bzhi bor nas ni/ /de yi tshad kyang kha khyer la//pad+ma'i phreng bas bskor bar bya/ /rdo rje phreng ba yongs brtsigs pas/ /phyi rol kha khyer kun du bskor/ /'og gi phyag mtshan phyi rol du/ /rdo rje phreng ba gang smra ba/ /de rnams phyag mtshan gzhan dag gi/ /rtsa ba'i phyag mtshan las cung zad/ /de bzhin du yang bzang zhabs kyis//sor ni brgyad dang gcig gi tshad/ /mchu dang rngams su rtsa ba yi/ /phyag mtshan shin tu brtan pas na/ /de bzhin du ni gzhan dag kyang / /'di ni rig pas brtag par 'dod/ /yang na bdag po'i 'bras bu ni/ /che la gzhan ni dman pa yi//phyag mtshan zhes su brjod pa ni/ /ri mo'i dkyil 'khor ji ltar mnyam/ /phyag mtshan rnams kyi brgal ba 'di/ /lan ni ji ltar 'debs par byed/ /der yang mkhas pas mi mnyam par/ /skyes bu dam pas 'dod ma yin/ /phyi rol rdo rje 'phro ba yis/ / bskor ba 'di ni mi 'gal te/ /de rnams phyag mtshan la ltos nas/ /de bzhin phyi rol bsgral 'dod na/ /'bras bu med cing dka' ba skye/ /blo ldan ji ltar nye bar brten/ /lung dang rigs pas sgrub byed pa/ /phyogs 'di la ni yod ma yin/ /skyon yang cung zad byin pa ste/ /rgya che mang pos ci zhig bya//de ltar bstan pa'i thab khung du/ /sngags kyis sbar ba'i me la ni/ /'bar ba'i ched du mar ni blugs/ /de la 'dir ni me sbar ba'i sngags te/ oM dz+wa la dz+wa la hUM hUM/ shar phyogs kha bstan ku sha rnams/ /g.yas skor gyis ni sbyin par bya//re re nas ni shar phyogs rtse/ /thab khung ku shas dgab par bya/ /thab khung bdag med par dmigs nas/ /raM las byung ba'i ser skya ser/ /g.yas g.yon zhal ni gnag dang dkar/ /lus thung zhal ni ser po ste/ /shes rab las 'khyud ral pa 'greng //ril pa dbyug pa g.yon pa na/ /g.yas pa skyabs sbyin phreng ba ste/ /pad+mar raM skyes me dkyil 'khor/ /zhi ba la sogs cha byad can/ /rdzas kyi rjes mthun me ru bsam/ /me mtshams nas ni ye shes me/ /mig gsum Ta k+kis dgug par bya/ /yang na de yi rang sngags kyis//bsang gtor la sogs brtsam par bya/ /de la 'di ni me'i sngags te/ oM e h+ye hi ma hA b+hu ta de ba r-i Shi dwi ja sad ta ma gr-i hi twa a hu ti swA hA raM/ a smin san+ni hi to b+ha ba/ ku sha'i chun pos bsang gtor ro/ /lan gsum bar du chu ru gzhug /de bzhin cho ga'i rim pa yis//slar yang zhabs bsil sbyin par bya/ /de bzhin chu yi mchod yon sbyin/ /me tog dang bcas lan gsum du/ /mdzub mo mthe bong kha gnyis ni/ /dang po mtha' ru mos pa yis/ /rnal 'byor ji ltar zhabs sogs la/ /blo yis zhabs bsil sogs brtag bya//kun du lus la bsang gtor sbyin/ /zhabs bsil zhabs ni gnyis la yang / /blo yis zhabs bsil zhal du ste/ /spyi bor yon chab dbul bar bya/ /de la 'di ni mchod pa'i rim/ /me tog spyi bor mar me sogs/ /mdun du dri zhim brang du'o/ /dam tshig dang ni ye shes me//'o ma chu sbyin slar yang gcig /bsang gtor la sogs cho ga yis/ /cho ga 'dis ni sbyin sreg bya/ chang gzungs 'tsham par sbom pa ste/ /ring du khru gang sor drug pa/ /rin chen rdo rje yu bar bcas/ /sor mo bzhi ni kha khyer la//sor gnyis brkos la rdo rje ste/ /rdo rje can gyi sor mo bzhi/ /brkos te chu skyes 'dab ma la/ /mtha' ru ji ltar mdzes pas mdzes/ /dgang gzar las ni mthe chung tshad/ /ro ni rgyu ba'i bu gar ldan/ /rdo rje dpangs su ji ltar thos/ /rim pa rtse lnga rtse gsum pa//blugs gzar pad+ma'i 'dab rnams la/ /sor gcig brkos pas rdo rje 'dzin/ /sor gnyis sngar bzhin yu ba la/ /rin chen rdo rje rtse rdo rje/ /dgang gzar sbyin sreg shing rang bzhin/ /blugs gzar de bzhin ni ma rang bzhin/ /zangs sogs rdzas las yang dag byung //rang nyid sngags las bskyed pa'o/ /pus mo gnyis kyi nang ngos su/ /lag g.yon steng bstan dgang gzar du/ /mar gyis gang ba yang dag blugs/ /g.yas pa'i 'og tu kha bstan pas/ /blugs gzar dgang gzar la bskyon la/ /steng du bltas pa mar gyis dgang //lha yi gzugs su bskyed pa yis/ /raM yig tshangs zhal dgod par bya/ /yon bdag nus pas lan bdun nam/ /lan gsum dag tu mkhas pa yis/ /dgang gzar la ni bskor byas nas/ /dgang blugs rab tu sbyin par bya/ /de la 'di ni sngags te/ oM a g+na ye A dI bya A dI bya a bi Sha a bi Sha ma hA shri ye ha bya ka bya A bA na ye swA hA/ dge dang mi dge'i mtshan ma rnams/ /blo dang ldan pas brtag par bya/ /dge ba'i 'od zer bsgril 'bar ba/ /brgya sbyin gzhu ltar yongs ston pa/ /mdog sogs de dang de sbyor ba//las kyi rjes su mthun pas ston/ /gang tshe mtshan ma ma mthong na/ /yang ni bgegs dgra'i bzlas pa bya/ /rab tu legs par zhabs bsil sogs/ /byas nas me tog sogs kyis mchod/ /dgang blugs sbyin bya de bzhin du/ /yam shing sogs kyis sbyin sreg bya//slar yang 'thor 'thud la sogs pa/ /me yi phung po la byas nas/ rang gi lhag pa'i lhar dmigs te/ /'di yi sngags ni bzlas par bya/ /mchod yon zhabs bsil sogs byas nas/ /mchod yon dam pa sngon 'gro bas/ /de la dgang blugs sbyin par bya//bdud rtsir byas pa'i mar gyis ni/ sngon du bsams shing bsreg par bya/ /re mos gnyis ni sbyin byas la/ /mthe bong srin lag kha yis ni/ /blangs pa mar gyi rtsi blugs pa/ /blugs gzar gyis ni mar bsreg bya/ /'bru yang de nyid kyis dbul bya/ / med na lag pa nyid kyis bya/ /dgang blugs dag ni sbyin par bya/ /bsreg bya 'bru rnams rang gi ni/ /sngags kyis bud shing de bzhin du/ /kha cig gzhan gyi sngags kyis kyang / /gzhan ni rang gis dbul bar bya/ /de la 'di rnams ni gzhan gyi sngags te/ oM badzra ag+na ye swA hA/mar gyi'o/ /oM badzra a dzA lA ya swA hA/ u dum+WA ri'i 'o/ /oM bo d+hi br-ik+Sha ye swA hA/ byang chub kyi shing gi'o/ /oM badzra la tA ya swA hA/ /pa la sha'i 'o/ /oM badzra ku be rA ya swA hA/ n+ya gro d+ha'i 'o/ /oM badzra sA ha ka rA ya swA hA/ /a mra'i'o/ /oM a pra ti ha ta badzrA ya swA hA/ku sha rnams kyi'o/ /oM ma hA be gA ya swA hA/ nas kyi'o/ /oM badzra bi dzA ya swA hA/ so ba'i'o/ /oM badzra g+hasma ri swA hA/ gro'i'o/ /oM sarba pA paM da ha na badzrA ya sarba pA paM da ha swA hA/ til gyi'o/ /oM ma hA ba lA ya swA hA/ mon sran gre'u'i'o/ / oM badzra A yu She swA hA/ dUr ba'i 'o/ /oM badzra puSh+Ta ye swA hA/ 'bras ma chag pa'i 'o/ /oM badzra saM pa de swA hA/ zho zan gyi'o/ /bsang gtor 'thor 'thung la sogs pa/ /byas nas sngar bzhin mtha' ru ni/ /sngags kyi yan lag ma nyams bzlas/ /las ni ji ltar nang bcug la//ngal bso nas ni slar sbyin bya/ /dgang blugs ji ltar yod kyi bar/ /med na yang dag rdzogs pa yi/ /mtha' ru yang dag dgang blugs dbul/ /'thor 'thung dri zhim me so rtsi/ /me tog spos dang gos gsar pa/ /phul nas bdug spos dril bu dkrol//sgra yis mchod pa byas nas ni/ /yon phul nas ni slob ma yi/ /g.yas kyi mthe bo g.yon pa yi/ /mthe chung nas ni bzung byas nas/ /rang gi dgang blugs sbyin par bya/ /gal te grub nas rgyal po sogs/ /dge ba'i ched du bsngo bar bya//yongs rdzogs dgang blugs sngon lta bur/ /'thor 'thung la sogs byas nas ni/ /yon phul nas ni slob ma yi/ /sems ni mnyam par bzhag nas su/ /snying gar me tog thal mo sbyar/ /nyung sogs nyes pa zhi don du/ /bzod par gsol zhes brjod par bya//ji srid ma tshang lhag pa rnams/ /bdag gis rmongs pa blo bgyis pa/ /gang phyir lus can skyabs gyur pa/ /mgon po khyed kyis de bzod mdzod/ /ma tshogs pa dang mi shes pa/ /nus pa med la sogs rang bzhin/ /ma tshang ba dang gzhan byas gang //de dag thams cad bzod par rigs/ /bzod gsol phyag 'tshal byas rjes la/ /rang gi mngon par 'dod pa blang / /rdo rje sems zhes bzlas pa bya/ /mang po yang ni yi ge brgya pa'i sngags te/ oM badzra satwa sa ma ya/ ma nu pA la ya/ badzra satwa twe no ba tiSh+Tha dr-i D+ho me b+ha ba/su to Sh+yo me b+ha ba/ su poSh+yo me b+ha ba/ a nu rak+to me b+ha ba/ sarba sid+d+him+me pra yats+tsha sarba karma su tsa me tsit+taM shre yaHku ru hUM/ ha ha ha ha ho b+ha ga bAn sarba ta thA ga ta badzra mA me muny+tsa/ badzrI b+ha ba ma hA sa ma ya sa twa aH i to ba sarba sa twAr+tha/ sid+d+hi dang thA ya bta su kha/ gats+tsha d+h+wa bud+d+ha bi Sha yaM pu na rA ga ma na ya tu/ brjod nas rang gi sngags kyis ni/ /yi ge'i nang du bcug nas su/ /sngags kyis rang bdag mgon po ni/ /sngags pas blo yis gshegs su gsol/ /de ltar me yi de bzhin kun/ /bsang gtor la sogs byas nas ni/ /de la dgang blugs sbyin byas nas//yam shing de bzhin sbyin sreg bya/ /de bzhin 'di yis zhabs bsil sogs/ /ji srid nam bza' dbul byas nas/ /bzod gsol gsol ba gdab byas nas/ /snga ma bzhin du gshegs su gsol/ /rnal 'byor bdag nyid mnyam bzhag bas/ /me la 'o ma bsgrubs byas nas//lha rnams la phul lhag ma ni/ /phru ba 'dod pas bgo bar bya/ /di ring phal cher rigs dam pa/ /ran par 'dod pa yod pa ni/ /des na 'di brtsams mgon po rnams/ /thub pa'i rtse mo de bzod mdzod/ /rgyud rnams mang po gang rig pa/ /rab gnas blo ni pha rol son//'di dag byis pas bstan pas na/ /nyes ldan bdag la bzod par mdzod/ /rab gnas cho ga bzang po 'di/ /rab tu rgyas par yod mod kyang / /dman pas de nyid mi rtogs pas/ /des na bdag gis 'di ru brtsams/ /'di ni mdor bsdus yang dag rdzogs/ / rab gnas cho ga go rims mdzes/ /'di byas bsod nams gang thob pas/ /'gro ba byang chub la gnas gyur/ /rmongs pa rjes bzung las byung ba'i/ /bsod nams cung zad bsgoms pas na/ /dpal ldan mkhas pa mi 'jigs pa'i/ /phyag gis cho ga sdeb spyor byas/ /paN+Di ta mi 'jigs pa'i phyag gis mdzad pa/