CLOSE WINDOW

D1898
བོད་ཡིག

paN+Di ta chen po rat+na kIrtis mdzad pa rdzogs so// //paN+Di ta rat+na kI rti dang / lo tsA ba chings yon tan 'bar gyis bsgyur/[ ]@##/ /rgya gar skad du/ /da sa kro d+ha ba liM bi d+hiH/ bod skad du/ khro bo bcu'i gtor ma'i cho ga /bcom ldan 'das dpal rdo rje sems dpa' la phyag 'tshal lo//khro bo bcu'i gtor ma ni rang nyid 'jam pa'i rdo rje la sogs pa'i rnal 'byor dang ldan pas cho ga yan lag gsum gyis mdun du bskyed pa'am yang na bkug ste/ skad cig gis mdun du dmigs la hUM las lce rdo rje sbu gu'i rnam par blta bar byas la/ oM AHya mAn+ta kr-ita i maM ba liM gr-ih+Na gr-ih+Na hUM zhes brjod la bdud rtsi sbyar ba'i sbyor bas gtor ma sbyangs te gong gi sngags lan gsum brjod pas gsol bar bsam mo//de nas me tog la sogs pas mchod de zhabs bsil dang so rtsi byin nas/ dril bu dkrol nas mi bskyod pa ni ye shes che la sogs pa'i bstod pa byas nas yi ge brgya pa brjod la gshegs su gsol lo//de bzhin du khro bo bcu ka la yang bya'o/ /yi ge gsum gyi bar du khro bo bcu'i rang rang gi sngags bcug ste/ de'i steng du i maM ba liM gr-i haN gr-ih+NA zhes bya ba bsnan pa ni sngags so/ /gzhan cho ga thams cad gong dang mthun no/ /khro bo bcu'i gtor ma'i cho ga rdzogs so// //'di'i lag len ni mdun du bruM las 'khor lo rtsibs bcu pa lte ba dang bcu gcig par bsams la/ de'i steng du a las zla bar bsam/ de'i steng du hU~M dgu bruM dang bcu/ de rnams gyur pa las 'od 'phros khro bo bcu spyan drangs nas phyag mtshan rnams la thim par bsams la/'khor lo rtsibs bcu'i steng du khro bo bcu bsam mo/ /yang rang gi yi dam lhar bsgoms la snying ga'i sa bon gyis khro bo bcu spyan drangs nas de rnams la bstim ste mgron spyan drangs pa'o/ /de nas gtor ma dmigs pa las/ yaM las rlung / raM las me/de'i steng du oM AHhU~M gsum las thod pa'i sgyed pu gsum/ de'i steng du a las thod pa phyi dkar ba nang dmar ba bsams te de'i nang du gtor ma/ de'i steng du bi mu ra shu ma go ku da ha na zhes bya ba yi ge bcu las sha lnga bdud rtsi lnga bskyed la de nas yaM las rlung g.yos te me 'bar bas dam tshig gi bdud rtsi sbyang bar bsam/de'i steng du pad+ma zla ba'i steng du hUM las rdo rje rtse lnga pa la hU~M gis mtshan pa de las 'od spros pas 'og min gyi gnas na yod pa'i khro bo bcu'i thugs ka nas ye shes kyi bdud rtsi spyan drangs nas de gnyis dbyer med du gyur par bsam mo/ de nas oM AHhU~M zhes pa lan gsum brjod pas dbyer med du bsam mo//de nas sngags brjod la gdab po/ /de nas grub nas khro bo re la mchod pa re dang bstod pa re bya/ ma grub na bcu byar la spogs cig bya'o/ /de nas gshegs su gsol/ dam tshig pa rang la bsdu ba'am/ yang khro bo rnams hU~M la/ de phyag mtshan rnams la/ de rnams 'khor lo la/ de bruM la/ bruM stong pa nyid du bsams la gtor ma sa gtsang gtor/ dge ba bsngo/ mi dmigs par gzung ngo / /gtor ma de rnams gsol bas chos nyid la thim pa'am/ /ye shes la ye shes thim par bsam mo//dur khrod pa rnams gtor ma gsol ba bde bar bsam mo/ /ya mAn+ta kr-ita/ pradz+nyAn+ta kr-ita/ pad+mA n+ta kr-ita/ big+h+nA n+ta kr-i ta/ Tak+ki rA dza/ nI la daN+Da/ ma hA ba la/ a tsa la/ uSh+NI Sha tsakra bar+t+ti/ suM b+ha rA dzA/ gshin rje mthar byed ni mdog sngo ba/ g.yas dkar ba/g.yon dmar ba/ phyag g.yas na tho ba dang ral gri/ g.yon na rin po che dang pad+ma'o/ /shes rab mthar byed ni mdog dkar ba zhal g.yas sngo ba/ g.yon dmar ba/ phyag g.yas na dbyug pa dang ral gri/ g.yon na rin po che dang pad+ma'o/ /pad+ma mthar byed ni mdog dmar ba'o//zhal g.yas nag pa g.yon dkar ba'o/ /phyag g.yas na pad+ma dang ral gri'o/ /g.yon na rin po che dang 'khor lo/ bgegs mthar byed ni mdog sngo ba'o/ /zhal g.yas dkar g.yon dmar ba'o/ /phyag g.yas na rdo rje dang ral gri/ g.yon na rin po che dang pad+ma'o/ / 'dod pa'i rgyal po ni mdog sngon po/ zhal g.yas dkar g.yon dmar ba'o/ /phyag g.yas na lcags kyu dang ral gri/ g.yon na rin po che dang pad+ma'o/ /dbyug sngon can ni mdog sngon po zhal g.yas dkar g.yon dmar ba'o/ /phyag g.yas na dbyug pa sngon po dang ral gri'o/ / g.yon na rin po che dang pad+ma'o/ /stobs po che ni mdog sngon po/ /zhal g.yas dkar g.yon dmar ba'o/ /phyag g.yas na rtse gsum dang ral gri/ g.yon na rin po che dang pad+ma'o/ /mi g.yo ba ni mdog sngo ba/ zhal g.yas dkar g.yon dmar ba'o/ /phyag g.yas na ral gri dang rdo rje/g.yon na zhags pa dang 'khor lo/ /mig zur gyi gzugs kyi lta ba byis pa'i gzugs dang ldan pa bsam par bya'o/ /gtsug tor 'khor los sgyur ba ni mdog ser po zhal g.yas sngo ba g.yon dkar ba'o/ /phyag g.yas na 'khor lo ser po dang ral gri/g.yon na rin po che dang pad+ma'o/ /gnod mdzes rgyal po ni mdog sngo ba zhal g.yas dkar ba g.yon dmar ba'o/ /phyag g.yas na rdo rje dang ral gri/ g.yon na rin po che dang pad+ma'o/ /khro bo 'di dag thams cad kyi phyag 'og ma gnyis ni rang 'od la 'khyud pa'i phyag rgya'o/