CLOSE WINDOW

D1889
བོད་ཡིག

/ //lo tsA ba 'gos lhas btsas kyis rgya gar shar phyogs kyi dpe las zhu gtugs g.yar khral 'tshal ba lags so//[ ]@##/ /rgya gar skad du/ tat+t+wA rat+na A lo ka/ bod skad du/ de kho na nyid rin po che snang ba/ bcom ldan 'das 'jam pa'i rdo rje la phyag 'tshal lo//dpe med bde ba'i ngo bo dpal gyi gnas gyur gnas 'dren pa/ /dpe med lha mo bcu yi ngo bo rig dang rig par bcas/ /srid pa gsum phan bde ba thob mdzad 'gyur min 'gyur ba med/ /ji srid re ba snang bar phyag na pad+ma rgyal gyur cig /dpal ldan sngags kyi gzhung lugs mdzes pa'i dbang bzhi'i ngo bo dag /rab tu gsal ba'i sgras stong gyur pas gang gis mi shes shing / /du ma'i man ngag bdun gyi dbye ba'i tshogs kyis yongs 'khrugs pa/ /de dag rnams kyis gsal bar rtogs par bya phyir 'bad pas bya/ /de nyid bsgrub bya'i ngo bor rig pa la//mu stegs ma lus blo rnams rnam par 'khrul/ /de las rig byed mthar ni smra ba yi/ /skye bo rnams ni de nyid mchog ces smra/ /dga' ba'i ngo bo rang rig mi g.yo zhing / bsgrub byar 'dod pa rig byed mtha' can pa'o/ /nyan thos rang rgyal bcas pa gzugs la sogs//phung po dag dang bral ba bsgrub byar 'dod/ /rnam pas stong pa nam mkha' zla ba'i ngo bo nyid/ /so sor rang rig snying rje'i rang bzhin can/ /mdzes pa'i mtshan rnams kyis brgyan don mdzad pa/ /sbyin la sogs pa'i rgyu mthun bde bral ba/ /sbyin sogs pha rol phyin drug tshul gnas pa//dka' bcas sku ni mdzes pa'i mtshan gyis brgyan/ /sa bcur bzhugs pas yang dag longs spyod pa/ /'gro don mdzad pa bsgrub byar rab tu smra/ /sbyin sogs yon tan ma lus yongs rdzogs pa/ /rdzogs sangs mdzad pa ma lus mdzad nas ni/ /gang zhig yang dag mtha' ni mngon mdzad pa//'gog pa'i ngo bo bsgrub bya yang dag yod/ /nyid mtshungs lha mos 'khyud cing 'gro ba yi/ /don mdzad bde sdug nyid bral ngo bo nyid/ /sku ni dpe byad bzang po brgyad cus brgyan/ /rtog pa dang bral bsgrub byar rab tu 'chad/ /dang po nyid nas lha yi rnam pa dag /khyad par gyis stong bde ba yang dag bsgom/ /gsal 'gyur bde chen 'gro ba'i don mdzad pa/ /yid bzhin nor bur grags pa kha cig smra/ /rang bdag bde ba'i ngo bo mngon byas nas/ /phyes btang bde ba tsam zhig 'bras 'gyur ba'o/ /dag pa mngon sum byed par nus med nas//de phyir bdag po'i rnam pa bsgom pa yin/ /sku ni nam mkha' dang mtshungs yan lag mtshan gyis brgyan/ /dpe med bde bas gang ba nyid dang mtshungs par 'dus pa dang / thub pa'i dbang po 'phro bas sems can rnams kyi don mdzad pa/ /chad pas stong pa bsgrub bya nyid du gzhan dag rab tu smra//rang bdag bde ba'i ngo bo mngon byas nas/ /btang snyoms ngo bo ye shes tsam 'bras bu/ /'khor ba srid zhugs sems can don mdzad pa/ /yid bzhin nor grags gcig tu zhi gyur pa'o/ /dkyil 'khor bde gang mngon sum byas nas ni/ /phyis ni de rang 'dod pas nges ldog pa//sems can don yang yod de 'dir med min/ /gang phyir nges par ldog las rab tu byung / /de rnams las 'dod ngo bo gsal byas la/ /phyir ni 'gog pas 'bras bu kha cig smra/ /gang phyir 'gog pa'i ngo bo tha dad min/ /de phyir tha dad phyogs kyi'am tha dad med/ / shes rab ye shes phyis ni byang chub sems/ /ro myang dbang bzhir 'chad pa de mchog min/ /gang phyir bsgom sogs kun stsol don med pa/ /thob 'gyur de 'bras rab tu mi rung phyir/ /shes rab ye shes phyir ni dga' ba'i ro/ /myong rnyed dbang bskur bzhir smra de dman te/ /gang phyir bsgom sogs kun la rab tu stsol//sangs rgyas kyis gsungs 'bras med rab thal 'gyur/ /rdo rje'i sa bon dri med dga' 'bab pa/ /dag pa'i chu skyes yang dag myu gu 'byung rgyas shing / /bzhi pa'i 'bru ni yongs gsal smin 'gyur ba'i/ /bzhi pa dag ni mkhas pa rnams la sbas//gsal byed bdud rtsi lnga dang thig le zla ba dang / /smin dbus thig le las byung dkyil 'khor dang / /rlung gi rang bzhin lce'u chung sogs de nyid/ /ngo bo min pa bdag nyid kyis rtag tu/ /rmi lam mig 'phrul gzugs brnyan sgyu ma dang / /smig rgyu dri za'i grong khyer chu zla dang //gzhan gyi sgra yis mngon par brjod pa yis/ /'dir bshad bsgrub bya gzhan la yod ma yin/ /zab mo stong nyid so sor snang ba tsam/ /zhi ba shin tu phra ba sgras brjod min/ /gos med dngos bral dri med la sogs dang / /gzhan sgrub yod pa 'khrul par mi bya'o//rnam pa bdun po bkod pa'i ngo bo dag las nam mkha' ma lus pa'i/ /slob dbyings khyab par byed pa'i bsod nams gang zhig bdag gis thob gyur pa/ /des ni 'jig rten 'di dag dpe med pa yi rig mas 'khyud par 'gyur ba yi/ /mdzes pa'i sku las rgyal ba'i sprul pa dag gis 'gro ba'i don byed shog /