CLOSE WINDOW

D1881
བོད་ཡིག

/[ ]@##/ /rgya gar skad du/ shrI sa mA dza a b+hi sa ma ya nA ma sA d+ha naM/ bod skad du/ dpal gsang ba 'dus pa'i mngon par rtogs pa zhes bya ba'i sgrub pa'i thabs/ dpal rdo rje sems dpal la phyag 'tshal lo/ /nang bar dang por bsam gtan gyi khang pa yid dang rjes su mthun pa shin tu dben par stan 'jam po la 'dug ste/'gro ba drug gi sems can thams cad la blos bltas la byams pa'i sems bskyed de bdag gir byas nas/ de rnams phol mig la sogs pa'i sdug bsngal dang ldan pa dang //de'i rgyu mi dge ba bcu'i las kyi lam yin par byas te/ de nas snying rje'i sems bskyed pas gdungs pa'i blos gnod pa de bsal ba'i phyir/ bdag nyid 'jam pa'i rdo rjer gyur nas sems can rnams kyang de dang 'dra bar bskyed par bya'o zhes smon lam bya'o/ / de nas bsgom pa'i sbyor ba brtsam par bya ste/ rang gi snying gar yi ge a yongs su gyur pa'i zla ba'i dkyil 'khor la yi ge maM mdog ser po bsams nas/ de las byung ba'i 'od zer gyis sangs rgyas lnga rnams dang / rang gi 'dod pa'i lha rnams dang / slob dpon mdun du nam mkha' la bsams te/snying po 'od zer gyi sgo las byung ba'i gzugs rdo rje la sogs pa rnams kyis yang dag par mchod la phyag byas te/ sdig pa bshags pa la sogs pa'i tshigs su bcad pa lan gsum brjod par bya'o/ /de la tshigs su bcad pa ni 'di yin te/gang zhig thog med srid pa'i chu klung du/ /zhes bya ba la sogs pa'o/ /de nas rnam par thar pa'i sgo gsum gyi ngo bo stong pa nyid rnam par bsgoms la/ oM shU n+ya tA dz+nyA na badzra swab+hA wa At+ma kou0f85haM/ /zhes bya ba'i sngags kyis byin gyis brlab par bya'o/ /de nas s ems gcig pu nyid ni bsod nams dang ye shes kyi stobs kyis rnam pa gnyis su 'gyur te/oM AHhU~M zhes bya ba ni 'jug pa'o/ /so sor snang ba'i bdag nyid can ni smon pa'o/ /de la yang bgegs 'byung bar 'gyur na mdun du yi ge AHlas byung ba'i nyi ma'i dkyil 'khor bsams la/de'i steng du yi ge hU~M dang bcas pa'i rdo rje drag po nag po bsams te/ de'i 'od zer rnams kyis bgegs bsal bar bsams la/ de nyid kyis rdo rje dra bar byas ba'i chos 'byung dkar po gru gsum nang stong pa gyen kar 'dug pa'o/ /de'i 'og logs su yi ge a yongs su gyur pa las zla ba'i dkyil 'khor/yi ge baM yongs su gyur pa las sna tshogs pad+ma'i steng du zla ba la khaM ljang gu yongs su gyur pa las sna tshogs rdo rje/ /der zla ba la brU yongs su gyur pa las 'khor lo yi ge brUM dang bcas pa'o/ /de gnyis yongs su gyur pa las rnam par snang mdzad sku mdog dkar po zhal g.yas gnag pa/g.yon dmar ba/ phyag gnyis kyis shes rab dam pa la 'khyud pa/ g.yas na 'khor lo ral gri dang / g.yon na rin po che dang pad+ma bsnams pa/ rdo rje skyil mo krung gis bzhugs pa/ zla ba'i gdan dang zla ba'i 'od mnga' ba/rin po che'i cod pan can bsams la/ de'i ye shes sems dpa'i snying po'i 'od zer rnams kyis sangs rgyas rnams yang dag par bskul nas bcug la/ de yongs su gyur pa las khang pa brtsegs pa zur bzhi pa la sogs pa dang yang dag par ldan pa bsams la/de'i dbus ma'i zla ba'i dkyil 'khor la stong pa nyid bcu drug gi ngo bo a la sogs pa yongs su gyur pa'i zla ba de rnams kyis mtshan pa ni mi bskyod pa'i rnam pa'o/ /de'i steng du skyes bu chen po'i mtshan sum cu rtsa gnyis 'dzin pa'i ngo bo ka la sogs pa yongs su gyur pa las de rnams kyis mtshan pa'i zla ba'i dkyil 'khor gnyis pa ni rin chen 'byung ldan gyi rnam pa'o//de'i steng du yi ge hU~M dmar po ste/ zla ba'i dkyil 'khor gnyis dang yi ge hU~M las rdo rje rtse lnga pa dmar por gyur pa las yi ge hU~M gis mtshan pa ni snang ba mtha' yas kyi rnam pa'o//de'i 'od zer rnams kyis sangs rgyas thams cad yang dag par bskul nas bcug ste/ de'i nga rgyal du byas pa dang ldan pa'i rnal 'byor pa ni don yod grub pa'i rnam pa ste/ de yongs su gyur pa las rdo rje sems dpa'i skur bdag nyid bsam pa ni/ sku mdog dkar po//zhal g.yas gnag /g.yon dmar ba/ phyag gnyis kyis shes rab dam pa la 'khyud pa/ g.yas na rdo rje dang ral gri/ g.yon rin po che dang pad+ma bsnams pa/ rin po che'i cod pan dang / zla ba'i gdan dang zla ba'i 'od mnga' ba/ rdo rje'i skyil mo krung gis bzhugs pa'i skur bdag nyid bsams la/sems can rnams 'dod chags chen pos 'dul bar shes nas dga' ba'i sgyu ma'i sgras sangs rgyas rnams bdag nyid la bcug la/ de la spyan ma la sogs pa dgu'i gzugs kyis rang gi lha mo'i nang du chud par byas nas/de nas yi ge hU~M gi 'od zer rnams kyis sangs rgyas rnams yang dag par bskul nas khar bcug ste/ rdo rje'i lam nas nges par phyung la/ pad+ma'i nang du byang chub kyi sems rnam par blta ste/ de yongs su gyur pa las dkyil 'khor du bsams la/ sems can ma lus pa yid kyis rab tu bcug ste/de byang chub kyi sems su yongs su gyur nas/ rdo rje'i lam nas nges par 'byung ba'i sangs rgyas rnams kyis dbang bskur bar bya'o/ /de nas de brUM AM dzIM khaM hU~M/ laM mAM paM tAM/ dzaHhU~M baM hoHkhaM raM/ k+ShiM dzriM khaM gaM Sh+kaM saM/ dzaHhU~M baM hoH/ zhes bya ba'i yi ge las byung ba'i rnam par snang mdzad la sogs pa'i de bzhin gshegs pa thams cad pad+ma'i nang gi dkyil 'khor gyi lha mo'i ba spu'i bu ga nas blos dbyung ngo //de ltar sems can gyi khams rnam par dag nas/ hU~M las 'od zer byung bas yi ge ho gnyis dang oM AHhU~M zhes bya ba'i 'jug pa'i sems spel ba bkug la khar bcug ste/rdo rje'i lam nas nges par phyung nas byang chub kyi sems kyi rnam par lha mo'i pad+ma'i nang du babs pa dang / de'i 'od zer rnams kyis reg pa tsam gyis rig pa rdo rje 'dzin pa dang bcas par zhu bar gyur par bsam mo/ /de nas 'byung ba chen po bzhi spyan ma la sogs pa'i lha mor gyur pas/sems can khams na zhes bya ba la sogs pa'i glus bskul bar bsam mo/ /'di rnams kyis yang dag par bskul bar gyur pa dang / sems kyis 'od zer de 'byung ba bzhi dang sangs rgyas thams cad kyis bskul nas sangs rgyas zhugs par gyur pa las rang gi sngags kyi gzugs su bdag nyid bsams nas/de yongs su gyur pa las ral gri yi ge maM gyis mtshan pa'o/ /de gnyis yongs su gyur pa las 'jam pa'i rdo rje sku mdog ser po/ /zhal g.yas nag po g.yon dkar po phyag gnyis kyis shes rab dam pa la 'khyud pa/g.yas na ral gri dam pa dang / g.yon na ut+pal dang gzhu bsnams pa/ zla ba'i 'od dang rin po che'i cod pan mnga' ba/ sna tshogs pad+ma'i steng na zla ba la rdo rje'i skyil krung du bzhugs par bsams la/ de'i snying gar zla ba la ral gri/de'i dbus su de dang 'dra ba'i ye shes sems dpa' de'i thugs kar zla ba la ral gri/ de'i dbus su yi ge maM gnas par bsams la/ o d+har+m+ma d+hA tu swA b+hA wa At+ma kou0f85haM/ zhes bya ba'i gsang sngags kyis byin gyis brlab pa'o/ /'di dag ni mchog gi bsnyen pa'i y an lag ste/rgyu mthun pa'i 'bras bu chung ba'o/ /de'i mig tu zla ba la k+ShiM dkar po yongs su gyur pa las 'khor lo k+ShiM gis mtshan pa'o/ /de gnyis yongs su gyur pa las sa'i snying po sku mdog dkar po/ zhal g.yas gnag g.yon dmar/ phyag gnyis shes rab dam pa la 'khyud pa/g.yas na 'khor lo dang ral gri/ g.yon na nor bu dang pad+ma bsnams pa'o/ /de bzhin du rna ba la yi ge dzriM dang bcas pa'i rdo rje yongs su gyur pa las phyag na rdo rje sku mdog nag po/ zhal g.yas dkar po g.yon dmar/ phyag gnyis kyis shes rab dam pa la 'khyud pa'o//g.yas na rdo rje dang ral gri/ g.yon na rin po che dang pad+ma'o/ /de bzhin du sna la yi ge khaM dang bcas pa'i rin po che yongs su gyur pa las nam mkha'i snying po sku mdog ser po/ /zhal g.yas gnag g.yon dkar ba/ phyag gnyis kyis shes rab dam pa la 'khyud pa/ g.yas na rin po che dang ral gri/ g.yon na 'khor lo pad+ma pa'o/ /de bzhin du lce la yi ge gaM dang bcas pa'i pad+ma yongs su gyur pa las 'jig rten dbang phyug sku mdog dmar po/ /zhal g.yas gnag g.yon dkar ba/ phyag gnyis kyis shes rab dam pa la 'khyud pa/g.yas na pad+ma dang ral gri/ g.yon na rin po che dang 'khor lo bsnams pa'o/ /de bzhin du mgo la yi ge Sh+ka dang bcas pa'i ral gri yongs su gyur pa las sgrib pa thams cad rnam par sel ba sku mdog ljang gu/ zhal g.yas gnag g.yon dkar ba/ phyag gnyis kyis shes rab dam pa la 'khyud pa/g.yas na ral gri dang 'khor lo/ g.yon na rin po che dang pad+ma bsnams pa'o/ /de bzhin du lte ba la yi ge saM dang bcas pa'i rdo rje yongs su gyur pa las kun du bzang po sku mdog dkar po/ g.yas gnag g.yon dmar ba/phyag gnyis kyis shes rab dam pa la 'khyud pa/ phyag g.yas na rdo rje dang ral gri/ g.yon na rin po che dang pad+ma bsnams pa ste/ /sa'i snying po la sogs pa 'di rnams kyang zla ba'i gdan dang zla ba'i 'od dang / rin po che'i cod pan mnga' ba/ rdo rje'i skyil mo krung gis bzhugs pa'o//de dag ni mchog gi nye bar sgrub pa'i yan lag ste/ rnam par smin pa'i 'bras bu chung ngu'o/ /kun du bzang po'i steng du zla ba la yi ge hU~M nag po yongs su gyur ba las rdo rje'i lte ba la hU~M dang bcas pa'i rdo rje yongs su gyur pa las thugs rdo rje phyag na rdo rje lta bu thugs ka'i zla ba la yi ge hU~M nag po'o//lce rtser yi ge AHyongs su gyur pa las pad+ma'i lte ba la yi ge AHdang bcas pa'i pad+ma yongs su gyur pa las gsung rdo rje 'jig rten dbang phyug lta bu'o/ /de'i thugs ka'i zla ba la yi ge AHdmar po'o/ /dpral bar yi ge oM yongs su gyur pa las 'khor lo'i lte bar oM dang bcas pa'i 'khor lo yongs su gyur pa las sku rdo rje sa'i snying po lta bu'o//de'i thugs kar zla ba la yi ge oM dkar po snying po de rnams kyi 'od zer gyis thugs rdo rje la sogs pa'i sangs rgyas rnams yang dag par mchod nas dpal ldan rdo rje thugs 'chang ba//zhes bya ba la sogs pa brjod de/ yang dag par bskul la sngags kyis byin gyis brlab par bya'o/ /de dag ni mchog gi bsgrub pa'i yan lag ste/ skyes bu byed pa'i 'bras bu chung ngu'o/ /snying po'i 'od zer gyis sangs rgyas thams cad bskul ba dang de rnams kyis 'od zer btang ba'i sgo nas byung ba'i spyan ma la sogs pa'i rigs rnams kyi rin po che'i bum pa nas bdud rtsis dbang bskur ba dang ldan pa dang /rang gi rigs kyi bdag po cod pan du thogs pa'o/ /de dag ni mchog gi sgrub pa chen po'i yan lag ste/ dbang gi 'bras bu chung ngu'o//yan lag bzhi pa'i dang po'o/ /rnal 'byor pa mchog gi bsnyen pa la sogs pa'i yan lag 'di dag gis rgyu mthun pa'i 'bras bu 'bring po la sogs pa ni rang dang 'dra bar bskyed par bya'o/ /gzhan yang oM hU~M swA AHhA zhes bya ba'i yi ge las bskyed par byas te/de'i mgo dang / snying ga dang / lte ba dang / gsang ba dang / brla dang / rkang pa'i mthar thug pa'i bar ro/ /yi ge hU~M las pad+ma AHlas lte ba/ phaT las dbab pa dgag pa'o/ /bdag nyid kyis yang yi ge hU~M las rdo rje/ oM las nor bu phaT kyis dgag pa'o/ / de nas snying po'i 'od zer rnams kyis bskul la drangs te/ de dang lhan cig sngags pas dga' ba brtsam par bya'o/ /oM sar+b+ba ta thA ga ta a nu rA ga Na badzra swa b+hA wa At+ma kou0f85haM/ yan lag bzhi pa'i gnyis pas te/ 'di dag ni dang po'i sbyor ba'i ting nge 'dzin to/ /snying po'i gsang sngags kyi 'od zer rnams kyis sangs rgyas rnams bskul la bkug nas khar bcug ste/lha mo'i 'dod chags kyis zla ba zhu bar gyur pa dang / pad+ma'i nang du phab pa las byung ba'i rang gi sa bon yongs su gyur pa las bdag po dbus na gnas pa'i dkyil 'khor ba bsams la cho ga 'dis dbyung bar bya'o//badzra d+h+r-ika ces bya ba las mi bskyod pa bskul te/ sku mdog nag po zhal g.yas dkar ba/ g.yon dmar ba/ phyag gnyis kyis shes rab dam pa la 'khyud pa/ g.yas na rdo rje dang ral gri/ g.yon na rin po che dang pad+ma bsnams pa/ nyi ma'i gdan dang zla ba'i 'od mnga' ba/ral pa dang cod pan can/ rdo rje skyil mo krung gis bzhugs pa dngos po thams cad kyis bdag la bzhugs par bya'o/ /dzin dzika ces bya bas rnam par snang mdzad dgod de/ sku mdog dkar po zhal g.yas gnag /g.yon dmar ba/ phyag gnyis kyis shes rab dam pa la 'khyud pa/g.yas na 'khor lo dang ral gri/ g.yon na rin po che dang pad+ma bsnams pa/ zla ba'i gdan dang zla ba'i 'od mnga' ba/ shar gyi pad+ma la bzhugs par bya'o/ /rat+na d+h+r-ika ces bya bas rin chen 'byung ldan dgod de/ sku mdog ser po zhal g.yas gnag g.yon dkar ba/phyag gnyis kyis shes rab dam pa la 'khyud pa/ g.yas na rin po che dang ral gri/ g.yon na 'khor lo dang pad+ma bsnams pa/ lhor bzhugs par bya'o/ /A ro l-ika ces bya bas 'od dpag tu med pa dgod de/ sku mdog dmar po//zhal g.yas gnag /g.yon dkar ba/ phyag gnyis kyis shes rab dam pa la 'khyud pa/ g.yas na pad+ma dang ral gri/ g.yon na rin po che dang 'khor lo bsnams pa/ nub tu bzhugs par bya'o/ /pradz+nyA d+h+r-ika ces bya bas don yod grub pa dgod de/ sku mdog ljang gu/ zhal g.yas gnag /g.yon dkar ba/ phyag gnyis kyis shes rab dam pa la 'khyud pa/ g.yas na ral gri dang 'khor lo/ /g.yon na rin po che dang pad+ma bsnams pa/ byang du bzhugs par bya'o/ /'di rnams ni nyi ma'i gdan dang nyi ma'i 'od dang na bza' dang rgyan bzang po dang / / ral pa dang cod pan mnga' ba/ rdo rje skyil mo krung gis bzhugs pa'o/ /mo ha ra tI zhes bya bas shar lhor spyan ma dgod de/ sku mdog dkar po/ zhal g.yas gnag g.yon dmar ba/ phyag gnyis kyis thabs la 'khyud pa/ g.yas na 'khor lo dang ral gri/ g.yon na rin po che dang pad+ma bsnams pa'o//dwe Sha ra tI zhes bya ba las lho nub tu mA ma kI dgod de/ sku mdog nag po zhal g.yas dkar ba/ g.yon dmar ba/ phyag gnyis kyis thabs la 'khyud pa/ g.yas na ut+pal dmar po dang ral gri/ g.yon na rin po che dang pad+ma bsnams pa'o/ / rA ga ra tI zhes bya ba las nub byang du gos dkar mo dgod de/ sku mdog dmar mo zhal g.yas gnag /g.yon dkar ba/ phyag gnyis kyis thabs la 'khyud pa/ g.yas na pad+ma dang ral gri/ g.yon na nor bu dang 'khor lo bsnams pa'o/ /badzra ra tI zhes bya ba las byang shar du sgrol ma dgod de/sku mdog ser po/ /zhal g.yas gnag /g.yon dkar ba/ phyag gnyis kyis thabs la 'khyud pa/ g.yas na ut+pal ser po dang ral gri/ g.yon na rin po che dang pad+ma bsnams pa'o/ /phyi rim kyi shar lhor de kho na nyid gsum las gzugs rdo rje sa'i snying po lta bu me long la sogs pa dang ldan pa'o//de bzhin du lho nub tu sgra rdo rje phyag na rdo rje lta bu la pi wang la sogs pa dang ldan pa'o/ /de bzhin du nub byang du dri rdo rje nam mkha'i snying po lta bu la dri'i dung chos la sogs pa dang ldan pa'o/ /de bzhin du byang shar du ro rdo rje 'jig rten dbang phyug lta bu la thod pa la sogs pa dang ldan pa'o//shar gyi sgo'i g.yon du reg rdo rje sgrib pa rnam par sel ba lta bu la lha'i gos sna tshogs pa dang ldan pa'o/ /shar gyi sgo'i g.yas su chos kyi dbyings rdo rje kun du bzang po lta bu la chos 'byung ba la sogs pa dang ldan te/ lha mo bcu po de rnams ni zla ba'i 'od mnga' ba/rdo rje'i skyil mo krung gis bzhugs pa/ rin po che'i cod pan dang na bza' bzang po dang ldan pa'o/ /ya mAn+ta kr-ita ces bya ba las shar phyogs kyi sgor gshin rje gshed dgod de sku mdog nag po/ /zhal g.yas dkar g.yon dmar ba/ phyag gnyis kyis shes rab dam pa la 'khyud pa/ g.yas na rdo rjes mtshan pa'i tho ba dang ral gri/ g.yon na rin po che dang pad+ma bsnams pa'o/ /pradz+nyAn+ta kr-ita ces bya ba las lho phyogs kyi sgor shes rab mthar byed dgod de/ sku mdog dkar po/ /zhal g.yas gnag /g.yon dmar ba/phyag gnyis kyis shes rab dam pa la 'khyud pa/ g.yas na rin po che sa mtshan pa'i dbyig pa dang ral gri/ g.yon na rin po che dang pad+ma bsnams pa'o/ /pad+mAn+ta kr-ita ces bya ba las nub phyogs kyi sgor pad+ma mthar byed dgod de/ sku mdog dmar po/ /zhal g.yas gnag g.yon dkar ba/phyag gnyis kyis shes rab dam pa la 'khyud pa/ g.yas na pad+ma dang ral gri/ g.yon na rin po che dang 'khor lo bsnams pa'o/ /big+h+nAn+ta kr-ita ces bya ba las byang phyogs kyi sgor bgegs mthar byed dgod de/ sku mdog nag po/ /zhal g.yas dkar/ g.yon dmar po/ /phyag gnyis kyis shes rab dam pa la 'khyud pa/ g.yas na rdo rje dang ral gri/ g.yon na rin po che dang pad+ma bsnams pa ste/ khro bo 'di rnams nyi ma'i gdan dang nyi ma'i 'od mnga' ba/ khro bo'i skyil mo krung gis bzhugs pa/ stag gi pags pa mnabs pa/ sbrul gyis brgyan pa/smin ma dang / ag tshom dang spyan ser ba/ dbu skra gyen du brdzes pa/ mche ba gtsigs pa/ ljags 'dril ba/ de ltar dngos po thams cad kyis rdzogs pa'i dkyil 'khor bstan nas/ snying ga'i sa bon gyi 'od zer gyis ye shes kyi dkyil 'khor gyi sangs rgyas rnams spyan drangs nas/mdun du bltas la/ de rnams dang lhan cig 'ongs pa'i bgegs gshin rje gshed la sogs pas bskrad pa dang / mngon par bsrung ba dang / bcing ba dang mnyes par byas nas/ bdud rtsis gang ba'i snod kyi mchog yon phul la/ snying po'i 'od zer las byung ba'i gzugs rdo rje ma la sogs pa rnams kyis yang dag par mchod cing /gshin rje gshed la sogs pa'i rang bzhin gsang sngags kyis dgug pa dang / gzhug pa dang / bcing ba dang / dbang du bya'o/ /de dag ni thun mong gi bsnyen pa'i yan lag ste/rgyu mthun pa'i 'bras bu chen po'o/ /rnam par snang mdzad la sogs pa'i dkyil 'khor gyi lha rnams kyi mig la sogs pa byin gyis brlabs pa ni/ spyi'i nye bar bsgrub pa'i yan lag ste/ rnam par smin pa'i 'bras bu chen po'o/ /de bzhin du sku gsung thugs byin gyis brlab pa ni/spyi'i sgrub pa'i yan lag ste/ skyes bu byed pa'i 'bras bu chen po'o/ /de nyid gzhan du dbang bskur bar gyur pa ni/ sangs rgyas rnams dang rdo rje 'chang ba dang / mA ma kI dang / sgra rdo rje dang / chos dbyings rdo rje dang / shes rab mthar byed dang bgegs mthar byed kyi cod pan la ni mi bskyod pa'o//spyan dang gzugs rdo rje dang / gshin rje gshed kyi cod pan la ni rnam par snang mdzad do/ /gos dkar mo dang / ro rdo rje ma dang / pad+ma mthar byed kyi cod pan la ni 'od dpag tu med pa'o/ /sgrol ma dang reg rdo rje'i cod pan la ni don yod grub pa'o/ /dri'i rdo rje'i cod pan la ni rin chen 'byung ldan no//'di dag ni spyi'i sgrub pa chen po'i yan lag ste/ dbang gi 'bras bu chen po'i yan lag bzhi pa'i gsum pa'o/ /snying po'i 'od zer rnams kyis sangs rgyas rnams bskul la khar bcug ste/ rdo rje'i lam nas nges par phyung nas/ lha mo'i chags pas pad+ma'i nang du zla ba zhu ba'i gzugs can du bsams la/ de'i 'od zer las byung ba'i gzugs rdo rje la sogs pa phyung bas yang dag par mchod nas/ oM sar+b+ba ta thA ga pU dza badzra swA b+hA wa At+ma kou0f85haM/ zhes bya ba'i gsang sngags kyis byin gyis brlab par bya'o/ / de nas rang gi yid lhag pa'i lhar gyur pa las chos rnams kyi/ mi bskyod pa ni rdo rje che/ /zhes bya ba la sogs pa'i stong pa'i sgra brag ca lta bur bstod pa byed par bsam mo/ /de nas bdud rtsi myang ba'i cho ga 'di yin te/ yi ge yaM yongs su gyur pa las rlung gi dkyil 'khor gzhu'i dbyibs lta bu la ba dan gyis mtshan pa/du ba'i mdog can yi ge yaM dang bcas pa/ de'i steng du yi ge raM yongs su gyur pa las me'i dkyil 'khor gru gsum zur gsum la rdo rjes mtshan pa'i yi ge raM dang bcas pa'o/ /de'i steng du zla ba la yi ge a yongs su gyur pa las thod pa'o/ / der sngags pas bi mu shu ma ra ste bdud rtsi lnga dang / go ku da ha na ste dpa' bo lnga bkod la/ rlung gis bskyod pa'i mes thod pa de la gnas pa'i ye shes kyi bdud rtsir gyur par bsams la/ der yi ge hUM las rdo rjer gyur pa yang nang du bsam mo/ /yang yi ge oM gyis de bzhin gshegs pa lnga'i sa bon drangs la 'dres par gyur par byas nas/der yi ge gsum mngon par bzlas la rnal 'byor pas hUM bkod pa'i rdo rje'i lce bzang po dang / de lha rnams tshim par bya'o/ /'di ni dkyil 'khor gyi rgyal po mchog ces bya ba'i ting nge 'dzin to/ /snying po las nges par byung ba'i sangs rgyas rnams kyis yang dag pa ma yin pa'i rtog pa spangs pas de'i bdag nyid du 'gro ba rnams byas nas rang gi sa bon gyi nang du bcug ste/thig le'i gzugs su rang gi yid yongs su bsgoms la/ sems de'i 'od zer gyi phreng ba'i snang bas sku dang gsung dang thugs dang lus kyi mchog gi bar sad par byas la/yang de nyid du zhugs pas ye shes kyi bdud rtsi 'bab par bsam mo/ /des nang gi lus dang de bzhin du thams cad snang bar byas te/ ba spu'i bu ga re re nas byung ba'i mtha' yas pa'i 'od kyi tshogs rnams kyis sna tshogs pa kun du bkang nas slar 'dus te gnas pa dang /brtan par gyur pa ni thig le'i rnal 'byor ro/ /de nas rang gi sngags kyi 'od zer gyis sangs rgyas bcug la/ rdo rje'i lam nas nges par phyung nas zla ba zhu bar gyur pa las/ de yongs su gyur pa'i mtshan ma phra mo'i lte bar ting nge 'dzin gnyis bskyed la/sna tshogs pa sangs rgyas kyi bdag nyid du rang gi sngags kyis nang du bcug la/ thig le de'i gzugs can 'od gsal bar bdag nyid bsams te/ de'i 'od zer rnams kyis dkyil 'khor la bltas la sems brtan par gyur nas rjes su dran pa bcu drug bsgom par bya'o/ /bsgoms pas dub na cig car ram rim gyis sems ma yengs par bzlas brjod bya'o//rang gi rgyud tshim par bya ba bsam pa ni mtho gang gis spags pa la spyi bo'i steng du gdugs dkar po bzhin bdud rtsi'i dkyil 'khor de'i steng du yi ge oM/ /de'i 'od zer rnams kyis bdud rtsi phab la/ de nas srog gi rlung dang rang gi sngags kyi 'od zer gyis drangs nas/rkan gyi phyogs su phab nas ba spu'i khung bu dang rtsa brgyad las sku gsung thugs tshim par byas/ de nas bzlas pa dpag tu med par byas nas/ oM la sogs pa de kho na nyid gsum gyis dkyil 'khor gyi 'khor lo bsdus la yang dag pa'i smon lam mngon du bya'o//de nas rang gi lha'i nga rgyal dang ldan pas langs nas thams cad kyang de dang 'dra bar bsams nas gnas par bya'o/ /bdud rtsi myang ba'i rim gyis zas la sogs pa spyad par bya'o/ /dbang bskur ba'i rim pas khrus bya'o/ /rgyu mthun pa 'bring po la sogs pas grong gi chos bya'o//thun mtshams su yang de kho na nyid gsum gyi dkyil 'khor rnam par spros la/ mchod pa la sogs pa sngon du 'gro bas bzlas pa byas nas/ yang de kho na nyid gsum gyi dkyil 'khor bsdus la nyal bar bya'o/ /yang nang par gyi dus su bskyed pa'i rim gyis ting nge 'dzin gsum rdzogs par byas la mnyam par gzhag nas bzlas brjod la sogs pa bya'o//bsgom pa'i cho ga 'di ni shes rab dman pa'i sems can mthong nas/ slob dpon gyis 'di nyid gsar du brtsams pa yin no/ /dpal gsang ba 'dus pa'i mngon par rtogs pa zhes bya ba'i sgrub pa'i thabs/slob dpon bsod snyoms pas mdzad pa rdzogs so// //rgya gar gyi mkhan po shrad+d+hA ka ra warma dang / zhu chen gyi lo tsA ba dge slong rin chen bzang pos bsgyur cing zhus te slad kyis kyang bcos nas gtan la phab pa'o// //