CLOSE WINDOW

D1876
བོད་ཡིག

bod kyi lo tsA ba mnga' bdag lha ye shes rgyal mtshan gyis bsgyur ba'o//[ ]@##/ /rgya gar skad du/ ma hA ba liM bi d+hi/ bod skad du/ gtor ma chen po'i cho ga /thams cad mkhyen pa la phyag 'tshal lo/ /gang zhig shes bya'i sgrib sogs rab spangs nas//me long la sogs ye shes yang dag ldan/ /gsum gyi 'khor lo don byed rab mchog gtso/ /'jam dbyangs de la 'dud cing bla ma la'ang / /rnal 'byor rnams kyi bar chad zhi byas nas/ /mngon par don ni rab bsgrub phyir/ /sangs rgyas ye shes zhal snga'i rim 'ongs pa//ma lus bstan pa'i gtor ma bshad par bya/ /mchod sbyin rnams ni thams cad kyi/ /gtso bo gtor ma'i las yin te/ /rnal 'byor rnams ni de bsgrub 'dod/ /cho ga 'di la 'bad par bya/ /gang phyir gzhan don gnyer ba'am/ /dngos grub bsgrub bya'i las byed na//bzlas dang sbyin sreg gnyis ka bas/ /gtor ma'i las 'di mchog tu gsungs/ /de yi las ni 'di lta ste/ /bdag nyid bsgyur dang de mgron dang / /de yi yo byad bsngo ba dang / /gsol gdab gshegs su gsol ba'o/ /dang por bdag nyid yi dam lhar//sku dang mkhyen pa bya ba dbang / /rim pas thams cad rdzogs bsgoms nas/ /zhi phyir don grub gtor ma gtang / /'khor lo la sogs khang pa yis/ /phyogs bzhi mtshams bzhir stegs bu brgyad/ /brgya byin dbang ldan bar du gcig /chu dang bden bral bar du gcig /dam pa'i dri yis bcu po byug /mdzes pa'i me tog rnams kyis brgyan/ /glu dang gar dang gdugs sogs pas/ /nus pa ji snyed kyis brgyan bya/ /de nas rang nyid rnal 'byor pas/ /dngos grub myur du mi 'thob phyir/ /'khor lor bcas pa'am yang na ni//khros pa'i thams cad nag por bsgyur/ /de yi ye shes sems dpa' las/ /'od zer lcags kyu nag 'phros pas/ /phyogs skyong rang rang phyogs gnas pas/ /chung ma 'khor bcas dgug par bya/ /brgya byin ser po spyan stong pa/ /rdo rje 'dzin pa sha tsir bcas/ /glang chen rab tu brtan pa la//chibs pa shar gyis stegs dbus/ /dgug bya de g.yon mkha' lding la/ /zhon pa'i khyab 'jug nag po ste/ /g.yas pa rtse gsum 'khor lo 'dzin/ /g.yon du dung dang nor bu 'dzin/ /de steng dgug bya shar lho yi/ /stegs steng ra zhon me lha yi/ / ral ba'i dbu rgyan dmar mdog can/ /skyabs sbyin phreng 'dzin g.yon du ni/ /dbyug pa gu n+d+he 'dzin pa dgug /de bzhin lho yi stegs steng du/ /dgug bya ma he la zhon pa/ /gshin rje nag po brkyang bskum tshul/ /rgyan 'bar phyag na dbyug pa dang / /sdigs mdzub 'dzin pa gnas par bya//lho nub stegs steng la dgug pa/ /mi ro la zhon brkyang bskum tshul/ /gcer bu mche gtsigs skra bzhin gnag /bden bral gri dang ka pA la 'dzin/ /nub kyi stegs bu'i steng dgug pa/ /mkha' 'gro lto 'phye zhon pa yi/ /chu lha dkar po klu zhags 'dzin/ /klu mgo bdun pa zhabs klu gcig /de bzhin nub byang steng dgug pa/ /dgo ba ser zhon rlung lha ljang / /phyag gnyis rlung gi gos 'dzin cing / /nam mkha'i khams su brkyang pa'o/ /byang gi stegs bu la dgug pa/ /mi zhon gnod sbyin ser po ste/ /bi dza pU ra sa bon gang //ne'u le btsir nas 'dzin pa'o/ /de steng byi ba la zhon pa/ /log 'dren dpon po glang chen mgo/ /dkar po la phug phreng ba dang / /mngar bsres dbyug 'dzin dgug pa'o/ /byang shar stegs bu la dgug pa/ /glang la zhon pa'i dbang phyug dkar/ /ral can rus pa'i phreng ba can//kha T+wAM rnge'u chung 'dzin pa'o/ /brgya byin dbang ldan bar dgug pa/ /rta bdun shing rta la zhon pa/ /nyi ma dmar po zer bcas pa/ /phyag mtshan pad+ma dmar po 'dzin/ /de g.yon ut+pal gnas pa/ /zla ba dkar po la gnas pa/ /phreng ba 'dzin pa 'khor dang bcas/ /bkug nas de ru gnas pa'o//de nyid dbus su de steng dgug /ngang pa zhon pa tshangs pa che/ /thung du zhal bzhi tshangs skud can/ /tshon po phreng ba dbyug pa 'dzin/ /klu dang cig shos gnyis par steng / /shing rta la zhon thags zangs gnag /dgug bya ral gri 'dzin pa'o/ /lha min tshogs dang bcas pa'o//de yi g.yon du de steng du/ /pad+ma la bzhugs dgug bya ba/ /sa yi lha mo ser mo yi/ /bum pa 'dzin pa bsam par bya/ /'di rnams rin chen dbu rgyan can/ /rin chen rnam pa sna tshogs kyis/ /rab tu spras pa'i rgyan gyis brgyan/ /phyogs skyong shin tu che ba rnams//rang 'dra ba yi tshogs bskor ba/ /rnam smin 'od dang sku mdog gis/ /mun pa thams cad sel byed pa/ /rang gi lha yis dgug byas dgod/ /de ltar rab tu bkug byas nas/ /cho ga'i rim pa 'di yis ni/ /shes bya'i sgrib mun bsal nas ni/ /de rnams rab tu sbyar bar bya//thugs kyi 'od zer las byung ba/ /gshin rje gshed sogs khro bo bcu/ /sku stod zhal gsum phyag drug blta/ /smad ni gsal shing gzugs gnas pa/ /g.yas pas mgul ba brtan byas nas/ /ri rab las grub tho ba yis/ /g.yon pas brdab cing gong ma rnams//rim pa bzhin du gdab par bya/ /oM AHbig+h+nA kri sarba duSh+TAn/ ku be ra ga Na pa tis pa'i wA ra Na kI la ya hUM phaT/ oM AHTak+ki rA dzas rba duSh+TAn/ ag+ni sa ba ri wAr Na ki la ya hUM phaT/ oM AHnI la daN+Da sarba du Sh+TAn/ nai r-i tis pa ri wA ra Na kI la ya hUM phaT/ oM mahA ba la sarba du Sh+TA na/bA yu nas pa ri wA ra Na kI la ya hUM phaT/ oM AHa tsa la sarba du Sh+TA na/ I sha nas pa ri wA ra Na kI ya hUM phaT/ oM b+h+rUM tsakra sarba du Sh+TA na/ arka tsan+d+ra pra ti ma hA sa pa ri wA ra Na kI la ya hU~M phaT/ oM AHsum+b+ha sarba du Sh+TA na/ tsa ma ri pa ti de ba bra Nas pa ri wA ra Na kI la ya hUM phaT/sngags de dag ni brjod byas nas/ /gdab bya 'debs byed btab pa rnams/ /sgrib pa mnyam nyid shes pa yis/ /brtsal phyir rim bzhin phur pas gdab/ /de dag lus 'di phur btab nas/ /thal ba nyid gyur brlag byas nas/ /rnam par shes pa mar me ltar//gnas pa sa bon gyis bkug ltar/ /zhal bzhugs byang chub sems gyur nas/ /rdo rje'i lam byung mtsho skyes nang / /babs pa bsam pa'i gnod sems rnams/ /bsal phyir sngags 'dis byin gyis rlab/ /oM AHoM shrI he ru ka badzra sa ma ya mu dra sarba du Sh+TA na sa ma ya mu dra pra ban tsa kra e ShA ma a sha ya do ShaM a ba na ya hUM phaT/rdo rje he ru ka yis ni/ /sngags kyis shes bya'i sgrib mun bsal/ /de nas bdud rtsi 'khyil pa yi/ /phreng ba bzlas pas nyon mongs bsal/ /na maHsa man+ta kA ya wA ka tsit+ta badzA NaM/ na mo badzra daM Sh+To ta kaT b+hai ra ba ya a si mu sa la pa ra shu pA sha ha sta ya/oM a mri ta kuN+Da li/ kha kha khA hi khA hi/ tiSh+Tha tiSh+Tha/ ban+d+ha bad+d+hA/ ha na ha na/ da ha da ha/ gardza gardza/ bi s+pho Ta ya bi s+pho Ta ya/ sarba bi g+h+nAn pi nA ya kA nAM/ ma hA ga Na pa ti dzI bi tAn+ta ka rA ya/ sarba Sh+TaM a sha ya do Sha a pa na ya hUM phaT/de yis sgrib mun bsal nas su/ /mtsho skyes nang gnas khu ba las/ /cho ga gsum gyis legs bsgrubs pa'i/ /sku rnams phyogs su dgod par bya/ /badzraM hUM rUM kaM muM baM yaM b+haM saM 'u maM a b+he ma maM laM/ bya ba'i sa bon rnams su gyur/ /de las/ /rdo rje 'khor lo gu n+d+he dang //dbyug pa gri dang klu zhags dang / /rlung gos bi dza pU ra dang / /pad+ma rtse gsum pad+ma dang / /ut+pal pad+ma ral gri dang / /pad+ma mtshan ma rnams kyi nang / /rang rang sa bon mtshan par bsam/ /sa bon phyag mtshan de nyid las/ /brgya byin rdo rje mtshan du gyur/ /ser po zhal gsum phyag drug pa//rdo rje ral gri phyag g.yas la/ /'khor lo pad+ma g.yon du 'dzin/ /thugs rigs zla ba'i steng du dgod/ /khyab 'jug sgyu ma rdo rje gyur/ /nag po zhal gsum phyag drug pa/ /'khor lo ral gri phyag g.yas la/ /dung dang pad+ma g.yon du 'dzin/ /'di yang thugs rigs nyi mar dgod//drang srong rdo rje me ru gyur/ /dmar ser zhal gsum phyag drug pa/ /skyabs sbyin dang ni phreng ba g.yas/ /gun+d+ha dbyug pa g.yon du 'dzin/ /'di yang thugs rigs zur gsum dang / /nyi ma'i gdan la dgod pa'o/ /gshin rje rdo rje tshe zad gyur//nag po skra 'greng zhal gsum pa/ /phyag drug dbyug pa ral gri dang / /nor bu pad 'dzin brkyang bskum tshul/ /thugs rigs nyi ma'i gdan la dgod/ /bden bral rdo rje gtun du gyur/ /bung 'dra zhal gsum phyag drug pa/ /gri gug ral gri phyag g.yas pa/ /ka pA la rin chen g.yon du 'dzin//thugs rigs nyi ma'i gdan la dgod/ /de rnams dbu rgyan mi bskyod pas/ /cod pan la ni mtshan pa'o/ /chu lha klu yi rdo rjer gyur/ /zhal gsum dkar po klu gdong dang / /klu yi zhabs can phyag drug pa/ /klu zhabs ral gri phyag g.yas la/ /rin chen pad+ma g.yon du 'dzin//gsung rigs zla ba'i gdan la dgod/ /tshe dpag med kyis dbu brgyan pa'o/ /rlung lha rdo rje rlung du gyur/ /margad ltar ljang zhal gsum pa/ /phyag drug rlung gos ral gri g.yas/ /nor bu pad+ma g.yon du 'dzin/ /las kyi rigs te zla bar dgod/ /rnga sgra yis ni dbu brgyan pa'o//lus ngan rdo rje 'jigs byed gyur/ /gser 'dra zhal gsum phyag drug pa/ /bi dza pU ra ral gri g.yas/ /pad+ma dung ni g.yon du 'dzin/ /gsung rigs nyi ma la dgod bya/ /log 'dren rdo rje mchu rings gyur/ /dkar po zhal gsum phyag drug pa/ / rdo rje mchu can la phug dang / /ral gri g.yas su 'dzin pa'o/ /rin chen pad+ma g.yon du 'dzin/ /'di yang gsung rigs nyi mar dgod/ /dbang ldan rdo rje khro bor gyur/ /dkar po zhal gsum phyag drug pa/ /rtse gsum ral gri g.yas na 'dzin/ /g.yon du rin chen pad+ma 'dzin/ / gsung rigs zla ba la bkod de/ /tshe dpag med kyis gsum po brgyan/ /nyi ma rdo rje 'khyil par gyur/ /dmar po zhal gsum phyag drug pa/ /pad+ma ral gri phyag g.yas la/ /g.yon du 'khor lo rin po che/ /rin chen rigs te nyi mar dgod/ /rin chen 'byung ldan gyis brgyan pa'o//zla ba rdo rje 'od du gyur/ /zhal gsum phyag drug dkar po'i mdog /ut+pal ral gri phyag g.yas la/ /rin chen pad+ma g.yon du 'dzin/ /sku yi rigs te zla bar dgod/ /tshangs pa thub pa'i rdo rjer gyur/ /ser po zhal gsum phyag drug pa//pad+ma ral gri phyag g.yas la/ /nor bu 'khor lo g.yon du 'dzin/ /sku rigs 'di yang zla bar dgod/ /lha min rdo rje thags bzangs gyur/ /nag po zhal gsum phyag drug pa/ /g.yas su ral gri 'khor lo 'dzin/ /g.yon du rin chen chu skyes 'dzin/ /sku yi rigs ni nyi mar dgod//sa gnas rdo rje sar gyur te/ /ser po zhal gsum phyag drug pa/ /pad+ma ral gri phyag g.yas la/ /g.yon du rin chen chu skyes te/ /sku rigs 'di yang zla bar dgod/ /bzhi bo rtag pas brgyan pa'o/ /sgyu ma rdo rje byin za dang / /ma bdag sha rlon za ba dang //lus ngan log par 'dren pa dang / /lha dmag zlog par byed pa rnams/ /nyi ma me yi 'od kyis 'khor/ /rten pa'i rgyab na gnas pa'o/ /lhag ma zla ba'i rgyab rten can/ /dang po rang 'od rig ma 'khyud/ /rdo rje skyil mo krung gnas pa/ /zab mo yang dag gsal ba'i sku//rin chen sna tshogs rgyan ldan pa/ /mtshan dang dpe byad kyis 'od gsal/ /rang rang phyogs kyi nam mkha' gang / /rang rang dang 'dra 'khor tshogs rnams/ /zhal gsum phyag drug rig mar ldan/ /yang dag bskyed nas nyer sgrub sogs/ /yid 'ong gsang ba 'dus pa yi//gzhung gis byin brlabs sbyang bar bya/ /de bzhin nam mkha' mnyam pa yi/ /'gro ba ma lus sa bon gyis/ /bkug nas zhal zhugs zhu bar gyur/ /rdo rje'i lam byung mtsho skyes nang / /ye shes rim pa lnga las byung / /rdo rje sems dpa'i mos pa yis/ /zhu gyur pad+ma'i nang gnas pa//spyan sogs lha mo glu dbyangs kyis/ /bskul pas k+Shi la sogs pa yis/ /sa bon nyi shu gcig tu gyur/ /de las mtshan ma sa bon mtshan/ /sa bon phyag mtshan las byung ba'i/ /sa snying la sogs gzugs bskyed nas/ /sku mdog zhal dang phyag mtshan rnams//sgrub pa'i thabs gsungs grags pa rnams/ /nam mkha'i khams kun spros pas gang / /de ltar mgron rnams kun sbyang nas/ /yo byad rnams ni sta gon gnas/ /gser dang dngul dang zangs ma'i snod/ /lcags dang nya phyis la sogs pa'i/ /snod mchog nang du khur ba dang //zan dang sdig med sha khrag dang / /mdzes pa'i lha bshos nya sha dang / /mon sran gre'u 'o ma dang / /chu dang mar me dri me tog /bldag rgyu btung rgyu bza' rgyu sogs/ /rgyas pa mdun du mthong bya ste/ /glu dang gar dang rol mo dang / /gdugs dang rgyal mtshan ba dan dang / / bla re la sogs mchod pa'i tshogs/ /de bzhin phyi rol kun bskor bkod/ /med na kham phor la sogs la/ /mon sran gre'u chu zan dang / /gzhan ma dag kyang rnyed pa bzhin/ /cho ga bzhin du dbul bar bya/ /'khor lo snga ma bzhin du bsgrubs/ /pad+ma sa bon bcu po las/ / ba spu'i bu ga las byung ba'i/ /gzugs sogs lha mo spros pa yis/ /nam mkha'i khams kun rab bkang nas/ /mgron rnams so sor 'khyud byas te/ /de bzhin me tog la sogs pa/ /sa bon gyis bskul so sor thengs/ /mchod pa mnyam nyid bya ba'i phyir/ /sngags kyis byin gyis brlab par bya//oM sarba ta thA ga ta pU dza badzra swa b+hA ba At+ma kou0f85haM/ de nas rdo rje dril bu ni/ /gsor gsil bskor ba'i bde bas kyang / /lha rnams thams cad dges bya'i phyir/ /chos thams cad kyis bstod par bya/ /rdo rje mi bskyod ye shes che/ /rdo rje dbyings ni mkha' chen p o//rdo rje gsum mchog dkyil 'khor gsum/ /rdo rje sgrogs la phyag 'tshal lo/ /rnam par snang mdzad dag chen po/ /rdo rje zhi ba dga' ba che/ /rang bzhin 'od gsal mchog gi mchog /ston pa rdo rje phyag 'tshal lo/ /rin chen rgyal po rab tu zab/ /rdo rje nam mkha' dri ma med//rang bzhin dag pas gos pa med/ /rdo rje sku la phyag 'tshal lo/ /rdo rje dpag med 'dod chags che/ /mi rtog nam mkha' rdo rje 'dzin/ /'dod chags pha rol phyin pa thob/ /'od gsal rdo rje phyag 'tshal lo/ /dngos grub rdo rje rdzogs sangs rgyas/ /bsam pa thams cad yongs rdzogs pa//rang bzhin dag pas rdo rje sems/ /rdo rje sems dpa' phyag 'tshal lo/ /de nas yaM byung gzhu 'dra dang / /raM byung gru gsum med dkyil du/ /a byung pad+ma 'dab brgyad la/ /rdzas rnams mi 'chi lnga ru dmigs/ /de steng zla ba nyi ma la/ /bruM sogs bsams nas de'i 'od kyis//rigs lnga'i sangs rgyas bkug byas te/ /sa bon las ni thim gyur stobs/ /rlung gis me bus pad nang gi /bdud rtsi khol bas gcig gyur te/ /rlangs pa hUM byung rdo rje dkar/ /lte bar hU~M bsams zhu gyur pas/ /pad nang bdud rtsi la babs te//zla ba shel ltar dag bsams nas/ /steng du oM bsams zhu gyur pas/ /nang du thim byas gsal byas te/ /'od zer lnga ni rab 'bar bsam/ /de nyid gsum gyi gsang sngags nyid/ /rab tu bzlas pas byin brlabs te/ /de ltar sbyang byas gtor ma rnams/ /sa bon gyis bskul pad+ma yis//nam mkha'i khams kun bkang byas te/ /lha rnams ji snyed phyag g.yon bteg /thengs par byas nas so so yi/ /lce ni hUM las rdo rje yi/ /bum par hUM bsam de 'od kyis/ /lce'us chu ni 'thungs bzhin du/ /bdud rtsi 'thungs pas zad med de//de yi stobs kyis gnyis med kyi/ /ye shes yongs su myong bar bsam/ /de nas tshigs bcad 'di rnams kyis/ /rab tu brjod de dbul bar bya/ /oM phyogs bcu'i 'jig rten khams gnas pa/ /dus gsum las ni byung ba kun/ /mkha' dang rgya mtsho sprin gyi tshogs//shin tu rgya che phra rab kyi/ /rdul gyi dkyil 'khor so so yi/ /nang du gnas pa'i tshogs chen po/ /nam mkha'i dbyings dang mnyam pa yi/ /chos kyi dbyings kyi rang bzhin can/ /phyogs bcu skyong ba thams cad dang / /sems can khams rnams ma lus pa'i/ /so so sbyor ba'i tshul gnas pa//de dag kyang ni 'di lta ste/ /rdo rje mtshon cha sgyu ma rdo rje dang / /rdo rje me dang rdo rje zad dus dang / /rdo rje gtun dang klu yi rdo rje dang / /rdo rje rlung dang rdo rje 'jigs byed dang / /rdo rje mchu rings rdo rje khro bo dang / /rdo rje 'khyil pa rdo rje 'od chen dang / /thub pa'i rdo rje rdo rje thags bzangs dang //sa yi rdo rje 'khor dang so sor bcas/ /sa snying phyag na rdo rje nam snying dang / /'jig rten dbang dang sgrib sel kun du bzang / /gzugs dang sgra dang dri yi rdo rje ma/ /ro dang reg bya chos dbyings rdo rje dang / /spyan ma dang ni mA ma kI dang ni/ /na bza' dkar mo dam tshig sgrol ma dang //rnam snang mdzad dang rin chen dbang phyug dang / /snang mtha' yas dang don yod grub pa rnams/ /mi bskyod pa yi tshogs chen thams cad la/ /bdag gis me tog dang ni spos dang ni/ /mar me dri zhim zhal zas dam pa dbul/ /rol mo la sogs dag dang ldan pa yi/ /gtor ma'i yo byad 'di ni thugs rje yis//bzhes shing dgongs shig bdag la rab tu dgongs/ /bdag la gser dang dngul dang 'gron bu dang / /nor phyug tshe ring ba dang bzhon pa dang / /na tsha med dang dam tshig bde ba kun/ /'phrog par byed pa bgegs kyi sde dpon dang / /gdug dang shin tu gdug pa can dag dang //mi dang mi ma yin pa thams cad dag /rmugs par gyis shig rab tu rmugs par gyis/ /chings shig chings shig khyed kyis yang dag chom/ /de bas nga yi 'gron bu gser dngul dang / /nor gyi dbyig dang tshe ni ring ba dang / /bzhon pa dang ni na tsha med la sogs//bde ba chen po rab tu 'phel bar mdzod/ /bdag ni byang chub snying po ma thob par/ /khyed rnams bdag gi grogs la rtag tu spyon/ /bdag gi nad rnams dag ni zhi ba dang / /bdag la bgegs kyi gnod pa zhi bar gyis/ /kye bcom ldan 'das ni rdo rje 'dzin pa mchog / skyon can kun gyi phyag rgyab shig pa po/ /bdag gis gtor phul bdag la zhi ba dang / /dus 'di nas ni bsrung bar mdzad du gsol/ /de ltar 'dod bzhin gsol btab nas/ /de dag rnams kyang mthun pa ru/ /bdag la dngos grub gnang bsams nas/ /mgrin gcig tu ni legs so zhes//gsungs pa'i ku cos khams bkang ba'i/ /sgra kun grag par dmigs nas su/ /tshigs bcad 'di yis bshags par bya/ /'jig rten 'di na 'khod pa'i mgron rnams kun/ /phyogs skyong sems can kun dang lha yi lha/ /rang bzhin gyis grub sbyor bas sbyangs pa rnams//bdag ni brtson dang mi ldan bkren chen te/ /mchog gzhan ci yang bdag la ma mchis na/ /gzhan don dgongs pa'i mgon po khyed rnams kyis/ /thugs dang mi 'gal rang gi mthus bzhes shig /bdag ni rnam g.yeng rmugs dang le lo yis//sems ma 'dus dang mi gsal ma bsgrubs pas/ /mgon po khyed rnams thugs dang 'gal ba gang / /rang bzhin bdag gis chos gzigs bzod par mdzod/ /de ltar brjod pas dga' 'gyur te/ /'gal ba dag ni sos par dmigs/ /yang na a yis dang por rdzogs//brjod pa byin brlabs gtor ma dbul/ /de nas rdo rje dril bu dang ldan pa'i/ /bde ba'i dbyings rab brjod bya ste/ /bskor nas pad+ma'i lag bskor lnga/ /byas nas sngags 'dis gshegs su gsol/ /oM sems can don kun byas nas su/ /rang gi yul du gshegs su gsol//yang ni byon par mdzod cig muH/ /gshegs gsol yi ge brgya pa yis/ /las kyi skyon kun bsal bar bya/ /oM badzra satwa sa ma ya/ ma nu pA la ya/ badzra sa twa twe no pa/ tiSh+Tha dr-i D+ho me b+ha ba/ a nur k+to me b+ha ba/ su to Sh+yo me b+ha ba/ su po Sh+yo me b+ha ba/ sarba sid+d+ha m+me pra yats+tsha/sarba karma su tsa me/ tsit+t+waM shre yaHku ru hUM ha ha ha ha ho/ b+ha ga bAn sarba ta thA ga ta/ badzra mA me muny+tsa/ badzrI b+ha ba ma hA sa ma ya satwa AH/ de ltar brjod nas gtor ma rnams/ /mngon sum dus su phyogs bcur gtor/ /gzhan ma sa phyogs gtsang sar spung / /chu gnas sems can rnams dang ni//mi ni dbul ba rnams la sbyin/ /khyi dang bya rog la sogs la/ /nan tan gyis ni sbyin mi bya/ /de bzhin de yis rim pa yis/ /zhi ba la sogs ji bzhin du/ /rang 'dod phyogs su kha bltas te/ /de yis kha dog 'khor lor ldan/ /sngon bzhin phyogs bcur skyong ba rnams//bkug nas bsam pa'i nyon mongs bsal/ /shes bya'i sgrib pa yang bsal nas/ /de dge stong byas sa bon las/ /bsregs nas rje dpon du gyur pa/ /yi dam lha yi phyag mtshan sogs/ /spro dang bsdu ba byas nas su/ /snga ma'i rten ni gyur byas nas/ /thams cad kun mkhyen sku thob bya//'phro ba'i zer byung thugs dbang gis/ /phyogs bcu'i khams kun khyab par byas/ /sku dang mkhyen pa byad pa dbang / /rgyas btab mtshan nyid shes byas nas/ /myur ba sa bon sogs tshul gyis/ /mchod byas dges byas tshim par byas/ /gtor ma sngon bzhin byin brlabs nas//phul te tshim byas gnyis med kyi/ /ye shes yongs su myong bar bsam/ /yid kyis rdo rje dril bzung nas/ /mi bskyod la sogs tshigs bcad kyis/ /bstod pas dgyes te lan cig gsungs/ /de nas phrin las bsgrub pa rnams/ /bsgrub bya'i don du gsol ba btab//'di yis gtor ma byin brlabs sngags/ /oM AHbadzra dr-ika sarba du Sh+TA na sa ma ya mu draM pra b+haM dza ka ma ma shI n+taM ku ru swA hA hUM/ de bzhin rgyas pa'i mtha' ru oM/ /pu Sh+Ti ku ru zhes bya'o/ /dbang gi mtha' ru che ge mo/ /ba shaM ku ru zhes bya'o/ /mngon spyod la ni hUM dang phaT//mA ra ya ni zhes bya'o/ /dgug pa'i mtha' ru dzaHzhes bya'o/ /bskrad pa la ni phaT mthar bzhag /u ts+tsha ta ya zhes pa'o/ /de bzhin las kyi bye brag gis/ /ji ltar 'dod pa bzhin du sbyar/ /sngon du gsungs pa'i sngags rnams brjod/ /de dag rab tu dgyes bsams nas//rang gi gnas su gshegs su gsol/ /de ltar ma lus bstan pa yi/ /gtor ma'i cho ga mchog 'di ni/ /bla ma mchog gis legs sbyangs pa'i/ /sems dul dang ldan brtson 'grus can/ /gsang shes de nyid rig pa po/ /dkyil 'khor la sogs rtog pa'i tshogs//shes shing sgrub pa lhur len pa/ /de la 'di ni sbyin par bya/ /gang zhig bla ma la mi gus/ /dad med 'jungs pa rnam g.yengs pa/ /le los sems sbyong rnam spangs pa/ /blun chen de la sbyin mi bya/ /bdag gis gtor ma'i cho ga 'di byas dge ba yis/ /rnal 'byor 'di sgrub bar chad zhi zhing 'dod don grub//gtsug lag tshad mas rnal 'byor chen po'i lam bgrod de/ /bcu gsum dge ba rdo rje 'dzin pa'i sar 'gro shog /slob dpon chen po bi ta pA das mdzad pa rdzogs so// //rgya gar gyi mkhan po ka ma la gu h+ya dang /