CLOSE WINDOW

D1875
བོད་ཡིག

bod kyi lo tsA ba lha btsan po mnga' bdag lha ye shes rgyal mtshan gyis bsgyur cing zhus te gtan la phab pa'o/[ ]@##/ /rgya gar skad du/ yo ga sap+ta nA ma tsa tu ra b+hi She ka ra Na/ bod skad du/ sbyor ba bdun pa zhes bya ba dbang bzhi'i rab tu byed pa/ thams cad mkhyen pa la phyag 'tshal lo/ /gang zhig dpe med tshul ldan pa/ /gnyis med bde chen rang bzhin med/ /thugs rjes rgyas shing bar chad med/ /'gog med sangs rgyas de la 'dud/ /rgyu dang mi rgyu kun khyab pa/ /gang gi snying gi pad dbus su/ /ma shigs thig le dbus gnas pa//gzhom med chos la phyag 'tshal lo/ /de 'dra rab tu ston byed pa/ /sems ni de nyid la bzhag pa/ /g.yang sa'i lam sgrol dge 'dun che/ /bla ma dam pa'i zhabs la 'dud/ /lam gyi rim pa sngon 'gro ba/ /dkyil 'khor dam tshig dbang sogs te//bum pa la sogs rim pa yis/ /dbang gi dbye ba cung zad brjod/ /dkyil 'khor la sogs rim pa yis/ /thar chen yang dag slu ba ste/ /de nyid med pas mi 'grub pas/ /bzhi pa'i don ni yang dag bshad/ /thams cad mkhyen pas ji skad du//rnal 'byor chen po'i rgyud bstan la/ /dbang ni rnam pa gsum dag tu/ /rgyud 'di las ni rab tu bshad/ /bum pa'i dbang ni dang po ste/ /gnyis pa la ni gsang ba'i dbang / /gsum pa shes rab ye shes dbang / /de ltar de bzhin bzhi pa yang / /bla ma'i bka' las shes par bya//dbang ni dang po dbye ba yang / /cung zad kyang ni bshad bya ste/ /rgyu yi slob dpon chen po yis/ /de ni yang dag bskur bar 'dod/ /yul mkhar khyim dang glang po sogs/ /rjes mthun de la dbul bar bya/ /de yi thun mong gzhan pa yi/ /sdom pa snod du rung phyir sbyin//ri mo dang ni lus kyi ni/ /dkyil 'khor du ni de nyid thob/ /rig dang 'di rgyu slob dpon dbang / /cho ga'i rim pa bzhin du bshad/ /de yi rang gi ngo bo ni/ /sku yi rdo rje'i rang bzhin no/ /srog gcod la sogs snga phyi yi/ /dag dang nyes par mi 'gyur ro/ /thabs kyis khyad par 'phags pa'i phyir//sa brgyad pa ru yang dag bshad/ /sbyor gsum yan lag bcas pa ru/ /de la yang dag bstan par bya/ /gzugs la sogs pa'i yul rnams kyi/ /snang srid dben par rtogs pa'o/ /snod du rung phyir bum pa ste/ /blugs gtor dag par byed pas dbang //'di ni yang dag rgyu rim pa'i/ /lung gis nges par bshad pa'o/ /dang po'i dbye ba bstan nas ni/ /gnyis pa yang ni bshad bya ste/ /rgyu dang rkyen gyi slob dpon gyis/ /dbang bskur de ni yang dag thob/ /gser dang dngul la sogs pa yi//rjes mthun de la dbul bar bya/ /srog gcod la sogs thun mong pa'i/ /sdom pa snod du rung phyir sbyin/ /lhag pa byang sems zhes bya ba'i/ /dkyil 'khor du ni de nyid thob/ /blo yi bye brag gis bskur ba'i/ /cho ga'i rim pa bzhin du bshad/ /de yi rang gi ngo bo ni//gsung gi rdo rje'i rang bzhin no/ /brdzun la sogs pa snga phyi yi/ /ngag dang nyen par mi 'gyur ro/ /thabs kyis rab tu phye ba'i phyir/ /dgu dang bcu la yang dag gnas/ /rdo rje bzlas pa'i ngo bo yis/ /sgyu 'dra'i ting 'dzin bstan par bya/ /mig sogs nang gi chos rnams kyi//snang srid dben par rtogs pa'o/ /bsgrags min phyir na gsang ba ste/ /blugs gtor dag par byed pas dbang / /'di yang brgyud pa'i rim pa yi/ /lung gis yang dag bshad pa'o/ /gnyis pa'i dbye ba bstan nas su/ /gsum pa yang ni bstan par bya//rgyu dang rkyen dang lhan cig byed/ /slob dpon gsum gyis thob pa'o/ /pad+ma rA ga pur sha sogs/ /rjes mthun de la dbul bar bya/ /dkyil 'khor bri ba la sogs 'gog /sdom pa mchog ni sbyin pa'o/ /b+ha ga rnam dag ces bya yi/ /dkyil 'khor du ni de nyid thob//shes rab dbang dang ye shes dbang / /cho ga'i rim pa gzhan du bshad/ /de yi rang gi ngo bo ni/ /thugs kyi rdo rje'i rang bzhin no/ /brnab sems la sogs snga phyi yi/ /ngag dang nye bar mi 'gyur ro/ /thabs kyi khyad par phye ba'i phyir/ /rdo rje lta bur yang dag gnas/ / mchog gi dngos grub sgrub pa'i phyir/ /brtul zhugs cho ga de la bstan/ /gzung dang 'dzin pa'i ngo bo yis/ /chos kun dben par rtogs pa'o/ /shes rab las kyi ye shes te/ /ma rtogs rtogs phyir dbang yin no/ /'di yang brgyud pa'i rim pa yi/ /lung gis yang dag bshad pa'o//da ni yang dag bshad bya ba/ /bzhi pa mngon par byang chub pa/ /bla ma'i zhal nas nges thob pa/ /sbyor ba bdun gyi de nyid bshad/ /rang bzhin gnas phyir slob dpon med/ /rin thang med phyir yon med de/ /sdom pa pas ni sdom pa med/ /de nyid dkyil 'khor dkyil 'khor med//stobs kyis thob phyir dbang med de/ /spyi pas rang gi ngo bo med/ /chos kun gnyen po gnyen po med/ /rdo rje 'dzin gnas sa med de/ /rang bzhin med phyir cho ga dang / /lta ba nges tshig med pa ru/ /bla ma yis ni yang dag bshad//shes rab las skyes ye shes ni/ /bzhi pa yin par shes par bya/ /mkha' gnyis rab tu sbyor ba yis/ /man ngag tu ni de nyid brtag /legs par goms pa'i phyag rgya las/ /'bad pa'i bya bas rtogs pa na/ /'dod chags chags bral bar ma ste//sbyor ba bdun gyi mtshan nyid do/ /nam mkha'i khams ni rdo rje sbyor/ /yang dag spyan can bde chen 'byung / /gang gang yang dag dga' byed chags/ /dga' gnyis rab tu dben nyid mthong / /pad+ma'i dkyil du rdo rje nor/ /pad snying la ni 'byor pa ste/ /rdo rje'i skyil mo krung nang sems//nor bu rab tu mthong byas pas/ /gang de nyid ni ye shes te/ /'di nyid rdzogs pa'i rim pa ru/ /bla ma'i zhal snga nas kyis bshad/ /de la sbyor ba bdun gyis ni/ /rim pa bzhin pa shes par bya/ /ci lta zhe na/ legs par bsgoms dang lhan cig tu/ /ji skad bshad pa'i cho ga yis//nang nas 'khor lo gsal bya ste/ /sor mo cung zad go byas te/ /snying 'dir dran pa nyams pa dang / /spyi bor skra grol gos kyang 'dor/ /rngul chu thigs pas lus kun khyab/ /brtan pa'i ngang tshul shor nas ni/ /rang gi ba spu kun kyang g.yo/ / mig dmar phra bas rab bltas pa'i/ /dga' ba'i ye shes yang dag 'byung / /rtag pa'i mdog gis yang dag brgyan/ /de ni dpe med bde rdzogs so/ /nam mkha' lta bu'i sku la ni/ /mtshan dang dpe byad kyis brgyan pa/ /'ja' tshon lta bur rab gsal ba/ /gsal ba nyid ni ma skyes pa'i//sku chen dang du blangs gyur na/ /chos kyi sku dang sprul sku yang / /stobs kyis 'byung bar 'gyur ba'o/ /rdo rje 'dzin pa chen po yi/ /sku che blta bas mi ngoms pa'i/ /zhal gsum phyag drug ltar snang ba/ /mchog kun ldan pas rig mas 'khyud/ / shes rab ye shes dbang dus su/ /mtshan nyid de yi tshul du gnas/ /ye shes dbang du gyur pa yis/ /brtul zhugs la sogs rim pa yis/ /gnas nas de yi don sgrub tshe/ /de yi dus su de 'thob pa'o/ /dpe med bde rdzogs kyi le'u ste dang po'o// // da ni rab tu bshad bya ba/ /dpe med bde rdzogs sku de yang / /pha rol phyin pa'i rdzogs sku las/ /khyad par mthong bar bya ba'i phyir/ /rang 'od rig ma dang ldan pas/ /sbyor ba gnyis pa bshad par bya/ /gnyis med dang bral sku de ni/ /longs spyod rdzogs pa tsam yin la/ / de dang mnyam pa dag pa'i phyir/ /rang gi rig mas 'khyud pa'o/ /de la gnyis kyi spros med pas/ /dngos po kun la ma zin pa'i/ /rgyu ni de la yod pa'o/ /de 'dra ma yin 'di la ni/ /gnyis su med pa dang ldan pa'o/ /'dod chags chen po'i bde ba yis/ /'dod pa'i 'bras chen rab sbyin pas//de bas rgyud chen 'di las ni/ /sbyor ba 'di ni bshad pa yin/ /ye shes dang ni chos nyid dang / /don dam dang ni kun rdzob dang / /thabs chen dang ni shes rab dang / /bde ba dang ni byang sems sogs/ /de ltar gnyis kyi rnam pa kun/ /dbyer med mtshon phyir gnyis med de//sgyu ma'i skyes bu bud med las/ /shes rab ye shes dbang dus su/ /dga' ba'i ye shes dus su ni/ /khyad par gnyis med rang 'byung ba/ /gnyis su med par de la bshad/ /rnal 'byor gsum pas brtul zhugs kyi/ /spyod pa'i tshe ni de bzhin du/ / gnyis med 'gyur bar 'gyur ba ru/ /nges pa nyid du bshad pa yin/ /gnyis su med pa'i sbyor ba ste gnyis pa'o// //da ni rab tu bshad bya ba/ /dga' ba bar ma'i ye shes mchog/ /chos skur yang dag nges pa yi/ /lus sems gnyis med byed bshad pa/ /bde ba de ni ma lus kyis//sems can kun la gnas gyur kyang / /de las 'di ni khyad mthong phyir/ /chen po ru ni rab tu 'dod/ /rgyas pa dang ni sim pa dang / /nyon mongs med dang bar chad med/ /khyab cing 'gog pa yod med par/ /ji srid 'khor ba gnas kyi bar/ /rgyun mi 'chad pa'i tshul gyis su//de nyid du ni rab tu 'jug/ /de 'dra'i bde chen khyad par ni/ /shes rab ye shes la yang med/ /legs goms phyag rgya rtogs pa dang / /mi rtag zhing ni nyon mongs dang / /rdo rje pad+ma bskyod dus su/ /rdul ni tsha ba drag pa dang / /kun la ma khyab phyir dang ni//lus kun la ni ma rgyas dang / /nor bu tsam la gnas pas dang / /yud tsam gyis ni 'gog pa ste/ /de phyir chen po zhes mi bya/ /'on kyang shes rab ye shes la/ /bde chen mtshan nyid gzugs su gnas/ /de bas legs goms phyag rgya las/ /u dum+WA ra'i me tog ltar//rlung dang rang gi bya ba yis/ /skyes bu gang la thang cig tu/ /bde ba de nyid rdo rje ru/ /'dug byas 'dar ba'i dus su ni/ /skyes bu de yis rab tu brtag/ /mi gnas kyang ni mi slu'i phyir/ /bde ba chen po zhes su bshad/ /'di ni dngos po thams cad kyis/ / mtha' yi de bzhin nyid yin par/ /bla ma mchog rnams kun gyis bshad/ /sbyor ba gzhan kun sbyor ba 'di'i/ /yan lag tu ni shes par bya/ /rnal 'byor ye shes dbang gyur pas/ /brtul zhugs la sogs rig ma yis/ /gnas nas de yi don sgrub tshe/ /de yi dus su de thob pa'o//bde ba chen po'i sbyor ba ste gsum pa'o// //da ni rab tu bshad bya ba/ /dngos po kun la rnal 'byor gyis/ /phyin log rab tu bzlog pa'i phyir/ /sbyor ba bzhi pa bshad par bya/ /rang bzhin med phyir rang bzhin med/ /gcig dang du ma'i rang bzhin dang / / bral phyir stong pa nyid du gsungs/ /dngos po kun la mu stegs dang / /nyan thos gnyis dang rnam shes smra/ /dbu ma pa yi gzhung gis su/ /tha dad so sor rtog pa yang / /'di nyid la ni yongs 'khrul te/ /so sor kun du rtog pa'o/ /de dag kun kyang don dam pa/ /rtogs pa min pas bla dang bcas//de bas de yi rang bzhin kun/ /med pas 'di kun sgyu ma dang / /smig rgyu sogs pa'i dkyil 'khor gyi/ /'khor lo ru ni yang dag bshad/ /de bas de la bdag po dang / /gzung ba dang ni 'dzin pa'i chos/ /dngos po'i ngo bor 'dzin pa dang / /'khor ba dang ni mya ngan 'das//gnyis su 'dzin pa yod pa med/ /'di kun mya ngan 'das pa yi/ /'khor lo 'di ni nges pa yin/ /de la rang bzhin med pa dang / /bsres pa'i don ni mchog tu gsung / /dngos po kun gyi nang nas kyang / /rang bzhin med pa gtso bor bshad/ /ci phyir rgyal ba'i sras rnams kyis//'di bsgoms pas ni sangs rgyas kyi/ /phun sum tshogs pa thams cad 'grub/ /kha cig gis ni gzhung dag gi /chad pa'i stong pa stong pa min/ /rang bzhin med pa ma yin no/ /de yi rang bzhin de yin no/ /de ni lung skal can yin pas/ /de ltar gang bsgom rnal 'byor pas//bzung sgrub ma legs sbrul sogs bzhin/ /de bas rang bzhin med pa 'di/ /bde ba chen po'i skad cig la/ /dngos po thams cad dang bral ba/ /gang min bsal ba bsal ba ni/ /rang bzhin med par bshad pa ste/ /rang bzhin med dang de bzhin nyid/ / chos nyid dang ni chos mnyam pa/ /don dam la sogs rnam grangs kyang / /rang bzhin med pa 'di nyid las/ /der ni gzhan dag ma gsungs so/ /dngos po kun ni gzhig pa dang / /gzhom pa yis ni stong pa min/ /de 'dra'i stong pa la sems kyis/ /dus gsum du ni gtad pa yi/ / stobs kyis rang bzhin med par 'gyur/ /med pa nyid ni rgyu sogs kyis/ /dkyil 'khor yang dag 'gog mi 'gyur/ /mi 'gog dus na rang bzhin med/ /rnal 'byor gsum pas brtul zhugs kyis/ /spyod pa de don sgrub pa ni/ /de yi dus su de thob pa'o/ /rang bzhin med pa'i sbyor ba ste bzhi pa'o// //da ni rab tu bshad bya ba/ /rang bzhin med pa'i sbyor ba yis/ /bkra shis med pa dgag don du/ /sbyor ba lnga pa bshad par bya/ /thugs rjes rgyas pa 'di med par/ /rnam pa kun gyi sems can don/ /byed par nus pa ma yin te/ /de bas thams cad mkhyen pa rnams//thugs rjes gang bas rgyas pa ste/ /khams gsum gyi ni sems can rnams/ /sdug bsngal rgyu dang bcas pa las/ /grol bar 'dod par thugs rje'o/ /thugs rje de yang rnam gsum ste/ /sems can ma lus thams cad kun/ /sdug bsngal de rgyu las 'gog par//rtse gcig dmigs pa gtong ba ni/ /las dang po yis shes par bya/ /khams gsum 'di ni chos dbyings tsam/ /de la sems can ming yang med/ /don dam par yang ming yang med/ /don dam par yang mi dmigs la/ /sa gnas byang chub sems dpa'o//dmigs pa thams cad dang bral ba/ /ji ltar nam mkha'i khams su yang / /sprin byung lta bur snang ba ni/ /sangs rgyas bcom ldan 'das rnams kyi/ /thugs rje chen po yin par gsungs/ /de 'dra'i snying rjes rje btsun che/ /rdo rje 'dzin pa rgyas pas na//thugs rjes rgyas pa zhes bshad do/ /'khor ba ji srid yod kyi bar/ /dkyil 'khor 'khor lo'i rim pa dang / /shAkya thub pa la sogs pa'i/ /gzugs kyis gdul bya'i rgyud la ni/ /ji ltar 'dul ba der snang ste/ /kun don byed par shes par bya/ /sprul sku 'di ni dang po ru/ / dga' bral shes pa'i dus su ni/ /thig le 'gog bar gyur ba ste/ /nam mkha'i khams kun gang 'gyur ba'i/ /gzugs kyis rab tu gnas pa'o/ /ji ltar yid bzhin nor bu ni/ /mi rtog bzhin du skal ldan la/ /don rnams byed de de bzhin du/ /bde chen rang bzhin med pa las//dmigs pa med kyang don 'byung ba'o/ /ye shes dbang du gyur pa yis/ /brtul zhugs la sogs rim pa yis/ /gang tshe de don bsgrub pa na/ /de yi dus su de thob pa'o/ /thugs rjes rgyas pa'i sbyor ba ste lnga ba'o// //da ni rab tu bshad bya ba/ /dpe med bde rdzogs chos sku dang //thugs rje sku yi ngo bo ste/ /res 'ga' ba nyid dgag pa'i phyir/ /sbyor ba drug pa bshad par bya/ /dpe med bde rdzogs sku chen yang / /mi gnas mya ngan 'da' tshul gyis/ /rgyun mi 'chad pa'i tshul gyis ni/ /rgyud dag rnams la rtag tu snang / /de bzhin bde chen chos sku yang //khyab dang rgyas pa'i tshul gyis su/ /nam mkha' ji srid gnas kyi bar/ /rgyun mi 'chad pa'i tshul gyis 'jug /thugs rje'i rang bzhin sku de yang / /gdul bya ji ltar mos pa ltar/ /srid pa srid du gnas nas ni/ /bar chad med par rgyun du 'jug / de 'dra'i rgyun mi 'chad pa'i sku/ /mi gnas mya ngan 'das pa ste/ /bsgrub par bya ba'i mtshan nyid do/ /shes rab ye shes dbang dus su/ /dga' ba gsum gyi gnas skabs su/ /skad cig gnyis sogs chu tshod dang / /nyin gcig zla ba lo la sogs/ /gnas pa rgyun mi 'chad ces bya//phyis kyi 'bras bu mi slu phyir/ /de la yang ni de skad du/ /bla ma'i zhal nas bshad pa yin/ /ye shes dbang du gyur pa yis/ /brtul zhugs cho ga de bsgrub tshe/ /de yi dus su de thob nas/ /de nas 'khor ba'i mtha' yi bar/ /rgyun gyi rtag tu gnas pa'o//rgyun mi 'chad pa'i sbyor ba ste drug pa'o// //da ni rab tu bshad bya ba/ /dpe med bde rdzogs sku chen dang / /bral ba dgag par bya ba'i phyir/ /sbyor ba bdun pa bshad par bya/ /gong du yang dag gsungs pa yi/ /dga' ba'i ye shes dus byung ba'i/ / dpe med bde rdzogs rigs ldan sku/ /lan cig byung nas med pa ni/ /'gog pa zhes ni rab tu bya/ /'gog pa de las byung ba na/ /phyis kyi 'bras bu mchog gyur pa/ /'gog pa med par shes par bya/ /snying rje che ba'i dbang gis ni/ /'khor ba ji srid bar du ni/ /dbang phyug brgyad kyi bcom ldan 'das//mi g.yo gzhug phyir 'gog med dang / /gnas la yang ni de bzhin du/ /mkhas pa rnams kyis shes par bya/ skal ldan rnams kyi sngon du yang / /shes rab ye shes dbang dus su/ /bla ma'i zhal las nges thob pa/ /dga' dang dga' ba bar ma dang //dga' bral dga' ba 'gog pa las/ /de 'dra'i sems rgyun myong ba ste/ /'gog pa med pa zhes bshad do/ /ye shes dbang du gyur pa yis/ /brtul zhugs la sogs spyod pa la/ /gnas nas de yi don bsgrub tshe/ /de yi dus su de thob pa'o/ /bya ba byas pa'i dbang phyug che//mtha' yi pha rol phyin pa'i mchog /mi gnas mya ngan 'das pa ste/ /rdo rje 'dzin pa chen po'o/ /'gog pa med pa'i sbyor ba ste bdun pa'o// //de ltar sbyor bdun ldan pa yi/ /bzhi pa mngon par byang chub pa/ /rnam pa kun gyi mchog ldan pa'i/ /thams cad mkhyen par 'gyur ba'o//dpal ldan sangs rgyas kun gyi bdag /rdo rje 'chang ba kun gyi gnas/ /chos rnams kun gyi chos nyid ni/ /sangs rgyas kun gyi thabs bya'o/ /de ni 'khor ba ji srid kyi/ /bar du gnas pas rtag pa'o/ /sangs rgyas sems can thams cad kyi//ngo bor gyur pas gcig pa'o/ /de la sgrib pa bzhi yi ni/ /tsha ba med pas bsil ba'o/ /'khor dang mya ngan 'das pa ni/ /gcig tu gyur pas bde ba'o/ /gzugs la sogs pa rtog pa yis/ /ma gos phyir ni mi gdung ba'o/ /phyin log 'khrul rtog dang bral bas//dag cing dri ma med pa'o/ /zab gsal byang chub las mi ldog /gzhan don mdzad pas dga' ba'o/ /chos nyid dang ni sems can la/ /sems mnyam gzhag pas yid dang ba/ /'di ni bde ba chen po yi/ /ro myang ba yi mtshan nyid brgyad/ /rdzogs pa'i rim pa'i rnal 'byor pa//bzhi pa'i don ni bla med pa'o/ /dngos po kun la cher gnas dang / /gang mi gsal ba'i dngos po ru/ /de nyid bla ma dam pa yi/ /zhal nas nges par thob pa la/ /som nyi yid gnyis mi bya'o/ /de yi ngo bo bshad nas ni/ /rnam grangs dag dang bshad par bya//'dod chags dang ni bar ma dang / /chags bral du ni shes par bya/ /dga' dang dga' ba bar ma dang / /dga' bral gyi ni dga' ba'o/ /bde rdzogs sku dang chos sku dang / /sprul sku ru ni shes par bya/ /sku dang gsung dang thugs dang ni/ /stong dang mtshan med smon pa med//gsang dang gsang chen shin tu gsang / /rnal 'byor lhag pa'i rnal 'byor dang / /rnal 'byor chen po zhes bya'o/ /bdag dang gzhan dang lhan cig byed/ /dpal gsum du ni shes par bya/ /dang po rnal 'byor las rgyal mchog /dkyil 'khor rgyal mchog shes par bya/ / thig le phra mo gsang sngags bzlas/ /rnam pa gsum du shes par bya/ /dam tshig gsum dang ting 'dzin dang / /ye shes sems dpa' shes par bya/ /lus dang b+ha ga byang sems kyi/ /dkyil 'khor gsum du shes par bya/ /bum pa dang ni gsang ba dang / /shes rab ye shes shes par bya//de la sogs pa'i dam tshig gi /bzhi pa yi ni tshig gi ni/ /de 'dra'i rang bzhin mi shes la/ /de nyid sngags kyi sku ru bshad/ /dpe med bde rdzogs ye shes sku/ /hUM sogs bskyed pa'i lha yi gzugs/ /bzhis bsgrub sku ru rab tu gnas/ /gang gi bzhi la gnas byed phyir//bar chad med cing 'gog pa med/ /de ltar dpal ldan gsang 'dus su/ /rtog pa yi ni rnal 'byor pas/ /bskyed pa'i rim pa la brten te/ /bzhi pa'i don la spyod par 'gyur/ /de 'dra'i don rnams mi shes pas/ /phyi rol don la mngon zhen te/ /rin chen sems ni dri can byas//des na dge dang mi dge ba'i/ /las byas pas ni mtho ris dang / /dmyal la sogs par 'tshod 'gyur ba/ /chos 'di rang bzhin gyis dag pas/ /rnam rtog dra bas blun byas la/ /dge sdig phung po gnyis su brtags/ /de spangs nas ni skye med pa'i/ /rang bzhin don ni rtogs par bya//yang dag don du dge spangs na/ /dge ba smin pas smos ci dgos/ /dper na mi gang chu klung gi /pha rol tu ni 'gro ba dag /rtswa shing la sogs bsdus byas pas/ /chu las rgal ba'i gzings byas te/ /de la 'jug ste rab brgal nas/ /bor te bde bar 'gro ba ltar//de bzhin bzhi po'i ngo bo yi/ /don rtogs pas na 'bad rtsol gyis/ /bya ba de la ci zhig bya/ /de phyir bla ma dam pa nyid/ /mnyes byas dbang gi don mchog gi /bdud rtsi mchog 'di gang zag gang / /bdag gzhan don du 'thung byed pa/ /gang de rgyal ba'i sras zhes bya//de phyin chad ni gang cung zad/ /'dod chags la sogs dngos po rnams/ /bdud rtsir zin phyir de la dbul/ /skyon gyis gos par mi 'gyur ro/ /bsgom par ldan pa smos ci dgos/ /de ni ma 'ongs rdzogs sangs rgyas/ /de ni yang dag rkang gnyis mchog /de ni 'khor ba'i pha rol son//de ni phyin log khur chen bor/ /de ni bya ba thams cad byas/ /de ni kun gzigs rnams kyis bzhag /de ni gang du gnas gyur kyang / /sangs rgyas kyi gdung ma tshang pas/ /bstan pa rin chen gnas pa yi/ /gtso bo ru ni de gnas so/ /de ni gang du 'dug kyang rung / / de dang de ru 'jig rten mgon/ /bzhugs dang bzhud par shes par bya/ /rnal 'byor de la thams cad kyis/ /dngos po kun gyis phyag byar 'os/ /srid gsum bdag po kun gyis kyang / /dkyil 'khor mchod pa 'os pa yis/ /de bzhin gshegs pa kun gyis kyang //nyin re lan gsum byon nas ni/ /phyag byed cing ni bsngags brjod na/ /gzhan ma rnams ni smos ci dgos/ /de bas kun nas 'bad pa yis/ /bla ma yang dag mnyes byas te/ /bzhi pa'i don mchog blang byas nas/ /dgon pa'am yang na grong gi mthar/ / gang rung ci rung de lta rung / /gnas nas bla ma'i zhal snga yi/ /bskyed pa'i rim pa bsnyen bya ste/ /rdzogs pa'i rim pa rtogs par bya/ /dngos po thams cad dngos med pas/ /rgyu sogs don ni rtogs pa dang / /rdo rje pad+ma spyad pa dang / /bdud rtsi lngas ni rang dgar byed/ /'dod pa'i yon tan lnga la ni//rnal 'byor ci dgar spyod byed cing / /gsang bar bya ba'i chos gsang bas/ /gsang zhing sbas te spyad par bya/ /longs spyod chen po dka' thub dang / /bsam gtan smyon pa'i tshul gyis su/ /de 'dra'i ngo bo ma shes pas/ /lag pa dang ni rkang pa dang / / mig sogs sbyin pa btang bas kyang / /bskal pa chen po brgya ru yang / /bdud rtsi'i ro thob mi 'gyur ro/ /de bas dngos po 'di gcig gis/ /dam pa rtog pa thams cad spangs/ /zab cing legs par gsal ba'i sku/ /kun nas 'od zer 'phro ldan pa/ /kun du bzang por rang gi yid//rnal 'byor gang gis sgom mi byed/ /de bsgoms pas ni tshe 'di la/ /zla ba drug gis dngos grub mchog /the tshom med par 'grub pa ste/ /su yis dngos po de bzlog 'gyur/ /'khor lo gcig pa'i shing rta la/ /rta bdun sbrul gyi thag pas sbrel/ /kha khrid ro smad med pa yis//mkha' la khrid nas mtha' ru phyin/ /rang dang gzhan don byed pa ltar/ /dngos po yi ni chos kun dang / /mdzes gyur min ltar snang gyur kyang / /rang dang gzhan gyi dngos grub pas/ /skyes bus 'di ni blang bar 'os/ /dal 'byor 'di ni g.yo bas na/ /drag po'i rlung gis mar me ltar//skad cig du ni mi snang 'gyur/ /de bas de nyid bsam par 'os/ /de 'dra'i rang bzhin ngo bo la/ /sgom pas rtag tu mnyam zhog la/ /khyab bdag rim bzhin rtogs gyur cing / /bdag ni rtag tu gsol ba 'debs/ /dpal ldan 'dus pa'i rgya mtsho las//bla ma'i zhal sngas bsgrub pas na/ /sbyor ba bdun gyi bdud rtsi mchog /sman pa'i zhabs kyis thob pa'o/ /de 'dra'i bdud rtsi de la ni/ /'thung byed de ni log pa yin/ /rtog pa yis ni rab 'ching ba'i/ /nad ni kun nas med gyur cig /de med pas na sems can kun//yang dag phung po rgyas 'gyur te/ /sbyor ba bdun gyi rang bzhin mchog /'bras bu de nyid rtogs par shog /sbyor ba bdun po zhes bya ba dbang bzhi'i rab tu byed pa slob dpon chen po bi ta pA das mdzad pa rdzogs so// //rgya gar gyi mkhan po ka ma la gu h+ya dang /