CLOSE WINDOW

D1873
བོད་ཡིག

@##/ /rgya gar skad du/ shrI gu h+ya sa mA dza maN+Da la no pi ka TI kA/bod skad du/ dpal gsang ba 'dus pa'i dkyil 'khor gyi sgrub pa'i thabs rnam par bshad pa/ dpal rdo rje sems dpa' la phyag 'tshal lo/ /rnam rtog dra ba gtan bcom nas/ /zab cing legs par gsal ba'i sku//kun du brod pa'i brtson 'grus ldan/ /'jam dbyangs dkyil 'khor la btud de/ /dpal ldan gsang ba 'dus pa yi/ /dkyil 'khor gyi ni cho ga mchog /'jig rten sgron ma zhes bya ba/ /bla ma brgyud rim bzhin du bshad/ /de la rab tu byed pa rtsom par 'dod pa'i rje btsun 'dis/'dod pa'i lha mchod pas bsod nams 'phel zhing bgegs kyi bar chod mi 'ong bar bsam pa rdzogs par bya ba'i ched du de nyid byas nas yang dag pa'i shes rab dang ldan pa rnams 'jug pa'i rgyu gsungs so/ /de la shes bya'i sgrib pa sogs zhes bya ba nas btud de zhes pa'i bar gyis mchod pa dang bstod pa dang phyag 'tshal ba'o//gang gi phyir go rims bzhin du mnyes shing yang dag pa'i yon tan brjod pa dang lus ngag gis btud pa'i dngos po la shes par bya'o/ /shes bya'i sgrib pa sogs nges par grol zhes pa ni shes bya'i sgrib pa la sogs pa las dbang bskur ba la sogs pa'i rim pas 'od gsal bar zhugs nas nges par grol ba zab mo'i ngo bo ste sprangs pa'o//me long ye shes la sogs ldan/ /zhes pa ni de'i dus na kun gzhi la sogs pa me long lta bu'i ye shes la sogs par gnas gyur cing skur gsal ba ste ye shes su dbang bskur ba des ni rang gi don phun sum tshogs pa gsungs so//gzhan gyi don phun sum tshogs pa gsungs pa/ 'jam dpal gsang ba'i 'khor lo mchog /ces pa ni gang 'jam dpal las byung ba'i sku dang gsung dang thugs kyi dkyil 'khor ni 'khor lo mchog ste sku gsum gyis 'gro ba'i don byed pa yin no zhes gsungs pa'i phyir ro//btud ces pa ni zab mo gsal bar dgongs pa'i phyir yid kyis btud pa yin la lus dang ngag ni de'i rjes su 'brang ba'i phyir de gnyis kyi ngag kyang mthong bar bya'o/ /rang dran phyir de nyid ces pa ni blo gros can gyi 'jug pa'i yan lag dgos pa la sogs pa ston to/ /de la bdag gis sam gzhan gyis dran pa gang de dgos pa'o//'jam dpal gyi dkyil 'khor gyi rang bzhin nam rgyud las yang dag par bstan pa ni brjod par bya'o/ /rab tu byed pa dang / dgos pa gnyis thabs dang thabs las byung ba'i mtshan nyid kyis 'brel par gnas so/ /dgos pa bstan pa'i stobs kyis phyag rgya chen po la sogs pa mngon par 'du byed pa ni dgos pa'i dgos pa'o//de rnams dang ldan pa ni chos yang dag pa'o zhes gsungs pa'i phyir ro/ /da ni sgrub pa po dang / sgrub pa'i gnas dang / bsgrub par bya ba'i phun sum tshogs pa gsang bar rigs pa la/ 'bras bu mngon du byed pa la sgrub pa po ni rgyu yin pa'am gtso bo yin pa'i phyir de'i phun sum tshogs pa dang por gsungs pa dpal ldan zhes la sogs pa'o//de la dpal ldan 'dus pa zhes bya ba ni rnal 'byor chen po'i rgyud gsang ba 'dus pa'o/ /de'i tshul zhes pa ni gzhung ste/ gzhung lugs kyis bla ma dam pa bsnyen bkur ba las byung ba'i phyir ro//dkyil 'khor zhes pa ni yid kyis sam rdul tshon gyis so/ /man ngag rim pa 'di yis zhes pa ni 'og nas 'byung ba'i rim pas bla ma rnams las gang yang rung ba cig mnyes par bya ste cho ga ma tshang ba med pa'i dkyil 'khor gnyis gang rung du 'og nas 'byung ba'i rim pas zhugs nas zhes pa'i don to//chu la sogs pa'i ces pa ni chu'i dbang dang por byas pa'i cod pan dang rdo rje dang bdag po dang ming dang rdo rje slob dpon dang brtul zhugs dang lung bstan pa dang dbugs dbyung ba dang rjes su gnang ba mtha' bskur zhes pa'o/ /bla mas de la zhes pa ni rgyud las gsungs pa'i ma nor ba'i lam du brten pa pos bum pa'i dbang rnams bskur ba zhes sbyar ro//gsang ba'i dkyil 'khor zhes pa ni gong du bstan pa'i dkyil 'khor de nyid du'o/ /de nyid thob ces pa ni 'og nas bstan pa rnams thob pa'o/ /dngos gang zhe na/ gsang dang shes rab dbang bskur bas/ /zhes pa ni gong du smos pa de dag dang bcas par gsang ba dang shes rab ye shes kyi dbang thob pa zhes pa'i don to/ /gsang shes zhes pa ni bla ma brgyud pa las 'ongs pa'i gsang ba dang mchog tu gsang ba rdo rje'i tshig tu gtogs pa rnams shes pa'o//rnal 'byor de nyid ces pa ni zhi ba la sogs pa'i las kyi bye brag bsam gtan la brten pa rnams rtogs pa'o/ /theg pa gsum mtshams de nyid shes/ /zhes pa ni nyan thos dang rang sangs rgyas dang theg pa chen po'o/ /bsam pa tha dad pa'i dbye ba so sor bstan pa'o//'on kyang theg pa mang po rnams ni sems tha dad pa'o/ /ji skad du lang kar gshegs pa las/ lha dang tshangs pa'i theg pa ni/ /nyan thos rnams kyi de bzhin dang / /rang rgyal de bzhin gshegs pa dang / /theg pa che dag bdag gis bstan/ /sems ni ji srid yod kyi bar/ /theg pa'i mtha' la thug pa med//ces gsungs pa'i phyir ro/ /'dir 'jig rten las 'das pa'i theg pa gsum gyis sa mtshams kyi kho na nyid rig pa'o/ /rig pa zhes pa ni phreng ba'i sngags la sogs pa la las kyi bye brag gis bskul ba dang bcas pa'i rig pa'o/ /snying po zhes pa ni hUM la sogs pa'i sa bon no//sngags zhes pa ni dbyung ba dang bskul ba'o/ /phyag rgya zhes pa ni phyag rgya chen po la sogs pa'o/ /ting 'dzin rim pa gsum dag dang / /zhes pa ni dang po la sogs pa yan lag dang bcas pa rtogs pa'o/ /thun mong zhes pa rig 'dzin la sogs pa ste/ sa'i dbang phyug dang 'phags pa nyan thos dang /'jig rten pa'i lha chen po dang rnal 'byor rgyud la sogs pa dang thun mong du gyur pa'o/ /cig shos dngos grub ces pa ni phyag rgya chen po'i dngos grub ste/ rgyud tshul gyis ni rnam dbye shes/ /zhes pa ni rgyud 'di'i rim pas sgrub pa'i thabs la sogs pa'i rnam pa'i dbye ba shes pa'o//dam ldan rtsa ba'i ltung byed bcu bzhi ni spang bar bya ba'o/ /gsong pa la sogs pa dang bdud rtsi la sogs pa ni bsrung bar bya ba'o/ /sdom pa la gnas pa zhes pa ni spom pa'i ltung byed ni bsrung bar bya ba'o/ /spyod yul rdo rje 'chang chen po la sogs par blta ba ni bsrung bar bya'o//shes rab rnal 'byor la brtson pa/ /zhes pa ni 'di'i gzhung lugs kyis mngon par byang chub pa'i snying po yin pas na de dang sbyor ba la brtson zhing de'i rnal 'byor la gnas pa'o/ /sngags rgyud sbyor ba rab shes pa/ /zhes pa ni le'u bzhi pa las gsungs pa'i sngags dang 'brel pa sbyor ba zhi ba la sogs pa'i dbye ba dang bum pa rnams sta gon du gnas pa la sogs pa shes pa'o//sngags dang bsam gtan dang rdzas rnams 'brel ba'i phyir ro/ /sems can don bsgrub 'os pa yin/ /zhes pa ni las de rnams kyi sgo nas so/ / 'o na bla ma chen po'i zhal nas gsungs pa'i sgrub pa po'i mtshan nyid las gzhan pa ci yin no snyam pa bsal ba'i phyir/gtong ba zhes pa la sogs pa'o/ /gtong ba zhes pa ni sbyin pa'o/ /brtan pa zhes pa ni bsam gtan no/ /de dang por byas pa'i tshul khrims la sogs pa rtogs par bya'o//de yi yon tan 'di mchog yin/ /zhes pa ni 'di'i gzhung lugs kyis rjes su spyod pa ni yon tan du gsungs so/ /de ma yin par gyur na log par snang bar 'gyur ba'i phyir ro/ /brjod pa'i yon tan mi ldan zhes pa ni gong du smos pa'i yon tan rnams dang mi ldan na sems can gyi don med pas sgrub pa po ma yin no//de ltar thun mong gi sgrub pa'i mtshan nyid gsungs nas/khyad par du bri ba'i mtshan nyid gsungs pa brtser ldan zhes pa la sogs pa'o/ /brtser ldan zhes pa ni snying rje dang ldan pa'o/ /brtul zhugs zhes pa ni byang chub kyi sems mi gtong ba la sogs pa'i chos su gsungs pa'o//bzlas ldan zhes ba ni rang gi lha'i bzlas pa byas pas brtan pa'am grub pa'i mtshan ma mthong ba 'am ma thob pa zhes pa'i don to/ /dad ldan zhes pa ni dad pa dang ldan pas dmigs pa la mi 'khrul pa'i phyir ro/ /zab mo'i de nyid shes zhes pa ni bsam gyis mi khyab pa'i dngos po thams cad kyi de bzhin nyid rtogs pa'o//rang gi 'khor gnas sngon bsnyen pa/ /byas nas zhes pa ni rang gi dkyil 'khor gyi 'khor lo la gnas nas dang po'i las can gyi thun mtshams bzhir 'og nas 'byung ba'i rim pas dang po'i rnal 'byor la sogs pa yan lag dang bcas pas sngon du bsnyen pa bya zhing dkyil 'khor bri bar bya zhes pa ni slob ma rnams dbang bskur ba'i dkyil 'khor bri bar bya ba'i don to//de bzhin du cung zad ye shes la dbang thob pa dang ye shes la dbang thob pas kyang rang gi 'khor lo la gnas nas nye ba'i sgrub pa la sogs pa yan lag dang bcas pa dang yi ge gsum gyi mtshan nyid bzlas pa can gyis thun mtshams bzhir ram nyin mtshan du bsnyen pa byas nas ci rigs par slob ma rnams la dbang bskur ba dang /rang nyid dngos grub bsgrub pa'i dkyil 'khor bri bar bya'o zhes pa'i don to//gnas phun sum tshogs pa gsungs pa gang zhig ces pa la sogs pa ni gang yang rung ba zhes pa'i don to/ /yid 'ong gnas su zhes pa ni me tog la sogs pas yid dga' ba'i yul thams cad yin no zhes pa'i don to/ /yang na gang yang rung ba'i gnas su sngon du bsnyen pa byas nas yid du 'ong ba'i gnas su dkyil 'khor bri'o zhes gzhan dag kyang bshad do//gong du gsungs pa'i gnas de phyi ba'i tshul gyis dag par bya ba gsungs pa/ tsan+dan mchog la sogs pas byug/ /ces pa ni der stegs bu gru bzhir byas pa rnam par snang mdzad la sogs pa'i ngo bo tsan+dan la sogs pas byugs shing dri zhim po'i me tog kha dog dang dbyibs sna tshogs pa yang kun du dgram par bya'o zhes pa'i don to//da ni sngon du bsnyen pa byas nas su/ /zhes pa ni de la bsnyen pa'i rang bzhin la dang po rnal 'byor gsungs pa nang par zhes pa la sogs pa'o/ /nang par zhes pa ni sgrub pa po phal cher de'i dus su g.yeng ba dang bral ba'i phyir ro//yang na byis pas bskal pa'i rnal 'byor ba khyad par du dal ba'i dus yin no/ /yang na thun mtshams kyi dang po yin pa'i phyir yang gsungs so/ /shar bltas 'dug nas ni zhes pa ni rang gi lha dang mthun par bya ba'i phyir bde ba'i stan la rdo rje skyil mo krung gis 'dug nas ni zhes pa'o//rnam par thar pa'i sgo dag ces pa ni stong pa nyid la sogs pas snying po'i sa bon la sogs pa dag pa'i phyir ro/ /de ci'i phyir zab mo dang gsal ba'i ngang gis sems dag par 'gyur ba'i don du stong nyid la sogs pa ni thams cad du rtogs par bya'o//rang snying zla bar 'od 'bar maM/ /zhes pa ni smon lam gyi dbang gis tshad med bzhi'i sku yin par bka' stsal lo/ /dge ba 'phel phyir zhes pa ni ras shin tu dkar pos tshon 'dzin pa dang 'dra bar dge ba 'phel bas dkyil 'khor lor 'jug par 'gyur ba'i don to//gshegs pa la sogs rab tu bya/ /zhes pa ni 'og nas 'byung ba'i rim gyis rab tu bya'o zhes pa'i don to/ /ji ltar bya zhe na/ rten gsungs pa'i phyogs bcu zhes pa la sogs pa'o/ /cho ga bzhin du zhes pa ni mchod pa po dang mchod pa dang mchod pa'i gnas gsum yang rmi lam bzhin du don med par mnyam pa nyid du rtogs pa'o//rang gi log rtog ces bya ba ni gzung ba dang 'dzin pa'i rnam par rtog pa'o/ /de las byung ba ni nyes byas zhes te mtshams med pa lnga la sogs pa dus gsum du byas pa rnams zhes pa gong du smos pa'i rtog pas srid pa'i rgyun la sogs pa rnams so//rmi lam rmi lam sogs zhes pa ni rmi lam dang por byas pa'i sgyu ma la sogs pa bzhin du don med par bya'o zhes pa'i don to/ /lan gsum zhes pa ni gshegs pa po dang gshegs bya dang gshegs pa gsum mnyam pa nyid du rtogs pa'o/ /rdzogs sangs zhes pa ni rtag pa la sogs pa'o//sras mchog ces pa ni sa'i snying po la sogs pa'o/ /'phags pa zhes pa ni bdud rtsi 'khyil pa la sogs pa'o/ /gzhan zhes pa ni badzra he ru ka la sogs pa'o/ /dge ba dam pa gang zhes pa ni ngan par bsnyil bar byed pa de zab mo dang gsal bar spyod pa'o/ /de ma lus par bdag gis yi rang zhing bdag gis bya ba'o//rdzogs byang chub tu rjes bsngo bgyi/ /zhes pa ni dge ba'i rtsa ba de dag kyang gsang sngags kyi byang chub tu bsngo bar bya'o/ /sems can kun gyi dbugs 'byin pa/ /zhes pa ni g.yang sa'i lam las sgrol bar byed ces pa'o/ /sangs rgyas kun la zhes pa ni mdun na bzhugs pa la'o//gsol ba btab par bya ste/ ji ltar gdab par bya zhe na nam mkhas kun du khyab pa ltar bstan pas kyang 'jig rten gyi khams kun du rgyas par mdzod cig ces pa'i don to/ /kun du rtog pa ma lus dag 'gyur zhing / /zhes ba zab mo'i ngo bo'o/ /zhes ba zab mo'i ngo bo'o/ /rang rig dga' ba thugs chud la//zhes pa ni yang dag par gsal ba'o/ /de'i las gsungs pa bdag gzhan don gyi 'bras stsol zhes pa'o/ /sems mchog ma lus zhes pa ni byang chub sems dpa' rnams so/ /lung shes pa ni gzings dang 'dra ba'i chos so/ /rtag pa yis zhes pa ni bsam gyis mi khyab pa'i rang bzhin no//dam pa'i phun sum tshogs pa'i rten/ /zhes pa ni byang chub sems dpa' rnams kyis chos kyi de kho na nyid bsgoms pa las de bzhin gshegs pa'i phun sum tshogs pa de las 'byung ba'i phyir ro/ /mi ldog dbugs 'byin thob 'gyur zhing //zhes pa ni gang gsang ba'i dbang bskur ba la sogs pas chos dang bral zhing 'brog dgon pa las dbugs 'byin pa thob pa ste/ rgyu mthun la sogs 'bras bur ldan/ /zhes pa ni longs spyod pa bzhi dang rtog pa nyid du ldan pa'o/ /thub dbang sras kyi lam gyi mchog /ces pa ni pha rol tu phyin pa bcu'o//mtha' yas mchog gi spyod shes pa/ /zhes pa ni de nyid sangs rgyas kun gyi bdag nyid dkyil 'khor 'khor lo'i rang bzhin gyi blo shes shing de la brten pa yin no/ /bla ma chen po'i zhal snga nas byang chub tu sems bskyed pa gud du gsungs so/ /rje btsun gyi dgongs pa ni smon pa nyid lam gyis 'grub pas gud du ma phyung ste 'di nyid du 'dus par gsungs pa'o//de ltar bsod nams kyi tshogs rdzogs par byas nas ye shes kyi tshogs kyi don du 'jug pa byang chub sems gsungs pa sgrib pa thams cad ces pa la sogs pa'o/ /sgrib pa thams cad yang dag sel//zhes pa ni shes bya'i sgrib pa la sogs pa bag chags dang bcas pa bsal te spangs pa'o/ /ye shes mtha' yas bdud rtsi'i gnas/ /zhes pa kun gzhi la sogs pa gnas gyur cing me long la sogs pa bdud rtsi thob par byed pa ye shes rang gi don to/ /gzhan gyi dom ni/'khrul pa'i bya ba rab rtogs phyir/ /zhes pa ni srid pa gsum du yongs su bying ba'i sems can rnams lus dam par blta ba la sogs pas zin pa rtogs nas zhes pa'i don to/ /byang chub la yid bkod par bya/ /zhes pa ni snying rje bskyed pa'o/ /de'i don ni sgrib ba rnams bsal te ye shes bdud rtsi lta bu mngon du byas nas sems can sdug bsngal dang sdug bsngal gyi rgyu las sgrol bar bya'o snyam pa'i snying rje chen po bskyed pa'i bsam pas 'og nas 'byung ba'i don dam pa byang chub kyi sems bsgom par bya'o zhes bya ba'i don to//byang chub sems las sangs rgyas nyid/ / ces pa ni rgyu dang 'bras bu'i tshul lo/ /rgyu dang 'bras bur ma chags nyid/ /ces pa ni gzhan gyis brtags pa'i dbang phyug la sogs pa'i rgyu la ma chags pa ste mtshan ma med pa'o/ /'bras bu ni rgyal rigs la sogs pa de dang phyug pa la sogs pa de'i ngo bo la ma chags pa ste smon pa med pa'o//so so rang nyid chos nyid phyir/ /zhes pa ni chos thams cad gzung 'dzin gyi rang bzhin dang bral ba'i chos nyid yin pa'i phyir stong pa nyid de de'i bdag nyid ni bdag yin no zhes bsgom par byas nas sngags 'dis brten par bya'o/ /oM zhes pa ni bsam gyis mi khyab pa'i lha'i sku'i bdag nyid do//shU nya tA nyid dz+nyA na'o/ /de nyid badzra ste swa b+hA ba/ de At+ma ko haM zhes so/ /sngags des bdag dang sems can thams cad kyi rang bzhin don dam par gcig tu byas nas kun du de kho na nyid gsum gyi yi ge ho gnyis kyi bar du gnas pa/zla ba'i steng du gnas par bsam//zhes pa brgyud pa la sa 'ongs pa'o/ /de ltar tshogs rdzogs par byas nas bgegs kyi tshogs dgag pa'i don du srung ba'i 'khor lo'i gtso bo'i nges pa gsungs pa/ hUM mdzad la zhes pa sogs pa'o/ /hUM mdzad ni khams gsum rnams par rgyal ba'o/ /gtsug tor dag ces pa ni 'khor los sgyur ba la sogs pa bdun gang yang rung ba'o//rtog pa la sogs pa zhes pa ni bde bar gshegs pa drug go/ /khro bo 'khor lo gnas bsrung phyir/ /zhes pa ni rtsibs bcu la gshin rje gshed la sogs pa rdzogs pa'i ting nge 'dzin gyis bsgoms nas theg pa chung ngu rnams la byang chub bar bsung bar bya ba'i phyir ro zhes pa'i don to//de'i don ni 'di lta ste/ rang gi mdun du nyi ma la gnas pa'i hUM las byung ba'i rdo rje 'od 'bar bas phyogs bcing pa dang mtshams bcad pa dang gzir bar dang rdo rjes khyab par byas pa'i sa gzhi bsgom nas/ de'i dbus su ji skad du gsungs pa'i bsrung bar bya ba'i don du bsgom par bya'o zhes pa'i don to/ /de nas chos kyi dbyings bsam ste/ /zhes pa ni srung ba'i 'khor lo'i gtso bo rdo rje 'chang chen por gnas gyur nas de las gyur pa'i chos kyi 'byung gnas kyi phyag rgya bsgom par bya'o zhes pa'i don to//dbyangs yig mtshan dang yang dag ldan/ /zhes pa la sogs pas ni 'di ston par byed do/ /yi ge gsum nang du bzhugs pa la sngon rdzogs par byed pa'i ched du de bzhin gshegs pa rnams mngon dgar gshegs par byas nas/ ji skad du gsungs pa'i yi ge phreng ba gnyis su gyur nas de nas 'byin par bya ste/yi ge gsum drangs pa la sogs pa'i rim pas dbu ma'i zla ba'i gdan la zla ba gnyis su gyur pa ni brgyud pa'o/ /ye shes zla ba gnyis gcig tu gyur pa mnyam pa nyid kyi ye shes kyi zla ba bsgom par bya'o zhes pa'i don to//sprul pas 'gro ba'i don byas nas/ /zhes pa ni sa bon gyi 'od zer las 'phros pa'i bde bar gshegs pa rnams kyis sems can rnams sangs rgyas par byas sa bon la thim ste/ bdag nyid de yid rgyal ldan/ /zhes pa ni ji ltar de bzhin gshegs pa de dag de ltar bdag gi rang bzhin zhes pa'i don to//sku dang zhal mchog ces zla 'dra/ /zhes pa la sogs pa ni ston par byed de/ sa bon gyi 'od kyis de bzhin gshegs pa rnams rdo rje sems dpar byas nas sa bon la bcug ste gnas pa las rnam pa'i mchog thams cad dang ldan pa'i rdo rje sems dpar bsgom mo zhes pa'i don to//de nas 'dod chags chen po yis/ /zhes pa la sogs pas 'gro ba rnams dkyil 'khor gyi 'khor lo'i snod du rung bar bya ba ston to/ /de la 'dod chags chen po yis/ /'dul ba'i 'jig rten zhes pa ni gang na gnyis kyis gnyi sprod pa'i 'dod chags so//'gro ba dbugs dbyung phyir ni zhes pa snod du rung bar bya ba'i phyir ro zhes dgongs pa'o//dbugs 'byin 'gro ba de mthong zhes pa ni dbang bskur bas de rnams snod du rung zhing zla bar zhu ba de mthong nas zhes pa'o/ /de yi dngos byung sa bon gyis/ /sems can thams cad bskyed nas zhes pa la sogs pa ni rang gi rang bzhin las byung ba dang /chos kyi rang bzhin las byung ba ste/de yang rnam par dbye ba'i dbang du byas nas mig la sogs pa rnams bskyed pa'i gdang rnam par dag pa'i dbang du byas nas zla ba zhub pa las sa bon las phyag mtshan sa bon gyis mtshan pa de las sa'i snying po la sogs pa kun 'dus par byas nas blo'i phyi rol du sems can thams cad spros nas dbyung bar bya'o zhes so//sa bon gyis dbyung bar bya'o zhes pa ni skabs mi shes pa'o/ /'jug pa'i blo yin pa'i phyir man ngag gzhan ji skad bshad pa'i phyir ro/ /bla ma chen po'i zhal snga nas kyang skyed par byed pa'i don du gsungs kyi/spro bar byed pa ni ma yin no/ /de ltar ma yin nas bon mtha' yas par thug pa med pa'i phyir ro/ /phyi gnas pa'i zhes pa ni skye mched kyi dbang du byas pa'o/ /phyi nang bdag nyid ces pa rgyud kyi dbang du byas pa'o/ /'gro ba'i chos bdag nyid ces pa ni sa la sogs pa dag de bzhin nyid dang 'dres pa'o//oM AH hUM zhes pa 'dis de'i sems shes pa la sogs pas ni chung ngu'i rgyu mthun pa'i 'bras bu'i gsungs so/ /rgyu mthun chung ngu dag phyir ro/ /zhes pa ni zhu ba la sogs pa rim pas lha'i skur snang bar byed pa'i phyir ro/ /'bar ba'i 'dod chags me des ni/ /zhes pa ni 'dod chags chen po ldan pa'i phyir rig ma sku mdog dmar por 'gyur ba'i stobs kyis chu skyes kyi nang du chud pa'i yi ge lnga 'od du zhu ba las de'i 'od dmar po 'phros pas sku gnyis te yab yum yang 'od du zhu nas byang chub sems su gnas pa ces pa'i don to//bshes gnyen mchog ltar phyogs lha mo//zhes pa ni dge ba'i bshes gnyen gyi ngo bo rten 'brel gyi tshul du lha mo rnams kyis glus gsol ba 'debs par bskul zhes so/ /sa bon bsgoms pa'i rjes la byams pa la sogs bsgom pas 'dir shi bar mi 'gyur te chos kyi dbyings snang bar 'gyur ro/ /de yang zhu ba las 'byung ba'i mA ma kI la sogs pas bskul nas de nyid du thim par bya'o zhes pa ni man ngag go//gsol ba btab pas bslang ba ste/ /zhes pa glus bslang ba'o/ /zhu ba brgyud pa ltar mthong nas/ /zhes pa ni sems can gyi don byed pa dang bral ba'i phyir ro/ /dngos rnams sgyu ma ltar rig nas//zhes pa ni rgyu rkyen la brten te 'byung ba'i phyir sgyu ma lta bur rig par byas nas zhes so/ /rang sngags don du slar yang 'gyur/ /zhes pa ni bcu pa las sa bon du gyur pa la sogs pa'i rim pas rnam pa'i mchog thams cad dang ldan pa'i byang chub sems dpa' 'jam pa'i dbyangs kyi gzugs su bsgom mo zhes pa'i don to//srid pa chags pa zhes pa kun rdzob kho nar zhes pas sring ba mtha' yas zhes gsungs so/ /zhi bar chags na zhes pa ni rnam pa thams cad dang bral ba'i snang ba med pa'o/ /bkra shis min zhes pa ni 'gro ba'i don byed pa dang bral ba'o//'o na ji lta bu zhe na/ /sgyu mas bsnyen pa yang dag bya/ /zhes pa ni gong ma'i rim pas bsnyen pa byas nas/ chos dbyings bdag nyid can du 'gyur/ /zhes te zab mo dang gsal ba'i skur gyur to zhes pa'i don to/ /bshes gnyen dam pas rgyu mthun byas/ /zhes pa ni sa bon gyi 'od zer gyis de bzhin gshegs pa rnams 'jam dbyangs kyi skur gyur pa ni bshes gnyen te/des rgyu mthun pa zhes bya'o/ /rnam smin las ni zhes bya ba la sogs pas ni chung ngu rnam par smin pa'i 'bras bu ston te/ rnam par smin pa zhes pa ni dmigs pa la sogs pas bskyed pa'i phyir sa'i snying po la sogs pa ste de bsgom pa las zhes pa'i don to//kun mkhyen bsgrub ces pa ni mig la sogs pa bzhin du yul so sor nges pa ma yin te/ sa'i snying po la sogs pa bsam gyis mi khyab pa yongs su shes pa'i phyir ro/ /mig la sogs pa byin brlab zhes pa ni sa bon la sogs pa'i rim pas bskyed nas zhes pa'i don to//nye bar sgrub pa zhes pa ni sgrub pa phyis 'byung ba dang nye ba'i phyir ro/ /skyes bu zhes pa la sogs pa ni chung ngu'i skyes bu byed pa'i 'bras bu gsungs so/ /skyes bu byed pa'i zhes pa ni chos kyi sku la sogs pa'i skyes bu 'gro ba rnams smin cing grol bar byed pa ni skyes bu byed pa ste de nyid 'bras bu'o//de grub ces so/ /de nyid gsungs pa/ /chos dang longs spyod sprul pa 'gro ba'i don du mngon gyur pa/ /zhes so/ /sgrub pa'i don du zhes pa ni sku la sogs pa skyes bu sku gsum sgrub par byed pas na sgrub pa ste de'i don du'o/ / blo yis skyed byed pa ni sa bon la sogs pa'i rim pas bskyed pa'i don to/ /'dir smras pa slob dpon chen po srung ba'i zhabs la sogs pas sangs rgyas rnams kyi sku ni gang zhes pa la sogs pa'i tshigs su bcad pa gsang ba 'dus pa'i sgrub thabs las gsungs na/ 'dir gang gi phyir de rnams ma gsungs she na/de'i phyir rjes dran bcu drug ces pa la sogs so/ /rjes dran bcu drug ces pa ni bcu drug rnams kyi nang na sku dang gsungs thugs rjes su dran pa'o/ /ngag don du zhes pa ni brten pa'i mtshan ma thob pa'i don rtogs par bya ba'i phyir smon pa ni dag par byed pa ste de'i don du'o//de dag rnams ni bya dgos so/ /zhes pa ni/ sangs rgyas rnams kyi sku ni gang / /zhes pa la sogs pa de dag bya dgos so zhes ba'o/ /thugs sogs byin gyis brlab pa la/ /zhes pa ni thugs sogs byin gyis brlab pa'i skabs 'dir 'brel ba med pas ma brjod do zhes sbyar ro/ /de ci'i phyir zhe na/skabs min phyir ni zhes gsungs so/ gang gi phyir thugs la sogs pa byin gyis brlabs pa'i gsol ba 'debs pa ni chung ngu'i sgrub pa kho na ste/ de'i phyir mtshan ma thob pa'i 'og tu de dang spro ba la sogs pa las grub pa'i rjes su dran pa ste/ de nyid skabs 'dir 'brel pa med pa'i phyir ro//mi 'brel yang gzhan dag gis 'khrul ba'i rgyu ni thugs la sogs pa'i byin gyis brlab pa'i tshig su bcad pa dang 'dra bar mthong ba'i phyir ro/ /shes rab sgyu ma'i zhes pa la sogs pas ni chung ngu'i 'brel ba'i 'bral bu gsungs so/ /shes rab sgyu ma zhes pa ni gnas sgyu ma ltar snang ba'i rig ma ste/de'i lus 'khyud ces pa'o/ /dngos gang zhe na/ gsang ba'i mtshan nyid gsungs zhes te thugs rdo rje la sogs pa'o/ /de mthong nas zhes pa ni gnas gsum du dmigs nas te/ rigs kyi dbang phyug dbu rgyan mchog /ces bya bar sbyar ro/ /chung ngu zhes pa ni ye shes ma byang zhing g.yeng ba ma lus pa bsal bar mi nus pa'i phyir ro//bral ba'i 'bras bu zhes pa ni dbang bskur ba'i chus dri ma dag par byas pa'i 'bras bu rigs kyi bdag por snang ba'i phyir ro/ /sgrub pa chen por zhes pa ni sku gsum du sgrub pa ni sgrub pa ste/ sgrub pa yin yang khams gsum gyi chos kyi rgyal po'i dbang ma thob na dam pa yang dag par rdzogs pa'i sangs rgyas ma yin pas na dbang bskur ba ni sgrub pa las khyad par du 'phags pa'i phyir chen po'o//de bzhin 'bring la zhes pa la sogs pas 'bring po'i 'bras bu bzhi bsdus so/ /de bzhin zhes pa ni 'jam pa'i dbyangs bzhin du shes so//'bring la zhes pa ni chung ngu dang chen po gnyis kyi bar na gnas pas na 'bring po'i sgrar gsungs so/ /rang 'od kyi rig ma dmigs pa tsam 'bring po'i bsnyen pa'o zhes brjod pa ni skabs mi shes pa'o/ /chung ngu'i dus su de nyid mthong ba'i phyir ro//de lta na ni /mthun pa'i phyogs 'bring po rtag pa nyid du 'gyur ba'i phyir te/ bla ma chen po'i zhal snga nas kyang / gud du bskyed par gsungs kyi mthong ba ni ma yin no zhes gsungs so/ /de bas na 'di na yang zla ba gnyis pas 'grub pa la sogs pa 'gro ba'i dbang bskur ba ma gtogs pa rgyu mthun pa la 'bras bu la sogs pa rnams bskyed par byas nas de'i rjes la zhes pa ni de ma thag tu zhes pa'i don to//so sor ni zhes pa ni spyi bo la sogs par ro/ /sangs rgyas lnga yi bkang byas te/ /zhes pa ni sangs rgyas kyi ngo bo nyid cha shas te/ yi ge dang mtshan ma sku rnams gang yang rung ba'o//hUM AH zhes pa la sogs pas gsung ba'i gnas gnyis dag par byas nas/ de nas gdod/ rang 'od rig ma dag par byas/ /zhes te phyi rol gyi bud med ni bde mchog gi rkyen ma yin pa'i phyir rang rang gis bon gyi 'od kyis gnas skabs lnga dang ldan par gyur pa bskul nas rang gi rim pa la thim pas dag par bya zhes so//'gro ba'i shes pa dag pa'i phyir/ /zhes pa ni phyin ci log gi zhe sdang la sogs pa rnams zhe sdang chen po la sogs pa dag par byed pa'i phyir ro/ /tha dad rim gyis zhes pa ni rim pa nas dbyung bar bya'o zhes so/ /cig car rin ma yin no/ /dngos bo kun zhes pa ni phyag mtshan la sogs pa kun no//gzhon nu'i zhal 'dra zhes pa ni g.yas g.yon 'jam pa'i rdo rje lta bu zhes pa'i don to/ /mkhas bskyed ces pa la mkhas pa ni rnal 'byor pa'o/ /des bskyed pa'o/ /snying rje thabs kyis don sbyin ma/ /zhes pa ni khyad par gyi las de dang 'brel pa la de stsol zhes pa'i don to//rol pa zhes pa ni thabs kyis dgyes par spyod pa ste de la rab tu brod pa'i sems su gnas pa'o/ /bsam dag pa zhes pa yongs su dag pa'i bsam pa sems can rnams la ston pa'o/ /yid dga' ma zhes pa ni brtson pa la dga' ba'o/ /phyag mtshan lhag ma rang dga' 'dra//zhes pa mA ma kI dang sgrol ma'i'o/ /gzhan ni thams cad do/ /gzhan dag ni sgrol ma'i g.yas gnyis pa na 'khor lo zhes so/ /'joms pa ni rims la sogs pa'o/ /mi bzad ces pa ni zhal dgod pa la sogs pa'o/ /rang bdag lta dang nyon mongs 'joms/ / zhes pa ni nyon mongs pa rnams ni bdag tu lta ba sngon du 'gro bas de bcom pa zhes pa'o/ /bgegs 'joms pa zhes pa ni rims kyi gnod pa la sogs pa 'jig rten dang 'jig rten las 'das pa'i spyod yul des bcom pa yin no/ /mi bzad sprul gyis brgyan pa'i sku/ /zhes pa ni khong khro ba la sogs pa rnam par dag pa mtha' yas la sogs pas brgyan pa'o//rang 'od rig ma zhes pa ni bag zhad khyad par mdzad pas sma ra med pa'o/ /thams cad kyi ni dngos po yi/ /zhes pa ni mdog la sogs pa'i sgo nas so/ /sa bon snying po lcags kyu yis/ /zhes pa ni brgyud pa ste gshin rje gshed la sogs pa bskul ba'i dbang gis zhes pa'i don to//bskrad nas zhes pa ni 'phros pa'i khro bo rnams kyis de dang lhan du 'grogs pa rnams bskrad nas so/ /bsrung bya ste zhes pa ni nang du chud pa'i dus su khro bo rnams kyis gzeb la sogs pa mdzad pa'o/ /de nas dung phor la sogs pa'i bya bas mchod yon phul nas dkyil 'khor gyi 'khor lo la thim ste zhes pa ni shes rab mthar phyin gyi 'od zer gyis gzhug pa'o//de bzhin du bcing ba dang dbang bya ba yang rtogs par bya'o/ /dbang bskur gong ma bsgoms pas zhes pa ni gud du ston te/ yan lag gnyis ni mos pas bya bar gsungs te dbang bskur ba ni chung ngu bzhin du bya'o zhes pa'i don to//de ltar dkyil 'khor gyi lha rnams bskyed cing phyung nas da ni lha rnams mnyes pa'i sbyor ba gsungs so/ /rang gi snying po'i 'od zer gyis gzugs la sogs pa bkug nas byang chub sems su zhu ba zhes tshig lhag ma'o//shes rab pad+mo dkyil du ni/ /zhes bya ba byang chub sems las sa bon du gyur pa'i gnas so/ /gzugs la sogs pa thim bya ste/ /zhes pa ni sa bon gyi 'od zer gyis de rnams la bon la bstim pa'o/ /don dam par na thugs kyi rigs so/ /de nyid spros pa las sku la sogs pa rigs gsum mo//de nyid de bzhin gshegs pa lnga'i gzugs kyi rigs lnga'o/ /rigs lnga re re lnga lngar byas pa las sku la sogs par phye bas brgya rnams so/ /de ni nye bar mtshon pa tsam ste rnam pa de lta bu'i rigs mtha' yas pa'o/ /ye shes lnga zhes pa ni rtag pa la sogs pa'o//phyag rgya zhes pa ni spyan ma la sogs pa'o/ /sangs rgyas rang bzhin gzugs zhes pa ni me long lta bu'i ye shes la sogs pa'i rang bzhin gyi phyir gshin rje gshed la sogs pa'o/ /chos thams cad kyi dkyil 'khor bstod ces pa ni gzugs la sogs pa chos thams cad rnam par dag pa'i sgo nas 'og nas 'byung bas sgra brnyan ltar shes par byas nas bstod par bya zhes so//ye shes bdud rtsi blang bsgoms nas/ /zhes pa ni sa bon gyis pad+ma bcu dgu spros te blang bar bsgoms nas zhes pa'i don to/ /kun du rtog pa yongs spangs te//zhes pa ni de spangs pas sangs rgyas zhes pa'o/ /de yang snying la zhugs bsams nas/ /zhes pa ni thig le'i 'od zer gyis ral gri la sogs pa gsal bar byas nas 'od zer de nyid du bzhag ste/ sems de snying la zhes pa thig le zhugs par bsams nas zhes so//des cir 'gyur zhe na/ de ni zhes pa ni zhugs pa'i sems de nyid do/ /ye shes bdud rtsi'i rgyun zhes pa ni ye shes kyi rang bzhin shi ba la sogs pa dang bral bar byed pa byang chub sems dpa' 'jam dpa'i dbyangs kyi dkyil 'khor chos 'byung ba nas brtsams nas thig le'i rnal 'byor yan chad du mos par byas te bsgom pa la de skad ces bya'o//de nas lus nang kun gsal te/ /zhes pa ni thig le phra mo las gong ma'i rim pas 'phros nas zhes pa'i don to/ /so sor ba spu'i 'od zer zhes pa ni gong gi nang gi lus su gzhag pa de nyid la spu'i bu gnas spros pa zhes pa'i don to//rang rig ces pa ni dbyer med pas so/ /rig ma'i sna rtser zhes pa ni ze'u 'bru bum pa'i nang du sems bying bar song na rang gi rdo rjes phyung ste/ der gnas par byas nas phra mo'i ting nge 'dzin gsum pas spro bsdu bya zhes bya ba'i don to/ /brtan pa'i mtshan ma zhes pa ni btang zhing bzung bas sems brtan par gyur pa'i mtshan ma lnga po mthong ba'o//sku gsung thugs kyi rdo rje dang / /spro ba lnga yi ye shes zhes pa ni lha rnams phyag rgya bzhis rgyas btab la gong du ste spro ba lnga zhes pa ni ye shes kyi 'od zer las de bzhin gshegs pa la sogs pa spro ba'o/ /dus gcig ces pa ni sku'i sa bon las sku gsung thugs kyi de bzhin du sku gsung thugs kyang shes par bya'o//yang na rim par bya zhes pa ni sku gsung thugs las thugs spro ba'o/ /de gnyis sku gsung thugs kyi dbang du byas pa ste/ ye shes sems dpa' ni lhan cig kho na'o/ /'on kyang de rnams ni sku blas pa ni sku gsung gi sa bon gyi til la ye shes sems dpa'i sa bon gzhug pa'o//yang de rnams kyi gdan bla ma brgyud pa las 'ongs pa gsungs pa/ rdo rje gsal chos zhes pa la sogs te ma bshad do/ /ye shes sku 'phros zhes pa ni sems can gyi sku zhes pa'i don to/ /gang gi dbang du bya zhe na/ dbugs dbyung zhes pa la sogs pa'o//rim bzhin rim bzhin zhes pa ni rim gyis cig car zhes pa'o/ /sngon bzhin zhes pa ni ting nge 'dzin gnyis pa bzhin du ye shes sems dpa' las dngos po thams cad kyi 'od 'phros pas gzugs la sogs pa bkug nas zla bar zhu ba pad+mo'i nang du sa bon du gyur pa las dbugs dbyung ba'i dus su lha mo spros nas des mchod pa ste/gsang ba'i rig mas 'khyud pa ste/ zhes pa so so'i rig ma nang du thim pas zhes pa'i don to/ /thig le la sogs pa gsum la/ /rgyu mthun 'bras bu rdzogs pa yis/ /zhes mos pas bsgom zhes so/ / de bzhin mos pa yis/ chung ngu la sogs dbye ba'i sa/ zhes pa ni gtso bo ni rig ma dang lha rnams la zhes so/ /sbyor ba zhes pa ni rnal 'byor la sogs pa yang mos pa yis zhes so/ /rang snying de mchog rtogs pa zhes pa ni rang gi sngags kyi don shin tu rtogs pa'o/ /des ngal zhing sems kyi spyod pa zhan par gyur na zhes pa'i don to//dam pa'i sems kyi chu rgyun zhes pa ni spyi bor bdud rtsi lnga zhu ba la oM gyis brlan par bya ba'i chu zhes pa'i don to/ /ci'i phyir sangs rgyas thams cad sku gsung thugs gsum dang 'brel ba de'i phyir lha rnams sku gsung thugs gsum gyi sa bon la thim pa ste/sems tsam yin pa'i phyir/thogs pa spangs nas bsdu bar bya/ /zhes pa ste sa bon gsum brjod pas so/ /de bsdu zhes pa ni gong du gsungs pa'i dkyil 'khor te de dang bral ba mthong nas zhes so/ /rang rang dag nas zhes pa ni gzugs kyi rdo rje ma la sogs pa'i ngo bor zhes pa'i don to//so so rang rig ces pa ni sku gsal ba ste thabs so/ /phyi stong pa nyid shes rab po/ /sems dag pa ni gzung ba dang 'dzin pa dag ces so/ /rtag tu bsgom pa'i rnal 'byor pa'i/ /dkyil 'khor mchod pa mchog 'di'o/ /zhes pa ni spyod yul rnams sems dag pa dang ldan pas gong du gsungs pa lta bur bltas na gsang ba chen po'i mchod pa ste yid dga' bar byed pa'i phyir ro//gzhi yi snying po yis bsgyur ba'i/ /zhes pa ni snying gar sa bon dang dbyung bas so/ /rang snying de bzhin zhes pa bdud rtsi'i steng du b+hUM la sogs pa'i rim pa'o/ /phyi'i sbyin sreg ni thab la sogs pa ste le'u bcu drug pa la dpags te shes par bya'o//sems ni sems de yin zhes pa ni kha zas sbyang ba 'di'o/ /ye shes me zhes pa ni gong du gsungs pa'i zab pa dang rgya che ba'i rnal 'byor ro/ /des phung po la sogs pa'i blun pa rnams bsreg pa ste de ni bla na med pa'o/ /bdag gzhan mchod ces pa ni gzugs la rnam gsum zhes pa la sogs pa'i rim pas so//lus dag dngos po la thal ba dang khyad par can no/ /de mnyam par bzhag pas brtsams na phyag rgya dang sngags bdag nyid de de nyid mchod pa ste chen po'o/ /chos can gcig la zhes pa ni dngos po gcig la ste bud med lta bur rtogs pa ni//sna tshogs rnam par snang ba ste/ /zhes pa ni ro dang 'dod pa can dang bza' ba la sogs par snang ba ste rtog pa des las ma lus pa bsags pa'o/ /de bzhin du bcom ldan 'das kho na la smad pa dang bstod pa des bstan pa'i lam la bsten pas sdug bsngal ba la sogs pa grol bar 'gyur ro//de'i phyir las sna tshogs pa ni rtog pa las byung la rnal 'byor pa 'di ni kun rtog thams cad las nges par grol bas na/ des lus ngag gi las khyad par can mnyam par bzhag pas brtsams na mi dge ba ga la 'gyur/zhe sdang dang 'dod pa med pa'i phyir ro/ / brjed pa la sogs pa'i dbang gis dam tshig nyams pa bskang ba'i cho ga gsungs pa don yod ces pa la sogs pa'o/ /kun ngag ces pa ni kun dag pa'i bsam pas so/ /khyad par du bskang ba'i cho ga gsungs pa bla ma zhes pa la sogs pa'o/ /rang gi dkyil 'khor zhes pa ni cung zad khyad par mdzad pa ste yi dam gyi lha'o//srod mtshams zhes pa ni mtha' ma ste/ de ni nyi ma'i mtshan du zad de nyi ma'i gung dang phyi dro'i dus su yang rtogs par bya'o/ /tha mar khyad par du bya ba gang zhe na/ yi ge gsum gyi mtha' la muHbzhag pas gshegs su gsol ba dang yi ge gsum gyis dam tshig gi dkyil 'khor ye shes sems dpa'i dkyil 'khor la thim ste nyal bar bya'o zhes so//tho rangs langs zhes pa ni mos pa yang na zhes so/ /sngon bzhin du zhes pa ni gong du gsungs pa kho na bzhin du yan lag dang bcas pa'i spyod pa dus bzhir bya zhes so/ /las dang po pa zhes pa ni 'di las rnal 'byor pa'i bye brag gis las bzhir ston pa ni las dang po pa'i las dang ldan pa'i phyir ro//de la yang bsam gtan dang bya bas bskal pa ste rang rang gi las kyis bstan pa'i mtshan mthong zhing rnyed pa'o/ /de las de ma thag pa'i rkyen gyis bsgyur ba ni cung zad ye shes dbang du gyur pa'i rnal 'byor te/brtul zhugs zhes pa la sogs pa'o/ /brtul zhugs zhes pa ni chos brgyad la sogs pa dang ldan pa'o/ /tshul khrims zhes pa ni rang gi rjes su mthun pa'i dam tshig dang bzlas brjod dang phan gdags pa'i bya ba'o/ /sngags zhes pa ni lha'i skur gyur pa'i ye shes te oM d+ha r+m+ma d+hA tu swa b+hA ba At+ma kou0f85haM zhes pa dang ldan pa'o//rang gi las gsungs pa mig ces pa la sogs pa ste/ chen po mig la sogs pa byin gyis brlab pa la sogs pa zhes pa ni don to/ /de gang gis she na/ cung zad ye shes dbang gyur pas/ /zhes te 'bebs pa thob pa zhes pa'i don to/ / dus bzhi zhes pa ni las dang po'i pa bzhin du'o/ /'khrul med ces pa ni brtan pa ma yin pas thig le dang phra mon na tan du bya ba ma yin no/ /bzlas brjod bya zhes pa ni grub pa'i mtshan ma thob par bya ba'i don to/ /dkyil 'khor dang ni las rgyal mchog go/ /rnam pa kun gyis rdzogs byas te//zhes pa ni slob ma gzhug pa dang / bsgrub pa'i don du khyad par mdzad pa'o/ /rang gi las gsungs pa spro ba bsdu ba byed pa zhes te yi ge gsum gyis spro ba dang bsdu ba'i sgo nas nyin mtshan du dkyil 'khor gyi sbyor ba la brten pas bzhi par 'gyur ba'i mtshan ma ci skad gsungs pa rnams 'byung ba'o//ye shes dbang du gyur pa ni rang dang gzhan gyis dkyil 'khor mthong bar mdzad pa'o/ /de las de ma thag pa'i rkyen gyis bsgyur ba ni bzhi ste yang dag ces pa la sogs pa'o/ /yang dag ye shes zhes pa ni me long lta bu la sogs pa ste/ de thob pa ni phyag rgya chen po mngon du mdzad pa zhes so//de'i las gsungs pa/ gzugs brnyan zhes pa la sogs pa ste/ de ni gzhan gyi don la goms pas khams kun gyi nang du 'od gsal bar langs nas gzugs brnyan lta bu'i dam pa'i 'khor lo gsum gyis srid pa ji srid yod pa de srid kyi bar du ro myang ba'i mtshan nyid brgyad dang ldan par bzhugs nas 'gro ba'i don chen po mdzad pa'o//de ltar rang gi 'khor gnas sngon bstan pa byas nas zhes bya ba'i sgra'i don bstan nas/ da ni/ dkyil 'khor kun du bri bar bya/ /zhes bstan pa'i phyir/ grub pa'i mtshan ma rnal 'byor pas//zhes pa gsungs te/de la grub pa'i mtshan ma zhes pa ni rmi lam la sogs pa'o/ /rnal 'byor pas zhes pa ni cung zad ye shes dbang du gyur nas zhes pa'i don to/ /lan grangs mang du zhes pa ni yid la byed pa'i bag chags kyi mtshan ma dgar ba'o/ /de ltar ma yin na yang dag pa ni yang dang yang du 'byung ba'i phyir ro//de gsum cho ga bzhin byas nas/ /zhes pa ni mtshan ma thob pa des dkyil 'khor bri ba'i don du bzlas brjod bya'o zhes bstan pa'o/ /dkyil 'khor bri bar bya zhes pa ni cung zad ye shes dbang du gyur pa'i rnal 'byor pas thun mong gi ched du bri ba dang / ye shes dbang du gyur pa'i rnal 'byor pas khyad par med par thun mong dang mchog gi ched du bri ba'o zhes sgrub pa po kho na'i dbang du gsungs pa'o//de ni slob dpon dang sgrub pa po thun mong gi dbang du gsungs pa/'khor gnas zhes pa la sogs pa'o/ /de la 'khor cho ga bzhin bzlas te zhes pa ni ci rigs par rnal 'byor pa gang yang rung bas cho ga bzhin du bzlas brjod byas te bri'o zhes pa'o//gang gi don du bri zhe na/ bdag gi zhes pa ni dngos grub kyi ste rnal 'byor pa bar ma'i dbang du byas pa'o/ /zhus pas zhes pa ni snod du rung zhing mos pa dang ldan pas zhus pa dang glegs bam la sogs pa brko bar 'dod pas zhus pa dang /sdig pa'i dbang gis mtshan ma ngan pa mthong bas zhus pa'o/ /gzhan don byed par 'dod na yang / /zhes pa ni ngang tshul bzang po dang ldan bzhin snod du rung ba rnams ni zhus pa ma yin kyang / de'i don du dmigs nas bsod nams 'phel ba'i don du de bcud de bri zhes pa'i don to//de bas na rnam par snang mdzad mngon par byang chub pa'i rgyud las/ mos pa brtan pa dad pa can/ /gzhan la phan dga' mthong nas ni//shes nas slob dpon bdag nyid kyis/ /ma gsol bar ni der bas te/ /phan 'dod phyir ni 'di skad smra/ /zhes pa la sogs pa gsungs so/ / de bas na de rnams kyi don du rnal 'byor pa khyad par med par dbang bskur ba'i dkyil 'khor bri'o zhes so/ /ye shes dbang du gyur pas ni bsam gtan tsam gyis rdzogs par byed pa yang 'chad do/ /mtshan ma thob nas zhes pa ni sgrub pa pos grub pa'i mtshan ma thob nas so/ /slob dpon ni brtan pa'i mtshan ma thob nas bri ba ste las dang po la sogs pa'o//de bzhin las dang po pa de mtshan ma ma thob kyang don mi 'dor ba'i phyir dbang bskur ba'i dkyil 'khor bri'o zhes slob dpon dza ba ri pas bshad do/ /'khor gnas cho ga bzhin bzlas te/ /zhes gsungs pa/ 'khor bdag sngags ni 'bum bzlas te//zhes pa la sogs pa'o/ /de'i don ni 'di lta ste/ gong du smos pa rnams kyis zhu ba gsal ba dang / yul rnams la chags dang bral ba'i bdag nyid chen po des de la sogs te sems can rnams 'khor ba las bsgral bar bya'o zhes te bri bar bya'o//khyed kyis yo byad rnams tshogs sam zhes smras nas/des kyang kha cig tshogs kha cig tshogs zhes smras nas gnas ji lta ba bzhin du 'dug ste/ ji skad du gsungs pa'i 'dzab brtan pa ma yin pas du ma bzlas pa 'am/ brtan pa'i mtshan ma mthong bas 'dzab 'bum la sogs pa'i bzlas pa byas pas lhas gnang bar bsams pa 'am dngos su thob nas bri bar bya'o zhes so//gsal te mtshan ma mi bzang ba'i slob mas zhus par gyur na/ khyad par du de'i khro zhing khro bo gang yang rung ba'i rnal 'byor ram/ yang na rang gi lha'i rnal 'byor dang ldan pas/ mdun du slob ma nyi ma'i dkyil 'khor gyi steng du bzhag la bdag gi sa bon spros pa'i 'od zer gyis de'i steng la gnas pa ka las bskyed pa'i kha dog nag po 'jigs su rung ba'i sdig pa bskul nas sna bug nas phyung ste/yang sa bon las bdud rtsi thab sbyor kha bye ba'i rdo rje dang ldan pas phyung nas/ na maHsa man+ta zhes pa la sogs pa che ge mo'i sdig pa mA ra ya phaT ces pa dang ldan pa'i sngags kyis sdig pa zos nas/de'i sems kyis bdog pa kun phur bus btab par bsam pas kun du bzang por bskyod nas de'i spyi bor bsams te/slob ma bcos nas 'dzab bzlas bya/ /zhes khyad par ro/ /da ni bzlas brjod kyi skabs su snying po la sogs pa'i dbye ba gsungs pa/de nyid gsum zhes bya ba la sogs pa'o/ /de nyid gsum zhes pa ni yi ge gsum mo/ /bar bcug ces pa ni sku gsum gyi mjug tu dang po'i snying pos bon he maM la sogs pa'o/ /bcug nas/ hUM gi ston pas bzlas par bya/ /zhes so/ /sa bon de ji lta bu zhe na/thig le la sogs pa dang ldan pa'o/ /gzhan yang de nyid gsum gyi bar du mtshan gyi sngags rnams bcug nas bzlas brjod 'byung bar bya zhes so/ /de gnyis ni bzlas brjod thun mong ngo / /phyag rgya zhes pa de nyid gsungs pa/ gsang ba'i sku gsung zhes pa la sogs pa'o/ / snying po zhes pa de nyid gsungs pa/ sa bon snying po zhes bya ste/ yi ge gcig pa zhes pa'i don to/ /rig pa zhes pa de'i sgo nas sgrub pa'i bzlas brjod gsungs pa/ zhi ba la sogs bskul nas ni/ /zhes bya ba ni shAn+tiM ku ru zhes pa la sogs pa las kyi bye brag gis so/ /las byed pa ni bskul bas de dang de'i las byed pa'o//de'i phyir rig pa zhes de lha rnams so/ /de la skul bar byed pa la yang de skad ces bya'o/ /sngags zhes pa ni bdud rtsi 'khyil pa'i sngags la sogs pa'o/ /rigs gsum ste zhes pa ni las kyi bye brag gis bskul nas zhes pa'o//de thams cad khams las ci rigs par bzlas pa bya'o zhes so//ji ltar rnal 'byor gnas bzlas te/ /zhes pa ni ji skad gsungs pa'i ting nge 'dzin la gnas nas bzla zhes pa'o/ /des rang gi lha'i bka' 'am/ 'khor bdag gis bka' thob nas zhes pa ni/ bsam pa 'am dngos su gnas nas bri bar bya//zhes bya bar sbyar ro/ /de yang gang gi dbang gis thob ce na/ mdun du rnal 'byor pas 'gog pa'i 'khor lo zhes pa ni phyin ci log 'gog pa ste dkyil 'khor gyi 'khor lo'o/ /de mos nas su zhes pa na bstan pa'i sems kyis gsal por bsams nas zhes so/ / rang sems dag pas na dam tshig nyams pa med pa'o/ /de'i don ni 'di lta ste/ srung ba la sogs pa'i dam tshig dang ldan pa'i sgo nas dus bzhir ting nge 'dzin gsum rdzogs pa'i mjug tu smon lam btab pa dang / de'i yan lag gzhan yang sdom pa dang / kha zas sbyar ba dang / las gnyis kyis sangs rgyas mchod par byas nas bdag gung du bsams te/bdag gis dbang bskur ba la sogs pas dam tshig nyams pa la sogs pa sems dag par byas pas zhes pa'i don to/ /de ltar ri mo bri ba'i sngon du bzlas brjod kyi cho ga bstan nas da ni las dang po pa'i rnal 'byor pas dkyil 'khor bri ba'i cho ga la dang por dag par bya ba'i cho ga gsungs pa/bgegs kun bskrad nas zhes pa la sogs pa'o/ /de'i don ni 'di lta ste/ bzlas pa byas pas bri bar 'dod na/ de'i tshe lha khang ngam/ grong khyer ram/ mchod rten nam/ kun dga' ra ba la sogs pa'i byang shar mtshams su brtsam par bya'o//gzhan du brgya byin la lha/gshin rje bden bral dang / chu lha dang rlung lha gnod sbyin phyogs su ni go rims bzhin du gnod par 'gyur ba ste pham zhing mu ge rigs rgyud 'chi ba dang / /mu ges slong ba 'chi yod slob ma 'chi zhes 'byung bas zhi ba la ji lta ba bzhin du kha dog tha dad pa dang /mthon dman dang 'bru dang tsher ma dman pa la sogs pa med par bya'o/ /shar du mtho na rigs zad 'gyur/ /byang du mthon rang 'chi 'am/ /yang na nor ni zad par 'gyur/ /zhes 'byung bas/ de dag spangs nas byang shar du 'dri zhing bkra shis pa'i mtshan nyid dang ldan pa brtsal bar bya'o//de la sogs pa ni rtog pa'i rnal 'byor la gnas pa la gsungs kyi/ rnal 'byor chen po rnams la ni nges pa med do/ /de nas dge 'dun rnams dang bcas te bkra shis pa'i gza' skar dang byed pa bzang po'i nyin bar bcag nas der pus mo nub tsam brkos nas de nyid dag par bya'o//gal te snga ma las lhag par gyur na dngos grub la sogs pa'i rtags su'o/ /de bzhin du brkos nas chus bkang ste slob dpon gom pa brgya phyir song nas 'ongs te mi g.yo zhing g.yas su 'khor ba ni bzang po'i rtags su shes par bya'o//de ltar ma yin par gyur na/ phur bu btab nas bgegs kun bskrad/ /ces pa ste bdud rtsi 'khyil pas ji skad du gsungs pa'i rim pas bgegs kun phur bus btab nas bskrad par bya'o/ /de nas sa bslang bar bya ba'i phyir bsang gtor byas nas zhes pa ni yi ge gsum mam/bdud rtsi thab sbyor gyi sngags bzlas pa'i chus sa gzhi de la gtor bar bya'o/ /gsol ba gdab ces pa ni phyogs skyong ba rnams rang rang gi phyogs su bskyod la rang bzhin nas phyogs skyong bkug nas nye reg la sogs pa'i bya ba byas te pus mo btsugs nas gtor ma yang zas sbyar ba'i sbyor ba byin gyis brlabs te sngags 'dis dbul lo//oM in+d+ra ye swA hA/ oM ya ma ye swA hA/ oM ku be+e ra ye swA hA/ oM ag+na ye swA hA/oM nai r-i ti ye swA hA/ oM ba ya be+e swA hA/ oM i shwa nA ya swA hA/ oM tsan+d+ra a te bya swA hA/ oM su m+b+ha ni swA hA/ zhes brjod nas/ a kA ro mu khaMs r+b+ba d+harma NAM Ad+yA nu t+pan+na twA ta ces brjod do/gsol ba gdab par bya'o/ /khams na bzhugs pa'i lha dang klu/ /gnod sbyin dri za lha ma yin/ /gang dag rdzu 'phrul cher ldan rnams/ /rdo rje spyan dang snyan mnga' ba/ /'thung la gnas pa'i 'byung po kun/ /ming 'di zhes ni bgyi ba yis/ /sangs rgyas rnams la mchod pa dang //sems can rnams la phan slad du/ /sa phyogs dge gnas 'di nyid du/ /dam pa'i dkyil 'khor cher 'byung ba/ /ji ltar bsams pa'i las byed na/ /khyed kyis bar chad ma byed par/ /dge ba'i grogs po nyid du mdzod/ /da ltar khyod la bdag gis ni/ / bzod par gsol gyis mi slu bar/ /mtshan ma rnams ni bstan du gsol/ /zhes 'jig rten pa'i lha rnams la gsol ba lan gsum gyi bar gyis blang bar bya'o/ /de nas rang gi lha'i rnal 'byor dang ldan pas nyal nas rmi lam la sogs par thob pa 'am/ yang na ma thob na mngon spyod kyi sbyin sreg gis dgra bgegs bcom par bya'o//de rnams 'jig rten las 'das pa rnams la blang ba ting nge 'dzin gyi rim pa zhes pa ni gong du gsungs pa/ sangs rgyas la sogs zhes pa ni dkyil 'khor gyi lha la sogs pa zhes pa'o/ /nyan thos dang rang rgyal dang byang chub sems dpa'o/ / sta gon gnas zhes pa ni gnas der dmigs te zhes pa'i don to/ /yon dang zhes pa ni rtswa drur ba nyag ma sngon po zhes la sogs pa dang / lha mo bzhis 'jam dpal dang / bdud rtsi 'khyil pa'i bum pa la sogs pa rnams so/ /gtor ma ni gong du gsungs pa'i tshul kyis brlab pa'o/ / de rnams stobs nas mchod pa phul te gsol ba gdab par bya'o/ /dgongs shig dus gsum mgon po rnams/ /dgra bcom kun dang rang rgyal rnams/ /de bzhin byang chub sems dpa' rnams/ /sangs rgyas thams cad mchod pa dang / /slob ma rnams la phan don du/ /dpal ldan 'jam dpal rdo rje yi//dkyil 'khor dam pa bri bar 'tshal/ /rgyal ba sras dang bcas rnams kyis/ /yon tan gtor ma bzhes nas kyang / /bdag la byin gyis brlab tu gsol/ /zhes lan gsum du brjod par bya'o/ /de nas de dag zhi ba la sogs pa'i thab ci lta bar sbyin sreg gis tshim par byas te/de dag gis kyang zhal gyis bzhes par bsams la/ khung bu brko ba'i ched du nam mkha' la dgod par bya'o/ /de ltar bslang ba byas nas de phyi ba'i tshul gyis sbyang bar bya ba'i phyir/ shin tu bgegs med pa brkos te/ /zhes pa de'i don ni gnas grub bzhi yongs su brtags nas klu brtag par bya ste/de yang rje'u rigs kyi klu zhig ston gsum dang / dgun gsum dang / dpyid gsum dang / dbyar gsum la go rims bzhin du mgo shar la sogs par bstan nas/ brla g.yon pas nyal te g.yas skor du gnas par shes par bya'o/ /de yang / mgo logs brkos na pha sogs 'chi//mjug tu brkos na nor zad 'gyur/ /rgyab tu brkos na rang nyid 'chi/ /zhes 'byung bas de'i mdun phyogs kho nar mchog dang rig 'dzin dang phra mo gzhan dang / gzhan gyi dbye bas go rims bzhin du mgrin pa dang lto ba dang pus mo nub tsam du bdud rtsi thab sbyor du bsgoms pa'i slob mas 'jor gyis brko bar bya'o//de bzhin du slob ma rnams dbang bskur ba yang ci rigs pa'o/ /de nas so phag dang rus pa la sogs pa bsal zhing de nyid gsum dang bdud rtsi 'khyil ba'i sngags kyi bzlas pa'i tshul bstan nas/ de'i cha nyid du mngon spyod kyi sbyin sreg gis bgegs bcom ste/de nas dag par bya'o/ /gal te rus pa la sogs pa bsal bar ma gyur na/ lag pas reg ste de nyid gsum dang bdud rtsi 'khyil ba'i sngags kyis bzlas brjod bya'o/ /de bas/khung bu rim pa 'di yis dag /ces pa'o/ / sngon du dus ring bsnyen byed ba/ /zhes pa ni/ gong du smos pa rnams so/ /'jam dpal rdo rje zhes pa ni nyi ma'i mtshan nyid do/ /rang gi lha yi ting 'dzin gnas/ /zhes pas so/ /dkyil 'khor sa ni sbyang bya ste/ /zhes ba ni de'i steng du sa gzhan dag las ji ltar rigs pa'i stegs bu gru bzhi pa khru gang tsam du 'phags pa mdzes pa de'i nang du rin po che dang 'bru la sogs pa dang ldan par byas nas/dam tshig rnams dang ra ba ldan par/ /zhes te lci ba la sogs pas ba lang gi ko ba'i tshad tsam du byugs nas me long lta bu'o/ /de nas gnas khang de dri chus chag chag btab nas/ rin po che'i dbu rgyan dang gdugs dang mdzes pa'i 'bras bu dngos po'am/bcos ma dang / dar kha dog sna tshogs pa'i yug dang / bla re dang / ba dan dang / dril bu dang / rnga yab dang / pi wang dang sbrang yab la sogs pas brgyan par bya'o/ /brgya byin la sogs pa'i phyogs su go rims bzhin du rgyal mtshan dkar po dang /smug po dang / nag po dang / dung ka dang / dmar po dang / sna tshogs pa dang / ser po dang / ljang gu rnams kyis mdzes par byas pa'o/ /de lta bu'i gnas su nyin re bzhin du dkyil 'khor bri bar bya'o/ /bgegs dgra'i zhes bya ba la sogs pas ni nang gi rnam par dag pa'i cho ga gsungs pa/de la bgegs zhes pa ni gzung ba dang 'dzin pa'o/ /de'i dgra ni ting nge 'dzin rnam par dag pa'i bdud rtsi 'khyil pa ste/ de'i dkyil 'khor ni gtso bor byas pa ste ji lta ba bzhin du bsgoms nas 'od zer bskul ba sngon du byas te bdag la rigs kyi bdag pos dbang bskur bas ni rnam par dag pa'o//yang na/ rang gi lha yi sbyor ba 'am//zhes pas ni dam tshig lha'i ting nge 'dzin mngon par byas nas gong bzhin du dbang bskur ba blang bar bya ste/ bgegs rnams zhes pa ni kun du rtog pa'o/ /de bskrad pa ni sems las mngon par bsal ba'o/ / oM b+hU khaM zhes pa la sogs pas ni sa byin gyis brlab pa ston te/ mkha' la ri rab 'byung ba bya/ /zhes pa ni oM b+hU khaM zhes brjod pas rnam par dag pa'i nam mkha' la bteg de nyid ri rab lta bur bskyed par bya'o/ /de nas hUM laM hUM zhes brjod pas de nyid rdo rje'i bdag nyid du bsams nas sngags 'dis byin gyis brlab par bya'o//oM me di nI badzri b+ha ba badzra ban+d+ha hUM zhes pas so/ /da ni stegs bu dbus su sbyor ba zhes pa dang lhan cig gam/ yang na gcig tu bsgom pa spyod pas ting nge 'dzin bsgom par bka' stsal te/ sngon bzhin zhes pa la sogs pa gsungs so/ / sngon bzhin zhes pa ni gong du bsnyen pa la sogs bzhin du'o/ /bgegs dgra zhes pa ni hUM mdzad la sogs pa'o/ /de'i don ni 'di lta ste/ gong ma bzhin du srung ba'i 'khor lo bsgom pa nas/ rjes su chags pa'i mtha' la thug pa'i sbyor ba dang po byas nas te/ zla bar zhu ba la sogs pa'i rim pas bdud rtsi 'khyil ba'i bar du phyung nas mchod pa la sogs pa byas nas dkyil 'khor rgyal ba mchog gi bdag nyid yin pa dang /las rgyal mchog ni dkyil 'khor gyi las sa dag par byas pa la sogs pa byed pa'o/ /de bas na las kyi rgyal ba mchog ni phyogs gsum ste/ thig la sogs pa'i bsnyen pa'i dus su gsungs pa dang / ri mo'i dkyil 'khor bri ba'i las slob pa dbang bskur ba dang / dngos grub bsgrub pa'i dus su gsungs pa'o/ /de bas na ting nge 'dzin gyi bdag ces pa'i don to/ /dkyil 'khor sa yi dbus su ni/ /rol pa dang lha'i 'khor lo 'byin pa dang dri ba dang bsdu ba dang gzhi la gzhag pa dang /mchod pa la sogs pa dang ldan par oM badzra At+ma kou0f85haM/ oM swa b+hA ba bi shud+d+hou0f85haM/ oM sar+b+ba d+harmou0f85haM zhes brjod pas sangs rgyas kun bdag rang bzhin gyis dag pa dang / /rdo rje'i bdag nyid du mos nas nga rgyal bya 'o//nga nyid kho na rdo rje can/ /nga nyid rdo rje sems dpa' bdag /sangs rgyas rgyal bo chen po'i bdag /rdo rje can dang stobs po che/ /dbang phyug rgyal po rnal 'byor dang / /nga ni brtan pa phyag rdo rje/ /rdo rje can chen bdag lnga bdag/ /ces brjod nas sems la don gzung bar bya'o/ /de ltar gnas pa la sogs pa'i slob ma bzhis dngos su 'am sems kyis mchod nas zhu ba gsol bar bya'o//de bzhin gshegs pa kun gyi rang bzhin yin pas na zhi ba ste gzung ba la sogs pa med pa de ni sku rdo rje'o/ /de bzhin gshegs pa de yang gang zhe na/ kun gyi gnas ni kun gyi bdag por gyur pa ste thugs rdo rje'o//phyogs kun bdag med pa ni rnam par dag pa ste gsung rdo rje'o/ /de lta bu'i dkyil 'khor dam pa bshad du gsol spyir zhus pa'o/ /de bzhin du khyad par du gru bzhi pa la sogs pa'i mtshan nyid thams cad yongs su rdzogs pa/ gru bzhi ma yin pa la sogs pa'i mtshan nyid med pa thams cad spangs pa de yang gang zhe na/kun du bzang po zhes pa ni rdo rje 'chang chen po'o/ /de'i sku'i dkyil 'khor gyi mchog bshad du gsol zhes pa'o//zhi ba'i chos zhes pa ni bdag med pa'o/ /de nyid mchog ste de las yang dag par 'byung ba ni gsung gi dkyil 'khor ro//de nyid de bzhin gshegs pa thams cad kyi ye shes kyi spyod yul yin pas rnal 'byor pa zhes so/ /sems can kun gyi zhes pa ni sangs rgyas dang sems can no/ /de'i sems chen po ni thugs rdo rje'i rang bzhin no/ /de nyid rang bzhin dag pas dri ma med ces pa'o/ /de ltar lan gsum du zhus pa des langs nas lus ngag yid gsum gyi sbyor bas bgegs bskrad gsungs pa/'jam rgyal zhes pa la sogs pa'o/ /'jam rgyal khro bo zhes pa ni de nyid de ma thag tu hUM mdzad kyi bdag nyid yin pa'i phyir des bltas nas zhes so/ /gang la zhe na rang dang 'dres pa'i sems can khams zhes pa ste/srid pa thams cad 'jam dpal rdo rje'i rang bzhin du 'dres shing gnas pa la glo bur du nyon mongs pa rnams kyis bsgribs te/ de'i phyir de las/bgegs gshed kyi ngo bor khros zhes pa'o/ /spyan la hUM bkod rdo rje bstan/ /zhes pa ni mig g.yas pa ma las nyi mar bsam g.yon par Ta las zla ba'i dkyil 'khor du bsgoms te/de'i steng du mig 'bras hUM las 'bar ba'i rtse lnga par bsgom zhes pa'o/ /grol ba'i dkyil 'khor sprul par bya/ /zhes pa ni rdo rje las nam mkha'i khams thams cad khro bo'i dkyil 'khor gyis khyab par sprul par bya'o/ /blo ldan zhes pa ni sbyor ba zhes pa'o//'gro kun ltar zhes pa ni gong ma'i rim pas shes so/ /dkyil 'khor sa gzhi stang stabs bskor/ /zhes pa ni g.yas brkyang ba'i rim pas so so'i tshul spyod pa'o/ /rkang mthil rdo rje 'bar bsgoms te/ /zhes pa ni rkang pa gnyis su bltas la sna tshogs rdo rje 'bar ba bsgom mo//lag pas rdo rje zhes pa ni nye bar mtshon pa tsam gyis dril bu dang bcas pa'o/ /hUM mdzad pas zhes pa ni hUM gi nga ro sgrogs pa'o/ /lta sogs zhes pa la sogs pa ni/ sa la gnas pa'i bgegs la sogs pa'o/ /tshig tu yang 'di skad brjod do/ /nyon cig ces pa la sogs pa'o//lus ngag yid gsum la gnas pa'i zhes pa ni g.yas brkyang ba la sogs pas bgegs 'joms pa ni lus kyi'o/ /bskal ba zad pa'i dus kyi 'brug lta bu'i sgra sgrogs pa ni gsung gi'o/ /dngos po thams cad zab mor dmigs pa ni thugs kyi'o/ /de lta bu la gnas pa'i 'jam dpal bdag gis srung ba'i 'khor lo byed ces pas so//'dod gsum bskyed lus zhes pa ni 'dod pa'i khams kho na la khams yod pa'i phyir ro/ /de lta bu'i rim pas sa la yongs su bskor bar bya ste/ de nas bgegs med par bya ba'i phyir phur bus gdab par bya'o//ji lta bu zhe na stod dgra zhes pa la sogs pa'o/ /de yang seng ldeng la sogs pa'i phur bu dri dmar pos byug cing / srad bu dmar po la me tog gi phreng ba btags la/ stod bgegs dgra ste bdud rtsi 'khyil pa lta bu la smad gsal shing ste/ zur gsum pa lta bur bsams nas dkyil 'khor gyi dbus su gdab par bya'o//de las 'od zer 'bar bas 'khrug cing 'bar ba'i phyogs bcu na gnas pa'i bgegs thams cad bcom par 'gyur ro/ /yang na mtshams dang ra ba dra bas phyogs bcing zhes pa ni srung ba'i 'khor lo'i sbyor bsar ba dra ba dang sa gzhir bsgoms nas 'khor lo bsgom par bya ste sa bsrung bar bya'o//sta gon bya ba ni zhes pa ni sa bon gyi phyag rgya dkyil 'khor gyi sa la bzhag ste/ oM Tak+ki hUM dza zhes brjod pas sa'i lha mo sku mdog gser lta bu phyag na gser gyi bum pa bsnams pa rgyan kun gyis brgyan pa rnam par snang mdzad dang ldan pas sa'i lha mo lus phyed thon par bsams te/me tog la sogs pas mchod nas 'di skad du sbran no/ /skyob pa sangs rgyas thams cad kyis/ /zhes pa la sogs pa lan gsum du brjod do/ /de nas de nyid dgyes te zhal gyis bzhes nas de nyid du thim par bsam mo/ /sa dag par bya ba'i cho ga'o/ /lha sta gon tu gnas pa gsungs pa/dri zhim zhes pa la sogs pa'o/ /dri zhim sogs kyis bskus zhes pa ni tsan+dan dang gur kum la sogs pas sa byug sa nas zhes so/ /de bzhin du kha dog dang dbyibs sna tshogs pa'i me tog gis kyang rab tu bkram la zla ba la sogs pas zhes te/ byang chub sems la sogs pa dang dri zhim po bsres pas lha'i gdan zhes pa ni lha bcu dgu'i grangs dang mthun pa'i thig le rang gi sngags lan bdun bdun bzlas pas maN+Dal rab tu bya zhes so//de la dkyil 'khor rab tu bkug nas zhes pa la de'i don ni 'di lta ste/ lhag par mos pa la sogs pas dam tshig gi 'khor lo rdzogs par bkod la mtshan yang 'di bzhin du bris par bskyed do//skyes don dang ldan de ring bdag /bdag gi gsol ba'i 'bras bu 'di/ /dam tshig lha dang bdag mnyam mo/ /bdag gi the tshom med par 'gyur/ /phyir mi ldog par bdag 'gyur ba/ byang chub sems dpa' da dgongs shig /de bzhin gshegs pa'i rigs su ni/ /skye bar bdag ni the tshom med/ /de ring bdag gi nyi ma mtshon/ /mchod sbyin 'di ni bla na med/ /de ring bdag gi tshogs pa mchog /ces brjod nas snyan gsan yang dbab par bya'o/ /ma lus phyogs na bzhugs pa rnams/ / sangs rgyas bdag la dgongs su gsol/ /che ge mo bdag rdo rje can/ /bdag gis dkyil 'khor bri bar 'tshal/ /sangs rgyas la sogs 'dir byon nas/ /bdag la dngos grub stsal du gsol/ /zhes dgug go/ /de nas mtshams la sogs pa bcings nas/bcing ba dang dbang du bya ba byas nas nye bar sgrub pa la sogs pa mtshon nas mchod pa dang bstod pa dang /bdud rtsi myang ba byas nas 'og nas byung ba'i tshigs su bcad pas kyang lan gsum gsol ba gdab par bya'o/ /bum pa sta gon du gnas pa gsungs pa/ bum pa zhes pa la sogs pa'i bum pa zhes pa ni gser la sogs pa'am/kham gyi rgyu las byas pa'i bum pa lto ba che ba mgrin pa kha khyer dang ldan zhing mchu 'phyang ba/ zhabs brtan pa/ nag nog med pa/ rta mgrin du gnas par bya'o/ /mgul pa ras kyis yang dag dkris/ /zhes pa ni ras kha tshar ma nyams pas mgul bcings so/ /tsU ta yal ga la sogs ldan//zhes pa ni 'bras bu can gyi shing gis kha brgyan pa zhes so/ /bum pa dkyil 'khor lha rnams kyi/ /zhes pa ni 'chad pa'i bum pa lha'i grangs ngang mthun par byas la rang rang gi sngags kyis sta gon du gnas par bya'o/ /rdzas 'di rnams tshogs pas dbang bskur ba'i bum pa rta mgrin du gnas par bya ste//'bru lnga zhes pa ni gro dang nas dang til dang 'bras dang mon sran gre'u'o/ /sman lnga zhes pa ni sing kri dang ha sa dang / de ba dang / karti ka'o/ /rin chen lnga zhes pa ni byi ru dngas le sbram dang dung dang mu tig dang nor bu'o/ /de rnams ni gzhan yang rtag par bya'o/ /'khor la dri chu la bsdus pa//zhes pa ni bum pa gzhan las yon gyi snod re re bsdu bar bya'o/ /de'i steng du sna tshogs kyi phreng bas bcings pa'i rdo rjes brgyan par bya'o/ /de'i ming ni rnam par rgyal ba'i bum pa zhes bya ste/ dkyil 'khor gtso bo'i sngags kyis bzlas par bya'o/ /de bzhin du bsang byed kyi bum pa la bdud rtsi 'khyil ba'i sngags kyis bzlas par bya'o//de rnams kyang tsan+dan dkar pos byug cing spos bsregs nas sbyar ba'i dri zhim po'i chus bkang ba/ yi ge baM las bskyed pa/ hrI las gyur pa'i pad+ma la/ a las zla ba dang / nyi ma'i gdan la 'bru lnga pa la sogs pa sa bon dang phyag mtshan gyi rim pas sku rdzogs par bskyed la/ye shes kyi 'khor lo bkug nas bstim ste/ de nas/ yon phul nas ni mchod byas te/ /zhes pa ni bsang gtor la sogs pa'i bya ba dang mchod pa lnga la sogs pas mchod pa'o/ /me tog dkar po gtor ba dang //zhes pa ni me tog dkar po kha cig dbang bskur ba'i bum pa'i nang du gtor ba ste man ngag go//gnas der spang spos bsreg pa'i snod la sogs pa yang gzhag par bya'o/ /nyin re yi ni mtshan gsum la/ /zhes pa ni snga dro dang gro ran dang phyi 'phred do//gtor ma phul nas zhes pa ni/zas sbyor ba'i rim pas sbyar ba'i gtor ma yang thun mtshams su dbul bar bya'o zhes so/ /de bzhin bzla zhes pa ni gong ma bzhin du so so'i bzlas pa bya'o/ /de nas dgod pa'i gnas gsungs pa/ de dag dkyil 'khor gyi grwa la bkod la g.yas su ste shar lho mtshams su bzhag ste mi g.yo ba'i ting nge 'dzin du bya'o//de bzhin du g.yon du bsang byed kyi bum pa bzhag la bgegs zlog tu gsol zhes las bcol lo/ /de nas g.yon gyi snod la chu blugs nas/ /zhes pa ni/ dbang bskur ba'i bum pa la bya ste gong du bshad zin to/ /bdag gis slob ma thams cad la//chu yi dbang bskur byed par 'gyur/ /zhes pa ni dus gzhan du byed par 'gyur ro zhes pa'o/ /dkyil 'khor mchod pa yang bya ste/ /zhes pa la sogs pa ni gong du bkug pa rnams la snyan gsan dbab par ston to/ /de kho na gong du gsungs pa'i de nyid 'dir yang shes par bya'o//mchod pa zhes pa ni nye bar mtshon pa ste bstod pa dang bdud rtsi myang ba yang shes par bya'o/ /lag par pog phor bsregs nas su/ /pus mo btsugs zhes pa ni bdag nyid dbus kyi gtso bo'i nga rgyal dang ldan pa nyid kyi thugs ka nas las kyi rdo rje'i gzugs su phyung nas so//des ci byed na/ dkyil 'khor gtso zhes pa ni bdag 'jam dpal gyi ngo bor gnas pa la'o/ /sangs rgyas zhes pa ni rtag pa la sogs pa ste de rnams la snyan gsan dbab par bya'o/ /bcom ldan 'das 'jam pa'i rdo rje zhes bya ba la sogs pa nas/ byin gyis brlab par mdzad du gsol//zhes pa lan gsum du gsol ba gdab par bya'o/ /khyab bdag ces pa ni dkyil 'khor gyi lha rnams kyi rang bzhin no/ /mchod sogs zhes pa ni bstod pa la sogs pa'o/ /bsrungs nas zhes pa ni/ phyir 'byung ba'i dus su dran pa la sogs pas so/ /slob ma sta gon du gnas pa gsungs pa/rang gi slob ma brtags nas gzung / /zhes pa la sogs pa'o/ /ji lta bu zhe na/ blo dang ldan pa theg pa chen po la mchog tu dga' ba chen po dang ldan pa bka' drin chen po rjes su dran pa nga rgyal med pa'i rigs can zhes pa ni bram ze la sogs pa'i khyad par can no//phyi nang gi yon tan dang ldan zhing dad pa che ba/ gzugs la sogs pa gzhon pas brgyan pa ste/ 'di rnams ni bstan pas mchog tu gzung bar rgyal bas gsungs so/ /de bzhin du bde bar gshegs pa sngags kyi dngos grub sgrub pa la 'dod pa mngon du ldan pa ste/lhag par mos pa yod na ngan zhing yon tan med pa dang rigs dman pa yin yang gzung bar bya ba yin no zhes pa'o/ /dkyil 'khor 'khor lo rim pa 'di/ /zhes pa ni dkyil 'khor 'khor lo'i rim pa 'di la mos pa dang ldan pa bzhi rnams la yang lung du bstan na zhes pa ste/ dge slong dang dge slong ma dang / dge bsnyen dang dge bsnyen ma la yang ngo / /thams cad kyang 'di rnams dang ldan na dkyil 'khor du zhugs par bya ste bslab dang zhes pa la sogs pa'o/ /de las gzhan pa'i slob ma bsod nams 'dod pa dang tshe 'di'i srid rnams 'dod pa'o/ /de yang tshe phyi ma'i bsod nams ni tshe phyi mar rigs rgyas pa la sogs pa'o//tshe 'di'i 'dir bgegs kyi 'tshe ba bzlog pa la sogs pa'o/ /tshe 'dir 'bras bu rgyas pa yin/ /zhes pa ni zhar las 'byung ba yin no zhes pa'o/ /de ltar gnod dang gnod ma yin pa slob ma la smas nas/ slob dpon rang gi khang pa'i nang du 'gro'o//sngon bzhin rdo rje chu skyes dag /ces pa ni de'i tshe de rnams me'i dkyil 'khor gyi steng du bzhag la/snying ga na gnas pa'i ra'i mes thal bar byas te/ rnam par shes pa yi ge gsum du gnas pa de nyid zhal du zhugs nas rdo rje'i lam nas chu skyes kyi nang du bab ste dbang po rgyas par byas/thabs des dag par byas nas bsdus te/ des khang pa'i sgo ru tshigs su bcad pa 'dis gsol ba lan gsum gdab par bya'o/ /de yang gang zhe na/ ston chen khyed la bdag dga'o/ /zhes ba nas zhugs par mdzod ces pa'i bar du'o//chags ldan slob ma mdzes pa'o/ /zhes pa ni zab mo'i don la chags pa dang ldan pa'o/ /slob ma'i gtso bo gcig pu ni/ /zhes pa ni slob ma dam pa cig gtso bor byas nas/ de la sogs pa rnams la tshig 'di skad du smra bar bya'o/ /bu 'dir shog cig theg chen gyi/ / zhes pa nas/thams cad mkhyen pa thob par gyis/ /zhes pa'i bar brjod par bya'o/ /rnam pa gsum dang bshags sogs pa/ /zhes pa la sogs pas ni 'di ston par byed do/ /slob ma rnams sdig pa bshags pa la sogs pa yang tshig 'dir gzhug go/ /thog ma med ldan srid rgyud la//rnyog pas bsags pa'i sdig kun gang / /snying rje chen po bdun rim bzhin/ /de dag thams cad bshags par bya/ /sangs rgyas byang chub sems rnams dang / /'phags pa gzhan gyi dge ba gang / /ma lus bdag gis yi rangs te/ /yang dag byang chub phyir bsngo'o/ /sangs rgyas thams cad dbugs 'byin par//sangs rgyas kun la gsal byas te/ /nam mkha'i dbyings la brtan du shis/ /'jig rten kun dang sdig med mdzod/ /zla rgyas dri med 'dra sems las/ /grub pa mtha' yas snying rje thabs/ /rtag tu bdag yid la gnas pa'i/ /sangs rgyas kun la skyabs su mchi'o/ /rtog pa kun las nges grol ba//ma lus kun gyi bkra shis bzhi/ /dngos po kun dga' rang bzhin gcig /bdag ni chos la skyabs su mchi/ /bcings pa yang dag spangs pa yi/ /dpal ldan snying rje mchog ldan pa/ /rab dga' la sogs sar gnas pa'i/ /'dul dbang mchog la skyabs su mchi//bsam dang rnam smin dag pa yi/ /sgrib kun bag chags bcom pa ste/ /mos pas rnam par brgyan sems kyis/ /byang chub sems ni bskyed par bgyi/ /bde gshegs sras gcig lam gcig po/ /byin sogs bcu po dkar po la/ /sangs rgyas kun dag rang bzhin blos//da ltar bdag gis brten par bgyi/ /bdag kyang thams cad mkhyen gyur te/ /dbang phyug go 'phang thob nas ni/ /'gro ba ma lus yongs su bsgral/ /sangs rgyas thob par bgyi slad du/ /'khor ba'i rgya mtsho las sgrol te/ /bdag gis stobs kyi nus pa dang / / smon lam la yang mi chags kyi/ /dngos grub thams cad thob bya'i phyir/ /thabs ni rtag tu byed pa'i bdag /phun sum tshogs pa'i gtsor gyur cig /bdag gi smon lam 'di yis ni/ /ji snyed 'gro ba ma lus kun/ /bde 'gro'i go 'phang thob par shog /ces lan gsum du slob ma rnams brjod du gzhug go//de nas rdzas 'di rnams sbyin par bya ste/ /thams cad byed pa gsum byas nas/ /zhes pa ni de rnams bdud rtsi 'khyil pa'i sngags kyis bsrungs nas zhes so/ /de nas rdo rje dang pad+ma 'khor lo de rnams snying ga dang mgrin pa dang spyi bor bsam par byas la/ / de rnams la hUM dang AHoM dgod par bya'o/ /dri chu rdo rje khu tshur gyis/ /zhes pa ni/ /rdo rje bzung ba'i khu tshur gyis dri chu blangs te/ /hUM AHoM zhes brjod par byas nas snying ga dang mgrin pa dang mgo la bsku bar bya ste/ rim pas me tog la sogs sbyin/ /zhes pa ni de la mchod par bya'o zhes so//spyi bor me tog dang spos me mgrin pa dang dri snying gar ro/ /lha bshos ni ma smos kyang mdun du shes par bya'o/ /lus kun byed pas bzlas byas te/ /so sor bsnyen nas zhes pa ni rdzas de rnams kyang bdud rtsi 'khyil ba'i sngags kho na bzlas nas so/ /sbyin par bya zhes pa ni tshig 'dis sbyin par bya'o//deng gi nyi ma nas bzung nas/ /'khor ba'i nyes pas ma gos shing / /mchod pa kun dang khyod ldan te/ /dus rnams kun du bde bar gnas/ /zhes brjod nas bskul bar bya'o/ /de bzhin du sor mo bcu gnyis kyi tshad du phyin pa rtse mo'i phyogs su me tog btags la/ srin bus brkos pa'i bu ga med pa/ a shwad+tha 'am/ u dum+bA ra la sogs pas byas pa'i so shing drang por dri zhim po byug cing sbyin par bya'o/ /de nas ltas blta ba'i phyir tho rangs langs nas kha shar phyogs su bltas te mi smra bar de 'chos nas mdun drang por bskyur ro/ /gar bskyur zhe na/sa la ba lang ko ba tsam byugs zhes pa ni/ gru bzhi 'am gsum du mthug srab de tsam du byugs te/ zhi ba la sogs dngos grub blta/ /zhes pa ni byang phyogs la sogs pa go rims bzhin du zhi ba dang rgyas pa dang mngon spyod dang dbang gi bya ba 'grub par 'gyur ro//de bzhin du steng du bltas na rig 'dzin no/ /'og tu bltas na 'og gi dngos grub tu 'grub par 'gyur ro/ /kha bkrus nas ni hub gsum chu/ /zhes pa ngag gi nyes pa sbyang ba'i phyir khyor bar chu mi mang ba byin nas kun btung bar bya'o/ /phyi rol 'jug par bya zhes pa ni de'i tshe bag zhad snod du mi rung ba'i phyir ro//de bzhin du bkra shis pa'i rmi lam mi 'khrul par bya ba'i phyir mal dang sngags su rtswa ku sha sbyin par bya'o/ /de nas bgegs bsrung bar bya ba'i phyir/ bdud rtsi 'khyil ba'i sngags kyis bzlas pa gsum sgril mdud pa gsum bor bas dpung pa la bsrung bar bya'o//de nas skabs 'dir sdom pa kun gzung bar bya ste/dang po slob mas zhu ba ni phyir mi ldog dbang zhes pa la sogs pa ste/ phyir mi ldog dbang ni rdo rje slob dpon gyi dbang ngo / /dkyil 'khor la byin nas zhes pa ni kha dog gcig pa'i dkyil 'khor la gnas nas zhes so//bdag la gsang zhes pa ni bka' stsal zhes pa'o/ /gang zhe na dkyil 'khor gyi de kho na nyid ni gru bzhi la sogs pa'o/ /lha'i de kho na nyid ni gzugs la sogs pa'i rnam par dag pa'o/ /slob dpon gyi las ni rgyud dang sngags 'dzin cing sgrub pa po rnams rgyud la 'jug pa'o//sangs rgyas kun gyi dam tshig ni spyi dang khyad par du ste/tshul khrims la sogs pa rnams thob par byed pa'i rkyen no/ /gsang ba mchog gi sdom pa ni lus ngag gi las byed pa can rnams te/ de rnams bdag rdo rje slob dpon chen por gyur nas sems can gyi don byed pa'i phyir gsol ba 'debs na bka' stsol cig ces pa'o//'dod pa'i slob ma zhes pa ni slob dpon du 'dod pa rnams so/ /sdom pa bzung bar byas nas su/ /zhes pa ni/ rig pa'i dbang gi sdom pa ste/ de la dang por slob dpon gyis bsgo ba'i dus lung ni 'di skad du/ sangs rgyas chos dang dge 'dun gsum//dkon mchog gsum la skyabs su song / /'di ni sangs rgyas rigs dag pa'i/ /sdom pa 'di ni bstan pa'o/ /rdo rje dril bu phyag rgya dag /blo chen gyis ni gzung byas te/ /byang chub sems gang de rdo rje/ shes rab dril bu rjes su dran/ /slob dpon dag kyang bzung byas te//bla ma sangs rgyas kun dang mnyam/ /'di ni rdo rje'i rigs dag pa'i/ /sdom pa dam tshig yin par gsungs/ /rin chen rigs mchog chen po la/ /nyin dang mtshan du lan gsum du/ /zang zing mi 'jigs chos dang byams/ /sbyin pa rnam bzhi rtag tu sbyin/ /phyi nang gsang ba'i theg pa gsum//dam chos shin tu gzung bar bya/ /'di ni pad+ma'i rigs dag pa'i/ /dam tshig sdom pa yin par gsungs/ /las kyi rigs mchog chen po la/ /sdom pa thams cad ldan par ni/ /yang dag nyid du gzung bar bya/ /srog chags gsang par mi bya zhing / /ma byin par yang mi blang ngo //'dod spyod dag kyang mi bya zhing / /brdzun du smra bar mi bya ste/ /nyes pa kun gyi rtsa ba yin/ /chang ni btung ba spang bar bya/ /sems can gdul bya ma gtogs par/ /bya ba ma yin thams cad spang / /dam pa nye bar bsten bya zhing / /rnal 'byor pa la bsnyen bkur bya/ /lus kyi las ni rnam gsum dang //ngag gi rnam pa bzhi dag dang / /yid kyi rnam pa gsum dag ni/ /ci nus par ni rjes su bsrung / /sems can don la mi phyogs dang / /theg pa dman la 'dod mi bya/ /'khor ba dag kyang spang mi bya/ /rtag tu mya ngan 'dar mi chags/ /lha dang lha min gsang ba pa//de la brnyas par mi bya zhing / /phyag rgya bzhon pa mtshon cha sogs/ /mtshan ma 'gom par mi bya ste/ /de ltar dam tshig gsungs pa ni/ /blo ldan khyod kyis bsrung bar bya/ /zhes brjod par bya'o/ /de nas slob ma des bla mas gsungs pa'i sdom pa de gzung bar bya'o//ji ltar theg gsum gnas pa'i mgon/ /bslab pa'i tshul khrims rnam pa gsum/ /dge ba'i chos ni sdud pa dang / /sems can don byed tshul khrims gsum/ /bdag gis brtan por so sor gzung / /bla na med pa'i dkon mchog gsum/ /sangs rgyas rnal 'byor la skyes sdom//'di ni mchog tu gzung bar bya/ /rdo rje dril bu'i phyag rgya dag /yang dag nyid du gzung bar bya/ /rdo rje rigs mchog chen po la/ /slob dpon dag kyang gzung bar bya/ /rin chen rigs mchog chen po yi/ /dam tshig yid du 'ong ba la/ /nyin re bzhin du lan drug tu//sbyin pa rnam bzhi rtag tu bgyi/ /byang chub chen po las byung ba'i/ /pad+ma'i rigs mchog dam pa la/ /phyi nang gsang ba'i theg pa gsum/ /dam tshig so sor gzung bar bgyi/ /las kyi rigs mchog chen po la/ /sdom pa thams cad ldan par ni/ /yang dag nyid du gzung bar bya/ / mchod pa'i las kyang ci nus bgyi/ /byang chub sems ni bla na med/ /dam pa bdag gis bskyed par bgyi/ /sems can ma lus don gyi phyir/ /bdag gis sdom pa ma lus gzung / /ma bsgral ba dag bdag gis bsgral/ /ma grol ba dag bdag gis dgrol/ /dbugs ma phyin pa dbugs phyung ste//mya ngan 'das la dgod par bgyi/ /lus dang ngag dang yid dag gi/ /mi dge ba ni bcu po dang / /bag med pa yi gnas gyur pa'i/ /chad ni rnam par spang bar bgyi/ /de bzhin lha dang lha min dang / /gsang ba la ni brnyas pa dang / /mtshan ma la sogs 'gom pa rnams/ /dus 'di nas ni bzung nas su//ji srid byang chub snying po'i bar/ /bdag ni rab tu ldog par bgyi/ /zhes lan gsum du brjod par bya'o/ /de ltar sdom pa bzung ba'i slob ma de la spro ba bskyed cing bde ba'i chos bshad pa ni/ /thams cad mkhyen pa zhes pa nas//de bzhin gshegs pa rnams 'ongs 'gyur zhing zhes pa'i bar du brjod par bya'o//don bstan zhes pa ni de lta bu'i tshig gis chos kyi don bstan nas/ /bsrungs nas bu zhes pa ste bdud rtsi 'khyil ba'i sngags kho nas so/ /de nas slob ma rnams ku sha'i mal la nyal du bcug nas khyed kyis rmi lam mthong ba nang par bdag la smros shig ces brjod nas nyal du gzhug go//bsrung dang zhes pa ni slob pa bsrung ba yang bdud rtsi 'khyil pa'o/ /de bzhin du sbyin ba la ste so shing la sogs pa'o/ /sogs kyi sgras bsdus pas bsang gtor la sogs pa bya ba thams cad byed pa'i sngags kyis bzlas par bya'o zhes so/ /ci'i phyir zhe na/rigs lnga dang sku la sogs pa'i dkyil 'khor gsum gyi las ni bdud rtsi 'khyil pas byed pa ste ting nge 'dzin rnam par dag pa'i phyir ro/ /mthong ba'i rmi lam dge ba ni rang gis byang chub kyi shing la 'gro ba dang / rang gis chos bshad pa dang / skyed mos tshal mthong ba dang / byang chub sems dpa' rnams kyis bskor ba dang /rgyal srid thob pa dang / rnal 'byor pa tshogs pa dang / dam pa'i chos klog pa la sogs pa dang / rigs rnams dang 'brel ba dang / sangs rgyas kyi zhing mthong ba dang / rgya mtsho las dgrol ba dang / ri mthon po la 'dzegs pa dang / brgya byin las rgyal ba dang /rab gnas kyi cho ga la sogs pa mthong ba'o/ /mi dge ba ni spre'u dang / ma he dang / byi la dang / 'thab pa dang / mtshon 'bab pa dang / rang 'chi ba dang / 'bru mar gyis lus bskus pa la sogs pa'o/ /mi dge ba ltung byed sngags kyis gzhom zhes pa ni slob dpon gyis bzlas nas zhes so//yang na de rnams kyis bzlas pa'i phyir ro/ /slob ma bsrung ba la bdud rtsi 'khyil pa de kho na mchog yin no zhes so/ /dkyil 'khor sbyor ba bsgom bya ste/ /zhes pa ni gong du bsgom pa rnams la lhag par mos pa'o/ /mchod nas zhes pa ni bstod pa dang bdud rtsi myang ba'i bar yang rtogs par bya'o//nam mkha' dgod do zhes pa ni ye shes kyi dkyil 'khor phyung nas nam mkha'i phyogs su bkod de/ rang dang nye bas kha sbyar gyi sbyor ba srung ste gzhag go/ /dam tshig gi 'khor lo bdag gi thugs kar bsdus nas mnyam par bya'o/ /de nas langs nas gdong so shing la sogs pa'i bya ba kun bya ba'o zhes gsungs so//da ni thig gdab pa'i cho ga gsungs pa/ /rtag pa zhes pa la sogs pa'o/ /rtag pa la sogs gzugs 'dra ba/ /zhes pa ni de bzhin gshegs pa lnga'i kha dog dang mthun pa'i rang bzhin gyi dkyil 'khor skul bar byed pa'i skud pa dang /rdul tshon gyi dkyil 'khor bri ba'i skud pa ste tshon sna tshogs so sor bcos la/ de dang de yi sa bon byung / /zhes pa ste hUM la sogs pa'i sa bon byung bar bsams la/ dbye ba nyi shu rtsa lnga zhes pa ni skud pa re re la yang ye shes lnga lnga ste nyi shu lnga'i bye brag tu mos par bya'o//rang sku 'jam pa'i rdo rje nyid du bsgoms nas/ dza yig zla ba nyi ma'i spyan/ /zhes pa ni mig g.yas g.yon dza ser po las nyi ma dang zla ba'i mig tu bsams la/ bar mig lcags kyus drangs nas su/ /zhes pa ni de nyid la dzas mtshan pa/ rdzi ma rleb rleb pos nam mkha'i de bzhin gshegs pa la blta zhing /oM dIp+ta dr-iSh+Ti ang+ku sha dzaHzhes brjod cing dza las 'phros pa'i 'od zer gyi lcags kyus rnam par snang mdzad la sogs pa'i thugs ka na gnas pa'i ye shes kyi skud pa la oM AHhe b+ha ga wAn pra ma tha shA shwa to sU tra pa tsakra su du pa ya hUM zhes gsol ba btab pas drangs nas/skud byed skud pa dang lhan cig/ /ces pa ni sngon de'i ngo bor 'gyur ba'i slob mas sna gcig bzung ba la/ rang rang kha dog nang du thim/ /zhes pa'o/ /cung zad ma 'brel pa ni tshigs su bcad pa'i ngor btab pa'o/ /ji snyed mi bskyod pa yi sngags//phan tshun rjes su 'brel pa yis/ /zhes pa ni pra yats+tsha'i rjes la rat+na sam+b+ha ba dang / a mi ta dang / a mo g+ha sid+d+hi dang / ak+Sho b+h+ya zhes bya ba brjod nas gsol ba gdab par bya ste gzhug ces pa'o/ /de ltar so sor gnas pa kun/ /dran pa la sogs gnas par bkal/ / zhes pa ni/ oM a n+yo n+ya a nu ga ta sarba d+harmA sba ra spa ra a nu pra biSh+Ta sar+b+ba d+har+m+mA hUM zhes brjod nas bsgril bar bya'o/ /las thams cad pa'i kha dog gcig par yang bshad do/ /de nas de dag gser la sogs pa'i snod du dri zhim po dang bdud rtsi rnam pa lnga sa byugs nas/ bdud rtsi 'khyil pa'i sngags kyis bsrung bar bya'o//yig gsum bar bcug rnal 'byor pas/ /zhes pa ni thig skud yi ge gsum gyi bar du chud par mos nas/ skud pa bzung nas brdeg par bya/ /zhes so/ /dza yig gsum gyis kyang byas nas/ /zhes pa ni de brjod de shes rab mas kyang brjod par bya'o/ /de med na kun byed dam rnam par snang mdzad du bsgoms pa'i slob ma la gtad cing des kyang dza dza dza zhes brjod par bya'o//blo gros can gyis mkha' thig gdab/ /ces pa ni de bzhin gshegs pa rnams sems can gyi don byed pa'i dus la bab pas gnas 'dir gshegs pa'i ched du thig skud kyi sgras bskul ba brjod cing /oM badzras ma ya sU tra mA ti kra ma hUM zhes brjod nas nam mkha'i ma lus par brjod par bya'o/ /de bzhin 'og kyang rab gdab ces pa ni nam mkha' la btab pa ji ltar de bzhin du sa la yang gdab par bya'o zhes so/ /gnod sbyin zhes pa la sogs pa ni nam mkha' dang sa la gdab pa'i g.yas skor la sogs pas phyi rol gyi drangs pa'i thig gdab pa ston te/gnod sbyin zhes pa ni/ bla ma me mtshams nas gnod sbyin phyogs su bltas te shar gyi thig gdab po/ /de bzhin bla mas g.yas skor du bskor nas rlung mtshams su gnas te/ yi dwags kyi phyogs su bltas nas nub kyi thig gdab pa dang /bla ma de nyid du gnas nas/ brgya byin phyogs su bltas nas byang phyogs su thig gdab pa dang / de nas bskor nas me mtshams su gnas te klu bdag gi phyogs su bltas nas lho phyogs kyi thig gdab pas phyogs bzhi dag gi phyi rol gyi thig gdab par 'gyur ro//de bzhin du me mtshams su gnas nas rlung mtshams su bltas te grwa'i thig dang po gdab par bya'o/ /bden bral mtshams su gnas nas dbang ldan gyi mtshams su bltas te grwa'i thig gnyis pa gdab par bya'o/ /shar dang zhes pa la sogs pa'i phyogs rnams 'byed pa'i thig ston te/de yang bla mas shar dang byang du kha bltas nas phyogs kyi thig ma lus pa gdab par bya'o zhes re'u mig brgyad du gdab ces pa ni dbus te gtso bo'i re'u mig la gtogs pa'o/ /de ni nye ba'i mtshan nyid du zad de/ sgo la sogs pa kun gdab bya/ /zhes bya'o/ /de ltar thig btab pa'i 'og tu ci zhig bya zhe na/de nas thig skud nyis 'gyur bya/ /zhes pa ni nyis bltab tu bkug pa'o/ /dkyil 'khor dbus su shin tu bzung / /zhes pa ni tsan+dan la sogs pa'i phur bu la/ oM badzra kI li kI la ya baM zhes lan bdun bzlas nas dbus su gdab ste thig skud gzung ngo //de nas phyi rol zhes pa ni nang gi dkyil 'khor dang phyi'i dkyil 'khor ro/ /rdo rje skud gnyis yang bri'o/ /zhes pa ni nang gi rdo rje rab dang gnyis pa ni phyi rol gyi pad+mo la sogs pa'i ra ba'o/ /dbang ldan mtshams nas zhes pa ni bskor ba ste/ yang dbang ldan gyi mtshams nas brtsams nas rang mdun bltas zhes pa ni gzhan du bltas na log par 'gyur ba'i phyir g.yas skor du nam mkha'i thig dang bcas pa bskor bar bya'o zhes so//de nas/ phyogs kun mnyam pa ngo bo ru/ /shes rab ldan pas thig gdab bya/ /zhes so/ /mtshan ma ngan zhes pa la sogs pa ni las dang po pa mi brtan pa la gsungs pa ste brtan pa rnams la ni de lta bu med pa'o//da ni phyi'i dkyil 'khor gyi gzugs dang dbyibs ji ltar zhe na/ gru bzhi zhes bya ba la sogs pa gsungs te/ thig skud bzhi zhes pa ni phyogs bzhi'i tshon sna lnga'i thig la bya zhes pa'o/ /nang gi dkyil 'khor gyi tshad dang dbye ba'i thabs bstan pa ni/de'i nang gi zhes pa la sogs pa gsungs te/ de'i phyir dkyil 'khor ni gru bzhi ste tshon sna lnga phan chad do/ /de'i phyed dbus su bskor bar bya'o/ /de'i yang dbyi bas ji lta bu zhe na/ zlum po 'khor lo la sogs pa'i ka ba dang ldan pa 'di thugs kyi dkyil 'khor yin pas/mdzes pa'i rdo rje phreng bas bskor/ /zhes so/ /de nas sgo la sogs pa'i tshad bstan pa'i phyir de nas zhes pa la sogs pa'o/ /de nas mig gnyis la hi las byung ba'i nyi zlas khro bo'i lta bas bltas nas de'i 'od zer gyis bgegs bsal nas te sgo dbye bar bya'o zhes so/ /sngar phye ba rnams la yang rigs par sbyar ro//dkyil 'khor brgyad car sgo'i zhes pa ni phyi'i dkyil 'khor la cha brgyad gnas pa'i cha gcig la sgo'i dbus bya'o zhes so/ /bar khyams sgo yi tshad yin te/ /zhes pa ni nang gi dkyil 'khor dang 'dod pa'i lha mo'i snam bu'i bar du ste sgo'i dbus dang mnyam pa'o//lha'i snam bu zhes pa ni 'dod pa'i lha mo'i'o/ /kun du kha khyer zhes pa ni mchod pa'i lha mo'i snam bu ste sgo'i phyed do/ /de bzhin du sgo'i 'gram ste kha khyer gyi phyi rol dang gshog pa ste ka ba'i nang logs sgo phyed do/ /de'i tshad kyi kha khyer gyi phyi rol du dra ba dang dra ba phyed pa la sogs pa'i snam bu yang shes par bya'o//de'i phyed kyis ni tshon sna lnga'i sa dang / dbus kyi 'khor lo la sogs pa'i ka ba dang mnyam par bya'o zhes so/ /sgo steng sum 'gyur twa ra Na/ /zhes pa ni sgo'i dbus kyi tshad steng du sum 'gyur byas pa la twa ra Na rgyan dang bcas pa phyogs bzhir bri zhes so//de yang them skas la sogs pa'i gzugs dril bu dang cod pan la sogs pas brgyan pa chos kyi 'khor lo dang ri dwags gnyis kyis mtshan cing ba dan nyi shu rtsa gcig la sogs pas brgyan pa'o/ /gzhan dkyil 'khor gyi dbyibs dang mthun par ji ltar mdzes par bya'o zhes so/ / byang chub sems dpa' 'jam pa'i dbyangs gzhan gyi rigs su gtogs pa dgag pa'i phyir gsungs pa/ sangs rgyas zhes pa la sogs pa ste de yang 'jam dpal ni sangs rgyas thams cad kyi chos kyi ye shes kyi sku nyid yin pa'i phyir na 'dir gsungs mkhan te 'jam dbyangs rdo rje'i rigs su 'dod do//de bas na chos kyi sku rnam par dag pas dkyil 'khor zhes bya'o/ /rgyud las khru bcu drug la sogs pa tshad nges par gsungs pa de nyid gnyis su med pa'i sbyor ba nges par gzigs pa rnams la dmigs par bstan pa'i phyir sems can zhes pa la sogs pa'o/ /de yang sems can gyi bsam pa'i bye brag gis tshad la sogs gsungs zhes so//don kun thabs dang shes rab snyoms par 'jug pa las dngos grub 'byung bas rigs la sogs pa'i nges pa ga la yod ces so/ /de bas na tshad kyang khru gang nas brtsams te stong phrag gi bar du bya'o zhes so/ /tshon kyi cho ga gsungs pa de ltar zhes pa la sogs pa'o//'bar ba'i mig gis zhes pa ni/ dza ser po las nyi ma dang zla ba'i mig gis so/ /tshon rtsi rnams zhes pa ni rin po che lnga 'am/ byung khungs kyi phye ma 'am sA lu la sogs pa'i phye ma zhib mor btags la rnam pa nyi shu rtsa lnga'i dbye ba mos nas so/ /snga ma'i go rims zhes pa ni thig skud ltar rang gi mig gis bltas nas/oM dip+ta dr-iSh+Ti ang+ku sha dzaHzhes brjod nas de'i 'od zer gyis de bzhin gshegs pa rnams spyan drangs nas rang rang gi mdog dkar po la thig gdab par bya'o/ /de ltar bsams nas/ bden pa gang gis sangs rgyas rnams/ / sems can don la chags pa po/ /bden pa de yi byin rlabs kyis/ /tshon rtsi rnams ni 'bar gyur cig /ces brjod nas tshon rtsi la bltas te gsal bar byas nas sngags 'di brjod do/ /oM badzra tsi tra yas ma ya hUM zhes yang dang yang du bzlas te dri zhim po'i spos dang cung zad bsres pa gser dngul la sogs pa'i snod du stsal te/oM badzra be ga a kra ma ya zhes rdo rje shugs kyis thig nam mkha' la bteg nas dkyil 'khor gyi nang du zhugs te 'di rnams su mos pas dgyes par bya'o zhes so/ /de dag gang zhe na/ chos kyi dbyings kyi dag pa 'di/ /zhes pa la sogs pa'o//de la dang po tshon sna lnga gdab pa'i thabs ston te/ /de yang bla mas g.yon gyi khu tshur gyis dbang ldan mtshams la bsten te phyi rol du dkar po de nas dmar po de nas ljang gu kun gyi nang rol du nag po ste/ g.yas skor du bar ma chad par ya phubs kyi tshad tsam du bris nas me tog dang ldan pa'i snod kyis bkab nas/de nas ci bde bar bri bar bya'o/ /g.yas skor tshul mi bden/ /tshon la phur bus gdab par bya/ /zhes pa ni phyogs mi bde ba la sogs pa'i dus su dud rtsi 'khyil ba'i phur bus btab nas bri zhes pa'o/ /rdo rje rtse mo'i tshon bstan pa'i phyir rdo rje rtse mo dkar po zhes pa la sogs pas phyogs kyi tshon rnam par dbye ba'i phyir/shin tu dkar po shar gyi phyogs/ /zhes ba la sogs pa'o/ /rtag tu thabs dang shes rab ldan/ /zhes pa ni rang gi lha'i thabs dang shes rab kyi nga rgyal ma btang ba nyid du shin tu mnyam par bzhag nas phyogs pa'i sngags pa rnams kyis dgye bar bya'o zhes pas so//de'i 'og tu dkyil 'khor gyi 'og tu sprul la sogs pa byung bar gyur na/ de bzlog pa bstan pa'i phyir/ rdo rje bdud rtsi 'khyil ba ni thugs kyi dkyil 'khor yin pas de kho na'o/ /sku la sogs pa yang gshin rje gshed la sogs pa yang shes par bya'o//sdang ba thams cad ces pa ni rlung dang char pa dang sbrul la sogs pa la gtor ba'o/ /phyag rgya chen po mche bar gsungs/ /zhes pa ni gdug pa 'joms pas na mche ba ste kun byed do/ /de bsams nas sdang ba'i dgra'i sngags kyi rgyal po 'di brjod par bya'o//na maHsa man+ta kA ya wAka tsit+ta badzra NAM/ zhes pa la sogs pa'o/ /phyag rgya dgod pa'i cho ga gsungs pa/ de ltar dkyil 'khor bris nas zhes pa la sogs pa'o/ /phyag mtshan rnam par dag pa dang bcas pa gsungs pa ste go sla'o/ /de nas phyir byung nas rnam pa kun gyi tshon gdab bas shin tu gsal bar bya ste/nyes pas mi gos par bya ba'i phyir yi ge gsum gyi mthar muHgzhag pa'i sngags kyis tshon rtsi dang / de bzhin gshegs pa la sogs pa gshegs par byas nas/ dkyil 'khor gyi phyi skor la byug pa dang / dri zhim pa'i chus gtor ba dang / bum pa dgram pa dang /na bza' dang me tog dang ba dan la sogs pa'i dri zhim po dang / lha bshos dang mar me dbul ba la sogs pa'i bya ba bsham par bya'o zhes so/ /de bzhin du 'dir sgrub pa pos dngos grub bsgrub par 'dod pas sa dag par bya ba la sogs pa'i cho ga snga ma bzhin du byas te thig byin gyis brlab pa dang tshon byin gyis brlab par bya ste/khye'u dang bu mo lo bcu gnyis lon pa khang par bcug ste/ des thig gdab cing tshon bkye nas phyag mtshan la sogs pa bkod/ de nas dbab pa'i lha gshegs su gsol nas/ de gnyis rang gi gnas su btang ste ji lta ba bzhin du bsgrub par bya'o zhes so//de ltar dkyil 'khor bris nas lha gnas par bsam zhing byin gyis brlab pa'i cho ga gsungs pa/ shes rab lus zhes pa la sogs pa'o/ /shes rab lus sbyor snga ma bzhin/ /zhes pa ni legs par brlab pa'i phyag rgya dang lhan cig tu sna tshogs pad+ma ras kyis g.yogs pa'i gdan la 'dug ste/ rjes su chags pa'i mtha' la thug par sbyor ba dang por bya ste/ bsams te nang gi nang du thim/ /zhes pa ni de bzhin gshegs pa rnams zhal du zhugs nas zla ba zhu ba rdo rje'i lam nas pad+ma'i nang du brtag ste de la sa bon las lha'i skur brtags te/ badzra d+h+r-ika la sogs pa'i sngags kyis go rims bzhin du spros nas ji lta ba bzhin du gnas su dgod par bya'o zhes so//sgrub pa pos ni lha'i bka' thob nas spro bar bya ba ni man ngag go/ /rang gi sems ni mkha' khyab pa'i/ /dkyil 'khor zhes pa ni rang gi sems dang 'dres pa'i phyir rang gi sems de ye shes kyi dkyil 'khor ro/ /de rdo rje dang pad+ma sbyor ba'i sgras bkug ste/mdun du gnas par bya zhes shar sgor phyogs par bya'o/ /de nas gshin rje gshed la sogs pa spros pas de dang lhan cig tu 'ongs pa'i bgegs bskrad par bya'o/ /mngon par bsrung byas te zhes pa ni dza la sogs pa snga ma bzhin du mdzad pa'o/ /de nas yon dang zhes pa ste bsang gtor la sogs pa'i bya ba byas nas/gshin rje gshed la sogs pas dgug pa dang gzhug pa dang bcing ba dang dbang du bya ba byas te/ oM d+har+m+ma d+hA tu'i sngags kyis byin gyis brlab pa ni bsnyen pa'o/ /de bzhin mig la sogs pa byin gyis brlab pa ni nye bar sgrub pa'o/ / sku la sogs pa byin gyis brlab pa ni sgrub pa'o/ /'od zer gyis bskul ba mngon du byas nas rang rang gi rigs kyi bdag pos dbang bskur ba ni sgrub pa chen po'o/ /de rnams ma nyes par bya ba'i sbyor ba gsungs pa/ mchod pa ni byas pa ste phyag rgya'i gnas pa'i gnas kyi sa bon gyi 'od zer las lha mo'i gzugs kyis nam mkha'i khams bkad nas des thim pa la sogs pas dgyes par byas nas/sngags kyi byin gyis brlab pa ste gsang ba'i mchod pa'o/ /bstod ces pa ni rdo rje dang dril bu ldan pas mi bskyod rdo rje la sogs pa dges par bya'o/ /shin tu tshim zhes pa ni go la sogs pa'i cho gas dag par byas pa'i bdud rtsis so//shin tu'i sgras ni me tog gis spyan la'o/ /dri dang spos shangs la'o/ /byug spos kyis sku la'o/ /mar mes thugs la'o/ /lha bshos zhal du'o/ /dril bu la sogs pa snyan du'o/ /yon chab dang zhal bsil dang phyag dang zhabs la dbul ba la sogs pa'i rim pa'o//bzlas te zhes pa ni so so'i sngags brjod pa'o/ /dges par byas zhes pa ni dges pa'i zhes pa yan chad bsgom par bya zhes so/ /ngal bar byed pa ni man ngag tu shes par bya'o/ /de nas srung ba byas te phyi rol tu byung nas phyogs skyong ba rnams la gtor ma sbyin pa gsungs pa/sngon bzhin pad+ma'i snod du yang / /ye shes bdud rtsir byas zhes pa ni snod rgya chen po'i nad du sdig med sha dang zan la sogs pa bkod la ting nge 'dzin gnyis pa'i skabs su gsungs pa ltar rlung la sogs pa'i rim gyis sbyangs pa'i kha zas ye shes bdud rtsi'i rang bzhin du bsams te/ phyogs skyong rang rang rnal 'byor gnas/ /zhes pa ni gzhung gzhan la grags pa'i spyan la sogs pa'i gzugs su bskyed la/ bdag po khros pa'i snying las 'phros pa'i 'od zer rang bzhin gyi phyogs skyong ba rnams bkug ste bstim nas mchod nas zhes pa ni de rnams [(]gyi [,]kyi [)]lce la gnas pa'i rdo rje 'od zer gyis gong gi bdud rtsi drangs par bsams te tshim par bya'o//de gsol ba btab nas gshegs su gsol te/ dkyil 'khor nang du 'gro zhes so/ /de nas rdzas dang yo byad la sogs pa lhag pa'i skyon thams cad dag par bya ba'i phyir/ khams gsum rnam par rgyal ba'i gzugs su gyur pa ste/rgyan dang gos zhes te/ stod g.yogs dang smad g.yogs dang thod bcing ba dang / dpung rgyan la sogs pa dang ldan par bya'o/ /de nas rdo rje dang dril bur ldan pas nang du song ste dkyil 'khor la g.yas su bskor ba byas te/ phyag 'tshal nas me tog gtor te bdag gi mgo la gtso bos bcing bar bsams nas/dag par 'gyur ro zhes so/ /de nas dkyil 'khor pa rnams sbyin sreg gis tshi ma par byas pa'i phyir sbyin sreg mchod pa la sogs pas so/ /sor bzhi'i tshad du lhag pa ni de tsam du sa las 'phags pa'o/ /de'i tshad ces pa ni sor bzhi tsam gyi pad+ma rab tu rgyas pa stong pa nyid bcu drug gi rang bzhin gyis 'dab ma bcu drug gis bskor ba ni shugs kyis rtogs par bya'o//kha khyer khru gang zhes pa ni go sla'o/ /khru phyed ces pa ni zabs su phyed do/ /'khor lo lta bus las kun byed/ /ces pa ni bsam pa'i bye brag gis rgyas pa la sogs pa'i las rnams kyang byed do//phyi rol rdo rje phreng bas bskor/ /zhes pa ni thab kyi dbus su phyag mtshan gyi phyi rol du shes par bya'o/ /kun byed bzlas nas bsrung byas te/ /zhes pa ni bdag dang yo byad la sogs pa'o zhes so/ /yon chab g.yon du zhes pa ni/ dung phor gsum la sogs pa g.yon du gzhag pa nye reg la sogs pa bya zhes pa'o//gzhan du gzhag ces pa ni g.yas su me tog la sogs pa bzhag la/g.yon gyi dung phor dang po'i chus yo byad gzhag pa rnams la dag par bya'i phyir bsang gtor byas nas zhes so/ /g.yas skor tshul du ku sha gdong / /zhes pa ni bdag dang yo byad la sogs pa'o//ha cang ring ba dang thung ba ma yin pa'i sku sha sngon po srin bus ma zos pa la badzra satwa a zhes brjod nas gnod sbyin nas brgya byin gyi phyogs su rtse mos rtsa ba non par dgram par bya'o/ /dang po bskyed pa zhes pa ni sbyin sreg gi lha dang po ste me lha'o/ /de'i snying po raM mo//bkug nas dang po'i chos ye shes kyi me zhes pa ni sa bon gyi 'od zer gyi lcags kyus bkug nas zhes so/ /bkug pa'i sngags ni/ oM me yi lha ni 'bar ba che/ /'dod pa'i don kun sgrub mdzad pa/ /sems can don la thugs rjes dgongs/ /gnas 'dir nye bar byon mdzod cig /oM tshur spyon tshur spyon 'byung chen po/ /lha dang drang srong bram ze dag /bsreg par byas na sreg tu gsol/ /gnas 'dir myur du byon mdzod cig /ces brjod nas thab kyi kha khyer la byon par bsam mo/ /de la bsang gtor la sogs byas nas zhes pa ni ku sha'i bam pos dung phor dang po'i chu gtor zhing /oM ag+na ye A di bya A di bya A bi sha A bi sha ma hA shrI ye ha bya ka bya bA hA nA ya a r+g+haM pra tI ts+tsha swA hA/ zhes brjod nas bsang gtor bya'o/ /de nas dung phor bar ma'i me tog dang ldan pa'i chu mtheb mdzub gnyis kyis me tog tshul du bzung nas/ oM ag+na ye A di bya A di bya A bi sha A bi sha ma hA shri ye ha bya ka bya bA hA nA ya pra ba ra sat+kA ra pra tIts+tsha swA hA/ zhes brjod nas nye rag sbyin no/ /de nas dung phor gsum pa'i bdud rtsi spos la sogs pa dang dril bu'i sgra dang bcas pas zhal du btab cing / oM asna ye A di bya A di bya A bi sha A bi sha ma hA shri ye ha bya ka bya bA hA nA ya puSh+paM pra tIts+tsha swA hA/zhes brjod nas mchod yon dbul lo/ /de nas dung phor bar ma'i me tog 'gying bag tu blangs te/ oM ag+na ye A di bya A di bya A bi Sha A bi Sha ma hA shri ye ha bya ka bya bA hA nA ya swA hA/ zhes brjod nas rkang pa gnyis la dbul bar bya'o/ / de la thim par bsam zhes pa ni/ kun nas thim par byas nas bcings te dbang du byas nas sngags 'di brjod do/ /oM ag+na ye A di bya A di bya A biSha A bi Sha ma hA shri ye ha bya ka bya bA hA nA ya swA hA/ zhes brjod par bya'o/ /de steng rin chen rdo rje'o/ /zhes pa ni mgul pa'i steng du rin chen rtse mo'i 'og tu rdo rje zhes so//rdo rje dang zhes pa ni dbus su sor gcig gi rdo rje bri bar bya'o/ /gzhan la sor phyed pa'i rdo rje bri bar bya'o/ /blugs gzar dgang gzar kha la 'bar/ /yi dam lha snying bsams nas ni/ /zhes pa ni rdzas 'dzag pa'i bu gar rdo rje'i bum par raM bsams nas mar la sogs pa dbul bar bya'o//de yi zhal du raM bkod nas/ /zhes pa ni me lha de'i zhal du raM bsams la des drangs par bsams nas dbul bar bya'o zhes so/ /bkra shis bsregs shing bsreg bya ste/ /zhes pa la sogs pa ni rdzas dbul ba'i rim pa ste/ de yang mar la sogs pa zhu pa'i rdzas ni zhal du'o//yam shing dang phye ma dang spos ni 'od kyi dkyil 'khor du'o/ /zho dang 'bras la sogs pa'i zas dang til dang 'thor 'thung ni phyag tu'o/ /dri ni thugs kar ro/ /mchod yon dang mar me ni mdun du'o/ /me tog ni spyi rtser dbul lo/ /de bstan cho ga rim pa bzhin zhes so/ / de ltar bsregs pas 'bar ba'i mtshan ma ni dran nus pas ma bshad do/ /de nyid ye shes 'bar me la/ /zhes pa ni me thab kyi gzugs su gyur pa'i nang du zhes pa'o/ /nyi zla las byung bdag por bcas/ /zhes pa de nyid gsum gyi sngags bzlas nas byung ste ji lta ba bzhin du bkod pa'o/ /de nas 'od zer gyis dkyil 'khor spyan drangs te mdun du bsam mo//sngags ni/ oM tshur spyon tshur spyon bcom ldan 'das/ /gang zag dad pa can rnams kyis/ /mchod yon la sogs dbul bar dgongs/ /gnas 'dir myur du byon par mdzod/ /ces brjod par bya'o/ /dzaH hUM baM hoH khaM raM gyis bsang gtor bya'o//oM ni ri ti haM khaM gis nye reg go/ /oM badzra puSh+pe hUM swA hA/ me tog dang zhabs g.yon la des dbul lo/ /oM badzra d+hu bye t+t+waM swA hA/ spos so/ /oM badzra gan+d+he hUM swA hA/ dri chab po/ oM badzra dI paM hUM swA hA/ mar me'o/ /oM badzra nai bi te hUM swA hA/ lha bshos so/ /de nas gzhug pa dang bcing ba dang dbang du bya ba byas nas/oM badzra a na la ma hA b+hU ta dz+wa la ya sarba duSh+TAn hUM phaT swA hA dr-i sh+ya ho dzaH hUM baM hoH/ sa ma ya s+t+waM/ zhes brjod nas nye bar sgrub pa la sogs pa byin gyis brlabs nas sngon du phyi'i mchod sogs ni phyi dang gsang ba bstod pa mdzad nas/ gong ma'i rim pas sreg shing la sogs pas so so'i sngags kyis dbul lo zhes so//de yang rgyas pa'i zhes pa la sogs pa'o/ /rgyas pa la oM gyi mtha' dang bcas pa'o/ /zhi ba la ni swA hA'i mtha' dang bcas pa'o/ /dgug pa la ni/ dza'i mtha' dang bcas pa'o/ /'khon dang bskrad dang /mngon spyod la ni hUM phaT kyi sgra dang bcas pa'o/ /de bas/ sngags kyis mtha' yas bskul bar gsungs/ /zhes bya'o/ /sngon bzhin yang dag tshim par bya/ /zhes pa ni ting nge 'dzin gnyis pa gsungs bzhin du rlung la sogs pas dag par byas pa'i bdud rtsi rim par bya'o zhes so//nyi zla 'khor lo zhes pa ni de las 'gyur ba'i phyir ro/ /dam pa'i ljags zhes pa ni hUM la sogs pa'i rdo rje bskyed pa'i rdo rje bsgoms nas de'i 'od kyis drangs nas zhes so/ /de ltar tshim par byas nas bzod par gsol ba btab nas bsang gtor la sogs pa'i bya ba byas nas mchod bstod byas te sngags 'dis gshegs su gsol lo//oM khyod kyis sems can don kun mdzad/ /rang gi yul du gshegs nas kyang / yang ni gnas 'dir byon mdzod cig /muHzhes brjod par bya'o/ /rnal 'byor dag ces pa ni rang gi lha'i sbyor ba dang ldan pas me lha sngon bzhin du bskyed nas gzhan bcug ste/lhag ma'i sreg rdzas rnams gong ma'i rim pas bsreg par bya'o zhes so/ /de bzhin du gsol ba btab nas gong ma'i rim pas gshegs su gsol lo/ /sbyin sreg gi cho ga bsdus pa'o/ /de ltar dkyil 'khor mchod pa'i cho ga gsungs pa/dkyil 'khor mchod nas zhes pa la sogs pa'o/ /slob mar zhugs pa'i rim pa bzhin/ /zhes pa ni byang chub tu sems bskyed pa la sogs pa nas me tog dor ba'i bar gyis dang po rang nyid zhugs nas/dbang bskur yan chad bskyed byas te/ /zhes pa bsnyen sgrub bzhi dang ldan par byas nas su'o//rigs bdag bka' stsal thob nas su/ /zhes pa ni chu'i dbang nas bka' stsal pa'i dbang yan chad lhas gnang bar bsams nas zhes bya'o/ /de nas sgrub pa po rnams ni dngos grub kyi lam gyi rim pa la 'jug par shes par bya'o/ / slob dpon ni 'dod chags chen po las byung ba'i dkyil 'khor gzugs brnyan bzhin du snang ba de slob ma gzhug par bya ba'i don du de kho na nyid dang bden pa brjod par bya'o/ /nam mkha' las byung zhes pa la sogs pas 'jam pa'i rdo rje'i de kho na nyid ston to/ /mchog chen zhes pa la sogs pas ni rnam par snang mdzad kyi de kho na nyid ston to//skyon med rtag la sogs pas ni snang ba mtha' yas kyi de kho na nyid ston to/ /de la skyon med ces pa ni zab mo'o/ /rtag pa zhes pa ni gsal ba'o/ /gtan du dag pa zhes pa la sogs pas ni rin chen 'byung ldan gyi de kho na nyid ston to//dngos grub chen po zhes pa la sogs pas ni mi bskyod pa'i de kho na nyid ston to/ /sems can kun zhes pa la sogs pas ni de kho na nyid grub pa'i de kho na nyid ston to/ /de la yid khyab pa ni phyag rgya chen po'o/ /snying la gnas pa ni dam tshig gi phyag rgyas so/ /kun gyi pha ni las kyi phyag rgya'o//'dod pa'i don ni chos kyi phyag rgya'o/ /bden pa gang gis zhes pa la sogs pas ni de rnams la gsol ba gdab pa'o/ /gzugs brnyan dang ni zhes bya ba la sogs pas ni lha rnams dang gzhal med khang la sogs pa'i de kho na nyid ston te/ gzugs brnyan dang mnyam nyid la sogs pa'i chos ni dran pa nye bar gzhag pa la sogs pa'o//de nyid shes pa ni chos de rnams so/ /de nyid rnyed pa zhes pa ni gzhal med khang la sogs pa'i mtshan nyid du shes pa'o/ /de lta bu'i dkyil 'khor gzugs ltar gsal ba ste/ sdig med par ni blta bar bya/ /zhes sdom pa la sogs pa'i rim pas dag par byas pa'i slob ma zhes bya'o//da ni slob ma gzhug pa'i cho ga gsungs pa thun mong pa zhes la sogs pa'o/ /thun mong sdom pa zhes pa ni rig pa'i dbang thob par byed pa'i sdom pa ste/ byang chub sems dpa' rnal 'byor gyi rgyud la sogs pa dang ldan pa thun mong du gyur pa'i phyir ro//de dang dus sngon du ldan par byas pa zhes pa'i don to/ /sngon bzhin zhes pa ni bsnyen pa'i skabs bzhin du zhes so/ /sku sogs 'od gsal zhes pa ni rnam par snang mdzad kyi ngo bo bsnyen sgrub bzhi dang ldan par bsam pa'o zhes so/ /de nas dkyil 'khor chen po dang bar du yol bas bcad nas bsang byed kyi bum pa'i chus gtor la dmar po'i sham gyis gdong g.yogs te/zhes pa ni lha'i ye shes zhen par bya'i phyir des g.yogs zhes pa'o/ /de nas bla mas khyod ci la dga' zhes lan gsum du dri bar bya'o/ /des bskal pa bzang po dga' bo zhes lan gsum smra bar bya'o//me tog gi phreng ba lag pas dkyil 'khor gyi lha la sgo nas yang dag par mchod par bya ste/ de bzhin gshegs pa lha'i rnal 'byor ma btang ba nyid du zhes so/ /son pa 'bul zhes pa ni bla ma la dbul ba ste/ yul 'khor khyim dang glang po rta//gser dang mu tig byi ru dang / /nor bu dang ni khyad par rdzas/ /bu dang chung ma bdag nyid dang / /bu mo shin tu yid 'ong dang / /bran pho bran mo bcas pa kun/ /deng nas brtsams te dbul bar bya/ /zhes yon gyi bye brag gis dbul lo/ /snying gar rdo rje snying gzhag ste/ / zhes pa hUM gis bskyed nas zhes so/ /de nas oM sar+b+ba yo ga zhes pa nas su ra te sa ma ya s+t+waM zhes pas byang chub tu sems bskyed la/ tiSh+Tha badzra ya tha su khaM zhes pas 'khor lo bskul bar byas nas 'di brjod do/ /'di khyod la de bzhin gshegs pa thams cad kyis zhes pa nas dad pa mi byed pa yang mi rung ngo zhes pa'i bar du brjod par bya'o//de nas gshin rje gshed la sogs pa'i rang sngags kyis yol ba'i rgyab tu bkug nas chud par byas sam yang na yi ge lnga po brjod ces pa ni a khaM ba'i ra hUM zhes brjod nas gzhug pa la sogs pa byas nas snga ma bzhin du sdom pa 'dzin du gzhug go//de nas 'og tu yang brjod do/ /de yang khyod de bzhin gshegs pa thams cad kyi rigs la zhes pa nas khyod pa'i tshig las 'das par mi rung ngo zhes brjod par bya'o/ /de nas dam bsgrag pa'i phyir de'i snying gar rdo rje bzhag nas/ oM de ring rdo rje sems dpa' nyid//ces pa nas/ de ma thag tu bkas nas gshegs/ /zhes brjod do/ /yi ge gsum 'bar pad+mar gnas/ /zhes pa ni pad+ma b+han+d+ha'i nang du gnas pa'i bdud rtsi yi ge gsum gyis sbyangs pa'i bdud rtsi 'thung du gzhug ste 'di brjod do/ /'di ni khyod kyi dmyal ba'i chu//zhes pa nas/ oM badzra ba zhes pa'i bar du brjod par bya'o/ /de nas brtan pa'i dam bcas pa nas rdo rje dang bdud rtsi 'gyur du mi gnas pa'i phyir brtan pa'o/ /de ring phyin chad khyod kyis zhes pa nas dmyal bar ltung bar ma 'gro zhig ces brjod par bya'o/ /de nas slob dpon gyis de ltar smras pa las slob mas kyang de ltar bka' gdabs par bya'o//de bzhin gshegs pa thams cad kyis zhes pa nas dbab par shog cig ces gsol ba gdab par bya'o/ /de nas de'i snying gar laM las byung ba'i dbang chen gyi dkyil 'khor ser po grwa la sna tshogs rdo rjes mtshan pa la hUM bsam mo//mgrin par baM las byung ba chu'i dkyil 'khor zlum po bum pas mtshan pa la as mtshan pa'o/ /de bzhin du spyi bor yaM las byung ba'i rlung gi dkyil 'khor gzhu 'dra ba rgyal mtshan sngon pos mtshan pa la ha bsam mo/ /de'i rkang pa'i 'og tu 'od zer 'bar ba'i dz+hai bsams nas/rlung rang byung zur gsum pa zhes pa ni rlung gi steng du me gzugs gru gsum pa'i steng du dz+hai bsams nas/ de'i 'od rkang pa'i bu gnas zhugs nas/ rkang gi dbus tshun chad snang bar byas/ A be sha ya s+t+waM pa ya ra ra rar tsa la ya hUM ha A dz+hai zhes pa dang rdo rje dril bu'i sgra dang bcas pas dbab par bya'o//de ma thag tu 'od dpag tu med par mos pa'i lce'i steng du thig le dmar po la a bsams nas gsungs shig ces brjod par bya'o/ /de nas tiSh+Tha badzra zhes brjod nas brtan par bya'o zhes so/ /de nas me tog gi phreng ba dkyil 'khor du gtor bar bya'o//pra tI ts+tsha badzra ho zhes brjod nas de nyid mgo la bcing bar bya ste sngags 'di brjod do/ /oM pra ti gr-i h+na swa maM ma hA ba la zhes brjod par bya'o/ /phyag mtshan nye 'am zhes pa ni re'u cha'i gnas las ni shes par bya ste sku dang dbu la bab na mchog go//zhal la bab na sngags kyi dngos grub po/ /sku'i dbus su bab na tha mal pa brgyad do/ /smad du bab na las rnams 'grub po/ /nye na dngos grub kyang nye'o/ /ring na dngos grub kyang ring ngo / /bar du bab na nye ba'i rigs so/ /dkyil 'khor las thal na dad pa chung ngu ste dman pa'i dngos grub po//snying po la bab na gang yang 'grub po/ /re khA la phog na yang dor ro/ /mnyam pa'am bdag gi mdun du lhung na lan gsum dor ro/ /der ma chud na slar gtang po zhes so/ /spyan la phyag 'tshal 'od 'bar can/ /zhes pa ni mig gnyis la 'od zer 'bar ba'i oM re re bkod do//oM badzra sa twa sa man+te de t+ya tsak+ShUd+g+ha Ta ta na ta pa ra pa ud+g+ha Ta ya ti sar+b+ba ak+Sho badzra tsak+Shu a nut+ta raM zhes brjod nas gdong g.yogs bkrol te khyod kyi mig gis ji ltar mthong zhes dris te/ dkar po mthong na mchog thob pa'o/ /ser po mthong na rgyas pa'o/ /dmar po mthong na dbang ngo //nag po ni mngon spyod do/ /sna tshogs pa ni gang yang rung ba'o/ /shes bya'i rnam pa thams cad la mig phye bar bsams nas dkyil 'khor bstan par bya'o/ /ji ltar zhe na/'khor lo'i bdag po nas brtsams nas bdud rtsi 'khyil pa yan chad do zhes pa ste 'jam dbyangs nas kun byed rnam par dag pa dang bcas pa zhes so//kun byed nas gtso bo'i bar du bstan to zhes pa ci 'dod do/ /da ni slob ma dbang bskur ba'i cho ga gsungs pa/ spyi bor zhes pa la sogs pa'o/ /de la bum pa rnams kyi chu mchod yon gyi snod las gcig tu byas pa/ hUM dang rdo rje las mi bskyod pa'i bsnyen sgrub bzhi dang ldan pas grub par byas ye shes sems dpa' bkug ste mchod nas thim par bya ste/chu'i ngo bor grub par byas nas spyi bor blugs nas sngags 'di brjod par bya'o/ /gsang gsum dam tshig las byung ba/ /ye shes bdud rtsi dri ma med//lha yi chu ni rab dag pas/ /mi bskyod rdo rje'i dbang bskur ro/ /oM badzro da kA b+hiShiny+tsa ya mAM zhes brjod pas me long lta bu'i ye shes rab tu rgyas so/ /de bzhin dbu rgyan dbang bskur snga ma bzhin/ /zhes pa ni lugs ma la sogs pa'i dbu rgyan la ngar gyi cod pan gyis mtshan pa dang /rin chen 'byung ldan gong ma bzhin du bsgoms nas der gyur pa la bskon te 'di skad brjod do/ /sangs rgyas kun gyi rgyal srid che/ /dbu rgyan rin chen dam pa ste/ /rin chen kun gyi mchog 'gro bas/ /rdzogs sangs rgyas su dbang bskur ba'o/ /oM badzra ba'i ra ta ka badzra sha li hoH zhes brjod nas de'i dbus su/yi dam gyi lha ni byin nas zhes pa ni rigs kyi bdag po gzhag par bya'o/ /mnyam pa nyid kyi ye shes rab tu rgyas so/ /snying gar rdo rje de bzung nas zhes pa ni hrIH dang pad+ma las gyur pa'i snang ba mtha' yas sngar bzhin grub par byas nas/ de yongs su gyur pa'i rdo rje lag pa g.yas par sbyin te dbang bskur ro//sangs rgyas rnams kyi rdo rje'i dbang / /de ring khyod la bskur bar bya/ /rab grub phyir na gzung bar bya//oM pra ti A be sha dz+nyA badzra a b+hi Shiny+tsi zhes brjod pas so sor rtog pa'i ye shes rgyas so/ /rdo rje dril bus 'khyud pa'i tshul/ / zhes pa laM dang ral gri las byung ba'i don yod grub pa ni snga ma bzhin du grub par byas nas/ de las gyur pa'i dril bur bsgoms te rdo rje dang 'khyud pa'i tshul gyis bzung ste/ bdag por dbang zhes pa ni phyi dang nang gnyis kyi rnal 'byor las so/ /thabs dang shes rab ldan pa yis/ /'gro don mnyam nyid byed pa dang //mchod pa'i las rnams rdzogs byed phyir/ /rdo rje las kyi dbang bskur ro/ /oM badzrA d+hi pa ti staM a b+hi Shiny+tsa mi zhes brjod pas bya ba nan tan gyi ye shes rab tu rgyas so/ /phyi bor ming gi dbang bskur te zhes pa ni rnam par snang mdzad phab ste/ de'i lus la s+t+waM stsal spyi bor lag pa bzhag nas kye che ge mo rdo rje zhes pa ni bos//rdo rje ming gi dbang bskur bas/ /byang chub snying po'i bar du ni/ /cis kyang mi shigs mi g.yo bar/ /rdo rje dbang ni rab tu grags/ /oM badzra sa twa twaM a b+hiShiny+tsa ta zhes brjod pas rnam par dag pa'i ye shes rab tu rgyas so/ /da ni de rnams la ye shes lnga 'byung ba gsungs pa/gang gang zhes pa la sogs pa'o/ /dkyil 'khor gyi gang dang gang snang ba de kun gyi rang bzhin ni/ 'jam pa'i rgyal po nyid yin te 'di phyir/ rang bzhin gyis ni chos kun dag /ces pa ste/ rang bzhin gyi bsgom pa bral ba'i phyir na chos kun lha'i skur snang ba'o//de kun ye shes 'dus pa'i phyir/ 'jam pa'i dbyangs ni rang gi dkyil 'khor gyi gtso bo 'am gzhan las khyad par du mthong bar bya ba'i mtshan gyi gong du dpal zhes pa'i sgra gzhag go zhes so/ /dbang rnam par dag pa gsungs pa/ chu dbang mi bskyod ces pa la sogs pa'o//ye shes rig 'di rdo rjer 'gyur/ /zhes pa ni ming gi dbang ni rig pa'i bdag nyid kyi phyir na ye shes te shin tu rnam par dag pa'o/ /da ni thun mong du gsungs pa chos kyi dbyings zhes bya'o/ /de'i rgyud ni de las gyur pa ste dbang bzhi'o/ /de nas 'dir dbang bzhi bsdus pas na khyad par du de la rig pa'i dbang zhes bya'o//'di rnams kun gzhi la sogs pa me long lta bur gnas 'gyur bas ma rig pa 'joms pa'i phyir de skad brjod do/ /da ni de rnams kyi rgyu brtul zhugs la sogs pa gsum du gsungs pa/ brtul zhugs zhes bya ba la sogs pa'o/ /brtul zhugs zhes pa dam tshig gsum las dang po dang gnyis pa'o/ /lung bstan pa dang dbugs dbyung ba ni 'og nas ston pa ste thun mong du shes par bya'o/ /de rnams ni rig pa'i ye shes lnga'o/ /'di spyod pa byed pas na rig par sbyor ba'o/ / de bas na dam tshig 'di med par rdo rje slob dpon gyi dbang bskur ba'i snod ma yin pas hUM las gyur pa'i rdo rje lag tu gtad la 'di skad du/ 'di ni sangs rgyas thams cad kyi/ /zhes brjod nas/ hi hi hUM zhes pa nas rdo rje brtul zhugs byin te de nas rdo rje'i de kho na nyid bstan to/ /thog mtha' med pa'i sems dpa' zhes pa nas rdo rje snying po'i gtso zhes pa de kho na nyid byin pa ni rdo rje'i dam tshig go//de lta bu'i de kho na nyid rtogs pas gsung gi bstan pa'i phyir dril bu grogs su gsungs pa/ de bzhin nyid ces pa la sogs pa gsungs so/ /a las yongs su gyur pa'i dril bu lag tu byin la/'di de sangs rgyas thams cad kyi/ /zhes pa nas/ rgyal bas byang chub mchog tu 'dod/ /ces pas brtul zhugs byin nas de kho na nyid brjod do/ /de ni chos kyis zhes pa ni gzhung bzhin du dkrol bar bya ste/ srid pa rang bzhin gyis dag pa/ /zhes pa ni/ gzung ba la sogs pas dag pa ste de ltar ma yin na don med par 'gyur ba la sogs pa'o//rang bzhin dag ces pa ni zab pa'o/ /de sems can te byang chub sems dpa' rnams kyis bsgoms pas dam pa'i srid pa zhes te/ de bzhin gshegs pa rnams thob par byed pa'o/ /byed pa po zhes pa ni zab pa de nyid do//de lta bu'i rang bzhin du shes pa ni dril bu'i dam tshig go/ /da ni phyag rgya'i dam tshig gis bcom ldan 'das thob par byed pa'i bzlas pa gsungs pa phyag rgya chen po zhes pa la sogs pa'o/ /phyag rgya chen po zhes pa ni lha'i sku la sogs pa'o/ / byin gyis brlabs te zhes pa ni skul sogs pa'o/ /snying ga zhes pa ni sa bon rnams kyis so/ /bsnyen pa la sogs zhes pa ni chung ngu dang / 'bring po dad chen po'i bsnyen pa la sogs pas so/ /dam tshig ces pa ni rdo rje 'dzin pa'o/ /'dod pa yang yin la gzugs la sogs pa yang yin pas de skad do//sngags ni dbus su btags nas bzlas/ /zhes pa ni man ngag gi rim pas shes so/ /rang gi rang bzhin zhes pa ni rang gi lha'i rang bzhin te gzugs la sogs pa'o/ /de ltar shes par byas nas mchod par bya'o zhes te gsang chen gyi mchod pa ste yid dga' bar byed pa'i phyir ro//mi mthun pa gang zhe na/ dka' thub dam bcas de dag ni/ /zhes pa ste nyan thos la sogs pa'o/ /de bsnyen byas na 'grub pa med/ces so/ /gang mi 'grub ce na/ mi snang mngon shes mkha' 'gro ste/ tha mal pa rnams kyis mi 'grub po/ /de bzhin du sku gsung thugs la 'grub pa phyag rgya chen po yang mi 'grub ces so//de bas na bka' stsal pa/ de nas sangs zhes pa la sogs pa'o/ /'bras bu gsungs pa/ chos yig mchog ces te mi 'gyur bas na yi ge ste/ zab po gsal ba dbyer med pa'o/ /bde sdug gnyis med bdag med ces pa ni gzugs la sogs pa re re yang gsum gyi bdag nyid do//de 'dod chags ye shes te rdo rje 'dzin pa la sogs par shes par byas nas de kho na nyid 'grub po zhes so/ /de yang sku gsung thugs bsgom pa/ /zhes pa ni phyag rgya'i dam tshig bsgoms na brtags pa tsam gyis 'grub po zhes so//dam tshig gsum bsdus pa gsungs pa/ ji skad ces pa la sogs pa'o/ /da ni rdo rje slob dpon gyi dbang bskur ba gsungs pa/ sdom pa zhes pa la sogs pa gsungs pa'o zhes/ sdom pa bzung ba'i slob ma yis/ zhes pa ni phyir mi ldog pa'i sdom pa'o/ /de yang phyir mi ldog pa'i dbang la sogs pas slob ma bzhugs su gsol bar bya ste/de nas bla mas sdom pa'i mchog bka' stsal pa/ /pham pa 'di ni bcu bzhir grags/ /spang zhing dor bar mi bya ste/ /rtsa ba'i ltung ba de ltar gsungs/ /slob dpon nyid la smod pa dang / /bde bar gshegs pa'i skad cig dang //khros pas mched kyi skyon rnams brjod/ /byams pas chen po yongs bral dang / /byang chub sems ni smad pa dang / /theg pa gsum po smad pa dang / /snod ma yin la gsang ba bstan/ /bdag nyid rgyal ba'i phung po smad/ /dag pa'i chos la som nyi dang //dam pa'i chos la dga' bral bar/ /sdug bsngal dag la chos su brtags/ /dad sems dag ni smad pa dang / /dam tshig nyid la sprad pa dang / /rnyed pa'i gzugs mang smad pa dang / /de ltar rtsa ba'i ltung ba yis/ /sngags pa rnams kyi dam tshig nyams/ / nyin gsum mtshan gsum lan drug tu/ /nyin re bzhin du brjod par bya/ /yan lag dam tshig ces bya ba/ /dam tshig dang ni mi ldan pa'i/ /rig ma bsten par dga' ba dang / /tshogs kyi dkyil 'khor smod pa dang / /gsang ba'i chos ni ston pa dang / /sems can dad dang ldan pa la// dam pa'i chos ni log par bstan//nyan thos dag tu rlom byed pa/ /nang du zhag bdun gnas pa dang / /sbyor ba nges par ma byas dang / /snod min gsang ba ston pa rnams/ /kha na ma tho sbom 'gyur te/ /sngags pa de yi dam tshig zad/ /zad pa grub par mi 'gyur te/ /nad dang sdug bsngal rab tu 'phel//thur du bltas te dmyal bar 'gro/ /sngags pas de dag yongs spangs te/ /bdag nyid ma 'khrul shes par bya/ /zhes lan gsum brjod do/ /de ltar sdom pa bzung ba'i slob mas de bzhin du rjes su mthun pa'i yon phul nas phyag 'tshal nas tshigs su bcad pa 'dis rdo rje slob dpon gyi dbang nod par bya ba'i don du gsol ba gdab par bya'o//byang chub rdo rje sangs rgyas la/ /zhes pa nas/nam mkha'i rdo rje bdag la stsol/ /zhes pa'i gsol ba gdab par bya'o/ /de nas bla mas dbang sbyin pa ni 'jug pa'i sgo zhes pa ni shar sgor ro/ /'dab brgyad pad+ma'i khri la gzhag /ces pa ni kha dog gcig pa'i dkyil du sa bon la sogs pas brgyan pa la 'dab ma brgyad pa'i pad+ma la gnas par byas la/de'i steng du ras la sogs pas g.yogs pa'i seng ges mtshan pa la slob ma de bzhag ste/ gsol ba gdab par bya'o/ /de nas slob ma de lhag par mos pa la sogs pas ting nge 'dzin gsum gyi rnal 'byor dang ldan par byas nas thabs 'dis rdo rje slob dpon gyi dbang bskur ro//phyogs bcu dus gsum gyi rdzogs pa'i sangs rgyas kyi dkyil 'khor te bde bar gshegs pa lha mo'i tshogs dang bum pa gtso bor byas pa'o//me tog spos mar me dri lha bshos gdugs rgyal mtshan can khyad par gyi mchod pa sna tshogs pa thogs pa rnams rang snying las phyung nas zhes pa ni/ slob dpon dang ye shes sems dpa'i sa bon gyi 'od zer phyung nas de bskul ba zhes so/ /rol mo dri sogs ldan byas zhes pa ni rnga la sogs pa'o//rol mo dang dril bu la sogs pa'i rol mo dang ldan pa rnams kyi tshigs su bcad pa'i rdo rje brjod do/ /sngon bzhin rig pa'i dbang bskur nas/ /zhes pa ni de rnams kyis byas par bsams shing slob dpon gyis chu la sogs pa bka' stsal ba'i mthar thug pa'i bar du bskur bar bya'o//de rnams kyi tshigs su bcad pa'i sde brjod pa 'di dag go/ /dbang bskur rdo rje chen po ni/ /zhes nas/ /sangs rgyas kun gyis byin pa yin/ /zhes pas dbang bskur bar bya'o/ /phyir mi ldog pa'i dbang zhes pa ni sa brgyad pa las so/ /de nas de thams cad ye shes ngo bo slob ma de la gzhug par bsams nas/oM su pra tiSh+Tha badzra swA hA/ mi bskyod pa rin po che'i dbu rgyan gsal/ de nas spyi bor me tog spos dang mar me dri mgrin pa/ snying gar dri rgyan sna tshogs pa khyad par gyi mchod pa rnams kyis yang dag par mchod nas mi bskyod rdo rje zhes pa la sogs pa nas yang dag par bstod nas/de nas slob ma rdo rje dril bu 'dzin par byas nas bkra shis la sogs pa'i tshigs su bcad pa brjod cing ngo'i steng du gdugs bteg par byas nas g.yas skor du lan gsum byed du gzhug nas/ dkyil 'khor gyi sgor thal mo sbyar nas gdugs dang bcas pas phyag byed du gzhug go//de nas de gdugs bzung nas khri la bzhag ste/ rim pa 'di slob dpon gyis brjod par bya'o/ /de ring phyin chad bu khyod kyis/ /dkyil 'khor gyi ni slob dpon 'gyur/ /sngags dang rgyud kyang 'dzin par 'gyur/ /sangs rgyas byang chub sems dpa' dang / /lha rnams kyis ni bkur bar 'gyur//sems can rnams la snying brtse'i phyir/ /khyod kyis dkyil 'khor cho ga bzhin/ /nan tan bskyed de bri bar gyis/ /sgrub pa po yang rgyud la sbyor/ /zhes slob dpon gyi las bstan to/ /de la/ tshon lnga yang dag sangs rgyas lnga/ /zhes pa ni rtag pa la sogs pa ste ci'i phyi'i tshon zhes bya na/tshon rtsir snang ba'i ye shes kyis sangs rgyas kyi ngo bor sems can gyi sems mtshon pa'i phyir/ de bzhin du dbang po la sogs pa'i chos ji snyed rang rang gi tshon nyid dang bral ba'i phyir dag pas na lha rnams te de'i bum pa'o/ /ji lta bu zhe na sems can rnams la ye shes bdud rtsi lta bu byin pas gser lta bur gnas so//tshogs gnyis kyis gang ba'i rtags su bum pa gang ba'o/ /sems can la thugs rdo rje'i chus brlan pa'i rtags su chus gang ba zhes so/ /de bzhin du byang chub kyi yan lag gis me tog dang / 'gro ba rnams yid tshim par byed pas na sgron ma dang /'dzam bu gling du chos bshad pas thams cad nang 'grangs pas bdug pa dang / /lung sogs pa chos kyis tshim pa'i lha bshos dang / ngo tsha shes pa dang khrel yod pas na sdom pa ste dam tshig gi rtags dang / bde ba chen po 'phel bar byed pa'i glu dang gar la sogs pas kyang brgyan pa'o//phyin ci log thams cad las grol zhing khams gsum gyi chos kyi rgyal po'i gnas nyid kyi phyir na gzhal yas khang ngo / /dkyil 'khor snying po 'dus pa'i phyir/ /zhes pa ni snying po ni gsal ba dbyer med pa'i chos kyi dbyings te/ de bsdus pa ni de rtogs pa'i dus na rgyu ba dang mi rgyu ba'i chos thams cad de'i ngo bor rtogs pas na dkyil 'khor ro//de ltar dkyil 'khor gyi de kho na nyid bstan nas/ da ni lha'i de kho na nyid bstan pa'i phyir/ dad pa brtson zhes bya ba la sogs pa ste/ de la me long sogs zad ye shes zhes pa ni kun gzhi la sogs pa gnas 'gyur zhing bag chags dang bcas pa zad cing mthar thug pa ste skad cig ma'o//ma skyes ye shes zhes pa ni de rnams kyi rnam par dag pa ste/ bcos ma ma yin pa'i phyin ci log pa thams cad du mi 'gyur ba'o/ /gzugs la sogs 'khrul pa dag pas ni gcig dang du ma la sogs pa dag pa'o//phung po bzhis zhes bya ba la sogs pa ni rang dbang du brtags pa rnam par dag pa ste lta mo la sogs pa'o/ /rang gi mi mthun pa'i phyogs zhes pa ni sgrib pa bzhi'o/ /de la ldog pas na stobs bcu la sogs pa'o/ /so so rang rig ces pa ni gsal ba'o/ /chos nyid ces pa ni zab pa'o/ / de go rims bzhin du dbyer yod pa dang dbyer med pa'i rang bzhin du gnas pa'o/ /de bzhin du rig pa'i 'khrul pa zhes bya ba ni gong du bstan pa ltar phyi'i don gyi 'khrul pa la sogs pa rnams log cing / gzhan gyi rnam ltar 'di bltas te/ /'bras bu pha rol phyin sogs kun/ /zhes so/ /de nyid kyis 'dir dkyil 'khor 'khor lo'i tshul du shes par bya'o zhes bstan to//da ni de la de kho na nyid dgu pa slob dpon la sogs pa'i las kyi dkyil 'khor gyi sgrub pa la sogs pa gsungs pa/ zhes pa la sogs pa'o/ /de'i don ni 'di lta ste/ slob ma rnams dbang bskur ba'am/bdag nyid kyang dngos grub sgrub pa'i don du dkyil 'khor ji lta ba bzhin du bris te/ phyag rgya dgod pa'i phyag rgya yan chad rdzogs par byas nas sangs rgyas mnyam sbyor las gsungs pa bzhin du bla re la sogs pa dang / a ga ru la sogs pa'i spos dang mar dkar gyi mar me 'bum la sogs pa dang /pi wang la sogs pa'i rgyan gyi khyad par sna tshogs pas rnam par bskor nas cho ga 'dis dkyil 'khor bsgrub par bya'o zhes so/ /de nas byad dang zhes pa la sogs pa'o/ /de'i don ni bdag nyid phyi'i khrus byas nas gla rtsi la sogs pas byugs shing rgyan sna tshogs pas rnam par brgyan pa legs pa'i nang tshangs can gyi stan la/rdo rje dril bu ldan pa shar phyogs su bltas te 'dug par bya'o/ /de nas byad la sogs pa dang ldan pa'i bu mod dang lhan cig tu gnas nas rjes su chags pa'i mtha' la thug pas dang po sbyor ba bya ste/ cho ga gsum gyis gsang ba'i gnas su lha bskyed nas brtan par byas te rig pa dag snang ba thob nas sbyor bar bya'o zhes so//'di nyid ni las dang po dang chud zad ye shes dbang du gyur par 'gyur ba'i mtshan ma yang yin no/ /de nas rang mtshan brjod nas/ rdo rje bdag ces pa ni/ badzra d+h+r-ika la sogs pa brjod nas rdo rje'i bdag nyid rnams 'byung ngo zhes so//'khor la mdun du bkug nas su/ /zhes pa ni rdo rje dang pad+ma sbyor ba'i sgras gshin rje gshed bskul bas de bkug nas shar phyogs kyi sgor gnas par bsam mo/ /bgegs kun bskrad ces pa ni/ /spros pa'i khro bo so sor bsrung byas te//zhes pa ni dra ba la sogs pas so/ /de nas yon phul nas zhes pa ste dung phor gyi chu ku sha'i bam pos gtor zhing / oM a maM ni war+d+ha pra tIts+tsha hUM zhes brjod nas bsang gtor bya'o/ /nye reg gi sngags kyang de'o/ /de bzhin du bdud rtsi'i chu la yang snod du phul nas/ oM a phra ba ra sat+kA raM oM aM dza zhes brjod do//oM a maM ar+g+haM pra tIts+tsha hUM dza bar ya zhes brjod nas me tog bsgying bas blangs te zhabs la dbul bar bya'o/ /mchod byas te zhes pa ni phyi dang gsang ba'i mchod pas so/ /de la bstod nas bdud rtsi myangs pa yang rab tu byas te sgo srung gi sgo ru las bya zhes pa ni shes rab mthar byed kyi 'od zer gyis bteg ste bskor nas ji lta ba bzhin du thim par bya'o//phyi ma'i brda phrad par zad do/ /de nas mchod pa la sogs pa byas nas phyi rol du byung ste/ gong ma bzhin du phyogs skyong rnams la gtor ma dbul lo/ /de nas lhag chad kyi skyon bsal ba'i phyir rdo rje hUM mdzad du bsgyur nas nang du zhugs te gong ma bzhin du bya'o//de nas ji skad du gsungs pa'i sbyin sreg gi cho ga byas nas/ sems can kun gyi don gyi phyir/ /dngos grub thams cad rab 'grub mdzod/ /ces gsol ba btab po/ /de la gzhan tshogs yongs su rdzogs par byed pa'i don du dkyil 'khor ji skad du gsungs pa bris pa'i phyogs bzhi'i gnas mdzes pa la shes rab kyi pha rol tu phyin pa dang /sdong po brgyan pa dang snang ba dam pa dang / gser 'od dam pa rnams bklags shing sangs rgyas la sogs pa la gong ma lta bu'i spos la sogs pa'i yo byad dpag tu med pas bsags nas phyag rgya dgod pa yan chad rdzogs par byas//skud pa dang tshon rtsi gshegs su gsol nas/ ba lang gi lci ba dang bsres nas/ phyi skor la byug cing me tog la sogs pa sna tshogs pa dgram par bya'o/ /de nas khrus la sogs pa brtsams nas shar phyogs su kha bltas te rdo rje dril bu dang ldan pas ras kyis g.yogs pa'i stan la 'dug ste/dam tshig gcig par yod pa'i grogs po rnams kyang gong ma'i rim pas rgyan sna tshogs kyis brgyan nas gnas ji lta ba bzhin du gzhag par bya'o/ /de nas bla mas bstan pa'i de kho na nyid la goms bar bya ba'i ched du byang la sogs pa dang ldan pa'i bu mo rang gi g.yon du bzhag ste/gong du bla ma lta bu'i ting nge 'dzin la gnas nas 'khyud pa dang 'o bya ba la sogs pa'i rim pas ye shes 'phel bar bya'o/ /phyi ma'i snga ma bzhin du bstan pa ltar ro/ /de bzhin du rig pa 'dis tshogs kyi dkyil 'khor yang bsgrub par bya'o zhes so/ / da ni de kho na nyid bcu pa glegs bam la sogs pas bskor ba'i cho ga slob dpon las gsungs pa/ dkyil 'khor zhes pa la sogs pa'o/ /dkyil 'khor sngon bzhin bris nas su/ /zhes pa ni dad pa can gang zhig gis gzugs brnyan nam glegs bam la sogs pa yid kyis bsams nas/skyes bu byed mtha' yan chad dbang / /zhes pa ste chu nas rdo rje slob dpon gyi dbang yan chad ji ltar rigs par bskur bar bya'o zhes so/ /bum pa la sogs pa la yi ge gsum dang lnga bzlas par bya'o zhes so/ /yang na sngon du phyung ba'i sngags zhes pa ste/ badzra d+h+r-ika la sogs pa yang bzla'o zhes so//phyi yi khrus ni byas nas su/ /zhes pa ni bskur ba'i dus su me long dang ldan pa'i spyi khrus byas nas zhes so/ /nang gi khrus gang zhe na dkyil 'khor zhes pa la sogs pa'o/ /de'i don ni 'di lta ste/ thabs dang shes rab kyi bdag nyid dkyil 'khor gyi gtso bo'i gzugs su bsnyen sgrub dang ldan pas bskyed pa de bzhin nyid kyi khrus te cho ga'o//de lta bu la sogs pa'i rim pa rdzogs nas dgongs zhi ba'i sbyin sreg gi rim pa bya ste/ de nas thab kyi nang du man 'ji'i steng du gser dngul gyi snod bzhag nas/ 'bras grus pa gtsang ma 'o ma dang sbrang rtsi dang bu ram dang / mar rgya che bar btab nas blugs par bya'o//de bskol zhing bdud rtsi byin gyis brlab pa'i cho gas sbyangs te yi ge gsum du mar bzlas te dngul gyi snod du blugs te/ oM dI pya an+na sa mA d+hi d+h+yA+e na pra Ni ne swA hA/ zhes brjod nas lha rnams la dbul bar bya'o/ /rang yang myang yon bdag la yang sbyin gzhan dag la yang sbyin no//de nas 'di brjod par bya'o/ /bzod par gsol mtha' sangs rgyas ku/ /lha dang de yi sras kun gang / /tshangs pa la sogs phyogs skyong kun/ cho ga gang 'di bya ba la/ /zhi ba bkra shis kun la ni/ /yon bdag chen por byas nas su/ /sangs rgyas yul du gshegs su gsol//yang ni slar ni byon mdzod cig /lha la bzod par gsol nas su/ /'di nyid kyis ni byin gyis rlob/ /gang gis da ltar bzhugs par 'gyur/ /bskal pa 'am bskal pa brgya lhag dang / /ci snyed lha kun gsung mdzod cig /sa dang chu dang me rlung rnams/ /mos pa dga' ba byas nas su//legs pa'i rang gnas gshegs su gsol/ bu dang rigs rgyud srung mdzod cig /ces brjod nas nub mo yang dag pa'i tshogs kyis mchod par bya/dge 'dun rnams la chos ston gsol sa gzhi byug par bya'o/ /lha mnyes par 'dod na bla ma ces kyang mnyes par bya'o//yo byad ci snyed pa ma lus par dbul bar bya'o/ /de ltar byas pas don thams cad 'grub par 'gyur ro zhes rdo rje 'dzin pas gsungs so/ /da ni dbang thams cad 'bras bu bzhir bsdus pa gsungs pa cha dang zhes pa la sogs pa ste 'bras bu'i sgo nas bla ma shes so/ /da ni gsang ba'i dbang bskur ba'i cho ga gsungs pa de nas zhes pa la sogs pa'o//de'i don ni 'di lta ste/ rig pa'i dbang dang phyir mi ldog pa'i dbang thob pa de nyid las chu'i ye shes bskyed nas zhing dag par bya ba'i phyir sngar gyi dkyil 'khor 'di nyid dam gzhan yang rung ste me tog la sogs pas brgyan nas/slar lo la sogs par bsnyen bkur byas pa'i bla ma la gser la sogs pa'i yon dang / tshogs kyi mchod pa chen po byas nas pus mo g.yas pa'i lha nga sa la btsugs te gsol ba gdab pa ni/ kun mkhyen ye shes phung po can//srid pa'i 'khor lo rnams spyod ba/ /di ring bshad pa'i rin chen gyis//gtso bos bdag la sku drin stsol/ /khyod zhabs pad+ma spangs nas ni/ /rje gcig bdag la skyabs ma mchis/ /'gro ba dad pa'i thub chen po/ /de bas blo mchog mnyes par mdzod/ /sdug bsngal kun gyi rgyur 'gyur ba/ /rje btsun gyis ni grol bar mdzod/ /sdug bsngal thams cad grol bar mdzod//mgon med rnams la thugs rjes dgongs/ /zhes gsol pa gdab po/ /de nas bla ma dpal ldan pas/ yon tan gyi chos snying rje slob ma la bskyed nas zhal gdams par byas nas rab tu dga' nas snga ma lta bu'i sdom pa bstan par bya/ de nas slob ma des gzugs la sogs pa dang ldan pa'i rig ma legs par bslabs pa lo bcu drug lon pa bla ma la phul nas bla ma chen po la gsang ba'i dbang nod du gsol ba gdab par bya'o//rdo rje sems dpa' khyod ni sangs rgyas kun gyi bde ba bsgrub pa ste/ rnam dag byang chub sems dpa' bde ba rgya chen pos sras su bcas pa'i//yun ring stong nyid bsgoms pas bdag ni shin tu gdungs/ /dga' ba'i yid 'ong don chen 'dod pa bdag la bskyab tu gsol/ /kye 'dod chags de ni dri med kun du bzang po'i spyod pa ste/ /dag pa'i 'dod chags rdo rje dam tshig la ni phyed mdzad nas/ / dka' ba rnam pa drug la spyod pas shin du gdungs mdzad pa'i/ /rab tu dgyes pa dbang 'dod pa'i bde ba nyid kyis 'joms par mdzad/ /rnam dag rdo rje las byung ba yi ye shes chu/ /rin chen 'bar ba byang chub sems yid rnams phyung nas/ /rgyal ba rnams kyi dbu ni skam pa las/ /dri med rin chen char gyi spyi bor dbang bskur mdzod//mnyam dang mi mnyam 'dod chags tshul dag pas/ /pad+ma'i gnas su rdo rje mdzod gtong ba/ /sna tshogs sems dpa' sems can rlan gyur pa/ /sbyor ba gzhan yon ma rtogs bshad par gsol/ /rdo rje sems dpa' khyod dbang mchog bde byed pa po//rdo rje pad+mo che ba'i tshul gyis sbyor mdzad de/ /rgyu ba kun gyi gzugs kyi sku ni rab bstan nas/ /thams cad bde bar sgrub pa nyid kyis bdag la mnyes par mdzod/ /ces gsol ba gdab par bya'o/ /de nas bla mas byin gyis brlab pa yang byas te zhes pa ni 'bring po'i bsnyen sgrub bzhi dang ldan par bya ste//rdo rje dang pad+ma dag par byas nas yang dag pa'i sbyor ba bya/ /de nas/ thugs dbang de ni rdo rje dkyil/ /yang dag thim nas zhes pa ni/ /sa bon gyis ni bskul ba yi/ /thugs dbang zhu ba'i rjes 'gro ba/ /rigs ni brtags par byas nas kyang / /slob ma'i kha ru dbab par bya//zhes pa bla mas bstan pa ltar shes rab kyi bye brag gis dbab par bya'o/ /de nas slob ma rnam par snang mdzad kyi ngo bor gnas pas kyang de bzhin gshegs pa zhu ba'i bdag nyid du shes par byas nas btung bar bya'o/ /snang srid du snang ba thams cad kyang de yin par shes par bya'o//a ho ma hA su kha zhes brjod par bya'o/ /de nas bla ma'i zhal nas brgyud pa'i rnal 'byor pa gsum pa la rdo rje bzlas pas sgyu ma lta bu'i sku'i ngo bor bstan par bya'o/ /slob mas kyang bstod pa sna tshogs pas bstod par bya'o/ /de kho na nyid gsum pa'o/ /da ni de kho na nyid bzhi pa shes rab ye shes kyi dbang bskur ba gsungs pa/dpal ldan zhes pa la sogs pa'o/ /de'i don ni 'di lta ste de ltar rig pa'i dbang / phyir mi ldog pa'i dbang thob pa slob ma gzhi dag par byas pa de la rang rig chos sku gsal bar bstan pa'i phyir chos thams cad kyi 'byung gnas chos kyi dbyings kyi rdo rje mar byin gyis brlabs pa brgyan pa ji skad gsungs pa de lag tu sbyin par bya'o//de nas snga ma lta bu'i sdom pa dang khyad par gyi sdom pa slob ma la bstan par byas/ de nas des/ kri ta mu tsa he he ba ca bi tra mu hi d+ha b+ha k+Sha rak+taM shu kra ta thA mAM saM s+t+waM naM b+ha kra tiSh+Tha/ brtseg ma naM bar ma sa bu hi b+ha rtsa ya thA sa ga mi ti zhes brjod pa dang des bzhad gad dang bcas par smras pa/kriny+tsa pi no ta he de ba sha kaM ka d+hi bak+Shi naM/ ka rdze b+ha ga hi sa ti hri naM tsum+ba naM b+ha ga mo ba tsa zhes lan gdab par bya'o/ /de nas yang gon pa'i ga sha phud nas pad+ma gsal bar bstan to zhes brjod do/ /e ma bdag gi pad+ma 'di/ /bde ba thams cad dang ldan pa'i//gang gi cho ga sbyin byed na/ /de yi mdun na rtag par gnas/ /don byed pad+ma dam pa 'di/ /sangs rgyas rnams kyis bkur ba'i gnas/ /bde chen rgyal ba'i rang byung ni/ /de nang rtag tu bzhugs pa yin/ /b+ha ga b+ho k+Sha ho ra ti/ /de nas bla ma'i man ngag gis nang na gnas pa'i rtsa ba'i 'khor lo bskul nas/sor mo la sogs pa bla ma'i man ngag gis shes par bya ste/ sa bcu dang ldan pa de la 'khyud par bya'o/ /bsgrub bya sgrub po sbyar ba dag /de ni brnyes pa zhes su gsungs/ /rdo rje pad+mo sbyor ba gang / /nye bar sgrub pa zhes su 'dod/ / hUM dang phaT dang ldan par ni/ /bsgrub pa sgrub par gsungs pa'o/ /rang bzhin nyid bde zhi bar ni/ /sgrub pa chen po zhes bya'o/ /zhes so/ /de bas na/ nyams su myong zhing bde ba de//rdo rje skyil mo krung gnas sems/ /nor bu'i bar du mthong bar bya/ /zhes so/ /bde ba de gnas na 'dor ro/oM sar+b+ba ta thA ga ta a nu rA ga badzra swa b+hA wa At+ma kou0f85haM/ /zhes brjod nas rdo rje dbyings kyi dbang phyug ma dang ldan par mthong nas rang gi snying ga nas gti mug dga' ma la sogs pa spros nas slob ma'i snying gar gzhug par bya'o/ /des kyang pad+ma rA ga la sogs pa sna tshogs pas mchod p ar bya'o//pad+ma la gnas pa'i byang chub sems dpa' ye shes can gyi lces blang bar bya'o/ /oM badzra a mo k+Sho ho/ /shes rab ye shes so/ /de nas des rgyas btab nas dbang bskur ba rin po che bzhi bla ma'i man ngag gis mkha' gnyis kyi sbyor ba'i bshad pa sbyin par bya ste/ bsam pa brtan pa zab cing rgya che ba la mos pa'o//gzhan la ma yin te/ de nas dkyil 'khor gyi de kho na nyid dang / lha'i de kho na nyid dang slob dpon gyi phrin las bstan par byas nas/ gsang ba'i dbang dang / shes rab ye shes dbang gi dam tshig dang sdom pa de nyid bstan par bya'o/ /de bas na bka' stsal te zhes so// de ji ltar byang chub ces pa la sogs pa'o/ /de la/ de las gzhan yang dam tshig gsungs/ /zhes pa ni ltung byed dang sbom po'i ltung byed do/ /dkon mchog ma bzhin pa'i zhes pa ni le'u dgu la sogs pa'i rim pas zhes so/ /rnal 'byor rgyud ces pa ni 'di nyid do/ /de las gsungs pa khyad par gyi sdom pa ste/glegs bam bklag pa la sogs pa'o/ /de dag kyang chog bzhin du gsungs zhes so/ /de nas slob ma des pus mo btsugs thal mo sbyar nas gnas pa la de'i spyi bor g.yon pa'i phyag bzhag nas rig ma'i brtul zhugs sbyin par bya'o/ /bdag gis de ring yang dag bshad//sgrub pa po la rig ma sbyin/ /byang chub chen po bsgrub pa'i phyir/ /de bzhin gshegs rnams mkhyen par gsol/ /thabs gzhan gyis ni 'tshang mi rgya/ /de bas 'dir ni rig ma'i mchog /thams cad chos ni gnyis med de/ /snang ba gnyis kyis mtshon pa yin/ /de bas rtag tu 'khor ba ru//khyed kyis bral bar mi bya'o/ /'di ni sangs rgyas thams cad kyi/ /rig ma'i brtul zhugs bla na med/ /blun chen gang zhig 'da' byed na/ /de la dngos grub mchog ni med//rig ma'i brtul zhugs cho ga'o/ /lung bstan pa gsungs pa/ de nas zhes pa la sogs pa'o/ /de la de bzhin gshegs gyur nas/ /zhes pa ni bdag nyid skad cig gis yi ge a las shAkya thub pa'i skur gyur te zhes so/ /mchog sbyin tshul gyis lung bstan bya/ /zhes pa ni phyag rgya de kho nas so/ /de dngos gang zhe na snying gar khu tshur g.yon gyis slob ma'i bar gyi mthar gsung ste gsang ba'i mchog sbyin pa'i phyag rgya spyi bor bzhag ste bla na med pa'i byang chub chen por lung bstan par bya'o//bde gshegs kun kyi lung bstan yin/ /zhes pa ni slob dpon nam rdo rje 'dzin pa la sogs pa'o/ /bka' lung gnang ba'i dbang bskur ba gsungs pa ji lta ji ltar zhes pa la sogs pa'o//de la dag pa zhes pa ni tha mal pa'i 'dod chags la sogs pa dag pas sems can gyi don bya zhes so/ /rang rig bya ba gsungs pa nyin re zhes pa la sogs pa'o/ /bsgyur nas 'grub ces pa ni/ grub pa'i mtshan ma rnyed nas ji skad gsungs pa bzhin du 'grub ces so//'bras bu gsungs pa mi snang zhes pa la sogs pa'i ste/ de la/ 'gro kun gtso bo rdo rje can/ /zhes pa ni phyag rgya chen po ste phyogs ma chad pa'o/ /de las gzhan zhes pa ni rgya mtsho chag pa la sogs pa'o/ /de dag kyang dkyil 'khor gyi 'khor lo la rjes su chags pas 'grub pa la sogs pa'o//de nyid gsungs pa rdo rje bdag po zhes pa ni gzugs rdo rje ma la sogs pa ste/ de rnams kyi yul rnams bstan pa byang chub thob ces so/ /de bas zhes bya ba la sogs pas mjug bsdu ba gsungs pa ste/cho ga bzhin zhes pa ni man ngag gi rim pas zhes so/ /de'i don ni 'di lta ste snga ma lta bu'i kun mkhyen zhes bya ba sogs pas gsol ba gdab pa'i slob ma la brgyud pa dang / nyan pa dang mchog dang thun mong sgrub pa dang / dbang bskur ba la sogs pa'i rgyud som nyir gyur pa rnams kyang bstan to//thams cad snang ba'i dbang sbyin no/ /zhes so/ /dbugs da byung ba'i dbang gsungs pa ci bzhin zhugs pa'i zhes pa la sogs pa'o/ /de la bsngags par 'dod pa rnams la zhes yon tan brjod par 'dod pa rnams la 'og nas byung ba'i tshig gis dbyugs dbyung zhes so//dam tshig gsum zhes pa ni rdo rje la sogs pa'o/ /cho ga sbyin zhes pa ni 'dir ni man ngag gi rim pas ji lta ba bzhin du sbyin no zhes so/ /bsngags pa dngos gang zhe na/ gsang ba'i mchog 'gyur zhes bya ba nas brtsams te/ khyed rnams 'gro bar shog cig ces pa'i bar gyis rdo rje 'dzin pa'i sa la dbugs dbyung bar bya'o//de nas shin tu kho nar gnas/ /zhes pa ni shin tu rnam par dag par gnas pa'o/ /srid pa shin tu dag pa ste/ /zhes pa ni dus de nas bzung ste khyed kyi srid pa ni shin tu rnam par dag pa'o zhes so/ /dam tshig rdo rje ldan pa zhes pa ni rdo rje 'dzin pa'o//de'i khyad par gsungs pa rig ma zhes pa la sogs pa'o/ /rdo rje phyag rgya ni rang gi lha'o/ /dam pa'i chos ni smod mi bya/ /zhes pa la sogs pas ni sems kyis kyang mi rung nas gzhan lta ci smos zhes so/ /dad pa med pas de rnams don med par bsams nas yal bar bya ba ma yin no//ma rig pa zhes bya ba ni ma thos pa'o/ /gti mug gis zhes bya ba ni ma bsams pa'i dbang gis ma dran pa'o/ /rang dbang zhes pa ni rdo rje 'dzin pa dang shes rab kyi pha rol tu phyin pa dang de las byung ba'i phyag rgya sngags dang ye shes kyi sku'o/ /nyid las byung zhes pa ni gzhan la brten pa dang 'dra yang rang gi de kho na nyid rtogs pa las byung ngo zhes so//rdo rje dril bu'i phyag rgya rnams/ /zhes pa ni gong ma lta bu'i dam tshig gsum mo/ /spang bar byar mi rung zhes pa ni skom pas ngal ba'i dbang gis mi spang / smod byed na zhes pa ni ma dran pa la sogs pas so//rjes su rigs pas zhes pa ni rang gi dbang gi rjes su mthun par zhes pa'o/ /rang gi dam tshig ces pa ni rang gi lha'i sku'o/ /dam tshig lha dang mnyam par du/ /zhes pa ni rang gi lha dang gcig kho na ste som nyi mi bya'o/ /de dag kun mdzod cig ces pa ni gong du gsungs pa rnams so//'gro ba'i bden pa zhes pa ni chung ba dang mi brtan pa dang yun ring por gnas pa las de nyid bsgoms pa'i stobs kyis dag pa ste/ rdo rje sems dpa' dang 'dra zhes pa ni de dang ngo gcig tu gyur pa de la khyed rnams grol bar shog ces so//de nas sngar bstan pa'i bka' lung kun snang ba'i dbang yang sbyin no//de ltar dbang thams cad bskur nas dam pa la gus pa dang ldan pas slob ma rnams kyis bla ma chen po'i zhabs la mgo bos phyag 'tshal nas/ /ji ltar rjes mthun gyi bka' stsal pa ltar bdag cag gis kyang de ltar bya'o zhes bla ma'i mdun du gsol bar bya'o//da ni dkyil 'khor bsdu ba'i cho ga gsungs pa/ 'byor ba zhes pa la sogs pa'o/ /so so re re zhes pa ni slob ma de dag 'byor ba yod na rang gi sdig pa la sogs pa zhi bar bya ba'i phyir gong nas gsungs pa lta bu'i sbyin sreg re re bya'o zhes so//yang na thab gcig kho nar mi 'gal lo/ /ji ltar bya ste lag pa g.yon gyis zhes te bla ma'i lag pa g.yon gyis slob ma'i lag pa'i mthe'u chung bzung ste bskor zhing gong ma'i cho gas zhi bar bya'o zhes so/ /grangs gsungs pa lta bu'i lugs gsum mam bdun nam gcig ces so//sa bdag dang phyogs skyong ba la sogs pa bzhi bar bya ba'i sbyin sreg gsungs pa/ rgyal po zhes pa la sogs pa'o/ /de'i don ni 'di lta ste/ gong gi thab de nyid du ji skad gsungs pa'i rdzas rnams kyis phyogs skyong la sogs par zhi ba'i don du sbyin sreg byas nas gsol ba gdab par bya'o//de gang zhe na sems can gyi don byed pa la sogs par khyed kyis grogs mdzod cig ces gsol ba gdab par bya'o/ /da ni spyod lam la sogs pas mnyes par bya ba gsungs pa/ gang de lhag par zhes pa la sogs pa'o/ /zas dang zhes pa ni chang la sogs pa'o/ /spyod lam zhes pa ni sdom ba mchog la sogs pa las gsungs pa'i glu dang gar la sogs pa'o/ /bdag gzhan zhes pa ni slob dpon dang grogs po la sogs pas shes so// de'i don ni 'di lta ste/ sbyin sreg byas pa'i de ma thag pa 'dir bla na yod pa la sogs pa'i mchod pa dang / bza' btung dang glu gar la sogs pa mchod pa dang bdag dang lha'i dkyil 'khor sna tshogs dam pa'i mchod pas tshim par byas te bsdu bar bya zhes bya bar sbyar ro/ /skal ldan slob mas bzung nas su//zhes pa ni skal ba dang ldan pa'i slob ma las gzhan la smrar mi rung ba'i don mnas bsgags te bstan to/ /de nas gzhug pa thams cad kyis kyang bla ma chen po la phyag byas nas mngon par bstod de phyir phyung bar bya'o/ /mtha' mar muH gzhug yig gsum gyi ni/sngags kyis nye bar bsdu bar bya/ /zhes pa ni thams cad rdzogs nas mchod pa la sogs pa bya ste/ oM AHhUM muHzhes pa'i sngags kyis ye shes sems dpa'i dkyil 'khor gshegs su gsol lo/ /bsdu bar bya zhes pa'i tshig gis ni oM AHhUM zhes pa dam tshig gi dkyil 'khor bdag gi thugs kar bsdu'o zhes so//a kA ro la sogs pas zhes pa ni chos nyid kyi bden pa brjod pa ste/ a kA ro mu khaM sarba d+harma NAM Ad+ya nu t+pa n+na twAta ces pas gzugs brnyan gyi dkyil 'khor nam mkha' dang 'dra ba stong pa nyid du bsgoms nas bsdu bar bya'o zhes so//dkyil 'khor la sogs pa'i nor gzhan gyis bskur mi rung bar bstan pa/ khung bu gang bar zhes pa la sogs pa'o/ /de nas ni gong nas gsungs pa 'di las dang po'i dkyil 'khor gyi cho ga gsungs pa yin no/ / gzhan rnams kyis ma lus par 'dir ci rigs par sbyar ro zhes so/ /da ni cung zad ye shes dbang du gyur pa'i rnal 'byor pas dkyil 'khor bri ba'i cho ga gsungs pa/ cung zad ces pa la sogs pa'o/ /de la khye'u dang bu mo bcu gnyis pa zhes pa ni dbab pa'i snod de/de la nyon mongs pa'i rigs kyi skyon gyis ma gos pa'i phyir ro/ /mchod gnas zhes pa ni gnyis gnyis par byas nas des dkyil 'khor bri bar gzhug ces te thig dang rdul tshon la sogs pa byed du gzhug pa'o/ /snod de la dngos gang dbab ce na/ thugs la zhes pa la sogs pa'o/ /thugs kyi gnas skabs su mi bskyod pa khye'ur bu mo la mA ma kI dbab ces so/ /de ltar phyi ma la yang sbyar zhes so/ /dbab pa de'i yon tan brtags pa gsungs pa sems can gang zhes pa la sogs pa'o/ / dbab pa'i lhas bris pa ni rmad du byung ba zhes te khyad par du 'phags pa zhes so/ /gzhan ma ni go sla'o/ /slob ma gzhug pa zhes pa la sogs pa ni las dang po pa bzhin du bya'o/ /de gsungs pa/ slob dpon slob ma'i cho ga ni/ /sngon bzhin bsam gtan kho nas gnas//zhes so/ /de'i don ni 'di lta ste/gong du smos pa lta bus zhugs pa 'am/ bdag dngos grub kyi mtshan ma mnyes pas 'dzab bzlas pa byas/ sa dag par bya ba'i mchog la sogs pa bya ste/ji skad gsungs pa'i khye'u dang bu mo khang par bcug ste sgo bcad nas cho ga ji lta ba bzhin du phab ste de gnyis slob dpon dang slob ma'i ngo bos thig gdab pa dang /tshon dgye ba dang phyag rgya bkod pa ji lta ba bzhin du bya ste lha gshegs su gsol nas de gnyis slar btang ste/ de nas bdag ni lha gnas pa'i bsam pas sbyor ba la sogs pa snga ma kho na bzhin du bya'o//de slob ma gzhug pa dbang bskur ba yang snga ma kho na bzhin du bya'o zhes so/ /dngos grub kyi mtshan ma ma rnyed pa zhig na lhas dbang bskur ba'i cho g.yan chad kyis bdag zhugs te/ rgyud las ji skad gsungs pa bzhin du thun mong gi dngos grub mtshan ma thob pa'i bye brag gis ci rigs par bsgrub par bya'o zhes so//da ni ye shes dbang du gyur pa'i rnal 'byor pas bsam gtan gyi dkyil 'khor gyi cho ga gsungs pa/ sems nyid kho na zhes pa la sogs pa'o/ /sems nyid kho na zhes pa ni/ phyi'i bya ba la ltos pa med pa kho nar zhes pa'i don to//ye shes dbang du thob pa zhes pa ni 'di lta ste/ de'i byin rlabs kyis mthong ba ste zhes so/ /btsud nas 'di na gnas pa'i mtha'/ /zhes pa ni bsam gtan kyi dkyil 'khor der skal ba dang ldan pa btsud nas bka' lung snang ba'i mthar thug pa'i bar gyis dbang bskur bar bya'o zhes so//rmi lam ltar 'dod shin tu gsal/ /zhes pa ni cung zad mi gsal ba'i dpe bstan pa yin te/ de sgyu ma lta bu'i lha'i sku rang dang gzhan gyis mthong ba de yang ji lta ba bzhin du ma yin te rmi lam la sogs pa bzhin no zhes so/ / sems kyi sku gzugs bstan pa'i phyir/ /zhes pa ni nang gi bzlas pa'i rim pas nyin mtshan du rang nyid zlos te/sgyu ma lta bu'i lha'i gzugs su bstan pa'i phyir rnal 'byor pa ste mchog ni zhes bya'o//de'i don ni 'di lta ste/ gong du slob ma rnams la snod du rung zhing sbyor ba la rnam par gnas pa/yul rnams la zhen pa dang bral ba rnams kyis zhus pa'i don du dkyil 'khor sgyu ma lta bu bsam gtan gyis rdzogs par bya ste/ khyad par can gyi slob ma de der bcug ste chu nas thams cad snang ba'i mthar thug pa'i dbang bskur bar bya'o zhes so//de las gzhan pa'i slob ma'i bya ba la mngon par zhen cing blo gros dman pa der 'jug par mi nus pa rnams la cung zad ye shes kyi dbang du gyur pa'i rnal 'byor pa ltar gzugs brnyan du bris nas dbang bskur ba la sogs pa bya'o zhes slob dpon snga ma pa'i zhal snga nas bshad do//de la gzhan rnal 'byor pas 'dis dngos grub chen po la sogs pa'i mtshan ma rnyed nas/ snod la dbab pa'i lhas bris pa'i dkyil 'khor la gnas nas ji skad gsungs pa'i lam gyi rim pas dngos grub chen po la sogs pa bsgrub par bya'o zhes so//rnal 'byor gsum gyi snga ma bzhin/ /zhes pa ni sku la sogs pa'i rnal 'byor pas dkyil 'khor bri ba'i cho ga ni gong ma kho nar zad do zhes so/ /phyag mtshan dgod pa'i khyad par gsungs pa/ cho ga bsdu ba'i 'khor lo'o/ /de nas mi bskyod phyag mtshan dgod//ces so/ /ci'i phyir zhe na/ sku gsum gsang ba dag phyir zhes te gsung rdo rje dang thugs rdo rje yang chos kyi dbyings su ro gcig pa'i phyir ro zhes so/ /de bzhin du khyad par gzhan yang ci rigs par rtogs par bya'o zhes so/ /da ni rnal 'byor pa rnam pa gsum char la yang sems kho na gtso bo yin par gsungs pa las dang po pas zhes ba la sogs pa'o//las dang po pa ni de nyid do/ /cung zad tsam zhes pa ni cung zad ye shes dbang du gyur pa'o/ /ye shes dbang thob ces pa ni ye shes dbang du gyur pa'i rnal 'byor pa'o//de rnams kun kyang sems kyi cho ga gsungs te zhes pa ni sngags la sogs pa'i bya ba tsam gyis byed pa dgag pa'o/ /de bas na/ sems kyi cho ga de med na/ /de rnams la ni 'grub pa med/ /ces so/ /de nyid gsungs pa rdo rje slob dpon zhes pa la sogs pa'o/ / rdo rje slob dpon dang slob ma mtshungs par rgyu mthun pa'i 'bras bu la sogs pa bdag gis rtogs par 'dod na/ sems kyi cho ga mchog gsungs zhes te de la brtan pa kho nas 'grub par 'gyur zhes so/ /ngag brjod tsam gyis ci yang med/ /ces pa ni/ nang gi bzlas pa ma gtogs par sngags la sogs pa bzlas kyang mi 'grub ces so//spyod pa tsam gyis sangs mi rgya/ /zhes so/ /de ni ye shes kyi sku ma gtogs par bgrang phreng bgrang ba dang / lag pa'i phyag rgya dang skyil krung la sogs pa'i mtshan nyid kyis sangs rgyas pa ma yin zhes so/ /thos pa tsam las yod ma yin//zhes so/ /bla ma dam pa bsnyen bkur ba las byung ba'i de kho na nyid kyi gsang ba'i man ngag bla ma'i zhal nas ma thob par gzhan tshigs su bcad pa rkyang ba du ma thos pa la sogs pas kyang / phyag rgya chen po mngon gsum du mi mdzad ces so/ /'o na gang gis thob ce na/ci tsam sems dpa' brtan byed na/ /zhes te ji skad gsungs pa rnams rtogs par bya ste/ thabs gzhan gyis bde bar gsungs gsos te/ de nas dgon pa la sogs pa yid du 'ong ba'i sa phyogs su gnas te/ ji skad gsungs pa'i 'og nas 'byung ba'i 'bras bu gsal bar 'gyur zhes so//de nyid zlos pa'i phyir yang bka' stsal pa/ sngags pa rnams kyis gzhag par bya/ /zhes so/ /ci'i phyir spros pa mang por gzhag ce na sems las thun mong dang mchog gi khyad par 'grub pa dang / sems las rnam pa thams cad mkhyen pa'i byang chub 'byung ba'i phyir de kho na la blo rnam par bzhag ste/gzhan spros pa mang pos ci zhig bya zhes so/ /ji skad gsungs pa zhes bya ba la sogs pas ni sems kho nas ji lta ba bzhin du rtogs pa de nyid rnal 'byor pa bzhi pa yin te/ sems de byang chub 'bras bu ste//zhes pa ni brtul zhugs la sogs pa'i rim pas sems de kho nas thang cig gis rtogs pa de nyid byang chub kyi 'bras bu zhes so/ /de dngos gang zhe na bla na med pa'i sangs rgyas zhes te/ sa 'og ma pa ma yin pa'i phyir ro/ /de nyid gsungs pa/ rdo rje sems dpa' dngos po yis//chos dang longs spyod sprul pa'i zhes te rtogs pa de nyid las sku gsum gyi dkyil 'khor gyi 'khor los 'gro ba rnams kyi don mdzad pa yin no zhes so/ /de bas na gsungs pa/dkyil 'khor gsum gyi mtha' yas khams/ /'gro ba'i phan don byed pa po/ /zhes pa de nyid kyis gsal por mdzad pa yin la de rnams log ma thag de las srid pa'i sdug bsngal gzhan yod pa ma yin zhes te de nyid srid pa'i sdug bsngal yin no zhes so//don 'di lta ste/rtag pa la sogs pa la gzugs la sogs par 'khrul pa de nyid srid pa'i sdug bsngal yin no zhes so//thabs dang shes rab bdag nyid 'di/ /zhes pa ni 'og nas 'byung ba'i zab mo gsal ba'i bdag nyid dkyil 'khor gyi 'khor lo dus dang gnas skabs thams cad du khyab pa'o/ /de yi gnyen po mngon sum mthong / /zhes pa ni de nyid gong du smos pa'i sdug bsngal gyi gnyen por mngon sum du shes par bya'o//gnyen po de nyid gsungs pa/ chos kun phyogs la khyab pa'i zhes te rgyu ba dang mi rgyu ba'i chos thams cad la rtag pa la sogs pa'i rgyun 'jug pa'i kun rdzob kyi gzugs la sogs pa dkyil 'khor gyi 'khor lo rang la snang bar byas te/ de goms pas zhes te ji skad gsungs pa'i don la gzhol bas zin pa gnyis su dbyer med pa des dus thams cad du de la khyab par gnas te de nyid gsungs pa/thog med dam pa'i 'khor lor snang / /zhes so/ /rtog pa log nas snang byas te/ /zhes sbrul bzhin du snang la/ med pa'i rtog pa de nyid log par byas nas thag pa lta bu'i rtog pa la sogs pa'i dkyil 'khor gyi 'khor lo rang la snang bar byas te/de goms pas zhes te/ji skad gsungs pa'i don la gzhol bas 'khor lo de goms par byas nas de ldog go zhes te/ gzugs la sogs par 'khrul pa'i srid pa'i sdug bsngal de ldog go zhes so//gang tshor ba gang gis mi mthun phyogs/ /zhes pa ni gang gi tshe na rnal 'byor pa gang gi rgyud la srid pa'i sdug bsngal brdzun pa ngo bor 'khrul pa ni mi mthun pa'i phyogs so/ /de cho de ni de yis 'gags/ /zhes te de'i rnal 'byor pa de thogs pa med pa'i 'khor lo bsgoms pas de nyid 'gags zhes so//de'i don ni 'di lta ste/ rtog pa ni phyogs kun la khyab pa ste thog ma med pa nas brtags pa'o/ /zab mo gsal ba'i dkyil 'khor du snang ba'i yid la de snang bar mi rigs te gzhi rnam par rtog pa'i phyir ro//de bas na bde ba dang sdug bsngal dus gcig tu mi mthun pa bzhin no/ /'o na byams pa la sogs pas sdang ba la sogs pa 'gags pa lta bur mi 'gyur ram zhe na/ des na gtan du bzlog byas te/ /zhes pa ji lta ba bzhin du bzlog pa'i phyir rtog pa rnams gtan du dag ste de lta bu'i snang ba skye mi rigs te de nyid brdzun pa yin pa'i phyir der/rgyu mthun shin tu goms phyir ro/ /zhes pa ni ji skad gsungs pa'i rim pa des de'i rgyu lam rnam par goms pas de nyid gsal bar snang ba'i phyir cig shos snang bar mi rigs so/ / dam pa'i 'khor lo zhes pa ni gong du smos pa'i zab mo dang / gsal ba'i de nyid chos kun bdag /ces pa ste chos thams cad la khyab bdag tu gyur pa'o/ /snang srid dag par spyod pa'i phyir/ /zhes pa ni rgyu ba dang mi rgyu ba'i chos thams cad gzung ba dang 'dzin pa'i rnam par dag pa ste/zab mo dang gsal ba'i 'khor lor sngags pa rtag tu spyod pa'i phyir srid pa'i sdug bsngal can du log par byed do zhes so/ /de bas na byams pa la sogs pas zhe sdang la sogs pa skad cig tsam du 'gags kyang / yang 'byung du mi btub pa ma yin pa'i phyir ro/ / de bas na 'dir byang chub mngon du 'gyur zhes so/ /de'i phyir 'di la bskal ba dang 'brel ba med do/ /de ltar na srid pa'i sdug bsngal ldog par 'gyur ba'i lam gzhan yod pas 'khor lo 'dis ci zhig bya zhe na de'i phyir lam de las tshul 'di khyad par du 'phags par gsungs ba bskal bar gnas pa zhes pa la sogs pa'o//bskal par gnas kyang 'bras bu med/ /ces so/ /sbyin sogs rim bzhin zab mor ni/ /sbyin rdzas tshul sogs rang bzhin med/ /ces te/ sbyin pa la sogs pa'i rang bzhin med par goms par byed pa kho na'i phyir zab mo yin no/ /yang dag par gsal ba ma yin no//de bas na tha mal pa'i rtog pa bsal bas bzlog ste zab mo ma yin no/ /gsal ba rnam par spyod pa ni bdag cag rnams kyi'o/ /de bas na khyed ni tha mal par 'gyur zhes dang / mi gsal gsal mi 'grub ces so/ /byang chub dus chad med ba'i phyir/ /zhes pa ni de'i gzhung gis byang chub btsal nas bskal pa grangs med pa gsum 'dzin pa'i phyir na/rang gi don yul dngos bdag ni/ /zhes te khyed kyi sbyin pa la sogs pa'i dngos po'i bdag nyid rnams te/ mkhas pa tha mal yin par bstan/ /zhes so/ /khyed kyi yang de ltar mi 'gyur ram zhe na/snang srid ces pa la sogs pa'o/ /snang srid chos bdag dkyil 'khor gyis/ /zhes pa ni gong du smos pa'i dkyil 'khor gyi 'khor lo la rnal 'byor pa chen po zhig gis goms pa'i stobs kyis skad cig 'dir ni byang chub zhes te/ nyin mtshan du sbyor bas tshe 'di nyid la in+d+ra b+hU ti la sogs pa bzhin du phung po rdo rje'i lus su brje par 'gyur ro zhes so//de bas na 'di ni ji lta ba bzhin du gnas pa'i lam ste skad cig gis rdzogs par byed pa'i phyir ro/ /khyed kyi tha mal pa ste bskal pa grangs med pa gsum na yang 'di lta bu'i don rdzogs par byed mi nus so zhes so//bdag gi ji lta bar tha mal par 'gyur zhe na/ sbyin rdzas zhes pa la sogs pa mi dmigs kyang zhes pa ni sbyin pa'i rdzas dang sbyin pa po dang len pa po la sogs pa gsum mi dmigs pas zab mo kho na yin yang / sbyin la sogs pa tha mal bdag /ces pa mi dmigs pa de zab mo yin yang sbyin pa la sogs pa ni tha mal pa ste/ ji ste kun rdzob tu song nas 'dug pa de gang gis bzlog nus/ de bas na khyed kyi ni tha mal pa'i sbyin pa las 'das pa ma yin pa/ de bdag med pa'i dam pa'i 'khor lor mi snang zhes te/sbyin pa la sogs pa'i de kho na nyid bla ma'i zhal nas rnyed par bya ste/de lta bu'i dkyil 'khor gsum gyi don/ rang yid gang gis bsgom byed/ /zhes te bsgom par bya ba ma yin no/ /de'i don ni 'di lta ste/ gzhan sdug bsngal gsum gyi rang bzhin gyi bskal pa grangs med pa gsum gyis bla na med pa'i sangs rgyas thob pa rnams kyis 'di lta bu'i dpal dang ldan pa kun nas bkra shis pa'i ngo bo 'di gang zag gang gis sgom par mi byed pa kho na yin no zhes pa'i don to//da ni bla ma chen po rnams kyis brtsams pa'i chos dpang por gzhag pa gsungs pa/dam pa'i chos zhes pa la sogs pa'o/ /dam pa'i chos kyi ro myangs pa/ /zhes bya ba ni gzhung gi chos la blo rnam par 'bad pa'i sgo nas ji lta ba bzhin du gnas pa'i chos kyi ro myang ba zhes pa'i don to/ / thos pa mang pos phun sum tshogs/ /zhes pa ni bla ma gus pas mnyes par byas pa ste/ phyi nang sngags kyi rgyud la sogs pa mar me lta bu'i sgo nas gser lta bu'i don bla ma'i zhal snga nas mang du thos pa'o/ /dngos gang zhe na skyes bu dam pa zhes pa ste/ 'phags pa klu sgrub la sogs pa'o//de 'dir tshar nas kyang zhes pa ni/ de rnams kyis rnam par 'dul ba'i chos dang 'dir bdag gis 'dir dang po lta bur bzhag nas sgrub pa'i thabs 'di rang gi sems kyi brtson 'grus kyis brtsams nga rgyal gyis ma yin no/ /de bzhin du bdag gis kyang brtson par gsungs pa/bla ma'i gzhung zhes pa la sogs pa'o/ /dad pas rab tu gsal bar byas/ /zhes pa ni/ 'dir rigs pa yin te bla ma chen po'i gzhung blo la rnam par bzung nas dad pa gsal por bdag gis byas te/ gzhan ma yin zhes te dad pa la sogs pa ni chos la 'jug pa'i rgyu yin pa'i phyir des snod du rung ba yod de/de bas na snod du rung ba'i bsgom par bya ba la smra bar 'os pa ma yin zhes so/ /de ci'i phyir zhe na/ dad pa rnam par brtsams pa ste/ /dad pa ni dkar po'i chos 'phel pa'i rgyu yin pa'i phyir na de la smrar rung ba ma yin no zhes so//de bas na dad pa med pa'i mi rnams la/ /dkar po'i chos rnams yongs mi skye/ /sa bon me yis tshig pa la/ /myu gu rnams ni yongs mi skye/ /zhes so/ /da ni slob dpon gyi nga rgyal gzhom pa gsungs pa/ blo gros zhan yang zhes pa la sogs pa'o/ / bdag 'dra ba'i blo gros zhan pa la don rab tu rtogs pa yod srid ces so/ /de bzhin du bris pa'i kha nas tshig snyan pa byung srid pas/ 'dir rang gi sems kyi brtson 'grus kyis so zhes so/ /ci'i phyir zhe na/ mchog ni skyes bu rnams kyi gzhung / /zhes pa de rnams la gzhung du ma 'ga' yod snyam pa'i blo bzhag ste skyes bu rnams kyis gzung bar mdzod ces so//dge ba'i rtsa ba bsngo ba gsungs pa/ rim pa ces bya ba la sogs pa'o/ /de la dkyil 'khor bris dge ba/ /zhes pa ni go rims 'brel zhing tshar ba'i bar du dkyil 'khor gyi sgrub pa'i thabs bris pa'i dge ba khang pa dang /zla ba'i 'od lta bu 'dis 'jig rten pa rnams 'jam pa'i rdo rje'i go 'phang thob par 'gyur nas/ de'i stobs kyis bdag kyang 'jam dpal gyi go 'phang dam pa zab mo rgya che ba mi gnyis pa/ 'khor ba ji srid yod pa de srid kyi bar du ro myang tsha ba'i bdag nyid brgyad dang ldan pas bzhugs pa de lta bur bdag gi rgyud la de lta byung bar gyur cig ces bsams pa las byung ba'i dge ba'i rtsa ba bsngo ba'o//da ni rab tu byed pa 'di'i gzhung gi shog log gi tshad bstan pa'i phyir gsungs pa tshig bdun pa'i zhes pa la sogs pa'o//de la tshig bdun pa'i tshigs su bcad pa bzhi brgya dang lnga bcu tham pa ste/ de'i rab tu 'byed pa 'di bsgrubs so zhes shes par bya'o/ /de dngos gang zhe na 'jig rten sgron ma zhes bya ste/de la 'jig rten ni sems can rnams te/ de la dpal gsang ba 'dus pa'i dkyil 'khor gyi 'khor lo'i don gser lta bu'i sho lo ka de rnams sgron ma lta bus ston pa de'i phyir te de la de skad ces bya'o/ /dkyil 'khor sgrub thabs brtsams pa zhes pa ni gzugs brnyan gyi dkyil 'khor gyi sgo nas thams cad de dkyil 'khor gyi 'khor lo mi snang ba de'i phyir tha mal pa'i rtog pas brtsams pa ma yin no//de nyid zab mo ste/ zab ni phan 'dogs pa'i rgyu ma yin no/ /de'i yan lag tu gyur pa ste snang ba'i phyir ro//de yang dag par bsal ba ni tha mal pa'i rtog pa thams cad rnam par 'joms pa yin no/ /rtog pa thams cad log pa de nyid zab mo zhes te/ dad pa med pa ma yin pa'i phyir ro/ /de bas na yang dag par bsal ba zab mo'i dkyil 'khor de nyid bsam par byas nas gdod 'bras bu'i skal ba can du gyur te/gzhan rnams kyis de lta bu grub pa ma yin no zhes so/ /de bas kun rtog bcom nas su/ /zhes pa ni lam gyi rim pa gang gis yang dag pa ma yin pa rnams bcom nas/ /kun du 'od zer 'phro ldan pa/ / zhes te/ chos dang phyogs kun la 'od zer ltar khyab pa'i 'khor lo ji lta bu zhe na kun du bzang po zhes te skyon gyis gdod ma nas ma gos pa'i phyir ro/ /de bas na gdod byang chub skal ba dang ldan par 'gyur ro zhes so/ /thams cad de kho na'i rang bzhin pa'i phyir ro/ /de bas na dam pa rnams kyi lam yin par gsungs pa/de'i phyir zhes pa la sogs pa'o/ /de'i phyir dkyil 'khor 'khor lo bstan/ /zhes pa ni thabs des kyang byang chub kyi skal bar 'gyur ba de'i phyir snying rje chen po dang ldan pas ji skad gsungs pa'i dkyil 'khor gyi 'khor lo bstan pa yin no zhes so//de nyid gsungs pa/ chos dang longs spyod sprul pa ni/ /zhes pa ni dran pa nye bar gzhag pa la sogs pa dang / de bzhin nyid ni chos sku'o/ /mtshan dang dpe byad du ldan pa gtsang ma na gnas pa ni longs spyod rdzogs pa'i sku'o/ / tshangs pa la sogs pa'i gzugs ji ltar phan par zhugs pa ni sprul pa'i sku'o/ /de rnams sku gsung thugs kyi gsang ba ni sku gsum rim par dag ces ni gsang ba 'dus pa las te/ chos kyi sku rnam par dag pa thugs kyi dkyil 'khor ro/ /longs spyod rdzogs pa'i sku rnam par dag pa ni gsung gi dkyil 'khor ro//sprul pa'i sku rnam par dag pa ni sku'i dkyil 'khor zhes so/ /de bas na 'di nyid mngon du gyur pas thams cad mdor bsdus par gsungs pa sku gsum zhes pa la sogs pa'o/ /sku gsum zhes pa ni gong ma'i de nyid do//de yi khyad par ye shes lnga/ /zhes pa ni me long la gzugs brnyan snang ba bzhin du snang ba ma lus pa cig car snang ba bzhin du bcings yongs su shes pa ni me long lta bu'i ye shes so/ /sems can thams cad mnyam pa'i ye shes tsam mo/ / zhes pa rnam pa gcig tu rtogs pa ni mnyam pa nyid do/ /phyi nang gi snang ba rnams so sor rnam par brtags na thams cad do/ /sangs rgyas par shes nas chos thams cad kyi cha 'di dag ces pad+ma'i 'dab ma bzhin rtog cing / rtog pa med pa ni so sor rtog pa'o/ / bdag dang gzhan gyi lus ngag yid kyi las rdzogs par byed pa bya ba grub pa'o/ /lus ngag yid kyi sgrib pa dang grol te/ rnam par rtog pa'i bag chags sbyangs pa ni chos kyi dbyings te de rnams go rims bzhin du 'dir rtag pa la sogs pa'o/ /de rnams/ 'khor lo'i rnal 'byor gyis bsgrub bya/ /zhes pa ni de dag bla ma dam pas 'bras bu thob pa'i sdom pa byin nas/ de la bsten nas dkyil 'khor de bsgrub ces so/ /de'i 'bras bu ni/ rnam pa thams cad mkhyen pa 'grub/ /ces rdo rje 'dzin pa chen po shes bya'i rnam pa thams cad mkhyen pa/de lta bu grub nas ma grub pa zhes gang yang med ces te/ rig 'dzin la sogs pa'o/ /sa 'og ma pa rnams kyis sangs rgyas la sogs pa yang rtsom pa med par thob po zhes gsungs pas sangs rgyas la sogs pa'o//sangs rgyas zhes pa ni sa 'og ma pa'i'o/ /phyi rol phyin 'grub ces pa ni sbyin pa la sogs pa'o/ /gzung dang zhes pa ni tshig gzung ba la sogs pa'o/ /sa rnams zhes bya ba ni rab tu dga' ba la sogs pa ste de rnams kyang /bde chen theg pa 'di las ni/ /zhes pa ni dka' thub la sogs slong ba'i bde ba de nyid kyis go 'phang dam pa thob pa'i theg pa 'di las zhes so/ /so sor rang yid rjes las 'grub/ /ces pa ste 'bad pa dang rtsol ba med pa kho na bde ba chen po'i go 'phang kho nar rtogs pa'i stobs kyis thams cad 'grub pa la thogs pa med ces so//mthar thug pa de nyid rtogs pa'i phyir ro/ /da ni de kho na la brtan por byas pa gsungs pa de ltar zhes pa la sogs pa'o/ /de ltar dpal dang ldan pa'i rnal 'byor pa chen pos de'i don shes par byas nas//rang nyid chos ni 'phags pa'i lus/ /zhes pa ni rang gi gzugs la sogs pa'i chos thams cad rtag pa la sogs pa'i 'phags pa 'dus pa'i rang bzhin rnyed pa ni de'i sgrub pa'i thabs rnyed do/ /brtsams so zhes gzhan rnams kyang ma bstan pa ma yin mod kyi de'i yan lag tu gyur pa'i phyir ro//sangs rgyas ye shes zhabs kyi gzhung lugs gsal tshig ni/ /bla ma dam pa bzang po'i zhabs kyis rnam par bshad/ /de zer rim pas dman pa'i zhal la cung zad phog /de bas 'di ni don yod bsams nas rnam par bshad/de las gyur pa dge ba zla 'dra de yis ni/ /'jig rten ma lus 'di rnams ma rig bsal byas te/ /skye ba'i rgya mtsho las grol dkyil 'khor gyi/ 'khor lo'i lam gyis rdo rje 'dzin pa'i sa la gnas gyur cig /dpal gsang ba 'dus pa'i dkyil 'khor gyi sgrub pa'i thabs 'jig rten snang byed ces bya ba'i rnam par bshad pa slob dpon chen po bi ta pA das mdzad pa rdzogs so// //rgya gar gyi mkhan po ka ma la gu h+ya dang zhu chen gyi lo tsA ba mnga' bdag ye shes rgyal mtshan gyis bsgyur cing zhus te gtan la phab pa'o// //