CLOSE WINDOW

D1866
བོད་ཡིག

/ //rgya gar gyi mkhan po pad+ma ka ra warma dang / /zhu chen gyi lo tsA ba dge slong rin chen bzang pos bsgyur cing zhus te gtan la phab pa'o/ /[ ]@##/ /rgya gar skad du/ su ku su ma nA ma dwi kra ma ta twa b+ha ba nu kha A ga ma sa da bya pr-it+ti/bod skad du/ mdzes pa'i me tog ces bya ba rim pa gnyis pa'i de kho na nyid bsgom pa zhal gyi lung gi 'grel pa/ thams cad mkhyen pa la phyag 'tshal lo/ /dpal ldan bde rdzogs zab gsal gnyis med 'od zer ldan/ /de yi rang bzhin zhi ba bcu drug phyed cha 'bar//don dam snying po de ston bla ma gsum po rab/ /de la bya byed gsum mnyam pa yis rtag tu 'dud/ /ces bya ba'i tshig dang po 'dis ni bdag cag gi bla ma chen po lha sangs rgyas dpal gyi ye shes zhabs kyi zhal snga nas kyis byang chub sems dpa' 'jam pa'i dbyangs kyi lung bsdu bar bya ba'i phyir khyad par gyi rin po che gsum la skyabs su 'gro bas bgegs kyi bar chad mi 'ong zhing bsam pa rdzogs par byed pa'i ched du mchod pa brtsam ste/ya rabs rnams kyi rjes su 'brang ba'i phyir ro/ /de la dpal ldan zhes bya ba la sogs pa'i tshig gis ni mchod pa'i yul go rims bzhin du sangs rgyas dang /de'i rang bzhin gyi chos dang / de ston pa'i dge 'dun rin po che ston to/ /de la bya byed ces bya ba la sogs pa'i tshig gis mchod pa'i thabs ston par byed de/ /de la dang po dpal ldan zhes pas ni rgyu phun sum tshogs pa gsungs so//bde rdzogs zhes pa la sogs pa'i tshig gis ni 'bras bu phun sum tshogs pa gsungs so/ /de yang bde rdzogs zhes pa ni longs spyod rdzogs pa'i sku ston to/ /zab gsal gnyis med ces pas ni chos kyi sku ston to/ /'od zer ldan zhes pas ni sprul pa'i sku ston to/ /de yi rang bzhin zhi ba zhes pas ni rang bzhin gyi chos ston to//bcu drug phyed cha 'bar zhes pas ni mtshon byed kyi chos ston to/ /don dam snying po de zhes pas ni khyad par du byed pa bstan to/ /bla ma gsum po rab ces pas ni khyad par du byas pa'i dge 'dun ston to/ /de la bya byed gsum mnyam pa yis zhes pas ni khyad par du 'phags pa'i thabs ston to//rtag tu 'dud ces pas ni mi 'gyur ba'i thabs ston par byed do/ /de ni re zhig spyi'i don to/ /yan lag gi don brjod par bya ste/ de la dpal zhes pas ni bsod nams dang ye shes kyi tshogs so/ /de yang gang zhe na/ sbyin pa la sogs pa ste/ pha rol tu phyin pa'i lugs so/ /rten dang rten can de bzhin nyid dang bcas pa ste/ las dang po pa la sogs pa'i rnal 'byor pa rnams kyi'o/ /shin tu legs par sbyangs pa'i phyag rgya phul du byung ba'i cho ga dang bcas pa ste/ rdzogs pa'i rnal 'byor pa rnams kyi'o//'di ni gzhan du'ang shes par bya ba ste/ de rnams gang la yod pa de la dpal ldan zhes bya'o/ /rnam pa thams cad mkhyen pa'i ye shes ni tshogs gnyis las byung ba'i phyir ro/ /bde rdzogs zhes pa ni bde ba thams cad kyi phul du byung ba ste/ de yang dga' ba'i ye shes las skyes shing //de rnam par dag pa mtshan dang dpe byad kyis rnam par brgyan pa byang chub kyi snying po'i sku bzhin du yongs su dag pa'i gdul bya rnams la bla na med pa'i longs spyod rgyun du rdzogs par mdzad cing rtag tu bzhugs pa'o/ /zab gsal gnyis med ces pa ni 'dus ma byas dang 'dus byas gnyis su med pa ste/de yang nyams gcig gis rtogs pa'i spyod yul ni yin gyi/ byed pa ni ma yin pa dus gsum du yang 'gyur ba med pa gting dpag dka' ba de ni 'dus ma byas pa'o/ /ye shes skad cig ma rgyun mi 'chad par gnas shing rigs pas rnam par bskyed cing rang bzhin la rtag tu 'jug pa ni 'dus byas so//de gnyis chu dang 'o ma ltar nam zhig na dbyer med pa de ni dga' ba bar ma'i ye shes te de rnam par dag pa'o/ /'od zer ldan zhes pa ni sprul pa zhes pa'i tha tshig go/ /de yang srid pa ji srid yod pa de srid du dag pa'ang rung /ma dag pa'ang rung ste/ de rnams kyi yid dang mthun par 'jug pa ste/ shAkya thub pa la sogs pa'i gzugs sam/ dkyil 'khor gyi 'khor lo'i thabs la sogs pa spro ba ste/ dga' bral gyi ye shes rnam par dag pa gang la yod pa de la de skad ces bya'o/ / de yi rang bzhin zhi ba zhes pa ni chos kyi dbyings 'dus ma byas pa ste/ de rnams kyi rang bzhin du gnas pa rten cing 'brel par 'byung ba la sogs pa'i mtshan nyid rnams gzod ma nas zhi ba ste/ lam gyis ma yin pa'o/ /bcu drug phyed cha 'bar zhes pa ni thig le zhes pa'i don to/ / de yang bcu drug ni dbyangs yig rnams so/ /de yi phyed cha ni tha ma'i thig le gcig ces pa'i tha tshig go/ /de yang bsgrub pas gnas rnams dkrugs pa las yi ge rnams bcu drug par gyur/ de yang nyi zlar gyur/ /de lta bu'i thig ler gyur nas rdo rje'i rtse mor 'gro ba ste/ de nyid 'od zer stong du 'bar ba'i gzugs su rnal 'byor pa rnams kyis 'og nas 'byung ba'i cho gas bsgoms nas//ji skad du gsungs pa'i de kho na nyid rtogs par 'gyur ba'i phyir ro/ /don dam snying po de zhes pa ni 'das ma thag pa'i chos rnams so/ /de ston par byed pa'i bla ma ni gsum ste/ phul du byung ba'i lam ston par byed pas na rab ces bya ste/ mchog ces bya ba'i tha tshig go/ /de yang gsum ste/ rgyu dang rkyen dang / lhan cig byed pa'i slob dpon no/ /de nyid bla ma'i zhal snga nas gzhung 'dis bstan te/ 'di skad du/ thun mong thun min dam tshig gnang / /chu sogs rim pas rang gi rgyud//dag byed slob dpon nyid du bsgrub/ /rgyu yi slob dpon chen po'o/ /de dang lhan cig rtsen byed cing / /bcu drug cha yi rang rgyud la/ /zhing dag byed pa'i lha mo che/ /rkyen gyi slob dpon nyid du bshad/ /de yis gnang byas rang gi rigs/ /lhan cig rtsen pas byin rlob pas//dga' ba'i lhan cig skyes rtogs pas/ /lhan cig byed pa'i slob dpon no/ /zhes gsungs so/ /de rnams kyang don dam pa'i snying pos rnam par sbyangs pa ste/ thos pa la sogs pa'i stobs kyis grol ba'i nus pa rnyed pa'o/ /ji skad du/ shing las 'gred pa'i mi gang zhig /mi 'dod kyang ni rab tu ltung / /de bzhin bcom ldan 'das gsungs pa'i/ /stobs kyis de bzhin nyid thob po/ /zhes gsungs so/ /de rnams la bya byed gsum mnyam pas shes te/ /bya ba gsum ni rin po che gsum mo/ /byed pa gsum ni lus la sogs pa gsum mo//de mnyam pa ni gcig tu 'dres pas blos zin pa ste/ bsgom pa la sogs pas zhes pa'i tha tshig go/ /de nyid kyis de rnams mnyes par gyur pa'i phyir ro/ /rtag tu 'dud ces pa ni mngon par rtogs pa nas bzung ste mtha' med pa'i 'khor ba yan chad kyi bar du dbyer med pa'i blos zin pa ste//gzhan ltar ji srid 'tsho'i bar du zhes pa ni ma yin no/ /gang gi phyir rtog pa sngon du gtong ba'i nyan pa po rnams khas mi len pa de'i phyir/ /'jig rten gsum gyi sgron ma la sogs pas bshad par khas 'ches pas de rnams kyi 'jug pa'i yan lag gsungs so//'jig rten gsum zhes pa ni sa 'og la sogs pa na gnas pa'i sems can rnams so/ /de rnams kyi nang na mar me lta bu rang dang gzhan gsal bar byed pa'i phyir sgron ma'o/ /de rnams kyis 'das pa la sogs pa'i dus su 'di 'ba' zhig ston pa'i phyir rab tu bsngags pa'o//de gang zhe na/ chos rnams kun gyi snying po zhes te/ gzugs la sogs pa rnams de las byung ba'i phyir dang / /mi 'gyur ba'i phyir dang / 'dod pa'i 'bras bu 'byin pa'i phyir ro/ /dngos kun de nyid ces pa ni/ /chos thams cad la dus gsum du yang mi g.yo ba'i phyir ro//srid pa'i dug chu zhes pa ni rnam par rtog pa ni srid pa ste/ de nyid kyis zin pa rnams 'chi bar 'gyur ba'i phyir/ dug chu dang 'dra'o/ /de yang thog ma med pa'i dus nas gnyis su med pa'i ye shes la 'khrul pa ste/ sna yang med pa nyid do//thabs dang bcas pa'i de nyid kyis blo 'jig par 'gyur ba'i phyir zlog byed ces bya'o/ /thabs de yang gang zhe na/ gsum khong baM steng 'bar zhes te/ gsum ni chos 'byung gi phyag rgya stong pa nyid la sogs pa'i rang bzhin gru gsum dang ldan pa gsang ba'i pad+ma'o//de'i khong pa ni nang ste/ 'dab ma brgyad pa ste lte ba dang ge sar gyis bskor ba nam mkha' lnga'i rgyan dang ldan pa'o/ /baM ni rdo rje de'i steng ni nor bu'i cha ste/ de na 'od zer 'bar ba'i kun rdzob byang chub kyi sems ji bzhin pa'i don la mi slu ba'i thig le'o//de nyid las dang po la sogs pa blo gzhag pas ji skad du gsungs pa rnams rtogs par 'gyur ba'i phyir ro/ /de bshad par bya'o zhes sbyar ro/ /gang gis she na/ 'jam dbyangs bla ma'i lung gi zhes te rang bzo dgag pa'o/ /'jam zhing mnyen pa'i dbyangs gang la yod pa de ni 'jam dbyangs te/de'i lung ni de las 'ongs pa'o/ /ci'i phyir bshad ce na/ rtogs pa'i phyir zhes te/ skal ba dang ldan pa 'ba' zhig gis mi brjed pa'i phyir gzungs su bya ba'i phyir ro/ /de rnams kyis blo gros can rnams 'jug pa'i yan lag rnams ston to//de yang gang zhe na/ chos thams cad kyi de bzhin nyid thabs dang bcas pa ni brjod par bya'o/ /sems can 'ga' zhig gi rtogs pa ni dgos pa'o/ /de dang lung gnyis thabs dang thabs las byung ba'i mtshan nyid du gnas pa ni 'brel pa'o/ /dgos pa nan tan du byas pas srid pa'i dug chu bzlog nas bdud rtsi'i ro rnyed pa ni dgos pa'i yang dgos pa'o//de bas na bshad par bya zhes te nges pa'i tshig la sogs pa dang ldan par ro/ /de rnams dang ldan pa ni chos yang dag pa'o/ /zhes gsungs pa'i phyir ro/ /da ni 'gro ba rnams dad par bya ba'i phyir/rje btsun bdag nyid kyis de kho na nyid mnyes pa'i lo rgyus gsungs pa/ dbus kyi yul chen zhes pa la sogs pa'o/ /de la bdag cag gi bla ma chen pos dang por yul khams ni dbus zhes bya ste/ na len+d+ra'i phyogs so/ /yul gyi ming ni kha bir zhes bya'o/ /de na grong khyer rdo 'jog ces bya ba yod do//de yi phyogs gcig na 'phags pa mang pos bkur ba'i sde pa gzhung sna tshogs kyis dub pa las/ shes rab kyi pha rol tu phyin pa la sogs pa thob pa/ bzang po seng ge zhes bya bar grags pa rab tu thob pa zhig yod pa de mnyes par byas nas pha rol tu phyin pa'i lung thob nas de las gzhan pa'i gzhung yang mang du thos pas de nyid la 'thad bsgrub kyis rnam par dpyad cing gnas pa la shrI na len+d+rar rig pa'i chos grwa chen po na gnas pa'i dge slong ma yon tan bshes gnyen zhes bya ba//bram ze'i rigs su skyes pa dad pa brtan pa zhig yod pa de'i ngor/blun blos zhes te pha rol tu phyin pa'i blos gnas pas de bzhin nyid ji lta ba bzhin du ma rtogs pa'i phyir ro/ /rab tu byed pa phyogs 'ga' rtsom byed pa'i/ /zhes pa ni shes rab kyi pha rol tu phyin pa'i bsdus don la sogs pa nyung shas cig la blo 'phrod pas rtsom pa dang ston pa byas te/pha rol tu phyin pa'i gzhung des phan gdags par bya ba'i phyir ro/ /de nas yul dbus las byang du dpag tshad nyis brgya sum cu'i phyogs na yon tan kun 'byung zhes te mkha' 'gro mas byin gyis rlob pa phal cher de las 'byung ba'i phyir/ /u rgyan gyi yul la bya'o/ / der bgrod nas de'i phyogs gcig nor bu'i gling du sku 'khrungs pa'i phyag rgya chen po thob pa/ /dpal sna tshogs gzugs zhes kyang grags pa/ slob dpon chen po 'jo sgeg rdo rje zhes bya ba yod de/ de la bya ba dang rnal 'byor gyi rgyud mang du thos nas/ /'bad pas rnam par dpyad pa yang byas so//yang gnas de nyid kyi phyogs gcig na bsam gyis mi khyab pa'i rim pa'i man ngag thob pa/ rnal 'byor ma chen mo de nyid brnyes pa gu ne ru zhes bya ba zhig gnas pa de'i drung du bgrod nas de mnyes par byas te/ bla na med pa'i rgyud mang du thos par byas nas/ ji skad du gsungs pa'i dam tshig dang dbang la sogs pas bla ma de'i lung thob nas gzod bsgom pa la zhugs so//lhas rmi lam du bstan pa u rgyan gyi gnas de yi byang phyogs kyi chab sgo na/ gdol pa'i rigs dz+wa thig dz+wa la zhes bya ba la bu mo lo bcu drug lon pa zhig yod kyis/ de ni rigs las skyes pa'i rnal 'byor ma lak+Sh+mI chen mo zhes bya ba yin gyis der song dang khyod kyi dgongs pa 'grub par 'gyur ro zhes pa dang /'phral du song nas de dang bshes su 'thams nas/ zla ba brgyad kyi bar du mnyes par byas so/ /des kyang phyag rgya chen po la brod pa yin par rtogs nas/phra mo'i lung stsal ba tsam gyis dpal dzaM b+ha la'i grub pa thob par gyur to/ /de nas yul dzA len+d+ha ra zhes bya ba na grong khyer ka no dzer zhes bya ba yod de/ de'i phyogs gcig na shes rab gtso bor byed pa'i rgyud la bsam pa chu klung lta bur gyur pa byis pa chung ba'i zhabs zhes bya ba'i drung du bgrod nas/de ma nyes par byas nas de'i gzhung thos shing lung yang thob par byas te bsgom pa yang nan tan du byed do/ /de nas yul dbus nas lho phyogs su dpag tshad sum brgya yod pa na yul kong+ka na zhes bya ba yod de/ de la nam mkha'i shing ldan zhes bya ba ste/ ci'i phyir zhe na/rtsa ba med par shing rnams la 'khris shing steng du bres pa lta bur gnas pa'o/ /yul de'i phyogs gcig na thabs gtso bor byed pa'i rgyud la dgongs pa chu klung chen po lta bur gyur pa skye ba gcig gis thogs pa grub pa'i dbang phyug bsrung ba'i zhabs zhes bya ba gnas te/ de yang rdzu 'phrul dang ldan pa'i slob mas bskor ba'o//de dag kyang gang zhe na/ bram ze tsa tra ra zhes bya ba dang / bram ze gu h+ya parta zhes bya ba dang / rgyal rigs many+dzu shrI zhes bya ba dang rje'u rigs pUr+Na b+ha dra zhes bya ba dang / dmangs rigs dI paM ka ra zhes bya ba dang / dmangs rigs khar+Na pu tra zhes bya ba dang /smad 'tshong ma A lo ki zhes bya ba dang / smad 'tshong ma sa du shi la zhes bya ba ste/ de kun gyi yo byad dang gos zas ni lha mo nor gyi rgyun zhes bya ba des nyi ma re re zhing gser gyi ma sha bcu dang mu tig gi ha ra phyed dang kAR+ShA pa Na sum brgya sbyor ro/ /bla ma dam pa de'i drung du lo dgu'i bar du 'dud cing skye ba gcig gis thogs par byas so//'dus pa'i rgyud chen zhes pa la sogs pa ni bla ma'i dgongs pa ste/ de la 'dus pa'i rgyud ni rnal 'byor rnams so/ /de'i 'grel pa ni rnal 'byor bslab pa sme sha can gyi bu mo bi ma la mu dri'o/ /de dang bcas par bco brgyad bar du mnyan pa ni zla ba bco brgyad kyi bar du bsgrub pa'o//bdag gis ma rtogs pa zhes pa ni rtogs pa'i dba' rlabs ma 'phros pa'o/ /bla ma chen pos kyang bdag gis kyang ma rtogs zhes gsungs pa dang / thugs cung zad chad nas 'di ma rtogs par gzhan ni don med do par bsams nas/ rang gi phyag rgya 'dus pa'i glegs bam du byas nas mgul du btags nas de las byang phyogs su bgrod de/ rdo rje gdan gyi rgyab na ku ba tsa zhes bya ba'i tshal yod de der phyin pa'o/ /de yi dgongs pa ni byang chub kyi snying po las kha phyir bltas pa'i sems can rnams kyi nang na bdag gnas te/de na 'dod chags la sogs pa'i stag dang dred la sogs pa mang zhing shin tu 'jigs pa'i sa ste/ bdag de las thar par 'dod pa'i phyir der zla ba drug bskul ba dang bcas pa'i bsgrub pas gnas pa'i chos rnams kyi de bzhin nyid rtogs so zhes so/ /ji ltar rtogs she na/ sprul pa'i dge slong zhes pa la sogs pa'o//de yang rdo rje 'dzin pa chen pos sprul pa'i dge slong byi ba'i sham thabs can chos gos las thod byas pa gcig zhing rmo zhing gnas pa dang / bla ma gnyis te bu chung dang ldan pa'i bud med ngan pa dang / khyi mo dkar ba mtshan ma can no/ /de rnams dang phrad pa las rtogs pa'i rlabs mi mnga' bas bla mas de rnams lam khrel to//de nas dge slong gis sngags kyi spyod pa'i mchog la gnas par shes nas/ de la spyan ras kyis btsa' ba'i phyir/ 'jam dbyangs kyi dkyil 'khor sprul lo/ /tshes gang zhe na/ mgo dang lag gnyis yol dang tshes brgyad rgyal la bab ces so//nam zla gang zhe na/ /ston zla ra ba zhes so/ /dus gang zhe na/ tho rangs skya rengs shar dus su zhe'o/ /der sprul pa'i dkyil 'khor dang bla ma la mos pa dris pa dang / sprul pa'i dkyil 'khor la mos par bka' stsal pa dang / dge slong bla ma dang bcas pa de nyid du khang pa chung ngu cig gi nang du zhugs so//de nas bla ma chen pos 'jam pa'i dbyangs kyi dkyil 'khor la de bzhin nyid blang bar bya ba'i phyir gsol ba 'di skad du btab po/ /khyod ni zhes pa la sogs pa'o/ /sems can kun zhes pa ni dag pa dang ma dag pa rnams so//yab ste zhes pa ni de rnams kyang de'i ye shes las 'khrungs pa'i phyir ro/ /yum yang yin zhes pa ni de'i chos kyi dbyings las byung ba'i phyir ro/ /bdag la sogs pa zhes pa ni ye shes zhabs nas rim pa las byung ba ji snyed pa'o/ /'jigs pa che zhes pa ni 'khor ba'i rgya mtsho nas zab gsal gyi gru shor nas las dang nyon mongs pa'i dba' rlabs kyis dkrugs nas skye gnas bzhir ded de/mi rtag pa'i srin po'i khar 'gro ba'o/ /'gro ba'i dbang po zhes pa ni bdag por gyur pa'i phyir ro/ /rje btsun zhes pa ni bkur ba'i 'os su gyur pa'i phyir ro//sdug bsngal sel zhes pa ni chos ston pa'i phyag gis gong du smos pa las sgrol ba'o/ /yab ste yum yang yin zhes bstan pa'i phyir/ khams gsum gtong byed ces so/ /so so'i skye bo las che ba ni nyan thos te/ de las rang sangs rgyas/ de las kyang che ba pha rol tu phyin pa'i byang chub sems dpa' ste/ de las kyang che ba ni 'jam pa'i dbyangs te/ mthar thug pa'i gnas rtogs pa'i phyir ro/ /skye bo ni 'phags pa'i chos rnams mngon du ma byas pa rnams so/ /de skyongs zhes gsol ba btab pa'o/ /de ltar 'byung ba'i gnas su bstan nas//da ni gnyis pa'i chas yi ge dang bral bar ston pa/ thog ma zhes pa la sogs pa'o/ /thog ma med khyod ces pa ni zab mo ste dang po med pa'o/ /de med pas zla ba tshes pa'i rnam pa lta bu'i nga ro med pa ste/ thigs pa ni thig le'o/ /steng cha ni oM ste gzhan yang rtogs par bya'o//de rnams med pas yi ge med ces te de rnams kyis khyad par du byas pa rnams med do/ /de ltar med kyang de rtogs pa'i ye shes kyis sems can gyi khams rnams gso bar byed pas na/ bdud rtsi rab dga' ba de stong byed/ /ces so/ / de nyid gsungs pa/ 'gro la phan phyir zhes so/ /bde ba ni mchog gi dga' ba'o/ /sangs rgyas rnam kun zhes pa ni phung po la sogs pa'o/ /de rnams la rab dgyes bde ba zhes te zab mo dang / yang dag par gsal ba mtshon pa nyams dga' ba'i gzi brjid phung po'o/ /de la mgon chen khyod kyis zhes te 'khyam pa lta bur gnas pa'i skyabs su gyur pa'i phyir na 'jam dbyangs so//gtong bar mdzod ces pa ni thabs kyis ster bas gzhan gyi rgyud la 'phro bar mdzod cig ces pa'o/ /de ltar rang bzhin gyis bstod nas/ /da ni lam gyis bstod pa/ skyon gyis zhes pa la sogs pa'o//de la skyon gyis ma gos zhes pa ni gzhan gyis brtags pa'i skyon te/ ji bzhin pa la 'khrul par byed pa'i phyir ro/ /nam mkha' ltar de la ni des gos pa med pa ste/ de yang gang zhe na/ bla na med pa'i byang chub lam/ /zhes te/ gang gong na med pa ni bla na med pa ste byang chub po//de'i lam ni der 'gro ba ste rim pa gnyis thob byed dang ldan pa'o/ /ji lta bu zhe na/ sna tshogs sdug bsngal zhi mdzad ces de rtog pa mang ba'i phyir sdug bsngal yang mang ba ste/ des 'jug pa bul myur gyis de zhi bar mdzad pa'o/ /de nyid kyi khyad par gsungs pa/skom pa ngoms mdzad cing zhes te/ 'khor ba'i 'brog dgon pa na las dang nyon mongs pa'i tshad skom gyis gdungs pa rnams zhes pa'i don to/ /yang de nyid gsungs pa/ 'khor ba dba' klong thar mdzad ces te/ 'khor ba nyid dba' klong ste rnam par g.yeng zhing de nyid du 'khor ba'o//de las 'byung bar byed pa ni/ thar par mdzad pa ste lam mo/ /de nyid kyi khyad par gsungs pa/ bde la 'god mdzad pa zhes te bde ba ni legs pa shin tu bde ba ste/ dam tshig chen po rdo rje lta bu'i de kho na nyid do/ /rin po che'i gling dang 'dra bar ngal sos pa'i phyir ro/ / de la dgod mdzad pa ni las dang po pa la sogs pa'i rim pas zhes so/ /dngos kun rgyal bas mi dpogs lam/ /zhes pa ni lam 'di ni dngos po kun shes pa'i rgyal bas kyang ni mi dpogs zhes te/ bla ma'i man ngag dang bral bas mi shes par ston pa ste/ don mchog tu zab par ston pa'i tha tshig go//da ni rje btsun bdag nyid che bas bstod pa/ zhi ba'i zhes pa la sogs pa'o/ /zhi zhes pa ni kha na ma tho ba las song bas kyang phyogs gcig gi gtam yod de/ de las kyang gong du zhi ba ni rdul dang rab bral zhes te shin tu phul du byung ba'i ye shes kyis khyad par du byas pas/ shin tu phra ba'i rdul dang bral ba ste/ thams cad kyis mthar thug pa'i gnas rtogs pa'i phyir ro/ /de bas na 'jums pas spangs zhes pa ste gus pa dang sbyor ba la sogs pas so/ /chos thams cad yi ge dam pa'i ngo bos rnam par dag pas na/ tshig dang bral te bsgrags kyang khong du mi chud de/ de bas na sgom pa las 'das zhes bya'o/ /de nyid bstan pa'i phyir/ /mkha' 'dra dri mas ma gos pa/ /zhes te thams cad la khyab cing gdod ma nas dag pa'i phyir ro/ /de nyid sgyu ma kun 'das zhes te/ kun rdzob kyi bden pa'i cha rnams zad pa'i phyir ro//'dod pa kun la rgyab kyis phyogs/ /zhes pa ni gzugs la sogs pa rnams la rgyab kyis phyogs pa ni yang dag par gnas pa'i gzugs la sogs pa ste yang dag pa'i gsal ba mi 'gog pa'o/ /de rnams dang ldan pa'i rje btsun ni 'jam pa'i dbyangs te/mtha' med pa'i 'khor ba'i bar du de'i rang bzhin du bzhugs pa la skyabs su mchi zhes so/ /de 'dra ba'i rje btsun las byung ba'i dbang gnyis thob par byed pa dang bcas pa gsungs pa/ dregs med grags zhes pa la sogs pa'o/ /dregs med grags zhes pa ni nga rgyal med pa'o/ / 'jigs med ces pa ni yid zhum par mi byed pa'o/ /byang chub chen po thob kyi bar/ /zhes pa ni de thob nas 'bras bu la spyod pa ste/ dam tshig dang sdom pa ni sngon du 'gro ba'i yang sngon du 'gro ba ste/ de bas na yang dag pa'i gnas ma rtogs kyi bar du ni 'khor bar 'tsho bar 'gyur ba'o/ /de ltar 'tsho bar 'gyur yang 'jig rten gyi dmyal rtsub tu ltung bar mi 'gyur te/mthun pa'i gzugs su gnas pas de'i sa nyams dmas par byas pa'i phyir ro/ /de bas na de'i dus su khyod kyis gsungs pa'i dam tshig ces te/ spang bar bya ba bla ma brnyas pa la sogs pa ji snyed pa dor ba'i mtshan nyid dang /bdud rtsi lnga bza' zhing gdug pa gsad pa la sogs pa bsrung bar bya'o/ /sdom pa zhes pa ni ma sbyangs pa'i rig ma spang ba la sogs pa dang / yul gyi nye bar longs spyod pa'i bkag pa sku la sogs pa'i rdo rje zhes pas rnal 'byor pa snying po'i bsrung bar bya ba'o/ / thun mong ma yin pa rnams zhes pa ni gang la de med pa de dang zhes pa ni snga ma'i tshig go/ /bdag la sogs pa zhes pa ni bshad zin to/ /gar chen zhes pa ni dbugs 'byin par byed pa'i spyod pa ste/ snyoms par 'jug pa'o/ /de yi rnam par rol pa ni pad+ma'i bstan bcos kyi gzhung gis grags pa'i gar te de mdzad cing zhes so//de gang zhe na/ nye bar mtshon pa'i don du gsungs pa/ sna tshogs phyag ces pa ni sna tshogs su byed pa'i phyag ste/ gcu ba dang mnye ba dang 'khyud pa la sogs pas bsgrims rnam zhes so/ /des ci byed ce na/ pad+mo lo ma 'jam po brgyad phye nas//zhes te lha'i pad+ma 'dab ma brgyad po lte ba dang ge sar gyis bskor ba nyi ma lta bu'i cho gas phye nas der gnyis su med pa'i bde ba ni zla ba lta bu'i byang chub kyi sems te/ de 'byung ba'i rgyu ni rdo rje ste oM gyis byin gyis brlabs pas dmar skya'i nor bu ldan pa'i rtse lnga pa ste/ de bzhag par mdzad de de las byung ba'i zla bas bdag cag gi zhing dag par byas nas sa bcu'i ye shes can dang skal ba mnyam par mdzod cig ces pa'o/ /gsang ba'i dbang de nyid ces pa ni gsang ba'i dbang ngo / /de nyid sngon du song ba'i rgyu bas ni mi nyams pa ste/ de las shes rab las skyes pa'i ye shes gsal bar 'gyur zhes so//de nyid kyang gang zhe na/ rdo rje zhes pa la sogs pa'o/ /rdo rje ni gsang ba'i rdo rje'o/ /'dab ces pa ni khyad par gyi rgyu bas nges par mtshon pa ste/ ge sar yang shes par bya'o/ /de gnyis las skyes pa ni zla ba zhes te kun+da lta bu'i sa bon no//de yang dag par 'du ba ni na li stong phrag bdun cu rtsa gnyis bsgrubs pas bskul bas bcu drug tu 'dus/ /de yang gsum du 'dus/ /de nyid snying ga'i pad+mar phyin pa bskul nas bya ba dang rlung gis gzung ba'o/ /de nyid gsungs pa/ thabs shes las byung zhes pa la sogs pa'o//de ni go sla'o/ /sbas pa zhes pa ni yang dag pa'i gzhi la brten pa'i gang zag ni mang ba ma yin pas/ bcom ldan 'das 'dis tshig dang yi ge dang don mi gsal bar byas pa ste/ de shod ces bla mas ma 'ongs pa'i don du gsol ba btab pa'o//da ni 'jam pa'i dbyangs kyi gsung la 'jug pa'i tshig bla ma chen po'i zhal snga nas gsungs pa/ de nas zhes pa la sogs pa'o/ /de nas zhes pa ni gsol ba btab pa'i de ma thag pa'o/ /'jam dbyangs zhes pa ni 'jam zhing mnyen pa'i dbyangs kyis 'gro ba rnams tshim par byed pa ste/sangs rgyas thams cad kyi shes rab chen po rnam par dag pa'i phyir ro/ /de nyid byang chub dang 'dres pa'i phyir byang chub sems dpa' ste/ byang chub la dmigs pa ni ma yin no/ /de nyid kyis ni chen po zhes te sa bcu'i sems dpa' rnams dgar ba'o//'dzum pa'i bzhin bltas zhes pa ni shin tu rangs pa ste/ mthar thug pa'i gnas rtogs pa'i phyir ro/ /legs zhes lan gsum gsungs zhes pa ni/ de bzhin nyid thob pa dang rjes su mthun pa'i spyod pa ji snyed pa dang / don gyi rjes su 'brang ba'i gsung ji snyed pas gsol ba 'debs pa dang /thams cad zab mo dang yang dag par gsal bar dmigs pa la thugs rangs pa'o/ /gzhan ni bshad zin to/ /sgra brnyan lta bur zhes pa ni brag ca lta bu ste grag kyang ma grub ces pa'i don to/ /rdo rje lta bu dang ldan pa'i glu ni rdo rje glu ste dga' bar byed pa'i glu'o//de lta bus bdag la bstan zhes bla ma chen pos gzhan yid brtan par mdzad pa yin no/ /da ni a zhes bya ba la sogs pas 'jam dbyangs kyi lung nyid gsungs te/ de la a zhes pa ni dngos po thams cad kyi rang bzhin te/ ma skyes pa'i phyir a ni chos thams cad kyi sgo'o zhes pa'i gsung la dpyad na/thams cad 'byung ba'i sgo ste/ de yang gsal zab gnyis su med pa'i rang bzhin nam mkha'i dkyil 'khor lta bu brtags pa thams cad kyis ma skyes pa dang po nas lhun gyis grub pa nyid du shes par bya ba'o/ / de yi ngo bo las shes pa tsam lta bur snang ba ni bi ste/ rig pa zhes pa'i ming gi yi ge dang po'o/ /kha cig de 'ba' zhig las brtsams te rtogs par byed de/ phyi rol don rnams yod pa min/ /sna tshogs snang ba sems yin te/ /lus dang longs spyod gnas 'dra ba/ /sems tsam du ni ngas bshad do//zhes dgongs pa nges par 'grel pa la sogs pa'i gzhung la brten nas de las ma rtogs pa'i rtag pa thams cad kyis stong pa nyid du 'jug go/ /de lta bu'i rnam par shes pa'i rgyal po ste/ yang zhing g.yo ba'i rlung gi rta la zhon nas rang bzhin las byung ba'i phyir yaM ngo //de las smin par byed cing tsha ba'i me byung ba'i phyir raM mo/ /de las sdud par byed cing brlan pa'i chu byung ba'i phyir baM mo/ /de las rten par byed cing sra ba'i ngo bo nyid las byung ba'i phyir laM ste/ de las 'byung ba bzhi rnam par shes pa dang / bsdus pa las gzugs la sogs pa'i phung po lnga grub pa'i phyir hUM ngo //hUM phung po lnga'i ngo bo yin par sangs rgyas lnga'i tshigs su bcad pa 'di las dpyad par bya'o/ /ji skad du/ /zla phyed thig le rnam grags pa/ /rnam snang mdzad kyi ngo bo'o/ /mgo bo e dbyibs thur du gnas/ /mi bskyod pa yi ngo bo'o//dril bu lta bu'i lus nyid ni/ /rin chen tog gi ngo bo'o/ /de yi phyir na dbyug pa ni/ /tshe dpag med kyi ngo bo'o/ /ring po U ni phyin phyogs 'gyur/ /don yod grub pa'i ngo bo'o/ /zhes 'byung bas de rnams phung po lnga rnam par dag pa'i phyir ro/ /de rnams kyang rnam par ma shes pas byin gyis ma brlabs pa rnams ni gnas pa'i chos lta bur snang ngo //des gzung ba ni g.yo ba'i chos lta bur snang ste/ /de ltar rang bzhin gyis don gong ma las ma g.yos te de'i ngo bo rtogs par bya'o/ /ji ltar rtogs par bya zhe na/ a la la la ho zhes bya ba smos te/de la a zhes pa ni ma skyes pa'i phyag rgya ste bdag dang gzhan dbugs 'byin par byed pa'o/ /de yang ka ma li la sogs pa'i shes rab las dang po pa'i gang zag rnams 'khor ba na 'khyam pa rnams dmus long gis yid bzhin gyi nor bu rin po che rnyed pa lta bur mi slu ba'i de kho na nyid kyis dbugs phyung ba thob par byed pa'o//de las brtsams te dngos su'am bsam pas byin gyis rlob pa dang bcas te gsum par gyur pa'i dus su de dang lhan cig tu phul du byung ba'i spyod pas ji bzhin pa'i de kho na nyid rtogs par byed pa'o/ /de la rtogs pa gang zhe na/la la la zhes bya'o/ /de yang dus dang po rkyen khyad par can las steg pa'i mdog gis brgyan zhing khyad par gyi gnyis su med pa 'byung ba des mi slu zhing / mtshan dang dpe byad du ldan par rang 'od kyi rig mas 'khyud pa yongs su dag pa la snang ba ni dang po'o//gcig dang du ma'i rang bzhin dang bral ba thabs kyi cha'i bum pa na gnas pa'i bde ba chen po mi slu ba ste nam mkha'i dkyil ltar rnam par dag pa gnyis su med pa'i gzugs thog ma nas zhi bar ldan pa ni la gnyis pa'o/ /de yang thig le 'gog pa'i ngo bo gzhan yid dga' bar byed pa'i mtshan nyid kyis mi slu ba rigs gcig la sogs pas gdul bya'i rgyud la snang bar 'gyur bas de'i rgyud yongs su dag par byed cing spyi dang so so'i las kyis mtha' med pa'i bar du gnas pa ni la gsum pa'o//de yang rgyun mi 'chad cing mi 'gog par srid pa ji srid yod pa de srid kyi bar du ro myang ba'i mtshan nyid brgyad dang ldan par zhugs pa ni 'jig rten dang 'jig rten las 'das pa'i dgyes pa thams cad kyi phul du byung bas na ho zhes bya'o//da ni 'jam dbyangs kyi gsung gis de nyid gsal por bstan pa'i phyir/ rje btsun zhes pa la sogs pa'o/ / de la rje btsun zhes pa ni 'das pa'i ye shes can rnams so/ /thugs rje che rnams so/ /thugs rje che rnams zhes pa ni de'i sbyor ba dang ldan pas nyi tshe ba las 'das pa'i phyir ro/ /de rnams kyis ches lhag pa'i de bzhin nyid 'di rtogs pas de bzhin gshegs pa thams cad kyi stobs bcu la sogs pa gzugs can dang gzugs can ma yin pa'i phun sum tshogs pa thob par 'gyur te/dus gsum gyi rdo rje chen po ni rdo rje 'dzin pa ste mar me mdzad la sogs pa yang de nyid yin pa'i phyir ro/ /de bas na de rnams kyis kyang snod du rung ba 'ga' zhig gzigs nas 'das pa'i sangs rgyas rnams kyis kyang gsungs//da ltar gyis kyang gsungs/ ma 'ongs pas kyang gsung bar 'gyur ba de 'di ni snod du rung ba'i dus yin pas na yang dag pa'i snod can des don rab tu rtogs par bya ba'i phyir nga yis don la 'jug pa'i ngag dang ldan par khyod la bstan par bya zhes so/ /de bas na khyod kyis yid gcig bsdus la mnyan par gyis zhes te/snod kyi skyon gsum spongs la yon tan gsum gyis blang bar gyis zhes pa'i don to/ /de ltar nyon cig par gdams nas da ni chos thams cad kyi rang bzhin gnyis su med pa'i ye shes gsungs pa/ chos rnams zhes pa la sogs pa'o//mtshan nyid 'dzin pa'i phyir na chos te/ gzugs nas rnam pa thams cad mkhyen pa'i bar rnams so/ /de thams cad kyi dus gsum du 'gyur ba med pa'i rang bzhin no/ /nam mkha'i dkyil lta bur shin tu rnam par dag pa/ zab mo dang gsal ba gnyis su med pa'i ye shes te zhes spyir bstan to//de yang ji lta bu zhe na de ni zhes pa la sogs pa'o/ /de ni zhes pa ni rang bzhin no/ /dngos med ces pa ni brtags pa'i dngos po dang bral ba'o/ /bsgom dngos med ces pa ni de'i cha rnams bsgom pa'i dngos po med pa ste/ yang dag pa ma yin pa la blo 'jog pa ni 'gal ba'i phyir ro//dngos po thams cad ces pa ni mu stegs pas brtags pa'i shed can dang shed bu la sogs pa ste/ de rnams dang bral ba'o/ /gzhan gyis brtags pa'i byed pa med cing mtshan nyid 'dzin pa'i phyir khams te mig la sogs pa bco brgyad do/ /rnam par shes pa skye ba'i sgo'i phyir skye mched bcu gnyis te/nyan thos kyis de gzung 'dzin du rtogs par byed pa des kyang rang bzhin de la ma zin zhes so/ /rang bzhin ni sems kyi rang bzhin te/ 'od gsal ba ni de'i rang bzhin ma skyes pas snang bar byed pa'i phyir ro/ /ma skyes pa'i rang bzhin la rdzas su rtog pa ni 'gal ba'i phyir ro//gdod ma nas dag pa zhes pa ni de nyid gdod ma nas dag pa ste/ ye shes sgyu ma kho na ste/ de lta bu ni byed pa ma yin pas na de skad ces dper na nam mkha' bzhin no/ /de bas na de nyid kyi 'khrul pa la sems can sgyu ma zhes kha cig gis sems pa de 'gog ste/'khrul pa ni med pa yin pa'i phyir ro/ /gzugs can dang gzugs can ma yin pa'i chos mtshan ma med pas na chos med do/ /de med pas na de'i mtshan nyid gang la yod pa de med pa'i phyir na spangs pa'o/ /dper na nam mkha'i me tog gi dkar dmar lta bu'o/ /'dus byas dang 'dus ma byas rnams ni ma skyes pas na chos med pa'o/de med pas na chos nyid kyang med de chos rnams med pa'i phyir ro/ /sdong po med na dri ma med pa lta bu'o/ /de bas na dngos po med pa zhes te gzung ba dang 'dzin pa dang bral ba'i phyir nam mkha' dang mtshungs pa'o//de nyid gsungs pa/ tshig dang yi ge kun las grol/ /zhes te ka ba la sogs pas khyad par du byas pa'i tshig dang ston par byed pa'i yi ge las grol ba ni zab mo ste/ rnam par bsgyur ba'i dbye ba la 'gag pa ni ma yin no/ /de ni zhes pa ni rang bzhin no/ /dus dang zhes pa ni 'das pa la sogs pa'o//phyogs rnams zhes pa ni shar la sogs pa bcu'o/ /chos kun zhes pa ni gzugs nas kun mkhyen gyi bar ro/ /de kun ngo bor song ba ni gong du smos pa'o/ /de nyid yang gsungs pa/ lus ma yin te zhes pa gzugs can ma yin pa'o/ / ngag dang ni zhes pa ni sgra ji snyed pa ma yin pa'o/ /yid kyang ma yin zhes pa ni bsam rtog ji snyed pa ma yin pa'o/ /'dod khams dang zhes pa ni gzhan 'phrul dbang byed la thug pa man chad de/ gzugs la sogs pa lhur len pa'i phyir ro/ /gzugs dang zhes pa ni tshangs pa la sogs pa ste gzugs tsam la zhen pa'i phyir ro//gzugs med khams ma yin zhes pa ni nam mkha' mtha' yas la sogs pa ste/ ming gi lus la brten pa'i phyir ro/ /de rnams kyang ma yin zhes bcud kyi sems can ma yin par bstan to/ /'byung chen bzhi yang ma yin te zhes rten 'brel gyi stobs las rlung skye ba la sogs pa'i rim par lha'i gzhal yas khang grub pa yan chad kyi bar du snod kyi 'jig rten grub pa ste de yang ma yin pa'o//'o na ji lta bu zhe na/ de bas zhes pa la sogs pa'o/ /gang na'ang mi gnas mnyam pa nyid/ /ces pa ni mnyam pa nyid ni nyi tshe ba ma yin te/khyab gnas kyi tshul du thams cad la brten pa'o zhes so/ /don gyi dngos gzhi bstan pa'i phyir/ de 'dra ba'i zhes pa la sogs pa'o/ /rdo rje 'chang zhes pa ni/ dang po'i mgon po ste mi shigs pa'i don dang ldan pa'i phyir ro/ /mi bskyod pa ma yin pas na chen po'o//de nyid phung po la sogs pa'i chos rnams kyi rang bzhin las 'gyur ba med pa'i phyir na chos nyid do/ /gzhan gyis brtags pa'i chos nyid las khyad par du gyur pa'i phyir mchog go/ /thabs kyis bsgrub par bya ba'i dngos/ /zhes pa ni ka la zhes pa'i sgras mang po la 'jug kyang 'dir rim pa gnyis yan lag bzhis rnam par bsdus pa ste/yang dag par gsungs pa de mngon du byed pa'i phyir ro/ /ji skad du rgyud phyi ma las/ /rdo rje can gyis chos bstan pas/ /rim pa gnyis la yang dag brten/ /bskyed pa yi ni rim pa dang / / rdzogs pa'i rim pa kho na'o/ /zhes pa dang / byang chub rdo rje gsungs pa ni/ /thabs ni rnam pa bzhi dag ste/ /zhes pa la sogs pas rgyas par gsungs so/ /des bsgrub par bya ba'i dngos po ni don gyi dngos gzhi'o/ /de nyid ji ltar zab mo yin zhe na/ brtags pa kun las rab dben pa//zhes te/ rtag pa dang gcig pa dang du ma dang 'dres pa po la sogs pa tha dad par rtogs pa dang / don gyi dngos gzhi la rdzas dang ma dag pa la sogs par brtags pa las dben pa de rnams kyis ma skyes pa ste/ de'i phyir de nyid phun sum tshogs pa dgu ste/ de yid la byed pa'i gang zag la stobs la sogs pa'i yon tan thams cad 'byung ba'i phyir ro//de nyid dpag par dka' ba ste/ mkhas pa la sogs pas kyang ma rtogs pa dang / log pa dang ji lta ba bzhin du mi shes pa'i phyir ro/ /ji ltar gsal ba yin zhe na/ /phyag rgya chen po rab snang ba//zhes te/ zhal dang phyag la sogs pa dang ldan pa ni phyag rgya chen po'o/ /de nyid zab mo la sgrib cing mig gi yul la sogs par snang ba'i kun rdzob kyi rgyun no/ /rten gyi dkyil 'khor la sogs pa dang de 'byung ba'i rgyu'i ye shes la yang de skad ces bya'o/ /de'i las gsungs pa/zer gyis rang gzhan smin byed pa/ /zhes pa ni nyon mongs pa thams cad bsal ba'i byang chub kyi sems zla ba lta bu'i 'od zer te/ des rang phul du byung zhing gzhan rgyud dag par byed pa'o/ /de gnyis med pa'i rang bzhin mchog /ces pa ni mtha' gnyis su son pa med pa ste/chos kyi dbyings byang chub kyi sems zhes kyang de la bya'o/ /rdo rje 'dzin pa chen po ni bshad zin to/ /brjod du med pa'i sku chen po zhes pa'i rang bzhin ni tshig dang tshig bya la sogs pa dang bral ba'i phyir ro/ /rdo rje 'chang chen pos kyang brjod par mi nus na gzhan gyis lta smos kyang ci dgos zhes don dam pa yin par rab tu bstan to//de nyid ces pa ni gnyis su med pa'i ye shes so/ /rgyal ba ni mi bskyod pa la sogs pa'o/ /de'i sras ni de'i rigs la sogs pa'i sems dpa'o/ /de rnams kyi zhing ni gdul bya rnams te/ zhing dang chos mthun pa'i phyir ro/ /srid gsum zhes pa ni 'dod pa la sogs pa gsum mo/ /rgyu ba dang mi rgyu ba ni snod dang bcud do/ /de thams cad kun gyi bdag nyid de zhes don gyi bzhi pos kun la khyab par bstan pa'o/ /de nyid sems las gzhan ma yin par bstan pa'i phyir/ dngos kun zhes pa la sogs pa'o/ /de la/ dngos po kun gyi gtso bo ni/ /rang gi sems kyi ngo bo nyid/ /ci'i phyir zhe na/ de rtogs na zhes te/ de nyid dang por rtogs par bya ba'i thabs la brtson 'grus 'bar ba dang ldan pa rnams kyis nam zhig mngon du gyur na mi shes pa spangs shing tshogs gnyis kyis gang ba'i sangs rgyas kyang de nyid de/skyes bu gnyid sad pa'am/ ku mu ta bzhin no/ /de nyid snying rje chen po dang shes rab dbyer mi phyed pas na byang chub kyang de nyid do/ /de bzhin du 'jig rten gsum ste/ bcud kyi sems can rnams kyang sems de nyid do//'byung chen bzhi ste snod kyi 'jig rten rnams kyang sems de nyid do zhes so/ /ji skad du/ phyi rol don rnams yod pa min/ /gang snang thams cad sems tsam mo/ /lus dang longs spyod gnas 'dra ba'i/ /sems tsam du ni ngas bshad do/ /nam mkha' sa rlung nyi ma dang / / phyogs dang rgya mtsho 'bab chu rnams/ /nang gi yang dag byed pa yi/ /cha yis phyi rol 'dra bar gnas/ /zhes pa la sogs pa bcom ldan 'das kyis mdo las gsungs so/ /ci'i phyir zhe na/ chos thams cad ces pa ni gzugs la sogs par snang ba'i dngos po thams cad do/ / sems la gnas te zhes pa ni sna tshogs su snang yang gzhi la 'gyur ba med pa'i phyir ro/ /'o na sems de gang na gnas she na/ de dag kyang nam mkha' la gnas zhes te stong pa nyid la gnas so zhes so/ /de yang gang la gnas she na/ nam mkha' ni gang du mi gnas zhes te/ stong pa nyid la ni gnas dang gnas pa'i bdag nyid dmigs su med pa'i phyir ro//stong pa nyid de'i ngo bo bstan pa/ 'od gsal ba zhes te dri ma dang rnam par bral bas 'jig rten gyi khams thams cad kyang de'i rang bzhin du gsal ba'i phyir ro/ /dri ma dang ji ltar bral zhe na/ gzod nas rnam dag ces te bcos ma ma yin pas ni dang po nas te byed pas ni ma yin no//de nyid kyang stong pa'o zhes mjug bsdu ba'o/ /gcig tu bsdoms pa'i ngo bo gsungs pa/ sangs rgyas zhes pa la sogs pa'o/ /sangs rgyas ni bshad zin to/ /mya ngan las 'das pa'i zhes pa srid pa dang zhi ba la mi gnas pa'i mya ngan las 'das pa ste/de lta bu 'dzin pa'i phyir khams te phyogs gcig la dgag pa'o/ /kun brtags kyi bdag nyid mi 'byung ba na skye med de/ de bzhin gshegs pa'i rnam dag gis skye ba'i phyir ro/ /dngos po thams cad 'joms shing mi phyed pa'i phyir na rdo rje'o//chos thams cad rnam pa med par thugs su chud pas na/ mngon par byang chub pa ste/ nges pa'i tshig gi tshul gyis so/ /bde ba'i gnas su phyin par gshegs pa'am legs par gshegs pa'i phyir bde gshegs kun te mi bskyod pa la sogs pa dus gsum du gtogs pa'o//de rnams kyi rgyu'i phyir ram mi 'gyur ba'i phyir ram 'dod pa'i 'bras bu 'byin pa'i phyir na snying po mchog go/ /de nyid kyang gang zhe na/ gnyis med rtog bral don chen te/ /zhes pas bshad zin to/ /rim pa gnyis par rab tu bshad/ /ces pa ni lhan cig skyes pa'i rim pa'am/rdzogs pa'i rim pa'am/ ji bzhin pa'i rnam grangs so/ /bskyed pa'i rim pa ni snod bcud rags par 'khrul pa bzlog pa'i phyir ro/ /blos rnam par gzhag pa'i rnal 'byor pa ste dang po'o/ /de yang 'khor ba'i sa la sogs pa dang nam mkha' dang rtswa dang shing gel pa lha'i khang pa la sogs pa rten gyi dkyil 'khor gyis sbyong bar byed cing de na gnas pa'i sems can skye gnas bzhis bsdus pa thams cad rten can gyi 'khor los sbyong bar byed pa'o//gnyis pa ni don la mi slu ba'i de kho na nyid dang gnyis pas bsgoms pa las tha ma nas ldog cing brtan pa rnyed do//des mthu can gyi stobs rtogs so/ /des rgyal tshab kyis mi 'gyur ba'i rtags rnyed do/ /des chos 'byung gi rol pa gnyis pa'i dang pos mi 'gyur ba'i de kho na nyid gong du gsungs pa lta bu'o/ /da ni gnyis su med pa'i ye shes las 'khor ba ji ltar 'byung ba bstan pa de 'dra'i zhes pa la sogs pa'o//de yang gnyis su med pa de lta bus dngos po kun rnam par khyab ste gnas kyang de mi gsal ba'i rgyu ni thog med dus nas zhes te/ srid pa gang la dang po med pa de ni thog ma med pa'o//de'i dus nas nam mkha' la sprin 'byung ba bzhin du rnam rtog chen po zhes te sems tsam rtogs pa dang 'brel pa lta bu'i tshul du byung ste zhes bya'o/ /de las kyang ni 'byung ba che/ /zhes pa la sogs pa ni gong du bshad par zad do/ /bzhis bsdus pa yi ngo bo las/ / zhes pa ni sems la sogs pas byin gyis brlabs shing bzhis bsdus pa dang / de las gzhan pa ni ri sogs zhes pas bstan te snod kyi 'jig rten no/ /de yi bye brag gsungs pa/ sna tshogs kyi sems can gyi rigs so/ /phra ba ni mig gis mi bzod pa'o/ /sbom po ni glang po che la sogs pa'o//skyes pa dang bud med ni rang rang gi mtshan ma dang ldan zhing skye gnas ma nyams pa'o/ /ma ning ni gnyi ga'i lus kyi rgyu mthun pa nyams shing dbang po dang ldan yang rung mi ldan yang rung ste phyogs gcig pa la sogs pa'o/ /gzhon nu ni lang tsho la bab pa'o/ /rgan po ni 'byung ba bzhi bri ba'o//lha ni tshangs pa la sogs pa'o/ /klu ni dang po klu'i rgyal po la sogs pa'o/ /gnod sbyin ni gzhan gyi mdangs 'phrog cing 'tshe bar byed pa'o/ /gdon ni yi dags kyi phyogs gcig ste bgegs kyi rgyal po la sogs pa'o/ /skar ma ni gza' dang rgyu skar gyi khrod 'grim zhing rgyu ba'o//gshin rje ni gzhan gyi mdangs 'phrog pa'o/ /dmyal ba dang yi dags dang / dud 'gro ni ngan song gsum mo/ /de kun spangs pa ni nyan thos la sogs pa'o/ /shes tsam rab brten pa'i 'gro ba/ /zhes pa ni nam mkha' mtha' yas la sogs pa ste/ gzugs spangs pa'i phyir ro//de kun rgyas par gnas zhes pa ni rtog pas bzo byas nas phyogs bcu kun du snang ba'i phyir ro/ /de bas na rtog pa de yis gong du gsungs pa'i gnyis su med pa rtog pa dang bral ba rab tu bsgribs te de rtogs pa la zhen cing don ma rtogs pas na 'gro ba kun/ 'khor bar rab tu 'khor bar 'gyur/ /zhes te ma rig pa la sogs pas rgyu dang 'bras bu'i tshul du yang dang yang du ji srid nye ba'i lam la ma zhugs pa'i bar du 'khor ba'o/ /'khor ba de yang ji lta bu zhe na/ de 'dra'i zhes pa la sogs pa'o/ /'khor ba nyid du sdug bsngal te/ / de nyid dug chu lta bu zhes bshad do/ /sngon du song ba'i rgyu gang zhe na/ 'khrul pa yis zhes te gzung ba dang 'dzin pa'i rnam par rtog pas rnam par bsgrub pas na de ltar snang ngo / /snang yang ma grub pa'i dpe bstan pa thag pa'i sbrul lta bur snang zhing med pa nyid du 'dod ces so/ /rab rib kyis sbrul med pa la sbrul du gzung yang de la yod pa ma yin no//dkyil 'khor gyi 'khor lo la 'khor ba'i chos ye med pa la rtog pas bzo byas kyang de de la med pa yin no/ /ji skad du/ bcom ldan 'das kyis ye shes rdo rje kun las btus pa zhes bya ba rnal 'byor chen po'i rgyud las gsungs pa/gsung ba'i bdag po thag pa'i sbrul gang yin pa de ni yod pa ma yin no/ /'on kyang rab rib kyis de ltar snang ba yin no/ /skyes bu gang gis rab rib spangs te brtags na thag par mthong zhing don gzhan med do/ /gsang ba pa'i bdag po/ de bzhin du rtag pa la sogs pa la gzugs la sogs par 'khrul pa de ni yod pa ma yin no//'on kyang gzugs la sogs par zhen pa'i bag chags kyi phyir ro/ /skyes bu gang gis ngas bstan pa'i lam la gzhol zhing kun brtags te bzlog na/ rtag pa la sogs par mthong zhing don gzhan med do zhes gsungs so//de bas na 'khor ba ni kun du brtags pa'i mtshan nyid tsam du snang ste/ des stong pa'i 'khor lo ni yang dag par gsal ba tsam du snang ba'o/ /snang ba de yang ji ltar gnas she na/ de bas zhes pa la sogs pa'o/ /de la rang rig ces pa ni gzhan gyis brtags pa'i dbang phyug la sogs pas stong pa ste/rang gi sems nyid de ltar goms pa las skyes pa'o/ /ji skad du/ sems can kun gyi sems gang ni/ /brtan pa'i phyir na sems dpar brjod/ /mnyam par gzhag na ting 'dzin te/ /de brtan pa las rdo rjer 'gyur//sems dpa'i byin rlabs sbyor ba las/ /slar yang rdo rje sems dpar 'gyur/ /zhes so/ /rgyun dang rnam grangs kyis gnas pa zhes pa ni zab mo ni rgyun gyis rtag pas na rtag pa'o/ /de chub pa'i ye shes ni rnam grangs kyis rtag pas na rtag par blta'o/ / ye shes la ltos nas de'i phyag rgya la yang rnam grangs kyis rtag pa zhes bya ste/ de bas zab mo dang gsal ba ni gnyis kyi sgo nas rtag par gnas pas na de'i ngo bo rtogs par bya'o zhes gdams pa'o/ /da ni rtogs par byed pa'i lam la 'jug pa'i skyes bu gsungs pa/ gang zhig ces pa la sogs pa'o//gang zhig ces ni spyir ston pa'i tshig ste/ des shes 'gyur zhes pa dang sbyar ro/ /de zhes pa ni gong du gsungs pa'i don to/ /rtogs par 'dun pa ni de thob par 'dod pa'o/ /de nyid bstan pa'i phyir/ sems kyi smon lam yang dag can/ /zhes so/ / sngon du bsod nams mthu bskyed dang / /zhes pa ni mthong ba dang ma mthong ba'i dus su las kyi sgrib pa zad par byed pa'i dge ba'i rtsa ba dang ldan pa'o/ /sngon du tshogs ma bskyed pa mi grol lo zhe na/ 'di rnams dang ldan na grol bar bstan pa'i phyir/ skyes bu zhes pa la sogs pa'o/ / skyes bu yang dag pa ni bla ma ste 'og nas 'chad do/ /de'i gzhi la brten pa gang zhe na/ spro dang gus dang bsnyen bkur dang / /zhes so/ /spro ba ni brod pa'o/ /gus pa ni skye ba med par bsgom pa'i sgo nas mnyes par byed pa'o/ /de nyid yun ring du gnas pa'i phyir bsnyen bkur zhes bya'o//'dun par ldan zhing zhes pa ni de kho na la nges par 'dzin pa'i phyir ro/ /bsgom pa dang zhes pa ni gdams ngag rnyed nas zhes tshig snga ma'o/ /brtan po zhes pa ni don la mos pa gces spras su byed pas gzhan gyis mi 'phrogs pa'o/ /sngags kyi mthu las byung ba'i dngos grub ji snyed pa ni yid gnyis su 'dzin pas mngon du gyur pa rnams kyang yal bar 'gyur ba'i phyir som nyi rnam spangs pa zhes bya'o//rjes mthun zhes pa ni dbang gi rjes su mthun pa ste 'og nas 'chad pa'o/ /gtong phod pa ni sems kyis kun du 'dzin pa med pa'o zhes pa'o/ / des mnyes bar bya ba'i bla ma ji lta bu zhe na de yis zhes pa la sogs pa'o/ /yang dag pa zhes pa ni bla ma gzhan las khyad par du gyur pa'i phyir ro/ /ji ltar khyad par du 'gyur zhe na/ mchog gi gdams ngag rgyud la ldan/ /zhes te/ rdo rje 'chang chen po'i ngo bo rang gi thugs la mnga' ba rna ba nas rna bar 'pho ba ji lta ba bzhin du shes pa'o//theg chen zhes pa ni byed pa la sgra sgrub pa ste 'dis 'gro bar byed pas na theg pa'o/ /bya ba la sgra bsgrub pa ni 'dir 'gro bas na theg pa'o/ /des ni lam dang 'bras bur bcas pa'i rdo rje 'chang chen pos gsungs te de'i lam gyi spyod pa ni dam tshig dang sdom pa dang brtul zhugs la sogs pa'i rim pa'o//bsgom pa la ni lhur len pa/ /zhes pa ni lam la mos pa gces spras su byed pa ston to/ /de nyid bcu zhes pa ni rgyud thams cad kyi de nyid bcu ni dkyil 'khor dang sbyin sreg dang / ting nge 'dzin dang /phyag rgya dang / stang stabs dang / la ni lhur len pa zhes pa ni lam la mos/ 'dug stangs dang / bzlas brjod dang / mchod pa dang / las la sbyor ba dang / slar bsdu ba'o/ /rgyud 'di nyid las bla ma'i gdams ngag gis bstan pa ni/ gsang dang shes rab ye shes dang //'byung mnyes kha sbyor 'byed cho ga /rdo rje bzlas dang drag shul bsgrub/ /bsgom dang bri bas phyir bzlog gnyis/ /dkyil 'khor bsgrub dang rab gnas te/ /rdo rje go 'phang rgya mtshor 'dus/ /zhe'o/ /gsang dang zhes pa ni bskyed pa'i rim pa'o/ /rab gnas zhes pa ni sgyu ma lta bu'i ting nge 'dzin to//shin tu gsang zhes pa ni lhag pa'i lha dang dngos po thams cad kyi de bzhin nyid do/ /shes shing zhes pa ni de rnams la blo ma rmongs pa'o/ /de'i don gab par rab ston byed/ /ces pa ni snod du rung ba'i sems can rnams so/ /mang ba ma yin pas gzhan gyis ma rtogs par ston pa'i byed pa zhes bya'o//de lta bu'i bla ma mnyes par bya'o/ /ji ltar zhe na/ yul dang zhes pa la sogs pas rjes su mthun pa'i yon tan gsungs so/ /de la yul la sogs pas bum pa'i dbang gi rjes su mthun pa ste/ gzhir gnas pa'i phyir ro//gzhan pa gser dang zhes pa la sogs pa ni gsang ba'i dbang gi ste rin che zhing bsgyur du rung ba'i phyir ro/ /mu tig gi phreng ba zhes pa ni shes rab ye shes kyi ste/ rin che zhing mi 'gyur ba'i phyir ro/ /zhing 'di mkhas pas rab bkang ste/ /zhes pa ni mi nus pas kyang sems kyis nam mkha'i gtos kun bkang nas mchod pa ste/bsod nams kyi tshogs kyi yan lag yin pa'i phyir ro/ /le'u brgyad pa las kyang / zhing 'di rin chen sna bdun gyis/ /mkhas pa dag gis yongs bkang la/ /dngos grub 'bras bu 'dod pa yis/ / nyin re shes rab can gyis dbul/ /zhes te/ sems nyid kyis dbul bar mngon no/ /ji skad du/ byang chub sems dpa'i kun du rtog /dge'am gal te mi dge ba/ /gang phyir sems kyi dbang gyur pas/ /de yi phun tshogs sems de 'gyur/ /zhes so/ /de bas na dngos su'am yid kyis/ /de 'dra'i rje btsun dbang po mchod//ces te mnyes par bya'o zhes pa'i don to/ /de ltar mnyes byed thun mong ba rnams bstan nas/ da ni khyad par mnyes par byed pas bla ma gnyis kyis mtshan nyid gsungs pa/ gsal zhing zhes pa la sogs pa'o/ /rnam par rtog pa'i rtog pa thams cad dang bral zhing rang bzhin gyis 'od gsal ba'o//'khor ba ji srid kyi bar du lhan cig skyes pa rgyun mi 'chad pas na rab tu dga' ba'o/ /spros pa thams cad dang bral zhing kun du khyab pas na nam mkha' dang mnyam ste/ gnyis su med pa'i ye shes so/ /de ni bsgoms pa las byung la//de yang ma rtogs pas na med pa nyid de/ rtogs pa de yang gzhan du zhes te shes rab kyi pha rol tu phyin pa'i phyag rgya las gzhan pa'i chos can gyi dngos po gang du yang de rigs par mi 'gyur te/ dngos po thams cad la khyab kyang gzhan ni sbyor ba bdun dang bral bas na'o//de bas na bud med sgyu ma'i phyag rgya ni zhes te bud med nyid sgyu ma ste de nyid phyag rgya'o/ /gang gi phyir pad+ma dang ldan zhing dkar 'chang dang ldan pas na bud med de/ dag pa dang ma dag pa thams cad do/ /de yang sgyu ma ltar snang zhing bems po ma yin pa shes rab kyi pha rol tu phyin pa las byung ba'i phyir ro//de nyid phyag rgya ste rdo rjes btab pa de nyid lhag pa'i lhas rgyas 'debs pa'i phyir ro/ /yang na U ring po au ring por bsgyur na skyes bu rnams mgu bar byed pas na phyag rgya zhes bya'o/ /sgyu ma kun las khyad par 'phags/ /zhes pa ni gser 'gyur rtsis zangs ma srang stong dus gcig tu gser du byed pa dang /klu'i gtsug gi nor bus dpag tshad gcig nas gling bzhi'i bar du zas la sogs pa'i char 'bebs par byed pa dang / dpa' bo gcig 'greng la sogs pa'i sman za ma bdun 'thungs nas lo stong thub par byed pa dang / rtsa ba'i sngags la sogs pa'am/ de las gzhan pa'i sngags kyis gsod pa la sogs pa'am/ dug zhi bar byed pa'am mi gnas pa'i dngos po bskal pa'i bar du gnas par byed pa la sogs pa yod kyang / gnyis su med pa'i ye shes 'byung ba'i gnas med de zab mos byin gyis rlob par byed pa ma yin pa'i phyir ro//gang gi phyir thabs dang shes rab kyis zab mo yang dag par gsal ba byin gyis rlob pa ni thog ma med pa'i dus can te/ de bas na de rtogs par 'gyur bas na khyad par du 'phags pa'o/ /'o na khyad par du 'phags pa'i sgyu ma yang gang zhe na/ sgyu ma de yang zhes pa la sogs pa'o/ /'jig rten 'dir zhes pa ni 'dod pa'i khams 'di ru'o/ /de yang sa la sogs pa rnam par dag pa spyan ma la sogs pa bzhi ni lha mo thams cad kyi rang bzhin rnam par dag pa ste/ ji ltar zhe na/ sra ba'i khams ni sa yin te/ /gsher ba'i rnam pa chu yin no//bskyod pa las ni me skye ste/ /skyod byed rlung du rab tu grags/ /zhes pa'i lung dang sbyar na gzhan rnams la yang gdags pa'i rgyu yod du srid kyang 'byung ba las byung ba'i phyir gtso mo ma yin te/ mtshan ma med pa'i dga' ba las thams cad 'byung ba dang /bsnyen pa la sogs pa dang / dam tshig gi phyag rgya la sogs pa yan lag rdzogs pa'i phyir ro/ /de bas na de rnams rnam par dag pas mi la sogs pa'i bu mo thams cad kyang / rigs ni rnam pa bzhir 'gyur te/ /zhes so/ /de bas na de'i ming dang mtshan nyid bshad par bya'o zhes pa'i don to//de la ming gang zhe na/ ka ma li zhes pa la sogs pa'o/ /de la ka ma li zhes pa ni/ pad+ma can zhes pa ste phal cher de ltar rjod par byed do/ /shaM khi nI zhes pa ni dung can ma zhes pa'o/ /tsi tra ni zhes pa ni ri mo can zhes pa'o/ /ha sti ni zhes pa ni ba glang can zhes pa'o/ /de rnams la pad+ma can ni klu mo'i rigs las byung ba ste/mA ma kI ni chu'i rang bzhin rnam par dag pa'i rang bzhin yin pa'i phyir ro/ /gnyis pa dung can ma ni shin tu drag cing rno ba'i byol song stag dang seng ge la sogs pa'i rigs te gos dkar mo dag pa'i phyir ro/ /gsum pa ri mo can ni ri dgas kr-iSh+Na la sogs pa shin tu g.yo bar snang ba'i rigs las byung ba ste sgrol mas dag pa'i phyir ro//bzhi pa ban glang can ni spyan mas rnam par dag pas na glang po che'i rigs te/ glang po che ni shin tu brtan par snang ba'i phyir ro/ /de ltar ming dang rigs bstan nas/ da ni dbyibs dang mtshan nyid bstan pa/de la zhes pa la sogs pa'o/ /bu mo pad+ma'i dri bro zhing / /zhes pa ni pad+ma kha phye ba'i ge sar gyi dri bro ba zhes so/ /de dang ngo zlum sna rtse til 'dra ste/ /zhes pa ni byang chub sems las skyes pa'o/ /sen mo dmar zhing rgyab sgur dang / /rkang mthil kun gyis sa la reg /ces pa ni khrag gi khams thams cad las skyes pa'o/ /ba spu 'khyil pa nyid ser mo can zhes te kha dog ser ba'o/ /dkar ba ni 'o ma'o/ /de 'chang ba ni nu ma ste/ dbyibs til gyi 'bras bu ltar rtse mo ring ba'o/ /de ni mchil ma las skyes pa'o/ /gsus pa'i gnyer ma gsum zhes pa ni lte ba'i 'og tu tri shU la lta bu zhes pa'o//brang mdzes pa ni dkar 'chang dang skabs phyed pa'o/ /glang chen ltar 'gros dal ba ste shu kra las skyes pa'o/ /rak+ta'i ro ni skyur ba dang sha mdog dmar ba ni nyi ma khyad par can las skyes pa'i phyir ro/ / de bzhin shaM khi nI yang ba tsha'i dri bro ba dang / mdog dkar ser du gnas pa ni khyab byed kyi drod las skyes pa'o/ /skra yang ring la sna ni ring / /zhes pa ni mgo bo'o/ /dkar 'chang na ga ra 'dra ba/ /zhes pa ni shing tog rtse mo che la rtsa ba zhum pa ste de 'dra ba'o/ /de ni snying ga'i drod las skyes pa'o//'o ma zho la rab tu sred pa ni shu kra'i drod las rab tu skyes pa'o/ /rak+ta'i ro bro ba ni de nyid kyi drod las rab tu byung ba'o/ /de bzhin du tsi tra ni yang sha rlon gyi dri bro ba dang / ngo tsha med pa dang / gan rkyal du nyal ba ni rab tu bshig pa dngas snyigs 'byed pa dang /zhes bya ba mdoms na gnas pa las skyes pa'o/ /dkar 'chang shing tog pa la 'dra/ /zhes pa ni dpal gyi 'bras bu 'dra zhes bya ste zlum zhing chung ba'o/ /de dang khro 'dod pa ni 'thab mo la dga' ba ni rab tu bshig pa 'dzin pa zhes bya ba snying la gnas pa las skyes pa'o//mchu 'phyang ba dang phug ron gyi skad 'dra ba ni rab tu bshig pa byin mnyam zhes bya ba lkog ma na gnas pa las skyes pa'o/ /brla shin tu mdzes pa dang rje ngar bya rog dang 'dra ba ni rab tu bshig pa steng 'gro zhes bya ba lte ba la gnas pa las skyes pa'o/ /sha mdog sngo bsangs dang rak+ta'i ro tsha ba ni stong dar sar pa lta bu'i ro bro ba ste/lus thams cad la rab tu gnas pa'i rab tu bshig pa las skyes pa'i phyir ro/ /de bzhin du ha sti ni yang chang gi dri bro ba dang dri nga ba ni rgyu ma la sogs pa dang snying las skyes pa'o/ /byin pa sbom pa dang lus sbom pa ni mkhal ma dang mtsher ba dang snying las skyes pa'o//sna cung zad yo ba ni glad rgyas la sogs pa dang snying las skyes pa'o/ /spyod pa rtsing ba dang mdog rdul skya zhes pa ni ba tsha bong bu'i rdul gyis gos pa ste/ pags pa dang sha dang rus pa dang snying las skyes pa'o/ /dkar 'chang g.yas g.yon du dgye ba dang /sha mdog smug pa dang / rak+ta'i ro bsngal ba ni glo ba dang / mchin pa dang pad+ma'i dkyil 'khor dang / snying las skyes pa'o/ /da ni de rnams kyi rung mi rung gi spyod pa bstan pa/ da ni de dag ces pa la sogs pa'o//khong du dga' zhing zhes pa ni 'dod chags la'o/ /tshig mang ba zhes pa ni mi 'dod pa ltar zhes pa'o/ /cung zad bsnyad ces pa ni med pa'i skyon brjod pa'o/ /de la sogs pa ni ga sha'i bde blag med pa dang / don ldan rnam par spangs pa dang / lan 'gas chog pa lta bu la sogs pa ni mi rung pas/mkhas pas rab tu spang bar bya/ /zhes te rjes su mi mthun pa'i phyag rgyas lus sems bde bar byed pa'i skabs med de/ bram ze ke'u li grong khyer shugs ltar 'gro ba'i phyir ro zhes so/ /rung ba 'di ni mkhas pas btsal/ / zhes pa la sogs pa ni go sla'o/ /mig gi rtsa mdangs zhes pa ni dkar nag phyed pa'o/ /mig rtsa rgod pa ni bla ma zhes pa'o/ /skad cig bsam pa yang de bzhin du'o/ /mi mo 'di ni bsten par bya/ /zhes pa ni lha mo bzhis thams cad dag du zin kyang rjes su mthun pa'i mi mo 'di ni sgrub pa po rnams kyi smon lam las byung ba'i phyir te 'ba' zhig don du gnyer bar bya'o//gsang gnas kyi rung mi rung gi spyod pa bstan pa/ da ni gsang gnas zhes pa la sogs pa'o/ /gyo mo ltar ni zhes pa ni nang lta bu'o/ /kha sbub ni 'og na gnas pa ltar ro/ /de ni rtag pas spangs pa'o//khung ring zhes pa ni thabs kyi chos longs mi spyod pa ste de dang shin tu mi sdug pa ni tshe dpag med kyis spangs pa'o/ /rtag tu skam por gnas pa ni 'dod chags kyi mtshan nyid dang ldan yang zhes te rin chen 'byung ldan gyis spangs pa'o/ /rtag tu zil pa 'dzag pa ni yul med kyang ke lo zhes bya ba'i kha chu lta bur 'dzag cing rtag tu yul dang 'phrod par byed pa ste/mi bskyod pas spangs pa'o/ /sbal pa'i rgyab ltar rtsub pa ni don yod grub pas spangs pa'o/ /rus sbal gyi rgyab ltar 'phang mtho zhing steng mnyam pa shin tu 'jam po ni spyi'i dbyibs te shes rab kyi pha rol tu phyin pas byin gyis brlabs pa'o//ban glang gi ni ltag pa ltar/ /zhes pa ni 'gram gnyis dang ze'u 'bru ste ltag pa dang dpung mgo ltar gnas te/ de yang steng mnyam zhing thog gi dbyibs kyang ring zhes pa ni thog tu phal che bar gnas pa'o/ / de ni spyan mas byin gyis brlabs pa'o/ /pad+ma'i snying po bzhin du zlum pa ni 'dab ma 'dus pa ste de yang chung ba'o/ /de ni gos dkar mos byin gyis brlabs pa'o/ /'dzag min zhes pa ni nyams su ma blangs na zhes so/ /nyams su blangs na cung zad 'byung ba ste mA ma kIs byin gyis brlabs pa'o//spu nyung zhes pa ni spu langs pa ste yid du 'ong bar byed pa'i phyir ro/ /de ni sgrol mas byin gyis brlabs pa'o/ /thabs kyis shin tu btsal zhes pa ni kha na ma tho ba med pa ni 'di'i thabs te rin gyis slu ba dang / gzhan gyis ma 'khyud pa dang gzhan la ma 'khyud pa la sogs pas so//da ni 'di dran par bya ste/ /thog med dus nas log rtog la/ /ngang gi goms pas de spros te/ /de byung ngang tshul ngan rnams mang / /'dzam gling 'di ni shAkya yi/ /sras kyi gdul bya ji snyed pa'o/ /dge ba goms pa nyung zad pas/ /yang dag don ni rab sgom pa//nyung ste mang po ma yin pas/ /'gro ba'i don ni mi gtong phyir/ /de yang thugs rjes gzung bar bya/ /zhes pa'i lung dang sbyar na/ /rjes su mthun pa'i phyag rgya ni mang ba ma yin te/ gal te de don du gnyer ba rnams bar mdor dus byed par 'gyur srid pas na/ bla ma'i drin gyis 'tsho ba'i phyir rnam pa gzhan yang gsungs pa/ mtshan nyid dag ces pa la sogs ni rjes su mthun pa'i mtshan nyid de dag dang mi ldan yang zhes pa ni/ rigs dang zhes pa ni ma nges pa'o/ /ji skad du/ rigs ngan sme sha can la sogs/ /gsod pa don du gnyer ba rnams//theg pa bla na med pa yi/ /theg mchog 'di la 'grub par 'gyur/ /zhes pa dang / bram ze rgyal rigs rje'u rigs dang / /dmangs rigs dag gi bu mo yang / /rdo rje chos kyis bsgrub par bya/ /'di ni gsang ba thob pa'o/ /zhes gsungs pa'i phyir ro/ /gzugs dang zhes pa ni gzugs bzang ba'o//lang tsho zhes pa ni bcu drug pa dang / nyi shu rtsa lnga zhes gsungs kyang / mya ngan sog le ltar gcod pa yod kyi bar ni lang tsho ste/ ji skad du/ byol song las kyang rab tu brtag /ces gsungs pa'i phyir ro/ /rgyan mdzes zhes pa ni gdu bu la sogs pas mdzes par byas pa de nyid la yid 'ong bu mo zhes bya ste/rgyu 'di gsum dang ldan na/ gzung bar bya'o zhes so/ /de yang gang zhe na/ chos zab la zhes pa la sogs pa ste/ chos zab mo ni gnyis su med pa'i ye shes te de'i spyod pa la yang de skad ces bya'o//de la mos pa ni/ de thob na nges par 'dzin pa'i sems kyis de la sbyor ba'o/ /de bas na mos pa gces su byed pa ni gzhan gyis mi 'phrogs pas na chos kyis longs pa ste/ dang po'o/ /las 'brel zhes pa ni las kyis 'brel pa ste/ pha dang ma dang ming po dang bdag po la sogs pa'o/ /des 'khyud pa ma byas pa ni sems kyis kun du 'dzin pa med pa'o/ /de bas na/ kun du 'dzin med nor gang yin/ /mkhas pa rnams la de mi lci/ /'dzin bcas nor ni gang yin pa/ /so rangs pa yi bum bzhin du//'bum phrag gnyis su gzhan mi phan/ /zhes so/ /las 'brel gyis ma bzung ba ni gnas skabs spangs pa'i phyir 'brel pas longs pa ste gnyis pa'o/ /sngon gsungs grogs zhes pa ni gong du smos pa'i rjes su mthun pa'i phyag rgya gang zhig gis/ shes pa bslus pa zhes te rjes su mthun pa'i gtam gyis dang po'i shes pa rnam par bzlog pa ni slu ba ste/dad pa'i sa la 'god pa'o/ /ji skad du/ bzang spyod ngan spyod thams cad ni/ /grogs gang rten las 'byung ba ste/ /grogs kyi tshig ni srog bzhin 'dzin/ /de bas grogs bzang tshig bzung ngo //zhes pa'i phyir ro/ /de bas na grogs kyi tshig la ma nor bar 'dzin pa de kho na bzhin du sgrub par byed pa ste grogs kyis longs pa'o/ /de ni gsum pa'o/ /de lta'i mi mo mkhas pas sgrub/ /ces te/ mngon par 'du byas pas rang dang rjes su mthun par snang ba'i phyir ro//sogs kyi sgras bsdus pa lha mo dang klu mo dang gnod sbyin mo dang mkha' 'gro ma la sogs pa rnams so/ /gzhan dag na re mi mo ni rtog pa mang ba ste/ de spangs nas de rnams sgrub po zhes zer ro/ /de ni ma yin te mi slu ba dang 'brel pa med pa'i phyir ro/ /de bas na gong du smos pa'i mi mo rnams la brten te/de kho na nyid shes par byed la/ de nyid kyis goms par yang byed cing mngon du yang byed do/ /gzhan rnams ni mngon du byed pa'i yan lag tsam yin no/ /'o na des gang bsgrub ce na/ 'jig rten gsum du zhes te/ khams gsum du'o//der rnyed dka' ba ni tha mal pa rnams la ltos nas phyug po de las rgyal srid dang nor bu la sogs pa yang rnyed dka' ba ste/ de bas kyang rnyed dka' ba ni lhag pa'i lha zhes bya ba 'di'o/ /ci'i phyir lhag pa'i lha zhes bya zhe na/ lha rnams las mchog tu gyur pa ni kha na ma tho ba med pa'o//de las mchog tu gyur pa ni byang chub sems dpa'o/ /de las mchog tu gyur pa ni sangs rgyas rnams so/ /de rnams kyi phul du gyur pa ni rdo rje 'chang chen po sbyor ba bdun dang ldan pa'o/ /de lta bu sems can thams cad la mi slu ba'i tshul du gnas kyang ye shes kyis rgyas btab pa'i thabs gong ma dang bral na mi 'grub pas/de rnams dang lhan cig tu gyur pa'i lhag pa'i lha zhes bya ba sgrub ces bya'o/ /da ni de lta bu'i lhag pa'i lha de dang po dbang gi sgo nas rtogs par bya ba gsungs pa/ de yang zhes pa la sogs pa'o/ /de yang zhes pa ni lhag pa'i lha zhes bya bar sbyar ro//thun mong zhes pa ni byang chub sems dpa' la sogs pa dang thun mong du gyur pa'i sdom pas thob pa ste/ rig pa'i dbang ngo / /de dang bcas pa ni thun mong ma yin pa'i sdom pas thob pa ste/ rdo rje slob dpon phyir mi ldog pa'i dbang ngo / /des 'di skad gsungs par gyur te/phyin ci log gi yul la chags pa dang bral ba'i bdag nyid chen po sems can gyi tshogs thams cad la phan gdags pa'i bsam pa dang ldan pa des/ chos thams cad khyab bdag tu gnas pa'i zab mo dang yang dag par gsal bzung du 'jug pa'i rdo rje 'dzin pa chen po gong du gsungs pa rtogs par bya ba'i phyir/gong du smos pa'i rjes su mthun pa'i yon tan rnams kyis gong du smos pa'i yon tan dang ldan pa'i bla ma dam pa rnams las gang yang rung ba cig yongs su gzung bas mnyes par bya ste/ des kyang mnyes pa las byung ba'i dkyil 'khor gnyis gang yang rung ba cig dang bsgrub par bya'o//de yang bla ma des mtshan ma thob kyang rung ma thob kyang rung ste/ dang por bar chad zhi zhing tshogs 'phel bar bya ba'i phyir/ rang gi lha'i 'khor lo la gnas pas sngon du bsnyen pa bya zhing 'dzab bzlas pa du ma'am grangs can du bya'o//de nas rgyu skar ram byed pa bzang po'i nyin par ram/ yang na kun dga' ba'i bsam pa dang ldan pas dge slong gi dge 'dun dang bcas te/ gnas kyi khyad par las dbang ldan gyi phyogs sus btsal bar bya'o/ /der ji skad du gsungs pa'i cho gas brtags te sa la gnas pa dang 'byung po'i tshogs la gtor ma byin la rang gi lha'i 'khor lo la'ang sbyin sreg la sogs pas mnyes par byas la nam mkha' la dgod par bya'o//de nas ji skad du gsungs pas klu brtag par bya ste/ sa stegs gru bzhi pa bdud rtsi lngas byugs pa ste/rgyan la sogs pas rnam par klubs pas phyi'i sa sbyang bar bya'o/ /rang gi lha'am bgegs kyi dgra'i sbyor bas dbang bskur blangs pas sems kyis sa sbyang bar bya'o/ /de nas de nyid nor 'dzin lta bu rdo rje'i khyad par can du byas pas byin gyis brlabs la bdag nyid ting nge 'dzin gsum dang ldan par dbus su 'dug la/rdo rje dril bu 'dzin pa'i grogs po bzhis dkyil 'khor bri bar gsol ba gdab po/ /des kyang nyon mongs pa la bgegs kyi gshed kyi ngo bo khros nas lus ngag yid gsum gyi sbyor bas bgegs bskrad nas sa'i dbus su phur bus btab pas bsrung bar bya'o//bdud 'dul gyi phyag rgyas sa'i lha mo brtan ma la mchod pa la sogs pas mnyes par byas la/ dbang por gsol nas de nyid du thim par bsam mo/ /sa dag par bya ba'i cho ga'o/ /de nas phyi de nang par lha'i grangs dang mthun pa'i maN+Dal la/dam tshig gi 'khor lo bzhi pa yan chad kyis bkod la/ de la ye shes kyi 'khor lo bstims te mnyes par byas nas gsol ba gdab par bya'o/ /yang mchod pa'i bum pa lha'i grangs dang mthun pa la rang gi sngags kyis btab la rnam par rgyal ba'i bum pa la gtso bo'i sngags kyis btab ste/skrag byed kyi bum pa la bdud rtsi 'khyil pa'i sngags kyis gdab par bya'o/ /yang de rnams byin gyis brlab par byas nas dkyil 'khor la bkod de mchod pa la sogs pa byas nas gsol ba gdab par bya'o/ /de nas bdag nyid phyi rol du byung ste snod dang ldan pa'i slob ma rnams bzung nas khang pa'i nang du zhugs la slob mas kyang ston chen khyod la zhes pa la sogs pas gsol ba gdab po//bla mas kyang slob ma'i gtso bo lag pa nas bzung ste/ bu tshur shog shig ces pa la sogs pas lan stsal nas nang du bcug ste/sdig pa bshags pa la sogs pas byang chub tu sems bskyed la gnas gsum byin gyis brlabs la mchod pa'i rdzas sbyin no/ /de bzhin du bdud rtsi 'khyil pa'i sngags kyis bzlas pa'i so shing dang / ku sha dang / srung skud gdags pa dang / nye reg sbyin par bya'o//de nas slob mas kyang phyir mi ldog pa'i dbang zhes pa la sogs pas gsol ba btab la/ de la bla mas kyang sangs rgyas chos dang zhes pa la sogs pas byang chub sems dpa' dang / rnal 'byor gyi rgyud la sogs pa dang thun mong gi sdom pa byin la/ slob mas kyang ston pa chen po zhes pa la sogs pas sdom pa de blang bar bya'o//de nas/ kun mkhyen gang du 'jig rten na/ /zhes pa la sogs pas spro ba bskyed cing bden pa'i chos bshad la/ slob ma rnams nyal ba'i sbyor ba bya'o/ /de nas mchod pa la sogs pas dkyil 'khor mnyes par byas la ye shes kyi 'khor lo nam mkha' la bkod de bdag nyid nyal bar bya'o//nang par sngar langs nas so shing skyur ba dang mtshan ma bzlog pa la sogs pa ni sta gon du gnas pa'i cho ga'o/ /de nas rang gi lha'i sbyor ba la gnas pas ji skad du gsungs pa'i thig skud la ye shes kyi thig skud drang ba dang bsgril ba dang bsrung ba la sogs pas thig skud 'dus byas la/las thams cad par bsgoms pa'i slob ma dang lhan cig tu nam mkha' dang sa'i thig ma lus par gdab par bya'o/ /yang na nus pas khye'u dang bu mo lo bcu gnyis lon pa la ji skad du gsungs pa'i cho gas ye shes kyi lha phab nas bri ba dang tshon gdab po//de nas cha dbye ba la sogs pas thig gsal bar bya ba ni thig gi cho ga'o/ /de bzhin du tshon rtsi rnams kyang 'dus byas nas rdo rje gar gyi brjod pas nang du zhugs nas sna lnga'i tshon dang /rdo rje rtse mo'i tshon dang / phyogs kyi tshon dang / phyag mtshan gyi tshon yang gdab par bya ba ni tshon gyi cho ga'o/ /de nas bum pa dgram pa dang skud pa la sogs pa gshegs su gsol ba byas la/ rang gi rigs kyi phyag rgya dang lhan cig tu yan lag bcu gnyis kyis 'khor lo gsum gnyis su med par bsgom pa ni lha gnas par bsam pa'i cho ga'o//de la gsang ba'i mchod pa dang / rdo rje dril bu'i bde dbyangs kyis bstod pa dang / bdud rtsis tshim par bya ba dang / /phyi'i mchod pas shin tu tshim par bya ba dang / bzlas pa bya zhing dgyes pa bskyed pa dang /phyi rol du byung nas phyogs skyong ba rnams la gtor ma sbyin pa dang / hUM mdzad kyi rnal 'byor gyis nang du zhugs nas lhag chad kyi skyon bsal ba dang / sbyin sreg gis mnyes par bya ba ni mchod pa'i cho ga'o/ /de nas bdag nyid dkyil 'khor du zhugs te lhas dbang bskur bar bsams nas/de kho na nyid dang bden pa brjod par bya'o/ /de nas slob ma mngon par 'du byas la gdong g.yogs nas mos pa dri zhing lan gdab pa dang / lha dang bla ma la yon dbul ba dang / byang chub tu sems bskyed cing 'khor lo bskul ba dang / dkyil 'khor du gzhug pa dang /sdom pa bsdoms te spro ba bskyed pa dang / dam bsgrags pa dang lha dbab pa dang me tog dor ba dang / gdong g.yogs bkrol nas dkyil 'khor bstan pa ni dkyil 'khor du gzhug pa'i cho ga'o/ /de nas mi bskyod pa 'dus byas pa las byung ba'i chu'i dbang dang /rin chen 'byung ldan las byung ba'i dbu rgyan gyi dbang dang / snang ba mtha' yas las byung ba'i rdo rje'i dbang dang / don yod grub pa las byung ba'i rdo rje dril bu'i dbang dang / rnam par snang mdzad las byung ba'i ming gi dbang dang / rig pa'i dbang bskur ba byin la/de'i rjes la rdo rje dang / dril bu dang / phyag rgya'i dam tshig byin la/ rdo rje slob dpon gyi dbang gi sdom pa thun mong ma yin pa rnams sbyin no/ /de nas gsol ba btab pa'i rdo rje slob ma 'jug pa'i sgor kha dog gcig pa'i dkyil 'khor la dbang stegs kyi khri la bzhag ste slob dpon gyi lus kyi dkyil 'khor las spros pa'i lha mo la sogs pas bskul bas rdzogs pa'i sangs rgyas kyi dkyil 'khor rnams kyis bkra shis kyi glu dbyangs dang /rol mo la sogs pa dang ldan par rig pa'i dbang dam tshig dang bcas par sbyin no/ /de nas gdugs dang bcas par bskor ba byas nas khri la bzhag ste slob dpon du gnas par byas na dbu rgyan dang ye shes sems dpa' bskyed de mchod par bya'o//de la dkyil 'khor gyi de kho na nyid dang / lha'i de kho na nyid dang / slob dpon gyi las gnyis bstan pa ni phyir mi ldog pa'i dbang bskur ba'o//de nas lung bstan pa dang / dbugs dbyung ba dang / bka' stsal pa'i dbang bskur ba yang sbyin no/ /de rnams ni bum pa'i dbang bskur ba'i cho ga bsdus pa te/ rgyas par ni gzhan du shes par bya ste/ 'dir ni dkyus kyis 'dzin tsam du smos so/ /da ni de dag dang ldan pa'i slob ma la gsang ba'i dbang bskur bar gsungs pa/tshogs kyi mchod pa zhes pa la sogs pa'o/ /de yang gong du gsungs pa'i phyag rgya la sogs pa ni gzugs kyi tshogs so/ /pi wang la sogs pa'i dkrol ba dang brdung ba la sogs pa ni sgra'i tshogs so//ga pur la sogs pas byugs pa dang / bdug spos la sogs pa ni dri'i tshogs so/ /sha dang chang dang khur skya la sogs pa ni ro'i tshogs so/ /dar la sogs pa dang / dbang po bstar ba la sogs pa ni reg bya'i tshogs so/ /mnyes par byed pas na mchod pa'o//de rnams dang ldan par de'i ngo bo gong du gsungs pa'i bu mo btsal nas rgyan rnam pa sna tshogs pas brgyan te lus dri zhim pos byugs la/ nam phyed kyi dus su bla ma la dbul bar bya'o/ /de nas bla mas kyang bsam gtan gyis snyoms par zhugs pa'i byang chub kyi sems kyis slob ma'i lus bsregs nas/cho ga bzhis rnam par snang mdzad du bsgom ste/ gsol ba 'debs pa la bza' ba dang bsrung ba'i dam tshig byin nas yang me tog gis snyim pa bkang ste gsol ba 'debs pa la cha mthun pa'i rnal 'byor chen po'i tshul rnams las bstan pa ltar/zla ba la sogs pa'i rdzas rnams kyis rna ba dang / snying ga dang / lag mthil dang / lce dang / spyi gtsug tu thig le bya zhing de'i sngags kyis sbyin par bya'o/ /de bzhin du snyan gyi phyogs su gyur pa'i lha mo dang dpa' bo'i sa bon las byung ba'i byang chub kyi sems dngos su'am bsam pas phyung nas bde ba'i ro myang zhing dpung mgo la sogs par bskur bar bya'o//de nas slob ma ha cang ring ba ma yin par gos la sogs pas mig bkab nas bzhag ste/ bla mas kyang / de dang snyoms par zhugs pa yis//zhes te/ gong gi bu mo bar gyi bsnyen sgrub bzhi la sogs pas dag par byas nas/ rjes su chags pa'i mtha' la thug pas snyoms par zhugs te/ sa bon gyis bskul ba'i bde bar gshegs pa rnams zhal du zhugs te zla bar zhu bar gyur nas bcu drug cha zhes te thig le'i ngo bor gyur par bsam mo//de nyid slob ma'i kha ru ltung / /zhes te thig le las yi ge/ /de las dkyil 'khor de nyid 'dod chags chen po'i mes bzhus pa slob ma'i khar sbyin pa'o/ /de yang slob ma'i kha'i lam nas snying ga'i pad+mar zhugs pa'o//des ci byed ce na/ de yis zhing ni dag byas te/ /zhes te zhing ni de'i phung po la sogs pa'o/ /de dag par byas pa ni phyin ci log tu snang ba'i phung po la sogs pa sbyangs te/ ye shes kyi skur byas pa zhes bya'o/ / des ci rtogs she na chos kun zhes pa la sogs pa'o/ /de yang ke lo dang ke po 'drul bcad pas sgyu ma lta bu'i ting nge 'dzin skye'o/ /des chos thams cad sgyu ma dang smig rgyu dang brag ca dang / mgal me'i 'khor lo dang / 'khrul pa dang / rmi lam dang dri za'i grong khyer dang /chu'i chu bur dang / glog gi rnam pa dang / sprul pa dang / brgya byin gyi gzhu dang / sprin gyi rnam pa lta bu ste/ dpe bcu gnyis kyi don du rtogs par 'gyur ro/ /de byams pa la sogs pa'i byang chub sems dpa' rnams dang skal ba mnyam pas na sangs rgyas kyi zhing nas sangs rgyas kyi zhing du 'gro ste/de'i lam la 'jug pa myur bar thob par 'gyur ro/ /da ni zhing dag par byas pa'i slob ma la chos kyi sku rtogs par bya ba'i phyir shes rab ye shes kyi dbang bskur ba gsungs pa/ de nas zhes pa la sogs pa'o/ / rang 'byung zhes pa ni gzhan gyis brtags pa'i rgyu spangs te/ rang gi sems nyid goms pa las byung ba'i phyir ro/ /ji skad du/ sems can kun gyi sems gang na/ /brtan pa'i phyir na sems dpar brjod/ /mnyam par bzhag na ting nge 'dzin/ /nges pa las ni rdo rjer gyur//sems dpa'i byin rlabs sbyor ba las/ /slar yang rdo rje sems dpar gyur/ /zhes so/ /gzhan bshad zin to/ /de rtogs par bya ba'i phyir bu mo sbyin zhes so/ /de yang dbang bskur ba thob pa'i slob mas tho rangs kyi dus su tshogs kyi mchod pas bla ma mnyes par byas la/ji skad du gsungs pa'i bu mo bla ma la yon dang bcas te dbul bar bya'o/ /de nas gsol ba 'debs pa'i slob ma rnal 'byor pa snying po'i sdom pa dang ldan par bya'o/ /de nas yang me tog gis snyim pa bkang ste/ gsol ba 'debs pa la bla mas byin gyis brlabs pa'i bu mo slob ma'i lag pa g.yas par sbyin par byas nas lung 'di bsgo'o//lha mo 'di ni zhes pa la sogs pa'o/ /khyod kyi bzhed pa 'di la yod pa'i phyir na khyod dang mthun zhes so/ /sems can zhes pa ni sems can bsgral ba'i sems gang la yod pa'o//sangs rgyas kun gyis spyod du gnang / /zhes pa ni bla na med pa'i sangs rgyas rnams kyis snod du rung ba'i gang zag 'ga' la spyod du gnang ba'o/ /ji ltar spyod du gnang zhe na/ dkyil 'khor 'khor lo'i cho ga yis/ /zhes te/ dang po'i rnal 'byor pa la sogs pa'i cho ga ste/tha mal pa bzlog pas tshe gcig gis grol ba'o/ /byang chub chen po sgrub pa'i phyir zhes pa ni mi slu ba dang phyin ci ma log pa dang / mi 'gyur ba'i byang chub ste/ dngos su bsam pas rtog par byed pa dang / blo 'jog pa dang /mngon du gyur pa sgrub par byed pa'o/ /khyod kyis 'di dang 'bral mi bya/ /zhes pa ni shes rab kyi pha rol tu phyin pa'i phyag rgya bas na de dang lhan cig tu mngon sum dang dpe'i ye shes brtag par bya ba ste/ ye shes rgyun mi 'chad pa'i phyir ro/ /yid 'ong bu mo blang bya ste//zhes pa ni des shes rab ye shes kyi dbang blangs zhes pa'o/ /blangs nas ci byed ce na de yis zhes te bu mos so/ /'da' bar mi bya bas na dam tshig go/ /gzhan las ldog cing ldog pa med pa ni sdom pa ste/ so sor thar pa las/ khyad par du gyur pas na mchog go//de smra bar bya zhes so/ /de nyid kyang gang zhe na smros shig ces pa la sogs pa'o/ /de rnams ni go sla'o/ /bzhad gad dang ldan par zhes pa ni/ sdom pa nyams su blang ba la brjod pa'i rtags su bzhad gad dang ldan pa'i phyir smras pa/ kye zhes pa la sogs pa'o/ lha mo khyod la bkur sti dgos/ /zhes pa ni bdud rtsi lnga la sogs pa myong ba'i shel khang la bya ba ste/ des khyod dga' bar 'gyur ba'i phyir na za ba'o/ /de nas yang bu mos ga sha phud ces pa ni mdoms dkris med par byas nas so/ /pad+ma gsal bstan zhes pa ni pad+ma'i 'khor lo 'gram gnyis las bzung nas slob ma la gsal bar bstan te/tshig 'dis pad+ma la bstod do/ /e ma'o zhes pa la sogs pa'o/ /e ma'o zhes pa ni ngo mtshar ro zhes pa'o/ /gang ngo mtshar na bdag gi pad+ma 'di ngo mtshar che zhes pa'o/ /ci'i phyir khyod kyi pad+ma ngo mtshar na bde ba thams cad dang ldan pa zhes te/bde ba thams cad kyi pha rol tu phyin pa'i mchog tu dga' ba'i bde ba dang lhan cig skyes pa'i ye shes te de 'di na yod pa'i phyir zhes so/ /de yod par sus rtogs she na/ cho ga'i rim pa gang gis spyad/ / ce'o/ /de la cho ga'i rim pa ni 'og nas 'byung ba'i lus ngag yid gsum gyi bya ba rlung gi man ngag dang bcas pas so/ /de yi mdun na rtag tu gnas/ /zhes pa ni cho ga'i rim pa shes pa de'i mngon sum du rtag tu gnas pa ste ye shes so/ /de bas na rang bzhin gyi don phun sum tshogs pa'i rgyur gyur pas na don byed pad+ma dam pa'o//byed pa la btsun par blta bas na/ sangs rgyas kun gyis bkur ba'i gnas so/ /rtag par zhugs pa yin zhes pa ni bsgribs pa'i dus na yang 'gyur ba med par gnas pa'i phyir ro/ /de nas slob mas kyang b+hany+dza mok+Sha ho zhes brjod par bya ste/mya ngan las 'das pa chen po'i gzhal yas khang dgyes pa'i phyir ro/ /de nas bla mas ye shes myong bar bya ba'i phyir lus ngag yid gsum gyi spyod pa bstan pa ni/ de nas zhes pa la sogs pa'o/ /rang gi sa bon zhes pa ni ye shes sems dpa'i sa bon las so//de las 'od zer byung bas rang gi nang gsal te/ des lha'i 'khor lo zhes pa ni des lus kyi dkyil 'khor du gtogs pa'i lha rnams so/ /des chags byas nas zhes pa ni 'od reg pa tsam gyis dus kyi sems can lta bur byas nas zhes pa'i don to//'od zer des rdo rje'i lam nas phyir byung ste/ bu mo'i pad+ma'i nang du zhugs pas de'i lha'i 'khor lo yang gong ma ltar byas nas zhes so/ /zhal nas zhes pa ni bu mo'i'o/ /zhal du zhugs zhes pa bdag gi'o/ /de nas gong ma ltar lha'i 'khor lo chags pa chen po bskyed nas yang bdag gi rdo rjer phyung ste/yang sngon bzhin du pad+mar zhugs na chags pa bskyed nas yang zhal nas zhal du zhugs pa'o/ /yang nas yang du zhes pa ni brtan pa'i sems lan bzhi'i bar du bdag dang bu mo lha'i dkyil 'khor yid kyis shin tu chags pa'o zhes so//de bzhin du ngag gis chags par byas pa'i cho ga gsungs pa de nas zhes pa la sogs pa'o/ /'dod pa'i sgyu ma'i tshig ces pa ni sgyu ma ltar snang ba'i yid la bab pa'i tshig go/ /de brjod pas bu mo chags par bya'o//de yang gang zhe na/ zhal bzangs khyod ni shes pa ni steg pa la sogs pa dang ldan zhing 'dzum gnag pa ma yin pas na'o/ /rnam par brtson pa ni rnam par rol pa'o/ /mkha' mnyam ni ye shes lhan cig skye ba ste 'od gsal ba zhes rnam grangs so/ /rtsa'i 'khor lo btsal zhes pa ni lus kyi sbyong pa'i rjes la zhes pa'i don to//bu mos smras pa gang zhe na/ bde mchog rgya chen po ni kun rdzob kyi bde ba ste de dang ldan pa'i sgrub pa po bdag la dgongs su gsol zhes pa'o/ /ci'i phyir zhe na/ bsam mi khyab pa'i bde chen te/ /zhes te thams cad la khyab bdag tu gnas pa'i bde ba chen po ni mi slu bas mtshon par byed pas na ngag dang ldan zhes bya'o//de nyid gzhan gyis mi bskyod pas na mi g.yo ba'o/ /phyin ci log gi tshig rnams dang bral ba'i dbyangs snyan pas bdag la khyod kyis rol cig ces pa'o//bzhengs su gsol zhes pa ni dang po'i spyod pa las so/ /de ni gnyis su med pa 'byung ba la bul ba'i phyir ro/ /ngo mtshar che ba'i rol ba ni lus ngag gi gsang ba'i brtul zhugs te/ des snang bar mdzad cing zhes pa'o/ /byang chub la rgyur gyur pas na byang chub snying po ste shes rab bo//der 'gro ba'i lam gzhan las khyad par du 'phags pas na mchog go/ /rgyu de rnams yang dag gang la mi brten par/ /zhes pa ni rnal 'byor dang rnal 'byor chen po'i rgyud gang la mi brten te/ de rnams gzings dang 'dra ba'i chos so//'di ni ye shes kyi stobs kyis grol ba'i phyir na las kyi sgrib pa sna tshogs dang ldan yang dus gcig par chud pa'o/ /de bas na bde ba chen po yid du 'ong ba dang lhan cig tu grol bar gyur cig ces pa'i don to/ /ho ho ho zhes pa ni de las skyes pa'i ye shes gsum rig par 'gyur ba la dgyes pa'o//gzhan ni bshad zin to/ /de nas lus kyi spyod pas chags par bya ba'i thabs gsungs pa/ de nas zhes pa la sogs pa'o/ /rab tu chags ldan pas zhes pa ni rnam pa gnyis kyis zhes pa'o/ /dben pa'i gnas zhes pa ni skye bo la sogs pa 'dus pa spangs pa'o//rol pa zhes pa ni lus kyi'o/ /dga' ba brtag par bya zhes pa ni lhan cig skyes pa'i dga' ba ste gsum gyis bsdus pa'o/ /ji ltar blta bar bya zhe na/ skyed byed thams cad kyi gtsug lag las bshad pa'i gtso bo lnga gsungs pas/ dang por zhes pa la sogs pa'o//'dus pa byas nas ni zhes pa ni gnyis 'dus pa ste/ de'i mtshan nyid kyang ji skad du/ bud med mgul par dam 'khyud de/ /pho yi dpung pa gnyi ga yis/ /gru mo gnyis la bzhag pa yang / /bud med rje ngar 'dus par bshad/ /ces te/ bsdams pa'i bya ba'o//de nas gru mo mtshan nyid ces pa ni rkang lag gi bya ba ste/ ji skad du/ bud med pus mo bkug pa ni/ /pho yi gru mor gzhag par bya/ /pus mo gru mor bshad pa ste/ /de dag dga' ba'i rim par 'dod/ /ces te rnam par blta ba'i bya ba'o/ /yang ni brkyang bar bya ba dang //zhes pa ni rkang pa kho na ste/ /ji skad du/ pho 'dug pa yi brla stengs su/ /bud med rkang mthil gzhag par brtag /gnyis pa yis kyang thod kar brgyab/ /rkang pa brkyang ba yin zhes te/ /rnam par nyed pa'i bya ba'o/ /de bzhin yar bteg mtshan nyid dang //ji skad du/ pho yi lce yi rtsa ru ni/ /bud med rkang pa'i mthil bzhag ste/ /phab pa'i mtha' ni pho ni yar/ /phul ba yar bteg mtshan nyid do/ /zhes te/ 'dod chags kyi stobs kyi bya ba'o/ /shin tu brkyang bas lnga ru 'gyur/ /zhes pa gnyis kyis bya ba ste/ / ji skad du/ gnyi ga rkang gnyis brkyang pas na/ /shin tu brkyang bar 'dod pa ste/ bud med pho yi ya re ni/ /'og tu bltas pa'i lus su gnas/ /zhes te/ rnam grangs kyi bya ba'o/ /de nas rang gi dpung pa gnyis rab tu brkyang nas gru mo'i mdud pas mgul nas 'khyud par bya'o//bcing bas zhes pa ni gru mo'i mdud pas zhes so/ /g.yas dang g.yon gyi skra zhes pa ni g.yas g.yon gyi lag pas bzung nas steng gi pad+ma la bltas par bya'o zhes so/ /brla gnyis par bltas te zhes pa ni 'og gi pad+ma la bltas na/der bung ba lta bu zhes te/ ji ltar bung ba me tog gi dkyil 'khor la glu len cing rtsi 'jibs pa ltar/ rnal 'byor pas kyang zid sgra lta bu'i glu len cing hUM ring po blangs nas mchu gnyis kyis pad+ma'i dkyil 'khor du rtse bar bya zhes so/ /ma mchu sbrang rtsi gzhib par bya/ / zhes pa ni de bzhin gzhibs ngu pas mgor gnas pa'i ra sa ya na 'jug pa'i phyir ro/ /de nas byang chub kyi sems 'byung ba'i gnas rnams bskul ba'i phyir/ /nu ma lag rtse zhes pa la sogs pa'o/ /mdza' ba chen po grub ces pa ni rnam pa gsum po des bdag la lhag par chags pa zhes so//g.yon gyi zhes pa ni lag pas so/ /des pad+ma'i dkyil 'khor mnye zhing ste/ 'og sgo lces bskyod par bya zhes te/ rdo rje ni thabs cha tsam gyis bskyod par shes par bya'o/ /steng 'og tu'ang blta byas nas/ /zhes pa ni shel gyi pad+ma dang gsang ba'i pad+ma la bltas te yid kyis shin tu chags par bya ba'i phyir ro//de nas nang gi 'khor lo bstan par bya ba'i phyir de nas rtsa zhes pa la sogs pa'o/ /de nas bu mo des de'i mngon sum du pad+ma'i dkyil 'khor bstan nas smras pa/ rang byung bde chen rgyal po ni bshad zin to//pad+ma 'di la rab tu gnas/ /zhes pa ni mi slu ba'i tshul du gnas pa'o/ /de gang gis rtogs she na/ rtsa dang rlung gis rtogs 'gyur bas/ /zhes te/ rnal 'byor bla na med pa'i rgyud rnams kyi man ngag ste mkha' 'gro ma'i rgyud rnams rtsa gtso bor byed pa'i rgyud de/des rtogs pa'o/ /rnal 'byor thabs gtso bor byed pa'i rgyud ni rlung gi de kho na nyid gtso bos de rtogs par byed pa'o/ /de lta na yang byang chub kyi sems rtsa'i lam na rlung gi gnas dang ngal so ba thob pas na gnyis ka la yang dgos par shes par bya'o zhes so//de nas de yis zhes pa ni rnal 'byor pa des so/ /sor mo yis zhes pa ni lag pa g.yon pa'i sor mo gsum 'dus byas pas so/ /de nas nang na gnas pa'i rtsa'i 'khor lo chen po btsal bar bya'o/ /ji lta bu zhe na/ pad+ma la gnas pa'i 'dab ma brgyad pa'i pad+ma rnam par shes pa brgyad dag pa'i rang bzhin de la gnas so//gang gnas she na/ snying po lngas brgyan byas zhes te/ dbus kyi pad+ma ni rdo rje dbyings phyug ma ste/ nam mkha'i snying po'o/ /g.yas pa'i rtsa ni rus sbal te rak+ta rgyu ba ni rin chen 'byung ldan gyi ngo bo chu'i snying po'o/ / g.yon pa'i rtsa ni zla ba ste/ byang chub kyi sems rgyu zhing 'od dpag med kyi ngo bo me'i snying po'o/ /mdun gyi rtsa ni 'byin 'byung zhes te chu rgyu ba rtag pa'i ngo bo chu'i snying po'o/ /rgyab kyi rtsa ni gzhu rgyal ma ste sha rgyu ba don yod grub pa'i ngo bo rlung gi snying po'o/ /de bas na ze'u 'bru zhes te tshar mas g.yogs te dbus so//ge sar zhes pa ni sa'i snying po bzhi'o/ /'dab ma brgyad ces pa ni/ de'i phyi rol du pad+ma 'dab ma brgyad pa yod pa'o/ /man ngag gis bstan pa ni/ gsal byas pa'o/ /de nas A li kA li zhes pa ni g.yon pa dang g.yas pa'o/ / man+t+ra zhes pa ni rnam grangs gzhan du 'phyang ma zhes pa ste zla ba 'bab pa'i gnas so/ kun ma ka zhes pa ni rnam gangs gzhan du ro ldan ma zhes te/ rak+ta 'bab pa'i gnas so/ /shang shang ka zhes pa ni de gnyis kyi dbus te gzhan du spyi gtsug ma zhes kyang grags/ de ye shes 'bab pa'i gnas so//de rnams bla ma'i man ngag gis btsal bar bya zhes so/ /de yang rdo rje dbyibs kyi dbang phyug ma'i rtsa gang gi phyir gzung 'don dang bral ba bu ga'i dbus na gnas pa'i pi wang gi rgyud ltar gnas pa ste/ bla ma thugs rje dang ldan pa'i man ngag gi sor mos go bar bya dgos so zhes te/rnam pa gnyis kyis gnyis bo bskul/ /gnyis kyis gcig cig bskul 'ongs te/ /gcig reg lnga ldan gdon mi za// zhes pas go bar bya'o/ /de go nas kyang mthun pa'i gzugs su gnas pas ma yin pa la som nyi 'gyur srid do//de ltar na yang de rgyas par byas nas sa bcu dang ldan pa'i tshul ni 'og nas bshad do/ /lha mo de la 'khyud par bya/ /zhes pa ni rnam pa gsum gyis te rigs rnams kyi ye shes skye ba'i tshul gsum gtso bo yin par bstan pa'i phyir ro/ /de nas bla mas de kho na nyid bzhi pa bstan pa ni rdo rje zhes pa la sogs pa'o//bsnyen zhes pa ni rdo rje dang pad+ma zhes sngon gyi tha tshig go/ /de nyid ces pa ni mi 'gyur ba ste/ 'dis mi gnas pa'i mya ngan las 'das pa la mi slu bar byed pa'i phyir ro/ /phyi ma la yang de bzhin du sbyar ro/ /nye bar sgrub pa zhes pa ni sgrub pa dang nye ba'i phyir te/de ma thag tu bsgrub pa'i phyir ro/ /de nas bskul zhing bskyod tsam gyis/ /zhes pa ni bsgrub pa brtsam pa'o/ /de brtsams pas sngon du g.yo ba'i rtags lnga 'byung ste/ snying ni 'dar zhing dran pa nyams/ /zhes pa ni me long lta bu'i ye shes kyi rtags so/ /spyi bo skra grol zhes pa ni so sor kun du rtog pa'o//gos kyang 'dor ba ni zhes pa ni chos kyi dbyings kyi ye shes kyi rtags so/ /rdul gyis lus zhes pa ni mnyam pa nyid kyi ye shes so/ /mdog dmar ba dang mig dmar ba ni bya ba nan tan te/ de rnams dang ldan nas yang dang yang du bskyod pa ni bsgrub pa'i de nyid do//sems khral med pa ru zhes pa ni btsal dgos pa med de/ rgyu sngon du song ba'i phyir te de kho na nyid bzhi pa skye ba la the tshom mi bya'o/ /rgyu gang zhe na sdom brtson zhes te sdom pa dang brtson 'grus kyi rang bzhin yin pas na rlung gi dkyil 'khor la de skad du/ de ni rang bzhin gyis gnas pa'i dbyibs yin pas na gzhu'i dbyibs te/thabs kyi mdas mtshan pa'o/ /des sum mdo'i rang bzhin gyi me sbar bas khams zhu nas ni zhes pa ni rang gi chos ji snyed pa thams cad zhu ba zhes so/ /cir 'gyur zhe na/ bcu drug char gyur pa me tog kun+da dang 'dra zhes te byang chub kyi sems kyi thig ler gyur pa sdud cing sbyor bas snying ga'i pad+ma kha sbyar du gzhug pa'o//de yang thur du sel ba'i rlung gis phul nas rdo rje'i rtse mor 'gro ba ste/ de'i dus su bla ma'i man ngag gi sbyor ba bdun shes par bya ste nye bar mtshon pa'i don du sbyor ba'i gtso bo bshad pa/ rang bzhin gyis ni rab zhi ba//zhes pa ni gzod ma nas te byed pas ni ma yin pa'o/ /de dngos gang zhe na/ chos kun zhi ba zhes te chos thams cad kyi sbyong ba'i mtha'o/ /de nyid de kho na zhes te 'gyur ba med pa'i phyir ro/ /ji ltar gnas she na/ bde ba de nyid nor bur 'dug /ces te 'du zhing bral ba'am 'gro gsum gcig tu dag pa'i sbyor ba la sogs pas bde ba chen po'i sbyor ba des/gnas par byed pa ste/ der yang bya ba rdzogs pa'i skad cig ma gcig dang / gnyis la sogs pa'i bar du gnas nas/ dran med ces te/ rang bzhin med pa'i sbyor bas zin pa'i phyir ro/ /g.yo bar byed pa zhes pa ni rnam par rtog pa thams cad spangs pa'i phyir ro//de nyid la sgrub pa chen po zhes te phyag rgya chen po'i dngos grub kyi ngo bo nyid kyi phyir ro/ /de nas bla mas de'i ngo bo bshad pas sbyin pa gsungs pa/ nam mkha'i khams zhes pa la sogs pa'o/ /nam mkha'i khams zhes pa ni pad+ma'o//rdo rje ni rdo rje'o/ /de sbyor ba ni yang dag spyan can te shes bya'i don rtogs par byed pa'i phyir ro/ /de las bde ba chen po'i sbyor ba 'byung bar 'gyur zhes so/ /ji lta bu zhe na/ gang gang yang dag ces te zlos pa'i tshig ni kun la khyab pa'o/ /de dga' byed ces pa ni dga' ba'i sbyor bas bsdus pa'o//chags bral zhes pa ni de'i sbyor bas bsdus pa'o/ /dga' ba gnyis bar du zhes pa ni dga' bar mi sbyor bas bsdus pa ste/ dga' ba gnyis kyis dben pa de man ngag gis mthong ba de la blo brtan par gyis shig /ces gdams pa'o/ /ji ltar mthong bar bya zhe na/pad+ma mkha' la zhes pad+ma'i nang du rdo rje'i nor bu'i pad+ma'i snying po la sbyor ba'i dus so/ rdo rje'i skyil krung zhes te sbyor ba ni rdo rje rtse lnga pa'i skyil mo krung ste der rang gi sems nor bu'i bar du mthong bar byas pa'i gang bde ba 'byung ba de nyid la ye shes zhes bya ste mi slu ba'i ye shes so//rnam grangs gzhan du na rdzogs pa'i rim pa yin par bla ma mchog rnams kyis kyang bshad de/ rang bzhin gyis grub pa ste/ blos gzhag pa ma yin pa'i phyir ro/ /dga' ba gnyis kyis ji ltar dben zhe na/ 'dod chags chags bral bar ma mi dmigs zhes te 'di gsum gyi rtog pa med pa'o//ye shes lha ni zhes bya ba ni mtshan nyid kyi tshul du gnas pas mi slu ba'i lha ste/ skad cig gnyis la sogs par de ru gsal zhes te thabs kyi char ro/ /mngon sum de dpe'i ye shes kyis brtags na dang po bya ba rdzogs pa'i skad cig chu tshod brgyad du myong /de las nyin gcig tu myong ba'am/ de las gnyis dang gsum nas lo gcig tu myong ba'am/ de las gnyis dang gsum nas bskal pa gcig gi bar du myong ba'am/ de las gnyis dang gsum nas bskal pa stong gi bar du myong ba'am/ de ni nye bar mtshon pa tsam ste/mtha' med pa'i 'khor ba yan chad kyi bar du ye shes te myong bar bya zhes so/ /mngon sum gyi ye shes de 'dzin pa gzhan na pad+ma la gnas pa'i byang chub kyi sems blo gros can gyis zhes te gnyis su med pa'i blo dang ldan pas chud mi gsan par bya ba'i phyir rang gi khams blangs nas btung bar bya'o zhes so//de nas bdag nyid langs te shes rab ma la phyag bya'o/ /gzhi yi don la bdag 'khrul bas/ /g.yang sa 'di ru yun rings 'khyams/ /'khor ba'i 'dam rdzab rgal dka' las/ /mgon po khyod kyis de ring bsgral/ /khyod ni shes rab pha rol phyin//'dul ba'i dbang gis sku sprul pa/ /bdag sogs rnams kyis mchod bla'i phyir/ /bdag gi bsam pa 'di bzhes shig /ces brjod par bya'o/ /de nas lung bstan pa dang / dbugs dbyung ba yang byin nas/ bka' stsal pa'i dbang yang bskur bar bya'o/ /de nas bka' lung g.yar dam gyis blang ba dang /zhi ba'i sbyin sreg bya ba dang / dkyil 'khor bsdu ba la sogs pa ci rigs pa shes par bya'o/ /da ni de lta bu'i don la grub pa'i mtha' 'dzin pa'i 'phags pa dang 'phags pa ma yin pa rnams kyis 'khrul par bstan pa de 'dra'i zhes pa la sogs pa'o//de 'dra'i dngos po thams cad kyi/ /mtha'i de bzhin nyid zab mo dang yang dag par gsal ba gnyis su med pa las/ thog ma dang tha ma med pa'i dus na so so'i skye bo grub pa'i mtha' 'dzin pa rnams kyis nga dang nga yir 'dzin pas yang dag pa'i tshad mas ma brtags par ni bdag tu bzung zhes te yid mi ches pa'i lung dang /rjes su dpag par snang ba dang / log par 'dzin pa'i ting nge 'dzin gyis so/ /de yang dus las byung ba'i zhes pa la sogs pa bzhi ni grangs can pas brtags pa'o/ /'dzin pa pos sprul pa la sogs pa brgyad ni bye brag pas brtags pa'o//rnal 'byor la sogs pa bzhi ni ser skya bas brtags pa'o/ /nang gnas la sogs pa lnga ni nam mkha'i gos can pas brtags pa'o/ /rnam shes la sogs pa gsum ni rig byed kyi mtha' gsang bar smra bas brtags pa'o/ /mthong ba la sogs pa lnga ni tsa ra ka pas brtags pa'o//shed las skyes pa dang / shed bu ni rgyal po la sogs pas brtags pa'o/ /srog dang gso ba la sogs pa ni gos dmar bas brtags pa ste/ mu stegs kyi lta ba pa rnams kyi gtso bo rnams kyis de ltar rnam pa gsum gyis rnam par rtogs so zhes so/ / rang gi sde pa las kyang nam mkha' ni thogs par byed pa'i reg bya med pa'i snang ba'o/ /'gog pa gnyis ni so sor brtags pa'i skye ba 'gogs par byed pa dang / so sor brtags pa ma yin pa'i 'gog pa las med par mi skye ba ste/ de gsum ni rgyu rkyen gyis shin tu 'dus ma byas pa ste/de ni shin tu brtan byas zhes te gzhan gyis bskyod du med pa'i phyir ro/ /'dus byas kun zhes pa ni lhag mas bsdus pa'i phung po lnga ste/ de yang skad cig ma yin zhing gong gi bdag po thams cad med cing gzugs la sogs pa phra rab cha shas dang bral ba snang ba dang mun pa'i go skabs mi 'byed cing rdzas kyi skabs 'byed pa 'du zhing skye 'gag byed pa shes pa re re la dmigs pa las grub pa la de yang blo'i rnam pa las logs shig tu grub pa yin par kha che bye brag tu smra bas rtogs zhes te yul kha che mu stegs bye brag pa ltar smra ba ste dge 'dun bzang po la sogs pas so//rang gi rig pa skyed byed pa/ /zhes pa ni mig la sogs pa'i rnam par shes pa skyed par byed pa zhes so/ /de yang gang zhe na/ blta bya spyod yul rnam pa ni/ /zhes te/ gzugs la sogs pa ni rnam pa ste de yang rdul phra rab gcig nas gcig tu 'byar ba la sogs pa snang bar rtog go//de dag las kyang 'dus ma byas gsum ni brtags pa tsam ste/ don gzhan du 'gyur ba med pas na/ mo gsham bu bzhin med pa dang / /zhes te ming tsam can zhes pa'i tha tshig go/ /'du byed thams cad ni bems po dang sdig po'i ngo bo brtags pa ma yin pas na dus gsum du rgyu ba ma yin pa dang /dman min ni rdul phra rab ste grub pa'i gzhi yin pa'i phyir ro/ /de nyid thogs pa dang bral yang sems can gyi las kyis 'dus pa'i gzugs yin par nyan thos mdo sde pas rtogs so/ /yan lag can yang don dam min//zhes pa ni mu stegs kyis brtags pa rnams so/ /rdul phran dag kyang de bzhin no/ /zhes pa ni nyan thos bye brag tu smra bas brtags pa'o/ /so sor snang ba'i gzugs phra rab so sor snang ba mi dmigs pa ste 'dus pa mi dmigs pa ste/ nyan thos mdo sde pas brtags pa'o//de thams cad rmi lam lta bur mi snang ba ste/ 'o na gang snang zhe na/ gzung 'dzin spangs pa'i rnam shes che/ /zhes so/ /ji ltar snang zhe na/ don dam shel ltar dag pa ru/ /zhes te/ gnyis pos stong pa'i rnam par shes pa shel dag pa lta bu don dam par rdzas nyid du sems pa nyid du rnal 'byor spyod pas rab tu rtogs so zhes so//so sor snang ba'i gzhung thams cad ces pa ni brda dang gzung 'dzin dang dngos po'i kun du brtags pa'o/ /de dag kyang don dam pa min te/ ci'i phyir zhe na/ gcig dang du ma'i rang bzhin dang bral ba'i phyir dpe nam mkha'i chu skyes bzhin du gzhung de thams cad spangs pa ste/gnyis med de don dam pa'i bden pa'o/ /gnyis su med min zhes te kun rdzob kyi bden pa'o/ /de nyid spros pa med pas na zhi ba'o/ /de yang mtha' gsum gyis ma reg pa'i rnam par shes pa kun rdzob tu sgyu ma'i mtshan nyid tsam du dag pa dang ma dag par snang ba/don dam par na shin tu dri med nam mkha' ltar snang ba blo gros dang ldan pa'i dbu ma pas rtogs so zhes so/ /de dag ni rtog pa dang bcas pa'i gtso bo ste/ de dag la sogs pa mtha' yas pa zhes pa ni lta ba lnga brgya bdun cu pa rnams bsdu bar bya'o/ /de kun gyis kyang gnyis su med pa'i don de kho na la gnas nas blo tha dad pas so sor brtags pa'o//de ltar brtags kyang de thams cad yang dag par brtags pa min pa bla na med pa'i sangs rgyas ma thob pas bla dang bcas zhes so/ /ci'i phyir zhe na/ 'og ma 'og ma'i rnal 'byor blo las gong ma gong ma'i khyad par du 'phags so//de yang mu stegs pa las bye brag tu smra ba ste mi rtag pa'o/ /de las mdo sde pa ste brtags pa'o/ /de las rnal 'byor spyod pa ste sems tsam gyis so/ /de las rnal 'byor spyod pa'i dbu ma pa ste kun rdzob tsam nyid kyis so/ /de las bla na med pa'i gzhung pa ste ye shes kho nas so//de bas na/ 'og ma'i blo ni gong ma yi/ /shes rab kyis ni sun 'byin no/ /zhes pa yang de kho nas gsal lo/ /de bas zhes pa ni shes rab kyi mthar thug pa ni phul du byung ba'i phyir ro/ /gong ma'i rim pa ni dbang bskur ba'i'o/ /lhan cig pa'i slob dpon ni rang gi shes rab bo//des byin gyis brlab pa ni de dang snyoms par zhugs pa'o/ /des gsal zhing zhes pa la sogs pa gong du bshad pa rtogs pa'o/ /gang las she na/ lhan cig skyes pa'i ye shes las te bar ma'i ye shes so/ /gang gis she na/ bla ma'i kha las zhes te/de'i rgyud slob dpon chen po'i kha las rnam par 'pho ba las mngon sum du bde ba rang la 'byung ba rtogs par bya'o zhes so/ /de'i sngon du song ba yang thun mong dang thun mong ma yin pa'i dam tshig dang sdom par ldan pa'i snod gtsang ma ru ting nge 'dzin rtse gcig pa chu dang 'dra ba las lhan cig skyes pa'i ye shes gzugs brnyan lta bu skal ba dang ldan pa'i rnal 'byor pas rab tu brtag par bya'o zhes so//de lta bu'i lhan cig skyes pa'i dga' ba'i man ngag can gyi bsngags pa gsungs pa/ de thob phyin chad ces pa la sogs pa'o/ /de yi nyes pas mi gos so//zhes pa ni nyes pa de nyid shes pa'i phyir ro/ /ji ltar zhe na/ klu 'jigs pa'i rang bzhin gyis grub pa'i sngags dang / sman dang ldan pa'i gang zag gis sbrul gsod par byed pa de bzhin du/ rnal 'byor thams cad kyi bdag po dbang phyug chen po la de bzhin gshegs pa thams cad kyi ye shes bdud rtsi lta bu'i sman gyis rgyas btab pas ni phyin ci log tu snang ba'i nyon mongs pa ni sbrul lta bu ste phyin ci log nyid med par shes pas ci byar yod ces so//dpe gzhan gsungs pa gang zhig ces pa la sogs pa'o/ /gdugs thogs pa la de'i steng nas char pas byar med nas 'dod pa'i gnas su phyin pa dang 'dra bar/gnyis su med pa'i ye shes kyi gdugs ni goms pa khyad par du byed pa'i lam ste/ rim pa gnyis pa'o/ /de la gnas pa la rtog pa'i char pas ji ltar gnod de de nyid lam du shes pa'i phyir ro/ / gzhan du ma shes pas de'i 'ching bar 'gyur ba ste/ ka ta ka bzhin du len pa po'i gtso bo yin pa'i phyir ro/ /da ni theg pa 'og ma pa rnams kyi spyod yul ma yin par gsungs pa/ de 'dra zhes pa la sogs pa'o/ /so so'i skye bo zhes pa ni tshangs pa la sogs pa'o/ /nyan thos ni rgyun du zhugs pa la sogs pa'o//rang sangs rgyas ni bse ru lta bu dang / tshogs shing spyod pa'o/ /rnal 'byor spyod pa dang dbu ma pa ni byang chub sems dpa'i lam la gnas pa'o/ /byang chub sems dpa' ni sa bcu la gnas pa'o/ /bla bcas sangs rgyas zhes pa ni bya ba'i rgyud kyi sangs rgyas dang spyod pa'i rgyud kyi sangs rgyas dang rnal 'byor rgyud kyi sangs rgyas so//de thams cad kyis kyang 'di ni cung zad kyang mi shes so zhes so/ /'o na gang gis shes she na/ 'di'i don zhes pa la sogs pa'o/ /'di'i don shes pa'i ma 'ongs pa'i dus na rdo rje 'dzin pa ni bla ma ste rdo rje 'dzin pa de'i lus la gnas pa'i phyir ro//de rjes su mthun pa'i yon gyis mnyes par byas nas shes par bya'o zhes so/ /de'i 'ang sngon du song ba'i rgyu ni rang gi tshe rabs sngon dus bsod nams chen po bsags pa'i stobs kyis phyi rol gyi yi ge la sogs pa la brten pa med par bla mas slob ma'i rgyud du rnam par 'pho zhes so/ / gnyis su med pa'i rnam pa la dang po'i las la sogs pa'i mtha' gnyis dgag par gsungs pa/ de la zhes pa la sogs pa'o/ /dkyil 'khor ni ri mo'i dkyil 'khor ro/ /sbyin sreg ni thabs la sogs pa dang ldan pa'o/ /gtor ma ni 'byung po la sogs pa'i'o/ /bzlas pa ni phreng ba'i sngags la sogs pa bzla ba'o//bgrang phreng ni las kyi bye brag gis grangs dang kha dog la sogs pa'o/ /skyil mo krung ni rdo rje'i skyil mo krung la sogs pa'o/ /stang stabs ni g.yas brkyang ba la sogs pa so so'i tshul spyod pa'i khyad par ro/ /sogs kyis bsdus pa tshogs kyi 'khor lo dang /phyi'i mchod pa la sogs pa'o/ /de rnams la zhes pa ni spros bral rnam par slu ba ste spros par snang ba'i phyir ro/ /de'i bya ba ma yin zhes te gcig tu spyod pa'i tshul gyis so/ /dgag pa ma yin zhes te de la gnas pas bsod nams kyi tshogs rdzogs par bya ba'i phyir mi dgag ste/lhag pa'i lha ni mtshan ma med pa'i lha ste de las thams cad 'byung ba'i phyir na sprul phyir ro zhes so/ /de bas na 'bras bu la mngon par zhen pa rnams kyis de mi rtogs par bstan pa'i phyir/ bya ba rnams la zhes pa la sogs pa'o/ /de ni go sla bas ma bshad do/ /de lta bu'i bya ba la lam du 'dzin pa'i gdon chen po'i nad kyis zin pa la gnyis su med pa'i ye shes dus gsum du g.yo ba med pa'i sman bdud rtsi lta bu rnam par rtog pa'i shi ba la sogs pa'i sdug bsngal dang bral bar byed pas gong ma'i rim pa ltar gso bar byed pa ni skyes bu dam pa'o zhes te/thabs thams cad kyis mnyes par byas te de blang bar bya'o zhes pa'i tha tshig go/ /da ni bdag nyid chen po rnams kyis de rig par byas nas goms par bya ba'i thabs gsungs pa de bas zhes pa la sogs pa'o/ /lus ngag yid gsum gyi sdom pa mchog ces pa ni rdo rje sems dpa' las byung ba'i phyir skyes pa dang bud med kyi gzugs du ma la brnyas par mi bya ba ni lus kyi sdom pa'o//gsung rdo rje'i rang bzhin pas na 'dod pa bskyed pa'i tshig rtsub mo la sogs pa ci rigs par smra zhing dgag par mi bya ba ni ngag gi sdom pa'o/ /de bzhin du rdo rje sems dpa'i ngo bo bas ngan par rtogs pa dang bzang por rtogs pa ni rang gi sems phyi ma sun mi dbyung ba ni yid kyi sdom pa'o//de la sogs pa rnal 'byor pa snying po'i sdom pa dang bza' ba'i dam tshig mchog la gnas par byas nas zhes so/ /nga'o snyam pas gzi bskyed la/ /zhes pa ni thabs dang shes rab gnyis kyi sgo nas mnyam par sbyar bas bdag gi lus ngag yid gsum ye shes su rab tu bsdus nas de lta bu rlom pa'i nga'o snyam pas sems kyi gzi bskyed pa'o//des rim pa gnyis pa ni rdzogs pa'i rim pa ste sgrub po zhes pa'i tha tshig go/ /ji lta bu zhe na/ dgon pa'am zhes pa la sogs pa'o//dgon pa'am zhes pa ni grong las rgyang grags brgyad kyi phyed phan chad do/ /grong gi mthar zhes pa ni grong gi dgon pa'o/ /dang po'i lam la zhugs pa'i rnal 'byor pa gnyis kyi gnas so/ /yang dag par na sems rnam par dag pa las ye shes 'byung ba'i phyir na gang rung ci rung de lta bu zhes bya ba smos so//bya bar 'os pa'i las kun yang / /byas nas zhes pa ni der stegs bu brtsigs pa dang bdud rtsi lngas byugs pa dang / me tog dgram pa la sogs pa byas nas bde ba'i stan la rdo rje skyil mo krung gis 'dug par bya'o zhes so/ /de nas ci zhig bya zhe na/ dang po'i rim pa dang gnyis pa'i gzhi rnam par dgod pa'i phyir/bskyed pa'i rim pa gsungs pa/ de nas zhes pa la sogs pa'o/ /sems can thams cad kun zhes pa ni yul tshad med pa'o/ /yul can gang zhe na/ tshangs spyod chen po bzhis dmigs te zhes pa ni ston pa sangs rgyas bcom ldan 'das tshangs pa chen po ste de'i spyod pa ni snying rje la sogs pa bzhi'o//des dmigs pa'o/ /ji ltar dmigs she na/ sa bon gyi 'od zer gyis snang ba'i sems can rnams mthong ba'i lam du byas la/ de rnams sdug bsngal dang de'i rgyu las grol bar bya'o snyam pa ni/ snying rjes dmigs pa'o//de las grol nas 'jig rten dang 'jig rten las 'das pa'i bde ba sgrub po snyam pa ni byams pas dmigs pa'o/ /dmu rgod ltar bcos dka' ba'i sems can rnams la don de ji ltar nus snyam pa la/ dpag bsam gyi shing lta bu'i sa bon las rang gi lha'i skur snang na sgrub nus so snyam pa la rangs pa ni dga' bas dmigs pa'o//de rnams kyis bla na med pa'i byang chub yid la byed pas bstod pa la sogs pa la mi sems pa ni btang snyoms kyis dmigs pa'o/ /de la sogs pas zhes pa ni sa bon gyi 'od kyis tshogs bsags pa'i rten gsal bar bya ba dang / de la mchod pa dang /phyag 'tshal ba dang / sdig pa bshags pa dang / rjes su yi rang ba dang / bsngo ba dang / gsum la skyabs su gsol ba dang / byang chub tu sems bskyed pa dang / lam bsten pa'o/ /de rnams ci'i phyir zhe na/ rang rgyud kyi las kyi sgrib pa dag par byas nas zhes so/ / de yang rang gi rgyud dri ma med pa la rtog pas glo bur du mtshams med pa la sogs pas bsgos pa dang cho ga de rnams kyis dag par byas pa ste/ ji ltar zhing dul ba la lo tog rgyas par 'gyur ba dang / ras shin tu dkar po la tshon 'jen pa dang 'dra bar/ gang zag las kyi sgrib pa zad pa la dkyil 'khor gyi 'khor lo 'jug par 'gyur ba'i phyir ro//de ltar na yang don gzhan du 'gyur ba dang / dngos por 'dzin pa ni dkyil 'khor gyi 'khor lo dang mi mthun pa'i phyir de zlog pa gsungs pa/ sems tsam zhes pa la sogs pa'o/ /de yang snying rje chen po sngon du song ba'i sngags pas byang chub kyi sems byin gyis brlab pa'i sngags kyis gud na yod pa lta bu'i phyi rol gyi rang bzhin stong par byas te/der snang ba yid la mi byed pas so/ /de nyid sems tsam ste chad pa'i mtha' dgag pa'i phyir yi ge gsum du blta bar bya ste/ de yang dngos por 'dzin pa stong pa nyid du byas nas rnam par shes pa rang rig mtha' gnyis dang bral ba tsam du gnas par bya'o zhes so//rang rig de yang zla ba sogs/ /gdan du brtags nas zhes pa la tshig gi don 'di 'byung ste/ rlung gi dkyil 'khor la sogs pa'i stobs kyis grub pa'i sa gzhi dang / lcags ri dang gling so so'i kha dog la sogs pa bzlog pa'i phyir srung ba'i 'khor los brtags pa dang /rang rig pa zhes tshig snga ma'o/ /de nas nam mkha' la thogs par byed pa'i reg bya dang bral ba'i phyogs gang yin pa de'i rtog pa bzlog pa'i phyir/ chos kyi 'byung gnas su brtags pa dang / de la ri rab dang gling dang shing gel pa dang lha dang mi'i grong khyer dang /khang bzangs la sogs pa bzlog pa'i phyir gzhal yas khang du brtags pa dang / de la gnas mal la sogs pa'i rtog pa bzlog pa'i phyir zla ba dang nyi ma dang pad+ma'i gdan du brtags pa'o/ /de bas na khyab byed kyi tshig gis gong du bsdu bar bya'o//yi ge'i smyu gus bsnun byas zhes pa ni gdan de la cho ga dang po rdzogs pas rang rig pa'i smyu gus bsnun nas yi ger brtags pa'o/ /de las rang gi lha'i skur bskyed par bya'o zhes pa'i don to/ /des 'di skad ston te khang pa brtsegs ma'i dbus su yi ge gsum la gnas pa'i sems babs pa la sogs pa zla ba gnyis su gyur pa dang /de gcig tu gyur pa dang de las yi ger gyur pa dang / de las mtshan ma yi ges mtshan par gyur pa dang / de las spro bsdu dang ldan pa'i nga rgyal bya ba dang / rang dang 'dra ba las byung ba'i skur bskyed pa ni dang po'o//des sems can rnams snod du rung bar byas nas/ yi ge gsum 'jug pa la sogs pas 'od du zhu ba las gong gi tshad med pa bzhi lha mor gyur/ de bskul bas rang gi lha'i sa bon du gyur/ /de las mtshan mo yi ges mtshan pa de las rang dang 'dra ba'i de bzhin gshegs pa las byung ba'i rang gi lha'i skur bskyed nas/bdag nyid rang gi lha'i nga rgyal 'chang ba ni gnyis pa'o/ /de'i mig la sogs pa byin gyis brlabs nas de la sku rdo rje la sogs pa phyag rgya bzhis rgyas btab ste dbang bskur blang ba'o/ /de bzhin du bar ma'i bsnyen pa la sogs pas lha mo'i skur bskyed de/rigs lngas gtams par byas nas gnyi ga'i yan lag dag par byas te/ bde mchog myong bar bya ba'i phyir rang gi lha mo la bcug nas gnyis kyi sbyor ba brtsam pa ni dang po'i rnal 'byor ro/ /dkyil 'khor 'khor lo sprul par bya/ /zhes pa ni de bzhin gshegs pa thams cad zhugs pa'i zla bar zhu ba dang /gtso bo'i sa bon du gyur pa dang / rang gi lha'i 'am gtso bo'i dkyil 'khor du gyur pa dang / de nas badzra d+h+r-ika la sogs pa'i sngags kyis dgod pa ste bzhi pa'o/ /de nas byin gyis brlabs pa'i phyir ye shes kyi 'khor lo spyan drang ba dang / mchod yon dbul ba dang /bstim pa la sogs pa byas nas chen po'i bsnyen pa la sogs pas rdzogs par byas pa'o/ /de mnyes zhes pa ni de mnyes par bya ba'i cho ga bla na med pa'i mchod pa dang / bstod pa dang / bdud rtsis tshim par bya ba ni dkyil 'khor rgyal ba mchog go/ /de la goms pa bslabs pas zhes pa ni sbyor ba gnyis la nan tan du byas pas zhes so//de ci byed ce na/ phyi rol lus ni log byed de/ /zhes so/ /de yang las kyi sgrib pa dang / dngos por 'dzin pa bzlog pa'i rnal 'byor pas srung ba'i 'khor lo la sogs pas phyi rol gyi lus sbyangs nas/ de na gnas pa'i sems can ni skye gnas bzhis bsdus pa ste/ting nge 'dzin lhag mas go rims bzhin du drod gsher las skyes pa dang / rdzus te skyes pa dang / mngal nas skyes pa dang / sgo nga las skyes pa sbyong ba ste/ 'di ni 'og nas 'chad do/ /de ltar bskyed pa'i rim pas gzhi rnam par bkod nas/ da ni rdzogs pa'i rim pas de sbyang ba'i thabs gsungs pa/ sangs rgyas zhes pa la sogs pa'o/ /dga' ba'i ye shes kyi rang bzhin mi shigs pa'i thig le bsgom par bshad pa'o/ /sangs rgyas rnams zhes pa ni rtag pa la sogs pa'o/ /de'i spyod yul mchog ni dngos po thams cad kyi mtha'i de bzhin nyid do//de bsgom par bya zhes so/ /ji ltar bsgom par bya zhe na/ rang snying dam tshig phyag rgya zhes te rang gi lha'i snying gar dam tshig gi phyag rgya ye shes sems dpa' gnas dang bcas pa'o/ /thugs kar mtshan ma la gnas pa zhes pa ni de'i thugs kar zla ba la phyag mtshan gyi dkyil du zla ba la gnas pa'i zhes so/ /de gang yin zhe na/ de bzhin gshegs pa kun gyi ye shes mchog ste de yod na gzhan 'byung ba ste/de yang bskyed pa'i rim pa rnams la rang gi lha'i yi ge'i gzugs su rab tu snang ba dngos po gang gis kyang gzhom du med pas sa bon 'od zer lnga 'bar ba bsgom par bya'o/ /de'i kha dog rnam pa lnga'i zhes pa ni sa bon de'i 'od zer kha dog lnga dang ldan pa rang gi lha'i steng gi sgo ste/sna bug g.yas nas rnam par spro bar bya'o zhes so/ /de'i rtse las dkyil 'khor gyi zhes pa ni 'od zer gyi rtse las byung ba'i dkyil 'khor dang ldan pa'i bde bar gshegs pa'i tshogs rnams phyung nas phyogs bcu'i 'jig rten gyi khams thams cad rab tu bkang nas/des dbugs kyi kun rtog las byung ba'i sems can zhes pa ni yang dag pa ma yin pa'i kun du rtog pa rlung gi rta la zhon pas sems can thams cad bsgrub pa ste/ sangs rgyas skur bskyed nas zhes pa ni/ de rnams sangs rgyas kyi skur bskyed pa'o/ /de gang gis she na/ zla bar zhu byas te/thim pas rnam par dag byas nas/ /zhes pa ni 'phros pa'i dkyil 'khor zla ba lta bur zhu ba sems can thams cad la thim pas de rnams gong ma lta bur gyur pa'o/ /de nyid kyang ye shes ngo bor rang la zhes te chu ltar dngas pa'i ye shes kyi ngo bor 'du zhing rang gi g.yon pa'i ha sar zhugs par bya zhes so//nang gi la yang de bzhin du zhugs nas gong gi mtshan ma'i dbus na gnas pa'i sa bon la zhugs par bya ste 'grub pa'i rgyu dang gnas brtan pa'o/ /des cir 'gyur zhe na/ de nyid ces pa la sogs pa'o/ /yon tan kun ni stobs la sogs pa'o/ /de bskyed pa'i rin po che ni dngos po kun la khyab pa'i bdag ces so//de yang gang gis mi choms pas na mi shigs pa'o/ /ma spros pas na thig le che'o/ /de nyid 'od zer lnga dang ldan pa'i sran tsa na ka tsam du rang gi sems bsdus te der chos thams cad kyang bsdus nas rnam par bsam pa ni de'i tshad bstan pa'o//de'i 'od zer zhes pa ni thig le de'i 'od zer gyis so/ /rang gi gnas zhes pa ni thig le rang gi gnas so/ /de las phyir byung dam tshig gi phyag rgya/ nang gsal zhes pa ni mtshan ma las byung ba'i 'od zer gyis ye shes sems dpa'i nang gsal nas de las kyang phyir byung nas phyi lus gsal nas/des kyang de'i dkyil 'khor gsal bar byas nas/ de las phyir byung bas de'i gnas kyang gsal zhes te/ ye shes sems dpa'i gnas mtshan ma gsal bar bya'o/ /de las kyang phyir byung nas bdag nyid kyi nang gi lus gnas kyi sems sgra yig bcu drug gi gzugs su gnas pa gsal bar byas nas bsdu ba'o//de dag kyang gang zhe na/ mthe bo'i rtsa bar yi ge a/ /zhes pa la sogs pa'o/ /de yang tshes gcig la sogs pa'i rim par shes par bya'o/ /bcu drug dus su rdzogs gyur pa/ /zhes pa ni phyi'i zla ba rdzogs pa'i dus su de yang rdzogs pa'o//de nas bzlog ste shes par bya'o/ /bcu drug dus su rdzogs par 'gyur ba ni bsgrub pas gnas dkrugs pa bcu drug /de yang bcu drug par 'gyur/ de yang thig le/ de yang zla ba lta bur song nas dga' ba'i shes pa 'byung ba'o/ /gong gi 'od kyis rnam pa bkug ste zhes pa ni yi ge bcu drug po rnam par bkug nas thig le'i nang du bcug la der rang gi sems dang po'i ye shes ltar bag zhad bzung bas cir 'gyur zhe na/lha'i 'khor lo che/ rten dang bcas pa mos pas bsgom/ /zhes chos 'byung ba nas brtsams te thig le'i rnal 'byor yan chad lhag par mos pas bsgom par bya'o zhes so//de dbus bdag po thugs ka ru/ /zhes pa ni thig le'i dbus su dam tshig sems dpa'i thugs kar ye shes sems dpa'i 'khor lo gong ma'i rim pas lhag par mos pas bsgoms la/ de'i thugs kar mtshan ma la yang mi shigs pa'i thig le chen po bsgom par byas nas zhe'o//ci tsam zhe na/ yungs kar tshad tsam/ de las 'od zer spro bar bya'o/ /des rang gi gnas ni mtshan ma phra mo'o/ /phyag rgya ni de'i gnas dam tshig gi phyag rgya'o/ /nang gsal zhes pa ni de'i lus kyi nang ngo / /dkyil 'khor gsal byas zhes pa ni de'i dkyil 'khor ro//de'i gnas zhes pa ni mtshan ma'o/ /bdag po'i nang gsal zhes pa ni dam tshig sems dpa'i phyag rgya gzhan no/ /phyi'i lus zhes pa ni bdag po'i'o/ /dkyil 'khor zhes pa ni bco brgyad do/ /rten bcas zhes pa ni gzhal yas khang dang chos 'byung ba'o/ /de nas bcu drug gnas pa'i zhes pa ni nang 'dres pa las bcu drug tu gzhag pa'i 'od zer ba spu'i bu ga las phyung byas te/des phyi'i lus ni phyi rol gyi dam tshig sems dpa'i lus kyi dkyil 'khor 'khor lo ni de 'khor lo bco brgyad do/ /rten dang bcas pa zhes pa ni gzhal yas khang dang / chos 'byung dang srung ba'i 'khor lo'o//de nas 'od zer de phyogs bcu'i 'jig rten gyi khams na bzhugs pa'i bde bar gshegs pa kun gyi spyan sngar gshegs te ye shes kyi bdud rtsi zhugs nas des kyang gnas te de sgrub pa'i phyir zhal nas zhugs te zhes pa ni de rnams kyi'o/ /thig ler zhes pa ni mi shigs pa'i thig ler song nas bdud rtsi blangs nas de rnams kyi rdo rje'i lam nas byung nas 'o ma'i rgyun ltar 'du zhing 'ongs par byas nas/thabs kyi ye shes g.yas zhugs te/ /zhes pa ni rtag pa la sogs pas gnang ba'i bdud rtsi g.yas kyi ha sar zhugs pa'o/ /gzhan ni g.yon du zhugs pa'i zhes pa ni spyan ma la sogs pa'i'o//ye shes kyi thig le zhes pa ni dang po'i thig le'o/ /snang ba'i thig le zhes pa ni de las snang ba'i thig le ste chos nyid da/ /thim par gyur zhes pa ni bzhi'i bar du sgo gnyis zhon nas thig le de la thim par gyur pa'o/ /de yang ji lta bu'i ngo bor bsam zhe na/de ni zhes pa la sogs pa'o/ /de yang byang chub kyi sems kyi ngo bo bas na 'dzag pa'i ngang tshul can no/ /ye shes lnga'i yul dam pa bas na 'od zer lnga 'bar ro/ /skyon thams cad dag pas na dkar 'tsher ba'o/ /'dod chags chen po rnam par dag pas na cung zad dmar ba'o/ / rang gi sems thabs kyis ster bas mi g.yo zhing gzung bar bya zhes te/ rtse gcig pa ma 'phros pa dbugs 'jug pa'i spyod pas so/ /de las gong ma'i rim pa ltar zhes pa ni mthar thug pa nas brtsams te bzhag pa la sogs pa med par byung nas spro ba ste des bdud rtsi blang ba la sogs pa byas nas/rim pas 'du zhing mtha' la bsdu ba dang / yang de la sems gong ma ltar bzung ba yang dag par byas pas sems dngos po kun las 'gog pa'i rdo rjer gyur nas brtan pa'i rtags skye ba ste/ nam zhig de la reg gyur pa/ /zhes pa ni dus nam zhig na mi 'gyur ba'i thig le la lha mo'i lam gyis reg par gyur pa de'i tshe/sangs rgyas kun gyi mchog 'dzin pa/ /yid sbyin dpal dang 'dra bar 'gyur ba'o/ /de yang phyin ci ma log pa 'di la goms pa med pas na 'di la goms par byas pas der 'gro ba'i dang po/ rtags rnams yang dag skye bar 'gyur/ /zhes te/ dgod pa dang glal ba dang 'dar ba la sogs pa'o//de skyes pas nges par rtag par 'gyur ba la som nyi mi bya'o/ /de la zhen pa dgag pa ni 'og nas 'chad do/ /'di dang po bsgom pa'i dgos pa gsungs pa/ phung po zhes pa la sogs pa'o/ /bdag gi phung po la sogs pa lhar snang ba 'dod chags chen po'i ye shes kyi mes bzhus nas bcu drug tu 'dus te/yang thog ma'i snying ga'i pad+mar sdud par byed pas na mi shigs pa'i thig le'i cho ga 'di ni dang por bshad ces so/ /de la zhes pa la sogs pa ni dga' ba bar ma'i ye shes kyi rang bzhin gsang ba'i thig le bsgom pa'i cho ga gsungs pa/de zhes pa ni snying ga na gnas pa'o/ /bsgrub pas byin brlabs pas zhes pa ni hUM phaT kyi rnam pa dang ldan par g.yo ba'i rlung gis so/ /sna yi rtse mor 'gro bas na/ /zhes pa ni rang gi rdo rje kha ste der 'dzin pa'o/ /de bas na/ /mi shigs thig le rjes thogs la/ /gsang ba'i thig le ste gsang gnas su bsgoms pa'i phyir de skad de/de bshad do zhes dgongs pa bstan to/ /ye shes thig le zhes pa ni ye shes sems dpa'i mtshan ma'i dbus kyi thig le las 'od zer lcags kyu 'dra ba phyogs bcu'i 'jig rten gyi khams su spros pas des bde bar gshegs pa dkyil 'khor gyi 'khor lo dang bcas pa bkug nas de rnams kyang lhag pa'i byang chub kyi sems ye shes lta bur gyur nas rang gi snying gar rab tu btsud do//de rnams zhu nas zhen pa ni gnas la sogs pa zhu nas/ thig le la snang ba'i thig le zhugs pas thig le la yang g.yas nas 'gro ba rdul dang g.yon nas 'gro ba mun pa dang /dbus nas 'gro ba snying stobs kyi tshul du babs par bsams nas de rang gi rdo rje nor bu'i dkyil du gnas pa las zhes te rgyu dang gnas dang po'o/ /'byung ba lnga yi gzugs can mchog /ces pa ni de las grub pa ltar snang ba'i phyir ro/ /ye shes lnga'i ngo bo nyid du gnas pas na 'od zer lnga 'bar bar snang ngo //de yang gang zhe na rang lha'i mtshan ma phra mo zhes te/ rdo rje dang ral gri nas tsam mo/ /'khor lo dang pad+ma ni sran tsa na ka tsam mo/ /rin po che ni yungs kar gyi 'bru tshad tsam mo/ /de'i rigs kyi mtshan ma yang de bzhin du bsams nas mtshan ma de'i bum par rten gyi dkyil 'khor yungs kar tsam gyi dbus su rang gi lha'i 'khor lo thig le dang bcas pa lhag par mos pas bsgom par bya ba ste tshad bstan pa'o//gal te der sems bying ba'am/ /skyo na rdo rje bum pa las byung ba ste/ lha mo'i pad+ma'i sna rtser rnam par gnas par byas nas dga' bral gyi dga' ba'i ngo bo brtag par bya'o zhes so//de las rnam pa gzhan yang shes par bya'o/ /'di yi thig le'i rnal 'byor las/ /zhes pa ni phra mo'i thig le'i rnal 'byor te/ dam tshig sems dpa'i thugs ka na ye shes sems dpa'/ de'i thugs ka na thig le ste de sbyor ba rdzogs pa'i phyir ro//gzhan ni gnyis kyi dang po dang rang gi sbyor ba rdzogs pa'i phyir ro zhes bshad do/ /gong gi rim pas 'od zer lnga/ /zhes pa ni rang gi gnas la sogs pa gsal bar byas nas/ mtshan ma phra mo las byung ba'i 'od zer rdo rje'i lam nas rang gi nang gsal bar byas nas/steng gi sgo'i g.yas nas byung ba dang / bdud rtsi zhu nas slar yang bdud rtsi 'gugs pa dang / 'o ma'i rgyun ltar 'ong zhing g.yon du rim bzhin du 'jug pa dang / thig le ni gzhi ste der bzhugs pa ni dbugs dgag gtong gi yan lag go zhes te/ rgyu dang gnas dang spro bsdu dgag pa dang gtong bas bsdus pa'i phyir ro//de nas gsang ba'i thig le che/ /zhes pa ni gsang ba ni thig ler snang ba ste ting nge 'dzin gsum pa'o/ /rab tu phra ba zhes pa ni shin tu phra ba'i thig le de la gong ma ltar thabs kyis lte bar rang gi sems dal bus bzung bas so/ /des cir 'gyur zhe na/dngos po med pa'i gnas su 'gyur/ /zhes te/ dngos po rnams ni gzhig pa dang / /gzhom pas stong pa ma yin te/ /rang bzhin med pa'i sbyor bas gzhan gyi blo ldog pas na de kho na la bzung bas dngos po med pa'i gnas su 'gyur ro/ /de'i rtags gang zhe na/ de yang zhes pa la sogs pa'o//gzung ba goms pa ni de'i yan lag goms pa'o/ /phyin ci log pa ni rnam par log ces pa ni sa la sogs pa la rnam pa gnyis te/ phyin ci log tu snang ba dang / ye shes la snang ba'o/ /ye shes la snang ba ni rnal 'byor pa rnams kyi nus pas mnyam par gzhag pa'i gnas skabs su ldog pa'i rtags rnyed pa dang /cung zad log pa dang / khyad par gyi lam gyis gtan nas log pa dang / mnyam par ma bzhag pa'i gnas skabs su'ang snang ba ste/ 'di ni mthar thug pa'i gnas rtogs pa'i phyir ji lta ba bzhin du log pa'i gtam mo/ /de yang dang pos rnam par ldog pa'i rtags su rnal 'byor pa de la ci 'byung zhe na/smig rgyu lta bur snang ba ni/ /rtags ni dang por shes par bya/ /zhes te/ thig le de'i 'od zer gsal ba dang / mi gsal ba'i dpe smig rgyu dang 'dra ba 'byung ste/ de'i skabs su 'di ltar shes par bya'o/ /bdag gi rgyud la gnas pa'i phyin ci log tu snang ba'i sa 'di ni rnam par ldog tu rung ba ste/bdag gis ni rtags shes so snyam du blo'i gzengs bstod la yang de la zhen par bya'o/ /gzhan rnams la yang de bzhin du sbyar bar bya'o/ /du ba lta bu zhes pa ni smig rgyu las gsal ba ste sngo ba'am dkar ba la sogs pa ni ma yin no/ /mkha' snang zhes pa ni nam mkha' la snang ba ste srin bu me khyer ro//de yang du ba las gsal ba ste/ de 'dra ba ni ma yin no/ /mar me lta bur rab 'bar ba/ /zhes pa ni mkha' snang las khyad par du 'phags pa ste de 'dra ba ni ma yin no/ /de rnams 'od zer gyi tshul du 'og ma las gong ma gsal zhing mthong ba'o//zab gsal gnyis med kyi don 'dra/ /zhes pa ni ji bzhin ma yin pa'i phyir du ba 'dra ste brtag pa'i sku'o/ /de yang ji ltar snang zhe na/ sprin med nam mkha' ltar gsal ba/ /zhes pa ni sprin med pa'i nam mkha' ni khyad par du gsal bar snang ba ste/ gong gi 'od zer nyid lha'am mtshan ma la sogs pa'i gzugs su snang zhing bdag gi dbang po dang gzhan gyi yang spyod yul du snang bar 'gyur ba'o//rang dngos ni ma yin no/ /mtshan ma lnga po de yis ni/ /zhes pa ni brtan par 'gyur ba'i mtshan ma lnga po des so/ /mi gnas mya ngan 'das thob pa/ /zhes pa ni mi gnas pa'i mya ngan las 'das pa ni grub pa'i rnal 'byor pa ste/de'i rtags rnyed pas na sbyor ba la 'bad pa'o/ /de'i rtags kyang mtshan ma lnga pa ste/ gzhan yang sgrub pa'i rnal 'byor gnyis pa dang / dang po'i rtags kyang bzhi pa dang gsum par shes par bya'o/ /gnyis pa ni bsnyen pa'i rnal 'byor pa'i sa ste/ 'khrul pa bzlog pa'i sems gzengs bstod pa bzhin du 'dir yang shes par bya'o/ /de bas na/ rnal 'byor pas ni 'di la 'bad/ /ces so/ /gzung ba yi ni yan lag go/ /zhes pa ni rang gi srog rin po che lta bu gzung bas rtags rnyed pa'i yan lag tu 'gyur ba'i phyir ro/ /da ni rjes su dran pa'i yan lag gsungs pa/de ltar de la zhes pa la sogs pa'o/ /don des khyab bya'i phyir zhes pa ni mtshan ma lnga mthong ba'i don lha dang phyag mtshan la sogs pa des chos thams cad la khyab par bya ba'i phyir ro/ /rdo rje yi ni lam nas su/ /zhes pa ni gsang ba'i pad+ma ste shing rta'i lam zhes pa bzhin no//nam mkha'i khams su spro bar bya/ /zhes pa ni nam mkha'i khams su gtogs pa thams cad du gzhan dang gzhan gyi gzugs kyis spro bar bya ste/ de bzhin du bsdu bar yang bya'o/ /sngon mthong ba'i don la/ so sor snang ba bskyed par bya/ / zhes pa ni ting nge 'dzin gnyis kyi gnas skabs su mthong ba'i sku dang phyag mtshan dang / rang bzhin la sogs pa'i snang ba bskyed par bya'o zhes so/ /sangs rgyas rjes su dran pa ni go rims bzhin du rnam par snang mdzad kyi dkyil 'khor gyi 'khor lo ste spro bsdu las gsal bar bya'o/ /chos rjes su dran pa ni tshe dpag med kyi'o//rdo rje rjes su dran pa ni mi bskyod pa'i'o/ /rigs rjes su dran pa ni rin chen 'byung ldan dang don yod grub pa dang spyan ma la sogs pa'o/ /khro bo rjes su dran pa ni gshin rje gshed la sogs pa bzhi'i ste/ de rnams kyi dkyil 'khor gyi 'khor lo re re'i dbang du byas pa ste gcig la'ang rtogs par bya'o//re re la'ang dgos pa'i rnam pa gzhan gsungs pa de bzhin zhes pa la sogs pa'o/ /dam tshig rjes su dran pa ni sngon mthong ba'i don la gang dran zhe na/ rjes su chags pa cho ga bzhi/ /dang po zhes te rjes su chags pa'i sngags bzla ba dang /de bzhin gshegs pa thams cad rjes su zhugs pa sngon du 'gro ba'i zla bar zhugs pa'i cho ga spro ba dang bsdu ba la gsal bar bya ba'o/ /dkyil 'khor rjes su dran pa ni sngon mthong ba'i don la gang dran zhe na/ cho ga gnyis pa la sogs pa'i dkyil 'khor zhes gong ma las phye ba ste/gtso bo'i sa bon dang / lha'i 'khor dang de dbyung ba dang / 'khor lo gzhan dang gnyis su med par bya ba dang / longs spyod bzhis byin gyis brlabs la spro ba dang bsdu ba las gsal bar bya'o/ /sku dang gsung dang thugs dang sems can rjes su dran pa ni sngon mthong ba'i don la gang zhe na/ sku dang gsung dang thugs bsgom pa'i/ /rdo rje gsum ni zhes te chung ngu dang bar ma dang chen po'i rdo rje gsum bsgom pa de spro ba dang bsdu ba las rang yang dran par rnam par smon zhing de'i gzugs dran pa'o/ /sngags thams cad kyi spyi gzugs rjes su dran pa ni sngon mthong ba'i don la gang dran zhe na/ ye shes lnga yi rdo rje sems/ /bskyed pa zhes pa ni 'gro ba'i sems babs pa la sogs pa'i rim pas rdo rje 'chang ba bskyed pa las dang bcas pa dang / rang gi lha longs spyod bzhi dang ldan zhes te/ bar gyi sems 'jug pa la sogs pa'i rim pas rang gi lha bsnyen sgrub bzhi dang ldan pa spro ba dang bsdu ba las gzugs dang mtshan ma la sogs pa'i rjes su gsal ba rnyed pa'o//dam tshig rjes su dran pa ni sngon mthong ba'i don la gang dran zhe na/ bdud rtsi myang ba la sogs pa zhes te gsang ba'i mchod pa sa bon myang ba dang / bdud rtsi myang ba dang / thams cad mnyam pa nyid du bya ba la sogs pa spro ba dang bsdu ba las gsal bar byed pa'o//shes rab kyi pha rol tu phyin pa dang ma skyes pa rjes su dran pa ni sngon mthong ba'i don la gang dran zhe na/ spros pa'i dkyil 'khor de dag kyang / ci yang yod pa ma yin te zhes te dkyil 'khor de dag las gzhan gyis brtags pa'i chos ci yang yod pa ma yin pas na stong pa nyid de/shes rab kyi pha rol tu phyin pa'o/ /de ni gnyis med ngo bo ru/ /zhes pa ni dkyil 'khor de dag kyang de'i dus nyid na gsal ba mi 'gog pa ste/ de bas na de gnyis su med pa'i ngo bor spro ba dang bsdu ba las dran pa'o//zhe sdang gi rigs la sogs pa mchod pa rjes su dran pa ni sngon mthong ba'i don la gang dran zhe na/ rang gi rigs kyi zhes pa la sogs pa ste/ de yang rang gi rigs kyi bud med bar ma'i bsnyen sgrub bzhis dag pa rigs lngas rgyas btab pa nas/rjes su chags pas mnyes par bya ba spro ba dang bsdu ba las gsal bar byed pa'o/ /de rnams ni sngon mthong ba'i don la rjes su dran pas na rjes su dran pa'i yan lag go/ /gang dag gzung ba la nyams pa'i blo can rnams kyis 'di bya'o zhes gzhan dag kyang 'dod do/ /da ni dga' bral gyi ye shes kyi rang bzhin sprul pa'i thig le gsungs pa/de ltar zhes pa la sogs pa'o/ /yan lag gsum gyis ni zhes pa ni dgag gto nga dang / gzung ba dang / rjes su dran pa'i yan lag gis so/ /de gsang ba'i thig le bsgom par byas nas/ sprul pa'i thig le bsgom pa'i dgos pa gsungs pa/ nor bu las ni byung nas kyang / /khams kun khyab par byed pas ni/ /zhes te dbang gi mthar thugs rje rgyas pa'i yan lag tu gnas pa'i sprul pa'i 'khor lo ste sprul pa'i sku sgom par byed pa'am yang na thig le bzhi la sogs par spros pa'i phyir na sprul pa ste de bsgoms bshad do zhes so//ji ltar zhe na/ rang gi spyi bo zhes pa la sogs pa'o/ /rang gi spyi bo zhes pa ni rang gi lha'i mgo'i dbus te klad rgyas su'o/ /sku yi rdo rje thugs ka ru/ /zhes pa ni bskyed pa'i rim pa'i skabs su gnas bskyed nas/ sa bon mtshan ma phra mo las gyur pa'i sku'i rdo rje bsams te de'i thugs ka ru'o//mtshan ma la gnas rlung dkyil 'khor/ /zhes pa ni zla ba la sa bon las gyur pa'i 'khor lo'i lte bar rlung gi dkyil 'khor kha dog dud ka dbyibs gzhu'i tshul du gnas pa la zla ba'i gdan bsams nas de la sku rdo rje'i sa bon oM dkar po bsgoms nas de yang 'ong ba'i mtshan nyid bsam zhes te/gnas skabs kyi bzhi dang ldan yang 'ong ba'i mtshan nyid du gnas pa'o/ /gzhan ma rnams kyang rim pa des bsgre bar bya'o/ /chu ni zlum po'o/ /me ni gru gsum mo/ /dbang chen ni gru bzhi'o/ /de ltar 'byung ba'i dkyil 'khor bzhi ni rdzogs pa'i rnal 'byor pa'o//rang gi lha'i sa bon ni 'byung ba dang 'jug pa dang gnas pa las grol ba'i ngo bo ste gnyis su med pa'i ye shes kyi rang bzhin no/ /de bas na bdag nyid bzhi dang 'brel par byas nas/ rdo rje bzlas pa'i rim pa bstan par bya ba'i phyir/ de ltar zhes pa la sogs pa'o//mi shigs pa'i zhes pa ni dbyer med pas na gang gis kyang mi shigs pa ste/ de bas na rdo rje'i bzlas pa'o/ /de'ang ji ltar bya zhe na/ g.yas pa zhes pa la sogs pa'o/ /de la g.yas pa ni rang gi steng sgo'i bug pa gnyis kyi g.yas so/ /de las byung ba'i khams gang zhe na/ rlung gi dkyil 'khor chen po ste zhes te las kyi phyag rgya las byung ba'i rlung gi dkyil 'khor ni ye shes kyi ngo bo bas chen po'o/ /de yang kha dog ni dud ka'i tshul du rgyu ba'o/ /de'i rang bzhin las kyang / 'byung ba rlung gi ngo bo yis/ /zhes te/ phyir 'byung ba'i hUM ni phyag rgya chen po bas na hUM gi ngo bo ste des snang srid chos kun khyab nas zhes pa ni dag pa dang ma dag pa thams cad la khyab nas/de rnams kun kyang dag par byas nas ye shes bdud rtsi lta bur gyur par byas pa ni de'i las so/ /oM gyi ngo bor 'od byas nas/ /zhes pa ni slar 'du ba ni las kyi phyag rgya'i rang bzhin pas na oM gyi ngo bo'o//ye shes kyi sku gong ma dang bcas par byas nas rang gi rgyud kyi bag chags ni dngos grub chen po'i rtags skye ba dang 'gal ba'i las te/ de yang bkrus nas dag byas nas/ /zhes te/ de rnams kyang zla ba lta bur zhu ba'i chus bkrus nas dag par byas te/oM de la zhugs pa ni rang gi las so/ /AH yi ngo bo gnas byas nas/ /zhes pa ni gnyis pos grol ba'i rlung ni chos kyi phyag rgya'i rang bzhin pas na/ AH'i ngo bo'o/ /de la gnas pa ni phyi nang gi chos de nyid du zhugs pa ste rang gi las so/ /de la lha yi de bzhin nyid/ /ces pa ni gnas pa de la lha'i de bzhin nyid de gnyis su med pa'i ye shes so//gzung bas dal bus zhes pa ni gnas pa'i dus su gzung ba ni dal bu ste myur ba'i yan lag go/ /de yang gong gis bzung bas khyad par du byas pa'i phyir na myur ba'i yan lag yin yang / dngos po med pa'i gnas su 'gyur//zhes te/ phyi dang nang gi chos yang dag par snang ba yang dus der mi dmigs pa'i phyir ro/ /gzhan ma rnams la don des bsgre bar bya'o/ /g.yon pa zhes pa ni sna bug gnyis kyi tshig snga ma'o/ /chu'i dkyil 'khor zhes pa ni zlum po mgrin par mtshan ma la gnas pa'o/ /gnyis ka las ni zhes pa ni re re zhes tshig snga ma'o//drag tu zhes pa ni gsum po bas zhes tshig snga ma'o/ /me'i dkyil 'khor zhes pa ni gru gsum thugs kar mtshan ma la gnas pa'o/ /de bzhin gnyis las zhes pa yang snga ma bzhin du shes par bya'o/ /dal bus 'byung zhes pa yang snga ma ltar shes par bya'o//dbang chen gyi ni dkyil 'khor zhes pa ni gru bzhi mgrin pa'i 'og tu mtshan ma la gnas pa'o/ /'jug dang gnas dang ldang ba las/ /zhes pa ni gnas skabs kyis kun la yod kyang de'i rang bzhin ni yi ge gsum pas na rdo rje gsum gyi bzlas pa'o/ /grol ba'i ye shes rnyed gyur pa//zhes pa ni gsum pos grol ba'i ye shes ni rtsa ba'i ye shes dmigs pa med pa'o/ /de ni gsum po'ang mi dmigs pas na ma ning ste ye shes dpa'i bzlas pa'o/ /de bas na der de lta bu'i ye shes rnyed par 'gyur ba la som nyi dang yid gnyis ma byed cig ces pa'o/ / da ni rnal 'byor chen po de'i bzlas pa'i grangs gsungs pa/ phyag rgya zhes pa la sogs pa'o/ /phyag rgya bzhi pa ni rlung rten dang bcas pa ni las kyi phyag rgya'o/ /chu rten dang bcas pa ni chos kyi phyag rgya'o/ /me rten dang bcas pa ni phyag rgya chen po'o/ /sa rten dang bcas pa ni dam tshig gi phyag rgya'o//de dang 'brel pa'i bzlas pa'i grangs ni nyis brgya nyi shu rtsa lnga ste zhes pa ni phyag rgya re re g.yas pa la sogs pa'i rim pa nas nyis brgya nyi shu rtsa lngar gyur te/ de ni dgu brgyar rnam par bsgres/ /zhes pa ni bug pa gcig tu phyag rgya bzhi la dgu brgyar rnam par bsgres pa ste/ bzhis bsgres pa'o//zhag gcig tu zhes pa ni nyin zhag gcig go/ /nyi shu bzhis zhes pa ni g.yas dang g.yon du 'gro ba nyi shu rtsa bzhis zhag gcig ste/ shugs las gang ba dang / drag shul gyis sgrub pa spangs nas yi ge'i tshig dang mtshungs pa khri phrag gnyis dang stong phrag gcig dang / brgya phrag drug tu 'dus pa thams cad du bzlas brjod kyi grangs byed do zhes bya bar sbyar ro/ /gang gis she na/ rnal 'byor dbang phyug chen po yis/ /zhes te/ ye shes dbang du gyur pas so/ /dus bzhi'am zhes pa ni ma yin te/ nyin mtshan zhes smos so/ /des ci rtogs she na/ de yis zhes pa la sogs pa'o//rnam pa'i chos thams cad ces pa ni rang gi shes pa las ma gtogs pa'i chos gang yang med pa ste/ de ldang ba'i dus su phyi rol dang 'jug pa'i dus nang dang / gnas pa'i dus gnyi ga bems po med cing kun 'dus sel ba bcu gnyis la sogs pa'i don du rtogs bar 'gyur ro//de yang gang zhe na/ sgyu ma zhes pa la sogs pa'o/ /sgyu ma ni rkyen tshogs pa'i dbang gis snang yang med pa'o/ /smig rgyu ni mya ngam gyi rlung du snang yang med pa'o/ /brag ca ni brag dang sgra las grag kyang med pa'o//mgal me'i 'khor lo ni 'khor lo lta bur snang yang de ltar ma yin no/ /'khrul pa ni mi'am sbrul la sogs pa ltar snang yang de ltar ma yin no/ /dri za'i grong khyer ni rgya mtsho'i rlabs gyen du snang yang gtsang po dang ri la 'brel tsam na grong khyer dang khang pa dkar po la sogs par snang yang med pa'o//chu bur ni char pa 'bab pa'i dus su chu las byung ba ni med pa'o/ /mig 'phrul ni phe na a sho bya ba'i ming snyan pa'i byas khyer ba stsal bas gzhan nges pa ltar snang yang de ltar ma yin pa'o/ /gzugs brnyan me long dang gdong gi dkyil 'khor la brten te snang yang med pa'o//chu zla ni chu bo dang lteng ka la sogs pa'i chu mang po la snang yang med pa'o/ /sogs kyi sgras bsdus pas rmi lam dang dbang po'i gzhu la sogs pa'o/ /de tsam nas gang dang skal ba mnyam zhe na/ sa bcu dbang phyug rnams dang skal ba mnyam ste zhes so/ /de yang bcu pa chos kyi sprin la gnas pa'i byang chub sems dpa' ni rnam par 'phrul pa la sogs pa'i yon tan dpag tu med pa dang ldan pa ste/de dang skal ba mnyam pa ni ye shes dang dbang du gyur pa ste des ye shes yang dag pa mngon du byed pa'i phyir ro/ /de bas na rang bzhin gyis gnas pas na rang bzhin gyis bzlas pa de la/rnal 'byor pas ni rab tu 'bad/ /ces pa ste/ las dang po pa la sogs pas bslab par bya'o zhes so/ /man ngag med par mi rtogs par bstan pa'i phyir/ 'di ni zhes pa la sogs pa'o/ /sngags bzlos kyang zhes pa la sogs pa ni thog ma med pa'i dus na sems can thams cad kyang rlung dang lhan cig tu byung bas na rdo rje bzlas pa la gnas kyang bla mas ma zin pas rtogs par mi 'gyur ro zhes so//phyi rol zhen pa yongs su spangs pa'i phyir gsungs pa/ de ni yang dag ces pa la sogs pa'o/ /bsgom pa'i bar tshod ces pa ni bgrang phreng dang sgra la sogs pa la dmigs pas sems g.yeng bar 'gyur ba'i phyir ro//ci'i phyir bzla zhe na/ bzlas pa'i ngo bo zhes pa la sogs pa go sla bas ma bshad do/ /de la gnas pas phyi rol gyi bzlas pa yang mi 'gal bar gsungs pa don de la gnas zhes pa la sogs pa'o/ /de'i dpe yang glang chen rnyed na tha mal ba'i gser 'dzam bu na da'i gser du gyur pa'i phyir bud shing ni de'i lci ba ste zhar las 'byung ba dang 'dra'o//de bzhin du rdo rje'i bzlas pa'i ngo bo shes pas phyi rol gyi bzlas pas kyang bsod nams kyi tshogs rdzogs pas de nyid kyang nus pa can du byed pa'o//da ni rdo rje bzlas pas bsgrub pa'i mtshan ma 'byung bar gsungs pa de bas zhes pa la sogs pa'o/ /rdo rje bzlas pa la 'bad pa'i rnal 'byor pa lhun gyis grub pa nyid du gnas pa nyal ba dang snyes pa dang 'phres pa dang gnyid la sogs pa med mod kyi/ bde bar gshegs pas byin gyis brlabs pa'i gnyid cung zad 'od bas na de'i dus su phyag rgya chen po zhes te/phyag rgya las skyes pa'i ye shes chen po bas na de skad de/ de/ grub pa'i mtshan ma yang 'byung 'gyur/ /zhes te bkra shis pa'i lha'i smon lam la sogs pa yang dang yang du 'byung ste yid la byed pa'i bag chags kyi mtshan ma ma yin pa'i phyir ro//ji skad du/ rtsa ba'i rgyud las/ bsam gtan bzlas pa 'bad pa yis/ /sgrub pa pos ni rtag tu mthong / /zhes so/ /de byung zhes pa ni mtshan ma'o/ /cho ga la gnas pa zhes pa ni gsungs pa'i brtul zhugs la sogs pa'i cho ga'o//skad cig gis ni zhes pa ni mchog gi sgrub pa chen pos so/ /kun mkhyen che zhes pa ni gzugs la sogs pa kun zab mo dang yang dag par gsal ba mkhyen pas na kun mkhyen te rnal 'byor bzhi pa'o/ /rgyud la rab tu 'pho bar ni/ /zhes pa ni bya ba gzhan spangs pas lus gnas par 'gyur ba tsam gyis chog shes pa rtse gcig pa'i rnal 'byor pa de'i mthong ba'i chos nyid kyi tshe la rgyud 'pho ba'o//de la ni/ the tshom med par nges pas na/ /zhes te/ lam khyad par can gyi 'bras bu khyad par can du 'gyur ba bskyed pas na/ de la ngo mtshar ba ci zhig yod de de'i chos nyid de yin pa'i phyir ro//de bas gang nas gsungs pa yi/ cho ga 'di la rab tu 'bad/ /ces pa'o/ /da ni de rnams kyi don mjug bsdu ba gsungs pa/ de ltar zhes pa la sogs pa'o/ /de ni go sla'o/ /da ni lhan cig skyes pa'i dga' ba'i rang bzhin mi shigs pa'i thig le de kho na nyid bsgom pa'i chos gsungs pa/da ni zhes pa la sogs pa'o/ /gnyis med ye shes zhes pa ni zab mo dang gsal ba gnyis su med pa'i ye shes nam mkha' ltar dag pa gang yin pa'o/ /de kun rdzob kyi gzugs su ji ltar gnas she na/ thig le kha dog lnga pa tsa na ka'i 'bru tsam du rnam par gnas te/de la brten nas zhes pa ni de las rlung la sogs pa'i dkyil 'khor byung nas mi g.yo ba la sogs zhes pa ni snod kyi 'jig rten lcags ri dang lha'i khang pa la sogs pa yang / de las 'byung bar byed ces par sbyar ro/ /de bzhin du g.yo ba dang bcas zhes te/bcud kyi sems can tshangs pa la sogs pa'i lha dang lha min dang sogs kyi sgras bsdus pa mi dang byol song dang yi dags dang dmyal ba la sogs pa yang de las 'byung bar byed ces bya ba dang sbyar ro/ /gang gi dus su 'byung bar byed ce na/ thams cad rab tu mi snang yang //zhes te/ las su smra ba'i gzhung gis gnas pa'i bskal pa zad nas me la sogs pas nyi shu'i bar du rnam par gzhig ste stong par 'gyur ba'i dus su yang / thig le 'gog par mi 'gyur te/ /zhes pa ni ye shes kyi rdo rje'i rang bzhin pas na me la sogs pa gang gis kyang gzhig tu med pa'i phyir de kho na snang ba'o//de nas chags par 'gyur ba'i dus su gong ma ltar/ rgyu dang mi rgyu bcas pa kun/ /slar yang thig le de las 'byung bar byed/ /ces pa'o/ /de la phyi rol pa rnams kyis 'khrul par gsungs pa de las zhes pa la sogs pa'o//skye bo rnams zhes pa ni kha na ma tho ba las ring du song ba'i chos ma thob pa grub pa'i mtha' 'dzin pa'o/ /des yang dag pa'i don ma rtogs pa'i phyir mi shigs pa'i thig ler ma shes te/ tshangs pa'i sgo nga zhes 'khrul te/ sems can gyi las kyis tshangs pa mi snang yang de'i sgo nga lus pas de las thams cad skyes pa'o zhes 'dogs shing tshangs pa la mes po zhes smra ste/rang gis kyang de bzhin du 'khrul te de kho na yin no snyam du rlom sems so/ /de bas na de las stong pa nyid du khas blangs pa'i skye bo rnams kyis dus las byung ba la sogs pas sgro 'dogs shing de'i lam la 'jug par byed do//de lta na yang de'i rang bzhin ni chos kun gyis kyang mi bsgul ba ste/ me la sogs pa'i 'byung ba gang gis kyang mi shigs pa ste/ mi shigs pa'i thig le ste/ ji srid 'di ni lus gnas pas/ / zhes pas ni bcud kyi sems can rnams kyi snying ga'i pad+ma kha sbyar gyi dbus na thig le rnam par gnas pa'o/ /ji srid rang bzhin dga' ba'i man ngag thob nas de'i don la mi 'dzin pa de srid du/ /las dang las min rab byed pas/ /zhes te/ srog gcod pa spong ba la sogs pa'i las dang /srog gcod pa la sogs pa'i las ma yin pa rab tu byed de/ ci'i phyir zhe na/ de'i rang bzhin ma shes pas las su smra ba ste/ des mtho ris dang dmyal ba la sogs par 'gro bar 'gyur ro/ /de'i rang bzhin yongs su shes pa ni las kyis 'khor bar yongs su mi nus te las de nyid der thim pa'i phyir ro//de bas na brtan po zhes te/ ci'i phyir zhe na/ 'jig pa rnams spangs pa'i zhes pa ni mi rtag pa la sogs pa'i bskal pa rnam par spangs pa'o/ /de'i phyir de lta bu'i mi shigs thig le bsgom par bshad par khas 'ches pa'o/ /ji ltar zhe na/ de'i gzhi bskyed pa'i rim pa bsgom pa gsungs pa tshangs pa'i zhes pa la sogs pa'o//de yang sa bon bsgom pa sngon du 'gro ba'i tshangs pa'i spyod pa bzhis sems can la dmigs pas las kyi sgrib pa zad byed gong ma ltar byas nas/ phyi rol gyi stong zhes te dngos por 'dzin pa bzlog pa'i phyir stong pa nyid kyi ting nge 'dzin kyang gong ma ltar byas nas/sogs kyi sgras bsdus pa rten bsgom pa dang / rgyu la dmigs pa dang / de gyur pa las tshad med pas bslang bas sa bon la sogs pa'i rim pas/ rang gi lha'i sku ru bskyed nas zhes te bsnyen pa'o/ /kyang zhes pa ni nye bar bsgrub pa ste/phyag rgya bzhis btab pa ni bsgrub pa'o/ /de bzhin dbang bskur blang ba dang / lha mo'i cho ga dang / dkyil 'khor 'khor lo'i ting nge 'dzin la sogs pa snga ma bzhin shes par byas nas zhes so/ /rim pa 'di yis zhes pa ni 'og nas 'byung bas so/ /thig le la zhes pa ni mi shigs pa'i thig le kho na la'o//rang gi sems ni yang dag gzung / /zhes pa ni dbugs 'jug pa'i spyod pa'i sems kyis gsang ba'i ngo bo'i sems yang dag par bzung ba ste/ 'di ni de kho na'i dbang du byas pa'i phyir ro/ /gzhan rnams kyang de'i ngo bo yin pas so/ / ji ltar zhe na/ rang gi zhes pa la sogs pa'o/ /de yang rang gi lha'i ye shes sems dpa'i thugs kar zla ba la gnas pa'i mtshan ma'i dbus na gnas pa'i sa bon las kha dog lnga pa'i 'od zer lnga 'phros pa'i rtse las 'od chags can la sogs pa'i thabs kyi dkyil 'khor gyi 'khor lo dpag tu med pa sprul lo//'khor lo de dag gis kyang khams kun du khyab par byas nas/ las ci byed ce na/ dbugs kyi rta zhon kun rtog rnams/ /zhes te rlung dang lhan cig tu byung ba'i kun du rtog pa glo bur ba ni gzung ba dang 'dzin par rtog pa ste/ de las byung ba dang bcas pa'o//de dag rnam par gsal bas sems can de dag kyang dkyil 'khor gyi 'khor lor byas te zhes so/ /gnyis pa dkyil 'khor bsdu byas nas/ /zhes pa ni byed pa po dang bcas pa'i ngo bo ste/ de dag kyang byang chub kyi sems ye shes kyi ngo bo bdag gi sna bug g.yon du zhugs par byas pa'o//dang po ni gzhan no/ /de gang du gnas she na/ ye shes sems dpa'i thugs ka na gnas pa'i mtshan ma'i dbus na gnas pa'i rang gi lha'i sa bon la thim pas zhes so/ /des cir 'gyur zhe na/ de ni zhes pa ni/ sa bon de nyid do/ / sangs rgyas yon tan ci gsungs pa/ /zhes pa sna tshogs pa'i mdo dang rgyud las gsungs pa'i stobs la sogs pa/ yang dag par skyed par byed pa'i mi shigs pa'i thig le kha dog sna tshogs pa'i 'od zer lnga 'bar ba rnam par gsal bar bya'o zhes so/ /de las kyang 'od zer byung bas zhes pa ni thig le las so//rang gnas zhes pa ni rang gi gnas mtshan ma gsal bar bya'o/ /de las phyir byung nas ye shes sems dpa'i nang gi lus gsal bar bya ste/ de nas phyi'i lus dang / /de'i dkyil 'khor dang / gnas rten mtshan ma dang bcas pa gsal bar byas nas/ de las kyang byung ste dam tshig sems dpa'i nang gi lus la mthe bo'i rtsa ba la sogs pa gnas bcu drug na gnas pa'i byang chub kyi sems sgra yig bcu drug gi gzugs su gnas pa bkug par byas nas mi shigs pa'i thig le'i nang du rang gi sems nyid thim par bya'o zhes so// der ni zhes pa ni thig ler ro/ /rang gi sems cung zad bzung bas zhes pa ni gong ma'i rim pas 'di'i mtha' bzung bas so/ /des cir 'gyur zhe na/ rten dang rten can gyi 'khor lor mos byas zhes te/ der chos 'byung ba nas bdud rtsi myang ba'i bar gyis/ ting nge 'dzin gyi dkyil 'khor rdzogs par mos pas bsgoms nas/de'i dbus kyi dam tshig sems dpa' snang ba'i thugs kar ye shes sems dpa' snang ba bsgoms te/ de'i thugs kar mtshan ma la zla ba'i dbus su mi shigs pa'i thig le ye shes la zhes pa ni me long lta bu'i ye shes la sogs pa'i rang bzhin gyis thig le gong du sgom pa las//snang ba'i ngo bo zhes pa ni de'i yul can dang ldan pa'i thig le mtshan ma thams cad kyis ma spros pa'i ngo bo bsgom par bya'o/ /zhes so/ /yang spros pa gsungs pa/ de'i 'od kyis zhes pa ni thig le de'o/ /rang gi gnas zhes pa ni rang gi gnas mtshan ma'o//sogs kyis bsdus pa ye shes sems dpa'i nang dang phyi'i lus kyang dkyil 'khor dang gnas dang / dam tshig sems dpa'i nang dang phyi'i lus dang dkyil 'khor dang / rten rnams gsal bar byas pa ni ye shes thig le'o/ /nang gsal zhes pa ni gzhag pa'i 'od zer gyis zhes pa ni gnas bcu drug tu gzhag pa'i 'od zer phyir byung nas phyi'i lus dang dkyil 'khor dang rten dang bcas pa gsal bar byas nas phyogs bcu'i 'jig rten gyi khams na bzhugs pa'i spyan sngar gshegs te bdud rtsi zhu bar byas nas/de rnams kyis kyang gnang nas de blang bar bya ba'i phyir de rnams kyi zhal du zhugs nas snying ga na gnas pa'i mi shigs pa'i thig ler song ste/cha shas lnga'i yi ge hUM gi gzugs su gnas pa'i bdud rtsi blangs nas de rnams rdo rje'i lam nas byung nas/ 'o ma'i rgyun ltar phyogs bcu nas 'ongs par byas nas des sems can dang zhes pa ni khams gsum po thams cad do//sangs rgyas zhes pa ni sa 'og ma pa la sogs pa thams cad do/ /de rnams ni rgyu ba'o/ /mi rgyur bcas zhes pa ni snod kyi 'jig rten no/ /de dag thams cad kyang byang chub sems kyi ngo bo yang dag par bsdus nas gur sogs zhugs zhes te srung ba'i 'khor lo la zhugs pa'o//de yang de bzhin du gyur nas chos dbyings phyag rgya zhes pa ni chos kyi 'byung gnas la'o/ /de yang / rten gyi 'khor lor zhugs byas la/ /zhes pa ni gzhal yas khang ngo / /de yang bsdus te/ dkyil 'khor du ni rab sdus te/ /zhes pa ni lha 'khor lo bco brgyad la'o//de yang de bzhin du gyur nas bdag la thim par byas te bdag nyid kyang mi snang bar gyur te/ ye shes sems dpa'i gnas mtshan ma la dmigs pa'o/ /de yang rten rnams la bsdu/ de yang ye shes sems dpa'i 'khor lo la bsdu/ 'khor lo yang ye shes sems dpar zhugs par bya'o//ye shes sems dpa' yang mi snang bar gyur nas de'i thugs kyi mtshan ma 'ba' zhig la dmigs par bya'o/ /mtshan ma de yang bsdu bar byas nas mi shigs pa'i thig ler sems gzung bar bya'o/ /de la/ yang ni nang gi tshogs kun bsdus//zhes pa ni thig le de yang rten rnams la'o/ /'khor lo de yang dam tshig sems dpa'/ /de yang ye shes sems dpa'i gnas la sogs pa'i rim gyis zhugs nas de'i thugs ka'i mtshan ma'i dbus na gnas pa'o/ /rang snang thig le zhes pa ni rang gi de bzhin nyid byin gyis rlob pa'i thig le ste/de 'ba' zhig la bla ma'i man ngag gis sems yang dang yang du gzung bar bya'o zhes so/ /ji tsam skyo ba'am bying ba la sogs pa med kyi bar du gzung ba'i phyir ro/ /ji ltar nus bzhin bsgom pa der/ /sems ni yang dang yang du zhugs/ /zhes so/ /yang ni de las phyir byung ste//zhes pa ni yang dag par rdzogs pa'i de ma thag tu gtong ba ste/ thig le de las 'od zer rang gi gnas mtshan ma la sogs pa mi snang ba rnams bsdu ba'i rim pa ltar bzlog nas gsal bar bya'o/ /de nas yang ni gong ma ltar/ /rim par bcug nas thim byas te//sems ni thig ler gzhag par bya/ /zhes pa ni gong ma'i rim pa kho na ltar rgyu ba nas bzung ste/ ji srid snang ba'i thig le la thim pa de srid kyi bar du bsdus nas de la sems dgod par bya'o/ /rang gi dbang po zhes pa ni rang gi srog go/ /der bzung nas zhes pa ni thabs kyis ster bas thig le der spro ba dang bsdu ba las grol ba'i ngo bos bzung ba'o//de'i stobs kyis/ sa yi dkyil 'khor chu la zhugs/ /zhes pa la sogs pa'i sh+lo ka gsum gsang ba'i thig le'i skabs su gsungs pa kho na ltar rgyud las gsungs pa'i mtshan ma lnga 'byung bar 'gyur zhes so//ci'i phyir zhe na/ rdo rje sems dpa' zhugs phyir ro/ /zhes te/ rtsa ba'i ye shes dmigs pa ni rdo rje sems dpa' ste/ de zhugs pa ni brtan pa'o/ /brtan pa'i stobs las shin tu yongs su dag pa'i sku yang nam zhig na 'jug par 'gyur ba'o/ /ji skad du/bzung bas rtag tu stobs ldan te/ /rdo rje sems dpa' yang dag 'jug/ /ces pa'i phyir ro/ /lnga po'i mtshan ma bzlog pa'i thabs gsungs pa/ thig le la ni zhes pa la sogs pa'o/ /de yang thig le la goms par byed pa'i dus su sems yang dang yang du bzung bas glal ba dang dgod pa dang 'dar ba dang /nam mkha' la 'phar ba dang / brgyal ba 'byung ba de'i tshe/ /thig le yang dag spro byas nas/ /zhes pa ni snang ba'i thig le'i dmigs pa btang nas yi ge dang mtshan ma dang ye shes sems dpa' la sogs pa la dmigs par bya ba ni gong ma'i rim pa ltar kun du khyab par byas pas de ldog par 'gyur ro zhes so//gzhan thal byung du zhes pa ni khams 'khrugs pa'i skyon du 'gyur ba'ang yod do/ /de rnams yang dang yang du bzlog pa las gong du smos pa rnams 'byung ba la som nyi mi bya'o/ /de'i 'bras bu gsungs pa 'di ni zhes pa la sogs pa'o//'di gang gis bsgom pas na 'di ni zhes pa la sogs pa'o/ /de rnams ni go sla bas ma bshad do/ /da ni gnyis su med pa'i ye shes kyi ming gi rnam grangs mdo dang rgyud las grags pa rnams gsungs pa'o/ /de ltar zhes pa la sogs pa'o/ / dpag med dam pa zhes pa ni dpag tu med pa'i sangs rgyas dang byang chub sems dpa' rnams so/ /de'i phun sum tshogs pa ni de'i thob par bya ba ste stobs bcu la sogs pa'o/ /de dmigs yang dag skye 'gyur ba/ /zhes pa ni de rnams chos kyi de bzhin nyid yang dag par dmigs pa las skye bar 'gyur ba'o//de'i bsgom pa'i cho ga rnams bshad nas zhes pa ni rnam pa gnyis kyis de la dmigs pa'i bsgom pa rnam par bshad nas da ni de'i ming gi rnam grangs mdo dang rgyud las grags pa dag kyang bstan par bya'o zhes so/ /de dag kyang gang zhe na/ de bzhin nyid dang zhes pa la sogs pa'o//dus thams cad du de bzhin nyid gnas pa'i phyir na de bzhin nyid do/ /dngos po thams cad yang dag pa'i mthar 'gyur ba'i phyir yang dag mtha'o/ /yon tan bsam gyis mi khyab pa'i rgyu bas na bsam gyis mi khyab pa'i dbyings so/ /chos thams cad las mi 'gyur bas na chos nyid de//gnyis po'i bdag dang bral ba'i ngo bo bas na chos skyon med pa'o/ /brtags pa thams cad kyis ma zin pas na stong pa nyid do/ /gzhan gyis brtags pa'i rgyu med pas na mtshan ma med pa'o/ /ye shes las ma gtogs pa med pas na smon pa med pa'o//byed pa'i sgo nas ming gi rnam grangs kyang / nyon mongs khur chen 'bor byed pa/ /zhes pa dang / gzhan gyi sems shes byed pa dang / /zhes pa la sogs pa sh+lo ka gcig dang / rgyu sogs bcu gnyis 'byung byed dang / /zhes pas bstan te/ 'di skad du ston te gang gis ji lta ba bzhin bsgoms pas de dag thams cad 'grub pa'i phyir de skad do//shes bya'i ngo bo nyid med cing brtags pas skye ba med pa'o/ /rang bzhin gyis dag pas na 'od gsal ba'o/ /ye shes lnga'i rang bzhin yin pas na mngon par byang chub sems so/ /phyin ci log gi dngos po thams cad zad pas na dngos po mthar phyin pa'o//ye shes dam pa'i yul du gyur pas na don dam pa'i bden pa'o/ /blos gzhag pa ma yin pas na rdzogs pa'i rim pa'o/ /brtags pa thams cad kyang thim pas na yongs su dag pas sku gtsang ngo / /gang gis reg pa la don chen po mi 'byung ba ma yin pas na kun gyis bsten bya'o//glo bur gyi dri mas ma gos pas na mkha' ltar dag pa'o/ /gnyen po ye shes kyis sbyangs pa ma yin pas na gdod nas 'od gsal ba'o/ /yang dag pa'i tshad mas 'tshe ba med pas na gang gis kyang mi shigs pa'o//brda la sogs pa'i kun brtags dang bral bas na dngos po med pa'o/ /bdag po'i sgo nas kyang / sangs rgyas thams cad skyon med pa'i ye shes kyi rang bzhin pas na/ dpal chen ye shes yongs dag go/ /kun rdzob kyi rnam pa'i gzugs kyis yongs su dag pa'i thig ler sangs rgyas thams cad kyi kha sbyar gyi dbus na gnas pas na thig le brtan po yongs dag go//khyab bdag tu gnas shing sangs rgyas thams cad kyis ma mkhyud kyang phal ches pa'i spyod yul du ma gyur pas na gsang chen no/ /sangs rgyas thams cad kyi ye shes nam mkha' lta bu dang 'dres pa'i phyir nam mkha'i spyod yul lo//de nyid kyi phyir na de las tha dad pa'i sgom pa med pa'o/ /sangs rgyas la sogs pas kyang mngon par 'dod pa'i gang zag la thabs kyis ster bas na rje btsun man ngag chen po'o/ /brgyud pa'i sgo nas kyang ston pa sangs rgyas bcom ldan 'das kyis skal ba dang ldan pa'i sems can mthong nas ji srid de ma chad kyi bar du snang bas na rna ba nas rna bar 'pho bar byed do//de'i rgyud rim gyis ma zin pas nyan thos dang rang sangs rgyas kyis ma shes so/ /sogs kyis bsdus pa 'jig rten gyi spyad mkhan chen po la sogs pas mi shes so//de ci'i phyir zhe na/ yi ge med pa nyid dang ni/ /tshig dang bral bas brjod med sogs/ /zhes te gal te yi ge la sogs pa'i ngo bo yod na da ltar kun gyis shes pa zhig na/ 'di ni yi ge la sogs pa dang bral ba'i man ngag chen po bas na ji ltar shes te ma nor ba'i lam du brten pa po med na mi 'byung ba ste/rang gis rang gi ye shes mthong ba'i phyir ro/ /ji skad du/ gcig la gcig gi dbang gis na/ /rnam par rig pa phan tshun nges/ /zhes bshad pa lta bu'o/ /don zab cing rgya che ba smos pa'i phyir na mdo sde ste shes rab kyi pha rol tu phyin pa 'bum la sogs pa'o//rgyu dang 'bras bu 'brel ba'i phyir na rgyud de dpal rdo rje dbu rgyan la sogs pa'o/ /de rnams las ming gi rnam grangs de dang 'dra ba mtha' yas pa 'das pa dang da ltar gyi sangs rgyas rnams kyis ni gsungs shing ma 'ongs pa'i sangs rgyas rnams kyis gsung bar 'gyur ba kun dngos po thams cad kyi de bzhin nyid 'di las gzhan ci yang ma gsungs so zhes pa'o//da ni de lta bu'i don de gong nas gsungs pa'i rim pas bsgoms nas bsgrub pa'i bdag nyid can du 'gyur bar gsungs pa/ de bas zhes pa la sogs pa'o/ /dad pa sngon du 'gro ba yi/ /sems kyis zhes pa ni dad pa gces su byed pa ni dkar po'i chos thams cad kyi 'byung ba'i rgyu yin pas des bsam pa'i dngos po 'dod pa 'byung ste des sems mngon par spro ba ste rkang thung du byas te/gong du gsungs pa'i chos kun gyi de bzhin nyid gsal zab gnyis su med pa'i don chen po/ rim pa gnyis pa'i de kho na nyid bla ma'i zhal nas mi slu ba'i de kho na nyid du gnas pa yang dag par gzung ngo //de gang gis gzung zhe na/ de gzung zhes pa la sogs pa'o/ /de yang bsgoms pa las byung ba'i shes rab kyis gong ma'i rim pas/ rtag tu goms byed ces te bya bar 'os pa tshogs pa'i gnas su bskyed pa'i rim pa dang rdzogs pa'i rim pa gnyis gang yang rung ba la sems rtse gcig pa'am bya bas skal ba gang rung gis zhugs te goms par byed pa'i skyes bu gang yin pa de rdzogs pa'i rim pa de la brten pa'i rtags skyes pa ste rtags kyi rtags dang zhes tshig snga ma'o//de gnyis ka yang las dang po pa'i rnal 'byor pa zhes bya'o//sa nas sar ni 'phar ba ltar/ /blo yi rnam pa gong du 'phel/ /zhes te/ dper na/ byang chub sems dpa' sa nas sar 'phar bzhin du/ rnal 'byor pa rnams kyi yang blo'i rnam pa gong du 'phel ba dang / des don 'di ston te/ las dang po pa de brtan par shes nas rang gi rigs kyi phyag rgya dang lhan cig tu mnyam par gzhag pa las 'khor lo'i gzugs la dmigs pas bdag po'i bka' thob pa'i dus su cung zad ye shes dbang du gyur pa 'phang ba'o//de nyid kyang rang gi bya bas nus pa brtan por rtogs nas yang de nyid dang mnyam par gzhag pa las rang gi lha'i sa bon la dmigs pas de dag kyang rigs gsum gyi yi ge bzhi dang lhan cig tu gyur nas/de nyid rlung gsum du rtogs pa'i dus su ye shes thig le dbang du gyur pa'i rnal 'byor par 'phar ba'o/ /des kyang rang gi bya bas mtshan ma la sogs pa rnyed nas/ 'og nas 'byung ba'i cho gas lha mo la sogs pa dang mnyam par gzhag pa las/sa bon zla ba lta bu rigs can gyi char dmigs pas/ de'i yan lag gzhan dang / yang dang po dang / byis kyi dus su ji lta ba bzhin du byung ba las yang dag pa'i ye shes dbang du gyur pa'i rnal 'byor par 'phar ba'o/ / rig 'dzin la sogs 'phrul pa yis/ /gzhan gyi don de la sbyor byed/ /ces pa ni/ bar ma'i skabs su de rnams grub pas de'i gzugs sam/ nyan thos dang rang rgyal ba pa dang / tshangs pa la sogs pa'i gzugs su gnas nas des 'dul ba'i skye bo gzhan yang don 'di la sbyar nas phyi rol grol bar byed ces so//de yis zhes pa ni gnyis su med pa'i ye shes so/ /brtan 'gyur rnal 'byor zhes pa ni de goms pas brtan pa ste las dang po pa'o/ /sgrub pa'i bdag nyid can du 'gyur/ /zhes pa ni rnal 'byor pa gnyis te/ grub pa'i mtshan ma'i bdag nyid can yin pa'i phyir ro//de yang grub pa'i mtshan ma ni bzhi ste/ dbab pa dang / lung dang / bkra shis pa'i lha'i rmi lam dang / tha mal pa thams cad do/ /de ni de'i bdag nyid do/ /da ni gnyis su med pa'i ye shes la de ltar goms par byas pas de mngon du bya ba'i thabs gsungs pa/bdag nyid can des zhes pa la sogs pa'o/ /bdag nyid can zhes pa ni sgrub pa'i bdag nyid can gnyis pa'o/ /sgrub pa mchog ces pa ni phyag rgya chen po'i dngos grub sgrub pa'i thabs te gzhan las dam par 'gyur ba'i phyir ro/ /de yang 'og nas ji skad du gsungs pa brtsam par bya'o zhes so//ji ltar zhe na/ mngon du byed pa'i phyag rgya gsungs pa/ lha mo zhes pa la sogs pa'o/ /de yang rang gi rigs kyi phyag brnyan gyi dngos po bsgrub pa'i rjes la/ ji skad du gsungs pa'i dngos po spyi'i mtshan ma rnyed pas lha mo'am klu mo'am gnod sbyin mo'am mi'am ci mo la sogs pa ni rang gi rigs kyi bkas gnang ba ste/dgug pa'i cho gas bdag gir byas nas de dang lhan cig tu ji skad gsungs pa bzhin du sgrub pa brtsam par bya'o/ /mi mo ni rigs dang mthun pa'i rtags snang na dgug pa'am chu sbyin dbang po'i sbyor bas bdag gir byas nas gsang ba'i brtul zhugs kyi dus su sngags kyi rgyud la sogs pa legs par bslabs nas/de nas ji skad du gsungs pa bzhin du bsgrub pa brtsam par bya'o/ /mkha' 'gro ma ni bdag nyid goms pa khyad par can la'o/ /de yang phyi'i brtul zhugs kyi skabs su rang bzhin nam sprul par snang ba de'i spyi gzugs kyi lus rgyud cig car byin gyis rlob par byed pa'am yan lag bdun pa la sogs pa'i dbye bas byin gyis rlob par byed pa'o//de bas na rang gi nus pa ste de rnams gang yang rung ba dang rtse bar bya zhes te rol par bya'o/ /de'i thabs gsungs pa/smyon pa'i brtul zhugs la sogs pas/ /zla drug sogs par rab tu 'bad/ /ces pa ni smyon pa'i brtul zhugs zla ba drug tu 'bad pas dngos gzhi'i rtags rnyed par bya ba dang / lha mo'i dbang bskur bas zhing dag par bya ba dang / de nas lam gyi dngos gzhi'i sbyor ba'i 'og nas bshad pa'i sa bcu dang ldan pa'i gong du gsungs pa'i 'dod pa la longs spyod cing zla ba drug tu gnas pas mngon sum du byed do//des mngon du ma byas na yang zla ba drug tu'o/ /des mngon du ma byas na zhi ba'i bskul ba zhag bdun du'o/ /des mngon du ma byas na dbye ba'i sgo nas zhag bdun la sogs pa'i rim pas bsgrubs na mngon du byed pa'o//des mngon du ma byas na zhag bdun la sogs pa'i dbye bas drag shul du bsgrubs pas bskul ba'i sangs rgyas rnams rang gis bya bar chad pa bshig par dogs nas/ sgrub pa po la byin gyis rlob pa dang / de rnams gnas su ji skad gsungs pa'i cho gas phur bus btab pas de'i ye shes rang dang 'dres pas de la dmigs par mngon du byed pa'o//mngon du byas pa'i 'bras bu gang zhe na/ de yis zhes pa la sogs pa'o/ /yi ge med pa zhes pas spros pa dang bral ba'o/ /gzhan ni bshad zin to//de mngon du byas pa med par gzhan rnam par dag par 'gyur ba ma yin pas rdo rje 'dzin pa de/ sangs rgyas rnams kyi bsgrub bya mchog /ces pa'o/ /de de ma thag pas thob pa'i tshul gsungs pa/ gong gi rim pa la sogs pa'o/ /gong ma'i rim pa zhes pa ni zla ba drug la sogs pa'o//rnal 'byor pa zhes pa ni dbang gsum pa'i mtha' can no/ /'bad pa med par byas pas zhes pa ni mchog gi bsnyen sgrub bzhis so/ /ji ltar de ru zhes pa ni rigs can dang 'dam skyes su'o/ /mtshan nyid kyi tshul cung zad rab gnas pa zhes pa ni der shes rab ye shes la mtshan nyid tsam du gnas pa'i sbyor ba gnyis kyis bsdus pa'i dga' ba dang /de bzhin du gnyis kyis bsdus pa'i dga' ba bar ma dang / gcig gis bsdus pa'i dga' ba dang bral ba'i dus su phyin ci ma log pas khyad par du byas pas yongs su 'gyur bzhin pas ji lta bas ji lta ba bzhin du gnas pa'i dga' ba gsum ni sku gsum ste/de rgyud la ji skad du gsungs pa'i rang rang gi dus su thob par 'gyur ro zhes so/ /de nyid ro myang ba'i mtshan nyid brgyad dang ldan par gsungs pa de nas zhes pa la sogs pa'o/ /de yang 'khor ba ji srid kyi bar du gnas pas rtag pa'o//gzung ba la sogs pa'i rtog pas ma gos pa'i phyir na/ mi gdung ba'o/ /shes bya'i sgrib pa la sogs pa'i tsha ba med pas na bsil ba'o/ /don dam pa dang kun rdzob tu sems can dang / sangs rgyas kun gyi ngo bo gyur pas na gcig pa'o/ /'khor ba dang mya ngan las 'das pa gcig tu gyur pa'i bde ba dang ldan pas na bde ba'o//phyin ci log gi 'khrul rtog dang bral bas na dri ma med pa'o/ /zab gsal ni byang chub las mi ldog cing don mdzad pas na dga' ba'o/ /ye shes gnyis kyis chos nyid dang sems can sems mnyam par gzhag pas na yid dang ba'o//de ltar bde ba chen po'i ro myang ba'i mtshan nyid brgyad de/ de'i rnam grangs kyang bdag po zhes pa la sogs pa'o/ /thams cad kyi gtso bor gyur pas na bdag po'o/ /gnyis su med pa'i mi shigs par dka' ba 'dzin pas na rdo rje 'chang ba'o/ /mchog ces pas ni mi bskyod pa ma yin pa'o//rim pa gnyis pa'i rim pa gnyis pa bas na rdzogs pa'i rdzogs pa'o/ /las thams cad rdzogs par byas pas na bya ba byas pa'o/ /lam la gnas par 'gyur ba ma yin pas na byed pa byas pa'o/ /thams cad kyi bdag por gyur bas na dbang phyug chen po'o/ /lta ba'i khur la sogs pa bzhi dang bral bas na khur chen bor ba'o//phyin ci log gi 'dod chags la sogs pa'i zug rngu bsal bas na tsher ma dkrugs pa'o/ /gzugs nas kun mkhyen gyi bar zab pa dang rgya che bar shes pas na thams cad mkhyen pa'o/ /ji bzhin pa las byung zhing 'gran zla med pas na skyes bu dpa' bo'o//thams cad kyi khyu mchog lta bur gyur pas na glang po che'o/ /ji bzhin pa'i klung du gnas pas na dul ba'o/ /'khor ba'i chos thams cad la 'khrul pa tsam du med par shes pas na 'khor ba'i mtha'i pha rol son no/ /ye shes dam pa de'i yul du gyur pas na don dam pa'o//snang ba mi 'gog pas na sgrib pa'i phyir kun rdzob bo/ de gnyis kyang zung du 'jug pas na bden pa gnyis med rnal 'byor che'o/ /phyin ci log tu snang ba'i shes pa skye ba'i gnas med pas de dang bral bas na thab spangs pa'o/ /nyan thos la sogs pa'i lam yang rang rig gi rjes las grub pas na lam kun rdzogs pa'o//stobs la sogs pa'i che ba'i yon tan thams cad kyi 'byung gnas pas na yon tan 'byung gnas so/ /sgo gsum skyon med pas kun la khyab pas na kun du bzang po'o/ /chos thams cad kyi rang bzhin las mi 'gyur bas na thams cad 'dus pa'i de kho na'o//mtshan ma med pa las byung zhing de la so so'i rtsal yod pas na sku sogs khams kun 'gengs pa'o/ /sangs rgyas thams cad kyi bla mar gyur pas na gong na med pa'o/ /yang dag pa thams cad kyi gnas pas na yang dag gnas te chos kyi dbyings zhes pa'i tha tshig go//de ltar de la sogs pa rab tu grags pa'i ming gi rnam pa mtha' yas pa kun kyang gnyis su med pa'i ye shes 'ba' zhig mtshon pa ste mdo sde dang rgyud rnams su blo dang ldan pa rnams kyis rdo rje 'chang chen po'i ming gi rnam grangs yin par rtogs par bya'o//de'i nye bar len pa'i rgyu sa bcu dang ldan par lha mos gsungs pas bcu zhes pa la sogs pa'o/ /sa bcu ni 'og nas 'chad do/ /gong gi lha mo ni ka ma li la sogs pas bsdus pa'i phyag rgya'o/ /rdo rje 'dzin pa ni ngan pa snyil bar byed pas na dge ba ste sa bcu gsum la gnas pa'o//de skad cig gis ni zhes pa ni bar ma'i sbyor ba gnyis so/ /sgrib bral zhes pa ni gdod ma nas sgrib pa dang bral ba nam mkha' ltar dngas shing dag pa des rtogs par byed pa'o zhes so/ /lha mo'i sa bcu gsungs pa/ phreng ba zhes pa la sogs pa'o//Shadz+dza r-I Sha ni ShA sogs/ /zhes pa ni lha mo bstan bcos las byung ba'i glu drug ldan dang / snyan tshig dang phra la gdung ba dang khro la khro ba la sogs pa 'dod chags kyi glu'o/ /zid sgra ni 'bad pa med par 'byung ba'o/ /mgor gnas byang chub sems 'ju bas/ /zhes pa ni mgor gnas pa'i byang chub kyi sems kyi lam ni des te des ro 'thung ba'o//sna tshogs kyi spyod pa ni gong du bstan pa'o/ /ye shes rnam gsum ni bsnyen pa la sogs pa'i ye shes so/ /gzhan du chos kyi dbyings ni dga' ba la sogs pa ste myong bar bya'o/ /'dir myong par byed pa'o/ /phung po khams sogs zhes pa ni//blun pa'i rdza mkhan rnams te snang bar mi byed pas/ sreg pa ste de yang bskyod pa ste sa bcu pa'o/ /gzhan ni go sla bas ma bshad do/ /bcu po de yis zhes pa ni de rnams dang ldan pas zhes pa'o/ /dang po zhes pa ni mi slu ba'i de kho na nyid dmus long gis phyag dar khrod phung du nor bu rnyed pa ltar gang zag blun pas bla ma'i zhal nas de las thob pa'o//phyis kyi 'bras bu mchog gyur pa/ /zhes pa ni thabs kyi khyad par du gyur bzhin par byas na byis pa dbul pos pha'i nor tshig gcig gis bdag gir byas nas spyod pa bzhin du pha lta bu de las thob pa'i phyir ro//gong du gsungs pa yang de gnyis so/ /da ni de la 'jug par mi nus pa rnams la gzhan du bstan pa de bas zhes pa la sogs pa'o/ /de 'dra'i don chen zhes pa ni sa bcu skad cig gis rdzogs pa'i lam la 'jug par mi nus pa'i gdul bya ni pha rol tu phyin pa rnams te/rnam par dag pa 'gal ba'i las nyid du mthong ba'i phyir ro/ /de la 'das pa la sogs pa'i bde bar gshegs pa rnams kyis sa dang po rab tu dga' ba la sogs pa'i mtshan nyid du mdo sde la sogs par bstan nas/ de rnams kyis thos pa la sogs pa'i shes rab kyis de'i don la zhugs pas mthar thug pa'i mtshan nyid rtogs kyang bla dang bcas pa'i mthar thug pa ste/bla na med pa'i 'bras bu ni lam khyad par can gyis rtogs pa'i phyir ro/ /de bskyed pa'i rim pa rnams la ji ltar gsungs pa de nyid ces pa la sogs pa'o/ /de nyid ces pa ni sa bcu'o/ /dang po'i rnal 'byor la zhes pa ni bskyed pa'i rim pa la gnas pa'o//rten dang rten can dkyil 'khor gyi/ /'khor lo rab tu brtan byas nas/ /zhes pa ni rten gyi dkyil 'khor dra ba dang dra ba phyed pa la sogs pa dang / grub pa'i mtshan ma dang / de rnams kyi sngon dang phyi'i chos ji snyed pa der snang ba sngags kyi shugs kyis 'byung ba de rnams yid la byed pa las ni ma yin pa'o//de rten can gyi 'khor lo la yang gzugs la sogs pa'i lha mo rnam pa bcu'i gzugs kyis snang ba can dang de'i sngon dang phyi'i chos kyang de bzhin te/ ji ltar drang ba'i don du bstan pa de la rnal 'byor pa zhugs shing de la blo mi 'gyur zhing /brtan byas pa zhes pa ni de'i rim pa gnyis dang bcas par brtan par 'gyur bas ye shes cung zad dag pa'i sku tshun chad rtogs kyang brtul zhugs la sogs pa'i spyod pas ji bzhin pa'i gnyis su med pa'i don 'di ma shes na dam pa yang dag pa'i sangs rgyas ma yin no zhes pa'o//de nyid brten pa 'di ni zhes pa la sogs pa'o/ /de rnams ni bshad zin to/ /da ni rim pa gnyis pa'i de kho na nyid la gnas pa'i sngags gsungs pa/ de ltar zhes pa la sogs pa'o/ /de ltar zhes pa ni gong du gsungs pa'o/ /rim pa gnyis pa'i de bzhin nyid ni rdzogs pa'i rim pa'i rdzogs pa'i rim pa'o//de'i thabs rang gis rtogs pa dang / de la de'i rim pa dang pos goms par byas pa'o/ /de gnyis ni bdud rtsi mchog ste/ rnam par rtog pa'i shi ba la sogs pa'i sdug bsngal dang bral bar byed pa'i phyir ro/ /de rnal 'byor gang 'thung bar byed pa'i zhes pa ni bla ma'i zhal nas blangs nas de'i ro yang dang yang du myong bar byed pa'o//sangs rgyas kyi sras su nges pa ste sangs rgyas rnams kyi rang bzhin las skyes pa'i phyir ro/ /de nyid pas na byang chub sems dpa' rnams kyi grogs so//de nyid sku'i rig 'dzin la sogs pa'i dpon po'o/ /gnas la sogs pa las skyes pa'i mkha' 'gro ma rnams kyi khyo ru 'gyur zhes pa'o/ /nyan thos dang rang 'dren pa ni theg pa 'og mar ltung ba ste/ de'i bgegs dang bral bar byed pas na/ de'i 'dren par byed pa'i gtso bo'o//sems can tha mal pa'i 'dren pa bas na bkur ba'i 'os yin pa'i phyir rje btsun no zhes so/ /de la zhes pa ni rnal 'byor pa'o/ /phyogs bcu'i khams na bzhugs pa ni gnas so/ /sangs rgyas ni rtag pa la sogs pa'o/ /byang chub sems dpa' ni sa'i snying po la sogs pa'o//rig pa'i lha ni spyan ma la sogs pa'o/ /khro bo ni gshin rje gshed la sogs pa'o/ /sogs kyis bsdus pa ni rdo rje he ru ka la sogs pa yang me tog la sogs pa'i mchod pa thogs shing zhag gcig la dus gsum du byas nas/ nam mkha' la 'ongs nas mchod pa byas nas ston pa ni bdag cag gi pa'o//bdag cag gi ma'o/ /bdag cag gi 'dren pa la sogs pa'o zhes bsngags pa brjod cing rang rang gi sangs rgyas kyi zhing du 'gro bar 'gyur zhes pa'o/ /dag pa'i lha zhes pa ni ye shes las skyes pa'i lha'o/ /ma dag pa'i lha rnams zhes pa ni las las skyes pa'i tshangs pa la sogs pa'o//sems can phal pa ni sems can thams cad do/ /gzhan gyis ni zhes pa ni de las len pa'o/ /mgrin pa dma' ba ni dregs pa spangs pa'o/ /zhabs 'dud cing zhes pa ni bkur ba'i phyir ro/ /mi rnams kyi gtso bo bas na rkang gnyis gtso bo'o/ /skye ba gcig gis thogs pa'i byang chub sems dpa' dga' ldan gnas pa lta bur thams cad mkhyen pa'i ye shes rgyas btab pas na kun mkhyen rnams kyis gzhag pa'o//phyin log khur chen 'bor byed pa ni bshad zin to/ /sangs rgyas par 'gyur ba'i rgyu nges par thob pas na ma 'ongs rdo rje 'chang ba'o//de la brnyas pa'i skyon gsungs pa/ de la brnyas byed ces pa la sogs pa'i/ /de ni go sla'o/ /de la bsnyen pa'i yon tan cig shos zhes te sgrub pa po de'o/ /de'i lus la nga gnas zhes te 'jam pa'i dbyangs gnas pa'i phyir ro/ /gang zag gang gis me tog la sogs pas mchod cing bden pa'i yon tan brjod pas nga de'i lus la sogs pa'i las kyi sgrib pa dag par byed do zhes so//da ni de rnams kyi don gyi mjug bsdu ba rim pa gnyis zhes pa la sogs pas so/ /rim gnyis 'di zhes pa ni thig le gsum dang mi shigs pa'i thig le'o/ /de gang zhe na/ sgrub pa'o/ /rtse gcig pa yis rnam par gzung / /zhes te dang po'i las la zhugs pa dmigs pa la rtse gcig pa lus gnas par 'gyur ba tsam gyis chog shes shing 'jig rten gyi chos brgyad spangs pa ji ltar thob par 'dod pa'i yon tan lnga la longs spyod cing rnam par gnas pas so/ / des de'i tshe 'di nyid la zhes te mthong ba'i chos nyid la'o/ /nye bar len pa'i rgyu gong du gsungs ba'i brtul zhugs kyi cho ga dang / lhan cig byed pa'i rkyen gong du gsungs pa ltar/ lha mos rkyen ni rab byas te/ /zhes so/ /des gong du gsungs pa'i phyag rgya chen po ste/ phyag rgya las skyes pa'i dngos grub chen po bas na de skad de/yang dag pa'i ye shes dbang du gyur pa'i rnal 'byor pa'o/ /de rang gi rgyud la 'pho ba ni mngon sum du byas pa'o/ /de la the tshom mi bya'o/ /zhes te/ ngag gi nyes pa bag la nyal ba dang bcas pa zad pa des bstan pa'i gzhung la som nyi ci ste bya zhes so//ji skad du/ da ni brdzun sogs bag la nyal/ /bcas pa spang phyir ci dang ci/ /ma nor gsungs pas de bas nga / /yang dag gsung ba zhes bshad do/ /zhes so/ /de ltar mthong ba'i chos la mya ngan las 'da' ba'i rim pa bstan nas/ /da ni bar ma dor mya ngan las 'da' ba'i rim pa gsungs pa/da ni zhes pa la sogs pa'o/ /a ba zhes pa la sogs pa ni sgras 'brel tshig gzhag ste rgyan yin par blta'o/ /rang nyid byin gyis brlabs pa'i zhes pa ni rang gi yid la byed pas byin gyis rlob pa ste/ yongs su smin pa dgu gsal ba pa dang / dus gzhan du rnam par bral ba'o/ /de lta bu'i rim pa 'di ni gang la zhe na/ rnal 'byor pa bya bas bskal pa 'ga' zhig la zhes te dang po las la zhugs pa'i bya bas bskal pa gnyis pa ni gzhan dbang bzhis zin pa yang dag pa'i smon lam la sogs pas don khyad par can dang phrad pa 'ga' zhig yal bar dor bar mi bya ba'i phyir/yang dag tu ni bshad par bya/ /zhes so/ /ji ltar zhe na/ gang zhig ces pa ni gang zag des so/ /gong du gsungs pa lta bu'i bla ma mnyes par byas nas/ bla ma des gnang ba'i dam tshig dang sdom pa dang bcas pa ru/bum pa la sogs pa'i dbang gong du gsungs pa ltar rab tu thob par byas te/ de nas/ bla ma'i zhal nas gsungs pa yi/ /de bzhin nyid ni rab thob cing / /zhes pa ni sbyor ba bdun gyis de kho na nyid sgrub pa'i thabs dang bcas pa rnyed pa gong du gsungs pa'i gsang ba dang mchog tu gsang ba'i rigs pas zhes te sgrub pa po'o//des/ ji skad bshad pa'i bya ba yis/ /yang dag bsgom ni mi nus pas/ /zhes pa ni gong du gsungs pa'i bskyed pa'i rim pa dang / rdzogs pa'i rim pa dang po la zhugs pa gnyis ltar bsgom mi nus pa zhes so/ /ji bzhin pa yi de kho na/ / rim pa 'di yis zhes pa ni khong nas 'byung ba ste/ de yang des bya bar 'os pa byas pa'i gang zag des gong du gsungs pa'i bskyed pa'i rim pa dang / rdzogs pa'i rim pa las 'khor lo dang ldan pa'am/ dran pa gcig pa'am/ gsang ba lnga'am/ phyag rgya bzhi dang ldan pa'am/ thig le la sogs pa gsum pa dang / de re re'am/ bya bas bskal ba ltar dus bzhi'am/ gcig gam/ yang na zla ba gcig gam/ gsum mam/ lo la sogs par rang gis ci ltar nus pa'i sgo nas de kho na nyid bsgom par bya'o zhes so/ /de ltar gnas pa la gang zhig ces pa ni sgrub pa po de'i'o//dus phyi zhig na zhes pa ni las su smra ba rnams kyi gzhung ltar gnas par 'gyur ba'i las zad du nye ba'i dus so/ /'chi ba'i mtshan ma bdag gis mthong / /zhes pa ni skad cig dus dang / rkyen dang / mthar thug pa las tha ma bzung ste/ de'i mtshan ma ni lha 'khrugs pa dang /'byung ba dang / de gnyi ga la sogs pa phyi dang nang gi mtshan ma gzhan nas gang gsungs pa dag gis mthong ste/ ji skad bshad pa'i cho gas de slu ba'i 'bad pa ma byas pas 'chi bar 'gyur ba'i dus byung na zhes so/ /nad kyis yang dag ma rnyogs pa'i dus su 'og nas 'byung ba'i 'pho ba'i sbyor ba yang dag par bya'o zhes so//da ni gnas gar skye ba'i rtags bstan pa'i phyir/ dpral ba dang zhes pa la sogs pa'o/ /de yang dpral ba la sogs pa drug ni sgro bzang po'o/ /chu'i gnas la sogs pa gsum ni sgo ngan pa'o/ /de ltar sgo bzang ngan gnyis su rang gi ye shes 'gro ba dang 'ong bas gar skye ba'i rtags su shes par bya'o//ji ltar shes par bya zhe na/ dbral ba dang zhes pa la sogs pa'o/ /gang gi tshe dpral bar rnal 'byor pa'i ye shes 'pho ba de'i tshe gzugs kyi khams kyi lhar skye ba'i rtags su shes par bya'o/ /de bzhin du lte bar ye shes 'pho ba na 'dod pa'i khams kyi lha rnams su skye ba'i rtags su shes par bya'o//spyi gtsug tu ye shes 'pho ba na gzugs med pa'i lha rnams su skye ba'i rtags su shes par bya'o/ /de bzhin du sna gnyis su ye shes 'pho ba na ri rab kyi rtse mor rnam thos sras la sogs pa'i gnod sbyin gyi gnas su skye ba'i rtags su shes par bya'o//rna ba gnyis su ye shes 'pho ba na rig pa 'dzin pa dang mig sman la sogs pa brgyad 'grub pa'i rnal 'byor pa'i gnas su 'gro ba'i rtags su shes par bya'o/ /mig gnyis su ye shes 'pho ba na mi rnams kyi rgyal por 'gyur ba'i rtags su shes par bya'o//kha ru ye shes 'pho ba na yi dags su skye ba'i rtags su shes par bya'o/ /de bzhin du chu gnas ni pho mtshan te der ye shes 'pho ba na dud 'gror skye ba'i rtags su shes par bya'o/ /chu min ni bshang ba'i lam ste der ye shes 'gro ba na yang sos la sogs pa'i dmyal ba rnams su skye ba'i rtags su shes par bya'o//de ltar ye shes 'pho ba'i rnam pa'i chas gar skye ba shes par byas nas de thams cad kyang yang dag pa'i gnas ma yin pa'i phyir dgag pa'i sbyor ba gsungs pa/sgrogs pa zhes pa la sogs pa'o/ /de la/ sgrogs pa lnga yi yi ge yis//zhes pa ni hUM ste sangs rgyas lnga sgrogs pa'i phyir ro/ /de yang rdo rje 'chang ba sangs rgyas thams cad kyi rang bzhin de 'grub par byed pa'i sa bon te/ des/ steng gi sgo bdun dgag par bya/ /zhes te/ rang gi srol gong gi thad kar rang gi lces brten nas dgag pa'i tshul du bsgom par bya'o//yang na so sor dgag pa'i tshul du bsgom par bya'o/ /hUM sangs rgyas lnga'i rang bzhin yin par gong du bshad zin to/ /chu'i sgo ste mtshan mar suM dkar pos dgag par bya'o/ /chu min du ste bshang lam du k+ShuM ser pos dgag par bya zhes so/ / de ltar sgo dgu bkag nas rang gi sems dbyings su 'gro ba'i sbyor ba gsungs pa de ltar zhes pa la sogs pa'o/ /rim pa 'di yis zhes pa ni 'og nas 'byung ba'o/ /rang sems kyi zhes pa ni rang gi sems dge ba dang mi dge ba'i 'bras bu la ltos pa med pa'i sems te/ de kha ton la sogs pa brgyad kyi tshul du 'gro ba'i gnas rim pa 'dis btsal ba ste/bsod nams dang sdig pa'i nga rgyal med pas dbyings nyid du nges par 'gro ba zhes so/ /ji skad du/ gang la bsod nams sdig med na/ /de la byang chub rab tu gsungs/ /zhes so/ /de'i rim pa gsungs pa//phung po zhes pa la sogs pa'o/ /de yang rang dang gzhan gyi phung po lnga dang skye mched bcu gnyis dang / khams bzhi po kun nas/ rnal 'byor rgyud kyi bshad pa ltar/ /zhes pa ni rnam par bsgom byas zhes te/ ji skad du/ mdor na phung po lnga rnams ni/ /sangs rgyas lngar ni rab tu grags//rdo rje skye mched nyid kyang ni/ /byang chub sems dpa'i dkyil 'khor mchog /ces pa dang / sa ni spyan zhes bya ba yin/ /chu yi khams ni mA ma kI/ /dkar dang sgrol ma zhes bya ba/ /me dang rlung du rab tu bsgrags/ /zhes pas so/ /des ye shes kyi sa gong na med pa rtogs par 'gyur ro zhes spyir bstan to//khyad par du gsungs ba/ bdag nyid ces pa la sogs pa'o/ /bdag nyid ni sgrub pa po'o/ /ji skad gsungs pa yis zhes pa ni phyi rol stong pa nyid la sogs pa'i rim pa cho ga bzhis rang gi lha'i lus su gyur par byas la/ phyag rgya bzhis btab la/shes pa 'gro ba'i gnas sgom pa'i phyir chos kyi zhes pa la sogs pa'o/ /chos kyi dbyings ni gnyis su med pa'i ye shes so/ /rnam shes ni rang gi rnam par shes pa'o/ /bdag nyid sangs rgyas skur gnas pa/ /zhes pa ni de gnyis ngo bo sangs rgyas skur gnas pa'o/ /de rnams tha mi dad par 'gro ba'i gnas ni rin po che sna tshogs pa las grub cing dkar po la sogs pa'i/kha dog sna lngas rab brgyan pa/ /zhes phyogs kun nas 'od zer 'phro ba dang ldan pa'i rdo rje rtse mo dgu pa mchog ces 'gro ba'i chos bdag gi rang bzhin rnam par dag pa ste/ spyan la sogs pa dang brtag pa rnam par dag pa ste/'dod pa'i khams la sogs pa'i nyon mongs pa 'joms pa'i phyir ro/ /de yang / bdag gi spyi bo'i steng du bsam/ /zhes so/ /de ru zhes pa ni bum par ro/ /rang gi sems ji ltar gnas she na/ rdo rje dkar po bcu tshal cam/ /rtse lnga bsams nas brtag par bya//zhes pa ni/ gnyen po'i rdo rje bcu tshal tsam du rang gi sems kyis brtags la/ de'i yar gyi rtse mo lnga ni thabs lnga la/ de bzhin du mar lta ba'i rtse mo lnga ni shes rab lngar shes par byas la/ dbus kyi bum pa ni de'i dbus kyi bum par ro/ /ri bong can bsams nas zla ba'i gzugs brnyan rnam par bsams la/de yi steng du ye shes che/ /zhes pa ni rtsa ba'i ye shes chen po'o/ /kun rdzob kyi gzugs ji ltar zhe na/ ser po zhes pa la sogs pa'o/ /ye shes bdud rtsi lta bu gzhan la ster ba'i ser po'o/ /'dul ba'i dbang gis sna tshogs kyi gzugs pas na byang chub sems 'dra ba'o//de yid la byed pa la nges pa'i shes pa mi skye ba'i phyir 'dzag pa'i ngang tshul dang ldan pa'o/ /spros pa dang bral ba'i phyir thig le'o/ /ye shes lnga bsdus pa'i gzugs yin pas na tsa na ka'i 'bru lnga 'byor tshad tsam du bsgom par bya zhes so//de ltar bsgom pa'i gzhi rnam par bkod nas/ da ni der sems nyid 'gog pa'i cho ga gsungs pa/ de nas zhes pa la sogs pa'o/ /chos rnams thams cad kun zhes pa ni g.yo ba dang gnas pa kun no/ /med par bsams nas zhes pa ni snang ba yid la mi byed pas so/ /bdag dmigs te zhes pa ni rang lha'i sku'i yul du bya'o//bdag kyang bdag la thim byas nas/ /zhes pa ni rang gi lhar snang ba yang bdag gi de kho na nyid gzung ba dang 'dzin pa'i bdag dang bral ba'i sems 'ba' zhig la thim nas de 'ba' zhig gnas pa la sems tsam de yang dper na mda' 'phangs pa bzhin du steng du song nas stong pa nyid kyi lus can spyi bor rdo rje rtse mo dgu pa'i 'og cha'i dbus kyi sbu gur zhugs nas gzhan la de bzhin du zhugs te ri bong 'dzin pa'i dbus kyi thig ler thim par bya zhes so//thig le de ni de bzhin gshegs pa rnams dang lha mo rnams kyi rang bzhin gyi gnas su shes par bya ste/de ni gdod nas grub pa'i gzugs te/ rang bzhin gyis rnam par gnas pa'o/ /de'i don ni de bzhin gshegs pa rnams dang lha mo rnams snyoms par 'jug pa'i ye shes te/ de ru rang gi shes pa zhugs pa ni de dang dbyer med par 'gyur bas sems te thabs kyis ster ba ltar yang dang yang du gzung ngo zhes so//de las zhes pa ni thig le de las so/ /sems de yar ba ltar zhes pa ni ring bsrel mchog ltar yar nas rdo rje rtse dgu pa'i steng cha'i dbus kyi sbu gur byung nas ji ltar gnas she na/ sna tshogs pad+ma'i steng na zla ba la gnas pa rdo rje sems dpa'i skur gyur te zhes te dang po'i bya ba mngon du byas nas de las der 'gyur te/mtshan bzang po sum cu rtsa gnyis dpe byad bzang po brgyad cus brgyan pa'i sku rang gi rig ma la phyag gnyis kyis 'khyud pa/ mtshan ma'i skyon thams cad dang bral zhing gzung du med brjod du med pa'i sku mnga' bas na/rgyan kun gyis brgyan pa yang yin la/ na bza' dang bral bar dmigs nas bsgom zhes so/ /de yang thabs dang shes rab gnyis su med pa'i sbyor ba las byung ba'i 'khor lo che ste/ sku la sogs pa rnam par 'phro zhing 'du bar bsam mo//de ltar 'chi ka ma'i sems bden pa gnyis su mos pa ni/ rnam par bsgom pa mchog ste de kho na bzhin du byed pa'i phyir ro/ /de bas na 'chi ka'i dus su yang dang yang du ci nus su bsgom zhes so/ /de ltar rgyu'i yan lag gsum bstan nas/ 'bras bu'i yan lag gsum gsungs pa/bsam pa de'i zhes pa la sogs pa'o/ /bsam pa de'i zhes pa ni thabs kyi khyad par gyi bsgom pa de'i'o/ /rkyen gyis ni zhes pa ni bar chod kyang de ma thag pa zhes pa'o/ /bdag sems dbyings su zhugs pa'i tshe/ /zhes pa ni khyad par byed pa gnas las g.yos pa'i tshe na/ rnam par rtog pa thams cad dang bral ba'i bde ba'i ro myang bas de'i dus su chos kyi sku/ gsal zhing rab dga' mkha' 'dra rtogs/ /zhes so/ /sems kyi rang bzhin ma shes pa'i las su smra bas de la shi ba'i srid pa zhes 'dogs par byed do/ /de phyin chad nyi ma bdun la sogs pa'i dus su las su smra bas bar mdor 'dogs par byed pa las kyi rdzu 'phrul gyi shugs dang ldan pa byis pa lo lnga lon pa tsam du gnas shing rdo rjes kyang mi ldog pa dri'i zas la longs spyod pa de 'grub pa'i tshe na gos kyi rkyen gyis dpe med bde rdzogs rtogs zhes te longs spyod rdzogs pa'i sku mngon du byed do//de la las su smra ba rnams kyis skye gnas gzhan du 'phen par byed tshe zhes pa ni srid pa gnyis kyis bsdus pa'i chos 'grub pa'i tshe na/ sprul pa'i gzugs/ yang dag tu ni rtogs par 'gyur/ /zhes so/ /de mi 'gal ba'i dpe gsungs pa/ de lta bas na zhes pa la sogs pa'o//bsam pa gang dang gang dag gis/ /zhes pa ni bde ba dang sdug bsngal dang grol ba'i rgyu'i bsam pa de ni gtso bo ste bsam pa ji ltar snang ba ltar mi rnams kyi yid kyang de bzhin du sbyong bar byed do/ /de dang de ni mdo bzhin du/ /zhes pa ni sbyong ba de dang de yang mdo la sogs pa las gsungs pa ltar/sna tshogs nor bu lta bur 'gyur/ /zhes te/ de la sogs pa tha dad pa'i dbang gis de yang gzugs la sogs pa tha dad par snang bar 'gyur ba'o/ /gnyis su med pa'i ye shes yid la byed pa'i dus kyang gsungs pa/ chos sku zhes pa la sogs pa'o/ /skad cig tsam zhes pa ni de tsam du lam de las ring du yang rtog pa dang bral ba'i bde ba chen po skye yang de bla ma'i man ngag dang bral bas rtogs par mi byed do//de dang ldan pas myong bar 'gyur ba'i de kho na nyid de rab tu bsgoms na gong ma ltar lus can rnams kyi yid ni sbyong byed ces so/ /de'i yon tan yang cho ga 'di yis zhes pa la sogs pa'o//de ni go sla'o/ /de'i sbyor ba gzhan gsungs pa de bas zhes pa la sogs pa'o/ /de rnams kyang gong du bshad zin to/ /gal te sku gsum ma grub na/ /zhes pa ni/ gal te rtog pa'i rlabs nyung bar ma nus pas gong ma ltar sku gsum ma grub na rig pa 'dzin pa'i gtso bor 'gyur te/des bskal pa gsum la sogs pa'i bar du gnas pas na/ phyag rgya chen po 'grub pa ste gong ma'i rim pa'i phyag rgya chen po 'grub pa ste/ dang po sbyor ba ni ma yin no/ /de ltar thig le la sogs pa rnam pa gsum gyis ni/ dngos grub ces pa ni dngos grub chen po dang dngos grub ste de bshad do zhes so//sgrub pa'i thabs kyi cho ga 'bras bu dang bcas te bstan pa'o/ /da ni don gyi mjug bsdu ba'i phyir gang gi zhes pa la sogs pa'o/ /'di ni zhes pa ni gnyis su med pa'i ye shes ster ba dang bsgom pa dang bcas pa ma rtogs par gsang ba'i rgyud smra bar byed cing bdag ni ji bzhin pa'o zhes rlom sems shing byis pa yang 'drid pa de las de dang de bzhin gshegs pa thams cad kyis byin gyis rlob par mi byed do zhes nyes dmigs so//ji skad du/ gang zhig bla ma'i zhal nas byin gyis brlabs pa'i man ngag ni/ ma tho ba bzhin du rigs pa min pa'i tshig la brten gyur nas//sgrub pa po gzhan bdag ni rnal 'byor chen po yin zhes sems kyis gang smra ba/ /blun chen skye bo de ni rgyal ba rnams kyang mi 'dod do/ /zhe'o/ /'di ni don ldan zhes pa ni bzlog pa'o/ /'ga' zhig la zhes pa ni snod du rung ba'i gang zag mang ba ma yin pas so//'jam dbyangs ni de'i lus la gnas so/ /khyod ci'i phyir gnas she na/ sgrub pa po gzhan la mchod pa len zhes so/ /ci'i phyir mchod pa len zhe na/ de yis de mnyes rang gi rgyud/ /las kyi sgrib pa dag byed do/ /zhes phan yon no/ /phan yon gzhan yang 'di'i don rna bar zhes pa la sogs pa'o//de rnams ni go sla bas ma bshad do/ /da ni dam pas gsol ba btab pa gsungs pa/ de bas zhes pa la sogs pa'o/ /sim byed 'di la zhes pa ni dam tshig chen po rdo rje de kho na nyid ni bde ba dam pa ste/ de'i lam la 'gro ba rnams sbyor du chug ces pa'i don to//ci'i phyir zhe na/ don 'di la sbyor ba 'di ni yang dag pa'i rnal 'byor pa ru shes par bya ba'i phyir ro/ /gzugs kyi phung po gnyis pa ltar bstan pa'i phyir/ khyod kyang zhes pa la sogs pa'o/ /zas kyi spyod pa dang zhes pa ni khyi mos 'bras chan dang zho skyugs pa dang nya sha'i tshod ma rnams la'o//nga la zhes pa ni 'jam pa'i dbyangs nyid rdo rje 'chang bas nga rgyal bskyed pa'o/ /'khrul rtog pas zhes pa ni rtog pa'i dba' rlabs ma 'phros pas rdo rje 'chang ba la phyin ci log tu 'khrul pas ma dad pa'o/ /tshe 'di nyid la zhes pa ni mthong ba'i chos nyid la'o//gzugs bcas phung po rang nyid las/ /zhes pa ni de'i bdag nyid kyi gong bu'i lus so/ /gnas ni yang dag mi 'gyur te/ /zhes pa ni/ gzhung tshugs pa ma yin te rtog pa'i dba' rlabs ma 'phros pa'i dgos pa sems can gyi don gyi phyir ro/ /gang gi phyir rtogs pa dang ldan pa ni bya ba phal cher byas pa yang de ltar 'gyur ro zhes rtog pa dag par bya ba la nan tan byed pa yang srid pa de'i phyir ro//rnam par shes pa ni 'khor ba dang bcas pa'o/ /mi shigs pa ni dbyer med pa ste rdo rje 'chang chen po'o/ /phyag rgya las skyes pa ni dngos grub chen po bas na phyag rgya chen po de rab tu 'grub ces pa'i don to//rnam pa'i dbye bas lung ston pa ltar snang yang rang nyid kyis mngon du byas pa yin par shes par bya'o/ /yang dag blos zhes pa ni yang dag pa'i ye shes dbang du gyur pa'i blo ste ji lta ba bzhin du shes pa'i phyir ro/ /sangs rgyas kun gyi 'dus pa'i rgyud/ / ces pa ni sangs rgyas thams cad don dam pa dang kun rdzob kyi tshul du 'dus pa'i phyir rdo rje 'chang ba'o/ /de ston par byed pa la yang de skad ces bya'o/ /gsang chen zhes pa ni sgyu ma lta bu'o/ /gsal ba zhes pa ni bskyed pa'i rim pa'o/ /ches gsang ba zhes pa ni dngos po thams cad kyi de bzhin nyid do//de rnams ston par byed pa'i gong na med pa'i lung chen po ni 'dus pa'o/ /'di'i rim pa dang po'i zhes pa ni bskyed pa'i rim pa yan lag dang bcas pa'o/ /de yang gang zhe na/ sgrub pa'i thabs zhes pa ni kun du bzang mo gsum mo/ /sbyin sreg ces pa ni bskyed pa'i rim pa'o//sbyin sreg gnyis kyi cho ga'o/ /gtor ma zhes pa ni mi nub pa'i sgron ma'o/ /sna tshogs 'khor lo zhes pa ni tshogs kyi 'khor lo chen po'o/ /bsdus ba zhes pa ni rin po che 'bar ba'o/ /rnam bshad ni ma mdzad do/ /dkyil 'khor cho ga ni sh+lo ka nyis brgya lnga bcu pa de kha che'i yul du khyer zhes grags te/bdag cag gis ma mthong ngo / /sogs kyi sgras bsdus pa rtsa ba'i ye shes chen po dang tshigs su bcad pa'i mdzod dang / grol ba'i thig le dang bdag nyid grub par 'byung ba dang / byang chub sems kyi thig le dang dpal bkra shis kyi rnam par bshad pa chen po dang /bzhi pa la 'jug pa'i thabs dang bcas pa dang / chu sbyin dbang po'i sgrub pa'i thabs gsum ste/ lung dang mthun par chos bcu bzhi mdzad do/ /ci'i phyir mdzad ce na/ mi shes zhes te ma rig pa ni mi shes pa ste/ des g.yogs pa ni mun pa lta bur bsgribs pa'o//de lta bu'i sems can gyi zhes so/ /ji lta bu'i chos yin zhe na/ thur ma lta bu'i zhes te gser gyi thur mas ling tog rnams bsal nas snang ba skyed par byed pa bzhin du de rnams kyis kyang zhes pa'i don to/ /de bas na brtsam par gyis zhes lung gnang ba ste gsol ba btab pa zhes nye bar spyod pa'o//da ni don gong ma ji lta ba bzhin du sbyangs shing rtogs pas sa 'og ma thams cad 'grub pas de la 'bad par gsungs pa de bas zhes pa la sogs pa'o/ /ma 'ongs rnal 'byor che zhes pa ni gong du gsungs pa'i 'jug pa'i skyes bu'o/ /'di shes bla ma zhes pa ni gong du gsungs pa'i mnyes bya'o//rab mnyes te zhes pa ni gong du gsungs pa'i rjes su mthun pa'o/ /yang dag 'dod pas blangs byas nas/ /zhes pa ni gong ma ltar bum pa la sogs pa'i rim pas zhes so/ /sems ni de nas sbyang bar bya/ /zhes pa ni gong ma ltar rim pa gnyis kyis te/dang po'i gnyis pas byang ba'i rtags skyes pas/ sems ni kun rtog rnam spangs nas/ /zhes te mthu can gyi stobs dang rgyal tshab kyis thob pa'o/ /de sbyor zhes pa ni gong ma ltar brtul zhugs la sogs pa'i cho gas skyes bu de la gong ma ltar sku gsum sbyor bas bsdus pa'i skad cig la rig pa skye zhes so//rig pa skyes pa de nyid rdo rje 'dzin pa ste 'jam dbyangs kyi ngo bo bas na de 'grub ces so/ /de grub nas sa 'og ma'i sangs rgyas dang / sbyin pa la sogs pa'i pha rol tu phyin pa dang / tshig la sogs pa'i gzungs rnams dang / rab tu dga' ba la sogs pa'i sa thams cad kyang 'grub ces so//bde ba chen po zhes pa ni bde ba chen po'i sbyor bas bsdus pa ste thams cad bsdus pa'i sku'o/ /de'i rjes la zhes pa ni phyis zhes pa ma yin te stobs zhes pa'i don to/ /che ba'i yon tan thams cad kyang rgya mtsho lta bu'i bde ba chen po las byung ba'i phyir ro//bde ba chen po de bsgoms na de rnams ci'i phyir mi 'byung ste 'byung ba kho na'o zhes pa'i don to/ /de bas rab tu 'bad pa yis/ /zhes pa ni brtson 'grus 'bad pa dang ldan pa'o/ /mchog gi de nyid rab gsang gsang / /zhes pa ni gong ma ltar de tha ma nas so//smon lam gyis kyang tha na 'grub/ /ces pa ni mi nus pa'i yang dag spong byed bzhis zin pa'i gang zag don tsam dang phrad pa de yis zhes so/ /gzhan gyis ni sgrub pa la shin tu 'bad ces te des mthong ba'i chos la byang chub mngon du byed pa de thams cad rjes la 'grub pa'i phyir 'bad par 'os pa'o//a la la ho zhes pa ni bshad zin to/ /da ni 'jam pa'i dbyangs kyi gsung bsdu ba'i phyir bla mas sprul pa'i dkyil 'khor bsdu ba gsungs pa/ de ltar zhes pa la sogs pa'o/ /rol pa'i gar zhes pa la sogs pa ni bshad zin to/ /'khor lor bcas pas zhes pa ni rtag pa la sogs pa'o//de nyid ces pa ni dus der ro/ /glu dbyangs kyis bdag la bstod pa ni tshigs su bcad pa'i mdzod las shes par bya'o/ /der zhes pa ni gnas de nyid du'o/ /nam mkha'i khams su zhes te de bzhin du'o/ /sprin rnams med pa lta bur shes par 'gyur/ /zhes pa ni ji ltar sprin rlan las nam mkha' las byung zhing der zhi ba bzhin du/bcom ldan 'das 'di yang thugs rje chen po'i sbyor bas de bzhin nyid la snang zhing yang der zhi bar bstan pa'i phyir ro/ /de bas na de'i rgyu'i sprul pa yang de bzhin du shes par bya'o/ /de ltar rang gi de shes nas skal ldan gyi don ji ltar byas pa'i lo rgyus gsungs pa bdag gi zhes pa la sogs pa'o//cung zad rtogs pa zhes pa ni/ dngos po thams cad kyi mtha'i pha rol tu son pa'i de bzhin nyid du ni bag la nyal du bcas pa zad pa ste/ de phyag rgya'i rim pas gong nas gsungs pa ltar rtogs nas dpe mkhyud snod rung 'ga' la yang spang ba'i phyir ro//rdo rje gdan gyi rgyab ni byang shar gyi mtshams na'o/ /rgyang grags ni 'dom lnga brgya'o/ /de lnga bcu ni dpag tshad drug dang rgyang grags gnyis so/ /parba ta'i phug ces pa ni ma ta hra ni tra zhes te chos kyi myu gu zhes pa sngon gyi grub pa'i dbang phyug chen po'i gnas so//de la brten te zhes pa ni gnas bcas pa'o/ /ci'i phyir sems can don bya'i phyir/ /zhes pa ni de'i nye 'khor rnams ni khyad par du snod du rung ba mang bas/ bla mas kyang de'i don du zhes so/ /'di bsdus zhes pa ni zhal gyi lung ngo / /rab tu byed pa thams cad ces pa ni gong du smos pa rnams so//rtsom pa ni byed pa'o/ /ston pa ni bshad pa'o/ /sogs kyi sgras bsdus pa ni dam tshig sbyin pa la sogs pa'o/ /de'i rgyu yang dam pas gsol ba rgya chen po btab pas zhes gong ma ltar ro/ /bdag ni shin tu brod ces pa ni rang yid ches nas so//de rnams rtsom pa'i sbyor ba la zhugs pa'o/ /der gnas ni phug der ro/ /'khor bcas rnams zhes pa ni rang gi rjes su spyod pa'i slob ma rnams kyi nang na rgyal tshab kyi sa pa'i gang zag bco brgyad yod de de rnams kyi nang nas mthong ba'i chos la mya ngan las 'da' ba bzhi yod de/ mar me mdzad bzang po dang /rab tu zhi ba'i bshes gnyen dang / sgra gcan 'dzin bzang po dang / rdo rje bde ba chen po'o/ /de rnams bdag cag gi dang po'i gzhung ltar de bla ma chen po'i rim pa ji bzhin pa'i phyir ro/ /de thams cad kyi yo byad dang / gos dang / zas dang gser la sogs pa'i nor gyi mdzod dang /byang chub kyi snying po la mchod pa'i yo byad rgya chen po dang / rang dang slob ma'i tshogs kyi sna tshogs 'khor lo'i bya ba rnams sbyor bar byed pa ni/ sa bcu'i byang chub sems dpa' ste de nyid gter rnams kyi bdag po yin pas na mdzod srung ngo / /gnod sbyin gyi cha lugs 'chang bas na gnod sbyin gyi gnas so//des nyin re 'gron bu kAR+Sha pa Na bdun brgya re re la sbyor zhes so/ /de nas byin rlabs shes pas bla mas spyan drangs pa'i lo rgyus gsungs pa/ de nas zhes pa la sogs pa'o/ /cung zad bsdus pa zhes pa ni gong du gsungs pa rnams so/ /de ru zhes pa ni lho phyogs kyi gnas der ro//bla ma ni bsrung ba'i zhabs so/ /sogs kyi sgras bsdus pa der rtogs so zhes 'tshal spun zlar gyur pa rnams so/ /mnyes par byas te zhes pa ni chos kyi gtam la sogs pa'o/ /sngon gnas zhes pa ni parba ta'o/ /skal ldan don 'ga' byas zhes pa ni sngon las ma gtogs pa rnams kyi'o//da ni de lta bus dad par byas te/ gnyis su med pa'i ye shes bsgom pa 'bras bu dang bcas pa gsungs pa/ de bas zhes pa la sogs pa'o/ /gtam rgyud rgyas par shes byas nas/ /zhes pa ni bla ma chen po'i gtam rgyud rgyas pa na len+d+ra 'dul ba dang /rdo rje gdan gyi mchod pa byas pa dang / rab tu gnas pa byas pa la sogs pa'i lo rgyus kyis skal ba dang ldan pa cher dad par byas nas/ des kyang rang gi 'dod pa'i gzhung la mkhas pa ni bla ma ste/ de nyid kyis blo'i som nyi bzlog pas na gzu bo'o//de gong du gsungs pa'i thabs kun gyis mnyes par byas te zhes so/ /de las goms pa'i phyir na lung ste/ rab tu byed pa la sogs pa'o/ /rab tu byed pa ni shin tu legs par byed pa'i phyir na ste/ kun du bzang mo la sogs pa'o/ /sogs kyi sgras bsdus pa ni rgyud kyi rnam par bshad pa la sogs pa'o//de rnams nyan pa ni thob byed dang bcas pas lam gyi rim pa thob pa las byung bas so/ /bsam par bya zhes pa ni 'thad sgrub kyis yang dang yang du blo nges par bya'o/ /de la rab brten zhes pa ni bsam pa de la rab tu brten te de nyid khyad par can du bya ba'i phyir dgon sogs rab tu brten byas zhes te gong ma ltar ro//rang gi sems de nyid bsgoms pas/ /zhes pa ni/ rim pa gnyis kyis zhes pa dang po la sogs pa ltar ro/ /ji bzhin rab tu rtogs pa byas pa yis/ /zhes pa ni rtogs pa'i rtags rnyed pa dang cung zad rtogs pa dang /de nyid yang dag par rtogs pas brtul zhugs la sogs pas lhag ma zad pas tshe 'di nyid la zhes te/ mthong ba'i chos nyid la'o/ /zla ba drug gis zhes pa ni sogs pa zhes pa tha ma'i tshig tu'o/ /byang chub thob pa ni mthar thug pa'i gnas rtogs pa ste/thabs khyad par can gyis byed pa 'di ni su yis bzlog ces te de'i chos nyid dgag dka' ba ste bar snang la char gyi rgyun ltar ro/ /mthong ba'i chos la mya ngan las 'da' ba'i mthar thug pa dag par ma byas pa'i brtson 'grus 'bar ba dang ldan pa'i sngags pa gsungs pa/bdud rtsi zhes pa la sogs pa'o/ /bdud rtsi mchog ni gnyis su med pa'i ye shes so/ /'thung pa ni ro myang ba dang ngoms par byed pa'o/ /gzhan ni go sla'o/ /sa bon nyams byas te zhes pa ni de las byung ba dang bcas pa dkyil 'khor gyi 'khor lor shes pa'i phyir ro//'khor bar gnas kyang skyon gyis ma gos pa pad+ma gzhin rtag tu gnas zhes pa ni/ 'khor ba'i de nyid yongs su shes pa'i phyir/ /de'i nyes pas rnal 'byor pa de la mi gos pa'o/ /de ru ma thob ces pa ni lo de la'o/ /lan grangs gzhan zhes pa ni de'i phyi ma'am/ de gnyis sam gsum la sogs pa'i nges pa med do//de yang tshogs pa yod na yang dag myong ba'o/ /'bras bu smin byed ces so/ /gang smin zhe na/ sngags pa'i yid la yang dag 'byung / /zhes te yid nyid ji bzhin du rtogs pa na yang dag pa ste dngos grub rgya chen no/ /de thob pa ni phyag rgya chen po mngon du mdzad pa'o//sangs rgyas re res bstan pa re re sbyong ba'i phyir na sprul pa'i cha lugs 'dzin zhing phyogs thams cad du 'gro ba'i phyir/ gang+gA'i bye snyed ces pa la sogs pa bstan to/ /de bas na phyag rgya chen po la las dang po la sogs pa yang 'jug par bstan pa ste/ dang po'i mthar gyis ma yin pa'i phyir ro/ /dal 'byor 'di tsher gnas pa ma yin pas bsgom pa la brtson par gyis shig par gdams pa de bas na zhes pa la sogs pa'o/ /chu 'khor drag po'i khar lhung ltar/ /zhes pa ni chu 'khor drag po'i khar lhung ba ni brtson 'grus ma bskyed pa ni de nyid du 'chi ba'i phyir ro//de bzhin du 'khor ba'i chu 'khor drag po na gnas pa rnams shin tu sbyang ba byas pa'i lus dang / bzlas pa la sogs pa'i ngag dang / rtse gcig pa'i sbyor ba'i sems kyis brtson 'grus bskyed la sngon gyi rim pa kho na bzhin du bsgrub par bya'o/ /ci'i phyir zhe na/dal 'byor lus ni zhes te mi khom pa brgyad spangs pa'o/ /shin tu g.yo sla bas zhes pa cher gnas pa ma yin pa'o/ /de'i dpe yang / rlung gis mar me gsod pa ltar/ /zhes te/ sbyor ba'i bya ba ma byas na des skad cig tsam du yang mi sdod de med par byed do/ / de bas na dus 'da' byed de/ nyin mtshan la sogs pa'i rim pas so/ /de bas na skye ba 'di chud gsan par mi bya ste/ gong ma ltar dngos grub de nyid mchog chen rab bsgom bya zhes te brtson 'grus 'bar ba dang ldan pas so/ /de nyid spyod pa zhes pa ni gsang ba'i rig pa'i brtul zhugs la sogs pa'o//de la blo nges pa ni rnal 'byor pa gsum pa'o/ /ji skad bshad bzhin pas zhes pa ni gong du gsungs pa'i sku gsum yan lag dang bcas pa'o/ /der de rab tu 'gyur ba na sems gzhan rnam par bkag nas/ sems ni yang dag brtan par gyis shig ces/bdag snod du rung ba 'ga' la gsol ba 'debs /zhes gdams pa'o/ /snod du rung ba'i sems can mang ba ma yin pas gsang ba bla ma'i zhal nas rnyed par bya ba gsungs pa/ gang gis zhes pa la sogs pa'o/ /'di na zhes pa ni gzhung 'dir ro/ /gsang ba zhes pa ni yi ge mi ston pa'o//bdag gis gsal bar ma byas ci yod pa zhes pa ni rdo rje dbyings phyug ma'i rtsa'i 'khor lo btsal ba dang / des mtshan nyid lnga dang ldan par bya ba dang / thabs kyis ster ba myong ba la sogs pa ni gsal bar ma byas pa'o/ /de gang las shes she na/des na zhes pa la sogs pa ste go sla'o/ /ci'i phyir zhe na/ 'di ni zhes pa la sogs pa'o/ /'di ni zhes pa ni gsang bar bya'o/ /rnal 'byor spyod pa zhes pa ni gnyis bstan to/ /yang dag spyod pa la zhes pa ni cung zad dag pa'i sku can te/ snying po ni bskyed pa'i rim pa ste 'dod pa'i 'bras bu 'byin pa'o//de la snying po ni rdzogs pa'i rim pa mi g.yo ba'i phyir ro/ /de'i 'bras bu sprul ba ni shin tu yongs su dag pa'i sku 'byin pa ste/ des cig car du rang gi sku gsum yang dag par sbyong ba'o/ /de bas na log par lta ba thams cad kyi mtha'i pha rol tu son pa'i bla ma chen po yon tan ma lus pa'i gzhi gang yin pa des thabs kyis ster ba 'di ni zhal las rnyed par bya'o zhes so//de las gzhan gyi som nyi bzlog pa'i phyir/ de bas zhes pa la sogs pa'o/ /rnal 'byor chen po'i rgyud ces pa ni rnal 'byor chen po ston par byed pa'i gzhung ste thabs gtso bor byed pa'i rgyud dang /mkha' 'gro ma'i rgyud rnams so/ /de rnams kyi don rnams ni mi slu ba'i de kho na nyid rgyu dang goms par bcas pa'o/ /mi 'tsham par ni snang yang zhes pa ni nyon mongs pa lam du byed pa la phal cher 'gal bar mthong ba'i phyir ro//nyi ma'i dpe zhes pa ni shing rta'i 'khor lo gcig rta bdun sbrul gyi zhags pas sbrel nas/ ro smad med pa'i kha khrid kyis nam mkha' la khrid nas 'dzam bu gling la sogs par 'gro ba ni smyon tshig lta bur snang yang / rang dang gzhan gyi don byed nus pas na zhes te mi ltung ba dang /'dzam bu gling la sogs pa'i sgron ma byed pa ltar/ rnal 'byor chen po'i rgyud sbyor ba bdun 'dod chags kyi ches kyis bsdus pa 'khor ba'i chos dang bral ba'i rdo rje 'dzin pas de bzhin nyid las khrid pas 'khor ba'i mthar phyin cing ji bzhin pa la zhugs shing sprul pa la sogs pas 'gro ba smin par byed pa 'byung bas na/rnal 'byor 'gas zhes te/ snod du rung ba bzhi la mos pa gces su byed pas shin tu 'bad dgos so/ /ji ltar zhe na the tshom som nyi ni yid gnyis za ba ste gong gi dpes bzlog nas/ yid ches pa la sogs pa'i dad pa'i nor gyis 'di'i don bla ma las gus pas blangs nas thos pa la sogs shes rab kyis yang dang yang du zhes rnal 'byor gyi rim pa ltar rang gi sems spyad par bya'o//des bdag la gnyis su med pa'i ye shes chen po dam tshig dang sdom pa'i snod gtsang mar rtse gcig pa chu gtsang 'dra ba'i nang du gnyis su med pa'i ye shes zla ba'i dkyil 'khor ltar 'byung bar 'gyur ba 'di la yid gnyis ma za zhig ces bya ba'i don to//rgyu gnyis dang mi ldan pa rnams don khyad par can dang bral bar gsungs pa/ 'di ni zhes pa la sogs pa'o/ /rang bzhin 'grub pa zhes pa ni bcos ma ma yin pa'o//man ngag ces pa ni u pa de sha na ste thabs kyis ster zhes pa ni shes par byed pa'i man ngag ces par sbyar ro/ /brgyud pa'i bla ma ni skyes bu yang dag pa'i gzhi can te des byin gyis brlabs pa ni/ de'i stobs kyis 'gyur pa ste/ rgan po gzhon nu'o/ / bsod nams tshogs ni mngon bskyed pa/ /zhes pa ni smon lam dang las kyi sgrib pa zad byed kyi dge ba la sogs pas de dang phrad pa'o/ /bsod nams chung ba'i mi zhes pa ni/ de gnyis sam yang na de dang po kho na bral ba'o/ /'di don ma rtogs na zhes pa ni byang chub sems dpa' la sogs pa'i mthar thug pa rtogs su zin kyang zhes so//rnal 'byor chen po zhes bya ba de la mi bya'o zhes pa ni rnal 'byor chen po'i de nyid med pa'i phyir ro/ /de ltar dam pa rnams kyi lam yin par bstan nas/ da ni kho na la blo brtan por bya ba gsungs pa/ de ltar zhes pa la sogs pa'o//de ltar zhes pa ni gnyis su med pa'i ye shes rtogs shing goms pa las byung ba'i lam 'di srid pa'i sdug bsngal gyi gnyen po yin zhing lam gzhan las khyad par du 'phags pa ste sras dang ldan pa'i bde bar gshegs pa rnams kyi lam yin par rab tu shes par byas nas su zhes so//rdzogs pa chen po zhes pa ni rim pa gnyis pa'i rim pa gnyis pa'o/ /de'i ye shes ni me long lta bu la sogs pa lnga'i'o/ /spyi gzugs zhes pa ni de rnams kyi shin tu rnam par dag pa'i yongs su dag pa ste/ de bas na yongs su dag pa'i sku zhes te/ji bzhin pa'i 'bras bu'i sku yin pas na de skad de/de nyid la rdo rje 'chang chen po zhes so/ /dpal ldan kun zhes pa ni/ rang gi shes rab dang ldan pas na sangs rgyas thams cad la bya'o/ /de nyid de thams cad kyi don dam pa dang kun rdzob kyi ngo bo'o/ /de nyid la rim pa gnyis 'di zhes te rdzogs pa'i rim pa de kho na zhes so//lam ring ba rnams kyi thabs che ba 'di bsgom par gsungs pa/ sdug bsngal zhes pa la sogs pa'o/ /sdug bsngal zhes pa ni mgo sbyin pa la sogs pa'i sgo nas lam rnams la bskal pa gsum du yang gsungs te/dad pas spyod pa dang / dang po nas bdun pa dang / brgyad pa nas bcu pa'i bar du grangs med pa'i bskal pa rang gi rjes su mthun pa'i byang chub thob kyang de'i gong na bla na med pa'i sangs rgyas rdo rje 'chang chen po yod pas na bla dang bcas zhes so/ /de'i bde ba ni bde ba chen po'i sbyor ba la ltos na cung zad tsam ste de la rab tu chags pa'i rnal 'byor pa de yis 'di lta bu dpal dang ldan pa kun nas bkra shis pa 'di/tshe gcig gis 'grub pa'i lam 'di ci'i phyir mi bsgom ste bsgom par bya ba kho na'o zhes so/ /da ni lam de nyid zhi gnas dang lhag mthong zung du 'brel pa'i rnal 'byor gyis bsgom par gsungs pa/dad pa zhes pa la sogs pa'o/ /de la dad pa'i nor gyis don ji lta ba blangs nas mi 'gong mi ldog log par mi 'dzin pa'i brtson 'grus bskyed la/ dmigs pa la rtse gcig pa'i ting nge 'dzin gyis zhi gnas lhag par bskyed pa la/chos rab tu rnam par 'byed pa'i shes rab kyis lhag mthong bskyed la/ de gnyis kyis bying ba dang / rnam par g.yeng ba gang nyams pa las dran pa'i thag pas blo bzlog ste/ gong gi rim pa ltar zhes pa ni bskyed pa dang rdzogs pa'i rim pa'o/ /yid dga' ba'i gnas bsten zhes pa ni 'dod pa'i yon tan la sogs pa'i ngo bos yid dga' bar byas shing bsten yang sgo gsum gyi nyes pas ma gos pas na kun du bzang po mchog go//de nyid lam ste legs par phyin par byed pa'i phyir ro/ /de lta bu legs par phyin par byed pa'i lam 'di ni bsgom par bya ba kho na'o zhes so//da ni 'di byas pa las byung ba'i dge ba'i rtsa ba bsngo ba gsungs pa/ de ltar zhes pa la sogs pa'o/ /rab tu dang ba'i dang ba zhes pa ni len par byed pa'o/ /len zhing zhes pa ni bla ma las so/ /'di mchog ces pa ni blang bya'i don to//rab bsgom shog ces pa ni rim pa gnyis kyis gsum du'o/ /blang ba'i don gyi dge ba'i rtsa ba bsngo ba gsungs pa/ blugs dang zhes pa la sogs pa'o/ /de la blugs dang zhes pa ni thun mong gi sdom pa la sogs pas dag pa'i snod gtsang mar chu la sogs pa'i ye shes blugs pa dang /de'i rgyu la gtor bas kun gzhi la sogs pa'i bag chags dag pa'i sa bon thob pa'o/ /de bas dag par byas pas zhes te snod du rung bar byas pas so/ /slob dpon cher gyur te zhes pa rdo rje slob dpon gyi dbang thob pas so/ /des ci byed ce na/ thams cad kun gyi rgyud 'dzin zhes te bya ba dang /spyod pa dang / rnal 'byor dang / rnal 'byor bla na med pa'i sngags dang / rgyud kyi bdag por gyur pa'i phyir ro/ /des 'gro ba gzhan rnams kyang rgyud de rnams kun la sbyor bar byed pa ste ston pa'o/ /dang po'i rim pa zhes pa ni/ bskyed pa'i rim pa yan lag dang bcas pa rtogs pas rang gi rgyud kyi las kyi sgrib pa'i dri ma rnams dag par byas te/ye shes sgyu ma zhes pa ni ye shes cung zad dag pa'i sku ste de'i snod du rung bar zhes pa ni ka la sha ni snod de bum pa'i dbang thob pa ni/ sgyu ma lta bu'i ting nge 'dzin gyi snod du rung bar rnal 'byor pa de 'gyur bar shog shig ces pa'o//snying rjer ldan pa'i zhes pa ni rgyu'i slob dpon chen po slob ma la sogs pa sdug bsngal dang bral bar 'dod pa'o/ /de lta bu'i bla ma'i zhabs la zhes te rkyen gyis slob dpon dang bcas pa'i zhabs la me tog gis snyim pa bkang nas mgrin pa dma' ba'i tshul gyis gus par ldan pas 'dud pa'o//de la ri bong 'dzin pa'i gzugs/ /zhes pa ni zla ba lta bu'i byang chub kyi sems kyis kha'i lam nas snying ga'i pad+mar zhugs pas rang rgyud rab tu smin byas te zhes so/ /de nyid kyi phyir na zhing dag byas pas zhes te zhing ni phung po la sogs pa'o//de sngags kyi gzugs su snang yang med pa ni dag byas pas te lto'i dri ma bzhin no/ /'o na ji ltar rtogs na chos kun sgyu ma zhes pa la sogs pa bcu gnyis kyi don rab tu rtogs nas/ sa bcu'i byang chub sems dpa' byams pa la sogs pa ni skye ba gcig gis thogs pa ste/de bzhin du dbang de'i mtha' yang rnal 'byor pa gsum pa'i dang po ste/ der sems can thams cad 'gro bar shog ces pa'o/ /lhan cig byed pa zhes pa ni lhan cig byed pa'i slob dpon no/ /byin rlabs zhes pa ni snyoms par zhugs pa'o/ /rje btsun thugs rje chen po zhes pa ni rgyu'i slob dpon gyis thugs rje chen po bstan pa/rang gis dga' ba rnyed pas zhes te/ sku gsum gyis bsdus pa'i dga' ba ni de las skyes pa'i ye shes te/ de nyid kyang / chos kun dag pa'i ngo bo mchog /ces te chos thams cad der thim pa'i phyir ro//ji bzhin gnas pa'i don zhes pa ni mi 'gyur ba'i de kho na nyid do/ /de la mi slu ba'i de kho na nyid ni bcu drug gi thig le cha ste/ byang chub kyi sems so/ /de nyid kyang de thob par byed pa la brdzun pa ma yin pa ste don can gyi mi dang phrad pa bzhin no/ /de yang ngal so las thob ces pa ni de nyid rtsa'i lam nas rlung gis ngal sos pa las rnyed pa'o//de yang thabs kyis ster bas na man ngag chen po ste/ thob par shog shig ces pa'o/ /de rnyed ces pa ni mi slu ba'o/ /de la sems rab tu mgu bar gyur pa ni de kho na bzhin du nges par 'dzin pas yi rangs pa'o/ /des chog pa ma yin te/mgrin pa dma' bar brtags na zhes te/ gzhan du g.yengs pa spangs te bskyed pa'i rim pas gzhi rnam par bkod nas/ de nyid rim pa gnyis pas de'i don la brtags pas brtan pa'i rtags rnyed pa la sogs pa'i rim pas rnal 'byor pa gsum par gyur pas brtul zhugs la sogs pa'i rim pa bzhi pa'i bzhi pas rang rig chos kyi sku ni yang dag thob ces pa'o//de'i thugs rje rgyas pa'i sbyor bas yang / sku dang zhes pa ni gti mug gi rigs can la'o/ /gsung dang thugs kyang 'dod chags dang zhe sdang gi rigs can la'o/ / de gtso bo tsam ste dpag med sprul pa'i gzugs zhes te nga rgyal la sogs pa dang ldan pa'i sems can rnams la sprul pa'i gzugs de snyed kyis/ khams kun bkang nas zhes te 'jig rten gsum du rtogs pa'i ro myang ba'i mtshan nyid brgyad dang ldan pa'i skus bkang ba'o/ /des sems can thams cad kyi srid pa ni sgyu ma tsam du med pa'i rnam par rtog pa ste/gzhi ma rtogs pa rnams la de tsam du snang yang srid pa'o/ /de la chos ston pa la sogs pa'i phyag gis 'dam rdzab dang 'dra ba'i srid pa'i sdug bsngal las drangs nas/ dam tshig chen po'i rdo rje de kho na nyid mngon par byang chub pa rin po che'i gling dang 'dra bar 'jog pa ni sgrol ba pa ste/de ltar shog shig ces pa'o/ /mdzes pa'i me tog ces bya ba rim pa gnyis pa'i de kho na nyid bsgom pa zhes bya ba/ zhal gyi lung gi 'grel ba/ slob dpon chen po bi ta pA das mdzad pa rdzogs so/