CLOSE WINDOW

D1865
བོད་ཡིག

/sangs rgyas ye shes mgon dang bcas pa der/ /gzhol ba nyid du rtag tu 'bab par shog /stang stabs kyi bkod pa slob dpon chen po sangs rgyas ye shes zhabs kyi zhal snga nas mdzad pa rdzogs so/ / @##/ /rgya gar skad du/ shrI gu h+ya sa mA dza maN+Dal bi d+hi nA ma/bod skad du/ dpal gsang ba 'dus pa'i dkyil 'khor gyi cho ga zhes bya ba/ bcom ldan 'das 'jam dpal ye shes sems dpa' la phyag 'tshal lo/ /shes bya sogs sgrib las nges grol/ /me long ye shes la sogs ldan/ /'jam dpal gsang ba'i 'khor lo mchog /btud de bdag dran phyir de bshad/ /dpal ldan 'dus pa'i gzhung dam pa/ /'khor lo'i man ngag rim pa 'dis/ /chu thog rjes gnang tha ma yis/ /gang zhig dbang bskur de nas blang / /gsang ba'i khor 'dir de nyid thob/ /gsang dang shes rab dbang bskur bas//gsang shes rnal 'byor de nyid shes/ /theg gsum dgongs pa'i de nyid shes/ /rigs dang snying po sngags phyag rgya/ /ting nge 'dzin ni gsum dag dang / /thun mong cig shos dngos grub dang / /rgyud gzhung gi ni rnam dbye shes/ /dam tshig ldan zhing sdom la gnas//shes rab rnal 'byor la rab brtson/ /sngags dang rgyud kyi sbyor ba mkhas/ /sems can don sgrub 'os pa yin/ /gtong brtan la sogs ldan gyur kyang / /sngar bshad yon tan mi ldan na/ /'di ni 'gro don 'os min te/ /de yi yon tan 'di mchog yin/ /brtser ldan brtul zhugs bzang blos ldan//dang ldan zab mo de nyid shes/ /rang gi 'khor gnas sngon bsnyen pa/ /byas nas dkyil 'khor bri bar bya/ /yid dang rjes mthun gnas la lar/ /tsan+dan mchog la sogs pas byug /me tog dri bzang gcal bkram par/ /nang bar dang por 'dug nas ni//rnam thar sgo ni legs dag phyir/ /snying gar maM ni 'od 'bar ba/ /bsams nas dge ba mngon 'phel phyir/ /bshags la sogs pa rab tu bya/ /phyogs bcur dus gsum byung ba yi/ /sangs rgyas rnams kyi mdun gnas te/ /snying po'i 'od byung gzugs la sogs//mchod pa cho ga bzhin du bya/ /rang gi log rtog tsam las byung / /nyes byas dus gsum byas pa rnams/ /rmi lam rmi lam sogs bzhin kun/ /lan gsum dag ni 'chags par bgyid/ /rdzogs sangs sras mchog 'phags rnams dang / /gzhan gyi dge ba dam pa gang //ma lus la bdag yi rang zhing / /rdzogs byang chub tu rjes bsngo bgyi/ /kun 'dod dbugs 'byin stsol mdzad pa'i/ /sangs rgyas kun la bdag bskulab/ /bstan pa nam mkha'i mtha' mnyam pa/ /'jig rten kun sdig med snang mdzod/ /kun rtog ma lus dag gyur cing //rang rig dga' ba thugs chud la/ /rang gzhan don gyi 'bras bu stsol/ /rdzogs sangs rgyas la skyabs su mchi/ /sems mchog dam chos ma lus pa/ /lung dang rtogs pa'i bdag nyid can/ /dam pa'i phun tshogs gnas bsam yas/ /bdag ni yang dag skyabs su mchi//mi ldog dbugs 'byin 'thob gyur cing / /rgyu mthun la sogs 'bras bur ldan/ /gsang ba'i dbang bskur las byung nyid/ /tshogs la'ang bdag nyid skyabs su mchi/ /thub dbang sras kyi lam gyi mchog /spyod pa thog mtha' med rtogs byed/ / kun sangs rgyas bdag blo mchog gis/ /de bas da ni gnas par bgyi/ /sgrib pa thams cad yang dag sel / /ye shes mtha' yas bdud rtsi'i gnas/ /'khrul pa'i lta ba rab rtogs phyir/ /rnam kun byang chub sems bskyed do/ /byang chub sems dang sangs rgyas nyid//rgyu dang 'bras bur ma chags nyid/ /so so rang rig chos yin phyir/ /stong pa'i ye shes bdag can bdag /oM shU n+ya tA dz+nyA na badzra swa b+hA wa At+ma kou0f85 haM/ hUM mdzad yang na gtsug tor ram/ /rnam par snang mdzad la sogs nyid/ /khro bo'i 'khor lor gnas srung p hyir//bsams la bgegs ni rab tu gzhom / /de nas chos kyi dbyings bsams te/ /zur gsum dkar zhing gyen dkar gnas/ /phyogs kyi 'khor lor sna tshogs 'od/ /mkha' nang 'og pad rdo rje gnas/ /der b+h+rUM 'khor lo las byung ba'i/ /rig bcas rnam snang las byung ba/ / sangs rgyas spros tshogs mkha' khyab pa/ /zur bzhi la sogs yang dag ldan/ /sna tshogs pad+ma lha yi gdan/ /zla ba nyi mas legs mnan pa/ /rin chen dam pa kun gyis brgyan/ /gzhal yas khang pa rab bsam bya/ /dbyangs yig mtshan dang yang dag ldan/ /ka sogs dpe byad 'od zer can//dbus ma'i zla ba'i gdan la sems/ /ye shes zla ba rnam bsgoms deng / /dang po'i snying las byung rdo rje/ /dmar zhing dang po'i snying por ldan/ /sprul pas 'gro ba'i don byas nas/ /bdag nyid de yi nga rgyal ldan/ /sku dang zhal mchog shel zla 'dra/ /g.yas pa sngo la cig shos dmar//rnam pa kun mchog rgya che zhing / /yon tan na bza' rgyan mchog ldan/ /rdo rje skyil krung legs par bzhugs/ /phyag gnyis shes rab mchog la 'khyud/ /phyag g.yas rdo rje ral gri ste/ /g.yon na rin chen pad+mar ldan/ /dpal ldan shes rab thabs bdag nyid/ /'gro ba'i phun tshogs rnams kyi gnas//kun du bzang po 'od 'phro bar/ /bdag nyid rnam par bsgom par bya/ /de nas 'dod chags ches 'dul ba'i/ /snod kyi 'jig rten mthong ba dang / /dga' ba'i sgra yis rang nang du/ /rgyal ba'i tshogs rnams gzhug par bya/ /der ni spyan sogs rigs mchog dang //gzugs sogs yul gyi bdag nyid kyi/ /lha mo dgu ru phyung nas ni/ /rang gi rig pa'i nang du gzhug /rang rig pad+ma'i lte ba ru/ /rab dga' las byung dkyil 'khor ni/ /sprul nas 'dir ni 'gro ba kun/ /dbugs dbyung phyir ni gzhug par bya/ /mkha' khyab sangs rgyas bshes gnyen mchog /rang rdo rje nang zhu las byung / /mi ldog phyir dang de nyid kyi/ /ye shes 'bras thob phyir dbang bskur/ /dbugs phyir 'gro ba de mthong nas/ /de yi dngos dbyung sa bon gyis/ /sems can thams cad phyung nas ni/ /'gro ba sems bdag dngos las byung //sa yi snying po la sogs drug /mig sogs rang gi ngo bor byung / /k+ShidzrAM khaM gaM Sh+kaM gzhan yang / /saM ni rim bzhin sa bon yin/ /gzugs kyi rdo rje la sogs drug /phyi nang bdag nyid ngo bor byung / /dzaHhUM baM hoHkhaM 'di dang / /rim gyis sa bon phyi rol gnas/ /spyan la sogs pa'i rig pa de//sa la sogs pa'o ngo bor byung / /laM mAM paM tAM 'di dag gis/ /'gro chos bdag nyid de nyid skyes/ /rtag pa la sogs rdzogs sangs rgyas/ /gzugs sogs phung po'i ngo bor byung / /b+hUM AM dzrIM khaM hUM rnams kyis/ /chos rnams thams cad yang dag dbyung / / de nas oM AH hUM zhes bya'i/ /sems ni 'od ldan hoH gnyis spel/ /gsang ba'i chu skyes khong nang gnas/ /rgyu mthun chung ngu dag phyir ro/ /'dod chags me de 'bar ba yis/ /sku gnyis dag ni zhu bar byas/ /bshes mchog ltar snang phyogs lha mo/ /glu yi gsol bas legs par bskul//sems can khams na gnas kyi dbang phyug khyod ni rdo rje'i thugs/ /dga' ba yid 'ong don chen 'dod pas bdag la bskyab tu gsol/ /mgon po gal te de ring bdag ni gson par mchis bzhed na/ /sems can yab chen gnyen mchog bdag la dgyes par mdzad du gsol/ / rdo rje'i sku khyod bka' yi 'khor lo sems can kun la phan/ /sangs rgyas don du byang chub mchog don rab tu phan par gzigs/ /mgon po gal te de ring bdag ni gson par mchis bzhed na/ /'dod chags dam tshig chags pas bdag la dgyes par mdzad du gsol/ /khyod ni rdo rje'i gsung ste kun la phan zhing thugs brtse ba//'jig rten dag gi dgos pa'i don mdzad pa la rtag tu brtson/ /mgon po gal te de ring bdag ni gson par mchis bzhed na/ /spyod pa dri med kun du bzang pos bdag la dgyes par mdzod/ /khyod ni rdo rje'i 'dod pa dam tshig mchog gi phan don che//yang dag rdzogs sangs rgyas kyi gdung mchog mnyam nyid gzigs/ /mgon po gal te de ring bdag ni gson par mchis bzhed na/ /yon tan rin chen mang po'i gter gyur bdag la dgyes par mdzod/ /slong bar byed pa'i ngor byas pas//zhu ba rgud pa ltar mthong ste/ /dngos rnams sgyu ma ltar rig nas/ /rang sngags don du slar yang gyur/ /zhal mchog gur kum lta bu ste/ /g.yas pa sngo la cig shos dkar/ /rgyan dang cha lugs gzhon nu 'dra/ /shes rab dga' bas cig car mdzes/ /rang snang shes rab ldan gyur cing //phyag gnyis shes rab dam pa 'khyud/ /ral gri 'od ldan mda' yi mchog /ut+pal sngon gzhu phyag na bsnams/ /sangs rgyas sprin gyi sprul 'phro bas/ /'gro ba gsum gyi don rdzogs pa/ /rang gi sa bon mtshan las byung / /'jam pa'i rdo rje rang nyid 'gyur //srid par chags pas mtha' yas shing / /zhi bar chags na 'byor nyams 'gyur/ /sgyu mas bsnyen pa yang dag byas/ /chos dbyings bdag nyid can du 'gyur/ /oM d+harma d+hA tu swA b+hA ba At+ma kou0f85 haM/ bshes gnyen dam pas rgyu mthun byas/ /smin las thams c ad mkhyen nyid 'gyur//de ni mig sogs byin brlab pa/ /nye bar bsgrub pa yin par 'dod/ /sa snying rdo rje can mkha' snying / /'jig dbang sgrib sel kun du bzang / /de ni sa bon rnams kyis ni/ /mig la sogs pa yang dag dgang / /skyes bu bskyed pa chos longs spyod/ /sprul pa las byung 'gro don nyid//thugs kyi gsang sogs byin gyis brlab/ /de bas sgrub pa'i don du 'gyur/ /rang nyid lkog ma spyi bo'i zlar/ /hUM AH oM las byung ba'i gtso/ /rdo rje chu skyes 'khor lo yi/ /dbus gnas thugs sogs gsang ba bsgom/ /de thugs shes rab yan lag 'dus/ / 'od kyi gzugs ni rdo rje sogs/ /'od kyis phyogs dus kun mchod cing / /ma lus gtso la khyab par gyur/ /gang zhig snying lkog spyi bor zhugs/ /de yi mdzad don rdzogs par byas/ /de ni thugs kyi rdo rje sogs/ /byin brlabs de ni rab tu bsgrub/ /dpal ldan rdo rje'i thugs 'chang ba//rdo rje mi phyed gsum bsgoms pas/ /deng bdag byin gyis brlabs nas su/ /rdo rje thugs kyis mdzad du gsol/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms pas/ /deng bdag byin gyis brlabs nas su/ /rdo rje thugs kyis mdzad du gsol//oM sarba ta thA ga ta tsit+ta badzra swa b+hA ba At+ma kou0f85 haM/ chos kyi gsung lam dpal dang ldan/ /rdo rje mi phyed gsum ba sgoms pas/ /deng bdag byin gyis brlabs nas su/ /rdo rje gsung gis mdzad du gsol/ /phyogs bcur bzhugs pa'i sangs rgyas rnams/ /rdo rje m i phyed gsum bsgoms nas//deng bdag byin gyis brlabs nas su/ /rdo rje gsung gis mdzad du gsol/ /oM sarba ta thA ga ta bA ga badzra swA b+hA ba At+ma kou0f85 haM/ dpal ldan sangs rgyas sku 'chang ba/ /rdo rje mi phyed gsum bsgoms pas/ /deng bdag byin gyis brlabs nas su/ /rdo rje s kus ni mdzad du gsol//phyogs bcur bzhugs pa'i sangs rgyas rnams/ /rdo rje mi phyed gsum bsgoms pas/ /deng bdag byin gyis brlabs nas su/ /rdo rje skus ni mdzad du gsol/ /oM sarba ta thA ga ta kA ya badzra swa b+hA ba At+ma kou0f85 haM/ rjes dran bcu drug dag pas ni/ /byed pa y in zhes nges gsungs pas//de ni thugs sogs byin brlab pa'i/ /gnas skabs min phyir ma bshad do/ /sgyu ma'i shes rab yang dag 'dus/ /gsang ba gsum gyi mtshan nyid blta/ /dbang 'bras chung ngu rnam dag phyir/ /sgrub pa chen po yin par 'dod/ /ye shes sems thugs snying 'od kyi//phyogs bcu'i mgon po yang dag bskul/ /de 'od las byung rig pa rnams/ /bdud rtsi'i chus bkang bum pa snams pas/ /gtso bo dpal ldan rang dbang bskur/ /rigs dbang cod pan dam pa yin/ /de bzhin rgyu mthun sogs par mas/ /rang rig shes rab rnam par sbyong / / spyi bo snying ga lte ba gsang / /rkang mthar thug pa'i cha re la/ /oM hUM swA AH hA snying po/ /rtags sogs rigs kyi bdag nyid can/ /rdzogs sangs rgyas lngas dgang bar bya/ /hUM a chu skyes 'dab brgyad pa/ /yang dag sbyangs des sangs rgyas rnams/ / hUM gi rdo rje mchog mnyes bya/ /oM sarba ta thA ga ta a nu rA ga na badzra swa b+hA wa At+ma kou0f85haM / snying zla'i ral gri snying po'i 'od/ /sangs rgyas dkyil 'khor mkha' khyab pa/ /bdag nyid la bzhugs sems mchog gi/ /gzugs su rdo rje'i pad legs gnas/ /rgyal ba'i 'khor lo sa bon gyis//der bskyed nas ni brtan byas la/ /'gro ba'i mi shes dag bya'i phyir/ /rang gi cho gas dbyung bar bya/ /zhe sdang chen po'i don mdzad rgyal/ /bdag po mi bskyod yang dag bskul/ /badzra d+h+r-ika ces bya bas dbyung / /nor bu in+d+ra nI la'i mdog /g.yas pa dkar la cig shos dmar//dpal mchog dang po'i phyag dang ldan/ /dpal ldan legs bsdus bdag nyid kyi/ /dngos po kun gyis gzhug par bya/ /dzi na dzig gis dang po 'dra/ /gti mug chen pos don mdzad gtso/ /'khor lo bzang sogs dpal de bzhin/ /shar gyi zla dkyil dag la bsgom//rat+na d+h+r-ika gis rin chen dbang / /gser mdog mnyam nyid brtson 'grus can/ /mgon po rin chen mchog sogs bsnams/ /gzhon nu'i zhal 'dra lho phyogs su'o/ /A ro l-ika gis gsung dbang po/ /'dod chags chen pos don mdzad gtso/ /pad+ma rA ga'i mdog pad sogs//gzhon nu'i zhal 'dra nub phyogs su'o/ /pradz+nyA d+h+r-ika gis don yod dbang / /gtum chen phrag dog don mdzad pa/ /bai DU R+Ya snang gzhon nu'i zhal/ /ral gri sogs bsnams byang du bsam/ /kun kyang ral pa cod pan bcas/ /rang rig gnyis su med par sbyor/ / rgyan dang na bza' mchog kun ldan/ /pad+ma nyi dkyil dag la bsam/ /mo ha ra tIs sha ra lho ru/ /snying rje thabs kyis 'gro don stsol/ /rang gi ngo bo sku dbang 'dra/ /spyan ni zla dkyil dag la bsam/ /dwe Sha ra tIs lho nub tu/ /byams dang smon lam 'dod stsol ba/ /dga' ldan thugs kyi dbang po 'dra//mA ma kI ni zla dkyil bsam/ /rA ga ra tis nub byang du/ /dga' dang stobs dang ting 'dzin stsol/ /gsung gi dbang 'dra don dag bsam/ /gos dkar mo ni zla dkyil bsam/ /badzra ra tIs byang shar du/ /btang snyoms ye shes ting 'dzin stsol/ /rang gi ngo bor rin dbang 'dra//yid 'ong sgrol ma zla dkyil bsam/ /'di rnams mtshan ma rim bzhin du/ /'khor lo ut+pal dmar po mchog /pad+ma ut+pal ser po ste/ /lhag ma rang bdag lta bur bstan/ /me la sogs pa'i mtshams bzhi dang / /shar sgo yi ni ngos gnyis su/ /de nyid gsum gyi gzugs sogs pa//me long sogs bsnams sku sogs 'dra/ ya mAn+ta kr-ita kyis 'dod 'joms/ /phung po zhes bya rnam 'jig pa/ /thugs kyi dbang 'dra ltar ba 'bar/ /shar sgor khro bo'i skyil mos gnas/ /pradz+nyAn+ta kr-ita kyis srid 'joms/ /nyon mongs bdag lta 'jig byed pa//gtum zhing 'jigs la kun dang 'dra/ /gzhan gyis mi thub lho sgor ro/ /pad+mAn+ta kr-ita kyis 'dod 'joms/ /'chi bdag skyes pa'i tshogs 'jig pa/ /gtum zhing sgra zab gsung dbang 'dra/ /rta mgrin nub kyi sgo ru bsam/ /big+h+nAn+ta kr-ita kyis bgegs 'joms/ / bya ba lha yi bdud dag nyid/ /gtum la mi bskyod mdog 'dra ba/ /bdud rtsi 'khyil pa byang sgor bsam/ /smin 'degs dbu skra gyen du 'bar/ /sma ra smin ma spyan dmar ser/ /zhal gdangs ljags ni rnam par bskyod/ /mche bar bcas shing rtag tu bzhad/ /'di rnams phyag na thob drag / dbyig pa pad+ma rdo rje thogs/ /khros pa'i sprul gyis sku la brgyan/ /rang rig shes rab yan lag lus/ /rdzogs pa'i 'khor lo la bltas nas/ /kun nas rang gi dngos po yis/ /snying po'i sa bon 'od lcags kyus/ /sangs rgyas 'khor lo 'dra ba bsdu/ /mthong bar gyur nas bgegs rnams ni//kun tu bskrad de mngon par bsrung / /zla sogs me tog ldan pa yi/ /gsang sngags mchog bzlas mchod yon dbul/ /'khor lo de 'khor lo la gzhug /mig dang sku sogs byin gyis brlab/ /sngon bzhin dbang bskur de la bsam/ /rgyu mthun la sogs chen po nyid/ / sangs rgyas cod pan mi bskyod pa/ /lhag ma rang bdag dbang bskur ba/ /sku dbang mi bskyod gsung dbang po/ /thugs dbang sgo ba rnams la 'dod/ /de ltar dbang bskur rang snying po'o / /'od kyis shes rab pad der gzhug /gzugs sogs spu khung las byung ba'i//gzugs kyi rdo rje sogs 'od ni/ /gzhal yas khang 'od las 'das nas/ /nam mkha'i mtha' ni rab khyab pas/ /thub dbang rang ni legs mchod pa'i/ /mchod dang mchod pa'i bdag can gyur/ /oM sarba ta thA ga ta pU dza badzra swa b+hA wa At+ma kou0f85 haM/ chos rnams kun g yi 'khor lo bstod//rang gi bdag nyid rdzogs sangs skus/ /ye shes lnga dang phyag rgya dang / /rigs brgya lnga dang gsum gyis so/ /mi bskyod rdo rje ye shes che/ /rdo rje dbyings ni mkha' chen po/ /dkyil mchog gsum pa yi ge gsum/ /rdo rje dbyangs la phyag 'tshal lo/ / rnam par snang mdzad dag pa che/ /rdo rje zhi ba dga' chen po/ /rang bzhin 'od gsal mchog gi mchog /ston pa rdo rje phyag 'tshal lo/ /rin chen rgyal po rab tu zab/ /rdo rje nam mkha' dri ma med/ /rang bzhin dag pas gos pa med/ /rdo rje'i sku la phyag 'tshal lo/ /rdo rje mi 'chi rgyal po che//mi rtog nam mkha' rdo rje 'dzin/ /'dod chags pha rol phyin pa brnyes/ /rdo rje'i gsung la phyag 'tshal lo/ /don yod rdo rje rdzogs sangs rgyas/ /bsam pa thams cad rdzogs mdzad pa/ /rang bzhin dag pa nyid las byung / /rdo rje sems dpa' phyag 'tshal lo/ /zla ba nyi ma chu dang sman//dri ni rlung ma'i 'khor lor gnas/ /oM gyis byin brlabs 'od bcas pa/ /de nyid gsum gyis mngon par bzlas/ /rdo rje'i lce mchog hUM bkod pa/ /bsams nas ye shes bdud rtsi blang / /snying ga'i zlar chud ma lus pa'i/ /'khor lo des ni tshim par bya/ /snying po'i 'od kyis sprul mgon pos//rang gi log rtog rnam spangs te/ /'gro ba sangs rgyas bdag nyid byas/ /snying po'i sa bon nang du gzhug /snying gar mtshan ma'i lte nang gnas/ /zla snying thig le'i gzugs can du/ /rang yid 'od ldan bsgoms nas ni/ /ye shes sems dpa' rab tu bsgom//thugs gsung sku yi rdo rje yang / /'od kyi phreng bas rab sad bya/ /de ni snying gar zhugs bsam pa/ /rang gi ye shes bdud rtsi 'bab/ /de nas nang gi lus thams cad/ /ba spu las byung 'od zer tshogs/ /de yis kun nas snang byas la/ /'gro ba'i don ni rab rdzogs bya//yang na rang rtags phra bsgom pa/ /rig pa'i sna yi rtse mor gnas/ /thub pa'i 'khor lo rang rig pa/ /shes rab dam pa 'dus 'od ldan/ /brtan pa'i mtshan ma mthong ba dang / /der rtogs 'od zer spro bya zhing / /sna tshogs mtshan ma sangs rgyas ni/ /yang dang yang du spro bar bya//sku gsung thugs kyi rdo rje mchog /ye shes lnga yi 'od zer can/ /spros te sngags ni bzla bya ba/ /cig car yang na rim gyis so/ /rdo rje gsal chos 'khor lo ste/ /sku gsung thugs kyi rdo rjer gtogs/ /gnas su de ni brtan byas la/ /ye shes sku ni spro zhing bzla/ / brjod cing srog gis spro bya zhing / /sngags ni rtsol bas bsdu bar bya/ /sku sogs spro dang bsdus pa yis/ /rim bzhin rim bzhin bzlas brjod bya/ /de ltar brjod de mkha' khyab pa'i/ /sku la sogs te rang 'od kyis/ /sngon bzhin sna tshogs mchod mchog 'os/ /srog las rig pa'i tshogs rnams spro//rig pa sgeg pas yongs 'khyud pa'i/ /bde ba babs pas dbang byas pa'i / /rtsol bas ye shes sangs rgyas tshogs/ /mthar ni rang gi nang la gzhug /thig le phra mo gsang gsum dbyung / /lhag mar mos pa rgyu mthun sogs/ /chung ngu la sogs kyis phye ltar/ / rnal 'byor bsnyen sogs de bzhin bsgom/ /rang snying de nyid mchog brtags pas/ /sems kyi 'jug pa zhum gyur na/ /spyan sogs tshogs kyi glu yis ni/ /'khor lo gsol btab mchod par bya/ /spyi bor zla ba oM rlan can/ /dam pa'i sems kyi chu 'dzag pas/ /sku gsung thugs ni tshim byed pa//cho ga bzhin du dbab par bya/ /de ltar ngal bso bzlas byas shing / /mkhas pas mchod la sogs byas nas/ /de nyid gsum bsdus sangs rgyas rnams/ /bzhud pa'i skabs su gshegs su gsol/ /'di ni de nyid mthong bar bshad/ /'gro ba ma lus bltas nas kyang //snying rjes de la phan pa'i phyir/ /smon lam rnams ni mngon du bya/ /ting nge 'dzin las langs nas kyang / /bdag po'i nga rgyal mngon du bya/ /'jug par rtogs tshe rdzogs sangs rgyas/ /yul gyis yang dag mchod par bya/ /'jam dpal rdo rje kun bdag nyid//ngo bo nyid kyis yul rjes 'gro/ /de ltar yul rnams bsgom pa ni/ /rang rang dag par rnam par gnas/ /rtag pa la sogs ngo bo de/ /rang rig chos su yang dag gnas/ /dpal ldan rdo rje 'chang 'dra bar/ /dag pa'i sems dpar yang dag ldan//rang gi log rtog rnam spangs pas/ /bya ba thams cad rdzogs par bya/ /rtag tu tshad med rab sbyor bas/ /'khor lo mchog 'di mtha' yas mchod/ /rang snying zla bar rang 'khor gtso/ /rang gis bon rang zas la/ /legs dmigs rang snying de nyid kyis/ /bdud rtsis sangs rgyas kun tshim bya//chos nyid kun gyis dag pa dang / /de nyid gsum gyis mngon bzlas la/ /rang gi lha yi 'khor lo mchog /tshim bya des ni mchod par bya/ /phyi yi sbyin sreg dge tshul gyi / /sems tsam gyis ni yid kyis bya/ /ye shes me yis phung po'i shing / / bsregs pas 'di ni bla med yin/ /de ltar 'dod pa ma lus pas/ /bdag nyid rang lha'i dngos gyur dang / /gzhan yang de mchod bya ba yin/ /dam tshig bde gshegs bzhed pa yin/ /lus sogs las gang de dang des/ /sangs rgyas thams cad mchod pa dang / /rjes mthun 'gro ba'i bya ba rnams//rtag tu mnyam par gzhag pas bya/ /lus ngag las kyi rang bzhin gang / /phyag rgya sngags kyi bdag nyid che/ /de dang de yi las sgrub pas/ /sangs rgyas thams cad mchod par bya/ /dngos gcig la yang kun rtog pa/ /rnam pa sna tshogs snang gyur te/ / grol dang sdug bsngal bde bskyed pa'i/ /las ni ma lus 'byung bar 'gyur/ /de bas lus la sogs pa'i las/ /dge dang mi dge rtog las byung / /rtog pa kun las nges grol ba/ /ye shes las ni rtog de ci/ /dam tshig dag las bslang ba ni/ /don yod rdo rje'i 'khor lo bzang / / snying gar las kyi rdo rje kha / /bsams nas thams cad bdag dbang bskur/ /bla ma brnyas la sogs nyes pa/ /sbyin dang bcas pa'i mchod ston bya/ /phyi khrus rang gi 'khor lor gnas/ /dbang bskur ba yi cho gas bya/ /thun mtshams su yang mchod la sogs/ /bzlas pa snga ma bzhin du bya//snying gar 'khor lo mchog chud byas/ /shes rab snying rjes ldan pas nyal/ /ldang tshe dpal ldan lha mo yis / /glu blangs pas ni bskul bar bya/ /nang par langs nas sngar bzhin ni/ /legs zlos dang po'i las can yin/ /ye shes cung zad babs gyur pas/ / sngags kyi tshul khrims brtul zhugs ldan/ /mig dang sku sogs byin gyis brlab/ /thun mtshams su ni rab bsgrims bzlas/ /rnam pa kun du rab rdzogs par/ /spro dang bsdu ba byed pa po/ /ye shes dbang ba cung zad 'thob/ /nyin mtshan rnal 'byor yang dag bsten/ /yang dag ye shes dbang thob bsgom//khams kyi rdul nang khams gsum mchog /gzugs brnyan bdag nyid sku can gyi/ /'gro ba'i don gyi bya ba byed/ /rnal 'byor mtshan ma dge ba yang / /du ma thob cing yang dag 'grub/ /de nyid gsum ni cho ga bzhin/ /mchod byas dkyil 'khor bri bar bya//rang ngam gzhan gyis gsol btab bam/ /gzhan don 'bad par byed pas kyang / /'khor lo la gnas tshul bzhin bzlas/ /mtshan ma thob nas yang dag bri/ /'khor lo can sngags 'bum bzlas sam/ /yang na rang gi lha yi 'bum/ /gzhan gyi khri ste yang na ni/ /'khor lo can gyi bkas gnang bri//'byin pa de nyid gsum dang spel/ /gzhan dag snying po'i sa bon spel/ /ming gi yi ge dang po ni/ /klad kor bcas pas sngags rnams btu/ /sku dang gsung thugs rdo rjer bshad/ /las chos chen po'i bdag nyid can/ /gsang gsum dam tshig phyag rgya yin//sa bon snying po yin par bshad/ /zhi la sogs pa rab bskul bas/ /las rnams byed pa rig par bshad/ /phreng ba'i sngags kyang rig bshad de / /mkhas pas de rnams kun du bzla/ /ci rigs par ni bzlas byas dang / /rang bdag la sogs bka' thob bam//'gog pa'i 'khor lo goms pa yis/ /rang sems dag nas bri bar bya/ /ting 'dzin gsum po byas nas ni/ /sangs rgyas la sogs lhag gnas bya/ /bgegs rnams bsal te phur bus gdab/ /bsang byugs sa la gsol ba gdab/ / mchod yon mchod dang gtor sbyin nas/ /sbyin sreg tshim byas mkha' la dgod/ /bgegs med sa ni brkos nas su/ /khung bu dgang ba'ang rim 'di yin/ /'jam rdo rje bdag rnal 'byor ldan/ /sngon du bsnyen pa rdzogs byas la/ /grogs dang mchod pa dang ldan par// dkyil 'khor gnas ni yang dag sbyang / /bgegs dgra'i 'khor lo'i sbyor la gnas/ /rang gi dbang bskur yang dag blang / /de ltar gdug pa tshar gcad pa/ /yang na rang lha'i sbyor bas bya/ /oM b+hu khaM gi sngags kyis ni/ /sa ni nam mkhar gyur par bya/ /hUM laM hUM gis rdo rje'i bdag /sa byas de ni byin gyis brlab/ /oM me di nI badzra'i b+ha ba badzra ban+d+ha hUM/ sngar bzhin bgegs gzhom sbyor ba'i bdag /bsnyen sogs rjes chags mthar thug pa'i/ /dang po'i sbyor ldan rang 'khor lo 'ang / /rang byung bdud rtsi'i mthar thug de/ /'khor lo'i rgyal mchog sbyor ba'i bdag /'khor lo'i las ni las mchog byed/ /las rgyal mchog gi sbyor ldan pas/ /ting 'dzin gsum po dam pa yin/ /de lta'i sbyor gnas slob dpon ni/ /sangs rgyas kun bdag lus can te/ /ngo bo nyid bdag rdo rje'i bdag /'khor lo'i sa gzhi dbus legs gnas//rdo rje dril 'dzin dpa' bo la/ /rdo rje dril mchog 'dzin pa'i grogs/ /rtag sogs bdag nyid gzugs can gyis/ /'khor gsum sprul la gsol pa gdab/ /de bzhin gshegs pa kun zhi ba/ /de bzhin gshegs pa kun gyi gnas/ / chos kun bdag med med pa'i mchog /dkyil 'khor dam pa bshad du gsol/ /mtshan rnams thams cad yang dag rdzogs/ /mtshan min thams cad rnam spangs la/ /kun du bzang po sku yi mchog /dkyil 'khor dam pa bshad du gsol/ /zhi ba'i chos ni mchog las byung //ye shes spyod pa rnam sbyong ba/ /kun du bzang po gsung gi mchog /dkyil 'khor dam pa bshad du gsol/ /sems can kun gyi sems chen po/ /rang bzhin dam pa dri ma med/ /kun bzang thugs mchog 'khor los sgyur/ /dkyil 'khor dam pa bshad du gsol/ / de nas 'gro khams mun nag bsten/ /'jam rgyal khros pas bltas pa ni/ /hUM brjod tiSh+Tha sa rang mig dang / /sprul pa'i 'khor lo 'degs par bya/ /yi ge ma Tas nyi zla'i mig /phyogs dus thams cad sbar ba dang / /blo ldan 'gro la bltas nas ni/ /'khor lo'i sa ni yongs su bskor//rkang 'og rdo rje 'bar ba dang / /rdo rje gsor bar shin tu brtson/ /rol pa'i rdo rje 'gros kyi gar/ /mche ba gtsigs bcas hUM sgrogs shing / /lha sogs bgegs kyi dkyil 'khor rnams/ /rab gdug bgegs sogs bskrad par bya/ /lus ngag sems la gnas pa yi//bgegs kyi tshogs ni thams cad nyon/ /nga ni dpal ldan 'jam dbyangs te/ /srung ba'i 'khor lo rab sbyor bas/ /gal te bdag bsgom las 'das nas/ /rdo rje 'bar ba'i gzugs ldan pas/ /sku gsum 'byung bas dgas bya ste/ /'jig par 'gyur bar gdon mi za//sa ni yongs su gzung byas nas/ /bgegs med phyir ni phur bus gdab/ /sngags la/ oM g+ha g+ha/ g+hA ta ya g+hA ta ya/ /sarba duSh+TA na phaT/ kI la ya kI la ya sarba pA baM phaT phaT hUM hUM hUM badzra kI la ya badzra d+ha ro Adz+nyA pa ya ti/ kA ya bAka tsit+ta badzra kI la ya hUM phaT/smad du rtse gcig stod bgegs dgra/ /bsam nas dbus su phur bus gdab/ /phyogs bcu kun du gnas pa yi/ /bgegs tshogs thams cad gzhom par bya/ /sa ni kun du bgegs bral zhing / /'bar ba'i zer rnos khyab bsams la/ /mtshams dang ra ba phyogs bcing ba//blos byas nas ni lhag gnas bya/ /skyob pa sangs rgyas thams cad kyi/ /spyod pa'i tshul gyi khyad par dang / /sa dang pha rol phyin pa la/ /lha mo khyod ni dpang du gyur/ /shAkya seng ge skyob pa yis/ /ji ltar bdud kyi sde bcom pa/ /de bzhin bdag gis bdud kyi sde/ / pham par byas te dkyil 'khor bri/ /sa gzhi dri zhim sogs byugs shing / /me tog sna tshogs sil ma dgram/ /zla sogs 'khor lo can gnas su/ /mkhas pas dkyil 'khor rab tu bya/ /de la 'khor lo spyan drang ba/ /byas nas mtshams la sogs bcings te//mchod bstod bdud rtsi myang byas nas/ /bum ba lhag par gnas par bya/ /mgrin pa gos mchog gis dkris la/ /a smra sogs 'dab kyis kha dgab/ /dkyil 'khor pa yi bum pa ni/ /de yi sngags kyis lhag gnas bya/ /'bru sman rin chan lnga rnams dang //dri bzangs chu dang 'khor lo'i tshogs/ /me tog phreng btags rdo rje ni/ /steng bzhag 'khor lo'i gtso rgyal la/ /mchod yon phul te yang dag mchod/ /me tog dkar po gzhug par bya/ /der ni spos sogs dris bsgos pa'i/ /pad snod dri bzangs sogs ldan bya//nyin re bzhin du thun gsum du/ /gtor ma byin la de bzhin bzla / /de yang 'khor lo'i phyi mtshams su/ /rnam rgyal 'khor gtso'i g.yas su'o/ /de las mchod yon snod du chu/ /bcug nas de yis dbang bskur na/ /bdag dang slob ma thams cad ni/ /chu yi dbang gis bskur bar 'gyur//slar yang 'khor lo mchod byas la/ /lag par bdug spos thogs nas ni/ /blo ldan pus btsugs 'khor lo'i gtso/ /bde gshegs rnams la gsol ba gdab/ /bcom ldan 'jam pa'i rdo rje mchog /rig sngags rgyal la phyag 'tshal lo/ / slob ma rnams la brtse ba dang / /khyed cag rnams la mchod pa'i phyir/ /thugs rje'i bdag nyid can rnams kyi/ /dkyil 'khor bdag ni 'dri bar 'tshal/ /bcom ldan bdag ni gus pa la/ /de ni gnang ba mdzad pa'i rigs/ /sangs rgyas 'gro 'khor bya don stsol/ /byang chub sems dpa' 'bras gnas dang //gang gzhan gsang sngags lha rnams dang / /'jig rten skyong ba'i lha rnams dang / /gang yang 'byung po mthu chen dang / /gang yang lha yi spyan mnga' ba'i/ /sems can bstan la dga' ba rnams/ /bdag la dgongs par mdzad du gsol/ /bdag ming 'di zhes bgyi ba yis//dkyil 'khor 'jam dpal 'byung ba ni/ /'gro ba dag par bya ba'i phyir/ /yo byad ci 'byor pas 'dri na/ /deng bdag slob mar bcas pa la/ /thugs ni brtse bar dgongs nas su/ /tshogs pa thams cad dkyil 'khor du/ /byin gyis brlab pa mdzad du gsol//de ltar lan gsum de gsol gdab/ /gtso bo mchod la sogs byas te/ /yang dag bsrungs la phyir phyung nas/ /me tog phreng thogs rang slob ma/ /yid gzhungs spro ba che ba dang / /byas pa gzo zhing nga rgyal med/ /rigs mtho yon tan ldan zhing dang / /gzugs dang kha dog lang tshor ldan//bde bar gshegs pa'i gsang ba ni/ /bsgrub la don gnyer mngon brtson na/ /gzugs ngan yon tan med pa'am/ /dman pa'ang lhag par gnas par bya/ /dkyil 'khor gyi ni cho ga las/ /'khor bzhi char yang rjes su gnang / /rang gi bslab dang shin tu ldan//theg chen la dga'i bdag nyid can/ /la la gsang sngags sgrub don gnyer/ /'di ni dkyil 'khor 'jug par byed/ /bsod nams 'dod pas de las gzhan/ /gzhan dag 'jig rten gzhan don gnyer/ /'jig rten pha rol don gnyer ba'i/ /dad pa mang du byed pa yis//blo ldan dkyil 'khor 'jug bya yi/ /tshe 'di'i 'bras bu 'dod mi bya/ /tshe 'di 'dod par gyur pa la/ /'jig rten pha rol don mi 'gyur/ /'jig rten pha rol don gnyer skyes/ /'jig rten 'di yi 'bras bu rgyas/ /de skad brjod nas slob ma de/ /blo yis rang gi nang du gzhug /sngon bzhin rdo rje chu skyes kyis/ /dag byas khyim sgor gsol pa 'debs / /dga' chen khyod bdag ston pa bas/ /slob dpon khyod ni dgongs su gsol/ /byang chub chen po'i tshul bstan pa/ /mgon po chen po bdag 'tshal lo/ /dam tshig de nyid stsal du gsol/ /sangs rgyas chos dang dge 'dun te//skyabs gsum dag ni bdag la stsol/ /thar pa chen po'i grong mchog tu/ /mgon po bdag ni 'jug par 'tshal/ /slob ma des ni lan gsum brjod/ /rab gus bshes gnyen shes nas ni/ /slob ma gtso bo gcig la ni/ /dmigs bcas tshig 'di brjod par bya//khyod ni tshul chen snod yin te/ /bu tshur theg pa chen po yi/ /gsang sngags spyod tshul cho ga 'di/ /khyed la yang dag bstan par bya/ /rdzogs pa'i sangs rgyas gang 'das dang / /de bzhin gang dag ma byon dang / /da ltar byung ba'i mgon po rnams//'gro la phan phyir bzhugs pa dag /de dag kun gyis gsang sngags kyi/ /cho ga mchog bzang 'di mkhyen nas/ /dpa' bos byang chub shing drung du/ /thams cad mkhyen pa mtshan med brnyes/ /gsang sngags sbyor ba mnyam med de/ /shAkya seng ge skyob pa yis/ / bdud sde shin tu mi bzad pa/ /dpung chen dag kyang de yis bcom/ /de bas kun mkhyen thob bya'i phyir/ /bu yis blo gros 'di gyis shig /bshags sogs lan gsum brjod nas ni/ /de nas bla mas byang chub sems/ /ma bskyed pa ni bskyed par bya/ /bskyed pa slar yang dran du gzhug /las kun byed pas bsrungs nas ni/ /snying ga lkog ma spyi bo ru/ /rdo rje pad+ma 'khor lo dag /hUM AH oM las de ru dgod/ /rdo rje spos chu khu tshur mchog /snying ga spyi bo lkog mar gtugs / /de bzhin hUM oM AH brjod bya/ /me tog la sogs rim bzhin sbyin//spyi bor me tog mdun du spos/ /mar me dri yang thugs ka ru/ /kun byed bzlas nas gus pa yis / /slob ma rnams la sbyin par bya/ /a shwad u dum+WA ra yi/ /so shing sor ni bcu gnyis pa/ /ma yo ma gas srog chags med/ /rtse mor me tog bcas pa sbyin/ /shar ram byang du kha bltas bzhag /bcas nas ltos pa med par ni/ /ba ko tsam ni byug par dor/ /zhi la sogs pa'i dngos grub bstan / /'thor 'thung skyor chu lan gsum blud/ /phyi rol du ni nges bzhag ste/ /stan dang sngas phyir ku sha sbyin/ /dpung par skud pas bsrung bar bya/ /skyor chu lan gsum blud pa'i sngags//oM hrIH bi shud+d+ha d+har+m+mA sarba pA pa ni sh+tsa s+ya sho d+ha ya sarba bi kawaM a pa na ya hUM/ 'jig rten du ni kun mkhyen rnams/ /u dum+WA ra'i me tog bzhin/ /brgya lam na ni res 'ga' zhig /'byung 'gyur yang na mi 'byung ngo / /gsang sngags spyod pa'i tshul byung ba/ /de bas kyang ni dkon pa ste//gang gis mnyam med sems can don/ /mya ngan mi 'da' byed par nus/ /bskal pa bye ba du ma ru/ /sdig pa bgyis par gyur pa gang / /de kun dkyil 'khor 'di 'dra ba/ /mthong bas 'byang bar 'gyur lags na/ /grags pa mtha' yas sngags spyod pa'i/ / tshul la gnas pa smos ci 'tshal/ /skyob pa'i gsang sngags bzlas nas ni/ /go 'phang bla na med par 'gyur/ /gang dag spyod pa mchog 'di la/ /blo gros shin tu mi g.yo ba/ /de dag gis ni ngan 'gro'i rgyun/ /sdug bsngal kun 'byung rab tu bcad / /bdag nyid chen po khyed rnams kyis//rnyed pa mnyam med de ring rnyed/ /gang phyir rgyal ba sras bcas pa/ /bdag nyid chen po kun gyis ni/ /bstan pa 'di la khyed rnams kun/ /yongs su bzung ste skye bzhin pa/ /de phyir khyed rnams theg chen la/ /sang ni rab tu skye bar 'gyur/ /theg pa chen po cher 'byung ba'i//lam mchog 'di ni dpal dang ldan/ /khyed rnams de ring dong bas na/ /rab byung skal ba chen po pa/ /'jig rten thams cad mkhyen pa yi/ /de bzhin gshegs pa rnams su 'gyur/ /don bshad bsrung ba byas nas ni/ /ku sha'i stan la nyal du gzhug / rmi lam gang dag ci mthong ba/ /de kun nang par nga la zlos/ /srung dang byin rlabs sogs gang dag /der ni las kun byed pa bzla/ /rigs lnga 'khor lo gsum gyi ni/ /las kun byed pa thabs sbyor yin/ /rmi lam bzang ngan dris nas ni/ /mi dge thabs sbyor dag gis gzhom / / slob ma legs bsrungs skal ldan pa/ /de nas sdom pa 'dzin du gzhug /mi ldog 'khor lo'i dbang bskur ba/ /stsal nas mgon po bdag la ni/ /'khor lo lha yi de nyid dang / /slob dpon gyi ni las rnams dang / /sangs rgyas kun gyi dam tshig dang / /sdom dang gsang ba dam pa dang //sems can kun gyi don gyi phyir/ /rtag tu slob dpon bdag 'gyur gsungs/ /slob ma slob dpon nyid don gnyer/ /sdom pa rnams kyang 'dzin du gzhug /rnal 'byor mnyam gzhag 'khor lo mchog /legs mchog blo yis mkha' la bzhag /rtag pa la sogs dngos 'dra zhing //de mdog sa bon las byung ba/ /ye shes lnga ldan srad bu ni/ /nyi shu rtsa lngar rnam phye ba/ /dzaH las nyi ma zla ba'i mig /'jam pa'i rdo rje bdag gzugs kyis/ /'bar ba'i blta ba'i lcags kyus dgug /rang gi mdog ni nang du gzhug /rnam snang la sogs thugs ye shes//srad bu thams cad byed dang bcas/ /rang gi 'khor lo thig gdab phyir/ /rtag pa'i thig ni stsal du gsol/ /ji srid mi bskyod mthar thug pa/ /'di dag de nyid gsum dang spel/ /a n+yo n+yA nu ga ta sarba d+harmA zhes bya sogs dran bya/ /chur ni 'khor lo'i nyis 'gyur la//sboms su sgo yi nyi shu'i cha/ /mi 'chi bcu phyed dri bzangs kyis / /spangs nas kyang ni bsrung bar bya/ /yig gsum chud par rnal 'byor pas/ /thig 'dzin pa dang bsgril bar bya/ /dz+dza gsum gyis ni de btang zhing / /rang yang dz+dza dz+dza dz+dza zhes zlos/ /khu tshur g.yon pas lte bar ni//bzung ste nub dang lho phyogs gnas/ /blo ldan nam mkha'i thig gdab ste/ /de bzhin 'og tu thig rab gdab/ /oM badzra sa ma ya sU tra mA ti kra ma hUM/ nam mkha' gang ba'i bde gshegs rnams/ /khyod kyi 'gro don mdzad dus lags/ /thig gi sgra yis bskul nas ni//de rnams 'dir ni gshegs su gsol/ /gnod sbyin yi dags dbang po klu/ /phyogs bltas me dang rlung la brten/ /dang po shar dang nub byang lhor/ /phyogs kyi phyi rol srad bu gdab/ /me dang bden bral phyogs gnas te/ /mtshams kyi srad bu 'ang yang dag gdab/ / shar lho nub byang de bzhin du/ /byas pas dkyil 'khor brgyad du 'gyur/ /thig de nyis rim byas nas ni/ /'khor lo'i dbus su bzhag nas su/ /'khor lo'i rnam pa de rgyab tu/ /rdo rje'i srad bu gnyis kyang gdab/ /dbang ldan las ni lcags ri dag /rang dang rjes mthun g.yas nas bskor//mkhas pas thig gis thig btab nas/ /phyogs kun mnyam pa nyid du bya/ /ltas ngan byung na dngos mi 'grub/ /srad bu chad na bla ma 'chi/ /ring thung khyer na na bar 'gyur/ /phyogs 'khrul slob ma myos par 'gyur/ /zur bzhi pa la sgo bzhi pa/ /rta babs bzhis ni rnam par mdzes//thig bzhi dang ni yang dag ldan/ /dar dang me tog phreng bas brgyan/ /grwa yi phyogs rnams thams cad dang / /sgo khyud kyi ni mtshams rnams su/ /rdo rje rin chen sbas par ni/ /dkyil 'khor phyi rim thig gdab bo/ /de yi nang gi 'khor lo ni/ /dkyil 'khor brgyad pa 'dra ba la//phyi yi 'khor lo'i phyed kyi tshad/ /kun nas yongs su zlum por bya/ /ka ba 'khor lo la sogs sbras/ /rdo rje phreng ba bzang pos bskor/ /de nas hI las khro bo yi/ /blta bas sgo ni rnam par dbye/ /sgo ni 'khor lo'i brgyad cha ste/ /kha khyer med pa nyid du 'dod/ / sgo khyud sgo yi tshad yin te/ /lha yi snam bu'ang de yi tshad/ /de phyed kha khyer kun nas bskor/ /logs dang 'gram ni de bzhin te/ /dra ba dra phyed nyi zla dang / /dar sogs snam bu tshad de bzhin/ /tshon gyi sa ni de yi phyed/ /rtsa ba'i thig sa'i phyi rol du'o/ /'khor lo la sogs ka ba'i thig /tshon gyis dngas gzhi mnyam/ /rta babs sgo yi sum 'gyur te/ /ba dan phreng ba rnams dang ldan/ /dril bu mchog ni rlung gis bskyod/ /ba dan phyi yi mtshams su bya/ /gzhan dag 'khor lo'i rjes mthun par/ /ji ltar mdzes par rnam par brtags/ /rdzogs sangs ye shes sku yin phyir//chos sku'i bdag nyid shin tu dag /gsung dbang rdo rje'i rigs su bshad/ /'di ni thugs kyi 'khor lo yin/ /sems can bsam pa la brten nas/ /tshad la sogs pa nges mdzad kyi/ /thabs shes las byung dngos grub la/ /tshad sogs nges pas ci zhig bya//de ni khru gcig nas brtsams te/ /ji srid khru stong bar du'o/ /de ltar 'khor lo de thig gdab/ /tshon la 'bar ba'i blta bas kyang / /snga ma'i rim gyis ye shes sbar/ /yang dag gzi bskyed gsang sngags bzla/ /oM badzra tsi tra sa ma ya hUM/ /'di ni chos dbyings dag pa ste//sems can khams ni grol byed pa/ /'jam dbyangs rgyal po rang nyid ni/ /de bzhin gshegs pa kun gyi gnas/ /nyes pa kun las rab grol ba'o/ /'khor lo'i nang na yang dag gnas/ /bla mas g.yon pa'i khu tshur gyis/ /dbang ldan phyogs nas brtsams nas ni/ / dkar dang ser dang de bzhin dmar/ /ljang gu dang ni nag po nyid/ /mnyam zhing g.yas skor rgyun ma chad/ /ma yo bar ni tshon rtsi dgye/ /sgo yi nyi shu cha ru ni/ /ri mo mnyam par dgye bar bya/ /sbom por bkye bas nad kyis 'debs/ /phra mos nor ni rnam par 'jig /yon pos rnam 'gras chad pa yis/ /bla ma dang ni slob ma 'chi/ /g.yas skor min par bkye ba yis/ /tshon rtsi phur bus btab par 'gyur/ /dkar po rdo rje rtse rang bzhin/ /gnyis pa gser la dmigs pa ste/ /pad+ma rA ga'i rang bzhin te/ /de bzhin gzhan dag margad yin//nag po nang du shes bya ste/ /'di ni tshon gyi rim par bshad/ /dkar po chen po shar phyogs su/ /lho ru ser dang yang dag ldan/ /nub kyi cha ni dmar po ste/ /byang ni ljang dang yang dag ldan/ /dbus kyi sa gzhi'i cha dag ni/ /in+d+ra nI la'i 'od gsal 'bar/ / rtag par shes rab thabs bdag nyid/ /shin tu mnyam gzhag legs par bri/ /ri mo phan tshun nas gang gis/ /ma reg par ni bri bar bya/ /bdud rtsi thab sbyor rdo rje yis/ /gdug pa thams cad rnam par gzhom/ /'di ni rgya chen che bar bshad/ /gdug pa'i dgra ste gsang sngags rgyal//na maH sa man+ta kA ya bA ka tsit+ta badzrA NAM/ na mo badzra krod+hA ya ma hA daMSh+T+rot+ka Ta b+hai ra ba ya/ a si mu sa la par shA pA sha hasta ya/ oM a mr-i ta kuN+Da li/ kha kha khA hi khA hi/ tiSh+Tha tiSh+Tha/ ban+d+ha ban+d+ha/ ha na ha na/ da ha da ha/ gadz+dza gadz+dza/ bi s+pho Ta ya bi s+pho Ta ya/ sarba big+h+nA na bi nA ya kA na ma hA ga Na pa ti dzI bi tAn+ta ka ra ya hUM phaT/de ltar dkyil 'khor kun bris nas/ /zla ba nyi ma'i gdan byas te/ ral gri sngo bsangs dbus bri ba/ /shin tu rnam dag sogs 'od ldan/ /shar du 'khor lo rtsibs brgyad mchog /me long la sogs yang dag 'bar/ /lho ru rin chen sngo bsangs 'od//cha dgu pa mtho mnyam pa nyid/ /nub tu pad+ma 'dab brgyad pa/ /so sor rtog la sogs ldan dmar/ /byang du ral gri dam pa ni/ /bya ba la sogs kyis rab brgyan/ /shar lhor spyan de thabs yin la/ /lho nub rdo rje smon lam ste/ /nub byang kha ni bye ba yi/ pad+ma sdong bu bcas pa stobs/ /byang shar ut+pal ye shes te/ /ser dang sprin sngon lta bur mdzes/ /me la sogs pa'i mtshams bzhi dang / /shar sgo yi ni ngos gnyis su/ /me long de bzhin pi wang dang / /dri yi dung dang bcud len snod/ /gos dang chos 'byung nyid dag ste/ / sbyin dang tshul khrims sogs pas brgyan/ /dad sogs tho ba dbyig pa dang / /pad+ma rdo rje bzhi pa yin/ /rnam gsal kun dar shes byas la/ /rang gi 'khor lo rab gsal bsgom/ /sngar bzhin shes rab yang dag 'dug /sangs rgyas rnams ni rang nang gzhug /sems bzang nam mkha' khyab byas pa'i//'khor lo'i ngos su gnas bya'o/ /de dang lhan cig 'ongs pa'i bgegs/ /de ni kun bskrad mngon par bsrung / /gshin rje'i dgra sogs kyis bkug la/ /bcug ste bcings nas dbang du bya/ /mig dngas ku sogs byin brlabs la/ /mchod yon dbang bskur mngon mchod pa//byas nas bstod de tshim bya zhing / /rnam bsgoms bzlas pas mnyes par bya/ /sngon bzhin pad snod dam par yang / /bdud rtsi ye shes bdud rtsir bya/ /phyogs skyong rang rang sbyor la gnas/ /rab tu mchod de dkyil 'khor 'jug /'jig rten gsum las rgyal gyur pas//gos dang rgyan ni ji snyed dang / /'khor lo bskor ba byas nas ni/ /phyag byas sbyin sreg dag gis mchod/ /kun nas sor bzhi dor bar du/ /kha khyer de'i tshad pad kha bye/ /khru phyed pa dang khru gang pa/ /'khor lo lta bu las kun byed/ /ral gri chu dang dpangs su ni//sor brgyad sor gcig pa yi tshad/ /thab nang 'khor lo rin chen dang / /pad+ma ral gri dbus chud bri/ /phyi rol rdo rje phreng bas bskor/ /sngags pa shar du kha bltas te/ /kun byed bzlas pas kun du bsrung / /mchod yon sogs g.yon de las gzhan/ /yo byad g.yas bzhag bsangs nas ni//'jam pa'i rdo rje'i 'byor bdag ldan/ /'o ma can shing gis sbar ba'i/ /me ni yi ge gsum gyis bsang / /rlung yab g.yabs pas rab sbar la/ /g.yas nas bskor zhing ku sha dgram/ /dang po'i snying byung raM gru gsum/ /pad gnas sa bon raM las byung //ser zhing zhal ser gsum pa la/ /shes rab yan lag rgyas dang ldan/ /spyi blugs mi 'jigs dbyig pa phreng / /phyag na bsnams pa 'dir me bsam/ /sngar bzhin de nyid gsum 'don pas/ /ye shes dam pa'i me spyan drangs / / de la bsang gtor la sogs pa/ /byas nas gdan la bzhugs su gsol/ /dgang gzar blugs gzar yu ba khru/ /'og tu rdo rje rin chen bya/ /de steng dgang gzar rgyar sor bzhi/ /zabs su sor gnyis nang rdo rje/ /sor bzhi'i mthar ni rdo rje ste/ /bar du pad+ma'i 'dab ma'i dbyibs//blugs gzar pad+ma'i dbyibs sor gnyis/ /zabs su sor gcig nang rdo rje/ /dgang gzar blugs gzar khar rang gi /lha yi sa bon rab 'bar bsam/ /de'i khar yi ge raM bkod la/ /de la dgang blugs sbyin par bya/ /me lha 'byor ldan yam shing ste/ / yam shing me la mar dang til/ /ma grugs dUr ba 'bras chan zho/ /ku sha cho ga'i rim pa yin/ /de nyid ye shes dam pa'i me/ /thugs zlar maM skyes bdag po ni/ /'khor lo mchog bsams phyi mchod sogs/ /sngon du 'gro bas sbyin sreg bya/ /oM ag+na ye swA hA/ mar gyi'o//oM sarba pA paM laD+ha da ha na badzra ye sarba pA paM da ha swA hA/ /til gyi'o/ /badzra puSh+Ta ye swA hA/ 'bras ma grugs pa'i'o/ /oM sarba A yu She swA hA/ dUr ba'i'o/ /oM sarba saM pa de swA hA/ zho dang 'bras chan gyi'o/ /oM a pra ti ha ta badzrA ya swA hA/ ku sha'i'o/ /rgyas dang zhi dang dbang dgug bcing //sdang dang bskrad dang mngon spyod la/ /oM swA hA hoH dzaH hUM hUM phaT/ sngags kyi mthar ni bskul ba'ang bya/ /rang bdag snying ga'i sems dpa' yi/ /lha kun tshim pa nyid du bya/ /zla sogs de las gzhan pa'i rdzas/ /snying zla'i 'khor lo'i ljags kyi mchog /bsgoms nas sngon bzhin tshim par bya/ /mthar ni de bzhin dgang blugs dbul/ /bsang dang 'thor 'thung mchod yon dag /phul nas mchod de gshegs su gsol/ /rnal 'byor pa yi rdzas lhag ma/ /me la phul la de bzhin du/ /cho ga snga mas gshegs gsol la//'khor lo mchod de yang dag gzhug /slob ma 'jug pa'i cho ga yis/ /dang por zhugs la rang gi ni/ /dbang bskur bya ba rdzogs byas shing / /rigs bdag rjes gnang thob pa dang / /'dod chags che las byung de nyid/ /'khor lo'ang gzugs brnyan lta bu yi//grong du slob ma 'jug bya'i phyir/ /bden pa 'di ni bsgrag par bya/ /nam mkha' las byung mtshan ldan phyir/ /thog ma tha ma med pa'i mchog /sems dpa' rdo rje che rang bzhin/ /'jam pa'i rdo rjer deng grub mdzod/ /kun mchog dngos grub chen po ste/ /dbang phyug chen po lhag pa'i lha//rdo rje 'dzin pa kun gyi rgyal/ /mi 'gyur mchog tu bdag grub mdzod/ /nyes pa mi mnga' rtag pa'ang khyod/ /'dod chags kun gyi rjes chags pa/ /'dod chags chen po dga' ba che/ /bcom ldan de nyid kyis grub mdzod/ /shin tu dag pa kun gyi mchog /gdod nas grol ba de bzhin gshegs/ /kun du bzang po kun bdag nyid/ /byang chub sems dpar bdag grub mdzod/ /dngos grub chen po kun gyi mchog /dbang phyug chen po rgyal mchog gis/ /grub pa'i rdo rje cher bstod pa/ /rdo rje bsnyems bdag bdag mdzod cig /sems can kun gyi snying khyab cing / /sems can kun gyi snying la bzhugs/ /sems can kun gyi yab gyur nyid/ /'dod mchog dam tshig mchog gyur pa'o/ /bden pa gang gis ye shes mchog /shes rab thabs dag dkyil 'khor yin/ /bden pa de yis mgon bdag la//khyed kyi 'dod pa rab rdzogs mdzod/ /chos rnams gzugs brnyan lta bu ste/ /dag cing gsal la rnyog pa med/ /gzung du med cing brjod du med/ /rgyu dang las las kun du 'byung / /de bzhin nyid las nges par skyes/ /bden pa 'di yis dkyil 'khor du//gzugs brnyan gsal bar slob ma ni/ /kun gyis dri ma med mthong shog /slob ma spyi yi sdom pa dang / /sngon bzhin sku sogs 'od gsal bya/ /kun byed bum pa'i chu yis ni/ /yol ba'i mthar ni bsang gtor bya/ /de nas gos dmar gyis gdong g.yogs / / sdug pa khyod ni su zhes dri/ /de nas sleb mas tshig tu ni/ /bdag ni skal ba bzang zhes brjod/ /sgor ni phreng thogs yang dag mchod/ /de bzhin yon ni phul ba dang / /rnal 'byor sems ni yang dag bskyed/ /snying gar rdo rje snying po bsam/ /sngags la oM sarba yo ga tsit+ta ut+pA da yA mi su ra ta sa ma ya s+t+waM ho sid+d+hi badzra ya thA su khaM/deng khyod de bzhin gshegs pa thams cad kyis byin gyis brlabs kyis/ de bzhin gshegs pa thams cad kyi mchog tu gsang ba 'di khyod kyis dkyil 'khor ma mthong ba rnams la smra bar ma byed cig /dad pa dang mi ldan pa rnams la yang ma yin no zhes brjod par bya'o/ /gshin rje gshed sogs rang sngags ni/ /dam pas dgug dang gzhug par bya/ /yi ge lnga dang de bzhin du/ /brjod de dam tshig 'dzin du gzhug /deng khyod de bzhin gshegs pa thams cad kyi rigs su zhugs kyis/ngas khyod la ye shes gang gis de bzhin gshegs pa thams cad kyi dngos grub kyang thob na/ dngos grub gzhan lta smos kyang ci dgos te/ de lta bu'i rdo rje ye shes bskyed par bya yis/ khyod kyis dkyil 'khor chen po ma mthong ba rnams la ma smra shig /dam tshig nyams par gyur ta re/ de'i snying gar rdo rje bzhag la/ oM rdo rje sems dpa' deng khyod kyi/ /snying la yang dag zhugs par gyur/ /gal te tshul 'di smras na ni/ /de ma thag tu dral nas gshegs/ /pad gnas yi ge gsum gyis sbar/ /mi 'chi ldang 'thung du gzhug /'di ni dam tshig dmyal ba'i chu/ /dam tshig 'das na sreg par byed/ /dam tshig bsrungs na dngos grub ster/ /rdo rje bdud rtsi'i chu 'thung shig /oM badzrad ka Tha Tha Tha/ dam bca' ba brtan par 'di skad ces brjod do/ /deng phyin chad khyod kyi phyag na rdo rje ni nga yin gyis/ ngas 'di byos shig ces bsgo ba gang yin pa de yang bya dgos so//khyod kyis nga la brnyas par ma byed cig /mi bde ba ma spangs par khyod dus byas nas dmyal bar ltung bar gyur ta re zhes smras la/ de nas slob ma la 'di skad du/ de bzhin gshegs pa thams cad kyis byin gyis rlobs la rdo rje sems dpa' bdag la 'bab par gyur cig ces smros shig par bsgo'o//de skad brjod nas de'i snying gar/ /dbang chen dkyil 'khor mtshams su ni/ /rdo rjes mtshan pa kha dog ser/ /laM las byung ba'i hUM bsgom bya/ /baM byung chu ni kha dog dkar/ /bum pas mtshan cing yongs su zlum//yaM las byung ba'i g.yo ba'i rlung / /ba dan dngos mtshan gzhu yi dbyibs/ /de la sku gsung ha a bsgom / /rkang 'og dz+haiM ni rab 'bar ba/ /rlung las raM byung gru gsum par/ /gnas pas sbar la slob ma dbang / /A be sha ya staM b+ha ya ra ra ra ra tsA la ya tsA la ya/ hUM ha a dz+haiM /lce la a ni dmar po zhig /bsams te babs la slar yang bsgo/ /'dod chags rdo rje de gnas pa/ /smros shig rdo rje dge mi dge /babs pa de ni brtan bya ba/ /de la tiSh+Tha badzra brjod/ /me tog phreng ba 'khor lor dor/ /pra tI ts+tsha badzra ho zhes brjod/ /de ni spyi bor bcing bar bya//pra ti gr-ih+Na twa mi maM satwa ma hA ba la/ blangs pa'am ma blangs pa gnyis ni/ /mtshan ma'am mtshan ma nye ba ru / /babs sam dad kyang de'i sbyor ba/ /skal can nyid la sbyin par bya/ /mig tu 'bar bcas oM bsams la/ /rdo rje sems dpa' deng khyod kyi/ /mig 'byed par ni brtson par mdzad//mig ni thams cad 'byed par mdzad/ /rdo rje'i mig ni bla na med/ /de nas 'khor lo bstan par bya/ /'khor lo'i bdag po nas brtsams te/ /bdud rtsi thab sbyor bar du'o/ /badzra a b+hi Shiny+tsa zhes/ /brjod de spyi bor chus dbang bskur/ /sngon bzhin cod pan gyis rang bdag /lha yi dbang bskur sbyin par bya/ /snying gar rdo rje de 'dzin la / /rdo rje yis kyang dbang bskur bya/ /sangs rgyas kun gyi rdo rje'i dbang / /de ring khyod ni bskur bar 'gyur / /sangs rgyas kun du rab grub pa'i/ /rdo rje 'di ni khyod kyis long / /rdo rje dril bus 'khyud nas ni//rang gi bdag pos dbang bskur sbyin/ /oM badzra a d+hi pa ti twaM a b+hi Shiny+tsA mi tiSh+Tha badzra sa ma ya s+t+waM/ spyi bor ming gi ste/ oM badzra satwa s+t+waM a b+hi Shi ny+tsA mi badzra nA ma a b+hi She ka ta/ kye che ge mo rdo rje/ /rang gi dngos po gang gang snang / /gtso cher der ni 'jam rgyal rang //chos rnams rang bzhin gyis dag pas/ /sangs rgyas ye shes gang yin der / /rang nyid 'khor los sgyur nyid pas/ /mtshan gyi thog mar dpal gyi sgra/ /kun la'ang bdag po thams cad las/ /kye dang rdo rje mtha' mar sbyar/ /chu khams dag pa mi bskyod pa//cod pan mnyam pa'i bdag nyid can/ /rdo rje so sor rtog mchog bdag /bdag po bya sgrub don stsol ba/ /ye shes rigs yin 'dir rdo rje/ /rgyu dang rigs kyi dbang byas pa/ /brtul zhugs lung bstan dbugs 'byin pa/ /rigs dbang bskur la'ang 'di ming yin//'di de sangs rgyas thams cad de/ /rdo rje sems dpa'i lag na gnas/ /khyod kyis kyang ni rtag tu bcang / /rdo rje sems dpa'i brtul zhugs brtan/ oM sarba ta thA ga ta sid+d+hi badzra sa ma ya tiSh+Tha e Sha twaM d+ha ra yA mi hi hi hi hi hUM/ rdo rje brtul zhugs kun byin nas//rdo rje de nyid kyis 'dzin gzhug /thog mtha' med pa'i sems dpa' ni/ /rdo rje sems dpa' dga' ba che/ /kun du bzang po kun bdag nyid/ /rdo rje bsnyems tshul bdag po'i bdag /dril bu de nyid kyis bzung ba / /chos kyi sgra yis dkrol du gzhug /'di de sangs rgyas thams cad kyi//shes rab sgra yi rjes 'gror bshad/ /khyod kyis kyang ni rtag tu bcang / /byang chub mchog tu rgyal bas bzhed/ /de chos kyis dkrol du gzhug ste/ /srid pa ngo bo nyid kyis dag /ngo bo nyid kyis 'gal srid byas/ /rang bzhin gyis dag sems dpa' mchog / srid pa mchog tu byed par 'gyur/ /bsnyen sogs snying por bshad pa yis/ /phyag rgya chen por byin brlabs la/ /gzugs sogs 'dod pa'i dam tshig gis/ /gsang sngags ma tshang med par bzla/ /rang gi rig pa'i ngo bo de/ /phyogs bcur dus gsum bzhugs pa de//rang gi lha yi sbyor ba yi/ /bdag dang gzhan la mchod par bya/ /dka' thub sdom pa mi zad pa/ /bsten na mi snang mngon shes dang / /mkha' la rgyu dang lus ngag yid/ /las byung dngos grub 'grub mi 'gyur/ /de bas sangs rgyas sems dpa' mchog /sngags kyi spyod mchog spyod pa rnams//'dod pa thams cad bsten pa yis/ /chos kyi yi ge mchog brnyes so/ /bad dang sdug bsngal de bdag min/ /'dod pa'i yon tan lnga rnams bsten/ /ye shes don gnyer 'dod chags can/ /sbyor bas bsgrubs na myur du 'grub/ /sku gsung thugs ni yang dag 'grub//gang gzhan sman par bshad pa ni/ /sngags kyi bzlas pas 'grub 'gyur ba/ /sku gsung thugs ni bsgoms pas so/ /de nyid kyis ni rdo rje gzung / /chos kyi dril bu dkrol bar bya/ /dam tshig gi ni phyag rgya cher/ /byin gyis brlabs nas snying po bzla//zhes gang bshad pa de yi phyir/ /de skad ces bshad pa yin no/ /slob ma sdom pa gzung ba dang / /de bzhin yon ni phul ba yis/ /dbang bskur phyir ni gsol 'debs shing / /tshigs bcad 'dis kyang phyag bya'o/ /byang chub rdo rje sems sangs rgyas kyis/ /mchod chen ji ltar gsol ba bzhin//bdag kyang rab tu bskyab pa'i phyir/ /nam mkha'i rdo rje bdag la stsol/ /'jug sgor pad+ma 'dab brgyad par/ /rang lha'i sbyor bas khri la gnas/ /dus gsum phyogs kun nam mkha' khyab/ /sangs rgyas 'khor lo rang snying byung / /rol mo dril sogs ldan zhes//snga ma bzhin du rig dbang bskur/ /rdo rje chen po'i dbang bskur ba/ /tshigs bcad 'dis ni dbang bskur ro/ /rdo rje chen po'i dbang bskur ba/ /khams gsum gyis ni phyag byas pa/ /gsang ba gsum gyi gnas las byung / /sangs rgyas kun gyis sbyin par bya/ /mi ldog dbang bskur byin nas ni//'khor lo de nyid sbyin par bya/ /mi mnyam med pa zur bzhi pa/ /sangs rgyas sangs rgyas mi mnyam nyid/ /lus tshor sems dang chos rnams kyis/ /gcig dang sna tshogs sbyor bral nyid/ /de dran de la dad pa gang / /shar sgor byang chub phyir 'dod do/ /de nas byung dang 'byung 'gyur ba'i//phyin ci log spang ma skyes bya/ /ma skyes skyes pa'i yang dag kyang / /bskyed pa dang ni gnas bya ba/ /brtson 'grus rnam bzhi lho yi sgo/ /mdun dang spro dang gnas dang blo/ /rdzu 'phrul rkang dang dran pa 'dir/ /nub kyi sgo ni yin par bshad/ /dad dang brtson 'grus dran bsam gtan//shes rab dbang stobs mnyam med de/ /ting nge 'dzin yang byang de ltar/ /dran nas dbang po sgo bzhi yin/ /dang po la sogs bsam gtan bzhi/ /rta babs bzhir ni byung ba yin/ /dpa' bar 'gro dang mkha' mdzod sogs/ ting 'dzin kha khyer yin par bshad/ /lag na mchod thogs g.yen spyo rnams/ /tshig la sogs pa'i gzungs sogs yin/ /gang phyir sna tshogs rgyan ldan pa/ /bsam pa thams cad rdzogs byed pa'o/ /gdul bya bskyod pa'i dam pa'i chos/ /yan lag dgu sgra kun du sgrogs/ / ba dan sna tshogs rlung gis bskyod/ /rtse mor dril btags sgra sgrogs yin/ /ye shes me long byang yan lag /phyogs kun du ni 'od rab gsal/ /dra ba dra phyed nyi zla dang / /rnga yab me long me tog phreng / /'khor lo rin chen sogs ka ba/ /rnam thar brgyad kyis sbyangs pa yin/ / de yi nang gi 'khor lo de/ /dkyil 'khor brgyad pa lta bu yin/ /phyogs kun dus gsum rdzogs sangs rgyas/ /rdo rje theg pa rab ston pas/ /kun nas yongs su zlum por ni/ /rdo rje thig gis bskor ba yin/ /ye shes kyis 'gro la zhen pas/ /tshon ni rdzogs sangs rgyas lnga yin//dbang po don sogs rnam dag pa/ /rang gi mtshan nyid dben pa nyid/ /shes rab ye shes bdud rtsi ni/ /rdo rje can gsol bum pa'ang de/ /tshogs rdzogs pa yi rgyu mthun pa/ thugs rjes brlan zhing bum pa gang / /dkyil 'khor gang du me tog spos/ /mar me che dang drir bshad pa//byang chub yan lag yid rab tshim/ /chos kyi snang ba grags bsdus yin/ /chos kyi zas ni lha bshos yin/ /ngo tsha khrel yod pa yi gos/ /glu snyan gar dang rol mo rnams/ /bde ba chen po rnams 'phel ba'o/ /grong khyer thar pa'i grong khyer pas/ / dkyil 'khor snying po bsdus pa yin/ /'khor lo'i de nyid legs bstan nas/ /lha yi de nyid bstan par bya/ /dad dang brtson 'grus dran bsam gtan/ /rnam dag sgo srung mchog gi gzugs/ /sku sogs rnal 'byor 'dzin pa'i sems/ /shes rab dag pas rab dri med/ / sbyin sogs drug pos phyi rol dag /gzugs rdo rje sogs rang bzhin can/ /sa thabs la sogs mtshan med phyir/ /spyan la sogs pa'i ngo bo nyid/ /don dang sems can bdag kun rtog /'jug pa'i shes pa rnam dag pa/ /me long la sogs ye shes ni/ /sangs rgyas kun gyi ngo bo yin//ma skyes ye shes sbyor ba yis/ /'khor lo'i gtso bo lta bur snang / /gzugs sogs 'khrul pa legs dag pa/ /phung po skye mched khams rnams so/ /ser sna la sogs gnas gyur pa/ /mchog dang sar ni shin tu bstan/ /rang gi rnam rtog gnas gyur pa//stobs sogs tshang zhing dri ma med/ /rnam par mi rtog zab pa dang / /rgya che ba ni rang gzhan 'byung / /zab dang rgya chen 'di dag nyid/ /shes rab thabs bdag nyid gang ste/ /so sor rang rig chos yin phyir/ /dbye yod dbye med sogs mi gnas/ /de ltar spros par gyur pa ni//pha rol phyin sogs 'bras bur snang / /de nas rnal 'byor dam tshig mchog /gzugs dang lang tsho yon tan ldan/ /sbyor byas slob dpon de 'dug la/ /ye shes dbab pa rab tu brtag /rdo rje chu skyes kha phye la/ /sangs rgyas rang snang gzhug par bya/ /pad+ma la gnas brtan byas te//rigs bdag snang ba thob pa dang / /rdo rje'i bdag nyid rang ming brjod/ /'khor lo'i sbyor bas spro bar bya/ /rdo rje chu skyes sgras sangs rgyas/ /spyan drangs 'khor lo'i phyogs logs su/ /bgegs rnams bsams la yang dag bsrung / /mchod yon phul la rab tu'ang mchod//yang dag bstod de sgo bas sgor/ /las rnams byas nas bsgrub par bya/ /mig dang sku sogs byin brlabs la/ /dbang bskur mchod pa la sogs brtag /dngos grub kun phyir sems can don/ /mdzod cig ces ni gsol ba gdab/ /'khor lo yang dag bris nas ni//dang po rab gnas cho ga 'di/ /sku gzugs glegs bam la sogs la/ /skyes bu'i mthar thug pas dbang bskur/ /bum pa mchod yon bla re sogs/ /bsrungs nas sbyin sreg sogs bshad gang / /yi ge sngags gsum sngags mchog gam/ / sngar btus pa yi sngags kyis bya/ /phyi yi khrus ni byas bdag /'khor los sgyur 'dra de rang nyid/ /shes rab thabs kyi bdag nyid gang / /bdag nyid mchog ni de nyid yin/ /rgyu mthun chu dang phreng ba ste/ /rnam smin rdo rje'i bdag por bshad/ /skyes 'bras rdzogs sangs rgyas dbang bskur//dbang 'bras gsang ba'i sbyor ba nyid/ /de nas gzugs sogs yon tan ldan/ /'khor lo'i rnal 'byor shin tu goms/ /dam tshig sdom la gnas pa nyid/ /'khor lo'i phyag rgya'ang byin gyis brlab/ /thub pa'i dbang tshogs rdo rje'i mthar//yang dag dbab ste bde mchog ste/ /thu po tha ma min par bsdam/ /snod gyur sgor ni nges par dbab/ /brtan pa'i blo ldan snod kyis kun/ /rnam snang bdag nyid can 'thungs la/ /sna tshogs bzhin te sna tshogs gyur/ /kye ma shin tu bden tshig brjod//shes rab yan lag 'dus dpal ldan/ /de nyid nye bar shes par bya/ /gzungs 'di shin tu yid 'ong ste/ /bsten byar sangs rgyas rnams kyis brtags/ /'khor lo'i rim gyis rab sbyor bas/ /bde ba dam pa yang dag spyod/ /rdo rje'i skyil krung nyid dang sems/ / nor ldan khongs su gtogs par bsam/ /dkyil 'khor lha yi de nyid dang / /slob dpon gyi ni las rnams dag /rab gsang shes rab mchog gi ni/ /dbang bskur de nyid yang dag bshad/ /dbang bskur 'di ni ji lta bar/ /byang chub spyod gzhan de bzhin du/ / dge ba'i tshul ni gzhan gsungs pa/ /sangs rgyas kun sogs 'thob mi 'gyur/ /dam tshig dang ni bsrung ba dang / /rtag tu sdom pa bskyang bar bya/ /bcu phyed sgron ma mi 'chi spyad/ /dam tshig gzhan yang bsrung ba ni/ /dkon mchog gnod gzhom bud med kun/ /mchog myang log pa'i ngag ma yin//'di dag cho ga bzhin bsrung ba/ /rnal 'byor rgyud du gang bshad pa'o/ /de nas de bzhin gshegs gyur la/ /gzengs bstod 'di dang lung bstan te/ /g.yon pa snying gar khu tshur dang / /chos gos 'dzin tshul g.yas mchog sbyin/ /oM da yis 'di ltar lung bstan te//rdo rje sems dpa' de bzhin gshegs/ /srid pa'i mtha' ni grub pa'i phyir/ /srid pa'i ngan 'gro nyid las bton / /kye de bzhin gshegs pa rdo rje che ge mo zhes bya ba sid+d+hi b+hur b+hu ba swaH/ /'di yis dbang bskur gyur pa yi/ /sngags pa 'gro ba kun gyi bdag /bla na med pa'i byang chub tu/ /bde gshegs kyis kyang lung bstan mdzad/ /ngo bo nyid kyi sems can rnams/ /ji lta ji ltar 'dul 'gyur ba/ /de lta de ltar chags la sogs/ /gtsang bas sems can don bya'o/ /nyin re bzhin du thun bzhi ru/ / ting 'dzin gsum gyi sbyor ldan par/ /gyur pas thun mong cig shos kyi/ /dngos grub thob pa bsgrub par bya/ /mi snang ba ni stong yin te/ /mngon shes ldan pa nyis stong yin/ /rig pa 'dzin pa sum stong gis/ / rdo rje can ni 'gro kun bdag /zhi dang rgyas sogs las gang dang //de las gzhan pa ci 'dod pa/ /'khor lo rjes mnyes sbyor ba yis/ /bsgrubs na myur du 'grub par 'gyur/ /da yang / rdo rje bdag po thams cad ni/ /'dod chags de nyid don sems pa/ /sems can kun la phan bzhed pa/ /'dod chags las byung byang chub byed//de bas byang chub 'dod chags pas/ /lus ngag yid kyi spyod pa rnams/ /thams cad byang chub par 'dod pas/ /cho ga bzhin du las rnams bya/ /zhes gsungs pa yin no/ /de nas dbugs dbyung ba dpal mchog dang po las byung ba/ / ji bzhin bzhugs pa'i slob ma dang //phan don gnyer ba rnams la yang / /gang phyir dbugs 'byin dam tshig gsum/ /cho ga bzhin du sbyin par bya/ /mchog gsang dkyil 'khor dam pa 'di/ /mthong ba dang ni zhugs gyur pas/ /sdig pa kun las nges grol bar/ /khyed rnams de nyid legs par gnas/ / bde chen theg pa 'di las ni/ /slar khyod 'chi ba yod min te/ /mi tshugs pa dang mi gsod pas/ /cis kyang mi tshugs dga' bar gyis/ /srid pa shin tu dag pa'i phyir/ /srid pa'i sdug bsngal las khyod 'das/ /srid pa shin tu grub pa'i phyir/ /ston pa'i mchog tu gyur pa yin//dam tshig sdom pa grub pa 'di/ /rtag tu khyod kyis bsrung bar bya/ /sangs rgyas kun gyis mthun par gsungs/ /dam pa rtag pa'i bka' yin no/ /gang zhig bskyed pa tsam gyis ni/ /sangs rgyas nyid du dogs med pa'i/ /byang chub sems ni gtang mi bya//phyag rgya rdo rje gang yin pa'o/ /dam pa'i chos ni mi spang zhing / /nam yang dor bar mi bya'o/ /mi shes pa'am rmongs pa yis/ /tshul chen bstan par mi bya'o/ /bdag nyid yongs su spangs nas su/ /dka' thub kyis ni ma gdungs shing / /ci bde bar ni bde bar gzung //'di ni ma byon rdzogs sangs rgyas/ /rdo rje dril bu'i phyag rgya rnams/ /nam yang yongs su mi 'dor zhing / /slob dpon spang bar mi bya ste/ /'di ni sangs rgyas kun dang 'dra/ /sangs rgyas tshul mtshungs bla ma yis/ /slob dpon la ni gang smod pa/ /des ni sangs rgyas kun smad pas//rtag tu sdug bsngal 'thob 'gyur te/ /rims dang dug dang dbyig dug dang / /mkha' 'gro rnams kyis gtses pa dang / /gdon dang log 'dren gtum po yis/ /bsad nas sems can dmyal bar 'gyur/ /de bas nan tan thams cad kyis/ / rdo rje slob dpon blo gros che/ /dge ba rab tu mi spyoms pa/ /nam yang smad par mi bya'o/ /bla ma la ni gus bcas yon/ /rjes mthun khyod kyis sbyin par bya/ /des ni rims sogs gnod pa rnams/ /phyir zhing 'byung bar mi 'gyur ro/ /rtag tu rang gi dam tshig bsrung / /rtag tu de bzhin gshegs pa mchod//rtag tu bla ma la yang dbul/ /'di ni sangs rgyas kun dang mnyam/ /de byin sangs rgyas thams cad la/ /rtag tu byin pa nyid du 'gyur/ /de byin bsod nams tshogs yin te/ /tshogs las dngos grub mchog tu gyur / /gang phyir 'dir ni legs gnas pas//deng khyod skye ba 'bras bur bcas/ /dam tshig lha rnams kun mnyam par/ /deng khyod gyur par the tshom med/ /sangs rgyas rdo rje 'dzin bcas pa / /kun gyis deng khyod dbang bskur bas/ /khams gsum gyi ni rgyal po che/ /rgyal po'i bdag por bstan pa yis / / deng ni bdud las rnam rgyal te/ /rgyal po'i bdag por bstan pa yin/ / grong khyer mchog tu rab tu zhugs/ /khyed rnams kyis ni sangs rgyas nyid/ /deng nyid thob par the tshom med/ /de ltar yid ni rab dang rdo rje nyid du gyis/ /rang gi dam tshig mi zad bde bskyed bsten par gyis/ / der ni 'gro la myur bde rdo rje sems dpa' dang / /rab tu mnyam zhing rtag pa nyid du rtogs par 'gyur/ /slob ma rab dang mnyes gshin pas/ /bla ma'i zhabs la phyag byas te/ /gtso bos ji skad bka' stsal pa'i/ /gsung ni de bzhin bdag bgyid do/ /gal te 'byor na de rnams kyis //mthe bo g.yas pa lag g.yon gyis/ /legs par bzung ste re re nas/ /zhi ba cho ga bzhin du bya/ /de nas rgyal po'am sa bdag phyir/ /sbyin blugs gsum mam bdun gcig bya'o/ /phyogs skyong bdag nyid zhi bya'i phyir/ /sreg blugs phul la yon blang ngo / / nyan pa la sogs re re zhing / /sems can kun gyi don bya'o/ /sa gzhi rgyal srid gser la sogs/ /yang na rang grub phyir grogs nyid/ /gang de btang nas legs blangs pa'i/ /yon phul bas ni mgu bar bya/ /kha zas dang ni spyod kun gyis/ /rang gzhan 'khor lo mchod par bya//legs bzung snod gyur slob ma mchog /sna tshogs che mchog rnams kyis ni/ /tshim byas mu yi mtha' can gyi/ /yi ge gsum gyis yang dag bsdu/ /a kA ro sogs sngags kyis ni/ /dkyil 'khor dam pa dbyi bar bya/ /slong la tshon rtsi cung zad sbyin/ /tshon rnams chu bo chen por dor//khung bu 'gengs dang rab gnas dang / /sbyin sreg dkyil 'khor nor gang yin/ /de kun slob dpon nyid dbang zhes/ /rdo rje mchog ni 'dzin pas gsungs / /de ltar dang po'i las can gyis / /dkyil 'khor cho ga gsal bar bshad/ /ye shes dbab pa legs thob pa//sems dpa' dbab pa nyid bshad de/ /lo bcu gnyis lon byis pa dang / /bu mo dbab byas yang dag mchod/ /de nyid kyis bris 'khor lo gang / /thugs la mi bskyod mA ma kI/ /dbab yin par ni yang dag bshad/ /gsung la dpag med gos dkar mo//sku la rnam snang mdzad dang spyan/ /thugs gsung sku ni legs dbab pas/ /bris pa 'di ni rmad byung yin/ /thugs babs pas ni yongs shes pa/ /gsung babs gsang sngags smra ba'o/ /sku yi babs pas mkha' la gnas/ /dbab dang g.yo ba'i cho ga 'di'o//slob dpon slob ma dbang bskur 'dir/ /snga ma'i tshul ni nyid kyis gnas/ /ye shes dbang thob pa yi sems/ /nyid kyis 'khor lo gsum po bya/ /byin brlabs des ni 'khor lo de/ /gang phyir rang bzhin dag la snang / /'dir ni 'jug dang rjes gnang bas//rmi lam gsal ba bzhin du snang / /gang phyir sems kyi tshul bstan pas/ /de ni mchog tu shes par bya/ /rnal 'byor pa gsum char gyis kyang / /gsung sku'i gsang ba dag bya'i phyir/ /gsung sku'i 'khor lo'i cho ga ni/ /sngon bzhin gnas der mi bskyod mtshan//ye shes las dang po cung zad/ /thob dang yang dag 'thob pas kyang / /yid kyi cho ga kun bya ste/ /de med par ni 'grub mi 'gyur/ /rdo rje slob dpon slob ma mchog /rgyu mthun la sogs dga' ba'i bdag /yid bshad cho ga mchog yin gyis/ /tshig tsam gyis 'dir ci zhig 'gyur//'jug pa tsam gyis 'tshang mi rgya/ /thos tsam gyis kyang mi 'gyur ro/ /ji srid bsams par gyur pa dang / /bsgoms pa nyid kyis 'gag par 'gyur/ /ji skad du/ gsang sngags smra rnams mang du ni/ /spros te smras pas ci zhig bya/ /khyad par du ni sems bsgrubs te//sems las rdzogs pa'i byang chub 'byung / /zhes gsungs pa dang / ji skad du/ byang chub sems kyi 'bras bu gang / /de ni sangs rgyas ye shes mchog /rdo rje sems dpa'i rang bzhin de/ /chos dang longs spyod sprul pa yin/ /zhes gsungs pa yin no//tha ma rnam rtog ma gtogs par/ /srid sogs sdug bsngal gzhan med de/ /de ltar 'di ni sngon 'ga' 'di/ /shes rab thabs kyi bdag nyid yid/ /dus chos phyogs kun khyab pa yis/ /ma chags 'khor lor snang ba na/ /rtog ste snang bar mi 'gyur na/ /lags par goms pas de ldog 'gyur//'di ni gang gi lan 'ga' yang / /mi mthun gyur te rtag pa yin/ /gang gi rgyun ni goms gyur las/ /de ni shin tu ldog par 'gyur/ /gzhan dag tha mal gzhom pa ni/ /'khor lo mchog la de yod de/ /chos kun bdag nyid 'khor lo mchog /'gro ba yongs dag mngon gyur las/ /mngon sum rgyu las byang chub 'byung / /bskal par rtog 'di 'bras bu med/ /rim gyis sbyin sogs blang bya dang / /khrims sogs ma chags las zab yin/ /tha mal ma spangs rgya chen min / /dus kyi tshad kyis 'dir byang chub//rang gi yul du bdag nyid can/ /mkhas pas tha mal pa ru bshad/ /'gro ba rdzogs byang 'khor lo'i bdag /skad cig gis 'dir byang chub snod/ /sbyin bya la sogs mi dmigs kyang / /sbyin sogs tha mal bdag nyid can/ /bdag med tha mal mi 'joms kyi//'khor lo mchog la de yod min/ /de bas kun rtog rnam bsal cing / /kun nas 'od zer rnam 'phro bar/ /bdag nyid kun du bzang por ni/ /bsgoms pa nyid kyis byang chub 'thob/ /de bas 'khor lo gsum bstan pa/ /chos dang longs spyod sprul pa'o/ / thugs dang gsung dang sku'i gsang ba/ /sku gsum rim pa dag pa nyid/ /ye shes lnga dang sku gsum ni/ /'khor lo'i sbyor bdag nyid kyis 'grub/ /rnam pa thams cad mkhyen grub na/ /mi 'grub de las gzhan ci yod/ /gang phyir byang chub pha rol phyin/ /gzungs dang sa rnams grub pa dag /bde chen rnal 'byor 'di las ni/ /rang nyid rjes su grub par 'gyur/ /de ltar rtogs pa'i dpal ldan de/ /'phags chos mchog kun bsdus pa yin/ /phra rab kun na'ang 'khor gsum mchog /rang gi yid ni su mi bsgom/ /dam chos ro mchog myong gyur dang //thos pa mang po gnas byas pas/ /skyes mchog tshad mar 'di 'gyur phyir/ /rang sems kyis 'dir nan gyis byas/ /bla ma dam pa'i gzhung bzung ba/ /dad pa yis ni gsal bar byas/ /dad sogs nor ni bsten bya yin/ /bsten 'os skal ldan smad bya min/ /bdag las dman pa'am mtshungs don yod//sems can dam pas legs bshad ni/ /byis pa las kyang blang bya yin/ /de ltar rang sems nyid kyis brtags/ /rim pas brgyud cing yang dag rdzogs/ /'khor lo bris pa'i dge ba gang / /'dis 'gro 'jam dpal rdo rjer shog /bdag kyang rgyal ba nyid gyur cig /sdeb sbyor byas pa'i tshigs bcad ni/ /bzhi brgya lnga bcu pa nyid du/ /rab byed 'jig rten legs dran phyir/ /dkyil 'khor cho ga 'di byas so/ /dpal gsang ba 'dus pa'i dkyil 'khor gyi cho ga/ /slob dpon mar me mdzad bzang po'i zhal snga nas mdzad pa rdzogs so/