CLOSE WINDOW

D1864
བོད་ཡིག

/phyis dur khrod kyi me la gdung bar bya ste khros pas nges par 'grub bo/ /rgya che ba'i dzaM b+ha la'i sgrub thabs rdzogs so// //chu sbyin dbang po'i sgrub thabs 'di gsum dbang ma thob pa la sbyin du mi btub po//[ ]@##/ stang stabs kyi bkod pa bzhugs so/ / @##/ /bgegs rnams ma lus skrag mdzad pa/ /dpal ldan rdo rje hUM mdzad la/ /kun nas dang bas phyag 'tshal te/ /stang stabs rim pa bshad par bya/ /g.yon brkyang dpe dang mthun pa'i stabs/ /sa ga'i 'dug stangs g.yas brkyang dang / /zlum por gnas dang rkang pa gcig /rus sbal rkang stabs bdun par bshad/ /gang yang gshol dbyibs lta bur ni/ /g.yon pa'i brla dang pus mo gnyis/ /g.yas pa'i byin pa brlar bcar te/ /thad kar 'jog par byed pa dang / /rgyar ni rkang mthil lngar bcas pa/ /g.yon brkyang ba ni rab tu grags//rkang mtheb dang ni rting pa dang / /mnyam por shin tu bcer ba ni/ /bstan pa mthun pa'i rkang stabs su/ /de nyid shes pa rnams kyis bshad/ /rkang pa'i sor mo phyir bstan cing / /pus mo'i lha nga gnyis brkyang ste/ /rgyar ni nyi shu rtsa drug sor/ /sa ga'i 'dug stangs yin par brjod//g.yon las yongs su bzlog pa ni/ /g.yas brkyang bar ni shes par bya/ /gang du pus mo gnyis 'jog pa'i/ /gnas su lag gnyis 'jog pa ni/ /ngang pa'i gshog pa ltar byas pa/ /zlum po'i 'dug stangs yin par 'dod/ /g.yas pa'i brlar ni g.yon pa gzugs//de ni rkang pa gcig ces bya/ /g.yas pas g.yon pa'i sor mo mnan/ /rus sbal rkang stabs yin par bshad/ /dang po bcu yin gnyis pa lnga/ /gsum pa drug ste bzhi pa dgu/ /lnga pa de bzhin drug pa gnyis/ /bdun pa la ni gcig dang sbyar//de dag kyang gang zhe na/ seng ge'i stang stabs dang / seng ge'i glal ba dang / rdo rje sgrog dang / rdo rje tho ba dang / bud med kyi sgyu 'phrul dang / rdo rje dral ba dang / rdo rje mche ba dang / ral gri'i thabs dang / lcags kyu'i thabs dang / mdung thung gi thabs dang / thag mdung 'phen thabs dang / rdo rje'i stang stabs dang / rdo rje gsor ba dang / rdo rje ro langs dang / gtun shing gi thabs dang / ba dan gyi thabs dang / rdo rje 'gugs byed dang / rdo rje 'jo tshul dang / mi 'jigs pa'i tshul dang / 'bras bu'i thabs dang /mchog sbyin pa'i thabs dang / phyag 'tshal ba'i tshul dang / rdo rje 'phen pa dang / rdo rje 'jigs su rung ba dang / rdo rje stobs po ches 'degs pa dang / rdo rje gad mo dang / rdo rje'i thabs dang / zhags pa'i thabs dang / be con gyi thabs dang / mtshon rtse gcig pa'i thabs dang /mdung bu'i thabs dang / rdo rje'i gar dang / sgo bzhi byin gyis brlabs pa dang / rdo rje gdu bu dang / rdo rje 'khyil pa dang / rdo rje'i sgra dang / 'khor lo'i thabs dang / pad+ma'i tshul dang / gzhu'i thabs dang / mda' gzung ba'i thabs dang / mda' 'phang ba'i thabs dang /rkang pa ya gcig gi stang stabs dang / bung ba'i 'phur stangs dang / rdo rje 'degs pa la sogs pa de dag go/ /de dag gi thabs bshad par bya ste/ rang nyid kha 'og tu bltas te gdangs la lag pa gnyis kyi mkhrig ma mdud de kha'i drung du bzhag pa ni seng ge'i stang stabs so//de nyid las thams cad du blta bas lce 'gul ba dang bcas pa ni seng ge'i glal pa'o/ /rdo rje sgrog ni rang gi snying gar rdo rje bcing bar byad pa ste/ rdo rje khu tshur gnyis bsdams la/ /mdzub mo bkug ste bcings nas su/ /bskor ba'i tshul du bya ba ni/ /lha rnams dgug pa'i dam pa'o//zhes bshad pa'o/ /g.yon pa'i rdo rje khu tshur gyis phur bu bzung ste bgags kyi steng du bzhag la/ g.yas pa'i rdo rje khu tshur gyis rdo rje tho ba bzung nas brdung ba ni rdo rje tho ba'o/ /gar dang bcas pa'i rdo rje sgeg mo'i phyag rgya bcings la/ mgo bo g.yon du cung zad 'dud par byas pa ni bud med kyi sgyu 'phrul lo//snying gar rdo rje bsdams pa 'byed pa ni rdo rje dral ba'o/ /rdo rje khu tshur gyi mthe'u chung gnyis bsgreng ste bzlog la kha'i 'gram du mche ba'i tshul du bzhag pa ni rdo rje mche ba'o/ /g.yon pa'i khu tshur gyi shubs nas drangs te g.yas pa'i khu tshur gyis dpung mgor ral gri 'dzin pa'i tshul du bzhag pa ni ral gri'i thabs so//g.yon pa'i mdzub mo dang g.yas pa'i mthe'u chung mdud par byas te g.yas pa'i mdzub mo lcags kyu ltar byas pas 'gugs pa ni lcags kyu'i thabs so/ /rdo rje khu tshur gnyis kyis g.yon du 'debs pa ltar byed pa ni mdung thung gi thabs so//lag pa g.yon dkur brten pa la g.yas pa'i khu tshur gyis thag mdung bskor ba'i tshul du lan gsum du bskor nas 'phen pa ni thag mdung 'phen pa'i thabs so/ /rdo rje bsnun pa'i tshul ni rdo rje'i stang stabs so/ /lag pa gnyis kyis rdo rje 'og tu lan gsum gsor la/de bzhin du steng du yang lan gsum gsor bar byed pa ni rdo rje gsor ba'o/ /lag pa gnyis kyis ro la bzung nas za ba'i tshul du byed cing yongs su blta ba ni rdo rje ro langs so/ /rdo rje bsdams pas bzung ba'i gtun shing gis bgegs rnams rdung ba ltar byed pa ni gtun shing gi thabs so//g.yon pa'i rdo rje khu tshur snying gar bstan par byas la g.yas pa'i rdo rje khu tshur las gung mo brkyang ba'i tshigs dang por mdzub mo bkug nas dpung mgor bzhag pa ni ba dan gyi thabs so/ /g.yon pa dkur brten la g.yas pas snying ga nas 'gugs pa'i tshul du byed pa'i snying ga de nyid du rdo rje sems dpa' ltar 'jog pa ni rdo rje 'gugs byed do//snying ga'i mdun du 'gying bag dang bcas pas lag pa yongs su bskor ba ni rdo rje 'jo tshul lo/ /g.yon pa dkur brtan la g.yas pa mi 'jigs pa'i tshul du byed pa ni mi 'jigs pa'i tshul lo//g.yon pa de nyid du bzhag pa la g.yas pa'i lag mthil du 'bras bu bzhag pa'i tshul du byas te mdun du drang ba ltar byed pa ni 'bras bu'i thabs so/ /de nyid las g.yas pa mchog sbyin pa'i tshul du byed pa ni mchog sbyin pa'i thabs so/ /thal mo sbyar ba bstod pa'i tshul du snying gar bzhag pa ni phyag 'tshal ba'i tshul lo//g.yon pa dkur brten la g.yas pa rdo rje rtse gsum pa 'phen pa'i tshul du byed pa ni rdo rje 'phen pa'o/ /kha'i steng 'og tu lag pa gnyis bkan te de nyid dang 'jigs su rung ba ltar byed pa ni rdo rje 'jigs su rung ba'o//snying gar lag pa g.yon pa rdo rje rtse gsum ltar byas la g.yas pa'i rdo rje khu tshur dbyig pa ltar 'debs pas rtse gsum par byas te 'jog pa ni rdo rje stobs po ches 'degs pa'o/ /rdo rje khu tshur gnyis bkan te khar bzhag la ha ha zhes dgod pa'i tshul gyis yi ge ha ha bzhi brjod pa ni rdo rje gad mo'o//g.yon pa khro bo'i khu tshur las mdzub mo snying gar bsgrengs la g.yas pa ba dan gsum par byas pas rdo rje gsor ba'i tshul du byed pa ni rdo rje'i thabs so/ /mkhrig ma gnyis mdud pa ni zhags pa'i thabs so/ /g.yon pa dkur brten la g.yas pa'i khu tshur gyis mthe bo nang nas bton te bsgreng ba ni be con gyi thabs so//de nyid las lag pa g.yas pas mdung rtse gcig pa 'phen pa'i tshul du byed pa ni rtse gcig pa'i thabs so/ /de nyid las mdung bu 'debs shing bgegs gsod pa'i tshul du byed pa ni rdo rje mdung bu'i thabs so//lag pa g.yon brkyang ba de'i rtsa bar g.yas pa'i mtheb chung nas bkrol te ba dan gsum par byas pa ni rdo rje'i gar ro/ /shar la sogs pa'i phyogs su sa gnon la sogs pa'i phyag rgya dang ldan pas stong pa nyid la sogs pa rnam par thar pa'i sgo bzhi bsgom pa ni sgo bzhi byin gyis brlab pa'o//g.yon pa dkur brten nas g.yas pa'i sdigs mdzub bsgreng ba ni rdo rje 'khyil pa'o/ /g.yas pa rdo rje snying gar 'jog cing g.yon pas rna ba'i drung du dril bu dkrol ba ni rdo rje'i sgra'o/ /snying gar rdo rje khu tshur gyi mthe'u chung dang mdzub mo rdo rje mdud pa byas te 'khor lo ltar bskor ba ni 'khor lo'i phyag rgya'o//snying gar pad+ma kha 'byed pa'i tshul du byed pa ni pad+ma'i tshul lo/ /g.yon pa gzhu 'dzin pa'i tshul du 'jog pa ni gzhu'i thabs so/ /de nyid mda' dang bcas par rna ba'i drung du 'gengs pa ni mda' gzung ba'i thabs so//de nyid mda' 'phen pa ltar byed pa ni mda' 'phen pa'i tshul lo/ /rkang pa g.yon pa'i brla la g.yas pa'i mthil btsugs te/ lag pa gnyis dkur brten pa ni rkang pa ya gcig gi stang stabs so/ /de nyid dang g.yas g.yon du lag pa gnyis bskor ba ni bung ba'i 'phur stangs so//g.yon pa dkur brten la g.yas pa snying gar rdo rje gtad de 'jog pa ni rdo rje 'degs pa'o/ /de nas slob dpon blo gros ldan pa yis/ /dkyil 'khor sa yi dbus su 'dug nas ni/ /'dug stangs rnams kyi go rims dbye ba dag /de ni ci nus kyis ni rnam par sbyar//rdo rje'i skyil krung dang ni pad+ma'i 'dug stangs dang / /sems dpa'i skyil krung dang ni dpa' bo'i 'dug stangs dang / /bzang po'i 'dug stangs dang ni de bzhin tsog pur 'dug /rol pa'i gnas thabs 'dug stangs bdun par bshad/ /g.yas pa'i byin pa dang ni brla dbus su//rkang pa g.yon pa rnam par bzhag nas kyang / /de yi steng du g.yas pa bzhag pa ni/ /rdo rje'i skyil mo krung zhes bya bar bshad/ /g.yas pa'i byin pas byin pa g.yon mnan la/ /pus mo gnyis ka dbab par byas nas ni/ /lus ni rab tu zhi ba'i tshul dang ldan/ / pad+ma'i 'dug stangs yin par mkhas pas bshad/ /rkang pa g.yon pa'i brla yi steng du ni/ /rkang pa g.yas pa cung zad tsam sbyar la/ /g.yon pa de yi 'og tu bzhag pa ni/ /sems dpa'i skyil mo krung zhes rnam par grags/ /rkang pa g.yon pa yis ni skyil mo krung / /phyed du bcas la de dang nye bar yang //rkang pa g.yas pa drang por bzhag pa ni/ /de ni dpa' bo'i 'dug stangs yin par 'dod/ /rkang pa gnyis ka stan gyi steng du ni/ /drang po nyid du thur du brkyang byas la/ /de nyid brtan por rab tu 'jog pa ni/ /bzang po'i 'dug stangs yin par rab tu grags//rkang pa gnyis ka mtho gang tsam gyis ni/ /bar du chod par stan la bzhag nas kyang / /tsog tsog por ni 'dug pa gang yin pa/ /de nyid tsog pu'i 'dug stangs nyid du bshad/ /rkang pa g.yas pa nyid ni sems dpa' yi/ /skyil krung phyed pa brtan par rab byas la//g.yon pa sgeg dang bcas pas brkyang ba ni/ /rol pa'i 'dug stangs su ni grags pa yin/ /rdo rje'i skyil krung nyid la gnas nas ni/ /rnam par snang mdzad la sogs phyag rgya bcing / /pad+ma'i 'dug stangs kyis kyang sgeg mo la/ /sogs pa rnams kyi phyag rgya bcing bar bya//sems dpa'i skyil mo krung la gnas nas ni/ /rdo rje sems dpa' la sogs phyag rgya bcing / /dpa' bo'i 'dug stangs nyid la gnas nas kyang / /rdo rje khro bo'i phyag rgya bcing bar bya/ /bzang po'i 'dug stangs kyis kyang bya ba ni/ /byams pa la sogs rnams kyi phyag rgya bcing //tsog pu'i 'dug stangs kyis ni pho nya dang / /bran pho bran mo la sogs phyag rgya bcing / /rol pa'i gnas thabs kyis ni bya ba gang / /'jig rten skyong ba'i phyag rgya bcing bar bya/ /de ltar rnam par bsdus pa las byung ba'i/ /dge ba gang yin des ni 'gro ba rnams/