CLOSE WINDOW

D1861
བོད་ཡིག

/[ ]@##/ /rgya gar skad du/ b+haT+TA ra ka AR+Ya dzaM b+ha la dza len+d+ra sA d+ha naM/ bod skad du/ rje btsun 'phags pa gnod 'dzin chu dbang gi sgrub pa'i thabs/ sangs rgyas rin chen 'byung ldan la phyag 'tshal lo//byang chub tu sems bskyed pa dang / sdom pa dang / dbang bskur ba dang / brtson 'grus dang dad pa dang ldan pa'i sngags pas gnas yid du 'ong bar maN+Dal dang mchod pa dang gtor ma gshams te/ stan bde ba la ci bde bar gnas pas bla ma dang / sangs rgyas dang byang chub sems dpa' rnams dang /'phags pa dzaM b+ha la yang bskul te/ phyag 'tshal ba la sogs pa yan lag bdun pa bya'o/ /de nas tshad med pa bzhi bsgoms nas byang chub tu sems bskyed do/ /de nas shU n+ya tAs stong pa nyid du bsgoms la/ de'i ngang las pad+ma dang zla ba'i steng du yi ge dzaM ser po dang /bI dza pUr yongs su gyur pa las byung ba'i 'phags pa dzaM b+ha la sku mdog gser btso ma 'dra ba/ gsus pa rab tu che ba/ sangs rgyas lnga'i rin po che'i cod pan dang lha'i ras kyis brgyan pa/ rgyan ma lus pas brgyan pa/ zhal gcig pa phyag gnyis pa g.yas pa na bI dza pU ra 'dzin pa/g.yon ne'u le'i kha nas 'bab pa'i rin po che yod pa 'dzin pa/ ut+pal sngon po'i phreng ba can 'od zer dpag tu med pa 'khrigs pa/ zhabs kyi 'og na rin po che'i snye ma'i bum pa yod pa/ steng gi ngos gnyis na rin po che'i snye ma las nor gyi char 'bebs pa'am/'bebs pa'i gnod sbyin gnyis so/ /'di lta bu rab tu gsal bar bsgom mo/ /de nas rang gi snying ga'i dzaM yig las 'od zer 'phros pas/ de dang 'dra ba'i 'phags pa dzaM b+ha la mdun gyi nam mkha' la gnas pa la/ mchod pa dngos dang yid las byung bas mchod la/mtshan brgya rtsa brgyad pas bstod de/ gnyis su med par byas la gnas gsum du yi ge 'bru gsum dang / phyag rgyas brgyan no/ /lag pa gnyis khu tshur bcangs te gung mo'i tshigs dbus ma dang / gsum pa bkug pa 'di ni phyag rgya'o/ /de nas dbang bskur te rin chen rdo rje dbu rgyan du bsam mo//de nas dgod pa ni/ spyi bor oM/ kha la dzaM/ dpung pa g.yas pa la b+ha/ g.yon pa la la/ snying gar dza/ brla g.yas pa la len/ g.yon pa la dra/ gsang gnas su ye/ byin pa dag la swA/ rkang mthil dag la hA dgod do/ / de nas ser sna can dang dbul po rnams la dmigs/ spro bsdu ci nus bya ste yid skyo na sngags bzlas so/ /de nas yi ge brgya pa brjod la/ dge ba ji ltar 'dod par bsngos la btang ngo / /langs la shes rab kyi pha rol tu phyin pa ci rigs par klag go/ / phyi rol che chung byas nas khrus bya'o/ /mnyam par 'jog tsa na yi ge brgya pas brtan par bya'o/ /'di ltar thun mtshams gsum mam bzhir bya'o/ /thun mtshams re re la yang dang po dang tha mar mchod pa dang bstod pa byas la thun tha ma la gshegs su gsol zhing / thun dang po la spyan drangs te/mchod pa yang dngos su ma 'byor na yid kyis bya'o/ /gtor ma yang thun mtshams thun mtshams kyi dang po 'jug ka 'jug kar sbyin no/ /yang nas yang du spyod lam gyi bya bar chu dbul ba dang / mtshan brgya rtsa brgyad gdon no/ /yang na bdag nyid lhag pa'i lha gang yang rung ba'i rnal 'byor du gnas pas bzlas pa dang bstod pa dang chu dbul bas bsgrub ste/de'i rim pa yang 'phags pa dzaM b+ha la'i lugs ma rab tu gnas par byas la bya/ gong ngam nyi ma'i rtse la snod bzang po gas chag dang bug rdol med par de bzhugs la bstod pa dang bzlas pa ci nus byas te/de nas chu phul la dngos grub gsol ba gdab po/ /de nas yang za ma tog ser po dri zhim pos bkang bar sba'o/ /de la chu dbul ba'i man ngag ni zla ba dang rdo rje bsam/ yi ge aM las gdu bu ni/ /so sor mkhrig mar bsam par bya/ /baM ni zla ba'i mdog can te/ /de las bdud rtsi rab 'bab pa//dri med ser po mngon phyogs pas/ /mkhas pas bum pa bzhin du blta/ /mdzub mo la ni nor bu bzang / /gang bzang zhes bya gung mo la'o/ /srin lag la ni nor sbyin te/ /nor sbyin chen po mthe chung la/ /mthe bor pi tsi kuN+Da li/ /ki li ma li mkhrig ma ste//sgo dbang spyod pa'i dbang po dag /lag pa'i ngos la rnam par bsam/ /sngags pas gnod 'dzin chu dbang ni/ /lag pa'i dbus su rnam bzhag ste/ /rang rang sngags kyis rim bzhin bsam/ /dang po yi ge oM dang ni/ /rat+na badzra rang ming ldan/ /bzhi yi mtha' dang de bzhin du//swA hAr bcas pa sngags su grags/ /rdo rje bdud rtsi lag par bsam/ /ji ltar spyi bor cho ga bzhin/ /mkhas pas chu yi sbyin blugs brgya/ /nyin re bzhin ni legs par dbul/ /zhes so/ /dmar dang ser dang ser po dang / /sngo dang dmar dang ljang gu dang / /ser po dag dang gser mdog dang //de dag gis ni kha dog bstan/ /g.yas na lcags kyu zhags pa dang ne'u le/ g.yon bI dza pU ra dang rdo rje lcags kyu dang / ne'u le can gyi lag pa stan la brten pa'o/ /de nas bzlas pa'i sngags ni ji ltar bkod pa nyid dam/ yang na dzaM b+ha la swA hA zhes pa'o//chu dbul ba'i sngags ni ji ltar btus pa nyid dam yang na bzlas pa'i sngags kyi mjug la/ d+ha naM me de hi swA hA zhes pa spel ba'am/ yang na oM dz+luM ts+luM swA hA zhes pa'o/ /yang na oM dzaM b+ha la dza len+d+ra d+ha naM me de hi swA hA zhes pa'o/ /chu dbul ba na yang gtso bo la khyor ba'am snyim pa brgya rtsa brgyad dbul zhing gnod sbyin brgyad po la yang snyim pa re re'am gsum gsum mam bdun yan chad dbul lo//dbul ba ni ting nge 'dzin gyis ci bde bar ro/ /kha zas za ba na yan lag la lha rnams dgod do/ /oM dzaM b+ha la dza len+d+rA ya swA hA/ oM ma Ni b+ha drA ya swA hA/ oM pUr+Na b+ha drA ya swA hA/oM d+ha na dA ya swA hA/ oM bai shra ba NA ya swA hA/ oM pi tsi kuN+Da li ne swA hA/ oM ki li mA li ne swA hA/ oM mu khen+d+rA ya swA hA/ oM tsa ren+d+rA ya swA hA/ thams cad kyi swA hA'i sngon du d+ha naM me de hi zhes pa spel lo/ /chu phul nas 'khor lo la thim pa'am gshegs su gsol lo//sbyor ba 'dis tshe 'di nyid la dbul ba 'dor ba dang 'byor pa mi zad pa 'thob bo/ /sbyor ba 'dir dman pas kyang srid pa gzhan la 'byor pa mtha' med par 'gyur ro/ /longs spyod rnams dkon mchog dang pha ma dang bla ma dang sdug bsngal ba rnams la zad par bya bar bsam zhing zad par yang bya'o//gzhan du na 'grub pa med do/ /nan tur du bya bar rigs pas nan tur du byed na rdo rje hUM mdzad kyi rnal 'byor la gnas pas spra tshil las byas pa'i mtshan ma rab tu 'dra ba la dug dang tsha ba gsum dang ske tshe dang tsha ba'i mar khu dang khrag gis byugs la de'i sngags zlos pas dur khrod kyi me la gdungs na zhag bdun gyis mngon sum du ci 'dod pa ster ro//de nas bzod par gsol la mtshan ma gnas dben par bzhag ste/ rdzas dang dbral bar bya'o/ /nan tur gyis sgrub pa'o/ /da ni mnyes par bya bas thabs gzhan bshad par bya'o//gser dngul lam zangs lcags kyi shog bu la pad+ma 'dab ma brgyad pa gnyis byas la/ gcig la snga ma lta bu'i lha dgu bya/ /gcig la lha mo dgu bri zhing de nas rab gnas byas la de gnyis kha sbyar bas mnyes par bsams la mar dang sbrang rtsi dang ka ras dril la za ma tog ser pos bkang ba'i dbus su stsal te maN+Dal khru brgyad pa/gru bzhi pa byi dor legs par byas la me tog ser po bkram pa'i dbus su za ma tog bzhag la dus gsum du mchod pa bya ba dang bstod pa dang / bskor ba dang bzlas pa byas na dngos grub chen po brgyad kyang ster na dngos grub phal pa lta ci smos/nor rgyun ma ni gser mdog la g.yas mchog sbyin/ g.yon 'bras kyi snye ma 'dzin pa/ rgyan ma lus pa dang ldan zhing rab tu mdzes pa'i na chung ma'o/ /zla 'od ma dang sbyin ma dang / /rab sbyin ma dang 'phags ma dang / /rab bzang ma dang sbas ma dang //lha mo dang ni dbyangs can ma/ /rang rang gi grogs po dang mdog dang lag cha 'dra ba'o/ /nor lha brgyad chung ma dang bcas pa phyag gnyis par yang rung ngo / /oM ba su d+hA ri N+yai d+ha naM me de hi swA hA/ oM tsan+d+ra kAn+t+yai swA hA/ oM de byai swA hA/ oM su b+ha drA yai swA hA/ oM Ar+yA yai swA hA/oM su dat+tA yai swA hA/ oM gup+tA yai swA hA/ oM dat+tA yai swA hA/ oM sa ra swa t+yai swA hA/ sgrub pa na d+ha na me de hi zhes spel la bzlas so/ /rje btsun dzaM b+ha la'i sgrub pa'i thabs slob dpon mi bskyod rdo rje sangs rgyas ye shes kyis mdzad pa rdzogs so// // rgya gar gyi mkhan po shrad+d+hA ka ra b+ha dra dang / lo tsA ba dge slong chos kyi shes rab kyis bsgyur ba'o/ /gnod sbyin thams cad dzaM b+ha la bzhin la/ gnod sbyin mo thams cad nor rgyun ma bzhin no zhes gsang ba'i dzaM b+ha la'i sgrub thabs las 'byung ngo / /kha dog so so las zhal gcig phyag gnyis pa phyag g.yas pa thams cad la bI dza pU ra dang /