CLOSE WINDOW

D1858
བོད་ཡིག

/[ ]@#/ /rgya gar skad du/ shrI he ru ka sA d+ha nAM praM t+ti/ bod skad du/ dpal he ru ka sgrub pa'i thabs kyi 'grel pa/ dpal rdo rje sems dpa' la phyag 'tshal lo/ /mi bskyod rdo rje gnas gyur pa/ /rdo rje khro bo sgrub pa'i tshul//dpal ldan 'dus pa'i gzhung brten pa'i/ /bla ma'i man ngag la brten nas/ /tshig ler byas pa'i gsal skyed pa/ /bdag gis rab tu sbyar ba yin/ /de la bskyed pa'i rim pa dang / /sgrub pa'i brtul zhugs dang / mnyam par bzhag pa dang / ma bzhag pa'i rim pas rdo rje khro bo he ru ka sgrub pa'i thabs dpal gsang ba 'dus pa'i rim pas shes par bya'o//de yang bskyed pa'i rim pa zhes pa la sogs pa de ci'i phyir 'di mdzad ce na/ /dpal ldan he ru 'gro ba'i mgon/ /bsgyur nas don kun phun sum tshogs/ /'gro la phan par bya ba'i phyir/ /zhes bya ba smos te/ dpal he ru ka ni 'gro la phan par bya ba'i phyir ro zhes bya bar sbyar ro//tshig gi don ni bsod nams dang ye shes kyi tshogs la dpal te/ de gang la yod pa de la dpal ldan zhes bya ste/ de nyid he ru ka'o/ /de bas na dpal ldan yang yin la he ru ka yang yin pas na dpal ldan he ru ka ste/ /dngos su dpal ldan he ru ka zhes bya ba'i don to//he ru ka de yang nges pa'i tshig gi tshul gyis na he zhes bya ba'i tshul gyis na rgyu yin la/ de dang bral bas na mtshan ma med pa'i rnam par thar pa'i sgo'o/ /du ni ru ti ra ste smon pa med pa'o/ /ka ni ka ra ste byed pa dang bral bas stong pa nyid do/ /de ltar rnam par thar pa'i sgo gsum gang la yod pa de la de skad ces bya ste/rdo rje khro bo chen po zhes bya ba'i don to/ /des ci mdzad ce na/ 'gro ba'i mgon zhes bya ba smos te/ 'gro ba lnga'i skyabs mdzad pa'o/ /thabs gang gis mdzad ce na/ bsgyur nas zhes bya ba smos te/ rnam par snang mdzad la sogs pas mi 'dul ba la rdo rje khro bor bcom ldan 'das mi bskyod pa de nyid kyis khro bor mdzad pa'o//don yang yin la kun kyang yin pas so/ /de nyid phun sum tshogs pa ste/ skyabs su 'gro ba la sogs pa'o/ /bskyed pa'i rim pa ni/ dang por 'di ltar zhes bya ba smos te/ dang po ni thun bzhir byas pa'i dang po'o/ /nam gyi cha brgyad du byas pa'i tha ma ni dang po ste/ de las langs nas lha yi khong par song nas/khrus bya ba dang dri zhim pos byug pa dang / maN+Dal bya ba dang / me tog gi sil ma dgram pa dang / dri'i thig le bya ba la sogs pa byas la/ stan bde ba la 'dug ste/ 'di ltar dran par bya'o/ /bdag sngon slob dpon las gsang ba 'dus pa'i dkyil 'khor du zhugs pa la sogs pa'i dam tshig la sogs pa zhig pa dang ma zhig pa dran par byas la/rang gi snying gar nyi ma'i dkyil 'khor gyi steng du/ hUM shel lta bu gyen du lta ba bsam par bya'o/ /de nas mdun gyi nam mkha' la de bzhin gshegs pa dang / rdo rje khro bo dang bla ma rnams tha mi dad par byas la/dper na til gyi gang bu bzhin du bar mtshams med par bsgom par bya'o/ /de nas snying ga'i hUM las gzugs rdo rje la sogs pa dang / bdug pa la sogs pa mchod pa rnam pa lngas de dag la mchod pa dang / phyag 'tshal ba dang / bshags pa dang / skyabs su 'gro ba dang /sems bskyed pa la sogs pa dang / tshad med pa bzhi la sogs pa bsgom par bya'o/ /de nas rnam par thar pa'i sgo gsum bsgoms te/ chos thams cad rnam par rig pa tsam du bsgom par byas la/ de brtan par bya ba'i phyir/ oM shU n+ya tA dz+nyA na badzra swa b+hA ba At+ma kou0f85haM/ stong pa nyid k yi sems de nyid yi ge gsum du bsam mo//de nas hUM las sa gzhi rdo rje'i rang bzhin du bya ba dang / phyogs mtshams bsrung bar yang bya'o/ /de dag ni 'di ltar zhes bya ba'i sgra ni ji ltar zhes bya ba'i don to/ /sgra des mtshon par shes par bya'o/ /de nas ji ltar bya zhe na/ bsgom par bya zhes smos so/ / gang du sgom pa dang gzugs ci ltar bsgom par bya zhe na/ zur gsum chos kyi dbyings gnas pa/ /zhes bya ba smos te/ de ni rdo rje'i sa gzhi'i dbus su ste/ /de'i gzugs ni zur gsum pa gyen du bsgreng ba/ nam mkha'i rang bzhin bsam mo/ /de'i nang du sna tshogs pad+ma/ de'i steng du sna tshogs rdo rje'i lte ba la yi ge b+h+rUM las 'khor lo rtsibs bcu gnyis la lte ba b+h+rUM yig gis mtshan pa/de yongs su gyur pa las rnam par snang mdzad rig pa dang bcas pa'o/ /de las gzhal yas khang gru bzhi pa/ sgo bzhi pa/ rta babs dang / kha khyer dang / gzugs dang me tog la sogs pas brgyan par bsgoms la/de'i dbus su pad+ma'i gdan la zla ba'i dkyil 'khor bsam mo/ /de'i phyir na gzhal yas khang gi dkyil 'khor gyi dbus su/ sna tshogs pad+ma zla ba la/ /zhes smos so/ /gdan de la ci zhig gnas she na/ de la mtshan gyi sa bon A li dang / dpe byad kyi sa bon kA li go rims bzhin nyis 'gyur du byas te/sum cu rtsa gnyis dang / brgyad cu bsam par bya'o/ /de las thabs dang shes rab kyi ngo bo zla ba brtsegs ma bsam mo/ /der hUM las rdo rje hUM gis mtshan pa'o/ /de las 'od zer 'phros pas phyogs bcu'i byang chub sems dpa' khro bo'i tshul gyis bzhugs pa bkug la/rdo rje'i hUM la slar bsdus nas/ /badzra At+ma kou0f85haM/ zhes nga rgyal byas la/ de rnams las rdo rje sems dpa'i sku bskyed do/ /de'i cha lugs bstan par bya ba'i phyir/ /dbu zhal sku ni shel 'dra ba/ /zhes pa ste/ zhal dbus ma dang sku mdog shel lta bu'o/ /g.yas ni gnag p a'o//g.yon ni dmar ba'o/ /phyag dang po gnyis kyis rig ma la 'khyud pa'o/ /g.yas kyi gnyis pa na rdo rje/ gsum pa na ral gri'o/ /g.yon gyi gnyis pa na rin po che zur gsum pa/ gsum pa na pad+ma dkar po'o/ /de bas na rdo rje sems dpa' bsgoms nas kyang zhes bya ba smos so//kyang gi sgras ni de bsam par bya ba yin gyi/ mngon sum du bdag nyid bya ba ma yin te/ rang gi sems srid pa bar ma'i gzugs su gnas pa'i phyir ro/ /rig pa ni/ shes rab gnyis kyis 'khyud/ ces bya bas dang por dus gcig tu bskyed pa yin gyi/ dus phyis bskyed pa ma yin no//de nas gdug pa rnams gdul bar bya ba'i phyir/ rang gi lus la thabs dang shes rab kyi sbyor bas bde ba bskyed la/ rgyal ba'i tshogs rang gi lus la bcug nas de lha mo dgur sprul la/ gyen du rgyu ba'i rlung gis bton te/ rig pa la thim par byas la/ de'i gsang bar dkyil 'khor sprul la/dkyil 'khor de'i dbus su ye shes sems dpa' bsams la/ de'i phyogs bzhir mA ma kI la sogs pa bzhi bsam par bya'o/ /dkyil 'khor der yang 'gro ba rnams bcug la dbang bskur te/ k+ShiM la sogs pas dbyung bar bya'o/ /de lta bu de'i skye gnas de mthong ba dang / bdag kyang de lta bu thob par bya'o zhes 'dod pa skyes te/ sems de der mar me'i 'od kyi tshul du zhugs par bsam mo/ /de nas rigs lnga zhugs te/ rdo rje'i lam nas byung ba pad+mar phab ste/ sems yi ge lnga'i ngo bo de 'od du zhu bar gyur to/ /de bas na/ rdo rje de las pad+mar babs/ 'dod chags me yis thams cad zhu/ /zhes bya ba de'i bshad pa yin no/ /de lta bu'i mngal gyi gnas skabs ni ming dang gzugs kyi dang po de la bskul bar bya ba'i phyir/ spyan la sogs pa rang dbyangs kyis/ /bzhengs pa'i don du bskul bar bya/ /zhes pa ste/ lha mo spyan gyis bskul ba 'di len te/sems can khams na zhes bya ba la sogs pa le'u bcu bdun pa las gsungs pa'i glu bzhis bskul bar bsam mo/ /de las me dpung 'bar ba lta bu'i hrIH bsams la/ de las khro bo bskyed pa'o/ /gal te snying rje sems las byung ba dge ba yin la/ khro bo ni nye ba'i nyon mongs pa zhe sdang gi cha la gtogs pa yin na ji ltar snying rje'i khro bo zhes bya zhe na/'di ni snying rje sngon du song bas bskyed pa yin te/ dper na ma yi bu lta bu'o/ /de bas na rgyu snying rje las byung ba 'bras bu khro bo'i tshul de yang bsnyen pa yin te me lta bu'o/ /cig shos ni rgyu bdag dang bdag gi las byung ba/'bras bu yang mnar sems dang ldan par 'byung ste/ dper na swa sti dang a ri sha lta bu'o/ /de'i phyir/ 'jig pa'i me dang 'bar mnyam pa/ /zhes bya ba la sogs pa smos so/ /de'i cha lugs bstan pa'i phyir/ /'jigs byed ces bya ste/ ma hA de ba la sogs par 'jigs par byed pa'o//phal pas kyang de ltar 'jigs pa yod pas de'i chen po'o/ /thod pa'i phreng ba thogs pa yin pas na thod phreng thogs pa'o/ /zhal gyi khro gnyer gyen du 'greng ba dang / skra dang smin ma bsdus pa gyen du 'greng ba 'bar ba'o/ /yang gi sgras spyan dmar ba dang mche ba gtsigs pa'o/ / zhal dbus ma dang sku ni gnag pa/ gad rgyangs sgrogs pa/ ljags 'dril ba dang ldan pa'o/ /zhal g.yas ni dkar po'o/ /g.yon ni dmar po'o/ /sku la dur khrod kyi thal bas byugs pa/ phyag dang po gnyis ni rig ma la 'khyud pa/ g.yas kyi gnyis pa na rdo rje nag po/ /gsum pa na ral gri bsnams pa/g.yon gyi gnyis pa na kha T+wAM ga /gsum pa na rin po che cha dgu pa'o/ /drag po la sogs drug dang ldan/ /zhes pa ni zhi ba dang sgeg pa dang snying rje ba ma gtogs te/ khro bo'i sku yin pa'i phyir ro/ /de bas na drag po dang dpa' ba dang / 'jigs su rung ba dang / 'jigs par byed pa dang /rgod pa dang gshe ba'o/ /keng rus gsum phreng ni thod pa dang / rkang pa'i bol dang / lag pa'i bol gsum spel ba'i phreng bas dbu la bcings pa'o/ /yang dag brgyan zhes bya ba la sogs pa la/ dbu rgyan dang / mgul rgyan dang / se mo do dang / phyag gdub dang /zhabs gdub la sogs pa'o/ /na bza' ni dar la sogs pa'o/ /zhabs g.yas kyis ma hA de ba'i bzhin gnon cing / g.yon pas u ma'i nu ma mnan pa'o/ /g.yas pa brkyang la/ g.yon pa bskum pa ni khro bo'i skyil krung ste/ rnal 'byor ba bdag nyid de ltar bsgom mo//de dag ni bsnyen pa ste/ rgyu mthun pa'i 'bras bu'o/ /da ni skye mched byin gyis brlab par bya ste/ mig dang rna ba dang sna dang lce dang lus dang yid rnams la zla ba'i dkyil 'khor re re bsams la/ de'i steng du go rims bzhin du/ k+ShiM dzra'iM khaM gaM Sh+kaM saM zhes bya ba las sa'i snying po dang / phyag na rdo rje dang / nam mkha'i snying po dang / 'jig rten dbang phyug dang / sgrib pa rnam par sel ba dang / kun du bzang po rnams bsam par bya ste/ de nas/ sangs rgyas kun gyi dbang drug bsgom/ /zhes pa sangs rgyas kyi ngo bo nyid du dbang po drug bsgom pa'o/ /de ni nye bar sgrub pa ste/rnam par smin pa'i 'bras bu'o/ /de la rnam par smin pa'i 'bras bu ni/ rnam pa thams cad mkhyen pa'i ye shes sgrib pa dang bral ba yin pas na sangs rgyas zhes smos so/ /kun gyi sgra rgo phung po lnga dang / khams bzhi dang skye mched drug byin gyis brlab po zhes gzhan dag zer ro/ /da ni sku rdo rje la sogs pa byin gyis brlab par bya ste/de yang sku gsum thob par bya ba'i phyir ro/ /de la snying gar zla ba la hUM las rdo rje/ de'i lte bar hUM las rdo rje phra mo hUM gis mtshan pa'o/ /de las thugs rdo rje'i sku phyag rgya chen po'i ngo bo nyid bsam mo/ /de'i thugs kar zla ba la gnas pa'i rdo rje hUM gis mtshan pa bsams la/de'i 'od zer gyis phyogs bcu'i sangs rgyas mdun gyi nam mkha' la spyan drangs te/ de rnams la ye shes sems dpa'i thugs ka'i sa bon las gzugs rdo rje la sogs pa spros pas mchod par bya'o/ /de nas tshigs su bcad pa dang po ni thugs rdo rje gtso bo'i tshul du bzhugs pa la gsol ba btab la/gnyis pas ni de'i 'khor lta bur bzhugs pa la gsol ba btab po/ /de nas thugs rdo rje zhugs pa dang / sngags kyi nga rgyal bya'o/ /snying ga'i gong nu ma gnyis kyi bar du ye shes sems dpa' dam tshig sems dpa' lta bu bsam par bya'o//lkog ma dang spyi bor pad+ma dang zla ba la AH dang oM yang snga ma bzhin du bya'o/ /thugs rdo rje la sogs pa re re zhing yang phyag rgya bzhi bzhi dang ldan par bya ste/ de yang rgyud las/ /sngags kyi skyes bu ji snyed pa/ /rdo rje gsum gyis ye shes rdzogs/ /zhes gsungs pa'i phyir ro//de'i phyir sku gsung thugs kyang yi ge gsum mo/ /thugs kar ye shes sems dpa' bsgom/ /zhes bya'o/ /yang gi sgras sgrub pa po yan lag bzhi dang ldan par ma zad kyi sku rdo rje la sogs pa yang ldan no zhes zer ro/ /des ni sgrub pa zhes bya ba'i yan lag ste/ skyes bu byed pa'i 'bras bu dang bral ba'i 'bras bu gnyis bstan to//da ni chos kyi rgyal po thob par bya ba'i phyir dbang bskur bar bya ste/ ye shes sems dpa'i thugs ka'i sa bon las 'od zer gyis phyogs bcu'i de bzhin gshegs pa rnams yang dag par bskul la/ /de'i 'od zer gyi rtse mo las lha mo bcu sprul la//de dag gi phyag na bum pa byang chub kyi sems kyis gang ba bsnams pa dang / bla re dang gdugs dang mchod pa lnga dang glu dang bcas pas dbang bskur bar bsam par bya ste/ chu yongs su gyur pa las mi bskyod pa cod pan du bsam par bya'o/ /de'i phyir/ mi bskyod dbu rgyan 'bras bu mchog /ces bya ste/ mi bskyod pa ni rigs kyi mchog yin te/ 'bras bu'i mchog dang 'dra ba'i don to/ /'dis ni sgrub pa chen po'i zhes bya ba'i yan lag ste/ dbang gi 'bras bu dang / skyes bu byed pa'i 'bras bu'i phyogs gcig kyang bstan to/ /de nas/ /dam pa'i dga' ba'i bde ba myang //zhes pa ste/ rdo rje dang pad+ma byin gyis brlabs la sgyu ma lta bus byang chub kyi sems byin gyis brlabs te myang bar bya'o/ /de nas yang byang chub kyi sems spro ba dang bsdus pas thabs dang shes rab tshim par bya zhing / chos thams cad sgyu ma ltar ro gcig pa gnyis su med pa'i ye shes bsgom par bya'o//da ni sgrub pa po'i brtul zhugs bstan te/ dpa' bo lnga ni/ /sha chen rta dang khyi sha dang / /ba lang glang po'i sha dang lnga/ /zhes 'byung bas sha lnga'o/ /bdud rtsi lnga ni/ bshang ba mchil ma khu ba khrag /rdo rje chu dang rnam pa lnga'o/ /zhes pas te/ de rnams byin gyis brlab par bya ba ni dang por yaM las rlung gi dkyil 'khor gzhu lta bu'o//de'i steng du raM las me'i dkyil 'khor gru gsum bsams la/ de'i steng du pad+ma la gnas pa'i a las bdud rtsi'i snod bskyed de/ de'i nang du rdzas rnams bzhag la/ de'i steng du oM bsam mo/ /bdud rtsi'i snod kyi kha gab rdo rje rtse lnga pa'i lte bar hUM dang ldan par bsams la/rlung gis me sbar bas bdud rtsi btsos par bsam mo/ /oM dang hUM gi 'od zer gyis kyang smin par byas te/ rnal 'byor pa skra bshig la/ lus dur khrod kyi thal bas byugs te/ rtag tu bsgoms nas bza' bar bya/ /zhes bya ba rdzas de 'bar gyi bar du bsgoms la/'bar nas bza' bar bya ste/ stong par bsgom mo/ /gzhung de dag gis mnyam par gzhag pa'i rnal 'byor yin no/ /rnal 'byor pa langs nas kyang mchod pa'i las dang / 'gro ba la phan gdags pa dang / dus thams cad du dmigs pa med pa'i shes rab dang mi 'bral ba dang /thabs kyis snying rje bsgom pa dang / /mi bskyod pa ni ye shes che/ /zhes bya ba'i bstod pa bya ba dang / thod pa'i rgyan la sogs pa bcang ba dang / cang te'u dang / kha T+wAM ga gzung bar bya'o/ /yang na snying po bzla bar bya'o/ /oM AH hrI hUM zhes bya ba bzlas par bya'o//de ltar bya ba thams cad rnam par gsang ste/ he ru ka'i brtul zhugs spyad par bya'o/ /gnas dgu ni/ zhi gnas dur khrod shing gcig dang / /lam mdo brag phug chu 'gram dang / /ri rtse khang stong ma mo'i gnas/ /'di ni dur khrod sa dgu yin/ /zhes bshad do/ /mtshan mo sgrub pa'i dus ni mtshan mo yin no//yon tan kun brtsegs 'od zer can gyi gtsug lag khang chen du/ /dngos grub mchog thob ye shes rim pa'i tshul/ /blo dman nyam chung rgyas par mi nus phyir/ /mdor bsdus 'ga' zhig dran phyir dbye ba byas/ /dpal gsang ba 'dus pa'i rim par phye ba dpal he ru ka'i sgrub pa'i thabs kyi 'grel pa rdzogs so/