CLOSE WINDOW

D1855
བོད་ཡིག

/ //lo tsA ba dge slong khyung wer rin chen bzang pos bsgyur cing zhus te gtan la phab pa'o//[ ]@##/ /rgya gar skad du/ sa man+ta b+ha dra nA ma sA d+ha naM/ bod skad du/ kun du bzang po zhes bya ba'i sgrub pa'i thabs/ bcom ldan 'das 'jam pa'i rdo rje la phyag 'tshal lo/ /dpal ldan mi shes kun spangs dri med gzi brjid ldan/ /dpag med rigs kyi sprul pa rnams kyis rab brgyan cing / /shes rab yan lag 'dus pas 'bar zhing rnam mdzes pa//'jam dpal gang de mchod phyir de la phyag 'tshal lo/ /dpal ldan 'dus pa'i gzhung lugs bshes gnyen ni/ /dam pa yis ni bskul phyir spro byas te/ /'gro ba ma lus don ni phun tshogs pa'i/ /rgyur gyur cho ga bdag gis bshad par bya/ /dal 'byor 'di ni shin tu g.yo ba dang //'jig rten skye bo dam pa phrad rnyed dka'/ /de bas shes rab thabs la gzhol ba yi/ /yid la byed pa'i mchog de bsgrub par bya/ /de la sngags pa snying rje'i stobs kyis ni/ /byang chub mchog tu sems ni bskyed pa dang / /gtong ba la sogs yon tan rnams kyis brgyan/ /zab mo'i tshul dag la ni lhag par mos//dpal ldan 'dus pa'i dkyil 'khor cho ga yis/ /rang gi dbang bskur phun sum tshogs ldan zhing / /cho ga bzhin du rjes gnang thob pa yi/ /blo dang ldan pas rang sngags mnyes par bya/ /la la dri med chu ni phun tshogs shing / /shing mchog mdzes pas rnam par brgyan pa yi/ / ri bo'i phyogs gcig tu ni bcom ldan 'das/ /'jam dbyangs zhes bya de ltar rab bsgrub bya/ /dang por nang par snying ga'i zla dbus su/ /dri med 'od zer rab tu 'phro ba'i maM/ /de nyid ces bya rnam bkod brtser ldan pas/ /sgo la sogs pa yang dag dag par bya/ /tsan+dan bzang po la sogs kyis byugs shing / / dri zhim me tog gcal bkram mchog gi char/ /bsam gtan gnas su bde ba'i stan la ni/ /gnas nas dus gsum bzhugs pa'i sangs rgyas rnams/ /dmigs te sna tshogs mchod pa'i sprin rnams ni/ /dang por spro sogs blo ldan gyis bya zhing / /dge ba rnams ni 'phel bar bya ba'i phyir/ / sdig pa dag ni bshags pa la sogs bya/ /gang zhig thog med srid pa'i chu klung du/ /ma lus kun rtog gis bsags rnyog pa rnams/ /thugs rje che ldan spyan sngar de dag ni/ /cho ga bzhin du thams cad bshags par bgyi/ /rdzogs sangs rgyas dang byang chub sems dpa' dang / /'phags pa gzhan gyis dge ba gang mdzad pa//de dag kun la yang dag yi rang zhing / /byang chub tu ni yongs su bsngo bar bgyi/ /yid kyi rol pa dri med zla 'dras bsgrubs/ /snying rje dam pa mtha' yas pa yi thabs/ /rang gi yid la gnas par gyur pa yi/ /bde gshegs rnams la rtag tu skyabs su mchi/ /rtog pa ma lus pa las nges grol zhing //sems dpa' dam pa kun gyi phun tshogs gzhi/ /dngos po thams cad ro gcig ngo bo nyid/ /dam pa'i chos la rtag par skyabs su mchi/ /'ching ba rnams las yang dag grol gyur cing / /snying rje mchog gis bskrun pa'i dpal dang ldan/ /rab tu dga' sogs sa la rab bzhugs pa//brtul zhugs dbang po'i tshogs la skyabs su mchi/ /bsam dang rnam par smin pa dag gyur pas/ /sgrib pa kun gyi bag chags yang dag 'byin/ /lhag par mos pas rnam par brgyan pa yi/ /sems ni byang chub dam pa bskyed par bgyi/ /bde gshegs sras bcas rnams kyi lam gcig pu//sbyin sogs rnam bcu dkar po'i yon tan tshul/ /rdzogs sangs rgyas dag ma lus ngo bo'i blos/ /yang dag nyid du da ni gnas par bgyi/ /snying rjes 'jig rten 'di ni ma lus pa/ /lta ba'i dra bas bcings la dmigs nas ni/ /yang dag byang chub sems ni mnyam med pa//sngags pas cho gas de ltar bsgom par bya/ /ngo bo nyid dang bral phyir stong pa ste/ /rang bzhin rgyu dang bral bas mtshan ma med/ /rtog pa rnams dang bral phyir dngos po ni/ /ma lus smon pa las ni nges par grol/ /oM shU n+ya tA dz+nyA na badzra swa b+hA ba At+ma kou0f85haM/ de 'og hUM gis r do rjer byas pa'i sar//kun du bzang las byung bar bsam pa ni/ /ston ka'i zla ba lta bur rab dkar ba/ /mtha' yas phyogs gnas sna tshogs 'od dang ldan/ /gru gsum gyen du gnas pa'i nang gi ni/ /nam mkha' rang gi ngo bo rdo rje 'dzin/ /chos 'byung zhes bya phyag rgya'i dbus gnas pa/ /pad+ma sna tshogs rdo rje mdzes pa der//b+h+rUM gyi 'khor lo las byung rig bcas pa'i/ /rnam snang mdzad yan lag las yang dag byung / /thub dbang 'od kyi dkyil 'khor sna tshogs pa'i/ /zer gyis phyogs tshogs ma lus kun du khyab/ /mi mnyam pa dag med phyir zur bzhi mnyam/ /dran dang dbang po'i mchog gi sgo rnams yin//bsam gtan bzhi po dag gi rta babs dang / /ting 'dzin kha khyer gyis ni kun du bskor/ /kha khyer de la brten pa'i mchod pa ni/ /dam pa 'dzin pa gzungs kyi tshogs rnams yin/ /sna tshogs rgyan rnams kun gyis rnam spras pa/ /gang phyir 'gro bsam kun rdzogs mdzad pa yi//rlung gis bskyod pa'i ba dan phreng ba dang / /dril bu sgra sgrogs phyogs sgo kun khyab pa/ /gang phyir dam chos gsung rab yan lag dgu/ /gdul bya thams cad la ni skyob pa po/ /me long dra ba dra phyed me tog gi /phreng ba sna tshogs kyis brgyan mnyam pa med/ /ye shes me long dri med byang chub kyi//yan lag dri ni me tog phun sum tshogs/ /ka ba bzang po brgyad kyis nyer mdzes pa/ /rnam thar brgyad po rnam par dag pa yin/ /rdo rje'i thig dang yang dag ldan pa ni/ /rdo rje theg chos 'khor lo rab bskor ba'o/ /bla med mtha' yas 'dod pa'i yon tan lnga/ /gzugs sogs yul rnams rnam par dag pa yin//mchod pa lnga yis rnam par brgyan pa ni/ /chos dbyings rnam par dag pa'i rgyu mthun yin/ /sna tshogs pad+ma'i 'dab mar legs gnas pa'i/ /nyi zla mgon bcas lha yi gnas rnams dang / /rin chen ma lus pa yi rnam spras pa/ /gzhal yas khang pa der ni bsam par bya//bcu drug cha dang tshogs las byung ba yi/ /zla ba'i dkyil 'khor dag ni dbus nyid du/ /'od zer dpag tu med pa'i tshogs ldan pa/ /dbus ma'i gdan la cho ga bzhin du bsam/ /dpal mchog dang po'i snying po las byung ba'i/ /rdo rje bzang 'dir nor bu dmar 'dra la/ /dpag med thub pa'i 'od tshogs rnam 'phro ba//phyogs sgo mtha' yas khyad par rab bsgrub pa/ /dang po'i snying po mchog bcas bsgoms nas ni/ /nga rgyal de ltar mtha' yas sprul pa yis/ /'gro ba mchog gi don rnams byas gyur cing / /thub mchog phra rab las bsgrubs mtshungs med pa/ /zla ba rgyas 'drar dkar ba'i mdangs ldan zhing //g.yas dang g.yon pa'i zhal ni sngo dang dmar/ /sna tshogs rgyan rnams 'bar ba'i phyag gnyis kyis/ /rig ma dam par 'khyud par mdzad pa'o/ /lhag ma'i phyag gis rdo rje ral gri dang / /pad+ma rin chen bsnams pas zung gnyis mdzes/ /khams gsum khong ni rnam par brgyan pa yis//thub pa'i 'od tshogs du ma rnam par 'gyed/ /rnam par thar pa'i sgo gsum rnam dag pas/ /shes rab thabs kyi bdag nyid snying rje mchog /ma lus 'gro ba'i de nyid gcig pu nyid/ /rgyal ba skyed byed nyid kyi sku ru bsam/ /mchog tu rjes chags phun tshogs dpag med kyis//'dul ba'i 'jig rten thams cad dmigs nas ni/ /dga' ba'i sgyu ma'i sgra yis de rnams dang / /rgyal ba'i tshogs rnams ma lus gzhug par bya/ /de ni spyan la sogs pa'i lha mo dang / /gzugs sogs ma lus yul gyi rang bzhin du/ /phyung nas rig ma de dag thams cad ni/ / rang gi rig ma'i nang du chud par bya/ /de yi pad+ma'i lte ba'i nang du ni/ /dkyil 'khor dri med zla zer las byung bar/ /bsams nas blo yis 'gro ba'i tshogs rnams ni/ /ma lus de ni rab tu gzhug par bya/ /gsang ba'i rdo rje dam pa'i dbus su ni/ /rnam snang la sogs rgyal ba'i tshogs bzhugs te/ / zla ba zhu ba'i gzugs su gyur pa dang / /des ni de rnams de 'og dbang bskur bya/ /sa yi snying po phyag na rdo rje dang / /mkha' snying 'jig rten dbang phyug sgrib sel bcas/ /dpal ldan kun du bzang po zhes bya bas/ /de dag mig la sogs pa grangs bzhin no/ /gzugs dang sgra dang dri dang ro dag dang / / reg bya dang ni chos dbyings rdo rje dang / /sa dang chu dang me dang rlung rnams ni/ /ngo bo nyid gyur spyan la sogs par grags/ /gzugs dang tshor ba de bzhin 'du shes dang / /'du byed dang ni rnam par shes bshad pa/ /rnam par snang mdzad la sogs bde gshegs te/ /de rjes sa bon gyis ni dbyung bar bya/ /k+ShiM dzrIM khaM gaM Sh+kaM saM zhes bshad pa//'di dag mig la sogs pa rnams kyi ming / /dzaHhUM baM hoH khaM raM zhes bshad pa/ /de dag gzugs kyi rdo rje la sogs pa/ /laM mAM paM tAM zhes bya bzhir bshad pa/ /de dag spyan la sogs pa rnams kyi yin/ /b+h+rUM AM dzrAM khaM hUM zhes bya ba 'di/ /rim pa ji bzhin rtag pa la sogs pa'i 'o//oM AH hUM zhes bya ba'i sems nyid ni/ /'od ldan hoH dang spel ba cho ga bzhin/ /pad+ma'i nang du zhugs pa mnyam med pa/ /shes rab chags pas zhu bar byas par bsam/ /de yi 'od kyi mthu yis gnyis ka yang / /zla ba zhu bar byas par mthong ba dang / /spyan la sogs pa'i lha mo rnams kyis ni//glu yi sgra yis bskul bar byas par bsam/ /sems can khams na gnas kyi dbang phyug khyod ni rdo rje'i thugs/ /dga' ba yid 'ong don chen 'dod pas bdag la bskyab tu gsol/ /mgon po gal te de ring bdag ni gson par mchis bzhed na/ /sems can yab chen gnyen mchog bdag la dgyes par mdzad du gsol//rdo rje'i sku khyod bka' yi 'khor lo sems can kun la phan/ /sangs rgyas don du byang chub don dam rab tu phan par gzigs/ /mgon po gal te de ring bdag ni gson par mchis bzhed na/ /'dod chags dam tshig chags pas bdag la dgyes par mdzad du gsol//khyod ni rdo rje'i gsung ste kun la phan zhing thugs brtse ba/ /'jig rten dag gi don dang dgos pa mdzad la rab tu brtson/ /mgon po gal te de ring bdag ni gson par mchis bzhed na/ /dga' ba'i spyod pa kun du bzang po bdag la dgyes par mdzad du gsol/ / khyod ni rdo rje 'dod pa dam tshig mchog gi phan don che/ /yang dag rdzogs sangs rgyas kyi gdung mchog mnyam nyid thugs brtse ba/ /mgon po gal te de ring bdag ni gson par mchis bzhed na/ /yon tan rin chen mang po'i gter gyur bdag la dgyes par mdzod/ /de lta'i glu yi ngo ru byas pas na/ /chos kun sgyu ma lta bur yang dag rig /snang ba'i 'od zer gyi ni dkyil 'khor can/ /rang gi sngags kyis lus su rang nyid gyur/ /de yi 'od zer ma lus pa rnams kyis/ /rang lha dang mtshungs sprul pa'i thub dbang pos/ /dpag tu med pa'i yid kyis bcug pa las/ /dpal ldan 'jam pa'i rdo rje zhes byar gyur/ / gur gum bzang po'i mdog ltar dmar ba la/ /g.yas dang g.yon pa'i zhal ni sngo dang dkar/ /sna tshogs rgyan gyis rnam par brgyan pa yi/ /phyag gnyis shes rab dam par 'khyud pa dang / /mdangs ldan ral gri dang ni mda' nyid dang / /ut+pal sngon gzhu mtha' yas 'od ldan bsnams/ /ma lus rigs rnams 'phro bas rnam brgyan cing //skyob pa nam mkha' ma lus dkyil 'khor yin/ /dngos rnams thams cad gzung dang 'dzin pa dang / /bral bas dngos po med pa nyid du shes/ /rnam par byang la mngon par zhen pa ni/ /med pas byin gyis brlabs pa 'di nyid bya/ /oM d+harma d+hA tu swa b+hA wa At+ma kou0f85haM/de 'og sa snying sa bon 'od rnams kyis/ /rang gi mig sogs sa snying la sogs pas/ /ji bzhin bkang nas dri med rang zla yis/ /rdo rje lte ba'i dbus gnas yi ge hUM/ /thugs kyi rdo rje'i de bzhin kha dang ni/ /mgo por pad+ma 'khor lo la gnas pa'i/ /AH dang oM ni gsung gi rdo rje dang //sku yi rdo rje nyid du bsam par bya/ /de yi thugs ka'i 'od kyi tshogs rnams dang / /shes rab dam par gnas pa'i 'od rnams kyis/ /kun nas rgyal ba'i dbang po mchod nas ni/ /thugs kyi rdo rje la sogs byin gyis brlab/ /dpal ldan rdo rje thugs 'chang ba/ /rdo rje mi phyed gsum bsgoms pas//deng bdag byin gyis brlabs nas su/ /rdo rje thugs kyis mdzad du gsol/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms pas/ /deng bdag byin gyis brlabs nas su/ /rdo rje thugs kyis mdzad du gsol/ /oM sarba ta thA ga ta tsit+ta badzra swa b+hA wa At+ma kou0f85haM//chos kyi gsung lam dpal dang ldan/ /rdo rje mi phyed gsum bsgoms pas/ /deng bdag byin gyis brlabs nas su/ /rdo rje gsung gis mdzad du gsol/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms pas/ /deng bdag byin gyis brlabs nas su/ / rdo rje gsung gis mdzad du gsol/ /oM sarba ta thA ga ta wAka badzra swa b+hA ba At+ma kou0f85haM/ /dpal ldan rdo rje sku 'chang ba/ /rdo rje mi phyed gsum bsgoms pas/ /deng bdag byin gyis brlabs nas su/ /rdo rje skus ni mdzad du gsol/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms pas//deng bdag byin gyis brlabs nas su/ /rdo rje skus ni mdzad du gsol/ /oM sarba ta thA ga ta kA ya badzra swa b+hA wa At+ma kou0f85haM/ nam mkha' lta bu'i ngo bor rdo rje gsum/ /mtshan nyid dag dang bral bar dmigs nas ni/ /phyogs bcur kun du bzhugs pa'i thub pa'i tshogs/ /snying b o'i 'od zer rnams kyis yang dag bskul//thub pa'i mchog gi 'od zer las byung ba'i/ /rig pa'i tshogs rnams phyag na bum bsnams te/ /ye shes chu yis mngon par dbang bskur bas/ /rang gi rigs kyi gtsos brgyan cod pan gyur/ /de bzhin rang gi lha 'dra rang snying pos/ /sprul pa'i rig pa nyid ni yang dag blta//mig la sogs pa dgang zhing yi ge gsum/ /rnam par bkod pas lus ni 'od dang ldan/ /de nyid shes pas mgo dang snying ga dang / /lte ba gsang ba de bzhin brla gnyis sogs/ /oM hUM swA AH hA zhes grags pa rnams/ /de ni sku thugs rdo rje bzang rigs sogs/ /lnga po rnams kyis yan lag byin brlabs te//'od kyi phreng ba dam pas 'gro gsum khyab/ /AH yis sna tshogs pad+ma'i lte ba bya/ /hUM gis 'dab ma brgyad pa rnam par sprul/ /shes rab dam pa'i rgyu mthun ngo bo nyid/ /thabs dang bcas par 'byung ba'i rang gi lus/ /de yis bde gshegs rjes su mnyes bya zhes//sngags pas dga' ba kun du brtsam par bya/ /oM sarba ta thA ga tA nu rA ga na badzra swa b+hA wa At+ma kou0f85haM/ thugs ka'i zla ba'i sngags kyi 'od rnams kyis/ /ma lus sangs rgyas tshogs rnams bcug nas ni/ /hUM gi rdo rje las byung dri ma med pa yi/ /yid tshul d am pa'i chu skyes la gnas pa//rang gi snying po las byung ma lus pa'i/ /rang gi dkyil 'khor pa yi gzugs bsams la/ /cho ga 'di yis sems ni brtan po dang / /'jig rten rnams la phan phyir yang dag dbyung / /badzra d+h+r-ika ces bya dang thugs rdo rje/ /skye bo dam pa'i don mdzad yang dag bskul//nor bu sngon po'i 'od 'drar yang dag 'bar/ /g.yas dang g.yon pa'i zhal ni dkar dang dmar/ /dam pa dang po lta bu'i phyag dang ldan/ /kha dog dpag tu med pa'i 'od tshogs mnga'/ /blo dang ldan pas legs bsdus bdag nyid kyi/ /dngos po thams cad kyis ni zhugs par bya/ /dzi na dzika ces bya ba sku rdo rje//rdo rje 'dzin 'dra'i sku mdog zhal gyis mdzes/ /'khor lo la sogs phyag mtshan rnams de bzhin/ /shar gyi pad+mar zla ba'i dbus su bsam/ /rat+na d+h+r-ika ces bya ba 'di yis ni/ /lho ru rin chen 'byung zhal gzhon nu 'dra/ /btso ma'i gser gyi mdangs dang 'dra ba la/ /phyag drug margad rin chen la sogs bsnams//A ro l-i ka 'od dpag med pad+ma ni/ /rA ga ltar dmar zhal gnyis de dang 'dra/ /'od zer 'bar zhing phyag na pad+ma sogs/ /mtshan ma bsnams pa nub tu bsam par bya/ /pradz+nyA d+h+r-ika ces bya bas don yod grub/ /rin chen ma rgad lta bu'i mdog ldan zhing / / snga ma lta bu'i zhal sogs phun tshogs mnga'/ /ral gri la sogs bsnams pa byang du bsam/ /ral pa cod pan mdzes dang sna tshogs pa'i/ /rin chen mchog gi 'od zer 'bar bas brgyan/ /rig ma'i mgon dang rab tu bcas pa'i sku/ /thams cad nyi ma'i dkyil 'khor dag la bsam/ /mo ha ra tI zhes pas lha mo spyan//zla ba'i dkyil 'khor rdzogs pa la gnas pa/ /mchog tu sgeg cing sku yi rdo rje 'dra/ /me yi phyogs nyid du ni bsam par bya/ /dwe Sha ra tI zhes pa dga' ba che/ /dga' chen mchog 'dod mA ma kI zhes pa/ /zhal mdzes phyag rnams thugs kyi gtso 'dra ba/ /rnam par sgeg pa bden bral mtshams su bsam//rA ga ra tI zhes bya'i yum mchog ni/ /gos dkar yon tan rin chen mtha' yas pa/ /dri med sku ni gsung gi dbang phyug 'dra/ /rlung gi phyogs su rnam par bsam par bya/ /badzra ra tIs rab bskul sgrol ma ni/ /dri med rin chen 'od kyi phreng ba yis/ /phyogs kyi chogs khebs rang gi ngo bo ni//rin chen dbang 'dra dbang ldan phyogs su bsam/ /lha mo 'di rnams nges pa'i phyag mtshan ni/ /'khor lo bzang dang ut+pal dmar po dang / /pad+ma ut+pal gser mdog rim bzhin bsam/ /lhag ma rnams ni bdag po ji bzhin 'dod/ /de nyid gsum gyis gzugs kyi rdo rje sogs//lha mo rnams ni sku la sogs 'dra bar/ /dkyil 'khor gyi ni mtshams gyur bzhi po dang / /rtsa ba'i sgo yi ngos gnyis dag tu bsam/ /ya mAn+ta kr-ita ces byas gshin rje gshed/ /mtha' yas 'jigs 'od phyogs kun khyab dang ldan/ /dus mtha' mi bzad sprin gyi dkyil 'khor mdog /thugs kyi rgyal po dag dang sku mtshungs pa/ /drag po'i rigs 'od dpag med rnam 'phro bas/ /gshin rje mthar mdzad shin tu gdug pa yi/ /sbrul gyis lus kyi yan lag rnam brgyan pa/ /dpal ldan shar gyi sgor ni bsam par bya/ /pradz+nyAn+ta kr-ita ces byas bla med 'od//drag cing phyag sogs sku yi rdo rje 'dra/ /gzhan gyis mi thub ces bya gtum po ni/ /lho phyogs kyi ni sgo ru bsam par bya/ /pad+mAn+ta kr-ita ces byas phyogs rnams kyi/ /'khor lo'i 'od kyis mngon par khebs byed pa/ /'od mdangs 'jig dus me 'drar 'jigs par ldan/ /phyag la sogs par gsung gi rdo rje 'dra//gdug pa du ma rnam gnon 'jigs pa'i zhal/ /thub dbang ha ha zhes ni bzhad pa yis/ /ri bor bcas pa sgyel bas skrag mdzad pa/ /rta mgrin de bzhin nub kyi phyogs su bsam/ /big+hAt+ta kr-ita ces byas dpa' bo ni/ /dus mtha'i me ltar drag po bdud rtsi 'khyil//'phags pa'i zhal sogs mi bskyod dang mtshungs pa/ /de bzhin byang gi sgo ru bsam par bya/ /rnam par snang mdzad thugs gtso 'od dpag med/ /thugs kyi dbang po rim bzhin cod pan yin/ /tho ba dbyug pa de bzhin pad+ma dang / /rdo rje sogs 'di phyag ni kun la bsam//de ltar yongs su rdzogs pa'i dkyil 'khor la/ /dngos po thams cad kyis ni bltas nas kyang / /snying po'i sngags kyi 'od zer lcags kyu yis/ /drangs nas bde bar gshegs rnams bsgom par bya/ /shes rab thabs kyi rang bzhin dri med pa'i/ /ting 'dzin las byung dam pa'i bdes gang bar//'khor lo bsams nas de nas gshin rje ni/ /mthar byed la sogs bshad pas bsrung bar bya/ /rang gi snying pos mngon bzlas mchod yon ni/ /tsan+dan bzang sogs me tog gis mdzes dbul/ /rang las byas pa lta bur dbang bskur zhing / cho ga yis ni mngon par mchod par bya//bad nang rang gi sa bon 'di rnams kyis/ /gzugs la sogs pa thams cad drangs nas ni/ /yang dag byang chub yid kyi ngo bo yis/ /'od kyi dkyil 'khor dag tu bsgom par bya/ /shes rab ba spu re re las byung ba'i/ /'od zer rnam pa sna tshogs rgya chen tshogs/ /ma lus nam mkha'i gtos ni kun du khyab//de la blo dang ldan pas rab tu spro/ /'od kyi sgo las nges par byung ba yi/ /yan lag dri med rgyan kun gyis legs brgyan/ /me long pi wang dri dang ro yi snod/ /gos dang chos 'byung ba la sogs pa yi/ /mtshan mas rim gyis rnam par sgeg bcas shing / /rol pa'i lag pa dam pa rnams dang ni//'od kyi snang bas sprul pa sna tshogs pa'i/ /mchod pa'i sprin gyi dra bas khyab pa dang / /dngos rnams sgyu ma la sogs so sor ni/ /yang dag rig cing 'jig rten blta mkhas pa/ /rtog pa ma lus kun las nges grol zhing / /mchog tu bde ba bskyed pa'i rgyur gyur pa//gzugs la sogs pa'i lha mo rnams dang ni/ /de bzhin phyi yi dri sogs thams cad kyis/ /rgyal ba'i dbang po rnams ni legs mchod cing / /de ltar tha dad rtogs las nges grol bya/ /oM sarba ta thA ga ta pU dza badzra swa b+hA wa At+ma kou0f85haM/ sgra yi yul rnams ma lus pa rnams ni/ /brag c a'i sgra 'drar nges brtags de rjes la//rang yid lhag pa'i lha ru gnas pa la/ /chos rnams bstod pa'i sgra ni byed par bsam/ /mi bskyod rdo rje ye shes che/ /rdo rje dbyings ni mkha' chen po/ /rdo rje gsum mchog dkyil 'khor gsum/ /rdo rje dbyangs la phyag 'tshal lo/ /rnam par snang mdzad dag pa che//rdo rje zhi ba dga' chen po/ /rang bzhin 'od gsal mchog gi mchog /ston pa rdo rjer phyag 'tshal lo/ /rin chen rgyal po rab tu zab/ /rdo rje nam mkha' dri med mkha'/ /rang bzhin dag pa gos pa med/ /rdo rje'i sku la phyag 'tshal lo/ /rdo rje mi 'chi rgyal po che/ /mi rtog nam mkha' rdo rje 'dzin//'dod chags pha rol phyin pa brnyes/ /rdo rje'i gsung la phyag 'tshal lo/ /don yod rdo rje rdzogs sangs rgyas/ /bsam pa thams cad rdzogs mdzad pa/ /rang bzhin dag pa nyid las byung / /rdo rje sems dpa' phyag 'tshal lo/ /'bar ba'i oM gyi byin rlabs rlung dang me'i/ / dkyil 'khor la gnas rab sbar bdud rtsi lnga/ /de nas yi ge gsum bzlas dpag med pa'i/ /thub pa'i dbang po'i nang du chud par bya/ /ye shes bdud rtsi'i ngo bor bsams nas ni/ /hUM dgod rdo rje'i lce ni bzang po dang / /snying ga'i zla ba'i dbus su ma lus pa'i/ /rgyal ba'i 'khor lo des ni tshim par bya//snying po'i 'od zer dpag med kyis sprul pa'i/ /thub pas mi shes kun du nges bsal nas/ /'gro ba ma lus rdzogs sangs rgyas byas te/ /rang gi gsang sngags nang du chud par bya/ /gzugs la sogs pa'i rnam pa dang bral bas/ /'dzin pa de ni mngon sum mthong mi nus/ /gzung ba rnams kyang cung zad yod min la//gzhan pa'i 'brel pa yis kyang mthong ba med/ /bde sogs de ni yongs su 'dzin pa ni/ /bya ba 'ga' yang yod par ma mthong ste/ /cig car shes pa'i phyir na gzugs sogs bzhin/ /'di dag 'dzin pa por ni yod ma yin/ /dkar po la sogs gang zhig mthong ba rnams//de nyid dus gzhan dag tu mthong mi 'gyur/ /'di nyid rtag tu gcig la gcig 'gal ba/ /yin phyir bde ba la sogs dag dang mtshungs/ /thog mtha' la sogs bye brag snang bas na/ /gzugs la sogs pa 'di dag gcig ma yin/ /phra rab rnams kyang mthong ba ma yin pas//du ma'i gzugs su min pa'ang de dang 'dra/ /rdul phran cha shas med pa nyid kyang ni/ /phra rab du ma 'dus pa yin min pas/ /sa yi dkyil 'khor la sogs rang bzhin te/ /bsags pa 'ga' yang 'dir ni med par 'gyur/ /de bas 'dzin po la sogs dang bral bas//rang rgyud gzugs sogs brtags pa'i ngo bo nyid/ /rgyu dang mi rgyu dngos po ma lus pa/ /dri za'i grong khyer dag dang mtshungs pa yin/ /bdag dang bdag gi rnam rtog rgyun gyi ni/ /ngo bo bdag gis der ni 'khor ba ste/ /dag pa phyin ci log de med pa yi/ /ngo bo tsam gyis rnam par shes par bya//'dir ni zhi dang srid pa'i ngo bo dag /chos nyid kyis ni dbye ba 'ga' yang med/ /gang phyir gzung ba la sogs rnam pa dang / /bral bar thams cad du ni rtag tu grub/ /de ni snang ba'i rang bzhin kun rtog las/ /thams cad ci yang yod pa ma yin te/ /sems las gzhan pa dag ces bya ba ni/ /yod pa ma yin de phyir de bdag nyid//gang zhig gzugs la so sor zhugs gyur pa/ /de yi bdag nyid gang yin de nyid gzugs/ /de bas thams cad khyad par med par brtag /snang bar gyur pa'i yul rnams gang yin pa/ /gang zhig rtog pa'i gnas su gyur pa rnams/ /de de gnyis su sbyor ba dang bral bas/ / des na rnam par dbye ba thams cad min/ /dad dang brtson 'grus rnam par dag pa dang / /de bzhin dran dang bsam gtan rnam dag ba'ang / /sgo bzangs srung bar byed pa'i ngo bo nyid/ /shes rab rnam dag ma lus yul du snang / /mtshan ma med pa'i dga' ba rnam dag pa/ /ma lus lha mo'i tshogs kyi ngo bo nyid/ / sems can don dang bdag dang rnam rtog dang / /'jug pa'i rnam shes rnam par dag pa yang / /me long sogs yid dri med ngo bo bas/ /sangs rgyas thams cad kyi yang rang bzhin te/ /de bzhin nyid ni rnam dag sbyor ba yis/ /'khor lo'i gtso bo 'di ni rnam par bzhugs/ /gzugs la sogs pa'i 'khrul pa rnam bral bas//dri med phung po la sogs ngo bor grub/ /ser sna la sogs ldog par gyur ba ni/ /pha rol phyin pa dkar po'i chos rang bzhin/ /rnam rtog med par bdag gzhan don 'byung ba'i/ /rgyu nyid kyis ni de yang go rims bzhin/ /zab pa dang ni rgya che ba yis na/ /shes rab thabs kyi bdag nyid can sems yin//dam pa'i don du ci yang gzhan dag las/ /dbye med dbye ba med min mi 'dod de/ /gzhan du 'dzin pa las ni bzlog phyir dang / /de bzhin bye brag la sogs rtog bral yin/ /de ltar brtags nas rang snying dri med pa/ /zla ba la gnas mtshan mar bsgom par bya//gsang sngags dam pa thig le'i gzugs su ni/ /rang yid 'od dang ldan par yongs su bsgom/ /sems de'i 'od zer dri med pas sad pa'i/ /sku gsung rdo rje'i lus ni mchog gyur pa'i/ /slar yang 'di nyid du ni nges bzhugs shing / /ye shes bdud rtsi 'bab par bsam par bya/ /nang gi lus dang de bzhin thams cad kyang //de yis kun du mthar ni snang byas nas/ /ba spu re re'i khong las byung ba yi/ /'od kyis sna tshogs kun du dgang bar bya/ /yang na rang gi mtshan ma phra mo ni/ /'od ldan sna rtser gnas par thub pa yi/ /'khor lo nang du chud byas snying rje yis/ /nang gi shes rab dam pa nyin mtshan bsgom//mtshan ma brtan po mthong na spro ba ni/ /'od zer de yis sprul pa'i thub dbang dang / /rnam pa sna tshogs pa yi phyag mtshan rnams/ /blo dang ldan pas yang dang yang du spro/ /yang na bzlas la rtse gcig sems nyid ni/ /dngos kun bdag nyid rang gi sems dbang po/ /rang gi sngags ni sna tshogs 'od ldan par//byas pas blo dang ldan pas bsgom par bya/ /srog dang rtsol ba shin tu ma bsdams par/ /gsang sngags rgyal po gsal bar brjod bya zhing / /sku sogs rim pa bzhin du yang na ni/ /cig car spro ba dag ni legs par bya/ /nam mkha'i gtos dang mnyam pa sku sogs pa'i//'od kyi sku yi snang bas yang dag dgang / /de nas snga ma bzhin du sna tshogs pa'i/ /mchod pa'i sprin gyi bkod pa kun du spro/ /yongs su sbas pa'i rig pa mchog rnams ni/ /bde chen babs pas gzhan gyi dbang thob nas/ /rnam par sgeg pa'i thub dbang tshogs rnams ni/ /mthar ni rang gi lus la gzhug par bya//rang gi snying po'i de nyid nges rtogs pa'i/ /skyo bas sems kyi spyod pa zhum gyur na/ /rig pa'i tshogs kyis yang dag glur blangs pas/ /rab tu bskul nas yongs su mchod par bya/ /sems bzang po yi chu rgyun srog dang ni/ /rtsol ba'i 'od kyi lcags kyus drangs nas ni//cho ga ji bzhin sku rdo rje sogs la/ /nges par dbab pas skyo ba bsal bar bya/ /de ltar thang cig ngal bso byas nas ni/ /sngar bshad cho ga yis ni de nyid shes/ /gsang sngags dam pa rgyun du bzla ba ni/ /sngags pa'ang kun du chags pa med par bya/ /bstod dang mchod sogs gshegs su gsol ba dang //sngags pas rab tu 'bad de rnams bya zhing / /oM la sogs par 'khor lo bsdus nas ni/ /sku la sogs pa brtag pa dag tu bya/ /de ltar de nyid mthong bas rnam grol ba/ /sems can khams rnams kun du dmigs nas ni/ /snying rjes 'gro ba rnams la phan don du//smon lam rnams ni mngon sum nyid du bya/ /langs nas dag pa'i sems dpa' rang gi lha'i/ /rnam pa'i nga rgyal yid la byas nas ni/ /kun du snang bar gnas pa'i yul rnams ni/ /snga ma bzhin du yul du yongs su bsgom/ /rang rang gi ni ngo bo rnam dag pa/ /rim bzhin sku la sogs pa'i rdo rjer gyur//dpal ldan rdo rje 'dzin pa lta bur ni/ /chos nyid kyis na phan tshun khyad par med/ /phyin ci log gi rtog pa spangs pa yis/ /bya ba ma lus pa ni rdzogs par bya/ /de yi thub pa'i 'khor lo ma lus pa/ /mchod pa 'di ni kun du mchog yin no/ /bza' za'i tshe na snying ga'i zla ba la/ /'khor lo'i gtso bo rang gi gsang sngags kyis//kun du dmigs te byang chub sems kyis ni/ /ngo bo nyid gyur 'od dang ldan par bsam/ /rang gi zas la de nyid gsum bzlas te/ /thams cad mnyam pa nyid kyis rnam dag pa/ /de yis sku yi rdo rje la sogs pa/ /lha rnams kun du tshim pa nyid du bya/ /phyi yi sbyin sreg cho gas bsgre bya zhing //yid kyi'ang yid nyid kyis ni bya ba ste/ /phung po'i bud shing rnam par bsreg pa yi/ /ye shes 'bar ba bla na med par bshad/ /de ltar ma lus pa yi 'dod pa yis/ /bdag nyid dam ni gzhan dag rang rang gi/ /lha yi gzugs gyur pa la yang dag mchod/ /dam tshig 'di ni bde gshegs rnams kyis gnang //rjes su mthun pa'i 'gro ba'i don rnams ni/ /ma lus bde gshegs mchod par yang dag brtag /lus la sogs pa'i las rnams de dang de/ /rtag tu legs par mnyam par gzhag ste bya/ /rnam pa de 'dra'i sems ldan lus dang ni/ /ngag yid las rnams ci yang rung ba dag /phyag rgya dang ni sngags kyi rnam pa ru/ /rdzogs pa'i sangs rgyas kun gyis de gsungs so/ /gang phyir dngos po gcig la'ang sna tshogs pa'i/ /kun du rtog pas bsags pa'i rnam pa las/ /sdug bsngal bde dang grol ba skyed byed pa'i/ /las kyi khyad par mang po 'byung bar 'gyur//de bas lus sogs dge dang mi dge ba'i/ /rnam pa'i las rnams sems kyi dbang las gsungs/ /de ltar rnyog pa ma lus spangs pa yi/ /sems ni nag po'i las su ga la 'gyur/ /dam tshig nyams la snying ga'i zla bar ni/ /snying pos sna tshogs rdo rje ji bzhin bsam//dpal ldan dam tshig rdo rje'i rnal 'byor pas/ /'gro ba rang bzhin gyis dag rnam bsams la/ /sna tshogs pad+ma'i 'dab ma'i dbus su ni/ /sngar gyi rim pas dbang bskur kun du blang / /phyi rol gyi yang khrus kyi cho ga la/ /rim 'di khyad par du yang bsam par bya/ /thun mtshams su yang de bzhin mchod la sogs//sngon du 'gro ba'i bzlas brjod byas nas ni/ /snying ga'i nang du 'khor lo chud byas la/ /snying rje dang ni shes rab ldan par nyal/ /ldang ba'i dus su dam tshig lha mo yi/ /yang dag glu yis dpal ldan bskul pas ni/ /langs na thub pas bzlas brjod la sogs pa//cho ga snga ma bzhin du bya ba yin/ /dngos grub thob pa'i mtshan ma mthong nas ni/ /de nyid gsum mchod byas nas rang gi sems/ /sngar bshad dkyil 'khor dag la gnas nas ni/ /'dod pa'i dngos grub rab tu bsgrub par bya/ /bgegs rnams bdud rtsi thab sbyor 'khor lo yis/ /dbang bskur byas nas 'bad pa med par 'joms//gang zhig dbus su gnas par gyur pa yis/ /'khor lo de yang de yi yin par 'gyur/ /tha mal rnam rtog rgyun las gzhan pa yi/ /srid pa'i sdug bsngal gzhan ci'ang yod ma yin/ /de dang rnam par 'gal bar 'gyur ba'i sems/ /'di ni mngon sum du ni rtogs par 'gyur//zab cing rgya che ba yi bdag nyid can/ /gang yin der ni kun rtog snang mi 'gyur/ /rig pa las ni gzhan du gyur pa dag /yod pa min par sngar ni bsgrubs pas na/ /gang zhig gang dang mi mthun pa dag tu/ /lan cig gyur pa'ang de bgrod rgyas gyur pa/ /mthong ba'i bslab pa rnam par 'phel ba yis//rang gi mi mthun shin tu 'gag par byed/ /sbyin pa la sogs bdag med ldan pas kyang / /tha mal pa yi rang gi ngo bo las/ /rnam par ldog par mi 'gyur gang phyir 'dir/ /yod kyang de ni mi mthun 'gyur ma yin/ /de ltar rtogs na snying rjer ldan pa dag /ye shes bsam yas skad cig gis sgrub pa/ /dpal ldan kun du bzang po'i rang gi ni/ /ngo bo su zhig nges par sgom mi byed/ /dri med blo yi 'od zer rnams kyis ni/ /mun pa thams cad rnam par sel byed pa/ /rnam par bstan pas mdzad pa 'dis mchog gi/ /bdag 'dra'i go skabs dag ni ga la yod//bla ma dam pa'i gzhung ni cung zad tsam/ /bzung ba gang yin de yang dang por ni/ /'ching ba lhod ces bya bar grags pas na/ /des na 'di la shin tu 'bad pa yin/ /de ltar rnam par sbyar las legs byung ba'i/ /dge ba dri med gang des 'gro ba'i yid/ /sangs rgyas ye shes mgon dang bcas pa der//gzhol bar gyur pas rtag tu bsgom par shog /dpal gsang ba 'dus pa'i sgrub pa'i thabs kun du bzang po zhes bya ba/ byang chub sems dpa' 'jam pa'i dbyangs kyi zhabs kyi pad+ma'i ze'u 'bru'i rdul la reg pa/ slob dpon chen po sangs rgyas ye shes kyi zhal snga nas kyis mdzad pa rdzogs so// //