CLOSE WINDOW

D1848
བོད་ཡིག

@#/ /rgya gar skad du/ shrI gu h+ya sa mA dza a laM kA ra nA ma/ bod skad du/ dpal gsang ba 'dus pa'i rgyan zhes bya ba/ dpal 'jam pa'i rdo rje la phyag 'tshal lo/ /ma lus mun pa'i rgyun ni rnam dag pa//'gro la phan pa'i khyad par ma lus rgyu/ /gang gi sku ni tshad ma'i rjes 'gro ba/ /thams cad 'dus pa de la phyag 'tshal lo/ /shin tu phra brnyes dam pa la/ /don med chen po skye ba'i phyir/ / ye shes rjes su 'brang ba'i 'grel/ /rigs pas phal cher bsgrubs pa yin/ /yongs su rdzogs dang rnam dag pas/ /bla mas rjes gnang mngon grub dang / /de la brnyas pa dgag phyir dang / /rtsod pa ngan pa spang phyir ro//la lar tshig gzhan dgod pa dang / /la lar 'dres pa'i gzugs kyis dang / /la lar sngar med bcug pa dang / /la lar lung dang rigs pas so/ /'grel bshad mang po blta byas na/ /phan tshun du ni 'gal ba yin//gang rmongs de ni dgag don du/ /kun las gces pa bsdu phyir ro/ /thams cad mkhyen pa ma gtogs pa/ /gang rnams ma 'khrul pa yi blo/ /gang rnams ma 'khrul pa yi tshig// cis na rmongs par mi 'gyur yin/ /tshad ma lung dang mi 'gal ba/ /mthong dang ma mthong ba yi tshig /gang rnams de ni mkhas pas gzung / /gzhan du 'dir ni khyed cag slu/ /bstan bcos sgrub pa'i rigs pa dang / / rang gi tshig gis mi gnod pa/ /de gzung mthong dang ma mthong la/ /'di ni rigs mkhyen 'dod phyir ro/ /dam pa rnams brjod par bya ba dang / dgos pa la sogs pa rnams thos pa med na phal cher nyan pa la sogs pa la mi 'jug go/ /'di ni sems can thams cad sdug bsngal las skyob par byed pa'i snying rje'i mtshan nyid dang rnam pa thams cad kyi chos kun gyi de kho na nyid la dmigs pa'i shes rab kyi stobs kyis bse ru la sogs pa'i mya ngan las 'das pa dang khams gsum la mi gnas pas 'dam gyis ma gos pa'i 'dam skyes lta bu ste/sems can thams cad kyi don gyi phyir nam mkha' bzhin du 'khor ba ji srid kyi bar du gnas kyang de nyes pas mi gos pas rab tu mi gnas pa'i mya ngan las 'das pa ste/ de skad du yang /shes pas srid la mi gnas shing / /snying rjes zhi la mi gnas so/ /zhes brjod do/ /shin tu rnam par dag pa gnyis su med pa rang rig pa'i ngo bo chos kyi dbyings kyi rang bzhin so so'i bdag nyid rig pa mi g.yo ba yin te/ so so'i bdag nyid rig gyur pa/chos kyi sku la phyag 'tshal lo/ /zhes pa'i rigs pas so/ /phyogs bcu mtha' yas pa'i 'jig rten gyi khams brtan pa dang g.yo ba kun gyi dngos po rab tu snang ba rdul phra rab so so'i nang du mtha' yas pa spro ba shes rab dang thabs kyi rang bzhin dri ma med pa'i ting nge 'dzin las yang dag par byung ba bde ba chen pos gang ba'i brten pa'i lha dang /rten gyi dkyil 'khor gyi ngo bo yin te/ 'phags pa dkon mchog sgron ma las/ /rdul phra rab kyi dbye ba bzhin 'jig rten gyi khams kun gyi bdag nyid dngos pos mngon par sprul gyur pa zhes gsungs pas so/ /pha rol tu phyin pa bcu'i ngo bo yongs su mthar phyin cing bsod nams dang ye shes kyi tshogs yongs su rdzogs pa dang ldan pas dpal ldan te/sbyin stsogs rnam bcu dkar po'i yon tan tshul/ /lam la yang dag tu ni gnas par bgyi/ /zhes pa'i phyir ro/ /bse ru la sogs pa'i spyod yul ma yin te chos dang longs spyod pa dang /sprul pa'i sku'i bdag nyid thugs dang gsung dang sku'i gsang ba'i phyir ro/ /chos kyi dbyings las ma gtogs pa/ /gang phyir chos ni yod ma yin/ /zhes pa'i rigs pas chos kyi dbyings kyi ngo bo nyid kyis de bzhin gshegs pa thams cad gcig tu bsdus pas kyang gsang ba 'dus pa ste/sku gsung thugs gsum gsang ba ste/ /'dus pa tshogs pa yin par brjod/ /ces rgyud phyi ma las bshad pas so/ /gdul bya'i skye bo de dang de rjes su gzung ba'i phyir rnam par rtog pa ma lus pa dang bral yang sgra sna tshogs dang / sprul pa dang lam dang cho 'phrul la sogs pas theg pa gsum gyis bsdus pa'i chos ston par byed do//de nyid shes pa 'gro skyob la/ /thar pa mchog ni rnam gsum nyid/ /med na mi 'byung nges pa'i phyir/ /thar pa ltar snang de las gzhan/ /zhes te/ 'bras bur gyur pa'i kun tu bzang po'o/ /de mngon sum du byed pa'i rgyu ting nge 'dzin gsum gyi mtshan nyid ni lam mo//de'i lhan cig byed pa'i rgyur gyur pa dbang bskur ba dang rig pa'i brtul zhugs dang dam tshig la sogs pa gsang ba sbyin pa la sogs pa'i rgyu mtshan thugs dang gsung dang sku dang thams cad kyi bdag po'i bri ba'i dkyil 'khor ro/ /de la bar du gcod pa'i bgegs la sogs pa nye bar zhi bar bya ba'i don du las kyi tshogs so//gsum po 'dir ma bsdus pa de dag bstan pa dang nyan pa po'i skye bo spro ba la sogs pa'i rgyu ston pa la nye bar mkho ba ni brjod par bya ba'o/ /dgos pa ni snying rje dang ldan pas gzhan la ston par 'dod pas thos pa dang bsam pa dang bsgom pa'i rim pas mngon sum du byed pa'o//rnam 'grel las/ /brtse ldan sdug bsngal spang ba'i phyir/ /thabs rnams la ni mngon sbyor mdzad/ /thabs byung de rgyu lkog gyur can/ /de 'chad pa ni dka' ba yin/ /lung dang rigs pas rnam dpyod pas//sdug bsngal rgyu ni yongs su rtogs/ /zhes so/ /de nyid kyi brjod par bya ba tshad ma dang lung gis grub pa yin te/ /gzhan la bstan du med pa ni/ /goms pa nyid las skye 'gyur te/ /nor bu dngul la sogs pa'i shes/ /de rig pa rnams rjes dpag min/ /zhes pa'i rigs pas so//gus pas yun ring por bar med par goms pa las mngon sum du byas pa yin te/ /rnam rtog rjes su 'brel ba las/ /don gsal snang ba yod ma yin/ /zhes pas gsal bar snang ba rtog pa mtha' dag dang bral ba'i rnal 'byor pa yin no/ /'khor lo 'khor ba'i sbyor ba yis//skyob pa bya ba med par yang / /tshogs sad pa yi nus pa las/ /bstan pa yang dag skor bar byed/ /ces pas rgyu mtshan med pa dang lhun gyis grub pa'o/ /yang na/ de mi rig dang rnam pa med/ /rtog bral de nas bya ba med/ /rnam par grol ba ltar snang ston/ /zhes te/ dge ba 'jig rten pa'i ye shes kyi gnas skabs 'jig rten las 'das pa'i rjes las byung ba dag pa 'jig rten pa'i ye shes mngon du byas nas/bcom ldan 'das chos ston to zhes pa'i lung gis te/ snying brtse ba'i bdag nyid kyi dngos pos rnam pa thams cad kyi de nyid so sor rtogs pas mi slu ba nyid kyis tshad mar gyur pa'i bden pa'o//gsung gcig tu ni gsungs mod kyi/ /du ma nyid du so sor mtshon/ /zhes pa dang / 'phags pa dkon mchog sgron ma las kyang / 'jig rten kun gyi sgra rnams ji bzhin du/ /skad cig gcig la gsung ni rjod par byed/ ces gsungs so/ /gdul bya'i mos pas rab tu snang ba ni rang gi smon lam gyi dbang gis skad sna tshogs dang sprul pa dang cho 'phrul dang lam la sogs pas so//gang dang gang gi gzugs kyis ni/ /lus can 'dul ba'i snod du 'gyur/ /de de snying rje'i dbang son pas/ /snying rje'i bdag nyid can gyis ston/ /zhes so/ /gzhan rnams la yang snod ji lta bar thos pa la sogs pa'i rim pas de dag mngon sum du bya ba'i phyir rab tu ston pa ni de'i dngos kyi dgos pa yin te/de las gzhan mi srid pa'i phyir ro/ /skyob pas nyid kyi lam gzigs gsung / /'bras med phyir na brdzun mi gsung / /thugs brtse ldan phyir gzhan don yang / /rtsom pa thams cad sbyor phyir ro/ / de phyir tshang yin yang na skyob/ /bden pa bzhi ni ston mdzad yin/ /zhes rnam 'grel las so/ /mgon po khyed kyis gzhan la phan pa 'bras bu yin/ /zhes brjod pa'i yang phyir ro/ /de'i rjod par byed pa yang bstan pa'i chos ngag gi rnam par rig byed kyi ngo bor snang ba dpal gsang ba 'dus pa zhes grags pa'i rgyud 'di yin no//de nyid don gcig tu bsdus pa'i rnam pa dang / bsgrub par bya ba'i thabs dang / skyes bu'i don rjod par byed pa dang / bstan bcos kyi chos dang mthun par mngon sum la sogs pa'i yul rnams la rtogs pa dang ldan pa rnams 'chad par 'gyur ba'i dbang du byas pas yongs su brtag go//gang yang rnam 'grel las/ /'brel pa dang ni rjes mthun thabs/ /skyes bu'i don ni rjod byed ngag /yongs su brtags nas dbang byas yin/ /de las gzhan du dbang byas min/ /zhes so/ /'di nyid rnam 'grel gyi tshig tu rigs te 'di nyid du bstan bcos kyi don gang yin bstan la/ 'di'i 'grel bar 'brel pa dang rjes su mthun pa'i thabs dang /skyes bu'i don rjod par byed pa rnams te/ bstan bcos chos ni ma bstan par/ /zhes so/ /'grel bshad gzhan las kyang 'brel ba dang rjes su mthun pa'i thabs dang / skyes bu'i don zhes zlas dbye ba de rnams kyis rjod par byed pa zhes so/ /de'i dgos pa yang brjod par bya ba rtogs pa'o//de dag gi thabs dang thabs las byung ba'i dngos po ni 'brel pa ste/ de las gzhan ni ma grub pas so/ /'di thams cad so sor zung shig /rigs kyi bu khyod de bzhin gshegs pa thams cad kyi dam tshig gi de kho na nyid yin te/ khyod nyid de bzhin gshegs pa thams cad kyi chos kyi dbang phyug gi rgyal po'i 'khor lo zhes dbang bskur ro zhes pa'i tha tshig gis so//bcom ldan 'das rdo rje chos yin te/ rgyud 'dir yang ston pa dang 'khor dang sdud par byed pa 'bras bu 'dra yang bsam gyis mi khyab pa'i phyir thams cad mkhyen pa gzhan gyi don byed pa'i rim pa'i dgos pas gdul bya'i skye bo gzung ba'i phyir dang //tshul gzhan gyi rgyud la mngon par brtson pa'i byang chub sems dpa'i spyod yul ma yin pa'i yang phyir ro/ /rnam par rtog pa'i shes pa la sogs pa gnas gyur pa chos thams cad kyi de kho na nyid so sor rtog pa'i ye shes kyi ngo bo yin te/mtshan ni sum cu rtsa gnyis dang / /dpe byad brgyad cu'i bdag nyid 'di/ /theg chen nye bar longs spyod phyir/ /thub pa'i longs spyod rdzogs skur bzhed/ /ces pas 'di lta bu'i mtshan nyid longs spyod rdzogs pa'i sku'i rang bzhin sdud par byed pas shugs kyis 'phangs pa ni 'di skad bdag gis thos pa zhes pa la sogs pas so//'dis ni rjod par byed pa dang / /de'i dgos pa dang / 'brel pa dang / brjod par bya ba dang de'i dgos pa dang / de'i yang dgos pa rnams ni nyan pa la sogs pa rnams la 'jug pa'i yan lag tu 'phangs pa yin te/ gang slob dpon phyogs kyi glang pos//dad ldan 'jug pa yan lag tu/ /ston pa dang ni 'khor dbang po/ /yul dang dus dag nges bstan pa/ /rang nyid tshad mar grub phyir ro/ /'jig rten na ni sdud pa po/ /yul dang dus ni nyer mtshon dang / /dbang po dang bcas smras pa na/ /tshad ma nyid du rjes su 'gro//'di dag thams cad tshig phrad dag /thos pa la sogs rab tu bsgrags/ /zhar las byung ba zhes pas so/ /dgos pa bsdus pa'i don bcas dang / /tshig don bcas dang mtshams sbyor bcas/ /brgal lan bcas pas bsnyad par bya/ /mdo don smra bar 'dod rnams kyis/ / zhes rnam bshad rigs pa las brjod de/ der dgos pa dang bsdus pa'i don la sogs pa yang brjod par bya'o/ /mngon rtogs la sogs dbye ba yis/ /rgyud du rnam pa bzhi bstan pa/ /rang dbang zhugs pas grub med phyir/ /der dkrugs bstan pas dri ma med/ /'bras bu mthong nyid de 'bras bu//don gnyer rgyu la 'jug par 'gyur/ /de phyir rgyal bas gleng gzhi yi/ /le'ur 'bras bu la sogs bstan/ /de yi rgyu ni 'dod pa la/ /byang chub sems ni rgyu yin par/ /de rigs dbye bas rnam drug tu/ /le'u gnyis pas bstan pa yin/ /stong pa nyid dang de yi sems/ /de yang chos dbyings nga rgyal dang //de la sogs pa rtogs don du/ /slar yang gsum pa bstan pa yin/ /dbang bskur med par grub min dang / /dkyil 'khor med na'ang grub min te/ /'di la sogs pa rtogs bya'i phyir/ /bzhi pa rab tu bstan pa yin/ /dkyil 'khor du ni dbang bskur la/ /dam tshig sdom pa'ang brjod bya zhes//de nyid rig pa rnams kyis ni/ /le'u lnga par gsungs pa yin/ /sku gsung thugs kyi rdo rje dang / /rjes chags mchod dag rnal 'byor pas/ /tha mi dad stsogs rtogs don du/ /le'u drug pa gsungs pa yin/ /shes rab snying rje ldan pa yis/ /'dod kun longs spyod bsten pas na//'gro ba'i don du byang chub thob/ /'di la sogs pa bdun par gsungs/ /rig pa'i brtul zhugs rjes mthun phyir/ /rig ma sbyang bar bya don du/ /rnam snang stsogs kyis byin brlabs pa'i/ /don du brgyad pa bstan pa yin/ /lnga pa dam tshig brjod pa la/ /'di la gang zhig log rtogs pa//de ni 'di yis spong byed pas/ /de yang le'u dgu par dkrol/ /bcu par brtag pa la sogs pas/ /rig ma byin gyis brlab pa dang / /drag po zhing stsogs bsgrub stsogs dang / /rdo rje 'dzin pa'i sa bon gsung / /lha yi gzugs ni grub pa yi/ /rgyu ru yi ge gsum rnams dang //snying rje shes rab rang bzhin gyi/ /ho gnyis bcu gcig par brjod do/ /sku gsung thugs kyi rdo rje dang / /byin brlabs gsol ba 'debs pa dang / /brtson 'grus lnga yi phan yon stsogs/ /bcu gnyis pa ru yang dag bsgrags/ /sngags bzlas de yi don stsogs dang / /rtag pa la sogs kha dog dang //mtshon sogs nges dang zhi stsogs las/ /bcu gsum pa ru ston par byed/ /zhi stsogs don du sngags kyi ni/ /drag po'i sgrub pa la sogs dang / /rnal 'byor pa yis sgrub don du/ /spyan stsogs bcu bzhi pa ru bstan/ /rig pa'i brtul zhugs rjes mthun phyir/ /rig pa sgrub pa'i thabs dang ni//dbang bskur la sogs nges pa kun/ /grub pa'i don du bco lnga pa'o/ /sku stsogs dkyil 'khor lha rnams dang / /rnal 'byor pa yi brtul zhugs dang / /rdzas stsogs sgrub thabs yang dag par/ /bcu drug pa ru bstan pa yin/ /dam tshig bsrung dang byang chub la//bse ru la sogs tshul nges pa/ /ston pa rgyal bas mdor bsdus pa/ /bcu bdun pa ru bstan pa mdzad/ /zab par brjod don spros pa dang / /rtsa bar ma smras brjod don du/ /rgyud ni phyi ma'i tshul gyis ni/ /le'u bco brgyad pa ru 'dod/ /'chang pa po dang nyan pa pos kyang bde blag tu bshad pa khong du chud par bya ba'i phyir/mdor bsdus pas brjod pa'i don tshig gi don bshad pa la sogs pa legs par rtogs par mi 'gyur ba'i phyir/ /skabs ji lta bar de brjod par bya ste/ /de la 'di skad ces pa ni gzhon nu ma'i dga' ba'i tshul gyis so so rang gis rig pa'i rang gi mtshan nyid kyi ngo bos gzhan rnams la bstan par mi nus pa'i phyir spyi'i rnam pas brjod pa ni rgyud kyi don mdor bsdus pa'o//bdag gis zhes pa ni mngon sum du thos pa'o/ /thos pa zhes pa ni thos pa dang bsam pa dang bsgom pa'i rim pas rtogs pa ste/ mthong zhing thos la khong du chud nas zhes rgyud phyi ma las brjod pas so//khong du chud kyang kun gzhi rnam par shes pa dang bral ba'i phyir nga rgyal med pa nyid kyis 'chad pa po la ston pa'i 'du shes bskyed nas chos rin po che'i bdud rtsi nyan pa la tshim pa med pas byang chub sems dpa' sems dpa' chen po dang sangs rgyas thams cad kyang gsan na gzhan lta smos kyang ci dgos zhes bslab pa'i don du thos pa smos so//khong du chud pa rnam par gcad par bya ba'i don du 'dir 'chad pa ni gzhan dag ste snang bar byed par 'dod pas mun pa byas pa bzhin du sdud pa po gzung bar bya bar 'os pa nyid du bstan par 'dod pas gzung bar mi 'os par bstan par 'gyur ro//de nyid du don rdzogs pa nyid kyis sdud par byed pa po nges par byas par bstan par mi 'gyur ro/ /gang gi tshe gang las gang du zhe na gsungs pa/ dus gcig na zhes pa ni skad cig ma gcig la ste/ 'dis ni bdag nyid bsam gyis mi khyab pa'i rnam par thar pa'i sgo thob pa dang /thos pa mang ba dang / mdo rin po che yang dkon pa nyid yin par sngar byung ba'i zhes pa la sogs pa'i mtha'i tshig gis so/ /ma 'ongs pas kyang 'di la 'bad par bya'o zhes gsungs pa'o/ /bcom ldan 'das zhes pa ni/ 'joms pa'i phyir na bcom zhes brjod/ /nyon mongs bdud la sogs 'joms pas//shes rab nyon mongs de 'joms phyir/ /de phyir shes rab bcom par bshad/ /ces te/ nyon mongs pa dang phung po dang 'chi bdag dang lha'i bu'i bdud 'joms pa'i phyir ro/ /dbang phyug dang ni gzugs bzang dang / /snyan dang dpal dang ye shes dang / /brtson 'grus phun sum tshogs ldan pa//drug la skal ldan zhes ni thos/ /phun sum tshogs pa 'di rnams ni/ /ji ltar rgyal la bsten 'jug yin/ /des na gzhan du gzhan min 'di/ /bcom ldan bde bar gshegs par 'dod/ /ces so/ /dbang phyug phun sum tshogs pa la sogs pa'i yon tan dang ldan pas de la rtog pa ma lus pa'i bag chags dang bral ba'i bdag nyid de bzhin nyid kyi rnam par dag pa ni dbang phyug phun sum tshogs pa'i bcom ldan 'das yin te/rang dang gzhan gyi don bsgrub pa de'i mthu dang ldan pa'i phyir ro/ /me long lta bu'i ye shes ni de las gzhan pa'i ye shes kyi 'byung khung nyid yin pas gzugs phun sum tshogs pa'i bcom ldan 'das kyi rang bzhin yin te 'di ye shes gcig gi mtshan nyid yin pa'i phyir ro//mnyam pa nyid kyi ye shes ni snying rje la sogs pa'i yon tan rin po che'i mthus 'gro ba mtha' dag la phan pa skyed pa'i nus pas snyan pa ma lus pa'i yang dag pa'i rten du gyur pa phun sum tshogs pa nyid kyis bdag por gyur pa dang ldan pas snyan pa phun sum tshogs pa dang dpal yang yin no//so sor kun tu rtog pa'i ye shes ni phyin ci ma log par dngos po yongs su gcod pa'i bdag nyid kyis ye shes phun sum tshogs pa'o/ /brtson 'grus kyi pha rol tu phyin pa'i rnam par dag pas rnam par gzhag pa'i bya ba nan tan gyi ye shes phun sum tshogs pa'i rtsol ba'o//thun mong ma yin pa'i yon tan rin po ches brgyan pa de ltar na bcom ldan 'das bde bar gshegs pa'o/ /de rnams thams cad kyang yin la de bzhin nyid du ji lta ba de bzhin gshegs pa ste/ /yang dag par rtog pa dang / gzhan rnams la yang de bzhin du ston par byed pas nges pa'i tshig gis bsgrub pas de bzhin gshegs pa'o/ /de rnams kyis sngar bshad pa'i sku dang gsung dang thugs gnyis su med pa'i rang bzhin gyis nyan thos la sogs pa'i yul ma yin pa'i phyir snying po'o/ /de nyid ye shes lnga'i rang bzhin gyis chos kyi dbyings kyi ngo bos dngos po thams cad khong du chud pas mngon sum dang rjes su dpag pas mi phyed pa'i phyir rdo rje yin te/gang bcom ldan 'das rdo rje 'dzin pa chen po zhes brjod de/ /rnam par dbye ba dang bral ba'i bstan pa'o/ /shes rab pha rol phyin gnyis med/ / ye shes de ni de bzhin gshegs/ /zhes pas/ de nyid btsun mo ste shes rab yin la de nyid sngar bshad pa'i rigs pas b+ha ga'o/ /de yang gnyis su med par mnyam pa'i rnam par rgyal ba las gsungs pa/ b+ha ga bcom ldan sangs rgyas te/ /des na 'dod chags sun mi dbyung / /de nyid gzhan ni dam tshig gsum//de nyid 'dir ni 'dus pa yin/ /zhes so/ /de rnams su zhes mang po'i tshig gis phyogs bcu mtha' yas pa'i 'jig rten gyi khams thams cad kyi brtan pa dang g.yo ba'i dngos po thams cad du snang ba'i rdul phra rab so so'i nang du chud pa'i stobs bcu la sogs pa'i chos 'byung ba'i nang du gnas pa sna tshogs pad+ma dang sna tshogs rdo rje la brten pa rdo rje rin po che'i rtse mo can gzhal yas khang na gnas pa rdo rje 'dzin pa chen po'i dkyil 'khor gyi tshogs gsungs pa yin no//gang gsungs pa/ mang po'i tshig ni so so'i rdul phran gyi/ /nang na mtha' yas 'od 'phro ma lus 'gro ba la/ /rten dang brten pa'i cha byad du ni gyur pa yin//'khor lo'i tshogs ni rnam par bstan par 'dod/ /bzhugs zhes te gdul bya'i sems can mos pa sna tshogs pa la sna tshogs pa'i thabs kyis yid 'phrog par byed pa gang gi tshe mgu bar byas pa de'i tshe de nas de ru bdag gis thos zhes sngar dang 'brel lo//gang dang lhan cig tu thos she na/ brjod kyis mi lang ba ste so sor rang gis rig pa'i rang bzhin gyis brjod par mi nus pa dang / de nyid kyi phyir brjod kyis mi lang ba ste/ rjod par byed pa ma yin pas so/ /mang po'i tshig yin pas byed pa po la byed pa'i rkyen no/ /slob dpon phyogs kyi glang pos//don dang sgra yi bye brag la/ /brjod bya rjod byed 'dod min te/ /de dag sngar ni mthong min phyir/ /spyi nyid kyis ni brjod pa yin/ /zhes brjod pas so/ /brjod par bya ba dang rjod par byed pa'i dngos po brtags pa nyid kyis chos kyi dbyings kyi ngo bo nyid de/ /don dam par rnam par rtog pa de dang bral bas de rnams kyi yon tan chen po gtso bo yin pa'i phyir dang por gsungs so//de ltar yang 'phags pa lang kar gshegs pa las/ /bdag la bcom ldan 'das kyis ngag gi rnam par rtog pa'i mtshan nyid kyi snying pa zhes bya ba'i chos kyi rnam grangs bshad du gsol//gang gis rnam par rtog pa'i ngag gi mtshan nyid kyi snying pos bcom ldan 'das kyis rnam par dbye bas so sor rtog pa'i sgo nas bdag dang gzhan dag byang chub sems dpa' sems dpa' chen po brjod kyis mi lang bas don gnyis rtogs par gyur nas myur du bla na med pa yang dag par rdzogs pa'i byang chub mngon par rdzogs par sangs rgyas te brjod kyis mi lang ba'i don gnyis po rtogs pa la sems can thams cad rnam par dag par byed par mdzad du gsol zhes so//de skad du kye rgyal ba'i sras tshig dang bral ba'i don ni sangs rgyas kyi tshig gi don zhes brjod do/ /chos kyi dbyings la yi ge ma mthong ba dang don ma mthong ba zhes so//de skad du yang dpal gsang ba'i thig le las/ /tshig tu brjod pa dang bral ba sangs rgyas kyi zhing nam mkha'i khams kyi rdul phra rab dang mnyam pa'i rdo rje rnal 'byor pa chen po'i dbang phyug rnams kyis zhes so/ /thams cad kyang yin la de rnams kyang sangs rgyas kyi zhing yang yin te/de rnams ni ri rab de rnams kyi rdul phra rab tsam yang mnyam pa'i rdul phra rab de dang mnyam pa'i grangs zhes pa ni grangs chen po nyid do/ /grangs rnams kyis yang brjod kyis mi lang ba'i yang brjod kyis mi lang ba zhes pa ni grangs med pa'i yang grangs med pa zhes bya ba la sogs pa ste de rnams kyi phyi ma'i ngag gi don shin tu mang ba nyid kyis grangs kyi bye brag gi tshig brjod kyis mi lang ba'i yang brjod kyis mi lang ba sgra ji srid du lan mang du yongs su bsgres kyang mdun na gnas pa'i bye ma'i phung po tsam nyid du yongs su chub pas nyung ba'i phyir tshig gi don snga ma de dang lhan cig tu gzhi mthun pa 'gal lo//gang 'phags pa stug po bkod pa las/ de'i mdun na gnas pa'i bye ma'i phung po chen por gyur pa dpag tshad du ma'i tshad du yod pa'i bye ma'i phung po bgrang ba dang gzhal ba dang tshad kyis grangs su byas pa 'di tsam zhes bye ma rnams kyi 'bru la mngon par brjod du med pa'i yang brjod du med par yongs su bsgres so//slar yang 'di nyid du gsungs pa ji srid du brjod kyis mi lang ba'i sangs rgyas 'byung ba brgyud pa rtogs so/ /de ma thag tu sems kyis de bzhin gshegs pa rnams 'dzam bu'i gling gi rdul phra rab dang 'dra bar rtogs so//de ma thag tu de bzhin gshegs pa rnams brjod kyis mi lang ba'i yang brjod kyis mi lang ba'i sangs rgyas kyi zhing rdul phra rab ji srid pa dang mnyam par sems kyis rtogs so/ /don gcig yin na yang don gzhan mi srid pas zlos par 'gyur ro/ /gzhi mi mthun na yang don med pa nyid do/ /de nyid kyi phyir gnyis su med pa'i rnam par dag pa rang rig pa tsam gyi rang bzhin chos kyi dbyings kyi ngo bo byang chub kyi rang bzhin ni sems dpa' ste/rang rig gis ni rig bya ba/ /chos dbyings rgyud dang bral ba ni/ /rtag cing bden pa'i dngos por mthong / /glo bur ma yin mtshan nyid ni/ /zhes rgyan las so/ /sems can gyi don la nus pa chen po ni sems dpa' chen po'o//dga' chen 'di ni gang la chags/ /sems can gnas la chags pa yin/ /zhes pas so/ /'di ltar dpag tu med pa yang bcu bdun pa 'di las de nas rdo rje nam mkha'i khams 'dir sems can gang rnams sku gsum gyi dam tshig las byung ba la de rdo rje'i dpal gyis yang dag par reg pas de rnams thams cad de bzhin gshegs pa dgra bcom pa yang dag par rdzogs pa'i sangs rgyas kyi rdo rje gsum gyi ye shes can du gyur to//deng nas brtsams te sems can thams cad kun du bzang po kun du bzang po zhes de bzhin gshegs pa thams cad kyi sku dang gsung dang thugs rnams kyis dbang bskur bar gyur to zhes gsungs pa'i tshig las so//gsang ba'i pad+ma'i dkyil 'khor du sems can gyi 'jig rten dbang bskur ma thag tu grub pa'i dngul chus zangs gser du byed pa bzhin du gnas yongs su gyur pas phung po dang khams dang skye mched rnam par dag pas gang rnams byang chub sems dpa' dang de bzhin gshegs pa rnams su yang gyur pas de rnams ming des brjod do//'di lta ste zhes pa ni 'di ltar ro/ /rang gi dam tshig bsgrub pa la gtso bor gyur pa ni 'dod pa'i lha sgrub pa'i thabs te 'gro ba mtha' dag gi don byed pa bya ba nan tan gyi ye shes kyang de bzhin gshegs pa thams cad kyis nges par bya dgos pa nyid kyis 'da' bar mi bya ba yin te/rnam 'grel las gzhan don yang / rtsom pa thams cad sbyor phyir ro/ /zhes pas so/ /des na dam tshig ni gtso bo ste snga ma ltar rdo rje bzhin du rdo rje yin te/ don yod grub pa dang por brjod do/ /dam tshig bzhin te zhes pa 'dis 'dir don yod grub pas brjod pas so//bya ba nan tan gyi ye shes kyang me long lta bu'i ye shes med na mi 'byung bas de'i ngo bo dang sku ste lus rdo rje bzhin du rdo rje ste/ de bcom ldan 'das rnam par snang mdzad gang yin pa de la de skad ces bya'o/ /de yod kyang 'dir chos thams cad kyi de kho na nyid so sor kun du rtog pa'i ye shes med na de mi 'byung ba yin la de las byung ba de'i ngo bo yan lag bcu gnyis kyi chos ston par snang ba'i gsung rdo rje ste/bcom ldan 'das 'od dpag med gang yin pa de la de skad ces bya'o/ /de yongs su mthar thug pa'i 'bras bu ni chos kyi dbyings rnam par dag pa'i ye shes te de'i rang bzhin thugs rdo rje ni gang de bzhin du bcom ldan 'das mi bskyod pa'o//'di dag thams cad mnyam pa nyid kyi ye shes med na mi 'byung bas de'i rang bzhin dge ba las sems rtse gcig pa'i mtshan nyid kyi ting nge 'dzin rdo rje ste/ gang de bzhin du bcom ldan 'das rin po che'i tog go/ /de rnams kyi dbang bskur ba ni go rims ji lta ba bzhin du sgrib pa thams cad rnam par sel ba dang /sa'i snying po dang / 'jig rten dbang phyug dang / phyag na rdo rje dang / nam mkha'i snying po zhes de bzhin du brjod de nye bar gdags pas so/ /de'i dgos pa yang yod de/ de'i rigs nyid du bstan pa'i phyir ro/ /gang dag kun du bzang po la sogs pa go rims ji lta ba bzhin du 'chad de/ci thams cad de bzhin du bshad par nus sam zhes mkhas pa rnams kyis dpyad par bya ste rgyud 'di ni thams cad du dkrugs pa yin no/ /nyon mongs pa dang shes bya'i sgrib pa bag chags dang bcas pa las rgyal bas rgyal ba'i rdo rje ste gang de skad du de kun du bzang po'o//dpal gsang ba'i rgyud las rgyal ba zhes bya ba'i byang chub sems dpa' gang kun du bzang po zhes grags so zhes brjod do/ /sra ba dang / gsher ba dang / dro ba dang / yang ba'i mtshan nyid rnams/ sa dang / chu dang / me dang / rlung rdo rje gang rnams yin pa de rnam par dag pa'i ngo bo bcom ldan 'das ma spyan dang /mA ma kI dang / gos dkar mo dang / sgrol ma rnams de bzhin no/ /thams cad la go 'byed par byed pa'i mtshan nyid kyis nam mkha' rdo rje zhes pa stobs bcu la sogs pa'i chos gang 'byung ba de bzhin gshegs pa thams cad kyi mngon par byang chub pa'i rten du gyur pa yin te rdo rje 'dzin pa chen po'i rang bzhin du dpang por gyur pa'o//gang gsungs pa/ brtan dang g.yo ba'i rdo rje thams cad la/ /gang 'dis go skabs ster bar byed pas na/ /de phyir nam mkha'i khams kyi rdo rje ni/ /rdo rje 'dzin pa'i rang bzhin nges tshig las/ /zhes so/ /de nyid kyi phyir nam mkha'i rang gi ngo bo rdo rje 'dzin zhes gsungs so/ /sangs rgyas dang byang chub sems dpa' la sogs pa rnam pa sna tshogs pa bsam gyis mi khyab pa'i gzhan gyi don bya ba rnams grub par bya ba'i phyir/shing la sogs pa'i gzugs kyis kyang ji srid du mngon du 'gyur ro/ /gang gsungs pa/ de rnams dgon pa rnams su shing chen gyur/ /sman dang mi zad rin chen gter du yang //zhes so/ /yid du 'ong ba dang yid du mi 'ong ba dang bar mar gnas pa'i dbye bas gsum gyi ngo bo gzugs dang / sgra dang dri dang ro dang reg bya dang / rnam par rtog pa'i yul du gyur pa'i chos kyi dbyings kyi rdo rje yin te gang de rnams ni sbyin pa gsum la sogs pa de dag gi rnam par dag pa'i ngo bo de bzhin du gzugs dang sgra dang dri dang ro dang reg bya dang chos kyi dbyings kyi rdo rje rnams so//chos kyi dbyings kyi rang bzhin shes rab dang thabs kyi ngo bo yin pa'i phyir dang / 'jig rten na yang rtags nges pa med pas shes rab gtso bo yin yang ting nge 'dzin rnams pho'i rtags kyis bstan to/ /'dir 'bras bu la bye brag med kyang de bzhin gshegs pa kun pas byang chub sems dpa' de rnams dang por bstan pa ni phyag bya ba gnyis ni bde gshegs dang /rgan pa zhes pas gang dag byang chub sems dpa' rnams la phyag bya ba ma yin par smra ste/ de rnams sngar 'byung ba rgyu mtshan du brjod pas myu gu 'dod pa rnams sa bon len pa bzhin du de bzhin gshegs pa nyid 'dod pa rnams byang chub sems dpa' la phyag 'tshal ba la sogs pa bya ba nyid do zhes gsungs so//de ltar yang 'phags pa stug po bkod pa'i mdo las gsungs pa/ de nas yang dge slong de rnams kyis 'jam dpal gzhon nur gyur pa'i zhabs la phyag 'tshal nas thal mo sbyar te 'di skad ces gsol to/ / bdag gis skyes bu dam pa khyod mthong ba dang phyag byas pa'i dge ba'i rtsa ba dang gang yang bdag gi dge ba'i rtsa ba gzhan nyid khyed dang mkhan pos mkhyen pa dang gang yang bcom ldan 'das shAkya thub pa de bzhin gshegs pa'i mngon sum du bdag gi dge ba'i rtsa ba 'dis khyed ji lta ba bzhin du gyur cig /de bzhin du rang bzhin dang sku yang thob par gyur cig /de bzhin du gzugs dang dbyangs dang / de bzhin du mtshan gyi gzugs 'di lta bu dang rnam par 'phrul ba khyed kyi ji lta ba bzhin du gyur cig ces so/ /slar yang 'di nyid du gsungs pa 'di lta ste/ rigs kyi bu gang rgan pa rnams dang sna chen po la gtogs pa rnams kyis kyang rgyal po'i bu byis pa gzhon nu la phyag bya'o//rgyal po'i bus kyang rgan pa dang sna chen po la gtogs pa la gus par mi bya ba ni ma yin no/ /de bzhin du tshangs par spyod pa yun ring por spyad pa'i rgan pa'i nyan thos dang rang sangs rgyas rnams kyis kyang las dang po pa'i byang chub sems dpa' la 'dud par bya'o/ /byang chub sems dpas kyang nyan thos dang rang sangs rgyas rnams la gus par mi bya ba ni ma yin no//'di lta ste rigs kyi bu thams cad kyis spa bkong ba'i rgyal po'i bu rgyal po'i mtshan nyid ma spangs pas thams cad kyi mchog thob kyang rgyal po'i sna chen po la gtogs pa dang mnyam pa ma yin te/ rigs gtso bor gyur pa'i phyir ro//de bzhin du nyon mongs pa dang shes bya'i sgrib pa'i nye bar len pas yongs su gnod pa las dang po pa'i byang chub sems dpa' thams cad mkhyen par sems bskyed pa'i mtshan nyid kyis mi dben pa yang thams cad kyi mchog thob pa'i nyan thos dang sangs rgyas thams cad dang mi mnyam ste/ sangs rgyas kyi rigs kyi bdag po'i gtso bor gyur pa'i phyir ro//dper na rigs kyi bu yongs su dag pa'i nor bu rin po che la mig rab rib kyi nyes pa can gyis yongs su ma dag pa'o zhes brjod cing yang dag par rtog par mi 'gyur ro/ /de bzhin du rang bzhin gyis yongs su dag pa'i thams cad mkhyen pa'i sems rin po che bskyed pa la sems can ma dad pa'i mig mi shes pa'i rab rib kyi nyes pas yongs su ma dag pa'o zhes shes so//rigs kyi bu dper na rig pa thams cad dang sman bsdus shing tshogs pa'i sman gyi lus mthong ba dang reg pa dang lhan cig pas sems can rnams kyi nad rab tu zhi bar byed do//de bzhin du dge ba'i rtsa ba thams cad 'phel ba'i shes rab dang thabs dang rig pa'i sman byang chub kyi sems yang dag par bzung ba dang yang dag par ldan pa byang chub sems dpa'i sman pa'i ye shes kyi lus mthong ba dang thos pa dang lhan cig smra ba dang / rjes su dran pa'i sbyor bas sems can rnams kyi nad rab tu zhi bar byed do zhes so//de bzhin du 'phags pa klu sgrub kyi zhal snga nas/ byang chub sems dpa' phyag bya min/ /zhes pas shin tu tshig ngan smras/ /byang chub sems dpa' ma thob na/ /chos kyi sku ni skye mi 'gyur/ /gang zhig bur shing sa bon la/ /zhe sdang sha kar za bar 'dod/ /bur shing sa bon nyams pa yis//sha kar skye ba nyid du 'gyur/ /bur shing sa bon bsrungs pas na/ /de la nye ba nyid du bsam/ /bu ram sha kar phye ma rnams/ /de las skye ba nyid du 'gyur/ /byang chub sems ni bsrungs pas na/ /de la nye bar bsam par bya/ /dgra bcom pa dang rang sangs rgyas/ /de las skye bar 'gyur ba yin//dper na sA lu'i myu gu sogs/ /so nam pa yis srung bar byed/ /de bzhin theg mchog chos rnams kyis/ /gtso bo srung bar byed par 'gyur/ /ji ltar nag po'i bcu bzhi la/ /zla ba'i lus ni mthong mi 'gyur/ /de bzhin theg mchog la mos pa/ /sangs rgyas gzugs ni mthong bar 'gyur/ / ji ltar zla ba gzhon nu nyid/ /skad cig skad cig 'phel bar mthong / /de bzhin sa la zhugs rnams kyis/ /'phel ba skad cig skad cig mthong / /ji ltar nges par bco lnga la/ /zla ba gang ba rnam par mdzes/ /de bzhin sa yi mthar son pa'i/ /chos kyi sku ni rnam par mdzes/ /zhes so/ /de dag las zhes pa ni mjug sdud pa'o//thams cad nam mkha'i dbyings dang mnyam pa zhes bya ba ni thams cad du son pa'i chos kyi dbyings kyi rang bzhin mtha' yas pas so/ /bdud bzhi la sogs pa rnams kyis bskyod par mi nus pa ste/ de nyid kyi phyir na rdo rje'o/ /sems can thams cad kyi rgyud la yod pa'i mun pa rnam par snang bas sel bar byed pas na dngos po thams cad kyi de nyid gang la snang bar byed pas rang don//a ni rkyen phyin pas rdo rje rnam par snang mdzad do/ /zag pa med pa'i dga' ba rgyas par byed pa dang / dngos po thams cad kyi de kho na nyid ston par byed pa'i phyir rin po che dang chos mthun pas yid bzhin gyi nor bu rin po che bzhin du bsam pa thams cad yongs su rdzogs par byed pa'i rgyu mnyam pa nyid kyi ye shes te/rin po che tog gi mtshan ma yod pa dang gang rdo rje yin pa de la de skad ces bya'o/ /gzhal du med pas dpag tu med pa ste/ chos thams cad kyi de nyid ston pa'i sprul pa yin te rdo rje gang yin pa de la de skad ces bya'o/ /don yod pa ni sems can thams cad la 'bras bu dang bcas pa ste bya ba nan tan gyi ye shes so//rdo rje bzhin du ye shes lnga la sogs pa'i rang bzhin yin pas rdo rje ni nges par 'byed pa'i shes rab yin te/ dngos po thams cad kyi de kho na nyid rab tu rtogs pa'i phyir ro/ /snying po brtan zhing khong stong med/ /stong pa nyid la rdo rjer brjod//ces te/ mngon sum la sogs pas mi gnod pa nyid dang / mi phyed pa'i yang phyir gang rdo rje yin pa de la de skad ces bya'o/ /de bzhin du ma brjod pa thams cad la yang rdo rje'i don shes par bya'o/ /de ltar/ phung po khams dang skye mched ni/ /thams cad phyag rgyas rgyas gdab bo/ /zhes rgyud kyi phyi ma las so//'di tsam nyid ni kun rdzob kyi bden pa la brten nas don byed pa'i phyir dngos po'o/ /de la gzugs can bcu ni rang gi shes pa dang dus gcig pa ni phung po yin la de bas snga ba ni dbang po dang yul yin no/ /reg bya'i phyogs gcig sa la sogs pa bzhi ni khams yin la lhag ma ni reg bya'o/ /slob dpon phyogs kyi glang pos/nang gi shes bya'i ngo bo ni/ /phyi rol ltar snang gang yin de/ /don yin rnam shes ngo bo'i phyir/ /de rkyen nyid kyang yin phyir ro/ /zhes brjod pas rnam par shes pa thams cad rang gi cha dmigs pa nyid kyis rnam par rtog pa'i yul du yang / nam mkha' chos kyi dbyings kyang yod//rnam par rtog pa rang rig 'dod/ /brtags phyir don dang 'brel ba min/ /zhes pas rang rig pa'i ngo bo yin pas na mngon sum yin pa'i phyir don med pa nyid do/ /de'i phyir gsungs pa/ snang bar gyur pa'i yul rnams gang yin pa/ /gang zhig rtogs pa'i gnas su gyur pa rnams/ / de de gnyis su sbyor dang bral bas na/ /des na rnam par dbye ba thams cad min/ /zhes so/ /de las gzhan du goms na 'khor ba dang / gang zag la bdag med pas nyan thos dang bse ru lta bu dang gnyis su med pa'i de bzhin nyid kyi ngo bos pha rol tu phyin pa bcu yongs su rdzogs pas bskal pa grangs med pa gsum mam sum cu rtsa gsum gyis yin no//'di la bsal bya ci yang med/ /bsnan par bya ba cung zad med/ /yang dag nyid la yang dag lta/ /yang dag mthong na rnam par grol/ /zhes pa'i rigs pas rigs kyi stobs kyis bla na med pa yang dag par rdzogs pa'i sangs rgyas su 'gyur ro//zhal gsum la sogs pa'i gzugs kyis de bzhin gshegs pa la sogs pa'i rnam par yang bsgoms na sngags pas tshe 'di nyid la bla na med pa'i shes rab dang thabs kyi rang bzhin dri ma med pa mchog tu dga' ba'i rang bzhin gyi skal ba can du 'gyur ro/ /de ltar brjod de/ mdor na phung po lnga rnams ni//sangs rgyas lngar ni rab tu grags/ /rdo rje skye mched nyid kyang ni/ /byang chub sems dpa'i dkyil 'khor mchog /sa ni spyan du grags pa ste/ /chu khams mA ma kI ru grags/ /gos dkar mo dang sgrol ma ni/ /me dang rlung du grags pa yin/ /mkha' dbyings rdo rje'i dam tshig ni/ /de nyid rdo rje 'dzin par brjod//ces so/ /'di yis de bzhin gshegs pa ni/ /sku dang thugs kyi rdo rje 'dzin/ /gsung ni chos 'dzin mchog yin te/ /tshe 'di nyid la thob par 'gyur/ /zhes so/ /'di ltar ci'i phyir yin zhe na/ gang gi phyir mngon sum dang rjes su dpag pa dang lung gi yul rnams la de rnams kyis mi gnod pa nyid kyis bde bar gshegs pa'i rjes su dpag pa dang lung dag gis bskal pa grangs med pa gsum mam sum cu rtsa gsum gyis yin no zhes so//de nyid kyi phyir skye ba 'di la zhes pa la sogs pa shes par bya'o/ /mthong ba med pa tsam dang tshad ma med pa yang 'dir thams cad du mtshungs pa yin te/sangs rgyas bcom ldan 'das rnams kyi rang bzhin ni bskal pa yin pa'i phyir ro/ /de nyid kyi phyir de tsam nyid yin te nyams pa sna tshogs dang rnam par dag pa dang kha dog dang phyag mtshan la sogs pa la mos pa'i rnal 'byor pa rnams kyis gdul bya'i skye bo de rjes su gzung ba'i phyir de ltar rtogs par bya ba nyid kyis de dag la sogs pa ste gang rnams de rnams dang lhan cig pa'i dbang po'i 'khor gsungs so//til gyi gong bu bzhin du zhes pa ni til gyi gong bu sa bon gyis yongs su gang ba bzhin du de bzhin gshegs pa thams cad kyis 'dir gang bar snang ngo / / gyur to zhes pa ni ston pa'i dus na'o/ /'dis ni de bzhin gshegs pa thams cad kyi gsung gcig nyid kyis rgyud 'di gsungs par bstan pa yin no/ /de bzhin gshegs pa'i gsung yin pa'i phyir zhe na/ /chos ni thams cad bdag med dang / /'dus byas thams cad skad cig ma/ /mya ngan las 'das zhi 'di rnams//chos kyi phyag rgya'i mtshan nyid gsum/ /zhes pa yin te/ mtshan nyid gsum po de sngags kyi theg pa 'dir 'dus pas so/ /de skad du bcom ldan 'das kyis gsang ba'i bdag po mi rtag pa zhes bya ba ni shin tu mi rtag pa'i don te de'i dbang du byas pa'i tshig dang sdug bsngal zhes pa ni smon pa dang bral ba ste de'i dbang du byas pa'i tshig go//bdag med pa zhes bya ba ni stong pa nyid kyi mtshan nyid de de'i dbang du byas pa'i tshig go/ /zhi ba zhes bya ba la sogs pa ni mtshan ma med pa mngon sum du byed pa ste de'i dbang du byas pa'i tshig go/ /des 'di tshad ma ji ltar yin zhe na/mngon sum yul la mngon sum dang / /de las rjes dpag yul dang ni/ /de dag yul min rang gis ni/ /gnod med slu ba med phyir tshad/ /gang rnam 'grel las/ /mthong dang ma mthong 'di la ni/ /slu med de yi yul dag la/ /mngon sum rjes su dpag pa dang / /gnyis pos kyang ni gnod pa med//'dir yang mngon sum yul la ni/ /phung po skye mched khams rnams la/ /kun la phyag rgyas rgyas btab pa/ /phung po skye mched khams rnams ni/ /zhes pa la sogs pas kun rdzob kyi bden pa la brten nas bstan pa yin te des rjes su dpag par bya ba yang gnyis su med pa la sogs pa yin te chos thams cad gnyis su med pa zhes pa la sogs pas don dam pa'i bden pa la brten nas rjes su dpag pas so//de dag gi spyod yul ma yin pa yang lung gi yul yin la tshe 'di nyid la sangs rgyas la sogs pa yin te/ 'dis ni sku ni sangs rgyas nyid/ /thugs ni rdo rje 'dzin pa yin//gsung ni rdo rje mchog yin te/ /tshe 'di nyid la thob par 'gyur/ /zhes pa la sogs pas bstan to/ /phyogs 'ga' zhig tu rang gis kyang mi gnod pa zhes pa blang bar bya ba yin te/ sngags kyi theg pa 'dir mthong ba dang ma mthong ba'i 'bras bu 'dod pas don chen po las nyams pas 'jigs nas mkhas pas bstan bcos grub pa'i rigs pa dang /rang gi tshig gis mi gnod na/ /de gzugs mthong dang mi mthong la/ /zhes pas rigs pa shes pas 'dod/ /gang bcom ldan 'das kyis/ dge slong dag gam mkhas rnams kyis/ /bsregs bcad bdar ba'i gser bzhin du//rigs pas brtags nas nga yi bka'/ /blang bar bya yis gus phyir min/ /zhes so/ /ci ste yang mdo sde la 'jug pa dang 'dul ba la snang ba dang mngon pa dang mi 'gal ba ni sangs rgyas kyi tshig yin la gzhan du ni bdud kyi tshig yin no zhes pas 'di'i don gyi mdo sde la sogs pa la 'jug pa la sogs pa med pas ji ltar na de bzhin gshegs pa thams cad kyi ngag gcig yin zhe na/ma yin te rang gi zhes pa ngag 'di khyad par du byas pa'i phyir ro/ /sngags pa 'di'i mdo la sogs pa la 'jug pa la sogs pa yod pa'i phyir ro/ /gang 'phags pa thogs med kyis/ / rang la 'jug pa rang nyid kyis/ /'dul ba snang ba la sogs pa/ /zab cing rgya che'ang yin pas na/ /chos nyid yin par 'gal ba med/ /gzhan du na yang gang 'phags pa thams cad yod par smra ba la sogs pa'i 'dul ba rnams la dus ma yin pa'i zas la sogs pa ma bstan pa dag de las gzhan pa dang phan tshun du 'gal bas dang phan tshun du ltos te/sde pa bzhi'i lung sangs rgyas kyis ma gsungs pa nyid du thal bar 'gyur ro/ /tshad mas grub pa'i blang ba dang dor ba'i de kho na nyid thabs dang bcas pa thams cad du phan tshun 'jug pa la gtam rgyud 'gal na yang mi 'gal ba yin te/ de nyid kyi phyir gtso bo'i don la slu ba med pas shin tu lkog tu gyur pa'i don du yang tshad ma'i rang bzhin yin te/gang rnam 'grel las/ blang dang dor bya'i de nyid la/ /thabs dang bcas par rab bsgrubs pas/ /gtso bo'i don la mi slu'i phyir/ /rjes su dpag pa gzhan du yang / /zhes so zhe na/ 'di ltar tshad mas grub pa'i gang zag dang chos la bdag med pa 'bras bu dang bcas pa'i theg pa chen po thams cad du bstan pa'i phyir dang rang dang gzhan byang chub pa'i rgyu yin pa'i phyir de nyid gtso bo'i chos rin po che yin te/rigs pa shes pa don chen po nyams pas 'jigs pa rnams kyis thos pa dang bsams pa dang bsgoms pa las byung ba'i shes rab kyis mngon par sbyor bas brten par bya ba yin te/lo rgyus 'gal ba la sogs pa brjod pa dang mi mkhas pa rnams kyis blang bas ci zhig bya zhing shin tu blo gros ngan pa bsal bar byas pa ci zhig bya/ chos ni thams cad bdag med dang / / 'dus byas thams cad skad cig ma/ /mya ngan las 'das zhi 'di rnams/ /chos kyi phyag rgya'i mtshan nyid yin/ /des na theg pa gsum la khyab/ /spyi yi mtshan nyid gsungs pa yin/ /gzhan gyi mtshan nyid mi srid pas/ /sangs rgyas kyis gsungs cung zad min/ /nyes pa gsum dang rnam bral nyid//mkhas pas mtshan nyid dag tu 'dod/ /min na gsum por thal bar 'gyur/ /sde pa bzhi yi lung rnams ni/ /rnam pa bco brgyad phye rnams la/ /dus ma yin pa'i zas la sogs/ /rnam gzhag phan tshun gnod pa yin/ /gang du spyi yi mtshan nyid yod/ / de phyir de ni kun mkhyen tshig /gang du de yi mtshan nyid med/ /de ni bcom ldan gyis gsungs min/ /zhes pa ni bsdu ba'i tshigs su bcad pa rnams so/ /de nas zhes pa ni zhal gsum gyi rnam par yang dag par gzigs pa'i rjes la'o/ /de nam mkha'i khams thams cad du rtag tu gnas pas sku dang gsung dang thugs kyi rdo rje nyid yin pa'i phyir chen po yang yin la thabs rnam pa sna tshogs pas dngos po thams cad kyi de kho na nyid rab tu ston par byed pas snang mdzad yin te/sems can gyi rgyud la rab tu ston par byed pas rnam par snang mdzad kyang yin no/ /skabs 'dir byed pa'i sgra las rdo rje 'dzin pa chen po'o//'di'i chen po yang chos kyi dbyings kyi ngo bos dang snying rje chen po'i dbang du gyur pas kyang sems can thams cad kyi rgyud la khyab pa yin la 'dod chags kyang dngos grub thams cad kyi man ngag ster bas rjes su chags pa'i phyir dang / zag pa med pa'i bde ba chen po'i dga' bar byed pa yang yin pa'i phyir ro//shes rab dang thabs kyi rang bzhin dri ma med pa'i bde ba chen po rang gis rig pa'i ngo bo kun du bzang po'o/ /'dod chags chen po bcom ldan 'das/ /dngos grub kun la rjes chags phyir/ /mchod pa chen po 'dod chags che/ / sems can thams cad dga' bar byed/ /ces pa'i lung las so/ /de skad du yang gsungs pa/ sdug bsngal ma lus tshogs sel dang / /sdug bsngal rgyu las 'don 'dod pas/ /de phyir sems can thams cad la/ /snying rje chags par rab tu brjod/ /gang zhig mngon par 'dod stobs pa//de phyir gru yi 'bras bu bzhin/ /gang zhig rjes mthun sbyor ba yis/ /de nyid thabs su rab tu brjod/ /'o ma dang ni chu bzhin du/ /gang zhig snying po tshogs gyur pa/ /gnyis su med pa'i sbyor ba yis/ /de nyid shes rab thabs su brjod/ /de 'dis thob par byed pas na tshul lo/ /de gang yin zhe na/ting nge 'dzin yin te/ shes rab dang thabs kyi rang bzhin gyi rnal 'byor ro/ /shes rab thabs kyi snyoms 'jug pa/ /rnal 'byor zhes rgyud phyi ma las so/ /de las snyoms par 'jug pa ni mngon sum du byas pa yin la mchog tu rjes su chags pa'i snyoms par 'jug pas gdul bya'i 'jig rten thams cad la dmigs te nam mkha'i khams thams cad du khyab pa'i de bzhin gshegs pa de rnams 'di la bcug par gyur pa rnams yin te/sngon gyi smon lam sad pa'i phyir dang / /ting nge 'dzin gyi mthu bsam gyis mi khyab pa'i yang phyir ro/ /de bzhin gshegs pa rnams rtag tu mnyam par gzhag pa yin yang gang ting nge 'dzin la snyoms par zhugs pas ston pa yin te/de mnyam par gzhag pa nyid kyis chos ston pa la sogs pa la 'jug par bya'o zhes pa dang / lam 'di nyid kyis bla na med pa yang dag par rdzogs pa'i byang chub thob par 'gyur ro zhes kyang bslab par bya ba'i don du bya ba yin te/thabs gzhan gyis ni sangs rgyas min/ /zhes rgyud phyi ma las bshad pa'i phyir dang / ma thogs sbyor ba gzhan ma yin pa smros/ /mi mnyam mnyam pa'i chags tshul rnam dag pa/ /zhes pa dang / chags nyid gsang ba chen po ste/ /bde ba kun gyi bdud rtsi mchog /ces gsang ba'i thig le las so/ /de ltar yang / gang nyid yun ring dus su bsgom/ /de bzhin gus pa yis kyang yin/ /bar med pa yis de nyid ni/ /gsal por 'gyur zhes gzhan du min/ /'dod ldan ma stsogs rnam rtog la/ /ji ltar der na snang gyur pa/ /yang na ji ltar bdag zhen pa//de la bdag med stobs can min/ /sems la bde ba'i rnam bsgom pa/ /rang dang gzhan gyi rgyud dag la/ /bla med theg la rnal 'byor pas/ /de phyir de ru de gsal 'gyur/ /mkhas pa byis pa bud med rnams/ /kun gyis bde ba tshol bar byed/ /rgya chen rgyun gyis dbye ba yis/ / de ni rnam pa lnga ru 'dod/ /gang zhig mchog yin der bsgoms te/ /de nyid du ni rnal 'byor sbyar/ /rtog ldan de ru bde ba ni/ /rgya chen rgyun ni rab tu bsngags/ /tshad ma lung gis der grub pa/ /des na de ni phyin log min/ /de dag nyid kyis nges gyur pa/ /mkhas pa yin zhing don dam ma yin yang de nyid bde ba la sogs par byed pa'i phyir rnal 'byor pa rang dang /gzhan dag gi byang chub kyi rgyu yin la/ 'di las gzhan pa rnams kyi yang 'khor ba'i rgyu ji ltar yin zhe na/ /dper na/ gang zhig de nyid ma mthong ba'i/ /blo ni phyin ci log pa'i dug /de nyid mthong ba de yi ni/ /bdud rtsi phyin ci ma log blo//de nyid kyi phyir/ /gang nyid kyis ni rmongs pa 'ching / /'dir ni mkhas pa de yis grol/ /zhes bya ba la sogs pa dpal mchog dang po las so/ /bde ba'i rnam pa myong ba las/ /'dod chags la sogs skye ba'i phyir/ /'khor ba rgyun chad mi 'gyur te/ /de yi rtsa bas srid pa gnas//zhe na 'dod chags la sogs pa'i/ /rgyu ni bde ba'i rigs pa min/ /de yi rgyu ni gti mug ste/ /gnyis med sems la de yang med/ /gang rnam 'grel las/ /bdag gzhan yang dag sgro btags pa/ /'dod chags chos ni de dag nyid/ /log par sgro btags med gyur na/ /bde ba la yang 'dod pa med//de nyid kyi phyir slob dpon dbyig gnyen gyis/ /phyi'i rnam par g.yeng bas ting nge 'dzin la nyams par byed do zhe na/ ting nge 'dzin las skyes pa'i nang gi bde ba lus las skyes pa'i lus kyi bde ba ni ting nge 'dzin gyi rjes su mthun pa nyid kyi phyir ro zhes pas so/ /gang gi phyir de bzhin du sdug bsngal skyo ba'i rgyu nyid dang //btang snyoms dgos pa med pa'i phyir/ /bsgom min de phyir gnyis ma yin/ /bde ba nyid ni bsgom par bya/ /zag bcas yin na yongs gyur pa/ /de tshe skyo bar byed 'gyur zhes/ /de yongs dag dang rtsa 'gal phyir/ /bdag med pa thong ba goms par bya//de nyid kyi phyir gsungs pa bde ba'i bsgrub bya de mchog mnyam pa rin po che yin de las mchog ni med ces so/ /de bzhin du yang dpal gsang ba'i thig le las/ /rdo rje sems dpa' khyod ni bde ba sgrub par byed/ /ces so/ /shes rab dang snying rje'i bdag nyid can nyid ni bde ba mngon sum du byas pas 'gro ba ma lus pa'i don byed pa la khyab pa'i rjes su 'gro ba dang ldog pas tshad ma dang lung gis nges so//bdag nyid bde bar byed pa na/ /mkhas pas bde ba'i rnam pa yin/ /srid par skyo bar mi byed pas/ /rtag tu gzhan gyi don byed do/ /dmyal sogs song na de yis ni//sgyu ma bzhin du rab tu snang / /ji ltar snod yin ma lus la/ /shin tu sems can don byed do/ /sdug bsngal skye bar byed phyir dang / /btang snyoms mkho ba med pa ni/ /skyo dang mkho ba med dag gis/ /'khor ba las ni chags bral yin/ /de las chags bral myang 'das la/ /rtag tu gnas par 'gyur ba'ang yin//mya ngan 'das la gnas pa de/ /ji ltar sems can don srid yin/ /de ni me bzhin mya ngan 'das/ /zhes pas ci yi phyir mi brjod/ /mya ngan 'das la sems can don/ /rnam par log pa mtshon pa yin/ /snying rje rang dbang son pas na/ /rgya che rgyun gyi bde ba'ang yin//mi gnas mya ngan 'das pa la/ /sangs rgyas dri med rnams ni gnas/ /'khor bar ma yin myang 'das min/ /mi gnas pa ru rab gnas yin/ /gnas dang gnas ma yin sbyor bas/ /thub pa rnams kyis mya ngan 'das/ /gang phyir lta la sogs ldan pa/ /bsgom pa ma 'khrul pa yi sems//de ni mthong ba'i chos la'ang / /shes rab la sogs rab sgrub byed/ /de nyid ji ltar yin zhe na/ /nges pa med kyang 'jug par 'gyur/ /rtogs ldan gnod pa ma mthong bas/ /the tshom za na'ang 'jug pa min/ /bla med bde ba thob pa'i phyir/ /'dod pa ldog par mi 'gyur ro/ /theg pa gzhan la 'dod pa ni//rtogs ldan ma yin thal bar 'gyur/ /'bras bu thob pa'i phyir zhugs pa/ /rtogs ldan de las gzhan du min/ /bdag dang gzhan gyi don thob pas/ /'jug la dgos pa ci zhig yod/ /rgya che'i rgyun bde rnam pa la/ /mkhas pa rnams ni rang dbang gyur/ /rang don de srid rgyun mi 'chad//sgro 'dogs kun bral la mkhas pas/ /sgro 'dogs kun bral mkhas pa yang / /shes bya'i sgrib pa dag pa yin/ /bag chags dang bcas nyon mongs dang / /phung po thams cad rnam dag bsten/ des na lus dang ngag dang yid/ /nyams pa rab tu spangs pa yin/ ji ltar snod yin ma lus pa'i/ /sems can don la mnga' bdag yin/ /ting 'dzin sngags kyi mthu yis ni/ /gang ltar gzhan gyi rgyud dag la/ /dug la sogs pa sel ba ltar/ /bde ba'i rnam pa yang srid yin/ /sgrub par byed dang gnod med phyir/ /'dir ni mkhas pa the tshom za/ /de las gzhan ni don brten min//snying rje sgro 'dogs med sbyor ba/ /des na mkhas pa rnams la rigs/ /'jug pa don gyi the tshom las/ /rang gi don la de rnams nges/ /rjes su dpag pa las 'jug yin/ /gang gi rnam par bsgom gyur pa/ /de sems blo ni 'dod 'bras bu/ /bsgom pa yongs su rdzogs pa la//zhes sogs sngar ni brjod pa yin/ /yongs rdzogs bde ba thob pa la/ /gzugs sogs snang ba bsgom pa yin/ /blo gros bzang la rigs pa yin/ /de med rang dbang du mi 'gyur/ /gzugs sogs snang ba'i myong ba la/ /shin tu yang ni myong ba yin/ /che rgyun bde ba myong ba'i phyir//de thob de dang 'brel ba yin/ /zag med bde ba thob pa la/ /de nyid phyir na brjod pa yin/ /dpal ldan gsang 'dus rgyud brjod pa'i/ /mkhas pas bsgom par bya ba yin/ /de nyid brtan zhing gnyug ma'i gzugs/ /rjes su mthun la phyin log gis/ /'bad du zin kyang mi bzlogs te//blo yis de la rjes gzung phyir/ /gang rnam 'grel las/ /'tshe ba med dang yang dag don/ /ngo bo nyid la phyin log gis/ /'bad du zin kyang mi bzlogs te/ /blo ni de phyogs yin phyir ro/ /de bzhin du dpal rdo rje snying po'i rgyan las/ /'dod chags chen po'i dngos grub thob pa'i byang chub sems dpa' chen po rnams bde ba chen po'i mchog thob par bya ba'i phyir yang dag par 'jug go//bde ba chen po mchog grub pa'i byang chub sems dpa' chen po rnams de bzhin gshegs pa thams cad kyi byang chub chen po'i mchog grub pa'i phyir yang dag par 'jug go//de bzhin gshegs pa thams cad kyi byang chub chen po'i dngos grub kyi mchog thob pa'i byang chub sems dpa' chen po rnams bdud chen po rnams 'joms pa'i dngos grub mchog thob pa'i phyir yang dag par 'jug go/ /bdud chen po 'joms pa mchog grub pa'i byang chub sems dpa' chen po rnams khams gsum mtha' dag gi dbang phyug yang dag par 'jug go//khams gsum mtha' dag gi dbang phyug mchog grub pa'i byang chub sems dpa' chen po rnams sems can gyi khams ma lus shing lus pa med par yongs su skyob pa dang / sems can thams cad la phan zhing bde ba'i mchog dang /shin tu bde ba chen po'i mchog grub par 'gyur ro/ /de ci'i phyir zhe na/ ji srid 'khor ba'i khang gnas par/ /gyur pa'i mchog dang dpa' bo rnams/ /de srid mnyam med sems can don/ /byed bzhed mya ngan ma 'das pa/ /shes rab pha rol phyin pa'i thabs/ /ye shes byin rlabs kyis bsgrubs pa//las kun rnam par dag pa dang / /srid pa dag par 'gyur ba yin/ /'jig rten gdul bya chags sogs kyis/ /ji srid 'khor ba'i rtags sdig byas/ /de rnams rnam par dag don du/ /rang nyid 'khor ba ji srid 'dul/ /dper na pad+ma legs dmar ba/ /tshon gyi nyes pas ma gos ltar//rtag gyur gnas kyi skyon gyis ni/ /'gro la phan pa gos ma yin/ /'dod chags chen po rnam dag pa/ /bde ba chen po gter chen po/ /khams gsum dbang phyug thob pa rnams/ /de rnams brtan pas don byed do/ /zhes so/ /de nyid kyi phyir/ /kye ma rang bzhin rnam dag 'di//rjes su chags pa'i rang 'byung rnams/ /chags bral gang zhig dag bya'i phyir/ /chags pa yis ni 'dul bar byed/ /'di ni sangs rgyas thams cad kyi/ /'dod chags ye shes rnyog pa med/ /'dod chags bral ba chags pas bcom/ /bde ba thams cad ster bar byed/ /ces dpal de kho na nyid bsdus pa las so//'khor bas skyo ba bskyed don du/ /sdug bsngal la sogs bstan par byas/ /phal cher skyo ba'i sems nyid ni/ /thar pa'i lam la 'jug par byed/ /sems can snying rje'i dbang song gang / /sdug bsngal nyid ni mthong ma yin/ /de rnams rmongs pa spang phyir te/ /sdug bsngal bstan pas 'jug pa min//gang rnam 'grel las kyang / /'du byed sdug bsngal nyid mkhyen nas/ /sdug bsngal bsgom pa gsungs pa yin/ /kho bo'i de yang rkyen las byung / /de ni bdag med lam brten yin/ /stong nyid lta bas grol 'gyur gyi/ /bsgom pa lhag ma de don yin/ /de phyir mi rtag las sdug bsngal//sdug bsngal las ni bdag med gsungs/ /mdo sde las kyang gang gsungs pa/ /'di ltar de bzhin gshegs pas 'jig rten gyi khams yongs su ma dag par gzigs nas mi rtag pa dang sdug bsngal ba dang / /bdag med pa dang / sdug bsngal gyis skyo ba'i gtam gyis 'khor ba la mngon par dga' ba'i sems can rnams skyo bar byed do//'phags pa yang chos 'dul ba la 'jug par byed do zhes so/ /chags pa dang bral ba'i gdul bya'i sems can gdul ba'i don du tha mal pa'i mtshan nyid 'dod chags dang bral bar brjod do/ /gang rnam 'grel las/ tsan+dan dang ni ste'u bzhin du//kun la mnyam par gnas pa la/ /chags bral zhes ni brjod pa yin/ /blang dang dor ba bcom pa'i phyir/ zhes so/ /bde ba chen po mngon sum du byed pa la de rnams snod ma yin pa'i phyir ro/ /gang dpal mchog dang po las/ chags bral gyis 'dul 'jig rten la/ /chags bral nyid kyis dag pa yin//'dod chags chen po bde ba che/ /rdo rje sems dpas sbas pa yin/ /zhes so/ /gang sangs rgyas kyi bstan pa la 'dod chags dang bral ba bstan pa ni de dag par bya ba'i don du'o/ /de ci'i phyir zhe na/ mu stegs can rnams 'dod chags dang bral ba'i chos des grol lo/ /de bzhin gshegs pa rnams kyi thar pa ni sems can thams cad la rjes su chags pas so//'di lta ste/ byang chub sems dpa' rnams rang gi chung mas kyang sems can rjes su 'dzin par mdzad do/ /'dod chags kyis kyang byang chub mtshon pa yin no zhes khams gsum rnam par rgyal ba'i rgyud las so//phyag 'tshal 'dod chags kyis chags la/ /phyag 'tshal 'dod chags chags bral ba/ /phyag 'tshal phyag 'tshal chags bral la/ /zhes de bzhin gshegs pa thams cad kyi sku dang gsung dang thugs kyi rdo rje gsang ba'i rgyan gyi bkod pa las so/ /sna tshogs theg pa mi rnams blo//rgyal bas rjes su gzung bar mdzad/ /theg pa gsum gyis nges par 'byung / /theg pa gcig gi 'bras bur gnas/ /srid dang zhi ba la ltos pas/ /dad rgyu'i bde ba rnams kyi nang / /yongs su dag pa 'gro la khyab/ /yid byung zhi ba zag pa med/ /de'i phyir bde ba lnga pas bsngags/ /rgya chen rgyun bde bla na med//shes rab thabs kyi bdag nyid 'di/ /tshad ma lung gis nges pa yin/ /sangs rgyas rang bzhin gcig yin te/ /gdul bya gzhan ni mos phyir ro/ /de nyid kyi phyir des na phyag na rdo rje gsang ba'i sbyor ba smras nas gzhan gyis sangs rgyas ma yin na zhes mchog tu gsang ba'i mdzod kyi thig le las brjod de rigs pa dang lung gis grub bo//byang chub sems dpa'i sa las kyang 'phags pa thogs med kyis gsungs pa/ de la bde ba rnam pa lnga po 'di dag yin te/ rgyu bde ba dang / tshor ba bde ba dang / sdug bsngal gyi gnyen po'i bde ba dang / tshor ba rgyun chad pa'i bde ba dang / gnod pa med pa'i bde ba dang lnga'o//de la bde ba'i phyogs kyi dbang po dang yul gnyis dang / rgyu de las byung ba'i tshor ba bde bar 'gyur ba'i rig pa gang yin pa dang / tshe 'di 'am/ tshe rabs gzhan du 'dod pa'i 'bras bu 'byung ba'i las gang yin pa ci yang rung ste/ de thams cad gcig tu bsdus pa ni rgyu bde ba zhes bya ste/ 'di las gong na yang med 'di las lhag pa yang med do/ /sdug bsngal rab tu zhi ba la mi ltos par rgyu bde bar bsdus pa'i rgyu gsum po de dag nyid las byung ba lus dang sems la phan 'dogs pa'i myong ba ni tshor ba bde ba zhes bya ste/ de yang mdor bsdu na rnam pa gnyis te zag pa dang bcas pa dang zag pa med pa'o/ /de la zag pa med pa gang yin pa de ni slob pa'o//zag pa dang bcas pa ni khams gsum pa ste/ 'dod pa dang gzugs dang / gzugs med pa dang ldan pa'o/ /de yang ci rigs par khams gsum pa thams cad kyi skye mched rnam pa drug gi bye brag las mig gi 'dus te reg pa las byung ba nas yid kyi 'dus te reg pa las byung ba'i bar dag go//rnam pa drug po de dag kyang rnam pa gnyis su 'gyur te/ lus kyi dang sems kyi'o/ /de la rnam par shes pa'i tshogs lnga dang mtshungs par ldan pa ni lus kyi'o/ /yid kyi rnam par shes pa dang mtshungs par ldan pa ni sems kyi'o/ /grang ba dang tsha ba dang bkres pa dang / skom pa la sogs pa'i sdug bsngal rnam pa du ma dang /sna tshogs mang po 'byung ngo cog la grang ba dang tsha ba dang bkres pa dang skom pa la sogs pa'i sdug bsngal gnyen pos zhi bar bya ste/ sdug bsngal zhi bar gyur pa tsam de nyid la bde ba'i blo skye ba gang yin pa de ni sdug bsngal gyi gnyen po'i bde ba zhes bya'o//'du shes dang tshor ba 'gog pa la snyoms par 'jug pa ni tshor ba rgyun chad pa'i bde ba zhes bya'o/ /gnod pa med pa'i bde ba ni mdor bsdu na rnam pa bzhir rig par bya ste/ mngon par 'byung ba'i bde ba dang rab tu dben pa'i bde ba dang / nye bar zhi ba'i bde ba dang / rdzogs par byang chub pa'i bde ba'o//de la dad pas khyim nas khyim med par legs pa kho nar rab tu byung ste/ khyim pa'i sdug bsngal rnam pa sna tshogs las nges par thar pa ni mngon par 'byung ba'i bde ba zhes bya'o/ /'dod pa dang sdig pa mi dge ba'i chos spangs te/ dben pas bsam gtan dang po la dben pa las skyes pa'i dga' ba dang bde ba ni rab tu dben pa'i bde ba zhes bya'o//bsam gtan gnyis pa la sogs pa la rtog pa dang dpyod pa nye bar zhi ba ni nye bar zhi ba'i bde ba zhes bya'o/ /nyon mongs pa thams cad dang gtan du bral ba dang / shes bya'i dngos po yang dag pa ji lta ba bzhin du mngon par rdzogs par byang chub pas bde ba gang yin pa de ni rdzogs par byang chub pa'i bde ba zhes bya'o//de la rgyu bde ba ni bde ba'i rgyur gyur pa'i phyir bde ba yin gyi/ ngo bo nyid kyis ni ma yin no/ /tshor ba bde ba ni rgyu'i dngos pos ma yin gyi ngo bo nyid kho nas so/ /sdug bsngal gyi gnyen po'i bde ba ni rgyu'i dngos pos kyang ma yin la ngo bo nyid kyis kyang ma yin te sdug bsngal zhi bar gyur pa tsam dang /sdug bsngal bsal bas bde ba yin no/ /tshor ba rgyun chad pa'i bde ba ni rgyu'i dngos pos kyang ma yin gyi ngo bo nyid kyis kyang ma yin/ sdug bsngal bsal bas kyang ma yin gyi/ 'di la tshor ba gang ci yang rung ba de ni sdug bsngal ba yin la/ yang dag par sdug bsngal ba dus de tsam zhig gnas pas zhi bar gyur pa ni bde ba'o//gnod pa med pa'i bde bar gtogs pa tha mar rdzogs par byang chub pa'i bde ba ni phyi ma la yang dag par sdug bsngal ba de gtan zhi bar gyur la tshe 'di la yang nyon mongs pa'i phyogs kyi gnas ngan len rten la yod pa thams cad gtan med par gyur pa'i phyir bde ba yin no//gnod pa med pa de'i lhag ma rnams kyang tha ma de dang mthun pa dang de'i phyogs yin pa dang de'i 'dren pa yin pa'i phyir gnod pa med pa'i bde ba yin par rig par bya'o/ /de la byang chub sems dpa' ni phan pa'i phyogs kyi bde ba gang yin pa de nyid sems can rnams la grub par byed kyi gnod pa'i phyogs ni ma yin no//gnod pa'i phyogs kyi bde ba ni yang dag pa ji lta ba bzhin du yang dag pa'i shes rab kyis yongs su shes par byas shing de las sems can rnams 'dun pa bzlog par bya ste/ ci nus kyis de las bzlog cing 'bad par bya'o/ /phan par 'gyur ba gang yin pa de sdug bsngal dang 'brel du zin kyang byang chub sems dpa' thabs la mkhas pa la brten nas sdug bsngal ba dang bcas pa dang yid mi bde ba dang bcas par sems can rnams la mi 'dod bzhin du bsgrub par bya'o//mi phan par 'gyur ba gang yin pa de ni bde ba dang 'brel du zin kyang thabs mkhas pa la brten nas bde ba dang bcas pa dang yid bde ba dang bcas pa dang /sems can rnams mi dga' bzhin du bzlog par bya zhing drang bar bya'o/ /de ci'i phyir zhe na sdug bsngal dang bcas pa'i bde ba bsgrub pa gang yin pa de dang / bde ba dang bcas pa'i mi phan pa la bzlog pa de ni sems can rnams la phyis bde ba kho na yin par nges par rig par bya ba'i phyir ro//de bas na byang chub sems dpa' sems can rnams la phan par 'dod pa gang yin pa de ni don gyis na bde ba 'dod pa yin par shes par bya'o/ /phan pa sbyin pa gang yin pa de ni bde ba sbyin par shes par bya ste/ 'di ltar phan pa ni rgyu lta bu yin la bde ba ni 'bras bu lta bu yin pa'i phyir ro//de lta bas na gang la la sems can rnams la phan pa dang ldan pa de ni bde ba dang ldan pa nyid yin par rig par bya'o/ /de la tshe 'di dang tshe rabs gzhan du 'dod pa'i 'bras bur 'gyur ba'i las rgyu bde bar gtogs pa gang yin pa dang / tshor ba rgyun chad pa'i bde ba gang yin pa dag gnod pa med pa'i bde ba gang yin pa de dag ni phan 'dogs pa dang /kha na ma tho ba med pa yin pas de dag byang chub sems dpa' sems can rnams la dpyad mi dgos par nges par bsgrub par bya'o/ /tshor ba bde ba dang rgyu bde ba dang dbang po dang yul dang reg pas bsdus pa/ kun nas nyon mongs par 'gyur ba dang / nyon mongs par 'gyur ba can dang / kha na ma tho ba dang bcas pa mi phan pa dang / mi 'phrod pa gang yin pa de ni bsgrub par mi bya'o/ /kun nas nyon mongs par mi 'gyur ba dang / kun nas nyon mongs pa can ma yin pa dang / kha na ma tho ba med pa phan pa dang / 'phrod pa gang yin pa de ni byang chub sems dpa' sems can rnams la ci nus ci lcogs bzhin du bsgrub par bya'o//bdag nyid kyis kyang de bzhin du yang dag par spyad par bya bslab par bya nyams su myong bar bya'o zhes te/ rgya chen po'i rgyun gyi bde ba yang dag par rdzogs pa'i byang chub kyi bde ba 'dir 'dus par blta bar bya'o/ /de nas zhes pa ni rdo rje 'dzin pa chen po'i nang gi reg bya'i bde ba nyams su myong ba'i rjes la'o//de bzhin gshegs pa thams cad kyi sku dang gsung dang thugs de yang yin la/ de'i dbang du gyur pa dang skyed par byed pa yin pa'i phyir bdag po yang yin no/ /de'i yongs su mnyes pa zhes pa ni de rnams zag pa med pa'i bde ba chen po myong ba'o/ /mngon sum gyis ni myong bya nyid/ /yin yang de yi bdag nyid de//zhes pa'i rigs pas de'i bdag nyid yin te/ de'i snod du thabs kyis gtso bo'i rang gi gzugs rnams bud med kyi gzugs shes rab gtso bor gyur pa'i bud med rnams su mngon par sprul pa'o/ /'di dag thams cad sngon gyi smon lam dang ting nge 'dzin gyi mthus rtog pa med pa yin na yang grub po/ / de la kha cig ni zhes pa ni rnam par snang mdzad rdo rje ste de nyid sangs rgyas yin la/ de nyid spyan ma ste de'i rnam pas gdul ba'i sems can rjes su gzung ba'i phyir ro/ /de bzhin du mi bskyod rdo rje mA ma kI'i rnam pa dang / dpag med rdo rje gos dkar mo'i rnam pa dang / don yod rdo rje'i dam tshig de nyid de sgrol ma'i rnam pas so//de bzhin du rnam par snang mdzad dang mi bskyod pa dang rin chen tog dang 'od dpag tu med pa dang don yod rdo rje rnams gzugs dang sgra dang dri dang ro dang reg bya'i rang bzhin gyi rnam par gnas par gyur to zhes so/ /'dis ni de kho na nyid du na rigs dang rigs can la tha dad pa med par smras so/ /de nas zhes bya ba ni spyan ma la sogs pa'i lha mo rnams rang gi rig ma'i nang du zhugs ma thag tu'o//gang bco brgyad pa las/ 'dod chags chen po'i tshul nyid kyis/ /ye shes 'khor lo rnam bkug ste/ /dgu po spros nas btsun mo nyid/ /bsgrub bya'i lus la gzhug par bya/ /zhes pa gnas yongs su gyur nas so//yang zhes pa ni tshig gi rgyan no/ /srid pa dang zhi ba'i dbye ba'i rnam par rtog pa'i rlung gis mi bskyod pas 'dir rdo rje 'dzin pa chen po'o/ /de bzhin gshegs pa thams cad kyi sku dang gsung dang thugs kyi snying po rdo rje btsun mo'i b+ha ga ni rang gi 'od kyi rig ma'i chos kyi 'byung gnas kyi pad+ma'i ze'u 'bru rnams la'o//rang gi snying ka'i zla ba las byung ba'i rdo rje dmar po'i lte ba la gnas pa'i zla ba'i dbus su mgo gyen du bltas pa'i yi ge hUM gi 'od zer lcags kyu'i rnam pa lta bus bkug pa'i de bzhin gshegs pa thabs dang shes rab snyoms par 'jug pas de nyid du zla ba zhu ba'i gzugs su gyur pas gsang ba'i rdo rje las byung bas mi mnyam pa med pa'i phyir gru bzhi dang rdul med pa ni 'od gsal ba yin pa'i phyir dang /sems kyi nyon mongs pa glo bur ba yin pa'i phyir te/ sems 'di rang bzhin 'od gsal ba/ /dri ma rnams ni glo bur ba/ /zhes bya ba'i rigs pas rang bzhin mtha' dag gi glo bur gyi dri ma dang bral bas so//chen po'ang de yin te chos kyi dbyings rnam par dag pa'i ngo bos thams cad du song ba yin pa'i phyir dang dam tshig kyang yin te/ de bzhin gshegs pa thams cad kyis kyang skyed par byed pa'i sgo nas 'da' bar mi bya bas na rdo rje 'dzin pa chen po ste/ de'i dkyil ni snying po yin la len par byed pas dkyil 'khor ro//byin gyis brlabs pa ni sems can gyi 'jig rten rnam par dag pa'i ched du ste dbang bskur ba'i don du sprul pa dang ldan pa'o/ /gsal ba ni rnam par dag pa'i yid kyi rang bzhin yin pa'i phyir ro/ /shel bzhin du chos thams cad kyi gzugs brnyan gyi rten du gyur pa yin pas gzhal yas khang gi phyi rol na gnas pas kyang nang du chud pa'i de bzhin gshegs pa la sogs pa mthong ba'i phyir ro//de'i rang bzhin gyi chos nyid kyis rdo rje 'dzin pa chen po'i bdag nyid do/ /sna tshogs pa'i gzugs ni dkar po la sogs pa'i kha dog gi dbye bas so/ /sangs rgyas sprin gyis kun du khyab pa ni mi bskyod pa la sogs pa'i dkyil 'khor pas yongs su gang ba'o//de'i 'od zer 'phro ba ni de'i 'od zer rnams kyis gang ba'i phyir ro/ /'khrugs pa bzhin du 'khrugs pa'o/ /gsal ba la sogs pa'i dkyil 'khor ni zla ba dang nyi ma'i bdag nyid dang ldan pa ste/ mgon po dang bcas pa'i lha'i gdan no//'di yang de bzhin gshegs pa nyid 'byung bar 'gyur bas de bzhin gshegs pa thams cad kyi grong ste thar pa'i grong yin pa'i phyir khang pa brtsegs ma'o/ /de nas zhes bya ba ni rang gi 'od kyi rig ma'i chos kyi 'byung gnas su dkyil 'khor sprul pa'i rjes la'o/ /de bzhin gshegs pa thams cad kyi sku dang gsung dang thugs rdo rje'i bdag po ni sngar bzhin du rdo rje 'dzin pa chen po'o//de bzhin gshegs pa thams cad kyi dkyil 'khor te de'i dbus ni rang 'od kyi rig ma'i pad+ma'i ze'u 'bru'i dkyil 'khor sngar brjod pa la zhugs par gyur pa ni sems can gyi 'jig rten zhes kha bskang bar bya'o/ /dkyil 'khor du zhugs pa tsam gyis ni byang chub ma yin la bla na med pa'i chos nyan pa la skal ba dang ldan pa yin pas 'on kyang khyad par du gyur pa'i dbang bskur ba yin par gsungs pa/de nas zhes pa ni rang gi rig ma'i pad+ma'i ze 'bru'i nang gi dkyil 'khor du sems can gyi khams bcug pa'i rjes la'o/ /byang chub kyi bdag nyid kyi sems sngar bzhin du rdo rje gang yin pa de ni de ltar rdo rje 'dzin pa chen po ste/de'i snying po ni snying ga'i rdo rje'i lte ba'i nang du gnas pa'i yi ge hUM las rdo rje dang pad+ma'i sbyor ba dang de'i 'od zer gyi lcags kyus bkug ste bzhugs so/ /de nyid du thig le zhu ba'i gzugs su gyur pa yin te snying po sa bon du brjod do zhes pas so/ / gsang ba'i rdo rje dam pa'i dbus su ni/ /gzhug ste zhes pa 'di yang brgyud pa'i tshul gyis blta bar bya'o/ /gang bco brgyad pa las/ rdo rje pad+ma'i sbyor ba las/ rdo rje thams cad 'dus pa yin/ /de rnams thams cad snying gar dbab/ /sku gsung thugs ni rdo rje las/ /rdo rje'i lam nas dbyung bar bya/ / zhes pas so/ /de bzhin du dpal mchog tu gsang ba'i mdzod kyi thig le las/ de nas ba spu'i bu ga nas drangs pa'i khu ba'i thig le rnams gnas gsum du gnas pa dag yin te/ mgo bo la bum pa'i tshul gyis te/ dper na bdud rtsi'i gzugs dang bdud rtsi'i rang bzhin dang bdud rtsi'i ngo bos spyi bo na gnas pa'i bum pa de las rab tu 'bab par gnas par blta bar bya'o//gzhan snying gar gnas pa'i pad+ma shin tu 'jam pa dkar po mar sar dang 'dra ba gang sngar bltas pa'i bum pa'i bdud rtsis pad+ma de tshim par byed par 'bab po/ /de nas 'bab pa'i sbyor bas rtsa rnam pa lnga'i kha nas 'bab pa rtsa rnam pa lnga po de rnams las 'bab par 'gyur ba ni yi ge e'i dbus su ste/'on kyang yi ge e ni yi ge e dang 'dra ba'i zur gsum pa kha dog sna tshogs du ma'o/ /de nas e'i cha byad nyid ni gru gsum pa'i chos kyi 'byung gnas yin no zhes lung las grub bo/ /de bzhin du gsungs pa/ mchog tu rjes chags phun tshogs dpag med kyis/ /gdul bya'i 'jig rten thams cad dmigs nas ni/ /dga' ba'i sgyu ma'i sgra yis de rnams dang / /rgyal ba'i tshogs rnams ma lus gzhug par bya/ /de ni spyan la sogs pa'i lha mo dang / /gzugs sogs ma lus yul gyi rang bzhin gyis//phyung nas rig ma de dag thams cad ni/ /gnyug ma'i rig ma'i nang du chud par bya/ /de yi pad+ma'i lte ba'i nang du ni/ /dkyil 'khor dri med zla zer las byung bar/ /bsams nas blo yis 'gro ba'i tshogs rnams ni/ /ma lus der ni rab tu gzhug par bya/ /gsang ba'i rdo rje pad+ma'i dbus su ni//rnam snang la sogs rgyal ba'i tshogs gzhug ste/ /zhes so/ /mngon par byang chub par 'dod pas snod kyi 'jig rten rnam par dag par byas nas/ mngon par byang chub par bya ste/ gzhan du na rten khyad par can med par ting nge 'dzin khyad par can dang bla na med pa'i chos rin po che'i bdud rtsi yang mi 'byung ste/seng ge mo'i tshil bzhin du gser gyi snod med na gnas pa nyid du mi 'gyur ba'i phyir snod kyi 'jig rten gyi rnam par dag pa gsungs pa/ de nas zhes te/ de bzhin gshegs pa thams cad kyis gsol ba btab pa gnyis pa'i rjes la'o/ /de bzhin gshegs pa thams cad gang las ma lus par 'byung ba'i phyir stong pa nyid dang mtshan ma med pa dang smon pa med pa'i rnam par thar pa'i sgo yin pas de la de skad ces bya ste/sngar bzhin du rdo rje yang yin la ting nge 'dzin yang yin pa de la snyoms par zhugs so/ /de nas zhes pa ni oM shU n+ya tA dz+nyA na badzra swa b+hA wa At+ma kou0f85haM zhes brjod pa'i rjes la'o/ /'di z hes pa ni rang rig pa'i ngo bo nam mkha'i dbyings thams cad de de bzhin gshegs pa thams cad kyi rdo rje'i ngo bor gnas par gyur pa'o//de bzhin gshegs pa thams cad kyi stong pa nyid la sogs pa'i rnam par thar pa'i sgo gsum po rnam par dag pa'i ngo bo rnam par thar pa'i sgo gsum gyi rnam par dag pa ste/ zla ba rgyas 'dra dkar ba'i mdangs ldan zhing / /g.yas dang g.yon pa'i zhal ni sngo dang dmar/ /sku ru bsam zhes gsungs pas so/ /'chi ba las 'das pa'i chos thams cad ces pa ni stong pa nyid do/ /rgyu las rnam par grol ba zhes pas ni mtshan ma med pa'o/ /rtog pa dang bral ba zhes pa ni smon pa med pa ste/rnam par thar pa gsum po ni/ de ni yi ge ma dang yi ge ha dang yi ge u'i bdag nyid yin la yi ge hUM yang yin te gsal bar byed pas de skad du brjod la nye bar brtags pa'i dgos pa yang chos nyid la dbye ba med par ston pa'o/ /de'i rgyu mtshan gyis rdo rje'i rang bzhin du byas pa ste/ hUM las byas pa'i rdo rje sar pa bsams nas ni zhes pa la sogs pa gsungs pas so//gang rnams yang de bzhin gshegs pa thams cad kyi rdo rje ni zla ba zhu ba'i ngo bo byang chub kyi sems so zhes 'chad do/ /de rnams ni tshig bdun po ston pa'i kun du bzang po dang 'gal te zla ba zhu ba'i dngos po yang drug pa'i tshig gi don las phyis yin pa'i phyir dang bcu bdun pa'i brjod par bya ba yin pa'i phyir ro//gang 'chad pa de las 'di ni nam mkha'i dbyings thams cad du de bzhin gshegs pa thams cad kyi sku dang gsung dang thugs rdo rje'i dam tshig gi khu bas yongs su gang ba'i rdo rje'i chu'i bum pa bzhin du gnas par gyur to zhes te 'di ni tshig gnyis pa yin pa'i phyir ro//kun du bzang po dang 'gal bas de rnams la nyams pa ci yod ce na/ de ltar na yang / cho ga 'di ni gzhung lugs las yin te/ gzhung lugs 'di ni yid ches gyur las yin/ /yid ches de yang dpal ldan sangs rgyas dpal/ /ye shes 'di ni sangs rgyas rnam dag las/ /gang phyir 'di ni tha dad ma yin pas//sangs rgyas 'di ni ji ltar yid ches yin/ /tshad mas yang dag de nyid ston byed pas/ /lam mchog ston phyir de dang 'di mnyam yin/ /sangs rgyas kyis gsungs de nyid mnyam med 'chad/ /gang 'di lam gsung de ni yang dag ston/ /sangs rgyas dgyes pa cis na 'di ston min/de phyir 'dis ni de gzhung yid brtan tshig /nyid yin par ni rang gi rnam gzhag grub/ /de 'gal bar bshad gang 'di slar bkag yin/ /tshig bdun bshad pa yang kun du bzang po'i rjes su 'brangs pa nyid yin la/ de nyid rgyud 'di'i ched du gnyer ba'i rgya cher 'grel pa yin la/ bcom ldan 'das kyis bka' nyid kyis bstan pa yin te/bshes gnyen dam pa yis ni bskul phyir spro bya ste/ /zhes pas so/ /des kyang dpal ldan 'dus pa'i dkyil 'khor cho ga yis/ /zhes bya ba la sogs pas bri ba'i dkyil 'khor bzhi dang / dbang bskur ba la sogs pa dang bcas pa yin no/ /rjes su mthun pa'i 'gro ba'i don rnams dang //zhes pa la sogs pa zhi ba la sogs pa'i las tshogs yin no/ /sbyin sreg cho gas bsgre bya zhing / /zhes pa la sogs pas ni phyi dang nang gi sbyin sreg go/ /de ltar rtogs nas zhes pa la sogs pas ni ston pa la mkho ba'o/ /ting nge 'dzin gsum po'i mtshan nyid ni mngon par rtogs pa yin te/gsal po nyid du brjod pa'i phyir de dang 'gal na bcom ldan 'das kyi bka' nyid dang 'gal ba nyid du 'gyur te de'i don gyi rjes su 'brang ba'i phyir ro/ /mngon sum dang rjes su dpag pa dang lung gi yul rnams la bcom ldan 'das kyi bka' bzhin du de la de rnams kyis mi gnod pa'i phyir de'i rjes su 'brang bar rtogs te/de nyid kyi phyir na mkhas pa rnams kyi yul yin no/ /des na 'dis ni snod kyi 'jig rten gyi rnam par dag pa bstan pa yin no/ /sems can gyi 'jig rten rnam par dag pa sngar brjod pa'i mjug bsdu ba gsungs pa de nas zhes pa ste/ rdo rje dpal gyis reg pa'i rjes la'o//gang bcu bdun pa las/ de nas rdo rje nam mkha'i dbyings 'dir gang sems can sku gsum gyi dam tshig las byung ba de rnams la rdo rje dpal gyis yang dag par reg nas thams cad de bzhin gshegs pa dgra bcom pa yang dag par rdzogs pa'i sangs rgyas rdo rje gsum gyi ye shes can du gyur to//de nas bzung ste sems can thams cad kun du bzang po kun du bzang po zhes te de bzhin gshegs pa thams cad kyi sku dang gsung dang thugs rdo rjes dbang bskur bar gyur to/ /gsang ba'i rdo rje las byung ba ni dpal yin la thig le zhu ba'i gzugs su gyur pa rnam par snang mdzad la sogs pa des yang dag par rig pa ste/bla ma'i man ngag gis khyad par du 'phags pa'i dbang bskur ba yin no/ /ji snyed pa zhes pa ni phung po dang khams dang skye mched du yang dag par bsdus pa'i sems can zhes 'brel to/ /'di na bdag gam sems can med/ /chos 'di rnams ni rgyu dang bcas/ /zhes lung las so/ /nam mkha'i dbyings thams cad na gnas pa zhes pa ni nam mkha'i dbyings thams cad rtag tu gnas pa yin te/sku dang gsung dang thugs kyi rdo rje 'dzin pa chen po'i rang gi rig ma'i de bzhin gshegs pa thams cad kyi stobs dang ma 'dres pa la sogs pa'i chos 'byung ba'i nang gi pad+ma'i ze 'bru'i nang du chud pa'i dkyil 'khor la yang dag par gnas pa'o//thams cad ces bya ba ni snod ji lta ba yin te/ lha yi rgyal pos char phab kyang / /sa bon mi rung mi 'khrungs ltar/ /sangs rgyas rnams ni byung gyur kyang / /skal ba med pas bzang mi myong / /zhes pa'i lung gis so/ /des zhes bya ba ni sngar brjod pas so/ /rdo rje sems dpa'i byin gyi rlabs kyis zhes pa ni/rdo rje nges 'byed shes rab ste/ /sems dpa' rig byar brjod pa yin/ /zhes pas so/ /shes rab dang snying rje'i bdag nyid rdo rje 'dzin pa chen po'i byin gyi rlabs kyis rdo rje dpal gyi bla ma'i man ngag las dbang bskur bas de bzhin gshegs pa thams cad kyi bde ba thabs dang shes rab kyi rang bzhin mchog tu dga' ba'i ngo bo'o//yid bde ba ni de las byung ba'i dga' ba'i sprul pa rnams kyis sems can thams cad kyi don byed pa'o/ /de thob pa ni dam tshig rdo rje la sogs pa don yod rdo rje'i mthar thug pa grub pa ste/ 'di ni de'i rang bzhin gyi rkyen byin pas de'i bdag nyid du gsungs so//de bzhin gshegs pa'i 'od kyis sems can ji snyed pa la reg pas de rnams thams cad sangs rgyas kyi chos thob par gyur to zhes 'phags pa dkon mchog sgron ma las kyang gsungs so/ /'dis ni sems can gyi 'jig rten rnam par dag pas nye bar bsdus pa yin no//zla ba zhu ba'i gzugs su gyur pa dang / /des ni de rnams de 'og dbang bskur bya/ /sa yi snying po phyag na rdo rje dang / /mkha' snying 'jig rten dbang phyug sgrib sel bcas/ /dpal ldan kun du bzang po zhes bya ba/ /de dag mig la sogs pa grangs bzhin no/ / gzugs dang sgra dang dri dang ro dag dang / /reg bya dang ni chos dbyings rdo rje dang / /sa dang chu dang me dang rlung rnams kyi/ /ngo bo nyid gyur spyan la sogs par grags/ /gzugs dang tshor ba de bzhin 'du shes dang / /'du byed dang ni rnam par shes bshad pa/ /rnam par snang mdzad la sogs bde gshegs rnams//zhes so/ /snod kyi 'jig rten sangs rgyas kyi zhing khams rnam par dag pa rgyur gyur pas byang chub pa yin pa'i phyir gsungs pa/ de nas zhes te chos kyi 'byung gnas kyi nang na gnas pa'i khang pa brtsegs ma'i dbus kyi gdan dbus ma la gnas pa bcu drug cha dang tshogs las byung ba'i zla ba gang ba la gnas pa'i dpal mchog dang po'i snying po las byung ba nor bu dmar po 'dra ba'i rdo rje bzang po'i lte ba zla ba la gnas pa'i snying po las byung ba dpag tu med pa'i sprul pas 'gro ba'i don mchog gi phan pa byas te de'i nga rgyal byas pa'i rjes la'o//snying por de ni thugs mtshon nas/ /zla ba rdo rje'i sbyor ba yis//mtshon cha mchog gis drangs nas ni/ /sems ni sngags kyi dngos byas te/ /sngags kyi gzugs kyi tshul gyis ni/ /byang chub tshigs bcad brjod par bya/ /zhes rgyud phyi ma las so/ /snying po zhes bya ba ni gzhal yas khang dang 'brel ba yin no/ /de bzhin gshegs pa thams cad kyi sku dang gsung dang thugs rdo rje yang 'di yin la dam tshig kyang yin te/sngar bzhin du rdo rje 'dzin pa chen po yin no/ /gang gi phyir de las byung bas de ltar de sngar bzhin du rdo rje'i ting nge 'dzin te/ de la snyoms par zhugs pa'o/ /'di zhes pa ni chos kyi dbyings kyi rang bzhin gyis rang gi rig pas mngon sum du rtogs par bya ba yin no zhes gsungs te/de'i don rjod par byed pa yang ming thams cad la yin pas so/ /rig pa'i skyes bu ni/ sku gsung thugs kyi rdo rje yis/ /dbyer med dbye ba'i dngos po las/ /rigs dang lhan cig yang dag ldan/ /rig pa'i skyes bu zhes rgyud phyi ma las gsungs so/ /gzugs ni skyes bu chen po'i mtshan sum cu rtsa gnyis dang dpe byad brgyad cur snang ba'i mthar thug pa shes rab dang thabs kyi rang bzhin can gyi sku'o//de bzhin gshegs pa thams cad nyid shes rab kyi bdag nyid chos thams cad kyi de nyid yid la byed pas yid yin la/ snying rje chen po'i dbang du gyur pa'i dngos pos sems can thams cad kyi sdug bsngal thams cad skyob pas kyang sngags so//dbang po dang ni yul dag gi /rkyen gyis gang dang gang byung yid/ /yid de man zhes bya bar bshad/ /tra ni skyob par byed pa'i don/ /zhes rgyud phyi ma las so/ /de rnams kyis byin gyis rlob pa ni skyed par byed pa nyid kyis rgyu'o/ / skyed pa ni de la gang zhig gis phan par byed do zhes rigs pa las so/ /de byin gyis brlabs pa ni 'khor thams cad kyi mngon sum du gyur pa dang ldan pa'o/ /de nyid kyi phyir gsungs pa de ma thag tu byin gyis brlabs pa tsam gyis gang 'di stong pa nyid la sogs pa'i rnam par thar pa'i ting nge 'dzin la sogs pa'i ngo bo mngon du gyur nas yod pa de nyid bcom ldan 'das kun du bzang po yin la stong pa nyid la sogs pa'i rnam par thar pa'i sgo gsum rnam par dag pa sngon po dang dmar po dang dkar po ste/g.yas pa dang g.yon pa dang rtsa ba'i zhal gsum gyi rnam pas de bzhin gshegs pa thams cad kyis gzigs par gyur to/ /de skad du yang brjod pa/thub mchog phra rab las grub mtshungs med pa/ /zla ba rgyas 'dra skar ma'i mdangs ldan pa/ /g.yas dang g.yon pa'i zhal ni sngo dang dmar/ /sna tshogs rgyan rnams 'bar ba'i phyag gnyis kyis/ /rig ma dam pa 'khyud par mdzad pa'o/ /lhag ma'i phyag gis rdo rje ral gri dang / /pad+ma rin chen bsnams pa zung gnyis mdzes/khams gsum khongs ni rnam par rgyas pa yis/ /thub pa'i 'od tshogs du ma rnam par 'gyed/ /rnam par thar pa'i sgo gsum rnam dag pas/ /shes rab thabs kyi bdag nyid snying rje mchog /ma lus 'gro ba'i de nyid gcig pu nyid/ /rgyal bu skyed byed nyid kyi sku ru mthong //zhes so/ /gang dag zhal dang po dang lus thams cad kyang sngon po yin la g.yas pa dmar po yin no zhes 'chad do/ /des na de ma thag tu yang / /rnam par snang mdzad 'od 'dra zhing / /rdo rje sems dpa' rgyal po che/ /sangs rgyas rdo rje 'dzin gsum gyur/ /zhes pas bco lnga par bshad pa dang 'gal bar 'gyur ro//gang yang 'di nyid du 'bras bur gyur pa'i kun du bzang po yin par 'dod chags chen po'i tshul zhes bya ba nas bzung ste/ ting nge 'dzin de la zhes pa'i mthar thug pa rgyas par ma lus pa yin no zhes so/ /tshig bdun pa bshad par de rnams kyang tshig gi don drug pa las byas 'byung ba'i phyir dang bcu pa'i brjod bya yin pa'i phyir te/gang bshad pa/ nam mkha'i dkyil 'khor dbus gnas pa/ /dkyil 'khor bkod pa bsgom par bya/ /'di yi dbus nas yi ge hUM/ /rang gi gzugs su rab tu brtag /rdo rje 'od zer rab tu 'bar//rnam par 'phro bar bsam par bya/ /sangs rgyas kun gyi sku gsung thugs/ /drangs par de yis rnam bsgoms na/ /de ma thag tu der 'gyur ba/ /sku gsung thugs kyi rdo rje 'dzin/ /rdo rje sems dpa' rgyal po che/ /kun gyi gtso bo dbang phyug mchog /ces so/ /'dis tshig bdun gyi bshad pa bla ma las khong du ma chud do zhes rjes su dpag go /gzhan yang tshad ma dang lung gis gnod pa'i phyir te/ mang du smra ba de yang gzhung mangs pas 'jigs pa'i phyir ram/ yang na gzhan gyi nyes pa bsams pas ci zhig bya ste/ mkhas pas rang nyid kyis rnam par dpyad de gzung bar 'os pa'i phyir ma bkag go/ / gnas gyur pas de bzhin gshegs par gyur pa'i sems can thams cad kyi don byed pa'i phyir rang rang gi rigs kyis gdon pa gsungs pa ni de nas zhes te de bzhin gshegs pa thams cad kyi bde ba dang yid bde ba thob ma thag tu ste/ yongs su mthar thug pa'i 'bras bur gyur pa chos kyi dbyings rnam par dag pa'i ye shes kyi ngo bo mi bskyod pa la sogs pa gang gtso bor smos pa rnams te/dam tshig rdo rje la sogs pa nas don yod rdo rje'i bar ro/ /thams cad kyang 'bras bur mtshungs pa'i phyir rgyud 'dir de bzhin gshegs pa'i sgras brjod do/ /rnam par snang mdzad ni sngar brjod pa bzhin du yin la rdo rje 'dzin pa chen po'i snying pos zhal du zhugs nas k+Shi yig la sogs pa'i sa bon gyis yin te/snying po sa bon du brjod ces pas so/ /'gro ba mtha' dag gi don byed pa'i phyir de kho na nyid bskul bar de bzhin gshegs pa rnams kyis brdar byas pa'i phyir 'byin pa'i rgyur gyur pa kun du chos ston pa la sogs pa'i don du byung ba rnams yin te de skad du yang brjod pa/de rjes sa bon gyis ni dbyung bar bya/ /k+ShiM dzaM kham kaM kaM saM zhes pa 'di dag mig la sogs pa rnams kyi yin/ dzaHhUM baM hoHkhaM raM zhes bshad pa/ de dag gzugs kyi rdo rje la sogs pa'o/ /lAM mAM pAM tAM zhes bya ba bzhir bshad pa de dag spyan la sogs pa rnams kyi yin/bruM AM dzrIM khaM hUM zhes bya ba 'di rim pa ji bzhin rtag pa la sogs pa'o zhes so/ /sa bon des dbyung bar bya'o zhes pas ni mig la sogs pa rnam par dag par bya'o zhes pa dang zla ba zhu bar gyur pa rnams de rnams kyis bskyed par bya ba yin no zhes pa ni bab col te ji ltar rigs pa shes pa rnams kyis dpyad pa'o//mngon par byung zhes pa ni phyung ba ste 'di zhes pa ni de ma thag pa'o/ /ched du brjod pa ni gsol ba btab pa med par rang nyid kyis ched du rjod pas brjod pa'o/ /e ma'o zhes pa ni ngo mtshar ba'o/ /byang chub kyi sems ni rdo rje dpal gyi mtshan nyid de mchog tu zhugs pa dang reg pa tsam gyis sems can thams cad bde ba dang yid bde ba thob pa'o//'di de bzhin gshegs pa thams cad kyi yin pa nyid kyis bse ru la sogs pa'i spyod yul ma yin pas gsang ba'o/ /rnam par rtog pa'i yul ma yin pa'i phyir brtag bya ma yin pa'o/ /rang bzhin gyis rnam par dag pa'i phyir rnyog pa med pa ste/nyon mongs pa dang ma 'dres pa'o/ /chu khams gser dang nam mkha' rnams/ /dag pa bzhin du dag par 'dod/ /ces pas so/ /de nas zhes pa ni 'khor 'dus ma thag tu'o/ /yang zhes pa ni de 'dus shing tshogs pa la ltos pas 'dus pa'i spyor bas tshogs par bya ste/de bzhin gshegs pa thams cad kyang re zhig dang por mchod pa dang phyag 'tshal nas gsol ba btab pa sngon du song ste/ ston pa po rdo rje 'dzin pa chen po la ston pa'i 'du shes bskyed nas dam pa'i chos mnyan pa'i phyir 'jug pa dang ldan pa yin na/ bdag lta smos kyang ci dgos zhes ma 'ongs pa'i chos nyan pa la yang dag par bslab pa'i don du de bzhin gshegs pa thams cad kyis mchod cing phyag 'tshal te gsol to zhes pa dang 'brel lo//cis she na/ gsungs pa/ de bzhin gshegs pa thams cad kyi gsang ba'i mchod pa dang gzhan gyis te/ de spros pa ni phyogs bcur khyab pa yin la/ de nyid chos nyan pa'i dang por nges par bya ba nyid dang 'da' bar mi bya ba nyid kyis dam tshig go/ /de nyid gnyis su med pa'i ngo bo nyid kyis de kho na nyid yin pa la/ de nyid zag pa med pa nyid kyis mchog yin zhing dga' ba rgyas par byed pas rin po che ste/ de'i sprin gyis zhes so/ /'di skad ces gsol to zhes pa ni de ma thag pa'i ngag yin la/ bcom ldan 'dus pa bshad du gsol/ /zhes te/ de bzhin gshegs pa thams cad gcig tu 'dus pa'i ngo bo ni de tshogs pa yin la/ de nyid kyi phyir me long lta bu'i ye shes la sogs pa lnga po'i ngo bo rigs lnga'i bdag nyid yin pa'i phyir de kho na ste/'di nyid kyi phyir gsang ba'o/ /mnyam pa nyid dang bya ba nan tan gyi ye shes dag chos kyi dbyings rnam par dag pa'i ye shes kyi nang du 'dus pa'i phyir ye shes gsum gyi ngo bo yin te/ chos dang longs spyod sprul bdag nyid/ /rigs gsum chos dang longs spyod sprul//'jug pas 'gro ba'i don byed pa/ /sems kyi gsang ba'i byin rlabs yin/ /zhes bzang po'i zhabs kyis brjod pas so/ /de nyid rigs ni lnga ru brjod/ /rigs gsum gsang bar smras pa'o/ /zhes rgyud phyi ma las so zhes kha cig go/ /sdud pa'i tshigs su bcad pa'i dka' 'grel las ye shes zhabs kyis sku gsum du ye shes lnga 'dus pa gzhan du bshad de/gang gsungs pa de la don dang sems can du snang ba'i kun gzhi rnam par shes pa gnas gyur pa'i ngo bo des me long lta bu'i ye shes kyi bdag nyid ngo bo nyid kyi sku yin te/ rtag tu bcom ldan 'das rnam par mi rtog pa'i rang bzhin yin pa'i phyir ro//snying rje chen po las byung bas nyon mongs pa can gyi yid gnas gyur pa'i bdag nyid mnyam pa nyid kyi ye shes dang rtog pa dang bcas pa'i yid kyi rnam par shes pa gnas gyur pa'i ngo bo dpe med pa gzungs la sogs pa dang yang dag pa'i ldan pa so sor kun du rtog pa'i ye shes te ye shes gnyis po 'di longs spyod rdzogs pa'i sku yin la mnyam pa nyid dang so sor kun du rtog pa'i ye shes dag ci ltar rtogs pa'i chos la nye bar longs spyod pa'i gzhi yin pa'i phyir ro//mig la sogs pa'i rnam par shes pa gnas gyur pa'i mtshan nyid brtson 'grus kyi pha rol tu phyin pa rnam par dag pa las byung ba bya ba nan tan gyi ye shes yin te/de yang sprul pa sna tshogs kyi rten yin pa'i phyir sprul pa'i sku'o/ /chos kyi dbyings rnam par dag pa'i ye shes ni legs par rnam par dag pa'i chos kyi dbyings kyi ye shes yin no/ /pha rol tu phyin pa dang sngags kyi theg pa'i dbye ba dang ye shes lnga po so so'i bdag nyid yin pa'i phyir 'dir mi 'gal bar blta bar bya'o//de bzhin du yang gang dag mig la sogs pa'i rnam par shes pa gnas gyur pa'i ngo bo so sor kun tu rtog pa'i ye shes yin la/ rnam par rtog pa'i rnam par shes pa gnas gyur pa'i rang bzhin yang bya ba nan tan gyi ye shes yin no zhes so//mig la sogs pa'i rnam par shes pa gnas gyur pa'i bdag nyid ni chos kyi dbyings rnam par dag pa'i ye shes yin no zhes kyang 'chad pa de ni 'di nyid kyis gnod do zhes blta bar bya'o/ /de nyid kyi phyir rdo rje rnams yin te snga ma bzhin du de bzhin gshegs pa rnams so//'dus nas bstan pas na snying po ste/ mdor bsdus pa'i sku gsung thugs rnam pa gsum mo/ /gsang ba las byung ba'i phyir de dbyung ba ste de gsungs shig ces so/ /de nas zhes bya ba ni gsol ba btab pa'i rjes la'o/ /legs so zhes bya ba ni snying rje chen po dang shes bzhin la sogs pa sngon du 'gro bas sems can thams cad kyi bla na med pa'i bzhon par gyur pas gsol ba 'debs par rigs pa'o//ci'i phyir zhe na/ gang las mngon sum la sogs pa'i yul rnams la de rnams kyis mi gnod pa'i phyir legs pa ste/ ma 'ongs pa'i sems can la yang dag par bslab pa'i phyir gsungs so//'on kyang zhes pa ni yul khyad par can la khyad par du 'phags pa'i chos bstan pa'o/ /gang gi phyir 'dus pa 'di la de bzhin gshegs pa thams cad bla na med pa'i byang chub la rigs nges pa rnams rang bzhin gyis rnam par byang ba'i ye shes kyi ngo bo so so'i skye bo'i byang chub sems dpa' rnams la yang the tshom gyi ngo bo yid gnyis byed pa yin te/thabs dang shes rab kyi dbang bskur ba dang bral bas so/ /so so'i skye bo'i shes pa gang / /rang bzhin gyis ni rnam byang ste/ /de la sangs rgyas sgras brjod de/ /ji ltar byang chub sems las rgyal/ /rang bzhin nyid dang dri ma med//de de rkyen ni yin pa dang / /de skyes gyur phyir chos rnams kyi/ /rnam par byang ba bzhi po yin/ /de la rnam shes tsam nyid ni/ /rang bzhin gyis ni rnam dag go/ /dam pa'i don du gnyis med dngos/ /de bzhin bdag med pa yang yin/ /stong nyid chos kyi dbyings kyang yin/ / yang dag mtha' dang brjod med pa/ /chos nyid dang ni mtshan ma med/ /de nyid don du brjod pa yin/ /zhes phyogs kyi glang po'i zhabs kyis brjod pa'i phyir ro/ /dus gsum gyi de bzhin gshegs pa thams cad dang mnyam pas de ltar byung ba nyid de bzhin gshegs par rtogs par bya ste/byang chub kyi sems bskyed pa nyid kyi phyir ro zhes pa'i tshig las so/ /nyon mongs pa dang shes bya'i sgrib pa bag chags dang bcas par spangs pa la the tshom yod pa ma yin te/ de bzhin gshegs pa la cung zad ma mthong ba med do zhes pa la sogs pa'i lung las yin zhes kha cig yin no/ / gzhan dag ni mtha' yas pa'i byang chub bde bar gshegs pas bstan zhes brjod pas dpal gsang ba 'dus par mngon par byang chub pa rnams yin no zhes so/ /ci'i phyir zhe na/ gzhan ni rigs ma nges pa la sogs pa rnams yin no/ /de nas zhes pa ni chos zab mo bstan pa'i rjes la'o/ /thun mong ma yin pa ni sems can mchog gi bsgrub bya yin la dpal gsang ba 'dus par nges par byas pas ngo mtshar thob pa'o//thams cad mkhyen pa las gzhan gyi sngar ma byung ba rtogs pas rmad du byung ba thob pa'o/ /gang ni gang gi phyir te/ bcom ldan 'das de bzhin gshegs pa thams cad kyis 'khor byin gyis brlabs pa de nas de'i phyir ro//yang dag pa ni mchog gi sgo nas yin te mngon sum la sogs pa'i yul rnams la de rnams kyis de mi gnod pa'i phyir ro/ /mchog ni phun sum tshogs pa ma lus pa'i rgyur gyur pa de bzhin gshegs pa thams cad kyi sprul pa dang longs spyod pa dang chos kyi sku'i bdag nyid/sku gsung thugs kyi gsang ba bstan du gsol zhes so/ /de'i byin gyis brlabs pa nyid ji ltar yin zhe na/ gsungs pa de bzhin gshegs pa thams cad nyid rdo rje yin la de'i rang bzhin gsang ba'i rdo rje ste/ de nyid dam tshig yin pa de'i phyir de las byung ba gang rnams de bzhin gshegs pa thams cad kyi yon tan gyi tshogs kyi rgyur gyur pa nyid kyi gnas yin la rdo rje dpal gyis reg pa'i mtshan nyid des byin gyis brlabs pa ste/'khor thams cad de bzhin gshegs pa thams cad kyi rang bzhin du byas pa yin no/ /de nyid kyi phyir gsungs pa/ de bzhin gshegs pa thams cad dang 'brel pa'i bde ba dang yid bde ba gang yin pa de rjes su myong ba yin la 'khor gyi don ni dgos pa yin te/gang byin gyis brlabs pa de la de skad ces bya'o/ /de srid bar du zhes pa ni sa dang pha rol tu phyin pa la sogs pa'i yon tan rnams gsungs pa yin no/ /de bzhin gshegs pa thams cad kyi ye shes ni rnam pa thams cad kyi chos thams cad kyi de nyid rtogs pa'i rang bzhin no//mngon par shes pa ni lha'i mig dang rna ba dang sngon gyi gnas rjes su dran pa dang rdzu 'phrul dang gzhan gyi sems shes pa dang zag pa zad pa shes pa'i mtshan nyid kyi gnas so/ /'bras bu de thob pa'i rgyur byin gyis rlobs la bstan du gsol zhes so//'di ltar sbyor ba dang po'i ting nge 'dzin gyi phyogs gcig dkrugs te nye bar bstan nas/ dkyil 'khor rgyal po mchog gi ting nge 'dzin gyi phyogs gcig yang dag par bstan pa gsungs pa/ de nas zhes pa ni cho ga ji lta bar snying ga'i zla ba'i sngags kyi 'od kyis bkug ste zla ba zhu ba'i gzugs su gyur te/hUM gi rdo rje las byung ba dri ma med par chu skyes la gnas pa'i yid kyi tshul dam pa'i de bzhin gshegs pa thams cad rang gi snying po las byung ba ma lus pa'i gnyug ma'i dkyil 'khor gyi rnam par yongs su gyur pa'i rjes la'o/ /de bzhin gshegs pa thams cad kyis gsol ba btab pa zhes pa ni dang po'o//mkhyen nas zhes pa ni ma 'ongs pa rnams kyis kyang yang dag pa'i bsam pa sngon du 'gro ba'i yang dag pa'i gsol ba btab pa nges par byas pa nyid kyis zab mo'i theg pa ston cig ces pa yin te/ gzhan du na gnyi ga yang ltung bar 'gyur bas 'di gsungs so//chos kyi dbyings rnam par dag pa'i ye shes ni ye shes te/ de nyid mi bskyod pa'i rnam par de'i bdag nyid kyis rang nyid ston pa po yin pa'i phyir dang / sems can thams cad kyi nyon mongs pa dang shes bya'i sgrib pa'i mun pa sel bar byed pas sgron ma bzhin du sgron ma'o/ /gang rnam 'grel las//gsal de'ang de yi bdag nyid las/ /rang nyid rab tu gsal bar byed/ /ji ltar gsal bar 'dod gyur pa/ /de ltar blo ni myong phyir ro/ /zhes so/ /de nyid sngar bzhin du rdo rje ste/ gang du de dmigs pa'i ting nge 'dzin de la snyoms par zhugs pa'o/ /'di ni rang rig pa'i mngon sum gyis rtogs par bya ba'o/ / khro bas gdul ba'i sems can gdul ba'i phyir bcos ma'i khro ba las byung ba'i snying rje chen po las gyur pa'i sems ni zhe sdang ste/ mchod pa chen po zhe sdang che/ /nyon mongs kun gyi dgra che ba/ /zhes pa 'di lta bu'i mtshan nyid ni sems can thams cad kyi rgyud la yod pa'i bag chags dang bcas pa'i nyon mongs pa rtsa ba nas gcod pa lhur byed pa yin te/ngag gi rdo rje sogs grub la/ /snying rje'i bdag nyid can gyis bsgrub/ /ces brjod pa'i phyir ro/ /gzhan du 'chad pa ni/ nyon mongs nye ba'i kun nyon mongs/ /bag chags bcas par gtan spangs pa/ /zhes pa'i lung dang 'gal bar 'gyur ro//de nyid de bzhin gshegs pa thams cad kyi skyed pa'i rgyu yin pa'i phyir rigs yin te rjes su 'gro ba'o/ /de nyid sngar bzhin du shes rab dang thabs kyi bdag nyid kyi sngags so/ /de nyid me long lta bu'i ye shes la sogs pa lnga'i bdag nyid kyis so/ /slar yang me long lta bu la sogs pa'i dbye bas nyi shu rtsa lnga'i ye shes kyi bdag nyid kyis so//de so so yang las dang chos dang dam tshig dang phyag rgya chen po'i dbye bas mchog gi rigs brgya'o/ /rigs ni rjes su 'gro bar bsgrags/ /mchog gi rigs ni rnam pa brgya/ /zhes rgyud phyi ma las so/ /de nyid mngon sum la sogs pa rnams kyis mi gnod pa'i phyir snying po dang 'dod pa ma lus pa mchog tu gyur pa'i bzhon par gyur pas snying po'o//de ston par byed pa'i sgra la yang de skad brjod de nye bar btags pas so/ /de'i dgos pa ni don dam par rjod par byed pa las tha dad par gyur pa'i brjod par bya ba med do zhes ston pa'o//rdo rje skyil mo krung la sogs pas sku las su rung bar byas pa dang / myur ba dang bul ba la sogs pa'i nyes pa spangs pa'i gsung dang thugs rtse gcig pas sngags bzlas pa dang / de'i lung dbog pa la sogs pa la rab tu 'jug par bya'o zhes de kho na nyid du dbyer med kyang lus la sogs pa'i dbye bas ma 'ongs pa la bslab pa'i don du gsungs so//byin gyi rlabs kyis gzhan gyi kha nas kyang ston pa srid pas nyid kyi sgra smos so/ /de nyid zhes pa ni de kho na nyid du dbye ba med kyang gdul bya'i lhag par mos pa dang rang gi smon lam dang bsgom pa'i stobs kyis snang ba tha dad pas 'di gsungs so//de bzhin gshegs pa thams cad kyi sku dang gsung dang thugs kyang 'di yin la rig pa'i skyes bu yang yin te/ 'dir sngon bzhin du rdo rje 'dzin pa chen po'o/ /de bzhin du gzhan rnams la yang ngo / /mi bskyod pa'i phyag rgya chen po ni 'dir kha dog dang phyag mtshan la sogs pa gnyis su med pa'i rab tu snang ba'i bdag nyid de/zhe sdang gtso bor gyur pa'i sems can gyi don byed pa la gcig tu brtson pa skyes bu chen po'i mtshan sum cu rtsa gnyis la sogs pa rnam pa thams cad kyi mchog dang ldan pa 'chang bar 'gyur ba'i sku de ni mchog kyang yin te/ sems can thams cad kyis zag pa med pa'i bde ba thob par byed pa'i phyir yang dag pa yang yin te/mngon sum la sogs pas mi gnod pa'i phyir ro/ /rnal 'byor yang yin te shes rab dang thabs kyi snyoms par 'jug pa yin pa'i phyir ro/ /gnas kyang yin te sems can ma lus pa'i bla na med pa'i 'bras bu'i rten yin pas so//de rnams kyis phyogs bcu'i 'jig rten gyi khams khyab par byed par gsungs pa yin te/ de bzhin du gzhan du yang yin no/ /nag po dang dkar po dang dmar po'i rnam pa ni lus thams cad dang rtsa ba dang g.yas pa dang g.yon pa'i zhal ni sngon po dang dkar po dang dmar po'i rnam par ro/ / bzhugs so zhes bya ba ni rdo rje 'dzin pa chen po'i rnam pa nyid kyis rdul phra rab so so'i nang du thim pa dang ldan pa'o/ /de 'di skad du brjod par 'gyur te zhe sdang gtso bor gyur pa mi bskyod pa'i gdul bya'i sems can nges par byas nas sems can thams cad kyi don byed pa'i ched du de kho na nyid la bskul ba la de bzhin gshegs pa thams cad kyi brdar byas pas badzra d+h+r-ika ces pa 'dis de bskul nas phyung ste phyogs bcu'i 'jig rten gyi khams thams cad du des khyab na snod ji lta ba la sgra sna tshogs dang sprul pa dang lam dang cho 'phrul la sogs pa rnams kyis skye bo dam pa'i don byas nas bdag la bsdus te/de bcom ldan 'das la thim par gyur to zhes so/ /rnam par shes pa'i phung po rnam par dag pa'i ngo bo bsngags pa dang slar ldog pa med pa dang ma lus par rnam par dag pa'i chos kyi dbyings kyi ye shes kyi mi bskyod pa 'bras bu mthong ba sngon du 'gro ba yin pas gdul bya thabs tshol bas dang por 'bras bu bstan to//'di mngon sum du byed pa'i rgyu ci yin zhes 'dod pa rnams la me long dang mnyam pa nyid dang so sor kun tu rtog pa dang bya ba nan tan gyi ye shes bzhi po nyid gzugs la sogs pa'i phung po bzhi'i rnam par dag pa'i ngo bo rnam par snang mdzad la sogs pa de bzhin gshegs pa bzhi'i rnam pa de ma thag tu mngon sum du byed pa'i rgyu ston par byed pas gsungs pa de nas zhes te/rnam par snang mdzad kyi gdul bya gti mug gtso bor gyur pa'i sems can yongs su smin par nges pa'i rjes la'o/ /de bzhin gshegs pa thams cad kyis yang dag par rtogs shing mngon sum du byed pa yin no//me long bzhin du chos thams cad kyi gzugs brnyan 'byung ba'i gnas yin pa'i phyir dang / rang yang rab tu gsal bar byed pa yin pa'i phyir me long lta bu'i ye shes te/ kun gzhi rnam par shes pa gnas gyur pa'i ngo bo dam tshig de gang las byung ba'o//de ni snga ma bzhin du rdo rje yin pa de la de skad ces bya ste/ mchod pa chen po gti mug che/ /gti mug blo ste gti mug sel/ /zhes pa 'di ltar mtshan nyid yin te sems can thams cad kyi gti mug rtsa ba nas 'byin pa la mthar thug pa'i gti mug chen po ni 'dir gti mug go/ / lus po thams cad dang rtsa ba dang g.yas dang g.yon pa'i zhal ni dkar po dang sngon po dang dmar po'i tshul gyis mdun du zla ba'i dkyil 'khor la bcom ldan 'das la mngon par lta zhing rdo rje skyil mo krung gis bzhugs so/ /de nas zhes pa ni rin chen 'byung ldan gyi gdul bya nga rgyal gtso bor gyur pa'i sems can yongs su smin par yongs su chod pa'i rjes la'o//me long lta bu'i ye shes mngon sum du byas pas kun gzhi'i rnam par shes pa med pa'i phyir nga'am nga'i zhes pa'i rnam par dmigs pa'i nyon mongs can gyi yid mi skye ba'i phyir gang zag dang chos su mi dmigs pa'i ngo bo stong pa nyid kyi bdag nyid kyi mnyam pa nyid du rang rig pa'i ngo bo'i ye shes de bzhin gshegs pa thams cad kyi dga' ba zag pa med pa rgyas par byed pas na rin po che'o//de las gang 'byung ba de ni rdo rje bzhin du mi phyed pa dang dpal ni bsod nams dang ye shes kyi tshogs kyi bdag nyid gang yin pa ste/ de yang 'dir de la dmigs pa'i ting nge 'dzin de la de skad ces bya'o//de nyid kyi phyir yid bzhin gyi nor bu bzhin du sems can thams cad kyi bsam pa rdzogs par byed pas yid bzhin gyi nor bu ste bcom ldan 'das rin chen tog go /sku thams cad dang rtsa ba dang g.yon dang gzhan gyi zhal ni ser po dang dkar po dang nag po'i rnam pas nyi ma'i dkyil 'khor la'o//de nas zhes pa ni 'od dpag med kyi gdul bya 'dod chags gtsor gyur pa'i sems can yongs su smin par shes pa'i rjes la'o/ /chos thams cad kyi mnyam pa nyid shes pa ni brjod par bya ba dang rjod par byed pa mi dmigs pas rnam par rtog pa'i shes pa gnas gyur pas so sor rtog pa nyid rang nyid gsal ba'i ye shes yin te/'dod chags chen po las de 'byung ba ni 'od dpag med do/ /de nyid dmigs pa med pa'i snying rje'i bdag nyid yin te sngar bzhin du rdo rje 'dod chags yin la de nyid 'jig rten dbang phyug kyang yin zhing rig pa chen po'i bdag po yang yin te/sku thams cad dang rtsa ba dang g.yon dang gzhan gyi zhal ni dmar po dang dkar po dang sngon po'i rnam pas so/ /de nas zhes pa ni don yod rdo rje'i gdul bya phrag dog gtso bor gyur pa'i sems can yongs su smin par yongs su chod pa'i rjes la'o/ / so sor rtog pa'i ye shes thams cad yod pa na 'gro ba ma lus pa'i bya ba rjes su sgrub pa nyid rang nyid gsal ba'i shes pa don yod pa'i dam tshig rdo rje'o/ /de nyid dam tshig 'gugs pa ni slong bar byed pa yin te/ sku thams cad dang rtsa ba dang / zhal dang po g.yon pa dang gzhan ni ljang gu dang dkar po dang nag po'i rnam pas so//'dod pa dang thar pa ni zag pa med pa'i bde ba chen po'i ngo bo'o/ /bde chen yin phyir thar pa nga / /dngos grub 'gyur med bde ba la/ /bde ba chen por dran pa yin/ /zhes gsungs pa ste/ rab kyi mthar phyin pas sgrub pa po rnams so/ /'di dag thams cad byams pa la sogs pa mngon sum du ma byas na mi 'gyur ba'i phyir de dag rnam par dag pa'i ngo bo shes rab gtso bor gyur pa'i ting nge 'dzin rnams ni des 'dul ba rnams rjes su gzung ba'i phyir bstan pa yin pas gsungs pa/de nas zhes bya ba ni byams pa la sogs pa rnam par dag pa'i ngo bo 'phags ma mA ma kI'i gdul bya yongs su smin par yongs su shes pa'i rjes la'o//de bzhin gshegs pa thams cad kyang yin la de rnams rdo rje yin pa ni ye shes lnga'i ngo bo yin la de'i bdag nyid du 'dzin pas rdo rje 'dzin pa yang yin no/ /de rnams mnyes pa ni byams pa la sogs pa'i chos ston pas sems can ma lus pa'i don byed pas so//sems can don byed mchog tu ni/ /nga yi mchod pa mchog yin te/ /zhes brjod pa'i phyir ro/ /shes rab dang thabs kyi so so'i rdul phra rab kyi nang du chud pas bde ba chen po rang gis rig par byed pas kyang mnyes par byed pa'o//de'i dam tshig ni rgyu ste mA ma kI la de'i rnam par zhugs pa'i ting nge 'dzin la yang de skad ces bya'o/ /rdo rje 'dzin pa nyid de'i gdul bya rjes su 'dzin pa'i phyir btsun mo'i mchog go/ /de bzhin du gzhan du yang ngo / /bud med ces bya ba ni shes rab gtso bor gyur pa'i ting nge 'dzin no/ / byams pa bsgom pa sngon du song bas snying rje la sogs pa'i dge ba thams cad yin pas de rnam par dag pa'i ngo bo sngar te dang por ro/ /grwar ni bden bral du zla ba'i dkyil 'khor la bzhugs so/ /sems can thams cad la phan pa dang bde ba nye bar bsdus pa'i mtshan nyid kyi byams pa bsgoms pa'i rjes la sems can thams cad sdug bsngal las skyob pa'i mtshan nyid kyi snying rje skye bar 'gyur zhes pas de rnam par dag pa la sogs pa'i rang bzhin gyi spyan mas gsungs pa de nas zhes te/'phags ma spyan ma'i gdul bya yongs su smin par rtogs pa'i rjes la'o/ /lho phyogs kyi zur zhes pa ni me'i mtshams su'o//de nas zhes pa ni sangs rgyas dang chos thams cad la mgu ba'i mtshan nyid dga' ba la sogs pa rnam par dag pa'i ngo bo 'phags ma gos dkar mo'i gdul bya yongs su smin par yongs su chod pa'i rjes la'o/ /de bzhin gshegs pa thams cad kyang yin pa ni sngar bshad do//'dod chags ni snying rje chen po'i mtshan nyid yin te/ de'i bdag nyid du 'dzin pas 'dod chags 'dzin pa yang yin no/ /de nyid des 'dul ba rjes su 'dzin pa'i phyir btsun mo'i mchog yin no/ /nub phyogs kyi zur zhes pa ni rlung gi mtshams so/ /de nas zhes pa bde ba dang sdug bsngal ba dang rnyed pa dang ma rnyed pa dang /snyan pa dang mi snyan pa dang / bstod pa dang smad pa'i nyes pa btang snyoms su byed pa'i mtshan nyid btang snyoms la sogs pa rnam par dag pa'i rang bzhin 'phags ma sgrol ma'i gdul bya yongs su smin par yongs su shes pa'i rjes la'o/ / de bzhin gshegs pa thams cad kyi sku dang gsung dang thugs rnams thabs sna tshogs pas mi slu bar byed pa ste/ mngon sum la sogs pa'i yul la de grub pa'i don du chos bstan pa thob par bya ba la gang gis 'di nyid du khyad par du mi slu ba nyid rdo rje yin te mi phyed pa gang yin pa de sgrol ma yin no/ / de la dmigs pa'i ting nge 'dzin la yang de skad ces bya'o/ /de bzhin gshegs pa thams cad kyang yin la shes rab 'dzin pa yang yin pas de nyid des rjes su 'dul ba rjes su 'dzin pa'i phyir btsun mo'i mchog sgrol ma zla ba'i dkyil 'khor la'o/ /byang gi mtshams zhes pa ni dbang ldan du'o/ / de bzhin gshegs pa thams cad nyid snying rje chen pos gzhan gyi dbang du gyur pas btsun mo'i mchog rnams yin te/ des gdul bya 'dul bar byed pas shes rab gtso bo yin la ting nge 'dzin rnams kho na phun sum tshogs pa yin te/ shes rab dang thabs kyi rang bzhin dri ma med pa'i ting nge 'dzin las byung ba bde ba chen po'i rang gis rig pa'i ngo bo yin pa'i phyir ro//me mtshams la sogs pa'i zur bzhi dang rtsa ba'i sgo'i ngos gnyis rnams su gzugs rdo rje la sogs pa drug zla ba'i gdan dang 'od can rdo rje skyil mo krung gis bzhugs pa dkyil 'khor gyi bdag po la lhur lta ba rnams yin te/ me long dang tam+bu ra dang dri'i dung dang ro'i snod dang gos sna tshogs dang chos kyi 'byung gnas rnams rtsa ba'i phyag mtshan yin la de bzhin gshegs pa drug gis dbang bskur ba dang kha dog dang lhag ma'i phyag mtshan rnams kyang 'dra'o/ /sbyin pa la sogs pa'i pha rol tu phyin pa drug rnam par dag pa'i rang bzhin de ston pa lhur byed pa yin te/thabs kyi pha rol tu phyin pa la sogs pa'i dge ba'i phyogs kyi de dag rtsa ba yin pa'i phyir ro/ /de nyid de kho na nyid gsum gyis shes par bya'o/ /shin tu sdang zhing drag rnams la/ /zhi bas rigs pa ma yin te/ /shes rab thabs kyi bdag nyid khror//byas pa de bzhin gshegs pa kun/ /zhes so/ /kye ma thabs ni char ldan pa/ /sangs rgyas snying rje'i bdag nyid can/ /sems can don phyir zhi gang dang / /drag por yang ni mdzad pa yin/ /zhes dpal sangs rgyas thams cad dang dpal de kho na nyid bsdus pa las kyang gsungs so//ma dad pa la sogs pa'i mi mthun pa'i phyogs kyi gnyen po yin pa'i phyir/ bcos ma'i khro bo'i gzugs kyi ting nge 'dzin snying rje chen pos gzhan gyi dbang du gyur pas ston par 'dod pas gsungs pa/ de nas zhes te ma dad pa dang phung po'i bdud dang 'jig tshogs la lta ba dang shes bya'i sgrib pa la sogs pa'i gnyen po 'phags pa gshin rje mthar byed khro bo'i gdul bya yongs su smin par yongs su chod pa'i rjes la'o//rnam par snang mdzad rdo rje'i dbang ni de'i rigs su bstan pa'i phyir te/ 'phags pa gshin rje mthar byed yin la de la dmigs pa'i ting nge 'dzin la yang de skad ces brjod do//de bzhin gshegs pa thams cad kyi dkyil 'khor rnams gang gis 'gugs pa la sogs pa'i las kyis byin gyis rlob pa de la de skad ces brjod do/ /chen po yang yin te chos kyi dbyings kyi ngo bos sems can gyi 'jig rten thams cad la khyab pa dang khro ba la sogs pa'i nyon mongs pa'i dbang du gyur pa'i sems can gyi nyon mongs pa la sdang bas khro ba yang yin no//gang zhig gdon gyis bzung ba de la brdeg cing rtsub pa'ang smra bar byed/ /gdon las bslang phyir sman pas spyod byed gdon gyis ma bzung la brdeg min//de bzhin nyon mongs can rnams nyid kyi dbang byas snying rje bral la 'jug /skye bo nyon mongs dbang byas ched du khyed thugs rje/ /zhes brjod pas so/ /de bzhin gshegs pa nyid spa bkong bas gdul bya'i dbang du byas te skrag par byed pa'i rnam pas nyi ma'i dkyil 'khor la dkyil 'khor gyi bdag po la mngon par phyogs par khro bo'i skyil mo krung gis bzhugs so//g.yas dang g.yas min sbyor ba yis/ /g.yon brkyang ba yi sbyor ba las/ /khro bo'i skyil krung bcas pa ni/ /'di ltar spyi yi mtshan nyid kyis/ /zhes te bye brag gi tshig med pas g.yon brkyang bas bgegs thams cad bskrad par byed pa rtsa ba'i sgor bzhugs so//de nas zhes pa ni le lo dang nyon mongs pa'i bdud dang mthar 'dzin par lta ba dang / nyon mongs pa'i sgrib pa la sogs pa'i gnyen po 'phags pa gzhan gyis mi thub pa'i khro bo'i gdul bya yongs su smin par yongs su chod pa'i rjes la'o//de bzhin gshegs pa thams cad mngon par byang chub pa ni rdo rje mi bskyod pa ste/ des dbang bskur ba ni gzhan gyis mi thub pa yin la de la dmigs pa'i ting nge 'dzin la yang de skad ces brjod do/ /de bzhin gshegs pa thams cad kyi dkyil 'khor byin gyis rlob pa ni gzhug pa la sogs pa'i las kyis so//rdo rje dam tshig kyang yin te/ sngar bzhin du bsnyengs par byed pa yang yin pas de'i rnam pas so/ /de nas zhes pa ni dran pa nyams pa dang log par lta ba dang 'chi bdag gi bdud dang / skye ba'i sgrib pa la sogs pa'i gnyen po 'phags pa rta mgrin gyi gdul bya yongs su smin par yongs su chod pa'i rjes la'o//de bzhin gshegs pa thams cad chos rin po che'i 'byung gnas 'od dpag tu med pa yin te/ des dbang bskur ba rta mgrin yin la de la dmigs pa'i ting nge 'dzin yang de bzhin no/ /de bzhin gshegs pa thams cad nyid snying rje chen po'i 'dod chags 'dzin pa yin te/des dkyil 'khor byin gyis rlob pa ni bcings pa la sogs pa'i las kyis de bzhin gshegs pa thams cad kyi ngag longs spyod rdzogs pa'i sku 'od dpag tu med pa ste de'i gzugs kyis so/ /de nas zhes te rnam par g.yeng ba dang lta ba mchog tu 'dzin pa dang las kyi sgrib pa dang lha'i bu'i bdud la sogs pa'i gnyen po 'phags pa bdud rtsi 'khyil pa'i gdul bya yongs su smin par yongs su shes pa'i rjes la'o//de bzhin gshegs pa thams cad kyi sku dang gsung dang thugs kyi rdo rje ni mi bskyod pa yin la des dbang bskur ba ni bdud rtsi 'khyil pa yin te/de la dmigs pa'i ting nge 'dzin yang de bzhin no/ /de bzhin gshegs pa thams cad kyi sku dang gsung dang thugs byin gyis rlob pa ni mnyes pa la sogs pa'i las kyis so/ /de bzhin gshegs pa thams cad kyi sku dang gsung dang thugs ni mi bskyod pa yin te/de'i rnam pas ni nyi ma'i gdan dang 'od can khro bo'i skyil krung sngar brjod pa yis phyogs dang phyogs mtshams su bgegs thams cad rdzogs pa'i byang chub la bzhag pas sems can thams cad kyi bsam pa thams cad yongs su rdzogs par byed pa byang gi sgor bzhugs so//dkyil 'khor pa thams cad ni gang gi dkyil 'khor gdan yin pa de ni 'od kyi dkyil 'khor yin no/ /gang kha dog dang phyag mtshan dang dbang bskur ba la ma brjod pa de rnams ni rang gi bdag po'i kha dog dang phyag mtshan dang de'i dbang bskur ba yang yin no//khro bo rnams bor ba yang rdo rje skyil mo krung dang bcas pa rin po che'i dbu rgyan no/ /de bzhin gshegs pa rnams ni ral pa'i thor tshugs can yang yin no/ /'di rnams thams cad ni zhal gsum phyag drug pa shes rab dang thabs kyi bdag nyid dkyil 'khor gyi bdag po la lta ba gdan sna tshogs pad+ma yu ba dang bcas pa la gnas pa yin no//de ltar yang dpal mchog dang po las/ de yi dbus su gnas pa ni/ /pad+ma yu ba dang bcas pa/ /sna tshogs 'dab mas yang dag gang / /de dag thams cad rnam dag gdan/ /zhes so/ /khro bo rnams ni slar yang 'bar zhing ser ba'i spyan dang sma ra dang skra gyen du bsgreng ba sbrul sna tshogs kyis brgyan pa 'jigs su rung ba rnams bsgom par bya'o//de skad du yang brjod pa thugs rdo rje/ /skye bo dam pa'i don mdzad yang dag bskul/ /zhes pa nas brtsams nas/ tho ba dbyig pa de bzhin pad+ma dang / /rdo rje sogs 'di phyag ni kun la bsam//zhes pa'i bar du'o/ /de bzhin gshegs pa thams cad kyi sku dang gsung dang thugs mnyes pa la thug pa'i las kyis dang dkyil 'khor rnams la 'da' bar mi bya ba yin pa'i phyir de bzhin gshegs pa thams cad kyi dam tshig gi rang bzhin gyi sems dpa' rnams so//de bzhin gshegs pa thams cad kyi sku dang gsung dang thugs rnams nyid thams cad kyi spyod yul ma yin pa'i phyir gsang ba yin te/ de nyid brtson 'grus can rnams kyi yul yin pa'i phyir dgyes pa yin pas gsang ba 'dus pa'o/ /'dus pa tshogs pa yin par brjod/ /sangs rgyas kun gyis rjod byed pa//zhes rgyud phyi ma las 'chad do/ /ting nge 'dzin gyi dkyil 'khor ni bsgom pa'i dkyil 'khor ro/ /de byin gyis rlob pa'i le'u ni de ston par byed pa'i gzhung ste yongs su gcod pa'o/ /dpal gsang ba 'dus pa'i rgyan gyi le'u dang po'o// // de nas zhes pa ni shes rab dang thabs kyi rang bzhin dri ma med pa bde ba chen pos gang ba lha rnams kyi dkyil 'khor gyi rang bzhin nye bar bstan ma thag pa de'i 'bras bu 'di gang bsgoms pas mngon sum du byed pa'i rgyu'i gtso bo yin zhes gdul bya'i sems kyi rtog pa thugs kyis mkhyen pa'i rjes la'o/ / mchod pa ni 'chad par 'gyur ba'i gsang ba dang gzhan no/ /byang chub ni phyogs bcu'i 'jig rten gyi khams mtha' yas pa rab tu snang ba so so'i rdul phra rab kyi nang du gtogs pa chos kyi dbyings kyi ngo bo thabs dang shes rab kyi bdag nyid dri ma med pa'i ting nge 'dzin las byung ba bde ba dam pas gang ba'i lha rnams kyi 'khor lo dang sems can ma lus pa'i don byed pa'i ngo bor gyur pa/de'i bzhon par gyur pa'i sems 'chad par 'gyur ba'i stong pa nyid la sogs pa rnam par thar pa'i sgo gsum gyi bdag nyid can no/ /de nyid kyi phyir lung dang rigs pas grub pa nyid kyis sgrib pa thams cad kyi bag chags rtsa ba nas gcod pa la bstan par gyur pa'i phyir snying po'o//sprul pa'i sku la sogs pa'i bdag nyid kyi sku la sogs pa'i bzhon par gyur pas sku gsung thugs te nye bar len pa'i rgyu nyid kyis gtso bor gyur pas mchog go/ /bla na med pa'i 'bras bu thob par byed pa'i phyir bla na med pa'o//lhag ma ni snga ma bzhin no/ /stong pa nyid kyi bdag nyid kyi sems don dam pa yin na/ ji ltar sku la sogs pa'i bdag nyid yin zhes sems kyis yongs su rtog pa ni dpyod pa'o/ /thugs nyid kyis nges par bzung ba ni rjes su dpag pa dang lung rnam par gcod pa'i don du'o/ / skyed cig ces pa ni mos pas skyod pa'i sa la gnas pa smon pa byang chub kyi sems sngon du song bas sgoms shig pa dang / sa dang po la sogs par gnas pa rnams la mngon sum du gyis shig pa'o/ /sems ni gang zag dang chos med pa'i rang bzhin stong pa nyid kyi bdag nyid yin la go rims ji lta bar mos pa dang de kho na nyid yid la byed pa dag gis mtshan sum cu rtsa gnyis dang dpe byad bzang po brgyad cu dang ldan pa zhal gsum phyag drug pa la sogs pa shes rab dang thabs gnyis su med par rab tu snang ba'i bdag nyid sku rdo rje'i rnam par brjod ma thag pa'i 'bras bu mngon sum du bya ba'i ched du'o//lus ni gnyis su med pa'i ye shes kyi ngo bo thugs rdo rje'i rnam par ro/ /sems nyid ni sngar bshad ma thag pa yin la tshig ni gsung rab yan lag bcu gnyis kyi mtshan nyid yin te/ skyes bu mchog gi don ston par byed pa'i phyir rab kyi mchog tu brjod pas gang gi phyir longs spyod rdzogs pa'i sku'i bdag nyid yin pas gsung rdo rjer gyur pa de la de skad du brjod de/de lta bur 'di skyed cig ces pa dang 'brel to/ /de nas zhes pa ni de ma thag pa'i sku dang gsung dang thugs kyi de kho na nyid bstan pas grub pa'i dngul chus zangs gser du byed pa bzhin du sngar gyi thos pa dang bsams pa dang bsgoms pas kun gzhi rnam par shes pa ma yin pa la bsgom pa'i bag chags yongs su smin pa'i rjes la'o//de rnams kyis zhes pa ni gang sngar sems kyi rtog pa skyes pa rnams yin la/ de bzhin gshegs pa thams cad kyi sku gsung thugs ni bstan ma thag pa rnams so//nam mkha' dmigs pa med par ni/ /ye shes zhes brjod pa'i phyir gnyis su med pa so sor snang ba'i rnam pas sbyor ba ste mngon sum du byas nas brjod pa'o/ /sems tsam la ni rnam gzhag pa/ /skye ba med par nga smra'o/ /zhes lang kar gshegs pa las yin te/gnyis su med pa'i rab tu snang ba tsam du nges pa ni 'dir skye ba med pa'o/ /gzhan du na skye ba med pa zhes pa la sogs pa'i ngag las don gzhan med pa'i phyir dang / don gzhan la ni brten nas su/ /don de nyid ni bzlas pa yin/ /zhes pa'i tshul yang med pa'i phyir zlos pa yin no//de pha rol tu phyin pa dang bya ba dang spyod pa dang rnal 'byor dang rnal 'byor bla na med pa rnams las rab tu sbyor ba shes rab dang thabs la snyoms par 'jug pa'i mtshan nyid ni ting nge 'dzin yin te/ shes rab thabs kyi snyoms 'jug pa/ /rnal 'byor zhes rgyud phyi ma las so//bsgom par 'gyur ba rgyur gyur pa des so/ /ma lus par bzang ba ni dge bar gdul bya rnams la 'gyur ba gang yin pa'i phyir de skad ces bya'o/ /de skyed pa ni mngon sum du byed pa'o/ /'dir ni rang rig pa'i mngon sum gyis myang bar bya'o/ /rab kyi mthar skyes bu mchog gi don gyi phyir bsgrags pa ste/skye ba 'di ni zhes bya ba la sogs pas so/ /de nas zhes pa ni rdo rje 'dzin pa chen po'i byang chub kyi sems kyi tshigs su bcad pa'i gdul bya yongs su smin par chod pa'i rjes la'o/ /de bzhin gshegs pa thams cad ni ma lus pa ste yang dag pa ni tshad ma dang lung gis mi gnod pa'i phyir ro//byang chub ni rnam par dag pa'i thog ma dang tha ma med pa chos kyi dbyings kyi ngo bo sngar brjod pa'i dkyil 'khor gyi rnam pa'o/ /de 'dis thob par byed pas na tshul lo/ /de nyid sngar bzhin du rdo rje'o/ /gang yin zhe na/ ting nge 'dzin yin te/ shes rab dang thabs kyi bdag nyid snyoms par 'jug pa'i mtshan nyid ni rnal 'byor yin la/de la snyoms par zhugs nas 'di rang rig pa'i mngon sum gyis rtogs par bya ba'i byang chub kyi sems yin te/ stong pa nyid la sogs pa'i rnam par thar pa'i bdag nyid yin la/ gsungs pa ni brjod pa dang ldan pa'o//brtags pa'i don med kyang bsgom pa'i dngos po ni yang dag pa ma yin pa'i kun du rtog pa'i dngos po yod pa yin no/ /'dis ni kun du skur ba 'debs pa'i mtha' spangs pa yin no/ /don dam par sgro 'dogs pa'i mtha' spong ba gsungs pa/ bsgom par bya ba ni gzhan du brtag par bya ba ste kun gzhi'i rnam par shes pa'o//sgom par byed pa ni gzhan du rtog par byed pa ste 'jug pa'i rnam par shes pa bdun ni bsgom pa'o/ /de ni yod pa ma yin te de bzhin du tshad mas gnod pa'i phyir ro/ /de skad du slob dpon phyogs kyi glang pos/ 'di ru mi bden rtog gang yin//sems yin gang phyir des gzhan rtog /ji ltar gzhan du rtog pa'i don/ /de bzhin shin tu med pa yin/ /de ni rgyu 'bras dngos po yis/ /sems ni rnam pa gnyis su 'dod/ /gang zhig kun gzhi rnam shes grags/ /'jug par grags pa rnam pa bdun/ /nyon mongs bag chags sa bon ni//bstsags pa'i phyir ni sems zhes brjod/ /rnam shes dang po gnyis pa ni/ /sna tshogs rab tu 'jug pa'i phyir/ /zhes so/ /gang nyid kyi phyir de'i phyir zhes te/ de bas na dngos por bya ba ni bsgom par bya ba zhes bya ba ste/ kun gzhi'i rnam par shes pa'o//dngos por byed pa ni sgom par byed pa'i phyir 'jug pa'i rnam par shes pa'i dngos po yin te de kho na nyid du med do/ /ci'i phyir zhe na/ gang gi phyir bsgom pa rnam par shes pa brgyad kyi ngo bo tshad mas ma dmigs pa'i phyir ro/ /de ltar na rnam pa thams cad du med par thal bar 'gyur ro//ma yin te gang zag dang chos med pa'i rang bzhin stong pa nyid kyis de kho na nyid de de yang yang dag pa'i rnam par rtog pa kun rdzob tu yod pa'i phyir ro/ /des na 'dis sgro 'dogs pa dang skur pa 'debs pa'i mtha' dang bral ba'i dbu ma yin par rtogs par gsungs pa yin te/gang 'phags pa byams pas/ yang dag ma yin kun rtog yod/ /de la gnyis po yod ma yin/ /stong pa nyid ni 'di la yod/ /de la yang ni de yod do/ /stong pa ma yin de stong min/ /de lta bas na thams cad brjod/ /yod pas med pas yod pas na//de ni dbu ma'i lam yin no/ /zhes so/ /sems ni sngar yang mdo ru bsdus pas na/ /rnam pa stong pa nyid du mthong ba yin/ /sems ni gzhan pa rnam pa lnga yis ni/ /rnam par spros pa'i rnam pas stong par brjod/ /thams cad du ni bstan pa 'di yin te/ /de bzhin gshegs pas rnam gnyis mthong ba yin//zhes dpal sde'i zhal snga nas so/ /'dis ni mgo smos pas go ba mdor bsdus pa la dga' ba'i sems can rjes su gzung ba'i phyir mdor bsdus pa'i tshul gyis stong pa nyid bstan nas spros pas go ba rgyas pa la dga' ba'i skye bo rjes su gzung ba'i phyir spros te gsungs pa/de nas zhes te/ bsgom pa dmigs su med pa'o/ /zhes pa'i gtan tshigs ma grub ces mi bskyod pa'i gdul bya'i rnam par rtog pa yongs su shes pa'i rjes la'o/ /rnam par snang mdzad rdo rje ni 'dir mi bskyod pa'i gzugs can rnam par snang mdzad chen po'o/ / 'di ltar de dang de'i gdul bya rjes su gzung ba'i phyir rnam par snang mdzad la sogs pa'i gzugs de nyid thams cad du sna tshogs pa'i thabs kyis gsal bar byed pa ste/ sems can gyi rgyud rnams la ston par byed pa zhes nges pa'i tshig las so/ /de bzhin gshegs pa thams cad kyis mngon par rtogs pa nyid rdo rje yin te chos kyi dbyings rnam par dag pa'i ye shes so//de nyid yang dag par rtogs par byed pas na ting nge 'dzin no/ /shes rab dang thabs snyoms par zhugs pa ni rnal 'byor ro/ /gang gi phyir sems kun gzhi rnam par shes pa ma yin pa ste/ gang zag yang na chos rnams kyi//dngos med 'di ni stong par brjod/ /zhes te stong pa nyid kyi rang bzhin yin pa'i phyir gtan tshigs ma grub pa ma yin no/ /gal te yin du chug na yang rtag pa don byed pa dang 'gal ba'i phyir/ gang zag med pa yin yang chos rnams skad cig ma ji ltar yin zhe na/ gsungs pa/ spungs dang skye sgo rigs kyi don/ /phung po skye mched khams rnams yin/ /zhes pas/ de rnams spangs pa yin te/ de la gzugs sogs phung po lnga/ /khams rnams bco brgyad dag yin te/ /skye mched dag ni bcu gnyis kyis/ /chos rnams thams cad bsdus pa yin//dngos po lnga ni bsten pa dang / /rnam shes gsum ni 'dzin pa'i phyir/ /ma 'ongs skye ba'i sgor zhugs pas/ /gsum po grangs ni go rims bzhin/ /gzugs rung phyir na gzugs mtshan nyid/ /reg dang yul gyi bye brag las/ /myong ba rnam smin rjes myong yin/ / 'du shes yul la mtshan mar 'dzin/ /'du byed mngon par 'du byed pa/ /rnam shes 'dzin pa'i bdag nyid do/ /'di ni phal cher skye bo yis/ /bdag tu 'dzin pa 'jug par 'gyur/ /dbang po gang yin don gang yin/ /rab tu rtogs phyir shes pa yin/ /de la sa bon sna tshogs te//de ni dbang drug khams rnams yin/ /gang zhig don gzung 'dzin gyur pa/ /gang zhig dbang po'i yul rnams la/ /gang zhig dbang rnams bdag gyur pa/ /de rnams yul gyi khams drug yin/ /gang zhig shes 'gyur 'dzin 'gyur ba/ /gang zhig dbang po'i spyod yul gang //khams ni bcu gnyis gsungs pa rnams/ /de rnams kyang ni skye mched nyid/ /de nyid phyir na chos gsum por/ /chos rnams thams cad 'gyur ba yin/ /gzugs kyi phung po chos kyi khams/ /yid kyi skye mched de bzhin no/ /zhes pa ni theg pa chen po'i chos mngon pa kun las bsdus pa'i don to//de ltar gyur na yang ma skyes pa'i chos gsal bar mi rung bas gzugs la sogs pa med pa yin na rnam par shes pa brgyad ci'i phyir med ce na/ thams cad kyang yin la dngos po yang yin te/ thams cad mkhyen pa ma yin pa'i rgyud la rnam par shes pa brgyad kyi dngos po de dang bral ba yin no//de ci'i phyir zhe na/ gang gi phyir thams cad kyi rang sems rnam par shes pa brgyad kyi ngo bo de kho na nyid du bzod nas mi 'thad do/ /ci ltar zhe na/ gang gi phyir/ gzung dang 'dzin pa rnam spangs pa/ /chos kyi bdag med par mnyam pas chos thams cad bdag med pa'i rang bzhin gyis mnyam pa'i rgyus yin te/gzung ba dang 'dzin pa dang bral ba'i phyir ro/ /gang rnam 'grel las/ sna tshogs snang can don rnams la/ /gal te gcig nyid mi rigs na/ /re zhig blo de gcig nyid la/ /ji ltar du ma snang bar 'gyur//ci lta ci lta'i don bsam pa/ /de lta de ltar rnam par bral/ /mkhas pa rnams kyis gang gsungs pa/ /de ni dngos slob 'ongs pa yin/ /gcig la sna tshogs de cir 'gyur/ /de yi blo la'ang mi 'gyur ro/ /gal te 'di bdag don 'dod na/ /de la bdag gis ci zhig bya//de phyir don dang shes pa la/ /rags snang ma yin de dag nyid/ /gcig la bkag pa nyid kyi phyir/ /mang po la yang yod ma yin/ /yongs su gcod pa nang yin te/ /gzhan ni phyi rol 'dra bar gnas/ /shes pa dbyer med phye ba ni/ /tha dad snang bas dkrugs pa yin//de la gcig kyang med pa na/ /gnyis ka dag kyang nyams par 'gyur/ /de phyir gnyi ga stong pa ni/ /de yi de nyid de nyid yin/ /dngos rnams tha dad gnas pa 'di/ /de tha dad rten ngang tshul can/ /de ni bslad pa nyid yin yang / /de dag tha dad kyang bslad yin/ /gzung dang 'dzin pa'i rnam pa las//mtshan nyid gzhan ni yod ma yin/ /de bas mtshan nyid stong pa'i phyir/ /rang bzhin med par rab tu bshad/ /ces so/ /de nas zhes pa ni chos la bdag med pa'i mnyam pa nyid kyi gtan tshigs ma grub pa'o zhes rnam par snang mdzad kyi gdul bya'i rtog pa yongs su chod pa'i rjes la'o//de bzhin gshegs pa thams cad kyi mi bzad pa'i rdo rje ni thog ma dang tha ma med pa'i chos kyi dbyings kyi ngo bo me long lta bu'i ye shes so/ /gang las ma skyes pa 'di rnams gzung ba dang 'dzin pa'i ngo bor brtags pa med pa yin te des na brjod ma thag pa'i chos kyang ma yin la/de spyir gyur pa'i chos nyid kyang yod pa ma yin no/ /des na gtan tshigs ma grub pa ma yin no/ /de nas ji ltar nam mkha' spros pa med cing rtog pa med pa de bzhin du bdag med pa rnam par shes pa tsam gyi mtshan nyid yin la bsgom par bya ba'i byang chub kyi tshul gyi thabs bstan pa yin te/tshad mas grub pa'i phyir ro/ /de skad du slob dpon phyogs kyi glang pos/ /'di ni rnam rig tsam yin te/ /rang bzhin gyis ni rnam byang yin/ /don dam gnyis med dngos po med/ /de bzhin du yang bdag med yin/ /stong nyid chos kyi dbyings kyang yin/ / yang dag mtha' dag brjod med pa/ /chos nyid dang ni mtshan ma med/ /de nyid don zhes brjod pa yin/ /rgyu dang 'bras bu'i dngos po ni/ /tshad ma yis ni grub pa min/ /dngos po thams cad ma skyes pa/ /rgyal bas thugs rjes bstan pa yin/ /rjes su 'gro dang ldog dag las/ / de yis grub na grub dag yin/ /mngon sum dang ni mi dmigs pas/ /de dag skad cig yin pa'i phyir/ /mi gnas phyir na 'dzin nyid min/ /de dang 'brel pa'i skad cig gnyis/ /gang zhig rgyu dang 'bras bu'am/ /de yis stong pa'i sa phyogs dag /rgyu yod pa dang 'bras gang yin//de 'dzin byed nyid 'dzin pa po/ /rgyu med las 'bras med pa ni/ /de yi dngos po nges pa yin/ /rgyu ni 'bras bu'i dus na med/ /skad cig yin phyir 'jig pa'i phyir/ /rgyu yi dus na'ang 'bras bu med/ /dus mnyam nyid du thal 'gyur phyir/ /dam pa'i don du rgyu gcig min//'bras bu du ma ma yin no/ /gal te rgyu gcig yin gyur na/ /de des byed gyur ltos med pas/ /des na mig la sogs pa rnams/ /rang gi blo la gos med 'gyur/ /de tshe long sogs med pa ru/ /skye bo thams cad thal bar 'gyur/ /du ma'ang rigs pa ma yin te//'bras bu gcig gi rgyu yin pas/ /rgyu tha dad la 'bras bu ni/ /dbyer med rgyu na med par 'gyur/ /'bras bu'ang de yi bdag nyid phyir/ /de yang tha dad yin 'dod na/ /gcig ni ci ltar tha dad 'gyur/ /gcig dang gzhan nyid nyams 'gyur bas/ / mkhas pa rnams kyis gang brjod pa/ /de dbye dam pa'i don du med/ /'bras bu so so tha dad pa'i/ /nyes pa sngar ni bsgrags pa yin/ /yod med rang dang gzhan pa rgyu/ /gnyi ga las skye dpyod pa ni/ /ma byas gzhung ni mang 'gyur phyir/ /gsal ba'i phyir dang bsgrubs zin phyir//zhes so/ /de skad du yang lang kar gshegs pa las/ med pa las ni skye ba min/ /rkyen yang mthong ba ma yin no/ /dngos po ming yang yod min la/ /don med ming yang ma yin no/ /gang du nyan thos sangs rgyas rnams/ /mu stegs rnams kyi'ang spyod yul min//sa ni bdun par song ba yang / /de ni ma skyes mtshan nyid yin/ /rgyu dang 'bras bu ldog pa ni/ /rgyu yi 'gegs par byed pa yin/ /sems tsam nyid du rnam bzhag pa/ /ma skyes pa zhes nga smra'o/ /dngos rnams rgyu med pa yi rgyun/ /brtag bya rtog pa rnam spangs pa/ /yod med phyogs dang rnam bral ba//skye ba med par nga smra'o/ /sems dang mthong bya rnam bral ba/ /rang bzhin gnyis po spangs pa ste/ /gnas ni gzhan du gyur pa la/ /skye ba med par nga smra'o/ /zhes so/ /de nas zhes pa ni nam mkha' dang mnyam pa'i bdag med pa ma grub po zhes rin chen 'byung ldan gyi gdul bya'i rnam par rtog pa yongs su shes pa'i rjes la'o//de bzhin gshegs pa thams cad kyi bdag med pa ni rdo rje ste/ gang zag dang chos med pa'i rang bzhin stong pa nyid kyi bdag nyid ni mnyam pa nyid kyi ye shes so/ /gang gi phyir dngos po med pa ni gnyis su med de/dngos med gnyis su med pa yin/ /zhes de bzhin gshegs pas gsungs pas so/ /de'i phyir chos thams cad ni gnyis su med pa bdag med par grub pa yin no/ /ci'i phyir zhe na/ gang gi phyir phung po la sogs pa'i chos rnams gang yin pa gzugs su yod pa'i mtshan nyid kyis gzugs dang /myong ba'i mtshan nyid kyis tshor ba dang / mtshan mar 'dzin pa'i mtshan nyid kyis 'du shes dang / mngon par 'du byed pa'i mtshan nyid kyis 'du byed rnams dang / so sor rig pa'i bdag nyid kyis rnam par shes pa zhes pa la sogs pa'i rang gi mtshan nyid dang / mi rtag pa nyid la sogs pa ni spyi'i mtshan nyid rnams yin te/de rnams spangs pa'o/ /de de bzhin gshegs pa'i mtshan nyid med pa de mngon par byang chub pa yin no zhes rgyal ba'i yum las brjod pas so/ /de ltar na gang las sangs rgyas 'byung ba yin zhe na/ gsungs pa chos rnams kyi bdag med pa mnyam pa nyid kyi ye shes las yang dag par 'byung ba yin no zhes so//gang rnam 'grel las/ phung po la sogs bye brag gi/ /mtshan nyid thams cad byed pa yi/ /khyad par de yang de nyid min/ /des kyang de dag mtshan nyid bral/ /ci ltar rang rkyen las ltos nas/ / ma rig pas bcom bdag nyid can/ /rnam rig de bzhin min rnam par/ /skye 'gyur rab rib can sogs bzhin/ /tshu rol mthong ba thams cad kyis/ /de ni de nyid rig can min/ /gzung dang 'dzin pas bslad pa dag /med pas de rnams med phyir ro/ /des de nyid don btang snyoms can//glang chen gzigs stangs nyid mdzad nas/ /'jig rten thugs ni 'ba' zhig gis/ /phyi rol spyod pa rgyas par mdzad/ /ces so/ /de nas zhes te bsgom par bya ba dang bsgom pa yod na sgom pa po yang yod do zhes bya bar 'gyur te/ de ci ltar chos kyi bdag med par 'gyur zhes snang ba mtha' yas kyi gdul bya'i rnam par rtog pa yongs su shes ma thag tu'o//ye shes nyid ni chos thams cad kyi de nyid so sor rtog pa'i ye shes so/ /phung po la sogs pa'i bud shing sreg par byed pas 'bar ba yin la de nyid ci lta bar gyur pa'i dngos po'i de kho na nyid gsal bar byed pas sgron ma'o//de nyid rdo rje yang yin te gang la de'i rnam par dmigs pa'i ting nge 'dzin la yang de skad ces bya'o/ /ma skyes pa ni sngar brjod pa'i rigs pas yod pa'i chos rnams la'o/ /bsgom bya zhes pa ni dngos po dang bsgom pa yang bya ba'i ngo bor med pas sgom par byed pa cung zad kyang med pa'i phyir chos la bdag med pa sgrub bo//de ltar na 'dod chags kyi rigs la sogs pa 'byung bar bsgrags pa ji ltar zhe na/ gsungs pa/ nam mkha' dang chos mthun pa gzhan du ma yin pa'i phyir de bzhin nyid kyi mtshan nyid so sor rtog pa'i ye shes ni nam mkha' yin te/de nyid de bzhin gshegs pa thams cad kyi yon tan gyi rten yin pa'i phyir/ go 'phang ni gnas yin la de'i bdag nyid kyi shes rab dang thabs kyi snyoms par 'jug pa'i ngo bo ni sbyor ba ste/ des bsgom par bya ba'i rgyus 'chad par 'gyur ba'i rim pas dngos po snying rje'i bdag nyid 'dod chags kyi rigs la sogs pa'i ngo bo ni thabs yin te/thabs ni dngos po'i mtshan nyid do zhes rgyud phyi ma las so/ /rab tu bsgrags zhes pa ni mchog tu ste/ skyes bu'i don yin pa'i phyir de bzhin gshegs pa thams cad kyis bsgrags pa'o//de nas zhes pa ni byang chub dang mngon par rtogs pa yod na byang chub pa po yang yod do zhes don yod grub pa'i gdul bya'i rnam par rtog par yongs su shes ma thag tu'o/ /de bzhin gshegs pa thams cad kun du zil gyis gnon pa ni gang gi phyir/ bya ba nan tan gyi ye shes yin pa'i phyir de la de skad ces bya'o//byang chub ste byang chub par bya ba yang med la mngon par rtogs pa ste lam yang med do/ /des na byang chub ni cung zad kyang med do/ /ci'i phyir zhe na/ gang gi phyir/ sems 'di rang bzhin 'od gsal te/ /dri ma rnams ni glo bur pa/ /zhes rnam 'grel las so//rang bzhin gyis dngos po med pas 'od gsal ba yin te gzung ba dang 'dzin pa la sogs pa'i mngon par zhen pa'i gti mug gi mun pa spangs pa'i chos rnams so/ /ci ltar zhe na/ gang gi phyir sngar bzhin du nam mkha' dang mnyam pa de nyid kyi phyir/ chu khams gser dang nam mkha' bzhin//dag pa bzhin du dag par 'dod/ /ces pa'i rigs pas gdod ma nyid nas dag pa yin la/ bag chags dang bcas pa'i nyon mongs pa dang shes bya'i sgrib pa'i dri ma spangs pa yang yin te/ lhag ma ni sngar bzhin du'o/ /de ltar na yang / log par sgro 'dogs spang ba'i phyir//grol ba po ni med kyang brtson/ /zhes rnam 'grel las yin pas/ gang thos pa la sogs pa don med pa ma yin no/ /gzugs su rung bas gzugs dang / nyams su myong bas tshor ba dang / mtshan mar 'dzin pa'i bdag nyid kyis 'du shes dang / ci srid pa'i sems yongs su g.yo bar byed pa'i 'du byed rnams dang /so sor rig par byed pas rnam par shes pa ste/ mtshan nyid de rnams kyis stong pa'i phyir chos thams cad stong par brjod do/ /so sor snang ba tsam ni dgag par mi nus par lung gi phyir don dam par yang rang rig pa tsam gnyis su med pa ni tshad mas grub pa'i phyir dgag par mi nus so//'khrul pa dang bral ba dri ma med pa zad par mi 'gyur ba ni don dam par tshad ma nyid yin par grub bo zhes rnam par nges pa las so/ /de lta bas na don dam par cung zad kyang yod pa ma yin no zhes pa la sogs pa rgyan byed pa'i ngag kyang brtags pa 'gegs pa lhur byed pa nyid du blta bar bya ste/gzhan du tshad ma dang lung dang 'gal ba tshangs pas kyang spang bar mi nus pa'i phyir ro/ /chos kyi dbyings kyi rang bzhin gnyis su med pa'i rang rig pa ni rang rig pa'i mngon sum gyis grub pa'i phyir/ rang rig gis ni rtogs bya ba/ / chos kyi dbyings ni rgyu med par/ /rtag tu yod pa mthong ba yin/ /glo bur ma yin mtshan nyid do/ /zhes rgyan las so/ /tshad mas grub pa la tshad ma gzhan gyis gnod pa mi srid de gzhan du na mtshan nyid de dang ldan pa la gnod pa srid na de'i mtshan nyid sun phyung bar 'gyur ba'i phyir cung zad kyang tshad ma dang tshad ma yin par mi 'gyur bas de la gnod pa ni gnod pa nyid ma yin te/tshad ma ma yin pa ni gnod byed ma yin pa'i phyir ro/ /des na des gnod pa ni gnod pa ma yin pa nyid do zhes gnas te/ shes rab pha rol phyin gnyis med/ /ye shes de ni de bzhin gshegs/ / zhes so/ /de yang rnam par dpyad pa las nyams par 'gyur ro zhe na ma yin te/ dpyod par byed pa yang rjes su dpag pa yin pa'i phyir te/ rang rig pa'i mngon sum gyi tshad ma med na yang de mi srid pa'i phyir ro/ /de bzhin du yang rgyan byed pas gsungs pa/ tshad ma la tshad mas gnod pa ma yin te stobs mtshungs pa la ji ltar gnod/tshad ma nyid la yang ji ltar gnod par byed pa yin/ stobs mi mnyam pa yin na yang 'o na gal te rjes su dpag pas gnod na tshad ma nyid du yang mi 'gyur ro/ /gang rjes su dpag pa nyid der yang mi 'gyur te/ gang mngon sum gyis zhes mtshungs par thal bar 'gyur ro//'o na rab tu snang ba ni ci ltar brgya la rgyu'i nyes pas gzhan du 'gyur la rjes su dpag pa ni ma yin te/ des na gnod pa byed pa yin no zhe na/ de yang mi bden te/ rgyu yi nyes pas gzhal bya la/ /blo ni gzhan gyur rigs dang ldan/ /rang bzhin la ni rgyu yi skyon//rgyas kyang ci ltar rigs pa yin/ /zhes so/ /de bzhin du/ rjes dpag mngon sum la gnod min/ /zhes so/ /de bzhin du tshad ma ni tshad ma la gnod pa yang ma yin la sgrub par byed pa yang ma yin te/ tshad ma nyid chad par thal bar 'gyur bas so/ /de ltar na nges par rang rig pa dgag par nus pa ma yin no//mngon sum gyis ni rab grub la/ /gal te gzhan gyis gnod pas na/ /mngon sum tshad ma ma yin la/ /gzhan la'ang tshad ma ma yin no/ /mngon sum gyis ni grub pa la/ /tshad ma gzhan gyis ci ltar na/ /gnod par byed par 'gyur ba yin/ /tshad gzhan mngon sum rtsa ba yin//zhes pa la sogs pa'i tshig las rgyan byed pas kyang gzung ba dang 'dzin pa'i rnam pas mtshon pa'i brtags pa 'gegs pa yin par don dam par 'dod de/ rang rig pa'i mngon sum gyi mtshan nyid gnyis su med pa rnal 'byor pa'i shes pa la ni ma yin par dpag go//de ltar yang slob dpon dbyig gnyen gyis chos kyi bdag med par 'jug pa ni brtags pa'i bdag nyid kyis so zhes so/ /de nyid kyi phyir slob dpon phyogs kyi glang pos brtags pa 'gegs par byed pa 'di/ zhes pa mdor bsdus lta ba yin/ /shes bya thams cad la yod pa/ /rnam par brtags par 'dod pa yin//zhes so/ /don 'di nyid bsgrub pa'i phyir/ rnam 'grel byed pas gsungs pa/ blo la gzhan myong yod min te/ /de yi myong ba gzhan ma yin/ /gzung dang 'dzin dang mi ldan phyir/ /rang rig de nyid gsal ba yin/ /zhes so/ /de yi gzung min des ni 'dzin pa min//shes pa gzhan gyi gzung bya yis kyang stong / /de ltar na yang shes pa'i rang bzhin gsal/ /khyed kyi mngon sum phyogs ni gsal ba yin/ /zhes bstod pa byed pas so/ /de ltar chen po'i yang chen po rnams ngag gcig pas 'dir the tshom za bar mi bya'o/ / de lta bas na gzung ba dang 'dzin pa med pa nyid rjes su dpag pas nges par bya ste/ 'di ni don dam pa'o/ /de gsungs pa/ nang gi shes bya'i ngo bo ni/ /phyi rol ltar snang gang yin te/ /de ni mi bden phyir yod min/ /de nyid shes bya phyi rol med/ /de la ltos pas rang rig ni/ / byed pa po ru 'dod pa yang / /de yang mi bden pa yi phyir/ /rang rig gnyis med zhes par lta/ /zhes so/ /de lta bas na thams cad rang rig pa yin te bdag nyid mngon sum du byed pa la 'jug pas ma 'khrul pa'i phyir dang thams cad du gsal bar snang ba nyid kyis mi rtogs pa'i phyir mngon sum mo//gzung ba dang 'dzin par zhen pa yang thog ma med pa'i bag chags kyi ma rig pas sprul pa nyid kyis khyab par byed pa nyid ma yin pa mi gsal bar snang ba gsal bar snang ba'i gnyis su med pa la gegs byed pa ma yin te/ rgyu med pa'i phyir 'gag pa yin no/ /rgyan byed pas gang gsungs pa zla ba gnyis la sogs pa'i shes pa la yang gnyis su snang ba ni 'dir mngon sum nyid de des na gang du mngon sum byed pa de ni der mngon sum yin no//phyi rol la de 'khrul pa yin te/ de la yang de mngon sum du byed pa ma yin no/ /rab tu snang ba ni gzugs la sogs pa gcig pa yod pa ma yin te 'di ni brtags pa nyid yin no//de ltar yang yid 'khrul pa'i yul yin las nor pa yin par brjod do/ /ci ste ma 'khrul pa yang phyi rol gyi don la rtogs pa'i shes pa yin no zhe na/ de bden te de ltar yang / 'dir ni rigs pa'i stobs 'ongs pa/ / mkhas pa rnams kyis gang brjod pa/ /ci lta ci ltar don bsams pa/ /de lta de ltar rnam par bral/ /de bzhin du rang gi ngo bo tsam gyis rang rig pa las gzhan pa ni rtog pa nyid yin no zhes so/ /de dag la gcig tu zhen pa ma yin te rang rig pa dang gzugs la sogs pa la zhen pa dag kyang dus gcig tu 'jug pa'i phyir 'khrul pa yin no//gang rnam 'grel las/ /rtog bcas dang ni rtog med dag /yid dag cig car 'byung ba ni/ /rmongs pa'ang myur bar 'jug pa'i phyir/ /de dag gcig tu zhen par byed/ /ces so/ /de bzhin du yang le'u bco brgyad pa las/thog ma tha ma med zhi ba/ /dngos dang dngos med mi zad gtso/ /stong nyid snying rje mi phyed pa/ /byang chub sems zhes bya ba yin/ /zhes pas yid ches pas gnod pa ni kun rdzob thams cad la khas blangs pa yin no/ /ci ste yang tshad mas grub pa'i chos can dang gtan tshigs la lung bor na yang cung zad kyang nyams pa med de 'dod pa'i don grub pa la mi gnod pa'i phyir ro//mngon sum dang rjes su dpag pa'i yul ma yin pa lung gis bstan pa'i chos can la sogs pa rnams la nges par lung khas blang bar bya ste/ gzhan du dpyad pa mi 'jug pas//des na de nyid la des gnod par rigs so/ /gang rnam 'grel las/ de phyir grub pa'i don rnams la/ /bstan bcos spangs kyang nyams pa med/ /lung khas len pa med par ni/ /lkog gyur la 'dod 'jug mi 'gyur/ /de bden te don dam pa'i bden pa gnyis su med pa'i shes pa yang khyed kyi 'dod pas/de med na de'i yul can gyi mngon sum du med pa'i phyir de sngon du 'gro ba'i rjes su dpag pa cung zad kyang grub pa med de thams cad du gnod pa'am cung zhig tu 'ang ma yin te/ khyad par med pa'i phyir ro/ /don dam par yod par smra ba la ni dbye ba rigs pa nyid yin no//gzhan yang thams cad mkhyen pa ma yin pas brjod pa'i bstan bcos bor yang nyes pa med par blta bar bya'o/ /lung rnams la'ang tshad ma ni snga ma nyid du bkag pa yin/ gzhan du na gal te thams cad mkhyen pas gsungs pa'i lung gis kyang tshad mas grub pa'i chos can la mi gnod na/de'i tshe rang rig pa'i mngon sum gyis grub pa'i yid la yang gang gis yid ches pas gnod pa thob pa'i go skabs ga la yod/ ci ste yid kyang lus la brten pa nyid du bcom ldan 'das kyis bstan pa yin te/ lus dang sems dag ni phan tshun du rjes su 'jug par byed pa yin no zhes gsungs pas/'di ltar gnod pa brjod pa na/ /de yi shes pas phan 'dogs phyir/ /yid ni lus la brten par brjod/ /ces pa 'dis rnam 'grel byed pas de spangs pa yin no/ /gzhan yang rang rig pa'i mngon sum gyi mtshan nyid thams cad mkhyen pa'i ye shes nyid tshad ma yin te mi slu ba'i phyir/don dam pa yin la de'i tshig nyid kyang kun rdzob tu tshad ma yin te gzhan ni ma yin no zhes rgyan byed pas rgyas par bstan pa yin pas de nyid du rtogs par bya'o/ /gang gsungs pa/ thams cad don dang 'brel ba yi//shes pa mngon sum gyis mthong min/ /spyi yi tshul gyis 'brel pa ni/ /rjes su dpag pas bzhag pa yin/ /tshad ma gzhan yang yod min phyir/ /gang las the tshom gcod pa yin/ /des na tha snyad las ni tshad ma nyid/ /ces so/ /gal te de lta na tha snyad las tshad ma yin na tshad ma'i mtshan nyid bstan bcos su ji ltar bkod/bstan bcos su bstan kyang tshig tsam gyis de ltar gyur pa ma yin te/ 'on kyang tha snyad du mi slu ba nyid las yin te/ de yang yod na bstan bcos don med pa nyid do/ /gsungs pa/ bstan bcos rmongs pa zlog byed yin/ / gal te tha snyad las tshad ma'i rang bzhin rtogs na ci'i phyir phan tshun 'gal ba'i bstan bcos kyi mtshan nyid du 'gyur/ des na tha snyad kyang blo gros mi mthun pa rnams kyi yin no/ /de ltar yang / thams cad tha snyad dag las ni/ /tshad ma nyid du rtogs ma yin/ /de yis tshad ma'i mtshan nyid ni//phan tshun 'gal ba dang ldan yin/ /mngon sum la sogs tshad ma yis/ /'jig rten pha rol rtogs ma yin/ /lung las gzhan ni brjod pa ste/ /des na tha snyad las ma yin/ /de phyir tha snyad the tshom phyir/ /bstan bcos rmongs pa zlog byed yin/ /sngon dang phyi ma mi dran la/ / bstan bcos 'di yis zlog par byed/ /de nyid kyi phyir thams cad mkhyen pas brjod pa'i bstan bcos nyid kyis rmongs pa bzlog ste/ gzhan gyis ni ma yin la rnam pa 'dis thams cad mkhyen pa'i tshig nyid don dam par tshad ma yin no/ /thams cad mkhyen pa'i shes pa nyid tshad ma yin la gzhan ni ma yin no zhes pa ni don dam pa'o//gzhan ni tshad ma ma yin te/ /gzhal bya la khyab mi srid phyir/ /ma khyab pa yis 'bras sogs kyi/ /'brel pa 'dzin pa ma yin no/ /rgyu dang 'bras bu'i dngos po ni/ /'das pa dang ma 'ongs pa dang da ltar gyi dus dang yul la khyab pa lhan cig spyod pa'i dngos po nges par thams cad mkhyen pa ma yin pa'i shes pa'i yul ma yin te/da ltar byung ba dang nyes pa'i dngos po'i yul tsam mngon sum gyis 'dzin pa'i phyir dang / rjes su dpag pa yang 'jug pa ma yin pas so/ /bstan bcos byed pa de thams cad mkhyen par ji ltar shes she na/'di ni phyis bshad par bya'o/ /de nas thams cad mkhyen pa'i gsung dang / de'i rjes su 'brang ba'i tshig kyang thams cad du tshad ma dang gnod par byed pa yang yin no zhes gnas so/ /gal te nges par tshu rol mthong bas ji ltar yang nus na yin gyi gzhan du ma yin no//gzhan yang gang la yang 'di rnams kyi brgal ba dang lan ni rgyan byed pas bshad de/ ci ste 'di yod na 'byung bar 'gyur la de skyes pa las skye bar 'gyur ro zhes pa 'di nyid kyis rgyu'i mtshan nyid bcom ldan 'das kyis gsungs te/ gzhan du rtag tu 'jug pa ni ma dpyad do//bcom ldan 'das nyid don dam pa'i tshad ma rgyu dang 'bras bu'i dngos po yin te/ khyab pa'i rjes su 'gro ba dang ldog pa rjes su gzung ba'i phyir ro zhes bstan pa yin no/ /bcom ldan 'das kyis phan 'dogs pa dang ldan pa yon tan ma bshad pa mi srid do/ /nyes pa med de gang gi phyir rtag tu phan pa byed pa nyid du kho bo cag gis bshad pa'i phyir lnga pa yin te/skyes pa las zhes brjod do/ /'di yod na 'di 'byung ngo zhes pas rtag tu 'jug pa gsungs pa yin no/ /yod na zhes pas rgyu mtshan gyi bdun pa yin no/ /gzhan du na de med kyang yod na 'di de'i rgyu mtshan gyi dngos por yang mi 'gyur ro//lnga pa ni 'byung khungs yin te 'byung khungs kyang skye ba'i byed pa po las byung zhes pas so/ /'byung ba yang rgyu mtshan nyid yin no/ /de yang tshad ma'i yul la thams cad mkhyen pas brjod pa'i lung dang 'gal ba'i gnod pa med pas 'brel ba med pa nyid du 'gyur ro//de'i phyir 'di ltar thams cad du thams cad mkhyen pa'i bka'i gnod pa zhes rtogs par bya'o/ /ji ltar yang thams cad kun rdzob tu khas len pa la tshad ma dang lung gis gnod pas 'di med pa'i phyir dbu ma la phyi rol du gyur pa nyid yin no/ /de bzhin du rgyas par kho bos don dam pa sgrub par bshad pas de nyid du rtogs par bya'o//de skad du yang slob dpon dbyig gnyen gyis gsungs pa/ /de phyir mthong ba'i chu bur de dag gis/ /bstan pa 'di la 'byung bar 'gyur ba yin/ /gang 'di gcig ni gang zag 'dzin pa ste/ /gzhan dag thams cad med ces 'dzin pa yin//zhes so/ /de 'phags pa thogs med kyis byang chub sems dpa'i sa las gsungs pa/ de la rigs pa gang gis chos thams cad brjod du med pa'i ngo bo nyid yin par khong du chud par bya zhe na/ chos rnams kyi rang gi mtshan nyid brtags pa 'di lta ste/ gzugs zhes bya ba'am/ tshor ba zhes bya ba'am 'du shes zhes bya ba'am/ 'du byed rnams zhes bya ba'am/ rnam par shes pa zhes bya ba nas snga ma bzhin du tha na mya ngan las 'das pa zhes bya ba'i bar gang yin pa de ni btags pa tsam du zad par rig par bya ste/ ngo bo nyid ma yin pa de la ma gtogs pa dang de las gud na yang ngag gi spyod yul dang ngag gi yul med do//de ltar na chos rnams kyi ngo bo nyid ni ji ltar na brjod pa de bzhin du yod par mi 'gyur la thams cad kyi thams cad du med pa yang ma yin no/ /de de ltar yod pa yang ma yin la thams cad kyi thams cad du med pa yang ma yin na ci ltar yod ce na/yod pa ma yin pa la sgro btags pa'i legs par ma zin pa spangs pa dang / yang dag pa la skur pa btab pa'i legs par ma zin pa spangs pa yod de/ chos thams cad kyi don dam pa'i ngo bo nyid de yang rnam par mi rtog pa'i ye shes kho na'i spyod yul yin par rig par bya'o//gal te chos gang dag dang dngos po gang la ji ltar brjod pa 'jug pa bzhin du chos de dag dang dngos po de de'i bdag nyid du 'gyur na ni de ltar chos gcig pu dang dngos po gcig pu'i ngo bo nyid rnam pa sna tshogs mang por 'gyur bar rigs so//de ci'i phyir zhe na/ 'di ltar chos gcig pu dang dngos po gcig pu la mang po dag gis rnam pa sna tshogs mang po brjod cing btags te nye bar 'dogs par byed pa la btags pa'i tshig rnam pa sna tshogs mang po dag las btags pa'i tshig gang yang rung ba gcig cig chos de dang dngos po de la de'i bdag nyid dang /de'i rang bzhin gyi ngo bo nyid du 'gyur la/ 'dogs pa'i tshig lhag ma gzhan dag ni ma yin no zhes bya ba'i nges pa ci yang mi dmigs te de bas na btags pa'i tshig thams cad ni mtha' dag gam kha cig kyang rung ste chos thams cad dang /dngos po thams cad kyi de'i bdag nyid du 'gyur ba yang med la de'i rang bzhin gyi ngo bo nyid du 'gyur ba yang med do/ /gzhan yang gal te gzugs la sogs pa'i chos sngar ji skad bstan pa rnams 'dogs pa'i tshig gi ngo bo nyid ma yin du zin na de ltar na ji dngos po sngar byung ba phyis de la dga' mgur 'dogs pa'i tshig gis nye bar 'dogs na ni 'dogs pa'i tshig gis nye bar 'dogs pa'i snga rol 'dogs pa'i tshig gis nye bar ma btags pa'i tshe/chos de dang dngos po de ngo bo nyid med pa kho nar 'gyur ro/ /ngo bo nyid med par gyur na dngos po med pa la ni 'dogs pa'i tshig gis nye bar gdags su mi rung ngo //'dogs pa'i tshig gis nye bar 'dogs pa de med na yang chos dang dngos po 'dogs pa'i tshig gi ngo bo nyid du yod par mi rung ngo / /gal te 'dogs pa'i tshig nye bar 'dogs pa'i snga rol nas gzugs med de gzugs kyi bdag nyid yin te/phyis kyang gzugs kyi bdag nyid la gdags pa'i tshig gis bsdus pa'i gzugs su nye bar 'dogs par byed na yang de lta na ni gzugs zhes 'dogs pa'i tshig nye bar 'dogs pa med bzhin du yang gzugs zhes bya bar 'gyur ba'i chos dang / gzugs zhes bya bar 'gyur ba'i dngos po la gzugs kyi blo 'jug par 'gyur ba'i rigs na mi 'jug pa ste/de bas na gtan tshigs 'di dang rigs pa 'dis chos thams cad brjod du med pa'i ngo bo nyid du khong du chud par bya'o/ /gzugs la ji lta ba de bzhin du tshor ba la sogs pa nas cher na mya ngan las 'das pa'i bar du ji skad bstan pa'i chos rnams la yang de bzhin du rig par bya'o//gzugs la sogs pa'i chos rnams dang / gzugs la sogs pa'i dngos po la 'dogs pa'i tshig gi ngo bo nyid kyis rang gi mtshan nyid yod pa ma yin la sgro btags nas mngon par zhen pa gang yin pa dang 'dogs pa'i tshig mtshan ma'i gzhi 'dogs pa'i tshig gi mtshan ma'i rten du gyur pa brjod du med pa'i bdag nyid kyis don dam par yod/yang dag pa'i dngos po la thams cad kyi thams cad du med do zhes skur pa 'debs shing chud gzon par byed pa gang yin pa 'di gnyis ni chos 'dul ba 'di las rab tu nyams pa yin par rig par bya'o//yod pa ma yin pa la sgro 'dogs pa'i nyes pa gang yin pa de dag ni thog ma nyid du dpyad cing gsal bar byas la bkrol zhing bstan zin te nyes pa de dag gis/ gzugs la sogs pa'i dngos po yod pa ma yin la sgro btags pas/chos 'dul ba 'di las rab tu nyams pa yin par rig par bya'o/ /gzugs la sogs pa'i chos rnams kyi dngos po tsam la yang skur pa 'debs shing thams cad du chud gzon pa de chos 'dul ba 'di las ji ltar rab tu nyams par 'gyur ba de ltar bshad par bya ste/gzugs la sogs pa'i chos rnams kyi dngos po tsam la skur pa 'debs pa ni de kho na yang med la 'dogs pa yang med de gnyis ka yang mi rigs so/ /'di lta ste dper na/ gzugs la sogs pa'i phung po rnams yod na gang zag tu gdags su rung gi med du zin na dngos po med pa la gang zag gdags su med do//de bzhin du gzugs la sogs pa'i chos rnams kyi dngos po tsam yod na/ gzugs la sogs pa'i chos rnams 'dogs pa'i tshig nye bar dgag tu rung gi med du zin na dngos po med pa la gdags pa'i tshig gis nye bar 'dogs pa med do//de la 'dogs pa'i gzhi med du zin na ni gzhi med par gyur pas 'dogs pa yang med par yang 'gyur ro/ /de bas na gang zag kha cig shes par dka' ba'i mdo sde theg pa chen po dang ldan pa zab mo stong pa nyid dang ldan pa dgongs pa'i don bstan pa dag thos na bshad pa'i don yang dag pa ji lta ba bzhin du ma shes nas tshul ma yin par rnam par brtags te rigs pa ma yin pas bskyed pa'i rtogs pa tsam gyis 'di thams cad ni btags pa tsam du zad de/'di ni de kho na nyid yin no/ /su zhig 'di ltar lta ba de ni yang dag par lta ba yin no zhes de ltar lta zhing de skad smra'o//de dag gi ltar na 'dogs pa'i gzhi'i dngos po tsam yang med pas 'dogs pa de nyid kyang thams cad kyi thams cad med par 'gyur na btags pa tsam gyi de kho na lta yod par ga la 'gyur te/ de bas na rnam grangs des na de dag gis ni de kho na nyid btags pa de gnyis ka la yang skur pa 'debs par 'gyur te/btags pa de kho na la skur pa btab pas na med par lta ba'i gtso bo yin par rig par bya'o/ /de ltar na med pa de ni tshangs pa mtshungs par spyod pa mdzangs pa rnams kyis smon pa'i 'os pa ma yin pa dang 'grogs par mi bya ba yin te/de ni bdag nyid kyang phung bar byed la 'jig rten gang de'i lta ba la sogs pa yang phung bar byed do/ /bcom ldan 'das kyis 'di la dgongs nas 'di na la la gang zag tu lta ba ni bla'i/ la la stong pa nyid la log par zin pa ni de lta ma yin no zhes bka' stsal to/ / de ci'i phyir zhe na/ gang zag tu lta ba can gyi skye bo ni shes bya la rmongs pa 'ba' zhig tu zad kyi/ shes bya thams cad la skur pa 'debs pa ma yin te gzhi des sems can dmyal ba rnams su skye bar mi 'gyur la gzhan chos 'dod pa dang sdug bsngal las rnam par thar par 'dod pa dag kyang phung bar mi byed cing slu bar mi byed la chos dang bden pa la yang 'god par byed do//bslab pa'i gzhi dag la yang g.yel bar mi 'gyur ro/ /stong pa nyid la log par zin pa ni shes bya'i dngos po la yang rmongs la shes bya thams cad la yang skur pa 'debs te/ gzhi des sems can dmyal ba rnams su yang skye bar 'gyur la gzhan chos 'dod pa dang /sdug bsngal las thar 'dod pa rnams kyang phung bar byed do/ /bslab pa'i gzhi dag la yang g.yel bar 'gyur te/ de ltar yang dag pa ji lta ba bzhin gyi dngos po la skur pa 'debs pa ni chos 'dul ba 'di las rab tu nyams pa yin no//ji ltar na stong pa nyid la log par zin pa yin zhe na/ dge sbyong ngam bram ze gang la gang gis stong pa de yang mi 'dod la gang gis gang stong pa de yang mi 'dod pa 'di lta bu 'di ni stong pa nyid la log par zin pa zhes bya'o/ /de ci'i phyir zhe na/gang gis stong pa de med pa dang / gang stong pa nyid de yod pa'i stong pa nyid ni rigs pa'i phyir ro/ /thams cad med na ni gang du ci zhig gang gis stong par 'gyur te des de nyid stong pa nyid du 'gyur du mi rung ngo / /de bas na de lta bu ni stong pa nyid la log par zin pa yin no//ci ltar na stong pa nyid la log par zin pa yin zhe na/ gang gi phyir gang la gang med pa de ni des stong par yang dag par mthong la 'di la lhag ma gang yin pa de ni 'di na yang dag par yod do zhes yang dag pa ji lta ba bzhin du rab tu shes pa de ni stong pa nyid la yang dag pa ji lta ba bzhin du phyin ci ma log par zhugs pa zhes bya ste/'di lta ste gzugs zhes bya ba la sogs pa'i ming can ji skad bstan pa'i dngos po rnams la gzugs zhes bya ba la sogs par 'dogs pa'i gzhi dang tshig gi bdag nyid kyi chos med de de bas na gzugs zhes bya ba la sogs pa'i dngos po de gzugs zhes bya ba la sogs par 'dogs pa'i tshig gi bdag nyid des stong ngo //gzugs zhes bya ba la sogs pa'i ming can dngos po de'i lhag ma gang zhe na/ 'di lta ste gzugs zhes bya ba la sogs par 'dogs pa'i gzhi dang tshig tsam po yin te de gnyi ga yang 'di lta ste/ dngos po tsam yod pa dang dngos po tsam du 'dogs pa tsam yod par yang dag pa ji lta ba bzhin du rab tu shes te/yod pa ma yin pa la yang sgro mi 'dogs la yang dag pa la skur pa mi 'debs so/ /lhag par yang mi byed la nyung bar yang mi byed do/ /phri bar yang mi byed la snon par yang mi byed do//yang dag pa ji lta bar brjod du med pa'i rang bzhin yang dag pa ji lta ba bzhin du shes so zhes so/ /'di brjod par bya ste legs par bzung ba'i stong pa nyid yang dag pa'i shes rab kyis legs par so sor rig go zhes so/ /de nyid kyi phyir sgro 'dogs pa dang skur pa'i mtha' dang bral ba'i dbu ma'i lam nyid dbu ma yin te/dbus dang mtha' rnam par 'byed pa yang yin zhes pa'i rigs pas so/ /gzhan yang de kho na nyid la gang gis sgrib par byed pa'am gang la sgrib ces pa khyed kyi kun rdzob 'di ni 'khrul pa nyid yin no//rgyus byas pa'i phung po gdags par bya ba ni gang zag go zhes 'jig rten pas brjod do/ /kun du sgrib par byed pa ni kun rdzob bo/ /mi shes pa nyid don gyi de kho na nyid la kun du sgrib par byed pa zhes zla ba grags pas brjod de/ de yang byang chub pa la yod dam med gal te yod na shes bya la bsgribs pas ji ltar na byang chub pa yin/kun rdzob tsam las gzhan pa yin/ /'khor ba yod par ma mthong la/ /de nyid mya ngan 'das pa ste/ /'di ltar yod par gnas pa yin/ /zhes rgyan las so/ /gal te med na ci ltar chad pa ma yin te rang rig pa'i mngon sum yang don dam par khas mi len pa'i phyir ro//khas len na yang kun rdzob thams cad de kho na nyid yin par khas blangs pa bor ba yin no/ /kho bo cag ni 'khrul pa yin na yang rang gi ngo bo la ma 'khrul pa nyid kyis mngon sum nyid yin no/ /de nyid kyi phyir dag pa 'jig rten pa'i ye shes kyi gnas skabs na yang rnam pa thams cad kyi rang bzhin thams cad yongs su chod pa nyid kyis bcom ldan 'das ma 'khrul pa nyid yin no//rang bzhin la ni kun ma 'khrul/ /gzhan gyi ngo bo la bzlog pa/ /zhes rgyan las so/ /de nyid kyi phyir 'phags pa lang kar gshegs pa las/'phags pas 'khrul pa mthong ma yin/ /de nyid min te de tha dad/ /'khrul pa nyid yin de nyid 'gyur/ /gang phyir de nyid de tha dad/ /ces so/ /rnal 'byor gyis mngon sum yang dpyad mi bzod pa'i phyir kun rdzob yin no zhe na/ma yin te khyod kyis dpyod pa de nyid dpyad mi bzod ces bstan to/ /des na de khyad par du bsad pa nyid mkhas pa rnams kyis don dam pa yin no zhes rigs pa shes pa rnams kyis de dang der brjod do/ /thams cad med par rab bsgrub ni/ /mngon sum ma yin rjes dpag min//tshad ma'i dngos dang dngos med pa/ /'brel ba rab tu grub ma yin/ /tshad ma yang ni dngos med nyid/ /de nyid zhe na rigs ma yin/ /dngos nyid dngos po'i tshad yin par/ /'di ni rigs shes 'dod pa'i phyir/ /ji ltar dngos nyid dngos po rnams/ /bsgrub la sgrub byed du 'dod do//de bzhin dngos nyid dngos rnams kyi/ /rang nyid log na ldog byed yin/ /gzhal bya gzhal byed kun rdzob yin/ /zhe na bden te kun du min/ /don dam pa yi tshad ma yang / /rnam par nges par gsal bar smras/ /gang zhig dpyad mi bzod pa ni/ / de nyid kho na'i kun rdzob yin/ /zhe na ma yin rang rig la/ /dpyod pa la sogs 'jug ma yin/ /rnal 'byor mngon sum gyur pa dang / /gnyis su med la'ang rnam kun du/ /rnam par rtog pa med pa'i phyir/ /thams cad sgro ma btags pa yin/ /gzung sogs rnam par blo rang bzhin//de tshe dpyod sogs ji ltar yin/ /lhun gyis grub pa gsal ba'i phyir/ /de dang rnam bral rang bzhin yin/ /don dam rnam gsum yin pa'i phyir/ /mkhas pas sba bar nus ma yin/ /don dam thob dang rtogs bdag nyid/ /blo gros bzang ldan mi 'pham gsung / / de ni dngos rnams rnam bral zhes/ /ma yin tshad mas ma nges phyir/ /dngos po thams cad rnam bral ba/ /shes pa'i bdag nyid du nges yin/ /kho bo'i kun rdzob dmigs pa yin/ /dgag pa de nyid ldan pa'i zhes/ /ma yin bdag nyid rtogs kun gyi/ /mngon sum yin phyir legs de nyid//yang dag kun rdzob 'di yin te/ /bdag ni don dam 'dod pa yin/ /ming gzhan btags pas kho bo yi/ /de nyid 'di la gnod ma yin/ /don dam nyid ni myang 'das yin/ /ye shes de bzhin gshegs pa'ang de/ /'khor ba yongs su shes gang yin/ /mya ngan 'das par thub pa bzhed//rjes dpag srid 'gyur kho bo la/ /de 'dra dam pa'i don la'ang yod/ /des na khyod la gnod med phyir/ /ma mthong dgag par rigs ma yin/ /ma mthong ba la gnod med par/ /rnam 'grel du brjod pas nges yin/ /gnod bya gnod byed dngos po ni//mthong ba dag la nges pa'i phyir/ /de ni shin tu lkog gyur la/ /yod med nges pa ma yin no/ /dngos po las 'das don rnams la/ /'gal ba grub pa ma yin phyir/ /de yi 'di zhes 'brel ba ni/ /dbye bas rtogs par bya phyir yin/ /chos dbyings rang bzhin 'di la ni//dbye ba med phyir 'di yis ci/ /don dam nyid du tha mi dad/ /ces brjod phyir na gnyis med yin/ /rab gsal tha dad yod ma yin/ /gzung sogs dmigs pa ma yin phyir/ /rtogs pa yis ni sbyar bas na/ /'brel pa la sogs 'jug ma yin/ / rang gis rig pa log pa min/ /khyab par byed pa ma grub pas/ /rang gi rig pas rtogs bya ba/ /chos kyi dbyings ni rgyu med pa/ /yod cing rtag pa'i dngos po mthong / /glo bur ma yin mtshan nyid do/ /grub phyir gzhan la ltos med na'ang / /'bras bu yin te rang rgyud las/ / rtog pa yis ni 'brel ba yin/ /rnam 'grel las ni gsal bar brjod/ /sku gsum rnam par gzhag pa ni/ /des na 'di ru 'khrugs pa med/ /lung dang tshad mas nges pa'i phyir/ /bcom ldan mi pham gyis gsungs so/ /gnyis su med pa'i gsal ba nyid/ /rnal 'byor mngon sum spyod yul la//rnam pa thams cad mkhyen pa'i phyir/ /rgyu nyid du ni rnam nges yin/ /rgyu dang 'bras bu'i dngos po sogs/ /'jig rten pa yis bkag pa ni/ /rnal 'byor mngon sum ma bkag phyir/ /kho bo cag gi 'dod pa grub/ /dngos po 'di rnams ma skyes yin//zhes brjod ce na de bden min/ /ma yin brtags pa'i gzugs rnams nyid/ /'di yis bkag pa byas pa'i phyir/ /brtags pa yi ni rang bzhin gyis/ /chos rnams thams cad skye med yin/ /gzhan gyi dbang la brten nas ni/ /mi rnams kyi ni rnam rtog skye/ / dgongs pa nges par 'grel pa'i mdor/ /gang zhig dngos med rnam gsum po/ /de dang 'di ru mi 'gal bar/ /sum cu pa phyed kyis bshad de/ /dngos po gsum gyi rang bzhin ni/ /dngos po med pa rnam gsum gyis/ /chos rnams thugs la bzhag nas ni/ /dngos po med par bstan pa yin//dang po mtshan nyid kho nas ni/ /dngos med slar yang gzhan pa ni/ /de yi rang bzhin mi 'byung bas/ /gzhan gyi dngos po med pa ni/ /de ni chos rnams don dam pa'ang / /gang phyir de bzhin nyid kyang de/ /dus kun du ni de bzhin yod/ /de nyid rnam rig tsam yin no//sems tsam nyid du rnam bzhag pa/ /skye ba med par nga smra'o/ /zhes ni lang kar gshegs gsungs pas/ /'di dang yang ni mi 'gal lo/ /de ni ma skyes chos rtag de bzhin gshegs pa de/ /chos rnams kun kyang bde gshegs 'dra ba'ang yin/ / mtshan mar 'dzin pas kyang ni byis pa'i blo can dag /mi bden pa yi chos rnams la ni 'jig rten spyod/ /gnyis su med pa'ang mi srid de/ /dpyod pa'i shes yul yin zhe na/ /ma yin rjes dpag yin phyir dpyod/ /des na 'di yis nges pa yin/ /dpyod pa yi ni yul nyid kyang / / tshad mas ma grub par brjod do/ /rang rig mngon sum gyis grub phyir/ /tshad mas ma grub ci yi phyir/ /gzung bya the tshom lkog gyur la/ /dpyod pa rjes su dpag pa'i bdag /rang rig mngon sum gyis grub la/ /de la mkhas pa ci phyir 'jug//the tshom gtan tshigs tshig gi phyir//dkrugs pa gtan tshigs rten ma yin/ /tshad ma'i mtshan nyid dang ldan la/ /de la sems pa mi srid phyir/ /'di la sogs pa rnam 'grel las/ /brtags kun la gnod yin par 'dod/ /gcig dang du ma dang bral sogs/ /gzung la sogs pa rigs mkhyen pas/ / gzung la sogs par mngon zhen pa'i/ /rtog pa rang rig phyi rol med/ /'dir ni gcig sogs rnam dpyod pa/ /brtags pa nyid de rang rig min/ /sngo sogs sna tshogs shes pa la/ /shes pa'i bye brag gzhan min rten/ /bstan par mi nus de nyid ni/ /rnam par phye bas don du 'gyur//zhen pa gsal bar gyur pa yang / /dus gcig tu ni 'jug pa'i phyir/ /rtog med dang ni rtog bcas dag /mngon sum gzhan la rmongs pas so/ /rtog bcas rtog pa med pa'i yid/ /cig car du ni 'jug phyir ram/ /'jug pa myur phyir rmongs pa dag /de dag la ni gcig tu zhen/ /rang rig nyid ni ma grub bo/ /zhe na rtog pa dang bral yang / /rang rig rtog pa dang bral ba/ /mngon sum gyis ni grub pa yin/ /mngon sum rtog pa dang bral ba/ /mngon sum nyid kyis grub pa yin/ /kun gyis rnam rtog ming rten can//so so rang gis rig bya kun/ /gsal ba de yi bdag nyid phyir/ /rang gi ngo bo gsal byed pa/ /ci ltar gsal bar mngon 'dod pa/ /de ltar blo yi myong ba yin/ /mngon sum so sor myong bya nyid/ /de ni de yi bdag nyid yin/ /'di dag thams cad rnam 'grel las/ / gnod byed grub pa sgrub byed yin/ /rig bya rig byed dngos po ru/ /brtags pa bkag pa byas pa yin/ /lung gi bems po ma yin pa'i/ /rigs pa tsam la'ang gnod ma yin/ /ci ltar ral gri rang so dang / /ci ltar mdzub mos rang gi rtser/ /ci ltar mi chod mi reg ltar/ / de bzhin rang gis sems mthong la/ /rnam shes bems po'i rang bzhin las/ /bzlog pa rab tu skye ba ste/ /bems min rang bzhin gang yin pa/ /'di nyid bdag nyid rig pa yin/ /bya dang byed pa'i dngos po yis/ /rang rig mngon sum 'di la min/ /gcig gi ngo bo cha med la//gsum gyi ngo bo 'thad ma yin/ /mi rtag la sogs spyod pa ni/ /rang rig tsam la grub ce na/ /ma yin bdag la 'khrul med yod/ /phyir na dpyod pa 'jug ma yin/ /rang gi ngo bo kun ma 'khrul/ /zhes pas rgyan ni byed pas so/ /kun gyis sems dang sems byung rnams//rang bdag mngon sum la brjod pas/ /gnod med rigs pa dam pa la/ /'khrul pa nyid du nges ma yin/ /rang gi ngo bos rtogs kun la/ /gnod pa srid pa ma yin no/ /don gyi rang gi ngo bo gcig /bdag nyid mngon sum yin pa la/ /tshad ma rnams kyis brtag bya gang //ma mthong cha gzhan ci zhig yod/ /gzugs chos mthun pa mthong ba las/ /nya phyis la dngul rnam pa ltar/ /gal te 'khrul pa'i rgyu mtshan gyis/ /yon tan gzhan sbyor mi byed na/ /de phyir dngos po mthong ba yis/ /yon tan mtha' dag mthong ba nyid/ /'khrul pas nges par mi byed pas//sgrub pa rab tu 'jug pa yin/ /skad cig la sogs ngo bo ni/ /mngon sum gyis ni bsgrub pa'i phyir/ /de las byung ba'i rjes dpag gis/ /tha snyad rab tu 'jug par byed/ /mi rtag dngos las gzhan med de/ /de yang dbang pos sngar grub po/ /du ma'i ngo bo brjod min te//brjod pa'i chos ni rtog skyes yin/ /spyi yi rten ni yang dag grub/ /'di dag spyi ru grub pa yin/ /de bzhin 'di yi grub nyid min/ /rjes su dpag pa grub phyir yin/ /gang du de shes ma yin te/ /'dra ba gzhan ni 'byung ba'i phyir/ /'khrul te tha dad mthong ma yin//sgyu ma'i sgong gi dbye ba ltar/ /de ltar rtags med byis pa'i bar/ /ma 'dres phyi ma 'byung 'gyur bar/ /mthong bas yongs su chod pa yin/ /skye bos mar me sogs nyams pa/ /dngos po'i rang bzhin gyur pa yi/ /nus la 'bras bu ma mthong ba/ /bar ma chad min phyir rmongs pa//nges 'byed sgrin po med phyir ro/ /de nyid rnam par bzlog don du/ /rjes su dpag pa bsngags pa yin/ /blo gros chen pos mthong nyid las/ /rnam pa thams cad nges par mthong / /mngon sum gyis ni rab grub la'ang / /gal te rjes dpag gis gnod na/ / mngon sum tshad ma ma yin phyir/ /rjes dpag tshad min cis ma yin/ /mngon sum gyis ni rtogs pa la/ /gal te gzhan gyis gnod pa ni/ /mngon sum tshad ma ma yin phyir/ /gzhan yang tshad ma ma yin no/ /mngon sum gyis ni grub pa la/ /tshad gzhan las ni ci ltar yin//gnod pa med pa mngon sum ste/ /tshad ma gzhan gyi rtsa ba yin/ /tshad ma zhes pa med pa na/ /gzhal bya nges pa med pa'i phyir/ /cung zad cung zad kyis brjod min/ /gzhan la nges par bya ba'i phyir/ /rang gi nges ltar gzhan dag la/ /'dod pas nges pa skyed par byed//phyogs chos nyid dang 'brel ba dang / /bsgrub bya brjod las gzhan spangs yin/ /tshad ma zhes bya med pa na/ /bstan bcos tshig ni mi ldan phyir/ /'di la sogs pa'i tshig gi ngag /tshad ma khas blangs sngon 'gro yin/ /tshad ma med par dam 'cha' ba//rang gi tshig nyid gnod pa yin/ /kun rdzob tshad mar 'dod ce na/ /de nyid du yang de 'dod kyis/ /de kho na yi tshad ma yang / /rnam par nges par gsal brjod pas/ /mi shes don gyi gsal brjod kyang / /'dir gsungs gsal bar rgyan byed pas/ /don dam pa yi tshad ma yi//mtshan nyid yang dag brjod pa yin/ /gnyis med shes pa'i ngo bo yi/ /sngar ni tha dad pa yi yin/ /don gcig gnyis med chos kyi don/ /dam pa'i don ni 'jigs pa med/ /'di brjod mtshan yang dag brjod pa'i/ /lung gis kyang ni nges pa yin/ / thams cad dmigs pa 'khrul pa yin/ /de bzhin gshegs yid ma gtogs pa/ /rang gi rig pa la dmigs 'di/ /ma 'khrul pa ru rnam nges yin/ /rnal 'byor spyod 'dod de yin zhes/ /gzhan yin gzhan du brjod par gyis/ /dngos kun rnam bral yin zhe na/ /tshad ma med par 'dir bsgrubs yin//med pa rab tu bkag pa la/ /mngon sum ma yin rjes dpag min/ /dngos po cung zad ma grub la/ /de dag nyid kyang grub min pas/ /ma yin dgag pa'ang kho bo yi/ /gnyis med shes las gzhan yod min/ /de nyid don dam nyid yin na/ /khyed kyi sngar gyi ngal don med//tshad ma yi ni nus pa yang / /yang dag de yi bdag nyid yin/ /de yang mngon sum gyis grub yin/ /chos dang chos can dag dbyer med/ /gang zhig don byed nus pa ni/ /de ni 'di ru don dam yod/ /mtshan nyid de ni 'di nyid la/ /srid yin gzhan la med pa'i phyir//'dus byas thams cad skad cig ma/ /brtan pa min rnams cis na byed/ /gang gi bya ba yang dag de/ /byed pa'ang de nyid du brjod do/ /chos dang chos can rnam dbye ba/ /dngos po kun las ma grub pa/ /kun du nyes pa mtshungs she na/ /ma yin kun rdzob bye brag las/ /don dam rnam par spyod pa la//de bzhin yang dag grub pa yin/ /don la de nyid de nyid min/ /kun rdzob rnams la dgag pa byed/ /rjes dpag dpag par bya ba'i don/ /'di ni tha snyad pa la gnas/ /tha snyad rtogs pas yang dag grub/ /dmigs par byas nas rtogs pa yin/ /ci ltar dbye bar rab gnas dang //shes pa rnams la'ang rnam dbye ba/ /chos can chos kyang snang ba yin/ /tha snyad de la brten pa'o/ /rang gis rig pa'i mngon sum gyis/ /grub nyid de ltar yin na ni/ /'bras bu rgyu yi dngos po 'di/ /kun du rnal 'byor pa yis rtogs/ /rgyu dang 'bras bu'i dngos po ni//tshad ma yis ni rab grub min/ /de phyir gtan tshigs 'di grub min/ /dngos po thams cad skur 'debs pa'i/ /rjes su 'gro dang ldog dag gis/ /gang zhig 'jig rten pas grub pa/ /de ni brtags pa'i rang bzhin las/ /gnod par byed dang sgrub byed grub/ /'di dag ci las grub ce na//sngar nyid rang gi rig pa las/ /de las gzhan pa mi dmigs pas/ /de nyid 'di zhes nges pa yin/ /de phyir lan cig mthong gyur pa/ /de nyid gzhan du'ang de yin te/ /gang zhig rgyu dang 'bras bu'i dngos/ /'di ltar nyid du grub pa yin/ /gang zhig rten cing 'brel 'byung ba//de ni de nyid min zhes pa/ /bden min dpe dang gnod mi grub/ /'brel ba nyid kyang grub min phyir/ /gzugs brnyan la sogs dpe zhe na/ /ma yin rnam rig tsam smra la/ /rang gi sems las ma gtogs pa/ /gzugs la sogs pa ma grub phyir/ /de nyid rab tu snang la sogs//kun rdzob nyid du bsgrub pa la/ /khyab pa nyid ni ma grub phyir/ /gtan tshigs ma nges pa yin no/ /yang dag gtan tshigs kyang brjod bya/ /thams cad kun rdzob grub pa'i phyir/ /ma grub la sogs skyon mi bstan/ /khyed la yang dag de yod min/ /dngos po kun la skur 'debs pa//khyed la dngos stobs gtan tshigs med/ /dngos po med la gtan tshigs nyid/ /med ces rigs pa shes pas brjod/ /de don smos pas sgra dag dang / /rtogs pa sgro btags bdag nyid can/ /rtags min rab tu grub don te/ /don las don ni rab grub phyir//rtog dang lung dag byed pa po'i/ /'dod pa'i rjes su 'jug pa yin/ /dngos po'ang gzhan gyi ngo bo ste/ /de yi byed pa 'khrul pa yin/ /khyab bya'i dngos po ma grub la/ /khyab byed nyid kyang ma grub bo/ /gcig dang du ma sogs pa'i chos/ /log kyang ldog par byed pa min//grub pa'i rang bzhin go byed pa/ /khyab par byed pa de nges pa/ /go bya'i rang bzhin de yi 'di/ /rang nyid log la ldog byed yin/ /de phyir de tsam dang 'brel ba'i/ /ngo bo nyid kyis ngo bo nyid/ /bzlog par 'gyur ba'am rgyu yis ni/ /'bras bu 'khrul pa med pa'i phyir/ / de lta min na gcig log pas/ /ci ltar gzhan ni ldog par 'gyur/ /mi la rta ni med ces de/ /de bzhin ba lang med dam ci/ /dngos po kun rdzob tu grub pa/ /de ltar de log yin zhe na/ /don dam yang dag gnas pa'i phyir/ /kho bo cag gis 'dod pa grub/ /rtog pas sgro btags pa yi chos//log na ldog pa ma yin pa/ /don dam ma yin ci ltar me/ /dro nyid de yi phyin log la/ /rang la gtan tshigs ma grub khyed/ /gzhan la grub pas bsgrub pa ni/ /grangs can ci 'dra'i nyes pa ni/ /de 'dra khyed la'ang 'gyur bas so/ /dngos kun rnam bral bsgrub bya dang / /gtan tshigs de nyid yin zhe na//ma yin dngos kun rnam bral ba/ /rnam pa kun du ma grub phyir/ /rang gis rig pa'i mngon sum ni/ /grub pa la ni skur 'debs pa/ /mkhas pa gang zhig rang rig pa/ /de ni skur 'debs mtha' la brten/ /dam pa'i don gyi 'dod chags sogs/ /de ni grub par 'gyur zhe na//de rnams kyi ni brtags pa'i gzugs/ /kho na bkag par 'dod pa yin/ /rtog pa yin yang rang rig sogs/ /'dod yin don du ma brtags phyir/ /brtags pa 'gegs par byed pa ni/ /'di ni bsdus pa'i lta ba yin/ /de bzhin de rnams de ltar med/ /gzung sogs sgro 'dogs rang bzhin gyis//de rnams de bzhin gnas pa yin/ /bdag gzhan du ni sgro 'dogs pa/ /chags pa'i chos ni de dag nyid/ /log par sgro 'dogs med 'gyur na/ /bde sogs la yang 'dod pa med/ /de bzhin de la bzlog rnams la/ /rmongs min zhe sdang can ma yin/ /de med pas ni ldog 'gyur te//de byung ma lus nyes pa rnams/ /sangs rgyas 'dod chags zhe sdang skyes/ /gti mug skyes zhes brjod pa ni/ /de nyid de bzhin gshegs pa yis/ /dpal ldan rdo rje dkyil brgyan du'o/ /mi bskyod la sogs rang bzhin gyis/ /zhe sdang la sogs bstan pa ni/ /rigs yin de rnams rang rig ste//chos kyi dbyings kyi rang bzhin phyir/ /'di la bsal bar bya ba med/ /bsnan par bya ba cung zad med/ /yang dag nyid la yang dag lta/ /yang dag mthong na rnam par grol/ /yod dang med dang yod med kyang / /gang gis bsgrub bya cung zad med/ /'bras bdag mi dmigs ngo bo ni//de yi gtan tshigs cung zad med/ /gtan tshigs tshad mas grub yod pa/ /gal te dngos zhugs cung zad med/ /de ltar gtan tshigs gtan tshigs min/ /mi yi 'dod tsam gyis byas 'gyur/ /skyes bu'i bsam pa'i dbang byas pa/ /de nyid de nyid min gnas na//gtan tshigs der snang med par 'gyur/ /de ltar dngos po rten med phyir/ /rang la sgrub byed ma grub par/ /gzhan la grags pas sgrub byed na/ /grangs can pa yi lta ba 'ongs/ /ji ltar shin tu de mkhas yin/ /gzhan gyi don gyi rjes dpag ni/ /rang gis mthong don gsal byed yin//gzhan gyi lung las mthong ba ni/ /sgrub byed ma yin don med phyir/ /gzhan gyis rtogs par bya ba'i phyir/ /rang gis ma mthong yang gzhan gyis/ /mthong ba sgrub byed ces kha cig /de spang phyir bdag mthong ba'i tshig /de don smos pas sgra dag dang / /rtogs pas sgro btags bdag nyid can//rtags nyid min par bsgrub don te/ /don las don ni grub phyir ro/ /rang gi rgyud bsgrub med pa na/ /khyed kyi thal 'gyur ci ltar yod/ /bsgrub bya gtan tshigs 'brel ba ni/ /grub pa de ni bzlog pa yin/ /rang bzhin dag gam 'bras bu'am/ /snang ba mthong ba med nyid rtags//'brel pa de dngos grub yin na/ /rang la ci yi phyir ma grub/ /gzhan gyis kyang gzhan rtogs pa ni/ /mi rigs gzhan gyis brtags pa yis/ /thal ba dag ni gnyis 'brel las/ /gcig med na ni gzhan med phyir/ /thams cad kun rdzob smra ba yis/ /de las gzhan ni rtogs don du//rang gis mthong ba'i bsgrub brjod bya/ /gzhan du bsgrub bya mi nges phyir/ /rang rig mthar thug par gyur la/ /rtag pa mi dmigs pa yi phyir/ /yod dang med la sogs pa'i phyogs/ /med pa'ang 'di ru 'gal ma yin/ /ci srid dam bca' byed 'gyur ba//de srid de kun dog par 'gyur/ /rang gi sems nyid mthong ba na/ /rtsod pa brtsam par mi bya'o/ /yod dang med dang yod med ces/ /gang gi phyogs ni yod ma yin/ /yun rings su yang skyon brjod par/ /de la nus pa ma yin no/ /gal te dam bca' 'ga' bdag yod/ /de tshe nyes pa 'di bdag 'gyur//bdag la dam bca' med pa'ang yin/ /de phyir nyes pa bdag la med/ /gal te cung zad dmigs gyur na/ /'jug pa dang ni ldog par 'gyur/ /mngon sum la sogs pa yi don/ /nyes pa de ni bdag la med/ /sgrub pa'i yan lag mi brjod cing / /skyon mi brjod pa gnyis po dag /'di ltar tshar gcad gnas yin par/ /mkhas pas rtsod pa'i rigs pa las/ /rtsod pa rtsom na 'di min par/ /bltas te rtsod pa pham gyur phyir/ /dam bca' 'am sgrub byed ma brjod phyir/ /sgrub byed ma yin phyir yang ngo / /don gyis don rtogs phyir don la/ / phyogs dang gtan tshigs brjod nus med/ /des na de dag rang nyid la/ /sgrub byed gnas pa yod ma yin/ /de yi phyogs tshig smra ba po'i/ /mngon par 'dod pa ston par byed/ /tshad yin de las the tshom dag /skye phyir dngos su sgrub byed min/ /bsgrub par bya ba brjod pa yis/ /brgyud pa yis kyang nus pa med//gtan tshigs brjod pa'ang rang nyid dag /nus pa med kyang nus ston byed/ /tshad ma yang ni gnyis yin te/ /tshad ma dang ni lung gis grub/ /de yi myong ba bzhi po yang / /tshad dang lung gis gnod pa'i phyir/ /blo ni gang du don stobs kyis/ /rjes su 'gro dang ldog pa can//de ni rang dbang du 'dzin pa/ /de las dngos gzhan dbang po 'das/ /de yi ma mthong bdag nyid gzugs/ /rtogs pa 'di ni don gzhan rten/ /de la brten pas 'brel ba can/ /gal te de tshe rtogs 'gyur ro/ /rtogs pa'i rjes 'gro spyi yi ni/ /ngo bo nyid kyis de tshe rtogs/ /de phyir thams cad lkog gyur pa//khyad par gyis ni rtogs ma yin/ /gang yang 'brel ba'i chos las ni/ /chos can la rtogs skye bar 'gyur/ /rjes dpag de ni lkog gyur gyi/ /gcig ni sgrub par byed pa yin/ /mngon sum lkog tu gyur dag las/ /gang gi gang gzhan srid ma yin/ / de phyir gzhal bya gnyis nyid phyir/ /tshad ma gnyis su 'dod pa yin/ /rnam shes lnga yi tshogs rnams ni/ /bsams la dmigs pa'i rnam pa can/ /sems dang sems byung dmigs pa ni/ /drug pa zhes bya gnas pa yin/ /de la du mas bskyed bya'i phyir/ /rang don spyi ni spyod yul yin/ / chos can du ma'i ngo bo yi/ /dbang pos thams cad rtogs pa yin/ /de ni bsags shing 'dus pa yin/ /spyi de la ni dbang po'i blo/ /spyi yi blo yang nges par ni/ /rtog pa yis ni rjes su 'brel/ /don gzhan dang ni mngon 'brel phyir/ /gang rnams rdul phran gzhan ni skye/ /de rnams la ni bsags pa brjod//shes pa skye ba'i rgyu mtshan yin/ /rdul phran rnams kyi bye brag kyang / /rdul phran gzhan ni med na med/ /de gcig nges min shes pa ni/ /spyi ni spyod yul yin par brjod/ /de la skye mched gcig la yang / /du ma cig car mthong ma yin/ /cig car gzung ba'i snang ba ni//'brel med til sogs la ni cis/ /mgyogs pa 'di la bkag zin to/ /de rnams rim gyis 'byung ba la/ /rim min mi 'dzin cis ma yin/ /blo rnams thams cad dus mtshungs phyir/ /de la 'ga' zhig rim min snang / /gzhan yang rim pa ldan pa ci/ /de phyir don rnams 'dzin pa la/ / rim min 'di ni thal bar 'gyur/ /gcig min phye ma leb sogs la/ /sna tshogs gzugs mthong ji ltar min/ /sna tshogs de gcig yin zhe na/ /de las 'di ches ngo mtshar che/ /sna tshogs gcig pa'i rang bzhin min/ /ji ltar nor bu'i gzugs yin te/ /sngon po la sogs dbye bas kyang //ri mo'i gding ba rnams dang mtshungs/ /de la yan lag can gyi gzugs/ /de bzhin gcig pu mthong zhe na/ /sngon po la sogs gsal na yang / /sna tshogs gzhan mthong sna tshogs mthong / /rnam pa mtshungs don dus gcig tu/ /blo ni gnyis pos mtshon pa yi/ /gcig ni rim yin don sna tshogs//gzhan ni rim min don gcig ci/ /blo nyid sna tshogs gzugs nyid phyir/ /dngos rnams sna tshogs nyid du 'gyur/ /de dag yan lag min na cis/ /'di la tha dad yin par gnas/ /rigs mi mthun pas mi rtsom phyir/ /ri mo sogs blo sna tshogs min//gzugs can min phyir ldan pa min/ /ri mor brtags pa rten pa yin/ /so sor sna tshogs ma yin pas/ /gzung ba rnams la rim pa'ang yin/ /sna tshogs blo yis bsregs min te/ /du ma gcig gis mi 'dzin phyir/ /sna tshogs don du gcig gir 'gyur/ /de phyir rtog pa med par grub//don gcig tu ni rtogs na yang / /gang las tha dad mthong ba yin/ /rdul bzhin de don mthong ba min/ /de phyir 'bras bu mthong ma yin/ /kun ni lci bar mthong ba bzhin/ /de yi yon tan ma mtshon phyir/ /de la de nyid ma mthong ste/ /de yi 'bras bu gzugs mthong ba/ / 'di la sogs pa rnam 'grel las/ /yan lag can ni shes yul min/ /mig gi rnam par shes pa dang ldan pas sngon po'o/ /shel gyi sngon po snyam pa ni ma yin no zhes lung las mngon sum gyi mtshan nyid rtog pa dang bral bar shes so/ /du ba las ni mer shes te/ /chu skyar la ni chur shes shing / / byang chub sems dpa' blo ldan gyis/ /rigs ni mtshan ma rnams las shes/ /zhes rjes su dpag pa yin no/ /de lta'i dngos po nyer bstan pa'i/ /de yi bstod pa bstan pa'i phyir/ /tshad ma'i de nyid grub don du/ /rjes su dpag pa'ang bkag min phyir/ /sbyor ba mthong ba'i phyir yang yin/ /'di yi cung zad skye 'gyur bdag /kun ni 'gog pa'i chos yin te/ /de ni dang por rnam mang pos/ /rjes dpag rten ni rtags yin te/ /med na mi 'byung mtshan nyid do/ /khyab pa rab tu bstan pa'i rtags/ /bsgrub byas brjod de de yang gsal/ /yang dag shes pa sngon 'gro ba'i/ /gang zhig skyes bu'i don kun yin//de ni bstan pa'i 'bras bcas te/ /ci phyir khyed kyis nges ma byas/ /brtags pa ma dmigs pa yis ni/ /yongs su grub pa sgrub pa la/ /gal te kho bo'i yod med nyid/ /khyod kyis rtsod pa byas gyur pa/ /de tshe khyed la yod med nyid/ /rtsod pa shin tu thal bar 'gyur/ /khyod kyi rtag pa nyid yod pa//de nyid du ni med pa yin/ /tshigs bcad don ni ji lta bu/ /tshad ma yis ni grub ma yin/ /de yi don ni ma rtogs pas/ /cung zad rtsod pa don med yin/ /yod med ces pa'ang brtags ldan nyid/ /spyod 'di sdug bsngal nyer zhi min/ /yod ces pa ni rtag par 'dzin/ /med ces pa ni chad lta yin//mtha' gnyis la gnas de yi phyir/ /sdug bsngal nye bar zhi ma yin/ /nyan thos 'dod chags bral ba rnams/ /khyed la med par thal bar 'gyur/ /sdug bsngal nye bar zhi med par/ /smra ba yod sogs lta ba yin/ /nyon mongs tsam zhig spangs pa yang / /yod dang med nyid lta ba yang / / sdug bsngal nye bar zhi bar bshad/ /nyan thos rnams la drang srong gi/ /de nyid shes pas 'gro skyob la/ /thar pa'i mtshan ni rnam gsum nyid/ /med na mi 'byung nges pa'i phyir/ /thar pa'i thig le las gsungs pa/ /rgyu gsum las ni 'byung ba yin/ /las dang lus ngag yod na yang / /sa bon gcig pu med pas na//myu gu bzhin du skye ma yin/ /'di nyid la ni bsams nas ni/ /thams cad kun rdzob smra ba yi/ /don dam par yod med par ni/ /kun rdzob la yang rigs ma yin/ /ci ltar de bzhin yod ces gsungs/ /rig pa shes pas rigs ma yin/ /de med na ni spyod med par/ / skye bo thams cad thal bar 'gyur/ /gang gis de nyid bsgribs pa dang / /gang la bsgrib par 'dod pa yang / /don dam par yod med pas na/ /ji ltar gang la gang gis bsgribs/ /ji ltar khyod kyi kun rdzob kyi/ /rgyu dang 'bras bu nges pa yin/ /de bzhin kho bo cag gi yang / /de tshe gyur na'ang nga nyams shing //don dam yod par ma grub pas/ /nyan thos zhe na de rigs min/ /yang dag bdag nyid can de ni/ /mngon sum gyis ni grub pa'i phyir/ /de lta yin na thams cad kyi/ /thams cad 'bras bur 'gyur zhe na/ /lan yang khyod dang mtshungs pa yin/ /kho bo dang mnyam 'gyur ba ste//'di nyid thugs la bzhag nas ni/ /bcom ldan 'das kyis 'di gsungs so/ /gang zag lta ba mchog yin te/ /nyes gzung stong pa nyid ma yin/ /de ni nyes par gzung ba la/ /nyes pa mang por thal bar 'gyur/ /yang dag skur 'debs shes bya la/ /rmongs yin de rnams gzhan du min//de nyid yod pa bsgrub bya yin/ /zhes na kun rdzob smra dang mtshungs/ /don dam pa yi cha bsten pa/ /rang bzhin cung zad yod ma yin/ /sgrub byed gnod byed ma mthong bas/ /de ltar the tshom rigs pa yin/ /de nyid yod pa gnyis med pa/ /nges par gyur pa ma yin no//gnod byed med pa nyid kyang 'dir/ /'grel pa byed pas gsal bar brjod/ /thams cad kun rdzob smra ba yi/ /gang 'di cung zad zhes pa mtha'/ /bstan bcos byed las 'di yis ni/ /dngos su thob phyir skyes bu tshad/ /de don de nyid bstan pa dang / /tshig gi rje yis bskul ba'ang de/ / de yi 'dod las 'das gang yang / /de ni 'ga' yis brjod pa yin/ /'chang byed gzhan gyi skyon yin te/ /'di ni gzhung don gzhan rtogs pa/ /ci ltar 'di don bshad pa ni/ /blo gsal rnams kyis nges pa yin/ /de bzhin de yi 'dod dang 'di/ /sus kyang 'gal ba mthong ma yin/ /de 'dod las rgal 'di rnams ni//sgro 'dogs pa dang skur 'debs pas/ /phyi don gnyis su med rtogs pa/ /tshad ma lung gis nges pa'i phyir/ /gang du gzung ba'i snang ba 'di/ /brtags yin de nyid ma yin no/ /gsal ba nyid kyi zhen pa yang / /'khrul pa nyid ces brjod pa yin/ /nang gi shes bya'i ngo bo gang //phyi rol ltar snang gang yin pa/ /de bden min pa des na med/ /de nyid las ni phyir shes bya/ /de la ltos pa'i myong ba yang / /'dod pas byed pa po yi gzugs/ /de ni med phyir myong ba la/ /gnyis so zhes ni rnam par phye/ /'jig rten 'das pa'i ye shes la/ /rnam pa thams cad snang ba yin//'jig rten spros pa thams cad la/ /bden pa cung zad yod ma yin/ /ji ltar zhe na/ de yis gzung min des ni 'dzin pa min/ /shes pa gzhan gyi gzung bya nyid kyis stong / /de lta na yang shes pa'i rang bzhin gsal/ /mngon sum phyogs ni khyod kyis gsal bar byung //gzhan ni myong bya'i blo yod min/ /de yi myong ba gzhan yod min/ /gzung dang 'dzin dang bral ba'i phyir/ /rang gis de nyid gsal ba yin/ /'di yi 'bras bu zhes sogs pa/ /'jig rten pa yi tha snyad yin/ /dag pa'i 'jig rten ye shes kyi/ /gnas skabs na yang 'gal ba med/ / yongs su grub pa'i dngos po yod/ /dngos dang dngos med rnam spangs pa/ /sgro 'dogs pa dang skur 'debs nyid/ /sems tsam nyid la yod ma yin/ /lus dang longs spyod gnas dang ni/ /gang rnams sems la shes ma yin/ /sgro 'dogs pa dang skur 'debs la/ /mi mkhas de rnams dpyod par byed//yod dang med dang gnyis med mtha'/ /ji srid sems kyi spyod yul yin/ /spyod yul rnam par spangs pa yis/ /yang dag sems ni 'gag pa yin/ /yul ni 'dzin pa med pa'i phyir/ /'gog yin med pa ma yin te/ /ci ltar 'phags pa'i spyod yul du/ /de bzhin nyid kyi skabs na yod//de bzhin nyid dang stong nyid mtha'/ /mya ngan 'das dang chos kyi dbyings/ /yid kyi rang bzhin sku sna tshogs/ /nga yis rnam grangs bstan pa yin/ /brtan dang rtag dang de nyid dang / /rigs dang dngos po'i rang bzhin dang / /de bzhin nyid kyi sems bor ba/ / brtags pa dang ni rnam bral ba/ /gal te dngos med dag mi 'gyur/ /gang gi nyon mongs pa yang min/ /gang las sems ni dag pa dang / /nyon mongs pa yang skye ba yin/ /de phyir dngos po de nyid 'gyur/ /rnam dag 'phags pa'i spyod yul yin/ /sems ni rkyen las byung ba ste/ /rnam par rtog dang rnam bral ba//sgyu sogs rmi lam dang 'dra ba/ /rnal 'byor pas mthong grol bar 'gyur/ /sems tsam la ni brten nas su/ /phyi rol shes bya'i ngo bo min/ /de bzhin nyid la dmigs nas ni/ /sems tsam las kyang bzla bar bya/ /sems tsam las ni bzlas nas su/ /snang ba med la bzla bar bya//snang med gnas pa'i rnal 'byor pa/ /de yis theg pa chen po mthong / /sems tsam snang ba med pa dang / /gnas dang de bzhin sangs rgyas sa/ /'di dag sangs rgyas kyis gsungs te/ /gsung dang gsung bar 'gyur ba'ang yin/ /sems ni sa bdun po rnams te/ /snang ba med pa brgyad pa yin//'di ni sa gnyis gnas pa yin/ /lhag ma'i sa ni nga yi bdag /so so'i bdag nyid rig dag pa'ang / /sa rnams nga yi bdag nyid yin/ /dbang phyug chen po mchog gi gnas/ /'og min gnas ni rnam par mdzes/ /gnyis kyi rang bzhin bdun du 'gyur/ /sa rnams sems kyi rang bzhin yin//yongs grub des ni lhag mar 'gyur/ /de bzhin sangs rgyas sa rnams te/ /snang rung sems ni ma shes pas/ /rtog pa gnyis po skye bar 'gyur/ /snang rung sems ni shes pa yis/ /rtog pa 'jug par mi 'gyur ro/ /sems nyid sna tshogs 'gyur ba ste//mtshon bya mtshon byed rnam par spangs/ /ci ltar byis pas rnam brtags pa/ /mthong ba rnam yin ma mthong med/ /chos lnga dag dang rang bzhin dang / /rnam par shes pa brgyad nyid dang / /bdag med gnyis kyi dngos por ni/ /theg pa chen po mtha' dag bsdus//ming dang rgyu mtshan rtog pa ni/ /rang bzhin gnyis po'i mtshan nyid de/ /yang dag shes nyid de bzhin nyid/ /yongs su grub pa'i mtshan nyid do/ /'khrul pa'i rgyu mtshan yang dag rtog//gzhan gyi dbang gi mtshan nyid yin/ /rgyu mtshan gang la ming gang yin/ /de ni brtags pa'i mtshan nyid do//ming dang rgyu mtshan yang dag rtog /gang du de yi skye mi 'gyur/ /shes pa rnams la brda med pas/ /yongs su grub pa'i mtshan nyid do/ /gnyis med de bzhin nyid dang stong / /yang dag mtha' dang chos nyid dang / /rtog pa med par ngas bstan pa/ /yongs grub mtshan nyid gang de rnams//de bzhin nyid dang stong nyid mtha'/ /mya ngan 'das dang chos kyi dbyings/ /ma skyes pa yang chos rnams kyi/ /rang bzhin don dam ma yin no/ /ci ltar gser gyi dag pa dang / /rnyog pa dang bral chu dang ni/ /sprin dang bral phyir nam mkha' dang / /de ltar brtags pa dag pa yin/ /kun rdzob dang ni don dam las//gsum pa rgyu las skyes pa med/ /brtags pa kun rdzob tu brjod de/ /de dag spangs phyir 'phags spyod yin/ /mngon par shes dang dbang gis dag /ting 'dzin stobs kyis brgyan pa'o/ /yid kyi rang bzhin sku sna tshogs/ /rigs dang de bzhin gshegs dang dge/ / so so rang rig dri ma med/ /de yi mtshan nyid rnam spangs pa/ /brgyad pa dang ni sangs rgyas sa/ /rigs ni de bzhin gshegs par 'gyur/ /ring du song dang legs blo gros/ /chos kyi sprin ni de bzhin gshegs/ /de dag sangs rgyas rnams kyi rigs/ /lhag pa theg pa gnyis bsgrub yin/ / rang bzhin gcig pu bshad par bya/ /rtog pa rnam par shes pa spangs/ /'phags pa'i spyod yul bzang po ste/ /rang bzhin gnyis po rnam spangs pa/ /shin tu 'ang yongs grub ma yin te/ /brtags phyir gzhan las skyes ma yin/ /de tshe shes par byas dag pa'i/ /rang bzhin dam pa'i don yin no//gang gi nub mo rtogs pa dang / /gang gi yongs su mya ngan 'das/ /nga yis cung zad rab bstan pa/ /'di dag bar na yod ma yin/ /so so'i bdag nyid chos gnas pa/ /thugs la bzhag nas nga yis brjod/ /sangs rgyas de rnams dang ni nga / /bye brag cung zad yod ma yin/ / 'di dag thams cad ma skyes pa/ /dngos po ma yin yod pa min/ /dri za rmi lam sgyu mar grags/ /dngos por snang yod rgyu med pa/ /rnam rtog gis brtags med pa ste/ /rtog pa med pa ma yin la/ /'khor ba ma yin myang 'das min/ /sems ni rang bzhin 'od gsal yin/ /snying po de bzhin gshegs dge ba//dngos po kun gyi skye ba ni/ /mtha' dang mtha' med rnam par spangs/ /nga yi shes rab rnam pa gsum/ /gang las de nyid rab byung ba/ /theg pa gnyis dang rnam bral te/ /shes rab snang ba dang bral ba'o/ /yod pa'i dngos por mngon zhen pas/ /nyan thos rnams ni 'jug par 'gyur//sems tsam nyid la 'jug pa yis/ /shes rab de bzhin gshegs pa dge/ /'di ni lang kar gshegs par yang / /chung ngu 'bring dang chen po yis/ /gsum po nyid du shes rab ni/ /brjod de gzhan du ma yin phyir/ /dbu ma'i rtsa ba la sogs par/ /brtags pa nyid ni bkag pa'i phyir//brtags pa bkag pa 'di la ni/ /tshad ma lung gis grub pa ste/ /bden pa gnyis la brten nas ni/ /sangs rgyas rnams kyis chos bstan pa/ /'jig rten pa yi kun rdzob dang / /don dam pa yi bden pas so/ /bden pa gnyis kyi dbye ba dag /gang gis 'di dag mi shes pa//zab mo sangs rgyas bstan pa la/ /de nyid de rnams kyis mi shes/ /tha snyad don la ma brten par/ /dam pa'i don ni ma rtogs par/ /mya ngan 'das pa mi rtogs so/ /stong pa nyid la lta nyes na/ /shes rab chung ldan phung bar 'gyur/ /ji ltar sbrul la bzung nyes dang / /rig sngags log par bsgrubs pa bzhin//des na so sor ldog 'gyur te/ /thub pas sems ni brtan bzhed pa/ /chos la dgongs pas 'di yi chos/ /dman pas rtogs par dka' ba'o/ /gzhan gyis mi shes zhi ba dang / /spros pa yis ni ma spros pa/ /rtog med sna tshogs ma yin don//'di ni de nyid mtshan nyid yin/ /de phyir cung zad gzugs kyi tshul/ /rnam par rtog pas brtag mi bya/ /'di skad brjod pas brtags pa tsam/ /thub pas bkag par dgongs pa yin/ /yang dag skye dang 'gag pa sogs/ /dngos la gnyis pa yod ma yin/ /de med na ni thams cad kyi//dgag pa grub pa ma yin no/ /'jig dang skye dang nyon mongs dang / /shes pa dgag pa ma yin te/ /byis pas shes pas gang rtogs pa/ /de ni dgag pa thams cad du/ /sgrub byed mi dmigs pa las yin/ /rang rig tsam zhig dmigs pa yang / /'dir ni gnyis po mi dmigs yin//khyad par can dngos myang ba la/ /don gsal ba ni gzhan ma yin/ /de las khyad par can dmigs pa/ /de phyir de yang mi dmigs pa/ /de nas ma dmigs pa 'di ni/ /mngon sum bdag nyid kho nas rtog//rang nyid tsam gyis 'jug pa tsam/ /de med rnam gzhag go byed yin//gzhan du mi dmigs pa las ni/ /don dam pa ni rtogs 'gyur na/ /gzhan gyis dmigs pa med pa nyid/ /de ltar na ni thug med 'gyur/ /mi snang nges par mi rung phyir/ /gzhan la gnas 'gog 'gyur ba yin/ /sems can gzhan la rtags can min/ /rnam rtog sogs 'grub mi 'gyur bzhin//'bras bu nges med can de dag /'di 'dra mi dmigs pa ru brjod/ /de ni shin tu lkog gyur la/ /yod dang med pa'i rnam nges min/ /shes rab pha rol phyin sangs rgyas/ /byang chub sems dpa' de bzhin no/ /ming tsam dag tu brjod pa ni/ /bsal na sgra don brtags pa yin/ / 'di ni sgra don bkag pa ste/ /dngos po rnam par mi bzlog go/ /gang rnams la ni don nges pa/ /gzhan la'ang de bzhin gshegs par bya/ /brtags pa 'gag pa zhes pa 'di/ /lta ba thams cad bsdus pa yin/ /shes bya nyid du snang ba kun/ /rnam par brtags par 'dod pa yin/ /gang dang gang gi rtog pa yis//dngos po gang gang rnam brtags pa/ /'di ni yongs su brtags pa yin/ /zhes ni rigs mkhyen gyis gsungs phyir/ /gang zhig dbu ma rtogs nyid yin/ /sgro 'dogs pa dang skur 'debs dag//dor bas dbu mar shes par bya/ /de nyid gnyis med myong ba yin/ /gang zhig rten cing 'brel 'byung ba//de la stong pa nyid du brjod/ /de ni nye bar 'dogs nyer len/ /de nyid dbu ma'i lam yin no/ /rten cing 'brel 'byung ma yin pa/ /chos ni cung zad yod ma yin/ /gang phyir de phyir mi stong pa'i/ /chos ni cung zad yod ma yin/ /sems tsam nyid de snang yod min/ /phyi rol don ni dor ba yin/ /rnam par rtog pa log pa yi/ / lam de nyid ni dbu ma yin/ /sems tsam ma mthong nyid yod min/ /snang ba med phyir skye ma yin/ /'di ni dbu ma'i lam yin te/ /kho bo gzhan gyis brjod pa yin/ /yang dag ma yin kun rtog yod/ /de la gnyis po yod ma yin/ /stong pa nyid ni 'di la yod/ /de la yang ni de yod de/ /stong pa ma yin mi stong min//de lta bas na thams cad bshad/ /yod pas med pas yod pas na/ /de nyid dbu ma'i lam yin no/ /dbus dang mtha' rnam 'byed pa las/ /'di yi de nyid rtogs par bya/ /de phyir ma lus 'phags dag dang / /'di ni mi 'gal bar bsgrubs yin/ /'chad pa po yis gang phye ba//brtags pa 'di ni rigs min cha/ /lung dang rigs pas gnod pa ni/ /tshangs pas bzlog par mi nus phyir/ /rnam pa rnams ni rang rig yin/ /rang gi ngo bor gsal ba'i phyir/ /gcig dang du ma bral sogs kyi/ /gnod pa gzhan du bkag pa yin/ /sngo sogs sna tshogs rnam shes la//shes pa'i khyad par gzhan mi sten/ /mthong nus ma yin de la ni/ /'byed byed don la ltung bar 'gyur/ /shes la ci ltar snang gang yin/ /de ni de la nyams myong 'gyur/ /de ltar sems kyi rnam pa ni/ /sna tshogs gcig gi ngo bor 'gyur/ /gzung ba la sogs par zhen gang //'khor ba yin te gzhan min phyir/ /de dang bral bas myang 'das te/ /des na thams cad legs par gnas/ /gzhan gyi dbang gi dngos po ni/ /mtshan nyid las ni gnyi ga'i cha/ /brtags pa'i cha yis 'khor ba yin/ /yongs grub cha yis myang 'das yin/ /bdag dang bdag gi rnam rtog rgyun gyis ni//ngo bor dag gis der ni 'khor ba ste/ /dag pa de las phyin ci log pa na/ /ngo bo tsam gyis rnam par shes par bya/ /zhi ba dang ni srid pa'i ngo bo nyid/ /chos nyid kyis ni dbye ba 'ga' yang med/ /gang phyir gzung ba la sogs rnam pa dang / /bral bar thams cad du ni rtag tu grub//so sor snang ba rang bzhin kun rtog las/ /thams cad kyang ni ci yang yod ma yin/ /sems las gzhan pa 'ga' yang yod min pas/ /bdag ces bya ba'ang gud na yod ma yin/ /kun rdzob tsam las 'khor ba ni/ /gzhan ni yod par ma mthong ngo / /de nyid kho na mya ngan 'das/ / de lta na ni yang dag gnas/ /ji srid rnam rig tsam nyid ces/ /shes pa tsam la'ang mi gnas te/ /gzung ba gnyis kyi rjes 'jug pa/ /de srid rnam par mi ldog go/ /'di dag rnam par rig tsam zhes/ /de snyam du ni dmigs nas su/ /ci yang rung ste mdun 'jog na/ /de ni tsam la'ang mi gnas so//nam zhig shes pas dmigs pa rnams/ /mi dmigs de yi tshe na ni/ /rnam par rig pa tsam la gnas/ /gzung ba med par 'dzin pa med/ /mi dmigs 'di ni bsam mi khyab/ /'jig rten 'das pa'i ye shes te/ /gnas kyang gzhan du gyur pa ni/ /gnas ngan len gnyis spangs pas so//de nyid zag pa med dang dbyings/ /bsam gyis mi khyab dge dang rtag /'di ni bde chen rnam grol sku/ /thub pa chen po chos shes bya/ /de phyir 'di nyid smad bya min par mkhas pa rnams/ /rigs pa shes pas gzhan gyi don du dpyad par bya/ /blo gros phra ba'i mi yi spyod yul yin gyur te//blo gros dman pa'i skye bo 'dod dang bral bar byed pa nyid/ /ces pa ni bsres pas bsdus pa dang shes par byed pa'i tshigs su bcad pa rnams so/ /de nas zhes pa ni rigs drug gi gdul bya'i rnam par rtog pa sna tshogs pa yongs su chod pa'i rjes la'o/ /de bzhin gshegs pa thams cad kyi sku gsung thugs rnams kyi chos nyid ni sngar brjod pa'i stong pa nyid la sogs pa'i rnam par thar pa'i sgo gsum gyi bdag nyid do//de ston par byed pa'i yi ge rnams te byang chub kyi sems rnam pa drug gi tshigs su bcad pa'i ngo bo rnams so/ /e ma'o chos ni lung du gyur pa'i bstan pa gdul bya rnams la rab tu gsal ba'o//mngon sum dang rjes su dpag pa dang lung gi yul rnams la de rnams kyis mi gnod pa'i phyir rmad du byung ba'i yul lo/ /de rnams kyang rgyu med pa ma yin te/ rtag tu yod pa la sogs par thal bar 'gyur bas/ rgyu med gzhan la mi ltos phyir/ /rtag tu yod pa'ang med par 'gyur//dngos po rnams ni res 'ga' zhig /'byung ba ltos pa las yin no/ /zhes pa'i rigs pas so/ /'di ltar yang de lta bu'i rtogs pa sngon du song bas 'di gsungs pa/ e ma'o chos zhes te rtogs pa'i ngo bo dkyil 'khor pa'i bdag nyid ni 'dir dge 'dun no/ /de yang yang dag par rdzogs pa'i sangs rgyas las gzhan rnams la 'byung bar mi 'gyur ba'i phyir gsungs pa/e ma'o sangs rgyas zhes te/ yang dag de bzhin nyid bden gang / /yang dag rtogs pa brtan pa che/ /chos kun yang dag rtogs pa yis/ /sangs rgyas sangs rgyas de brjod do/ /zhes pas dkyil 'khor gyi bdag po'i sangs rgyas ni 'dir ston pa po yin no//dag pa ni nyon mongs pa dang shes bya'i sgrib pa bag chags dang bcas pa thams cad kyi dri ma dang bral bas so/ /de kho na nyid ni tshad ma dang lung gis grub pas phyin ci ma log pa'i de kho na nyid yin pa'i phyir mi gnas pa'i mya ngan las 'das pa'o/ / don ni gang gis dgongs pa ste/ /rnam par thar pa'i sgo'i bdag nyid lam du gyur pa'i byang chub kyi rgyu mtshan gyi sems de la de skad ces bya'o/ /ji ltar zhe na/ gang gi phyir dag pa ni sbyor ba ji lta bar 'dod chags la sogs pa'i dri ma dang bral bas la sogs pa'o/ /don ni dgos pa rnams yin te de kho na nyid thob par byed pa gang yin pa de la de skad ces brjod do//rgyu min rgyu yi dngos po yis/ /'bras min 'bras bu'i dngos po yis/ /de ni rgyu 'bras dngos po las/ /rang gi sems ni rab gsal ba/ /zhes pa'i rigs pas rgyu dang 'bras bur gyur pa'i sems kyi rgyun dbye ba med pa'i phyir dang / rgyu thos pa la sogs pa la gus pa bskyed pa'i phyir/ rgyu'i sgo nas 'bras bur gyur pa'i kun du bzang po la me long lta bu'i ye shes kyi sgo nas bstod pa yin no/ /chos kyi bdag med pa las byung ba mnyam pa nyid kyi ye shes kyi rang bzhin gyis te/ de nyid kyi phyir na sangs rgyas byang chub rdzogs mdzad pa'o/ / gang du gang zhig sgra don 'dzin/ /de la de shes rtog pa yin/ /rang bzhin la ni sgra don med/ /de la ma lus mngon sum 'dod/ /ces pa'i rigs pas rtog pa med pa'o/ /de ltar de dmigs pa yin na sgra'i don yin te/ de lta na yang rtog pa dang bcas pa yin no zhe na/ ma yin te gang gi phyir/blo la myong bya gzhan min te/ /de la myong ba gzhan yod min/ /gzung dang 'dzin dang bral ba'i phyir/ /rang gi de nyid gsal ba yin/ /zhes pas dmigs pa med pa'o/ /so sor kun du rtog pa'i ye shes kyi bdag nyid kyis gang las nges pa sems can rnams la bzang ba ni dge bar 'gyur ba ste de la de skad ces bya'o//gang las ci ltar zhe na/ gang gi phyir mtho ris dang thar pa'i don thams cad gang las 'gyur ba de la de skad ces bya'o/ /ji ltar zhe na/ gang gi phyir byang chub kyi sems kyis yon tan gyi tshogs ma lus pa thob par byed pas rab tu bskor ba'o/ /'di dag thams cad ci ltar skye zhe na/gang gi phyir byang chub kyi don du spyod pa ni sbyin pa la sogs pa rnam pa bcu po dkar po'i yon tan gyi ngo bo gang yin pa de la de skad ces bya'o/ /de nyid kyi phyir chen po yang yin te 'di chos kyi dbyings kyi ngo bo des dngos po thams cad la khyab pa'i phyir sngar bzhin du rdo rje yang yin te bya ba nan tan gyi ye shes kyi ngo bo yin pa'i phyir ro//de bzhin gshegs pa'i thugs dag pa sku gsung thugs kyi rdo rje can yin te/ kun du bzang po'i bag chags dang bcas pa'i nyon mongs pa dang shes bya'i sgrib pa'i dri ma dang bral ba'i phyir ro/ /de nyid kyi phyir sangs rgyas byang chub kyi don ston par byed pa ste/thob par byed pa chos kyi dbyings kyi ye shes kyi rang bzhin gyis byang chub kyi sems la phyag 'tshal lo/ /byang chub kyi sems ston par byed pa'i gzhung yongs su gcod par byed pa'i le'u'o/ /dpal gsang ba 'dus pa'i rgyan gyi le'u gnyis pa'o// //de nas zhes pa ni gang byang chub kyi sems drug po de ston pa nyid las kyang gzhan yin la/ de las gzhan pa yang bdag yin no zhes gdul bya'i rnam par rtog pa yongs su chod pa'i rjes la'o/ /de bzhin gshegs pa thams cad kyi spros pa nyid ni nam mkha'i khams thams cad du khyab pa'i sprin yin te/de'i bkod pa ni phyogs bcu'i gdul bya sna tshogs 'dul ba'i phyir dkyil 'khor sna tshogs pa sprul cing spros pa'o/ /de nyid rdo rje yin pa de la de skad ces bya ste/ brtan zhing snying po khong stong med/ /stong pa nyid la rdo rjer brjod/ /ces gsungs pas so/ /stong pa nyid kyi bdag nyid byang chub kyi sems ni rdo rje ste/de'i bdag nyid yin pas sngar bzhin du bkod pa gang gis brjod pa'i ting nge 'dzin ston par byed pa'i le'us gzhung yongs su gcod par byed pas de la de skad ces bya'o/ /sngar brjod pa'i rnam par rtog pa bsal ba'i phyir gsungs pa/ oM zhes pa ni 'di ltar 'di yin no//gzhan ni/ mi tshig pa dang mi 'jigs pa'i/ /dpal ldan oM ni yang dag ldan/ /zhes so/ /stong pa nyid ni ye shes yin la de nyid rdo rje yin te/ de'i rang bzhin ni dngos po yin la rang gi ngo bo de nyid kyi bdag nyid gang rnal 'byor pa'i rang gi ngo bo de nga yin te/ de bzhin du'o//dngos las stong nyid gzhan ma yin/ /de med par yang dngos po med/ /shes las stong nyid ces bya ba/ /cung zad gzhan ni yod ma yin/ /gang phyir dben pa can las ni/ /dben pa tha dad nyid mi 'dod/ /gnyis po stong nyid ye shes te/ /gzhan du grub par mi 'gyur ro/ /gnyis po med dang rnam bral ba//gnyis kyi bdag nyid thal bar 'gyur/ /zhes 'phags pas gsungs pas so/ /'di ni byang chub kyi sems byin gyis rlob pa'i sngags so/ /lhag ma yang mdor bsdus pa'i rnam par bshad par kho bos brjod pas de nyid du rtogs par bya'o/ /nam mkha'i dbyings ni chos 'byung gi phyag rgya ste/nam mkha'i dbyings kyi khong gnas pa/ /rdo rje 'dzin pa zhes brjod pa'i phyir ro/ /sangs rgyas ni rnam par snang mdzad de de las yang dag par byung ba'i dkyil ni snying po yin te/ chos kyi dbyings kyi rang bzhin mi gnas pa'i mya ngan las 'das pa len par byed pas dkyil 'khor ro//'od zer sprin gyi tshogs chen po ni sngar bzhin du 'dir sangs rgyas kyi cha byad kyis 'bar ba yin te de dang mnyam pa'i 'od gsal ba gang yin pa de la de skad ces bya'o/ /de bzhin gshegs pa thams cad kyi 'od zer rnams ni dkar po dang ser po dang dmar po dang ljang gu dang sngon po'i 'od zer rnams kyis yongs su khyab pa dang /kun du yongs su zlum po ni snying po'i dkyil 'khor dang 'od kyi dkyil 'khor dag zlum po yin pa'i phyir ro/ /'dod pa'i yon tan lnga zhes pa la 'dod pa ni gzugs la sogs pa rnams te de nyid chos kyi dbyings kyi ngo bo des gzugs rdo rje la sogs pa'i rnam pa yin la yon tan ni rnal 'byor pa rnams kyis goms par byed pa ste/yon tan de rnams kyis khyab pa ni de'i rang bzhin no/ /mchod pa lnga ni me tog la sogs pa'am bdud rtsi yin te de rnams kyis brgyan pa'o/ /gzugs zhes pa ni rdo rje 'dzin pa chen po bskyed pa po sngon du song ba yin la/rnam par snang mdzad kyi phyag rgya chen po ni skyes bu chen po'i mtshan sum cu rtsa gnyis la sogs pa rnam pa thams cad kyi mchog dang ldan pa 'khor lo la sogs pa'i mtshan ma dang ldan pa'i lus so/ /sku gsung thugs kyi mtshan ma dang ldan pa ste/ 'di'i dbang du byas pas chu bo'i rgyun gyi rigs pas so//sku dang gsung dang thugs rdo rje 'bras bur gyur pa rdo rje 'dzin pa chen po'o/ /gzhan ni sku dang gsung dang thugs rdo rje yang ste phyag rgya chen por bsgom par bya ba yin no zhes so/ /mi bskyod pa yang phul du byung bas dam pa dang gtso bor gyur pa yin te/ shes rab dang thabs kyi bdag nyid dri ma med pa bde ba chen po'i rang bzhin yin pa'i phyir ro//sbyin dang tshul khrims bzod pa ni/ /bsod nams ye shes shes rab ste/ /gnyis yin brtson 'grus byams bdag nyid/ /bsam gtan bsod nams de bzhin shes/ /snying rje dang shes rab gtso bor gyur pa'i pha rol tu phyin pa drug gi mtshan nyid bsod nams dang ye shes kyi tshogs gnyis dang ldan pa zhes pa dang /'od byed pa zhes pa yang seng ge'i lta stangs kyi tshul gyis sbyar ro/ /grub nas rtsom pa ni nges pa'i don du'o zhes pa'i rigs pas sngon po dang dkar po dang dmar po'i tshul gyis zhes pa la sogs pas nges pa med pa'i kha dog brjod na yang rtsa ba'i zhal dang sku'i kha dog gi nges pa mdor bstan pa bor na 'byin pa'i rim pas kha dog gi nges pa gsungs te/in+d+ra nI la'i kha dog 'dra/ /sku gsung thugs kyi rdo rje can ni mi bskyod pa yin te rdo rje sngon po'i phyag go/ /sems can thams cad kyi gti mug gi mun pa sel bar nus pa'i phyir 'bar ba chen po ste/'od zer rnams gang yin pa de la de skad ces bya'o/ /mche ba sgur po 'jigs su rung ba de rnams rnam par gtsigs pa rno ba de'i phyir 'jigs pa yin te cung zad mche ba gtsigs pa zhe sdang rnam par dag pa mi bskyod pa'o/ /gang bcu gsum pa la sogs pa de ru kha dog la sogs pa nges pa de/don gzhan la ni brten nas su/ /don de nyid ni bzlas pa yin/ /zhes pa'i rigs pas zhi ba la sogs pa'i las kyi tshogs la sogs pa'i kha dog la sogs pa'i nges pa bstan pa'i don du'o/ /rnam par snang mdzad kyi dbang du byas te gsungs pa/ shel dang zla ba'i 'od 'dra ba//zhes te de la ji ltar shel la de yul dang dus dang nye ba'i dngos po'i gzugs brnyan shar ba de bzhin du me long lta bu'i ye shes kyi bdag nyid rnam par snang mdzad kyi thams cad mkhyen pa'i ye shes yang dag pa la dngos po ma lus pa lag mthil gyi skyu ru ra bzhin du dus gcig tu rab tu snang ngo //ji ltar zla ba tshes gcig nas brtsams te ji srid du nya gang ba'i bar 'dir gong nas gong du 'phel bar 'gyur bas lhag pa'i yang lhag par sems can thams cad kyi yid tshim par byed pa dang / 'bru 'phel bar byed pa dang mun pa sel bar byed pa yang yin te bcom ldan 'das de yang dang por byang chub kyi sems nye bar bzung nas ji srid du so sor mthar thug pa'i mya ngan las 'das pa'i mthar thug pa de srid du srog chags ma lus pa rnams kyi yid tshim pa dang dge ba'i rtsa ba 'phel bar byed pa dang gti mug gi mun pa sel bar byed do//de'i phyir dkar po'i dpe srid kyang 'dis khyad par can gyi dpe gnyis gsungs so//ral pa'i cod pan gyis brgyan pa/ /zhes pa dang / sna tshogs rgyan gyis mdzes par brgyan/ /zhes pa 'di yang dkar po nyid bor te brjod ma thag pa gnyis po sngar bzhin du gnyis ka'i yang dbang du byas pa yin no/ /'bras bur gyur pa'i rdo rje 'chang chen po yang rnam par snang mdzad dang 'dra ba'i 'od yin te/de ma thag pa'i de 'gyur nyid/ /rdo rje sems dpa' rgyal po che/ /zhes bco lnga pa'i tshig las phyag na 'khor lo bsnams zhes pa bor te thams cad du rnam par snang mdzad dang 'dra bar blta bar bya'o/ /de nyid kyi phyir tha dad pa'i tshig med do/ /'dzam bu chu bo'i gser 'od 'dra//zhes pa ni rin chen 'byung ldan yin te gser btso ma'i kha dog go/ /sangs rgyas sprin gyis 'khrugs pa ni des 'khrugs pa bzhin du 'khrugs pa'o/ /rdo rje chen po rtse dgu pa/ /zhes pa ni cha dgu pa'i rdo rje rin chen te/ dpal khams gsum rnam par rgyal ba las//rdo rje chen po rtse dgu ni/ /rin chen margad cha dgu pa/ /de nyid margad du brjod de/ /'od kyi rnam pa'i rin chen no/ /zhes so/ /pad+ma rA ga'i 'od 'dra ba ni 'od dpag tu med pa'o/ /'bar ba ni ye shes kyi me'i ngo bo yin la 'dod chags snying rje chen po'i bdag nyid de/ de de'i bdag nyid du 'dzin pas de bsnams pa'o//de nyid kyi phyir sngar bzhin du 'dod chags rdo rje'o/ /'od zer lnga yi 'od 'dra ba/ /sangs rgyas dkyil 'khor zhes pa ni snga ma dang 'brel to/ /dkar po la sogs pa de bzhin gshegs pa lnga'i rnam pa'i 'od dang ldan pa de rnams thams cad do/ /don yod grub pa ni sna tshogs pa'i gzugs ma yin te/ljang gu dang nag po dang dkar po'i tshul gyis zhes brjod pa'i phyir ro/ /de nas zhes pa ni don dam par gzung ba dang 'dzin pa med pas dngos po thams cad rang bzhin med par rtogs pa'i phyir de ltar na zhal gsum pa la sogs pa'i bdag nyid mi bskyod pa la sogs pa rnams ci'i rang bzhin yin/des na mar me shi ba bzhin du 'gyur ro zhes pa'i gdul bya rnams kyi mar me lta bu'i mya ngan las 'das pa'i mngon par zhen pa yongs su chod pa'i rjes la'o/ /stong pa nyid gang sgom par byed pa yin na stobs bcu la sogs pa 'phags pa'i chos mngon sum du gyur te/ de ni chos rnams kyi dbyings ni rgyu ste/ 'phags pa'i chos kyi rgyu yin phyir/ /zhes pas so/ /sku dang gsung dang thugs rnams stong pa nyid du ro gcig pa de'i bdag nyid yin te/ mA ma kI la sogs pa'i glus de kho na nyid las bskul ba'i rjes la zla ba zhu ba rang gi sa bon dang mtshan ma las grub pa mi bskyod pa la sogs pa'i lha rnams kyi skur byin gyis brlab pa'i phyir mar me dang 'dra ba'i mya ngan las 'das pa la mngon par zhen pa spong bas bstan par bya ba'i phyir sngags yin no//chos kyi dbyings las ma gtogs par/ /gang zhig chos yod ma yin no/ /zhes pa'i tshul gyis chos kyi dbyings kyi rang bzhin nyid kyi bdag nyid gang la yod pa ni mi bskyod pa la sogs pa'i rnal 'byor pa'i de ltar de nga yin no zhes/gnyis med dngos ni dngos med pa'i/ /dngos po stong pa'i mtshan nyid yin/ /zhes stong pa'i rang bzhin gyi mi bskyod pa la sogs pa yod pa'i phyir cis na me bzhin du mya ngan las 'das pa'i skabs yod ces don dam par skur pa 'debs pa'i mtha' med par gsungs so//skabs su bab pa'i las rgyal mchog gi ting nge 'dzin la brten pa'i sems dbang du bya ba'i don du phra mo'i rnal 'byor gyi bsgom pa gsungs pa de bzhin gshegs pa lnga'i kha dog go/ /chen po de yang de chos kyi dbyings kyi ngo bo des dngos po ma lus pa rnams la khyab pa'i phyir ro//zag pa med pa'i dga' ba rgyas par byed pas rin po che'o/ /sna'i rtse mo ni rang gi rig ma'i chu skyes kyi ze'u 'brur ro/ /rnal 'byor gyis ni shes rab dang thabs kyi snyoms par 'jug pas so/ /rtag pa ni ji srid du sems dbang du ma gyur pa de srid du'o//bstan pa nyid ni bstan pa'i mtshan ma lnga po thob na spro bar bya ste gzhan du ni ma yin no/ /'khor lo dang rdo rje dang rin po che ni rtsa ba'i phyag mtshan rnams te go rims ji lta bar rnam par snang mdzad dang mi bskyod pa dang rin chen tog gang yin pa rnams kyi'o/ /pad+ma dang shugs can mchog ni mtshon cha ste 'od dpag med dang don yod grub pa'i ste/de bzhin du brjod do/ /dkyil 'khor gyi bdag po bstan pa rnams kyi 'khor lo'i kha dog gi nges pa gsungs pa/ nam mkha'i dbyings ni sngar bzhin no/ /rdo rje ni mi bskyod pa yin te de'i phyag mtshan yin pa'i phyir nye bar gdags pas so/ /de'i kha dog gi dkyil 'khor te bri bar bya ba ni bsgom par bya'o//gsal ba'i dkyil 'khor ni shel dang 'dra ba ste 'khor lo ni rnam par snang mdzad do/ /pad+ma ni 'od dpag tu med pa'o/ /de'i kha dog gi dkyil 'khor ro/ /de 'dra ba ni yang dag par ston pas so/ /rin chen ni rin chen tog ste de'i kha dog yin la de'i rin po che la gtso bor byed pa ste mngon par mos pa'o//de bzhin du don yod grub pa'i kha dog ni de'i dkyil 'khor yin te 'di mtshon par byed pa yin pa'i phyir de kun la yang blta bar bya'o/ /sbyor ba las zhes pa ni thabs dang shes rab kyi snyoms par 'jug pa las yang dag par byung ba ste/ dkyil 'khor gang yin pa de ni sbyor ba'i dkyil 'khor las byung ba bri bar bya ba ni bsgom par bya ba ste/ nam mkha' dang nye ba'i nam mkha'i yul du'o/ /'di skad du brjod par 'gyur te sa yongs su gzung ba'i dus su dkyil 'khor gyi sa'i dbus su ting nge 'dzin gsum bsgoms te sprul pa'i dkyil 'khor nam mkha' la bteg nas dkyil 'khor gyi sa gzhi'i cha nam mkha' dang mnyam par mngon par bsgoms te 'khor lo bri bar bya'o zhes pa'o//sprul pa'i 'khor lo bteg nas ni/ /zhes bzang po'i zhabs kyis gsungs pa'i phyir ro/ /'di nyid mchog tu pha rol tu phyin pa'i theg pa la sogs par mngon par rdzogs pa'i sangs rgyas rnams las dam pa yin te/shes rab dang thabs kyi bdag nyid dri ma med pa'i bde ba chen po'i rang bzhin yin pa'i phyir ro/ /tshogs pa'i khyad par gang yin zhe na/ sku dang gsung dang thugs rnams sprul pa la sogs pa'i gzugs rnams sgrub par byed pa'i bde ba chen po'i ngo bos mngon sum du byed pas so//dkyil 'khor ni dkyil 'khor ba'o/ /rgyu lnga dang ni rig pa dang / /rdo rje ru ni brjod pa yin/ /zhes pas rdo rje las byung ba'o/ /thams cad gnyis su med pa'i bde ba chen po'i ngo bo'i shes par byed pa'i phyir thams cad mkhyen pa ste de'i bdag nyid do//dkar po la sogs pa'i rnam pa rnams ni de'i rnam pa'i gdul bya'i dbang gis te de thob pa ni de'i dbang du gyur pa yin no/ /dngos po mtha' dag rig yod min/ /tshad mas ma grub pa yi phyir/ /yod na'ang mi yi rwa sogs pa'ang / /yod par thal bar 'gyur phyir ro/ / gal te kun mkhyen 'di yod na/ /kho bo cag sogs kyis mthong 'gyur/ /ma mthong phyir na rtogs med phyir/ /yod par ci ltar rjes su dpog /sgrub byed gnod byed med pa'i phyir/ /khyod la the tshom nyid yod do/ /smra phyir med pa yin zhe na/ /ma yin ma sogs med par 'gyur/ /de grub nyer bstan las she na//kho bo'i thams cad mkhyen de'ang mtshungs/ /ma ni spyi ru grub ce na/ /dang po nyid du ma nges yin/ /smra ba la ni rtogs pas khyab/ /de yi yul ni don med yin/ /thams cad mkhyen pa'ang don yod yin/ /'gal bas khyab phyir de ma yin/ /gang gis kun mkhyen tshig ni 'dod//de tshe des ni nyams myong min/ /gang tshe myong yod de yod min/ /de phyir med sgrub grub sgrub yin/ /yang na goms phyir nyal ba na/ /tshig nyid rtog pa med par yod/ /sems yengs pa na kha ton bzhin/ /rmi lam sogs la rtog pa med/ /yang dag dran nyid bstan ched du/ / ma dpyad par ni 'dir mi gsung / /zhes brjod phal cher du ni tshig /mi yi rnam rtog rjes su 'brang / /sangs rgyas rtag tu mnyam gzhag ste/ /gzhan du grub pa ma yin no/ /gang las thams cad mkhyen pa'i tshig /kun mkhyen ye shes sngon 'gro yin/ /des na yod pa ma bkag ste/ / mi rnams the tshom bya ba'i rigs/ /thams cad mkhyen bsgrub tshad ma ni/ /gang tshe nges pa nyid na'ang yin/ /rnam pa kun ni yongs mkhyen pa/ /med par de yi tshig ma yin/ /skad cig sogs kyi tshig 'di ni/ /dngos po de nyid ston byed yin/ /des na rgyu 'dis rtag grub min/ /yang na the tshom za ba yin//skye gnyis la sogs tha dad las/ /de yi rigs sogs nges ma yin/ /rnam sogs dbang las yin zhe na/ /ma yin g.yung sogs la mthong bas/ /thams cad mkhyen pa'i khyad par la/ /goms pa'i rtags ni srid pa yin/ /chos can ma grub sogs skyon gang / / ma yin skyes bu tsam grub phyir/ /gang tshig de nyid ston byed pa/ /de nyid kho bo'i bde gshegs yin/ /tshad mas gnod pa'i bdag la sogs/ /ston byed lung ni mthong bas so/ /dbang phyug la sogs kun mkhyen min/ /'gal bas khyad par mthong ba'i phyir/ /rig byed las ni bstan pas 'di//de nyid ce na bkag phyir min/ /rjes su 'gro dang ldog pa las/ /skyes bu'i tshig tu grub pa yin/ /rgyu med gcig tu skye ma yin/ /rtag tu yod sogs thal 'gyur phyir/ /rig byed tshig gi bdag nyid phyir/ /nges par skyes bus byas pa yin/ /rig byed khyad par can tshig ce/ / ma yin khyad par ma grub phyir/ /rtogs dka'i khyad par yod ce na/ /de ni kla klo sogs la'ang mtshungs/ /tshad mas 'grub pa'i de nyid ni/ /gang zhig ston de kun mkhyen yin/ /gzhan du yong shes thub pa la/ /tshu rol mthong ba the tshom za/ /tshad ma gnyis kyi yul ni grub/ /'ga' la rang gis kyang mi gnod//lung gi tshad yin dbang sogs min/ /'di 'dra 'di la dpag ma yin/ /de bzhin gshegs pa thams cad kyi spros pas gsal ba'i phyir/ gsal ba de nyid rdo rje bkod pa yin no/ /dpal gsang ba 'dus pa'i rgyan gyi le'u gsum pa'o// // de nas zhes pa ni dbang bskur ba dang rjes su gnang ba dang sdom pa la sogs pa'i yongs su bzung ba med par grub la de yang dkyil 'khor med par ma yin te/ dkyil 'khor dman par gyur pa dang / /dam tshig spangs par gyur pa ni/ /sgrub thabs cung zhig mi 'grub ste/ /gsang ba'i de nyid mi shes phyir//zhes dpal sangs rgyas thams cad las gsungs pa dang / ri mo'i dkyil 'khor yang ma bstan no zhes gdul bya'i rnam par rtog pa yongs su chod pa'i rjes la'o/ /de bzhin gshegs pa thams cad ni rnam par snang mdzad la sogs pa'o/ /yang zhes pa ni le'u dang po'i 'dus pa la ltos nas so//las dang po pa'i slob dpon yang sngar bsnyen pa byas pa dang phra mo'i rnal 'byor la sogs pas mtshan ma thob pas dkyil 'khor gyi sa'i dbus su ting nge 'dzin gsum dang ldan pa'i bdag po'i rnal 'byor pa rdo rje dril bu 'dzin pa la de 'dzin pa'i rnam par snang mdzad la sogs pa'i rnal 'byor pa slob ma rnams shar la sogs pa'i phyogs bzhir gnas pa rnams kyis dkyil 'khor bri ba'i phyir gsol ba gdab pa gsungs pa/kun zhes te bag chags dang bcas pa'i nyon mongs pa dang shes bya'i sgrib pa dag pa'i phyir zhi ba'o/ /de nyid kyi phyir de bzhin gshegs pa rnams kyi gnas so//ci'i phyir zhe na/ gang gi phyir chos thams cad kyi mchog bdag med pa dang stong pa nyid kyi bdag nyid de yin pa'i phyir zhi ba yin no/ /bshad pa ni ston cig pa'o/ /bya ba'i rgyud la sogs pa'i dkyil 'khor rnams las mchog tu gyur pa'i 'bras bu thob pa'i phyir dam pa yin te thun mong ba'i gsol ba gdab pa'o//gru bzhi la sogs pa'i mtshan ma dang ldan pa'i phyir/ mtshan nyid thams cad yongs su rdzogs pa'o/ /sbom pa dang phra ba dang yon po'i ri mo'i skyon dang bral ba'i phyir mtshan min thams cad spangs pa'o/ /kye kun du bzang po zhes te sku ni sku rdo rje ste mchog go//'dir de bshad du gsol zhes te sku'i dkyil 'khor ro/ /zhi ba'i chos ni stobs bcu la sogs pa ste mchog de 'dir yin pas de skad ces bya'o/ /so sor kun du rtog pa'i ye shes de las byung ba'o/ /thams cad mkhyen pa'i ye shes thob par bya ba'i phyir spyod pa ni ye shes spyod pa'o//de'i thabs sna tshogs pa'i ngo bos yongs su sbyong bar byed pa'o/ /gang du zhugs pa tsam gyis ni/ /zil gyis mi non bzlog pa med/ /dpa' bo rnams ni 'gyur srid de/ /bde ba chen po rab 'phel phyir/ /zhes gsungs pas so/ /gsung ni gsung rdo rje'o//'dir mchog bshad du gsol zhes te gsung gi dkyil 'khor ro/ /sems can thams cad kyi chen po yang yin te/ chos kyi dbyings kyi ngo bos dngos po ma lus pa la khyab pa'i phyir ro/ /sems kyang yin te kun gzhi rnam par shes pa ma yin pa'o/ /dag pa ni bag chags dang bcas par gnyi ga yang spangs pa'o//ci'i phyir zhe na/ gang las rang bzhin gyis dri ma med pa'o/ /thugs ni thugs kyi rdo rje ste mchog go/ /gang du de bshad du gsol zhes so/ /kha lo sgyur ba ni lam gyi bden pa'i shing rta yis rdo rje 'dzin pa'i sa thob par byed pa'i thugs kyi dkyil 'khor la gsol ba gdab pa'o//nyon mongs pa'i dgra sel bar byed pas na ston pa'o/ /chos kyi dbyings kyi ngo bos sa 'og dang sa stengs dang sa bla'i rang bzhin yin pa'i phyir 'jig rten gsum mo/ /'dod pa dang gzugs dang gzugs med pa'i rang bzhin yin pas khams gsum pa'o//'jig rten gsum na mchog yin pa ni phyi rol pa dang slob pa dang mi slob pa de rnams las so/ /rdo rje ni stong pa nyid yin te ye shes lnga la sogs pa'i ngo bos gtso bo'o/ /de nyid kyi phyir 'di rnams 'jig rten gsum gyi mchog ston pa'o/ /mthong ba tsam gyis yang gdul bya'i yid 'phrog par byed pa'i phyir nyams dga' ba'o//byang chub chen po'i thugs kyi rgyu mthun pa yin pa'i phyir de bzhin gshegs pa thams cad kyi thugs so/ /bsam gtan gyi dkyil 'khor dang 'dra ba yang 'dir zur bzhi la sogs pa'i rnam pa yin pas de bzhin du'o/ /de nas zhes pa ni bsnyen pa byas pas mtshan ma thob pa'i rjes la'o//gang gi phyir dkyil 'khor du zhugs pa med na grub pa med pa'i rgyus so/ /rab tu phye nas bshad par bya'o/ /thugs gtso bor gyur pa'i dkyil 'khor ro/ /thugs kyi dkyil 'khor rab 'dra ba ni ye shes kyi dkyil 'khor dang 'dra ba ste/rnam par smin pa la sogs pa'i yon tan mtshungs pa'i phyir la dpal rdo rje sems dpa'i lha rnams kyi/ 'khor lo mngon sum mthong ba las/ /brtag pa'i bsod nams ci 'dra bar/ /bris pa la yang de bzhin no/ /zhes brjod pa'i phyir ro/ /thugs gtso bo yin na yang sku dang gsung med na mi 'byung ba'i phyir sku dang gsung dang thugs kyi dkyil 'khor ro//sar pa ni dkyil 'khor gzhan la ma spyad pas so/ /legs bkal ba ni nyi shu rtsa lngar phye bas so/ /legs pa'i tshad 'khor lo las nyis 'gyur gyi ring ba dang sgo'i nyi shu cha'i sbom pa'o/ /mdzes pa ni mdud pa med pa dang mi lhod pas so//shes rab can ni mkhas pa ste bde bar gshegs pa'i tshig des rtogs pa'i phyir ro/ /khru bcu gnyis zhes pa ni grangs kyi tshad kyis gdul bya rjes su gzung ba'i phyir gsungs pa'o/ /de nges pa ni ma yin te/ khru gang las ni brtsams nas ni/ /ji srid khru ni stong gi bar//zhes gsungs pa'i phyir ro/ /gru bzhi ni shar la sogs pa'i phyogs kyi ri mo dang ldan pa'o/ /grwa ni mtshams kyi ri mo gnyis dang ldan pa'i phyir ro/ /sgo bzhi ni dkyil 'khor gyi brgyad kyi cha gang du yin pa de la de skad ces bya'o/ /zur bzhi pa de'i phyed kyi tshad kyis yongs su bskor ba ka ba brgyad kyis mdzes pa'i rdo rje'i phreng bas bskor ba'o//thig la sogs pa'i cho ga 'di yang rgyud gzhan las gsungs pa dang bzang po zhabs kyi dkyil 'khor gyi cho ga las shes par bya ste/ 'dir ni btags pa la 'thag pas ci zhig bya ste gzhung mangs pas 'jigs pas ma bris so//de nyid kyi phyir las kyi cho ga mthong ba zhes gsungs te/ rgyud gzhan las gsungs pa'i cho gas so/ /phyag rgya ni phyag mtshan rnams dgod par bya ba yin gyi phyag rgya chen po rnams ni ma yin te/ mu stegs can la phan gdags phyir/ /sangs rgyas btsun mo sbas pa yin//zhes gsungs pa'i phyir ro/ /de bstan pas thos pa dang mi ldan pa rnams ma dad pas bcom ldan 'das la skur pa 'debs par mi 'gyur ba'i ched du las kyi cho ga mthong ba yis zhes gzhan no/ /las kyi cho ga mthong ba las bstan pa'i/ /so so'i 'byin pa'i sngags kyis dgod par bya//zhes gzhan dag go/ /de'i dbus ni dkyil 'khor gyi dbus su ste dbus kyi re'u mig la'o/ /rdo rje ni mi bskyod pa'o/ /shar phyogs su chen po ni chos kyi dbyings kyi rang bzhin no/ /'khor lo ni rtsibs brgyad pa dkar po ste rnam par snang mdzad kyi'o/ /rdo rje 'bar bas rnam par brgyan pa ni nye bar mtshon pa yin pa'i phyir rdo rje 'bar bas so//'di yang thams cad kyi phyag mtshan rnams kyi khyad par ro/ /rin chen chen po lho phyogs su zhes pa ni ljang gu cha dgu pa ste rin chen 'byung ldan gyi'o/ /nub phyogs su snang ba mtha' yas kyi pad+ma'o/ /byang gi le tshe la don yod grub pa'i ral gri ljang gu'o//me ru spyan gyi dbus na sprin dang 'dra ba ni spyan ma'o/ /bden bral du mA ma kI'i rdo rje sngon po rtse lnga pa'o/ /rigs ni mi bskyod pa yin la de las byung ba'o/ /rlung du gos dkar mo'i pad+ma dmar po'o/ /dbang ldan gyi re'u mig la sgrol ma'i ut+pal ser po'o//phyi'i dkyil 'khor gyi zur dang shar gyi sgo'i ngos gnyis su go rims ci lta bar/ me long pi wang dung dang ni/ /de bzhin snod dang sna tshogs gos/ /chos 'byung ba yi phyag rgya drug /'khor lo'i bdag po rdo rje can/ /zhes rgyud phyi ma las mtshan ma drug po rnams gsungs so//shar la sogs pa'i sgo rnams su tho ba sngon po dang / dbyig pa dkar po dang / pad+ma dmar po dang / kha gyes pa'i rdo rje sngon po rnams ni gshin rje mthar byed la sogs pa rnams kyis so/ /gshin rje mthar byed la sogs pa dang rtag pa bor ba'i mi bskyod pa la sogs pa'i de bzhin gshegs pa rnams kyi ni nyi ma'i dkyil 'khor rnams la'o//lhag ma rnams kyi phyag mtshan ni zla ba'i dkyil 'khor rnams la bri bar bya'o/ /de nyid kyi phyir kha gyes pa'i rdo rje bshad pa'i don du rdo rje 'di yin te/ snying po brtan zhing khong stong med/ /stong pa nyid la rdo rjer brjod/ /ces te stong pa nyid kyi rang bzhin yin pa'i phyir dang /'khyil pa yang bdud rtsi 'khyil pa yin te/ rdo rje can gyi yang mtshan ma de yin pas gang de'i khro bo rdo rje zhes khyad par du gsungs so/ /des na sna tshogs rdo rje dang rdo rje gnyis dgod do zhes pa ni mi rigs so/ /yongs su gsal ba ni rnam pa thams cad du yongs su rdzogs pa'i thugs kyi bdag po'i dkyil 'khor ro//mchod pa zhes pa la sogs pa'i bsdus pa'i tshig rnam par spros nas gsungs pa yin te/ lo bcu drug lon pa ni mtshon par byed pa yin pas nyung ba dang lhag pa yang gzung bar bya ste/ dud 'gro las kyang rab tu brtag / ces gsungs pa'i phyir ro/ /bco lnga par bshad pa'i btsun mo zhe sdang gi rigs kyi bu mo yin te/ de'i dbus su zhes pa ni de dang nye ba'i yul du'o/ /byin gyis brlabs pa ni yan lag bzhi pa'i rim pas mig la sogs pa byin gyis brlab pas byin gyis brlab bo/ /de zhes pa ni/ mchog tu dad cing shes rab che//gzugs bzang sgrub pa po la dga'/ /sbyor ba gcig gi bya ba goms/ /dam tshig dag gi dam tshig can/ /zhes rgyud phyi ma las gsungs so/ /phyag rgya sngags dang cho ga shes/ /sngags dang rgyud ni legs par bslabs/ /zhes bcu drug pa las kyang gsungs so//mA ma kI zhes te de dang 'dra ba'i mi bskyod pa'i rang 'od kyi shes rab po/ /yon tan ni stobs bcu la sogs pa'i gang gi ska rags yin pa de ni de bzhin no/ /spro bar bya zhes pa ni rang 'od kyi shes rab kyi pad+mo'i lte ba la gnas pa'o/ /sangs rgyas ni mi bskyod pa yin te gnas ni dkyil 'khor ro//bag chags dang bcas pa'i gnyis kyi sgrib pa spangs pa'i phyir zhi ba'o/ /nam mkha'i dbyings de ni gnas pa'i sems can gang gi brgyan pa de dag gang gis rdzogs pa'i sangs rgyas su byas pa ste/ rdul tshon gyi dkyil 'khor la rang ji lta ba spros te bstim par bya'o/ /bshang ba zhes pa la sogs pas//bshang gci sha khrag sems byung gzhan/ /ba lang khyi glang rta mi lnga/ /zhes te ci ltar srid par te/ /tha mal lus kyi chos rnams las/ /dri ma lnga rnams snang ba ni/ /ye shes lnga yis byin brlab phyir/ /bdud rtsi lnga zhes bya bar dran/ /sbar dang bsreg pa nyid dang ni/ /rnam par byed dang gzugs gsal ba//sngags kyi lus kyi sbyor ba yis/ /bdud rtsi lnga yi bdud rtsi bzang / /rdo rje hUM las byung ba ni/ /bar snang la gnas bsam par bya/ /AHlas byung ba'i pad+ma ni/ /de yi 'og tu bsgom par bya/ /oM gyis mtshan pa'i bdud rtsi lnga/ /de yi dbus su gzhug par bya/ / rdo rje pad+ma mnyam sbyor bas/ /'bar bas tshim bya rnal 'byor pas/ /bsal bya shel gyi rnam par ro/ /ye shes nyi ma gzhan du 'gyur/ /phyogs bcu 'jig rten khams rnams las/ /mtshon cha mchog gis drangs nas ni/ /bdud rtsi de ru phab byas nas/ /bza' ba'i sbyor bas bza' bar bya//bsgrub bya'i dngos grub cho ga yis/ /de bzhin dpa' bo lnga rnams bza'/ /yig gsum sa bon las bskyed bya/ /gzhan du de nyid 'grub mi 'gyur/ /zhes rgyud phyi ma'i cho gas grub pa'i dngul chus zangs gser du byed pa'i tshul du ye shes kyi bdud rtsir gyur pa nye bar spyod pa gsungs so//mos pa spyad pa'i sa la gnas pa'i las dang po pas kyang shes rab kyi rjes su dag pa'i dad pa dang yang dag par ldan pa'i phyin ci ma log pa'i rnal 'byor pa mos pa yid la byed pas kyang dpal ldan gsang ba 'dus pa'i mngon par byang chub pa'i lhan cig byed pa'i rgyur gyur pa bza' bar bya ba'i dam tshig phyung nas sngags kyi byed pa la sogs pa'i nus pa'i rgyu nyid do//gang yang rgyud rig 'ga' zhig gis/ /gsang sngags cung zad byed gyur pa/ /de dag gi ni gtso bo'i mthu/ /de bshad rigs pa 'jug phyir ro/ /zhes rnam 'grel las so/ /ci ste dbye bar mi 'gyur bar/ /thams cad yang dag bsdus nas bya//gal te de ni byed gyur na/ /sangs rgyas kyis kyang mi 'grub po/ /sngags pa chen pos legs sbas pas/ /'bad pa nyid kyis bsgom par bya/ /'di ni sangs rgyas thams cad kyi/ /dam tshig ye shes blo ldan gyis/ /zhes gnyis su med pa'i rnam par rgyal ba'i rjes su 'brangs nas so//rgyud phyi ma'i rim pas kyang byin gyis brlabs te/ thun mong cig shos dngos grub ni/ /tshe 'di nyid la mthong ba yin/ /mnyes pa ni thugs rje chen po nyid kyis gzhan gyi don gzigs pas phas bu'i don mthong ba bzhin no/ /phyogs bcu'i 'jig rten gyi khams na gnas pa'i sangs rgyas dang byang chub sems dpa' de rnams ni snyan pa chen po'o//de skad du yang gsungs pa/ de nas rnal 'byor dam tshig mchog /gzugs dang lang tsho yon tan ldan/ /sbyor byas slob dpon der 'dug nas/ /ye shes dbab pas rab tu brtag / rdo rjes pad+ma kha phye la/ /sangs rgyas rab snang gzhug par bya/ /pad+ma la gnas bstan bya ste/ /rigs bdag las gnang thob pa dang / /rdo rje'i bdag nyid rang ming brjod/ /'khor lo'i sbyor bas spro bar bya/ /rdo rje chu skyes sgras sangs rgyas/ /'khor lo'i nang du spyan drangs te/ /bgegs rnams bsal la yang dag bsrung //mchod yon phul nas yang mchod bya/ /yang dag bstod de sgo bas sgor/ /las rnams byas nas bsgrub par bya/ /mig dang sku sogs byin brlabs la/ /dbang bskur mchod pa la sogs brtag /dngos grub byin phyir sems can don/ /mdzod cig par ni gsol ba gdab//dpal gsang ba 'dus pa'i rgyan gyi le'u bzhi pa'o// //de nas zhes te dam tshig dang sdom pa ma brjod la de ma blangs na yang dngos grub med do/ /gtum po la sogs pa gang rnams dang mtshams med pa lnga byed pa la sogs pa yang sdig pa chen po byed pa rnams theg pa gzhan dang rgyud gzhan las spangs te ci de rnams kyang 'dir skabs yod dam med ces gdul bya'i rnam par rtog pa yongs su shes pa'i rjes la'o//rgyal bar byed cing gsal bar byed pas na rgyal po'o/ /kun mchog ni phyi rol pa dang slob pa la sogs pa rnams las phul du byung ba'o//rgyal ba thams cad skyed par byed pa yin pas gnas ni dkyil 'khor te der dbang phyug go/ /spyod pa kun ni sbyin pa la sogs pa rnam pa bcu po dkar po'i yon tan gyi ngo bo lam la gnas pa'o/ /chos kyi mchog ni bse ru dang nyan thos dang thun mong ma yin pa'i stobs bcu la sogs pa rnams 'bras bu la gnas pa yin te don ni dgos pa'o//ston pa'i gnas skabs na gang gi brjod par bya ba de ston par byed pa ste sngags kyi spyod pa'i mtshan nyid kyi rang bzhin no/ /rnam par mi rtog pa don du gnyer bas na don te/ shes rab dang thabs kyi rang bzhin dri ma med pa bde ba chen po'i rnam pa gnyis su med pa'i ye shes te de las byung ba ni/mchod pa chen po chags pa che/ /sems can thams cad dga' bar byed/ /ces pas 'dod chags kyang yin no/ /mchod pa chen po zhe sdang che/ /nyon mongs kun gyi dgra che ba/ /zhes pas zhe sdang yang yin no/ / mchod pa chen po gti mug che/ /gti mug blo ste gti mug sel/ /zhes pas gti mug yang yin no/ /de'i rang bzhin 'od dpag tu med pa dang / mi bskyod pa dang rnam par snang mdzad rnams shes rab dang snying rje'i bdag nyid yin te rigs ni rtags nges par brjod pa ma yin te/ 'jig rten na yang rigs mi gnas pas so sor rtog pa'i ye shes la sogs pa'i rang bzhin nyid kyis rjes su 'gro ba rnams so//de rnams dang de'i rnal 'byor pa yang rang dang gzhan gyi rgyud la sgrub par byed de/ bde ba chen po'i rang bzhin gyi mchog rab tu sgrub par byed pas dngos grub ste thun mong ba dang cig shos so//theg pa'i mchog ni dpal gsang ba 'dus pa'i lam gyi ngo bo'o/ /gang gi phyir 'di las mchog med pas bla na med pa yin te/ rten pa zhes kha bskang bar bya'o/ /bram ze la sogs pa'i rigs ni cung zad kyang yod pa ma yin te zhes le'u gsum pa'i mthar thams cad mkhyen pa sgrub pa'i tshad mas bshad do//las kyi stobs nyid las dman pa dang bar ma dang mchog gi skye ba ni tha snyad las yin te/ des na rigs kyi stobs las ni dngos grub bsgrub pa ma yin no/ /'on kyang ji ltar gyur pa'i lam thos pa dang bsams pa dang bsgoms pa'i stobs kyis yin te gdul bya'i ngo bo nyid kyis gzhan dag tu bshad pa yin la rigs la sogs pa'i nges pas ni ma yin te/nI tha la sogs pa yang skye ba dman pa rab tu 'byung ba la sogs pa thos pa de'i phyir gsungs so/ /gtum po smyig ma mkhan la sogs/ /grub 'gyur nyid ces te nyid ni nges par gzung ba'i don to//gang la brten pa yin zhe na/ gsungs pa mchog la ste/ 'jig rten pa dang nyan thos dang rang sangs rgyas rnams las gong du gyur pa ni theg pa chen po'o/ /de 'bras bu dang bcas pa'i byang chub sems dpa'i lam mo/ /de la yang bla na med pa dpal gsang ba 'dus pa'i lam 'di la'o//nyid ni gang gi phyir te bya ba la sogs pa'i rgyud las bkag pa skye ba dang las dman pa dang sdig pa chen po byed pas kyang sdig pa bshags pa'i rim pas 'dir gzung bar bya ba nyid do/ /gsod pa nyid don te dgos pa'o/ /des na don ni gson pa la phan pa'i sems pa ste yang zhes pa 'chad par 'gyur ba dang 'brel to//dgra bcom pa dang ma dang pha gsod pa dang dge 'dun gyi dbyen byed pa dang / de bzhin gshegs pa la ngan sems kyis khrag 'byin pa yang yin te/ lnga po ni shi ma thag tu dmyal bar skye ba la bar bcad par mi nus pa'i phyir mtshams med pa ste sdig pa'i las rnams so//de la sogs pa ste sdig pa chen po'i las rnams gang rnams kyis sdig pa chen po byas pa de rnams thams cad nyid kyang dpal gsang ba 'dus pa'i lam theg pa chen po'i mchog bsgrub pa 'di la dge ba'i bshes gnyen bsten pa la sogs pa'i rim pas gnas te yod pa'o//snying rje dang shes rab goms pa la shin tu nus pas sems pa rnams so/ /shes rab thabs dang ldan pa rnams/ /dam tshig nga yis rjes su bstan/ /zhes brjod pas so/ /snga ma dang phyi ma yang 'di'i dbang du byas te blta bar bya'o/ /yon tan thams cad dang ldan pa yin yang bcos su med pa gang yin zhe na/snying nas slob dpon smod pa dag /bsgrubs kyang 'grub par mi 'gyur ro/ /slob dpon smod pa yang phas pham pa dang po'i ltung ba yin te/ de dang ldan pa rnams ta la'i mgo bcad pa dang 'dra ba ci'i phyir dge ba'i rtsa ba'i myu gu bskyed pa'i skabs yod/gang gis de sngon du song ba'i thun mong dang mchog gi dngos grub 'grub par 'gyur/ gal te slar de rnams kyis kyang bla ma la ji ltar 'byor ba'i mchod pa byas te dkyil 'khor de la/ byang chub sems ni gzung bar bya/ /gsum la skyabs 'gro la sogs sdom/ /zhes pas ltung ba yang dag par bsdus pa'i cho gas phyir bcos pa bya ste/de'i tshe dngos grub kyi snod nyid du 'gyur bar snying nas zhes smras so/ /bla ma mnyes pas 'grub par 'gyur/ /gzhan du min zhes thub pas gsungs/ /zhes brjod pa'i phyir ro/ /de ltar yang dam tshig dang sdom pa la gnas pas thun mong dang cig shos grub kyi gzhan ni ma yin pas sems can zhes pa la sogs pa nas gang zhes pa'i bar gyis bsrung ba'i dam tshig bsgrub pa gsungs pa yin te/snying rje dang shes rab dang ldan pas sangs rgyas dang byang chub sems dpa' thams cad bdag la dgongs su gsol/ /bdag che ge mo zhes bgyi ba dus 'di nas bzung nas snying po byang chub la mchis kyi bar du/ji ltar dus gsum mgon po yis/ /byang chub tu ni nges mdzad ltar/ /byang chub sems ni bla na med/ /dam pa bdag gis bskyed par bya/ /sdom pa yi ni tshul khrims dang / /dge ba'i chos sdud tshul khrims dang //sems can don byed tshul khrims gsum/ /brtan par bdag gis gzung bar bgyi/ /sangs rgyas chos dang dge 'dun dang / /dkon mchog gsum po bla med mchog /sdom pa sangs rgyas rnal 'byor skyes/ /deng nas bzung ste brtsom par bgyi/ /rdo rje dril bu phyag rgya yang / / de nyid kyis ni gzung bar bgyi/ /rdo rje chen po'i rigs chen la/ /slob dpon dag kyang gzung bar bgyi/ /nyin re nyin re lan drug tu/ /sbyin pa rnam bzhi sbyin par bgyi/ /rin chen rigs mchog chen po la/ /dam tshig yid du 'ong ba yis/ /phyi dang gsang dang theg pa gsum/ / dam tshig yongs su gzung bar bgyi/ /pad+ma chen po'i rigs dag la/ /byang chub chen po las byung ba/ /sdom pa thams cad yang dag ldan/ /de nyid kyis ni gzung bar bgyi/ /mchod pa'i las ni ci nus pa/ /las kyi rigs ni chen po la/ /byang chub sems ni bla med pa/ /dam pa bdag gis bskyed par bgyi//sems can kun gyi don gyi phyir/ /sdom pa ma lus gzung bar bgyi/ /ma bsgral ba rnams bsgral bar bgyi/ /ma grol ba rnams bdag gis dgrol/ /dbugs ma phyin pa dbugs dbyung ste/ /mya ngan 'das la sems can dgod/ /ces pas thun mong gi sdom pa blangs pa sngon du song ba smon lam btab pa yin no//ma dad smra ba'i sems can dang / /rdo rje slob dpon smod pa dang / /gdug pa'i sems can gzhan la yang / /las 'dis bskul bar bya ba yin/ /zhes bcu gsum pa'i tshig gis dmyal ba la sogs pa'i ngan song du 'gro ba'i rgyu'i las la zhugs pa'i sdang ba rnams la 'byung bar 'gyur ba'i dmyal ba la sogs pa'i sdug bsngal rjes su dpag nas snying rje'i dbang du song ba'i sems nyid kyis btang snyoms su bzhag par mi nus pa yin te/de'i phyir sdug bsngal gyi rgyu las bzlog pa'i ched dang bla na med pa'i byang chub la gzhag pa'i don du yang de 'dra ba'i thabs gzhan ma mthong bas dgu par bshad pa'i tshogs mi bskyod pa la sogs pa'i rnal 'byor dang ldan pas de dag dam tshig la gzhug pa'i don du de bzhin gshegs pa'i snang ba dang so sor snang ba thob pa/kha sbyar dbye ba la sogs pa nyams su blang ba'i bya bas nyi ma so sor thun mtshams bzhir rang goms pa'i ma tshang ba med pa'i ting nge 'dzin gsum dang ldan pas thun mtshams bar ma la bsgrub par bya'o//bshang gci zhes pa la sogs pas/ /bshang gci sha khrag rigs byung gzhan/ /ba lang khyi glang rta mi lnga/ /zhes rgyud phyi ma'i cho gas bza' bar bya ba'i dam tshig gnyis mtshon pa yin pa'i phyir sangs rgyas thams cad kyis gsungs pa/dam tshig gsang ba bsgrag par bya/ /srog chags zhes pa nas ji srid btsun mo zhes pa'i bar du le'u bcu drug pa las so/ /dam tshig rnam bzhi bsrung bar bya/ /sangs rgyas ye shes rgya mtsho'i 'od/ /ces pa nas/sku gsung thugs kyi rdo rje rnams/ /dam tshig chen po rmad byung ba/ /sangs rgyas kun gyi brtan pa ni/ /rdo rje 'dzin rnams kyis bsrung bya/ /gang zhig dam tshig 'di srung ba/ /rdo rje sems dpa' 'od chen po/ /de yi sku gsung thugs gyur pa/ /de ma thag tu sangs rgyas 'gyur/ /zhes bcu bdun pa'i tshig yin pa'i phyir ro//de ltar yang dpal de kho na nyid bsdus pa las/ ji lta ji ltar gdul bya bar/ /sems can rang bzhin gyis gyur pa/ /de lta de ltar sems can don/ /'dod chags sogs kyis dag par byed/ /sems can kun la phan phyir dang / /sangs rgyas bstan pa'i rgyu yi phyir//sems can thams cad gsod byed pa/ /de ni sdig pas gos ma yin/ /sems can kun la phan don du/ /sangs rgyas dgongs pa'i sbyor ba yis/ /gzhan gyi nor rnams 'phrog pa ni/ /de ni sdig pas gos ma yin/ /'dod chags dang mtshungs bde ba med/ /rgyal ba rnams la ster byed pa//sems can don du gzhan bud med/ /bsten na bsod nams 'thob par 'gyur/ /sems can kun la phan don du/ /sangs rgyas bstan pa'i rgyu yi phyir/ /las ni thams cad bya ba nyid/ /bsod nams mang po skye bar 'gyur/ /zhes smos so/ /de nyid kyi phyir bzang po zhabs kyis//dam tshig bsrung ba'i bdag po yin/ /rtag tu sdom pa bskyang bar bya/ /sha lnga bdud rtsi rnam lnga bza'/ /dam tshig gzhan yang bsrung bar bya/ /dkon mchog gnod gzhom bud med kun/ /gzhan rdzas len pa brdzun gyi tshig /'di dag cho ga bzhin bsrung ba//rnal 'byor rgyud la'ang gang bshad pa'o/ /lam ma yin pa 'di nyid yang dag par rdzogs pa'i byang chub kyi lam gyi dam tshig tu ji ltar 'gyur zhe na/ snying rje dang shes rab dang ldan pas gzhan gyi don la gcig tu brtan pa phyin ci ma log pa de'i bla na med pa'i byang chub la lhan cig byed pa'i rgyu nyid yin pa'i phyir ro//gang gsungs pa/ yang dag rtog las byang sems rnams/ /dge ba'am yang na mi dge ba/ /'di dag thams cad dge ba ste/ /gang las de rnams yid dbang 'gyur/ /zhes so/ /'bras bu bskal pa'i phyir rjes su 'gro ba dang ldog pa las rtogs par bya ba yin na lhan cig byed pa'i rgyu nyid kyang ma grub bo zhe na/de ltar na yang sbyin pa la sogs pa de yang ma grub pas de la yang 'jug par mi 'gyur bar thal bar 'gyur ro/ /sbyin pa la sogs pa dngos po'i rang bzhin du gyur pa yang mtho ris dang thar pa thob pa la sogs par nus pa la the tshom du rigs te de'i 'bras bu de ma thag pa med pa'i phyir nges par bya ba la mi sgrin pa'i phyir dang ma mthong ba'i phyir ro//de nyid kyi phyir 'di dgag par bya ba'i ched du/ mngon sum dang ni rjes dpag dang / /gnyis pos kyang ni mi gnod pa/ /'di yi mthong dang ma mthong la/ /de don de la mi slu yin//blang dang dor ba'i de nyid la/ /thams cad rab tu nges pa yin/ /gtso bo'i don la mi slu phyir/ /gzhan du'ang rjes su dpag pa ste/ /'di ni lung gi rjes su dpag par brjod do/ /gang yang ji ltar gyur pa'i dngos po'i de kho nyid la goms pas blo gros chen po de rnams sbyin pa la sogs pa'i dngos po mthong ba nyid kyis de rnams dngos po thams cad nges par nus pa yod pa nyid do//gang rnam 'grel las/ nus pa dngos po'i rang bzhin du/ /gyur kyang de ma thag pa med/ /mthong ba med phyir 'bras la rmongs/ /de ma thag pa ma yin phyir/ /nges min sgrin pa med phyir ro//de nyid bzlog pa'i ched du ni/ /rjes su dpag pa brjod pa yin/ /blo gros chen po mthong nyid la/ /rnam pa thams cad nges par byed/ /ce na 'di ni mtshungs te dam tshig dang sdom pa la sogs pa sgrub pa la lhan cig byed pa nyid yin te/ de nyid kyi phyir gsungs pa/ snod ces te rung ba'o//de rnams dam tshig sgrub pa la sogs pa'i rgyu'i tshogs pa dang ldan pa nyid yin te thun mong ba dang cig shos kyi dngos grub rnams sgrub pa'i yul la yin la gzhan dam tshig la sdang ba dang btang snyoms su bzhag pa la ni ma yin no/ /snying po zhabs 'di ltar 'chad de/ srog gcod pa ni nges par sgrub pa'i snod du 'gyur zhes pa dang 'brel to//gang rnams de srid du spong bas 'jigs pa de rnams ma spyad na nyams dga' ba'i tshig thos nas/ gsum la skyabs su 'gro ba dang byang chub tu sems bskyed pa tsam gyis kyang srog gcod pa la sogs pa la zhugs pa rnams kyang bcom ldan 'das kyis dkyil 'khor du zhugs pa la sogs pa dang rjes su gnang bas 'jug par byed do//des na de rnams 'jug pa'i rgyu gsungs pa srog gcod pa'i sems can rnams zhes pa la sogs pa'o/ /rtsa ba'i rgyud du yang brjod pa sems can kha cig ni de bzhin gshegs pa thams cad kyi rigs kyi dkyil 'khor la bslab pa la 'jigs shing skrag pa de rnams ngan song gi dkyil 'khor la 'jug pas ji ltar gnas par phyogs pa rnams dkyil 'khor chen po 'di nyid la bzhugs par rigs so//rnam pa kun gyis dge ba la mi 'jug pa rnams kyang gsum la skyabs su 'gro ba dang byang chub tu sems bskyed pa dang /de bsgom pa yang bag chags bzhag pa'i phyir rigs so zhes so/ /'di ltar bsgral ba'i don du yang dag par gnas pa rnams la srog gcod pa la sogs pa slar don gzhan du gyur pa nyid kyis byang chub chen po la bzhugs pa'i phyir bsten par bya'o//de la ye shes rdo rje sems can gyi khams ma lus pa bdag med par byed de stong pa nyid kyi ting nge 'dzin thob par bya ba'i ched du'o/ /'di ni srog gcod pa yin no/ /chos rnams kun ni ma skyes dang / /rang bzhin gyis ni 'od gsal yin/ /byang chub med cing mngon rtogs med//'di ni byang chub tshul bstan pa/ /zhes pas/ don mtha' dag med par ston pa ni brdzun du smra ba'o/ /sku dang gsung dang thugs kyi rdo rje grub par sems can gyi khams thams cad bsgoms pas sems can gyi khams ma lus pa'i sems dang sems las byung ba khams gsum gyi rnam par 'phrog pa ni gzhan gyi rdzas 'phrog pa'o//'jig rten gyi khams ma lus pa'i rdul phra rab dang mnyam pa rig pa'i lha mo rnams dang sbyor bar rtag tu bsgom pa ni 'dod pas mnyes pa'o/ /don 'di nyid le'u dgu pa las/ nam mkha'i khams kyi dbus gnas par//sangs rgyas dkyil 'khor bsgom par bya/ /rdo rje mi bskyod rab bsgoms nas/ /lag na rdo rje bsgom par bya/ /'od 'phro mang po 'bar ba dang / /'od zer sna lngas rab tu gang / /dus gsum 'byung ba'i sangs rgyas rnams/ /bsgoms nas rdo rjes phye mar bya/ /sku gsung thugs kyi longs spyod ni//rdo rjes phyir byas nyams gyur pa/ /bsam gtan mchog ni bsgoms nas ni/ /thugs kyi dngos grub thob par byed/ /rdo rje gsang ba 'di yis ni/ /sems can thams cad gsad par bya/ /mi bskyod rdo rje sangs rgyas kyi/ /zhing du rgyal ba'i sras rnams skye//'di ni zhe sdang gi rigs kyi dam tshig go/ /nam mkha'i khams kyi dbus gnas par/ /rdo rje dkyil 'khor bsgom par bya/ /rnam par snang mdzad rab bsgoms te/ /sangs rgyas thams cad rnam bsgom bya/ /rin chen kun gyi sbyor ba yis/ /sangs rgyas gzugs ni rab tu brtag nor rnams thams cad 'phrog par ni//rdo rje gsum gyis bsgom par bya/ /nor gyi rgya mtshos gang ba ni/ /yid bzhin nor bu 'dra bar 'gyur/ /sangs rgyas kun gyi sras rnams kyang / /thub pa'i skyes mchog tu 'gyur ro/ /'di ni gti mug gi rigs kyi dam tshig go/ /nam mkha'i dbyings kyi dbus gnas pa//dkyil 'khor dmar po bsgom par bya/ /tshe dpag med pa bsgoms nas ni/ /sangs rgyas kun gyis gang bar bya/ /btsun mo'i rnam pa dang sbyor ba/ /thams cad 'di ru bsgom par bya/ /zhes pa ni 'dod chags kyi rigs kyi dam tshig go//nam mkha'i dbyings kyi dbus gnas pa/ /sangs rgyas dkyil 'khor bsgom par bya/ /rdo rje don yod rab bsgoms nas/ /sangs rgyas thams cad bsgom par bya/ /thams cad gzugs su rab bsgoms te/ /rdo rje tshig gi brdzun smra bas/ /sangs rgyas thams cad slu ba dang //de bzhin rgyal ba kun gyi gnas/ /dam tshig 'gugs pa'i rigs kyi de kho na nyid dam tshig lta bu'o/ /de ni mkha' 'gro ma dang 'chol ba'i rgyud la zhugs pa rnams/ rnam par dag par bya ba'i phyir gsungs pa/ bshang gci zas su za ba nyid/ /ces bya ba ni rang gis bya ba ste/ des mngon par 'dod pa'i don ni dngos grub ste 'grub bo/ /de gang la yod pa de rnams la de skad ces brjod do/ /de ltar yang de rnams bza' bar bya ba ma yin pa zos pas sngags mngon par btab pas 'grub par brjod de/ de rnams 'dir brjod pa'i sngags kyis de bzhin gshegs pa thams cad kyi sku dang gsung dang thugs rdo rje'i mthus bshang gci la sngags te/bza' bar bya ba la sbyar bar bya ste gzhug par bya ba'i rgyus so/ /de sbyar ba sbyin pas lus dang ngag dang yid rtogs pa la 'jug go/ /khyab 'jug pa'i rgyud la mngon par dga' ba rnams rnam par dag par bya ba'i ched du gsungs pa ma dang sring mo zhes pa la sogs pa ste/de rnams kyang spong ba la ma phyogs pa rnams te/ gsum la skyabs su song ba sngon du song ba'i byang chub kyi sems bsgoms pas sngags kyi bzlas pa dang rjes su gnang ba byin pas byang chub chen po'i bag chags bzhag pa la gzhug pa'i rgyur 'gyur ba nyid do//phyi nas gzhug pa'i rgyur bzhag pa rnams la/ ma ni spyan ma la sogs pa rnams yin la/ sring mo ni rdo rje snyems ma la sogs pa rnams yin te/ rdo rje sems dpa' la sogs rnal 'byor pa rnams kyi'o/ /de bzhin gshegs pa'i zlos pa po rnams kyi de nyid bu mo mchog yin no/ /de rnams shes rab kyi pha rol tu phyin pa'i rang bzhin bsgoms pas yang dag par bsgom pa'i sbyor ba las/sgrub pa pos 'dod par bya ste/ dngos grub rgya chen thob par 'gyur/ /zhes gzhug par bya ba'i ched du bstan pa gsungs so/ /khyab bdag sangs rgyas yul la ni/ /'dod spyod gos par mi 'gyur te//zhes te de rnams kyang sgyu ma lta bur bsgoms pas 'dod par bya ste/ ji ltar sngar brjod pa'i tshul gyis rnam par mi rtog pa'i ye shes su 'gyur ro/ /de las rnal 'byor pa sangs rgyas nyid du 'gyur ba'i phyir gsungs pa/ de ni sangs rgyas nyid 'gyur te/ /rnam par mi rtog blo ldan par/ /zhes so//ma dang zhes pa la sogs pa nas blo can zhes pa'i mtha' shes rab ye shes kyi dbang dang / rig pa'i brtul zhugs kyi mtshan nyid kyi sdom pa bstan pa yin te/ de la 'di ni sku dang gsung dang thugs rdo rje'i rig pa'i brtul zhugs zhes pa nas brtsams te/ sdom pa 'dis ni bstan pa yin te//zhes bcu drug pa las so/ /sems can khams ni mtha' yas pa/ /ma dang zhes pa nas brtsams te/ /sdom pa 'di ni ngo mtshar che/ /zhes le'u bcu bdun pa'i tshig gis so/ /ma la sogs pa yang sngags dang rgyud la legs par bslabs pa zhes pa rig pa'i brtul zhugs la yin te/shin tu dad ldan shes rab che/ /gzugs bzang sgrub pa po la dga'/ /bya ba gcig la sbyangs gyur pa/ /dam tshig ldan pa'i dam tshig can/ /zhes shes rab ye shes kyi dbang la brjod pa'i mtshan nyid rnams so/ /de nyid du shes rab dang snying rje goms pa ni 'jig rten na grags pa nyid du bzung ngo zhes gzhan dag go//ji ltar 'di 'dra ba'i sdom pa yin zhe na/ snying rje dang shes rab shin tu goms pa'i rang gi ba spu'i bu ga nas/ mkhas pas sangs rgyas sprin rnams spro/ /zhes bdun pa las gsungs pa'i cho gas thabs rnam pa mang pos sems can thams cad bla na med pa'i byang chub la snying rjes bzhag par 'dod pas bde bar gshegs pa rnams des rjes su chags par bya'o zhes shes rab dang thabs shin tu goms pa'i so so'i rdul phra rab na gnas pa'i de bzhin gshegs pa thams cad kyi dkyil 'khor bde ba chen po'i mchod pas tshim par byed pa ni kun rdzob tu'o//don dam par ni gnyis su med pa'i de bzhin nyid kyi ro gcig pa nyid kyis chos thams cad kyi mtha' gsum ma dmigs pa'i phyir/ oM sarba ta thA ga ta a nu rA ga Na badzra swa b+hA wa At+ma kou0f85haM/ zhes pas rjes su chags pa la sogs pa'i tha dad p a'i rnam par rtog pa spangs pa nyid kyis/shes rab kyis kyang phyin ci ma log pa yin te/ der mi gnas pa'i mya ngan las 'das pa bla na med pa'i byang chub kyi lam yin pa'i phyir ma la sogs pa'i 'brel ba'i rnam par rtog pa brtags pa nyid kyis dngos po ji lta ba'i de kho na nyid la mi 'jug pas bla na med pa'i byang chub la gegs byed pas na spang bar bya ba'i phyir ro//gang rnam 'grel las/ dngos po'i ngo bo tha dad phyir/ /'brel pa rtogs pas byas pa yin/ /ji ltar yod gzhan rag lus pa/ /rdzas ni gzhan gyis 'brel par 'gyur/ /grub phyir gzhan la rag ma las/ /yin na'ang 'bras yin rang rgyu las//rtog pa yis ni 'brel byed pa/ /'bras bu ma yin cung zad med/ /ces so/ /'brel pa gzhan dbang nyid yin na/ /grub na ci phyir gzhan dbang yin/ /de phyir dngos po thams cad kyi/ /de nyid du na 'brel pa med/ /ces 'brel ba brtag pa las so/ / gzhan yang / ma la sogs pa nges med des/ /tshad ma yis ni ma grub phyir/ /nyer bstan pa yis 'grub ce na/ /ma yin de ni 'khrul pa'i phyir/ /phyi rol don dang sgra la ni/ /'brel pa ma grub pa yi phyir/ /nyes zad kyis bstan tshad zhe na/ /ma yin nyes zad rtogs dka'i phyir/ / dngos po rnams kyi rang bzhin dang / /'bras min smra ba po yi tshig /de las logs shig gyur pa yin/ /ma 'khrul pa ni yod ma yin/ /lung rnams dang ni dngos po yang / /med na mi 'byung cung zad med/ /rtogs pa po la ma grub pa/ /gang las de rnams don nges yin/ /skyes bu'i khyad par la ltos pa'i//mkhas pa ji lta'i don gzhan ni/ /gal te khyad par gyur pa yi/ /don shes gyur na 'dod pa yin/ /'di ni 'di ltar yin min dang / /nyes pa dang ni nyes med pa/ /rtogs par dka' phyir tshad ma min/ /rtogs dka' zhes sogs rnam 'grel las/ /sogs pas ni sring mo la sogs pa dang bza' bar bya ba ma yin pa yongs su bsdus so//ji ltar yang bskyed par bya ba dang skyed par byed pa'i tha snyad yin/ rab rib can gnyis zla ba gnyis kyi tha snyad 'dogs pa ltar 'khrul pa tsam nyid kyis phan tshun du yin no/ /'khor smyon pa rnams la rgyal po mi smyo ba bzhin du bcom ldan 'das kyis kyang 'jig rten pa'i ngo lhur mdzad pas don la gzhug pa'i don du glang po che'i gzigs stangs kyis de bzhin du bstan pa yin te nyes pa med do//de nyid kyi phyir gsungs pa/ 'jig rten ma sogs pa yang bsgrub yan lag /de yi phyir na the tshom mi bya'o//de 'dir rnam par smin pa sangs rgyas kyis/ /rnam pa kun du thams cad mkhyen pa yin/ /rang gis 'dir ni dbang gi cho ga yis/ /phyag rgya gtad pa'am yang na bla ma yis/ /rang gi phyag rgya de la byin pa de'i/ /bka' yis de yi dus su bu yis bsten/ /shes rab ye shes phyir byin rang dbang gyur//slob ma 'di yis rtag tu gzung bya yin/ /de nyid kyis ni de rnams 'grub pa yin/ /de ni yang dag sbyang bya 'bad de bsrung / /slob dpon la ni rag lus bu yis ni/ /bsgom par bya min rgyal bas bkag pa'i phyir/ /gang phyir grib ma grib yin bka' stsal grib//bla ma'i phyag rgya de yang 'gyur ba yin/ /gsum po rnams la goms pas skye 'gyur ba'i/ /'bras bu shin tu rno ba bzod dka' bshad/ /rang gzhan don 'dod rnams kyis 'bad pa yin/ /de ni yongs spangs rtag tu slob ma yis/ /ston pa sangs rgyas rnams kyi ston pa yin//bla ma 'di ni mnyam pa med pa yin/ /de ni dang po'i shes yin sangs rgyas nyid/ /gang 'dir rgyal ba ma lus pa rnams kyi/ /de yi phyir na ston pa gzhag par bya/ /de med sangs rgyas chos la sogs pa med/ /de tshe rnam bzhag der 'gyur ring po nas/ /gang tshe slob mas de ni yongs su spangs//gnyis su med pa rnam par rgyal ba las/ /rdo rje slob dpon rdo rje sems dpa' yi/ /bsten pa ma lus ji lta bu nyid ni/ /brjod pa bzhin du de dag bya ba yin/ /slob mas gnyug ma'i chung ma la sogs pa/ /'di la sbyin bya de yi de rnams min/ /dbang gi dus bor nges par sbyin mi bya//mkhas pas lus las shes par bya ba yin/ /bla ma'i phyag rgya rnams dang 'jug gyur pa/ /gal te de yin de tshe dman bdag nyid/ /de la ltos pa yin pas ston pa yi/ /'du shes kyang ni bor bar gyur pa nyid/ /de ni bud med bya byed de rnams ni//bla ma rnams la dad min gus pa min/ /gzhan pa'i bud med rnams kyang yod pa yin/ /ci'i phyir na 'di rnams kyis chog min/ /bla ma'i nor ni 'phrog par 'gyur ba'ang yin/ /bla ma'i phyag rgya la 'jug de rnams ni/ /de bzhin bla ma'i bsnyen bkur la sogs pa/ / spangs par yang ni thal bar 'gyur ba nyid/ /gal te thams cad bla mas bzod gyur pa/ /bskyod par nus min pa ni yin gyur na/ /ji lta'i skyes bu'i don ni mchog nyams par/ /mi 'gyur de bzhin du ni bya ba yin/ /sangs rgyas kyi yum tshig la sogs pa la/ /yang dag spyir btang yin par shes par bya//dmigs kyis bsal ba yang ni brten par gyis/ /'dir ni mkhas pa rnams kyis zhi bya'i ched/ /gzhan yang 'di 'dra'i cho ga nges grub pa/ /skye ba'i sa ni nye bar spang bya ste/ /khyim la sogs pa las ni nges 'byung ba/ /shin tu ring bar song ba mtshon ma yin//de ni nges par dpa' bo'i nyams 'di tsham tshom med/ /'di dag ngan bdag sems can yin par gsungs/ /sdig pa'i sngags nyid kyis ni nag po yi/ /brang 'gro skul bar byed pas nges pa yin/ /ci yin sangs rgyas khyab bdag mar gyur 'di/ /sangs rgyas dngos grub yang dag grub pa yin//ci ste btsun mo yin na de las grub pa'i phyir/ /ma ni med na de las 'grub ma yin/ /de la dang po'i las can gyis kyang ni/ /rang gir mos byas bsten na gos ma yin/ /dang po'i las can gyis kyang de'i rang bzhin/ /sten par byed pa ji ltar rnyed pa yin/ / yang na dang po'i las can gyis kyang ni/ /sangs rgyas mthu las thob par rang gi ni/ /bsams te de la 'jug pa 'grub pa yi/ /thob ste gos par mi 'gyur de rnams nyid/ /'on te de dag srid par gyur nas ni/ /de yang rnal 'byor pas bsten gos pa med/ /ngag ni 'khyal pa la sogs pa la yang //'di dag kyang ni dam tshig rtogs bya nyid/ /de nyid kyi phyir khyad par gsungs pa/ /sgrub pa po zhes te 'gro ba ma lus pa'i don byed pa po'o/ /pha rol tu phyin pa'i theg pa la sogs pa yang 'gyur ro zhe na/ theg pa mchog gi chos rnams la/ /zhes te/ theg pa chen po las/ mchog dpal gsang ba 'dus pa'i lam gyi mtshan nyid kyi chos rnams la gnas pa la'o/ /'di ni re zhig zhog la yum ni shes rab kyi pha rol tu phyin pa yin te/ shes rab kyi pha rol tu phyin pa yum zhes so/ /gang dang 'brel ba yin zhe na/ gsungs pa/ sangs rgyas khyab bdag ste/ bla ma rdo rje 'dzin pa chen po'i rang 'od kyi shes rab kyi ngo bo la bla ma'i man ngag gis shes rab ye shes kyi dbang gi dus nyid na/gnyis su med pa'i rnam pas bsten na 'dod chags la sogs pas mi gos so/ /grub par 'gyur ba yang de'i sangs rgyas nyid do/ /khyad par ji lta bu zhe na/ ma la sogs pa 'brel pa dang tha dad pa la sogs pa'i rnam par rtog pa spangs pa'o//de ltar na phyugs la sogs pa yang de ltar thob par 'gyur ro zhe na/ blo can zhes te ji lta bur gyur pa'i dngos po'i de kho na nyid kyi rnam pa'i shes rab dang ldan pa'o/ /khyad par 'di dag dang bral na 'dod pas log par g.yem par gzhag go//des na phan tshun lung dang 'gal ba med de yul tha dad pa'i phyir ro/ /'gal ba de yang gcig la dmigs pa'i phyir ro/ /de bzhin du gzhan bcom ldan 'das kyi ngag rnams la rtogs pa po'i nyes pas 'gal bar snang ba rnams la 'gal ba yongs su spang ngo / /de nas zhes pa la dbang po rtul po dge ba'i bshes gnyen ma yin pas yongs su zin pa dge ba'i rtsa ba yongs su ma smin pa yun ring por theg pa chen po la skur pa 'debs pa la sogs pa rnams rang gis skur pa 'debs pa'i ngag brjod par mi nus pa rnams 'chad par 'gyur ba'i skur pa 'debs pa'i sems yongs su shes pa'i rjes la'o//de nyid kyi phyir byang chub sems dpa' chen po rnams ji ltar skur pa 'debs pa'i ngag 'di yin zhes brgal ba dang lan skabs brgyud pa med pa nyid de/ gzhan gyi don nyid du chos zab mo rab tu rtogs par bya ba'i don dang / sgra ji bzhin pa'i rab tu rtogs pa dgag par bya ba'i don dang /sgra ji bzhin pa spyod pa ni sgrib pa yin no zhes 'phags pa byams pas gsungs pas so/ /de'i lan sbyin par bya ba la sogs pa'i don du yang de'i ngag dang rgyal ba la sogs pa bstan pa'i phyir te/ gang dang gang blo dman pa'i the tshom gyi gnas de spang bar bya'o zhes rigs pa las so//gang theg pa gzhan du ngan song gi rgyu yin pa de 'dir ma rig pa'i lhan cig byed pa dang bral bas sangs rgyas kyi rgyur yang dag pa'i ye shes la sogs pa lhan cig byed pa yin pa'i phyir ngo mtshar du gyur pa dang / thams cad mkhyen pa las gzhan gyis 'di sngar ma mthong ba'i phyir rmad du gyur pa'o//tshig ngan pa gsungs zhes pa ni blo gros dman pas rang gi tshig dang 'gal bar zhen pa'i phyir ro/ /de nas zhes pa ni gang kho bo cag gis brtsad pa'i rnam par rtog pa ma spangs pa'i phyir gnas pa nyid do zhes de rnams kyi rnam par rtog pa yongs su chod pa'i rjes la'o//nges par zhes pa ni gang de dag bcom ldan 'das kyis brjod pa de rigs pa'i ngo bo yin te/ des na 'di ltar brjod ma thag pa'i skur pa 'debs pa ma brjod cig /ci'i phyir mi rigs she na/ gsungs pa 'di zhes te mngon sum mo/ /gang rnams kyi zhe na/sangs rgyas rnams kyi ste thams cad mkhyen pa rnams kyi'o/ /ci'i phyir zhe na/ snying po ni chos kyi dbyings kyi ste de'i ye shes can gyi tshad mas grub pa'i phyir ro/ /de'i phyir na de rnams nyid kyi mngon sum mo/ /de zhes pa ni gzhan gyi lkog tu gyur pa'o/ /chos nyid ces pa ni gang ngan song gi rgyu ma rig pa'i lhan cig byed pa can/de nyid bla na med pa'i byang chub kyi lam thabs la mkhas pa'i lhan cig byed pa zhes te/ khyad par can gyi tshogs pa nges pa'i mtshan nyid rten cing 'brel par 'byung ba'i chos nyid do/ /gang gsungs pa mi mkhas pa/ /sdig pa chung ngu byas kyang 'og tu 'gro//mkhas pa sdig chen byas kyang don med spong / /lcags kyi gong bu chung yang 'og tu 'gro/ /de nyid snod du byas na steng du 'phyo bar 'gyur/ /dag pa ni rang bzhin gyis 'od gsal ba dang / /de lta bu'i 'bras bu thob par byed pa yang ngo / /ci ltar zhe na/ snying po yang yin la/ chos kyang yin te thog ma dang tha ma med pa'i chos kyi dbyings so//de nyid 'jig rten las 'das pa'i ye shes kyi don yin pa des na gnyis su med pa'i shes rab dang thabs kyi rnam pas bsgom par bya ba las byung ba'o/ /des na dag pa yin te de'i rgyu mthun pa'i phyir ro/ /gang gi phyir 'di byang chub kyi spyod pa ste/ gnas ni yon tan ma lus pa'i tshogs kyi rten du gyur pa'o//gang gsungs pa/ thabs chen rnams dang ldan pa la/ /nyon mongs byang chub yan lag 'gyur/ /'khor ba zhi ba'i bdag nyid de/ /de phyir de bzhin gshegs bsam yas/ de nas zhes te gal te theg pa chen po la skur pa 'debs pa yang mthong ba'i chos la mi 'dod pa'i 'bras bu ster bar byed pa yin la de'i tshe de la skur pa btab na yang ji ltar 'jigs pa la sogs pa tsam yang mi skye zhes gdul dka' ba'i gdul bya'i dgos pa rtogs pa'i rjes la'o//'jigs pa dang skrag pa dang brgyal bar gyur pa ni chung ngu dang 'bring dang chen po'i 'jigs pa bstan pa'i don du yin te/de yang byang chub sems dpa' chen po yang theg pa chen po la skur pa btab pas mthong ba'i chos la yang mi 'dod pa'i 'bras bu thob par byed de/ gzhan rnams la shin tu yang yin pas 'di la rmi lam na yang skur pa 'debs pa de dgag par bya ba'i don du'o/ /'di nas zhes pa ni gal te de bzhin gshegs pa thams cad la snying rje yod na de'i tshe cis de blang bar bya ba'i don du 'bad par mi byed ces de ltar rtog pa'i rjes la'o//brgyal bar gyur pa gzigs nas zhes pa ni snying rje sad pa'i rgyu gsungs pa'o/ /de nas zhes pa ni bcom ldan 'das rang rig pa'i mngon sum gyis rtogs par bya ba nyid kyis chos kyi mi rtog pa nyid kyi zab mo bstan par bya ba'i don du cang mi gsung bar gyur pas gnas te/gal te bcom ldan 'das theg pa chen po ston par byed pa de rtogs pas ting nge 'dzin gyi mthu yod na ji ltar na de nyid kyis slong bar mi byed ces dpyod pa'i rjes la'o/ /nam mkha' dang mnyam pa gnyis su med pa shes rab dang thabs kyi bdag nyid rdo rje gang yin pa'i ting nge 'dzin la yang de skad ces bya'o//'od ni zla ba zhu ba ste nyi ma dang zla ba'i 'od zer gyis so/ /de ma thag pa dang tsam zhes smos pas bar ma chod pa dang 'bad pa med par gsungs pa yin no/ /sems can gyi don mthong bas dgyes te rangs pa'i bzhad pa'o//chos thob pa'i mthu gsal bar byed pa'i gsung bsgrags so/ /chos zhes pa ni lung ngo / /yang chos ni rtogs pa'i dkyil 'khor ba'i ngo bo ste dge 'dun no/ /chos kyi don de brjod par bya ba'i lam ting nge 'dzin gsum la sogs pa'i mtshan nyid do//de las byung ba ni gang gi dkyil 'khor ba'i bdag po yin la 'di ni sangs rgyas yin te dkon mchog gsum la phyag 'tshal ba'o/ /chos rnams kyi dag pa ni tshad mas grub pa'o/ /don ni rang bzhin gyis dag pa'i chos nyid kyi ye shes so/ /de'i ngo bo ni bdag med pa ste dngos po med pa'o//de nyid rdo rje dbyer med pa'i shes rab bo/ /des thams cad zil gyis mnan pas na rgyal po ste mi bskyod pa'o/ /sku dang gsung dang thugs yang dag pas na nyon mongs pa dang shes bya'i sgrib pa bag chags dang bcas pa dang bral bas dag pa'o/ /de nyid kyi phyir nam mkha' dang mnyam pa yin te/de bzhin nyid la de nyid gang gi gnas yin pa de la de skad ces bya'o/ /de nyid kyi phyir dus thams cad du de bzhin du gyur pa mi 'gyur ba'o/ /gzung ba dang 'dzin par snang ba dang bral bas snang ba med pa'o/ /rdo rje'i sku ni rnam par snang mdzad do/ /'das pa dang ma 'ongs pa dang da ltar byung ba gsum gyi lam der byung ba ni de bzhin gshegs pa'o//de rnams kyi thugs ni rdo rje 'dzin pa chen po'o/ /de nyid dbyings su gyur pa ste/ de bzhin gshegs pa thams cad byang chub kyi sems nyid las skye'o/ /thog ma dang tha ma med pa'i chos kyi dbyings kyi ngo bos kun du son pas nam mkha' chen po'o//de bzhin du lam yang de nyid yin te de skad ces bya'o/ /nam mkha' ni mnyam pa nyid kyi ye shes yin te de'i bdag nyid sku las byung ba ni rin chen tog go/ /brjod bya rjod byed dang bral ba nam mkha' dang mnyam pa'o/ /gsung ni gsung rab yan lag bcu gnyis kyi bdag nyid do//skyes bu mchog gi don rab tu byed pas ston par byed pa yin te 'od dpag tu med pa'o/ /nam mkha' dang 'dra ba'i thugs te rang bzhin gyis 'od gsal ba'i rnam par thar pa'i sgo'i ngo bo gang gis yin pa'o/ /chos ni stobs la sogs pas te gang mchog yin pa de la de skad ces bya'o//'gro ba mtha' dag gi don bya ba nan tan gyis 'grub par gyur pa'i spyod pa'o/ /gnas ni rten te don yod grub pa'o/ /'di ni dkon mchog gsum po de bzhin gshegs pa drug gi ngo bo la phyag 'tshal ba bzhis shin tu brjod pa'i phyir lan gnyis su brjod pas tshad ma bzhi ston pas yang dag pa'i yon tan mngon par gsal ba'i sgo nas ston pa pos bstod pa yin no//'jig rten pa dang 'jig rten las 'das pa thams cad kyi dngos grub bsgrub pa'i spyod pa rnam pa thams cad yongs su dag par byed pa'i thabs kyi rnam pa la 'jug pa brjod ma thag pa yin no//de ni brjod pa thams cad de gtso bo yin pa'i phyir mchog go/ /dpal gsang ba 'dus pa'i rgyan las le'u lnga pa'o// //de nas zhes pa ni/ rdo rje 'dzin thugs dpal dang ldan/ /zhes pa la sogs pas thugs byin gyis brlab pa byas pa la thugs rdo rje dang de bzhin gshegs pa dang rnal 'byor pa rnams tha dad do zhes blo gros dman pa'i rnam par rtog pa yongs su chod pa'i rjes la'o//'dis ni 'chad par 'gyur ba'i sgra gnyis kyi yang don bshad pa yin no/ /sku la sogs pa'i gsang ba rnams ni 'dir sku la sogs pa'i rdo rje rnams yin te/de rnams nyid rdo rje gang gi yin pa de la de skad ces bya'o/ /de ltar yang 'dir ni thugs gtso bo yin no/ /thugs ni thugs rdo rje ste byin gyis brlab par byed pas tha dad pa'i sgro 'dogs par byed pa bsal nas gang gis de bstan par byed pa de gsungs pa'o/ /oM yig gi don ni bshad zin to//de bzhin gshegs pa thams cad dang thugs rdo rje rnams kyang ste/ de rnams kyi rang bzhin nyid thams cad chos kyi dbyings kyi rang bzhin gyis bdag nyid kyi rang bzhin rnal 'byor pa bdag gi yin pa de la a haM zhes bya'o/ /de bzhin du gzhan la yang ngo / / bral ba ni 'dod chags la sogs pa'i dri ma'i rdul rnams te gang sku rdo rje las so/ /de nyid me long lta bu'i ye shes kyi rang bzhin gyis chos ma lus pa'i gzugs brnyan bskyed pa rang dang gzhan gyi don phun sum tshogs pa'i rten yin pa'i phyir gnas so/ /de nyid rdo rje ste gang du de yin pa de ni de bzhin no//sku ni sku rdo rje'o/ /de bzhin gshegs pa thams cad kyi mnyam pa nyid ni de bzhin nyid de/ de'i bdag nyid kyis gnyis su med pa'o/ /gsung ni 'dir gsung rdo rje'o/ /rdo rje gsum ni 'dir thugs dang sku dang gsung rdo rje'o/ /chos kyi sku la sogs pa'i rang bzhin gyi gsang ba'o//phun sum tshogs pa thams cad kyi rten yin pas gnas so/ /snying ga dang mgo bo dang lkog ma rnams su zla ba la gnas pa'i rdo rje dang 'khor lo dang pad+ma'i bdag nyid ni gnas yin te/ 'di'i rten gyi gnas la de kho na nyid gsum sa bon gyi gzugs kyis rnam par bsgom pa de la de skad ces bya'o//tha dad pa'i sgro 'dogs pa bsal bas bsgrubs te brtan par byas nas brjod ma thag pa'i sngags gsum po 'di rnams kyis so/ /'jig rten dang 'jig rten las 'das pa'i sngags thams cad las mchog tu gyur pa'i 'bras bu thob par byed pa'i phyir mchog rab bo//bco brgyad pa las/ dbang po dang ni yul rnams kyi/ /rkyen gyis gang dang gang 'byung yid/ /yid de man zhes bya bar bshad/ /tra ni skyob par byed pas so/ /zhes sngags kyi mtshan nyid kyis mtshon pa dang ldan pa'o/ /de nas zhes pa ni kun rdzob tu/ de yis bde gshegs rjes su mnyes par bya/zhes te/ shes rab dang thabs kyi so so'i rdul phra rab la gnas pa de bzhin gshegs pa thams cad kyi dkyil 'khor bde ba chen po'i rjes su chags par zhugs pa la rnal 'byor pa dang de bzhin gshegs pa thams cad dang rjes su chags pa don dam par tha dad pa nyid do zhes mi shes pa'i skye bo'i the tshom yongs su chod pa'i rjes la'o//de bzhin gshegs pa thams cad kyang yin te de rnams yin no/ /rjes su chags pa yang yin la de nyid rdo rje ste de'i rang bzhin gyi bdag nyid nga yin te tha dad pa med pa'i phyir ro/ /de nas zhes te kun rdzob tu gzugs rdo rje la sogs pa mchod pa byed pa'i dngos po yin pas mchod par bya ba dang /mchod pa dang mchod pa po tha dad par sgro 'dogs pa yongs su shes pa'i rjes la'o/ /don yod pa ni 'bras bu med pa ma yin pa ste 'gro ba ma lus pa'i bya ba la nan tan gyis grub pa ni rdzogs pa gang yin pa de nyid rdo rje'o//de bzhin gshegs pa thams cad kyang yin la de rnams mchod pa yang yin la de nyid rdo rje ste/ de'i rang bzhin gyi bdag nyid nga yin te/ rnal 'byor pa yin la chos thams cad kyi chos kyi dbyings kyi ngo bo yin pa'i phyir ro/ /'dod pa'i yon tan lnga zhes pa ni 'dod pa ni gzugs la sogs pa yin la de nyid gzugs rdo rje la sogs pa'i rnam par sbyong zhing goms par byed de bla na med pa'i byang chub don du gnyer ba rnams kyis yon tan des cho ga bzhin du bdun pa las bshad pa'i cho gas so//rtag tu las dang po pa la sogs pa'i gnas skabs thams cad du'o//mchod pa rnam pa lnga rnams kyis kyang mchod pa na rnal 'byor pas myur zhing mgyogs par sangs rgyas nyid do thams cad mkhyen pa thob par 'gyur ro/ /de nas zhes te thugs rdo rje la sogs pas byin gyis brlabs pa na de rnams kyi mtshan nyid dang sngags kyang gang yin zhes gdul bya'i the tshom yongs su chod pa'i rjes la'o//sngags rnams ni shes rab dang snying rje'i bdag nyid thugs rdo rje la sogs pa dngos po yin la de'i sa bon ni btags pa las yin te/ de rnams kyi gsang ba ni thams cad mkhyen pa ma yin pa'i spyod yul ma yin pa'i rang bzhin no//sngags rnams la dmigs pa ni gnyis su med pa'i ngo bo la sogs pas ji ltar rnam par mi g.yeng bar 'gyur ba yin te/ de ltar sngags pa lus dang ngag dang yid kyang byin gyis rlob par 'gyur ro/ /dngos grub bsgrub par bya ba ni 'jig rten dang 'jig rten las 'das pa'i dngos grub rnams las phul du byung bas rab ste gang las shes rab dang thabs kyi bdag nyid dri ma med pa'i bde ba chen po nyid kyis yid dga' ba'i phyir dang mgu ba ni 'tshe ba med pa yang dag pa'i don gyi rang bzhin yin pas 'dod pa'o//gang las thugs rje la sogs pa rnams kyis byin gyis brlabs pa nyid sngags pas dngos grub bsgrub par bya ste/de nas rdzogs par bya zhing mngon sum du bya'o/ /thugs rdo rje la sogs pa gsum po rnams yang dag par sbyor te shes rab dang thabs snyoms par 'jug pa'i mtshan nyid do/ /khyad par ci lta bu zhe na/sems de la dmigs pa yang yin te bdag med pa'o/ /lus dang ngag dag la de dmigs pa yang yin la sna tshogs pa bdag med pa'i rnam pas bsgom pa yang gang la yin pa de bzhin no/ /ci ltar zhe na/ gang la lus dang ngag dang yid la dmigs pas don dam par rang bzhin mi dmigs so//des na nam mkha' bzhin du mnyam pa ste/ chos thams cad kyi de bzhin nyid gnyis su med pa'i rang rig pa'i ngo bo dus thams cad du de ltar yod pa'i phyir ro/ /de ni gang gi gnas yin te des na byang chub las ma gtogs par yang bsgom pa yod pa ma yin te/gang 'phags pa 'jam dpal gyi sangs rgyas kyi zhing gi yon tan bkod pa'i rgyan las 'jam dpal nyid byang chub yin la byang chub kyang 'jam dpal nyid do zhes so/ /sngags kyi bdag nyid kyi lus te phul du byung ba'i rnal 'byor gang yin pa des na rnal 'byor pas mi dmigs so/ /rnam par dpyad pa ni nges par bya ste 'di sngar brjod ma thag pa'o//mdor na ste mdor bsdus pas so/ /sku rdo rje la sogs pa'i mtshan nyid nam mkha' lta bu'i ngo bo ste de gsungs pa na nam mkha' lta bu'i ngo bo rdo rje gsum mtshon par bya'o/ /bsgom par bya ba ni bla ma'i man ngag gi cho gas so/ /yang dag pa'i sbyor ba ni shes rab dang thabs kyi ting nge 'dzin la snyoms par 'jug pa'i mtshan nyid do//de nyid ting nge 'dzin du bya ba ste/ 'dir yon tan gyi tshogs yin la ting nge 'dzin la sngags kyi sgo nas der brtags pa'o/ /des na zhes pa ni rin chen kha dog sna lnga pa bsgom par bya zhes brjod pa de la ci bsgom par bya zhes gdul bya'i dogs pa nges pa'i rjes la'o//slar yang don gzhan la brten nas don de nyid ni bzlas pa yin zhes pa'i tshul gyis zlos pa ma yin no/ /rgyu lnga dang ni rig pa lnga/ /rdo rje zhes ni bshad pa yin/ /zhes pas rnam par byang ba'i phung po lnga dang me long lta bu'i ye shes la sogs pa rnams kyang de'i bdag nyid kyis de ston par byed pa yang yin te/rtse mo lnga gnyis kyi rdo rje phyag gis 'dzin par byed pas na rdo rje 'dzin pa'o/ /mthar thug pa'i pha rol tu phyin pa'i bdag nyid bsod nams dang ye shes kyi tshogs kyi ngo bo phun sum tshogs pa dang ldan pas dpal ldan yin te/gzhan gyi phun sum tshogs pa ni nyams pa'i ngo bo yin pa'i phyir ro/ /de bzhin gshegs pa kun gyis mchod pa ni mchod pa'o/ /ci'i phyir zhe na/ gang gi phyir dngos po thams cad kyi de nyid mkhyen pas na kun mkhyen pa ste de nyid kyi phyir pha rol tu phyin pa la sogs pa'i sangs rgyas rnams las mchog ste gtso bo'o//de nyid kyis bka' stsal te/ gzhan bdud la sogs pas ni ma yin la mngon sum dang rjes su dpag pa dang lung gis mi gnod pa 'di rnams ni ston par byed par nus pa ma yin te/ de rnams kyang thams cad mkhyen pa yin par thal bar 'gyur ba'i phyir ro//bsgom par bya ba zhes pa ni bsgom pa de nyid de 'bras bu mchog ster bar byed pa'i phyir bla na med pa'o/ /nam mkha'i dbyings kyi dbus gnas pa ni chos 'byung gi nang gi gzhal yas khang gi dbus su sna tshogs pad+ma la gnas pa'o//sangs rgyas ni rdo rje 'dzin pa chen po'i gzugs te/ sangs rgyas rdo rje 'dzin par brjod/ /ces pas so/ /de yungs kar gyi tshad kha dog lnga pa'i byang chub kyi sems rin po che'o/ /de'i nang du song ba'i 'gro ba dang mi 'gro ba ni brtan pa dang g.yo ba'i dngos po thams cad kyi bdag nyid chos kyi dbyings kyi ngo bo rten dang brten pa'i dkyil 'khor ro//ye shes kyi gnas yin te ye shes lnga la sogs pa'i bdag nyid kyi bcom ldan 'das mngon sum du byed pa'i rgyu mtshan no/ /de'i ngo bo kha dog la sogs pa'i rnam par byin gyis brlabs pa ni ye shes kyis brtags pa'o//sangs rgyas kyi sku ni rdo rje sems dpa' ste bsgoms pa na de bsgom pa sngon du song bas lha thams cad yongs su rdzogs pa'i phyir ro/ /nyi ma'i dkyil 'khor bsgom par bya ste de'i steng du gnas te mi bskyod pa grub pa'i rgyur yang zla ba zhu ba de yongs su gyur pa las hUM yig go//'khor lo dang rin po che dang pad+ma'i dkyil 'khor rnams ni gsum par bshad do/ /rang 'od kyi shes rab spyan gyi rnam par yang dag par sbyor ba gang yin pa de ni rnam par snang mdzad kyi ste rnam pa zhes pa'i stobs kyis spyan ma nyid ni ma yin no//rdo rje ni rtse lnga pa ste hUM yig las grub pa'i rang gi rdo rje'o/ /shes rab kyi pad+ma a las byung ba'i sna tshogs ze'u 'bru hUM yig las sprul pa'i 'dab ma brgyad pa la bsgom par bya zhes pa ni thams cad du blta bar bya'o/ /dang po yang ni 'di yin te rang gi lha grub pa'i phyir ro//sbyor bar byed pas na sbyor ba ste rang gi sa bon las skyes pa'i phyag mtshan yin la rin po che'i dkyil 'khor gyi steng du bsgom par bya'o/ /'dod chags rdo rje ni 'od dpag tu med pa'o/ /'od zer dang ldan pa ni nyi ma'i dkyil 'khor te de bsgoms nas der don yod grub pa bsgom par bya'o zhes kha bskang ngo //sangs rgyas gnas ni zhi ba spro/ /'khor ni zhes te dkyil 'khor ba'i ngo bo'o/ /'di bzhin du thams cad du yang blta bar bya'o/ /da ni phra mo'i rnal 'byor gyi phyag mtshan gyi tshad nges pa gsungs pa/ ut+pal sngon po mdog 'dra ba//nas tsam ni mi bskyod pa la sogs pa'i rnal 'byor pa'o/ /tsa na ka'i 'bru tshad ni pad+ma dmar po 'dab ma brgyad pa ste 'od dpag tu med pa la sogs pa'i bsam gtan pa'i'o/ /'khor lo rtsibs brgyad pa tsa na ka'i 'bras bu'i tshad tsam ni rnam par snang mdzad la sogs pa'i bsgom pa'o//phyogs 'dis phyag mtshan gzhan la yang ci rigs par bsgom par bya'o zhes gsungs pa 'khor lo la sogs zhes pa la sogs pa'o/ /'grub pa ni byang chub mngon sum du gyur pa'o/ /gnas ni rten te phra mo'i rnal 'byor ro/ /mchog tu dga' ba'i rang bzhin yin pa'i phyir nyams dga' ba'o//de skad du yang gsungs pa/ deng nas bzung ste gang cung zad/ /bsgom bya legs par mnyam gzhag pas/ /ting 'dzin ye shes kyis brtags pas/ /de dag thams cad brtan par 'gyur/ /zhes so/ /cis she na gang gi phyir thun mong dang cig shos kyi dngos grub rnams dang stobs bcu la sogs pa'i yon tan rnams kyi gnas yin no//der zhes pa na brtan pa'i rtags mthong na'o/ /byang chub la gnas pa'i rang 'od kyi shes rab dang ldan pa'o/ /chos ni stobs la sogs pa'i gnas te de dang de ni sngags kyis byin gyis brlabs pa yin te/mtshan ma sna tshogs pa dang sku dang gsung dang thugs kyis mtshon pa'i mtshan nyid dang ldan pa'o/ /de nas zhes pa ni mtshan ma thob pa'i sngags pas dus ci tsam gyis ci bya bas ji lta bu'i dngos grub ces gdul bya'i rnam par rtog pa yongs su chod pa'i rjes la'o//gsang ba'i de nyid ni mchod pa chen po rig pa'i brtul zhugs la brjod pa rig ma 'dod pa'i yon tan lnga spyod pas yang dag par mchod de/ yang gi sgras bde bar gshegs pa rnams dang rang dang gzhan gyi lha'i rnam pa rnams la gzugs la sogs pa 'dod pa'i yon tan lnga dang ldan pas so//brtson 'grus lnga dang bdud rtsi rnams rgyud phyi ma las bshad pa'i cho gas bza' ste bza' bar bya ba ma yin pa nyid/ tshad mas ma grub pas de rnam par rtog pas brtags pa'i phyir dngos po ji lta ba bzhin ma yin pa'i de kho na nyid la zhugs pa bla na med pa'i byang chub kyi bdag nyid kyis spang bar bya ba yin pa'i phyir ro//rnyed sla ba kha na ma tho ba med pa btsal ba'i sdug bsngal dang bral ba bsam gyis mi khyab pa'i nus pa dang ldan pa nyid kyi phyir bla na med pa yang dag par rdzogs pa'i byang chub thob par byed pa'i phyir ro/ /dngos po dang mtha' dag gi de kho na nyid thos pa las byung ba la sogs pa'i shes rab dang ldan pas mtshan ma thob nas zla ba drug tu bsgom par bya'o//de nyid bsgoms pas dngos grub kyi 'bras bu 'gro ba ma lus pa'i bya ba nan tan gyis 'grub par 'gyur ro/ /bla na med pa'i de kho na nyid byang chub kyi bdag nyid kyi thugs sgrib pa thams cad kyi dri ma dang bral ba'o//bsam gyis mi khyab pa'i nus pa'i dam tshig rjes su bsgrubs pa'i bka' yongs su skyong bas tshogs pa phun sum tshogs pa dga' ba'i byang chub myur du thob par 'gyur ro/ /rang gi lha'i dkyil 'khor gyi go 'phang gis 'gro ba ma lus pa'i lam gyis bya ba byas pa'o//sku rdo rje la sogs pa mngon sum du byas pas gnas gyur pa'i 'jig rten pa'i lus la sogs pa shin tu mnan te de las 'da' ba'o/ /dpal gsang ba 'dus pa'i rgyan las le'u drug pa'o// //de nas zhes pa ni theg pa gzhan las bcom ldan 'das kyis 'dod pa bsten pa ni byang chub kyi bgegs su gsungs nas de 'dir yang ci de ltar yin nam zhes gdul bya'i dpyod pa rtogs pa'i rjes la'o//chen po yang chos kyi dbyings kyi rang bzhin gyis thams cad du son pa'i phyir ro/ /dam tshig kyang 'da' bar bya ba ma yin pa'i phyir ro//rdul phra rab so so'i nang du chud pa'i dkyil 'khor gyi rang bzhin rdo rje 'dzin pa chen po ste de ni de kho na nyid yin la zag pa med pa'i bde ba chen po rigs lnga yin te/ de nyid rigs lngar brjod pa ste/ /zhes rgyud phyi ma las so/ /kun du bzang po'i ngo bo yang yin te/ dga' ba kun du bzang po yang yin/dam tshig de nyid ces brjod pa'i phyir de bsgom par bya ba nyid sngags kyi spyod pa'o/ /bsten pa ni byang chub mchog gi rgyu yin pa'i phyir ro/ /'dod pa'i longs spyod thams cad ni gzugs la sogs pa ste gzugs rdo rje la sogs pa'i rnam par ro/ /'dod pa kun zhes shes bya ste/rdo rje bdag po de bzhin no/ /gzugs kyi rdo rje la sogs drug /rdo rje bdag po zhes bshad do/ /zhes rgyud phyi ma las so/ /de rnams yongs su longs spyod par 'dod pa las mi 'da' bar bsten pa 'dis sngar bshad pa'i rnal 'byor gyis snying rje dang shes rab kyi bdag nyid shes rab dang snyoms par 'jug pa'i mtshan nyid kyis myur du sangs rgyas nyid 'thob par 'gyur ro//'dod pa kun la longs spyod pa'i/ /rnal 'byor ldan pa bde bar 'gyur/ /bde ba mnyam par 'jog gyur te/ /'dis ni yang dag don rig 'gyur/ /bde ba'i sems ni mnyam par 'jog par 'gyur la mnyam par gzhag pas yang dag pa'i don ji lta ba bzhin shes par 'gyur zhes lung las so//gang las de ltar yin pa des na rang gi bdag po'i rnal 'byor gyis bdag dang gzhan la mchod par bya'o/ /rang gi sgras ni de bzhin gshegs pa thams cad kyang ngo //rjes su 'gro ba bstan nas ldog pa gsungs pa sdug bsngal ni rang gi mgo gcod pa la sogs pa'o/ /nges pa ni lo ma za ba dang zla ba gcig tu smyung ba la sogs pa'o/ /dka' ba ni me lnga bsten pa la sogs pa'o/ /slong mo za ba'i tshul gyis bzlas pa mi bya'o/ /slong mos rnyed pa'i bza' ba la yang chags par mi bya'o//ma nyams pa ni ma tshang ba med pa'o/ /yan lag ni lhan cig bya'o/ /'dod pa'i longs spyod ni gzugs la sogs pa ste/ sngags gang gis yin pa de bzlas par bya'o/ /cis she na/ gang las sku dang gsung dang thugs bde bar gnas pas byang chub thob par 'gyur te yang dag par rnyed do//gzhan du zhes pa ni lhan cig byed pa'i rgyu rkyen dang bral bas mi 'grub ste bcom ldan 'das thugs rje chen po'i bka' las 'das pa'i phyir dang smod pa'i yang phyir ro/ /dus ma yin pa ni tshe ma zad par nges pa ma yin pa'i myong ba'i tshe 'jig par 'gyur ba'i las so//'chi ba ni mthong ba'i chos kyi sdug bsngal lo/ /dmyal bar sreg pa ni ma mthong ba la'o/ /nges par ni brtan par te las rnams myong bar 'gyur ba'i phyir ro/ /de nyid kyi phyir dpal mchog dang po las/ dka' thub nges pa rnon po yis/ /lus ni skams nas sdug bsngal te//sdug bsngal las ni sems g.yengs te/ /g.yengs pas dngos grub gzhan du 'gyur/ /des na 'bad pa kun gyis ni/ /sngags dang phyag rgya rjes grub byed/ /dka' thub nges min bde ba dang / /dga' bas kyang ni bsgrub par bya/ /snga ma rnams kyi'ang lam 'di yin/ / zhes gsungs pa/ sangs rgyas zhes pa ni stobs la sogs pa'i chos dang ldan pa'o/ /mi 'gyur ba ni thog ma dang tha ma med pa'i chos kyi dbyings kyi ngo bo yin pa'i phyir dang thabs dang shes rab kyi bdag nyid dri ma med pa'i bde ba chen po'i rnam pa ye shes kyi bdag nyid mi gnas pa'i mya ngan las 'das pa ni mi 'gyur ba'o//de nyid kyi phyir na mchog go/ /gang gi phyir de lta yin pa des na bsten pa ni 'dod pa'i yon tan lnga'o/ /rtag tu brjod ma thag pa'i ye shes don du gnyer ba'i 'dod chags can rnams kyi snying rje chen po'i chags pas sems can ma lus pa rnams la bde bar gshegs pa rnams kyi chags pa'o//bsten par bya ba ni byang chub sems dpa' rnams mig la sogs pa'i rang bzhin sa'i snying po la sogs pa rnams so/ /chags par bya ba ni byang chub nyi ma rnams te/ 'od zer can de bzhin gshegs pa rnams gzugs la sogs pa'i phung po rnam par dag pa'i rang bzhin rnams so//ston mo sogs la ji ltar zhugs/ /de ltar bdag 'dzin med na yang / /gzugs la sogs pa mi 'gal te/ /rang gzhan don la blo gsal ldan/ /sa la sogs pa med na yang / /ji ltar dang po bsgom pa yin/ / gzhan gyi don sogs la gtad de/ /gzugs sogs bsgom pa de bzhin no/ /gzugs la sogs pa'i dgos pa yang / /bsgom pa'i bde ba chen po ste/ /mi bden brtags pa dang bral yin/ /de nyid gzhan du nges ma yin/ /gzugs snang ba yi myong can ni/ /med na myong ba ma yin te/rgya chen rgyun bde 'jig rten pa'i/ /byis pa rnams kyang 'dod pa yin/ /rgya chen rgyun bde'i rnam pa yi/ /gzhan gyi don bdag nus pa la/ /ji ltar 'dod chags sogs ma skyes/ /de ltar sngar ni nges par byas/ /gang gsungs pa/ gzugs la sogs pa nye bar mkho ba'i bde//myong ba bdag nyid du ni rab bsgrubs 'di/ /kun du son par de ni grub yin rang / /nga ru 'dzin pa'i gnas brten byang chub kyi/ /de ni nye bar mkho dang bral ba yin/ /de yis thob min legs pa'i sten pa de/ /nye bar mkho ba la ni chung yang 'dir/ /de ni 'phel bar yang dag skye mi 'gyur//gzugs la sogs pa'i don ni bsags pa 'di/ /de yis rab tu 'bad par bya ba ste/ /'dir ni yod na 'byung bar 'gyur ba yin/ /mchog dga'i bde ba yang dag mthong bar 'gyur/ /'khor ba srid kyi 'gro ba gsum po la/ /khyab pa'i rgyal po thob par 'gyur ba yin//de ni myong min bsal ba ma yin pa/ /rtog min bya ba ma yin dang bral ba/ /grol ba ltar snang yod pas thams cad ni/ /rnam par dag pa yang ni lhag bcas mchog /de nyid phyir na nges par byang chub rgyu/ /gzhan spangs nyid ni nges par bstan par 'dod/ /bcom ldan 'das kyi de nyid nges gsungs pa//nges pa nyid ni sku la sogs pa yin/ /ji ltar myur du bla na med pa'i byang chub thob par byed pa'i gzugs la sogs pa ston par 'dod pas gsungs pa/ gzugs rnam pa gsum stong pa nyid dang mtshan ma med pa dang / smon pa med pa ste rnam par thar pa'i sgo'i dbye bas shes par bya'o zhes brjod pa ni kha cig go//dman pa dang bar ma dang mchog gi dbye bas rnal 'byor pa rnams dman pa la yang yid mi bde bar mi 'gyur ba dang / yid du 'ong ba dang yid du mi 'ong ba'i gzugs rnams la 'gal ba dang mi 'gal ba spang ba'o/ /de ci'i phyir zhe na/ 'di ltar yang rang gi mtshan nyid dang gzhan gyi chos thams cad shes par byed do zhes rgyal ba'i yum las gsungs so zhes gzhan dag go/ /sna tshogs pa ni chos kyi dbyings kyi rang bzhin gyi phyir rdul phra rab ma lus pa'i 'dus pa'i dkyil 'khor tshogs pa'o/ /gang gsungs pa langs nas dag pa'i sems la zhes pa la sogs pa nas phyin ci log gi rtog pa dang bral ba'o zhes so//phra mo'i rnal 'byor la sogs pa la mtshan ma thob pas rjes su dran pa bcu drug gsungs pa/ sangs rgyas rjes su dran pa sbyor/ /zhes pa nas ji srid du/ dam tshig rjes su dran pa sbyor/ /bsgoms nas byang chub thob par 'gyur//zhes pa ni mdor bstan pa'o/ /de la sangs rgyas zhes pa la sogs pa ni rgyas par bstan pa'o/ /dben pa zhes bya ba ni rigs mi mthun pa'i skye bo spangs pa'o/ /mchod pa ni snyoms par 'jug pa'o/ /byin gyis rlabs kyis gnas gsum ni/ /zhes pa ni ji lta ba bzhin du mig la sogs pa'i dgang ba dang yi ge hUM la sogs pas byin gyis brlabs pa sngon du 'gro ba'i thugs rdo rje la sogs pa byin gyis brlabs pa dang /AH yig byas pa'i ze 'bru dang oM yig gis sprul pa'i pad+ma 'dab ma brgyad pa bsgom par bya'o/ /rang gi rtags la yang hUM gis sprul pa'i pad+ma rA ga'i kha dog gi rtse mo lnga pa'i rdo rje'i rnam pa'o zhes kha cig go//rang gi lha'i kha dog rdo rje rtse gcig pa'i rnam pa'o zhes gzhan dag go/ /byang chub kyi sems brtan par bya ba'i don du gzhug pa la yi ge phaT do/ /oM gyis byin gyis brlabs pa ni nor bu'o/ /phyogs bcur 'gro ba'i don byed pa la 'jug pa de bzhin gshegs pa lnga'i rnam pa'i 'od zer gyis khyab pa'i rdo rje dang pad+ma'o//dge ba'i 'bru 'phel ba dang gti mug gi mun pa sel bar byed pa dang chos mthun pas zla ba'i 'od zer bzhin du yang dag par 'bar ba'o/ /'di nyid kyi phyir yid du 'ong ba'i rig ma de bsgom par bya'o//sangs rgyas ni rnam par snang mdzad do/ /rdo rje chos ni 'od dpag med do/ /rdo rje nges 'byed shes rab ste/ /sems dpa' 'dir ni rig byar brjod/ /ces te rdo rje sems dpa' 'dir brjod pa ni mi bskyod pa'o/ /rigs ni rigs lnga'i lha rnams so//khro bo ni gshin rje gshed la sogs pa'o/ /spro zhes pa ni phyogs bcu rnams su sems can gyi don byas te slar bsdu'o/ /spro ba dang bsdu ba dang thim zhing brtan par bsgom pa ni nges par bya ba yin pa'i phyir ro/ /dam tshig ni gzhan gang yang rung ba cig dkyil 'khor gyi bdag po'o//rdo rje sems dpa' zhes pa la/ 'ang gi sgras ni gzhan yang ngo / /dkyil 'khor rnam pa zhes ni dkyil 'khor bsgrub pa'i dus so zhes kha cig go/ /rtag tu mnyam gzhag rnal 'byor pa yis yid/ /'khor lo bris pa'i 'khor lo yang mi bya/ /rang gi byang chub sems las skyes pa dang / / mchod pa la sogs pa yi cho ga yang / /zhes gzhan dag ste de ltar yang gsungs pa/ ye shes dbang thob kyis byas te/ /sems nyid kyis ni 'khor lo gsum/ /byin rlabs kyis ni 'khor lo ste/ /gang phyir rang dang gzhan la snang / /'dir ni 'jug ste gang snang ba/ /rmi lam gsal ba bzhin du 'dod//gang phyir sems kyi tshul bstan pas/ /de ni mchog tu shes par bya/ /rnam par snang mdzad dang rin chen 'byung ldan dang / snang ba mtha' yas dang / don yod grub pa dang mi bskyod pa'i rang bzhin gzugs dang tshor ba dang 'du shes dang 'du byed dang rnam par shes pa'i phung po rnams kyis de bzhin gshegs pa re re yongs su gang ba ni grub pa yin te/sku gang 'dra ba ci 'dra ba nyid du bdag kyang gyur cig ces smon lam btab nas bsgom pa ni sku rjes su dran pa'i bsgom pa'o/ /gang de bzhin du chos dang don dang nges tshig dang spobs pa so so yang dag par rig pa'i rang bzhin bcom ldan 'das rdo rje chos kyi ye shes te de 'dra bar bdag kyang zhes te smon lam btab la bsgom pa byas pa na chos 'dzin pa dang 'dra bar 'gyur ro//rdo rje sems dpa' ci 'dra bar thugs dri ma med pa'i rnam par byang ba ci 'dra ba nyid du bdag kyang zhes bsams nas bsgoms pa na rdo rje 'dzin pa dang 'dra bar 'gyur ro//da ni nam mkha' ji lta ba de bzhin du sangs rgyas dang sems can rnams kyang mtshan nyid gcig nyid kyis zhes pa'i rigs pa la brten nas gsungs pa/ sems gang rang bzhin gyis rnam par byang ba sems can rnams kyi yin te lus dang ngag dang rnam par shes pa brgyad kyis kyang 'khor ba pa'i mtshan nyid dang ldan pa'o//de nyid yang dag pa ma yin pa'i rnam par rtog pa dang bral bas nam mkha' dang mnyam pa nyid du 'gro ba'i ngang tshul can de bzhin nyid du ro gcig pa'i ye shes can de bzhin gshegs pa rnams dri ma dang bral ba'i rnam par byang ba ltar bdag kyang de dang 'dra ba der 'gyur zhes par bsgom pa ni/rdo rje sems dpa' dang 'dra bar 'gyur zhes 'jug go/ /sngags kyi rdo rje ni 'od dpag tu med pa'o/ /sngags kyi don bsgom pa'i bzlas pa ni sku rjes su 'dra ba ste/ tshig dang sku bsgom pa'o/ /bdag kyang de dang 'dra bar gyur cig ces so//bsgoms pas 'gyur ba yin te sngags 'dzin pa lta bur ro/ /dam tshig ni snyoms par 'jug pa ste cho gas ni rgyud phyi ma las brjod pas so/ /bdud rtsi byed pa ni gsod pa'o/ /'bras bu ni sems can ma lus pa'i don byed pa ste/ de don du gnyer ba yod na btung bar bya'o/ /de nyid kyi phyir dngos grub myur du 'grub par 'gyur ro//dngos po ma lus pa'i de kho na nyid thos pa dang bsams pa dang bsgoms pa las byung ba'i shes rab kyang 'di yin la pha rol ni phul du phyin pa yang yin te/ yang dag par shes par bya bas de nyid dam tshig yin zhing 'bras bu yin te 'dis ni lam dang gzhung yang yin no//thams cad ni zag pa med pa des na ma skyes pa dang zag pa med pa ste de rnams kyi rten gzung ba dang 'dzin pa'o/ /chags sdang las byung rnon po dang / /dka' dang lta ba yongs su 'dzin/ /de las byung ba rtsod pa rnams/ /dngos po khas blangs yod pas yin/ /zhes pa'i rigs pas so//dngos po ni gnyis yin no zhes rgyal ba'i yum las so/ /thams cad kyang rang bzhin gyis 'od gsal ba gzung ba dang 'dzin pa'i mun pa dang bral ba'o/ /des na byang chub ni sngar med pa'i mngon par byang chub par bya ba med do/ /de mngon par byang chub par byed pa'i mngon par rtogs pa ni lam ste rang gi sems las ma gtogs pa de yang med do//rgyu yi dngos pos rgyu yin la/ /'bras bu'i dngos pos 'bras ma yin/ /'di ni rgyu 'bras dngos po ru/ /rang gi sems ni snang ba yin/ /rang gi sems nyid sangs rgyas te/ /rtogs par bya ba'ang sems nyid do//zhes dpal thams cad gsang ba las so/ /khams ni 'dod pa dang gzugs dang gzugs med pa'i khams kyi mtshan nyid de 'khor ba'o/ /der yang sems can rnams don dam par 'byung ba ma yin te kun rdzob tu de rnam par gzhag pa yin pas so/ /sems ni 'od gsal nyid kyi phyir//nyon mongs rnams ni glo bur ba/ /zhes rgyal ba byams pas gsungs so/ /sems 'di rang bzhin 'od gsal te/ /dri ma rnams ni glo bur ba/ /zhes rnam 'grel las so/ /kye rgyal ba'i sras dag khams gsum pa 'di ni sems tsam mo zhes lung las so/ / sems tsam nyid du rnam gzhag pa/ /ma skyes pa ru nga smra'o/ /zhes lang kar gshegs pa las te gnyis su med pa'i rnam pa'i nges pa brjod ma thag pas ma skyes pa rjes su dran pa ni 'dir de bstan par bya ba'i don rjes su dran pa 'di yin no/ /mtshan ma med pa ni de bzhin nyid la yang mi dmigs pa yin te gang gi phyir med pas so//rjod par byed pa dang bral bas mi 'gyur ba'o/ /gnyis su med pa ni gzung ba dang 'dzin pa dang bral bas so/ /gnyis su med pa ma yin pa ni kun rdzob tu yang dag pa ma yin pa'i kun du rtog pa yod pa'i phyir ro/ /de kho na nyid du nyon mongs pa dang shes bya'i sgrib pa bag chags dang bcas pa spangs pa'i phyir shin tu dri ma med pa'o//de nyid kyi phyir zhi ba nyid kyis nam mkha' dang 'dra'o/ /ji lta ba de bzhin du shes rab dang thabs rjes su dran pa 'di dag las srid pa dang zhi ba la rab tu mi gnas pas chos nyid kyis de dag mnyam par ro gcig pas mi gnas pa'i mya ngan las 'das pa'i ste lam bstan pa yin no//lo grangs bcu gnyis lon pa ni 'dir mtshon pa ste gti mug gi rigs la sogs pa yang ngo / /sems brtan pa ni mi g.yo bar bla na med pa'i byang chub kyi smon pa dang ldan pa dang rnal 'byor pa la gus pa'o/ / rigs kyi sbyor ba rab tu dbye ba ste/ gang gi rigs la rig ma gang yang rnal 'byor du bstan pas de dang lhan cig rnal 'byor de bya ste de dang bde bar gshegs pa yang cho ga ji lta bar mchod par bya'o/ /'dis ni zhes pa ni brjod ma thag pas tshe 'di nyid la zhes pa ni gnod par byed pa'i tshad ma med pa'i phyir dang /thams cad mkhyen pa ma yin pas bsam gyis mi khyab pa'i phyir nor bu dang sngags dang sman dang ting nge 'dzin gyi khyad par la sogs pa'i mthu srid par rjes su dpag pa dang lung yang gzhan du yang mtshungs pa'i phyir ro/ /mthong ba med pa tsam yang tshad ma ma yin pa nyid kyi phyir ro zhes brjod do//tshogs pa ma tshang ba'i phyir yang thams cad du thams cad kyis thams cad grub pa ma mthong ste dpal sgyu 'phrul dra ba'i rgyud las brjod pa'i mtshan nyid dag gi slob dpon dang slob ma dag dang nyams su len pa rnyed par dka' ba'i phyir ro/ /'jug pa'i yan lag nyid yin te mkhas pa de dag don la the tshom yod kyang 'jug pa'i yan lag yin no zhes pa'i rigs pas so//gang gsungs pa/ dang por de nyid slob dpon gyi rjes su 'jug pa dngos grub kyi thabs su 'gyur ro/ /slob dpon nyid ni med gyur na/ /sangs rgyas 'grub par 'gyur ma yin/ / slob dpon yon tan bshad par bya/ /ye shes snying po mnyan par gyis/ /brtan zhing dul la blo gros ldan/ /bzod ldan drang zhing g.yo sgyu med/ /sngags dang rgyud kyi sbyor ba shes/ /dkyil 'khor 'dri ba'i las la mkhas/ /de nyid bcu ni yongs shes pas/ /sems can kun la mi 'jigs ster//theg pa che la rtag dga' ba/ /de la slob dpon zhes su brjod/ /phyi rol bstan bcos yongs shes pa/ /nyan thos theg pa'i lam zhugs dang / /de rnams theg chen mi shes pa/ /gsang ba'i rgyud kyi don sdud pa/ /de la snying rje yod min te/ /dad min brtson 'grus yod ma yin//tshul khrims min la rtag tu dga'/ /bstan bcos nyid la mi sdug byed/ /sngar brjod pa yi mtshan nyid ldan/ /slob dpon nyid du yang dag gzung / /de nyid dkyil 'khor 'dri ba dang / /rgyud rnams thams cad ston byed pa'o/ /de yis nye bar bstan pa'i sngags/ / 'di ni 'grub par the tshom med/ /'di ltar slob ma yon tan ldan/ /bsgom pa la dga' dge ba dang / /slob dpon la gus rtag kun tu/ /lha rnams rtag tu mchod byed pa'o/ /slob dpon ji ltar blta bar bya/ /bla ma sangs rgyas kun mnyam par/ /thams cad rtag tu rdo rje 'dzin//rin chen tog ni de bzhin gshegs/ /ye shes chen po'i rgya mtsho 'di/ /yid bzhin nor bu don chen ster/ /slob dpon gyi ni yon tan blang / /nyes pa nam yang ma yin no/ /yon tan bzung bas dngos grub 'gyur/ /nyes pa rnams kyis dngos grub nyams/ /de yi grib ma 'goms pa yis//mchod rten bshig par gyur par brjod/ /brtan dang g.yo ba'i gsang ba la/ /kun la smod pa bla yin gyi/ /slob dpon smod pa ma yin nyid/ /rmi lam na yang mthong mi 'gyur/ /gang gis slob dpon smod byed rnams/ /bgegs dang log 'dren rnams kyis bzung / /rtsub po'i las dang sdang bdag nyid//rtag tu sa 'dir spang bar bya/ /dmyal bar grags pa gang rnams te/ /mnar med la sogs 'jigs rung rnams/ /de na gnas par yang dag brjod/ /slob dpon smod par byas pa las/ /'bras bu sangs rgyas 'dod rnams kyis/ /de phyir 'bad pa thams cad kyis//gus ldan sems can gyis 'di mchod/ /bsam gyis mi khyab 'bras bu ster/ /zhes so/ /slob dpon rnams la smad pa yis/ /bde gshegs bka' las rnam 'das pas/ /khros pas kun gyis skyon brjod pas/ /sems can byams pa spang ba'i phyir/ /byang chub sems ni yongs spangs pas//theg pa gsum la smad pa yis/ /ma smin sems can gsang bsgrags pas/ /phung po rgyal dag smad pa yis/ /dam tshig bdag nyid the tshom phyir/ /sdang la byams dang dga' bral bas/ /chos la mtha' gnyis sgro 'dogs pas/ /dad dang ldan sems sun phyung bas//dam tshig rnyed pa mi bsten pas/ /grub pa'i rig ma smad pa'i phyir/ /des ni rtsa ba'i ltung bar 'gyur/ /sngags pa dam tshig nyams pa yin/ /de nyams grub pa rnams nyams 'gyur/ /bdud 'byung sdug bsngal phung por 'gyur/ /'dis ni dmyal 'gro myong 'gyur te/ /rnon po sna tshogs myong bar 'gyur//zhes te rtsa ba'i ltung ba bcu bzhi rnams las gang yang rung ba cig gi ltung bas phas pham pa dang ldan no/ /ta la'i mgo bcad pa bzhin du dge ba'i rtsa ba bskyed pa med pa'i phyir ro/ /bla ma ji ltar 'byor mchod byas/ /dkyil 'khor de las byang chub sems//bskyed dang gsum la skyabs 'gro sogs/ /sdom pa blang bar bya zhes brjod/ /de phyir bcos pa dka' ba'i phyir/ /thams cad kyi dngos grub ma mthong ba rigs pa nyid do/ /de bzhin du yang rnam par snang mdzad mngon par byang chub pa las gsang ba'i bdag po de rnam grangs 'dis kyang 'di ltar rig par bya ste/ji ltar theg pa chen po la mngon par yang dag par gnas pa'i byang chub sems dpa' rnams la sngags kyi spyod pa'i theg pa mngon sum du byed pa rnam par thar pa'i sgo spangs pas bla na med pa yang dag par rdzogs pa'i byang chub la phan pa med do/ /ci'i phyir zhe na/ gang bskal pa du mas byang chub sems dpa' rnams sbyor zhing rtsol ba dang sdug bsngal yongs su spong bar byed pa/byang chub tu mngon par rdzogs par 'tshang mi rgya'o/ /de'i skye ba 'di nyid la sngags kyi theg pa la spyad pa spyod pa'i byang chub sems dpa' rnams bla na med pa yang dag par rdzogs pa'i byang chub tu mngon par 'tshang rgya'o//de ci'i phyir zhe na/ gsang ba'i bdag po skye ba 'di nyid la zhes pa ni de bzhin gshegs pas 'di rnams la ming bskyed pas byang chub sems dpa' de rnams ming de dang po nyid du log ste chos thams cad kyi rang bzhin rtogs pa'i ting nge 'dzin thob pa'i phyir ro/ /sku dang gsung dang thugs grub pas gang gzhan dman pa'i 'jig rten pa dang 'jig rten las 'das pa'i yang rnal 'byor skye bar 'gyur te/dngos grub lhag ma de rnams thams cad nyid kyang bshad ma thag pa'i rnal 'byor pa la 'bad pa med pa nyid du grub ste mngon du 'gyur ba ni sku la sogs pa yang dag par 'grub par gyur pa'i rgyu de nyid kyis te bstan pa pos zhes gsungs so//bzlas pas zhes pa ni rdo rje gsum po dbye ba med par bsgoms pas so/ /dpal gsang ba 'dus pa'i rgyan las le'u bdun pa'o// //de nas zhes pa ni lo bcu drug lon pa la sogs pa rig pa'i brtul zhugs kyi rjes su mthun pa'i rig ma bsten pa rgyud 'dir bcom ldan 'das kyis gsungs la theg pa gzhan du yang bkag pa yin te de ji ltar bkag pa gal te de nyid kyis bsgrubs na de'i tshe 'gal ba yin la gal te thabs la mkhas pa'i khyad par gyis de'i tshe yul tha dad pa yin pa'i phyir 'gal ba med pa yin na 'on kyang de brjod par gyis shig /yang gang gi tshe rtag tu mnyam par gzhag pa'i rnal 'byor pas de'i tshe rin po che sna bdun la sogs pa ma byin pa las tshogs yongs su rdzogs par ji ltar 'gyur zhes bya ba la sogs pa'i gdul bya'i rnam par rtog pa yongs su chod pa'i rjes la'o//nam mkha' dang mnyam pa'i ye shes bsgoms pas mchod pa'i rin po che thams cad 'grub pas rin chen tog gis gsol ba btab pa gsungs so/ /'bras bu chen por gyur pa dang lam du yang 'gyur ba'i theg pa gang gis yin pa de nyid nam mkha' dang mnyam pa'i spyod pas sems can gyi khams sbyong bar byed pa yin no//mchod pa'i mchog ni gsang ba dang gzhan gang yin pa de la de skad ces bya'o/ /mchod pa ni phyi dang gzhan te gsungs shig pa'o/ /ma lus pa'i sdig pa'i chos rnams las rgyal bas na rgyal mchog go/ /'dod chags zhe sdang gti mug che ni sngar bshad pa'o//rdo rje theg pa 'dir sems can rnams 'jug par mdzad pa'o/ /nam mkha'i khams dang mnyam pa ni gzhal du med pa'i phyir la/ de nyid kyi phyir na mchog go/ /shes rab dang thabs kyi bdag nyid kyi bde ba chen po'i rgyun gyi gnyis su med pa'i ye shes ni thar pa ste de'i lam ni ting nge 'dzin gsum gyi mtshan nyid do//de kho na nyid kyis ston par mdzad pa nyid kyi phyir ro/ /gdul bya'i rab tu snang ba la ltos nas byang chub pa gsum ni theg pa gsum ste/ de'i lam la 'jug pa'o/ /gsung gcig nyid du gsungs mod kyi/ /du ma nyid du so sor rig /ces pa'i rigs pas so//theg pa gsum po de'i mtshan nyid kyang ci lta bu zhe na/ gang du gzhan don gtso bo yin/ /de yi don du rang don brjod/ /sangs rgyas kyis rig theg pa che/ /de las theg gnyis gzhan du yin/ /ci yi phyir de yin zhe na/ /bdag tu mthong ba bzlog pa'i phyir/ /thog mtha' med pa'i sems grub phyir//nyan thos theg sogs dman dang bar/ /shes rab ldan pa'i dbang du byas/ /sogs pa smos pa ni rang sangs rgyas kyi theg pa gzung ngo / /theg pa chen po yang gnyis te/ /rgyu yi theg pa chen po ni/ /'di ltar blo gros dman pa'i sems/ /gzung dang 'dzin pa rnam bral ba//pha rol phyin pa'i lugs su brjod/ /dri ma ma lus dag don du/ /'bras bu'i theg pa chen po ni/ /ji ltar snod ni ma lus pa/ /'gro don ma lus bsgrub ched du/ /sprul pa sna tshogs gzugs kyis ni/ /des ni sngags theg thub pa'i'o/ /gang 'phags pa lang kar gshegs pa las/zab mo'i theg pas 'jigs rnams la/ /sngon po la sogs don gsungs yin/ /gzung med 'dzin pa'i rnam pa yi/ /rnam shes bar ma'i blo can la/ /kha cig gnyis dang nges bral ba/ /zab mo'i don la 'jigs spangs la/ /zhes so/ /sangs rgyas rnams kyi bskal pa mchog ni srid pa'i mtha' yang dag par grub pa gang gi dag pa'i bdag nyid gang gi rang bzhin yin pa de la de skad ces bya'o//yangs pa ni spyan lnga gang gi yin pa'o/ /chos ni stobs la sogs pa rnams te/ dkyil 'khor yang yin no/ /gdul bya'i rgyud la 'pho ba'i phyir na 'khor lo ste de bskor ba'o//sku dang gsung dang thugs yang dag par dag pa ni nyon mongs pa dang shes bya'i sgrib pa bag chags dang bcas pa dang bral bas dag pa ste dri ma med pa gang yin pa de la de skad ces bya'o/ /'di dag thams cad ci'i phyir zhe na/ gang gi phyir tshad ma dang lung gis mi gnod pa'i phyir 'di rdo rje bzhin du mi phyed pa nyid kyis lam dang 'bras bu'i theg pa de la phyag 'tshal ba khyod la yod pa'o//rigs thams cad la gtso bor gyur pas rgyal po'o/ /nam mkha' bzhin du de bzhin nyid kyi ro gcig pa'i ye shes des thams cad du son pas kyang nam mkha' ste gang gi phyir mi 'gyur bas na rtag pa'o//de ltar mdzad pa rgya che'i phyir/ /sangs rgyas khyab par nges par brjod/ /de nyid zad pa med pa'i phyir/ /rtag pa zhes kyang brjod pa yin/ /zhes mngon par rtogs pa'i rgyan las so/ /thams cad dbang bskur ba ni rin po che'i rigs kyi rang bzhin no//kun gyi don ni nam mkha' mdzod kyi ngo bos kun gyi don yin pa'i phyir ro/ /khams gsum thams cad kyi chos kyi rgyal po thob pas kun gyi dbang phyug go/ /dbyer mi phyed pa zag pa med pa'i dga' ba rgyas pa 'dzin par byed pas rdo rje rin chen 'dzin pa'o/ / mchod pa ni gsang ba yin la de kho na nyid ni mchod pas chen po'o/ /de nyid kyi phyir de bzhin gshegs pa'i'o/ /de ci'i phyir zhe na/ gang las rgyal ba rnams 'byung ba gang yin pa de la de skad ces bya'o/ /gang gi phyir de bzhin gshegs pa thams cad kyi sku dang gsung dang thugs rnams ni bskal pa bzang po ste de'i 'bras bu'o//gang gi phyir sku rdo rje la sogs pa rnams la dbyer med pas de bzhin nyid kyi ngo bos shes rab kyi pha rol tu phyin pa'i rang bzhin yin pa'i phyir yang dag par gnas pa'o/ /'di dag thams cad ji ltar zhe na/ gang gi phyir gtsor te 'khor lo la goms pa'i rnal 'byor ma dam tshig dang sdom pa la gnas pa phyag rgya dang sngags kyi cho ga la mkhas pa sngags dang rgyud la legs par bslabs pa/shin tu dad pa dang ldan pa shes rab chen po yang yin te des na de srid pa shin tu grub pa ster bar byed pa gsungs te/ rdo rje'i theg pa la ring du zhugs pa'i blo ni mig yangs pa'o//lo bcu gnyis lon pa smos pa nas bzung nas ji srid du lo nyi shu rtsa lnga lon pa'o/ /des na gzugs bzang bzhon pas brgyan pa'o/ /zhes gsungs so/ /byol song las zhes pa ni gang 'di lta bu da mi rnyed na de'i tshe lo nyi shu rtsa drug pa la sogs pa nas ji srid du 'dod pa'i dbang du 'gyur ba khu ba dang ldan pa de srid du zhes pa'i don to//sum cu lon pa yis kyang bya/ /ci srid khu ba srid pa'i bar/ /bu mo legs par khrus byas brgyan/ /mtshan rnams kun gyis brgyan pa'o/ /bcu drug 'og gi de srid du/ /ji srid lo brgyad lon chos ldan/ /shin tu ring min sbom pa min/ / shin tu phra min rigs dman min/ /de 'dra'i bu mo bsgrub par bya/ /gzhan du de ltar 'grub mi 'gyur/ /cho ga shes pas de bzung ste/ /de nyid sgrub la bsgrub par bya/ /'dzam gling dbang phyug la sogs pa'i/ /mi dag las ni de gdon bya/ /cho ga shes pas bsgrub bya ba/ /grub par 'gyur te the tshom med//ces gnyis su med par mnyam pa rnam par rgyal ba las zhes so zhes kha cig go/ /klu rnams las kyang klu'i bu mo thob par byas pa des de kho na nyid kyi mchod pa phul du byung ba skyes bu mchog gi don thob par byed pas rig pa'i brtul zhugs dang rjes su dran pa bcu drug dang /dkyil 'khor bsgrub pa la sogs pa'i dus su brtag pa bya'o zhes gzhan dag go/ /gang du zhe na/ sa'i phyogs gcig ni ri bo la sogs pa yin te/ ri bo dben par bsgrub par bya/ /zhes 'di nyid du brjod pas so/ /gtsang ba ni nyes pa dang bral zhing mi ldan pas sems dag pa thob par byed pa'o//dben pa ni rigs mi mthun pa'i skye bo spangs so/ /rgyal ba rnams kyi bdag nyid kyi rang bzhin gang las skye ba'am/ rgyal ba rnams kyi bdag nyid chos kyi dbyings de las skye ba zhes te rgyal ba'i bdag nyid skye ba'o/ /der gnod pa thams cad dang bral bas zhi ba'i phyir zhi ba'i dge ba'i gnas te ting nge 'dzin gsum gyi mtshan nyid kyi bsgom pa'i gnas so//byug pa'am zhes pa ni bya ba nyid do zhes nges par bzung ba'i don to zhes kha cig go/ /med pa srid na yid kyis sam yod na 'bar ba la sogs pa yang zhes gzhan no/ /rgyal ba mchod pa'i rgyur zhes pa ni bdag gi don du 'jug pa dgag pa gsungs pa'o//de gsungs pa/ tsan+dan bzang po la sogs kyis byugs shing / /dri zhim me tag gcal bkram mchog gi cha/ /bsam gtan bde ba'i gnas so zhes so/ /gang gis thabs la mkhas pa'i khyad par gyis brjod ma thag pa'i rig ma'am yid kyis sprul pa bsten pa ni bla na med pa'i byang chub kyi mi gnas pa'i mya ngan las 'das pa thob par byed pa ni 'khor ba ma yin no zhes de gsungs pa/nu ma'i dbus zhes pa la sogs pa ste/ spyi bo nas snying ga dang / de nas lte ba dang / lte ba nas gsang ba dang / de nas brla gnyis dang de nas rkang pa'i mtha' ji srid par rdul phra rab so so la khyab pa bcu par brjod pa'i oM la sogs pa bkod pa sngon du song ba de'i 'od zer rnams kyis bkug pa'i rnam par snang mdzad la sogs pa rnams kyis dag par blta ba'i don du bsgom par bya'o zhes kha cig go//de'i mi mthun pa'i phyogs spang bar bya'o zhes gzhan dag go//de gsungs pa/ de bzhin rang gi lha 'dra rang snying po/ /sprul pa'i rig ma nyid ni yang dag blta/ /mig la sogs pa dgang zhing yi ge gsum/ /rnam par bkod pas lus ni 'od dang ldan/ /de nyid shes pas mgo dang snying ga dang //lte ba gsang ba de bzhin brla gnyis la/ /oM hUM swA AHhA zhes grags pa rnams/ /de ni sku thugs rdo rje bzang rigs sogs/ /lnga po rnams kyis yan lag byin brlabs te/ /'od kyi phreng ba dam pas 'gro gsum khyab/ /a yis sna tshogs pad+ma'i lte ba byas/ /hUM gis 'dab ma brgyad pa rnam par sprul//shes rab dam pa rgyu mthun ngo bo nyid/ /thabs dang bcas par 'byung ba rang gi lus/ /de yis bde gshegs rjes su mnyes bya zhes/ /sngags pas dga' ba kun du brtsam par bya/ /zhes so/ /nam mkha'i dbyings kyi dbus gnas par rnam par snang mdzad dang //rin chen 'byung ldan dang / snang ba mtha' yas dang / don yod grub pa'i rang bzhin rnams ni bzhi po shel dang / gser dang / pad+ma rA ga dang / rin po che ljang gu rnams te de'i rang bzhin ni phyogs bzhi'i kha dog go/ /de'i 'od zer gyi phreng bas rnam par brgyan pa'o/ /me long lta bu'i ye shes la sogs pa'i rang bzhin yin pa'i phyir de nyid ma lus pa'i ye shes kyi 'byung gnas yin pa'i phyir dang /rtogs par dka' ba yin pa'i phyir rgya mtsho'o/ /sku la sogs pa rdo rje gsum rnams kyi ched du gnas nyid du rnam par bsam par bya'o/ /bsam par bya ba ni spungs pa de'i dbus su sngar bzhin du me long lta bu la sogs pa'i ye shes kyi rgya mtsho'i bdag nyid rnam par snang mdzad zla ba'i dkyil 'khor la gnas pa bsam par bya'o//mkhas pa ni phyin ci ma log pa'i rnal 'byor pa'o/ /phyogs bcu ma lus pa'i sems can gyi don du sprul pa mtha' yas par bya ste/ gal te 'dod na bsgoms pas dub pas de'i tshe mthar bsdu bar rab tu bya'o//zhi ba rdo rje ni rnam par snang mdzad la sogs pa ste rnam par g.yeng ba med pas 'dzin par byed pa'i phyir de 'dzin par byed pa'o zhes kha cig go/ /ye shes rgya mtsho ni ye shes sems dpa'i bdag nyid 'dra bar bdag nyid kyi snying gar bsgom par bya'o zhes pa ni gzhan no//bdag gi ni shes rab kyi cha'i ba spu'i bu ga'i rtse mo las mkhas pas mchod pa'i sprin rnams spro'o zhes te mchod par bya ba dang mchod par byed pa po dbyer med pa phyin ci ma log pas mkhas pa'o/ /de nyid 'grel pa brjod pa pad+ma dang ut+pal ni dkar po dang ser po dang dmar po dang ljang gu dang sngon po'i kha dog lnga ste rigs kyi dbye bas so//dzA ti rnam gsum shes byas nas/ /zhes pa nas ji srid du ka ra bI ra'i me tog ni dkar po dang dmar po dang sngon po'i kha dog ste rigs gsum gyi dbye bas rnam pa gsum du bsgoms nas te/ mkhas pa ni sngon bzhin du yin la sngar bzhin du mchod pa shes par bya'o//gzhan rnams ni yang gzhan du 'chad de de mkhas pa rnams kyis 'di ltar sun phyung bas bri bar mi bya ste/ ri dang chu 'gram zhes la sogs brjod pa/ /cho ga 'dir gnas gang yin sa la sogs/ /ji ltar brjod don 'dir ni rigs min pa/ / lha mo nyid du sa la sogs bshad pa/ /de bzhin pad+ma la sogs 'dir bshad pa/ /rang gi ngo bos rgyal la de bstabs yin/ /ma yi grong sogs ming ni brjod pa la/ /sangs rgyas rnams la ngo tsha yod ma yin/ /khrus ma la sogs lang tshor ldan pa'i ming / /bzung nas 'dis ni 'di ru rjod par byed/ / me tog la sogs mchod pa'i cho ga'i sprin/ /de bzhin nyid kyi rang bzhin nyid mtshan du/ /rnal 'byor pa yis phyi dang gsang ba yis/ /rgyal ba'i dbang po la ni yang dag mchod/ /ces pas so/ /de gsungs pa/ de bzhin phyi yi dri sogs thams cad kyis/ /rgyal ba'i dbang po rnams ni legs mchod cing //tha dad rnam par rtog las nges grol bya/ /zhes so/ /dpag tshad brgya yi khyon tsam du/ /zhes pas ni dpag tu med pa'i tshad tsam du bsgom pa'i dkyil 'khor mtshon pa'i don du 'di yin no/ /gang 'chad par 'gyur te/ dpag med bye ba brgyar yangs pa/ /zhes so//'khor los mtshon pa ni rnam par snang mdzad kyi yin te de bzhin du pad+ma dang rdo rje dang ral gri dang rin po ches mtshon pa yang yin te/ ut+pa la'i sgras kyang rin po che nyid de brdar byas pas mi bskyod pa la sogs pa rnams yin no/ /ut+pa las mtshon pa'i phyir gzhan gyis dkyil 'khor yang bsgom par bya'o//rigs rnams zhes pa ni dkyil 'khor pa rnams so/ /gru bzhi ni mi mnyam pa med pa'i phyir ro/ /shin tu mdzes pa ni rin po che ma lus pas spras pa'o/ /mchod rten ni gzhal yas khang ngo / /gsal ba ni shel bzhin du phyi ngos na gnas pas kyang nang na yod pa'i don mthong ba'i phyir ro//rang bzhin gyis dri ma med pa ni chos kyi dbyings kyi rang bzhin yin pa'i phyir ro/ /bu mo lo bcu gnyis lon pa dga' ba rgyas par byed pa'i phyir rin chen yin la zag pa med pa'i bde ba chen po de la brten par gyur pas de nyid kyi phyir na mchog go//rin po che thams cad ni rigs kyi lha thams cad kyi yin te bdun ni bud med dang glang po che dang / rta dang 'khor lo dang rin po che dang khyim bdag dang / dmag dpon rin po che rnams so/ /nyi ma so sor thun mtshams bzhi ru'o/ /shes rab can ni mchod pa la sogs pa phyin ci ma log pa yin te/sbyin pa'i don ni nam mkha' mdzod kyi ting nge 'dzin gyi don du'o/ /rang 'od kyi rig ma dang snyoms par 'jug pa'i dus su yang dkyil 'khor gyi bdag po'i rang gi lha'i rnal 'byor byas nas/ shes rab dang thabs kyi bdag nyid dri ma med pa'i bde ba chen po reg pa'i sbyor bas rdul phra rab kyi nang du/de yis bde gshegs rjes su mnyes bya zhes/ /sngags pas dga' ba kun du brtsam par bya/ /zhes gsungs so/ /bdag po'i phyag rgya zhes pa la sogs pa ste/ gang gsungs pa/ bde bas ngal zhing skyo bar 'gyur ba nyid/ /gang gis de skyes bde dam rgyal ba la//phul bas myur du de ni 'grub yin te/ /nges pa nyid du thob par 'gyur ba yin/ /bkod pa'i dkyil 'khor ni bsdus pa'i dkyil 'khor ro/ /de'i dbus su gnas te rang gi gzugs ni rang gi lha ste/ dkyil 'khor du de bzhin gshegs pa'i bdag nyid so so'i rdul phra rab de las byung ba'o//de nyid kyi phyir kun gyis mchod par bya ba yin pas bla ma ste bdud rtsi lngas so/ /bla ma yang 'di ltar mchod par bya'o zhes gzhan dag go/ /rig pa'i brtul zhugs la gnas pas lha'i bu mo rnams kyis de kho na nyid kyis mchod par bya'o zhes gsungs pa/btsun mo zhes pa la sogs pa ste byin gyis brlabs pa'i gnas ni sngar brjod zin to/ /de kho na nyid kyi mchod pa zhes pa ni rang gi lha'i mchod pa'o/ /blang zhes pa ni pad+ma la gnas pa rang gi khas blang ba'o/ /dbyer med pa'i sku la sogs pa rdzogs par byed pa'i phyir de'i mchod pa'o//de nyid kyi phyir gsungs pa/ sngags ni grub pa'i phyir brjod pa/ /ye shes rdo rje can gyi gsang / /de bzhin gshegs pa rnams kyi zhes so/ /dpal gsang ba 'dus pa'i rgyan las le'u brgyad pa'o// //de nas zhes bya ba la lnga par bsrung ba'i dam tshig gsungs pa de ji ltar bsrung bar bya ba yin/gzhan yang de thun mong ba'i yul yin nam/ khyad par can spyod yul yin zhes gdul bya'i rnam par rtog pa yongs su shes pa'i rjes la'o/ /sku dang gsung dang thugs rnams kyi yang dag pa'i sbyor ba gang du yin pa nyid kyi phyir de rdo rje gsum dbyer mi phyed pa'i dkyil 'khor ro//rigs brgya'i rnam par dbye ba'i ngo bo yin pa'i phyir mchog go/ /bde ba chen po'i bdag nyid yin pa'i phyir nyams dga' ba'o/ /theg pa gzhan gyi rnal 'byor pa'i yul ma yin pa'i phyir gsang ba'o/ /de ltar na gang rnams kyi yul yin zhe na/gsungs pa/ 'dir sangs rgyas dang ye shes can rnams kyi ste theg pa 'di'i rnal 'byor pa rnams kyi yin no/ /nam mkha'i dbyings zhes pa la sogs pas 'di ston pa yin te/ 'di ltar sna tshogs pa rnam pa mang po 'chad par 'gyur ba'i thabs kyis 'di bsrung bar bya ba yin te khyad par can gyi yul yang yin no//ma dad pa'i smra sems can dang / /rdo rje slob dpon smod pa dang / /gdug pa'i sems can rnams la yang / /rab tu bskul ba 'di bya'o/ /zhes bya ba la sogs pas bcu gsum par bshad pa'i cho gas 'di la blo gros mi mthun par mi bya'o//gang gsungs pa/ 'dir ni dgos pa 'di yin gnyug ma yin/ /dkyil 'khor dbus gnas bdag nyid bsam byas nas/ /mi bskyod phyag tu hUM skyes rdo rje ni/ /rnam par bsams nas gsod par byed pa yin/ /'di ltar yang ni sems ni grub pa ste/ /rdo rje grub pa nyid du yang dag 'gyur ba yin//rdo rje 'bar ba gsang ba de yis ni/ /bla ma bslu la sogs pa'i sems can rnams/ /phyi rol gnyug ma'i rig mas byin brlabs pa'i/ /bud med pad+ma'i nang du rlung dang me yi ni/ /'khor lo la gnas 'di ru gnas pa rnams//de la snying rje'i bdag nyid rnal 'byor pas/ /stong pa nyid ces chos rnams bsam byas la/ /brtan pa nyid du bdag po'i nga rgyal byas/ khro bo'i ngag gis gnyug ma'i sngags su ming / /bcug pa gsal por brjod pas brdeg par bya/ /de bzhin du yang 'dir byang chub sems dpa' gang sems can rnams dkon mchog gsum la gnod pa byed pa las gzhan du thams cad kyi thams cad la rnam pa thams cad du srog gcod pa las slar ldog par 'gyur ro//gzhan yang srog gcod pa las slar ldog pa la skul bar byed do zhes spyod yul yongs su dag pa'i mdo las so//sangs rgyas rnam par snang mdzad de sngon du song ba'i rjes la'o/ /phyag na zhes pa ni g.yas na'o/ /sangs rgyas rnams zhes pa ni gal te dkon mchog gsum la gnod pa byed pa yin na de'i tshe de rnams kyang ste shin tu yang 'di bsgom pa'i stobs kyis yin par brjod pa'i don du'o zhes kha cig go//sangs rgyas rnams bsgoms nas ldang ba rnams rdo rjes phye mar bya'o zhes kha bskangs nas 'brel to zhes gzhan dag go/ /rdo rje gsang ba 'di lta bus zhes pa ni 'bar ba'i rdo rje lag na gnas pas so/ /sems can thams cad ces pa ni ngan song gi las kyi lam la sogs pa la zhugs pa rnams bsdu ba'i dngos po bzhi la sogs pa thabs du mas lam ngan pa las bzlog par mi nus pas thabs gzhan med pas so//thams cad kyi sgra ni 'dir rnam pa ma lus pa nyid la 'jug par bzung ngo / /sku dang gsung dang thugs nyid longs spyod pa'i phyir longs spyod pa'o//de'i phyir sangs rgyas dang sems can rnams med par gyur pa ni rdo rjes phye mar byas pas gnyis su med par de bzhin nyid kyi ror gcig tu byas pa'o/ /der de bzhin du gyur pas ci zhig bya zhe na gsungs pa bsam gtan mchog ni bsgom par bya'o//bsgrub par bya ba dang sgrub par byed pa dag thugs rdo rje'i rnam par grub pa thob par byed pa'o/ /de bsgoms pas cir 'gyur zhe na/ gsungs pa/ mi bskyod rdo rje'i sangs rgyas kyi zhing du rgyal ba'i sras su shes rab dang thabs bde ba chen po gcig tu mthar thug par bsgrub par bya ba dang sgrub par byed pa gcig tu skye bar 'gyur ro//sgrub pa pos 'di ltar bsgoms pa'i mthus 'gyur na bsgrub bya rnams ji ltar 'gyur te des ma bsgoms pa'i phyir ro zhe na/ ting 'dzin sngags kyi sbyor ba yis/ /ji ltar gzhan gyi rgyud dag las/ /dug sogs sel ba de bzhin du//bde ba'i rnam pas srid pa yin/ /sgrub dang gnod byed med pa'i phyir/ /'dir ni mkhas pa'i the tshom yin/ /snying rje sgro 'dogs bral sbyor ba/ /don la brten las gzhan ma yin/ /don la the tshom med phyir 'jug /des na mkhas rnams rigs pa yin//rang don la nges de rnams la/ /rjes su dpag pa bzung ba yin/ /gang gis rnam par bsgoms gyur pa/ /sems ni de 'bras blo gsal yin/ /bsgom pa'i yongs su mthar thug pa/ /zhes sogs sngar ni brjod pa yin/ /de yi don ni 'di yin te/ /dkon mchog gsum la gnod pa yang bsdu ba'i dngos po bzhi rnams kyis las de las bzlog par mi nus pas thabs gzhan med par blta ste/snying rje chen po bskyed la bde bar gshegs pa rnams la gsol ba btab ste de rnams las bka' dang so so'i bka' thob pas de'i nyon mongs pa rnams la snying rje chen po'i khro ba bcos ma rnams nye bar bstan te/mi bskyod pa dang gzhan gang yang rung bas thun bzhi ru ting nge 'dzin gsum dang ldan pas thun bar ma la bla ma'i gdams ngag las nang dang phyi'i bdag nyid kyi kha sbyor ba yang dag par phye zhing bral bar byas te/ lha thams cad dang bsrung ba dang bral ba rlung dang me'i dkyil na gnas pa mar nag gis byugs pa'i lus gcer bu skra grol ba skyabs med pa la g.yas na gnas pa'i rdo rje 'bar bas 'dod chags la sogs pa'i nyes pa ma lus pa rnams bsal te gnyis su med pa'i de bzhin nyid kyi ro kun gzhi rnam par shes pa ma yin pa'i bdag nyid du bsgrub bya bsgoms te/yi ge hUM la sogs pa las grub pa'i mi bskyod pa la sogs pa'i gzugs la mig dang sku la sogs pa byin gyis brlabs pa/ badzra d+h+rika ces pa la sogs pas phyung ste/ mngon par dga' ba'i 'jig rten gyi khams la sogs par khams gsum gyi chos kyi rgyal po'i stan la yang dag par bzhag ste/de bzhin gshegs pa la sogs pas khams gsum gyi chos kyi rgyal po'i dbang bskur bas dbang bskur zhing byin gyis brlabs pa bsgom par bya'o/ /de ltar 'dis yang dag par sbyangs pas mi bskyod pa la sogs pa'i gzugs can de'i zhing la sogs par rgyal ba'i sras bor 'grub par 'gyur ro//thams cad du yang drag po'i las thams cad la 'di ltar blta bar bya'o zhes kha cig go/ /'di yang brjod ma thag pa'i thabs chen po la mkhas pa'i khyad par gyis sems can ma lus pa bla na med pa'i byang chub yang dag par thob par byed pas 'da' bar bya ba ma yin pa'i phyir dam tshig go//gtso bo yin pa'i phyir zhe sdang gtso bor gyur pa'i rigs la'o/ /de yang rigs thams cad nyid yon tan rin po che ma lus pa'i rten du gyur pa la sogs pa dang chos mthun pa'i phyir rgya mtsho ste der yang blta bar bya'o//las thams cad ni rigs thams cad la grub pas so/ /'di tsam yang sems can srog chags gsod pa rnams zhes pa'i mdo'i don gyi 'grel pa yin la slar yang rgyud phyi ma las/zhe sdang 'khor lo bskyed par bya/ /zhes pa la sogs pas 'grel par blta bar bya'o/ /bye ba la sogs pa yod pa'i phyug po ser snas mnar ba'i sems can rnams yod de de'i nor ye shes kyis phrogs te yid bzhin gyi nor bu dang 'dra ba'i sangs rgyas kyi sras po rnams ni thar pa'i don du rab tu bsgrubs pas ye shes thar pa rab bsgrub pa'o//rang dang gzhan gyi dngos po'i rnam par rtog pa'i glo bur ba'i dri ma bral ba'i phyir ngo bo nyid kyis dag pa yin te/ de nyid kyi phyir nam mkha' bzhin du gos pa med pa'o/ /bsgrub par bya ba dang sgrub par byed pa'i de kho na nyid bzhon par gyur pa'i phyir de kho na nyid do//rdo rje dkyil 'khor ni sku rdo rje'i dkyil 'khor yin no/ /sangs rgyas thams cad ces pa ni dkyil 'khor ba'o/ /ma ra ga ta la sogs pa'i rin po che dbrog par bya ba thams cad la phul du byung ba'i sbyor ba shes rab dang thabs kyi snyoms par 'jug pa des so//rdo rje de bzhin gshegs pa rnams kyi gzugs su rab tu brtag go/ /rang gi ba spu'i bu ga rnams las de bzhin gshegs pa rnams spros te gzhan gyi nor bu phung po la bcug ste margad la sogs pa'i rnam par yongs su gyur par bsgom mo/ / bstan ma thag pa'i nor thams cad kyi so so'i rdul phra rab rtag pa'i dkyil 'khor gyi bdag nyid rnams so/ /rdo rje gsum gyis zhes pa la sems can thams cad dang khyad par du yang ser sna can rnams thams cad yi dags kyi 'gro ba las bzlog par bya ba'i phyir snying rje chen po mngon du byas la chos thams cad ni gdod nas ma skyes pa'o zhes 'khor gsum yongs su dag pa dmigs te sku las byung ba'i 'od zer rnams kyis dgug pa dang /tshig gis oM AHdzi na dzika che ge mo'i nor khug cig dza hUM zhes brjod pa dang sems kyis dkon mchog gsum la sogs pa la nye bar mkho bar bsams la dbrog cing dgug go//sbyin pa'i char ni dgug pa yis/ /gti mug 'khor lo can kun gyis/ /zhes pa la sogs pa rgyud phyi ma las gsungs pa yang bsgom par bya'o/ /thabs la mkhas pa 'dis nor gyi bdag po yid bzhin gyi nor bu dang 'dra bar 'gyur te/sems can thams cad kyi bsam pa thams cad yongs su rdzogs par byed pa nyid kyi phyir dang / thams cad mkhyen pa ma yin pas bsam gyis mi khyab pa'i phyir dang rten cing 'brel par 'byung bas yin te/ rnal 'byor pa snying rje chen po'i dbang du song ba dang ldan pas bya'o/ / gang rnam par snang mdzad mngon par byang chub pa las theg pa gzhan gyi sems can ser sna dang ldan pa ma gtogs par 'dir byang chub sems dpa' chen pos thams cad kyis thams cad la rnam pa thams cad du ma byin par len pa las slar ldog par 'gyur ro/ /gzhan yang ma byin par len pa las ldog pa la sbyor bar byed do zhes so//gzhan gyi nor la mngon dga' ba/ /zhes pa'i mdo'i don bshad pa yin no/ /pad+ma dmar po dang rin po che'i dkyil 'khor gyi tshig gsum po yang 'od dpag tu med pa'i yin no/ /sangs rgyas rnams kyis zhes pa ni dkyil 'khor pa rnams kyis so//thams cad ni dkyil 'khor ro/ /bud med lta bur sbyin pa ni thams cad ces pa ste thams cad nyid rang 'od kyi rig ma dang ldan par bsgoms la de rnams kyang rim gyis 'phrog ste rang gi rig pa'i nang du gzhug pa sngon du song ba'i nga rgyal gyis so//ji ltar pad+ma dmar po la/ /tshon gyi skyon gyis mi gos ltar/ /gnas skyon rnam pa sna tshogs kyis/ /de bzhin rnam dag khams gsum po/ /zhes pa'i tshigs su bcad pa'i don la mos par bya ste gnyis su med pa'i sbyor bas longs spyad par bya'o/ /phyi rol la yang de la phan pa'i don du de bzhin du nye bar longs spyod par bya'o//stobs kyis dgug pa'am gzhan dbang du byas pas sam sems las spros te de bzhin gshegs pa rnams la de rnams rang 'od kyi shes rab la bstims pas mchod par bya'o/ /de'i phyir gsungs pa/ dbang po gnyis kyi sbyor ba yis//de rnams thams cad nyer spyad de/ /dam tshig bzhi yi sbyor ba yis/ /zhes te/ de bzhin gshegs pa thams cad kyis/ /'da' ba ru ni mi mdzad pas/ /phyag rgya dam tshig tu brjod de/ /yid kyi gzugs ni brtan pa yis/ /zhes dpal mchog dang po las so//phyag rgya chen po yid las byung / /dam tshig phyag rgya kun tu son/ /chos kyi phyag rgya tshig la yin/ /las kyi phyag rgya lus kyi yin/ /zhes thams cad gsang ba las brjod pas/ phyag rgya bzhi'i sbyor ba yis so/ /gsang ba'i mchod pa rab tu bya/ /brtul zhugs chen pos thun bzhi ru//zhes bcu bdun pa las brjod pas thun mtshams bzhi'i sbyor bas kyang ngo / /'di yang rdo rje de bzhin gshegs pa thams cad kyi lam yin te pha rol tu phyin pa'i theg pa la sogs pa rnams las gtso bor gyur pas mchog go/ /de nyid kyi phyir 'di nyid kyi rdo rje can rnams kyi'o//thub pa'i ngo bo nyid sku ni/ /zag pa med chos rnam kun du/ /rnam par dag gyur gang dag yin/ /de dag rang bzhin mtshan nyid can/ /byang chub phyogs mthun tshad med dang / /rnam par thar dang mthar gyis ni/ /snyoms 'jug dgu yi bdag nyid dang //zad par bcu yi bdag nyid dang / /zil gyis gnon pa'i skye mched ni/ /rab tu dbye bas rnam brgyad de/ /nyon mongs med dang smon mkhyen dang / /mngon shes so sor yang dag rig /rnam pa thams cad dag bzhi dang / /dbang bcu dang ni stobs bcu dang / /mi 'jigs pa ni bzhi dag dang //bsrung ba med pa rnam gsum dang / /dran pa nyer gzhag rnam gsum dang / /bsnyel ba mi mnga'i chos nyid dang / /bag chags yang dag bcom pa dang / /skye la thugs rje chen po dang / /thub pa kho na'i ma 'dres chos/ /bco brgyad bshad pa gang yin dang //rnam pa thams cad mkhyen nyid dang / /chos kyi sku zhes brjod pa yin/ /mtshan ni sum cu rtsa gnyis dang / /dpe byad brgyad cu'i bdag nyid 'di/ /theg chen nye bar longs spyod phyir/ /thub pa'i longs spyod rdzogs skur bzhed/ /gang gis srid pa ji srid par/ /'gro la phan pa sna tshogs dang //mnyam du mdzad phyir sku de ni/ /thub pa'i sprul sku rgyun mi 'chad/ /de ltar mtshan nyid gsum po 'di rnams ni/ /chos dang longs spyod pa dang / sprul pa'i sku rnams rgyud 'dir thugs dang gsung dang sku rdo rje'i bdag nyid rnams chos/ longs spyod sprul pa las byung 'gro don nyid//thugs kyi gsang sogs byin gyis brlab/ /ces brjod pas so/ /bdud la sogs pas mi phyed pa dang / 'dis sgrub par byed pas sgrub thabs so/ /bsgom pa zhes pa'i tshig la yang don 'di nyid de/ /rigs thams cad kyi rgya mtsho zhes pa ni 'di dang gzhan la'ang shes par bya'o//sngags pa rnams kyis bsgom par bya/ zhes pa ni shes rab dang snying rje'i bdag nyid can nyid kyis zhes nges par gzung ba ni sngar dang phyi ma la yang blta bar bya'o/ /de bzhin du yang gsungs pa/ bdag nyid gsod par byed pa'i bud med ma gtogs par 'dir byang chub sems dpa' thams cad kyis thams cad la rnam pa thams cad du 'dod pas log par g.yem pa spang bar 'gyur la/gzhan yang 'dod pas log par g.yem pa spong ba la skul bar byed do zhes so/ /rtag tu 'dod pa la dga' ba//zhes pa'i bshad pa ni 'di yin la/ 'dod chags 'khor lo bsgyur bar bya/ /zhes pa la sogs rgyud phyi mar yang brjod par yang blta bar bya'o/ /'di yang sdom pa gsum po la yang gnod pa yod pa ma yin te/ gang bcom ldan 'das kyis gsungs pa/ sangs rgyas rnams kyis 'dod bsten na//mchog gi gnas so dge slong rnams/ /sgrub pa pos kyang de bzhin sbyar/ /sdom pa gsum la gnod pa med/ /rdo rjer brjod pa'i sngags kyis rang dang gzhan gyi don sgrub par byed pas rdo rje sngags kyi don sgrub pa'o/ /rdo rje don yod pa ni rdo rje don yod grub pa yin la sangs rgyas thams cad ni dkyil 'khor pa rnams so//gzhan gyi don du ting nge 'dzin gsum gyi rnal 'byor pas gang cung zad brdzun gyi don ston par byed pa'i tshig go/ /sku ni 'gyur med ma skyes pa/ /thugs dang gsung ni mtshon du med/ /nam mkha'i rdo rje rtog las byung / / brdzun pa'i bsdus pas bsdus pa yin/ /zhes pa la sogs pas don dam pa'i bden pa la brten nas dbang po rnon po'i dbang du byas pa'o/ /phung po dang khams dang skye mched rnams dang 'das pa la sogs pa'i mtshan nyid ji lta bar yod do zhes pa la sogs pa yang glang po che'i lta stangs kyis de kho na nyid kyi don btang snyoms su byas te dbang po rtul po rnams la ltos nas kun rdzob kyi bden pa la brten nas so//gal te gsad bya mthong nas gshed ma yis/ /de tshe dris na de la 'di skad brjod/ /sen mo mkha' ltas bdag gis ma mthong brjod/ /khyed kyis lus can de nyid du mthong med//ces sogs ngag ni smras na nyes pa med/ /gnod pa rnams ni yongs su bsrung ba'i phyir/ /zhes pa la sogs pa 'phags pa thams cad yod par smra ba'i 'dul ba las bkod pa yang yin te/ thams cad gzhan la phan pa dang bde bar 'dod pa nyid do/ / gang gsungs pa/ gzhan la phan pa'i don ched du/ /slob dpon bde ba'i rgyu yis ni/ /dkon mchog gsum la gnod med phyir/ /brdzun tshig rtag tu smra bar bya/ /zhes dpal gsang ba'i rgyan bkod pa las so/ /de nyid rdo rje'i rgyu yin pas rdo rje'i tshig rnams so/ /de dang ldan pa'i lha rnams thams cad kyi gzugs de brjod pa'i dus su bsgom par bya'o//bslu bar bya zhes pa ni de kho na nyid bstan pa la kun rdzob kyis yin la/ kun rdzob tu bstan pa la de kho na nyid kyis bslu ba yin no/ /de bzhin du gzhan du'ang ji lta ba nyid du'o/ /rgyal ba rnams ni rnam par snang mdzad la sogs pa yin la rgyal ba'i gnas rnams ni sa rdo rje la sogs pa'i byang chub sems dpa' rnams so//thams cad ces pa ni gang rnams kyi mdun du sngar brjod pa'i tshig la zhugs pa rnams so/ /de bzhin du yang gsungs pa/ lha'i bu ngas brdzun du chos thams cad mkhyen pa nyid kyis bstan par bya'o//des na nga ni brdzun du smra ba'o zhes so/ /thabs sna tshogs mi slu bar byed do zhes gzhan dag go/ /de nyid kyi phyir gsungs pa/ nam mkha'i gsung ste dri med pa/ /zhes so/ /rang gi 'dod pa'i lha'i go 'phang thob par byed pa'i phyir sngags kyi dngos grub thob par byed pa'o//gsang ba ni nyan thos la sogs pa la sbas pas so/ /ye shes blo can rnams ni me long lta bu'i ye shes la sogs pa legs par bsgrub pa la zhugs pa rnams so/ /dam tshig ni don yod grub pa'o/ /de 'gugs pa'i rnal 'byor pa'i rgyud la de'i bdag nyid du byed pa'o//de nyid rigs kyi de kho na nyid yin te/ /de'i don du dam tshig 'di brjod pa'i mtshan nyid bslu ba'o/ /don ji lta ba bzhin du spro bar bya zhes pa ni ji ltar gnyis su brjod pa de bzhin du bya'o zhes pa'i don to/ /'di yang snga ma dang phyi ma la yang blta bar bya'o/ / 'dis ni brdzun du smra ba la dga' zhes pa lnga par bshad pa'i 'grel pa'o/ /rdo rje gsum yang yin la de dbyer mi phyed pa yang yin zhing rgyal ba rnams kyi gnas kyang de rnams yin te/ de sku dang gsung dang thugs la rtag tu gnas pa'i phyir ro/ /dngos grub nyid ni rdo rje yin te de ston pa pa'o//dam tshig ni rin po che tog gi dkyil 'khor 'di yin no/ /rtsub pa'i tshig la sogs pa ni zhes pa la sogs pa'i sgras de'i gdul bya rjes su gzung ba'i phyir phra ma dang tshig 'khyal pa dag go zhes kha cig go/ /gang gsungs pa/ gzhan la phan par byed pa'i tshig las gzhan pa 'dir byang chub sems dpa' thams cad kyis thams cad la rnam pa thams cad du brdzun du smra ba spong bar 'gyur ro//gzhan du yang brdzun du smra ba spong ba la sbyor bar byed do/ /gzhan gsum po la yang 'di bzhin du blta bar bya'o/ /thugs rjer ldan pa don gzigs pas//bkag pa rnams kyang rjes su gnang / /zhes so/ /nyes par spyod pa khyod ni skyes bu rmongs pa drug sde rnams/ /zhes pa la sogs pa bcom ldan 'das kyis gsungs pas so/ /skye bo 'phya ba'i rgyu yin pa nyid kyis bkag pa yin te/ skye bo 'phya ba de nyid kyis so sor thar pa la sogs pa'i sdom pa gsum po la yang ji ltar brjod pa'i rnal 'byor ma tshang ba la mi dge ba la sogs pa'i rnam par gzhag pa sngon du song bas phyis bslab pa'i gnas rnams bcas pa yin la sngar ni ma yin te/dngos po ji ltar gnas pa rang bzhin gyis yongs su dag pa'i chos nyid la dgongs pas so//gang gi phyir rgyal ba'i yum las ji srid du gzugs nas rnam par shes pa'i bar dge ba ma yin zhing mi dge ba yang ma yin no zhes pa la sogs pa'o/ /des na stong pa nyid la sogs pa bsgoms pa sngon du song bas ltung ba thams cad gdon pa la/stong nyid so sor rtog pa yis/ /zhes mdo sde rgyan las so/ /ting nge 'dzin gsum gyi rnal 'byor pas bde ba chen po'i rnam pa rdo rje 'dzin pa chen po rang gi thugs kar dmigs par bya ste de dang de'i gdul bya rjes su gzung bar bya ba'i phyir bkag pa de dag thams cad nyid bsten pa na rnam pa thams cad kyi de kho na nyid thams cad rtogs pa'i ngo bo me long lta bu'i ye shes la sogs pa'i bdag nyid de dang de'i rang gi lha'i 'khor lo mngon sum du bya'o zhes gzhan dag go//ji srid lus kyi rnam g.yeng dang / /tshig ni 'byung bar 'gyur ba yang / /de srid sngags dang phyag rgyar des//gnas ni mnyam pa nyid la gnas/ /de nyid kyi phyir gsungs pa/ de ltar ma lus pa yi 'dod pa yis/ /bdag nyid dang ni gzhan la rang rang gi/ /lha yi gzugs gyur pa la yang dag mchod/ /dam tshig de ni bde gshegs rnams kyis gnang / /rjes su mthun pa'i 'gro ba'i don rnams dang //ma lus bde gshegs mchod pa rab tu brtag /lus la sogs pa'i las rnams de dang de/ /rtag tu legs par mnyam par gzhag par bya/ /rnam pa de dang 'dra ba'i sems ldan lus dang ni/ /ngag gi las rnams ci yang rung ba dag /phyag rgya dang ni sngags kyi rnam pa ru//rdzogs pa'i sangs rgyas rnams kyis de gsungs so/ /dngos po gcig pu la yang sna tshogs pa'i/ /kun du rtog pas bsags pa'i rnam pa las/ /sdug bsngal bde dang grol ba skyed byed pa'i/ /las kyi khyad par mang po 'byung bar 'gyur/ / de bas lus sogs dge dang mi dge ba'i/ /rnam pa'i dbang rnams sems kyi dbang las gsungs/ /de ltar rtog pa ma lus spangs pa yi/ /sems ni nag po'i lus su ci phyir 'gyur/ /mos pa sna tshogs pa'i sems can gyi tshogs dbyer mi phyed pa'i ting nge 'dzin thob par byed pa'i phyir rdo rje bkod pa yin te rdo rje 'dzin pa chen po yin no//bka' stsal pa zhes pa ni thams cad du 'di'i sdud pa pos brjod pa yin no/ /lnga par brjod pa'i dri ba dang lan bsgrub pa'i phyir bstan pa'o/ /dam tshig rdo rje tog ni sgrib pa thams cad rnam par sel ba ste/ de la sogs pa rnams kyis smras pa'o/ /ci'i slad du zhes pa ni spong ba ste 'di ma yin pa nyid de tshig 'di rnams kyis stong pa nyid dang mtshan ma med pa dang smon pa med pa dang rang bzhin gyis 'od gsal ba rnam par thar pa'i sgo bzhi dang / shin tu rnam par dag pa'i ye shes zhe sdang gi rigs la sogs pa'i rang bzhin gyi chos nyid bstan pa ste/byis pa rnams skrag par byed pa'i phyir zhes bsams pa'o/ /de'i phyir gsungs pa/ 'dod pa dang gzugs dang gzugs med pa'i khams gsum las 'das pa'o/ /khams gsum gang yin pa nyid chos nyid de de 'jig rten gyi khams chos nyid do zhes bya ste yang dag pa ma yin pa ni gzung ba dang 'dzin pa'i rnam pa'i sems dang sems las byung ba ste de gsal bar byed pa ni ngag yin la lam ni rnam par thar pa'i sgo bzhi'o//de bsgoms pas de bzhin gshegs pa thams cad nyid sgrub ste de nyid rdo rje'i tshig go//ma zhes bya ba ni 'gegs pa'o/ /byis pa skrag par byed pa nyid kyis brjod ma thag par bstan pa ni dman pa'o/ /de nyid kyi phyir smad pa'i 'du shes bskyed par mi bya'o/ /gang de dag bcom ldan 'das rnams kyis bstan pa ci'i phyir mkhas pa rnams kyis gzung bar bya/tshad ma dang lung gis grub pa'i phyir spyod pa mchog go/ /de nyid kyi phyir de bzhin gshegs pa nyid thob par byed pa'i phyir de'i spyod pa ste sngags kyi theg par bshad pa'i de ma thag par brjod pa'i spyod pa'o/ /de'i phyir 'di mkhas pa rnams kyis nges par gzung bar bya'o/ / tshad ma dang lung gis grub pa nyid kyis 'bras bu mchog thob par byed pas na mchog go/ /ma skyes pa'i rang bzhin gyi spyod pa 'dir khyab pa sgrub par byed pa'i yul gyi dpe gsungs pa 'di lta ste zhes pa la sogs pa'o/ /nam mkha' ni phyogs bcu thams cad du son pa'o/ /der yang phung po la sogs pa'o//de'i rang bzhin rnams nyid ni 'dod pa'i khams kyi sa la sogs pa 'byung ba chen po bzhi po rnams te de'i phyir de rnams su ma yin no/ /de nyid kyi phyir de rnams nam mkha'i rjes su song ba nyid do/ /ji ltar yang 'di rnams bzhin du ma skyes pa'i ngo bo de bzhin nyid kyi rjes su song bar rigs lnga'i bdag nyid kyi chos thams cad do zhes gsungs pa de ltar zhes bya ba la sogs pa'o//don gyi dbang 'di gzigs zhes pa ni de kho na nyid kyi don la rag las pa'o/ /bsam pa mkhyen nas zhes pa ni rnam pa 'di lta bu'i chos rtogs pa la snod nyid du shin tu dag pa mi g.yo bar ro//gang dang gang las zhe sdang la sogs pa'i rigs kyis sems can gyi don mthong na de dang de nyid kyi dbang du byas te bden pa gnyis la brten nas chos ston pa rnams la thugs rje chen po'i bdag nyid bde bar gshegs pa rnams so/ / thams cad la skabs 'byed pas dmigs pa med pa'i ye shes nam mkha' ste 'di spangs pa'i dpe ni yod pa ma yin no/ /ji ltar nam mkha' yin pa de ltar sangs rgyas yin la sems can yang 'di'i mtshan nyid yin no zhes rigs pa las so/ /des na brjod ma thag pa'i de bzhin gshegs pa de rnams dam tshig kyang yin pa nyid du rjes su rtogs pa nyid du bya ste de kho na nyid du'o//des na 'di ston pa la dman pa la sogs pa'i 'du shes bskyed par mi bya'o/ /ji ltar na yang sku rdo rje la sogs pa bskyed par spang ba sba bar mi nus pa gal te de kho na nyid du chos thams cad ma skyes pa nyid yin na skur pa 'debs pa'i mtha' yin no zhes dgongs so//gzugs su rung bas gzugs dang myong bas na tshor ba dang / mtshan mar 'dzin pas 'du shes dang ji srid du sems g.yo bar byed pas 'du byed dang so sor shes pas rnam par shes pa ste mtshan nyid 'di rnams kyis stong pa'i phyir chos thams cad stong pa'o zhes brjod par bya ste so sor snang ba tsam la skur pa 'debs pa ma yin pa'i rigs pas 'di lta ste zhes pa la sogs pas rten cing 'brel bar 'byung ba so sor snang ba tsam sba bar mi nus par gsungs so//de bzhin du zhes te gus pa dang bcas pa yun ring por bar ma chad par bsgoms pa med na mthar de bzhin gshegs pa thams cad dang de rnams kyi rdo rje'i dam tshig kyang mngon sum du mi 'gyur te de las gzhan du gang du yang mi 'gro'o//de nyid yod pa na gsal por rtag tu mngon sum du 'gyur te gzhan gang las kyang 'ong ba ma yin no//gang du yang gnas pa ma yin te sogs pa'i sgra'i phyir ro/ /gnyis su med pa'i de bzhin nyid kyi ro gcig pas de rnams dang de'i yang rtag tu thams cad du yod pa'i phyir 'gro ba dang 'ong bar gnas pa rnams kyang ji ltar brtags pa yin te de kho na nyid du mi srid pa'i phyir ro//chos 'di shin tu zab pa nyid du tshad mas grub par bstan pa'i don dang ma 'ongs pa'i nyan pa po'i skye bo yang dag par slob pa'i don du yang dga' ba dang bcas pas chos kyi dbyings gsungs so/ /rmad du byung ba chen po ci zhe na/ gang gi phyir nam mkha' dang mnyam pa'i de bzhin nyid gang yin pa rnams so//de nyid kyi phyir/ chu khams gser dang nam mkha' rnams/ /dag pa bzhin du dag par 'dod/ /ces pa'i rigs pas dag pa yin la mi rtog pa yang yin no/ /de ltar na bstan pa med par thal bar 'gyur ro zhes gsungs pa kun rdzob tu yang bshad pa yin no zhes so//'di'i don ni 'di yin te bstan pa la sogs pa'i tha snyad ni dngos po la yod pa ma yin te 'on kyang spyir sgro btags pas kun rdzob bo/ /gang gsungs pa/ 'jam dpal bstan du med pa ste/ /bstan pa ni btags su yod pas so/ /sgra dang rnam par rtog pa yang brgyud pas dngos po dang 'brel te mi slu ba'o//med na ni slu ba'o/ /tha dad dngos rnams la brten nas/ /don gcig tu ni snang ba'i blo/ /gang gis rang gi ngo bo yis/ /gzhan gyi ngo bo sgrib byed pa/ /kun rdzob des bdag tha dad kyang / /tha dad pa nyid bsgribs pa yin/ /dngos rnams ngo bo 'ga' zhig gis/ / tha dad min pa lta bur snang / /de la bsam pa'i dbang gis na/ /spyi yod pa ni rab tu bsgrags/ /de yis ji ltar kun brtags pa/ /de ni dam pa'i don du med/ /shes pa yod pa'i don de rnams/ /'di ltar ldog pa'i ngo bo can/ /des na tha dad min lta bu/ /de la'ang gzhan las ldog par yang //snang ste de la spyi dang ni/ /gzhi mthun spyod yul can dag gis/ /shes pa dang ni brjod pa yis/ /tha snyad nor don can rgyas byed/ /dngos po rnams kyi de kun yang / /phan tshun med la brten pa ste/ /des na gzhan sel yul can yin/ /gang la dngos dang 'brel yod pa/ / dngos po rnyed pa'i rten yin te/ /rjes dpag ji skad bshad ji bzhin/ /'khrul par 'dra yang gzhan la min/ /mar me'i 'od la nor bu bzhin/ /zhes rnam 'grel las so/ /don dang thob dang bsgrub pa dang / /dam pa'i don ni gsum du 'dod/ /ces te des na ma bcos pa'i dag pa yang yin te nyon mongs pa dang shes bya'i sgrib pa bag chags dang bcas pa dang bral ba'i phyir de kho na nyid de rigs lnga'o//don ni dgos pa ste yul yang yin la rang gi don du'o/ /brjod par bya ba ni gzhan gyi don du yin te gang mi bskyod pa la sogs pa rnams kyi'o/ /de rnams kyang dam tshig yin te sngar brjod pa rnams so//rnam pa 'di lta bu'i snying rje dang shes rab dang nyi ma so so'i thun mtshams bzhir ting nge 'dzin gsum gyi sbyor ba dang de bzhin gshegs pa'i bka' dang so so'i bkas gcig tu gzhan gyi don du nges pa la sogs pa yang dag pa'i rnal 'byor pa'i mtshan nyid ma tshang ba rnams ji ltar brjod pa'i rjes su gnang ba'i yul las gzhan du zhugs pa la yang mi dge ba bcu la sogs pa'i rnam par gzhag pa'o//gang gi phyir lung phan tshun 'gal ba ma yin te yul tha dad pa yin pa'i phyir ro/ /bud med gdong ni yang dang yang mi blta//bud med dug la nam yang reg mi bya/ /chu dang me yis de tshe 'chi bar 'gyur/ /de yis sa yi 'du shes bskyed de reg /ces bya ba la sogs pa'i ngag bzhin du sngar brjod do/ /dpal gsang ba 'dus pa'i rgyan las le'u ste dgu pa'o// //de nas zhes te rigs lnga rnams ni dgod par bya/zhes brjod pa de de ru ci dang por brjod pa'i rigs lnga rnams yin nam gzhan du de rnams kyi sa bon yin/ ci'i phyir de rnams dgod/ gang gi tshe yang nyin dang mtshan du ma tshang ba med pa'i ting nge 'dzin dang dam tshig dang sdom pa la sogs pa'i lam la gnas pa'i rnal 'byor pa lhas rjes su gnang ba shes rab dang ldan pa dad pa dang yang dag par ldan pas zla ba drug gam gsum mam gnyis sam phyed dang gnyis sam gcig gam phyed du bsgrubs la/drug gis lha rnams ma grub pa de'i tshe bdun pa la drag po'i bsgrub pas ci brtsam par bya ba yin nam zhes gdul bya'i 'dod pa yongs su chod pa'i rjes la'o//dam tshig chen po'i rdo rje ni thog ma dang tha ma med pa'i rdo rje sems dpa'o/ /de'i de kho na nyid ni zag pa med pa rgyun du 'byung ba yin la bde ba dang yid bde ba dang kun du bzang po yang yin no/ /de mngon par byang chub pa ni mngon sum du byed pa'o//de nyid sku dang gsung dang thugs kyi gsang ba gang gi yin pa de la de skad ces bya'o/ /de nyid rigs ni lnga ru brjod/ /ces rgyud phyi ma las te de'i bdag nyid kyi hUM oM swA AHhA zhes pa'i yi ge lnga po ni de kho na nyid do/ /de nyid ni thams cad kyi sngags rnams 'dir 'dus pa'i phyir snying po yang yin la 'dus pa yang yin no//de nyid dam tshig dang yid bzhin gyi nor bu'i rigs dag zhe sdang gi rigs kyi nang du 'dus pas rigs gsum gyi gsang bar brjod do zhes pas sku dang gsung dang thugs gsang bar grags/ 'di chen po yang yin la phyogs bcu mtha' yas pa'i 'jig rten gyi khams su snang ba'i so so'i rdul phra rab shes rab dang thabs kyi rang bzhin dri ma med pa bde ba chen po'i rnam pa rigs lnga'i dkyil 'khor gyi ngo bo yin pa'i phyir te dngos grub kyang yin la/'di de'i tshul yang yin te/ de las khyad par can med pas mchog kyang yin no//nyon mongs kun gyi rgya mtsho ni 'khor ba'o/ /de'i mnga' bdag ni ston pa yin te/ nyon mongs pa 'chos pas 'khor ba dang zhi ba mnyam zhing ro gcig pa'i ye shes la sems can gyi khams rab tu 'jog par byed pa'i phyir ro//'bar ba ni nyon mongs pa'i bud shing bsregs pas so/ /drag po ni snying rje'i rang bzhin gyi khro bo yin pas so/ /de kho na nyid bstan pa'i don du de bsgom pa'i ngo bor re zhig pa gsungs pa/ sku gsung thugs kyi rdo rje rnams ni so sor sku gsung thugs bsgom pa'o/ /mnyam pa ni de bzhin nyid de gang du skye ba med pa dang 'gag pa med pa 'di ni mnyam pa nyid ces brjod pa'i phyir ro//de'i ngo bo gang la yang mi gnas pa ni zhen pa mi dmigs pa'i phyir te de nyid kyi phyir rnam par mi rtog pa'o/ /shes rab pha rol phyin gnyis med/ /ye shes de ni de bzhin gshegs/ /ces pa'i rigs pas rdo rje ni pha rol tu phyin pa la sogs pa rnams yin te gang pha rol tu phyin pa bcu 'am drug po nyid sngags yin la/shes rab dang snying rje'i bdag nyid ni bde bar gshegs pa rnams yin te/ de ston par byed pa yi ge hUM la sogs pa yin la/ de rnams kyi tshul yang rdo rje'o/ / sems can gyi don byed pa'i rol mo ni sna tshogs pa'i spyod lam dang kha dog dang cha byad dang nyams la sogs pa rnams kyis mtshon pa'o/ /phyogs bcu 'jig rten gyi khams mthas klas pa rnams su zhes pa ni snod dang ldan pa'i skye bo la ltos pas yin te mtha' yas pa'i 'jig rten gyi khams zhes brjod pa'i phyir ro//sku la sogs pa'i rol pa bstan pa gsungs pa rol pa zhes pa la sogs pa'o/ /shes rab dang snying rje chen po'i bdag nyid kyis sems can ma lus pa rnams la mnyam par 'jug pa sems can gyi don byed pa rnams rol mor gsungs pa yin na yang de sngags kyi spyod pa la mngon par brtson pa rnams mi gzigs pa rgyu cis yin zhes dogs pa'i lan gsungs pa byang chub tu sems bskyed pa dang dkyil 'khor du 'jug pa dang dam tshig dang sdom pa la sogs pa 'dzin pas rdzogs pa de nyid 'grub po//ldan pa zhes pa ni nges par gzung ba'o/ /'di zhes pa ni sngags kyi spyod pa la mos pa'o//gang gsungs pa/ mchog gsang dkyil 'khor dam pa 'dir/ /mthong ba dang ni zhugs gyur pas/ /sdig pa kun las nges grol ba/ /khyed rnams de ring legs par gnas/ /bde chen theg pa 'di las ni/ /slar khyod 'chi ba yod min te/ / mi tshugs pa dang mi chod pa/ /cis kyang mi 'jigs dga' bar gyis/ /srid pa shin tu dag pa'i phyir/ /srid pa'i sdug bsngal las khyod 'das/ /srid pa shin tu grub pa'i phyir/ /ston pa'i mchog tu gyur pa yin/ /dam tshig sdom pa grub pa 'di/ /rtag tu khyod kyis bsrung bar bya/ / sangs rgyas kun gyis mthun par gsungs/ /dam pa rtag pa'i bka' yin no/ /gang zhig bskyed pa tsam gyis ni/ /sangs rgyas nyid du dogs med pa'i/ /byang chub sems ni gtong mi bya/ /phyag rgya rdo rje gang yin pa'o/ /dam pa'i chos ni mi spang zhing / /nam yang dor bar mi bya'o/ /mi shes pa'am rmongs pa yis//tshul chen bstan par mi bya'o/ /bdag nyid yongs su spangs nas su/ /dka' thub kyis ni mi gdungs shing / /ci bde bar ni bde bar gzung / /'di ni ma byon rdzogs sangs rgyas/ /rdo rje dril bu phyag rgya rnams/ /nam yang yongs su mi dor zhing / /slob dpon smad par mi bya ste//'di ni sangs rgyas kun dang 'dra/ /sangs rgyas kun mtshungs bla ma yi/ /slob dpon la ni gang smod pa/ /de ni sangs rgyas kun smad pas/ /rtag tu sdug bsngal thob 'gyur te/ /rims dang dug dang dbyig dug dang / /mkha' 'gro rnams kyis gtses pa dang / / gdon dang log 'dren gtum po yis/ /bsad nas sems can dmyal bar ltung / /de bas nan tan thams cad kyis/ /rdo rje slob dpon blo gros che/ /dge ba rab tu mi spyoms pa/ /nam yang smad par mi bya'o/ /bla ma la ni gus bcas yon/ /rjes mthun khyod kyis sbyin par bya//des ni rims sogs gnod pa rnams/ /phyir zhing 'byung bar mi 'gyur ro/ /rtag tu rang gi dam tshig bsrung / /rtag tu de bzhin gshegs pa mchod/ /rtag tu bla ma la yang dbul/ /'di ni sangs rgyas kun dang 'dra/ /de byin sangs rgyas thams cad la/ / rtag tu byin pa nyid du 'gyur/ /de byin bsod nams tshogs yin te/ /tshogs las dngos grub mchog tu 'gyur/ /gang phyir 'di ni legs gnas pas/ /deng khyod skye ba 'bras bur bcas/ /dam tshig lha rnams kun mnyam par/ /deng khyod gyur pa the tshom med/ /sangs rgyas rdo rje 'dzin bcas pa//kun gyis deng khyed dbang bskur bas/ /khams gsum gyi ni rgyal po che/ /rgyal po'i bdag por bstan pa yin/ /deng ni bdud las rnam rgyal te/ /grong khyer mchog tu rab tu zhugs/ /khyed rnams kyis ni sangs rgyas nyid/ /deng nyid thob par the tshom med/ / de ltar yid ni rab dang rdo rje nyid du gyis/ /rang gi dam tshig mi bzad bde chen bsten par gyis/ /deng ni 'gro ba myur bde rdo rje sems dpa' dang / /rab tu mnyam zhing rtag pa nyid du rtogs par 'gyur/ /zhes so/ /sngags kyi theg pa 'dir 'jig rten spyod pa zhes pa la sogs pa rgyud phyi ma las brjod pa'i dam tshig dang sdom pa la sogs pas rjes su bsgrub pa ni sngags kyi spyod pa'o//theg pa ni de nyid bla na med pa'i byang chub thob par byed pa'i phyir dang chos kyang yin te/ mthong ba dang ma mthong ba la 'dod pa'i 'bras bu yin pa'i phyir der zhugs pa yod na grub pa de nyid ces mi gzigs pa'i rgyu'o//de med na yang mi 'grub pa des na mi bskyod pa la sogs pa byed pa por gyur pa rnams gzigs pa ni/ sngags kyi spyod pa la mngon par brtson pas rang 'od kyi shes rab kyi snying ga la sogs par bkod de yi ge hUM gi 'od zer gyis thugs bskul te dgug pa dang / gzhug pa dang mi bskyod pa la sogs pa de yongs su gyur pas so so'i rdul phra rab byin gyis brlabs pa de don gyi dgos pa gang gi yin pa ni de'o//sngags thams cad ni mi bskyod pa la sogs pa rnams so/ /snying po ni skul bar byed pa'o/ /spyir brjod nas rigs gsum gyi dbye bas gsungs pa/de bzhin gshegs pa thams cad ni sku rdo rje yin la rdo rje 'dzin pa thams cad ni thugs rdo rje yin zhing chos 'dzin pa thams cad ni gsung rdo rje'o/ /de rnams kyi sku dang gsung dang thugs kyi dam tshig ni 'da' bar bya ba ma yin pa nyid kyis yin la sngags kyi spyod pa la mngon par brtson pa rnams la gzigs pa ste gang gis dmigs pa yin na//gsung rnams ni mdo dang dbyangs kyis bsnyad pa dang / lung du bstan pa dang / tshigs su bcad pa dang ched du brjod pa dang gleng gzhi dang rtogs pa brjod pa dang de lta bur byung ba dang skyes pa'i rabs dang / shin tu rgyas pa dang rmad du byung ba'i chos dang gtan la phab pa rnams te/gsung rab yan lag bcu gnyis kyi mtshan nyid rnams ni lam ste bgrod pa'o/ /yi ge hUM la sogs pa de rnams nges par brjod pa ni sgra'i nges pa'i tshig yin te/ chos thams cad ni ha'i sgo ste rgyu dang bral ba'i phyir te/ chos thams cad ni u'i sgo ste dpyod pa dang bral ba'i phyir zhes pa la sogs pa des mtshon pa ni sngags thams cad bsdus pa yin te/'dir de brjod pa dang ldan pa'o/ /de la don mang po ston par byed pas mdo'o/ /gang du gang tshigs su bcad pas brjod pa'i don mthar dbyangs dang 'brel ba'i tshigs su bcad pas dbyangs su byas pa yin te/rtogs par sla ba'i don du byas pa ni dbyangs kyis bsnyad pa yin te gang drang ba'i don gyi mdo yang yin no/ /gang du ma 'ongs pa'i don skye ba la sogs pa'i sgo nas lung ston pa de ni lung du bstan pa ste gang nges pa'i don gyi mdo yang ngo / /tshigs su bcad pa ni brjod pa'i don gsal bar byed pa rkang pa gnyis pa la sogs pa'i rang bzhin ji srid du rkang pa drug pa'i bar ro//ched du brjod pa ni gdul bya'i ngor ma bris pa'i don brjod pa ste gzhan la ma bos par dga' bas yid kyis brjod pa'o/ /gleng gzhi ni nges par byed pa'i ngag yin te/yul dang dus la sogs pa'i so sor nges pa brjod pa 'dis rtogs pa po rnams nges pa skyed par byed pas so/ /rtogs pa brjod pa ni dpe dang bcas par brjod pa'o/ /de lta bu byung ba'i sde ni sngar byung ba brjod pa'o/ /skyes pa'i rabs ni byang chub sems dpa'i gnas skabs ston pa'o//shin tu rgyas pa ni byang chub sems dpa' rnams la bdag med pa gnyis pa bstan pas bden pa gnyis rab tu bstan pa'o/ /rmad du byung ba'i chos ni cho 'phrul chen po la sogs pa'o/ /gtan la phab pa ni bshad pa bstan pa'o/ / 'phags pa phal chen sde'i gsungs pa/ gleng gzhi dang rtogs pa brjod pa dang gtan la phab pa zhes pa'i yan lag gsum ni mdo'i sde la sogs pa rnams su 'dus pas gsung rab yan lag dgu'o/ /nges pa nyid du 'di de bzhin gshegs pa rnams bskul bas sngags bsgom pa la mngon par brtson pa bstan pa bskyed par bya ba'i don du 'di mthu gsungs pa/'dar zhing zhes pa la sogs pa'o/ /rang gi 'dod pa'i lha dran pas 'jigs pa chen po la sogs pa med do zhes yang dag par bslab pa'i don du yang rdo rje sems dpa' rjes su dran pa dang ldan pa'o/ /le'u dang por rgyur gyur pa'i rdo rje 'dzin pa grub pa gsungs la da ni 'bras bur gyur pa gsungs pa/de nas zhes pa la sogs pas so/ /de rdzogs pa nyid ni 'dir dam tshig go/ /de bzhin gshegs pa thams cad kyi 'od zer gyi tshogs kyis phyogs bcu thams cad du khyab pa'i 'khor lo ni dkyil 'khor te gzhal yas khang ngo //thub dbang 'od kyi dkyil 'khor sna tshogs pa'i/ /zer gyis phyogs mtshams ma lus kun khyab pa/ /zhes brjod pas so/ /yi ge hUM ni zla ba zhu ba yongs su gyur pa las so/ /yi ge hUM rang gi gzugs ni rtse mo lnga gnyis can gyi rdo rje dmar po'o//des na de'i rnam pa ru brtag par bya ste bsgom par bya'o/ /sangs rgyas rnams ni phyogs bcu na gnas pa rnams kyi sku dang gsung dang thugs phrogs pa ni bkug pa'o/ /de nyid ni rdo rje'i lte bar gnas pa'i yi ge hUM gis so/ /rnal 'byor pa des skad cig de nyid la rdo rje yongs su gyur pa'i rjes la'o//rang gi 'khor lo ni rang gi dkyil 'khor gyi'o/ /rang gi sngags kyis zhes pa ni sa bon gyis te yi ge hUM la sogs pas so/ /gang gsungs pa/ rang gi snying po las byung ma lus pa'i/ /gnyug ma'i dkyil 'khor ba yi gzugs bsams te/ /zhes so/ /skabs su bab pa'i bdun pa drag shul gyi sgrub pa gsungs pa/rang sngags skyes bu ni rang gi lha nyid dbus su bsgoms nas rang gi sngags las de'i gzugs rnams phyung ste phyogs bzhi ru yang dag par bzhag ste/ de rnams kyi snying ga'i dbus su son pa'i phra mo'i dkyil 'khor rnams bsgom par bya'o//rang gi dkyil 'khor la gnas pa de'i rang gi bdag po'i snying ga la gnas pa'i ye shes sems dpa'i snying ga'i zla ba'i dbus su son pa'i mi 'gyur ba'i yi ge hUM de ni rtse mo lnga pa'i rdo rje chen po'o/ /sbyor bas zhes pa ni thabs dang shes rab snyoms par 'jug pa'o/ /rtag tu ni thun bzhi ru bsgom pa'o//rdo rje gsum rnams ni thugs rdo rje la sogs pa'i ngo bo yin pas rdo rje dang 'khor lo dang pad+ma'i lcags kyu rnams kyis bya'o/ /gang gsungs pa/ rdo rje lcags kyus dbye ba yis/ /zhes so/ /des na rdo rje lcags kyu la sogs pas thugs rdo rje la sogs pa'i gnas ji lta bar brdeg par bya ba nyid do//rab tu bskul ba ni dngos grub ster ba la mngon du phyogs par byed pa'o/ /rdo rje thams cad kyi sngags kyi spyod pa la mngon par brtson pa rnams kyi'o/ /de bzhin du 'khor lo la sogs pa'i rigs can gyi oM la sogs pa las byung ba'i rang gi mtshan ma las skyes pa'i lcags kyu gsum gyis bskul bar bya'o zhes gsungs pa 'khor lo zhes pa la sogs pa'o//de bzhin gshegs pa'i thugs kar brgyab pas rnal 'byor pa'i kha na ma tho bar 'gyur ro zhe na/ gsungs pa brdeg pa 'di rang gi sems kyi snang ba'i rol mo las kun rdzob tu byung ba yin la de kho na nyid du brdeg par bya ba dang rdeg par byed pa dang brdeg pa rnams yod pa ma yin pa'i phyir phyin ci ma log pa de'i tshe shes par bya ste 'di ltar thugs rje chen pos gzhan gyi don du 'jug pas ci'i phyir rnal 'byor pa la kha na ma tho ba'i go skabs yod/'di ni thugs bskul ba drag shul gyi sgrub thabs bdun pa'o/ /'jigs pa ni rang gis dam bcas pa las 'das pa la 'jigs pa yin te mi 'jigs pa thob pa nyid kyis 'jigs pa gzhan mi srid pas so/ /sangs rgyas sam byang chub sems dpa' sngags kyi spyod pa'i mchog la spyod pa ji skad du brjod pa'i tshul gyis bskul ba yod na yang gal te ma grub na dam tshig las 'das par 'gyur te/gti mug gi bdag nyid rnam par rtog pa med pa'i shes pa can no/ /de'i de zhes pa ni shin tu 'das pa de'i'o/ /srog ces pa 'dis ni 'da' bar bya ba ma yin pa 'di yin no//sbyor ba zhes pa ni rnal 'byor pa'i sems brtan par byas pa dang ldan pa ste de dag la nye bar gnas na 'chi ba mi srid pa'i phyir ro/ /sgrub pa pos kyang gal te ji ltar brjod pa'i go rims ji lta bar ma zhugs na mdor na 'bras bu mthong bas drag po'i sgrub pa brtsam par bya ste de'i tshe de yang 'jig par 'gyur ro//ji srid du sngags rnams kyang yin te de rnams shes rab dang snying rje'i bdag nyid yin pa'i phyir dang skyes bu yang yin te skyes bu chen po'i mtshan la sogs pa sbyor ba dang ldan pas so/ /gsum ni sku la sogs pa'i ye shes kyis gang ba mi bskyod pa la sogs pa de srid pa'o//dngos po thams cad bsgom pa ni phung po la sogs pa rnams te so so'i rdul phra rab dbang po gnyis kyi sbyor ba shes rab dang thabs kyi snyoms par 'jug pas bde ba chen po'i tshul gyis rnam pa sna tshogs pas brtag par bya'o/ /gang gi phyir de'i sngags 'di grub pa'i don du dam tshig ste de kho na nyid bsgom pa'o//rig ma ni rang 'od kyi shes rab yin la de nyid dbang phyug ste/ dngos po thams cad la khyab pa'i phyir ro/ /de la zhugs pa rnams la rdo rjes pad+ma la sbyor ba bsgom par bya'o/ /de yang chags la ste chags pa chen pos chags pa'i lta ba yang bsgom par mi bya'o//gang gi phyir dam tshig gi de kho na nyid de nyid kyi ma yin te snying po yin no/ /de len par byed pas dkyil 'khor te 'di ni bsgom pa'o/ /khyab pa gsungs pa/ 'jig rten khams ni thams cad na/ /bud med ji snyed yod gyur pa/ /de dag thams cad rang 'od kyi rig ma la yid kyis spyan ma la sogs pa'i gzugs kyis gzhug par bya'o//phyag rgya chen po yid las byung / /dam tshig phyag rgya kun du son/ /chos kyi phyag rgya tshig yin te/ /las kyi phyag rgya lus las byung / /zhes te/ phyag rgya chen po la sogs pa'i sbyor bas bsten par bya'o/ /bsten pa'i dus der yang rang gi ba spu'i bu ga las de bzhin gshegs pa rnams phyogs bcu rnams su spro bar bya ste/sems can ma lus pa'i don ji lta bu'i las byas nas slar yang bsdu ba la sogs pa bya'o/ /dpal gsang ba 'dus pa'i rgyan las le'u bcu pa'o// //de nas zhes te/mi bskyod phyag rgyar rab mchog bsgom/ /zhes pa de gang sngon du song bas bsgom par bya zhes pa la sogs pa'i gdul bya'i spyod pa nges pa'i rjes la'o/ /de bzhin gshegs pa thams cad kyi rdo rje nyid skyes bu mchog rnams sku rdo rje la sogs pa'o/ /de'i ngo bo oM yig la sogs pa de'i yul yin pa'i ting nge 'dzin de la de skad ces brjod do//de bzhin gshegs pa thams cad kyi rdo rje'i sngags ni oM yig la sogs pa rnams yin te de sngon du song ba ni rig pa'i skyes bu yin la bshad zin te de nyid mchog go/ /rdo rje gsum rnams ni yi ge oM la sogs pa'i yi ge nyid de sngags kyi mchog go//des phyag rgya chen po rig pa'i skyes bu'i bdag nyid rnam pa sna tshogs pa'i rnam pas bsgom par bya'o/ /ye shes ni byang chub kyi sems so/ /de nyid rdo rje ste ri bong can zhu bar gyur pa'o/ /gang las des ni de thams cad kyi rnam pas byang chub kyi sems thob par byed pa'o//yi ge oM ni me long lta bu'i ye shes so/ /de nyid snying po ste sa bon yin la gang las de'i sku rdo rje thob pa'o/ /yi ge AH ni so sor rtog pa'i ye shes kyi snying po'o/ /byang chub bdag med pa ni chos kyi dbyings so/ /'di ni snga ma dang phyi ma la yang yin te lhag ma ni snga ma bzhin no//yi ge hUM ni shin tu rnam par dag pa'i chos kyi dbyings kyi ye shes te snying po'o/ /so sor rdo rje gsum dbyer med pa thob pas yi ge oM la sogs pa yang sku dang gsung dang thugs so/ /nam mkha' rdo rje ni nam mkha' rdo rje yin te de yang chos kyi 'byung gnas so zhes bshad zin to/ / de'i dbus su gnas pa'i dkyil 'khor zhes pa ni spyir brjod kyang zla ba'i dkyil 'khor ro/ /kun du phyogs pa'i rdo rje ni sna tshogs pad+ma la gnas pa'i sna tshogs rdo rje'o/ /sna tshogs rdo rje dkyil gnas pad+ma ni zhes brjod pa'i phyir rdo rje thams cad de las skyes pa ni de la gnas pa'o//de ru ni de las skyes pa'i dkyil 'khor la'o/ /ye shes nyid rdo rje ste snying po ni b+h+rU~M mo/ /rdo rje dkyil 'khor ni/ /rgyal mtshan gyis mtshan gzhu 'dra sngo/ /ya~M las byung ba g.yo ba'i rlung / /ra~M byung gsal ba'i dkyil 'khor ni/ /ba~M byung chu yi dkyil 'khor dkar/ / b+h+rU~M las mtshan ma'i zlum po'o/ /chos kyi dkyil 'khor ni/ /zur gsum raM las byung ba ste/ /dmar po me yi dkyil 'khor ro/ /de skad du brjod pa/ rdo rje gsal chos 'khor lo de/ /sku gsung thugs kyi rdo rjer gtogs/ /gnas su de yis bstan bya ste/ /ye shes sku ni spro zhing bzla//zhes so/ /yi ge b+h+rU~M ni 'chad par 'gyur ba'i rten cing 'brel par 'byung ba'i yan lag bcu gnyis rnam par dag pa ston par byed pa'i 'khor lo rtsibs bcu gnyis pa gnas gyur pa'i rnam par snang mdzad rig ma dang bcas pa'i rnam par snang mdzad kyi yan lag las byung ba'i gnas kyi gzhal yas khang pa rdo rje gsum las byung ba bsgom par bya'o zhes nges par gsungs so//de gsungs pa/ b+h+rU~M gyi 'khor lo las byung rig bcas pa'i/ /rnam par snang mdzad yan lag yang dag byung / /zhes so/ /snying po zhes pa ni mi gnas pa'i mya ngan las 'das pa rjes su chags pas chags pa ste/shes rab dang thabs kyi bdag nyid kyi yi ge ho gnyis so/ /dus gsum gyi sangs rgyas rnams kyi sku dang gsung dang thugs mnyes par byed pa'o/ /gang gi tshe yang de rnams lam la gnas pa na khams gsum dang yang dag par ldan pa'i sku dang gsung dang thugs la 'dod pa skyed par byed do//de'i tshe shes rab kyis 'khor ba'i nyes pa mthong bas 'khor ba las ldog cing mya ngan las 'das pa'i yon tan bsngags pas de dang yang dag pa nyid skye bar 'gyur ro/ /gang gi tshe yang bar skabs su sems can gyi gnod pa la sogs pas bse ru dang nyan thos kyi mya ngan las 'das pa dang yang dag par ldan pa dag skye bar 'gyur ro//de'i tshe snying rjes mya ngan las 'das pa la bzlog ste sems can 'di rnams bum pa bzang po zhes bya ba la sogs pa'i yon tan bsngags pas mi gnas pa'i mya ngan las 'das pa yang dag par ldan pa nyid skye bar 'gyur ro/ / rim pa 'dis de rnams kyi sku dang gsung dang thugs rnams yi ge gsum gyi ngo bo rnams te des na mi gnas pa'i mya ngan las 'das pa la rjes su chags pas mnyes par byed do/ /oM AHhUM zhes pa'i sems nyid ni/ 'od ldan ho dang spel ba'i cho ga bzhin/ /zhes brjod pas so/ / gang 'phags pa byams pas/ shes pas srid la mi gnas shing / /snying rjes zhi la mi gnas dang / /des na nyes pa mthong phyir srid par min/ /snying rjer ldan phyir myang 'das min/ /gzhan don skye bar mthong ba'i phyir/ /srid pa brtan par gnas pa'ang yin/ /gang dag gis yang shes rab dang thabs la zhu bar gyur pa sku gsung thugs mnyes par 'chad de//de rnams ni/ /ye shes rdo rje can gyis bya/ /zhes pa 'dis 'di'i don brjod pa'i phyir zlos pa'o/ /rdo rje gsum zhes pa la sogs pa ni rang gi ngo bo'o/ /oM zhes pa la sogs pas ni so sor gsum gyi gzugs so//rdo rje dkyil 'khor zhes pa la sogs pas ni bzlas pa'i dus kyi rten yin no/ /oM ni sangs rgyas sku yi mchog /ces pa la sogs pas ni spros pa sngon du song ba'i sdud pa'o zhes kha bskang ba dang ldan pas dngos su zhugs pa'i sdud pa la sogs pa'o zhes brjod do//'di ni snying rje dang shes rab kyi bdag nyid ho gnyis kyi dbus su chud pa yi ge gsum po brjod ma thag ma'i rigs pas mi gnas pa'i mya ngan las 'das pa'i bdag nyid bla na med pa rdzogs pa'i byang chub sgrub par byed pa'o/ /ye shes rdo rje ste ye shes lnga'i bdag nyid kyi rdo rje 'dzin pa chen pos so//sangs rgyas kyi rgyu ni gang 'di la sangs rgyas nyid kyis 'bras bu 'byung ba'o/ /'di rnams ni oM yig la sogs pa sangs rgyas kyi skyes bu rnams te sku rdo rje la sogs pa'i rang bzhin no/ /ji ltar zhe na/ rdzogs pa la sogs pa gang rnams kyis byin gyis rlob pa la sogs pa mtha' yas pa nyid 'da' bar bya ba ma yin pa'i phyir gang rnams kyi dam tshig de rnams kyis rdo rje gsum dbyer mi phyed pa'i dam tshig bsgom pa'o//de bzhin gshegs pa thams cad kyi sku dang gsung dang thugs nyid dam tshig ste/ de'i de kho na nyid ni ye shes te dga' ba yin la de nyid kun du bzang por nges pa ste de nyid rdo rje yin zhing de nyid byin gyis rlob pa yin te/sku dang gsung dang thugs bsgrub par nus pa'i rgyu yin no/ /dben pa rnams su zhes pa ni rigs mi mthun pa ting nge 'dzin gyi mi mthun pa'i phyogs spangs pa rnams su'o//nyams dga' ba rnams su zhes pa ni yid du 'ong ba rnams su'o/ /yang zhes pa ni 'chad par 'gyur ba'i gnas kyi khyad par sdud pa'o/ /'di ni 'chad par 'gyur ba'i thun mong gi dngos grub bsgrub pa'o/ /zla ba phyed kyis zhes pa ni rig pa'i brtul zhugs spyad pa dang mtshan ma thob pa dang lha rnams kyis rjes su gnang bas snod dang ldan pa babs pas lha rnams bris pa'i sku'i dkyil 'khor du gnas te yo byad thams cad dang ldan pas sgrub par rtsom pa la zhugs pas so//sgrub thabs gsungs pa nam mkha' rdo rje ni chos kyi 'byung gnas te thams cad du shes par bya'o//gsal ba'i dkyil 'khor ni 'dir rnam par snang mdzad kyi dkyil 'khor ro/ /rang gi sngags dang dam tshig ni rnam par snang mdzad yin la de'i snying gar ye shes sems dpa'i thugs kar zla ba ste/ 'khor lo'i lte ba la gnas nas yi ge oM las de bzhin gshegs pa lnga'i rnam pa'i 'od zer gyi tshogs chen po rnams phyogs bcur spros te snod ji lta ba bzhin du sems can thams cad rnam par snang mdzad kyi mchog bsgom pas de'i rnam pa ru bsgrubs te bsdus na zhugs te brtan par gyur pas rjes su mnyes par byed pa rnams ni yang dang yang du bsgom par bya'o//sangs rgyas kyi sku rnam par snang mdzad dang 'od mnyam par 'gyur te 'dra ba'o/ /bskal pa gsum ni bskal pa chen po gsum mo/ /bskal pa grangs med pa gsum po mngon pa las brjod pa yin no zhes kha cig go/ /ye shes lnga ldan ni ye shes lnga rnams sam de rnams nyid yin na yang bsten pas gnas par 'gyur ro//sku rdo rje'i gsang ba ston pas sku rdo rje'i gsang ba rdo rje 'dzin pa chen po'o/ /de bzhin gshegs pa thams cad kyi sku rdo rje'i ngo bo byang chub sems dpa' rdzogs par byed pa 'od zer gang la yin pa de ni de bzhin no//chos ni 'dir 'od dpag med kyi dkyil 'khor ro/ /rang gi yi ge AH'i sngags kyi skyes bu ni 'od dpag tu med pa'o/ /ngag gi lam ste 'dren par ro/ /kha dog lnga'i 'od zer rnams ni dbyer mi phyed pa'i phyir gang du rdo rje chen po yin pa de'o/ /de'i rnam pa'i 'od zer rnams kyis 'jig rten dbang phyug 'od dpag tu med pa'i mchog bsgom pas sems can gyi khams de'i rnam pa'i byang chub sems dpa'i ngo bo dam tshig gi ye shes yin te tshig ni gsung rab yan lag bcu gnyis kyi ngo bo rnams kyi dam tshig ste de kho na nyid yin la/de'i spros pa ni gsal bar byed pa yin te rdzogs par byas nas sdud pa la sogs par byed pa'o//bstan pa ni chos sngar brjod ma thag pa ni ngag yin te de'i lam ni 'od dpag tu med pa yin la de la gnas pa ni bsgoms pas so/ /rdo rje chos dang mtshungs pa ni 'od dpag tu med pa dang ngo / /de nyid ni de bzhin gshegs pa thams cad kyi gsung rdo rje'i dam tshig yin te/de las gang du 'byung ba de de bzhin no/ /rdo rje ni 'dir mi bskyod pa'i dkyil 'khor ro/ /de las yul tha dad pas snga ma dang 'gal ba med do/ /rang sngags skyes bu ni mi bskyod pa'o/ /de'i sems la ste snying gar nyi ma la rdo rje'i lte ba'i nang na gnas pa ni ye shes sems dpa'i thugs ka'i rdo rje'i lte ba la'o//dam tshig chen po mi bskyod pa'i de kho na nyid hUM gi yi ge 'od zer kha dog lnga dang ldan no/ /ye shes rdo rje 'dir sgrub pa po des bya'o/ /de rnams 'dir thams cad kyang yin la rdo rje yang yin te/ rgyal ba yang yin pas de rnams phyogs bcur sems can gyi don byas shing sdud pa sngon du song bas thim pa gang yin pa'i hUM yig de la de skad ces bya'o//rdo rje'i thugs mi bskyod pa dang 'dra ba tshad med pa'i ye shes kyi yon tan gyi rgya mtsho yin no/ /dam tshig rdo rje mi bskyod pa yin la de'i yul can gyi ting nge 'dzin no//rdo rje chen po ni rdo rje 'dzin pa chen po yin te rang gi dkyil 'khor du bsgom par bya'o/ /lus cha shas thams cad la khaM gi 'od zer 'khrugs shing nam mkha' dang mnyam par bdag nyid bsgoms na dngos grub yin te rang gi 'dod pas mi mthong bar 'gyur ro//nam mkha' rdo rje'i dam tshig ni dpal rdo rje sems dpa'o/ /sku dang gsung dang thugs rdo rje rnams mi snang bar 'gyur ba'i phyir 'od zer gyi tshogs kyi phreng ba gang la yod pa de ni de bzhin no/ /gsang sngags skyes bu ni yi ge ma~M gis 'jam pa'i dbyangs gser gyi kha dog can gru bzhi pa'i rdo rje dkyil 'khor gyi dbus su bsgoms la snying gar yang yi ge haM yang ngo //de'i 'od zer dkar po rnams dang zla ba'i dkyil 'khor gyi bar du bdag nyid gnas par bya ste chos thams cad ni rgyu dang bral ba'o zhes bsgom mo/ /nam mkha'i dbyings ni chos kyi 'byung gnas kyi dbus su son pa rnam par snang mdzad bdag nyid la th+lIM gi yi ge'i rang bzhin rdul phra rab thams cad mtshon cha'i mchog ma nyams pa las byung ba yid las byung ba'i snying po 'bar zhing rab tu gsal bar bsgoms pa na sku rdo rje rnam par snang mdzad dang mnyam pa 'grub po//bse ru la sogs pa las khyad par du gyur pa'i sangs rgyas kyi mngon par shes pa mchog gi dam tshig dang ldan pa gzhan gyis mngon par shes pa lnga dang 'dra bar 'gyur ro//sangs rgyas sngon du song ba'i dkyil 'khor ni thams cad du shes par bya'o/ /rdo rje sems dpa' ni 'dir mi bskyod pa yin te de'i snying gar rdo rje lte ba la ye shes thob par byed pa'i 'od zer dang bcas pa'i oM yig bsgom par bya'o//nam mkha' rdo rje ni 'dir rin chen tog ste de'i thugs kar rin po che la gnas pa'i yi ge oM mo/ /'jig rten dbang phyug ni 'dir 'od dpag tu med pa'o/ /de'i thugs kar chos pad+ma la gnas pa'i yi ge oM mo//rdo rje ni dbyer mi phyed pa'i ut+pala'i 'dab ma'i cha byad can gyi ral gri gang yin pa de la de skad du brjod de don yod rdo rje'o/ /de'i snying gar dam tshig gi ral gri de la yi ge oM mo/ /rnam par snang mdzad kyi snying ga'i zla ba'i 'khor lo'i lte ba la rdo rje gsum gsal bar byed pa nang du zhugs pa rdo rje gsum 'od zer dang bcas pa'i yi ge oM 'khor lo'i dbus su blta'o//snga ma la yang zla ba la gnas pa nyid bsgom par bya'o zhes kha cig go/ /de'i thugs kar rdo rje la sogs pa'i lte ba la gnas pa'i mi bskyod pa la sogs pa'i thugs kar zla ba la gnas pa'o zhes gzhan dag go/ / rang gi dkyil 'khor la gnas pa'i mi bskyod ye shes rdo rje la sogs pa bsgoms te mig dang rna ba dang sna dang lce dang lus kyi skye mched kyi khams rnams su sangs rgyas mchog rnam par snang mdzad la sogs pa'o zhes kha cig go/ /sa'i snying po la sogs pa'o zhes gzhan dag go/ /de rnams mngon par shes pa lnga'i sbyor bas bsgom par bya ste des mngon par shes pa lngar 'gyur ro//rang gi sngags las byung ba rdo rje 'am 'khor lo 'am rin po che la sogs pa de nyid du rang gi bdag po'i sbyor bas bsgom par bya'o zhes brjod pa ni rdo rje rtse lnga zhes pa la sogs pa'o/ /'khor lo zhes pa ni sna tshogs rdo rje las byung ba'i dkyil 'khor la gnas pa b+h+rU~M las byung ba'i 'khor lo dkar po ste/de'i lte ba'i zla ba la b+h+rUM yig las sangs rgyas rnams spros te de nyid du bcug pas de las skyes pa'i rnam par snang mdzad kyi yan lag las byung bas sangs rgyas kyi rten gzhal yas khang ste de yang gru bzhi mnyam pa yin te mi mnyam pa med par 'gyur ro//sangs rgyas zhes pa la sogs pa ni thig le'i rnal 'byor gsungs so/ /phra mo'i rnal 'byor la thig le'i rnal 'byor ro zhes gzhan dag go/ /thugs ka ru ye shes sems dpa'i thugs ka'i zla ba'i 'khor lo la oM yig gi sngags shes par bya ste/rnam par shes pa des gnyis su med par bsgom par bya'o/ /de las 'gog pa ste gzung ba dang 'dzin pa'i rnam par rtog pa mi rgyu ba nyid rdo rje ste de la son pa'i sems so/ /gang tshe de la skye 'gyur na/ /de'i tshe rnal 'byor pa de yid bzhin gyi nor bu bzhin du sems can thams cad kyi bsam pa yongs su rdzogs par byed par 'gyur ro//thig le'i rnal 'byor zhes pa ni sngags kyi thig ler son pa yin te lhag ma ni sngar bzhin no/ /kun gyi yang ni de rnams su/ /rgyu mthun la sogs mos pas kyang / /thig le phra mo gsang gsum skyes//bsgom bya chung ngu sogs kyis mtshon/ /rnal 'byor bsnyen sogs de bzhin no/ /de nyid mtshon par byed pa yin pa'i phyir 'di ltar blta bar bya'o/ /lus yun ring du gnas par bya ba'i phyir rang rang gi 'khor lo la gnas pa'i rtag pa spyi bo dang mgrin pa dang snying ga la gnas pa'i 'khor lo dkar po'i lte ba'i zla ba la gnas pa'i oM yig dkar po las byung ba'i ye shes kyi bdud rtsi'i 'od kyis rdul phra rab so so la khyab par bsgoms pas rnam par snang mdzad dang 'dra bar 'grub ste bskal par gnas par 'gyur ro//rang gi 'khor lo la gnas pa'i mi bskyod pa dang 'od dpag tu med pa la sogs pa thams cad kyi rang gi phyag mtshan la gnas pa'i sngags sgom pa sngon du 'gro ba yang de bzhin du blta bar byas te nye bar mtshon pa yin pa'i phyir gtso bo yin par bshad par bya ba'i ched du rigs gsum po bkod pa'o//de bzhin gshegs pa thams cad kyi sngags dam tshig gi de kho na nyid rig pa'i skyes bu'o/ /dpal gsang ba 'dus pa'i rgyan las le'u bcu gcig pa'o// //de nas zhes pa ni brtson 'grus dang bdud rtsi lnga ji ltar bsgrub par bya/ gang dag gang gi dngos kyi 'bras bu'i gtso bo yin zhes pa la sogs pa'i gdul bya'i 'dod pa nges pa'i rjes la'o//ngan song dang 'khor ba'i lam las sems can gyi khams bzlog ste mtho ris dang thar pa'i lam ston par byed pa ni ston pa'o/ /sems can ma lus pa'i don du de bzhin gshegs pa la sogs pa 'dod pa ni skyed byed do//ye shes kyi mchog ni de bzhin gshegs pa de sems can gyi rgyud la sgrub par byed pas de sgrub byed do/ /dam tshig de nyid rdo rje gsum gsal bar byed pa ni ngag nyid de tshad ma dang lung gi yul la de rnams kyis mi gnod pas rdo rje yin te bka' stsal pa'o/ /mkha' dang mtshungs pas 'da' bar bya ba ma yin pas dam tshig tu gyur pa de'i rang bzhin yin pa'i phyir rtog pa med pa'i rang bzhin nyid do//rang bzhin gyis rnam par dag pa yang chos rnams nyid de de rnams la yang de ltar gyur pa yang yin te de kho na nyid kyis so/ /kun rdzob tu mos pa sna tshogs pa'i gdul bya'i sems can gyi don du rol mo 'di yin te 'di 'chad par 'gyur ba'i sngags la sogs pa'i ngo bo'o//rnal 'byor pa rnams kyis skyes bu mchog gi don thob par byed pas phul du byung bas bsgom par bya'o/ /de la gnyis gar dpag tshad bco lnga'i tshad ma dang ldan pa grong la sogs pa spangs pa ni dgon pa chen po'o zhes kha cig go//ma~M zhes pa ni 'jam pa'i rdo rje bskyed pa'i sa bon gsungs pa'o/ /mi snang ba'i dngos grub kyi phyir yang rang gi dkyil 'khor la 'jam pa'i rdo rje de nyid rab tu bsgoms te/ nyi ma so sor thun bzhi ru/ /ting 'dzin gsum gyi sbyor ldan par//gyur pas yang dag dngos grub sgrub/ /thun mong cig shos dngos grub ni/ /zhes pa'i cho gas thun mtshams bar mar de sku dang gsung dang thugs rnams la zla ba la gnas pa'i sa bon maM 'od zer dang bcas pa mtshan ma thob pas yang dang yang du bsgom par bya'o/ / a'i sgo ni chos thams cad yin te dang po nas skye ba dang bral ba'i phyir dang chos thams cad 'chi ba dang bral ba yin no zhes de kho na nyid kyi don mngon sum du bya ste de nyid du spro ba la sogs pa yang dang yang du byas na 'jam pa'i rdo rje dang mnyam par 'gyur ro/ /'jam pa'i rdo rje'i mchog gi dam tshig de sgrub par byed pa de ni rang gi 'dod pas mi mngon par byed do//phul du byung ba thob pa dang lhas rjes su gnang ba thob pas 'jam pa'i rdo rje la sogs pa dang gzhan gang yang rung ba'i rnal 'byor pas bdud rtsi lnga cha ji lta ba bzhin du 'chad par 'gyur ba'i tshad tsam pa'i ri lu la zangs ma cha gcig dang dngul gnyis dang gser bzhis go rims ji lta bar dkris te rang gi kha'am rig ma'i kha ga mu khar bcug ste de'i nang du chud pa'i sangs rgyas rnams spro ba la sogs pa'i ngo bo ji srid du 'bar ba de srid du'o//de nas 'phar na de'i steng du gser gyi dkyil 'khor bsgoms pas ldog par 'gyur ro//de gzung ba nyid kyis de dang mnyam par 'gyur ro/ /de bzhin nyid mi bskyod pa la sogs pa'i rnal 'byor pas gnyug ma'i sa bon las byung ba'i rang gi phyag mtshan de dang de'i rigs kyi gnas sngar bzhin du bsgom par byas na de dang mnyam par 'gyur ro//sangs rgyas kun dang rdo rje dang chos rnams ni gti mug dang zhe sdang dang 'dod chags kyi rigs rnams so/ /sngar brjod pa'i ri lu'i sgrub thabs kyi lhag ma gsungs pa yi ge oM la sogs pa las grub pa sngar brjod pa'i nang du son pa'i rang gi lha'i 'khor lo'i ri lu rnam par snang mdzad la sogs pa'i rnal 'byor pas sngar bzhin du bsgoms na de dang mnyam par 'gyur ro//sngar brjod pa'i 'khor lo la sogs pa'i sgrub pa'i thabs kyi lhag ma gsungs pa/ mkha' dbyings gsal ba'i dkyil gnas pa'i//rtag pa'i rnal 'byor pas lag pa g.yas par 'khor lo'i nang du chud pa'i rang gi dkyil 'khor rang gi sa bon las byung ba 'od zer dang bcas pa mdun du bzung ste sngar bzhin du bsgoms na 'khor lo'i rig pa 'dzin par 'gyur ro/ /de bzhin du rang gi 'khor lo la gnas pa'i mi bskyod pa la sogs pa'i rnal 'byor pas rang gi sa bon las byung ba'i rang gi mtshan ma'i nang du chud pa rang gi 'khor lo lag pa g.yas par bsgoms pas sngar bzhin du mtshan ma thob pas rdo rje la sogs pa'i rig pa 'dzin par 'gyur ro//rtse gsum la sogs pa'i rang gi phyag mtshan la yang 'di ltar bsgrub par bya'o zhes gsungs pa/rtse gsum zhes pa la sogs pa'o/ /rdo rje rnams sam rdo rje dang 'dra ba dgug pa ste sbyor ba gsum ni ting nge 'dzin gsum po de yang yin la sngags kyi skyes bu yang yin te rang gi 'khor lo la gnas pa'i rdo rje 'dzin pa'i bdag nyid do//oM AHhUM/ zhes pa 'di rnams kyis sku gsung thugs kyi rdo rje'i rdul phra rab las byung ba rdo rje lcags kyu yang lag pa g.yas su bsgoms te mtshan ma thob pas rlung gi dkyil 'khor la gnas pa'i rdo rje sems dpa' des bkug ste rang gi bkas bskul bar bya'o//gnod sbyin mo la sogs pa yang 'di bzhin du nye bar bkug ste nye bar longs spyod do zhes gsungs pa/ bcu zhes pa la sogs pa'o/ /de bzhin du rtag pa la sogs pa'i rnal 'byor pas rang gi 'khor lo la gnas pa'i 'khor lo'i lcags kyu la sogs pa bsgoms te/sangs rgyas la sogs pa dgug par bya'o zhes gsungs pa rnam par snang mdzad ces pa la sogs pa'o/ /gang gi rnal 'byor pas 'gugs pa de mtshan sum cu rtsa gnyis dang dpe byad brgyad cu dang ldan pa bsgom par bya'o zhes gsungs pa rnam pa kun zhes pa la sogs pa'o/ / rang gi lha'i rnal 'byor dang ldan pas gnod sbyin mo la sogs pa'i rig ma la rjes su chags par bya'o zhes gsungs pa/ rdo rje'i sku ni ye shes lnga rnam par byang ba'i phung po gang gi yin pa de ni 'dir rang gi bdag po'i lha'i gzugs de de bzhin du yin te de ni rang dang de rnams kyang rig ma rang 'od kyi shes rab kyi rnam par bsgom par bya'o//de'i gsang ba'i pad+mar yi ge hUM bkod pa kha dog dmar po 'od zer lnga 'bar ba la rtse mo na ho yod pa rdo rje rtse lnga pa'i lce ste sbyor ba ni gzhug pa dang dbyung ba'i sbyor bas byang chub kyi sems kyi thig le 'bab pa la thug pa'i de dbyung ba'i rtsa des bskul ba'o//rig ma thams cad la rjes su chags pa'i mthu de rnams kyis gsung rdo rje dang 'dra bar 'gyur ro/ /de'i rjes la gsang ba gsum ni sku la sogs pa gang gi yin pa de yin la dam tshig kyang yin te de ni sdom pa la gnas pa'o/ /shin tu dad pa zhes pa la sogs pa rgyud phyi ma las brjod pa'o//mchod pa'i mchog kyang thams cad las gtso bo yin pa'i phyir te mchod pa de rnams de bzhin gshegs pa thams cad kyi bde ba chen po'i mchod pa'i rgyur gyur pa rnams so/ /yang dag par mchod pa ni rdo rje dang chu skyes kyi sbyor ba las byung ba'i dga' ba chen po la sogs pa'i mchod pa'o//mchog tu zag pa med pa bsgoms pas thun mong dang cig shos kyi dngos grub bsgrub par bya'o/ /gang gi phyir 'di ni de mchog tu zag pa med pa bde ba chen po dngos grub thams cad kyi nang na snying por gyur pa gsang ba bsdus pa'o/ / brtson 'grus lnga dang bdud rtsi rnams gang gis gang gtso bor gyur pa'i 'bras bu de gsungs pa/ sha chen zhes pa la sogs pa ste gsum ni sku la sogs pa'i rdo rje rnams te gang mi bskyod pa la sogs pa de mchog ste rdzogs pa'i sangs rgyas bsgrub par bya ba'o/ /bza' ba'i dam tshig bla na med pa'i byang chub kyi lam gyi lhan cig byed pa nyid kyis 'da' bar bya ba ma yin pa nyid bsgrub pa'i phyir gsungs pa/rnam pa thams cad med na yang / /thams cad bsam pas rnam par brtag ste/ rang gi sems so sor snang ba tsam las gzhan pa bza' bar bya ba ma yin pa la sogs pa tshad ma dang lung gis de dang der sun phyung ba'i phyir ro//dam tshig dang sdom pa la gnas pa rnams kyis kyang ma rnyed na 'gyod pa med do zhes 'di gsungs so/ /gang 'phags pa gnas brtan pa'i lung las/ bshang dang gci ba sa dang ni//thal ba dang bzhi 'di rnams ni/ /rang gis blangs te bsten par bya/ /drang srong chen pos gnang ba yin/ /zhes so/ /lhan cig byed pa nyid shin tu gsal bar gsungs pa 'dis zhes pa la sogs pas so/ /dpal sangs rgyas thams cad las/ dkyil 'khor dman par gyur pa dang //dam tshig spangs par gyur pa la 'ang / /dngos grub cung zad grub pa med/ /gsang ba'i de nyid mi shes pas/ /de rnams rjes su sgrub par byed pa ni ji ltar lhan cig byed par 'gyur ba de bzhin du bstan pa gsungs pa/ rnam pa kun gyi mchog ldan pa/ /sku gsung thugs ni rdo rje can te rang gi bdag po'i lha'o//'khor lo dang bcas pa'i thugs kar ye shes sems dpa'o/ /dbu rgyan nyid rdo rje'i mchog 'dzin pa yin te/ rigs kyi bdag po yang bsgom par bya'o/ /sangs rgyas thams cad mnyes gyur pa ni thugs ka'i zla ba'i nang du chud pa dang dkyil 'khor pa rnams so so la de rnams kyis so//dam tshig mchog gi sgrub pa pos bya'o/ /gang gi phyir 'di'i dam tshig kyang 'da' bar bya ba ma yin pa'i phyir tshul yang yin la/ lam gyi lhan cig byed pa yin pas mchog kyang yin te/ bla na med pa'i byang chub thob par byed pa'i phyir ro//de nyid kyi phyir gsungs pa/ dngos grub thams cad grub pa'i mchog /lce'i rtse mor dam tshig bsgrub pa'i don du zla ba la gnas pa'i nas kyi tshad tsam pa'i rdo rje dkar po ste de'i lte ba la yi ge hU~M nyid rdo rje can bsgom par bya'o/ /tha mal lus kyi chos rnams la//dri ma lnga rnams mdzes pa ni/ /ye shes lnga yis byin brlabs pas/ /bdud rtsi lnga zhes bya bar bshad/ /sbar dang de bzhin srod pa dang / /sbar bar bya dang gzugs snang ba/ /sngags kyi lus su rab sbyor bas/ /bdud rtsi lnga ni bza' bar bya/ /rdo rje hUM las byung ba ni/ / bar snang la gnas bsam par bya/ /AHlas byung ba'i pad+ma ni/ /de yi 'og tu bsgom par bya/ /yi ge oM mtshan bdud rtsi ni/ /de yi dbus su gzhug par bya/ /rdo rje pad+ma mnyam sbyor bas/ /sbar nas tshim byas rnal 'byor pas/ /shel dang mtshungs pa'i snang ba ni/ /ye shes nyi ma bzhin du mchog /phyogs bcu'i 'jig rten khams rnams kyi/ /mtshon cha mchog gis drangs nas ni/ /bdud rtsi de ru phab nas kyang / /bza' ba'i rnal 'byor gyis bza' bya/ /bsgrub bya'i dngos grub cho ga yis/ /de bzhin dpa' bo lnga rnams bza'/ /yig gsum sa bon las bskyed bya//gzhan du de ni 'grub mi 'gyur/ /zhes rgyud phyi ma las brjod pa/ /bdud rtsi lnga'i sbyor ba zos na sku la sogs pa'i rdo rje rnams gang mi bskyod pa la sogs pa'i de kho na nyid thob par 'gyur zhes pa 'dis shin tu gsal bar lhan cig byed pa nyid du 'di gsungs so//AHyig dang oM yig gi dam tshig ni de dag par bya ba'i phyir ro/ /mtshon par byed pa yin pa'i phyir yi ge hUM yang 'phangs pa yin no zhes kha cig go/ /AHni pad+ma'i snod kyi sa bon yin la oM ni de bzhin gshegs pa'i bdud rtsi 'gugs par byed pa'i rgyu yin no zhes gzhan dag go//de gsungs pa/ 'bar ba'i oM gyis byin brlabs rlung dang me'i/ /dkyil 'khor la gnas rab tu bdud rtsi lnga/ /de nas yi ge gsum bzlas dpag med pa'i/ /thub pa'i dbang po nang du chud par bya/ /ye shes bdud rtsi'i ngo bor bsams nas ni/ /hUM dgod rdo rje lce ni bzang po dang //snying ga'i zla ba'i dbus su ma lus pa'i/ /rgyal ba'i 'khor lo des ni tshim par bya/ /dam tshig nyid ni rdo rje yin la de nyid bdud rtsi yin te de ni phreng ba zhes bya ba'i ting nge 'dzin to/ /snga ma ni gtso bo yin la 'di yang thun mong gi 'bras bu gsungs pa ste/ 'di ni srog chags thams cad gsad pa la sogs pa mi dge ba spangs pa nyid gzung bar bya ste gzhan du na ngan song gi lam nyid de/gang gsungs pa/ nor gyi don du srog chags gsod/ /sha yi don du nor sbyin pa/ /gnyis ka sdig pa'i las can phyir/ /sngags kyi dngos grub mi 'gyur ro/ / de gsungs pa/ srog chags gsad par mi bya ste/ /dkon mchog gsum po spang mi bya/ /lha gzhan la ni phyag mi btsal/ /yi ge brgya pa bsgrub par bya/ /rdo rje gsum po thob 'gyur phyir/ /zhes gsungs pas de shin tu gtso bo nyid du gsungs pa/ rdo rje gsum yang yin la dam tshig kyang yin pas de'i dngos grub nyid ni mchog go//des ni yid bzhin gyi nor bu bzhin du sems can thams cad kyi bsam pa rdzogs par byed pa dang rgya mtsho chen po bzhin du yon tan rin po che ma lus pa'i rten du yang 'gyur bas rang dang gzhan gyi don yongs su rdzogs par 'gyur ro/ /brtson 'grus rnam pa lnga byin gyis brlab pa'i 'bras bu gsungs pa/'jig rten zhes pa la sogs pa'o/ /mchog gi dngos grub kyi mthu bor te thun mong gi dngos grub gsungs pa 'khor lo'i dam tshig ni 'khor lo'i rig pa 'dzin pa'o/ /dam tshig mchog thams cad la rdo rje'i rig pa 'dzin pa la sogs pa rnams las gang yang rung ba'i gzhan thams cad kyi gtso bor 'gyur ro//ci'i phyir zhe na/ thams cad dam tshig mchog tu grub pa yin na rdo rje sku'i mthu las so/ /mi snang bar gyur pa thams cad la gang yang rung ba cig grub na stong gsum gyi 'jig rten gyi khams snang bar byed pa yin pa dang grub pa gzhan rnams kyi lha'i bu mo mchog rnams phrogs te phrogs nas kyang longs spyod do//sangs rgyas kyi mngon par shes pa'i mthu gsungs pa gang gA'i bye ma mnyam zhes pa la sogs pa'o/ /'di rnams kyi don sku rdo rje la sogs pa yongs su rdzogs pa de grub pa na sku rdo rje la sogs pa'i bdag nyid yin pa gzhan gyi don ma lus pa bsgrub pa la sprul pa sna tshogs pa'i thabs kyis 'jig rten gyi khams kun du spyod do//'di thams cad kyis kyang gsungs pa/ mtho ris dang thar pa la sogs pa ma lus pa rnams kyis rang dang gzhan gyi don bsgrub pa'i phyir 'dir mkhas pa rnams kyis thos pa la sogs pa la mngon par brtson par bya'o//'di dag thams cad ni ting nge 'dzin gsum sngon du 'gro ba yin no zhes gsungs pa bsnyen pa zhes pa la sogs pa'o/ /bsnyen par bya bas na bsnyen pa ste shes rab yin la yang dag par rtogs par bya bas na dam tshig ste thabs yin zhing de dag gi snyoms par 'jug pa ni sbyor ba ste de yin no//sgrub pa dang nye bas na nye ba'i sgrub pa ste de nyid gang las 'byung ba thams cad mkhyen pa'i mtshan nyid rnam par smin pa'i 'bras bu 'byung ba ni de yin no/ /'dis sgrub par byed pas na sgrub pa ste hUM yig la sogs pa yin la de rnams kyi don de grub pa ni thugs rdo rje la sogs pa'i ngo bo chos dang longs spyod dang //sprul pa rnams kyis sems can ma lus pa'i don gyi sgrub pa'i ngo bo skyes bu byed pa'i ngo bo yin te/ de nyid de bzhin gshegs pa thams cad kyi nges par bya ba nyid kyis 'da' bar mi bya ba yin pa'i phyir dam tshig kyang yin no//chen po yang yin la bsgrub pa yang yin te bag chags dang bcas pa'i nyon mongs pa dang shes bya'i sgrib pa'i dri ma bkrus pas dri ma med pa'i 'bras bu thob par byed pas na de nyid bzhi pa yin no//bye brag ni chung ngu dang 'bring dang chen po'i bye brag gis so/ /sku rdo rje la sogs pa'i rigs lnga'i dbye bas so zhes gzhan dag go/ /thun mong ba dang bar ma dang mchog gi dbye bas so zhes gzhan no/ /shes par bya ba ni thun bzhir bsgom par bya'o/ /de nas thun mtshams su thun mong dang gzhan gyi las rnams kyi dngos grub kyi ngo bo rnams bsgrub par bya'o//'di dag nyid gsal por gsungs pa bsnyen pa yang gzung ba dang 'dzin pa spangs pas dngos po ma lus pa'i rang bzhin med pa nyid rtogs pa'i ngo bo yin no/ /ting nge 'dzin du byed pas ting nge 'dzin te rang sangs rgyas la sogs pa'i mya ngan las 'das pa la sogs pa la mngon par zhen pa de'i gnyen por gyur pa snying rje chen po'i bdag nyid kyi thabs oM d+harma d+hA tu swa b+hA wa At+ma kou0f85haM zhes pa la dmigs pa'o//de dag gi sbyor ba ni de yin no/ /mchog ni gtso bo yin pas so//bsgom par bya ste byang chub mchog thob par 'gyur ro/ /nye ba'i sgrub pa nyid ni de'i rgyu nyid yin pa'i phyir sgrub pa mchog ste der bya ba la stong pa nyid 'dir rdo rje'o/ /de'i rang bzhin rnams ni 'phel bar byed pas skye mched rnams yin te de rnams kyis sa'i snying po la sogs pa yang mtshon par byed pa yin pas bcu gnyis rnams yin te drug mos pa la nges pa med pa'i phyir ro//rdo rje skye mched nyid ces pa la sogs pa ni gnas nges pa med pa nyid kyi phyir ro/ /snying po zhabs la sogs pa rgya cher 'grel pa byed pa thams cad kyis 'di ltar bshad pas so//sngar phyung ba'i sa'i snying po la sogs pa rnams ji ltar rang gzhug par 'dod pa'i phyir dang yongs su ma rdzogs par dgos pa nges par srid pa'i phyir/ spungs dang skye sgo rigs kyi don/ /phung po skye mched khams rnams yin/ /zhes pas gang rnams thams cad dpyad pa yin no//mig la sogs pa rnams la yi ge k+Shi la sogs pa rnams kyis sa'i snying po la sogs pa rnams so/ /gzugs kyi phung po la sogs pa rnams la yi ge dzaH la sogs pa rnams kyis gzugs rdo rje la sogs pa rnams yin no/ /sa'i khams la sogs pa rnams la yi ge laM la sogs pa rnams kyis spyan ma sogs pa rnams so//gzugs kyi phung po la sogs pa rnams la yi ge b+h+rUM la sogs pa rnams kyis rnam par snang mdzad la sogs pa rnams kyang ste/ stong pa nyid kyi rang bzhin rnams yin no/ /rnam pa sna tshogs pas spros pa la sogs pa sngon du 'gro bas rdzogs par bya'o//sgrub pa yang oM yig la sogs pa'i sngags las byung ba sku rdo rje la sogs pa'i bdag po rnams spro ba la sogs pa sngon du 'gro bas bsgom par bya'o/ /sangs rgyas zhes pa la sogs pas bskul ba yang gsungs so//bsgrub pa chen po'i dus su rang gi sngags rdo rje can gyi rang gi bdag po'i lha de'i gzugs de'i yang dbu rgyan du rigs kyi bdag po bsgoms pas ye shes rdo rje can sgrub pa pos 'grub ste dri ma med pa'i 'bras bu'o/ /snying gar ma~M ni zhes pa la sogs pa nas brtsams te ji srid du/srid par chags pas srid mtha' yas/ zhi bar chags na 'byor nyams 'gyur/ /sgyu mas bsnyen pa yang dag byas/ /chos dbyings bdag nyid can du 'gyur/ /oM d+harma d+hA tu swa b+hA wa At+ma kou0f85haM/ bshes gnyen dam pa rgyu mthun byas/ / smin las thams cad mkhyen nyid 'gyur/ /des ni mig sogs byin brlabs pa/ /nye bar sgrub pa yin par 'dod/ /sa snying rdo rje nam mkha'i snying / /'jig dbang sgrib sel kun du bzang / /mig la sogs pa yang dag dgang / /sa bon de yi skyes bu byed/ /chos dang longs spyod sprul pa dang //'gro ba'i don ni bskyed pa po/ /thugs kyi gsang sogs byin gyis brlab/ /de las sgrub pa'i don du 'gyur/ /rang snying lkog ma'i spyi bo'i zlar/ /hUM AHoM byung yang dag gtsor/ /rdo rje chu skyes 'khor lo yis/ /dbus gnas thugs sogs gsang ba bsgom/ /de thugs shes rab yan lag 'dus//'od kyi gzugs sogs rdo rje yi/ /'od kyis phyogs dus kun mchod cing / /ma lus gtso la khyab pa yis/ /de ni mdzad pa don rdzogs te/ /gang rnams snying lkog spyi bor zhugs/ /de ni thugs kyi rdo rje sogs/ /byin brlabs de ni rab tu bsgrub/ /gsang ba gsum gyi mtshan nyid lta//sgyu ma'i shes rab yan lag 'dus/ /dbang 'bras chung ngu rnam dag phyir/ /sgrub pa chen po yin par 'dod/ /ye shes sems thugs snying 'od kyis/ /phyogs bcu'i mgon po yang dag bskul/ /de 'od las byung rig ma rnams/ /bdud rtsis chus gang bum bsnams pas//gtso bo dpal ldan rang dbang bskur/ /rigs bdag cod pan dam pa yin/ /'di rnams de srid du chung ngu'i yan lag bzhi rnams thabs gtso bor gyur pa'i ting nge 'dzin thabs kyi cha la brten pa rnams so/ /bar ma shes rab kyi char gtogs pa rnams gang gsungs pa/ de bzhin rgyu mthun sogs par mos/ /rang 'od shes rab rnam par sbyang / /chen po'i dkyil 'khor par gtogs pa rnams gang gsungs pa/ 'khor lo mig dang sku sogs kyis/ /dbang bskur sngon bzhin byin brlabs pa/ /rgyun mthun la sogs byin brlabs pa/ /chen pos de ni bsgom par bya//zhes so/ /'di nyid ni dbyer med pa'i rdo rje ting nge 'dzin gsum la khyab par byed pa'o/ /gang gsungs pa/ rgyu mthun sogs la lhag mos pas/ /thig le phra mo gsang gsum mo/ /chung sogs dbye bas bsgom par bya/ /de bzhin sbyor ba bsnyen pa bzhin//thun mong ba dang mchog gi dbye bas bsnyen pa ni rnam pa gnyis so/ /de la mchog gi bsnyen pa ni ye shes kyi bdud rtsi zla ba zhu ba nye bar len par gyur pas bya'o/ /rtag tu ni thams cad du'o/ /nyid kyi tshig gis ni sdud pa'i don yin pas sbyor ba'i yan lag drug po rgyud phyi mar bshad pas kyang ngo //ci'i phyir zhe na/ 'di ni sngags rnams thams cad kyis te de bzhin gshegs pa thams cad kyi yi ge hUM la sogs pa'i sngags dang shes rab dang thabs kyi bde ba chen po'i de kho na nyid dang sems can ma lus pa thams cad kyi don yang yin no/ / de'i phyir sgrub pa po dam pa yin no/ /yang na zhes pa ni sdud pa ste rdo rje bzhi dag gis kyang zhes rgyud phyi ma las bshad pa'i thun mong ba'i bsnyen pa bya ste brtan pa'i rig pa la sogs pa'i brtul zhugs kyis so/ /yan lag bzhi po de rnams kyis rdo rje gsum dang sngags kyi de kho na nyid shes rab dang thabs bde ba chen po ste de dang ldan pa rnams ni thun mtshams bzhi ru rab tu sbyor ba ni thun mong ba dang mchog gi dngos grub thob par 'gyur te/gang gsungs pa/ nyi ma so sor thun bzhi ru/ /ting 'dzin gsum gyi sbyor ldan pa/ /gyur nas dngos grub bsgrub par bya/ / thun mong mchog gi dngos po ni/ /zhes so/ /de la nub mo'i zhi ba dang nyin bar gyi dang po'i thun gyi mtha' dang po'i phyed dag ni dang po'o/ /nyin bar gyi thun gnyis pa dang gsum pa dag gi mtha' dag gi mtha' ma dang po'i phyed dag ni gnyis pa'o/ /nyin bar gyi bzhi pa dang mtshan mo'i thun gyi mtha' dang dang po'i phyed dag ni gsum pa'o//nub mo'i gnyis pa dang thun gsum pa'i mtha' dang dang po'i phyed dag ni bzhi pa'i thun no/ /de rnams la mchog tu sbyor nas rab tu sbyor ba ste shes rab dang thabs kyi snyoms par 'jug pa des so/ /rang 'od kyi rig ma'i gnas rnam pa lnga rnams ni mgo dang snying ga dang lte ba dang gsang ba dang brla dang rkang pa la thug pa rnams su so so'i rdul phra rab rnam par snang mdzad la sogs pa rnams so//ye shes rdo rje'i yi ge oM zhes pa ni nye bar mtshon par byed pa'i phyir/ yi ge hUM la sogs pa'i ye shes rdo rje yang bsgom par bya'o//bla na med pa'i byang chub kyi bar du gcod pa rnams la sgrib par byed pa'i phyir sdom pa yin te rig pa'i brtul zhugs kyi mtshan nyid yin no/ /blo dang ldan pas dngos po mtha' dag gi de kho na nyid dmigs pas 'jug pa ni rjes su bsgrub pa'o/ /brtul zhugs chen pos thun bzhi ru//gsang ba'i mchod pa rab tu bya/ /zhes bcu drug pa las so/ /de nas mtshan ma thob pas myur zhing mgyogs par dngos grub thob par 'gyur ro/ /rgyas pa ni zla ba la sogs pas dge ba'i tshogs ma rdzogs pa'i bsod nams 'phel bar byed pa'i don du nyin par dbye bas bskul bar ngas brjod do//sems brtan pa las byung ba'i bsod nams kyi tshogs bsags pas ni zla ba phyed kyi nang du grub par bshad do/ /gang du zhe na/ gsang ba yang yin pas gang las dpal rdo rje sems dpa' 'byung ba de dpal gsang ba 'dus pa der ro/ / nye ba'i bsgrub pa nyid ni sdom pa'o/ /bde ba skyed par byed pa dang rang gi rnam par gtod pa dag las yul gang yin pa bsgrub pa yan lag ste de de bzhin no/ /sangs rgyas kyi sprul pa'i sku de'i bdag nyid du 'dzin par byed pas de 'dzin pa'o/ /sku rdo rje la sogs pa gsum rnams kyi stong pa nyid kyis dbyer med par bsgoms pas byin gyis brlab par byed pa ni sku rdo rje ste de'i thugs ka'i ye shes sems dpa'i thugs kar 'khor lo'i zla ba'i oM yig las phyung ste sems can gyi don ma lus pa byas pa la de las byung ba'i gzugs rdo rje la sogs pas mchod pa de'i byin gyis rlob pas byon te de nyid du thim pa ni brtan pa'i dngos po ste de nyid phun sum tshogs pa ma lus pa'i rten yin pa'i phyir gnas so//de la deng ni de lta ste bdag ni kho bo'i sku rdo rjer mdzod cig /gsol ba gdab pa gnyis pa'i rjes la phyogs bcu rnams su sems can gyi don ma lus pa bsgrub pa'i ched du zhugs pa gang rnams thog ma dang tha ma med pa'i sangs rgyas de rnams dang /de yang gsol ba gdab pa dang po'i rjes la rnal 'byor pa des sku rdo rje mtshon par byas pa de nyid du byon nas byin gyis brlabs pa'i gnas mdzad pa rnams dang de'i 'bras bu gsungs pa'o//sgrub pa yang yin la sdom pa yang yin zhing yul yang yin no/ /chos ni gsung rdo rje yin la de nyid longs spyod rdzogs pa'i sku yin pa'i phyir gsung gtso bo yin la 'bras bu dang bcas pa'i theg pa chen po'i mtshan nyid rnams kyi lam ston pa po'o/ /gang gi lam las byung ba'i ngag gis byin gyis brlabs pa'i gnas de la de skad ces bya'o//sgrub pa chen po'i sdom pa bsgom pa'i yul sngar bzhin du bsgrub pa yin no/ /thugs rdo rje ni chos kyi yin te lhag ma ni sngar bzhin no/ /de ltar byin gyis rlob par gsol ba btab pa'i nges pa nyid kyis sku rdo rje la sogs pas byin gyis brlab par mdzad ces pa ni rnal 'byor pa rnams brtan pa bskyed pa yin par sangs rgyas zhes pa la sogs pas gsungs so//gti mug gi bdag nyid ni rtog pa med par yang yod pa'o/ /de bzhin gshegs pa thams cad kyi sku dang gsung dang thugs rdo rje'i sbyor ba'i dam tshig nyid bsgrub pa ste mchog yin la de ston par byed pa'ang de bzhin no//dpal gsang ba 'dus pa'i rgyan las le'u bcu gnyis pa'o// //de nas zhes pa la/ rdo rje dkyil 'khor dbus gnas pa/ /yi ge oM ni bsgom par bya/ /zhes brjod pa de la cig gzhan bsgom par bya ba yin nam zhes pa la sogs pa'i gdul bya'i rnam par rtog pa nges pa'i rjes la'o//ye shes nyid ni ye shes lnga'am rnam par byang ba'i phung po lnga ni rdo rje'o/ /shes rab dang thabs kyi bdag nyid dri ma med pa bde ba chen po'i bdag nyid yin pa'i phyir mchog yin la de bdag nyid du 'dzin pa'o//sems can thams cad kyi don byed pa dang ldan pa lam gyi gnas skabs dang 'bras bu'i gnas skabs kyang de'i don nyid du yang dag par 'byung ba'o/ /mi slob pa'i sku gsung thugs las nyid kyi go rims ji lta bar thub pa gsum zhes chos mngon pa las brjod pa sku dang gsung dang thugs thub pa'i phyir na thub pa'o//tshad ma dang lung gis mi phyed pa'i phyir rdo rje yin la dbyangs ni sgrogs pa dang ldan pa'o/ /sngags kyi stobs las byung ba'i tshul ni brjod ma thag pa'i yan lag bzhi dang ting nge 'dzin gsum gyi mtshan nyid do//tshad ma dang lung gi yul rnams la de rnams kyis mi gnod pa dang / bla na med pa'i bde ba thob par byed pa'i phyir 'tshe ba med pa dang yang dag pa'i don dang rang bzhin gyis yin te/ 'tshe ba med dang yang dag don/ /ngo bo nyid las phyir log gis/ / 'bad du zin kyang mi bzlog ste/ /blo ni de phyogs 'dzin phyir ro/ /zhes rnam 'grel las te brten pa'o/ /de nyid kyi phyir chos dang longs spyod pa dang sprul pa'i sku'i lam yin pa'i phyir dang rnam pa thams cad yongs su dag pa'i byang chub kyi phyogs la sogs pa rnam pa thams cad mkhyen pa la thug pa chos dang byang chub dang sangs rgyas kyi tshul te zhi ba'o//gzung ba dang 'dzin pa'i rnam pa ma skyes pa rnams te/ rang bzhin khyad par du gyur pa rtog pa med pa bsgom par bya ba'i chos rnams la rnal 'byor pa rnams kyi me long lta bu la sogs pa'i ye shes skye bar rab tu bsgrags pa yin pa des na ngo mtshar ba yin te/de nyid kyi phyir/ gang zag yang na chos rnams kyis/ /dngos med 'dir ni stong pa nyid/ /de yi dngos med dngos yod pas/ /de ni stong pa nyid gzhan yin/ /zhes rgyal ba byams pas brjod pa'i phyir dngos po med pa'i ngo bo nyid stong pa nyid kyi ngo bos gnyis su med pa'i rang bzhin yin pa'i phyir ro//skye ba dang mi skye ba dag phan tshun yongs su spangs pas gnas pa nyid kyis 'gal ba'i phyir na/ gang yang / tshad mas rab tu ma grub phyir/ /don dam du ni skye ba med/ /ji ltar 'jig rten rab grags pas/ / slar yang kun rdzob tu skye bas/ /de'i gnas tha dad pa yin pas mi 'gal ba nyid do/ /gang 'phags pa klu sgrub kyis/ skyes pa'ang skye ba ma yin te/ /sgyu ma'i glang po ji bzhin 'dod/ /skye ba'ang de bzhin sna tshogs te/ /de nyid du ni skye ba med/ /ces so/ /de bzhin skye dang cig shos nyid//ji lta'i tshul du rnam par gnas/ /skye ba la sogs brtags pa yang / /gang zhig rtsod pa rigs min ldan/ /sa bon myug sogs grub pa yang / /gang de skye nyid ngo bo yin/ /ma skyes pa yin tshad ma yis/ /dpyod pa'i yul ni ma yin phyir/ / de nyid phyir na mngon dgongs nas/ /tshad ma yis ni grub ma yin/ /de bzhin skye sogs 'jig rten na/ /rab grub pa la snyon pa min/ /ci lta de lta 'di yin par/ /de nyid rigs gsungs grub byed min/ /'di ni dngos po stobs 'ongs pa/ /zhes sogs de yang mkhas pas so/ / tshad ma yis ni ma grub nyid/ /snga ma nyid du bsgrubs pa yin/ /chos rnams thams cad gnyis med par/ /de nyid du na des nges yin/ /phyogs 'di nyid kyis ma lus pa'i/ /ma skyes la sogs bstan pa ni/ /shes rab pha rol phyin sogs su/ /mkhas pas shes bya de kho nar//gzung ba'i cha nyid la brten nas/ /'bras bu rgyu ni nges pa yin/ /mngon sum mi dmigs pa dag gis/ /rjes 'gro dang ni ldog pa las/ /rang gis rig pa'i mthar thug la'ang / /gzung ba la sogs mi dmigs pas/ /skyes pa des na 'gag pa ni/ /de nyid du na dmigs ma yin//gang la brten nas gang dag gis/ /'bras bu chu yi dngos po des/ /de la dmigs pas gang du'am/ /gang dag gis ni nges pa yin/ /rang rig kyang ni ma skyes yin/ /zhe na bden yin 'dod pa yin/ /de nyid du na gzugs 'dzin gzugs/ /rnam pa kun tu ma dmigs phyir//rab tu snang bdag nyid 'gyur te/ /rang rig gis kyang nges pa yis/ /rang bzhin de las ma gtogs pa/ /gzung ba la sogs ma dmigs phyir/ /gang rnam 'grel las/ rab tu gsal ba de bdag nyid/ /rang gi ngo bo gsal byed pa/ /ji ltar gsal bar 'dod pa ni//de bzhin blo bdag nyid du rig /sku dang gsung dang thugs kyi rang bzhin du mos pas sngags brjod pa ni rdo rje bzlas pa'o/ /chen po ni me long lta bu'i ye shes la sogs pa gang las skye ba sku gsum dbyer med pa'i dkyil 'khor gang du yin pa de la de skad ces bya'o//gang las thob pa sangs rgyas kyi ye shes rnams te me long lta bu'i ye shes la sogs pa sku gsum po rnams chos nyid kyis dbye ba med pa bsgoms pas so/ /bzlas pa yang sku rdo rje la sogs pa rnams kyi sbyor bas shes rab dang thabs snyoms par 'jug pa spro ba la sogs pa'i ngo bos rnal 'byor pa sangs rgyas thams cad kyis byin gyis rlob bo//rdo rje'i sngags ni rab tu bsgom pa nyid kyis mnyam pa med pa'i thams cad mkhyen pa'i ye shes thob par gyur pa dang yang dag pa thob pa dang yang dag par 'thob par 'gyur ba'ang yin no//ye shes rgya mtsho can yang bde bar gshegs pa rnams te/ yod pa rnams gsan pas na gang las rigs rnam pa lnga la sogs pa'i dbye ba rnams sngags thams cad kyi mtshan nyid rdo rje'i bzlas pa bshad du gsol zhes so/ /nam mkha' dang mnyam pa'i gnyis su med pa'i ye shes las byung ba gang yin pa de ni de bzhin no//sngags rnams thams cad kyi don ni rgyud phyi ma las bshad do/ /de la mos pas bzlas pa rnams bya'o/ /rdo rje mi phyed pa gsum ni mnyam pa ste chos kyi dbyings de nyid kyi mtshan nyid kyi rang bzhin gang yin pa ste gang dbye ba gsum ni bla ma mnyes pa las shes par bya ste/bla ma mnyes pas dngos grub 'grub/ /gzhan du na ni zhes gsungs pas so/ /de rnams rdo rje yang yin la mthar thug pa yang yin te gang du 'di'i sku rdo rje la sogs pa dang ye shes sems dpa'i thugs kar 'khor lo la sogs pa la dgod par bya bas na dgod pa ste sngags kyi bkod pas ni de nyid gsum zhes brjod de gzhan dag gis bshad pa'o//'dir gzhan dag sems te dbye ba spro ba la sogs pa gsum po nyid/ /gang rnams kyi ni rdo rje gsum gyi lha/ /de phyir de rnams spro sogs gsum ma yin/ /de rnams gnas pa nyid ni bzhi po yin//spro ba dang ni bsdu ba de bzhin du/ /zhugs pa dang ni brtan pa bzhin du 'gyur/ /de rnams mtha' min 'di yi bkod pa ni/ /'dir ni bzhi po rnams su 'gyur ba yin/ /dang por spro zhing bzlas pa brjod pa'i tshe/ /de rnams de yi mtha' nyid yin pa'o/ /gzhan dag go//'di la sogs pa mkhas pa rnams kyis sun phyung bas brjod par mi bya'o/ /rnam pa gsum ni sku la sogs pa'i dbye bas so/ /sku dang gsung dang thugs dang nye ba ni yi ge oM la sogs pa'i yi ge gsum po rnams so/ /rdo rje gsum gyi thugs ni 'dir rnam par snang mdzad do//sangs rgyas rnam par snang mdzad la sogs pa'i mchod pa'i mchog tu brtag pa ni gzugs rdo rje la sogs pa spros pa rnams kyis so/ /ye shes rdo rje ni gnyis su med pa'i ngo bo des so/ /rdo rje gsum ni 'dir mi bskyod pa'o/ /yang ye shes rdo rje ni 'od dpag tu med pa'i rnal 'byor pas so//'dir bar ni rim gyis pa'i phyogs so/ /cig car ba'i phyogs su gsungs pa yang na zhes te sku rdo rje la sogs pa gsum gyi dbye bas so/ /so so so sor yang o la sogs pa dang sku rdo rje la sogs pa brtags pa'i bdag med pa gang du ni spro bar byed pa ste//sku dang yi ge skye ba med/ /ces pa la sogs par mos par bya'o/ /ye shes kyi sems kyis zhes pa ni thugs rdo rje la sogs pa shes rab dang thabs kyi rang bzhin dri ma med pa mchog tu dga' ba'i rang bzhin gyis dngos po mtha' dag gi de kho na nyid la dmigs pas sems can ma lus pa'i don du spro bar bya zhes pa ni thams cad du khyab pa gsungs pa'o//oM yig la sogs pa brjod pa na sku rdo rje la sogs pa spro bar bya ste/ sngags brjod pa rdzogs pa na bsdu ba gsungs so/ /spros pa'i rjes la'o zhes gzhan dag go/ / de gsungs pa/ yang ni bzlas la rtse gcig sems kyis ni/ /dngos kun bdag nyid rang gi sems dbang po/ /rang gi sngags ni sna tshogs 'od ldan par/ /byas par blo dang ldan pas bsgom par bya/ /srog dang rtsol ba shin tu ma bsdams par/ /gsang sngags rgyal po gsal bar brjod bya zhing //sna tshogs rim bzhin du'am yang na ni/ /cig car spro ba dag gi legs par bya/ /nam mkha'i gtos dang mnyam pa'i sku sogs pa'i/ /'od kyi sku ni snang bas yang dag dgang / /de nas snga ma bzhin du sna tshogs pa'i/ /mchod pa'i sprin gyi bkod pa kun du spro//yongs su sbas pa'i rig ma mchog rnams ni/ /bde chen babs pas gzhan dbang gyur bltas te/ /rnam par sgeg pa'i thub dbang tshogs rnams ni/ /mthar ni rang gi lus la gzhug par bya/ /dngos po mtha' dag gi de kho na nyid dmigs pas ye shes kyi spyan phye ba rnams ni lnga ste dpag tshad brgya nas brtsams te stong gsum gyi stong chen po'i 'jig rten gyi khams mthong ba ni yongs su dag pa'i sha'i spyan no//rgyal chen bzhi nas 'og min gyi de nyid ni lha'i spyan te/ shes rab ni ma yin no/ /de'i yul ma yin pa nyid khyad par du byas pa phyogs bcu so so'i gang+gA'i klung gi bye ma dang mnyam pa 'jig rten gyi khams na gnas pa'i sems can gyi 'chi ba dang skye ba yang dag pa ji lta bar shes pa ni lha'i mig go//'dus byas dang 'dus ma byas la sogs pa'i chos mthong ba dang thos pa la sogs pa'i rnam par rtog pa spangs pa ni shes rab kyi spyan no//'phags pa'i gang zag thams cad ni rtogs pa'i yul can ni chos kyi spyan no/ /chos thams cad kyi rnam pa thams cad skad cig ma gcig la mngon par byang chub pa gang rnams kyi yin pa de rnams ni sangs rgyas kyi spyan te gang de rnams kyi'o/ / sku rdo rje la sogs pa'i mngon par byang chub pa'i mtshan nyid ji lta bu zhe na/ dngos po'i gnyis kyi gzugs gnyis med pa'i ngo bor rnam par spyod pas rtogs pa ni de'i mtshan nyid do/ /rab 'byor gnyis ni dngos po yin la gnyis su med pa ni dngos po med pa yin no zhes thams cad mkhyen pas gsungs pa'i phyir te/de nyid sangs rgyas kyi sku yin la de nyid sku'i bzlas pa yin te de thob par byed pa'i phyir brjod do/ /sgra rnams kun rdzob tu rjod par byed pa rnams de kho na nyid du sgra ma yin zhing rjod par byed pa ma yin pas so/ /sems dang sems las byung ba rnams gnas pa'i rdo rje de bzhin nyid kyi ngo bo//nam mkha' dang mnyam pa nyid don gyi rjes 'gro rnam par bsgom pas bzlas pa ste des dus gsum gyi sangs rgyas kyi rnam par dpyad pa'o/ /kun du ni phyogs bcu ste chos thams cad rang bzhin gyis 'od gsal ba'o zhes mos pas yang dang yang du spro ba ste bzhud pa dang byon pa ni bsdu ba'o//de rnams nyid ni rdo rje yin te mi choms pa'i phyir dang mchog kyang yin te sems can ma lus pa'i don rdzogs pa'i phyir ro/ /rtag pa la sogs pa'i rnal 'byor pa rnams kyi go rims ji lta ba bzhin du sku dang gsung dang thugs dang rin po che dang don yod pa'i bzlas pa rnams so//'phags pa gshin rje gshed la sogs pa gang yang rung ba'i khro bo'i rnal 'byor pas ye shes sems dpa'i thugs kar nyi ma'i rang gi phyag mtshan gyi nyi ma la rang gi bzlas par bya ba bsgoms nas rang gi gsung gi rdo rje bsgrags pa ni sngags kyi yi ge'i tshig ste dpag tshad bye ba'i tshad kyi gzhal yas khang na gnas pa'i lha'i dkyil 'khor pas thos so zhes mos par bya ste nga rgyal dang bcas pas khro bo'i tshig bzlas par bya'o zhes pa 'di ni khro bo'i bzlas pa'o//'dod pa thams cad la nye bar longs spyod pa'i don du myos par gyur pa ni shin tu zhen pa'i phyir te 'jigs pa thams cad las skyob cing phan par 'dod pa sems can thams cad la snying rje chen pos dmigs pa ni gti mug kyang yin la rnam par snang mdzad kyang yin no//rgya mtsho yang yon tan rin po che ma lus pa'i 'byung khungs zab pa'i phyir ro//gnas kyang rang dang gzhan gyi don phun sum tshogs pa'i rten yin pa'i phyir ro/ /de'i gnas zhes pa rang gi bdag po nyid kyis de'i rnam par gyur par bsgoms te de kho na nyid du de las tha mi dad par nga rgyal te de'i rnal 'byor pas rang gi bzlas par bya ba bla ma'i man ngag las bzlas par bya ste 'di ni gti mug gi bzlas pa'o//de bzhin thugs rje chen po'i 'dod chags rdo rje las byung ba'i tshig tu byas pa ste 'dod chags ni 'od dpag tu med pa'o/ /de'i rnal 'byor pas de'i rnam pas sems can rnams la bltas te/ thugs rje chen po'i 'dod chags kyi chags pa'i bzlas pa'o//bcos ma'i khro bas bslang ba'i snying rje'i thabs ni zhe sdang ste de las byung ba'i thugs su byas nas te/ zhe sdang ni mi bskyod pa'o/ /de'i rnam par sems can rnams bsgoms te de'i rnal 'byor pas bzlas par bya ste lhag ma ni snga ma bzhin no//gang rnams kyi rdo rje gsum po de rnams dam tshig yin te lam yin pa'i phyir dang / de kho na nyid kyang yin te chos kyi dbyings kyi rang bzhin yin pa'i phyir ro/ /dbus ma'i dam tshig rdo rje can zhes pa'i don ni bla ma'i man ngag las shes par bya'o/ /de nyid rdo rje can rnams thams cad dang de bzhin gshegs pa thams cad kyi shes rab dang thabs kyi bdag nyid rnams chos kyi dbyings kyi ngo bos skyes pa dang bud med kyi bden pa'i rnam par rtog pa med pa'i ma ning gi bzlas par brjod de tha snyad du byed do//rnam par snang mdzad la sogs pa rnams de srid du me long lta bu'i ye shes la sogs pa lnga rnams su grub par byed pa yin la lhag ma rnams bsgoms pas cir 'gyur zhe na/rdo rje'i bdag po rnams ni gzugs rdo rje la sogs pa drug po thams cad do/ /'dod chags ni 'dir snying rje chen po sngon du song ba shes rab dang thabs snyoms par 'jug pa bsgom pa la zhen pa ste/de'i de kho na nyid kyang de phul du phyin pa las byung ba zag pa med pa mchog tu dga' ba yin la don kyang sems can ma lus pa rnams kyi mtho ris dang thar pa thob par byed pa rnams kyi mtshan nyid ste de sems par byed pa rnams bsgrub pa'o//gang las 'dod chags las skyes pa'i byang chub sngon rjod par byed par 'gyur ro/ /de nyid kyi phyir sems can thams cad kyi phan pa skyed par byed pa de bzhed pa'o/ /chags pa dang bral bar skyes pa rnams ni nyan thos la sogs pa'i byang chub ste sems can thams cad la de lta bu'i phan par byed pa dang bral ba'i phyir ro//spyan la sogs pa chen mo yang yin te de rnams btsun mo'i mchog yin pa'i phyir rang rig ma yang yin te ma rig pa'i gnyen por gyur pa'i phyir ro/ /de rnams rtag pa ni ji srid nam mkha' gnas kyi bar de ru gyur cig ces pa'i smon lam gyi stobs kyis so//'dod pa ni gzugs rdo rje la sogs pa'i mtshan nyid yin la de rnams bsten pas don de dgos pa rang dang gzhan gyi don phun sum tshogs pa ma lus pa'i mtshan nyid de lhur byed pa de gnas pa yin no/ /gang gi phyir de ltar yin pa des na grub ste mngon sum du 'gyur ro//'dod pa'i longs spyod 'dod pa las ma 'das pa bstan pa nyid kyis te ni'i sgra ni nges par gzung ba yin la rim pa tha dad pa yang yin no/ /gti mug ni mtshon par byed pa nyid kyi phyir gti mug la sogs pa rnams yin te/de dam tshig la sogs pa yang yin pas rnam par snang mdzad la sogs pa rdo rje 'dzin pa la thug pa rnams yin te/ de las byung ba ni de'i rigs rnams so/ /rig pa'i rgyal po rnams ni rdo rje can yin la sa'i snying po la sogs pa rnams te kun du bzang po la thug pa drug go//sngar bzhin du ma ning gi gnas mig la sogs pa'i skye mched rnams gnyis su med pa'i ngo bo grub pa ni rdzogs pa ste sngags kyi dngos grub mchog thams cad mkhyen pa'i ye shes kyi mtshan nyid rnal 'byor pa la ster ba yin te sgrub pa po la der rab tu snang ba'i ye shes skyed par byed pa yin no//rdo rje'i bdag po rnams ni rigs lnga'i bdag po'o zhes gzhan rnams kyis 'chad pa la/ dam tshig rdo rje la sogs drug /rig pa'i rgyal por thos pa yin/ /gzugs rdo rje la sogs pa drug /rdo rje bdag po zhes bshad do/ / zhes rgyud phyi ma las gnod do/ /khro bo gshin rje gshed la sogs pa rnams te zhe sdang ni mi bskyod pa yin la gnas kyang rang dang gzhan gyi don phun sum tshogs pa ma lus pa'i'o/ /de'i rigs su phal chen skyes pa'i rim pas grub pa rnams so/ /gsod pas ni snying rje chen pos zhe sdang rnam par dag pa nyid kyis theg pa chen po'i mchog la smod pa la sogs pa'i sdig pa chen po byed pa'i sems can rnams mi bskyod pa la sogs pa'i go 'phang thob par byed pa'i phyir 'khor ba'i phung po brje ba'o//de nyid kyi phyir dgos pa de nyid kyis zhugs pa chos kyi mchog snying rje chen po dang shes rab kyi bdag nyid kyis 'grub po zhes thams cad du blta bar bya'o//zhar la byung ba rdzogs nas sngags kyi bzlas pa'i lhag ma gsungs pa/ snying ga zhes pa la sogs pa'o/ /gsal ba'i dkyil 'khor la sogs pa ni le'u gsum par bshad zin to//rnam par snang mdzad kyi rnal 'byor pas ye shes sems dpa'i thugs ka'i 'khor lo'i lte ba la rang gi sngags bsgoms nas chos thams cad ni ma skyes pa'o zhes bsgom par bya'o/ /de bzhin du mi bskyod pa la sogs pa'i rnal 'byor pas rang gi dkyil 'khor la gnas te rang gi ye shes sems dpa'i thugs kar mtshan ma la rang gi sngags bsgoms te chos thams cad stong pa nyid do zhes pa la sogs pa rang gi rnam par thar pa'i sgo bsgom par bya'o zhes kha cig go//rang gi ye shes kyi don bsgom pa'o zhes gzhan dag go//bzlas pa yang rang gi dkyil 'khor la gnas pa nyid kyis bya'o zhes gsungs so/ /dkyil 'khor kun gyi ngos rnams su/ /zhes pa ni shar la sogs pa rnams su'o/ /sangs rgyas kun ni rang ji lta bar rnam par snang mdzad la sogs pa'i dkyil 'khor pa rnams so/ /so sor de bzhin gshegs pa lnga'i kha dog gi 'od zer rab tu dbye bas spros na byang chub thob par 'gyur ro//rim pa gnyis po dag gis so/ /sku gsum gyi rdo rje'i dbye ba nyid gsungs pa/ sku zhes pa la sogs pa/ sku ni sku yi ngo bo yis/ /zhes blta bar bya'o/ /mchod ces pa ni gzugs rdo rje la sogs pa rnams kyis so//bla na med pa'i mchod pa rnal 'byor pas thob par 'gyur ro/ /mngon par rtogs pa'i cha bshad nas las tshogs brjod par bzhed nas gsungs pa/ dkyil 'khor chen po'i 'khor lo yis/ /zhes pa ni dpag tshad bye bar yangs pa'i gzhal yas khang dang ldan pas so//rdo rje lnga rnams ni de bzhin gshegs pa rnams te nye bar mtshon pa nyid kyis gzhan rnams dkyil 'khor pa rnams kyang yin te/ sgrub pa chen po'i mthar thug par/ /byas pas las ni brtsam par bya/ /zhes rgyud phyi ma las bshad pa'i phyir/ sna tshogs pa'i kha dog rnams kyis bsgom par bya ba yin no/ /de'i dbus su yang rang sngags rdo rje'i rang gi bdag po'i lha'i gzugs sku gsum rdo rje'i bdag po'o/ /chu dang sa dang rlung dang me'i dkyil 'khor rnams las gang yang rung ba cig 'dir yin no/ /kha dog bzhi rnams ni dkar po dang nag po dang ser po dang dmar po rnams las sbyor ba ji lta bar gang yang rung ba cig bsgoms te de'i snying gar sngags rnams kyi don zhi ba la sogs pa'o//der yang bsgrub bya 'jug pa sngon du song bas bsgom par bya'o/ /'di ltar gyur pa na rdo rje rnam pa bzhi bya'o//gang gi phyir las kyi tshogs nyid snying rje dang shes rab kyi bdag nyid kyis gzhan gyi don du 'jug pa ste sgrub pa po dang bsgrub bya'i'o/ /dam pa'i rigs ni rnam pa brgya/ /zhes rgyud phyi ma las te de thob par byed pa nyid kyi phyir mchog tu rtag pa yin no/ /de gsungs pa/ gang zhig zhi dang rgyas sogs las//de las gzhan pa'ang gang 'dod pa/ /'khor lo'i rjes chags sbyor ba yis/ /bsgrubs na myur du 'grub par 'gyur/ /sngags pa byang chub don gnyer bas/ /lus ngag yid kyi spyod ldan pa/ /de yis cho gas las byas te/ /de kun byang chub ched du 'dod//de nyid rang gi 'dod pa'i lha'i 'khor lo thams cad la zhi ba dang rgyas pa dang chags pa dang / khros pa'i sems rnams te/ zhi ba la ni zhi ba'i sems/ /rgyas la rgyas pa'i yid kyis te/ /dbang la chags pa'i yid byas nas/ /khros la khro bos bsgrub par bya//zhes rgyud phyi ma las so/ /dkar po dang ser po dang dmar po dang / nag po'i gos dang stan dang thams cad kyi bdag nyid bsgom pa go rims ji lta bar ston pas zhi ba la sogs pa'i las bzhi thun mong du bshad nas khyad par du bstan pa gsungs pa/ zhi ba la sogs pa'i bya ba la spyan gyi rnam pa bzhin du gang gi rnam pa yin pa de ni rnam par snang mdzad do//pad+ma rdo rje can ni 'od dpag tu med pa'o/ /rnam par snang mdzad kyang 'dir bya ba'i sgra'o/ /gnas kyang rang dang gzhan gyi don phun sum tshogs pa ma lus par sgrub pa byed pa de ni don yod grub pa'o//rdo rje yang yin te de bzhin gshegs pa'o/ /khro bo yang yin te gdul dka' ba nyon mongs pa'i dbang du gyur pa'i sems can gyi nyon mongs pa rnams la snying rjes bcos ma'i khro bor bstan pas so/ /khros pas na yang sems can don/ /khro bo chen por rab tu bstan//zhes pa'i grub mthas so/ /'phags pa gshin rje gshed la sogs pa de rnams go rims ji lta bar sngar bzhin du bsgom par bya'o/ /mdor bstan pa'i ngag 'di'i don/ /zhi ba'i dkyil 'khor dam pa ni/ /nam mkha'i dbyings kyi dbus gnas par/ /zhes pa nas brtsams te ji srid du zhal gsum zhes pa la thug pas gang gi phyir sngar bstan pa'i ngag gi don rab tu spros par byed do//sgyu mas byed pa'i rol mo bzhin du 'di'i ye shes kyi rdo rje nyid kyis sprul cing mtshon pa yang yin no/ /da ni mdor bstan pa'i rim pa las 'das te snying rje chen po'i gzhan gyi dbang du gyur pas drag po'i las kyi yul la bsgrub par bya ba dang sgrub par byed pa po dag gis mtho ris dang thar pa'i bar du gcod pa yin no zhes pa'i log par rtog pa bsal bar 'dod nas yul nges pa bstan pa'i ched du de nyid thob par byed pa'i phyir dang por gsungs pa yin te/dkon mchog gsum la mi snyan par smra ba'i ngang tshul nyid rab tu ston pas so/ /dge ba'i bshes gnyen dang bral ba la gal te brgya la smras kyang de dang phrad pa las de spong ba'i yi dam de yang dag par blangs pa rnams ni yul ma yin no/ /rdo rje slob dpon ni dpal gsang ba 'dus pa ru dbang bskur ba la gang rnams kyis smod par byed pa zhes khyad par smos pas mtshams med pa lnga rnams byas pas kyang de la smad pa'i pham par gyur pa nyid kyis shin tu lci bar gyur pa'i mi 'dod pa'i 'bras bu thob par byed pa nyid du gsungs so// dkon mchog gsum la gnod byed pa/ /zhes pa la sogs pa rgyud gzhan las gsungs pa'i phyir gang gzhan rnams kyang ste/ ma gsod pa la sogs pa la zhugs pa sdang ba de rnams nyid dkon mchog gsum dang sems can mang po la gnod pa byed pa nyid kyis ngan song gi lam du zhugs pa rnams la snying rje chen po'i gzhan gyi dbang du gyur pas de las bzlog pa'i phyir 'chad par 'gyur ba 'di rmi lam la sogs pa dang 'dra bar brgyal ba dang nad la sogs pa yang dag par bstan pa'i mtshan nyid ni drag po'i las te gang gis dkon mchog gsum la sogs pa la gnod pa byed pa'i sdig pa can de rnams la bskul bar bya'o//rang gi sdig pa'i las 'di byas pa 'dis nga la 'di lta bu byung ngo zhes de las ldog pa'i don du dran du gzhug go/ /bsgrub par bya ba dang sgrub par byed pa dag bla na med pa'i byang chub thob par byed pa'i phyir snying rje chen po dang ldan pa rnams kyis de rab tu bskul bar bya'o//e ma kun du bzang po yi/ /thugs rje mchog ni dri ma med/ /sdang la drag po'i las kyis kyang / /sangs rgyas nyid kyi 'bras bu stsol/ /zhes rgyud phyi ma las so/ /chen po yang dngos po ma lus pa la khyab pa'i phyir yin la ye shes kyang chos thams cad kyi rnam pa thams cad rtogs pa'i mtshan nyid yin pas so//de nyid 'khor lo ni dkyil 'khor yin te ye shes lnga'i ngo bo yin pa'i phyir gang rdo rje yin pa de ni de bzhin te bcom ldan 'das rdo rje 'dzin pa chen po yin no/ /khams gsum zhes pa la sogs pa la 'jig rten gyi khams thams cad kyi rdul phra mo rnams dang mnyam pa'i sems can thams cad sangs rgyas kyi sku rnams su bsgoms nas mi snyan par smra ba la sogs pa rnams kyi sta res bcad cing tho bas bye mar byas par bsams nas sdang ba'i sems can de rnams nga ni sangs rgyas gsod par byed pa'o zhes 'gyod pa skyes te dmyal bas 'jigs pa rnams skyabs med par blta ste/de dag gnon pa'i ched du snying rje chen po'i khro ba bskyed par bya'o/ /kha sbyar dbye ba byas nas ni/ /zhes pa ni bsrung ba'i kha sbyar bsal nas so//'di skad brjod par 'gyur te rang gi 'dod pa'i lha'i rnal 'byor pa ji ltar brjod pa'i sems can gyi yul rnams kyis mi dge ba'i tshogs bsags te 'jigs pas brgyal bar 'gyur ba rnams bltas la de rnams gdon pa'i ched du snying rje chen pos khro ba bskyed de rang gi snying ga nas rdo rje lcags kyu bton nas des de rnams kyi hUM dang baM las byung ba'i phyi'i bsrung ba'i kha sbyar dang dbyangs yig tha ma las byung ba'i sna tshogs rdo rje yi ge haM gis byin gyis brlabs pa mgo bo la gnas pa yang bkug ste rang gi g.yon phyogs su bzhag nas slar yang de nyid rdo rje'i lam nas zhugs nas de'i snying ga na gnas pa'i byang chub kyi sems zla ba la gnas pa'i ye shes kyi lha'i 'khor lo hUM yig la sogs pa las byung ba'i rdo rje dang 'khor lo dang rin po che dang pad+ma dang yi ge haM gis byin gyis brlabs pa'i sna tshogs rdo rje'i kha sbyor gyis mngon par bsrung ba byas pa la rdo rje lcags kyus bskul bar bya ste 'di ni snyan par smra ba dang bla ma la smod pa dang sangs rgyas mang po gsod par byed pa gang yin pa des na 'di bsrung ba dang byin gyis brlab pa yang thong cig /de ltar ma yin na khyod nyid brdzun gsungs pa yin la rang gis gsungs pa'i dam tshig las 'da' ba yang yin no zhes so//de nas de rnams kyis kyang zhal gyis bzhes te/ kho bo cag rnams kyis 'di'i lus po btang gis ji ltar 'dod pa gyis shig ces gsungs ma thag tu rdo rje lcags kyus bsrung ba'i kha sbyor dang lhan cig pa'i lha'i 'khor lo blangs nas gtad pa de de nyid du bzhag ste lag pa g.yon pas bdud rtsir grags pa'i khro bor bzung ste phur pa 'debs par byed pa'i lag pa g.yas pa na gnas pa'i rdo rje tho bas brdegs pas phur bus gdab bo//gang 'chad pa/ bsrung la sogs dang sngags rnams dang //lha rnams la ni phur bu gdab/ /ces so/ /de nas zhes pa ni 'di ltar kha sbyar dbye ba byas te snying rje dang shes rab sngon du song bas bde bar gshegs pa rnams kyis gnang ba'i phyir drag po las te phul du byung ba ni skyes bu mchog thob par byed pa'i phyir bsgrub par bya ste gzhan du ni ma yin no zhes kha cig go//bsgrub bya'i lus gang yin la yang zhes rgyud phyi ma las brjod pa'i cho gas bla ma'i man ngag nyid kyis kha sbyar dbye bar shes par bya'o zhes gzhan dag go/ /rdo rje rtse lnga pa kha bzhi pa ni sna tshogs rdo rje ste rdo rje sems dpa' zhe sdang gi rigs kyi bdag po bsgom par bya'o zhes ye shes zhabs kyi rjes su 'brang ba byed pa po'i dpal sde'i zhabs so//rtse mo nyi shu pa'i sna tshogs rdo rje las byung ba'i bdag nyid rdo rje sems dpa'o zhes pa ni rdo rje zhabs so/ /rdo rje rtse lnga kha bzhi pa las grub pa'i rdo rje 'dzin pa chen po khros pa zhal bzhi pa yin no zhes pa ni chos kyi zhabs so//khro bo'i dkyil 'khor gyi dbus su rdo rje rtse lnga pa las byung ba'i zhal bzhi phyag drug pa khros pa'o zhes snying po zhabs so/ /rtse lnga pa'i rdo rje 'bar ba las byung ba'i zhal bzhi pa khros pa g.yon brkyang bas gnas pa'i rdo rje 'dzin pa chen po zhes myu gu dang sde gzhan dang bshes gnyen zhabs rnams so//de la rdo rje 'dzin pa chen po zhal bzhi pa zhes pa 'di dang zhal gsum pa'i tshul du snang bar gyur to zhes pa dang po'i tshig dang 'gal ba yin no/ /g.yon brkyang gis gnas pa zhes pa 'di yang / rnam par snang mdzad 'od 'drar 'gyur//rdo rje sems dpa' zhes bco lnga pa dang ngo / /las tshogs kyi dbye bas sku la sogs pa dang kha dog dang gdan dang mtshan ma dang nyams kyi dbye ba nyid rgyud 'dir thos so/ /kha bzhi pa zhes pa 'di nyid kyi shes par byed pa yin pas zhal gyi dbye ba la sogs pa'i khyad par yang yin no zhe na/ma yin te de gzhan du bshad pa nyid kyis shes par byed pa ma yin pa'i phyir te gzhan du na rtogs par mi byed pa'i tshul ni shes par byed pa yin no zhes shes par byed pa'i mtshan nyid yin pa'i phyir ro/ /de bzhin du 'grel pa byed pa gzhan la yang ci ltar rigs par lung la sogs pa dang 'gal ba rigs pa shes pa rnams kyis spyad par bya'o//de ltar rdo rje sems dpa' bsgoms pas 'jig rten gyi khams thams cad kyi rdul phra rab dang mnyam pa'i 'das pa dang ma 'ongs pa dang da ltar byung ba'i de bzhin gshegs pa'i dkyil 'khor rnams lag pa g.yas pa na yod pa'i rdo rje 'bar ba'i nang du chud par bsams te de'i 'od zer gyis sems can gyi khams thams cad de bzhin gshegs pa'i rigs kyi dkyil 'khor gyi rang bzhin du byas te rang gi lus la bcug nas spro bar byas te de nas de rnams rgyud ji lta bar bsgom par bya'o//gsad pa ni ngan song gi 'khor ba'i lam las bzlog ste bde bar gshegs pa'i byang chub kyi lam la ji ltar rigs par rab tu bzhag pas na'o/ /don ni des bsgrub par bya ba dang sgrub par byed pa po'i don dngos te sangs rgyas nyid du sems dpa'o//rdo rje sems dpa' yang zhes pa dang sangs rgyas kyis kyang zhes pa ni shin tu bar brjod pa ste rnal 'byor gyi che ba nyid bstan to/ /dngos grub gtso bo ni de las khyad par can gzhan med pa'i phyir/ rang dang gzhan gyi don phun sum tshogs pa'i mtshan nyid thams cad mkhyen pa ste snying rje dang shes rab kyi rang bzhin nyid kyis yang dag par sems can gyi don du zhugs pa'i rnal 'byor pa dang des byin gyis rlob pa'i bsgrub bya la sku gsum gyi mchog stsol ba ste de thob par byed pa ni yang dag pa'i gdams ngag gi sgo nas so//rmongs pa'i bdag nyid kyi bsgrub bya yang dag pa'i lam ma yin par zhugs pa de byin gyis brlabs pa des 'chi ba yin te rgyud kyi sdig pa bcad nas yang dag pa'i lam la brten pa'i rgyud kyis 'jug par 'gyur te/bsam gyis mi khyab pa'i phyir dge ba'i bshes gnyen gyi byin gyi rlabs kyis yin no/ /mi 'grub po zhes pa ni bya ba nyams pa'i bsgrub bya la sangs rgyas kyis kyang bsrung ba'i sgo nas so zhes kha cig go//gal te de bzhin gshegs pa thams cad kyis rjes su gnang ba yin na yang ji skad du brjod pa'i bsgrub bya snying rje'i yul la rnal 'byor pa de dman pas btang snyoms su byas na de'i tshe de bzhin gshegs pa'i bka' las 'das pa'i ngo bo phas pham pa'i ltung ba byung bas mi 'grub ste dge ba'i rtsa ba ma lus pa bcad pas ta la'i mgo bo bcad pa bzhin du dge ba'i rtsa ba'i myu gu skye bar mi 'gyur ro zhes gzhan dag go//rdo rje dam tshig rdo rje sems dpa'i rnal 'byor pas 'khor lo gang du bka' ster bar byed pa de yang de bzhin te/de nas bka' mnos khro bos ni/ /zhes rgyud phyi ma las brjod pas de'i ming gi ting nge 'dzin no/ /bri ba'i dkyil 'khor la rnal 'byor pas bgegs bskrad pa gsungs pa nam mkha'i dbyings zhes pa la sogs pa'o//de'i phyag na zhes pa ni de rnams kyi'o zhes kha cig go/ /'khor lo las byung ba sngar bzhin du rnam par snang mdzad rdzogs par bya ste bsgoms nas lag pa g.yas pa nam mkha' dang mnyam par bsams te de'i steng du rdo rje 'bar bas brgyan pa'i 'khor la dus gsum gyi dam tshig las yang dag par byung ba'i rdo rje sems dpa' zhes pa ni 'das pa dang ma 'ongs pa dang da ltar byung ba rnams 'jig rten gyi khams thams cad kyi rdul phra mo dang mnyam pa'i khro bo'i dkyil 'khor thams cad bsgom par bya'o//thams cad kyang yin la sems can gyi khams kyang yin te 'khor lo'i 'od zer gyi snang bas khro bo'i rigs kyi rang bzhin du byas te/slar bsdus nas rang gi lus la bcug nas slar yang khro bo rnams spro bar bya ste/ nam mkha' bkang la 'di skad brjod par bya ste/ sangs rgyas thams cad bdag la gson/ /zhes pa la sogs pa'o//'di skad brjod nas sdang ba gsad par bya'o/ /gal te dam tshig las 'das na zhes pa ni gal te rnal 'byor pa nus pa yod kyang sdang ba la chad pa mi byed na zhig par te 'chi bar 'gyur ro/ /gang gi phyir khros pa ma yin yang sems can gyi don du khro bo chen po ston pa ni dam tshig yin no zhes gzhan dag go//ye shes mchog gi gnyen zhes pa ni snying rje'i rtsa ba yang dag pa'i ye shes kyi rang bzhin yin pas sems can thams cad bla na med pa'i byang chub thob par byed pa nyid kyis mchog gi gnyen no/ /'khor lo de las byung ba ni rnam par snang mdzad do/ /des na bka'i dam tshig gi rdo rje gang yin pa de de bzhin no//sangs rgyas ni rnam par snang mdzad de de sngon du song ba'i dkyil 'khor zhes pa 'di khyad par gyi gnod pa gang du med pa yin na thams cad du yin no/ /de la rdo rje can ni ye shes lnga la sogs pa dang ldan pa'i 'phags pa gshin rje gshed kyi dkyil 'khor can yin no//de nyid gsal bar gsungs pa/ gshin rje gshed ces pa la sogs pa ste rang yang yin la rdo rjer grags pa yang yin no/ /sems can sangs rgyas kyi rnam pa can rnams sdang ba rnams kyis gsad par bsgom par bya zhes 'brel to/ /sku gsung thugs kyi rdo rje zhes pa la sogs pa nas brjod ces pa'i mthar thug pa zhes pa 'di'i bshad pa ni hUM mdzad ces pa la sogs pa nas//bsams la bgegs ni rnam par gzhom/ /zhes pa la thug pa'o/ /de la gtsug tor gyi dam tshig gtsug tor chen po'i 'khor los sgyur ba la sogs pa brgyad do//nam mkha' rdo rje dbus gnas par/ /zhes pa la sogs pa nas rtag ces pa'i mthar thug pa de'i bshad pa ni rig bcas pa'i/ rnam par snang mdzad yan lag las byung ba/ /zhes pa nas/ gzhal yas khang pa der ni bsam par bya/ /zhes pa la mthar thug pa'o/ /mkha' dbyings sangs rgyas zhes pa la sogs pa nas ting nge 'dzin to zhes pa'i mthar thug pa de'i bshad pa ni/dpal mchog dang po'i snying po las byung ba/ /zhes pa la sogs pa nas/ 'gro ba mchog gi don rnams byas gyur pa/ /zhes pa'i mthar thug pa'o/ /rdo rje phra mo bsgom pa bstan par byas te/rnam pa kun gyi mchog ldan pa'i/ /rdo rje sems dpar bdag nyid yi ge hUM las bsgoms te lce yang rkan la sbyar nas yi ge hUM las sangs rgyas kyi gzugs sna'i rtse mor bsams te rdo rje phra mo spros pa'i sbyor bas chu'i rdul phra rab sangs rgyas kyi gzugs kyi rang bzhin du byas te de nas gsal por byas la chu'i steng du bcag par bya'o//mchog tu mnyam pa'i sbyor bas rang gi lus kyi rdul phra rab rnams de bzhin gshegs pa'i rang bzhin du bsgoms nas so/ /dbang chen gyi dkyil 'khor bsgom par bya zhes pa ni/ yi ge laM las gru bzhi pa kha dog ser po yi ge laM gyi sa bon gyis byin gyis brlab pa zur rnams su rdo rje rtse gsum pas mtshan pa'i dbus su yi ge a las grub pa'i sna tshogs rdo rje ste yi ge a yang de'i dbus na yod par bsams te dbus su khro bo'i dkyil 'khor bkod nas bsgrub bya'i steng du bsam par byas na thams cad rengs par 'gyur ro//khro bo 'di dag thams cad kha dog ser por bsgom mo zhes gsungs pa rdo rje gsum mchog ces pa la sogs pa'o/ /rengs pa thams cad la rigs lnga po thams cad nyid kyi dkyil 'khor rnams ni dbang chen gyi dkyil 'khor gyi sbyor bas khro bo'i dkyil 'khor gyi rnam pa rnams su blta bar bya'o//khro bo'i dkyil 'khor gyi dbus su gnas te yi ge hUM rdo rje rtse lnga pa'i gzugs dgra'i snying gar bsam par bya'o/ /grong ngam grong khyer la sogs pa rnams su yang sdang ba thams cad la phur pas 'debs pas na hUM yig gis phur pa bya'o//de nyid kyi phyir gsungs pa/ grong ngam yang na grong khyer ram/ /ljongs rnams su ni rab tu sbyor/ /mi bskyod pa'i rnal 'byor pas rang gi dkyil 'khor du gnas te sems can gyi 'jig rten gyi khams thams cad kyi nad pa rnams blta ste bar snang la brten pa'i rdo rje rtse lnga pa de'i gdul bya'i skye bo'i steng du hUM yig las 'bar ba'i phreng ba 'khrugs pa'i 'od rnam par bsam mo//rdo rje'i 'od zer rnams kyis bskal pa'i me dang 'dra bas nad pa de'i nad thar bar byas nas 'od zer yang dag par bsdu'o/ /spro ba zhes pa la sogs pa la rdo rje de las rin po che yid bzhin gyi nor bu'i 'od kyi rang bzhin rnams chos kyi sprin rnams sprul te chos kyi sprin de rnams kyis nad pa de la dgang bar bya ste hUM yig zlos shing ngo //de ltar na de la dbang bskur bar 'gyur ro/ /yang na rdo rje de las sangs rgyas kyi sprin rnams sprul pa'am rdo rje sems dpa'i sprin de rnams kyis de na gnas pa'i nad pa la dgang bar yang bya'o//de ltar na cir 'gyur zhe na/ bskal pa grangs med pa gsum du yang gnas shing sangs rgyas kun gyis byin gyis rlob po/ /lo'am lo brgya'am lo stong de srid du'ang gnas pa na zhi bar byas par 'gyur ro//bskal pa grangs med pa gsum du yang zhes pa brtan par gsungs pa'o/ /bsam gtan las byung ba sngar brjod ma thag pas zhi ba'i cho gas rtag tu sems can thams cad la zhi bar bsgoms pa'i yi dam ste gnas gang du yang dag par sbyor bas rnal 'byor pa la bsrung bar 'gyur ro//de na gnas pa la de bzhin gshegs pa thams cad kyi byin gyis rlob par 'gyur ro/ /rdo rje bdud rtsi zhes pa la sogs pa la 'phags pa bdud rtsi 'khyil pa'i dkyil 'khor gyi dbus su de'i rnal 'byor gyis gnas nas de'i sngags kyis bdud rtsi 'khyil pa'i khro bo phur par bsgoms te/des phyogs bcu'i sdang ba rnams la gdab par bya'o/ /zhi ba la ni spyan gyi tshul/ /zhes pa la sogs pa mdor bstan pa bzhi po 'di rgyas par bshad pa bzhi go rims ji ltar gsungs pa/ nam mkha'i dbyings kyi dbus su bsam/ /zhi ba'i dkyil 'khor zhes pa ni ba~M las byung ba'i chu dkar po bum pas mtshan pa'i zlum po de nyid dam pa yin te/rnam par snang mdzad gzugs zhes pa la sogs pa'o/ /'di skad brjod par 'gyur te ci skad brjod pa'i chu'i dkyil 'khor la rig pa dang bcas pa'i rnam par snang mdzad kyi bdag nyid zhal gsum dang sku yang kha dog dkar po zhi ba'i nyams dang shin tu thugs rje dang ldan pa de dang 'dra ba'i dkyil 'khor pas yongs su bskor bar bsams te ye shes sems dpa'i thugs kar zla bar bsgrub bya spyan gyi sngags kyi phreng ba mgo gyen du bltas pa kha dog dkar po bdud rtsi 'dzag pa bsgrub bya'i lus la khyab par bkod de de'i shes pa yang nang du bcug pa sngon du 'gro bas 'od zer gyi sgo las byung ba'i spyan la sogs pa rnams kyis/nam mkha'i khams gang bar blta ste/ sngags las byung ba'i 'od zer gyi lcags kyu rnams kyis de rnams bkug ste/ bum pa'i dbang gi tshul gyis bsgrub bya'i lus po la bcug ste/slar yang rtag pa rnams spros te de kho na ltar dbang bskur bar bya'o/ /rgyas la pad+ma rdo rje can/ /zhes pa'i mdo gsal bar gsungs pa/ nam mkha'i dbyings kyi dbus gnas pa/ /zhes pa la sogs te/ dbang chen gyi dkyil 'khor dang ldan pa'i mtshan nyid do//de ni dge ba'i bzhon pa yin pa'i phyir dge ba'o/ /chos 'dzin pa 'od dpag tu med pa ste rig ma dang bcas pa kha dog ser po rgyas pa yid yin te de dang 'dra ba'i dkyil 'khor pa rnams kyis yongs su bskor ba'i thugs kar don gnyer ro/ /bshad ma thag pa bzhin du gos dkar mo'i sngags kyis bskor ba'o//gos dkar mo rnams kyis nam mkha' yongs su gang ste/ slar bsdus nas sngar bzhin du bsgrub bya'i lus la gzhug par bya'o/ /de nyid gsungs pa/ 'dod pa de la dbab par bya/ /zhes so/ /rang gi ba spu'i bu ga nas byung ba 'od dpag tu med pa'i tshogs spros te slar bsdus nas de kho na bzhin du dbang bskur ba'i mthar gzhug par bsgom par bya'o//'dis zhes pa ni brjod ma thag pas so/ /dbang la rnam par snang mdzad gnas/ /zhes pa spros te gsungs pa/ nam mkha'i dbyings zhes pa la sogs pa'o//rdo rje zla gam dkyil 'khor la/ /zhes pa ni rlung gi dkyil 'khor zla ba phyed kyi rnam pa dang ldan pa'i mtshan nyid la dbang gi cho ga la dmar po brjod de/ rdo rje nam mkha'i chos kyi mchog ni don yod grub pa'o/ /'dod pa zhes pa ni 'gro ba thams cad dbang du byed par 'dod pa'i gsol ba 'debs pa'o//sangs rgyas kyis zhes pa ni don yod grub pa rnams kyis so/ /byang chub sems dpa' rnams kyis zhes pa ni 'phags ma sgrol ma'i gzugs rnams kyis so/ /don ni 'di yin te sngar brjod pa'i dkyil 'khor du gnas te kha dog dmar po'i don yod grub pa sems can thams cad la thugs rje chen po'i chags pas yang dag par zhen pa'i thugs shes rab dang thabs kyi bdag nyid rang nyid de dang 'dra ba'i dkyil 'khor pas bsgoms te sngar bzhin don du gnyer ba 'phags ma sgrol ma'i phreng ba'i sngags kyis bskor bar blta ste/sngags las byung ba'i 'od zer gyi sgo las 'thon pa'i kha dog dmar po yang dag par zhen pa'i thugs kyi 'phags ma sgrol ma'i tshogs kyis nam mkha'i khams gang bar byas te/ yang dag par bsdus nas de rnams kyis de la bum pa dmar po'i bdud rtsis dbang bskur nas 'dod chags kyi sems kyi mes bskul nas 'od zer lnga 'bar ba kha dog dmar po byang chub kyi sems kyi rgyun rnams kyis mngon par dbang bskur te zhu bar gyur pa'i 'phags ma sgrol ma'i tshogs zhugs pas dbang bskur bar bya'o//de bzhin du rang gi ba spu'i bu ga las 'thon pa don yod grub pa'i tshogs kyis dbang bskur ba yang yin no//de ni zhes pa ni dbang don du gnyer ba'o/ /de ma thag tu zhes pa ni sems brtan pa'i rnal 'byor pa bsgrub ma thag pa nyid du sangs rgyas kun gyi thugs su byon pa'o/ /'jam pa ni mnyen pa ste nyon mongs pa dang shes bya'i sgrib pa'i gyong ba dang bral ba'i phyir dang //dpal ni bsod nams dang ye shes kyi tshogs kyi bdag nyid phun sum tshogs pa ste de dang 'dra ba'i lus so/ /mthong ba tsam gyis 'gro ba thams cad dbang du byed pa'i las byed par dbang bskur ma thag nyid du 'gyur ro zhes pa'i don to/ /de gsungs pa/ 'gro ba thams cad dbang du byed//mthong ba tsam ni nyid kyis brjod/ /ces so/ /rdo rje khro bo mngon spyod la/ /zhes mdor bstan pa'i rgyas par bshad pa gsungs pa/ nam mkha' rdo rje zhes pa la sogs pa ste/ khros shing mi sdug pa dang gtum pa 'jigs su rung ba'i khro bo gshin rje gshed la sogs pa dang / drag po ni snying rje med pa bzhin du sdang ba'i don byed pa rnams kyis so//ce spyang la sogs pa sha za ba rnam pa sna tshogs pa'i phyugs dang bya rnams kyis so/ /me'i dkyil 'khor ra~M` las byung ba 'bar zhing gsal ba'i rnam pa'i zur gsum po der gnas pa'i sdang ba rnams dkon mchog gsum la sogs pa rnams la gnod pa byed pa bla na med pa'i rang dang gzhan gyi don las nyams pa la zhugs pa rnams yin pa de nyid kyi phyir na/sangs rgyas thams cad la gnod pa byed pa rnams so zhes nges par bya ste/ shes rab dang snying rje'i bdag nyid kyis sbyor ba'i thabs dang shes rab kyi snyoms par 'jug pa'i ngo bo rab tu sbyar ba bsgom par bya'o//cho ga 'di thams cad du bsam gtan las byung ba'i mngon spyod la blta bar bya'o/ /ji skad du brjod par 'gyur te/ ji skad brjod pa'i me'i dkyil 'khor la gnas pa khro bo gang yang rung ba'i rnal 'byor sngon du byas te/ de bzhin du bsgrub bya'i sdig pa bsags pa'i kha sbyar phye nas 'jigs shing brgyal ba mdun gyi me'i dkyil 'khor la gnas pa sgren mo skra grol ba mar nag gis byugs pa'i lus su dmigs te/rang gi ba spu'i bu ga las byung ba'i 'od zer gyi sgo las 'thon pa'i rdo rje srin po la sogs pa rnams kyis nam mkha'i khams gang nas mtshon cha sna tshogs pa thogs pa'i khro bo rnams kyis mnan zhing dum bur byas shing srin po la sogs pa rnams kyis rgyu ma dang rkang la sogs pa phyung zhing zos pa bsgom par bya'o zhes so//'di yang snying rje dang shes rab la goms pa'i bdag nyid kyis gzhan gyi don du zhugs pa de bzhin gshegs pa'i bka' dang slar gyi bka' thob pas sems can thams cad mtho ris dang thar pa dag la snod ji lta ba bzhin du gzhag par 'dod pas smon lam btab ste rnam pa thams cad du rang gi don la ltos pa med pa nyid kyis bcom ldan 'das kyis rjes su gnang ba 'di le'u lnga pa la sogs pa rnams su kho bo cag gis tshad ma dang lung gis nges par byas pas slar yang 'dir rgyas par mi byed do//sangs rgyas zhes pa ni shin tu bar brjod pas 'di'i rnal 'byor gyi che ba nyid brjod pa yin no/ /da ni ting nge 'dzin gsum dang 'brel pa'i rnam par snang mdzad la sogs pa bdag po'i sku mdog dang phyag mtshan gyi nges pa gsungs pa/zhal gsum ni thugs dang gsung dang sku ste/ chos dang longs spyod pa dang sprul pa'i sku stong pa nyid dang mtshan ma med pa dang smon pa med pa rnam par thar pa'i sgo rnam par dag pa yin te/ ston ka'i 'dam bu'i mdog 'dra ba ni sku thams cad zla ba'i kha dog ste/dkar po nag po dmar chen po/ /dbus dang g.yas dang cig shos so/ /rdo rje can ni mi bskyod pa'o/ /nag po dmar po dkar po'i zhal/ /rtsa ba g.yon pa g.yas pa'i zhal/ /'jig rten gyi khams rnams su 'di mnyam pa yin zhing chos kyi dbyings las ma gtogs pa gang gi phyir chos yod pa ma yin par spyi'i mtshan nyid yin pa de'i phyir rigs pas chos kyi dbyings kyi rang bzhin nyid kyi thams cad du yin te shes rab dang mnyam pa'i sems yin pa'i phyir ro//'khrug pa bzhin du yang yin te snying rjes 'jig rten gyi khams thams cad du phan pa bskyed pas 'khor ba las bzlog pa'i phyir ro//khyad par 'di yang snga ma dang phyi ma thams cad du yang ci ltar rigs par rtags la sogs pa yongs su bsgyur bar blta bar bya ste/ de bzhin gshegs pa thams cad 'di dang 'dra ba'i phyir ro//'dod chags can ni 'od dpag tu med pa'o/ /dmar po nag po dkar po'i zhal/ /rtsa ba g.yas dang cig shos zhal/ /rtsa ba'i zhal dang 'dra bar thams cad du sku thams cad blta bar bya'o/ /thor tshugs dbu rgyan longs spyod can/ /bsgoms na nges par 'grub par 'gyur//zhes pa ni thams cad du 'brel to/ /'khor lo rdo rje pad+ma che/ /g.yas pa'i phyag tu rnam par bsgom/ /zhes pa ni rtsa ba'i phyag mtshan go rims ji lta bar ro/ /rdo rje phyag drug bsgom par bya/ /zhes pa ni de bzhin gshegs pa thams cad nyid rgyud 'dir ro/ /mtshon cha sna tshogs 'dzin pa ni//zhes pa ni man ngag ji lta bar kun du bzang po'i dkyil 'khor gyi cho ga'i rjes su 'brang ba rigs gsum gyi rnam par gzhag pa 'dir rgyas par bshad pa'o/ /rigs lnga'i rnam par gzhag pa ni gsum pa ru spros pa rnams so/ /sems can kun la phan bzhed dam/ / zhes pa ni snga ma dang phyi mar yang rtags la sogs par rnam par bsgyur ba dang 'brel bar bya'o/ /'dis kyang theg pa gsum po yang dag par bsdus pa dpal gsang ba 'dus pa mthar thug pa sangs rgyas thams cad kyi bstan par thugs rje chen po shes rab kyi pha rol tu phyin pas bsdus pa gtso bo nyid du brjod pa yin no//shes rab pha rol phyin sbyor bas/ /thabs dang snying rje'i bdag nyid do/ /zhes dpal sangs rgyas thams cad las so/ /de nyid kyi phyir shes rab dang snying rje nyid goms pa sangs rgyas kyi bstan pa 'di la dbang ba yin no zhes lung las kyang grub po/ /dkar po nag po dmar chen po//zhes pa ni rtag pa dang 'dra'o/ /nam mkha' rdo rje ni mi bskyod pa yin la spyan ni gtso mo ste de'i rigs yin pa'i phyir ro/ /rtag par zhes pa ni spyod lam bzhi ste thams cad blta bar bya'o/ /langs pa dang ni 'dug pa dang / /gtsang ba'am yang na mi gtsang bar//rtag tu sgom par byed pa yang / /dngos grub rtogs par 'gyur ba yin/ /gnag dang dmar dang dkar ba'i tshul ni rdo rje can bzhin no/ /gsung rdo rje'i spyan ni gos dkar mo ste dmar dang dkar dang gnag pa ni 'dod chags can bzhin no/ /rdo rje ut+pal ni ye shes lnga'i rang bzhin ser po de 'dzin pa ste/ser po nag po dkar po'i tshul/ /rtsa ba g.yas dang g.yon gyi zhal/ /bsgoms na dngos po thams cad kyi de kho na nyid yul yin pa'i ye shes thob par 'gyur ro zhes 'brel to/ /gshin rje gshed ni zhal gsum pa ste rdo rje can bzhin no/ /gzhan gyis mi thub pa zhal gsum pa ste rnam par snang mdzad bzhin no//drag po'i 'od 'jigs pa yang 'jigs par byed pa dang drag tu bzhad pa la sogs pa 'di ni mi sdug pa'i khro bo thams cad la blta'o/ /rab tu 'phro ba zhes pa ni rtags la sogs pa yongs su bsgyur bas thams cad kyi khyad par yin no//rta mgrin ni pad+ma mthar byed de zhal gsum ni 'dod chags can bzhin no/ /rdo rje mi 'chi ba ni bdud rtsi 'khyil pa ste zhal gsum ni rdo rje can bzhin no/ /rgyan rnams thams cad yongs su rdzogs pa ni 'chad par 'gyur ba'i yang khyad par yin pa'i phyir ro/ /'dod pa yang 'di yin la ye shes kyang yin te thams cad gnyis su med pa rang rig pa'i rang bzhin yin pa'i phyir ro//zhal gsum ni rdo rje can bzhin no/ /dngos po gsum mam sku la sogs pa gsum la 'jigs pa ster ba de nyid kyi phyir na 'jigs par byed pa'i mchog go/ /phyag bzhi ni rig ma la 'khyud pa'i rtsa ba'i phyag gnyis bor ba'o//stobs po che ni zhal gsum pa ste rdo rje can bzhin no/ /rdo rje che 'jig rten gsum gyi mun sel ba ni sngar bzhin du thams cad kyi yin no/ /ye shes lnga'i rang bzhin yin pa'i phyir dang nyon mongs pa dang shes bya'i sgrib pa bag chags dang bcas pa'i mun pa spangs pa'i phyir khyad par yin no//dbyig pa sngon po ni dbyig pa rtsa ba'i phyag mtshan yin pa'i phyir ro/ /zhal gsum ni rdo rje can bzhin no/ /rdo rje gsum las byung ba ni thams cad sku rdo rje la sogs pa'i bdag nyid yin pa'i phyir ro/ /rdo rje yang 'di yin la sngar bzhin du'o/ /mi g.yo ba yang yin te de chos kyi dbyings kyi ngo bo yin pa'i phyir ro//ral gri 'dzin pa ni rtsa ba'i phyag mtshan yin pa'i phyir ro/ /zhags pa 'dzin pa ni las kyi tshogs kyi dus nyid do/ /zhi ba ni rol pa'i khro bo yin pa'i phyir ro/ /'di'i dbang du byas pa ni gnod mdzes ye shes 'dzin pa la thug pa'o/ / 'dod pa'i rgyal po yang zhi ba yin pa ni man ngag las so/ /zhal gsum pa ni rdo rje can bzhin no/ /brtul zhugs ni rig pa'i brtul zhugs la sogs pa'i sbyor ba dang ldan pas so/ /yi ge gcig ni yi ge gcig pa'i sngags so/ /zhal gsum ni 'phags ma sgrol ma bzhin no/ /'khor lo can ni de rtsa ba'i phyag mtshan no//gnod mdzes kyang 'di yin la me long lta bu'i ye shes la sogs pa 'dzin pa yang yin no/ /'di 'jigs pa yang yin la rgya mtsho yang yin te 'od mtshungs pa yang sngar bzhin no/ /zhal gsum ni rdo rje can bzhin no/ /bsam gtan ting nge 'dzin gsum gyi ngo bo las byung ba gang yin pa de ni bsgom par bya'o zhes snga ma dang yang 'brel to//'di rnams ni dkyil 'khor gyi bdag po nyid kyis bstan pa yin gyi dkyil 'khor pa nyid kyis ni ma yin no zhes ston pas gsungs pa/ gzi brjid phung po gtsug tor rgyal/ /zhes pa la sogs pa dang / gang gzhan sngags zhes rgyud phyi mar brjod pa'i tshul gyis shes rab dang snying rje'i bdag nyid yin pa'i phyir 'khor lo can yang dkyil 'khor can yin no zhes kha cig go//dpal rdo rje snying po rgyan las brjod pa kha dog la sogs pa rnams kyi 'khor los sgyur ba brgyad kyi yin la rang gi mtshan ma rtsa ba'i phyag na yin te/lhag ma'i phyag rang gi rigs kyi phyag mtshan dang zhal gsum phyag drug pa'o zhes gzhan dag go/ /so so so sor dkyil 'khor gyi bdag po nyid kyis yin gyi dkyil 'khor pa ma yin pa nyid yin te/ 'di rnams mtha' med pa nyid yin te/ 'di rnams mtha' med pa nyid du rgyas par bshad pas te gsal por gsungs pa/dpag tu med pa zhes bya ba ni rgyud 'dir dkyil 'khor pa rnams nges pa yin la rgyud gzhan rnams su ni dkyil 'khor pa'i bdag po nges pa yin te grangs su bcad pa'i phyir/ nam mkha'i steng du shin tu mang / zhes khyad par du byas te shin tu khyad par can du 'gyur ro//don gzhan la ni brten nas su/ /don de nyid ni bzlas pa yin/ /zhes bya ba'i tshul gyis bstan pa'i don yang bstan pa gsungs pa/ nam mkha'i dbyings ni chos dbyings yin par thams cad du man ngag las yin no/ /gsal ba'i dkyil 'khor zhes pa ni gsum par bshad zin to//sangs rgyas ni rdo rje 'dzin pa yin la/ de yongs su gyur pa'i dngos po yin pas ting nge 'dzin thams cad kyi'o/ /gsal ba ste thams cad rang rig pa'i ngo bo yin pa'i phyir ro/ /zla ba bzhin zhes bya ba ni gsum par nges par byas so/ /zhi ba ni nyon mongs pa dang shes bya'i sgrib pa bag chags dang bcas pa'i bslad pa bcom ldan 'das thams cad kyis spangs pa'i phyir ro//me long bzhin du chos thams cad kyi gzugs brnyan skye ba'i rten yin pas thams cad mkhyen pa'i ye shes kyi bdag nyid me long lta bu'i ye shes so/ /de nyid kyi phyir khams gsum gyi dkyil 'khor ro//'di thams cad kyi dbang du byas pa yin te ci ltar rigs par ro/ /rdo rje sems dpa' ni 'dir mi bskyod pa'o/ /'di gsal ba'i lus kyang yin la 'dra bar byed pas na 'dra ba yang yin zhing khro ba yang yin te zhe sdang rnam par dag pa ste/sems can thams cad kyi nyon mongs pa rnams la snying rje chen po'i khro bas so/ /rdo rje mi bskyod pa'i che ba'i bdag nyid yin no/ /chos kyi sems dpa' ni 'od dpag tu med pa'o/ /zla ba'i dkyil 'khor zhes pa 'di'i dbang du byas pa ni 'phags ma sgrol ma la thug pa'o/ /rdo rje dkyil 'khor ni mi bskyod pa'i dkyil 'khor ro//nam mkha' rdo rje mchog ni nam mkha' sgyu ma'i mchog ste mA ma kI'o/ /ut+pa la sngo dmar zhes pa la sngon po ni zhe sdang rnam par dag pa yin la dmar po ni kha dog go/ /chos kyi 'khor lo ni 'od dpag tu med pa'i dkyil 'khor ro/ /rdo rje chos ni gos dkar mo'o//pad+ma rA ga zla 'dra ba ni kha dog dang mdzes pas kyang yin te go rims bzhin du yin no/ /thugs rje chen po'i 'dod chags kyis chags pa'i thugs 'dzin pa'i phyir 'dod chags 'dzin pa ste 'od dpag tu med pa'o/ /de'i sdug pa ni de'i rigs yin pa'i phyir ro/ /ut+pal dmar po ni kha dog dmar po dang chos mthun pas dmar po ste pad+ma'o//thams cad sgra ji bzhin par bzung na ni ral gri dang gtun shing dang dgra s+t+wa dang zhags pa'i phyag dang zhal bzhi pa dang phyag bzhi pa dang zhabs drug pa la sogs pa gshin rje gshed la sogs pa yin pas dpal gsang ba 'dus par yang ye shes zhabs kyi yang lugs la mi 'tsham pa shin tu mang por 'gyur ro//sgra ni ji bzhin dpyod pa na/ /sgrib pa zhes rgyal ba byams pas brjod pa dang 'gal bar 'gyur ro/ /rgyun ma chad cing gnod pa med pa'i gzhung nyid sgra'i don du nges pa yin te/ de las gzhan du srid pa'i phyir the tshom ni sgra tsam las mi ldog go//gang rnam 'grel las/ gzhan du mi srid med pa'i phyir/ /nus pa sna tshogs rang gi sgra/ /nges par byed pa ma mthong la/ /the tshom nges par 'gyur ba yin/ /'dis ni 'dam las skyes pas 'dam skyes te/ /ut+pa la yin zhes gsal lo//sgra 'jug pa'i rgyu mtshan tsam yod pas don la 'jug pa ma yin la 'on kyang grags pa'i dbang gis yin te/ 'gro bas na ba lang zhes pa la sogs pa la 'gro ba la sogs pa'i 'jug pa'i rgyu mtshan yod pa nyid kyis bram ze la sogs pa rnams la yang btags pa ma yin par ba lang gi sgra 'jug par thal bar 'gyur ba'i phyir ro//grub pa ni don yod par grub pa de'i dkyil 'khor ro/ /kha dog ser po yang yin la mdangs kyang yin pas mdangs so/ /ser po yang kha dog gis yin la mdangs kyang yin pas mdangs so/ /de bzhin du gsungs pa/ lha mo 'di rnams nges pa'i phyag mtshan ni//'khor lo bzang dang ut+pal dmar po dang / /pad+ma ut+pal gser mdog rim bzhin bsam/ /lhag ma rnams ni ji bzhin 'dod par 'dod/ /sangs rgyas gzugs ni bsgom byas nas/ /zhes pa ni rang gi sa bon du yongs su gyur pa'i dus na nyi ma'i dkyil 'khor la sogs pa la ji ltar rigs par bsam par bya zhes pa ni thams cad du 'brel to//phyag na ral gri ni gang gi gsum pa na yod pa de yin no/ /dam tshig ni 'da' bar bya ba ma yin pa'i phyir ro/ /de bzhin du thams cad du ci ltar srid par ro/ /gzhan gyis mi thub pa ni mi mthun pa'i phyogs kyis so//sbrul gyis brgyan cing ske rags can/ /zhes pa ni mtshon pa ste khro bo mi sdug pa thams cad kyi khyad par ro/ /gyes pa ni gdangs pa'i zhal te gdong mi sdug pa dang mche ba 'khyog pa dang zhal 'jigs su rung ba'i phyir ro/ /'di dag kyang de rnams nyid kyi'o/ /rta mgrin zhes pa ni pad+ma mthar byed kyi ming gzhan no//rgyud 'dir ni thams cad zhal gsum pa'o/ /gdug pa thams cad kyi gnas ni 'dug sa ste/ de mnan pa de dang de gang gis bsal ba de'o/ /sku dmar po ni lus thams cad dang rtsa ba'i zhal lo/ /dpag med ni sangs rgyas 'od dpag tu med pa'o//rdo rje mi 'chi ba ni bdud rtsi 'khyil pa'o zhes bshad zin to/ /kun du 'khrugs shing khros zhes pa yang ngo / /de nyid kyi phyir khros shing mche ba rnon po yang yin pa ni 'jigs su rung ba'i khro bo thams cad kyi khyad par ro/ /'dod pa sems pa khros pa ni/ /'jigs su rung ba'i sku mchog ste//rgyan rnams thams cad yongs su rdzogs/ /zhes pa ni rol pa'i khro bo yin pa'i phyir ro/ /stobs po che zhags pa 'dzin pa ni las kyi tshogs nyid la'o/ /rdo rje sngon po ni dbyig pa sngon po'o/ /'di gnag pa yang yin la sku thams cad dang rtsa ba'i zhal gyis so//rgya mtsho yang yin te thams cad mkhyen pa ma yin pas rtogs par dka' ba'i phyir dang yon tan ma lus pa'i rten yin pa'i yang phyir ro/ /'phel bar byed pa ni/ sems can ma lus pa'i rgyud kyi dge ba'i rtsa ba rnams so/ /gzugs nag po 'dzin pa ni de'i gzugs kyis 'dul ba rjes su bzung ba'i phyir yin gyi rang bzhin gyis gnag pa ni ma yin te bcom ldan 'das thams cad dkar po'i chos kyi rang bzhin chos kyi dbyings kyi ngo bo yin pa'i phyir ro//mi g.yo ba'i mchog khros shing 'jigs pa zhes pa ni phyir 'thon pa'i cung zad mche ba gtsigs pa 'jigs su rung ba dang ldan pa'i phyir ro//'di yang rol pa'i khro bo yin te rdo rje mi g.yo ba bzhi pa zhes brjod pa'i phyir ro/ /zhags pa 'dzin cing 'khrugs pa ni bshad zin to/ /rig pa'i 'khor lo ni gtsug tor 'khor los sgyur ba yin no/ /mtshan rnams thams cad yongs su rdzogs pa ni rol pa'i khro bo yin pa'i phyir ro//'khor lo 'bar bas yongs su bskor ba ni phyi rol gyi nyi ma'i 'od kyi dkyil 'khor ro/ /rdo rje gnod mdzes kyi phyag na rdo rje yin pa ni de rtsa ba'i phyag mtshan yin pa'i phyir ro/ /bsgoms na dngos grub kyi mchog sangs rgyas kyi mtshan nyid dang thun mong ba yang mi snang ba la sogs pa'i ngo bo ci ltar mngon sbyor thob par 'gyur zhes pa ni thams cad dang 'brel ba'o//'gog pa ni mi mthun pa'i phyogs thams cad la bya'o/ /ci byas pas she na/ khro bo'i 'khor lo ste srung ba'i 'khor lo'i ngo bos so/ /byed pa po gang gang gis sangs rgyas rdo rje bsten pa ni ting nge 'dzin gsum dang ldan pa'i rnal 'byor pas so//'dis ci ltar 'gyur zhe na/ gsungs pa/ ting nge 'dzin rdo rje ye shes can 'grub ces so/ /ci lta bu zhe na/ gsungs pa/ rdo rje dkyil 'khor rnams zhes kha cig go/ /cis she na/ gsungs pa/ rdo rje dkyil 'khor las zhes gzhan dag go/ /rdo rje'i dam tshig gi de kho na nyid bsgoms pas mngon par byang chub pa de ston par byed pa'i gzhung yongs su gcod pa'i le'u'o//dpal gsang ba 'dus pa'i rgyan las le'u bcu gsum pa'o// //de nas zhes pa la zhi ba la sogs pa'i cho ga gsungs pa/ de la bya ba gzhan ci bya zhes pa la sogs pa gdul bya'i rnam par rtog pa yongs su shes pa'i rjes la'o//drag po la sogs pa'i dngos grub la bar du gcod pa bsal ba'i don du zhi ba la sogs pa'i sngags rnams sngar brjod pa'i lha la sogs pa rnams kyis gsungs so/ /drag po la sogs pa zhi bar byed pa'i dam tshig 'da' bar bya ba ma yin pas bcom ldan 'das ma spyan no//de nyid mchog gang du dmigs pa yin pa de ni de bzhin no/ /'byor pa kun la dgyes pa rnams ni sems can thams cad kyi phun sum tshogs par bzhed pa sangs rgyas bcom ldan 'das so/ /sangs rgyas rdo rje ni rnam par snang mdzad rdo rje can gyi ngo bor gsal ba rjes su dran te des sems can gyi khams bde bar byas pa de'i tshe gzigs te dgyes la dbang du yang byas te mnyes pa'o//sangs rgyas rnams kyang zhes pa ni/ shin tu bar brjod do zhes kha cig go/ /drag po sgrub pa'i dus su'o zhes gzhan dag go/ /sangs rgyas rnams kyi gang zhi ba ni nyon mongs pa dang shes bya'i sgrib pa bag chags dang bcas par spangs pa'i mtshan nyid yin te/de skyed par byed pa ni snod ji lta bar sems can thams cad kyi rgyud la dngos su'o/ /las thams cad la yang phul du byung bas sgrub pa ni kha dog dang nyams la sogs pa'i dbye bas so//'chi ba sos par byed ces pa'i don ni 'di yin te/ spyan gyi rnal 'byor pas ye shes sems dpa'i thugs ka'i sa bon gyi lcags kyus bar ma do'i srid pa'i bdag nyid dam mngal du chud pa dri ma med pa bskyod pa med pa mi g.yo ba gnyug ma'i mar me'i rtse mo'i rgyun dang 'dra ba'i rnam par shes pa bkug ste/shi ba de'i snying gar bcug la de la lam gyi sa bon bsgoms nas de'i 'od zer rnams kyis de'i lus po rang bzhin gyis 'od gsal bar bya ste/ grub pa'i dngul chus zangs gser du byas pa bzhin du/ spyan gyi rnam par yongs su gyur par bltas la mig la sogs pa byin gyis brlab par byas te/rang gi ye shes sems dpa'i thugs ka'i sa bon gyi 'od zer las byung ba spyan gyi tshogs kyis bum pa'i bdud rtsi dang byang chub kyi sems dang bdag nyid zhugs pas dbang bskur bas dbang bskur bar bya'o/ /de ltar shi ba de sos shing rdo rje'i sku yang thob par 'gyur te thams cad mkhyen pa ma yin pa la bsam gyis mi khyab pa'i phyir grub pa'i rnal 'byor pa'i byin gyis brlab pa yin no//rdo rje dam tshig bskul mdzad ma ni de kho na nyid skul bar byed pa'i glus te/ dbang du byas pa yang 'phags ma sgrol ma la thug pa'o//de nas zhes pa ni mA ma kI'i sngags kyis gdul bya yongs su smin par chod pa'i rjes la'o/ /de bzhin du de dang de'i sngags brjod pa la sogs pa'i gdul bya yongs su smin par shes pa'i rjes la ste thams cad la de nas kyi sgra dpyad par bya'o/ /sku gsum gyi dam tshig khro bo ni mi bskyod pa'o//dngos po rnams ni gzung ba la sogs pa'i ngo bo yin la dngos po med pa ni nyon mongs pa bag chags dang bcas pa dang bral ba'i ye shes yongs su grub pa'i bdag nyid do zhes kha cig go/ /dngos po ni sems can gyi don ma lus pa sgrub pa'i bsam pa snying rje chen po'i thabs so/ / dngos po med pa ni brtags pa med par dmigs pa'i shes rab bo/ /gang zhig dngos med shes rab ste/ /thabs ni dngos po'i mtshan nyid do/ /zhes rgyud phyi ma las so/ /de dag gi dam tshig srid pa dang zhi ba mnyam par ro gcig pa mi gnas pa'i mya ngan las 'das pa'i ngo bo mA ma kI'o/ / rdo rje 'dzin pa ni 'dir mi bskyod pa'o/ /sku gsum dbyer med rdo rje can/ /zhes pa ni zhe sdang gi rigs can rnams so/ /rdo rje srung ba'i sbyor ba la/ /zhes pa ni rang gi lha'i rnal 'byor gyi ro langs la sogs pa bsgrub pa rnams la de'i sngags las byung ba'i rdo rje 'bar ba zla ba'i dkyil 'khor la gnas pa rang gi mgo bo la bsams te mA ma kI de'i lte ba'i nang na gnas par bya'o//de lta na ma nyams pa'i bsrung bar 'gyur ro/ /las rnams rtag tu rab sgrub pa/ /zhes pa ni zhi ba la sogs pa'i las rab tu sgrub par yang 'gyur te spyan bzhin no/ /rdo rje chen po 'jigs nyen la//zhes pa ni mtshams med pa la sogs pa'i las byas pas sems shin tu ngan song gi 'jigs pa sems 'khrugs pa rnams so/ /stobs byed pa ni mA ma kI'i rnal 'byor gyis ji lta ba bzhin du rang gi sngags bzlas pa sngon du song bas chos thams cad stong pa nyid do zhes mngon du byas te bdag nyid de'i rnam par bsgoms pas ngan song gi 'jigs pas nyen pa sel bar byed do//'dod chags chen po ni 'dir 'od dpag tu med pa yin la gang gi dam tshig tu byed pa gos dkar mor grags pa de gzigs pa ni ting nge 'dzin gang gis yul du byas pa de la de skad ces brjod do//rdo rje chos mchog 'dzin pa rnams/ /zhes pa ni 'dod chags kyi rigs can rnams so/ /chos rgyas stobs zhes pa ni ma 'dres pa'i chos la sogs pa rnams rgyas pa'i rnal 'byor pa'i rgyud la gsal bar snang ba yin la stobs kyang mi mthun pa'i phyogs kyis ma nyams pa'i nus pa yin te rtag tu ni rgyun rtag pas so//gang gi phyir bcom ldan 'das ma 'dis sangs rgyas kyi yon tan rnams kyi mdzod chen po dang ldan pa de'i byed do/ /bzlas pa tsam gyis zhes pa la tsam smos pas phyag rgya 'ching ba la sogs pa rnam par bcad pa'i ched du yin gyi bsgom pa rnam par dpyad pa ni ma yin te/de nyid 'bras bu thob pa la gtso bo'i phyir ro/ /rtag tu ni 'khor ba ji srid bar mya ngan las mi 'da' ba'i chos yin pa'i phyir ro/ /ji ltar gsungs pa rdo rje'i tshig mi slu ba de bzhin du 'di nyams su blangs pa'o/ /kun nas 'byung ba ni sems can ma lus pa'i don byed pa de la de skad du yin te/don yod rdo rje'o/ /de nyid sgrol mar grags pa rdo rje gang la yin pa de de bzhin no/ /sangs rgyas kun bdag che las skyes pa ni dam tshig gi rigs can rnams so/ /rdo rje'i sku zhes pa ni don yod rdo rje'o/ /thams cad bran bzhin byed ces pa ni rang gis sgrol ma'i rnal 'byor mngon sum du byas te de yang kha dog dmar po'i na bza' dang rgyan gyis brgyan pa bsgrub bya mdun du mngon sum du byas pa sngon du song bas snying gar pad+ma dmar po'i 'dab ma rnams la skyes pa rnams kyi yin zhing de bzhin du pad+ma dmar po'i ze'u 'bru rnams la bud med rnams la bud med rnams kyi yin te rang gi sngags kyis byin gyis brlabs pa'i mda' dmar po rnams kyis bskul zhing sngags brjod de yang nas yang du bsnun nas bran du bya'o//dri ma med pa'i 'od zer gyi sprin bkod pa gshin rje gshed gang gis de nyid kyi rdo rje gang la yin pa de de bzhin no//'jigs shing yid skrag pa zhes pa ni byis pa so so'i skye bo rnams skrag pa skyed par byed pa ste/ 'di zhes pa ni rang gi sngags yang dag par bstan pa dang ldan pa'o/ /'byung bar 'gyur ba yang 'jug par 'gyur ba la brten nas de bzhin gshegs pa'i rnal 'byor pa ni de bzhin gshegs pa ste so so'i skye bo nyid du dgongs pa ste/de rnams skrag pa nyid srid pa'i phyir ro/ /khro bo'i sngags 'bum bzlas pa byas te ji skad brjod pa'i cho gas thod pa la bsgrub bya'i ming dang lhan cig pa yang dag par bris te rkang pa g.yon pas mnan te ming dang spel ba'i cho gas rang gi dkyil 'khor gyi dbus su 'dug ste sngags bzlas par bya'o//bsgrub bya yang rdo rje rlung gi dkyil 'khor la zhon pa zhags pas kyang bkug pa ste dgug pa thams cad kyi sbyor ba la bsgom par bya'o/ /dam tshig nyid 'od zer rnams te de rnams kyis stug po ni tshogs yin la de nyid gang du mchog yin pa de ni de bzhin no//bdud rtsi'i bdag nyid khro bo ni bdud rtsi 'khyil pa'o/ /sngags rnams kun gyi sbyor rnams la/ /zhes pa ni lha thams cad kyi las kyi tshogs sna tshogs pa'i mtshan nyid rnams la bcom ldan 'das nyid sbyar bar bya ste bya ba ma lus par rdzogs par byed pa'i phyir ro/ /khyad par du yang 'di ni rdo rje zhes pa la sogs pa'o//cho ga yis zhes pa ni rlung gi dkyil 'khor gyi steng du rdo rje rnga mo'i rgyab tu zhon pa sgren mo skra grol ba rdo rje khro bo'i rigs kyis skrag pa sdang ba lho phyogs su 'gro ba blta'o/ /sangs rgyas kyi rnam pa'i 'od zer rnams nyid rdo rje ste gang la de yod pa de bzhin no//cho ga bzhin du zhes te gzhan gyis mi thub pa'i khro bo'i rnal 'byor sgrub pa chen po'i bar du bya ba ste rdo rje'i rang bzhin gyis sa gzhi dang ra ba dang gur dang phyogs dang mtshams bcing bar byas te/ bsgrub bya'i bsrung ba spel ba dang bcas par sngags bzlas te rdo rje thugs rab tu sbyor bar bya'o/ / dpag tu med pa ni 'od dpag med de gang las byung ba rta mgrin gang yin pa de nyid rdo rje ste gang la de yod pa de de bzhin no/ /chos kyi rdo rje che mchog skyes/ /zhes pa ni 'dod chags kyi rigs can rnams so/ /ha la ha la'i 'od ni shin tu drag po'o/ /khro bo'i rgyal pos bskul ba yis/ /zhes pa la ci lta ba bzhin du 'phags pa rta mgrin gyi sbyor ba dang ldan pas bsgrub bya'i snying gar nyi ma'i dkyil 'khor 'bar ba bskal pa'i me dang 'dra ba de'i steng du yi ge hUM bkod de de'i 'od zer rnams kyis lus thams cad la gnas pa'i dug bsregs nas lag pa g.yas par yi ge pi las byung ba'i pad+ma dkar po 'dab ma brgyad pa bsgoms te de'i lte bar yi ge haM kha dog dkar po'i 'od zer dkar por gsal ba bdud rtsi 'dzag pa rnam par bsam zhing phreng ba'i sngags bzlas par bya ste/des byabs pa na bsgrub bya la dug med par 'gyur zhes pa'i don to/ /gang las byung ba ni sems can ma lus pa'i don te de de bzhin te/de nyid rdo rje tog gang la yod pa de de yin te de ltar ro/ /brgyad brgya ni brgya rtsa brgyad do/ /cho ga 'khor lo'i sbyor ba yis/ /zhes pa ni dbyig pa sngon po'i sbyor ba ci lta bar nga rgyal dang bcas pas sngags brjod na gdug pa rnams ni gsod par 'gyur zhes pa ni 'chad par 'gyur ba'i cho gas so//bzlas pa tsam gyis sbyor ba yis/ /las rnams thams cad sgrub par byed/ /ces so/ /yang na sngags pas khro bo thams cad kyi/ /sngags ni 'bum du bzlas nas ni/ /las rnams thams cad byed par bshad/ /ces te 'chad par 'gyur ba'i tshul gyis mtshan ma thob pa than pa byung ba'i dus su de'i rnal 'byor byas te sngags bzlas pa na chu'i tshogs dbab par bya'o zhes pa'i don to//kun nas bgegs rnams 'joms pa de nyid rdo rje ste gang la yod pa de bzhin no/ /rdo rje sems dpa'i sbyor ba yis/ /zhes pa ni 'phags pa 'dod pa'i rgyal po'i sbyor ba ci lta ba dang ldan pas bsgrub bya'i gzugs brnyan byas te dgug pa sngon du song bas 'bar ba'i lcags kyus byin gyis brlabs pa'i rkang pa g.yas pas g.yon brkyang gis mnan te sngags bzlas pas rdo rje lcags kyus dgug par bya'o//ye shes ni dngos po mtha' dag gi de kho na nyid yul yin pa'i phreng rgyud yod pa ste de nyid chu yin pa ni 'dod chags la sogs pa'i dri ma 'khru ba'i phyir ro//de nyid sangs rgyas rdo rje gang la yod pa de bzhin no/ /kha sbyar lus kyis 'gugs par 'gyur/ /zhes pa ni ci lta ba bzhin du 'phags pa mi g.yo ba'i rnal 'byor pas mi'i thod pa srub med pa mtshan nyid dang ldan pa blangs te/rkang pa g.yas pa'i mdzub mo'i khrag dang tsha ba'i mar nag dang ske tshe la sogs pa rnams kyis lha chen po la sogs pa'i gzugs brnyan rang gi lha mo dang ldan pa yang dag par bris te dgug pa sngon du song bas sngar bzhin du rdo rje'i lcags kyus byin gyis brlabs te rkang pa g.yas pas mnan nas des lcags kyus dgug par bsams te/skul ba dang lhan cig pas nges par dgug par 'gyur ro/ /dam tshig ni rgyu ste khro bo rnams kyi phal cher mi bskyod pa yin te/ khro bo zhe sdang gnas las skyes//zhes brjod pa'i phyir ro/ /de'i rnam par 'phrul pa ni dpal gnod mdzes su grags te rdo rje gang la yod pa de de bzhin no/ /bu mo zhes pa thams cad ni lha'i bu mo la sogs pa rnams yin te 'dod chags kyis tshim pa'i gzhan gyi dbang du gyur pa yin pa'i phyir skra bshig gos dang bral ba'o//de bzhin gshegs pa kun yang yin te dkyil 'khor du'o/ /ji lta ba bzhin du bcom ldan 'das gnod mdzes rgyal po de nyid rdo rje sems dpa' yang yin la gnas kyang yin te phun sum tshogs pa ma lus pa'i gnas yin la des mnan pa'o/ /ci lta ba bzhin du bud med kyi thod pa rkang pa g.yon pas mnan te snying gar rdo rje lcags kyus phug ste mgrin pa zhags pas bcings na rdo rje'i bu mor nges par 'gyur te 'di'i dbang du byas pa ni ci ltar rigs par ro//'phags pa gnod mdzes kyi sbyor ba ci lta ba dang ldan pas mtshan nyid dang ldan pa'i bud med kyi thod pa la lha'i bu mo la sogs pa gang yang rung ba rkang pa g.yon pa'i srin lag gi khrag gis bris te de las byung ba'i rdo rje lcags kyus byin gyis brlabs pa'i rkang pa g.yon pas mnan nas lag pa g.yas pa na gnas pa'i lcags kyus snying gar phug ste zhags pas ske nas bcings te bskul tshig dang ldan pas sngags bzlas pas dgug par bya'o zhes pa'i don to//dam tshig chen po'i de kho na nyid ni byang chub kyi sems te des bskyed pa ni dgug pa'i las grub pa'o/ /de byang chub kyi sems bsgoms pa brtan par byas pas khams gsum pa 'di dag ni sems tsam mo zhes shes par byas pas dgug pa grub pa'i phyir ro//dam tshig chen po ni bshad zin te de las phyung ba ni sku dang gsung dang thugs kyi gsang ba rdo rje gsum gyi gsang ba'o/ /ci lta bu zhe na/ gsung gi dam tshig ni sngags yin te de'i de kho na nyid de nyid gnas te dgug pa'i sbyor ba la zhes bya ba'i don to/ /sku dang gsung dang thugs kyi rdo rje rnams ni sangs rgyas kyi rdo rje rnams te de rnams ni sku gsung thugs kyi rdo rje rnams yin zhing sku gsum po rnams yin te de rnams la rdo rje sems dpa' bsgom pa ni gnod mdzes bsgom pa ste de dgug pa'i rgyu mtshan gyis gnod mdzes bsgom par bya zhes pa'i don to//ci ltar na gnod mdzes kyi sbyor bas sangs rgyas thams cad 'gugs she na/gsungs pa/ zhags pa rdo rje kyo ba 'dzin/ /gnod mdzes rgyal po'i sprul pa rnams kyis zhags pa dang lcags kyus gnod mdzes kyi rnal 'byor pas sangs rgyas thams cad dgug par bya'o/ /da ni rdo rje 'dzin pa chen po la sogs pa rnams kyi rang gi rnal 'byor gyis dgug pa gsungs pa/sangs rgyas kyi sku dang gsung dang thugs kyi sbyor ba rdo rje 'dzin pa chen po'i rnal 'byor gyis so/ /'khor lo chen po rdo rje 'dzin pa chen po'i dkyil 'khor gyi sbyor ba las so/ /'khor lo pad+ma rdo rje che/ /zhes pa ni rnam par snang mdzad kyi rnal 'byor pas lag par 'khor lo'i lcags kyus bsams nas de dang de'i dkyil 'khor gyi dbus su gnas te rin po che dang pad+ma dang ral gri dang lcags kyus rin chen 'byung ldan la sogs pa dgug go//de bzhin du gzhan rnams kyang shes par bya ba de'i phyir gsungs pa/ rdo rje kyo ba'i khyad par gyis/ /sngags rnams thams cad dgug pa'i mchog /ces so/ /rang sngags skyes bu bsgoms nas ni/ /zhes pa ni rang gi lha rnams kyi ngo bor rang gi sngags kyi bdag nyid bsams nas so/ /thams cad rdo rje'i dngos zhi ba/ /zhes pa ni sku gsung thugs kyi rang bzhin no//snying gar rdo rje kyo sbyor bas/ /zhes pa ni de'i snying ga'i pad+ma rdo rje lcags kyus phug nas de rnams kyang rdo rje'i rlung gi dkyil 'khor la zhon pa rnams su bsams nas dgug par bya'o/ /rnam par snang mdzad gzugs chen po/ /zhes pa la sogs pa ni 'phags pa bdud rtsi 'khyil pa'i rnal 'byor byas te de'i dkyil 'khor gyi dbus su gnas pa'i rnal 'byor pas bcom ldan 'das rnam par snang mdzad zla ba'i dkyil 'khor gyi gzugs su bsam par bya ste/de nas sha tsi steng du gnas pa'i gzugs su bsgoms nas dgug par bya'o/ / de'i phyir gsungs pa/ rdo rje mi 'chi sbyor ba yis/ /lan grangs lnga bcur brjod pa yis/ /nges par rtag tu dgug par 'gyur/ /zhes so/ /rdo rje kyo ba gzugs po che/ /zhes pa la sogs pa la rdo rje'i kyo ba rno ba'i 'bar ba'i 'od kyi dkyil 'khor nam mkha' la bsams te de nyid rdo rje'i dkyil 'khor gyi rnam par bsam par bya'o//de'i steng du nam mkha'i bu mo bsams la 'phags pa bdud rtsi 'khyil pa'i sbyor bas de nyid dgug par bya'o zhes kha cig go/ /rdo rje sa 'og na gnas pa de gnod mdzes rgyal po bsgoms nas sngar bzhin du rdo rje lcags kyu dang zhags pa dag gis lha ma yin gyi bu mo dgug pa'i lugs so zhes gzhan dag go//btsag ces pa la sogs pa la 'gog pa'i rdo rje bsgoms pas mtshan ma thob pa rdo rje'i rigs la sogs pa'i gang yang rung ba'i rnal 'byor dang ldan pas phyi'i lus spyan ma dang ldan pas rig ma'i pad+ma na gnas pa'i byang chub kyi sems kyi zla ba'i gdan la btsag gam rdo rgyus gnas par bya ste/de rnams kyang yi ge hUM la sogs pa gang yang rung ba'i sa bon las lag na rdo rjes mtshan pa la sogs pa'i lcags kyu yod pa'i lha'i gzugs su bskyed nas sa bon gsum gyis byin gyis brlab par bya ste de las 'thon pa'i rdo rje lcags kyu'i lha spros te nam mkha' gang bar byas te bsdus nas thim zhing brtan pa'i dngos pos rjes su chags pa'i mchod pa byed pa na yang dang yang du bsgom par bya ste ji srid du zla ba ma grol ba de srid du'o//des tshangs pa la sogs pa de rnams kyi ming bris pa nyid kyis nges par 'ongs par 'gyur zhes pa'i don to//rnam pa kun gyi mchog ldan pa/ /zhes pa la sogs pa la rang gi dkyil 'khor la ci lta ba bzhin du 'jam dpal gyi sbyor ba dang ldan pas rtsa ba'i phyag g.yas par rang gi sngags las byung ba'i 'phags pa gshin rje mthar byed yongs su gyur nas rdo rje lcags kyur bsgoms te de nas de'i lcags kyu dang rtsa ba'i phyag g.yon pa na gnas pa'i zhags pas kyang rang 'dod pa'i gnod sbyin mo sngags zlos pas de bzhin du bkug ste nye bar longs spyad do zhes pa'i don to//brjod pa'i don nyid gsal por gsungs pa kun gyi phyag rgya'i khyad par zhes pa la sogs pa ste de dang de'i lha rnams kyi rang gi rig ma dang gnyis su med pa'i phyag rgya chen po'i khyad par ni phyag rgya'i khyad par ram rang gi phyag mtshan lcags kyu'i khyad par nges so//de rang gi bzlas par bya ba'i sngags kyi khyad par gyis kyang ngo / /thams cad du zhes pa ni rnam pa thams cad du yongs su rdzogs pa'i sbyor ba yang dag par sgrub par byed pa thams cad yin te ci ltar brjod pa sgrub par byed do//gzhan du byas na 'jig par 'gyur/ /zhes te sbyor ba nyams pa dngos grub nyams pa dang bdag nyid kyang ngo / /yang dang yang du skul bar byed/ /ces pa ni de bzhin gshegs pa thams cad kyi bdag po yin pa'i phyir dngos grub thams cad bsgrub pa'i dus su rang gi spyi bor snyoms par zhugs pa'i dpal bde chen mgon pos byang chub kyi sems kyi rgyun rnams kyis dbang bskur bar yang dang yang du blta bar bya ba'am yi ge hUM bar du bzlas par bya ste rdo rje 'dzin pa chen po'i rang bzhin yin pa'i phyir dpal mchog dang po'i snying po gang gi yin pa'o zhes kha cig go//man ngag las 'di'i don shes par bya'o zhes pa ni gzhan dag go/ /'jig rten gyi khams thams cad kyi rdul phra mo dang mnyam pa'i 'phags ma ral gcig ma'i ngo bos nam mkha'i khams khyab pa ni kun du rnam par 'phrul pa'o//de sgrub par byed pa'i ye shes ni kun du 'phrul par byed pa'i ye shes so/ /de la dmigs par byed pa'i ting nge 'dzin ni dbyer med pas de skad ces brjod do/ /dam tshig chen po ni 'phags pa bdud rtsir grags pa ste/de'i rnam pa nyid kyi dam tshig chen po'i rdo rje'i mchog rdo rje ral gcig ma de yin no/ /bkug nas yang dag nye bar spyad/ /ces pa ni ci lta ba'i rdo rje sems dpa' yongs su gyur pa las bdag nyid 'phags ma ral gcig mar bsams te sma ra spangs pa'i phyag dang zhal la sogs pa 'phags pa bdud rtsi 'khyil pa bzhin te 'on kyang nu ma la sogs pa dang ldan pa'o//rkang pa g.yon pas srin lag gi khrag dang nA ga ge sar lhan cig pa des bud med kyi thod pa la rlung gi dkyil 'khor la gnas pa'i klu'i bu mo'i snying gar sngags dang ming spel ba ci lta ba bzhin du bris la bkug ste/ral gri dang lcags kyus legs par byin gyis brlab pa'i rkang pa g.yon pas g.yas brkyang gis mnan te bskul ba dang lhan cig pas sngags brjod pa na bkug ste nye bar longs spyod do zhes pa'i don to/ /nam mkha' dam tshig ni dpal bde ba chen po ste de las byung ba gang yin pa'i 'phags ma khro gnyer can de la dmigs pa'i ting nge 'dzin ni dbyer mi phyed pa'i phyir de skad ces brjod do//chos chen po'i dam tshig dpal pad+ma mthar byed yin te/ de'i rnam pa yin pa'i phyir bcom ldan 'das ma khro gnyer can la de skad ces brjod de gang gis 'gugs pa'i dam tshig ces so//bshad ma thag pa bzhin du bdag nyid dpal rta mgrin gyi rnam par bsgoms te brjod ma thag pa'i cho ga nA ga ge sar dang bral bas rig pa 'dzin pa'i bu mo bris te bkug par bya'o zhes pa'i don to/ /rnal 'byor pa sems brtan pas brjod ma thag pa'i dngos grub bsgrub par bya'o zhes de'i phyir gsungs pa/'gog pa zhes pa la sogs pa ste 'di yang bshad zin to/ /ye shes rdo rje gsum las byung / /zhes pa ni khams gsum na spyod pa'i rnam par shes pa dang bcas pa'i sems can rnams so/ /yang na khro bo thams cad kyi/ /sngags pas 'bum ni bzlas nas ni//dben pa'i gnas ni chen po ru/ /las rnams thams cad byed par bshad/ /ces te yid dang rjes su mthun pa'i gnas su tshad med pa'i bzlas pa bya ste lha'i rjes su gnang bas bzlas pa 'bum byas nas dgug pa la sogs pa'i las thams cad byed par 'gyur ro zhes pa'i don to/ /grangs kyi nges pa gsungs pa ni//sdig pa dang bral lus can la/ /brjod do zhes kha cig go/ /ral pa gcig pa'i ngo bo de kun du/ /phyogs su rnam par 'phrul pa'i ye shes yin/ /rdo rje bzhin du gang gi 'di yin te/ /ting nge 'dzin ni 'di ltar 'dir brjod yin/ /'dir ni rim pa zhags bcas thod pa ni//g.yas pa'i lag pa gcig gis gzung ba yin/ /lcags kyu yang ni rtse mo gsum pa yis/ mtshan ma gzhan ni lag pa g.yon pa yis/ /gzung yin glang po'i pags pa'i gos 'dzin pa/ /phyag gzhan gnyis po dag gis kyang yin no/ /yang na gnas pa'i thabs la 'khyud byed pa'i//phyag gnyis po ni rnam par mdzes shing gsal/ /ral gcig ma yi bdag nyid rang bsgoms te/ /sprin ni nag po mdzes pa'i gzugs bdag yin/ /rang gi sngags ni bzlas pa sngon 'gro bas/ /lag 'gro'i bu mo bkug ste nyer longs spyod/ /yang na bud med thod pa la ni sbrul//gsal ba srin lag phug pa la skyes pas/ /rlung gi dkyil 'khor la gnas yang dag par/ /dris te g.yas brkyang pa yis rkang pa ni/ /rdo rje lcags kyus legs par byin brlabs pa'i/ /g.yon pas mnan te lhag ma sngar bzhin no/ /cho gas spyad de ma lus rnal 'byor pas//rtag tu shin tu mnyam par gzhag pa'o/ /'dir ni lugs kyang yod de rgyal mtshan la/ /yang na 'phur ba'i ras kyis gos pa yang / /sol ba dang ni ldan pa'i rdo rgyus dang / /ldong ros dang ni nim pa'i khu ba dang / /rkang pa g.yon pa'i srin lag las byung ba'i/ /khrag gis bris pa'i rlung gi dkyil 'khor dag /ral gris kun du mtshan pa'i dbus na ni/ /sngags kyis spel bar gyur pa'i ming yin no/ /bsgrub bya yang dag bris te dur khrod kyi/ /thal bas chu klung 'gram gnyis skyes 'dzin pas/ /gzugs brnyan byas par 'gyur ba de dbus su/ /bcug ste dgug par byas par gyur pa ni//gsal shing gis phug pa yi thod gnyis kyi/ /dbus su gnas pa brgya rtsa brgyad du bzlas/ /dgra yi sgo ru rko ba byas nas ni/ /grong khyer skrod par 'gyur bar nges pa yin/ /chos ni yongs su brtags thob kun mkhyen gyi/ /ye shes nyid ni gang zhag nam mkha' yin//de'i phyir na kun du nges par ni/ /'byung ba rdo rje khro gnyer can yin no/ /de nyid rdo rje bzhin du dbyer med gang / /ting 'dzin de yang de la dmigs pa la/ /de ltar brjod de 'dir yang khro gnyer can/ /rnam par bsgoms te ri bong can gsal ba//zhal gsum spyan gsum po yis rnam mdzes pa/ /bdag nyid rang gi dkyil 'khor la gnas par/ /g.yas pas mda' dang dbyug pa 'dzin pa dang / /g.yon pa dag na gzhu dang spyi blugs so/ /rang gi thabs la 'khyud pa lhur byed phyag /mtha' yas rigs kyi sprin rnams spro byed pa//'od zer sna tshogs rab tu gsal byed pa/ /bud med rang bzhin bde ba dam pa rgyas/ /brjod pa'i thod pa la ni rig pa 'dzin/ /de rnams rlung gi dkyil 'khor la gnas pa/ /yang dag bris te dgug byas myur ba ru/ /snga ma bzhin du lhag ma brjod par bya/ /yang na rlung gi dkyil 'khor la gnas pa//sngar brjod pa yis de bzhin bu mo rnams/ /rdo rje lcags kyu yis ni ma lus pa/ /snga ma bzhin du lhag ma shes par bya/ /phyi yi rnam par g.yeng ba sna tshogs pa/ /'gag pa yang dag mtshon 'dir bzlas pa gang / /de ni 'gog pa'i bzlas pa yin pa ru/ / thams cad du ni sangs rgyas kyis gsungs so/ /khro bo thams cad ces pas las gang rung / /khro bo'i bzlas pa ru yang brjod pa gang / /'dir ni thams cad las nyid byed pa ste/ /zhi ba'i las la sogs pa byed pa'i phyir/ /zhes gzhan dag go/ /drag po'i las kyi yul bstan pa gsungs pas rdo rje slob dpon smod pa dang //zhes pa la sogs pa 'dis thun mong ba'i cho ga bcom ldan 'das kyis bka' stsal to/ /de nyid kyi phyir gsungs pas 'di yis byang chub mchog dang ni/ /sngags kyi dngos grub thob par 'gyur/ /zhes so/ /gzhan du na spyi'i cho ga las 'bras bu ji lta bur 'gyur 'di yang le'u lnga pa la sogs par gtan la phab pas mang 'dir mi brjod do//snying rje dag pa'i sems kyis su/ /gsad na myur du dngos grub thob/ /ces pa'i tshig gis so/ /cho ga yis zhes te le'u dgu pa la sogs pa las gsungs pas so/ /khrag dang zhes pa la sogs pa la/ khro bo'i rgyal po sbyar bar bya/ /zhes pa ni 'phags pa dbyig pa sngon po'am gzhan yin te khro bo thams cad kyi drag po'i las gtso bo yin pa'i phyir dang las thams cad pa yin pa'i yang phyir ro/ /brgya rtsa brgyad ni yongs rdzogs na/ /zhes pa ni sngar bsnyen pa byas pa ji lta ba bzhin du 'phags pa dbyig pa sngon po'i rnal 'byor dang ldan pas gos dang bral ba skra grol ba khro bo'i sprin gyi tshogs spros pa khrag gis gos pa'i gos gon pa khros pas sngar bshad pa'i cho gas bsgrub bya'i gzugs brnyan la bcug ste nyi ma'i dkyil 'khor la gnas pa rdo rje 'bar bas byin gyis brlabs pa'i zhabs kyis mnan nas brgya rtsa brgyad bzlas pas bsgrub par bya'o//sbyor ba 'di'i nus pa bstan pa gsungs pa/ nam mkha'i dbyings kyang zhes pa la sogs pa'o/ /drag po'i las kyi gnas gsungs pa/ ma mo'i gnas sam zhes pa la sogs pa'o/ /mi rus rang bzhin zhes pa la sogs pa la khro bo'i rnal 'byor gyis ske tshe dang dug dang tshwa dang tsha ba'i mar khu rnams kyis dur khrod kyi ras la khro bo'i rdo rje bris te de'i lte ba ru sngags kyis spel ba'i bsgrub bya'i ming bris te bshang gcis mnyes pa'i dur khrod kyi thal ba dang sol ba chu bo'i 'gram gnyis kyi sa dang phub ma dang bsgrub bya'i rkang rjes kyi sa las byas pa'i gzugs brnyan gyi snying gar bcug ste bsrung ba la sogs pa dang bral bar bsgrub bya bsams nas der bkug nas bcug ste/dgra'i sgo ru bzhag nas mi'i rus pa sor brgyad pa'i tshad kyis phur bus sngags brgya rtsa brgyad bzlas te phur pas btab na rtog pa med pa'i shes pa'i bdag nyid sangs rgyas dang 'dra ba yang nges par zla ba phyed kyis gnas nas g.yo ba 'am 'chi bar 'gyur ro//thod pa zhes pa la sogs pa la yang gi sgra ni nges par bzung ba ste yongs su rdzogs pa de kho na zhes pa'i don to/ /khyad par du zhes pa ni bud med dang ma ning dang skyes pa bskrad pa la rang dang rjes su mthun pas so//bris te zhes pa ni 'phags pa bdud rtsir grags pa'i rnal 'byor pa'am khro bo gzhan gyi sbyor bas ji ltar brjod pa'i thod pa la ldong ros dang sol ba dang nim pa'i khu ba dang rkang pa g.yon pa'i srin lag gi khrag rnams kyis ral gris mtshan pa'i rlung gi dkyil 'khor te de'i dbus su bsgrub bya'i gzugs brnyan bris te de'i snying gar ral pa gcig ma la sogs pa'i gang yang rung ba'i rang gi rig pa'i sngags dang ming spel bar bya ste bkug pa sngon du song bas brgya rtsa brgyad mngon par bzlas te rdo rje'i tshig gis sngags bzlas shing dgra'i sgo la sogs par brkos nas bskrad par bya'o//tA la'i lo ma zhes pa la sogs pa la sngags te la'i lo ma la sogs pa rnams la sngar brtod ma thag pa'i rdzas rnams kyis bsgrub bya'i ming dang spel ba bris te sngags brgya rtsa brgyad bzlas te sgo glegs la sogs pa gang de ru sba bar bya ste mngon par 'dod pa grub par 'gyur ro//de bzhin gshegs pa thams cad kyi sku dang gsung dang thugs 'ching ba'i phur bu'i sngags yin te sku la sogs pa la dmigs pas rdo rje gsum gyis 'debs pa'i phyir ro/ /de la dmigs pa'i ting nge 'dzin yang dbyer mi phyed pa'i phyir de skad ces brjod do//sangs rgyas ni bcom ldan 'das yin la brgyal zhes pa la sogs pas de bzhin du sems can gyi don gyi gar bstan pas 'jigs pa las 'da' ba'i rgyu rdo rje 'dzin pa chen po dran pa dang ldan pa rnams so/ /rdo rje sku gsum 'jig pa zhes pa ni ji lta ba bzhin du sngags bzlas pa 'bum byas nas sngar brjod pa'i rdzas rnams dur khrod kyi ras la 'khor lo 'bar ba'i lte ba la kha dog nag po khros pa 'bar ba'i phreng ba can 'og phur bu'i rnam pa can gyi rnam par snang mdzad bris te/yi ge oM las grub pa la dgug par bya ste mi'i rus pa sor brgyad pa'i nang du bcug ste me tog sngon pos mchod la brgya rtsa brgyad bzlas pa mngon spyod kyi cho gar brjod pas rnam par snang mdzad kyi rnal 'byor dang ldan pas bya ste sngar bzhin dur khrod kyi sa la sogs pa rnams kyis gzugs brnyan sor brgyad pa byas la de'i snying gar de bzhin du sngags bcug ste dgug pa sngon du song ba las sarba duSh+TAn sarba bA paM zhes pa'i tshig gnyis bor te de ru che ge mo zhes bsgrub bya'i ming bcug nas che ge mo zhes lus dang ngag dang yid ces pa dang yang mngon par spel ba sngags bzlas pa na de'i mgo nas bzung nas rkang pa la thug par phur pa btab pas sku gsum gyi rdo rje rnams 'jig par byed do//de bzhin du seng ldeng gi phur bu sor brgyad pa'i khong stong du pad+ma'i dbus su de bzhin du mngon spyod kyi cho gas 'og rtse mo'i rnam pa can bris pa'i gsung rdo rje la bcug nas de'i sbyor ba nyid kyis brjod ma thag pa nyid kyis gdab par bya'o/ /de bzhin du lcags kyi rang bzhin gyi phur pa'i khong stong du bu skyes pa'i ras la bris pa 'bar ba'i rdo rje bris te 'og rtse mo'i rnam pa thugs rdo rje khros pa bcug nas de nyid kyis de bzhin gdab par bya'o zhes pa'i don to//sbyor ba nyid bshad pa gsungs pa/ rdo rje sems dpa' ni thugs rdo rje'o/ /dkar po dang dmar po dang nag po'i phur pa rnams ni sku rdo rje la sogs pa tha dad pa mtshon pa yin pa'i phyir lcags kyi rang bzhin gyi phur pa de sbyar ro//nye bar mtshon pa yang 'di yin te lcags kyi rang bzhin gyi phur pa don yod grub pa dang rin chen 'byung ldan 'dus pa'i phyir ro/ /de bzhin du 'dir rigs kyi phur pa rnams rigs lnga'i rnam par bzhag pa shes par bya ste rang gi phyag mtshan gyi nang du chud pa bris la rang gi rigs kyi lha khros pa 'og rtse mo'i rnam pa can rang gi rigs kyi phur pa la bcug ste mngon spyod kyi cho gar brjod pa de'i rnal 'byor gyis de nyid bkug ste me tog sngon pos mchod nas brgya rtsa brgyad bzlas te sngar bzhin du gzugs brnyan la gdab par bya'o zhes gsungs pa/gshin rje gshed kyi phyag rgya che/ /zhes pa la sogs pa'o/ /rdo rje bdud rtsi 'khyil pa yis/ /zhes pa ni thugs rdo rje phur bu'i nang du chud pas de'i rnal 'byor gyis kyang zhes pa'i don to//sangs rgyas kyang zhes pa ni sangs rgyas dang 'dra ba yang bsrung ba dang bral zhing kha sbyor phye ba'o/ /phur bu'i mtshan nyid gsal por gsungs pa/ snying ga zhes pa la sogs pa ste snying ga nas brtsams te rkang pa'i mthar rdo rje rtse gcig gi rnam pa'o/ /steng du 'ang dam tshig de nyid bya//zhes pa ni gang yang rung ba'i lha'i gzugs te 'on kyang mngon spyod kyi cho ga las thams cad nag po'o/ /da ni ji lta ba bzhin du ji ltar brjod pa'i sgrub thabs kyi cho ga nyams su blangs pa'i sngags pas gang gi tshe dngos grub thob par ma gyur na de'i tshe lha rnams la legs par phur bus gdab ste bsgrub par bya'o zhes gsungs pa/bsam gtan zhes pa la sogs pa ste rang gi lha'i nga rgyal gyis brjod ma thag pa'i phur bu'i rnam pa'i lha bsgoms pas rang gi sa bon las byung ba'i bsgrub bya'i lha'i rnam par bsgoms pa ni bsam gtan no/ /rdo rje ni rang gi gsang ba'i rdo rje ste shes rab dang thabs kyi snyoms par 'jug pa'i sbyor ba des so//nges par te gdon mi za bar ro/ /sangs rgyas ni rnam par snang mdzad do/ /phur bus btab na zhes pa ni 'chad par 'gyur ba'i tshul gyis so/ /gal te rdo rje 'dzin pa chen po yang dag par phur bus btab kyang mi 'grub na 'chi bar 'gyur ro//de ltar yang ma yin pa des na nges par 'grub par 'gyur ro zhes pa'i don du brjod par 'gyur ro/ /sangs rgyas bcom ldan 'das rnams ni yongs su mya ngan las mi 'da' ba'i phyir ro/ /sku ni rnam par snang mdzad de yin la de rnam par 'phrul pa ni sngags la sogs pa'i bdag nyid de/rdo rje gang gi yin pa de ni de bzhin no/ /sku'i dam tshig ni rnam par snang mdzad de de'i sbyor bas so/ /de nyid kyang tsham ngam gyi sngags gang gis phur pa 'debs pa de'o/ /lag pa'i phyag rgya bcing mi bya/ /gal te dngos grub mchog 'dod na//zhes 'di nyid du brjod pa'i phyir dang dngos grub mchog bsgrub pa'i yang phyir 'di ltar bshad pa yin te/ phan tshun dkri ba'i tshul du bya/ /zhes pa ni rnam par snang mdzad kyi rnal 'byor pas rang 'od kyi rig ma'i rnam par bu mo bsgoms te phan tshun du 'khyud pa la sogs pa'o/ /mthe bo zhes pa ni gsang ba'i rdo rje 'bar ba yin la gnas ni bde ba chen po'i gnas te chos 'byung du grags pa'o//de dag gi sbyor ba ni 'dus pa'o/ /rdo rje phur bus nges par gdab/ /ces pa ni ji lta ba bzhin du rig ma dang bcas pa thams cad nag po 'bar ba khros pa'i rnam par snang mdzad kyi rnal 'byor dang ldan pas rang 'od kyi rig ma'i pad+ma la gnas pa me'i dkyil 'khor la rnam par snang mdzad kha dog dkar po dam tshig las 'da' bas 'jigs shing brgyal bar dmigs nas rang gi gsang ba'i rdo rje 'bar ba las sngar brjod pa'i phur pa'i rnam pa'i rnam par snang mdzad phyung ste sngags bzlas nas spyi bor bsnun nas rkang pa'i bar du gdab par bya'o//de ltar gdab ma thag tu zhes pa ni de ma thag pa nyid de/ rdo rje gsum gyi bdag nyid rnam par snang mdzad ldang bar 'gyur te/ mngon sum du 'gyur bar 'grub par 'gyur ro/ /'jig rten dbang phyug gsung ni 'od dpag tu med pa'o//kha phye ba yang yin la de'i ye shes kyi pad+ma yang yin te rig mar bsgoms pa'i bu mo'i b+ha ga'o/ /der rdo rje nyid ni sor mo yin te der gzhug pa'o/ /gzhan ni sngar bzhin te/ 'on kyang bsgrub bya ni 'od dpag tu med pa kha dog dmar po'o/ /de bzhin du bsgrub bya gzhan yang rang bzhin gyi kha dog dang 'jigs pa dang brgyal ba dngos grub ster ba la mngon du phyogs par yang rtogs par blta'o//thugs ni mi bskyod pa'o/ /rdo rje rtse lngar bcings nas ni/ /zhes pa ni mi bskyod pa'i rnal 'byor dang ldan pas rang gi gsang ba rtse mo lnga pa 'bar ba'i rdo rjer bcings pas rang 'od kyi rig ma'i rnam par bsgoms pa'i bu mo'i b+ha ga dang yang dag par sbyor ba'i ngo bos so//'od 'phro mang po 'khrigs par bsgom/ /zhes pa ni 'od 'phro ba sdug par brjod pa ste phur bu'i rnam pa mi bskyod pa 'byin pa bsgoms pas so/ /thugs rdo rje ni mi bskyod pa yin la de'i gnas ni byed pa'i gnas te rig ma'i pad+ma'i gnas nyid do//de'i nang du byas pa me'i dkyil 'khor la gnas pa'i bsgrub bya mi bskyod pa'o/ /zhugs pa'i rdo rjes mnan pa ni thugs rdo rje'i gnas mnan pa'o/ /sku dang gsung gi gnas mnan pa ni de ltar kho na'o/ /rdo rje phur bus nges par gdab/ /ces pa la sogs pa ni rnam par snang mdzad dang 'dra ba thams cad do//phur 'debs sangs rgyas thams cad dang / /byang chub sems dpa' grags chen te/ /zhes 'chad par 'gyur ba'i rgyas par bshad pas rig ma dang bcas pa gnag cing 'bar ba khros pa'i lha rnams so/ /phur pa dang bsgoms pa dag gi ji ltar brjod pa'i rin chen tog la sogs pa bsgrub par bya ba'i lha thams cad phur pas btab pas sgrub pa rnams su rtogs par bya'o//yang dag bshad pa'i cho ga brtsam/ /zhes pa ni brjod pa'i rim pas so/ /dbyer mi phyed pa'i phur bu bshad pas rdo rje phur bu ni dpal rdo rje sems dpa'o zhes kha cig go//de ltar mthong bar byas kyang ni/ /sgrub pa po la mi skye zhing / /gang tshe byang chub ma grub na/ /drag shul sbyor bas bsgrub par bya/ /de tshe de yi ye shes ni/ /grub pa nges par skye bar 'gyur/ /rigs kyi dbye ba'i sbyor bas ni//rdo rje phur bus phur bu gdab/ /ces rgyud phyi ma las brjod pa'i cho gas bla ma'i man ngag nyid las drag po'i sgrub pa bsgrub par bya'o zhes gzhan dag go/ /sangs rgyas bcom ldan 'das rnams ni chos kyi dbyings rnam par dag pa'i rang bzhin yin pa'i phyir ci ltar na phur pa 'debs pa la sogs pa yin/bden te 'di de rnams la srid pa ma yin te 'on kyang rang gi sems nyid thams cad mkhyen par bstan pa'i rnam pa 'dra ba la sogs pa dang ldan pa bsgoms pa na bsam gyis mi khyab pa de'i 'bras bu thob par byed par 'gyur te thams cad mkhyen pa ma yin pa la bsam gyis mi khyab pa'i phyir dang rten cing 'brel par 'byung ba'i chos nyid yin pa'i phyir ro//bcom ldan 'das rnam par snang mdzad kyi sku spros pa ni rnam par 'phrul pa yin te rdo rje phur bu'i gzugs kyi sku yongs su gyur pa'o/ /dam tshig kyang de yin la tsham ngam yang de yin te de nyid rdo rje'o/ / des phur pa btab pa ni sdang ba rnams te de'i don du sngags brjod pa dang ldan pa'o/ /tsham ngam gyi phyag rgya gsungs pa/ phan tshun dkri ba'i tshul du bya/ /zhes pa la sogs pa la rnam par snang mdzad kyi rnal 'byor pas de kho na nyid kyi rdo rje'i bcing bas sor mo thams cad phan tshun du kha sprad par byas nas mthe bo dag kyang rdo rjer byas te/bsgrub bya la phur pas gdab pa'i bsam pas kha thur du bstan te sa la dgod par bya'o zhes pa'i don to/ /dam tshig mchog gis ldang bar 'gyur/ /zhes pa ni rdo rje phur bu'i gzugs bcom ldan 'das rnam par snang mdzad bsgrub bya'i lus la 'jug par 'gyur ro/ /rdo rje phur bu'i rnam par snang mdzad kyi sku dang gsung dang thugs su yongs su gyur par bsgom pa ni dam tshig yin la de nyid mchog yin pa des so//yang na 'chi ba'i gnas su 'gyur/ /zhes pa ni gal te de'i ngo bor mi bsgom par phyag rgya kho nar rab tu sbyor bar byed na de'i tshe mngon par 'dod pa'i dngos grub las nyams par 'gyur ro//'od dpag tu med pa'i sbyor bas 'od dpag tu med pa'i sku dang gsung dang thugs rnams phur bu'i rnam par spros pa'i 'jig rten dbang phyug gsung rnam par 'phrul pa'o/ /ngag gi dam tshig gi tsham ngam 'od dpag tu med pa'i ngo bo zhes pa'i don to/ / de'i phur pas btab pa ni sdang ba rnams te de'i don du sngags gsungs pa dang ldan pa'o/ /tsham ngam gyi phyag rgya gsungs pa/ kha phye ba zhes bya ba la sogs pa ste rdo rje thal mo brdabs te 'dab ma brgyad pa pad+ma'i rigs kyi dam tshig bya'o/ /rdo rje 'dzin pa chen po thugs rnam par 'phrul pa zhes pa la sogs pa ni snga ma kho na ltar blta bar bya'o//tsham ngam gyi phyag rgya gsungs pa/ rtse lnga zhes pa la sogs pa ste mi bskyod pa'i rnal 'byor byas pa'am rdo rje 'dzin pa chen po'i rnal 'byor bya ste/ thal mo sbyar te srin lag gnyis kha sbyar gyi nang du bcug ste mthe bo dang mthe'u chung rnams kyi rtse mo gnyis su byas te kha gyen du bstan la gzung bar bya ste gung mo gnyis kyang rtse mor bya ste de'i rgyab kyi cha gnyis su mdzub mo gnyis bskum ste rdo rje'i rnam par gzung bar bya'o zhes snying po zhabs so//gzhan rnams kyis gzhan du bshad pa de yang shin tu gzhung rgyas pas 'jigs nas de ma bris so/ / mkhas pa rnams rang nyid kyis kyang de brtags te gzung bar bya'o/ /nyan thos la sogs pa rnams la bstan par bya ba yin pa'i phyir gsang ba yin pa la rtogs shing go bar byed pa 'dis zhi ba la sogs pa'i las kyi tshogs shes pa ni gnas so/ /sku rdo rje phur pas btab pa nyid kyis de'i gnas thob par byed pa nyid kyis snying po bsdus pa'o//de bzhin du 'od dpag tu med pa dang mi bskyod pa la yang sbyor ro/ /sku gsung thugs kyi rdo rje rnams/ /zhes pa ni sku la sogs pa'i bdag nyid yul dang yul can dang khams rnams kyi byang chub sems dpa' rnams so/ /sangs rgyas thams cad kyi zhes pa 'di nyid kyis sku rdo rje la sogs pa rnams yang dag par bsdus pa'i phyir ro//bde ba chen po 'byung ba'i phyir de 'byung ba'o/ /dbyer med pa'i sku la sogs pa thob par byed pas sku gsung thugs kyi mchog sbyin pa'o/ /mdor bsdus pa slu bar mi byed pa thob par byed pa'i phyir sngags kyi de nyid bsdus pa'o//de bzhin gshegs pa thams cad kyi sku gsung thugs rnams rmad du byung ba ni ya mtshan du byed pa'i phyir ro/ /de rnams kyi sngags rnams dang lha rnams 'gugs par byed pa'o/ /sbyor ba dang ldan pa'i gdul bya'i rgyud rnams de'i rang bzhin du byed pa dang 'phags ma spyan la sogs pa 'gugs pa yang de yin te des rnam par 'phrul pa ni de rnam par rol pa yin te de nyid kyis rgyal bar byed cing gsal bar byed ces pa ni de bzhin no//dpal gsang ba 'dus pa'i rgyan las le'u bcu bzhi pa'o// //de nas zhes pa la bu mo thob byas nas zhes pa la sogs pas rig pa'i brtul zhugs dang rjes su mthun pa'i rig pa bsgrub pa gsungs pa yin la de'i rigs dang lo du lon pa de'i sgrub pa'i thabs kyang ci lta bu zhes pa la sogs pa gdul bya'i rnam par rtog pa yongs su shes pa'i rjes la'o//zhe sdang dang gti mug dang dam tshig dang rin po che 'dod chags kyi rigs kyi bdag nyid gsal bar gsungs pa/rgyal po zhes pa la sogs pa'o/ /zla ba drug tu ji lta ba bzhin rig pa'i brtul zhugs spyad pa'i rnal 'byor pas rang gi dkyil 'khor la gnas te bsgrub par bya'o zhes rigs kyi nga rgyal sun dbyung ba'i don du sku la sogs pa'i rigs rnam par dag pa'i sgo nas rig pa'i brtul zhugs kyi rjes su mthun pa gsungs te/lo bcu gnyis lon pa ni bag mar ma btang zhing gzhan la ma song ba'o/ /bdag nyid che zhes pa ni sngags kyi de nyid shes pa ste gang yang ci yang rung ba'i rigs las bya byed dang bcas pas ni ma yin pa'am bdag nyid kyis legs par sbyangs la gzung bar bya'o zhes blta bar bya'o//cho ga las zhes pa ni ye shes lngas byin gyis brlab pa la sogs pa rgyud phyi ma las bshad pas so/ /rdo rje dkyil 'khor ni dkyil 'khor gyi 'khor lo'i sgom pa pos so/ /nang gi dkyil 'khor lnga ru dkyil 'khor gyi 'khor lo sangs rgyas kyi gzugs bsgom par bya'o//rdo rje sems dpa' ni 'dir mi bskyod pa ste phul du byung ba'i bsgom pa shes rab dang thabs snyoms par 'jug pa'i mtshan nyid do/ /chos rnams kun 'dzin pa ni 'dir 'od dpag tu med pa'o/ /ji skad brjod pa'i rigs mi srid pa la rigs gzhan bsgre ba gsungs pa/ bram ze zhes pa la sogs pa ste/rdo rje chos zhes pa ni mtshon par byed pa'o/ /thams cad bsgrub pa'i dus gsungs pa/ nyi ma nub ces pa la sogs pa'o/ /pang par bzhag nas zhes gang brjod pa de gsal bar gsungs pa/ dbang po gnyis ni zhes pa la sogs pa'o/ /bza' bar bya'o zhes pa 'dis ni 'di ston par byed de sgro btags pa 'di thams cad ni 'khrul pa yin no zhes yid brtan pas bsgrubs na 'grub po zhes so//de nyid kyi phyir 'chad pa/ sangs rgyas byang chub gnas zhi bas/ /de nyid bla na med pa 'grub/ /ces so/ /'dir kha cig ni rim pa las bzlog nas bshad pa brjod do/ /de la yang cung zad kyang mi rigs pas mi bzung ngo //man ngag tsam rig pa dang bral ba ni rigs pa shes pa rnams kyis gzung bar mi bya'o/ /go rims ji lta bar bshad pa la tshad ma dang lung gis gnod pa cung zad kyang yod pa ma yin no/ /ma dang pha dag las bag mar ma blangs pa'i bu mo rnyed pa 'dod pas log par spyod pa sgrub pa'i yan lag tu mi 'gyur ro zhes shes par 'dod pas bsam pa bzang pos gzhan gyi len pa mnan pa'i sgo nas bdag gi dbang du 'gyur ba nyid thob par 'gyur ro zhes rig pa'i brtul zhugs kyi sbyor ba gsungs pa/dam tshig gi rdo rje nyid khro bo de'i ming yin te/ de bzhin gshegs pa thams cad kyi rdo rje'i skrag par bya ba'i ched du khro bo'o//gru gsum ni gru gsum gyi hom khung ngo / /sbyin sreg gi cho ga 'di yang bzang po zhabs kyi sbyin sreg gi cho ga'i rjes su 'brangs te shes par bya'o/ /sngags 'di nyid kyi sbyor ba ston pa ni nag po'i tshes bcu bzhi 'am brgyad la cho gas sbyor ba dang ldan par byas te sngon gyi bsnyen pas 'di sgrub po//tho bas brdung bar bya ste sgrub pa pos bsgrub bya brdung bar bya'o/ /yi ge hUM las byung ba 'bar ba'i phreng ba 'khrugs pa rdo rje rtse lnga pa bsams te gnod mdzes la sogs pa'i sbyor ba dang ldan pas sdang ba gang gi steng du dbab par bya'o//des de nyams par byed do/ /phyag na sta re zhes pa la yi ge phaT las skyes pa khro bo'i bdag nyid 'bar ba phyag g.yas na sta re thogs pa zhes pa'i don to/ /las kyi rdo rje ni kun du phyogs pa'i sna tshogs rdo rje rtse mo nyi shu pa'o/ /kha dog ser po rdo rje 'dzin pa chen po la sogs pa'i sbyor bas grong la sogs pa'i steng gi bar snang la yi ge khaM las byung ba kha dog ser po'i sna tshogs rdo rje mngon par 'dod pa'i phyogs su bkab nas gnas pa'i dbus su yi ge hUM las skyes pa'i rdo rje chen po mgo steng du bltas pa nges par bya ste de'i lte ba la rnal 'byor pa de nyid kyis 'dug ste rang gi ba spu'i bu ga las byung ba'i 'od zer ser po rnams kyis thams cad bkab par bsgom par bya'o//de ltar na mngon par 'dod pa'i gnas las phyi ngos su char 'bab po zhes pa'i don to/ /dkyil 'khor bri ba na rlung dang char pa la sogs pa gal te 'byung na de'i tshe mche ba'i phyag rgya ste bdud rtsi 'khyil pa'i rnam pa kun gyi mchog ldan pa'i skur bsams na sdang ba rnams kyi dgra brlag par 'gyur ba ste de nyid kyi sngags kyi rgyal po dran par bya ste bklag par bya'o//lag pa'i phyag rgya bcing mi bya/ /gal te dngos grub 'dod na ni/ /zhes 'dir brjod pa'i phyir ro/ /de brjod pa/phyag rgya chen po'i mche ba gtsigs/ /sdang ba'i dgra ni sngags rgyal po/ /zhes so/ /phab nas byang chub thob par 'gyur/ /zhes pa ni dpal rdo rje sems dpa'i rnal 'byor pas rang gi dkyil 'khor du gnas te ngos rnams su spyan la sogs par byin gyis brlabs pa'i btsun mo bzhi ji skad brjod pas bzhag nas dbus su rang gi rig mar byin gyis brlabs pa'i phyi rol gyi bud med dang gnyis su med pa dang ldan pas gsang ba'i rdo rjes rig ma'i pad+ma rgya bskyed de yi ge hUM nam mkha'i khams kyi dbus su gnas par bya ste/yang dag par sbyor ba las byung ba'i rdo rje can dkar po la sogs pa'i 'od zer rnams kyis gang ba spros nas rang gi sku dang gsung dang thugs rdo rje rnams la nang du bstims te bsgrubs na byang chub mngon du byed do zhes pa'i don to//gsang ba blangs nas zhes pa ni 'jam dpal gyi rnal 'byor dang ldan pas rig pa'i brtul zhugs spyad pa la ci ltar bstan pa'i btsun mo dben par rang gi dkyil 'khor la gnas te gsang ba'i mchod pa las byung ba'i byang chub kyi sems 'od zer dang bcas pa blangs te zhes pa'i don to//sangs rgyas kyis mi mthong zhes pa ni rang gi lha'i rnal 'byor gyi dkyil 'khor la gnas te snyoms par 'jug pa dang ldan pas bza' bar bya ba la sogs pa la yi ge gsum gyis byin gyis brlabs te rdo rje la sogs pa'i lam nas phyung ba sngon du 'gro bas kham phor kha sbyar gyi nang du bzhag ste rang gi sngags brgya rtsa brgyad bzlas pas bsngags par bya ste de zos na sangs rgyas kyis kyang mi mthong ngo //'di'i don nyid gsal por byed pas bshad pa zhes pa la sogs pas so//kha sbyar ba yi sbyor ba yis/ /zhes pa ni rang gi rig mar byin gyis brlabs pa'i phyi rol gyi bud med dang gnyis su med par gyur pas so/ /zangs dang dngul dang gser gyis dkris pa ni lcags gsum gyis dkris pa yin te 'di rnams yi ge gsum gyis sbyangs te dbang po gnyis kyi sbyor ba dang ldan pa nyid kyis mtshan ma thob pa la thug pas bsgrubs na de ltar mthong bar mi 'gyur ro//ga bur ni byang chub kyi sems yin la tsan+dan ni tshil bu yin te/ snying ni gi wang yin la/ a ka ru ni rnam par snang mdzad yin zhing / gur gum ni chu ser yin no//mi snang ba ni lha'i sbyor bas bya'o zhes pa la sogs pa gsungs pa/ byin gyis brlabs zhes pa la sogs pa la phyag rgya chen po ni gang yang rung ba'i rdo rje can gyi lha'i ngo bo ste/ de bsgoms pa de ni de dang 'dra bar 'gyur ro/ /yang na gzugs khams gnas pa la/ /zhes pa ni gzugs kyi khams na bud med mi srid kyang shin tu bar brjod pas 'di ston par byed do//yang na gal te der yang rdzu 'phrul gyis sam rigs kyi bdag po 'gro ba srid na de rnams kyang zhes pa'i don to/ /da ni dbang bskur ba'i don nges pa gsungs pa/ rdo rje sems dpa'i sbyor ba yis/ / sangs rgyas rdo rje can mnyes 'gyur/ /zhes te/ sems dpa' ni rdo rje sems dpa' sbyor ba ste shes rab dang thabs kyi snyoms par 'jug pa'i mtshan nyid do/ /des mnyes pa ni dbu rgyan gyi dbang bskur ba'o/ /rdo rje can gyi ni mi bskyod pa'o/ /rdo rje mi bskyod pa'i sbyor ba yis so/ / sangs rgyas ni rnam par snang mdzad la sogs pa rnams te/ mnyes pa zhes pa dang mngon par 'brel to/ /sangs rgyas byang chub rab dbye bas/ /zhes te rdo rje 'dzin pa rnams ni de'i rigs rnams so/ /de nyid rnam par spros te gsungs pa/ rdo rje spyan gyi gzugs la sogs/ /zhes pa ste de rnams la zhes pa'i don to//gtsug tor ni dbu rgyan te bstan pa'i dbang ngo / /gtsug tor kyang 'khor los sgyur ba drug ste ci rigs par ro/ /rig pa'i 'khor los sgyur rgyal drug /gtsug tor zhes ni rnam par 'byung / /zhes rgyud phyi ma las so/ /khro bo gshin rje gshed la sogs pa rnams la yang de rnams kyi de mchog ni sangs rgyas rdo rje rab bsgoms te gshin rje mthar byed dang pad+ma mthar byed dag la rab bsgoms pa ni rnam par snang mdzad dang snang ba mtha' yas bsgoms pa'o//shes rab mthar byed dang bgegs mthar byed dag la rdo rje rab tu bsgoms pa ni mi bskyod pa bsgoms pa'o//rig pa'i rgyal po chos mchog rnams/ /zhes pa ni rig pa'i mchog gi chos dri rdo rje la rin chen tog bsgoms pa'o/ /rig pa'i rgyal mo ni ro rdo rje ste 'di'i dbang bskur ba'i sbyor ba rnams la 'od dpag tu med pa bsgoms pa'o/ /thams cad las byed sngags zhes pa ni reg rdo rje yin te 'di las kyi rigs yin pa'i phyir don yod ye shes bsgom pa'o//sngags rnams thams cad nyid la ni/ /zhes pa ni sngags thams cad ni chos kyi dbyings kyi rdo rje ste thams cad kyi rang bzhin yin pa'i phyir de'i rdo rje sems dpa' rnam par bsgom pa'o/ /gzugs dang sgra rdo rje dag la ni rnam par snang mdzad dang mi bskyod pa dag rigs kyi bdag por blta bar bya'o//rgyud gzhan du grags pa'i gnod sbyin mo rnams gzugs la sogs pa spras pa'i rnam pa sngags gang gis rgyas par byed pa de de bzhin no/ /de rnams kyi sngags las skyes pa gnod sbyin mo'i gzugs rnams la bdag po yin pa'i phyir gshin rje gshed kyi dbang bskur ba'i dbu rgyan du bsgom mo//'di thams cad mjug sdud par byed de sngar brjod ma thag pa thams cad kyi sbyor ba dang sngags rnams kyi ting nge 'dzin nye bar mtshon pa'i sngags kyi lha rnams kyi spyi bor dbu rgyan du bskul ba zhes pa ni dbang bskur bsgom pa zhes kha cig go//de brjod pa/ sangs rgyas rnams ni mi bskyod pas/ /dbu rgyan lhag ma rang bdag gis/ /sku dbang mi bskyod gsung dbang po/ /thugs kyi sgo ba rnams su 'dod/ /ces so/ /da ni bri ba'i dkyil 'khor la sogs pa la dbab pa'i cho ga gsungs pa/rdo rje sems dpa' zhes pa la sogs pa la sngags dang bsam gtan gyis bskul ba dag la sna tshogs pa'i las ni rnam pa mang pos sems can rnams 'jug par byed do/ /ci ltar zhe na/ gsungs pa/ gsung rdo rje'i bka' ji ltar mi slu ba de bzhin du nges pa zhes pa'i rdo rje chos kyi gzugs chen po ni 'od dpag med pa ste slob ma la dbab par bsam par bya'o//pad+ma rA ga dang mnyam pa'i 'dra ba'i 'od gang yin pa de'o/ /de sku dang gsung dang thugs rdo rje'i mtshan nyid kyi gnas rnams su sku la sogs pa'i rigs brtags pa'o/ /de'i snying gar/la~M byung dbang chen zur rnams la/ /rdo rjes mtshan ser hUM bsgom bya/ /baM byung dkar po chu la ni/ /bum pas mtshan pa yongs zlum po/ /ya~M` las byung ba g.yo ba'i rlung / /ba dan sngos mtshan gzhu yi dbyibs/ /sku gsung de dag haHa ste/ /rkang pa'i 'og tu dz+heM gsal ba//rlung dang ra~M` byung gru gsum la/ /gnas par sbar la slob ma dbab/ /lce la a yig dmar po bsam/ /phab la slar yang smra bar bya/ /gsung gi rdo rje de gnas pa/ /dge ba dang ni mi dge smros/ /zhes pa'i rim pa 'dis dbab pa'i cho ga thams cad ces pa bstan pa gsungs pa/bskul ba ni sku dang gsung dang thugs rnams nam mkha' la gnas pa dang sngags smra ba dang chos yongs su shes pa'i mtshan nyid do/ /rengs pa ni brten pa ste chos nyid kyis mi g.yo ba nyid do/ /lha ni nam mkha' las byung ba ste lha dbab pas 'jig rten gyi khams gzhan gyi 'jug pa de shes pa'o//'di rnams ni ye shes 'jug pa thob pa'i sngags pa'i dbab pa'o/ /sdig pa mi dge ba'i chos rnams las ring du song bas na 'phags pa ste de rnams ni dga' ba la sogs pa'i sar 'gyur ba'i dbab pa ni 'phags pa'i sa yin te de'i yon tan la dmigs pa ni bzhi pa'o//de yang ye shes la dbang thob pa yin te dngos grub thob pa'i dngos grub kyi rdo rjes bya'o/ /rtag pa ni rgyud la zad par mi 'gyur ba des so/ /de ltar mdzad pa rgya che'i phyir/ /sangs rgyas khyab pa nges par brjod/ /de nyid zad pa med pa'i phyir/ /rtag pa zhes kyang brjod pa yin//zhes 'phags pa byams pas gsungs pas so/ /ye shes 'jug pa thob pa'i dbang du byas pa yin pas ye shes dbab par rung ba'i dbang du byas te dang po'i na tshod dang ldan pa'i snod gsungs pa/ bu mo lo grangs zhes pa la sogs pa ste/ lo bcu gnyis pa'i tshad kyi skyes pa mtshan nyid thams cad kyis brgyan par byas pa gnyis po yang bzung nas dbab par brtag par bya'o//cho ga yis zhes pa ni de'i snying gar/ la~M` byung dbang chen zur rnams la/ /rdo rjes mtshan ser hUM bsgom bya/ /zhes pa la sogs pa'o/ /de gsungs pa/ bcu gnyis lo lon byis pa dang / /bu mo dbab byas yang dag mchod/ /de gnyis kyis bris 'khor lo thugs/ /gsung dang sku yi yin par 'dod/ /ces so/ /nus pa thob pa ma yin pas gang cung zad 'di lta bu'i cho ga'i las la 'jug par bya ba ma yin no zhes rnam pa gzhan du byas na ni zhes pa la sogs pas ston to//ji ltar/ kho bo nyid kyi khyod la 'jig rten rmongs pas rin po che ru 'khrul nas lta byed 'gyur/ /mgu bar byas kyang khyod la rin chen med de bcos ma nyid dang ldan/ /grogs po 'dir ni de nyid legs zhes dbus su yon tan med pa bla/ /phyis ni smod de 'di nyid rin chen min zhes srid par 'gyur ba 'thob//bsam gtan brjod nas bzlas pa la sogs pa'i sngags mngon par brjod pa ni de la 'di rnams ni zhes pa la sogs pas so/ /sngags kyi yi ge rnams kyi de bzhin gshegs pa'i sgo nas rnam par dag pa gsungs pa/hUM yig ces pa'o/ /dz+hai yig ni bskul ba dang 'dar bar byed pa la'o/ /bskul ba dang babs pa las ldang ba'i mjug bsdu ba ni khru gang tsam zhes pa la sogs pa'o/ /de bzhin du thams cad slob dpon dang slob ma'i dbang bskur ba la sogs pa ste ci ltar sngar las dang po pa'i dkyil 'khor la yin pa ltar ro//las 'di gsang ba thob pa'o/ /zhes pa ni gsang ba thob par byed pa'o/ /de brjod pa/ slob dpon slob ma'i dbang bskur ba 'dir ni sngar gyi tshul nyid kyis so/ /drag po'i las kyi sbyor ba gzhan gsungs pa/ /rtse gcig ma gyur pa yis kyang //brtul zhugs bstan nas 'di byar nges/ /sbyor ba gzhan min pa yis kyang / /zhes pa ni dpal gsang ba 'dus pa'i sbyor ba nyid kyis drag po'i las su brjod pa zhes kha cig go/ /bdud rtsi 'khyil pa'i sbyor ba nyid kyis so zhes gzhan dag go/ /stong brgya rtsa brgyad bzlas pas kyang zhes pa ni gzugs brnyan mnan nas bskul ba dang lhan cig pas brgya rtsa brgyad nas brtsams te ci srid du stong gi bar du bzlas so//dkyil 'khor gru gsum zhes pa ni dur khrod kyi thal bas me'i dkyil 'khor la gnas pas zur gsum pa nyid kyi khung bu ru ba long gi sha la sogs pa'i sbyin sreg ci lta ba bzhin du bya'o//chu rgyun 'gram gnyis dag gis kyang / /zhes pa ni rgyun 'byung ba'i chu klung gi ngos gnyi ga yis so/ /dgang bar bya zhes pa ni brgya rtsa brgyad bzlas pas so/ /gang gsungs pa/ sbyor ba gzhan du min pas bya/ /zhes pa ni de'i yang sngags nye bar 'phangs pa gsungs pa//de bzhin gshegs pa thams cad kyi khro bo chen po'i dam tshig ni 'phags pa bdud rtsi 'khyil par grags so/ /de bzhin gshegs pa thams cad kyi bka' sgrub par byed pa'i phyir dang de 'da' bar bya ba ma yin pa'i phyir yang ngo / /de'i snying po ni sngags so/ /sbyin sreg ces pa ni brjod ma thag pa'o//yang na bsam gtan zhes pa ni 'chad par 'gyur ba ste bsam gtan nyid 'phangs pa gsungs pa/ rdo rje sems dpa' ni ji skad du brjod pa'i mi bskyod pa'o/ /bsams nas zhes pa ni sta re dang tho ba thogs pa'i bsgrub bya'o/ /bsam gtan rab tu brtag ces pa ni 'chad par 'gyur ba'o//drag po chen po ni sems can gsod pa'i ched du khro ba bskyed pa'i rgyu ni drag po chen po'i khro bo'i dam tshig go/ /mkha' dbyings zhes pa ni nam mkha'i khams skabs 'dir yin no/ /yongs su gang zhes pa ni sangs rgyas dang byang chub sems dpa' rnams kyis so//gdug pa de yis bsad pa ni/ /zhes pa ni lag na s+t+wa re dang tho ba thogs pas bcad cing phye mar byas par bsam mo/ /de ma thag tu zhes pa ni 'chad par 'gyur ba'i bsam gtan gyi nges par sbyor ba byas ma thag tu 'chi bar 'gyur te/ rdo rje sems dpa' dang mnyam pa yang zhes pa'i don to//sangs rgyas gnod byed dgra la ni/ /zhes pa ni sangs rgyas la sogs pa la gnod pa byas nas 'gyod pa skyes par gyur pa 'jigs pa'o/ /'jigs pas 'khrugs zhes pa ni dmyal bar ltung bas 'jigs shing brgyal bar gyur pa skyabs med cing yongs su skyob pa med pa skra grol ba sgren mo mar nag gis byugs pa'i lus la sngar brjod pa'i rim pas kha sbyar dbye bar bya ste/me'i dkyil 'khor la gnas par bsams nas de la phan pa nyid kyis khro bo'i nyams dang ldan pa'i dkyil 'khor pa'i dbus su gnas nas bdud rtsi 'khyil pa'i khro bo'i rnal 'byor pas srin po la sogs pa spros pa rnams kyis skrag par byas shing za bar bsgom par bya'o//de'i rnam par shes pa yang sngar bzhin du mi bskyod pa'i rang bzhin gyi byang chub sems dpar bsgrubs te mngon par dga' ba'i 'jig rten gyi khams na gnas pa'i chos kyi rgyal por legs par bzhag nas dbang bskur bar bya'o//sbrul nag ces pa la sogs pa la 'chi bdag gi bdud kyi 'jigs pa yang 'jigs pa ster bar byed pas 'jigs par byed pa'o/ /dug mchog dam tshig bsgom byas nas/ /zhes pa la yi ge na~M gyis mngon par sngo ba'i klu rigs ldan gyi ngo bo ste de'i kha na gnas pa'i yi ge hrIH'i 'od zer gyi lcags kyus khams gsum pa'i dug bkug ste yongs su gang bar bsgoms te che ge mo'i dpral ba la zo shig ces de la bka' byin nas des zos te shi bar bsgom par bya'o//de'i rnam par shes pa 'das ma thag pa bzhin du mi bskyod par bskyed par bya'o//phyogs bcu'i sems can thams cad kyi nye bar gnod pa la sogs pa bkug ste de bzhin du bsgrub bya'i lus po la chu bo ltar gzhug par bya'o/ /tho ba yis zhes pa ni yi ge hUM las byung ba'i 'bar ba'i gzugs kyis so/ /gsheg pa zhes pa la sogs pa la/s+t+wa re la sogs pa'i lag pa'i rdo rje khro bo la sogs pa rnams kyis mnan nas dum bur byas par bsam par bya'o/ /bsrung ba la sogs zhes pa ni sngar bzhin du lag na rdo rje lcags kyu thogs pa'i lha rang gi snying ga nas bton te des bsrung ba'i kha sbyar la sogs pa dang lha rnams kyang bkug ste rang gi g.yon phyogs su gzhag ste 'phags pa bdud rtsi 'khyil pa'i phur bu nyid kyis oM g+ha g+ha zhes pa la sogs pa'i sngags la sarba duSh+TAn sarba pA paM zhes pa'i tshig gnyis po bor nas bsrung ba la sogs pa thams cad dang sngags dang lha rnams la yang phur bus thob cig ces bskul ba dang bcas pas brjod cing gdab po zhes pa'i don to//bsrung ba la sogs pa'i kha sbyar dbye ba'i dam tshig 'di 'da' bar mi bya ba'i phyir dang gsad pa thams cad la gtso bor gyur pa'i phyir yang gsad pa'i dam tshig gi mchog go/ /ji srid dbyer med pa'i phung po la sogs pa dang ldan pa'i de bzhin gshegs pa la sogs pa rnams sems dpa' khro bo'i dkyil 'khor la gnas pa de rnams thams cad gnag pa dang khros pa dang gdug pa tshar gcod pa la gcig tu mthar phyin pa rnams su bsgom par bya'o//de ltar mnyes 'gyur gzhan du min//zhes pa ni de ltar nyid du ji ltar brjod pas rnal 'byor pas nyams su blangs na de bzhin gshegs pa la sogs pa rnams mnyes kyis gzhan du ni ma yin no/ /sangs rgyas la sogs pa'i sgrub pa po rnams sangs rgyas la sogs par brjod de 'di nye bar mtshon pa tsam yin te lha gzhan gyi sgom pa po yang gzung ngo //de rnams kyang sdig pa nye bar bsags pa dang bsrung ba la sogs pa phrogs pas gang la sbyar ba gang yang rung ba'i bsam gtan gyi sbyor bas 'chi bar 'gyur zhes pa'i don to/ /khro bo chen pos gsad pa'i phyir 'da' bar mi bya ba dang dbyer mi phyed pa'i phyir khro bo bstan pas drag po chen po'i dam tshig gi rdo rje khro bo ni dpal rdo rje sems dpa'o//rgyal po rdo rje 'dzin zhes pa la sogs pa'i dam tshig rnams kyis go rims ji bzhin du chos kyi dbyings rnam par dag pa'i ye shes dang me long lta bu dang / so sor rtog pa dang mnyam pa nyid dang /bya ba nan tan gyi bdag nyid bcom ldan 'das kyis gsungs pa yin te brjod pa dang ldan pa'o/ /rang bzhin gyis yongs su dag pa'i phyir ngo bo nyid kyis dag pa'o/ /ci lta bu zhe na/ rdo rje theg pa zhes te mi phyed pa'i theg pa'o/ /de nyid thams cad las mchog tu gyur pa'i phyir bla na med pa'o//phung po la sogs pa'i mtshan nyid dang stobs dang mi 'jigs pa la sogs pa'i rang bzhin gyi chos ma skyes pa la yang kun rdzob tu drag po'i las kyi bya ba bskyed par bshad pa yin no/ /gang rnams kyis yin zhe na rgyal ba rnams kyis zhes te/ sangs rgyas rnams kyis mi mthun pa'i phyogs ma lus pa las rgyal ba'o//bsam gtan las skyes pa la ltos nas bri ba la sogs pa'i bya ba gtso bor gyur pas las phran tshegs kyi gsang ba yin te yi ge khaM gis rdo rgyus dang dur khrod kyi sol ba la brgya rtsa brgyad du bsngags te de dag gis mi sdug pa 'jigs su rung ba gnag pa 'bar bas 'khrugs shing khros pa lce gnyis pa so'i phreng ba can sbrul bris nas de'i khar yi ge khaM me'i kha dog can ha la ha la'i dug gi bdag nyid can 'bar ba bsams te/bsgom pa 'dis 'di nges par gnas nas g.yo bar 'gyur ro/ /yi ge hrIH yang de'i khar bsgoms te de las byung ba'i 'od zer gyi lcags kyus khams gsum na yod pa'i dug sbrul gyi khar gzhug go//des reg pas sems can gyi khams 'chi bar 'gyur ro/ /sbyor ba 'byung ba'i mtshan nyid kyis/ /zhes pa ni 'das ma thag pa bzhin du yi ge khaM gis mngon par bsngags te de dang de'i rjes su mthun pa'i kha dog gis dug sbal la sogs pa bris te de rnams kyi kha ru khaM hrIHde dang de de bzhin du bsams nas khams gsum na yod pa'i dug bkug nas dbab par bya'o//de ltar na sbal ba la sogs pa gang yang rung bas kyang reg pas de'i dus nyid ni 'jig par 'gyur zhes pa'i don to//dug thams cad 'pho ba'i snying po zhes pa la ji ltar brjod pa'i rang gi dkyil 'khor la gnas pa rnam par snang mdzad kyi rnal 'byor dang ldan pas lag pa g.yas pa'i mthil du oM las byung ba'i 'od zer stug po'i 'khor lo dkar po rtsibs brgyad pa'i lte ba la oM 'od zer dkar po stug po rnam par bsams te des byabs pas ci ltar 'dod par nam mkha'i dkyil dang dbyug pa dang kham phor la sogs pa la yang rim pa 'dis bstan pa dang /g.yo ba'i dug 'pho bar bya'o zhes pa'i don to/ /dug chen po 'da' bar bya ba ma yin pa dang dbyer mi phyed pa'i don/ston pas dug chen po'i dam tshig rdo rje ni dpal rdo rje sems dpa'o/ /de la 'di ni zhes pa la sogs pas dug bcos pa gsungs pa/ bsgrub bya'i snying gar rdo rje grub pa'i rgyu yin pa'i phyir rdo rje snying po yin la de skad du brjod par 'gyur te/ rten dang brten par bcas pa'i 'khor lo'i dbus su rdo rje 'dzin pa chen po'i rnal 'byor dang ldan pas bsgrub bya'i snying gar yi ge hUM las byung ba rdo rje dkar po las 'thon pa'i zla ba dkar po zhu ba'i rnam pa'i 'od zer gyi sprin gyis de'i lus la mngon par khyab par bya ste de rnams nyid kyis snying ga dang mgrin pa dang dpral ba dang mgo bo la gnas pa rnams phrogs pa dang ldan par lan gnyis lan gsum gyi bar du bsams te yang snying ga nas drangs te/thams cad skyug pa'i tshul gyis kha dog nag po 'byung bar bsgom par blta'o/ /'bras la sogs pa nye ba'i dug nyams par byed pa'i sbyor ba gsungs pa/ de la 'di ni zhes pa la sogs pa'o//gang gzhan zhes pa 'brum bu dang bas ldag dang g.yan pa la sogs pa rnams so/ /bsams pa tsam gyis med par 'gyur/ /zhes pa la de ma thag pa bzhin du rang gi dkyil 'khor la gnas pa'i 'od dpag tu med pa'i rnal 'byor dang ldan pas lag pa g.yas par yi ge AHlas bskyed pa'i pad+ma 'dab ma brgyad pa dkar po'i lte ba la yi ge AH'od zer lnga 'bar ba bsams te des byab par bya ste spar bas khu tshur du bsdus pa'i tshul gyis kha dog dkar po drangs nas yi ge AHla gzhug par bya'o//bskul ba na ni dkar po 'dra/ /zhes pa yi ge AHbrjod cing bskul bas dug med par gyur pa'i kha dog dkar por bskul bar bya'o zhes pa'i don to//'di zhes pa ni brjod ma thag pa'o/ /gsang ba'i de kho na nyid sbas pa'o/ /thams cad mkhyen pa'i ye shes bskyed pa'i phyir ye shes bskyed sprul lo/ /phyi dang nang gi bdag nyid kyi nad gso ba gsungs pa/sku rdo rje la sogs pa'i sbyor bas de'i dkyil 'khor gyi dbus na gnas pa lus dang ngag dang yid las spre'u'i gzugs sam sgren mo yi dags kyi gzugs kyi nad phyung ste lag par 'khor lo la sogs pa bsgoms te de rnams kyis thal bar bya'o/ /de la khros par bsams nas ni//zhes pa la nad la sangs rgyas dang byang chub sems dpa' thams cad 'jig rten gyi khams thams cad kyi rdul phra rab dang mnyam pa khros pa rnams kyis thal bar byed par rnam par bsam par bya'o/ /des na de bzhin gshegs pa rnams kyi sku dang gsung dang thugs rnams kyis rang gi lus dang ngag dang yid rnams dgang bar bya'o//thun bzhir nyi ma bdun rnams kyis/ /zhes pa la rang gi lha'i sngags kyis kyang sbyor ba 'di zhag bdun bsgoms pas nges par nad thams cad zad par 'gyur ro/ /gang gi tshe rnal 'byor pa ji skad brjod pa'i cho gas sbyor ba bsgoms pa la dga' bar 'gyur ba de nyid kyi tshe rmi lam mthong bar 'gyur ro//de nas phyis mngon sum nyid du rang gi lha'i ngo bo'i bdag nyid du rmi lam du mthong ba de bzhin du des bsgom par bya'o/ /sems gang gis des rmi lam mthong ba'i sangs rgyas la sogs pa de sgyu ma dang 'dra bar 'khrul pa'i ngo bo yin te/don dam par med pa de'i phyir rmi lam na dmigs pa'i chos 'di rnams ni nam mkha' dang mnyam pa'o/ /des na chos med chos nyid kyang med do zhes so/ /sad pa rnams kyi yang gang rab tu snang ba thob pa de rnams kyang chos nyid 'di yin no zhes pa ni bsdus pa'i don to//dbye ba rnam pa gnyis su mthong / /zhes pa ni las dang po pa ye shes la 'jug pa thob pa dag gi rmi lam dag dang ye shes la dbang thob pas mngon sum du sad pa'i gnas skabs kyang ngo / /rang gi sems ni kun gzhi rnam par shes pa yin la yang sems shes pa ni 'jug pa'i rnam par shes pa bdun gyi bdag nyid do//dmigs pa ni de'i rten yin pa'i phyir kun gzhi rnam par shes pa ma yin pa'o/ /de la chos thams cad ni kun nas nyon mongs pa dang rnam par byang ba'o/ /rab tu gnas pa ni sa bon gyi ngo bo dang de'i bdag nyid kyis kyang ste dper na rang gi nang du gyur pa bzhin no//don dam par nam mkha' rdo rje zhes pa la sogs pa'o/ /gzhi dang gzhi min nyid grags pa/ /nyon mongs sa bon cig shos dag /nyon mongs cig shos chos rnams ni/ /sa bon dngos po yang dag gnas/ /de nyid mngon sum byed pa na'ang //gzung ba la sogs mi dmigs pas/ /gzung dang 'dzin pa'i ngo bo yis/ /chos min chos nyid ma yin no/ /gang slob dpon phyogs kyi glang pos/ gzhi dang gzhi ma yin pa gnyis/ /rnam par shes la'ang 'jig rten la/ /bden min brtags pa'i rgyu mtshan dag /de rnams lhan cig byed pas 'jug /rtag tu thogs med blo gros dag /zangs lcags nang zhugs rin chen bzhin/ /thams cad ston byed thub pa ni/ /ma gtogs gzhan gyis shes par dka'/ /chos dag kyang ni byin brlabs la/ /kun nas nyon mongs rnam byang dag /mi mthun phyogs dang gnyen po dag /me dang chu dang mtshungs pa yin/ /ci ltar gser nang 'jim pa bzhin/ /sbyor ba'i dbye bas du ma yin/ /de bzhin kun gzhi rnam par shes/ /thog ma med pa'i dus nas 'jug /bshes gnyen dam pa las thob pa'i/ /chos las byung bas 'dir de 'byed/ / rang gi sa bon yongs su rgyas/ /yid kyis brjod pa'i bag chags gang / /rdul dang 'dres par gyur kyang ni/ /dngul chus rdul dri spangs nas ni/ /gser las 'byar ba ji bzhin du/ /dam chos bag chags de bzhin no/ /rnam par byang ba de nyid kyi/ /sa bon yang dang yang du rgyas/ /srid pa'i sa bon thogs med 'dod//dus kyis zhu bar 'gyur ba yin/ /de las byung ba 'phags lam mos/ /gnyis po 'di dag ma lus pa/ /kun gzhi rnam par shes pa 'thungs/ /ngang pas chu las 'o ma bzhin/ /de nas kun gzhi rnam shes min/ /dri med rnam par byang ba yin/ /nyon mongs zad cing rnam grol ba//de yang zhi zhing spangs pa'o/ /gnas ni gzhan du gyur pa yi/ /de bzhin ye shes 'jig rten 'das/ /don dam dang ni 'gog pa'ang yin/ /myang 'das thob pa shes pa'ang yin/ /sems med zag pa med pa'i khams/ /myang 'das mi g.yo bde ba yin//dge dang thar pa bsam mi khyab/ /de bzhin mi 'jigs pa ru brjod/ 'di nyid sangs rgyas thams cad kyi/ /me long lta bu'i ye shes nyid/ /de bzhin sgrib med ye shes yin/ /chos kyi sku yang mchog yin no/ /nyon mongs ma spangs 'khor ba ru/ /'jug pa'i lhan cig rten yin no//rten ni gzhan du gyur pa ni/ /mi gnas mya ngan 'das pa yin/ /sku ni gnyis yin longs spyod dang / /sprul par grags pa de rten dag /chos longs spyad dang sems can don/ /gang las thub pa rnams kyis mdzad/ /de bzhin du 'phags pa lang kar gshegs pa las/chos lnga dag dang rang bzhin dang / /rnam par shes pa brgyad nyid dang / /bdag med rnam pa gnyis kyis ni/ /theg pa chen po'i mtha' dag bsdus/ /zhes so/ /gal te chos thams cad nam mkha' dang mnyam pa yin na de ci ltar bcom ldan 'das kyis rigs lnga'i bsgrub pa chos kyi de kho na nyid kyi rnam par gzhag par mdzad/mdzad pa yang yin te de'i phyir nam mkha' dang mnyam pa ma yin no zhes pa'i bsam pas gsungs pa/ e ma ngo mtshar las byung ba/ /nam mkha' la ni nam mkha' bsgom/ /zhes so/ /nam mkha' yis ni nam mkha' bskyed nus pa ma yin te gnyi ga med pa'i phyir zhes dogs nas kun rdzob tu chos kyi mtshan nyid kyi rnam par gzhag pa yin la don dam par ni ma yin no zhes gsungs pa/bcom ldan 'das rdo rje 'dzin pas nam mkha' zhes pa la sogs pa'o/ /rdzas thams cad med pa'i rang bzhin ni nam mkha' yin te/des chos gang dang gang mi ldan pa ste rdzas thams cad kyang der kun rdzob tu skye ba yin pas mi ldan pa yang ma yin no/ /thams cad du gtogs so zhes pa de ltar yang 'gyur ba ma yin te zhes pa ni rdzas med pa nyid kyi phyir ro/ /de bzhin du gzhan du yang rtogs par bya'o//chos thams cad ni sangs rgyas dang byang chub sems dpa' thams cad dang sems can gyi khams thams cad kyang ngo / /de nyid lus dang ngag dang yid rnams so/ /de rnams kyi rdo rje ni de bzhin nyid yin la de nyid gnas yin te ye shes bskyed pa'i rten yin no/ /gang gi phyir de mngon sum du byed pa na byang chub sems dpa'i lam 'bras bu dang bcas pa bskyed pa'i rgyu mtshan du 'gyur ro//de nyid gnas yin te rdzas med par mnyam pa nyid kyi chos thams cad med pa'i rang bzhin yin pa des na thams cad kyi rjes su song ba yin no/ /rigs thams cad dang sems can thams cad kyi sems yin no//de rnams kyi dam tshig ni rigs lnga'i sku dang gsung dang thugs rnams so/ /de nyid snying po yin la de nyid rdo rje yin te de las byung ba'o zhes snying po zhabs kyis so zhes bshad do/ /dpal gsang ba 'dus pa'i rgyan las le'u bco lnga pa'o// //de nas zhes pa ni thugs kyi dkyil 'khor gcig pu brjod pa la/ ci gcig pu nyid yin nam 'on te gzhan yang yod/ ci yang de la gzhan ci bya/ /zhes pa la sogs pa gdul bya'i dpyod pa yongs su shes pa'i rjes la'o/ /dkyil 'khor thams cad ni thugs kyi dkyil 'khor la sogs pa rnams so//de rnams nyid seng ge lta bur seng ge ste nyon mongs pa la sogs pa'i ri dgas 'jigs par byed pa'i phyir ro/ /de nyid dam tshig yin te/ des rgyal bar byed cing gsal bar byed pas rgyal po ste de'i tshogs gang yin pa de yang de bzhin no/ /rdo rje sku'i dkyil 'khor ni sprul pa'i sku rnam par dag pa sku rdo rje bdag po'i dkyil 'khor ro//thugs kyi rdo rje dang 'dra ba ni thugs kyi rdo rje lta bu ste/ sku yang thugs kyi rang bzhin yin/ /zhes pa'i bsam pas so/ /phyag rgya nyid ni phyag mtshan gyi rang bzhin gyi rdo rje'i gnas so/ /dbus su rnam par snang mdzad kyi gnas su sku rdo rje'o//mi bskyod pa la sogs pa yang shar phyogs la sogs pa'i phyogs rnams su bri'o/ /sku gsung thugs kyi rdo rje mchog ni spyan la sogs pa dang gzugs rdo rje la sogs pa'o/ /grwa rnams kun ni snying po dang phyi'i dkyil 'khor gyi grwa rnams su'o/ /khro bo rnams kyang gshin rje gshed la sogs pa rnams te sgo rnams su sgo skyong rnams bri bar bya'o//mchod pa bya zhes pa la sogs pas dkyil 'khor bsgrub pa la sogs pa gsungs pa/ longs spyod rdzogs pa'i sku'i rnam par dag pa gsung rdo rje bdag po'i dkyil 'khor ni gsung gi dkyil 'khor ro/ /thugs kyi dkyil 'khor rab 'dra ba//zhes pa 'di la yang de bzhin no/ /rdo rje bsgoms pas zhes pa ni lha'i rnal 'byor pas so/ /rdo rje chos kyi rgyal po che/ /zhes pa ni 'od dpag tu med pa'o/ /de'i phyir dkyil 'khor gyi dbus kyi 'khor lo ni snying po'i dkyil 'khor te/ zlum po kun du bri bar bya'o/ /tshe dpag med pa'i phyag rgya che//zhes pa ni pad+ma'o/ /de nyid brjod ma thag pa nyid rdo rje'i gnas te phyag mtshan gyi phyag rgya'o/ /dkyil 'khor pa thams cad kyi'o/ /yongs su gsal ba zhes pa la sogs pa ni dkyil 'khor bsgrub pa la sogs pa gsungs so/ /bdag po'i lha rnams bsgre ba gsungs pa ni/rdo rje 'dzin mchog gang yin pa/ /zhes pa ni rdo rje sems dpa' la sogs pa'o/ /dbus su zhes pa ni dkyil 'khor gyi'o/ /gzugs ni lus te bri bar bya'o/ /de'i dkyil 'khor gnas su 'gyur ro/ /de gsungs pa/ gang zhig dbus su gnas par gyur pa yi//'khor lo de yang de yi yin par 'gyur/ /zhes so/ /dkyil 'khor thams cad 'byung ba ni gang las so/ /sna tshogs pa sprul pa'i tshogs nyid rdo rje yin pa de dag go/ /rdo rje dkyil 'khor gyi sngags nyid ni snying po rnams te de rnams nyid skud pa spyad pa'i ched du yi ge'i tshig rnams so//gdab pa ni rdo rje'i skud pa dang rdul tshon kyang gdab pa'o/ /sngags kyi sems dpas mi bya ste/ /zhes pa la sngags ni shes rab dang snying rje'i bdag nyid de dang por bshad zin to/ /de'i rang bzhin gyi sems dpa'i sems gang yin pa ste des ye shes la 'jug pa thob pas rang nyid kyis zhes pa ni lhag ma'o//rang gis byas nas phyi'i rnam par g.yeng bas byang chub rnyed dka' bar 'gyur ro/ /gang gi phyir de ltar yin pas de'i phyir dam tshig tshul shes pa ni rnal 'byor pa ste ye shes la 'jug pa thob pas ye shes kyi rang bzhin lha rnams spros te bsgoms pas nges par byas te de'i sku la sogs pa'i byin gyis brlabs pa'i gnas bsgoms la dkyil 'khor rnams rnam par brtags te dgod par bya'o//bla ma'i gzugs su khye'u byas la rnam par snang mdzad kyi gnas dbab par bya'o/ /slob ma de spyan gyi gzugs su yang bya ste skud pa 'dzin pa la sogs pa'i bya ba byed pa'o zhes thams cad du blta bar bya'o//'dis sku'i dkyil 'khor gnas yid du 'ong ba sprul pas rdo rje sku'i yon tan thob pa'o/ /rdo rje chos kyi rgyal po ni 'od dpag tu med pa'o/ /rang gi chos ma ni rang gi rang bzhin gyis gos dkar mo dbab par bya'o//rdo rje sems dpa' rgyal po che/ /zhes pa ni mi bskyod pa yin la mA ma kI yang dbab par bya'o/ /de ltar byas na zhes pa la sogs pas ni 'bras bu gsungs pa'o/ /nye bar byed pa na byin gyis rlob pa yin la dbang ba ni phul du byung ba'i mthar thug pa thob pas shes rab kyi rang bzhin yin te byon nas gsang ba'i dkyil 'khor gsum gyi mchog 'dri bar mdzad pa yin la rab tu dgyes pa dang ldan pa ni gzhan gyi don gzigs pas so//cho ga 'di dag gang gis bya zhe na/ sngags kyi dngos grub thob ste ye shes la 'jug pa thob pa'i sngags pas so//ci lta bu zhe na/ gsang ba rmad du byung ba chen po yin te 'jig rten las 'das pa'i phyir ro/ /de dag gis dkyil 'khor byas nas rnal 'byor pa de ltar gyur pas kyang dkyil 'khor bsgrub pa la sogs pa rang nyid nyams su blang ngo zhes rtogs par bya ba gsungs pa/ khro bo'i rgyal pos bkug nas ni/ /zhes pa ni gshin rje gshed yin la 'di yang mtshon pa tsam yin te/ sgo skyong bzhi rnams kyis las byas nas bsgrubs te mchod pa bya'o/ /sku gsum gyi dam tshig gi mchod pa'o/ /gang gi yin zhe na/ rdo rje gsum po'i ste dri ma ni 'dod chags la sogs pa ste dri ma spangs pa'i rdo rje can gyis bya'o//rdo rje gsum gyi sbyor ba zhes pa ni sku rdo rje la sogs pa'i sbyor bas so/ /de skad brjod pa/ thugs la mi bskyod mA ma kI/ /'bebs par yang dag brjod pa yin/ /ngag las gos dkar 'od dpag med/ /sku la spyan dang rtag pa'o//thugs dang gsung dang sku bskul bas/ /spras pa ngo mtshar rmad byung ba/ /zhes so/ /da ni gtor ma'i cho ga gsungs pa/ sngags rnams thams cad nyid la yang / /zhes pa ni 'jig rten pa dang 'jig rten las 'das pa rnams la gtor ma sbyin par bya'o//gtor ma 'di yang man ngag las shes par bya'o/ /de nyid kyi phyir na rmad du byung ba chen po'o/ /rnal 'byor dang bla na med pa'i rgyud la sogs pa dang thun mong ba yin pa'i phyir ro/ /da ni las dang po pa'i rnal 'byor pas bri ba'i dkyil 'khor gyi thig gi cho ga gsungs pa/ thig gdab pa yi cho ga 'di/ /gang tshe bdag nyid kyis spyod pa/ /zhes te mtshan ma ma thob pas gang gi tshe lha phab nas dkyil 'khor 'dri ba rnal 'byor pas mi nus na de'i tshe sku rdo rje'i dkyil 'khor sku rdo rje'i rnal 'byor gyis te sgrub pa'i grogs mchog ni rdo rje 'dzin pa chen por bsgoms nas thig gdab par bya'o//mi bskyod pa'i dkyil 'khor la mi bskyod pa'i rnal 'byor gyis te sgrub pa'i grogs mchog ni rdo rje 'dzin pa chen po'o/ /rdo rje 'dzin pa chen po'i dkyil 'khor la rdo rje 'dzin pa chen po'i rnal 'byor gyis yin te sgrub pa'i grogs mchog ni 'phags pa bdud rtsi 'khyil pa'o//de bzhin du lhag ma byang chub sems dpa'i dkyil 'khor la dkyil 'khor gyi bdag po'i rnal 'byor gyis yin te/ rjes su sgrub par byed pa ni bdud rtsi 'khyil par bsgoms la thig gdab par bya'o/ /lhag ma de bzhin gshegs pa'i rnal 'byor pa la rdo rje 'dzin pa chen po'i sgrub pa'i grogs mchog tu bsams te thig gdab par bya'o//las kyi go 'phang ni thig 'debs pa'i bya ba'o/ /sangs rgyas kun gyis nges pa bsten pa ni las thams cad kyi dbang du bya ba nyid kyis bdud rtsi 'khyil pa'o/ /rdo rje'i thig skud du gyur pa kha dog lnga'i thig skud du gyur pa rnams la dgod par bya'o//nyi shu rtsa lnga'i dbye ba yis/ /zhes pa ni me long lta bu'i me long dang / me long lta bu'i mnyam pa nyid dang / me long lta bu'i so sor rtog pa dang / me long lta bu'i bya ba nan tan dang / me long lta bu'i shin tu rnam par dag pa zhes pa la sogs pa'i rim pas so//ye shes lnga po rnams la so sor ye shes lnga'i bdag nyid yin pa'i phyir nyi shu rtsa lnga'i dbye bas so/ /des tshon rtsi dag kyang gdab pa yin te thig skud legs par sbyang ba kho na ni ma yin no/ /sngags rnams thams cad nyid la yang bsrung ba'i don du srung ba'i 'khor lo'i lte ba la hUM mdzad bsgom par bya ste/de gsungs pa/ hUM mdzad yang na gtsug tor ram/ /rnam par snang mdzad la sogs nyid/ /bsrung phyir khro bo'i 'khor lor gnas/ /bsams te bgegs ni rnam par gzhom/ /zhes so/ /sku gsung thugs kyi dam tshig ni sku dang gsung dang thugs rdo rje rnams so//gnas lnga rnams su zhes pa ni de bzhin gshegs pa lnga'i thugs la sogs pa'i gnas rnams so/ /de gsungs pa/ rtag pa la sogs gzugs 'dra zhing / /de mdog sa bon las byung ba/ /ye shes lnga ldan srad bu yis/ /nyi shu rtsa lngar rnam phye ba//zhes pa la sogs pa rgyas par ro/ /rdul tshon dag kyang dbab par bya/ /zhes pa'i gzhung bshad pa la/ 'bar ba'i lta bas rdul tshon la/ /ye shes 'bar ba sngar rim gyis/ /yang dag bteg ste bsngags par bya/ /zhes pa la sogs pa rgyas par ro//rdo rje bum rnams gzhag pa ni/ /dkyil 'khor pa'i lha rnams dang 'brel pa'o/ /sngags ni brjod pa'i mtshan nyid do/ /des mngon par bsngags pa'i rgyud ni rin po che sna lnga dang sman rnams kyis so/ /bdag po yis dran pa ni bdag po rnams kyis dran pa'o/ /de brjod pa/mgrin pa mchog ni gos kyis dkri/ /a 'bras sogs 'dab kyis kha dgab/ /dkyil 'khor pa yi bum pa ni/ /de yi sngags kyis lhag gnas bya/ /'bru sman rin chen lnga rnams dang / /dri bzangs chu dang 'khor lo'i tshogs/ /me tog phreng btags rdo rje ni//steng gzhag 'khor gtso'i bzlas pa bya/ /zhes so/ /sbyin sreg bya zhes pa la sogs pa ni dkyil 'khor thams cad kyi phyi ngos su shar gyi phyogs su zhi ba'i dkyil 'khor gyi thab khung yongs su zlum po dang lho phyogs su gru bzhi pa rgyas pa'i'o/ /nub phyogs su gzhu'i rnam par byas pa'i dbang du byed pa'o//byang phyogs su zur gsum pa mngon spyod kyi thab khung byas te/ yi ge oM las bskyed par bya'o/ /de bzhin du yang gsungs pa/ gnyis su med pa rnam par rgyal ba las/ /sngags shes pa yis sbyin sreg bya/ /gal te dngos grub mchog 'dod na//gsang ba'i de nyid byin brlabs te/ /sbyin sreg cho ga yang dag spyad/ /dkyil 'khor bzhi yi sbyor ldan pas/ /rigs kyi las ni rab bsgrub pa/ /yi ge oM gyi sngags dbye bas/ /bsgoms pas dngos grub thams cad thob/ /zhi ba'i dkyil 'khor yongs zlum po//rgyas pa zur bzhi pa yin te/ /mngon spyod la ni zur gsum mchog /dbang la gzhu yi rnam pa'o/ /de yi dbus su zhi ba ste/ /bsgom bya bdud rtsi 'byung ba ni/ /de nyid du ni lha yi gzugs/ /rang gi ngo bos bsgom par bya//bdag nyid bdag po'i gzugs kyis te/ /'di ni rdo rje mchog gi yin/ /zhal rnams gdangs par bsams nas ni/ /me stag mang po rnam par 'khrugs/ /sngags pa lce yi dbus son pa/ /de la yi ge hUM bsam bya/ /mkhas pas sbrang rtsi 'o ma dang / /mar sar zhi ba'i rigs la bsten//zhe sdang chen po'i rigs la brjod/ /snum chen pos ni khyab pa ru/ /de bzhin gzhan yang shes par bya/ /zhes so/ /rdo rje gang ba'i sbyin sreg dbul/ /rdo rje mi phyed gsum dag la/ /zhes pa ni bla na med pa'i ye shes kyi me la'o/ /phyi nas dbus su rang gi lha'i gzugs bsgoms nas me dang rang gi lha dag gi zhal dag tu dbab par bya'o//dbang po gnyis kyi sbyor ba yis/ /zhes pa ni shes rab dang snyoms par 'jug pas me la sbyin sreg bya ste shes rab dang thabs kyi bdag nyid rdo rje 'dzin pa chen po'i sku la'o/ /brgya rtsa brgyad ni brgyad lhag pa'i brgya'o//sbyin sreg kyang bzang po'i zhabs kyi dkyil 'khor gyi cho ga'i rjes su 'brang bar bya ste/ kun nas sor bzhi dor ba ru/ /kha khyer de tshad pad kha bye/ /zhes pa'i nang du'o/ /da ni slob ma 'jug pa'i cho ga gsungs pa/ rnam par snang mdzad la sogs pa'i dkyil 'khor du gzhug pa'i phyir slob ma rnam par snang mdzad la sogs pa'i gzugs su bsams nas/sku dang gsung dang thugs rdo rjes byin gyis brlab po/ /de nas de'i lus thams cad dang lce dang snying gar son pa'i rdo rje la yi ge AHkha dog dmar po 'od zer dang bcas pa bsgom par bya ste/de nas gzhug par bya'o/ /de ltar dkyil 'khor du gzhug pa lag ma'i phyed du rang gi dkyil 'khor gyi bdag po'i snying pos rang gi slob ma rdzogs par bya ste/ sku dang gsung dang thugs rdo rje byin gyis brlab pa'i ched du yi ge AHsku dang gsung dang thugs rdo rje la bkod nas 'chad par 'gyur ba'i cho gas gzhug par bya'o//dang por re zhig slob dpon gyis slob ma 'jug pa'i cho gas zhugs te rang gi rigs kyi bdag po las dbang bskur ba la sogs pa dang rjes su gnang ba yang blangs te 'di skad ces brjod par bya ste/ bdag gi ming ni che ge mo//rdo rje slob dpon dka' thub che/ /slob ma rnams ni gzhug par bya/ /sems can kun la phan don du/ /zhes so/ /de nas rgyud gzhan gyi sta gon gyis slob ma sta gon du gnas par byas la ji skad du brjod pa'i tshul gyis rdzogs par bya ste/ dri dang me tog la sogs pa rnams kyis mchod nas sgo'i phyi ngos su gnas par bya ste/las thams cad pa'i sngags bzlas pa'i bum pa'i chus bsangs te 'jug pa'i sngags bzlas pa'i gos kyis gdong bcings te thal mo kha sbyar gyis me tog gi phreng ba 'dzin du bcug ste dkyil 'khor du gzhug par bya'o//rdo rje bzung ba ni rdo rje sems dpas byin gyis brlabs pa'o/ /'dis ni 'jug pa'i cho ga bstan pa yin no/ /de brjod pa/ sgor ni phreng thogs yang dag mchod/ /de bzhin yon ni phul ba dang / /zhes pa la sogs pa rgyas pa'o/ /slob ma dbang bskur ba gsungs pa/rdo rje chen po'i dbang bskur ba dang mi phyed pa'i dbang dang phyir mi ldog pa'i dbang ni ming gzhan no/ /de nyid gsang ba'i ye shes kyi gsang ba'o/ /de gsungs pa/ rgyal ba'i sa ni gnas thob pa/ /yid ches par ni mi 'gyur te/ /ji srid sa brgyad pa yi bar//de rnams theg pa dman pas 'jigs/ /rdo rje theg pa chen po 'dir/ /rgyal ba'i sras rnams dbang bskur ba/ /'di rnams yid ches 'gyur ba ste/ /theg pa chen po 'dren pa mchog /ces so/ /sangs rgyas kun gyis nam mkha'i khams/ /zhes pa ni rtag pa la sogs pa rnams kyis bzung ba'i ye shes kyi bum pa rnams kyis yongs su gang bar bsgom par bya'o//ci lta bur gyur pas she na/ sil snyan dang dri'i dam tshig dang ldan pa rnams kyis so/ /dam tshig rdo rje gsum sngags kyi/ /zhes pa la sogs pa la nus pa dang ldan pas yi ge gsum gyis brgya rtsa brgyad du mngon par bsngags pa'i don grub dkar pos de nyid zlos bzhin du dkyil 'khor pa'i lha rnams kyis dkyil 'khor la bsnun par bya'o//bdag nyid ces pa ni de bzhin gshegs pa la sogs pa'i dkyil 'khor pa nam mkha' la gnas pa rnams kyis bde ba chen po zhu bar gyur pa de bzhin gshegs pa'i ye shes kyi bdud rtsis yongs su gang ba'i bum pa phyag tu thogs pa rnams kyis so//yang na ji skad du brjod pa'i bum pa la bsnun par bya ste/ yi ge gsum gyis bskul bas dbang du gyur pas rang nyid kyis dbang bskur bar 'gyur ro zhes pa'i don to//dbang bskur ba 'di ni ye shes cung zhig la dbang thob pa'i slob dpon gyi'o/ /yang na zhes pa la sogs pas ni las dang po pa'i gsungs pa yin te/ bum pa ye shes kyi bdud rtsis gang ba rnams kyis dam tshig gi mchog spyan la sogs pa rnams kyis gzung ba rnams su bsgom par bya ste dbang bskur ba'i dus su/rdo rje rnam par snang mdzad bsam/ /zhes te/ rnam par snang mdzad kyi dkyil 'khor la'o/ /rang gi dkyil 'khor gyi bdag po'i gnas la slob ma gtso bo rnam par gzhag pa yin pa'i phyir ro//lus dang ngag sems rdo rje can/ /zhes pa ni yi ge gsum mo/ /slob dpon thams cad kyi dkyil 'khor gyi slob dpon rnams te gsung rdo rje'i brjod pa ni/ dbang bskur rdo rje chen po ni/ /zhes pa la sogs pa'i tshigs su bcad pa rnams so/ khyad par du 'phags pa'i dbang thob par bya ba'i ched du gsol ba gdab par gsungs pa/ byang chub rdo rje sangs rgyas la/ /zhes pa'i tshigs su bcad pa'o/ /de'i tshe zhes pa ni tshigs su bcad pas gsol ba btab pa'i rjes la'o/ /yid rab tu dgyes nas dbang bskur ba sbyin par bya'o//de'i snying gar lha'i gzugs kyi sbyor bas phyag rgya chen pos bdag po ye shes sems dpa' rang gi dkyil 'khor du gzhag par bya'o/ /sngags kyi yi ge'i tshig ces pa ni de'i mig tu 'bar ba dang bcas pa'i oM bsgoms la dam tshig kyang cho ga ji lta bas byin la de la dkyil 'khor yang bstan par bya zhes te mig tu 'bar bcas oM zhes pa la sogs pa brjod pas bzang po zhabs kyis gsungs pa'i dkyil 'khor gyi cho gar bstan pas so//rdo rje slob ma blo ldan pa/ /zhes bya ba khyad par gnyis kyis dbyer mi phyed pa'i gus pa dang thos pa dang bsam pa dang bsgom pa'i rang bzhin gyi shes rab dang ldan pa la cho ga 'di ltar bya zhes gsungs pa'o//de nas/ dam tshig gsang ba bsgrag par bya/ /sangs rgyas kun gyis gsungs pa yi/ /zhes pa la sogs pas go rims ji lta bar bsrung ba dang bza' ba'i dam tshig gsungs so//de yang ji ltar rigs pa dang lung dag gis mi gnod pa de ltar le'u lnga pa nyid du kho bo cag gis bsgrubs pas 'dir mi spro'o/ /dbyer med pa'i lam gyi sems can rnams te slob ma rnams bskul bar bya ste sdom pa gzung bar bya'o/ /sdom pa byin nas sngags bslab par bya'o zhes gsungs pa/sngags zhes pa la sogs pa ste sngags ni/ gtso bo'i sngags so/ /de'i tshe zhes pa ni sdom pa 'dzin pa'i dus su'o/ /slob ma de la sngags kyi rgyal po'i ting nge 'dzin te rang gi lha'i rnal 'byor byin nas gsang ba brtsam par bya ste/ cho ga yis rlung dang me'i dkyil 'khor gyis yang dag par sbyangs te/yi ge gsum gyis mngon par bsngags nas bza' bar bya ste rang gis byin gyis brlab pa dang slob ma yang byin gyis brlab pa'i ched du sbyin par bya'o/ /ci ltar zhe na rdo rje'i sbyor ba yis te rdo rje sems dpa' la sogs pa'i sbyor bas so//bzhi po 'di rnams zhes pa ni sgom pa dang / sngags dang / ting nge 'dzin dang / dam tshig rnams so/ /de nyid gsang ba chen po yin te/ snod ma yin pa rnams la sba bar bya ba yin pa'i phyir ro/ /kun gyi gsang ba ni skye bo rung ba ma yin pa rnams la bstan par bya ba ma yin pa'i phyir ro//sngags kyi rdo rje gsum gyis gnas pa ni/ ci ltar mngon par 'dod pa'i sems can gyi don du spyod pa'o zhes kha cig go/ /bzhi po 'di ni gsang chen te/ /zhes pa ni spyan la sogs pa ston par byed de de nyid 'grel par byed pa ni//sngags kyi 'khor lo bud med gzugs/ /zhes gzhan dag go/ /yid ches pa'i don du dam tshig byin gyis brlab pa rdo rje slob ma la bstan par bya'o/ /yi ge oM bsgoms na de ma thag tu 'bar bar 'gyur zhes te de gsungs pa/ 'bar ba'i oM gyis byin brlabs rlung dang me'i/ /dkyil 'khor la gnas rab sbar bdud rtsi lnga/ /de nas yi ge gsum bzlas dpag med pa'i/ /thub pa'i dbang po'i nang du chud par bya/ /ye shes bdud rtsi'i ngo bor bsams nas ni/ /hUM dgod rdo rje lce ni bzang po dang / /snying ga'i zla ba'i dbus su ma lus pa'i//rgyal po'i 'khor lo des ni tshim par bya/ /zhes so/ /dngos grub thams cad sgrub pa dang / /zhes pa la sogs pas dkyil 'khor du dam tshig byin gyis brlab pa'i 'bras bu gsungs so/ /mtshan ma thob pa'i rnal 'byor pas bi mu ma ra shu'i ming can cha mnyam par bya ste/kham phor kha sbyar du yang dag par bzhag nas yi ge gsum gyis bsngags te ci ltar brjod pa byas na ji skad du brjod par 'gyur ro/ /de la zhes pa la sogs pa ni phyag na rdo rje la sogs pa'i gzugs kyi pho nya sgrub pa rnams gsungs te/ nam mkha' rdo rje zhes pa la sogs pa la/hrIHni 'bar ba'i 'od bzang po/ /zhes pa ni 'od zer lngas 'bar ba'o/ /khams zhes pa ni nam mkha'i khams so/ /de rnams zhes pa ni de bzhin gshegs pa rnams so/ /de'i sngags ni yi ge hrIH'o/ /sku dang gsung dang thugs kyi sngags kyis rdo rje byin gyis brlabs pa'i gnas zhes pa ni/AHkhaM kha zhes pa'i yi ge gsum mo/ /grub pa'i pho nya'i gzugs kyi sku gsung thugs la byin gyis brlab pa 'di nyid kyis bya'o/ /gsang ba'i gnas ni gzhag par bya/ /zhes pa la phyag na rdo rje'i gzugs kyi man ngag gzhug pa'i spyi bor/nyi ma'i dkyil 'khor la gnas pa'i ji lta ba'i mi bskyod pa bsgom par bya'o/ /de bzhin du phyag na pad+ma'i gzugs la 'od dpag tu med pa'o/ /de bzhin du gzhan gyis mi thub pa'i gzugs kyi spyi bor rnam par snang mdzad bsam par bya'o/ /'di nyid 'chad pa ni/nyi ma'i dkyil 'khor dbus gnas pa/ /zhes pa la sogs pa'o/ /bskul ba ni snying gar ro/ /thams cad rnams zhes pa ni ji skad brjod pa'i mngag gzhug pa rnams so/ /sdug bsngal rnon po ni 'chad par 'gyur bas so/ /de la 'di ni zhes pa la sogs pas ni rdo rje can thams cad kyi mngag gzhug pa rnams kyi snying po bskul ba gsungs pa/mdung rtse chen po zhes pa la sogs pa'i tshig gis so/ /rang gi lag pa na gnas pa'i yi ge oM las skyes pa'i rnam pa sna tshogs pa mdung rtse dang rdo rje dang lcags kyu la sogs pa rnams kyis snying gar gdab par bya'o//cho ga 'dis bskul ba na mngon par 'dod pa'i mngag gzhug rnams 'grub par 'gyur ro/ /de grub pas phyis rdzogs pa'i byang chub kyang 'grub par 'gyur ro zhes gsungs so/ /ri zhes pa la sogs pa mngag gzhug sgrub pa'i gnas gsungs so//zla ba phyed ces pa la sogs pa la ji skad du brjod pa'i dam tshig dang sdom pa la gnas pa'i rnal 'byor pas rdo rje sems dpa' la sogs pa gang yang rung ba'i rnal 'byor dang ldan pas phra mo'i rnal 'byor bsgoms pas sems brtan par byas pa'am/ dpag tu med pa'i bzlas pa sngon du song bas lha'i rjes su gnang bas bzlas pa 'bum byas pa slar yang mngag gzhug sgrub pa'i rjes su gnang ba yod na ri bo la sogs pa'i gnas rnams su sngar bzhin du mngon par sbyangs te/sgrub thabs su brjod pa'i cho gas dpal rdo rje sems dpa' dang gsung dang sku rdo rje rnams kyis gang yang rung ba'i rnal 'byor bya ste/de bzhin du sgrub pa chen po la thug pa'i cho ga nyams su blangs nas lha mo'i tshogs rang gi rig ma'i pad+mar bcug nas 'dod chags kyi mes zhu ba zla ba'i dkyil 'khor gyi rnam par yongs su gyur par bsgom par bya'o//de nas zla ba'i dkyil 'khor de la ji skad du brjod pa'i yi ge hrIHmgo gyen du bltas pa bsgoms nas de las byung ba'i 'od zer gyi tshogs kyis nam mkha'i khams thams cad du khyab pa'i de bzhin gshegs pa thams cad yang dag par reg nas de rnams kyi sku dang gsung dang thugs AHkhaM kha zhes pa'i yi ge gsum gyi bdag nyid yang dag par bsdus nas yi ge hrIH la bcug ste de yongs su gyur pa las phyag na rdo rje dang 'jig rten dbang phyug dang gzhan gyis mi thub pa rnams gang yang rung ba'i mngag gzhug pa'i gzugs yongs su rdzogs par bya ste/yi ge gsum pa 'di nyid kyis de'i sku dang gsung dang thugs la sku rdo rje la sogs pa rang bzhin gyis byin gyis brlabs nas 'di nyid brjod de phyung nas mdun du thal mo sbyar bar rnam par bsams nas de'i mgo bo la gsang ba'i gnas bsgoms nas ji skad brjod pa'i lag pa na gnas pa'i lcags kyu la sogs pa rnams kyis mngag gzhug pa rnams kyi snying gar bsnun par thun bzhi ru bsgoms pas nges par zla ba phyed kyi nang nyid du mngag gzhug pa 'grub par 'gyur ro zhes pa'i don to//'da' bar mi bya ba yin pa'i phyir dbyer med pa mngag gzhug sgrub pa'i thabs ston pa'i bdag nyid bzhed pa chen po'i rang bzhin ni rdo rje bzhad pa ste/dpal rdo rje sems dpa'o/ /de la 'di ni zhes pa la sogs pas dkyil 'khor du rdo rje sems dpa' la sogs pa gang yang rung ba'i bdag po'i rang bzhin dgod pa ni rdzogs par byed pa ste/ mngag gzhug gi gzugs kyis lus dang ngag dang yid la yang dgod par byas nas bskul bar bya'o//de la 'di ni zhes pa la sogs pa ni sbyor ba gzhan gsungs so/ /dbyer med pa'i me long lta bu la sogs pa'i ye shes lnga'i bdag nyid kyi dkyil 'khor ni rdo rje ye shes kyi dkyil 'khor te/der mngag gzhug sgrub pa las 'da' bar mi bya ba'i don te rtogs shing go bar byed pas dam tshig gi gnas so/ /de yang rnam pa bzhi ste dam tshig bskul ba zhes pa ni rang gi lag na gnas pa'i yi ge oM las byung ba'i lcags kyu 'bar ba rnams kyis de'i snying gar brdeg cing AHkhaM kha zhes brjod cing skul bar byed do//dam tshig gtong ba zhes pa ni khros shing 'bar ba nag po'i lus kyis de bzhin gshegs pa lnga spros nas de rnams kyi yan lag thams cad bkang ba yang nas yang du bsam par bya'o/ /dam tshig 'bod pa zhes pa ni grub pa'i don du sngags brjod pa sngon du song bas bskul bar bya'o//dam tshig bcing ba zhes pa ni grub pa'i mngag gzhug la rang gi bka' bsgo bas sbyar bar bya'o/ /mkha' dbyings zhes pa la sogs pas dngos po med pa yang gzugs su byed do zhes shin tu bar brjod pas sgrub pa po rnams kyi sems brtan pa gsungs so//sangs rgyas thams cad bu gcig pa lta bur bcom ldan 'das gang yin pa de de bzhin no/ /yang na sangs rgyas thams cad kyi rdul phra rab rnams kyis bskyed pa'i phyir ro/ /rdo rje 'jam pa stobs po che/ /zhes pa la rang gi dkyil 'khor gyi dbus su chud pa pad+ma dmar po zla ba'i dbus su gnas pa kha dog dmar po dang bsam pa yang ste de'i rang bzhin gyi lha rnams kyis 'khor lo yongs su bskor ba sgrub thabs kyi tshul gyis 'jam pa'i rdo rje'i bdag nyid du bsgom par bya'o//mda' lnga'i sbyor ba dag gis ni/ /zhes pa ni mda' lnga po rnams kyi sbyor ba gzhu dang lhan cig pa'i sbyor ba ste de 'dzin pa dang yang ngo //de myos byed dang rmongs par byed pa dang sreg par byed pa dang brgyal bar byed pa dang sems med par byed pa'i rang bzhin yi ge maM las skyes pa kha dog dmar po yi ge oM gyis byin gyis brlabs pa'i stong gi cha dang /a yis mnan pa'i mda'i cha dang / yi ge hUM gis byin gyis brlabs pa'i ut+pal dmar po'i 'dab ma dang 'dra ba'i mde'u'i cha yin te/ mda' lnga rna ba'i bar du bkang ste gzhu 'dzin pa'i 'phags pa gshin rje gshed kha dog dang bsam pa dmar po byis pa'i cha byad can rang gi dbu rgyan du mi bskyod pa gnas pa'i sbyor bas spro bar bya'o//gnas lnga rnams su zhes pa la sangs rgyas la sogs pa rnams kyi spyi bo dang snying ga dang lte ba dang gsang ba dang rkang pa'i mthil rnams su yang ngo / /rdo rje khro bos dbab par bya/ /zhes pa la rigs la gcig gi tshig go//des ci ltar spros pa'i 'phags pa gshin rje gshed rnams kyis ci ltar brjod pa'i mda' rnams kyis go rims ji lta bar brjod ma thag pa'i gnas rnams su dbug par bya'o zhes pa'i don to/ /dngangs shing brgyal bar bsgom par bya/ /zhes pa ni rang gis gsungs pa'i nyams pa las 'jigs pas skrag pa bzhin du'o//byis pa'i blo ni grags chen gyis/ /zhes pa ni 'phags pa 'jam dpal gyi dbu rgyan las skyes pa'i gshin rje gshed po rnams kyis so/ /gsang ba'i bskul ba dag gis zhes pa ni brjod ma thag pa dag gis so//dbyer mi phyed pa nges par 'byed pa'i shes rab kyi bdag nyid 'phags pa 'jam pa'i rdo rje'i ting nge 'dzin rab tu ston par byed pas rdo rje'i don gyi blo ste rdo rje sems dpa' des so/ /sangs rgyas la sogs pa ni nye bar mtshon pa tsam ste sems can rnams kyang ting nge 'dzin nyid kyis dbang du byas pa'i cho ga 'di yin no zhes gsungs pa/nam mkha' rdo rjer zhes pa la sogs pa ste sngags kyi rdo rje ni yi ge hUM ngo / /de gang rnams la dang por yod pa de ni oM la sogs pa rnams te de bzhin du de rnams kyis so/ /rdo rje gsum la sogs par bsgom/ /zhes pa ni thugs rdo rje la sogs pa rnams 'jam pa'i rdo rje dang 'dra bar brjod pa'i kha dog dang bsam pa la sogs pa dang ldan par de rnams bsgom par bya'o//de bzhin du rang gi dbu rgyan la gnas pa'i rang gi bdag po las gnod mdzes rgyal po la sogs pa rang gi rigs kyi khro bo rnams spros pas sangs rgyas la sogs pa rnams dbang du bya'o//oM yig mig gi dbus su zhes pa ni slob ma'i mig gi dbus su'o/ /bstan zhes pa ni rten dang brtan pa'i dkyil 'khor ro/ /cho ga bzhin du zhes pa ni rim pa bzhin du ste de mthong ngo / /sngags rnams kun gyi gzugs ni lha'i gzugs so//de gsungs pa/ mig tu 'bar bcas oM bsams la/ /rdo rje sems dpa' deng khyod kyi/ /mig 'byed pa la brtson par mdzad/ /mig gis thams cad 'byed mdzad de/ /rdo rje'i mig ni bla na med/ /de nas 'khor lo bstan par bya/ /'khor lo bdag po nas brtsams te//bdud rtsi thab sbyor bar du'o/ /zhes so/ /bkres skom la sogs zhes pa la sogs pas dngos grub chen po la sogs pa la zhugs pa'i bkres pa la sogs pa bsal ba'i rnal 'byor gsungs pa'o/ /thams cad 'byor zhes pa ni sna tshogs pa'i ro dang ldan pa'i bza' ba dang btung ba la sogs pa phun sum tshogs pa sgrub pa'o//baM yig kha yi nang du bsgom/ /zhes pa ni bum pa bzang po ser po'i rnam pa rang gi ma mchu la kha reg pa'o/ /oM ni lce la 'dug par bsam/ /zhes pa ni lce'i tshul du de'i rang bzhin du gyur pa'o/ /kun gyi gnas zhes pa ni bde ba thams cad ster ba'i ro'i rten no//yid bzhin nor bus brgyan pa ste/ /zhes pa ni de'i steng du zla ba phyed par skyes pa'i kha chod kyis cung zad kha bcad pa'o/ /de'i yang steng du gnas pa'i thig le las byung ba rin po ches brgyan pa'o/ /bkres pa la sogs pa dang bral ba'i phyir sdug bsngal thams cad dang bral ba dang /bsam gtan gyi zas yin pa'i phyir zhi ba'o/ /dbyer med pa'i ye shes las byung ba'i phyir ye shes rdo rje las byung ba'o/ /ji ltar 'dod pa'i zas sgrub par byed pa'i sbyor ba ston pas yid bzhin gyi nor bu'i rdo rje ni dpal rdo rje sems dpa'o//nam mkha'i rdo rje zhes pa la sogs pa la/ rdo rje sku gsum sbyor ba yis/ /zhes pa ni rnam par snang mdzad kyi rnal 'byor las byung ba'i sbyor ba yis so/ /dpa' bo chen po rdo rje de bzhin gshegs pa'i bdag nyid du bsgom par bya'o/ /ser po rdo rje rnam 'phrul ba//zhes pa ni rtsa ba'i zhal dang sku mdog kyang gser gyi kha dog go/ /g.yas dang g.yon pa na ni nag po dang dkar po'i zhal lo/ /lhag ma ni rnam par snang mdzad bzhin no/ /skul byed ma'i rnam pa'i kun du bzang po'i ting nge 'dzin gsungs pa/ kun nas dbyangs ni gsung rab yan lag bcu gnyis kyi dam pa'i chos ston pa'i ngo bo'o//cho ga yis zhes pa 'di'i bshad pa ni rang gi de nyid las byung phyag mtshan las skyes pa'i/ dpal ldan skul byed rab tu bsam/ /shel zla'i sku dang dbus kyi zhal/ /zhal gnyis sngo dang dmar ba'o/ /phyag gnyis yang dag 'khyud pa ni//rang 'od thabs dang lus 'brel pa/ /phyag na pad+ma ral gri dang / /rin chen rtsibs brgyad 'khor lo 'dzin/ /sna tshogs chu skyes 'dab zlar gnas/ /rdo rje'i gdan dang zla ba'i 'od/ /ces pa la sogs pa bzang po zhabs kyi'o/ /nyi ma'i gdan dang 'od kyi dkyil 'khor ro zhes gzhan dag go//nam mkha' mdzod kyi ting nge 'dzin gyi ngo bo rgya che ba la sogs pa rnam par dag pa'i bdag nyid kyi dzaM b+ha la'i sgrub thabs gsungs pa/ de bzhin gshegs pa thams cad longs spyod pa ste nam mkha' mdzod kyi ting nge 'dzin no/ /'di yang 'di ni bzang po'i zhabs kyis bshad pa yin te/shes rab thabs kyi rang bzhin sbyor/ /dzaM b+ha la ni gnod sbyin gzugs/ /sna tshogs rdo rje zla dbus gnas/ /rdo rje skyil krung gis gnas pa/ /ser po nag po dkar 'od zhal/ /thugs kyi dbang pos spyi gtsug brgyan/ /phyag gnyis kyis ni yang dag 'khyud//rang 'od rig ma 'dzin dgyes pa/ /bI dza pU ra ral gri dang / /rin bzang skyug pa'i ne le dang / /rang gi lha yi sbyor ba yis/ /rig ma'i pad+ma'i nang gnas pa/ /thams cad phyogs nas rdzogs sangs rgyas/ /'od byung rig ma'i tshogs rnams kyis/ /rtag tu dbang bskur bar blta ste//rnal 'byor pa yis rtag tu bsgom/ /de nyid gsungs pa/ dzaM nam mkha' rdo rje zhes pa la sogs pa'o/ /sangs rgyas lnga rnams gnas lnga rnams te dbang po lnga rnams su'o/ /rdo rje sems dpa' ni mi bskyod pa'o zhes kha cig go/ /rdo rje sems dpa' zhes gzhan dag go//rdo rje bdud rtsi chu zhes bya ba la sogs pa ni bla ma las 'di'i don rtogs par bya'o/ /de nas zhes bya ba la sogs pa las dpal rdo rje sems dpa' la sogs pa'i rnal 'byor pa'i 'dod pa'i yon tan lnga la nye bar longs spyod pa'i don du dpal ldan gnod sbyin mo ste de la dmigs pa dang de'i ming yang de bzhin du ting nge 'dzin du brjod do//gnod sbyin mo rnams thams cad rdo rje'i dam tshig gi gnas ni bskyed pa'i sa bon no/ /nam mkha'i dbyings kyi dbus gnas par/ /zhes pa ni mdun gyi nam mkha' la gru bzhi pa rin po che bzhi'i rang bzhin 'byung bar 'gyur ba'i gnod sbyin mo'i mdun du shel gyi rang bzhin dang g.yas su in+d+ra nI la lta bu dang rgyab tu pad+ma rA ga dmar po dang g.yon du rin po che ljang gu'i rang bzhin dang dbus su bai DUr+ya dang 'dra ba ni lugs so//kun du 'khrigs zhes pa ni dus thams cad pa'i me tog la sogs pa nye bar mkho bas khyab par ro//rdo rje gsum gyi sbyor bas dbab/ /ces pa ni ji skad du brjod pa'i dkyil 'khor gyi dbus su gnas te rdo rje gsum gyi bdag nyid 'phags pa 'jam dpal gyi rnal 'byor dang ldan pas mdun du gyur par brjod ma thag pa'i gnas kyi dbus su gnas pa zla ba ser po'i steng du zla ba phyed pa'i thig le'i rtse mo dang ldan pa'i yi ge k+ShiM las rang 'dod pa'i gnod sbyin mo dang rjes su mthun pa'i kha dog bsgoms la de las byung ba'i 'od zer rnams kyis nam mkha' gang bar bsams te spyan la sogs pa'i lha mo'i tshogs la yang dag par reg pas mngon par 'dod pa'i gnod sbyin mo sprul nas k+ShiM yig la yang dag par bsdus te thams cad yongs su gyur pa las mngon par 'dod pa'i gnod sbyin mo'i gzugs cig bsgom par bya'o//de la re zhig longs spyod dang ldan pa'i gzugs la sogs pa mngon par brjod par bya ste/ gser gyi kha dog can lha'i bud med kyi gzugs 'dzin pa lang tsho sar pa sgeg pa'i nyams can gsal ba'i dar gyi gos kyis smad g.yogs dang stod g.yogs byas pa rgyan thams cad kyis brgyan pa/lag pa g.yas na gdugs dkar po 'dzin pa/ g.yon pas dpag bsam gyi shing la brten pa/ sgeg pa dang bcas pa 'dzum pa'i byad dang rol pa dang ldan pa/kha dog lnga'i me tog gis spras pa'i phyed 'khyil pa'i skra dang me tog gi phreng ba dang dpag bsam gyi shing la sogs pas mdzes pa rin po che mi g.yo ba'i nang na gnas pa pad+ma ser po dang zla ba la 'dug par bsgom par bya'o/ / gnod sbyin mo thams cad thun mong ba'i sa bon 'di yin te/ des gnod sbyin mo gzhan rnams kyi yang gzugs la sogs pa dpal 'byung po 'dul ba la sogs pa la rtogs par bya ste bsgrub par bya'o zhes so/ /las gsum rdo rje'i bye brag gis/ /zhes pa ni 'jam dpal gyi sbyor ba dang ldan pa nyid kyis rang snyoms par zhugs pa las dpal gshin rje mthar byed ston pas de'i mgo bo la byang chub kyi sems kyi dbang bskur ba bltas nas rang gi snying ga'i zla ba la gnas pa'i sngags kyi phreng ba rang gi kha nas 'thon te de'i kha nas zhugs nas snying ga'i pad+ma'i zla ba la bkod nas de dang lhan cig rdo rje dang pad+ma'i sbyor ba bya'o//gnod sbyin mo thams cad kyi bskyed pa'i sa bon thun mong ma yin pa'i phyir/ gnod sbyin mo thams cad dang mnyam pa yin no/ /sa bon las byung ba'i 'od zer rnams kyis gnod sbyin mo thams cad kun nas bkug ste gnod sbyin mo gcig yongs su rdzogs par byas pa gang la yin pa de bzhin no zhes kha cig go /rdo rje thams cad kyi lha rnams kyi sngags rnam par 'phrul pa'i sku dang gsung dang thugs rnam par dag pa la dmigs pa ni rdo rje bzhin du dbyer med pa gang yin pa de de bzhin no/ /rnam par snang mdzad la sogs pa'i phyag rgya chen po'i dngos grub rnam pa ji lta bus rdzogs she na/gsungs pa sku zhes pa la sogs pa la sangs rgyas kyi gzugs 'dzin pa'i 'od ni de bzhin gshegs pa'i 'od kyi dkyil 'khor can de gser la sogs pa'i kha dog dang 'dra ba dang ldan pa zhes pa'i don to//dman pa ni zhen pa ste dman pa ma yin pa ni mchog gi dngos grub de ru gnas pa zhes pa'i don to/ /mi snang ba la sogs pa'i dngos grub kyang rdo rje 'dzin pa dang 'dra bar 'gyur ro/ /gnod sbyin gyi rgyal po ni 'phags pa dzaM b+ha la'o/ /thams cad rnams zhes pa ni sngar brjod pa thams cad kyang phyis 'chad par 'gyur ba yang ngo //yid kyis 'dod pa zhes pa ni yid dga' bar byed pa'o/ /dngos grub kyi sgras de dang sbyor bas dngos grub nyid du brjod pa rnams so/ /gtsug tor zhes pa ni gtsug gi nor bu bzhin du ste/ rgyud gzhan thams cad la sogs pa'i dngos grub rnams kyis so//yid bzhin nor bu bzhin du yang thams cad kyi bsam pa [(]yangs [,]yongs [)]su rdzogs par byed pa'o/ /snod ji lta bar gang las sangs rgyas kyi byang chub byed pa'i mchog go/ /'di yang sangs rgyas rdo rje rab tu bsgoms pa nyid kyi phyir ro/ / yid bzhin gyi nor bu dang 'dra bar dngos grub thams cad kyi 'bras bu ston par byed pas bsam pa thams cad yongs su rdzogs par byed pa ni dpal rdo rje sems dpa'o/ /da ni ye shes 'jug pa thob pa'i dbang du byas te/ mtshan ma thob pa sngon du song ba'i rig pa'i brtul zhugs gsungs pa/de nas zhes pa la sogs pa la de bzhin gshegs pa thams cad kyi sku dang gsung dang thugs kyi rang bzhin gyi rig pa'i brtul zhugs so/ /de'i yang dag par len pa ni rtag tu sbyangs pa'o/ /de'i bdag nyid kyi spyod pa ste sku la sogs pa'i rdo rje rnams so so la sku la sogs pa'i rdo rje'i gzugs kyis bsgoms pas so//rang tshul nyid kyis de byas te/ /zhes pa ni rang gi rigs kyi bu mo dang yang dag par sbyor ba dang / bdud rtsi lnga za ba la sogs pa rang gi gzugs nyid kyis bya ste/ /de yang drang ba'i don du ma yin la bsam gtan gyi dmigs pa tsam yang ma yin no//de ltar dngos grub thob par 'gyur/ /zhes pa ni de ltar byas pa nyid byang chub ces pa'i don to/ /bshang gci'i dam tshig dag gis ni/ /dbang po gnyis kyi rab sbyor las/ /bla na med pa'i byang chub 'thob/ /sangs rgyas byang chub gsal zhi ba/ /zhes pa la sogs pas bco lnga pa la sogs par bcom ldan 'das nyid kyis 'di'i nyams su blang ba lhan cig byed pa nyid du rab tu bstan pa'i phyir dang /de rgyu med pa las de thob pa dang ldan par shin tu thal bar 'gyur ro/ /gang rnam 'grel las/ rgyu med gzhan la mi ltos phyir/ /rtag tu yod pa'am med par 'gyur//dngos po rnams ni res 'ga' zhig /'byung ba ltos pa las yin no/ /rigs pa nyid rab tu rtog par bya bar gsungs pa/ spyan gyi go 'phang yang dag sbyor/ /zhes so/ /phyag mtshan ni ye shes kyi phyag mtshan gyis so/ /phyag rgya sngags kyi cho ga shes/ /zhes pa la sogs pas ni mi dbang ba bkag pa'o//de lta bu ni de bzhin gshegs pa rnams kyi btsun mo ste/ rang las tha mi dad pa'i rig mar bya'o/ /gsang ba'i mchod pa brtul zhugs chen po ni 'gro ba ma lus pa'i don rdzogs pa'i ched du nges pa dang ldan pa'i brtul zhugs chen po'o/ /sdong bu rtsa ba zhes pa la sogs pa ni ye shes la 'jug pa thob pas grong khyer la sogs par gnas pa 'gog par byed do//sku'i rigs kyi rig pa'i brtul zhugs gsungs nas gsung dang thugs kyi rigs kyi dbang du byas te/ gsungs pa/ 'dod chags rdo rje lcags kyu mo ni gos dkar mo yin la mA ma kI ni thugs kyi rigs kyi yum ste/gsung rdo rje dang thugs rdo rje dag la brjod ma thag pa rnam pa thams cad du rigs so/ /rang gi phyag rgya'am zhes pa ni gal te brjod ma thag pa'i mtshan nyid ma rnyed na de'i rang 'od kyi rig ma bsam par bya'o zhes kha cig go//rigs gsum gyi rig pa'i brtul zhugs bor nas de'i rigs kyi dbang du byas te gsungs pa/ rang gi phyag rgya ma ni rang 'od kyi shes rab kyi ngo bor ci ltar brjod pa'i bu mo de'i rigs su bsgom par bya'o zhes gzhan dag go/ /bsam gtan yi ge gsum rdo rje can ni sku dang gsung dang thugs kyi yi ge'i rdo rje rnams so//da ni 'bras bu dang rtsa ba tshol ba'i rnam par g.yeng ba yongs su spong bas ye shes la dbang thob pa'i rnal 'byor pa'i rig pa'i brtul zhugs kyi dbang du byas te gsungs pa/ nags tshal zhes pa la sogs pa ste/ sgrub pa po ye shes la dbang thob pa'o//de nyid kyi phyir nges par bstan pa'o/ /'dis cir 'gyur zhe na/ gsungs pa/ nags tshal gyi lhas kha zas lha las byung ba ster bar byed do/ /'o ma la sogs pa lha'i bya ba brgyan pa yang ngo / /'das na zhes pa la sogs pas ni nges par 'byung ba ston pa yin no/ / da ni rnal 'byor pa gnyis pas rnyed par sla ba mi'i bu mo yongs su spangs te dbang thob pas rig pa'i brtul zhugs spyad pa'i don du mi ma yin gyi bu mo gsungs pa/ lha mo zhes pa la sogs pa'o/ /mi mo yang 'khor los sgyur ba la sogs pa'i rigs las byung ba'o/ /nus pa thob pa'i phyir de'i'o//dngos grub thams cad ni mchog dang gzhan no/ /thams cad ni sku'i dkyil 'khor la sogs pa'o/ /de'i rdo rje mngon par byang chub pa yang yin la de nyid kyang rdo rje yin te de'i mngon par byang chub pa'o/ /dpal gsang ba 'dus pa'i rgyan las le'u bcu drug pa'o// // de nas zhes pa la bsrung ba dang bza' ba'i dam tshig gsungs pa/ de yang dag par rdzogs pa'i byang chub kyi lhan cig byed ma nyid kyis yin nam/ yang na ci ltar 'di yang gdul bya gzhug par bya ba'i phyir yin zhes pa la sogs pa'i rnam par rtog pa yongs su chod pa'i rjes la'o/ /dkyil 'khor rgyal po mchog ces pa'i ting nge 'dzin dang 'brel ba'i mchod pa'i rjes la byung ba de bzhin gshegs pa lnga'i sgo nas bstod pa gsungs pa/ye shes chen po ni gnyis su med pa'i rang bzhin yin pa'i phyir ro/ /rdo rje dbyings ni rigs yin te rang bzhin gyis stong pa nyid kyi ngo bo yin pa'i phyir ro//mkhas pa chen po ni thams cad mkhyen pa yin pa'i phyir ro/ /dkyil 'khor gsum ni sku la sogs pa'i ngo bo yin pas so/ /sku la sogs pa gsum rnams kyi rdo rje yis mchog yin no/ /dag pa chen po ni nyon mongs pa dang shes bya'i sgrib pa bag chags dang bcas pa rnam par dag pa'o//rdo rje zhi ba ni dri ma rnams slar yang nye bar mi bskyod pas dbyer mi phyed pa'i zhi ba'o/ /dga' ba chen po ni snying rje chen po'i mtshan nyid gang gi yin pa de de bzhin no/ /rang bzhin gyis 'od gsal ba rnams la gang mchog yin pa de de rnams las mchog go/ /sngags te sdug bsngal gyi rten mi phyed pa'i phyir dang phyir ldog pa med pa ste ma rig pa'i bag chags spangs pa'i phyir dang /ma lus pa ste nyon mongs pa ma yin pa'i sku dang gsung dang bla ma tshad pa spangs pa'i phyir ro/ /zab pa ni rtog pa med pa gang gi 'di yin pa de bde bar zab pa'o/ /de nyid kyi phyir na nam mkha' rdo rje'o//nam mkha' bzhin du dri ma med pa ni rang bzhin gyis dag pa'o/ /des na gos pa med pa'o/ /brjod par bya ba dang rjod par byed pa med pas rnam par rtog pa med pa'o/ /yang na rtog pa shin tu dag pas so/ /nam mkha' dang mnyam pa'i phyir gnyis su med pa'i ye shes ni nam mkha' ste/de nyid rdo rje yin la de'i bdag nyid du 'dzin pa'o/ /'dod chags pha rol phyin pa ni mchog ste rnam par dag pa de rnams mnyes pa'o/ /des na dam pa'i don gyis na/ /pha rol phyin pa bcur 'dod do/ /zhes rgyal ba byams pas gsungs so/ /rdzogs sangs rgyas ni rnam pa thams cad kyi chos thams cad mngon par byang chub pas so//bsam pa thams cad ni sems can thams cad mngon par byang chub pa la sogs par 'dod pa ste de yongs su rdzogs par byed pa'o/ /dag pa'i ngo bo chos kyi dbyings las byung ba'o/ /rdo rje'i longs spyod ni de bzhin gshegs pa rnams so//dag pa ni tshad ma dang lung gis grub pas so/ /dam tshig ni bsrung bar bya ba bzhi yin la bza' bar bya ba yang brtson 'grus lnga dang bdud rtsi lnga'i bdag nyid yin te bla na med pa'i byang chub kyi lhan cig byed pa yin pas nges par dus ji lta ba dang ji ltar rnyed pa nyams su blangs te/gzhan du na phas pham pas dge ba'i rtsa ba mtha' dag chad par thal bar 'gyur bas so/ /dus ji lta ba dang ji ltar rnyed pa'i dam tshig bsgrub par bya ste/ de rnams nyams su ma blangs na rtsa ba'i ltung ba bcu gsum pa yin zhes brjod pas so/ /sku rdo rje la sogs pa yang 'dir rigs gsum gyi rnal 'byor par blta bar bya'o//lhan cig byed pa nyid kyi dam tshig kyang gsal por brjod do/ /dam tshig 'di rnams bsrungs na de'i sku dang gsung dang thugs su gyur pa de'i bdag nyid kyis sangs rgyas su 'gyur ro/ /de ma thag tu zhes pa ni phun sum tshogs pa de'i tshogs pa nyid kyi rjes la'o//de bzhin du dpal sangs rgyas thams cad las/ dkyil 'khor dman par gyur pa dang / /dam tshig spangs par gyur pa yang / /sgrub thabs cung zad mi 'grub bo/ /de nyid sems gsang mi shes pas/ /zhes so/ /bdag nyid gcig pu'i ched du rang nyid kyis rtogs pas rang sangs rgyas rnams so//de rnams kyi lus kyis ston pa ste ngag med pa nyid kyis rang gis rtogs pa'i don snod ci lta bar gzhan la rtogs par byed pa'i phyir ro/ /gang 'phags pa byams pas/ gang dang gang don gang gang la/ /ji lta ji ltar nyan de la/ /de la sgra med kyang don de//de ni de ltar de ltar snang / /zhes so/ gang du yang rang gi byang chub mngon du byed kyang de la yang nyan thos rnams kyis sangs rgyas la sogs pa rnams la chos nyan par byed do/ /de rnams rang gi rtog pa'i mtshan nyid kyis ye shes spangs pa yin no/ /de nyid kyi phyir gzhan la rag las pas rang sangs rgyas kyi theg pa las kyang dman par mos pa gang rnams yin pa de rnams ni de bzhin no//gti mug ni gti mug gi rigs so/ /lam gyis zhes pa ni stong pa nyid la mos pas so/ /'jigs shing mi sdug pa ni byis pa skrag par byed pa'o/ /khams gsum na gnas pa'i rigs lnga las byung ba rnams so//spyad par bya ba ni sngar brjod pa'i cho gas so/ /bsam gtan rdo rje gsad par bya/ /zhes pa ni bdag med par mos pas dgu pa las brjod pa'i cho gas gnyis su med par rab tu snang bar byed pa ni gsod pa'o/ /bsgom pa 'dis grub pa na khyab 'jug rdo rje 'dzin pa ste/mi bskyod par 'gyur ro zhes kha cig go/ /gti mug dang 'dod chags dang zhe sdang gtso bas 'jig rten pa'i lha tshangs pa la sogs pa gsum rnams so sor rigs la sogs pa nges pa'i sgo nas rnam par dag pa rtogs par bya ba'i don du gsungs pa/ sku'i rdo rje zhes pa la sogs pa'o//gang gi tshe tshangs pa sangs rgyas nyid kyi ched du rnam par dag pa bsgom par bya ste/ de'i tshe gti mug la spyod pa nyid kyis de rnam par dag pas sku rdo rje ste rnam par snang mdzad du 'gyur ro/ /gzugs kyi khams su gtogs pa bsam gtan dang po dang 'brel pa'i tshangs pa rang sku rdo rje ma yin te 'di gzhan du yang shes par bya'o//gsung rdo rje ni dbang phyug chen po ste/ 'dod chags la spyod pa nyid kyis de rnam par dag par 'gyur ro/ /thugs rdo rje 'dzin pa ni thugs rdo rje'i rang bzhin mi bskyod pa ste de nyid khyab 'jug zhe sdang la spyod pas de rnam par dag par dgu pa las brjod pa'i cho gas 'gyur ro zhes gzhan dag go//khrag dang sha ni za ba yis/ /chung ma don du gnyer bas 'dir gnod sbyin mo bsgrub bo/ /'o ma 'thung bas phra ma can gyis chung ma'i don du klu'i bu mo'o/ /khro zhing nga rgyal bas spos dang me tog la spyod pa dang ldan pas sa 'og gi bu mo bsgrub pa'o//srin mo rnams thod pa'i rus pa'i dgug pas de bsgrub pa'i don du sbyin par bya ste/ tshil bu yang ngo / /bdud rtsi lnga la sogs pa mkha' 'gro ma'i sbyor ba grub pa'i don du bza' bar bya'o zhes kha cig go/ /rtag tu zhes pa ni dam tshig gi dus su gang gsungs pa/bcom ldan 'das kyis/ brdzun du smra bar mi bya ste/ /chang gi btung ba btung mi bya/ /dam tshig dus ni ma gtogs par/ /dam tshig gis kyang byin gyis brlab/ /ces so/ /nyes pa mang po mthong bas na/ /bcom ldan 'das kyis gsal bar gsungs/ /don med kun gyi rtsa ba ni//chang gi btung ba spang bar bya/ /zhes gzhan dag go/ /rdo rje mkha' 'gro'i sbyor ba yis/ /zhes pa ni rdo rje 'dzin pa chen po'i rnal 'byor dang ldan pas mchod pa dang bstod pa dang bdud rtsi myang ba'i rjes la rang gi rig ma'i pad+ma na gnas pa'i byang chub kyi sems kyi zla ba la dpal 'khor lo sdom pa nas gsungs pa'i dpal he ru ka'i dkyil 'khor pa'i lha mo rnams kyi yi ge hrIHla sogs pa gang yang rung ba'i sa bon bkod nas de las byung ba'i 'od zer rnams kyis nam mkha' la khyab pa'i de bzhin gshegs pa rnams la reg pas gau rI la sogs pa mngon par 'dod pa'i rdo rje mkha' 'gro ma'i gzugs rnams sprul nas de rnams 'od zer gyi lcags kyus bkug ste sa bon de nyid du bcug nas de yongs su gyur pas gau rI la sogs par mngon par 'dod pa'i rdo rje mkha' 'gro ma rdzogs par byas nas yi ge gsum gyis byin gyis brlabs te sa bon nyid zlos pas phyung nas des sdang ba'i sems can rnams kyi khrag dang sha la sogs pa bkug pa rnams kyis bsad nas de rnams kyi rnam par shes pa sngar bzhin du mi bskyod pa'i gzugs su rdzogs par bya ste bkug nas rang gi lus la bcug ste/thams cad gnas gyur pas gau rI la sogs pa gang yang rung ba'i rdo rje mkha' 'gro ma la sogs pa'i gzugs su bdag nyid bsam par bya ste/de la re zhig gau rI ni kha dog dkar mo thod pa la gnas pa'i mi bskyod pa'i dbu rgyan dang ldan pa'i me tog sna tshogs pas dkris pa'i ral pa dang rnam pa thams cad kyi mchog dang ldan pa rgyan thams cad kyis brgyan pa ste/sna tshogs pa'i 'dab ma'i pad+ma'i nyi ma la g.yon brkyang gis gnas pa 'bar ba'i nyi ma'i 'od can dpal rdo rje mkha' 'gro dang snyoms par zhugs pa rna ba'i bar du gzhu 'gengs pa/ stong pa nyid la sogs pa'i rnam par thar pa'i sgo bzhi'i rang bzhin gyi mda' bzhis de'i mi mthun pa'i phyogs kyi rang bzhin gdong bzhi pa tshangs pa'i mgo so sor 'bigs par gnas pa'o//lhag ma ni dpal sdom par shes par bya'o/ /gnas kyi mtshan nyid kyis gsang bya/ /zhes pa ni zla ba phyed kyis 'di gsang bar bya zhes shes par byas la snying dgug pa la sogs pa rnams kyis gsang bar byas nas mi bskyod pa'i gzugs su bsgrub po zhes gzhan dag go//sku dang gsung dang thugs kyi rang bzhin gyi las dgu par brjod pa'i cho gas dkon mchog gsum gyi don du bya'o/ /de nyid kyi phyir gsungs pa/ sems can khams ni thams cad du/ /rtag par sangs rgyas sku bskyed pa//zhes pa la sogs pa'o/ /sku gsung thugs su sbyor ba yis/ /zhes pa ni sku dang gsung dang thugs gsum po rnams kyis phyag mi bya ba ni rgyun mi 'chad pa ru bsgom par bya ste/ gtsub shing gtsubs pa'i tshul gyis dngos grub tu 'gyur ro/ /gang rtag tu bsgoms par mi nus pa des phyag bya'o//bsam gtan bya zhes pa ni rnal 'byor pa rnams kyis so/ /rdo rje sems dpa'i dkyil 'khor spros nas thams cad la khyab pa'i sku la sogs pa'i rdo rje'i bdag nyid du bsgom pa ni 'dir phyag yin no/ /rigs lnga'i bdag nyid kyi gzugs su mngon par gyur pas sems can gyi khams thams cad ci lta ba bzhin du bsgom par bya ste/'di ni rdo rje gsum gyi phyag 'tshal ba'i mchog tu 'gyur ro/ /rang gi lha'i sbyor bas bdud rtsi lnga rnams dri dang ro bzang po dang ldan pa phyung nas nam mkha'i khams thams cad bkang ste/ dus gsum gyi sangs rgyas rnams la phul bas bsnyen pa la sogs pa'i sdom par 'gyur ro//mi snang ba'i don du nam mkha' dang mnyam pa nyid kyis yul bsten pa la sogs pa thun mtshams bzhi ru bya'o/ /dbu rgyan dag la bsam gtan bsam/ /zhes pa ni rigs kyi dbye bas sku rdo rje la sogs pa gang yang rung ba 'bar ba'i phreng ba can rang gi dbu rgyan du rig pa 'dzin pa thob na yang bsgom par bya'o zhes pa'i bar du'o//kha zas la zhes pa ni kha zas kyi dus su'o/ /'dis sku rdo rje'i nang gi bdag nyid kyi rnam par dag pa gsungs so/ /phyi rol rdo rje 'dzin pa'am/ /zhes pa ni bza' bar bya ba rnam par dag pa'o//rtag par rdo rje chos su bya/ /zhes pa ni lce rnam par dag pa'o/ /mdor byed pas na mdo sde de 'don pa ni go ba ste de'i cho ga ni bya ba'o/ /de brjod pa/ za ba'i tshe na snying ga'i zla ba la/ /'khor lo'i gtso bo rang gi gsang sngags kyis/ /kun du dmigs te byang chub sems kyi ni/ /ngo bo nyid 'gyur 'od dang ldan par bsam//rang gi zas la de nyid gsum bzlas te/ /thams cad mnyam pa nyid kyis rnam dag pa/ /de yis sku yi rdo rje la sogs pa/ /lha rnams kun du tshim pa nyid du bya/ /phyi yi sbyin sreg cho gas bsgre bya zhing / /yid kyang yid nyid kyis ni bya ba ste//phung po bud shing rnam par bsreg pa yis/ /ye shes 'bar ba bla na med par bshad/ /de ltar ma lus pa yi 'dod pa yis/ /rang nyid dang ni gzhan dang rang rang gi/ /lha yi gzugs gyur pa la yang dag mchod/ /dam tshig de ni bde bar gshegs kyis gnang / /zhes so/ /byang chub sems dpa' gcig gis lha'i lo stong phrag brgyad cur de bzhin gshegs pa stong phrag brgyad cu rnams re re yang stong phrag brgyad cu'i 'khor dang ldan pa rnams la lha rdzas kyi mal stan dang nad pa'i gsos sman dang yo byad rnams kyis bsnyen bkur byed do//gzhan yang sdug bsngal gyi rgyu las byung nas sems can 'di rnams bdag gis sangs rgyas la rab tu dgod par bya'o zhes bdag nyid kho na nye bar longs spyod do//de nas snga ma'i byang chub sems dpa' las byang chub sems dpa'i bsod nams kyi phung po skye bar 'gyur ro zhes theg pa chen po'i mdo las so/ /nyan thos kyi theg pa'i gang zag kha dog dang dri dang ro las kyang dpyad nas rnag la sogs pa'i rnam pas nye bar longs spyod do//pha rol tu phyin pa'i theg pa la mngon par brtson pas kyang mos pas spyod pa'i sa la gnas pas bdag gi lus la gang srin bu'i rigs brgya phrag brgyad cu gnas pa rnams tshim par bya'o zhes so/ /sa thob pas yang sgyu ma dang rmi lam gyi gzugs kyis rang rig pa'i rnam pas 'khor gsum yongs su dag pa'o//sngags kyi sgo'i spyad pa la spyod pa yang rdzogs pa'i rim pas bza' ba la yang shin tu dang ches shin tu ba yod do/ /gsungs pa yang yin te/ gang rnams mthong dang yang dag ldan/ /rnam pa kun tu mchod pa yang //de rnams mthong dang mchod pa yis/ /sangs rgyas thams cad du 'gyur ro/ /de nas zhes pa la gal te bcom ldan 'das chos ston pa yin na rtog pa yang mnga' ste/ ma dpyad par ston pa ma yin no zhes grub pa'i mtha' yin pa'i phyir ro/ /de ltar na yang dngos po thams cad kyi de kho na nyid mngon sum du byed pa'i mtshan nyid kyis thams cad mkhyen pa dang 'gal ba'i ma rig pa'i ngo bo rnam par rtog pas khyab la/ngag ni 'gal bas khyab pa dmigs pas thams cad mkhyen pa ma yin no zhes gdul bya'i rnam par rtog pa yongs su chod pa'i rjes la'o/ /phyag na rdo rje ni rdo rje 'dzin pa chen po'o//rdo rje 'dzin pa thams cad ni de bzhin gshegs pa thams cad do/ /nyid kyang gang sku la sogs pa rnams te sku la sogs pa'i snying po rnams so/ /de rnams gnyis su med pas mnyam pa nyid yin te de nyid rdo rje yin pa ni tshad ma dang lung gis grub pa'i phyir ro/ /dgongs nas zhes pa ni dag pa 'jig rten pa'i ye shes kyis nges par byas nas so//cang mi gsung ba ni rnam par mi rtog pa'i ye shes 'jig rten las 'das pa'i gnas skabs su gyur pa dang ldan pa rnams so/ /'di nyid nga'i rang bzhin te bstan pa ni kun rdzob tu sngon gyi smon lam gyi stobs kyis rtogs pa med na yang 'jug par 'gyur ro//de nas thams cad mkhyen pa ma yin par thal bar 'gyur ro zhes pa ma yin par shes par bya ba'i don du'o/ /ci ltar 'di dag le'u gsum par thams cad mkhyen pa bsgrub pa'i skabs su de bzhin du kho bos rab tu bsgrubs pas 'dir ma spros so/ /gang rnams 'di'i don rang gis shes par mi nus pas cang mi gsung bar gyur pa la gzhan du rtog par byed do/de shes par bya ba'i don du de la bsams nas 'di ci'i slad du zhes pa la sogs pa gsungs so/ /'di'i don ni cang mi gsung bar gyur pa bstan pa yongs su rdzogs pa'i rgyu yin pa'am/ de la nus pa med pa'am de la gdul bya snod du gyur pa med pa yin/de la re zhig dang po ni ma yin te de yongs su rdzogs pa ni yin pa'i phyir ro/ /gnyis pa yang ma yin te/ gang gsungs pa thams cad ces pa nas rdo rje 'dzin pa zhes pa la thug pas so/ /gsum pa yang ma yin te/ gang gsungs pa/ nang na zhes pa la thug pas so//de rnams nyid 'jig rten las 'das pa gnyis su med pa'i ye shes kyi rang bzhin yin pas de kho na nyid du gzung ba dang 'dzin par sgro 'dogs pa bkag pa'i sgo nas bcom ldan 'das rnams kyis rtogs par bya bar bzhed nas gsungs pa yin te/ sku rdo rje la sogs pa rnams la brtags pa dmigs su med pa gnyis su med pa'i ye shes myong ba'i bdag nyid gang gi rang bzhin de yin no//chos kyi dbyings kyi ngo bo yin pa'i phyir 'gyur ba med pas na mi 'gyur ba yang yin la rang dang gzhan gyi don phun sum tshogs pa ma lus pa'i rten yin pa'i phyir gnas kyang yin no//de nyid brtags pa'i rang bzhin ma lus pa dang bral ba'i phyir ngo bo nyid med par mi 'gyur ba'i gnas so/ /'di nyid bsgrub pa gsungs pa/ sku mi 'gyur ba ma skyes pa/ /zhes pa ni gnyis pa dang bcu gsum par bshad zin to/ /gsung dang thugs kyang mtshan ma med/ / ces pa ni brtags pa'i rang bzhin med pa'i phyir ro/ /de ci ltar na rab tu snang ba yin zhes dogs pas thag pa la sbrul du snang ba bzhin du de rab tu snang ba yin no zhes gsungs pa/ nam mkha' rdo rje la brtags pa kun gzhi rnam par shes pa la sogs pa brgyad kyi bdag nyid rnams de las byung ba'o//de ltar yang log par ni gzhan du ste gzung ba zhes pa ni kun gzhi rnam par shes pa'o/ /'dzin pa yin zhes pa ni 'jug pa'i rnam par shes pa bdun no/ /log par 'dzin pa ni mi bden pa'i rnam par rtog pa'o/ /des nyon mongs pa can gyi chos ma lus pa bsdus pa yin te/ de ru de rnams 'dus pa yin pa'i phyir ro//gang slob dpon phyogs kyi glang pos/ 'dir ni gang zhig mi bden rtog /sems yin gang las gzhan de rtog /ji ltar rtogs pas brtags don gang / /de ni shin tu yod ma yin/ /de dag rgyu 'bras dngos po yis/ /sems ni rnam pa gnyis su 'dod/ /gang zhig kun gzhi rnam shes grags//'jug par grags pa rnam pa bdun/ /nyon mongs bag chags sa bon ni/ /bsags pa'i phyir na sems zhes bya/ /dang po'i rnam shes gnyis pa ni/ /sna tshogs rnam par 'jug pa'o/ /de nas zhes pa gal te thams cad log par gzung bas 'dzin pa yin na de ltar na de ston par byed pa'i ngag kyang de bzhin du thal bar 'gyur ro zhes pa la sogs pa'i blo gros dman pa'i gdul bya'i bsam pa yongs su chod pa'i rjes la'o//'jam pa ni mnyen pa ste nyon mongs pa dang shes bya'i sgrib pa'i rtsub pa dang bral bas so/ /bsod nams dang ye shes kyi tshogs ni dpal yin te gang gi phun sum tshogs pa yin pa de la sogs pa'o//de'i bsam pa nyid kyis gsung rab yan lag bcu gnyis kyi chos ston pa'i mtshan nyid de kho na sngar bzhin du rdo rje'i tshig ste/ de nyid phyin ci log tu 'byung bas phyin ci log gi gzung bar 'dzin pa nyid kyis mi brtag tu gsol zhes brjod do/ /tshad ma dang lung gis grub pa'i phyir de zlog par byed pa'o//de ci'i slad du zhe na zhes pa ni rang nyid dogs nas brjod pa'o/ /gzhan gyis dris na gtam 'phro chad pa dang smra ba po mi mkhas par yang 'gyur ba'o/ /de bzhin gshegs pa thams cad kyi sku dang gsung dang thugs rnams ni rdo rje'i dbyings rnams yin te/ de rnams kyi ngo bo nyid kyi spyod pa rnams ni thams cad kyi gzugs ston pas sems can gyi don yin no/ /de rnams la gshegs pa dang byon pa 'di ni de bzhin gshegs pa thams cad kyi bdag po yin no/ /gshegs pa ni dang po nyid du byang chub mngon sum du mdzad nas de ma thag tu sangs rgyas pa'o/ /byon pa ni gong nas gong du nus pa dang ldan pas rjes su byon pa nyid yin no//khams rnams ma mkhyen pa dang snying rje dang mi ldan pa'i bdag nyid du yang 'gyur ro/ /de gnyi ga yang bcom ldan 'das kyis dngos po thams cad kyi rnam pa thams cad kyi de kho na nyid rtogs pa'i phyir dang snying rje chen po la goms pa'i dngos po yin pa'i phyir yod pa ma yin no//de ci'i phyir mi bden pa'i don nyid dang de'i rdo rje'i tshig kyang yin/ de nyid kyi phyir yang dag pa ma yin pa'i yongs su rtog pa yang phyin ci log tu 'dzin pa'i ngo bos de bzhin ma yin pa'i don rnams rnam pa thams cad du yod pa ma yin pa'i phyir zhes 'phags pa byams pas gsungs pa/rtogs par rigs pa nyid yin te des na bzlog pa yin no/ /de ci'i slad du zhe na zhes pa ni sngar bzhin du dgos nas gsungs pa yin no/ /tshangs pa la sogs pa rnams yod de de ni phyi rol pa nyid de byang chub kyi sems bskyed pas byang chub sems dpa' chen po yin no/ / de nyid kyi phyir chos thams cad kyi gzung ba la sogs pa'i rnam pa phung po la sogs pa'i mtshan nyid rang gis yongs su brtags pa'o/ /ngo bo yang sgro btags pa ma lus pa dang bral ba'i gnyis su med pa ste de kho na nyid du mi shes pa'o/ /'di ltar chad par 'gyur ba'i rnam par rtog pa yin te sgro 'dogs par byed pa yin no//de bzhin gshegs pa thams cad nyid rdo rje yin la chen po ni chos kyi dbyings kyi ngo bo nyid kyis dngos po ma lus pa la khyab pa'i phyir te bdag nyid ni rang gi ngo bo gang yin pa ste de de bzhin no/ /de bzhin gshegs pa thams cad kyi chos rnams ni stobs dang mi 'jigs pa la sogs pa rnams so//dbyer med pa'i de kho na nyid ni phyin ci ma log pa'i ngo bo'o/ /gsang ba'i yi ge ni sku mi 'gyur ba ma skyes pa zhes pa la sogs pa'o/ /de lta bas na tshad mas grub kyang 'di dag mi mkhas pa de rnams kyi mdun du bcom ldan 'das la brnyas pa'i rgyus ngan song du ltung ba'i rgyu yin pas de rgyas par bshad pa ma bstan to//kho bo cag ni yang 'dir ni the tshom yod pa ma yin no/ /tshangs pa la sogs pa lta smos kyang ci dgos te/ dgongs pa mi shes pa bcom ldan 'das la brnyas pa re zhig zhog cig ces brnyas pa las bzlog ste gang gis don dam pa'i bden pa la dgongs nas ma skyes pa la sogs pa sku rdo rje la sogs pa'i gsang ba'i yi ge bstan pa ni de gsang bar byed pa ste/de nyid kyis kyang bcom ldan 'das las thos nas de kho na nyid mngon sum du byas pa ste/ sku rdo rje la sogs pa'i byang chub gzung ba la sogs pa'i rnam par ma dmigs na/ci'i phyir de bzhin gshegs pa thams cad kyi bdag po rdo rje 'dzin pa chen po ston pa po de nyid de bzhin du dmigs/ ji ltar yang shin tu rnam par dag pa gnyis su med pa myong ba'i ngo bo chos kyi dbyings kyi rang bzhin du dmigs pa de bzhin kho nar thugs rje chen po'i dbang du gyur pas don dam pa'i bden pa nyid kyis ston par byed do zhes de bzhin gshegs pa rnams kyis gsungs so//don dam par yang gzung ba la sogs pa mi dmigs pa rgyu gang gi stobs kyis des zhes dogs pa gsungs so/ /byung ba ni gzung ba la sogs pa'i rang bzhin mi 'gyur ba'i lam du gyur pa bsgom pa las yang dag par byung ba'o//skye ba med pa nyid kyi gzung ba la sogs pa rnams te/ tshad ma dang lung gis nges pas gang gis rdo rje yin pa de ni de bzhin no/ /mngon par byang chub pa ni gang gi phyir de ma dmigs pa'i phyir 'di ltar gnas so/ /gang gi phyir gnyis su med pa'i ye shes nyid byang chub yin te/de yang kun gzhi rnam par shes pa'i bdag nyid ma yin pa de bzhin gshegs pa'i snying po zhes bya ba'i ming can sems can thams cad kyi rgyud la yod de/ des na rung ba'i rjes su dpag pas/ de rnams thams cad byang chub la gnas pa bzhin du spro bar bya ba'i ched du de bzhin du brjod pa'o//de nyid kyi phyir de thob pa'i ched du rtsom pa gang yin pa de rgyu gang las byed ces dogs nas sku gsum po rdo rje'i chos nyid rang bzhin gyis rnam par byang ba'i ye shes la brten pa nyid ces brjod do/ /gang slob dpon phyogs kyi glang pos/ so so'i skye bo'i shes gang yin/ /rang bzhin gyis ni rnam byang ba'i//sangs rgyas sgra yis de la brjod/ /ci ltar rgyal ba byang chub sems/ /zhes so/ /kun rdzob kyi bden pa la brten nas log pa'i sgro 'dogs pa bsal ba'i don du thugs rje dang ldan pa de ston par byed do/ /'di nyid bcom ldan 'das kyis kyang bsgrub par mdzad pa gsungs pa/rang bzhin dag cing bdag med la/ /zhes pa ni gang la gzung ba la sogs pa de'o/ /sangs rgyas kyi chos thams cad kyi dbyings ni rgyu yin te/ rang bzhin gyis rnam par byang ba yin pa'i phyir gnas med pa'o/ /de la don dam par gnas pa la rtog pa ni yang dag pa ma yin pa'i rtog pa'i ngo bo'o//rdo rje las byung ba ni de bzhin nyid las byung ba yin te nam mkha' las byung ba'i dngos po thams cad bzhin no/ /de bsten pa ni kun rdzob tu smra ba yin la de kho na nyid du ni ma yin te/ /chos thams cad brjod pa dang bral ba'i phyir ro/ /yang dag par 'jug pa ni skye ba ma yin no/ / 'di ltar bcom ldan 'das de las dngos grub thams cad skye ba dang gnas par nges par rtogs nas de bzhin gshegs pa dang byang chub sems dpa' rnams kyang ngo mtshar skyes pa dang nam mkha' yang gang la yang mi gnas zhes pas rmad du byung ba'o/ /rdo rje ni thugs rdo rje yin la gnyis pa ni sku rdo rje yin te/rdo rje yis bshad pa zhes pa ni gsung rdo rje yis so/ /'di ci zhe na/ thugs kyi sku ni thob par 'gyur/ /thugs kyis chos ni ston byed pa/ /thugs kyis byang chub thob par byed/ /ces brjod pa'i phyir ro/ /ci'i phyir 'dir ngo mtshar zhe na/ gsungs pa/ gang du gnyis su med pa'i ye shes la lus dang ngag ces pa ni don dang sems can du snang ba'i kun gzhi rnam par shes pa dang sems shes pa bdag dang rnam par rig pa'i rab tu snang ba 'jug pa'i rnam par shes pa bdun de kho na nyid du ma dmigs pa'o//gang rgyal ba byams pas/ don dang sems can bdag rnam rig /snang ba'i rnam par shes pa ni/ /rab tu skye bo de don med/ /de med pas na de yang med/ /yang dag ma yin kun rtog nyid/ /grub pa 'di la yod pa ste/ /de bzhin thams cad med min pas/ /de zad pas na grol bar 'gyur/ /zhes so/ /de ru gzugs min zhes pa ni de'i bdag nyid de/rnam par bsgoms pa zhes pa ni zhal gsum gyi rnam par bsgoms pas mi mkhas pa rnams ngo mtshar ba yin la/ mkhas pa rnams ni ma yin te/ /brtags pa mi dmigs na yang gnyis su med pa yongs su grub pa'i ngo bo rang rig pa'i mngon sum gyis dmigs pa'i phyir mi 'gal bas so//rdo rje gsum ni tshangs pa la sogs pa ste de rnams kyi mchog ni nyan thos rnams so/ /de rnams kyi chen po ni rang rgyal ba rnams so/ /de rnams kyi yang mchog ni sa dang po nas bzung ste ji srid du sa bcu pa'i dbang phyug gi byang chub sems dpa' rnams so/ /de rnams kyi yang mchog ni 'dir dkyil 'khor pa rnams te/de rnams rdo rje gsum gyi bdag nyid can rnams so/ /sku dang gsung dang thugs dbyer med pa'i bdag po ni rdo rje gsum gyi dbang phyug go/ /rdo rje ni rigs kyi bdag po ste spyi bor bsgom par bya'o/ /rdo rje 'khor lo 'dzin pa ni mi phyed pa'i rdo rje 'dzin pa'o/ /rigs kyi bye brag gis zhes pa ni mi bskyod pa la sogs pa thams cad kyi gsang ba bsam par bya'o//gzhan du na dngos grub mchog thob par mi 'gyur te/ ting nge 'dzin gyi yan lag dang bral ba'i phyir zhes bsam pa'o/ /rang gi lha rnams mnyes pa ni rang 'od kyi shes rab la rjes su chags par 'gyur ro zhes bstan pas gsungs pa/dbyings su gyur pa ni de bzhin gshegs pa rnams bskyed pa'i sa bon du gyur pa'o/ /de nyid kyi phyir na rgyal mo ste/ gtso mo yin la de la rag las pas byang chub yin te/ chags la chags pas blta bar bya/ /zhes bcu pa las gsungs pa'i phyir ro/ /mnyes par byed ces pa ni rjes su chags par byed pa yin te/rang 'od kyi rig ma bsgom par bya'o zhes pa'i don to/ /cho ga bzhin du zhes pa ni ji lta ba bzhin du sngar brjod pa'i rim pas yin te thams cad du shes par bya'o/ /lag pa'i phyag rgya ni bya ba dang spyod pa dang rnal 'byor dang rnal 'byor bla na med pa'i rgyud du bshad pa rnams yin te bcing bar mi bya'o//gal te dngos grub mchog 'dod na/ /zhes pa ni rnal 'byor ma lus pa'i gong na med pa dpal gsang ba 'dus pa'i rgyud du brjod pa rnams so/ /'dis gzhug pa'i dgongs pas phyag rgya la sogs pa gang brjod pa'i rang bzhin lus la sogs pa'i phyi'i rnam par g.yeng ba de bsal ba yin te sems tsam nyid bsgrub par bya ba yin pa'i phyir ro//gang de brjod pa/ 'jug pa tsam gyis sangs rgyas min/ /thos pa tsam gyis mi 'gyur la/ /ci srid bsams pas ma yin te/ /bsgoms pa las ni brjod par bya/ /sngags smra ba yi brjod pa yin/ / mang du spros pa don med yin/ /khyad par gyi ni sems kyis bsgrub/ /sems las byung ba srid pa yin/ /zhes so/ /rnam pa thams cad du 'dod pa'i rgyal mo shi ba go bar byed pa'i tshul gyis phyi rol gyi bya ba'i rnam par g.yeng ba spangs nas nang gi bdag nyid kyis bsgrub po zhes pa ni ma lus pa'i gong na med par shes par bya'o//de nas zhes pa ni bza' ba'i dam tshig brjod pa de de la mngon par shes pa rnams kyi dbang du byas pa yin nam yang na lhan cig byed pa nyid la sogs pa yin zhes yang gdul bya'i the tshom rtogs pa'i rjes la'o/ /sangs rgyas thams cad kyi 'bras bu'i bdag nyid kyi dam tshig ni rgyu yin te de thob par byed pa yin pa'i phyir ro//de nyid kyi phyir gsungs pa/ smad par bya ba ma yin te/ /dam tshig nyams par 'gyur ba'i phyir ro/ /cho ga bzhin du bza' bar bya ba ni rgyud phyi ma la sogs pa las brjod pas so/ /rtag tu ni nyin mtshan kun du ste thun mtshams bzhi ru ji ltar rnyed pas so//gsang ba ni sdang ba rnams la sbas pa'i phyir te/ rdo rje gsum las byung ba ni chos nyid kyis de'i bdag nyid yin pa'i phyir ro/ /cho ga bzhin du 'dod par bya/ /zhes pa ni sngar brjod pas so/ /dam tshig thams cad ni brjod pa'i mtshan nyid de des bdag nyid thugs kyi rigs tshim par bya'o zhes pa'i don to//phung po lnga ni gzugs la sogs pa rnams te de rnams kyi rnam par dag pa ni sangs rgyas rnam pa lnga rnams su rab tu bsgrags pa yin te/ de gsungs pa/ gzugs dang tshor ba 'du shes dang / /'du byed dang ni rnam par shes bshad pa//rnam par snang mdzad la sogs bde gshegs te/ /zhes so/ /rdo rje skye mched rnams ni ye shes kyi skye mched rnams so/ /byang chub sems dpa' rnams kyi dkyil 'khor mchog ni dkyil 'khor rnams yin te byang chub kyi bdag nyid rnams kyi sems dpa' ni sa'i snying po la sogs pa rnams te nang gi bdag nyid kyi skye mched rnam par dag pa'i ngo bo rnams so/gzugs rdo rje la sogs pa rnams ni gzugs la sogs pa rnam par dag pa'i ngo bo rnams so/ /de brjod pa/ sa yi snying po phyag na rdo rje dang / /nam mkha'i snying po 'jig rten dbang phyug sgrib sel bcas/ /dpal ldan kun du bzang po zhes bya ba//de dag mig la sogs pa grangs bzhin no/ /gzugs dang sgra dang dri dang ro dag dang / /reg bya dang ni chos dbyings rdo rje dang / /zhes so/ /phung po dang skye mched kyi rnam par dag pa brjod nas khams kyi rnam par dag pa gsungs pa/ sa'i khams kyi rnam par dag pa ni spyan yin la/chu'i khams de'i rnam par dag pa'i rang bzhin ni mA ma kI'o/ /sgrol ma dang gos dkar mor grags pa ni me dang rlung gi rang bzhin dag go/ /de gsungs pa/ sa dang chu dang me dang rlung rnams kyi/ /ngo bo nyid gyur spyan la sogs par grags/ /zhes so/ /nam mkha'i khams kyi rnam par dag pa gsungs pa mkha' dbyings rdo rje'i dam tshig ni de rnam par dag pa'o//de nyid rdo rje 'dzin pa ni kun du bzang po ste/ de de bzhin gshegs pa thams cad kyi bskyed pa'i rten chos kyi 'byung gnas so/ /gsungs pa yang yin te/ nam mkha'i nang gi ngo bo rdo rje 'dzin/ / kun du bzang po las byung ba/ /zhes so/ /rdo rje slob dpon gyi rmad du byung ba'i yon tan 'don par byas pas ma 'ongs pa'i gdul bya rnams gus par mi byed pa dmyal ba la sogs par ltung ba yongs su spang ba'i don du 'khor gyi dkyil 'khor la gzigs nas cang mi gsung bar gyur pas ston par bzhed nas zur gyis ston to//bcom ldan 'das byams pas kyang ston pa'i dus la bab bo zhes bcom ldan 'das kyis dgongs pa shes nas de bzhin gshegs pa rnams la phyag 'tshal te gsol to/ /dbang bskur ba ni mchog gi dbang bskur ba'o/ /rdo rje slob dpon ni dbyer mi phyed pa'i slob dpon no//byang chub kyi sems rdo rje zhes pa ni ston pa'i sgo nas de dang 'dra ba'i don gyi bya ba byed pa'i phyir ro/ /ci srid du mdor bsdus pa'i sgo nas bstan par bya'o zhes pa la sogs pas gal te rgyas par sngags ni rdo rje slob dpon gyi yon tan rnams la mtha' med do zhes ston to/ / bzhugs pa ni rang gi 'jig rten gyi khams na'o/ /'tsho ba ni mya ngan las mi 'da' ba'i chos nyid kyis so/ /skyong ba sems can gyi don gyi spyod pa'o/ /sangs rgyas thams cad kyi ye shes rnams kyi snying por gyur pa ni bskyed pa'i sa bon du gyur pa yin te/ byang chub kyi sems skyed par byed pa'i slob dpon dang de'i bdag nyid kyang yin no//de nyid kyi phyir rang gi skyed pa po byang chub kyi sems de bzhin gshegs pa thams cad kyi skyed pa sa bon du gyur pa la phyag 'tshal bar byed do/ /dge ba dang mi dge ba la 'jug pa dang ldog pa'i yan lag ni slob dpon yin la bla na med pa'i chos kyi sku la gnas pa'i de bzhin gshegs pa rnams kyi ston pa yin te/bcom ldan 'das kyis rjes su gnang ba mchog tu gyur pas 'gro ba rjes su 'dzin pa'i phyir yang byas pa drin du gzo bas phyag 'tshal ba yin te dper na gnyug ma'i 'khor ba kha cig thams cad du yang kho bo cag gis gso bar byed pa dang 'phel bar byed pa yin no zhes byas pa drin du gzo ba rjod par byed pa bzhin no//de bzhin gshegs pa rnams ni sems can gyi don bor te/ don cung zad kyang yod pa ma yin no/ /de lta bas na gang 'di dag khyad du gsod pa na de bzhin gshegs pa'i sa bon de sun phyung ba yin te yid ma gzhungs pa la mngon par mtho ba dang nges par legs pa'i rgyu nyid yod pa ma yin te de bas na de bzhin gshegs pa la ngan sems kyis khrag phyung ba'i mtshams med pa'i las byed pa nyid sla'i kha na ma tho ba thams cad las mngon par 'byin pa'i rgyu la bcos su med pa'i las yin pas de la brnyas pa byed pa ni de lta ma yin no//ji ltar yang 'di bzhin du kho bo cag gis de ltar gtan la phab ste lnga pa la sogs pa de nyid du shes par bya'o/ /'jigs pa ni ma 'ongs pa'i rnal 'byor pa la bslab pa'i ched du'o/ /cang mi smra bar gyur pa ni don gyi bden pa shes par bya ba'i ched du'o/ /'di nyid spros te gsungs pa/de nas zhes bya ba la sogs pa'o/ /gang dang gang gi tshe yang bsgom par mi nus pa de'i tshe thugs kar slob dpon ye shes sems dpa'i ngo bo bsgom par byas nas dbang bskur brtsam par bya ste/ de ni sangs rgyas kun dang mnyam/ /zhes kha cig go/ /bla ma'i man ngag nyid las 'di'i don go bar bya'o zhes gzhan dag go//dbang bskur ba yi gnas gsum gyis/ /zhes pa la rim pas rnam par snang mdzad la sogs pas nam mkha'i khams yongs su gang bar bsams te/ de nyid 'dod chags kyi me 'bar bas zhu bar gyur pa des bdag nyid ji lta ba bzhin du dbang bskur bar bsam par bya'o//'bras bu mchog gi don du rig pa'i brtul zhugs spyad pas gtan du bsgrub pa la thug pa kho na dbang bskur bar bya'o zhes pa'i don to/ /de nyid kyi 'bras bu gsungs pa/ byang chub 'di yis thob par 'gyur/ /zhes te gzhan dag go/ /bsam gtan rdo rje sbyor ba yis//zhes pa ni rang gi dkyil 'khor la gnas pa rdo rje 'dzin pa chen po'i rnal 'byor dang ldan pas rig pa'i pad+ma na gnas pa'i byang chub kyi sems kyi zla ba la hUM hrIH kha~M bkod de de las byung ba'i 'od zer gyi tshogs kyis nam mkha'i khams khyab pa'i de bzhin gshegs pa rnams la reg nas rdo rje mkha' 'gro'i gzugs kyi rnam pa rnams bsdus te de la bcug nas de yongs su gyur pa las rdo rje mkha' 'gro bsgom par bya ste/hUM hrIHkhaM zhes pa brjod pa dang ldan pas spro bar bya'o/ /des sdang ba rnams kyi khrag la sogs pa 'phrog tu bcug nas de bzhin du blangs nas rang gi lus po la bcug ste/ thams cad du yongs su gyur pa las bdag nyid rdo rje mkha' 'gror bsgom par bya'o/ /de ji lta bu zhe na/ gsungs pa/ drag po zhes pa la sogs pa ste/ sdang ba gsad pa'i bsam pa dang ldan pa mi sdug pa'i mche ba gtsigs pa/ khros pa'i zhal ut+pal sngon po dang 'dra ba phyag bzhi pa ste g.yas pa dag na khro bo'i rdo rje dang 'bar ba'i phur bu 'dzin pa g.yon pas ma mchu la reg pa'i thod pa dang gnyis pas rtse gsum 'dzin pa rdo rje mkha' 'gro ma dang snyoms par zhugs pa bsams te/mdun gyi nam mkha'i phyogs su yi ge khaM las byung ba'i bsgrub bya mar gyi bum pa dang 'dra ba/ khrag dang sha dang rus pas bkang ba bsams la de'i dbus dang 'og dang g.yas dang steng dang g.yon phyogs rnams su lag pa'i phur bus bug pa lnga byas te/yi ge hrIHsbyin gyis brlabs pa'i rang gi lce las byung ba go rims ji lta bar sngon po dang dkar po dang ser po dang dmar po dang ljang gu'i kha dog gi 'od zer rnams bug pa lnga rnams su zhugs pa rnams kyis de'i khrag bkug ste/rang gi kha gang bar bsgom par bya'o/ /rdo rje mkha' 'gro'i rnal 'byor 'di yis nges par khrag 'gugs par 'gyur ro/ /de la sdang ba kha cig la nad skyed par 'dod na de'i tshe rnal 'byor 'di nyid kyi rtse gsum pa la sogs pa rnams kyis yang dag par gnod par bya ste shes pa med par byas par bsgom par bya'o//bza' ba'am zhes pa la sogs pa la gang cung zad bza' bar bya ba dang / blag par bya ba la sogs pa de la bshang ba la sogs pa bzhin du dag pa la sogs pas yang dag par sbyangs te sngar bzhin du bza' bar bya'o/ /mchod pa'i yo byad lnga zhes pa la sogs pa la dkyil 'khor gyi lha thams cad dang bdag nyid la yang rnam par dag pa'i bdud rtsi lngas mchod par bya'o//'di ni de bzhin gshegs pa thams cad kyi dam tshig 'da' bar bya ba ma yin pa'o/ /sba bar bya ba yin pa'i phyir mchod pa gsang ba'o/ /dbang po gnyis kyi sbyor ba yis/ /zhes pa la rjes su chags pa'i dus su las la gnas par gyur pas byang chub kyi sems kyis gang ba'i rdo rje chu'i bum pa dang 'dra ba nam mkha'i khams yongs su bkang ste/de yang byang chub kyi sems kyi rdul phra rab dang 'dra bas rang gi rig ma dang gnyis su med par gyur pa'i de bzhin gshegs pa'i tshogs su byas la de dag rang gi lha mo'i pad+mar bcug ste/ye shes kyi bdud rtsi'i rnam par gyur par bsgom par bya'o/ /de nas des pad+ma la gnas pa'i rdo rje drangs te rang byung gi me tog dang ldan pa'i ye shes bdud rtsi yis rang gi lus la gnas pa'i lha tshogs dang dkyil 'khor pa yang tshim par bya'o/ /de'i phyir gsungs pa/ bdag gi khu sogs yongs bzung bas/ /zhes so/ /'dis phyi dang nang gi lha'i 'khor lo cho ga bzhin du mchod na/ sangs rgyas byang chub thob par 'gyur ro/ /de bzhin gshegs pa thams cad kyi rang bzhin gyi rnam par byang ba'i ye shes kyi bdag nyid bla na med pa'i byang chub la 'ching bar byed pa rnams ni lus dang ngag dang yid rnams sdom par byed pas na sdom pa'o//sems can gyi khams ma lus pa bskyed pa'i sa bon du gyur pa 'dzin par byed pa ma yin te dam tshig 'dzin ma'o/ /dam tshig gsum gyis rdo rjes spyad/ /ces pa las rgyud las bshad pa'i dam tshig dang sdom pa dang de kho na la mkhas pa rang gi lus la sogs pa byin gyis brlabs pa mtha' yas pa'i cho ga'i rjes la sngar bzhin du bla ma'i man ngag las spyad par bya'o//dam tshig 'di ni kha phyir phyogs pa rnams kyi spyod yul ma yin pa'i phyir rmad po che'o/ /lus dang ngag sems longs spyod la/ /zhes pa la rdo rje gsum gyi ni dbyer mi phyed pa'i lha'i gzugs so//de gang las byung zhe na/ gsungs pa/ gsang ba gsum ste rdo rje sems dpa'o/ /de'i gnas ni chos kyi 'byung gnas su grags pa ste de nyid rdo rje yin la de las skyes pa'o/ /bzang po dag gis bsgrub par bya/ /zhes pa ni 'di ltar gyur pa'i dge ba'i bdag nyid mngon du bya'o zhes mos pa bskyed nas bsgom par bya'o//bdag la 'dir 'jig the tshom med pa ni bdag la 'dir 'jig pa'i the tshom yod pa yang ma yin te/ tshad ma dang lung gis nges nas 'jug pa'i phyir ro/ /sgrub pa po thams cad nyid rdo rje sems dpa' ste nga'i sdom pa'o//mtho gang las ni de'i tshad las ma 'das pa ste/ spyi bor dkyil 'khor ni zla ba'i dkyil 'khor yin la brtags pa ni bsgom pa'o/ /bdud rtsi lnga'i dkyil 'khor gyi dbus der oM yig bsams nas rang gi lus la sogs pa la ye shes kyi bdud rtsi dbab par bya'o/ /de skad du gsungs pa/gnyug ma'i snying po de nyid nges rtogs pas/ /sems kyi spyod pas skyo bas zhum gyur na/ /rig pa'i tshogs kyis yang dag glur blangs pas/ /rab tu bskul nas yang dag mchod par bya/ /sems bzang po yi chu rgyun srog dang ni/ /rtsol ba'i 'od kyi lcags kyus drangs nas ni//cho ga ji bzhin sku rdo rje la sogs/ /nges par dbab pas skyo ba bsal bar bya/ /zhes so/ /sngags thams cad ni phung po la sogs pa byin gyis brlab par byed pa'i lha rnams so/ /de 'dzin pa ni nyin mtshan du rnal 'byor byed pa ste sngags 'dzin pa ni sgrub po'o/ /de'i sku la sogs pa ni gsang ba 'chad par 'gyur ba'o//sems las skyes pa ni sems las byung ba ste/ de'i las ni nyin mtshan du bdag nyid lhar bsgom pa'i ngo bo'o/ /de yongs su bor nas 'jim pa la sogs pa'i mchod rten gyi las mi bya'o/ /de bzhin du glegs bam bklag pa la sogs pa yang ngo / /dngos po bsgom pa la dga' bar ma gyur na de la yang 'gal ba med do zhes so//gal te de ltar ma bshad na de'i tshe rgyal po bsten pa dang bud med bsten pa dang nor sogs pa la sogs pas brel ba rnams la yang mchod rten gyi las bkag par 'gyur ro/ /bcom ldan 'das kyis ni bsod nams phra mo'i yang bar chad du 'gyur ba ston pa ma yin no//'khor lo'i dbus su chud par gzhag /ces pa la sogs pa la b+h+rUM yig las skyes pa'i gtsug tor 'khor los sgyur ba'i rnal 'byor ram/ oM yig las byung ba'i rnam par snang mdzad kyi rnal 'byor bya ste/ lag pa g.yas par b+h+rUM de nyid las 'khor lo rtsibs brgyad pa'i lte ba la b+h+rUM yig 'od zer dkar po can bsams pas dug gis gnod pa'i lus la 'od zer gzhug pa dang phyir 'byung ba dang byabs pas dug dbrog par bya'o//sbyor ba la sogs pa thams cad ser por dmigs te/ ser po'i 'od zer rnams kyis de dgang bar bsgom par bya'o//de bzhin du du ba lta bu'i 'od zer rnams kyis khams gsum na gnas pa'i dug rnams bkug ste/ gang du 'dod pa de dang der dbab par bya'o/ /gro ba la sogs 'khor lo la/ /zhes pa ni rtsibs brgyad pa'o/ /las kyi rdo rje la gnas pa/ zhes pa ni rtse mo nyi shu pa'i sna tshogs rdo rje la gnas pa'o/ /ji lta ba bzhin du rnam par snang mdzad kyi rnal 'byor dang ldan pas gro ga dang ras la sogs pa la skyes pa bsrung ba'i don du gur gum dang bud med kyi dbang du byas te gi wang gis ji skad du brjod pa'i rdo rje'i lte ba la 'khor lo rtsibs brgyad pa bris la de'i lte ba la mgo bo zur gsum pa zla ba phyed pa dang thig le dang ldan pa'i haM yig gi lte bar oM AHdzi na dzika swA hA che ge mo'i rak+ShaM ku ru swA hA hUM zhes pa bsgrub bya'i ming sngags kyi nang du bcug pa bris la/shar phyogs la sogs rtsibs kyi dbus rnams su mi bskyod pa la sogs pa de bzhin gshegs pa bzhi po'i 'byin pa'i snying po rnams so//de rnams kyi mtha' rnams su 'phags pa gshin rje gshed la sogs pa'i snying po rnams so/ /me mtshams la sogs pa'i zur rnams kyi rtsibs la spyan la sogs pa'i lha mo bzhi'i snying po rnams so/ /mtshams rnams su yi ge gsum mo//'khor lo'i mu khyud la oM hu lu hu lu tiSh+Tha tiSh+Tha che ge mo'i nye bar gnod pa la sogs pa rnams/ ban+d+ha ban+d+ha/ ha na ha na/ da ha da ha/ a mr-i ta hUM phaT ces pas bskor te bri bar bya'o/ /de nas rang gi snying po rnams kyis rnam par snang mdzad la sogs pa 'khor lo'i gnas ji lta ba rnams su bskyed nas mu khyud la bkod pa'i yi ge so so las grub pa'i 'phags pa bdud rtsi 'khyil pa'i tshogs kyis yongs su bskor ba bltas te rnam par snang mdzad kyi thugs kar zla ba'i dkyil 'khor la ming las byung ba'i rdo rje'i lus kyi bsgrub bya haM yig las byung ba'i go chas go bgos par bsams te dam tshig gi 'khor lo la ye shes kyi 'khor lo nang du chud pa sngon du song ba la bla na yod pa dang bcas pa'i mchod pa rnams kyis mchod par bya'o zhes kha cig go//bla ma'i man ngag las phyir bzlog pa 'di'i don go bar bya'o zhes gzhan dag go/ /de la brten nas bzlas pa 'bum byas pa nag po'i bcu bzhi la phyi rol gyi lus can ma dang kha dog dmar po'i 'dod pa'i lha'i rnal 'byor dang ldan pas ji ltar brjod pa'i gnas gang yang rung bar yid kyis rang gi dkyil 'khor yongs su brtags pa/de'i dbus su kha thur du phub pa'i thod pa gsum gyi steng du bdud rtsi lnga dang ldan pa'i chang gis bskus pa'i kha 'og tu bstan pa'i thod pa la bzhag nas de'i 'og tu bdud rtsi lnga po cung zad dang ldan pa'i snum chen pos yongs su gang ba'i thod pa bzhag la bdud rtsi lnga dang bcas pa'i arka'i bal la pad+ma'i skud pas dkris pa sdong bu mar me sbar la nam phyed na thod pa gcig la gnas nas thod pa gnyis la pus mo gnyis rab tu bzhag ste/snyoms par zhugs par gnas te rang gi sngags zlos pas du ba dbab par bya'o/ /de nas de yang dag par blangs la bdud rtsi dang bcas pa'i snum chen pos sbyar la/ ras bzang po la phur bar byas te rig ma'i pad+mar bcug nas de'i sbyor ba dang ldan pas de nyid kyi gnas su dro ba dang du ba dang 'bar ba mtshon te rang gi sngags brgya rtsa brgyad bzlas par bya'o/ /des dro bar gyur pa mig la bskus na sa gzhi thams cad du skad cig kho nas 'gro ba dang 'ong bar 'gyur zhing sa la spyod pa dang sems can thams cad dbang du 'gyur ro//du bar gyur pas nam mkha' la 'gro ba dang de na gnas pa'i sems can thams cad dbang du yang 'gyur ro/ /'bar bar gyur na nam mkha' thams cad du 'gro ba dang sems can dbang du 'gyur ba'i rnam pa gsum gyi dngos grub tu 'gyur ro//dam pa'i chos 'di bshad pa na snod ma yin pa rnams te de bzhin gshegs pa thams cad kyi gsang ba'i dam tshig la mos pa nyams par 'gyur ro/ /dam tshig yongs su skyong ba sngon du song bas ji skad brjod pa'i bsgom pa lhas byin gyis brlabs pa'i khyad par skad cig ma la sogs pa la ltos par gsungs pa/skad cig thang cig ces pa la sogs pa'o/ /sdug bsngal gsum zhes pa ni lus la sogs pa'i'o/ /gsang ba gsum ni sku la sogs pa'i mtshan nyid rnams so/ /de nyid mi 'gyur ba ste don dam par de bzhin nyid kyi rang bzhin nyid yin pa'i phyir ro//de la snod ma yin pa ming thos pa tsam la yang ste gcig tu thos pa dang bsam pa dang bsgom pa la ni ma yin no/ /de bzhin du 'di'i che ba bsam par 'gyur ro/ /de'i phyir de nyid gsungs pa/ yi ge ni thun mong ste zhes so/ /gsang ba'i yi ge gsum po rnam par dag pa'i phyir zhes pa 'dis sgyu ma lta bu'i shes rab dang thabs kyis bsgom pa'i dngos po'i thabs gsungs pa yin no//de bzhin gshegs pa thams cad kyi sku dang gsung dang thugs rdo rje ni kun du bzang po'o/ /de'i bdag nyid kyi btsun mo'i rang bzhin gyi shes rab ste/ de'i gsang ba'i chu skyes kyi ze 'bru la de bzhin gshegs pa thams cad 'dod pa'i lha'i 'khor lo'i gzugs dri za'i sems can gyi gzugs kyi tshul gyis shes bzhin nyid du zhugs so zhes pa'i don to//gang slob dpon dbyig gnyen gyis gsungs pa/ gcig ni shes bzhin du 'jug go/ /gzhan ni gnas pa yang gzhan ni//'byung ba'ang gzhan ni thams cad rmongs/ /sgo nga las skyes rtag tu'o/ /mngal du 'jug pa gsum dag ste/ /'khor los sgyur dang rang byung gnyis/ /las sam ye shes sam gnyi ga /rgya che'i phyir na go rims bzhin/ /zhes so/ /de nas shes pa la hoHyig gnyis dang spel ba'i yi ge gsum po shes rab kyi 'dod chags chen po'i me yis zla ba zhu bar gyur pa'i 'od zer gyis thabs dang shes rab kyi sku gnyis zhu ba'i 'od zer gyis bskul ba de bzhin gshegs pa thams cad kyi 'od zer gyis sprul pa byams pa la sogs pa'i rang bzhin mA ma kI la sogs pa rang rang gi gnas su gnas pa'i rjes la'o//phyag rgya bzhi/ dkyil 'khor der ni brtag par bya/ /zhes rgyud phyi ma las so/ /de gsungs pa/ bshes mchog ltar snang phyogs lha mos/ /glu yi gsol bas legs par bskul/ /zhes so/ /yon tan brjod pa'i sgo nas bstod pa brjod pa'o//thugs rdo rje la byams pa chen po la sogs pa'i sgo nas so/ /khyod ni rdo rje'i thugs ni gzung ba dang 'dzin pa dang bral ba'i mi phyed pa'i thugs so/ /gnas ni dkyil 'khor te der dbang phyug go/ /sems can gyi khams ni bskyed pa'i sa bon yin pa'i phyir ro/ /bdag la bskyab tu gsol ba ni sems can gyi don nyid de/bdag la bskyab tu gsol cig par sems so/ /dga' ba yid 'ong yang don chen po bsgrub pa'i phyir te 'dod pa yang yin no/ /de yis 'dod pas bdag la 'dod par mdzod cig pa'o/ /bdag la dgyes par mdzod cig pa ni 'gro ba ma lus pa'i don byed pa'i mtshan nyid do//de bzhin du gzhan la yang ngo / /sems can yab chen ni de bzhin gshegs pa thams cad bskyed pa'i phyir ro/ /gnyen mchog ni gong na med par sems can thams cad kyi don byed par brtson pa'i phyir ro/ /bdag la ni kho bo la'o/ /'gro ba ma lus pa rjes su 'dzin pa 'di ni gson pa zhes bsams so//gang las 'di ltar zhe na/ gang gi phyir khyod rdo rje thugs yin pa'i rgyus so/ /sangs rgyas spyan ma ni de bzhin gshegs pa'i rigs rnam par dag pa'i rang bzhin no/ /rdo rje sku khyod ces pa ni sku rdo rje'i sgo nas bstod pa gsungs so/ /mang po rnams gang la dga' ba de'i tshe bka' tsam gyis sgrub par byed pa ni sems can mang po la dga' ba'i bka'i 'khor lo'o//sangs rgyas kyi don ni byang chub pa ste de nyid don dam pa'o/ /de nyid phan pa rjes su ston pa'o/ /bdag ni kho mo ste dgyes par mdzod cig go/ /gang gis she na/ chags pa ste rnam par dag pas so//ji ltar du gyur pas she na/ 'dod chags nyid dam tshig ste de nyid gang la yod pas so/ /ci'i phyir 'di ltar yin zhe na/ gang gi phyir khyod rdo rje sku yin pa'i rgyus so/ /'jig rten dbang phyug sku la sogs pa'i rdo rje can ni gtso mo ste de'i rang bzhin yin pa'i phyir ro/ / dang por byang chub mchog tu sems bskyed nas ji srid du bla na med pa yang dag par rdzogs pa'i byang chub pa'i bar du gzhan du gsung mi srid pas rdo rje gsung ngo / /sems can mtha' dag gi khams la phan zhing thugs brtse ba'i ngang tshul lo/ /'jig rten dag gi don ni skal ba ji lta bar mtho ris dang thar pa'i mtshan nyid do//de nyid nyams su len pa'i phyir 'bras bu'o/ /de'i rgyu la rtag tu 'khor ba ji srid kyi bar du 'jug pas so/ /rab dga' ni shin tu zab pa dang ldan pa shes rab dang thabs kyi rang bzhin dri ma med pa bde ba chen po bshad zin pa ste/ de'i bdag nyid kyi spyod pa gang yin pa'o//kun nas bzang bar gyur pa dge ba nyid gang gi phyir sems can thams cad la sgrub par byed pa de de bzhin no/ /gang gi phyir 'di ltar yin zhe na/ gang gi phyir khyod brjod ma thag pa'i rdo rje gsung yin pas so/ /dam tshig rdo rje ni btsun mo ste de'i rigs so/ /rdo rje'i 'dod pa ni 'gro ba ma lus pa'i don byed pa'i ched du ma nyams pa'i 'dod pa'o//dam tshig ni 'da' bar bya ba ma yin pa rnams te mchog gi phan pa chen po bla na med pa'i byang chub bo/ /de nyid gzhan gyi don ma lus par sgrub par byed pas don te dgos pa gang yin pa de de bzhin no/ /sangs rgyas rnams kyi gsung gi thig le ni dkyil 'khor gyi bdag po yin pa'i phyir ro//mnyam pa nyid ni gnod pa byed pa dang phan pa byed pa la mnyam por gyur pa'i rjes su brtse ba'i ngang tshul lo/ /ci khyod gang gis khyod kyi 'dod pa rdzogs par byed ce na/ gsungs pa/ yon tan phung po stobs bcu la sogs pa'i gter 'di nyid kyi phyir/rin chen mang po'i gter du gyur pa'o/ /gang gi phyir 'di thams cad rdzogs par 'gyur zhe na/ brjod pa gang gi phyir 'di ltar brjod ma thag pa'i rdo rje'i 'dod pa yin pa'i phyir ro/ /de bzhin du thams cad du yang gzhan gyi don du bskul ba ni rgyu dang ldan pa bsgom par bya'o//de gsungs pa/ spyan la sogs pa'i lha mo rnams kyis ni/ glu yi sgra yis bskul ba byas par bsam/ /zhes so/ /de nas zhes pa ni dri za'i sems can gyi tshul gyis 'dod pa'i lha'i 'khor lo zhugs pa la sogs pa'i rjes la'o/ /'di dag thams cad kyang mngal gyi skye gnas las byung yang bla na med pa'i mngon par byang chub pa srid do zhes de 'dra ba'i sems can spro bas lam de la gzhug pa'i phyir bstan pa yin no//de bzhin gshegs pa thams cad kyi btsun mo ni rang 'od kyi shes rab kyi nang du chud pa'i mA ma kI la sogs pa rnams so/ / dam tshig gi rdo rje zhes pa ni ji skad brjod pa'i gsang ba'i rdo rjes longs spyod pa na 'dod chags chen po'i tshul gyis ting nge 'dzin la yang dag par snyoms par zhugs pa cang mi gsung bar gyur to/ /rang rig pa mngon sum gyis rtogs par bya ba bde ba chen po'i mtshan nyid ni sgra yis rtogs par bya bar mi nus par rtogs par bya ba'i ched du'o//de nas zhes pa ni shes rab kyi 'dod chags chen pos zla ba zhu ba'i ngo bo sngon du song ba'i hoH dang spel ba'i yi ge gsum gyi 'od zer gyi tshogs kyis reg pa'i shes rab dang thabs kyi lus gnyis po zla ba zhu bar gyur pa'i rjes la'o/ /de bzhin gshegs pa thams cad kyi sku dang gsung dang thugs rdo rje nyid dam tshig gi khu ba ste gnyis su med pa'i chos kyi dbyings kyi ngo bo des so//bdag nyid dbus su gnas byas la/ /'khor lo can kun bsdu bar bya/ /thams cad rdo rje dngos byas la/ /de 'og byang chub bsgom par bya/ /bskul ba'i glu dbyangs bzhi yis ni//lha mos snying po bskul ba yis/ /zhes rgyud phyi ma las so/ /de gsungs pa/ oM AHhUM zhes bya ba'i sems nyid ni/ /'od ldan hoH dang spel ba cho ga bzhin/ /pad+ma'i nang du zhugs pa mnyam med pa/ /shes rab chags pas zhu bar byas par bsam/ / de yi 'od kyi mthu yis gnyis ka yang / /zla ba zhu bar byas par mthong ba dang / /zhes so/ /de nas zhes pa ni rdo rje dpal gyis reg pa'i rjes la'o/ /rdo rje nam mkha'i dbyings zhes pa kun du bzang po'i rang 'od kyi shes rab kyi chos kyi 'byung gnas su'o/ /sems can zhes pa ni dbang bskur ba'i don du zhugs pa rnams so//rdo rje'i dpal gyis reg pa ni bla ma'i man ngag las gsang ba'i dbang bskur ba rnams so/ /de nyid kyi phyir gsungs pa/ de bzhin gshegs pa thams cad kyi sku dang gsung dang thugs rdo rje dbang bskur bar gyur to zhes so/ /thams cad ces pa ni skal ba ji lta ba'o//yang dag par rdzogs pa'i sangs rgyas zhes pa ni sa'i snying po la sogs pa mi bskyod pa la thug pa'o/ /grub pa'i dngul chus zangs gser du byed pa bzhin du gnas gyur pas yang dag par rdzogs pa rnams so/ /'di yang le'u dang po nyid du bsgrubs pas de nyid du rtogs par bya'o/ / de bzhin gshegs pa thams cad ces pa ni sa'i snying po la sogs pa mi bskyod pa la thug pa rnams so/ /mngon par byung nas zhes pa ni sa bon k+Shi la sogs pa brjod cing de kho na nyid la bskul bas 'gro ba ma lus pa'i don byed pa'i ched du chos ston pa'i sgo nas kun du bzang po'i rang 'od kyi 'byung gnas las so//nam mkha'i rdo rje dam tshig dang mtshungs pa'i phyir zhes pa ni gzung ba la sogs pa sgro 'dogs pa de kho na nyid du mi dmigs pa'i phyir na 'dod chags la sogs pa'i rtsa ba yin te rnam rtog gi yul yin pas zhes rnam 'grel las so/ /skal ba yod ces pa ni dbang bskur ba thob pas mos pa'i khyad par thob pa'i phyir ro//rigs kyi bu so sor zung shig ces pa la sogs pas bcom ldan 'das kyis rdo rje chos sdud pa byed pa por bstan pa yin no/ /de bzhin gshegs pa thams cad kyi dam tshig gi de kho na nyid ni dpal gsang ba 'dus pa'o/ /khyod kyang chos lung dang rtogs pa'i mtshan nyid rnams la dbang phyug rdo rje rgyal po zhes ming gi dbang bskur bas dbang bskur ba'o//rdo rje gsum gyi sngags kyi yi ge'i gnas/ oM yig la sogs pa rnams la las dang po pa dang ye shes 'jug pa thob pa dag gi ting nge 'dzin bsdu ba bstan pa yin no/ /de gsungs pa//bstod dang mchod sogs gshegs su gsol ba la/ /sngags pas rab tu 'bad de rnams bya zhing / /oM la sogs par 'khor lo bsdus nas ni/ /sku la sogs pa rtag par bsgom par bya/ /zhes so/ /de nas de bzhin gshegs pa zhes pa la sogs pas 'di gsungs pa yin te/ yi ge oM la sogs pa rnams su ji lta bar rang gi dkyil 'khor pa rnams nang du bsdu ba'o/ /rnam par snang mdzad ni khams gsum pa thams cad kyi lus rdo rje la'o/ /'od dpag tu med pa ni khams gsum pa thams cad kyi ngag rdo rje la'o/ /rdo rje 'dzin pa ni de bzhin gshegs pa thams cad kyi thugs rdo rje la'o//sku dang gsung dang thugs thams cad mnyam pa nyid kyi sbyor bas bsam par bya'o zhes so/ /'di zhes pa ni brjod ma thag pa ste/ 'di skad ces pa la sogs pa'i rgyud bcom ldan 'das kyis gsungs so zhes sdud par byed pa pos brjod do/ /de bzhin gshegs pa thams cad kyi dam tshig kyang yin la sdom pa yang yin te de nyid rdo rje yin la des byin gyis brlabs pa'i rdo rje yin no//dpal gsang ba 'dus pa'i rgyan las le'u bcu bdun pa'o// //dpal ldan gsang ba 'dus pa'i lugs ni dri med bshad pa'i bdag gi bsod nams gang //dri med thob pa mu stegs tshogs ni gzhan gyis mi thob shin tu rmad du byung / /dpal ldan gsang ba 'dus pa'i lugs dang bral bas thob pa ma yin rang rig pa/ /de yis 'di ni dri med shin tu dag pa bde rtogs 'jig rten sbas par shog /bla ma'i man ngag rgyud kyi don/ /tshad ma'i don ni gang gzung la//bdag ni 'di la 'khrul pa de/ /'di ni sangs rgyas spyod yul yin/ /'grel bshad mang po yang dag bltas/ /blo gros chen pos rab rtogs pa/ /'jam rdor mchog gi rnal 'byor pa/ /dri med sbas pas byas pa yin/ /chos la sems pa rtag tu sbyangs//chos kyi gnas ni rjes mthun pa/ /chos kyi 'byung gnas grogs gyur pas/ /chos bshad shin tu dri ma med/ /dpal ldan gsang ba 'dus pa ni/ /tshad ma lung gi spyod yul la/ /tshad ma lung gi grub pa nyid/ /'jug pa rgyan du byas pa yin/ /lus sogs dag pa 'jig rten na//rgyan zhes bya bar grags pa yin/ /rgyan la sogs pa yongs mdzes pa/ /gur gum la sogs byugs pas so/ /de phyir de yi yul rnams la/ /de la gnod pa rnam spangs pas/ /'jug pa'i yan lag tshad nyid las/ /shes rab pha rol phyin sogs bzhin/ /mngon sum yul la mngon sum dang //rjes dpag yul la de yis ni/ /'di dag gi ni yul min la/ /rang gis gnod min mi slu bas/ /mngon sum dang ni rjes dpag dang / /gnyis po yis kyang mi gnod pa/ /mthong dang ma mthong don 'di la/ /mi gnod pas na de don yin/ /sa steng na ni gang gi spyi bor des go ba//ye shes zhabs kyi zhabs kyi rdul gyis legs par gtsang / /bstan bcos 'di yis rnam pa kun du yongs su ngal/ /gang yang der ni zab mo gsal bar mi 'gyur ro/ /ji ltar 'di ni de bzhin du/ /tshig don bsdu bshad la sogs gsal/ /bsnyen pa rdo rje bzhi po yang / /kho bos yang dag bstan pa yin//dpal gsang ba 'dus pa'i rgyan zhes bya ba/ slob dpon dri med sbas pas mdzad pa rdzogs so// //paN+Di ta su na pa shrI mi tra dang / bod kyi lo tsA ba dge slong dar ma grags kyis bsgyur cing zhus te gtan la phab pa'o// //