CLOSE WINDOW

D1846
བོད་ཡིག

@##/ /rgya gar skad du/ rat+na par+shA nA ma ra ha s+ya sa ma dza br-it+ti/ bod skad du/ rin po che'i ljon shing zhes bya ba gsang ba 'dus pa'i 'grel pa/ dpal rdo rje sems dpa' la phyag 'tshal lo//gang gis dngos kun gdod nas gsal bas mkha' bzhin zhi zhing dag /yang dag gsal bas bsres pa'i 'khor lo kun 'das rab bzlog pa/ /rtag sogs rgyal ba skyed byed 'gro kun de nyid gcig pa po//khyab bdag dpal ldan rdo rje sems dpa' de la phyag 'tshal lo/ /de yi gzugs tshor 'du shes 'du byed rnam par shes pa rnams/ /'khrul dang bral bas dri med phung po dngos por grub pa ste//'dod chags la sogs thabs kyis nges spyod mngon par byang chub phyir/ /sems don bdag bcas rnam rig la sogs rtag sogs de la 'dud/ /sa chu me rlung rang bzhin gyur cing tshangs spyod bzhi las skyes//'jo sgeg rol gdung rab tu brod pa'i yi dags gang gi sems/ /sgyu ma'i sku yis rang sbyor mtha' ru de sgrol rab mkhas pa/ /rdo rje theg par 'gro ba'i lam mchog spyan sogs de la 'dud//de bzhin mig la sogs pa'i gti mug dam tshig las byung zhing / /ma ning gnas su rgyas btab de la thams cad mkhyen pa ste/ /rig pa'i rgyal pos lha yi mig sogs gang la stsol mdzad pa//sa snying la sogs sems dpa'i tshogs chen de la rab tu 'dud/ /gzugs la sogs pa'i spyod yul gdul bar dka' ba nyams byas pa/ /bla na med pa'i 'dod pa rnams kyis rnal 'byor gang gi sems//tshim par mdzad pa 'di la bsgrub bya mchog byung gang yin pa'i/ /gzugs kyi rdo rje la sogs lha mo'i tshogs chen de la 'dud/ /kun du sbyor ba'i gdengs g.yos rab brgyan drag po'i cha lugs 'chang //'jigs byed zhal bzhad sa 'dzin thub skrag sdig las spong / /dad pa la sogs sems su gtogs dang de yi rang bzhin chos/ /dam par gzung sogs rnam dag gshin rje gshed sogs de la 'dud/ /shes rab chen po las skyes de rnams shin tu dag mdzad cing //'jam zhing mnyen pa'i dbyangs kyis 'gro ba'i rgyud ni tshim mdzad pa/ /'bar zhing zur phud lnga ldan brgyad gnyis lon pa'i tshul/ /dbang po'i gzhu mtshungs 'jam dbyangs rdo rje de la phyag 'tshal lo//'khor ba 'dam tshogs nang gnas pa/ /thugs rje'i phyag gis drang mdzad nas/ /ye shes bdud rtsis tshim mdzad pa/ /bla ma'i zhabs kyi pad+mar 'dud/ /mchog gi mchog ste lam gnyis kyis/ /phyugs nang bdag nyid rnam dag ste/ /rang bzhin don la rtag 'jug par//bdag ci 'dra bar khyed kyis mkhyen/ /gsang 'dus rin chen mdzod mtshungs 'di/ /gang gis 'di len 'dod pa 'byung / /ded dpon gru gzings 'cha' lta bur/ /'di rtsom byed pa'i sems dpa' skyes/ /gsang dang rab gsang sems kyis ni/ /phyi nang don kun bdag gis bltas//de chud blo gros blun yang ci/ /phan phyir rin chen ljon shing brtsam/ /dam pas bdag la gsol ba btab phyir rab brod cing / /rang gi rje btsun gzhung gis rab phye bas/ /rang dang gzhan gyis de gzhung dran zhing mi brjed phyir/ /nus pa ji bzhin gsang 'dus bshad par bya//'di'i tshig dang / don dang / 'brel pa dang / dgos pa dang dgos pa'i dgos pa rnams gdon mi za bar thog mar brjod dgos so/ /gang gi phyir shes rab dang ldan zhing rtog pa sngon du btang ba'i nyan pa po rnams khas mi len te/ de'i phyir nam mkha'i dbyings dang mnyam pa'i sangs rgyas thams cad kyi rang bzhin gsang ba 'dus pa rdo rje 'chang chen po ni spyi'i don to//rgyud kyi gleng gzhi nas bsdu ba'i bar du rnam par spros pa'i dbye ba ni rgyas pa'i don to/ /slob dpon dang sgrub pa po de gnyis kar gyi bya ba ni khyad par gyi don to/ /'di skad ces pa nas mi gsung bar bzhugs so zhes pa'i bar ni gzhung gi tshig go//le'u bco brgyad du bsdebs pa ni le'u'i tshig go/ /tshig bzhi re rer byas pa ni tshigs su bcad do/ /de rnams dang don go rims bzhin du thabs dang thabs las byung ba'i mtshan nyid du gnas pa ni 'brel pa'o/ /rgyud gzhan dag las bkag pa'i gdol ba la sogs pa 'dul bar gsungs te/chen po yang chen po'i rgyud la ma dag pa gcig kyang med pas/ de gdul bar bya ba'i thabs dkyil 'khor du 'jug pa la sogs pa ni dgos pa'o/ /de bstan pa'i stobs kyis ci rigs par thun mong dang phyag rgya chen po'i go 'phang thob pa ni dgos pa'i yang dgos pa'o//de rnams dang ldan pa'i chos yang dag pa'o zhes gsungs pa'i phyir ro/ /da ni 'di skad ces pa nas brtsams te gang bar snang ngo zhes pa'i bar gyis ni rgyud 'di'i yon tan gyi gleng gzhi phun sum tshogs pa bstan to/ /de nas gzhan yang 'dod chags chen po'i tshul nas brtsams te/cang mi gsung bar bzhugs so zhes pa'i bar gyis ni cho ga'i thabs kyi rgyu'i bye brag rgyud phun sum tshogs pa ston to/ /de la sdud par byed pa gsung gi dbang phyug gis ji skad du bshad pa'i rgyud bsdu ba gdul bya la bsnyad pa'i phyir/ 'di skad bdag gis thos pa'i dus gcig na zhes pas rgyud la 'jug pa gsungs so//de la 'di skad ces pa ni 'og nas bshad pa'i rgyud kyi don kun bsdu ba'i sgo nas blo la rnam par gnas pa'i gtam mo/ /bdag gis zhes bya ba ni sdud par byed pa rdo rje chos te bdag nyid kyis thos kyis gzhan la brgyud de byung ba ma yin par ston to//'du shes kyi phung po sangs rgyas pa nyid kyi lce'i dbang po'i rang bzhin pas mngon du rang gi ngo bo'i bshad pa rtogs pa ste/ bstan pa 'di gsung rdo rje gtso bo'i phyir bsdus pa ste/ gzhan rnams kyang de lta bas na gcig pur 'dzin pa ni ma yin no/ / thos pa zhes pa ni rtogs pa ste gang gi tshe bcom ldan 'das mngon par rtogs pa de'i tshe na zhes bya ba'o/ /dus gcig na zhes pa ni bsam pa dang bral ba'i skad cig ma gcig ste mtha' yas pa'i rnam par grol ba'i sgo'i stobs mnyes pa'i dbang gis shes te shes rab phul du byung bar bstan to//rim pa nas thos pa ni dus tha dad pa nas tshig yang dag pa ma yin pa'o/ /rdo rje 'chang chen po thams cad du snang ba ni grub pa'i mtha' ste/ bcom ldan 'das bsam pa dang bral ba yang sems can rnams dang de'i thugs rje 'brel bas na sna tshogs su snang ba la 'gal ba med do/ /ji skad du mos pa tha dad bsam dbang gis/khyad par mang po 'khrungs par byed/ /gcig pu yin yang du ma yi/ /chu snod zla ba bzhin du snang / /zhes so/ /des gang la gang du gang dang lhan cig thos she na/ bcom ldan 'das zhes bya ba la sogs pa'o/ /bcom ldan 'das zhes bya ba ni rdo rje 'chang chen po'o//nyon mongs pa'i sgrib pa la sogs pa spangs pa dang / skal ba phun sum tshogs pa brnyes pa dang / dgyes pa'i gnas na bzhugs pa'i phyir na bcom ldan 'das te/ nges pa'i tshig gi tshul gyis so/ /rnal 'byor bla na med pa'i chos ston pa dang rjes su mthun pa'i gnas gsungs pa/de bzhin gshegs pa zhes bya ba la sogs pa'o/ /de bzhin gshegs pa thams cad ces pa ni mi bskyod pa la sogs pa ste/ nges pa'i tshig gi tshul gyis na ji ltar skyes pa bzhin du skyes pa'i phyir dang / ji ltar 'ongs pa bzhin du 'gro ba'i phyir dang /ji ltar rtogs pa bzhin du ston pa'i phyir na de bzhin gshegs pa'o/ /de rnams kyi sku dang gsung dang thugs ni rdo rje gsum mo/ /de'i rdo rje snying po ni rdo rje 'chang chen po ste mi phyed pa dang mi g.yo ba'i phyir ro/ /de'i btsun mo ni chos nyid kyi phyag rgya ste/ rang bzhin gyi shes rab po/ /de dang lhan cig pa las gyur pa ni b+ha ga ste dbyings gtso bor byas pa'i phyir ro//de yang sku la sogs pa'i rang bzhin gyi phyir gru gsum du gnas pa/ glo bur gyi dri ma thams cad dang gdod nas bral ba zla ba ltar dag cing dkar ba/ sa'i rim pa gong nas gong du gnas skabs kyi khyad par thob par bya ba'i phyir kha khyer chen po nam mkha' las 'phags te/grwa phra mo bar bltas pa'o/ /la zhes pa ni bdun pa'i don du blta bar byas te/ bzhugs pa mang bas tshig mang ba yin no/ /bzhugs so zhes pa ni gnas par mdzad pa ste/ dang po bya ba'i de ma thag tu byin gyis brlab pa'i gnas su zla ba dang /rdo rje dang 'phro 'du dang sku'i rim pas byung nas/ bcom ldan 'das de grong khyer gyi khang bzangs ltar/ ji skad du bshad pa'i gzhal yas khang gi dbus na 'dod chags la sogs pa'i sems can rnams mngon par byang chub par bya ba'i don du nyams rnam pa dgus de rnams kyi thabs su der bzhugs pa ni de'i mdzad pa yin gyi dang po'i sbyor bas ni ma yin te/khyad par gyi phrin las kyis mngon par rdzogs par byang chub pa'i 'bras bu yin pa'i phyir ro/ /brjod kyis mi lang ba zhes pa la sogs pas 'khor phun sum tshogs pa gsungs so/ /brjod kyis mi lang ba zhes pa ni gzugs so//yang brjod kyis mi lang ba zhes pa ni re re'i yon tan yang brjod du nus pa ma yin pa'i phyir ro/ /de'i nye ba'i mtshan nyid kyi dpe sangs rgyas kyi zhing zhes te sangs rgyas kyis gdul ba ste zhing dang 'dra ba'i phyir ro/ /de'i phyir ri rab kyi rdul phra mo snyed ces gzugs rnam par dag pa'i dbang du byas pa'i phyir ro//de gang zhe na/ byang chub sems dpa' zhes pa rnam pa thams cad mkhyen pa'i mngon par byang chub pa ni dkyil 'khor gyi 'khor los te de la sems dpa'o/ /sems dpa' chen po zhes pa ni sems can gyi tshogs chen po'i don la ma bcad par sems pas na'o//'phags pa dang so so'i skye bo 'ga' las dgar ba'i phyir de skad ces bya'o/ /de rnams dang lhan cig tu thos pa'o/ /gang du zhe na/ gong du b+ha ga'i dkyil 'khor gyi rten gsungs pa/ snying po rdo rje sbyor ba'i pad+mo la/ /zhes te/ khaM gi snying po las byung ba'i rtse gsum kha bzhi pa'i sna tshogs rdo rje ni snying po rdo rje'o//de dang sbyor ba ni pad+mo ste/ de'i rten paM las byung ba'i sna tshogs pad+ma zhes bya'o/ /de la bzhugs pa ni zhes pa ni gong du smos pa'i rten la zhes pa'o/ /bzhugs pa gang zhes pa ni 'di lta ste zhes pa ni de rnams kyi nang nas mngon par rtogs pa nye ba'i rnal 'byor pa rnams las 'ga' zhig ma rtogs pa brjod pa yin no//de rnams kyang gleng gzhi'i le'u las bstan to/ /brjod pa gang zhe na/ dam tshig rdo rje zhes pa la sogs pa'o/ /de la dam tshig rdo rje zhes pa ni/ mig rnam par dag pa'i rang bzhin sa'i snying po'o//de ci'i phyir zhe na/ bla ma chen po rnam par dag pa thams cad kyi dang por dbang po drug gi rnam par dag pa bstan to/ /de'i rim pa bzhin du mngon par rtogs pa'o/ /'o na sa'i snying po la sogs ci'i phyir ma smos she na/ de de bzhin gshegs pa rnams kyis dgongs pa ste/gang gi phyir don thams cad grub pa'i sngon du 'gro ba ni dam tshig ste/ de'i brdas sa'i snying po la de skad ces bya'o/ /de ltar dam tshig bsrungs na mi shigs pa'i sku brnyes pa'i phyir na/ de'i 'og tu rna ba rnam par dag pa'i phyag na rdo rje la lus rdo rje zhes bya'o//de ltar lus grub pa las sgra brnyan lta bu'i gsung 'byung ba'i phyir/ de'i 'og tu sna rnam par dag pa'i nam mkha'i snying po la ngag rdo rje zhes bya'o/ /sgras don thams cad shes par byed pas na/ de'i 'og tu lce rnam par dag pa'i 'jig rten dbang phyug la sems rdo rje zhes bya ba'o/ / ji lta ba bzhin du shes pa ni dmigs pa la sems rtse gcig par gyur gyi gzhan du ma yin no/ /de'i 'og tu lus rnam par dag pa'i sgrib pa rnam par sel ba la ting nge 'dzin rdo rje zhes bya'o/ /sems rtse gcig pa nyon mongs pa rnams kyis rnam par gnon par mi nus pas na de'i 'og tu yid rnam par dag pa'i kun du bzang po la rgyal ba rdo rje zhes bya'o//de bas na de rnams ni 'byung ba las gyur pa'i nang gi skye mched dag pas na de byin gyis brlab pa dgos kyi rgyu'i sde med pa'i dkyil 'khor gnyis kyi lha ma yin par shes so/ /sa rdo rje ni sa dang / snying rje dang / thabs rnam par dag pa'i spyan ma'o//chu rdo rje ni chu dang byams pa dang smon lam rnam par dag pa'i mA ma kI'o/ /me rdo rje ni me dang dga' ba dang / stobs rnam par dag pa'i gos dkar mo'o/ /rlung rdo rje ni rlung dang btang snyoms dang / ye shes rnam par dag pa'i sgrol ma'o/ /nam mkha' rdo rje ni rten dang rten can rnams nam mkha' bzhin du rnam par dag pas zab mo'o//yang na chos kyi 'byung gnas kyi mkha'o/ /gzugs rdo rje ni de dang sbyin pa dag pa'i gzugs kyi rdo rje ma'o/ /sgra rdo rje zhes pa ni de dang tshul khrims dag pa'i sgra'i rdo rje ma'o/ /dri rdo rje ma ni de dang bzod pa dag pa'i dri'i rdo rje ma'o//ro rdo rje ma ni de dang brtson 'grus dag pa'i ro rdo rje ma'o/ /reg rdo rje ni de dang bsam gtan dag pa'i reg gi rdo rje ma'o/ /chos kyi dbyings kyi ngo bo nyid rdo rje ni de dang shes rab dag pa chos kyi dbyings kyi rdo rje ma ste/ de rnams 'byung ba bzhi dang 'byung ba las gyur pa'i phyi'i skye mched drug rnam par dag pa ste/sa rab tu dga' ba la sogs pa'i rang bzhin no/ /rgyu'i tshogs pa mang bas na dkyil 'khor gyi lha yang yin no/ /de dag la sogs pa zhes pa ni gtso bo ste/ gang gi phyir de dag rdo rje 'chang chen po'i skye mched la sogs pa snang bar gyur pas de dag gi yang de bzhin du snang bar gyur pa de'i phyir na brjod du med pa zhes bya bar mngon no//de ltar rgyu 'bras ma 'khrul bar bstan pa'i phyir byang chub sems dpa'i 'khor bstan nas/ da ni de bzhin gshegs pa'i 'khor gyis gdul bya'i dbang gis ston pa yang bstan pa/de bzhin gshegs pa zhes pa la sogs pa'o/ /nam mkha'i dbyings dang mnyam pa zhes pa ni/ ye shes rnam par dag pa gtso bo'i dbang du byas nas bstan pa'o/ /rdo rje mi bskyod pa zhes pa ni/ zhe sdang dang rnam par shes pa'i phung po chos kyi ye shes kyi ye shes su dag pa ste/bdud bzhis bskyod par mi nus pa'i phyir ro/ /rdo rje rnam par snang mdzad ces pa ni gti mug dang gzugs kyi phung po me long lta bu'i ye shes su dag pa ste/ gdul bya'i rnam par 'bar zhing snang bar mdzad pa'o/ /rdo rje rin chen dpal zhes pa ni nga rgyal dang /tshor ba'i phung po mnyam pa nyid kyi ye shes su dag pa ste/ don thams cad 'byung ba'i rgyal mtshan gang la yod pa de la de skad ces bya'o/ /rdo rje tshe dpag tu med pa zhes pa ni/ 'dod chags dang 'du shes kyi phung po so sor kun du rtog pa'i ye shes su dag pa ste/ gnyis su med pa'i sku'i tshad med pa dpe med pa'i phyir ro/ /rdo rje don thams cad grub pa dang zhes pa ni/ phrag dog dang 'du byed kyi phung po bya ba nan tan gyi ye shes su dag pa ste/ sems can gyi lus ngag gi bya ba thams cad rdzogs par byed pa'i phyir ro/ /de dag la sogs pa zhes pa ni gong ma ltar gtso bo brjod pas brjod du med do//de'i nye ba'i mtshan nyid kyi dpe nam mkha'i dbyings dang mnyam pa zhes bya ba smos so/ /'di ston par mdzad pa na bzhugs pa bstan pa'i phyir/ dper na zhes pa la sogs pa'o/ /til gyi gang bu bzhin du zhes pa ni ji lta bu til skogs til gyi 'bras bus phan tshun gtams shing ma 'dres la/de thams cad kyang til mar gyis khyab pa 'dra bar 'di ston par mdzad pa'i dus na yang chos 'byung ba ye shes kyis khyab pa'i 'khor gyis gang bar snang ngo zhes pa'i don to/ /de rnams kyang bcom ldan 'das kyis las dang po pa'i sems can rnams gzung bar bya ba'i phyir gnas la sogs pa bstan te/ji skad du/ gar mkhan bzang po'i tshul lta bur/ /rdo rje 'chang ba de nyid ni/ /gnas dang 'khor dang ston pa ru/ /dang po pa rnams 'jug phyir bstan/ /zhes so/ /de bas na de lta bu'i tshad ma'i ston pa de lta bu gnas de lta bur 'khor rnams dang lhan cig tu thos so zhes sdud pa po gang zag gzhan yang yid brtan du rung bar byas pas chos yang dag pa'o zhes gsungs pa'i phyir ro//da ni go rims bzhin du mngon par rtogs pa ma bstan pa ni/ shes rab kyis nga rgyal ba rnams kyi nga rgyal bsal bar bya ba dang /gsang ba'i rgyud ni bla ma la rag las par bstan pa'i phyir go rims dkrugs nas bstan pa lags so/ /de la bdag gis ni rgyud kyi don rnams slob dpon dang sgrub pa po'i bya ba kho na bsdu bar bya'i gzhan du ni ma yin no/ /de la de nas bcom ldan 'das rnam par snang mdzad ces pa nas thugs la bzhugs so//zhes pa'i bar gyis ni snod du rung bar zhus pa'i lan la gtogs pa 'dod chags chen pos 'dul ba'i 'jig rten gsang ba 'dus pa'i stsod du rung bar bya ba'i phyir thabs dang shes rab mnyes par byas nas/ gsang gnas kyi dkyil 'khor du bcug pa'i sems can rnams dbang bskur ba'i rgyus tshig bzhi pa gsungs so//de nas zhes bya ba ni dang po'i mgon po bskyed pa'i de ma thag go/ /rnam par snang mdzad ces pa ni gong ma ltar te rdo rje 'chang chen po'o/ /'dod chags chen po zhes pa ni gnyis su med pa'i bde ba dam pa'o//de'i tshul ni/ 'khyud pa dang gzhib pa la sogs pa'o/ /mi phyed pa'i phyir na rdo rje ste de lta bu la rdo rje 'dzin pa'i rnam pas snyoms par zhugs so zhes pa ste/ 'dod chags kyi 'dod chags dang bral ba ni thabs bstan pa'i phyir dpe khrid pa ste tshong pa la khe ston pa bzhin no//de bzhin gshegs pa'i 'khor zhes pa ni sbyor ba'i brdas bskul ba'i de bzhin gshegs pa rnams so/ /nyid kyis sku la bzhugs par mdzad do zhes pa ni ba spu'i bu gar btsud pa ste/ bdag nyid thabs thams cad kyi rang bzhin du bstan pas na shes rab ma dga' bar byas pa ste/'dod chags can phal che ba dang chos mthun par bya ba'i phyir/ de bas na bud med rnams bskyed pa'i don du zhes pas skabs ma shes pa ste/ de la sogs pa thams cad kyi rang bzhin yin pa'i phyir ro/ /de bzhin du thabs kyang dga' bar bya ba'i phyir/ de nas de bzhin gshegs pa de dag ces pa ni bde bar gshegs pa bzhugs pa de dag go/ /des ci byed ce na/ de bzhin gshegs pa thams cad kyi bdag po mnyes par bya ba'i phyir zhes so/ /gang gis mnyes par byed ce na/nyid kyi sku bud med kyi gzugs lta bur sprul nas zhes bya ste/ snga ma'i gnas skabs spangs nas lha'i bu mo'i cha lugs can/ sgeg pa'i nyams kyis brgyan pa lta bur sprul nas/ bcom ldan 'das rnam par snang mdzad chen po'i sku las byung bar gyur te/ bde ba dam pa sgrub pa'i rim pa la bzhugs so zhes sbyar ro//ji skad du/ e ma byang chub sems nyid ni/ /sems can kun la phan dgongs pas/ /gang phyir 'dul dbang dpa' bo rnams/ /bud med gzugs kyang rab tu mdzad/ /ces so/ /ji lta bu'i bud med du phyung zhe na/ de la la ni zhes pa ni rnam par snang mdzad rnams so//de spyan ma dang gzugs kyi rdo rje ma lta bur rang gi mtshan ma dang mdog tu ldan par phyung ba'o/ /de bzhin du mi bskyod pa mA ma kI dang sgra'i rdo rje ma lta bur phyung ba'o/ /rin chen 'byung ldan dri rdo rje ma ltar phyung ngo / /snang ba mtha' yas na bza' dkar mo dang ro rdo rje ma ltar phyung ngo //don yod grub pa ni las thams cad kyi rang bzhin pas dam tshig sgrol ma lta bur mdog ser ba dang / reg gi rdo rje ma lta bu mdog ljang gu dang ldan par phyung ngo zhes so/ /chos kyi dbyings kyi rdo rje ma dbyung ba ma gsungs pa ni/ chos kyi dbyings kyi ye shes gsum gyi ngo bo bas na dgus myong bar bya ba'i phyir ro//de bas na gzhi lha mo la gzhug pa ma gsungs kyang / phyi rol gyi bud med bde mchog gi rkyen ma yin pa'i phyir lhan cig spyod pa la 'jug par shes par bya'o/ /ji skad du/ 'dod chags chen po'i tshul gyis ni/ ye shes 'khor lo kun bsdus nas//bud med dgu ru sprul nas kyang / /bsgrub bya'i ma yi lus la dgod/ /ces so/ /thabs dang shes rab dngos po thams cad kyi ngo bo nyid du bstan pa'i phyir phyung ba dang 'jug pa thams cad kyi rnam par dag pa gong ma bzhin du rgyas par sbyar ro/ /sems can gzhug pa'i don du gsang ba'i dkyil 'khor bskyed pa gsungs pa/de nas zhes bya ba la sogs pa'o/ /mi bskyod pa zhes pa ni snga ma bzhin te rdo rje 'chang chen po'o/ /byang chub sems dpa'i gzugs 'dzin pa'i phyir na gnas skabs 'dir de skad ces smos so/ /btsun mo'i b+ha ga zhes pa ni bud med de rnams gcig tu bsdus pa ni btsun mo ste/de'i gsang ba'i pad+ma'o/ /la zhes pa ni yon tan mang po'i phyir tshig mang por byas pa'o/ /rang gi sa bon gyi 'od kyis drangs pa'i bde bar gshegs pa zhal du zhugs pa las byung ba'i byang chub sems dpa' ni dam tshig chen po'o//de las gyur pa ni dkyil 'khor ro/ /ci 'dra zhe na/ rtog pa thams cad dang bral bas na rdul bsal ba'o/ /sangs rgyas dang sems can rnams chos nyid du mnyam pa'i phyir gru bzhi pa'o/ /byin gyis brlabs pa zhes pa ni rdo rje 'dzin pa'i mos pas byin gyis brlabs pas na bskyed pa'i rim pa ma yin pa'o//phyi rol du gnas pas kyang shel gyi nang du chud pa ltar gsal zhing byang chub sems kyi ngo bo bas na gsal ba'i ngo bo nyid do/ /dran pa nye bar gzhag pa la sogs pa rnam par dag pa rta babs la sogs pa'i sna tshogs gzugs kyis kun du rgyas zhes smos so//sangs rgyas tshogs kyis rab tu rgyas pa ni mi bskyod pa'i dkyil 'khor gyis rgyas pa ste gang ba'i phyir ro/ /de nyid kyang zla ba dang nyi ma'i gdan dang ldan pa nyid kyi phyir/ gsal ba la sogs dkyil 'khor ldan/ /zhes bya'o/ /de kho na 'du ba dang 'od zer 'phro ba dang 'du ba dang 'khrug pa'i ngo bor rgyun mi 'chad pa'i sangs rgyas rnams kyi rten yin pa'i phyir/'od zer 'phro ba mang po 'khrug /de bzhin gshegs pa kun gyi gnas/ /zhes bya'o/ /der sems can gzhug pa gsungs pa/ de nas zhes bya ba la sogs pa'o/ /sku dang gsung dang thugs rdo rje'i bdag po zhes pa ni byed pa po'o//des gong ma ltar dkyil 'khor chen po byin gyi rlabs kyis dbus su bzhugs par gyur to zhes las kyi tshig tu blta bar bya'o/ /zhugs pa tsam la gsang ba dang mchog tu gsang ba la sogs pa bstan par mi rigs pas na/de rnams la dbang bskur ba gsungs pa/ de nas zhes bya ba la sogs pa'o/ /byang chub kyi sems rdo rje zhes pa ni stong pa nyid dang snying rje dbyer mi phyed pa'i rdo rje 'chang chen po'o/ /ji skad du/ stong nyid snying rje mi phyed pa/ /byang chub sems zhes bshad pa'o//zhes so/ /thugs la bzhugs so zhes pa ni dbang bskur ba'i rgyu ste/ sa bon gyis bskul ba'i de bzhin gshegs pa thams cad thugs la zhugs nas zla bar zhu bas zhes bya ba'i don to/ /des dbang bskur ba ni ting nge 'dzin gnyis pas ston pa ste/ le'u bcu bdun pa'i skabs su bshad par bya'o//da ni 'dus pa zhes pa'i lan la gtogs pa'i yi ge las zla bar gyur pa'i don cho ga dang po tshig gnyis pa gsungs pa/ de nas zhes bya ba nas/ rdo rje'i ngo bor gnas par gyur to zhes pa'i bar gyis bstan to/ /de nas zhes bya ba ni gsol ba btab pa'i de ma thag go//de bzhin gshegs pa thams cad ces pa ni de kho na bzhin du 'gror rung ba'i phyir na gzhan rnams la yang de skad ces bya'o/ /zil gyis gnon pa'i rdo rje zhes pa ni mtha' yas pa'i sems can tshogs kyis bsdus pa'i dngos por 'dzin pa ni de kho na nyid gsum du zil gyis mnan nas gnas pa'i sems dbus kyi gdan la gnas pa la de bzhin gshegs pa thams cad kyis de la gzigs nas mngon par rdzogs par byed pa'i ched du rang gis bya bar chad pa bshig par dogs nas bdag po'i khams su dbyangs dang don mtshon gyi yi ger gyur pa ni zil gyis gnon pa ste/mi phyed pa'i phyir na rdo rje ste de la snyoms par zhugs so zhes pa'o/ /de la snyoms par zhugs ma thag tu cir 'gyur zhe na/ nam mkha'i dbyings thams cad ces te nam mkha'i dbyings dang mnyam pa'i rgyu gnas dang sangs rgyas kyi ngo bo thams cad do//rdo rje'i ngo bor gnas par gyur to zhes pa ni/ bdag po'i khams nas byon pa gzhal yas khang gi gtsug tor la gnas pa dang / de'i ye shes kyis 'gro ba'i sems drangs nas gcig tu 'dres pa dang / rten la babs pa las zla ba gnyis su gyur pa ni rdo rje'i ngo bo ste/ de'i rang bzhin du gnas par gyur to zhes pa'i don to/ /yi ge las zla ba gyur pa'i sgra rgyud 'di las bstan pa med kyang / stong pa nyid snying rje'i byang chub sems bcom ldan 'das la mnga' bas na 'gal ba med do/ /'di lta ste/ dngos po thams cad ma skyes pa'i phyir na a ni chos thams cad kyi sgo'o zhes pa'i sgras yi ge a la sogs pa ni stong pa nyid kyi nga rgyal ston par byed pas stong pa nyid bcu drug gi ngo bo ste/de nyid yi ge'i gzugs nyis 'gyur du gyur pas/ mtshan bzang po sum cu rtsa gnyis kyi rgyu yang yin no/ /de bzhin du kA ru karma ak+Sha ra zhes pa'i sgras ka la sogs pa ni snying rje chen po ston pas te/a las 'byung zhing gsal bar byed pas ni thabs kyi ngo bo'o/ /de nyid nyis 'gyur du bsgyur bas dpe byad bzang po brgyad cu'i rgyu yang yin no/ /de bas na stong pa nyid dang snying rje bsgyur ba'i dbang gis cho ga bzhi pa ltar snang bas 'gro ba'i don byed par shes so//zla ba gnyis su snang ba 'dis me long lta bu'i ye shes kyang bstan pa'o/ /de nyid 'od zer 'phro zhing 'du ba'i sbyor bas gcig tu gyur pa ni mnyam pa nyid kyi ye shes su bstan pa'o/ /cha mthun pa'i cho ga dang po bas na ting nge 'dzin gcig gis bstan pa'o/ / 'di ni kun rdzob kyi 'dus pa yin par rnal 'byor chen po'i tshul kha cig las bstan te/ ji skad du/ rang bzhin gnas pa'i sangs rgyas rnams/ /yi ge gsum gyi tshul bzung ste/ /nga yi rgyu ru rab tu gnas/ /mngon par 'byung ba'i sangs rgyas rnams/ /A li kA li'i tshul bzung ste//de yang nga yi rgyu ru gnas/ /de phyir de rnams 'dus zhes bya/ /zhes so/ /da ni de nas zhes bya ba la sogs pa zhu ba gnyis pa'i lan la gtogs pa sems can rnams dbang bskur bas zla bar zhu ba tshig lnga pas gsungs so/ /de nas zhes bya ba ni le'u bcu bdun pa'i dbang bskur ba'i de ma thag pa'o//de rdo rje sems dpa'i byin gyi rlabs kyis zhes bya ba ni/ de bzhin gshegs pa thams cad bsdus pa'i ngo bos zhes so/ /des bsgrub pa gang zhe na/ bde ba dang yid bde ba thob par gyur to zhes tha mal pa'i phung po zla ba lta bu'i rang bzhin du gyur pa ni lus bde ba ste/des yid bde ba yang thob par gyur to/ /da ni gsang ba las byung ba zhes pa'i lan la gtogs pa'i cho ga bzhi pa mngon par byang chub pa lnga pa dang po'i mgon po bskyed pa'i tshig gsum pa gsungs pa/ de nas zhes bya ba nas gzigs par gyur to zhes pa'i bar gyis bstan to//de nas zhes bya ba ni bcu gsum par gsungs pa'i nga rgyal bya ba'i de ma thag go/ /sku dang gsung dang thugs zhes bya ba ni sa bon gyis bde bar gshegs pa rnams de'i ngo bor gyur pa ni rigs gsum gyis bsdus pa'o/ / de rnams kyi mnyam pa nyid chen po ni rdo rje 'chang chen po ste/ rgyal ba thams cad mi 'da' ba nyid kyi phyir na dam tshig go/ /de 'byung ba'i ting nge 'dzin mi phyed pa'i phyir na rdo rje ste/ de la snyoms par zhugs so zhes so/ /rig pa'i skyes bu zhes pa ni rig ma dang ldan pa'i phyir na de skad de/ ji skad du/ rig dang bcas par ldan pa na/ /rig pa'i skyes bu zhes su bshad/ /ces so/ /de nyid mgo la sogs pa dang ldan pa ni chen po'i gzugs so/ /sngags kyi bdag po 'di byin gyis brlabs so zhes pa ni bde bar gshegs pa rnams sa bon gyi nang du bzhugs pa'o/ / byin gyis brlabs ma thag tu zhes pa ni zhugs ma thag tu zhes so/ /des cir 'gyur zhe na/ zhal gsum pa lta bur gzigs par gyur to zhes te/ sa bon dang bcas pa gnas gyur pa'i mtshan nyid sgyu ma lta bu'i sku dbus dkar ba/ g.yas sngo ba/ g.yon dmar ba/ phyag dang po gnyis kyis rang snang ba'i rig ma la 'khyud pa/ma mchu tshems kyis bzung ba'o/ /g.yas gnyis na rdo rje dang ral gri/ /g.yon gnyis na rin po che dang pad+ma 'dzin pa/ longs spyod bzhi dang / rtag pa nyid du ldan pa zla ba'i gdan dang 'od kyi dkyil 'khor du ldan par gyur to zhes pa'i don to/ /de bas na 'di ni sku gsung thugs kyi gsang ba'i ngo bo bde bar gshegs pa rnams bsdus pa las byung bas na de skad de/le'u bcu pa las/ sangs rgyas rnams kyi sku gsung thugs/ /snying la de yis rnams bsgoms na/ /de ma thag tu der 'gyur ba/ /rdo rje sems dpa' rgyal po che/ / kun gyi gtso bo dbang phyug mchog /ces so/ /da ni de nas zhes bya ba la sogs pas zhu ba gnyis pa'i lan la gtogs pa/ zla bar gyur pa'i sems can rnams cho ga bzhis bskyed pa rnams phyi rol du dgod pa'i tshig drug pa gsungs so/ /de nas zhes bya ba ni bde ba dang yid bde ba thob par gyur pa'i de ma thag go//mi bskyod pa la sogs pa zhes pa ni rnam par shes pa'i phung po la sogs par bsgrub pa ste de'i cho gas bskyed pa'i phyir ro/ /rang gi sbyor bas ni ma yin no/ /de yang de'i rigs kyi sems can dbang bskur bas zla bar zhu ba las hUM la sogs pa'i sa bon du gyur/de las rdo rje la sogs pa'i mtshan ma sa bon gyis mtshan pa/ de las mi bskyod pa la sogs par khams kun 'dus par byas nas zhes smos pas so/ /bcom ldan 'das zhes bya ba ni b+ha ga'i sgra dang ldan pa'i phyir shes rab po/ /thugs ka nas zhes bya ba ni de'i dbyings las so//ji skad du/ thams cad shes par byed pa'i phyir/ /thugs ni bud med b+ha ga'o/ /zhes so/ /de las byung ba ni ston pa'o/ /ma bcol bar smras pa ni ched du brjod pa'o/ /de gang zhe na/ e ma'o zhes pa la sogs pa'o/ /e ma zhes pa ni ngo mtshar ba ste sangs rgyas thams cad 'dul ba'i dbang gis byang chub sems su zhu ba las rab tu byung ba'o//de ngo mtshar zhes so/ /de nyid gzhan rnams kyi spyod yul ma yin pas na/ de bzhin gshegs pa kun gyi gsang / /zhes bya'o/ /rjes su dpag pa la sogs pas rtogs sla ba'i chos med pas na rab tu mi rtogs so//de nyid kyi phyir na skyon med ces te/ gzung 'dzin dang bral ba'i phyir zhes so/ /da ni rigs thams cad kyi dbang po zhi ba mya ngan las 'das pa thams cad du khyab pa'i bdag nyid chen po la nyid kyi sku las byung ba ni de bzhin gshegs pa la sogs pa rnams kyis gar mkhan bzang po'i tshul lta bur/phyis mchog tu 'gyur zhing kun brtags pa'i mtshan nyid dang ma bral ba rnams kyi don du mchod pa'i tshogs sngon du 'gro ba rnams kyi tshig dang po gsungs pa/ de nas zhes bya ba la sogs pa'o//de las de nas zhes bya ba ni skal ba dang ldan pa'i 'gro ba gzigs pa'i de ma thag go/ /de bzhin gshegs pa thams cad kyi mchod pa zhes pa ni lha mo bcu ste de dang 'brel pa'i phyir ro/ /de rnams 'phros pa ni mang du bkang ba'o/ /de nyid rdo rje 'chang gi ngo bo las mi 'gyur bas na de kho na nyid do//dam tshig ces pa ni mi 'da' ba ste/ dpa' bo lnga dang lcags kyu lnga'o/ /rin po che zhes pa ni 'khor lo rin po che la sogs pa'o/ /de rnams kyi sprin gyis mchod de zhes pa ni thugs las byung ba'i mchod pas mnyes par byas nas zhes smos so/ /phyag 'tshal zhes pa ni sku btud pa'o//'di skad ces gsol to zhes pa ni gsung gis gsol ba ste/ rgyud bshad par zhus pa'o/ /'dus pa gsang ba las byung ba/ /zhes pa ni/ ston pa'i sku skye ba'i rim pa zhus pa'o/ /de bzhin gshegs pa kun gyi gsang / /zhes pa la sogs pa ni 'khor yongs su rdzogs pa'i 'bras bu zhus pa'o//de nas zhes bya ba la sogs pas ni legs so ba'i tshig sngon du byin nas 'chad du ma gnang ba'o/ /'di ni zhes pa ni gsang ba 'dus pa'o/ /de bzhin gshegs pa thams cad ces pa ni theg pa 'og ma pa'i sangs rgyas rnams so//the tshom skye bar byed pa yin na zhes pa ni yang dag pa'i don la yid gnyis za ba ste/ de rnams kyis 'di'i de kho na nyid ma rig pa'i phyir ro/ /ji skad du/ de phyir de dag thams cad ni/ /yang dag min pas bla dang bcas/ /'og ma 'og ma'i rnal 'byor las/ /gong ma gong ma khyad par 'phags//'og ma'i blo ni gong ma yis/ /shes rab kyis ni sun 'byin no/ /zhes pa'i lung gis kyang rig go/ /byang chub sems dpa' gzhan rnams lta ci smos pa ni/ gzhan bskal pa bzang po'i byang chub sems dpa' ste tshe 'di nyid la 'dod pa lnga'i lha mos grol ba'i las sngon ma thos pas na zhes pa'o//da ni 'khor rnams kyis bshad pa'i gzhi yod par mkhyen nas/ rang snod du rung bar bya ba'i phyir zhus pa gsungs pa/ de nas zhes bya ba la sogs pa'o/ /the tshom thams cad gcod pa zhes pa ni theg pa thams cad kyi som nyi bzlog pa ste/mthar thug pa'i gnas rtogs pa'i phyir ro/ /bcom ldan 'das nyid yon tan khyad par du gyur pa yang zhes pa ni/ khyad par du 'phags pa'i yon tan mnga' ba yang / ci'i phyir 'di ston par mi byed ces pa'o/ /'di lta bu'i 'khor du zhes pa ni bde bar gshegs pa'i phul du byung ba'i ye shes dang ldan pa'i 'khor du zhes pa'o//sku gsung thugs kyi gsang ba zhes pa ni/ sbas pa ltar snang ba dang / rnam pa bzhi'i tshul gyis sbas pa ni gsang ba'o/ /de ston mi spyod pa de bdag cag snod du ma gyur par gzigs pa lags grang zhes pa'i don to//de bas na byin gyis brlabs pa mdzad de/ gang gis she na/ de bzhin gshegs pa thams cad kyis rdo rje'i dam tshig 'byung ba'i tshig gis zhes bya ste/ de bzhin gshegs pa thams cad kyi ngo bo byang chub kyi sems su zhu ba rdo rje'i lam nas phyung ba ni dam tshig go//de las byung ba ni des dag par byas nas kun du bzang po zhes bya ba'i tshig gis dbang bskur ba ste/ des bde ba dang yid bde ba gong du bshad pa dang / mngon par shes pa zhes pa ni cho ga bzhis bskyed pa'i sku'o/ /de'i 'bras bu ni rtogs pa phul ba dang phyi rol du phyung ba la sogs pa'o//de'i phyir bstan du gsol zhes pa'i don to/ /de bzhin gshegs pa kun gyi gsang ba zhes pa la sogs pa'i lan la gtogs pa/ mtshan gyi sngags kyis byang chub sems kyi dkyil 'khor gsang gnas nas spyi bo'i dkyil 'khor du dgod pa tshig bdun pa gsungs pa dang /de nas zhes bya ba la sogs pa'o/ /de nas zhes bya ba ni cho ga gsum pa'i de ma thag go/ /gsol ba btab pa de mkhyen nas/ /zhes bya ba ni/ zhu ba zhus pa'i tshig rnams so/ /de'i lan bstan pa'i phyir ye shes sgron ma zhes pa la sogs pa'o/ /de la ye shes nyid rang bzhin gyis 'od gsal bas na sgron ma ste chos kyi dbyings so//mi phyed pa'i phyir na rdo rje ste de lta bu la mi bskyod pa'i tshul gyis snyoms par zhugs so/ /zhe sdang zhes pa ni rgyu 'bras gnyis dbyer med par thugs su chud pa'i ye shes te gnyis kyi rnam pa la sdang ba'i phyir ro//ji skad du/ rgyu 'bras gnyis la sdang bas na/ /rnam shes zhe sdang zhes su bstan/ /zhes so/ /de nyid rigs te thog ma med pa nas rgyun chad pa med pa'i phyir ro/ /ji skad du/ rigs ni rgyud du bstan pa ste/ /rgyud ni thog ma med pa'o/ / zhes so/ /de nyid mtha' yas par 'phro ba rnams kyis phrin las mchog mdzad pas na mchog ces bya'o/ /mi g.yo ba'i phyir na snying po ste 'byung ba'i rgyu'o/ /'dod pa'i 'bras bu 'byung ba'i phyir na snying po ste mi bskyod pa'i sku'o/ /'di zhes pa ni 'og nas 'byung ba'o/ / nyid kyi sku dang gsung dang thugs rdo rje las zhes bya ba ni dbyer med na yang kun rdzob kyi dbye bas phyung ngo zhes pa'i don to/ /badzra d+h+r-ika /ces bya ba ni rgyu dang 'bras bu dbyer med pa'i ngo bo ni badzra ste/ de 'dzin pas na d+h+r-ika go/ /ji skad du/ rgyu zhes lnga dang 'bras bu lnga/ /badzra zhes su bstan pa yin//'dzin pa zhes bya d+h+r-ika par grags/ /badzra d+h+r-ika yig rnam shes yin/ /zhes so/ /bcom ldan 'das de nyid ces pa ni rdo rje 'chang de nyid do/ /dbu dang yan lag la sogs pa thams cad mi bskyod pa dang 'dra bas na mi bskyod pa'i phyag rgya chen po'o//de nyid rig ma dang ldan pas na sbyor ba'o/ /de nyid mtha' yas par spros pa'i sku ni thabs so/ /kyis zhes bya ba ni zhugs pa'i byed pa por blta bar bya'o/ /nag po zhes pa ni sku dang dbus kyi zhal lo/ /dkar po dang dmar po ni g.yas pa dang g.yon pa'o/ /rdo rje dang ral gri dang rin po che dang pad+mas mtshan pa'i tshul du phyung nas don byas te zhes te tshig lhag ma'o//sku dang gsung dang thugs rdo rje la zhugs so zhes pa ni/ dngos po thams cad kyis bdag la thim par bya'o zhes pa'i don to/ /byang chub sems dpa' la sogs la yang tshul 'di bzhin du shes par bya'o//mi bskyod pa la sogs pa zhes pa ni rang rang gis zhes pa'i don to/ /tshul 'di ni bdag gis rdo rje 'chang ba'i cho ga bcu drug rdzogs pa ltar bshad pa'o/ /'di bzhin du gzhan rnams la yang sbyar bar bya'o/ /khyad par gang yin pa brjod par bya ste/de bzhin gshegs pa thams cad kyi dam tshig ces pa ni me long lta bu ste gzugs brnyan dang 'dra bar 'byung ba gang dbyer med pas rdo rje snying rje zer te/ de lta bu la rnam par snang mdzad kyi tshul gyis snyoms par zhugs nas phyung ngo zhes sbyar ro/ /gti mug ces pa ni thams cad la rang gis yang dag par rig pa 'byed pa med pa'i rnam pa'o//bems po bcings pa'i rang bzhin pas/ /gzugs ni gti mug tu bstan pa/ /zhes so/ /dzi na dzika ces pa ni/ yod pa la sogs pa'i rtog pa dang bral zhing gzugs kyi chos ji snyed pa kun du brtags pa'i mtshan nyid du rgyal bas na rgyal lo//ji skad du/ yod dang med dang dbus las 'das/ /byung dang 'byung dang gyur las byung / /sems can kun gyi lus yin te/ /skye las rgyal bas dzi na dzika /ces so/ /'di yang 'khor lo dang ral gri dang rin po che dang pad+ma 'dzin pa'o//de bzhin gshegs pa thams cad kyi rin po che zhes pa ni mnyam pa nyid de/ de'i 'byung ba ni stobs bcu la sogs pa'i don thams cad skyed pa'i rgyu'i phyir ro/ /mi phyed pa'i phyir na rdo rje ste de lta bu'i rin chen 'byung ldan gyi tshul gyis snyoms par zhugs nas zhes smos so//yid bzhin nor bu zhes pa ni nor gyis dregs shing rlom pa rnams kyi don du phyogs bcu kun du khyab pa'i nga rgyal gyis 'joms pa'o/ /ji skad du/ bdag tu rlom pa'i ngo bo bas/ /tshor ba dregs pa yin par bshad/ /ces so/ /rat+na d+h+r-ika ces pa ni don thams cad mnyam pa nyid las 'byung bas na/des dag pa'i sems ni rat+na'o/ /de yang tshor ba yis rang gis rig pas ni d+h+r-ika ste rin chen 'dzin no/ /ji skad du/ don rnams thams cad 'byung bas na/ /sems ni rat+nar bstan pa yin/ /tshor ba po yis de tshor bas//tshor ba rat+na d+h+r-ika ces bya/ /zhes so/ /rin po che dang 'khor lo dang ral gri dang pad+ma 'dzin pa'o/ /'dod chags chen po zhes pa ni so sor kun du rtog pa'i ye shes te/ chos dag pa ni 'di dag go/ /zhes pad+ma'i 'dab ma dag pa ltar rtog cing rtog pa med pa'o//de'i 'byung ba ni bskyed pas te mi phyed pas rdo rje lta bu la snang ba mtha' yas kyi tshul gyis snyoms par zhugs so zhes so/ /rdo rje 'dod chags zhes bya ba ni chos nyid kyi ye shes kyis de mi gtong zhing dam du bzung ba'o/ /ji skad du/ dngos las chags pa'i rang bzhin can//'du shes yang dag chags bdag nyid/ /ces so/ /A ro l-ika ces pa ni dkar po la sogs pa'i mtshan nyid nges par rtogs pa'i ngo bo drug pa yid rnam par dag pa'i mtshan nyid thams cad la rtsen cing rol ba'o/ /ji skad du/ mtshan gzhi mtshan nyid dngos po yi//kun la kun gyis thams cad du/ /dga' ba'i mtshan nyid mtshan gzhi ni/ /A ro l-ika ces bshad pa yin/ /zhes so/ /pad+ma dang ral gri dang rin po che dang 'khor lo 'dzin pa'o/ /gdon mi za ba'i dam tshig ces bya ba la nan tan te sems can gyi don las mi 'da' zhing don yod pa'o//mi phyed pa'i phyir na rdo rje ste/ de lta bu la don yod grub pa'i tshul gyis snyoms par zhugs nas zhes smos so/ /dam tshig 'gugs pa'i zhes pa ni snying rje chen po'i dam tshig gis 'gugs te/ bdag kho nas don bya'o/ / gzhan la ni go skabs mi sbyin no zhes pa'i phrag dog gis 'dren pas na de skad do/ /ji skad du/ rkyen gyis drangs pa'i bdag nyid can/ /'du byed rtag tu phrag dog go/ /zhes so/ /yang na dam tshig ni lam gyi sngon du 'gro ba rnams so/ /de 'gugs pa ni gang nyams pa de'i sbyor bas sor chud par byed pa'o//pradz+nyA d+h+r-ika ces pa ni rim pa gang gis kyang rnam par shes pa rab dang rab kyi mthar phyin par byed pa ni shes rab de la pradz+nyA zhes bya'o/ /de 'du byed dag pa'i sems kyis 'dzin pas na pradz+nyA d+h+r-ika ces su bshad ces so/ /'di yang ral gri dang /'khor lo dang / pad+ma dang / rin po che 'dzin pa'o/ /de rnams kyang ral pa'i dbu rgyan la rin po che sna tshogs kyi 'od 'bar ba'i prog ze'us brgyan pa/ rgyan thams cad kyis brgyan pa'i phyag dang po gnyis kyis rig ma la 'khyud pa'o/ /rnam par snang mdzad zla ba'i gdan dang /'od kyi dkyil 'khor du ldan pas gsum po nyi mar shes par bya'o/ /rnam par spros pa dbye bas rigs lngar nges pa bstan pa'i phyir zhe sdang zhes pa la sogs pa'o/ /rigs lngar gtogs pa 'di rnams kyis/ /zhes bya ba ni/ 'dod pa la yang rigs lngar gtogs pa'o//'dod dang zhes pa ni nyon mongs pa gsum dang ldan pa'i sems so/ /ji skad du/ 'dod chags zhe sdang rmongs ldan pa/ /'dod pa'i sems su gsungs pa yin/ /zhes so/ /de yang rang rig pa la phyogs shing rim pa gnyis pa la gnas nas 'dod pa lnga rigs lnga'i bdag nyid du 'dod chags la sogs pa'i sems kyis sgom par byed pa de ni thar pa rab sgrub pa'o zhes te/'dod pa'i thar pa de mi gnas pa'i mya ngan las 'das pa thob par byed pa'o/ /ji skad du/ dam tshig sna tshogs 'dra bas na/ /mngon par phyogs pa las skyes 'bras/ /zhes smos so//da ni longs spyod kyi rgyan lha mo bzhi dbyung ba gsungs pa/ de nas zhes bya ba la sogs pa'o/ /rdo rje 'dzin pa zhes pa ni mi bskyod pa'o/ /de mnyes par byed pa ni mA ma kI ste/ mi 'da' ba'i phyir na dam tshig ste/ de lta bu la snyoms par zhugs so zhes so/ /btsun mo mchog ces pa ni bde ba mchog phun sum tshogs pa'i rgyu'i dngos po'i phyir te/ji skad du/ bud med yang dag bde ba'i mchog /ces so/ /dwe Sha ra ti zhes pa ni gnyis su med pa'i ye shes phan tshun du 'dzer ba longs spyod pa ni zhe sdang dga' ma'o/ /ji skad du/ de la phan tshun 'dzer ba ni/zhe sdang zhes ni bstan pa yin/ /zhes so/ /bcom ldan 'das de nyid ces pa ni rdo rje 'chang chen po'o/ /bud med kyi gzugs 'dzin par gyur te zhes pa ni snga ma ltar 'dul ba'i dbang gis bud med gzugs me tog gi cod pan dang nu ma dang pad+mar ldan pa/ sku mdog dang mtshan ma'i lhag ma mi bskyod pa dang 'dra bar rang gi mtshan ma'i ut+pal dmar po thogs pa'o//sngon gyi grwar bzhugs so zhes pa ni pad+ma'i nang gi grwa gang la gnas pa de la bzhugs te/ de lho nub kyi grwa la zla ba'i gdan la bzhugs so zhes so/ /mo ha ra ti/ zhes pa ni chos nyid kyis gnyis su med pa'i ye shes kyis 'byed pa med pa la longs spyod pa ni gti mug dga' ma'o/ /ji skad du/ gnyis med chos kyi ye shes las/ /nga rgyal nyid ni mo har gsungs/ /zhes smos so/ /'di ni thams cad rnam par snang mdzad dang 'dra ba'o//rA ga ra ti/ zhes pa ni ye shes gang gis yul mi gtong ba'i ye shes des longs spyod pa ni 'dod chags dga' ma'o/ /'di yang thams cad snang ba mtha' yas dang 'dra ba'o/ /sku dang gsung dang thugs zhes bya ba ni don yod grub pa ste/ thams cad kyi phrin las dang ldan pa'i phyir ro//de slu ba ni 'drid pa ste sgrol ma'o/ /mi phyed pa'i phyir rdo rje ltar gyur pa de la snyoms par zhugs so zhes so/ /badzra ra ti/ zhes pa ni gang mi shigs shing mi choms pa'i ye shes des longs spyod pa'i rdo rje dga' ma'o/ /ji skad du/ ye shes 'di ni rdo rjer gsungs//ra ti shin tu longs spyod rdzogs/ /zhes brjod do/ /'di yang rin chen dbang phyug lta bu'i sku mdog la lhag ma don yod grub pa lta bu rang gi mtshan ma ut+pal ljang ser 'dzin pa'o/ /btsun mo'i mchog phun sum tshogs pa'o zhes pa ni snga ma bzhin te/ de yang ye shes kyis dag pa'i dbang du byas nas/bde mchog phun sum tshogs pa'i rgyu de lus kyi sku'i ngo bo nyid ces pa la sogs pa'i ngo bos mchod pa'i lha mo'o/ /chos can gyi dag pa'i dbang du byas nas mchog ma yin te rjes su spyod pa tsam du shes par bya'o/ /yang dag par na lha mo de rnams rdo rje dga' mas khyad par du byas pas na/rang rang gi rigs kyi phun sum tshogs pa'i dam pa yin pas na btsun mo'i mchog yin te/ dang po'i sbyor ba la 'jug pa dang mi 'jug pa'i bye brag tsam du zad do/ /ji skad du/ mo ha dwe Sha rA ga dang / badzra ra ti rtag tu sbyor/ /'di ni sangs rgyas rnams kyi thabs//rdo rje theg pa zhes su bshad/ /ces so/ /da ni de nas zhes bya ba la sogs pas bgegs 'joms par byed pa'i sgo srung dbyung ba gsungs pa/ rnam par snang mdzad 'khor lo zhes pa ni me long lta bu'i ye shes te/ de'i 'byung ba gang rdo rje ltar mi phyed pa de la snyoms par zhugs nas de'i rigs kyi khro bo phyung ba'o//de bzhin gshegs pa thams cad ni rnam par snang mdzad do/ /des dkyil 'khor ni sku'i dkyil 'khor ro/ /de byin gyis brlabs pa ni dkyil 'khor gzhan dgug pas de byin gyis brlabs pa'o/ /khro bo zhes pa ni drag po rnams 'dul ba'i ched du btang snyoms chen po la gnas pa rnams kyang nyams de ltar ston pa ste/dam tshig chen po de kho na nyid las/ e ma sangs rgyas thams cad kyi/ /shin tu brtan pa rdo rje can/ /drag po rnams la phan don du/ /zhi ba rnams kyang khro bor 'gyur/ / zhes so/ /rtsa ba'i rgyud las kyang / /e ma sangs rgyas thams cad kyi/ /ye shes 'di ni bla na med/ /gang phyir 'dul dbang rnams kyis ni/ /khro bor gyur pa dri ma med/ /ces so/ /lha chen po rnams la yang khro bo'i cha lugs mnga' bas na chen po'o/ /ya mAn+ta kr-ita/ces pa ni lus la sogs pa'i chos rnams gcig dang du ma la sogs pa'i ma skyes pas mi 'jigs pa'i dam tshig la dad pa rnam par dag pa ni gshin rje mthar byed do/ /ji skad du/ mi 'jigs bdag nyid chos rnams ni/ /ma skyes pa yi ngo bo nyid/ /dngos po kun gyi dam tshig ste//des na ya mAn+ta kr-ita rgyal/ /zhes so/ /de bzhin gshegs pa thams cad ces pa rnam par snang mdzad do/ /bsnyengs par byed pa'i tshul du zhes pa ni/ de nyid mi dad pa'i 'gro ba rnams 'dul bar byed pa'i phyir 'og nas 'byung ba'i tshul du bsnyengs pa'i phyir ro//'di yang rang gi mtshan ma rdo rje tho ba 'dzin pa'i mdog dang phyag mtshan gzhan mi bskyod pa lta bu me'i 'od dang ldan pa'o/ /shar phyogs kyi sgor zhes pa ni dran pa nye bar gzhag pa ni shar gyi sgo ste/ de la nyi ma'i gdan la bzhugs par shes par bya'o/ /mngon par byang chub rdo rje zhes pa ni de bzhin gshegs pa rnams kyi ngo bo nyid du gnas pa'i rkyen chos kyi dbyings kyi ye shes te/de'i ting nge 'dzin la snyoms par zhugs nas de'i rigs kyi khro bo phyung ngo zhes bya bar sbyar ro/ /de bzhin gshegs pa thams cad kyi zhes pa ni mi bskyod pa'o//de'i dkyil 'khor ni thugs kyi dkyil 'khor ro/ /de byin gyis rlob pa ni gzhug pa'i las kyis zhes so/ /gzhan ni gong ma bzhin no/ /pradz+nyAn+ta kr-ita/ ces pa ni chos nyid kyis dag pa'i ngo bo bas gang gis kyang mi shes pa'i dam tshig brtson 'grus bzhis dag pa'i ngo bo ni shes rab mthar byed do//ji skad du/ rnam shes min bdag chos rnams ni/ /don dam mi 'gyur dag 'gyur nyid/ /sems kun gyi ni dam tshig ste/ /des na pradz+nyAn+ta kr-ita rgyal/ /zhes so/ /rdo rje dam tshig ni mi bskyod pa'o/ / bsnyengs par byed pa ni snga ma ltar rang gi mi mthun pa'i phyogs la'o/ /'di yang mdog dang phyag mtshan lhag ma rnam par snang mdzad dang 'dra bar rang gi mtshan ma rdo rje dbyug pa bsnams shing nyi ma'i 'od kyis 'khor ba'o/ /lho phyogs kyi sgo zhes pa ni yang dag par spong ba bzhi dag pa ni lho'i sgo ste/de la nyi ma'i gdan la bzhugs so zhes so/ /de bzhin gshegs pa thams cad kyi chos ni so sor kun du rtog pa'i ye shes so/ /de nyid yon tan thams cad kyi 'byung gnas su gyur pa'i phyir rin po che ste/ de lta bu la snyoms par zhugs nas de'i rigs kyi khro bo phyung ngo zhes so//'dod chags 'chang ba ni snang ba mtha' yas so/ /de'i dkyil 'khor ni gsung gi dkyil 'khor ro/ /de byin gyis rlob pa ni bcing ba'i las kyis so/ /pad+mAn+ta kr-ita/ ces pa ni ming la sogs pa bral bas brjod du med pa'i bdag nyid kyi chos la dran pa rnam par dag pa'i rang bzhin ni pad+mAn+ta kr-ita do//ji skad du/ brjod med bdag nyid chos rnams ni/ /ming dang gzugs blo ngo bo med/ /chos rnams kun gyi ngo bo ste/ /des na pad+mAn+ta kr-ita gtso/ /zhes so/ /gsung gi gtso zhes pa ni sku mdog la sogs pa thams cad snang ba mtha' yas dang 'dra bar gong ma ltar bsnyengs pa'i tshul du me'i 'od kyis 'khor ba'o//nub phyogs kyi sgor rdzu 'phrul gyi rkang pa rnam par dag pa ni nub kyi sgo ste/ de la nyi ma'i gdan la bzhugs pa'o/ /sku dang gsung dang thugs rdo rje ni chos kyi dbyings te/ de la snyoms par zhugs nas de'i rigs kyi khro bo phyung ba'o//de bzhin gshegs pa thams cad ces pa ni rdo rje gsum mo/ /de'i dkyil 'khor ni sku la sogs pa'i dkyil 'khor ro/ /de byin gyis rlob pa ni dga' bar byed pa'i de'i las so/ /big+h+nAn+ta kr-ita/ ces pa ni rang bzhin gyis zhi bas rnam par mi rtog pa'i ngo bo'i dam tshig las ting nge 'dzin rnam par dag pa'i rang bzhin ni bgegs mthar 'byin zhes bya'o//ji skad du/ mi rtog bdag nyid chos rnams ni/ /rang bzhin gyis ni zhi ba dngos/ /rdo rje kun gyi dam tshig ste/ /des na big+h+nAn+ta kr-ita gtso//zhes so/ /sku dang gsung dang thugs zhes bya ba ni mi bskyod pa ste/ de bzhin gshegs pa rnams kyi ngo bo nyid du gnas pa'i rkyen las skyes pa'i phyir ro/ /de'i tshul ni de dang mdog la sogs pa 'dra ba ste gong ma ltar me'i 'od kyis 'khor ba'o/ /byang phyogs kyi sgo zhes pa ni dbang po dang stobs rnam par dag pa ni byang gi sgo ste/de la nyi ma'i gdan la bzhugs so zhes so/ /sku dang gsung dang thugs kyi dkyil 'khor mnyes par byed pa'i dam tshig sems dpa' rnams so zhes pa ni bdud rtsi 'khyil pa ste/ las thams cad kyi rang bzhin pas na tshig mang por gsungs pa'o//dam tshig can gyi skye bo bsam pa la dam tshig dang mi 'gal ba'i phyir dang / gzhan rnams ni rang rang dkyil 'khor mnyes par byed pa'i dam tshig sems dpa'o/ /dad pa la sogs pas bsgrubs pa ni ting nge 'dzin te/ des dag pa'i khro bo ni gsum char la yang mi 'gal ba kho na'o//de rnams kyang zhal khro gnyer dang ldan pa/ mche ba gtsigs pa zhal gdangs pa khros pa bzhad pa/ phyal 'phyang ba sra zhing che ba/ brla dang brang yang de ltar gnas pa/ ljags 'dril ba yan lag la sogs pa thung zhing sbom pa/ skra dang sma ra dmar ser gyen du 'khyil ba/ spyan nang par gyi nyi ma ltar gnas shing 'dril ba'o/ /de'i yan lag kyang khong khro'i kun du sbyor ba dag pa'i mtha' yas nag pos skra bcings pa dang rjes su mthun pa'i kun du sbyor ba dag pa'i 'jog pos snyan cha dang / nga rgyal gyi kun du sbyor ba dag pa'i pad+ma chen po dkar pos do shal byas pa dang / phrag dog gi kun du sbyor ba dag pa'i karko Ta ljang gus tshangs skud byas pa dang / ser sna kun du sbyor ba dag pa'i rigs ldan kha dog sna tshogs pa'i dpung rgyan dang / lta ba'i kun du sbyor ba dag pa'i dung skyong ser pos phyag gdub dang /spyod pa'i kun du sbyor ba dag pa'i nor rgyas dkar pos 'og pag byas pa dang / the tshom gyi kun du sbyor ba dag pa'i pad+ma dkar pos rkang gdub byas pa dang / zhabs brkyang bskum la bar mtho lnga pa/ phyag dang po gnyis kyis rang gi rig ma la 'khyud pa'o//de bzhin gzugs kyi rdo rje ma la sogs pa yang ye shes gsum gyis phyung nas me mtshams la sogs pa phyi'i grwa bzhi dang / shar sgo'i g.yas g.yon du zla ba'i gdan la gzhag par bya'o zhes so/ /ji skad du/ sku gsung thugs kyi rdo rje las/ /bdag nyid chen po dbyung ba yin//zhes so/ /de rnams kyi phyag mtshan lhag ma dang sku mdog ni bde bar gshegs pa drug dang mthun no/ /ji skad du/ rdo rje bdag po rdo rje can/ /zhes so/ /phyag mtshan gyi gtso bo ni ji skad du/ me long pi wang dri chab dang / /ro yi snod dang sna tshogs ras//chos kyi 'byung gnas phyag mtshan bsnams/ /zhes so/ /de bas na 'byin pa'i dkyil 'khor la lha bcu dgur nges pas na bri ba'i dkyil 'khor la yang de bzhin du shes par bya'o/ /de bzhin gshegs pa thams cad kyi sku dang gsung dang thugs ni rgyu ba dang /mi rgyu ba'i dngos po thams cad la khyab cing thugs rje dang ldan pa'i bde bar gshegs pa rnams kyis bstan pa yang gzhan gyi spyod yul du ma gyur pas na gsang chen no/ /ji skad du/ de yi de nyid gsang ba ni/ /rgyud 'di las ni gsum du bstan/ /rdo rje sku dang gsung dang thugs//rgyu dang mi rgyu'i dngos po la/ /khyab nas thub dbang thams cad kyis/ /thugs rjes kun du bstan gyur yang / /byis pa rnams kyis mi rtogs phyir/ /rang bzhin gyis ni gsang zhes bya/ /zhes so/ /de'i gsang ba de 'dus pa yang de nyid pas na 'du ba ste gong ma ltar rdo rje 'chang chen po'o//de bzhin gshegs pa thams cad kyi ting nge 'dzin ni rdo rje 'dzin pa'i ting nge 'dzin to/ /de'i dkyil 'khor ni sems dang bskyed pa'i dkyil 'khor ro/ /de gang gis byin gyis rlob pa de ston par byed pa ni gzhung ni le'u dang po'o/ /le'u dang po'i 'grel pa'o// //da ni dngos por 'dzin pa bzlog pa'i phyir/ snying rje chen po sngon du 'gro ba'i ye shes kyi tshogs sgom pa byang chub kyi sems kyi le'u gsungs pa de nas zhes bya ba la sogs pa'o/ /de nas zhes bya ba ni le'u'i de ma thag pa'o/ /gzhan ni gong ma ltar sbyar ro//sku dang gsung dang thugs kyi rang bzhin ni de nyid mchog ces pa ste/ don dam pa byang chub sems 'gyur ba med pa'o/ /de nyid thun mong gi yul du ma gyur pas na/ /de bzhin gshegs pa kun gyi gsang / /zhes bya'o/ /yang gong na med pa de ni bla na med pa ste/ de gang zhe na/byang chub kyi bdag nyid sems zhes bya'o/ /snying po de ni blang bar bya ba yin pas na'o/ /de bshad du gsol zhes byang chub kyi sems bshad par gsol ba btab pa'o/ /de ltar zhus ma thag tu sku gsung thugs rtse gcig pas mnyam par zhog la nyon cig par gdams pa bstan pa de nas zhes bya ba la sogs pa'o//sku dang gsung dang thugs kyi bdag po ni rdo rje 'dzin pa chen po'o/ /de bzhin gshegs pa thams cad kyis zhes bya ba ni mi bskyod pa la sogs pa'o/ /des byang chub sems bshad par gsol ba btab pa dang / byang chub sems dpa' thams cad ni byams pa la sogs pa'o//de rnams kyi yongs su rtog pa ni de bzhin gshegs pa rnams kyis zhus pa ni ma nor te don chen por 'gyur ro snyam pa'o/ /thugs zhes bya ba ni rjes las thob pa'i ye shes kyis mkhyen nas bka' stsal to zhes so/ /de gang zhe na/ khyed kyis zhes bya ba la sogs pa'o/ /sems lus lta bu zhes bya ba ni rnam pa med pa'i sems gcig pu bkag pa'o/ /lus sems lta bu zhes pa ni/ bems po 'ba' zhig tu snang ba'i lus dgag pa'o/ /des ni lus dang sems rang bzhin gcig par gyis zhes bya ba'i don to//ngag sems lta bu zhes pas kyang ngag bems po 'ba' zhig bkag pa'o/ /sems tshig tu brjod pa lta bur bskyed cig ces pa ni/ rnam pa med pa'i sems gcig pu bkag pas ngag dang sems kyang dbyer med par gyis zhes bya ba'i don to/ /de ltar des ni lus ngag yid gsum char yang sems tsam mo zhes gsungs pa'o//de yang gnyis pos stong pa'i gnyis pos ni sems tsam du sbyar nas rtse gcig pas nyon zhes pa'o/ /da ni nyan pa po byang chub sems dpa' rnams kyis/ ji ltar gnas pa'i byang chub kyi sems la blo bzhag nas ched du brjod pa sdud pa pos bris pa de nas zhes bya ba la sogs pa'o//sku dang gsung dang thugs nyid ston pa'i gsung gi rim pa bzhin du brtsam pa'i phyir na nam mkha' lta bur zhes te/ dmigs pa med pa'i ye shes te/ de yang stong pa nyid du sbyar nas zhes smos so/ /gzhan gyis ma bcol bar smras pa ni ched du brjod pa'o//de gang zhe na/ e ma ho zhes pa la sogs pa'o/ /kun du bzang po'i zhes pa ni chos thams cad la khyab bdag tu gyur pa'i phyir ro/ /de ci ngo mtshar che zhe na/ sku gsung thugs kyi bdag nyid che zhes so/ /ji ltar gnas na skye ba med pa'i sbyor ba yis/ / zhes bya ste/ kun du brtags pa'i bdag nyid kyis ni skye ba'i sbyor bas so/ /de nyid yongs su dag pa'i tshul gyis/ skyong ba 'di ni rab tu bsgrags/ /zhes bya ste/ gnyis su med pa'i ye shes kyis bsgrags pas de nyid e ma ho zhes so/ /de ltar byang chub sems dpa' rnams kyi chos nyid thun mong gi byang chub kyi sems brjod nas/da ni sangs rgyas drug gi so so'i byang chub kyi sems gsungs pa/ de nas zhes bya ba la sogs pa'o/ /mngon par byang chub pa'i tshul gyis ni stong pa chen po'i byang chub kyi sems te/ mi phyed pa'i phyir rdo rje ste rdo rje 'chang chen po'i tshul gyis snyoms par zhugs nas gsungs so zhes bya bar sbyar ro//de bzhin du rigs so so'i ting nge 'dzin rnams ni rang rang gi ye shes so so la/ rang rang gi tshul gyi ston pa snyoms par zhugs nas byang chub kyi sems ston pa'o/ /dngos med ces pa ni steng dang 'og la sogs pa'i dbye bas bsal na 'dus byas dang 'dus ma byas kyi chos thams cad stong par 'gyur ba'i phyir ro//de bsgom pa yi dngos po med/ /ces te/ stong pa nyid la mngon par zhen pa lta ba yin pa'i phyir ro/ /bsgom par bya ba zhes pa la sogs pa ni gang rgyu dang 'bras bur mngon par zhen nas bsgom par bya ba'o//de nyid bsgom pa min zhes te rgyu dang 'bras bu gnyis dbyer mi phyed pa'i phyir ro/ /de ltar dngos po zhes pa ni phyi rol gyi rnam pa'i smon lam gyi 'bras bu'o/ /de nyid dngos med pas zhes bya ste/ ye shes las ma gtogs pa nye bar dmigs par mi 'gyur ba'i phyir ro/ /de bas na phyi rol gyi rnam pa'i smon pa lta bur sgom pa ni dmigs su med pa'i zhes te/sems kyi rang bzhin stong pa nyid la sogs pa yin no zhes pa'i don to/ /sku dang gsung dang thugs rdo rje de bzhin gshegs pas gsungs so zhes pa la sogs pa ni sdud pa po'i tshig go/ /gdon pa'i rim pa bor nas sems lus lta bu zhes pa'i tshig la brten nas de'i de ma thag tu rnam par snang mdzad kyi byang chub kyi sems gsungs pa/de nas zhes pa la sogs pa'o/ /gzugs brnyan bzhin du mngon par rtogs pa nyid mi phyed pa'i phyir na rdo rje ste/ de la rnam par snang mdzad kyi tshul gyis snyoms par zhugs nas zhes smos so//dngos po thams cad dang bral ba zhes pa ni snod kyi 'jig rten la sogs pa dngos po thams cad la srog dang / gso ba la sogs pa'i dngos po mi rigs pa'i phyir na bral ba'o/ /phung po khams dang skye mched rnams/ /zhes bya ba ni/de nyid gzugs kyi phung po la sogs pa gnyen po gsum gyi tshul du gzung ba dang 'dzin par rtog pa de nyid gcig dang du ma la sogs pa'i rigs pas dpyad na gnyis por 'os pa ma yin pas na rnam par spangs pa'o/ /de nyid chos bdag med pa zhes te gnyis kyi bdag dang bral ba'i sems rdzas su rtogs pa ni/dngos po stobs kyis zhugs pa la sogs pas rigs pa ma yin pas na bden pa rnam pa gnyis mnyam pa nyid do/ /de nyid la tha dad pa'i kun rdzob kyi lung gis bkag pas/ rang sems ye nas ma skyes pa/ /zhes bya ste/ gnyen po skyes nas ma yin pa'i don to//de kho na gsungs pa/ stong pa nyid kyi rang bzhin no/ /zhes te/ rnam pa'i mchog kho na dang ldan pa'i stong pa'o zhes so/ /lus sems lta bu zhes pa la brten nas mi bskyod pa'i byang chub sems gsungs pa/ de nas zhes bya ba la sogs pa'o/ / rnam par dag pa'i rgyun brgyud pa bar chad med pas mi zad pa ste/ mi phyed pa'i phyir na rdo rje lta bu la mi bskyod pa'i tshul gyis snyoms par zhugs nas zhes so/ /dngos po 'di rnams ma skyes pas/ /zhes bya ba ni/ rgyu ba dang mi rgyu ba'i dngos po rnams rang rang gi rang bzhin gyis ma skyes so/ /de nyid kyis ni mtshan nyid 'dzin pas na chos med do//de med pas na de'i chos nyid kyang med pa'o zhes so/ /'o na de thal byung du med do zhe na/ nam mkha' lta bu bdag med pas zhes pa ni/ dmigs pa'i ye shes tsam gyi gnyis su med pa'i/ /byang chub tshul 'di bstan pa'o/ /zhes te de kho na bzhin du gnas pa'i phyir ro//rin chen 'byung ldan gyi byang chub kyi sems gsungs pa/ de nas zhes bya ba la sogs pa'o/ /bdag dang gzhan gyi rnam pa'i cha mnyam pa ni bdag med pa mi phyed pa'i phyir na rdo rje'o/ /de lta bu la rin chen 'byung ldan gyi tshul gyis snyoms par zhugs nas zhes so//chos rnams thams cad dngos med cing / /zhes pa ni gong ma lta bu'i chos rnams zhes bya ba'i mtshan nyid kyi dngos po med pa'o/ /de bas na/ /chos kyi mtshan nyid rnam par spangs/ /zhes te/ gzung du rung bas gzugs zhes pa la sogs pa mtshon par byed pa spangs te/de de nyid ma yin pa'i phyir ro/ /ji skad du/ phung po la sogs khyad par du/ /ngo bo las ni khyad par du/ /mtshan nyid de nyid de nyid min/ /de bas de nyid mtshan nyid bral/ /zhes so/ /bdag med chos las zhes bya ba ni/ mnyam pa nyid kyi byang chub sems la kun 'byung ba ste/de'i rang bzhin du gnas pa'i/ byang chub sems 'di bstan pa'o/ /zhes so/ /snang ba mtha' yas kyi byang chub kyi sems gsungs pa de nas zhes bya ba la sogs pa'o/ /chos thams cad kyi rnam par dag pa rtog pa ni 'od zer 'bar ba'o/ /mi phyed pa'i phyir na rdo rje ste 'od gsal ba'i phyir na sgron ma'o//de la snang ba mtha' yas kyi tshul du snyoms par zhugs nas zhes so/ /ma skyes pa'i chos rnams la zhes pa ni gong ma lta bu'i rnam par brtags pas ma skyes pa'o/ /de la ngo bo med ces pa ni de'i ngo bo med pa'o/ /de med pas de'i bsgom pa yang med ces pa'o//'o na ji lta bu zhig yod ce na/ nam mkha'i tshul du sbyor ba yis/ /zhes bya ste/ mi dmigs pa'i ye shes kyi tshul gyis dngos po so sor kun du rtog pa'i ye shes kyi tshul du rab tu bsgrags shing bshad do zhes pa'o/ /don yod grub pa'i byang chub kyi sems gsungs pa/de nas zhes bya ba la sogs pa'o/ /bdag kho nas don bya ba'i gzhan la go skabs mi sbyin no zhes pa ni zil gyis gnon pa ste mi phyed pa'i phyir na rdo rje'o/ /de la don yod grub pa'i tshul gyis snyoms par zhugs nas zhes so/ /chos rnams rang bzhin 'od gsal ba//zhes pa ni gong ma lta bu'i chos rnams ni rang bzhin nam gdod nas 'od gsal ba zhes so/ /ji ltar 'od gsal zhe na/ gdod nas dag pa nam mkha' bzhin/ /zhes te/ bya ba grub pa'i ye shes kyis dang po nas dag nas nam mkha'i dkyil lta bur gnas te byed pas ni ma yin no//rang bzhin gyis 'od gsal ba'i byang chub kyi sems de la logs shig na byang chub kyang med pa'o/ /mngon rtogs med ces pa ni lam de las dbyer med par shes par bya'o/ /de'i phyir byang chub dang lam yang gsal ba dang mi gsal ba'i gnas skabs su gdags pa'o//de lta bu'i byang chub tshul 'di bstan pa'o/ /zhes so/ /da ni byang chub sems dpa' rnams kyi ngo mtshar ba sngon du byas nas ched du gleng bas sngon du bshad pa'i byang chub kyi sems la bstod pa gsungs pa/ de nas zhes bya ba la sogs pa'o/ /sku dang gsung dang thugs nyid gsang ba'o//de'i chos nyid ni don dam pa'i bden pa'o/ /mi 'gyur ba'i phyir na yi ge'o/ /de thos nas ngo mtshar du gyur pa ni zab mo la'o/ /rmad du gyur ni snang ba mi 'gog pa'o/ /e ma ho sangs rgyas zhes pa ni bde bar gshegs pa'o/ /e ma ho chos zhes pa ni de bzhin nyid do//chos bstan pa ni ngo mtshar che/ /zhes pa ni bstan pa'i chos so/ /de nyid don zhes pa ni gsum char la yang nam mkha' bzhin du rnam par dag pa'i don to/ /de nyid shes rab dang snying rjes dbyer med pas na byang chub sems zhes de la phyag 'tshal lo zhes pa ni/rdo rje 'chang chen po'i byang chub kyi sems la'o/ /bdag med pa'i chos zhes pa ni mnyam pa nyid kyi ye shes te/ de las byung ba ni rin chen 'byung ldan te/ sangs rgyas byang chub kyi rdzogs byed/ /ces pa ni sbyin pa bzhis phyogs med par rdzogs par byed pas na/ de'i byang chub kyi sems la'o//rnam par mi rtog ces pa ni/ /gzugs brnyan lta bur rtog pa thams cad dang bral ba ste rnam par snang mdzad kyi'o/ /dmigs su med ces pa ni dmigs pa thams cad dang bral ba'i chos kyi dbyings kyi ste mi bskyod pa'i'o/ /de ltar byang chub sems gsum char la yang phyag 'tshal lo zhes so//kun du bzang po kun gyi don/ /zhes pa ni sgo gsum nas skyon dang bral zhing skye gnas su gyur pa'i phyir ro/ /byang chub sems ni rdzogs par byed/ /ces pa ni so sor rtog pa'i ye shes kyi gdul bya'i rgyud la'o/ /de nyid byang chub spyod pa'o/ /mi shigs pa'i phyir na rdo rje che zhes te/snang ba mtha' yas kyi byang chub kyi sems la phyag 'tshal lo zhes so/ /dag pa'i de bzhin gshegs pa'i thugs/ /zhes bya ba ni chos nyid de bzhin nyid de/ de las skyes pa'i thugs so/ /sku gsung thugs kyi rdo rje can/ /zhes pa ni sku la sogs pa'i gsum char gyi las dang ldan pa'i phyir ro//byang chub spyod pa rab ston pa/ /zhes pa ni gdul ba'i dbang gis dag pa 'jig rten pa'i ye shes kyi rab tu ston pa ste/ don yod grub pa'i byang chub kyi sems la phyag 'tshal lo zhes pa'o/ /le'u 'di'i don la ni las kyi sgrib pa bzlog pa rnal 'byor pas rnyed pa mngon sum du gyur pa'i sems can rgya mtsho'i tshong pa nyams pa lta bu la/ded dpon chen po la gru 'cha' ba bzhin du snying rje chen po'i thugs kyis brlan par byas la/ rang bzhin gyis 'od gsal ba'i don dam pa byang chub kyi sems rnam par thar pa'i sgo gsum du bsgoms nas 'og nas 'byung ba'i sngags kyis brtan par bya'o zhes so//don dam pa byang chub kyi sems ston par byed pa'i gzhung gi le'u gnyis pa'o/ /le'u gnyis pa'i 'grel pa'o// //le'u gsum pa gsungs pa/ de nas zhes pa la sogs pa'o/ /de bzhin gshegs pa thams cad 'phro ba ste sems can gyi don du zhes so//de nyid gdung ba sel cing brlan dang bcas pa'i phyir na sprin no/ /de'i bkod pa ni mang po'i tshogs pas na'o/ /mi phyed pa'i phyir na rdo rje ste/ de lta bu la rdo rje'i tshul gyis snyoms par zhugs nas zhes so/ /rdo rje ni de bzhin gshegs pa rnams so//de'i bkod pa ni 'dus pa ste rdo rje 'chang chen po'o/ /de ston par byed pa'i gzhung ni le'u ste de gsungs so zhes so/ /da ni ye shes kyi tshogs bsgom pa sngags kyis brtan par bya bar gsungs pa/ oM shU n+ya tA dz+nyA na badzra swa b+hA wa At+ma kou0f85haM/ zhes b ya'o//de bdag dang sems can gyi lus ngag yid gsum le'u gnyis pa ltar ma grub par bsgoms pas brtan par byas nas 'og nas 'byung ba'i mtshan ma la dmigs par bya'o zhes so/ /da ni lha'i 'khor lo gnas par bya ba'i phyir rten gyi dkyil 'khor gsungs pa/ nam mkha'i zhes pa la sogs pa'o//nam mkha'i dbyings kyi dbus gnas pa/ /zhes pa ni longs spyod bzhi dang rtag pa nyid dang ldan pa'i rdo rje 'dzin pa las byung ba'i chos 'byung dkar po gru gsum pa'i dbus na gnas pa'o/ /ji skad du/ longs spyod bzhi dang ldan pa yi/ /rig pa'i skyes bu rdo rje can//sku gsung thugs kyi bye brag gis/ /gru gsum du ni rnam par bsgom/ /zhes so/ /dbus na gnas pa gang zhe na/ sangs rgyas dkyil 'khor zhes te b+h+rUM la sogs pa'i rim pas rnam par snang mdzad rin po che'i dbu rgyan can gnas gyur pa las byung ba'i gzhal yas khang pa bsgom par bya ba ste/ji lta bu zhe na/ 'od zer sprin gyi tshogs chen po/ /sangs rgyas 'bar ba'i 'od dang mnyam/ /zhes bya ste/ sangs rgyas nyid 'bar ba ste/ de dang mnyam pa'i 'od zer gyi tshogs chen po phyogs kun du me ri'i tshul du kun du 'phro ba'i 'od gang la mnga' ba de la de skad ces bya'o//de nyid kyi ni/ 'od zer sna lngas kun du khyab/ /ces bya'o/ /kun nas yongs su zlum por te/ /zhes pa ni nang dang phyi zlum pa ste dbus ma zur bzhi pa kho na yin no/ /'dod pa'i yon tan lnga yis rgyas/ /zhes pa ni/phyin ci log gi gzugs la sogs pa rnam par dag pas na/ gzhal yas khang gi gzugs la sogs pas rgyas pa'o/ /mchod pa rnam pa lngas brgyan pa/ /zhes pa ni stobs la sogs pa rnam par dag pas na/ lha bshos la sogs pa lngas brgyan pa zhes so/ /de rnams ni mtshon pa tsam ste sgo bzhi la sogs pas legs par brgyan pas bskor bar bya'o//da ni sangs rgyas drug gi sku mdog la sogs pa'i nges pa gsungs pa/ mdor na zhes pa la sogs pa'o/ /de ltar bsgoms nas su zhes pa ni rten gyi 'khor lo bsgoms nas su zhes so/ / gzugs ni zhes pa ni rnam par snang mdzad kyi'o/ /dbus su zhes pa ni dbus kyi gdan la'o/ /bsgom par bya zhes pa ni rdo rje 'chang ba gnas gyur pa las zhes pa'i don te/ de nyid bstan pa'i phyir rnam par snang mdzad ces so/ /phyag rgya che zhes pa ni 'og nas 'byung ba'i zhal la sogs pa dang ldan pa'o//sku gsung thugs kyis mtshan pa'o/ /zhes pa ni grub pa'i yan lag ste gzhan rnams dang yang ldan pa'o/ /'di ni ltag 'og tu sbyar bar bya'o/ /sku gsung thugs kyi rdo rjes zhes pa ni rdo rje 'chang chen po'o/ /phyag rgya chen po ni gong ma ltar ro//'am zhes pa'i sgras rdul tshon gyi dkyil 'khor la mtshan ma'i phyag rgya dgod par bya'o zhes pa'i don to/ /'di yang ltag 'og tu sbyar bar bya'o/ /tshogs gnyis dang ldan pas zhes pa ni bsod nams dang ye shes kyi tshogs dag pa'i bdag dang lha mor snang ba'o zhes so/ / 'di yang ltag 'og tu sbyar bar bya'o/ /'di rnam par snang mdzad dang mi bskyod pa'i bar du rdo rje 'chang ba smos pa ni rnam par snang mdzad dang sku mdog 'dra ba la mi bskyod pa dang phyag mtshan 'dra bar bstan pa'i phyir ro/ /de nyid kyi phyir 'og nas sku mdog la sogs pa'i nges pa ma bstan to/ / de bas na mi bskyod pa la sogs pa bsdus te bstan pa/ mi bskyod pa'i zhes pa la sogs pa'o/ /mi bskyod pa'i phyag rgya la sogs pa ni chos kyi dbyings kyi rang bzhin pas mchog go/ /dkon mchog dpal ni don thams cad 'byung bas rgya chen no/ /tshe dpag med ni snang ba ma lus par brgyud pas 'gengs pa'i phyir na 'od byed do//don yod grub pa ni sems can gyi bya ba ji snyed pa rdzogs par mdzad pas na rgya chen no/ /sangs rgyas dkyil 'khor bsgom par bya/ /zhes pa ni/ rdo rje 'chang ba las gyur pa zhes tshig snga ma'o/ /ji ltar zhe na mi bskyod pa'i sku mdog dang phyag mtshan gsungs pa/sku gsung thugs kyi zhes pa la sogs pa'o/ /zhe sdang gi rang bzhin yin pas in+d+ra nI la ltar gnas pa'o/ /rdo rje ni sngon po cung zad kha gyes pa'o/ /gtsigs pa ni mche ba'o/ /'jigs par byed pa ni spyan gyi 'gyur ba'o/ /rnam par snang mdzad kyi sku mdog la sogs pa gsungs pa/shel dang zhes pa la sogs pa'o/ /shel ni dang ba'o/ /zla ba ni dkar ba'o/ /des ni dkar la dang bar bstan pa'o/ /ral pa'i dbu rgyan gyis brgyan pa/ /zhes pa ni mdzes pa'i ral pa la rin po che'i dbu rgyan ze'u prog gis brgyan pa ste 'di ni kun la sbyar bar bya'o//'bar ba chen po ni 'od zer 'phro ba'o/ /'khor lo ni rtsibs brgyad par shes par bya'o/ /sna tshogs rgyan gyis mdzes par brgyan/ /zhes pa ni/ gdu bu la sogs pa mdzes pa ste kun la sbyar bar bya'o/ /rin chen 'byung ldan gyi sku mdog la sogs pa gsungs pa/'dzam bu nA da zhes pa la sogs pa'o/ /nA da'i gser 'od ces pa la sogs pa'o/ /sangs rgyas sprin ni 'od zer te des 'khrigs pas na rab tu 'khrigs pa'o/ /rdo rje che zhes pa ni mi phyed pa'i phyir ni rin po che markata'o/ / rtse mo dgu pa zhes pa ni dbyibs zur dgu pa'o/ /ma ra ga ta'i 'od 'dra ba/ /zhes pa ni kha dog ste ljang gu'o/ /rdo rje 'bar ba ni de'i 'od zer 'bar ba ste/ de phyogs kun du 'bar ba'i sprin gyis 'khrigs pa'i rin chen rnam par bsgom pa'o/ /snang ba mtha' yas kyi sku mdog la sogs pa gsungs pa/pad+ma rA ga zhes pa la sogs pa'o/ /pad+ma rA ga ni dmar po'o/ /ral pa'i dbu rgyan ni gong ma ltar sbyar bar bya'o/ /pad+ma dmar po 'dab ma brgyad pa bsnams pa'o/ /rdo rje 'dod chags zhes pa ni/ 'dod chags rnam par dag pa ste bsgom par bya'o//don yod grub pa'i sku mdog la sogs pa gsungs pa/ 'od zer sna lnga'i zhes pa la sogs pa'o/ /kha dog 'dres pa las byung ba'i phyir na ljang gu la 'od zer sna lnga zhes bya ba'o/ /de gang zhe na/ rdo rje gdon mi za ba ste/ /zhes so/ /zhi ba zhes pa ni 'ga' zhig ma gtogs pa kun la sbyar bar bya'o//ral gri ni rin po che sna tshogs kyis spras pa'i yu ba can bsnams pa'o/ /de rnams la gcig ni rgyu 'bras gnyis/ gzhan rnams ni 'bras bu kho na ste/ de yang chung ngu dang chen po'i bsnyen pa la gtogs pa'o/ /da ni bsnyen par byed pa chos kyi dbyings su byin gyis brlabs pa'i sngags gsungs pa/de nas zhes bya ba la sogs pa gsungs pa'o/ /chos kyi dbyings zhes pa ni zab mo dang gsal ba dbyer med pa'o/ /de'i ngo bo nyid ni lus te de la snyoms par zhugs nas zhes so/ /sku dang gsung dang thugs rdo rje ni sku gsum mo//de dang ldan pas lus ni sgyu 'phrul gyis sbyor bas bsgrubs pa'o/ /de byin gyis rlob pa ni mtha' gnyis su ltung ba med pa ste de'i sngags gsungs so zhes so/ /oM d+harma d+hA tu swa b+hA wa At+ma kou0f85haM/ zhes pas/ rang bzhin med pa'i sku gsum char la yang byin g yis brlab par bya'o//da ni sems rgod pa zhi bar bya ba'i phyir thig le sbyor ba'i de ma thag tu phra mo'i sbyor ba gsungs pa/ rin chen zhes pa la sogs pa gsungs pa'o/ /rin chen zhes pa ni mar ga ta'o/ /de nyid 'od zer lnga 'phro bas na kha dog sna lnga pa zhes bya'o/ /de'i tshad yungs kar gyi 'bru tshad tsam zhes bya'o//in+d+ra nI la dang / pad+ma rA ga dang / marka ta dang rdo rje rnams kyang de bzhin te/ gzhan rnams la brten pa'i mtshan ma la brten pa'i rten gyi dkyil 'khor gyi rten no/ /de yang rang gi sa bon las byung ba'i 'od zer gyis bde bar gshegs pa dgug pa zhal du zhugs pa byang chub sems su zhu ba las bskyed pa lha'i 'khor lo dang ldan pa'i mtshan ma dang bcas par rang gi rdo rje las byung ste/sna'i rtse mo zhes pa ni pad+ma'i sna rtse la bkod nas nan tan du zhes pa ni brtan par bya ba'i phyir/ rnal 'byor rig pas zhes pas ni thabs kyis ster ba rigs pas brtag par bsgom zhes te/ji srid brtan par bya ba de srid kyi bar du'o/ /yang na ze'u 'bru'i bum pa las sna'i rtse mor rdo rjes dbyung ba'o/ /rin chen brtan par red nas spro/ /zhes pa ni gzung ba'i yan lag gis brtan par gyur pa'i mtshan ma lnga mthong nas spro zhes so//brtan par ma gyur yang mi spro/ /zhes pa ni slob ma bzhin pas spro bar mi bya'o/ /spro ba'i rnam pa gsungs pa/ sangs rgyas 'bar ba 'dra ba'i 'od/ /mchog rab sprin rnams spro bar bya/ /zhes te mtshan ma lngas kun la khyab pa'i phyir 'od zer spros la/ de las sangs rgyas kyi gzugs rnams kyang spro bar bya zhes so//de 'ba' zhig tu ma zad kyi phyag mtshan gzhan rnams kyang spro ba gsungs pa/ 'khor lo zhes pa la sogs pa'o/ /rin chen ni mchog nyid kyi phyir na phyag mtshan thams cad do/ /mdzod ni rin po che'o/ /mtshon cha ni ral gri'o//gzhan ni mdzod dang mtshon cha gnyis ka ral gri la 'dod de 'gal ba med do/ /byang chub sems dpa'i sprin chen zhes pa ni spyan ma la sogs pa'i gzugs kyang spro bar bya'o zhes so/ /'phro ba'i bdag nyid spro'o zhes pa ni de rnams dang dbyer med pa'i blos zin pa'o/ / da ni de bzhin gshegs pa lnga'i gdan gyi bye brag bstan pa'i phyir nam mkha'i dbyings zhes bya ba la sogs pa'o/ /nam mkha'i dbyings zhes bya ba ni chos kyi 'byung gnas kyi nang gzhal yas khang brtsegs pa'i dbus su gnas pa zhes so/ /rdo rje dkyil 'khor ni mi bskyod pa'o//bri bar bya zhes pa ni nyi ma'i gdan du 'gyur bas 'byin pa thob pa'o/ /gsang ba'i dkyil 'khor zhes pa ni zla ba'i dkyil 'khor te/ de'i dbus su 'khor lo'i dkyil 'khor zhes pa ni rnam par snang mdzad bsgom par bya'o/ /pad+ma'i dkyil 'khor ni snang ba mtha' yas te/de yang pad+ma'i bzlas pa ste/ rnal 'byor pas nyi ma la bsgom par bya ba'o/ /rin chen dkyil 'khor ni rin chen 'byung ldan te rin po che la brtson pa'i rnal 'byor pas nyi ma la dgod par bya'o/ /sbyor ba'i dkyil 'khor ni kha dog lnga sbyor bas na ljang gu'o/ /de dang ldan pa'i dkyil 'khor ni don yod grub pa ste/de yang nam mkha'i dkyil du nyi ma la bri bar bya zhes pa ni dgod par bya zhes pa'o/ /'di rnams nyi ma yin par ji ltar shes she na/ rnam par snang mdzad 'ba' zhig la gsal ba'i dkyil 'khor zhes pa'i sgras khyad par du byas pas phyi ma rnams nyi ma yin par mngon no//le'u dang po las/ gsol ba la sogs dkyil 'khor ldan/ /zhes pa'i sgras nyi ma gzung ba'o/ /byang chub sems dpa' rnams kyi rgyu bsdus pa yin pa'i phyir na de skad do/ /da ni dkyil 'khor de rnams bsgoms pa'i phan yon gsungs pa/ de dag ces pa la sogs pa'o/ /de dag ni rab mchog dang po'i sangs rgyas te bde bar gshegs pa rnams so/ /de nyid sku dang gsung dang thugs bsgrub pa'o/ /de'i dkyil 'khor de rnams rdo rje las byung ba zhes te/ rdo rje 'dzin pa las byung ba'o/ /des ci byed ce na/ thams cad mkhyen pa'i tshul thob pa'o zhes te/thams cad mkhyen pa nyid tshul lo/ /tshul nyid thams cad mkhyen pa ste/ de thob par byed pa'o/ /rdo rje bkod pa'i le'u zhes bshad zin to/ /le'u gsum pa'i 'grel pa'o// //da ni sa byin gyis brlab pa'i de ma thag tu ting nge 'dzin gsum ldan gyi bla ma la dkyil 'khor bri ba'i don du gsol ba btab pa gsungs pa/de nas zhes pa la sogs pas le'u bzhi pa gsungs pa/ de bzhin gshegs pa thams cad kyang 'dus nas zhes pa ni rtag pa la sogs pa'i sbyor ba shes pa'i slob ma'o/ /sku gsung thugs kyi bdag po zhes pa ni sa'i dbus na gnas pa'i bla ma thams cad dang bdag mnyam mo zhes pa'i nga rgyal dang ldan pa'i dpa' bo rdo rje dril bu 'dzin pa'o//de la mchod pa sngon du song ba'i bstod pa'i rgyal po 'dis/ bri ba'i don du gsol ba gdab/ /ces bya ba'i don to/ /de bzhin gshegs pa kun zhi ba//zhes pa ni gzung ba la sogs pa'i spros pa dang bral ba ste sku rdo rje'o/ /gang zhe na/ de bzhin gshegs pa thams cad ces pa la sogs pa'o/ /de bzhin gshegs pa kun gyi gnas/ /zhes bya ba ni/ chos dbyings ni 'byung gnas su gyur pa'i phyir na thugs rdo rje'o//chos kun bdag med pa ni gnyis kyis bdag dang bral bar ston pa gsung rdo rje ste de nyid mchog go/ /de rnams kyis/ dkyil 'khor dam pa bshad du gsol/ /zhes spyir zhus pa'o/ /sku'i dkyil 'khor zhus pa/ mtshan nyid thams cad yang dag rdzogs//zhes bya ba ni gru bzhi dang sgo bzhi la sogs pa'i mtshan nyid thams cad rdzogs pa'o/ /mtshan nyid med pa thams cad spangs/ /zhes bya ba ni/ tshad dang rim pa 'das pa'i mtshan nyid spangs pa'o/ /kun du bzang po ni rdo rje 'dzin pa'o/ /de'i sku'i dkyil 'khor bshad du gsol zhes pa'o//gsung gi dkyil 'khor zhus pa/ zhi ba'i chos ni yang dag 'byung / /zhes pa ni bdag med pa'i chos ni spros pa zhi ba'o/ /de la yang dag 'byung ba ni gsung rdo rje'o/ /de nyid de bzhin gshegs pa thams cad ye shes kyi spyod yul yin pas na/ rnam par sbyong ba zhes so//gzhan ni gong ma ltar ro/ /thugs kyi dkyil 'khor zhus pa/ sems can kun gyi sems chen po/ /zhes pa ni sangs rgyas dang sems can thams cad kyi sems so/ /rang bzhin dag pas dri ma med/ /ces pa ni mi 'gyur ba yongs su grub pa'i phyir na glo bur gyi dri ma med pa'o//gzhan ni gong ma ltar ro/ /'di'i de ma thag bcu gsum pa ltar sbyar ro/ /da ni sdud pa pos thugs kyi dkyil 'khor ston pa khas blangs pa dris pa/ de nas zhes bya ba la sogs pa'o/ /ston pa zhes pa ni ye shes kyi mthus rgyud kyi don de ston pa'o/ / rdo rje 'dzin zhes pa ni rgyu 'bras dbyer med pa'i don ni rdo rje ste de 'dzin pa'o/ /'jig rten gsum po zhes pa ni sa 'og dang sa steng mtho ris kyi ngo bo'o/ /khams gsum po zhes pa ni/ 'dod pa dang gzugs dang / gzugs med pa'i ngo bo'o/ /'jig rten gsum mchog ces pa ni nyan thos dang rang rgyal dang byang chub sems dpa'o//de'i rdo rje gtso bo zhes bya'o/ /'jig rten gsum zhes pa ni/ rgyal bar byed pa dang / sbrang rtsir byed pa dang / don thams cad grub par byed pa'o/ /de rnams kyi ston pa po zhes bya'o/ /de bzhin gshegs pa kun gyi gnas//zhes bya ba ni chos kyi dbyings kyi ye shes ni thams cad kyi 'byung gnas su gyur pa'i phyir mi bskyod pa'i dkyil 'khor ro/ /ci 'dra ba zhe na/ de bzhin gshegs pa thams cad kyi dkyil 'khor te zhes te ye shes kyi dkyil 'khor ro/ /de ci 'dra ba de bshad ces pa'o/ /nyams dga' zhes pa ni cho ga dang ldan pas gdul bya yid du 'ong ba bskyed pas na'o//da ni ston pas thugs kyi dkyil 'khor bshad par zhal gyis bzhes pa'o/ /de nas zhes bya ba la sogs pa'o/ /thugs kyi dkyil 'khor mchog /sems kyi dkyil 'khor rab 'dra ba/ /zhes pa ni gong ma ltar ro//thugs yin yang rnam par dag pa gsum dang ldan pas na/ sku dang gsung dang thugs rnams kyi dkyil 'khor zhes bya ste de bshad par bya ba'o/ /da ni thig gi cho ga gsungs pa/ sku zhes pa la sogs pa'o/ /sku gsung thugs bsgom pa'i zhes pa ni/ lus la sogs pa rang gi lha'i dkyil 'khor gyi ting nge 'dzin la gnas pas mig gis thig dgug pa dang bsgril ba la sogs pa'i bya ba byed pa'o//'di ni le'u bcu drug par bshad do/ /de nyid kyis na shes rab can/ /zhes te cho ga la byang zhing mang du mthong bas na'o/ /drang bar byed pas na thig skud do//gzhan la ma btab pas na sar pa'o/ /'jur mdud med pa dang rab tu mnyam pas na grims pa'o/ /ring thung nyis 'gyur dang / sbom phra sgo'i nyi shu cha dang ldan pas na tshad mdzes pa'o/ /da ni thig gi mtshan nyid dbye ba gsungs pa/ thugs kyi zhes pa la sogs pa'o/ / khru ni bcu gnyis tshad du bya/ /zhes pa ni byang chub kyi sems la dga' ba la sogs pa'i lha'i rang bzhin dag pa ste/ yang dag par mtshon pa tsam ste nges pa med do/ /ji skad du/ de khru gang nas brtsams nas su/ /ji snyed khru ni stong phrag bar/ /zhes bla mas bshad do/ /byang chub sems dpa' sum cu rtsa gnyis ni sa bcu pa la sogs pa rnam par dag pa bstan pa ste/de ye shes kyi rten du gyur pa'i phyir ro/ /dngos bzhi zhes pa ni sgo'i cha brgyad do/ /grwa bzhi zhes pa ni tshon gyi ra ba dgug pa'o/ /sgo bzhi zhes pa ni ngos kyi cha brgyad do/ /de'i dbus su zhes pa ni phyi'i dkyil 'khor gyi'o//'khor lo ni/ rab tu zlum por bri bar bya/ /zhes pa ni/ re mig dgu ka ba brgyad kyi steng na rdo rje phreng bas bskor bas te ngos bzhi'o/ /da ni bgegs bskrad nas phyag rgya dgod pa'i cho ga gsungs pa/ las kyi cho ga zhes pa la sogs pa'o/ /de la las kyi cho ga zhes pa ni rgyud gzhan gyi las kyi cho ga la sogs pa mthong ba yis zhes smos so//de nas phyag rgya dgod par bya/ /zhes pa ni mtshan ma'i phyag rgya dgod pa'o/ /gzhan gyi nyes pa bzlog pa'i phyir phyag rgya chen po dgod par mi bya'o/ /ji skad du/ mu stegs rnams la phan don du/ / phyag rgya chen po rab sbas te/ /mtshan ma'i phyag rgya dang ldan par/ /sangs rgyas btsun mo rab tu gsang / /zhes so/ /de dbus zhes pa ni re mig tu dbus ma la pad+ma dang nyi ma'i gdan du byas te/ der rdo rje in+d+ra nI la lta bu bri'o/ /'bar ba chen po ni 'od 'bar bar bri ba'o/ / 'jigs pa dag kyang 'jigs par byed/ /ces pa ni rtse lnga pa kha gyes pa 'od dang ldan pa'o/ /de bzhin du gnas lhag ma rnams su zla ba dang nyi ma la dgod par bya'o zhes so/ /de nyid gsungs pa/ 'khor lo chen po la sogs pa'o/ /mtshan ma de dag kyang 'od zer dang ldan pa bri'o zhes so//gzhan ni go sla'o/ /sprin gyi mdog dang 'dra ba'i spyan/ /zhes pa ni dbus sngo la mtha' ma dkar ba'i mig go/ /mA ma kI ni rigs 'byung ba/ /zhes pa ni rdo rje'i rigs las rab tu byung ba'i phyir rdo rje dgod pa ste rang gi mtshan ma ni ma yin no/ /mthing ga'i sprin dang 'dra bar bri//zhes pa ni ljang ser du'o/ /be con ni rdo rjes mgo mjug mtshan pa'o/ /gzhan ni go sla'o/ /lha mo drug gi phyag rgya dgod pa gsungs pa/ thugs kyi dkyil 'khor zhes pa la sogs pa'o/ /dkyil 'khor de yongs su gsal bar byas nas gzhan gang dgod ce na/sku gsung thugs kyi mchod pa ni/ /zhes pa ste/ yi ge gsum gyis 'byin pa'i phyir na lha mo drug go/ /nan tan du ni mchod par bya/ /zhes pa ni mchod pa'i rang bzhin gyi lha mo rnams me mtshams la sogs pa'i grwa bzhi dang / shar sgo'i g.yas g.yon du gong du smos pa'i phyag rgya rnams dgod par bya'o zhes so//de ni dkyil 'khor bsdus nas phyi skor la byugs nas bum pa dgram pa la sogs pa byas nas/ rang gi phyag rgya dang ldan par dkyil 'khor byin gyis brlab pa'i cho ga gsungs pa/ bud med ces pa la sogs pa'o/ /bud med ces pa ni sme sha can gyi'o//rab tu mdangs bzang ba zhes pa ni byad bzhin mdzes pa'o/ /lo grangs bcu drug ces pa ni stong pa nyid kyi dag pa'o/ /spos dang me tog gis brgyan pa/ /zhes pa ni 'dod pa lnga'i phyir ro/ /de'i dbus su zhes pa ni/ dbus kyi gtso bo'i nga rgyal dang ldan pas mnyes par bya zhes so//ji ltar mnyes par bya zhe na/ de la zhes pa la sogs pa'o/ /shes rab can zhes pa ni bar ma'i rgyu mthun pa la sogs pa'i yan lag la byang ba'o/ /yon tan lug rgyud mA ma kI/ /zhes pa ni yon tan dang 'brel zhing gnas pa'i mA ma kIr byin gyis brlabs la zhes te dang po'i rnal 'byor gyis so//sangs rgyas zhi ba'i tshul spros pas/ /zhes pa ni cho ga gsum gyis bsgrub par byas pa rnams bzhi pas spro bar bya'o zhes so/ /des/ nam mkha'i dbyings ni rab tu brgyan/ /zhes pa ni gzugs brnyan dang gnyis su med par byas nas zhes so//de'i don ni ri mo'i las rdzogs pa'i de ma thag tu rang gi rigs kyi phyag rgya dang lhan cig tu sna tshogs pad+ma ras kyis g.yogs pa'i go la 'dug ste/ gnas bskyed pa sngon du song ba'i yan lag bcu gnyis kyis 'khor lo gsum gnyis su med par bsams la/ dkyil 'khor gyi lha rnams gnas par 'gyur ro//de nas mchod pa la sogs pa byas nas/ bdag nyid 'jug pa'i cho ga bya/ /zhes so/ /'di dag kyang le'u bcu drug par bshad do/ /da ni bstod pa'i de ma thag tu bdud rtsi'i mchod pas mnyes par bya ba gsungs pa/ bshang dang zhes pa la sogs pa'o/ / bshang ba ni dri chen no/ /gci ba ni dri chu'o/ /khu ba ni byang chub sems so/ /khrag ni rang byung ngo / /sogs kyis ni ma smos pa bsdu'o/ /lha rnams la ni dbul bar bya/ /zhes pa ni/ rlung la sogs pa'i rim pas dag par byas pa zhes pa'o/ /de'i yon tan gsungs pa/ de ltar zhes pa la sogs pa'o//sangs rgyas zhes pa ni rigs lnga'o/ /byang chub sems dpa' ni lha mo bcu'o/ /grags chen khro bo bzhi ste des mnyes par 'gyur ro zhes pa'o/ /thugs kyi dkyil 'khor zhes pa ni mi bskyod pas gtso bo byas pa'i dkyil 'khor ro/ /de ston par byed pa'i gzhung ni le'u ste bzhi pa'o//le'u bzhi pa'i 'grel pa'o// //da ni sgrub pa po'i spyod pa'i khyad par bstan pa'i phyir/ de nas zhes bya ba la sogs pas le'u lnga pa gsungs pa/ ston pa bcom ldan 'das zhes pa ni bshad zin to/ /rgyal po zhes pa ni mdzes par byed pa'o//sku gsung thugs mnga' ba zhes pa ni rdo rje gsum dang ldan pas spyod pa spyod pa ni skyon gyis gos pa med pa'i phyir ston pa la de skad ces bya'o/ /sa'i dbang phyug ces pa ni sa thams cad kyi bdag por gyur pa la bya'o/ /kun mchog gis zhes pa ni/ de nyid kyi phyir na mchog ste de skad ces bka' stsal to zhes bya bar sbyar ro//ji lta bu zhig ce na/ spyod pa kun zhes bya ste sems spyod pa'o/ /ji skad du/ thams cad sems la gang spyod pa/ /kun du spyod pa brtan pa yin/ /zhes so/ /de bas na sems kyis kun la spyod pa'o/ /de nyid mchog gi chos kyi don yang de nyid pas na de skad do//de lta bu'i spyod pa'i mtshan nyid kyang 'og nas 'byung bas bka' stsal to zhes so/ /da ni sngon du spyod pa'i ngo bo rnams rnam par dag pa thob ma thag tu 'grub par gsungs pa/ rnam par mi rtog pa'i zhes pa la sogs pa'o/ /rnam par mi rtog pa'i don ni gzung ba'i rnam par 'dzin pas mi rtog pa'i zab pa dang rgya che ba'i 'khor lo ste/de las byung na 'grub par 'gyur/ /zhes so/ /de gang zhe na/ 'dod chags zhe sdang gti mug rigs/ /zhes te de rnams shas che ba'i sems can rnams so/ /gang la 'grub ce na/theg pa'i mchog ni bla med pa/ /zhes te pha rol tu phyin pa ni 'og ma'o/ /de'i bla mar gyur pa 'di ni bla na med pa'o/ /de las mchog tu gyur pa zhes pa ni phyag rgya chen po zhes pa ste/ de rnams kyis 'grub par byed ces so/ /da ni rang bzhin yongs su shes na las dang skye gnas kyis mi 'khol ba gsungs pa/mda' mkhan zhes pa la sogs pa'o/ /mda' mkhan ni las dman pa'o/ /sme sha can ni rigs dman pa'o/ /sogs kyi sgras bsdus pa ni dman pa ji snyed pa'o/ /gsod pa ni don du gnyer ba rnams zhes pa ni/ nya pa dang / shan pa dang / rngon pa la sogs pa ste/ dgos par sems pa'i phyir don du gnyer ba'o/ /theg pa bla na med pa ni gong ma bzhin no/ /de lta bu'i theg pa mchog 'di ni lam 'dis 'grub par 'gyur zhes so/ /mtshams med byed pa zhes pa ni pha gsod pa la sogs pa lnga byed pa ste/ shi ma thag dmyal bar 'gro ba'i phyir ro//sogs pa zhes pa ni sgras bsdus pa ste/ de dang nye ba lnga bzung ngo / /sems can sdig chen byed pa yang / /zhes pa ni rtsa ba bzhi byung ba'o/ /gzhan gyis sangs rgyas kyi bstan pa las nyams par 'dod pa ste/ de rnams kyang nges pa'i lung thob nas/'di'i rim pa la gnas nas phyis/ bzlas pa tsam gyis de 'grub 'gyur/ /zhes so/ /de bas na 'di theg pa chen po yin par bstan to/ /'o na bla ma la brnyas pa'i sems can yang 'grub par 'gyur zhe na/ de dgag pa'i phyir/ snying nas slob dpon smod pa ni/ / bsgrubs kyang 'grub par yongs mi 'gyur/ /zhes te tha na co 'dri tsam gyis kyang smad par mi bya'o/ /mthar phyin pa la be'u lta bur sgo gsum gyi sgo nas spong ba lta ci smos zhes so/ /de bas na de sngags pas 'grub par mngon no/ /rigs ngan la sogs pa ming 'gyur ba'i rgyud gzhan rnams su lta smos kyang ci dgos zhes so//da ni sgrub pa po rnams kyis spyod pa'i khyad par bsrung ba dang / bza' ba'i dam tshig la gnas pa gsungs pa srog gcod pa'i sems can dang / dkon mchog gsum la gnod pa gsod pa'o/ /brdzun du smra la dad pa dang / /zhes pa ni gong mar gyur pa la phan pa dang /gzhan rgyud dag par byed pa'i don du'o/ /gzhan gyi nor la chags pa dang / ser snas yo byad mi mkho ba rnams kyang kun 'dzin pa'i bdag nyid dag par byed pa'i don du'o/ /rtag tu 'dod pa spyod pa dang / /zhes pa ni yongs su bsngos pa 'am/ rang gi bsam pa'i khyad par gyi don du'o//bshang gci zas su za ba dag /ces pa ni/ ngo bo nyid kyis grub pa'i mthu mnga' bas na dngos su 'am bsam pas brtag pa'o/ /bzhi po 'di ni le'u dgu pa'i rim pas shes par bya'o/ /gzhan ni drug pa dang bcu gnyis pa'i rim pa bzhin du'o/ /gnyis su med pa'i blo dang ldan pa rnams la bgrod min yang mi dgag par gsungs pa/ma dang zhes pa la sogs pa'o/ /ma dang sring mo bu mo la/ /zhes pa ni de nyid la ste/ gnyis su med pa'i blo dang ldan pa la dbye ba mi mthong ba'i phyir ro/ /'dod pa pos ni zhes pa ni dngos grub don du gnyer bas de'i phyir spyad na nyes pa med kyi chags pa'i dbang gis na dka' thub zad par 'gyur ba'i phyir ro//nyes pa med par ma zad kyis/ /theg chen mchog gi chos nyid kyis/ /dngos grub rgya chen des thob bo/ /zhes so/ /sangs rgyas gtso bo zhes pa ni bla ma la'o/ /de'i yun mi de'i rig ma'o//rnam par mi rtog blo can gyis/ /zhes pa ni khyad par can ting nge 'dzin gsum gnyis su med pa'i blo dang ldan pas gal te med na mnyes par byas kyang mi chags te zhes te skyon gyis gos par mi 'gyur te/ phun sum tshogs pa thob pas na/ /des ni sangs rgyas thob par 'gyur//zhes so/ /tshig des gong ma kun la rnam par bsgyur te bstan pa'o/ /da ni byang chub sems dpa' rnams kyi ngo mtshar che ba sngon du 'gro ba'i klan ka spangs pa gsungs pa/ de nas zhes pa la sogs pa'o/ /sgrib pa thams cad rnam par sel ba'i byang chub sems dpa' sems dpa' chen po rnams ni gar mkhan lta bur yongs su ston pa rnams so//sngon du spyod pa la ngo mtshar du gyur phyis spyod pa la rmad du gyur nas zhes so/ /kye bcom ldan 'das de bzhin gshegs pa thams cad kyi bdag po zhes pa ni/ tshig ngan pa 'byung ba'i rgyu ma yin par bstan to//ci'i slad du de bzhin gshegs pa thams cad kyi 'khor gyi nang du zhes pa ni/ de rnams gsung ba'i gnas ma yin par bstan to/ /tshig 'gal ba zhes pa ni 'phags pa ma yin pa'i 'jug pa'o/ /de gsungs zhes brgal ba'o/ /lan du de nas zhes pa la sogs pa'o//rigs kyi bu rnams zhes pa ni rigs lnga las rab tu byung ba'i phyir ro/ /'khod cig ces pa ni bsam pa ngan pa de thong la tshig de skad ma zer cig ces pa'o/ /ci'i phyir zhe na/ ye shes snying po ni me long lta bu la sogs pa ste/ 'dod pa'i 'bras bu 'byin pa'i phyir ro//de dang ldan pa ni can te sangs rgyas rnams so/ /de'i chos nyid dag pa ni dri ma dang bral ba ste spyod pa'i khyad par ro/ /de yang snying po chos kyi khyad par rig cing goms pa las byung ba'i spyod pa'i gnas yin zhes te/ rgyu yin no zhes de rnams dbugs phyung ba'o/ / da ni don ma rtogs pa'i 'gro ba dmyal bar 'gro ba mthong nas brgyal zhing bslang ba gsungs pa/ de nas zhes pa la sogs pa'o/ /rnam par smin pa mi zad pa dang bla ma'i bka' las 'das pa dang / dam pa la yid gnyis za bas na 'jigs skrag nas brgyal bar 'gyur te zhes so/ /de bslang ba'i phyir gsungs pa/de nas zhes pa la sogs pa'o/ /nam mkha' dang mnyam pa nyid gnyis su med pa ste rdo rje 'chang chen po'o/ /mi phyed pa'i phyir rdo rje ste de la snyoms par zhugs nas zhes so/ /snyoms par zhugs ma thag tu cir 'gyur zhe na/ bcom ldan 'das sku dang gsung dang thugs rdo rje'i bdag po'i 'od kyis zhes pa ni de'i ye shes sems dpa' las byung ba'i 'od ces so//des reg pa dang brgyal ba sangs pa dang / byang chub sems dpa' de dag rang rang gi stan la gnas par gyur to zhes so/ /da ni de bzhin gshegs pa rnams kyi chos kyi dbyings kyi bstod pa gsungs pa/de nas zhes pa la sogs pa'o/ /ngo mtshar du gyur pa ni 'od la'o/ /rmad du gyur pa ni brgyal ba bslang ba'o/ /dgyes pas ni khyab pa ni sems brod pa chen pos so/ /chos kyi dbyings zhes pa ni chos dang ldan pa'i dbyings ni chos kyi dbyings ni brjod pa dang 'dres par snang ba'o//de nyid gang zhe na/ e ma'o zhes pa la sogs pa'o/ /e ma'o chos/ e ma'o chos zhes pa ni ngam zhing ngo mtshar ba'o ste rtab rtab por gsungs pa'o/ /de ni chos dang dag pa'o/ /chos kyi don 'byung ba zhes pa ni chos las dag pa'i don 'byung ba ste mtshan dang dpe byad do//de nyid kyang chos kyi don dag pa gzung 'dzin gyi bdag med pa'o/ /de nyid rdo rje rgyal po ste/ /gsal ba na ma skyes pa'i sku bde rdzogs yongs dag ces bya'o/ /de la phyag 'tshal lo zhes so/ /sku dang gsung dang thugs rab tu dag ces pa ni de rnams kyi de'i rang bzhin du ro gcig pa'i phyir dag pa'o//de dngos gang zhe na/ nam mkha' dang mnyam pa'i gnas zhes te kun du khyab pa'i phyir ro/ /rnam par mi 'gyur zhes pa ni dus gsum du yang ye shes kyi bdag nyid do/ /snang ba med ces pa ni rtog pa thams cad dang bral ba'o/ / rdo rje'i sku zhes pa ye shes dpag tu med pa bsags pa'i phyir na sku ste chos kyi sku la phyag 'tshal lo zhes pa'o/ /thugs ni de bzhin gshegs pa'i gtso/ /zhes pa ni thugs las byung ba'i sprul pa'i sku'o/ /de yang dus gsum dag pa'i lam las byung / /zhes te so so'i skye bo la sogs pa'i lam las 'byung ba'o//nam mkha' chen po zhes pa ni kun la skus khyab pa'o/ /de nyid sems can thams cad dag pa'i rgyu yin pas ni dbyings 'gyur ba'o zhes so/ /nam mkha'i lam la zhes pa ni nam mkha' dang 'dra ba'i sems can rnams kyi bgrod pa gcig pa'i phyir sprul pa'i sku la de skad ces bya'o//nam mkha'i sku las rab tu phyung / /zhes pa la sogs pa gsum ni go rims bzhin du sprul pa dang longs spyod rdzogs pa dang chos kyi sku gsum ston to/ /de gsum dang ldan na spyod pa'i gnas zhes te spyod pa'i skyon gyis mi gos zhes so/ /spyod pa thams cad rnal 'byor gyi rgyud la sogs pa'i spyod pa'o//de'i mchog ni kun du spyod pa ste ma bkag par spyod pa'o/ /de ston par byed pa'i gzhung ni le'u lnga pa'o/ /le'u lnga pa'i 'grel pa'o// //da ni lhun gyis grub pa'i rdo rje gsum zhugs pa'i de ma thag tu gnyis su med pa'i byin gyis brlab pa'i sngags gsungs pa de nas zhes pa la sogs pa'o//mi bskyod pa zhes pa ni thugs rdo rje mi bskyod pa dang 'dra bar bsgoms nas/ byin gyis brlab pa bstan pa'i phyir mi bskyod pa zhes ston pa la gsungs so/ /de bzhin du phyi ma la yang shes par bya'o//ting nge 'dzin rnams ni rang rang gi ye shes la rang rang gi tshul gyis snyoms par zhugs pa'o/ /ji ltar zhe na/ sku gsung thugs kyi gsang ba zhes pa ni de rnams kyi thun mong ma yin pa'i gsang ba ste chos kyi dbyings so/ /mi phyed pa'i phyir na rdo rje ste mi bskyod pa'i tshul gyis snyoms par zhugs so zhes so//thugs byin gyis brlab pa'i sngags zhes pa ni thugs ka'i zla bar rin po che'i dbu rgyan dang ldan pa'i thugs rdo rje ste/ de dang rnam par gnas pa gnyis su med par byin gyis brlab pa'i sngags zhes so/ /de yang gang zhe na/ oM sar+b+ba ta thA ga ta tsit+ta badzra swa b+hA wa At+ma kou0f85haM/zhes so/ /de bzhin du phyi ma la yang sbyar bar bya'o/ /rdul dang bral ba'i gnas rdo rje/ /zhes pa ni skyon thams cad dag pas na gzugs brnyan ltar gsal ba'i me long lta bu ste/ mi phyed pa'i phyir na rdo rje'o/ /kun du mi gnyis pa zhes pa ni kun du rtog cing tha mi dad pas na so sor rtog pa'i ye shes te/mi phyed pa'i phyir rdo rje'o/ /de nyid bstan pa'i phyir de bzhin gshegs pa zhes pa la sogs pa'o/ /de bzhin gshegs pa'i gsang ba'i rdo rje gsum zhes pa ni sgra la sogs pa'i rdo rje'o/ /des lus ngag yid gsum byin gyis brlabs pas na thabs so//thabs kyis zhes pa ni yi ge gsum ste/ des ji skad gsungs pa bzhin du skyed pa ni rnam par bsgom pa'o/ /ji skad du/ yi ge sa bon tshig tu gsungs/ /rdo rje yig gsum yi ge'o/ /zhes so/ /sngags kyi mtshan gyis zhes pa ni hUM la sogs pa'o//des mtshan pas na thugs kyi rdo rje la sogs pa'o/ /des mtshan pa ni thugs kyi rdo rje la sogs pa'i thugs kar mtshan ma'i bum pa las zla ba la mtshan mar bsgom zhes so/ /mchog rab de dag ces pa ni sngags gsum mo/ /bsgrub par bya zhes pa ni bsgrub pa bstan par bya ba'i byin gyis brlab par bya'o zhes so//bskyed pa ni ma yin te sa bon gyi gong du bskyed pa'i phyir ro/ /da ni lha mo dang gnyis su med par byas pa'i de ma thag pa'i rjes su chags pa'i sngags brjod pa gsungs pa/ da nas zhes pa la sogs pa'o/ /dkon mchog dpal zhes pa ni rang dang gzhan gyi don phun sum tshogs pa rjes su chags pa las byung ba'i phyir/ston pa la de skad ces bya'o/ /'od zer 'bar ba sgron ma zhes pa ni phyogs thams cad kyi rnam pa cha med pa'i 'od gsal ba'o/ /mi phyed pa'i phyir na rdo rje ste/ rin chen 'byung ldan gyi tshul gyis snyoms par zhugs nas sngags 'di gsungs so//oM sar+b+ba ta thA ga tA nu rA ga Na badzra swa b+hA wa At+ma kou0f85haM/ zhes sbyar na rdo rje dang pad+ma sbyar nas 'khyud par bya'o/ /da ni phyi nang gi mchod pas lha'i 'khor los mnyes pa'i de ma thag tu mchod pa dang bdag g nyis su med pa'i sngags gsungs pa/de nas zhes pa la sogs pa'o/ /don yod grub pa la zhes pa ni las kyi rigs te/ de kho na mchod pa la dbang byed pa'i phyir ro/ /gdon mi za ba zhes pa ni don byed pa yod pas na bya ba grub pa ste mi phyed pa'i phyir na rdo rje'o/ / don yod grub pa'i tshul du snyoms par zhugs nas sngags 'di gsungs so zhes so/ /mchod pa gnyis bstan pa'i phyir rtag tu zhes pa la sogs pa'o/ /rtag tu 'dod pa'i yon tan lngas/ /zhes bya ba ni lha mo bcu'o/ /de spros pas/ sangs rgyas tshul bzhin mchod par bya//zhes so/ /de 'ba' zhig tu ma zad de/ mchod pa rnam pa lnga rnams kyis/ /zhes bya ba ni me tog la sogs pa'o/ /de rnams kyang phyi nang gi tshul gyis mchod na/ byang chub myur du 'grub par 'gyur/ /zhes phan yon gsungs pa'o/ /de nas byin gyis brlab par bya'o zhes so//da ni bde bar gshegs pa'i tshogs bskul ba'i 'od zer dang tshigs bcad kyi don gyis chung ngu'i sgrub pa phal cher gsungs pa/ de nas zhes bya ba la sogs pa'o/ /de bzhin gshegs pa thams cad kyi sngags ni yi ge gsum mo//de nyid rdo rje gsum gyi ngo bo yin pas na gsang chen no/ /de gsungs so zhes bya ba'o/ /sngags la dmigs pa zhes bya ba ni thugs kyi rdo rje la sogs pa'i snying po'i sngags hUM la sogs pa la dmigs pa'o/ /de la dmigs pa'i lus kyis ni/ /zhes te/ de las byung ba'i mchod pa'i lha mo'i 'od zer gyis zhes so//de nas ngag gis zhes bya ba ni/ dpal ldan rdo rje thugs 'chang ba/ /zhes pa la sogs pas thugs kyi rdo rje la sogs pa'i thugs la bskul nas su zhes so/ /de nas de rnams yid ni dga' zhing mgu ba yis rang gi la zhugs ma thag tu/dngos grub rab mchog rdo rje gsum mo/ /bsgrub par bya zhes bya ba ni byin gyis brlab par bya'o zhes so/ /de yang ji ltar shes par bya zhe na/ sems kyis zhes bya ba la sogs pa'o/ /sems kyis dmigs pa zhes pa ni sngags la dmigs pa'i lus so/ / de nyid 'dzin pa dang bral bas na bdag med par ro/ /de bdag med pa de bzhin du ngag dang lus kyang bdag med par rnam par bsgom zhes so/ /de bas na rdo rje gsum ni/ nam mkha' bzhin du gnas pa'i gnas/ /zhes bya'o/ /de nyid kyang so sor sbyor ba gsum dang shes rab gsum dang bcas pas na sbyor ba rnam pa gsum mo//de bsgrub par bya zhes te skabs thams cad du bsgom par bya'o/ /de bas na sku dang gsung dang thugs dang ye shes su dmigs pa ni brtags pa'i bdag nyid kyi ngo bo nyid kyis dmigs su med do/ /de nyid sngags kyi spyi gzugs te de las byung ba'i phyir ro//sbyor ba de las logs shig na/ /byang chub med cing bsgom pa med/ /ces te/ de yi rang bzhin de yin no/ /zhes so/ /de la gnyis su med pa'i blos gzhag pa gsungs pa/ sku gsung thugs zhes bya ba la sogs pa'o/ /sku gsung thugs kyi mtshan nyid ni//zhes te rdo rje gsum gnyis so/ /mdor na 'di ltar rnam par spyad par bya'o/ /sngags kyis brtags pa'i ting nge 'dzin/ /zhes pa ni byin gyis brlab pa'i sngags kyis don ltar brtag par bya'o/ /sbyor ba'i cho ga zhes pa ni gnyis mnyam pa nyid du rtogs pa bsgom par bya'o zhes so//de'i don ni 'di lta ste/ gnas dmigs pa sngon du 'gro ba'i rdo rje gsum gyi rgyu la dmigs pa'i lus la sogs pa bdag med par dmigs shing sngags kyis brtags pa'i ting nge 'dzin bsgom par bya'o zhes so/ /da ni thig le sbyor ba de ma thag tu bstan par bya ba'i phyir rigs lnga'i phra mo'i sbyor ba gsungs pa/de nas zhes bya ba la sogs pa'o/ /dpal zhes bya ba ni tshogs gnyis sam yang na lha mo'o/ /de gang la yod pa ni dpal ldan no/ /de bzhin gshegs pa thams cad kun gyi mchod pa'i gnas su gyur pas na de bzhin gshegs pa kun gyi mchod pa'o//sangs rgyas thams cad kyi bdag por gyur pas na sangs rgyas kun mchog go/ /chos thams cad shes pas na kun mkhyen no/ /sems rgod pa zhi bar byed pas na bsgom pa'i mchog ste/ bka' stsal pa zhes so//nam mkha'i dbyings kyi dbus gnas par/ /zhes pa ni chos 'byung ba la'o/ /der zla ba'i dkyil 'khor gyi dbus su sangs rgyas gzugs zhes bya ba ni rdo rje 'chang chen po rab tu bsgoms nas ji skad du gsungs pa'i cho gas rdo rje 'chang chen po'i phra mo'i sbyor bas kun du brtsam par bya'o//de yang gang zhe na/ sna'i rtse mo zhes pa la sogs pa'o/ /sna'i rtse mor zhes pa ni pad+ma'i sna rtser rdo rje las phyung nas dgod pa'o/ /de nyid phra bas na yungs kar te don du rdo rje nas tsam du shes par bya'o/ /der bsams la/ 'gro dang mi 'gro yungs kar la/ /zhes pa ni/ lha dang gzhal yas khang chud par bsgom pa'i phyir ro//ye shes go 'phang yid dga' bsgom/ /zhes pa ni gnyis su med pa'i man ngag yid tshim par byed pa de la 'jug par bya'o/ /de yang gsang chen ye shes zhes bya ba na/ mchog tu gsang ba thabs kyis ster ba des brtag pa bsgom zhes so/ / de ni phyi ma rnams la yang shes par bya'o/ /nam mkha'i dbyings kyi dbus gnas par/ /zhes pa ni gong ma ltar ro/ /nyi ma'i dkyil 'khor zhes pa ni chung ngu'i'o/ /gnas gyur bsgom par byas la sangs rgyas sku ni rdo rje 'chang ba'o/ /de'i gnas bsgom ste zhes pa ni gsum pa dang 'grub pa'i rgyu'o//de yi steng du gnas gzhag go/ /zhes pa ni gnas 'gyur ba las mi bskyod pa'i gnas su hUM bsgom pa'o/ /rdo rje 'chang ba la yang sa bon de bzhin du shes par bya'o/ /phyi ma la yang gnyis pa rang rang gi sa bon du shes par bya'o/ / nam mkha'i dbyings kyi dbus gnas par/ /zhes pa ni gong ma ltar chos 'byung ngo / /der gsal ba'i dkyil 'khor zhes pa ni zla ba ste mi 'gyur ba'i gdan no/ /der rnam par snang mdzad cho ga bzhin du bsgom par bya'o/ /spyan gyi tshul du zhes pa ni de ma thag tu 'bring po'i bsnyen sgrub bzhi bstan to//de dang sbyor ba la rdo rje pad+ma zhes pa ni byin gyis brlab pa'o/ /de nas phra mo sbyor ba bsgom/ /zhes so/ /'di yang ltag 'og tu sbyar bar bya'o/ /nam mkha'i dbyings kyi dbus gnas par/ /zhes pa ni chos 'byung ba la'o/ /der rang gi gsum pa las byung ba'i phyir na rin chen dkyil 'khor te/rin chen 'byung ldan bsgom par bya'o/ /dang po'i sbyor ba ni dang po'i rnal 'byor ro/ /de'i steng du zhes pa ni sbyor ba gnyis pa yongs su bsgom pa'o/ /'di yang ltag 'og tu sbyar bar bya'o/ /nam mkha'i dbyings kyi dbus gnas par/ / zhes pa ni chos 'byung ba la gong ma ltar pad+ma'i dkyil 'khor te snang ba mtha' yas bsgoms la/ pad+ma'i tshul dang zhes pa ni gos dkar mo'o/ /de dang sbyor ba ni/ 'dod chags rdo rje bsgom par bya/ /zhes so/ /nam mkha'i dbyings kyi dbus gnas par/ /zhes pas gong ma ltar ro//'od kyi dkyil 'khor zhes pa ni 'od zer lnga dang ldan pas te ljang gu don yod grub pa'o/ /de bsgom par bya ba dang / sangs rgyas tshul ni zhi ba zhes pa la rang gi dang po las bskyed pa ste/ gtso bo spro bar bstan to/ /'khor yang khyad par dag tu spro/ /zhes pa ni gzhan dang gzhan gyi gzugs kyis 'khor rnams kyang spro bar bya'o zhes so//des ni mtshan ma thob pa'i de ma thag tu zhes pa'i don bstan pa yin no/ /de gong ma la yang sbyar bar bya'o/ /lha gtso bo phyag mtshan la phra mo sbyor ba gsungs pa/ ut+pa la zhes pa la sogs pa gsungs pa'o//de yang mi bskyod pa'i rnal 'byor pas at+pa la mthing ga'i mdog 'dra ba'i rdo rje rtse lnga pa rdo rje 'dzin las khyad par du bsams la/ tshad nas 'bru tsam brten par bya ba'i phyir nan tan gyis pad+ma'i sna'i rtse mor rnam par bsam zhes so/ /'od dpag med kyi rnal 'byor pas tshad sran tsa na ka'i 'bru tsam gyi pad+ma 'dab ma brgyad pa de ge sar dang bcas pa pad+ma'i sna'i rtse mor bsam mo//'di shis te zhes pa ni brtan par byed pa'i phyir ro/ /bsgoms pas byang chub gzhol bar 'gyur/ /zhes pa ni sems las su rung na bla na med pa'i byang chub la reg pa'i phyir ro//'khor lo sogs zhes bya ba ni 'khor lo'i tshad pad+ma dang 'dra'o/ /ral gri'i tshad rdo rje dang 'dra'o/ /rin po che'i tshad le'u bcu gsum par gsungs so/ /khyad par du bsgom pa zhes pa ni/ lha rang rang gi khyad par gyis bsgom pa'o/ /der ni zhes pa ni sna'i rtse mor ro//der btags pas dngos grub thams cad dang yon tan gyi gnas su gyur pa ste/ byang chub mchog 'grub par 'gyur ro/ /rjes su dran pa'i yan lag btang nas gzhan la 'jug pa bstan pa/ sangs rgyas zhes bya ba la sogs pa'o/ /sangs rgyas ni rigs lnga'o//byang chub ni spyan la sogs pa'o/ /gnas ni mtshan ma phra mo'o/ /de ru zhes pa ni sna'i rtse mor ro/ /mdor na spro bar bya zhes pa ni 'jug tu'o/ /de nas ci bya zhe na/ bzlas brjod la 'jug pa bstan pa'i phyir/ sku gsung thugs kyis mtshan pa yi/ /chos kyi tshig rnams rab tu brjod//ces so/ /de'i don ni snga ma lta bu'i rgyu las byung ba'i mtshan ma phra mo la rang rig pa'i 'khor lo bsgoms nas yan lag gsum gyis rdzogs par byas nas/ bzlas brjod la 'jug par bya'o zhes so/ /da ni bar ma'i gnyis pas zhi ba'i sbyor ba phyag rgya chen po'i dngos grub bsgrub pa'i gnas gsungs pa/de nas zhes bya ba la sogs pa'o/ /de nyid kun don ni dngos grub chen po'o/ /de skye ba gcig gis thogs pa la 'chang bar byed pas ston pa'o/ /spyod pa kun dag ces pa ni spyod yul lha mor dag pa'i phyir ro//des gsal ba mchog 'og nas 'byung ba 'di bka' stsal pa zhes so/ /mkhas pas zla drug bsgom pa ni/ /zhes pa ni phun sum tshogs pa la ma tshang ba med pa zhes so/ /gang dang zhe na/ gzugs dang sgra dang ror ldan par/ /zhes pa ni lha mo lnga'i rang bzhin gyi gzugs ha ra nu phur la sogs pa'o//gsang ba'i de nyid ces pa ni lha mo bzhi'o/ /de lta bu'i mchod chen gyis drug pa nyams su myong bar bya ba'i phyir/ legs par mchod nas bsgom par bya/ /zhes so/ /da ni dngos grub kyi shis pa'i zas bstan pa'i phyir dngos grub ces pa la sogs pas so//dngos grub 'bras bu zhes pa ni thun mong dang phyag rgya chen po'o/ /de 'dod pa yis 'og nas 'byung ba rnams spyad ce'o/ /ji ltar zhe na/ zas su bshang gci zhes pa ni bdud rtsi lnga ste rig 'dzin gyi shis pa'i zas so/ /de'i 'bras bu ni/ sangs rgyas byang chub nyid skyon med pa ste/ de nyid bla na med pa ste 'grub par 'gyur ro zhes so/ /zas su sha rnams zhes bya ba ni nye ba'i zas lnga ma gtogs pa'i sha'o/ /de za ba'i dus su sha chen dag ni zhes te mchog gi dngos grub la de ltar brtags te zos na/ sku gsung thugs kyi gsang ba che//zhes pa ni sku gsum mo/ /de nyid lhun gyis grub na thams cad rjes las grub pa'i phyir na/ dngos grub thams cad 'grub par 'gyur zhes so/ /de bzhin du glang po che'i sha ni mngon par shes pa lnga'o/ /rta'i sha ni mi snang ba la'o/ /khyi'i sha ni dngos grub thams cad kyi'o//de rnams bsgrub pa'i dus su kha zas kyi phyir bza' bar bya'o/ /zas gzhan dag ni bza' mi bya/ /zhes pa ni sgrub pa'i dus su tha na yang bsam pas brtag pa'o/ /nus pas ji lta ba bzhin du bkug nas longs spyod pa'o/ /nor bu la sogs pa lta bur shes par bya'o//da ni kha zas de brten pa'i thun mong dang khyad par gyi yon tan gsungs pa/ de ltar byas nas zhes bya ba la sogs pa'o/ /sangs rgyas ni rigs lnga'o/ /byang chub sems dpa' ni spyan la sogs pa'o/ /blo can rnams ni gshin rje gshed po la sogs pa ste mnyes par 'gyur ba'o//de mnyes pa'i sbyor ba dag gis byang chub kyang myur du thob par 'gyur ro zhes so/ /de 'ba' zhig tu ma zad kyi/ 'dod khams 'jig rten zhes pa ni bud med rnams so/ /de'i dbang phyug ni bdag po'o/ /las kyi go 'phang thob par 'gyur//zhes pa ni 'dod pa'i las kun byed pa'o/ /'di ni 'dod pa'i dbang phyug tu bstan to/ /thams cad kyi bdag por gyur pas na gtso bo'o/ /nyi ma lta bur blta bar dka' bas na gzi brjid che'o/ /sred med kyi bu la sogs pas kyang mi thub pas na stobs dang ldan pa'o//mdangs bzang bas na 'gro ba thams cad kyis mthong na yid du 'ong ba'o/ /mthong ba nyid bskul ba ste/ des las kyi sa pa'i 'jig rten 'di dag dbang du 'gyur ro/ /zhes so/ /'di ni sangs rgyas thams cad kyi ci zhe na/ thun mong ma yin zhing mchog tu gyur pas na gsang chen dam pa'o//byang chub kyi rgyur gyur pas na byang chub bo/ /de lta bu'i sngags kyi gsang ba 'di/ lus ngag sems las 'da' ba'o/ /zhes pa ni rmongs pa'i lus ngag yid gsum las 'da' ba'o/ /lus ngag yid gsum rdo rje gsum du byin gyis rlob pa ston par byed pa'i gzhung gi le'u ste drug pa'o//le'u drug pa'i 'grel pa'o// //da ni ting nge 'dzin las langs pa'i rnal 'byor pas smon lam btab pa'i de ma thag tu sdom pa bskyang ba'i cho ga gsungs pa/ de nas zhes bya ba la sogs pa'o/ /dam tshig chen po rdo rje 'chang chen po de dngos po thams cad las mi 'da' ba'i phyir ro//de nyid 'gyur ba med pa'i phyir na de kho na nyid do/ /de'i bdag nyid kyang sngags kyis spyod pas na 'jig rten gyi spyod pa las grol ba dang / shes pa dang skyob par ldan pa'o/ /ji skad du/ gang gang rgyu dang rkyen las byung / / yul dang dbang po yin par dgongs/ /yid de min zhes bstan pa yin/ /tra zhes bya ba skyob pa'o/ /zhes pa la sogs pa gsungs so/ /de'i mchog mngon par byang chub pa bstan pa'i gzhung ni le'u ste de gsungs so zhes so/ /da ni 'dod pa lnga la brten pas byang chub thob par 'gyur ba bstan pa/'dod pa'i longs spyod ces pa la sogs pa'o/ /'dod pa'i longs spyod ces pa ni gzugs la sogs pa thams cad la'o/ /ji ltar 'dod pa zhes pa ni/ /mi spang bar 'dod nas/ 'byung ba'i rim pas brten nas ni/ /zhes so/ /des ci 'grub ce na/'di lta bu yi sbyor ba yis/ /sangs rgyas myur du thob par 'gyur/ /zhes so/ /da ni ji ltar spyod pa'i thabs gsungs pa/ 'dod pa'i longs spyod ces pa la sogs pa'o/ /rang gi lha yi sbyor ba yis/ /zhes bya ba ni/ gzugs la sogs pa rnams brtags pas dben pa'i phyir shes pa tsam ste/de yang dang po nas rang gi lha'i rang bzhin du gnas pas de la bltas na gsang ba chen po'i mchod pa ste/ yid dga' bar byed pa'i phyir ro/ /des bdag dang gzhan mnyes par bya ba'i phyir na mchod par bya zhes so/ /da ni mi mthun pa'i phyir brtul zhugs kyis slong mo dgag pa gsungs pa/dka' thub dam bcas zhes bya ba la sogs pa gsungs pa'o/ /dka' thub ni phyi dang nang gi'o/ /de nyid lus dang sems tshi chad pas na mi bzad pa'o/ /de la brten kyang 'grub par mi 'gyur zhes pa ni phyag rgya chen po'o//slong mo za zhing mi bzlas te/ /zhes pa ni bya ba'i rgyud las dgar ba'i phyir ro/ /'o na bslang mi dgos na ci bya zhe na/ ma bslangs pa yang chags mi bya/ /zhes te lus gnas pa tsam gyis chog shes par byas nas 'dod pa kun la ltag 'og ltar longs spyod cing bsnyen pa la sogs pa'i yan lag ma nyams par bzlas par bya'o zhes so//de'i phan yon dang nyes dmigs bstan pa/ lus dang zhes pa la sogs pa'o/ /gzhan du zhes pa ni 'di'i sbyor ba las log cing rgyun btang ba'o/ /dus min 'chi ba'i zhes pa ni glo bur du 'chi ba ste/mkha' 'gro la sogs pas gsod pa'o/ /ma mthong ba'i 'bras bu/ dmyal bar nges par bsreg par 'gyur/ /zhes so/ /'das pa'i ye shes can yang lam 'dis grol bar gsungs pa/ sangs rgyas zhes bya ba la sogs pa'o/ /sngags kyi spyod pa'i mchog rnams zhes bya ba ni 'das pa'i rig pa 'dzin pa'o//chos mchog mi g.yo zhes pa ni zab gsal gnyis su med pa'i ye shes so/ /de mnyes pa yang / 'dod pa thams cad bsten pas so/ /zhes so/ /de bas chags pa'i ye shes ni sa bcu gsum pa'o/ / de 'dod pas 'dod pa'i yon tan bsten to/ /ci'i phyir zhe na/ byang chub dpa' bo ni rigs lnga'o/ /de la chags par bya'o/ /byang chub sems dpa' ni sa'i snying po la sogs pa ste mnyes par bya'o zhes so/ /de ltar spyod yul rang gi lhar blta ba bstan nas/ da ni de nyid lhar blta ba gsungs pa/gzugs la zhes pa la sogs pa'o/ /gzugs zhes bya ba ni mig gi yul lo/ /rnam gsum zhes pa ni dman pa dang bar ma dang mchog go/ /de shes par byas nas zhes so/ /mchod pa dag gis mnyes par bya/ /zhes so/ /so so'am gcig tu zhes pa ni mchod par byed pa'o//ji ltar shes par bya zhe na/ de nyid bcom ldan zhes pa ni sna tshogs kyi ngo bor snang ba'i phyir ro/ /gang zhe na/ sangs rgyas rnam par snang mdzad kyi gzhi zhes te/ de ltar blta bar bya zhes so/ /de bzhin du gzhan la yang sbyar bar bya'o//sangs rgyas rin chen 'byung gnas gtso/ /zhes pa ni chos kyi dbyings las don thams cad 'byung ba'i phyir ni mi bskyod pa'o/ /sangs rgyas 'dod chags 'dzin pa'i gtso/ /zhes pa ni/ rjes su chags pa'i rang bzhin yin pas na rin chen 'byung ldan no/ /sangs rgyas thogs med rdo rje 'dzin//zhes pa ni rgya la sogs pa la thogs pa med cing gnas pa ste 'od dpag med do/ /mi bskyod pa yi tshul brnyes pa/ /zhes pa ni rtag dbang gis dam tshig tu spyi'i mtshan nyid du gnas pa de bzhin te/ 'di yang spyi'i las byed pas na don yod grub pa'o/ / da ni de dag kyang rdo rje 'chang chen por blta ba gsungs pa/ gzugs sgra zhes pa la sogs pa'o/ /gzugs la sogs pa'i 'dod pa la gong ma ltar/ rtag tu sems ni sbyor bar bya/ /zhes pa ni spyod yul de dang / de rdo rje 'chang bar sbyar te de bas na/ 'di ni sangs rgyas thams cad kyi//gsang ba'i snying po btus pa yin/ /zhes so/ /da ni de dag rang rang gi dag pa lta ba gsungs pa/ gzugs sgra zhes pa la sogs pa'o/ /gong ma ltar 'dod pa lnga/ lha nyid du ni rtag tu bsgom/ /zhes pa ni gzugs kyi rdo rje ma la sogs pa'o/ / ji ltar bsgom zhe na/ yang na de la bsgom pa ni rigs kyi tshul du rnam par bsgoms zhes te/ ji ltar gzugs la sogs pa la rtag pa la sogs pa rigs phye nas bsgom pa de bzhin du bsgom par bya'o zhes so/ /ji skad du/ gzugs sgra la sogs 'dod pa la/ /bde dang sdug bsngal bdag nyid 'byung //rtag tu snying las skye ba ni/ /'dod chags zhe sdang mun pa 'byung / /'dod chags 'dod chags dngos rdo rje/ /rdo rje bzhin du rin chen 'byung / /rin chen bzhin du dam tshig shes/ /'dod pa gsum ni dam tshig 'dra/ /zhes so/ / da ni mtshan ma lnga po mthong ba'i de ma thag tu spro ba dang bsdu ba'i sngon mthong ba'i don rjes su dran pa gsungs pa/ sangs rgyas zhes bya ba la sogs pa'o/ /sangs rgyas ni rnam par snang mdzad do/ /de'i rjes su dran pa drug pa ni spro ba las gsal bar ro/ /sbyor ba zhes pa ni thabs dang shes rab gnyis su med par ro//chos ni zhes pa ni 'od dpag tu med pas so/ /rdo rje zhes pa ni mi bskyod pa'o/ /de rnams kyi sku dang gsung dang thugs rnams bsgom pa'o/ /rigs ni zhes pa ni gnyis dang / 'khor lo can gzhan rnams so/ /khro bo zhes pa ni gshin rje gshed po la sogs pa'o//lha'i zhes pa rnam pa gzhan rnams so/ /de rnams/ bsgoms na byang chub thob par 'gyur/ /zhes phan yon no/ /da ni dbang bskur ba'i de ma thag tu rig ma byin gyis brlab pa'i cho ga gsungs pa/ bud med ces pa la sogs pa'o//rab tu mdangs bzang zhes pa ni rigs kyi phyag rgya yid du 'ong ba'o/ /lo grangs bcu drug ces pa ni stong pa nyid dag pa'o/ /byin gyi rlabs kyis gnas gsum gyi/ /zhes bya ba ni bar ma'i sgrub pa gsungs pa'o/ /de dang lhan cig tu/ dben par mchod pa rab tu brtsam//zhes so/ /de bzhin gshegs pa'i btsun mo'i mchog /spyan la sogs pa bsgom par bya/ /zhes pa ni rtag pa la sogs pa'i rnal 'byor pas zla ba gnyis la sogs pa'i rim pas de dang 'dra bar bsgoms nas yan lag gzhan yang rtogs par bya'o/ / de nas/ dbang po gnyis ni mnyam sbyor bas/ /sangs rgyas dngos grub thob par 'gyur ro/ /rigs lngas khyab par byas pa'i de ma thag tu gsang ba'i gnas byin gyis brlab pa gsungs pa/ yi ge hUM zhes pa la sogs pa'o/ /yi ge hUM zhes pa ni rdo rje dang pad+ma gnyis rdzogs par bya'o//oM gyis nor bu'i cha bskyed pa'o/ /a yis pad+ma'i ge sar bskyed pa'o/ /phaT kyis gnyis kyi lam du gnas pa'o/ /de brtags pas 'od zer lnga dang ldan pa'i pad+ma dang rdo rje bsgom par bya'o/ /da ni rjes su chags pa'i de ma thag tu de bzhin gshegs pa thams cad bsdus pa'i ngo bo zla bar zhu ba'i cho ga gsungs pa/'bar bcas zhes bya ba la sogs pa'o/ /de yang 'od zer 'bar ba dang bcas pa zla ba'i 'od bzhin du dkar ba de nyid/ yid du 'ong ba bsgom par bya/ /zhes pa ni yid tshim par byed pa ste/ de'i dus su ye shes dang shes bya'i cha rnams zad pa'i phyir ro//gong du bstan pa'i rjes su dran pa drug rnam pa bcu drug tu dbye ba gsungs pa/ sangs rgyas rjes dran zhes pa la sogs pa gsungs pa'o/ /de la sangs rgyas rjes su dran pa ji ltar bsgom zhe na zhes pa ni gzhung rgyas par bya ba'i dri ba ste rang nyid kyis so//b+ha ga zhes pa ni pad+ma'o/ /ling+ga zhes pa ni rdo rje'o/ /de gzhag pa ni 'dus pa las sangs rgyas zhes bya ste/ 'khor lo'i lte ba la gnas pa'i rnam par snang mdzad kyi dkyil 'khor bsgom par bya'o/ /de la brten nas ba spu'i bu ga rnams te/ de'i thig le las ba spu'i bu gar 'thon te/ mkhas pas sangs rgyas sprin rnams spro/ /zhes pa ni sangs rgyas kyi gzugs spro bar bya ba las sngon gyi cha lugs la sogs pa'i dran pa skye ba ste 'dis ni 'od 'byung bar nges so/ /de la dam tshig la sogs pa gzhan yang dran par bya ste 'di ni kun la sbyar bar bya'o//rdo rje sems dpa' zhes pa ni gnyis so/ /rigs kyi zhes pa ni 'khor lo dang ldan pa'i lha mor yang gzung ngo / /bdag gi rdo rje pad+mar sbyar/ /dbang po gnyis ni mnyam sbyor te/ /zhes pa ni rjes su chags pa'i yan lag go/ /rang gi khu ba'i thigs pa yis//zhes bya ba ni zla ba zhu ba'i cho ga rjes su dran par bya ste/ des sangs rgyas dang rdo rje sems dpa' bskyed pa'o/ /mnyes pa'i phyir na mchod pa'o/ /de las phye ba ni dkyil 'khor rjes su dran pa'o/ /de la ji ltar bsgom zhe na/ gong ma ltar dbang po gnyis mnyam par gzhag ste/sbyor ba la mkhas pas rang gi khu ba dag dbyung zhes bya'o/ /de ci'i phyir dbyung zhe na/ dkyil 'khor dkyil 'khor tshul du bya/ /zhes pa ni cho ga lhag ma dran pa'o/ /sku rjes su dran pa ni/ sprul pa'i skus dag pa'i rdo rjes mtshan pa ste/de ji ltar bsgom zhe na/ sangs rgyas kun gyi zhes pa ni de bzhin gshegs pa rnams so/ /de rnams kyi sku gang yin pa de ni/ phung po lnga yis rab tu rgyas/ /zhes bya ba ni/ yongs su dag pa'i gzugs la sogs pas gang ba'o/ /de'i rtags sangs rgyas sku'i rang bzhin te sku rdo rje'o//bdag kyang de dang 'dra bar 'gyur/ /zhes pa ni gong du bsgoms pa lta bur smon pa'o/ /de bzhin du gzhan la yang sbyar bar bya'o/ /rdo rje chos kyi gsung gang yin pa de ji lta bu zhe na/ gsung nges tshig phun sum tshogs te/ nges pa'i tshig phun sum tshogs pa smra ba la mkhas pa zhes bya'o//de'i ngo bo ni bdag gi tshig kyang de 'dra ste tha dad pa ma yin pa'o/ /de'i rtags chos 'dzin pa ste gsung rdo rje dang 'dra bar 'gyur zhes smon pa'o/ /gsang ba'i dbang po ni rdo rje 'dzin pa'o/ /rig ma dang ldan pas na blo ldan pa'o//de'i kun du bzang po'i thugs gang yin pa'i rtags ni rdo rje 'dzin pa lta bu zhes pa ni thugs rdo rje'o/ /bdag gi sems kyang de 'dra bar 'gyur zhes smon pa'o/ /thugs kyi rang bzhin ni kun la khyab pa'i phyir de las phye ba ni sems can rjes su dran pa'o/ /de ji ltar bsgom zhe na/sems can gyi zhes pa ni bzhis bsdus pa rnams so/ /de rnams kyi sems gang yin pa ni rdo rje gsum gyis mtshan pa ste rgyas btab pa'o/ /rgyas btab pas sangs rgyas thams cad kyang ngo / /de bas na/ spyod pa mkha' dang mtshungs par 'gyur/ / zhes pa ni de rnams kyi spyod pa ni dmigs pa med pas na nam mkha' dang 'dra ste de dang bdag mtshungs par gyur cig pa'o/ /sngags thams cad ces pa ni hUM dang gang yang rung ba'o/ /de'i spyi'i gzugs ni bskyed pa'i sku gnyis so/ /sku dang gsung dang thugs ni des mtshan pa'o//de rjes su dran pa ji ltar bsgom zhe na/ sngags kyi rdo rje sku gang yin/ /zhes pa ni dang po'i mgon po dang chung ngu'i 'bras bu bzhi'i sku ste sngags las byung ba'i phyir ro/ /ngag gis zhes pa ni tshigs bcad dang sngags kyis so/ /sku la rnam bsgoms pas zhes pa ni rgyas btab nas byin gyis brlabs pa'i sku de dang 'dra bar 'gyur zhes pa'o//de gang zhe na/ sngags kyis 'dzin pa lta bur 'gyur/ /zhes te sngags rnams kyi don 'di lta ste/ /de 'dzin pa'i rten du gyur cig ces smon pa'o/ /gong gi dam tshig rjes su dran pa las dbye ba ni dam tshig rjes su dran pa'o//de la dam tshig ces pa ni rig ma'o/ /de las khu ba dbyung ba cho ga bzhin du 'bras bu 'dod pa'i rnal 'byor pas btung bar bya'o/ /de bdud rtsis mnyes par bya ba dran pa'o/ /de bzhin gshegs pa'i sde bsad na/ /zhes pa ni thams cad mnyam pa nyid du byas pa'o//dngos grub shin tu zhes pa ni chos kyi sku ste de thob par 'gyur zhes so/ /shes rab ni sbyor ba las byung ba'o/ /de'i pha rol tu phyin pa ni de bzhin nyid do/ /mi 'da' bas na dam tshig ste/ /de rjes su dran pa ji ltar bsgom zhe na/rang bzhin gyis ni 'od gsal mchog /ces pa ni gzod ma nas dag pa ste/ byed pas ni ma yin no/ /thams cad ni chos de nyid do/ /ma skyes zhes bya ba ni kun brtags kyis so/ /zag pa med pa zhes pa ni 'dod chags la sogs pa med pa'o//byang chub med cing mngon rtogs med/ /dbyings kyang med cing 'byung ba'ang med/ /ces pa ni rang bzhin gyis 'od gsal ba'i sems de las mi phyed pa'i phyir ro/ /'di ni thun mong gi byang chub kyi sems dran pa'o/ /ma skyes pa shes pa ni de bzhin nyid de 'ja' tshon lta bu mi 'gog pa'o//de rjes su dran pa ji ltar bsgom zhe na/ rang bzhin gyis ni 'od gsal ba/ /zhes pa ni gong ma ltar ro/ /mtshan ma med pa zhes pa ni shes bya'i ngo bo nyid do/ /de kho na bzhin du gnas pas na mi 'gyur ba nam mkha' bzhin no/ /gnyis med ces pa ni zab mo'o//gnyis su med min zhes pa ni gsal ba'o/ /de nyid brtan par zlos pa'o/ /shin tu dri med nam mkha' bzhin/ /zhes so/ /de gnyis su med pa'i ngo bo dran pa'o/ /zhe sdang gi rigs la sogs pa ni mi bskyod pa la sogs pa'o/ /de'i mchod pa ni mA ma kI la sogs pa ste/de rjes su dran pa ji ltar bsgom zhe na/ bud med sems ni rab brtan pa/ /zhes pa ni legs par bslabs shing ldog pa med pa'o/ /de yang 'khor lo ldog pas na lo grangs bcu gnyis lon pa'o/ /rigs kyi sbyor ba rab bsgoms te/ /zhes pa ni gong ma ltar rang gi rigs kyi bu mos bar ma'i bsnyen sgrub bzhis byin gyis brlabs la/bdag gi khu ba mchod pa dran par bya ba la de skad ces bya'o/ /de rnams kyang bcu drug dang / bcu gcig dang / brgyad du shes par bya'o/ /da ni rim pa gnyis la gzhol ba'i phan yon gnyis gsungs pa/'dis ni zhes pa la sogs pa'o/ /de bzhin gshegs pa'i sku zhes pa ni sku rdo rje'i rang bzhin mtshan dang dpe byad kyis yang dag par brgyan pa'i sku'o/ /rdo rje 'dzin pa'i thugs dang zhes pa ni thugs rdo rje'i rang bzhin ye shes dpag tu med pa bsags pa'i thugs so/ / chos 'dzin mchog gi gsung dag kyang / /zhes pa ni gsung rdo rje'i rang bzhin te/ zab cing snyan pa la sogs pa'i dbyangs kyis 'gro ba so so'i yid tshim par byed pa'o/ /tshe 'di nyid la thob par 'gyur/ /zhes pa ni nyin mtshan du sbyor ba mi zhan pa ste gzhan ni ma gtogs so/ / sku dang gsung dang thugs kyang 'grub/ /ces pa ni de dang 'dra ba ste rigs 'dzin pa'o/ /gzhan phra mo zhes pa ni mi snang ba la sogs pa dang las kyi khyad par ro/ /rdo rje gsum ni gang du yang mi phyed pa ste/ de ltar 'og gi rim pa bsgom pas na/ bzlas pa tsam gyis shes pa ni bar ma'i rim pas so//gzhan ni bshad zin to/ /le'u bdun pa'i 'grel pa'o// //da ni le'u brgyad pa las dang po mchod pa gsol ba gdab pa gsungs pa/ de nas zhes bya ba la sogs pa'o/ /dkon mchog dpal zhes pa ni tshogs rdzogs pa las don 'byung ba'i phyir de zhus pa'o//sku dang gsung dang thugs kyi bdag po de nyid pas dbang phyug dam pa ste/ de nyid rdo rje 'dzin pa chen po'o/ /de nyid la bstod pa 'dis mchod pa bshad pa'i don du gsol ba btab po zhes so/ /rdo rje thams cad 'byung ba'i gnas su gyur pas na rdo rje snying po'o//'dir 'gro bar bya bas na theg pa chen po'o/ /gang ltar spyad kyang dmigs pa med pas nam mkha'i sbyong ba chen po'o/ /sgo gsum nas skyon med pas na kun du bzang po'o/ /phyi rol pa'i mchod pa las khyad par du gyur pas na mchog go/ /rnam par snang mdzad la sogs pa'i spyi'i gzugs su gyur pas na rgyal mchog go//'dod chags la sogs pa rnams rdo rje theg pa'i lam du ston par byed pas na nam mkha'i dbyings dang mtshungs pa'i mchog ste skyon thams cad dang bral ba'o/ /dang po'i sems dpa' bas na rgyal bzhi'o/ / thar pa ni dngos grub chen po'o/ /de'i lam ni rim pa gnyis so/ /de rab tu ston pa zhes so/ /nyan thos la sogs pa la khyab par gnas pas na theg pa gsum gyi lam la gnas pa'o/ /bgrod bya thams cad kyi bdag nyid pas na sangs rgyas skal can no/ /glo bur ba dang bral bas na dag pa'i bdag po'o//mi rnams kyi nang na rigs la sogs pa phul du byung bas ni mi mchog go/ /don dam par mi 'gyur bas ni byang chub sems te chos kyi sku'o/ /mtshan dang dpe byad kyis rgyas pa'i spyan mnga' ba ste longs spyod rdzogs pa'o/ /lan bcu gnyis la sogs pa chos kyi 'khor lo bskor ba ste sprul pa'i sku'o//de yang sku dang gsung dang thugs shin tu dag pa'o/ /de lta bu rdo rje theg pa che la zhes gong ma ltar ro/ /da ni de nas zhes bya ba la sogs pa mchod pa bshad par khas 'che ba gsungs pa/ dus gsum du yang mi 'gyur ba'i ngo bo bas na/thams cad nam mkha' yig chen po/ /zhes bya ba'o/ /kun gyi dbang phyug tu gyur pas na kun bdag go/ /rdo rje nyid rin chen te de 'dzin pa'o/ /de bzhin gshegs pa thams cad kyis chos kyi rgyal por dbang bskur bas na thams cad dbang bskur kun don no/ /des de bzhin gshegs pa'i mchod pa'i mchog bshad ces sbyar ro//de ji lta bu zhe na/ rdo rje mi phyed gsum gnas pas/ /zhes pa ni mchod pa de yang sku dang gsung dang thugs las mi phyed par gnas pa'o/ /des mchod na skal ba mchog dang ldan pas na sku dang gsung dang thugs skal mchog rgyal ba 'byung ba zhes bya'o//dang po mchod pa'i rig ma gsungs pa/ bu mo zhes pa la sogs pa'o/ /bu mo gzhon nu ni lang tsho ma nyams pa'o/ /mig bzang bsal zhes pa ni phra la ring ba rtog pa med par blta'o/ /gzugs bzang ba dang gzhan pa nyid brgyan te des brgyan pa ni zhes so//nyi shu rtsa lnga lon pa zhes pa ni lha'i rang bzhin no/ /byol song las brtag ces ni mar byol zhing yang song ba ste mya ngan sog le ltar yod kyi rab tu gzung ngo zhes so/ /da ni gnas phyi'i tshul du dag par bya ba gsungs pa/ sa phyogs zhes bya ba la sogs pa'o//sa phyogs gtsang ba ni yid gtsang ba'o/ /skye bo 'dus pa spangs pa ni rnam par dben pa'o/ /rgyal ba'i bdag skyed ces pa ni rgyal ba skyes pa'i sa'o/ /zhi ba'i gnas ni nyan thos kyi gnas so/ /gnas der stegs bu gru bzhi pa la chu'am bshang gci la sogs pa byugs shing byi dor byas nas rgyal ba mchod par bya'o zhes so//da ni bar ma'i 'bras bu bzhis dag pa'i rig ma rigs lnga dang ldan par bya ba gsungs pa/ nu ma'i bar zhes pa la sogs pa gsungs pa'o/ /nu ma'i bar zhes pa ni snying ga ste/ der hUM dang rdo rje las gyur pa'i mi bskyod pa dgod pa'o/ /klad pa rgyas kyi bar zhes pa ni mgo dbus te/oM dang 'khor lo las gyur pa'i rtag pa dgod pa'o/ /cho ga shes pas zhes bya ba ni 'bring po'i bsnyen sgrub yan lag bzhi shes pa'o/ /rkang pa zhes pa ni brla gnyis te/ ha dang ral gri las grub pa'i don yod grub pa dgod pa'o/ /lte ba rked pa zhes pa lte ba nas dkris pa ste/der swA dang rin po che las byung ba'i dkon mchog dpal dgod pa'o/ /gsang ba zhes pa ni der AHdang pad+ma las byung ba'i 'od dpag med dgod do/ /rgyal ba'i sras zhes bya ba ni rgyal ba dang de'i sras ni rgyal ba'i sras te lhag par mos pas gnyis pa yang dgod pa'o//de bas na bar zhes pas ma bshad pa rnams bsdus pa'o/ /rigs lnga rnams ni zhes pa ni rigs lnga'am cha shas dgod par bya'o zhes so/ /bar ma'i lha mo la yang ye shes sems ma bsgom par gsungs pa/ nam mkha'i dbyings zhes bya ba la sogs pa'o//ye shes rgya mtsho zhes pa ni byin gyis brlabs pa'i shes rab po/ /bdag nyid ces pa ni bdag nyid dang 'dra bas so/ /zla ba'i steng du shes rab ma'i snying gar bsgom par bya'o zhes so/ /rang gi rig ma dang tha mi dad pas na de skad de/ gzhan rnams la de ltar ma yin par shes par bya'o//da ni rdo rje dang pad+ma dag par byas pa'i de ma thag tu rang gi lha mo las bsdu ba gsungs pa/ zhi ba zhes pa la sogs pa'o/ /zhi ba rdo rje 'dzin pa ni rnal 'byor pa'o/ /de 'dod pa ni sbyor ba'o/ /bsdu ba dag kyang rab tu bya/ /zhes pa ni phyi rol du gnas pa bde ba'i rgyu ma yin pas na rang gi rig ma la bsdu ba'o//de nyid kyi khyad par gsungs pa/ rin chen zhes pa la sogs pa'o/ /rin chen sna bzhi in+d+ra nI la dang lnga'o/ /mchod rten ni de las grub pa'i gzhal yas khang 'od zer 'phro bas brgyan pa bsams na zhes so/ /ji skad du/mchod rten sangs rgyas thams cad kyi/ /bzhugs gnas pho brang yin par bshad/ /ces so/ /der ye shes rgya mtsho dus gsum gyi sangs rgyas dang sems can gyi gnas de ji skad du gsungs pa'i rim pas bsam par bya'o zhes so/ /de dag thams cad kyang 'di nyid las shes par bya'o//da ni chen po'i 'bras bu bzhi dag pa'i de ma thag tu gsang ba'i mchod pas mnyes par bya ba gsungs pa/ bdag gi zhes pa la sogs pa'o/ /bdag ces pa ni rang gi lha mo'o/ /de'i ba spu'i bu ga las spro zhes so/ /mkhas pas zhes bya ba ni sa bon la sogs pa'i rim pa shes pa'o//ut+pal dag pa zhes pa ni gzugs kyi rdo rje ma la sogs pa'o/ /pad+ma lnga ni gzugs kyi rdo rje ma la sogs pa lnga ste de'i yongs su rdzogs pa gsungs so/ /dzA ti rnam gsum ni skye gnas gsum la khyab pa'i chos kyi rdo rje ma'o/kar+Ni ka ni spyan ma'o/ /mal+li ka ni mA ma kI'o/ /yU thi kaM ni gos dkar mo'o/ /ka ra bI ra ni sgrol ma'o/ /de'i mchod pa'i sprin spro bar bsam pa ni nang du tshud pa'i shugs kyis gsang ba'i mchod pa kun gyis rab tu mchod ces so/ /ji lta ba bzhin du bzung ba ma yin te/ ji skad du/ 'di la me tog ces brjod pa/ bud med gzhon nu'i nam mkha'i khams/ /zhes so/ /des gang la mchod ce na/ dpag tshad ces pa la sogs pas rten dang brten can gyi 'khor lo gsungs pa/ ngos re zhing yang dpag tshad brgya'i khyon tsam du 'khor lo'i dkyil 'khor zhes pa ni rnam par snang mdzad las byung ba'o//rnam par mkhas pa ni sa bon la sogs pa'i rim pas brtag par byas la/ der rigs rnams zhes bya ba ni lha rnams kyis rab tu dgod par bya'o/ /lha rnams kyang ji lta bu zhe na/ pad+ma zhes pa la sogs pa'o/ /de rnams kyi mtshan ma bsgom pa'o//'khor lo'i dkyil 'khor gyi khyad par yang gsungs pa/ dpag tshad ces pa la sogs pa'o/ /blo'i khyad par gyis tshad dpag tu med par bsgom pa'i phyir ngos re re la dpag tshad bye ba tsam la dbyibs gru bzhi pa sgo bzhi la sogs pa ni shin tu mdzes pa'i mchod rten rin po che sna bzhi dang in+d+ra nI la la sogs las grub pa shel sgong lta bur gsal zhing dri ma med pa/rigs lnga la sogs pa'i lha rnams mchod pa'i gnas su bsgom pa la mchod ces so/ /phyi'i mchod pas kyang mnyes par bya ba gsungs pa/ 'dod pa'i yon tan ces pa la sogs pa'o//'dod pa'i yon tan lnga zhes pa ni phyi rol gyi gzugs sdug pa la sogs pa dang / pi wang la sogs pa dkrol ba'i rdzas dang / a ka ru la sogs pa'i spos dang / tshod ma sna tshogs pa'i zas dang / dar la sogs pa gos kyi khyad par rnams kyis zhes so//de la zhes pa ni 'khor lo de la'o/ /reg bya'i khyad par dang gzugs kyi khyad par la sogs pa ni rin chen na bza' ste dar la sogs pa rin po che sna tshogs kyis spras pa'i gos sam/ sogs kyi sgras bsdus pa gser gyi gdu bu 'phra can nam/ gser gyi gdu bu mu tig gi 'bras bu can nam/ gser gyi dbu rgyan rdo rje'i rtse bran can nam/ gdugs gser gyi yu ba can la sogs pas byang chub 'dod pa'i rnal 'byor pas rtag tu mchod ces so/ /mchod pa rnam lnga zhes pa ni me tog dang / mar me dang / dri chab dang / bdug spos dang /lha bshos so/ /de nyid ye shes sems dpa' las byung ba'i phyir 'jig rten pa dang thun mong ma yin pas na mchog go/ /des rtag tu ni dus bzhir ro/ /lha rnams mnyes par bya zhes so/ /da ni bum pa'i dbang thob pa'i slob mas gsang ba'i dbang gi rig ma bla ma la dbul ba gsungs pa/rin chen zhes pa la sogs pa'o/ /de la rin chen zhes pa ni thabs kyis ster ba'i man ngag go/ /de'i 'byung gnas ni na chung ste bu mo mchog go/ /de la rin chen sna tshogs kyis brgyan nas gsang ba'i dbang bskur bsgrub pa'i tshe snang ba rab tu bsgrub pa'i phyir bla ma la yon rin chen rnams dang bcas pa phul la zhes so//rin chen rnams kyang gang zhe na zhing 'di zhes pa la sogs pa'o/ /zhing 'di zhes pa ni nam mkha'i gtos so/ /rin chen sna bdun gyis zhes bya ba ni/ 'byung khungs kyi'am 'khor los sgyur ba'i'o/ / de la rnal 'byor la mkhas pa dag gis yongs su bkang la thun mong dang phyag rgya chen po'i dngos grub 'dod pas/ sbyin pa'i phyir zhes pa ni sbyin pa'i pha rol tu phyin pa yongs su sbyang ba'i phyir/ nyin re shes rab can zhes pa ni rjes su mthun pa'i phyag rgya sbyor ba shes pas cung zad las mtshon te dbul ba'o//ji skad du/ byang chub sems dpa'i kun du rtog /dge ba'am gal te mi dge ba/ /gal te sems kyi dbang gyur pa/ /de yi bkra shis sems de 'gyur/ /zhes so/ /da ni yan lag gi skabs su 'dod pa'i sbyor ba yang mchod par gsungs pa/bdag po zhes pa la sogs pa'o/ /de yang 'khor lo'i bdag po phyag mnyam par gzhag la rtag pa la sogs pa'i sangs rgyas kyi dkyil 'khor gyi dbus su 'dod chags blo can zhes pa ni 'dod chags rnam par dag pa'i blo dang ldan pas gong ma'i sangs rgyas la reg pa'i sbyor ba zhes pa ni dbang po gnyis reg pas sbyor ba'i bde ba des sangs rgyas thams cad dang thun mong du sbyar nas dbul bar bya'o zhes so//da ni bstod pa'i mchod pa de ma thag tu bdud rtsi mchod pas mnyes par bya ba gsungs pa/ nam mkha'i dbyings kyi dbus gnas par/ / zhes pa chos 'byung ba'i nang gzhal yas khang brtsegs pa'i dbus na gnas pa zhes so/ /dkyil 'khor bkod pa zhes pa ni rtag pa la sogs pa bsgom par bya ba'o/ /de'i dbus su de bzhin gshegs pa bdag gi lus zhes te bdag rang gi lha'i gzugs su bsgoms pa/ bla ma de rnams la bshang dang gci bas mchod ces te/'og nas 'byung ba'i rlung la sogs pa'i rim pas dag pa'i zhes so/ /gsang ba'i dbang bskur ba'i cho ga gsungs pa/ bzhin bzangs zhes pa la sogs pa'o/ /bzhin bzangs ni shin tu mdzes pa gong gi rin chen 'byung gnas snang ba bskyed pa'i rkyen no//ji lta bu zhe na/ skal ba mchog ldan la zhes pa ni skal ba dang ldan pa snod du rung bar byas pa'o/ /ji skad du/ sngags las byung ba'i mig rings mo/ /me tog bcas shing khu ba 'byung / /zhes so/ /byin gyis brlabs kyi gnas bsams te/ /zhes pa ni bla mas tha mal pa'i nga rgyal spangs nas byin gyis brlabs la mnyes par bya ba'i phyir de nyid mchod pa rab tu brtag ces so//slob mas ci bya zhe na/ mig bzang zhes bya ba ni phyogs med par blta ba'i mig bzang ste slob ma'o/ /brtan pa'i blo dang ldan pas zhes pa ni thams cad mnyam pa nyid kyi blo dang ldan pa'o//des khu ba blangs nas bza' bar bya zhes pa ni rang gi zhing dag par bya ba'i don du de bzhin gshegs pa rnams zla bar zhu ba'i dngos por brtags la bza' bar bya'o zhes so/ /da ni de rnams kyi phan yon gsungs pa de ni zhes pa la sogs pa'o/ /mchod pa'i bdag po gang zhe na/sngags rnams thams cad kyi zhes te de bzhin gshegs pa rnams so/ /ji lta bu'i mchod pa zhe na/ sku gsung thugs kyi mchod pa ste/ /zhes te/ de rnams dang mi phyed par gnas pa gong du gsungs pa rnams so/ /des gang byed ce na/ ye shes rdo rje gsang chen gyi//zhes pa ni dngos grub kyi bdag po ste rdo rje 'chang chen po'o/ /de'i dngos grub ni/ sngags rnams dngos grub byed par gsungs/ /zhes te thun mong dang phyag rgya chen po'o/ /bshang gci dam tshig ni mtshon pa tsam ste gzhan rnams kyang ston par byed pa'i gzhung gi le'u ste brgyad pa'o//le'u brgyad pa'i 'grel pa'o// //da ni kha zas sbyang ba'i de ma thag tu las gnyis kyi don bya ba bsrung ba'i dam tshig gsungs pa/ de nas zhes bya ba la sogs pa'o/ /rgyal po rdo rje 'dzin pa zhes pa la sogs pa'i tshigs bcad gcig ni bshad zin to//dam pa kun gyis bshad ces bya bar sbyor ro/ /ji lta bu zhig bshad ce na/ sku dang zhes pa la sogs pa'o/ /sku gsung thugs longs spyod pa zhes pa ni de rnams dang dbyer mi phyed par longs spyod pa'o/ /de gang zhe na/ dkyil 'khor rdo rje mi phyed gsum/ / zhes te las kyi 'khor lo'o/ /de gang zhe na/ sangs rgyas ye shes can rnams kyi/ /zhes te mi bskyod pa la sogs pa'o/ /de nyid kyang rig pa'i lha las byung bas na gsang chen no/ /las kyi skyon dag par 'gyur bas na nyams dga' ba ste de bshad do zhes pa'o/ /bsam gtan gyi las kyi rim pa gsungs pa/nam mkha'i dbyings zhes bya ba la sogs pa'o/ /nam mkha' dbyings ni chos 'byung ba'i dbus su/ sangs rgyas dkyil 'khor zhes pa ni rtag pa las byung ba'i gzhal yas khang bsgom par bya'o/ /mi bskyod rdo rje rab bsgoms nas/ /zhes pa ni dang po'i mgon po la ji skad du gsungs pa'i cho gas mi bskyod pa phyag tu rdo rje dang ldan pa dang po'i sbyor bas bsgom par byas la/dkyil 'khor gyi 'khor lo rdzogs pa'i rnal 'byor pas ma rungs pa'i bsgrub bya dngos po bzhi yis bzlog par ma rungs pa rnams kha sbyar dbye ba'i cho gas srung ma dang phral nas gnas pa las rang gi ba spu'i bu ga las rgyu sngon du song ba las/'od 'phro mang po 'bar ba dang / /'od zer sna lngas rab tu dgang / /zhes so/ /ci 'dra ba'i 'od zer zhe na/ dus gsum 'byung ba'i sangs rgyas rnams/ /zhes bya ba ni de rnams shin tu khro zhing gtum pa'i cha byad can du bsgoms nas des bsgrub bya me'i dkyil 'khor la gnas pa la phyag gi rdo rjes phye mar brlag ces so//de ltar bsgoms pa'i phan yon gnyis pa gsungs pa/ sku gsung thugs zhes pa la sogs pa'o/ /de lta bu sku gsung thugs kyis longs spyod rdo rjes med par byas pa'i bsam gtan mchog de la yang dang yang du goms par byas na sgrub pa po de thugs kyi dngos grub thob par 'gyur zhes pa ni bdag nyid bcom ldan 'das mi bskyod par 'gyur ba'o//ji skad du/ sbyor ba goms par brtan byas na/ /bdag nyid zhe sdang rdo rjer 'gyur//zhes so/ /bsgrub bya 'di ji ltar dag par 'gyur zhe na/ rdo rje gsang ba zhes bya ba la sogs pa'o/ /rdo rje gsang ba zhes bya ba ni las kyi lam dag pa'i gsang ba 'di lta bus zhes so/ /sems can thams cad ces pa ni sdang ba rnams sbyor ba des bsad na ni/ mi bskyod sangs rgyas zhing dag tu/ /zhes pa ni mngon dgar ro/ /der rgyal ba'i sras rnams skye bar 'gyur/ /zhes pa ni der skye ba'i sbyor bas 'phangs pa'o/ /'di ni zhe sdang gi rigs kyi dam tshig de kho na'o zhes pa ni mi bskyod pa'i dam tshig ste gzhan rnams la yang khyab pa kho na yin no//ma byin par len pa'i rnam par dag pa gsungs pa/ de nas zhes pa la sogs pa'o/ /ma byin par len pa mya ngan las 'das pa bsgrub pa ni ye shes thar pa rab tu sgrub pa'o/ /de'i skyon gyis ma gos pa nyid kyis na ngo bo nyid gtsang gos pa med pa'o/ /de nyid byang chub kyi spyod pas te/des sangs rgyas dang byang chub sgrub par byed pa'i phyir ro/ /de bas na yang dag pa'i dam tshig de bka' stsal to zhes pa'o/ /nam mkha'i dbyings kyi dbus gnas pa/ /zhes pa ni gong ma bzhin du'o/ /rdo rje dkyil 'khor zhes pa ni gang gis kyang mi phyed pa'i gzhal yas khang bsgom par bya zhes so//rnam par snang mdzad rab bsgoms te/ /zhes pa ni gong gi sbyor ba lta bus bsgoms nas sbyor ba gnyis pas/ sangs rgyas thams cad rnam par bsgom/ /zhes so/ /de nas ser sna'i yo byad mi mkho ba rnams kyang 'dzin pa yi dgas kyi 'gro ba las bzlog pa'i phyir rin chen kun gyi ste/pad+ma rA ga la sogs pa'o/ /de'i sbyor ba ste ting nge 'dzin gyis so/ /rdo rje gzugs zhes pa ni sangs rgyas la sogs pa'i gzugs su rab tu brtags la/ des ser sna can gyi nor thams cad phrog par bsgom mo/ / gang gis she na/ rdo rje gsum du rnam bsgom na/ /zhes te rang gi sa bon las 'phros pa'i rdo rje gsum gyis nor phrogs nas sems can la sbyin zhing bde bar gshegs pa rnams la dbul bar bsams pas rang dang gzhan dag par 'gyur ba'o/ /nor gyi rgya mtsho zhes pa la sogs pa ni de'i phan yon gsungs so//nor gyi rgya mtshos gang ba ni nor phun sum tshogs pa dang ldan pa'o/ /de nyid kyis na/ yid bzhin nor bu 'dra bar 'gyur/ /zhes te sbyin pa gtong zhing bde bar gshegs pa mchod kyang zad pa med pa'o/ /rgyu des phyis sangs rgyas kun gyi sras te byang chub sems dpa' 'am/thub pa skyes bu mchog ste sangs rgyas rnams su 'gyur ro zhes so/ /ji skad du/ byang chub sems dpa'i kun du rtog /dge'am gal te mi dge ba/ /gang phyir sems kyi dbang gyur pas/ /de yi bkra shis sems de 'gyur/ / zhes so/ /'di ni rigs kyi rgya mtsho thams cad ces pa ni zhe sdang la sogs pa'i rigs kyi rnal 'byor pas bya ba mi 'gal bar shes par bya'o/ /khyad par du shes pa ni gti mug gi rigs kyi dam tshig yang dag pa nyid du shes par bya'o zhes so/ /log par g.yem pa'i rnam par dag pa gsungs pa/de nas zhes pa la sogs pa'o/ /'dod chags nyid dag na lam dag par 'gyur bas na 'dod chags thar par bsgrub pa'o/ /thun mong du ma gyur pas na gsang ba dag pa'o/ /gzung 'dzin dang bral bas na dmigs pa med pa ste/ de lta bu'i dkyil 'khor bka' stsal to zhes pa'o//nam mkha'i dbyings kyi dbus gnas pa ni gong ma ltar ro/ /der don thams cad 'byung ba'i phyir na rin chen dkyil 'khor te/ gzhal yas khang bsgom par bya ba'o/ /dpag med tshe ni rab bsgoms te/ /zhes pa ni gong ma'i rim pas so/ / sangs rgyas rnams kyis kun du sbyar/ /zhes pa ni ting nge 'dzin gnyis pas 'khor lo bsgom pa'o/ /de yang chags pa can bsngos pa'am gzhan yang rung ste/ rang gi lha mo lta bur bsgoms pa ni bud med lta bur sbyor ba'o/ /de yang phyag rgya bzhi'am bsnyen sgrub bzhir sbyor bas na dam tshig bzhi'i sbyor ba'o//de bas na khams gsum na gnas pa thams cad bud med kyi rang bzhin dam tshig de ru bsgom pa de ni rdo rje'i tshul mchog ste rdo rje bsgrub pa'i rgyu'o/ /gang gis she na/ dbang po gnyis ni rab sbyar bas/ /zhes bya ba ni sangs rgyas mnyes pa'i bsam pa dang /de nyid brtags pa la sogs pa'i bud med de dag nye bar spyad ces pas so/ /de bas na 'di ni rang dang gzhan dag pa'i rgyu yin pas na tshangs par spyod pa dang mi 'gal ba ste de'i phyir/ 'di ni gsang sngags thams cad kyi/ /mi phyed sku gsum bsgom pa'o//zhes so/ /'di ni 'dod chags kyi dam tshig yang dag pa ste/ sngags pa gzhan gyis kyang bsgom par bya'o/ /brdzun du smra ba'i rnam par dag pa gsungs pa/ de nas zhes pa la sogs pa'o/ /phyin ci log gi brdzun las dgar ba'i las kyis dag pas na/rdo rje sngags kyi don sgrub pa'o/ /brdzun de yang dmigs pa dang bral bas na bdag med ye shes las byung ba'o/ /des gsungs 'di skad bka' stsal to/ /zhes so/ /nam mkha'i dbyings kyi dbus gnas par/ /zhes pa yang gong ma bzhin no/ /der sangs rgyas dkyil 'khor ni gzhal yas khang bsgom pa'o//don yod rdo rje rab bsgoms te/ /zhes pa ni gong ma ltar dang po'i mgon po las bskyed pa'o/ /sbyor ba gnyis pas sangs rgyas thams cad bsgom par bya zhes pa ni gong ma bzhin no/ /des/ brdzun tshig rdo rje stabs gnas pas/ / zhes pa ni rdo rje tshig gis brdzun smra ba'i lha'i 'khor lo'i gzugs rnams thams cad bsgom par bya zhes so/ /rgyal ba thams cad ces pa ni de bzhin gshegs pa rnams te/ de brdzun tshig sgyu ma lta bus bslu bar bya'o zhes so/ /gzhan gyi tshig dag par byed pa la'o/ /de ltar bsams pa de ni sangs rgyas thams cad kyi ste sangs rgyas thams cad dang 'brel ba'o//nam mkha'i gsung dri ma med pa zhes pa ni tshig de nyid kyang dmigs pa dang bral ba'i phyir ro zhes so/ /de ye shes blo can te sangs rgyas rnams so/ /de'i thun mong ma yin pas na gsang ba'o/ / sngags kyi dngos grub gnyis thob par byed par bshad ces so/ /'di ni dam tshig 'gugs pa ni don yod grub pa'o/ /de'i rigs kyi dam tshig yang dag pa ste sngags pa gzhan gyis kyang bsgom par bya'o zhes so/ /don ji lta ba bzhin du spro bar bya'o zhes pa ni/ bdag gi bla ma la sogs pa'i don du 'gyur na spro bar bya'o//tshig rtsub mo la sogs pa'i rnam par dag pa gsungs pa/ de nas zhes pa la sogs pa'o/ /rdo rje mi phyed gsum rgyal ni rdo rje gsum gyi ngo bo'i bde bar gshegs pa rnams so/ /de'i gzhi ni rdo rje 'chang chen po'o/ /des tshig rtsub mo la sogs pa yang lam du ston pas na/rdo rje dngos grub rab ston pas/ /zhes so/ /bka' stsal to zhes sbyar ro/ /nam mkha'i dbyings kyi dbus gnas par/ /zhes pa ni chos 'byung ba la'o/ /dam tshig dkyil 'khor zhes pa ni mi 'da' bas na gzhal yas khang par bsgom par bya'o zhes so//dkon mchog dpal ni rab bsgom ste/ /zhes pa ni dkon mchog dpal gtso bor gyur pa'i 'khor lo bsgoms te/ de'i 'khor lo'i gzugs kun gyi 'od dag 'phro bar bya'o/ /des 'dul ba'i skye bo rnams la phan pa'i don du rtsub pa'i ngag ces brtse ba med pa'i ngag go//sogs kyi sgras bsdus pa phra ma dang ngag 'khyal bas kyang phan btags pa'i bsam pas bsnyen na dngos grub thob par 'gyur zhes so/ /'di rnams kyang sngags pa re re dang ldan pas las kyi rgyal mchog la sbyar bar bya'o/ /rang gi lha'i yan lag tu shes par bya'o//rdo rje bkod pa zhes pa ni de bzhin gshegs pa lnga bsdus pas na bkod pa ste rdo rje 'chang ngo / /de skad ces bka' stsal to zhes so/ /sems ni bdag nyid kho nas so/ /lus dang ngag ni sems dag pas so/ /de ni de dang de las gsungs so/ /phyin ci log gis gzung ba'i sems can rnams 'bras bu mi 'dod pa 'byung ba'i thad kar 'dod pa'i 'bras bu skyed pa ste/chos thams cad sgyu ma lta bur shes pa'i blo dang bas rang dang gzhan rnam pa'i dbye ba med pa'i mos pa can gyi rnal 'byor pas/ rang gi dam bca' ba'i lam bsgrub pa'i phyir rnal 'byor pa ste/ba lang dang zhing la sogs pa'i phyir ma yin pas nag por mi 'gyur te/ bdag tu 'dzin na gzhan gyi 'du shes 'byung / /bdag dang gzhan gyi rnam pa'i cha gnyis kyis/ /nyes pa thams cad rab tu skye bar 'gyur/ /zhes pa'o/ /sgyu ma mkhan gyis sems can mang po kun bsad par byas kyang de kun bsad pa med ces pa'i lung las kyang rtogs par bya'o//de bas na dang po nas rnam par spyod pa ste/ phyis ni de'i 'bras bu'i phan yon la spyod pas na dam tshig ces par ming btags so/ /de bas na kha na ma tho ba las grol na byang chub sems dpa'i spyod pa ltar yang mi 'gal ba'o//rnam par snang mdzad mngon par byang chub pa spyod pa'i rgyud las kyang / 'di na byang chub sems dpa' thams cad nas thams cad du srog gcod pa spang bar bya'o/ /gzhan du na dkon mchog gsum la gnod pa byed pa mthong phan cad do zhes pa la sogs pa bslab pa'i bye brag mang por yang gsungs so//de bas na thabs dang bcas pa'i de bzhin nyid kyi las byed pa ni 'gal ba'i las su 'gyur ba ma yin no/ /de bas na thabs thams cad mkhyen pa'i byang chub sems dpa' la smad par bya ba 'ga' yang med do zhes mdo las kyang gsungs so//de bas na gzhan las kyang / gang dang gang gis bcings gyur pa/ /drag po'i las ni de dag kun/ /thabs dang bcas pa'i de nyid kyis/ /srid pa'i 'ching las rnam par grol/ /zhes so/ /de bas na le'u 'di'i bshad pa yang ji skad du/ rnam bcas dang ni rnam pa med//yan lag thams cad yid gsum bdag /bya ba dang ni dbrog pa dang / /nyid kyis bzlas shing spro bar bya/ /de ltar zhe sdang gti mug dag /sa gsum du ni bskyed bya zhing / /gsang ba dag pas rgyas btab pa'i/ /rdo rje can gyis don byed do/ / zhes pa la sogs pa'i phan yon dang bcas pa rgyas par le'u bco brgyad pa las gsungs so/ /da ni rdo rje'i tshig rnams ma 'ongs pa'i skye bos shes par bya ba'i phyir gar gyi tshul du ngo mtshar che ba la sogs pa'i klan ka spang ba yang gsungs pa/ de nas zhes bya ba la sogs pa'o/ /de la dam tshig rdo rje zhes pa ni don yod par grub pa'o//de'i dpal ni sgrib pa rnam par sel ba'o/ /de la sogs pa byang chub sems dpa' sems dpa' chen po rnams zhes so/ /ngo mtshar du gyur pa ni dam tshig bzhi la'o/ /des rdo rje 'chang ba'i go 'phang thob par rmad du gyur nas zhes so//rdo rjes smras pa'i tshig ni rdo rje'i tshig ste smras so zhes pa'o/ /de yang gang zhe na/ bcom ldan 'das zhes bya ba la sogs pa'o/ /de bzhin gshegs pa thams cad kyi bdag po zhes pa ni ngo mtshar gyi tshig mi gsungs zhes pa'o/ /ci'i phyir zhe na khams gsum las 'das shing zhes te 'dod pa la sogs pa'i khams gsum gyi nyon mongs pa rnam par spangs pa zhes so//gos dmar can lta bu'i lta ba ma yin par bstan pa'i phyir/ 'jig rten thams cad las 'das pa zhes pa ni/ 'jig rten gyi khams thams cad kyi khams gsum gyi nyon mongs pa spangs pa'o zhes tshig de nyid 'og tu yang rnam par bsgyur ba ste/gang la yin zhe na/ de bzhin gshegs pa thams cad dang / byang chub sems dpa' thams cad kyi 'khor gyi nang zhes te de rnams dang 'gal ba'i tshig gsung ba'i gnas ma yin par bstan to//'di lta bu'i ngo mtshar gyi tshig gi lam zhes pa ni/ srog gcod pa la sogs pa bdun gyis rang dang gzhan gyi rgyud rnam par dag par byed pa zhes so/ /mi phyed pas na rdo rje'i tshig ste/ ci'i slad du gsung zhes bcom ldan 'das la brgal ba'o/ /dam tshig la 'gal bar mthong ba'i gang zag dmyal bar 'gro bar mthong nas de bzhin gshegs pa rnams kyis brgal ba'i lan gsungs pa/de nas zhes pa la sogs pa'o/ /rigs kyi bu zhes pa ni bod pa'o/ /'du shes ngan pa zhes pa ni dam tshig las som nyi za bar 'du shes ngan pa'o//de nyid chos ma yin par rtogs pa ni dman pa'i 'du shes te de ma skyed cig pa'o/ /de ci'i phyir zhe na zhes slar brgal ba dang / lan gsungs pa sngags kyi spyod pa la sogs pa'o/ /de la shes pa dang skyob par ldan pa'i spyod pa ni sngags kyi spyod pa'o/ /de ji lta bu zhe na spyod pa mchog go zhes te nyan thos la sogs pa'i spyod pa la ltos nas/byang chub sems dpa'i spyod pa ni mchog ste/ de la gang gi don du 'gyur na 'gal yang rung ste spyod pa'o/ /de bas kyang mchog tu gyur pa ni sngags kyi spyod pa ste 'gal bar mi mthong ba'i phyir ro zhes so/ /'o na de gang gi spyod pa yin zhe na/de bzhin gshegs pa'i spyod pa'o zhes smras so/ /'gal bar mi mthong ba'i rgyu gsungs pa/ rigs kyi bu zhes pa la sogs pa'o/ /dper na zhes pa ni don nyid dper byas pa'o/ /nam mkha' ni thams cad rjes su song ba ste zhes pa ni de bzhin nyid kyi chos thams cad la khyab par bstan to//nam mkha'i khongs su gtogs so zhes pa ni/ phung po la sogs pa yang chos nyid las gzhan ma yin par bstan to/ /shes rab kyi pha rol tu phyin pa las kyang / gzugs las stong pa nyid gzhan ma yin no/ /stong pa nyid las kyang gzugs gzhan ma yin no zhes pa la sogs pa rgyas par gsungs so//chos nyid kyis dag pa'i chos de gang na yang mi gnas pas mnyam pa nyid du gsungs pa/ chos de dag kyang zhes pa la sogs pa'o/ /khams gsum ma lus mi gnas pas na bcud la mi gnas par bstan to//'byung ba chen po bzhi la mi gnas so zhes pa ni rten 'brel gyi stobs kyis rlung skye ba la sogs pas snod kyi 'jig rten grub ste/ de la yang mi gnas pa'o/ /ci'i phyir na de bzhin nyid ni nyi tshe ba ma yin pas so/ /chos thams cad kyang de ltar rjes su rig par bya'o zhes pa ni/rang bzhin med par rig par bya'o zhes pa'i don to/ /don gyi dbang de lta bu mkhyen cing zhes pa ni mnyam pa nyid kyis thams cad la khyab pa ste/ de la ni 'gal ba dang mi 'gal ba gnyis su snang ba mi rigs te/ mnyam pa nyid med par thal bar 'gyur ba'i phyir ro/ / de lta bu la dgongs pa dang / de rnams la dga' ba'i sems can gyi bsam pa yang mkhyen nas gdod chos 'chad do zhes so/ /de bzhin nyid kyis dag par brjod pas na nam mkha'i tshig nges par brjod pa'o/ /de bas na dam tshig de dag kyang nam mkha'i rjes su rig par bya'o zhes te/nam mkha' ltar rnam par dag par mos par bya'o zhes so/ /de ltar de bzhin nyid kyis dag par bstan nas/ da ni so sor mi dmigs kyang rten 'brel las 'byung bar gsungs pa rigs kyi bu zhes pa la sogs pa'o/ /gtsub shing dang zhes pa ni smyig ma la sogs pa'o//gtsub stan ni 'og gi shing ngo / /mi'i lag pa ni gtsub par byed pa'o/ /de skyed pa'i rkyen gyis dang por drod las du ba 'byung zhing / de'i rjes la me chung ngu las me lce chen po 'byung bar 'gyur mod kyi zhes pa ni tshogs pa las zhes pa'i don to/ /me de gsum char la mi gnas pa ni so sor mi dmigs pa ste/rang bzhin gyis rnam par gnas pas na rten cing 'brel bar 'byung ba'i stobs kyis skye'o/ /nye bar 'gro ba gsungs pa/ rigs kyi bu zhes pa la sogs pa'o/ /de bzhin gshegs pa thams cad kyi dam tshig ces pa ni rnam pa bzhi'o//de ltar rjes su rig par bya'o zhes pa ni nyam nga ba'i las kyis mi bzad par ltung ba'i las can gyi bsgrub bya de las bzlog par 'dod pa'i snying rje chen po dang ldan pa'i rnal 'byor pas/ gnyis su med pa'i ye shes kyis zin pa'i cho ga'i thabs kyi bye brag ji ltar gsungs pas rgyas btab pas rjes su rig pa ste/rang dang gzhan rnam par dag par 'gyur ba'o/ /de yang rten cing 'brel bar 'byung ba'i tshul gyis te/ gzhan du na de rnams kyang rnam par bcings pa'i phyir ro/ /da ni 'gal bas las dag pa'i don rig pa las ngo mtshar ba'i tshig gsungs pa/de nas zhes pa la sogs pa'o/ /ngo mtshar du gyur pa ni de bzhin nyid kyis dag pa la'o/ /rmad du gyur pa ni rten cing 'brel ba las 'byung ba'o/ /thabs che zhing skyon med par shes pas dga' ba'i rtags su ngam zhing mig sngon legs par dpyad pa'i sa pad+ma'i 'dab ma rangs pa lta bu gdangs te 'di skad ces smras so zhes so//ngo mtshar rmad du gyur pa'i chos zhes pa ni bshad zin to/ /de nyid kyang dmigs pa med pa'i ye shes tsam du gnas pa na nam mkha' dang ni mtshungs pa'o/ /rnam par mi rtog dag pa zhes pa ni rtog ge ba rnams kyis brtag par mi nus shing mtshan ma thams cad dang bral bas na don dam pa'i bden pa'o//las shes pa ni lnga pa'i don du blta bar bya'o/ /don dam pa'i bden pa de la sgrib pa'i phyir kun rdzob ste dam tshig bzhi'o/ /de yang mtshan ma med pa'i las so so'i rtsal sgyu ma tsam du 'byung ba'i kun rdzob kyis sbyong ba'i phyir ro//gnyis su med pa'i ye shes yin yang gzung ba la sogs pas spros pa ni 'khrul pa'o/ /ji skad du/ bdag dang chos su nyer 'dogs pa/ /sna tshogs dag ni gang 'byung ba/ /de ni rnam par shes par 'gyur/ /zhes pa bzhin no/ /don dam pa'i de kho na nyid ni don dam pa'i bden pa'o//des dag pa'i dam tshig ni srog gcod pa la sogs pa dag pa'o/ /de ston par byed pa'i gzhung ni le'u ste dgu pa'o/ /le'u dgu pa'i 'grel pa'o// //rim pa gnyis la gzhol zhing phun sum tshogs pa ma tshang ba med pa'i rnal 'byor pas/dbye ba'i sgo nas nyams 'og tu ma chud pa dang rang gi lha'i snying po bskul ba'i phyir de'i thabs zhus pa/ de rnams bya ba la sogs pa'o/ /yang 'dus te zhes pa ni le'u dang po la sogs pa'i rim pas so/ /gzhan ni bshad zin to/ /sngags kyi snying pos kun du 'dus pa zhes pa ni/de bzhin gshegs pa rnams ni sngags te/ de'i snying po ni 'dod pa'i 'bras bu 'byin pa'i phyir yi ge gsum mo/ /de nyid du thams cad bsdus pa'i phyir ro/ /de gang zhe na sku dang gsung dang thugs gsang ba bsgrags zhes so/ /de gang la dgos she na/ dngos grub chen po zhes te yang dag pa'i ye shes dbang du gyur pa'i rnal 'byor pa ni phyag rgya las skyes pa'i dngos grub pas na chen po'o//de'i tshul ni thabs te de bzhin gshegs pa'i snying po bskul ba'o/ /gzhan las khyad par du 'grub pa'i phyir na mchog go/ /mi 'gyur ba'i de nyid rnyed pa las mi g.yo bas na de nyid de bshad du gsol zhes pa'o//de'i lan bstan pa'i phyir de nas zhes pa la sogs pa'o/ /nyon mongs kun gyi rgya mtsho zhes pa ni rang bzhin gyis nyon mongs pa ste/ srid pa gsum mo/ /de nyid 'dod chags la sogs pa'i chu srin dang / las la sogs pa'i rba rlabs dang / skye ba la sogs pa'i klong 'khyil ba dang ldan pas na rgya mtsho'o//der bying ba'i 'gro ba la chos ston pa'i phyag brkyang nas 'don pas na gtso bo'o/ /nyi ma bye ba phrag brgya'i 'od dang ldan pa'i lcags kyu 'phro bas 'bar ba'o/ /khro bo'i cha lugs 'chang bas spyan rnam par bgrad pa'i phyir drag po rgyas pa'i spyan zhes bya ste/drag shul gyi gnas skabs su thams cad khro bor bstan pa'i phyir ro/ /lus dang ngag dang sems rnams ni/ /zhes pa ni cung zad dag pa'i sku can gyi rnal 'byor pa'i'o/ /de ci zhe na/ sku dang gsung dang thugs rdo rjer bsgom zhes so/ /ji ltar zhe na/ rnam par mi rtog ces te tha mal pa'i gzugs la sogs par ro//de la dmigs pa la sogs pa'i rnam par shes pas mi dmigs pa ste gzung 'dzin dang bral ba'o/ /de bas na/ gang la mi gnas mnyam pa nyid/ /ces te/ mnyam pa nyid ni nyi tshe ba ma yin te/ rten dang brten pa po la mnyam pa nyid med pa'i phyir ro//de ltar sku gsung thugs bsgom pa dang ldan pas snying po bskul bar bstan nas/ da ni snying po bskul ba'i rgyu ston pas gsungs pa/ de nas zhes pa la sogs pa'o/ /rang bzhin gyis dag pa zhes pa ni gdod nas ma skyes pa ste gnyen po skyes nas ma yin pa'o//de nyid pha rol tu phyin pa ste/ rang bzhin gyi shes rab po/ /de nyid sngags kyi tshul te mi phyed pa'i phyir na rdo rje'o/ /de la rdo rje 'dzin pa'i tshul gyis snyoms par zhugs nas zhes pa'o/ /bcom ldan 'das de bzhin gshegs pa thams cad ces bod pa'o//mi bskyod pa la sogs pa zhes pa ni rang rang gi khams rnam par gnas pa rnams so/ /de nyid kyang rig pa zhes te zhi ba la sogs pa'i sgo nas bskul bas de dang de'i byed pa'i phyir na rig pa'o/ /de bas na de bskul bar byed pa la de skad ces bya'o/ /ji skad du/ so so zhi ba sogs bskul bas//las byed pa ni rigs par gsungs/ /zhes 'jig rten sgron ma las bshad do/ /de lta bu'i 'khor bye ba khrag khrig brgya stong du ma dang zhes so/ /ci byed ce na sems can gyi don byed pa'i rol pa rab tu ston pa yod de zhes te/ sems can rnams smin pa dang grol ba la brtson 'grus dang ldan pa yod kyang zhes so//phyogs bcu'i 'jig rten na gang zag 'di lta bu la mi gzigs zhes pa'o/ /ji lta bu zhe na/ 'dod pa'i yon tan lnga dag gis rol dgyes pa yongs su spyod pa yod kyang zhes te/ skye ba gcig gis thogs pa'i rnal 'byor pa lha mo'i gzugs la sogs pa la zla ba drug la sogs pa'i rim pa dang rab tu spyod pa yod pa'o//de la mi gzigs pa'i rgyu gsungs pa/ kye ma zhes pa la sogs pa'o/ /kye ma zhes pa ni ma mgu ba'o/ /'di dag ni zhes pa ni sgrub pa po de'o/ /de bzhin gshegs pa thams cad nyid sngags te/de'i spyod pa ni dkyil 'khor la sogs pa bdun la 'jug pa'o/ /de nyid la tshul zhes bya'o/ /sgyu ma lta bu'i ting nge 'dzin gyis 'dzin pa'i phyir na chos so/ /de rdzogs par gyur to snyam pa ni dgongs pa ste/ gang gi tshe rnam par rtog pa la spyod pa'o/ /de'i tshe rnal 'byor pa dag par mi 'gyur te rnam par rtog pa'i rba rlabs ma 'phros pas gzhan la thugs yengs pa ltar mi dgongs na spyan ras kyis mi 'tsho ste zhes pa'o//de la rdo rje 'chang chen po spyan ras kyis 'tsho ba'i thabs kyi snying po gsungs pa/ de nas zhes pa la sogs pa'o/ / sngags thams cad ces pa ni de bzhin gshegs pa rnams so/ /de rnams kyi snying po ni thugs te de sgrub pa po la dgongs par bya ba'i phyir kun du skul bar byed pa ni snying po'o/ /ji lta bu zhe na/ de rnams kyi rnam par dag pa gsungs pa/ de bzhin gshegs pa zhes pa la sogs pas ni sku'i sgo nas dag pa'i oM gsungs te/sku dang mi 'bral ba nyid kyi phyir na gnyis kyang gsungs pa'o/ /de bzhin du rdo rje 'dzin pa zhes pa la sogs pas ni thugs kyi sgo nas dag pa'i hUM gsungs so/ /chos 'dzin pa zhes pa la sogs pa ni gsung gi sgo nas dag pa'i AHgsungs so//nyid kyi sku dang gsung dang thugs rdo rje las zhes pa ni rdo rje 'chang ba las rnam par bsgyur ba'i dbye bas go rims bzhin du phyung ba'o/ /tshig gi lam nges par brjod pas zhes pa ni tshig gi brjod pa med pa'i ngo bo la rnam par 'gyur ba'i dbye bas bcom ldan 'das ma gnas su zhugs pas sngags bsdus pa ste/yi ge lnga'i ngo bo gsungs so zhes pa'o/ /de'i mthu gsungs pa/ de nas zhes pa la sogs pa'o/ /sangs rgyas ni mi bskyod pa la sogs pa'o/ /sras ni de'i rigs las skyes pa ste/ rab tu 'dar zhing brgyal bar 'gyur/ /zhes pa ni sgrub pa po la mi gzigs pa sngags des dam tshig las bsnyengs pa'i 'jigs pa yod pas na de ltar 'gyur ba'o//de nas rdo rje sems dpa' rjes su dran nas dngos grub stsol bar 'gyur ro zhes sbyar ro/ /de bas na gong gi sngags de'i lha'i rnal 'byor du gnas pas de 'dra ba'i mthu dang ldan pa'i bar du 'gyur ro zhes ji snyed pa'o//de nas zla ba gnyis gcig tu gyur pa'i de ma thag tu hUM las byung ba'i rdo rje hUM dang ldan pas cho ga gnyis pa gsungs pa/ de nas zhes pa la sogs pa'o/ /phyag na rdo rje zhes pa ni rdo rje las gyur cing de phyag na gnas pa ste rdo rje 'chang chen po'o/ /mi 'da' bas na dam tshig go//nam mkha'i dbyings zhes pa ni chos 'byung ba'o/ /de'i dbus la gnas par zhes so/ /bkod pa'i dkyil 'khor zhes pa ni sangs rgyas thams cad bkod pa'i ngo bo rtag pa las byung ba'i gzhal yas khang pa bsgom par bya zhes so/ /de'i dbus na gnas pa'i yi ge hUM zhes pa ni de'i dbus kyi gdan la zla ba gcig pa 'od zer 'phro zhing 'du ba'i sbyor ba las hUM dkar por gyur pa ste cho ga gnyis pa'o//rang gi gzugs su rab tu brtag /ces pa ni de nyid 'od zer 'phro zhing 'du bas rang las 'byung ba'i gzugs su brtag pa'o/ /de gang zhe na/ rdo rje 'od zer rab tu 'bar//zhes te me shel lta bu bum pa dmar skya ba gzugs la sogs pa dang / rtag pa la sogs pa'i rnam par dag pa'i phyir 'og dang gong gi tshul rtse lnga dang ldan pa/ bum pa la yang hUM dang ldan pa/ phyogs kun nas thub pa'i dbang po'i sku'i 'od zer 'phro ba rnam par bsam pa ni cho ga gsung ba'o//des so sor kun du rtog pa'i ye shes kyang bstan pa'o/ /le'u bcu gsum pa'i nga rgyal bya ba'i de ma thag tu/ le'u dang po gsang ba las byung ba bstan pa'i phyir gsungs pa sangs rgyas zhes pa la sogs pa'o/ /de la/ sangs rgyas kun gyi sku gsung thugs//zhes pa ni/ sa bon gyi 'od kyis reg pa'i sangs rgyas rdo rje 'dzin pa'i skur byas pa ni rdo rje gsum las mi 'da' ba'i phyir na de skad de rdo rje sems dpa' las byung ba'o/ /ji ltar byung zhe na/ bsdus te de yis rnam bsgoms na/ /zhes te 'od zer gyi lcags kyus de rnams bkug ste/sa bon la bcug pa ni bsgom pa'o/ /de ma thag tu zhes pa ni zhugs ma thag tu'o/ /de gyur pa zhes pa ni hUM dang ldan pa'i rdo rje gnas gyur pa zhes so/ /de cir 'gyur zhe na/ sku dang gsung dang thugs rdo rje 'dzin pa lta bu rdo rje sems dpa' zhes te rdo rje'i ngo bo dang ldan pa mdzes par byed pas na rgyal po che'o//lha thams cad kyi snang bar byed pa'i rkyen du gyur pas na kun gyi gtso bo'o/ /thams cad kyi bdag por gyur pas na dbang phyug mchog ste le'u dang po las gsungs pa ltar bsgom par bya'o zhes so/ /da ni zla bar zhu ba'i cho ga rdzogs pa'i de ma thag tu rang gi sa bon las rang gi 'khor lo bskyed pa cho ga gnyis pa gsungs pa/rang gi zhes pa la sogs pa'o/ /rang gi 'khor zhes pa ni rang gi lha'i 'khor lo'o/ /rang sngags kyi zhes pa ni gtso bo'i snying po kho na bskyed pa ste rang rang gi sa bon gyis ma yin no/ /chos kyi dbyings las mi 'byung ba'i phyir dang /sngags gcig bzlas pas thams cad ma bzlas pa'i skyon yin pas na dbye ba nye bar blangs pa'o/ /sngags rnams ni lha thams cad kyi snying po bsdus pa yin zhes te/ gtso bo las byung ba bstan pa'i phyir ro/ /da ni gong du gsungs pa'i bskul ba'i sngags dang 'brel ba de bzhin gshegs pa'i snying po bskul ba'i thabs gsungs pa/rang sngags zhes pa la sogs pa'o/ /rang gi sngags las skyes pa'i skyes bu ni lha rnams te/ ji bzhin pa'i cho gas bsgoms nas su zhes so/ /de rnams kyi gnas bzhi rnams su zhes te/ mgo dang mgrin pa dang nu ma'i bar dang thugs ka rnams su'o/ /ji lta bu zhe na/ gzugs kyi tshul te 'dod chags la sogs pa'i gzugs te de yang / zhal gsum tshul du sbyor ba yis/ /zhes te rig ma dang ldan par dkar po la sogs pa'i kha dog gsum du bsgom mo zhes so/ / de rnams kyis ni lha rnams kyi phyag rgya bzhi gsungs so/ /rdo rje gsum dang ye shes sems dpa' ni 'da' bar bya ba ma yin pas na rdo rje'i dam tshig go/ /mdor bsdus pa de rtogs par bya ba'i phyir/ de la 'di ni zhes pa rgyas par gsungs pa/ rdo rje mchog ni rdo rje gsum mo/ / de'i gsang ba ni de bskyed pa'i cho ga'o/ /ji ltar zhe na/ snying ga'i zhes pa la sogs pa'o/ /de la snying ga'i zhes pa ni mtshon pa tsam ste gzhan yang bsdu'o/ /de rnams su sa bon las byung ba'i mtshan ma'i dbus su zhes so/ /phra mo'i dkyil 'khor zhes pa ni phyag rgya bzhi ste/sa bon dang mtshan ma phra mo las bskyed pa'i phyir ro/ /de bsams la yi ge mchog tu gyur pa'i tshig ni rang rang gi sa bon no/ /de'i dbus su zhes pa ni de rnams kyi thugs kar zla ba'i dbus su rang gi sa bon bsam par bya zhes so/ /de las cir 'gyur zhe na/ rdo rje chen po rtse lnga pa zhes te hUM las skyes pa'i rdo rje tha mal pa ma yin pas rdo rje chen po rtse lnga par bsams la/de'i dbus su yang hUM gis mtshan pa'o/ /de ni zhes pa ni nyin mtshan du'o/ /sbyor ba ni ting nge 'dzin gsum gyis sbyor bas bsgom par bya'o zhes so/ /de ltar skul byed kyi gzhi rnam par bkod nas skul byed kyi khyad par bstan pa'i phyir/rdo rje kyo ba'i zhes pa la sogs pa'o/ /de la hUM las 'phros pa'i thugs kyi rdo rje rlung gi shing rta la gnas pa'i lcags kyu thogs pa ni rdo rje kyo ba'o/ /de la gzhan yang 'phro ba'i phyir na/ rdo rje gsum rnams bsam par bya/ / zhes so/ /des ci byed ce na/ de yi snying gar btab byas te/ /zhes pa ni mi gnas pa'i mya ngan las 'das pa'i dbyings na bzhugs pa'i bde bar gshegs pa sgrub pa po la btang snyoms su gnas pa rnams kyi thugs la brdeg pa ste/ des yongs su dag pa'i lha rnams gong ma ltar gyur nas rab tu bskul bar bya'o zhes so//'di las gang la dgongs she na/ 'di ni rdo rje thams cad kyi/ /sangs rgyas byang chub sgrub pa'o/ /zhes so/ /thugs kyi rdo rje bstan nas sku dang gsung gi rdo rje yang gsungs pa/ 'khor lo zhes pa la sogs pa'o/ / gong ltar rang rang gi sa bon las skyes pa'i mtshan ma sa bon gyis mtshan pa las 'phros pa'i rlung gi shing rta la gnas pa'i sku'i rdo rje lcags kyus mtshan pa ni 'khor lo kyo ba'o/ /gsung gi rdo rje ni pad+ma'i rigs kyi kyo ba'o/ /rang gi lha'i rnam pa lta bu ni sogs kyi sgras bsdus pa'o/ /de bas na rdo rje gsum gyi kyo ba rnam par bsgom zhing lha rnams kyi snying la dgug pa'i don du bskul bar bya'o zhes so//sku gsung thugs kyi sprul pa dpag med kyis gar mkhan bzang po ltar 'gro ba'i don byed pa ni rol mo ste thabs de las byung ba'i phyir na 'byung ba'o/ /rdo rje ni zhes pa la sogs pas thabs kyi che ba bstan pa'o//de las rdo rje thob par byed pa'i thabs kyi gtso bo rdo rje ni tshul mchog go/ /dus ni zhag bdun bar du zhes so/ /tha mal pa'i 'bras bu ni ye shes rdo rje can ni de bzhin gshegs pa'o/ /de'i gsang ba ni sku dang gsung dang thugs te sku gsum mo/ /de sbyor ba 'dis 'grub par 'gyur zhes so//de bzhin gshegs pa rnams kyi spyan ras kyis de'i gong du 'tsho ba'i phyir na/ mchog stsol bas ni rnam par gzigs/ /zhes so/ /rang gi bya ba chad pas bshig par dogs pa'i phyir/ yid ni 'jigs shing skrag gyur nas/ /zhes bya'o/ / dam pa'i lung dang mthun par sgrub pa la dgyes pas na/ yid la mgu zhing dga' 'gyur ba'i/ /zhes so/ /de nas gong ma ltar dngos grub rgya chen te phyag rgya chen po ster bar 'gyur ba ni byin gyis brlabs pa'o/ /sangs rgyas byang chub sems dpa' dang / /zhes pa ni bskul bar bya ba'i bde bar gshegs pa sras dang bcas pa'o//sngags kyis spyod pa'i don 'grub pa/ /zhes pa ni gong ma lta bu'i sgrub pa po'o/ /rmongs pas 'gal bar byas na ni/ /zhes pa ni bskul ba'i sa las bzhengs pa rnams gal te sgrub pa pos rnam par ma bskul na rmongs pa ste 'gal bar byas pa'o//gal te bskul bas dngos grub chen po ma ster na rmongs pa ste 'gal bar byas pa'o/ /de yi srog ni der zad 'gyur/ /zhes pa ni de'i srog gi dbang po 'gags pa ste bar ma dor 'gro ba'o/ /snying po bskul ba dang bral ba'i phyir ro/ /theg pa'i che ba bstan pa'i phyir gzhan la yang de skad du'o//de kho na yang phyag rgya chen po'i dngos grub sgrub pa la sbyar ba bstan pa'i phyir/ de nas zhes pa la sogs pa'o/ /sngags kyi skyes bu ji snyed pa/ /zhes pa ni gong ma ltar dkyil 'khor gyi lha rnams so/ /de rnams kyi gnas rnams su rdo rje gsum ni sku gsum thugs gsum mo//ye shes ni ye shes sems dpa'o/ /des gang ba zhes so/ /dbang po gnyis kyi sbyor ba yis/ /zhes pa ni rdo rje dang pad+ma sbyor ba thams cad kyi gtso bo ste/ sa la sogs pa'i rim pa ji snyed pa des sbyor bar byed pas na der thams cad brtag par bya zhes so//sngags pa rnams kyis 'da' bar bya ba ma yin pas na/ sngags kyi dam tshig bsgom pa'o/ /zhes so/ /dbang po gnyis gang dang sbyar zhe na ma rig pa zhes pa la sogs pa'o/ /rig ma ni rang gi rig ma'o/ /bdag po dang 'dra ba'i phyir dbang phyug go//de'i gzugs brnyan ni legs par slob pa'i phyag rgya'o/ /la zhes pa ni cho ga mang ba'i phyir na tshig mang ba'o/ /rdo rje ni gsang ba'i rdo rje'o/ /de dang sbyor ba ni gsang ba'i pad+ma'o/ /chags la chags pas blta bar bya/ /zhes pa ni shes rab la thabs kyis blta ba'o//gzhan du rang bzhin gyi 'dod chags chen po la mi slu ba'i 'dod chags kyis rnam par bltas te/ des ji lta ba bzhin du rtog pa las mi 'da' bas na dam tshig dkyil 'khor ro zhes so/ /bcom ldan 'das kyis byang chub ni phyag rgya las skye bas na/ 'dzem pa med pa'i rnal 'byor pas de dang lhan cig tu sgrub pa po zhes thun mong du gsungs so//de nas zhes pa la sogs pa'o/ /de bzhin gshegs pa thams cad kyi ye shes bsdus pa las skyes pas na de bzhin gshegs pa kun gyi sras so/ /sangs rgyas thams cad kyis chos kyi dbang phyug tu gnas par bya ba'i phyir na thams cad dbang bskur ro//de nyid kyis na sangs rgyas gtso/ /zhes so/ /'jig rten khams ni thams cad ni/ /zhes pa ni thun mong gi lung ngo / /khyad par gyi lung ni/ bud med ji snyed yod pa kun/ /zhes te gang na de yod pa'i 'jig rten gyi khams na de gnas pa rnams phyag rgya chen po zhes pa ni lha mo'i skur bskyed pa'o//sogs kyi sgras bsdus pa nye bar sgrub pa la sogs pa ji srid yan lag gnyis dag par bya ba la thug pa'i bar du sbyar nas/ de dag thams cad nye bar spyod/ /ces so/ /de'i de ma thag tu rang gi sa bon gyi 'od kyis bkug pa'i bde bar gshegs pa zhal du zhugs pa las byung ba'i byang chub sems spro bar gsungs pa/dbye ba zhes pa la sogs pa'o/ /der spro bya zhes pa ni gsang ba'i gnas su byang chub kyi sems su spros nas le'u bdun pa ltar snang ba ni cho ga dang po'i de nyid byang chub las mi 'da' bas na byang chub kyi dam tshig go//de'i yon tan gsungs pa/ rdo rje gsum po ni spyi'i mtshan nyid yin pas na nam mkha' 'dra ba'o/ /de lta bu'i byang chub 'thob par 'gyur ba'o/ /byang chub sems ni rgya mtsho zhes pa ni de bzhin nyid do/ /de rtogs pa las 'khor ba ji srid kyi bar du gnas pa'i rdo rje sems dpa'i tshe des thob ces so//de bzhin gshegs pa'i snying po kun du skul bar byed pa ni bshad zin to/ /de ston par byed pa'i gzhung gi le'u ste bcu pa'o/ /le'u bcu pa'i 'grel pa'o// //da ni de nas zhes pa la sogs pas le'u bcu gcig pa gsungs pa/de bzhin gshegs pa thams cad kyi rdo rje zhes pa ni yi ge gsum mo/ /de las skyes pa'i rang gi lha ni skyes bu mchog ces bya ste/ de lta bu'i ting nge 'dzin la rdo rje 'dzin pa'i rnam par snyoms par zhugs te zhes so/ /de bzhin du rdo rje ni rdo rje gsum mo//de'i sngags ni oM AHhUM ngo / /rig ma dang ldan pa'i skyes bu ni rig pa'i skyes bu ste/ de grub par byed pa'i gzhung ni le'u bcu gcig pa 'di gsungs so zhes bya'o/ /de nyid gsungs pa rdo rje gsum zhes pa la sogs pa'o/ /rdo rje gsum zhes pa ni sku rdo rje la sogs pa'i rang bzhin yin pas na mchog go//mi 'gyur bas na yi ge'o/ /shes pa dang skyob par ldan pas na sngags te nam mkha'i yi ge'o/ /de nyid kyi phyag rgya chen po zhes pa ni mngon par 'dod pa'i lha'o/ /de rnam par bsgom pa ni zhal du zhugs pa la sogs pas so//byang chub thams cad ces pa ni bems po dang rtag chad sel ba dang ldan pa'i sku'o/ /de thob pa'i phyir zhes so/ /ye shes rdo rje dag gis bya/ /zhes pa ni gnyis su med pa'i rnal 'byor gyis so/ /de yang zla bar zhu ba dang glu yis bskul ba la sogs pa gzhan du/ / rgyas par gsungs pa kun 'di sbyar bar bya'o zhes spyir bstan pa'o/ /sngags kyis byin gyis brlabs pa'i de ma thag tu rang dang gzhan gyi lus ngag yid gsum kun rdzob kyi tshul gsungs pa/ oM ni zhes pa la sogs pa'o/ /oM ni zhes pa ni lus ma grub pa'i mtshan ma'o/ / de'i ye shes lnga'i ngo bo yin pas na ye shes snying po'o/ /phyis kyi 'bras bu mchog tu gyur pa las mi slu bas na/ rdo rje sku ni thob byed pa'o/ /zhes so/ /AHni zhes pa ni ngag ma grub pa'i mtshan ma'o/ /de skye ba med par ston pa'i gtso bo bas na byang chub bdag med pa'o zhes so//hUM ni zhes pa ni yid ma grub pa'i mtshan ma'o/ /thugs kyi rdo rje ni spyi'i mtshan nyid yin pas na sku dang gsung thugs yin te zhes so/ /sems kyi rang bzhin ji lta ba bzhin du rtogs na thams cad cig car du dag par byed pas na rdo rje mi phyed gsum thob pa'o/ / zhes so/ /gzhan ni gong ltar bshad par bya'o/ /da ni sna tshogs rdo rje'i bum par gzhal yas khang gi sa bon gsungs pa/ rdo rje dkyil 'khor zhes pa la sogs pa'o/ /dkyil 'khor zhes pa ni gzhal yas khang pa'o/ /rdo rje kun las skyes zhes pa ni rtse gsum pa kha bzhi pa/kha dog sna tshogs pa'i rdo rje rgya gram sna tshogs pad+ma la gnas pa las skyes pa'o/ /de gang du bsam zhe na/ nam mkha'i rdo rje'i dbus su bsam/ /zhes te chos kyi 'byung bar ro/ /rdo rje sprin ni kun skyes pa/ /zhes pa ni rdo rje lta bu'i 'od zer sna tshogs pa de las byung ba'o/ / de ru zhes pa ni de'i bum par zla ba la zhes so/ /b+h+rUM bsam mo zhes pa ni dkar po'o/ /de nyid gsungs pa/ de la 'di ni zhes pa la sogs pa'o/ /da ni bzlas brjod kyi cho ga dang 'brel pa yi ge gsum gyi rten gsungs pa/ rdo rje zhes pa la sogs pa'o/ /rdo rje dkyil 'khor zhes pa ni sku'i dkyil 'khor te de dbyer mi phyed pa'i phyir ro//de'i dbus gnas pa ni thugs kar mtshan ma la zla ba'i steng du yi ge oM ni rab tu bsgoms la bzlas brjod bya'o zhes so/ /de bzhin du gsung gi rdo rje yang bems po ma yin pas na gsal ba'i dkyil 'khor ro/ / thugs kyi rdo rje yang chos bdag med pa'i rang bzhin yin pas na chos kyi dkyil 'khor ro/ /de rnams kyi thugs kar gong ma ltar yi ge bkod nas le'u bcu gsum par gsungs pa ltar bzlas brjod bya'o zhes te ngag gi bzlas pa'o/ /gzhan du na rdo rje dkyil 'khor zhes pa ni rlung gi dkyil 'khor te sred med kyi bus kyang mi shigs pa'i phyir ro//de'i dbus gnas par zhes te sku'i rdo rje'i thugs kar mtshan ma la gnas pa'i rlung gi dkyil 'khor gyi steng du zla ba la oM zhes bya ba rab tu bsgoms nas 'jug pa la sogs pa'i rim pas nyis brgya nyi shu rtsa lngar rnam par bzlas pa'o//de bzhin du dang ba'i rang bzhin gyi phyir na chu'i dkyil 'khor la gsal ba'i dkyil 'khor zhes bya'o/ /khyad par gyi chos dang mthun pa yod pa'i phyir na me'i dkyil 'khor la chos kyi dkyil 'khor zhes bya'o/ /de bas na dbang chen gyi dkyil 'khor ni ye shes sems dpa' yin par mngon no//ji skad du/ rdo rje gsal ba chos 'khor lo/ /sku gsung thugs dang de nang chud/ /gnas de la ni brtan byas nas/ /ye shes sku 'phros bzlas brjod bya/ /zhes te rdo rje bzlas pa'o/ /rten gyi dkyil 'khor dang cho ga dang po'i mtshams sbyar ba gsungs pa/ yi ge zhes pa la sogs pa'o/ /yi ge b+h+rUM gyis gnas bsgoms te/ /zhes pa ni 'khor lo la sogs pa'i rim pas gdan dang ldan par bsgoms te zhes so/ /de nas ci bya zhe na/ rdo rje gsum 'byung bsgom par bya/ /zhes te bar gyi srid pa'i sems gong du gsungs pa ni rdo rje gsum ste/de las byung ba ni de la gnas pa'i sems gsum ste/ /de dbus kyi gdan la babs par bsgoms la bde bar gshegs pa la sogs pa gzigs pa la sogs pa ni gong ma ltar shes par bya'o/ /dam tshig gsum nyid gsang ba ste yi ge gsum mo/ /de las byung ba'i phyir de skad do//da ni gong du gsungs pa'i yi ge gsum po ho gnyis kyi bar du gnas pa gsungs pa/ snying po zhes pa la sogs pa'o/ /snying po zhes pa ni ho dmar po gnyis te 'dod pa'i 'bras bu 'byin pa'i phyir ro/ /dus gsum gyi sangs rgyas kyi sku gsung thugs zhes pa ni de'i mtshan ma ste yi ge gsum mo//de mnyes par byed pa ni de ste/ zab pa dang rgya che bas gzung ba ste/ yan lag gnyis kyis 'dod chags chen po rnam par dag pa'i phyir ro/ /da ni le'u drug pa las thabs kyis zhes pa don yi ge gsum las rdo rje gsum bskyed pa gsungs pa/ oM ni zhes pa la sogs pa'o/ /oM ni zhes pa ni spyi bor oM las bskyed pa'i 'khor lo'i [(]ste [,]lte [)]bar zla ba la gnas pa'i oM mo/ /de ni phyag mtshan la sogs pa'i rim pas sku'i rdo rje mchog bskyed pa'i sa bon bas na sangs rgyas sku'i mchog ces bya'o/ /gnyis pas ni rnam par mtshan pa bstan pa'o//AHzhes pa yang gong ma ltar ro/ /sangs rgyas gsung gi lam zhes pa ni gsung nyid lam ste des 'gro bar byed pa'i phyir ro/ /de'i rang bzhin gsung gi rdo rje ste de'i sa bon zhes so/ /hUM zhes pa yang gong ma ltar ro/ /thugs kyi ye shes 'jings zhes pa ni thugs nyid ye shes te mang po tshogs pas 'jings so//de'i rang bzhin thugs kyi rdo rje bskyed pa'i sa bon zhes so/ /byang chub sgrub pa'i thabs kyi mchog yin pas na byang chub mchog go/ /ye shes rdo rje sprul pa zhes pa ni gnyis su med pa'i ye shes dang ldan pa'i rnal 'byor gyis sprul pa'o//sangs rgyas rgyu dang 'bras bu 'byung / /zhes pa ni rdo rje sems dpa' dang mi bskyod pa la sogs pa 'byung ba'o/ /sangs rgyas thams cad las 'byung bas na sangs rgyas skyes bu ste/ rdo rje gsum dang gnas la mtshan ma'i byang chub sems dpa' dang /ye shes sems dpa' zhes so/ /de rnams la sngags kyi rig pa zhes kyang bsgrags te/ 'dis ma rig pa 'joms par byed pa'i phyir ro/ /de bas na/ rdo rje mi phyed gsum bsgoms pas/ /zhes pa ni sku gsung thugs byin gyis brlabs pa'o/ /dam tshig dag gis zhes pa ni mig la sogs pa byin gyis brlabs pa'o//ye shes sems dpa' ni rdzogs par 'gyur ba'o/ /sku dang gsung dang thugs kyi dam tshig ces pa ni des mtshan pa'o/ /de kho na nyid ces pa ni mig la sogs pa las mi 'da' ba'i phyir ro/ /ye shes rdo rje ni ye shes sems dpa' ste de byin gyis rlob pa'o//de rnams mdzes par byas pas rgyal mtshan dang 'dra ba'i phyir dkon mchog dpal te rang gi lha'o/ /rtse gcig pas na ting nge 'dzin to zhes te bsnyen pa'o/ /da ni grub pa'i mtshan ma thob pa'i rnal 'byor pas rig 'dzin la sogs pa'i dngos grub sgrub pa'i cho ga'i spyi'i tshig gsungs pa/dben zhing zhes pa la sogs pa'o/ /dben zhing rab tu nyams dga' ba/ /zhes pa ni gnas ston to/ /sbyor ba 'di ni kun brtsams na/ /zhes pa ni lam gyi rim pa'o/ /rdo rje sku dang gsung dang thugs/ /zhes pa ni 'dra ba zhes tha ma'i tshig ste 'bras bu'o//zla ba phyed kyis nges par 'grub/ /ces pa ni chung ngu la gnas nas ni sngon gyi tshig ste dus so/ /de la thun mong gi dngos grub thams cad ni brgyad de/ de yang gang zhe na/ rig 'dzin dang / mi snang ba shes pa dang / mngon par shes pa dang / rgya mtsho rkang pas bcag pa dang /mig sman dang / sngags kyi khyad par gyi sgrub pa dang / mngag gzhug sgrub pa dang / las kyi rab tu dbye ba'o/ /de rnams kyang chung ngu'i bsnyen sgrub bzhi la gnas te sgrub pa dang / dkyil 'khor gyi 'khor lo la gnas te sgrub pa'o/ /de la dang po 'dir rig 'dzin 'ga' zhig la mig 'bru'i sgo nas sgrub pa'i thabs gsungs pa/gsal ba'i zhes pa la sogs pa'o/ /gsal ba'i dkyil 'khor zhes pa ni zla ba'i dkyil 'khor te/ ye shes las grub pa'i phyir na dam pa'o/ /nam mkha'i rdo rje dbus su bsam/ /zhes pa ni chos kyi 'byung gnas kyi nang gzhal yas khang brtsegs pa'i dbus su zhes so//rang gi sngags kyis zhes pa ni dang po'i cho ga bzhi rdzogs pa'i 'og tu yi ge oM du gyur pa'o/ /de la dam tshig bskyed ces pa ni dam tshig sems dpa' ste/ rnam par snang mdzad 'khor lo la sogs pa'i rim pas bskyed nas byin gyis brlabs nas zhes so//yi ge oM ni snying gar gzhag /ces pa ni zla ba la gnas pa'i mtshan ma dbus su bsam pa'o/ /'od zer lnga yi sprin chen po/ /zhes pa ni de las kha dog lnga'i 'od zer 'phro bas ji snyed pa'i bde bar gshegs pa thams cad la phog pas/rnam par snang mdzad mchog tu bsgom/ /zhes te thams cad de'i skur byas nas slar bsdus te ba spu'i bu gar gzhug cing yi ge gsum gyi bar du chud pas bzlas pas ji skad du gsungs pa'i yon tan du 'gyur ro zhes so/ /de'i don ni 'di lta ste/ ji skad bshad pa'i sgrub pa po bya bar 'os pa tshogs pa'i rnal 'byor pas ting nge 'dzin gsum yan lag dang bcas pa la gzhol zhing brtan par gyur pa'i mtshan ma rnyed nas de'i sbyor ba las gong du gyur pa'i rnal 'byor pa gang yang rung bas rmi lam la sogs pa spyi'i mtshan ma rnyed pas/ji skad du bshad pa'i gnas su 'dzab bzlas pa sngon du 'gro ba'i sa gzhi sbyang ba la sogs pa byas te/'og nas 'byung ba'i cho gas snod la phab pa'i lhas ri mo'i dkyil 'khor 'brir bcug nas snod rang gi gnas su btang ste byin gyis brlab pa dang / de mnyes par bya ba dang / slob ma gzhug pa'i rim pas zhugs nas lha rnams kyis bdag la bla mas ji ltar gnang ba ltar dbang bskur bar bsam mo//de nas bsrung ba'i 'khor los bgegs bskrad nas/ chos kyi 'byung gnas su rnam par snang mdzad las gyur pa'i gzhal yas khang pa'i dbus kyi zla ba'i gdan la ye shes lnga'i cho gas dang po'i mgon po bskyed la/bar gyi sems 'jug pa sngon du 'gro bas de gnas su zhu ba las lha mo'i glus bskul bas sa bon dang phyag mtshan dang spro bsdu las rnam par snang mdzad du bsgoms nas nye bar sgrub pa la sogs pa'i cho ga ma gtogs pa chos kyi dbyings su byin gyis brlabs te/de'i thugs kar zla ba la gnas pa'i 'khor lo'i lte bar oM bsams nas de'i yi ge gsum gyi bar du chud par bzlas pas/ kha dog sna tshogs pa'i 'od zer 'phros pas bde bar gshegs pa thams cad rnam par snang mdzad kyi skur byas pas bkug nas rang gi ba spu'i bu gar btsud/de bzhin brtan pa'i ngo bor chags par byas shing dus rnam pa bzhir bsgom par bya'o/ /de nas nye ba'i mtshan ma mthong bas dkyil 'khor mchod pa dang 'byung po mnyes par bya ba la sogs pa byas te/ rang gi sbyor ba la lhag par gnas par byas pas ji skad du gsungs pa thob par 'gyur ro//gnyis pas kyang cho ga'i rim pa 'di ltar bya ste/ gnyis kyi mtha' lta bur shes pa ni khyad par ro/ /phyi ma rnams la yang de kho na bzhin du sbyar bar bya ste/ khyad par gang yin pa ni 'og nas bshad par bya'o/ /'di yis zhes pa ni sbyor ba des so/ / sangs rgyas rnam snang mdzad ces pa ni yongs su rdzogs pa'i sku'i rdo rje ste de'i/ rdo rje'i sku ni rgya mtsho dag /ces pa ni de dang 'dra ba'i sku grub ces so/ /nges par grub ces pa ni che ba lta bu ma yin te sbyor ba des zhag bco lnga na rdzogs par 'gyur ba'o/ /ye shes lnga ldan bsten na ni/ /zhes pa ni/ dang po'i mgon po ni ye shes lnga ldan te des rang gi lhar gyur pa'o/ /sangs rgyas sku ni 'dra ba'i mdog /ces pa ni phyag rgya chen po'i rnam par snang mdzad ma yin pa'o/ /de grub pa'i tshe'i tshad kyang / rdo rje bskal pa gsum du gnas/ /zhes so/ /de bka' stsal ba'i skabs su sku rdo rje gsang ba ste ston pa po'o//sku rdo rje ni rtag pa'i sku mang po rnams so/ /de rnams bsdus pa las byung ba'i rig pa 'dzin pa na bkod pa zhes bya'o/ /phyi ma yang de bzhin du sbyar ro/ /yi ge As gsung rdo rje dang mnyam pa'i sgrub pa gsungs pa chos kyi zhes pa la sogs pa'o/ /chos kyi 'khor lo zhes pa ni chos bdag med par ston pa ste/snang ba mtha' yas so/ /rang gi sngags kyis skyes bu bskyed/ /ces pa ni yi ge As de bskyed pa'i cho gas rdzogs par byas nas yi ge AHngag gi lam ste/ mgrin par zla ba la mtshan ma'i dbus su bzhag ste zhes so/ / 'od zer lnga pa zhes pa ni de las 'phros pa'i 'od zer sna lngas so/ /rdo rje mchog ni so sor rtog pa'i ye shes so/ /de nyid 'jig rten thams cad kyi bdag por gyur pas na 'jig rten dbang mchog go/ /de bsgoms pa ni sa bon gyi 'od zer gyis sprul pa bsdu zhing gnas brtan pa'i ngo bor chags par bya'o//de nyid gsungs pa/ dam tshig ye shes rdzogs bya ste/ /zhes pa ni dam tshig dang ldan pa'i rnal 'byor pas ye shes kyi rang bzhin snang ba mtha' yas bskyed nas tshig gi dam tshig ces pa ni mi 'da' bas na A'o/ /'od zer sna lnga dang ldan pas na lnga'i mchog go//chos kyi tshig gi lam ni kha ste mgrin par gnas pa'o/ /des ni gong ltar rdo rje chos ni bsgrub par byas pas ji skad du gsungs pa'i yon tan du 'gyur ro/ /gsung rdo rje ni snang ba mtha' yas so/ /mi 'da' bas na dam tshig go/ /de 'di las byung ba'i phyir na de skad do/ /yi ge hUM gis thugs rdo rje dang mnyam pa'i sgrub pa gsungs pa/rdo rje zhes pa la sogs pa'o/ /rdo rje'i dkyil 'khor zhes pa 'di ni chos kyi dbyings kyi ye shes te mi bskyod pa'o/ /rang sngags skyes bu rdzogs byas la/ /zhes pa ni yi ge hUM gis de bskyed pa'i cho ga rdzogs par byas nas sems la zhes te thugs kar zla ba la mtshan ma'i dbus su hUM gnas par bsam mo//dam tshig chen po ni mi bskyod pa'o/ /de sems pa ni sku ste kha dog lnga dang ldan pa bsgom par bya'o/ /des rdo rje kun zhes pa ni de bzhin gshegs pa rnams so/ /rgyal ba'i gnas ni chos kyi dbyings te mi bskyod pa'o//de rnams der byas pa bsdu zhing gnas brtan pa'i ngo bor chags par byas pas ji skad gsungs pa'i yon tan du 'gyur ro/ /ye shes ni ye shes lnga'o/ /yon tan ni stobs la sogs pa'o/ /de'i rten rgya mtsho lta bur 'gyur ro/ /thugs nyid mi 'da' bas na dam tshig ste rdo rje'o//de dang 'dra ba 'grub pa de la de skad do/ /mi snang ba'i sgrub pa la nam mkha'i snying po'i khaM gis sgrub pa gsungs pa/ ye shes zhes pa ni me long lta bu ste/ de las grub pa'i dkyil 'khor ni gzhal yas khang ngo / /de'i dbus su mnyam par gzhag go zhes so/ /rdo rje chen po bsam par bya//zhes pa ni nam mkha'i snying po'i phyag rgya chen po bskyed pa'i cho ga brgyad rdzogs pas lus rnams kun la khaM dmigs nas zhes pa ni rang bzhin gyis gnas te/ gnas bzhi'i lha ma gtogs pa lus thams cad yi ge khaM ser pos gtams la/ de'i 'od zer gyis bde bar gshegs pa thams cad nam mkha'i snying po'i gzugs su byas pa bkug nas/lus kun la zhugs pa dang gzhi brtan pa'i ngo bor chags par byas pas ye shes rdo rje ste/ nam mkha'i snying po dang 'dra bar 'gyur zhes so/ /de'i yon tan yang sangs rgyas zhes pa la sogs pa ste go sla'o//nam mkha' bzhin du mi snang bas na rdo rje ste/ dam tshig gi de nyid de ni rdo rje 'chang chen po'o/ /sku dang gsung dang thugs rdo rje ni de bzhin gshegs pa rnams so/ /de nyid nam mkha'i snying po'i gzugs su byas pa ni snang ba'o/ /de nyid rgyan te mang po 'dus pas na bkod pa'o/ / mdzes par byed pas na phreng ba zhes bya ba'o/ /'jam dpal gyi ting nge 'dzin gyis byang chub sems dpa'i rig 'dzin sgrub pa gsungs pa/ rdo rje zhes pa la sogs pa'o/ /rdo rje dkyil 'khor zhes pa ni chos kyi dbyings kyi ye shes kyis dag pa'i 'jam dpal gyi dkyil 'khor ni de skad do/ /rang sngags skyes bu rab bsams la//zhes pa ni yi ge haM las 'jam dpal bskyed pa'i cho ga rdzogs par byas nas/ de'i snying gar zla ba la mtshan ma'i dbus su hUM zhes pa bzhag ste/ de la kha dog lnga pa'i 'od zer rnam par spros pas/ de bzhin gshegs pa thams cad 'jam dpal gyi gzugs su byas nas slar bsdus te rang la zhugs nas gzhi brtan pa'i ngo bor chags par byas pas ji skad du gsungs pa'i yon tan du 'gyur ro//zhes so/ /de yang gang zhe na/ 'jam dpal dam tshig longs spyod pa/ /zhes pa ni 'dis 'jam dpal gyi go 'phang thob pa las mi 'da' bas so//sa bcu la gnas zhes pa ni 'bras bu'i 'jam dpal ma yin pa'o/ /byang chub sems dpa'i ye shes nyid mi 'da' bas ni dam tshig go/ /des gsal bar byed pas na zla ba zhes bya'o/ /cho ga de kho nas th+liM gyi sgrub pa yang gsungs pa/ 'od zer 'bar ba'i zhes pa la sogs pa'o//rdul phran rdo rje lus ngag gis/ /zhes pa ni de'i 'od zer gyis bde bar gshegs pa rdul phra rab 'jam dpal du byas pa las bskyed ces so/ /des 'jam dpal rdo rje'i sku dang 'dra bar 'gyur zhes te sa bcu la gnas pa'o/ /nam mkha' rdo rje zhes pa ni chos kyi dbyings so//'jam dpal nyid de las mi 'da' bas na dam tshig go/ /mdzes par byed pas na rgyan gyis gnas pa'o/ /mang po 'dus pas na bkod pa zhes bya'o/ /da ni mngon par shes pa lnga'i sgrub pa bsdus pa gsungs pa/ sangs rgyas zhes pa la sogs pa'o/ /sangs rgyas mngon shes ni sangs rgyas kyi mngon par shes pa'o//de'i sngon du 'gro zhing mi 'da' bas na dam tshig mchog ces so/ /de nyid kyi phyir na/ mngon shes lnga dang 'dra bar 'gyur/ /zhes te dngos ni ma yin pa'o/ /de bas na 'di yang sangs rgyas thams cad kyi mngon par shes pa rab tu sgrub pa'i rgyu yin no zhes spyir bstan pa'o//de ltar sku gsung thugs kyi sa bon gyis bsgrub pa bstan nas da ni ye shes lnga'i oM lngas sgrub pa gsungs pa/ nam mkha'i zhes pa la sogs pa'o/ /nam mkha'i dbyings kyi dbus su ni/ /zhes pa ni chos kyi 'byung gnas kyi dbus su'o/ / sangs rgyas ni rnam par snang mdzad de de las gyur pa'i gzhal yas khang ni dkyil 'khor dam pa'o/ /rdo rje sems dpa' rab bsgoms la/ /zhes pa ni rdo rje sems dpa'a'am mi bskyod pa bskyed pa'i cho ga rdzogs par byas nas zhes so/ /ye shes oM ni bsgom par bya//zhes pa ni de'i thugs kar zla ba la gnas pa'i mtshan ma'i dbus su chos kyi dbyings kyi ye shes kyi oM bsams nas/ de'i 'od zer stug pos bde bar gshegs pa thams cad rgyu dang 'bras bu'i gzugs su byas pa bsdus pa bcug nas gzhi brtan pa'i dngos po rgyun mi 'chad par bsgoms pas ji skad du gsungs pa'i yon tan du 'gyur ro//rdo rje dam tshig gsum bsgoms pas/ /zhes pa ni de yang yi ge gsum gyi bar du chud pa bzlas pas gong ma ltar dpag par bya'o/ /gzhan ni go sla'o/ /mi bskyod rdo rje ni de dang 'dra ba'i rig pa 'dzin pa'o/ /mi bskyod sku dang mnyam pa ni rig 'dzin no//de nyid mi bskyod pa'i mngon par byang chub pa dam tshig rdo rje zhes pa'i rgyu'o/ /rin chen dbang phyug gi sgrub pa gsungs pa/ nam mkha'i zhes pa la sogs pa'o/ /nam mkha'i rdo rje zhes pa ni nam mkha' bzhin du mi phyed pas na rin chen dbang phyug go//rin chen oM ni bsam par bya/ /zhes pa ni mnyam pa nyid kyi ye shes kyi rang bzhin gyi oM mo/ /byang chub bdag med pa ni gnyis kyi bdag dang bral ba'o/ /de nyid ye shes gsang ba ste rdo rje gsum gyi ye shes so/ /de'i rten du 'gyur bas na gnas so//rin po che'i rigs sgrub pa las mi 'da' bas na rin po che'i dam tshig go/ /des de'i phan yon gyi tshogs la longs spyod pa nyid rdo rje ste de'i tshul lo/ /'od dpag med kyi sgrub pa gsungs pa/ nam mkha' zhes pa la sogs pa'o/ /'jig rten dbang po zhes pa ni 'jig rten gyi bdag por gyur pa de snang ba mtha' yas so//de rab tu bsgom pa la zhes so/ /chos kyi oM zhes pa ni so sor kun du rtog pa'i ye shes kyi rang bzhin gyi oM mo/ /theg chen lam gyi mchog tu gyur/ /zhes pa ni theg pa chen po'i lam ston pa ni gsung ste de nyid mchog go//de yang 'di la brten nas 'gyur ba'i phyir ro/ /yon tan dpag tu med pa'i rdo rje ni snang ba mtha' yas so/ /de'i sngon du mdzes shing rgyal mtshan dang 'dra bas na 'od kyi dpal zhes bya'o/ /don yod grub pa'i sgrub pa gsungs pa/ nam mkha' zhes pa la sogs pa'o/ /rdo rje ut+pal zhes pa ni las kyis sna tshogs su gyes pa ste don yod grub pa'o//dam tshig oM zhes pa ni mi 'da' bas te bya ba nan tan gyi ye shes kyi rang bzhin gyi oM mo/ /dpal ldan ye shes gtso ni don yod grub pa'o/ /sems can gyi don byed pas kyang de ste de las 'byung bar 'gyur zhes pa'i don to//gdon ni za ba'i dam tshig ni bya ba nan tan gyi ye shes so/ /de nyid sprul pas na 'od zer ro/ /ye shes mchog ni phyag rgya chen po ste de 'byung ba zhes bya'o/ /rnam par snang mdzad 'dir ma gsungs pa ni 'og tu shes par bya'o/ /da ni rnam par snang mdzad kyi rnal 'byor pas sku gsum gyi oM gyi sgrub pa gsungs pa/nam mkha' zhes pa la sogs pa'o/ /sku gsum oM zhes pa ni chos dang longs spyod rdzogs pa dang / sprul pa'i sku'i rang bzhin mtshan ma gsum la snying ga dang / mgrin pa dang spyi bor kha dog gsum dang ldan pa bsams te gzhan gong ma ltar dpag par bya'o//ye shes byang chub ni me long lta bu'o/ /de'i sku gsum ni mi phyed pa yang 'di la brten nas thob par 'gyur ba'o/ /lus dang ngag dang sems ni sgo gsum mo/ /de nyid oM gsum du bsgom pa ni rdo rjer dmigs pa'o/ /de nyid mngon par byang chub pa'i rgyu yin pas na de skad do//'dir de bzhin gshegs pa gzhan ma gsungs pa ni gong du shes par bya'o/ /da ni gnas phun sum tshogs pa gsungs pa/ shin tu dben pa'i zhes pa la sogs pa'o/ /skye bo 'dus pa spangs pa'i sa phyogs kyi ri ni shin tu dben pa'i ri dgon no/ /rtsi shing nags tshal la sogs pas brgyan pa'i ri ni rnam pa sna tshogs ri'o//klung chen po ni chu chen po 'bab pa'i 'gram ni klung dang 'bab chu'o/ /srog song ba bskyal ba'i sa ni dur khrod do/ /sogs kyi sgras bsdus pa yid du 'ong ba dang 'jigs su rung ba ji snyed bsdu'o/ /bsam gtan bsdus pa 'di dag bsgom zhes pa ni der bskyed pa'i rim pas bsnyen pa bya ba dang bsgrub pa bya'o zhes so//gzhan du na shin tu dben pa'i ri dgon pa ni bud med 'ga' zhig gzhan gyis phyed par dka' ba'o/ /de nyid nu ma dang rked pa phra ba dang / rkub tshos che ba la sogs pa ni rnam pa sna tshogs ri bo'o//smad 'tshong ma la sogs kun gyi thun mong du gyur pa ni klung dang 'bab chu'o/ /gdol ba mo la sogs pa smad pa ni dur khrod do/ /sogs kyi sgras bsdus pas lha mo la sogs pa'o/ /bsam gtan bsdus pa 'di dag bsgom/ /zhes pa ni der ye shes gsum du chos thams cad bsdus pa rdzogs pa'i rim pa rtogs pa dang phyin ci ma log par bsgom pa dang /mi 'gyur bar brnyes par bya'o zhes ji snyed pa'o/ /da ni thun mong gi dngos grub gnyis pa la gnas pa'i cho ga mngon par shes pa lnga sgrub pa gsungs pa/ mi bskyod ces pa la sogs pa'o/ / mi bskyod ye shes zhes pa ni mi bskyod pa'i phyag rgya chen po'o/ /sogs kyi sgras bsdus pa rtag pa dang / rin chen 'byung ldan dang / snang ba mtha' yas dang / don yod grub pa dang / rang gi lha bsdu'o/ /de nyid kyang rdo rje nam mkha'i dkyil du bsam/ /zhes te chos kyi 'byung gnas so/ /mngon shes lnga'i sbyor ba ni 'og nas 'byung ba'o//sangs rgyas mchog ni rtag pa'o/ /de las gyur pa ni gnas te gzhal yas khang ngo / /der bsgom zhes so/ /rdo rje dam tshig chen po ni rdo rje 'dzin pa'o/ /mig la sogs pa'i yul lnga zhes pas ni mngon par mkhyen pa'o/ /de'i sbyor ba gsungs pa/rdo rje chen po zhes pa la sogs pa'o/ /de yang mi bskyod pa bskyed pa'i cho ga rdzogs pa'i rnal 'byor pas/ mig la sogs pa byang chub sems dpas rgyas btab ste/ de gnas gyur pa las nyi ma'i gdan la rdo rje chen po rtse lnga pa 'od zer sna lnga 'bar bas rnam par brgyan pa/ mig dang rna ba dang snying ga dang lte ba dang dpral ba ste gnas lnga po dag tu bsams la sbyor ba yin te/de'i bum pa la gong nas gsungs pa'i 'phen cing bcug pa bsgoms la de'i 'od zer gyis de rnams dang mthun pa'i sems dpa' spyan drangs te bcug nas gzhi brtan pa'i dngos por chags par byas pas/ rdo rje mngon shes 'dra bar 'gyur//zhes te le'u bcu gnyis pa las gsungs pa thob par 'gyur ro/ /cho ga de kho nas rtag pa'i rnal 'byor pas bsgom par gsungs pa me stag ces pa la sogs pa'o/ /rang sngags zhes pa ni rang gi sngags kyi lhar gyur pa las zhes so/ /rdo rje lnga'i sbyor ba ni sbyor ba gong ma ste/de ltar 'di yang gnas lngar sbyar nas gong ma ltar rdo rje mngon shes zhes so/ /de bzhin du rin po che la sogs pa kun la yang sbyor ba 'dis rjes su dpag par bya'o/ /da ni yi ge b+h+rUM gyis de ma thag tu 'khor lor gyur pa gsungs pa/ rdo rje nam mkha' zhes pa la sogs pa'o//'khor lo sangs rgyas 'bar 'od 'dra/ /zhes pa ni b+h+rUM gnas gyur pa las 'phags pa'i lam yan lag brgyad rnam par dag pa'i 'khor lo dkar po rtsibs brgyad pa ste ba la b+h+rUM 'od zer dang ldan pa bsgoms te zhes so/ /sangs rgyas 'jug pa zhes pa ni de'i 'od zer gyis bskul ba'i sangs rgyas 'jug pas rnam par snang mdzad bsgoms nas/sangs rgyas rten dang bral bar 'gyur/ /zhes te sangs rgyas kyi rten gyi dkyil 'khor byang chub kyi phyogs kyi chos sum cu rtsa bdun rnam par dag pa'i dbyibs can gcig tu gyur pa ste 'dir dpe'i tshig ma yin te/ de'i 'bras bu yin pa'i phyir ro//da ni phra mor sbyor ba'i ting nge 'dzin gsum gsungs pa/ sangs rgyas zhes pa la sogs pa'o/ /de la sangs rgyas dkyil 'khor zhes pa ni mtshan ma phra mo'i lte bar bsams pa'i gzhal yas khang pa'o/ /de'i dbus na gnas pa zhes pa'o/ /bdag gi lus la zhes pa ni bdag nyid de ltar snang ba ste/dam tshig sems dpa' phra mo'o/ /de nyid kyang rnam par snang mdzad du mnyam par gzhag go zhes pa'o/ /snying gar yi ge oM bsams la/ /zhes pa ni de'i thugs kar mtshan ma la gnas pa'i ye shes sems dpa'i 'khor lo'i snying gar yang mtshan ma la yi ge oM bsams te/de nyid sngags kyi rnam par shes pa bsgom zhes te/ thig le'i gzugs can la rang gi rnam par shes pa de'i yan lag gnyis pas gzung ba'o/ /ji skad du/ rang sngags snying gar bzhag nas su/ /dbus ni thig ler gyur par gzhag /rang dbang rin chen dgag pa yis//rin chen gzung bar yang dag bshad/ /ces so/ /des cir 'gyur zhe na/ 'gog pa'i zhes pa la sogs pa'o/ /'gog pa'i rdo rje zhes pa ni dbugs 'jug pa'i spyod pas so/ /sems nyid du ni zhes pa 'gog par 'gyur ba'i sems de nyid do//nam zhig de la reg 'gyur na/ /zhes pa ni brtan par gyur pa'o/ /sangs rgyas kun gyi mchog 'dzin pa/ /yid bzhin dpal ldan 'dra bar 'gyur/ /zhes te bstan pa la de dang 'dra ba'i rtags rnyed de de gong nas gong du 'phel nas ji srid der gyur pa'i bar du thob par 'gyur ba'o//ji skad du/ sems ni 'gog pa'i rdo rjer 'gyur/ /mtshan ma nyer 'dzin 'byung bar 'gyur/ /mtshan ma'i khams ni rnam pa lnga/ /byang chub rdo rjes gsungs pa yin/ /zhes bya ba la sogs pa rgyas par gsungs pa dang sbyor ro/ /de ltar mi bskyod pa la sogs pa gzhan la sbyar ba gsungs pa/sangs rgyas zhes pa la sogs pa'o/ /don gyi mjug bsdu ba ni 'di ni zhes pa la sogs pa'o/ /dam tshig mchog yin te zhes pa ni las dang po la zhugs pas 'da' bar bya ba ma yin pas so/ /rdo rje gsum gyi rang bzhin yin pas na rdo rje mi phyed gsum bsgom pa'o//mi g.yo zhing brtan par byed pas na 'gog pa'i dam tshig ye shes so/ /des kyang rim gyis phyag rgya chen po mngon du byed pas na sangs rgyas dngos grub thob par 'gyur ba'o zhes bya'o/ /da ni gong du gsungs pa'i sku gsum gyi oM rnam par snang mdzad kyi rnal 'byor pas bsgoms na tshe'i rig 'dzin grub pa gsungs pa/nam mkha' zhes pa la sogs pa'o/ /rdo rje zhes pa ni bsrung ba'i 'khor lo'o/ /nam mkha' ni chos kyi 'byung gnas so/ /de'i dbus na gnas pa ni gzhal yas khang pa'o/ /gsal ba'i dkyil 'khor ni zla ba'i dkyil 'khor te der bsgom par bya ba ni rnam par snang mdzad longs spyod bzhis bskyed pa'i cho ga rdzogs pas gong ma ltar/lus ngag sems la yi ge oM/ /bsams nas de ni bskal par gnas/ /zhes bya'o/ /de bzhin du snang ba mtha' yas dang mi bskyod pa la sbyar ba gsungs pa/rdo rje nam mkha'i zhes pa la sogs pa'o/ /rang gi mos pas gnas par brtan pa'i phyir grangs kyi nges pa ma gsungs par yang nas yang du gsungs pa'o/ /ye shes lnga dang sku gsum ni thams cad kyi mtshan nyid pas na kun la yang shes par bya'o/ /rdo rje gsum kho na gtso bos sbyor ba ston pa'i phyir rdo rje gsum mo//ye shes las bsam pa'i dbye bas brtag pas na/ rtog pa'i ye shes te mi 'da' bas na dam tshig go/ /gzhan yang phan yon gsungs pa/ sku dang gsung dang thugs rdo rje ni de'i rnal 'byor ro/ /'dir gyur phyin chad ces pa ni bla ma las nges pa'i lung thob nas/rang gi lha dang bla ma'i lung la yid ches pa'i rnal 'byor du gyur phyin chad du 'di klog gam rtse gcig pas sems kyang rung ste/ rnal 'byor pa de yang rdo rje 'dzin par 'gyur te/ rdo rje 'dzin pa'i rgyu la zhugs pas de kun gyi de bzhin nyid du shes pa'i phyir ro//de bzhin gshegs pa thams cad kyi sngags ni sa bon no/ /dam tshig ni nye bar sgrub pa'o/ /de kho na nyid ni rdo rje gsum mo/ /rdo rje rig pa'i skyes bu mchog ni bshad zin to/ /de grub par byed pa'i gzhung gi le'u ste bcu gcig pa'o/ /le'u bcu gcig pa'i 'grel pa'o// //da ni de nas zhes pa la sogs pas le'u bcu gnyis pa gsungs pa/ ye shes kyi mthus lam log pa yang dag pa'i thabs kyi lam du 'dzud pa'i phyir ston pa'o/ /lha thams cad kyi snang ba'i rkyen du gyur pas na skyed pa'o/ /sems can gyi rgyud la yongs su dag pa'i sku skyed par byed pas na ye shes mchog tu bsgrub pa'o//rdo rje gsum gyi ngo bo las mi 'da' zhing skyon med pas na dam tshig yang dag pa rdo rje gsum mo/ /des rdo rje gsung gi le'u bcu gnyis pa bka' stsal zhes bya'o/ /chos thams cad kyang don dam pa'i bden pas nam mkha' dang 'dra ba'i phyir nam mkha' dang mtshungs pa mnyam par 'gyur ro//de yang brtag pa thams cad bdag dang bral bas na rnam par mi rtog ngo bo nyid do/ /de nyid ni chos rnams kyi rang bzhin dag pa'o/ /las zhes pa ni lnga pa'o/ /de las/ rol mo 'di dag rab tu bsgom//zhes te kun rdzob tu gar mkhan ltar dngos grub kyi thabs kyi cho ga 'di dag rab tu bsgom mo zhes don dam pa'i bden pa la gnas nas bya bar bstan pa'o/ /gnas gsungs pa dgon pa zhes pa la sogs pa'o/ /dpag tshad bco lnga'i tshad dang ldan pa'i skye bo spangs pa ni dgon pa chen po'i sa phyogs so//de nyid dam gzhan yang rung ste bza' shing dang 'bab chu la sogs pas yid dga' ba'i sa phyogs ni/ me tog 'bras bu sogs kyis brgyan/ /zhes so/ /de skye bo'i tshogs spangs pa'i phyir ri bo dben pa'o/ /dngos grub thams cad bsdus pas 'grub//ces pa ni re rer yang dngos grub thams cad 'grub tu rung bas de skad do/ /don du na sems rnam par dag pa las ye shes 'byung ba'i phyir rang gi gnas pa thams cad la de skad do/ /mi snang ba'i bsgrub pa la 'jam dpal maM gyis sgrub pa gsungs pa/ maM zhes pa la sogs pa'o//lus dang ngag sems rdo rje la/ /zhes pa ni rang gi lus la sogs pa yi ge maM las gong ma ltar dbyer mi phyed pa'i rdo rje 'jam dpal cho ga brgyad kyis rnam par bsgoms te/ gong ma ltar gnas bzhi'i lha ma gtogs pa lus kun la maM gyis gtams te/ nam mkha'i snying po'i ting nge 'dzin bzhin du dpag par bya'o//lus dang ngag sems las spros pas/ /zhes pa ni yi ge gsum gyi bar du chud pa bzlas pas/ rdo rje 'jam dpal 'dra bar 'gyur/ /zhes phan yon gsungs so/ /rdo rje 'bar ba ni 'od zer 'bar ba'i 'jam dpal de'i 'od dag gis zhes so//ji lta bu'i 'od ce na/ rgyan rnams kun gyis brgyan pa yi/ /zhes te gdu bu phra can dang / dpung rgyan dang / nu phur dang / zur phud la sogs pas brgyan nas lo bcu drug pa'i gzugs su grub pa'i bdag nyid kyis phyogs de tsam snang bar byed ces so//snang bar byed kyang ye shes kyi sku'i rang bzhin pas na so so'i yul ma yin te/ de lta bas na tshangs pa la sogs pas kyang mthong mi nus na gzhan gyis lta smos kyang ci dgos zhes so/ /rdo rje 'jam dpal mchog ni 'jam pa'i rdo rje'o/ /mi 'da' bas na dam tshig go//des mthong ba mi nus pa'i stobs ster ba'i phyir mi snang ba'i rgyan zhes bya'o/ /rdzas kyi sgo nas mi snang ba sgrub pa la ril bu'i dngos grub gsungs pa/ rdo rje mi phyed ces pa la sogs pa'o/ /rdo rje mi phyed gsum las byung / /zhes pa ni sku rdo rje la sogs pa gsum las byung ba'i phyir ril bu'i dkris ma/lcags gsum las byung ldan byas te/ /zhes te gser dngul zangs gsum dang ldan par bya'o/ /des dkri ba'i rdzas ni bshang gci dam tshig lnga rnams ni/ zhes te bdud rtsi lnga bsdus pa 'am so so ste le'u bco lnga par gsungs pa'o/ / khar bcug nas bsgom par bya zhes pa ni/ bsgom pa'i dus su khar bcug ste 'og nas 'byung ba ltar bya'o/ /sangs rgyas rnams kyi sku gsung thugs/ /zhes pa ni bde bar gshegs pa ji snyed pa thams cad de'i 'od zer stug pos bkug nas de dang mi phyed par bsgoms na ji skad gsungs pa'i yon tan du 'gyur ro//'dir ma gsungs pa ni 'og tu shes par bya'o/ /da ni de bzhin gshegs pa'i rigs 'dzin phyag mtshan gyi bsgrub pa gsungs pa/ 'khor lo zhes pa la sogs pa'o/ /'khor lo 'od 'phro mdangs mchog can/ /zhes pa ni gser ram dngul lam/shing ngam sa la sogs pa las dngos por byas te de nyid/ rang gi sngags kyis rab bsgoms na/ /zhes te yi ge oM gyi mdangs can du bskyed par bya'o/ /'khor lo yang sangs rgyas thams cad sku'i rigs rnams bzhugs pa'i gnas su bsgoms na rnam par snang mdzad dang 'dra bar 'gyur zhes so//'dra ba de la yon tan ci mnga' zhe na/ ri rab ces pa la sogs pa'o/ /de yang ri rab sum cu rtsa drug gi tshad bar du phra ba'i rdul du bsres pa snyed kyi rdo rje 'dzin dang 'dra ba kun zhes te/ de dang 'dra ba'i rig pa 'dzin pa thams cad de'i rjes su 'brang bar 'gyur zhes te/g.yog byed par shes par bya'o/ /'khor lo nyid mi 'da' bas na dam tshig go/ /phyi ma rnams la yang des 'gre bar bya'o/ /'di yang 'og nas rgyas par bstan to/ /mi bskyod pa sgrub pa gsungs pa/ rdo rje chen po zhes pa la sogs pa'o/ / sa gsum gyi bud med rnams mthong ba tsam gyis dbang du byed pas na bud med rnams/ yon tan can ni bdag gir 'gyur/ /zhes 'dod pa'i dbang phyug tu ston pa'o/ /drag po'i ni lha chen po ste/ gang de gdung ba tsha byed dang / /gzhan gyi sha tshil khrag za ba/ / gang de drag po zhes su bshad/ /ces so/ /de lta bus phyag byas pas khams gsum rdo rje chen po'o/ /rdo rje nyid brtan zhing mi 'da' bas na rdo rje'i dam tshig go/ /'od dpag med kyi sgrub pa gsungs pa/ pad+mo chen po zhes pa la sogs pa'o/ /rdo rje dkyil 'khor ni mngon dga' la sogs par ro//der pad+mo'i rig pa ni dag pa'i bdag nyid de sangs rgyas la sogs pas 'jog par byed ces so/ /snang ba mtha' yas dang 'dra ba 'grub pa'i phyir pad+mo mnyam pa nyid ces bya'o/ /mjug bsdu ba ye shes lnga ldan zhes pa la sogs pa'o/ /de ni bshad zin to//phyogs bcu'i sangs rgyas thams cad kyi rdo rje gsum gyi rang bzhin yin pas na gsang ba gsum ste/ de la rim gro byed pa'i nus pa thob pa'i phyir bsnyen bkur byed ces so/ /don yod grub pa'i sgrub pa gsungs pa/ 'od zer lnga yi mdog 'dra ba/ / zhes pa ni ljang gu ni kha dog lnga bsdus pa las byung ba'o/ /mig yangs zhes pa ni chos thams cad kyi de bzhin nyid la lta ba ste sgrub pa po'o/ /khams gsum kun gyi zhes pa ni de na gnas pa thams cad kyis mchod pa'o/ /de 'og tu gtso bo tshangs pa la sogs pas phyag byed pa'o//gzhan gyi zil gyis mi non pa'i stobs mnga' bas na stong gsum na ni mchog tu dpa'o/ /khyab 'jug la sogs pa lta bu ma yin pa'i phyir na/ mi mchog gsang ba 'dzin par 'gyur/ /zhes so/ /gzhan yang gang dang gang 'dod pa dang ci bsams pa dag//sku gsung thugs nyid rdo rje ste de 'dzin pa ni sgrub pa po de'i'o//de'i thugs las ci byung ba'i dngos grub ster bar sbyar ro/ /'og nas ston pa'i phyir na rin po che'i sgrub pa yang gsungs par shes par bya'o/ /da ni gong du gsungs pa'i ril bu'i sa bon dang / tshad dang lha bskyed pa ma bshad pa gsungs pa/oM zhes pa la sogs pa'o/ /oM zhes pa rnam par snang mdzad kyi rnal 'byor pas gong du gsungs pa oM las bskyed par bya'o/ /de'i tshad kyang tsa na ka'i 'bru tshad tsam du bsams nas ni zhes so/ /de'i dbus su gzhal yas khang la sogs pa'i rim pas bdag gi lha'i gzugs zhes te rtag pa'i 'khor lo bsams te rang gi khar bcug nas 'od zer spro ba la sogs pa gong ma ltar bsgoms nas 'bar ba la sogs pa nye ba'i mtshan ma mthong bas sbyar ba de la lhag par gnas pa zla ba phyed na rdo rje sku dang 'dra bar 'gyur zhes te de'i gzi brjid gzhan gyis blta bar dka' bas na/nyi ma shar ba'i 'od 'dra zhing / /zhes so/ /mdog la sogs pa dag cing gsal bas na/ 'dzam bu na de'i gser mdog 'dra/ /zhes so/ /phyag rgya chen po 'grub pa'i mtshan ma bas na/ byang chub ye shes thob par 'gyur/ / zhes bya'o/ /de ltar snang ba mtha' yas dang mi bskyod pa'i yang de'i bsgre ba gsungs pa/ AHni zhes pa la sogs pa'o/ /rdo rje gsum gtso bor ston pa'i phyir phal cher dus gsum smos so/ /da ni gong du gsungs pa'i 'khor lo de lhan cig pa'i rnal 'byor pas dang po'i gnas de lag tu bsgoms nas ji skad du gsungs pa thob par 'gyur ba gsungs pa/mkha' dbyings zhes pa la sogs pa'o/ /mkha' dbyings gsal ba'i dkyil 'khor gnas par zhes pa ni/ bsrung ba'i 'khor lo'i dbus su chos kyi 'byung gnas kyi nang du gnas pa'i gzhal yas khang gi dbus kyi zla ba'i gdan la gnas pa'o//rnam par snang mdzad rab tu bsgom/ /zhes pa ni dang po'i skyes bu las rnam par snang mdzad bskyed pa'i cho ga bzhi rdzogs pas byin gyis brlabs te zhes so/ /lag tu 'khor lo rab bsgoms nas/ /zhes pa ni/ de'i g.yas kyi bar mar gong du smos pa'i 'khor lo bzung zhing bsgoms pas/nyi ma bdun la sogs par du ba 'thul ba dang / gsal ba dang / 'bar ba dang / nam mkha' las 'phar bar 'gyur ro/ /lag te 'bar ba'i steng du suM bsams pas 'bab par 'gyur ro/ /de nas de'i sbyor ba la lhag par gnas pas ji skad gsungs pa'i yon tan du 'gyur ro zhes so//de'i sbyor ba yang / 'khor lo chen po'i rigs bsgoms te/ /zhes te de'i lte bar de'i rigs kyi lha rnams bsgoms pas 'od zer spro ba la sogs pa gong ma ltar dpag par bya'o//bdag nyid sangs rgyas rnam par snang mdzad kyi skur sbyor zhing / de lta bu 'dra ba'i rdo rje mchog 'di sgrub pa ni ye shes rdo rje zhes pa ni gnyis su med pa'i rnal 'byor la gnas pa dag gis bya'o zhes so/ /phyi ma rnams la yang de kho na bzhin du shes par bya'o/ /mi bskyod pa'i rnal 'byor rdo rje gzung ba gsungs pa/mkha' dbyings rdo rje zhes pa la sogs pa'o/ /rin chen dbang phyug gi rnal 'byor pas rin po che gzung ba gsungs pa/ mkha' dbyings rin chen zhes pa la sogs pa'o/ /'od dpag med kyi rnal 'byor pas pad+mo gzung ba gsungs pa/mkha' dbyings chos zhes pa la sogs pa'o/ /don yod grub pa'i rnal 'byor pas ral gri gzung ba gsungs pa/ mkha' dbyings dam tshig ces pa la sogs pa'o/ /de bzhin gshegs pa'i rig 'dzin bshad zin to/ /da ni rang rang gi phyag mtshan gyi sgo nas khro bo'i rig 'dzin sgrub pa gsungs pa/tri shU la zhes pa la sogs pa'o/ /tri shU la zhes pa ni mdung rtse gsum pa ste stobs po che'o/ /kyo ba dang zhes pa ni lcags kyo ste 'dod pa'i rgyal po'o/ /sogs zhes pa ni dbyug pa sngon po'i dbyug pa dang / mi g.yo mgon po'i ral gri dang /gtsug tor 'khor los sgyur ba'i 'khor lo dang / gnod mdzes kyi rdo rje dang / gshin rje gshed kyi tho ba dang / shes rab mthar byed kyi rdo rje dbyug pa dang / pad+ma mthar byed kyi pad+ma dang / bdud rtsi 'khyil pa'i rdo rje'o/ /rdo rje khyad par gyis sgrubs na/ / zhes pa ni bdag po'i rim pas sgrub pa ste/ rang dang 'dra ba'i tshogs bkug cing bcug nas brtan par bya ba ni khyad par ro/ /de bas na sku gsung thugs kyi sgrub pa'i zhes te/ rnam par snang mdzad dang / snang ba mtha' yas dang / mi bskyod pa'i bsam gtan des 'grub pa'o zhes so//'khor lo dang ldan pa ni rang gi ngo bo kho nas sgrub pa yang mi 'gal lo/ /dam tshig chen po sngon du 'gro bas de rnams 'byung ba'i phyir dam tshig chen po'i dngos grub rdo rje ston pa'o/ /da ni las kyi khyad par las dgug pa'i sbyor ba'i gnas gsungs pa/ lam gyi zhes pa la sogs pa'o//lam gyi bzhi mdor zhes pa ni mi mang po 'du ba'o/ /shing gcig drung ni 'jig rten gyi mkha' 'gro ma 'du ba'o/ /mtshan ma gcig pa ni 'byung po rnams 'du ba'o/ /zhi gnas ni 'phags pa rnams 'du ba'o/ /thams cad rnam par 'du ba ni 'gugs pa la shis pa'i gnas te gzhan las kyang /chang 'tshong smad 'tshong khyim la sogs/ /dgug pa bsgrub pa khyad par shes/ /zhes blta'o/ /rdo rje dgug pa'i zhes pa ni rdo rje gsum gyis dgug pa zhes so/ /khyad par gyis zhes pa ni rang rang gi lha'i rim pa sgrub pa pos ni rtag tu bsgrub ces so//ji lta bur sgrub ce na/ 'gugs pa thams cad kyi spyi'i cho gas gsungs pa/ sbyor gsum zhes pa la sogs pa'o/ /de la rang gi lus la sogs pa'i lha'i rnam pa lta bu 'khor lo 'am gcig par sgom pa ni sbyor gsum rdo rje can rnams so//de la/ longs spyod gsum pa'i rnam par mtshan/ /zhes bya ba nas/ sbyor gsum sngags kyi skyes bur bams/ /zhes te/ sku la sogs pa rig ma dang ldan zhes oM la sogs pa las bskyed pa'o/ /de rnams kyang sangs rgyas thams cad kyi yin pa'i phyir ro/ / sangs rgyas ye shes blo ldan gyi/ /zhes so/ /de'i sku gsung thugs las 'phros pa'i lcags kyu ni/ sku gsung thugs kyi kyo ba zhes te des mtshon pa'i lha rnams 'gugs pa'o/ /rlung gi dkyil 'khor mchog gnas pa/ /zhes pa ni/ dgug bya yang ming gi yi ge dang pos bskyed la/yaM las rlung gi dkyil 'khor gyi steng du gnas par byas nas/ ji snyed sangs rgyas rnams kyang dgug /ces so/ /dam tshig las byung phyogs bcu pa/ /zhes pa ni sems can dang sems can ma yin pa thams cad kyang 'gugs pa las mi 'da' bas na/ rdo rje gsum gyis dgug cing longs spyad par bya'o zhes so//nam mkha'i dbyings na gnas pa thams cad mi 'da' bas na nam mkha'i dbyings kyi dam tshig go/ /rdo rje gsum gyi lcags kyus 'gugs pas na rdo rje 'gugs pa'i cho ga'o zhes so/ /da ni rnam par snang mdzad kyi dkyil 'khor gyi 'khor lo dang ldan par bsam gtan gyi dgug pa gsungs pa/rnam par snang mdzad ces pa la sogs pa'o/ /rnam par snang mdzad 'khor lo mchog /ces pa ni srung ba'i 'khor lo la sogs pas ji srid rnam par snang mdzad kyi 'khor lo bskyed pa'i cho ga nyi shu rdzogs par byas pa'o//lcags kyu 'ba' zhig tu ma zad kyi phyag mtshan gzhan gyis kyang dgug tu rung bas na/ rdo rje pad+ma dag la sogs/ /zhes bya'o/ /rgyal ba dag gis zhes pa ni des mtshan pa'i lha'i sku'o/ /de'i gnas ni 'phro ba'i gzhi ste rdo rje gsum bsams nas zhes so//de nas dam tshig thams cad dgug pa'i mchog ni kyo bas bya zhes te/ 'gugs par nus pa'i phyir gzhan yang de skad ces bya'o/ /sa 'og la sogs pa na gnas pa rnams kyang mi 'da' bas na khams gsum gyi dam tshig 'gugs pa'o//rnam pa'i mchog rnams kun ldan pa'i/ /zhes pa ni sku rdo rje de yang mtshan dang dpe byad kyis rnam par brgyan pa'o/ /de lta bur sangs rgyas rnam par snang mdzad kyi skur ni rab tu sbyar zhes chung ngu'i sgrub pa la gnas nas dgug go zhes bstan pa'i phyir/ lag tu sku gsung thugs rnams kyi/ /kyo ba la sogs rab tu sbyar/ /zhes lhan cig gi ting nge 'dzin gyi bya ba bstan pa'o/ /'di dag lta bu'i sbyor ba ni rnam pa gnyis so/ /las thams cad byed par 'gyur zhes pa ni/ sems can dang sems can ma yin pa kun gyis kyang dgos pa sgrub par byed do zhes pa'o//da ni mthu chen po'i zas rnam par dag par byas nas longs spyod pa'i thabs bsdus te gsungs pa/ rnam pa'i zhes pa la sogs pa'o/ /rdo rje sku ni rab bsgoms la/ /zhes pa ni dbyer med pa'i sku ste rang gi lha bsgom pa'o/ / rdo rje'i sbyor ba ni 'og nas 'byung bas lcer bsgoms na/ lce nyid snang ba mtha' yas lta bu'i gsung thob pa'i phyir/ rdo rje gsung dang 'dra bar 'gyur/ /zhes so/ /de yang gsang ba'i mchod pas mnyes par byas nas bstod pa'i de ma thag tu bya'o zhes gsungs pa/ gsang gsum zhes pa la sogs pa'o//gsang gsum ni de bzhin gshegs pa rnams so/ /de'i ngo bo las mi 'da' bas na dam tshig go/ /de nyid mchod pa'i mchog ste lha mo bcu'o/ /gzhan dang thun mong ma yin pas na mchod pa gsang ba'o/ /de rab tu bsgrub pa ni 'od zer gyis lha mo dgug pa la sogs pa rgyas par sbyar ro//de nyid gsang ba'i snying po ste 'dod pa'i 'bras bu 'byin pa'i phyir ro/ /gsang ba chen po ni bdud rtsi lnga dang lha mo bcu'o/ /de nyid 'da' bar bya ba ma yin pas na dam tshig go/ /da ni dngos grub thams cad la shis pa'i zas bstan pa'i phyir/sha chen zhes pa la sogs pa'o/ /dam tshig dag gis zhes pa ni sngon du bsten pa'i phan yon dang / phyis sgrub pa la khyad par du shis pa'i phyir ro/ /rdo rje gsum mchog ni phyag rgya chen po'o/ /gal te med na sgrub pa'i cho ga yang gsungs pa/ khyi sha dag gis zhes pa la sogs pa'o//thams cad du med na sgrub pa'i cho ga gsungs pa/ sha rnams thams cad ces pa la sogs pa'o/ /thams cad ces pa ni zan dron dang 'bras chan la sogs pa'o/ /bsam pas rnam par brtags zhes pa ni sgrub pa po ni sems kyi dbang gis gyur pas na rang rang gi skabs su rnam par brtags pas kyang khyad par rnyed do//rdo rje sbyor ba 'di byas na/ /zhes pa ni gzhan la brtag pa'i sbyor ba 'di byas pas kyang / sangs rgyas kun gyis byin gyis rlobs/ /zhes te dngos grub ster ro zhes pa'i don to/ /bsnyen sgrub bzhi dang ldan pa'i rnal 'byor pas longs spyod par gsungs pa/rdo rje can zhes pa la sogs pa'o/ /rdo rje can gyi sku gsung thugs/ /zhes pa ni des byin gyis brlab pa'o/ /rnam pa'i mchog rnams ni mtshan ma kun dang ldan pa'i rang bzhin gyi lha'o/ /snying gar ye shes zhes pa ni dam tshig gi phyag rgyas byin gyis brlabs pa'o//dam tshig dang zhes pa ni mig la sogs pa byin gyis brlabs pa'o/ /dbu rgyan rdo rje 'dzin pa'i mchog /ces pa ni dbu rgyan la rdo rje 'dzin pa ste/ rigs lnga gang rung cig bsams nas longs spyod na sangs rgyas thams cad mnyes par 'gyur ba zhes bya'o//'di ni zhes pa sbyor ba des spyod pa'o/ /de nyid dam tshig mchog ces bya'o/ /des ci byed ce na gong ma ltar/ dngos grub thams cad grub pa'i mchog /ces bya'o/ /de yang dam tshig mchog la gnas pa'i rnal 'byor pas rab tu bya'o zhes pa'i don to//dam tshig thams cad ni bdud rtsi lnga'o/ /ye shes su rtogs pas na shes pa'o/ /des rdo rje lta bu thob par 'gyur bas na rdo rjer gyur pa zhes bya'o/ /lce dag par bya ba gsungs pa/ lce'i zhes pa la sogs pa'o/ /lce nyid rdo rje las mi 'da' bas na/lce yi dam tshig rdo rje la/ /zhes bya'o/ /rdo rje can zhes pa ni rnal 'byor pa'o/ /hUM bsgoms te zhes pa ni longs spyod pa po'i lce la hUM las rdo rje rtse gsum pa bum pa la yang hUM ldan par bsgoms te bdud rtsi'i sbyor ba ste dag par byed pa'i cho gas zos na rdo rje gsum thob par 'gyur ro zhes so//dag par bya ba'i cho ga gsungs pa/ AHdang zhes pa la sogs pa'o/ /as b+han+d+ha bskyed par bya'o/ /oM gyis bsil dbab par bya'o/ /dam tshig ni dpa' bo lnga dang lcags kyu lngar shes par bya'o/ /rdo rje tshul mchog ni rlung las byung ba'i hUM las gyur pa'i rdo rje bdud rtsi la dbab pa'o//de'i mngon par rtogs pa'i rim pa ni 'di lta ste/ rdo rje dril bu bde dbyangs kyis bstod pa'i de ma thag tu rang gi mdun du yaM las rlung gi dkyil 'khor gzhu 'dra ba rgyal mtshan sngon pos mtshan pa cig bsam/ de'i steng du raM las byung ba'i me'i dkyil 'khor gru gsum des mtshan pa cig bsam/de'i steng du a las pad+ma b+han+d+ha des mtshan pa cig bsam/ de'i nang du dri chu dang dri chen dang rak+ta dang byang chub kyi sems dang / maM sa yang gzhag par bya'o/ /yang de bzhin du glang po che dang rta dang ba lang dang khyi dang mi'i sha rnam par gzhag par bya'o//de'i steng du zla ba dang nyi ma'i gdan bzhi la hUM b+h+rUM AM dzrIM khaM zhes bya ba'i sa bon bkod nas/ de'i 'od zer stug pos mi bskyod pa la sogs pa bkug nas sa bon la gzhug par bya'o/ /de'i mthus rlung gis me sbar bas thod pa dros pa'i bdud rtsi la sogs pa gcig tu zhu nas khol ba'i rlangs pas hUM du gyur/de las rdo rje hUM gis byin gyis brlabs par gyur pa'i rin po che'i phreng ba ltar zhu nas bdud rtsi la dbab par bya'o/ /de ltar lan gsum du byas pas pad+ma'i snod bdud rtsis gang ba la oM zhugs pas bsil bar bya'o//de'i 'od zer gyis yang phyogs bcu'i bdud rtsi bkug nas der zhugs par byas pas nyi ma 'am shel ltar dag par bsams nas sngags kyis byin gyis brlabs te/ gong ma ltar bdag dang lha thams cad kyi lce dag par byas nas rang gi sa bon gyis bskul ba'i b+han+d+ha pad+ma spros te/lha rnams kyi phyag tu thengs par byas nas longs spyod par byas na/ ji skad du gsungs pa'i phan yon thob par 'gyur zhes so/ /rdo rje ni de bzhin gshegs pa'o/ /dam tshig ni bdud rtsi lnga dang sha lnga'o/ /bdud rtsi ni des rnam par rtog pa'i shi ba dang bral bar byed pa'o//phreng ba ni des mdzes par byed pa'i don to/ /da ni de'i phan yon gsungs pa rdo rje'i zhes pa la sogs pa'o/ /rdo rje gsum las mi 'da' bas na dam tshig ste bdud rtsi lnga dang sha lnga'o/ /yi ge as b+han+d+ha bskyed pa ni gsung gi dam tshig go//hUM las byung ba'i rdo rje'i bdud rtsi la dbab pa ni thugs [(]gyi [,]kyi [)]dam tshig go/ /oM gyis bsil bar bya ba ni sku'i dam tshig go/ /de grub zin ma thag tu mchog ste sku gsung thugs rdo rje can sangs rgyas su 'gyur ro zhes so/ /ji lta bu zhe na/ phyogs bcu'i sems can thams cad kyi 'dod pa thams cad sbyin par nus pas na nor bu yid bzhin rgya mtshor 'gyur ro zhes so//de bas na des 'jig rten gyi khams thams cad rdo rje lta bu'i lus kyi bdag nyid kyis snang bar byed de rdo rje 'chang chen por gyur nas zhes ji snyed pa'o/ /da ni gong du gsungs pa'i 'khor lo la sogs pa'i rig 'dzin dang gzhan yang grub pa'i yon tan gsungs pa/'khor lo zhes pa la sogs pa'o/ /'khor lo dam tshig ces pa sogs mtshon pa tsam ste rdo rje la sogs pa yang shes par bya'o/ /de rnams grub pa ni mchog ste rang rang gi rigs kyi sangs rgyas sku dang 'dra bar 'gyur zhes te dngos ma yin no//gang+gA'i bye snyed ces pa ni grangs can te de yang rig pa 'dzin pa grub pas stong gsum gyi stong chen po'i 'jig rten gyi khams kun du rnam par spyod ces so/ /dam tshig dam pa zhes pa ni rgyud gzhan gyis grub pa'i rig 'dzin thams cad do//de rnams kyi gtso bo byed pa'i phyir mchog tu gyur pa'o/ /de lta bu'i rdo rje sku ste de dang 'dra ba'i rig 'dzin bsgoms pas zhes te grub pa zhes pa'i don to/ /'di ni dam tshig mchog tu 'gyur/ /zhes pa ni de yongs su smin pa'i stobs kyis phyag rgya chen po mngon du byed par 'gyur ro zhes so//mi snang 'gyur ba zhes pa ni rgyud gzhan la grub pa'i mi snang ba las mchog go/ /stong khams dag ni zhes pa ni stong chung ngu'i 'jig rten gyi khams rang gi yon tan gyis snang bar byed ces so/ /de bzhin du mngon par shes pa lnga grub pa ni stong gnyis pa bar ma'i 'jig rten gyi khams na dbang ba'o//phyag rgya chen po la ni phyogs med par shes par bya'o/ /ji skad du/ mi snang khams ni stong phrag na/ /mngon shes stong gnyis 'bring po la/ /rig 'dzin dag ni stong gsum la//'gro kun gtso bo rdo rje can/ /zhes so/ /sangs rgyas kun las 'phrog pa dang / /zhes pa ni phul du byung ba'i gtam ste sangs rgyas rnams la yang mi snang bas de'i phun sum tshogs pa 'phrog par nus pa gzi can la sogs pa lta smos kyang ci dgos te gdol pa'i bu bzhin no//de bzhin du lha'i bu mo mchog la spyod nus zhes pa'o/ /da ni gong du gsungs pa'i mngon par shes pa lnga grub pa'i yon tan gsungs pa/ gang+gA'i bye snyed ces pa la sogs pa'o/ /gang+gA'i bye snyed na sangs rgyas rang gi rdo rje gdan la bzhugs pa mthong zhes sbyar ro//sgra grag pa ni ji snyed pa zhes pa ni sems can ma yin pa'i sgra rags pa dang phra ba ji snyed pa bsdu'o/ /sems can kun gyi sems rnams zhes pa ni/ 'gro ba lngar gtogs pa'i sems can gyi sems rtogs pa'i rgyun dang 'brel pa dang rtog pa de bzlog pas dag par byed pa'i sems des rig 'gyur zhes sbyar ro//gang gis she na sku gsung thugs kyis mtshan pa'o/ /rol mo las byung zhes te rdo rje gsum ni sems can gyi don byed pa'i rol mo ste/ de las byung ba'i sems ni des mtshan pa'o/ /'khor ba dag na gnas pa'i zhes pa ni rang dang gzhan no/ / gtan tshigs rtags ni rigs dang pha ma dang / rang gi ming dang / las ci spyad pa dang / nad gang gis shi ba la sogs pa'o/ /gang+gA'i bye snyed zhing dag tu/ /zhes pa ni rang gis 'dul ba'i zhing du'o/ /ci byed ce na/ sangs rgyas sprin gyis brgyan pa'i skus/ /zhes te sangs rgyas lta bu'i sprul pa'i sku 'phro ba ni brgyan pa ste de lta bu yis zhes so//dus ji tsam zhig tu zhe na/ bskal pa gang+gA'i bye snyed du/ /zhes nye bar btags pas te bskal pa gnyis kyi bar du'o/ /rdo rje rdzu 'phrul zhes pa ni nam mkha'i khams kun du rang dang 'dra ba'i sku spro ba dang / lha la sogs pa'i gzugs su ston pa dang /nam mkha' la 'phur ba la sogs pa ji snyed pa'o/ /gzhan las khyad par du gyur pa'i phyir mchog ste des 'gengs pa'o/ /dam tshig rdo rje ni rdo rje 'chang chen po'o/ /de lnga'i mngon par shes pa'i yul mkhyen pas na mngon par mkhyen pa'o/ /de rnams kyi ming gsungs pa/de la zhes pa la sogs pa'o/ /gzhan yang de'i khyad par gsungs pa/ sangs rgyas zhes pa la sogs pa'o/ /sangs rgyas sku dang 'dra bar 'gyur/ /zhes pa ni sangs rgyas kyi mngon par shes pa lnga dang 'dra bar 'gyur ba ste de slob pa ma yin pa'i phyir ro//'khor gyis yongs su bskor ba'i ni lam mtshungs pa ste/ de bas na rdo rje sku gsung thugs kyis zhes te de la gnas pas zhes so/ /'jig rten khams kun zhes pa ni gong ma ltar bdag nyid dbang bar ro/ /de kun du bgrod par 'gyur zhes so/ /da ni yan lag bzhi 'bras bu dang bcas pa gsungs pa/bsnyen pa'i zhes pa la sogs pa'o/ /srid pa dang zhi ba so sor nye bas na bsnyen pa'o/ /mi 'da' bas na dam tshig go/ /de nyid zab mo dang yang dag par gsal ba bsres pas na sbyor ba'o/ /rang gi lha dang nye bar bsnyen pa ste sa'i snying po la sogs pa'o//de'i 'byung ba ni thams cad mkhyen pa'o/ /sku gsum du sgrub pa ni sgrub pa'o/ /de'i don ni rdo rje gsum gyis byin gyis brlabs pa ste mi 'da' bas na dam tshig go/ /khams gsum chos kyi dbang phyug tu gnas pa'i dam pa yang dag pa'i sangs rgyas pas na dbang bskur ba na sgrub pa chen po'o//rdo rje bye brag ces pa ni chung ngu dang 'bring po dang chen po ye shes kyi bye brag gi sngon du bsnyen par byas la de las ji skad du gsungs pa'i dngos grub kyi las rnams bsgrub par bya'o zhes so/ /ji skad du/ byang chub rdo rje gsungs pa yi//thabs ni rnam pa bzhi dag ste/ /bsnyen pa'i cho ga dang po ste/ /gnyis pa nye bar sgrub pa'o/ /gsum pa bsgrub par bya ba dang / /bzhi pa sgrub pa chen po'o/ /zhes so/ /mdor bstan pa'i don rgyas par rtogs par bya ba'i phyir dang po chung ngu'i bsnyen sgrub bzhi gsungs pa/ bsnyen pa'i zhes pa la sogs pa'o//ting nge 'dzin ni rang gi sems 'jug pa la sogs pas rang gi lhar gyur pa'o/ /de nyid don dam pa dang rab tu sbyor zhing byang chub mchog tu byin gyis brlabs pa'o/ /de'i don ni bar gyi srid pa'i gzugs zhal du 'jug pa la sogs pas lha mo'i gsang ba'i khrag 'dra ba ni ho'i me yis yi ge gsum zhu ba'i 'od zer gyis thabs dang shes rab dbus kyi gdan cho ga dang po gnas pa la rang gi tshad med pa bzhis lha mor gyur pa'i glus bskul bas sa bon dang mtshan ma sa bon gyis mtshan pa/de'i 'od kyis de bzhin gshegs pa rang dang 'dra ba'i skur byas pa las byung ba'i rang gi lha ni chos kyi dbyings su byin gyis brlabs pa ni bsnyen pa'i yan lag chung ngu dang /rgyu mthun pa'i 'bras bu chung ngu ste mya ngan las 'das pa'i yan lag go/ /grub mchog la zhes pa ni rang gi lha ni grub pa mchog ste/ de'i rdo rje skye mched de mig la sogs pa k+ShiM la sogs pa las mtshan ma des mtshan pa ste sa'i snying po la sogs pa byang chub sems dpa' rnams rnam par dpyad pa ni nye bar sgrub pa'i yan lag chung ngu dang /rnam par smin pa'i 'bras bu chung ngu ste thams cad mkhyen pa'i yan lag go/ /sngags kyi bdag po zhes pa ni sngags hUM la sogs pa las bskyed pa ni thugs kyi rdo rje la sogs pa'o//de byin gyis brlab pa'i sngags kyis gnyis su med par bya ba ni bsgom pa'o/ /sgrub pa rnam par gzhag pa'i don du tshigs su bcad pa gnyis kyis bskul ba ni sgrub pa'i yan lag chung ngu dang skyes bu byed pa'i 'bras bu chung ngu ste sku gsum thob pa'i yan lag go//rang sngags zhes pa ni rang gi sa bon gyis bskul ba'i bde bar gshegs pa las byung ba'i 'od zer las lha mo bcu 'phros pa las rang gi spyi bor thim pa las/ rdo rje can gyi gzugs te rigs lnga 'am drug la rdo rje 'chang chen po ste de bas na/dbu rgyan la ni bdag po bsam/ /zhes te gang yang rung ba'i bdag po gzhag go zhes pa'i don to/ /de ltar byas na ye shes rdo rje ste rnal 'byor par 'grub par 'gyur ro zhes pa'o/ /des gong ma gsum la yang bsgrub par bya'o/ /sgrub pa chen po'i yan lag chung ngu dang /dri ma dang bral ba'i 'bras bu chung ngu ste/ khams gsum chos kyi dbang phyug gi yan lag go/ /de la ting nge 'dzin zhes pa nyid bstan pas bsnyen pa'i khyad par gsungs pa/ bsnyen pa'i zhes pa la sogs pa'o/ /ye shes bdud rtsi dag ces pa ni byang chub kyi sems kyi gzugs te/de yang gong ma ltar bar gyi srid pa'i sems 'jug pa sngon du byas pa'i zla bar zhu bas mchog gi bsnyen pa bya'o zhes pa'i don to/ /thams cad kyang brtag par bya zhes pa ni des bsnyen pa byas na nye bar bsgrub pa la sogs pas kyang mtshan pa'o/ /longs spyod bzhi po 'di ni sngar de bzhin gshegs pa thams cad kyi ngo bor rang gi lha'i sngags kyi de nyid don sgrub pa'o zhes so//ye shes su bya ba'i ngo bo ma yin pas ni mi mthun pa'i phyogs thams cad sel bar mi nus shing ma bsgrubs pas na chung ngu'i sgras bstan to/ /lha gtso bo gcig pu gtogs pa'i phyir na de rnams la mchog gi sgras khyad par du byas pa'o//ji skad du/ thun mong mchog gi bye brag gis/ /bsnyen pa rnam pa bzhir 'gyur ba/ /rdo rje rnam bzhi thun mong ste/ /mchog ni ye shes bdud rtsi'o/ /zhes so/ /de bas na dge ba'i mtshan nyid kyi tshig bsnyen pa bzhi zhes gsungs kyang nye bar sgrub pa la sogs pa yang shes par bya'o//de bas na mchog gi bsnyen pa gcig yan lag tu bshad zin to/ /gnas gsungs pa dgon pa zhes pa la sogs pa'o/ /dgon pa la sogs pa'i gnas su ji skad bshad pa dang / bshad par 'gyur ba'i bskyed pa'i rim pa'i ting nge 'dzin byas nas dngos grub 'thob pa zhes so//gzhan du na bud med ni theg pa dman pa la zhugs pas lam du ma mthong bas na dgon pa chen po'i sa phyogs so/ /de nyid rab tu rnam par dben pa ste/ 'dod chags la sogs pa'i tsher mas gang bas gzhan mi 'gro bas so//mi g.yo zhing bde ba chen po mi 'gyur bas ri bor ro/ /blo dman pa rnams nyon mongs pa'i gcan gzan la 'jigs pas na nags 'dabs so/ /shes rab kyi cha'i chu ngogs su rdzogs pa'i ting nge 'dzin byas na dngos grub 'thob po zhes sbyar ro/ / da ni chen po'i bsnyen pa gsungs pa/ yang na zhes pa ni rnam par gzhag pa'i tshig ma yin te/ rang gi lha'i bzhin du gzhan la zhes pa'i don to/ /rdo rje bzhi dag gis zhes pa ni rang gi sa bon gyis bskul ba'i bde bar gshegs pa zhal du zhugs pa las byung ba'i pad+ma'i nang nas zla bar zhu ba'i cho ga ste dang po'o//de nyid las bdag po'i sa bon du gyur pa'i cho ga ste gnyis pa'o/ /de nyid las rang ngam bdag po'i dkyil 'khor du gyur pa ste cho ga gsum pa'o/ /de nyid gong ma'i ltar badzra d+h+r-ika la sogs pa'i sngags kyis phyung nas rang rang gi gdan la dgod pa ni cho ga bzhi pa'o//de nas 'og nas 'byung ba ltar ye shes kyi dkyil 'khor dang gnyis su med par byas nas byin gyis brlab pa ni brtul zhugs brtan pa'i rnal 'byor pas thun mong gi bsnyen pa'o/ /ji skad du/ dang po stong nyid byang chub ste/ /gnyis pa sa bon bsdu ba yin//gsum pa gzugs ni rdzogs pa ste/ bzhi pa yi ge dgod pa'o/ /rdo rje rnam bzhi 'di dag gis/ /thun mong bsnyen pa bsgrub pa'o/ /zhes so/ /sku gsum mnyam pa nyid 'gyur ba/ /zhes pa ni cho ga dang po las mtshan dang dpe byad kyis brgyan pa'i skus 'gro ba rnam smin cing grol bar byed pa'o//de bsgoms na de dang 'dra ba'i dngos grub thob par 'gyur ro zhes pa'i don te/ de bzhin du de rnams kyi mig la sogs pa yang byin gyis brlab par bya'o/ /de rnams ni chen po'i nye bar sgrub pa la sogs par shes par bya'o/ /de bas na chos thams cad rnam par dag pa'i lha'i tshogs mnga' bas na ye shes kyi khyad par gyi dbang gis chen po'i chen po zhes bya ba la/lha thams cad la gtogs pa'i phyir thun mong gi bsnyen pa la sogs par bya'o/ /de bas na de thun mong gi bsnyen pa gcig yan lag khong nas 'byung ba dang bcas par bshad do/ /chung ngu'i dang chen po'i bar na gnas pas 'bring po'i sgras khyad par du byas pa rig ma'i 'du byed pa gsungs pa/dus bzhi zhes pa la sogs pa'o/ /dus bzhi zhes pa ni dam tshig tu rung ba ste mi 'da' ba'i phyir ro/ /de nyid kyang gang zhe na/ zla ba gnyis la sogs pa'i rim pas rgyu'i cho ga rdzogs pa las bar gyi sems 'jug pa la sogs pas rang gi lha mo lta bu bskyed nas byin gyis brlab pa ni bar ma'i bsnyen pa'o//de'i mig la sogs pa byin gyis brlab pa ni bar ma'i nye bar sgrub pa'o/ /rdo rje gsum gyis byin gyis brlab pa ni bar ma'i sgrub pa'o/ /rigs kyi bdag po dbu la gzhag pa ni bar ma'i sgrub pa chen po ste de rnams dang rab tu sbyor bas zhes so//blo dang ldan pas zhes pa ni de rnams kyi cho ga la byang ba'o/ /gnas lngar ni zhes pa ni le'u brgyad pa las gsungs pa ltar rigs lnga dang ldan par bya ba gsungs so/ /ye shes rdo rje zhes pa ni le'u bdun pa ltar hUM las ye shes lnga'i ngo bo rtse lnga'i rdo rje rang gi rdo rje bsams nas yi ge oM zhes pa ni de'i nor bu dmar ba oM gyi rnam par bsgrubs la/byang chub sems 'byung ba'i lam du mngon spyod kyi ye shes bsams te/ shes rab kyi yan lag kyang de bzhin du dag par byas nas/ mtshan nyid lnga dang ldan pa'i lha mo rang gi lha mo la thim pas te yan lag gnyis sbyar te rjes su chags pa'i sngags kyis byin gyis brlab pa ni 'da' bar bya ba ma yin pas na sdom pa yin par bshad ces so//da ni zhi ba'i sbyor ba drug gsum du bsgrub pa ni rnal 'byor pas phyag rgya chen po nyams 'og tu ma chud na de'i che ba'i bskul ba dang dbye ba'i sgo nas sgrub pa'i dus gsungs pa/zhag bdun zhes pa la sogs pa'o/ /zhag bdun la sogs pa ni blo'i bye brag gis shes par bya'o/ /rdo rje dam tshig ni phyag rgya chen po'o/ /bsgrubs na ni zhes pa ni bskul ba dang dbye ba'o//de'i blo'i bye brag gis phyag rgya chen po'i dngos grub myur du ste de skad cig gis thob par 'gyur ro zhes so/ /zhag grangs bye brag rab bskul ba/ /zhes pa ni zhing dag pa'i grangs dang zla ba dang zhag bdun la sogs pa'i bye brag gis dngos grub bskul ba ni ngas rgyud 'di las rgyas par rab tu bstan zhes so//de nas phyag rgya chen po ji tsam na 'grub ce na/ gsang ba'i mchog ste rdo rje 'chang chen po'o/ /de ston par byed pa'i sgra la yang de skad do/ /de las byung ba la gsang ba rnam par khros pa las byung ba'i dngos grub ni zla ba phyed kyis 'grub par gsungs zhes de las ni mi 'da' bar nges so//da ni lhun gyis grub pa'i sku rdo rje la sogs pa spyan drangs nas mchod pa'i de ma thag tu gsol ba gdab pa gsungs pa/ de la zhes pa la sogs pa'o/ /gang gis sku rdo rje sgrub pa ni dus gsum gyi sangs rgyas sgrub pa ste de'i don nye bas na nye bar sgrub pa'o//ngan song las g.yogs pas na sdom pa'o/ /yul dang ldan par gsol ba gdab pas na yul lo/ /de nyid gsungs pa sangs rgyas zhes pa la sogs pa'o/ /mtshan dang dpe byad dang ldan pa'i sku 'chang bas na sangs rgyas sku 'dzin no/ /de nyid rig ma dang ldan pas na dpal ldan no//rdo rje gsum ni don dam pa dang kun rdzob gang du mi phyed pa'i phyir na de skad do/ /ding bdag byin gyis brlabs nas su/ /zhes pa ni de rig dag bsgoms pa khyod kyis byin gyis brlabs la bdag rdo rje sku dang ldan par mdzod ces rang gis bsgoms pa la gsol ba gdab pa'o//phyogs bcur bzhugs pa'i sangs rgyas rnams/ /zhes pa ni de rnams kyi spyi bo na gnas pa zhes so/ /des de ring bdag rdo rje sku can du mdzod cig ces lhun gyis grub pa la mtshan ma'i sku rdo rje la gsol ba gdab pa'o/ /des zhugs par gyur nas byin gyis brlab po zhes sbyar ro//gzhan ma rnams la yang des bsgre bar bya'o/ /gsung rdo rje ni rnam pa'i mchog dang ldan pa'i sku grub par byed pas na sgrub pa'o/ /de nyid sdom pa zhes pa la sogs pa gong ma ltar ro/ /chos kyi gsung lam zhes pa ni chos gsung ba'i lam ste mgrin pa'o//de na gnas pa'i gsung rdo rje ni gong ma ltar dpal dang ldan zhes so/ /sangs rgyas thams cad kyi chos kyi sku ni chen po ste grub par byed pas na sgrub pa chen po'o/ /de nyid sdom pa zhes pa la sogs pa gong ma ltar sbyar ro/ /tshigs su bcad pa gsum po 'di las bla ma chen pos gnyis gnyis pa gsum gsungs pa ni dgongs pas bsgyur ba'o//de bas na gcig ni sbyor shes par bya'o/ /de ltar bskul bas thugs dam bcas pa las nyams pa'i bsnyengs pas sgrub pa po la byin gyis rlob po zhes gsungs pa/ sangs rgyas zhes pa la sogs pa'o//sangs rgyas zhes pa ni sku rdo rje'o/ /rdo rje sems dpa' 'am zhes pa ni thugs rdo rje'o/ /yang na chos kyi sems dpa' zhes pa ni gsung rdo rje'o/ /rmongs pa ni gnyis kyi rnam pa'o/ /le'u bcu pa'i drag shul bsgrub pa la tshigs su bcad pa 'di sbyar bar tshig 'dis mngon no//rdo rje sbyor ba ni rang gi lha'i sbyor ba'o/ /mi 'da' bas na dam tshig ste/ des mi snang ba la sogs pa'i dngos grub thob par byed pas na sgrub pa'i mchog ste/ de ston par byed pa'i gzhung ni le'u bcu gnyis pa'o/ /le'u bcu gnyis pa'i 'grel pa'o// //da ni le'u bcu gsum pa las gsang sngags bzlas brjod kyi mtshan nyid bstan pa'i phyir/ de nas zhes pa la sogs pa'o/ /ji lta bu'i de bzhin gshegs pa kun zhe na/ ye shes rdo rje mchog 'dzin dang / /zhes te me long lta bu la sogs pa nyid rdo rje mchog ste rdo rje 'chang mdzad pa'o//don kun ni mngon par mtho ba dang nges par legs pa'o/ /de 'gro ba'i rgyud la rdzogs par byas nas longs spyod par byed pa ni byang chub sems dpa'o/ /sgyu ma lta bur thugs su chud pas ni blo ldan no/ /nyon mongs pas non pa'i lus ngag gi las mi byed pas na thub pa'o//'gro ba'i dgos par sems spa skong bas na don kun no/ /drug sde la sogs pa lta bu ma yin pas na ston pa'i mchog go/ /chos thams cad kyi rang bzhin rdo rje gsum las mi 'da' bas na dam tshig go/ /mos pa la sogs pa lta bu ma yin pas na yang dag mkhyen pa'o//rdo rje lta bu dang ldan pa'i dbyangs ni rdo rje'i dbyangs so/ /de gang zhe na/ e ma'o zhes pa la sogs pa'o/ /byang chub chen po zhes pa ni 'dus byas dang 'dus ma byas gnyis su med pa'i ye shes nam mkha' ltar dag pa'i tshul de las/thabs kyi zhags pa kun 'byung ba/ /zhes so/ /sangs rgyas zhes pa ni rnam pa'i mchog thams cad kyis brgyan pa'i sku ni tshul te yongs su dag pa rnams la rtag tu snang bas na bzang po'o/ /chos zhes pa ni lung dang rtogs pa'i mtshan nyid can ni tshul te/ 'khor rnam pa gnyis kyi 'gyod pa mi bskyod pas na shis pa'o//sngags zhes pa ni rang bzhin shes shing 'gro ba skyob pa ste/ gang gi srid pa ji srid kyi bar du 'gro ba'i don mdzad pa de ni tshul te rgyun mi 'chad pas na brtan pa'o/ /ma skyes pa'i chos rnams ni zhes pa ste brda la sogs pa rang bzhin gyis bral ba ni chos rnams te/des na de rnams ngo bo nyid kyis khyad par can no/ /chad pa dgag pa'i phyir/ ma skyes rnam par mi rtog las/ /zhes te yul ma skyes shing de la ye shes rnam par rtog pa med pa 'byung ste/ de la smon lam la sogs pa'i dbang gis ye shes kyi phyag rgya 'byung bar bshad ces so//sngags thams cad ces pa ni lha thams cad de de'i snying po bsdus pa'i mchog ni/ rdo rje mi phyed gsum bsgoms pas/ /zhes te rdo rje gsum gyi bzlas pa'o/ /rdo rje bzlas pas zhes pa ni dbyer med pa'i bzlas pa ste ye shes sems dpa'i bzlas pas na ye shes mchog ces pa'o//des ci byed ce na/ rdo rje gsum gyi bzlas pas ni mi phyed sku gsum dkyil 'khor 'thob par byed la/ ye shes sems dpas sangs rgyas kyi ye shes bdag med pa thob par 'gyur ba'i phyir bshad du gsol zhes sbyar ro/ / rdo rje bzlas pa zhes pa ni ldang ba la sogs pa'o/ /de nyid oM la sogs par sbyar bas na sbyor ba yis zhes so/ /des ci byed ce na/ sangs rgyas kun gyis byin gyis brlabs pa'o zhes so/ /rig dang zhes pa ni spyan ma la sogs pa'o/ /sngags rnams ni rtag pa la sogs pa'o//thams cad kyi bsdus pa ni gshin rje gshed la sogs pa'o/ /sku dang gsung dang thugs kyis mtshan/ /zhes pa ni de rnams bzlas pa'i gzhi rnam par dgod pa zhus pa'o/ /sngags zlos sbyor ba la sogs pa'o/ /zhes pa ni phyi rol dang nang gi bzlas pa'i sbyor ba 'og nas 'byung ba rnams so//de ye shes rgya mtsho dang 'dra ba khyed kyis ji ltar gsan pa dang gzhan yang 'das pa'i ye shes can gyi byed pa yin pas bshad par gsol ba gsungs pa/ sku gsung thugs zhes pa la sogs pa'o/ /rdo rje sngags zhes pa ni rdo rje lta bu'i bzlas pa bla ma dang lha la yid ches par rab tu bsgoms pas ye shes bla na med pa thob par 'gyur zhes te rnal 'byor gyi rim pa bzhin du zhes so//de lta bu'i bzlas pa de bshad du gsol zhes zhus pa'o/ /da ni de'i lan gsungs pa/ de nas zhes pa la sogs pa'o/ /rdo rje ye shes zhes pa ni gnyis su med pa'i ye shes nam mkha' lta bu las byung ba'i phyir rdo rje las byung ba zhes so//'gro ba'i dgos pa rdzogs par byed pa'o/ /gong ma ltar bskyed pa'o/ /rigs rnams kyi bdag po bas na dam tshig pa'i gtsos so/ /des gsungs so zhes sbyar ro/ /thun mong gi bzlas pa gsungs pa/sngags kyi zhes pa la sogs pa'o/ /sngags ni lha rnams te de'i don du kun bzlas pa ni rdo rje mi phyed gsum ste/ sku rdo rje la sogs pa gsum gyi mtshan nyid de/ de nyid dbye ba gsum ste/ de'i bsgom pa mthar phyin par bya'o/ /de nyid gnas rnams su bkod pas na de skad bya ste rdo rje gsum zhes bya'o//de ltar bkod nas ci byed ce na/ sku gsung zhes pa la sogs pas rim gyis bzlas pa gsungs so/ /spros pa rnam gsum dag bya zhes pa ni oM la sogs pa brjod pa'i skad cig de kho na la rang rang gi sa bon las sku rdo rje la sogs pa'i 'khor lo spro zhes pa'o//de lta bu'i rdo rje gsum gyi bzlas pa 'di yis rdo rje gsum dang 'dra bar 'gyur ro zhes phan yon no/ /de'i dus su mchod pa spro ba gsungs pa/ sangs rgyas zhes pa la sogs pa'o/ /sangs rgyas rnams ni lha rnams so/ / de'i sku gsung thugs rim gyis spros pa'o/ /bsgoms nas zhes pa ni gzhan dang gzhan gyi gzugs lhag par mos pas longs spyod dang ldan par byas pa'o/ /mchod pa'i mchog brtag pa zhes pa ni lha mo'i pad+ma na gnas pa'i sa bon las skad cig ma gnyis pa las/ 'od zer ba spu las byung ba'i rtse las skyes pa'i lha mo'i nang du chud pa'i shugs kyis mchog gi bde ba'i dbang du gyur par bya'o//ye shes rdo rje zhes pa ni rang gi sems dkyil 'khor gyi 'khor lor snang ba la sogs par snang ba ma gtogs pa phyi rol gyi gzugs med par shes par byas nas ni zhes so//ni zhes pa ni skad cig gi mthar rang gi sa bon la 'jug par yang bstan to/ /de las dang po ba la sogs pa gong nas gong du gnas skabs kyi khyad par thob par byed pas na rdo rje gsum gyi thugs 'dra bar 'gyur zhes so/ /de kho nas rab kyi mthar phyin par byed pa yin par yang gsungs pa/sangs rgyas zhes pa la sogs pa'o/ /byang chub mchog ni phyag rgya chen po ste 'di la goms pa med pas na 'di la thob pa zhes bya'o/ /de la cig car du bzlas pa gsungs pa/ yang na zhes pa la sogs pa'o/ /dbye ba rnam pa gsum zhes pa ni rdo rje gsum la'o//so so dag tu spro bsdu zhes pa ni yi ge re re brjod pa'i skad cig la gzhan rnams la yang rnam par spro ba gang yin pa ste/ gzhan gong ma bzhin du shes par bya'o/ /ye shes sems dpa'i bzlas pa gsungs pa/ lus dang zhes pa la sogs pa'o/ /lus dang ngag sems bdag med par//zhes pa ni lus la sogs pa bdag med pa'i tshul can ni de bzhin gshegs pa rnams te de'i 'khor lo'o/ /shes pa'i sems kyis rab tu spro/ /zhes pa ni ye shes sems dpa'i sa bon las phyogs gnyis pa ltar gzhan dang gzhan gyi gzugs kyis spro bar bya ba ste/gzhan gong ma bzhin du shes par bya'o/ /gang gi dbang du bya zhe na brjod nas zhes te sngags brjod la reg pa'i dus su rdo rje ste lha rnams rab tu spro bar byas la mchod pas mnyes pa'i lha rnams rdzogs nas zhes te/ dbugs nang du 'jug pa'i mthar rab tu bsdu bar bya'o zhes so/ / de ltar sku gsum dang rdo rje'i bzlas pa 'di ni sangs rgyas thams cad kyi ye shes kyis ni spyan phye ba'o zhes te de 'byed par nus pas de skyed do/ /lha thams cad bzlas brjod de ltar bya'o zhes thun mong du bshad nas/ da ni sku la sogs pa'i de kho na nyid kyi sgo nas bzlas pa 'byung ba'i rgyu gsungs pa/sku'i zhes pa la sogs pa'o/ /sku mchog rdo rje zhes pa ni rnam par snang mdzad do/ /de'i mngon par rdzogs par byang chub pa ni dngos dang zhes te 'byung ba la sogs pa'i gzugs so/ /de brtags pa'i bdag nyid du mi skye bar ye shes su snang ba la dngos min zhes bya ste de ltar rnam par dpyad pa ni/sangs rgyas thams cad kyi sku rdo rje zhes bya'o/ /de lta bu yod na bzlas pa 'byung ba'i phyir sku'i bzlas pa bshad ces so/ /gsung gi bzlas pa gsungs pa/ gsung gi zhes pa la sogs pa'o/ /gsung gi dam tshig ni snang ba mtha' yas so//de'i rdzogs par byang chub pa ni sgra rnams ye shes su yongs su snang ba'i bdag nyid la sgra min zhes rnam par dpyad pa ni gong ma ltar gsung gi bzlas pa'o/ /thugs kyi bzlas pa gsungs pa/ thugs ni zhes pa la sogs pa'o/ /thugs kyi dam tshig ni mi bskyod pa'o/ / de'i rdzogs pa'i byang chub sems ni nang na yang mi gnas phyi rol na yang mi gnas/ gnyi ga'i bar na yang mi gnas pa ni gnas pa'i rdo rje ste mnyam pa nyid du rnam par bshad pa ni gong ma ltar sems kyi bzlas pa'o/ /rin chen 'byung ldan gyi bzlas pa gsungs pa/ don zhes pa la sogs pa'o//don zhes pa ni mnyam pa nyid kyi ye shes so/ /de rtogs pa'i ni rin chen dbang phyug ste de'i bzlas pa ni ngo bo med pa'o/ /de ni sbyor ba thams cad las bzang po dus gsum gyi sangs rgyas la rnam par brtags pa ni gong ma ltar rin chen bzlas pa'o/ / don yod bzlas pa gsungs pa/ sangs rgyas zhes pa la sogs pa'o/ /sangs rgyas zhing rnams zhes pa ni gdul bya yod pa'i 'jig rten gyi khams thams cad du'o/ /bya ba la nan tan gyi ye shes kyis 'gro ba'i don rdzogs par byed pa'i sku'i sprin spro ba dang spro ba 'ba' zhig tu ma zad de/ de nyid bdag gi rang bzhin du bsdu ba'i phyir bzhud cing byon pa'i rdo rje'i bdag ces so/ /de ni thogs med bzlas pa'o/ /khro bo'i bzlas pa gsungs pa/ khro bo zhes pa la sogs pa'o/ /khro bo dam tshig ye shes zhes pa ni mngon spyod la sogs pa'i las rnams so/ /rang gi rdo rje dkyil 'khor zhes pa ni dkyil 'khor gcig pa zhes pa'i don to//sngags kyi yi ge sgra bsgrags pa/ /zhes pa khro bo bsgoms nas bzlas pas sngags kyi sgra gcig nas gcig tu brgyud pa la sogs pas thos par sgrogs pa ni khro bo'i bzlas pa'o/ /nyon mongs pa gsum gyi bzlas pa gsungs pa/'dod pa zhes pa la sogs pa'o/ /'dod pa'i don gyis myos 'gyur ba/ /zhes pa nyon mongs pa'i 'dod pas myos par 'gyur ba rnams so/ /kun du skyob cing phan par dga'/ /zhes pa ni de thams cad skyob pa'i don du phan pa tshol bar byed pa'o/ /sems can gti mug gnas la gzhag /ces pa ni gti mug rnam par dag pa'i rnam par snang mdzad kyi ngo bo las spro zhing 'jog la sdud pa ni gti mug rnam par dag pa'i bzlas pa'o zhes so/ /'dod chags nyid rnam par dag pas na rdo rje'o/ /de las byung ba ni sngags kyi bdag nyid can gyi dam tshig ste/de nyid lus la sogs pa'i lha'i tshul gyis yang dag par gnas nas spro bar bya'o zhes so/ /sems can 'dod chags rgya mtshor gzhag /ces pa ni 'dod chags rnam par dag pa'i 'od dpag med kyi ngo bo las spro zhing 'jog la sdud pa ni 'dod chags rnam par dag pa'i bzlas pa'o//zhe sdang nyid rnam par dag pas na rdo rje ste/ de las byung ba'i sems lus la sogs pa'i tshul gyis yang dag par gnas pa'i tshul gyis bsgom par bya'o zhes khong du chud par bya'o/ /zhe sdang gnas zhes pa ni/ zhe sdang rnam par dag pa'i mi bskyod pa las spro zhing 'jog la sdud pa ni zhe sdang rnam par dag pa'i bzlas pa'o//rdo rje'i bzlas pa gsungs pa/ dam tshig ces pa la sogs pa'o/ /dam tshig de nyid rdo rje gsum/ /zhes pa ni 'jug pa dang gnas pa dang ldang ba'o/ /dbu ma zhes pa ni 'jug pa dang ldang ba las grol ba'i ngo bo yi ge A'i rang bzhin no//dam tshig rdo rje can zhes pa ni de la mi 'da' ba ste/ dngos po thams cad kyi de bzhin nyid do/ /de nyid sngags rnams thams cad kyi zhes te lha thams cad kyi ngo bo'o/ /ma ning zhes pa ni 'jug pa yang ma yin ldang ba yang ma yin gnas pa yang ma yin pa'i ye shes chen po'o//de nyid la dbyer med pas na rdo rje'i bzlas pa zhes bya'o/ /lha mo drug gi ngo bo gsungs pa/ rdo rje bdag po zhes pa la sogs pa'o/ /rdo rje'i bdag po ni gzugs la sogs pa'i lha mo ste/ de'i rang bzhin gyis thar pa grub par byed pa'i phyir ro/ / de'i ngo bo bas 'dod chags yang dag pa'i don sgom par byed pa'o/ /de bas na des sems can thams cad la phan par byed pa'i byang chub kyang rdzogs par mdzad do zhes so/ /lha mo bzhi'i ngo bo gsungs pa rig ma zhes pa la sogs pa'o/ /ma rig pa thams cad 'joms pa'i phyir na rig ma ste spyan ma la sogs pa'o//de'i dus rtag tu 'dod pa'i don la brtson pa'i phyir na 'dod pa'i longs spyod dag ces te gzugs la sogs pa la ji ltar bsten na 'grub ces te/ 'dod chags dang / zhe sdang dang / gti mug dang ldan pa'i sems kyis gnyis su med pa'i ye shes bsten pa'o//gnas la mtshan pa'i byang chub sems dpa'i rang gi ngo bo gsungs pa/ gti mug ces pa la sogs pa'o/ /gti mug dam tshig ni mig la sogs pa ste bems po'i phyir ro/ /de las byung ba ni rig pa'i rgyal po rdo rje can te sa'i snying po la sogs pa ni mig la sogs pa'i thams cad mkhyen pa skye bas na de skad do//ma ning dag gi gnas bsgrubs na/ /zhes pa ni mtha' gnyis su ma lhung ba ni ma ning ste/ de'i gnas bsgrubs na dngos grub ster ro zhes so/ /khro bo'i ngo bo gsungs pa/ khro bo zhes pa la sogs pa'o//zhe sdang gnas las skyes zhes pa ni zhe sdang gi gnas ni lus te lus khro bor bstan pa'i phyir de skad bya ste/ mi bskyod pa las byung zhes pa ni ma yin no/ /gsod la rtag tu brtson pa dag /ces pa ni des 'dul ba'i skye bo'i bsam pa'i dbang gis rang bzhin gyi gzugs la rnam par 'pho ba ste/sman la sogs pa bzhin du'o/ /sgrub mchog gi chos can la zhes pa ni/ de'i sbyor ba dang cho ga ji lta ba bzhin du sngags bzlas pa la sogs pas so/ /gsod pa'i don zhes pa ni phyogs kyi cha des grub pas te pha ltar gnas pa'i phyir ro/ /ye shes chen po ni me long lta bu la sogs pa'o//de las byung bas na skyes bu ste rdo rje 'chang ngo / /da ni de la dkyil 'khor gyi 'khor lo rdzogs pa'i rnal 'byor pas che ba'i che ba las kyi rgyal ba mchog bsgoms pas sems dbang du 'gyur bar bya ba'i phyir/ thig le'i sbyor ba'i ting nge 'dzin gsungs pa la/ye shes zhes pa la sogs pa'o/ /ye shes 'khor lo can rnams zhes pa ni rnam par snang mdzad kyi rnal 'byor pas 'grub pa'i rgyu'i sbyor ba'i de ma thag tu ye shes sems dpa'i 'khor lo'i thugs kar zla ba la/ 'khor lo'i snying ga'i dbus su bsgom/ /zhes so/ / de'i lte ba/ gsal ba'i dkyil 'khor dbus gnas par/ /zhes te/ zla ba'i steng gi dbus su'o/ /'khor lo'i sngags oM mo/ /de'i don ni spros pa thams cad dang bral bas na/ thig le gnyis kyi gzugs su bsgom/ /zhes pa'o/ /de yang yul can gyi dbus su chud pa ni rtag pa'i 'khor lo la gnas pa'i ye shes sems dpa'i thugs kar gong ma ltar de'i sbyor ba rdzogs par bya ba'i phyir yul dang ldan par bsgom par bya'o zhes pa'o//de bzhin du phyi ma rnams la yang sbyar bar bstan pa'i phyir ye shes rdo rje zhes pa la sogs pa gsungs so/ / ji skad du/ thabs dang shes rab snyoms 'jug pa/ /dngos po thams cad bsdus nas su/ /gzugs kyi nang du bsgom par bya/ /yud kyis ye shes kyis rdzogs par/ /ting nge 'dzin ces bya ba yin/ /zhes so/ /da ni gong du gsungs pa'i bzlas brjod gnyis kyi bye brag gsungs pa/dkyil 'khor zhes pa la sogs pa'o/ /dkyil 'khor kun zhes pa ni chung ngu la gnas pa gang yang rung ba'o/ /de'i ngos ni phyogs bzhi po rnams su'o/ /sangs rgyas lnga rnams zhes pa ni mtshon pa tsam ste lha thams cad ji skad du gsungs pa'i cho gas dgod par bya'o//des ni 'khor lo rdzogs pa'i rnal 'byor pas bzlas brjod bya bar bstan to/ /ji ltar bya zhe na/ 'od zer lnga'i bye brag gis/ /zhes te rang rang gi sa bon 'od zer lnga dang ldan pa las bde bar gshegs pa'i 'khor lo spro zhing yi ge gsum gyi bar du chud par bzlas na byang chub thob par 'gyur zhes so//de'i bye brag gsungs pa/ sngags rnams zhes pa la sogs pa'o/ /bye brag gnyis ni sku gsum dang rdo rje'i bye brag go/ /de la sku gsum gyi de kho na nyid zlos pa las gong ma ltar rim gyis sam cig car du spro ba dang bsdu ba na nges pa med pa'o//rdo rje ste ye shes sems dpa'i bzlas pa las cig car du bzlas pa 'di ni nges pa kho na yin no/ /mchod pa spro ba na yang rang rang gi rigs kyi lha mos mchod pa byed kyi gzhan gyi rigs kyis ma yin par gsungs pa/ sku la zhes pa la sogs pa'o/ /sku la zhes pa ni rnam par snang mdzad la'o//sku'i dngos po nyid ces pa ni de'i rang bzhin gyis zin pa'i spyan ma la sogs pa'o/ /de bzhin du thugs la sogs pa la yang sbyar bar bya'o/ /lha mo de rnams kyang spro ba'i dus su dbu rgyan dang ldan par spro ba'o/ /de bzhin du ye shes kyi rnam par dag pa'i dbang du byas pas na 'jug pa la sogs pa rung gi/des bde ba mchog gi rkyen du gyur pa'i phyir rang gi lha mo la thim pa'o/ /sa la sogs pa rnam par dag pa'i dbang du byas pas na phyi'i mchod pa yang mi 'gal lo/ /de ltar mchod na gnas dang 'brel pa nyid du 'gyur bas na mchod pa'i gnas su 'gyur zhes so//da ni las khyad par can rnams dkyil 'khor gyi 'khor lo la gnas te sgrub pa gsungs pa/ dkyil 'khor chen po'i 'khor lo zhes pa ni lha bcu dgu dang ldan par ro/ /rdo rje lha rnams zhes pa ni bde bar gshegs pa rnams dang /de'i rigs rnams bsgom par bya'o zhes so/ /de'i dbus su bdag po las kyi bye brag gis gang yang rung ba bsams nas de yang rdo rje gsum dang ldan pa'i rang bzhin pas na/ sku gsum rdo rje dag gi gzugs/ /zhes te dkar po la sogs pa kha dog dang /rig pa dang ldan pa'i sngags dang / ye shes dang ldan pa'i yid la byed pa'i sbyor bas bsdus pa'o/ /de nyid gsungs pa/ rang sngags rdo rje'i gzugs dag ni/ /zhes te rang gi sngags las skyes pa'i 'khor lo'i gzugs bsgoms nas rtag pa la sogs par dkyil 'khor rnam pa bzhi dag dang /dkar po la sogs pa'i kha dog rnam pa bzhir brtags la bdag po'i snying gar ye shes sems dpa' dang / sngags oM la sogs pa'i don bsgom pa ste/ 'dod pa snying gar gzhag pa la sogs pa byas pas zhi ba la sogs pa rdo rje rnam pa bzhi'i rnal 'byor pa bsam gtan rdo rje la gnas pas byed ces so//gzhan dang thun mong ma yin pas na/ gsang ba rab tu bzang po yin/ /zhes so/ /da ni lhag pa'i mthu dang ldan pas skye bo'i bsam pa'i dbang gis las so so'i nges pa bstan pa'i bkra shis pa'i lha bzhi gsungs pa/zhi ba zhes pa la sogs pa'o/ /spyan gyi tshul zhes pa ni de'i bdag po ste dkar po bsam pa'o/ /rdo rje pad can ni snang ba mtha' yas te rgyas pa la ser por bsam pa'o/ /rnam par snang mdzad gnas zhes pa ni/ rnam par snang mdzad kyi gnas su las gzhan la don yod grub pa'i dmar por bsam par bya'o//rdo rje khro bo zhes pa ni rdo rje rigs rnam par khro ba ste mi bskyod pa'o/ /gsang ba sku gsum zhes pa ni rdo rje 'dzin pa'o/ /de las byung ba ni sngags rnams kun gyi sprul pa ste/ 'gro ba'i don du las bzhi spros pa'o//de'i don du spyod pa nyid rol mo ste des rgyas btab pa'i phyir na mtshan ma'o/ /da ni mngon spyod kyi yul gsungs pa/ ma dad ces pa la sogs pa'o/ /ma dad pa ni byang chub kyi sems la'o/ /smra ba'o zhes pa ni dkon mchog gsum la log par smra ba'o/ / rdo rje slob dpon smod pa zhes pa ni bla ma la sgo gsum gyis gnod pa byed pa'o/ /gdug pa'i sems can gzhan zhes pa ni pha gsod pa la sogs pa lam log par ltung bar nges pa la 'og nas 'byung ba'i bar du bskul ba 'di bya'o zhes so/ /ye shes chen po ni gong ma ltar ro//rdo rje ni de bzhin gshegs pa'o/ /de rnams kyang 'khor lo dang ldan pas na 'khor lo'o/ /dri ma dang ldan pa'i yul de'i kha sbyor 'byed pa'i cho ga gsungs pa/ khams gsum zhes pa la sogs pa'o/ /khams gsum gang ba'i sems can rnams 'og nas 'byung ba ltar sangs rgyas dang byang chub sems dpa'i skur bsgoms la gzhan 'og nas 'byung ba ltar bya'o//de nas/ dgra rnams dbye ba byas nas su/ /zhes te khyad par dang thun mong gi srung ma dang 'og nas 'byung ba ltar dbye ba byas la de khang stong ltar rnam par gnas pa de la 'og nas 'byung ba ltar las rnams rab tu bsgrub ces pa'o//da ni mi bskyod pa'i rnal 'byor pas mngon spyod kyi cho ga bsam gtan las byung ba gsungs pa/ nam mkha'i zhes pa la sogs pa'o/ /nam mkha'i dbyings ni chos kyi 'byung gnas nang gzhal yas khang brtsegs pa'i dbus dag tu zhes so//rdo rje rtse lnga kha bzhis zhes pa ni rtse gcig la phyogs bzhir gdengs ka'i rtse mor ldan pa'o/ /'dir sna tshogs rdo rje la mi sbyar gyi/ de'i byed pa ma yin pa'i phyir ro/ /rnam pa'i mchog rnams ni mtshan dang dpe byad du ldan pa'i rdo rje sems dpa' bsgom zhes te/sngar dang po'i mgon po las gyur pa'i sa bon las ji skad du gsungs pa'i rdo rje sa bon dang ldan par bsgoms te/ de'i 'od zer gyis bde bar gshegs pa la bsgrub bya'i skyon brjod pas thams cad mi bskyod pa khros nas slar bsdus te thim pa las gyur pa'i mi bskyod pa shin tu khros par bsgom mo//dus gsum dam tshig ni cho ga dang po 'grub pa'i rgyu'o/ /de las byung ba'i cho ga la sogs pas/ sangs rgyas 'khor lo rnam bsgoms la/ /zhes te rtag pa la sogs pa yang de bzhin du rnam par bsgom par bya'o zhes so//sangs rgyas 'khor lo zhes pa ni sangs rgyas thams cad kyi rang bzhin gyi mtshan ma gong du gsungs pa mthu chen po dang ldan pa'i drag po mi bskyod pa de'i lag pa g.yas par gzung bar bya zhes so/ /de bzhin du phyag mtshan gzhan rnams kyang bzung bar bsams nas/de nas phyogs bcu nas byung ba'i sems can ji snyed pa rnams sangs rgyas kyi sku zhi ba'i bye brag gis bsdus nas 'od kyi gong bu'i tshul du rang gi sku gsum ste lus ngag yid gsum la gzung ngo zhes so/ /de nas oM AHbadzra d+h+r-ika che ge mo mA ra ya phaT hUM zhes brjod pas sangs rgyas ye shes rdo rje can rnams rang gi lus las slar yang spro bar bya'o zhes so//ji lta bu'i gzugs su spro zhe na/ khro bas zhes pa la sogs pa'o/ /de yang sems khro bas 'khrugs pa'i khro bo shin tu mi sdug cing 'jigs su rung ba srin po la sogs pa'i gzugs sta re dang tho ba la sogs pa mtshon cha sna tshogs 'dzin pa/gsod pa'i don 'ba' zhig sems pa gang gsod na dkon mchog la gnod pa la sogs pa'i gdug pa rnams gsod pa dang / gdug par gyur na rdo rje sems dpa' yang gsod pa'i gzugs sna tshogs par spros nas 'og nas 'byung ba ltar bya'o zhes pa ni man ngag go//sangs rgyas sku gsum dam tshig ces pa ni sbyor ba ste/ de bsrung bar bya'o/ /de lta bu'i rdo rje gsum gyi dkyil 'khor la gnas nas nyi ma bdun du byas na/ bsgrub bya bshig pa'i las byed pas na/ sangs rgyas dngos grub ster bar 'gyur//zhes so/ /las ma byas na bka' las 'das pas na rmongs pa'o/ /gzhan ni go sla'o/ /rdo rje dam tshig ni mi bskyod pa'o/ /de'i 'khor lo ni dkyil 'khor pa rnams so/ /de rnams kyang ye shes par bka' stsal pa ni bka'i 'khor lo ste/bsgrub bya'i rgyud la 'jug pa'i phyir ro/ /da ni ri mo'i dkyil 'khor bri ba'i gsol ba gdab pa'i de ma thag tu lus ngag yid gsum gyi sbyor bas sa gzhi la gnas pa'i bgegs bskrad pa gsungs pa/ nam mkha'i zhes pa la sogs pa'o/ /'khor lo rdo rje 'bar bas brgyan//zhes pa ni ji skad gsungs pa'i gzhal yas khang du dkyil 'khor gyi 'khor lo gang gis kyang mi shigs pa rnam par bsams la/ de'i dbus su rnam pa'i mchog dang ldan pa'i rnam par snang mdzad ces pa ni rang rang gi sbyor ba dang mthun par mdzad pa ste rang gi lha'o/ / de yang dus gsum gyi dam tshig las byung ba ni rgyu rdo rje sems dpa' ste/ de'i rgyur sngon du bsams nas zhes so/ /dbyer mi phyed cing gdug pa rnams 'joms pas na/ rdo rje me stag 'od 'phro ba can zhes te mtshan ma thams cad do/ /de'i phyag g.yas par bsnams par bsgom zhes so//de nyid khro bo'i gzugs su mig dang rkang pa la sogs pa byin gyis brlabs nas so so'i spyod pa'i tshul khyad par gyis gar byed cing rdo rje dril bu dang ldan pas bskor bar bya'o/ /dkyil 'khor sprul pa ni phyogs bcu zhes pa la sogs pa ste gong ma dang 'dra'o//lha'i rang bzhin du gnas pa'i sku dang ye shes mchog la gnas pas bya'o zhes so/ /lung gi bsgo ba ni sku gsung zhes pa la sogs pa'o/ /g.yas brkyang ba la sogs pa'i tshul spyod pa ni sku'i sbyor ba'o/ /'jig pa'i dus kyi 'brug lta bu'i hUM gi sgra sgrogs pa ni gsung gi sbyor ba'o//dngos po thams cad zab mor dmigs pa ni thugs kyi sbyor ba'o/ /de dang ldan pa'i bdag la gson/ /zhes sbyar ro/ /de nas 'og nas 'byung ba'i rim pas phur bus btab nas sa bsrung bar bya'o zhes so/ /bka' stsal pa'i 'khor los gzhan dam tshig 'da' mi nus pa'i ye shes rdo rje ste/ting nge 'dzin de la de skad ces bya'o/ /gzhan ni go sla bas ma bshad do/ /da ni gshin rje gshed kyi rnal 'byor pas mngon spyod kyi cho ga bsam gtan las byung ba gsungs pa/ sangs rgyas zhes pa la sogs pa'o//sangs rgyas dkyil 'khor 'khor lo can/ /zhes pa ni gzhal yas khang pa'o/ /de nam mkha'i rdo rje'i dbus su bsam zhes te chos kyi 'byung gnas su'o/ /de'i dbus su gong ma ltar/ gshin rje gshed kyi 'khor lo che/ /zhes te/ des gtso bo byas pa'i lha bcu dgu dang ldan pa'i 'khor lo bsgom ste de thams cad kyang gshin rje gshed las byung ba'i phyir na rang gi rdo rje yin par brtag ces so/ /ji skad du/ de yi dbus gnas gang yin pa/ /de yi 'khor lo de zhes bya/ /de bzhin gshegs pa'i bdag po yi//de gnas mi bskyod yang dag gnas/ /zhes bzang po zhabs kyis bsdus don las bshad do/ /dus gsum zhes pa la sogs pa ni mi bskyod pa'i rnal 'byor pa'i skabs bzhin du dpyad par bya ste go sla'o/ /spyi'i dam tshig thams cad ni me long lta bu'i ye shes so//de las byung ba ni sku gsum mnyam pa'i mchog ste rnam par snang mdzad do/ /de'i rigs las skyes pa'i khro bo ni gshin rje gshed do/ /de'i sbyor bas gang la rgyas 'debs pa ni ye shes rdo rje zhes bya ba'o/ /da ni tshogs sog pa'i rnal 'byor pas rdo rje'i sa gzhir skad cig gis 'khor bar byed pa'i 'khor lo khro bo bcu bsgom ste/de'i lte ba la bsgom pa gsungs pa/ sku gsung zhes pa la sogs pa'o/ /sku gsung thugs kyi rdo rje zhes pa ni rtag pa dang 'od dpag med dang mi bskyod pa'o/ /rang sngags don gyi yon tan ni stobs la sogs pa che ba'i yon tan ji snyed pa dang sems can gyi khams sna tshogs pa 'dul bar byed pa ste/rin chen dbang phyug dang don yod grub pa'o/ /yang na gtsug tor dam tshig ces pa ni/ 'og nas 'byung ba'i gtsug tor bdun gang yang rung ba'o/ /de rnams kyang ye shes chen po dang ldan pas na ye shes rdo rje can gyi sku'o//des sngags pa rnams bsrung ba'i phyir bka'i 'khor lo ste/ bka' stsal pas de'i las byed pa'i phyir na bskul bar bya'o/ /byang chub bsrung ba don chen bya/ /zhes pa ni rang la ye shes 'khor lo 'jug par byed pa'i bgegs rnam pa gnyis bsal bas/gal te drag po la sogs pa'i bgegs kyi rgyu gang la yod pa de bsal yang / theg pa chung ngu'i bgegs ni thar pa chen po la sgrib par byed pa ste/ de yid la byed pas gzhan la blo mi 'jug pa ste/ sku skyed pa thams cad kyi dang por 'gro ba'i phyir ro zhes so//de rnams gnas gyur pa las dang po'i mgon po ste/ de las ji skad du gsungs pa'i chos rnams 'byung ba bskyed do zhes sbyar ro/ /dam tshig gsum ni rdo rje gsum mo/ /mi phyed pas na rdo rje'o/ /rtag pa las byung ba'i gzhal yas khang du gdan bsgom pa gsungs pa/nam mkha' zhes pa la sogs pa'o/ /chos ni zhes pa ni dran pa nye bar gzhag pa la sogs pa rnam par dag pa'i gzhal yas khang ngo / /de yang snang mdzad sku mchog las byung ba'o/ /de nyid rdo rje gsum gyi ngo bo las mi 'da' bas na sku gsum dam tshig dag bsam pa'o//de'i nang du gdan ni rab tu brtag /ces pa ni 'gro ba thams cad dbyer med par ston pa dang / de la skyon gyis ma gos pas na sna tshogs pad+ma'i gdan bcu dgu'o/ /mi dge ba'i 'dam rdzab skems pa dang /dge ba'i rtsa ba'i myu gu smin par byed pa'i phyir nyi ma'i gdan bdun no/ /nyon mongs pa'i tsha ba bsil bar byed pa dang / byang chub kyi dge ba'i myu gu gso bar byed pa'i phyir zla ba'i gdan bcu gnyis kyis brgyan pa'o/ /rdo rje sa bon dang ldan pa bsgom pa'i de ma thag tu spro bsdu dang ldan par nga rgyal ba gsungs pa/nam mkha'i dbyings zhes pa la sogs pa'o/ /de yang sa bon las 'phros pa'i sangs rgyas thams cad kyis mkha' dbyings yongs su gang bar bsgom mo/ /rang sngags yi ge zhes pa ni rdo rje'i bum par chud pa'i yi ge'o//ye shes dam tshig ces pa ni ji ltar de bzhin gshegs pa thams cad de ltar bdag gis rang bzhin no zhes bsdu ba'i de ma thag tu ye shes kyi tshig brjod pa'o/ /'phros pa des sems can thams cad kyang sangs rgyas nyid du byas nas byed pa po dang bcas par rab tu bsdu zhes so//ci'i phyir zhe na/ thugs kyi rdo rje yin pa'i phyir/ /zhes te de las byung ba'i phyir ro/ /sku gsum las ni zhes pa ni hUM la'o/ /de dag gzung nas nga rgyal bya'o zhes pa'o/ /des ni bya ba nan tan gyi ye shes kyang bstan to/ /sems can rnams kyis cho ga bzhi pa 'grub par byed pa'o//sku dang gsung dang thugs rdo rje ni rdo rje 'chang ba'o/ /rdo rje ni rtse lnga pa'o/ /de'i sngags ni bum pa la gnas pa'o/ /de nyid rin po che ste don 'byung ba'o/ /des gzhan gyi don rab tu snang bar byed pas na de skad do//da ni zhi ba la gnas pa'i cho gas rdo rje rgya mtsho rkang pas bcag pa gsungs pa/ rnam pa'i zhes pa la sogs pa'o/ /rdo rje sems dpa' rab tu bsgom/ /zhes pa ni sgrub pa chen po'i skabs su chung ngu'i rdul phra mo'i steng du bdag nyid bsgom mo zhes pa'o//chu nyid ji ltar bsam zhe na/ sangs rgyas rim par bkod nas ni/ /zhes pa ni rdo rje 'dzin pa las byung ba'i sa bon lnga las bde bar gshegs pa lnga ji lta ba bzhin du bkod nas bsnyen sgrub gsum gyis bsgrub par byas pa'i chu'i steng du bcag par bya zhes so//ji ltar bcag par bya zhe na/ rkang pa mnyam gzhag sbyor ba yis/ /zhes te thabs dang shes rab mnyam par gzhag pa'i sbyor ba ni lte ba la rnam par gnas la/ de'i rkang pa bzhis rnam par snang mdzad la sogs pa'i/ spyi bo'i steng du rkang pa bsgom//zhes so/ /de ltar na nye ba'i mtshan ma la sogs pa mthong nas lhag par gnas pas na phyogs thams cad kyi chu'i steng du 'gro nus par 'gyur ro/ /chos thams cad rang bzhin gyis dag pas na lha rnams kyi spyi bo na gnas pa mi 'gal bas na ngo bo nyid dag pa zhes phyogs gcig tu brjod do//rgya mtsho la sogs pa de bzhin gshegs par bskyed pas ni rdo rje rgya mtsho'o/ /de dag gi rkang pas gnon pa la de skad ces bya'o/ /da ni pha rol gyi ngag gnon pa'i cho ga gsungs pa/ dbang chen zhes pa la sogs pa'o//de yang ming gi yi ge dang po las bskyed pa'i bsgrub par bya ba'i spyi bor laM las dbang chen gyi dkyil 'khor ser por bsams nas/ de'i steng du haM las las kyi rdo rje pad+ma la gnas par bzhag la gzhal yas khang bsams nas de'i dbus su khro bo'i rigs kha dog ser po 'khor lo dang ldan par bzhag nas gnon par bsgom mo//des spobs pa shin tu zhan par 'gyur ro/ /smrar mi gzhug par bya ba'i phyir rkan gyi phugs su haM las las kyi rdo rje bskyed pa'i kha bzhis spyi bo dang / rna ba gnyis dang / lkog mar phug ste bsgoms pas de ltar 'gyur ro//mu stegs can ni nam mkha'i gos can la sogs pa'o/ /phas kyi rgol ba ni phyir rgol ba thams cad do/ /de'i gnod par byed pa nyid rdo rje'o/ /dpung gnon pa'i cho ga gsungs pa/ rdo rje gsum mchog ces pa ni dkyil 'khor pa rnams te/khro bo'i ji lta bu zhe na/ pad+mo ser po'i mdog 'dra ba che chung gi tshad ri'i rgyal po ltar bsams nas zhes so/ /de dpung rnams kyi spyi bor snga ma bzhin du ri rab kyi steng du bsgoms pas dpung sa'i 'og tu bying bar 'gyur ro/ /gal te khro bo rnams rgyab kyis phyogs par bsams na 'bros par 'gyur ro//gal te dpung phyir log nas lha mdun gyis bltas na rengs par 'gyur ro/ /gnyis ka mdun gyis bltas na pha rol po brgyal bar 'gyur ro/ /de bas na sbyor ba'i nus pa yang / /sangs rgyas dpung yang zhes pa la sogs pa'o//sku dang gsung dang thugs rdo rje ni rdo rje gsum mo/ /de las byung ba khro bo rnams so/ /de dpung thams cad de pha rol gyi sde bdag gi phyogs su gnon pa'o/ /de gnon pa de la de skad ces bya'o/ /dpung phur bus gdab pa gsungs pa dgra bo zhes pa la sogs pa'o//dgra bo zhes pa ni pha rol gyi dpung ngo / /bskrad pa'i dus zhes pa ni rmongs par bya ba'i phyir ro/ /bsam gtan 'og nas 'byung ba 'dis sangs rgyas dag gis kyang las ma byas na 'gas par 'gyur zhes phul du byung ba'i phan yon no/ / ji ltar zhe na hUM las zhes pa la sogs pa'o/ /de yang hUM las gyur pa'i phur bu bsam gtan gyis bsgom pa ni/ rtse mo lnga pa'i tshad du steng rtse lnga pa 'og rtse gcig pa tshad sor brgyad pa bsams te/ ming gi yi ge dang pos bskyed pa'i bsgrub par bya ba thams cad kyi snying gar rdo rje phur bu des btab cing khro bas g+ha g+ha g+ha ta'i phreng ba'i sngags bzlas shing thams cad la phog par bsams pas/sangs rgyas kyi dpung dag kyang 'jig na gzhan lta smos kyang ci dgos zhes so/ /rmongs par byed pa ni 'chi ba 'am rgol mi nus pa'o/ /da ni zhi ba'i las kyi rim pa gang zag mang po'i nye bar 'tshe ba gzhil ba'i cho ga gsungs pa/grong ngam zhes pa la sogs pa'o/ /khyim lnga phan chad grong zhes bya/ brgya phan chad la grong khyer ro/ /gro lam tsam du 'dab chags su gnas pa la ljongs zhes bya'o/ /nad kun spong pa'i zhi ba yang //zhes pa ni sems can de na gnas pa kun gyi nad spangs pa ste/ sbyor ba 'dis rtag tu sbyar bar bya zhes so/ /sbyor ba de nyid gsungs pa/ rdo rje zhes pa la sogs pa'o/ /de yang nad kyis gang ba'i sems can rnams kyi gnas kyi bar snang gi phyogs su hUM las byung ba'i de bzhin gshegs pa lnga'i bdag nyid rdo rje rtse mo lnga pa bum pa la rtag pa'i 'khor lo dang ldan pa'i bskal pa sreg pa lta bu'i 'od zer 'phro ba bsams nas zhi ba'i sngags bzlas pa'i rnal 'byor pas 'od zer gyis 'gro ba'i nad rnam par bsregs te 'od zer de nyid slar yang rab tu bsdu bar bya'o zhes so//de nas spyan ma'i sngags bzlas pa'i rnal 'byor pa'i nor bu rin chen te/ spyan ma la sogs pa bdud rtsi'i bum pa 'dzin pa'i 'od zer rnams spro ba dag kyang bya'o/ /des 'od zer dbab pa dang dbang bskur ba yang stsol lo zhes sbyar ro//de 'ba' zhig ma yin te rdo rje gsum gyis dbang bskur bar bya'o zhes gsungs pa/ sangs rgyas zhes pa la sogs pa'o/ /sangs rgyas sprin rnam par snang mdzad kyi tshogs so/ /rdo rje sems dpa' ni mi bskyod pa'i tshogs so/ /chos kyi brjod pa'i zhes pa ni 'od dpag med kyi tshogs so//de rnams kyang bdud rtsi'i bum pa bzung bas 'od zer dbab pa dang dbang bskur bstan par bya'o zhes so/ /de ltar byas pas sangs rgyas par gsungs pa/ rdo rje bsam gtan zhes pa la sogs pa'o/ /dgang dka' ba yang rab tu 'gengs/ / zhes pa ni nyams stobs dang bang mdzod la sogs pa'o/ /des kyang sbyin pa'i char 'bebs pas na/ yid bzhin nor bu dang 'drar 'gyur/ /zhes so/ /de'i phan yon gsungs pa/ bskal pa zhes pa la sogs pa'o/ /gsang ba rdo rje gsum gyi ngo bo bas gsal ba'i sku ste lha rnams so//de nyid kyis na skyon med pa ste gzung 'dzin dang bral ba ji snyed pa'o/ /sems can ni grong la sogs pa na gnas pa'o/ /de'i nad thams cad med pa ni sbyor ba de'o/ /bar snang gi rdo rje las byung bas na de skad do/ /bdud rtsi 'khyil pa'i phur bus bgegs kyi 'tshe ba bzlog pa gsungs pa/yid dam bcas ces pa la sogs pa'o/ /yid dam bcas pa rdzogs nas kyang / /zhes pa ni gong du yul gyi 'tshe ba nye bar zhi bar bya ba'i sbyor ba rdzogs pas/ /gal te glo bur du nye bar 'tshe ba byung na sngags kyi gnas su spyad par bya'o zhes so//ji ltar zhe na/ rdo rje bdud rtsi zhes pa la sogs pa'o/ /de yang rdo rje bdud rtsi 'khyil pa nyid rdo rje ste/ phur bu sku stod zhal gsum pa phyag drug pa'i bdag nyid la sku smad lcags kyi phur pa zur gsum pa'i gzugs su rab tu bsgoms la gdab pa'i sngags kyis gang yang rung bar btab pas de las me stag 'bar ba'i 'od 'phros pas/de nyid de las gyur pas phyogs bcu'i dkyil 'khor na gnas pa'i bgegs kyi tshogs thams cad la gdab par bya'o zhes so/ /sa bsrung ba la yang de ltar ro/ /bsam gtan gyi bsrung ba la ni hUM las byung ba'i 'od zer gyis bskyed nas mtshams kyi phyi rol du gtams par bsam mo//rdo rje gsum gyi las byed pa las mi 'da' bas na rdo rje gsum gyi dam tshig ste bdud rtsi 'khyil pa'o/ /skye 'gro ni khyab 'jug la sogs pa'o/ /de gang gis gdul byar byed pa nyid snying rje ste bdud rtsi 'khyil ba'i phur bu'o//de'i ting nge 'dzin la de skad ces bya'o/ /da ni rtag pa'i rnal 'byor pas zhi ba'i cho ga gsungs pa/ mdangs bzang zhes pa la sogs pa'o/ /de yang gong du gsungs pa'i rim pa ji lta ba bzhin du byas pa'i rnal 'byor pas bsrung ba'i nang du/nam mkha'i dbyings kyi dbus su gzhal yas khang pa rnam par bsams nas/ rdo rje 'dzin pa las gyur pa'i rnam par snang mdzad kyi gzugs kha dog dkar po mdangs bzang ste/ zla ba'i dbus su bsams nas de'i cho ga rdzogs pas dkyil 'khor gyi 'khor lo yang de bzhin du bsams nas/bdag gi ye shes sems dpa'i thugs kar zla ba la 'dod pa gzhag ces te/ zhi ba'i yul nad la sogs pa zhi bar 'dod pas gzhag par bya'o zhes/ de nas 'og nas 'byung ba'i spyan ma'i sngags yi ge gsum gyi bar du chud pa bsgrub bya'i ming dang ldan par bzlas pa 'am/de bzhin du mtshan sngags sam sa bon bzlas pas spyan ma la sogs pas nam mkha'i dbyings gang bar bsgom mo/ /de rnams 'od zer lnga'i gong bu'i tshul gyis bsdus nas nad pa'i lus la 'od zer de dbab par byas pas nad bsal zhing yan lag rgyas par 'gyur ro//yang oM AHdzi na dzika che ge mo shAn+tiM ku ru hUM swAhA zhes pa 'am sa bon bzlas pas ba spu'i bu ga nas sangs rgyas rnam par snang mdzad kyi sprin rnams spro bar bya'o/ /sangs rgyas kyi sprin rnams kyis de'i tshe phyag na bdud rtsi'i chu rgyun gyis bkang ba'i bum pa 'dzin pas de la phyir mi ldog par bya ba'i phyir dbang bskur rab tu stsol zhes so//nad zhi ba 'ba' zhig tu ma zad kyi/ dpal ldan rdo rje 'dra bar 'gyur/ /zhes so/ /sangs rgyas ni rtag pa'o//dam tshig ni spyan ma'o/ /bkod pa ni mang po 'dus pa'o/ /snying rje'i rlan yod pas na sprin zhes bya'o/ /'od dpag med kyis rgyas par bya ba gsungs pa/ nam mkha'i zhes pa la sogs pa'o/ /de yang gong ma ltar khang pa brtsegs ma'i nang du laM las dbang chen gyi dkyil 'khor gru bzhi pa kha dog ser por bsams la/de'i steng du nyi ma la chos 'dzin pa ste/ snang ba mtha' yas gong ma ltar 'khor lo dang ldan pa kha dog dmar por bsam par bya'o/ /de'i ye shes sems dpa'i snying gar zla ba la 'dod pa gzhag ces te tshe dang chos dang nor rgyas par 'dod pa'o//de nas 'og nas 'byung ba'i gos dkar mo'i sngags la sogs pa bzlas pas nam mkha'i khams na bza' dkar mo la sogs pas gang ba'o/ /de rnams kyang 'od kyi gong bus bsdus na yid bzhin nor bu ste zhes so/ /ji ltar sdud na/ lus dang ngag sems gnas la zhes te spyi bo dang mgrin pa dang / snying gar bsdu zhing 'dod pa 'od zer de la gzhag par byas pas thams cad rgyas par 'gyur ba'o/ /yang oM AHA ro l-ika che ge mo puSh+TiM ku ru hUM zhes pa'i sngags sam/ sa bon bzlas pas ba spu'i bu ga nas rin chen zhes rin po che'i char 'bebs pa ste/snang ba mtha' yas kyi sprin spro bar bya'o/ /de nyid gsungs pa/ spros te chos sku zhes te snang ba mtha' yas de nyid rgyas par byed pas na de rnam par bsgoms nas chos kyi sprin des bdud rtsis bkang ba'i bum pa 'dzin pa de la zad pa med par bya ba'i phyir dbang bskur rab tu stsol zhes so//de ltar byas na bkra shis par 'gyur zhes gsungs so/ /rdo rje bsam gtan zhes pa la sogs pa'o/ /chos kyi sprin ni snang ba mtha' yas so/ /dam tshig ni dkar mo'o/ /de mang po 'dus pa ni bkod pa'o/ /don yod grub pa'i rnal 'byor pas dbang du byed par 'dod pa la nus pa sbyin pa gsungs pa/nam mkha'i zhes pa la sogs pa'o/ /de yang gong ma ltar khang pa brtsegs ma'i dbus su gnas pa rdo rje dkyil 'khor zla gam bsam zhes pa ni zla ba phyed pa'i rnam pa lta bu'i nyi ma'i dkyil 'khor te rlung gi dkyil 'khor ni ma yin no//de gong ma ltar rdo rje mkha' zhes pa ni don yod grub pa ste/ chos mchog gzugs zhes pa ni snang ba mtha' yas ltar 'khor lo dang ldan pa dmar por bsams nas/ de'i ye shes sems dpa'i snying gar gzhan dbang du byed par 'dod pa ni gzhag par bya zhes so//de nas oM AHpradz+nyA d+h+r-ika che ge mo'i ba shaM rA ga pa shaM ku ru hUM hoHzhes brjod pas ba spu'i bu ga las sangs rgyas dang byang chub sems dpa'i gzugs kyis nam mkha'i khams thams cad yongs su gang bar bya'o zhes so/ /de rnams kyang 'od zer lnga'i sbyor ba yis/gang zag de la gzi brjid dbab par bya'o zhes so/ /des cir 'gyur zhe na/ de ni zhes pa la sogs pa'o/ /las thabs byed par zhes pa ni 'dod pa'i las kun gzhan gyis byed pa'o/ /dga' bas myos pa'i dbang po ni brgyal ba'o/ /de dgyes nas las thabs chen po yang rab tu gsol zhes so//de bzhin du bud med la sogs pa bskul ba ma byas kyang mthong ba tsam gyis dbang du 'gyur zhes so/ /rin po che ni don yod grub pa'o/ /de'i dam tshig ni sgrol ma'o/ /de'i sprin bkod pa ni gong ma ltar ro/ /da ni gong du gsungs pa'i mngon spyod dang 'brel ba'i las gsungs pa/nam mkha'i zhes pa la sogs pa'o/ /de yang sangs rgyas kyi sku zhi ba'i bye brag gis bsdus pa rnams slar spro bar bya ste/ ji lta bu zhe na/ skra 'greng ba ro langs kyi gri dang ka pA la 'dzin pa'i srin po dang lus la sogs pa rno zhing tsha ba'i khro bo drag cing gtum po dang /de bzhin du sgra 'byin pa'i wa dang bya rog sna tshogs dang / bya rgod lcags kyi mchu can dang / khyi lcags kyi mche ba can gyis gang bar bsgom zhes so/ /des bskal pa'i me bzhin du 'bar ba'i me'i dkyil 'khor gru gsum la gnas pa sangs rgyas kun la gnod pa byed pa'i 'og nas 'byung ba ltar bsams nas/skrag cing 'jigs pa'i bsgrub bya kha sbyar ba byas pas srog bye ba skra grol ba snum gyis byugs pa gzi brjid dang bral ba la bsams nas rnal 'byor 'di sbyar bar bya'o zhes so//de las dang mthun pa'i sngags bzlas pas gong ma lta bu spros pas de de rnams kyis mtshon cha sna tshogs thogs pas gcod par byed cing rgyu ma la sogs pa thams cad drangs par bsgoms pas dkon mchog la gnod pa byed pa'i dgra rnams 'chi zhes so/ /de nas bar srid drangs pa la sogs pas mi bskyod par bskyed nas srung ma gtad pa la sogs pa byas pas mngon dga' skye bar 'gyur bas na gnyis ka dag pa'o//sbyor ba de'i nus pa yang gsungs pa/ de ltar zhes pa la sogs pa'o/ /rdo rje ni mi bskyod pa'o/ /de'i dam tshig ni rigs las byung ba'i srin po la sogs pa'o//de'i sprin bkod pa ni gong ma ltar te/ de las byed pa la de skad ces bya'o/ /da ni rnam par snang mdzad la sogs pa'i zhal la sogs pa bshad pa dran par bya ba dang / ma bshad pa rnams bshad par bya ba'i phyir gsungs pa/rnam par snang mdzad ces pa la sogs pa'o/ /ston ka'i 'dam bu zhes pa chu'i sgo nga'o/ /rdo rje can ni mi bskyod pa'o/ /zhe sdang gi rang bzhin pas na 'jig rten khams rnams 'khrug byed pa'o/ /'dod chags can ni snang ba mtha' yas so/ /'dod chags kyi rang bzhin pas na longs spyod can zhes so//de rnams kyi g.yas par ma'i mtshan ma gsungs pa/ 'khor lo zhes pa la sogs pa'o/ /de rnams kyang phyag drug pa bsgoms zhes so/ /bzang po mtshon cha sna tshogs bsnams/ /zhes pa ni le'u dang por bshad pa'o//'dir sangs rgyas gsum po nyid gsungs pa ni sku dang gsung dang thugs nyid gtso bor bstan pa'i phyir ro/ /de bas na gnyis po yang le'u dang po las bshad pa ltar shes par bya'o/ /spyan ma la sogs pa'i gsungs pa/ spyan ma zhes pa la sogs pa'o//phan pa zhes pa ni byams pa'i rang bzhin pas so/ mdzes pa'i gzugs ni lha'i bu mo'i cha lugs 'dzin cing 'jo sgeg gi ros rnam par brgyan pa'o/ /mkhas skyes spyan ni rgyal mo che/ /zhes pa de bzhin nyid las byung ba'i lha mo'i shes bya'i rnam pa mkhyen par byed pa'i phyir mA ma kI'o//de bzhin du sku gsum las zhal gsum 'byung ba'i lha mos shes bya'i rnam par shes par byed pas na zhal skyes spyan ni rgyal mo che ste gos dkar mo'o/ /bzang mo 'phags ma sgrol ma'o/ /rdo rje mtshan pa'i ut+pal bsnams pa'o/ / gzugs kyi rdo rje ma la sogs pa ni le'u dang por shes par bya'o/ /khro bo bzhi'i gsungs pa/ khro bo chen po zhes pa la sogs pa'o/ /drag po zhes pa ni zhal rgod pa la sogs pa'o/ /drag po 'jigs pa ni lha chen po'o/ /de 'jigs par byed pa ni gshin rje gshed po'o//drag tu bzhad pa'i sgra gsang mtho ba sgrogs pas thub pa'i dbang po skrag par byed cing ri rab kyang sgyel bar byed pa'o/ /sbyor ba can zhes pa ni rnal 'byor dang ldan pas so/ /rdo rje mi 'chi zhes pa ni bdud rtsi 'khyil pa'o/ /'joms pa myur ba'i dpe/drag po 'khor lo 'bar ba 'dra/ /zhes so/ /rang bzhin du gtogs pa'i khro bo rnams ni bsam gtan dang ri mo'i dkyil 'khor gnyis bsrung ba la dgod pa dang / las kyi khyad par la dgongs pa'i phyir na gsungs pa/ Tak+ki'i rgyal po zhes pa la sogs pa'o/ / phyag bzhi zhes pa ni mtshan dang ldan pa smos pa'o/ /'khor lo ste zhes pa ni myur bar gdug pa 'joms pa la dpa' ba'o/ /'bar ba rnon po can du bsgom/ /zhes pa ni me'i 'od zer tsha zhing rno ba'i gzugs yod pa la de skad du/ rdo rje las byung ba ni de'i rigs so/ /zur gyis lta ba ni mig gcig zhi ba zhes pa ni gzhan la ltos pa'o//yi ge gcig ces pa ni gtsug tor bdun char sa bon gcig ste bruM kho nas bskyed ces so/ /shes rab mthar byed ni yi ge praM ngo / /pad+ma mthar byed ni yi ge ha'o/ /gzhan rnams ni hUM las bskyed pa'o/ / rtse gcig pa rnam par bsams pas na bsam gtan dkyil 'khor ro/ /de rnams la lnga ni mi bskyod pa lta bu'o/ /gtsug tor ni rin chen 'byung ldan lta bu'o/ /'dod pa'i rgyal po ni phyag na lcags kyu ral gri rin po che pad+ma 'dzin pa'o/ /dbyug pa sngon po ni dbyug pa ral gri rin po che pad+ma 'dzin pa'o//stobs po che gsal shing ral gri rin po che pad+ma 'dzin pa'o/ /mi g.yo mgon po ral gri rdo rje rin po che pad+ma 'dzin pa'o/ /gtsug tor 'khor los sgyur ba ral gri rin po che pad+ma 'dzin pa'o/ /gnod mdzes rdo rje ral gri rin po che pad+ma 'dzin pa'o//de dag kyang 'gying bag tu khro ba mche ba cung zad gtsigs pa sma ra can rin po che'i rgyan gyis brgyan pa sgom pa'o/ /spyir khro bo de thams cad kyang sna tshogs pad+ma'i steng na nyi ma'i gdan la g.yas bskum g.yon brkyang ba'i bar na sor nyi shu rtsa gnyis yod par bya'o zhes so/ / 'di rnams kyi bdag po'i nges pa ni so so'i sgom khog 'og tu shes par bya'o/ /gong du gsungs pa gtsug tor dam tshig ces pa bstan pa'i phyir/ gzi brjid phung po zhes pa la sogs pa gsungs so/ /de bzhin gshegs pa thams cad kyi 'od zer gyi rang bzhin pas na gtsug tor gzi brjid phung po'o//gang gis gnon par mi nus pa'i gtsug tor mnga' bas na gtsug tor rgyal po'o/ /gzhan yang sngags kyi 'khor lo can/ /zhes pa ni 'khor lo dang ldan pa'i gtsug tor drug ste/ de rnams kyi sku mdog dang phyag mtshan nges pa ni dpal rdo rje snying po rgyan gyi rgyud las shes par bya'o//dam tshig spyod pa 'di rnams zhes pa ni bgegs kyi gnod pa srung ba las mi 'da' ba'i phyir ro/ /so so dag tu zhes pa ni 'di rnams las gang yang rung ba'i re re bsrung ba'i don du bsgom par bya'o zhes so/ / khro bo 'di rnams dang mthun pa'i gsang sngags dang sbyor ba ni rgyud gzhan las bshad pa yin zhes so/ /khro bo de rnams kyi che ba yang / khro bo dag ni re re yang / /sprul pa gzhan dang mthun par 'byung bas na/ /mkhas pas shin tu khyad par 'phags/ /zhes so/ / da ni 'dod pa'i lha'i rnal 'byor pas rdo rje 'dzin pa la byung ba'i rang gi lhas sngon du bsnyen pa bya ba'i cho ga gsungs pa/ nam mkha' zhes pa la sogs pa'o/ /de'i don ni 'di lta ste ji skad du gsungs pa'i yon tan dang ldan pa'i sgrub pa pos ri la sogs pa yid du 'ong ba'i gnas byi dor byas nas der bde ba'i stan la 'dug ste/tha mal pa'i lus kyi snying gar zla ba sa bon bsgoms te/ de'i 'od zer gyis yul gsal bar byas nas tshangs pa'i spyod pa bzhi dmigs te rten gsal bar bya ba la sogs pa gzhan du mthong bas bsod nams kyi tshogs bsags te/ye shes kyi tshogs kyi don du dmigs nas bgegs kyi tshogs dgag par byas nas/ der spyi gzugs gyur pa las nam mkha'i dbyings te/ chos kyi 'byung gnas kyi dbus su rtag pa las byung ba'i gzhal yas khang pa bsams pa'i dbus su gsal ba'i dkyil 'khor te zla ba'i gdan bsam par bya'o//de'i steng du/ sangs rgyas gzugs ni rab bsgoms nas/ /zhes te/ ye shes lngas dang po'i mgon po cho ga bzhis bskyed nas/ des 'gro ba rnams sngags kyi snod rung bar bya ba'i cho ga rdzogs pas gnas gyur pa las/lha mo'i glus bskul bas sa bon la sogs pa'i rim pas rnam par snang mdzad rab tu bsgom/ /zhes so/ /ji lta bu zhe na/ gsal zhing zhes pa la sogs pa'o/ /me long 'dra ba las byung ba/ /zhes pa ni chos thams cad gzugs brnyan ltar shes pa ni me long lta bu'i ye shes te de byin gyis brlabs pa'o//rgyan rnams kun zhes pa ni gdu bu la sogs pas brgyan par bsams na sgrub pa po des byang chub thob ces so/ /de nas nye bar sgrub pa la sogs pas rgyas btab nas/bar gyi 'du byed la sogs pa'i cho ga rdzogs pas byang chub sems kyi dkyil 'khor bskyed de phyung nas/ gnas su gnas pa la 'khor lo gzhan dang gnyis su med par bya ba dang nye bar sgrub pa la sogs pas rgyas btab pa las/ bla na med pa'i mchod pas ma nyes par byas pas che ba'i dngos po thams cad kyi de bzhin nyid thig le la sogs pa bsgoms pas sems dbang du 'gyur bar bya'o//de ltar ting nge 'dzin gsum rdzogs pa'i rnal 'byor pa yan lag gzhan yang byas nas dus rnam pa bzhir goms par bya'o//de nyid la/ bsam gtan rdo rje rab bsgoms na/ /zhes so/ /sangs rgyas che ba'i bdag ces pa ni rnam par snang mdzad kyi phyag rgya chen po ste yul chad pa med pas na 'jig rten thams cad dbang du byed pa'o/ /tshe 'di nyid kyis thob par 'gyur zhes pa ni 'jig rten gyi chos brgyad spangs pa/'dod pa la ci rigs par spyod cing lus gnas par 'gyur ba tsam gyis chog shes pa'i rnal 'byor pas gong du gsungs pa'i sbyor bas rnal 'byor gong nas gong du 'gro bas rang gi rigs kyi dbugs 'byin pas mthong ba'i chos la mya ngan las 'da' bar 'gyur ro zhes bya'o//phyi ma rnams la yang de bzhin du sbyar bar bya'o/ /rnam par snang mdzad kyi dam tshig ni bza' ba dang bsrung ba'o/ /de sngon du 'gro ba'i sbyor ba ni 'byung ba'o/ /des 'bras bu mngon du byed pas na mdzes pa'i rdo rje'o zhes bya'o/ /rdo rje dkyil 'khor zhes pa ni de'i rigs kyi 'khor lo'o/ / rdo rje sems dpa' zhes pa ni zla ba la gnas pa'i rdo rje sems dpa' 'am/ nyi ma la gnas pa'i mi bskyod pa'o/ /de la mi bskyod pa ni zhe sdang gi rang bzhin pas na mche ba cung zad gtsigs pas na khro bo'o/ / rdo rje sems dpa' ni zla ba lta bu'i kha dog mnga' bas na gsal ba'i lus dang 'dra zhes so/ /sbyor ba 'dis nyon mongs sel bas na zhi ba'i bsam gtan no/ /rdo rje dam tshig dang / de las byung ba dang / zhal bzang ni gong ma ltar bshad do/ /chos kyi sems dpa' zhes pa ni snang ba mtha' yas so//gsal ba'i lus 'dzin zhes pa ni ban+du ka ltar gsal ba ste/ zla ba lta bu ni ma yin no/ /chos kyi bdag nyid che zhes pa ni bshad pa'i chos ni gsung gi ngo bo'o/ /ye shes rgya mtsho ni stobs la sogs pa'o/ /chos kyi sems dpa'i dam tshig dang 'byung ba dang spyan bzang rdo rje zhes pa yang gong ma ltar bshad do//rin chen dbang phyug dang don yod grub pa yang de bzhin du shes par bya'o/ /spyan ma la sogs pa bzhi'i sbyor ba yang gsungs pa/ zla ba zhes pa la sogs pa'o/ /thams cad kyis 'gran zla med pa'i zhal mnga' bas na zhal bzang ngo //byams pa'i spyan gyis 'gro ba thams cad nyi tshe bar gzigs pas na spyan ni rab tu yangs so/ /sgyu ma'i mchog ldan pa zhes pa ni steg pa dang rol ba la sogs pa'i sgyu ma'i bstan bcos shes pa'o/ /khams gsum la dbang ba'i ye shes ni gnyis su med pa ste de'i lam mo//spyan zhes bya ba mi 'da' bas na dam tshig gi phyag rgya ste/ des phyag rgya chen po thob par byed pas na mchog dang ldan pa'o/ /rdo rje dkyil 'khor zhes pa ni thugs kyi rnam par dag pa'i mA ma kI'i dkyil 'khor te rigs kyi bdag pos rnam par dag pa'o//rdo rje mchog gi dam tshig ces pa ni rdo rje'i rigs rnams kyis 'da' bar byas pa ma yin pa mA ma kI zla ba'i gdan la bsgom mo zhes pa'o/ /'gyur ba'i mchog ces pa ni de thob par byed pa'i lam zhes pa'o/ / mthing ga zhes pa ni dmar po zhes bsgyur ro/ /nam mkha'i 'od zer ni chos kyi dbyings so/ /de'i sprin ni mA ma kI ste snying rje'i rlan can no/ /de nyid rdo rje ste mi bskyod pa tshim par byed pa zhes bya'o/ /chos kyi dkyil 'khor zhes pa ni gsung gi rnam par dag pa'i gos dkar mo'i 'khor lo'o//'dod chags chags pas sdug pa'i mchog /ces pa ni de'i spyod pa mkhas shing ldem bag can du kun gyi yid du 'ong ba'o/ /dpral ba'i dbyes che ba la sogs pa'i mtshan nyid thams cad yongs su rdzogs pa'o/ /rdo rje chos ma zhes pa ni na bza' dkar mo zla ba'i gdan rab tu bsgom zhes so//chos kyi ye shes ni gnyis su med pa'i ye shes te de 'byung ba'i gnas su gyur pas na de skad do/ /ut+pal zhes pa ni rtags dbang gi tshig ste pad+ma la bya'o/ /chos kyi dam tshig ni gos dkar mo'o/ / de kho na nyid mngon par byang chub pa ni lhan cig skyes pa'i ye shes 'gyur ba med pa'o/ /de kun du ston pa rdo rje zhes bya'o/ /dngos grub dkyil 'khor zhes pa ni don yod grub pas rnam par dag pa'i sgrol ma gtso bo gyur pa'o/ /sgrol ma mchog ces pa ni mi slu ba la sogs pas tha mal pa las grol ba ste zla ba'i gdan la bsgom par bya zhes so//dam tshig sgrol mchog ni lha mo de'o/ /dbyer med pas na rdo rje'o/ /rdo rje dga' ma ni kun gyi dpal du gyur pas rgyal mtshan no/ /gzugs kyi rdo rje ma la sogs pa ni longs spyod kyi 'khor lo mnyes par byed pa'i dkyil 'khor gyi lha la dgod pa yin gyi/spyan ma la sogs pa ltar 'khor lo'i bdag po ma yin no/ /gshin rje gshed la sogs pa'i sbyor ba gsungs pa/ nyi ma'i dkyil 'khor zhes pa'o/ /phyag na ral gri ni mtshon pa tsam ste gzhan yang shes par bya'o//snang mdzad dbu rgyan la bsgoms na/ /zhes pa ni me long lta bur rnam par dag pa las byung ba'i phyir gshin rje gshed kyi longs spyod bzhi pa yin no/ /rdo rje can zhes pa ni gshin rje gshed do/ /de dam pa yang dag pa'i sangs rgyas su byed pas na dgyes par 'gyur ba'o//de khro bo kun 'da' bar bya ba ma yin pas na dam tshig go/ /gshin rje las ye shes kyi 'od 'phro ba snang ba nyid mnga' bas na bkod pa'o/ /gzhan gyis mi thub ces pa ni brtson 'grus rnam pa bzhis de'i skyon kho na med par byed pa'i phyir ro/ /'bar ba'i 'od zer mang po can//zhes pa ni nyi ma'i 'od kyi dkyil 'khor ro/ /gzhan rnams me'i 'og tu gnas pa'o/ /sbrul gyis brgyan cing ska rags byas/ /zhes pa ni gong ma ltar kun la shes par bya'o/ /rdo rje bgrod pa 'jigs 'jigs lta/ /zhes pa yang kun la shes par bya'o/ / gzhan gyis mi thub pa ni khro bo'o/ /de nyid de bzhin gshegs pa bkod pas na rdo rje bkod pa'o/ /rdo rje rta zhes bya ba bsgom zhes pa ni tshangs pa la sogs pa 'dul ba'i don du dbu la rta 'byung ba'i phyir ro/ /'gro ba rnams kyi don du dbu la rta 'byung ba srid pa'o/ /de nyid de bzhin gshegs pa mang po 'dus pas na rnam par bkod pa'o//rdo rje mi 'chi zhes pa ni bdud rtsi 'khyil pa ste ting nge 'dzin gyis rnam par rtog pa'i 'chi ba dang bral bar byed pa'i phyir ro/ /mi 'chi ba ni de nyid do/ /de bzhin gshegs pa rnams mi 'da' bas na dam tshig rdo rje'o/ / de rnams ni pad+ma mthar byed ni 'od dpag med kyis dbu brgyan te de'i rigs las skyes pa'i phyir ro/ /gzhan rnams ni mi bskyod pas dbu brgyan par shes par bya'o/ /da ni las kyi khyad par gyi skabs su 'dod pa'i rgyal po la sogs pa'i sbyor ba gsungs pa/ nyi ma'i dkyil 'khor zhes pa la sogs pa'o/rdo rje 'od gsal zhes pa ni rdo rje lta bu'i 'od de rnam par smin pa ma yin no/ /rang bzhin ni rtse gcig par byas pas na/ bsam gtan rdo rje ste 'dod pa'i rgyal po'o/ /de'i rdzogs par byang chub pa ni sbyor ba'o/ / stobs po che zhes pa ni gsang ba'i bdag po bas so/ /rdo rje gsum gyi gnas zhes pa ni de'i ngo bo dkyil 'khor gsum la gnas nas char 'bebs pas rgyan du byed pa'o/ /rdo rje gsum gyi stobs mnga' ba'o/ /de nyid de bzhin gshegs pa mang po 'dus pas na rdo rje bkod pa'o//rdo rje sngon po ni dbyug pa sngon po'o/ /khro bo rgya mtsho lta bu 'dug pa rnams bskyod pa'i rgyur gyur pas na rgya mtsho nag po skyod par byed ces so/ /rdo rjes mtshan pa'i dbyug pa thogs pas na rdo rje dbyug pa'o/ /de nyid 'da' bar bya ba ma yin pas na dam tshig mchog ste gong ma ltar bkod pa'o//mi g.yo mchog ces pa ni mi g.yo mgon po'o/ /khros shing 'jigs pa zhes pa ni g.yas pa'o/ zur gyis lta ba ni g.yon pa'o/ /gtsigs pa ni g.yas kyi mche ba gtsigs pa'o/ /zhags pa ni dgug pa'i las la zhes so/ / chos kyi dbyings kyi ye shes las byung ba'i phyir na rdo rje dbyings kyi dam tshig go/ /brtan zhing mi 'gyur bas na zhabs kyis gnon pa'o/ /de nyid gong ma ltar bkod pa'o/ /rig pa'i 'khor lo zhes pa ni gtsug tor 'khor los sgyur ba'o/ /'khor lo 'bar bas yongs su bskor//zhes pa ni me'i 'od kyi nang du 'khor lo 'bar bas bskor ba'o/ /steng du gnas pas na gtsug tor 'khor lo'o/ /gtsug tor gyi dam tshig ni khro bo'o/ /rim pa rnam par dag pas na rig pa'i stobs so/ /de bzhin gshegs pa'i 'khor 'dus pas na 'khor lo bkod pa'o//rdo rje gsum zhes pa ni gnod mdzes rgyal po'o/ /me lce rnon po 'bar ba'i sku/ /zhes pa ni/ sku las 'od 'phro ba rnams rno zhing tsha ba'i phyir ro/ /mi bskyod pa'i rang bzhin ni rdo rje'i dam tshig go/ /de la gsum pa rab tu 'byung ba ste skyes pa'o//de nyid gong ma ltar bkod pa zhes bya'o/ /de'i sbyor ba gang yin pa ni ting nge 'dzin to/ /de rnams ni mi bskyod pas dbu brgyan pa ste de'i rigs las byung ba'i phyir ro/ /de ltar na bla ma chen po'i dad pa'i lha ste 'jam pa'i dbyangs so/ /thabs kyi bdag po rdo rje 'dzin chen po ste/cho ga nyi shu dang ldan pa'i sgom khog bco lnga'o/ /de nyid lha re re'i dbang du byas pas cho ga brgyad pa bco lnga'o/ /de la yang gcig ni cho ga bzhir yang shes par bya'o/ /de ltar 'khor lo dang ldan pa'i sgom khog bco lnga la cha mthun pa dang / lhag par mos pa ma gtogs pa'i cho ga sum brgyar shes par bya'o/ /de bzhin dran pa gcig pa'i rnal 'byor pa'i cho ga brgya nyi shu rtsa bzhir shes par bya'o/ /de ltar na cho ga bzhi brgya nyi shu rtsa bzhis sngon du bsnyen pa bya ba bstan to/ /de rnams dang sgom khog bco brgyad la cho ga brgya nyi shu rtsa brgyad la cho ga gsum gyis bsnan na cho ga lnga brgya lnga bcu rtsa lngas sgrub pa byed par shes par bya'o//da ni khro bo rnams kyi sgrub pa la sogs pa'i las kyis rdo rje ye shes kyang 'grub pa gsungs pa/ sangs rgyas zhes pa la sogs pa'o//sangs rgyas 'khor lo bkod pa yis/ /zhes pa ni sangs rgyas gang yang rung ba'i rnal 'byor pas de'i 'khor lo bkod pa'o/ /des ting nge 'dzin dbyer mi phyed pa'i rang bzhin rdo rje lta bu'i ye shes rnams mngon du bya ba'i phyir zhes so/ /'gog pa ni bgegs rnams nye bar gcod pa'o//gang gis she na gong du gsungs pa'i khro bo rdo rje yis zhes so/ /des ci 'grub ce na/ rdo rje dkyil 'khor 'grub par 'gyur zhe na/ dbyer mi phyed pa'i lha'i 'khor lo de 'grub par 'gyur ba'o/ /rdo rje ni de bzhin gshegs pa rnams so/ /de las mi 'da' bas na dam tshig ni de'i rigs so//mang po 'dus pas na bkod pa'o/ /sku la sogs pa'i ngo bo nyid ni de kho na nyid do/ /de'i don bsgom pas bzlas brjod do/ /de nyid mngon par byang chub pa'i rgyu bas na mngon par byang chub pa'o/ /de ston par byed pa'i gzhung gi le'u ste bcu gsum pa'o//le'u bcu gsum pa'i 'grel pa'o// //le'u bcu bzhi pa gsungs pa/ de nas zhes pa la sogs pas spyan mas shi ba sos par gsungs pa/ zhi ba'i dam tshig ces pa zhi ba'i rgyur gyur pa ni spyan te de nyid rnam par snang mdzad pas na mchog go//de bas na rigs kyi bdag po'i ting nge 'dzin la gnas pas na de'i rigs las byung ba'i sngags kyi bdag nyid can gyi lha mi 'byung ngo zhes gzhan rnams la yang sbyar bar bya'o zhes so/ /de bzhin gshegs pa thams cad ces pa la sogs pa ni gong ma ltar sbyar te ting nge 'dzin to//oM zhes pa la sogs pas ni lha dang dbyer med pa'i sngags bstan to/ /'di ni zhes pa la sogs pa'o/ /'byor pa kun zhes pa ni thams cad shes rab kyi dgyes pa spros pa'o/ /de la dgyes pa ni rigs kyi lha'o/ /de thugs mnyes shing dgyes par gyur nas sangs rgyas rdo rje ste/rnam par snang mdzad rjes su dran par 'gyur ro zhes so/ /de'i las gsungs pa/ sangs rgyas zhes pa la sogs pa'o/ /sangs rgyas kun gyi zhing 'byung ba/ /zhes pa ni drag shul du bsgrubs pas rnam par bkod pa rnams ji skad bshad pa'i cho gas zhi bar mdzad pa'o//las rnams thams cad rab sgrub cing / /zhes pa ni zhi ba ni gtso bo tsam ste/ de nyid gdan dang mdog la sogs pa'i dbye bas ji skad bshad pa'i rgyas pa la sogs pa'i las rnams mdzad pa'o/ /rdo rje dam tshig skul mdzad ma//zhes pa ni chos kyi dbyings spangs pa yin la shi bar mi byed do/ /byams pa chen po'i rang bzhin pas/ /rdo rje sku khyod ces pa la sogs pa'i glus bskul ba'o/ /shi ba sos par byed pa gsungs/ /zhes pa ni cho ga ji lta ba bzhin du sbyor ba byas la/ye shes lha mo'i thugs kar zla ba'i steng du shi ba'i ro bzhag la/ de'i sngags dang bsgrub bya'i ming spel ba de nyid gsum gyi bar du chud pa bzlas pas/ laM las byung ba'i 'od zer gyi lcags kyus shi ba de'i rnam par shes pa srid pa bar ma do 'am/ yang skye gnas su phyin pa dri ma med pa mi g.yo bar mar me ltar gnas pa bkug nas ro de'i snying gar bcug la/de la spyan ma'i ming bkod nas de'i 'od zer gyis ro de mi snang bar byas nas bsgrub bya de ming gi tha ma'i yi ge las bskyed pa spyan ma lta bur bsams te gang ba rnams rgyas par byas nas/ de'i lus la phreng ba'i sngags kyis phyi nang gtams par bsams pas/ de las byung ba'i 'od zer gyis stobs dbab pa dang dbang bskur ba la sogs pa gong ma ltar byas pas/ shi ba 'tsho ste bskal pa'i bar du yang gnas so/ /mtshan ma ngan pa'i slob ma la sogs pa bsrung ba'i phyir mA ma kI'i cho ga gsungs pa/de nas zhes pa la sogs pa gong ma ltar sbyar bar bya'o/ /sku gsum gyi dam tshig ni shin tu rnam par dag pa chos kyi dbyings so/ /de nyid rdo rje khro bo ste mi bskyod pa'o/ /de bsgoms pa las mi 'da' bas na dam tshig ste/ de la snyoms par zhugs nas de'i rigs kyi lha mo phyung ngo zhes pa la sogs pa gong ma ltar ro/ /sku gsum dbyer med rdo rje can ni rdo rje'i rigs kyi lha rnams so/ /rdo rje thugs ni mi bskyod pa ste de rjes su dran pa'o/ /las gsungs pa/ rdo rje bsrung ba'i sbyor ba la/ / zhes te spyan ma bzhin du bsrung bar bya ba snying gar gzhag pa dang stobs dbab pa la sogs pa snga ma bzhin du shes par bya'o/ /gal te ro langs mas slob ma srung ba'i cho ga la rang gi lha'i sbyor ba dang ldan pas de'i spyi bor zla ba la gnas pa'i rdo rje rtse lnga 'greng bu hUM las bskyed pa bsgom mo//de'i lte bar mA ma kI bsgoms la de'i ye shes lha mo'i thugs kar mtshan ma la gnas pa'i zla ba la mAM bsgoms te/ de'i mtshan mar phreng ba'i sngags mgo yar 'greng ba bsams la bzlas pas/ de las 'phros pa'i rdo rje phra mos lus thams cad la bskon pas nad gang gis kyang bzhig tu med par 'gyur ro//de la sogs pa zhi ba la sogs pa yang bsgrubs pas na las rnams rab sgrub pa zhes bya'o/ /rdo rje chen po ni rdo rje sems dpa'o/ /de'i 'jigs pas nyen pa ni drag shul du bsgrubs pas so/ /de'i skyabs te rtags stobs su 'gyur ba ste sngags pa gang gis bsrung ba la shigs par dka' ba'o//de bas na gdon la sogs pa la yang cho ga 'di sbyar bar bya'o/ /na bza' dkar mos rgyas par bya ba gsungs pa/ de nas zhes bya ba la sogs pa'o/ /'dod chags chen po'i dam tshig ni so sor kun du rtog pa'i ye shes so//de'i snang ba ni 'od dpag med do/ /gzhan ni gong ma ltar ro/ /chos mchog 'dzin pa ni de'i rigs kyi lha rnams so/ /rdo rje chos ni snang ba mtha' yas te de rjes su dran pa'o/ /las gsungs pa/ rtag tu chos zhes pa la sogs pa'o//chos zhes pa ni stobs la sogs pa sangs rgyas kyi chos rnams so/ /rgyas mdzad pa ni nyams stobs zad pa rgyas par mdzad pa ste tshe'o/ /mdzod po che dang ldan zhes pa ni mdzod rnams nor gyis dgang ba'o/ /rdo rje'i gsung ni rdo rje 'chang chen po'i gsung ste/de bzhin du bzlas pa tsam gyis zhes pa ni ji skad gsungs pa'i cho gas bsgom pa sngon du 'gro bas stobs rnyed par byed kyi gzhan ni ma gtogs so/ /byed par 'gyur zhes pa ni gdan la sogs pa kha dog ser por gos dkar mo'i thugs kar stobs la sogs pa ye shes lha mo'i snying gar rnam pa gsum 'dod pas gzhag ste/phreng ba'i sngags gdon par bya ba dang / 'od zer spro ba dang / gnas gsum du stobs dbab pa dang / dbang bskur ba la sogs pa le'u bcu gsum pa'i 'od dpag med kyi sbyor ba ltar byas pas bsgrub bya rgyas par 'gyur ro//sgrol mas dbang du bya ba'i cho ga gsungs pa/ de nas zhes pa la sogs pa'o/ /kun du 'byung ba ni bya ba la nan tan gyi ye shes te de las byung ba'i don yod grub pa rdo rje zhes so/ /gzhan gong ma bzhin no/ /sangs rgyas bdag nyid chen po ni las kyi rigs so//rdo rje thugs ni thugs kyi rigs te don yod grub pa'o/ /de rjes su dran pa'o/ /dbang dang dgug pa'i yul gsungs pa/ sangs rgyas zhes pa la sogs pa'o/ /sangs rgyas ni rigs su khas blangs pa'o/ /rdo rje ni snying sra ba'o//sde chen ni sde chen pos bskul ba'i gzi can no/ /de las ma gtogs pa'i sems can gyi khams kyang bran bzhin du dbang du byed ces so/ /sbyor ba gang gis dbang du byed pa gsungs pa/ gdan la sogs pa kha dog dmar por sgrol ma'i sbyor ba byas la/ de'i thugs kar ye shes lha mo'i snying gar zla ba la gnas pa'i taM dmar po dang /de'i mtha' mar dmar po'i mdog mgo yar 'greng ba'i phreng ba'i sngags kyis bskor bar bsams nas/ de yi ge gsum gyi bar du chud pa bsgrub bya'i ming dang spel ba swA hA'i skabs su ho dang ldan pa bzlas pas de rnams kyi 'od zer dang /dmar ba'i mtshan ma rnams kyi 'od zer gyis bsgrub bya'i ming gi yi ge dang pos bskyed la/ de'i skyes bu'i snying ga dang mgrin pa nas bskul/ bud med kyi pad+ma nas bskul bas de'i sgo nas zhugs pas de'i sems zla ba dmar po lta bu blangs nas sgo de nas phyir log nas pad+ma gnyis su zhugs nas bzlas brjod bya'o//bsgrub par bya ba yang snying rmongs pa'i ngo bo 'gyel nas rkang pa gnyis kyi bar du chud par bsam mo/ /de ltar sdong po 'gyel nas rkang pa gnyis kyi 'og tu chud par bsam mo/ /de ltar na sdong po 'gyel ba bzhin du dbang du 'gyur ro zhes so//gal te mda' can gyi lhas las 'di byed na mda' des gong ma ltar 'bugs pa khyad par te gzhan gong ma ltar shes par bya'o/ /gal te le'u bcu gsum pa ltar byed na yang de ye shes lha mo'i thugs kar bzhag la phyi ma rnams gong ma ltar shes par bya'o//'di rnams kun gyi las rdzogs par bshad zin to/ /gshin rje gshed kyis bu mo dgug pa gsungs pa/ de nas zhes pa la sogs pa'o/ /dri ma med pa'i 'od zer gyi sprin ni me long lta bu'i ye shes so/ / de nyid mi phyed pas na rdo rje ste rnam par snang mdzad lta bu'i tshul gyis snyoms par zhugs nas de'i rigs kyi khro bo gshin rje gshed po'i sngags kyi bdag nyid 'di phyung ngo zhes sbyar ro/ /sangs rgyas grags pa chen po ni sku'i rigs so/ /khro bo'i cha lugs can gyi sngags phyung bas na 'jigs shing skrag par 'gyur nas/rdo rje sems zhes pa ni rnam par snang mdzad rjes su dran pa'o/ /las gsungs pa/ thod pa zhes pa la sogs pa'o/ /de la gshin rje gshed kyi rnal 'byor pas bzlas par gsungs pa'i rim pas dpag du med pa'i bzlas brjod bya'o//de nas lung thob nas 'bum phrag gcig bzlas brjod bya'o/ /de nas bud med kyi thod pa ma chag pa ma gas pa/ gzugs pad+ma ltar mdzes pa/ dum bu gcig pa yid du 'ong ba blangs la/ de'i dbus su rlung gi dkyil 'khor la gnas pa'i pad+ma 'dab brgyad pa bris te/de'i lte bar dgug par bya ba'i bud med kyi gzugs brnyan gur gum mam/ go ro tsa nas bris la de'i snying gar phreng ba'i sngags kyi bu mo A kaR+Sha ya zhes pa dang / bsgrub par bya ba'i ming dang spel la dgug pa la swA hA'i skabs su dza bris te mi 'gugs par byas nas snying gar glan no//thod pa de yang rkang pa g.yas brkyang g.yon bskum pas mnan la phreng ba'i sngags rig pa dang bcas par lan gsum drag tu brjod par bya'o/ /sngags las byung ba'i lcags kyu thogs pa'i khro bos rlung gi dkyil 'khor la gnas pa'i bsgrub bya 'dren par bsams na 'grub par 'gyur ro//'ongs pa'i tshe yang 'tshe ba bzlog pa'i phyir spyan gyis zhi bar bya'o/ /de bzhin du mA ma kIs kyang bsrung bar bya'o/ /de bzhin du skyes pa'i thod pa la g.yon brkyang nas g.yas bskum pas mnan pa khyad par te gzhan gong ma ltar byas na skyes pa yang 'gugs so//mi bskyod pa zhes pa ni rdo rje 'chang ba'o/ /'od zer stug po mchog ces pa ni shin tu rnam par dag pa chos kyi dbyings kyi ye shes so/ /mi bskyod pa'i tshul gyis snyoms par zhugs nas de'i rigs kyi khro bo phyung ngo zhes so//sangs rgyas grags pa chen po ni thugs kyi rigs rnams so/ /sems can rol mo bstan pa'i phyir brgyal zhing 'jigs par 'gyur ba'o/ /mi bskyod pa rjes su dran na 'jigs pa dang bral bar bstan pa'i phyir/rdo rje sku ni rjes su dran/ /zhes so/ /gzhan rnams kyang de bzhin du sbyar bar bya'o/ /las gsungs pa/ sngags rnams zhes pa la sogs pa'o/ /sngags rnams ni lha thams cad do/ /de'i las thams cad la 'phags pa bdud rtsi 'khyil pa sbyor ba ste bya ba thams cad byed pa nyid kyi phyir ro//ji skad du rigs lnga'i dkyil 'khor gsum rnams dang / 'khyil pa las ni thams cad byed/ /ces pa 'jig rten sgrol ma las bshad do/ /khyad par gyi las gsungs pa/ rdo rje bskrad pa'i las rnams la//zhes te gnas nas spong ba'i las so/ /des/ sangs rgyas dag gi dpung yang skrod/ /ces so/ /ji lta bu zhe na/ tshul bzhin byas na zhes 'phags pa bdud rtsi 'khyil pa'i sbyor ba dang ldan pas/ ro bsregs pa'i smyo byed kyi shing gi sol ba dang /khi ti kha dang / mu zi dang / a ri sha'i lo ma dang / dug dang rkang pa g.yon pa'i ming med kyi khrag rnams gcig tu btags la/ kha ta'i gshog pa'i smyu gus rgyal mtshan gyi ras la rlung gi dkyil 'khor la gnas pa'i ral gri rtse brgyad pa'i 'khor lo bris pa/de'i lte bar bsgrub bya'i gzugs brnyan bris nas de'i snying gar phreng ba'i sngags kyis mi 'gugs par che ge mo u tsa ta ya zhes pa bris la bskul ba'i tshig dang ldan par brgya rtsa brgyad kyis mngon par sngags la ras ma de tshangs ma la sogs pa'i gnas su sa brkos pa la sba bar bya'o//de ltar skrod par 'gyur zhes so/ /'dir yang sngon du bsnyen pa la ni phreng ba'i sngags ji bzhin du bzlas par bya'o/ /las la sbyor ba'i skabs su ma hA ga Na pa ti dzA'i bi ta an+ta ka ra zhes pa bsal nas che ge mo u tsa ta ya phaT ces gzhug par bya'o//kyang zhes pa ni ming dang spel zhing thog ma dang tha mar bskul ba 'di bya'o zhes pa dang / yang na sngags tshig re re zhing ming dang spel bar bya'o zhes so/ /shes rab mthar byed kyi gnyis gsungs pa/ de nas zhes pa la sogs pa'o/ /sangs rgyas kyi 'od zer zhes pa ni shin tu rnam par dag pa chos kyi dbyings kyi ye shes so//de nyid rdo rje ste mi bskyod pa'i tshul du snyoms par zhugs nas de'i rigs kyi khro bo byung ngo zhes so/ /byang chub sems ni bskyod pas te rjes su dran pas 'jigs pa dang bral zhes sbyar ro/ / las gsungs pa/ srin po zhes pa la sogs pa'o/ /srin po ni srin po'o/ /ma rungs pa ni sbrul lo/ /gtum po ni seng ge la sogs pa'o/ /de la sogs pa 'jigs pa chen pos 'khrugs pa la zhes so/ /rdo rje sems dpa' rab sbyar nas/ /zhes pa ni rdo rje sems dpa' sngon du 'gro ba'i shes rab mthar byed kyis sbyar na las rnams cho ga bzhin du byed ces so//cho ga ni 'di lta ste shes rab mthar byed kyi rnal 'byor pas srin po la sogs pas zin pa'i bsgrub bya'i lus la srin po la sogs pa yid kyis bsdus la/ rkang pa gnyis thabs dang shes rab tu gyur pas btsir la mnye bar bya zhing /che ge mo rAk+sha sa 'di phyi mo tsa ya zhes bskul ba'i tshig dang ldan par phreng ba'i sngags gdon par bya'o/ /de bzhin du lag pa 'bar ba'i rdo rjes dbyung ba dang / brdung ba dang bal po se'u'i lcug mas brdab pa la sogs pa byas pas grol bar 'gyur ro//sbyor ba de kho nas bsgrub bya sbrul la sogs pas bzung ba yang grol bar byed do/ /yang des 'dzin par 'dod na de'i sbyor bas nag po gnyis la dur khrod kyi so phag gam/ mtshon gyis phog pas shi ba'i thod pa la hUM las byung ba'i 'jigs su rung ba skra brdzes pa/mche ba gtsigs pa g.yas na ro langs kyi ga ta ri dang / g.yon sdigs 'dzub byed pa'i srin po bris te de'i snying gar dug dang rus phye dang / mthe'u chung khrag gis che ge mo gr-ih+Na hUM phaT ces sngags bri'o/ /thod pa gnyis par bsgrub bya'i rkang rjes dang /ro bsregs pa'i sa dang / thal ba dang / sol ba dang / gcin gyis sbrus pa'i gzugs brnyan byas la/ de'i snying gar dug dang rus phye dang mdzub mo'i khrag dang ming dang sngags su bcas pa ta la'i lo ma la bris pa bcug nas gnyis ka bkug ste bsgrub bya'i gzugs brnyan 'og tu gzhug par bya'o//de mnan cing bzung bar bsams nas bsgyings nas dur khrod du sngags bzlas par bya'o/ /des na de gzung bar 'gyur ro/ /sbyor ba des sbrul la sogs pas kyang 'dzin par 'gyur ro/ /pad+ma mthar byed kyis dug 'byung ba'i cho ga gsungs pa/de nas zhes pa la sogs pa'o/ /rdo rje dpag tu med pa ni so sor kun du rtog pa'i ye shes so/ /de'i 'byung ba ni snang ba mtha' yas te de'i tshul gyis snyoms par zhugs nas de'i rigs kyi khro bo phyung ngo zhes sbyar ro/ /chos kyi rdo rje mchog skyes ni gsung gi rigs kyi lha rnams so//ye shes rgya mtsho ni snang ba mtha' yas te/ de rjes su dran pas 'jigs pa dang bral zhes sbyor ro/ /las gsungs pa/ mkha' dbyings zhes pa la sogs pa'o/ /de la mkha' dbyings dug gis gang ba yang sel nus na bsgrub bya re re'i dug lta smos kyang ci dgos zhes so//rdo rje mi bzad pa ni phal pas shigs par dka' ba ste ha la ha la'o/ /de khro bo rgyal pos bskul bya yis/ /zhes te sku mdog dkar po rta mgrin gyi sbyor ba byas la snying gar zla ba'i dkyil 'khor la hUM dkar po dgod do/ / de'i 'od zer gyis yan lag thams cad la gnas pa'i dug rab tu bsdus nas/ lag pa g.yas par hUM las byung ba'i pad+ma 'dab ma brgyad pa dkar po'i lte bar hUM bsams pa'i 'od zer dkar po las bdud rtsi 'bar 'bab par bsams la/ des ming gi dang pos bskyed pa'i bsgrub bya'i lus la dug nag pos khyab pa gzhan du blangs la bdud rtsi dkar pos de'i shul du dbab par bya'o//ming dang bcas pa'i phreng ba'i sngags bzlas pas dug rnams thams cad med par byed ces so/ /dbyug pa sngon pos dgra bsad pa'i cho ga gsungs pa/de nas zhes pa la sogs pa'o/ /mi bskyod pa zhes pa ni gong ma ltar rdo rje 'chang ba'o/ /rdo rje'i dbal dbyung ba ni chos kyi dbyings kyi ye shes so/ /de la mi bskyod pa'i tshul gyis snyoms par zhugs nas de'i rigs kyi khro bo phyung ngo zhes 'og nas 'byung ba'i khro bo bzhi la yang sbyar bar bya'o//gdug pa'i mchog ni mi bskyod pa'o/ /de las byung ba ni de'i rigs so/ /rol mo bstan pa'i phyir 'jigs shing skrag pa'o/ /mi bskyod pa dran pas 'jigs pa dang bral bas na rdo rje sems dpa' rjes su dran/ /zhes te 'og nas 'byung ba'i khro bo bzhi la yang sbyar ro//las gsungs pa/ khro bo zhes pa la sogs pa'o/ /khro bo'i rgyal po grags chen ni 'phags pa dbyug pa sngon po'o/ /brgya rtsa brgyad du bzla ba ni las la sbyor ba'i skabs su'o/ /cho ga tshul bzhin zhes pa ni 'di lta ste/ dbyug pa sngon po'i rnal 'byor pas sha chen dang dur khrod kyi sol ba dang / grog mkhar gyi sa dang / phub ma dang / bsgrub bya'i rkang rjes kyi sa rnams bong bu'i gcin gyis sbrus la bsgrub bya'i gzugs brnyan byas la/ dur khrod kyi gnas la dug dang khrag dang rams kyis sna tshogs rdo rje la gnas pa'i me'i dkyil 'khor gyi dbus su bsgrub bya'i ming phreng ba'i sngags mi 'gugs par spel la/swA hA bton te hUM phaT dang ldan par bris la snying gar gzhug par bya'o/ /de bkug ste bcug nas thod pa kha sbyar du bzhag la/ shin tu khros pas rkang pa g.yon pas mnan te nyi ma'i gung dang nam phyed na brgya rtsa brgyad bzlas shing rdo dang rus pa dang /nim pa'i lo ma rnams kyis mnan cing zhag bdun du byas na gdug pa thams cad gsod par byed ces so/ /gal te des ma grub na dur khrod du song la nam phyed kyi dus su ro bsregs pa'i thal ba la me thab gru gsum byas la/shing nim pa'i me sbar la/ shin tu zhal rnam par 'gyur ba'i khro bo'i rgyal po kha gdangs pa bsams nas/ gzugs brnyan rkang pa g.yon pa nas mtshon rnon pos gtub cing che ge mo mA ra ya phaT ces pa dang ldan par phreng ba'i sngags bzlas shing sbyin sreg byas na de'i mtshan mo kho na 'chi bar nges so//stobs po ches char dbab pa'i cho ga gsungs pa/ de nas zhes pa la sogs pa'o/ /stobs po che'i klu rnams kun/ /zhes pa ni des 'dul ba'i klu'o/ /sngags kyi mthus 'jigs shing skrag pa rnams dmag bzhin du rjes su dran pa'i 'jigs pa dang bral ba'i phyir sku gsum rdo rje rjes su dran pa'o//de'i las gsungs pa/ bzlas pa tsam zhes pa la sogs pa'o/ /bzlas pa tsam gyis sbyor ba zhes pa ni bzlas par gsungs pa'i grangs med pa'i bzlas pa byas pas lha'i lung thob nas 'bum phrag gcig bzlas pas zhi ba la sogs pa'i lha thams cad kyi las sgrub par byed pas na las rnams thams cad sgrub par byed ces so//rang gi khyad par gsungs pa/ than pa byung ba'i dus su yang chu yi dkyil 'khor char pa 'bebs//zhes te/ cho ga ni 'di yin te stobs po che'i rnal 'byor pas thams cad du dmar por bsams la 'bum phrag gcig bzlas brjod bya'o/ /de nas rdza phor so ma btang ba la ral gri rtse brgyad pa'i 'khor lo la gnas pa'i pad+ma 'dab ma brgyad pa la rams kyi khu bas mdung can ma'i sngags oM shU li ni naM swAhA zhes pa'i snying po bris la/gzhan so ma btang ba'i rdza phor gnyis pa dang sbyar la srad bu sngon dmar gyis dkris la mdung can ma dang / de'i sa 'dul ba bkug la legs par mchod pa byas la/ klu gnas pa'i mtsho 'am chu mig la sogs pa'i nang du gzhug par bya'o/ /bdag nyid skye bo med pa'i sa phyogs dben par me'i steng du rlung / de'i steng du chu'i dkyil 'khor zlum po la pad+ma 'dab brgyad bri bar bya'o/ /de'i dbus su lto 'phye mkha' 'gro la gnas pa'i chu lha skyes bu'i gdong la sbrul mgo bdun gyi gdengs ka yod pa/zhabs klu gcig pa/ sbrul gyi zhags pa 'phen pa bri bar bya'o/ /shar gyi 'dab ma la mtha' yas ljang gu/ lho'i 'dab ma la nor rgyas dkar po/ nub kyi 'dab ma la 'jog po dmar po/ byang gi 'dab ma la karko Ta nag po//me'i mtshams kyi 'dab ma la pad+ma dkar po/ /bden bral gyi 'dab ma la pad+ma chen po dkar po/ rlung mtshams kyi 'dab ma la dung skyong ser po/ /dbang ldan gyi 'dab ma la rigs ldan kha dog sna tshogs pa'o/ /de ltar klu'i dkyil 'khor bris nas//yi ge naM gyis ji skad bshad pa'i cho gas klu bsams la rdza'i bar du bcug pa'i naM gyis bkug la rang rang gi gnas la thim par byas nas/ sngo zhing bska ba dang 'o ma dang / bu ram la sogs pa klu la 'os pa'i lha bshos kyis yang dag par mchod nas ji skad du smras pa'o//klu chen po khyed rnams kyis bdag la yang dag par dga' ba dang / bcom ldan 'das kyi bka' bzhin du char gyi rgyun dbab tu gsol zhes brjod nas klu rnams kyis char 'bebs par bsam zhing bzlas brjod byas na char 'bab par 'gyur ro/ / des kyang ma phebs na haM ljang gu zlum po la stobs po che de bzhin du bris la/ spyan drangs la 'og nas bshad pa'i cho gas sbyin sreg bya ste/ klu thams cad kyi lce'i dkyil du yi ge naM bkod la bsang gtor la sogs pa sngon du 'gro ba bu ram dang / 'o ma dang mar gyis bkang ba'i sreg blugs gsum gsum byin la/de nas 'o ma la sogs pas ci 'dod pa'i sbyin sreg bya'o/ /de nas tshim pas char 'bebs par byed do/ /des kyang ma phebs na mngon spyod bya ste/ thams cad du nag po'i stobs po che'i rnal 'byor byas la/ bal mi kha'i sa dang /chu ngogs gnyis kyi sa dang / bshang ba dang gcin du bsres pas sbrus la klu'i gzugs brnyan mtho gsum pa byas la dur khrod kyi sa la dug dang rams dang khrag dang ske tshe dang / lan tshwa dang / yungs mar gyis ral gri'i 'khor lo rtsibs brgyad pa bris pa la de'i steng du pad+ma 'dab ma brgyad pa la klu brgyad kyi khyad par gyi snying po'am/yang na spyi'i snying po bris nas dbus su chu lha'i snying po bris la bkug nas gzugs brnyan de'i snying gar bcug la yan lag thams cad tsha ba gsum dang ske tshe la sogs pas byugs la me la bdugs la sngags brjod par byas na char 'bebs par byed do//des kyang ma phebs na gong ma ltar sa la klu'i dkyil 'khor bris te/ stod g.yogs dang se'u ka sngon po bgo ba'am gos dmar po bgo ba'am/ yang na gcer bur byung ste/ nyi ma 'bar ba la gnas pa'i rdo rjes byin gyis brlabs pa'i rkang pa g.yon pa'i dkyil la gnas pa'i klu'i dkyil 'khor la gnas pa'i klu kha gnam la bltas pa mnan pa dang /skrag ste gdengs ka gdengs pa kha gyen du bltas pa phu zhes bya bas nam mkha' khyab cing khrag skyugs shing char 'bebs pas rgya mtshor byed par bsams nas tshig re re'i mthar rnams dang spel ba'i sngags bzla bar bya ste/des na char 'bebs par byed do/ /des kyang ma phebs na me thab gru gsum byas la de'i dbus su stobs po che bsams nas/ gdol pa'i khyim nas blangs pa'i me sbar la/ klu'i gzugs brnyan dug dang lan tshwa dang / da du ra dang / ske tshe la byas la phus bskyed la/ phreng ba'i sngags bzla zhing lag pa g.yon pas mjug ma'i rtse mo nas brtsams la/ bshang ba dang gci bas lus byugs la gtub cing gtub cing sbyin sreg brgya rtsa brgyad byas na des char 'bebs par byed do//des kyang ma phebs na nyes pa 'di ni stobs po che'i yin no zhes te/ gong du gsungs pa'i rdzas kyis stobs po che'i gzugs brnyan byas la/ bdag dpal gnod mdzes kyi sbyor ba dang ldan pas dgug pa sngon du 'gro bas gong ma ltar gan rkyal du rkang pa g.yon pas mnan la/ma hA ba la baR+Sha pa ya shrI g+h+raM zhes bya ba'i bskul tshig dang ldan pa'i hUM bzhi dang gnod mdzes rgyal po'i sngags bzlas brjod khri bya'o/ /de nas mngon spyod kyi hom khung la khro bo'i rgyal po gnod mdzes zhal gdangs pa'i yi ge hUM gi ljags dang ldan par bsams nas/de'i gzugs brnyan gtub cing de'i zhal du sbyin sreg khri phrag gcig bya'o/ /de nas stobs po ches char 'bebs par byed do zhes rnal 'byor gyi tshul thams cad las rab tu grags so/ /de nas klu thams cad dang stobs po che'i zhi bar bya ba'i me thab zlum po la gnas pa'i spyan ma zhi ba'i zhal du ste/sngags dang cho gas mar dang 'o ma la sogs pa'i sreg blugs khri phul bas de rnams zhi bar 'gyur ro/ /de bas na bcom ldan 'das ma 'di la/ sangs rgyas kun gyi zhing 'byung ba/ /zhes bya'o/ /'dod pa'i rgyal pos dgug pa'i cho ga gsungs pa/de nas zhes pa la sogs pa'o/ /rdo rje sems dpa'i sbyor ba yis/ /zhes pa ni rdo rje sems dpa' las gyur pa'i 'dod pa'i rgyal po'i sbyor bas/ dgug par bya ba'i gzugs brnyan gshin rje gshed kyi cho ga las gsungs pa bzhin du byas nas bkug ste thod par bcug nas thod pa de g.yon brkyang ba'i g.yas pa'i rkang pas mnan nas 'dod pa'i rgyal po'i sngags spel ba dang bcas par bzlas brjod byas na gong ma ltar/rdo rje lcags kyus 'gugs par 'gyur/ /zhes so/ /mi g.yo mgon pos lha chen chung ma dang bcas pa dgug pa gsungs pa/de nas zhes pa la sogs pa'o/ /lha rnams 'khor dang bcas pa ni de'i dgug par bya'o/ /khro bo'i rgyal po sngags 'di yis/ /zhes pa ni mi g.yo mgon po'i rnal 'byor pas skyes pa'i thod pa skyon med pa blangs nas/de la rkang pa g.yas pa'i sor mo'i khrag dang lan tshwa dang / yungs mar dang ske tshe la sogs pa'i lha chen po chung ma dang bcas pa'i 'am/ lha ma yin la sogs pa'i gzugs brnyan bris la dgug par bya ste/ thod pa de rkang pa g.yas pas mnan nas snga ma bzhin du lcags kyus 'gugs par bsams la bskul ba dang bcas par sngags bzlas par bya'o//de nas mthu chen po dang ldan pa dag kyang skrag par gyur nas/ kha sbyar lus su bcas par 'gugs/ /zhes chung ma dang bcas pa 'ong bar 'gyur zhes so/ /gnod mdzes kyi bu mo dgug pa'i cho ga gsungs pa/de nas zhes pa la sogs pa'o/ /bu mo mthu chen thams cad ces pa ni klu dang lha ma yin la sogs pa'i bu mo 'dod chags kyis yid g.yos pas skra bshig gos dang bral bar gyur nas rdo rje sems dpa' ste/ mi bskyod pa rjes su dran pas 'dod pa rnyed par gyur to zhes so//las gsungs pa rdo rje sems dpa' zhes pa la sogs pa'o/ /de yang rdo rje sems dpa' las byung ba'i gnod mdzes rgyal po'i sbyor ba dang ldan pas mtshan ma dang ldan pa'i bud med kyi thod par bsgrub par bya ba'i rkang pa g.yon pa'i srin lag gi khrag gis bris la de pad+ma la zhabs g.yon pas mnan te/gong ma ltar de bzhin gshegs pa kun gnod mdzes su sprul pa'i lcags kyus snying gar brgyab la/ zhags pas ske nas bcings la/ phreng ba'i sngags tshig re re 'am bskul ba'i tshig dang bcas par bzlas shing dgug par bya'o//de nas bu mo rnams 'gugs so/ /zhes so/ /bsgrub bya'i sems 'gog pas na tshar gcod pa ste de bas na mngon spyod kyi nang du 'dus pas na phaT ces bya ba de ma bor yang nyes pa med pa'o/ /de ltar sngags dang rgyud dang ldan pa'i las gsungs nas/da ni bsam gtan las skyes pa'i dgug pa gsungs pa/ de nas zhes pa la sogs pa'o/ /dam tshig chen po ni sems dpa' de kho na nyid de/ de'i 'byung ba gang dbyer med pa gang las gyur pa de la rdo rje 'dzin pa'i rnam pa lta bur snyoms par zhugs nas zhes so//dam tshig chen po'i ni sems dpa'o/ /de'i rdo rje gsum gyi gsang ba ni sku la sogs pa gsum mo/ /de rnams la bshad pa'i chos ni gsung kho na mi 'da' bas na dam tshig ste/ de'i tshig ni phyung ngo zhes bya bar sbyar ro/ /sangs rgyas rdo rje ni mi bskyod pa'o/ /de'i sku gsum la rdo rje sems dpa' rnam par bsgoms te ji lta ba bzhin du 'khor lo dang ldan par bsgoms nas/de rang gi snying ga nas zhags pa dang rdo rje kyo bas mtshan pa'i lha rnams spros pas ji snyed sangs rgyas rnams kyang 'gugs pa'o zhes sbyar ro/ /sangs rgyas kun ni rnam par snang mdzad do//gsung ni snang ba mtha' yas so/ /de gnyis sbyor ba gzhan gyis 'khor lo chen po sbyor ba yis/ /zhes te/ lha'i 'khor lo dang ldan par bsams nas gong ma ltar sbyar bas ji snyed pa'i rdo rje sems dpa' yang 'gugs par 'gyur zhes sbyar ro/ /de'i mjug sdud pa gsungs pa/mi phyed ces pa la sogs pa'o/ /mi phyed rdo rje gsum bsgoms pas/ /zhes pa ni de rnams kyis byin gyis brlabs pa ste kyo ba'i gnas so/ /'khor lo pad+mo rdo rje che/ /rdo rje kyo ba'i khyad par gyis/ /zhes pa ni sku'i skabs su 'phros pa'i lha zhags pa dang lcags kyus mtshan pa ni 'khor lo'i kyo ba ste gzhan gnyis kyang de ltar ro//des sngags rnams te lha rnams kyang 'gugs par 'gyur zhes so/ /rdo rje gsum gyi 'khor los dgug pa bshad nas lha gzhan gyi rnal 'byor pas 'khor lo 'am gcig pas dgug pa gsungs pa/thams cad ces pa la sogs pa'o/ /thams cad rdo rje ste lha thams cad do/ /de nyid dngos po ni zhi ba'o/ /de yang rang sngags skyes bu ste rang gi 'dod pa'i lha rang gi sngags las 'khor lo dang ldan pa re re yin yang rung ste bskyed nas rdo rje gsum gyi byin gyis brlabs la/de rnams las 'dod pa'i rgyal po la sogs pa lcags kyus mtshan pa'i lha 'phros pas mi'i bu mo la sogs pa'i snying gar rdo rje kyo ba'i sbyor bas 'gugs so zhes so/ /'gugs pa thams cad kyi spyi'i cho ga gsungs pa/ rlung gi zhes pa la sogs pa'o//rlung gi dkyil 'khor zhes pa ni dgug par bya ba'i gdan du sbyor na nges par 'gugs zhes so/ /rlung gi dkyil 'khor de la zla ba'i dkyil 'khor gcig bsam mo/ /de'i steng du bsgrub bya rnam par snang mdzad kyi rang bzhin bsam mo/ /sha tsi zhes pa ni spyan ma dang mA ma kI sa zhi ba dang srung ba'i cho ga bzhin du stobs dbab pa dang bdud rtsi'i rgyun zags par bsams pas rdo rje mi 'chi ste/skrag pa la sogs pa dang bral bas ni tshe ring por 'gyur ba'i sbyor ba'o/ /dgug pa'i sngags kyang brgya rtsa bcur brjod na gang yang rung ba nges par rtag tu 'gugs par 'gyur zhes so//'dod pa'i rgyal pos nam mkha'i lha rnams kyi bu mo dgug pa gsungs pa/ /rdo rje kyo ba zhes pa la sogs pa'o/ /rdo rje kyo ba ni lcags kyu ste/ des mtshan pa ni gzugs po che ste 'dod pa'i rgyal po'o/ /de nyid gsungs pa la gnas pa 'bar ba rdo rje 'dra ba'i 'od zer lcags kyus mtshan pa spros pas rdo rje dkyil 'khor te/rlung gi dkyil 'khor la gnas pa'i nam mkha'i lha rnams kyi bu mo 'gugs pa'i mchog ces pa'o/ /gnod mdzes kyis lha ma yin gyi bu mo dgug pa gsungs pa/ rang gi zhes pa la sogs pa'o//sngags rang gi khro bor gyur cing 'da' bar bya ba ma yin pas na dam tshig ste/ de gang zhe na/ rdo rje sa 'og gnas pa dag /ces pa ni gnod mdzes rgyal po'o/ /de yang gsum pa la gnas pa'i shU la dang rdo rje kyo bas mtshan pa'i lha spros pas gong ma ltar lha ma yin gyi bu mo rnams 'gugs par 'gyur ro zhes so//yang lha gang yang rung ba'i rnal 'byor pas rdzas dang ldan pa'i dgug pa gsungs pa/ btsag ces pa la sogs pa'o/ /mtshan ma thob pa'i rnal 'byor pas btsag gam rdo rgyus la sogs rdo rje kyo ba dang lha'i sbyor bas bsgoms nas/zla ba gzas zin pa'i tshe khar bcug la rdo rje gsum gyis brlabs nas de las byung ba'i lha rnams spros pas nam mkha'i khams bkang la yang dag par bsdus nas gnas brtag pa'i ngo bor chags par byas nas ji srid zla ba ma grol gyi bar du bsgom par bya'o//des shing leb la sogs pa la tshangs pa la sogs pa gang gi ming bris pa rnams 'ong bar 'gyur zhes so/ /'jam pa'i rdo rje'i rnal 'byor pas gnod sbyin gyi bu mo dgug pa gsungs pa/ rnam pa'i zhes pa la sogs pa'o/ /rnam pa'i mchog rnams te mtshan dang dpe byad thams cad dang ldan pa'i rdo rje 'jam dpal cho ga ji lta bas rab tu bsgoms la dgug par bya ba'i gnod sbyin mo'i mgo la khro bo gshin rje gshed rdo rje kyo ba dang ldan pa bskal pa'i sreg pa chen po'i gzugs bsgoms nas/de dang 'dra ba'i gzugs las spros pas kyang gnod sbyin mo dag bkug nas spyad par bya'o zhes so//ji skad du/ gnod sbyin mo yi sngags rgyud las/ /gshin rje gshed ni rnam par brtag /ces so/ /gnod sbyin mo ni sra ba ste des gnon par 'gyur ba'o/ /rang rang gi lha'i cho gas las bya ba gsungs pa/kun gyi zhes pa la sogs pa'o/ /kun gyi phyag rgya'i khyad par dang / /zhes pa ni phyag rgya chen po'i dbye bas so/ /sngags kyi khyad par thams cad kyis/ /zhes pa ni de'i bskyed pa dang dgug pa'i thabs su gsung gi /lha gzhan gyi phyag rgya dang sngags dang ldan pas lha gzhan gyi rnal 'byor gyis dgug par mi bya ste/de ltar byas na sbyor ba po la rtog pa 'byung ste mi 'grub pas na bdag nyid 'jigs par 'gyur ro zhes so/ /sbyor ba thams cad kyi thun mong gi cho ga gsungs pa/ rdo rje sems dpa' zhes pa la sogs pa'o//rdo rje sems dpa' rgyal po che/ /zhes pa ni gnas bskyed pa sngon du 'gro ba'i ye shes lngas de'i sku dang ldan par bya'o/ /de bar gyi srid pa 'jug pa la sogs pas 'od du zhu ste/ tshad med pa'i lha mor gyur pas de la yang dang yang du bskul bar bya'o zhes so/ / de las sngags kyi khyad par dang / /phyag rgya chen po'i khyad par 'byung / /zhes so/ /ci'i phyir zhe na/ de nyid sngags rnams te lha thams cad kyi ston pa zhes te/ gsal bar byed pa'i rgyan du rab tu brtag pa'o zhes so/ /de'i rnam par dag pa ni thams cad kyi rjes su 'gro ba ste de mngon du gyur pa med na thams cad dag par 'gyur ba ma yin pa'i phyir ro//da ni lha mo sgrol ma'i rnam grangs ral pa gcig ma zhes grags pas de'i sbyor bas klu'i bu mo dgug pa gsungs pa/ de nas zhes pa la sogs pa'o/ /kun du rnam par sprul pa'i ye shes ni bya ba la nan tan gyi ye shes te mi phyed pa'i phyir na rdo rje lta bu ste/don yod grub pa'i tshul gyis snyoms par zhugs nas zhes so/ /thor tshugs gcig ma ni ral pa gcig ma'o/ /dam tshig chen mo rgyal po ni don yod grub pa nyid pas na mchog ste mdung can ma'o//de yang sku dang zhal dbus ma sngo ba g.yas dkar ba g.yon dmar ba/ g.yas gnyis kyis gri gug dang ral gri 'dzin pa/ g.yon gnyis na thod pa dang rin po che bsnams pa dang po gnyis kyis thabs la 'khyud pa mche ba cu bzad gtsigs pa phyung po zhes so/ /klu'i bu mo mthu chen ni 'dis dgug par bya'o//bka' bzhin du ma byas na tshig par gyur cing gos dang bral nas bye ma 'bab pa'o/ /de don yod grub pa dran pa'i dam tshig la gnas na de med pa'i phyir sangs rgyas byang chub rjes su dran zhes so/ /las gsungs pa/ sngags kyi rig pa 'di yis ni//zhes te/ cho ga ji lta ba bzhin du ral gcig ma'i sbyor ba byas la/ rkang pa g.yon pa'i srin lag gi khrag dang nA ga ge sar du bcas pas bud med kyi thod pa la rlung gi dkyil 'khor la gnas pa'i klu'i bu mo'i snying gar sngags spel ba dang bcas pa snga ma bzhin du bris nas bkug ste/g.yas brkyang ba'i rkang pa g.yon bskum pas mnan la bsgul ba dang ldan pa'i sngags brjod na klu rnams dang de'i bu mo mig bzangs dag kyang bkug nas nye bar spyad par bya zhes so/ /na bza' dkar mo'i rnam grangs khro gnyer ma zhes bya ba de'i sbyor ba rig 'dzin gyi bu mo dgug pa gsungs pa/de nas zhes pa la sogs pa'o/ /nam mkha'i dam tshig ni so sor rtog pa'i ye shes te/ de'i 'byung ba gang dbyer med pas na rdo rje ste 'od dpag med kyi tshul gyis snyoms par zhugs nas zhes so/ /dam tshig chen po'i ste snang ba mtha' yas las mi 'da' bas te de nyid chos rdo rje khro gnyer ma ste phyag mtshan la sogs pa na bza' dkar mo dang 'dra ba la dmar skya'i mdog can/thod pa'i phreng ba dang ldan pa mche ba cung zad gtsigs pa phyung ngo zhes pa'o/ /rig pa 'dzin pa'i rgyal po ni 'dis dgug par bya'o//gong ma ltar ye shes rgyal po ni snang ba mtha' yas te dran pas 'jigs pa dang bral lo zhes sbyar ro/ /de'i las gsungs pa rig pa 'dzin pa'i zhes pa la sogs pa'o/ /sngags kyi rig pa ni khro gnyer ma'i sngags so/ /dam tshig mchog gis dgug par bya//zhes pa ni gong du gsungs pa'i sbyor ba'i dam tshig la sogs pas dgug par bya'o zhes so/ /de ni rim pa gnyis pa'i bsam gtan 'ba' zhig gis dgug pa gsungs pa/ 'gog pa zhes pa la sogs pa'o/ /'gog pa zhes pa ni sems kyis kun du spyod pa gzhan dang bral ba'o//mi phyed pas rdo rje ste mdzes par byed pas na rgyal po'o/ /de nyid rim pa gnyis pas na yongs su rdzogs pa'o/ /des sems brgyan pas na mdzes pa mchog ste/ mi g.yo ba bsgrub bya der chud par byas pas ye shes rdo rje gsum las byung ba yang khugs na sngags kyi rgyud la sogs pa'i bsgrub bya lta smos kyang ci dgos te/de thams cad kyang 'di'i sprul pa yin pa'i phyir ro/ /de bas na des lus la sogs pa med pa yang de ma thag tu 'gugs zhes bya bar sbyar bar bya'o/ /da ni khro bo gang yang rung ba'i rnal 'byor pas sngags kyi rgyud dang ldan pa'i mngon spyod gsungs pa/yang na zhes pa la sogs pa'o/ /yang na zhes pa ni dgug pa la rnam grangs bsnyags pa'o/ /khro bo thams cad ces pa ni khro bo gang yang rung ba'i rnal 'byor dang ldan pas zhes pa'o//sngags pas 'bum du bzlas byas na/ /zhes pa ni dpag tu med pa'i bzlas pa byas pas sngags pa rnam par dag ste/ des dben pa'i gnas su 'bum phrag gcig bzlas pa byas na 'gugs pa dang gsod pa la sogs pa'i las thams cad byed par bshad ces so//de bas na grangs dang ldan pa'i bzlas brjod ni lus can sdig pa dang bral ba'i sngags pa la gsungs pa ste gzhan la ni ma yin no/ /ji skad du/ rnam par snang mdzad mngon par byang chub pa'i rgyud las/ bzlas brjod grangs tshad gsungs pa ni/ /phal cher ngas ni bstan pa yang //lus can sdig pa bral ba yi/ /sngags pa rnam par dag pa las/ /gzhan du bya ba ma yin no/ /zhes so/ /las kyi bsgrub bya gsungs pa/ rdo rje slob dpon zhes pa la sogs pa'o/ /rab tu dben pa'i gnas dag tu/ /zhes pa ni/ der bzlas brjod gong du gsungs pa bya bar bstan to/ /las la sbyor ba'i gnas ni 'og nas ston to/ /lus can sdig pa dang ldan pa bsad pa dang bskrad pa'i yon tan ni byang chub mchog dang zhi ba la sogs pa'i sngags kyi dngos grub kyang thob par 'gyur ro zhes so/ / bsgrub bya la nyes pa bsgo ba'i ting nge 'dzin gyi khyad par gsungs pa/ phyogs bcu'i zhes pa la sogs pa'o/ /phyogs bcu'i sems can gyi lus dang ngag dang sems gsad pa ni le'u bco lnga pa las bshad do/ /de khyad par dag tu sngon du bsgoms pas dgra rnams gdon mi za bar 'chi bar 'gyur ro zhes so//da ni las la sbyor ba gsungs pa/ khrag dang zhes pa la sogs pa'o/ /khrag dang chu yis gsher ba'i gos sam/ yang na bshang gcis gsher ba'i gos bgos nas bsgrub bya'i ling+ga rkang pas mnan pa'o/ /khro bo ni gdug pa'i las sgrub pa'i phyir ram/las thams cad byed pas na/ khro bo rgyal po sbyar bar bya/ /zhes so/ /brgya rtsa brgyad ni grangs so/ /des sangs rgyas dag kyang 'jig na gzhan lta smos kyang ci dgos zhes so/ /de bzhin du chu dron gyis gos gsher bar byas nas khro bo mchog gi zhes ste/khro bo mchog gi rnal 'byor pas bgos nas lha chen po'i gzugs rkang pas mnan na/ sangs rgyas dag kyang 'jig ces pa'o/ /de bzhin du bshang gcis sbangs pa'i gos ngan pa rul pa'i dri ma mnam pa bgos nas gong ma ltar byas na bskams te 'chi bar 'gyur ro//thal ba'i skyo mas gsher ba'i gos gon nas lus dang sems khros pas 'khrugs par byas nas brgya rtsa brgyad bzlas na rdo rje sems dpa' 'jig par 'gyur na gzhan lta smos kyang ci dgos zhes so/ /gos dang mi ldan pa gsungs pa/ gcer bu zhes pa la sogs pa'o//gcer bur phyung la skra'i rtse mo thur du bshig la lus 'jigs pa'i tshul du mche ba gtsigs shing mig 'gyur ba byas nas rkang pas bsgrub bya'i ling+ga mnan nas sngags bzlas na/ 'dus ma byas nam mkha' yang 'jig par nus na gzhan lta ci smos zhes sbyor ba'i mthu bstan pa'o//de la mngon spyod kyi gnas gsungs pa/ ma mo'i gnas zhes pa la sogs pa'o/ /de'i don ni 'di lta ste lha khro bo'i rnal 'byor pas ji skad bshad pa'i bya ba byas pa'i khyad par kha sbyar dbye ba sngon du byas nas ji skad du gsungs pa'i rdzas la gzugs brnyan byas la ma mo'i gnas la sogs pa gang yang rung bar khrag la sogs pas gsher ba'i gos dang ldan pa'am/yang na gcer bur byung ste rkang pas mnan nas brgya rtsa brgyad bzlas pa tsam gyis ji skad gsungs pa 'grub par 'gyur ro zhes so//da ni mtshan ma de la phur bus gdab pa'i cho ga gsungs pa/ mi rus zhes pa la sogs pa'o/ /de yang gong du gsungs pa'i rnal 'byor pas dur khrod kyi ras la ske tshe dang / dug dang lan tshwa dang yungs mar gyis khro bo'i rdo rje rtse lnga pa rnon po bris la de'i lte bar sngags dang spel ba'i bsgrub par bya ba'i ming bris te/ro bsregs pa'i thal ba dang sol ba dang / chu ngogs gnyis kyi sa dang / phub ma dang / bsgrub bya'i rkang rjes kyi sa bsdus la bshang ba dang gci bas sbrus te gzugs brnyan byas la de'i snying gar bcug la gong ma ltar kha sbyar dbye ba yang byas nas mi'i rus pa las byas pa'i phur bu sor brgyad pa la sngags brgya rtsa brgyad du bzlas nas de'i snying gar btab ste/dgra'i sgo 'am gang yang rung bar sbas na ji skad du gsungs pa 'grub par 'gyur ro/ /sangs rgyas nyid sku gsum mchog sbyin pa'o/ / de nyid shes pa thams cad kyi phul du phyin pa mi shes pa thams cad rnam par spangs pa yang bskams nas 'chi bar 'gyur na gzhan lta ci smos zhes bsad pa'i cho ga'o/ /gnas nas spo ba'i cho ga gsungs pa/ yang na zhes pa la sogs pa'o/ /yang zhes pa ni mi gsod na'o//thod pa gang ba dag ces pa ni thod pa rin po che'o/ /khyad par du ni zhes pa ni pho dang mo bskrad pa la de dang rjes su mthun pa btsal lo/ /de yang lha khro bo'i sbyor bas ji skad du bshad pa'i thod pa la/ a ri sha'i lo ma'i khu ba dang / rkang pa g.yon pa'i srin lag gi khrag gis rlung gi dkyil 'khor la ral gris mtshan pa bris la de'i steng du bsgrub bya'i gzugs de'i snying gar sngags kyi tshig dang ming spel ba bris nas bkug ste/brgya rtsa brgyad mngon par bzlas shing rdo rje'i thor tshugs te ral pa gcig ma 'am gang yang rung ba'i rnal 'byor pas dgra'i sgo 'am grong du sbas te bzhag na nges par skrod par 'gyur ro zhes so//cho ga gzhan gsungs pa/ ta la'i lo ma zhes pa la sogs pa'o/ /de rnams la gong ma'i cho ga nyid kyis gzugs brnyan byas nas khyim mam sgo dag tu sbas na nges par skrod de ma bskrad na yang 'chi ba 'am bskams par 'gyur ro zhes so//dam tshig chen po ni rdo rje sems dpa'o/ /khro bo rnams kyi dpal lta bur gnas pas khro bo'i tog go/ /sku gsung thugs kyi phur bus mngon spyod bya ba'i cho ga gsungs pa/ de nas zhes pa la sogs pa'o/ /sku gsung thugs gang gi nges par 'chi ba nyid rdo rje ste/rdo rje gsum mo/ /khams gsum pa thams cad ni bsgrub bya'i khyad par ro/ /sku dang gsung dang thugs ni lus ngag yid gsum mo/ /de phur bus mnan pa'i sngags 'di phyung ngo zhes so/ /sngags 'di la sar+b+ba duSh+TAn zhes pa dang sar+b+ba pA paM zhes pa gnyis bsal nas che ge mo kA ya bAka tsit+ta zhes spel bar bya'o//rdo rje rdzu 'phrul chen po ni rdo rje gsum mo/ /rol mo bstan pa'i phyir brgyal zhing 'jigs par 'gyur ba'o/ /rdo rje sems dpa' dran na 'jigs pa med par bstan pa'i phyir/ nam mkha'i rdo rje sems dran 'gyur//zhes so/ /las gsungs pa/ mi'i rus pa zhes pa la sogs pa'o/ /gong du gsungs pa'i bsgrub bya'i gzugs brnyan la rnam par snang mdzad kyi rnal 'byor pas/ mi'i rus pa'i phur bu sor brgyad pa'i rtse mor rnam par snang mdzad kyi 'khor lo'i rtse mor bsams nas me tog sngon pos mchod cing 'dzab byas la spyi bor btab na glang tsher can du 'gyur ro//snang ba mtha' yas kyi rnal 'byor pas seng ldeng gi rtse mo las bskyed pa'i phur bu sor brgyad pad+ma'i rtse mor byin gyis brlabs te/ me tog sngon pos mchod cing 'dzab byas nas btab la thod pa kha sbyar du bcug nas dur khrod kyi me la bdugs na tsha ba'i nad kyis 'debs so//mi bskyod pa'i rnal 'byor pas lcags las byas pa'i phur bu rdo rje rtse mo can la me tog sngon pos mchod cing 'dzab byas la btab nas me sbar bar bsgyur na mtshan mo de nyid la 'chi bar 'gyur ro//de bas na/ rdo rje sku gsum 'jig par 'gyur/ /zhes sbyor ba'i mthu'o/ /da ni le'u bcu pa'i snying po bskul ba'i de ma thag tu 'og nas 'byung ba'i cho gas rigs dang 'brel ba'i phur bus gdab pa gsungs pa/ 'od 'phro zhes pa la sogs pa'o//de la 'od zer 'phro zhing 'khrugs pa mdangs bzang po'i rdo rje sems dpa' ste/ mi bskyod pa'i rigs las byung ba'i shes rab mthar byed sku stod zhal gsum pa phyag drug pa/ sku smad rdo rje rtse gcig pa'i gzugs su mnyam par bzhag la/rang gi rdo rje las byung nas 'og nas 'byung ba'i sngags dang ming spel bas thugs kyi rdo rje'i thugs ka nas spyi bo'i bar du sbyar ba'i phyir/ rdo rje gsum gyi sku yi mthar/ /gzer bar bsams nas sbyar bar bya/ /zhes so/ /de bzhin du rnam par snang mdzad rgya chen te sku rdo rje la gshin rje gshed kyi rgya chen gyis gdab po zhes sbyar ro//yang na 'dod chags rdo rje can/ /zhes pa ni gsung rdo rje la pad+ma mthar byed kyi phur bus gdab bo zhes pa'o/ /de bas na rdo rje gsum yang gnon zhes so/ /thugs kyi rdo rje la sogs pa la de'i rigs kyi khro bos gdab bo zhes gang las shes she na/le'u bco brgyad pa las/ rigs kyi bye brag tshul gyi ni/ /rdo rje phur bus gdab par bya/ /zhes pas mngon no/ /da ni gong du gsungs pa'i rim pas bdud rtsi 'khyil pa'i phur bus sdang ba rnams la gdab pa gsungs pa rdo rje zhes pa la sogs pa'o//rdo rje bdud rtsi 'khyil pa ni bgegs mthar byed do/ /des ci byed ce na/ gdug cing khro bo tshar gcod pa/ /zhes te gong du gsungs pa'i bsgrub bya dang / yams nad kyis 'tshe ba la sogs pa'o/ /de'i sbyor ba gong du gsungs pa lta bus bsgrub pa ni rdo rje sbyor bas bya'o//de sangs rgyas bdag nyid chen po ste mi bskyod pa la yang 'debs nus na gzhan lta ci smos zhes so/ /phur bu gdab pa'i gnas gsungs pa/ snying ga nas ni zhes pa la sogs pa'o/ /gang du 'ang dam tshig de nyid bya/ /zhes pa ni snying ga nas mgrin pa la sogs pa gang gi gnas rnams su yang gdab par bstan to//bsam gtan dang ldan par byas pa'i sbyor ba'i nus pa yang gsungs pa/ bsam gtan rdo rje zhes pa la sogs pa ste go sla'o/ /da ni gong du gsungs pa'i rnam par snang mdzad la sogs pa la rigs dang 'brel ba'i phur bus gdab pa'i sngags gsungs pa/de nas zhes pa la sogs pa'o/ /rnam par snang mdzad chen po zhes pa ni sku'i rigs kyi sngags bshad pa'i dus na rdo rje 'chang chen po la de skad du bya ba yin no/ /de bzhin du phyi ma rnams la yang sbyar bar bya'o/ / sku rnam par sprul pas mi phyed pas na rdo rje ste/ de lta bu la rnam par snang mdzad kyi tshul gyis snyoms par zhugs pa'o/ /sku'i dam tshig ces pa ni mi 'da' ba'i phyir ro/ /de nyid tsham dam gyis zhes te drag shul du bsgrubs pas drangs nas phur bus mnan cing mi g.yo bar thal bar bya ste/rang dang mi phyed par byas pa'i sngags 'di zhes pa'o/ /de phyung ba ni gsungs pa'o/ /gzhan rnams la yang de bzhin du sbyar bar bya'o/ /phur bus gdab pa'i phyag rgya gsungs pa/ /phan tshun zhes pa la sogs pa'o/ /phan tshun zhes pa ni sor mo dgod pa la mi bya ste ci'i phyir zhe na/gal te byang chub mchog 'dod na/ /lag pa'i phyag rgya mi bcing ngo / /zhes pas sems g.yeng ba'i rgyu bkag pa'o/ /de bas 'di rnam par snang mdzad dang spyan ma'o/ /de nyid bkri ba'i tshul du bya ba ni snyoms par zhugs pa'o/ /mthe bong ni gsang ba'i rdo rje'o//ji skad du/ pad+ma'i gnas su mthe bong mnye/ /de la ro ni rin 'byung ngo / /zhes gzhan las kyang 'byung ngo / /gzhi zhes pa ni pad+ma ste bde ba chen po'i gzhir gyur pa'i phyir ro/ /rab tu bsdams pa ni gcig tu 'dus pa'o/ /rnam par snang mdzad tshul gnas te//zhes pa ni kha dog gnyis kyi tshul du mnyam par bzhag la rdo rje phur bus gdab ces so/ /des 'di ston te sku gsung thugs kyi rdo rje rlung gi shing rta la zhon pa phyag na lcags kyu thogs pa 'phros nas de bzhin gshegs pa'i snying po bskul nas khrid de 'ongs pa rig ma'i pad+mar me'i dkyil 'khor gyi steng du kha dog dkar po dang dam tshig bsnyengs par bsams pa la phyag rgya la gnas pas rang gi rigs kyi phur bus gsang ba'i rdo rje las phyung ste/spyi bo la sogs pa'i gnas su btab pas thal ba'i phung po gtor ba ltar byas nas de'i rnam par shes pa mar me lta bu rang gi mi shigs pa'i thig le la thim pas phrin las la gnas pas phyag rgya chen po'i dngos grub thob par 'gyur ba'o//de nyid bstan pa btab ma thag /ces pa la sogs pa'o/ /rdo rje sku gsum las byung ba/ /zhes pa ni rnam par snang mdzad do//de nyid dam tshig ldang ba'i bsnyengs pa yod pas spyan ras kyis gzigs shing byin gyis rlob pas na dam tshig mchog gis ldang bar 'gyur ba'o/ /de ltar ma yin na dam tshig las 'das na 'chi ba'i gnas su 'gyur zhes so/ /rim gnyis la yang de bzhin du sbyar bar bya ste/khyad par gang yin pa 'og nas bshad par bya'o/ /gsung gi phur bu'i sngags gsungs pa/ de nas zhes bya ba la sogs pa'o/ /ye shes te lhan cig skyes pa'o/ /de 'byung ba'i gnas pas na ye shes pad+mo kha bye ba ste/ na bza' dkar mo'i gsang ba'i pad+mo'o//der/ rdo rje sor mo nges par gzhag /ces te snang ba mtha' yas kyi gsang ba'i rdo rje bzhag nas/ gzhan ni gong ma bzhin sbyar ba ste/ khyad par ni bsgrub bya dmar po'o/ /thugs kyi phur bu'i sngags gsungs pa/ de nas zhes pa la sogs pa'o//rtse mo lnga pa zhes pa ni gsang ba'i rdo rje nyid rtse lnga pa ste kha gyes pa ma yin pas na bcings nas ni zhes so/ /de nyid 'od 'phro ba mang po 'khrigs par bsgom zhes te/ nyi ma bye ba phrag brgya'i 'od dang ldan pa'i rdo rje mA ma kI'i pad+mar bcug nas gzhan gong ma bzhin du sbyar ba ste khyad par ni zhi ba tsam mo//de rnams kyi mjug bsdu ba gsungs pa/ sku gsung zhes pa la sogs pa'o/ /sku gsung thugs kyi sbyor ba yis/ /cho ga legs par bya ba ni gong du gsungs pa ltar ro/ /mkha' dbyings rdo rje mtha' klas par/ /zhes pa ni rdo rje gsum gyis sangs rgyas thams cad kyi ye shes sdud pa ste/de bas na de la phur bu btab pas/ thams cad gnon par 'gyur ba gdon mi za ste rgyal po ltar ro/ /rdo rje phur bu chen po ni rang gi rigs kyi phur bu'o/ /myos pa ni sku rdo rje la sogs pa rgyab kyis phyogs pa'o/ / de gnod pa rdo rje ste rdo rje 'chang ba la de skad ces bya'o/ /bde bar gshegs pa rnams kyis dgyes pa'i sgo nas bstod pa/ de nas zhes bya ba la sogs pa'o/ /sangs rgyas ni rigs lnga'o/ /sku gsum dang ldan pas na sku gsum mchog go/ /e ma'o zhes pa ni ngo mtshar ba'o/ / gang ngo mtshar na/ gsang ba'i gnas kyi mchog ces te thun mong ma yin pa'i yon tan thams cad kyi gzhir gyur pa'i phyir ro/ /de nyid snying po kun bsdus pa ste 'dod pa'i 'bras bu smin par byed pa'i snying po kun bsdus pa ni rigs gsum gyi sngags so/ /de nyid la chos kyi gnas zhi ba zhes bya ste thugs su chud pa'i chos kyi rtogs par byed pa'i rgyu'i phyir na zhi ba'o//de nyid rdo rje rnam par 'joms/ /zhes bya ste/ rdo rje ni sngags kyi sku la sogs pa rnam par rtog pa'i rlabs ma 'phros pa ji snyed pa rnams skad cig gis 'joms pa'o/ /ji ltar 'joms she na/sangs rgyas zhes pa la sogs pa'o/ /sangs rgyas bdag nyid chen po zhes pa ni bde bar gshegs pa rnams so/ /byang chub sems dpa' zhes pa ni spyan ma la sogs pa'o/ /grags chen po zhes pa ni gshin rje gshed la sogs pa'o/ /de rnams kyi sku dang /gsung dang / thugs kyi rdo rje'i phur bus gnon par bshad pa yin zhes/ gong ma ltar de kho na rang bzhin mngon du bya ba'i phyir ro/ /'di ni sngags rnams thams cad kyi ste/ de bzhin gshegs pa thams cad kyi'o/ /gnon pa yang dag las byung ba/ / zhes pa ni phur bus gnon pa'i thabs yang dag par 'byung ba'o/ /de gang zhe na/ sku gsung thugs nyid phyag rgya chen po bas mchog ste/ sgrub pa po gang la de sbyin pa'o/ /de bas sngags kyi de nyid bsdus pa'o zhes pa'o/ /sku gsung thugs nyid sngon med pa myong ba'i phyir rmad du byung ba ste dngos grub chen po'o//de sku rdo rje la sogs pa'i sngags kyis sgrub pa po gang gi rgyud la dgug cing mi g.yo bar byas pas gar mkhan lta bu'i rnam par 'byung ba nyid mdzes par byed pas ni rgyal po'o/ /de ston par byed pa'i gzhung ni le'u bcu bzhi pa'o//le'u bcu bzhi pa'i 'grel pa'o// //da ni de nas zhes pa la sogs pa la le'u bco lnga pa gsungs pa/ rgyal po zhes pa ni chos kyi dbyings kyi ye shes kyis mdzes pa'i mi bskyod pa ste rdo rje 'dzin pa'o/ /me long lta bu'i ye shes las mi g.yo zhing las thams cad la dngos grub sbyin pa'i phyir thams cad nam mkha' ste rtag pa'o//so sor kun du rtog pa'i ye shes dus gsum du mi 'gyur ba ste 'od dpag med do/ /mnyam pa nyid kyi ye shes kyi 'gro ba'i rgyud kyi dri ma dag par byed pas na/ thams cad dbang bskur te rin chen dbang phyug go//bya ba nan tan gyi ye shes kyis 'gro ba thams cad kyi bya ba mkhyen pas kun mkhyen te don yod grub pa'o/ /de ltar des ni de bzhin gshegs pa lnga'i ye shes bsdus pa'i ngo bo rdo rje 'chang chen po bstan pa ste/ des rdo rje gsung du bka' stsal zhes so//da ni rig pa'i brtul zhugs len pa'i rnal 'byor pas kun du dri ma med par byas pas/ rang gi rigs kyi bu mo dang lhan cig tu zhi ba'i sbyor bas phyag rgya chen po'i dngos grub sgrub pa'i cho ga gsungs pa/ sme sha can zhes pa la sogs pa'o/ / sme sha can ni gdol pa'i rigs so/ /khyad par du nye bar len pas na mthu chen no/ /lo grangs bcu gnyis pa zhes pa ni nye bar mtshon pa tsam ste/ mya ngan las sog le ltar gcod pa yod kyi bar du gzung ba la 'gal ba med do/ /bram ze dang skye bo la sogs pas dben pa'i gnas su'o//phyag rgya chen po bsgrub pa la khyad par du/ sgrub pa pos ni gnyis pas rtag tu bsgrub/ /ces te zla ba drug la sogs pa'i rim pas ji ltar zhe na/ rdo rje zhes pa la sogs pa'o/ /rdo rje dkyil 'khor ni mi bskyod pa'o/ /de'i rnal 'byor gyis rab tu bsgoms pa yis zhes so//gang du zhe na/ bshang gci zhes pa la sogs pa ste/ de yang gong gi gnas su bshang gci dam tshig la sogs pas zhes te/ sa stegs bdud rtsi lnga dang sha lnga'i mgo ma yang bzang pos byug cing des cho ga bzhin du zhes pa ni/ rtag pa las byung ba'i gzhal yas khang brtsegs pa bsgom zhes pa'o//de bas na/ dkyil 'khor gru bzhi lham par bya/ /zhes te sgo bzhi dang rta babs bzhi la sogs pas mdzes par bya'o zhes pa'o/ /gong gi bu mo'i mtshan nyid gsungs pa/ mtshan nyid ces pa la sogs pa'o/ / mtshan nyid thams cad ces pa ni 'dod pa'i mtshan ma thams cad yongs su dag par rdzogs pa/ de nyid kyis na rab tu bzang la bzhin yang mdzes pa'o/ /de rgyan thams cad yongs su rdzogs pa zhes pa ste/ gdub bu la sogs pa dang rigs lnga la sogs pas so/ / pang par bzhag nas bsgom par bya/ /zhes te/ de'i 'dod pa la longs spyod cing phrin las la gnas pa'i tshe yid la dmigs pa thob pa'i phyir na pang par gzhag pa'o/ /ji ltar zhe na/ dkyil 'khor lnga yi 'khor lo yis/ /sangs rgyas gzugs su rnam par bsgom//zhes te rigs lnga la sogs pa'i dkyil 'khor yang bsgoms nas tshogs rdzogs par bya ba'i phyir/ sngags kyi 'khor lo can gyis gsang / /zhes pa ni thun mong ma yin pa'i lha mo bcu'i ngo bo'i mchod pa nyams dga' ba ste/ sa bcu mthar phyin par bya ba'i phyir bsgom par bya zhes so//des ni ji skad du gsungs pa thob par 'gyur ro zhes so/ /rdo rje rigs kyi sgrub pa gsungs nas/ da ni rnam par snang mdzad kyi rnal 'byor pas phyag rgya chen po'i sgrub pa gsungs pa/ sku gsung thugs zhes pa la sogs pa'o/ / sku gsung thugs kyi rdo rje can/ /zhes pa ni de rnams kyis byin gyis brlabs pa ste/ longs spyod gzhan yang shes par bya'o/ /de nyid kyang rnam par snang mdzad chen po'i sku zhes te de'i rnal 'byor gyis so/ /bsam gtan sngags kyi sbyor ba yis/ /zhes pa ni bzlas pa ni 'jug pa la sogs pa'i bsam gtan gyis gnas pa'o//sangs rgyas kyi ni 'od 'phror 'gyur/ /zhes pa ni rig 'dzin lta bu ma yin te de dang rang bzhin gcig tu gyur pa'o zhes so/ /bcom ldan 'das 'dis dgongs pa'i tshig dkrugs te gong gi sme sha can gyi bu mo ni mi bskyod pa dang sbyor ba'i phyir/rdo rje sems dpa'i sbyor ba yis/ /zhes so/ /btso blag mkhan zhes pa ni kha dog bsgyur ba'i bu mo ste gong ma ltar mthu chen te/ mdog dkar mo ni rnam par snang mdzad kyi rigs dang sbyar zhes so/ /ut+pa la mthing ga'i mdog ces pa ni sme sha can gyi bu mo'i mdog ste de lta bu mi bskyod pa dang sbyar bas na/'dra ba dag ni rtag tu sgrub/ /ces pa'o/ /sbyor ba'i cho ga de nyid ni byas nas zhes pa ni dpung pas 'khyud pa la sogs pa rtsa bskul ba'i bya ba yan chad kyi bar du byas nas dngos grub bsgrub pa'i las rnams brtsam par bya'o zhes so//'di ni 'khor lo'i rigs kyi rnal 'byor pas 'da' bar mi bya bas na dam tshig shin tu 'da' dka' ba'o zhes so/ /mi bskyod pa'i rnal 'byor pa'i 'bras bu gsungs pa/ de ni zhes pa la sogs pa'o/ /rdo rje sems dpa'i 'od 'drar 'gyur//zhes pa ni gong ma ltar de dang rang bzhin gcig tu gyur pa'o zhes so/ /snang ba mtha' yas kyi rnal 'byor pas phyag rgya chen po'i dngos grub sgrub pa gsungs pa/ rgyal po zhes pa la sogs pa'o/ /chos rnams kun dang mtshungs zhes pa ni chos thams cad rnam par dag cing 'dzin pa'o//'dod dang thar pa rab grol byed/ /ces pa ni 'dod pa nyid thar pa dang grol ba'i lam du byed pa'i gtso bo'o/ /de nyid rdo rje chos te 'od dpag med do/ /de rnam par bsgoms pas so/ /gang dang lhan cig tu zhe na/ gar mkhan zhes pa la sogs pa ste go sla'o//de dang ji skad du bshad pa'i cho gas bsgrubs na de'i 'bras bu gsungs pa/ de ni rdo rje chos kyi bdag po zhes te gong ma ltar 'od dpag med dang rang bzhin gcig tu gyur pa zhes so/ /de ji lta bu zhe na/ sa bcu la ni gnas par 'gyur/ / zhes te gzugs rdo rje ma la sogs pa sgeg pa'i ros brgyan pa'i lha mo bcu ni 'bras bur gyur pa/ sbyin pa la sogs pa'i ngo bo rab tu dga' ba la sogs pa'i sa bcu rnam par dag pa'i tshul ni sa bcu zhes bya la/ de la gnas pa ni 'dod pa'i dbang phyug tu bstan pa'o//gsung nyid mi 'da' bas na dam tshig ste de 'dzin pa'o/ /gsung gi rigs kyi bdag por gyur pas na/ mnga' dbang dam pa kun gyi mchog /ces so/ /rang gi rigs kyi bu mo med kyang gzhan dang gzung ba 'gal ba med par gsungs pa bram ze zhes pa la sogs pa'o/ / rigs la sogs pa ni khyad par du bkra shis pas smos pa ste/ don du na gnyis su med pa'i spyod pa la phyag rgya chen po 'byung bas na 'gal ba med pa'o/ /ji skad du/ sems can bsam pa la brten nas/ /tshad la sogs pa nges byas yin/ /thabs shes las 'byung dngos grub la//rigs sogs nges pas ci zhig yod/ /ces te 'jig rten sgron ma las bshad do/ /rdo rje chos zhes pa ni nye bar mtshon pa tsam ste/ gnyis kyis kyang bsgrubs na gsang ba thob par byed ces so/ /phyag rgya chen po sgrub pa'i nang gi dus bstan pa'i phyir/ rdo rje nyi ma zhes pa la sogs pa'o//phyin ci log gi ma rig pa'i mun pa 'joms pa'i phyir gsang ba'i rdo rje ste de nyid nyi ma'o/ /nub nas zhes pa ni nye bar grub par gyur pa'o/ /sgrub pa kun du brtsam par bya/ /zhes pa ni mi bskyod pa'i ngo bo bde ba chen po sgrub par byed pa'i ngo bo brtsams nas zhes so//skya rengs ni byang chub kyi sems so/ /de 'char ba ni gnas rnams nas rtsa g.yo zhing bdag nyid kyi char gnas pa'i dus su'o/ /bsgrub pa'i mchog ni phyag rgya chen po ste de 'grub par 'gyur ro zhes pa'o/ /de rnams kyi 'bras bu bya ba dang bcas par gsungs pa/ rgyan rnams zhes pa la sogs pa'o/ /rdo rje sems dpa'i mchog bsgoms na/ /zhes pa ni rang gi lha'i ngo bo ste de bsgom pa'o zhes so/ /'bras bu yang 'di ni zhes pa la sogs pa'o/ /sangs rgyas mtshan gyi zhes pa ni ji skad du gsungs pa'i mtshan dang dpe byad kyis mtshan par 'gyur zhes pa'o//dpag tshad brgya yi khyon tsam du/ /zhes pa ni mtshon pa tsam ste/ 'jig rten gyi khams thams cad du mtshan dang dpe byad de'i 'od kyis snang bar byed ces pa'o/ /bya ba gang gis she na/ dbang po gnyis zhes pa la sogs pa'o/ /sbyor ba thams cad ces pa ni der gtogs pa'i sbyor ba mngon du bya ba'i phyir zhes so//de'i bza' ba'i dam tshig kyang rdo rje can zhes pa la sogs pa'o/ /don gyis 'jug bsdu ba/ bshang gci zhes pa la sogs pa'o/ /de'i don bshang gci la sogs pa'i bdud rtsis tshim par byed cing khams rgyas par byas nas dbang po gnyis sbyor ba'i bde ba chen po la rol pas sangs rgyas dang byang chub sems dpa' thams cad kyi gnas zhi ba ni chos kyi sku ste/de la de nyid bla na med pa zhes bya ste bla na med pa'i sangs rgyas 'grub par 'gyur ro zhes pa'o/ /'dod pa ni gzugs la sogs pa'o//de nyid thar pa'i lam las mi 'da' ba'i phyir thar pa'i dam tshig rdo rje ste rdo rje 'dzin pa'o/ /ji skad du bshad pa'i bu mo bdag gir bya ba'i phyir dgug pa'i cho ga gsungs pa/ de nas zhes bya ba la sogs pa'o/ /dam tshig chen po zhes pa ni me long lta bu'o//de nyid ni rdo rje khro bo ste rnam par snang mdzad kyi ting nge 'dzin la snyoms par zhugs nas zhes so/ /kun du skrag par byed pa'i rdo rje khro bo ni de'i rigs kyi khro bo ni rdo rje gshin rje gshed kyi sngags phyung ngo zhes pa'o/ /de gang zhe na/ oM zhes pa la sogs pa'o/ /sngags de la sarba sha trUM nA sha ya zhes pa bsal nas/bu mo che ge mo s+t+waM b+ha ya zhes sbyar ro/ /sbyor ba gsungs pa/ dug ni zhes pa la sogs pa'o/ /de'i don ni 'di lta ste ji lta ba bzhin du byas pa'i gshin rje gshed kyi rnal 'byor pas dug dang khrag sbyar nas yang lan tshwa dang ske tshe yang sbyar ba'i rdzas kyis lus la sogs pa khro zhing po son 'cha' la sogs pa tsher ma'i me bus la yi ge hUM gi lce dang ldan pa'i gshin rje gshed kyi zhal du bsams nas gong gi sngags dang /bu mo'i ming dang tshig tu bcas pa brjod cing / nyi ma gung ngam nam phyed na shis par sbyor ba dang ldan pa'i shes rab can gyis mngon spyod kyi hom khung gru gsum du sbyin sreg stong rtsa brgyad bu mo dgug pa'i phyir nyi ma gsum du bya'o zhes so//des bskal pa grangs med gsum du yang zhes te/ de'i tshes thub na de tsam gyi bar du yang 'dul bar 'gyur ro zhes so/ /sangs rgyas ni sku rdo rje'o//chos 'dzin pa ni gsung rdo rje'o/ /rdo rje sems dpa' ni thugs rdo rje'o/ /gzhan ni gong ma ltar ro/ /sngags de kho nas gzhan dag gis dgug tu gzhug pa gsungs pa/ bcu bzhi pa'am zhes pa la sogs pa'o/ /de yang gshin rje gshed kyi rnal 'byor dang ldan pas mar ngo'i tshes gnyis la dur khrod kyi sol ba blangs la/de gong gi sngags bu mo che ge mo bdag la byin cig ces cho ga bzhin du sngags stong rtsa brgyad btab nas/ des srin po la sogs pa gang gi ming shing leb la sogs pa la bris pas des khrid nas 'ongs nas rtag tu brten par 'gyur zhes pa'o//da ni las phran tshegs kyis gsad pa bzhi gsungs pa/ sngags zhes pa la sogs pa'o/ /bshad ma thag pa'i sngags kyis btab pa'i dur khrod kyi sol bas dur khrod kyi sa las dgra'i gzugs brnyan byas la bkug ste bcug la/ mgo bcad do'i bsam pas gang yang rung ba'i ri mo bris zhes te/spu gri lta bur bsams la mgul pa la ri mo bris pas mgo chad par 'gyur ro/ /tho ba zhes pa ni gshin rje gshed kyi rnal 'byor pas gshin rje gshed las gyur pa'i tho ba bsam gtan gyi sbyor bas bsgoms la/ mdun du bsgrub bya'i lus bsams la tho ba des bsnun cing phab na g.yas la sogs par lhung bar 'gyur ro//hUM zhes pa ni lha khro bo'i rnal 'byor pas rang gi lag pa hUM las byung ba'i rdo rje rtse lnga pa bsgoms la de lag na rdo rje ste de 'dzin pa'o/ /des mdun du bsgrub bya'i lus la bsnun na gdug pa'i lus srin po la sogs pas 'jig par 'gyur zhes so//rdo rgyus zhes pa ni sngar bshad pa'i sbyor bas bzlas pa'i rdo rgyus dang / sol bas bsgrub par bya ba skyes pa'am bud med kyi gzugs dur khrod kyi sa la bris la bdag gi lag par hUM las byung ba'i sta re bsams nas mgul bar brgyab pas mid pa bcad pa ste kha zas mi thar pa'i nad kyis 'dzin to//de rnams kyi sbyor ba'i mthu gsungs pa/ sangs rgyas zhes pa la sogs pa'o/ /sangs rgyas kyi btsun mo spyan ma la sogs pa yang 'chi na gzhan lta ci smos pa'o/ /da ni klu bskul bas char dbab pa'i cho ga gsungs pa/las kyi rdo rje zhes pa la sogs pa'o/ /de yang mdog ser po rdo rje 'dzin pa'i sbyor ba dang ldan pas/ char dbab pa'i phyogs gcig pa'am thams cad kyi steng du hUM las byung ba'i las kyi rdo rje mdog ser po 'od rab tu 'bar ba me stag mang po 'khrigs pas mngon par 'dod pa'i phyogs khebs par bsams la/de'i dbus su hUM las byung ba'i rdo rje rtse lnga 'greng bu me lta bu bsams la/ de'i bum pa la sbyor ba de nyid kyis 'dug ste/ ba spu'i bu ga las byung ba'i 'od zer ser pos phyogs thams cad khyab par bsams nas de lta bus ni mngon par 'dod pa'am/thams cad las phyi rol du 'bab par 'gyur ro/ /sa gzhi nyid 'od zer 'bar ba bsams te klu thams cad bskam par bya ba ni man ngag go/ /rtse gcig pa nyams su myong ba dang bcas pa ni bsgom par mi nus pa dag la cho ga 'di lta ste gong du bshad pa'i bri ba'i rdzas kyis dur khrod kyi ras la pad+ma 'dab ma brgyad la klu brgyad kyi rang rang gi sa bon bris la/de'i snying po la phaT gnyis kyi bar du baM bris te bkug la/ yang ras ma gnyis pa la 'bar ba dang bcas pa'i rdo rje rgya gram ser po'i lte ba la rdo rje rtse lnga pa hUM gis byin gyis brlabs pa bris la/dang po'i ras bkan te bting ba'i steng du/ gnyis pa kha sbubs te rdo leb la sogs pas mnan la bzhag na char pa 'gog pa'i cho ga yin no zhes pa'o/ /tshon 'gyed pa la sogs pa'i skabs su bgegs zhi bar bya ba'i cho ga gsungs pa/dkyil 'khor dag ni zhes pa la sogs pa'o/ /sogs pa'i sgras bsdus pa chu dang sbrul la sogs pa'o/ /mche ba'i phyag rgyas zhes pa ni bdud rtsi 'khyil pa'i phyag rgya chen po ste/ bcing ba ni cho ga ji lta ba bzhin du bsgoms nas zhes so//gdug pa'i dgra ni zhes pa ni bgegs rnams kyi gdug pa'i dgra ste/ sngags kyi rgyal po gong du gsungs pa la ma hA pa ti dzI bi ha na ta ka ra zhes pa bsal nas che ge mo gnod byed ces pa dran par bya'o/ /de'i mthu gsungs pa/ sangs rgyas zhes pa la sogs pa'o/ /de rnams kyi sprul pa yang 'jig par 'gyur na zhes pa'o/ /gzhan dag ni go sla'o/ /sngags de kho na'am/ gzhan gyi yi ge swA hA bor la las dang mthun par phaT gzhug pa gsungs pa de la 'di ni zhes pa la sogs pa'o/ /ye shes sems dpa' zhes pa ni gzugs rnam par gzhig pa ste/de'i sbyor ba yis zhes pa ni bar gyi srid pa'i sems sngon du 'gro ba'i zla bar zhu ba'i gzugs kyi dkyil 'khor gyi dbus su bsgom par bya'o zhes so/ /sngags shes pa yis zhes pa ni sbyor ba shes pas tshad med pa bzhi lha mo bzhi'i gzugs su phyung ste/bden bral la sogs pa'i gnas bzhir mA ma kI la sogs pa'i bud med go rims bzhin du bzhag nas bskul bar bsam mo zhes so/ /bud med de dag kyang rgyan dang mtshan thams cad rdzogs pa'o zhes sbyar ro/ /rigs lnga dang ldan pa'i lha mo dang bdag gi yan lag gnyis dag par bya ba gsungs pa/pad+mo zhes pa la sogs pa'o/ /de yang rang gi rigs kyi bu mo'i pad+ma la rdo rje bzhag pas rgyas par byas nas zhes so/ /bskul ba'i las la gnas pa'i pad+mo de yang sngags 'dis bsgom par bya'o/ /hUM zhes so/ / des pad+ma dmar po 'dab ma brgyad pa ge sar ser pos mtshan pa gcig tu bsam mo/ /gzhan yang sngags des 'od zer lnga rab tu 'bar ba'i rdo rje rtse lnga nor bu dmar skya bar bsgoms nas/ gzod sbyor ba bsgom zhes te gong ma ltar ro/ /da ni skya rengs 'char ba'i dus su phan yon gsungs pa/rang lus zhes pa la sogs pa'o/ /rang lus ni rang gi phung po la sogs pa'o/ /ngag sems rdo rje zhes pa ni rdo rje gsum gyi rang bzhin gyi gru gsum dang ldan pa'i pad+mar zla ba lta bur phab na byang chub thob par 'gyur ro zhes so/ /ji lta bu'i byang chub ce na/de nas zhes pa la sogs pa'o/ /rnam par snang mdzad 'od 'dra zhing / /zhes pa ni sku rdo rje'i dkyil 'khor gyi 'khor lo thob nas de'i rigs can rnams la snang ba'i byang chub bo/ /de bzhin du rdo rje sems dpa' rgyal po che ni thugs rdo rje'o/ /sangs rgyas rdo rje gsung 'dzin ni gsung rdo rje'o//de bas na de la sems dpa' thams cad bskyed pa rdo rje zhes bya'o/ /da ni gsang ba'i dbang bskur ba'i dam tshig phan yon dang bcas pa gsungs pa/ bzhin bzangs zhes pa la sogs pa'o/ /bzhin bzangs zhes pa ni gtso bo'i rig ma'o//ma lta bu'i sems dang ldan pas na phan par 'dod pa'i bud med rnyed nas zhes so/ /ci bya zhe na/ cho ga bzhin zhes te bar ma'i bsnyen sgrub bzhi la sogs pas dag par byas nas/ gnas dben par tshogs kyi mchod pa brtsams la/ de dang snyoms par zhugs pa'i gsang ba ni zla bar zhu ba ste/blo brtan pa'i slob mas de bzhin gshegs pa thams cad 'dus pa'i bdag nyid du bsams la bza' bar bya zhes so/ /de'i yon tan yang de ni zhes pa la sogs pa'o/ /'jam dpal dang gzi brjid mnyam pa ni sa bcu'i byang chub sems dpa' ste des dag par byas nas zhes so//mi snang bdag pos zhes pa rtog pa'i lus ngag gis mi snang bar byas na/ 'dzam bu gser gyi mdangs 'drar 'gyur/ /zhes pa'o/ /da ni bdud rtsi lnga la sogs pa zos pa las mi snang bar sgrub pa gsungs pa/ bshang ba'am zhes pa la sogs pa'o//de yang gong ma ltar byas pa'i rnal 'byor pas dang po'i cho ga la gnas pa'i ri mo'i dkyil 'khor gyi dbus su bshang ba ste dri chen nam 'bras chan la sogs pa'i bza' ba ji snyed pa 'am/ sha lnga la sogs pa b+han+d+ha'i nang du bcug la/ cho ga bzhin du sngags nas ni//zhes pa ni rlung la sogs pa'i rim pas rnam par sbyangs la/ rang gi sngags bzlas pas 'bar ba la sogs pa mthong nas zos na sangs rgyas kyis kyang mi mthong zhes so/ /bshang ba cho ga bzhin blangs nas/ /zhes pa ni/ dri chen blangs nas 'khar ba'i snod du ra dkar mo'i 'o mas bsnur te bskams nas kham phor bug pa can gyi steng du sbyar/de'ang sa dang rlung la gnas pa'i me'i dkyil 'khor gyi steng du bzhag nas me bcug ste bskol ba bug pa med pa la 'dzag pa blangs nas/ brgya rtsa brgyad bskul nas ril bu byas te zos na sangs rgyas nyid sdig pa'i 'dam rdzab skems pas na nyi ma ste/des kyang mi mthong ngo zhes so/ /khyim la sogs pa'i cho ga yang zangs kyi snod du ba dmar mo'i 'o mar bskams la/ kham phor gyi cho ga gong ma bzhin du sbyor ro/ /da ni gong du gsungs pa'i ril bu'i dngos grub kyi sbyor ba la lcags gsum gyis dkri bar bya ba'i rdzas rnams gsungs pa/bshang ba glang po zhes pa la sogs pa'o/ /de la/ dbang po gnyis kyi sbyor ba yis/ /zhes pa ni/ bdag gi dbang po dang rang gi lha'i dbang po gnyis su med par byas pa la bya ste/ skabs 'dir rdo rje dang pad+ma la mi bya ste/dngos grub thun mong rnams ni phyag rgya las skye ba ma yin pa'i phyir ro/ /gzhan ni go sla bas ma bshad do/ /de rnams ji lta bu'i rnal 'byor gyis bya zhe na/ de yang rdo rje 'dzin pa ste/ rang gi lha gang yang rung ba'i sbyor bas ji skad du bshad pa bzhin du phyag rgya chen po bskyed nas mtha' gnyis dgag pa'i phyir byin gyis brlabs nas/tshogs pa dang ldan pa'i ril bu khar bcug nas bsgoms na ji skad du gsungs pa'i yon tan du 'gyur ro/ /de nyid gsungs pa/ ye shes zhes pa la sogs pa'o/ /dpag tshad bye ba tsam gyi steng du 'gro bar 'gyur zhes rang gi'o//stong gsum bdag po yang rang gi'o/ /'dod khams gnas pa lha'i bu mo lha'i longs spyod dang ldan pa brtul zhugs che ba la 'dod pa spyod ces so/ /yang na gzugs khams zhes pa ni gal te de na yod na yang zhes mthu phul du byung bar bstan pa'o/ / mi snang ba'i ngo bo las mi 'da' bas na dam tshig ste rdo rje 'chang chen po'o/ /da ni de'i don la ngo mtshar che ba gsungs pa/ de nas zhes pa la sogs pa'o/ /yid la dbang ba zhes pa ni de rnams ni thugs nyid ji lta ba bzhin du rtogs pas gang du bltas pa ltar 'byung ba'i phyir ro/ / skye bos shes par bya ba'i phyir thugs dam pa ltar snang ngo / /ngo mtshar du gyur pa ni mthar skyes dang sngags dang bdud rtsi ril bu la sogs pa'o/ /rab tu ngo mtshar che zhes pa ni sngags kyi las sna tshogs sgrub par byed pa'o/ /mchog tu mi 'gyur gsang ba zhes pa ni mthar skyes kyis phul du byung ba'i ye shes brnyes pa'o//ngo bo nyid kyis dag ces pa ni dri chen la sogs pa'i rdzas kyis mi snang bar byed pa'o/ /shin tu dri med chos zhes pa ni phyag rgya chen po'i rnal 'byor pas ril bu las yon tan thob pa'o/ /da ni dbang bskur ba'i rigs kyi bdag po'i nges pa gsungs pa/de nas zhes pa la sogs pa ste bshad zin to/ /sangs rgyas rdo rje ni rdo rje 'chang chen po'o/ /de thams cad kyi ngo bo bas na can rnams so/ /rdo rje'i sbyor ba ni mi bskyod pa'i ste/ bsnyengs par gyur pa ni de nyid gcig la gcig dbang bskur ba'o//ji skad du/ rgyu la 'bras bus rgyas gdab cing / /'bras bu la yang rgyus rgyas btab/ /ces so/ /sangs rgyas rdo rje rab byed pa/ /zhes pa ni mi bskyod pa'o/ /des rdo rje 'dzin rnams te rnam par snang mdzad la sogs pa bzhi'i dbang bskur bas mnyes par 'gyur ba'o//rdo rje spyan gyi gzugs la sogs/ /zhes pa ni spyan la sogs pa'i lha mo bcu'o/ /gtsug tor zhes pa ni bde bar gshegs pa lnga dang drug pa rdo rje 'chang chen po ste dbu la gnas pa nyid kyi phyir ro/ /ji skad du/ 'khor los sgyur ba'i rgyal po drug /gtsug tor zhes ni rnam par 'byung / /zhes so/ /de la gtsug tor lngas rang rang gi rigs mnyes par byed pa yin zhes so/ /khro bo'i nang nas de mchog ste/ /zhes pa ni khro bo bcu la gtsug tor mchog ste gang yin zhe na/ sangs rgyas zhes pa ni rnam par snang mdzad do//des gshin rje gshed mnyes par byed pa'o/ /rdo rje zhes pa ni mi bskyod pa ste khro bo brgyad mnyes par byed pa'o/ /rab tu bsgoms pa ni snang ba mtha' yas kyis rta mgrin mnyes par byed pa'o zhes so/ /rig pa'i rgyal po chos mchog ste rnam par snang mdzad la sogs pa'i rig 'dzin grub pa rnams la dkon mchog dpal dbu rgyan du bsgom mo//rig 'dzin rgyal mo ni spyan ma la sogs pa'i rig 'dzin grub pa la tshe dpag tu med pa dbu rgyan du bsgom zhes so/ thams cad las byed sngags rnams ni mngag gzhug pa ste/ gdon mi za bas dbu rgyan du bsgom mo//sngags rnams thams cad ni tshangs pa dang drag po dang dbang phyug dang dpa' bo rdo rje la sogs pa'o/ /de'i dbu rgyan du rdo rje sems dpa' ste mi bskyod pa rnam par bsgom zhes so/ /gnod sbyin mo rnams la gshin rje gshed dbu rgyan du brtag par bya zhes so/ / sngags rnams thams cad ces pa ni lhar sbyor ba thams cad kyi spyi bo nas lha re re zhing rig ma dang ldan par bskul ba'i las kyis byang chub sems kyi chu rgyun 'bab pas na shis pa'o/ /de bas na rig lnga ma yin par mngon no/ /de rnams ni dpral ba la sogs par dgod pa'i phyir ro/ / bsam gtan 'khor lo 'di zhes pa ni dbang bskur ba 'di ni bsam gtan gyi dbang bskur ba'o/ /ji skad du/ bsam gtan 'khor lo thams cad kyis dbang bskur ba ni brtag pa ste zhes so/ /de sngags de bzhin gshegs pa rnams dang dkyil 'khor dag mnyes par byed pa ste/ longs spyod bzhi las sgrub pa chen por gsungs te zhes so//'da' bar bya ba ma yin pas na dam tshig chen por ston pa'o zhes so/ /da ni dkyil 'khor du zhugs pa'i slob ma la lha dbab pa dang / de ma thag pa'i sbyor bas rnal 'byor pa'i mthu rtogs par bya ba'i phyir gsungs pa/ de nas zhes pa la sogs pa'o//lung gi gzhir gyur pa'i phyir gtso bo'o/ /phung po la sogs pa thams cad dag pa'i bdag por gyur pas na chos rnams kun gyis phyug pa'o/ /sku gsum gyi rang bzhin pas na sku dang gsung thugs yongs su dag pa ste tha ma nas so/ /cung zad ye shes dbang du gyur pas dbab pa'i gnas gsungs pa/ri rtse zhes pa la sogs pa'o/ /bsam gtan rdo rje ni 'og nas 'byung ba'i rim pas rab tu bya zhes so/ /gsang sngags bzlas pa'i sbyor ba yang 'og nas 'byung ba'i hUM la sogs pa bzlas pa dang de'i rnal 'byor gyis dbab ces pa'o//de ltar phab na de'i lhas thams cad byed pa gsungs pa/ rdo rje sems dpa' zhes pa la sogs pa'o/ /rdo rje sems dpa' sogs kyi sgras bsdus pa rtag pa dang / 'od dpag med dang / skul byed ma la sogs pa'o/ /sngags dang bsam gtan gyis bskul ba yang 'og nas ston to//las rnams thams cad byed par 'gyur/ /zhes pa ni dkyil 'khor bri ba dang me tog dor ba la sogs pa'i dgongs pa sgrub par byed do zhes pa'o/ /da ni dbab pa'i thabs kyi cho ga gsungs pa/ rdo rje chos zhes pa la sogs pa'o/ / de yang ji skad du gsungs pa'i snod a las rdo rje chos 'od dpag med kyi gzugs pad+ma rA ga'i mdog 'dra ba lhag par mos pas bsams te/ de la sku gsung thugs kyi rdo rje che/ gnas gsum du rigs kyi brtag pa bya'o zhes so/ /de yang snying gar laM las byung ba'i dbang chen ser po grwa bzhir rdo rjes mtshan pa'i dbus su hUM sngon po bsam mo//mgrin par paM las gyur pa'i chu'i dkyil 'khor zlum po bum pas mtshan pa'i AH dmar po bsam/ spyi bor yaM las byung ba'i rlung gi dkyil 'khor gzhu lta bu ba dan gyis mtshan pa'i dbus su hAHdkar po bsams pas byin gyis brlabs pa'o//de nas de'i rkang pa'i 'og tu rlung gi steng du me'i dkyil 'khor la gnas pa'i dz+haiM 'bar ba bsams nas/ rlung la sogs pa'i rim pas dz+haiM bskul ba'i 'od zer gyi tshogs 'khrug cing rkang pa'i mthil nas rkang pa'i bar du 'bar bar gyur par bsam mo//de nas rigs gsum gyi bdag nyid can dang bskul bar bya ste/ rdo rje dril bu dang ldan par 'jigs su rung ba'i gar gyis A be sha ya staM b+ha ya ra ra ra ra tsa la tsa la hUM hAHdz+haiM zhes brjod pas dbab pa'i cho ga thams cad ni byas na gdon mi za bar 'grub ces pa'o//rtags mthong ba de'i lce la thig le la AHdmar po bsams nas b+hu hi badzra zhes brjod pas dge mi dge thams cad des ston par 'gyur ro zhes so/ /de nas kye rdo rje sdod cig ces brjod pas brtan por byas la me tog la sogs pa dor du gzhug go/ /sa bla ba'i zhes pa ni dzre ste sa las steng du 'phar ba'i rgyu yin no//rigs chen ni sku'i rigs la sogs pa gsum mo/ /de rnams ni 'phags pa bzhi po de bskul ba'o/ /rdo rje grub pa dag gis bya/ /zhes pa ni brtan pa rdzogs pa'i sems kyis so/ /brtag pa ni bde ba chen po ste de 'grub pa'o//da ni cung zad ye shes dbang du gyur pa'i rnal 'byor pas snod rnam pa gnyis la ye shes kyi lha phab nas dkyil 'khor rnam pa gnyis bri ba gsungs pa/ bu mo zhes pa la sogs pa'o/ /lo bcu gnyis pa ni nyon mongs pa rags pa'i skyon med pa'o/ / mtshan nyid yongs su rdzogs pa ni rigs btsun pa la sogs pa pad+ma'i zhal snga nas kyis mdzes pa'i cho ga las byung ba lta bu'o/ /cho ga thams cad byas nas ni/ /zhes pa ni gong ma ltar dbab pa'i cho ga thams cad byas nas des thig dang tshon dgye ba la sogs pa'i las rnams rab tu bskul bar bya zhes so//las kyi mthu yod pas rnam pa gzhan te slob dpon slob ma la sogs pas las byas na lus ngag yid gsum dang ldan pa'i khams gsum gyi skye bo ste/ des nus par med do zhes dpyad par 'gyur ro/ /de'i don ni 'di lta ste/ bya ba thams cad rdzogs pa'i rnal 'byor pas khye'u bu mo 'khor lo'i khang par bcug ste ji skad du bshad pa'i tshogs dbab pa byas la/des thig gdab pa dang rdul tshon dgye ba byas nas bka' nod par 'gyur ro/ /de'i lha gshegs su gsol nas de gnas su btang ste/ lhag par gnas pa'i cho ga la sogs pa bya'o zhes so//gong du bshad pa'i dbab pa'i snying po gsungs pa/ de la snying po'i zhes pa la sogs pa'o/ /de'i nus pa gsungs pa/ nam mkha'i zhes pa la sogs pa'o/ /nam mkha' ni gzugs can ma yin pa ste/ de yang 'bab na sems dang bcas pa lta smos kyang ci dgos zhes pa'o//rtog pa thams cad spangs pa yi/ /rdo rje sems dpa'i bdag nyid kyang / /cho ga bzhin du byas na 'bab/ /ces pa'o/ /snying po de rnams nyid lha'i ngo bo nyid yin par gsungs pa/ hUM ni zhes pa la sogs pa'o//'di ni gsang tshig bstan pa'o/ /zhes pa ni rdo rje gsum ni gsang ba ste de'i dam tshig ces pa'o/ /skul bar byed par bshad ces pa ni skul byed ma'i ngo bo yin no/ /ji ltar yin na/ skul ba dang ni g.yo ba yin/ /zhes pa la sogs pas bstan to/ /da ni babs pa'i rtags la sku'i rdo rje babs pa'i rtags gsungs pa/rdo rje tshig gis zhes pa la sogs pa'o/ /rdo rje tshig ni gong ma ltar brjod pas sku rdo rje babs pa'i rtags khru gang la sogs pa nam mkha' la 'phar bar 'gyur zhes so/ /de bzhin du gsung rdo rje babs pa'i rtags phreng ba'i sngags la sogs pa rjod par byed do//thugs rdo rje babs pa'i rtags 'das pa dang ma 'ongs pa'i dge mi dge thams cad shes par 'gyur ro/ /ji skad du/ thugs babs pas ni kun du shes/ /gsung babs pas ni sngags brjod do/ /sku babs pas ni nam mkhar gnas//zhes 'jig rten sgron ma las bshad do/ /snga ma bzhin du thams cad 'gyur/ /zhes pa ni thig dang rdul tshon gyi cho ga las ma gtogs pa thams cad las dang po pa'i rnal 'byor bzhin du bya'o zhes so/ /de bas na 'di ni cho ga gzhan dang thun mong ma yin pas na gsang ba 'dus pa'o zhes so//da ni bdud rtsi 'khyil pa'i sbyor bas sdang ba tshar gcad pa'i cho ga gsungs pa/ de nas zhes pa la sogs pa'o/ /de bzhin gshegs pa kun gyi snang bar byed pa'i rkyen pas na bdag po'o/ /sku gsum gyi gnas yongs su dag pas na rdo rje gsum du snang ba'o//rtse gcig ma gyur pa yis kyang / /zhes pa ni bya ba mang pos yengs pa brtan par ma gyur cing mtshan ma ma thob pas kyang bsrung ba'i dam tshig mi nyams par bya ba'i phyir brtul zhugs brtan pa ste nyin mtshan du bzlas pa la sogs pa la brtson pas 'di dag bya zhes so//gdug pa thams cad ni dkon mchog gsum la gnod pa byed pa la sogs pa ste/ de gzhig pa la bdud rtsi 'khyil pa'i sbyor ba las gzhan du mi bya ste/ lha thams cad las la de kho na sbyor bas myur ba'i phyir ro/ /ji ltar bya zhe na/ dgra'i zhes pa la sogs pa'o//de yang de'i sbyor ba la gnas pas gong ma ltar dur khrod kyi thal ba la sogs pa'i rdzas la dgra bo'i gzugs brnyan byas nas bkug ste dur khrod la sogs pa'i gnas su skra bshig cing gcer bur byung la mtshan ma mnan nas sngags bzlas na khams gsum yang 'jig na gzhan lta ci smos zhes pa'o//sbyor ba gzhan gsungs pa/ bsregs pas zhes pa la sogs pa'o/ /ro bsregs pa'i thal ba 'ba' zhig la gzugs brnyan byas nas dur khrod du gong ma ltar stong rtsa brgyad bzlas na bsgrub bya 'chi'o zhes so/ /de'i rnal 'byor gyis sbyin sreg dang ldan par bsgrub pa gsungs pa/dkyil 'khor zhes pa la sogs pa'o/ /de yang ro bsregs pa'i thal ba la sogs pas me'i dkyil 'khor gru gsum byas la/ du ba la sogs pas kha dog nag por byas la kha bye ba'i rtse gsum pas mtshan pa po son 'cha' la sogs pa'i me sbar la/ji skad du bshad pa'i cho gas me lha bskyed nas de'i zhal du gong du gsungs pa'i rdzas las byas pa'i gzugs brnyan gtub cing lan gsum du sbyin sreg byas nas de'i 'bras bu bdud rtsi 'khyil pa'i zhal gdangs pa mche ba rnon po hUM gi lce dang ldan par bsams nas ba lang sha la sogs pa sna tshogs de'i yan lag tu bsams nas sbyin sreg byas na rdo rje sems dpa' yang gdon mi za bar 'jig ces so//de bzhin du sha chen las gzugs brnyan byas la gong ma ltar sbyin sreg byas na rdo rje las byung ba yang 'jig ces pa'o/ / de bzhin du gong ma ltar dgra'i gzugs brnyan byas nas bshang ci dag gis lus byugs nas che ge mo mA ra ya phaT ces pa'i tshig dang ldan par gong gi thab khung du tsher ma'i me la thugs la sogs pa khros nas bsregs na sangs rgyas dag kyang nges par 'jig ces so/ /sbyor ba gzhan gsungs pa chu bo zhes pa la sogs pa'o//de yang chu bo 'bab pa'i 'gram gnyis kyi sa la sogs pa las dgra bo'i gzugs brnyan byas la mgo byang du bstan la gan rkyal du bzhag la til gyi 'bras bu tsam du bar mtshams med par dug las byung ba'i tsher ma ste srang ko tsa dang /'byi tshe kha la sogs pa'am bcos pas btsugs la bskul ba'i tshig dang bcas par sngags bzla zhing dgang ngo / /ske tshe dang lan tshwa dang 'bru mar dang / dug dang / d+ha du ra ni snag tshar byas la dur khrod kyi ras la ming bris nas gzugs brnyan de'i snying gar gzhug pa'o//des sangs rgyas thams cad kyang gsod na gzhan lta ci smos zhes pa'o/ /sbyor ba gzhan gsungs pa/ sol khus zhes pa la sogs pa'o/ /de'i sbyor ba kho nas sol khus gsher ba'i gos gyon nas sems khros nas rus phye dang dug dang khrag rnams kyis dgra'i gzugs brnyan byas nas bdud rtsi 'khyil ba'i rkang pas ling+ga de mnan la che ge mo rak+Sha se kra ha ya zhes bskul ba'i tshig dang ldan par brjod na rdo rje sems dpa' yang srin pos khyer bar byed na gzhan lta ci smos zhes so//sbyor ba gzhan gsungs pa/ skye tshe zhes pa la sogs pa'o//de'i sbyor bas skye tshe'i mar dang bshang gci sbyar la gong du gsungs pa'i ling+ga g.yogs par blugs la me'i 'khor los byin gyis brlabs pa'i rkang pas mnan nas bskul ba ma btang ba'i dbang gis rab tu tsha bas gdungs par 'gyur zhes so/ /da ni las kyi tshogs gsungs pa'i 'khyil pa'i sngags gsungs pa/de la zhes pa la sogs pa'o/ /khro bo thams cad ni gshin rje gshed la sogs pa'o/ /dam tshig chen po'i khro bo ni de rnams las mi 'da' ba ste/ bdud rtsi 'khyil ba'o/ /de las la sbyor ba'i snying po'o/ / sbyin sreg gam yang na bsam gtan pa zhes pa ni sbyin sreg gi gong du gsungs pa'o/ /bsam gtan ni 'og nas 'byung ba'o/ /rdzas dang ldan pa yang ltag 'og gnyis su shes par bya'o/ /de bas na las 'di ni cho ga gsum gyis 'grub ste/ ji skad du/ mtshan ma mnan nas bzlas pa'am//sbyin sreg khro bo rnal 'byor ram/ /gdug pa'i sems can bsam gtan gyis/ /bza' ba ru ni rab tu brtag /ces pa'o/ /des gdug pa'i lus dang ngag sems 'jig pas na brtson 'grus brtul ba can gyis ma yengs pa'i sems kyis byas na gsod pa'i mchog yin no zhes so//las de thams cad pa'i khro bo bskyed pa'i rkyen gsungs pa rdo rje sems dpa' zhes pa la sogs pa'o/ /rdo rje sems dpa' zhes pa ni de sngon du gyur pa las cho ga bzhis sdang ba 'jig par mdzad pa'i khro bo ste bdud rtsi 'khyil pa'o/ / de yang zhabs rnam par bgrad pa/ zhal la sogs pa 'jigs 'jigs lta ba bsams nas las bya'o zhes pa'o/ /sta re tho ba phyag na bsnams/ /zhes pas 'di ston te/ bsgrub bya la nyes pa bsgo ba'i phyir bsam gtan gyis khyad par byas te/ de yang dang po bla ma la smod pa la sogs pa'i bsam pa dang ldan pa'i gang zag de'i lag par ma chags sta re dang tho ba ste gtun shing bsnams par bsams la 'og nas 'byung ba'i bsam gtan rab tu bya zhes so//de nyid gsungs pa/ de las zhes pa la sogs pa'o/ /mkha' dbyings sangs rgyas thams cad kyis yongs su gang bar bsams la gdug pa de sta re dang gtun shing gis thams cad bsad par bsam mo//yang byang chub sems dpa' thams cad kyis gang bar bsams nas/ gong ma ltar yang bsad par bsam mo/ /de ltar lan gsum du byas nas der mtshan ma bor te sangs rgyas gnod byed kyi dgra rnams dran pa thob nas 'gyod cing skyabs med pas skrag cing 'jigs pas sems dkrugs par sngags mkhan gyis bsams na/snying rje chen po'i khro bo bskyed nas las byas na 'chi bar 'gyur ba gdon mi za zhes so/ /bsam gtan las byung ba'i sbyor ba gzhan gsungs pa/srin po zhes pa la sogs pa'o/ /bdud rtsi 'khyil pa'i rnal 'byor pas srung ma bral ba'i bsgrub bya me la gnas pa la rang gi sngags brjod pa las byung ba'i srin po dang / khro bo sna tshogs pa gtum zhing mi bzad pa spros pas bcings shing rdeg pa la sogs pas skrag par bsams na 'chi'o zhes so//de bzhin du de las 'phros pa'i 'ug pa dang / khwa dang bya rog dang ring du sgra 'byin pa'i wa la sogs pas gtses shing skrag par bsams na 'jig ces so/ /de bzhin du de las 'phros pa'i sbrul nag rab tu khro ba mgo brgya yod pa de re re lce gnyis mche ba'i phreng ba gnyis yod pa 'jigs pa dag kyang 'jigs par byed pa gdug pa thams cad kyi dam tshig de bsgrub bya'i dpral bar bzung bar bsams na 'jig par 'gyur ro zhes so//phyogs bcu'i sems can ni sangs rgyas dang byang chub sems dpar gyur pa'o//de la gong ma ltar bsgrub bya la 'tshe zhing gnod pa ni bsgrub bya'o/ /de 'jigs par byed pa la 'di bskul ba'i cho ga yin no zhes so/ /de bzhin du bdag gi lag na gnas pa'i tho ba rab tu drag pos bsgrub bya'i snying gar brdegs par bsams na dgra'i srog med par 'gyur zhes pa'o//de bzhin du lag na gnas pa'i rdo rje dang sta re la sogs pas bsgrub bya'i snying gar brdegs par bsams na dgra'i srog med par 'gyur zhes so/ /de bzhin du lag na gnas pa'i rdo rje dang sta re la sogs pas bsgrub bya gshag cing gtub par bsams na rdo rje sems dpa' drag po yang 'chi na gzhan lta ci smos zhes pa'o//de ltar rnam par gnas pa'i rnal 'byor pas gal te bsgrub bya gzhan gyi sngags dang lhas bsrung ba byas pa yang srid pas de dang dbral ba'i cho ga gsungs pa/ bsrung ba zhes pa la sogs pa'o/ /de la gnod pa bsrung bar bya ba'i phyir rnal 'byor gzhan gyis dang po'am phyis sngags rnams dang de las byung ba'i lha rnams te/de'i spyi bor bzhag nas byang chub sems las byung ba'i khro bo gnod mdzes bka' nod pa mdun du bsams nas oM A he/ sum+b+ha che ge mo'i srung ma khug cig hUM dzaH zhes pas las kyi rdo rje kha sbyor gyi nang du bcug la bkug ste g.yon du bzhag nas dam tshig smras te bdud rtsi thab sbyor gyi phur bus btab pas gnod par byed ces so//'di ni gsod par byed cing kha sbyor dbye ba ste/ dam tshig shin tu 'da' dka' ba'o zhes so/ /thun mong gi srung ma dang dbral ba'i cho ga gsungs pa/rdo rje phung po la zhes pa la sogs pa'o/ /rdo rje phung po zhes pa ni bsgrub bya'i phung po la sogs pa dang dbyer med pa'i lha ste/ de ji tsam du sems can de'i lus kyi dkyil 'khor la gnas pa la de'i nyes pa bsgos te/ des kyang gnang nas shin tu khros pas bsgrub bya gsod par bsams nas de phyung la bdag nyid 'jug pa la sogs pa'o//des mnyes par byas par 'gyur te gzhan du mnyes par gyur pa/ ji skad du/ gang zhig bsgrub bya'i lus la yang / /dkyil 'khor rnam par bsgom byas te/ /de yi lus gnas 'khor lo la//de yi nyes pa bsgo bar bya/ /de ni 'byung bar rnam bsgoms la/ /zhes pa la sogs pa gsungs so/ /sbyor ba'i nus pa gsungs pa/ ston pa zhes pa la sogs pa'o/ /sangs rgyas ni rtag pa la sogs pa'o/ /rdo rje 'dzin ni de nyid do/ /rdo rje chos ni 'od dpag med do//rdo rje yang mi bskyod pa'o/ /de rnams kyang bsam gtan sbyor ba des 'chi bar 'gyur zhes so/ /gnyis su med pa'i tshad mas dngos po stobs su gnas pa la gang ji lta ba bzhin du bskul ba de kho na bzhin du 'byung ngo zhes pa'o/ /rdo rje khro bo ni bdud rtsi 'khyil pa'o//de yang de'i ngo bo las mi 'da' bas na dam tshig khro bo ste rdo rje 'chang chen po'o/ /dngos po rnams ngo bo nyid kyis dag par gsungs pa/ de nas zhes pa la sogs pa'o/ /lus ngag yid gsum phyin ci ma log pas na thub pa chen po'o/ /gzhan ni bshad zin to/ / ngo bo nyid dag ces pa ni don dam pa'i bden pa ste byed pa ma yin pa'o/ /de nyid rdo rje theg pa bla na med pa ste de la gnas pa'o/ /de bas na ma skyes pa'i chos rnams la zhes te kun brtags pa'i bdag nyid kyis ma skyes pa ste/ de la rgyal ba rnams kyis gnyis su med pa'i tshul gyis gsod pa la sogs pa skye bar bstan zhes so//da ni lha gang yang rung ba'i rnal 'byor pas rdzas dang ldan par las phran tshegs su gsungs pa de la zhes pa la sogs pa'o/ /las phran tshegs zhes pa ni bri ba la sogs pa'i bya ba gtso bo yin pa'i phyir ro/ /bsam gtan dang 'brel bas na rdo rje gsang ba'o zhes so//de la yi ge gsum gyi bar du bcug pa'i khaM gi bzlas pa yis rdo rgyus sam dur khrod kyi sol ba la brgya rtsa brgyad pa btab pas sbrul mi sdug pa 'jigs par byed pa/ nag po'i 'od 'bar ba sems 'khrugs shing khro ba lce gnyis pa/mche ba'i phreng ba btags pa dur khrod kyi sa la bri'o/ /de la 'di ni zhes pa la sogs pa ni gnas nas bskyod pa'i thabs bstan to/ /de yang yi ge khaM mi bzad par gyur pa'i dug gi rang bzhin sbrul de'i kha'i dbus na 'dug par bsams la de yang sreg pa'i me'i kha dog bzhin du dmar nag tu bsgoms na des de gnas de las 'gul bar gdon mi za zhes so//de la 'di ni zhes pa la sogs pas dug bkug nas 'dzin du gzhug pa'i thabs so/ /dug thams cad 'byin pa ni rang rang gi gnas las so/ / de yang de'i lce'i rtse mo yi ge hrIHbsams nas/ de'i 'od zer gyi lcags kyus rgyu rnam pa sna tshogs pa las byung ba'i dug khams gsum na gnas pa ji snyed pa bkug nas de yis bsdus nas khyer 'ongs nas de ma thag tu lce la thim par bsam mo/ /des rten gyi mi bzad dug ni byang ba ste med par byas nas so//de bsgrub bya'i dpral bar mche bas phug nas lce des reg ma thag tu mi 'chi ba'i dogs pa med ces so/ /gdug pa'i srog chags gzhan la yang cho ga des bya bar gsungs pa/ sdig pa zhes pa la sogs pa'o/ /sogs kyi sgras bsdus pa sre mo dang rta glang la sogs pa'o//sbrul rnams sna tshogs pa la zhes pa ni chu sbrul dang / rlung sbrul dang / kha dog tha dad pa'i sbrul rnams bsdu'o/ /de rnams yang gong du gsungs pa'i sbyor ba las byung ba'i mtshan nyid kyis/ cho ga bzhin du rab tu bya/ /zhes te/ bri ba dang / bskul ba dang 'dzin du gzhug pa la sogs pa bya'o/ /da ni rdo rje gsum gyi rnal 'byor gyis dug bsal ba'i cho ga gsungs pa/ de la 'di ni zhes pa la sogs pa'o/ /ji lta bu bzhin du byas pa'i rnam par snang mdzad kyi rnal 'byor pas lag pa g.yas pa oM las byung ba'i rdo rje 'khor lo dkar po rtsibs brgyad pa 'od zer gyi tshogs dang ldan pa bsams nas/de'i lte ba la yang oM 'od zer dang ldan pa bsams 'od zer des nye ba'i dug dang / rdo rje la sogs pa mi bzad pa'i dug gis zin pa'i lus las dug nag po drangs nas/ nam mkha'i dbyings rdo rje dkyil 'khor du gtor bar byed ces so/ /de nas nag po byug pa'i sar 'od zer dkar po 'jug pas zhi bar bya'o/ /mi bskyod pa'i rnal 'byor pas dug gso ba gsungs pa/ de la 'di ni zhes pa la sogs pa'o/ /mi bskyod pa'i rnal 'byor dang ldan pas bsgrub bya dug gis zin pa'i snying gar hUM las byung ba'i rdo rje dkar po hUM dang ldan pa 'od kyi sprin bzhin du 'bar ba 'od zer de yang zla ba'i 'od bzhin du bsil bar bsam mo//de'i 'od kyis lus khyab par byas nas dug thams cad snying ga dang / lkog ma dang / dpral ba dang /mgo'i gnas bzhi dag tu bsdus nas lan gsum gyi bar du bsams nas kyang thams cad snying gar bsdus nas kha dog nag por skyug pa'i tshul du byung ba dag tu bsams nas/ nam mkha'i khams gang ba'i dug kyang med par byed na bsgrub bya'i lus lta ci smos pa'o//snang ba mtha' yas kyi rnal 'byor pas nye ba'i dug 'byin pa gsungs pa/ de la 'di ni zhes pa la sogs pa'o/ /de las gzhan pa'i zhes pa ni rdo dang g.yan pa dang / sha bkra la sogs pa'o/ /bsams pa tsam gyis zhes pa ni ji lta ba bzhin du byas pa'i snang ba mtha' yas kyi rnal 'byor pas lag pa g.yas par AHlas byung ba'i pad+ma chen po 'dab ma brgyad pa zla ba bzhin du dri ma med par dkar po bsams nas de'i dbus su 'dug pa AH'od zer lnga rdzogs par bsam mo//des nye ba'i dug rnams bya ba'o/ / ji lta zhe na sdud pa ni dam tshig gnag ces te/ 'od zer gyis sdud pa na dug dang bcas pas nag po yin la/ bskul ba na ni dkar po mdog ces te gzhan du spro ba na dug spangs pas na dkar po ste/ gang du de ltar shes par bya'o/ /de bas dug dbyung ba'i cho ga 'di ni sangs rgyas dri med kyi bsam gtan gyi gnas ni gsang ba'o zhes so//da ni dbyung ba'i sngags kyis nad bsal ba'i cho ga gsungs pa de la 'di ni zhes pa la sogs pa'o/ /phyi'i nad ni 'byung ba ring thung las byung ba'o/ /nang gi nad ni las las skyes pa'o/ /de gso ba ni rdo rje gsum gyi snying po'i sngags te yi ge'i tshig go//yi ge'i tshig ni gang 'dod pa zhes pa ni dzi na dzika la sogs par rang gis blangs pa ni 'dod pa ste/ de la dad pa bskyed na yon tan thob pas de'i sbyor bas de 'dra ba'i gzugs rnam par snang mdzad la sogs pa'i gzugs bsgom par bya zhes so//de nas nad pa mdun du bzhag la/ nad kyi rdo rje bskul ba yis/ /zhes te rnam par snang mdzad kyi rnal 'byor pas oM AHdzi na dzika che ge mo'i nad a pa na ya hUM zhes brjod pas bskul bar bya'o/ /gzhan rnams la yang de bzhin du shes par bya'o//nad de rnams kyang spre'u dang 'dra ba'am/ khyi rkang gsum pa'am/ yi dags gcer bu'i gzugs su bsgyur ba'i lus dang ngag dang sems las byung bar bsams la gzhi dang bral ba'o/ /de nas bdag gi lag na gnas pa'i 'khor lo'am/ rdo rje la sogs pas btags par bsgoms na rdo rje go 'phang ste/rang gi lha'i rnal 'byor la gnas pas/ lus dang ngag sems las mi 'da' bas na dam tshig ste nad kyi gzugs so/ /phyag mtshan des phye mar brlag par bsgom zhes so/ /de ltar las byas na bde bar gshegs pa sras dang bcas pas byin gyis rlob par gsungs pa/'on tang zhes pa la sogs pa'o/ /lus dang ngag sems rdo rje las/ /zhes pa ni rnam par snang mdzad la sogs pa kha dog nag por bsams pa'i rdo rje gsum las sangs rgyas sprin dag 'phros par bsam mo/ /de lta bu rdo rje rgyal po sprin gyis bsgrub bya de'i nad las thar par bsgom zhes so//ji lta zhe na/ phyogs bcu'i sangs rgyas dang rdo rje sems dpa'i gzugs 'phros pa rnams kyang nad de la khros par bsams la de rnams kyi lag na gnas pa'i mtshan mas nad bcom nas nad kyi gzugs rnams 'chi bar byed pa'o//de nas yang thams cad kha dog nag por bsams nas 'od zer dbab pa dang / dbang bskur ba la sogs pas zhi bar bya'o/ /de bas na bsam gtan gyi sbyor ba des las las skyes pa'i nad myong bar nges pa yang nyi ma bdun du brgya rtsa brgyad thun bzhi la bzlas pas 'jig par 'gyur zhes so//rin chen 'byung ldan la sogs pa'i rnal 'byor pas kyang sbyor ba de kho nas bsal ba gsungs pa/ yang na zhes pa la sogs pa'o/ /bdag gis sngags rgyal gyis zhes pa ni rin chen 'byung ldan la sogs pa'i sngags rat+na d+h+r-ika la sogs pas kyang zhes pa'o//rdo rje bsam gtan cho gas so/ /zhes pa ni gong ma ltar mngon spyod kyi cho gas nad gzhom pa dang zhi bas nad gso ba la sogs pa bya ba'o/ /de ltar byas na 'di ni bsam gtan thams cad de/ lha thams cad kyis 'da' bar bya ba ma yin pas na dam tshig shin tu 'da' dka' ba'o zhes so//da ni brtan par gyur pa'i rnal 'byor pas bar ma'i skabs su 'dod pa'i 'bras bur rnyed pa'i mtshan ma rmi lam la sogs pa grub pa'i mtshan ma bkug nas sgrub pa po la snang bar mdzad pas na ye shes kyi 'od chen po'o/ /des 'dod chags kyi lam gyis 'dod pa'i 'bras bu rnyed pas na 'dod dang thar pa rdo rje che'o//chos rnams rmi lam lta bu ni/ /zhes pa ni chos thams cad rmi lam ltar mngon sum bzhin du snang bar byed pa'o/ /snang ba de nyid kyang ngo bo nyid kyis ma skyes pa ste/ gnyen po skyes nas ma yin pa'o/ /de bas rmi lam lta bur snang bas na ngo bo nyid kyis dag pa ste/de'i ngang las kun rdzob tu rmi lam la sogs pa'i mtshan ma 'khrul pa'i rdo rje ste/ de rab tu gsungs zhes so/ /sgrub pa po gang gis mthong zhe na/ bsam gtan zhes pa la sogs pa'o/ /de yang bsam gtan gyi bzlas pa ni/ rdo rje bzlas pa ste/nyin mtshan du sgrub pa po ste/ gnyis pas de bzhin gshegs pas byin gyis brlabs pa'i gnyid kyi skabs su phal cher rtag tu mthong zhes te/ yid la byed pa'i bag chags kyi mtshan ma dgar ba'o/ /yang dag pa ni yang dang yang du 'byung ba'i phyir ro/ /de nyid gsungs pa/de la zhes pa la sogs pa'o/ /rmi lam dam tshig chen po'i tshig /ces pa ni mngon par 'dod pa'i 'bras bu rnyed pa'i mtshan ma'o/ /tha dad nyid du snang zhes pa ni cha ma 'dres pa snang ba'o/ /rmi lam na byang chub ye shes te/ chos kyi sku bdag nyid kyis thob nas sangs rgyas thams cad dang mthu mtshungs par mthong ba dang /rmi lam na longs spyod rdzogs pa'i sku mtshan dang dpe byad du ldan par bdag mthong nas de la sems dpa' chen po khams gsum gyi bdag po lta bus mchod pa byed par mthong ba dang / rmi lam na ye shes kyi 'od zer te/de la sprul pa'i rigs lnga'i sangs rgyas dang / de'i rigs kyi byang chub sems dpas 'dod pa'i yon tan lngas bdag la mchod pa byas pa mthong ba dang / rmi lam na rdo rje sems dpa' 'am grags chen rdo rje mchog ste/ mi bskyod pa la sogs pa rang gi gzugs mthong ba dang /grags chen rdo rje gsang ba ste/ khro bo rnams kyi gzugs su mthong ba dang / rmi lam na byang chub sems dpa' 'khor lo can ni spyan ma la sogs pa ste/ de rnams dang rtag pa la sogs pa'i sangs rgyas chen po phyag 'tshal bar mthong nas lus ngag sems kyi mthu las bskyed pa'i dngos grub rdo rje gsum 'grub par 'gyur ro zhes pa'o//gzhan yang rmi lam na rgyan thams cad kyis brgyan pa'i lha'i bu mo yid du 'ong ba dang de bzhin du mi'i khye'u dang bu mo rgyan dang ldan pa mthong na thun mong gi dngos grub gang yang rung ba thob par gyur pa'i mtshan ma'o//rmi lam na phyogs bcu'i sangs rgyas rang rang gi zhing ni gnas pa mthong ste/ de rnams kyang bdag la thugs dgyes par gyur nas zab cing rgya che ba'i chos kyi mdzod yid du 'ong ba la sogs pa mthong ba dang / rmi lam na sprul pa'i sku chos kyi 'khor lo lan bcu gnyis la sogs pa'i tshul du bskor ba/lha dang klu dang / gnod sbyin la sogs pa'i sems can thams cad yongs su bskor ba de bsam gtan rdo rje la gnas pa dam tshig sngon du 'gro bas mthong bar 'gyur zhes te/ gzhan gyis ni ma yin no/ /gzhan yang rmi lam na sna tshogs kyi kun dga' ra ba dang /skyed mos tshal dang gong ma ltar lha'i bu mo la sogs pa sangs rgyas kyis byin gyis brlabs pas bsam gtan dang dam tshig can gyis mthong ste thun mong gi mtshan ma'o/ /rmi lam na sangs rgyas dang byang chub sems dpa' dag bdag la khams gsum chos kyi rgyal por dbang bskur zhing mthong na/sku'i rig 'dzin la sogs pas g.yag rnga dkar po g.yob pa la sogs pa'i mchod pa byas par mthong ngo / /rmi lam de rnams ni rdo rje las byung ba ste/ de'i byin gyis brlabs so/ /mang por snang bas sna tshogs pa'o//yid la byed pa dang log 'dren la sogs pas byin gyis brlabs pa lta bu ma yin pas na dri ma med pa ste/ de sgrub pa pos mthong nas sku gsung thugs kyi rdo rje las skyes pa ste sku gsum mo/ /de nyid bla na med pa ste 'grub pa'o/ /gzhan yang rmi lam na gdol pa'i bu mo 'am khyi 'am/rta rgod ma la sogs pa la sbyor bar rdo rje 'dzin pas te rnal 'byor pas mthong na rdo rje sems dpas sems kyi gnas na chos kyi sku ste rnam par rtog pa thams cad dang bral ba de 'grub par 'gyur zhes pa'o/ /de ltar rmi lam gyi mtshan ma bstan nas/ da ni mtshan ma de la mngon par zhen pa bsal bar bya ba'i phyir gsungs pa/de la 'di ni zhes pa la sogs pa'o/ /rmi lam rnam par dpyod pa zhes pa ni rang bzhin med pa ste gtan la 'bebs pa'i ye shes so/ /'da' bar bya ba ma yin pas na dam tshig gi snying po'o/ /rang gi sems ni brtags pa la//zhes pa ni rang gi kun gzhi la sogs pa'i sems ji ltar snang ba brtags pa la zhes so/ /chos rnams thams cad rab tu gnas/ /zhes te de kho na khams gsum 'dus ma byas dang bcas par gnas pa ste/ gzung ba dang 'dzin pa med pa'i phyir ro//sa bcu pa'i mdo las kyang / kye rgyal ba'i sras dag khams gsum pa dag ni sems tsam mo zhes gsungs pa'i phyir ro/ /gang gzugs la sogs par snang ba ni rab rib can gyi zla ba dang / skra la sogs pa lta bu ste/ sgro btags pa'i don gyi rnam pa khams gsum gyi sems dang sems las byung ba ni sems su mi brdzun pa tsam du yod pa'o//ji skad du/ yang dag ma yin kun rtog ni/ /sems dang sems byung khams gsum pa/ /zhes so/ /de bas na gnyis pos stong pa'i nam mkha' lta bu la chos thams cad gnas par 'gyur bar gsungs pa ni/nam mkha' rdo rje la gnas sems/ /zhes so/ /de bas na kun du brtags pa'i bdag nyid can gyi chos med pas na de'i chos nyid kyang med pa'o zhes rnam par dpyad pa'o/ /da ni de dag gsan pas bde bar gshegs pa kun ngo mtshar thob cing zhus pa gsungs pa/de nas zhes pa la sogs pa'o/ /rmi lam gyi mtshan ma thob pa'i ngo mtshar du gyur pa/ de'i 'bras bu la rmad du gyur nas so/ /shes rab mchog tu gyur pa thob pas dris pa kun lung ston par nus pas na the tshom gcod pa'o//'di ci lags zhes smras pa'o/ /chos rnams ngo bo med pa la/ /zhes pa ni brda la sogs pa'i tshul gyis brtags pa'i ngo bo dang bral ba la zhes pa'o/ /chos kyi de nyid kun bshad pa/ /zhes pa ni zab mo dang yang dag par gsal ba'i ye shes kyi de kho na nyid bshad pa 'di ni e ma'o ngo mtshar las byung ba'o zhes so//de bas na/ nam mkha' la ni nam mkha' bsgom/ /zhes te/ gang de la blo 'jog pa rnams kyis ngo bo nyid med pa'i nam mkha' lta bu la dmigs su med pa'i ye shes nam mkha' lta bu sbyar nas bsgom pa'o//ji skad du/ 'phags pa byams pas kyang / 'di yi brtag pa dgag pa ste/ /rang gi ngo bo bzlog pa min/ /zhes gsungs pa yin no/ /da ni de'i lan le'u gnyis pa'i byang chub sems kyi ngo bo yang gsungs pa/ de nas zhes pa la sogs pa'o/ / bcom ldan 'das de bzhin gshegs pa thams cad ces pa ni bos pa ste/ rnam grangs dang gnas skabs su shes par bya'o/ /nam mkha' ni chos gang dang yang ma bral ba ste zhes pa ni chos gang bems po la sogs pa'i tshul gyis snang ba yang nam mkha' dang ye shes gcig pas na'o//nam mkha' de chos thams cad dang bral ba zhes pa ni brtag pa'i bdag nyid can gyi chos nam mkha' la med pa'o/ /nam mkha' steng ni chos thams cad ces pa la sogs pa'o/ /gzung ba la sogs pa'i rnam par rtog pa yod pas na mi sems pa'o//de bzhin du zhes pa nye bar 'gro ba'o/ /rmi lam lta bu zhes pa ni 'dod pa'i 'bras bu rnyed pa'i mtshan ma'o/ /rmi lam 'dra ba las byung ba ni dngos grub chen po la sogs pa ste/ nam mkha' ltar rig par bya'o zhes pa'o/ /'di lta ste zhes pa ni blo la nye bar dgod pa'o//dper na zhes pa ni don nyid dper byas pa'o/ /nam mkha' la brtag tu med ces pa ni de mig la sogs pa'i ngo bo dang bral nas de skad do/ /bltar mi snang ba zhes pa ni gzugs la sogs pa'i ngo bo ma yin pa'i phyir ro/ /de bzhin du zhes pa ni nges par song ba'o//chos thams cad kyang zhes pa ni rgyu ba dang gnas pa thams cad do/ /de bzhin du rig par bya'o zhes pa ni gzung ba dang 'dzin pa dang bral bar rig par byas pas na nam mkha' lta bu'o/ /nam mkha' lta bu'i chos de yang ngo bo nyid gcig pas nyi tshe ba ma yin par gsungs pa/bcom ldan 'das zhes pa la sogs pa'o/ /lus zhes pa ni gzugs can thams cad do/ /ngag ces pa ni sgra ji snyed pa'o/ /sems zhes pa ni bsam rtog ji snyed pa'o/ /chos thams cad kyi rjes su song ba zhes pa ni des chos thams cad bsdus pa'i phyir ro//de yang ngo bo nyid gcig pa ste/ gong du gcig ce na/ sems kyi ngo bo nyid do zhes te/ thams cad kyang de'i rang bzhin pa'i phyir ro/ /dgongs pa nges par 'grel pa las kyang / phyi rol don rnams yod pa min/ /sna tshogs snang ba sems yin te//lus dang longs spyod gnas 'dra bar/ /sems tsam du ni ngas bshad do/ /nam mkha' sa rlung nyi ma dang / /phyogs dang 'bab chu rgya mtsho rnams/ /nang gi yang dag byed pa yi/ /cha yin phyi rol 'dra bar gnas/ /kun gzhi kun du lag pa dang //kun gzhi kha mig mgo bo yin/ /ji ltar 'o ma gyur pa la/ /yon tan zho dang dar bar snang / /de bzhin kun gzhi'i rnams rnam shes kyang / /rnam par gyur nas gzugs ltar gnas/ /zhes gsungs so/ /sems tsam de nyid kyang de bzhin nyid dang 'brel par bstan pa'i phyir/lus dang ngag dang sems zhes pa la sogs pa'o/ /gnyis su med do zhes pa ni mtha' gnyis dgag pa'i phyir ro/ /sems can thams cad ces pa ni lus dang ngag dang yid dang ldan pa'o/ /nam mkha'i khams la gnas te zhes pa ni de bzhin nyid la rnam par gnas pa ste de'i rang bzhin yin na zhes pa'o//de nyi tshe ba ma yin pas na nam mkha'i khams de yang zhes pa la sogs pas gdan yang mi gnas par mnyam pa nyid bstan pa'o/ /mnyam pa nyid de nyid skye ba med do zhes te/ kun du brtags pa'i bdag nyid can skye ba med pa ste/skye ba yang gnyis su med pa'i tshul gyis 'byung ba kho na'o/ /de bas na sems su gtogs pa thams cad ni ngo bo nyid med pa'o zhes te/ ngo bo nyid gzung ba dang 'dzin pa brtags pa'i tshul de dang bral ba'o/ /de yang / gzung dang 'dzin pa'i rnam pa ni/phyi yi mtshan nyid yod pa min/ /de bas mtshan nyid yod pa'i phyir/ /dngos po rnam par bshad pa yin/ /zhes so/ /ngo bo nyid med do zhes smos pa ni/ dngos por 'dzin pa bzlog pa'i phyir te/ chos thams cad kyi rang bzhin ni yod pa ma yin no//ji skad du/ bdag tu lta ba don gnyer dang / /de la zhen pa dgag don du/ /rgyal ba rnams kyis stong par bstan/ /stong pa 'ba' zhig thabs yin na/ /sangs rgyas nyid du mi 'gyur ro/ /zhes so/ /ngo bo nyid med pa'i chos de byang chub kyi sems yin par gsungs pa/kye bcom ldan 'das zhes pa la sogs pa'o/ /byang chub kyi sems ni zhes pa ni stong pa nyid dang snying rje dbyer med pa'o/ /de bzhin gshegs pa thams cad kyi ye shes ni me long lta bu la sogs pa ste/ de 'byung bar byed pa'i rgyu ni byang chub kyi sems so/ / byang chub sems de zhes pa la sogs pa yang gong ma ltar bshad do/ /rmi lam de ni zhes pa la sogs pa ni rmi lam dang gnyid ma log pa'i gnas skabs mtshungs par bstan pa yin no/ /khams gsum gyi bya ba de rnams zhes pa ni las sna tshogs pa las 'bras bu sna tshogs par snang ba'o//de yang dus gsum snang ba ji snyed go rims bzhin du rmi lam ltar rig par bya'o zhes so/ /rmi lam dag bdag med pa'i gnas su zhes pa ni snang ba la ngo bo nyid med pa ste/ de bzhin du rig par bya'o/ /'o na ngo bo nyid med pas sems can gyi don ji ltar mdzad ce na/mi rtog bzhin du mdzad pa'i dpe gsungs pa/ bcom ldan 'das zhes pa la sogs pa'o/ /rin po che thams cad ces pa ni in+d+ra nI la la sogs pa'o/ /de'i gtso bo ni yon tan thams cad dang ldan pa'o zhes so/ / yon tan gang zhe na/ rin po che thams cad kyi zhes pa la sogs pa gsungs so/ /sems la gnas kyi zhes pa ni ji ltar 'dod pa bzhin du 'byung ba'i phyir ro/ /yid bzhin gyi nor bu la ni ma yin no zhes pa ni rtag tu 'byung ba mi srid pa'i phyir ro/ /chos thams cad ces pa ni phung po la sogs pa thams cad do//sangs rgyas kyi chos thams cad ces pa ni stobs bcu la sogs pa'o/ /rjes su rig par bya'o zhes pa ni rtog pa thams cad dang bral ba'i ngo bo yin yang ji ltar btags pa de ltar snang bas na'o/ /de la bde bar gshegs pa rnams ngo mtshar che ba gsungs pa/de las zhes pa la sogs pa nam mkha'i rjes su 'brang ba'i chos rnams la zhes pa ni nam mkha' khyab pa'i lus la sogs pa la'o/ /sangs rgyas kyi chos rnams zhes pa ni sku la sogs pa'i bkod pa'o/ /rjes su 'brang ba zhes pa ni mngon par 'phel bar gyur pa ste ngo mtshar to zhes pa'o//de ltar byang chub sems dpa' chos thams cad 'byung bar bstan nas/ sngags kyi dngos grub 'byung ba gsungs pa/ des na sangs rgyas dang zhes pa la sogs pa'o/ /sngags thams cad kyi dngos grub ni thun mong dang phyag rgya chen po'o//de gang la gnas zhes zhus pa'o/ /lan gsungs pa/ de nas phyag na rdo rje zhes pa la sogs pa'o/ /legs so zhes pa ni dri ba'i skabs yin par mkhyen pa'o/ /dngos grub thams cad ni gong ma'o/ /sngags thams cad ni bde bar gshegs pa rnams so//sku dang gsung dang thugs la dmigs so zhes pa ni de'i ngo bo nyid yin pas rtag tu mi snang ba'i phyir ro/ /de bzhin gshegs pa rnams kyis zhus pa/ de ci'i phyir zhe na zhes so/ /bdag gi lus dang ngag dang sems rdo rje la gnas so zhes pa ni sgo gsum las 'phel bar 'gyur ba'i phyir ro//de'i ngo bo yang mnyam pa nyid du bstan pa yin pa'i phyir na lus dang zhes pa la sogs pa smos so/ /gcig la gcig mi gnas par gsungs pa/ sems de yang zhes pa la sogs pa'o/ / yang dris pa/ de ci'i phyir zhe na zhes so/ /lan du nam mkha' ni de'i ngo bo nyid ma yin pa'i phyir ro zhes te sgo gsum yang sems kyi ngo bo ste/ de nyid nam mkha' lta bu ste/ nam mkha' ni phyogs gcig pa dgag pa ste rnam par khyab pa'o/ /de nyid bstan pa'i phyir zhus pa/de nas zhes pa la sogs pa'o/ /lan gsungs pa bcom ldan 'das kyis zhes pa la sogs pa'o/ /sku dang gsung dang thugs rdo rje la gnas so zhes pa ni de'i ngo bo nyid yin pa'i phyir ro/ /lus ngag dang sems las byung ngo zhes pa ni de rnams sbyangs pa la gnas pa'i ngo bo rtogs pa ste/de nyid kyang sems so zhes grub pa'i mtha'o/ /sems gang na gnas zhes zhus pa'o/ /lan gsungs pa/ nam mkha' la gnas so zhes de bzhin nyid la gnas pa bstan to/ /nam mkha' gang du gnas zhes zhus pa'o/ /lan gsungs pa/gang na yang mi gnas so zhes pa ni dmigs su med par gyur ma thag tu rten dang brten pa por dmigs pa thams cad dang bral ba'i phyir ro/ /ngo mtshar du gyur pa ni byang chub kyi sems la'o/ /rmad du gyur pa'i chos thams cad dang dngos grub thams cad la'o/ / rang gi sems kyi chos nyid ces pa ni stong pa nyid de gzung ba la sogs pa'i bdag dang bral ba'o/ /'phags pa byams pas kyang / gang zag dang ni chos rnams kyi/ /dngos po med 'dir stong pa nyid/ /ces bshad pa lta bu'o/ /de la gnas pa ni der ro gcig pa'o/ / de lta bu'i sems pa la smra brjod dang bral ba'i phyir cang mi smra bar 'khod par gyur to zhes so/ /de rnams rang bzhin med pa las mi 'da' ba'i phyir sems kyi dam tshig go/ /de nyid rdo rje gsum gyi ngo bo bas na gsang ba'i rdo rje ste/ de las phyag rgya chen po la sogs pa 'byung ba'i phyir ro//de ston par byed pa'i gzhung ni le'u ste bco lnga pa'o/ /le'u bco lnga pa'i 'grel pa'o// //bdag nyid dngos grub bsgrub pa dang slob ma dbang bskur ba'i don du/ ri mo bri ba'i phyir le'u bcu drug pa gsungs pa/ de nas zhes pa la sogs pa'o/ /yang 'dus nas zhes pa ni le'u bzhi par gsungs pa'i rim pa'o//rdo rje'i tshig gis zhes pa ni/ de bzhin gshegs pa kun zhi ba/ /zhes pa la sogs pa'i tshig gis gsol ba btab nas so/ /de bzhin gshegs pa thams cad ni rtag pa la sogs pa'o/ /de'i rdo rje rin chen gyi mchod pa'i tshogs ni lha mo bcu la sogs pa'o//mchod pa byas so zhes pa ni rang rang gi sa bon las spros pa mang du bkang bas na mchod pa'o/ /de nas sku'i dkyil 'khor gsungs pa/ de nas zhes pa la sogs pa'o/ /rdo rje thams cad ni rnam par snang mdzad do/ / de'i dkyil 'khor ni sku'i dkyil 'khor ro/ /de nyid nyon mongs pa'i ri dgas 'joms pa las mi 'da' bas na seng ge dam tshig go/ /de'i sngags pa mdzes par byed pas na rgyal po'o/ /thugs rje'i rlan dang ldan pas na sprin no/ /de bzhin gshegs pa mang po 'dus pas na bkod pa'o//dbyer mi phyed pas na rdo rje ste/ de lta bu'i me long lta bu'i ye shes kyi ting nge 'dzin la rnam par snang mdzad kyi tshul gyis snyoms par zhugs nas zhes so/ /sku rdo rje ni rnam par snang mdzad do/ /des 'khor los sgyur bas na 'khor lo de phyung ngo zhes bya bar sbyar ro//de nas zhes pa la sogs pas sku'i dkyil 'khor bshad pa/ thugs kyi dkyil 'khor ni rang bzhin gyi dkyil 'khor te de dang rab tu 'dra'o/ /sku'i dkyil 'khor gzhan dang thun mong ma yin pas na dkyil 'khor rnams ni kun gyi mchog go/ /de legs par rab tu bshad par bya//zhes bshad par zhal gyis bzhes pa'o/ /stong pa nyid bcu drug gi rang bzhin gyi byang chub sems dpa' rnam par dag pas khru ni bcu drug tshad du byas te/ mdor na nges pa med pa'o/ /gru bzhi zhes pa ni mtshon pa tsam ste/ sgo bzhi dang rta babs bzhi la sogs pas rab tu mdzes pa'o/ /dkyil 'khor de ni sangs rgyas thams cad kyi gnas pas na sangs rgyas thams cad dkyil 'khor te/ sangs rgyas gang yin zhe na/ sku yi rdo rje rab tu gnas/ /zhes so/ /de'i nang du zhes pa ni cha brgyad pa'i gru bzhi pa'o//'khor lo ni zhes pa ni de'i phyed kyi 'khor lo'i phreng ba'i zlum po ka ba brgyad kyi steng na bskor ba'o/ /rdo rje'i cho gas bri bar bya/ /zhes pa ni 'dzab bzlas pa la sogs pa dbyer mi phyed pa'i cho ga rdzogs pas so/ /phyag rgya dgod pa'i cho ga gsungs pa/sngags rnams zhes pa la sogs pa'o/ /phyag na rdo rje zhes pa ni thugs kyi dkyil 'khor la phyag na rdo rje dgod pa ste/ de'i gnas su bya zhes so/ /gang bya zhe na/ dbus su rnam par snang mdzad bri bar bya/ /zhes pa ni dbus su zla ba'i gdan la 'khor lo dkar po rtsibs brgyad pa bri bar bya'o//mi bskyod pa zhes pa ni shar du nyi ma'i gdan la rdo rje srin po bri'o/ /yang zhes pa'i sgras lho la sogs pa'i gnas su nyi ma'i gdan la rin po che la sogs pa bri bar bya zhes so/ /sku ni spyan ma'o/ /gsung ni gos dkar mo'o//thugs ni mA ma kI'o/ /rdo rje mchog ni sgrol ma'o/ /grwa rnams kun du dgod par bya/ /zhes pa ni nang gi me mtshams la sogs pa bzhir zla ba'i gdan la spyan ma la sogs pa bzhi dgod par bya'o/ /stobs chen zhes pa ni lha chen po las khyad par du gyur pa'o//pha rol gnon pa'i zhes pa ni 'chi bdag gi bdud la sogs pa gnon par byed pa'o/ /khro bo rnams kyang sgor bri'o/ /zhes pa ni sgo bzhir nyi ma'i gdan la gshin rje gshed la sogs pa'i mtshan ma tho ba la sogs pa bri bar bya'o/ /rdo rje gsang ba ni yi ge gsum mo//de las byung ba ni mchod pa ste/ mchod pa'i rang bzhin gyi lha mo drug go/ /de sngags shes pa yis phyi'i me mtshams la sogs pa'i grwa bzhi dang 'jug pa'i sgo'i g.yas g.yon du me long la sogs pa'i mtshan ma dgod par bya'o zhes so/ /de ltar dkyil 'khor bris pa 'di ni sngags rnams thams cad kyis 'da' bar mi bya bas na dam tshig shin tu 'da' dka'o zhes so//bshang dang gci ba zhes pa la sogs pa ni thig dang rdul tshon dang / bza' ba'i dam tshig la sogs pa la sbyar bar bya'o/ /de'i don ni 'di lta ste dkyil 'khor bris nas rgyan dgod pa la sogs pa byas nas/skud pa dang tshon rtsi gshegs su gsol la/ btso blag mkhan gyi bu mo dang lhan cig tu sna tshogs pad+ma ras kyis g.yogs pa'i gdan la 'dug ste/ dam tshig gi 'khor lo dang gnyis su med pa'i 'khor lo la dkyil 'khor gzhan thim pas byin gyis brlabs te/de la bla na med pa'i mchod pa dang bstod pa dang / bshang gci la sogs pa'i bdud rtsi dang / me tog la sogs pa dang / bzlas pa dang 'byung po la gtor ma btang ba dang / hUM mdzad kyis lhag chad kyi skyon bsal nas phyag bya ba dang /sbyin sreg byas nas mnyes par byas nas rang nyid zhugs te lhas dbang bskur bar bsams nas slob ma gzhug pa la sogs pa dang / bdag nyid dngos grub bsgrub par bya'o zhes so/ /gzhan rnams la yang de bzhin du sbyar bar bya'o/ /cho ga 'di ni sngags rnams te/de bzhin gshegs pa thams cad kyi/ sku'i rigs kyi sngags pa rnams kyis 'da' bar bya ba ma yin pas dam tshig go/ /de ni sku rdo rje'i dkyil 'khor ro zhes mjug bsdus pa'o/ /gsung gi dkyil 'khor bshad pa'i phyir gsungs pa/ de nas zhes pa la sogs pa'o/ /gsung rdo rje thams cad ni snang ba mtha' yas so/ /'da' bar mi bya bas na dam tshig go/ /sprin bkod pa rdo rje ni gong ma bzhin no/ /de lta bu'i so sor kun du rtog pa'i ye shes kyi ting nge 'dzin la/ snang ba mtha' yas kyi tshul du snyoms par zhugs nas zhes so//gsung rdo rje ni snang ba mtha' yas so/ /des 'khor los sgyur bas na dkyil 'khor ro/ /de phyung ngo zhes bya bar sbyar ro/ /de nas zhes pa la sogs pas de nyid bshad pa ste gong ma ltar sbyar ro/ /sems ma rdo rje ma la sogs pa dag pa'i phyir khru nyi shu'i tshad du bya'o//gru bzhi lham pa zhes pa ni dbus so/ /cho ga bzhin zhes pa ni gong ma ltar dbyer med pa'i cho gas rdzogs pa'o/ /gru bzhi ni tshon gyi ra ba dgug pa'o/ /sgo bzhi pa ni gru bzhi pa'i brgyad ca'o/ /rdo rje bsgoms pa zhes pa ni 'od dpag tu med pa dang /rnam par snang mdzad du bsgoms pa'i slob dpon dang slob ma'i ngo bos srad bu bye ba dang thig gdab par bya'o zhes so/ /nyid kyi sku'i dkyil 'khor gnas/ /zhes pa ni snang ba mtha' yas nyid gzugs dang ldan pa ni sku'i dkyil 'khor yin yang 'dod chags rnam par dag pa'i dbang gis ni/rdo rje gsung gi yon tan bskyed/ /ces pa'o/ /rgyal po chen po rdo rje chos ni snang ba mtha' yas so/ /de nyid gos dkar mo'i bdag po bas na rig pa'i dbang po'o/ /de dbab par bya ba ni cho ga'i gnas skabs thams cad du bdag gi lus ngag yid gsum la bsgom pa'o//de'i dbus su zhes pa ni gru bzhi la sogs pa'o/ /rdo rje zlum po kun du bri bar bya/ /zhes pa ni dbyer med pa'i pad+ma'i phreng bas bskor ba ka ba brgyad kyi steng du bri bar bya'o zhes so/ /phyag rgya dgod pa'i cho ga gsungs pa/mdo ru zhes pa la sogs pa'o/ /cho ga bzhin du zhes pa ni de nyid 'dus pa la sogs pa'i las kyi cho ga mthong bas so/ /tshe dpag med kyi phyag rgya che/ /zhes pa ni pad+ma dmar po 'dab ma brgyad pa nyi ma'i gdan la gnas pa de'i dbus su gzhag par bya'o/ / rdo rje zhes pa ni mi bskyod pa'o/ /gnas mchog de nyid du zhes pa ni snang ba mtha' yas kyi gnas su mi bskyod pa'i rdo rje dgod par bya'o/ /lhag ma ji lta ba bzhin du dgod pa'i phyir na thams cad yongs su dgod par bya'o zhes so/ /yongs su gsang ba'i cho ga bzhin/ /zhes pa la cho ga 'di yin te/gong ma ltar gar mkhan gyi bu mo dang ldan par dam tshig gi 'khor lo dang gnyis su med par byas nas dkyil 'khor gzhan bkug pas dkyil 'khor dam pa ste/ sngon bas lhag par gnas par byas nas so/ /de nas gsang ba'i mchod bya ba/ / zhes pa ni gar mkhan gyi bu mo'i gnas las lha mo bcu'i gzugs spros pa thim pas rdo rje can dag mnyes zhes so/ /de bzhin du bstod pa byas nas bshang gci'i khu ba'i dam tshig gis mchod nas zhes te rlung la sogs pa'i rim pas sbyangs pa'i rim pas bdud rtsi'i 'khor lo tshim par byas nas gang 'dod pa'i dngos grub thob par 'gyur zhes so//gzhan gong ma bzhin du shes par bya'o/ /cho ga 'di ni gsung gi rigs kyi sangs rgyas thams cad kyi dam tshig 'da' bar dka' ba'o zhes so/ /da ni gsung gi dkyil 'khor ro zhes mjug bsdu ba'o//da ni lha'i 'khor lo dang ldan pa gzhan gyi dkyil 'khor yang gsungs pa/ de nas zhes pa la sogs pa'o/ /de bzhin gshegs pa nyid gdung ba sel ba'i phyir na sprin no/ /mang po 'dus pas na thams cad kyi tshogs so/ /mi phyed pa'i phyir na rdo rje ste/ ye shes so so'i ting nge 'dzin la lha thams cad kyi tshul gyis snyoms par zhugs nas zhes so/ /thun mong ma yin pa'i phyir na rab tu gsang ba ste/ /rin chen dbang phyug la sogs pa'o/ /de rang rang gi 'khor los sgyur ba'i phyir na dkyil 'khor te de phyung ngo zhes sbyar ro//rdo rje 'dzin mchog gang yin pa/ /zhes pa ni rang gis blangs pa'i lha de bdag po la sbyor ba ma gtogs pa'o/ /gzugs ni dbus su bri bar bya/ /zhes pa ni dbyer med pa'i cho ga rdzogs pa'i dkyil 'khor gyi dbus su rdo rje 'dzin pa gang yang rung ba de dgod par bya'o//de yi dkyil 'khor gnas su 'gyur/ /zhes pa ni dkyil 'khor pa rnams de las byung ba'i phyir na de nyid sku gsung thugs kyi gsang ba yang yin no/ /lha dgod pa'i tshul gyis de bzhin gshegs pa lnga'i dkyil 'khor gyi phyogs dang rdo rje rtse mo'i mtshan shes par bya'o//lha mo rnams dang khro bo ni bdag po bzhin du shes par bya'o/ /de bzhin gshegs pa rnams ni byang chub sems kyi dkyil 'khor gyi gtso bo rang gis byed pa'o/ /gzhan rnams ni bdag po yin pas de bdag la thim pa'o/ /de bzhin gshegs pa rnams kyi gnas su ni mi bskyod pa gzhag go//gzhan rnams ni gzugs kho na gzhag pa ste gnyis so/ /cho ga lhag ma ltag 'og gis rdzogs par bya'o/ /ji skad du/ de yi dbus gnas gang yin pa/ /de yi 'khor lo de zhes bya/ /de bzhin gshegs pa kun bdag po//de yi gnas su mi bskyod gnas/ /gzhan la gtso bo de gnas la/ /rang bdag kho na rang gi bdag /phyung nas sngon du blo ldan pas/ /cho ga bzhin du thim par bya/ /zhes bsdus pa'i don las mar me mdzad bzang pos bshad do/ /sku dang gsung dang thugs rdo rje ste lha thams cad do//de 'byung ba'i gnas su gyur pa ni ye shes gsang ba yin te/ rang rang gi ye shes so/ /rtogs par dka' bas na rab tu gsang ba'o zhes so/ /da ni dkyil 'khor thams cad 'byin pa la/ thun mong gi thugs la sogs pa'i ngo bo nyid yi ge gsum gsungs pa/de nas zhes pa la sogs pa'o/ /de bzhin gshegs pa thams cad kyi 'khor lo ni lha bcu dgu'o/ /de 'byung ba ni yi ge gsum ste/ de lta bu'i ting nge 'dzin la snyoms par zhugs nas zhes so/ /dkyil 'khor thams cad ni lha thams cad do//sku dang gsung dang thugs gsang ba ni yi ge gsum ste de phyung ngo zhes bya bar sbyar ro/ /de'i don ni bya bas bskal pa'i rnal 'byor pa tho rangs ting nge 'dzin gsum rdzogs pas dus gzhan la bde ba'i stan la lha'i nga rgyal gyis gnas nas yi ge gsum brjod pas snying ga'i 'khor lo las spro zhing gnas su bkod pa la dbang bskur te mchod pa la sogs pas mnyes par byas nas/thig le la sogs pas sems brtan par bya'o zhes so/ /de 'ba' zhig tu ma zad de thig gi cho ga la yang dgos pa bstan pa'i phyir/ de la zhes pa la sogs pa gsungs pa/rdo rje ste sku la sogs pa'i dkyil 'khor de'i sngags ni snying po rnams te thig gdab pa'i phyir yi ge'i tshig rnams so zhes so/ /de yang so sor gnas pa'i thig skud kun byed dang lhan cig tu bzung bas nam mkha'i dkyil 'khor la lta zhing oM AH mi bskyod pa'i dkyil 'khor mchod pa'i phyir skud pa bdag la gsol cig hUM la sogs pa'i skud pa la thim par byas nas chos nyid kyi sngags gcig tu bsgril bar bya'o zhes so//rnal 'byor pa gnyis char gyis kyang bsgrub pa'i dkyil 'khor gnad la phab pa'i lhas bri bar gsungs pa/rdo rje thig ni zhes pa la sogs pa'o/ /de la/ rdo rje thig ni gdab pa dang / /tshon rtsi dag ni dgye ba ni/ /bsgrub pa'i dkyil 'khor dag la ste/ /dbang bskur ba la ma yin no/ /de la las dang po pa ltar sngags kyi sems dpa' ste/ bdag nyid sngags kyi byin gyis brlab pa la sogs pas ri mo'i las gong du gsungs pa mi bya ste zhes so/ /ci'i phyir mi bya na/ byas na byang chub rnyed par dka'/ /zhes te byang chub ni phyag rgya chen po dang thun mong ngo / /de rnyed par dka' ba ni zhal dang phyag mtshan la sogs pa dang ldan pa'i phyag rgya chen pos bsgrub par 'gyur gyi gzhan gyis ma yin pa'o//gzhan ni gzhan 'khrul pa bzlog pa'i phyir ro/ /phyag rgya chen po ni mi rnams kyis phye bas yan lag mi rdzogs pas byin gyis rlob par mi byed do/ /lha rnams kyis ni mthu rdzogs par nus pa'i phyir na/de lhag par byin gyis rlob pas na ji skad du bshad pa'i dus su thob par byed pa'o/ /'o na ji ltar bya zhe na de nyid gsungs pa/ de bas zhes pa la sogs pa'o/ /dam tshig tshul shes pa zhes pa ni dam tshig gi tshul rdzogs par shes pa ste/ rnal 'byor pa gnyis so//sngags kyi lha rnams zhes pa ni 'og nas 'byung ba'i lha'o/ /gnas nas su zhes pa ni khye'u dang bu mo lo bcu gnyis lon pa ste/ de ltar gnas par byas nas byin gyis brlabs kyang rab bsgoms la zhes pa ni de rnams nye bar sgrub pa la sogs pas kyang mtshon nas de gnyis bla ma dang /slob ma'i ngo bos sgrub pa'i dkyil 'khor rnams ni bri bar brtag /ces pa'o/ /da ni sku la sogs pa'i dkyil 'khor rnams la rigs kyi lha dngos gang dbab pa gsungs pa/ rgyal chen zhes pa la sogs pa'o/ /sku'i rigs kyi rnal 'byor pas khye'u la rnam par snang mdzad dbab//bu mo la ni spyan ma dbab par bya'o/ /de bris pa'i phan yon ni sku'i rdo rje kha dog dang go 'phang mchog thob cing rdo rje sku'i yon tan ji snyed pa thams cad 'byung bar 'gyur ro zhes so/ /de gnyis kho nas gsung gi dkyil 'khor bri ba'i cho ga gsungs pa/rdo rje chos zhes pa la sogs pa'o/ /rdo rje chos ni snang ba mtha' yas so/ /bdag gi rig ma ni gos dkar mo'o/ /de gnyis snod gnyis la dbab par bya zhes so/ /thugs kyi dkyil 'khor bri ba'i cho ga gsungs pa/ rdo rje sems dpa' zhes pa la sogs pa'o/ /rdo rje sems dpa' ni mi bskyod pa'o/ /mA ma kI yang snod rnam pa gnyis la dbab par bya zhes so/ /de ltar byas pa'i yon tan gsungs pa/ de ltar byas na zhes pa la sogs pa'o/ /byin gyis rlob pa ni spyan ras gzigs so/ / yid la dbang ba ni gong ma ltar de bzhin gshegs pa rnams so/ /de der gshegs te sgrub pa po de thugs rab tu dgyes par gyur nas gsang ba mchog gi dngos grub gsol to zhes pa'o/ /da ni ri mo dang dam tshig gi 'khor lo byin gyis brlab pa'i phyir ye shes kyi 'khor lo bkug nas gnyis su med par bya ba gsungs pa/'di skad ces pa la sogs pa'o/ /sngags kyi sems dpa' byas pa yang / /zhes pa ni de bzhin gshegs pa'i gzugs la dmigs pa'i sngags so/ /rdo rje gsang ba rmad po che/ /zhes pa ni ye shes kyi 'khor lo gnas na rnam par gnas pa'o//khro bo'i rgyal po zhes pa ni gshin rje gshed do/ /rang gi sa bon gyis bskul bas de'i thugs las spros pa'i gshin rje gshed lcags kyu thogs pa'i gzugs spros pas de dang lhan cig pa'i bgegs bskrad nas bkug nas ni zhes so/ / de nas nang du zhugs pa la bsrung ba la sogs pa byas nas thim par bsam mo/ /de rnams 'jug pa'i sgor phyogs pa la bsang gtor dang / nye reg dang mchod yon dang zhabs bsil phul nas gong ma ltar khro bo gzhan bskul bas gzhug pa dang bcing ba dang / dbang du bya ba nas longs spyod bzhi dang ldan pa'i sangs rgyas thams cad mchod par bya zhes so//gang gis mchod par bya zhe na rdo rje dri med ces pa la sogs pa'o/ /rdo rje dri med gsum ni sku la sogs pa'o/ /de'i ngo bo las mi 'da' bas na dam tshig mchod pa ste/ lha mo bcu'o/ /de cho ga ji lta ba bzhin du bsgoms pas dus gsum zhes pa ni nye ba'i mtshan nyid de dus bzhir mchod par bya'o//des sngags kyi dngos grub thob par byed ces so/ /de bzhin du bstod pa dang bdud rtsi myang ba yang shes par bya'o/ /ri mo'i dkyil 'khor sgrub pa man ngag gzhan yang snang ba 'dir ma bshad do//dkyil 'khor mchod nas bar chad zhi bar bya ba'i phyir phyogs skyong ba rnams la phyi rol du gtor ma dbul ba gsungs pa/ sngags rnams zhes bya ba la sogs pa/ sngags rnams thams cad nyid la yang / /zhes pa ni dkyil 'khor pa rnams dang phyogs skyong ba rnams so//de yang gzhung gzhan las grags pa'i spyan stong la sogs pa'i gzugs su rang rang gi phyogs su bskyed la bdag po khros pa'i snying las 'od zer nag po'i lcags kyus rang gi phyogs skyong ba bkug nas gnyis su med par byas la/ mchod pa dang bstod pas mnyes par byas nas rmad du byung ba'i gtor ma 'bul lo zhes so//ji lta bu zhe na bshang gci zhes pa la sogs pa'o/ /bshang ba ni dri chen no/ /gci ba ni dri chu'o/ /sha ni sha chen no/ /'bru mar ni rak+ta'o/ /sems las byung ba ni byang chub sems so/ / sha lnga dag ni zhes pa ni glang po che la sogs pa'i sha ste gong ma'i rim pas sbyangs pa'i gtor ma rang rang gi sngags kyis byin pas tshim par kun du bshad ces so/ /de nas 'dod pa'i don bzhin gsol ba btab nas gshegs su gsol te/ srung ba la sogs pa'i cho gas nang du 'gro ba cho ga 'di ni 'da' bar bya ba ma yin pas na dam tshig mchog go//des bar chad med pas na sangs rgyas kyi byang chub yang rdzogs par byed pa'o zhes so/ /gtor ma'i cho ga gzhan ni 'dir ma bshad do/ /las dang po'i rnal 'byor pas slob dpon slob ma zung gcig gis dkyil 'khor bri ba'i cho ga gsungs pa/thig gdab ces bya ba la sogs pa'o/ /bdag nyid nam zhig spyod pa ni/ /zhes pa ni rang gi bya ba la gnas pa'i rnal 'byor pa la/ snod du rung ba'i gang zag la sogs pas zhus nas spyod pa'i dus su zhes so//rnam par snang mdzad bsgoms nas ni/ /zhes pa ni sku'i dkyil 'khor bri ba'i dus su bla ma rnam par snang mdzad du bsgoms nas/ thig skud kyi sna gcig nas bzung nas slob ma rdo rje sems dpa' zhes bya ba ni mi bskyod pa 'am/ yang na rdo rje mi 'chi ste bdud rtsi 'khyil par bsgoms la sna gcig bzung la de gnyis kyang longs spyod bzhi dang ldan pas na/sangs rgyas kun gyis dbang bskur ro/ /las kyi go 'phang zhes pa ni de gnyis thig 'debs pa dang cha dbye ba la sogs pa bsgom par bya zhes so/ /thig byin gyis brlab pa'i cho ga gsungs pa/sangs rgyas zhes bya ba la sogs pa'o/ /sta gon du gnas pa rdzogs pa'i rnal 'byor pas skud pa kha dog so sor btsos pa lnga ye shes nyi shu rtsa lnga'i bye brag tu mos par byas kha sbyar gyi dkyil 'khor dran pa'i yul du byas nas rang gi lha'i ting nge 'dzin la gnas pas nyi zla'i mig dzas mtshon pas de la blta zhing di pa ta a ku sha dzaH zhes brjod pas/'od zer gyi lcags kyu 'phro bas thugs ka ye shes kyi skud pa rdzi ma rleb rleb po'i 'od dang gong du gsungs pa'i sngags kyis bkug nas/ rdo rje'i thig skud so so'i kha dog dgod ces thim par bya'o/ /de nas a n+yo n+ya a nu ga ta zhes bya ba la sogs pa'i sngags brjod nas bsgril bar bya'o/ /gser dngul la sogs pa'i snod du bdud rtsi lnga byugs shing sngags kyis bsrung ba byas nas yi ge gsum gyi bar du gnas par bsam mo//de nas dza gsum gyis brkyang nas slob ma la gtad cing des kyang dza gsum brjod par bya'o/ /de nas sngags dang tshigs bcad kyis nam mkha' dang sa'i thig ma lus pa ji ltar bshad pa bzhin du gdab par bya'o zhes so/ /de ltar byas pas 'di ni sangs rgyas thams cad kyi thun mong ma yin pas na/gsang ba rab tu ngo mtshar ba'o zhes so/ /cho ga des tshon byin gyis brlab pa'i cho ga gsungs pa/ rnam pa zhes pa la sogs pa'o/ /nyi shu rtsa lnga ni ye shes nyi shu rtsa lnga'i bye brag tu tshon yang mos pa bsgom zhes pa'o//kyang zhes pa'i sgras ni thig skud la snyegs pa'o/ /de yang tshon rnam par phye ba'i rnal 'byor pas rin po che rnam pa lnga 'am/ 'byung khungs kyi phye ma'am/ sA lu btags pa la sogs pa gser dngul gyi snod du bzhag la dri zhim po'i spos cung zad dang bsres pa la gong ma ltar nam mkha'i dkyil 'khor dgug cing so sor thim par byas nas badzra tsi tra sa ma ya hUM zhes brjod do//de nas 'bar ba'i lta bas tshon rtsi la bltas la/ gang zhig sangs rgyas bden pa rnams/ /sems can don la chags pa'o/ /rjes su chags pa'i bden pa des//tshon rtsi rnams ni 'bar gyur cig /ces brjod pas 'od 'bar bar bsams te yang dag par mchod nas/ rdo rje shugs kyis thig nam mkha' la bteg nas/ chos kyi dbyings kyi dag pa 'di ni zhes bya ba la sogs pa'i mos pas nang du zhugs te/g.yon pa'i khu tshur gyis dbang ldan gyi mtshams nas phyi rol nas dang po dkar po ser po dmar po ljang gu mthing ga rnams ya phubs kyi tshad du bris nas ci bde bar bri bar bya zhes so/ /de bzhin du rdo rje dril bu dang ldan par byung ba'i sngags kyis phyogs kyi tshon dang rdo rje rtse mo dang phyag mtshan rnams kyang gdab par bya'o zhes so//thun mong ma yin pa'i gsang ba'i byang chub thob pa'i thabs dam pa yin zhes so/ /da ni sngar bshad pa'i gtor ma phul la rnal 'byor gzhan gyi nang du zhugs la lhag chad kyi skyon bsal ba gsungs pa/sngags rnams zhes pa la sogs pa'o/ /sngags thams cad ni de bzhin gshegs pa thams cad do/ /de gang la yang rdo rje hUM ni zhes te hUM gi sgras lha chen po rnams 'gyel bar mdzad pa ste/ khams gsum rnam par rgyal ba'o/ / de yang mi bskyod pa lta bu g.yas na rdo rje dang lcags kyu/ g.yon na ral gri dang zhags pa/ dang po gnyis kyis rang gi lha mo la 'khyud pa/ ze'u ka sngon po dang smad g.yogs dmar po dang / stod g.yogs ser po dang ldan pa rgyan thams cad kyis brgyan par byas nas nang du zhugs te/dkyil 'khor la bskor ba gsum byas nas shar phyogs kyi sgor phyag 'tshal te me tog gi phreng ba sngon po gtor te/ phyir blangs te bdag gi spyi bor bcings par bsams pas/ thams cad dga' bar 'gyur ro/ /da ni dngos grub chen po la gtogs pa zhi ba'i sgrub pa la/sangs rgyas gzigs par bya ba'i cho ga gsungs pa/ sku dang zhes pa la sogs pa'o/ /sku gsung thugs kyi dam tshig mchog /ces pa ni rdo rje gsum gyi las mdzad pa gnod mdzes rgyal po ste de gnas lnga dag tu bsgom par bya/ / zhes pa ni sangs rgyas lnga'i dbu rgyan la bsgom pa zhes so/ /yang na sku gsung thugs kyi dam tshig ni de'i rang bzhin te rdo rje sems dpa'o/ /de sangs rgyas re re'i gnas lnga dag tu bsgom par bya zhes te/ mgo bo dang / lkog ma dang / snying ga dang / lte ba dang / gsang bar bsgom par bya zhes pas byin gyis rlob ces sbyar ro//rdo rje mi phyed gsum las skyes pa ni sangs rgyas thams cad do/ /rdo rje sems dpa' blo ldan pas/ /zhes pa ni rnal 'byor pa la'o/ /sangs rgyas rnams 'jigs shing skrag nas byin byis rlob ces so/ /da ni bum pa sta gon du gnas pa'i cho ga gsungs pa/rdo rje bum pa zhes pa la sogs pa'o/ /rdo rje ni de bzhin gshegs pa la sogs pa'o/ /de'i bum pa ni des bdag po byas pa'o/ /de yang / sngags rgyud bdag por shes par bya/ /zhes te/ so so'i sngags kyis byin gyis rlob pa kha rgyan la sogs pa 'brel ba/lha so so'i mtshan mas bdag po byas pa'i bum pa rnams zhes so/ /rdo rje sems dpa'i ting 'dzin gnas/ /zhes pa ni rnam par mos pa'i ting nge 'dzin no/ /'ching zhing 'gugs pas na/ zhags pa lcags kyu rdo rje bsnams//zhes pa ni ye shes 'khor lo dang gnyis su med par bya ba ste/ ting nge 'dzin brtan pa'i blos brtag par bya'o zhes so/ /de yang stegs bu la maN+Dal bdud rtsi lngas byugs pa la/ me tog sil ma bkram nas der dam tshig gi 'khor lo bskyed nas gzhan dang gnyis su med par byas nas mchod pa la sogs pa byas nas gsol ba lan gsum du gdab par bya'o//de nas mchod pa'i bum pa lha'i grangs dang mthun par byas la/ rnam par rgyal ba'i bum pa la bdag po'i sngags bzla zhing de bzhin du bsang byed kyi bum pa la bdud rtsi 'khyil pa'i sngags bzlas par bya'o//de rnams spos bsreg /sbyar ba'i dri zhim po'i chu dang 'bru dang / sman dang rin po che lnga dang ldan par byas nas mgul par ras kyis yang dag par dkris te/ a mra la sogs pa'i yal ga dang ldan pa me tog gi phreng bas bcings pa'i rdo rje dbang bskur ba'i bum pa'i khar bzhag la/gzhan du ku sha'i bam po gzhag par bya'o/ /de nas de las gyur pa'i gser gyi bum pa la/ hrIHlas gyur pa'i pad+ma'i steng du ma dang / a las gyur pa'i nyi ma dang zla ba'i gdan la byang chub sems las sa bon/ de las mtshan ma/ de las lha mo'i sku bsams nas/ dkyil 'khor gzhan dang gnyis su med par byas nas/ mchod pa la sogs pas mnyes par byas nas thun gsum du gtor ma yang phul nas gong ma ltar gsol ba gdab par bya'o zhes so/ /lhag chad kyi skyon bsal ba'i rnal 'byor pas sbyin sreg gis mnyes par bya ba'i cho ga gsungs pa/dngos grub ces pa la sogs pa'o/ /dngos grub kun gyi 'bras 'dod pas/ /zhes pa ni lha tshim pa ste ster bar gyur pa'i phyir sngags zhes pa ni sbyin sreg bya'o zhes so/ /ji lta bu'i sbyin sreg bya zhe na/ bshang gci 'bru mar sha la sogs/ /zhes te 'bru mar ni kho na'o/ /gzhan rnams ni bsreg bya ji snyed pa ni sbyin sreg tu ni dbul bya zhes so/ /rdo rje mi phyed gsum dag la/ /zhes pa ni dkyil 'khor pa rnams la'o/ /rdo rje gsang ba'i sbyin sreg dbul/ /zhes te lha mo bcu la sogs pa'i mchod pa yang dbul bar dgongs pa'o//dbus su lha yi gzugs bsams te/ /zhes pa ni ji skad du bshad pa'i thab tu me lha la dgang blugs phul nas de'i snying gar rang gi lha'i 'khor lo bsam pa la sogs pa byas te/ de nas de'i zhal du sreg blugs dbab par bya zhes so//dbang po gnyis ni lha'i dbang po dang dkyil 'khor pa rnams te 'da' bar mi bya bas na dam tshig go/ /des sbyin sreg brgya rtsa brgyad la sogs pa bya'o zhes so/ /sbyin sreg cho ga mdor bsdus nas bdag gis bshad par bya ste/ ji skad du/ me tog sa dri tshon rtsi sogs/ /kha dog dkar gzung zhi ba la/ /hom khung zlum po khru gang la/ /kha zheng 'og tu khru phyed zabs/ /bcu drug sor tshad pad+mar gnas/ /de dbus rdo rje sor brgyad pa/ /rtse lnga shar du mgo gtad bri/ /de bzhin sa stengs sor bzhi pa//kha khyer mtho dman hom khung dbyibs/ /rtse gsum rdo rje rnams kyis ni/ /mtshams su gnas par bri bar bya/ /hom khung gci ba sa gnyis kyis/ /dri zhim chu yis de bzhin byug /dri zhim me tog la sogs pas/ /dus mtshams gsum du mchod par bya//rgyas pa hom khung ser po ste/ /snga ma'i tshad las nyis ltab gzung / /zur brgyad rin chen lta bu'am/ /yang na gru bzhi pa ru bya/ /rtsibs brgyad 'khor lo lte bar gnas/ /rin chen rdo rje sor drug pa/ /hom khung dbus su de bzhag nas/ / nyis ltab tshad du sa stengs ni/ /ma lus par ni rin chen bskor/ /me tog sna tshogs la sogs mchod/ /sa dang bdud rtsi dri zhim gyis/ /hom khung sa ni byug par bya/ /mngon spyod hom khung nag po ste/ /sa skams rtsub mo 'gas pa'i sa/ /hom khung kha ni ma bkag pa//sor mo nyi shu gru gsum pa/ /khro bo sor tshad 'og tu bcu/ /sor brgyad rtse gsum dbus su gnas/ /sngon bzhin sa stengs kha phyir blta/ /tshad du sor gsum dur thal dang / /bong bu rnga mo sogs lci ba/ /sa dang bsres la byug par bya/ /dri mi zhim pa'i me tog gam//yang na dmar po rnams kyis ni/ /'bru shun la sogs gtor byas la/ /'od zer shin tu drag por 'bar/ /gzi chen la sogs mar me bzhin/ /b+ha ga lta bur kha dog dmar/ /hom khung zla ba phyed pa 'dra/ /rdo rje pad+ma dang bcas dbus/ / gzhan kun zhi ba lta bur bya/ /dbang la dri zhim sa ni byug /dgug pa la yang de bzhin no/ /hom khung rdo rje rtse gcig ltar/ /rdo rje lcags kyu lta bur 'dir/ /phyi ma rnams ni zhi ba bzhin/ /las kun byed pa zhi ba bzhin/ /pad+ma kha bye lta bu ni/ /phyogs su rdo rje phyi rol mtshan//cho ga bzhin du kha khyer ni/ /nang du rdo rje phreng bas brgyan/ /phyag mtshan bzhi nang ring thung mtho/ /sor brgyad dang ni sor gcig pa/ /rang gi phyag mtshan ldan pa'o/ /dgug pa mngon spyod rgyas pa rnams/ /nub phyogs byang phyogs lho rnams kyis//shar phyogs zhi ba dbang gnyis la/ /'khor lo gzhal yas khang du ni/ /za ba spos ni tshon rtsis kyang / /zhi ba dgongs dus rengs pa la/ /nang par rgyas pa dgongs ka'o/ /dgug pa nyin phyed mngon spyod ni/ /dbang gi nam phyed 'dod pa yin//thab dang phyogs dang dus bstan pa'o/ /pa lA sha dang a shwa dang / u dum+Wa ra dang kasma ri/ /a mra dang ni ka dam+pa/ /sa mi dang ni pa la kha/ /n+ya gro d+ha ni de bzhin du/ /'om bu shing rlon lo ma gnyis/ /lo ma mnyam po rtse gcig pa/ / bdud rtsi dri zhim chus gtor nas/ /mar 'os 'bras kyis mgo mjug bsku/ /sbom phra mthe chung tshad tsam la/ /mnyam par bcad la sor bcu gnyis/ /mchog tu gyur pa'i yam shing ngo / /nyams pa lci ba phra ba yo/ /ring ba thung ba lo ma lhag /'bu yis zos pa dang ldan pa//shul med chag pa khung bu can/ /rtse gnyis thob pa spang bar bya/ /sreg rdzas gzhan yang 'di lta ste/ /ku sha 'bru mar dri zhim byug /'bras chan dkar po 'o ma nas/ /'bru mar zho dang pri yang ku/ /tsan+dan dUr ba yi ni rdzas/ /dri zhim sbrang rtsi thug pa dang //a mra'i lo ma de bzhin du/ /me tog la sogs rnyed pa bzhin/ /sngon du gsungs pa rnams kyi dkyil/ /yam shing de bzhin lag pas bzung / /'o ma zho mar de bzhin gtor/ /mngar gsum bcug pa yang dag zas/ /zho dang sbrang rtsi mar dang bcas//'bras bu na bza' nag po til/ /me tog rgyab tu dUr ba dang / /dkar po 'bras dang zho zan dang / /pad+ma nA ga ge sar dang / kar+Ni kar dang 'bru rnams so/ /dur thal shing dang kha ba dang / /de bzhin tsha ba tsher ma can/ /yam shing stsal ba rtsa ba'i phyogs//tshad ni sor ni bcu tham pa/ /'bru mar khrag dug rnams kyis bsku/ /mgo mjug rtse mo rnon por bya/ /bya rog sgro sogs ro skra gtubs/ /dri chen dri chu tsher ma rnams/ /bong bu rnga mo sogs ril ma/ /rus phye nim pa'i lo ma sogs/ /rnyed bzhin mtshan ma byas pa'am//mtshon cha rnon pos bcad nas su/ /g.yon pa'i mthe'u chung tsam nas bsreg /dur khrod la sogs mi sdug pa/ /skyon med yon tan bzhi pa la'o/ /lo ma dang ldan sor lnga pa/ /tsam pa ka dang pri yang ku/ /nA ga ge sar ku na ga /ge sar dang ni la ka tsa/ /a sho ka dang shal shing rnams/ /de bzhin nags tshal las byung rnams/ /me tog 'bras bu ma nyams kun/ /yam shing dbang du bya ba la/ /tsher ma dgug pa'i phrin las la/ /de nyid lcags kyu lta bu ni/ /sgrub po rlung phyogs kha blta'o//phyogs mtshams su ni brjod pa rnams/ /yid 'ong dri zhim gtor byas kun/ /br-ing kang ka dang arga dang / /bar ti ra dang kha ti ra/ /a pa marga lhag ma rnams/ /zhi bar gsungs so ka dam pas/ /gzhan ma ji ltar bzung ba bzhin//yang na yam shing zhi ba ltar/ /gzhan la thun mong cho ga'o/ /sreg rdzas rnams ni bstan pa'o/ /ba lang lci ba nags tshal gyi/ /hom khung tshad las ma thal bar/ /'bus ma zos shing mchod sbyin gyi/ /bud shing zhi ba'i phrin las la/ /rgyas pa la ni 'bras bur bcas//'di ni sngon du gsungs pa nyid/ /gzhan na nags tshal lci ba dngos/ /tsha ba tsher ma kha ba rnams/ /bud shing 'di ni mngon spyod la/ /dri mi zhim pa bro ba'i shing / /dur shing rnga mo la sogs pa'i/ /lci ba skam po rnyed pa bzhin/ /dbang la nim pa skyur po shing //gzhan yang me tog dang bcas pa/ /tsher ma yin gzung dgug pa la/ /rang rang phrin las ji lta bzhin/ /bud shing rab tu bstan pa'o/ /mgar thab las byung mchod sbyin ni/ /sbyin sreg me yang 'dod pa'o/ /rgyas pa la ni dge 'dun gyi//g.yos khang nor bu las byung ba/ /yang na ri shor chen po'i me/ /rgyal po rgyal 'dra khab byung ba/ /drag po las la gzhan ma bshad/ /mi rus dur thal rdo ba dang / /shan pa'i khyim las byung ba'i me/ /smad 'tshong ma dang rje'u rigs/ /khyim byung me ni dbang byas la//lam du zhugs pa'i 'gron po yi/ /me ni dgug pa'i phrin las la/ /gar mkhan me ni de bzhin du/ /phrin las thams cad rang rang bzhin/ /me ni blang ba bstan pa'o/ /gser dang zangs ma'i snod chen bya/ /nim pa la sogs mchod sbyin shing //tshad du phyin min mtheb sor gyi/ /nyi shu rtsa bzhi'i tshad du bya/ /de yi rdo rje la sogs bcas/ /lag tu gzung byas de yi steng / /gru bzhi sor bzhir gyur pa la/ /nang du sor gnyis rdo rjes bskor/ /de steng rtse gsum rdo rje nang / /sor bzhi pad+ma'i 'dab ma ltar//sor gcig tshad du ma phyin pa'i/ /mar 'dzag bu ga dang ldan pa/ /rin chen rdo rje yu ba'i 'og /sor drug gis ni mtshan par bya/ /khru gang tshad du 'dzag pa ni/ /'og tu rdo rje rin chen bya/ /sor gnyis kha khyer steng du ni/ /pad+ma 'dab ma'i dbyibs su bya//sor gcig rdo rje rtse lnga pa/ /dbus su bkod nas gzhag pa'o/ /sor mo lnga ni sbyor ba las/ /yang na gang bar bsreg par gsungs/ /de bzhin gzhan ma sor gsum bsdus/ /snod chen 'dzag pa zhes bya'o/ /blugs gzar dgang gzar bstan pa'o//khrus dang gtsang sbra byas nas su/ /lus la dri zhim gyis byugs la/ /snying rje byams dang ldan pa yis/ /gos dang me tog la sogs brgyan/ /brtan po smra bcad dang ldan pa/ /'jam po 'bol po gdan chen la//pad+ma'i skyil krung la gnas la/ /tshes gcig dkar po nas brtsams nas/ /shar du lta bas zhi ba'i sems/ /zhi ba'i sbyin sreg byed pa'o/ /'di bzhin dga' ba'i sems kyis ni/ /kha dog sna tshogs gos dang ldan/ /bzang po'i gdan la gnas pa'o//yang na mi rje sgeg pa'i tshul/ /zho dang zas dang dkar zos nas/ /shin tu bde ba dang ldan pas/ /nya yi dus su gshegs nas su/ /sna tshogs brgyan pas sbyin sreg bya/ /mig bgrad khrag chus brlan pa'i gos/ /srab pa'i gdan dang mtshan ma'i brang //der gnas yang na tsog tsog 'dug /yang na de nyid stan med pa/ /rkang pas rkang pa mnan byas la/ /sos ni so ni 'cha' ba'i tshul/ /khro gnyer dang ldan gdong pa ni/ /khros de drag po'i phrin las la/ /nag po nyi ma re re la/ /khro bo'i skyil krung dang bcas pa//gang tshe de yi dus su ni/ /khro bo'i rnal 'byor kho nas so/ /mthon po bde ba'i stan la ni/ /rdo rje skyil krung chags sems ldan/ /dbang du bya ba'i phrin las la/ /dgug pa la yang de bzhin du/ /'di nyid du ni gdong steng du/ /byang phyogs la sogs kha bltas la//phrin las sna tshogs nyid la yang / /ji ltar go rims bzhin du'o/ /dbang ldan mtshams la kha bltas la/ /de bzhin rdo rje skyil krung can/ /rengs byed rmongs byed gnyis la ni/ /ba sha tha mar sngags kyis ni/ /hom khung khru bzhi dkar dang ser//rgyan gyis brgyan par byas pa can/ /cho ga rgyas pa bzhin du gnas/ /me mtshams kha bltas gar byed la/ /rnga mo la sogs ril mas byug /khyad par ni bri dkar nag brgyan/ /yam shing bya rog sgro la sogs/ /'dus te bar bcug dang ldan pa//bden bral mtshams blta 'khon byed la/ /'bru mar tsha dug sogs pas bre/ /phyin ci lag pa'i rkang pas ni/ /ser nag rgyan gyis brgyan par bya/ /sgrub pa po yi bstan pa'o/ /gser dngul rdo ba zangs ma dang / /shing dang kham phor sol ba'i snod//brdung ngam lo mar bcas pa'i snod/ /snod ni bsang gtor la sogs pa'i/ /'o ma nas dang spos ldan chu/ /me tog dang bcas zhi ba la/ /zho til rgyas par ldan chu la/ /de nas zur gsum drag po la/ /khrag bcas chu'am dUr ba bri//snod la mi 'am bong bu'i chu/ /me tog dri zhim dbang sogs la/ /me tog zhim til ku sha dang / /'o thug dang bcas las kun la/ /bzlas pa khros pa'i sngags kyis ni/ /yig gsum gyis kyang bar bcug la/ /yi dam lha yi sngags kyis bsam//bsang gtor snod ni 'dod pa'o/ /g.yon du zhi ba'i phrin las la/ /bud shing la sogs g.yas su 'gyur/ /phyin ci log par drag po la/ /dgug pa la yang de bzhin gsungs/ /bsang gtor la sogs snod bstan pa'o/ /gzhan na srung ba dang ldan pa//de nas snod du yig gsum gyis/ /hom khung shing las sbyar byas me/ /bcug nas chu gtor de bzhin du/ /bsil yab kyis g.yab 'bar bar bya'o/ /oM badzra dz+wa la dz+wa la hUM brjod bya/ /rtswa skam pa yi lci ba yis/ /yang na phye mas 'bar bar bya//rigs byas bzlas brjod gsum gyis ni/ /phyugs mar gyis ni de nas me/ /oM badzra satwa a brjod bya/ /ma dag ring ni thung ba min/ /nyag ma gnyis ni sbyin par bya/ /kha phyir bltas nas de nas ni/ /kha sogs lho ru byas nas su/ /ku sha rtse mo shar bstan dgab//yi dam lha yi sa bon gyis/ /hom khung rdzogs te lha yi bdag /thob byung snying po zur gsum pa/ /sa bon ri byung pad+mar gnas/ /gun+d+he skyabs sbyin dbyug pa phreng / /phyag na 'dzin pa 'di na me/ /las kyi rjes mthun rnam par shes//'bar ba'i gdan la phyal ba che/ /ye shes sems dpa' nam mkha' la/ /mthong byas sngags kyi bsnyen pa byas/ /oM e h+ye hi ma hA b+hU ta de ba r-i Shi di dza satwa ma/ gr-i hi twa yu b+haM ma hA rasmi asmin san+ni hi to b+ha ba zhes bya/ bsnyen pa'i sngags so/ / bskul ba'i sngags bzlas 'gugs pa la/ /'bar ba de nyid gsum dag gis/ /cho ga bzhin drangs hom khung gi /nye bar ku sha'i steng du gzhag /bsang gtor nye reg ar+g+ha dang / /zhabs bsil phul nas rab tu mchod/ /bsang gtor ku sha'i bam pos ni//sngags bzlas kun byed chu yis ni/ /mdzub mo mthe bong mnan nas su/ /g.yas pa'i phyag na nye reg gzung / /rdo rje snyim pa kha phye bas/ /ar+g+ha'i phyag rgya snod du sbyin/ /oM ag+na ye di byA di byA bi shA bi sha ma hA shrI ye ha bya ka bya ba ha nA ya ar+g+haM pra tIts+tsha swA hA/ bsang gtor gyi sngags so//ar+g+ha'i snod nas me tog chu/ /'greng tshul g.yas pa'i khu tshur gyi/ /mtheb mdzub gnyis kyis bzung nas su/ /sor mo thams cad rim pa bzhin/ /bskor ba lta bu'i tshul du ni/ /sngags brjod pas ni gtang bar bya/ / oM ag+ne ye di byA di byA bi shA bi shA ma hA shrI ye ha bya ka bya ba ha nA ya pra ba ra sat+ka ra pra tIts+tsha swA hA/ /zhabs bsil gyi sngags so/ /oM ag+na ye de byA di byA bi shA bi sha ma hA shrI ye ha bya ka bya ba ha nA ya puSh+pe pra tIts+tsha swA hA/ /spos sogs dag kyang de bzhin no/ / sngags brjod pas ni dbul bar bya/ /bkug nas bcings te thim nas su/ /dbang du byas nas go rims bzhin/ /oM ag+na ye de byA di byA bi shA bi sha mahA shrI ye ha bya ka bya ba ha nA ya swA hA/ /cho ga kho na thim pa'i sngags/ /de dag byas te rnam par smin//de la sogs pa mos pas so/ /bsang gtor sogs kyis kyang mchod nas/ /snod chen sogs khar yi dam lha/ /sa bon 'od zer dang bcas dgod/ /yang na lhun gyis grub pa yi/ /lha yi dam pa'i zhal du'o/ /pus mo'i bar du lag pas ni//sbyin sreg zhi ba la sogs kyi/ /phyi lag gnyis kyis drag po'i las/ /g.yon pa'i lag pas bsdigs pa'i tshul/ /rgyas pa zhi ba dbang dgug pa/ /'khon byed gar byed mngon spyod la/ /oM swA hA ho dza hUM hUM phaT tha mar kha gdangs/ bkra mi shis dang drag po la//rim bzhin yang dag sbyin sreg bya/ /oM na maH sa man+ta bud+d+hA nAM/ ag+na ye swA hA mar gyis bkang ba'i sreg pa'i sngags/ oM ag+ni ye swA hA/ dpal be'u rnga yab rgyal mtshan dang / /gdugs dang pad+ma dril bu'i dbyibs/ /rtse gsum dang ni ral gri nya//in+d+ra mgo bo bkra shis 'dra/ /rdo rje dung sogs bkra shis pa/ /mar gyis dgang sreg 'dzag pa'i dbyibs/ /me lce de 'dra bkra shis me/ /dkar po brgya byin gzhu dang mnyam/ /g.yas su bskor ba shin tu snum/ /gser gyi dngas ma lta bu'i mdog /pad+ma rA ga bai DUr+ya/ /dngul 'dra 'od dang nye ba'i 'od/ /dri ma med bzhin du ba med/ /dri zhim bro ba de bzhin du/ /pi wang rdza rnga'i sgra grag mchog /zhi ba la sogs rang rang mdog /rtse gcig mchog tu gyur pa gsungs/ /rtse gnyis 'bring po rtse gsum pa//tha ma yin no sprin dkar 'dra/ /dud pa mang ba bkra mi shis/ /lce chad me 'bar spyod pa dman/ /ba lang 'dra bas mi snum gnag /ba lang mgo 'dra rtse gsum pa/ /rtsub mo sgra grag me stag 'bar/ /ro sha nyams pa'i dri bro can/ /bar mi shis mtshan byung gyur na//gtor te bsrungs nas 'khyil bas bsal/ /yang ni lan bdun gtor nas su/ /las kun byed pa'i sngags kyis ni/ /lan gsum bdun gcig gang bar bsreg /yang ni ji ltar rnyed pa ltar/ /phyag tu nye reg sbyin par bya//yam shing la sogs 'od zer la/ /dbu la me tog me lce phreng / /spos dang zhabs bsil zhabs su ni/ /me mar mdun du snod du'am/ /thugs kar ar+g+ha dri zhim mo/ /oM sar+b+ba pA pa ta pa tro ya sar+b+ba pA pa da ha na swAhA/ til gyi'o/ /oM badzra A yu She swAhA/rtswa dUr ba'i'o/ /oM badzra puSh+Ta ye swAhA/ 'bras ma nyams pa'i'o/ /oM badzra saM ba de swAhA/ /zho dang 'bras chan gyi'o/ /oM a pra ti badzrA ya swAhA/ rtswa ku sha'i'o/ /bsang gtor nye reg byas nas su/ /'bar ba snang ngo gnyis dag tu//me yi hom khung gcig gis ni/ /me lha'i sngags kyis kho na'o/ /gtor nas sreg rdzas thams cad la/ /phrin las rjes su mthun pa bzhin/ /de dbus lha ni snga ma ltar/ /dgug pa drang ba la sogs pa/ /bsang gtor nye reg ar+g+ha sogs//mchod bstod bzhugs su gsol ba la/ /dang po dgug sogs dbang bskur mthar/ /ar+g+ha nye reg bsang gtor dang / /byas te sa bon gyis ljags mtshan/ /sngon bzhin tshim byas sngags sogs kyis/ /til ma nyams las zhi ba rgyas/ /sna tshogs las ni dUr ba las//rdo rje chos kyis rtag tu bya/ /tha mar swA hAs tshe ring ba/ /don yod grub la ku shas bsrung / /rnyed bzhin de nas nyi shu gcig /de dag bar gyis 'bar bar byed/ /rigs ni sngags kyis de bzhin du/ /de bzhin gang bar bsreg pa la//ar+g+ha bsang gtor nye reg bstod/ /mchod cing gsol btab bzod par gsol/ /gshegs su gsol nas me lha bsnyen/ /bsang gtor nye reg byas nas su/ /lhag ma rdzogs par bsreg par bya/ /nye reg bsang gtor mchod rnams kyi/ / ar+g+ha phul nas phan don du/ /gsol ba btab nas gshegs su gsol/ /de ltar yang cho ga rgyas par ni gzhan du shes par bya'o/ /de bas na cho ga 'di ni sangs rgyas thams cad kyi 'da' bar mi bya bas na/ /dam tshig shin tu 'da' dka' ba'o/ / zhes so/ /slob ma gzung ba'i cho ga gsungs pa/ rnam par snang mdzad ces pa la sogs pa'o/ /rnam par snang mdzad sbyor ba yis/ /zhes pa ni phyis 'gyur ba'i tshul du brten pas de skad do/ /rdo rje gsum las byung zhes pa ni des byin gyis brlabs pa'o//de nyid gsungs pa/ AHni lus ngag sems las bsam/ /zhes te mgrin par AH las gyur pa'i pad+ma'i lte ba la de bsams la ngag byin gyis brlab par bya'o zhes so/ /rdo rjes gzung bar bya zhes pa ni de byin gyis brlabs pa'o/ /sgo gnyis gang gis byin gyis brlab ce na/rgyal chen zhes pa la sogs pa'o/ /rdo rje sems dpa' ni de'i sa bon te snying la hUM las gyur pa'i rdo rje'i lte ba la hUM bsam pa'o/ /de bzhin du rnam par snang mdzad dag ces pa ni oM las byung ba'i 'khor lo'i lte bar oM spyi bor bsam pa'o//de rnams kyis slob ma sku la sogs pas byin gyis brlab pa ni rab tu gsol zhes pas so/ /de yang bum pa sta gon la gnas pa'i de ma thag tu/ slob ma snod du rung bas bzung nas 'khor lo'i khang par gnas pa la/ sbyang ba byas pa'i slob mas ston chen khyed la bdag dga'o//zhes pa la sogs pas gsol ba btab ste/ bla mas kyang bu tshur shog cig ces pa la sogs pa lan stsal nas sdig pa bshags pa la sogs pa byang chub tu sems bskyed nas bdud rtsi 'khyil pa'i sngags kyis bsrungs pa'i slob ma gong ma ltar rdo rje gsum gyi byin gyis brlab par bya'o//de nas bdud rtsi 'khyil pa'i sngags kyi bzlas pa'i dri chus bsku ba dang / me tog la sogs pa'i rdzas sbyin pa dang / so shing sbyin pa dang / ku sha sbyin pa dang / skud pas srung ba dang / nye reg sbyin pa byas nas/phyir mi ldog dbang dkyil 'khor la/ /zhes pa la sogs pas slob mas gsol ba btab pa la/ /bla mas sangs rgyas zhes pa la sogs pa thun mong gi sdom pa byin la/ des kyang ji ltar theg pa gsum zhes pa la sogs pas sdom pa blang bar bya'o//de nas/ kun mkhyen gang dus 'jig rten na/ /zhes pa la sogs pas spro ba bskyed cing bden pa'i chos bshad nas nyal du bcug la bdag nyid 'khor lo dbye ba'i cho ga la sogs pa'i dbye ba ni man ngag go/ /da ni slob ma dkyil 'khor du gzhug pa'i cho ga gsungs pa/de la 'di ni zhes pa la sogs pa'o/ /dkyil 'khor chen po ni ri mo'i dkyil 'khor ro/ /de ltar 'jug par bya ba'i rdo rje'i tshig ste yi ge lnga'o/ /dam tshig thams cad kyi zhes bya ba ni dam tshig dang ldan pa'i sngags pa 'jug pa'i sku dang gsung dang thugs rdo rje'i snying po zhes so//de yang 'og nas 'byung ba'i sbyor ba dang ldan pa'i slob ma la mos pa dris nas des kyang lan btab ste/ gdong g.yogs nas dkyil 'khor dang bla ma mchod nas/ /de'i snying gar rdo rje bsams nas//byang chub tu sems bskyed cing 'khor lo bskul lo/ /de nas gshin rje mthar byed la sogs pa'i sngags dang / yi ge lngas dkyil 'khor du bcug ste/ rdo rje chen po ni rdo rje bskyed la dam bsgrags pa ste/ gong ma ltar dbab pa'i cho ga byas la/ me tog gtor ba la sogs pa bya'o zhes so//da ni slob ma rnams la dbang bskur ba'i cho ga gsungs pa/ de la 'di ni zhes pa la sogs pa'o/ /rdo rje chen po ni rdo rje rgyal po phyir mi ldog pa'o/ /de dbang bskur ba'i thabs kyi ye shes te thun mong ma yin pas na gsang ba'o/ / de'i don ni 'di lta ste dkyil 'khor bstan pa'i slob mas dgos pa gsum dang bcas pa'i lus phul nas/ de la bum pa rnams kyi chu gcig tu byas pa las byung ba mi bskyod pa gnas gyur pa'i chus spyi bor blugs par byas pas me long lta bur rgyas pa'o/ /rin chen 'byung ldan las byung ba'i dbu rgyan cod pan gyis mtshan pas dbang bskur bas mnyam pa nyid rgyas pa'o//snang ba mtha' yas las gyur pa'i rdo rje byin te snying gar bzung bas so sor kun du rtog pa rgyas pa'o/ /don yod grub pa las gyur pa'i dril bu g.yon du byin pas rdo rje 'khyud pas bya ba nan tan rgyas pa'o//rnam par snang mdzad bstims nas spyi bor ming gi dbang bskur bas chos kyi dbyings kyi ye shes rgyas pa'o/ /de nas hUM las gyur pa'i rdo rje lag tu gtad pa lan gsum gsor nas de nyid sbyin no/ /de bzhin du AHlas byung ba'i dril bu g.yon du byin pas phyogs brgyad du dkrol nas de nyid sbyin no//de dbyings phyug mas 'khyud par bsams nas/ dam tshig dang sdom pas phyag rgya de nyid sbyin no/ /slob ma de kho na gnas pas yon phul nas phyir mi ldog pa dbang la sogs pas gsol ba btab pa la//bla mas kyang phas pham 'di ni zhes pa la sogs pas thun mong ma yin pa'i sdom pa byin nas/ 'jug pa'i sgor kha dog gcig pa'i dkyil 'khor sa bon gyis mtshan pa la/ dbang stegs kyi khri seng ges mtshan pa la bzhag nas steng du gdugs bteg par byas nas/de'i 'og nas 'byung ba'i tshigs su bcad pas gsol ba gdab par bya'o/ /de nas ting nge 'dzin gsum dang ldan par byas nas/ bla ma'i lus kyi dkyil 'khor las sangs rgyas kun gyis ji skad du bshad pa'i bum pa gang ba bsnams pas nam mkha'i khams yongs su gang bar rab tu bsgom mo//de rnams kyis gzhan yang / rdo rje rig pa 'dzin pa yis/ /zhes te/ gzhan las 'ongs pa de lta bus kyang sil snyan dang pheg rdob pa dang / rnga brdungs pa dang dril bu dkrol ba dang / spos la sogs sprin dag gis gtams par bsgom mo//de rnams nyid rdo rje sku gsum ste/ rdo rje gsum gyi rang bzhin no/ /de nyid bsngags te/ phra zhing mang bas na yungs kar te/ des gdab par bya ba ni mthar 'jug pa'o/ /gang gis mthar 'jug ce na/ de la de yi tshe na ni//bdag nyid dbang bskur rab tu gsol/ /zhes te/ de rnams kyis rig pa'i dbang la sogs pa rab tu stsol ba ste de'i de ma thag tu'o/ /de bzhin gshegs pa 'ba' zhig ma yin te/ spyan la sogs pas kyang bskur bar gsungs pa/ rdo rje sems zhes pa la sogs pa'o//rdo rje sems dpa'i ting nge 'dzin/ /zhes pa ni nye bar mtshon pa tsam ste/ ci'i phyir zhe na/ yang na sangs rgyas bsgom par bya/ /zhes te gang yang rung ba'i ting nge 'dzin gyis zhes so/ /bum pa'i dam tshigs la sogs pas zhes pa ni spyan ma la sogs pa sgeg pa'i nyams dang ldan pa'i lha mo rnal 'byor pa dag la mkhas pa dag gis phyag na bum pa bzung bas bsgoms nas kyang /gong ma ltar dpal ldan gser gyi ri bo la sogs pa'i bkra shis brjod pa ltar dbang bskur bya'o zhes so//da ni slob ma dkyil 'khor du gzhug pa'i ting nge 'dzin gsungs pa/ rdo rje rnam par zhes pa la sogs pa'o/ /de yang de kho na nyid dang bden pa brjod pa'i bla mas sdom pa dang ldan pa'i slob ma rang gi sa bon gyis sbyangs nas/ oM la sogs pa'i rnam par snang mdzad dam yang na mi bskyod par bsams la zhes so//blo brtan la zhes pa ni sdom pas 'gyur ba med par byas pa'o/ /de nye bar bsgrub pas kyang byin gyis brlabs la/ de'i lus dang ngag dang sems rnams sngags oM la sogs pa shes pas rdo rje gsum gnas gsum du dgod par bya'o zhes so//de nas gong du gsungs pa'i cho ga thams cad bya ba'o/ /de bzhin gshegs pa dang lha mos dbang bskur ba sbyin pa'i dus su bla ma srung ba ni/ de la 'di ni zhes pa la sogs pa gsungs so/ /sangs rgyas rnams ni zhes pa ni brtags pa la sogs pa thams cad kyi'o//de'i rdo rje gsang ba gsum las byung ba ni 'og nas byung ba'o/ /ji lta bu zhe na/ khams gsum gyi dbang pos phyag byas pa zhes pa ste/ de nyid rdo rje rgyal po phyir mi ldog pa'i dbang bskur sbyin zhes rigs kyi dbye bas brjod pa'o//dbang stegs kyi khri la gdugs bteg pa'i slob mas gsol ba 'debs pa'i tshigs bcad gsungs pa/ de la 'di ni zhes pa la sogs pa'o/ /byang chub rdo rje zhes pa ni ston pa sangs rgyas rnams la mchod pa chen po bgyis nas bsgral ba ltar/bdag kyang 'dam rdzab rgal dka' ba las bsgral ba'i phyir ro/ /skyon thams cad dang bral bas nam mkha' lta bu'i rdo rje slob dpon gyi dbang bdag la stsol cig ces pa'o/ /de bzhin gshegs pa dang ldan pa'i lha mo zhugs pa'i de ma thag tu ji ltar gyur pa gsungs pa de nas zhes pa la sogs pa'o//de nas zhes pa ni ye shes kyi ngo bor gyur pa'i de ma thag go/ /de la dbang bskur ba zhes pa ni sdom pa dang ldan pa'i slob ma de la thugs rab tu dgyes par gyur nas dbang gi 'bras bu stsol bar mdzad pa zhes so//ji lta bu zhe na/ lha'i gzugs zhes sbyor ba gnas pa'i slob ma'i snying gar de bzhin gshegs pa bzhugs pas ye shes sems dpa'i dkyil 'khor du 'gyur ro/ /de bzhin du spyi bor lha mo la sogs pa bzhugs pas bdag po gzhag par bya zhes rigs kyi dbang phyug dbu rgyan du bsgom mo//rdo rje slob dpon blo ldan zhes pa ni chu la sogs pas dag par byas te rdo rje slob dpon du gyur pa'i rnal 'byor pa'o/ /dkyil 'khor dag bstan par bya zhes pa ni 'og nas 'byung ba'i rim pas gong du ste/ gzhan du yang shes par bya'o//sngags kyi yi ge rnams kyang sbyin/ /zhes pa ni de'i 'dod pa'i lha'i sngags dang yi ge dang sbyor bas/ bskyed pa'i rim pa'i ting nge 'dzin rnams bstan par bya'o zhes so/ /de nas mi bskyod pa rin po che'i dbu rgyan du gyur par bsam mo/ /de nas spyi bor me tog la sogs pa'i mchod pas mchod nas bsang ba dang bstod pa dang /bdud rtsi myang ba yang byas nas gdugs dang bcas pa bskor bar byas la phyag byas te khri la bzhag nas/ de ring phan chad bu khyod kyis/ /zhes pa la sogs pa rgyud dang sngags 'dzin pa por gnas par byas nas dkyil 'khor gyi de kho na nyid dang /lha'i de kho na nyid dang / slob dpon gyi las bstan par bya'o/ /de nas bdag de bzhin gshegs pa'i tshul gyis spyi bo nas lung bstan to/ /yang dam tshig gsum byin nas dam mchog gsang chen zhes pa la sogs pas dbugs dbyung ngo //de nas ji lta zhes pa la sogs pas bka' lung gnang ba'i dbang sbyin pa'o/ /slob ma rnams kyis kyang bla ma'i zhabs la mgo bos phyag 'tshal nas bka' lung g.yar gyis blang ngo / /de rnams ni bum pa'i dbang gi cho ga'o//gsang ba'i dbang gsungs pa/ /sangs rgyas zhes pa la sogs pa'o/ /'das pa la sogs pa'i sangs rgyas kun gyis gsungs pa'i thun mong ma yin pa'i dam tshig gsang bar bsgrag par bya'o zhes so/ /de yang gong du gsungs pa'i dbang thob pas tshogs kyi mchod pa chen pos bla ma mnyes par byas nas/kun mkhyen ye shes phung po can/ /la sogs pa gsol ba 'debs shing tshogs kyi mchod pa'i rang bzhin phul bas dag pa'i bla mas bsgrag par bya'o/ /ji ltar bsgrag ce na/khyod kyis srog chags gsad par bya/ /zhes pa la sogs pa'o/ /'di rnams ni le'u dgu rim pa bzhin du shes par bya'o/ /rdo rje ngo bo thob par byed pa'i lam ni dam tshig bzhi ste/ de la bdag gnas shing sems can thams cad kyang bskul bar bya'o zhes so//de spyad cing bsrung ba ni sangs rgyas thams cad kyis 'da' bar mi bya bas na dam tshig rab tu brtan par bya'o zhes so/ /sngags ni yi ge gsum mo/ /de'i bskul ba ni 'jug pa la sogs pa'o/ /de yid kyis smras pa ste gsang ba'i dbang thob pa'i slob ma de la rdo rje bzlas pa'i ngo bo'i sngags sbyin par bya ste/de sgyu ma lta bu'i ting nge 'dzin thob par 'gyur ro zhes so/ /shes rab ye shes kyi dbang bskur ba gsungs pa/ sngags kyi rgyal po zhes pa la sogs pa'o/ /sngags ni de bzhin gshegs pa'o//'dis mdzes par byed pas na rgyal po'o/ /'da' bar bya ba ma yin pas na dam tshig ste shes rab ye shes so/ /de'i yang sngon du 'gro ba'i rgyu ni gsang ba'i dbang ste de byin pa la bstan par bya zhes so/ /gsang ba'i dbang de yang ji ltar sbyin zhe na khu ba'am zhes pa la sogs pa'o//de yang gong du gsungs pa'i sdom pa dang ldan pa'i slob mas rdo rje sems khyod ces pa la sogs pas gsol ba 'debs pa la gti mug la sogs pa'i gzhung gis dag par byas pa'i slob ma la snyoms par zhugs pa'i cho gas phyung ba'i byang chub sems cho ga bzhin du sbyin par bya'o//de rnams kyis rnam par snang mdzad la sogs pa'i bdag nyid kyi sngags pas/ rdo rje blos ni zhes pa ni de bzhin gshegs pa thams cad 'dus pa'i bdag nyid du shes par byas nas bza' bar bya zhes so//'on kyang dngos grub rnyed mi dka'/ /zhes pa ni zhing dag pa'i slob ma ni skye ba gcig thogs pa'o zhes so/ /rnam pa 'di bzhi gsang chen te/ /zhes pa ni shes rab ye shes kyi dbang gi dam tshig bzhi pa ste 'og nas 'chad do/ /de nyid rdo rje can gyi gsang ba ste/sba bar bya ba yin pa'i phyir ro/ /de yang zhing dag pa'i slob ma la rang rig chos kyi sku rtogs par bya ba'i phyir kun mkhyen la sogs pas gsol ba 'debs pa la rnal 'byor pa snying po'i sdom pa rnams byin nas/ yang mchog sbyin rdo rje la sogs pa la gsol ba 'debs pa la/ji skad du gsungs pa'i phyag rgya dang dam tshig dang sdom pa'i mchog smra ba dang / bde chen za ma tog gi sngags brjod nas de la sbyin pa'o/ /ci'i phyir zhe na/ sngags kyi 'khor lo zhes te bde bar gshegs pa rnams so//de bud med gzugs su bstan pa ste/ dgos pa ni sems can don spyad phyir gnas pa'o zhes te/ 'dod pa'i khams kyi 'dod chags drag po la spyod pa'i sems can rnams nges par thar pa rab tu bsgrub pa'i phyir te/ gzhan du mi rnyed pas na gzugs mdzes pa'o//rtsa ba'i rgyud las kyang / e ma'o byang chub sems nyid ni/ /sems can kun la phan dgongs pas/ /'dul ba'i dbang gis gang ba'o/ /bud med gzugs kyang de bzhin mdzad/ /ces so/ /de bas na de'i yid 'ong zhes pa la sogs pas byin la yang dag pa'i de kho na nyid kyi rang bzhin gyi dga' ba dgag pa la phyogs shing bral ba'i dga' ba'i skye ba phyogs pa'i bar du bla ma'i man ngag gis rtogs par bya'o//de nas de gnyis kyi rjes su 'gro ba la sogs pa yang ji lta ba bzhin du sbyin par bya'o zhes so//slob ma dbang bskur ba'i cho ga bsdus pa'o/ /da ni gong du gsungs pa'i dngos grub kyi shis pa'i zas bstan pa'i phyir/ de la 'di ni zhes pa la sogs pa'o/ /dkyil 'khor thams cad kyi sngags ni lus la sogs pa lha rnams so//de mnyes par byed pa'i gsang ba ste/ glang po'i sha la sogs pa'o/ /de rnams kyang rang gis bza' bar bya zhing sngags rnams la yang dbul bar bya zhes so/ /de yang sngar bsnyen pa'i cho ga bsten par byas pas nus pa rnyed pas nyin re rdo rje slob ma yid ches par bya ba'i phyir/de'i sbyor ba la mkhas pas bdud rtsi'i dkyil 'khor zas khyad par du thar pa la sogs pa byas nas bsten par bya'o zhes so/ /de'i cho ga yang bshang gci ni bdud rtsi lnga'o/ /sha ni sha lnga'o/ /rdo rje gsang ba'i tshig dag gis/ / zhes pa ni yi ge gsum gyi bzlas pa'o/ /sngags rnams kun gyi yi ge oM/ /zhes pa ni rdo rje khu ba'i de ma thag tu oM bkod nas bsil phab ste/ des 'bar bar 'gyur zhes so/ /bdud rtsi la sogs pa ma rig pa 'joms shing ye shes kyi ngo bo bas na rig pa skyes bu chen po zhes so//de bsten pa'i yon tan gsungs pa/ dngos grub thams cad ces pa la sogs pa'o/ /dam tshig chen po zhes pa ni rdo rje 'dzin pa'o/ /de nyid kyi khyad par ni sangs rgyas byang chub nyid do/ /de yang de rnams kyis bcud len du byas nas bsgrub par bya zhes so//dngos grub thams cad bstan pa'i phyir mi snang zhes pa la sogs pa'o/ /brtson 'grus ni sbyor ba la brod pa'o/ /stobs ni skyo ba med pa'o/ /dkyil 'khor dag gi zhes pa ni bdud rtsi dang sha ste/ rigs lnga'i rang bzhin gyi phyir ro//de'i sbyor ba gsungs pa/ bshang gci zhes pa la sogs pa'o/ /cha ni mnyam par byas nas su/ /zhes pa ni bdud rtsi lnga dang sha lnga rigs re rer sbyar ro/ /kham phor sbyar mar gzhag pa ni as bskyed pa'i ba dan la rnam par bkod pa'o/ / sangs rgyas kun dang lhan cig 'khod/ /ces pa ni de'i steng du nyi ma zla ba'i steng du yi ge lnga bkod nas de'i 'od kyis sangs rgyas lnga bkug pa der gzhug pa'o/ /'di dag kyang le'u bcu gnyis par bshad zin to/ /da ni rdo rje bzlas pa la gnas pa'i rnal 'byor pas bzhi pa la gnas pa'i cho gas grub pa'i mngag gzhug bskul bar gsungs pa de la 'di ni zhes pa la sogs pa'o//gsang ba thams cad ces pa ni rdo rje gsum mo/ /rdo rje mngag gzhug pa ni de'i rnal 'byor pa'i dgos pa rdzogs par byed pa ste/ rigs kyi khro bo'o/ /de rab tu sgrub pa'i dam tshig dam pa'o zhes so/ /hrI zhes pa ni 'od zer 'bar ba dang ldan pa mdun gyi nam mkha'i dbus su bsams la sangs rgyas dang byang chub sems dpa' dang / rig pa'i lha mo dang / khro bo'i tshogs kyis nam mkha'i khams gang bar bsgoms la de rnams sku gsung thugs kyi gnas ni dang po'i sa bon der oM AHhri a mo g+ha ko Ti nan b+ha Sha A kaR+Sha hUM zhes pa'i sngags kyis dbab par bya'o//de'i byin rlabs las ji ltar 'gyur zhe na/ de la 'di ni zhes pa la sogs pa'o/ /sku gsung thugs kyi sngags ni mngag gzhug pa gsum mo//de byin gyis brlab pa ni bskyed pa zhes pa'i don to/ /AHkhaM d+hIHzhes pa'i yi ge gsum gang yang rung bar gyur pa ste dang po'o/ /de la phyag na rdo rje gzugs chen dang / /zhes te bdud rtsi 'khyil pa la gzhan phyag brnyan du cho ga gzhan pas rnam par bsam pa ste/gnyis pa'o/ /de bzhin du phyag na pad+mo 'od chen ni rta mgrin no/ /gzhan gyis mi thub gzugs chen ni gshin rje gshed do/ /de rnams yi ge gsum gnas gsum du bkod nas snying gar gsang ba'i gnas gzhag par bya'o//de yang gang zhe na de la 'di ni zhes pa la sogs pa'o/ /mi bskyod pa dang tshe dpag med ni nyi ma la bzhugs pa'o/ /rdo rje snang mdzad ni zla ba la bzhugs par bsams nas 'od chen dang ldan pa'i mtshan ma ni drag cing mi bzod pas ni sdug bsngal chen po ste de dang snying pos gsang ba'i gnas bskul bar bya'o zhes so//de nyid ces pa la sogs pa'o/ /yi ge oM dang mdung rtse che la sogs pa'i mtshan ma sna tshogs pas cho ga bzhin du bskul nas des kyang rim pas sangs rgyas nyid rab tu 'grub ces so//sgrub pa'i gnas gsungs pa/ nyams dga' zhes pa la sogs pa'o/ /zla ba phyed pa ni sgrub pa'i dus su/ /sangs rgyas thob pa gdon mi za/ /zhes pa ni rgyu nges pa thob pa'i phyir na phan yon no/ /de nyid gsungs pa/ ri rab ces pa la sogs pa'o//sangs rgyas zhing du 'gro bar zhes pa ni des khrid nas 'gro ba'o/ /des zab mo'i chos kyang thob par 'gyur/ /zhes pa ni rdzogs pa'i rim pa'i chos ma thob pa rnams kyang thob pa ste/ de nas sangs rgyas grub pa'i mtshan ma byung bas na/ sangs rgyas sa yang thob par 'gyur//zhes so/ /dam tshig rdo rje bzhad pa ni mngag gzhug pas dga' ba rnyed pas na de skad do/ /sbyor ba gang gis de bskul ba gsungs pa/ de la 'di ni zhes pa la sogs pa'o/ /rdo rje sems dpa' ni mi bskyod pa'o/ /gsung gi rdo rje 'dzin zhes pa ni snang ba mtha' yas so//rdo rje sku chen zhes pa ni rnam par snang mdzad de/ gang yang rung ba mnyam par bzhag nas rigs kyi rim pa'i mngag gzhug pa dag dus rnam pa bzhir bskul lo zhes so/ /de'i don ni 'dod pa'i lha'i rnal 'byor pas sa bon dang po nam mkha' la bsams pa la sangs rgyas la sogs pa phab pas cho ga dang por gyur pa'o//de nyid rigs kyi rim pa'i mngag gzhug pa'i gzugs su cho ga gnyis pas bskyed nas yi ge gsum gnas gsum du bsams la gsang ba'i gnas su ye shes sems dpa' bzhag la dbu rgyan la don yod grub pa bsgoms te/mdung rtse che la sogs pas gsang ba'i gnas bskul zhes pa ji skad du gsungs pa'i gnas su dus bzhir bsgoms na zla ba phyed na 'grub pa mngag gzhug gis sangs rgyas zhing du khrid cing zab cing rgya che ba'i chos thos par byas nas/de bzhin gshegs pas byin gyis brlabs pa'i gnyid 'ongs pas sangs rgyas nyid 'grub pa'i mtshan ma 'byung bar 'gyur ro zhes so/ /da ni thun mong gi dam tshig gi gzhi gsungs pa/ de la 'di ni zhes pa la sogs pa'o/ / ye shes kyi 'khor lo zhes pa ni des byin gyis brlab par bya ba'i phyir bsnyen pa dang sgrub pa'i dus su 'da' bar mi bya bas na sngags kyi dam tshig go/ /dam tshig bskul ba dang zhes pa ni de bzhin gshegs pa thams cad kyi byin gyis brlab pa'i gsol ba gdab pa'o/ /dam tshig gtong ba dang zhes pa ni de rnams spyan drang bar bya ba'i phyir lha mo'am/gsal shing thogs pa la sogs pa'i khro bo spro ba'o/ /dam tshig smra ba dang zhes pa ni de rnams kyis de bzhin gshegs pa de rnams la snyan par smra ba ste/ de gnyis ni dang po bskul pa'i gong du shes par bya'o//dam tshig 'ching ba po'i zhes pa ni 'od zer gyis de bzhin gshegs pa rnams bsdus nas sa bon der gzhug pa'o/ /de bas na 'di bsgrub pa dang zhi ba bskul ba'i sta gon la gnas pa las sbyar bar bya'o/ /ji skad du/ sku gsung thugs kyi de nyid ni//sad par byed par bskul bar gsungs/ /phyogs bcu'i 'jig rten khams rnams su/ /'od zer 'gyed pa gtong ba yin/ /rdo rje can kun snyan mnan pa/ /rdo rje can kun spyan drang ba'o/ /rdo rje can gyi gnas de yi/ /'od zer gyis ni rdo rje kun/ / bsdus nas gong bu'i tshul gyis su/ /bcings pas bcing ba zhes bya'o/ /da ni mngag gzhug pa de'i mthu gsungs pa/ nam mkha'i zhes pa la sogs pa'o/ /nam mkha' ni gzugs can gyi chos thams cad rnam par spangs pa yang rta dang glang po la sogs pa bzhin du gong bu'i tshul du gzhug pa de dag gis rmad du byung ba'i gzugs su byed na gzhan lta ci smos zhes pa'o//thams cad ces pa ni sangs rgyas sems can rnams so/ /de rnams kyi mtshan ma las byung ba'i phyir na bu gcig pa zhes bya'o/ /da ni 'jam pa'i rdo rje'i mda' lnga'i sbyor bas dbang du bya ba gsungs pa/sangs rgyas zhes pa la sogs pa'o/ /de yang sangs rgyas la sogs pa dbang du byed par 'dod na rdo rje gsum gyi ngo bo 'jam pa'i rdo rje'i sbyor ba gsang ba chen po 'di bsam mo zhes so/ / ji ltar bsam zhe na rdo rje 'jam pa zhes pa la sogs pa'o/ /de bsrung ba'i nang du nam mkha' rdo rje'i dbus su ji skad gsungs pa'i gzhal yas khang bskyed nas/ der cho ga nyi shus rdo rje 'jam pa stobs po che bsams la mda' lnga'i sbyor ba zhes pa ni sdong bu dang bcas pa'i ut+pa la dmar po kha phye ba lta bu 'dod byed dang /rmongs byed dang / sngang byed dang / brgyal byed dang / ngal byed dang / dbang gi rang bzhin gyis sam mda' dmar po rnams maM las bskyed cing ltong oM gyis byin gyis brlabs la smyug ma AHmde'u hUM gis byin gyis brlabs pa rnams dbu rgyan rtse mor brgyan par bya ste rna drung du bkang ba'i mdas dbu rgyan gyi rtse mor brgyan te/bsgrub bya'i gnas lnga dag ni thams cad du zhes te mgo dang / dpral ba dang / kha dang snying ga dang lte ba rnams su 'jam pa'i rdo rje'i khro bo'i sngags kyi tshig oM AHmaM many+dzu shrI che ge mo ba shaM ku ru hUM ho zhes pas gdab bo//de sems zla ba sbyang ldan lta bur bzlog ste/ rim pa gnyis par chud par byas nas bsgrub bya yang snying rmongs pa'i ngo bor gyur nas sngangs shing brgyal te sdong po bcad pa bzhin du rkang pa gnyis kyi 'og tu chud par bsgom mo//byis pa'i blo zhes pa ni 'jam pa'i rdo rje'i rnal 'byor gyis so/ /'di mtshan ma thob pa'i rnal 'byor pas zla ba phyed du gsang ba bskul ba 'di bsgom zhes so/ /des rdo rje kun gyi rab tu gsang ba ste dbang du bya ba'i cho ga'o/ / chud par gsungs pa ni sbyor ba mngon du gyur zhes pa'i tha tshig go/ /dkyil 'khor du zhugs pa'i slob ma gdong g.yogs dgrol ba'i cho ga gsungs pa/ nam mkha'i rdo rje zhes pa la sogs pa'o/ /de yang nam mkha'i rdo rje'i dbus su sangs rgyas las gyur pa'i dkyil 'khor gyi nang du chud pa'i slob ma gong ma ltar rdo rje'i mtshan ma la sogs pa dang hUM la sogs pa rdo rje gsum dang /sogs kyi sgras bsdus pa'i ye shes sems dpa' dang ldan par byas nas gong du gsungs pa'i bya ba thams cad byas pas me tog dor ro/ /oM ni mig tu bsam nas ni//zhes pa ni mig gnyis la de kho nas mtshan te gdong g.yogs dkrol te/ oM badzra satwa sa man+te zhes pa la sogs pa brjod nas 'di dag cho ga bzhin du bstan zhes so/ /de nas khyod kyi mig la ji ltar snang zhes dris pa dang / mtshan ma kun gyi gzugs dag ces pa ni lha'i mtshan ma bkod pa'o//de yang / tshul gsum rdo rje can du mthong / /zhes te sku dang yi ge dang phyag rgya'i gzugs su mthong ba ste de'i dngos grub nye ba'o/ /gzhan yang kha dog la sogs pa'i dbyibs las/ las rnams kyi dngos grub shes par bya'o//bkres skom gzhom pa'i sbyor ba gsungs pa/ bkres skom zhes pa la sogs pa'o/ /rnam par snang mdzad gzugs chen po/ /zhes pa ni de'i sbyor bas gnas zhes te mtshon pa tsam mo/ /des bsams na thams cad don thams cad sbyor zhes so//ji ltar zhe na/ baM ni kha yi nang du bsgom/ /zhes pa ni de la rkan gyi dbus su de las skyes pa'i bum bzang ser po zla gam phyed pas kha bcad pa thigs pa yid bzhin nor bu rin po che lta bu kha zas kyi rang bzhin bsams la/ rang gi lce rtse la 'dug pa'i oM gyis bdud rtsi lnga la sogs pa'i rang bzhin gyi bza' bar bya ba kun gyi gnas las yid bzhin gyi nor bu lta bu'i thigs pas brgyan pa las drangs nas tshim par byed pas bkres skom gyi sdug bsngal zhi zhing sel lo//de nyid ye shes rdo rje lta bu'i nus pa can las byung ba ste/gzhan la ma yin no/ /bza' bar bya ba zad mi shes pas na yid bzhin nor bu'o/ /da ni bzhi pa la gnas pa'i cho ga sngags kyi khyad par rnams kyi sgrub pa gsungs pa de nas zhes pa la sogs pa'o/ /phyag na rdo rje zhes pa ni rdo rje rtse lnga pa 'dzin pa ste rdo rje 'chang chen po'o//dpa' bo chen po zhes pa ni de bskyed pa'i rgyu ste mi bskyod pa'o/ /dpal rdo rje sgom pa'i tshig 'di phyung ngo zhes so/ /sangs rgyas dkyil 'khor 'od bzang zhes pa ni gzhal yas khang pa'o/ /de nam mkha' rdo rje dbus bsam zhes te/chos 'byung ba'i nang du chud par byas la/ der rgyu'i cho ga bzhi rdzogs pas cho ga dang po las bi las gyur pa'i rdo rje ser po bi yis mtshan pa bsams te/ de'i 'od kyis rdo rje sku gsum de'i gzugs su byas nas de la thim pas dpa' bo rdo rjer gyur nas ci bsgo ba nyan par bsam mo//ji ltar zhe na/ rgyan rnams thams cad yongs rdzogs pa/ /zhes pa ni gdu bu dpung rgyan la sogs pas brgyan pa'o/ /mdog cung zad ser ba/ g.yas gnag pa/ g.yon dkar ba/ phyag dang pos rang snang ba'i rig ma la 'khyud pa g.yas na rdo rje ser po dang ral gri/g.yon pa na pad+ma dang nor bu bsnams pa/ 'gying zhing zhi ba mkhyen pa dang phyag rgyas btab pa thor tshugs dbu rgyan la mi bskyod pas brgyan pa bsams nas ji ltar 'dod pa'i las thams cad bsam par bya'o zhes so/ /rdo rje dpa' bo zhes pa ni mi bskyod pa'o//de'i rlabs kyi phreng ba ste rigs kyi sems dpa'o/ /de'i ting nge 'dzin to/ /skul byed ma'i sgrub pa'i cho ga gsungs pa/ de nas zhes pa la sogs pa'o/ /thams cad kyi dbyings zhes pa ni chos kyi dbyings so/ /de nyid sgra sgrogs pas rdo rje ste mi bskyod pa'i tshul gyis snyoms par zhugs nas zhes so//rdo rje chen po bsgom pa ni de'i rigs las skyes pa'i sems ma 'di phyung ngo zhes sbyar ro/ de yang gong ma ltar na nam mkha' rdo rje'i dbus su rten gyi dkyil 'khor bsams la/ dang po'i cho ga bzhi rdzogs pas gnyis pa'i dang po las tsuM las byung ba'i pad+ma dkar po des mtshan pa'i 'od kyis sangs rgyas kyi sprin la phog pa/ sa rdo rje bud med grags chen te/ tsun+da'i gzugs su byas nas lus dang ngag dang sems la dbab pa zhes te/ de'i ngo bo'i yi ge tsuM la bcug pas sangs rgyas rdo rje ma'i gzugs su bsgom mo//ji lta bu zhe na/ gong ma ltar/ rgyan rnams thams cad yongs rdzogs pa/ /kha dog dkar mo/ g.yas gnag g.yon dmar ba phyag dang pos rang gi thabs la 'khyud pa/ g.yas gnyis pad+ma dang ral gri/g.yon gnyis na nor bu dang 'khor lo bsnams pa'o/ /bar mas byin gyis brlab pa'i dbu la rdo rje rgyal po che ste/ mi bskyod rin po che'i cod pan la bsams la las kyi khyad par gyi don du sngags kyi dam tshig dgod do zhes so/ / bcom ldan 'das ma 'di ni byang chub sems dpa'i gzugs 'dzin pas na rgyud las gang nyi ma'i dkyil 'khor dam pa ni zhes pa de la 'dzem par mi bya ste zla bar shes par bya'o/ /rdo rje dam tshig ni mi bskyod pa'o/ /de'i ye shes kyi 'od zer ni skul byed ma'o/ /chu'i dbang po sgrub pa'i cho ga gsungs pa/de nas zhes pa la sogs pa'o/ /de bzhin gshegs pa thams cad kyi rdo rje ni chos kyi dbyings so/ /des nor phun sum tshogs pa la longs spyod pa zhes bya ba'i ting nge 'dzin la snyoms par zhugs nas zhes so/ /ting nge 'dzin zhes pa ni rang gi lha gsal ba'o//'khor lo'i tshul zhes pa ni rnam par gsal ba de dang 'brel pa la dmigs pa ste de phyung ngo zhes so/ /rdo rje dkyil 'khor zhes pa ni de'i rigs las byung ba'o/ /de nam mkha' rdo rje'i dbus su bsam zhes pa ni ji skad du gsungs pa'i rgyu'i cho ga rdzogs pas cho ga dang po las dzaM las byung ba'i bi dza pU ra rdo rjes mtshan pa'i 'od kyis sangs rgyas kun la phog pas rdo rje gnod mdzes kyi gzugs su bsgoms pa dbab par byas te de la thim par bya ba'o//des ji ltar 'gyur zhe na/dzaM b+ha la nor bu grub pa zhes te/ nor gyi dngos grub stsol bar byed pa'i gnod sbyin chen po'i gzugs su bdag nyid rdzogs par bya'o zhes so/ /de yang / zhi ba gnod sbyin gzugs 'dzin pa/ /zhes te rkang pa thung zhing gsus po che/ /zhal gsum phyag ni gser btsos 'dra//g.yas gnag g.yon ni dkar po ste/ /zhabs ni bum bzang la gzhag pa/ /dang pos 'phags ma nor rgyun 'khyud/ /bi dza pU ra ral gri g.yas/ /rin chen skyug byed til 'brus mtshan/ /de 'og pad+ma 'dzin pa'o//pad+ma zla ba'i steng du ni/ /skyil krung phyed pas mnan nas ni/ /gcig gis gong ma kha sbubs gtong / /nor rgyun dmar po dang po gnyis/ /gnod sbyin 'bras kyi snye ldan pa/ /gzhan ma bdag bzhin shes par bya/ /zhes so/ /de nas yan lag gnyis dang ldan pas thor tshugs dbu rgyan la rdo rje can te mi bskyod pa bsams la/de'i gnas lnga ste/ mgo dang / dpral ba dang / kha dang / snying ga dang / lte ba rnams su/ sangs rgyas lnga yi cho ga yis/ /zhes te mi bskyod pa dang / rin chen dpal dang /'od dpag med dang / rnam par snang mdzad dang / don yod grub pa rnams go rims bzhin du bsgom par bya ste/ bsgrubs na ji skad gsungs pa 'grub par 'gyur ro/ /cho ga gzhan gsungs pa/ rdo rje bdud rtsi zhes pa la sogs pa'o/ /de'i man ngag ni 'di lta ste/'dod pa'i lha'i rnal 'byor pas cho ga bcu gnyis rdzogs pas de bzhin gshegs pa thams cad rjes su zhugs pa'i zla bar zhu ba'i cho ga dang po dang / de nyid dzaM du gyur pa'i cho ga gnyis pa dang / de nyid la gnod gnas dang 'brel pa'i dkyil 'khor bsams pa ste/cho ga gsum pa'o/ /de nas yang de bzhin gshegs pa thams cad rjes su zhugs pa'i sngon du 'gro ba'i rdo rje bdud rtsi'i chu snod gnas de'i bsam gtan gyis gnas la 'jug pas de'i lce la ji bsams la oM A dza d+ha naM d+he hUM zhes brjod pas zhal du dbul bar bya'o//de nas de'i dbu la rdo rje sems dpa' ste/ mi bskyod pa bsams nas gnod sbyin dbang po mnyes nas mngon par 'dod pa'i dngos grub ster bar 'gyur ro zhes so/ /rdo rje sems dpa'i phyag rgya ni mi bskyod pa'o/ /de las mi 'da' bas na rdo rje dam tshig ste/de nyid kyis nor bsgrub pas mdzes pas na rgyal mtshan te/ sgrub pa po'i rgyud la 'jug pas na shing rta'i dpal zhes bya'o/ /gnod sbyin mo sgrub pa'i cho ga gsungs pa/ de nas zhes pa la sogs pa'o/ /rdo rje 'dod pa ni 'dod chags chen mo'o//de mnyes par byed pa'i dpal ni me long lta bu'i ye shes te/ de la snyoms par zhugs nas zhes so/ /gnod sbyin mo thams cad kyis 'da' bar mi bya bas na rdo rje dam tshig ste/ de'i tshig 'di phyung ngo zhes sbyar ro/ /nam mkha' rdo rje zhes pa ni chos kyi 'byung gnas su rtag pa las byung ba'i gzhal yas khang pa gru bzhi lham pa rab tu bzang ba ngos bzhi shel la sogs pa'i rin chen bzhi las byas pa me tog la sogs pa kun du 'khrigs pa rnam par bsams la 'jam dpal rdo rje'i rnal 'byor pas mdun du rdo rje gsum gyi rang bzhin gyi zla gam thig le'i thog can gyi khyim bsam pa ste cho ga dang po'o//de nas gnod sbyin mo thams cad kyis nam mkha'i khams gang bar bsams la gzugs kyi sprin yi ge gsum gyi bar du bcug pa'i rdo rje sbyor bas sa bon de las dbab par bya'o//des cir 'gyur zhe na/ gser mdog mdzes pa'i cha lugs can/ /bud med gzhon nu 'jo sgeg ldan/ /dar gyi na bza' mdog ldan gyis/ /stod smad dkris shing rgyan gyis brgyan/ /cung zad 'dzum ldan zhal mdzes pa/ /me tog kha dog lnga pa yi//phyed krung pa yi zur phud can/ /me tog phreng sogs se ral mdzes/ /g.yas na gdugs dkar bsnams shing g.yon/ /dpag bsam shing rten sgeg tshul ldan/ /pad+ma'i steng na zla ba ser/ /stegs 'dug rin po che yi ni/ / phug na gnas pa bsam yas te/ /zhes gnyis pa'o/ /de yang yan lag dang ldan pa'i gshin rje gshed kyis dbu brgyan pa bsams la/ de'i ye shes sems dpa' bkug la gnas gsum rdo rje'i bye brag gis zhes pa ni drangs te bsgo ba dang / dbye ba dang gtor ma sbyin pa la sogs pa'i las kyi cho ga bzhin du bsgoms na ji skad du bshad pa'i yon tan thob par 'gyur ba ste/zhi ba'i sbyor ba'o/ /de ma grub na drag shul gsungs pa/ snying ga'i zhes pa la sogs pa'o/ /de'i sngags kyi tshig gong gi yi ge bsgoms la de 'khyud nas rdo rje sbyor ba pad+mar gsal te de'i lam nas byung ba'i 'od stug pos yi ge bskul ba me ltar 'bar ba tsha ste/skrag nas dngos grub ster bar 'gyur bas na brtsam par bya zhes so/ /gnod sbyin mo thams cad sgrub pa po mnyam nyid du sbyor ba ste/des gnyis su med pa'i ye shes bsgom pa zhes bya ba'i ting nge 'dzin to zhes so/ /da ni tha mal pa'i thams cad phyag rgya chen po'i dngos grub kyi mtshan mar gsungs pa/ de nas zhes pa la sogs pa'o/ /rdo rje sngags thams cad kyi dngos grub ni phyag rgya chen po'o//de'i 'byung ba ni dngos grub phra mo ste/ mi phyed pas na rdo rje lta bu la snyoms par zhugs nas zhes so/ /lus dang ngag dang sems kun grub pa zhes pa ni rmongs pa'i lus la sogs pa las 'das shing sangs rgyas kyi gzugs 'dzin pa/mtshan dang dpe byad kyi 'od bzang po dang ldan pa/ 'dzam bu gser gyi mdog 'dra ba grub yang / dngos grub phra mo dag la gnas zhes te/ gang dag dngos grub phra mo thob pa rnams de kho na yongs su smin pa las gyur pa'o/ /de nyid gsungs pa mi snang ba zhes pa la sogs pa ste go sla'o//gong du gsungs pa'i gnod sbyin gyi rgyal po grub na nor la dbang ba'i rig pa 'dzin pa'i dbang por 'gyur ro zhes so/ /de rnams kyi phan yon gsungs pa/ de la zhes pa la sogs pa'o/ /rdo rje thams cad kyi dngos grub ni rdo rje gsum gyi dngos grub po//de'i gzugs nyid gsang ba ste rdo rje'o/ /de 'dzin pa'i mchog sngags kyi dngos grub rnams zhes so/ /de nyid gsungs pa/ sngags kyi dngos grub ni shes pa dang skyob par ldan pa'i dngos grub ste phyag rgya chen po'o/ /de thob na mdzes pa'i gzugs sems can mthong ba thams cad dga' bar 'gyur zhes so//de bzhin du 'khor los sgyur ba'i gtsug tor brgyad grub na/ yid bzhin gyi nor bu'i rgyal po ltar thams cad kyi dgos pa 'grub par 'gyur ro zhes so/ /gzhan yang de nyid sangs rgyas dang byang chub sems dpa'i mchog ste/sangs rgyas thams cad kyi ye shes rdo rje lta bu las byung ba'i phyir ro zhes pa'o/ /dngos grub phra mos rang gi bsam pa yongs su rdzogs pa nyid rdo rje zhes bya'o/ /da ni gsang ba'i brtul zhugs kyi lha mo'i lus thob pa'i de ma thag tu phyi'i rig pa'i brtul zhugs gsungs pa/sku dang gsung dang thugs rdo rje ni rdo rje gsum mo/ /de rig pa'i brtul zhugs te rig ma dang ldan par brtul zhugs spyod pa ste/ thabs dang shes rab kyi phyag rgyas yang dag pa'i legs pa'i spyod pa ste de phyung ngo zhes so//ji skad du/ thams cad chos ni gnyis med de/ /dngos po gnyis kyis mtshon pa yin/ /de bas 'khor ba rnam bral ba/ /khyod kyis brtag par mi bya'o/ /'di ni sangs rgyas thams cad kyi/ /rig pa'i brtul zhugs bla na med//ces so/ /sku gsung thugs kyi rdo rje rnams/ /zhes pa ni rnam par snang mdzad dang / 'od dpag med dang mi bskyod pa'o/ /de dag gi lus dang ngag dang sems kyis bsgom pa ni rang gi rig pa'i gzugs dngos te bsam gtan ma yin te/ mngon sum kho nar lhan cig tu de'i sku nyid 'grub par 'gyur zhes mdor bsdus pa'o//rnam par snang mdzad kyi rnal 'byor pas brtul zhugs spyod pa gsungs pa/ de la 'di ni zhes pa la sogs pa'o/ /thor tshugs dang rgyan du ldan pa/ rnam par snang mdzad chen po kha dog ston ka'i zla ba bzang po 'dra ba mngon du mnyam par bzhag nas ji skad du gsungs pa'i sngags kyi sdom pa dang ldan par/cho ga bzhin du thams cad bya/ /zhes te de'i dkyil 'khor gyi 'khor lo la sogs pa dang / thor tshugs la sogs pa yang brdungs ma la sogs pa bya ba'i don to//gang dang lhan cig bya zhe na/ lo grangs bcu drug ces pa la sogs pa'o/ /de yang btso blag mkhan gyi bu mo bcu drug lon pa rgyan thams cad kyis rnam par bklubs pa/ rang gi mtshan ma dang ldan zhing bzhin sdug cing mig dkyus ring ba/thabs gnyis kyis rnyed nas de dang lhan cig tu rnam pa bcu gnyis su spyod ces so/ /ji ltar spyod ce na/ /spyan gyis zhes te de nyid de ltar 'gyur ba'o/ /de'i go 'phang ni gsang ba'i pad+ma ste/ de dang lhan cig tu rdo rje mtshan mas ji skad du bshad pa'i don bsgom par bya zhes so//de gsang ba'i brtul zhugs kyi dus su mngon par 'du bya ba'i cho ga gsungs pa/ phyag rgya zhes pa la sogs pa'o/ /de yang rim pa nas sbyangs nas phyag rgya'i cho ga dang / sngags kyi cho ga dang sngags kyi rgyud la sogs pa legs par bslabs pa/mdo la skal ba dang ldan par gyur pa la som nyi mi bya'o/ /gzhan la yang ji skad du/ zla ba gcig gis skal ldan par/ /'gyur bar 'di la the tshom med/ /ces so/ /de bzhin gshegs pa ni rnam par snang mdzad do/ / de'i btsun mo ni spyan ma'o/ /dag la zhes pa ni lus la gnas pa'i lha mang bas na dam tshig mang ngo / /de nyid sangs rgyas byang chub kyi gnas so/ /de la brtul zhugs chen po la 'jug pa la sogs pa'i/ dus bzhir gsang ba'i mchod pa bya/ /zhes te tho rangs la sogs pa ni ma yin no//sdong bu rtsa ba 'bras bu yi/ /bza' dang bca' ba spyad par bya/ /zhes pa ni las chung ba ste/ re ba dang ldan pa'i nyon mongs pa'i phyir na sgom pa la nan tan du gsungs so/ /gzhan du rang gi rgyu mthun pa 'ba' zhig brdas bya ba ste/de rnams ni de'i brdar shes par bya'o de'i 'bras bu gsungs pa/ 'on kyang zhes pa la sogs pa'o/ /zla ba drug gis ni zhes pa la sogs pa zhes bar gyi tshig go/ /de'i bsrung ba'i dam tshig gzhan du gsungs pa/ rtag tu zhes pa la sogs pa'o//gzhan ni rdo rje 'chang chen po'o/ /de'i nor ni dbang phyug la sogs pa'i yon tan te/ de rnal 'byor gyis bskul bar bya zhes so/ /rmad du byung ba'i rnam par rtog pa dang ldan pa'i chos ji snyed pa'o/ /de nyid gzhigs pa ni bsad pa'o/ /'dod chags rdo rje zhes pa ni gnyis su med pa'i ye shes te de'i gnas chos nyid mi gtong bas na spyad pa'o//de lta bu'i sdom par bsdams pa'o/ /'od dpag med dang mi bskyod pa'i rnal 'byor pa dag gis gsungs pa/ 'dod chags zhes pa la sogs pa'o/ /'dod chags rdo rje ni snang ba mtha' yas te de'i yon tan ni 'gugs par byed pas na kyo ba ma ste gos dkar mo'o//yon tan mi bskyod pas te/ yon tan thams cad kyi gzhir gyur pa'i phyir ro/ /de dang 'brel bas lu gu rgyud de/ /lha mo mA ma kI'o/ /ngag gi rdo rje snang ba mtha' yas nyid mchog ste de sems dpa' la gos dkar mo 'di ni rnam pa kun rig ma zhes so//mi bskyod pa la yang de ltar sbyar bar bya'o/ /ji ltar mos pas 'jam pa'i rdo rje la sogs pa'i rnal 'byor pas kyang rig pa'i brtul zhugs spyad par bya'o zhes gsungs pa/rdo rje can gyi zhes pa la sogs pa'o/ /rdo rje can gyi yi ge gsum gyis zhes pa ni 'jam pa'i rdo rje sku la sogs pas byin gyis brlabs pa dang ldan par bya'o zhes so/ /rang gi phyag rgya ni bdag po'i phyag rgya 'am yang na gzhan rnams la yang de ltar sems kyis bsam pa de rten 'brel gyi mthu'o//gzhan gong ma bzhin du dpag ste shes par bya'o/ /da ni brtul zhugs la gnas pas rang gi mthu mthong bar bya ba'i phyir gsungs pa/ sgrub pa po zhes pa la sogs pa'o/ /de yang sgrub pa po nags tshal du song ste/bsod snyoms blangs pa tsam gyis kha zas bzang po ster ba dag ces pa ni mi dang thun mong ma yin pa'i zhal zas ro brgya dang ldan pa sbyar nas/ shing la gnas pa'i lha de dag sgrub dbang de'i gzi brjid kyis skrag nas ster bar 'gyur ro/ /da ni ma ster zhing 'das na rdo rje dam tshig kyang zhes te/rdo rje gsum 'da' bar mi bya ba yang rdo rje yi ge ste/ mi 'gyur bas na yi ge ste/ de 'gyur bas na ma rungs zhes te 'gas zhes pa'i don to/ /da ni lha'i lung gis gzhan dang brtul zhugs spyod pa gsungs pa/lha mo zhes pa la sogs pa'o/ /de rnams kyang rang gi nus pas rnyed nas rig pa'i brtul zhugs bya zhes so/ /ci'i phyir na rdo rje gsum gyi ye shes bstan pa'i phyir ro zhes so/ /rdo rje gsum thob par byed pa'i thabs dam pas na gsang ba'i tshul chen no//de nyid kyi sbyor ba yang dkyil 'khor rdo rje gsum goms pa las byung ba ste/ de dang ldan pa'i sgrub pa po gnyis pa'i rgyud las/ sangs rgyas byang chub rab tu 'jug pa'o zhes te/ de thob pa'i zhes pa'i don to/ /rig pa brtul zhugs bshad zin to//de nyid 'da' bar mi bya bas na dam tshig go/ /de las byung ba'i de nyid rdo rje ste rdo rje 'chang chen po'o/ /dngos grub thams cad ni phra mo dang phyag rgya chen po'o/ /de'i dkyil 'khor ni sku la sogs pa'i dkyil 'khor te mngon du song ba'i rgyu dang bcas pa'o//rdo rje mngon par byang chub pa ni phyag las bskyed pa'i ye shes lnga'i mngon par byang chub pa ste/ de ston par byed pa'i gzhung gi le'u ste bcu drug pa'o/ /le'u bcu drug pa'i 'grel pa'o// //da ni gsang ba'i mchod pas mnyes par byas pa'i de ma thag tu rdo rje dril bu'i sdeb dbyangs kyi bstod pa'i mchod pa gsungs pa/de nas zhes pa la sogs pas te bshad zin to/ /mi bskyod ces pa ni dngos po 'di rnams ma skyes pa na nyon mongs pa'i bdud la sogs pas mi g.yo ba'o/ /mi phyed pas na rdo rje ste chos kyi dbyings kyi ye shes so//ye shes che zhes pa ni thog ma dang tha ma la sogs pa dang bral bas ma grub pa ste/ me long lta bu'o/ /rdo rje dbyings zhes pa ni mtha' rnams dang bral ba sku la sogs pa skye ba'i rgyu'i phyir ro/ /de nyid mkhas pa chen po ste chos thams cad dri ma med par shes pa'i phyir na mnyam pa nyid do//rdo rje gsum zhes pa ni bdag med pa'i chos dang nam mkha' lta bu dang / ye shes kyi sku dbyer mi phyed pa ste/ thams cad de'i ngo bor 'dus pas na mchog go/ /de'i ngo bo bas na dkyil 'khor gsum zhes te so sor rtog pa'o//bying ba'i ngo bo bas mi bskyod pas na rdo rje'o/ /de nyid dbyings zhes te bla na med pa'i chos gsung gi phyir bya ba la nan tan gyi ye shes te/ de lta bu'i mi bskyod pa'i tshig so so'i sgo nas bskul nas phyag 'tshal bstod ces pa ste chos kyi tshig brjod pa'i sgo nas so//lus dang sems kyi shugs kyis rtogs par bya'o/ /de bzhin du phyi ma la yang sbyar ro/ /rnam par snang mdzad ces pa ni phung po la sogs pa bdag med kyi rang bzhin du 'bar zhing snang ba de chos kyi dbyings so/ /dag chen po zhes pa ni kun gzhi gnas gyur pa'i ngo bo gzung ba la sogs pa dang bral ba ni me long lta bu'o//rdo rje zhi ba zhes pa ni rgyu 'bras mnyam pa nyid du gnas pas spros pa dang bral ba ste mnyam pa nyid do/ /dga' ba chen po zhes pa ni dang po ma skyes pa'i sgyu ma'i rnam par dag pa'i chos la mnga' mnyes pas te so sor rtog pa'o//rang bzhin gyis ni 'od gsal mchog /ces te bya ba nan tan gyi ye shes kyis dang po nas 'od gsal ba ste da ltar ma yin pas na mchog go/ /de nyid las sku'i khyad par ston te de la phyag 'tshal bstod ces gong du bstan pa'o/ /rin chen zhes pa ni dngos po med pa'i byang chub kyi sems khyad par can brod pa'i rgyu yin pas na'o//de nyid mdzes par byed pas na rgyal po ste chos kyi dbyings so/ /shin tu zab ces pa ni gzugs brnyan dang 'dra ba'i chos kyis kun du khyab kyang mtshan nyid dang bral ba'i phyir me long lta bu'o//rdo rje nam mkha' dri ma med/ /ces pa ni nam mkha' ltar mnyam pa nyid du gnas pas 'dzin pa la sogs pa dang bral ba'i phyir mnyam pa nyid do/ /rang bzhin dag pas gos pa med/ /ces pa ni nyon mongs pa rang bzhin gyi dang po nas dag pas de'i skyon gyis gos pa med pa ste so sor rtog pa'o//de nyid yon tan rin po che thams cad 'byung ba'i sku'i rang bzhin pas rdo rje sku ste bya ba nan tan no/ /de la gong ma ltar phyag 'tshal bstod ces so/ /rdo rje dpag med ces pa ni sems kyi ngo bo ma skyes pas tshad mar byed pa'i yul ma yin pas chos kyi dbyings so//de nyid 'dod chags che ste de bzhin nyid mi gtong bas na me long lta bu'o/ /mi rtog nam mkha' rdo rje 'dzin/ /zhes pa ni gzugs la sogs pa'i ngo bo dang bral bas mi rtog pa ste/ rdo rje lta bu 'dzin pas na mnyam pa nyid do//'dod chags pha rol phyin pa brnyes/ /zhes pa ni phyin ci log gi 'dod chags kyi pha rol tu phyin pa rnam par dag pa'i 'dod chags brnyes pas te so sor rtog pa'o/ /rdo rje gsung zhes pa ni dbyer med pa'i don gsungs pa ste bya ba la nan tan to//de la gong ma ltar phyag 'tshal bstod ces so/ /don yod rdo rje zhes pa ni rang bzhin dag pa'i sku la sogs pa sems can gyi don 'bras bu dang bcas par mi 'byung ba ma yin pas na chos kyi dbyings so/ /de nyid phyin ci ma log par rdzogs par sangs rgyas pas me long lta bu'o//bsam pa thams cad ces pa ni ma skyes pa'i sprul pas don rdzogs par mdzad pa ste mnyam pa nyid do/ /rang bzhin dag pa nyid las byung / /zhes pa ni 'od gsal ba'i ye shes las byung ba ste sgyu ma lta bu'i sku ste so sor rtog pa'o//rdo rje sems dpa' las zhes pa ni stong pa nyid kyi ngo bo la brtan pa gzhan pa gnas pa ste bya ba la nan tan gyi ye shes so/ /de la phyag 'tshal bstod ces pa ni gong ma ltar sbyar bar bya'o/ /tshigs su bcad pa 'di rnams kyis ni bstod pa pos spros pa'i gnas skabs su gsungs pa yin no//de'i phan yon gsungs pa/ sangs rgyas kun gyis zhes pa la sogs pa'o/ /bstod tshig zhi ba zhes pa ni don rab tu zhi ba ston pa'i phyir ro/ /rdo rje ni rdo rje 'chang chen po'o/ /de'i longs spyod ni mi bskyod pa la sogs pa bstod pa ni sgrub pa po de yang sangs rgyas 'dra ba la sogs pa'i yon tan dang ldan par 'gyur ro zhes so//da ni dam tshig ma brtsams par gyur na mngon par 'dod pa'i don grub par mi 'gyur bas na gsungs pa/ de nas zhes pa la sogs pa'o/ /sangs rgyas kun gyi thugs rjes gnang bas na brtse ba ste de gsung ni dmigs pa med pas dag pa'o//des gsungs pa zhes so/ /e ma'o zhes pa ni ngo mtshar ba'o/ /gang zhe na sangs rgyas thams cad kyi zhes pa ste de rnams 'brel pa'o/ /de nyid bstan pa/ chos kyi dbyings kyi yi ge che//zhes pa ni zab pa dang rgya che ba bsres pa ni chos kyi dbyings te mi 'gyur bas yi ge che'o/ /ji lta bu zhe na/ rang bzhin 'od gsal yongs su dag /ces te gdod ma nas ma skyes pa'i ngo bo nyid yongs su dag pa ste de'i dpe yang nam mkha'i dbyings bzhin du dri ma med pa'o zhes so//de nyid sku la sogs pa'i rdo rje yang dag par 'phags pa'i dam tshig tu gsungs pa/ de nas zhes pa la sogs pa'o/ /sku rdo rje ni rnam par snang mdzad do/ /de'i rnal 'byor pas 'da' bar bya ba ma yin pas dam tshig ste de phyung ngo zhes sbyar ro/ / sangs rgyas ye shes rgya mtsho yis/ /zhes pa ni sangs rgyas kyi ye shes nyid rgya mtsho ste de dang ldan pa'i rnal 'byor pas zhes so/ /dam tshig bzhi po bsrung bar bya/ /zhes pa ni srog gcod pa dang / ma byin par len pa dang / log par g.yem pa dang ngag gi gzhi de bsrung bar bya ba'i dam tshig go//sha chen rtag tu bza' bar bya/ /zhes pa ni nye ba'i mtshan nyid kyi tshig ste sha lnga la sogs pa ni bza' ba'i dam tshig go/ /de ni zhing dag par byed pa'i sngon du 'gro ba ste de bas na dam tshig 'di ni mchog yin no zhes so/ /gzhan gnyis la yang de bzhin du shes par bya'o//de rnams kyi mjug bsdu ba gsungs pa/ sku gsung thugs kyi zhes pa la sogs pa'o/ /rdo rje 'dzin gyis bsrung bar bya/ /zhes pa ni sku rdo rje la sogs pa'i don 'dzin pas na bsrung bar bya'o/ /de'i phan yon gsungs pa/gang zhig ces pa la sogs pa'o/ /rdo rje sems dpa' ni lnga'i spyi gtsug go/ /de nyid dkyil 'khor gsum la sogs pas spros pas na 'od po che'o/ /de'i sku gsung thugs nyid sangs rgyas te de nyid dam tshig de dag bsten pas 'grub par 'gyur gyi gzhan du ma yin no//'phags pa'i dam tshig gnyis gsungs pa/ de nas zhes pa la sogs pa'o/ /de dag lus kyis ston pa ni/ /zhes te rang sangs rgyas de dag gi lus kyis ya ma zung la sogs pa ston pas 'dul gyi ngag gis ni ma yin no/ / lus nyid sku rdo rje'i rang bzhin pas na sku rdo rje la rab tu gnas zhes so/ /gnas pa de yang sems can gzung ba'i ngang tshul du zhes te des 'dul ba'i 'gro ba la lus 'ba' zhig gis 'dzud pa'o/ /ji skad du/ gang gi don ni gang gang la/ /ji lta ji ltar nyan 'dod pa/ / de la de don de dang de/ /sgra med kyang de de ltar snang / /zhes 'phags pa byams pas gsungs so/ /nyan thos kyi dam tshig gsungs pa/ de nas zhes pa la sogs pa'o/ /dge ba bcu yi las kyi lam/ /zhes pa ni srog gcod pa spong ba la sogs pa ni byed pa zhes bya'o/ / ci'i phyir zhe na/ ye shes spangs pa rnams zhes te gnyis su med pa'i ye shes dang bral ba'i phyir ro/ /de dang ldan pa ni dge bcu zhes lhag par dang du mi len te/ gzhan las kyang dge ba dang mi dge ba'i chos rnams la/ lhag par bsten par mi bya ste/ mnyam nyid rig pa'i rlung zhugs nas//ci la 'ang thogs pa med par spyod/ /ces so/ /de bas na mos pa chung ngu zhes te rang nyid tsam grol bar 'dod pa'o/ /'jig rten pa'i bdag po gsum gyi dam tshig gsungs pa/ de nas zhes pa la sogs pa'o/ /gti mug lam gyis zhes pa gnyis kyi cha'i rnam par rtog pa dang bral ba de'i lam gyis las gang rnams byed pa des nyan thos la sogs pa 'jig pa rab tu bskyed pas na 'jigs shing mi sdug pa zhes bya'o//des kyang sangs rgyas byang chub rab tu ston pa ste/ des 'dul ba btsud nas mos ma thag tu sku'i rdo rje nyid du gyur te de'i sgrub pa gzhung tshugs pa ma yin pa'i phyir ro//de'i don ni 'di lta ste/ bar ma'i rigs pa 'dzin pa la sogs pa'i smin pa las spyod pa'i dus su 'dis 'dul ba'i 'gro ba la oM las skyes pa'i tshangs pa ser po zhal bzhi rgyan thams cad kyis brgyan pa/phyag bzhi pa dang pos rang gi lha mo zhi ba'i ku tsa 'dzin pa/ 'og rtse gsum 'dzin pa g.yon dang g.yas pa'i 'og ma bzlas pa'i phreng ba dang gun+d+he 'dzin pa/ tshangs pa'i skud pa can ral pa'i dbu rgyan la rdo rje sems dpas mtshan pa/ ngang pa'i steng na pad+ma dang zla ba'i steng du rgyab rten du ldan pa bsams pa tsam gyis der 'gyur te/ji tsam gyi bar du rnam par gnas nas phyis mos ma thag tu rang gi lha'i rang bzhin du 'gyur ba'o/ /de bzhin du 'phags pa'i dam tshig dang 'og nas 'byung ba gzhan rnams la yang sbyar bar bya'o//drag po'i dam tshig gsungs pa/ de nas zhes pa la sogs pa'o/ /drag po zhes pa ni/ gang de gdung ba tsha byed dang / /gzhan gyi sha tshil khrag za ba/ /gang de drag po zhes su bshad/ /ces so/ /de'i dam tshig go/ /khams gsum ni sa 'og la sogs pa'o//de na gnas pa'i bud med ji snyed pa rnams rdo rje las byung ba ste de/ dngos po gsum gyis spyad par bya/ /zhes pa ni/ sems can gyi don yongs su 'brel ba'i dngos po dang / bde ba thams cad kyi ngo bo'i dngos po dang / so sor rtogs pa las dpyad pa dang bral ba'i cho ga ni dngos po'o//de yang AHlas byung ba'i drag po sku mdog dkar po can dang dril bur bcas kha T+wAM ga g.yon pa'i dpung mgo la bzhag pa/ bdud rtsis bkang ba'i ka pA la dang ldan pa/ u ma ser mo g.yon pa'i phyag gis 'dzin pa'i phyag rgya/g.yas pa'i phyag na rdo rje rtse gsum pa 'dzin pa rang la 'khyud pa rang gi g.yon pa'i phyag gis de la 'khyud pa g.yas pa'i phyag gis rtse gsum 'dzin pa stag gi pags pa bsnams pa/ ral pa'i dbu rgyan la gong ma dang zla ba phyed pas mtshan ma glang gi steng na pad+ma dang zla ba la gnas pa'o//gzhan ni gong ma ltar ro/ /khyab 'jug gi dam tshig gsungs pa/ de nas zhes pa la sogs pa'o/ /sems can las byung zhes pa ni sems can rnams kyi nang nas khyad par du sdig che ba ste/ dkon mchog gzhom pa la sogs pa ji snyed rnams zhes pa'o/ /de rnams dam tshig 'dis ni bsad pa'o/ /zhes sbyar ro/ /phul du byung ba'i tshig gsungs pa/ dbyer med sku gsum la gnas pa'i/ /rdo rje mkha' dbyings bdag nyid kyang / /gsod par byed pa gzhan ci smos//zhes pa'o/ /de yang hUM las byung ba'i khyab 'jug nag po rin po che'i dbu rgyan la gong mas mtshan pa/ rtse gsum rdo rje dang ldan pa'i phyag gis rdo rje gser sku ma la 'khyud pa/ gzhan gnyis ni 'khor lo dang be con dang gaN+DI 'dzin pa'o/ / nam mkha' lding gi steng na pad+ma dang nyi ma'i steng na gnas pa'o/ /gzhan gong ma ltar shes par bya'o/ /'di rnams kyi mjug bsdu ba'i phyir dbye ba gsungs pa/ sku'i rdo rje zhes pa la sogs pa ste go sla'o/ /sangs rgyas rdo rje'i skur 'gyur ba'o/ /zhes pa ni rdo rje gsum gyi skur 'gyur ba ste/de rnams las dang ldan pa'i phyir ro/ /da ni 'jig rten pa phra mo rnams kyi dam tshig gsungs pa/ de nas zhes pa la sogs pa'o/ /sha dang khrag za zhing gzhan gyi bud med spyod pa ste gnod sbyin mo rnams dam tshig de dga' bas na/ des mnyes par byas nas gong ma ltar bsgrub par bya'o zhes so//klu'i dam tshig gsungs pa/ de nas zhes pa la sogs pa'o/ /klu rnams ni 'o ma 'thung zhing lce gnyis dang ldan pas na pha ma can no/ /de bzhin du 'dod pa lnga dang me tog dang dri dang 'bras bu la dga' bas na dam tshig bsgrub par bya ba ste/gzhan khrag la sogs pas nyon mongs par 'gyur ba'i phyir ro/ /lha ma yin gyi bu mo'i dam tshig gsungs pa/ de nas zhes pa la sogs pa'o/ /lha ma yin rnams ni lus ngag khro zhing nga rgyal che ste gsod pa la zhen pa pha rol gnon te/yang spos dang me tog spyod pa la dga' ste dam tshig des bsgrub pa'o/ /rdo rje sa 'og gi dam tshig ces pa ni gnod mdzes kyi rnal 'byor zhes pa'o/ /des gdul dka' ba'i lha ma yin gyi bu mo 'dzin pa'o/ /srin mo'i dam tshig gsungs pa/ de nas zhes pa la sogs pa'o//srin mo rnams ni thod pa'i rus pa dang rkang chen po'i bdug pa dang 'bru mar gyi dam tshig la dga' bas na des mnyes par byed pa'o/ /de srin mo 'ba' zhig tu ma zad kyi/ 'byung po kun gyi yang dam tshig go/ /des kyang rang bzhin gyis 'od gsal la 'grib par mi byed pas na/gtsang ba'i rdo rje don chen byed/ /ces so/ /mkha' 'gro ma rnams kyi dam tshig gsungs pa/ de nas zhes pa la sogs pa'o/ /de yang mkha' 'gro ma rnams ni bshang gci la sogs pa'i bdud rtsi lnga la sogs pa dang / chang la sogs pa la dga' bas des bsgrub ces so//rdo rje mkha' 'gro sbyor ba yis/ /zhes pa ni sdom pa bla ma'i lung las nye bar thob pa'i hrIHla sogs pa'i sa bon las/ ke'u ri la sogs la rdo rje mkha' 'gro'i gzugs su bdag nyid bskyed par bya'o/ /ji lta bu zhe na/ sna tshogs pad+ma nyi ma la/ /g.yon brkyang thabs kyis rab gnas pa/ /dkar ser zhal gcig phyag gnyis kyis/ /rna drung bkang ba'i mda' rnam bzhi/ /tshangs pa'i zhal bzhi 'bigs tshul 'gengs/ /me tog sna tshogs thod dkris pa/ /mtshan dang rgyan gyis rab brgyan pa//he ru ka yi sbyor bas bsgom/ /zhes pas rtogs par bya la gong ma ltar gnod byed rnams gsad bya zhes so/ /de rnams kyi mjug bsdu ba gsungs pa/ ngo bo nyid ces pa la sogs pa'o/ /ngo bo nyid kun 'byung ba zhes pa ni dam tshig de dag ni bcos ma ma yin pas dang po med pa'i dus can te/de khams gsum dag na gnas pa spyod pa'o/ /de bas sems can kun la phan par 'dod pa'i bsam pa dang ldan pas/ dam tshig ma lus spyad par bya/ /zhes te nus pa dang ldan pas gong ma ltar sems can gyi don bya ba'o//gal te lung thob cing mos pa chung ngu dang ldan pa zhig na yang de rnams rnam par bsgrub pa ste/ 'di theg pa chen po yin pas so/ /de dag ni nye bar mtshon pa tsam ste/ tshogs bdag la sogs pa 'dir ma smos pa rnams kyang shes par bya ste ji skad du/bsam pa gang dang gang dag gis/ /gdul ba'i gzugs can de dang de/ /snying rje ldan pa'i rnal 'byor pas/ /thugs rje de dang de dag bstan/ /zhes pa dang / mtshan mas phye ba'i rgol ba kun/ /de 'dir rnam par brnyas mi bya/ /dpal ldan rdo rje sems dpa' yi//rnam par 'phrul pas 'byung ba yin/ /zhes so/ /de bas na khams gsum thams cad kyi dam tshig rjes su 'brang ba zhes bya'o/ /da ni phyag rgya chen po'i dngos grub 'dod pas shin tu 'phags pa'i bza' ba dang bsrung ba'i dam tshig gsum spyod do zhes gsungs pa/de nas zhes pa la sogs pa'o/ /lus kyi rnam gsum zhes pa ni srog gcod pa la sogs pa'o/ /de yang dbyer med pa'i blos zin pas na/ rdo rje 'dra ba rab tu bya/ /zhes so/ /des ni sems can gyi don khams rnams sangs rgyas kyi skur byed do zhes phan yon ston to//tshig gi lam gnas zhes pa ni brdzun la sogs pa rnam pa bzhi'o/ /gsung gi rang bzhin dmigs pa med pas na khams gsum gyi dam tshig ni dri med brgyan pa ste zhes so/ /de bas na dam tshig dngos grub thob pa'i thabs gsang ba 'di ni 'da' bar bya ba ma yin pa'o//yid kyi rdo rje'i rang bzhin kun zhes pa ni mnar sems la sogs pa gsum ste/ gal te byung na/ rdo rje bstan pa 'dzin pas bsgom/ /zhes te rdo rje 'chang ba'i ngo bo nyid du shes pa ste/ phyi mas snga ma sun mi 'byung ba'i phyir ro//de bas na yid kyis ni dam tshig gsum char 'dzin pas na rdo rje mi phyed gsum ldan gyi/ dam tshig bshad pa 'di yin no/ /zhes so/ /de dag brten pas 'grub par 'gyur gyi spangs pa ni ma yin no/ /de bas na kun nas spyod pa la skyon med pas na kun du bzang po phyogs med par 'jug pa'o//da ni rnal 'byor pa snying po'i mthu dang ldan pa'i dam tshig gsungs pa/ de nas zhes pa la sogs pa'o/ /sangs rgyas dang byang chub sems dpa'i gzugs sam/ nyan thos dang rang rgyal ba'i gzugs la sogs pa la snying po'i rnal 'byor pa sku gsung thugs kyi sbyor ba la brtson pas dbye ba'i blos phyag 'tshal na sgrub pa po de ma rungs par 'gyur zhes so//'o na ji ltar bya zhe na/ de nas zhes pa la sogs pa'o/ /kun du rdo rje sems dpa' zhes pa ni gal te 'phya ba gzhom pa'i phyir thams cad rdo rje 'chang chen chen po'i sku gsung thugs kyi dkyil 'khor du sbyar la/bdag nyid kyang bsam gtan rdo rjes de dang sgo gsum mnyam par sbyar la tshig la sogs pa'i bsam gtan bya ste dbyer med pa'i blos 'dzin pa'o/ /de'i don bstan pa'i phyir/ de nas zhes pa la sogs pa'o//mdor na sems can khams rnams ni/ /zhes pa ni khyim pa 'am gsar bu la sogs pa'i bya ba byed na rdo rje gsum gyi ngo bo nyid kyi bsam gtan rdo rjes byas pa'i gnas su bskul la bdag nyid kyang rdo rje gsum gyi ngo bo ste chu la sogs pa lta bur shes pa ni phyag 'tshal phyogs te sgrub pa po de'i dam tshig go//da ni chen po'i bsnyen sgrub bzhi rdzogs pas bdud rtsi myang ba'i ting nge 'dzin bya'o zhes gsungs pa/ de nas zhes pa la sogs pa'o/ /rdo rje bshang gci zhes pa ni rdo rje'i rang bzhin gyis sbyangs pa'i bdud rtsi lnga ste/btsud pa la sogs pa'i cho gas dag par byas nas rnam par spros te nam mkha'i khams bkang zhes so/ /des dus gsum rdo rje dag la dbul/ zhes pa ni nang du chud pa la sogs pa'i 'khor lo rnams phul ba ni dam tshig bstan pa'o zhes so/ / yan lag gi gnas skabs su 'dod pa la spyod pa'i mchod pa yang dam tshig tu gsungs pa/ de nas zhes pa la sogs pa'o/ /rdo rje thams cad ni yang dag pa'i sgyu ma'o/ /de'i mi snang ba ni med pa ste gzung ba dang 'dzin pa rnam par 'jig pa ste de'i dam tshig phyung ngo zhes so//de yang rus pa bzhi'i yan lag cho ga bzhin du phyi'i bud med gsal bar snang ba'i rang gi ye shes mtshon pa'i phyir na/ rdo rje mo ni nyin re spyad/ /ces so/ /kyang rtag tu bya zhes pa ni de las byung ba'i dam tshig khas blangs pas lus kyi dkyil 'khor mnyes par ra sa ya nar 'gyur bas na dam tshig rdo rje rdzogs byed pa'o zhes so//rig 'dzin pho grub pa rnams kyi dam tshig gsungs pa/ de nas zhes pa la sogs pa'o/ /sku gsung thugs kyi rdo rje 'di/ /zhes pa ni rdo rje gsung gi ngo bo dkon mchog dpal te/de rig pa 'dzin pa rnams kyi dbu rgyan dag la bsam gtan gyis rnam par bsam zhes so/ /gal te rig pa 'dzin pa mo zhig na tshe dpag med rnam par bsam zhes so/ /ci'i phyir bsam zhe na/ dam tshig rdo rje gsum kun gyi/ /zhes te lus las mi 'da' zhing rdo rje gsum gyi ngo bo bas na rlung la sogs pa'o//de rnams 'khrug cing khros pas mi thub bo/ /zhes te bskal pa la sogs par gnas pa'i nus pa can du byed pa'o/ /da ni sdom pa spyad pa'i de ma thag tu kha zas sbyang ba'i ting nge 'dzin gsungs pa/de nas zhes pa la sogs pa'o/ /sku rdo rje zhes pa ni nye bar mtshon pa tsam ste/ 'dod pa'i lha'i ting nge 'dzin dang ldan pas kha zas la spyod pa'i dus su phyi rol gyi zas rdo rje 'dzin pa lta bur dag par mos pas so/ /rdo rje chos la rtag par ni/ /zhes pa ni de'i rang bzhin gyi lce dag par byas nas bza' ba ni dam tshig ste/mdor ston cho ga spyad par bya/ /zhes pa ni mdor gsungs pa tsam gyis cho ga zhes pa'i don to/ /yang na kha zas la spyod pa'i dus su sku'i rdo rjer bsam pa dang spyod yul lta ba'i dus su thugs kyi rdo rjer bsam pa dang /mdo klag pa la sogs pa'i dus su rdo rje chos su bsam par slob dpon chen po dza ba ri bas bshad do/ /thams cad dag pa'i bsam pas dam tshig spyod pa'i dus na ngo bo nyid dag pa rdo rje'o/ /da ni bcom ldan 'das kyi thugs las byung ba'i bstan pas le'u gnyis pa'i byang chub kyi sems smra brjod dang bral ba dang de la blo gzhag pa'i thabs gsungs pa/de nas zhes pa la sogs pa'o/ /rdo rje 'dzin pa thams cad nyid sku dang gsung dang thugs te mi g.yo ba'i phyir na snying po'o/ /de nyid rdo rje ste dbyer med pa'o//de rnams kyi mnyam pa nyid ni de kho na nyid de/ de la rnam par dgongs pas te dpyad nas de'i rang bzhin yin pa'i phyir na cang mi gsung bar gyur to zhes so/ /the tshom las lung gi chos 'byung ba'i phyir byang chub sems dpa' rnams kyis mkhyen bzhin du de bzhin gshegs pa rnams la zhus pa/de nas zhes pa la sogs pa ste go sla'o/ /de'i lan gsungs pa/ de nas zhes pa la sogs pa'o/ /sku dang gsung dang thugs rdo rje ni/ dmigs su med pa ste de bzhin nyid de/ de'i ngo bo nyid rang bzhin las mi 'gyur bas na yi ge'i gnas so//de'i ngo bo nyid med pa la tshig gi brjod pa dang bral ba rnam par bsams nas cang mi gsung bar bzhugs so zhes so/ /mi gsung bar bzhugs pa'i rnam pa gzhan yang gsungs pa/ rigs kyi bu zhes pa la sogs pa'o/ / sku nyid mi 'gyur bas te don dam pas dag pa'i phyir ro/ /de nyid kun brtags kyis ma skyes pa'o/ /de bzhin du sku dang gsung dang thugs su dmigs su med pa ste/ byed pa po la sogs pa rdzas dang bral ba'o/ /de bas na de rnams nam mkha'i rdo rje dang 'dra ba ste/ bstan par dka' zhing brjod par dka' ba'o/ /de nyid kyi don yang dag pa la log par 'dzin to snyam pa ste rnam par bshad pa ha cang thal ches pa'i dogs pa'o/ /tshig la sogs pa log pa ste der rtogs pa thugs su chud pa'o/ /rnam pa gnyis pa dgag pa'i phyir zhus pa/de nas zhes pa la sogs pa'o/ /gsung rdo rje'i yi ge'i tshad ni lung gi chos so/ /de la bdag cag la sogs pas phyin ci log 'byung bar mi brtag tu gsol ba'o/ /de bzhin gshegs pa rnams kyis bka' stsal pa de ci'i slad du zhe na zhes so//byang chub sems dpas smras pa/ de bzhin gshegs pa zhes pa la sogs pa'o/ /de bzhin gshegs pa thams cad ni 'di ltar rdo rje dbyings kyi mthu'i ngo bo nyid yin yang de rnams kyi spyod pas 'gro ba'i don rjes su 'gro ba ste/ 'das pa'i ye shes can rnams kyis kyang phyi rol la brten nas chos nyid bstan la rdo rje 'chang chen pos kyang de bzhin du bstan par rig pas na phyin ci log kun 'byung bar mi brtag tu gsol zhes so/ /de bzhin gshegs pas bka' stsal pa/ de ci'i phyir zhe na zhes te ma gsungs na nyes pa ci yod ces pa'o//byang chub sems dpa' rnams kyis gsol pa/ tshangs pa la sogs pa zhes pa la sogs pa'o/ /tshangs pa la sogs pa'i byang chub sems dpa' rnams ni 'jig rten pa'i mngon par shes pa'i ye shes yod par gyur kyang ma lus pa'i chos thams cad kyi ngo bo nyid mi shes pas 'di snyam du rnam par rtog pa ste zhes so//ji ltar rtog ce na/ rdo rje'i bdag nyid 'di zhes pa la sogs pa'o/ /de rnams ji bzhin pa la gzhag pa la 'khrul nas rdo rje'i bdag nyid 'dis chos kyi de nyid shes nas 'chad dam/yang na mi shes bzhin du 'chad ces som nyir gyur nas bya ba la mgo rmongs par 'gyur ro/ /de bas na de rnams kyis kyang gsung la 'khrul mod kyi ji ltar bshad pa'i chos nyid bstan par bya ste/ sems can rnams slu bar mi bya ste/ de rnams kyis kyang de'i sgo nas dpyad na rtogs par 'gyur ba'i phyir ro//da ni de bzhin gshegs pa rnams kyis chos nyid zab mo kho na bstan pa de nas zhes pa la sogs pa'o/ /sku dang gsung dang thugs rdo rje'i byang chub ni de bzhin nyid do/ /mi shes so zhes pa ni gzhung tshugs pa ma yin te zab mo bstan pa'o//yang zhus pa de ci'i phyir zhe na zhes so/ /lan gsungs pa/ skye ba med pa'i zhes pa la sogs pa'o/ /skye ba med pa ni kun brtags kyi bdag nyid kyis ma skyes pas 'od gsal ba'o/ /mi phyed pas na rdo rje ste de nyid mngon par byang chub pa'o//de ni dngos po'i ngo bo nyid med pa gang gis kyang mi 'gyur ba ste de las byung ba ni de kho na nyid do/ /rigs kyi bu zhes pa la sogs pa ni don des khyab pas thams cad sangs rgyas su bstan pa'o/ /sems can chen po'i khongs su gtogs pa zhes pa ni 'dod chags kyis 'dul ba'i 'jig rten no//sems can ji snyed yod pa de dag thams cad ces pa ni rang bzhin gyis khyab pa ji snyed rnams so/ /de rnams gong du bstan pa'i byang chub la gnas pas na don dam par sangs rgyas rdo rje'o/ / de ci'i phyir zhes zhus pa dang / lan gsungs pa/ sems can zhes pa la sogs pa'o/ /sku gsung thugs rdo rje'i chos nyid nye bar bzung nas zhes pa ni de rnams kyis de'i chos nyid kyi phyogs nye bar blangs pas rab dang rab kyi mthar phyin pas na de lta bu'i don la sku gsung thugs rdo rje'i chos nyid thob pa'o zhes so//ji skad du/ sems can dus gsum du 'byung ba/ /thams cad rdo rje'i ngo bo nyid/ /byang chub rdo rje'i gnas thob pa/ /sangs rgyas rdo rje rdzu 'phrul che/ /zhes so/ /da ni rdo rje 'chang chen pos 'khor rnam pa gnyis la gong gi don rjes su zlos pa gsungs pa/de nas zhes pa la sogs pa'o/ /ngo bo nyid kyis dag pa'i chos rnams ni phung po la sogs pa'o/ /de nyid la chos kyi dbyings kyi shes rab kyi gnas su blos rnam par brtags shing rdo rje las byung ba ltar dmigs su med pa'i ye shes kyis bdag nyid 'dra ba kun rdzob tu smra bar byed pa ni zhes so//yang dag par smra ba ma yin no zhes pa ni don dam par na brjod pa la sogs pa dang bral ba'i phyir ro/ /ji skad du/ bstan par dka' zhing brjod par dka'/ /brjod pa'i tha snyad rnams dang bral/ /tshig gi steng du mi phebs pas//byis pa sogs kyi spyod yul min/ /zhes so/ /da ni slob ma'i rnal 'byor pa rnams kyi dngos grub dang chos thams cad don de la gnas par gsungs pa/ de nas zhes pa la sogs pa'o/ /sku dang gsung dang thugs kyi dngos grub la ji ltar 'jug gang ltar 'byung gang na gnas zhes zhus pa'o//lan gsungs pa/ de nas zhes pa la sogs pa'o/ /dngos grub thams cad ni rig pa 'dzin pa la sogs pa'o/ /thams cad mkhyen pa ni phyag rgya chen po'o/ /khams gsum ji snyed pa dag ces pa ni de las ma gtogs pa rnams so//lus dang ngag dang sems kyi rgyud rdo rje las byung zhes pa ni de kho na la goms pa las byung ba ste gzhan gyi rgyu'i dngos po med pa'i phyir ro/ /sku dang gsung dang thugs rdo rje la gnas so zhes pa ni de'i gong 'og tu rnam par gnas pa ste/ rang bzhin yin pa'i phyir ro//sku gsung thugs rdo rje'i dngos grub dang khams gsum gang na gnas zhes pa ni zhus pa'o/ /lan gsungs pa/ de bzhin zhes pa la sogs pa'o/ /nam mkha' la gnas so zhes pa ni de bzhin nyid la gnas so zhes pa ste des kun la khyab pa'i phyir ro/ /nam mkha' ci la gnas zhes pa ni zhus pa'o//ci la yang mi gnas so zhes pa ni de bzhin nyid ni khyab par byed pas na gang na yang mi gnas mnyam pa nyid du gnas pa'o zhes lan gsungs pa'o/ /'khor rnams kyi ngo mtshar ba sngon du 'gro bas don de la blo gzhag pa'i thabs gsungs pa/de nas zhes pa la sogs pa'o/ /ngo mtshar du gyur zhes pa ni chos nyid la'o/ /rmad du gyur pa ni snang ba mi 'gog pa la'o/ /e ma'o rdo rje zhes pa ni sangs rgyas rnams so/ /e ma'o chos zhes pa ni phun sum tshogs pa bzhi'o/ /rdo rje'i tshig bshad pa zhes pa ni lung gis de nyid 'dra bar bshad pa ste e ma'o zhes so//gang du lus dang ngag sems med ces pa ni lus la sogs pa'i rang bzhin nam mkha' dang 'dra ba yin pa'i phyir ro/ /de ru gzugs ni rnam par bsgom/ /zhes pa ni de dang de'i tshul gyis yang dag pa'i kun rdzob tu snang ba'i rgyun gyi rim pa bsgoms pas te/'dis ni gnyis su med pa'i ye shes su blo gzhag par gsungs pa'o/ /da ni sku'i rdo rje la dbang bskur ba'i don gsungs pa/ de nas zhes pa la sogs pa'o/ /rdo rje gsum ni tshangs pa la sogs pa'o/ /de'i mchog ni nyan thos dang rang rgyal ba'o//de'i chen po ni byang chub sems dpa'o/ /de las kyang che ba ni rdo rje gsum ste de bzhin gshegs pa rnams so/ /de rnams kyi mnga' dbang mchog ni rdo rje 'chang chen po ste des rig pa'i skyes bu bsgom pa'i phyir bshad par mdzod ces sbyar ro/ /sangs rgyas dkyil 'khor ni brtags pa las byung ba'i gzhal yas khang pa'o//rdo rje sku ni rab bsgoms pa/ /zhes pa ni rgyu'i cho ga rdzogs pa'i rnal 'byor pas rnam par snang mdzad bsnyen sgrub gsum gyis bsgrubs te zhes so/ /spyi bor rdo rje rab tu bsgom/ /zhes pa ni de'i spyi bor 'od zer bskul ba sngon du byas pa'i mi bskyod pa'i dbang bskur ro zhes so//mi bskyod pa de yang zhal gsum sku gsum las byung ba/ khro bo'i rang bzhin pas spyan rnam par g.yo bar bsam par bya zhes so/ /rdo rje 'khor lo 'dzin zhes pa ni dbu la gnas pa dang / rten du gyur pa'i g.yas par mar bsam pa'i mtshan ma'o/ /de nas/ byang chub myur du thob par 'gyur ro/ /zhes pas na phan yon ston to/ /de bzhin du gzhan rnams la yang rigs kyi bye brag gis bsgom pa gsungs pa/ thams cad ces pa la sogs pa'o/ / thams cad la yang rigs kyi bye brag gis phye la rang rang gi rigs kyi bdag po'i gsang ba bsgom pa ste bshad zin to/ /gzhan du nor bar bsgom na zhes pa ni rigs 'chol ba'i rnal 'byor gyis ni sgrub pa po'i dngos grub rdzogs par mi 'gyur ro zhes so/ /ji skad du/ dpa' bo rnams dang rdo rje yi/ /spyi bor re re dbang bskur te/ /snying po phyag rgya gsang sngags kyis/ /rang rang rim pas rgyas gdab po/ /rgyu la 'bras bus rgyas gdab cing / /'bras bu la yang rgyus rgyas gdab/ /bsgom zhing gzhan du dngos grub ni/ /bskal pa bye bar yod mi 'gyur//zhes so/ /da ni spyi'i brtul zhugs kyi dngos grub bzhi'i mtshan ma rnyed pas zhing dag par bya ba'i cho ga gsungs pa/ khams las zhes pa la sogs pa'o/ /khams ni sa la sogs pa'o/ /de las byung bar gyur pa ni/ rgyal mo chen mo zhes te spyan ma la sogs pa'o//des mnyes par bsam pa ni ye shes kyi sbyor ba'i cho gas dbang bskur ba'o/ /ci byed ce na rdo rje sku gsum gyis mtshan ma zhes pa ni las rnam pa gsum ni rdo rje gsum gyi ngo bo ste/ sngon du 'gro ba'i mtha' gsum la des rig pas na mtshan ma'o//de nyid kyang rnal 'byor pa thams cad kyi nang na gtso bor gyur pas khyu mchog go/ /de mnyes par bsams nas zhes pa ni zhing dag par bya bas dga' bar 'gyur ro/ /de'i phan yon dang dus gsungs pa/ gang zhig ces pa la sogs pa'o/ /byang chub sems dpa' zhes pa ni skye ba gcig gis thogs pa ste/rnal 'byor pa gsum pa'o/ /de nyid grags chen te dngos gzhi'i bya ba la 'jug pa'o/ /nyi ma bdun gyis zhes pa ni dus de tsam du zhing dag par bya ba'o zhes so/ /'od 'phro ba'i sku gsum dngos grub thob par 'gyur zhes pa ni de'i lam la 'jug pas de thob par 'gyur zhes nye ba'i mtshan nyid kyi tshig go//le'u gsum pa las kyang / sku gsung thugs kyis mtshan pa yis/ /phyag rgya chen po bsgom par bya/ /zhes pa'i don bstan pa'i phyir de nas zhes pa la sogs pa'o/ /bdag gi sku gsung thugs rdo rje zhes pa ni bdag nyid la des mtshan pa'o//de rnams kyang lus las mi 'da' ba'i phyir dam tshig phyag rgya chen po ste de'i don brtag cing le'u drug pa la sogs pa'i cho ga bzhin du phyag rgya chen po bsgoms na zhes so/ /mtshan nyid kun gyis zhes pa ni gnas bskyed pa dang phra mo'i dkyil 'khor bsgom zhing rgyus mtshan ma dang /de la dmigs pa'i gzugs dang ngag sngags kyis brtags pa'i ting nge 'dzin bsgoms na sangs rgyas thob ces so/ /rnal 'byor pa snying po'i dam tshig lhag ma gsungs pa/ de nas zhes pa la sogs pa'o/ /gal te byang chub mchog 'dod na//zhes pa ni gzhan la ltos pa med pa kho nar brten pa'i rnal 'byor pa ci zhig na/ lag pa'i phyag rgya mi bcing ngo / /zhes te de ni sems g.yengs pa'i rgyu yin pas na spyi gtsug la sogs pa kun yid kyis bya ba mngon no/ /de lta bu'i sngags pa rnams kyi dam tshig 'da' bar bya ba ma yin pas na/rgyal ba kun kyang mi 'da'o/ /zhes so/ /da ni rdo rje gsum gyi khyad par du shes pa'i dam tshig gsungs pa/ de nas zhes pa la sogs pa'o/ /bshang gci la sogs pa'i bdud rtsi rnam pa lnga ni ye shes kyi mes sbyangs pas nus pa dang ldan pas na/dman pa dag tu yang mi bya/ zhes so/ /ji ltar bya zhe na/ cho ga bzhin du rtag tu bza'/ /zhes te rlung la sogs pa'i rim pas dag par byas nas rdo rje gsum gyi gsang ba'i dam tshig go zhes so/ /khams gsum zhes pa ni sa 'og la sogs pa'o/ / de'i gnas mchog ste bde ba dang ldan pa'i lha mo la sogs pa bud med ji snyed yod pa kun rang gi nus pa thams cad cho ga bzhin du dpyad ces te don rnyed pa dang mnyes par bya ba dang / de kho na nyid la goms par bya ba dang / thob par bya ba'i phyir na/ gsung gi rdo rje mi smad do/ / zhes so/ /rdo rje gsum la gnas pa yi/ /dam tshig ji snyed yod pa kun/ /zhes pa ni rdo rje gsum gyi dam tshig gong 'og tu sbyar ba thams cad gnyis su med pa'i rnal 'byor gyis mgu zhing tshim pa dag tu bya ba ni thugs kyi rdo rjes smad par bya ba'i dam tshig ma yin no zhes so//dam tshig chen po gsum bka' stsal pa'i phyir na dam tshig chen po gsum zhes so/ /da ni chos can nyi shu rtsa gcig gi rnam par dag pa gsungs pa/ de nas zhes pa la sogs pa'o/ /mdor na zhes pa ni rnam pa lta bu'i rigs mtha' yas rnams bsdus na zhes so//ji ltar zhe na phung po lnga rnams ni zhes pa ni gzugs la sogs pa'i/ sangs rgyas lngar ni rab tu grags/ /zhes so/ /rdo rje skye mched nyid kyang zhes pa ni phyi nang gi skye mched drug drug ste/ gzugs kyi rdo rje la sogs pa dang / sa'i snying po la sogs pa'i byang chub sems dpa'i dkyil 'khor mchog ces so//khams gsum 'jig rten gsum mo/ /de'i 'khor lo ni 'grub par byed pa ste sa la sogs pa'o/ /gzhan ni go sla'o/ /mkha' dbyings zhes pa ni chos 'byung ba'o/ /rdo rje dam tshig ni de'i nang gi nam mkha'o//de nyid rdo rje 'dzin pa zhes te rdo rje sems dpa' la sogs pa'i 'khor lo 'dzin pas na de skad du ston pa ni ma yin no/ /yang rten dang rten can gyi zab mo'i ngo bo la bya'o/ /gnas kyi dbang phyug ces pa ni rnam par spros pa'i dbye ba ji snyed pa thams cad nyi shu rtsa gcig las 'byung ba'i phyir ro//da ni khyad par gyi dam tshig nyams pa bskang ba'i cho ga bla ma'i yon tan gyi cho gas bstan pa'i phyir gsungs pa/ de nas zhes pa la sogs pa'o/ /de bzhin gshegs pa thams cad kyi mnyam pa nyid ni thams cad dag pa'i bsam pa dang ldan pa'o//de nyid spyod pas te mi phyed pa ste rdo rje'o/ /de'i ting nge 'dzin la rdo rje 'dzin pa'i tshul gyis snyoms par zhugs nas cang mi gsung bar gyur to zhes sbyar ro/ /byang chub sems dpa' rnams kyi 'khor gyis ston pa la bla ma'i yon tan gyi tshogs zhus pa/de nas zhes pa la sogs pa'o/ /gsang ba 'dus pas mngon par dbang bskur ba'i slob dpon zhes pa ni de'i lung ji lta ba bzhin thob cing rgya cher yang dag par ston pa po la'o/ /rigs kyi bu zhes pa la sogs pas lan gsungs pa/ slob dpon de ni ston pa byang chub kyi sems rdo rje bzhin du blta bar bgyi'o zhes so//de ci'i slad du zhe na zhus pa dang / slob dpon de ni zhes pa la sogs pa lan gsungs pa/ mi gnyis shing rnam pa gnyis su dbyer ma mchis so zhes pa ni byang chub sems rdo rje'i chos kyi sku longs spyod rdzogs pa 'byung zhing de nyid sprul pa'i gzugs rnam par gnas pa rnams mthong ba'i lam du mi 'gyur ba'i dus su de'i lus la rnam par gnas nas gzhan gyi las kyi sgrib pa la sogs sbyong bar byed pas na'o//mdor bstan pa zhes pa ni bla ma'i yon tan gyi tshogs brjod du mi lang yang mdor bstan na zhes so//phyogs bcu na sangs rgyas dang byang chub sems dpa' ji snyed ye shes kyi yul la 'khod cing / zhing dag pa rnam par 'tsho ba 'dzam bu'i gling la sogs pa'i sems can skyo ba de dag tho rangs la sogs pa'i dus gsum du lhags nas mchod pa byed cing rang rang zhing du bsngags pa brjod cing 'gro bar 'gyur ba ste go sla'o//phyogs bcu na sangs rgyas ji snyed bzhugs pa zhes pa ni sa 'og ma'i sangs rgyas rnams so/ /de rnams kyis bsags pa'i bsod nams kyi phung po chen po bas kyang gsang ba 'dus pa'i byang chub kyi sems bsgoms pa las byung ba'i bsod nams skad cig tsam 'phags pas na slob dpon gyi ba spu'i bu ga 'phags so zhes so//de ci'i phyir zhe na/ zhes zhus pa dang / rigs kyi bu zhes pa la sogs pas lan gsungs pa/ byang chub sems zhes pa ni rtsa ba'i ye shes gnyis su med pa'o//de ni sangs rgyas thams cad kyi ye shes kyi snying por gyur pa ste/ skye ba'i gnas nas bzung ste 'byung gnas yin pa'i bar du'o/ /de ltar na de lta bu'i byang chub kyi sems ni gsang ba 'dus pa'i slob dpon la yod pas tshe 'di nyid la sangs rgyas zhes bya ba'i sangs rgyas su 'gro ba ste/sa 'og ma rnams kyis de'i de kho na nyid ma rig pa'i phyir ro/ /de nas byang chub sems dpa' la sogs pa 'jigs skrag pa ni/ de lta bu'i bla ma la brnyas pa'i blun chen de dmyal ba la sogs par 'gro bar mthong nas cang mi smra bar sems shing 'dug par gyur to zhes so//de bzhin gshegs pa rnams kyis don de rjes su zlos pa gsungs pa/ de nas zhes pa la sogs pa'o/ /rdo rje 'dzin pa thams cad kyi dngos grub ni bla ma mchod pa las 'byung ba'o/ /mi 'da' bas na dam tshig ste/ dbyer med pas rdo rje lta bu'i ting nge 'dzin la snyoms par zhugs nas bka' stsal pa zhes sbyor ro//dus gsum gyi ye shes las byung ba zhes pa ni chos thams cad kyi de bzhin nyid dmigs pa'i ye shes las byung ba ste sangs rgyas thams cad do/ /de rnams kyang bla ma de dang phrad na phyag 'tshal na gzhan lta ci smos zhes pa'o//de ci'i phyir zhe na zhes zhus pa dang / de nyid ston pa yin zhes pa la sogs pa'i lan gsungs pa/ de nyid ni ston pa mthong ba'i yul du ma gyur pa rnams la kun gzigs kyis bzhag nas rgyud kyi ston pa yin te rgyud kyi don la khyad par med pas na de nyid rdo rje 'dzin pa yin/ye shes kyi bdag po yin pa'i phyir ro zhes so/ /de bas na de kho na la brten te dngos grub 'byung ba zhes zhus pa dang lan gsungs pa/ de nas zhes pa la sogs pa'o/ /rdo rje slob dpon gyi lus dang / ngag dang sems rdo rje la gnas so zhes pa ni de med na/ de rnams 'byung ba med pa'i phyir de kho na la gnas pa'i zhes so/ /gang la yang mi gnas so zhes pa ni de bzhin nyid la gnas pas de skad do/ /ngo mtshar du gyur pa ni slob dpon la'o/ /rmad du gyur pa ni dngos grub rnams la'o//zhus pa'i don mthar phyin nas cang mi smra bar 'khod do zhes so/ /de bas na gsang sngags kyi byang chub ni sems dang bla mas 'grub pa'i phyir/ de mnyes pa'i thabs la 'bad pa chen po bya ste ting nge 'dzin gsum rdzogs pa'i rnal 'byor pas gal te brnyas pa'i skyon byung na/yon tan dang ldan pa'i tshogs kyi mchod pa chen pos mnyes par byas la yang des gnang ba'i sdom pa gzung bar bya'o/ /nyes pa gzhan ni don yod grub pa'i rnal 'byor gyis dag par bya'o/ /'di bla ma la mi brnyas pa'i thabs ston par byed pas na de'i khongs su gzhan rnams kyang bsdu'o//de bas na 'di slob dpon gyi dbang gi sdom par yang rig par bya'o/ /da ni ye shes dbang du gyur pa'i rnal 'byor pas bsam gtan gyi dkyil 'khor du dbang bskur ba'i cho ga gsungs pa/ de nas zhes pa la sogs pa'o/ /gsang ba'i rdo rje'i ting nge 'dzin ni thabs dang shes rab kyi bde ba chen po'i ting nge 'dzin te/de la bzhengs nas bka' stsal zhes par sbyar ro/ /de bzhin gshegs pa thams cad dang byang chub sems dpa' thams cad 'byung ba'i rgyu'i dkyil 'khor te myur ba'i thabs so/ /de nyid gang zhe na/rdo rje 'dzin gyi dkyil 'khor ro/ /dkyil 'khor chen po de bshad du gsol zhes pa ni zhu ba gsol pa ste/ yul rnams la chags pa bral ba'i bdag nyid chen po gnyis pa'i mtha' la rnam par spyod pa'i rnal 'byor pa chen po de la phyi'i bya ba spangs shing sbyor ba la mchog tu gzhol zhing khyad par gyi don shes pas ji ltar nus pas de mnyes par byas nas thal mo sbyar te 'dud pa sngon du 'gro bas/dkyil 'khor chen po 'di bdag la bstan du gsol zhes zhus pa'o/ /de nas de'i don du bsam gtan gyi dkyil 'khor gyi sbyor ba gsungs pa/ nam mkha' la zhes pa la sogs pa'o/ /nam mkha' dbyings kyi dbus bsam pa/ /zhes pa ni chos 'byung ba'i nang du chud pa'i sdong bu dang ldan pa'i pad+ma rdo rjes mtshan pa la/ gru bzhi lham pa rab tu bzang / /zhes brtags pa las byung ba'i gzhal yas khang pa bsams la/ der/ sangs rgyas dkyil 'khor sbyor ba yis/ /bsam gtan rdo rje bsgom par bya/ /zhes pa ni rgyu'i cho ga la sogs pas dang po'i 'khor lo rnam par bkod la/ de byin gyis brlab pa'i phyir ye shes dkyil 'khor zhes te/ ye shes sems dpa' 'od kyis bkug pa'i dkyil 'khor ro//ji skad du/ ye shes sems dpa' gar reg pa/ /ye shes 'khor lo zhes su bshad/ /ces so/ /bsam gtan gyis zhes pa ni khro bo'i bsam gtan gyis gzhug par bya ste gnyis su med par byas nas longs spyod bzhis mtshan par bya'o/ /de nas de la mchod pa'i cho ga de nyid kyis zhes pa ni gsang ba dang /bstod pa dang bdud rtsi dang / phyi la sogs pa'i mchod pas mchod par bya ba'o/ /blo dang ldan pa zhes pa ni sgyu ma lta bu'i ting nge 'dzin zhes pas te khyad par ro/ /bla ma'i zhal snga nas kyang / dkyil 'khor rgyal mchog las rgyal mchog /rnam pa kun la rdzogs byas te/ /zhes so/ /las kyi rgyal ba mchog bshad par byas te/ mchod pas mnyes par byas nas rnal 'byor pas de'i mthong ba'i yul du byas nas ye shes dbab pa'i sngon du 'gro ba'i dngos grub kyis rtags shes par bya'o//ji ltar zhe na dkyil 'khor pa rnams slob dpon gyi snying gar bsgoms nas bdag nyid la me tog dor du gzhug go/ /de yang sku stod dang dbu'i gtsug tu bab na phyag rgya chen po nye ba'o/ /zhal la bab na rtsa ba'i sngags la sogs pa'i dngos grub po/ /sku'i dbus su ste lte bar bab na rig 'dzin la sogs pa 'grub po//sku smad du bab na las kyi dngos grub rnams 'grub po/ /de ni 'di nyid kyi goms pa las te gzhan du goms pa ni rig 'dzin dang mngon par shes pa dang / phyag rgya chen po ma rtogs pa ye shes dbab pa'i dus kyi mthus las la sbyar ba tsam gyis grub pa ste dus kyi nges pa med pa'o//gzhan ma ni ji skad gsungs pa'i sgrub pa'i thabs kyis thob pa'o zhes so/ /dbang bskur ba ni brtsam par bya/ /zhes pa ni bsam gtan gyi dbang bskur ba brtsam pa ste/ ji ltar zhe na ye shes sems pa'i sa bon gyis bkug pa'i sangs rgyas kun gyis nam mkha'i khams gang bar byas pa spyod yul du byas nas de rnams kyis dbang bskur ba'i gnas gsum gyis zhes pa ni bum pa dang gsang ba dang /shes rab ye shes kyi dbang bskur ba brtsam pa ste/ thams cad cho ga bzhin du dbab/ /ces te brtul zhugs dang /lung bstan dang / dbugs dbyung ba dang / bka' stsal pa yang bskul nas dbab par bya'o/ /de nas mnyam par bzhag pa btang nas gshegs su gsol ba la sogs pas mi snang bar bya'o/ /de bas na dang por rang nyid kyi yang lag pas lhun gyis grub pas ma smos la rnam pa gnyis smos pa'o//de yang gnyis pa'i mtha' lta bur shes pa ni khyad par ro/ /phan yon gsungs pa 'di yis zhes pa la sogs pa'o/ /'di yis sems can kun la phan 'dod pa'i byang chub thob ces sbyar bar bya/ ji lta bu zhe na/ sku gsung thugs kyi dngos grub ste/sku gsum mo/ /de nyid 'gro ba'i don byed pa'i rol mo dang ldan pas na ngo mtshar chen po ste de lta bu 'grub bo zhes so/ /byang chub sems dpa' thams cad ni skye ba gcig gis thogs pa'o/ /des gzhan la dam tshig sbyin pa'i dkyil 'khor 'khor lo'o/ /de nyid bsam gtan gyis bsgrubs pas na/bsam gtan gyi dkyil 'khor te rdzogs so zhes so/ /gzhan yang rnal 'byor pa 'dis blo gros dman cing sbyor ba spangs pa phyi'i bya ba la mngon par zhen pa rnams la cung zad ye shes dbang du gyur pa'i rnal 'byor pa ltar snod la phab pa'i lhas bris pa'i dkyil 'khor du bcug nas dbang bskur bar bya'o zhes kyang /slob dpon Tom+bi pa'i zhal snga nas kyang bshad do/ /da ni rdo rje mkha' 'gro khro bo'i bsam gtan gyis dgra bsad pa'i cho ga gsungs pa/ de nas zhes pa la sogs pa'o/ /rdo rje ni dbyer med pa ste de las byung ba'i sbyor ba ste rdo rje mkha' 'gro'o//de nyid sku dang gsung dang / thugs rdo rje'i ngo bo ste de lta bu phyung ngo zhes sbyar ro/ /hUM zhes pa la sogs pa'i mngon par rtogs pa'i rim pa ni/ 'di lta ste cho ga ji lta ba bzhin du sku dang gsung dang thugs kyi snying po'i rdo rje sems dpa'i cho ga rnam pa bzhi bsgom par byas la de yongs su gyur pa'i cho ga rnam pa bzhis khro bo rdo rje mkha' 'gro bsgom par bya zhes so//ji lta bu zhe na drag po mi sdug khros pa zhal gsum pa la dbus kyi zhal ut+pal sngon po 'dra ba g.yas dkar ba g.yon dmar ba cho ga bzhin du bsgoms te phyag dang po gnyis rdo rje mkha' 'gro ma la 'khyud pa g.yas gnyis na tri shU la dang rdo rje bsnams pa g.yon gnyis na thod pa dang nor bu bsnams pa nyi ma'i gdan la bzhugs pa hrIHlas byung ba'i mtshan ma dang pos bskyed pa bsgoms te/de nas dkon mchog gzhom pa la sogs pa'i bsgrub bya'i sha rus khrag gis gang ba'i bsgrub bya'i lus kyi dkyil 'khor nam mkha'i dbus su mar gyi rkyal pa lta bur brgyangs pa'i tshul du khams la bskyed la de'i ye shes drangs te mi bskyod par bskyed la khang pa stong pa lta bur bsams nas bdag gi lce hrIHlas bskyed pa'i 'od zer snang ba can te/de'i rtse lnga mthing ga dkar po ser po dmar po ljang gu'i 'od zer dang ldan par byas nas de'i phyag na gnas pa'i tri shU la 'am/rdo rje 'am yang na rin po che phur bu bsams nas des gnas lngar phug nas hUM hrI khaM badzra ta kr-ita ni a mu ka sa ra rA ga ta A kaR+Sha ya tsu ya hUM ha phaT ces brjod pa'i bsam gtan dang / sngags kyi sbyor bas 'od zer lngas khrag drangs nas pad+ma can lta bur zad par bya ba ni/ gsad pa'i cho ga'i mchog yin no zhes so/ /des sangs rgyas chos kyi sku dag kyang / /'debs na gzhan ci smos zhes phul du byung ba'i tshig go/ /da ni sdom pa bskyang ba'i de ma thag tu kha zas sbyang ba la sogs pa'i dam tshig gzhan gsungs pa/de nas zhes pa la sogs pa'o/ /kha zas la spyod pa'i dus su bza' ba ste/ 'bras chan la sogs pa 'am btung ba ste/ chang la sogs pa gang za yang / bshang gci sha yi sbyor ba yis/ /zhes te/ dpa' bo lnga dang lcags kyu lngar shes par byas pa la/ cho ga bzhin du yongs su brtag /ces pa ni dkyil 'khor bsgom pa dang lce dag par bya ba dang dbu rgyan la sogs pa'o/ /mchod pa'i yo byad mchog lnga yis/ /zhes pa ni dpa' bo lnga la sogs pa'i dngos pos kyang rang gi 'khor lo tshim par bya'o//zhes so/ /dbang po gnyis kyis sbyor ba yis/ /zhes pa ni reg pa'i mchod pa'i dus su lus la gnas pa'i byang chub sems spros pas nam mkha'i khams bkang la de bzhin gshegs pa'i tshogs su bskyed la rig ma'i pad+mar bcug pa ye shes bdud rtsir bsams la khas cho ga bzhin du blangs la lus kyi dkyil 'khor mchod na byang chub thob par 'gyur zhes so//sems can khams ma lus zhes pa ni/ de ni de la rtogs pa'i 'bras bu'i dngos po gcig nas gcig tu brgyud pa'i ngo bo'o/ /mi 'da' bas na dam tshig ste de rnams la bskyed pa'i sa bon 'dzin pa'o//de nyid bdag gi gsang ba'i dbang skyed par byed pas na ma yin no/ /rnams kyi sgras lhan cig nyan pa po dang mchod pa bstabs par byed pa yang gzung ngo / /de la gnyis su med pa'i blo dang ldan pas gal te gong ma la yang /dam tshig gsum gyi rdo rje spyad/ /ces te sku la sogs pa byin gyis brlab pa dang ldan par bya ba'i sdom pa 'di ni rmad byung che'o zhes so/ /ci'i phyir spyad ce na/ de nas zhes pa la sogs pa'o/ /sku gsung thugs kyi rdzogs longs spyod/ /ces pa ni de rnams dbyer med pa'i zla ba zhu ba ste bsgrub par bya'o//de gang du nyams su myong na gsang ba gsum zhes te pad+ma'o/ /rdo rje ni gsang ba'i rdo rje'o/ /de gnyis las byung ba ni bde ba chen po skyes pa de bzang po ste bdag gis bsgrub par bya/ zhing bzad pa ste bsam pa dang lhag par mos pas bsgom par byas la mngon par zhen zhing brtan par bya'o zhes pa'o//'di ni thams cad 'jig par 'gyur/ /zhes pa ni de goms pas dngos po med pa'i gnas su 'gyur bar gsungs so/ /da ni phra mo la sogs pas bying ba bzung ba'i de ma thag tu gzi byin bskyed pa'i cho ga gsungs pa/de nas zhes pa la sogs pa'o/ /mtho gang tsam gyis spags nas zhes pa ni de tsam gyi tshad tsam spags par bdag gi spyi bo'i thad kar dkyil 'khor pa brtag par bya zhes te mtho skor tsam gyi zla ba'i dkyil 'khor gdugs dkar po ltar brtags la de'i steng bdud rtsi dang sa bon la sogs pa gong ma ltar bsgoms te/de'i dbus kyi steng du oM dkar po bsams nas 'od zer gyis bskul ba'i sangs rgyas bkug pa thim pas bdud rtsi zla bar zhu ba la oM zhu bas reg pas 'od dang ldan par brtags la dbugs rngub pa'i lcags kyus dbu rgyan la sogs pa la bdud rtsi lnga'i rgyun dbab par bya'o//zhes so/ /de'i phan yon gsungs pa/ rdo rje sbyor ba la sogs pas te go sla'o/ /yang na rnal 'byor snying po'i sdom pa'i rnam grangs gsungs pa/ de nas zhes pa la sogs pa'o/ /sngags 'dzin pa zhes pa ni gsum pa'i thabs la mngon par zhen cing de 'ba' zhig don du gnyer ba'i dam tshig de gzhan ni ma gtogs pa'o//mchod rten dag gi las mi bya/ /zhes pa la mchod rten ni sangs rgyas kyi bzhugs gnas so/ /glegs bam bklag par mi bya zhes pa ni glegs bam ni rdo rje'i bzlas pa'o/ /dkyil 'khor dag kyang yang mi bri//zhes pa ni byang chub kyi sems kyi dkyil 'khor dang lus kyi dkyil 'khor dang 'byung ba'i dkyil 'khor ro/ /rdo rje gsum mchog phyag mi 'tshal/ /zhes pa la rdo rje gsum ni mchog ste de'i ngo bo bas na gzhan la phyag mi 'tshal lo/ /de rnams kyang phyi rol zhen pa'i blos byed pa de'i bsod nams 'ga' tsam du 'gyur mod kyi byang chub ni med do//da ni gtsug tor 'khor los sgyur ba'i rnal 'byor pas dug bsal ba'i cho ga gsungs pa/ de nas zhes pa la sogs pa'o/ /dug 'byin pa ni thad kar ro/ /gnon pa ni sa'i nang du ste rkang mthil du'o//'dren pa ni 'od zer gyis bsdus nas gzhan du spro ba ste/ de lta bu'i gsang ba 'di phyung ngo zhes sbyar ro/ /b+h+rUM zhes pa la sogs pa'i cho ga ni 'di lta ste rdo rje 'dzin pa las byung ba b+h+rUM dang 'khor lo las bskyed pa'i gtsug tor 'khor los sgyur ba'i rnal 'byor byas la/lag pa g.yas par 'od zer dkar po 'bar ba'i gnas 'khor lo rtsibs brgyad pa dkar po'i dbus su b+h+rUM bzhag nas de'i 'od zer dkar pos lus la gnas pa'i dug nag po thams cad 'byin pa'am gnon pa'am/ 'dren par byas shing de'i phreng ba'i sngags gzhan la gsungs pa bzlas pas sel bar byed do//nad pa'ang kha zas 'od zer dang / /ser po mdog tu bsgom par bya/ /zhes so/ /de bas na 'od zer gsum gyi dam tshig ste ser po dang / dkar po dang nag pos lus ngag yid gsum la gnas pa'i dug 'byin pas na gsal ba gsum 'byung bar shes par bya zhes so//da ni slob ma'i mtshan ma ngan pa la sogs pa srung ba bri ba'i phyir zlog pa gsungs pa/ de nas zhes pa la sogs pa'o/ /lus dang ngag sems ni bsgrub bya'o/ /de bsrung ba'i 'khor lo ni rtsibs brgyad pa'o//sngags ni yi ge gcig la sogs pa'o/ /de nyid rdo rje rgya gram la gnas pa ni rdo rje dang ldan pas te de phyung ngo zhes sbyar bar bya'o/ /de gang zhe na oM zhes pa la sogs pa'o/ /gro ga dag la sogs pa la/ /zhes pa ni gro ga dang shog shog dang ras la sogs pa la bri ba'o//ji lta bur bri zhe na/ 'khor lo rdo rje la gnas pa/ /zhes te/ las kyi rdo rje la gnas pa'i dbang chen gyi steng du 'khor lo rtsibs brgyad pa bris la/ sgo bzhis mdzes pa phyi rol mchod rten gyi dbyibs su bskor bar bya'o/ /haM ni dbus su bzhag nas su//zhes pa ni zla ba phyed pa tshes dang bral ba thigs pa byung ba/ dbu dang zhabs g.yas dang g.yon du 'khyil ba'i khong bar bya ba ste/ dzi na dzika che ge mo srungs shig ces bri bar bya'o/ /sngags kyi yi ge tshig rnams kyis brgyan te zhes pa ni rtsibs brgyad la mi 'khrugs pa la sogs pa'i rig pa dang lo tsa na la sogs pa'i rig pa'i bar du ming bri bar bya'o//rtsibs kyi mtshams su de nyid gsum po bri bar bya'o/ /nang gi mu khyud la oM hu lu hu lu tiSh+Tha tiSh+Tha ban+d+ha ban+d+ha ha na ha na/ da ha da ha/ a mr-i te che ge mo'i gdug pa hUM phaT ces pa dgod do//dbang chen gyi grwa la sa'i snying po la sogs pa'i sa bon dgod do/ /sgo bzhi dang mtshams bzhir gshin rje gshed la sogs pa dang / 'dod pa'i rgyal po la sogs pa'i sngags kyi phreng ba bri'o/ /mchod rten gyi mu khyud la gtsug tor 'khor los sgyur ba'i sngags ring bri'o//nub kyi phyi rol gyi sa la hUM mdzad kyi sngags bzhi bri'o/ /de yang skar ma rgyal la sogs pa'i dgongs ka'i dus su ting nge 'dzin gnyis rdzogs pa'i rnal 'byor pas gsum pa'i dus su lag pa rdo rje rtse lnga mda' bdag lnga'i rang bzhin du bsams la/ pho dang mo bsrung ba la gi wang dang gur gum gyis bris te legs par gzhag par bya zhes pa ni cho ga ji lta bzhin du rtag pa'i 'khor lo ting nge 'dzin gnyis kyis rdzogs par byas nas ming gi yi ge dang pos bskyed pa'i bsgrub bya snying gar bsams la gzhan bcug ste/spyan ma'i sngags brjod pas rnam par snang mdzad la sogs pa'i tshogs kyis dbang bskur bar bsam mo//gzhan gyi las rnams kyis kyang bsgrub bya legs par byas nas mchod pa la sogs pas mnyes par byas te 'khor lo la thim par bsams la/ za ma tog la sogs par stsal te/ spyi bo'am mgul pa la sogs par bsrungs na gzhan gyis mi phyed par 'gyur te/ de bas 'di ni sngags rnams thams cad kyi gsang ba gsum gyi gnas bsdus pa ste mngon spyod la sogs pa'i cho ga la yang 'di kho nas bsrung bar bya'o/ /thun mong gi dngos grub kyi mtha' dang po la gnas pa'i cho ga mig sman grub pa gsungs pa/de nas zhes pa la sogs pa'o/ /de yang gong ma ltar bya bar 'os pa tshogs pa'i rnal 'byor pas dang po'i cho ga rdzogs par byas te bzlas brjod 'bum la sogs pa bya'o/ /de nas lam gyi bzhi mdo'am/ shing gcig gi drung ngam/ma mo'i gnas sam/ zhi ba'i gnas su dkyil 'khor ji lta ba bzhin du bris la/ de ru rdo rje any+dza na te mig sman thod pa la dbab par bya'o zhes so/ /ji lta zhe na thod pa gnyis kyi steng du 'dug nas mdun du thod pa gsum la thod pa gcig bzhag nas de'i nang du tshil chen dang /khrag dang bshang ba blugs la pad+ma'i skud pa dang ras kyis dkris la me mar gyi snying po byas la me sbar te/ de'i steng du yang thod pa gcig kha sbub la dud pa chags pa blangs nas 'ug pa'i rkang du bcug ste/ tshes nyi shu dgu'i nam phyed na rig ma'i gsang bar bcug ste brlan par byas nas/de nyid la sngags brgya rtsa brgyad btab nas mig la bskus na dngos grub rnam gsum du 'gyur te/ 'gro ba dbang du gyur pa dang / gzi can gyis mi mthong ba dang / sa 'og na gnas pa'i gter mthong ba'o/ /thams cad kyi rang bzhin pas na kun du bzang po ste rdo rje 'chang chen po'o//des gsungs so zhes las kyi khyad par rnams so/ /da ni chos kyi rnam grangs 'di'i che ba dang / yi ge gsum gyi ngo bo bstan pa'i phyir gsungs pa/ de nas zhes pa la sogs pa'o/ /du dang ldan na zhes pa ni ji tsam gyis dad pa'i 'bras bu rdzogs par 'gyur zhes pa'o//byang chub sems dpa' de dag ces pa ni skal ba dang ldan pa'i sems can no/ /lan gsungs pa/ de nas zhes pa la sogs pa'o/ /zhus pa dang lan de rnams go sla bas ma bshad do/ /cang mi gsung bar gyur to zhes pa ni zhus pa dgos pa med par bstan pa'o//da ni rgyud rnyed par dka' ba gsungs pa/ de nas zhes pa la sogs pa'o/ /mar me mdzad la sogs pa ni rdzogs ldan gyi bskal pa'i sangs rgyas la sogs pa rnams so/ /'od srungs thub chen po ni bskal pa bzang po'i sangs rgyas gsum pa ste/de rnams kyi dus su gsang ba chen po'i don bdag gis ma bshad do zhes pa ni de rnams bdag nyid du nga rgyal mdzad nas gsungs pa ste/ de spyi'i phrin las yin pa'i phyir ro/ /de ci'i phyir zhe na zhes zhus pa dang lan gsungs pa/ de'i dus na sems can rnams la skal ba med pa'i phyir ro zhes pa ni/dus bzang po'i sems can rnams ni phun sum tshogs pa dman pa ma yin pas na rnam par rtog pa la spyod pa'o/ /dus dman pa ni nyon mongs pa'i rang bzhin gyis spyod pas ni mi rtogs te/ de bas na rigs ngan la sogs pas lhag par 'grub pa'o//khyad par du nye bar len pa'i phyir lam nye bar gsungs pa/ 'on kyang zhes pa la sogs pa'o/ /skad cig ces pa ni a ru ka te e ring po dang ldan na dang po thang cig ces pa ni da sha ri ste u ring po dang ldan na 'ga' zhig tu gyur pa'o/ /yud tsam zhes pa ni drag pa na ste bems po dgag chad sel ba'o//sangs rgyas kyi byang chub rdzogs par byed do zhes pa ni 'bras bu khyad par du 'phags pa ston par byed do zhes so/ /gang la nye zhing khyad par du zhe na/ gang gi zhes pa la sogs pa'o/ /'bad cing brtsal ba zhes pa ni mgo dang lag pa la sogs pa sbyin pa gtong ba la sogs pa'o//gzhan ni go sla'o/ /skal ba med pa'i sems can la snying rje ba'i phyir ngu bar bstan pa/ de nas zhes pa la sogs pa'o/ /de bzhin gshegs pas de bzlog pa gsungs pa/ de nas zhes pa la sogs pa'o//sdug bsngal gsum zhes pa ni lus dang ngag dang sems sdug bsngal ba ste/ de ma bsgom cig ces dgag pa'o/ /yang zhus pa de nas zhes pa la sogs pa'o/ /ji ltar mi ngu bar bgyi zhes pa la sogs pa ni de'i dus kyi sems can rnams bdag cag bzhin du skal ba med pas na bdag cag ngu ba dang sdug bsngal ba dang ldan par gyur pa'o zhes so//de bzhin gshegs pa des bzlog pa gsungs pa/ de nas zhes pa la sogs pa'o/ /yi ge de thun mong ste zhes pa ni ji ltar thun mong na/ khyed rnams kyis ji ltar mi shes pa dang ma thos pa de bzhin du/deng de bzhin gshegs pa thams cad dang / byang chub sems dpa' thams cad kyang / gsang ba'i yi ge de dag ma thos shing mngon par rdzogs par sangs ma rgyas na thun mong gi sdug bsngal la khyed rnams ci ste ngu zhes so/ /byang chub sems dpas gsol ba/de ci'i phyir zhe na zhes te/ khyed rnams kyis kyang mi mkhyen pa'am zhes zhus pa'o/ /de bzhin gshegs pas bka' stsal pa/ gsang ba'i yi ge gsum rnam par dag pa'i phyir ro zhes pa ste/ yi ge gsum la sogs pa dag pas de kho na nyid gyur pas thams cad mkhyen pa'i rgyu yin la bdag cag ni de'i dus su mngon par rdzogs par sangs rgyas par ye shes pa yin no zhes so//ji skad du/ rdo rje mchog gsum yi ge sngags/ /phyag rgya chen po rnam bsgom pa/ /byang chub thams cad thob pa'i phyir//ye shes rdo rje bdag gis bya/ /zhes so/ /cang mi gsung bar gyur to zhes pa ni sku la sogs pa rnams dag pa'i rang bzhin yin pa'i phyir ro/ /da ni bar gyi sred pas rdo rje 'chang chen po kA lir gyur pa las tshad med pa bzhi'i rgyu mthun pa'i gzugs lha mo bzhis glus bskul ba gsungs pa/de nas zhes pa la sogs pa'o/ /sku dang gsung dang thugs ni yi ge gsum ste/ de btsun mo'i b+ha ga la bzhugs pa ni zhal du zhugs pa la sogs pa'i rim pas thabs dang shes rab tu bcas pa byang chub sems kyi gzugs su zhu'o zhes so//de nas zhes pa la sogs pas 'di ston par byed do/ /de ltar snang ba med pas gzhan gyi phun sum tshogs pa dang bral ba'i phyir/ sngon du goms pa'i sdug bsngal dang de'i rgyu las grol bar bya'o zhes pa la sogs par bsam pa'i sems de nyid lha mo'i gzugs su gyur nas go rims bzhin du bskul nas/de thim par bya'o zhes pa ni mi phyed par bstan pa'o/ /'dir go rims kyis spyan mas bskul bar rigs pa la mA ma kIs dang po bskul ba ni rgyud 'di las thugs gtso bor bstan pa'i phyir ro/ /des bskul ba gang zhe na sems can zhes pa la sogs pa'o//de yang sems can gyi khams ni khams gsum ste/ der gnas pa ni sems can rnams so/ /de rnams kyi gtso bo ni dbang phyug go/ /de gang zhe na rdo rje thugs zhes te chos dbyings kyi ye shes rnam par dag pa'i gzugs su gyur pa bod pa ste/bdag la bskyab tu gsol zhes bya bar sbyar ro/ /gang gis she na dga' ba yid 'ong zhes pa la sogs pa'o/ /dga' ba ni thabs dang shes rab kyi'o/ /de nyid yid tshim par byed pas na yid du 'ong zhes so/ /don chen ni don chen po yin pa 'am don ni rgyur gyur pa'i phyir ro//'dod pa ni gzugs la sogs pa ste/ de rnams kyis bdag la bskyab tu gsol zhes te/ dgyes par mdzad du gsol zhes pa'o/ /mgon po zhes bos nas gal te bdag mA ma kI dus di ring gson par mchi bzhed na zhes pa ni bcom ldan 'das nyid ye shes kyi sku 'byung ba chen po rnam par dag pa'i gzugs su ma mdzad na byams pa tshad med pa spangs pas bdag shi ba dang 'dra bas bdag gson srid par bzhed na/sems can yab chen gnyen mchog ste/ /sems can thams cad sangs rgyas thams cad du skyed par byed pas na de skad ces bya'o//bdag la dgyes par mdzod ces pa ni ye shes kyi sku snang ba med pa rnam par spongs la zab mo dang yang dag par gsal ba'i sku ston cig ces pa'o/ /de bzhin du spyan mas rigs kyi bdag po'i sgo nas bskul ba gsungs pa/de nas zhes pa la sogs pa'o/ /rdo rje sku khyed ces pa ni me long lta bu'i ye shes kyi ngo bo nyid du gyur pas na de skad do/ /bka'i 'khor lo zhes pa ni bka' nyid kyi 'khor los 'gro ba rnams kyi rgyud la 'jug par mdzad pas na sems can kun la phan pa'i zhes tshim par mdzad pa'o//sangs rgyas kyi don dang byang chub kyi don dam pa'i ye shes kyi mtshan nyid de/ sangs rgyas pa'i don du byang chub don dam phan par rjes su dgongs par gzigs pa'i ngang tshul gang yin pa ni de skad do/ /mgon po la sogs pa ni kun la gong ma ltar bsgre'o//'dod chags ni mchog tu dga' ba'i bde ba chen po'o/ /de nyid don chen po las mi 'da' bas na dam tshig go/ /de lta bu'i rol pas bdag spyan ma la zhes so/ /dgyes par mdzod ces pa yang kun la gong ma ltar bsgre'o/ /gos dkar mos bskul ba gsungs pa/de nas zhes pa la sogs pa'o/ /khyod ni rdo rje gsung ste zhes pa ni rang gi rigs kyi bdag po'i sgo nas te so sor rtog pa'i ye shes kyi ngo bo nyid du gyur pas na de skad do/ /sems can thams cad la byams pas phan zhing snying rje chen pos thugs brtse ba'i ngang tshul mnga' ba de la de skad ces bya'o//'jig rten dag gi don zhes pa ni bla na med pa yang dag par rdzogs pa'i byang chub bo/ /dgos pa ni 'jig rten pa'i bde ba phun sum tshogs pa'i mtshan nyid do/ /de mdzad pa la rtag tu brtson 'grus chen po dang ldan pas na de skad do//spyod pa dri med ces pa ni thabs dang shes rab kyi spyod pa'o/ /gang nyid gzung dang 'dzin pa dang bral bas na dri med do/ /gang ltar spyad kyang skyon med pas na kun du bzang po'o/ /gzhan gong ma ltar shes par bya'o/ /sgrol mas bskul ba gsungs pa/ de nas zhes pa la sogs pa'o/ /khyod ni rdo rje 'dod pa zhes pa ni rang gi rigs kyi bdag po'i sgo nas bskul ba ste/ rdo rjer gyur cing gnyis su med pa'i ye shes kyi ngo bor gyur pa 'dod pa'i yon tan lnga'i rang bzhin de ni rdo rje 'dod pa zhes bod pa'o/ /dam tshig mchog ces pa ni don yod par grub pa de thams cad kyi mchog tu gyur pas na dam tshig mchog go//phan don zhes pa ni bdag kho na'i don bya'i gzhan la ni go skabs mi sbyin no zhes pa'i ngang tshul 'gro ba thams cad la phan pa rgya chen po mdzad pas na de skad do/ /yang dag rdzogs sangs rgyas kyi gdung //zhes pa ni rigs te de nyid thig ler gyur pas na mchog go/ /mnyam pa nyid ni zab mo dang gsal ba dbyer med pa'o/ /de skad cig gis rtogs pa de la gzigs pa zhes bya'o/ /yon tan rin chen mang po'i gter gyur zhes pa ni stobs bcu la sogs pa'i yon tan rin po che mang po'i 'byung gnas su gyur pa'i phyir ro//gzhan gong ma ltar shes par bya'o/ /da ni zhu ba gnyis pa'i lan la gtogs pa tshig bzhi pas pad+ma'i nang du sprul pa'i dkyil 'khor la bzhugs pa'i sems can rnams snod du rung bar bya ba'i phyir dbang bskur bar gsungs pa/de nas zhes pa la sogs pa'o/ /de nas zhes pa ni bde bar gshegs pa rnams snying la zhugs pa'i de ma thag tu'o/ /'dod chags thams cad ni de bzhin gshegs pa rnams so/ /de nyid byang chub kyi sems su nye bar longs spyod pa ste de nyid dpal lo/ / de'i ting nge 'dzin la rdo rje 'dzin pa'i rnam pas snyoms par zhugs nas zhes so/ /btsun mo de dag la zhes pa ni lha mo dgu'i rang bzhin gyi phyir ro/ /dam tshig gi 'khor lo zhes pa ni rdo rje 'chang ba ste/ dngos po thams cad las mi 'da' ba'i phyir ro/ /nam mkha' dbyings 'di thams cad ces pa ni lha mo'i chos 'byung ba'i nang du chud pa'i khang pa brtsegs ma la sogs pa'i de bzhin gshegs pa thams cad yongs su gyur pa'i tshul gyis dam tshig gi khu bas yongs su gang ba ste dper na bum pa rdo rje'i chus gang ba lta bur gnas par gyur pas de rnams kyi kha'i lam nas snying gi pad+mar zhugs pas dbang bskur bar byas pa'o//de'i de ma thag tu tshig lnga gsungs pa/ de nas zhes pa la sogs pa'o/ /de nas zhes pa ni dbang bskur ba'i de ma thag pa'o/ /gang sems can sku gsum gyi dam tshig las byung ba zhes pa ni snod du rung bar bya ba'i 'gro ba ste/de'i sa bon dang ldan pa'i phyir ro/ /de nyid la gong gi dpal gyis reg pas de thams cad kyang de bzhin gshegs pa dgra bcom pa yang dag par rdzogs pa'i sangs rgyas rdo rje gsum gyi ye shes su gyur to zhes te/ rdzogs pa'i sangs rgyas kyi ngo bor zla ba ltar zhu ba de'i ngo bo gsung gi rdo rje'i sa bon dang thugs kyi mtshan ma la des mtshan pa/sku'i ngo bor khams kun 'dus par byas nas de la ming gi dbang bskur ba'o/ /de gang zhe na de'i dus na zhes pa la sogs pa'o/ /kun du bzang po zhes pa ni sgo gsum nas skyon med pa ste/ kun la khyab pas na zlos pa'i tshig smos pa'o/ /de lta bus dbang bskur bar gyur to zhes so/ /de nas rdo rje 'chang chen pos de rnams la dris shing rtogs pa phul ba gsungs pa de nas zhes pa la sogs pa'o/ /de bzhin gshegs pa de dag thams cad ces pa ni de dang de'i rigs kyi de bzhin gshegs pa la sogs pa ste cho ga bzhis bskyed pa'o//chos mnyam pa nyid ces pa ni sems can thams cad zab mo dang yang dag par gsal ba'i 'khor lor mthong ngam zhes pa'o/ /rdo rje ye shes kyi spyod pa ni dbang bskur ba ste/ 'bras bu dang bcas par mthong ba'o zhes rtogs pa phul ba'o//de'i de ma thag tu tshig drug pas 'di la rtogs pa'i gsum pa gsungs pa de nas zhes pa la sogs pa'o/ /de nas zhes pa ni rtogs pa phul ba'i de ma thag tu'o/ /btsun mo las 'das nas zhes pa ni gsang ba'i b+ha ga las chos kyi 'byung gnas su 'thon pa'o//de nas gong ma ltar ngo mtshar zhing 'dod chags chen po'i che ba bsngags pa'i phyir de dag gis bcom ldan 'das phyag na rdo rje de bzhin gshegs pa la 'di skad ces gsol to zhes so/ /ji ltar gsol zhe na/ gang 'dod chags zhes pa la sogs pa'o//'dod chags ni mchog tu dga' ba'i bde ba chen po ste/ de'i yi ge'i tshig ni mi 'gyur ba'i 'dod chags kyi ye shes dang bar ma'i ye shes dang chags bral gyi ye shes so/ /de la sangs rgyas kyi byang chub rjes su chud pa ni go rims bzhin du longs spyod rdzogs pa dang /chos kyi sku dang sprul pa'i sku'i ngo bo yongs su dag pa de ngo mtshar to zhes pa'o/ /brtags pa dang bral bas don de kho nar nges pas ngo mtshar mi che ba'i rgyu gsungs pa/ de nas zhes pa la sogs pa'o/ /de skad ma gsung cig ces pa ni 'dod chags la sogs pa la 'khrul par rtogs nas bsam pa de dag dgag pa'o//de ci'i slang du zhes zhus pa dang lan gsungs pa/ chos thams cad ces pa la sogs pa'o/ /chos thams cad ni snang ba'o/ /nam mkha' nyid rdo rje ste mi 'da' bas na dam tshig go/ / de nyid de bzhin te/ de'i ngo bo yin pa'i phyir na mtshungs pa'o/ /de bas gzugs kyi phung po ma yin te/ sa la sogs pa ma yin pa'o/ /tshor ba'i phung po ma yin zhing bde ba la sogs pa ma yin pa'o/ /'du shes ni mtshan mar 'dzin pa'i dbye ba'o/ /'du byed ni reg pa la sogs pa'o//rnam par shes pa ni mig la sogs pa'i rnam par shes pa ma yin pa'o/ /khams ni mig la sogs pa'i khams bco brgyad ma yin pa'o/ /skye mched ni mig la sogs pa'i skye mched bcu gnyis ma yin pa'o/ /'du byed kyi phung po la dbye ba 'dod chags ma yin/zhe sdang ma yin/ gti mug ma yin zhes so/ /chos ma yin zhes pa ni dge ba bcu ma yin pa'o/ /chos ma yin pa ni mi dge ba bcu ste de yang ma yin pa'o/ /ci'i phyir zhe na gnyis su med pa'i ye shes la 'khrul pa nyid de rnams su snang ste/ de bas rtogs par bya ba'i ngo bo nyid las tha dad par gyur pa de rnams rnam par dgag pa yin no/ /chos thams cad la dmigs su med pa'i ye shes kyi bdag nyid can gyi dbyer mi phyed pa'o/ /cang mi gsung bar gyur to/ /zhes pa ni the tshom chod nas rang bzhin la blo gzhag pa'o//de'i de ma thag tu spros pa'i bdag nyid gzhan gyi don phun sum tshogs pa gong ma ltar bstan pa'o zhes sbyar ro/ /de ltar zhus pa dang lan ched du brjod pa dang bcas pas rgyud kyi don bstan nas da ni 'khor rnams la yongs su gtad pa gsungs pa/ de nas zhes pa la sogs pa'o//sku dang gsung dang thugs rdo rje 'di zhes pa ni de ston par byed pa'i gzhung ni gsang ba 'dus pa'o/ /bsgo bar gsol zhes pa ni phyogs bcur bsgrag tu gsol zhes pa'o/ /de ci'i slad du zhes zhus pa dang lan gsungs pa/ phyogs bcu na bzhugs pa zhes pa la sogs pa ste go sla'o//de ltar thun mong du gtad nas khyad par du rdo rje chos la gtad pa gsungs pa/ de nas zhes pa la sogs pa'o/ /rigs kyi bu zhes pa ni so sor rtog pa'i ye shes kyi rang bzhin las skyes pa'i phyir ro/ /de bzhin gshegs pa thams cad kyi dam tshig ni 'da' bar mi bya ba'i lung ngo //de zung shig ste bstan pa 'di ni gsung gi rdo rje gtso bo bas na khyod ni de bzhin gshegs pa thams cad kyi lce'i dbang po rnam par dag pas na chos kyi dbang phyug rdo rje zhes bya bar dbang bskur ro zhes pa'o/ / des kyang de bzhin du sgrub pa gsungs pa/ de nas rdo rje chos kyis byang chub sems dpa' de bzhin du bgyi'o zhes gsol nas cang mi smra bar gyur to zhes so/ /da ni bsnyen pa rnams kyi mthar dkyil 'khor bsdu ba'i cho ga gsungs pa/ de nas zhes pa la sogs pa'o//rdo rje sems dpa'i yi ge zhes pa ni de rnams kyi thugs kar mtshan ma la gnas pa'i yi ge gsum la zhes so/ /sems can rnams btsud par gyur to zhes pa ni dkyil 'khor pa de rnams brjod pas rigs kyi bye brag gis nang du gzhug pa'o/ /de'i don ni dgod pa bstan par bya ba'i rnal 'byor pas dus gsum du mchod pa la sogs pa'i sngon du 'gro ba'i yi ge gsum brjod pas rnam par bsdus nas smon lam gdab pa la sogs pa gzhan yang ci rigs par bya ba'o//tha mar yang de'i mtha' la muH bzhag pas ye shes kyi 'khor lo gshegs su gsol ba dang /de brjod pas phyi rol gyi 'khor lo ye shes sems dpa'i 'khor lo la gzhug pa ste khyad par ro/ /de nas shes rab dang bcas pa nyal nas langs pa'i dus na yang lha mo'i dbyangs kyis bskul nas langs par bsam zhing gong ma bzhin du dus bzhir bsgom par bya'o zhes so//de ni rtse gcig pa'i rnal 'byor pa'o/ /bya bas brel ba'i rnal 'byor pa ni tho rangs kyi dus su ting nge 'dzin gsum rdzogs par bsgoms te dus gzhan la de la brten pa'i nga rgyal gyis gnas la yi ge gsum gyis dam tshig gi 'khor lo snying ga'i 'khor lo las spros nas dbang bskur ba blangs te mchod pa la sogs pas mnyes par byas nas mi shigs pa'i thig le 'am gsang ba'i thig le gang rung gcig bsgoms te bzlas brjod byas nas dkyil 'khor bsdus nas/yan lag gzhan gong ma ltar spyad cing tha ma yang gong ma bzhin du shes par bya'o//de ltar rnam pa gnyis kyis brtan par gyur pa'i mtshan ma rnam pa lnga mthong ba de la ni las dang po pa'i rnal 'byor pa zhes bya'o/ /des mtshan ma lan grangs mang du mthong bas sems brtan par shes nas gnyis par gyur pa'i sbyor bas 'bad pas lha'i lus thob par snod rnam pa gnyis la ye shes kyi lha gnyis 'bebs pa'i nus pa thob pa la cung zad ye shes dbang du gyur pa'i rnal 'byor pa zhes bya'o//des thun mtshams bzhir chen po'i mig la sogs pa byin gyis brlab pa dang /sku gsung thugs byin gyis brlab pa dang / dbang bskur ba blangs nas/ mchod pa la sogs pas mnyes par byas nas thig le dang phra mo ma gtogs pa'i cig car ba'i bzlas pa byas nas gong ma ltar 'khor lo bsdus nas yan lag gzhan yang ji ltar rigs par byas pas mthu can gyi stobs rtogs pa'o//des gsung la dmigs pa'i rkyen gyis rlung gi rang bzhin shes nas/ rang dang gzhan gyis dkyil 'khor mthong bar nus pa de la ni ye shes dbang du gyur pa'i rnal 'byor pa zhes bya'o/ /des rdo rje bzlas pa'i yi ge gsum gyi ting nge 'dzin kun du spyod pa can gyi sems las phyi nang dbyer med par rtogs pas/phal cher nyin mtshan du rnal 'byor la gnas pa yin no/ /de mi 'gyur ba'i rtags dang po gnyis dang gnyis pa rtogs pas zhing sbyangs nas lam la gnas par bya ba'o/ /lam gang zhe na/ dbang po gnyis kyis sbyor ba yis/ /dngos po thams cad brtag par bya/ /zhes pa ste/ sems rigs can gyi char dmigs pa las sngon dang phyis kyi yan lag mngon du mdzad pa'i yang dag pa'i ye shes dbang du gyur pa'i rnal 'byor pa zhes bya'o/ /de lnga pa'i ngo bos sku dang gsung dang thugs kyi sprul pa dpag med kyis ji srid yod pa de srid kyi bar du bzhugs nas 'gro ba'i don chen po mdzad pa'o//de lta bu'i rnal 'byor pa de mthong ba'i chos nyid la rgyud kyi don des 'grub par byed pas na de la dad par bya'o/ /ha cang spros pa bzhag la dkyus ma la 'jug par bya ste/de nas zhes pa la sogs pas gong gi rdo rje gsum bsdus pa'i gnas de yang nam mkha' lta bu bas sems can rnams la yang khyab par bstan to/ /rnam par snang mdzad ces pa ni sku la dmigs pa'i dus su rdo rje 'chang chen po la de skad ces bya'o//khams gsum thams cad ces pa ni khams gsum gyi brtan pa dang g.yo ba'i chos ji snyed dus gsum du rtogs pa rnams so/ /sku dang gsung dang thugs rdo rje la gnas shing zhes pa ni/ de rnams kyi sku'i rdo rje'i ngo bo nyid la rang gi sku rdo rje nyid ngo bo nyid don dam pa'am/kun rdzob tu dbyer med par snyoms par zhugs pa'o/ /de nyid kyis na sku dang mi bral ba nyid kyi phyir na sku dang gsung dang thugs kyang gsungs pa yin no/ /de nyid kyis na de bzhin gshegs pa thams cad kyi sku ni sku'i rdo rje'o/ /de'i mnyam pa nyid ni de bzhin nyid de la dmigs pa'o//cang mi gsung bar gyur to zhes pa ni/ de bzhin nyid la ni gang gis brjod pas kyang mi reg pa'i phyir na de skad ces bya'o/ /de kho na bzhin 'og nas 'byung ba'i gsung rdo rje dang / thugs rdo rje la yang sbyar bar bya'o/ /de'i phyir gsungs pa/de nas zhes pa la sogs pa'o/ /de skad du/ e ma kun du bzang po yi/ /sku gsung thugs kyi nges pa yi/ /rdo rje gsum la kun du ni/ /rdo rje gsum ni rnam bzhugs te/ /zhes so/ /de skad ces bka' stsal to zhes pa ni/ rtsa ba'i rgyud mthar thug pa'i sdud pa po'i tshig go//dam tshig ces pa ni 'jig rten dang 'jig rten las 'das pa'i srung ba la sogs pa'o/ /sdom pa ni nyams su blang ba la sogs pa'o/ /de rdo rje lta bus byin gyi rlob par byed pa'o/ /mdzad par byed pas na rgyal po ste/ de ston par byed pa'i gzhung ni le'u bcu bdun pa'o/ /le'u bcu bdun pa'i 'grel pa'o//rgyud kyi rgyal po chen po dpal gsang ba 'dus pa'i rtsa ba'i rgyud kyi 'grel pa chen po rin po che'i ljon shing zhes bya ba slob dpon chen po tsi lu pas mdzad pa rdzogs so// //rgya gar gyi mkhan po ka ma la gup+ta dang / zhu chen gyi lo tsA ba chen po mnga' bdag lha ye shes rgyal mtshan gyis bsgyur cing zhus te gtan la phab pa'o/