CLOSE WINDOW

D1842
བོད་ཡིག

@##/ /rgya gar skad du/ pany+tsa kra ma br-it+tAr+tha bi ro tsa na nA ma/ bod skad du/ rim pa lnga'i 'grel pa'i don gsal bar byed pa zhes bya ba/ rgyan ni bdun dang 'brel gyur pa'i/ /'chad pa spangs te 'phags pa'i gsungs/ /phye bar nus pa ma yin te/ /de phyir de nyid sngon 'gro ba//rgya che zab pas rgyud kyi don/ /mdo sde man ngag gis brgyan pa/ /rim pa'i don ni gsal byed pa/ /'grel pa bdag gis bya ba yin/ /'dir ni bcom ldan 'das shAkya thub pas snyigs ma lnga dang ldan pa'i sems can gyi khams gzigs te/ 'di pha rol tu phyin pa'i theg pas grol bar mi 'gyur ro zhes dgongs nas/de nyid la shin tu myur ba dang / shin tu bde bar rdo rje sems dpa'i go 'phang thob par bya ba'i phyir dga' ldan gyi gnas su rin po che sna bdun gyi gzhal yas khang la bzhugs te/ rang gi thugs ka nas de bzhin gshegs pa lnga spros te de rnams kyis gsol ba btab pas/chags pa dang bral ba'i gzugs spangs te/ shin tu sgeg pa la sogs pa'i nyams dang ldan pa'i sku blangs nas 'dod chags kyis 'dod chags spang bar bya ba'i phyir dpal gsang ba 'dus pa'i rgyud nyi khri lnga stong pa gsungs so//de'i rjes la rtsod pa'i dus 'di la tshe dang brtson 'grus dang / shes rab dman pa'i sems can gyi khams kyis 'di nyid don dang gzhung du gzung bar nus pa ma yin te slar yang de rnams kyis gsol ba btab pas/ le'u bco brgyad kyis tshad ma mdor bsdus pa'i rgyud kyi rgyal po bcom ldan 'das kyis gsungs so//de'i sdud pa po ni 'phags pa dpal phyag na rdo rje ste/ de'i rgyud kyi rim pas mi yul du thob par mdzad do/ /shin tu rtogs par dka' ba'i phyir dang / de bzhin gshegs pa thams cad kyis rgyas btab pa'i bskyed pa'i rim pa dang rdzogs pa'i rim pa rgyud de nyid kyis go bar dka'o zhes thugs la bzhag nas/lang kar gshegs pa'i mdo las bcom ldan 'das nyid kyis lung bstan pa/ thugs rje mchog dang ldan pa'i 'phags pa klu sgrub kyi zhal snga nas kyis bskyed pa'i rim pa mdor byas kyi sgrub thabs las yang dag par bsdus te rdzogs pa'i rim pa 'ba' zhig pa gtso bor gyur pa'i rim pa lnga pa zhes bya ba'i rab tu dbye ba 'di de nyid las bsdus pa'o//bsdus pa 'di yang rnam pa gsum yin te/ tshig gi don dang / ngag gi don dang / mdor bsdus pa'i don gyi dbye bas so/ /de la tshig gi don ni rim pa lnga zhes bya ba ni lnga'i sgra ni grangs rjod par byed pa dang / rim pa'i sgra ni gong nas gong du khyad par gyi de kho na nyid so sor rtogs par byed pa'o/ /ngag gi don zhes bya ba ni rnam pa lnga ste rdo rje bzlas pa'i rim pa dang /sems la dmigs pa'i rim pa dang / bdag byin gyis brlab pa'i rim pa dang / mngon par byang chub pa'i rim pa dang / zung 'jug gi rim pa ste/ de la rdo rje bzhin du mi phyed pa'i rlung gi 'khor lo tsam gyis bsgrub par bya ba'i bzlas pa ni yid kyis spros pa rdo rje bzlas pa ste/rdo rje bzlas pa'i rim pa'i ngag gi don to/ /sems ni rnam par shes pa gsum ste de nyid rnam par dag pa ni brgya drug cu'i rang bzhin 'gog pas rang rig tsam thob pa ste sems la dmigs pa'i ngag gi don to/ /de bzhin du bdag ni dngos po thams cad kyi rang bzhin gyi 'od gsal ba las byin gyis brlab pa ni sgyu ma'i bdag nyid kyi gang du 'dzin pa de ni bdag la byin gyis brlab pa ste/bdag la byin gyis brlab pa'i rim pa'i ngag gi don to/ /yang na bdag ni rdo rje 'chang la sogs pa'i sku ste de nyid byin gyis brlab pa ni sgyu ma la sogs pa'i dpe dang sbyar ba ste/bdag la byin gyis brlab pa'i rim pa'i ngag gi don to/ /mngon du ni mngon sum gyis chos mthong ba la byang chub ni sangs rgyas nyid gang las thob par 'gyur ba de ni mngon par byang chub pa'i rim pa ste de nyid kyi ngag gi don to/ /zung ni kun rdzob dang don dam pa'i bden pa gnyis kyi bdag nyid/'jug pa ni ro gcig par gyur pa gang las thob pa de ni zung 'jug gi rim pa ste de nyid kyi ngag gi don to/ /'o na ngag ces bya ba gang zhe na smras pa/ ti ngan ta gcig gi tshig tshogs ngag go zhes bya ba'i tshig gi bya ba dang byed pa po dang 'brel pa'i tshig gi tshogs ni ngag yin no//mdor bsdus pa'i don zhes bya ba ni mang ba dang nyung ba'i grangs sel ba'i mtshan nyid can yin no/ /dper na ci'i don du 'di rim pa lnga zhes bya ba'i nges pa ste de rnam bzhi 'am/ drug ji ltar bstan pa yin no zhes log par rtog pa dang ldan pa la brten te bshad par bya ste/'dir ni dang po'i sbyor ba la sogs pa'i ting nge 'dzin gsum gtso bor gyur pa'i bskyed pa'i rim pas rigs brgya'i dbye ba bsgom pa'i bar du lus rnam par dben pa bcom ldan 'das kyis gsungs pa dang / rdo rje bzlas pa'i rim pas ngag rnam par dben pa dang /sems la dmigs pa'i rim pas yid rnam par dben pa dang / bdag la byin gyis brlab pa'i rim pas kun rdzob kyi bden pa rnam par dben pa dang / mngon par byang chub pa'i rim pas don dam pa'i bden pa rnam par dben pa dang / zung 'jug gi rim pas gnyis ro gcig par gyur pa'i de kho na nyid thob pa ste/de ni rdo rje 'chang chen po'i sa'o/ /ji skad du/ gang gi sangs rgyas kun gyi rten/ /sa ni de nyid bcu gsum pa/ /de nyid btsun mo zhes grags te/ /de yi rang bzhin b+ha gar bshad/ /ces bya ba 'dus pa'i bshad pa'i rgyud dgongs pa lung bstan pa las gsungs pa'i phyir ro//de nyid kyi phyir 'di las gong du mi slob pa'i phyir rim pa drug pa yod pa ma yin te/ 'di tsam gyis 'dod pa'i don 'grub pa ste rim pa bzhi ma yin no zhes nyung ba'i grangs kyang sel ba yin no/ /'di ni mdor bsdus pa'i don bshad pa yin te/rim pa lnga kho nar mdor bsdus pa'i phyir ro/ /ji skad du/ sngags dang sems dang lus dang ni/ /rnam dag dang ni zung 'jug las/ /rim pa lnga yi bsdus pa'i don/ /shes nas mtha' drug la 'jug go/ /zhes 'byung ba'i phyir ro/ /rim pa 'di rnams la sa'i rim pa ji ltar gzhag par bya/des ci bya zhe na theg pa chen po'i tshul med pas dam pa'i chos ltar snang bar 'gyur ro/ /de bskyed pa'i rim pa la pha rol tu phyin pas sa brgyad pa thob pa dang / sems la dmigs pa'i rim pas sa bcu thob pa dang / zung 'jug gi rim pas rdo rje 'chang chen po'i sa thob bo//ji skad du/ dang po'i las kyi sbyor ba yis/ /sa brgyad pa ni thob par 'gyur/ /snang ba gsum po thob pa dag /sa bcu pa la rab tu gnas/ /zung 'jug ting 'dzin la gnas pa/ /slar ni gang la'ang mi slob bo//'di ni rdzogs pa'i rnal 'byor grags/ /rdo rje 'chang chen de nyid yin/ /rnam pa thams cad mchog ldan pa'i/ /thams cad mkhyen pa de las 'byung / /zhes bya ba gsungs pa'i phyir ro/ /'dis ni ji ltar bshad par 'gyur te/ rdo rje bzlas pa'i rim pas sa dgu pa thob pa dang /bdag la byin gyis brlab pa'i rim pa la sems la dmigs pa'i rim pa rgyu yin pa'i phyir des sa bcu pa kho na thob pa yin no/ /gal te de dag la rnam pa dang bcas pa dang rnam pa med pas byas pa'i dbye ba yod kyang sa'i byas pa'i dbye ba yod pa ma yin no//mngon par byang chub pa'i rim pas sangs rgyas kyi sa kun du 'od bcu gcig pa thob pa'o/ /so so'i skye bo'i sa la ltos na de nyid bcu gnyis pa yin te sa'i dbye ba bstan to/ /'o na rim pa 'di rnams las rim pa re re la thabs du zhe na smras pa/ rdo rje bzlas pa'i rim pa la ni thabs gnyis te/ rlung gi de kho na nyid dang / sngags kyi de kho na nyid do/ /de la rlung gi de kho na nyid ni srog dang rtsol ba bde ba chen po'i dbang gis thig le'i gzugs su gyur te/ de nyid gsang bar dang snying ga dang / kun rdzob kyi sna'i rtse mor 'dzin pas rnam pa gsum du 'gyur te/byang chub sems dang sngags dang / 'od zer gyi rang bzhin gyi phyir dang / 'dod chags dang zhe sdang dang gti mug gi rigs kyi rnal 'byor pa rjes su gzung ba'i phyir ro/ /de la rtsa bdun khri nyis stong gi nang gi khang stong las 'dod chags kyi mes bzhus pa'i byang chub kyi sems kyi thig le gsang ba'i gnas la'o//yi ge gsum cha shas kyi dbye bas yongs su gyur te sngags kyi thig le snying ga la'o/ /dkyil 'khor bzhir shar bas g.yas la sogs pa nas 'byung ba'i 'od zer gyi thig les kun rdzob kyi sna la bsgom par bya'o//smin ma'i dbus dang lte ba'i dbus su gsang ba'i thig les gyen du 'gro ba'i rim pas bkug la bsgom par bya ste/ rin chen dang don yod grub pa'i sgrub pa po rjes su gzung bar bya ba'i phyir ro zhes in+d+ra b+hU ti'i zhal snga nas gsungs pa/ de la dgongs pa ni sems dbang du gyur pa ste rdul phra rab dang /shin tu rgya che ba bsgom pa ni sems dbang du 'gyur ro zhes 'byung ba'i phyir ro/ /sngags kyi de kho na nyid ni gang 'di rnams snying po la sogs pa'i sngags kyi tshogs bcom ldan 'das kyis gsungs pa de rnams A li dang kA li kho na las 'byung ste/ bcom ldan 'das ma yi ge'i ma mo yi ge bzhi bcu rtsa bzhi'i bdag nyid ma lus pa'i ngag gi spros pa'i rgyu yin no zhes thams cad kyi spyi'i grub pa'i mtha'o//bcom ldan ma de yang dang po'i yi ge brgyad la 'dus par 'gyur te gtso bo yin pa'i phyir ro/ /a ka tsa Ta ta pa ya sha yi ge brgyad po de rnams kyang yi ge bzhi a ka ya sha la bsdu ba dang /bzhi po de rnams kyang yi ge gsum la bsdu ba dang / yi ge gsum po yang a la bsdu ba dang / a yig de yang 'od gsal ba la bsdu ba ste bsdu ba'i rim pas sngags kyi de kho na nyid bstan to/ /spro ba'i rim pas kyang de nyid bstan par bya ste/'dir ni lte ba'i phyogs 'od gsal ba'i gnas la mar me 'bar ba'i 'od zer dang 'dra ba'i yi ge'i rgyal po rang bzhin gyis gnas pa ste/ des bskul ba'i srog gi rlung gyen du 'gro ba'i rim pas mgrin pa la sogs pa'i gnas reg nas A li dang kA li skyed par byed de/de dag gis kyang tshig dang / tshig rnams kyis kyang ngag dang ngag rnams kyis kyang ngag chen po la sogs pa skyed par byed pa'i rim pas tshig dang / byed pa po dang / byed pa dang / de la phan pa dang / bsdu ba dang / bdag gi tshig dang /gzhan gyi tshig dang / skyes pa dang / dus dang / rang bzhin dang / rkyen la sogs pa dang / rol mo dang / tshig lhug pa dang / tshigs su bcad pa dang / rab tu byed pa dang / skad drug la sogs pa skyed par byed pa ste/ ji srid chos kyi phung po brgyad khri bzhi stong de nyid las 'byung ngo //sngags kyi de kho na nyid de yang rnam pa bzhir 'gyur te sngags kyi don dang / sngags kyi brda dang / sngags btu ba dang / sngags kyi de kho na nyid do/ /de la sngags kyi don ni phyag 'tshal ba la sogs pa rnam par snang mdzad la sogs pa'i don yin no/ / sngags kyi brda ni sbrul dang / mgo bo med pa dang / mtha' med pa dang / gnyis ka med pa'o/ /brda ni ming yin te/ de nyid tha snyad kyi don du 'dogs pa ste dper na bum pa lta bu'o/ /de nyid kyang spel ba dang ma spel ba dang thog ma dang tha ma dang bar mar spel ba la sogs pa dang / snying po dang / nye ba'i snying po dang / snying po bskul ba dang / rtsa ba'i sngags dang / phreng ba'i sngags dang / gzungs sngags dang / rig sngags dang / sa bon gyi yi ge dang / rang gi chos kyi yi ge dang / go bzlog pa dang go ma bzlog pa la sogs pa'i dbye bas rnam pa sna tshogs pa'i sngags btu ba ste/las kyi tshogs de dang de bsgrub pa'i phyir rgyud kyi rgyal po de dang de rnams su bcom ldan 'das kyis bka' stsal pa yin no/ /sngags btu ba ni A li dang kA li kho na las sngags rnams btu ba yin te/ de yang dang po gcig pa dang dgu dbus na zhes bya ba la sogs pa 'og nas bshad par bya'o//sngags kyi de kho na nyid ni de bzhin nyid de 'od gsal ba kho na'o/ /gang phyir sngags ni de'i srog dang ldan par gyur pas rang rang gi las la nus pa dang ldan pa ste/ gzhan du na de rnams srog med pas rtsa bzhin du rang gi las la nus pa med par 'gyur ro//ji skad du/ de phyir yi ge'i rang bzhin ni/ /sngags rnams 'dod pa ma yin te/ /de rnams rtsa rnams g.yo tsam la/ /nus pa ldan pa ma yin no/ /zhes 'byung ba'i phyir te/ sngags kyi de kho na nyid bstan to// //sems la dmigs pa'i rim pa la thabs gnyis te/sngags kyi rim pa dang phyag rgya'i rim pa'o/ /de la sngags kyi rim pa ni lte bar rtsibs brgyad pa'i chos kyi dbyings kyi 'khor lo la dbyangs kyi dang po thig le dang bcas par rang bzhin gyis grub par dmigs te/ de las me stag dang 'dra ba'i phyag 'tshal ba la sogs pa'i yi ge gsum po rnam par spros te/de rnams spyi bo la sogs pa la mos nas zla ba'i snang ba dang 'dra ba'i rjes su 'byung ba'i dbyangs kyi 'od zer gyis gyen du 'gro bas phyag 'tshal ba bkug ste de nyid la 'jug par byas na/ de'i tshe zla ba'i snang ba dang 'dra ba'i ye shes 'char bar 'gyur te rang bzhin sum cu rtsa gsum dang ldan pa'i 'jug pa'i rnam par shes pa zad par 'gyur ro//de'i rjes la de nyid du kha dog dmar po tsheg drag dmigs te/ de las byung ba'i 'od zer gyi lcags kyus ngag gi dbang phyug gi sa bon bkug la de nyid du 'jug ste nyi ma dang 'dra ba'i snang ba mched pa'i ye shes 'char bar 'gyur te/rang bzhin bzhi bcu dang ldan pa'i nyon mongs pa can gyi yid kyi rnam par shes pa zad par 'gyur ro/ /de nas rjes su 'byung ba'i dbyangs dang tsheg drag dang bral ba'i rtag pa'i chos kyi dbyings kyi 'khor lo tsam las mtshams kyi snang ba dang 'dra ba'i 'od zer rnam par spros la/des sprin gyi sgra 'gugs te de nyid du 'jug la de'i snang ba dang 'dra ba'i snang ba nye bar thob pa'i ye shes 'char bar 'gyur te rang bzhin bdun dang ldan pa'i kun gzhi rnam par shes pa zad par 'gyur ro/ /de nas chos kyi dbyings kyi 'khor lo yang 'od gsal ba la thim ste/'ba' zhig pa dri ma med pa nam mkha' dang mtshungs pa'i de kho na nyid 'char bar 'gyur te sngags kyi rim pa'o/ /ji skad du/ brtan par bya ba'i rgyur gyur pa/ /dang po yi ge'i thig le bcas/ /zla ba'i 'od zer ltar snang zhing / /snang ba'i ye shes ltar snang 'byung //thig le gnyis kyis brgyan pa yi/ /cha ru de nyid shes par bya/ /nyi ma'i 'od dang 'dra ba yi/ /snang ba mched pa'i sbyor las 'byung / /sa bon thig ler ldan min la/ /rlung gi sgo nas 'byung ba min/ /gang zhig snang ba thob pa ni/ /yongs su rdzogs pa'i mtshan nyid do/ / zhes bya ba 'og nas gsungs pa'i phyir dang de bzhin du/ stong pa shin tu stong pa dang / /stong pa chen po gsum pa dang / /thams cad stong pa bzhi pa ste/ /rgyu dang 'bras bu'i dbye bas so/ /zhes bya ba gsungs pa'i phyir ro/ /phyag rgya'i rim pa ni thabs dang shes rab gnyis su su med pa'i sbyor ba'i dus su tshangs pa'i bu ga las byang chub kyi sems 'dzags na snang ba'i ye shes 'char bar 'gyur te/snga ma bzhin du 'khor dang bcas pa'i 'jug pa'i rnam par shes pa 'gags par 'gyur ro/ /yan lag thams cad kyi tshigs khyab pa'i dus su snang ba mched pa'i ye shes 'char bar 'gyur te/'khor dang bcas pa'i nyon mongs pa can gyi yid kyi rnam par shes pa 'gags par 'gyur ro/ /rdo rje rtse mo las thig le gcig spros pas snang ba nye bar thob pa'i ye shes 'char bar 'gyur ro/ /'khor dang bcas pa'i kun gzhi rnam par shes pa 'gags par 'gyur ro//rdo rje rtse mo de nyid du brtan par gyur pas chu skyes gang bar ma gyur te/ 'od gsal ba'i ye shes shar bar gyur na ye shes gsum 'gags pa yin te phyag rgya'i rim pa'o/ /ji skad du/ sgyu ma dag ni thams cad las/ /bud med sgyu ma khyad par 'phags/ / ye shes gsum gyi dbye ba ni/ /gsal bar 'di las mtshon par 'gyur/ /zhes bya ba 'og nas gsungs pa'i phyir ro/ /bdag la byin gyis rlob pa'i rim pa la thabs gnyis te/ cig car gyi rim pa dang snang ba nye bar thob pa la sogs pa'i rim pa'o/ /de la cig car gyi rim pa ni sems can gyi don mdzad pa'i phyir chu las nya bzhin du 'od gsal ba las cig car ldang ste/sgyu ma dang mtshungs pa'i rdo rje 'chang chen po'i skus gdul bya rnams la chos bstan pa'i bdag nyid can no/ /gnyis pa ni dang po nam mkha' dang 'dra ba'i 'od gsal ba'i ye shes mthong nas/de'i rjes la mtshams dang 'dra ba'i snang ba la dmigs nas de nas kyang nyi ma dang 'dra ba dang zla ba dang 'dra ba'i snang ba mthong la/ thams cad gcig tu gyur pas rdo rje 'chang chen po la sogs pa'i gzugs la dmigs pa gang yin pa de ni snang ba nye bar thob pa la sogs pa'i rim pa ste sgyu ma la sogs pa'i dpe dang sbyar ba dang po bzhin du 'di la yang rtogs par bya'o//mngon par byang chub pa'i rim pa la thabs gnyis te/ phyag rgya'i rim pa dang ting nge 'dzin gyi rim pa'o/ /phyag rgya'i rim pa la ni rnam pa gnyis te/ phyi'i mngon par byang chub pa'i rim pa dang nang gi mngon par byang chub pa'i rim pa'o//ting nge 'dzin gyi rim pa la yang rnam pa gnyis te ril por 'dzin pa'i ting nge 'dzin gyi rim pa dang / rjes su gzhig pa'i ting nge 'dzin gyi rim pa'o/ /de la phyi'i mngon par byang chub pa ni dam tshig gi phyag rgya'i sgo nas so//nang gi mngon par byang chub pa ni ye shes kyi phyag rgya'i sgo nas so/ /yang na mtshan mo ni snang ba'i ye shes dang / nyin mo snang ba mched pa'i ye shes dang / phyi dro'i mtshams snang ba nye bar thob pa'i ye shes dang / snga dro'i mtshams 'od gsal ba'i ye shes so/ /yang na phyi'i mngon par byang chub pa ni mtshan ma lnga nye bar mtshon pa'i mtshan nyid can no//de rnams ni smig rgyu dang / du ba dang / srin bu me khyer dang / mar me dang / sprin med pa'i nam mkha' dang 'dra ba ste mngon sum gyis rtogs par 'gyur ba'o/ /ril por 'dzin pa ni lte ba'i dbus na gnas pa'i yi ge dang po'i 'od zer gyis ji srid mgo bo'i bar du khyab cing de las kyang snying ga dang /de las kyang rkang pa'i bar dang / de las kyang slar rim pa de nyid kyis rnam par spros te rang gi lus po mi snang bar byas te dang po'o/ /gnyis pa ni rim pa de nyid kyis khams gsum pa mi snang bar byas la phyi nas bdag nyid kyang mi snang bar byas pa'o//'dir ni 'dod chags kyi rigs la brten te phyag rgya'i rim pa dang / zhe sdang gi rigs la ting nge 'dzin gyi rim pa bcom ldan 'das rdo rje 'chang chen pos gsungs te dgongs pa'o/ /'dod chags dang zhe sdang 'dres pa'i rigs la re mos thabs gnyis po gsungs so//de'i bar gyis rim pa bzhi po'i thabs rnams bstan to/ /de la dang po thabs las byung ba'i rdo rje bzlas pa la slob pa ste/ de la rnam pa bcu gcig ste/ rdo rje 'chang chen po dang / sku gsung thugs dang / rin chen dang don yod grub pa dang 'dod chags dang zhe sdang dang gti mug dang khro bo dang ma ning gi bzlas pa'o//de rnams kyang / don rtogs pa yi bzlas pa yis/ /zhes bya ba la sogs pa 'og nas bshad par bya'o/ /sems la dmigs pa'i rim pa thabs las byung ba ni mi g.yo ba'i ting nge 'dzin spang ba'i mtshan nyid can gyi sems kyi 'od gsal ba'o//de yang / 'od gsal go 'phang thob nas su/ /zhes bya ba la sogs pa 'og nas bshad par bya'o/ /bdag la byin gyis brlab pa'i rim pa'i thabs las byung ba rnam pa gsum ste chos dang longs spyod rdzogs pa dang sprul pa'i sku'i bdag la byin gyis brlab pa'i dbye bas so//de yang / 'dir ni mang du bshad mi dgongs/ /zhes bya ba la sogs pa 'og nas bshad par bya'o/ /mngon par byang chub pa'i rim pa'i thabs las byung ba ni 'dod chags dang 'dod chags bral ba dang /'dod chags bar ma yongs su spang ba'i rang bzhin gyis 'od gsal ba'o/ /de yang mtshan mo snang ba'i cha ste gsal ba nyi ma'i 'od zer 'gyed pa snang ba mched pa yin zhes bya ba la sogs pa 'og nas bshad par bya'o/ /zung 'jug gi rim pa la ni dbye ba gnyis te rgyu'i zung 'jug gi rim pa dang /'bras bu'i zung 'jug gi rim pa'o/ /de la rgyu'i zung 'jug gi rim pa ni rnam pa bzhi ste/ nyan thos dang / rnal 'byor spyod pa dang / dbu ma pa dang / sngags kyi theg pa'i dbye bas so/ /rgyu'i phyogs de la ni lhag ma dang bcas pa dang /lhag ma med pa'i mya ngan las 'das pa gnyis dang rnam pa dang bcas pa dang / rnam pa med pa gnyis dang / kun rdzob dang / don dam pa gnyis dang / bskyed pa dang rdzogs pa'i rim pa gnyis la sogs pa'i dbye bas so/ /'bras bu'i zung 'jug gi rim pa yang rnam pa bzhi ste/rigs dang yon tan dang bya ba dang rdzas kyi dbye bas so/ /'bras bu'i phyogs su yang bram ze dang / sme sha can gnyis dang / dri bzangs dri ngan gnyis dang / ma dang chung ma gnyis la 'gro ba dang / ga pur dang bshang ba gnyis la spyod pa'i dbye bas so//de yang gang du lhag ma dang bcas pa zhes bya ba la sogs pa dang de bzhin du/ ji ltar Dom pa bram ze dang / /zhes bya ba la sogs pa 'og nas bshad par bya'o/ /'o na rdo rje bzlas pa la sogs pa'i rim pa bzhi po ni thabs te 'bras bu ni zung 'jug gi rim pa yin pas de la yang rgyu'i dbye ba yin par bshad ce na smras pa/de ni 'bras bur gyur pa yin na pha rol pa rnams kyi 'dod pa'i lta ba rnams tha mi dad par gzhag par bya ba'i phyir yon tan gyi sgo nas rgyu nyid bshad pa yin te gtso bo'i sgo nas ni ma yin no/ /'di la gtso bo ni 'od gsal ba las ldang ba 'bras bu nyid kho na yin no//'o na sdang ba dang mnyam par gzhag pa phan tshun 'gal ba'i phyir zung 'jug gi rim pas sangs rgyas kyi sa thob par mi 'gyur ro zhe na smras pa/ sangs rgyas bcom ldan 'das rnams ni gtan du mnyam par gzhag pa ste phrin las gang dang gang mdzad pa de dang de ting nge 'dzin la bzhugs pa de rnams la g.yeng ba'i rgyur mi 'gyur ro//gang gi phyir sangs rgyas rnams kyi bzhugs pa ni rnam pa bzhi ste spyod lam gyis bzhugs pa dang / bstan pa'i bzhugs pa dang / snyoms par zhugs pa'i bzhugs pa dang / nang du yang dag 'jog pa'i bzhugs pa'o//bzhugs pa ni mnyam par gzhag pa'i spyod pa ste/ de la gang zhig sangs rgyas rnams kyi sku'i spyod pa mnyam par gzhag pa de ni spyod lam gyis bzhugs pa'o/ /gang zhig de rnams kyis chos bstan pa la sogs pa'i gsung gi phrin las de ni bstan pa'i bzhugs pa'o//gang zhig de rnams kyis ting nge 'dzin la snyoms par 'jug pa thugs kyi phrin las de ni snyoms par 'jug pa'i bzhugs pa'o/ /gang zhig de rnams kyi lha la sogs pa'i gam du 'ongs pa la thugs kyi phrin las de ni nang du yang dag 'jog gis bzhugs pa'o//de bas na sdang ba dang mnyam par gzhag pa dag la bcom ldan 'das rnams ni 'dra ba yin te/ gang zhig de rnams kyis sems can gyi don du sna tshogs pa'i spros pa dang bcas pa'i phrin las mdzad pa de'i sa de rnams cung zad kyang g.yeng bar mi 'gyur te/ dper na sprin dang kha ba la sogs pa rnams kyis nam mkha'i khams la gnod pa med pa lta bu'o/ /sngon gyi smon lam gyi stobs kyis sems can gyi don mdzad kyang rang bzhin gyis nyams par mi 'gyur ro/ /de rnams la rdza mkhan gyi 'khor lo 'khor ba bzhin du mdzad pa thams cad 'byung ba yin no//ji skad du/ gang zhig ma lus skyon rgyu brtag pa'i lta ba bud shing sreg par mdzad/ /rang dang gzhan gyi dbye ba'i yul ni rtsa med skyon rnams skyon med la/ /skyon med thugs rje'i rig pas sgyu ma'i skyes bu las la blo ldan pa/ / sngon gyi smon lam dbang gis 'khor lo bskor ba bzhin du las la 'jug /ces 'byung ba'i phyir ro/ /ting nge 'dzin la 'jug pa tsam dang de'i gnas pa tsam gyis sems can rnams kyi 'dod pa'i don grub pa yin te nges pa kho na yin no/ /ji skad du/ skyes bu gnas pa tsam gyis ni//de nyid yid bzhin nor bu ltar/ /rtsig pa sogs la brten pa rnams/ /ci 'dod pa ni 'byung ba yin/ /zhes bya ba 'byung ba dang de bzhin du/ mnyam par gzhag dang ma bzhag pa/ /gang du de dag dmigs mi 'gyur/ /rnal 'byor go 'phang mi zad pa/ /de ni zung 'jug gyur pa yin//zhes bya ba 'og nas gsungs pa'i phyir ro/ /da ni 'dir rnam par dpyad par bya ste/ rim pa lnga po 'di rnams rnal 'byor pa gcig gis sgom pa yin nam yang na rnal 'byor pa lngas te/ gal te gcig gis sgom na de'i tshe rdo rje bzlas pa'i mtha' ru des 'bras bu thob par 'gyur te rim pa gnyis pa la sogs pa rnams ni don med pa yin te/ma ning gi bzlas pa ni 'od gsal ba nyid yin pa'i phyir ro/ /gal te gang zag lngas sgom na de'i tshe 'od gsal ba tha dad par 'gyur te de yang 'dod pa yin te gnyis su med pa'i phyir ro/ /thabs kyi dbye ba ni de kho na nyid kyi dbye ba sgrub par byed pa ma yin te/bya ba la sogs pa'i rgyud bstan pa yin zhe na de yang yang dag pa ma yin te/ bya ba la sogs pa'i rgyud rnams la ni de kho na nyid gtso bo nyid du bstan pa ma yin pa'i phyir ro/ /gal te de rnams gtso bo nyid du de kho na nyid dang ldan par gyur na de tshe gong nas gong du rgyud bstan pa rigs pa ma yin no//bya ba la sogs pa'i rgyud kyis bstan pa 'di ni las dang po pa 'jug pa'i phyir te/ de ni drang ba'i don du bshad pa ste nges pa'i don du ni ma yin no zhes dgongs pa'o/ /de bas na 'dir ji ltar gnas par bya'o smras pa/'dir ni rim pa lnga po gang zag gcig gi spyod yul yin te lnga po ni ma yin no/ /byang chub yang gcig yin te thabs du ma yod kyang de tha dad par mi rigs te char pa lta bu'o/ /dper na dbyar gyi dus su sprin gyi tshogs kyis bkag pa'i nam mkha'i dkyil nas char 'bab pa yang yin pa de ni gcig yin na yang bu ram gyi shing la bab na mngar bar 'gyur ba dang /de nyid tig ta la sogs pa la bab na kha bar 'gyur ba dang / sbrul gyis 'thungs na dug nyid du 'gyur ba ste de ltar 'od gsal ba gcig pu yin kyang bya ba'i rgyud la gnas pa rnams kyis lha'i rnam pa tsam du gzung ba dang /spyod pa'i rgyud la gnas pa rnams kyis sna tshogs pa'i spros pa'i spyod pa'i sgo nas gzung ba dang / rnal 'byor gyi rgyud la gnas pa rnams kyis sngags dang phyag rgya dang ting nge 'dzin gyi dbye bas gzung ba'o/ /rnal 'byor chen po'i rgyud la gnas pa rnams kyis bskyed pa'i rim pa dang rdzogs pa'i rim pa'i dbye bas de kho na nyid gzung bar 'gyur te/de la yang kha cig gis ting nge 'dzin gsum gyi dbye ba dang / kha cig gis lus rnam par dben pa dang / kha cig gis ngag rnam par dben pa dang / kha cig gis yid rnam par dben pa dang / kha cig gis kun rdzob kyi bden pa rnam par dben pa dang /kha cig gis don dam pa'i bden pa rnam par dben pa dang / kha cig gis mi gnas pa'i mya ngan las 'das pa la rag lus pa'i sgo nas dang / kha cig gis so sor sdud pa la sogs pa'i yan lag drug gi rnal 'byor gyi sgo nas dang / kha cig gis phra mo'i rnal 'byor dang thig le bsgom pa'i sgo nas de kho na nyid du gzung bar 'gyur te spros pa'o/ /ji skad du/ chos ni 'di rnams sgra nyid brjod pas lung du bstan/ /chos dang sgra dag 'dir ni gang yang mtshon mi bya/ /tshul ni gcig gyur yang dag de la zhugs nas su//bla med bzod spyod de la reg par gyis/ /zhes bya ba la sogs pa 'byung ba'i phyir ro/ /de'i phyir na 'dir grub pa'i mtha' 'di nyid yin te las dang po pa'i gnas skabs la gnas pa'i rnal 'byor pa dpal gsang ba 'dus pa'i cho ga'i dkyil 'khor 'dri ba'i rdo rje slob dpon gyis thugs rdo rje la sogs pa'i dkyil 'khor rnams las gang yang rung ba'i dkyil 'khor la rab tu zhugs te/de nyid la dam tshig dang sdom pa gsol ba sngon du 'gro ba'i rim pa dang / phyir mi ldog pa dang gsang ba dang shes rab ye shes kyi dbang rnams kyis dbang bskur la/rang 'dod pa'i lha'i bsgom pa sbyin par bya'o/ /de nas slob ma des skye bo med pa'i sar phyin la dang po lus rnam par dben pa'i phyir ting nge 'dzin gsum gtso bor gyur pa'i bskyed pa'i rim pa rnam par bsgoms la slar yang de la mthar thug pas mtshan ma bltas te/ ngag rnam par dag par bya ba'i phyir rdo rje bzlas pa'i rim pa bsgoms la/de nas sems rnam par dben pa'i phyir sems la dmigs pa'i rim pa la bsgoms nas bdag la byin gyis brlab pa'i rim pas sgyu ma lta bu'i ting nge 'dzin la gnas so/ /'dod chags dang / 'dod chags dang bral ba dang /'dod chags bar ma'i rim pas mngon par byang chub pa la zhugs te/ zung 'jug gi rim pas mi gnas pa'i mya ngan las 'das pa mngon du byas te/ sangs rgyas shing sems can ma lus pa'i don mdzad pa'i phyir sangs rgyas kyi zhing nas sangs rgyas kyi zhing du gshegs par 'gyur te/sgom pa po gang zag lnga ma yin te gcig kho na yin no/ /dper na dpal gsang ba 'dus pa'i le'u bdun pa las gsungs pa'i de kho na nyid sgom par byed pa'i gang zag gcig lta bu'o/ /gang gi phyir der le'u re re la ni sgom pa po tha dad pa ma yin te/le'u bcu bdun las bstan pa'i rim pa gnyis sgom par byed pa'i gang zag gcig pu kho na yin pa'i phyir ro/ /gang zhig rdo rje bzlas pa la sogs pa rnams la bar bar du 'od gsal ba bstan pa de yang de nyid la khyab par byed pa nyid bstan pa'i phyir te/ de tsam gyis rim pa gzhan med par mi 'gyur bas rim pa mtha' ma kho na las bya ba rdzogs pa'i phyir ro/ /de yang spyod pa bsdus pa'i sgron ma las 'phags pa lha'i zhal snga nas kyis mda' la goms pa'i dpe'i sgo nas rab tu bstan pa ste de nyid las shes par bya'o/ /da ni 'di rnams bshad par bya ste/'dir gang zag tu dbang dang ldan pa yin nam zhe na smras pa/ chos la rjes su 'brang ba rin po che lta bu'i gang zag rnams so/ /gang gi phyir gang zag ni rnam pa gnyis te dad pa la rjes su 'brang ba dang chos la rjes su 'brang ba'o/ /de la dad pa la rjes su 'brang ba la ni bzhi ste tsan+dan lta bu la sogs pa'o//de la tsan+dan ni dbang po dman pa dang / ut+pa la ni dbang po 'bring dang / pad+ma dkar po ni dbang po rab dang / pad+ma ni de bzhin no/ /chos la rjes su 'brang ba ni rin po che lta bu'i gang zag gcig kho na yin no/ /de rnams kyi mtshan nyid ni sgron gsal las gsungs te de nyid las shes par bya'o//de la rin po che bzhin du sems can kun la 'dod pa thams cad rdzogs par byed pa ni rin po che lta bu'i gang zag go/ /yang na tshul khrims la sogs pa'i yon tan kho na rin thang med pa'i phyir rin po che ste de rnams gang la yod pa de la de skad ces bya'o//ji skad du/ tshul khrims ldan zhing drin med stsol/ /shes rab dang ldan tshar gcig pa/ /thos nas yang dag rab bstan pa/ /rin chen gang zag rab tu grags/ /zhes 'byung ngo / /de'i phyir dad pa la rjes su 'brang ba rnams ni bskyed pa'i rim pa bshad pa'i snod yin no//chos la rjes su 'brang ba rnams ni rdzogs pa'i rim pa'i snod du gyur pa yin no/ /da ni nyan pa po rnams 'jug par bya ba'i phyir brjod pa la sogs pa lnga po bshad par bya ste/ de med na de rnams 'jug par mi 'gyur bas rab tu byed pa rtsom pa don med par 'gyur ba'i phyir ro//de la rim pa lnga pa zhes bya ba ni rab tu byed pa'i brjod pa'o/ /bsgrub bya nyid du mngon par 'dod pa'i rdo rje bzlas pa la sogs pa ni brjod par bya'o/ /de dag la thabs dang thabs las byung ba'i mtshan nyid can gyi 'brel pa'o/ / dgos pa ni ngag rnam par dben pa nas mi gnas pa'i mya ngan las 'das pa'i go 'phang thob pa'o/ /de'i yang dgos pa ni 'gro ba thams cad de'i rang bzhin du bya ba ste rim pa lnga pa'i mdor bsdus pa'i don to// //de la re zhig dang por rab tu byed pa mdzad pa'i slob dpon gyis 'dod pa'i lha la bgegs bskrad pa'i phyir phyag 'tshal ba rtsom pa yin te/gang phyir phyag 'tshal ba ni bcom ldan 'das rdo rje 'chang chen po'i rang bzhin rjes su dran pa'i mtshan nyid de/ phyir ldog pa dang / phyir mi ldog pa'i dbye bas dbang po dang stobs kyis yang dag par bsdus pa'i sems las byung ba'i dge ba'i chos yin no//bgegs rnams ni mi dge ba bcu'i sa yang dag par bsdus te rnam par 'tshe ba la sogs pa yin no/ /dge ba dang mi dge ba 'di dag la ni lhan cig mi gnas pa'i mtshan nyid kyis 'gal ba'i phyir 'gal ba yod pa ste/dge ba'i phyogs phul du gyur na mi dge ba'i phyogs kyi rang bzhin gyis bgegs rnams rang bzhin du zhi bar 'gyur te 'gal ba dmigs pa'i gtan tshigs so/ /dper na 'dir grang ba'i reg pa med pa ste me'i khyad par nyid gnas pa'i phyir ro/ / phyag 'tshal ba 'di yang rnam pa gsum yin te mthun pa dang mngon par 'dod pa dang gnyi ga'i bdag nyid can no/ /de la mthun pa ni gang zhig gzhung mdzad pas 'dod pa ma yin te/ gzhung la rigs pa kho na'o/ /dper na so sor thar pa'i sdom pa la rjes su mthun pa ni dge slong gi kA ri kA rnams kyi dang po phyag rgya 'tshal ba ste dpal gyi phun sum tshogs pa'i sa dang zhes bya ba la sogs pa ste/chags pa dang bral ba'i bcom ldan 'das la phyag 'tshal lo/ /de la slob dpon shAkya 'od la yi dam gyi lha 'jam dpal la sogs pa'o/ /mngon par 'dod pa ni gang zhig gis gzhung mdzad pa mngon par 'dod pa ste bstan bcos dang rjes su mthun pa ni ma yin no//dper na/ 'jig rten dbang phyug mgon po la/ /zhes bya ba la sogs pa ste/ snang ba'i phreng ba'i 'grel pa'i phyag 'tshal ba'o/ /de ni bstan bcos mdzad pa'i yi dam gyi lha yin te/rnam par rig pa tsam grub pa la ni ma yin no/ /gnyi ga'i bdag nyid can ni bstan bcos dang / de mdzad pa dag gnyi ga la rjes su mthun pa ste/ dper na kun du bzang po'i sgrub thabs las 'jam pa'i rdo rje la phyag 'tshal lo/ /de ni 'jam dpal bsgrub par bya ba'i phyir sgrub thabs dang rjes su mthun pa dang /bstan bcos mdzad pa la yang de nyid yi dam gyi lha yin pa'i phyir ro/ /'dir yang gnyi ga'i bdag nyid can yin te/ 'phags pa klu sgrub kyis ni rdo rje 'chang chen po kho na sgrub pa'i phyir dang / rab tu byed las kyang de nyid grub par bya ba'i phyir ro//de nyid bshad par bya ba'i phyir/ mgon po sems can kun bdag nyid/ /dpal ldan bde chen la btud de/ /rnal 'byor rgyud kyi rjes 'brangs nas/ /rdo rje bzlas pa'i rim bshad bya/ /zhes bya ba gsungs te/ rdo rje bzlas pa'i rim bshad bya/ /zhes pa ni rim pa rnam par phye zhing so sor bstan par bya zhes pa'i don to//ci byas nas she na bcom ldan 'das bde chen ni rdo rje 'chang la btud de zhes bya ba ni lus ngag yid rnams kyis phyag 'tshal nas so/ /bcom ldan 'das ji lta bu yin zhe na/ mgon po zhes bya ba ste de bzhin gshegs pa lnga'i bdag po'o/ /gzhan yang dpal ldan zhes bya ba ni dpal ni tshogs gnyis te de gang la yod pa de ni dpal ldan no//des na gzhi mthun pa'i bsdu ba'o/ /yang ji lta bu yin zhe na/ sems can kun bdag nyid ces bya ba ni sems can kun ni rnam pa bzhi'i sems can gyi rigs kyi dbye ba ste/ de rnams kyi bdag nyid ni chos kyi rang bzhin gang yin pa de ni de bzhin no//rdo rje bzlas pa'i rim pa ni rnam pa bcu gcig pa ste 'og nas bshad par bya'o/ /rnal 'byor rgyud kyi rjes su 'brangs nas zhes bya ba 'dir ni chen po'i sgra phyi ba mthong bar bya ste/ de bas na don 'di yin te rnal 'byor chen po'i rgyud ni dpal gsang ba 'dus pa zhes bya ba ste de'i rjes su 'brangs nas so/'dir ni rang bzo bkag pa yin te yi ge'i don to/ /de bzhin du bde chen ni bde ba chen po'i go 'phang la rdo rje dang pad+ma snyoms par zhugs pas dkyil 'khor gyi dbus su 'dod chags kyi rigs kyi sems can rjes su gzung ba'i phyir gang bzhugs pa de la de skad ces bya ba'o//ji lta bu zhe na/ mgon po zhes bya ba ni dkyil 'khor pa'i tshogs kyis gsol ba btab cing mchod par 'gyur ba'o/ /gzhan yang dpal ldan zhes bya ba ni dpal ni spyan la sogs pa ste/de rnams gang la yod pa de dpal ldan te/ des ni rdo rje 'chang chen po'i gsang ba lnga'i dkyil 'khor rab tu bstan to/ /yang ji lta bu zhe na/ sems can kun bdag nyid ces bya ba ni sems can kun ni dam tshig sems dpa' dang ye shes sems dpa' dang ting nge 'dzin sems dpa' gsum ste/de rnams kyi bdag nyid ni rang gi sku gang la mnga' ba de ni sems can kun bdag nyid de/ de la phyag 'tshal nas bshad par bya ba la sogs pa snga ma bzhin te spyi'i don to/ /de bzhin du sems can kun bdag nyid ces bya ba ni ma lus pa'i sems can dang snod kyi 'jig rten gyi rnam pa'o//mgon po zhes bya ba ni thar pa 'dod pa rnams kyis gsol ba gdab par bya ba'o/ /dpal ldan zhes bya ba ni chos kyi sku dang / rnam par grol ba'i sku'i mtshan nyid bde ba chen po rtag pa zag pa med pa'i bde ba rang bzhin gyis rtag pa/dri ma med pa'i nam mkha' dang mtshungs pa/ rang rig pa tsam gang yin pa de la phyag 'tshal ba ni de'i rang bzhin du rtogs nas/ rdo rje bzlas pa'i rim pa bshad par bya zhes bya ba snga ma bzhin te yang spyi'i don to/ /de bzhin du sems can kun ni snang ba la sogs pa'i ye shes gsum gyi snang ba ste sems can kun gyis nyams su myong bas yod pa'i phyir ro//de'i bdag nyid ni de'i rang bzhin no/ /mgon po ni 'od gsal ba nyid yin pa'i phyir ro/ /dpal ldan zhes bya ba ni sngags kyi rim pas thob par bya ba'i phyir dang / bde chen zhes bya ba ni phyag rgya'i rim pas thob par bya ba'i phyir te/de la btud de zhes bya ba ni nyams su myangs nas rdo rje bzlas pa zhes bya ba la sogs pa snga ma bzhin te sbas pa'i don to/ /de bzhin du sems can kun ni sgyu ma'i dpe bcu gnyis te/ de'i bdag nyid ni sgyu ma dang 'dra ba'o/ /de bzhin du mgon po dang 'dra ba'i dkyil 'khor pa'i nang na dbang phyug go//dpal ni kha dog lnga dang ldan pa'i brgya byin gyi gzhu dang 'dra ba'i 'od zer te yod pa dang med pa'i phyogs gnyis las 'das pa gang la mnga' ba de la de skad ces bya'o/ /de bzhin du bde chen ni 'od gsal ba ste de las cig car ram stong pa chen po la sogs pa'i rim pas 'byung ba'i phyir bde chen te/de la btud de zhes bya ba ni ye shes kyi sku la dmigs pa'o/ /rdo rje bzlas pa zhes bya ba la sogs pa ni snga ma bzhin te yang sbas pa'i don to/ /sems can kun ni 'jig rten pa thams cad kyi gzhir gyur pa'i rtsa bdun khri nyis stong ste de rnams las lhung ba'i phyir ro//sems kun gyi bdag nyid ni byang chub kyi sems te de nyid khams thams cad kyi gtso bo yin pa'i phyir mgon po'o/ /kun+da dang 'dra ba'i phyir dpal ldan no/ /mtshan ma gnyis yang dag par sbyar bas bde ba chen po gsal ba'i phyir bde chen te/de la btud de zhes bya ba ni rdo rje 'chang dang tha mi dad par shes nas rdo rje bzlas pa zhes bya ba la sogs pa snga ma bzhin te yang sbas pa'i don to/ /sems can kun ni 'dod chags dang bral ba la sogs pa'i rang bzhin brgya drug cu ste/ de rnams kyang khyab par byed pa nyid du gnas pa'i phyir sems can kun gyi bdag nyid do//mgon po ni zla ba dang nyi ma dang mtshams kyi snang ba gsum dang bral ba'o/ /dpal ldan zhes bya ba ni smig rgyu la sogs pa'i mtshan ma lngas mdzes pa'o/ /bde chen zhes bya ba ni rnam par mi rtog pa'i ye shes te yang dag pa'i mtha'i bdag nyid do/ / de la btud de zhes bya ba ni de'i bdag nyid du rjes su zhugs nas so/ /rdo rje bzlas pa zhes bya ba la sogs pa ni snga ma bzhin te mthar thug gi don to/ /de bzhin du kun ni kun rdzob kyi bden pa ste de ni sna tshogs su so sor snang ba'i phyir ro/ /sems can ni don dam pa'i bden pa ste yod pa'i dngos po rnams kyi de kho na nyid yin pa'i phyir ro//kun rdzob dang don dam pa'i bden pa gnyis sems can thams cad de sgyu ma dang 'dra ba'i ye shes kyi sku dang 'od gsal ba'o/ /de dag bdag nyid ni rang bzhin gang la yod pa de ni sems can kun bdag nyid do/ /mgon po zhes bya ba ni ji srid bskal pa grangs med pa'i bar du/sa bcu'i dbang phyug byang chub sems dpa' rnams kyis bsnyen par gyur pa ste longs spyod rdzogs pa'i sku ni mi 'jig pa'i rtag pas bzhugs pa'i phyir ro/ /rnam pa'i mchog thams cad dang ldan pa'i dpal yod pa de la de skad ces bya'o//shin tu mdzes pa'i rin po che sna bdun gyi rang bzhin gyi sna tshogs pa'i sangs rgyas kyi zhing spros pas phyogs bcu khyab par byed pa'i gzhal yas khang la bzhugs te/ zag pa med pa'i sangs rgyas dang byang chub sems dpa' rnams la dpe med pa'i chos kyi bdud rtsi'i char bab pas mchog gi dga' ba stsol ba'i phyir bde chen te/de la btud de zhes bya ba ni sangs rgyas rjes su dran pas de'i yon tan gyi tshogs la dmigs te phyin ci ma log pas de'i rang bzhin bsams nas/ rdo rje bzlas pa'i rim bshad bya/ /zhes pa la sogs pa snga ma bzhin te yang mthar thug pa'i don to//rnal 'byor rgyud ces bya ba ni/ thabs dang shes rab snyoms 'jug pa/ /rnal 'byor zhes ni bshad pa ste/ /rang bzhin med pa gang shes rab/ /thabs ni dngos po'i mtshan nyid do/ /zhes bya ba gsungs pa'i phyir shes rab dang thabs kyi rang bzhin stong pa nyid dang snying rje ste des nye bar mtshon pa'i rdo rje dang pad+ma rgyud gang la tha mi dad par so sor bstan pa de ni rnal 'byor gyi rgyud de dpal gsang ba 'dus pa la sogs pa'o//gal te de ltar yin na de kho na nyid bsdus pa la sogs pa la rnal 'byor gyi rgyud kyi ming ji ltar yin smras pa/ don gyi dbye ba'i sgo nas so/ /gang gi phyir de ni stong pa nyid la rnal 'byor gyi ming bstan pa'i phyir ro//ji skad du/ ye shes tsam la snyoms 'jug pa/ /rnal 'byor zhes ni bshad pa yin/ /zhes bya ba 'byung ba'i phyir ro/ /de bas na brjod pa 'dra ba yin na yang rgyud 'di ni khyad par gyi rnal 'byor gyi rgyud yin te/ brgya byin dang bkra mi shis pa'i bya dag la kau shi ka'i sgra brjod pa lta bu'o/'o na rgyud ces bya ba ni gang yin zhe na/ rgyun ni rgyud de/ rdo rje 'chang chen po las rgyud kyis bar ma chad pa'i man ngag gi sgo nas rab tu 'jug pa ni rgyud do/ /de yang rnam pa gsum ste rgyu'i rgyud dang 'bras bu'i rgyud dang thabs kyi rgyud do/ / de la rgyu'i rgyud ni thog ma dang tha ma med pa'i chos kyi dbyings so/ /'bras bu'i rgyud ni rdo rje 'chang chen po'i dkyil 'khor mngon du gyur pa'o/ /thabs kyi rgyud ni rim pa gnyis kyi yan lag rnams so/ /ji skad du/ rgyud ni rgyun zhes bshad pa ste/ /rgyun de yang ni rnam pa gsum/ /bzhi dang de bzhin rang bzhin dang //'du ba med pa'i 'bras bu'o/ /zhes bya ba 'byung ba'i phyir ro/ /rnal 'byor gtso bor gyur pa'i rgyud ni rnal 'byor gyi rgyud de bar gyi tshig phyi bar gyur pa'i gzhi mthun pa'o/ /de ltar dang po'i ngag gis ma lus pa'i rim pa lnga po'i don bstan nas/ rnal 'byor pa gang gis rim pa'i don bsgom par bya ba de rnams la brten te go rims bshad par bya ba'i phyir/bskyed pa'i rim la legs gnas shing / /rdzogs pa'i rim pa 'dod rnams la/ /thabs 'di rdzogs pa'i sangs rgyas kyis/ /skas kyi rim pa lta bur gsungs/ /zhes bya ba gsungs te/ rim pa lnga pa zhes pa'i bar du byed pa 'di thabs te/ 'bras bu sgrub pa la khyad par can gyi thabs 'di nyid sangs rgyas kyis gsungs so/ /gang la zhe na/ rdzogs pa'i rim pa 'dod rnams la/ /zhes bya ba ni rang bzhin gyis grub pa'i rim pa rdzogs pa'i rim pa dang rdo rje bzlas pa la sogs pa ste/ de rnams 'dod pa ni rdzogs pa'i rim pa 'dod pa ste/ bla na med pa'i de kho na nyid 'dod pa'o/ /de rnams kyi don du'o zhes bya ba ni ngag gi lhag ma'o/ /bskyed pa'i rim pa ma bsgoms pa dang / rigs brgya'i dbye ba rgyur gyur pa'i lus rnam par dben pa ma thob pa'i rnal 'byor pa rnams la gsungs sam zhe na de ltar ma yin zhes bshad par bya ba'i phyir/bskyed pa'i rim la legs gnas shing / /zhes bya ba gsungs te bskyed pa'i rim pa ni zla ba dang rdo rje la sogs pa'i rim pas tha mal pa'i lus po spang ba'i don du rdo rje 'chang la sogs pa'i lha'i sku rdzogs pa'o/ /de yang rnam pa gsum ste/ dang po sbyor ba dang dkyil 'khor rgyal po mchog dang / las kyi rgyal po mchog go/ /de la yang dang po sbyor ba ni rnam pa bzhi ste/ rnal 'byor dang rjes su rnal 'byor dang shin tu rnal 'byor dang rnal 'byor chen po'o/ /de la rnal 'byor ni rnam pa bcu ste/ khyad par can gyi gnas bzung ba dang / bgegs bskrad pa dang / stong pa nyid bsgom pa dang / ye shes kyi sa byin gyis brlab pa dang / gzhal yas khang bsgom pa dang / lhag par mos pa'i dkyil 'khor dang / don dam pa'i dkyil 'khor dang / gdan gyi dbye ba dang / srid pa bar ma do'i rnam par dag pa dang / /chos kyi dbyings kyi de kho na nyid bsgom pa'o//rjes su rnal 'byor la ni rnam pa gnyis te/ dam tshig sems dpa' dang ye shes sems dpa'i dbye ba'o/ /shin tu rnal 'byor la ni rnam pa gsum ste phung po dang khams dang skye mched byin gyis brlab pa'i dbye ba'o/ /rnal 'byor chen po ni rnam pa gsum ste sku gsung thugs byin gyis brlab pa'i dbye ba'o//kun bsdus na dang po'i sbyor ba'i dbye ba bco brgyad do/ /dkyil 'khor rgyal po mchog gi dbye ba brgyad de phyag rgya'i dbye ba dang / phyag rgya 'dus bya ba dang rdo rje dang pad+ma snyoms par 'jug pa dang / de bzhin gshegs pa thams cad rab tu bzhugs pa dang /pad+ma'i nang du dam tshig gi dkyil 'khor spro dang / phyi rol du spro ba dang / phyir mi ldog pa'i dbang bskur ba dang rgyas btab pa'o/ /las kyi rgyal po mchog ni rnam pa bcu gnyis te phra mo'i rnal 'byor dang / bzlas pa'i cho ga dang / bya ba byas pa 'od du zhu ba dang / lha mos bskul ba dang /slar yang ldang ba dang / langs nas de bzhin gshegs pa lnga'i bstod pa dang / tshim par bya ba'i cho ga dang / nang gi bdag nyid kyi sbyin sreg gi cho ga dang / dkyil 'khor gyi 'khor lo nye bar bsdu ba dang / mchod pa sngon du 'gro ba'i gtor ma'i cho ga dang / gshegs su gsol ba'i cho ga'o//de ltar kun bsdus na bskyed pa'i rim pa ni dbye ba sum cu rtsa brgyad pa'o/ /de'i rjes la rigs brgya'i dbye bas lus rnam par dben pa 'di yin te/ phung po lnga ni re re de bzhin gshegs pa lnga'i rang bzhin yin pas nyi shu rtsa lnga'o/ /khams bzhi ni re re dbye ba lnga yis nyi shu'o/ / dbang po dang yul bcu po yang re re dbye ba lnga yis lnga bcu yin no/ /de la me long la sogs pa'i ye shes lnga snang bas rigs brgya'i dbye ba'o/ /de lta bu'i bskyed pa'i rim pa la gnas pa ni bskyed pa'i rim pa la pha rol tu phyin pa'o zhes bya ba'i don to/ /des ni gang zhig gis rgyun ma chad par rtog pa'i rnal 'byor bkur sti dang bcas par bsgom pa dang /gang zhig grang ba dang tsha ba la sogs pa'i 'jig rten gyi 'gal ba'i chos rnams kyis gnod par mi 'gyur ba dang / gang zhig la zhal gsum phyag drug pa'i lha'i rnam pa mngon du gyur pa dang / gang zhig sna tshogs pa'i zhi ba la sogs pa'i las kyi tshogs la nus pa dang ldan pa dang /gang zhig bshang gci nyung ba dang / snying rje dang ldan pa gang zhig 'jig rten pa'i spyod pas g.yo bar mi nus pa de rnams bskyed pa'i rim pa la legs par gnas pa ste/ gang zhig gi 'dod chags la sogs pa'i nyon mongs pa'i sbrul gyis gzung ba dang sgom pa tsam la rag lus pa'i phyir/rnal 'byor pa'i nga rgyal dang ldan pa dang / sems chung ba dang / thos pa chung ba de rnams ni ma yin no zhes dgongs pa'o/ /bskyed pa'i rim pa la legs par gnas pa'i gang zag gang yin pa de rnams gang gi tshe rdzogs pa'i rim pa 'dod par 'gyur na de'i tshe de rnams la bcom ldan 'das kyis thabs 'di gsungs so//ji lta bu zhe na/ skas kyi rim pa lta bur gsungs/ /zhes bya ba ni skas kyi rim pas skyes pa 'dzeg na/ de'i shin tu mtho ba'i khang bzangs kyi rtse mor phyin pa de bzhin du rdo rje bzlas pa la sogs pa'i thabs bzhi'i skas kyis thams cad kyi mchog zung 'jug gi go 'phang thob par 'gyur ro//'di ni rdzogs pa'i sangs rgyas kyi tshig snga ma bzhin du rang bzo bkag pa'i don du'o/ /dgongs pa ma yin pa'i bshad pa'o/ /da ni rlung gi de kho na nyid dang sngags kyi de kho na nyid dang / rdo rje bzlas pa'i rten du gyur pa'i rlung gang yin pa de nyid kyi rang gi mtshan nyid dang dbye ba rnams bstan pa'i phyir/sems can rnams kyi srog gyur pa/ /rlung zhes bya bas las kun byed/ /'di ni rnam shes bzhon pa ste/ /lnga yis bdag nyid bcu yang yin/ /zhes bya ba gsungs te/ de la rlung zhes bya ba ni khams chen po'i mchog gyur yin pas de rlung gi de kho na nyid la sogs pa'i rten yin no zhes ngag gi lha mo'o//'o na rlung de phyi'i yin nam ma yin zhe na/ sems can rnams kyi srog gyur pa/ /zhes bya ba ni 'gro ba rigs drug dang / gzugs dang gzugs med pa'i srog tu gyur pa ni srog gi rang bzhin te/ des tshim par gyur na de rnams kyis g.yo ba'i ming thob pa yin te gzhan du ma yin no//de bzhin las kun byed ces bya ba ni 'gro ba dang / 'ong ba dang / bskum pa dang / brkyang ba dang / 'phyo ba dang / mnan pa dang / 'dzeg pa dang / thur du 'gro ba la sogs pa dang / 'byung ba dang / 'jug pa dang / gnas pa dang / mdor bsdus pas gnas pa dang / 'dug pa dang / nyal ba dang 'gro ba rnams byed pa ste/ de ni don yod grub pa'i rang bzhin 'od la bstan pa ste/ las thams cad pa'i phyir ro/ /de bzhin du las kun ni zhi ba dang / dbang dang / mngon spyod dang / bskrad pa dang / rnam par sdang ba dang / gsod pa ste de rnams byed pas na las kun byed pa'o/ /de yang / ya yi don gyis gang ci'ang rung / /dngos grub 'dod pas bya ba ni/ /ra la sogs pa gsum nyid kyis/ /'gro ba'i don la 'jug par bya/ /zhes bya ba 'di 'og nas bshad par bya'o/ /rlung de yang rnam par shes pa las tha dad pa yin nam ma yin zhe na/'di ni rnam shes bzhon pa ste/ /zhes bya ba ni rlung 'di nyid 'jug pa'i rnam par shes pa drug gi bzhon pa ni bzhir gyur pa'o/ /gang gi phyir rnam par shes pas de la zhon nas mig la sogs pa'i dbang po drug gi sgo nas gzugs la sogs pa'i yul drug po yongs su spyod pa yin no//de yang gang gi phyir de la des bskul ba la rag lus pa'i rnam par shes pa nyid yin te/ gzhan du na des ni long ba bzhin du ci yang mthong bar mi 'gyur ro/ /de bas na 'phye bo dang long ba bzhin du 'di dag la 'brel pa yod na don gyi bya ba 'grub pa yin no//'dis ni 'di ltar bshad par 'gyur te/ ji ltar rta dang rta pa lam du zhugs pas khyad par gyi bya ba rdzogs par byed pa de bzhin du/ rlung dang rnam par shes pa dag 'brel na yul bzung ba'i nus pa dang ldan par 'gyur ro/ /'di dag la de'i bdag nyid kyi mtshan nyid kyi 'brel pa yod pa ste/shing dang shun pa lta bu'o/ /'di tsam gyis rlung gi mtshan nyid bstan no// //de nyid kyi dbye ba bstan pa'i phyir/ lnga'i bdag nyid can zhes bya ba gsungs te/ de yang rnam pa lnga ste srog dang rtsol ba dang / thur du sel ba dang / me dang mnyam pa dang gyen du 'gro ba dang khyab byed kyi dbye bas so//de la rlung bcu ni rdo rje'i zhal zhes bya ba'i rnal 'byor chen po zhes bya ba ni rnal 'byor chen po'i rgyud las gsungs te/ de'i nang nas kyang dang po phung po lnga'i rlung gnas kyi dbye ba dang las kyi dbye bas bshad par bya ste/ de la srog gi rlung ni snying gar gnas pa ste de bzhin gshegs pa mi bskyod pa'i rang bzhin yin no//thur du sel ba'i rlung ni bshang sgo la gnas pa ste rin chen 'byung ldan gyi rang bzhin no/ /gyen du 'gro ba'i rlung ni mgrin par gnas pa ste/ snang ba mtha' yas kyi rang bzhin no/ /me dang mnyam pa'i rlung ni lte bar gnas pa ste don yod grub pa'i rang bzhin no/ / khyab byed ni yan lag thams cad kyi tshigs la gnas pa ste/ rnam par snang mdzad kyi rang bzhin no/ /'di rnams rim pa bzhin du rnam par shes pa dang / tshor ba dang / 'du shes dang / 'du byed dang / gzugs kyi phung po'i rang bzhin du shes par bya'o/ /srog ni nag po dang / thur du sel ba ni ser po dang /gyen du 'gro ba ni dmar po dang / me dang mnyam pa ni ljang gu dang / khyab byed ni kun+da dang 'dra ba'o/ /de ni de rnams kyi kha dog go/ /chu dang nam mkha' me dang ni/ /rlung dang de bzhin sa dag ste/ /srog la sogs pa'i rang bzhin rnams/ /blo dang ldan pas shes par bya/ /zhes bya bas ni 'byung ba chen po bzhi'i rnam par dag pa ste/zhi ba dang ni rgyas pa dang / /de bzhin dbang dang mngon spyod dang / /las ni thams cad bstan pa ste/ /srog la sogs pa rim bzhin no/ /zhes bya ba las kyi dbye ba'o/ /'di rnams kyi bya ba bshad par bya ste/ 'gro ba'i phyir dang rtsol ba'i phyir/ / dbang po'i sgo yi skud pa yis/ /gang zhig rtag tu 'gro ba ste/ /srog ces bya ba bshad pa yin/ /rlung dang de bzhin bshang gci dang / /byang chub sems la sogs pa ste/ /thur du sel byed thur sel te/ /rnal 'byor pa yis mtshon bya ba/ /bza' ba dang ni bca' ba dang / /lhag ma btung ba 'jib pa dang //gang zhig mnyam por 'dren byed pa/ /de ni me dang mnyam par bshad/ /gyen du 'gro phyir sdud phyir dang / /bza' ba 'jigs sogs bza' ba'i phyir/ /de ni ye shes dang sbyor bas/ /gyen du 'gro ba'i las zhes bya/ /khyab pa dang ni 'dzin pa dang / /'gro ba dang ni 'ong ba sogs/ / tshigs ni thams cad khyab pa'i phyir/ /khyab byed zhes bya bshad pa yin/ /de ni de rnams kyi las bstan pa yin no/ /de ltar gnas dang las kyi dbye bas srog gi rlung gcig pu rnam pa lnga ru bstan to/ /slar yang de nyid rnam pa bcu ru bshad par bya ba'i phyir bcu yang yin zhes bya ba gsungs te/sngar bshad pa'i phung po'i rlung lnga dang / dbang po la brten pa'i gzhan nye ba'i rlung lnga yin no/ /nye ba'i rlung lnga ni gyen du rgyu ba dang / rnam par rgyu ba dang / yang dag par rgyu ba dang / rab tu rgyu ba dang / yang dag par rgyu ba'o/ /de la gyen du rgyu ba'i rlung ni mig gi dbang po la gnas te gzugs gzung ba'i bya ba byed pa yin no//rnam par rgyu ba'i rlung ni rna ba'i dbang po la gnas te sgra gzung ba'i bya ba byed pa'o/ /yang dag par rgyu ba'i rlung ni sna'i dbang po la gnas te dri gzung ba'i bya ba byed pa'o/ /rab tu rgyu ba'i rlung ni lce'i dbang po la gnas te ro 'dzin pa'i bya ba byed pa'o/ / nges par rgyu ba'i rlung ni lus kyi dbang po la gnas te reg pa gzung ba'i bya ba byed pa ste nye ba'i rlung rnams kyi gnas dang las kyi dbye ba bstan to/ /rlung bcu po de rnams dpal gsang ba 'dus pa'i bshad pa'i rgyud dgongs pa lung du bstan pa zhes bya bar dgongs pa'i bshad pas gsungs te/ srog dang rtsol ba me dang mnyam//gyen du 'gro dang khyab byed ces/ /glang po rus sbal rtsangs pa dang / /lha sbyin dang ni nor rgyal lo/ /zhes bya ba la sogs pa dang / sangs rgyas thams cad mnyam par sbyor ba'i rgyud las kyang / sgra ji bzhin ma yin pa'i sgo nas rlung 'di rnams gsungs te/ ko Ta khya dang ko Ta bA//ko Ta ko Ta po ko ra thIr/ /ko la khya dang ko la wa/ /ko la ko la wa ko lir/ /zhes bya ba gsungs so/ /rdo rje zhal zhes bya ba'i rgyud las de rnams kyi ming ni sgra ji bzhin par gsungs pa ste ji ltar sngar bshad pa bzhin no/ /de ltar rlung gi mtshan nyid dang / dbye ba rnams rab tu bstan nas/ rim pa lnga po'i go rims bstan pa'i phyir rdo rje bzlas pa'i thabs kyi dbye ba bstan par bya ste/ rlung gi de nyid rim gyis ni/ sngags kyi de nyid yang dag 'jug /sngags kyi bskyed pa rtogs nas ni/ /rdo rje bzlas pa rnams la slob/ /ces bya ba la de'i 'di yin te/ 'dir dang po rdo rje bzlas pa la slob par 'dod pa'i rnal 'byor pas dang po rlung gi de kho na nyid la slob pa ste/de nas de'i pha rol tu phyin pas sngags kyi de kho na nyid la goms par byas pa'o/ /de la yang go rims yin te go rims ma yin pa yang ma yin no/ /de bas na sngags kyi de kho na nyid sngon du 'gro bas rlung gi de kho na nyid goms par ma yin te/rlung gi de kho na nyid sngon du 'gro bas sngags kyi de kho na nyid la goms par bya'o/ /gang gi phyir rlung gi de kho na nyid ni sngags kyi de kho na nyid kyi rgyu yin te rgyu de yang sngon du 'gro ba yin no zhes dgongs pa'o/ /de nas sngar mdor bstan pa dang / 'og nas bshad par 'gyur ba'i rdo rje bzlas pa rnam pa bcu gcig la slob pa ni slob pa'i dus tsam pa'o//de la rlung gi de kho na nyid ni rnam pa gsum la rdul phra rab tsam thig le rnam pa gsum bsgom pa yin te/ bde ba chen pos yongs su gyur pa'i rlung kho na de'i rang bzhin du snang ba'i phyir ro/ /'o na gzugs med pa'i rlung ji ltar gzugs nyid du yongs su 'gyur zhe na/gzugs kyi phung po'i nang du bsdu ba'i phyir gzugs dang ldan pa nyid du bshad na yang 'gal ba med pa'o/ /rtsig pa la sogs pa rlung des so sor brdabs na slar yang ldog pa yin no/ /mngon gsum gyis mngon par mi 'gyur na yang khyad par gyi rtags mthong bas gzugs dang ldan pa yin no zhes rjes su dpag go//rtags de yang shing drung la sogs pa'i me tog la sogs pa g.yo ba dang sgra thos pa'i phyir ro/ /bye brag pa rnams kyis kyang 'di la kha dog dang dbyibs smra ba yin te/ rlung sngon po dang / dkyil 'khor gyi rlung ngo zhes bya ba la sogs pa'o//'byung ba chen po rnams ni phan tshun yongs su gyur pa mthong ba ste/ dper na shin du grang ba'i reg pas chu sra ba nyid du gyur pa lta bu'o/ /de la 'dod chags kyi rigs can gyis byang chub kyi sems kyi thig le rdo rje dang pad+ma'i sna ru sgom pa dang / zhe sdang gi rigs can gyis snying gar sgom pa dang /gti mug gi rigs can gyis kun rdzob kyi sna'i rtse mor dkyil 'khor bzhi shar ba'i rim pas g.yas skor la sogs pa'i dbye bas 'od zer gyi thig le bsgom par bya ba ste/ rlung gi de kho na nyid do/ /de nas sngags kyi de kho na nyid la goms par bya ste de yang rnam pa bzhi ste/ sngags kyi don dang / sngags kyi brda dang / sngags btu ba dang / sngags kyi de kho na nyid do/ /de la sngags kyi don ni phyag 'tshal ba la sogs pa lnga pos sangs rgyas lnga brjod par byed pa ste/ de rnams kyi don ni rnam par snang mdzad la sogs pa yin no/ /sngags kyi brda ni sna tshogs pa ste rdo rje gtsug tor gyi rgyud las shes par bya'o//de la re zhig sprul la sogs pa rnam pa bzhi ste/ de la sbrul ni phyag 'tshal ba dang swA hA dang ldan pa'o/ /mgo med ni phyag 'tshal ba med pa ste swA hA dang ldan pa'o/ /mtha' med pa ni swA hA med pa ste phyag 'tshal ba dang ldan pa'o/ /gnyis ga med pa ni phyag 'tshal ba dang swA hA dang bral ba'o//gzhan yang dang por spel ba ni oM de ba dat+ta swa shAn+tiM ku ru tA re tut+tA re tu re swA hA/ bar du spel ba ni oM tA re tu re tut+tA re de ba dat+ta swa bu Sh+TiM ku ru tu re swA hA/ tha mar spel ba ni/ oM tA re tut+tA re tu re de ba dat+ta swa wa shiM ku ru swA hA/ snying po ni brjod par bya ba'i sgo nas bcom ldan 'das kyis don so sor bstan pa ste/dper na/ oM badzra d+h+r-ika A hUM swA hA zhes bya ba'o/ /nye ba'i snying po ni phyogs gcig tu rjod par byed pa ste/ dper na/ oM A baM hUM zhes bya ba'o/ /snying po bskul ba ni dper na/ oM AHhUM zhes bya ba'o/ /rig pa'i sngags ni dper na/ oM tA re zhes bya ba la sogs pa ste le'u bzhi pa las gsungs pa'o/ /gzungs sngags ni na maHsa man+ta kA ya wAka tsit+ta badzra Ni zhes bya ba la sogs pa lta bu'o/ /sa bon ni lha'i sku bskyed pa'i rgyu yin no/ /rang gi chos kyi yi ge ni de bzhin gshegs pa dang / lha mo dang / byang chub sems dpa' dang /khro bo rnams kyi ming gi yi ge dang po rnams so/ /phreng ba'i sngags ni las kyi tshogs kyi rgyur gyur pa ste dper na/ oM tshin+d+ha tshin+d+ha zhes bya ba la sogs pa lta bu'o/ /go bzlog pa'i sngags ni sngags gzhan gyis ma grub pa'i las kyi tshogs 'grub par byed pa ste dper na/ hA swA hUM AH d+h+r-ika badzra oM zhes bya ba la sogs pa'o//sngags btu ba ni zhi ba dang drag po la sogs pa'i lha rnams kyi pho nya dang pho nya mo la sogs pa'i dbye bas mtha' yas pa nam mkha' dang 'dra ba'i grangs med pa'i sngags thams cad gang yin pa de rnams btu ba ni A li dang kA li kho na las so/ /gang gi phyir de las gzhan med pa'i phyir ro//bcom ldan 'das ma de yang yi ge bzhi bcu rtsa dgu'i bdag nyid de ngag gi spros pa ma lus pa'i gnas kyi rgyu yin no/ /a la sogs pa'i sde tshan ni mi 'jig pa'i rang bzhin no/ /de las nam mkha'i khams kyi rang bzhin ni ka'i sde tshan te/ dag pa'i nam mkha' dang mtshungs pa'i mgrin pa las 'byung ba'i phyir ro//de las rlung gi khams kyi rang bzhin tsa'i sde tshan te de ni g.yo ba gtso bor byed pa'i phyir ro/ /de las me'i khams kyi rang bzhin Ta'i sde tshan te de ni rno ba'i rang bzhin yin pa'i phyir ro/ /de las chu'i khams kyi rang bzhin ta'i sde tshan skye bar 'gyur te de ni tshim par byed pa nyid kyi phyir ro//de las sa'i khams kyi rang bzhin pa'i sde tshan 'byung ba ste de ni chu yang dag par sbyar bas sra ba nyid yin pa'i phyir ro/ /de ltar 'byung ba chen po'i rang bzhin gyis yi ge'i tshogs kyi gzhir gyur pa ni ya la sogs pa'i sde tshan te snod kyi 'jig rten gyi rang bzhin yin pa'i phyir ro//snod kyi 'jig rten bskal pa'i me yis bsreg par 'gyur te/ sreg pa'i rgyu ni drod kyi yi ge'i sde tshan no/ /de las yi ge dang po bsdu ba ni yi ge dang po brgyad pa kho nas so/ /brgyad po de yang a ga ma bzhi po la bsdu ba dang / yi ge bzhi po de yang oM AHhUM zhes pa'i yi ge gsum po la bsdu ba ste de ltar 'byung ba dang 'jug pa dang gnas pa'i bdag nyid kyi yi ge gsum po de nyid sngags btu ba nyid du bstan pa yin no//ji skad du/ ji srid ya ra la b+ha ha'i bar/ /ka kha g+ha mtha' na dza'i mtha'/ /da d+ha ta mtha' ma mthar bcas/ /de de'i rtsa ba yi ge gsum//zhes bya ba 'byung ba'i phyir ro/ /sngags kyi de kho na nyid ni mi 'jig pa nyid de/ de yang brjod bya rjod pa'i thabs dang bral ba 'ba' zhig pa/ dri ma med pa mtha' yas pa nam mkha' dang mtshungs pa rang bzhin gyis 'od gsal ba'i de kho na nyid de de bzhin nyid ni don dam pa'o zhes 'byung ba'i phyir ro//de bzhin du sngags thams cad A li dang kA li las 'byung ste/ de rnams kyi de kho na nyid ni 'jig pa las 'byung ba'i yi ge gsum mo/ /gang gi phyir sngags thams cad ni bud med dang skyes pa dang / ma ning gi rang bzhin te/ ji bzhin du thob pa'i man ngag gis yi ge gsum la zhugs pa ste/de bas na yi ge gsum sngags thams cad kyi bdag po yin no/ /da ni yi ge gsum gyi bya ba bstan par bya ste/ de la re zhig gsum sbyar bas lta'i sku bskyed pa yin no/ /yi ge gsum po de nyid 'byung ba dang / 'jug pa dang / gnas pa'i rim pas lus po 'dzin par byed pa'o/ /de nyid A li dang kA li dang lhan cig tu dbang po gnyis snyoms par 'jug pa'i dus su 'og tu kha bltas par gyur te/gsang ba'i sna'i rtse mo las shu kra'i gzugs su byung ste sems can gyi khams skyed par byed do/ /de nyid sems can kun gyi srog dang rtsol ba dang lhan cig tu steng du 'gro zhing dbang po'i sgo rab tu sad nas kun rdzob kyi sna'i sgo nas g.yas dang g.yon la sogs pa'i rim pas phyung ste/'bad pa med par rdo rje bzlas pa byas la snga ma'i las kyi sgrib pa sbyong bar byed do/ /de nyid nyin dang mtshan mo'i rim pas bzlas pa'i grangs nye bar mtshon la/ chu la sogs pa'i dkyil 'khor shar bas dkar po la sogs pa'i kha dog la brten te zhi ba la sogs pa'i las thams cad byed do//de nyid yongs su brtag pa'i yi ge'i gzugs su ngag gi bzlas pa'i mtshan nyid kyis bzlas pa byas la/ phyi rol gyi kha dog la sogs pa'i bya ba la brten te zhi ba la sogs pa'i las thams cad byed pa'o//de nyid sbyang ba dang sad pa dang 'bar ba'i rim pas phyi rol gyi rdzas la sogs pa rnam par sbyangs la rnal 'byor pa nad med par byed pa'o/ /de ltar thams cad byas la mtha' ru mi 'jig pa la zhugs te/ slar yang tha mal pa'i lus po la brten te de bzhin du thams cad byed pa ste/de ni/ sngags kyi de nyid yang dag 'jug /ces bya ba'i don to/ /sngags kyi bskyed pa rtogs nas ni/ /zhes bya ba la/ sngags kyi de kho na nyid kyi pha rol tu phyin pas the tshom med par shes te/ rdo rje bzlas pa zhes bya ba ngag gi don to/ /da ni rim pa gnyis pa la sogs pa'i go rims bstan par bya ba'i phyir/rdo rje bzlas nas rnal 'byor pa/ /sems la dmigs pa thob par 'gyur/ /sgyu ma lta bu'i ting 'dzin gnas/ /yang dag mtha' ni rnam par sbyangs/ /yang dag mtha' las langs nas ni/ /gnyis med ye shes 'thob par 'gyur/ /zung 'jug ting 'dzin la gnas nas//slar zhing gang la 'ang mi slob pa'o/ /zhes bya ba gsungs so/ /de'i don ni 'di yin te/ rdo rje bzlas pa la gnas pa ni ma ning gi bzlas pa'i mthar 'od gsal ba'i bdag nyid la gnas nas sems la dmigs pas ni sems rnam par dag pa rnal 'byor pas thob par 'gyur ro//gang gi phyir re zhig bskyed pa'i rim pas rnal 'byor pas lus rnam par dben par byas pa dang / rdo rje bzlas pa'i rim pas ngag rnam par dben pa dang / de nas rim pas gnyis pas sems rnam par dben pa thob par 'gyur ro/ /de yang sngar bstan pa'i sngags kyi rim pa dang phyag rgya'i rim pa ste/thabs gnyis pos thob pa yin te gzhan du ni ma yin no/ /thabs gnyis po de yang rim pa de nyid la 'og nas gsal por brjod par bya'o/ /sems kyi rang bzhin ni thabs gnyis po de med na/ sems kyi rang bzhin de mtshon par mi nus te/ gzugs dang po kha dog la sogs pa med pa'i phyir ro//'phags pa lha'i zhal snga nas kyang 'di skad gsungs te/ sems kyi rang bzhin ni mtshon par bya ba ma yin no/ /gang gi phyir gzugs dang kha dog dang / dbyibs dang / brtag pa la sogs pa med pa gang yin pa sems de'i rang bzhin nam dbye ba shes pa ma yin te de nyid kyi rnam par dag pa smos ci dgos/de bas na bcom ldan 'das rdo rje bla mas de'i rang bzhin bdag la bshad du gsol/ /de nas bla mas slob ma'i tshig gsan nas/ blo gros chen po legs so legs so gang zhig khyod kyis bdag la sems kyi rang bzhin dris pa de nyid khyod la mdo sde dang rgyud kyi rjes su 'brangs nas rgyas par bshad par bya ste/re zhig lang kar gshegs pa'i mdo'i tshad ma brjod par bya ste/ gzhan yang blo gros chen po byang chub sems dpa' sems dpa' chen pos sems kyis mthong ba'i rnam par gzung ba dang 'dzin pa'i rnam pa'i spyod yul yongs su shes par 'dod na chags pa la sogs pa dang bral bar gnas par bya'o//de la rnam par shes pa gsum rgyur gyur pa/ dngos po ma lus pa yin te dper na mtho ris dang / thar pa dang / g.yo ba dang / mi g.yo ba dang / gzung ba dang / 'dzin pa dang / yan lag bcu gnyis pa'i rten cing 'brel pa las 'byung ba'i 'khor lo dang /dge ba dang / mi dge ba'i rnam par rtog pa dang / snang ba dang / mun pa dang / bud med dang / skyes pa dang / ma ning dang / nang gi bdag nyid kyi skye ba dang / gnas pa dang / 'jig pa ste mdor na khams gsum pa'i dbang po'i spyod yul rnam par shes pa gsum yin no//bzang po skyong bas yongs su zhus pa'i mdo las kyang bcom ldan 'das kyis bka' stsal pa/ kye bzang po skyong gang zhig rdzu 'phrul 'di las kyi dbang gis rab tu 'jug pa dang / gang zhig las dang rjes su mthun pa'i rnam par shes pa'i dbang gis rab tu 'jug pa rnam par shes pa'i khams de ni sna tshogs pa'i rten la rab tu 'jug go//rnam par shes pa'i khams 'di ni byed pa po ste lus skyed par byed pa'i phyir ro/ /rnam par shes pa'i khams 'di nyid zad par mi 'gyur te chos kyi dbyings la brten pa'i phyir ro/ /rnam par shes pa'i khams 'di ni blo dang ldan pa ste/lus la brten pa thams cad rjes su dran pa'i phyir ro/ /rnam par shes pa'i khams 'di nyid nyi ma'i 'od zer dang 'dra bar mthong bar bya ste/ dper na nyi ma'i 'od zer ni dri ngan mi gtsang ba dang / dri bzang pad+ma la sogs pa ltung na yang / de la yang dri ngan pa dang dri bzang ba la sogs pa'i 'du shes gang yang yod pa ma yin te/de bzhin du rnam par shes pa'i khams 'di yang mi gtsang ba dang phag gi skye gnas la sogs pa ru skye ba len na yang de rnams kyi skyon gyis gos par mi 'gyur ro/ /de ltar rnam par shes pa gsum po 'di khyab byed yin yang rang bzhin gyi skyon gyis rang gi ngo bo brjed nas 'gro ba drug tu 'gro ba dang 'ong ba la sogs pas sems can gyi khams dal bar byed pa'o//ji skad du/ nor ni 'phrog pa'i rkun ma kun la bdag mi 'jigs/ /de rnams nor ni 'phrogs te de yang bdag la med/ /yid la dge ba'i nor ni yang dang yang du bsags//rang bzhin las byung rtog pas cig car de 'phrog byed/ /ces bya ba 'byung ba'i phyir ro/ /de la rnam par rtog pa ni dge ba dang mi dge ba dang lung du ma bstan pa'i sems las byung ba'i phyir chos rnams so/ /de yang ji lta bu yin zhe na/ rang bzhin las byung ba ni rang bzhin kho na'o//rang bzhin de rnams kyang rnam pa gsum ste shes rab kyi rang bzhin dang / thabs kyi rang bzhin dang / ma rig pa'i rang bzhin no/ /de la shes rab kyi rang bzhin ni chags pa bral ba dang / chags pa bar ma dang chags pa chen po la sogs pa ste/ 'og nas bshad par 'gyur ba sum cu gsum mo//thabs kyi rang bzhin ni chags pa dang chags pa bar ma la sogs pa ste bzhi bcu'o/ /ma rig pa'i rang bzhin ni chags pa bar ma la sogs pa ste bdun no/ /'di rnams mtshan mo dang / nyin mo brgya drug cur 'gyur ro/ /'di rnams nyon mongs pa thams cad dang lta ba drug cu rtsa gnyis su 'gyur ro//lta ba drug cu rtsa gnyis kyi dbye ba ni/ gzugs kho na bdag dang / gzugs la bdag dang / bdag la gzugs dang / gzugs dang bdag med pa dang bud shing bzhin du tha mi dad pa'o/ /de ltar tshor ba dang / 'du shes dang / 'du byed dang / rnam par shes pa rnams la sbyar na lta ba nyi shur 'gyur ro//de rnams 'das pa dang da ltar byung ba dang ma 'ongs pa'i dus gsum gyi dbye bas lta ba drug cur 'gyur ro/ /rtag pa dang chad pa'i lta ba gnyis te kun bsdoms lta ba drug cu rtsa gnyis so/ /de bas na nyon mongs pa dang nye ba'i nyon mongs pa la sogs pa dang /lta ba thams cad shes rab dang thabs dang ma rig pa'i rang bzhin gsum po las tha mi dad pa ste de nyid kyi nang du bsdu bar bya'o/ /de'i phyir sems las byung ba thams cad ni rang bzhin rnams kho na yin no/ /rang bzhin de rnams kyis bcings pa'i rnam par shes pa gsum po 'khor ba la 'khor bar 'gyur ro//ji skad du/ rtsad pa'i gnas ni ma gtogs pa'i/ /gar gyi sa de gang yang med/ /sna tshogs las kyi bye brag gis/ /gang du sems can gar mi byed/ /ces bya ba 'byung ba'i phyir ro/ /rnam par shes pa gsum po de yang sems dang / yid dang / rnam par shes pa dang /stong pa dang / shin du stong pa dang / stong pa chen po dang / snang ba dang / snang ba mched pa dang / snang ba nye bar thob pa dang / shes rab dang / thabs dang / ma rig pa dang / 'dod chags dang bral ba dang / 'dod chags dang / 'dod chags bar ma dang / dman pa dang / rno ba dang / bar ma dang / zla ba dang / nyi ma dang / mun pa dang / mtshan mo dang / nyin mo dang / mtshams dang / bud med dang / skyes pa dang / ma ning la sogs pa'i brda rnams kyis brdar bya'o/ /de yang sngar bstan pa'i phyag rgya'i rim pa'am/ sngags kyi rim pas dag par byas la rang bzhin gyi tshogs thams cad dang bral ba'i sems kyi 'od gsal bar rnal 'byor pas gnas par 'gyur ro//rim pa gsum pa'i go rims bshad par bya ba'i phyir/ sgyu ma lta bu'i ting 'dzin gnas/ /zhes bya ba gsungs te/ de la bskyed pa'i rim pa dang rdo rje bzlas pa dang sems la dmigs pa'i rim pa ste/gsum pos lus ngag yid rnam par dag la sngon gyi smon lam 'bras bu dang ldan pa'i phyir ro/ /dbang phyug chen pos bstan pa bzhin du chad pa'i phyogs spang ba'i phyir dang / bskal pa'i bar du 'gro ba'i don mdzad pa'i phyir nyan thos pa'i byang chub bzhin du 'gog pa'i bden pa yongs su spang ba'i phyir sgyu ma lta bu'i ting nge 'dzin la rnal 'byor pa gnas pa yin no//ji srid kyi bar du nam mkha' dang mtshungs pa des brgya byin gyi gzhu dang 'dra ba'i rdo rje 'chang gi sku ji ltar bskyed par nus she na/ smras pa/ rnam par shes pa ni ngo bo nyid snang ba med pa yin na yang snang ba tsam gyi rang bzhin te/de la dang po sems kyi 'od gsal ba las kha dog lnga'i 'od zer gyi gzugs su snang ba dang / de nas zla ba'i snang ba dang 'dra ba dang / de nas nyi ma'i snang ba dang 'dra ba dang / de nas dgongs ka'i mtshams kyi snang ba dang 'dra ba ste/ thams cad gcig tu gyur pas yid kyi rang bzhin gyi lha'i sku rnam pa thams cad kyi mchog dang ldan pa skye bar 'gyur ro//de yang rmi lam dang sgyu ma la sogs pa'i dpe bcu gnyis kyis nye bar mtshon pa ste/ des ni sangs rgyas kyi yid kyi rang bzhin gyi sku'o/ /'o na gzugs med pa'i ye shes ji ltar phyag la sogs pa'i dngos por snang bar 'gyur zhe na/smras pa/ snang ba ma rtogs pas gzugs la sogs pa'i phung po lnga po dmigs par mi 'gyur te/ snang ba de yang ye shes kyi spyi'i chos yin no/ /de bas na gang dang gang snang bar 'gyur ba de dang de ye shes kyi rnam pa yin te/ snang ba med pa ye shes kyi gzugs las 'das pa'i phyir ro//ye shes kyi sku de la re zhig sgyu ma'i dpe bcu gnyis dang sbyar bar bya ste/ brgya byin gyi gzhu dang 'dra ba ni kha dog lnga po yod pa dang med pa las 'das pa'i phyir ro/ /rmi lam dang 'dra ba ni med pa yin na yang don gyi bya ba mdzad pa'i phyir ro/ /smig rgyu dang 'dra ba ni mig tsam gyi spyod yul yin pa'i phyir ro//chu zla dang 'dra ba ni gcig yin yang du mar so sor snang ba'i phyir ro/ /brag ca dang 'dra ba ni chos bstan pa rnams yod pa dang med pa las 'das pa'i phyir ro/ /sprul pa dang 'dra ba ni so sor snang tsam gyi phyir ro/ /dri za'i grong khyer dang 'dra ba ni sna tshogs pa'i dkyil 'khor pa rnams kyis yongs su bskor ba'i phyir ro//me long gi gzugs brnyan dang 'dra ba ni de nyid dang gzhan nyid gnyis kyis yongs su spyod par mi 'gyur ba'i phyir ro/ /mig 'phrul dang 'dra ba ni mthong ba tsam gyis 'jig pa'i phyir ro/ /mgal me'i 'khor lo dang 'dra ba gcig yin na yang du mar so sor snang ba'i phyir ro//chu'i chu bur dang 'dra ba ni mthong bar 'gyur na yang nang du snying po med pa'i phyir ro/ /sgyu ma dang 'dra ba ni sems can gyi don du 'gyur ba'i phyir ro/ /sgyu ma'i dpe bcu gnyis de rnams kyis kun rdzob kyi bden pa mngon du bya ba la ji srid byang chub kyi snying po la gnas kyi bar du de dang 'dra ba'i spyod lam bzhi dang /sgeg pa la sogs pa'i gar gyi nyams gtso bor gyur pa'i bya ba rnams dang / phyag rgya dang / dkyil 'khor dang / bzlas pa dang / gtor ma dang / sbyin sreg dang / rab tu gnas pa dang / mchod pa dang / dbang bskur ba dang / spyan 'dren pa dang / bzhugs su gsol ba dang / gshegs su gsol ba la sogs pa'i las rnams dang / dang po sbyor ba la sogs pa'i ting nge 'dzin gsum bstan pa'am/ dgongs pa'i don du de nyid bsgom par spyod pa dang / ma lus pa'i sbyin pa la sogs pa'i pha rol tu phyin pa drug gi spyod pa byed na yang /de la zhen pa med na sgyu ma lta bu'i ting nge 'dzin la gnas par 'gyur ro/ /de la yang chags na dmigs pa dang bcas par 'gyur te/ de'i phyir de sbyang bar bya ba'i don du rim pa bzhi pa bstan par bya ba'i phyir/ sgyu ma'i rang bzhin rtogs pa'i rnal 'byor pas gal te ting nge 'dzin de la gnas na/de'i tshe sgyu ma kho na byang chub tu thal bar 'gyur ro/ /thal bar gyur mod skyon gang yang med ce na de yang yang dag pa ma yin te/ rang bzhin gyis 'od gsal ba'i de kho na nyid ni sgyu ma la sogs pa'i rnam par rtog pa rnams las 'das pa'i phyir ro/ / gal te sgyu ma de kho na nyid yin na/ de'i tshe sprul pa'i grong khyer de kho na nyid du thal bar 'gyur ro/ /de kho na nyid ni rtog pa thams cad kyi spros pa dang bral ba ste/ bum pa bzhin du phyogs gcig tu snang ba ma yin no/ /sgyu ma de ni khyab byed yin te phyogs gcig tu gnas pa ma yin no zhe na/de ltar yin na rnam par rtog pa mang po'i spyod yul yin pa'i phyir shin tu yang tha dad par smra ba'o/ /sgyu ma'i dpe bcu gnyis kyang spros pa dang bcas pa ste/ yul so sor snang ba'i dbye ba'i phyir ro/ /de bas na sgyu ma lta bu'i ting nge 'dzin ni kun rdzob kyi phyogs kho na yin te/gzhan ni ma yin no/ /ji skad du/ ji srid bsgom pa'i sbyor gyur na/ /de srid las ni dang po la/ /zhes bya ba 'byung ba dang / blo dang sgra dag kun rdzob yin/ /zhes bya ba 'byung ba'i phyir ro/ /de bas na rdzogs pa'i rim pa la gnas pa rnams kyis de yang sbyang bar bya ste/ 'od gsal bas mi g.yo ba'i ting nge 'dzin lta bu'o//de'i don du/ yang dag mtha' ni rnam par sbyang / /zhes bya ba gsungs te/ yang dag pa ni bden pa ste don dam pa'o/ /de nyid mthar thug pa'i phyir ro/ /yang dag pa'i mtha' ste rang bzhin gyis 'od gsal ba'i de kho na nyid do/ /yang dag pa'i mtha' don dam pa'i bden pa rnam par sbyang bas ni sgyu ma lta bu'i ting nge 'dzin mi snang bar bya'o//de la dper na phyi'i mngon par byang chub pa'i rim pa'am/ nang gi mngon par byang chub pa'i rim pa'am/ ril por 'dzin pa'i ting nge 'dzin nam/ rjes su gzhig pa'i ting nge 'dzin gyis sgyu ma'i sku 'od gsal ba'i bskal pa'i me yis mi snang bar byas na rnam par dag par 'gyur ro//ji skad du/ bdag la byin brlab ma gtogs pa'i/ /rin chen gzhan ni yod pa min/ /gal te 'od gsal dag 'gyur na/ /me yis dag pa'i nor bu bzhin/ /zhes bya ba 'byung ba'i phyir ro/ /'o na phyi'i mngon par byang chub pa gang yin zhe na/smras pa/ lo ni bcu drug ma thob nas/ /gzugs dag mdzes shing yid dga' byed/ /de ni pang du bzhag nas su/ /de'i dbus su spyod par bya/ /zhes bya ba 'byung ngo / /'o na nang gi mngon par byang chub pa gang yin zhe na smras pa/ rdo rje nyi ma nub 'gyur tshe//sgrub pa la ni brtson bya ste/ /skya rengs shar ba'i dus su ni/ /sgom pa'i mchog gis grub par 'gyur/ /zhes bya ba 'byung ngo / /ril por 'dzin pa'i ting nge 'dzin gang yin zhe na smras pa/ mgo bo nas ni rkang pa'i bar/ /ji srid snying gar phyin pa'i bar/ /rnal 'byor yang dag mtha' la 'jug /ril por 'dzin pa zhes bshad do/ /zhes bya ba 'byung ngo / /rjes su gzhig pa'i ting nge 'dzin gang zhe na/ smras pa/ rgyu ba dang ni mi rgyu'i bar/ /dang po 'od gsal bar byas te/ phyi nas de bzhin bdag nyid byed/ /rjes su gzhig pa'i rim pa yin/ /zhes bya ba 'byung ba'i phyir ro/ /de ltar yang dag pa'i mtha' bsgoms na stong pa nyid bco brgyad sgom pa bzhin du chad pa'i lta ba bor 'gyur te/skyon de nyid sel bar bya ba'i phyir kun rdzob dang don dam pa tha mi dad pa'i zung 'jug gi rim pa bsgom par bya ste/ gang zhig sgom pa'i bya ba byas pas gang la yang slob pa ma yin no zhes bstan par bya ba'i phyir/zung 'jug ting 'dzin la gnas nas/ /slar zhing gang la'ang mi slob bo/ /zhes bya ba gsungs te/ de la zung zhes bya ba ni kun rdzob kyi bden pa dang don dam pa'i bden pa'o/ /de la kun rdzob kyi bden pa ni ye shes kyi sku ste bdag la byin gyis brlab pa'i rim pa las 'byung ba'i sgyu ma lta bu'i ting nge 'dzin te/sgyu ma'i rnam par rtog pas bsgribs pa'i phyir ro/ /don dam pa'i bden pa ni rang bzhin gyis 'od gsal ba ste rim pa bzhi pas thob par bya ba'o/ /de dag gnyis rim pa gang la tha mi dad par gyur pa de ni zung 'jug gi rim pa ste/ mi slob pa'i rang bzhin ni sangs rgyas kyi sa'i mtshan nyid can no//de nyid mi gnas pa'i mya ngan las 'das pa'i rang bzhin dang / tha mi dad pa'i rang bzhin dang / rtse gcig pa'i rang bzhin du gyur pa'i ting nge 'dzin te zung 'jug gi ting nge 'dzin no/ /de la gnas na gang la yang mi slob pa zhes bya ba ni rnal 'byor pa de la bsgom par bya ba gang yang med do zhes ngag gi don to//gang gi phyir sangs rgyas bcom ldan 'das rnams ni dang por slob pa dang ldan pa'i phyir phyi nas gang la yang slob pa ma yin te sgra 'byed pa lta bu'o/ /de nyid kyi phyir 'di ltar gsungs te/ shes bya dang khyad med pa'i phyir ye shes kyis nam mkha'i mthil dang 'dra ba'i chos thams cad mthong bar 'gyur ro//de las rjes su thob pa'i shes pas sgyu ma dang / smig rgyu dang / gzugs brnyan dang / chu zla dang / dri za'i grong khyer dang 'dra ba'i chos thams cad mthong ba yin te thams cad mkhyen pa'i sa 'dir zung 'jug gi rim par bshad do//de ltar rim pa lnga pa'i go rims rab tu bstan nas/ da ni zung 'jug rim pa'i phan yon bstan par bya ba'i phyir/ 'di ni rdzogs pa'i rnal 'byor pa/ /rdo rje 'dzin pa chen po'ang de/ /rnam pa kun gyi mchog ldan pa'i/ /thams cad mkhyen par de nas 'gyur//zhes bya ba gsungs te/ 'di zhes bya ba ni thams cad kyi ming gis zung 'jug gi rim pa gzung bar bya'o/ /de la sgra thams cad ni nges pa dang ldan pa yin no zhes bya bas zung 'jug gi rim pa 'di kho na rdzogs pa'i rnal 'byor pa ste/ mi slob pa'i lam gyi rang bzhin yin pa'i phyir ro rdo rje bzlas pa la sogs pa rnams rdzogs pa'i rim pa nyid du bstan pa ni nye bar btags pas so//nye bar btags pa de yang rgyu dang 'bras bu'i bye brag gis byas pa ste/ dper na tshe mar lta bu'o/ /de nyid kyi phyir/ rdo rje 'dzin pa chen po'ang de/ /zhes bya ba ni gang zhig zung 'jug gi rim pa 'di de nyid rdo rje 'dzin pa chen po ni shes pa dang /shes bya ba dang / chos can dang / chos nyid tha mi dad pa'i ngo bor shes par bya'o/ /chos kyi sku bstan nas longs spyod rdzogs pa'i sku bstan par bya ste/ rnam pa kun gyi mchog ldan pa'i/ /thams cad mkhyen par de nas 'gyur/ /zhes bya ba la stobs bcu dang mi 'jigs pa dang mtshan dang dpe byad rnams kyis rnam par brgyan pa'i sku thams cad mkhyen pa'i sku ma lus pa'i khams gsum pa'i sems can gyi rang bzhin mkhyen pa'i rim pa 'di nyid las 'byung bar 'gyur te mthar thug pa'i bshad pa'o//de nyid kyi rdzu 'phrul bshad pa'i phyir/'das pa dang ni ma 'ongs dang / /da ltar byung ba'i srid gsum ni/ /'od gsal bas ni rnam dag pas/ /skad cig de la ma lus mthong / /zhes bya ba gsungs te/ skad cig mas ma lus pa mthong ngo zhes bya ba tshig gi 'brel pa'o/ /skad cig ma ni zung 'jug gi rim pa'i ting nge 'dzin thob pa'i skad cig ma ste/de yang 'dir bya ba yongs su rdzogs pa'i skad cig ma 'dod pa yin te skad cig se gol zhes bya ba de ni ma yin no/ /gang gi phyir 'phags pa'i zhal snga nas kyang / rim pas sangs rgyas kyi sa thob par 'gyur te cig car ni ma yin no zhes gsungs pa'i phyir ro/ /de yang /bskyed pa'i rim pa legs gnas shing / /rdzogs pa'i rim pa 'dod rnams la/ /thabs 'di rdzogs pa'i sangs rgyas kyis/ /skas kyi rim pa lta bur gsungs/ /zhes bya ba 'di gsungs so/ /'od gsal bas ni rnam dag pas/ /zhes bya ba ni mngon par byang chub pa'i rim pas thob pa'i de kho na nyid bzhi pa'i rnam par dag pa'i rgyu las ma lus pa mthong ba ni don thams cad mngon du byed pa yin no//khams rnams ni don mang po dang ldan pas mthong ba ni 'dir mngon du byed pa'i don du'o/ /ma lus pa de gang yin zhe na/ srid pa gsum du gnas pa'i sems can thams cad kyi gang zhig ma 'ongs pa dang /'das pa dang / da ltar byung ba ni rtsom pa dang / yongs su ma rdzogs pa'i rgyu gang 'gyur ba dang / rkyen dang / rnam pa dang / dmigs pa dang / bdag po gang gyur pa'i sems can gyi spyod pa 'dod chags la sogs pa dge ba dang / mi dge ba dang ldan pa gang yin pa de shes pa yin no//'dir ni rigs pa 'di yin te/ 'dir ni dngos po thams cad don dam pa'i bden pa la rag lus te/ de rnams kyi rang bzhin 'od gsal ba kho na yin te dper na bu ram gyi mngar ba nyid dang / me'i tsha ba nyid lta bu'o/ /de bas na 'od gsal rtogs na rang bzhin yongs su shes pas/byang chub sems dpa' rnams la dngos po'i rang bzhin nyid gsal bar 'gyur ro/ /ji skad du/ don dam pa yi don ni gcig nyid mthong gyur na/ /'gro ba thams cad rang bzhin gcig pa mthong bar 'gyur/ /dper na rgya mtsho'i 'gram du chu ni 'thung ba na/ /de yis de yi ma lus chu de shes par 'gyur//zhes bya ba 'byung ba dang de bzhin du/ dngos po gcig ni dngos po kun gyi rang bzhin nyid/ /dngos po thams cad dngos po gcig gi rang bzhin te/ /gang gis dngos po gcig de don dam mthong gyur na/ /de yis dngos po thams cad yongs su mthong bar 'gyur/ /zhes bya ba 'byung ba'i phyir te drang ba'i don to/ /'od gsal ba kho na rnam par dag pa ste rang bzhin rnam par sbyang ba'i thabs so//rnam par dag pa de la dmigs nas ma 'ongs pa la sogs pa'i sgra rnams kyis brjod par bya ba'i snang ba nye bar thob pa la sogs pa'i ye shes rnams mthong ba ni rang bzhin yongs su shes pas mngon du byed pa yin no/ / gang gi phyir rang bzhin rnams ni gnyen po'i bye brag gis spang bar mi 'gyur te/ kun rdzob kyi bden pa'i rang bzhin yongs su shes pa kho na nyid mngon du bya ba yin no/ /skad cig ma ni 'od gsal rtogs pa'i skad cig ma ste/ 'dir bde ba chen po nyams su myong ba'i skad cig ma 'dod pa yin te nges pa'i don to//da ni rang bzo dgag par bya ba'i phyir lung tshad ma nyid bshad par bya ste/ dpal ldan 'dus pa'i rgyud du ni/ /de nyid 'di dag rgyas btab gnas/ /bshad pa'i rgyud kyi rjes 'brangs nas/ bla ma'i kha las rtogs par bya/ /zhes bya ba 'byung ngo / /'di dag ces bya ni thams cad kyi ming gis sngar bshad pa'i rim pa lnga po gzung bar bya'o//de nyid ces bya ba ni rim pa lnga po'i brjod par bya ba'i man ngag gi mtshan nyid can gyi de kho na nyid gang yin pa de ni dpal gsang ba 'dus pa'i rgyud du rgyas btab/ gnas pa ni don shin tu zab pa'i phyir rtogs par mi 'gyur ba'o/ / gal te rgyas btab pa yin na ji ltar rtogs par 'gyur zhe na/ bshad pa'i rgyud kyi rjes 'brangs nas/ /zhes bya ba la bshad pa'i rgyud ni bzhi ste/ dgongs pa lung bstan dang / rdo rje 'phreng ba dang / lha mo bzhis chos kyi dbyings yongs su zhus pa dang / ye shes rdo rje kun las bsdus pa'o/ / de rnams kyi rjes su 'brang ba ni de rnams kyi go rims kyis so/ /'o na bshad pa'i rgyud kho na las rtogs par 'gyur zhe na de yang ma yin te/ bla ma'i kha las rtogs par bya/ /zhes bya ba ni bshad pa'i rgyud kyi rjes su 'brang ba tsam gyis rtogs par mi 'gyur ro/ /gang gi phyir bshad pa'i rgyud rnams la gang zhig shin tu zab pa'i man ngag bstan pa de rnams ji srid de kho na nyid rtogs pa'i bla ma las ma thob na/de srid de rnams rtsa ba'i rgyud dang 'dra ba'i zhes dgongs pa'o/ /de la rdo rje bzlas pa'i rim pa'i mdor bstan pa bshad pa'i phyir de la dang po kho nar rlung gi de kho na nyid bstan pa'i tshig rtsa ba'i rgyud la 'jug par bya ste zhes bya ba gsungs te/'dir mdo sde dang / rgyud dang / rtog pa dang / rab tu byed pa kun la rnam pa gsum du skabs bshad pa yin te/ mdor bstan pa dang rgyas par bshad pa dang / yang bshad pa'i dbye bas so/ /de la mdor bstan pa ni de kho na nyid kyi dngos po tsam bstan pa dang /rgyas par bshad pa ni de nyid yin la thams cad yongs su rdzogs pas the tshom med par rtogs pa dang / yang bstan pa ni 'grel pa'i tshul du gnas pa'o/ /de la re zhig mdor bstan pa ni rtsa ba'i rgyud dpal gsang ba 'dus pa la 'jug par bya ba ni sku gsung thugs byin gyis brlab pa'i mtshan nyid kyi le'u drug pa las so zhes tshig gi lhag ma'o//de nyid bshad par bya ba'i phyir/ sna yi rtse mor yungs kar bsam/ /'gro dang mi 'gro yungs kar la/ /gsang ba'i sngags kyis rtag pa yi/ /ye shes mchog gi gnas bsgom mo/ /rin chen kha dog sna lnga pa//yungs kar gyi ni 'bru tshod tsam/ /sna yi rtse mor nan tan du/ /rnal 'byor rig pas rtag tu bsgom/ /zhes bya ba rdo rje'i mdo gnyis kyi de kho na nyid drug gis nges par bshad par bya ste/ srid pa skye ba'i rim pa dang / rtog pa'i lha'i rnal 'byor dang / rlung gi de kho na nyid dang / sngags kyi de kho na nyid dang / ye shes kyi de kho na nyid dang / lha yongs su dag pa'i de kho na nyid do/ /de la steng du gnas pa'i srog dang rtsol ba dbang po gnyis yang dag par sbyar nas/ nang gi bdag nyid kyi thabs dang shes rab snyoms par zhugs pas khyad par gyi dga' ba'i stobs kyis byang chub kyi sems kyi thig le pad+ma'i sna'i rtse mor gang ltung ba des sems can gyi khams skyed par byed pa ste/sna'i rtse mor ni pad+ma'i sna'i rtse mor/ /yungs kar ni thig le/ bsam pa ni ltung ba ste skad kyi byings don du mar yod pa'i phyir te/ srid par skye ba'i rim pa'o/ /'gro dang mi 'gro yungs kar la//zhes bya ba ni shes rab ma'i pad+ma'i nang du bsgoms pa'i rang gi lha'i sku thim pa'i rgyu mthun pa las byung ba'i phra ba'i yungs kar gyi dbus su/ 'gro dang mi 'gro ni gzhal yas khang pa'i nang du bzhugs pa'i skra'i rtse mo'i tshad tsam rdo rje 'chang gi dkyil 'khor bsgom par bya ste rtag pa'i lha'i rnal 'byor ro//ye shes mchog gi gnas sgom mo/ /zhes bya ba ni ye shes gsum gyi gnas yungs kar nyid sna'i rtse mo ni kha'i sna'i rtse mor dkyil 'khor bzhi shar ba'i dus su dmar po la sogs pa'i dbye bas g.yas la sogs pa'i rim pas thun phyed phyed kyi dus su 'dzin par bya ste/rlung gi de kho na nyid do/ /'jug pa la sogs pa ni yi ge gsum gyi bdag nyid yin pas sngags dang rlung dag tha mi dad pa'i phyir sngags kyi de kho na nyid kyang bstan par 'gyur ro/ /slar yang log cing bshad par bya ste/ yungs kar ni phra mo'i khams te/ de la 'gro dang mi 'gro ni de'i rang bzhin gyi ye shes gsum/bsam pa ni shes par bya ba ste ye shes kyi de kho na nyid do/ /ye shes mchog gi gnas zhes bya ba ni yungs kar de ye shes gnas ni ye shes kyi sku'i rang bzhin te brgya byin gyi gzhu bzhin du mdzes pa dang / sbas pa'i phyir gsang ba bsgom par bya ste/lha yongs su dag pa'i de kho na nyid do/ /ye shes zhes bya ba ni dz+nyA na ste dz+nyA ni rtogs pa dang na ni dgag pa la'o/ /de bas na ye shes med pa ste 'od gsal ba'o/ /de las 'byung ba'i rdo rje'i sku zung 'jug gi rim pas thob pa'i rdo rje 'chang chen po'i sku bsgom par bya'o zhes dgongs pa'o/ /gal te 'dir rlung dang sngags kyi de kho na nyid dgos na yang snga ma'i slob dpon gyi bshad pa las ma 'das pa'i phyir/de kho na nyid drug gi man ngag bstan to/ /yungs kar de nyid kyi khyad par bstan pa'i phyir/ rin chen kha dog sna lnga pa/ /zhes bya ba gsungs te kha dog sna lnga pa ni rlung lnga nye bar bsdu ba'i rnam pa can no//rin chen ni zhi ba la sogs pa'i las 'grub pa 'dod pa thams cad yongs su rdzogs par byed pa'o/ /yungs kar gyi ni 'bru tshod tsam/ /zhes bya bas shin tu phra rab rdul gyi tshad bstan to/ /sna'i rtse mor zhes bya ba la sogs pas sngar bshad pa'i don gsal bar byed pa'o//nan tan du zhes bya ba ni bar chad med pa'i sems kyis so/ /rnal 'byor rig pa zhes bya ba ni phra mo'i bsgom pa yongs su shes pas so/ /rtag tu zhes bya ba ni ji srid sems dbang du gyur pa thob pa'i dus de srid kyi bar du'o zhes tha tshig go/ /dgongs pas bshad pa ni 'gal ba'i tshig gi sbyor bas de kho na nyid bstan pa'o//rdo rje tshig 'di zhes bya ba la sogs pas lha mo bzhis yongs su zhus pa'i rgyud kyi rgyas par bshad pa bstan par bya ba'i phyir/ snying po las ni snying po mchog /sangs rgyas kun gyi gsang ba ni/ /gang de thams cad bdag nyid gnas/ /de ni lha mo bshad par bya//ye shes lnga yi dngos de nyid/ /yungs kar gyi ni 'bru tshod tsam/ /de yi dbus na gnas pa'i lha/ /mi gsal gsal ba'i bdag nyid can/ /zhes bya ba gsungs te/ de zhes bya ba ni thams cad kyi ming dang 'dra ba'i tshig phrad gtan tshigs la 'jug go/ /gang gi phyir lha mo khyod kyis bdag la rlung gi de kho na nyid dris pa de'i phyir khyod la gsang ba de bdag gis bshad par bya zhes tshig gi 'brel pa'o//de yang ji lta bu zhe na/ snying po las kyang snying po mchog /ces bya ba ni snying po ni bskyed pa'i rim pa ste de las kyang snying po ni rdzogs pa'i rim pa'o/ /mchog ni rlung gi de kho na nyid de khyad par dang ldan pa'i phyir dang /de med na de la 'jug par mi 'gyur ba'i phyir dang phra mo yin pa'i phyir ro/ /rtog pa'i rnal 'byor pa rnams la sbas pa'i phyir gsang ba'o/ /yang na ra dang ha dag las 'dzag pas na gsang ba'o/ /'dis ni 'dod chags kyi rigs can la rlung gi de kho na nyid kyi bsgom pa bstan to//de bzhin du sangs rgyas kun ni phung po lnga'i bdag nyid la de'i rang bzhin gyi khyad par byed pa nyid du gnas pa'o/ /de gang zhig gi phyir srog la sogs pa rlung lnga po phung po rnams la brten te/ gnas pa gang yin pa de rnams ro gcig par 'gyur ba ni rlung gi de kho na nyid yin no zhes bcom ldan 'das kyi dgongs pa'o//de nyid kyi phyir/ ye shes lnga yi dngos de nyid/ /ces bya ba ni de re zhig kun+da dag pa dang zla ba 'dra ba'i thig le'i gzugs gang yin pa de ni me long lta bu'i ye shes so/ /khams nyi shu rtsa gnyis ro gcig pa'i gzugs gang yin pa de ni mnyam pa nyid kyi ye shes so//de'i bde ba nyams su myong ba gang yin pa de ni so sor rtog pa'i ye shes so/ /de nas spro ba dang bsdu ba rnams kyis 'gro ba'i don gang byed pa de ni bya ba nan tan du grub pa'i ye shes so/ /de las srid pa bskyed pa'i rim pa'am/ rang bzhin med pa rtogs par 'gyur ba de ni chos kyi dbyings kyi ye shes so//yungs kar gyi ni 'bru tshod tsam/ /zhes bya bas de'i tshad bstan to/ /'o na rtsa bdun khri nyis stong gi khong stong las 'dzag pa'i byang chub kyi sems kyi dba' rlabs gang yin pa de nyid thig le tsam du ji ltar gnas/ gal te bsgom pas brtags na de'i tshe rdzogs pa'i rim pa nyams par 'gyur ro//smras pa/ 'dir rtsa'i 'khor lo'i nang na 'dod pa'i gzugs gtso bo yin te bde ba chen po'i gnas su kun du rgyu ba de nyid du thim par 'gyur ro/ /rtsa dbus ma de yang gzugs phra mo yin te/ de'i rjes su 'brang bas phra mo'i thig le'i rjes su gnas pa yin no zhes bshad pa ste 'gal ba yang med do//de bzhin du de'i dbus na gnas pa'i lha zhes bya ba ni yungs kar de nyid kyi dbus na lha ni rdo rje 'chang gnas pa yin no/ /rang rig pa nyid snang bar gyur pas na 'od gsal ba'o/ /de nyid kyi phyir mi gsal ba ni zhal dang phyag la sogs pa dang bral ba'i phyir rnal 'byor gyi shes pas rtogs par bya'o//don dam pa'i phyogs bstan nas kun rdzob kyi phyogs bshad par bya ste/ gsal ba'i bdag nyid can zhes bya ba ni kha ba'i tshogs dang 'dra ba'i sku 'dzin pa'o/ /'dis ni bden pa gnyis rang bzhin tha mi dad pa'i rang bzhin bstan pa yin no//gsang ba 'dus pa'i rgyud phyi ma las kyang zhes bya ba la sogs pas yang bshad pa gsungs te/ de yang 'dus pa'i rgyud phyi ma ni le'u bco brgyad pa'o/ /gang gi phyir de ni rtsa ba'i rgyud kyi 'grel pa'i tshul du gnas pa ste/ de las bsal bar gsungs pa ni rgyas par bshad pa yang phye bas sdud pa pos bshad pa yin no zhes ngag gi lhag ma'o//ye shes lnga yis rang bzhin dbugs/ /'byung ba lnga yi ngo bo nyid/ /gong bu'i gzugs kyis phyung nas ni/ /sna yi rtse mor rab tu brtag /rin chen kha dog sna lnga pa/ /srog dang rtsol ba zhes byar bshad/ /rang sngags snying gar bsams nas ni//srog ni thig ler gnas par gzhag /ces bya ba tshigs su bcad pa gnyis kyis rgyas par bshad pa yang bshad par bya ste/ ye shes lnga'i rang bzhin gyi dbugs gong bu'i gzugs su rab tu brtag ces bya ba tshig gi 'brel pa'o/ /ye shes lnga'i rang bzhin ni sngar bshad zin to//dbugs zhes bya ba ni srog gi rlung ngo / /'byung ba lnga yi ngo bo nyid/ /ces bya ba ni de nyid dkyil 'khor bzhir shar bas rnam par dpyad na/ khyab byed kyi rlung dang bcas pas 'byung ba chen po lnga nyid yin no/ /de la thig le'i gnas skabs su gang zhig 'di'i sra ba'i mtshan nyid de ni sa'o/ / khams sum cu rtsa gnyis gang zhig 'du bar byed pa de ni chu'o/ /gang zhig drod kyi mtshan nyid gang yin pa de ni me'o/ /gang zhig 'gro ba dang 'ong ba de'i rang bzhin de ni rlung ngo / /gang zhig de'i rang bzhin med pa de ni 'byung ba chen po nam mkha' ste de rnams kyi rang bzhin no/ /des ni de bzhin gshegs pa lnga'i rang bzhin nyid bstan pa yin te de rnams ni de'i rang bzhin yin pa'i phyir ro//de lta bu'i thig le'i sna'i rtse mor ni pad+ma dang rdo rje'i rtse mor rtsa bdun khri nyis stong gi khong stong gi nang nas phyung nas ni 'dzag par 'gyur te/ rnal 'byor pa dang rnal 'byor ma dag gis gong bu'i gzugs ni/ thig le'i gzugs su rab tu brtag /ces bya ba ni lhag par mos par bya ste/ des ni 'dod chags kyi rigs can la ltos te phra mo'i rnal 'byor bstan to/ /zhe sdang gi rigs can la de nyid bshad par bya ste/ rin chen kha dog sna lnga pa/ /zhes bya ba ni sngar don bshad zin to/ /srog dang rtsol ba ni rlung de nyid rang gi sngags kyis gzugs su snying ga'i pad+ma la rang bzhin gyis grub pa'i 'phyang ba'i 'dod pa'i gdugs kyi dbus su sprin gyi sgra'i thig le bsams nas de ru srog gzhag pa ni rlung la zhon pa'i rnam par shes pa yang gzhag par bya ste nyams su myong ba'o//'di nyid kyang slar bshad pa zhes bya ba la sogs pa go sla'o//sna rtse yungs kar zhes bya ba/ /srog dang rtsol ba'i brtag pa ste/ /srog dang rtsol ba la gnas pa/ /'od lnga sangs rgyas rnams su bsgom/ /zhes bya ba ni gti mug gi rigs can la rlung gi de kho na nyid bstan te/ srog dang rtsol ba'i brtag pa ste/ /zhes bya ba ni srog dang rtsol ba mtshon cha'o//gang du zhe na/ sna'i rtse mor zhes bya ba ni kun rdzob kyi sna'i rtse mo ste kha'i sna la'o/ /srog dang rtsol ba de ji lta bu yin zhe na/ yungs kar zhes bya ba ni yungs kar gyi tshad do/ /srog dang rtsol ba ni de nyid du sangs rgyas lnga'i rang bzhin gyi 'od zer rnam pa lnga gnas pa yin no//de la dkyil 'khor bzhi las 'byung ba'i 'od zer bzhi dang / lnga pa ni khyab byed kyi rlung gi 'od zer ro/ /des ni 'od zer gyi rang bzhin gyi thig le bstan to/ /rig pa'i bdag nyid ni thig le ste nges tshig go/ /snang ba dang dga' ba'i rang bzhin kun rdzob dang don dam pa tha mi dad pa'i rang bzhin gyi lam bar yin zhes tha tshig go//'od zer 'byung ba'i sgo bstan par bya ba'i phyir/ steng gi sna las nges 'byung ba/ /g.yon dang g.yas dang gnyis ka dang / /dal bar rgyu dang rnam bzhir 'gyur/ /nang gi dus ni yin par bshad/ /ces bya ba gsungs te 'od zer 'di rnams sems can gyi khams thams cad kyi steng gi sna ni kha'i sna ste de las 'byung ba yin no//ji ltar zhe na/ g.yas dang g.yon dang gnyis ka dang / /zhes bya ba la/ de la nyin mo thun dang po la mgrin par gnas pa'i pad+ma'i me'i dkyil 'khor las sna'i bu gar g.yas pa las kha dog dmar po'i 'od zer 'byung ba ste/de'i tshe dbang gi las 'grub pa yin no/ /thun gnyis pa la lte bar gnas pa'i rlung gi dkyil 'khor las sna'i bu ga g.yon pa la kha dog sngon po'i 'od zer 'byung ba ste de'i tshe mngon spyod kyi las 'grub pa yin no/ /nyi ma phyed las brtsams te/ thun gsum pa la gsang ba'i pad+mar gnas pa'i sa'i dkyil 'khor las gnyis ka la kha dog ser po'i 'od zer 'byung ba ste de'i tshe rgyas pa'i las 'grub pa yin no//thun bzhi pa la snying gar gnas pa'i chu'i dkyil 'khor las kha dog dkar po'i 'od zer dal zhing dman par rgyu ba gnyis ka las 'byung ba ste/ de'i tshe zhi ba'i las 'grub pa yin no//mtshan mo yang de bzhin du shes par bya'o/ /'dir yang dkyil 'khor re re las yon tan dang gtso bo'i sgo nas cha bzhi bzhi gnas pa ste/ de rnams kyang rim pa 'di nyid kyis 'byung bar shes par bya'o/ /de la me'i dkyil 'khor gyi rang gi cha shar ba na/ g.yas pa'i g.yas pa las kha dog dmar po'i 'od zer 'byung ba yin no//me'i rlung gi cha shar na g.yas pa'i g.yon pa las kha dog sngon po'i 'od zer 'byung ba yin no/ /me'i sa'i cha shar na g.yas pa'i gnyi ga las kha dog ser po'i 'od zer 'byung ba yin no/ /me'i chu'i cha shar na g.yas pa'i gnyi ga las dal bar rgyu ba'i kha dog dkar po'i 'od zer 'byung ba yin no//de ltar gzhan la yang sbyar bar bya'o/ /yang na me'i dkyil 'khor 'char ba'i dus su thun gyi rkang pa las 'od zer dmar po 'byung ba yin/ dkyil 'khor lhag ma rnams kyi rang rang gi cha shar ba'i dus su g.yas pa kho na'i g.yon pa la sogs pa las 'byung bar shes par bya'o//de nyid kyi phyir/ nang gi dus ni yin par bshad/ /ces bya ba gsungs te/ ji ltar phyi rol du chu tshod dang thun la sogs pa'i dbye bas zla ba dang nyi ma las byas pa'i dus yod pa de bzhin du/ nang na yang srog dang rtsol bas byas pa'i dus yin no zhes bshad do/ /'od zer de rnams kyi gnas pa dang las gang zhe na//lkog ma snying ga lte ba dang / /gsang ba'i pad+mar 'gro 'ong ston/ /zhes bya ba ni lkog ma'i pad+mar me'i dkyil 'khor gyi 'od zer gnas pa ste de bzhin du snying ga dang lte ba dang gsang ba'i pad+ma rnams la chu dang rlung dang sa'i 'od zer rnams gnas pa yin te gnas kyi dbye ba bstan to//de rnams kyang 'gro ba dang 'ong ba ston pa ni byed pa yin te/ skad kyi byings rnams la don mang po yod pa'i phyir ston pa ni byed pa'i don du bshad do/ /'o na 'byung ba dang 'jug pa dang / gnas pa'i bdag nyid kyi rlung gang yin pa de rnams ji ltar 'gro ba dang 'ong ba gnyis byed par rigs she na/de la skyon yod pa ma yin te/ 'gro ba dang mi 'gro ba dang sdod pa ni 'gro 'ong ste/ mar gyi bum pa bzhin du tshig bar ma phyis la bzlas dbye ba'i bsdu ba bya'o/ /rlung de rnams kyi rim pa dang phra ba'i dbye bas tshad kyi bye brag bshad par bya ba'i phyir/ thun phyed kyi ni dus dag tu/ / go rims ji bzhin gnas par bstan/ /zhes bya ba gsungs te/ 'dir mtshan mo dang / nyin mo chu tshod drug cu yin no/ /de yang thun brgyad kyi bdag nyid de/ thun re re'i tshad ni chu tshod brgyad brgyad do/ /thun re re de nyid las 'jug pa la sogs pa dang bral ba'i 'ong ba'i skad cig ma chu tshod phyed phyed du 'char ba yin te/de yang chu tshod phyed brgyad brgyad rgyu ba'i dbugs kyi 'khor lo'i cha shas kyi dbye ba byas la shar ba yin te cig car du ni ma yin no/ /mtshon par dka' ba'i skad cig ma de yud tsam du 'jug pa ste/ phra mo'i rnal 'byor pa rnams kyis mtshon pa yin te rnam par ma dpyad pa'i rags pa'i blos ni ma yin no//'di ni re zhig phra mo ba'i skad cig ma nye bar mtshon pa ste/ nyin mo chu tshod gnyis dang mtshan mo yang chu tshod gnyis te/ thun phyed kyi dus chu tshod bzhi ru 'gyur ro/ /rags pa'i sgo nas ni dkyil 'khor bzhi shar bas dkyil 'khor re re la thun phyed phyed kyi bar du 'od zer rgyu ba sna'i rtse mor 'dzin na zhi ba la sogs pa'i rgyur 'gyur ro//de nyid kyi phyir go rims ji bzhin zhes bya ba gsungs te g.yas pa la sogs pa'i dbye bas dkyil 'khor gyi rim las ma 'das pa'o/ /'di nyid rgyas par bshad par bya ba'i phyir/ g.yas pa nas ni 'byung ba'i khams//me yi dkyil 'khor nyid yin te/ /kha dog dmar zhing gsal ba 'di/ /pad+ma'i mgon po'i rgyu ba'o/ /g.yon pa nas ni 'byung ba'i khams/ /rlung gi dkyil 'khor zhes bya ba/ /ljang ser dag tu snang ba ste/ /las kyi mgon po'i rgyu ba'o/ /gnyis ka las ni 'byung ba'i khams//gser gyi mdog tu snang ba ste/ /dbang chen gyi ni dkyil 'khor nyid/ /rin chen mgon po'i rgyu ba'o/ /dal zhing rgyu ba med pa'i khams/ /dag cing shel ltar snang ba ni/ /chu yi dkyil 'khor nyid yin te/ /rdo rje mgon po'i rgyu ba'o/ /zhes bya ba gsungs te/ de'i don ni sngar bshad pa bzhin no//'on kyang pad+ma dang las dang rin chen dang / /rdo rje mgon po ni ngag gi dbang phyug dang / don yod grub pa dang / rdo rje nyi ma dang / rdo rje 'chang ste dkyil 'khor 'di rnams la bdag po nyid du shes par bya'o/ /de nyid kyi phyir de rnams dang mthun pa'i dmar po la sogs pa'i kha dog tu bstan pa yin no//rtsa'i 'khor lo rnams las 'od zer 'byung ba yang / /de yi dkyil 'khor 'di nyid yin/ /zhes bya ba bzhi mthun pa nyid ni rgyu dang 'bras bu dag tha mi dad par nye bar brtags te tshe mar lta bu'o/ /rlung lnga pa'i rang bzhin bshad par bya ba'i phyir/ lus kun la ni gnas pa'i rlung / /bya ba kun la 'jug pa po//'di ni rnam snang ngo bo ste/ /'chi ba'i lus las 'byung bar 'gyur/ /zhes bya ba gsungs te/ gang zhig khyab byed ces bya ba'i rlung lnga pa de ni/ 'chi ba'i lus las 'byung bar 'gyur/ /zhes bya ba ni tshig gi 'brel pa'o/ /rlung de yang lus kun ni lus po'i phra mo'i rtsa'i tshogs la khyab nas gnas pa ste/de bzhin du rlung thams cad kyi bya ba ni 'jug pa la sogs pa gang yin pa de rnams la 'jug pa ni 'jug pa'i gzhir gyur pa'o/ /gang gi phyir gzhi med na gzhi can gyi gnas pa la sogs pa'i bya ba 'jug par mi 'gyur te/ dper na snod kyi 'jig rten med na sems can gyi 'jig rten gyi spyod lam gzhi lta bu'o//de nyid kyi phyir/ 'di ni rnam snang ngo bo ste/ /zhes bya ba ni sa'i khams kyi rnam par dag pa'am gzugs kyi phung po'i rnam par dag pas so/ /gang gi phyir gzugs kyi phung po de ni chos tshor ba la sogs pa'i gzhi yin pa'i phyir ro/ /rlung de la rtag tu bya ba med pas 'chi ba'i lus las 'byung ba kho na las yin te/rnam par shes pa ni rlung la zhon pas de dang bdag nyid gcig tu 'byung bar 'gyur ro zhes tha tshig go/ /nye bar bsdu ba bshad pa'i phyir/ rlung gi de nyid gsal ba 'di/ /ye shes lnga yi ngo bo nyid/ /rnal 'byor byis pa'i yul min zhing / /rtog ge pa yis mi shes so//zhes bya ba gsungs te/ gang zhig sngar bshad pa'i ye shes lnga'i bdag nyid kyi rlung gi de kho na nyid de/ de yang 'dod chags kyi rigs can la sogs pa'i dbye bas rnam pa gsum du bshad pa yin te/ rin po che lta bu'i gang zag gi don du gsungs pa yin no zhes ngag gi lhag ma'o//de nyid kyi phyir/ rtog ge pa ni dmigs pa dang bcas pa'i lta ba dang ldan pa ste/ rtog ge skam po tsam la chags pa de rnams kyis rtogs par mi 'gyur te phyogs 'dzin pa tsam gyis rtog ge la ni nges pa med pa'i phyir ro/ /ji skad du/ rten med ma nges ma khyab pa/ /kun rdzob pa dang skyo bar byed//rtog ge byis pa'i rten 'dod de/ /de phyir de yi spyod yul min/ /zhes bya ba 'byung ngo / /rang gi sde pa nyan thos pa rnams kyis kyang shes pa ma yin no zhes bya ba bshad par bya ba'i phyir/ rnal 'byor byis pa'i yul min zhing / /zhes bya ba gsungs te/ rnal 'byor pa ni dgra bcom pa thob pa'i phyir dang /byis pa ni bla na med pa'i theg pa'i mos pa med pa'i phyir te/ rnal 'byor byis pa de rnams kyis shes pa ma yin no/ /gang gi phyir de rnams ni zab pa dang rgya che ba'i lam la mos pa med pa'i phyir ro/ /de ltar rlung gi de kho na nyid bstan nas da ni sngags kyi de kho na nyid ston pa'i tshig rtsa ba'i rgyud nyid la 'jug par bya ste/de bzhin gshegs pa thams cad kyi sku dang gsung dang thugs kyi gsang ba thams cad kyi snying po kun du skul bar byed pa zhes bya ba mchog tu gsang ba nyid kyi sku dang gsung dang thugs rdo rje las tshig gi lam nges par brjod pas sngags bsdus pa 'di lta bu gsungs so//oM AHhUM zhes bya ba 'dis don 'di ltar bya ste/ mdor bstan pa la sogs pa dang bcas pa'i rlung gi de kho na nyid bshad nas/ rdo rje bzlas pa'i rim pa'i thabs gnyis pa sngags kyi de kho na nyid rtsa ba'i rgyud kyi le'u bcu pa de bzhin gshegs pa thams cad kyi snying po bskul ba zhes bya ba la 'jug par bya ba yin te/sngags thams cad ni sbrul la sogs pa'i sngags kyi lha ste/ de rnams kyi snying po ni srog gang gis kun du bskul ba ni rab tu sad par byed pa ste de la de skad ces bya'o/ /de bzhin du mchog tu gsang ba ni snod ma yin pa rnams la shin du sba bar bya'o//nyid kyi sku dang / gsung dang / thugs rdo rje las zhes bya ba la sogs pa nyid ni rdo rje 'chang chen po ste de nyid kyi sku las yi ge oM dang gsung las yi ge AHdang / thugs las yi ge hUM ste rim pa bzhin du gsungs so/ /ji ltar gsungs she na/ tshig gi lam nges par brjod pas zhes bya ba ni tshig gi lam ni zhal te des nges par brjod pa ni gsungs pa ste/ thugs dang sku las kyang gsal ba'i gsung gis so zhes bya ba'i don to/ /ci gsungs she na/ sngags bsdus pa zhes bya ba ni bud med dang skyes pa dang ma ning gi rang bzhin gyi yi ge rnams gang du bsdu bar gyur pa de ni sngags bsdus pa ste/yi ge gsum po gsungs pa'o/ /dper na oM AHhUM zhes bya ba ni yi ge a dang / yi ge u dang rjes su 'byung ba'i dbyangs te/ rdo rje gsum gyi bdag nyid yi ge oM ste/ rdo rje gsum mi phyed pa'i rang bzhin sku rdo rje ste de la a yig ni snang ba mtha' yas dang /u yig ni wa yig yongs su gyur pa las 'byung ba ste chu lha'i sa bon yin pa'i phyir mi bskyod pa dang / ma yig ni rnam par snang mdzad chen po ste de nyid thig le yin no/ /de bzhin du a yig gnyis dang tsheg drag yang dag par sbyar nas yi ge AHste de la a yig dang po mi bskyod pa dang /gnyis pa snang ba mtha' yas dang / tsheg drag kyang rnam pa gnyis te ra'i rang bzhin dang sa'i rang bzhin no/ /gang gi tshe ra'i rang bzhin de'i tshe rnam par snang mdzad kyi yi ge gnyis pa'i tsheg drag yin no/ /gang gi tshe sa'i rang bzhin de'i tshe longs spyod kyi sgra'i yi ge dang po'i tsheg drag go/ / gang gi phyir longs spyod rdzogs pa dang / longs spyod dang lus po zhes bya ba ni rnam grangs so/ /de bas na rdo rje gsum mi phyed pa'i rang bzhin gyi yi ge AHzhes bya ba bstan to/ /de la ha ni lus po yang de yin la/ hUM ti ni ngag kyang de yin la/ ma na ni yid kyang de nyid yin pa ste/ yi ge phyis pas hUM yin no/ / de ni sku dang gsung dang thugs rdo rje'i rang bzhin yi ge hUM mi bskyod pa'i rang bzhin du bshad do/ /yi ge gsum po re re yang yi ge gsum gyi bdag nyid yin pas yi ge dgur 'gyur te/ thams cad nye bar bsdus pas dgu po'i mtha' ma ni yi ge a yin no zhes 'og nas bshad par bya'o/ /'dir ni mdor bstan pa tsam gyi sngags kyi de kho na nyid bstan pa yin te/rgyas par bshad pa ni 'og nas bshad par 'gyur ro/ /thabs gnyis po bstan nas rdo rje bzlas pa bshad par bya ba'i phyir/ don rtogs pa yis bzlas pa ni/ /ngo bo nyid med bzang po yis/ /dus gsum sangs rgyas kyis brtags pa//rdo rje bzlas par de bshad do/ /zhes bya ba gsungs te/ rnam pa bcu gcig pa'i rdo rje bzlas pa spyi'i mtshan nyid bstan pa'i phyir rdo rje'i mdo 'di bcom ldan 'das kyis gsungs so/ /de la gang zhig 'byung ba dang / 'jug pa dang / gnas pa'i bdag nyid kyi rlung gsum po nyin mo dang mtshan mo 'khor lo bzhin du nyi khri chig stong drug brgya'i grangs su rgyu ba de rnams kyi don rtogs pa ni rigs pa bzhin du rjes su mthun pa dang /shes pas bzlas pa gang yin pa yan lag ma nyams pa de'i sngags dang rlung dang lha la sogs pa gnyis su med par byed pa'i rang bzhin du gang zhig dus gsum gyi sangs rgyas kyis brtags pa ni yongs su shes pa gang yin pa ste/rdo rje bzlas pa ni mi phyed pa'i rang bzhin te rdo rje bzlas par bshad do/ /de yang ji lta bu yin zhe na/ ngo bo nyid med ces bya ba ni rten cing 'brel pa las 'byung ba'i phyir gang zag dang chos bdag med pa'i rang bzhin no//de'i phyir bzang po yis zhes bya ba ni nyin mo dang mtshan mo 'khor lo bzhin du bskor ba'am/ g.yas la sogs pa'i dbye bas 'bad pa med par zhi ba la sogs pa'i las byed pa'o/ /'di ni rtogs pa'i sgra bcu gcig la yang sbyar bar bya ste/ de la don ni sngags thams cad kyi don te/de rtogs par byed pas na don rtogs pa ste mi 'jigs pa'i rang bzhin yi ge a'o/ /de ni rdo rje 'chang chen po'i bzlas pa dang sbyar ro/ /don ni gzugs la sogs pa ste de nyid mig la sogs pa rtog pa gang gis shes pa de ni don rtogs pa'i sku yin no/ /don ni brjod par bya ba ste/de nyid gang gis rtogs par 'gyur ba de ni don rtogs pa ste gsung gi tshogs so/ /don ni phyi rol gyi don te/ de nyid gang gis rtogs par 'gyur ba de ni don rtogs pa ste thugs yin no/ /don ni sngags thams cad kyi dgos pa gang gis rtogs par 'gyur ba de ni don rtogs pa'o//don ni sems can gyi don te/ de nyid rtogs pa ni spro ba dang bsdu ba la sogs pa'i rim pas bya ba ste don rtogs pa'o/ /de bzhin du 'dod chags dang / zhe sdang dang / gti mug rnam par dag pa'i phyir de'i rigs can gyi sems can rnams btsal ba ni don te/ de rnams rtogs pa ni rnam par snang mdzad la sogs pa'i ye shes kyis go 'phang la gnas par bya ba gang yin pa de ni don rtogs pa ste/'dod chags la sogs pa'i rnam par dag pa rnams so/ /de bzhin du don rtogs pa ni sngags kyi don rnam par dpyad nas rang gi rna ba 'am/ gzhan gyi rna bas sngags thos par 'gyur ba gang yin pa de ni don rtogs pa ste gtso bo'i ngag yin no//don ni 'od gsal ba ste/ de nyid rtog pa ni 'jug pa la sogs pa 'og nas de nyid mthar thob par 'gyur ba gang yin pa de ni don rtogs pa'o/ /lhag ma ni go sla'o/ /bzlas pa 'di rnal 'byor pa gang gi bya zhe na/ slong mo za zhing mi bzlas te//ma blangs pa la 'ang chags mi bya/ /'dod pa kun la longs spyod cing / /sngags kyi yan lag ma nyams bzlas/ /zhes bya ba gsungs te/ slong mo za ba ni nye bar mtshon pa yin te de bas na btsal ba la sogs pa'i dman pa'i tshul gzhan rnams dang ldan pas bzlas par mi bya'o//de bzhin du ma blangs pa ni bza' ba nye bar mtshon te/ de la chags pa ni bza' ba la shin tu dga' bar mi bya ste/ ci tsam gyis lus po gnas par 'gyur ba de tsam gyis chog shes nas shin tu spros pa med pa'i spyod pa la spyad par bya'o/ /de lta bu'i gnas pa'i rnal 'byor pas ci zhig bya zhe na/sngags kyi yan lag ma nyams bzlas/ /zhes bya ba la sngags ni yi ge gsum ste/ yan lag ma nyams pa ni lha'i rnal 'byor ma nyams pa 'dod pa kun la longs spyod pa'i sngags pas bzlas par bya ste drang ba'i don to/ /rnam nyams yi ge slong mo ste/ /de ni brjod pa za ba yin/ /de la chags pas gang bzlas pa//de rnams slong mo za bar 'dod/ /ces bya ba la sogs pa 'byung ste nges pa'i don to/ /bshad pa 'di nyid ces bya ba la sogs pa go sla'o/ /dgongs pa lung bstan pa'i rgyud ni bshad pa'i rgyud de/ dgongs pas bshad pa'i rdo rje tshig gang du grol bar 'gyur ba de la de skad ces bya'o//de nas dpal ldan snang mdzad che/ /khyab bdag la ni slar gsol pa/ /zhes bya ba la de nas zhes bya ba ni sngar bshad pa'i 'og tu'o/ /phyag na rdo rje bcom ldan 'das rnam par snang mdzad chen po ni drug pa rdo rje 'chang chen po ste de la zhus pa'o/ /zhu ba de nyid bshad par bya ba'i phyir/sems can thams cad skyed pa po/ /sna tshogs gzugs can sems 'di ni/ /de bas dngos po med gyur kyang / /dngos po dag tu rab tu grags/ /zhes bya ba gsungs te/ kye bcom ldan 'das sems can 'di gang yin pa de nyid sna tshogs gzugs can sems can dang snod kyi 'jig rten gyi rnam pa ru so sor snang bar 'gyur te/re zhig phyi rol gyi dngos po gcig dang du ma dang bral ba'i phyir 'grub pa ma yin te/ gang zhig rnam pa rnams mthong ba de rnams snang ba las ma 'das pa'i phyir sems kyi gzugs yin te/ snang ba de ni shes pa'i rang bzhin yin pa'i phyir ro//ji skad du/ rnam pa gang dang gang snang 'gyur/ /de de shes pa'i thig le de/ /blo ni shel gyi rdo bzhin du/ /gcig nyid du mar gyur pa yin/ /zhes bya ba rnam pa dang bcas pa'i rnam par shes pa smra ba rnams zer ba'i phyir ro/ /sems can thams cad skyed pa po/ /zhes bya bas sems kyi khyad par bstan pa'i sgo nas gtan tshigs bstan pa yin te/sems can thams cad ni rgyu ba dang mi rgyu ba'o/ /de nyid kyi gzugs su bskyed pa ni shes pa skyed par mthong ba ste/ de'i phyir 'dir sems can thams cad skyed pa ni khyab par bya ba dang / sems ni khyab par byed pa'o/ / de bas na khyab par byed pa sna tshogs gzugs can sems grub na khyab par byed pa'i sems can thams cad bskyed pa ni gtan tshigs yin no/ /de tsam gyis re zhig rnam pa dang bcas pa'i sems gzhag pa yin te/ de yang sel bar bya ba'i phyir/ de bas dngos po med 'gyur kyang / /zhes bya ba gsungs te/sems de lta bu gang yin pa de yang rang rig pa'i gzugs su 'byung ste/ rnam par shes pa'i rang bzhin du dngos po med pa yin no/ /sngar bshad pa'i tshad mas rnam pa rnams kyang rnam par dpyad na brdzun nyid du 'grub po/ /de bas na shes pa dang rnam par dag pa phan tshun tha dad pas gnyis ka yang yod pa ma yin no//gang zhig rig par byed pas na sems yin no zhes bshad pa de yang / dngos po dag tu rab tu grags/ /zhes bya ba ni kun rdzob tu grags pa yin gyi don dam par ni ma yin no/ /de bas na dngos po rnams kyi rang bzhin med pa nyid kho na grub pa'i mtha' yin no//zhes bya ba rnam par gzhag pa'o/ /de nyid kyang zhu bar bya ba'i phyir/ byang chub sems ni mkha' mnyam pa/ /logs par rjes su myong mdzad pa/ /'gro ba'i don ni mdzad pa po/ /skye bo mchog la de bstan gsol/ /zhes bya ba gsungs te/ don dam pa'i byang chub sems 'di mkha' dang mnyam pa ni 'od gsal ba'i rang bzhin te/legs par ni phyin ci ma log par bstan du gsol zhes bya ba ni gsol ba btab pa'o/ /gang la zhe na/ skye bo mchog la zhes bya ba ni dbang po rno ba rin po che lta bu'i gang zag la'o/ /ji mdzad nas she na/ rjes su myong mdzad pa zhes bya ba ni bcom ldan 'das nyid kyis mngon sum du mdzad nas bstan du gsol zhes bya ba ni tshig gi 'brel pa'o//de yang ci'i don du zhe na/ 'gro ba'i don ni mdzad pa po/ /zhes bya ba ni ma 'ongs pa'i sems can gyi khams rjes su gzung ba'i don to/ /'di ni sdud pa po rang gis de kho na nyid kyi don rtogs na yang gdul bya ma 'ongs pa'i don du bdag nyid la rin po che lta bu'i gang zag nye bar btags pa yin no//gang gi phyir ma 'ongs pa'i sems can rnams ni sgra ji bzhin pa'i don bzung bas phyin ci log pa'i don la dmigs te dmyal ba la ltung bar 'gyur ro zhes bshad par bya ba'i phyir/ sgrub pa yi ni thabs tsam zhig /shes nas rgyud la rgyab kyis phyogs/ /'di ltar bdag ni slob dpon zhes/ /ma 'ongs pa na smra bar 'gyur/ /zhes bya ba gsungs te/ rgyud kyi don ma shes nas sgrub thabs kyi don tsam rtogs pas bdag slob dpon yin no zhes ma 'ongs pa'i sems can rnams la smra ba yin no zhes ston to//gzhan yang de rnams ji lta bu yin pa dang ci byed ce na/ bdag gi tshig ni 'di nyid dag /yin zhes smra zhing byis pa 'jigs/ /des ni dgongs pa'i byang chub sems/ /ji bzhin don du mi shes so/ /zhes bya ba gsungs te bdag gi tshig ni don dam pa dang bdag kho nas go ba yin te/gzhan gyis ni ma yin no zhes smra zhing byis pa ni rmongs pa'i blo can 'jigs par byed pa'o/ /gal te yang dag par shes na de'i tshe skyon med pa ste/ ji srid dgongs pa'i byang chub sems ni dgongs pas bshad pas bstan pa'i don dam pa'i byang chub kyi sems don ji lta ba bzhin du shes pa ma yin no zhes ston to//de ltar phyag na rdo rje'i zhu ba gsan nas/ ji ltar bcom ldan 'das kyis de la lan gsungs pa de nyid bstan par bya ba'i phyir/ de nas bdag po bcom ldan 'das/ /rnam par snang mdzad thub chen gyis/ /legs zhes lan gsum gsungs mdzad nas/ /lag na rdo rje la 'di gsungs//zhes bya ba gsungs te/ de nas zhes bya ba ni zhus ma thag tu'o/ /nyon mongs pa rnams 'joms pa'i phyir/ bcom pa ni don dam pa'i bden pa ste/ de dang ldan pas na bcom ldan 'das so/ /bdag po lnga'i gtso bo yin pa'i phyir rnam par snang mdzad chen po ni drug pa'o/ /kun rdzob dang don dam pa gnyis tha mi dad par mkhyen pas na thub pa'o//lan gsum du legs par gsungs pa ni zhu ba 'jig rten las 'das pa'i phyir ro/ /bcom ldan 'das kyis gang gsungs pa de nyid bshad par bya ba'i phyir/ mi rtog don gyi de nyid ni/ /rab tu phye nas bshad par bya/ /brjod dang dmigs par bshad pa dang /brdar gyur dang ni don dam mo/ /zhes bya ba gsungs te/ lag na rdo rje khyod la mi rtog don bshad par bya zhes bya ba tshig gi 'brel pa'o/ /mi rtog ni 'od gsal ba ste/ de nyid kyi don ni gang gis thob par 'gyur ba de ni mi rtog don te/ sngags btu ba la sogs pa sngags kyi de kho na nyid rnam pa bzhi'o//rab tu phye nas zhes bya ba ni mdor bstan pa dang rgyas par bshad pa la sogs pa'i dbye bas so/ /de nyid bshad par bya ba'i phyir brjod dang zhes bya ba la sogs pa gsungs te/ brjod pa ni sngags rnams gang las btu bar 'gyur ba de ni brjod pa ste sngags btu ba'o//rjod par byed pa'i sgo nas brjod par bya ba'i don gang gis dmigs par 'gyur ba de ni dmigs pa ste/ de nyid bshad pa ni ming gang la yod pa de ni dmigs par bshad pa ste gnyis pa sngags kyi don yin no/ /brda zhes bya ba ni ming yin te gsum pa'o/ /don dam ni sngags kyi de kho na nyid ste bzhi pa'o//'dir mdor bstan pa ste rgyas par bshad par bya ba'i phyir/ tshig gis brjod pa thun mong ste/ /dmigs par bshad pa sangs rgyas nyid/ /sngags kyi de nyid brda ru bshad/ /don dam de bzhin nyid yin no/ /zhes bya ba gsungs te/ tshig gis brjod pa zhes bya ba ni ming dang thun mong ni ming can no//de yang yi ge dang tshig dang ngag dang / ngag chen po la sogs pa'i thun mong gi rang bzhin du gnas pa'i phyir thun mong ste/ A li dang kA li'o/ /gang gi phyir de nyid las sngags thams cad btu ba yin te/ de'i phyir tshig gis brjod pa ni de nyid bshad pa yin te sngags btu ba'o//sangs rgyas nyid ni rnam par snang mdzad la sogs pa nyid de/ dmigs par bshad pa ni phyag 'tshal ba la sogs pa rjod par byed pa gang yin pa de rnams kyis rnam par snang mdzad la sogs pa'i don rnams gang gis rtogs par 'gyur ba de ni sngags kyi don to/ /brda ni brda kho na yin te sbrul la sogs pa'o//de ni sngags kyi brda'o/ /gang zhig don dam pa'i bden pa 'od gsal ba'i rang bzhin nam/ a'i rang bzhin de ni sngags kyi de kho na nyid yin no/ /de nyid bshad par bya ba'i phyir/ dang po gcig ni dgu dbus na/ /gang zhig bcu yis ma bcings pa/ /de ni bcings med shes bya ste//de shes pa ni mchog gi gnas/ /zhes bya ba gsungs te/ rnal 'byor pa des mchog gi gnas shes so zhes tshig gi 'brel pa'o/ /gang gis bcings pa ni dbyangs dang pos bcings pa'am/ 'khor ba'i bag chags rnams kyis ma bcings pa'i 'od gsal ba shes pa de'i mchog gi gnas ni dbyangs dang po'i rang bzhin gyis btu ba'i ngag gi spros pa shes pa yin no//ji ltar zhe na/ dang po gcig ces pa ni dang po yang yin la gcig kyang yin pas dang po gcig ste/ dbyangs dang gsal byed rnams skyed par byed pa'i rgyu yin pas dang po'o/ /yang na de las dang po med pas na dang po'o//yi ge thams cad a la zhugs pa'i phyir de nyid gcig yin no/ /dgu dbus na zhes bya ba ni yi ge a de nyid ma mo'i sde tshan dgu'i dbus na gnas pa yin te/ dper na a e o r-i l-i i u aM zhes bya ba ni thung ba brgyad de sde tshan gcig yin no/ /de bzhin du A ai au r-I l-I I U AHzhes bya ba ni ring ba brgyad de/sde tshan gnyis pa'o/ /ka la sogs pa ma'i bar du ni sde tshan lnga'o/ /mthar gnas pa'i yi ge dang drod kyi yi ge ste sde tshan gnyis so/ /dgu po de rnams kyi dbus na gnas pa ste/ de med na srog med pas brjod du mi nus pa'i phyir ro/ /gang zhig bcu yis ma bcings pa//zhes bya ba ni dgu po de rnams dang bdag nyid de bcu pos/ ngag gi rnam par rtog pas 'od gsal bcing bar mi 'gyur ro/ /yang na rang bzhin du dag pa dang rnam par rtog pa sna tshogs glo bur ba yin pas bcing bar mi 'gyur ro/ /de lta bu'i 'od gsal ba ma mo'i de kho na nyid yi ge a 'am/de las 'das pa gang gis shes pa des mchog gi gnas zhes pa mi 'jig pa dang mi 'gyur bar shes pa yin te mthar thug pa'i don to/ /de nyid rgyas par bshad par bya ba'i phyir/ dbyangs dang gsal byed yi ge ste/ /grangs dgu yi ni rjes 'jug pa/ / as bcings phan tshun yang dag sbyor/ /gang gis shes de 'gro ba'i bla/ /zhes bya ba gsungs te/ dbyangs ni bcu drug dang / gsal byed ni ka la sogs pa ha'i bar du'o/ /yi ge ni ya ra la wa ste ma ning gi yi ge bzhi'o/ /grangs dgu yi ni rjes 'jug pa/ /zhes bya ba ni sngar bshad pa'i rim pa lta bu'o//de rnams as bcings pa ni yi ge as bcings pas de'i rang bzhin du gang gis shes pa de ni 'gro ba'i slob dpon du 'gyur ro/ /da ni sngags btu ba bshad par bya ba'i phyir/ 'byung ba'i mtha' dang yang dag ldan/ /cha la sogs pa bcu drug gnas//lnga pa lnga dang yang dag ldan/ /bzhi ni gsum du nges par sbyar/ /yi ge A bcas ring por bcas/ /yon tan sbyor sogs phyis dang mtshungs/ /thung ngu ma lus ngag tu 'gyur/ /gcig min du ma ma yin no/ /zhes bya ba gsungs te/ rdo rje'i mdo gnyis pos sngags btu ba dang /de nyid nye bar bsdu ba bstan pa'o/ /de las 'byung ba'i mtha' ni yi ge ha'o/ /cha la sogs pa ni yi ge a'o/ /bcu drug pa ni tsheg drag dang bcas pa'i a'o/ /gnyis ka la mtshams sbyar na yi ge A ring por 'gyur ro/ /lnga pa lnga dang yang dag ldan/ /zhes bya ba sde tshan lnga pa'i lnga pa ni nyi shu lnga pa ste yi ge ma'o//de nyid rjes su 'byung ba'i dbyangs su gyur nas 'byung ba'i mtha' yi ge ha dang sbyar ro/ /bzhi ni gsum du nges par sbyar/ /zhes bya ba ni bzhi gsum phrag tu byas na yi ge bcu gnyis te/ de rnams dang sbyar ba gang la yod pa de ni bcu gsum pa ste yi ge o'o//de yang yi ge aMHbcas zhes bya ba ni thig le dang bcas par bya'o/ /ring por bcas zhes bya ba ni don gyis 'byung ba'i mtha' dang / ring po ni yi ge U dang sbyar ro/ /kun bsdoms pas oM AHhUM yin/ sngags btu ba'o/ /nye bar bsdu ba bshad par bya ba'i phyir/ yon tan sbyor sogs zhes bya ba la sogs pa gsungs te/yon tan ni snying stobs dang / rdul dang / mun pa gsum yi ge gsum kho na yin te/ de rnams sbyor ba ni 'brel pa ste phyis dang mtshungs par bya'o/ /de'i rim pa 'di yin te/ 'dir ni yi ge gsum gang yin pa de la yang re rer yi ge gsum yod pa ste/ de kun la yang mi 'jig pa'i yi ge khyab par byed pa nyid du gnas pa yin no/ /de la re zhig phyag 'tshal ba'i gsum ni a dang u dang ma'o/ /ngag gi dbang phyug gi gsum ni a dang A dang tsheg drag go/ /sprin sgra'i gsum ni mgo bo dang / srog med pa'i ha dang / zhabs bskyed do/ /de la o dang rjes su 'byung ba'i dbyangs ngag gi dbang phyug gi sa bon la thim pa dang /ngag gi dbang phyug gi thig le gnyis thugs kyi dbang phyug gi thig le la thim mo/ /zhabs bskyed ni ha la thim pa dang / ha yang thig le la thim pa dang / thig le yang mgo bo la thim pa ste mgo bo kho na yi ge a'o/ /de ltar na yi ge a bzhi lus pa yin te/de la sku'i a ni gsung gi a la thim pa dang / gsung gi a rang gi tsheg drag gi a la thim pa dang / de yang thugs kyi a la thim par 'gyur ro/ /de nyid bshad par bya ba'i phyir/ thung ngu ma lus ngag tu 'gyur/ /gcig min du ma ma yin no/ /zhes bya ba gsungs te/ gang zhig thung ngu ni mi 'jig pa'i yi ge lus pa de nyid ma lus ngag tu 'gyur zhes bya ba ni yi ge dang tshig dang ngag la sogs pa'i dbye bas ngag gi spros pa thams cad kyi gzugs su 'gyur te/de yang thams cad nye bar bsdu ba'i phyir du ma ma yin pa dang / de nyid las ngag thams cad 'byung ba'i phyir gcig kyang ma yin te/brjod du med pa don dam pa'i de kho na nyid lta bu yin no/ /yang na phyis dang mtshungs zhes bya ba ni mi mthong ba tsam yin te/ oM ni AHla thim pa dang / de yang hUM la thim pa dang / hUM gi zhabs bskyed ha la thim pa dang / ha las kyang a bton nas ha ni mgo bo la thim pa dang / mgo bo yang thig le la thim pa dang /thig le yang a la thim par bya'o/ /de nyid bshad par bya ba'i phyir/ yi ge gang zhig sngar bshad dang / /gang yang mngon par phyogs pa rnams/ /bud med skyes pa ma ning ste/ /khams la sogs pa rab tu brtag /ces bya ba gsungs te/ dbyangs dang gsal byed kyi rang bzhin gyi yi ge dag sngar bshad pa dang /de bzhin du mngon par phyogs pa ni zhi ba la sogs pa la gtso bor gyur pa ya ra la wa gang yin pa de rnams thams cad bud med dang / skyes pa dang / ma ning gi rang bzhin du shes par bya'o/ /de la bud med kyi rtags ni yi ge a'o/ /skyes pa'i rtags ni yi ge hUM ngo / / ma ning gi rtags ni yi ge oM yin no/ /de la sgra mkhan la sogs pas byas pa'i rtags kyi mtshan nyid 'dir gzung bar mi bya ste/ slu bar byed pas na rigs pa ma yin no/ /'dir ni khyab par bya ba dang khyab par byed pa'i dngos po las ma 'das pas rtags kyi mtshan nyid gzhan mthong ba ma yin te/chos nyid ni khyab par byed pa dang / chos can ni khyab par bya ba'o/ /de dag shes rab dang thabs so/ /gang gi phyir shes rab ni bde ba chen po thabs ni khyab par bya ba ste thabs kyis ni shes rab ma yin te/ de ni des bca' bar bya ba'i phyir ro/ /de ltar na a la sogs pa rnams kyis gsal bya rnams khyab par bya ba nyid do//de bas na dbyangs ni shes rab rang bzhin dang gsal byed ni thabs kyi rang bzhin du rnam par gzhag go/ /ya ra la wa bzhi po ni snod kyi 'jig rten gyi rang bzhin yin te ma ning ngo / /de la a nas brtsams te tsheg drag gi bar du bsdus na gnas pa'i dbyangs kun bsdu bas yi ge a ni bud med yin no//ka las brtsams nas ha'i bar du go bzlog pa'i rim pas so sor bsdus na yi ge hUM ni thabs kyi rang bzhin te skyes pa'o/ /ya ra la wa bzhi po'i tha ma yi ge wa rkyang par byas la yi ge gzhan pa'i a dang mtshams sbyar zhing de rnams kyang sna las rjes su 'byung ba'i phyir/rjes su 'byung ba'i dbyangs la oM/ /zhes bya ba ni ma ning yin no/ /gal te shes rab dang thabs ma gtogs par rtags gzhan mi dmigs te/ 'on kyang 'jig rten gyi kun rdzob tu ma ning gi tha snyad mthong ba yin no/ /khams la sogs par rab tu brtag /ces bya ba ni 'di rnams bud med la sogs pa'i rang bzhin gcig pur ma zad kyi/ ji srid khams la sogs pa ni skad kyi byings dang / byed tshig dang / byed pa po dang / bsdu ba dang / byed pa dang / de la phan pa dang bdag gi tshig dang / gzhan gyi tshig dang dus dang skyes bu dang grangs dang yi ge dang tshig dang ngag chen po la sogs pa ste/de srid brgyad khri bzhi stong gi chos kyi phung po'i bar du sna tshogs pa'i skad la sogs pa'i gzugs su rab tu brtag pa yin no zhes ston to/ /yang na khams la sogs pa ni khams gsum pa dang / sku gsum dang / rtsa gsum dang / ting nge 'dzin gsum dang / sku gsung thugs la sogs pa'i rang bzhin du rab tu brtag pa yin no zhes ston to/ /de rnams kyi las bshad par bya ba'i phyir/ 'og dang steng du bcas par ni/ /shes nas blos ni nges par sbyar/ /zhes bya ba gsungs te/ de la yi ge oM ni 'og tu 'gro ba ste 'jug pa'i rang bzhin yin pa'i phyir ro//steng du 'gro ba ni yi ge hUM ste ldang ba'i rang bzhin yin pa'i phyir ro/ /bcas pa ni mnyam pa nyid du gnas pa ste yi ge a'o/ /'o na rang bzhin gyis gnas pa'i rlung rnams la 'og dang steng la sogs pa'i dbye ba ci dgos she na/ smras pa/ shes nas blos ni nges par sbyar//zhes bya ba ni 'jug pa la sogs pa rang bzhin gyis 'grub na yang / so so skye bo rnams ma rig pa'i dbang gis shes pa ma yin no/ /de bas na yan lag ma nyams pa nyid du shes nas blo'i nges par sbyar na rnal 'byor pa la rang bzhin gsal bar byed pa yin no zhes tshig gi lhag ma'o//de'i phyir ma thob pa thob pa ma yin te/ ma shes pa shes pa yin pas rdzogs pa'i rim pa yin no/ /nye bar bsdu ba bshad par bya ba'i phyir/ brjod pa yi ni sngags 'di dag /dngos med ngo bo las byung ba'o/ /zhes gsungs te/ brjod pa zhes bya ba 'di sngags btu ba'i mtshan nyid do//de yang ji lta bu yin zhe na/ dngos med ni rang bzhin med pa ste 'od gsal ba'i ngo bo las 'byung ba yin no zhes bstan to/ /sngags btu ba bshad nas sngags kyi don bshad par bya ba'i phyir/ de nas yongs su gyur pa'i gzugs/ /lha ru nye bar mtshon pa gang / /zhes bya ba gsungs te/ yi ge gsum po de nyid las rnam par snang mdzad la sogs pa'i gzugs gang 'byung ba de yang / lha ru nye bar mtshon pa ni sa bon gang dang gang gis lha de dang de'i nye bar mtshon pa ni yongs su grub pa ste sngags kyi don to/ /gang gi phyir brjod par bya ba dang / rjod par byed pa dag rjes su mthun pa'i phyir ro//brda bshad par bya ba'i phyir/ brda yis de nyid gsum gnas pa/ /rang bzhin bzlas pa'i mtshan nyid do/ /zhes bya ba gsungs te/ brda ni sngags kyi brda ste ming yin no/ /de yang ji lta bu yin zhe na de nyid gsum gnas pa ni de kho na nyid gsum gyis brdar byas te sku'i de kho na nyid dang / gsung gi de kho na nyid dang /thugs kyi de kho na nyid de yi ge gsum gyi brda yin no/ /de bzhin du/ rang bzhin bzlas pa'i mtshan nyid do/ /zhes bya ba ni rang bzhin ni sngags kyi rigs rnams te/ de nyid kyi bzlas pa ni yi ge gsum sbyar ba dang / ma sbyar ba'i mtshan nyid de/ de yang brda yin no/ /gang gi phyir sbrul la sogs pa'i brda rnams ni yi ge gsum la rag lus pas sbrul la sogs pa'i brda ru 'gyur te sngags kyi brda bstan to//da ni sngags kyi de kho na nyid bshad par bya ba'i phyir/ a yis bshad pa'i ye shes ni/ /sangs rgyas kyi ni snying por 'gyur/ /zhes bya ba gsungs te/a la brten te ye shes gang chos thams cad kyi thog ma las ma skyes pa'i mtshan nyid can gyi de kho na nyid de/ de nyid sangs rgyas ni chos thams cad kyi rang bzhin rtogs pa'i rdo rje 'chang chen po ste/ de rjod par byed pa ni phyag 'tshal ba la sogs pa'i snying po'i de kho na nyid yin te sngags kyi de kho na nyid do//gang gi phyir de med na sngags kyi phung po dang / chos kyi phung po thams cad don med par 'gyur ro/ /ji skad du/ brgyad khri dang ni bzhi stong nyid/ /thub pa chen pos chos phung po/ /gang gis de nyid shes mi 'gyur/ /de dag thams cad 'bras bu med/ /ces 'byung ngo / /bskyed pa'i rim pa'i rnal 'byor pas spro ba dang bsdu ba dang /gnas pa rnams kyis sangs rgyas kyi gzugs rdzogs par byed pa ste/ 'dir de'i rnam par rang bzhin gyis grub pa yin no zhes bshad par bya ba'i phyir/ hUM gis sems can yang dag spro/ /sangs rgyas skur ni rab tu brtag /oM gyis sems can yang dag sdud//as ni gnas par gyur pa'o/ /zhes bya ba gsungs te/ yi ge hUM ni ldang ba'i bdag nyid te de'i sems can ni phung po dang / khams dang skye mched la sogs pa'i rang bzhin/ sangs rgyas skur ni rab tu brtag /ces bya ba ni de bzhin gshegs pa dang / lha mo dang /byang chub sems dpa'i bdag nyid du yang dag par spro bar byed pa ste/ ldang ba'i rlung kho na las de rnams gsal ba'i phyir ro/ /gsal ba ni snang ba dang spro ba'o zhes rnam grangs so/ /de bzhin du 'jug pa'i bdag nyid yin pa'i phyir/ yi ge oM gyis sems can gyi sangs rgyas rnams snga ma bzhin du yang dag par sdud par byed pa'o//yi ge As ni de rnams gnas par byed pa'o/ /de ltar yin na bskyed pa'i rim pa'i phyogs su sangs rgyas kyi zhing la sogs pa la spro ba dang bsdu ba dang gnas pa rnams don med pa yin no zhes dgongs pa'o/ /da ni rdo rje bzlas pa'i bya ba'i sgo nas rang bzhin bshad par bya ba'i phyir/'jug pa nyid dang gnas pa dang / /ldang ba yi ni rim gyis kyang / /shes rab thabs kyi gzhir gnas te/ /sngags kyi yan lag ma nyams bzlas/ /zhes bya ba gsungs te/ yan lag ma nyams pa'i lha'i rnal 'byor gyis sngags bzla bar bya'o zhes tshig gi 'brel pa'o//rim gyis zhes bya ba ni 'jug pa la sogs pa'i rim pas so zhes bstan to/ /rnal 'byor pa ji lta bus bzla bar bya zhe na/ shes rab thabs kyi gzhir gnas te/ /zhes bya ba ni shes rab ni yi ge a dang / thabs ni yi ge hUM dang / gzhi ni ma ning gi gnas su phyag 'tshal ba'i yi ge ste/der gnas pa ni srog dang rtsol ba dang / me dang mnyam pa'i rang bzhin gyi yi ge gsum la gnas pa'o/ /gang gi phyir yi ge gsum ni sngags kyi sku thams cad dang / sku dang gsung dang thugs rjes su dran pa'i bdag nyid yin pa'i phyir ro/ /dper na de nyid gyen du 'gro bas g.yas la sogs pa dang /dmar po la sogs pa'i dbye bas kun rdzob kyi sna'i rtse mor nang gi dus la dmigs te/ dkyil 'khor bzhi shar ba'i dus su zhi ba la sogs pa'i las kyi tshogs byed pa yin no/ /de nyid thur du sel bas srog gi 'khor lo nye bar bsdus nas shu kra'i thig le'i gzugs su gyur te/'khor ba pa rnams skyed par byed pa yin no/ /de nyid bskyed pa'i rim pa'i rnal 'byor pa rnams la rtag pa'i sngags kyis sku skyed par byed pa'o/ /de nyid pad+ma'i sna la phra mo'i rnal 'byor pa rnams la sems rtse gcig pa'i rgyur 'gyur ro/ /de nyid dngos grub 'dod pa rnams la de bzhin gshegs pa thams cad kyi snying pos bskul nas dngos grub mngon du byed pa yin no//de nyid sna tshogs par spel zhing bzlas na las dang po pa rnams sdig pa zad pa'i rgyur 'gyur ba dang / mngon par 'dod pa'i las rab tu sgrub par byed pa yin no/ /de nyid rdzogs pa'i rim pa la gnas pa'i 'dod chags dang /zhe sdang dang / gti mug gi rigs can gyis gsang ba la sogs pa'i sna gsum po la thig le'i gzugs su bsgoms na rlung gi de kho na yongs su shes par byed pa yin no/ /de nyid rdo rje 'chang chen po la sogs pa'i rnal 'byor pa rnams la ma lus dang /lus pa'i gzugs su bzlas pa'i rgyur 'gyur ro/ /de nyid srid pa bar ma do'i gnas skabs su srid pa skyed pa'i rgyur 'gyur ro/ /de nyid rnal 'byor pa rnams la gnas skabs de nyid la cig car du ye shes kyi sku skyed par byed pa yin no/ /de nyid sngags kyi de kho na nyid 'dod pa rnams la thun rnam pa bzhi la sogs pa yongs su shes nas 'od gsal ba rtogs par byed pa yin no//de nyid mtha' ru thams cad yongs su rdzogs nas ma ning gi bzlas pa'i skabs su thabs dang shes rab tha mi dad pa'i de kho na nyid mngon du byed pa'i rgyur 'gyur ro/ /da ni rdo rje bzlas pa la dkyil 'khor gyi rim pas grangs bshad par bya ba'i phyir/gos dkar la sogs bzlas bshad pa/ /brgya phrag gnyis dang nyi shu lnga/ /bzhi po legs par bsgres na ni/ /sbyor bzhi bsdus pas brgya phrag dgu/ /dgu brgya dag tu gang bstan pa/ /nyi shu rtsa bzhi'i rim gyis ni//de ni so sor 'byung ba las/ /nyi khri chig stong drug brgya'o/ /zhes bya ba gsungs te/ gos dkar mo la sogs pa nye bar mtshon pas me'i dkyil 'khor la sogs pa bzhi yin te/ de la yang re re la cha bzhi bzhi yod pa ste/ cha re re la dbus su nyis brgya nyi shu rtsa lnga rgyu ba yin no/ / lhag ma cha gsum pa'i grangs kyis dgu brgyar 'gyur ro/ /de ltar dkyil 'khor bzhi la 'jug pa la sogs pa'i rim pas/ nyin mo rgyu ba bcu gnyis yin te/ dgu brgya bcu gnyis dang bsgres na khri phrag gcig dang brgyad brgyar 'gyur te/ mtshan mo yang de bzhin du'o/ /de ltar kun bsdoms pas nyi khri gcig stong drug brgya yin no//'dir ni chos nyid kyi rigs pa 'di yin te 'di las gzhan ni rlung rgyu ba med pa'i phyir ro/ /'on kyang 'jug pa la sogs pa'i skad cig ma rang bzhin gyis grub pa gang yin pa de ni/ rnal 'byor pas 'od gsal ba'i skad cig mas khyab pa mtshon par bya ste/gzhan du so so skye bo las 'di la khyad par med par 'gyur ro/ /nang gi dus 'di nyid ces bya ba la sogs pa go sla'o/ /gsang ba 'dus pa'i rgyud phyi ma ni le'u bco brgyad pa las don 'di nyid gsal bar byed pa'i phyir/ rig pa'i cho ga 'di yis ni/ /thun mtshams bzhi ru rab sbyor la//mtshon bya mtshon byed grangs rnams kyis/ /sngags kyi yan lag ma nyams bzlas/ /zhes bya ba gsungs te/ snang ba la sogs pa stong pa bzhi gang gis rig par 'gyur ba de ni rig pa ste gos dkar mo la sogs pa'o/ /de rnams gang du sbyar bar byed pa de ni rig pa'i cho ga ste dkyil 'khor bzhi'o//de rnams kyi 'jug pa la sogs pa'i rim pas sngags ni yi ge gsum bzla bar bya'o/ /de bzhin du thun mtshams bzhi ni dkyil 'khor bzhi kho na ste/ de rnams kyi rab tu sbyor ba ni g.yas la sogs pa'i dbye bas 'od zer 'byung ba'i rim pa ste de la'o//yang na thun mtshams bzhi ni nyin mo dang mtshan mo nang gi bdag nyid kyi dus te/ de'i rim pa la'o/ /ji ltar bzla zhe na/ mtshon bya mtshon byed grangs rnams kyis/ /zhes bya ba ni mtshon par bya bas na mtshon bya ste 'od gsal ba'am kha dog dmar po la sogs pa'i 'od zer ro//mtshon par byed pas na mtshon byed de 'jug pa la sogs pa'o/ /grangs ni sngar bshad pa ste/ nyis brgya nyi shu rtsa lnga la sogs pa'o/ /de rnams kyi yan lag ma nyams pa'i sngags bzla bar bya'o/ /da ni ngag gi bzlas pa dgag par bya ba'i phyir/ sgom pa yi ni bar chad can/ / rnal 'byor phyi rol bzlas pa spangs/ /sngags don bcom ldan rdo rje can/ /rdo rje'i bdag nyid ji ltar zlos/ /zhes bya ba gsungs te/ rdo rje bzlas pa la chags pa'i rnal 'byor pas phyi rol bzlas pa ni ngag gi bzlas pa dang / nang gi bzlas pa spang bar bya'o/ /gang gi phyir sgom pa yi ni rdzogs pa'i rim pa'i mtshan nyid de/de'i bar chad can ni bgegs su 'gyur ba'o/ /sngags kyi bzlas pa ni bcom ldan 'das rdo rje can mngon du bya ba'i phyir byed pa yin te/ gal te de nyid rnal 'byor pa rdo rje can gyi bdag nyid du gyur na/ mi phyed pa'i rdo rje bzlas pa'i rang bzhin gyi rnal 'byor pa des so/ / ji ltar zlos zhes pa ni bzla bar bya ba ma yin no/ /bskyed pa'i rim pa la gnas pa'i dam tshig 'di nyid yin te/ de'i gal te phyi'i bzlas pa spong bar byed na/ de'i tshe bskyed pa'i rim pa la snod du gyur pa ma yin te dam tshig nyams pa'i phyir ro/ /dpe bstan par bya ba'i phyir/ glang po mngon du rnyed gyur nas//glang po'i rjes ni tshol byed ltar/ /sngags lus rang nyid mngon gyur nas/ /gzhan dag cig ni tshol byed dam/ /zhes bya ba gsungs te/ glang po che stor ba'i skyes bus gal te 'di nyid rnyed na/ de'i tshe glang po che de'i rjes tshol ba ma yin no/ /de bzhin du gang zhig sngags kyi sku rdo rje 'chang chen po nyid du gyur pa des gzhan dag ngag gi bzlas la sogs pa tshol bar byed pa ma yin no//da ni bskyed pa'i rim pa'i rnal 'byor pas spyan drang ba la sogs pa'i sgo nas sngags kyi sku 'dod pa ste/ rdzogs pa'i rim pa'i rnal 'byor pa la rgol ba gang yin pa de nyid bshad par bya ba'i phyir/gzhan yang rdo rje 'dzin gang zhig /sbyor ba gsum dang ldan pa'i mi/ /spyan drang gshegs su gsol 'gyur dang / /de bzhin bzhugs su gsol ba dang / zhes bya ba gsungs so/ /de'i don 'di yin te/ bskyed pa'i rim pa la gnas pa'i rnal 'byor pas dam tshig dang ye shes dang /ting nge 'dzin sems dpa' ste sbyor ba gsum dang ldan pa'i gzugs bskyed pa la/ ting nge 'dzin sems dpa' las 'od zer gyi 'khor lo rnam par spros te/ des ni sangs rgyas kyi zhing las ye shes kyi 'khor lo spyan drangs la dzaHhUM baM hoHzhes bya ba'i sngags kyis dgug pa dang / gzhug pa dang / bcing ba dang / dbang du byas la/ dgongs ka'i mtshams la/ muH'i mtha' can gyi sngags kyis de nyid gshegs su gsol te/ de'i nga rgyal gyis gnas par bya'o/ /de ltar nyin re bzhin byas shing bsgoms pa las mthar thug pa'i byang chub mngon du byed de/ cho ga 'di khyod kyi phyogs su yod pa ma yin te phyogs snga ma'i tshigs su bcad pa'o//'di la lan gdab par bya ba'i phyir/ gzhug pa yis ni spyan drangs te/ myur ba yis ni gshegs su gsol/ /gnyis ka min pas bzhugs su gsol/ /dbugs med dngos grub bla med pa'o/ /zhes bya ba gsungs te/ 'dir 'jug pa ni yi ge oM gyis spyan drang ba ste rnam par snang mdzad kyi rigs can sangs rgyas dang byang chub sems dpa' rnams spyan 'dren par shes par bya'o//de bzhin du myur ba ni ldang ba'i rang bzhin gyi yi ge hUM gis mi bskyod pa'i rigs can sangs rgyas byang chub sems dpa' rnams gshegs su gsol bar shes par bya'o//de bzhin du gnyis ka min pas zhes bya ba ni gnas pa'i rang bzhin gyi yi ge AHsa snang ba mtha' yas kyi rigs can sangs rgyas dang byang chub sems dpa' rnams bzhugs su gsol bar shes par bya'o/ /de yang yi ge re re gsum gsum gyi bdag nyid yin pas spyan drang ba la sogs pa'i las shes par bya'o//'dir yang khyad par bshad pa'i phyir/ dbugs med dngos grub bla med pa'o/ /zhes bya ba gsungs te/ dbugs med pa ni 'jug pa la sogs pa'i dbugs dang bral ba'i ma ning gi bzlas pa ste/ de las dngos grub bla na med pa ni phyag rgya chen po'i dngos grub thob par 'gyur ro//de bas na khyod kyi phyogs su spyan drangs pa la sogs pa rtsol bas grub pa dang / rtogs pa can dang sngags kyi sku tsam sgrub par byed pa'o/ /bdag gi phyogs su ni sngags dang rlung dag tha mi dad pas 'jug pa la sogs pa rnams de bzhin gshegs pa'i rang bzhin kho na yin te/rang gi lus po la gnas pa de rnams la spyan drang ba la sogs pa 'bad pa med pas 'grub par bya ba dang / rang bzhin gyis grub pa ste 'khor ba dang mya ngan las 'das pa la mi gnas pa'i phyag rgya chen po sgrub par byed pa ste khyad par ro/ /man ngag 'di sbas par bya ba'i phyir/ myur ba dang ni rnam sdud dang //dal ba can dang sngags sbyor ba/ /bla mas slob ma'i rna drung du/ /rab tu 'bad de brjod par bya/ /zhes bya ba gsungs te/ de'i don 'di yin te/ myur ba la sogs pa'i sgra rnams kyis 'das ma thag tu bshad pa'i rlung gsum pa la sngags sbyor ba ni yi ge gsum sbyor ba gang yin pa de ni slob dpon gyis slob ma'i rna drung du brjod par bya ba ni bshad par bya ba ste/sbas pa'o zhes bstan to/ /gang gi phyir sbas pa nyid ni dngos grub kyi rgyu yin no zhes zer ro/ /gsang ba'i yi ge'i bzlas pa bshad par bya ba'i phyir/ de rnams rnal 'byor dbang phyug gis/ /thabs kyi dam pa bstan pa'i phyir//rnal 'byor 'bras bu rab ster ba'i/ /gsang ba'i yi ge bshad par bya/ /gang zhig bsams pa tsam gyis ni/ /rnal 'byor can gyis mchog ster 'gyur/ /zhes bya ba gsungs te/ tshigs su bcad pa phyed dang gnyis kyis mdor bstan pa dang bcas pa dang / 'bras bu dang bcas pa'i gsang ba'i yi ge bzlas pa bstan to//de la gsang ba'i yi ge bshad par bya/ /zhes bya ba ni tshig gi 'brel pa'o/ /bskyed pa'i rim pa'i rnal 'byor pa rnams la sbas pa'i phyir gsang ba dang chos kyi dbyings kyi rang bzhin yin pa'i phyir mi 'gyur bas na yi ge'o//gsang ba yang yin la de nyid yi ge yang yin pas gsang ba'i yi ge ste/ de nyid bshad par bya ba ni bsdu ba'i rim pas so sor bstan pa'o/ /de yang ji lta bu yin zhe na/ thabs kyi dam pa bstan pa'i phyir/ /zhes bya ba ni thabs dam pa ni rdo rje 'chang chen po thob par byed pa'i thabs te de bstan pa'i phyir ro//yang ji lta bu yin zhe na/ rnal 'byor 'bras bu rab ster ba'i/ /zhes bya ba ni rnal 'byor pa'i ting nge 'dzin de'i sa thob pa'i 'bras bu ni rnam pa gnyis te/ 'jig rten dang 'jig rten las 'das pa'i mtshan nyid can gang yin pa de rab tu ster bar byed pa gang yin pa de la de skad ces bya'o//gang zhig bsams pa tsam gyis ni/ /zhes bya ba ni gsang ba'i yi ge gang zhig mgrin pa dang snying ga dang / lte ba dang / gsang ba'i gnas su dran pa tsam gyis/ rnal 'byor can gyis mchog ster 'gyur/ /zhes bya ba ni rnal 'byor pa rnams kyis sems can thams cad la mngon par 'dod pa'i don ster bar 'gyur ro//de nyid bshad par bya ba'i phyir/ dang po yi ge sbyar ba yis/ /rtag tu dbugs ni spro bar bya/ /brgyad pa'i mtha' dang ldan pa yis/ /yi ge u ni thig ler bcas/ /rnal 'byor pa ni dbugs gtong byed/ /ci dga' ba yi bzlas par bshad/ /ces bya ba gsungs te/ 'dir ni rtsibs brgyad pa'i chos kyi dbyings kyi 'khor lo'i nang na gnas pa'i mar me bzhin du 'bar ba'i yi ge a gang yin pa de ni dang po'i yi ge ste/ de'i sbyor ba ni de dang rtse gcig pa'i ting nge 'dzin gyis so/ /rtag tu dbugs ni spro bar bya ba ni A li dang kA li'i rang bzhin gyis sangs rgyas kyi tshogs sdud par byed pa'i yi ge gsum spro bar bya'o//gang gi phyir sngags rnams kyi rang bzhin 'di yin te/ gang zhig rang bzhin gyis 'od gsal ba'i yi ge a'i ste/ de las 'byung ba dang de nyid du thim par 'gyur te dper na mkha' las sprin gyi tshogs lta bu'o/ /de las me tog gi tshul du yi ge gsum byung ste/sku dang gsung dag thugs la nye bar bsdu ste/ gsang ba'i yi ge dkyil 'khor bzhi la lhag par mos par bya'o/ /de la mgo bo med pa ni snying ga la/ mgo bo mgrin pa la dang / sgra ni yi ge u ste/ de ni lte ba'i pad+ma la dang / sgra'i mtha' ni thig le ste de ni gsang ba'i pad+ma la gnas so/ /de la ldang ba ni mgo bo med pa dang /gnas pa ni mgo bo dang / 'jug pa ni sgra dang / thams cad nye bar sdud pa dbugs dang bral ba gang yin pa de ni sgra'i mthas bya ba yin te/ gsang ba'i yi ge gcig pus ldang ba la sogs pa 'od gsal ba'i bar du ting nge 'dzin bstan pa yin no/ /ji skad du/ mgo med snying ga'i pad+mar gnas//kha yi pad+mar mgo bor gnas/ /lte ba'i pad+mar sgra gnas te/ /sgra mtha' gsang ba'i pad+ma la'o/ /'gro dang 'ong bar byed pa 'di/ /thig le'i rnal 'byor rab tu 'jug /ces bya ba lha mo bzhis yongs su zhus pa'i bshad pa'i rgyud las gsungs pa'i phyir de nyid bsdu ba yin te/brgyad pa'i mtha' ni yi ge ha ste/ /sde tshan brgyad pa'i mthar gnas pa'i phyir ro/ /U ni dbyangs drug pa ste de nyid ha'i zhabs bskyed du bya'o/ /thig ler bcas zhes bya ba ni zhabs bskyed dang bcas pa'i ha de nyid la thig le sbyar na yi ge hUM btu ba yin no/ /rnal 'byor pa ni dbugs gtong byed//ces bya ba ni yi ge 'di nyid kyis 'byung ba dang 'jug pa dang gnas pa gsum rnal 'byor pas byed pa gang yin pa de ni ci dga' ba'i bzlas pa ste/ rnal 'byor pa'i mos pa'i dbang gis bzlas par bshad do/ /de ltar yin na ldang ba'i rlung kho na 'grub pa yin te/ 'jug pa dang gnas pa'i bdag nyid kyi rlung ni 'grub pa ma yin no zhe na/smras pa/ re zhig rlung rnams ni mtshan mo dang nyin mo rang bzhin du rgyu ba ste/ ji ltar bshad pa'i grangs las 'das pa ma yin te rnal 'byor pa'i mos pa'i dbang gis gal te yi ge gcig la dmigs nas de byed pa yin na/ de'i tshe yi ge gzhan nye bar gnas pa'i rtsol ba ni don med pa kho na yin te de nyid kyi phyir ci dga' ba'i bzlas par bshad do//yang na sngar bshad pa'i cha shas kyi dbye ba la dmigs nas/ 'jug pa la sogs pa yod pa yin te de'i grangs la 'gal ba yang med do/ /grangs de nyid bshad par bya ba'i phyir/ khri phrag gnyis dang chig stong dang / /de bzhin du ni brgya phrag drug /rnal 'byor dbang po nyin mtshan med/ /bzlas brjod kyi ni grangs byed do/ /zhes bya ba gsungs te/ de yang go sla'o/ /lung tshad ma nyid bstan par bya ba'i phyir/ de 'dir gsang zhing dgongs pa yis/ / phra mo'i rnal 'byor bshad pa yin/ /bsam gtan kha don med mod kyi/ /'on kyang bzlas par bshad pa yin/ /zhes bya ba gsungs te/ gsang zhing dgongs pa ni dgongs pa lung bstan pa'i rgyud de de ru/ phra mo'i rnal 'byor bshad pa yin/ /zhes bya ba ni rdo rje bzlas pa'i thabs su gyur pa'i rlung dang sngags kyi de kho na nyid kyi bdag nyid gsang ba'i yi ge'i bzlas pa bcom ldan 'das kyis bstan pa yin no//bsam gtan kha don med mod kyi/ /zhes bya ba ni bsam gtan ni sngags kyi sku la sogs pa'i mtshan nyid can gyi ting nge 'dzin dang / kha don ni ngag gi bzlas pa'i mtshan nyid de/de gnyis ka dang bral ba yin na yang phra mo'i rnal 'byor rang bzhin gyis grub pa'i phyir bzlas par bshad pa yin no/ /ji skad du/ khams gsum du ni sems can rnams/ /srog dang rtsol ba la brten pa/ /bsam gtan kha ton bral ba yis/ /sngags kyi rgyal po zlo bar byed/ / ces bya ba 'byung ba'i phyir ro/ /rdo rje bzlas pa'i gzhir gyur pa'i lha'i gzugs bstan pa'i phyir/ rdo rje bzlas pa 'di yis ni/ /cho ga ji bzhin bsten bya zhing / /sgyu ma lta bu'i ting 'dzin gyis/ /las rnams thams cad bsgrub par bya/ /zhes bya ba gsungs te/ re zhig bskyed pa'i rim pas sngags kyi sku gang bsgom pa de las 'das pa'i phyir dang /lus rnam par dben pa yang ye shes kyi rang bzhin yin pas gzugs med pa yin te/ de ru lha'i sku bsgom pa yod pa ma yin no/ /de bas na rdo rje bzlas pa'i rten du gyur pa'i sku gang yin zhes bshad pa'i phyir ro/ /sgyu ma lta bu'i ting 'dzin gyis//zhes bya ba gsungs te 'og nas bshad par 'gyur ba'i rim pa gsum pas thob pa'i sgyu ma lta bu'i ting nge 'dzin gyi rang bzhin gyi sku dang sngar bshad pa'i rdo rje bzlas pa'i cho ga ji bzhin 'og nas bshad par 'gyur ba'i cho ga las ma 'das te/ /bsten pa ni yang dang yang du goms par byas la/las rnams thams cad ni zhi ba la sogs pa'i las rnams bsgrub par bya'o/ /de'i rdo rje bzlas pa la sgyu ma'i sku rten dang ngag gi rang bzhin 'grub pa'i phyir sems bskul ba po yin no zhes bstan to/ /ji skad du/ sngags la dmigs pa'i sku yi ni/ /ngag gis yid la bskul ba yis//yid ni dga' byed yid 'ong ba'i/ /dngos grub mchog ni thob par bya/ /zhes bya ba la sogs pa gsungs so/ /cho ga ji bzhin gyi sgra'i don bstan par bya ba'i phyir/ gnyis su med par mnyam par rnam par rgyal ba'i rgyud las khungs drangs pa yin te/ mnyam med sngags ni bzlas nas su/ / sgrub pa'i bdag nyid can gyis bsgrub/ /de yi zla ba gcig gis ni/ /khams gsum 'grub par gdon mi za/ /zhes bya ba la mnyam med sngags ni yi ge gsum bzlas nas 'khor lo bzhin du nyin dang mtshan du rgyu bar shes nas/ sgrub pa'i bdag nyid ni rnal 'byor pas 'od gsal ba'i rang bzhin ma ning gi bzlas pas sgrub pa bya'o//de'i phan yon bstan par bya ba'i phyir/ de yis zla ba gcig gis zhes bya ba la sogs pa gsungs te/ zla ba ni zhag sum cus khams gsum ni khams gsum pa'i sems can yul du byas pa'i las kyi tshogs 'bad pa med par 'grub par 'gyur ro/ / bzlas pa'i grangs bshad par bya ba'i phyir/ rnam par shes las byung ba'i sngags/ /'bum phrag drug ldan bzlas nas kyang / /rdo rje sems dpa' phyag byas nas/ /zla ba nya la de 'grub 'gyur/ /zhes bya ba gsungs te/ 'dir ni nyin re la dbugs nyi khri chig stong drug brgya'i grangs kyis zhag lnga la dbugs 'bum phrag gcig dang stong phrag brgyad rgyu ba yin te/grangs mang nyung bkag pa'i phyir stong phrag brgyad dang bcas pa'i 'bum phrag gcig ni 'bum phrag kho nas bshad pa'o/ /grangs de'i zla ba gcig la ni 'bum phrag drug yin te/ de yang rnam par snang mdzad nas rdo rje 'chang gi bar du 'bum phrag drug bstan to//de ltar zla ba gcig gis rnam shes las byung ba'i sngags zhes bya ba ni rlung la zhon pa'i rnam par shes pa las 'byung ba'i sngags bzlas la zla ba nya la de 'grub 'gyur zhes bya ba ni rdo rje bzlas pa la mthar thug par 'gyur ro/ /gang gi tshe zhe na/ rdo rje sems la phyag byas nas/zhes bya ba ni 'khor los sgyur ba drug pa yid kyis dmigs nas 'di ni 'khor los sgyur ba drug gi bzlas pa yin no zhes ston te/ rdo rje bzlas pa la chags pa'i rnal 'byor pa la brtul zhugs la sogs pa dgos pa ma yin no zhes bshad par bya ba'i phyir/ de la brtul zhugs bshad pa med//phreng ba mi dgos dgag mi dgos/ /gzung dang sbyin sreg las rnams dang / /gcig nas gcig tu ldog par 'gyur/ /zhes bya ba gsungs te/ brtul zhugs ni sbyangs pa'i yon tan la sogs pa rnal 'byor pa de la mi dgos te/ 'dod pa'i yon tan lnga la longs spyod pas de dang 'gal ba'i phyir ro//phreng ba ni sngags bzlas pa'i phyir de la gzung mi dgos te/ rang bzhin du rgyu ba'i srog dang rtsol ba kho na phreng ba yin pa'i phyir ro/ /dgag mi dgos zhes bya ba ni sna'i rtse mo la sogs par blta ba dgag cing skyil mo krung bcings pa la sogs pa dgos pa ma yin te/dkyil 'khor bzhi shar ba'i dus 'od zer gyi thig le la sems dgag pa'i phyir ro/ /gzung zhes bya ba ni bris sku dang zla ba'i dkyil 'khor la sogs pa la sems gtad pa mi dgos te/ mi 'jig pa'i de kho na nyid la gtan du gnas pa'i phyir ro/ /sbyin sreg gi las kyang mi dgos te bud shing dang 'dra ba'i rnam pa bzhi'i ngag gi rnam par rtog pa rdo rje bzlas pa'i mes sreg pa'i phyir ro//de bzhin du mchod pa dang / gtor ma dang / rab tu gnas pa la sogs pa gzhan ma rnams kyang bya mi dgos te nang gi bdag nyid kyi rim pas de dag thams cad grub pa'i phyir ro//zhi ba la sogs pa'i las ji ltar sgrub par byed pa yin no zhes bshad par bya ba'i phyir/ ya yi don gyis gang ci 'ang rung / /dngos grub 'dod pas bya ba ni/ /ra la sogs pa gsum nyid kyis/ /'gro ba'i don la 'jug par bya/ /zhes bya ba gsungs te/ yi ge yas nye bar mtshon pa'i rlung gi dkyil 'khor ni yi ge ya ste/des sgrub pa'i don ni ya'i don te drag po'i las yin no/ /dngos grub ni de nyid kyi dngos grub ste de 'dod pa'i rnal 'byor pas ci yang rung ba ni drag po'i las gang yang rung ba bya'o/ /de bzhin du ra la sogs pa gsum pos nye bar mtshon pa'i me la sogs pa dkyil 'khor gsum gyis zhi ba la sogs pa'i 'gro ba'i don la rab tu 'jug par bya'o//de nyid bshad par bya ba'i phyir/ me dang rlung dang dbang chen dang / /chu ste so so'i dkyil 'khor du/ /thun ni phyed phyed dus su ni/ /las ni gnyis gnyis gnas par 'gyur//zhes bya ba gsungs te/ me la sogs pa'i dkyil 'khor bzhi las g.yas la sogs pa'i sgo nas 'byung ba'i kha dog dmar po la sogs pa'i 'od zer shar ba'i dus su/ thun ni phyed phyed kyi dus kyi bar du las gnyis gnyis ni las bzhi gnas par 'gyur ba ni 'grub par 'gyur ro//da ni rdo rje bzlas pas thar pa thob pa yin no zhes dpe'i sgo nas bstan par bya ba'i phyir/ mchod la brtson pas mchod par 'gyur/ /bzlas la brtson pas rnam par dag/ me la sbyin sreg brtson pas 'byor/ /bsam gtan brtson pas thar pa thob/ /ces bya ba gsungs te/ ji ltar mchod pa la brtson pa'i gang zag gis ni bla ma dang rang sangs rgyas dang byang chub sems dpa' rnams kyi mchod pa la chags na/tshe 'di nyid du mchod par 'gyur ba dang / ji ltar bzlas pa la brtson pa ni ngag gi bzlas pa la chags pa'i gang zag sdig pa zad pas rnam par dag par 'gyur ba dang ji ltar me la sbyin sreg brtson pa ni dam tshig gi me'i zhal nas ye shes kyi me tshim par byed pa'i gang zag gis 'byor pa thob pa ste de bzhin du/bsam gtan brtson pas thar pa thob/ /ces bya ba ni rdo rje bzlas pa la brtson pa'i rnal 'byor pas mi gnas pa'i mya ngan las 'das pa'i mtshan nyid can gyi thar pa thob pa yin no zhes bstan to//rnam par mi rtog pa kho na las dngos grub thams cad thob pa yin no zhes bya ba bstan par bya ba'i phyir/ sngags pas de ltar shes nas ni/ /'gro na byis pa bzhin du spyod/ /de nas mi rtag chos can gyis/ /gsang sngags rnams ni 'grub par 'gyur//zhes bya ba gsungs te/ de ltar shes pa ni sngar bshad pa'i rigs pas A li dang kA li'i rang bzhin gyi ngag gi spros pa shes nas/ 'gro ba'i nang na byis pa bzhin du spyod pa ni bstod pa dang smad pa la sogs pa'i ngag gi rnam par rtog pa dang bral bar gnas par bya'o/ /gang gi phyir 'od gsal ba'i rang bzhin gang yin pa de bstod pa dang smad pa gang yang med pa'o zhes rnal 'byor pas rnam par spyod na gang du yang chags par mi 'gyur ro//de nas zhes bya ba ni rnam par mi rtog pa'i chos nyid kyi rgyu de las so/ /gsang sngags ni sbrul la sogs pa ste/ de rnams 'grub par 'gyur ba ni rang rang gi las la nus pa dang ldan par 'gyur ro/ /rtog pa dang bcas pa'i gang zag de rnams 'grub pa ma yin te sngags kyi de kho na nyid mi shes pa'i phyir ro/ /nye bar bsdu ba bshad pa'i phyir/ /gsung gi rdo rje sgrub pa ste/ 'di ni sngags kyi de nyid gsal/ye shes gsum gyi dbye ba yis/ /sems tsam la ni nges par sbyar/ /zhes bya ba gsungs te yid skyob pa 'am/ sbas par smra ba'i phyir/ sngags kyi rnam pa gnyis te rgyu dang 'bras bu'i bye brag go/ /de la rgyu ni srog rlung dang 'bras bu ni sngags te/ de dag gi de nyid ni sngags kyi de nyid de/rlung dang sngags kyi de kho na nyid gang yin pa ste gsang ba ni rtsa ba'i rgyud dang / rgyud phyi ma dang / bshad pa'i rgyud kyi rjes su 'brangs nas phye ba yin no/ /de gcig pur ma zad kyi rdo rje bzlas pa yang phye ba byas pa yin te/ de yang ji lta bu yin zhe na/ gsung gi rdo rje grub pa ste/ /zhes bya ba ni mi phyed pa'i ngag gi rnam par dben pa sgrub par byed pa'o//ngag gi rnam par dben pa de yang ngag gi rnam par rtog pa bzhi rnam par sbyangs nas thob pa yin no/ /de la ngag rnam pa bzhi ni dper na mtshan nyid kyi ngag dang / rmi lam gyi ngag dang / gnas ngan len la mngon par zhen pa'i ngag dang thog ma med pa'i dus kyi rnam par rtog pa'i ngag go//blo gros chen po de la mtshan nyid kyi ngag ni rang gi rnam par rtog pa'i gzugs la mngon par zhen pa las 'byung ngo / /blo gros chen po rmi lam gyi ngag ni sngon myong ba'i yul rjes su dran pa dang rtog pa'i yul med pa las 'byung ngo / /blo gros chen po gnas ngan len gyi rnam par rtog pa'i ngag ni sngon byas pa'i las rjes su dran pa las 'byung ngo //blo gros chen po thog ma med pa'i dus kyi rnam par rtog pa'i ngag ni thog ma med pa'i dus kyi spros pa la mngon par zhen pa'i gnas ngan gyi rang gi sa bon las 'byung ste/ ngag bzhi po'i mtshan nyid spyod pa bsdus pa'i sgron ma las gsungs so//ngag bzhi po de rnams kyang dang po gnyis ni 'jug pa'i rnam par shes pa las 'byung ba dang / phyi ma gnyis po ni nyon mongs pa can gyi yid dang kun gzhi rnam par shes pa las 'byung bar shes par bya'o/ /ye shes gsum gyi dbye ba yis//zhes bya ba la sogs pa la/ de ltar ye shes gsum gyi dbye bas 'di nyid sems tsam la sbyar bar bya'o/ /dper na rlung dang sngags kyi de kho na nyid gang yin pa de nyid rlung la zhon pa'i rnam par shes pa yin te/ gang gi phyir rlung gi shing rta la zhon pa rnam par shes pas 'gro ba skyed par byed pa yin no//rim pa 'dis ngag rnam par sbyang ba ste/ rim pa gnyis pas snang ba rgyur gyur pa'i rang bzhin phra mo sbyang bar bya ste/ khyad par bstan to/ /rdo rje bzlas pa'i rim pa slob ma gang la sbyin pa dang / sbyin par bya ba ma yin pa de brtag par bya ba'i phyir/ bla ma la brnyas sgyu can dad pa med//sngags kyis rlom zhing glegs bam mthong bas khengs/ /dad pa med cing dbang bskur dman pa la/ /gtam gyi rim pa'ang de la brjod mi bya/ /zhes bya ba gsungs te/ gang zhig slob ma tsan+dan lta bu ste de la rim pa 'di'i gtam yang bya ba ma yin no/ /de ji lta bu yin zhe na/ bla ma la brnyas pa ni le lo can dang //sgyu can ni sgyu ma can dang / /dad pa med pa ni slar yang zhe sdang can dang / /de bzhin du sngags tsam shes nas rlom pa ni nga rgyal can dang / de bzhin du glegs bam mthong ba ni rang gis glegs bam klog nas bdag la thos pa la sogs pa dgos pa ma yin no zhes khong nas dad pa med pa ni chos la mi dga' ba dang /dbang bskur dman pa ni rig pa'i dbang bskur ba tsam thob pa ste/ bla na med pa'i dbang bskur ba ma thob pa gang yin pa de la rim pa 'di bstan par mi bya ste snod ma yin pa'i phyir ro/ /snod kyi mtshan nyid bshad par bya ba'i phyir/ gang zhig bla ma la gus dad dang ldan//mos pas bsnyen bkur la ni rtag tu brtson/ /thos pa 'dzin gang bla ma dam pa yis/ /de la bla ma'i drin sbyin brtag mi dgos/ /zhes bya ba gsungs te/ rin po che lta bu'i gang zag gang yin pa de la bla mas bka' drin sbyin par bya ba la brtag par bya ba ma yin te/ rim pa'i don myur du bstan par bya'o//ji lta bu yin zhe na/ dad pa dang ldan pa ni bden pa dang dkon mchog gsum la sogs pa la snying dga' ba dang / de bzhin du bla ma la gus pa ni rdo rje slob dpon gyi bkur sti la chags pa dang / de bzhin du thos pa 'dzin pa ni lan gcig tu bshad pa'i chos brjed ngas pa med pas ji srid 'tsho'i bar du 'dzin pa'o//ji skad du/ tshul khrims dag cing mkhas la drang / /shes rab ldan cing rgyud gcig pa/ /thos nas legs par ston pa ni/ /rin chen zhes bya'i gang zag go/ /zhes bya ba 'byung ngo / /bla ma'i drin gyis bdag nyid che ba bshad pa'i phyir/ri rab rtse las 'ga' zhig ltung 'gyur na/ /ltung bar mi bya snyam yang ltung bar 'gyur/ /bla ma'i drin gyis phan pa'i lung thob nas/ /grel bar mi 'gyur snyam yang grol bar 'gyur/ /zhes bya ba gsungs te/ ji ltar ri bo'i rtse mor ltung ba'i skyes pa ltung bar mi 'dod na yang ltung bar 'gyur te de bzhin du bla ma'i bka' drin thob pa'i slob mas grol bar mi 'dod na yang grol bar 'gyur ro//'o na 'dir re zhig ba spu ldang ba la sogs pas nye bar mtshon pa'i rdo rje dbab pa ni man ngag nyid du bstan pa ma yin te ma nges pa'i phyir ro/ /ma nges pa ni 'dod chags dang mya ngan la sogs pas mnan pa'i gang zag la yang ba spu ldang ba la sogs pa mthong bar 'gyur ro//bstan pa'i sgo nas kyang de nyid mtshon par mi nus te de ni rnam par rtog pa'i rgyu yin pa'i phyir ro/ /rnam par mi rtog pa dang / rnam par rtog pa dag phan tshun 'gal bas rnam par mi rtog par ston na yang de nyid rtog pa dang bcas par thal bar 'gyur te/dper na khyod kyis dran par mi bya zhes smras kyang bkag pa dran pa yin zhes bya ba la sogs pa lta bu'o/ /gal te mig btsums nas de kho na nyid bsgoms nas des de thob pa ma yin te/ khyab par byed pa nyid nyams pa'i phyir ro/ /gang gi phyir de kho na nyid ni phyogs gcig tu gnas pa yin te/rgyu ba dang mi rgyu ba'i dngos po khyab pa'i phyir ro/ /gal te de yod pa yin na bsgom pas dgos pa med pa'o/ /med na ni bsgom pas kyang bya ba med do/ /gal te cha gnyis nye bar bsdus na 'gal ba'i chos 'byung bas/ de ni bsgom par rigs pa ma yin no/ / de bas na bla ma'i bka' drin ji lta bu yin zhe na/ smras pa/ sngags kyi theg pa chen po 'di dpal byang chub rdo rjes phyag rgya bzhi bstan pa yin te/ de la phyag rgya gsum ni thabs dang / tha ma bzhi pa gang yin pa de ni 'bras bu'o/ /de la re zhig las kyi phyag rgya la sogs pa'i nang nas gang yang rung ba slob ma la gtad pa de la/de yis de dang lhan cig tu snang ba la sogs pa nyams su myong nas 'od gsal ba mngon du byas shing / dpe dang dpe las 'byung ba dag chos can dang chos nyid kyi rigs pas chos sku 'di kho na yin no zhes shes nas rnam par mi rtog pa'i dbyings la bzhugs te/ de las langs nas slar yang ye shes la rtsol ba dang ldan pas bskal pa stong gi bar du gnas par bya'o//ldang ba'i dus su slob dpon gyis bstan pa'i sgo nas de kho na nyid gsal bar bya ba'i don du rjes su smra ba yin te/ de kho na nyid rang byung yin pa'i phyir/ de nyid bstan pa ni skyed par byed pa ma yin te skyon med pa yin no//rim pa lnga'i 'grel pa rim pa'i don gsal bar byed pa zhes bya ba las rdo rje bzlas pa'i rim pa ste dang po'o// //da ni rim pa gnyis pa rtsom pa'i dang por/ bcom ldan 'das rdo rje 'chang la phyag 'tshal ba'i phyir/ phyag 'tshal 'dud cing phyag 'tshal 'dud/ /phyag 'tshal bstod de phyag 'tshal 'dud//ji ltar bstod cing phyag 'tshal ba/ /gang la bstod cing gang gis bstod/ /rdo rje 'chang chen khyod la phyag 'tshal lo/ /zhes rnam par snang mdzad chen po'i rang bzhin la phyag 'tshal ba'o/ /lhag ma phyag 'tshal ba lngas de bzhin gshegs pa lnga'i rang bzhin gyi rdo rje 'chang chen po de nyid la phyag 'tshal ba bstan no//de nyid kyi phyir/ ji ltar bstod cing phyag 'tshal ba/ /zhes bya ba gsungs te ji ltar bstod pa las ma 'das te phyag 'tshal ba'o/ /ma 'das pa de nyid bshad par bya ba'i phyir/ gang la bstod cing gang gis bstod/ /ces bya ba gsungs te rang nyid med pa'i chos sku la stod pa po dang /bstod par bya ba dang bstod pa rnams mi dmigs pa'i phyir ro/ /dper na 'khor gsum rnam par dag pas sbyin pa la sogs pa lta bu'o/ /phyag 'tshal bar bya ba dang phyag 'tshal bar byed pa tha mi dad pa gang yin pa de ni bla na med pa'i phyag 'tshal ba yin no/ / de gang gi phyir phyag 'tshal ba ni bcom ldan 'das kyi rang bzhin thob pa'i phyir bya ba ste/ de nyid gal te dbye ba mi dmigs pas rtogs par 'gyur na/ de'i tshe lus dang ngag gi phyag 'tshal bas dgos pa med pa'o/ /don 'di nyid dpal gsang ba 'dus pa las gsungs te/mchod rten las ni mi bya zhing / /glegs bam klog pa de bzhin du/ /dkyil 'khor bya ba ma yin te/ /rdor mchog gsum la phyag 'tshal min/ /zhes bya ba la sogs pa'o/ /de ni rdzogs pa'i rim pa'i phyogs su bshad pa yin te/ 'di dag thams cad ni 'jig rten pa'i tha snyad du 'gal ba ma yin te mthar thug pa'i don to//de nyid bshad par bya ba'i phyir/ ji ltar chu la chu bzhag dang / /ji ltar mar la mar bzhin du/ /rang gis rang gi ye shes ni/ /legs mthong gang yin 'dir phyag yin/ /zhes bya ba gsungs te/ ji ltar gnas tha dad pa las byung ba'i chu bo'i rgyun gnyis gnas gcig tu 'dres par 'gyur na chu bo gnyis po de dag la dbye ba gang yang mi dmigs pa dang /de bzhin du mar ni ma he dang bdag gi mar 'dres par gyur na de la yang tha dad pa'i blo gang yang med do/ /de bzhin du 'dir yang gang gi ye shes ni rnam par mi rtog pa'i de kho na nyid la ye shes legs par mthong ba ni ye shes med par mthong na/de la phyag 'tshal ba'am dam pa yin no zhes bstan to/ /gang gi phyir rang rig pa ni ye shes nyid du ma grub pas ye shes med pa nyid du bshad pa ste/ ye shes ni dz+nyA na ste/ de la dz+nyA ni rtogs pa'i don dang / na ni bkag pa'i don to/ /de ni rnam pa bzhi'i rnal 'byor spyod pa'i phyogs bkag par 'gyur ro//gal te chos kyi sku'i rang bzhin gyis grub na de'i tshe bsgom par bya ci dgos she na/ 'on kyang kun mkhyen ma thob par/ /de ni nye bar dmigs mi 'gyur/ /mun nag rab rib kyis khengs pa/ /dran gyis snang ba thob par 'gyur/ /zhes bya ba gsungs te/khyod bden mod kyi 'on kyang kun mkhyen ni rdo rje slob dpon te/ de las ma thob pa ni man ngag ma thob pas/ de ni nye bar dmigs mi 'gyur/ /zhes bya ba ni de kho na nyid mngon du mi 'gyur te/ de'i rang bzhin mi shes pa'i phyir ro/ /dpe bstan par bya ba'i phyir/ mun nag rab rib ces bya ba gsungs te/ji ltar mun nag rab rib kyis khengs pa'i khang pa la khang bdag gi bka' drin gyis/ kha cig mar me thogs nas khang pa de'i nang na gnas pa'i bum pa dang snam bu la sogs pa mthong bar 'gyur te/ de bzhin du bla ma'i drin gyis mi gsal ba'i de kho na nyid gsal bar 'gyur bas/ des skyed par byed pa ma yin te/bsgom par rigs pa dang ldan pa'o/ /da ni sems la dmigs pa'i rim pa mdor bstan pa'i phyir/ stong nyid shin tu stong pa dang / /gsum pa stong pa chen po dang / /bzhi pa thams cad stong pa ni/ /rgyu dang 'bras bu'i bye brag go/ /zhes bya ba gsungs te/ sems rnam par dben pa'i skabs 'di la 'jug pa'i rnam par shes pa dang /nyon mongs pa can gyi yid kyi rnam par shes pa dang / kun gzhi rnam par shes pa'i dbye bas sems rnam pa gsum yin te/ de la 'og nas bshad par 'gyur ba'i sngags dang phyag rgya'i rim pas rang bzhin shes nas 'khor dang bcas pa'i rnam par shes pa dang po dag par 'gyur na/de'i tshe stong nyid ni snang ba'i ye shes shar bar 'gyur ro/ /de bzhin du 'khor dang bcas pa'i rnam par shes pa gnyis pa dag par 'gyur na/ de'i tshe shin tu stong pa ni snang ba mched pa'i ye shes shar bar 'gyur ro/ /de bzhin du 'khor dang bcas pa'i rnam par shes pa gsum pa dag par 'gyur na/de'i tshe stong pa chen po ni snang ba nye bar thob pa shar bar 'gyur ro/ /gsum po 'di rnams mi dmigs pa'i dus su bzhi pa ni thams cad stong pa ste sems kyi 'od gsal ba 'char bar 'gyur ro/ /'di rnams kyang rgyu dang 'bras bu'i bye brag la brten te snang bar 'gyur ro//de la stong pa la sogs pa gsum po ni rgyu dang / 'od gsal ba 'bras bu yin no/ /yang na stong pa ni shin tu stong pa'i rgyu dang shin tu stong pa ni 'bras bu ste/ de ltar kun la shes par bya'o/ /rgyu dang 'bras bu'i bye brag bstan pa'i phyir rten cing 'brel pa las 'byung bar bshad pa yin te/gang zhig rten cing 'brel pa las 'byung ba de nyid skye ba med pa ste stong pa nyid yin no/ /de bas na snang ba la sogs pa de rnams stong pa la sogs par brjod pa yin no/ /rgyu dang 'bras bu'i bye brag de nyid med par bya ba'i phyir/ shes rab thabs su sbyor ba las//rdzogs pa nye bar thob par 'gyur/ /rdzogs pa nye bar thob 'gyur nas/ /thams cad stong pa'i 'od gsal ba/ /zhes bya ba gsungs te/ dang po shes rab kyi ye shes skye ba dang / de nas gnyis pa thabs kyi ye shes dang po las lhag pa skye ba ste/ de gnyis ka sbyor ba las nye bar thob pa ni ye shes gsum pa rdzogs par 'gyur ro//de nas nye bar thob pa rdzogs nas thams cad stong pa'i 'od gsal ba ni ye shes bzhi pa 'og nas bshad par 'gyur ba'i sngags dang phyag rgya'i rim pas rnal 'byor pa la snang bar 'gyur ro/ /nye bar thob pa ni dang po 'char ba dang /'od gsal ba phyi nas 'char ba'o zhes bla ma rnams la 'dri bar bya ba'am bshad pa'i rgyud kyi rjes su 'brang bar bya'o/ /sbyang bar bya ba dang / sbyong bar byed pa dang / sbyangs pa'i 'bras bu bstan pa'i phyir ro/ /rgyu yi rim pa rnam dag dang / /rnam shes gsum po sbyor ba dang / /stong pa gsum ni mnyam sbyor bas//bla med go 'phang thob par 'gyur/ /zhes bya ba gsungs te/ rgyu ni ye shes gsum yin te/ de rnams kyi rim pa ni go rims te/ de'i rnam dag ni de'i rang bzhin yongs su shes pas gsal bar 'gyur ba'i bla med go 'phang ni thams cad stong pa thob par 'gyur ba mya ngan du bya ba yin no zhes tshig gis 'brel pa'o//rgyu gang yin zhe na/ rnam shes gsum po sbyor ba dang / /zhes bya ba ni 'jug pa'i rnam par shes pa la sogs pa gsum po'i 'brel pas so/ /de gang gi phyir 'jug pa la sogs pa rnam par shes pa gsum po kho na khyad par gyi phun sum tshogs pa rdzogs pas snang ba la sogs pa'i ye shes kyi rang bzhin du rdzogs pa yin te/'dir spang bya dang blang bya gang yang med pa yin no/ /de yang gang gi phyir rang bzhin yongs su shes pa kho na byang chub yin pa'i phyir ro/ /de nas stong pa gsum pa dang sbyor ba ni rang bzhin rnams kyis rang gi ngo bo mi dmigs pa ste/stong pa nyid gang yin pa des bla na med pa'i go 'phang snang bar 'gyur ro zhes ngag gi don to/ /'khor ba dang bcas pa sbyang bya dang sbyong byed dag gis rnam pa gsum bstan pa'i sgo nas/ rnam grangs bshad par bya ba'i phyir/ snang ba stong pa shes rab dang / /sems dang gzhan gyi dbang dag ste//de yi rang bzhin 'phro gsal ba/ /da ni rab tu bshad par bya/ /zhes bya ba gsungs te/ snang bar byed pas na snang ba ste/ 'jug pa'i rnam par shes pa dang po dang / yid dga' ba nyid du snang bar gyur pas snang ba'i ye shes kyang snang ba'o/ /stong pa ni de nyid rang bzhin gyis rang bzhin stong pa dang mi dmigs pa'i phyir ro//shes rab ni de nyid khyad par gyi ye shes yin pa'i phyir ro/ /sems ni de nyid de yul thams cad rtogs pa'i phyir ro/ /gzhan dbang ni rgyu dang rkyen las 'byung ba'i phyir ro/ /'dir rgyu dang rkyen ni sngags dang phyag rgya yin pa'i phyir ro//de'i rang bzhin bshad par bya ba'i phyir/ chags bral dang ni bar ma nyid/ /de bzhin du ni chen po dag /yid la 'gro zhing 'ong ba dang / /mya ngan la sogs gsum de bzhin/ /zhi dang rnam rtog 'jigs pa dang / /'jigs pa bar dang shin tu 'jigs/ /sred dang sred pa bar ma dang //shin tu sred dang nyer len pa/ /mi dge bkres dang skom nyid dang / /tshor ba tshor ba bar ma dang / /shin tu tshor ba'i skad cig dang / /rig pa po dang rig 'dzin bzhi/ /so sor rtog dang ngo tsha shes/ /snying rje dang ni brtse ba gsum/ /dogs dang bsam pa nyid dang ni/ /phrag dog ces ni bya bar grags//rang bzhin sum cu rtsa gsum gang / /lus can rnams kyi rang rig ste/ /zhes bya ba gsungs te/ rang bzhin 'di rnams shes rab ye shes kyi bdag nyid yin te/ 'di rnams sems las byung ba'i chos su bstan pas/ lus can rnams kyi rang rig pa ni mngon sum gyis nyams su myong ba yin no//sems dang sems las byung ba thams cad rig pa ni rang rig pa'i mngon sum ste/ bde ba la sogs rang rig pa'o/ /zhes 'byung ba'i phyir ro/ /ming la zhen pa rnams la 'di rnams kyi rnam grangs bshad par bya ba'i phyir/ kun rdzob gsal ba'i gzugs kyis ni/ /mtshan mo'i ming du nges par bshad//de bzhin bud med ming du brjod/ /'jam po lta bu'ang de bzhin no/ /g.yon pa'i ming yang de nyid de/ /zla ba'i dkyil 'khor pad+ma can/ /brtan par bya ba'i rgyur gyur pa/ /dang po yi ge thig ler bcas/ /zla ba'i 'od zer ltar snang zhing / /snang ba'i ye shes yang dag 'byung / /zhes bya ba gsungs te rnam grangs kyi sgo nas sngags kyi rim pa la brten te snang ba'i ye shes 'byung ba bstan par bya ste/rang bzhin 'di rnams kun rdzob kyi gzugs gsal po la brten te mtshan mo'i ming du bshad pa yin no/ /gang gi phyir mtshan mo ni shes rab ste zla ba shar ba'i phyir ro/ /de shar ba yang tshangs pa'i bu ga nas byang chub kyi sems 'dzag pa'i phyir ro//bud med ming du brjod ces pa ni shes rab kyi rang bzhin yin pa'i phyir ro/ /'jam po zhes pa ni dman pa'i bde ba dmigs pa'i phyir ro/ /g.yon pa'i ming zhes pa ni rtsa g.yon pa la gnas pa'i rlung la zhen pa'i rnam par shes pa las 'byung ba'i phyir ro//zla ba'i dkyil 'khor zhes pa ni byang chub kyi sems kyi dkyil 'khor 'byung ba'i phyir zla ba'i dkyil 'khor gyi ming can no/ /pad+mas nye bar mtshon pa ni shes rab kyi rang bzhin yin pas pad+ma'i ming can no/ /las dang po pa rnams la ji bzhin mi rtog pas pad+ma dang zla ba'i steng du thig le dang bcas pa'i dbyangs dang po bkod nas/zla ba'i 'od zer dang 'dra ba'i snang ba'i ye shes 'char ba yin no/ /rdzogs pa'i rim pa la gnas pa'i sngags kyi rim pa 'di yin te/ 'dir rtsibs brgyad pa'i chos kyi dbyings kyi 'khor lo kho na pad+ma 'dab ma brgyad pa yin te/ der gnas pa'i byang chub kyi sems zla ba'i dkyil 'khor te/ der yang rtsa'i gzugs su thig le dang bcas pa'i dbyangs dang po rang bzhin gyis grub pa gang yin pa de las 'od zer spro ste/ de'i phyag btsal ba'i rang bzhin gyis 'jug pa'i rlung bkug cing bcug la/ rang bzhin dang bcas pa'i 'jug pa'i rnam par shes pa'i rang bzhin yongs su shes na zla ba'i 'od zer dang 'dra ba'i snang ba'i ye shes 'char ba yin te/sngags kyi rim pa'i sgo nas sems rnam par dag pa'i phyogs gcig bstan to/ /da ni ye shes gnyis pa bshad par bya ba'i phyir/ shin tu stong pa thabs ldan pa/ /snang ba mched pa zhes brjod de//de bzhin du ni kun brtags dang / /de bzhin sems las 'byung bar bshad/ /ces bya ba gsungs te/ snga ma las yid dga' ba lhag pa'i phyir snang ba mched pa yin no/ /shin tu stong pa ni rang bzhin bzhi bcu mi dmigs pa'i phyir ro/ /thabs ni nyon mongs pa can gyi yid kyi rnam par shes pa 'gro ba'i rgyu yin pa'i phyir ro//yang na thabs ni rtsa g.yas pa la gnas pa'i rnam par shes pa las 'byung ba'i phyir ro/ /kun brtags ni nang gi bdag nyid yin pa'i phyir don las mi skye ba'i phyir ro/ /sems las byung ba ni bdag tu lta ba la sogs pa'i sems las byung ba bzhi po'i rang bzhin yin pa'i phyir ro//'di'i rang bzhin bshad pa'i phyir/ chags dang zhe sdang de bzhin dga'/ /dga' ba bar ma shin tu dga'/ /rangs dang rab tu mgu ba dang / /ngo tsha de bzhin dgod pa dang / /tshim dang de bzhin 'khyud pa dang / /'o byed de bzhin 'jib pa dang / /brtan dang brtson dang nga rgyal dang //bya dang 'brog dang stobs dang ni/ /spro dang lhan cig skyes nyid dang / /de bzhin lhan cig skyes bar ma/ /shin tu lhan cig skyes dang drag /rnam par sgeg dang zhe 'gras nyid/ /dge ba tshig gsal bden pa dang / /mi bden pa dang de bzhin nges/ /nye bar mi len sbyin pa po/ /bskul dang de bzhin dpa' bo dang //ngo tsha med dang sgyu dang gdug /mi srun pa dang gya gyu nyid/ /mtshan nyid bzhi bcu gang yin pa/ /shin tu stong pa'i skad cig ste/ /zhes bya ba gsungs te/ rang bzhin 'di rnams ni snang ba mched pa'i ye shes yin te nyon mongs pa can gyi yid kyi rnam par shes pa ldog pa'i mtshan nyid do//rang bzhin 'di rnams kyang skad cig ma re re la 'byung zhing thim par 'gyur ro/ /shin tu stong pa ni sngags dang phyag rgya'i rim pas rnam par spyad na 'di rnams kyis shin tu stong pa nyid kyi ming thob pa yin no/ /snga ma'i mdo las rang rig pa zhes bya ba'i tshig 'di dang phyi ma la yang rjes su 'jug par bya'o//'di rnams kyi ming gi rnam grangs bshad par bya ba'i phyir/ nyin mo skyes pa'i ming dang ni/ /rtsub mo g.yas par bstan pa yin/ /nyi ma'i dkyil 'khor ming dang ni/ /de bzhin du ni rdo rje ming / /thig le gnyis kyis brgyan pa yis/ /cha ru de nyid shes par bya/ / nyi ma'i 'od zer 'dra ba yi/ /snang ba mched pa'i sbyor las 'byung / /zhes bya ba gsungs te/ rang bzhin 'di rnams nyin mo'i ming can te thabs kyi bdag nyid yin pa'i phyir ro/ /de nyid kyi phyir skyes pa'i ming ste skyes pa ni pu ru Sha'o/ /pa ru ni chos 'byung ste de bsten par byed pas na pu ru Sha ste thabs yin no//rtsub mo ni nyi ma'i rang bzhin yin pa'i phyir ro/ /nyi ma'i dkyil 'khor ni rtsa g.yas pa las 'byung ba'i khrag gi khams te de'i ming can no/ /rdo rje'i ming zhes bya ba ni rdo rjes nye bar mtshon pa'i thabs kyi ye shes so/ /snga ma bzhin du 'dir yang nyi ma la gnas pa'i thig le gnyis dang bcas pa'i dang po yi ge las dang po pas bsgoms na de la nyi ma'i 'od zer dang 'dra ba'i snang ba mched pa'i ye shes 'char ba yin no//rdzogs pa'i rim pa gnas pa ni nyi ma dang zla bas mtshan pa'i chos kyi dbyings kyi 'khor lo la gnas pa'i thig le gnyis kyis brgyan pa'i yi ge dang po las 'byung ba'i 'od zer gyis gnas pa'i rlung gi rang bzhin pad+ma'i mgon po'i yi ges bkug cing bcug la 'khor dang bcas pa'i nyon mongs pa can gyi yid kyi rnam par shes pa ldog par 'gyur bas nyi ma'i 'od zer 'dra ba'i snang ba mched pa'i ye shes 'char bar 'gyur ro//ye shes gsum pa bshad par bya ba'i phyir/snang ba thob pa dag dang ni/ /nye bar thob pa de bzhin te/ /yongs su grub pa nyid dang ni/ /ma rig pa ni nyid ces bya/ /stong pa chen po'i tshig gi ni/ /rnam grangs 'di dag rgyal bas gsungs/ /zhes bya ba gsungs te/ stong pa chen po'i tshig ni kun gzhi rnam par shes pa ldog pa'i mtshan nyid kyi rnam grangs rgyal ba de bzhin gshegs pa rnams kyis gsungs so zhes bya ba 'dis rang bzo bkag pa yin no//de la snang ba thob pa ni zla ba dang nyi ma'i snang ba dag gang du mi dmigs pa de ni snang ba thob pa ste/ shes rab dang thabs kyi ye shes nus pas/ rgyal ba lta bu ste mi g.yo ba'i ting nge 'dzin to/ /nye bar thob pa zhes bya ba ni 'od gsal ba'i gam na thob pa'i phyir te/ de thob nas 'od gsal ba 'char ba'i phyir ro/ /yang na nye bar thob pa ni u pa la d+ha ste/ u ni u pa la ste thabs dang / pa ni pradz+nyA ste shes rab bo/ /de gnyis ka las 'og tu mtshan pa'i phyir nye bar thob pa'o//yongs su grub pa shes pa ni ye shes gnyis nub pa'o/ /snga ma dang ni rtag tu bral/ /de ni yongs su grub par bshad/ /ces bya ba 'byung ngo / /ma rig pa ni nyid ces bya/ /zhes pa ni kun gzhi rnam par shes pa ni ma rig pa ste/ de yongs su gyur pa'i ye shes la blta ba gang yin pa de yang ma rig pa'o//stong pa chen po ni mtshon par dka' ba'i rang bzhin bdun mi dmigs pa'i phyir ro/ /rang bzhin de rnams bshad par bya ba'i phyir/ chags pa bar ma'i skad cig dang / /brjes ngas pa dang 'khrul pa dang / /mi smrar gyur dang skyo ba dang / /le lo de bzhin the tshom ste//ma rig skad cig bdun po ni/ /phra mo'i rnal 'byor pas shes bya/ /sa bon thig ler ldan min la/ /rlung gi sgo nas 'byung ba min/ /gang zhig snang ba thob pa ni/ /yongs su rdzogs pa'i mtshan nyid do/ /zhes bya ba gsungs te rang bzhin bdun po 'di rnams ma rig pa'i mtshan nyid ni rnam par smin pa'i rnam par shes pa las 'byung ba ste/phra mo'i rnal 'byor pas shes bya/ /zhes pa ni ku sha'i rtse mo dang 'dra ba'i blo can gyis rang rig pa nyid du rtogs par bya'o/ /rang bzhin 'di rnams kyi rang bzhin yongs su shes pa'i dus su sngar bshad pa'i sa bon dang / thig le dang / rlung la sogs pa mi dmigs pa'o/ /de bas na mtshams kyi snang ba dang 'dra ba'i snang ba nye bar thob pa 'di ni yongs su rdzogs par shes par bya'o/ /mtshan mo dang nyin mo'i dbye bas rang bzhin 'di rnams kyi grangs bshad par bya ba'i phyir/ rang bzhin phra ba brgya dang ni/ /drug cu tham pa 'di dag nyid//rlung la zhon pa'i rgyu yis ni/ /nyin dang mtshan du 'byung ba yin/ /zhes bya ba gsungs te/ shes rab dang / thabs dang / nye bar thob pa'i rang bzhin brgyad cu 'di rnams mtshan mo dang nyin mo'i dbye bas brgya drug cur 'gyur ro/ /phra ba ni mtshon par dka' ba'i phyir te gang gi tshe rang bzhin gang 'byung zhes mnyam par ma bzhag pa rnams kyis mtshon par bya ba ma yin no//mnyam par bzhag pa bskyed pa'i rim pa'i rnal 'byor pa rnams kyis kyang mtshon par dka' ba ste rags pa la zhen pas lha'i rnam pa la chags pa'i phyir ro/ /'di rnams rgyu gang gis 'byung ba yin zhe na/ rlung la zhon pa'i rgyu yis ni//zhes bya ba la rlung la zhon pa ni rnam par shes pa ste/ de nyid rang bzhin rnams kyi rgyu yin te rgyu de las so/ /gang gi phyir ji srid rlung gis rang bzhin mi rnyed na/ de srid rang bzhin gyi snang ba 'byung ba ma yin no/ /'od gsal ba'i skabs la ni rlung la zhon pa'i rnam par shes pa mi dmigs pas de rnams 'byung ba dang /mi 'byung ba yang ma yin te/ yod pa dang med pa'i phyogs gang gis 'dzin par dka' ba'i phyir de'i rang bzhin dag las 'das pa yin no/ /'o na yul so sor snang bas nyin mo dang rang bzhin rnams 'char mod kyi/ mtshan mo ni dbang po dgag pas ji ltar 'byung bar 'gyur zhe na/smras pa/ 'dir ji srid rlung dang rang bzhin la gnas pa de srid rmi lam dang / sad pa'i gnas skabs la rang bzhin rnams 'byung ba yin te/ rmi lam gyi gnas skabs su ni kun gzhi rnam par shes pa la/ bag chags zhugs pas de nyid las de rnams 'byung ba ste skyon gang yang med do//yang na dngos po rnams med kyang 'khrul pas de rnams so sor snang ste dper na rmi lam lta bu ste/ de bzhin du sad pa'i gnas skabs la yang shes par bya'o/ /phung po khams dang skye mched dbang sogs la/ /shes pa gnyis po de 'dir rab 'dus nas/ /stong chen gyur pas gang zhig gnyid log pa//rlung gi shugs kyis rmi lam mthong bar 'gyur/ /rmi lam sad par bye brag gzhan med par/ /kun du rtog pas rmi lam 'bras 'dod la/ /zhes bya ba la sogs pa 'byung ngo / /rang bzhin rnams dus ci tsam du 'char ba yin no zhes bya ba bstan par bya ba'i phyir/ skad cig thang cig yud tsam dang //mig btsums de bzhin thal mo ste/ /zhes bya ba mdor bstan pa'o/ /de nyid rgyas par bshad pa ni/ skad cig se gol gtogs par bshad/ /thang cig yungs kar bskor ba tsam/ /yud tsam dbugs ni 'byung ba tsam/ /mig btsums mig ni 'dzums pa'i bar/ /thal mo lag gnyis rdeb pa ste//skad cig la sogs mtshan nyid do/ /zhes bya ba la dus ji tsam gyis se gol gtogs pa'i sgra rdzogs pa de ni skad cig ma zhes bya ba'i dus yin no/ /dus ji tsam gyis lag pa'i mthil la yungs kar bskor ba de ni thang cig go/ /dus ji tsam gyis sna'i bu ga las dbugs 'byung ba de ni yud tsam mo//dus ji tsam gyis mig btsums pa de ni mig btsums pa'o/ /dus ji tsam gyis lag pas lag pa la brdabs pa de ni thal mo yin no/ /dus de dag gi sgo nas rang bzhin 'char ba mtshon par bya'o/ /gzhan du na shes rab dang / thabs dang / ma rig pa'i rang bzhin gang yin pa de dus gang la 'char ba yin no zhes ma shes pas rang bzhin rnams 'chol bar 'gyur ro//de bas na gang gis gang mi snang bar bya'o zhes the tshom za bas nam yang 'od gsal ba la zhugs par mi 'gyur ro/ /'o na khyab par byed pa'i rnam par dag pa la kho bo cag brten nam/ yang na skad cig ma la sogs pa'i dus kyi bye brag la zhe na de skad ma zer cig /bslab pa'i dus su khyab byed kyi rnam par dag pa gzung bar nus pa ma yin no/ /gang zag ni dbang po rno ba de rnams la dus kyi bye brag dgos pa ma yin te 'di yang 'og nas bshad par bya'o/ /rang bzhin med pa'i dngos po rnams la ye shes dang rnam par shes pa'i dbye ba 'di ji ltar yin no zhes bstan par bya ba'i phyir/rang rig tsam gyi ye shes ni/ /nam mkha' lta bur mtshan nyid med/ /'on kyang de yi dbye yod de/ /mtshan mo nyin mo mtshams dag gis/ /zhes bya ba gsungs te 'dir ni/ rang las ma yin gzhan las min//zhes bya ba la sogs pa'i rigs pas khams gsum rnam par dpyad na stong pa kho na yin te/ 'on kyang rnal 'byor spyod pa'i dbu ma'i phyogs su rang rig tsam gyi ye shes phyi nang gi gzugs su snang ba yin no/ /'o na rnam pa dang bcas pa'i rnam par shes pa smra ba las khyad par gang yod ce na smras pa/ nam mkha' lta bur mtshan nyid med/ /ces bya ba ni ye shes de yang mtshan nyid de skye ba la sogs pa ste/ de dang bral ba ni skye ba dang 'jig pa la sogs pa bral ba ste dbu ma pa'i grub pa'i mtha'o/ /'dis ni rang rig pa ma yin pa lta bu ste rang rig pa'i gzugs ma grub pas brjod du med pa'i gnas skabs yin no//'on kyang de yi dbye yod de/ /zhes bya ba la sogs pa la kun rdzob tu mtshan mo la sogs pa'i bye brag gi de'i dbye ba mtshon par bya ba yin te/ dper na chos kyi sku dang longs spyod dang / sprul pa'i sku so sor snang ba lta bu'o/ /dbye ba de rnams bshad par bya ba'i phyir/ snang dang snang ba mched pa dang //de bzhin snang ba nyer thob pa/ /sems ni rnam pa gsum bshad nas/ /de yi sgrub pa brjod par bya/ /zhes bya ba gsungs te/ 'jig rten gyi tha snyad du 'jug pa'i rnam par shes pa la sogs pa snang ba la sogs par bshad pa yin te/ rang bzhin rtogs na de rnams nyid kho na snang ba'i ye shes la sogs pa'o//de nyid kyi phyir rnam pa gsum gyi sems gang yin pa de sgrub pa de'i bsgrub pa ni srid pa skye ba'i rim pa brjod par bya ba ni bshad par bya'o/ /de nyid bshad par bya ba'i phyir/ rlung rnams stong pa'i gzugs kyis ni/ /shes dang yang dag 'dres gyur nas//dbang po'i lam nas byung nas ni/ /yul rnams la ni dmigs par byed/ /ces bya ba gsungs te/ rang bzhin gyis stong pa'i rlung ni sreg dang rtsol ba zhes bya ba gang yin pa de dang / shes pa ni srid pa bar ma do'i rnam par shes pa'am mig la sogs pa'i rnam par shes pa 'dres par 'gyur ba ni shu kra la sogs pa'i sgo nas yongs su gyur pa'am/gyen du rgyu ba la sogs pa dang 'dres par gyur nas dbang po'i lam ni kha'i lam mam/ mig la sogs pa'i lam nas 'byung ste/ yul rnams ni gzugs la sogs pa ste de la dmigs par byed pa'o/ /de'i tshe na snang ba rnams 'char ba yin no//sems la 'byung ba rnams 'byung ba bshad par bya ba'i phyir/ gang tshe snang bar ldan gyur pa'i/ /rlung ni bzhon pa nyid gyur pa/ /de tshe rang bzhin de dag kun/ /ma lus lus pa med par 'jug /ces bya ba gsungs te/ snang ba ni rnam pa gsum gyi rnam par shes pa ste/ de dang ldan pa'i rlung ni gang tshe bzhon pa nyid du gyur pa ni de'i bdag nyid du tha mi dad par gyur na/de'i tshe rlung gis bskul bas so sor nges pa'i yul la dmigs pa'i dbang gis rang bzhin de dag kun ni rnam par shes pa la sems las 'byung ba'i chos 'jug pa ni skye bar byed pa yin no/ /rang bzhin de rnams ji lta bu yin zhe na/ma lus lus pa med pa zhes bya ba ni ma lus ni rnam pa gsum gyi rnam par shes pa las 'byung ba dang / lus pa med pa ni gang zhig tha dad par 'byung ba rnams so/ /gal te sems las 'byung ba rnams tha dad par 'byung na yang / 'on kyang gtso bo dang yon tan gyi sgo nas ma lus pa nyams su myong ba ste/dper na 'dod chags kyi rang bzhin 'byung ba'i tshe gti mug gi rang bzhin cha gcig tu 'char ba yin te chags pa dang ldan pa ni rmongs pa yin pa'i phyir ro/ /de ltar gzhan du yang sbyar bar bya'o/ /gang las gang rang bzhin 'byung ngo zhes bshad par bya ba'i phyir/ rlung ni gang dang gar gnas par//rang bzhin de dang de 'byung 'gyur/ /ji srid rlung ni mi rgyu dang / /snang ba mi g.yo bar gyur pa/ /zhes bya ba gsungs te gang dang gang zhes pa ni g.yon dang g.yas dang rtsa dbus ma rnams la rlung gnas pas rang bzhin de dang de zhes pa ni shes rab dang thabs te/ nye bar thob pa'i mtshan nyid kyi rang bzhin 'byung ba ni skye bar byed pa yin no//de nyid kyi phyir/ ji srid rlung ni 'byung bar mi 'gyur na/ de srid snang ba mi g.yo bar gyur pa/ /zhes pa ni rang bzhin gyi snang ba mi g.yo bar gyur pa ma yin te brtan par mi 'gyur ro/ /'dir ni bkag pa'i sgra bya rog gi mig bzhin du tshig rkang gnyis dang sbyar bar bya'o//snang ba rnams kyi rang bzhin bshad par bya ba'i phyir/ snang ba gnyis ni rgyur gyur pas/ /bdag gi dngos por rnam par brtag /ji ltar snang ba thob pa ltar/ /gnyis ka'i yan lag nyid du 'gyur/ /zhes bya ba gsungs te/ sngags dang phyag rgya'i rim pa gnyis las gang yang rung ba'i thabs kyis dang po snang ba gnyis ni zla ba dang /nyi ma'i 'od zer dang 'dra bar 'byung ba yin te/ de nyid rgyu gang la yod pa de ni/ /bdag gi dngos por rnam par brtag /ces pa ni snang ba nye bar thob par 'byung bar 'gyur ro/ /gang zhig snang ba thob pa gsum pa 'di nyid/ gnyis ka'i yan lag nyid du 'gyur//zhes pa ni ye shes gnyis kyi cha dang ldan par 'gyur ro/ /gang gi phyir shes rab dang thabs kyi ye shes gnyis dang 'dres pa ste/ mi dang seng ge bzhin du dngos po gzhan gnyis ka'i cha rags pa nub pa/ dga' ba gnyis dang bral ba dang / brgyal ba lta bu ste/ sa'i phyogs gcig las 'dres par 'gyur ba'i chu bo'i rgyun gnyis lta bu'o/ /da ni phyag rgya'i rim pas sems rnam par dag pa bshad pa'i phyir/ sgyu ma dag ni thams cad las/ /bud med sgyu ma khyad par 'phags/ /ye shes gsum gyi dbye ba ni/ /gsal bar 'di las mtshon par 'gyur/ /zhes bya ba gsungs te/re zhig sngar bshad pa'i sngags kyi rim pas ye shes gsum gyi dbye ba mtshon par 'gyur te/ 'on kyang 'dod chags kyi rigs can la ltos te phyag rgya'i rim pas kyang de nyid mtshon par bya'o/ /de la sgyu ma thams cad ni rdzu 'phrul mkhan la sogs pas byas pa'i sgyu ma ste de rnams kyi nang nas bud med sgyu ma khyad par 'phags//zhes pa ni khyad par gyi gnas skabs dang ldan pa yin no/ /de gang gi phyir snang ba la sogs pa'i ye shes gsum gyi dbye ba'i khyad par gsal bar shes pa ni the tshom med pas bud med sgyu ma 'di nyid las mtshon par 'gyur ba ni thob pa nyid du gnas pa'i phyir/ma thob pa thob pa ma yin pas dmigs par 'gyur ro/ /'dir ni man ngag yin te/ shes rab kyi dbang gi dus su bla mas shes rab sbyin pa'i slob ma la bstan pa la sogs pa'i yan lag bzhi'i rim pas/ dang po tshangs pa'i bu ga las byang chub kyi sems 'dzag na/ de'i tshe 'khor dang bcas pa'i 'jug pa'i rnam par shes pa mi dmigs pas rnam par rtog pa med pa dang / dmigs pa med pa ste zla ba'i 'od zer bzhin du dri ma med pa/ snang ba'i ye shes kyi skad cig ma 'char bar 'gyur ro/ /de'i rjes la byang chub kyi sems des yan lag thams cad kyi tshigs khyab pa'i dus su 'khor dang bcas pa'i nyon mongs pa can gyi yid kyi rnam par shes pa mi dmigs pas/nyi ma'i 'od zer dang 'dra ba'i snang ba mched pa'i ye shes gnyis pa 'char bar 'gyur ro/ /de'i rjes la yang rdo rje'i dbu ma'i rtse mor byang chub kyi sems des khyab na/ de'i tshe rang bzhin dang bcas pa'i kun gzhi rnam par shes pa mi dmigs pas/mtshams kyi snang ba dang 'dra ba'i snang ba nye bar thob pa'i ye shes gsum pa 'char bar 'gyur te/ 'di ni gsal ba'i mtshan nyid can gyi ye shes gsum gyi dbye ba bstan to/ /'di yang chos nyid kyi rigs pa bcom ldan 'das kyis gsungs te/ me la sogs pa'i sreg pa dang mched pa la sogs pa'i bya ba lta bu'o//dbye ba de nyid bshad par bya ba'i phyir/ 'dod chags nyid dang chags bral dang / /de yi bar de gsum po ni/ /zhes bya ba gsungs te/ de la 'dod chags ni ye shes bar ma dang / 'dod chags dang bral ba ni ye shes dang po dang / de dag gi bar ni cha gnyis kyis nye bar bsdus pa'i gsum pa ste/gsum po 'di rnams bud med kyi sgyu ma las mtshon par bya'o zhes ngag gi don to/ /'dod chags la sogs pa gsum po 'di rnams kyang ji ltar mtshon par bya'o zhes bshad par bya ba'i phyir/ dbang po gnyis ni mnyam sbyor ba'i/ / rdo rje pad+ma 'dus las so/ /ye shes gnyis ni mnyam sbyor bas/ /mnyam par sbyor ba bshad pa yin/ /zhes bya ba gsungs te/ dbang po gnyis kyi nye bar mtshon pa'i bud med dang / skyes pa'i mnyam par sbyor ba ni bsnyen pa zhes bya ba'i phyi nas nye bar sgrub pa'i mtshan nyid kyi rdo rje dang pad+ma yang dag par sbyar nas/ye shes gnyis ni snang ba dang snang ba mched pa'i ye shes te/ de dag mnyam par sbyor ba gang yin pa de ni nang gi bdag nyid kyi shes rab dang / thabs kyi mnyam par sbyor ba bstan pa yin no/ /de la phyi'i mnyam par sbyor ba ni rdo rje dang pad+ma mnyam par sbyar ba las 'byung ba dang / nang gi ni ye shes gnyis mnyam par sbyor ba las 'byung ba ste/rnam pa gnyis kyi mnyam par sbyor ba bstan to/ /yang rnal 'byor pa dang rnal 'byor ma dag la dus gcig tu 'byung ba'i ye shes gnyis mnyam par sbyor ba ni ro mnyam pa nyid du nyams su myong ba gang yin pa de ni ye shes kyi mnyam par sbyor ba bstan to/ / ye shes gsum pa'i 'char ba bshad par bya ba'i phyir/ ye shes gnyis kyi mnyam sbyor dang / ji skad bshad pa'i byed pa yis/ /'bad pas ye shes gang thob pa/ /de ni snang ba thob pa'o/ /zhes bya ba gsungs te/ snang ba thob pa zhes bya ba'i ye shes 'di yin no ste/ gang zhig ye shes gnyis kyi mnyam par sbyor bas thob par 'gyur ba ni ye shes gnyis kyi mnyam par sbyor ba'i phyi nas thob par 'gyur ro zhes ston to//ji skad bshad pa'i byed pa yis/ /zhes bya ba la ji skad bshad pa ni pad+ma can la sogs pa'i rigs bzhi byed pa ni bya ba'i tshogs te/ shes rab ma'i pad+ma'i rags pa dang phra ba dang bar ma'i dbye ba shes nas/dpal gdan bzhi'i rgyud nas gsungs pa'i byed pa'i tshogs kyis ye shes thob pa yin no/ /ji skad du/ mig dang lcags kyu 'di la 'jug bya ste/ /de bzhin ba dan yang na don med de/ /'dir ni drang po'i mo yi sdigs mdzub gnyis/ /de la mang po byed pa'i nus par ldan/ /zhes bya ba 'dod pa'i bstan bcos las 'byung ngo //phyi rol gyi phyag rgya med na ye shes kyi phyag rgya dang snyoms par zhugs pa bshad par bya ba'i phyir/ gang zhig chu skyes rdo rje sbyor/ /kun rdzob tu yang med gyur na/ /lan cig tsam gyis myang nas kyang / /rnal 'byor stobs kyis 'grub par 'gyur/ /zhes bya ba gsungs te/ lan cig tsam du 'od gsal ba nyams su myong nas/de'i rjes la rdo rje dang pad+ma'i 'brel pa med na yang sngar nyams su myong ba'i ting nge 'dzin gyi stobs kyis rnal 'byor pas dngos grub thob par 'gyur ro/ /de ltar phyi dang nang gi phyag rgya la brten nas/ ye shes kyi dbye ba rtogs pas rang bzhin gyi rang bzhin yongs su shes par 'gyur ro zhes bshad par bya ba'i phyir/ye shes 'jug pa'i ngo bo yis/ /dbye ba ji bzhin shes byas la/ /rang bzhin de nyid slar yang ni/ /rtag tu rnal 'byor pas mtshon bya/ /zhes bya ba gsungs te/ dag pa dang ma dag pa'i snang ba la sogs pa'i dbye ba yongs su shes na/de dang de'i rang bzhin rnams kyang de dang 'dra bar nyams su myong bar 'gyur ro/ /de ni khyab pa'i rnam par dag pa bshad par bya ba'i phyir/ ji ltar sprin ni sna tshogs zhing / /mdog dang dbyibs ni tha dad pa/ /nam mkha'i dbyings su byung nas ni/ /de nyid du ni thim par 'gyur/ /zhes bya ba gsungs te/ji ltar dkar po dang / dmar po la sogs pa'i kha dog dang ldan pa dang / de bzhin du glang po che dang / rta la sogs pa'i dbyibs can gyi sprin rnams nam mkha' las 'byung zhing rang gi bya ba byas la de nyid du thim par 'gyur te/ gang las 'byung zhing gang du thal lo zhes shes pa ma yin te dpe bstan to//dpe las 'byung ba bshad par bya ba'i phyir/ de bzhin rang bzhin thams cad ni/ /snang ba gsum gyi rgyu can te/ /ma lus yul la zhugs nas ni/ /'od gsal bar ni zhugs par 'gyur/ /zhes pa gsungs te/ de bzhin du snang ba gsum rgyur gyur pa'i 'dod chags dang bral ba la sogs pa'i rang bzhin rnams mdun na gnas pa'i yul rnams la longs spyad nas mtha' ru 'od gsal ba la zhugs par 'gyur te/de dang ngo bo gcig par 'gyur ro zhes dgongs pa'o/ /'di rnams yongs su ma shes pa kho na 'khor ba'i rgyu yin no zhes bshad par bya ba'i phyir/de 'dra'i rang bzhin ma shes pas/ /mi shes mun pas khebs pa yis/ /dge dang mi dge'i las byas nas/ /'gro ba lngar ni 'gro bar 'gyur/ /zhes bya ba gsungs te/ rang bzhin 'di rnams 'od gsal ba'i rang bzhin yin no zhes gti mug gi mun pas blo'i mig bkag pa'i dbang gis ma shes nas dge ba dang mi dge ba'i las byas pa'i dbang gis 'gro ba lnga'i 'khor ba'i dgon pa dang 'khor bar 'gyur zhes pa ni skye ba dang rga ba la sogs pas zil gyis mnan zhing 'gro ba dang 'ong ba nyid du 'khor bar 'gyur ro//'di nyid rgyas par bshad par bya ba'i phyir/ mtshams med la sogs byas nas ni//dmyal la sogs par 'tshed par 'gyur/ /sbyin sogs dge ba byas nas ni/ /mtho ris la sogs dag tu mchod/ /ces bya ba gsungs te/ mtshams med pa ni ma gsod pa la sogs pa lnga ste de nyid dang po srog gcod pa la sogs pa gang la yod pa de ni mtshams med pa la sogs pa ste/dge ba'i chos kyi mi mthun pa'i mtshan nyid gang yin pa de byas nas/ dmyal la sogs par 'tshed par 'gyur/ /zhes pa ni grang ba dang tsha ba la sogs pa'i dmyal ba rnams la 'tshed pa la sogs pa'i sdug bsngal nyams su myong ba yin no/ /de bzhin du dmigs pa dang bcas pa'i sbyin pa la sogs pa byas na mtho ris la sogs pa ni rgyal po chen po bzhi la sogs pa'i nang na mchod par 'gyur ro//de bas na bde 'gro dang / ngan 'gro'i bdag nyid kyi 'khor ba 'khor lo bzhin du bskor ba gang yin pa de ru gnas par 'gyur ro/ /rang bzhin dang snang ba rnams yongs su ma shes pa rnams la 'khor ba mtha' yas pa yin no zhes bshad par bya ba'i phyir/skye ba dpag med stong phrag ni/ /'dir ni yang dang yang thob pa/ /'di ni sngon las rnam smin zhes/ /rmongs pa rnams ni mya ngan byed/ /ces bya ba gsungs te/ rmongs pa ni rang bzhin dang snang ba'i de kho na mi shes pas dpag tu med pa'i skye ba'i stong phrag thob nas/de la 'khor bas sems ngal bar 'gyur te/ 'di ni sngon las rnam smin zhes/ /zhes bya ba ni sngon gyi las rnams kyis bde ba dang sdug bsngal gyi bdag nyid kyi rnam par smin pa 'di yin no zhes rtogs nas mya ngan byed pa yin no/ /dngos po rnams ni 'od gsal ba'i rang bzhin yin pas bde 'gro dang /ngan 'gro'i rgyu med pa'i phyir/ bcings pa dang / grol ba mi shes pas rmongs pa zhes bshad do/ /de kho na nyid shes pas grol bar 'gyur ro zhes bshad par bya ba'i phyir/ rang bzhin snang ba'i tshul gyis ni/ /gang gi skye bo nyon myongs pa/ / de nyid shes nas ye shes can/ /srid pa'i gzeb las grol bar 'gyur/ /zhes bya ba gsungs te/ rang bzhin snang ba'i tshul ni 'khor dang bcas pa'i rnam par shes pa gsum gyi 'brel pa gang gis skye bo rnams nyon mongs pa ni 'khor ba la 'khor ba'i sdug bsngal nyams su myong ba de nyid 'od gsal ba dang tha mi dad par shes na ye shes can ni rnal 'byor pa rnams/srid pa'i gzeb las grol bar 'gyur/ /zhes pa ni yongs su ma shes pa'i mtshan nyid kyi 'khor ba'i dra ba las grol bar 'gyur ro/ /ji skad du/ gang gis rmongs pa bcings gyur pa/ /de yis mkhas pa grol bar 'gyur//de ltar byang chub bsgoms pa yis/ /'di dag thams cad phyin ci log /ces bya ba don yod grub pa'i rgyud las 'byung ngo / /da ni sngags dang phyag rgya'i rim pa las gang yang rung bas/ gang gi tshe sems kyi 'od gsal ba thob pa de'i tshe rdzogs pa'i rim pa'i rnal 'byor pa yin pa dang /gang gi tshe snang ba la sogs pa'i ye shes rnams zla ba dang rdo rje yongs su gyur pa las lha'i rang bzhin du bsgoms na/ de'i tshe bskyed pa'i rim pa'i rnal 'byor pa yin pas rdzogs pa'i rim pa las dang po pa yin te/ de bas na snang ba la sogs pa'i rim pas zla ba la sogs pa'i gdan tsam la brten te/'od gsal ba kho na mngon du bya'o/ /de nyid kyi phyir/ shes rab ngo bo nyid 'di ni/ /zla ba'i dkyil 'khor dag tu brtag /sems nyid rang gis mthong 'gyur te/ rang nyid zla ba'i gzugs bzhin no/ /zhes bya ba gsungs te/ bskyed pa'i rim pa pos gang zhig zla ba'i dkyil 'khor brtag pa de nyid shes rab kyi rang bzhin te dri ma med pa'i phyir ro//rgyu de nyid kyis rang gi sems nyon mongs pa'i dri ma thams cad dang bral bas zla ba'i gzugs bzhin du dag pa mthong bar gyur ni shes pa yin te/ de bas na snang ba'i ye shes yongs su spangs te yi ge a las byung ba'i zla ba'i dkyil 'khor sgom par byed pa yin no//de'i rjes la yang / de nas zla ba la dmigs pa/ /rdo rje mtshan mar rab tu brtag /'di ni rdo rje las byung ba'i/ /rnal 'byor pa yi thabs su bshad/ /ces bya ba gsungs te/ sngar bsgoms pa'i zla ba'i steng du tsheg drag las byung ba'i rdo rje bsgoms la de nyid thabs kyi ye shes yin no zhes shes nas snang ba mched pa'i ye shes yongs su spangs na/de'i tshe rnal 'byor pa ni bskyed pa'i rim pa'i rnal 'byor pa yin te/ zla ba la sogs pa bsgoms pa'i phyir gzhan yang / zla ba rdo rje sogs mnyam sbyor/ /sems dang sems 'byung 'dus pa ste//shes rab thabs su 'dus pa las/ /lha yi gzugs ni 'byung bar 'gyur/ /phyag rgya bzhis ni rgyas gdab cing / /lha yi nga rgyal 'chang byed de/ /bskyed pa'i rim dang ldan par ni/ /sngags pa rtag tu spyod par 'gyur/ /zhes bya ba gsungs te/ zla ba ni shes rab rdo rje ni thabs te de gnyi ga 'dus pa ni de bzhin gshegs pa spro ba dang bsdu ba'i sgo nas sems can gyi don bya ba sngon du 'gro ba de dag gcig tu gyur pa gang yin pa de nyid snang ba nye bar thob pa yin no zhes shes nas/ye shes gsum pa yongs su spangs nas/ rdo rje 'chang la sogs pa las gang yang rung ba'i lha'i gzugs sku gsung thugs dang ting nge 'dzin dam pa'i sa bon gyi phyag rgya 'am/lha mo spyan la sogs pas rgyas gdab pa 'am/ yongs su bskor ba rnam par bsgoms te gang gnas pa de ni bskyed pa'i rim pa'i rnal 'byor pa yin no zhes bshad pa ste/ sa bcu pa las ltung bas las dang po'i sa la gnas pa'o//kye ma'o/ /'dir rnam par rtog pa'i bag chags rgyu ba de gang gis gzung bas khyad par gyi lam spangs nas rtog pa'i lam la brten pa yin no/ /dper na 'khrul pas 'khrul zhing smig rgyu la chur shes pa lta bu'o/ /de bzhin du nyan thos pa'i rigs can rnams stong nyid la lhag ma med pa'i mya ngan las 'das pa'i khams so sor snang ba lta bu dang 'gog pa'i snyoms par 'jug pa lta bu'o//'o na bskyed pa'i rim pa la yang rdo rje 'chang la sogs pa'i 'khor los sgyur ba drug bsgoms pas sangs rgyas thob pa yin te/ de bas na skyon med do zhe na/ smras pa/ de thob pa ni bden pa ste 'on kyang rtog pa'i rnal 'byor yin pa'i phyir lha'i gzugs de yongs su ma dag par bshad do//ngag rnam par dben pa la sogs pas gang gi tshe yongs su dag na/ de'i tshe yongs su dag pa'i lha'i gzugs zhes bshad pa ste/ de yang / rdzogs pa'i rim pa ma bsgoms na sngar bstan pa'i brjod pa kho na 'grub pa'o//de nyid bshad par bya ba'i phyir/ ji skad dpal ldan 'dus sogs par/ /de dang der ni rgyas gsungs pa'i/ /ji ltar bsgoms pa sbyor gyur pa/ /de srid dang po'i las can yin/ /zhes bya ba gsungs te/ de la dpal gsang ba 'dus pa'i le'u drug pa las/sngags kyi sku yi sbyor ba yis/ /byang chub ma yin bsgom pa min/ /zhes bya ba la sogs pa dang / chos kyi dbyings yongs su zhus pa'i rgyud las kyang / gang tshe las kyi lus 'jig pa/ /de dang 'dra ba'i lha nyid 'gyur/ /ji srid lus la gnas pa'i bar/ /de srid las dang las min 'gyur//zhes bya ba gsungs so/ /bde mchog las kyang / bris sku la sogs gzugs brnyan la/ /rnal 'byor skye bar mi 'gyur te/ /byang chub sems ni sbyor ba ste/ /des na rnal 'byor lha nyid yin/ /zhes bya ba gsungs pa dang / rdo rje phreng ba las kyang / de dang de yi rigs las 'byung / /lha dang lha mo tha dad rnams//de dang de rnams yod min te/ /sems can don du so sor bstan/ /zhes bya ba gsungs so/ /dgongs pa lung du bstan pa las kyang / de las yongs su gyur pa'i gzugs/ /gang zhig lha yis nye bar mtshon/ /zhes bya ba la sogs pa gsungs te/ sogs pa'i sgra'i don to//da ni rdzogs pa'i rim pa bshad par bya ba'i phyir/ da ni yongs rdzogs rnal 'byor gyi/ /gsal ba ru ni bshad bya ste/ /zhes bya ba gsungs te/ rang bzhin gyis grub pa'i rnal 'byor ni yongs su rdzogs pa'i rnal 'byor ro/ /de bshad par bya ba'i phyir/ stong pa gsum gyi rnam dag gang //'od gsal bar ni 'dir bshad do/ /thams cad stong pa'i gnas yang de/ /ye shes gsum ni rnam dag pa/ /zhes bya ba gsungs te/ stong pa gsum gang la yod pa de ni stong pa gsum ste/ rnam par shes pa gsum mo/ /de'i rnam par dag pa ni sngags dang phyag rgya'i rim pas mi dmigs pa gang yin pa de ni 'od gsal bar bshad do//thams cad stong pa ni rnam par shes pa dang / rang bzhin rnams mi snang bar byed pa'i phyir dang / gnas ni longs spyad rdzogs pa dang sprul pa'i sku'i rten yin pa'i phyir ro/ /des na de la gzhi mthun pa'i bsdu ba bya'o/ /yang de nyid bshad par bya ba'i phyir/ye shes gsum ni rnam dag pa/ /zhes pa ni snang ba la sogs pa mi dmigs pa'o/ /de nyid rgyas par bya ba'i phyir/ ye shes dag gnas de nyid dang / /thams cad mkhyen pa bla na med/ /gnyis med mchog tu zhi ba dang / /yod dang de bzhin med pa dang / /de ni tshig gi spyod yul min//zhes bya ba gsungs te/ ye shes ni ye shes dang rnam par shes pa rnams kyi rang bzhin de kho na nyid de/ gang gi phyir 'di ni spang bar bya ba dang blang bar bya ba gang yang ma yin te/ phyogs gnyis kyi skyon 'byung ba'i phyir ro/ /de bas na 'di nyid ye shes dag gnas zhes pa ni rnam par shes pa dang / ye shes rnams kyi rang bzhin rtogs pa kho na dag pa yin te gnyen po'i sgo nas ni ma yin no//gang gi phyir chos thams cad ni rang bzhin du stong pas gang gis gang dag par bya'o/ /dag pa de lta bu gang yin pa de'i gnas de kho na nyid de nyid yin te/ khyab par byed pa dang / phyogs gcig pa'i rnam par dag pa rnams chos nyid kho na la rab tu gnas pa'i phyir ro//thams cad mkhyen pa ni de nyid de/ rang bzhin dang snang ba dang snang ba thams cad yang dag par shes pa'i phyir dang / 'di las gzhan med pa'i phyir dang / yod na yang de nyid de yin pa'i phyir ro/ /ye shes lnga yang de nyid yin no/ /zhes bshad par bya ba'i phyir ro//'gyur ba med ces bya ba la sogs pa 'byung ste/ 'gyur ba med pa na me long lta bu'i ye shes te/ dri ma med pa'i me long bzhin du tha dad pa med pa'i phyir ro/ /snang ba med pa ni mnyam pa nyid kyi ye shes te/ rang dang gzhan gyi dbye ba so sor mi snang ba'i phyir ro/ /gnyis med ces pa ni so sor rtog pa'i ye shes te sgrib pa gnyis rnam par dag pa'i phyir ro//mchog ni bya ba nan tan grub pa'i ye shes te dmigs pa med pa'i sbyor bas gzhan gyi don mdzad pa'i phyir ro/ /zhi ba ni chos kyi dbyings kyi ye shes te bdag med pa gnyis mngon sum du mdzad pa'i phyir ro/ /yod dang de bzhin med pa dang / / zhes bya ba la don dam pa'i sgo nas yod par bstan pa dang / kun rdzob kyi sgo nas med par bstan pa 'di la yod pa ma yin te/ de nyid kyi phyir/ de ni tshig gi spyod yul min/ /zhes pa ni rnam par mi rtog pa'i phyir ro/ /de yang gang gi phyir rnam par rtog pa las tshig 'byung ba'i phyir ro/ /kun rdzob tu bstan na 'gal ba med de rnam par rtog pa'i shing rta la de ni gnas pa'i phyir ro//thams cad mkhyen pa la ni gsung gi tshogs bum pa bzang po bzhin du'o/ /de kho na nyid de nyid las lha'i sku 'byung ba yin te zhes bshad par bya ba'i phyir/ de bas 'od gsal dag pa las/ /ye shes gsum ni 'byung 'gyur te//sum cu rtsa gnyis mtshan 'chang zhing / /dpe byad bzang po brgyad cur ldan/ /rnam pa kun gyi mchog ldan pa'i/ /thams cad mkhyen par de nas 'gyur/ /zhes bya ba gsungs te/ 'od gsal ba 'di nyid las go log pa'i rim pas ye shes gsum ni snang ba nye bar thob pa la sogs pa 'byung bar 'gyur ro//snang ba gsum gcig tu gyur pa'i ye shes gsum po 'di las kyang thams cad mkhyen pa'i sgyu ma lta bu'i ye shes kyi sku ste sngon gyi smon lam gyi dbang gis 'byung ba yin no/ /de yang ji lta bu yin zhe na/ skyes bu chen po'i mtshan sum cu rtsa gnyis dang / dpe byad brgyad cu dang /rnam pa kun gyi mchog ni stobs bcu la sogs pa ste de rnams dang ldan pa'o/ /de ni sbas pa'i bshad pa'o/ /rgya cher rol pa'i tshad ma nyid kyis don 'di bstan par bya ba'i phyir/ shAkya thub pa de bzhin gshegs/ /mngon par byang chub 'di bzhed nas/ /stong pa chen po sangs rgyas nyid//thob par bya zhes mngon par dgongs/ /nai rany+dza na'i chu 'gram du/ mi g.yo'i ting 'dzin la zhugs la/ /zhes bya ba gsungs te/ rgya cher rol pa'i mdo ni theg pa chen po'i mdo ste/ gang du bcom ldan 'das shAkya thub pa'i mdzad pa chen po bcu gnyis sdud pa pos bshad pa'o/ /der bshad pa'i lo rgyus ni dper na bcom ldan 'das shAkya thub pas 'khor gyi nang nas gshegs te mngon par byang chub bzhed nas stong pa chen po'i go 'phang kho na byang chub yin no zhes dgongs nas chu bo nai rany+dza na'i 'gram du mi g.yo ba'i ting nge 'dzin la bzhugs so//bag chags kyi dri ma rnams sbyong bar byed pa nas mi g.yo ba'i ting nge 'dzin to//phyin ci log pa'i ting nge 'dzin gzigs pa na/ rang rang gi sangs rgyas kyi zhing la bzhugs pa'i de bzhin gshegs pa rnams kyis ji ltar de la gsungs pa de bshad par bya ba'i phyir/ de'i tshe rgyal ba mkha' rdo rje/ /til gyi gang bu gang bzhin bzhugs/ / rgyal ba'i sras la se gol dang / /de la dbyangs gcig gis gsungs pa/ /zhes bya ba gsungs te/ tshogs dang chos kyi sku dag gi/ /'gro ba'i don la spyod pa yis/ /sangs rgyas thams cad mnyam pa nyid/ /sku tshe rigs dang tshad rnams min/ /zhes bya ba'i rigs pas longs spyod rdzogs pa dang sprul pa'i sku tha mi dad pas nam mkha' la bzhugs pa'i rgyal ba ni mi bskyod pa la sogs pa/til gyi gang bu bzhin du phan tshun du gnod pa med par bzhugs pas rgyal ba'i sras ni gzhon nu don thams cad grub pa ste/ de la dbyangs gcig ni don gcig la dgongs nas dus gcig tu 'di skad gsungs so/ /gsungs pa de nyid bshad par bya ba'i phyir/bsam gtan 'di ni rnam dag min/ /'dis ni mthar thug mi thob ste/ /nam mkha'i ngos ltar mchog gyur pa/ /'od gsal bar ni de dmigs shig /ces bya ba gsungs te/ bsam gtan 'di ni mi g.yo ba'i ting nge 'dzin gyi mtshan nyid rnam par dag pa ma yin te rags pa'i rang bzhin rnams mi dmigs na yang phra ba'i bag chags rnams yod pa'i phyir ro//ji srid 'od gsal ba ma rtogs na de srid rags pa dang bag la nyal la gnas pa'i de rnams mi dmigs par mi 'gyur ro/ /bsam gtan 'di yang mthar thug mi thob pa ni khyad par gyi mtha' la gnas pa'i go 'phang 'dis thob pa ma yin te de bas na 'di spang bar bya'o//nam mkha'i ngos ltar mchog gyur pa/ /zhes bya ba la sogs pa la 'od gsal ba'i ni rnam pa med pa dang / dang ba'i mar me'i 'od zer dang 'dra ba dang dba' rlabs med pa'i rgya mtsho dang 'dra ba'i de kho na nyid dmigs par bya'o/ / 'od gsal ba ni rnam pa gnyis te/ sems kyi 'od gsal ba dang / rang bzhin gyis 'od gsal ba'o/ /de la sems kyi 'od gsal ba ni rnam pa med pa'i rnam rig dang / rang bzhin gyi 'od gsal ni thams cad stong pa ste/ rim pa bzhi pas thob par bya'o/ /'dir rje btsun gyi zhal snga nas kyis/ sems kyi 'od gsal ba kho na bzhed pa yin te/ gzhan du na zlos pa'i phyir rim pa bzhi pa don med pa thal bar 'gyur ro/ /de yang ji lta bu yin zhe na/ nam mkha' ngas ltar zhes pa ji ltar sprin dang mun pa dang kha ba la sogs pas nam mkha' khyab na yang / ngo bo nyid du dri ma med pa ste/ de bzhin du de las tha dad pa'i brdzun gyi rnam pa rnams dang bral ba'i de nyid nam mkha'i ngos ltar dmigs par bya'o//de nyid phyir/ mchog tu gyur pa ni rnam pa dang bcas pa'i rnam rig tsam smra ba las khyad par dang ldan pa ste/ rnam pa rnams kyi rang bzhin ma grub pa'i phyir ro/ /gal te 'dir 'phags pa'i phyogs su grub pa'i mtha' ma yin na yang /'on kyang rim pa bzhi pa la ltos pas phyogs snga ma'i tshul du bstan pa yin te skyon med pa'o/ /bstan pa 'di yang drang ba'i don yin te/ nges pa'i don ni ma yin no/ /rje btsun gyi zhal snga nas kyis kyang / gang zag bsgom pa'i dra ba ni/ /skye bo kun gyis mthong 'gyur ba//de kun sems 'byung dra ba ste/ /de nyid smra bas gsungs pa yin/ /zhes bya ba gsungs so/ /da ni dmigs pa'i 'bras bu bstan par bya ba'i phyir/ 'od gsal ba yi gnas thob nas/ /rab dga'i gzugs su skye bor 'gyur/ /de tshe rab dga' rdo rje'i sku/ /kun gyi dbang phyug thob par 'gyur//zhes bya ba gsungs te/ 'od gsal rtogs nas rab dga' gzugs ni longs spyod rdzogs pa dang sprul pa'i skur skye bar 'gyur/ de bzhin du kun gyi dbang phyug ni sku'i dbang phyug la sogs pa yon tan brgyad thob pas mi phyed pa'i ye shes kyi skur 'gyur zhing rab dga' ni sgyu ma'i skus 'gro ba'i don byed pa'o//de bzhin gshegs pa rnams kyis gsungs pa'i 'og tu shAkya thub pas ji ltar mdzad pa de bshad par bya ba'i phyir/ 'di ltar sgra de gsan pa dang / /de nas ting 'dzin mi g.yo btang / /'di nas nam phyed dus su ni/ /rgyal ba'i sras kyis de nyid dmigs/ /sku ni drang po ma yin zhing //mi drang ba yang ma yin la/ /dbugs gtong ba dang rngub pa min/ /gsung ba ma yin mi gsung min/ /spyan bzang btsum pa ma yin zhing / /spyan phye ba yang ma yin pas/ /thams cad stong pa rmad chen po/ /gang zhig gsal ba'i ye shes che/ /bla ma nyid kyi drin gyis ni/ /de nas de ni gsal mthong 'gyur//zhes bya ba gsungs te/ tshigs su bcad pa phyed dang bzhis gzhon nu don thams cad grub pas de kho na nyid mngon du mdzad pa bstan pa ste/ bcom ldan 'das de bzhin gshegs pa rnams kyi sgra stong pa chen po'i ting nge 'dzin bkag par byed pa gsan nas de yongs su spangs la/thams cad stong pa'i de kho na nyid des mthong bar 'gyur ro zhes tshig gis 'brel pa'o/ /rgyu gang gis mthong bar 'gyur zhe na/ bla ma nyid kyi drin gyis ni/ /zhes bya ba la 'dir ni sangs rgyas thams cad bla ma yin te de'i drin gyis so/ /gang gi tshe de kho na nyid 'di yis rtogs par 'gyur ba de'i tshe/ting nge 'dzin gyi yan lag tu gyur pa'i sku drang ba la sogs pa 'di la dgos pa ma yin te/ yongs su spang ba bstan to/ /gang gi phyir de kho na nyid ni chos kyi dbyings yin te/ thams cad du 'gro ba de phyogs gcig sgrub pa rnams kyis sku drang ba la sogs pa rnams kyis ji ltar bsgom par bya ba yin no//de kho na nyid ji lta bu yin zhe na/ dang ba ni sgrib pa med pa'i phyir dang / gsal ba ni sems can gyi rgyud la gnas pa'i phyir dang / ye shes ni ye shes med pa dang / che ba ni bdag nyid che ba'i phyir ro/ /thams cad stong pa ni rang bzhin de'i snang ba yod na yang de rnams mi dmigs pa'i phyir ro/ / de nyid kyi phyir rmad du byung ba che ba'o/ /glegs bam gzhan la 'od gsal ba/ /zhes bya ba'i sgra yod na de'i bshad pa ni mtshan mo dang nyin mo dang / mtshams las 'das pa'i rang bzhin gyis snang bar 'gyur ba gang yin pa de ni 'od gsal ba yin te/ de lta bu'i de kho na nyid mthong bar 'gyur ro/ /de mthong ba'i phan yon bshad pa'i phyir/'das pa dang ni ma 'ongs dang / /da ltar byung ba'i srid pa gsum/ /skad cig de la ma lus mthong / /'od gsal bar ni rnam dag 'chang / /zhes bya ba gsungs te/ 'di'i don sngar bshad zin to/ /de ni sgra ji bzhin pa'o/ /ldang ba bshad par bya ba'i phyir/ rdo rje lta bu'i ting 'dzin gyis/ /skya rengs 'char ba'i dus su ni/ /chu zla dang ni smig rgyu sogs/ /sgyu ma'i yon tan rnams kyis brgyan/ /byang chub rtsa ru bzhugs nas ni/ /des ni bdud rnams 'joms par mdzad/ /ces bya ba gsungs te/ snang ba nye bar thob pa la sogs pa'i rim pa'am/ cig car gyi rim pas chu zla la sogs pa'i sgyu ma'i dpe rnams kyis nye bar mtshon pa'i ye shes kyi skur gyur cing shAkya thub pa des bdud rnams 'joms pa ni bdud bzhi po 'joms par mdzad pa'o/ /mtshan phyed kyi dus su byang chub kyi shing drung gi rtsa ru bzhugs nas de rnams 'joms pa'o/ /gang gi dus she na/skya rengs ni lha nyi ma'i rta rdzi ste de 'char ba'i dus su'o/ /de'i tshe ting nge 'dzin gang mdzad ce na/ rdo rje lta bu'i ting nge 'dzin gyis/ /zhes pa ni sems la dmigs pa'i rim pa thob pa'i 'od gsal te drang ba'i don to/ /chu ni snang ba nye bar thob pa'i ye shes dang / zla ba ni zla ba dang 'dra ba'i 'od zer gang la yod pa de ni snang ba'i ye shes dang smig rgyu sogs zhes pa ni smig rgyus nye bar mtshon pa'i nyi ma'i 'od zer 'dra ba'i snang ba mched pa'i ye shes de rnams kho na'o//sgyu ma ni bud med sgyu mas thob pa'i phyir ro/ /yon tan ni de las byung ba'i sangs rgyas kyi yon tan dang ldan pa'i sgyu ma'i sku ste des brgyan pa'o//bdud ni ye shes gsum ste de rnams 'joms pa ni mi snang bar mdzad pa'o/ /byang chub ni 'od gsal ba ste/ de'i rtsa ba ni gzhir gyur pa 'dod pa'i gdugs te de la bzhugs nas mdzad pa'o/ /gang gi tshe zhe na skya rengs ni ma rig pa ste/ de 'char ba'i dus ni shar nas 'das pa'i dus te dus de la bya'o//rdo rje lta bu'i ting nge 'dzin ni de la rtse gcig pa'i g.yo ba med pa'i thugs te nges pa'i don to/ /rang gi don mdzad nas gzhan gyi don mdzad pa bshad par bya ba'i phyir/ shAkya mgon pos yang dag pa'i/ /ye shes bla med legs thob nas/ /'gro ba skyob cing phan pa'i phyir//de nyid 'dir ni ston pa mdzad/ /ces bya ba gsungs te/ de bzhin gshegs pa kun las shAkya thub pas yang dag pa'i ye shes mthong nas de nyid 'gro ba kun la phan pa'i phyir/ byang chub sems dpa' phyag na rdo rje la gsungs so/ /'di ni skyob pa nyid 'di bstan pa yin no/ /ji skad du/skyob pa rang thong lam ston pa/ /zhes bya ba 'byung ba'i phyir ro/ /nye bar bsdu ba bshad par bya ba'i phyir/ mngon par byang chub mtshan nyid ni/ /de nyid ye shes zhes byar bshad/ /ces bya ba gsungs te/ de nyid ni sems kyi chos nyid kyi rang bzhin gyi phyir dang / ye shes ni ye shes med pa'i phyir te de nyid ye shes so//mngon par byang chub pa ni byang chub kyi sems tsam mngon du rtogs pa ste/ de nyid mtshan nyid gang la yod pa de la de skad ces bya'o/ /'di nyid kyi bdag nyid chen po bshad par bya ba'i phyir/ mtshams med pa yi las can dang / /mi gang bsod nams dman pa 'am/ /yid bzhin nor dang 'dra ba gzhan//bla ma'i drin gyis thob par 'gyur/ /spyod pa ci dgar spyod byed de/ /'di ni ma 'ongs rdzogs sangs rgyas/ /zhes bya ba gsungs te/ gang gis sngar las drag po byas kyang rang bzhin yongs su shes pa tsam gyis byang chub thob pa yin te/ de la gang gis mtshams med pa lnga byas pa dang sngar dge ba'i rtsa ba ma bsags pa'i gang zag des kyang /bla ma'i drin gyis yid bzhin nor bu gnyis pa dang 'dra ba ni 'dod pa thams cad yongs su rdzogs par byed pa'i de kho na nyid thob par 'gyur ro/ /'di gcig pur ma zad kyi ji srid ma 'ongs pa'i sems can yongs su gzung ba'i phyir ma 'ongs pa'i sangs rgyas 'di nyid bshad pa yin no//spyod pa ci dgar spyod byed de/ /zhes pa ni sngags kyi spyod pa'am kun du bzang po'i spyod pa spyod cing 'gro ba la gnas pa yin te sgra ji bzhin pa'o/ /de kho na nyid de ji lta bu thob pa yin no zhes bshad par bya ba'i phyir/ chags min chags dang bral ba min//dbu mar yang ni mi dmigs so/ /stong pa ma yin mi stong min/ /dbu mar yang ni mi dmigs so/ /zhes bya ba gsungs so/ /'dir chags pa'i sgra rnams kyis snang ba mched pa la sogs pa bshad pa dang / stong pa la sogs pa'i sgra rnams kyis de'i rang bzhin rnams sam/ rnam par shes pa rnams bshad pa yin no//de ni mi dmigs pa'i mtshan nyid can gyi de kho na nyid do/ /rgyud thams cad kyi tshad ma nyid bshad par bya ba'i phyir/ sangs rgyas kun gyi mnyam sbyor la/ /'di nyid ltar ni rab ston te/ /ye shes gsum bral de nyid gang / /dgongs pa yis ni gsungs pa yin/ /zhes bya ba gsungs te/sangs rgyas thams cad kyi rgyud la snang ba la sogs pa'i ye shes gsum dang bral ba'i de kho na nyid dgongs par bshad pa'i ngag gis bcom ldan 'das kyis gsungs pa ste/ de yang 'di nyid yin te gzhan ni ma yin no/ /de'i ngag dang po ni/ gsang ba mchog gi dgyes pa na//thams cad bdag nyid rtag tu gnas/ /sangs rgyas kun ngo sems dpa' ste/ /rdo rje sems dpa' bde ba mchog /ces bya ba'o/ /'dis dgongs pas bshad pa'i don 'di yin te/ gsang ba ni snang ba'i ye shes dang / mchog ni snang ba mched pa'i ye shes dang / dgyes pa ni nye bar thob pa'i ye shes dpes/de ru rtag tu gnas pa ni yi ge a phyis pas mi gnas par shes par bya'o/ /thams cad bdag nyid ni rang gi ngo bo ste/ de ru rtag tu gnas pa'o zhes rjes su 'jug go/ /sangs rgyas kun gyi phung po lnga ste de'i ngo bo ni de rnams khyab par byed pa'o//sems dpa' ni snod kyi 'jig rten te de'i rang bzhin yin pas na sems dpa'o/ /mi phyed pa'i phyir rdo rje yang yin la/ rtag tu gnas pa'i phyir de nyid sems dpa' yang yin te/ rdo rje sems dpa' ni chos sku ste/ bar gyi yi ge phyis pa dang / tha ma yang phyis pas so/ /bde ba mchog ni 'od gsal ba de nyid bshad pa yin no//dgongs pas bshad pa'i mtshan nyid ni/ khyad 'dod sems can rnams kyi phyir/ /chos kyi de nyid rab ston pa/ /'gal ba'i tshig gi sbyor ba yis/ /gsungs pa ma yin dgongs bshad de/ /zhes bya ba gsungs so/ /dpal gsang ba 'dus pa'i tshad ma nyid bstan par bya ba'i phyir/de bzhin dpal gsang 'dus pa yis/ /byang chub sems kyi le'u dag las/ /dngos med la sogs tshigs bcad kyis/ /mngon par byang chub mtshan nyid gsungs/ /zhes bya ba gsungs te/ dpal gsang ba 'dus pa'i byang chub sems kyi le'u gnyis pa las/dngos po med cing bsgom pa med/ /ces bya ba la sogs pa byang chub kyi sems kyi tshigs su bcad pa drug gis mngon par byang chub pa'i mtshan nyid kho na 'khor los sgyur ba drug gis rab tu bstan to/ /gal te de ru bshad pa rnam pa bzhi yis tshigs su bcad pa dang po'i don bshad na yang /'on kyang sbas pa dang mthar thug pa'i phyogs su de kho na nyid kho na bstan to/ /tshigs su bcad pa lhag ma lnga la dgongs pa ma yin pa bshad pas/ de kho na bstan pa yin te skyon med pa'o/ /dpal mchog dang po'i tshad ma nyid bstan par bya ba'i phyir/ 'dod chags la sogs rnam dag gang //dpal mchog las kyang gsungs pa yin/ /de nyid de bzhin gshegs pas kyang / /thams cad stong par gsungs pa yin/ /zhes bya ba gsungs te/ dpal mchog dang po la yang 'dod chags la sogs pa'i rnam par dag pa gang gsungs pa de yang thams cad stong pa ni sems kyi 'od gsal ba'am rim pa bzhi pas thob pa'i de kho na nyid la brten te de bzhin gshegs pa rnams kyis gsungs pa yin te/dper na 'dod chags rnam par dag pa'i gnas ni 'di yin te gang zhig byang chub sems dpa'i gnas so/ /zhe sdang rnam par dag pa'i gnas ni 'di yin te/ gang zhig byang chub sems dpa'i gnas so/ /gti mug rnam par dag pa'i gnas ni 'di yin te/ gang zhig byang chub sems dpa'i gnas so/ /'dir ni 'dod chags la sogs pa'i tshig rnams kyi 'dod chags dang / 'dod chags bral ba dang / 'dod chags bar ma'i rang bzhin brgya drug cu rtsa ba dang bcas pa bshad pa yin te/de rnams rnam par dag pa ni sngags dang phyag rgya'i rim pa dag gis mi dmigs pa ste/ de nyid gnas ni chos thams cad kyi gzhir gyur pa ste 'od gsal ba'o/ /byang chub sems dpa'i gnas ni de nyid de sa bcu pa thob pa'i phyir ro/ /ji skad du/ snang ba gsum po mthong ba dag /sa bcu la ni rab tu gnas/ /zhes 'og nas gsungs pa'i phyir de bzhin du dpal mchog dang po de nyid las/ 'dod chags zhe sdang gti mug ni/ gsum po 'jig rten dug chen yin/ /dug nyid nye bar zhi gyur nas/ /dug ni de rnams dug med 'gyur/ /zhes bya ba gsungs te/'di ni 'dod chags la sogs pa'i rang bzhin rnams kyi rang bzhin ma shes na dug yin pa dang / de'i rang bzhin rtogs na dug med pa yin te mdor bsdus pa'i don to/ /mdo sde thams cad dang rgyud la sogs pa'i tshad ma nyid bstan par bya ba'i phyir/ sna tshogs mdo dang rgyud la ni/ /de nyid gang zhig nyer bstan pa//thams cad stong gnas 'di nyid las/ /der ni gzhan dag ma gsungs so/ /zhes bya ba gsungs te/ gang zhig mdo ni lang kar gshegs pa la sogs pa dang rgyud ni de kho na nyid bsdus pa la sogs pa ste/ de rnams las de kho na nyid gang nye bar bstan pa de yang thams cad stong pa'i gnas las gzhan du ma gsungs te de kun las de las 'das pa'i de kho na nyid bcom ldan 'das kyis gsungs pa ma yin no//de kho na nyid gcig pu kho na gsungs te/ char 'bab pa bzhin du rten gyi khyad par gyis de tha dad par so sor snang ba ste/ bu ram la sogs pa'i shing las ltung ba'i char lta bu'o//tshul gcig par bstan pa'i mdo las/ chos ni sgra skad dag gis lung bstan brjod/ /chos dang sgra dag 'dir ni snang mi 'gyur/ /chos nyid tshul gcig dngos la'ang 'jug byed pa/ /bzod mchog bla na med la reg par 'gyur/ /zhes bya ba gsungs te chos kyi phung po'i tshad ma nyid bstan par bya ba'i phyir/chos phung brgyad khri bzhi stong ni/ /thub pa chen pos gsungs pa las/ /mngon par byang chub mtshan nyid ni/ /snying po las ni snying po mchog /ces bya ba gsungs te/ de la chos kyi phung po brgyad khri bzhi stong ni nyan thos pa'i theg pa dang theg pa chen po dgu khri dang sngags kyi theg pa chen po 'bum du shes par bya'o//de bas na chos kyi phung po de rnams su thub pa chen pos mngon par byang chub pa'i mtshan nyid ni rim pa gnyis pa las gsungs pa 'am/ bzhi pa las gsungs pa gang yin pa de ni/ snying po las kyang snying po mchog /ces pa ni bskyed pa'i rim pa snying po ste de las snying po ni rdo rje bzlas pa'i rim pa ste/ de las kyang mchog ni khyad par can du gsungs so/ /de la nyan thos pa rnams kyis de kho na nyid de nyid 'gog pa'i snyoms par zhugs pa'i sgo nas gzung ba dang / rang sangs rgyas kyi rigs can rnams kyis de nyid rjes su dpag pa'i phyi'i don 'dzin pa'i rnam pa'i sgo nas gzung ba dang /rnal 'byor spyod pa rnams kyis rnam pa dang bcas pa dang rnam pa med pa'i sgo nas de nyid gzung ba yin no/ /de la kun gzhi rnam par shes pa kho na yod pa'o zhes kha cig 'dod pa'o/ /nyon mongs pa can gyi yid dang 'jug pa'i rnam par shes pa kho na'o zhes kha cig 'dod do//'jug pa'i rnam par shes pa drug kho na kha cig gis 'dod do/ /rnam par shes pa brgyad kha cig gis 'dod pa ste rnal 'byor spyod pa'i phyogs bzhi'o/ /rgyu dang rkyen las 'byung ba'i phyir don logs su 'grub pa dang / rnam pa med pa'i rnam par shes pa logs su 'grub pa ste/de gnyi ga yang rang bzhin med pa'o zhes mdo sde'i dbu ma pa rnams kyis de kho na nyid gzung ba yin no/ /phyi'i dngos po ni ye shes kyi rnam pa kho na yin te/ de yang rang bzhin med pa'o zhes rnal 'byor spyod pa'i dbu ma pa rnams kyis de kho na nyid gzung ba yin no//mthong ba dang bsgom pa'i lam rnams kyis nyon mongs pa spangs te/ chos kyi sku thob pa'o zhes rgyal ba'i yum gyi dbu ma pa rnams grub pa'i mtha' 'dod do/ /bya ba'i rgyud la gnas pa rnams khyad par gyi lha'i rnam pa kho na'i de kho na nyid 'dod pa dang / spyod pa'i rgyud la gnas pa rnams rol mo la sogs pa'i tha mal pa ma yin pa'i spyod pas lha'i rnam pa kho na'i de kho na nyid 'dod pa dang /rnal 'byor gyi rgyud la gnas pa rnams sngags dang phyag rgya dang / ting nge 'dzin rnams kyis thob pa'i rnam par snang mdzad la sogs pa'i lha'i sku kho na nyid 'dod pa dang / rnal 'byor chen po'i rgyud la gnas pa rnams bskyed pa'i rim pa'i rnal 'byor pas ting nge 'dzin gsum sngon du 'gro ba'i lus rnam par dben pa'i mtha' can de kho na nyid 'dod pa dang /rdzogs pa'i rim pa la gnas pa kha cig ngag rnam par dben pa ma yin pa dang / kha cig sems kyi 'od gsal ba dang / kha cig sgyu ma'i sku dang / kha cig phyi'i mngon par byang chub pa dang /kha cig mi gnas pa'i mya ngan las 'das pa'i de kho na nyid 'dod pa yin te/ dngos po rnam par dpyad na chos kyi sku las 'das pa'i de kho na nyid gzhan kho na yod pa ma yin te/ khyad par byed pa'i phyir ro/ /de bas de nyid mngon par byang chub pa yin te/ de mngon du byas na lam thams cad rtogs par 'gyur ro//rten gyi dbye bas lta ba rnams tha dad pa ste de kho na nyid ni ma yin no/ /gzhan du de nyid kho nar mi 'gyur ro/ /ji skad du/ chos kyi dbyings ni dbye med phyir/ /rigs dbye ba ni rigs pa min/ /gzhi can chos kyi dbye ba yis/ /de yi dbye ba so sor bshad/ / ces 'byung ba'i phyir ro/ /da ni brtul zhugs la sogs pa yang de'i don du de kho nar gzung ba ma yin no zhes bshad par bya ba'i phyir/ ral pa gcer bu mgo reg dang / /cod pan 'dus pa spong 'jug ste/ /sna tshogs rtags can de dang ni/ /mngon par byang chub 'dod pa rnams/ /zhes bya ba gsungs te/ral pa gcig ni rig pa'i brtul zhugs pa'o/ /gcer bu ni spyod pa'i brtul zhugs pa'o/ /mgo reg ni dge slong dang dge tshul la sogs pa'o/ /cod pan ni bslab pa lnga la gnas pa'i dge bsnyen no/ /'dus pa spong 'jug ni tshem bu pa'i rnal 'byor pa'o/ /sna tshogs rtags can de dang ni//zhes pa ni brtul zhugs sbyangs pa'i yon tan la sogs pa'i rtags te/ dka' thub spyod pa'i mtshan nyid de rnams kyis mngon par byang chub 'dod pa kho na yin te/ de rnams gzhan gyi don du 'bad pa ma yin no/ /brtul zhugs kho na de kho na nyid thob pa'i rgyu ma yin no zhes bshad par bya ba'i phyir/de nyid dman pa de rnams kyis/ /brtul zhugs spyod pa la sogs rim/ /de nyid ye shes dman pas na/ /des ni grol bar rnyed mi 'gyur/ /zhes bya ba gsungs te/ ral pa 'dzin pa la sogs pa de rnams gal te de kho na nyid bral ba yin na de'i tshe de rnams kyi brtul zhugs la sogs pa spyod pa'i rim pa don med pa kho na yin te/'on tang khur bu khur ba lta bur 'gyur ro/ /de bas na de kho na nyid med pa'i phyir/ brtul zhugs la sogs pa de yis grol bar mi 'gyur ro/ /gdan bzhi'i rgyud las kyang / de nyid med pa'i rnal 'byor la/ /glang po'i dril bu sgra sgrogs ltar/ /zhes bya ba gsungs so//de bas na de kho na nyid yongs su shes pa kho na grol ba'i rgyu yin te/ brtul zhugs la sogs pa med na yang de nyid rtogs pa'i phyir ro/ /de kho na nyid med na brtul zhugs la sogs pa don med de 'on tang khur bu khur ba'o/ /brtul zhugs la sogs pa bstan pa ni drang ba'i don to/ / de la zhen pa'i sems can gzung ba'i phyir ro/ /de bas brtul zhugs med kyang de kho na nyid mngon du bya ba'o/ /da ni sa'i rim pa bshad par bya ba'i phyir/ dang po las kyi sbyor ba yis/ /sa brgyad pa ni thob par 'gyur/ /snang ba gsum po mthong ba dag /sa bcu la ni rab tu gnas/ /zhes bya ba gsungs te/las dang po pa ni bskyed pa'i rim pa'i rnal 'byor pa ste/ de'i sbyor ba ni dang po sbyor ba la sogs pa'i ting nge 'dzin gsum bsgom pa ste/ lus rnam par dben pa'i mtha' can gang yin pa de yis/ sa brgyad pa ni mi g.yo ba thob par 'gyur ro/ /don gyis na rdo rje bzlas pa'i rim pas sa dgu pa thob pa dang /snang ba gsum po mthong ba ye shes dbang du gyur pa'i phyir sa bcu pa thob par 'gyur ro/ /de'i rjes las thob pa'i phyir sgyu ma'i sku sa bcu pa kho na'o/ /rim bzhi pas bcu gcig kun du 'od kyi sa thob pa'o/ /de'i rjes las thob pa'i ye shes kyis rdo rje'i sku ni sa bcu gcig pa kho na'o/ / las dang po pa'i sa ni tshangs pa'i gnas la sogs pa bsgoms pas thob pa yin no/ /de ltar na sa bcu gnyis so/ /shin tu bde ba dang / shin tu myur bar rig pa'i skyes bu bsgom pas gang zhig tshe 'di nyid du sangs rgyas thob pa ste/ de nyid sa bcu gsum pa zhes bshad do/ /da ni gzhon nu don thams cad grub pas de kho na nyid thob nas gang mdzad pa de nyid bshad par bya ba'i phyir/mngon par byang chub legs thob nas/ /gtsang ma'i gnas su nye bar 'gro/ /sangs rgyas zhing nas mi ldog pas/ /tshe 'di nyid kyis thams cad mkhyen/ /zhes bya ba gsungs te/ shAkya thub pa des mngon par byang chub thob nas sems can gyi don mdzad de/gtsang ma'i gnas ni 'phags pa'i gnas su shes pa'o/ /sangs rgyas kyi zhing ni yongs su dag pa'i rang bzhin te/ de ru phyir mi ldog pas tshe 'di nyid du thams cad mkhyen pa thob pa yin pas drang ba'i don to/ /mngon par dad pa'i byang chub pa ni phyi'i smig rgyu la sogs pa mthong bas nang gi bdag nyid kyi mngon par byang chub pa mngon du byas nas gtsang ma'i gnas ni rang gi sems kho na/'gro ba ni de ru bzhugs pa'o/ /sangs rgyas ni yang dag pa'i ye shes te de'i zhing ni phung po la sogs pa'i rten te de ru mi ldog pa ni de rnams blang bya dang /spang bya ma yin pa mdzad nas thams cad mkhyen pa ste nges pa'i don to/ /da ni 'dod chags kyi spyod pa'i 'bras bus byang chub rnam pa gsum bshad par bya ba'i phyir/ chos 'byung mngon par byang chub pa'i/ /chags sogs rol mo rgya chen po/ /chos dbyings mngon par byang chub pa'i/ /ji ltar rnyed pa'i spyod pas so//mngon par rtogs par gang gyur pa/ /bla med mngon par byang chub pa/ /spros bcas la sogs spyod pa yis/ /rnal 'byor pa ni 'dir slob bo/ /zhes bya ba gsungs te/ tshigs su bcad pa gnyis kyis 'bras bu dang bcas pa'i spyod pa gsum bstan to/ /de la spyod pa gsum ni spros pa dang bcas pa dang spros pa med pa dang shin tu spros pa med pa'o//de la dang po ni sum brtsegs kyi khang pa'am/ 'og tu khang pa byas la/ de nyid dar dpyangs dang / ba dan dang / rnga yab dang / me tog gi phreng ba rnams kyis brgyan par byas la/ 'og khang du tshang bang dang / bar khang du rol mo mkhan la sogs pa dang /steng du sna tshogs pa'i gdan la bzhugs pa'i bdag nyid rdo rje 'chang dang / shar la sogs pa'i phyogs nas sgo'i bar du/ kye ma'o/ /bde ma la sogs pa'i lha mo'i gzugs dang / kha dog la sogs pa dpal ldan pa'i lha mo rnams rnam par bzhag la/de rnams dang lhan cig tu 'dod pa'i yon tan lnga po la longs spyod la/ lag pa dang ngag gi brda rnams kyi de kho na nyin mtshan la sna tshogs pa'i byed pa dang yan lag bsgyur ba la sogs pa'i tha mal pa ma yin pa'i dga' ba'i spyod pa rnams kyis chos 'byung mngon par byang chub pa thob pa'i bar du gnas par bya ste/rgyal po in+d+ra b+hU ti bzhin du/ rang gzugs yongs su gyur pas tshe 'di nyid du de rnams dang lhan cig tu phyag rgya chen po'i dngos grub thob par 'gyur te/ 'bras bu dang bcas pa'i spros pa'i spyod pa bstan to/ /gnyis pa ni zhag re re'am/ zla ba re re'am/ lo re re gzugs rdo rje ma la sogs pa'i lha mo bzhi dang lhan cig tu longs spyod la spyad par bya'o//gal te phun sum tshogs pa med na/ de'i tshe phyag rgya gcig dang / lhan cig tu yul nas yul du bskor zhing ji snyed pa'i shing tog dang 'bras bu la sogs pa'i zas rnams kyis srog 'dzin pa tsam byas te ji srid chos kyi dbyings kyi mngon par byang chub pa thob par 'gyur ro//gsum pa ni ye shes kyi phyag rgya dang snyoms par zhugs pas/ mngon par rtogs par gang gyur pa/ /zhes pa ni de dang lhan cig tu bde ba nyams su myong la/ nags tshal gyi lha mo rnams las bza' ba rnyed cing chags pa med pa'i tshul gyis bla na med pa'i mngon par byang chub pa thob pa'i bar du bsgom par bya'o//de ltar spyod pa'i dbye bas thabs kyi dbye ba ste byang chub ni gcig kho na'o/ /rten gyi dbye bas ming gi dbye ba tsam 'dir bstan pa ste/ byang chub la rang bzhin gyis dbye ba gang yang med do/ /da ni rang bzhin gyis grub pa'i de bzhin nyid la spyod pa spyod pa'i spros pas dgos pa med pa'o zhes phyogs snga ma tshigs su bcad pa gcig gis bshad par bya ba'i phyir/gdod nas grub pa'i rang bzhin can/ /ngo bo nyid kyis de 'grub na/ /bslab pa'i sbyor bas ci zhig bya/ /rtog las de bzhin nyid mi skye/ /zhes bya ba gsungs te/de bzhin nyid ni chos nyid de de skyed par byed pa ma yin te thog ma dang tha ma med pa'i phyir ro/ /de bas na rang bzhin gyis grub pa kho na de yin te/ rtog pa las 'byung ba ni ma yin no/ /lam gyi sgo nas de bslab na rtog pa kho na las skye bar 'gyur ro/ /'di'i lan gdab par bya ba'i phyir/ gang zhig de ltar 'dir rtog na/ye shes rim pa spangs pa nyid/ /de yi dbye ba mi shes pas/ /slar yang slob par 'gyur ba yin/ /zhes bya ba gsungs te/ bslab pa'i sbyor ba mi dgos so/ /zhes khyod kyi tshig rigs pa ma yin te/ snang ba la sogs pa ye shes gsum gyi rim pa yongs su spangs nas gang zag gi rang bzhin gyis grub pa'i rim pa rtogs pa de rnams de'i dbye ba ni rang bzhin dang snang ba rnams kyi dbye ba gang gi tshe rang bzhin gang 'byung ba dang /de'i 'ang rang bzhin gang yin no/ /zhes dbye ba mi shes pas las dang po par 'gyur ro/ /de bas na de rnams kyis de'i dbye ba bslab par rigs pa yin no zhes pa'i tha tshig go//bslab pa de nyid bshad par bya ba'i phyir/ rang bzhin snang ba'i dbye shes shing / /de nyid bzhi pa la brten nas/ /gang zhig rnam gsum la slob pa/ /de ni 'bras bu myur thob 'gyur/ /zhes bya ba gsungs te/ rang bzhin ni brgya drug cu dang snang ba ni gsum ste/de rnams kyi dbye ba shes pa'i rnal 'byor pas de nyid bzhi pa la brten pa ni sems kyi 'od gsal ba'am/ rang bzhin gyi 'od gsal ba la brten nas/ des ni 'bras bu myur thob 'gyur/ /zhes pa ni mi gnas pa'i mya ngan las 'das pa'i mtshan nyid mngon du byed par 'gyur ro/ /de yang ji ltar zhe na/gang zhig rnam gsum la slob pa/ /zhes pa ni gal te spyod pa gsum la slob na de'i tshe 'bras bu mngon du byed pa ste/ gzhan du ni ma yin no zhes dgongs pa'o/ /'dis ni bsgom pa med na byang chub thob pa ma yin no zhes grub pa'i mtha' rnams rnam par gzhag go /'di nyid kyi dpe bstan par bya ba'i phyir/ji ltar shing la me gnas pa/ /ma gtsubs par ni 'byung mi 'gyur/ /de bzhin byang chub bslab bral bas/ /tshe 'di nyid la snang mi 'gyur/ /zhes bya ba gsungs te/ 'dir ni 'byung ba chen po bzhi bdag nyid kyi dngos po rnams kyi sa la sogs pa phan tshun tha mi dad pa yin no//de bas me'i khams shing gi nang na gnas na yang rang snang bar mi 'gyur te/ de ru sa kho na snang ba yin no/ /nye bar len pa dang lhan cig byed pa'i rgyu rnams phan tshun phan par bya ba dang / phan par byed pa'i dngos por gnas pa ste/ gtso bo dang yon tan gyi rang bzhin du gnas pa dang /tshogs pa gcig la rag lus pa'i phyir ro/ /de bas na shing gi nang na gnas na me de ni ma gtsubs na 'byung bar mi 'gyur te/ de bzhin du chos nyid phung po la sogs pa la khyab par byed pa'i rang bzhin du gnas na yang bslab bral ba ni bsgom pa med na snang bar mi 'gyur ro/ / de bas na rdzogs pa'i rim pa gnas pa'i rnal 'byor pas de nyid rtogs par bya ba'i phyir bsgom pa'i lam la goms par bya'o/ /sems la dmigs pa'i rim pa sbyin par bya ba'i slob ma snod ma yin pa brtag par bya ba'i phyir/ gang zhig g.yo sgyu'i blo ldan le lo can dag dang / /nyon mongs bla ma'i skyon rnams mthong gi yon tan min//bla ma la smod dbang skur thob ces rlom sems 'gyur/ /blo dman sems ldan kun mkhyen yang dag 'thob mi 'gyur/ /zhes bya ba gsungs te/ 'di lta bu'i slob ma gang yin pa de ni snod ma yin no zhes bstan to/ /de gang yin zhe na/ g.yo sgyu'i blo ldan ni sems drang po med pa dang /le lo can ni dge ba'i chos la 'bad pa med pa dang / de bzhin du bla ma'i skyon kho na mthong ba dang / yon tan ni man ngag dang mkhas pa nyid la sogs pa mthong ba ma yin no/ /de bzhin du bla ma la smod pa ni bdag gi rdo rje slob dpon gyis cung zad mi shes te/ bdag gi rang byung gi shes rab kyi stobs kyis rgyud kyi don rtogs pa ste/bdag la bla mas cang byas pa ma yin te zhes bya ba bla ma la smod pa'o/ /de bzhin du so so skye bo bdag 'dra bas thams cad mkhyen pa thob pa ma yin no zhes slob ma dman pa dang ldan pa'o/ /de bzhin du bsnyen bkur med par myur du de nyid thob par 'dod//yang dag tshig ma yin zhes khro bcas g.yo bar 'gyur/ /tshogs mang bla ma mthong na rgyab kyis phyogs par byed/ /de nas de ni dben par song nas phyag byed 'gyur/ /zhes bya ba ni go sla'o/ /de bzhin du/ de ltar rang bzhin ngan gyur dman pa'i slob ma ni/ /rang gi bur gyur yin yang gzhan bzhin yongs su spang //rgyal rigs rje'u rigs mchog las skyes gyur pa'ang / /brtan pas nam yang de ni drung du gzhag mi bya/ /zhes bya ba ni rang bzhin ngan pa'i slob ma de lta bu rang gi bu yin yang spang bar bya'o/ /bram ze la sogs pa'i rigs gsum po las 'byung ba rang bzhin ngan pa yin na snga ma bzhin spang bar bya'o//'di ni tsan+dan lta bu'i gang zag ste/ rdzogs pa'i rim pa'i snod ma yin no/ /ji skad du/ thos pa nyung zhing nga rgyal ldan/ /rtsa ba med par mang du smra/ /rjes su gzung bar mi nus pa/ /tsan+dan zhes bya'i gang zag go/ /zhes gsungs so/ /rin po che lta bu'i gang zag bshad par bya ba'i phyir/yon tan mchog ldan ye shes brtson par bcas pa dang / /yang na bla ma la gus sangs rgyas dang mnyam ltar/ /rgyal ba'i chos rnams rtogs shing bstan la shin tu dad/ /de 'dir snod gyur yin phyir de la drin sbyin bya/ /zhes bya ba gsungs te/ de lta bu'i gang zag yin pa de ni rim pa 'di'i snod yin no//de yang ji lta bu yin zhe na/ yon tan mchog ni byams pa la sogs pa dang / dad pa la sogs pa ste de dang ldan pa'o/ /ye shes brtson par bcas pa zhes bya ba la/ rigs pa'i gnas lnga la rtsol ba dang ldan pas ye shes dang bcas pa dang / dge ba'i chos spyod pa la 'bad pa'i phyir brtson 'grus dang bcas pa'o//de bzhin du bla ma ni rdo rje slob dpon te de la sangs rgyas dang 'dra bar mthong ba dang / de bzhin du rgyal ba'i chos ni sde snod gsum ste de la mkhas pa dang / bcom ldan 'das kyi bstan pa la dad pa can gang yin pa de la drin sbyin bya ba ni rim pa gnyis pa'i don bshad par bya'o//de ni rin po che lta bu'i gang zag yin no/ /ji skad du/ tshul khrims dag cing mkhas la drang / /shes rab ldan zhing rgyud gcig pa/ /thos nas legs par ston pa ni/ /rin chen zhes bya'i gang zag go/ /zhes gsungs so/ /da ni mdo gcig pu kho nas ut+pal la dang /pad+ma dkar po bshad par bya ba'i phyir/ rgyud mang rab tu thos shing lung la legs sbyangs kyang / /bla ma'i bsnyen bkur dman phyir lung thob ma gyur pa/ /de ni bdag phan tsam la'ang dbang med bstan bcos rtsod/ /de yi bstan bcos skyo ba'i rgyu tsam 'ba' zhig yin/ / zhes bya ba gsungs te/ rgyud dang lung ni bye brag smra ba la sogs pa mang po slob dpon mang po las lan mang du thos nas gang gi blo sbyangs kyang bdag rang mkhas pa yin no zhes bla ma rnams las man ngag ma thob pa gang yin pa de ni bdag la phan pa tsam yang byed par mi nus na/ gzhan gyi don la smos ci dgos/ de bas na/ de'i bstan bcos skyo ba'i rgyu tsam yin te/ bstan bcos la rtsod pa'i phyir ro/ /de'i phyir de ni rang dang gzhan gyi don las 'das par 'gyur te ngag gi don to/ /ji skad du/ de ni ma lus don thos nas/ /'dzin pa la ni rnam par mkhas/ /skad cig gis ni brjed gyur pa//ut+pal zhes bya'i gang zag go/ /gzung bya lhag par mang thos kyang / /ston pa yi ni nus pa med/ /bum pa'i ras bal sa bon 'dra/ /pad+ma zhes bya'i gang zag go/ /zhes bya ba gsungs te/ slob ma'i bshad pa la snod du gyur pa yang rin po che'i gang zag bshad par bya ba'i phyir/rgyud mang thos shing shes ldan gnas drug shes pa dang / /dran dang blo gros brtan blo brtson pa phun tshogs ldan/ /bla ma'i zhabs bkur bcas shing de nyid lung thob dang / /rgyud rgyal man ngag de yis bstan par 'os pa yin/ /zhes bya ba gsungs te/ rin po che lta bu'i gang zag ste/de yis rgyud kyi rgyal po'i man ngag gzhan la bstan par nus pa yin no/ /sngar ni man ngag gi snod du gyur pa de rang bstan pas/ tshigs su bcad pa 'dis gzhan gyi don des bya bar rigs pa'o zhes bshad do/ /de yang ji lta bu zhe na/ rgyud mang po thos nas mtha' drug gi dbye bas rgyud bshad par nus pa dang /ye shes ldan pa ni de kho na nyid rtogs pa dang / de bzhin du dran pa la sogs pa'i 'jig rten las 'das pa'i dbang po lnga dang ldan pa dang / bla ma'i zhabs bkur bas gang gis man ngag thob pa'o/ /bsod nams yongs su bsngo ba bshad par bya ba'i phyir/ 'phags pa rdor can drin gyis rgyud rnams mang po thos//gsal rnams spros pa'i tshig gis byang chub lam ni rnam phye bas/ /shAkya'i bshes gnyen gyis ni dge ba gang bsags des/ /mkhas shing gsal ba'i rnam smin byang chub snod gyur shog /ces bya ba gsungs te/ 'phags pa'i lam ni rdo rje 'chang gi go 'phang thob pa'i lam 'di rnam par phye nas/bdag gis dge ba gang thob pa des sems can thams cad byang chub snod gyur pa ni zung 'jug gi go 'phang la brten par gyur cig pa'o/ /bdag gi ji lta bu zhe na/ gang gi 'phags pa rdo rje can gyi drin ni rmi lam du mthong ba'i rdo rje 'chang chen po'i gnang ba'i rjes su bzung bas/rgyud mang po thos nas mkhas par gyur te/ gsal ba'i tshig gis lam 'di phye ba'o/ /de bas na sems can kun yang mkhas par gyur pa gsal ba'i rnam par smin pas byang chub thob pa'i snod du gyur cig ces pa ni yongs su bsngo ba'o/ /shAkya'i bshes gnyen zhes bya ba ni slob dpon gyis rab tu dgyes pa'i mtshan te/dngos grub kyi mtshan ni klu sgrub ces pa'o/ /kha cig na re/ slob dpon nyid kyi slob ma shAkya bshes gnyen zhes bya ba ste/ slob dpon nyid kyis mdzad pa'i rab tu byed pa la slob ma'i ming 'jog pa ni shin tu dgyes pa'i phyir ro/ /de'i phyogs su don ni 'phags pa rdor can zhes bya ba la 'phags pa yang yin la rdo rje can yang yin pas 'phags pa rdor can ni klu sgrub ste/de'i drin gyis rgyud mang po thos pa zhes bya ba la sogs pa snga ma bzhin no/ /thams cad dag cing rnam par dag pa zhes pa ni thams cad ni rang bzhin dang snang ba rnams kyi rim pas rang bzhin yongs su shes pas/bla na med pa ni mchog tu gyur pa dgongs pa gang la yod pa de la de skad ces bya'o/ /de bas na sems rnam par dag pa'i rim pa zhes bya ba'i tshig gi don to/ /rim pa lnga pa'i 'grel pa rim pa'i don gsal bar byed pa zhes bya ba las/ sems la dmigs pa'i rim pa ste gnyis pa'o// //da ni bdag la byin gyis brlab pa'i rim pa rtsom pa'i dang por bcom ldan 'das rdo rje 'chang la phyag 'tshal ba'i phyir/ rdo rje can rnams kun gyi gtso/ /rdo rje che la phyag 'tshal te/ /bdag la byin gyis brlab pa nyid/ /brtse bas bdag gis bshad par bya//zhes bya ba gsungs te/ sngar don bshad pa'i bdag la byin gyis brlab pa'i rim pa bdag gis bshad par bya zhes pa tshig gi 'brel pa'o/ /de yang rgyu gang gis she na brtse bas zhes pa ni thugs rje'i dbang gis so/ /de gang gi phyir rim pa 'di la ni thugs rje kho na rtsa ba'i rgyu yin te/gzhan du na sems la dmigs pa'i rim pa la zhugs pas slar yang lha'i rnam pa yongs su gzung ba dgos pa med pa'i phyir ro/ /dgos pa ni sems can gyi don dang / chad pa'i phyogs yongs su spangs pa dang / sngon gyi smon lam 'bras bu dang ldan pa ste de nyid brtse ba zhes bshad pa'o//ci byas nas bshad par bya zhe na/ rdo rje 'chang la phyag 'tshal te/ /zhes pa ni de bzhin gshegs pa drug pa la phyag 'tshal nas so/ /ji lta bu yin zhe na/ rdo rje can kun ni de bzhin gshegs pa lnga ste/ de rnams kyi gtso bo ni bdag po'i bdag po nyid kyang chos nyid kyi rang bzhin te/'di yis rim pa 'di rdo rje 'chang chen po'i rang bzhin yin zhes bstan to/ /de sgra ji bzhin pa'o/ /dbang bskur thob pa'i slob ma la bdag la byin gyis brlab pa'i rim pa ston pa yin te/ gzhan la ni ma yin no zhes bshad par bya ba'i phyir de la dang por bskyed pa'i rim pa'i rjes su 'brangs nas/dbang bskur ba thob cing rgyud rnam pa bzhi'i dgongs pa shes pas shes rab dang ldan zhing lus dang / ngag dang yid rnam par dben pa'i thos pa 'dzin pa/ bden pa rnam gnyis la lhag par mos pa/ rdo rje slob dpon yang dag par mnyes par byas te/ de'i 'og tu bla ma mnyes par gyur nas tshogs kyi mchod pa chen po byas la/lo bcu drug pa rdo rje slob dpon chen po la phul te/ de'i 'og tu bla ma'i zhal nas bdag la byin gyis brlab pa mngon du thob nas de'i 'og tu phreng ba dang / chu dang / rdzogs pa'i sangs rgyas dang / rdo rje dang / dril bu sbyin pa dang / me long dang / ming dang /slob dpon dang / rjes su gnang ba ste/ de dag dang bcas par gsang ba'i dbang bskur ba thob nas/ bstod pa 'dis bla ma la bstod par bya'o zhes bya ba gsungs te/ bdag la byin gyis brlab pa'i rim pa thob pa'i phyir/ slob ma 'di lta bus bla ma la bstod par bya'o zhes tshig gi 'brel pa'o//slob ma ji lta bu zhe na/ dang po bskyed pa'i rjes su 'brangs nas dbang bskur thob pa zhes pa ni dam tshig dang sdom pa gzung ba sngon du 'gro ba'i mi bskyod pa la sogs pa'i rang bzhin gyis chu la sogs pa'i dbang rnams kyi dbang bskur ba thob pa ni rig pa'i dbang bskur ba pa'o zhes ston pa'o//phyir mi ldog pa'i dbang bskur ba yang bskyed pa'i rim pa'i dbang bskur ba yin te/ de yang thob pa'o zhes shes par bya'o/ /de bzhin du/ rgyud rnam pa bzhi'i dgongs pa shes pa zhes bya ba ni/ bya ba dang / spyod pa dang rnal 'byor dang / rnal 'byor chen po rgyud rnams kyi dgongs pa gang yin pa de shes pa dang /shes rab dang ldan pa ni rigs pa so sor thob pa'i shes rab dang ldan pa'i gang zag ste/ chos la dmigs pa las byung ba'i shes rab dang ldan pa'i tsan+dan lta bu la sogs pa'i gang zag ni ma yin no/ /de gang gi phyir/ chos nyid so sor thob pa'i shes rab ni rdo rje theg pa pa rnams kyi yin te/sangs rgyas kyi theg pa pa rnams kyi ni ma yin no zhes dgongs pa'o/ /de bzhin du lus dang / ngag dang / yid rnam par dben pa'i thos pa 'dzin pa zhes pa ni lus rnam par dben pa ni ting nge 'dzin gsum sngon du 'gro ba rigs brgya'i dbye ba'i bar du'o/ / ngag rnam par dben pa ni rdo rje bzlas pa dang / yid rnam par dben pa ni/ sems la dmigs pa ste/ de rnams kyi thos pa 'dzin pa de ni thos pa tsam 'dzin pa ste/ slob pa'i lam la gnas pa'i phyir mngon du byed pa ni ma yin no/ /de nyid kyi phyir bden pa rnam pa gnyis la lhag par mos pa zhes bya ba la/sgyu ma lta bu'i ting nge 'dzin kun rdzob kyi bden pa dang / 'od gsal ba don dam pa'i bden pa ste de gnyis la lhag par mos pa ni sgyu ma'i sku dang / 'od gsal la gnyis su med par byed pa la mos pa dang ldan pa ste/ zung 'jug gi rim pa thob pa'i phyir mos pa dang ldan pa'o/ / zhes bya ba'i don to/ /slob ma de lta bus rdo rje slob dpon yang dag par mnyes pa ni bkur sti la sogs pas thugs dgyes par byas la/ de nas bla ma de la tshogs kyi 'khor lo'i nang du mchod pa bya'o/ /mchod pa de yang rgyud gzhan las rtogs par bya'o/ /lo bcu drug pa phul ba ni nye bar mtshon pa tsam yin te/lo bcu gnyis pa dang / lo nyi shu pa yang rigs kyi dbye ba de la dbul bar bya'o zhes ngag gi don to/ /de nas bla mas slob ma de la gsang ba dang shes rab dang shes rab ye shes sbyin la bdag la byin gyis brlab pa'i rim pa bstan par bya'o/ /'dis ni 'di ltar bshad pa yin te/ slob ma gang gis slob dpon dang / gsang ba dang shes rab dang / shes rab ye shes zhes bya ba'i dbang bzhi pos dbang bskur ba dang / rjes su gnang ba de la bdag la byin gyis brlab pa bstan par bya ste/ gzhan la ni ma yin no zhes dgongs pa'o/ /'dir ni bskyed pa'i rim pa'i rnal 'byor pa gang rang gi don 'dod pa de la dbang bskur ba lnga sbyin par bya ste/gzhan gyi don la 'jug na de la slob dpon gyi dbang sbyin par bya'o/ /rdzogs pa'i rim pa 'dod na sngar bshad pa gnyis dang phyi ma gnyis de la sbyin par bya'o zhes dgongs pa'o/ /rim pa gnyis kyi rnal 'byor pa rnams la dbang bskur ba bzhi yang sbyin par bya'o//de gang gi phyir bskyed pa'i rnal 'byor pas kyang dkyil 'khor rgyal po mchog gi ting nge 'dzin gyi phyogs su phyag rgya la brten pa kho na yin te/ de med na dkyil 'khor rdzogs par mi 'gyur ba'i phyir ro/ /rdzogs pa'i rim pa ni slob ma de la bshad par mi bya ste de la mos pa med pa'i phyir ro//de'i 'og tu bla ma'i zhal nas bdag la byin gyis brlab pa'i man ngag thob nas zhes bya ba ni/ slob ma de lta bu la bla mas bdag la byin gyis brlab pa'i rim pa bshad par bya'o zhes ston to/ /de'i 'og tu phreng ba zhes bya ba la sogs pas sngar bshad pa'i don kho na bstan pa yin no//phreng ba dang chu zhes bya ba la sogs pa go sla'o/ /rdzogs pa'i sangs rgyas ni sangs rgyas lnga'i rang bzhin gyi dbang bstan pa'o/ /gsang ba'i dbang bskur ba thob nas zhes bya ba ni gsang ba ni rnam pa gsum ste/ ngag dang / yid dang / ye shes kyi gsang ba'o//de la ngag gi gsang ba ni byang chub kyi sems la spyod pa dang / yid kyi gsang ba ni shes rab kyi dbang bskur ba dang / ye shes kyi gsang ba ni shes rab ye shes te de ni bla ma'i man ngag las mtshon par bya'o/ /de rnams thob nas bla ma de dgyes par bya ba'i phyir bstod pa bshad par bya ba'i phyir/khong stong khyod kyi sku la med/ /sha dang rus pa khrag kyang med/ /nam mkha' la ni 'ja' tshon ltar/ /khyed kyi sku ni ston par mdzad/ /ces bya ba gsungs te/ re zhig rnam par snang mdzad kyi rang bzhin gyis bstod pa yin no/ /de la khyod kyi sku gang yin pa de la khong stong la sogs pa yod pa ma yin te/sku'i rdo rje'i rang bzhin yin pa'i phyir ro/ /'o na de rnams med de ji ltar snang bar 'gyur zhe na/ nam mkha' la ni 'ja' tshon ltar/ /zhes bya ba la ji ltar nam mkha' la kha dog lnga dang ldan pa'i brgya byin gyi gzhu so sor snang ba'i phyir/ med pa gnyis las 'das pa dang / /mthong ba tsam gyis 'jig pa'i phyir//yod pa gnyis las 'das pa ste/ /de bzhin du khyod kyi sku sems can gyi don du ston par mdzad pa'o zhes ngag gi don to/ /snang ba mtha' yas kyi sgo nas bstod pa bshad par bya ba'i phyir/ sku la snyun med mi gtsang med/ /bkres dang skom pa 'byung med kyang / / khyed ni 'jig rten rjes 'jug phyir/ /'jig rten bya ba ston par mdzad/ /ces bya ba gsungs te/ so sor rtog pa'i ye shes kyi rang bzhin yin pas/ khyed kyi sku la snyun pa la sogs pa ma yin no/ /de gang gi phyir so sor rtog pa'i ye shes ni yang dag pa'i rnam par dpyad pa'i bdag nyid de/de'i gtsang ba dang mi gtsang ba la sogs pa'i chos rnams 'grub pa ma yin te/ rang bzhin gyis 'od gsal ba'i phyir ro/ /'jig rten rjes su 'jug pa'i phyir/ /'jig rten gyi bya ba khyed kyis ston par mdzad pa ste/ de ni gsung gi rang bzhin gyi snang ba mtha' yas bstan pa yin no//rin chen 'byung ldan gyi sgo nas bstod pa bshad par bya ba'i phyir/ chu zla bzhin du gzung du med/ /chos rnams kun la gnas pa med/ /nga rgyal med cing rmongs mi mnga'/ /dmigs med khyod la phyag 'tshal lo/ /zhes bya ba gsungs te/ khyod la phyag 'tshal lo zhes tshig gi 'brel pa'o//de ji lta bu yin zhe na/ chu zla ni chu'i nang na gnas pa'i gzugs brnyan gyi zla ba bzhin du gzung du med pa ni sgyu ma'i rang bzhin lta bu'o zhes tshig gi 'brel pa'o/ /de bzhin du chos rnams kun ni phung po la sogs pa ste/ de la gnas pa med pa ni chags pa mi mnga' ste/ nam mkha'i khams kyi rang bzhin no/ /nga rgyal med pa ni nga rgyal gyi rnam par dag pa'i rang bzhin yin pa'i phyir ro/ /rmongs pa mi mnga' zhes ni gti mug rnam par dag pa'i rang bzhin te/ gti mug dang nga rgyal rang bzhin gcig yin pa'i phyir ro/ /de gang gi phyir nga rgyal ni gti mug las 'byung ba'i phyir ro//spyod pa bsdus pa'i sgron ma las kyang nga rgyal ni gti mug gi rigs la bsdu bar bya'o zhes gsungs so/ /de nyid kyi phyir khyod dmigs pa med pa ste nam mkha'i rang bzhin yin pa'i phyir ro/ /de yang gang gi phyir nam mkha' la ni dmigs pa gang yang med do zhes ston to//don yod grub pa'i sgo nas bstod pa bshad par bya ba'i phyir/ gshegs dang bzhugs dang de bzhin gzims/ /spyod lam dag ni thams cad du/ /khyed ni rtag tu mnyam bzhag pa/ /dmigs med khyod la phyag 'tshal lo/ /zhes bya ba gsungs te/ gshegs pa la sogs pa spyod lam gang yin pa de rnams thams cad du khyed ni rtag tu mnyam par gzhag pa ste/de bas na khyed dmigs med ni de rnams mi dmigs pa'i phyir ro/ /'dis ni bya ba nan tan grub pa'i rang bzhin don yod pa'i bdag nyid khyod la phyag 'tshal ba bstan to/ /mi bskyod pa'i sgo nas bstod pa bshad par bya ba'i phyir/sgyu ma lta bu'i ting 'dzin gyis/ /rdzu 'phrul che la rnam 'phrul zhing / /sna tshogs min la rab 'jug pa/ /dmigs med khyod la phyag 'tshal lo/ /zhes bya ba gsungs te/ sgyu ma lta bu'i ting nge 'dzin ni gcig dang / du ma dang / yod pa dang / med pa gnyis las 'das pa'i chos kyi dbyings kyi ye shes te/de'i rnam par 'phrul pa ni 'gro ba'i don la mdzad pa 'jug pa'o/ /'di gcig pur ma zad kyi srid pa'i rdzu 'phrul chen po'i dkyil 'khor gyi 'khor lo'i bdag por 'gyur zhing lha sum cu rtsa gsum spro zhing rnam 'phrul ni rnam par mdzes pa'o/ / sna tshogs min la snyoms 'jug pa/ /zhes pa ni dkyil 'khor pa so sor snang ba'i dbye ba yod na yang sna tshogs pa ma yin te/ don dam pa'i dkyil 'khor gyi dus sam/ bya ba byas pa'i 'od du zhu ba'i skabs su gcig tu gyur pa'i phyir ro/ /rgyu 'di nyid kyis dmigs pa med pa ni phung po dang / khams dang / skye mched kyi rigs brgya'i dbye ba shes nas lus rnam par dben pa rtogs nas dmigs pa med pa'o/ /yang na dmigs pa ni 'jug pa la sogs pa dang / me'i dkyil 'khor la sogs pa ste/ de rnams ma ning gi bzlas pas 'od gsal ba nyid du mdzad pas dmigs pa med pa'o/ / yang na rang bzhin gyi snang ba dang / rlung dang / rnam par shes pa gsum po thams cad rtogs pa dang / snang ba med par mdzad pas na dmigs pa med pa ste/ 'dis ni lus ngag yid rnam par dben pa rtogs pas mi bskyod pa'i rang bzhin khyod la phyag 'tshal ba bstan to/ /bstod pa byas nas gsol ba gdab par bya ba'i phyir/de ltar rdo rje slob dpon zhes bya ba la sogs pa gsungs te/ de ltar ni sngar bshad pa'i yang dag pa'i bstod pa'i sgo nas bstod la/ slar yang 'og nas bshad par 'gyur ba'i tshigs su bcad pa gnyis kyis rim pa gsum pa thob par bya ba'i phyir/ rdo rje slob dpon la gsol ba gdab par bya'o//tshigs su bcad pa de dag bshad par bya ba'i phyir/ kun mkhyen ye shes phung po can/ /srid pa'i 'khor lo rnam sbyong ba/ /de ring bshad pa'i rin chen gyis/ /gtso bos bdag la bka' drin gsol/ /khyod zhabs pad+ma spangs nas ni/ /gtso bo gzhan la skyabs ma mchis//'gro ba'i dpa' bo thub chen gyis/ /de bas sangs rgyas mchog drin gsol/ /zhes bya ba gsungs te/ bdag la bshad pa'i rin chen gyis bka' drin gsol cig ces pa ni tshig gi 'brel pa'o/ /bshad pa ni rim pa gsum pa ji lta ba bzhin du gsal bar gyur pa ste//de nyid 'dod pa thams cad rdzogs par byed pa'i phyir dang rin thang med pa'i phyir rin chen no/ /khyod ji lta bu yin zhe na/ kun mkhyen ye shes phung po can/ /zhes bya ba la/ kun mkhyen ye shes ni me long lta bu la sogs pa'i ye shes lnga ste/ de rnams kyi phung po ni cig car du 'dus pa ste des/srid pa'i 'khor lo rnam sbyong ba/ /zhes pa ni yod pa dang / med pa la sogs pa'i dbye bas dbye bar gyur pa'i srid pa'i 'khor lo sbyong ba ni de'i rang bzhin yongs su shes par mdzad pa'o/ /gtso bo ni rdo rje 'chang chen po'i rang bzhin te drug pa'o/ /khyod zhabs pad+ma spangs nas ni//zhes bya ba la sogs pa la/ khyod kyi zhabs kyi pad+ma yongs su spangs nas bdag la skyabs ni brten pa'i gnas yod pa ma yin te/ de'i phyir bka' drin gsol cig pa'o/ /sangs rgyas mchog ces bya ba ni mi bskyod pa'i sgo nas 'bod pa dang / 'gro ba'i dpa' bo zhes bya ba ni gsung gi rdo rje'i sgo nas 'bod pa dang /thub chen zhes bya ba ni rdo rje'i sgo nas 'bod pa'o/ /de ltar gsol ba btab pa gsan nas bla ma'i mdzad pa bshad par bya ba'i phyir/ de ltar 'jigs med gsol 'debs pa'i/ /tshigs dag thos par gyur nas ni/ /snying rje slob ma la bskyed de//de nas bdag la byin brlab brtsam/ /zhes bya ba gsungs te/ slob ma'i tshig dag 'jigs med ni gsol ba btab pa la/ mkhas pa'i tshig ji lta ba bzhin du bstod pa la sogs pa las ma 'das pa ste/ de gsan nas slob ma de'i steng du thugs rje chen po bskyed la/ bla mas bdag la byin gyis brlab pa'i rim pa de la brtsam pa ni bshad par bya ste sgra ji bzhin pa'o//de nyid bshad par bya ba'i phyir/ bdag byin brlab pa'i rim zhes pa/ /kun rdzob bden pa mthong ba ste/ /de ni bla ma'i drin dag gis/ /thob par 'gyur gyi gzhan du min/ /zhes bya ba gsungs te/ gang zhig snang ba nye bar thob pa la sogs pa 'am/cig car du sngon gyi smon lam gyi dbang gis ye shes kyi sku 'byung ba de'i bden pa mthong ba sgyu ma la sogs pa'i dpe bcu gnyis kyi nye bar mtshon pa gang yin pa de ni bdag la byin gyis brlab pa'i rim pa zhes bshad do/ /de la sgyu ma'i dpe bcu gnyis dang sbyar ba ni bshad pa bzhin du shes par bya'o//de yang rtsa ba sgyu ma'i dpe yin te/ nye ba'i sgyu ma'i dpe de dang sbyar bar bya'o/ /de yang gang yin zhe na/ skar ma dang / rab rib dang / mar me dang / sgyu ma dang / zil ba dang / chu shing dang / nyi ma'i 'od zer dang / dri za'i grong khyer dang / mgal me'i 'khor lo dang / gtsub shing las 'byung ba'i me dang / mo gsham gyi bu dang / nam mkha'i me tog ste de rnams dang sbyar la bdag la byin gyis brlab pa'i rim pa bstan to/ /de yang bla ma'i drin gyis thob par gyur te rang bzo ni ma yin no/ /de gang gi phyir rdo rje slob dpon gyi go bzlog pa'am/ cig car gyi rim pas de kho na nyid gsum pa ma bstan na/de'i slob mas de'i rang bzhin shes pa ma yin te/ sgyu ma'i dpe dang gang sbyar bar bya'o zhes bla ma'i man ngag med na de yang shes par mi 'gyur ro/ /de bas de'i bsnyen bkur kho na bya'o/ /'dir ni kun rdzob kyi bden pa mthong ba rjes su smras nas/ bdag la byin gyis brlab pa'i rim pa ma shes pa shes par bya'o//rim pa gsum pa med na bstan bcos la 'bad pa don med pa yin no zhes bshad par bya ba'i phyir/ bdag la byin gyis brlab pa'i rim/ /gang gis rnyed par mi 'gyur ba/ /mdo sde rgyud dang rtog pa la/ /de yi ngal ba don med 'gyur/ / zhes bya ba gsungs te/ sngar bshad pa'i bdag la byin gyis brlab pa'i rim pa gang gis bla ma'i zhal nas ma rnyed pa de'i mdo sde la brtson pa la 'bad pa ni rtsol ba 'bras bu med par 'gyur te/ sgyu ma lta bu'i ting nge 'dzin mngon du ma byas pa'i phyir ro/ /de gang gi phyir dngos po 'dzin pa la sgom pa 'khor ba kho na yin pa'i phyir ro//ji skad du/ dge ba'am ni mi dge ba/ /rnam par rtog dbye gang yang med/ /me yis sreg par byed pa la/ /gzhi yi dbye ba dbye yod min/ /tsan+dan la yang 'bar ba ste/ /reg na sreg par byed pa yin/ /zhes bya ba la sogs pa gsungs so/ /chos kyi dbyings yongs su zhus pa las kyang /thub pa chen po'i chos phung po/ /brgyad khri dang ni bzhi stong la/ /gang gi de nyid mi shes na/ /de dag thams cad 'bras bu med/ /ces bya ba gsungs so/ /de thob na phan yon bstan par bya ba'i phyir/ bdag la byin brlab rim thob pa'i/ /gtso bo sangs rgyas rgyas kun bdag nyid//tshe 'di nyid du sangs rgyas ni/ /the tshom med par thob par 'gyur/ /zhes bya ba gsungs te/ bdag la byin gyis brlab pa'i rim pa thob nas/ tshe 'di nyid du sangs rgyas thob par 'gyur zhes pa ni tshig gi 'brel pa'o/ /tshe 'di nyid du ni ci'i phyir zhe na/ chos mthong ba la mya ngan 'das//zhes bya ba 'byung ba'i phyir ro/ /rim pa ji lta bu zhe na/ sangs rgyas kun bdag nyid ces pa ni/ sems can gyi mos pa'i dbang gis de bzhin gshegs pa lnga'i rang bzhin dang / de bzhin du gtso bo ni drug pa ste/ rdo rje 'chang chen po'i rang bzhin no/ /'di nyid kyi rgyu dang 'bras bu'i bye brag bshad par bya ba'i phyir/bdag byin brlab pa'i ting 'dzin dang / /de bzhin 'od gsal ba yi gnas/ /rgyu dang 'bras bu'i khyad par gyis/ /bden pa gnyis su bstan pa yin/ /zhes bya ba gsungs te/ 'dir ni rten cing 'brel par 'byung ba kho na sgyu ma'i ting nge 'dzin te de la rgyu dang 'bras bu'i bye brag yod pa rigs so//de la sems kyi 'od gsal ba yi gnas/ /rgyu dang 'bras bu'i khyad par bdag la byin gyis brlab pa ni 'bras bu ste de las de 'byung ba'i phyir ro/ /bden pa gnyis kyang 'di nyid yin te/ gang zag don dam pa'i bden pa dang kun rdzob kyi bden pa'o//ji skad du/ rnam rtog kun rdzob bshad pa ste/ /rnam par rtog pa gzhan byed gang / /rnam par rtog pa bzlog pa gang / /de nyid don dam bshad pa yin/ /zhes bya ba 'byung ngo / /de bas na 'dir kun rdzob kyi bden pa mthong ba sgyu ma'i ting nge 'dzin kho na rnam par rtog pa yin no//de ni dbye ba gzhan gyis rgyu dang 'bras bu'i bye brag bshad par bya ba'i phyir/ bdag byin brlab pa'i rim gyis ni/ /'od gsal ba ni thob par 'gyur/ /de bas rdo rje slob dpon gyis/ /dang por bdag la byin brlab bstan/ /zhes bya ba gsungs te/ yang na bdag byin gyis brlab pa'i rgyu dang /rang bzhin gyi 'od gsal ba 'bras bu ste de'i rim gyis de rtogs pa'i phyir ro/ /rgyud 'di nyid kyis dang po bdag la byin gyis brlab pa'i rim pa rdo rje slob dpon gyis slob ma la bstan par bya'o/ /de bas na rim pa gsum pa la ltos nas rim pa gnyis pa rgyu ste gsum pa 'bras bu'o//de bzhin du rim pa gsum pa rgyu ste bzhi pa 'bras bu'o/ /de bas na bdag la byin gyis brlab pa ni rgyu yang yin la 'bras bu yang de nyid yin no/ /'od gsal ba rgyu yang yin la 'bras bu yang de nyid yin no zhes grub pa'i mtha'o/ /'dis ni gang la yang rgyu dang 'bras bu'i dngos po yod pa ma yin no zhes bstan pa ste/dngos po thams cad ltos pa dang bcas pa'i phyir ro/ /de bas na gang zhig ltos pa de nyid gzhan dbang yin pas rang bzhin med pa de nyid yin no/ /da ni 'gro ba sgyu ma lta bur yongs su ma shes pa dang / de'i rgyu nyid bshad par bya ba'i phyir/ 'gro kun rang dbang med pa ste/rang dbang du ni 'byung ma yin/ /de yis rgyu ni 'od gsal ba/ /'od gsal thams cad stong pa'o/ /zhes bya ba gsungs te/ 'gro ba 'di thams cad sgyu ma lta bu nyid ma shes pas rten cing 'brel pa las skye bar gyur pa ste/ de nyid rang dbang ni de las ldog pas sgyu ma la sogs pa'i rang bzhin rtogs na skye bar mi 'gyur te/glo bur gyi dri mas bkag pa'i phyir/ 'o na glo bur gyi dri ma gal te rang dbang ma yin par byed pas nus na/ de'i tshe de rnams de las tha dad pa'am tha mi dad pa yin/ gal te tha dad na de'i tshe 'bras bu sgyu ma lta bu'i ting nge 'dzin dang rgyu 'od gsal ba tha dad par 'gyur ro/ / de yang 'dod pa ma yin te de'i khyab pa nyid nyams pa'i phyir ro/ /gal te de rnams tha mi dad pa na de'i tshe bdag nyid gcig yin pa'i phyir rgyu dang 'bras bu dag dri ma dang bcas par 'gyur ro/ /'dir smras pa/ tha dad pa dang tha mi dad pa dag gis dri ma de rnams brjod du med pa ste/ gang gi phyir 'od gsal ba dang bdag la byin gyis brlab pa dag rang bzhin yongs su dag pa'i phyir tha dad pa ma yin no//dri ma de rnams de'i rang bzhin yin na yang las dang 'bras bu'i gzugs su snang ba'i phyir tha mi dad par yang brjod par mi bya'o/ /'o na de ltar yin na bcings pa dang grol ba'i tha snyad ji ltar bya zhe na/yongs su ma shes pa dang / de las gzhan gyis byas pa'o zhes kho bo cag smra ba yin no/ /de yang gang las 'byung zhe na/ smras pa/ rang bzhin bskyed pas skyes pa rmongs pas phrag la bkal ba'i bu brjed pa lta'o/ /de bzhin du 'dra ba'i phyir 'khrul pa 'byung ste thag pa la sbrul gyi blo lta bu'o//de bas na dpe de bzhin du/ sgyu ma lta bu'i rang bzhin gang yin pa de nyid de las gzhan du snang bar 'gyur te/ de'i rgyu ni 'od gsal ba kho na yin pas sngar bshad pa bzhin du thams cad stong pa zhes brjod pa yin no/ /da ni bcings pa dang grol ba'i rang bzhin bshad par bya ba'i phyir sems gang gis ni byis pa rnams//'khor bar 'ching bas bcings 'gyur bas/ /sems de nyid kyi rnal 'byor pa/ /bde gshegs gnas su 'gro bar 'gyur/ /zhes bya ba gsungs te/ byis pa ni sgyu ma'i rang bzhin ma shes pa'i rang gi sde pa dang gzhan gyi sde pa rnams 'khor ba ni 'gro ba rigs lnga'i rang bzhin la sems gang gis bcings par 'gyur ba sems de nyid ni sgyu ma'i rang bzhin rtogs pas rnal 'byor pa rnams kyi bde bar gshegs pa'i go 'phang thob par 'gyur ro//de gang gi phyir rang bzhin dang snang ba'i ngo bo 'khor ba ste/ de nyid sgyu ma lta bu yongs su shes pa'am de'i rgyu shes pas thar pa yin no//gal te 'di dag thams cad sgyu ma lta bu yin na/ skye ba dang 'jig pa dag ji ltar so sor snang ba yin zhe na de dag so sor snang ba ma yin no zhes bshad par bya ba'i phyir/ 'dir ni gang yang skye ba med/ /gang yang 'chi ba yod ma yin/ /sems kyi rang bzhin rnams gnas par//'khor ba nyid ni shes par bya/ /zhes gsungs te/ gtsub shing dang / skyes bu'i lag la sogs pa'i bya ba las 'byung ba'i me yi rnam par dpyad na gang las kyang 'byung ba ma yin te/ 'on kyang rgyu rkyen de rnams tshang bas skye ba ltar mthong ba yin no/ /gang zhig phun sum tshogs pa las 'byung ba de ni 'byung ba ma yin te/ji skad du/ de de rten las gang 'byung ba/ /de ni don dam 'byung ba min/ /gang zhig rang bzhin ma byung ba/ /de ni 'byung ba ji ltar yin/ /zhes bya ba gsungs te/ 'dir ni sbyor ba 'di yin te/ dngos po thams cad ni chos thams cad dang / skye ba dang / 'jig pa bral ba ni bsgrub bya dang /rten cing 'brel ba las 'byung ba'i phyir ro zhes gtan tshigs so/ /gang dang gang rten cing 'brel ba las 'byung ba de dang de skye ba la sogs pa dang bral ba ste sgyu ma'i skyes bu lta bu'o/ /mi mthun pa'i dpe ni de med pa kho na'o/ /de bas skye ba med pa'i phyir 'chi ba yang yod pa ma yin te/ mo gsham bu la ljang gu dang dkar po la sogs pa lta bu'o/ /'o na de ltar yin na/ skye ba dang 'jig pa ji ltar snang bar 'gyur zhe na/ smras pa/ 'jig rten gyi kun rdzob tu snang ba ste don dam par ni ma yin no/ /ji skad du/ gnas pa skye ba de bzhin 'jig pa dang / /yod med dman pa 'bring dang khyad par gang //'jig rten tha snyad dbang du sangs rgyas kyis/ /gsungs te de nyid dbang du yod pa min/ /zhes bya ba rje btsun gyi zhal snga nas kyis gsungs pa'i phyir ro/ /de bzhin du/ gang zhig skye ba rnams ni kun rdzob bden pa'i ming / /de bzhin 'chi ba'i ming ni don dam bden pa nyid/ /phyogs ni de de gnyis po zung 'jug rgyu ba nyid//gang gis bcings pa las ni grol bar 'gyur/ /zhes bya ba 'phags pa'i lhas kyang gsungs so/ /de bas na 'khor ba 'di sems kyi rang bzhin rnams gnas par zhes bya ba ni rang bzhin dang snang ba'i ngo bor shes par bya'o/ /de nyid kyi dbye ba gzhan bshad par bya ba'i phyir/rlung gi sbyor ba med par ni/ /sems kyi rang bzhin gzung du med/ /rang bzhin rgyur gyur sems las ni/ /las dang skye ba kun tu 'byung / /zhes bya ba gsungs te/ gang zhig rnam par shes pa gsum gyi rang bzhin gyi sems de ni rlung gi sbyor ba med na gzung du med pa ni dmigs par mi 'gyur te/rlung gi shing rta la zhon pa kho na 'dis yul rnams bzung bar byed pa'o/ /sems de nyid rang bzhin brgya drug cu'i rgyu yin te/ de las dge ba dang mi dge ba'i las kyi dbang gis bde 'gro dang ngan 'gro dag las skye bar 'gyur ba'o/ /ji skad du/ rlung ni 'di nyid khams chen po/ /rnam par shes pa gsum gyis zhon//de la rtag tu rang bzhin rnams/ /ji ltar bshad par 'byung bar 'gyur/ /zhes bya ba rdo rje phreng ba las kyang gsungs so/ /sems de nyid sgyu ma'i sku yin no zhes bshad par bya ba'i phyir/ de nyid rlung dang yang dag ldan/ /rnam shes gsum po slar yang ni/ /rnal 'byor pa yi lus su 'byung //sgyu ma'i sku zhes de la bshad/ /ces bya ba gsungs te/ sems la dmigs pa'i rim pas rang bzhin dang snang ba rnams mi snang bar byas na yang / 'on kyang dpe tsam la rnal 'byor pa gnas pa yin te rang bzhin gyis 'od gsal ba ni ma yin no/ /de bas na rang bzhin dang snang ba de rnams shin tu phra ba gang yin pa de dang ldan pa'i sems tsam las/cig car ram go bzlog pa'i rim pa las 'byung ba'i sku ni sgyu ma'i sku zhes bshad pa ste/ sgyu ma'i dpe rnams kyis de'i dri ma rnams rnam par sbyang ba'i phyir ro/ /slob dpon zla ba grags pas kyang / /kun rdzob bden pa mthong ba ni/ / rim pa gsum pa dgyes pa yin/ /zhes bya ba gsungs so/ /mnyam par bzhag pa'i rnal 'byor bshad nas/ /mnyam par ma bzhag pa'i rnal 'byor bshad par bya ba'i phyir/ de bas 'di ltar 'gro ba kun/ /sgyu ma lta bur 'di bshad de/ /sgyu ma lta bu'i ting 'dzin gnas/ /thams cad de dang 'dra bar mthong //zhes bya ba mdor bstan pa ste go sla'o/ /gzugs dang tshor ba nyid dang ni/ /'du shes dang ni 'du byed rnams/ /lnga pa rnam par shes pa dang / /de bzhin khams ni bzhi po dang / /mig la sogs pa'i yul rnams nyid/ /shes pa lnga po 'di dag ste/ /phyi dang nang du rnam phye ba//thams cad sgyu ma las gzhan min/ /zhes bya ba gsungs te/ sgyu ma'i ting nge 'dzin la gnas pa'i rnal 'byor pas gzugs la sogs pa'i sgra rnams kyi brdar byas pa'i de bzhin gshegs pa dang / lha mo dang / byang chub sems dpa' rnam par dag pa dang bcas pa de rnams dang /de bzhin nang gi yan lag dang / nying lag gi rang bzhin gyi khro bo dang / de'i btsun mo rnams dang / phyi nang snod kyi 'jig rten gyi rang bzhin gyi gzhi'i dkyil 'khor gang yin pa de dag thams cad sgyu ma'i rang bzhin du mthong ba ste/ de las gzhan ma yin pa ni rtog pa'i rnal 'byor pa lta bu'o//dgongs pas bshad pa'i snying po can gyi sbas pa'i don to/ /sgyu ma'i don gyi bya ba byed pa ste de dang 'dra ba'i sgyu ma'i dpe sbyar bar bya ba'i phyir/ /me long nang gi gzugs brnyan gyis/ /sgyu ma'i lus 'di shes par bya/ /kha dog rnams ni gzhu lta bu/ /khyab pa chu yi zla bas so/ /zhes bya ba gsungs so//sgyu ma'i sku'i rang bzhin me long gi gzugs lta bu ste/ so sor snang ba yang de nyid dang gzhan nyid las 'das pa'i phyir brjod du med pa dang / gzung du mi nus kyang gsal por mthong ba yin no/ /de bzhin du/ kha dog rnams ni gzhan lta bu/ /zhes bya ba ni nam mkha' la mdzes par 'gyur ba'i brgya byin gyi gzhu gzung du med na yang don gyi bya ba byed pa ste de dang 'dra ba'i sgyu ma'i sku'i kha dog gi khyad par so sor snang ba yin no//khyab pa chu yi zla bas so/ /zhes bya ba ni ji ltar nam mkha' la gnas pa'i zla ba bum pa dang / mtsho dang / chu bo dang / rgya mtsho la sogs par gcig yin na yang du mar snang ba de bzhin du/sgyu ma'i sku sna tshogs pa'i dkyil 'khor gyi bdag po dang 'khor gyi gzugs su snang ba yin te sbas pa'i don to/ /slar yang dbye ba gzhan gyis de nyid bshad par bya ba'i phyir/ dngos dang dngos med las grol ba/ /rdo rje sems dpa' legs bris pa//me long dri ma med pa la/ /gzugs brnyan gsal bar snang dang mtshungs/ /rnam pa kun gyi mchog ldan zhing / /sku ni lta bas mi ngoms pa/ /slob ma bzang po de la bstan/ /bdag byin brlab ces de bshad do/ /zhes bya ba gsungs te/ ji ltar snum dang thal ba dag gi dri ma med par byed pa'i me long la bris sku'i nang na gnas pa'i rdo rje sems dpa'i gzugs brnyan dngos po dngos po ma yin pa gnyis las bral ba'i snang ba de bzhin du stobs bcu la sogs pa dang ldan pa'i sgyu ma la sogs pa'i sku slob ma bzang po ni rin po che lta bu'i gang zag la bla mas gang bstan par bya ba de ni bdag la byin gyis brlab pa zhes bshad pa yin te/lnga pa nyan pa'i rgyan slob ma la bshad pa'i snying po can gyi spras pa'i don to/ /longs spyod rdzogs pa'i sku'i bdag la byin gyis brlab par bya ba'i phyir/ sgyu mar bstan pa'i mtshan nyid kyis/ /'di nyid nges par mtshon pa ste/ / kun rdzob bden pa'i sgyu ma nyid/ /longs spyod rdzogs pa'i sku yang de/ /zhes bya ba gsungs te/ sgyu mar bstan pa'i mtshan nyid ni gang zhig sgyu ma mkhan la sogs pas byas pa'i sgyu ma ste de ni/ 'di nyid nges par mtshon pa ste/ /zhes bya ba la ye shes kyi sku kho na 'di nyid yin te/ gzhan rtog pa dang bcas pa'i phyir sngags kyi sku lta bu ma yin no//kun rdzob ni rnam pa'i mtshan nyid de/ de la yang sgyu ma kho na bden pa yin te/ skad cig ma nyid la sogs pa ni ma yin no/ /'dir sbyor ba ni 'di yin te/ gang dang gang nyams su myong ba de dang de ni brdzun yin te/ sgyu ma mkhan gyis sprul pa'i glang po che lta bu'o//de med pa mi mthun gyi dpe yin no/ /gtan tshigs 'di yang ma grub pa ni ma yin te/ dngos po thams cad nyams su myong ba'i phyir ro/ /'gal ba yang ma yin te/ sgyu ma'i glang po la de yod pa'i phyir ro/ /ma nges pa ma yin te de ni shin tu med pa'i phyir ro/ /gtan tshigs de bas na sangs rgyas rnams kyi longs spyod rdzogs pa'i sku ni sgyu ma lta bu yin pas brdzun pa'i gzugs yin no//gtso bo'i sgo nas sangs rgyas rnams chos kyi sku'i bdag nyid yin te/ sems can rnams la bsod nams kyi dbang gis sku gnyis po snang ba yin no/ /de yang rigs pa yin te kun rdzob ni don dam pa spangs nas snang bar mi 'gyur ba dang /don dam pa yang de spangs nas mi snang ba'i phyir ro/ /de ni sbas pa'i don to/ /dpe gzhan yang sbyar bar bya ba'i phyir/ /de nyid dri za'i sems can gyur/ /rdo rje'i sku yang de nyid yin/ /rdo rje sems dpa' 'ang bdag nyid de/ /de bas bdag nyid mchod la 'jug /ces bya ba gsungs te/sems kyi rang bzhin gyi sku yin pas de nyid dri za'i sems can ni srid pa bar ma do'i yin no/ /'dis ni chos mthong ba la mya ngan las 'das pa rab tu bstan par 'gyur ro/ /de bzhin du rdo rje'i sku ni 'og nas bshad par 'gyur ba zung 'jug gi rim pas bstan par bya ba gang yin pa de yang bdag la byin gyis brlab pa 'dra ba ste sgyu ma'i dri ma rnams dag pa yang cig car du 'byung bas de dang 'dra ba'i phyir ro//de bas na ting nge 'dzin la snyoms par zhugs pa'i rnal 'byor pa kho na rdo rje sems dpa' yin te/ de'i bdag nyid mchod na sangs rgyas thams cad mchod par 'gyur te/ sgra ji bzhin pa'i snying po can gyis spras pa'i don to//mchod pa de nyid bshad par bya ba'i phyir/ bdag nyid sangs rgyas thams cad dang / /byang chub sems dpa' thams cad nyid/ /de bas kun nas 'bad pa yis/ /bdag nyid rtag tu mchod par bya/ /zhes bya ba gsungs te/ sangs rgyas dang byang chub sems dpa' thams cad kyi rang bzhin gyi bdag nyid rnal 'byor pas mchod par bya ba rigs pa kho na yin no//mchod pa de yang so sor sdud pa dang / bsam gtan dag gis bya ba dang / rim pa gzhan gyis bya bas ni ma yin no/ /de ni sgra ji bzhin pa'o/ /las kyi tshogs byed pa'i dus su yang sgyu ma de nyid la mos par bya'o zhes bshad par bya ba'i phyir/sngags dang phyag rgya'i sbyor ba dang / /dkyil 'khor la sogs rnam rtog dang / /sbyin sreg gtor ma la sogs kun/ /rtag tu sgyu ma bzhin du bya/ /zhes bya ba gsungs te/ sngags ni sbrul la sogs pa dang / phyag rgya ni de kho na nyid bsdus pa la sogs pa'i nang nas gsung ba'i las kyi phyag rgya la sogs pa ste/de'i sbyor ba ni de rnams smra ba dang bcings pa'o/ /de bzhin du dkyil 'khor la sogs pa ni sbyang ba nas brtsams te/ dkyil 'khor rdzogs pa gang yin pa de ni rnam rtog gis 'dri ba la sogs pa'o/ /de bzhin du sbyin sreg ni zhi ba la sogs pa'i las 'grub par byed pa dang /gtor ma ni 'byung po thams cad la sogs pa'i gtor ma ste de rnams thams cad sgyu ma bzhin du bya ba yin no/ /de gang gi phyir bsgrub bya dang / sgrub par byed pa dang / sgrub pa rnams kyang sgyu ma lta bur mos pa'i phyir ro/ /gzhan yang bshad par bya ba'i phyir/ / zhi ba dang ni rgyas pa dang / /de bzhin dbang dang mngon spyod dang / /dgug sogs gang ci'ang rung ba kun/ /dbang po'i gzhu dang mtshungs par bya/ /zhes gsungs te/ zhi ba la sogs pa'i las kyi tshogs kyi dkyil 'khor bzhi shar ba'i dus su nang gi dus la brten te g.yas la sogs pa'i sgo nas kha dog dmar po la sogs pa'i 'od zer spros la/kun rdzob kyi sna'i rtse mor thun phyed kyi dus kyi bar du de 'dzin pa yin pa de yang rnal 'byor pas dbang po'i gzhu dang 'dra bar byas te kha dog 'dra ba'i phyir/ des ni dgongs pa'i bshad pa snying po can gyi sbas pa'i don to/ /gzhan yang / sgeg pa la sogs longs spyod dang //glu dang rol mo sogs brten dang / /sgyu rtsal rnams la rab 'jug pa/ /chu zla dag dang mtshungs par bya/ /zhes bya ba gsungs te/ sgeg pa la sogs pa ni gar gyi nyams dgu ste phyag rgya ma dang sbyor ba dang dur khrod la sogs par gnas pa dang / bdud rtsi myang ba dang / ro langs pa'i cho ga dang /sna tshogs pa'i phyag mtshan 'dzin pa dang las drag po la spyod pa dang / sems can thams cad sdug bsngal chen po las bton pa dang / 'jig rten dang 'gal ba'i dam tshig chen po lngas byang chub sgrub pa dang / 'od gsal ba mngon du byed pa'i mtshan nyid de/ de rnams kyi spyod pa dang / rdo rje glu ni rnam pa gsum gyi rdo rje'i glu dang /rol mo ni pi wang la sogs pa bzhi ste de la brten pa dang / de bzhin du sgyu rtsal ni 'dod pa'i bstan bcos las bshad pa'i 'khyud pa dang 'o byed pa la sogs pa drug cu rtsa bzhi gang yin pa de'am/ 'jig rten la grags pa'i bzo bo rnams kyis sgyu rtsal drug cu rtsa bzhi gang yin pa de la 'jug pa yang /chu zla dag dang mtshungs par bya/ /zhes pa ni sgyu ma'i ting nge 'dzin gcig pu rnam pa du mar snang ba'i phyir ro/ /de ni sgra ji bzhin pa sngon du 'gro ba'i sbas pa'i don to/ /da ni so sor sdud pa'i yan lag bshad par bya ba'i phyir/ gzugs dang sgra dang de bzhin dri/ /ro dang reg bya nyid dag la/ / mig la sogs pa 'jug 'gyur ba/ /sgyu ma lta bur bya bar brtag /ces bya ba gsungs te/ gzugs la sogs pa'i yul gyi tshogs la mig la sogs pa 'jug pa dang por rnam par mi rtog pa gang yin pa de rnams sgyu ma lta bur rnam par brtag par bya'o/ /gal te de rnams rtog med yin na yang 'on kyang rang bzhin gyi rtog pa la ltos te 'di ltar gsungs so//gzhan yang bshad par bya ba'i phyir/ /rdo rje theg pa de nyid du/ /'dir ni mang du bshad mi dgos/ /rnal 'byor pas ni gang gang dmigs/ /de de sgyu ma bzhin du brtag /ces bya ba gsungs te rdo rje theg pa 'di la bskyed pa'i rim pa la sogs pa'i rnal 'byor pas gang dang gang sems can gyi don du dmigs pa de dang de'i sgyu ma'i rang bzhin du shes par bya'o//gzhan yang rnam pa gzhan gyis bshad par bya ba'i phyir/ me long dag gi gzugs brnyan dang / /rmi lam sgyu ma chu bur dang / /mi 'phrul mtshungs par gang gis mthong / /de ni gtso bo yin par bshad//ces bya ba gsungs te/ gzugs la sogs pa'i phung po lnga la me long gi gzugs brnyan la sogs pa rim pa bzhin du shes par bya'o/ /khyad par bshad par bya ba'i phyir/ /mthong ba dang ni reg pa nyid/ /'gro ba sgyu ma ji bzhin te/ /dmigs med kun rdzob dag tu ni/ /sgyu ma lta bur rab tu bshad//ces bya ba gsungs te/ 'gro bas na 'gro ba ste dbang po'i tshogs so/ /de'i gzugs la sogs pa gang zhig mthong ba dang / ji srid reg pa de rnams thams cad sgyu ma bzhin du brtag par bya'o/ /sgyu ma'i don du bshad par bya ba'i phyir/ dmigs med kun rdzob dag tu ni/ /zhes bya ba gsungs te/gang zhig kun rdzob ni rdzas kyi ngo bo'am/ gzung ba dang 'dzin pa'i gzugs su dmigs pa de nyid dmigs par mi 'gyur te/ sgyu ma lta bur rab tu bshad/ /ces bya ba ni rgyal ba rnams kyis de dag sgyu ma lta bur gsungs pa yin no/ /so sor sdud pa'i rim pas kyang de nyid bshad par bya ba'i phyir/dbang po gang dang gang lam gyur/ /'gro ba de dag rang bzhin du/ /mnyam par ma bzhag sbyor ba yis/ /sangs rgyas kun dang mnyam par sbyor/ /zhes bya ba gsungs te/ dbang po rnams lam gang la yod pa de ni dbang po'i lam ste mig la sogs pa'i rnam par shes pa 'jug go/ / de rnams kyis rang gi yul gzung ba sngon du 'gro ba nges pa de ni dbang po'i lam gyur te/ gzugs la sogs pa gang dang gang la 'gro ba ni de rnams gzung ba'am/ nges par byed pa de dang de dag bzhin du ni sgyu ma'i rang bzhin du/ sangs rgyas kun dang mnyam par sbyor/ /zhes pa ni de bzhin gshegs pa kun gyi rang bzhin du bsam gtan gyis gzung bar bya ste ngag gi lhag ma'o//de yang ji lta bu yin zhe na/ mnyam par ma bzhag sbyor ba yis/ /zhes pa ni ldang ba'i ting nge 'dzin gyis so/ /de yang gang gi phyir sgyu ma lta bu nyid ni mnyam par gzhag pa dang mnyam par ma bzhag pa'i rnal 'byor dag la 'dra ba yin no zhes dgongs pa'o//de ni sbas pa'i don to/ /sangs rgyas kun gyi bdag nyid sgyu ma lta bu'i ting nge 'dzin kho na yin no zhes bstan par bya ba'i phyir/ kun du kun nas thams cad dang / /bdag nyid rtag tu rnam pa kun/ /sangs rgyas kun bdag dngos grub ni/ /rang nyid kyis ni de mthong 'gyur/ / zhes bya ba gsungs te rnal 'byor pa de'i rang gi bdag nyid sangs rgyas kun bdag ni phung po lnga'i rang bzhin gyi sangs rgyas kyi ngo bo sgyu ma lta bu mthong ba yin no/ /de ji lta bu yin zhe na/ dngos grub ni cig car ram go bzlog pa'i rim pas grub pa ste/ rnal 'byor bzhi la sogs pa'i rim pas grub pa ni ma yin no//yang na dngos grub ni 'jig rten dang 'jig rten las 'das pa ste de rnams gang la yod pa de la de skad ces bya'o/ /sgyu ma'i sku de gang du mthong zhe na/ kun du zhes bya ba ni khyim mam dgon pa la'o/ /kun nas zhes pa ni phyogs thams cad du'o/ /thams cad dang zhes pa ni 'jig rten gsum gyi rang bzhin no//bdag nyid ni bdag rang gis so/ /rtag tu zhes pa ni 'das pa la sogs pa'i dus thams cad du'o/ /rnam pa kun ni 'dir ma bshad pa kun gyi yang rang bzhin no/ /'dis ni rjes su dran pa'i yan lag kyang bshad pa yin te sbas pa'i don to/ /spyod lam bzhi la sgyu ma'i ting nge 'dzin bshad par bya ba'i phyir/gtso bo bde ba kun rang bzhin/ /sems dpa' chen po 'gro dang bzhugs/ /gnas dang zas dang gos la sogs/ /mkha' las skad cig dag gis rnyed/ /ces bya ba gsungs te 'gro ba la sogs pa'i spyod lam la 'jug pa'i rnal 'byor pas/ bde ba kun rang bzhin ni 'od gsal ba las g.yo bar mi 'gyur ba dang /gtso bo ni sgyu ma'i rang bzhin yin pa'i phyir te/ de'i gnas la sogs pa nam mkha' las rnyed pa ni nam mkha' mdzod kyi ting nge 'dzin la gnas pa'i phyir ro/ /yang na nam mkha' ni thams cad stong pa'i go 'phang ste de nyid las gnas la sogs pa rnyed par 'gyur ro//de gang gi phyir 'jig rten gyi dngos grub rnams ni shugs kyis 'byung ba yin te/ 'od gsal ba rtogs pas de mngon du byas na de rnams rang bzhin du 'byung ba'i phyir ro/ /da ni sgra ji bzhin pa'i snying po can gyi sbas pa'i don to/ /sgyu ma'i ting nge 'dzin ni grub pa'i rnal 'byor pas sems can gyi don bshad par bya ba'i phyir/srid pa gcod par 'gyur ba dang / /'gro na rab mchog ston par 'gyur/ /lha dang bcas pa kun gyis mchod/ /yang dang yang du phyag byed 'gyur/ /zhes bya ba gsungs te/ de lta bu'i nying nge 'dzin la snyoms par zhugs pa'i rnal 'byor pa brgya byin la sogs pa'i lha thams cad kyi phyag 'tshal ba sngon du 'gro bas yang dang yang du mchod par 'gyur ro//'dis ni lha kun gyis phyag 'tshal ba dang mchod par 'gyur ro zhes bstan pas mi la sogs pa gzhan smos ci dgos zhes don bshad pa yin no//de nyid kyi phyir/ srid pa gcod pa ni rang bzhin snang ba'i mtshan nyid can gyi 'khor ba'i rang bzhin shes pa'o/ /'gro na rab mchog ston par 'gyur/ /zhes pa ni 'gro ba'i nang na rab mchog khyab 'jug dang lha chen po la sogs pa ste de rnams kyi ston par gyur na ni mi la sogs pa smos ci dgos/'dis ni 'di bshad pa yin te/ ye shes gsum mthong ba dang / sgyu ma lta bu'i ting nge 'dzin la gnas pa'i rnal 'byor pa sa bcu'i dbang phyug byang chub sems dpa' yin te lha rnams kyis ston pa nyid du mchod par 'gyur ro/ /de ni sbas pa'i don to/ /don 'di nyid rgyas par bshad par bya ba'i phyir/ji ltar ston pa rdzogs sangs rgyas/ /'jig rten phan par bzhed par gshegs/ /de bzhin rnal 'byor chen po ni/ /sna tshogs ye shes rjes su sdud/ /ces bya ba gsungs te/ ji ltar sangs rgyas sems can thams cad la phan pa'i phyir chos ston pa de bzhin du rnal 'byor pa 'di yang sems can la phan par 'dod pa yin no//rgyu gang gis she na/ sna tshogs ye shes ni sems la dmigs pa'i mtshan nyid de/ de'i rjes su bsdu bas na rjes su bsdu ba ni sgyu ma lta bu'i ting nge 'dzin te/ des sems can gyi don bya ba ste sbas pa'i don to/ /ting nge 'dzin 'di la gnas pas thams cad grub pa yin no zhes bshad pa'i phyir/rdo rje sems dpa' mtshon pas na/ /bsgrub par mi bya ci yang med/ /bde chen phyag rgya chen po ni/ /rang nyid rjes su 'grub par 'gyur/ /zhes bya ba gsungs te/ rdo rje sems dpa' ni sgyu ma'i sku'i rnal 'byor pas bsgrub par mi bya ba gang yang med pa'o/ /de gang gi phyir gal te/ting nge 'dzin 'dis de dag mtshon par 'gyur na de'i tshe 'gal ba'am mi 'gal ba'i bya ba thams cad 'grub par 'gyur te gzhan du ni ma yin no/ /rgyu 'di nyid kyis phyag rgya chen po ni khams gsum la gnas pa'i bud med rnams so/ /bde chen ni bde ba chen po gsal bar byed pa de dag rang nyid rjes su 'grub pa ni 'bad pa med pas bsgrub par 'gyur te dbang du 'gyur ro zhes pa'i don to//ji skad du/ ri rab sum cu rtsa drug gi /ji srid rdul ni phra rab rnams/ /yon tan kun gyi gnas gyur pa/ /de yi bud med de srid 'gyur/ /zhes bya ba rtsa ba'i rgyud las gsungs te sbas pa'i don to//de'i man ngag ni rgyud kyi yan lag go/ /bdag la byin gyis brlab pa ni thams cad khyab byed bshad par bya ba'i phyir/ las dang nyon mongs lam can lus/ /byed pa po dang 'bras bu nyid/ /smig rgyu sgyu ma lta bu dang / /dri za'i grong khyer dag dang mtshungs/ /zhes bya ba gsungs te/ de la srog gcod pa la sogs pa'i mi dge ba'i las bcu dang /de ldog pas dge ba'i las kyi lam bcu'o/ /nyon mongs ni 'dod chags la sogs pa drug ste/ de dag nyid lta ba drug cu rtsa gnyis dang / rang bzhin brgya drug cu yin no/ /de bzhin du/ lus ni gzugs kyi phung po dang / /byed pa po ni rang rang gi bya ba byed pa'i tshor ba la sogs pa dang 'bras bu ni las rnams kyi 'bras bu ste bde 'gro dang ngan 'gro'i mtshan nyid gang yin pa de dag thams cad smig rgyu la sogs pa lta bur shes par bya ste sbas pa'i don to//ting nge 'dzin 'di las bzlog na skyon gang 'byung ba de bshad par bya ba'i phyir/ 'di 'dra'i ting 'dzin mi shes pas/ /kun rdzob la ni nyer dmigs te/ /nad ni sna tshogs skyes pa rnams/ /de dag sgyu ma'i rnam 'phrul lo/ /zhes bya ba gsungs te/ ting nge 'dzin 'di ni sgyu ma lta bu ste de mi shes pas/ kun rdzob la ni nyer dmigs te/ /zhes pa ni kun rdzob rdzas su shes pas de la dmigs na de rnam pa sna tshogs pa'i nad skye ba ni lta ba ngan pa 'byung bar 'gyur ro//de gang gi phyir chos thams cad la sgyu ma lta bu rang gi dngos po yin te/ rten cing 'brel pa las 'byung ba so sor snang ba'i phyir ro/ /de bas na gang dang gang so sor snang ba de dang de sgyu ma kho na te/sgyu ma mkhan gyis sprul pa'i glang po che la sogs pa lta bu'o/ /phung po la sogs pa 'di rnams kyang so sor snang ba ste/ de bas na de dag sgyu ma lta bu yin te rang bzhin gyi gtan tshigs so/ /de bas na gang zhig phyi'i don smra ba rnams sam/ rnam par rig pa tsam smra ba rnams kyi phung po la sogs pa rdzas su yod pa'am rnam par rig par smra ba de dag bkag par 'gyur ro//de bas na sgyu ma lta bu'i ting nge 'dzin mi shes pas tha snyad kyis mtshan ma la brten te/ sna tshogs pa lta ba'i dra bas bcings pa'i 'dod chags la sogs pa'i nyon mongs pa rnams 'byung ba ste/ de dag thams cad sgyu ma'i rnam 'phrul ni spros pa'i mtshan nyid kyi sgyu ma'i rnam par rol par 'gyur ro zhes ston to//don 'di nyid rgyas par bya ba'i phyir/ bdag byin brlab pa'i man ngag dag /gang gis bla ma las ma bsgrubs/ /rtag dang chad pa la dmigs pas/ /mi de phyir ldog gyur pa yin/ /zhes bya ba gsungs te/slob ma gang gis bla ma ni slob dpon las bdag la byin gyis brlab pa'i man ngag ni sgyu ma lta bu'i ting nge 'dzin te de nyid ma bsgrubs par ni thob par mi 'gyur na/ rtag pa'am chad pa'i lta ba la dmigs nas slar yang mi de phyir ldog par gyur pa yin no/ /de ni so so skye bo'i sa la ltung bas phyir ldog pa zhes bshad do//de la gal te phyi'i don smra ba rnams kyis dngos po'i tshogs dang mya ngan las 'das pa rjes su 'dod pa dang / rnam par rig pa smra ba rnams kyis rnam rig tsam 'dod na de tshe rtag pa'i phyogs 'byung bar 'gyur ro/ /dngos po thams cad stong pa kho na yin no zhes 'gog par smra ba'i dbu ma pa zer na/de'i tshe chad pa'i phyogs yin no/ /sngags kyi phyogs la spyod pa'i rnal 'byor pas kyang / gal te sngags kyi sku 'dod na de'i tshe rtag pa'i phyogs smra ba yin no/ /sems la dmigs pa'i rim pas kyang mi g.yo ba'i ting nge 'dzin gyi phyogs 'dod na chad pa'i phyogs su ltung bar 'gyur ro//'jig rten rgyang phan pa rnams ni chad pa'i phyogs smra ba yin no/ /grangs can la sogs pa rnams kyang de kho na nyid nyi shu rtsa bzhi yod par 'dod pa'i phyir rtag pa'i phyogs smra ba yin no/ /de bas na 'di dag thams cad phyir ldog pa ni 'khor ba la yin no/ /de'i phyir ting nge 'dzin 'di la 'bad par bya'o//da ni sgyu ma lta bu'i ting nge 'dzin ston par byed pa'i bla ma mchod par bya'o zhes bshad par bya ba'i phyir/ mchod pa thams cad yongs spangs nas/ /bla ma la mchod yang dag brtsam/ /de mnyes pas ni kun mkhyen pa'i/ /ye shes mchog ni thob par 'gyur//zhes bya ba gsungs te/ mchod pa thams cad ni dkon mchog gsum la sogs pa'i mchod pa ste de yongs su spangs nas bla ma'i mchod pa kho na mchog tu gyur pa yin no/ /de gang gi phyir na bla ma dag mnyes pas kun mkhyen gyi ye shes myur du thob pa'i phyir ro/ /stong phrag brgya pa las kyang dge ba'i bshes gnyen la brten na sangs rgyas kyi byang chub thob pa'o zhes gsungs so//mchod pa de nyid bshad par bya ba'i phyir/ bla med byang chub slob dpon gyi/ /rdo rje sems dpa' mchod byas pas/ /de yis bsod nams ma byas ci/ /dka' thub ma bsten ci zhig yod//ces bya ba gsungs te/ bsod nams rnams ni sbyin pa la sogs pa'i pha rol tu phyin pa lnga la brten pa dang / dka' thub ni so sor thar pa brgyad pa la sogs par bstan pa'i sdom pa bsrung ba ste/ de'i gang zag des ma byas pa dang ma bsten pa yod pa ma yin te byas pa dang bsten pa kho na yin no//de gang gi phyir slob dpon kho na rdo rje sems dpa' bla med ni mchog tu gyur pa ste de la mchod pa byas pa'i phyir ro/ /mchod pa de yang chos thos pa sngon du 'gro ba bla ma de bkur ba dang phyi rol gyi yo byad de la phul ba'o/ /de nyid bshad par bya ba'i phyir/ de nyid mi zad 'dod pa yis/ /shin tu dga' ba gang dang gang / /shin tu khyad par can nyid de/ /de dang de ni bla mar sbyin/ /zhes bya ba gsungs te/ re zhig phyi rol gyi rdzas la sogs pa zad pa ste/ de gal te mi zad par 'dod na de'i tshe de dag bla ma la dbul bar bya ste/ 'dis thams cad kyi pha rol tu phyin pa mkhas pa nyid bstan to//dbul bar bya ba de dag gang zhe na/ shin tu dga' ba gang dang gang / /zhes pa ni phyi rol gyi glang po che dang rta dang bu dang chung ma la sogs pa'o/ /de bzhin du shin tu khyad par can ni bdag rang gi lus po ste de yang dbul bar bya'o//rgyu gang gis de dag dbul bar bya'o zhes bshad par bya ba'i phyir/ slob dpon gyis ni sdig pa 'phrog /slob dpon gyis ni sdug bsngal gyi/ /rgya mtsho'i 'jigs las pha rol sgrol/ /zhes bya ba gsungs te/ 'jig rten dang 'jig rten las 'das pa'i khyad par gyi spyod pa la spyod pas slob dpon te/de'i rig pa'i dbang bskur bas kun gzhi rnam par shes pa la sogs pa'i mtshan nyid kyi sdig pa 'phrog pa ste/ mi bskyod pa la sogs pa'i de bzhin gshegs pa lnga'i rang bzhin du gyur pa'i phyir ro/ /de bzhin du 'jigs pa ni gtsang ba dang mi gtsang ba la sogs pa'i mtshan nyid kyi rnam par rtog pa sel ba ste/gsang ba'i dbang bskur ba sbyin pa'i phyir ro/ /de bzhin du sdug bsngal gyi rgya mtsho'i 'jigs pa ni chags pa dang / chags pa bral ba dang / chags pa bar ma'i mtshan nyid kyi rang bzhin brgya drug cu'i tshogs te/ de las pha rol sgrol ba ni shes rab kyi dbang dang /de yang de bzhin bzhi pa'o/ /zhes bya ba ste/ de dag las rang bzhin gyis 'od gsal ba'i de kho na nyid 'byung ba'i phyir ro/ /yang na chags pa la sogs pa dang 'od gsal ba phan tshun 'gal ba'am/ de rnams de'i ngo bo yin no zhes dgongs pa'o/ /da ni chos sbyin par mi bya ba dang /sbyin par bya ba'i slob ma gang yin pa de dag gi skyon dang yon tan dpyad par bya ba'i phyir/ gang zhig nga rgyal gyis brtsegs shing / /yang dag rim pa sun 'byin dang / /de nyid chos la brnyas bcas pa/ /de la de nyid bstan mi bya/ /zhes bya ba gsungs te/bdag gis rnam pa mang por yang dang yang du dbang bskur ba thob pa yin no zhes gang zhig nga rgyal dang ldan pa de bzhin du yang dag rim pa ni rdo rje bzlas pa la sogs pa ste de la sun 'byin pa dang / de bzhin du de nyid chos ni man ngag gtso bor gyur pa'i rgyu rnams bdag rang gis rtogs la bdag la bla ma cung zad kyang dgos pa ma yin no zhes de la lo dang ldan pa dang /slob ma skyon can gang yin pa de la bdag la byin gyis brlab pa'i rim pa bla mas bstan par mi bya'o/ /de ni sgra ji bzhin pa'o/ /yon tan can bshad par bya ba'i phyir/ bla ma la gus bden par smra ba dang / /rnam par mkhas shing rgyud gcig la//dam tshig spyod pa bsrung ba dag /rim pa de la bstan par bya/ /zhes bya ba gsungs te/ slob ma 'di lta bu gang yin pa de la rim pa bstan par bya'o zhes tshig gi 'brel pa'o/ /de gang yin zhe na/ gang zhig bden par smra ba dang / rdo rje slob dpon la dad pa can dang /de bzhin du rgyud gcig pa ni lan cig bshad pa'i gzhal bya ji srid 'tsho ba'i bar du dran par bya ste/ chos nyid so sor thob pa'i shes rab dang ldan pa'i phyir ro/ /de bzhin du bsrung bar bya ba'i dam tshig gi spyod pa gang zhig srung bar 'jug pa de la bdag la byin gyis brlab pa'i rim pa bstan par bya'o//rim pa lnga pa'i 'grel pa rim pa'i don gsal bar byed pa zhes bya ba las/ bdag la byin gyis brlab pa'i rim pa ste gsum pa'o// //da ni mngon par byang chub pa rtsom pas bcom ldan 'das rdo rje 'chang la phyag 'tshal bar bya ba'i phyir/ thams cad stong nyid ston pa po//rdo rje sems dpa' phyag 'tshal te/ /bzhi pa mngon par byang chub pa'i/ /rim 'di bdag gis bshad par bya/ /zhes bya ba gsungs te/ rdo rje sems dpa' la phyag 'tshal nas bdag gis mngon par byang chub pa'i rim pa bshad par bya'o zhes tshig gi 'brel pa'o/ /rdo rje ni rnam par shes pa lnga spong bar byed pa'i ye shes lnga'i rang bzhin gyi chos kyi dbyings sam stong pa nyid de/de la sems dpa' ni gnas pa gang la yod pa de ni rdo rje sems dpa'o/ /lnga ni spang dang shes pa nyid/ /rdo rje zhes byar bshad pa yin/ /zhes bya ba dang / brtan dang snying po khog stong med//mi chod mi phyed mtshan nyid can/ /mi tshig pa dang mi 'jig pa/ /stong pa nyid ni rdo rje bshad/ /ces bya ba gsungs so/ /de ji lta bu yin zhe na/ thams cad stong nyid ston pa po/ /zhes bya ba ni sngar bshad pa dang 'og nas bshad par 'gyur ba'i mtshan nyid can gyi rang bzhin gyis 'od gsal ba'i de kho na nyid ston par mdzad pa'o//rim pa thams cad ston par mdzad pa'i bcom ldan 'das kyis khyad par spangs nas gang gi/ thams cad stong pa ston pa po/ /zhes bya ba gsungs pa de ni rab tu byed pa'i gnas skabs la bshad pa'i de kho na nyid bshad par bya ba'i phyir ro//mngon par byang chub pa'i rim pa gang yin zhe na/ bzhi pa zhes bya ba ni rim pa la ltos pa dang ye shes la ltos pas 'di bzhi pa yin no/ /kun rdzob bden pa dag pa ni/ rim pa bzhi par bstan pa yin/ /zhes bya ba dang / slob dpon gsang ba shes rab dang / bzhi pa de yang de bzhin no/ zhes bya ba gsungs so/ /de ni mthar thug snying po can gyi sgra ji bzhin pa'o/ /rim pa 'di gang gis ston par mdzad pa'i bla ma de'i khyad par bya ba'i phyir/ 'di ni rang byung bcom ldan 'das/ /gcig po bdag nyid che ba'i lha/ /man ngag rnams ni rab ster bas/ /rdo rje slob dpon de bas lhag /ces bya ba gsungs te/'dod chags la sogs pa'i rang bzhin gyi tshogs kyi bag chags dang / sgyu ma lta bu'i bag chags rnams 'joms par mdzad pas na bcom ldan 'das te rdo rje 'chang chen po'o/ /gcig po ni gnyis pa med par bdag nyid chen po'i lha ni gtso bo'i lha'i bdag nyid du bstan pa yin no//'dir lha ni phung po dang khams dang skye mched dang / 'dod chags la sogs pa'i rang bzhin gyi de bzhin gshegs pa lnga dang / lha mo bzhi dang / mchod pa'i lha mo bzhi dang / byang chub sems dpa' brgyad dang / khro bo bcu'i mtshan nyid do/ /bdag nyid che ba ni de rnams las kyang lhag pa ste/chos nyid kyi rang bzhin yin pa'i phyir ro/ /gzhan yang ji lta bu zhe na/ rang byung zhes bya ba ni rang bzhin med pa rnams la rang rang gi ngo bor 'byung bas na rang 'byung ste/ rgyu dang rkyen ltos pa las ma byung ste de la ltos pa kho na rang bzhin med pa'o/ /ji skad du/ rten cing 'byung ba ma byung zhes/de nyid rig mchog gsungs pa yin/ /zhes bya ba gsungs so/ /yang na chos nyid 'phel ba dang 'grib pa med pas rang byung ste/ skye ba dang 'jig pa med pa'i phyir ro/ /ji skad du/ 'phel 'grib rnam par spangs pa ni/ /chos nyid gtan du bsam par bya/ /zhes bya bya ba gsungs so//rdo rje 'chang de lta bu las kyang mngon par byang chub pa ston par byed pa'i rdo rje slob dpon lhag pa yin no/ /de gang gi phyir zhe na/ man ngag rnam ni rab ster bas/ /zhes bya ba la/ longs spyod rdzogs pa'i sku gtso bor gyur pa'i bcom ldan 'das rdo rje 'chang gis chos bstan pa so so skye bo'i phyir/kho bo cag gis thob pa ma yin no/ /de bzhin du chos kyi don tsam yang rang gis rnam par dpyad par mi nus te/ man ngag rtogs par 'gyur ba smos ci dgos/ de bas na de kho na thob pa'i rgyu rdo rje slob dpon kho na yin pas rdo rje 'chang bas kyang lhag pa nyid du grub pa ste mthar thug snying po can gyi sgra ji bzhin pa'o//bla ma de nyid mnyes par bya ba'i phyir/ de ni yang dag mnyes byas te/ /lo'am yang na zla ba la/ /bla ma de ni mnyes byas la/ /ci nus pas ni mchod par bya/ /zhes bya ba gsungs te/ mngon par byang chub pa'i man ngag 'dod pa'i slob mas lo la sogs pa'i dus khyad par du mnyes par bya ba'i bla ma ci nus pas mchod par bya ste sgra ji bzhin pa'o//mchod pa de nyid bshad par bya ba'i phyir/ ci 'byor pa yi phyag rgya ni/ /legs par bslabs la dbul bya zhing / /tshogs kyi dkyil 'khor dbus su ni//cho ga ji bzhin mchod par bya/ /zhes bya ba gsungs te/ de'i rjes la rim pa bzhi pa'i rgyur gyur pa dang / rim pa gsum pa'i rgyur gyur pa'i phyag rgya brlab pa dang ldan pa ci 'byor pa ni rigs kyi dbye bas lo bcu gnyis pa la sogs pa bla ma 'di la phul te/ cho ga bzhin du mchod par bya//zhes pa ni cho ga las ma 'das shing tshogs kyi 'khor lo'i dbus su slob mas bla ma la mchod par bya'o/ /de la cho ga ni 'di yin te/ re zhig dang po'i thos pa dang tshul khrims la sogs pa'i yon tan gyis phun sum tshogs pa dang ldan pa dang / sems dag pa'i slob mas 'khor dang bcas pa'i rdo rje slob dpon spyan drangs la/nyan thos kyi rigs dang bral ba'i rnal 'byor pa dang / rnal 'byor ma'i tshogs spyan drang ste/ lha'i khang pa sum brtsegs la sogs pa'i steng du dkyil 'khor gyi rim pas sna tshogs pa'i gdan la de rnams bzhugs te las kyi rdo rje dgug cing mchod pa brtsam par bya'o//de'i rim pa 'di yin te re zhig dbus kyi gtso bo nas gnod mdzes kyi bar du thabs dang shes rab kun la zhabs bsil te/ mchod pa rnam pa lngas de rnams mchod la/ mthe bong g.yon pa dang ming med las byung ba'i bdud rtsis mdun du bris pa'i chos 'byung gi phyag rgya la pad+ma'i snod gsum rgun chang dang chang gis yongs su gang ba rnam par bzhag la rgun chang gis gang ba'i snod dbus ma la bdud rtsi'i lnga'i ril bu bcug ste/chang gis gang ba phyogs gnyis la gnas pa'i snod la yang de'i skal ba bcug la/ snod kyi phyag rgyas rgun chang gi snod bzung ste/ dbus kyi gtso bo nas gnod mdzes kyi bar du las kyi rdo rjes de rnams la dbul bar bya'o/ /de rnams la dbul te bdag nyid la yang spyod do/ /de'i 'og tu dri bzangs kyis 'bras sA lu 'am/ rgyal po'i sA lu ro drug dang ldan pa'i tshod ma dang bcas pa de rnams la re re mdun du bzhag ste/oM de wan ne sa mA d+hi d+h+yAn pr-i Na ne swA hA/ zhes bya ba'i sngags kyis byin gyis brlabs la phyag 'tshal ba gsum byas nas/ kye bcom ldan 'das mchod du 'os pa rnams 'di la spyod cig ces bya bas gsol ba gdab ste/ de spyod pa mngon du gyur pa'i dkyil 'khor gyi 'khor lo bya'o//rnal 'byor ma rnams kyis mnyam par bzhag cing de la spyad par bya'o/ /phyed tsam bzhes nas bzhes pa'i snod gcig tu byas la/ bzhes pa dang btung ba'i snod dang de bzhin du shes par bya'o/ /rnal 'byor pa rnams rdo rje'i glu len pa dang /dkyil 'khor gyi bdag po dang rnal 'byor ma rnams gar mdzad pa'o/ /kha cig na re thams cad kyang glu dang rol mo la sogs pa mdzad do/ /yi ge gsum gyi pi wang dang gling bu la sogs pa'i rol cha rnams yang dag par mchod la sgra rdo rje ma'i nga rgyal gyis brdung bar bya'o/ / phyi rol du ngang pa dang / bung ba dang / spyang ki la sogs pa'i sgra thos par gyur na bcom ldan 'das kyis byin gyis brlabs pa'i rtags so/ /tshogs kyi 'khor lo de la gnas pa rnams kyis kyang rtsod pa bya ba ma yin te rtsa ba'i ltung bas 'jigs pa'i phyir ro/ /gal te de byed na de tsam gyis 'chad pa dbab par bya'o zhes pa'i mtha' ru phyag bsil ba la sogs pa mdzad du bcug nas/'bras bu gsum gyi 'dab ma dang bcas pa'i so rtsi dang / 'byor pa dang mthun pa'i sku yon phul la/ phyag 'tshal nas bzod pa bzhes te bskor ba byas la dge ba 'di'i sems can thams cad phyag rgya chen po thob par gyur cig ces bya ba'i smon lam btab la/lhag ma 'bras bu la sogs pa snod gcig tu bcug ste/ oM ku ru ku ru ba ti li ma hA ba ta li zhes bya ba la sogs pa'i yi ge brgya rtsa brgyad kyis lhag ma'i gtor ma byin gyis brlabs te/ dur khrod na gnas pa'i mkha' 'gro ma la phyi rol du shing drung gcig la sogs par gtor ma byas te/tshogs kyi 'khor lo'i dbus su ni/ cho ga ji bzhin mchod par bya/ /zhes bya ba'i don to/ /de la dang po slob dpon gyis slob ma la gsang ba sbyin par bya ba'i phyir/ phyag rgya snyoms par 'jug par bya'o zhes bshad par bya ba'i phyir/de nas 'dod yon lnga spyod pas/ /rnal 'byor chen po mnyes 'gyur te/ /snyoms par 'jug pa'i cho ga ni/ /snang ba dag ni skyed 'dus byas/ /zhes bya ba gsungs te/ tshogs kyi 'khor lo'i dbus su 'dod pa'i yon tan lnga'i longs spyod phul bas/ dgyes pa'i rdo rje slob dpon gyis snang ba bskyed pa'i dus ni/mtshan mo rtsom pa'i dus su snyoms par zhugs par bya'o/ /de ji ltar zhe na/ cho ga zhes bya ba ni rdo rje dang pad+ma 'dus byas pa sngon du 'gro ba'i rjes su chags pa dang / sngags brjod pa dang / de bzhin gshegs pa thams cad 'jug pa dang spro ba rnams kyis so//de'i rjes la bya ba bshad par bya ba'i phyir/ byang chub sems ni rab 'bad nas/ /ka la sha sogs dag tu gzhag /slob ma rang la bla ma yis/ /brtse bas nam phyed dus dbang bskur/ /zhes bya ba gsungs te/ bla mas rang gi slob ma la dbang bskur bar bya'o zhes tshig gi 'brel pa'o//rang zhes bya ba ni bla ma de nyid kyis dbang bskur ba ste/ sngon gzhan las dbang bskur ba ni ma yin no/ /de bzhin rnal 'byor chen po'i rgyud la mos pa dang ldan pa ste bya ba la sogs pa'i rgyud la ni ma yin no/ /gang gi tshe dang ci byas nas dbang bskur ba zhe na/ nam phyed dus zhes bya ba la/ srog dang rtsol ba cig car du rgyu ba'i dus 'di yin te/ dbang chen gyi dkyil 'khor 'char ba dang / thabs dang shes rab tha mi dad pa'i phyir ro/ /de tha mi dad pa yang 'od gsal ba dang mthun pa'o/ /ka la sha sogs dag tu bzhag pa'i byang chub sems zhes pa ni sgra ji bzhin pa rab tu grags pa kho na'o//rdo rje'i rtse mo'i bar byang chub kyi sems 'dzin pa'i yan lag gi 'bad pas 'dzin la/ de nyid kyis slob ma de'i kha la dbang bskur bar bya'o/ /sogs pa'i sgras thod pa la sogs pa spros te slob ma de myong bar bcug par bya ste dgongs pas bshad pa'o//gsang ba'i dbang bstan nas shes rab kyi dbang bshad par bya ba'i phyir/ dbang bskur yang dag thob nas ni/ /tho rangs kyi ni dus su yang / /slob mas thal sbyar bla ma la/ /mchod cing bstod pas mnyes par bya/ /zhes bya ba gsungs te/ 'og nas bshad par 'gyur ba'i bstod pa'i tshig rnams kyis bla ma la slob mas mnyes par bya'o zhes tshig gi 'brel pa'o//ci byas nas she na/ dbang bskur yang dag thob nas ni/ /zhes bya ba la ni'i sgra ni khyad par ston par byed pa ste/ sngar bshad pa'i gsang ba'i 'og tu shes rab kyi dbang thob nas so//de ji ltar zhe na/ phyag rgya gcig gi rim pas so zhes ngag gi lhag ma'o/ /gang gi tshe dang ci byas dbang zhe na/ tho rangs kyi dus su dang / slar yang bla ma mchod cing bstod pas mnyes par bya'o/ /bstod pa de nyid bshad par bya ba'i phyir/ khams gsum las ni rnam grol zhing //nam mkha' dang ni mnyam gyur la/ /'dod pa rnams kyis ma gos pa/ /dmigs med khyod la phyag 'tshal lo/ /zhes bya ba gsungs te/ khams gsum gyi rang bzhin gyi tshogs las rnam par grol ba'i phyir/ khams gsum las grol ba khyod yin no/ /de bzhin du rang bzhin gyis dag pa'i me long lta bu'i ye shes kyi sbyor bas nam mkha' dang mnyam par gyur pa'o//de bzhin du 'dod pa ni gzugs la sogs pas ma gos pa dri ma dang ldan par ma gyur pa'o/ /de nyid kyi phyir/ gzugs kyi phung po'i dmigs pa dang bral bas/ /dmigs med khyod la phyag 'tshal lo//zhes sku rdo rje gtso bo'i sgo nas bstod pa'o/ /snang ba mtha' yas kyi sgo nas bshad par bya ba'i phyir/ phung po rnams dang khams rnams dang / /skye mched rnams la mi brten zhing / /phyin ci log las rnam grol ba/ /dmigs med khyod la phyag 'tshal lo/ /zhes bya ba gsungs te/phung po dang khams dang skye mched la sogs pa ngag gi brjod par bya ba gang yin pa de rnams la khyod mi brten pa ste/ ngag gi rnam par rtog pa'i sgra 'od gsal ba'i rang bzhin yin pa'i phyir ro/ /'di nyid kyi phyir/ phyin ci log las rnam grol ba/ /zhes bya ba phyin ci log pa ni dngos po rnams rdzas su yod pa la sogs par yongs su brtag pa ste/de nyid so sor rtog pa'i ye shes kyis rnam par bcad pa'i phyir phyin ci log las rnam par grol ba khyod yin no/ /'di nyid kyi phyir dmigs med ni dbyangs dang gsal byed kyi rang bzhin gyi bcu pos ma bcings pa khyod la phyag 'tshal lo//ji skad du/ dang po gcig ni dgu dbus na/ /gang zhig bcu yis ma bcings pa/ /de ni bcing med zhes bya ba/ /de shes pa ni mchog gi gnas/ /zhes bya ba sngar gsungs pa'i phyir ro/ /de ni gsung rdo rje'i sgo nas bstod pa ste sgra ji bzhin pa'o/ /mi bskyod pa'i sgo nas bstod pa bshad par bya ba'i phyir/ji ltar nam mkha' gnas med cing / /spros med dgos pa med pa ltar/ /nam mkha' dang mnyam thugs mnga' ba/ /dmigs med khyod la phyag 'tshal lo/ /zhes bya ba gsungs te/ chos kyi dbyings kyi rang bzhin yin pa'i phyir gnas med pa'o//rnam par shes pa'i phung po rnam par dag pas nam mkha' 'dra ba'o/ /spros pa ni snang ba la sogs pa gsum dang 'gro ba gos par byed pa'i phyir te gos pa ni rang bzhin gyi tshogs te/ de dag med pas spros med gos pa'o/ /de nyid kyi phyir/ nam mkha' dang mnyam pa'i thugs mnga' ba ni chos kyi sku'i rang bzhin no//gos pa la sogs pa dang bral ba'i phyir/ /dmigs med khyod la phyag 'tshal lo/ /zhes thugs rdo rje'i sgo nas bstod pa ste sgra ji bzhin pa'o/ /bstod nas gsol ba gdab pa'i phyir/ thams cad stong pa'i rang bzhin can//mngon par byang chub blta bar 'tshal/ /slob mas thal sbyar bla ma la/ /bstod nas slar yang bskul bar bya/ /zhes gsungs te/ blta bar 'tshal zhes pa ni nye bar mtshon par 'dod pa ste skad kyi byings rnams ni don du ma dang ldan pas blta ba'i sgra ni nye bar mtshon pa la 'jug go//bla ma slar yang bskul bar bya/ /zhes pa ni bstod pa la ltos nas slar gyi sgra'o/ /lhag ma ni go sla ste sgra ji bzhin pa'o/ /gsol ba gdab pa de nyid bshad par bya ba'i phyir/ las dang skye las rnam grol zhing / /snang ba gsum po spang ba yis/ /mngon par byang chub mthong ba ni/ /mgon po chen po bdag 'tshal lo//zhes bya ba gsungs te/ kye mgon po chen po bdag la mngon par byang chub pa'i rim pa bshad du gsol lo zhes tshig gi 'brel pa'o/ /de yang ji lta bu zhe na/ las dang skye las rnam grol zhing / /zhes bya ba la las dang skye ba dag 'khor ba'i rgyu dang 'bras bu'i dngos po gnas pa gang yin pa de dag las rnam par grol ba ste/rang bzhin gyis 'od gsal ba la las dang skye ba'i sgrib pa yod pa ma yin pa'i phyir ro/ /kun rdzob kyi bden pa la brten te/ de dag yod kyang yongs su yod pa ma yin te/ sgyu ma lta bu'i phyir ro/ /de bas na de yongs su ma shes pas 'gro ba rigs lngas 'khor ba la 'gro ba dang 'ong ba byas shing so so skye bo rnams kyi mya ngan dang dga' ba dang sdug bsngal dang bde ba la sogs nyams su myong ba ste rang bzhin brjed pa'i phyir ro//de gang gi phyir rig bya dang rig par byed pa'i dngos po'i 'khor ni rnam par dag pa ste/ de'i chos nyid yongs su shes pa 'od gsal ba yin no/ /de bzhin du/ snang ba gsum po spangs pa yis//zhes bya ba la snang ba la sogs pa bral ba ste sgra ji bzhin pa'o/ /gzhan yang bshad par bya ba'i phyir/ sangs rgyas kun gyi ye shes che/ /de bzhin gshegs pa kun gyi gnas/ /rdo rje ye shes bla na med/ /slob dpon chen po bdag 'tshal lo/ /zhes bya ba gsungs te/ bdag la rdo rje ye shes bshad du gsol lo zhes tshig gi 'brel pa'o/ /de la rdo rje ye shes ni mi phyed pa ste/ dpe dang dpe las 'byung ba dag tha mi dad pa'i phyir/ rdo rje de yin la ye shes thams cad med pa'i phyir ye shes kyang de nyid yin te rdo rje'i ye shes so/ /de bzhin du/ sangs rgyas kun gyi ye shes che/ /zhes bya ba la/ye shes lnga'i rang bzhin gyi sangs rgyas lnga'i ye shes chen po ni de rnams nye bar bsdu ba'i rang bzhin gyis 'od gsal ba'o/ /'di nyid kyi phyir/ de bzhin gshegs pa kun gyi gnas/ /zhes bya ba la de bzhin gshegs pa rnams 'di nyid las 'byung ba ste shes rab kyi pha rol tu phyin pa'i rang bzhin yin pa'i phyir ro//de ni sgra ji bzhin pa'o/ /gzhan yang bshad par bya ba'i phyir/ thog mtha' med cing zhi ba la/ /nyon mongs thams cad rnam sbyangs shing / /lus dang ngag dang sems sbyong ba/ /rdo rje chen po bdag 'tshal lo/ /zhes bya ba gsungs te/ kye rdo rje chen po drug pa'i rang bzhin lus la sogs pa sbyong ba ni bdag la byin gyis brlab pa dang /sems la dmigs pa dang rdo rje bzlas pa'i rim pa las gsungs pa'i bag chags zad par byed pa'i de kho na nyid bdag la bshad du 'tshal lo/ /de yang ji lta bu zhe na/ thog mtha' med cing zhes pa ni skye ba dang 'jig pa med pa'am snang ba la sogs pa med pa'i phyir thog ma dang tha ma med pa'o//de bzhin du zhi ba ni thams cad stong pa'i phyir ro/ /nyon mongs thams cad ni 'dod chags dang bral ba la sogs pa'i rang bzhin phra mo'i bag chags te/ de rnams sbyangs pa ni spang bya dang blang bya'i dngos pos rang bzhin rnam par dag pa ste sgra ji bzhin pa'o/ /tshigs su bcad pa gsum po de la mgon po dang /slob dpon chen po dang / rdo rje chen po zhes bya ba'i bod pa rnams ni sku dang gsung dang thugs rdo rje'i rang bzhin du shes par bya'o/ /gsol ba btab ma thag tu bla ma'i bya ba bshad pa'i phyir/ de ltar yon tan yang dag pa/ /brjod pas rnal 'byor pa mnyes byas//snying rje slob ma la bskyed de/ /de nas rim pa 'di nyid brtsam/ /zhes bya ba gsungs te/ rnal 'byor pa ni bla mas 'og nas bshad par 'gyur ba'i rim pa brtsam pa ni bshad par bya'o zhes tshig gi 'brel pa'o/ /bla ma ji lta bu zhe na/ yon tan yang dag pa ni de ltar mnga' ba'i yon tan brjod pas mnyes par byas pa ste zol gyis bstod pa ni ma yin no//ci mdzad nas ston zhe na/ snying rje slob ma la bskyed de/ /zhes pa ni snying rje gtso bor gyur pa'i rdo rje slob dpon gyis de kho na nyid ston par rigs te sgra ji bzhin pa'o/ /rim pa de nyid bshad par bya ba'i phyir/ mtshan mo snang ba'i cha ste gsal ba nyi ma'i zer 'gyed snang ba mched pa yin//mtshams ni snang ba thob pa rang gi rang bzhin rnams kyi lan cig min par 'gro /mtshan min nyin par ma yin mtshams min gang zhig rang bzhin rnams dang rnam bral ba/ /de ni byang chub skad cig yin par bla ma mchog bshad rnal 'byor pa nyid yul//zhes bya ba gsungs te/ kye bu khyod kyis gang zhig tshangs pa'i bu ga las byang chub kyi sems 'dzag pa'i dus su bde ba nyams su myong ba de ni snang ba'i skad cig ma ste/ de nyid mtshan mo ni cung zad snang ba'i mtshan nyid shes par bya'o/ /byang chub kyi sems de nyid kyis yan lag thams cad kyi tshigs khyab pa'i dus su gang zhig khyod kyi khyad par gyi dga' ba nyams su myong ba de ni snang ba mched pa'i skad cig ma ste de nyid gsal ba nyi ma'i 'od zer gyi snang ba dang 'dra ba snga ma las khyad par can nyin mo'i rang bzhin du shes par bya'o//de'i rjes la rdo rje'i rtsa ba 'am/dbus su de yis phyin na/ snang ba nye bar thob pa zhes bya ba'i dga' ba'i khyad par gang byung ba de ni mtshams zhes bya ba ste/ nyin mo dang mtshan mo las 'das pa mun pa'i rang bzhin rgyal ba lta bur shes par bya'o/ /skad cig ma de rnams gsum pa yang rang rang gi rang bzhin ni bag la nyal gyi rang bzhin dang 'brel pa ste rags pa'i rang bzhin rnams ni de gang gi phyir de rnams rim pa gnyis pas spangs pa'i phyir ro//gal te sgyu ma'i ting nge 'dzin gyi de rnams brdzun nyid du rtogs na yang / 'on kyang de mthong ba mdun du snang ba'i phyir bag la nyal ba dang / lhan cig tu 'gro ba de rnams gnas pa kho na yin no//skad cig ma gang zhig mtshan mo la sogs pa'i sgras brjod pa'i snang ba la sogs pa gsum dang bral ba ste/ rdo rje nor bu'i nang na gnas pa'i byang chub kyi sems kyi gnas skabs su byang chub kyi rang bzhin gyi skad cig ni rnal 'byor pa'i ye shes kyis rtogs par 'gyur ba de ni bla ma'i zhal nas thob cing bsgom par bya ba ste 'od gsal ba'i rang bzhin no zhes ngag gi lhag ma'o//de ni mthar thug gi don to/ /'di nyid rgyas par bshad par bya ba'i phyir/ mtshan mo'i mun nag ma lus 'das shing mtshams kyi snang ba gang 'das dang / / ji srid nyi ma ma shar skad cig 'dir ni dri med yang dag mtha' ru bshad/ /slob dpon mchog ni rab rib bral bas slob ma la ni phyi rol byang chub bstan/ /nang gi bde ba rnyog bral sangs rgyas byang chub skad cig dag gis thob par 'gyur/ /zhes bya ba gsungs te/ kye bu dri ma med pa'i skad cig ni rang bzhin dang snang ba'i dri ma med pa'i skad cig ma der rdo rje slob dpon gyis slob ma la yang dag mthar ni de bzhin nyid bstan pa ni gsal bar bya'o//skad cig ma de gang yin zhe na/ mtshan mo dang / nyin mo dang / mtshams dang / nyin mo'i snang ba rnams gang du nub par gyur pa de yin no/ / de la mtshan mo ni snang ba'i ye shes dang / nyin mo ni snang ba mched pa'i ye shes dang / mtshams ni snang ba nye bar thob pa'i ye shes te dgongs ka'i dus kyi'o/ /snga dro'i mtshams ni 'od gsal ba'i ye shes te rim pa 'dis phyi'i mngon par byang chub pa'i rim pa shes par bya'o/ /'di mthong bas nang gi bde ba ni nang gi mngon par byang chub pa thob par 'gyur ro//sangs rgyas byang chub ni rdo rje 'chang chen po'i sa kun du bzang po zhes bya ba ste/ de nyid skad cig ni 'od gsal ba'i skad cig mas thob par bya'o/ /'o na phyi dang nang gi mngon par byang chub pa dag gi dbye ba gang yin zhe na smras pa/gcig ni phyi'i phyag rgya'i rim pa dang / gnyis pa ye shes kyi phyag rgya'i rim pas thob bo/ /phyag rgya chen po'i rim pa ni mtshan ma lnga'i go rims kyi mtshan nyid do/ /de rnams kyang / dang po smig rgyu dang 'dra ba/ /gnyis pa du ba 'dra ba ste/ /gsum pa srin bu me khyer 'dra/ /bzhi pa mar me bzhin du 'bar//sprin med nam mkha' dang mtshungs pa'i/ /lnga pa snang ba med pa'o/ /zhes gsungs so/ /'di rnams las dang mtha' rnam pa dbye ba las 'byung ba chen po rnams rim pas nye bar bsdu ba'i rang bzhin du shes par bya ste/ sa chu la thim pa zhes bya ba la sogs pa'o/ /dang po sa ni chu la 'gro//chu yang me la 'gro ba ste/ /me yang rlung la rjes 'gro ba/ /rlung ni rnam par shes la zhugs/ /rnam shes 'dzin pa'i de nyid la/ /zhes bya ba la sogs pa gsungs te mthar thug gi don to/ /de nyid khyad par bstan pa'i phyir/ tha mar 'byung dang thog mar 'byung ba dang / / dbus min 'byung ba dbus su 'byung ba'am/ /mtha' med 'byung ba mthar ni 'byung ba rnams/ /de dag thams cad stong par dam pas gsungs/ /zhes bya ba gsungs te/ dam pa ni sems rgya che ba rnams kyis thams cad stong pa ni 'od gsal ba'i de kho na nyid bzhi pa gsungs pa ni ston par mdzad pa'o//zhes ston te/ /de gang yin zhe na/ gang zhig thog ma dang bar ma dang tha ma rnams ni 'dod chags dang 'dod chags bral ba dang 'dod chags bar ma rnams kyis ma gos pa ste/ 'on kyang khyab byed kyi phyir thog ma dang bar ma tha ma'i rang bzhin yang de nyid yin no zhes pa'i don to/ /de ni mthar thug go//slar yang de nyid khyad par du bstan par bya ba'i phyir/ gang du 'gro ba dang ni 'ong med cing / /zad dang 'phel med dngos dang dngos med min/ /ngo mtshar gzugs can yin zhing ngo mtshar min/ /gnas par 'gyur min myur du 'gro ba min/ /zhes bya ba gsungs te dam pa rnams kyis de kho na nyid bzhi pa 'di ltar gsungs te gsungs kyi sgra 'dir 'jug go//de ji lta bu yin zhe na/ gang du 'gro ba dang 'ong ba med pa ni 'jug pa dang ldang ba med pa ste/ ni'i sgras gnas pa yang med pa'o/ /'di ni rdo rje bzlas pa'i min pa las khyad par bstan to/ /zad pa ni rang bzhin med pa dang 'phel ba dang ni sems kyi 'od gsal ba 'char ba ste/de dag kyang gang du med pa ste/ 'dis ni sems la dmigs pa'i rim pa las khyad par bstan to/ /de bzhin du dngos med ni kun rdzob kyi rnam par rtog pa med pa dang / dngos ni sgyu ma lta bu ste/ de dag kyang gang du dmigs par mi 'gyur ro//'dis ni bdag la byin gyis brlab pa'i rim pa las khyad par bstan to/ /ngo mtshar gzugs can ni bag chags dang bcas pa'i rang bzhin gyi tshogs thim pa'i phyir dang / ngo mtshar min pa ni zhi ba'i bdag nyid yin pa'i phyir ro/ /gnas par gyur pa dang myur du 'gro ba ni skye ba dang 'jig pa ste de dag med pa'i phyir/gnas par gyur min myur du 'gro ba min/ /zhes bya ba bstan te/ sbas pa sngon du 'gro ba'i mthar thug go/ /gzhan yang gang zhig yod dang med pa'i tha snyad rnams dang bral/ /bsod nams gzugs min sdig pa'i gzugs ma yin/ /bsod nams sdig gi bdag min mchog gyur pa//de ni thams cad stong par sangs rgyas rnams kyis gsungs/ /zhes bya ba gsungs te/ de ni thams cad stong par sangs rgyas kyis gsungs zhes bya bas rang bzo dgag pa'o/ /de ji lta bu yin zhe na/ gang zhig rang bzhin rnams med pa'i phyir/ yod pa'i tha snyad dang bral ba dang /'od gsal ba'i chos nyid kyi rang bzhin yin pa'i phyir med pa'i tha snyad dang bral ba'o/ /de bzhin du bsod nams dang sdig pa'i gzugs ma yin pa ni 'od gsal ba la kun nas nyon mongs pa dang / rnam par byang ba rnams med pa'i phyir ro/ /phung po gsum ni bsod nams dang sdig pa'i bdag nyid de la yod pa ma yin te 'gal ba'i phyir ro//de bas na mchog gyur pa ni yang dag pa'i mtha' yin pa'i phyir te mthar thug go/ /ldang ba bshad par bya ba'i phyir/ /rnal 'byor pas ni de lta'i de nyid thob/ /rgyu dang mi rgyu'i bdag nyid 'gro gnyen gcig /ye shes rang bzhin mi yi seng ge gang //mi zad lus thob ma lus 'gro ba'i rgyu/ /zhes bya ba gsungs te/ rnal 'byor pa 'dis mi zad pa'i lus thob pa ni chos kyi sku thob pa ste 'od gsal ba kho na chos kyi sku yin no/ /de nyid kyi phyir 'gro gnyen gcig ni rnal 'byor pa des ma lus pa'i 'gro ba la rgyu ba ni sems can gyi don du spyod pa ste don gzhan du ni ma yin no//ci byas she na/ de lta'i de nyid ni sngar bshad pa'i rang bzhin gyis 'od gsal ba'i de kho na nyid bla ma'i zhal nas thob nas rgyu ba'o/ /rnal 'byor pa de ji lta bu yin zhe na/ rgyu dang mi rgyu'i bdag nyid ces pa ni 'gro ba'i don mdzad na/ yang g.yo ba dang mi g.yo ba'i dngos po'i rang bzhin yin te/de rnams 'od gsal ba la rag lus pa'i phyir ro/ /de bas na ye shes rang bzhin ni ye shes med pa'i ye shes te de'i rang bzhin ni rigs mthun pa dang / rigs mi mthun pa'i bstan pa la so sor bshad pa'i sgro btags pa la sogs pa'i 'khrul pa dang bral ba'o//'dis ni yang dag pa'i lta ba la zhugs pa bstan to/ /mi'i seng ge ni 'di nyid de/ skyes bu dam pa'i nang na mchog tu gyur pa ste sgra ji bzhin pa'o/ /spyod lam gyi rnam par dag pa bshad par bya ba'i phyir/ de ni yon po'i lus kyang drang po yin/ /bstan la gnas med gyur kyang gnas pa yin//de ni mig btsums gyur kyang rnam rgyas mig /de ni mnyam ma gzhag kyang mnyam gzhag yin/ /zhes bya ba gsungs te/ ting nge 'dzin la zhugs pa kha cig ni lus drang po byas la bsgom pa ste/ rnal 'byor pa 'di yon po dang drang po'i lus po la 'dra ba yin te bsgrub bya 'grub pa'i phyir ro//kha cig stan 'jam po la 'dug nas bsgom pa ste rnal 'byor pa 'di stan dang stan med pa la gnas kyang 'dra ba ste de kho na nyid kyi gdan la gnas pa'i phyir ro/ /kha cig mig btsums nas ting nge 'dzin la bzhugs pa ste rnal 'byor pa 'di ni mig btsums pa dang phye ba yin na yang 'dra ba ste/de kho na nyid thob pas de dag dgos pa med pa'i phyir ro/ /de nyid kyi phyir rnal 'byor pa 'di mnyam par ma gzhag kyang mnyam par gzhag pa kho na yin te gnas skabs gnyis po la yang 'od gsal ba yongs su ma spangs pa'i phyir ro/ /de sgra ji bzhin pa'o//gzhan yang 'di nyid bshad par bya ba'i phyir/ de ni tshig dang ldan yang brjod bral yin/ /de ni gzugs dang ldan yang gzugs bral yin/ /de ni 'jig rten dgon yang gzhan bran 'gyur/ /gang zhig de nyid rtogs shing nyes kun zad/ /ces bya ba gsungs te/ rnal 'byor pa de lta bu gang yin pa de de nyid rtogs pa ni bzhi pa thob pa zhes bshad do//rgyu 'di nyid kyis nyes kun zad pa ni rang bzhin gyi bag la nyal ma lus pa gang la zad pa de la de skad ces bya'o/ /gzhan yang tshig dang ldan pa ni ngag rjod par byed pa yin yang brjod bral ni ngag rnams mi dmigs pa'i phyir ro/ /de bzhin du gzugs dang ldan pa ni lus can yin na yang /gzugs bral ba ni lus po med pa ste de dmigs pa'i phyir ro/ /de bzhin du 'jig rten mgon ni/ sangs rgyas yin yang gzhan bran 'gyur/ /zhes bya ba ni sngon gyi smon lam gyi dbang gis gzhan rnams kyi bran du gyur pa ni gdul bar bya ba'i phyir 'bangs dang 'dra ba ste/dmigs pa med pa'i sbyor bas 'gro ba'i don byed du yid la byed pa 'jug pa'i phyir ro/ /de ltar lus ngag yid kyi spyod pa la dmigs pa med pa'i sbyor bas spyod na de nyid rtogs pa ni rnal 'byor pa de yin gyi gzhan ni ma yin no/ /de ni sgra ji bzhin pa'o/ /phyag rgya'i rim pa bstan nas/ting nge 'dzin gyi rim pa bshad par bya ba'i phyir/ man ngag thob pa'i slob ma yis/ /de nas rnal 'byor rnam gnyis bslab/ /ril por 'dzin pa'i rim pa dang / /de bzhin rjes su gzhig pa'o/ /zhes bya ba gsungs te/ sngar bshad pa'i man ngag thob nas de nyid brtan par bya ba'i phyir slob mas rnal 'byor gnyis la bslab par bya'o//rnal 'byor ni ting nge 'dzin rnam pa gnyis te ril por 'dzin pa dang rjes su gzhig pa'o/ /de ni mdor bstan pa ste sgra ji bzhin pa'o/ /rgyas par bshad par bya ba'i phyir/ mgo bo nas ni rkang pa'i bar/ /ji srid snying gar phyin pa'i bar/ / rnal 'byor yang dag mtha' la 'jug /ril por 'dzin pa zhes bshad do/ /zhes bya ba gsungs te/ ril por 'dzin pa 'di yin te ting nge 'dzin gang gis mgo bo nas rkang pa'i bar dang / de las kyang snying ga'i bar du yang dag pa'i mtha' la 'jug pa'i mtshan nyid do/ /de'i man ngag 'di yin te rtsibs brgyad pa'i chos kyi dbyings kyi 'khor lo la dbyangs kyi dang po bsgoms shing de'i 'od zer gyis rkang pa nas mgo bo'i bar du bsregs pa dang /slar yang ldog pa ji srid snying ga'i bar du mi snang bar byas te/ rang gi rgyud mi dmigs pa'i bdag nyid kyis ril por 'dzin pa'i ting nge 'dzin te mthar thug go//rjes su gzhig pa bshad par bya ba'i phyir/ rgyu ba dang ni mi rgyu ba/ /dang po 'od gsal bar byas te/ /phyi nas de bzhin bdag nyid byed/ /rjes su gzhig pa'i rim pa yin/ /zhes bya ba gsungs te/ sngar bshad pa'i dbyangs dang po las 'byung ba'i 'od zer gyis 'khor los rgyu ba dang mi rgyu ba ni khams gsum la mi snang bar byas shing de'i rjes la bdag nyid kyang mi snang bar byas te rjes su gzhig pa'i ting nge 'dzin bstan to//de ni mthar thug go/ /ril por 'dzin pa'i ting nge 'dzin gyi dpe bshad par bya ba'i phyir/ dbugs kyi rlung ni me long la/ /ji ltar kun du thim 'gyur ba//de bzhin rnal 'byor yang dag mthar/ /yang dang yang du 'jug par byed/ /ces bya ba gsungs te/ ji ltar me long gi mthil la 'jug pa'i kha'i rlangs pa thim par 'gyur te/ gal du thal lo zhes shes pa ma yin pa de bzhin du/ rnal 'byor pas yang dang yang du chos nyid la 'jug par bya ste/ rang bzhin gyi tshogs de gang du thal lo zhes shes pa ma yin te mthar thug gi don to/ /'dir ni kun du sgras ma bshad pa yang kun las bsdu bar byed pa ste/ /rjes su gzhig pa'i dpe yang mtshon par bya'o/ /de la ji ltar dri ma med pa'i ston ka'i mtsho'am/ chu bo'i chu la gzugs brnyan du gyur pa'i zla ba'i dkyil 'khor de nyid dang gzhan nyid dag gis brjod du med pa de bzhin du/ bdag dang gzhan gyi rgyu la gnas pa'i 'od gsal ba brjod du med pa shes par bya ste mthar thug kho na'o/ /slar yang spyod lam gyi rnam par dag pa bshad par bya ba'i phyir/'gro dang 'dug dang nyal dang za/ /mig btsums 'byed dang dgod pa na/ /bsam gtan sbyor ba 'di yis ni/ /de nyid rig pa rtag tu gnas/ /zhes bya ba gsungs te/ /de nyid rig pa ni thams cad stong pa'i go 'phang la gnas pa'i rnal 'byor pas 'gro ba la sogs pa'i spyod lam la 'od gsal ba'i ting nge 'dzin gyis gnas par bya ste sgra ji bzhin pa'o//'od gsal ba la zhugs pas sems can gyi don ji ltar byed pa yin no zhes bshad par bya ba'i phyir/ gzugs bcas 'od zer de nyid dang / /rnam shes rlung dang ldan pa yis//bdag byin brlab pa'i rim gyis kyang / /sems can don du'ang lan 'ga' 'gyur/ /zhes bya ba gsungs te/ 'od gsal ba la zhugs pa'i rnal 'byor pas gal te sngon gyi smon lam dbang gis sems can gyi don byed na/ de'i tshe bdag la byin gyis brlab pa'i rim pas bya ba yin no//'o na sgyu ma lta bu'i ting nge 'dzin ni gsum pa yin pa'i phyir/ de kho na nyid bzhi pa dang / 'di la ji ltar mngon du bya ba yin zhe na/ smras pa/ bdag la byin gyis brlab pa'i rim pa rnam pa gnyis te/ /gcig ni rim pa gsum pa rjod par byed pa'o//gnyis pa ni zung 'jug gi rim pa rjod par byed pa ste/ /de yang 'og nas bshad par 'gyur ba 'dir mngon du byas te 'gal ba med do/ /tha ma ni bdag la byin gyis brlab pa zhes ji ltar yin zhe na/ smras pa/ bdag dang bdag ni bdag ste kun rdzob dang don dam pa'o//de dag tha mi dad par rtogs pa gang yin pa de ni bdag la byin gyis brlab pa ste/ zung 'jug gi rim pa'o zhes bstan to/ /'o na de la rlung dang rnam par shes pa'i sbyor ba ji ltar yod ce na smras pa/ /rlung 'gag pa dang rnam par shes pa med pa'i sbyor ba ste mthar thug pa'o//ldang ba bshad par bya ba'i phyir/ /ji ltar dang ba'i chu rlung las/ /nya dag myur bar ldang ba ltar/ /de bzhin thams cad stong gsal las/ /sgyu 'phrul dra ba 'byung bar bshad/ /ces bya ba gsungs te/ ji ltar ston ka'i dus kyi gtsang po'i chu'i nang nas/ nya glo bur du 'phar ba de bzhin du kun nas nyon mongs pa dang /rnam par byang ba thams cad kyi bdag nyid rang bzhin brgya drug cu'i tshogs dang bral ba'i 'od gsal bas/ sgyu 'phrul dra ba ni 'khor dang bcas pa'i 'khor los sgyur ba'i tshogs sngon gyi smon lam gyi dbang gis rdza mkhan gyi 'khor lo bzhin du 'byung ba yin te mthar thug gi don to//rigs kyi dbye bas sems can gyi don bshad par bya ba'i phyir/ /rigs lnga'i sangs rgyas la ltos pa'i/ /phyag rgya chen por brtag pa med/ /'od zer lnga ni 'byung ba dag /nam mkha'i 'ja' tshon dag dang mtshungs//zhes bya ba gsungs te/ sems can gyi don mdzad pa'i phyir/ gang zhig 'od gsal ba las sku 'byung ba de ni phyag rgya chen po ma hA mu dra ste/ sems can gyi phung po chen po la mu dra dga' ba rA ni ster ba ste phyag rgya chen po'o/ /'o na skye ba'i rim pa dang bdag la byin gyis brlab pa dag las khyad par gang yang yod ce na/brtag pa med pa zhes pa ni 'od gsal ba'i rgyu mthun yin pa'i phyir ro/ /gzhan ma gnyis ni rtog pa'i rnal 'byor dang / sgyu ma'i rnam par rtog pas zil gyis mnan pa'o/ /ji lta bu zhe na/ sems can gyi mos pa'i dbang gis rigs lnga'i sangs rgyas la ltos pa ni de la rag lus pa'o//de gang gi phyir 'khor los sgyur ba drug gi gzugs su sangs rgyas kyi longs spyod rdzogs pa'i sku 'byung ba'i phyir ro/ /yang ji lta bu yin zhe na/ 'od zer lnga ni 'byung ba dag /ces bya ba la/ 'od zer lnga re re 'byung ba gang la yod pa de la de skad ces bya'o//yang na 'od zer lnga ni rim pa las 'byung ba'am/ go bzlog pa las 'byung ba'i smig rgyu la sogs pa de las gang 'byung ba de ni de bzhin no/ /nam mkha'i 'ja' tshon dag dang mtshungs/ /zhes pa ni dper bstan pa ste/mthar thug gi don to/ /sems can gyi don de nyid bshad par bya ba'i phyir/ phyag rgya 'ching bar byed pa'am/ /gal te gsang sngags bzlas pa'am/ /gang gzhan thams cad byed pa na/ /thams cad stong pa'i gzhi la gnas/ /zhes bya ba gsungs te/phyag rgya bcings pa dang / sngags bzlas pa la sogs pa gang zhig gzhan gyi don du byed pa de dag thams cad stong pa'i gzhi ni 'od gsal ba la gnas te/ byed na de'i tshe/ de la de dag rnam par dag par 'gyur te/ gzhan du ni ma yin no/ /ji skad du/ rdo rje sems dpa' rgyal po che//yang dang yang du bskul bar bya/ /de nyid gsang sngags thams cad kyi/ /rgyal po rtag pa mchog yin no/ /zhes bya ba gsungs te sgra ji bzhin pa'o/ /gnas skabs thams cad kyi bya ba'i rnam par dag pa bshad pa'i phyir/ thams cad za zhing kun la lta/ /kun la phyag byed kun du 'gro//thams cad byed pa'ang mtshan ma kun/ /thams cad stong par 'grub par 'gyur/ /zhes bya ba gsungs te/ dag pa la sogs pa tshad mas ma grub pa'i phyir thams cad za ba'o/ /de bzhin du kun la lta ba ni gzugs rnam pa gsum rang bzhin gcig tu mthong ba'i phyir ro//kun la phyag byed ni sems can thams cad de bzhin gshegs pa dang 'dra bar mthong ba'i phyir ro/ /kun du 'gro ba ni sprul pa'i sku'i sgo nas sam/ /gzugs yongs su gyur nas lha'i bu la sogs pa la longs spyod pa'i phyir ro/ /thams cad byed pa ni 'jig rten dang 'gal ba'am mi 'gal ba'i spyod pas sems can gyi don byed pa'i phyir ro//mtshan ma kun ni mgo bo 'breg pa'am/ ral pa 'dzin pa la sogs pa'i mtshan gang yang rung ba 'dzin pa'i phyir ro/ /de lta bu'i rnal 'byor pa 'grub par 'gyur te/ sgra ji bzhin pa'o//don dam pa'i byang chub sems gzung ba'i phyir/ /slob ma'i bya ba bshad par bya ste/ /byang chub sems ni don dam zhes bya ba/ /skal bzang slob ma bzang pos man ngag thob/ /thal mo sbyar nas me tog 'dzin pa yis/ /slob ma las ni slar yang blang bar bya/ / zhes bya ba gsungs te/ sngar bshad pa'i rim pas man ngag bzhi po thob pa'i slob mas don dam pa'i byang chub sems gzung ba'i phyir/ me tog gis bkang ba'i thal mo sbyar nas bla ma la de nyid slar yang blang bya'o/ /slob ma ji lta bu zhe na/ /skal bzang ni rgya che dang / zab pa'i sems dang ldan pa'o/ /bzang po ni dad pa la sogs pa'i yon tan dang ldan pa ste/ sgra ji bzhin pa'o/ /de nyid bshad par bya ba'i phyir/ dngos po kun dang rnam bral zhing / /phung po khams dang skye mched dang / /gzung dang 'dzin pa rnam spangs pa/ /chos bdag med dang mnyam pa nyid//rang sems gzod nas ma skyes pa/ /stong pa nyid kyi ngo bo nyid/ /ces bya ba gsungs te/ /don dam pa'i byang chub kyi sems ston par byed pa'i tshigs su bcad pa 'di dag yin no/ /bla mas brjod du bcug pa'i slob mas byang chub kyi sems 'di lta bu bdag gis gzung bar bya'o zhes brjod pa yin no//de la dngos po kun ni bdag la sogs pa ste/ de dang rnam par bral ba ni bdag la sogs pa tshad mas ma grub pa'i phyir ro/ /ji skad du/ phung po bdag min de rnams der/ /de yang de la yod pa min/ /me dang bud shing ltar 'dres min//des na bdag ni ji ltar yod/ /bdag ces dngos po yod min te/ /byed pa po zhes ji ltar smras/ /chos can yod na chos rnams kyi/ /bsam pa 'jig rten rab tu 'jug /ces bya ba gsungs te/ de bzhin du rang gi sde pa rnams kyis 'dod pa'i phung po dang khams dang /skye mched rnams spangs pa ste/ de rnams khyab pa mi dmigs pas ma grub pa'i phyir ro/ /phung po la sogs pa bstan pa 'di yang drang ba'i don yin te/ nges pa'i don ni ma yin no/ /ji skad du/ gzugs sogs skye mched yod pa ni/ /de yis gdul ba'i skye bo la//rdzus te skyes pa'i sems can bzhin/ /dgos pa'i dbang gis bshad pa yin/ /zhes bya ba la sogs pa 'byung ngo / /gzung dang 'dzin pa rnam spangs pa/ /zhes bya ba ni dngos po thams cad phyi'i gzugs su yod pa ma yin te/ gcig dang du ma dang bral ba'i phyir ram//rten cing 'brel bar 'byung ba'i phyir ro/ /de bas na rnam shes kho na bag chags kyi dbang gis rnam pa de dang des phyi'i gzugs su snang ba ste/ /dper na rmi lam lta bu'o/ /de bas na gzung ba dang 'dzin pa'i rang bzhin rnam par shes pa kho na yin te/ rnam pa dang bcas pa'i rnam par shes pa smra ba rnams kyi grub mtha'o/ /rnam pa rnams snga ma bzhin du med pas gzung ba med pa'i phyir 'dzin pa med pa ste/ rnam pa med pa'i phyogs kyang rigs pa ma yin no/ /de gang gi phyir 'das pa dang ma 'ongs pa dag med pa dang / da ltar byung ba'i skad cig ma yang mi gnas pas de yang med pa'i phyir ro//rang gi grub mtha' bshad par bya ba'i phyir/ chos bdag med dang mnyam pa nyid/ /ces bya ba gsungs te/ chos thams cad bdag med pa ni gnyis ka bdag med pa ste/ de yis mnyam pa nyid gang yin pa rgyu de yis rang gi sems thog ma nas ma skyes pa ste/rten cing 'brel pa las 'byung ba'i phyir ro/ /'di nyid kyi phyir/ stong pa nyid kyi ngo bo nyid/ /ces bya ba la ni sgro btags pa la sogs pas stong pa'i sems ni ma yin pa lta bu'o zhes ston to/ /ji skad du/ bsgom pa bsgom bya bsgom pa'o//spangs te bden pa mthong ba nyid/ /'di dag rtog pa nyid tsam du/ /gang gis shes te grol bar 'gyur/ /zhes bya ba gsungs so/ /de ni rang bzhin gyis 'od gsal ba'i don te mthar thug gi don to/ /de nas bla ma'i zhabs la me tog gi snyim pa phul te/yon dbul bar bya ba'i phyir/ de nas rjes su mthun pa'i yon/ /bla ma la ni dbul bya ste/ /rin chen khyim dang glang po rta/ /yul dang mal stan rnams dang ni/ /bran dang bran mo chung ma sdug /bu mo shin tu yid 'ong dang / /gang gis bdag kyang dbul bya na/ / lhag ma rnams lta smos ci dgos/ /zhes bya ba gsungs te/ tshigs su bcad pa gnyis kyis sbyin pa dang / sbyin pa chen po dang / shin tu sbyin pa'i bdag nyid kyi yon bla ma la dbul bar bya ste/ sgra ji bzhin pa'o/ /nye bar bsdu ba bshad par bya ba'i phyir/ slob dpon la ni drin thob dri med brtan pa'i blo ldan dngos kun bdag /gsal dag shin tu phra ba mchog zhi'i rang bzhin sangs rgyas mya ngan 'das pa'i khams/ /gnyis med rtog bral rtag tu bde ba'i rang bzhin de nyid rnal 'byor pas bsgom bya/ /bsod nams bsod nams min grol rang nyid 'dir ni bcom ldan rdo rje sems dpar 'gyur//zhes bya ba gsungs te/ slob dpon las drin thob pa ni bla ma las man ngag thob pa'i rnal 'byor pa gang yin pa de ni bcom ldan 'das rdo rje sems dpa' nyid du 'gyur ro zhes tshig gi 'brel pa'o/ /de ji lta bu zhe na/dri med brtan pa'i blo ldan zhes pa ni shin tu gsal ba dang chos 'dzin pa'i blo dang ldan pa'o/ /de bzhin du dngos po thams cad kyi rang bzhin shes pa'i phyir/ /dngos kun bdag ni rnal 'byor pa de nyid yin te/ 'od gsal ba rtogs pas khams gsum pa'i de kho na nyid shes pa'i phyir ro//gal te rnal 'byor pa 'di lta bu'i de kho na nyid bsgoms na/ de'i tshe dngos po kun gyi rang bzhin shes pa yin te/ gzhan du ma yin no/ /de kho na nyid ji lta bu yin zhe na/ gsal ba ni me long lta bu'i ye shes kyi rang bzhin dang /dag pa ni mnyam pa nyid kyi rang bzhin dang / shin tu phra ba ni so sor rtog pa'i bdag nyid dang / mchog zhi'i rang bzhin ni bya ba nan tan grub pa'i rang bzhin dang / sangs rgyas mya ngan las 'das pa'i khams ni shin tu rnam par dag pa'i chos kyi dbyings kyi rang bzhin yin pa'i phyir ro//de bzhin du gnyis med ni snang ba gnyis med pa'i phyir dang / rtog bral ni nye bar thob pa med pa'i phyir/ rtag tu bde ba'i rang bzhin 'od gsal ba'i ngo bo yin pa'i phyir ro/ /de rnal 'byor pa ji lta bus bsgom par bya zhe na/bsod nams bsod nams min grol zhes pa ni rnam par byang ba dang / kun nas nyon mongs pa'i rnam par rtog pa dang bral ba'o/ /de gang gi phyir kun nas nyon mongs pa bzhin du rnam par byang ba yang 'khor ba kho na yin te/ bcings pa'i bdag nyid yin pa'i phyir ro//ji skad du/ don dam rnam par rtog la yang / /mkhas pas zhen par mi bya'o/ /zhes bya ba dang / lta ba thams cad byas pa rnams/ /stong nyid mtha' ru ston pa yin/ /zhes bya ba gsungs te/ dper na shing bsregs na thal bar 'gyur ba dang /ras bal bsregs na thal bar 'gyur ba ste/ de bzhin du 'od gsal ba'i mes/ /dman pa dang 'bring dang rab dang / kun nas nyon mongs pa dang / rnam par byang ba dang / lung du ma bstan pa'i rang bzhin rnams bsregs na/de'i rang bzhin du 'gyur te/ de rnams dbye ba gang yang med pa'o/ /ji skad du/ mya ngan 'das me 'jig pa che/ /thal ba yang ni lus pa min/ /zhes bya ba gsang ba grub pa las kyang gsungs so/ /rnal 'byor pa de ji lta bu zhe na/ bcom ldan zhes bya ba ni ting nge 'dzin gyi rim pas rang bzhin thams cad 'joms pa'i phyir ram/chos 'byung gi phyag rgya'i sbyor bas phyag rgya'i rim pa la brten pa'i phyir/ bcom ldan te/ chos 'byung mngon par byang chub pa yang phyi'i mngon par byang chub pa yin no zhes sngar rnam par dpyad pa'o//rdo rje sems dpa' ni/ brtan dang snying po khong stong med/ /mi gcod mi phyed mtshan nyid can/ /sreg byed 'jig pa med pa gang / /stong nyid de ni rdo rjer bshad/ /ces bya ba dpal rdo rje rtse mo las gsungs te/ rdo rje de lta bu la sems ni bsam pa gang la yod pa de ni rdo rje sems dpa' ste/stong pa nyid kyi de kho na nyid thob pas 'od gsal bar bzhugs par 'gyur ro zhes ngag gi don te/ de ni sbas pa snying po can gyi mthar thug go /rim pa lnga pa'i 'grel pa/ rim pa'i don gsal bar byed pa zhes bya ba las/ mngon par byang chub pa'i rim pa ste bzhi pa'o// //da ni zung 'jug gi rim pa rtsom pa la rdo rje 'chang chen po'i phyag 'tshal ba bshad par bya ba'i phyir/ mgon po rgyu dang 'bras bdag nyid/ /gnyis pa thams cad rnam spangs la/ /phyag 'tshal nas ni zung 'jug pa'i//rim pa tha ma bri bar bya/ /zhes bya ba gsungs te/ thar pa 'dod pa rnams kyis btsal bar bya ba'i phyir/ /mgon po ni drug pa ste/ de la phyag 'tshal nas zung 'jug gi rim pa bri bar bya'o zhes bya ba tshig gi 'brel pa'o/ /ji ltar bri bar bya zhe na/ dbu ma'i lam yongs su ma spangs pa'o//rim pa ji lta bu zhe na/ tha ma zhes bya ba ni 'di las rim pa gzhan med pa'o zhes bstan pa ste/ mi slob pa nyid kyi phyir ro/ /ji skad du/ zung 'jug ting 'dzin la gnas pas/ /slar yang gang la yang mi slob pa'o/ /zhes bya ba gsungs so//mgon po ji lta bu zhe na/ rgyu dang 'bras bdag nyid ces bya ba la rgyu ni rdo rje bzlas pa la sogs pa rim pa bzhi dang / 'bras bu ni rim pa lnga pa ste/ de dag gi bdag nyid ni rang bzhin gang la yod pa de ni de bzhin no/ /de la rdo rje bzlas pa la sogs pa rim pa bzhi po la yang ma ning gi bzlas pa dang /sems kyi 'od gsal ba dang / sgyu ma'i sku dang / rang bzhin gyi 'od gsal ba rnams de dang tha mi dad pa yin no zhes pa'i tha tshig go/ /de gang gi phyir bden pa gnyis dang / tha mi dad pa'i 'bras bus ma khyab pa cung zad kyang med de de ni de bzhin du gnas pas kun nas nyon mongs pa dang /rnam par byang ba dag khyab pa'i phyir ro/ /de bas na/ gnyis pa thams cad rnam spangs la/ /zhes bya ba gsungs te/ dngos po dang dngos po ma yin pa la sogs pa 'og nas bshad par 'gyur ba'i phan tshun 'gal ba'i chos dang bral ba ste/sgra ji bzhin pa'i snying po can gyi mthar thug go/ /de nyid rnam pa mang pos bshad par bya ba'i phyir/ 'khor ba dang ni mya ngan 'das/ /rtog pa gnyis po spangs pas na/ /gang du dngos po gcig gyur pa//zung du 'jug ces de la bshad/ /ces bya ba gsungs te/ rgyu dang 'bras bu'i dbye bas zung 'jug ni rnam pa gnyis so/ /de la rgyu yang nyan thos la sogs pa'i dbye bas rnam pa mang por sngar bshad do/ /gzhan gyi sde pa'i dgongs pas rgyu dang 'bras bu'i bye brag ni grangs can rnams kyi rang bzhin gyi de kho na nyid rgyu dang /de kho na nyid nyi shu rtsa gsum ni 'bras bu'o/ /de la skyes bu'i de kho na nyid tha mi dad par snang ba 'khor ba dang tha dad par snang ba thar pa'o/ /de bzhin du tshangs par smra ba rnams ni bya ba'i phyogs 'khor ba dang /'di dag thams cad tshangs pa yin no zhes nges pa gang yin pa de ni thar par 'dod do/ /de bzhin du zhi ba la sogs pa mu stegs pa rnams kyi yang 'khor ba dang mya ngan las 'das pa rtogs par bya ste/ 'khor ba dang mya ngan las 'das pa gnyis ka'i rtog pa gang du med pa de ni zung 'jug ces bshad do//de gang gi phyir kun rdzob dang don dam pa'i rang bzhin gnyis su med pa ste/ bu ram gyi mngar ba dang / me'i tsha ba'i reg pa lta bu'o/ /'di yang chos nyid kyi rigs pa yin te/ gang zhig 'khor ba dang mya ngan las 'das pa tha mi dad pa'o//de ni spyi'i don snying po can gyi mthar thug go/ /nyan thos pa'i phyogs bshad par bya ba'i phyir/ kun nyon mongs dang rnam par byang / /don dam nyid du shes nas ni/ /gang gi gcig tu gyur zhes pa/ /de yis zung du 'jug pa shes/ /zhes bya ba gsungs te/nyon mongs pa ni 'dod chags la sogs pa dang rnam par byang ba zag pa med pa'i lam la sogs pa ste/ de rnams don dam pa nyid du gang gis gcig tu shes pa de yis zung 'jug gi rim pa shes pa yin no zhes dgongs pa'o/ /de gang gi phyir nyon mongs pa rnams rnam par spyad na/dbang po la sogs pa mi dmigs so/ /rnam par byang ba yang nyon mongs pa'i phyogs la ltos te/ de bas na de dag phan tshun thung ba dang ring ba bzhin du 'grub pa ste/ spyi'i don snying po can gyi mthar thug go/ /rnal 'byor spyod pa'i phyogs bshad par bya ba'i phyir/dngos por rnam bcas kun rtog dang / /dngos po med par rtog pa dag /rnal 'byor pas ni gcig bya spyod/ /de ni zung 'jug shes pa'o/ /zhes bya ba gsungs te/ gang dang gang snang ba de dang de ni rnam par shes pa'i rnam pa ste/ snang ba las mi ldog pa'i phyir ro//snang ba ni rnam par shes pa'i lus yin te/ de bas na 'di dag de'i rnam pa yin no/ /phyi dang nang gi gzugs su gzung ba dang / 'dzin pa so sor snang ba ni rmi lam bzhin du 'khrul pa yin te/ rnam pa dang bcas pa'i rnam par shes pa smra ba rnams kyi grub pa'i mtha'o//rnam pa rnams brdzun yin pas de rnams so sor snang ba yang rgyu med pas/ dag pa'i shel dang 'dra ba'i rnam pa med pa'i rnam rig ni rnam par shes pa smra ba rnams kyi grub pa'i mtha'o/ /de dag gcig tu byas la rnal 'byor pa gang gi spyod pa de yis zung 'jug shes pa yin te/gnyis ka yang ngo bo nyid du tha mi dad pa'i phyir ro/ /gang gi phyir ngo bo nyid ldog par byed par mi nus te/ /de yongs su ma shes pas thog ma med pa'i lta ba'i spyod pa 'di dag 'byung ba yin no/ /dngos po rnams kyi rang bzhin ni gnyis su med pa kho na ste/snga ma bzhin du mthar thug go/ /nyan thos pa dang / mdo sde dbu ma pa dag gi phyogs bshad par bya ba'i phyir/ gzung ba dang ni 'dzin pa zhes/ /rnam gnyis blo ni yod min gyi/ /gang du mi phyed blo yod pa/ /de ni zung 'jug ces byar bshad/ /ces bya ba gsungs te/nye bar len pa dang lhan cig byed pa'i rgyu'i tshogs las byung ba'i bems po ma yin pa'i phyi'i dngos po rnams tshad mas grub pas gzung ba'i gzugs su yod pa yin no/ /de bzhin du nang gi mig la sogs pa yang snga ma bzhin du 'dzin pa'i gzugs su 'grub pas yod pa yin no zhes bye brag tu smra ba rnams kyi grub pa'i mtha'o//mdo sde dbu ma pa rnams kyi rgyu dang rkyen las byung ba'i skye mched bcu gnyis gzung ba dang 'dzin pa'i gzugs su so sor yod pa ste/ 'on kyang rang bzhin med pa yin no zhes 'dod do/ /grub pa'i mtha' gnyis po de dag rnam pa gnyis kyi blo yis gang gis mi zin pa tha mi dad pa'i blo 'jug na zung 'jug ces pa yin te/snga ma bzhin du mthar thug go/ /rnal 'byor pa'i dbu ma pa'i phyogs bshad par bya ba'i phyir/ rtag dang chad pa'i blo dag ni/ /gang gis spangs na rab gnas pa'i//zung du 'jug pa'i rim 'di yis/ /de nyid shes te mkhas pa yin/ /zhes bya ba gsungs te/ shes pa kho na don gyi rnam par snang ba ste/ 'dir phyi rol gyi don tshad mas ma grub pa'i phyir yod pa ma yin no/ /'on kyang shes pa'i rnam pa de yang rang bzhin med pa ste/rnal 'byor spyod pa'i dbu ma pa rnams kyis/ de phyi'i don bkag pas de rnams la chad pa'i phyogs dang / rang bzhin med pa'i shes pa'i rnam pa 'dod pas rtag pa'i phyogs 'byung bar 'gyur ro/ /de bas na rtag pa dang chad pa'i blo gnyis spangs nas de dang tha mi dad pa'i de kho na nyid gang gis shes te/mkhas pa ni mi slob pa'i lam shes pa yin no zhes bstan to/ /shes pa dang rnam pa dag yongs su shes pa kho na thar pa yin no/ /rang gi grub mtha' bshad par bya ba'i phyir/ shes rab snying rje gcig par ni//shes nas gang du 'jug 'gyur ba/ /zung 'jug ces byar bshad pa ste/ /rim 'di sangs rgyas spyod yul lo/ /zhes bya ba gsungs te/ /nyan thos pa kha cig lhag par mos pas spyod pa'i sa la/ sems can la dmigs pa'i snying rje bzung nas byang chub 'dod pa ste/de rnams la shes rab med pas chad pa'i phyogs 'byung ba yin no/ /gang du de dag dbyer med par shes nas 'gro ba'i don du 'jug pa gang yin pa de ni sangs rgyas kyi spyod yul ni kun tu 'od kyi sa'i spyod yul gang zung 'jug gi rim par bshad pa ste/snga ma bzhin du mthar thug go/ /rdzogs pa'i rim pa'i rnal 'byor pa'i phyogs bshad par bya ba'i phyir/ thabs dang shes rab snyoms 'jug par/ /thams cad bsdus las shes gyur pa/ /rnal 'byor chen po gang du gnas/ /de ni zung du 'jug par 'gyur//zhes bya ba gsungs te/ sems la dmigs pa'i phyag rgya'i rim pa dang / rim pa bzhi la thabs dang shes rab snyoms par 'jug pa ste/ de yis thams cad ces pa ni sems kyi 'od gsal ba dang / rang bzhin gyis 'od gsal ba shes pa yin no//rim pa gsum pa la yang sgyu ma lta bu'i thabs kun rdzob la shes pa yin te/ /de yod kyang phyogs gnyis la ltung ba yin no/ /don dam pa'i sgo nas de dag bsdus nas tha mi dad par yongs su shes pa gang yin pa de ni zung 'jug ces bya ba bshad pa yin te mthar thug kho na'o//nyan thos pa'i phyogs slar yang bshad par bya ba'i phyir/ gang du lhag mar bcas pa dang / /de bzhin lhag ma med pa zhes/ /'di lta'i rtog pa med gyur pa/ /de ni zung du 'jug pa'o/ /zhes bya ba gsungs te/ gang du lhag mar bcas pa dang lhag ma med pa zhes bya ba'i mya ngan las 'das pa gnyis kyi rtog pa med pa de ni zung 'jug rim par shes par bya'o//de lam gyi sgom pas nyon mongs pa rnams spangs kyang ji srid phung po rnams yod pa de srid grol ba ma yin no zhes lhag ma dang bcas pa'i mya ngan las 'das pa'o//mar khu zad pas mar me zad pa bzhin du phung po rnams 'jig pas lhag ma med pa'i mya ngan las 'das par bshad pa ste/ 'di dag tha mi dad pa ni zung 'jug go/ /de bas na 'khor ba dang mya ngan las 'das pa dag la dbye ba gang yang med pa ste/ yongs su shes pa dang yongs su ma shes pas byas pa'i dbye ba yod pa kho na'o/ /ji skad du/ 'khor ba dang ni mya ngan 'das/ /'di dag gnyis po yod min te/ /'khor ba yongs su shes pa na/ /mya ngan 'das zhes bshad pa yin/ /zhes bya ba gsungs te/ spyi'i don sngon du 'gro ba'i mthar thug go/ /nyan thos pa dang dbu ma phyogs bshad par bya ba'i phyir/ /gang du gang zag bdag med dang / /chos la bdag med pa bdag nyid/ /rtog pa gnyis las rnam grol ba/ /zung du 'jug pa'i mtshan nyid do/ /zhes bya ba gsungs te/'di ni pha rol pa rnams kyis yongs su brtags pa'i gang zag rtag pa la sogs pa'i rtog pa mi rig pa'i phyir/ 'phags pa nyan thos pa rnams kyis bkag pa yin te/ de bkag nas gang zag bdag med pa'i lta ba la de rnams brten pa ste/chos rnams rdzas su 'dod pas chos bdag med pa'i lta ba la de rnams brten pa ma yin no/ /dbu ma pa de dag rnams kyis 'dod pa'i chos gcig dang du ma dang bral ba'i phyir/ yod pa ma yin no zhes 'dod pa ste/ gnyis ka med pa de rnams kyi grub pa'i mtha'o/ /de ltar gnyis ka bdag med pa gang gis so sor mi rtog pa de yis zung 'jug gi mtshan nyid shes pa yin no zhes snga ma dang sbyar te/snga ma bzhin du mthar thug go/ /slar yang rdzogs pa'i rim pas phyogs bshad par bya ba'i phyir/ de nyid shes pa'i rim shes nas/ /bdag byin brlab pa'i 'od gsal ba//de nyid la ni 'dus gang pa/ /zung du 'jug pa'i rim 'di yin/ /zhes bya ba gsungs te/ rgyu dang 'bras bu'i rang bzhin gyi sgyu ma dang / 'od gsal ba dag 'dus pa ni/ /kun rdzob dang don dam pa tha mi dad pa'i de kho na nyid zung 'jug ces bya bar bshad pa yin/sbas pa'i don snying po can gyi mthar thug go/ /ting nge 'dzin gyi phyogs bshad par bya ba'i phyir/ ril por 'dzin dang rjes gzhig dag /de bzhin nyid gnas 'jug pa dang / /de nas gang du ldang gyur pa/ /mnyam gyur zung du 'jug pa'o/ /zhes bya ba gsungs te/ril por 'dzin pa dang rjes su gzhig pa sngar bshad pa ste/ de dag gi gang zhig de bzhin nyid gnas la 'jug pa ni thams cad stong pa'i go 'phang la 'jug pa dang / de las dus gcig tu gang zhig ldang ba gnyis po de dag gang du mnyam par 'gyur ba de ni zung 'jug ces bshad do//de gang gi phyir rdo rje sku la mnyam par gzhag pa dang / mnyam par ma bzhag pa'i gnas skabs yod pa ma yin te/ de ni nam mkha' lta bu yin pa'i phyir ro/ /de bas na/ de bzhin nyid la dmigs pa dang / /de las ldang ba ni 'bras bu thob pa'i rnal 'byor pa la 'dra ba yin no//ji skad du/ sangs rgyas bcom ldan 'das rnams ni/ /rtag tu mnyam par gzhag pa yin/ /zhes bya ba 'byung ngo / /de nyid kyi phyir/ spyod lam la sogs pa bzhugs pa bzhi po la/ bcom ldan 'das rnams rtag tu mnyam par bzhag pa yin no zhes gzhan du yang bstan pa ste mthar thug go/slar yang dbu ma'i phyogs bshad par bya ba'i phyir/ kun rdzob dang ni don dam dag /so so'i char ni shes gyur pa/ /gang du yang dag 'dres gyur pa/ /zung du 'jug par de bshad do/ /zhes gsungs te/sgra dang rnam par rtog pa'i bdag nyid ni/ kun rdzob dang de las gzhan don dam pa'o/ /de la dbu ma pa kha cig don dam pa las kun rdzob tha dad par 'dod pa dang de las kyang de tha dad par 'dod pa ste/ phan tshun 'gal ba'i phyir ro/ /'gog par smra ba'i dbu ma pa kha cig ni don dam pa gcig pu 'dod pa ste/kun rdzob ni sgyu ma'i skyes bu ltar rdzun du yod pa'i phyir ro/ /kha cig kun rdzob gcig pu kho na sgyu ma lta bur 'dod pas don dam pa mi 'dod de/ de ni don gyi bya ba byed pa med pa'i phyir ro/ /gang zhig don gyi bya ba byed pa de nyid kun rdzob kyi bden pa ste/'on kyang sgyu ma lta bu nyid kyang dpyad na dmigs pa med par 'gyur ro/ /'dis ni de dag thams cad phyogs gnyis la ltung bas 'khrul pa yin no zhes bstan to/ /gang zhig kun rdzob dang don dam pa de dag 'dres par gyur par shes pa de rnams kyis zung 'jug rtogs par 'gyur ro//ji skad du/ gzugs kho na stong pa nyid do/ /stong pa nyid kho na gzugs so/ /gzugs las stong pa nyid tha mi dad pa'o/ /stong pa nyid las kyang gzugs tha mi dad pa'o zhes bya ba la sogs pa rgyal ba'i yum las gsungs so/ / bskyed pa'i phyogs bshad par bya ba'i phyir/ de bzhin nyid la dmigs nyid min/ /gang du ldang bar gyur pa min/ /zung du 'jug pa de yin te/ /mi zad rnal 'byor pa yis gnas/ /zhes bya ba gsungs te/ bskyed pa'i rim pa'i rnal 'byor pas/ /dang po dngos po med cing bsgom pa med//ces bya ba la sogs pa'i tshigs su bcad pa'i rgyu ba dang mi rgyu ba'i dngos po thams cad stong pa nyid du bsgoms nas de bzhin nyid la zhugs pa yin no/ /de'i rjes la rlung gi dkyil 'khor la sogs pa'i rim pa de las ldang ba yin no//zung 'jug gi rim pa ni gnyis po 'di dag yod pa ma yin te/ cig car rtsang po'i chu las 'phar ba'i nya lta bu longs spyod rdzogs pa'i sku thob pa'i phyir ro/ /de bas na/ mi zad rnal 'byor pa yi gnas/ /zhes bya ba gsungs te/ gcig zhig nas gzhan 'byung ba yin no zhes bya ba'i yid la byed pa 'di med mod sku gsum gyi bdag nyid kyi mi zad pa'i gnas yin no zhes ston to//de ni spyi'i don sngon du 'gro ba'i mthar thug go/ /sems la dmigs pa'i rim pa'i phyogs bshad par bya ba'i phyir/ gnyid log dang ni sad pa ste//gnas skabs de gnyis spangs pa ni/ /gnyid log sad dang rnam bral ba/ /zung 'jug yin par ston pas gsungs/ /zhes bya ba gsungs te/ ston pa ni dpal rdo rje 'chang chen pos zung 'jug gi rim pa 'di lta bu gsungs so zhes tshig gi 'brel pa'o//ji lta bu zhe na/ gnyid log sad dang rnam bral ba/ /zhes bya ba la/ gnyid log pa dang sad pa ni rang bzhin rnams thim pa dang 'od gsal ba 'char ba ste/ de dag dang rnam par bral ba'o/ /de gang gi phyir gnyid log ces bya ba 'dis rang bzhin rnams med par 'gyur ba dang /sad pa zhes bya ba 'dis sems kyi 'od gsal ba 'tsher bar bshad pa ste/ rtog pa de gnyis spangs pa'i phyir/ /zung 'jug yin te sbas pa'i don/ /snying po can gyi mthar thug pa'o/ /bskyed pa'i rim pa'i phyogs bshad pa bya ba'i phyir/mnyam par gzhag dang ma bzhag pa/ /gang la 'di dag thams cad med/ /dngos dang dngos min rnam spangs pa/ /rnal 'byor pa ni zung 'jug gnas/ /zhes bya ba gsungs te/ /rnal 'byor pa de zung 'jug gi rim pa la gnas pa yin no zhes tshig gi 'brel pa'o//zung 'jug de gang yin zhe na/ rim pa gang la mnyam par gzhag pa dang / mnyam par ma bzhag pa med pa'o/ /de la mnyam par gzhag pa ni dang po sbyor ba la sogs pa nas/ rigs brgya'i dbye ba'i bar du ji srid ting nge 'dzin sum cu rtsa brgyad sgom pa'o//de bzhin du mnyam par ma bzhag pa ni lha'i nga rgyal gyi bar mtshams rnams la gnas pa ste/ gnyis po 'di dag zung 'jug gi rim pa la yod pa ma yin te/ ting nge 'dzin dang / rnam par g.yeng ba dag rang bzhin gcig yin pa'i phyir ro/ /rnal 'byor pa de lta bu zung 'jug gi rim pa la gnas par shes par bya'o//yang ji lta bu zhe na/ dngos dang dngos min rnam spangs pa/ /zhes bya ba ni dngos po rang bzhin gyi sde pa dang / gzhan gyi sde pa rnams kyi tshe phyi ma yod pa nyid smra ba dang / dngos po ma yin pa ni 'jig rten rgyang pan pa rnams kyis tshe phyi ma nyid med par smra ba ste/de dag rnam par spangs pa ste/ de dang bral ba ste/ snga ma bzhin du mthar thug go/ /slar yang bskyed pa'i rim pa'i phyogs bshad par bya ba'i phyir/ dran dang mi dran las grol zhing / /rtag tu 'byung ba'i mtshan nyid can/ / rnal 'byor pa ni 'dod bzhin spyod/ /zung 'jug rim pa la gnas pa'o/ /zhes bya ba gsungs te/ bskyed pa'i rim pa la ting nge 'dzin gnyis te/ dran pa dang dran pa ma yin pa'o/ /de la dran pa'i ting nge 'dzin ni gzhi'i dkyil 'khor la sogs pa sgom pa dang / dran pa ma yin pa'i ting nge 'dzin ni stong pa nyid sgom pa'o//grol ba ni de gnyis ka las grol ba ste/ rim pas sgrub pa de dag dang rim pa 'di la 'brel pa med pa ste 'gal ba'i phyir ro/ /de nyid kyi phyir/ rtag tu 'byung ba'i mtshan nyid can/ /rang bzhin gyis rtag pa dang / / 'dod bzhin spyod pa ni spyod pa ci dga' ba la gnas pa'i rnal 'byor pa gang yin pa de ni zung 'jug la gnas par 'gyur ro/ /phyag rgya'i phyogs bshad par bya ba'i phyir/ chags dang chags med las grol zhing / /mchog tu dga' ba'i lus dang ldan/ /'khor ba srid du gnas byed pa//zung 'jug rnam par bsgom pa'o/ /zhes bya ba gsungs te/ zung 'jug gi rim pa sgom par byed pa'i rnal 'byor pas 'gro ba'i don du 'khor ba ji srid kyi bar du gnas par bya ste/ mi gnas pa'i mya ngan las 'das pa la gnas pa'i phyir ro/ / de ji lta bu zhe na/ chags dang chags med las grol zhing / /zhes bya ba la/ snang ba dang / snang ba mched pa dang / de dag gi rang bzhin rnams las rnam par grol ba'o/ /yang ji lta bu zhe na/ mchog tu dga' ba'i lus dang ldan/ /zhes bya ba la/ mchog tu dga' ba ni 'od gsal ba ste/de la 'byung ba'i lus ni sgyu ma'i sku gang la yod pa de ni de bzhin te/ sbas pa sngon du 'gro ba'i mthar thug gi don to/ /smra ba po kun gyis 'dod pa'i phyogs bshad par bya ba'i phyir/ rgyu dang de bzhin 'bras bu dag /mi phyed pa yi ngo bo nyid/ /gnas gang rnal 'byor pas shes pa//zung du 'jug pa de bshad do/ /zhes bya ba gsungs te/ kun 'byung gi bden pa rgyu dang sdug bsngal gyi bden pa 'bras bu'o/ /de bzhin du lam rgyu dang / /'gog pa 'bras bu ste/ bye brag pa rnams 'dod do/ /rnam rig rgyu dang rnam pa rnams 'bras bu'o/ /de bzhin du/ rkyen bzhi po rgyu dang /rten cing 'brel ba las 'byung ba'i bar 'bras bu ste/ 'di dag rnal 'byor spyod pa dang dbu ma pa dag gis phyogs so/ /bya ba'i rgyud la gnas pa rnams ni sa bon gyi yi ge rgyu dang lha'i sku 'bras bur 'dod do/ /spyod pa'i rgyud la gnas pa rnams ni lus la sogs pa rgyu dang /rdo rje 'chang gi go 'phang thob pa ni 'bras bur 'dod do/ /rnal 'byor gyi rgyud la gnas pa rnams ni de kho na nyid bcu rgyu dang rdo rje dbyings kyi dkyil 'khor chen po la sogs pa mngon du byed pa 'bras bur 'dod do/ /rnal 'byor chen po'i rgyud la gnas pa rnams ni rim pa gnyis rgyu dang drug pa'i go 'phang thob pa ni 'bras bur 'dod do//'jig rten pa rnams ni sa bon dang / myu gu la sogs pa'i dbye bas rgyu dang 'bras bu'i tha snyad 'dod pa ste/ rab tu grags pa kho na'o/ /'di dag thams cad tha mi dad par shes nas gang zhig rnal 'byor pa rnams mi gnas pa'i mya ngan las 'das pa la gnas pa de ni zung 'jug gi rim par bshad pa yin no zhes tshig 'brel pa'o//de gang gi phyir rgyu dang 'bras bu dag ni chos nyid kyis khyab pas tha mi dad pa ste/ tha dad par rtogs pa ni rnam par rtog pa kho na yin no/ /ji skad du/ rgyu nyid med dang 'bras bu med//rang bzhin nyid du las dag med/ /'di dag thams cad yod min te/ /'jig rten pa dang 'jig rten med/ /ces bya ba gsungs te/ de bas na rgyu dang 'bras bu dag gzhan du mi 'jug pa ste/ stong pa nyid kyi rang bzhin kho na yin te/ spyi don sngon du 'gro ba'i mthar thug go//rim pa gnyis kyi phyogs bshad par bya ba'i phyir/ bskyed pa'i rim pa 'di gcig yin/ /gzhan yang rdzogs pa'i rim pa dag /gnyis po gang du gcig gyur pa/ /de ni zung du 'jug par bshad/ /ces bya ba gsungs te/ zung 'jug gi rim pa bcom ldan 'das kyis 'di ltar bshad pa yin no/gang du bskyed pa'i rim pa dang / /rdzogs pa'i rim pa dag tu gyur pa'o/ /de la dang po sbyor ba la sogs pa nas rigs brgya'i bar du bskyed pa'i rim pa dang / srid pa skye ba'i rim pa ni bskyed pa'i rim pa'o/ /rdo rje bzlas pa la sogs pa rnams thabs dang 'bras bu dang /dbye ba dang bcas pa dang lam gnyis kyi nye bar bsdu ba gang yin pa de ni rdzogs pa'i rim pa'o/ /rim pa de dag gnyis po ji ltar gcig tu 'gyur zhe na/ smras pa kun rdzob dang / don dam pa'i rang bzhin de dag tha mi dad pa'i phyir ro//tha mi dad pa de yang rang bzhin gyis grub pa ste/ spyi dang sbas pa sngon du 'gro ba'i mthar thug go/ /rim pa gnyis pa la yang rnam pa gnyis kyi lha'i sku bshad par bya ba'i phyir/ yongs su dag pa'i lha dang ni/ /'dir ni ma dag par 'gyur zhes/ /gang zhig mi phyed par rtog pa//gang yin de ni zung 'jug pa'o/ /zhes bya ba gsungs te/ 'dir na lha'i sku rnam pa gnyis te/ yongs su dag pa dang / yongs su ma dag pa'o/ /de la yongs su dag pa ni rdzogs pa'i rim pa las 'byung ba ste/ rim pa gsum pa dang lnga pa dag gis gang zhig bsgrub par bya'o//yongs su ma dag pa ni sgo nga dang / drod gsher dang / mngal las skyes pa dang / rdzus te skyes pa las 'byung ba'i rim pa ste/ de yang mdor byas kyi sgrub thabs las rab tu bstan to/ /rtog pa 'di gnyis po gang zhig tha mi dad par shes pa de ni zung 'jug gi rim pa yin te/spyi dang sbas pa sngon du 'gro ba'i mthar thug go/ /phyogs gzhan yang bshad par bya ba'i phyir/ gzugs can dang ni gzugs med ces/ /rtog pa gnyis po spangs pas na/ /gang zhig zhi rtogs rnal 'byor pa//de ni zung 'jug thob pa'o/ /zhes bya ba gsungs te/ gzugs med ni nam mkha' dang rnam par shes pa'o/ /gzugs can ni phyi dang nang gi bdag nyid kyi dmigs pa la sogs pa ste/ rtog pa gnyis po de dag zung 'jug gi rim pa la ma yin te/ kun rdzob dang don dam pa tha mi dad pa'i phyir/zhi ba ni rtog pa gnyis dang bral ba'i phyir/ rang bzhin du dag pa rnal 'byor pa gang gis rtogs par 'gyur ba de yis zung 'jug gi rim pa shes pa yin no zhes bshad do/ /de bzhin du gzugs can ni sngags dang / ye shes dang rdo rje'i sku rnams so//gzugs med ni 'od gsal ba ste/ rtog pa 'di gnyis po gang gis tha mi dad par shes pa de yis zung 'jug gi rim pa thob par 'gyur te/ spyi'i don dang / sbas pa snying po can gyi mthar thug go/ /de kho na nyid thob pa'i phan yon bstan par bya ba'i phyir/de ltar gang nas rnal 'byor pa/ /zung 'jug rim la gnas pa ste/ /de ni kun mkhyen de nyid mthong / /sna tshogs 'dzin zhes brjod pa yin/ /zhes bya ba gsungs te/ rigs mthun pa dang rigs mi mthun pa'i rnam par rtog pa thams cad gnyis su med par byed pa'i mtshan nyid kyis zung 'jug gi rim pa la gnas pa'i rnal 'byor pa gang yin pa de ni kun mkhyen dang de nyid mthong ba zhes pa ni de kho na nyid mthong ba'i phyir thams cad mkhyen pa zhes brjod do//yang ji lta bu zhe na/ sna tshogs 'dzin pa ni sna tshogs pa'i gdul bya rnams sna tshogs pa'i thabs rnams kyis 'dul ba'i phyir/sna tshogs pa 'dzin pa ste sgra ji bzhin pa'o/ /mi slob pa nyid bshad par bya ba'i phyir/ sgyu 'phrul dra bas mngon sangs rgyas/ /'khor ba'i rgya mtsho'i pha rol son/ /bya ba byas pa'i rnal 'byor che//bden pa gnyis kyi tshul la gnas/ /zhes bya ba gsungs te/ bden pa gnyis kyi tshul la gnas pa ni zung 'jug gi lam la gnas pa'i rnal 'byor pa gang yin pa de bya ba byas pa ni rang dang gzhan gyi don mdzad par byed pa yin no zhes ngag gi lhag ma ste/bya ba gzhan med pa'i phyir ro/ /de dag med pa yang mi slob pa'i phyir ro/ /rgyu gang gis byas pa yin zhe na/ /sgyu 'phrul dra ba ni sna tshogs pa'i rang bzhin gyi tshogs kyis sprul pa'i 'khor ba kho na sgyu ma zhes mngon par sangs rgyas pa ni de'i rang bzhin shes pa'o de nyid kyi phyir/'khor ba na rang bzhin gyi tshogs las 'byung ba'i dge ba dang / mi dge ba'i las kyi dbang gis 'byung ba'i bde 'gro dang / ngan 'gro'i mtshan nyid de/ gnyis su med pa'i ye shes kyis de'i rang bzhin shes pas pha rol son pa ni 'khor ba dang mya ngan las 'das pa'i mi gnas pa'i mtshan nyid thob pa yin no//de nyid kyi phyir/ rnal 'byor che ni rim pa bzhi la ltos pas che ba yin te/ mthar thug gi don to/ /ming la zhen pa dang ldan pa rnams la rnam grangs bshad par bya ba'i phyir/ de ni gnyis med ye shes te/mi gnas mya ngan 'das pa yin/ /sangs rgyas rdo rje sems dpa' nyid/ /de bzhin kun gyi dbang phyug yin/ /rdo rje lta bu'i ting 'dzin yin/ /rdzogs pa'i rim gnas de nyid de/ /sgyu ma lta bu'i ting 'dzin dang / /gnyis su med par de bshad do//zhes bya ba tshigs su bcad pa gnyis gsungs te/ zung 'jug gi rim pa rnam grangs 'di rnams kyis bshad pa yin no/ /de la gnyis med ye shes ni kun rdzob dang don dam pa tha mi dad pas gnyis su med pa ste/ de nyid ye shes med pa'i phyir ye shes te gnyis su med pa'i ye shes so//'khor ba dang mya ngan las 'das pa dag la mi gnas pa'i phyir/ mi gnas pa'i mya ngan las 'das pa yin no/ /ji skad du/ shes rab kyis ni srid mi gnas/ /snying rjes mya ngan 'das mi gnas//thabs med pa yis yun ring dang / /thabs kyis kyang ni yun ring nyid/ /ces bya ba la sogs pa gsungs so/ /de la shes rab kyi pha rol tu phyin pas sgyu ma lta bu'i ting nge 'dzin la mi gnas pa dang / sbyin pa la sogs pa'i pha rol tu phyin pa rnams kyis rang bzhin gyis 'od gsal ba la yang mi gnas pa ste/mi gnas pa'i mya ngan las 'das pa'i mtshan nyid do/ /de bzhin du chos thams cad kyi rang bzhin yongs su shes pas sangs rgyas 'di nyid yin no/ /de bzhin du rdo rje ni mi phyed pa'i ye shes te/ de la sems ni dgongs pa gang la yod pa de ni rdo rje sems dpa' ste/de kho na 'di nyid bshad pa yin no/ /de bzhin du gnyis su med pa'i phyir/ rdo rje ni mi phyed pa ste/ sems ni satwa ste/ dam pa yin pa'i phyir/ longs spyod rdzogs pa'i sku'i rang bzhin no/ /rdo rje yang yin la sems kyang de nyid yin te/rdo rje sems dpa' ni chos dang longs spyod rdzogs pa'i sku tha mi dad pa'i rang bzhin no zhes ston to/ /kun gyi dbang phyug ni sku'i dbang phyug la sogs pa'i sbyor ba'am/ rdul phra rab la sogs pa sbyor ba'am/ yon tan drug gi sbyor bas so/ /de bzhin du rdo rje lta bu'i ting nge 'dzin ni mi phyed pa'i phyir/rdo rje lta bu ste/ kun du 'od kyi sa'i skad cig ma dang po'o/ /de bzhin du ting nge 'dzin 'di kho na rdzogs pa'i rim pa ste/ mi slob pa'i phyir ro/ /rdo rje bzlas pa la sogs pa de'i ming ni nye bar btags pa de yang rgyu la/ 'bras bu'i nye bar btags pa ste/de'i rgyu yin pa'i phyir ro/ /sgyu ma lta bu'i ting nge 'dzin 'dis ni/ kun rdzob brdzun du snang ba dang / don dam pa snang ba med pa nyid du tha mi dad par snang ba'i phyir ro/ /sgyu ma lta bu'i ting nge 'dzin de yang rnam pa gnyis te/ bstan bcos las 'byung ba dang /yongs su smra ba las 'byung ba'o/ /de la bstan bcos las 'byung ba ni brdzun du so sor snang ba dang / yongs su smra ba las 'byung ba ni rim pa gsum pas brjod par bya'o/ /'dir ni bstan bcos las 'byung ba yang gzung bar bya'o/ /'di nyid sngar bshad pa'i rigs pas gnyis su med pa zhes bshad pa ste mthar thug go//gzhan yang 'di nyid kyi rnam grangs bshad par bya ba'i phyir/ sgra gang skye med la sogs pa/ /gnyis med ye shes ston pa rnams/ /thams cad 'di yi tshig yin te/ /der ni gzhan dag med par bshad//ces bya ba gsungs te/ mdo sde dang / rgyud dang / rtog pa'i rgyal po rnams kyi nang na skye med la sogs pa'i sgra ni skye ba med pa dang / yang dag pa'i mtha' dang / de bzhin nyid dang / stong pa nyid dang / mnyam pa nyid dang / lam dbu ma dang /shes rab kyi pha rol tu phyin pa la sogs pa'i sgra gang gsungs pa'o/ /rnam pa thams cad gnyis su med pa'i ye shes ston pa'i phyir/ 'di'i tshig ni zung 'jug gi rim pa kho na rjod par byed pa yin no/ /mdo sde la sogs pa der ni gzhan bstan pa ma yin te/de las 'das pa'i de kho na nyid gzhan ma gsungs pa'i phyir ro/ /rim pa 'di kho na brten nas snga ma'i sangs rgyas rnams kyis phyag rgya chen po'i dngos grub thob pa yin no zhes bshad par bya ba'i phyir/ gang+gA'i klung gi bye snyed kyi/ /sangs rgyas rnams kyis 'di nyid gang //thugs chud yod med phyogs spangs pa/ /phyag rgya chen po bdag nyid grub/ /ces bya ba gsungs te/ rdzogs pa'i rim pa 'di nyid la brten nas chu bo gang+gA dang mtshungs pa'i sangs rgyas rnams kyis phyag rgya chen po'i dngos grub thob pa yin no//de ji lta bu yin zhe na/ yod med phyogs spangs pa ni gzung ba dang / 'dzin pa dang / 'dzin pa la sogs pas yongs su brtags pa'i dngos po brtan pa dang / skad cig ma la sogs par 'dod pa gang yin pa de ni yod pa'i phyogs dang / 'ba' zhig pa chad par smra ba 'jig rten rgyang pan pa la sogs pa rnams ni med pa'i phyogs te de dag bral ba'o//'di ni smra ba po thams cad kyi phyogs bkag par 'gyur te/ spyi don snying po can gyi mthar thug go/ /slob bzhin pa'i rnal 'byor pas zung 'jug gi rim pa bsgom pa bzhin du spyod pa yang de bzhin du bsgom pa dang spyad par bya'o zhes bstan pa'i phyir/zung 'jug go 'phang la gnas pa'i/ /slob bzhin pa yi rnal 'byor che/ /zung du 'jug pa bsgoms gyur pas/ /spyod pa'ang de dang gnyis su med//ces bya ba gsungs te/ zung 'jug gi rim pa la gnas pa'i rnal 'byor pas ji ltar zung 'jug sgom par byed pa de bzhin du spyod pa yang gnyis su med pa ni 'bras bu thob pa bzhin du rnam par rtog pa gnyis dang bral ba spyod pa bsgom pa dang spyad par bya ba ste/sgra ji bzhin pa'o/ /rigs dang yon tan dang bya ba dang / rdzas kyi dbye bas de nyid bshad par bya ba'i phyir/ ji ltar bdag nyid de bzhin dgra/ /ji ltar chung ma de bzhin pha/ /ji ltar smad 'tshong de bzhin ma/ /ji ltar bram ze de bzhin gdol//zhes bya ba gsungs te/ rnal 'byor pa de la bdag dgra dag gi steng na yid la byed pa 'dra ba ste/ bdag dang gzhan gyi dbye ba mi dmigs pa'i phyir ro/ /de bzhin du bde ba'i gnas dang 'dul bar byed pa'i chung ma dang / pha'i steng na sems gcig pa ste/de bzhin du 'gro bar bya ba dang / 'gro bar mi bya ba'i smad 'tshong ma dang ma la sems gcig pa ste/ rdzas kyi sgo nas dbye ba med pa'o/ /gdol pa can dang / bram ze dag tha mi dad pa ni rigs kyi dbye ba med de sgra ji bzhin pa'o/ /gzhan yang bshad par bya ba'i phyir//ji ltar pags pa de bzhin gos/ /ji ltar mar dang de bzhin dug /ji ltar chang dang de bzhin gci/ /ji ltar 'bras dang de bzhin bshang / /zhes bya ba gsungs te/ gos gon pa'i dus su pags pa dang / gos dag tha mi dad par shes par bya'o//de bzhin du mar dang / dug ni rgyu ba dang mi rgyu ba la sogs pa gnod par byed pa ste/ de dag kyang 'dra bar shes pa dang / de bzhin du bza' ba dang btung ba'i dus su 'bras dang / bshang ba dang / dgun chang dang / gci ba tha mi dad par shes pa ste/rdzas dbye ba med pa'o/ /de ni sgra ji bzhin pa'o/ /gzhan yang / ji ltar dri bzang ga pur dag /de bzhin bshang ba las byung dri/ /ji ltar stod par byed pa'i tshig /de bzhin du ni mi sdug tshig /ces bya ba gsungs te/ dri bzang dang / dri ngan gyi ga pur dang /bshang ba dag la khyad par ma yin te/ yon tan gyi dbye ba med pa'o/ /bstod pa dang smod pa'i tshig dag gis bya ba gnyis su med par shes pa yin te/ sgra ji bzhin pa'o/ /gzhan yang / drag po rdo rje can de bzhin/ /ji ltar nyin mo de bzhin mtshan//ji ltar rmi lam de bzhin mthong / /ji ltar 'jig pa de bzhin gnas/ /zhes bya ba gsungs te/ drag po ni lha chen po'o/ /rdo rje can ni rdo rje 'chang chen po ste/ de dag tha mi dad par shes par bya ste/ chos kyi sku'i sgo nas de dag 'dra ba yin pa'i phyir/ ji skad du/pha rol smra ba gang yang rung / /rtags kyi dbye bas gnas pa kun/ de dag smad par mi bya ste/ rdo rje sems dpa'i rnam par 'phrul yin/ /zhes bya ba gsungs te/ nyin mo dang mtshan mo dag kyang tha mi dad par shes pa ste/ 'od gsal ba'i mtshan nyid kyis gnyis ka khyab pas 'dra ba'i phyir ro//rmi lam dang mthong ba ni sad pa ste/ de dag kyang tha mi dad par shes par bya ste/ phyi'i don med pas so sor snang ba tsam du de dag la khyad med pa'i phyir ro/ /de bzhin du 'jig pa dang gnas pa ni 'jig pa dang skye ba ste/ de dag kyang khyad med par shes par bya'o/ /de dag gi phyir rten cing 'brel bar 'byung ba'i dngos po rnams la/ /re zhig skye ba med pa ste/ de med pas 'jig pa yang med pa'i phyir ro/ /de bas na byis pa rnams la 'di dag 'khrul pas so sor snang ba ste/don dam par skye ba dang 'jig pa gang yang ma yin te/ chos thams cad 'od gsal la rag lus pa'i phyir ro/ /ji skad du/ 'dir ni gang dag skye ba med/ /gang yang 'chi ba yod ma yin/ /sems kyi rang bzhin rnam gnas par/ /'khor ba nyid ni shes par bya//zhes bya ba rim pa gsum pa las gsungs te/ sgra ji bzhin pa'o/ /gzhan yang bshad par bya ba'i phyir/ /ji ltar bde ba de bzhin sdug /ji ltar sdang ba de bzhin bu/ /mnar med mtho ris de bzhin te/ /de bzhin sdig dang bsod nams so/ / zhes bya ba gsungs te/ dga' ba dang mi dga' bar byed pa'i bde ba dang / sdug bsngal ba dag la rnal 'byor pas khyad par shes pa ma yin te/ 'dod chags dang 'dod chags bral la sogs pa'i rang bzhin rnams 'od gsal ba la thim pa dang / de nyid las 'byung ba'i phyir ro//ji skad du/ ji ltar sprin ni sna tshogs shing / /mdog dang dbyibs ni tha dad pa/ /nam mkha'i dbyings su byung nas ni/ /de nyid du ni thim par 'gyur/ /de bzhin rang bzhin thams cad ni/ /snang ba gsum gyi rgyu can te/ /ma lus yul la zhugs nas ni//'od gsal bar ni zhugs par 'gyur/ /zhes bya ba gsungs so/ /de bzhin du sdang ba dang / bu dag la yang rnal 'byor pas khyad mi shes te/ zhe sdang ba dang dga' ba'i rgyur gyur pa de dag snga ma bzhin du rang bzhin gyi nang du bsdu ba'i phyir ro/ /de bzhin du dge ba dang mi dge ba'i las kyi 'bras bu mtho ris dang mnar med pa dag gi dbye ba shes pa ma yin te/thog ma nas ma skyes pa'i 'od gsal ba de dag gis nam mkha' bzhin du ma gos pa'i phyir ro/ /las dang las kyi 'bras bu dag kun rdzob tu nyams su myong ba ste/ don dam par ni ma yin no//ji skad du/ de 'dra'i rang bzhin ma shes pas/ /mi shes mun pas khebs pas ni/ /dge dang mi dge'i las byas nas/ /'gro ba lngar ni 'khor bar 'gyur/ /zhes bya ba gsungs so/ /de bzhin du mtho ris dang dmyal ba'i rgyur gyur pa'i bsod nams dang sdig pa dag kyang rang bzhin gyi nang du bsdu bas snga ma bzhin du tha mi dad par shes par bya ste/sgra ji bzhin pa'o/ /nye bar bsdu ba bshad pa'i phyir/ /de ltar shes nas ye shes can/ /dogs pa med par thams cad byed/ /sbas pa'i brtul zhugs kun bsgrubs na//phun sum tshogs pa thams cad 'grub/ /ces bya ba gsungs te/ sngar bshad pa'i rim pas phan tshun 'gal ba'i chos rnams tha mi dad par shes nas dogs pa med cing spyad par bya'o/ /de nyid kyi phyir thams cad byed pa ni bya ba thams cad rjes su gnas par bya'o//ci byas nas sbas pa'i brtul zhugs ni sbas pa'i mtshan nyid kyi brtul zhugs te/ 'di ji lta bu yin zhes bya ba gzhan gyis ji ltar mi shes pa de lta'i 'jig rten la ma grags pa'i brtul zhugs sam/ cang mi smra ba'i brtul zhugs 'dzin par bya'o//de gang gi phyir skye bo rnams kyis de g.yeng bar mi 'gyur te/ de ltar byas na rnal 'byor pa de'i tshe phun sum tshogs pa thams cad ni sangs rgyas kyi yon tan thams cad dang / lhan cig tu 'grub par 'gyur ro/ /rim pa'i mtha' ru bsod nams yongs su bsngo ba'i phyir/mchog gyur rim pa lnga po ni/ /bshad nas bsod nams gang thob pa/ /zung du 'jug pa'i ting nge 'dzin/ /'di yis 'jig rten rol par shog /ces bya ba gsungs te/ rim pa lnga po gsal por byas nas/ bdag gi bsod nams ni dge ba thob pa bsod nams kyi rgyu de yis 'jig rten ni/'khor ba thams cad zung 'jug gi ting nge 'dzin ji ltar bshad pa'i mtshan nyid 'di yis rol pa ni mi gnas pa'i mya ngan las 'das pa'i go 'phang thob nas/ grangs med pa'i sems can gyi don du sangs rgyas kyi zhing nas sangs rgyas kyi zhing du brtson 'grus kyi phun sum tshogs pa dang ldan par gyur cig pa'o//rim pa lnga pa'i 'grel pa rim pa'i don gsal bar byed pa zhes bya ba lus zung 'jug gi rim pa ste lnga pa'o// //lang kar gshegs pa'i mdo las gang / /thub pa nyid kyis lung du bstan/ /yod med phyogs dag bral ba yi//theg pa chen po gang gis gsungs/ /dbu ma'i rtsa ba la sogs pa'i/ /sna tshogs rab tu byed pa rnams/ /shin tu gsal ba'i ngag rnams kyis/ /lta ba ngan sel gang gis gsungs/ /rnal 'byor chen po las btus pa'i/ /man ngag rgya che dang ldan rnams//thugs rje chen po'i bdag nyid kyis/ /gang gis rim pa lnga sogs gsungs/ /gang gis gnod sbyin mo rnams tshad med grub/ /de bzhin klu rnams gang la dbang du gyur/ /'jig rten lha yi go 'phang thob pa'i phyir/ /gang gis bdud rtsi rab tu 'grub par mdzad/ / yod med rnam par grol ba'i thabs la mkhas/ /mchog gi dngos grub yang dag brnyes pa ni/ /dpal gyi ri bor dngos grub khyad gnas la/ /klu yi byang chub gang gis slob mar gyur/ /sa ni brgyad pa thob cing blo bzang pa/ /ngag rnams spangs shing don ni bsdu bar bya/ /gang gis dgongs pa de yis gnang ba yis//slob ma 'phags pa lha yis gsal bar byed/ /'jig rten gsum la gang gi grags pa gsal zhing rgya che zab pa dang / /thugs rje dba' rlabs 'byung zhing rgyal ba'i yon tan nor bu gang gis 'dzin/ /yang dag byang chub dpal mo thob dang skye bo'i zhi 'phrog pa yi phyir/dpal ldan klu sgrub rgya mtsho de las rim lnga bdag nyid 'di dag 'byung / /rdo rje'i tshig rnams ma lus pa'i/ /rim lnga de don gsal byas nas/ /bdag gi bsod nams gang thob pa/ /de yis skye bo rdor can shog /ma lus rgyud kyi don zab pa'i/ /rgya mtsho'i pha rol phyin pa gang / / dpal ldan dus kyi rim gnyis dang / /don drug mkhas shing sgra tshad mkhas/ /kha che'i mkhas pa chen po yi/ /dpal ldan lak+Sh+mI bdag gis ni/ /rim pa lnga yi 'grel pa 'di/ /byas te de yis rgyal bar shog /kha che'i mkhas pa chen po dpal lak+Sh+mI zhal snga nas mdzad pa'i rim pa lnga pa'i 'grel pa rim pa gsal bar byed pa zhes bya ba rdzogs so// //yon gyi bdag po dga' rab gza' yis zhus te/ /rgya gar gyi mkhas pa paN+Di ta chen po/ /tA ra ka la sha'i sras man+t+ra ka la sha nyid kyis bsgyur zhing gtan la phab pa'o// //