CLOSE WINDOW

D1838
བོད་ཡིག

@##/ /rgya gar skad du/ pany+tsa kra ma pany+tsi kA nA ma/ bod skad du/ rim pa lnga pa'i dka' 'grel zhes bya ba/ sangs rgyas thams cad la phyag 'tshal lo/ /de la dang por ni slob dpon chen po klu sgrub kyi zhal snga nas mdzad pa'i rim pa dag las mdor bsdus pa'i sgrub thabs ji ltar bsgom pa rim pa bzhin du cung zhig bshad do//de la dang po kho nar stan 'bol po la sems dpa'i skyil mo krung du bcas pas 'dug ste/rang gi snying ga'i pad+ma'i nyi ma la gnas pa'i hUM dkar po'i 'od zer gyis nam mkha' la bzhugs pa'i sangs rgyas la sogs pa rnams spyan drangs la mchod pa dang phyag 'tshal ba la sogs pa byas nas/stong pa nyid dang mtshan ma med pa dang smon pa med pa rnams rim gyis bsgoms te/ oM swa b+hA ba shud+d+haH sarba d+harmAH swa b+hA ba shud+d+hou0f85haM/ zhes brjod cing stong p a nyid du dmigs pas tha mal pa'i nga bdag bsal zhing /bdag nyid rdo rje sems dpa'i skur skad cig tsam gyis rdzogs par byas nas/ badzra d+h+r-ika ces bya ba'i sngags brjod de / des mi bskyod pa bton te bdag nyid la bcug pa'i rim pas bdag nyid zhe sdang rdo rje'i ting nge 'dzin la gnas nas/gnas bsrung ba ni brtsam par bya'o/ /de nas dang por khro bo bcu po rnams spros te gnas su dgod do/ /gnyis par gnod mdzes rang gi sngags kyis bka' bsgo ba dang sngags kyis bka' bsgos nas yang sngags de nyid kyis gnyis par bgegs rnams gnod mdzes kyis phur pas thob shig par bsgo'o//de nas Tak+ki hUM dzaH/ zhes pa'i sngag 'di brjod pas lcags dang me 'bar ba dang /rlung rnams kyi 'obs su phur pa gdab pa dang phyi rol du bsam par bya'o/ /de'i nang du yi ge hUM las skyes pa'i rdo rje'i dra ba mchod rten lta bur byas nas/ yi ge gsum gyi go char bya'o/ /sa gzhi ni yi ge hUM las skyes pa'i sna tshogs rdo rjer kun du bltas la dngos po med pa zhes bya ba la sogs pa'i tshig gi don gyis stong pa nyid du bsam par bya'o//de nas yaM las skyes pa'i rlung gi dkyil 'khor gzhu'i dbyibs can mchog ma dag la hU~M las byung ba'i rdo rjes mtshan pa'o //de bzhin du me dang chu dang dbang chen gyi dkyil 'khor yang ngo / /de'i steng du yi ge b+h+rUM las skyes pa'i gzhal yas khang brtsegs pa sna tshogs pad+ma la zla ba dang nyi ma'i gdan rnams dang ldan pa'o//de nas lha sum cu rtsa gnyis kyi rang bzhin dang / bdag po rdo rje 'dzin chen po dang dkyil 'khor gyi 'khor lo rnam par sprul lo/ /de nas dkyil 'khor pa rnams phung po la sogs pa'i rang bzhin gyis/ bdag po'i phung po la sogs pa la thim pas don dam pa'i dkyil 'khor la zhugs par blta zhing /oM shU n+ya tA dz+nyA na badzra swa b+hA ba At+ma kou0f85haM/ zhes brjod do/ /de nas yi ge hUM oM AHdag gis nyi ma dang zla ba dang pad+ma dmar po 'dab ma brgyad pa dag steng nas steng du brtsegs mar byas te/ pad+ma'i steng du yi ge gsum pa'o / /de nas thams cad bsdus pa l as rang gi sems tsam gyi zla ba bsams la/sems can thams cad zla ba der bcug la/ oM d+harma d+hA tu swa b+hA ba At+ma kou0f85haM zhes pa'i sngags brjod do/ /de nas yang zla ba la yi ge gsum mo/ /de las rdo rje'o/ /rdo rje las rdo rje 'chang chen po dang po'i mgon po chen po bsams l a mi bskyod pa la sogs pa bcug nas dgod par bya'o zhes bya ba la sogs pa ni/de la oM AHhUM swAhA zhes pa'i yi ge ni mgo bo la sogs pa la rnam par dgod do/ /gti mug dga' ma la sogs pa'i sngags rnams sa la sogs pa la dgod par bya'o/ /mig la sogs pa la ni/th+liM oM oM hUM maiM saM aM rnams dgod do/ /lag pa la sogs pa dag la gshin rje gshed la sogs pa bdag nyid yi ge hUM dag dgod do/ /de la g.yas g.yon gnyis kyi lag ngar la gshin rje gshed dang gzhan gyis mi thub pa'o/ /kha la rta mgrin no/ / gsang bar bdud rtsi 'khyil ba'o/ /dpung pa g.yas g.yon la mi g.yo ba dang 'dod pa'i rgyal po'o/ /pus mo g.yas g.yon la dbyig pa sngon po dang stobs po che'o/ /mgo bor gtsug tor 'khor los sgyur ba'o/ /rkang pa dag la gnod mdzes so/ /de bzhin du sku dang gsung dang thugs kyang byin gyis brlab par bya ba dang /dam tshig sems dpa'i snying gar ye shes sems dpa' phyag gnyis pa mdog dmar po rdo rje dang dril bu 'dzin cing snyoms par zhugs pa'o/ /de'i thugs kar yang yi ge hU~M ting nge 'dzin sems dpar brtags pa dgod do/ /de nas phyi'i lus can nam/ye shes kyi phyag rgya'i phung po la sogs sbyang ba dang / rdo rje dang pad+ma 'dus byas la des snyoms par 'jug par bya'o/ /de la yi ge hUM las rdo rje rtse lnga par byas la/ dbus kyi rtse mo la oM mo/ /yi ge a yis chos 'byung gi nang du pad+ma dmar po 'dab ma brgyad pa bsam mo//de ltar rdo rje dang pad+ma 'dus byas nas 'o dang 'khyud pa la sogs pa'i rim pa dang / rin chen 'byung ldan gyi nga rgyal gyis rjes su chags par byas la/ byang chub kyi sems kyi gnas skabs su don yod grub pa'i nga rgyal du bya'o/ /de nas srid pa skye ba'i rim pas dkyil 'khor gyi 'khor lo spros te gzhan gyi don phun sum tshogs par bya'o//de yang rdo rje 'dzin pa mi bskyod pa'i nga rgyal dang ldan pa'i pad+ma'i dbus su mi bskyod pa rdzogs par byas la/ badzra d+h+r-ika ces bya bas bton te/ bdag nyid la de bzhin du bsdu'o//de bzhin du gzugs kyi phung po la sogs pa yang rnam par snang mdzad la sogs pa'i nga rgyal gyis rnam par snang mdzad la sogs pa rnams bton te so sor dgod do/ /phyi rol gyi rim pa gnyis pa'i me'i mtshams la sogs pa la gzugs kyi rdo rje la sogs pa rnams/oM AHswA swA hA sngags kyis dgod do/ /dang po nyid kyi ngos dag tu chos kyi dbyings dang reg bya rdo rje ma'i yi ge hUM gis bton la dgod do/ /yi ge maiM la sogs pa ni byams pa la sogs pa'o/ /yi ge hUM gis phyogs mtshams dang steng dang 'og gi khro bo rnams so/ /de nas ye shes kyi 'khor lo bcug la dbang bskur te/de'i rjes la mnyes par bya ba la sogs pa skad cig tsam gyis bsam mo/ /de nas rdo rje bzlas pa la sogs pa byas nas/ bskul ba dang mchod pa dang bstod pa la sogs pa sngon du byas nas/ ting nge 'dzin sems dpa'i bdag nyid hU~M brjod pas yi ge hUM la sems can rnams gzhug cing dkyil 'khor pa rnams kyang bsdus te/rdo rje sems dpa' de nyid du 'gro ba sna tshogs pa 'di rnams skyes par blta zhing spyod lam la 'jug par bya'o/ /mdor bsdus pa'i sgrub thabs kyi rim pa gsal bar byas pa ste dang po'o// // sngags kyi de kho na nyid ces bya ba ni sngags btu ba'i rim pas dus gsum gyi bdag nyid yi ge gsum 'byung ba dang 'jug pa dang gnas pa'i rlung gi rang bzhin du sems par khong du chud par bya'o/ /sngags la dmigs pa'i sems de nyid ni de bzhin 'byung ba dang 'jug pa dang gnas par bya'o//rlung rgyu ba rnams mi shigs par byas pas ni phyag 'tshal ba yin la/ phra mo'i sbyor bas thams cad rang bzhin med par go ba ni rdo rje'i bzlas pa bya ba'o/ /de nas sems la dmigs pa thob nas sems de stong pa nyid du byas la/ sgyu ma lta bu'i ting nge 'dzin du gnas par bya ba yin no//de nas 'od gsal ba'i ye shes kyis nyon mongs pa'i phung po thams cad zad par bya'o/ /de nas kun rdzob dang don dam pa dag gcig tu gyur pa zung du 'jug pa'i ting nge 'dzin la rnal 'byor pa rnams gnas pa yin no/ /sna rtser zhes bya ba ni phyi'i rig ma'i pad+ma'i lte ba'i rtse mor mtshan ma yungs kar tsam mam thig le dag sna'i nang du bkod la sems can skyed pa'i gzhi bo//sna rtse dang rang gi rdo rje'i rtse mor thig le 'am mtshan ma yungs kar tsam po la rgyu ba dang mi rgyu ba'i rdo rje sems dpa' 'am brtags pa'i lha'i sbyor ba bskyed pa'i rim pa'o/ / sna rtse ni sna'i rtse mo'i sgo'o/ /yungs kar ni rlung lnga po ste/ de la rgyu ba dang mi rgyu ba'i yi ge gsum por sems ye shes rig pa la dmigs pa'o/ /yang na yungs kar ni khams phra mo'i ye shes gsum po rten dang rten can rgyu dang mi rgyu ba ni ye shes kyi de kho na nyid du shes par bya'o//gsang ba ni rnam par rtog pa dang bral ba nyid do/ /ye shes kyi brtags pa ni shin tu rnam par dag pa'i ye shes nyid kyis so/ /ye shes kyi gnas ni rnam par shes pa rlung dang ldan pa'i ye shes kyi sku'o/ /mchog ni rnam par dag pa nyid do/ /kha dog sna lnga zhes bya ba ni sngon du brjod pa'i sna'i rtse mo'i ser po la sogs pa'o//rin chen ni rdo rje nor bu'i thig le'o/ /sna'i rtse mor ni snying ga'i pad+ma la'o/ /yungs kar ni mi shigs pa'i thig le'o/ / ye shes lnga'i ngo bo nyid ces bya ba ni me long lta bu'i ye shes la sogs pa'i ngo bo nyid do/ / gong bu'i gzugs kyis zhes bya ba ni mi shigs pa'i gzugs kyis so/ /'od lnga ni rlung rnams mgrin pa dang snying ga dang / lte ba dang gsang ba'i pad+ma dang / lus thams cad khyab par gnas pa las 'byung zhing 'jug pa'o/ /thun phyed ni 'pho ba re re'o//go rims ni de lta bur rgyu ba'o/ /g.yas pa nas ni 'byung ba'i khams/ /zhes bya ba ni me'i dkyil 'khor mi shigs pa las rab tu langs nas g.yas ngos nas byung ba de nyid/ yi ge oM gyis ni 'jug par byed pa yin la/ yi ge AHsa ni gnas par byed par bsam mo//de dag gi steng du gnas pa ni yi ge hUM ldang ba'i bdag nyid can du rnam par brtag par bya ba ste/ de lta bur thog ma rgyu ba nas tha ma rdzogs kyi bar du dmigs pa ni snang ba mtha' yas kyi bzlas pa'o/ /de kho na bzhin du mi shigs pa las chu'i dkyil 'khor byung ba la yi ge oM bskyon te zhugs pas/yi ge oM yongs su zhu bas yi ge AH ra gyur pa la yi ge hUM ldang bar gnas pa ni rdo rje mgon po'i bzlas pa'o/ /de bzhin du mi shigs pa las langs pa'i dbang chen gyi dkyil 'khor gyi steng du yi ge gsum po spro ba dang bsdu bas bstim pa'i bdag nyid can du mtshon pa ni rin po che'i bzlas pa'o//de bzhin du mi shigs pa las langs pa'i rlung gi dkyil 'khor 'byung ba de'i steng yi ge oM bskyon te gzhug pa dang / mthar AHgnas pa dang / yi ge hUM 'phro ba ni don yod pa'i bzlas pa'o/ /sngags kyi de kho na nyid ni rtsa ba'i rgyud las gsungs pa'i oM AHhUM ngo //don rtogs pa'i bzlas pa ni rlung rgyu ba rang bzhin med pa'i mi shigs pa sems kyi rtog pa la bya'o/ /bzang po zhes pa ni spro ba'i gzugs kyis so/ /dus gsum sangs rgyas su brtags pa zhes bya ba ni yi ge gsum po'o/ /slong mo ni yi ger phye ba ste 'don pa'o//de lta bu ni sngags pa'i bzlas par mi 'dod pas mi byed pa la'ang chags par mi bya'o/ /dang po gcig ces bya ba ni sde tshan kun gyi thog ma'i a thung ngu'o/ /dgu ni sde tshan dgu po'o/ /bcu yis ma bcings pa ni sde tshan dgu las med do/ /dgu po yang dbyangs dang gsal byed kyi sde tshan brgyad po la/ma ning gi sde tshan gyis bsnan pas grangs dgu'o/ /grangs dgu po de'i rjes su 'jug pa ni as grangs dgu char la khyab par 'jug pa'o/ /'byung po'i mtha' ni mi shigs pa'i yi ge ha'o/ /lhag ma ni gsal lo/ /bzhi ni ya ra la wa'o/ /gsum ni sha Sha sa'o//thung ngu zhes bya ba ni yi ge a thung ngu ste/ de ni ngag go cog gi ngo bor 'gyur ro/ /de nyid gcig dang du ma dang bral ba'o/ /yi ge gang zhig rjes bshad ces bya ba ni yi ge kha dang tsha la sogs pa'o/ /mngon par phyogs pa zhes bya ba ni yi ge ka dang tsa la sogs pa ste/ rjod byed de dag kyang yi ge gsum gyi gzugs su blta'o//des na de ni yongs su gyur pa'i gzugs zhes pas bstan to/ /de dag kyang blos mi shigs par sbyar te/ de'i rgyu nyid kyi phyir ro/ /sangs rgyas ni rnam par snang mdzad la sogs pa'o/ /de rnams kyi sku ni yi ge gsum po ste de brjod cing rab tu brjod pa'o//de nyid nang gi bzlas pa rlung gi de kho na nyid spyi'i rnam pa mi shigs pa ste chos kyi sku'i rgyu'i phyir na spro zhing bsdu ba la sogs pa tsam bya'o/ /sbyor ba bzhi zhes bya ba ni dus tshod bzhi po de nyid la brjod pa yin te/ dus tshod bzhi po thun mtshams brgyad dang bcas pa la gos dkar mo la sogs pa so so la stong phrag lnga lnga dang bzhi brgya bzhi brgya ste/thun tshod bzhi por dbugs dbyung ba bgrangs pa'o/ /so sor 'byung ba bsres pa'i grangs ni go sla'o/ /yan lag ma nyams pa ni yi ge rang bzhin gyis mtshon par byas pa'o/ /grangs 'bum zhes bya ba ni 'chi ba med pa'i rang bzhin gyi bzlas pa tsam la brjod kyi grangs la mi bya'o//de lta bu'i rdo rje rnal 'byor pa ni glang po sngon du rnyed pa dang 'dra ba yin na de ko glang po che'i rjes ji ga tshol/ spyan drangs te zhes bya ba ni yi ge oM mo/ /myur ba yi ni zhes bya ba ni yi ge hUM ngo / /gnyi ga min pas zhes bzhugs su gsol ba ni yi ge A'o //de nas zhes bya ba la sogs pas ni 'dod pa'i dbang gis bsgyur ba'i rnal 'byor gzhan ston te de la dang po'i yi ge ni sde tshan rnams kyi dang po A ste yi ge oM dang gcig tu sbyar bas 'byin par byed do/ /brgyad pa'i zhes bya ba la sogs pas ni hUM gis rngub par byed par ston pa ste/rnal 'byor pas ci dgar bzlas pa byed pa bstan to/ /ya'i don gyi zhes bya ba la sogs pas ni rlung gi dkyil 'khor gang zhig bsad pa dang / bskrad pa dang / me'i dkyil 'khor la ni dgug pa la sogs pa bya'o/ /chu la zhi ba la sogs pa bya'o//dbang chen la rgyas pa la sogs pa bya'o/ /thun ni phyed phyed ces bya ba ni 'pho ba re re dang bsres pa'i rlung gnyis gnyis so/ /ye shes gsum zhes bya ba ni snang ba la sogs pa'o/ /rdo rje bzlas pa'i le'u dang po'i 'grel pa'o// //ye shes gsum po gsal bar bya ba'i phyir gnyis pa brjod de/de la phyag 'tshal ba bzhi pos ni stong pa bzhi la phyag 'tshal bar brjod de/ rang gi ngo bo'i dbang du byas na ni bstod par bya ba dang stod par byed pa med pas/ ji ltar chu la chu bzhag pa thim pa nyid bzhin du rang gi sems nyid snang ba la sogs pa'i rim par mthong ba ni phyag 'tshal bar brjod do//ye shes de rnams ni bla ma mnyes par byas pa las nges par 'thob pa yin no/ /rgyu'i rim pa rnam dag ces bya ba ni khyad par can gyi rgyu la 'bras bur 'gyur ba'o/ /snang ba zhes bya ba la sogs pa ni ji skad du gsungs pa'i stong pa rnams dang mig 'phrul la sogs pa'i rang bzhin du brjod do//nyer len ni gzung bar bya ba'o/ /tshor ba ni ji skad du brjod pa'i rang bzhin rnams tshor zhing rig pa tsam mo/ /ye shes de la skye ba po'i dgongs pas rab tu phye ste brjod pa'o / /gang tshe snang ba ldan gyur ces bya ba ni snang ba la sogs pa gsum car dang ngo //gang dang gang gnas pa zhes bya ba ni snang ba gsum gyi bdag nyid gzhan dang gzhan gyi dngos po gang yang rung ba rlung dang ldan na de dang de'i rang bzhin du 'gyur ro/ /de la shes rab dang thabs kyi dngos por rnam par brtag go//gnyi ga'i yan lag ces bya ba ni thabs dang shes rab gnyis po gcig gi dngos po ste snang ba thob pa'i ye shes so/ /bud med sgyu ma ni bud med nyid de'i thabs yin pa la bya'o/ /de yang nu ma la sogs pa'i dbyibs kyi bdag nyid can de/ de nyid khyad par du 'phags pa yin no//snang ba la sogs pa ye shes gsum po ni des mtshon pa yin par shes pa bstan pa de nyid kyi phyir/ ye shes gsum po zhes bya ba la sogs pa smos pas go bar bya'o/ /gnyis par zhes bya ba ni 'dres pa'o/ /ye shes gnyis ni snang ba dang snang ba mched pa gnyis so//mnyam par sbyor ba ni ji skad bshad pa'i rnam pas shes rab la mnyam par sbyor ba'o/ /gang zhig ces bya ba ni rnal 'byor pa ste/ des phyi rol gyi rdo rje dang chu skyes su sbyor ba'o/ /kun rdzob tu yang med pa yin na de kho na nyid la gang zhig ji ltar yod/ de bas na phyi rol gyi snyoms par 'jug pa las lan cig tsam zhig myang ba yin no//dbye ba ji bzhin zhes bya ba la sogs pas ni/ phyi'i shes rab las snang ba la sogs pa rab tu dbye ba ni/ rang bzhin rnams kyi rgyu ru shes par byed pa dang 'dod chags dang / chags bral dang / chags pa bar ma do la 'jug pa'i ye shes su gnas pa 'thob pa'o//de'i nang gi bdag nyid ni phyi'i shes rab kyis 'thob pa'i rang bzhin de rnams nyid la yang nas yang du mtshon par bya ba yin pa des na/ rang bzhin de nyid slar yang ni/ /zhes bya bas bstan te/ nam mkha' lta bu la longs spyod pas nam mkha' lta bu'i lus las sgyu ma la sogs pa'i mtshan ma rnams thob pa na/chags pa med pa la sogs pa 'di rnams shes rab dang ldan pas nang gi snang ba la sogs pa'i ye shes me long lta bu'o/ /ye shes kyi mtshan nyid kyi dkyil 'khor 'khor lo ston par byed do//rdo rje'i mtshan ma ni rang gi sems nyi ma'i gzugs can no/ /sogs pa'i sgra ni gsal ba la sogs pa'i dkyil 'khor te/ sems dang snang ba dang sems las byung ba dang snang ba mched pa'o/ /de dag mnyam par 'dus pa ni snang ba nye bar thob pa'o/ /lha'i gzugs zhes bya ba ni stong pa dang shin tu stong pa dang chen po stong pa nyid kyi gzugs so//de phyag rgya bzhi dang ldan par 'phro ba'i bdag nyid can du byed na sa bcu'i dbang phyug tu rnal 'byor pa skye'o/ /phyag rgya bzhi ni sku dang gsung dang thugs dang ye shes sems dpa'i bdag nyid do/ / ye shes dag ni ye shes gsum po 'od gsal ba'i gnas su thim par byas pa'i de kho na nyid do/ /de bas 'od gsal dag pa las/ /zhes bya ba ni/ ye shes gsum po mngon du byas nas gang gi tshe 'od gsal ba la dmigs te/ 'od gsal ba la yang ye shes gsum po byung nas/rdo rje lta bu'i ting nge 'dzin gyi gnas pa de'i tshe rnal 'byor pa/ thams cad mkhyen par de nas 'gyur/ /zhes gsungs pa ltar 'gyur ro/ /rdo rje lta bu ni sgyu ma lta bu'i ting nge 'dzin gyis yid bzhin gyi nor bu ltar sems can gyi don spyod par byed pa la bya'o/ / de ji lta ba bzhin du spyod na mtshams med pa lnga byed pa'i rnal 'byor pa yang sems can gyi don du rnal 'byor pa bskyed pa dang ldan par spyod na de bzhin gshegs par byed par 'gyur ba ni/ mtshams med lnga zhes bya ba la sogs pa'i don yin no/ /chags min zhes bya ba la sogs pa rgyud rnams kyi tshig gis 'od gsal ba'i ye shes kyi mtshan nyid brjod pa yin no//chos 'byung mngon par byang chub pa'i/ /chags sogs rol mo rgya chen po/ /zhes bya ba ni phyi'i shes rab ma la bya'o/ /chos dbyings mngon par byang chub can/ /ji ltar rnyed pa dag la spyod/ /ces bya ba ni ji ltar rnyed pa'i 'dod pa thams cad la nye bar longs spyod pa'o//bla med ces bya ba ni nang gi shes rab kyis so/ /a gzod nas dag pa'i zhes bya ba la sogs pas ni ye shes la bslab dgos pa'i ngo bo brjod do/ /de la a zhes bya ba ni thabs dang shes rab kyi rang bzhin nam/ pad+ma'i gnas sam ye shes kyis bskul ba'o/ /de lta bu la sogs pa gdod nas dag na mi dgos so zhes phyogs snga ma'o/ /gang zhig de ltar zhes bya ba la sogs pas ni snang ba la sogs pa'i dbye bas kun du bsgom dgos par bstan pa yin no/ /'phags pa rdo rje ni bla ma ste/ de rab tu mnyes par byas pa las de bla na med pa'i ye shes sa bcu pa'o//rgyud thos pa ni de'i drin no/ /byang chub lam ni 'od gsal mngon du bya'o / /rim pa gnyis pa'i bshad pa'o// //bdag la byin gyis brlab pa'i rim pa ni/ bdag nyid byin gyis brlab pa ste / shes rab kyis bdag la ye shes skye bar byed pa'i don to//bskyed pa'i rim pas gsang ba'i dbang bskur ba'i mthar thug pa'i dbang bskur ba thob par byas pa'i slob mas bla ma mnyes par byas pa des kun rdzob dang don dam pa la mos par byas na/ rang byin gyis brlabs pa'i rkyen las sa brgyad pa thob cing /'gro ba thams cad kyang byang chub sems dpa'i mthar thug pa mthong bar 'gyur ro/ /de'i rgyu ni zhes bya ba ni kun rdzob kyi bden pa'i rgyu ni 'od gsal ba yin la/ kun rdzob kyi bden pa yang 'od gsal ba'i rgyu yin pa la bya ste/ sems can rnams kyi bcings pa dang grol ba'i rang bzhin de lta bur gnas par brjod do//de yang 'od gsal ba'i rjes las rim pa bzhin du snang ba la sogs pa gsum gyi rang bzhin no/ /de rnams las rlung ngo / /de bzhin du me dang de nas chu dang de bzhin du sa dang / de nas phung po lnga la sogs pa ste/ 'di dag bcings pa'i mtshan nyid du gnas pa'o//de lta bu'i phung po la sogs pa'i sgrub thabs kyi rim pa sbyangs nas 'od gsal bar ro/ /'od gsal ba las sgyu ma lta bur zung du 'jug pa ste des grol ba'i rang bzhin du gsungs so/ /'dis ni grol bar 'dod pa rnams sgyu ma lta bu'i ting nge 'dzin gyis bdag la byin gyis brlabs pa'i rnal 'byor bsgom par bya'o//de nas de nyid 'od gsal bar bstan pa'i phyir/ sems gang gis ni zhes bya ba la sogs pa smos te/ de ni nang gi bdag nyid me long lta bu la sogs pa dang / phyi rol gyi gzugs la sogs pa'i phung po lnga po 'di dag la sgyu ma lta bus mi phyed par blta'o//rdo rje sems dpa' zhes bya ba ni rdo rje sems dpa'i nga rgyal gyis mtshon par byas na bsgrub bya 'grub par 'gyur ba'o/ /phyag rgya zhes bya ba ni dam tshig la sogs pa'i phyag rgya kun dang / myur ba la sogs pa rlung gi rang bzhin no/ /nyon mongs pa ni 'dod chags la sogs pa'o//las lam ni dge ba bcu po'o/ /lus ni rten cing 'brel par 'byung ba'i mtshan nyid do/ /phyir ldog gyur pa zhes bya ba ni slar yang 'khor bar ldog par gyur pa la bya'o/ /rang byin gyis brlab pa'i rim pa'i bshad pa'o// //thams cad stong pa zhes bya ba ni rang bzhin gyis 'od gsal ba'o//de nyid ni/ bzhi pa mngon par byang chub pa/ /zhes bya ba ste/ dang po'i sangs rgyas rgyu'i rdo rje 'dzin pa'o/ /tshogs kyi dkyil 'khor ni rdo rje spun grogs la sogs pa ste/ de rnams dang bcas pas bla ma mnyes par byas pa'o/ /snang ba dag ni bskyed par bya//zhes bya ba ni zla ba shar ba'i dus la bya ste/ srod dang por zhes bya ba'i don to/ /cho ga yis zhes bya ba ni sngags kyi sku la sogs pa dang rang byin gyis brlab pa'i rnal 'byor gyis so/ /byang chub sems ni khu ba ste kun du chags pas phyung ba'o/ /nyin par zhes bya ba ni gzi mdangs so//rgyu dang mi rgyu zhes bya ba ni sems can gyi 'jig rten dang snod kyi 'jig rten no/ /ril po ni gong bu ste/ mig la sogs pa bsdus pa'i lus por rab tu byung ba tsam de nyid 'od gsal bar len par byed pa ni ril por 'dzin pa'o/ /rgyu ba dang zhes bya ba ni 'dus byas dang 'dus ma byas su 'dod lus dang /gzugs kyi rdul phra rab rnams la steng dang 'og gi chas phye na/ phyi dang nang gi dngos po gang la yang med pa'i rim pas dbu mar gnas pa'i sems rang bzhin gyis 'od gsal ba ni rjes su gzhig pa'o/ /dbugs kyi zhes bya ba ni ji ltar dbugs kyi rlung me long la kha chu'i zil pa drod dang rlangs par bcas pa thim par 'gyur ba yin gyi/shing la sogs pa gzhan la ni ma yin no/ /de bzhin du yang dag pa'i mtha' la rab tu 'jug par byed kyi/ gzugs la sogs pa la ni ma yin no/ gzugs bcas 'od zer de dang de/ /zhes bya ba la sogs pa ni zhi ba la sogs pa'i rlung gis 'gro ba rnams la zhi ba la sogs pa'i las rnams la bya ba yin no//sgyu 'phrul dra ba ni rnal 'byor pas 'od gsal ba las rang byin gyis brlab pa'i rnal 'byor du bya ba'o/ /rigs lnga ni sangs rgyas lnga'i rang bzhin rlung lnga po rnams te/ phyag rgya chen po la sogs par brtags pas so//rim pa bzhi pa'i bshad pa'o// //mgon po rgyu dang 'bras bdag nyid/ /ces bya ba ni/ rang byin gyis brlab pa'i ngo bo dang / 'od gsal ba'i ngo bo'i bdag nyid gcig gi ngo bor gnas pa'i mgon po'o/ /dngos po rnams bcas kun rtog dang / zhes bya ba ni nang gi shes pas phyi rol gyi gzugs rnams su kun rtogs pa'o/ /dngos po med par rtog pa dag /ces bya ba ni/ nang gi bde ba phyi rol gyi dngos pos stong par rtogs pa'o/ /yang dag par na de lta bu gnyi ga yang brtags pa yin pas na/ gnyi ga'i rang bzhin ro gcig par 'dug pa ni ma bcos shing ma brtags pa ste mthar thug pa'o//gzung ba ni phyi rol gyi gzugs la sogs pa'o/ /'dzin pa ni mig gi rnam par shes pa la sogs pa'o/ /lhag mar bcas pa ni phung po lnga tsam las gzhan stong pa'o/ /lhag ma med pa ni thams cad stong pa nyid du mya ngan las 'das pa'o//de bzhin du gang zag ni phung po lnga la sogs pa'o/ /bdag med pa ni brtags pas bden pa nyid do/ /dran dang dran min zhes bya ba la sogs pas ni zung du 'jug pa mngon du byas pa'i phan yon brjod do/ /bya ba dang ni byed pa dag /ces bya ba la sogs pas ni yang zung du 'jug pa'i mnyam pa nyid bstan to/ /sgyu 'phrul dra ba zhes bya ba la sogs pas ni tshig re res zung du 'jug pa ston pa yin no/ /sgra gang skye med la sogs pa/ /zhes bya ba la sogs pa la/ 'di zhes bya ba ni zung du 'jug pa 'di ston par byed pa'i tshig skye ba med pa dang /'gag pa med pa dang / yod pa ma yin pa dang / med pa ma yin pa zhes bya ba la sogs pa'o/ /sogs pa'i sgras ni de 'ba' zhig ston pa yin gyi/ de las gzhan 'ga' yang ston pa ma yin par dgongs pa yin no/ /slob bzhin pa'i zhes bya ba la sogs pas ni zung du 'jug pa bsgom pa'i rnal 'byor pa'i spyod pa gsungs pa yin no//sbas pa'i brtul zhugs ni thams cad mnyam pa'i rang bzhin du gnas pa la bya'o/ /rim pa lnga pa'i dka' ba btus pa'i bshad pa'o/ /slob dpon chen po 'phags pa klu sgrub kyis mdzad pa'i rim pa lnga pa'i dka' 'grel/slob dpon chen po b+ha bya kIrtis mdzad pa rdzogs so// //rgya gar gyi mkhan po chen po rgyal ba mchog gi zhal snga nas dang / bod kyi lo tsA ba dge slong shAkya brtson 'grus kyis zhus shing bsgyur te gtan la phab pa'o// //