CLOSE WINDOW

D1836
བོད་ཡིག

[ ]@##/ /rgya gar skad du/ piN+Di kra ma pany+dzi kA tri pa du/ bod skad du/ bsdus pa'i rim pa'i dka' 'grel/ rdo rje sems dpa' la phyag 'tshal lo/ /mtha' gnyis so ldan 'gro la phan pa'i phyir/ /gang gis rtogs nas dbu ma'i lugs bstan pa//rgyal sras klu sgrub de la phyag 'tshal nas/ /mdor byas dang po'i rim pa gsal bar bya/ /'di la 'phags pa klu sgrub 'di rdo rje phreng ba la sogs pa bshad pa'i rgyud kyi rjes su 'brangs pas rang nyid kyis dpal gsang ba 'dus pa'i mtha' drug gi don thugs su chud nas/thugs rjes bsdus pa'i rim pa mdzad par bzhed pas/ sku bzhi'i rang bzhin bcom ldan 'das la phyag 'tshal ba gsungs pa ni khams gsum zhes bya ba la sogs pa yin no/ /bde ba chen po ste/ rgyal ba rnams kyi sku zung 'jug gi sgras brjod par bya ba la phyag bgyid do zhes 'grel to//ji lta bur gyur pa la [(]zhen [,]zhe na[)]/ mi mnyam pa mnyam pa la ste/ shin tu thun mong ma yin pa la'o/ /ci'i phyir zhe na/ brjod pa mi rtog lus gcig ces bya ba ste/ rnam par rtog pa'i dri mas ma gos pa'i lus/ /gnyis pa med pas gcig pur gyur pa/mtshan sum cu rtsa gnyis la sogs pas brgyan pa'i sku gang la mnga' bde la'o/ /rnam par mi rtog pa'i rang bzhin yin pa de nyid kyi phyir/ khams gsum spyod pa las sgrol zhes bya ba ste/ khams gsum pa nyid ni khams gsum pa ste/ lus dang ngag dang yid ces bya ba'o/ /de'i spyod pa ni kun du spyod pa ste/ de las grol ba'o/ /de lta ma yin na ni/ rnam par rtog pa nyid nyams par 'gyur ro/ /mkha' mnyam rtog pa ni nam mkha' dang 'dra ba shes pa'i phyir ro/ /dngos po kun gyi ngo bo nyid ni de'i rang bzhin yin pa'i phyir ro//brjod ma thag pa'i khyad par gnyis pos ni 'di 'od gsal ba'i rang bzhin du ston par byed do/ /dag pa ni yongs su dag pa'i ye shes kyi rang bzhin yin pa'i phyir/ zhi ba ni nyon mongs pa'i sgrib pa dang bral ba'i phyir ro zhes bya ba'i sgrib pa med pa'i phyir na rnam pa dben no/ /mchog zhi ba'i rang bzhin ni bla na med pa'i mya ngan las 'das pa'i rang bzhin yin pa'i phyir ro//rnal 'byor ba rnams kho nas rtogs bya ba ni de sangs rgyas thams cad kyi rang bzhin yin pa'i phyir ro/ /rtogs dka' ba ni byang chub sems dpa' la sogs pa rnams kyi mngon sum ma yin pa'i phyir ro//rnam par spyad dka' ba ni de dag gi rjes su dpag par bya ba ma yin pa'i phyir ro/ /rang dang gzhan la mchog phan ni/ de las byung ba longs spyod rdzogs pa'i sku bdag nyid bde ba phun sum tshogs pa thob pa'i phyir dang / 'phags pa spyan ras gzigs dbang phyug la sogs pa rnams kyis don mdzad pa'i phyir ro//'dis ni longs spyod rdzogs pa'i sku'i rang bzhin nyid brjod pa yin no/ /khyab pa ni rdzogs par longs spyod rdzogs pa'i skur bskyed pa'i sprul pa'i sku mtha' yas pa'i rang bzhin yin pa'i phyir ro/ /'dis ni sprul pa'i sku'i rang bzhin nyid du rjod par byed do//mtshan ma med pa ni 'od gsal ba la zhugs pa las/ bag chags kyi mtshan ma nub pa na/ sngon byas pa'i smon lam gyis ldang ba'i phyir ro/ /de lta bur gyur pa'i bcom ldan 'das la phyag 'tshal nas/ pa ni sgrub thabs kyi skabs dbye bar gsungs pa ni dpal ldan zhes bya ba la sogs pa'o//dpal ldan 'dus pa'i rgyud kyi sgrub thabs mdor byas rim pa zhes bya ba bdag gis brjod ces 'brel to/ /sems can thams cad kyi phan pa 'dir skye ba zhes byas pas so/ /sgrub thabs du ma yod pa nyid yin pa des na/ 'dis ci bya snyam na/ mtha' drug don ni rtogs pa ste/ /zhes gsungs pa ste/ mtha' drug ni bshad pa'i khyad par te/ ldem por dgongs te bshad pa dang / ldem por dgongs pa ma yin pas bshad pa dang / sgra ci bzhin pa dang / sgra ci bzhin ma yin pa dang / nges pa dang drang ba'i don gyi rang bzhin don gang la yod pa de ni de skad ces bya ste/de rtogs pa las te yongs su shes pa las bdag gis brjod dgos pa ni/ kho bo cag gi mtha' drug bshad pas rgyu bshad par bya ba yin pa des na rgyud la 'jug pa'i don du sgrub thabs byed pa yin no/ /sgrub thabs gzhan ni rgyud la 'jug pa'i thabs su gyur pa ma yin no zhes bya ba 'di yin no//dgos pa med pa rtogs pa dang ldan pa 'jug pa med pa ma yin nam/ des na mdor byas pa'i rim pa bsgom pa la dgos pa ci yod snyam pa'i dogs pa bsu nas/ dgos pa ston pa'i lhur len pa'i tshigs su bcad pa gnyis gsungs pa ni rtog ces bya ba la sogs pa'o//med pa'i don de rnam par rtog par byed cing rab tu 'jog par byed pas rnam par rtog pa ste ma rig pa'o/ /de nyid ni bag chags yin te skyed byed yin pas so/ /de las byung ba'i nyes pa ni rnam par rtog pa'i bag chags nyes pa ste chags pa la sogs pa'o//de yang 'gro gsum rnam par rmongs byed yin pas/ de skyes par 'gyur ba la bltas nas so/ /rnal 'byor rgyud ni bsdus pa la sogs pa'o/ /des brjod pa'i don gyis khyad par sgrub thabs bsgom pa'i mtshan nyid kyang rnal 'byor rgyud kyi sgras brjod par bya ba yin par rtogs par bya ste/tha mi dad pas nye bar gnas pas so/ /rnal 'byor rgyud des sbyang bar bya/ /zhes 'brel to/ /'dod pa ni gzugs la sogs pa ste/ de dag yongs su spangs nas gos l+h+wa ma gsum sbo ba la sogs pa dka' thub rnams kyis bdag nyid gdungs pa ma yin par bya ste/de byas na sdug bsngal bar gyur na byang chub ni bde bas bsgrub par bya ba yin no/ /gang gis she na rnal 'byor rgyud kyi rjes 'brangs pa ste/ 'dir yang rnal 'byor rgyud kyi sgra'i don ni snga ma bzhin te de'i rjes 'brangs pa ste/rjes su bsgrubs pas so/ /'di skad du lha'i rnam pa bsgoms pas 'di thams cad rnam par sbyangs nas spyad par bya ste/ nyes pa yang lha'i rang bzhin de dang der rtogs pas bya ba yin no zhes brjod pa yin no/ /mdor byas kyi rim pa'i dgos pa 'di ni rgyu gang gis yin pa'i rgyu des na/'dir ni sdom gnas pa zhes bya ba/ ltung ba spom po la sogs pas mgos pa'o/ /de nyid kyi phyir thams cad kyi tshe dam tshig nyams pa'i nyes pas mi phyed pa yin no/ /brtul zhugs rtag ldan pa zhes bya ba ni shes rab kyi brtul zhugs dang ldan pa'o//sku gsung thugs kyi rdo rje yis te/ rdo rje sems dpa'i sgrub thabs ni bsgom pa zhes pa ste/ 'dis sgrub par byed pas so/ /ni'i sgra ni nges par gzung ba dang rim pa gzhan du yin te/ dgos pa mthong nas snyam du dgongs pa'o/ /de ltar dgos pa dang ldan pas 'jug pa'i yan lag bstan nas/sgrub pa'i gnas gsungs pa ni/ dgon pa chen po la sogs pa'o/ /dgon pa chen po'i phyogs cha ni chu'i gnas la sogs pa rnams kyis yid 'phrog pa'i phyir mchog tu gyur pa'o/ /me tog dang 'bras bu la sogs pas brgyan pa'i ri dang /skye bos dben par te/ dben pa'i gnas gzhan dag tu yang ngo / /'jig rten dang 'jig rten las 'das pa'i dngos grub thams cad gang du yang dag par 'du zhing 'dzin par 'gyur ba de ni dngos grub thams cad bsdus te sangs rgyas nyid do/ /sgrub pa ni bsgrub par bya ba'o//ji ltar bsgrub par bya zhe na/ brjod pa ni 'jam pa'i stan la zhes bya ba la sogs pa'o/ /phyed dang po 'di yi don ni 'di yin te/ rgyud 'dir bsgom pa'i dbang du byas pa'i sngags pa tho ras stan las langs nas gdong bkru ba la sogs pa byas nas dri zhim po la sogs pas nye bar byugs pa'i sa'i char yid dang rjes su mthun par sems dpa'i skyil mo krung bcas te/mdun du 'jug pa'i sa'i cha la ba lang gi lci ba sogs pa'i dkyil 'khor byas pa'i dbus su bcom ldan 'das rdo rje sems dpa' 'chad par 'gyur ba'i mdog dang phyag dang mtshan ma can 'khor dang bcas pa bzhugs par mod la dmigs te/de la 'byor pa ci lta ba bzhin mchod pa byas nas/ de'i spyan sngar sdig pa bshags pa la sogs pa dang / snying rje chen po bsgom pa yang bya'o/ /de'i rjes la zhe sdang rdo rje'i ting 'dzin la//gnas pas gnas bsrung rnam par bsam/ /zhes bya ba'o/ /'di yi don ni 'di yin te/ stong pa nyid du lhag par mos pas/ /tha mal pa'i nga rgyal bsal te/ yud tsam la bdag nyid la 'chad par 'gyur ba'i rim pas/ mdog dkar po la sogs pa'i bdag nyid kyi rdo rje sems dpa' bsrung ba'i 'khor lo'i dbus na rnam gnas pa shes rab dang bcas pa rnam par bsgoms nas/bskyod pa la sogs pa'i bya bas shes rab kyi pad+ma'i nang du lhung ba'i byang chub kyi sems dkyil 'khor gyi 'khor lo'i rang bzhin du bskyed la/ de las ni badzra d+h+raka ces pa'i sngags brjod pas/mi bskyod pa mdog nag po zhal gsum pa phyag drug pa 'chad par 'gyur ba'i mtshan ma can rang gi mdun na bzhugs par bltas te de 'o ma la chu'i tshul du rjes su zhugs pas bdag nyid in+d+ra nI la'i mdog can gyi zhe sdang rdo rje'i rang bzhin du bsgom par bya/de nas byang chub kyi sems de las hUM gi yi ge ring po bcu brjod de phyogs bcur khro bo rnam par spro bar bya'o zhes ston pas brjod pa ni/ 'bar ba'i 'od ldan zhes bya ba la sogs pa'o/ /de dag hUM gi yi ge las byung ba yang yin la/ nyi ma la gnas pa yang yin pas zhes khyad par gyi bsdu ba'o//phyogs bcu po rnams ni dkyil 'khor gyi mdun ni shar la sogs pa'i sgo ste/ der rim bzhin te gang gi sgo gang yin pa de las ma 'das par ro/ /de ltar zhes bya ba ni sngar brjod pa'i rim pas so/ /bsam par bya ba ni bsgom par bya'o//'bar ba'i 'od ldan 'jigs su rung / /zhes bya ba la sogs pas bgegs thams cad bsal bar bya'o zhes khong nas 'byung ngo / /da ni phur bus gdab pa gsungs pa ni bgegs kun zhes bya ba la sogs pa'o/ /dbang po la sogs pa'i bgegs rnams gzhig pa'i don ni mthu nyams par bya ba'i phyir ro//'og phyogs na gnas pa'i khro bo'i rgyal po gnod mdzes kyis rang gi gnas su sprul pa'i gnod mdzes kyi rgyal po gnyis pa bzhag nas rang gi mdun du 'ongs te/ mngag gzhug gi tshul du bka' lung nod par byed par bsams nas/oM suM b+ha zhes bya ba'i sngags kyis phur bus gdab pa'i don du bka' lung bsgo bar bya'o/ /de nas gnod mdzes kyi rgyal po bka' lung thob nas phyogs bcu po rnams su song nas bgegs kyi bdag po rnams kyi snying gnas lcags kyus phug cing mgrin pa nas zhags pas bcings nas khrid de 'ongs te khro bo bcu po rnams la gtong bar bsam mo//don 'di nyid bstan pa'i phyir gsungs pa ni/ khro bo gzugs can 'di yis ni/ /zhes bya ba la sogs pa'o/ /de ltar zhes bya ba ni brjod ma thag pa'i tshul gyis so//sbyor ba yis zhes bya ba ni 'chad par 'gyur ba'i sngags brjod pas so/ /cho ga bzhin zhes bya ba ni 'chad par 'gyur ba phur bu 'debs pa'i cho gas so/ /de nyid ston pa ni rdo rje bdud rtsi zhes bya ba la sogs pa ste/ bdud rtsi 'khyil pas byang gi sgor sprul pa gnyis pa bzhag nas bdag nyid phur bu bcu'i rnam par 'phrul bar bsam mo//phur bu'i rnam par gsungs pa'i lte ba'i phyogs nas zhes bya ba la sogs pa/ zhal gsum zhes bya ba la sogs pa la/ gtso bo'i zhal ni mdog sngon po/ g.yas dkar ba g.yon dmar ba so sor spyan gsum pa'o//phyag drug ni phyag g.yas na sna tshogs rdo rje dang 'khor lo dang ut+pal bsnams pa'o/ /g.yon rnams na ni snying ga'i sdigs mdzub zhags pa dang bcas pa dang / dril bu dang dgra sta yin par rig par bya'o/ /da ni gang gis ji ltar phur bus gdab par bya ba de de bzhin du ston pas gsungs pa ni 'og tu zhes bya ba la sogs pa'o//gnod mdzes rgyal po ni nag pa dang dkar ba dang dmar ba'i zhal spyan gsum po che 'jigs par byed pa mi bskyod pa dbu rgyan can zhal so so la spyan gsum yod pa/ phyag g.yas rnams na rdo rje tho ba dang 'khor lo dang rin po che/g.yon rnams ni snying gar sdigs mdzub zhags pa dang bcas pa dang pad+ma dang khaT+wAM ga 'dzin pa ste/ bgegs kyi tshogs phyogs bcu na gnas pa rnams kyi spyi bor rdo rje phur pas btab nas/ oM g+ha g+ha zhes bya ba la sogs pa'i sngags zlo zhing rdo rje tho bas brdungs te/rkang mthil gyi bar du phur bus gzer bar bya'o zhes bya ba ni tshigs su bcad pa'i don to/ /sngags de nyid ston par byed pa ni oM zhes bya ba la sogs pas so/ /brjod zin pa'i gnod mdzes rgyal po'i rang bzhin gsungs pa ni gnod mdzes rgyal po'i zhes bya ba la sogs pas so//da ni khro bo rnams kyis byas zin pa'i bya ba ston pas bya ba gzhan gsungs pa ni/ rdo rje me yang rnam par bsam ste zhes te zhes bya ba la sogs pa'o/ /spros zin pa'i khro bo bcu pos bgegs rnams phyogs bcu rnams su bros pa/ khro bo bdag nyid kyi lus las 'phros pa'i me lce 'bar ba rnams kyis tshig par yang blta'o//de'i rjes thogs su sngar brjod pa'i gnod mdzes kyis phyogs bcur phur bus gdab par bya'o/ /phur bus btab nas kyang / steng 'og dag kyang byin gyis brlab/ de la rim pa ni 'di yin te/ gnag pa dang dkar ba dang dmar ba dang sngo ba yi/Tak+ki hUM dza zhes bya ba rnams kyis rim pa ji lta ba bzhin/ gnag pa dang dkar ba dang dmar ba dang sngo ba/ lcags dang chu dang me dang rlung gi rang bzhin gyi rab bzhi phyi rol du rnam par bsams nas/ bruM dkar po'i steng du rdo rje'i dra ba mchod rten lta bu lcags kyi ra ba'i steng na rnam par gnas pa yi ge gsum por rab tu drag po'i kha dog can gyi go cha byas pa dang /hUM nag po sna tshogs rdo rje'i rang bzhin gyi sa'i cha rnam par bsam par bya'o/ /de ltar byin gyis brlabs nas 'od gsal bar 'jug par bya'o zhes ston pa ni srid pa gsum po zhes bya ba la sogs pa'o//srid pa gsum po ni khams gsum po/ don dam du ste 'od gsal ba'i rang bzhin gyis so/ /'di ni nye bar mtshon pa ste/ bsrung ba'i 'khor lo yang ngo bo nyid med par blta ba ste/ thams cad 'od gsal ba'i rang bzhin du bsgom par bya'o zhes bya ba'i don to//'di yang bsrung ba'i 'khor lo yin no/ /da ni don gang sems la bzhag nas 'od gsal ba bsgom pa'i don te/ bstan pa'i don gsungs pa ni/ med la zhes bya ba la sogs pa'o/ /brtan pa dang g.yo ba'i don thams cad med par 'gyur ba la ni sgom pa yod pa ma yin te/bsgom par bya ba med pa'i phyir ro/ /yod pa bsgom pa gang yin pa de yang sgom pa med pa nyid yin te/ sgom pa med kyang sgom pa yod pa'i phyir ro/ /de ltar de tshul lugs de ltar na yod pa dang med pa dang ldan pa'i dngos po gang yin pa de ni ngo bo med par 'gyur ro/ / de'i phyir sgom pa mi dmigs so/ /'di ni nye bar mtshon pa ste/ sgom pa po dang bsgom par bya ba yang mi dmigs par rig par bya'o/ /don 'di nyid tshigs su bcad pas bstan pa'i don gsungs pa ni brtan g.yo'i bdag nyid ces bya ba la sogs pa'o/ /brten pa dang g.yo ba ni bdag nyid snod dang sems can gyi rang bzhin rnams med pa la zhes bya ba la sogs pa'o//tshigs su bcad pa 'dis dngos po stong pa nyid du bsgom mo/ /de bsgoms nas rdo rje'i rang bzhin gyis gzhi bsgom par bya'o zhes bstan pa don du gsungs pa ni/ sgrub pa'i rnal 'byor 'di yis su//zhes bya ba la sogs pa ste/ de ma thag tu 'chad par 'gyur ba'i sgrub pa'i rnal 'byor ro/ /bsgrub par bya bas na sgrub pa ste/ rlung la sogs pa'i dkyil 'khor ro/ /de dag gi rnal 'byor ni ting nge 'dzin de bsgom pa ste des so/ /ye shes sa gzhi zhes bya ba la dkyil 'khor bzhi 'dus pas bskyed pa'i rdo rje'i rang bzhin gyis gzhi ni ye shes sa gzhi yin te/bsgom pa ni shes pa'i rang bzhin yin pa'i phyir ro/ /byin gyis brlab pa ni bskyed pa'o/ /'di nyid ston par byed pa ni hUM gnyis zhes bya ba nas bzung ste/ rdo rje sa gzhi dkyil 'khor 'char//dkyil 'khor gzhi bo bsus nas su/ /zhes bya ba'i mthar thug pas so/ /rlung gi dkyil 'khor gzhu'i rnam pa can mdog sngon po/ nam mkha'i khams kyi dbus gnas pa/ /zhes bya ba nam mkha'i dbus su bsgom par bya'o/ /de yang hUM gnyis yaM gi sa bon las skyes pa yin te/ngos gnyis hUM nag po gnyis kyi dbus na gnas pa'i yaM yig sngon po yongs su gyur pa yin no/ /rdo rje gnyis ldan pa zhes bya ba ni yi ge hUM gnyis po nyid kyi ngos gnyis su bskyed pa'i rdo rje rtse lnga pa nag po gnyis kyis mtshon pa'o/ /de'i steng du ni me'i dkyil 'khor gru gsum kha dog dmar po bsgom par bya'o//hUM gnyis ral gri zhes bya ba la sogs pa ni snga ma bzhin no/ /sa bon gyi yi ge dmar po yin no zhes bya ba'i khyad par yin no/ /me'i dkyil 'khor de'i steng du ni chu'i dkyil 'khor zlum po mdog dkar po bsgom mo//de la yang hUM gnyis baM gyi sa bon las zhes bya ba la sogs pa ni snga ma bzhin la/ sa bon gyi yi ge kha dog dkar po yin no zhes bya ba ni khyad par yin no/ /chu'i dkyil 'khor de'i steng du ni sa'i dkyil 'khor gru bzhi pa mdog ser po bsgom par bya'o/ /hUM gnyis lam gyi sa bon zhes bya ba la sogs pa ni snga ma bzhin du bshad par bya'o//sa bon gyi yi ge mdog ser po yin par shes par bya'o/ /'di thams cad rnam par bsams nas dkyil 'khor bzhi po bsdus pas rdo rje'i rang bzhin gyi sa'i dkyil 'khor tsam bsgom par bya'o/ /sgom pa de la khang pa brtsegs ma bsgom par bya'o zhes ston pa ni/der ni zhes bya ba nas bzung ste rnga yab sogs kyis rnam brgyan pa'o zhes bya ba'i mthar thug pas so/ /rdo rje'i rang bzhin gyi sa'i cha der ni yi ge a yongs su gyur pa'i chos 'byung dkar po gru gsum pa rnam par bsams nas de'i bu ga'i dbus su kha dog sna tshogs pa'i baM gyi sa bon las skyes pa'i sna tshogs pad+ma'i lte bar yi ge hUM mdog sna tshogs pa yongs su gyur pa'i sna tshogs rdo rje'i lte ba la bruM yig dkar po rnam par snang mdzad kyi rang bzhin rnam par bsams nas de yongs su gyur pa las khang pa brtsegs ma bsgom par bya'o zhes bya bar dgongs pa'o//de lta bu'i khyad par can lha dang mi rnams las 'das pa'i khang bzangs mchog sa'i dkyil 'khor gyi steng du rnam par bsams te/ gnas ci lta ba bzhin du sna tshogs pad+ma'i steng du zla ba dang nyi ma la sogs pa'i gdan yang rnam par bzhag nas gzhi yongs su rdzogs pa sngon du 'gro ba can gyi rdo rje gsum bskyed pa bsgom par bya'o zhes gsungs pas na rang nyid tha mal pa'i nga rgyal spangs nas yud tsam la bdag nyid dkyil 'khor ba'i lhas bskor ba'i rdo rje 'chang gi rang bzhin du bsgom par bya'o zhes ston pa ni bdag nyid phyag rgya dang ldan zhing zhes bya bar bzung ste/steng du de bzhin bsam par bya/ /zhes bya ba ni mthar thug pas so/ /'di thams cad ni go bar sla bas ma bshad do/ /'di dag ni phyag dang mdog dang mtshan ma dang gdan bzhi ni dkyil 'khor spro ba'i dus su brjod par bya ba yin pas 'dir ma bstan to//de'i rjes thogs su/ phung po lnga ni mdor bsdu na/ /sangs rgyas lngar ni rab tu grags/ /rdo rje skye mched dag nyid ni/ /byang chub sems dpa'i dkyil 'khor mchog /sa ni spyan ma yin par brjod/ /chu khams mA ma kIr brjod de//me ni gos dkar zhes bya yin/ /rlung ni sgrol mar rab grags te/ sngags pas gzugs dang sgra sogs kyis/ /lha ni rab tu bsgom par bya/ /zhes bya ba rgyud kyi don mngon du byas nas mos pas yongs su bsgoms pa thams cad lus kyi dkyil 'khor la gzhug par bya'o zhes ston pas gsungs pa ni cho ga ci bzhin zhes bya ba la sogs pa'o//cho ga ji lta ba bzhin pa ni shar la sogs pa'i phyogs rnams su go rims las ma 'das par dgod pa'o/ /de dag kha sbyor rnal 'byor gyis zhes bya ba ni/ de dag gzugs kyi phung po la sogs pa rnams su bsdus pa nyid kha sbyor yin la/de ni rnal 'byor gyis ting nge 'dzin bsgom pa ste/ des dkyil 'khor gyi bdag po'i rang bzhin du gyur pa'i rang gi lus su gzhug par bya'o/ /de'i 'og tu ji zhig bya/ /zhe na brjod pa lus 'khor la brten zhes bya ba la sogs pa'o//ji lta ji lta ba bzhin du lus kyi 'khor lo la brten pa'i sangs rgyas de rnams de ltar 'chad par 'gyur ba'i tshul du ji lta ji lta ba bzhin du bsams nas te bkod nas phyi rol gyi dkyil 'khor lus kyi dkyil 'khor du zhugs par gyur pa na de bzhin gshegs pa thams cad rdul phra rab kyi yongs su bsgrubs pa'i rang bzhin don dam pa'i 'khor lo de byed par gyur pas de bzhin du ste/'od gsal bar gzhug par bya ste zhugs par bsgom par bya'o/ /'di nyid ston pa/ de bzhin gshegs pa'i tshogs bsad na//zhes bya ba ste/ de bzhin gshegs pa'i tshogs ni de bzhin gshegs pa la sogs pa'i 'khor lo ste/ gzugs kyi phung po la sogs pa'i ngo bo nyid do/ /bsad na zhes bya ba de bzhin nyid du bcu na'o/ /de ltar yin na dngos grub ste/ phyag rgya chen po la sogs pa ste/ldang ba zhes bya ba'i don to/ /de 'thob cing rnyed par 'gyur ro/ /'di ni rtsa ba'i rgyu yin la 'di yi don de bzhin gshegs pa la sogs pa rnams gzugs kyi phung po la sogs pa gzhug pa sngon du 'gro ba can gyi 'od gsal bar gzhug pa'i mtshan nyid ni/ bshad pa'i rgyud rdo rje phreng ba zhes bya bar ji ltar gsal bar 'gyur ba'i de ltar bcom ldan 'das zhes bya ba kho nas phyung ste rnam par phye ba yin no//ji ltar phye ba yin zhe na/ ji bzhin zhes bya ba'o/ /gzugs phung zhes bya ba ni/ gzugs kyi phung po'i ngo bo nyid rnam par snang mdzad de/ 'di ni gzugs kyi phung po'i nang du 'du ba yin no//me long rtogs pa na gshin rje mthar byed de/ lag pa g.yon par 'du ba'o/ /sa'i khams ni spyan ma ste sar 'du ba yin no/ /mig gi dbang po ni sa'i snying po ste mig dag tu'o/ /gzugs ni gzugs rdo rje ma ste gzugs thams cad la'o/ /khro bo dang ni byams par ldan/ / zhes bya ba la/ khro bo ni mi g.yo ba ste/ rtsib logs g.yas par ro/ /byams pa ni mgo bor ro/ /'dis ni mtshams dang bcas pa'i shar phyogs na gnas pa'i lha rnams nang du 'du ba brten pa yin no/ /chor ba'i phung po rin chen 'byung ba ste/ tshor ba'i phung po'i nang du 'du// bar 'gyur ro/ /mnyam nyid ni nam mkha'i snying po snar ro/ /chu khams ni mA ma kI ste chu rnams su'o/ /rna ba'i dbang po ni phyag na rdo rje ste/ rna ba gnyis su'o/ /sgra ni sgra rdo rje ma ste sgra rnams su'o/ /khro bo gnyis dang yang dag ldan/ /zhes bya ba ni/ Tak+ki dang shes rab mthar byed dag ste/rim pa ji ltar rtsib logs g.yon pa dang lag pa g.yon pa dag tu'o/ /'dis ni mtshams dang bcas pa'i lho phyogs na gnas pa'i lha rnams kyi khongs su 'du ba brjod do/ /'du shes ni 'od dpag med de/ 'du shes kyi phung po'i nang du'o//so sor rtogs pa ni 'jam dpal de yid du'o/ /bsreg za ni sgrol ma ste me'i khams su'o/ /sna'i dbang po zhes bya ba ni snas nye bar mtshon pa ste lce yin par gzung ngo / /des sna'i dbang po'i sgras ni lce'i dbang po la bzhed pa yin la/ de ltar yid dang lce'i dbang po ni 'jig rten dbang phyug yin pas lcer 'du bar 'gyur ro zhes bya ba'i don 'di gzhung btsugs par blta'o//dri ni dri rdo rje ma ste/ dri rnams su'o/ /khro bo gnyis dang yang dag ldan/ /zhes bya ba ni/ dbyug sngon can dang pad+ma mthar byed dag ste go rims ji lta bar pus mo g.yas pa dang khar du'o//'dis ni mtshams dang bcas pa'i nub phyogs na gnas pa'i lha rnams kyi nang du brjod pa yin no/ /'du byed ni don yod grub pa ste/ 'du byed kyi phung por 'du'o/ /bya ba grub pa ni kun tu bzang po ste/ tshigs rnams thams cad du 'du'o//rlung ni sgrol ma ste rlung gi khams su'o/ /lce'i dbang po zhes bya ba ni/ khams rnams kyi don du ma yin pa'i phyir myong bar byed cing reg par byed pa zhes bya bas/ lce'i dbang po'i sgras ni reg pa'i dbang po la bzhed do/ /des na sgrib pa thams cad rnam par sel ba lus thams cad du 'du ba yin zhes rig par bya'o//ro ni ro rdo rje ma ste ro rnams su'o/ /khro bo gnyis dang yang dag ldan/ /zhes bya ba ni/ stobs po che dang bgegs mthar byed dag ste rim pa ci lta ba bus mo g.yon pa dang rdo rje dag tu rjes su zhugs pa'o/ / 'dis ni mtshams dang bcas pa'i byang gi phyogs na gnas pa'i lha rnams nang du 'du ba rab tu bstan to/ /steng 'og khro bor yang dag ldan/ /zhes bya ba ni/ gtsug tor 'khor los sgyur ba dang gnod mdzes rgyal po dag ste grangs ci lta ba bzhin spyi bo dang rkang pa'i mtha' ma gnyis su 'dus so//rang bzhin du ni snang nyid kyang / /zhes bya ba rang bzhin te bcom ldan 'das kyi ngo bo nyid lta bur snang ba'i rnam pa gang la yod pa bcom ldan 'das kyis gzigs te/ rang bzhin du snang ba bcom ldan 'das kyi gzugs de ni rnam shes phung po bzhugs par 'gyur ba yin no/ /'dis ni lha dang lha mo dag kyang 'od gsal bar zhugs pa bstan pa yin no//'di ni rjes su gzhug pa zhes bya ba'i man ngag yin par rig par bya'o/ /da ni tshigs su bcad pa phyed kyis 'khrul pa zhi bar bya ba'i don du 'od gsal ba rjod par byed pa'i sgras rnam grangs gsungs pa ni/ mya ngan 'das dang zhes bya ba la sogs pas so//brjod pa yin zhes bya ba'i sgrar byas shing rab tu bsgrags pa'o/ /de ltar re zhig 'od gsal zhugs pa brjod nas brten pa bskyed par bya ba'i don du 'od/ gdon mi za bar brjod par bya ba'i gsang sngags brtan par bya ba'i don du gsungs pa ni/brtan par bya ba'i don du ni zhes bya ba la sogs pa'o/ /'di ni zhes bya ba ni de ma thag tu brjod bzhin pa ste/ oM shU n+ya tA zhes bya ba la sogs pa'i sngags so/ /ci'i don du brten pa bskyed par bya zhe na/ 'di ni don dam dkyil 'khor te/ /zhes bya ba la sogs pa'o//gang gi phyir 'di ni don dam ste bcos bu ma yin pa lhan cig skyes par 'gyur ba'i dkyil 'khor yin te/ snang ba med cing 'od gsal ma dag pa'i snang ba gsum dang bral ba zung 'jug ni sku'i mtshan nyid can te/ mtshan ma'am rgyur ba yin la/ de nyid kyi phyir de bzhin gshegs pa kun gyi gnas te/gzhi yin pa dang / don dam bden pa zhes kyang bya/ /zhes bya ba don dam pa ni bden pa'i ming du yang rab tu grags pa de'i phyir 'di dran pa'i dgos pa ched du byas nas brten pa bskyed par bya ba yin no/ /de ltar stong pa nyid la dmigs pas nyes pa'i dri ma thams cad bkrus pa na/rdo rje sems dpa' phyag rgya chen po'i rang bzhin rim pa 'dis bskyed par bya'o zhes pa brtan pa'i phyir gsungs pa ni/ sngags dang zhes bya ba la sogs pa'o/ /sngags kyi yi ge las byung ba'i sku phyag rgya chen po'i bdag nyid can gyi sbyor ba gang yin pa'i sngon byas pa'i smon lam gyi 'phen pa de yis lha dmigs par byed pa ldang ba ste/grub pa yang bstan par bya ste/ de ma thag tu zhes bya ba kho nas dbyung ngo / /ji ltar zhe na gsungs pa ni nam mkha' zhes bya ba la sogs pa'o//nam mkha'i khams ni nang gi rim pa ste/ lhas stong pas na nam mkha' dang chos mtshungs pa'i phyir ro/ /de'i dbus su gnas pa 'dzam bu'i 'bras bu smin pa lta bu'i cung zad dmar ba'i nyi ma'i dkyil 'khor yi ge hUM las skyes pa rnam par bsgoms te/ de'i dbus yi ge oM dkar po yongs su gyur pa'i zla ba dkar po bsam mo//de'i de ma thag tu zla ba de las a dmar pos bskyed pa'i pad+ma 'dab brgyad pa rnam par bsgoms la pad+ma'i lte ba'i steng du sa bon gsum po de nyid dgod par bya'o zhes bya ba ni man ngag yin no/ /sngags dang pad+ma nyi ma dag /ces bya ba nas bzung ste/ rjes su rnal 'byor brtsam par bya/ /zhes bya ba'i mthar thug pa ni rtog sla'o/ /rjes su rnal 'byor de gang yin zhe na/ brjod pa ni zla ba'i dbus zhes bya ba la sogs pa'o/ /chos kyi dbyings kyi rang bzhin gyi zla ba de nyid kyi dbus su/ sngar brjod zin pa'i sa bon gsum bkod nas/ de gnyis gyur pas mngon par byung chub pa rnam pa lnga mtshon par byed pa'i rdo rje rnam par bsgoms nas de yongs su gyur nas rdo rje sems dpar bsgom par bya'o zhes bya ba ni bsdus pa'i don to/ /de ltar re zhig rdo rje sems dpa' bsgoms la rdo rje sems dpa' skye ba bstan pa yin no//yang gang gi tshe rnam par snang mdzad la sogs pa gtso bo nyid du bsgom par 'dod pa de'i tshe ni zla ba'i dkyil 'khor gyi steng du sa bon gsum yongs su gyur pa las de rnams kyi mtshan ma bltas nas bsgom par bya'o/ /de dag gi rang rang gi gnas su ni bstan zin ma thag pa'i rdo rje sems dpa' blta bar bya'o//gal te yang sngar mos pa'i dkyil 'khor bsgom pa'i skabs su rdo rje sems dpa'i rigs rdo rje ma la snyoms par zhugs pa bstan na yang / /de bzhin gshegs pa gzhan bzhi po bdag nyid ci lta ba'i shes rab kyi mgul na 'khyud pa rnams rang gi gnas su rdo rje sems dpa' bzhag nas gtso bor gyur par de dang de la mos pa rnams kyis bsgom par bya ba yin no//dkyil 'khor pa gzhan pa'i khams la sogs pa rnams sbyong bar byed pa brjod pa rnams la ni gtso bo nyid yod pa ma yin te/ sa ni spyan ma yin par brjod/ /ces bya ba la sogs pa gsungs pa yin no/ /rnam par snang mdzad la sogs pa yang rjes su zhugs pa'i yin mod kyi/ skabs las 'ongs pa ni mi bskyod pa rjes su zhugs par bya ba yin no zhes ston pas brjod pas so/ /mi bskyod pas rjes su zhugs pa zhes bya ba la sogs te/tshigs su bcad pa 'di yang go sla bar ro/ /mi bskyod pa rjes su zhugs pa'i don bzhi 'di pas brjod pa ni/ rdo rje'i 'khor lo zhes bya ba la sogs pa ste/ tshigs su bcad pa 'di yis ni kun du zla ba ltar dkar ba'i bcom ldan 'das de nyid kyi phyag g.yas g.yon dag tu bsgom par bya ba'i mtshan ma brjod pa yin no//da ni 'di nyid lha thams cad kyi bdag nyid can du gyur pa na/ sngags bkod pa'i don gyi shugs kho nas gdul bya'i skye bo thams cad kyi spyod yul du 'gyur ro zhes bstan pa'i don du sa bon dgod pa gsungs pa ni de nas zhes bya ba nas brtsams te/gnod mdzes rgyal po bkod par bsam/ /zhes bya ba ni mthar thug pas so/ /'dir gzugs dang sgra dang dri dang ro rnams kyi sa bon dzaHhUM baM hoHzhes bya ba'i rang bzhin no/ /spyan ma la sogs pa kun du bzang po'i mthar thug pa rnams kyi sa bon rnams ni rang gi bdag po'i mdog tu bsgom mo//lha rnams kyi sa bon nyid thams cad ni 'chad par 'gyur ba'i tshul gyis bdag nyid ji lta ba'i mtshan ma dang gdan dmigs nas/ de'i gdan gyi steng na gnas pa'i mtshan ma'i nang du chud par bsgom par bya ba yin no/ / gshin rje mthar byed la sogs pa khro bo bcu po rnams ni yi ge haM ring po yin nam raM ring po bcu las yongs su gyur pa phyag la sogs pa'i cha rnams na rang gi phyag mtshan yod par bsgom mo zhes bya ba ni man ngag go/ /de ltar re zhig rnal 'byor gsum rdzogs nas lus kyi dkyil 'khor dang ldan pa'i rnal 'byor bas sgrub pa chen po'i thabs su gyur pa rnal 'byor chen po bsgom par bya'o zhes bstan pa'i don du gsungs pa'o//phung sogs cho ga sbyin du ni/ /zhes bya ba la sogs pa ste/ tshigs su bcad pa 'di yang go sla'o/ /rnal 'byor chen po yang gang zhig yin snyam na zla ba'i dkyil 'khor zhes bya ba nas brtsams te/'di gnyis brjod pas gsol ba gdab/ /ces bya ba ni mthar thug pa'o/ /'dir don ni 'di yin te/ mgo'i nang du oM dkar po las yongs su gyur pa'i 'khor lo rtsibs brgyad pa'i lte ba'i nang na gnas pa'i zla ba'i steng du yi ge oM bsams la de'i mthu las spyan ma 'chad par 'gyur ba'i mdog dang phyag rgya dang mtshan ma dang ldan pa mang po can nam mkha'i mthong thams cad khyab par spros par bsgom mo//de'i 'og tu sa bon de nyid las spros pa'i bcom ldan 'das rnam par snang mdzad 'chad par 'gyur ba'i mdog dang phyag dang mtshan ma can yang nam mkha' thams cad khyab par spros pa'i rang gi 'khor lo'i dbus na bzhugs pa spros te/sgrub pa pos mdun gyi yul du gsol ba gdab par bsam mo/ /sgrub pa pos bcom ldan 'das de la gus pa sngon du 'gro bas tshigs su bcad pa 'di gnyis kyis gsol ba gdab par bya'o//de nyid brjod pa ni dpal ldan sangs rgyas sku 'chang ba la sogs pa'o/ /dpal ni spyan ma ste de gang la yod pa de dpal ldan no/ /sangs rgyas ni dus gsum du bzhugs pa'i de bzhin gshegs pa rnams so//de rnams kyi sku de'i bdag nyid kyis 'jig par byed pas ni sangs rgyas sku 'chang ngo / /rdo rje gsum ni rdo rje 'chang chen po ste/ de dang mi phyed cing bdag nyid gcig tu bsgom pa'o/ /bdag la ste/ bdag gi lus la de'i byin gyi rlabs kyis gnas/bzhugs par mdzod cig pa'o/ /sku'i rdo rje ni rnam par snang mdzad do/ /de ltar bdag po la gsol ba btab nas/ de'i 'khor lo la gsol ba'i don du brjod pa ni phyogs bcur bzhugs pa'i zhes bya ba la sogs pa'o/ /'di'i don yang snga ma bzhin rtogs par bya'o//de ltar bcom ldan 'das la gsol ba btab na gang du gyur pa de bstan pa'i phyir spyan ma dang lhan cig ces bya ba la sogs pa'o/ /gsol ba btab ma thag tu mdun na bzhugs pa'i bcom ldan 'das 'phros pa'i bdag nyid kyis rang bzhin rnam pa de lta bur spyan ma dang snyoms par zhugs pa bsgom par bya'o//de'i rjes la phan tshun rjes su chags pas bde ba chen po'i rang bzhin du gyur te/ 'od zer dkar po'i gzugs kyis sgrub pa po'i mgo'i phyogs su zhugs nas phung po lnga po rnams kyis gang ba'i lus 'dis byin gyis brlab po zhes bya ba ni bsdus pa'i don to//de nas sgrub pa po re ba la smon pa ni/ sangs rgyas kun gyi sku gang zhig /phung po lngas ni rab gang ltar/ /sangs rgyas sku yi rang bzhin gyis/ /bdag gi yang ni de 'drar shog /ces bya ba ste/ sku'i rdo rje sangs rgyas kun gyi sku gang zhig gzugs la sogs pa'i phung po lngas rab tu brgyan pa'o//gang zhig ces bya ba ni ji lta ste/ skyes bu chen po'i mtshan sum cu rtsa gnyis la sogs pa'i rang bzhin gang gis bzhugs pa ltar/ sangs rgyas sku'i rang bzhin te/ rnam par snang mdzad kyi sku'i ngo bo nyid kyis/ bdag gi yang ni de 'drar shog ste/ lus shog cig ces khong nas dbyung ngo / /'di bstan par bya ba'i don du gdon mi za bar brjod par bya ba'i don du sngags gsungs pa ni oM zhes bya ba la sogs pas so/ /de ltar re zhig sku rdo rje rdzogs nas rim pa 'dis gsung rdo rje bsgrub par bya'o zhes ston par byed pa ni/ lce'i pad+ma'i zhes bya ba la sogs pa'o//lce'i rtsa ba mgrin pa zhes bya ba'i ming gzhan dang ldan pa'i steng gi zla bar yi ge a dmar po las yongs su gyur pa'i pad+ma dmar po'i dbus kyi zla ba la gnas pa'i sa bon de nyid las nges par byung ba'i gos dkar mo 'chad par 'gyur ba'i mdog dang mtshan ma can sems can gyi don du spros pa'i tshul gyis nam mkha'i phyogs thams cad khyab par bsgom nas so//rdo rje gsung zhes bya ba ni sa bon de nyid las spros pa ste/ 'chad par 'gyur ba'i mdog dang mtshan la sogs pa can 'phro ba dang 'du ba'i rang bzhin spros pa'i rang gi 'khor lo dbus na bzhugs pa/skyes bu chen po'i mtshan la sogs pas brgyan zhing / rang gi mdun na bzhugs pa gsol ba gdab par bya ba bsgom par bya'o zhes bya ba ni tshigs su bcad pa gnyis kyi don to/ /da ni gsol ba gdab par bya ba'i don du tshigs su bcad pa gnyis brjod pa ni/dpal ldan gsung gi zhes bya ba la sogs pa'o/ /dpal ni ta ra ste/ de dang ldan pa'i phyir dpal ldan no/ /chos ni 'od dpag med gsung gi rang bzhin yin pa'i phyir ro/ /mi phyed rdo rje zhes bya ba la sogs pa ni snga ma bzhin no//bdag la ste bdag gi ngag la byin gyis rlob cing bzhugs par mdzod cig pa'o/ /gsung gi rdo rje ni rdo rje gsung ldan no/ /'di'i 'khor lo la gsol ba gdab pa snga ma kho na bzhin no/ /gsol ba gdab ma thag tu gsung gi rdo rje byin gyis rlob cing brjod pa ni/ rang gi bdag po dang zhes bya ba la sogs pa ste/ bcom ldan 'das 'od dpag med 'chad par 'gyur ba'i mdog dang phyag la sogs pa dang ldan pa thams cad spros pa'i rang bzhin can 'chad par 'gyur ba'i mdog dang phyag la sogs pa can gyi dkar mo dang lhan cig kha sbyar bar gyur nas phan tshun rjes su chags par sngon du song ba can gyi 'od zer dmar po'i rang bzhin gyis kha sgo nas zhugs te/lce'i 'dab mar zhugs shing / sgrub pa po de'i ngag byin gyis rlob pa zhes bya ba ni bsdus pa'i don to/ /da ni re ba smon pa brjod pa ni/ rdo rje chos kyi gsung gang zhig /ces bya ba la sogs pas so/ /rdo rje chos zhes bya ba 'od dpag med kyi gsung ste brjod pa gang zhig thob pa'o/ /ci 'dra bar zhe na/ nges par brjod pa ni nges tshig ste/ gang dag la ste phun sum tshogs pa yod pa de dag ni nges pa'i tshig phun sum tshogs pa'o//nges tshig smos pa nye bar mtshon pa ste/ des na chos dang don dang spobs pa rnams gzung ba yin no/ /bdag gi tshig kyang de 'dra ba ste/ de dang 'dra bar brjod par ro/ /chos 'dzin pa dang 'dra ba 'gyur ba zhes bya ba ni chos 'dzin pa dang / 'dra ba bdag gi yang de 'dra bar shog cing gyur cig pa'o//brtan par bya ba'i don du brjod par bya ba'i sngags ni/ oM zhes bya ba la sogs pa yin no/ /da ni sems byin gyis brlab pa ston pa/ sngags pa snying gar zhes bya ba la sogs pa'o/ /snying gar zla ba'i dkyil 'khor gyi steng du yi ge hUM sngon po las skyes pa'i rdo rje rtse lnga pa'i nang na gnas pa'i zla ba las 'od zer rnam pa lnga rnam par 'phro zhing mdangs 'bar ba'i hUM bsams nas/de nas lha mo mA ma kI mdog dang phyag la sogs pa 'chad par 'gyur ba dang mthun pa spro ba dang sdud pa'i rang bzhin can spro bar bya zhing bcom ldan 'das mi bskyod pa 'chad par 'gyur ba'i mdog dang phyag la sogs pa can spro ba dang sdud pa'i rang bzhin can rang gi lha mo'i 'khor lo'i dbus na rnam par bzhugs pa bdag nyid kyi mdun du bsams la gsol ba gdab bo zhes bya ba'i tshigs su bcad pa gnyis kyi don to//snga ma bzhin gsol ba 'debs pa'i don du tshigs su bcad pa gnyis brjod pa ni dpal ldan thugs kyi zhes bya ba la sogs pa'o//dpal ldan ni mA ma kI dang yang dag par ldan pa'i phyir ro/ /rdo rje lta bu'i thugs ni thugs rdo rje ste/ 'khor ba dang mya ngan las 'das pa dag gis ma gos pa'i phyir ro//de lta bur gyur pa'i thugs mnga' ba ni thugs kyi rdo rje 'chang ste mi bskyod pa'o/ /lhag ma ni snga ma bzhin no/ /de bzhin du 'di'i 'khor lo la gsol ba gdab pa yang snga ma kho na bzhin no/ /de ltar gsol ba btab par gyur pa ni gang zhig bsgom par bya ba de bstan pa'i phyir gsungs pa ni thugs kyi rdo rje dang bcas pa zhes bya ba la sogs pa'o//bcom ldan 'das mi bskyod pa yang dag par spro bar byas pa'i bdag nyid kyi rang bzhin 'chad par 'gyur ba'i mdog la sogs pa can/ spros par gyur pa'i bdag nyid kyi rang bzhin can gyi mA ma kI 'chad par 'gyur ba'i mdog la sogs pa dang ldan pa lhan cig kha sbyor du gyur nas phan tshun rjes su chags pas bde ba chen po'i rang bzhin nyams su myong bar gyur nas 'od zer nag po'i rang bzhin gyis snying gar zla ba zhugs pas sems byin gyis brlab par bya'o zhes bya ba ni tshigs su bcad pa'i don to//phyis re ba smon par bya'o zhes gsungs pa ni kun du bzang po zhes bya ba la sogs pas so/ /kun du bzang po ni mi bskyod pa'o/ /gsang dbang po zhes bya ba la gsang ba ni gnyis med kyi ye shes so/ /de ka ya ti ste/ rjod par byed pas na gu h+ya ka'o//ka'i sgra ni sa khams so/ /dbang byed pas ni dbang ste/ dbang phyug dam pa'o/ /gsal ba ston pa rnams kyi dbang po ste/ de kho na ston pa rnams kyis gtso bor gyur pa zhes bya ba'i don to/ /blo ldan ni reg bya rdo rje ma dang yang dag ldan pa'o/ /rnam pa de lta bu'i sems gang yin pa dang 'dra bar rdo rje 'dzin pa dang mtshungs par gyur pa bdag gi sems kyang gyur cig ces bya ba ni gsol ba yin no//sems byin gyis rlob pa'i sngags ni oM zhes bya ba la sogs pa'o/ /de ltar re zhig so sor byin gyis brlabs nas/ da ni bdag nyid thams cad byin gyis rlob pa brjod pa ni de ltar zhes bya ba la sogs pa'o//tshigs su bcad pa 'di yang go bar sla'o/ /byin gyis rlob pa'i man ngag kyang so sor byin gyis rlob pa bzhin no/ /sngags kyang oM zhes bya ba la sogs pa yin no/ /de ltar dam tshig sems dpa' bsgoms nas ye shes sems dpa' bsgom pa'i don du gsungs pa ni/de ltar byin gyis brlabs nas bdag /ces bya ba la sogs pa'o/ /de ltar brjod zin pa'i rim pas so so ba dang bsdoms nas bdag nyid de bzhin gshegs pa rnams kyis byin gyis brlabs par byas nas so/ / zla ba'i dkyil 'khor gnas shing zhes bya ba ni sngar brjod pa'i tshul gyis sa bon dang mtshan ma yongs su gyur pa sngon du 'gro ba can/ rgyu'i rdo rje 'chang dam tshig sems dpa' zhes bya ba'i ming gzhan dang ldan pa/ rdo rje dang dril bus nye bar mtshon cing / zla ba'i gdan la bzhugs pa mtshan ma drug dang zhes bya ba sngar brjod pa'i rdo rje la sogs pa phyag na gnas pa dang ldan pa bsam par bya'o snyam du dgongs pa'o//de'i thugs kar ni phyag la sogs pa rang nyid dang 'dra ba'i ye shes sems dpa' mdog dmar po rnam par bsgoms nas de'i thugs kar zla ba'i dkyil 'khor gyi steng du yi ge hUM sngon po bkod de/rnal 'byor chen po'i ming can sems dpa' gsum gyi bdag nyid can la dbang bskur bar gyur pa na bdag nyid mi bskyod pa'i cod pan dang ldan par bsgom mo/ /de ltar rnal 'byor bsgoms nas sgrub pa chen po bya ba gsungs pa ni/de ltar zhes bya ba la sogs pa'o/ /sgrub pa'i sbyor ba 'di yis zhes bya ba ni 'chad par 'gyur ba'i sgrub pa'i cho ga 'dis so/ /sgrub pa chen po zhes bya ba 'dis rdo rje 'chang la sogs pa chen po rnams sgrub pas na sgrub pa chen po'o/ /sgrub pa ni spyod pa la sogs pa byed pa yan lag dang bcas pa ste/de brtsam par bya ste zhes bya ba'o/ /da ni gzhi 'dings pa brjod pa ni gzugs dang zhes bya ba la sogs pa'o/ /tshor ba ma zhes bya ba ni chos bstan pa la sogs pas sems can thams cad kyi sems dga' zhing sgyur bar byed pas de spyod pa'i 'o//legs par brlabs shing zhes bya ba ni rang ngam gzhan gyi gso sbyong la sogs pa byin pa'i tshul gyis yongs su sbyongs pa'i phyi rol gyi bud med de rdo rje sems dpa' bskyed pa bzhin du dkar ba dang dmar ba dang nag po'i bdag nyid can gyi yi ge gsum gyis reg bya rdo rje ma'i rang bzhin bskyed la rab tu bslangs nas 'khyud la sgrub pa chen po brtsam par bya'o zhes snga ma dang 'brel to//da ni rigs lnga'i tshogs su rim gyis ston pas brjod pa ni/ oM yig ces bya ba la sogs pa ste/ oM yig ni spyi bor zla ba'i steng gi srog dkar po las yongs su gyur ba'i 'khor lo dkar po'i lte ba'i zla ba la gnas pa'i srog dkar po'i a yig ces bya ba ni/lce rtsa'i zla ba'i steng du a dmar po las yongs su gyur pa'i pad+ma dmar po lte ba'i dbus kyi zla bar gnas pa'i yi ge a dmar po'o/ /hUM dang po zhes bya ba ni/ snying gar nyi ma'i dkyil 'khor gyi steng du yi ge hUM sngon po las yongs su gyur pa'i rdo rje sngon po rtse lnga pa'i lte ba'i dbus na gnas pa'i nyi ma'i yi ge hUM sngon po'o//lte bar swA zhes bya ba ni/ lte bar zla ba'i steng du yi ge swa ser po las yongs su gyur pa'i rin po che mdog ser po la gnas pa'i zla ba'i swa mdog ser po'o//rkang pa gnyis la ha zhes bya ba ni brla gnyis su zla ba'i steng du yi ge ha sngon po gnyis las yongs su gyur pa'i sna tshogs rdo rje 'od zer dang bcas pa'i lte ba gnyis la gnas pa'i zla ba gnyis la ha sngon po gnyis dgod par bya'o/ /sa bon 'di thams cad ni rang rang gi gtso bo'i mdog can du dngos su'am mos pas bsgom par bya ba yin no//spyan dang zhes bya ba la sogs pa ni spyan ma la sogs pa'i lha mo bzhis so/ /sa la sogs pa'i khams bzhi la/ rang rang gi mtshan ma'i dbus na gnas pa'i zla ba'i dkyil 'khor du mo ha ra ti zhes bya ba la sogs pa'i sa bon gyi rang bzhin du bsgom par bya ba yin no//lha mo rdo rje'i gzugs sogs rnams/ /zhes bya ba ni gzugs rdo rje ma dang / sgra rdo rje ma dang / dri rdo rje ma dang / ro rdo rje ma dang ni bcom ldan 'das ma de'i phyi rol dang nang gi bdag nyid can gyi gzugs dang sgra dang dri dang ro rnams la 'chad par 'gyur ba'i tshul gyis rang rang gi sa bon ma'i dbus na gnas pa'i zla ba'i dbus su sngar brjod pa'i rang gi sa bon gyi bdag nyid du bsgom par bya'o//de dag sa snying la sogs pa zhes pa ni sa'i snying po dang / phyag na rdo rje dang /nam mkha'i snying po dang / 'jig rten dbang phyug gi sa bon bdag nyid mig la sogs pa'i dbang po la gnas pa'i 'dzin par byed pa'i rang bzhin rnams dang snyoms par zhugs pa ste/ gzung bar bya ba yin par gzugs rdo rje ma la sogs pa de dag bsgom par bya'o//byang chub sems dpa' gzhan bzhi po byams pa dang 'jam dpal dang sgrib pa thams cad rnam par sel ba dang kun du bzang po zhes bya ba rnams ni rim pa ci lta ba bzhin/ mgo bo dang yid dang lus dang mtshams rnams su/ sa bon gyi bdag nyid du rnam par gnas par bsgom mo//lag pa g.yas zhes bya ba la sogs pa ni khro bo bcu po rnams kyi lha mo rnams rang rang gi bdag po dang phyag la sogs pa 'dra bar/ snga ma kho na bzhin yi ge hUM ring po mdog sngon po rnams las yongs su dag pa reg rdo rje ma'i yan lag gi gnas rnams su bsgom par bya'o zhes bya ba ni bsgrub pa'i don to//sa'i snying po nas brtsams te/ sa 'dzin gyi mthar thug pa'i lha'i rang bzhin 'di rnams kyi sa bon ni rang rang gi mtshan ma'i dbus na gnas pa'i nyi ma dang zla ba la bsgom par bya ba yin no/ /rdo rje ro langs ma la sogs pa ni sa'i sa bon las yongs su gyur pa'i dngos po kho nar bsgom par bya ba ni khyad par yin no//brjod zin pa'i tshul de ltar lha mo de legs par sbyangs nas de lha mo la sogs pa bkod pas tha mal pa'i bud med kyi rang bzhin spangs te/ rnal 'byor pas de rdo rje sems dpa'i rnal 'byor dang ldan pas rdo rje pad+ma brtsam zhes bya ba ni rdo rje dang pad+ma yongs su gyur ma thag tu 'chad par 'gyur pa'i tshul gyis brtsam par bya'o//'di ni re zhig phyi rol gyi bud med yongs su sbyong ba brjod pa yin no/ /gal te phyi rol gyi bud med med par gyur na de'i tshe rnam par rtog pa la gnas pa'i reg rdo rje ma la yang yongs su sbyong ba 'di nyid bya ba yin no//da ni rdo rje dang pad+ma yongs su sbyor ba brjod pa ni/ sngags pas zhes bya ba la sogs pa nas bzung ste/ de 'og sgrub pa brtsam par bya/ /zhes bya ba ni mthar thug pas so/ /hUM yig mthon mthing gis rang gi mtshan ma rdo rje rtse lnga pa nag po 'od zer lnga dang ldan pa bsams nas de'i rtse mo dbus ma la srog dkar po dgod cing /de'i chos 'byung la yang a yig dmar po las yongs su gyur pa pad+ma dmar po 'dab ma brgyad pa'i rang bzhin du bsgom par bya'o zhes bya ba ni bsdus pa'i don to/ /de nas oM sarba ta thA ga ta zhes bya ba la sogs pa'i sngags kyis/rin chen 'byung ldan gyi nga rgyal dang ldan pas phan tshun rjes su chags pa sngon du 'gro bas 'khyud pa dang 'o la sogs pa bya'o/ /de nas nga rgyal 'di nyid kyis bskyod pa bya'o zhes ston pas brjod pa ni/ yi ge hUM gi glu yis zhes bya ba la sogs pa'o/ / yi ge hUM glu rnam pa mang po brjod cing rdo rje pad+ma'i nang du chud pas/ rin chen 'byung ldan gyi nga rgyal dang ldan pas bskyod bya ster ba g.yo bar bya'o/ /de nas rim gyis dga' ba gnyis rtogs par byas nas/ rdo rje'i nor bu'i nang du dga' ba gsum pa bskyed pa na/ nor bu'i rtse mo'i bu ga 'gegs par byed pa'i yi ge gnyis rnam par bsams nas dgag par bya zhing yi ge gnyis po 'di nyid brjod par bya'o zhes bya ba ni tshigs su bcad pa'i don to//de nas ni lus kyi dkyil 'khor ba'i lha rnams lhan cig skyes pa'i bde ba nyams su myong nas rtsa ba'i sbubs nas thig le'i gzugs kyis pad+ma'i nang du babs par 'gyur ro//'dis ni dga' ba bzhi pa yang yang dag par skye bar gyur pa yin no zhes rig par bya'o/ /de nas ni blta bar gyur pa'i byang chub kyi sems kyis de bzhin gshegs pa thams cad mchod par bya'o zhes ston par byed pas gsungs pa ni/ 'byung ba'i mthar yang zhes bya ba la sogs pa'o/ /spros pa'i byang chub kyi sems kyis don grub pa'i don to/ /sngags ni oM zhes bya ba la sogs pa yin no/ /da ni zhe sdang rdo rje'i bdag nyid kyis dkyil 'khor ba'i lha dag spro bar bya ba yin te/ des na zhe sdang rdo rje'i gnas su 'dug par bya ba'i phyir gsungs pa ni rang sngags yi ge zhes bya ba la sogs pa'o//rang gi sngags kyi yi ge ni badzra d+h+r-i ka ces bya ba'i sngags mdog nag po de las skyes pa'o zhes rdo rje gsum gyi byin gyis brlabs pa zhes bya ba ni sku rdo rje la sogs pa'i rang bzhin oM AHhUM zhes bya ba'i yi ge gsum po mgo dang mgrin pa dang /snying ga la gnas pas byin gyis brlabs pa rdo rje 'chang gi rang bzhin bdag nyid pad+ma'i nang du ste/ pad+ma ma'i khong par bskyed nas de ma thag tu slar yang zhe sdang rdo rjer bskyed par bya ste mi bskyod pa ci 'dra ba bzhin du bskyed nas bsgom par bya zhe na badzra d+h+r-ika ces bya ba'o//mi bskyod ces bya ba ni mi 'khrugs pas na mi bskyod pa ste/ rdo rje sems dpa'o/ /des dbu rgyan byas pa ste/ dbu brgyan pa gang yin pa de la de skad ces bya'o/ /sngo dmar dkar ba'i zhal dang ldan/ /zhes bya ba ni gtso bo'i zhal ni sngo ba/ g.yon ni dmar ba/ g.yas ni dkar ba'o/ /rdo rje zhes bya ba ni rdo rje sngon po rtse lnga pa'o/ /'khor lo zhes bya ba ni 'khor lo ser po rtsibs brgyad pa'o/ /dril bu zhes bya ba ni mdog dkar po sgra dang ldan pa'o/ /yid bzhin nor bu zhes bya ba ni sems can thams cad bsam pa sgom par byed pa ste rin po che yid sbyin no//ral gri zhes bya ba ni nor bu chen po la sogs pas brgyan pa'i yu ba can gyi ral gri sngon po rab tu 'bar ba'o/ /'di'i 'khor los sgyur ba drug gi rang bzhin du bstan pa'o/ /'di ni dkyil 'khor pa gzhan rnams dang / rgyu'i rdo rje 'chang la yang ji ltar srid par rtogs bya'o//des na de lta bur gyur pa'i bcom ldan 'das bsgom par bya ba yin no/ /bcom ldan 'das 'dis ci zhig bya zhe na/ brjod pa 'di ni zhes bya ba bcom ldan 'das mi bskyod pa ni snying ga nas te/ de bzhin gshegs pa thams cad kyi thugs kyi rang bzhin bud med kyi pad+ma'i nang du babs pa'i byang chub kyi sems las badzra d+h+r-i ka gi sngags kyi bskyed pa byung nas te/btogs nas phyogs bcur rnam par gzigs mdzad de/ /zhes bya ba phyogs bcu na rnam par gnas pa'i sems can kun la lha'i spyan gyis gzigs nas/ 'bar ba dang 'tsher ba la sogs pa sangs rgyas kyi cho 'phrul ma lus pa yang mdzad cing de rnams kyi bsam pa ci lta ba bzhin chos kyi 'khor lo yang bskor bas zhe sdang rdo rje'i gnas pa ste/zhe sdang chen po'i nyon mongs pa'i sems can de dag kyang rnam par sbyangs shing zhe sdang rnam par dag par byas nas slar byon nas/ rdo rje mgon po ste/ rdo rje sems dpa'i rang bzhin can gyi sgrub pa po'i spyan sngar 'dug nas so/ /phyi nas sgrub pa pos ci zhig bya zhe na brjod pa sngags pas de na zhes bya ba la sogs pa ste/ mdun na 'dug pa ste/ bdag nyid kyi snying gar bcug nas bsgom par bya'o/ /ci lta bur gyur pa zhig bsgom par bya zhe na/sngar gyi gzugs ni zhes bya ba la sogs pa'o/ /sngar gyi rdo rje 'chang gi rnam pa mdog dkar po yongs su gyur pa ste/ yongs su spangs nas zhe sdang rdo rje'i gnas pa ste/ mi bskyod pa'i rang bzhin la bzhugs par gyur pa na/ bdag nyid in+d+ra nI la lta bu nag pa 'bar ba ste/ ba spu'i bu ga nas byung ba'i 'od zer rnams kyi sku rnam par 'tsher bar ro/ /nyi ma'i dkyil 'khor dbus gnas pa/ /zhes bya ba ni/ sna tshogs pad+ma'i nang na gnas pa'i yi ge hUM sngon dmar las skyes pa'i nyi ma'i yi ge hUM sngon po'i rang bzhin can gyi rdo rje rtse lnga pa'i lte ba la gnas pa'i nyi ma'i steng na gnas pa'o//rang gi phyag rgya ste reg rdo rje mas 'khyud pa ste/ mgul pa nas nye bar 'khyud pa'o/ /rgyan rnams kun gyi ste/ nor bu dang mu tig la sogs pas rnam par spras pa'i cod pan dang ske rags la sogs pas brgyan zhing / drag po la sogs pa'i rang bzhin gyi zhal gsum gyi rnam par mdzes pa bsgom par bya'o zhes snga ma dang 'brel to//de de ltar/ zhe sdang rdo rje'i ting 'dzin la/ /gnas pas dkyil 'khor rnam par spro/ /dkyil 'khor thams cad ces bya ba ni dkyil 'khor pa thams cad do/ / ji ltar spro zhe na gsungs pa ni/ dzi na dzika ces bya ba la sogs pas so/ /dzi na dzika sngags las byung ba zhes bya ba ni/ bud med kyi pad+ma'i nang du lhung ba'i byang chub kyi sems las skyes pa'i dzi na dzika gi sngags dkar po'o/ /de nas de las bskyed pa'i 'khor lo rtsibs brgyad pa dkar po/ de'i lte ba'i dbus su ni sngags kha dog dkar po de nyid ni mtshan ma dang ldan pa'i sngags de nyid kyis bskyed pas na/ dzi na dzika sngags las byung ba'i de bzhin du dkyil 'khor ba gzhan rnams dang sngar brjod pa'i zhe sdang rdo rje la yang / bdag nyid ci lta ba dang kha dog ci lta ba'i mtshan ma dang sa bon dmigs nas bskyed par bya ba yin par rig par bya'o//dkar dang dmar dang nag pa'i zhal/ /zhes bya ba ni gtso bo dkar ba dang g.yas nag pa g.yon dmar ba'o/ /'khor lo zhes bya ba la sogs pa/ pad+ma ma gtogs pa mtshan ma lnga po 'di dag gi mdog dang rang bzhin ni snga ma kho na bzhin no//'dod chags ni gti mug gi phyogs gcig yin pa'i phyir na/ 'di dag ni don dam par de'i bdag nyid yin no zhes bya ba bstan pa'i phyir pad+ma 'dab ma brgyad pa gzugs dkar po nyid yin no/ /thugs ka nas zhes bya ba ni snga ma bzhin no/ /shar phyogs kyi zla bar zhes bya ba ni sna tshogs 'dab ma ni pad+ma la gnas pa'i yi ge oM dkar pos bskyed pa'i zla ba'i oM yig dkar pos bskyed pa'i 'khor lo rtsibs brgyad pa'i lte ba zla ba'i dkyil 'khor gyis rnam par brgyan pa'o//bzhugs zhes bya ba ni rnam par snang mdzad do zhes rig par bya'o/ / de ltar rnam par snang mdzad spro ba brjod pa yin la mi bskyod pa'i sngar brjod zin to/ /da ni rin chen 'byung ldan gyi brjod pa'i don du gsungs pa ni/ /rat+na d+h+r-i ka ces gsungs pa ste rtogs par sla'o/ /ser dang zhes bya ba la rtse ba'i zhal ni ser ba g.yas nag pa g.yon dkar ba'o/ /'di yang mtshan ma lnga po'i mdog dang rang bzhin ni snga ma bzhin no//'dod chags dang ser sna dag tsam gyis na de'i bdag nyid yin no zhes bstan pa'i phyir pad+ma mdog ser po yin no/ /snying ga las zhes bya ba ni snga ma bzhin no/ /rin chen dbus su zhes bya ba ni/ sna tshogs pad+ma'i lte ba'i yi ge oM dkar po las yongs su gyur pa'i zla ba la gnas pa'i yi ge swA ser pos bskyed pa'i rin po che'i dbus na gnas pa'i zla ba la'o//bzhugs par bya zhes bya ba la/ rin chen 'byung ldan zhes khong nas dbyung ngo / /da ni mi bskyod pa'i spro ba bstan pa'i phyir gsungs pa ni/A ro l-ika sngags las byung ba/ /zhes bya ba la sogs pa'o/ /pad+ma rA ga'i 'od ces bya ba ni mdog dmar ba'o/ /dmar dang nag dang dkar ba'i zhes bya ba ni/ rtsa ba dang g.yas pa dang g.yon rnams te gzhan ni go sla'o/ /mtshan ma lnga po'i mdog dang rang bzhin ni snga ma bzhin no//pad+ma ni gtso bo'i mdog can no/ /snga ma bzhin zhes bya ba la sogs pa ni thugs ka nas byung ste/ spro ba dang bsdu ba byas nas so/ /pad+mar zhes bya ba ni sna tshogs pad+ma'i nang du oM yig dkar pos bskyed pa'i zla ba la gnas pa'i a yig dmar po las yongs su gyur pa'i pad+ma dmar po 'dab ma brgyad kyi dbus na gnas pa'i zla ba'i dkyil 'khor la'o//bzhugs par bya zhes bya ba 'dir yang 'od dpag med ces khong nas dbyung bar bya'o/ /de'i rjes la don yod grub pa'i spro ba brjod pa'i don du gsungs pa ni/ pradz+nyA d+h+r-i ka ces bya ba la sogs pa ste rtogs sla'o//ljang dang zhes bya ba rtsa ba'i zhal ni ljang gu// g.yas nag pa/ g.yon dkar ba'o/ /ral gri zhes bya ba la/ 'dir yang mtshan ma lnga po rnams kyi mdog dang rang bzhin snga ma bzhin no/ /'dod chags dang phrag dog dag tsam nyid kyis de'i bdag nyid du mngon par bzhed pa'i phyir pad+ma ljang gu nyid do//sna tshogs rdo rje zhes bya ba ni sna tshogs pad+ma'i steng du yi ge oM dkar po las yongs su gyur pa'i zla ba la gnas pa'i yi ge hA sngon po las skyes pa'i sna tshogs pa'i lte ba la gnas pa'i zla ba la'o/ /bzhugs bya ba 'dir yang don yod pa zhes rtogs par bya'o/ / de bzhin gshegs pa lnga po 'di dag bsgom pa'i dgos pa gsungs pa ni zhe sdang zhes bya ba la sogs pa ste/ 'di yang rtogs par sla'o/ /da ni lha mo bzhi po rnams kyi spro ba gsungs pa ni/ mo ha ra ti sngags zhes bya ba nas brtsams nas zhi ba'i nas bzhugs par bya ba'i mthar thug pa ste/'di ni de bzhin gshegs pa bzhi po spros pa bzhin bshad par bya'o/ /sgrol ma'i mtshan ma la ut+pa la'i sgras ni pad+ma dmar po brjod pa yin te/ 'dod chags kyi yul nyid du bstan pa'i don du'o/ /gzhan spyan ma la sogs pa rnams la ni phrag dog gi yul nyid du bstan pa'i don du ut+pal yin pas na snga ma las khyad par ro//de ltar 'di thams cad kyis nang rim gyi lha rnams kyi spro ba brjod pa yin no/ /rim pa gnyis pa'i lha rnams kyi spro ba gsungs pa ni/ rim pa gnyis par zhes bya ba la sogs pa'o/ /gang gi gnas gang yin zhen brjod pa ni/rdo rje gzugs ma yid 'ong ni/ /zhes bya ba la sogs pa'o/ /rdo rje gzugs ma ni dkar mo/ /sna tshogs pad+ma can gyi pad+ma'i steng gi oM dkar po las yongs su gyur pa'i zla ba la gnas pa'i sa bon dkar po yi ge gsum du grags pas bskyed pa'i me long dkar po/ sa bon gyi snying po can las yongs su gyur pa ste//phyag drug rnam par snang mdzad kyis mtshan pa'o/ /rtsa ba'i phyag gnyis kyis me long bzung ba/ g.yon dang g.yas dang dbus na gnas pa'i zhal sngo pa dang dmar ba dang dkar ba'o/ /gzhan mtshan ma dang gdan dang bya ba ni gti mug dga' ma dang 'dra'o//bud med kyi pad+ma'i nang du bskyed nas me'i phyogs gzhag par bya'o zhes bya ba ni lta bur bya ba'i don to/ /de bzhin du lha mo gzhan gsum po yang sgra dang dri dang ro rdo rje ma rnams kyang oM dkar po yongs su gyur pa'i zla ba la gnas pa'i ser ba dang dmar ba dang sngo ba'i yi ge gsum las byung ba/pi wang dang dung chos dang ro'i snod ser po dang dmar po dang sngon po/ sa bon gyi snying po can rnams las yongs su gyur pa rnams ni/ rin chen 'byung ldan dang 'od dpag med dang / don yod grub pas mdzes par byas pa rang rang gi bdag po dang 'dra ba'i zhal dang ldan pa/ rtsa ba'i phyag rnams kyis brjod ma thag pa'i mtshan ma 'dzin cing mtshan ma dang ldan par bya ba gzhan ni/ mA ma kI dang gos dkar mo dang twa ra rnams 'dra ba ste bden bral dang rlung lha dang dbang ldan gyi phyogs rnams su dgod par bya ba yin no zhes bstan pa'i phyir gsungs pa ni rdo rje sgrol ma zhes bya ba nas brtsams nas/lhag ma sgrol ma ci bzhin no/ /zhes bya ba'i mthar thug pa ste/ /'di thams cad ni go sla'o/ /bcom ldan 'das dang lhan cig tu grub pa reg bya rdo rje ma'i rang bzhin gsungs pa ni/ rdo rje sems dpa' dang 'khyud cing / /zhes bya ba la sogs pa ste/ tshigs su bcad pa 'di yang go bar sla'o//rim pa gnyis pa'i lha gzhan dag kyang bstan pa'i phyir gsungs pa ni/ rim pa gnyis pa'i shar phyogs kyi zhes bya ba la sogs pa nas bzung ste byang gi phyogs su spro bar bya ba'i mthar thug pa ste/ go bar sla'o/ /byang chub sems dpa' brgyad po sna tshogs pa'i pad+ma'i lte bar gnas pa'i zla ba'i dkyil 'khor du rang gis bon dang mtshan ma yongs su gyur pa las skyes pa 'di rnams kyi spro ba ni snga ma bzhin rtogs par bya'o zhes bya ba ni nye bar bstan pa yin no//da ni brjod ma thag pa'i byang chub sems dpa' brgyad po rnams kyi rang bzhin la sogs pa ston par byed pas/'di dag dbu rgyan rang rang gon te zhes bya ba la sogs pa gsungs te/ byams pa dang sa'i snying po dag gi dbu rgyan ni rnam par snang mdzad do/ /phyag na rdo rje dang nam mkha'i snying po dag ni rin chen 'byung ldan gyi cod pan can no/ /'jig rten dbang phyug dang 'jam pa'i dbyangs kyi ni mgon po 'od dpag tu med pa'o//sgrib pa thams cad rnam par sel ba dang kun du bzang po dag gi bdag po ni don yod pa yin no zhes bya ba'o/ /mdog sogs ni zhes bya ba ni mdog dkar po la sogs pa dang / zhal gsum pa dang zla ba'i dkyil 'khor gyi steng na gnas pa'i 'khor lo la sogs pa rnams ni rnam par snang mdzad la sogs pa dang 'dra'o//de bzhin du phyag drug po rnams dang rdo rje la sogs pa'i mtshan ma rnams kyang rnam par snang mdzad la sogs pa de rnams nyid dang 'dra ba yin no/ /byams pa'i mtshan ma la khyad par gsungs pa ni byams pa 'ba' zhig ces bya ba la sogs pas so//'di dag bsgom pas sgrub pa po dang gzhan rnams la ci zhig byed snyam na gsungs pa ni/ lha yi mig sogs rtsol mdzad pa/ /zhes bya ba la sogs pas sgrub pa po'i mig la sogs pa'i rnam par dag pa bsgoms pa rnams kyis ni mig la sogs pa rnams rnam par sbyong bar byed la de bzhin du sems can gzhan khams gsum na gnas pa rnams kyi mig la sogs pa yang rdzu 'phrul gyis rnam par sbyong bar byed do zhes bya ba 'di dgongs pas so//gdan rnams la ni bzhugs par bya/ /zhes bya ba ni rnam par snang mdzad la sogs pa'i gdan sngar brjod pa'i 'khor lo la sogs pa rnams la'o//de ltar na re zhig byang chub sems dpa' brgyad ka yang spro ba yin no/ /da ni bgegs bskrad pa'i don du khro bo bcu po rnams kyi spro ba gsungs pa ni/ ya mAn+ta kr-ita ces bya ba la sogs pa'o/ /'di'i spro ba ni rnam par snang mdzad spro ba bzhin te/pad+ma'i nang du sngon po ya mAn+ta kr-ita ces bya ba de las grub pa yin par rig par bya'o/ /nag dang dmar dang dkar ba'i zhal/ /zhes bya ba la rtsa ba'i zhal nag pa/ g.yon dmar ba/ g.yas dkar ba ste/ so sor spyan gsum dang ldan pa'o/ /'di ni rnam par snang mdzad kyi rang bzhin yin yang thugs kyi dbang po'i rang bzhin pas na nag po nyid do//dbyig pa zhes pa ni dbyig pa dkar po rdo rjes mtshan pa'o/ /'khor lo dang rdo rje ni sngar brjod pa'i mdog dang rang bzhin can no/ /thugs kar ni sdigs mdzub zhags pa zhes bya ba ni snying ga'i sdigs mdzub dang lhan cig pa'i rdo rje'i rang bzhin gyi zhags pa nag po thogs pa'o//dgra sta zhes bya ba ni rdo rjes mtshan pa rdo rje'i rang bzhin gyi dgra sta nag po'o/ /mi bzad ces bya ba la sogs pas ni bya ba brjod pa'o/ /sgrub pa po rdo rje sems dpa'i ting nge 'dzin la snyoms par zhugs pa'i ting nge 'dzin nyams par byed pa gang dag yin pa brgya byin la sogs pa 'khor dang bcas pa de dag sreg par mdzad cing rgyang sring bar byed pa yin no zhes bya ba ni bsdus pa'i don to//de ltar byas nas ci zhig byed snyam na/ pad+ma nyi ma la zhes bya ba gsungs so/ /'dab ma sna tshogs can gyi pad+ma'i steng du rang nyid kyis bon gyis bskyed pa'i 'khor lo dkar po rtsibs brgyad pa'i lte bar yi ge hUM sngo nag ni sa bon las skyes pa'i nyi ma'i dkyil 'khor la g.yon brkyang ba'i gnas pas bzhugs pa zhes pa ni man ngag gi don to//padA n+ta kr-ita ces bya ba la sogs pa ni gnyis bo spro ba gsungs pa'o//'di'i sgo ba ni pradz+nyAn+ta kr-ita ces bya ba dkar por gyur pa sngags de las/ rin chen 'byung ldan spro ba bzhin spro bar rig par bya'o/ /dkar dang zhes bya ba la sogs pa la rtsa ba'i zhal ni dkar ba/ g.yas nag po/ g.yon dmar po'o/ /rin chen 'byung ldan rang bzhin 'di dkar ba nyid ni chos kyi rang bzhin yin pa'i phyir ro//mtshan ma rnams kyi rang bzhin dang mdog ni snga ma bzhin rig par bya'o/ /pad+ma nyi ma la gnas zhes bya ba ni sna tshogs pad+ma'i lte bar rang gi sa bon nyid kyis bskyed pa'i yid bzhin gyi nor bu ser po'i dbus kyi yi ge hUM sngar brjod pa'i rang bzhin las skyes pa'i nyi ma g.yon brkyang ba'i zhabs na mnan nas gnas pa zhes bya ba'i don to//da ni gsum pa'i spro ba gsungs pa ni/ pad+mAn+ta kr-ita ces bya ba la sogs pa'o/ /'dir spro ba ni 'od dpag med kyi spro ba bzhin rig par bya'o/ /zhal ni dmar dang zhes bya ba la sogs pa la zhal dang po ni dmar ba/g.yas nag pa/ g.yon dkar ba'o/ /gtun shing zhes bya ba ni rdo rjes mtshan pa'i dbyig pa sngon po rdo rje'i rang bzhin no/ /mtshan ma gzhan rnams kyi mdog dang rang bzhin ni snga ma bzhin rig par bya'o/ /pad+ma nyi ma la bzhugs shing / /zhes bya ba ni 'dir yang sna tshogs pad+ma'i lte bar rang gi sa bon nyid kyis bskyed pa'i pad+ma dmar po'i dbus kyi snga ma'i rang bzhin can gyi yi ge hUM gis bskyed pa'i nyi ma'i dkyil 'khor la bcom ldan 'das g.yon brkyang bas bzhugs pa yin no zhes bya ba'i don to//da ni bzhi pa spro bar gsungs pa ni/big+h+nAM ta kr-ita ces bya ba las byung ba zhes bya ba la sogs pa ste/ 'di'i spro ba don yod grub pa spro ba bzhin rig par bya'o/ /zhal ni sngo dang zhes bya ba la sogs pa la/ zhal dang po ni sngo ba/ g.yon dmar ba/ g.yas dkar ba'o/ /pad+ma nyi ma la zhes bya ba ni sna/ tshogs pad+ma'i dbus su rang gi sa bon las skyes pa'i sna tshogs rdo rje'i lte ba'i yi ge hUM sngar brjod pa'i rang bzhin can las skyes pa'i nyi ma la g.yon brkyang bas bzhugs pa zhes bya ba'i don to/ /de bzhin du khro bo'i rgyal po gzhan drug po rnams la yang snga ma'i tshul kho na bzhin rang gi bdag po ci lta ba'i mtshan mas bskyed pa dang /mtshan rnams su gnas par rig par bya'o zhes brtan pa'i don du gsungs pa ni/ rang gi gsang sngags las byung ba'i/ /zhes bya ba la sogs pa'o/ /rang gi sngags ni yi ge hUM ste/ de bzhin du gzhan la yang rtogs par bya'o/ /'di rnams thams cad kyi mdog ni nag po kho na yin no//gzhan ni go bar sla'o/ /de ltar re zhig dkyil 'khor pa rnams thams cad kyi spro ba rdzogs pa yin no/ /phyis bsgrub pa ci zhig bya snyam na gsungs pa ni/ lha ni sum cu gnyis rang bzhin/ /zhes bya ba la sogs pa ste/ 'di yang go bar chad/phra mo'i rnal 'byor 'di yang gang yin snyam na gsungs pa ni/ sna'i rtse mor zhes bya ba la sogs pa ste/ shes rab kyi pad+ma'i sna rtser nyungs kar zhes bya ba nyungs 'bru'i tshad tsam gyi tshad byang chub kyi sems sprul pa las skyes pa/ rdo rje la sogs pa'i khong pa der rten dang brten par bcas pa'i dkyil 'khor bsgom zhes bya bar 'brel to//de yang ye shes kyi gnas yin te/ de bzhin gshegs pa'i ye shes kyi gzhi yin te/ sems brtan pa la de 'dra ba'i mngon du 'gyur ba'i phyir ro/ /de nyid kyi phyir yid du 'ong ba yin no/ /gsang ba ni sba bar bya ba yin pa'i phyir ro//ye shes rtags rnams ye shes dang mtshungs par bsgom par bya'o/ /yang na mtshan ma tsam bsgom par bya'o zhes ston pas gsungs pa ni rin chen chen po zhes bya ba la sogs pa'o/ /rin chen chen po de ni rin thang che ba'i phyir ro/ /mdog lnga pa ni rigs lnga las byung ba rdo rje la sogs pa'i mtshan ma'o//nyungs kar sbom po zhes bya ba la sogs pa snga ma bzhin no/ /rnal 'byor gyis ni zhes bya ba ni rang gi lha'i rnal 'byor gyis so/ /rtag tu ni nyin dang mtshan du'o/ /bsgom pa la rag las pa'i sems brtan pa nyid skyed pa'i phyir spro bar bya'o zhes ston pas gsungs pa na/rin chen brtan nas zhes bya ba la sogs pa ste/ rin chen ni rdo rje la sogs pa'i mtshan ma'o/ /brtan pa ni bsgom pa g.yo ba med pa nyid du nges par rig nas spro bar bya ste/ sems can gyi don byed pa na rang bzhin gcig tu bya'o/ /gang gi tshe bsgom pa ma brtan pa rig pa de'i tshe ni spro bar mi bya ba kho na ste dngos po med pa'i phyir dang /spros pa'i 'bras bu yang dgos pa yin pa'i phyir ro/ /rdo rje las 'phros pa brtan par byas pas na phyag rgya chen po'i rang bzhin yang 'gyur ba yin no/ /phyogs dang po dang po la ni de kho na gnas pa dang gnyis pa la de las 'thon pa spro bar bya'o zhes gsungs pa ni sangs rgyas zhes bya ba la sogs pa'o//sangs rgyas 'bar ba dang mtshungs pa'i/ /zhes bya ba la sangs rgyas rnams kyi 'bar ba ni dkar po la sogs pa'i mdog go/ /de dag dang mnyam zhing mtshungs pa'i don dam pa mdangs dga' ba dag la yod pa de rnams te/dkar po la sogs pa mdog dang bcas pa zhes bya ba'i don to/ /rab mchog sprin rnams zhes bya ba ni phul du byung ba'i sangs rgyas kyi tshogs rnams so/ /da ni rdo rje slob dpon bzlas pa bya'o zhes bya ba gsungs pa ni/ slong mo za zhing zhes bya ba la sogs pa ste/slong mo za ba'i ngang tshul gyis so/ /mi zla ste zhes bya ba ni rab tu smra bar mi bya'o/ /slong mo za ba ni nye bar mtshon pa'i don te/ yongs su tshol ba la sogs dman par 'jug pa gzhan dag dang ldan pas kyang bzla bar mi bya'o zhes bya ba yin no/ /slong ba dga' bar yang mi bya//zhes bya ba ni zas nye bar mtshon pa ste/ slong ba la dga' ba kha zas la dga' bar yang mi bya'o/ /ci tsam gyis lus brtan par 'gyur ba de tsam gyis chog shes pas shin tu spros pa med pa'i spyod pa spyad par bya'o/ /de lta bur gyur pa'i spyod pa la gnas pas ci zhig bya snyam pa gsungs pa ni/'dod pa kun gyi zhes bya ba nas pha la sogs pa'o/ /sngags pas 'dod pa kun la spyod par byed pas sngags de yi ge gsum/ lus tha mi dad pa ste/ lha'i rnal 'byor dang tha dad pa med pas bzlas pa bya'o/ /'di'i don ni 'di yin te/ rang gi snying gar gnas pa'i mi shigs pa bsgom bya'o//brtan par byas nas de la yi ge mdog dmar por gnas pa'i sngags gang yin pa'i rnam par bsgoms nas 'jug pa'i rlung dang / gcig tu 'dres par ur pa 'jug pa dang / yi ge oM dkar po de bzhin gshegs pa'i tshogs spro bar byed pa bltas nas/ 'byung ba'i rlung gis phyir 'byung ba dang /yi ge hUM nag po yi ge oM gyis spros pa'i sangs rgyas bye ba rnams sdud par byed pa dang / sangs rgyas de dag gnas par byed pa'i yi ge A yang bsgom par bya'o/ /'di ni g.yas dang g.yon dang steng dang 'og dang rgyu ba'i dkyil 'khor bzhi po rnams kyi rang bzhin no/ /go rims ji lta ba bzhin gos dkar dang sgrol ma dang mA ma kI dang reg bya rdo rje ma rnams kyi rang bzhin yin pa'i phyir/gos dkar mo la sogs bzlas pa yin no/ /da ni ngag gi bzlas pa'i don du kha sbyar bya ba gsungs pa ni/ rdo rje zhes bya ba la sogs pa'o/ /rdo rje spro ba'i lha rnams kyi lus so/ /brjod nas zhes bya ba ni gnas nas bzlas pa byas nas gnas so//spro bar bya ste zhes bya ba ni/ phung po'i las la sogs pa'i rang bzhin gyi bdag nyid la gzhag par bya'o/ /rdzogs pa na ste kha sbyor byed pa'i bya ba mthar phyin pa na ni/ bsdu bar bya ste/ ting nge 'dzin sems dpa' bzhugs par bya ba bsgrub pa'o//de nas ni de bzhin gshegs pa thams cad kyi bdag nyid can yin no snyam pa nga rgyal dang ldan pas/ myur ba dang bul ba la sogs pa nyes pa dang tshig gis yi ge gsum brjod par bya'o/ /gang gi tshe bzlas pa byas nas rdzogs pa de'i tshe na dkyil 'khor pa rnams gnas ji lta ba bzhin dgod par bya'o zhes bya ba ni man ngag yin no//'di thams cad byas nas bya bar 'os pa gzhan gang yin pa de kha ston pas gsungs pa ni rnal 'byor phra ba'am zhes bya ba la sogs pa'o/ /de bzhin nyid du bzhugs par bya/ /zhes bya ba ni/ zla ba'i dkyil 'khor gyi rnam pas byang chub kyi sems kyi gnas skabs su bya'o//de ltar 'od gsal bar zhugs pa'i rje btsun ma mthong nas spyan ma la sogs pa'i lha mo rnams skul bar byed pa ni dkyil 'khor lag nas zhes bya ba la sogs pa ste/ rtogs sla'o/ /tshigs su bcad pa bzhi po de bsdams na/ rdo rje thugs khyod ces bya ba la sogs pa gsungs so//rdo rje thugs ni sems la dbang thob pa'o/ /khyod ces bya ba ni bdun na gnas pa lta bur bsams nas mngon par brjod pa'o/ /khams gsum pa'i chos kyi rgyal srid thob pa'i phyir na sa'i dbang phyug go/ /sems can dbyings ni 'byung po thams cad kyi bdag nyid yin pa'i phyir ro//dga' ba ni rtsa brod do/ /de yid du 'ong ba'i tshim pa bskyed pa yin pa'i phyir ro/ /don chen ni mchog dga'o/ /de 'dod cing skyed par byed pas na don chen 'dod pa'o/ /rnam pa de lta bu'i dga' ba yid 'ong don chen 'dod pa ste/ 'khyud pa la sogs pa rnams kyis bdag la skyobs te/dga' ba mdzod cig pa'o/ /mgon po ni jo bo'o/ /sems can thams cad pa'i rgyu yin pas na skyed byed do/ /sems can rnams la phan pa dang bde ba byed pas na/ gnyen chen mchog go/ /bdag ni ste kho mo gson par bzhed na de'i tshe bdag la rol te 'dod par mdzod cig pa'o//'di ni spyan mas bskul ba'o/ /de'i de ma thag tu mA ma kI sa bskul ba bstan pa'i don du gsungs pa ni/ mi 'jigs pa'i sku mnga' bas na rdo rje'i sku'o/ /khyod ni snga ma bzhin no/ /sems can ma dga' zhes bya ba ni dga' ba skyed pa'i phyir ro/ /bka'i 'khor lo zhes bya ba ni bka'i 'khor lo bskor ba'i ngang tshul can yin pa'i phyir ro//sangs rgyas don du byang chub mthar thug phyin don ston/ zhes bya ba las sangs rgyas kyi phung po lnga'o/ /de rnams kyi don du kun rdzob kyi bden pa'o/ /byang chub ni don dam pa'i bden pa'o/ /de gnyis ka mthar thug yin te/yang dag pa'i sbyar ba sbyor bas bskyed pa'i sku'o/ /theg pa gsum gyi sems can rnams la phan pa'i bsam pas ston pas na phan don ston to/ /mgon po gal te zhes bya ba snga ma bzhin no/ /chags pa ste chags pa'i rnam par dag pa'i rnam pas 'dod chags dam tshig ste 'dod chags la spyod pa bdag la dgyes rol te 'dod pa mdzod cig pa'o//lhag ma rnam par bkral zin to/ /da ni gos dkar mos bskul ba ni rdo rje gsung zhes bya ba la sogs pa gsungs so/ /rdo rje gsung ni gsung gi dbang phyug thob pa'i phyir ro/ /khyod ces bya ba ni snga ma bzhin no/ /thams cad la zhes bya ba ni sems can gyi khams so//phan rjes brtse nas zhes bya ba ni shin tu brtse ba'i bdag nyid can no/ /de nyid kyi phyir tshangs pa'i gnas bzhis sems can rnams kyi don bya ba la rtag tu ste dus thams cad du yang dag par 'jug pa yin no/ /rab dgyes dpyod mnga' ste rab tu dgyes pa'i spyod pas so//kun nas sems can gyi khams la bzang zhing dge bskyed par byed pas na kun bzang ngo / /bdag la dgyes rol zhes bya ba ni bdag la brten cig pa'o/ /de ni sgrol ma'i bskul pa gsungs pa ni rdo rje 'dod khyod ces bya ba la sogs pa'o/ /rdo rje dang pad+ma yang dag par ldan pas spros pa'i dkyil 'khor ba'i lha rnams kyi zhe sdang la sogs pa la spyod pa'i sems can gyi khams rnam par spyod pa'i phyir rdo rje 'dod pa ste mngon par 'dod pa'i don thugs rje chen po sgrub par byed pa khyod ces bya ba ni snga ma bzhin no//las kyi rigs kyi bdag po yin pa'i phyir dam tshig mchog go/ /'dod chags la dpyod pa'i sems can rnams la 'dod chags rnam par dag pa'i thabs kyis thar pa ster bas na/phan chen don to/ /shAkya'i rigs su skye ba rnams kyis thig ler gyur pas rdzogs sangs rigs kyi thig le'o/ /yang na bya ba grub pa'i ye shes kyi rang bzhin gyi 'gro ba'i don byed pa'i phyir rdzogs sangs rigs kyi thig le'o//rang dang gzhan gyi rnam par dbye ba'i dmigs pa bral ba yin yang sems can rnams la rjes su brtse ba'i phyir na/ mnyam nyid rjes brtse can no/ /mgon po gal te zhes bya ba la sogs pa ni snga ma yin no/ /gang gi phyir chags dang chags bral dang 'od gsal ba'i ye shes skyed par byed pa ni kho mo yin no zhes par du bsngags par byed pa ni yon tan gter gyur zhes bya ba la sogs pa'o//de ltar tshangs pa'i gnas bzhi'i rang bzhin rnams kyis bskul ba ni sngon gyi smon lam gyi rgyun gyi mthus stong pa nyid kyi rnal 'byor las bzhengs nas de rnams thams cad rab tu dgyes pa'i mdzad pas tshim par mdzad par 'gyur te zhes bya ba ni man ngag go//de rnams kyis bzhengs su gsol ba'i mgon po la de bzhin gshegs pa rnams dang stod par byed do zhes bstod pas gsungs pa ni/ /de ltar zhes bya ba la sogs pa ste rtogs par sla'o/ /de la dang po mi bskyod pa'i rang bzhin du bstod pa ni mi bskyod ces bya ba la sogs pa'o//nyon mongs pa'i tshogs thams cad mi g.yo bas na mi bskyod pa'o/ /rdo rje ste thugs gang la de yod pa de la bod pa'o/ /stong pa bzhi'i bdag nyid yin pa'i phyir ye shes chen po yin no/ /rdo rje ni mi bskyod pa la sogs pa'o/ /de dag 'dzin pas na rdo rje 'dzin pa'i dbyings so//bden pa gnyis khyad par du yongs su shes pas na khams chen po'o/ /don dam pa'i dkyil 'khor dang lus kyi dkyil 'khor gsum gyi rang bzhin yin pa'i phyir dkyil 'khor gsum mo/ /sku rdo rje la sogs pa gsum gyi ngo bo yin pa'i phyir rdo rje gsum gyi mchog go//rdo rje sgrog ces bya ba ni kho bo dag la dam tshig gi de kho na shod cig pa'o/ /'di mi bskyod pa'i sgo nas bstod pa'o/ /da ni rnam par snang mdzad kyi sgo nas bstod pa gsungs pa ni/ rnam par snang mdzad ces bya ba la sogs pa'o/ /rnam par snang bar byed cing 'od gsal gyi mes gsal bar byed pas na rnam par snang mdzad do//de nyid kyi phyir dag pa chen po'o/ /rdo rje ni de bzhin gshegs pa rnams so/ /de dag rnam par dag pa'i rang bzhin yin pas drug pa yin pa ni zhi ba'o/ /mchog dag gi bdag nyid yin pa'i phyir dgyes pa che'o/ /rang bzhin 'od gsal chos rnams ni/ /rdo rje ston khyod phyag 'tshal lo//zhes bya ba la rang bzhin gyis 'od gsal ba ste ngo bo nyid kyis dag pa'i chos rnams/ kye rdo rje zhes pos nas rtog ces bya ba ni rtog cig pa'o/ /da ni rin chen 'byung ldan gyi sgo nas bstod pa gsungs pa ni/ rin chen rgyal po zhes bya ba la sogs pa'o/ / rin chen ni rin po che'i rigs te/ de dag mdzes par byed mi gsal/ /gsal bar byed pas na rin chen rgyal po'o/ /mnyam pa nyid kyi ye shes kyi bdag nyid yin pa'i phyir shin tu zab po/ de nyid kyi phyir rdo rje nam mkha' dri ma med pa yin no/ /gdod ma nas dag pa'i phyir ngo bo nyid dag go//chos thams cad dang ma 'dres pa'i phyir gos pa med do/ /rdo rje sgrog khyod la phyag 'tshal/ /zhes bya ba ni gsal bar ston cing shog cig pa'o/ /de nas 'od dpag med kyi sgo nas bstod pa gsungs pa ni/ rdo rje dpag med ces bya ba la sogs pa'o/ /rdo rje dpag med ni pad+ma'i rigs te/de dag gi bdag po yin pas na rgyal po chen po'o/ /so sor rtogs pa'i bdag nyid yin pa'i phyir mi rtog pa'o/ /de nyid kyi phyir nam mkha' rdo rje yin no/ /'dod chags ni 'khor bar chags pa'i mtshan nyid do/ /de'i pha rol ni mu ste der phyin pa brnyes pa'o//rdo rje gsung zhes bya ba ni snga ma bzhin no/ /don yod grub pa'i sgo nas bstod pa gsungs pa ni/ don yod ces bya ba la sogs pa'o/ /don dang bcas pa'i ye shes gtsor gyur pa yin pa'i phyir don yod rdo rje ste/ don yod pa'i rigs rnams so/ /rdzogs sangs rgyas ni rigs de rnams kyi mdun du byas pa'o//zhi ba la sogs pa'i las rnams kyi sgrub pa po'i skye bo rnams kyi bsam pa rdzogs par byed pas na/ 'dod pa thams cad yongs skong mdzad do/ /dag pa'i ngo bo las byung ba'o/ /de lta bu'i/ rdo rje sems dpa' khyod la 'dud/ /ces don yod pa'i sgo nas bstod pa'o//da ni nye bar bsdu ba gsungs pa ni sangs rgyas kyis bstod ces bya ba la sogs pa'o/ /de nas te de ma thag tu mgon po gcig pu bzhugs par gyur ces 'brel to/ /ci zhig nas mnyam na gsungs pa'i phyir ni byed par gyur pa'i sangs rgyas rnams kyis bdag nyid la bstod nas so sangs rgyas nye bar mtshon pa'i don to//lha mo rnams kyang ngo bo zhes rig par bya'o/ /'khor lo zhes bya ba ni lha mo'i 'khor lo'o/ /sngar gyi tshul dang mnyes mdzad do/ /zhes bya ba rjes su chags par bya zhing de rnams la mchog tu gsang ba ji lta ba bzhin du bshad nas rang gi lus kyi 'khor lor dkyil 'khor pa'i 'khor lo rnams phung po la sogs pa'i rang bzhin gyis bsdus nas bzhugs par gyur pa yin no//bsdus pa'i rim pa dang / rdo rje bzlas pa'i rim pa ni sngar bstan te/ bde ba chen po ni sems kyi rang bzhin yin pa'i phyir de lta na bde ba chen po gcig pu bzhugs par 'gyur zhes bya ba'i sgra 'dir sems rnam par dag pa'i rim pa zur gyis ston pa yin no//de nas rang byin gyis brlab pa'i rim pa gsum bstan don gsungs pa ni/ de ltar zhes bya ba la sogs pa'o/ /de ltar zhes bya ba brjod ma thag pa'i tshul gyis rnal 'byor bzhi byed de/ rnal 'byor bzhi sgrub par byed pa'i rnal 'byor pa ste sgrub pa pos bstan pa dang rgyu bar gyur pa'i 'jig rten hUM yig snying po can zhes pa yi ge hUM gi snying po de rgyug gyur pa 'di la yod pas hUM yig snying po can no//bsams nas zhes bya ba la snying gar zhes bya ba ni khong nas dbyung bar bya ba'o/ /da 'gro ba de dag kyang des bskyed rdo rje sems dpar zhes bya bar yi ge hUM des rdo rje sems dpa'i rang bzhin du yongs su gyur par bltas nas/bdag nyid kyang 'od gsal las yul tsam gyis langs nas/ des blos zhes bya ba la brjod ma thag pa'i rang bzhin gyis dran pa dang shes bzhin ldan par ro/ /ji bzhin zhes bya ba ni nye bar bstan pa bzhin du spyod lam rnam pa bzhi po rnams kyis rnam par rgyu bar bya'o//'dir don ni 'di ltar dgongs pa yin te/ rnal 'byor pa bzhi dang ldan pa'i rnal 'byor pas snying ga na gnas pa'i 'jig rten la yi ge hUM ni sa bon las rdo rje sems dpa'i rang bzhin du yongs su gyur pa bltas te/bdag nyid kyang stong pa nyid kyi ting nge 'dzin las langs par rtogs par byas nas bar chad med par de'i yid kyis gnas par bya'o zhes gnas par bya'o/ /rnal 'byor gzhan gyis skabs 'cha' ba gsungs pa ni/ sngags pa zhes bya ba la sogs pa ste go sla'o/ / ji ltar bsgom snyam na gsungs pa ni/ mtho gang tsam ni zhes bya ba la sogs pa'o/ /yi ge b+h+rUM mdog dkar po rnam par bsams nas de las yongs su gyur pas zla ba'i dkyil 'khor bsgom par bya'o/ /de'i dbus su yi ge oM dkar po bltas te/ de las bdud rtsi babs par bsgom par bya'o zhes bya ba ni tshigs su bcad pa'i don to//rdo rje sbyor ba 'di yis ni/ /zhes bya ba la sogs pas ni phan yon brjod pa ste/ de yang go bar sla'o/ /nang gi bdag nyid can gyi sbyin sreg bstan pa'i phyir gsungs pa ni/ de ltar zhes bya ba la sogs pa'o/ /sbyang ba la sogs pa ji ltar bya snyam na yi ge hUM gis zhes bya ba la sogs pa gsungs so//yi ge hUM gi zhes bya ba la ni hUM las yongs su gyur pa'i rdo rjes so/ /sbyang bya zhing zhe na ni/ 'bar ma dang spos ma dag gis dag par byas pa'o/ /a yig gi ni zhes bya ba ni/ a yig las yongs su gyur pa'i pad+ma'i snod ces par gyur pas sad par byas te/pad+ma'i snod du chud pa zin la sogs pa rnams sngon gyi dam tshig gi rjes su rtogs par bya'o zhes bya ba'i don to/ /ji ltar yang bar bya zhe na/ de'i phyir brjod pa ni/ oM gyis mnan nas zhes bya ba la sogs pa'o//yi ge oM gyis mnan pa zhes bya ba des mtshan pa'o/ /de la rim pa ni 'di yin te/ nam mkha' la yi ge hUM yongs su gyur pa'i rdo rje de'i 'og tu yi ge a las yongs su gyur pa'i pad snod de'i dbus su ni yi ge oM gyis mtshan pa'i dam tshig gi rdzas rnams/ rdo rje dang pad+ma sprad pa las me 'bar te/des rdzas rnam par spros de btsos pas zhu bar byas nas de bzhin gshegs pa thams cad kyi rang bzhin yang dag par ston par byed pa'i ye shes kyi nyi ma'i 'od zer gyi ye shes kyi sa bon la de'i 'od zer rnams kyis de bzhin gshegs pa thams cad kyi ye shes kyi bdud rtsi drangs nas dngos po de rnams dang lhan cig gcig tu byas nas yi ge gsum gyis byin gyis brlabs nas zhes bya ba ni kha zas yongs su sbyang ba'o//mgrin pa sbyang ba gsungs pa ni/ dung zhes bya ba ni yi ge oM dkar po las yongs su gyur pa'i dung dkar po'o//hri yig las byung ba zhes bya ba ni hriHdmar po las byung ba'o/ /pad+ma ni pad+ma dmar po'o/ /yi ge hUM ni nag po'o/ /rdo rje che ni rdo rje rtse lnga pa mdog sngon po'o/ a yig ni mdog dmar po ste/ /mgrin pa sbyong ba'o/ /lha rnams tshim par byed pa gsungs pa ni/ snying gar 'brug sgra zhes bya ba la sogs pa gsungs pa'o//'brug sgra zhes bya ba ni 'brug sgra'i sgra dang chos mthun pa'i phyir te/ yi ge hUM me lce gcig gsum dang ldan pa'o/ /sgom pa'i yi ge hUM de las me lce 'bar bar bya'o/ /der ni kha zas sbyin sreg bya zhes bya ba ni/ de bzhin gshegs pa thams cad kyi bdag nyid can yi ge hUM der kha zas de yongs su sbyangs pa'i dam tshig rdzas rnams sbyin sreg bya ste sreg blugs bya'o//de ltar gyur na lus kyi dkyil 'khor ba'i lha rnams yang dag par tshim par byas par gyur te/ gang gi phyir 'di ni nang gi sbyin sreg yin pa de'i phyir ro/ /da ni rim pa ji lta ba bzhin du lte ba dang mgrin pa dang snying ga dang gsang ba na gnas pa//rlung dang me dang chu dang dbang chen gyi dkyil 'khor rnams kyi bya ba gsungs pa ni/ rlung gis zhes bya ba la sogs pa ste rlung ni rlung gi dkyil 'khor te/ des me de me'i dkyil 'khor yang bar bya zhing me'i dkyil 'khor de mched par bya'o//mched par byed pa ni skems par byed pa'o/ /dbang chen gyi ni dkyil 'khor zhes bya ba ni sa'i dkyil 'khor ro/ /gnas ni bzhi ste de nyid kyi phyir/ gang du sreg rdzas zhugs gyur pa/ /zhes gsungs so/ /bza' ba dang btung ba ji snyed zhugs gyur pa zhes bya ba ni bza' ba dang btung ba zhugs pa de dag thams cad 'ju ba yin no//gang gis snyam pa la brjod pa ni chu yis yin zhes bya ba ste/ srul bar byed pa'i chus rul bar byas pa na de dag 'ju ba'i phyir zhes dgongs pa'o/ /sgrub pa pos gdon mi za bar bya ba'i las gsungs pa ni/ kha'i pad+ma'i zhes bya ba la sogs pa'o/ /kha sbyor byed pa'i sbyor ba yis/ /zhes bya ba ni bshang lam gyi pad+ma btsum pa sngon du btang bas 'og dang steng gi rlung bkag pas so/ /de'i de ma thag tu bshang lam pad+ma nas te/ bshang lam gyi sgo nas byung ste zhes bya ba'i phyir ston nas thal ba'i mthar ni zas zhu ba'i de ma thag tu ni zhes bya ba mthar thug par gyur pa bshad pa'i gnas skabs su gyur pa rnam par bltas te shes par bya'o//des cir 'gyur snyam pa la brjod pa ni dga' ba med cing zhes bya ba la sogs pa ste go bar sla'o/ /dga' ba la sogs pa nye bar 'tshe ba dang bral ba'i sgrub pa pos tshe 'di nyid la bcom ldan 'das yun ring por bsgoms pa na mngon du byed par 'gyur ro snyam du dgongs pa'o//bdag gi spyod yul du gyur pa'i don 'di skye bo thams cad dang thun mong du gyur cig snyam du smon par byed pa ni/ rdo rje phreng ba dpal rta mchog gis zhes bya ba la sogs pa ste 'di yang go bar sla'o//rdo rje 'dzin pa'i sgrub thabs bsdus rim ni/ /bshad pas bsod nams thob pa gang yin des/ /bdag lus la gnas bsdus pa'i rim pa ni/ /'gro ba ji srid lus kun la 'jug shog /bsdus pa'i rim pa'i dka' 'grel slob dpon sgeg pa'i rdo rjes mdzad pa rdzogs so/