CLOSE WINDOW

D1833
བོད་ཡིག

paN+Di ta bi b+hU ti tsan+d+ras mdzad pa rdzogs so// //shAkya'i dge slong rin chen grub kyis/ dpa' bo'i lo mgo can gyi zla ba'i tshes bcu dgu la rgya dpe la bltas nas/ dpal ri phug gi dben gnas su bsgyur ba'o/[ ]@##/ /rgya gar skad du/ pany+tsa kra ma ar+tha b+hA kar Na nA ma/ bod skad du/ rim pa lnga'i don gsal bar byed pa zhes bya ba/ byang chub sems dpa' sems dpa' chen po gsung gi mnga' bdag 'jam dpal ye shes sems dpa' la phyag 'tshal lo/ /dpal ldan rdo rje 'chang chen gyis ni legs par gsungs pa yi/ /rgyud rgyal gsang ba 'dus dang rnal 'byor 'o ma'i rgyud 'dra las//mar gyi snying po legs phyung nges par bzung ba lnga/ /'phags pa klu yi dgongs bzhin blo dman don du bshad par bya/ /'jig rten khams 'dir ring gnas bya phyir byang chub klus/ /legs dang bde ba'i don thob gzhan gyi dgongs pa shes//b+he ta'i yul nas legs byung dge slong dpal ldan te/ /de ming klu sgrub ces bya de yi dgongs pa shes/ /legs don mi mthun kun 'joms legs pa'i don ster ba/ /dpal 'gro gling gi dge slong shAkya'i bshes gnyen la/ /dngos dang yid kyis rin chen bdun gyis mnyes par byas//de yi stobs kyis gsang don ma rmongs blo la snang / /yun ring spyod pa dus dang bya ba bsam pa'i dbang / /rnam dgus legs brgyan yang dag lta ba rab rdzogs shing / /legs bsgrubs de yi stobs kyis 'phags pa'i 'od zer phog /thugs rje'i stobs can nyi ma'i 'od 'dras sems can don la gzigs//nyon mongs tha ba rlog pa'i ye shes ral gri yis/ /legs par bcad pa de'i don 'phags pa'i dgongs pa ji bzhin dgrol/ /ku sha'i grong khyer dag na legs bzhugs pa'i/ /dge slong chos kyi blo gros zhes bya bas/ /rim gnyis bslab gzhi dang bcas dbye ba bshad//des byas byas pa med mthong sems can rnams/ /gsang ba de nyid don la rmongs par gyur/ /mun 'dra'i sgron ma bya phyir bdag gis dga' ba skyes/ /sems can gang dag rtag tu de nyid don la rmongs /'dod rgyal zhags pas zin cing gzhung gzhan dang //de yi nus pa ma mthong bskal dang 'dra/ /de la de nyid don 'di rgyal ba rnams kyis gsungs/ /gsang sngags sku la sogs pa yis/ /bskyed dang rdzogs pa'i rim pa ni/ /tshogs dang slob ma'i dbang du gsungs/ /bskyed pa yi ni rim pa yis/ / rags pa'i rtog pa rab spangs nas/ /phyis ni rdzogs pa'i rim pa yis/ /phra ba'i rtog pa sbyong bar byed/ /sngags dang sems dang sgyu ma dang / /rnam dag dang ni gnyis su med/ /ting 'dzin 'di la rang gnas na/ /zhi ba mchog la reg par 'gyur/ /grangs ni sa dang mnyam pa dang / / dngos kyi dbang du go rims ni/ /rgyu 'bras rags dang spangs pa dang / /khyab dang mtho dman sa yi dbang / /bsam gtan byed pa'i rnal 'byor pas/ /rtag tu don 'di shes bya ste/ /sgom byed rnal 'byor snod can dang / /rnal 'byor de yis bsams pa dang / /bsgom pa'i thabs dang goms pa'i rtags//dgos pa skyon dang bcas pa'o/ /de la rnal 'byor snod can ni/ /lta ba dang ni spyod pa dang / /dbang thob dam tshig ldan pa'o/ /bsam pa gzhan gyi don la dmigs/ /thabs ni sems bzung 'bras skye ba'i/ /bsam gtan rnam pa gnyis su gsungs/ /rtags ni smig rgyu du ba dang //srin bu'i me dang mar me dang / /nam mkha' lta bur 'byung ba dang / /gzhan yang 'phar dang ldeg sogs dang / /me 'bar chu 'byung la sogs pa'o/ /bsgoms pa'i dgos pa 'di lta ste/ /rags dang phra ba'i rtog pa spangs/ /dngos grub kun 'brel ngan song gi//gnas kun bcom mo zhing du skye/ /rtag tu sangs rgyas lung ston 'byung / /bdag dang gzhan la sogs la phan/ /phyogs mtshams kun du snyan par grags/ /de la sogs pa bsam mi khyab/ /skyon ni de las bzlog pa'o/ /phyag na rdo rje'i zhal snga nas/ /bsgom bya sgom byed bsgom pa'i thabs//dgos pa skyon dang bcas par 'dod/ /bsgom bya ting 'dzin dmigs pa ste/ /'od dang 'od kyi kha dog dang / /sku dang ba thag thig le dang / /nyi zla rdo rje pad+ma dang / /rnal 'byor yul du byed phyir ro/ /lha mo mdzes ldan zhal snga nas/ /rten gyi gang zag de mtshan nyid//dmigs dang snyoms 'jug 'bras bu skye/ /spyod lam dus dang rtags su 'dod/ /'jam dpal gzhon nu'i zhal snga nas/ /bsgom pa dang ni sems nyams dang / /bdud brtag pa dang spong ba dang / /sa tho ba yi rim pa'o/ /de lta'i man ngag ji snyed cig /rdo rje 'chang la sogs pas gsungs/ /bdag gis dka' 'grel gzhan dag tu/ /don 'di legs byed snod ma yin/ /'chad pas nyan par 'dod pa la/ /bshad pa rnam pa gnyis yin te/ /nus dang 'gro ba'i dbang du gsungs/ /lha mo sgrol ma'i zhal snga nas//bsgrub dang de don bshad pa bzhi/ /'di yi brjod par bya ba gang / /dgos dang 'brel ba ji lta bu/ /dgos pa'i dgos pa ji lta bu/ /de dris lan du 'di skad brjod/ /rgyu dang bsgrub par bya ba yin/ /don ni brjod par bya ba'o/ /de la gnyis te lam 'bras bcas/ / lam ni bskyed dang rdzogs pa ste/ /mthar phyin zung 'jug 'bras bu'o/ /dgos pa shes rab rnam gsum gyis/ /rtogs dang bsgom pas dgos grub pa'o/ /thabs dang thang sa las byung ba'i tshul/ /sa bon myu gu ji bzhin du/ /'gyur ba gang yin 'brel ba ste/ /de la rag las de phyir ro//dgos pa'i dgos pa zhes bya ba/ /rtogs nas gzhan la ston pa dang / /mthar phyin sa la don byed pa'o/ /de phyir de ni sgrol mas bshad/ /rgyal ba rnams kyi dam tshig yin/ /grub pa'i blo gros zhal snga nas/ /mnyam gzhag de nyid ting 'dzin dang / /de yi grogs su bcas pa'o//mnyam gzhag ting 'dzin rnam gnyis te/ /bskyed pa dang ni rdzogs pa'o/ /dang po bcom ldan rdo rje can/ /skye gnas bzhi dang legs mthun par/ /de bstan gong ma 'og ma ni/ /chos rnams yongs su dag pa ste/ /skye ba med dang 'gag pa med//gang du ma grub shes pa yin/ /ji ltar brtags pa gang yin pa/ /yang dag ngang du ci yang med/ /de thob nye ba'i rgyur gyur pa/ /gang yin de la de skad do/ /grogs ni sngags pa'i rgyan nyid do/ /gsang sngags thams cad ni rim pa gnyis grogs dang bcas pa ste slob dpon gyis kyang dang por de rtsom pa la bar chad du mi 'gyur bar bya ba'i phyir phyag 'tshal ba bstan pa'o//gang gi phyir rang dad pa'i phyir lha la phyag 'tshal rtsom par 'dod pa de'i phyir/ /mgon po sangs rgyas kun bdag ces bya ba la sogs pa smos te/de la dang por rim pa gnyis kyis sangs rgyas pa'i tshul bstan nas sems can gyi snang ba la thugs rje chen po'i stobs kyis rdo rje 'chang chen po'i sku phyung ba de ni mgon po ste/ gang la skyob par byed pa yod pa de la de skad ces bya'o/ /de ni sangs rgyas thams cad kyi bsdus pa'i sku dang sangs rgyas thams cad kyi gtso bo yin pa'i phyir//sangs rgyas kun bdag nyid ces bya'o/ /dpal ldan zhes pa ni bsod nams dang ye shes kyi tshogs kyi bdag por gyur nas sems can rnams smin cing grol bar byed pa'i phyir ro/ /dpal ldan gyis ni rdo rje 'chang chen po gang mtshon par byed do//de nyid ni bde chen te gang gi phyir mi bde ba'i sdug bsngal dang bral te bde ba chen po'i ngo bor bzhugs pa de'i phyir bde ba'o/ /bde ba yang yin la chen po yang yin pas 'di ni bde chen no/ /de lta bu'i don dang ldan pa de la phyag 'tshal zhes sbyar ro//des cir 'gyur zhe na/ sgrib pa sbyang ba dang / tshogs bsags pa ste bar chad kyi sbyor ba bzlog par 'gyur ro/ /'phags pa dga' bos zhus pa'i mdo las kyang / tshe dang ldan pa de bzhin gshegs pa dang / de bzhin gshegs pa'i bstan pa'i gzugs brnyan la phyag 'tshal ba'i gang zag de ni sgrib pa dang nyon mongs pa thams cad spangs pa yin no//'khor ba'i chu bo las brgal ba'o/ /sbrul dang rkun po dang rgyal po'i chad pa thams cad spangs pa'o zhes 'byung ba'i phyir ro/ /yang na snying gar thabs dang shes rab kyi bar du srog gi sa bon gnas pa ni mgon po ste/'byung 'jug rgyun bcad nas rtag tu ngan song las ldog pa'i phyir de la de skad ces bya'o/ /mgon po yang yin la sangs rgyas kun gyi bdag nyid kyang yin pas mgon po sangs rgyas kun bdag nyid do//de nyid dpal ldan te/ gang la smin cing grol ba yod pa de la de skad ces bya'o/ /de lta bu'i ngang la brtan par gyur pa dang dga' ba la sogs pa rim gyis skyes pa gang yin pa de ni bde chen ste/ gang la mi bde ba dang sdug bsngal spang ba'i thabs yod pa de la de skad ces bya'o//mthar thug pa'i dbang du mgon po sangs rgyas kun bdag nyid ces smos te/ gang dag rnam par rtog pa'i dra bar chud pa de dag gi gnyen por gyur pa de ni sangs rgyas kun bdag nyid de/ sangs rgyas thams cad kyi ngo bo bdag po yin pa'i phyir ro/ /de ci'i phyir zhe na/sangs rgyas thams cad ni dngos su chos kyi sku yin pa'i phyir ro/ /gzhan las kyang / dus gsum sangs rgyas thams cad ni/ /chos kyi dbyings kyi ngang la gnas/ /thugs rje dang ni las 'phro yis/ /sems can ngo la so sor snang / /zhes 'byung ba'i phyir ro//'di ni dpal ldan te dper na nam mkha' bzhin yongs la khyab pa'i phyir ro/ /'od srungs kyi mdo las kyang / don dam pa'i sems can thams cad kyi dpal du gyur pa yin te rnam par rtog pa'i 'ching ba bzlog pa'i phyir ro zhes 'byung ba'i phyir ro/ /de bas na de ni dpal ldan yang yin la bde ba chen po yang yin pas dpal ldan bde chen no//btud de zhes pa ni phyag 'tshal te zhes pa ste/ gang la mnyes par byed pa yod pa de la phyag 'tshal ba'o/ /des ci byed ce na/ bshad ces sbyar ro/ /gang bshad par 'dod pa de ni bstan par 'dod pa de'i phyir/rdo rje bzlas pa'i rim pa bshad bya zhes smras te/ de la rdo rje bzlas pa yin pas rdo rje bzlas pa ste/ sna'i rtse mor rdo rje bsams la bzlas she'o/ /yang na rdo rje bzlas pa ste rdo rje 'chang chen pos bzlas pa yin pas de bzlas she'o/ /yang rdo rje bzlas pa yin pas rdo rje bzlas pa ste rdo rje 'chang gi rnal 'byor gyis bzlas she'o//gang gi phyir bsgom par bya ba'i yon tan dang dmigs pa dang sgom par byed pa po ston par 'dod pa de'i phyir de la de skad ces bya'o/ /gal te yon tan dang dmigs pa dang byed pa po ma bstan na med pa dang ma yin pa la sogs pa'i skyon du 'gyur ro//gang gi rjes su 'brangs nas bshad ce na de nyid ston par 'dod pa de'i phyir/ rnal 'byor rgyud kyi rjes 'brangs nas/ /zhes smos te/ rnal 'byor ni ting nge 'dzin te gang las de gtsor ston pa de la de skad ces bya'o/ /rnal 'byor gyi rgyud ni rnal 'byor gyi rgyud de/lha mo bzhis zhus pa la sogs pa'o/ /de'i rjes su 'brangs pa ni de'i rjes su 'brangs pa ste/ de dag dang mi 'gal bar byas te bshad ces sbyar ro/ /kha cig na re rjes su 'brangs pa ni des gtan la phab ces 'chad do/ /gang la gang gis ci lta bur gsungs she na/thabs 'di zhes smos te/ rdo rje bzlas pa 'di zhes sbyar te dang po bstan pa'o/ /'og ma ston par 'dod pa de'i phyir/ bskyed pa'i rim la legs gnas shing / /zhes smos te/ bskyed pa'i rim pa ni bskyed pa'i rim pa sa bon dang phyag mtshan las bskyed pa gang yin bde la de skad ces bya'o//de la legs par gnas pa ni de sgom par byed pa ste mthar phyin pa'o/ /de'i don ni dang por srid pa skye bzhin tshul dus bon la sogs pa las rigs brgya'i dbye ba la sogs pa bsgom pa'o/ /de ni bzhi ste bsgom pa dang / goms pa'i tshad dang / mthar phyin pa'i tshad dang /de'i dgos pa'o/ /bsgom pa ni de la sems yang dang yang du gtod pa'o/ /goms pa'i tshad sku gsung thugs che chung mang nyung gang gi rnam pa la thogs pa med pa'o/ /mthar phyin pa'i tshad ni thams cad lha'i dkyil 'khor du snang ba'o/ /de'i dgos pa ni rags pa'i rnam par rtog pa slangs te rdzogs pa'i rim pa bsgoms na gsal bar 'gyur ba'i phyir ro//rdzogs pa'i tshad sku gsung thugs che chung mang nyung gang gis rnam pa la thogs pa med pa'o/ /phyin pa'i tshad ni thams cad lha'i dkyil 'khor du snang ba'o/ /de'i dgos pa ni rags pa'i rnam par rtog pa spangs te rdzogs pa'i rim pa bsgoms na gsal bar 'gyur ro//rdzogs pa'i rim pa ni rdzogs pa'i rim pa'i chos kyi sku dang shin tu nye ba'i rgyur gyur pa'i phyir de la de skad ces bya'o/ /de 'dod pa ni 'dod pa ste/ rdzogs pa'i rim pa sgom pa 'dod pa'i rnal 'byor pa la gsungs she'o//gsum pa bstan pa'i phyir/ rdzogs pa'i sangs rgyas kyis zhes gsungs te/ yon tan thams cad rdzogs pa gang yin pa de la de skad ces bya'o/ /de ni sangs rgyas te rnam par rtog pa thams cad spangs pa ste yon tan thams cad kyis rgyas pa'i phyir ro//dngos su na 'dir rdzogs pa'i sangs rgyas ni rdo rje 'chang chen po ste des gsungs pa'o/ /bzhi pa bstan pa'i phyir/ skas kyi rim pa lta bur gsungs/ /zhes smos te skas dang 'dra bas na skas te dper na skas lta bu zhes sbyar ro/ /de la skas la ni rim gyis 'dzeg gi cig car ni ma yin no//de bzhin du rim pa lnga la'ang rim gyis 'jug gi cig car ni ma yin no/ /skas ni sa la brten pa ste/ de bzhin du rdzogs pa'i rim pa bsgom pa'i tshe/ bskyed pa'i rim pa dpyod pa dang bcas pa la rten par byed do/ /skas la ni rtse mor phyin nas bya ba gzhan byed do//de bzhin du rim pa lnga'i ting nge 'dzin mthar phyin nas sems can gyi don byed do/ /gang gi phyir sems can thams cad ni rlung gis 'tsho bar byed pa de'i phyir de la de bstan to/ /sems can rnams kyi srog gyur pa/ /zhes pa ni sems can thams cad 'tsho bar byed pa ste/de gang yin zhe na/ rlung zhes bya ba ste/ yang ba dang g.yo ba'i bdag nyid can no/ /des ni 'tsho bar byed pa 'ba' zhig tu ma zad kyi las gzhan yang byed do zhes bstan pa'i phyir/ las kun byed ces smos te/ de la las kun zhes bya ba ni 'di ltar las thams cad de 'jig rten gyi lus pa rlung gis byed do//gsang ba de kho na nyid kyi rgyud las kyang / 'jig rten las rnams thams cad ni/ /rlung dang rlung bcas kun gyis byed/ /rtag tu rlung dang bral ba ni/ /'jig rten las rnams rgyun bcad 'gyur/ /zhes 'byung ba lta bu'o/ / gang gi phyir shes pa dang bral ba'i rlung gis/ yul gyi rnam par rig par mi rung ngo zhes rgol ba de'i lan bstan pa'i phyir/ 'di ni rnam shes bzhon pa ste/ /zhes smos te 'di zhes pa ni rlung ste dngos su na rlung la rang gi rnam par shes pa zhon nas yul gyi rnam par rig par byed ce'o/ / de'i dbye ba bstan pa'i phyir/ /lnga yi bdag nyid bcu yang yin/ /zhes smos te/ de la lnga ni lnga ste/ srog 'dzin pa nas khyab byed kyi bar du'o/ /bcu ni dbang po la gnas pa'i rlung lnga ste bcu'o/ /rlung bcu po 'di dag ni rnam par shes pa'i bzhon pa'o zhes 'khor lo rol pa'i rgyud las kyang gsungs so//rlung gi de nyid rim gyis ni/ /zhes pa ni rlung la rim gyis bslabs nas zhes pa'o/ /ci byed ce na/ sngags kyi de nyid yang dag 'jug /ces smos te/ 'dir nus pa khyad par can mngon du byed pa'i sngags so/ /gzhan las man ni yid ces bya ba ste/ /tra ni skyob par byed pa'o/ / zhes kyang 'byung ngo / /yang dag 'jug ces pa ni sngags kyi de kho na nyid la nges par 'jug ce'o/ /des ci byed ce na/ rdo rje bzlas pa rnams la slob ste/ rdo rje bzlas pa ni gong du bshad do/ /de la slob pa ni de yul du byas te sems yang dang yang gtad pa'o/ /rdo rje bzlas gnas rnal 'byor pas/ /zhes pa ni/rdo rje bzlas pa'i ting nge 'dzin dang ldan pas she'o/ /des cir 'gyur zhe na/ sems la dmigs pa thob par 'gyur/ /zhes te 'dir sems la dmigs pas sems la dmigs pa ste/ phyi rol gyi yul la dmigs pa ni ma yin no/ /thams cad sems kyi snang bar lta ba ni sems la dmigs pa'o//des thob ces pa/ sems kyi mtshan nyid rtogs par 'gyur/ /zhes pa'o/ /sems la dmigs pa thob nas ci byed ce na/ sgyu ma lta bu'i sgom par byed pa de'i phyir sgyu ma lta bu'i ting nge 'dzin gnas zhes te/ gang la sgyu ma'i dpe bcu gnyis nye bar mtshon pa'i sku ni sgyu ma lta bu'i ste/de la sems rtse gcig pa ni sgyu ma lta bu'i ting nge 'dzin la gnas pa'o/ /yang dag mtha' ni rnam par sbyangs/ /zhes pa ni/ sgyu ma lta bu'i sku nyid 'od gsal ba'i bsam gtan gyis rang bzhin med par byed ce'o/ /yang dag mtha' las langs zhes pa ni/ 'od gsal ba'i ngang las langs pa'o//des ci byed ce na/ gnyis med ye shes thob par 'gyur/ /zhes smos te/ gnyis su med pa ni gnyis su med pa ste/ 'od gsal ba'i bsam pa 'khor ba dang mya ngan las 'das pa la sogs pa gnyis pa thams cad mi dmigs pa ste zung du 'jug pa'i ting nge 'dzin to/ /de thob pa ni mngon du byed pa'o//yang dag mtha' las zung 'jug ting nge 'dzin la gnas nas zhes pa ni mthar phyin pa'i ting nge 'dzin thob nas zhes pa'o/ /slar zhing gang yang mi slob po zhes pa ni bslab pa dang bral ba'i phyir ro/ /de la zung du 'jug pa ni gnyis te slob pa dang mi slob pa'o/ /mi slob pa ni mi slob pa ste/bslab pa thams cad mthar phyin pa'i phyir ro/ /gzhan las gang du slob pa'i zung 'jug kyang / mi slob pa zhes rab tu grags/ /rdo rje bzlas dang sems la dmigs/ /'og ma dag la 'das pa'i phyir/ /zhes 'byung ba lta bu ste/ 'di ni zung du 'jug pa'o/ /'di zhes pa ni mthar phyin pa'i zung du 'jug pa'o//gzhan las mthar phyin zung 'jug ces bya ba/ yod med rtag chad don dam dang / /kun rdzob ces bya gnyis su med/ /gcig tu bsre ba yang mi dmigs/ /zhes 'byung ba lta bu'o/ /de lta bu 'di ni rdzogs pa'i rnal 'byor pa ste/ 'dir rdzogs pa ni gnyis su med pa'o//gang la gnyis su med pa'i ting nge 'dzin yod pa de ni rdzogs pa'i rnal 'byor pa'o/ /rdo rje 'dzin pa chen po yang de zhes pa ni rdo rje 'chang chen po'ang de nyid yin zhes pa'o/ /rnam pa kun gyi mchog ldan pa'i/ /thams cad mkhyen par de nas 'gyur/ /zhes pa ni gang la gnyis su med pa'i ting nge 'dzin yod pa de ni thams cad mkhyen pa'i gnas su gyur pa'o//'das pa dang ni ma 'ongs dang / /zhes pa la sogs pa ni go sla'o/ /dpal ldan 'dus pa'i rgyud ces pa ni dpal ldan rdo rje 'chang chen pos gsungs pa'i gsang ba 'dus pa'i rgyud do//rgyud der de nyid de de kho na nyid rnam pa lnga'i sgrub pa'i thabs 'di dag rgyas btab ces pa'o/ /bshad pa'i rgyud kyi rjes 'brangs nas/ /zhes pa ni gong du bshad do/ /bla ma'i kha las rtogs par bya/ /zhes pa ni bla ma'i man ngag las khong du chud par bya'o/ /de ni mdor bsdus pa'o/ /de nas rlung gi de kho na nyid rgyas par bshad pa'i phyir/de la dang po kho na zhes pa la sogs pa smos te/ rlung gi de kho na nyid ni rlung gi de kho na nyid do/ /de ston pa ni gzhung gi tshogs so/ /rtsa ba yang yin la rgyud kyang yin pas rtsa ba'i rgyud do/ /de la 'jug pa ni de la 'jug pa ste de'i rjes su 'brangs pa'o//de nyid ston pa/ sna yi rtse mor yungs kar bsam/ /zhes pa ni rang gi sna'i rtse mor byang chub sems kyi thig le yungs kar tsam pa'o/ /'gro dang mi 'gro zhes pa ni 'byung ba dang 'jug pa gnyis so/ /yungs kar la zhes pa ni thig le yungs kar gyi rnam pa tsam la blo gtad de la bsgom pa'o/ / gsang ba'i sngags kyis zhes pa ni yi ge gsum gyis she'o/ /ci byed ce na/ ye shes mchog gi gnas bsgom mo/ /zhes pa ste/ ye shes mchog ni ye shes mchog ste/ de las skyes pa'i ye shes so/ /ye shes ni mchog ste sems can tha mal pa las khyad par du gyur pa'o/ /yang na ye shes mchog ste sa dang pha rol tu phyin pa las khyad par du byas pa'o//yang na ye shes kyi mchog ste de la dmigs pa las skyes pa'i ye shes kyi mchog 'grub pa'o/ /gnas zhes pa ni rgyu'i don to/ /rgyu des 'bras bu mchog thob par 'gyur te/ yang na gnas ni brten par bya ba ste de la brten te 'grub pa'i phyir ro//yang na gnas kyis ni skyob par byed de gang la blo gtad pa des rnam par rtog pa las ring du gyur pa'o/ /yang na sna rtse dang 'dra bas sna rtse ste/ rtsa rnam pa bzhi'i rtse mo pad+ma kha bye ba'i tshul can no/ /yungs kar ni thig le yungs kar tsam bsam pa'o/ /gzhan gong dang 'dra/ yang na sna'i rtse mo ni rno bar byed pa ste/de la gnas pa'i rtsa shin tu rno bar byed pa'o/ /rnam par rtog pa'i dra ba gcod pa'i phyir ye shes ni de dang 'dra bar gyur par ro/ /de'i don ni shes pa thams cad skye ba'i rten snying ga'i dbus su byang chub sems kyi thig le bsam mo/ /'gro dang mi 'gro zhes pa ni snod dang bcud kyi 'jig rten te thams cad de'i snang bar bsam pa'o//gzhan las/ /dngos dang 'dra bar byed pa'i dbang / /sna rtse dag ni rnam pa gsum/ /phyi rol sna'i rtse mo dang / /snying ga thig le bsam par bya/ /'byung dang 'jug dang gnas pa yi/ /ye shes gsum gyi sbyor ba yis//sems ni thig ler gzhag par bya/ /zhes 'byung ba lta bu'o/ /rin chen kha dog sna lnga pa/ /zhes pa ni rin po che yin pas rin po che ste/ rin po che 'bar ba'i 'od zer kha dog sna lnga pa'o/ /tshad ji tsam zhe na/ yungs kar gyi 'bru tsam zhes pa ste/ che chung yungs kar tsam pa'o//gnas gang du zhe na/ sna'i rtse mor te rang gi sna'i rtse mor sor brgyad dang bcu drug tshun chad du'o/ /gang gis she na/ rnal 'byor rig pa ste/ thams cad la bsgom zhes sbyar ro/ /rnal 'byor ni ting nge 'dzin gang la yod pa de ni rnal 'byor ro/ /dus ji tsam zhe na/ rtag tu bsgom zhes smos te/ ji srid du mthar phyin pa'i lam ma thob ba de srid kyi bar du bsgom zhes so/ /de'i don ni dang por mtshan nyid thams cad dang ldan pa'i rnal 'byor gyi yid dang mthun pa'i gnas su nye bar song ste/ sems can gyi don yid la dran pa dang / bskyed pa'i rim pa rigs brgya la sogs pa'i dbye bas mthar phyin par byas la/sngags kyi bsnyen pa'i dus su snying gar ye shes sems dpa' sku gsung thugs kyi ngo bor gnas pa bsams te/ rang gi sna'i rtse mor rin po che 'bar ba kha dog lnga dang ldan pa bsams te rtse gcig pa'i bzlas pa bya'o/ /yang na rin po ni rdo rje rtse lnga pa rtse mo la 'od zer kha dog lnga dang ldan pa ste/des sems rin po cher ma sbyor bas rin po che'o/ gzhan gong dang 'dra/ yang na mnal 'dod pa'i don 'byung ba de ni rin po che ste/ byang chub sems kyi khu ba 'byung bas bde ba chen po'i 'khor lo'i sbyor ba gsum gyi rtsa ba'o/ /kha dog lnga ni 'di ltar mngon du bya ba dang mdzes pa'o//lnga ni lnga ste sbas pa'i 'khor lo'i thig le lnga'o/ /thig le'ang ji tsam zhe na/ yungs kar gyi 'bru tsam mo zhe'o/ /gang du zhe na/ sna'i rtse mo ste/ sna'ang yin la rtse mo'ang yin pas sna'i rtse mo ste/ a wa d+hU tI'i sna'i rtse mor rnal 'byor pas bsgom pa'o//yang na rin po che ni sems rin po cher gyur pas na rin po che ste srog 'dzin pa'i rlung la sogs pa'o/ /kha dog lnga ni kha dog lnga ste dkar po la sogs pa'o/ /sna ni dngos so/ /de dag gi don yang bskyed pa'i rim pa mthar phyin pa'i rnal 'byor pas rang gi spyi bor bde ba chen po ni rtsa bdun cu rtsa gnyis la sogs pa'o//de'i dbus kyi sbas pa'i 'khor lo'i 'dab ma bzhi la thig le bzhi dbus dang lngar bsams te/ 'byung ba rlung gi dus su 'gro ba dang 'jug pa'i rlung gi dus su 'ong ba gnas pa la bslab pa ni gong ma'i dbang du byas pa'o/ /'og ma'i dbang du byas pa ni dkyil 'khor bzhi'i 'od zer so so las kha dog lnga byung ba'i dus su 'od zer la shes pa'i ngo bo yi ge hUM gi phreng bar gyur te spro ba dang /'jug pa'i dus su oM gyi phreng bas 'jug pa dag gnas pa la brtan par bya ba'o/ /yang na rin po che ni 'dod pa 'byung bar byed pa'i phyir te shes pa thams cad skye ba'i rten snying gar ro//der byang chub sems kyi thig le bsam pa rin po che ste/ gang la dgos pa 'byung ba de ni rin po che'o/ /kha dog lnga ni 'byung ba lnga mtshon par byed pa ste/ 'di ltar sa la sogs pa'i rnam pa ltar snang ba'o/ /de ni yungs kar tsam sna rtse ste snying gar bsam pa'o//chags pa la dga' ba'i rnal 'byor gyi dbang du byas te bshad pa/ rin po che kha dog sna lnga ni/ byang chub sems kyi thig le lnga mdud pa lnga'i nang na gnas pa'o/ /tshad gong dang 'dra/ gang du zhe na/ sna'i rtse mor te/ thabs kyi nor bu la gnas pa'i rtsa'i nang du'o/ /gang gis she na/rnal 'byor pa yis te/ rnal 'byor pa ting nge 'dzin dang ldan pas bsgom pa'o/ /de'i don yang bskyed pa'i rim pa mthar phyin pa'i rnal 'byor pas byang chub sems kyi rtsa'i mdud par thig le lnga bsams te/ phyag rgya mo dang snyoms par 'jug pas dga' ba la sogs pa skye ba ni bza' ba'i dbang du byas pa'o//yang na lha'i sku 'byung bas rin po che ste/ rang gi rdo rje'i khar byang chub sems kyi khu ba phab ste/ yum gyi mkha' la bton la rim gyis lha'i skur byas te bton pa ni bskyed pa'i rim pa'i dbang du byas pa'o/ /dgongs pas bshad pa ni dgongs pas bshad pa ste/sgra ji bzhin pa ma yin zhing 'dod pa 'byung ba la sogs pa la dgongs te smras pa'o/ /rdo rje'i tshig ces pa ni chos nyid rdo rje yin pas rdo rje'i tshig ste rtogs par dka' ba'i phyir ro/ /yang na rdo rje 'chang gi tshig yin pas na rdo rje'i tshig gi bshad pa'o/ /lha mo yang yin la bzhi yang yin pas lha mo bzhi'o//des zhus pa ni lha mo bzhis zhus pa'o/ /rtsa ba'i rgyud ma yin pas bshad pa'i rgyud do/ /de las rdo rje'i tshig bshad ce'o/ /snying po las ni snying po mchog /ces pa ni snying po rtsa ba'i thig le'o/ /de las byung ba ni snying po mchog gi thig le'o/ /yang na rtsa ba dang yan lag gi rlung ngo //sangs rgyas kun gyi gsang ba ni sangs rgyas kun gyi gsang ba ste/ sangs rgyas thams cad kyi gsang bar bya'o/ /yon tan thams cad 'byung ba'i gnas/ /zhes pa ni yon tan thams cad 'byung ba'i rgyur gyur pa'o/ /de ni lha mo zhes pa ni bod pa'o/ /bshad par bya zhes pa ni dam bca' ba'o//ye shes lnga'i dngos de nyid/ /ces pa ni ye shes lnga'i ngo bo rin po che dang rdo rje la sogs pa'o/ /yungs kar gyi ni 'bru tshod tsam/ /zhes pa ni gong du bshad do/ /de yi dbus na gnas pa'i lha/ /zhes pa ni rin po che la sogs pa'i dbus su chud pa'i rlung lha'o//mi gsal gsal ba'i bdag nyid can/ /zhes pa ni gzhan pa'i yul du ma gyur cing rnal 'byor pa'i yul du gyur pa'o/ /gsang ba 'dus pa la sogs pa ni gong du bshad pa'o/ /gsal bar gsungs zhes pa ni rgyas par gsungs zhes sbyar ro/ /ye shes lnga ni chos kyi dbyings dang / me long lta bu dang /mnyam pa nyid dang / so sor rtog pa dang / bya ba nan tan gyi ye shes so/ /de'i rang bzhin ni de'i ngo bo ste/ dbugs lnga'o/ /de nyid 'byung ba sa la sogs pa'i ngo bo'o/ /gong bu'i gzugs kyis phyung zhes pa ni thig le'i gzugs kyis phyung zhes pa'o/ /yang na rags pa'i rnam pa'i gong bu'i gzugs te/'di ltar rdo rje dang rin po che dang kha dog lnga'o/ /sna yi rtse mor rab tu bsgom/ /zhes pa ni go sla'o/ /rin chen kha dog sna lnga ni gong du bshad pas so/ /srog dang rtsol ba ni rtsa ba'i rlung dang yan lag gi rlung ngo / /yang na gnyis te 'byung ba dang 'jug pa yin zhes so/ /rang sngags snying gar bsams nas ni//zhes pa ni yi ge a bsam pa'o/ /srog ni thig le gnas par gzhag /ces pa ni rlung gnas pa la bslab par bya'o/ /don de nyid shin tu rgyas par bshad pa la slar bshad pa zhes pa'o/ /rdo rje yang yin la phreng ba yang yin pas rdo rje phreng ba'i rgyud do/ /rdo rje phreng ba yang yin la bshad pa'i rgyud kyang yin pas rdo rje phreng ba'i bshad pa'i rgyud do//de las bshad ces sbyar ro/ /sna rtser yungs kar zhes pa ni gong du bstan pa de'o/ /srog dang rtsol ba'i brtags pa ste/ /zhes pa ni sna'i rtse mor yungs kar bsgoms pas srog dang rtsol pa'i rlung zlos par byed ce'o//ji ltar zhe na/ 'od lnga sangs rgyas rnams su bsgom/ /zhes pa ste/ sangs rgyas lnga'i ngo bo 'od zer lngar bsgom zhes pa'o/ /de'i don yang gnas bzhi po gang rung nas 'od zer kha dog lnga 'phro ba dang gsal bar bsam mo/ /steng gi sna nas nges 'byung ba/ /zhes pa ni 'og gi sna ma yin pas steng gi sna'i bu gnas 'byung ba'o//gang dang gang nas 'byung zhe na/ /g.yon dang g.yas dang gnyi ga dang / /dal bar rgyu dang zhes pa 'og nas ston to/ /gang nas gang zhe na/ lkog ma snying ga lte ba dang / gsang ba'i pad+mar zhes pa'o/ /ci byed ce na/ 'gro'o ston zhes pa'o//de dag gi don yang lkog ma na gnas pa'i rlung de'i dkyil 'khor du gnas te g.yas nas 'gyur ba'o/ /gzhan la yang de bzhin du sbyar ro/ /g.yas pa nas ni 'byung ba yi/ /zhes pa ni lkog ma'i rlung sna bug g.yas pa nas 'byung ba'o/ /gang gi dkyil 'khor yin zhe na/ me yi dkyil 'khor nyid yin te/ /zhes pa ni smin par byed pa'i phyir te/ de ni me'i dkyil 'khor ro/ /kha dog dmar zhing gsal bas dmar zhing gsal ba'o/ /gang 'gyur zhen pad+ma mgon po ste tshe dpag med 'gyur zhe'o/ /de ni tshe dpag med dang 'dra bas tshe dpag med ce'o/ /yang na sa bon byed pa'i phyir ro//de'i dbyings ni gru gsum du gnas te/ dbugs 'byung 'jug dang zas zab dang stod du dngas snyigs 'byed pa'i las can no/ /des ni lta bas thag bcad pa'o/ /man ngag nyams su len pa'i rnal 'byor pas slob pa de ni rnam pa gnyis te/ /'di ltar spyir slob pa dang bye brag tu slob pa'o//bye brag tu slob pa la gnyis te rten can dang rten med pa'o/ /de la rten can gyi dbang du ni dri tshor bar byed pa'i rtsa rnam pa gnyis sna'i rtse mo la gnas te/ rtse mo me tog kha bye ba'i rnam par thig le phra mo bsams la snying gar byang chub sems kyi thig le bsam mo//gang gi tshe rlung 'byung ba'i dus kyi tshe ba thag gi rnam par byung nas rtse mo'i thig le la thim pa ni 'byung ba la slob pa'o/ /de nyid blo gtad pa ni 'byung ba'i cha la brten pa'i gnas pa la slob pa'o/ /de nas de'i rnam pa de la thim pa ni 'jug pa la slob pa'o/ /snying ga'i thig le la blo gtad pa ni 'jug pa'i cha la brten pa'i gnas pa la bslab pa ste slob ma la bshad pa'o//rten med mgrin par yi ge a bsams te de las sna bug g.yas su 'od zer kha dog dmar por gyur nas gnas pa la slob pa ni man ngag go/ /gzhan go sla'o/ /sngags kyi de kho na nyid ston pa'i rtsa ba'i rgyud la 'jug par bya//zhes pa ni gsang ba 'dus pa'i rgyud kyi rjes su 'brang zhes pa'o/ /gang zhe na sngags te/ de bzhin gshegs pa zhes pa ni 'das pa'i sangs rgyas la sogs pa ma lus pa'o/ /sku'i gsang ba ni sku gcig bstan pas sna tshogs par snang ba'o//gsung gi gsang ba ni gsung gcig gis thams cad go bar byed pa'o/ /de'i snying po ni yi ge gsum mo/ /de ni sngags thams cad kyi snying po yin pas sngags thams cad kyi snying po'o/ /kun du bskul ba ni sangs rgyas thams cad sad par byed pa'o/ / sba bar bya bas na mchog tu gsang ba'o/ /de lta bu 'di rdo rje 'chang chen pos gsungs zhes sbyar ro/ /yang na de bzhin gshegs pa thams cad ni rtsa ba dang yan lag gi rlung ngo / /sku dang gsung dang thugs kyi gsang ba ni 'byung ba dang 'jug pa dang gnas pa'o/ /sngags thams cad kyi snying po ni gnas pa la dbang thob pa'o//bskul ba ni 'ong bas byed pa ste dngos grub thams cad 'brel pa'o/ /yang na de bzhin gshegs pa thams cad ni rtsa stong phrag bdun cu rtsa gnyis so/ /sku gsung thugs kyi gsang ba ni khrag dang khu ba dang chu'i rtsa ba'o/ / snying po'i rtse dbus kyi byang chub sems so/ /skul pa ni 'phro bar byed pa'o/ /gzhan las/ stong phrag bdun cu rtsa gnyis kyi/ /rtsa ni dus gsum sangs rgyas te/ /sku gsung thugs zhes grags pa yi/ /khu ba khrag dang chu yi rtsa/ /snying po byang chub sems zhes bya/ /rlung bskyod me ni 'bar byas pa//rtsa nas khu ba 'og tu 'phro/ /zhes 'byung ba lta bu'o/ /don rtogs pa yi bzlas pa ni/ /zhes pa yang dag pa'i don rtogs pa'i bzlas pa ni ngo bo nyid med ces sbyar ro/ /de la don ni don te brjod par bya'o/ /de gang gis rtogs pa'i bzlas pa de ni bzang po yin zhe'o//yang na dbugs kyi phreng ba 'bras bu dang bcas pa ni don te de rtogs pa ni bzlas pa bzang ba'o/ /dus gsum sangs rgyas kyis brtags pa/ /zhes pa ni dus kyang yin la gsum yang yin pas dus gsum mo/ / der gshegs pas dus gsum gyi sangs rgyas te/ /des brtags pa ni gtan la phab pa'o/ /de ni rdo rje bzlas pa ste/ rdo rje ni de bzhin gshegs pa rnams te/ des gtan la phab pa'i bzlas pa ni rdo rje bzlas pa'o/ /yang na 'byung ba dang 'jug pa dang gnas pa ni dus gsum sangs rgyas te/kyi zhes pa ni la zhes pa'o/ /brtags pa zhes pa ni de la goms par byed pa'o/ /de lta bu de ni rdo rje bzlas pa ste/ 'dir rdo rje ni mi phyed pa'i phyir ro/ /gang gi phyir mi phyed pa'i bzlas pa ni rdo rje bzlas pa'o/ /de'i don yang dang por snying gar yi ge a bsams la de las 'od zer kha dog lnga byung bas sor bcu drug tshun chad byung ni yi ge gsum gyi sbyor bas bslab par bya'o//yang na dus gsum sangs rgyas ni khrag dang chu dang byang chub sems kyi rtse ste bsgom pa'o/ /de'i dbus kyi phyogs su thig le 'pho 'jug dang bcas pa ni rdo rje bzlas pa'o/ /ji lta bur bzlas she na/slob mo za zhing mi bzlas te/ /zhes pa ni gzugs la sogs pa gzhan la bslang bar mi bya'o/ /ma bslangs pa la chags mi bya/ /zhes pa ni rang gi rdzas rnams la'ang chags par mi bya'o/ /gzhan las/ sems dpa' chen po sems can la la dag rang gi rdzas dang gzhan gyi rdzas la chags par byed pa ni rtag tu sdug bsngal gyi btson ra na gnas pa'o zhes 'byung ba lta bu'o//'dod pa kun la longs spyod cing / /zhes pa ni 'dod par bya bas 'dod pa ste gzugs la sogs pa'o/ /de la longs spyod pa ni de la longs spyod pa'o/ /de'i don yang bskyed pa'i rim pa'i phyag rgya chen po'i skus/gzugs kyi lha mo nas reg bya'i lha mo'i bar gyis mnyes par byed par bsam mo/ /yang na 'dod pa'i don thob par byed par 'dod pa'o/ /de la longs spyod ni ting nge 'dzin gyi yul du byas te bsgom pa ste de'i don ni 'byung ba dang 'jug pa dang gnas pa yi ge gsum gyi sbyor bas bslab par bya'o//yang na 'dod pa'i zhen pa bzlog par 'dod pa ste/ gang gi tshe dmigs pa la sogs pa la gnas pa'i rtsa kha bye ba'i steng du zla ba dang thig le gnas te rlung 'byung 'jug tshar bcad pa de'i tshe yul gyi rtog pa ldog par 'gyur ro//sngags kyi yan lag ma nyams bzlas/ /zhes pa ni sngags kyi yan lag gi grogs te/ 'di ltar dam tshig dang shes rab dang ting nge 'dzin dang byang chub sems la sogs pa dang ldan par bzlas she'o/ /slar bshad pa ni sngags kyi de kho na nyid slar bshad pa'o/ / gang las she na/ dgongs pa lung du bstan pa las she'o/ /de nas dpal ldan snang mdzad che/ /zhes pa ni dpal ldan yang yin la snang mdzad kyang yin pas dpal ldan snang mdzad do/ /rigs thams cad kyi gtso bor gyur pas chen po'o/ /khyab bdag ni khyab bdag ste dngos po dag pa'i ngo bo ni khyab pa ste/ gang la de yod pa de ni khyab bdag go/ /yang na thams cad la khyab par byed pa'i snying rje chen po dang ldan pa ni khyab bdag go/ /de la gsol ba btab pa ni slar gsol ba'o/ /gsol ba ni gang zhe na/ de bstan pa'i phyir/ sems can thams cad bskyed pa'o/ /sna tshogs gzugs can zhes smos te gang gi phyir sems kyis ni sems can thams cad skyed pa por gyur pa'o//sna tshogs gzugs can ni lus sna tshogs ston pa'i phyir de la de skad ces bya'o/ /gang zhe na sems 'di zhes pa ste/ sna tshogs pa dang don la sems pa'i phyir ro/ /shA ri'i bus zhus pa'i mdo las kyang /rigs kyi bu sems 'dis ni sems can thams cad bskyed pa'o/ /lus 'di ni sems kyis bslangs pa'o/ /de ci'i phyir zhe na/ dngos po thams cad ni sems nyid kyi ngo bo yin pa'i phyir ro zhes 'byung ba lta bu'o/ /sems rnam par dag pa nyid yin pa de'i phyir/dngos po med par gyur kyang zhe'o/ /srid pa gsum na rab tu grags/ /zhes pa ni 'dod pa dang gzugs la sogs pa'i srid pa gsum na sems yod par grags so/ /byang chub sems ni mkha' mnyam pa/ /zhes pa ni don dam pa'i byang chub kyi sems nam mkha' dang mnyam pa'o//legs par rjes su myong mdzad pa/ /zhes pa ni thob par byed pa'i thabs so/ /'gro ba'i don ni mdzad pa'o/ /zhes pa ni sems can gyi don thogs pa med par byed pa'o zhes bos pa'o/ /ci byed ce na/ bstan du gsol ba ste/skye bo mchog la thabs de bstan du gsol zhes sbyar ro/ /ma bstan na skyon ci yod ce na/ de'i phyir/ bskyed pa'i rim pa dag shes nas/ /zhes pa ste/ bskyed pa'i rim pa'i phyogs tsam shes nas de la mchog tu 'dzin pa'o/ /rgyud la rgyab kyis phyogs zhes pa ni rgyud thos pa dang ngu mi len pa'o//'di ltar bdag ni slob dpon zhes/ /ma 'ongs pa na smra bar 'gyur/ zhes pa ni bdag ni bskyed pa'i rim pa goms pa'i phyir/ sems can gyi slob dpon du gyur pa'o zhes brjod pa'o/ /bdag gi tshig ni 'di dag nyid/ /yin zhes pa ni bdag gis smras pa'i tshig 'di ni yang dag pa'i lta bston pa'i tshig go zhes smra zhing byis pa 'jig pa'o//des ni dgongs pa'i byang chub sems/ /ji bzhin don zhes mi shes so/ /zhes pa ni gang zag de lta bus dgongs pas bshad pa ma yin pa mi shes pa'o/ / gang gi tshe dgongs pa bzhi dang bcas pa ma shes pa de'i sgra ji bzhin par bzung ste log pa 'jug go/ /gang gi tshe log pa la zhugs pa de'i tshe des rkyen byas te mnar med dmyal bar rtag tu gnas par 'gyur ro/ /des na bdag po bcom ldan 'das/ /zhes pa ni skal ba phun sum tshogs pa dang bdud bzhi bcom pa'i phyir bcom ldan no//snang mdzad gong du bshad par bas so/ /thub chen ni thub chen te/ sdom pa thams cad rang bzhin gyis thub pa'o/ /legs zhes lan gsungs zhes pa ni go sla'o/ /sngags kyi dbye ba bstan pa'i phyir/ / brjod dang zhes pa la sogs pa smos so/ /de la/ tshig gi brjod pa thun mong ste/ /zhes pa ni tshig tu brjod pa ni ngag tu brjod pa ste/ gang la rjod par byed pa'i sngags yod pa de la de skad ces bya'o/ /'dis ni nyan thos la sogs pa dang thun mong du byas pas thun mong ngo / / gang gi phyir dmigs pa'i sngags rgyas par 'dod pa de'i phyir/ dmigs par bcas pa sangs rgyas nyid/ /ces smos te/ de la dmigs pa ni yul du gyur pa'o/ /sangs rgyas nyid ces pa ni sangs rgyas kyi sku nyid ces pa ste/ /de yul du byed pa'i ting nge 'dzin gang yin pa de la de skad ces bya'o//sngags kyi de nyid brda ru bshad/ /ces pa sngags ni yi ge gsum ste/ rlung dang 'dres pa 'di ni brda ru bshad ce'o/ /don dam pa'i sngags bstan pa ni/ don dam de bzhin nyid yin no/ /zhes pa ste/ don dam pa'i sngags ni de bzhin nyid de chos bdag med pa nyid do//lar gzhan las kyang / mig gi de bzhin nyid rtogs na/ /de bzhin nyid gzhan shugs kyis rtogs/ /gang du de bzhin nyid rtogs pa'i/ /rnal 'byor nges ni chos sku mthong / /zhe'o/ /de nas sngags btu ba bstan pa'i phyir/ dang po gcig ni dgu dbus nas/ /zhes bya ba la sogs pa smos te/ de la dang po yang yin la gcig kyang yin pas yi ge a'o/ /de ni thabs kyi yi ge sde tshan bdun dang / ring po dang thung ngu'i sde tshan gyis shes rab kyi yi ge'i sde tshan gnyis te dgu'i dbus na zhe'o/ /bcu yis ma bcings zhes pa ni sde tshan bcu zhes pa'i ngag ni med do//la la dag yi ge es ma bcings zhes 'chad de/ 'di la ni spang bya dang blang bya gang yang med do/ /bcings med ni gong ma nyid do/ /de shes pa ni mchog gi gnas/ /zhes pa ni mchog grub pa'i rgyu'o/ / dbyangs dang gsal byed yi ge ste/ /zhes pa ni A li dang kA li'o/ /grangs dgu ni sde tshan dgu'o/ /de'i rjes su 'jug pa ni de'i sgo nas dpog par byed pa'o/ /as bcings zhes pa ni a las byung ba'o/ /gzhan las kyang / a ni yig 'bru kun gyi mchog/ /don chen yi ge dam pa yin//khong nas byung ba skye ba med/ /tshig tu brjod pa spangs pa ste/ /brjod pa kun gyi rgyu yi mchog /tshig kun rab tu gsal bar byed/ /ces 'byung ba lta bu'o/ /gang gis shes pa 'gro ba'i bla/ /zhes pa ni/ gang gis a'i don shes pa ni 'gro ba mtha' dag gi bla mar gyur pa'o//yang na dang po zhes pa ni sngon du ste/ gcig ni byang chub sems kyi thig le'o/ /dgu dbus na zhes pa ni 'di ltar rlung dgu ste/ de'i dbus snying gar bsam pa'o/ /bcus ma bcings zhes pa ni khyab byed kyi rlung rgyu ba dang bral ba'i phyir ro//bcings med ni khyab byed 'gyur ba med ce'o/ /de shes pa ni de bsgom pa'o/ /mchog gi gnas ni rgyu zhes bya ba'i don to/ /grangs dgu ni rlung dgu'o/ /as bcings pa ni srog 'dzin pa'i rlung gis bskyed ce'o/ /yang na dang po'i yi ge a ni dang po gcig ste de bsgom pa'o//gang du zhe na/ bu ga dgu'i dbus na snying ga'i nyi zla'i steng du'o/ /bcu yis ma bcings te bu ga bcu ni med do/ /de shes pa ni mchog gi gnas/ /zhes pa ni/ bsgoms na mchog 'grub pa'i rgyur 'gyur zhes pa'o/ /dbyangs dang gsal byed yi ge zhes pa ni/ nyi ma dang zla ba la A li nyis skor dang kA li nyis skor ba'o//gzhan go sla'o/ /'byung ba'i mtha' dang yang dag ldan/ /zhes pa ni wa ste thig le'o/ /cha la sogs pa bcu drug gnas/ /zhes pa ni/ a la sogs pa bcu drug la brten pa'o/ /lnga pa lnga dang yang dag ldan/ /zhes pa ni yi ge nyi shu lnga ste dbugs nyi shu rtsa lnga dang sbyar ro//bzhi ni gsum du yang dag sbyar/ /g.yas 'gyur ba la sogs pa 'byung ba dang 'jug pa dang gnas par 'gyur ba'o/ /thung ngu ma lus ngag tu 'gyur/ /zhes pa a thung ngu ngag tu 'gyur ba'o/ /yi ge AM bcas ring por bcas/ /zhes pa nas ring por 'gyur nyid dang / /ring po sgra dang bcas pa nyid to//yon tan sbyor sogs phyis dang mtshungs/ /zhes pa gzhan 'gyur gyi yi ge phyis pa ste/ gang zhig gang med na der 'gyur ba'o/ /yi ge gang zhig sngar bshad pa ni gong du bshad pa de kho na'o/ /gang yang mngon par phyogs pa ni 'og nas ston pa'o/ /bud med skyes pa ma ning zhes pa nus pa che chung gi bye brag gis 'dra ba'i phyir ro//'byung ba dang 'jug pa dang gnas pa ni nus pa dang gsum du 'dra ba'i phyir de skad ces bya'o/ /'og dang steng du bcas pa ni/ /zhes pa gang la 'og dang steng yod pa ni steng dang 'og ste/ thabs dang shes rab kyi bdag nyid can no//'dir gsungs pa/ 'byung ba dang ni 'jug pa'i bdag /thabs dang shes rab ngo bo ste/ /gnas pa gnyis su med pa'o/ /rlung ni/ stong pa gnas pa thabs yin te/ 'og tu gnas pa shes rab yin/ /dus gcig steng du 'byung ba yin/ /gnyis su med par grags pa'o//gang du 'gro dang 'ong ba yi/ /rlung ni bzhon bya shes rab ste/ /de la sems kyi ngo bo yi/ /yi ge zhon byed thabs su bshad/ /gang du rtsa ba shes rab ste/ /yan lag de las byung ba thabs/ /gcig tu sdud pa gnyis med pa/ /'jig rten grags dang rjes mthun par//steng dang 'og ces rab tu brjod/ /ce'o/ /yang na steng dang 'og ni ste 'dir sna'i rtse mo la 'dzin pa ni steng du bshad do/ /rdo rje'i rtse mo la 'dzin pa ni 'og tu bshad do/ /shes pa ni shes pa ste de shes pa'i rnal 'byor pa'o/ /blo ni nges par sbyar zhes pa ni de la gtad de bsgom zhes pa'o//brjod pa ni sngags 'di dag ces pa ni tshig tu brjod pa'i sngags 'di dag go/ /dngos med ngo bo las byung ba'o/ /zhes pa ni chos thams cad yongs su dag pa las byung zhes pa'o/ /de'i don yang ji skad du/ rnal 'byor bla na med pa las/ /brjod pa yi ni sngags rnams kun//thabs dang shes rab yi ge las/ /de yang rang bzhin med pa ste/ /kun gyi rgyud ni de bzhin nyid/ /ces 'byung ba lta bu'o/ /de ni yongs su gyur pa'i gzugs/ /zhes pa ni dmigs pa'i sngags de ni hUM dang rdo rje la sogs pa yongs su gyur pa'i gzugs lha'i skur nye bar mtshon pa'o//brda ni brda'i sngags so/ /gang zhe na/ de nyid de yi ge gsum mo/ /gnas pa ni sems can la gnas pa ste/ /bcos ma ma yin pas sems can la rang bzhin gyis gnas pa'i mtshan nyid do zhe'o/ /de nyid rgyas par bshad pa'i phyir/ /a yis bshad pa'i ye shes ni/ /sangs rgyas kyi ni snying por 'gyur//zhes pa ni/ a ni gnas pa ste de ni sangs rgyas thob pa'i rgyur gyur pa'o/ /a ni a ste de las byung ba'i yi ge ni sangs rgyas so/ /de 'byung ba'i rgyur gyur pas na snying po'o/ /hr-i da ste thabs dang shes rab kyi bdag nyid can no/ / a ni byang chub sems kyi thig le'o/ /de ni sangs rgyas snying po ste sangs rgyas kyi mchog thob pa'i rgyur gyur zhes pa'o/ /a ni mi g.yo ba'i phyir te chos kyi sku'o/ /sangs rgyas snying po ni sangs rgyas kyi yang dag pa'i thugs yin pa'i phyir ro/ /yang na 'di ni thugs las byung ba'i phyir snying po'o//hUM gis sems can yang dag spro/ /zhes pa ni/ 'og gi dbang du byas pa ste gang las byang chub sems 'phro bas sems bskyed ce'o/ /steng gi dbang du sems dang ldan pas sems can te sems kyi ngo bo yi ge phreng ba ldan pa'i 'od zer 'byung ba'o/ / sangs rgyas sku ni rab tu bsgom/ /zhes pa'ang de nyid de/ byang chub sems las gsang ba'i gzhal yas khang du lha'i 'khor lo bskyed pa dang / steng gi sna rtse las lce'i 'khor lo bskyed pa yang de nyid de 'byung ba'i rlung gi dbang du byas pa'o/ /oM gyis sems can yang dag sdud/ / ces pa ni dbugs kyi phreng ba sdud par byed pa'o/ /sangs rgyas sdud par byed pa ni shugs kyis shes par bya'o/ /a ni gnas par gyur pa'o/ /zhes pa ni gnyis te 'byung ba'i cha la brten pa'i gnas pa dang / 'jug pa'i cha la brten pa'i gnas pa'o/ /gzhan go sla'o/ / gos dkar la sogs bzlas bshad pa/ /zhes pa ni thun phyed kyi dus su chu dang me dang rlung gi dbang du byas pa'i bzlas pa'o/ /brgya phrag gnyis dang nyi shu lnga/ /zhes pa ni snga dro'i dus kyi thun phyed kyi dbang du byas te me dang mnyam du gnas pa'i rlung nyis brgya nyi shu rtsa lnga me dang mnyam du gnas pa'i bar du nyis brgya nyi shu rtsa lnga ste dgu brgya'o//de lta bu'i dbang du byas pa nyi khri chig stong drug brgya'o zhe'o/ /nang gi dus ni nang gi dus so/ /'di nyid gsal bar bya ba'i phyir/ /zhes pa ni/ khong du chud par bya ba'i phyir/ /zhes pa'o/ /gsang ba 'dus pa'i rgyud kyang yin la phyi ma'ang yin pas gsang ba 'dus pa'i rgyud phyi ma ste/de las bshad ces sbyar ro/ /gang gi phyir zhe na/ gong ma nyid do/ /dngos po'i sa de nyid rgyas par bstan pa'i phyir/ rig pa'i cho ga 'di yis ni/ /zhes pa la sogs pa smos te/ rig pa'i cho ga ni rdo rje bzlas pa'o//thun mtshams bzhi ru rab sbyor la/ /zhes pa ni snga dro la sogs pa'i sbyor bas so/ /grangs 'bum ni grangs 'bum ste de'i mtshan nyid can no/ /sngags kyi yan lag ma nyams bzlas/ /zhes pa ni gong du bshad pa bas so/ /de nyid kyis spang bar bya ba bstan pa'i phyir/bsgom pa'i ni bar chad ces smos te spang zhes sbyar ro/ /gang zhe na bar chad do/ /de yang gang gi zhe na/ sgom pa'i ste bsam gtan gyi bar chad spang ba'o/ /gang gis she na rnal 'byor te ting nge 'dzin dang ldan pas so/ /bar chad dngos bstan pa'i phyir/rnal 'byor phyi rol bzlas pa spang / /zhe'o/ /de ci'i phyir zhe na/ phyi rol gyi bzlas pa la dga' ba ni bar du gcod pa'i rgyu yin pa'i phyir ro/ /bzlas pa'i thabs bstan pa'i phyir/ sngags don bcom ldan rdo rje can/ /rdo rje bdag nyid ji ltar zlos/ /zhes smos te de la sngags kyi don bcom ldan 'das rdo rje can zlos pa bzhin bzlas she'o//phyi rol gyi bzlas pa'i skyon dpe dang bcas pa bstan pa'i phyir/ /dper na glang po rnyed gyur nas/ /zhes pa la sogs pa smos te go sla'o/ /de nas ye shes kyi 'khor lo bsgrub pa bstan pa'i phyir//gzhan yang rdo rje 'dzin zhes bya ba la sogs pa smos te de la rdo rje 'dzin ni rdo rje 'dzin pa ste rdo rje 'chang chen po'o/ /gang zhig sbyor ba gsum dang ldan pa yis/ /zhes pa ni sbyor ba gsum yi ge gsum gyis sbyor ba dang ldan pa'i rnal 'byor pa gang yang rung ba zhig gis she'o//spyan drangs zhes pa la sogs pa ni 'og nas ston de 'di ltar/ 'jug pa yis ni spyan drangs te/ /zhes pa ni rlung 'jug pa lcags kyu'i sbyor bas spyan drangs pa'o/ /myur ba yis ni gshegs su gsol/ /zhes pa ni 'byung ba'i rlung gis lha gshegs su gsol ba'o//gnyi ga min pas bzhugs su gsol/ /zhes pa ni gnas pa'i glu gang gis bzhugs su gsol ba'o/ /yang na rdo rje 'chang ni rang gi sems te/ sna sgo la 'gro ldog byed pa ni gshegs pa bzhugs pa'i sbyor ba'o/ /yang na lte ba'i phyogs nas 'bar ba ni 'byung ba'i dbang du byas pa ste bde ba chen po'i gnas nas khu ba 'gugs pa ni 'jug pa'i dbang du byas pa'o//snying ga dang rang gi gnas su brten pa ni der bzhugs pa ste gnas pa'o/ /sna tshogs bla med gnas grub pa'o/ / zhes pa ni dngos grub rnam pa gnyis thob pa'o/ /myur ba can la sogs pa ni go sla'o/ /gang zhig bsams pa tsam gyis ni/ /zhes pa rdo rje bzlas pa byas pa tsam gyis so/ /des cir 'gyur zhe na/ rnal 'byor can la mchog ster 'gyur/ /zhes pa ste ting nge 'dzin khyad par can dang ldan pa'i rnal 'byor pa la ni mchog gi dngos grub 'byung zhe'o//dang po'i yi ge ni oM ste de'i sbyor ba ni bsam pa'o/ /des cir 'gyur zhe na/ rtag tu dbugs ni rngub par byed/ /ces smos te/ oM gyi sbyor ba la gnas pa de srid du dbugs rngub par 'gyur ro//brgyad pa'i mtha' ni ha ste/ u ni dngos so/ /thig le ni thig le ste hUM zhes pa'o/ /des ci byed ce na/ dbugs gtong bar byed do/ /'di ni ci dga'i bzlas par bshad/ /ces pa ni 'byung ba dang 'jug pa gang la dga' ba'o/ /yang na nus pa'i sgo nas bsdus pa dang rgyas pa la sogs pa'i man ngag gang la 'phrod pa bsam pa'o//grangs gong du bshad par bas so/ /de'i rnam grangs bstan pa'i phyir/ /de 'dir gsang zhes pa ni bzlas pa de 'dir gsang bya yin pas na gsang ba'i bzlas pa'o/ /phra mo ni dbang po la sogs pa'i yul du ma gyur pa'i phyir ro//klog gam kha ton byed mod kyi/ /zhes pa ni klog pa dang kha ton byed pa'o/ /'on kyang zhes pa ni klog pa dang kha ton byed pa med kyang bzlas pa yin zhe'o/ /gang gis gsungs she na/ de bzhin gshegs pa drug pas de skad ces gsungs pa/de'i phyir de la de skad ces bya'o/ /de nyid kyi yon tan bstan pa'i phyir/ rdo rje bzlas pa'i bsam gtan 'di yis she'o/ /ci byed ce na bsgrub par bya/ /zhes sbyar ro/ /cho ga ji bzhin bsten bya zhing / /zhes pa cho ga bzhin du bsgrub ces pa ni zhi ba la sogs pa'i las 'grub ces so//gang la de lta bu'i nus pa yod pa de ni yon tan no/ /de bas na zhes bya ba ni de'i phyir te/ gang gi phyir rdo rje bzlas pas zhi ba la sogs pa 'grub pa de'i phyir/ /gnyis su med par mnyam par rnam par rgyal ba'i rgyud las kyang de nyid kyi sbyor ba gsungs she na/de nyid bstan pa'i phyir/ mnyam med sngags rab bzlas nas sgrub/ /ces sbyar ro/ /de yang mnyam pa med pa ni mnyam med de gang la de lta bu'i chos yod pa de ni mnyam pa med do/ /de'i sngags bzlas nas 'grub ces sbyar ro/ /gang gis she na/ bsgrub pa'i bdag nyid can gyis te//zhi ba la sogs pa'i sbyor ba dang ldan pa'i rnal 'byor pa yis bsgrub ce'o/ /dus ji tsam gyis she na/ zla ba gcig gis 'grub ce'o/ /gang 'grub ce na/ khams gsum 'grub par gdon mi za/ /zhes pa ste/ khams gsum thams cad bdag gis dbang du 'gyur zhe'o//yang na zla ba ni byang chub sems kyi thig le'o/ /gcig ni byang chub sems kyi thig le gcig zla ba sna la thug gi bar du gzung ngo / /des cir 'gyur zhe na/ lus ngag yid gsum yongs su dag par 'gyur ba'o/ /gzhan las/ zla ba'i sbyor ba thig le byang chub sems//rlung gi 'pho bas thig le sna rtser phyin/ /sdud par byed pas rang gi sna rtser bzhag /gnas la brten na lus ngag yid gsum sdig sbyong zhes/ /zhes pa lta bu'o/ /yang na zla ba ste lte bar zla ba bsam pa'o/ /gcig ni byang chub sems kyi thig le'o//'byung 'jug gis mgrin pa la thug gi bar du 'gro 'ong byas pas lus ngag yid gsum gyi sdig pa sbyong ba de la de skad ces bya'o/ /rnam shes las ni byung ba'i sngags/ /zhes pa ni rdo rje bzlas pa'o/ /mtshan nyid drug ldan zhes pa ni yon tan drug dang ldan pas bzlas nas kyang 'grub ce'o//ji ltar byas na 'grub ce na/ rdo rje sems la phyag byas nas/ /zhes pa ni rdo rje sems dpa' mnyes par byas nas zhes pa'o/ /cir 'gyur zhe na/ zla ba nya la rdo rje sems dpa' nyid 'grub pa'o/ /yang na mtshan nyid drug ni kha dog gsal ba dang dbyibs gsal ba dang grangs gsal ba dang gnas gzhan nas gzhan du 'gro ba dang brtag pa dang yun thub pa'o//rdo rje sems la phyag byas nas/ /zhes pa ni sa bon la rlung 'dus pa'o/ /zla ba nya ni zla ba rgyas pa ste zag pa med pa'i sa bon rgyas te de'i tshe 'grub ce'o//de la brtul zhugs bshad pa med/ /ces pa ni spyod pa ma bstan pa'o/ /phreng ba mi dgos zhes pa ni go sla'o/ /gzung dang zhes pas sa gzung ba dang rig ma gzung ba'o/ /sbyin sreg ni zhi ba la sogs pa'o/ /gcig nas gcig tu ldog ces pa ni gang sbyin sreg gtsor byed pa de'i tshes bslang ba la sogs pa grogs su 'gyur ro//gang gi tshes slong bar byed pa de'i tshe sbyin sreg la sogs pa grogs su 'gyur ro/ /gang gi tshe bsam gtan la gnas pa de'i tshe tshogs la sogs pa thams cad grogs su 'gyur ro/ /gang gi tshe spyod pa la gnas pa de'i tshe bsam gtan grogs su 'gyur ro//la la dag dgag bsgrub pa la tshad ma med do/ /ya yi don gyis ci yang rung / /zhes pa ni rlung gis thams cad 'grub par 'gyur ro/ /ra la sogs pa gsum nyid kyis/ /zhes pa ni me dang chu'i dkyil 'khor gyi bzlas pa bya'o/ / gang gi don du zhe na/ /gzhan gyi don te/ gzhan smin pa dang grol bar bya ba'i phyir las rnams la 'jug pa byed ce'o/ /gzhan go sla'o/ /'gro na byis pa bzhin du spyod/ /ces pa ni rtog pa med par spyod pa'o/ /des na mi rtog chos can gyis/ /zhes pa ni gzung ba dang 'dzin pa la mi rtog pa'i rnal 'byor gyis 'grub par 'gyur zhes sbyar ro//gang 'grub ce na/ gsang sngags rnams ni 'grub par 'gyur/ /zhes pa ste rdo rje bzlas pa 'grub ce'o/ /de nas bsgrub pa'i ming bstan pa'i phyir/ /gsung gi rdo rje bsgrub pa ste/ /zhes smos te gsung gi sngags so//des nyon mongs pa'i rigs gcod pas rdo rje'o/ /de ston pa'i gzhung gi tshogs la'ang de skad ces bya'o/ /de nas go rims bstan pa'i phyir/ /sngags kyi de nyid rab gsal nas/ /zhes pa ni rdo rjes bzlas pa mthar phyin nas sbyar zhe'o/ /gang la zhe na/ sems tsam la ni sbyar zhes pa ste sems tsam la dmigs pa bsgom zhe'o//gang gi sgo nas bsgom zhe na/ /ye shes gsum gyi dbye ba yis/ /zhes pa ste snang ba'i ye shes la sogs pa bsgom zhe'o/ /rdo rje bzlas pa'i snod ma yin pa bstan pa'i phyir/ /bla ma la brnyas zhes bya ba la sogs pa smos pa ste bla ma ni gnyis te 'dra ba dang mi 'dra ba'o//gang la man ngag ston pa de ni rdo rje sems dpa' dang 'dra bas 'dra ba'o/ /gang la dbang bskur ba'i slob dpon de ni rdo rje sems dpa' bas kyang khyad par du gyur pa'o/ /'di lta ste slob dpon la brnyas pa na yul dang dus dang byed pa dang las kyis lci ba 'ong ba'o//brnyas pa byed pa ni lus ngag yid gsum gyis brnyas pa byed pa'o/ /der yang ma zad sgyu can te sgyu dang g.yo'i dbang du gyur pa'o/ /de yang dad pa med de gsang ba la ma dad pa'o/ /de yang sngags kyis slom ste zlos pa dang thos pas sems khengs pa'o//de yang glegs bam mthong bas khengs pa ste nga rgyal gyi dbang du gyur pa'o/ /dbang bskur dman pa ni dbang ma thob pa'o/ /de lta bu'i gang zag la dbang dang bzlas pa gtam gyi rim pa'ang brjod par mi bya zhe'o/ /gang gi bla ma la gus zhes pa la sogs pa ni go sla'o//rim pa lnga'i dka' 'grel don gsal ba zhes bya ba slob dpon klu'i byang chub kyis mdzad pa las rim pa dang po'i bshad pa'o// //gang gi phyir chos thams cad ni sems tsam mo zhes 'byung ba de'i phyir de la de bstan to/ /phyag 'tshal 'dud cing phyag 'tshal 'dud//ces pa ni snang ba dang snang ba mched pa rtogs pa'o/ /phyag 'tshal phyag 'tshal phyag 'tshal 'dud/ /ces pa ni sems gsum gyi ri pas phyag 'tshal zhe'o/ /ji ltar bstod cing phyag 'tshal ba/ /zhes pa ni ji ltar bstod ce na/ rtogs pa'i tshul gyis so/ /ji ltar tshul chu gzhag ces pa ni dpe brjod pa'o/ /mar la mar gzhag gi rnam pa'ang de bzhin te de ni dpe bkod pa'o/ /rang gi ye shes rang gis ni/ /legs mthong zhes pa ni rang gi ye shes ni rang gi ye shes so/ / rang gis mthong ba ni rang mthong ba ste rang gi ye shes kyis rang gi ye shes lta ba bzhin rtogs zhes pa ste des ni sems dang sems las byung ba'i rang rig pa bstan to/ /'dir phyag yin zhes pa ni mthong ba de nyid 'dir phyag 'tshal ba yin zhe'o/ /'on kyang kun mkhyen ma thob par//zhes pa ni thams cad mkhyen pa'i don ma thob kyi bar du'o/ /cir 'gyur zhe na/ rig pa de ni nye bar dmigs mi 'gyur te rtogs pa'am khong du chud par mi 'gyur zhe'o/ /mun nag ni mun nag ste rab rib kyis khebs pa ni yul mi gsal ba'i rnam par gyur pa ste/des ni dpe bstan to/ /de'i drin gyis cir 'gyur zhe na/ snang ba thob par 'gyur te/ snang ba 'di ni yul du gyur pa'o/ /de la dbang thob pa ni snang ba thob pa'o/ /stong pa nyid ni snang ba'i ye shes so/ /shin tu stong pa nyid snang ba mched pa'i ye shes te/de la ci'i phyir zhe na/ rang bzhin de dang de dag gi rnam pa dang bral ba'i phyir ro/ /bzhi pa thams cad stong pa ni 'od gsal ba'i ye shes so/ /rgyu dang 'bras bu'i bye brag go/ /zhes pa ni gang gi tshe snang ba rgyur gyur pa de'i tshe snang ba mched pa ni de las byung bas 'bras bu'o//de bzhin du gzhan la yang shes par bya'o/ /de nyid kyi don gzhan yang ston pa'i phyir shes rab dang zhes bya ba la sogs pa gsungs te/ de la shes rab ni snang ba ste 'byed par byed pa'i chos dang ldan pa'i phyir ro/ /thabs ni mched pa'i ye shes te yul gyi rnam par rtog pa ldog pa'i thabs mkhas pa'i phyir ro//rdzogs pa ni rdzogs pa ste snang ba thob pa'i ye shes so/ /de ci'i phyir zhe na/ rdzogs pa chen po dang shin tu nye ba'i phyir rdzogs pa snang ba thob pa'i ye shes bskyed nas cir 'gyur zhe na/ thams cad stong pa 'od gsal 'thob//ces sbyar ro/ /thams cad stong pa ni snang ba thob pa la sogs pa rang bzhin gyis rnam par dag pa'i phyir ro/ /gzhan go sla'o/ /de'i rnam grangs bstan pa'i phyir snang ba stong pa la sogs pa smos te snang ba dang stong pa ni go sla'o/ /de ni sems te bsags pa'i phyir ro//rgyu rkyen gyis bskyed pa'i phyir gzhan dbang ngo / /yang na snying gar byang chub sems kyi thig le bsam pa ni yul du gyur pas snang ba'o/ /de la dmigs pas de'i rang bzhin dang bral ba ni snang ba mched pa'o/ /des 'byed pa'i phyir shes rab bo/ /des ni shes pa rang gi ngo bo ste dge ba la sogs pa'i bag chags bsags pa dang lus sna tshogs pa'i phyir sems so//snang ba'i ye shes ni rgyu rkyen gyis bskyed pa'i phyir gzhan dbang ngo / /des cir 'gyur zhe na/ de'i rang bzhin dang bral bar 'gyur ro/ /rang bzhin yang dgang dang 'bral bar 'gyur zhe na de bstan pa'i phyir chags bral zhes bya ba la sogs pa gsungs te/de la chags pa dang bral ba ni chags bral te chags pa med ce'o/ /bar ma ni bar ma ste chags pa dang bral ba'ang ma yin/ chags pa chen po'ang ma yin pa'o/ /chen po ni chags pa chen po ste yul thams cad la lhag par chags pa'o//yid la 'gro dang 'ong ba ni 'gro ba dang 'ong ba 'dod pa'o/ /mya ngan la sogs gsum zhes pa ni mya ngan chen po la sogs pa'o/ /zhi ba ni zhi ba ste nges pa'o/ /rnam par rtog pa ni gzung ba dang 'dzin par rtog pa'o/ /yang phyi rol gyi yul la rtog pa gang yin pa de la de skad bya'o//'jigs pa gsum ni go sla'o/ /sred pa ni sred pa ste skom pa'o/ /nye bar len pa ni las dang 'bras bu len pa'o/ /mi dge ba ni dge ba ma yin pa'o/ /bkres pa ni zas 'dod pa'o/ /skom pa ni skom 'dod pa'o/ /tshor ba ni myong ba'o/ /de ni gsum ste tshor ba ni myong ba tsam mo//tshor ba bar ma ni myong ba bar ma ste 'og ma cher myong ba'o/ /shin tu tshor ba ni tshor ba chen po'o/ /skad cig ni skad cig pa'o/ /rig pa po ni bdag gis shes snyam pa'o/ /so sor rtogs pa ni so sor 'byed pa'o/ /ngo tsha shes pa ni bdag gam chos kyi dbang du byas te kha na ma tho ba la 'dzem pa'o//snying rje ni snying rje'o/ /snying brtse ba ni snying brtse ba'o/ /dogs pa ni dogs pa ste/ mi 'grub pa'i bsam pa'o/ /phrag dog ni gzhan gyi yon tan phun sum tshogs pa la sems khong nas 'khrugs pa'o/ /de lta bu de gang gis ldog ce na gong bzhin bsgoms pas//rang bzhin sum cu rtsa gsum ni rgyu'i sgo nas dbye ba ste/ rten gyi sgo nas ni rang bzhin bsam gyis mi khyab ce'o/ /lus can ni lus can te lus dang ldan pa'i phyir lus can no/ /rang rig pa ni rang rig pa ste rang gi don rig pa'o/ /kun rdzob ni rgyu rkyen gyis bskyed pa'i phyir ro//mtshan mo ni ldog pa gsum las log pa'o/ /'jam po dang g.yon pa yang de bzhin te zla ba'i dbang du byas pa'o/ /de'i man ngag ni 'di yin te/ zla ba'i dkyil 'khor pad+ma can/ /zhes pa ni zla ba'i dkyil 'khor gyi steng du pad+ma 'dab ma brgyad pa bsam pa'o//dang po'i yi ge ni a ste thig le dang bcas pa ni i bsam pa'o/ /gang du zhe na snying gar bsam pa'o/ /yang na dkar po'i ngo bo ni zla ba'o/ /dngos su pad+ma ste rtsa pad+ma bzhi pa'o/ /de'i dbus su a ni gnas pa ste gnas pa'i thig le'o/ /de bsgom pa'o/ / yang na dbus su a bsams te phyi rol du thig le bsams pa de la de skad ces bya'o/ /des cir 'gyur zhes/ zla ba'i 'od zer ltar snang ste zla ba dang 'dra bas gsal bar gyur pa'o/ /de ni rang bzhin sum cu rtsa gsum gyi sgrib pa dang bral ba'o/ /de nas snang ba mched pa bstan pa'i phyir/ shin tu ston pa thabs ldan pa/ /zhes smos te de ni go sla'o/ /chags pa ni gong dang 'dra/ zhen pa ni yul la dbral dka' ba'o/ /dga' ba la sogs pa ni go sla ba'o/ /rags pa ni rags pa'o/ /gzhan go sla'o/ /rgyu'i sgo nas ni 'di la rang bzhin bzhi bcu ste rten gyi sgo nas ni bsam gyis mi khyab pa'o//de bsgom pa'i thabs ni nyi ma'i dkyil 'khor zhes pa ni snying gar nyi ma'i dkyil 'khor bsams te de'i steng du rdo rje bsams pa ni rdo rje'i ming ngo / /thig le gnyis kyi rdo rje'i dbus su a la thig le gnyis kyis brgyan pa'o/ /yang na nyi ma dang 'dra bas nyi ma ste shin tu gsal ba'i phyir ro//rdo rje ni rdo rje ste byang chub sems dbab pa'i lam du gyur pa dang bde ba skye ba'i skyon du gyur pa ste/ snying ga la sogs pa'i rtsa rnams so/ /de'i dbus su thig le byang chub sems su bsam pa ni thig le'o/ /gnyis ni thig le dngos dang nA da'i thig le'o//yang na nyi ma ni nyi ma ste 'ju bar byed pa'i phyir ro/ /de'i don ni snying ga'i thig le'o/ /des bdag dang khams gsum thams cad 'od du zhu ba'o/ /de ni snang ba mched pa ste de las de'i rnam par gyur pa'i phyir ro/ /de ni 'joms par byed pa'i phyir rdo rje'o//thig le gnyis ni thig le gnyis te bdag dang bdag las gzhan pa'o/ /yang na nyi ma ni nyi ma ste gang du nyi ma'i 'od kyis pad+ma kha 'byed pa bzhin du thabs kyi rdo rjes pad+ma kha phye nas rdo rje 'jug pa ni rdo rje'o/ /thig le gnyis kyis brgyan pa ni rdo rje'i rtse mo dang pad+ma'i nang gi byi'u mgo la bsam pa'o//de dag gis cir 'gyur zhe na/ nyi ma'i 'od zer 'dra ba 'byung / /zhes pa'o/ /de nas snang ba thob pa bstan pa'i phyir/ snang ba thob pa zhes bya ba la sogs pa gsungs te/ de la snang ba thob pa'i rang bzhin ni chags pa bar ma la sogs pa'o/ /rten gyis ni bdun gyi bdag nyid do//de'i man ngag ston pa'i phyir/ /sa bon thig ler ldan min la/ /zhes smos te sa bon ni thig le ste sa bon yang yin la thig le yang yin pas na sa bon thig le ste/ nyi ma dang zla ba dang rdo rje la sogs pa 'dus te thig ler gyur pa ni de'o/ / yang na sa bon dang thig le ni sa bon dang thig le ste/ snying ga'i sa bon la thams cad 'dus pa'o/ /yang na byang chub kyi sems skyed par byed pas na sa bon te rtsa rnams kyi smad kyi char byung nas bu pho dang bu mo dang ye shes skyed par byed pa'i phyir ro/ /de ni thob ste bdag gi dbang du 'dus pa'o//yang na/ snang ba snying gar zla ba'i steng / /snang ba mched pa mgrin par dang / /thob pa spyi bo'i dbus su bsam/ /gang dang gang du bsam pa de'i/ /rang bzhin rnams dang bral bar 'gyur/ /zhe'o/ /rang bzhin phra ba ni re re la gsum gsum gyi dbye bas so/ / cir 'gyur zhe na/ brgya dang drug cus so/ /'khrul pa skye ba'i tshul rgyu bstan pa'i phyir/ /rlung gi bzhon pa'i rgyu yis ni/ /zhes smos te rlung la rnam par shes pa zhon nas nyin dang mtshan du yul la dmigs par 'gyur zhe'o/ /dus ji tsam du zhe na/ skad cig dang skad cig brgya nyi shu la thang cig /de las yud tsam de'i bar du skye zhe'o/ /de nas sems tsam gyi mtshan nyid bstan pa'i phyir rang rig tsam gyi ye shes zhes bya ba la sogs pa smos te rang rig pa ni rang gi sems kyis don rig pa ni rang rig pa'o/ /de ji lta bu zhe na/nam mkha' lta bu ste nam mkha' dang 'dra bar rang bzhin med pa'o/ /dpal nam mkha' dang mnyam pa'i rgyud las kyang / rigs kyi bu/ gzugs dang sgra dang dri dang ro/ /de bzhin reg dang chos la sogs/ /thams cad sems kyi snang ba ste/ /sems las gzhan na ci yang med//yod med gang du'ang ma grub par/ /shes pa de ni rang rig ste/ /gang du nam mkha' 'drar shes pa'i/ /rnal 'byor de yis sems nyid mthong / /ji ltar nam mkha' dngas pa las/ /kha dog med cing dbyibs med cing / /glo bur sprin gyi snang ba bzhin/ / nam mkha' dang 'dra'i sems nyid la/ /nyon mongs dri mas gos par 'gyur/ /ji ltar gnas gzhi med bzhin du/ /mkha' las 'ja' tshon rlung 'byung ltar/ /sems las sems byung de las ni/ /de rnams 'byung ngo de yi tshe/ /skye gnas bzhi la sogs par snang / /zhes 'byung ba lta bu'o//de ltar lta bas thag bcad nas da ni de'i man ngag bsgom pa bstan pa'i phyir/ de yi sgrub pa brjod par bya/ /zhes pa la sogs pa smos te de zhes pa ni sems la dmigs pa'o/ /sgrub pa ni sgrub pa'i thabs te bsgom pa'i man ngag go/ /de brjod pa ni bshad pa'o//rlung rnams phra ba'i gzugs kyis ni/ /zhes pa ni srog 'dzin pa'i rlung la sogs pa'o/ /shes dang yang dag 'dres 'gyur nas/ /shes pa rlung dang 'dres par 'gyur/ /zhes pa'o/ /dbang po'i lam nas byung nas ni/ /zhes pa ni dbang po'i lam gyi rtsa brgyud nas shes pa'o//ci byed ce na/ yul rnams la ni dmigs par byed/ /ces pas gzugs la sogs pa la dmigs pa'o/ /rlung phra ba ni rlung phra ba ste/ bdag tu 'byung ba'o/ /shes pa dang 'dres pa ni shes pa dang 'dres pa ste gnyid la sogs pa'i dus so/ /shes pa dang 'dres pas ni shes pa dang 'dres pa ste mnyam par bzhag pa'i dus su bdag la A li kA li'i phreng bar gyur pa'o//des ci byed ce na/ dmigs par byed ces sbyar ro/ /gang nas 'byung ba ni gong dang 'dra/ yul la dmigs pa ni yul la dmigs pa ste/ dbang po lnga'i rtsa kha bye ba'i thig le la ting nge 'dzin gtod ces sbyar ro//yang na rlung phra ba ni rlung phra ba ste khams phra ba'i rlung ljang gu'i mdog can no/ /shes pa dang 'dres pa ni de'i bsam gtan gsal nas she'o/ /ci byed ce na/ dbang po'i lam nas byung nas yul la dmigs te byang chub sems kyi rtsa ni yar 'phar te byang chub sems kyi bde ba skye ba'o//gang tshe snang ba ldan 'gyur zhing / /zhes pa ni thig le la sogs pa gang dang gang du gsal ba'o/ /rlung gi bzhon pa nyid gyur pa/ /zhes pa ni shes pa'i bzhon par gyur pa'o/ /de'i tshe rang bzhin de dag kun/ /ma lus lus pa med par 'jug /ces pa ni gang gi tshe rlung dang shes pa 'dres par gyur pa'i bsam gtan mthar phyin pa de'i tshe rang bzhin de dang de dag kun dgag par 'gyur zhe'o/ /rlung ni gang dang gar gnas par/ /zhes pa ni/ rlung mig dang rna ba la sogs pa la gnas nas yul la dmigs pa'i dus na'o//ci 'byung zhe na/ rang bzhin gzugs dang sgra la sogs pa bsten te 'byung zhe'o/ /ji srid rlung ni rgyu ba zhes bya ba ni 'byung ba dang 'jug pa'o/ /snang ba mi g.yo bar gyur pa/ /zhes pa ni thig le brtan par 'gyur ba'o/ /snang ba gnyis kyi rgyur gyur pa/ /zhes pa ni snang ba mched pa dang /thob pa gnyis kyi rgyur gyur pa zhes pa'o/ /bdag gi dngos por rnam par brtags/ /zhes pa ni gnyis te phyogs snga ma dang de'i las phyogs phyi ma bstan pa'o/ /snga ma ltar na bdag rtag pa/ /zhes bya ba dang 'brel to/ /phyogs phyi ma ltar na thams cad sems kyi snang bar gyur pa'o//sgyu ma dag ni thams cad las/ /bud med sgyu ma khyad par 'phags/ /zhes pa ni gang gi tshe bud med la brten par gyur pa de'i tshe rnal 'byor gyi ye shes skye bar 'gyur ro/ /ye shes gsum gyi dbye ba ni/ /zhes pa ni snang ba la sogs pa'i dbye ba'o//gsal bar 'di las mtshon par 'gyur/ /zhes pa ni/ gsal bar bud med la brten pas rtogs par 'gyur ba'o/ /'dod chags nyid dang chags bral dang / /de'i bar de zhes pa ni snang ba la sogs pa gsum po ni zhes pa'o/ /dbang po gnyis ni sbyor las 'byung //zhes sbyar ro/ /de la dbang po ni dbang po ste byang chub sems kyi thig le'o/ /'di la gnyis yod pas na dbang po gnyis so/ /gang zhe na/ rdo rje dang pad+ma 'dus pa ste hUM dang phaT kyis sbyor bas so/ /de'i don ni bskyed pa'i rim pa mthar phyin pa'i rnal 'byor gyis rdo rje dang pad+ma la hUM dang phaT bsams la snyoms par 'jug pa'i cho ga bya ba'o//yang na dbang po gnyis ni bde chen dang longs spyod do/ /de'i bde ba'i ro myang ba ni dbang po sbyor ba la sogs pa'o/ /ye shes gnyis ni mnyam sbyor bas/ /zhes pa ni ye shes snang ba dang snang ba mched pa gnyis su med pa'o//yang na/ ye shes gnyis ni mnyam sbyor dang / /zhes pa ni thabs dang shes rab kyi pha rol pa'o/ /ji skad bshad pa'i bya ba yis/ /zhes pa ni 'phyang ba dang 'khyud pa dang sen mo la sogs pa'o/ /'bad pas ye shes gang thob pa/ /zhes pa ni snyoms par zhugs pas byang chub sems phab ste mgrin pa dang snying ga dang lte ba gsum du ye shes gsum skye ba ni snang ba thob pa gsum skye ba'o//sa ste tha ma bstan pa'o/ /gang zhig chu skyes rdo rje sbyor/ /zhes pa ni pad+mar rdo rje 'jug pa'o/ /yang na snying ga'i pad+ma las shes rab kyi me 'bar te bde ba chen po'i byang chub sems 'gugs par byed ces pa ni chu skyes rdo rje sbyor zhes pa'o//yang na ye shes nyid ma chags rnam par rtog pa'i skyon gyis ma gos pas pad+ma'o/ /de nyid ni rdo rje ste rnam par rtog pa'i ngo bo 'joms par byed pa'i phyir ro/ / dga' ba nyams su myong ba ni dga' ba nyams su myong ba'o/ /lan cig tsam ni myong nas kyang / /zhes pa ni lan cig tsam phyag rgya ma la brten pa'i bde bas kyang zhe'o/ /rnal 'byor stobs kyis 'grub par 'gyur/ /zhes pa phyis ting nge 'dzin gyis spyan drangs pa gshegs su gsol bas 'grub ce'o//ye shes 'jug pa'i ngo bo yis/ /zhes pa ni ye shes gsum gyi sbyor bas rang bzhin sdud par byed ce'o/ /dbye ba ji bzhin shes bya la/ /zhes pa ni snang ba la sogs pa dang de'i rang bzhin shes par byas la zhe'o/ /ci byed ce na/rang bzhin de yang slar la ni/ /rtag tu rnal 'byor pas mtshon bya ste sgom pa pos lte ba'i sa bon la blo gtad pa'i 'di ltar dbus su byang chub sems kyi thig le bsams te de'i stobs kyis lte ba'i 'khor lo rgyas pa dang slar thig le la gnas par bya'o/ /ji ltar sprin ni sna tshogs shing //zhes pa la sogs pa ni go sla'o/ /de bzhin rang bzhin thams cad ni/ /zhes pa gong du smos pa'o/ /snang ba gsum gyi rgyu can de/ /zhes pa ni/ thams cad snang ba gsum las 'byung / /zhe'o/ /ma lus yul la zhugs pa ni chags pa la sogs pa skyes pa'o/ / 'od gsal bar ni zhugs par gyur/ /zhes pa ni 'od gsal ba'i ngang du rnam par dag ces pa'o/ /des ni rang bzhin 'khrul pa dpe dang bcas pa bstan to/ /de nas rang bzhin ma shes pa'i rkyen bstan pa'i phyir de 'dra'i rang bzhin ma shes pas zhes pa ni gong ma lta bu'i rang bzhin rgyu la sogs pa dang bcas pa ma shes pas zhes pa'o//mi shes mun pas khengs nas ni/ /zhes pa ni gti mug gi mun pas khebs pa'o/ /cir 'gyur zhe na/ 'khor bar 'gyur zhes te/ gang du gang gis she na/ de nyid bstan pa'i phyir/ dge dang mi dge'i las byas nas/'gro ba lngar ni 'khor zhe'o/ /de'i don yang dge ba bcu gcig la sogs pa'o/ /gang gi phyir mi dge ba'i las dang 'bras bu bstan pa'i phyir/ /mtshams med la sogs byas nas ni/ /zhes bya ba la sogs pa smos te/ mtshams med pa ni mtshams med pa ste mtshams med pa'i las so//gang zhe na/ pha gsod pa la sogs pa'o/ /des cir 'gyur zhe na/ dmyal la sogs par 'tshod par 'gyur/ /zhes te/ mnar med pa nas yang sos kyi bar du skye zhes pa'o/ /gang gi phyir dge ba'i las dang las kyi rnam par smin pa bstan pa'i phyir/sbyin pa la sogs zhes bya ba la sogs pa smos te/ gang gi chos sbyin pa yongs su btang bar gyur pa des rtag tu phyug por 'gyur ro/ /de bzhin du tshul khrims dang bzod pa la sogs pas lha dang mi'i go 'phang gzugs bzang po la sogs par 'gyur ro//gzhan las kyang / pha gsod pa dang ma gsod dang / /dgra bcom pho mo gsod pa ni/ /sems kyis byas pas ngan song rgyu/ /de bzhin sbyin la sogs pa rnams/ /sems yin de'i bskyed bla med 'gyur/ /dper na mkha' la 'dab gsheg bzhin/ /zhes pa lta bu'o/ /de nas sems sa bon du gyur pa bstan pa'i phyir//skye ba dpag med stong phrag ni/ /zhes pa skye ba dpag tu med cing bgrang ba las 'das pa'o/ /'dis ni yang dang yang thob pa/ /zhes pa ni sems kyis yang dang yang du thob pa'o/ /log par rtog pa bstan pa'i phyir/ /'di ni sngon las rnam smin te//zhes pa ni lus kyi bde ba dang sdug bsngal 'di ni sngon las kyi rnam par smin pa'o zhes sems la rmongs pa rnams mya ngan byed do/ /de nas yang dag pa'i rtog pa yon tan dang bcas pa bstan pa'i phyir/ rang bzhin snang ba'i tshul gyis ni/ /zhes bya ba la sogs pa smos te rang bzhin brgya drug cu la sogs pa snang ba gsum las skye ba'i tshul gyis zhes pa'o//nyon mongs pa de nyid shes na/ /zhes bya ba ni gong dang 'brel pa'o/ /ci byed ce na/ grol bar 'gyur zhe'o/ /gang gis gang / gang las she na/ gong ma dang ni dang po dang sbyar te/ye shes can ni ye shes can te/ gang la rang gi gnas pa'i don shes pa de la de skad ces bya'o/ /srid pa'i gzeb las grol bar 'gyur/ /zhes pa ni srid pa gsum ste 'dod pa'i srid pa la sogs pa las grol bar 'gyur zhes pa'o/ /shes rab ngo bo 'di nyid ni//zhes pa ni snang ba'i ye shes so/ /zla ba'i dkyil 'khor dag tu brtag /ces pa ni snying gar zla ba'i dkyil 'khor bsam pa ni snang ba'o/ /sems nyid rang gis mthong 'gyur te/ /zhes pa ni snang ba yang sems snang ba'o/ /rang nyid zla ba'i gzugs bzhin no//zhes pa ni rang gi sems nyid zla ba ltar bsam pa'o/ /de nas zla ba la dmigs pas/ /zhes pa ni zla ba'i dkyil 'khor gsal ba'i rnal 'byor pas she'o/ /rdo rje mtshan mar rab tu brtag /ces pa ni de'i steng du rdo rje bsam pa'o/ /thabs ni snang ba mched pa'o//zla ba rdo rje mnyam sbyor bas/ /zhes pa ni zla ba'i dkyil 'khor gsal ba'i rnal 'byor pa zhe'o/ /yang na ye shes kyi tshogs kyi yan lag gi rjes la zla ba dang rdo rje dang lha'i sku bsam pa'o/ /phyag rgya bzhis rgyas btab pa ni chos dang las dang dam tshig dang phyag rgya chen pos thebs pa'o//yang na chos ni longs spyod kyi 'khor lo'o/ /las ni lte ba'i 'khor lo'o/ /dam tshig ni snying ga'i 'khor lo'o/ /phyag rgya chen po ni bde ba chen po'o/ /yang na las kyi rlung ni las kyi phyag rgya'o/ /las kyi rlung ni las kyi phyag rgya ste des de'i gnas nas phab pa'o//yang na chos kyi phyag rgya ni mgrin pa las byung ba'i lha mo'o/ /las kyi phyag rgya ni zhing skyes dang sngags skyes la sogs pa'o/ /dam tshig gi phyag rgya ni snying ga las byung ba'i lha mo'o/ /des dngos grub thob pa ni phyag rgya chen po'o/ /lha'i nga rgyal 'chang ba ni lha'i rnam pa bsgom pa'o//de ni yongs rdzogs rnal 'byor gyi/ /zhes pa ni rdzogs pa'i ting nge 'dzin bstan te/ /stong pa gsum ni rnam dag gang / /zhes pa ni stong pa dang rab tu stong pa la sogs pa'o/ /rnam par dag pa ni dbyer med pa'o/ /'od gsal ba ni 'od gsal ba ste rnam par rtog pa'i mun pa sel ba'o//thams cad stong pa'ang de nyid de rang bzhin thams cad dang bral ba'i phyir ro/ /ye shes gsum ni rnam dag pa/ /zhes pa ni snang ba la sogs pa rnam par dag pa'o/ /thams cad mkhyen pa ni thams cad mkhyen pa ste gang la de yod pa de la de skad ces bya'o/ /'gyur ba med cing snang ba med ces pa ni kha dog la sogs par mi 'gyur ba'o//snang ba med pa ni snang ba dang bral ba'o/ /gnyis su med pa ni gnyis su dbyer med pa'o/ /mchog tu zhes pa'ang de nyid rnam par rtog pa dang nyon mongs pa'i rnam pa zhi ba'i phyir ro/ /yod pa ni yod pa'o//med pa ni med pa'o/ /gang la yod pa dang med pa mi dmigs pa de la de skad ces bya'o/ /tshig gi spyod yul min zhes pa ni brjod par bya ba'i yul du ma gyur pa'o/ /de bas zhes pa ni de'i phyir zhes pa'o/ /'od gsal dag pa las zhes pa ni 'od gsal ba'i ngang las zhes pa'o//ye shes gsum 'byung zhes pa ni zla ba dang rdo rje dang lha'i sku 'byung ngo / /sum cu rtsa gnyis mtshan 'chang ba/ /zhes pa ni mtshan sum cu rtsa gnyis brgyan pa'o/ /yang na spyi bo'i 'khor lo'i rtsa sum cu rtsa gnyis la de skad ces bya'o/ /dpe byad bzang po brgyad cu ni gsang ba'i rtsa brgyad pa dang bcas pa'o//gzhan las drug cu rtsa bzhi bcu drug bcas she'o/ /gzhan go sla'o/ /de skad du zhes pa ni bskyed pa'i dbang du'o/ /rgya che ba yang yin la rol pa yang yin pas rgya cher rol pa'i mdo'o/ /shAkya thub pa de bzhin gshegs/ /zhes pa ni de bzhin gshegs pa shAkya thub pa'o//de bzhin nyid du gshegs pas de bzhin gshegs pa'o/ /yang na de bzhin nyid las gshegs pas de bzhin gshegs pa'o/ /mngon par byang chub 'di bzhed na/ /zhes pa ni mngon par byang chub pa rnam pa lnga'i sgo nas sangs rgyas par 'dod nas zhes pa'o//gang gis ji ltar dgongs she na/ /stong pa chen po sangs rgyas nyid/ /thob par bya zhes dgongs nas kyang / /zhes pa ste thams cad mkhyen pa'i ye shes kyi don dang ldan pas dang por byang chub mchog tu sems bskyed nas sems can gyi phyir sangs rgyas nyid thob par bya'o zhes dgongs nas snyoms par zhugs she'o//gang du gang la zhe na dngos po dang 'brel pa ste/ nai rany+dza na'i chu 'gram du/ /zhes pa ni/ chu bo nai rany+dza na'i 'gram du/ mi g.yo ting nge 'dzin snyoms pa'i/ /zhes pa ni mi g.yo ba yang yin la ting nge 'dzin kyang yin pas mi g.yo ba'i ting nge 'dzin te/ting nge 'dzin gang la ming de skad ces bya ba yod pa'i ting nge 'dzin de la snyoms par zhugs nas she'o/ /de'i tshe zhes bya ba ni snyoms par zhugs pa de'i tshe bzhugs zhes sbyar ro/ /gang ji ltar zhe na/rdo rje rgyal bas sangs rgyas thams cad do/ /nam mkha'i rdo rje ste chos kyi dbyings kyi pho brang du'o/ /ji ltar na/ til gyi gong bu bzhin du ste/ /dper na til dang 'dra bas na til te til 'bru'i gong bu bzhin du gang nas bzhugs su zhes sbyar ro/ /de nas gleng bslang ba'i phyir/rgyal ba'i sras la se gol dang / /zhes bya ba la sogs pa gsungs te/ rgyal ba'i sras dang byang chub sems dpa' rnams la bcom ldan 'das se gol dang dbyangs kyis gsungs pa/ bsam gtan 'di ni rnam dag min/ /zhes pa ni kun rdzob kyi bsam gtan 'dis rnam par dag pa'ang thob par mi 'gyur zhe'o//'dis ni mthar thug mi thob ste/ /zhes pa ni bsam gtan 'dis chos kyi sku mi thob ce'o/ /gang gis thob ce na/ nam mkha'i ngos ltar mchog gyur pa/ /zhes pa ni nam mkha' dang 'dra bar dngos po med pa'o//gang yin ji ltar bya zhe na/ 'od gsal ba ni chos kyi sku'o/ /dmigs shig pa ni sgoms shig pa'o/ /des cir 'gyur zhe na/ de nyid bstan pa'i phyir/ 'od gsal ba yi gnas thob nas/ /zhes pa la sogs pa gsungs te/ de la 'od gsal ba ni chos kyi sku'o//de'i gnas thob pa ni chos kyi sku thob pa'o/ /thob nas cir 'gyur zhe na/ rang dga'i gzugs su skye bar 'gyur te longs spyod rdzogs pa'i sku dang sprul pa'i sku sna tshogs kyis sems can gyi don thogs pa med par 'gyur ro/ /de'i tshe zhes bya ba ni de'i dus na thob par 'gyur ro zhes sbyar ro//gang zhe na/ rab dga' rdo rje'i sku/ /kun gyi dbang phyug thob par 'gyur ro/ /rab dga' rdo rje ni rab tu dga' ba'i rdo rje ste bde ba chen po'i sku'o/ /kun gyi dbang phyug kyang de nyid de thams cad kyi mchog tu gyur pa'i sku thob par 'gyur ro zhes sbyar ro//'di lha'i sgra de gsan pa dang zhes bya ba ni go sla'o/ /'di ltar nam phyed dus su zhes pa la sogs pa ni 'od gsal bsgom pa bstan te/ de la/ 'di ltar nam phyed dus su ni/ /zhes pa ni nam phar phyed tshur phyed du'o/ / yang na nyi zla kha sbyor du bsams pa de la de skad ces bya'o/ /rgyal ba'i sras ni sangs rgyas shAkya thub pa ste des de kho na nyid kyi don la bsgom pa'o/ /ji ltar zhe na/ sku ni drang po ma yin zhing / /zhes pa ni drang por mi 'dug pa'o/ /gzhan go sla'o/ /thams cad stong pa rmad chen po//zhes pa ni 'od gsal ba'o/ /de ni rmad du byung ba ste/ /ya mtshan du gyur pa'o/ /dngas shing gsal ba'i ye shes che/ /zhes pa ni rnam par rtog pa'i rnyog pa dang bral bas dngas pa'o/ /de gsal ba'i shes pa ni ye shes chen po yin pa'i phyir de la de skad ces bya'o//gang la brten nas cir 'gyur zhe na de nyid bstan pa'i phyir/ bla ma nyid kyi bka' drin gyis/ /des na de ni gsal mthong 'gyur/ /zhes te/ bla ma rdo rje slob dpon gyi bka' drin gyis de ma thag tu de gsal bar 'gyur zhe'o/ /'das pa dang ni ma 'ongs dang //da ltar byung ba'i srid gsum ni/ /skad cig de la ma lus mthong / /zhes pa ni khams gsum dang dus gsum skad cig tsam gyis ma lus par mthong ba'o/ /'od gsal ba ni rnam dag 'char/ /zhes pa ni 'od gsal ba mi gtong ba'am mnga' ba'o//rdo rje lta bu'i ting 'dzin gyis/ /zhes pa ni rdo rje dang 'dra bas rdo rje'o/ /de bas na gang la 'joms par byed pa yod pa de la de skad ces bya'o/ /skya rengs 'char ba'i dus su ni/ /zhes pa ni tho rangs kyi dus su'o/ /chu zla dang ni zhes pa la sogs pa go sla'o/ / byang chub snying por zhugs nas ni/ /zhes pa ni chos kyi sku'i ngang la gnas pa'o/ /de yi bdud rnams 'joms par mdzad/ /ces pa ni bdud dang bar du gcod pa ni de'i bdud de phung po'i bdud la sogs pa'o/ /shAkya'i mgon pos yang dag pa'i/ /ye shes bla med legs thob nas//zhes pa ni chos kyi sku mthong nas zhes pa'o/ /ci byed ce na/ ston par mdzad ces sbyar ro/ /gang gi phyir zhe na/ 'gro ba la skyob cing phan pa'i phyir te/ 'gro ba dang ngan song las bskyab pa'i phyir ro/ /de nyid 'dir ni ston par mdzad//ces pa ni 'od gsal ba de nyid 'dir ston pa'o/ /mngon par byang chub ston pa ni/ /zhes pa zla ba dang rdo rje la sogs pa'o/ /de nyid ye shes zhes byar bshad/ /ces pa ni mngon par byang chub pa lnga nyid ye shes kyi snang ba yin zhes so/ /gzhan go sla'o/ / spyod pa ci dga' spyod byed de/ /zhes pa ni gzugs la sogs pa gang la dga' ba des de la spyod ces bya'o/ /'di ni ma 'ongs rdzogs sangs rgyas/ /zhes pa ni ma 'ongs pa'i dus kyi gang zag rnams kyang sangs rgyas par 'gyur ba'o/ /chags min chags dang bral ba min//zhes pa ni chags dang chags pa dang bral ba gnyi ga mi dmigs pa'o/ /stong pa ma yin mi stong min/ /zhes pa ni stong pa zhes bya ba'i chos kyi tshul gang yang mi 'grub par bstan to/ /dbu ma yang ni mi dmigs so/ /zhes pa ni gnyis kyi ngo bo las 'das pa'i dbu ma zhes bya ba'i tshul gang yang ma grub par bstan to//sangs rgyas kun gyi mnyam sbyor ba/ /zhes pa ni sangs rgyas kyis gnyis su med pa'i don to/ /ye shes gsum bral de nyid gang / /dgongs pa yis ni gsungs pa yin/ /zhes pa ni ye shes gsum dang bral ba gang yin pa des mchog thob po zhes pa ni dgongs pas gsungs pa'o//'di ci la dgongs she na/ 'od gsal ba la dgongs nas gsungs so/ /yang na snang ba'i 'khrul pa dang bral ba la dgongs nas de gsungs so/ /de bzhin dpal ldan gsang 'dus kyi//byang chub sems kyi le'u las gsungs/ /zhes sbyar te/ de ni 'di ltar chos thams cad rnam par dag pa'i don gang yin pa sems nyid yin pa'i don de ni dpal gsang ba 'dus pa'i byang chub sems kyi le'u las gsungs she'o/ /gang gi tshe 'dod chags la sogs pa rnam par dag pa ni/'dod chags la sogs rnam dag gang / /zhes pa la sogs pa gsungs te/ gang gi tshe chos thams cad sems su 'dus la sems nyid yongs su dag par gyur pa ni sems mthong ba'o/ /de'i tshe 'dod chags la sogs pa mi dmigs pa de'i chos kyi tshul mi dmigs so//nyid de de bzhin gshegs pas kyang / thams cad stong par gsungs zhes pa ste/ de lta bu de ni thams cad stong pa'o/ /sna tshogs mdo dang rgyud las ni/ /zhes pa mdo sna tshogs dang rgyud sna tshogs las gsungs she'o//de bzhin gang zhig nyer bstan pa/ /zhes pa ni de bzhin gang bstan pa de ni thams cad stong pa'o/ /chos phung brgyad khri bzhi stong ni/ /thub pa chen pos gsungs pa las/ /zhes pa ni bcom ldan 'das kyis chos kyi phung po brgyad khri bzhi stong gsungs she'o//mngon par byang chub mtshan nyid ni/ /zhes pa mngon par byang chub pa de nyid ni de ni bla na med pa'i mngon par byang chub pa'o/ /snying po las ni snying por gsungs/ /zhes pa ni zab pa'i phyir ro/ /ral pa gcer bu mgo reg la sogs pa'i don ni gang la rnam par rtog pa dang ldan pa'i dus na ni ral pa dang gcer bu dang cod pan 'dus pa spong ba dang len pa'o//sna tshogs rtags can de dang de/ /zhes pa ni de lta bu sna tshogs pa'i don to/ /mngon par byang chub 'dod pa rnams/ /zhes pa ni mngon par byang chub 'dod pa'i rnal 'byor pas spang zhe'o//spangs nas ci byed ce na/ grol bar mi 'gyur zhes sbyar ro/ /lung gzhan las kyang / sems nyid mthong ba'i rnal 'byor gyis/ /gtsang ba dang ni mi gtsang dang / /ral pa dang ni mgo reg dang / /de bzhin chos brgyad thams cad kun/ /gang la gnas kyang grol bar 'gyur//gang zhig sems nyid mi rtog cing / /rnam par rtog la rab gnas pas/ /sbyin pa gtong zhing tshul khrims bsrung / /bzod dang shes rab rab gnas kyang / /des kyang grol bar mi 'gyur ro/ /bsam gtan dang bral rnal 'byor bas/ /rtag tu spyod la 'jug byed kyang //spyod pa nyid kyi 'chang byed 'gyur/ /thabs med spyod pa lcags gzeb 'dra/ /dngos rnams sems kyi 'khrul pa ste/ /cir snang sems nyid rang bzhin no/ /gang tshe sems las tha dad par/ /snang ba dmigs kyi zla gnyis bzhin/ /tha dad med las tha dad pa//don med pas na mo gsham bzhin/ /dang po de mthong de yi tshe/ /chos kun sems kyi 'khrul par snang / /don dam sems ni thog ma dang / /tha ma dbus la sogs pa med/ /sems la chos kyi tshul med par/ /mthong ba de yis sems nyid mthong / / zhes 'byung ba lta bu'o/ /dang po las kyi sbyor ba yis/ /zhes pa ni bskyed pa'i rim pa'i rnal 'byor dang rdo rje bzlas pa'o/ /sa brgyad pa ni thob par 'gyur/ /zhes pa ni bzod pa 'bring po'i sa'o/ /gzhan las kyang / bskyed pa dang ni bzlas pa yis/ /bzod pa 'bring po'i sa la gnas//zhes pa lta bu'o/ /snang ba gsum po mthong ba dag /ces pa ni ye shes gsum bskyed pa'o/ /cir 'gyur zhe na/ sa bcu la ni gnas par 'gyur/ /zhes pa ni bu'o/ /mngon par byang chub legs thob nas/ /zhes pa ni 'od gsal ba thob nas she'o//ci byed ce na/ gtsang ma'i gnas su nye bar 'gro/ /zhes pa ste chos kyi sku thob ce'o/ /sangs rgyas zhing nas mi ldog ces pa ni 'khor bar mi ldog pa'o/ /tshe 'di nyid kyis thams cad mkhyen/ /zhes pa ni tshe 'di nyid kyis thams cad mkhyen pa'i bye brag dang ldan par 'gyur ro//chos dbyings mngon par byang chub pa/ /zhes pa ni mngon par byang chub pa'i rgyu'o/ /chags sogs rol mo rgya chen po/ /zhes pa ni 'dod chags kyi chos so/ /chos dbyings mngon par byang chub pa/ /ji ltar rnyed pa'i sbyor ba yis/ / zhes pa ni rnal 'byor gyi ye shes skye ba'i thabs shes pa'o/ /mngon par rtogs par gar 'gyur ba/ /zhes pa ni thabs gang khong du chud pa'o/ /bla med mngon par byang chub pa/ /zhes pa ni bla na med pa'i mngon par byang chub pa 'dod pa'o/ /des ji ltar bya zhe na/ /spros bcas la sogs spyod pa yis//zhes pa ste/ spyod pa rnam pa gsum mam dgu'am bsam gyis mi khyab pa'o/ /spyod pa des ci byed ce na slob po zhes sbyar ro/ /gang gis slob ce na/ rnal 'byor pa yis te/ ting nge 'dzin dang ldan pas slob/ /ces sbyar ro//gdod nas dag pa'i rang bzhin can/ /zhes pa ni gang la rnam par rtog pa dang bral ba de la de skad ces bya'o/ /ngo bo nyid kyis de grub na/ /zhes pa ni/ ngo bo nyid kyis dag par rtogs sam mngon du gyur na zhe'o/ /bslab pa'i sbyor bas ci zhig bya/ /zhes pa ni spyod pa spyad pa don med ce'o//rtog las de bzhin nyid mi skye/ /zhes pa ni rnam par rtog pa las de bzhin nyid mi 'byung zhe'o/ /gang zhig de ltar 'dir rtogs na/ /zhes pa ni rnal 'byor pa gang yang rung ba zhig spyod pa don dam par rtogs na zhe'o/ /ye shes rim pa spangs pa yin//zhes pa ni don dam pa spangs pa yin zhes pa'o/ /des ci byed ci'i phyir zhe na/ spangs pa'i 'gal ba yin pa'i phyir ro/ /gzhan go sla'o/ /rim pa lnga'i dka' 'grel don gsal ba zhes pa las rim pa gnyis kyi bshad pa'o// // de nas rim pa gsum pa bstan pa'i phyir/ rdo rje can rnams kun gyi gtso/ /zhes bya ba la sogs pa smos te/ de la rdo rje dang ldan pas rdo rje can de phyag na rdo rje la sogs pa'o/ /de'i gtso bo yin pas kun gyi gtso bo rdo rje 'chang chen po'o/ /de la phyag 'tshal te zhes pa ni gzhan gyi don sgrub pa'i bar du'o//phyag 'tshal te bshad ces sbyar ro/ /gang bshad ce na/ bdag la byin gyis brlab pa nyid/ /ces pa ste/ bdag la byin gyis rlob pa ni sgyu ma'i dpe bcu gnyis bar mtshon te rlob ce'o/ /de bshad pa yin pas de la de skad ces bya'o/ /gang gi sgo nas gang gis bshad ce na/brtse bas bdag gis bshad ces pa smos te sems can rmongs pa rnams la snying rje chen po bskyed nas bdag gis bshad ce'o/ /de las dang po bskyed pa'i rim pa'i rjes su 'brangs nas zhes pa ni bskyed pa'i rim pa'i lha'i sku la dmigs nas zhes pa'o//dbang bskur ba thob cing zhes pa ni bum pa'i dbang bskur ba thob cing zhes pa'o/ /rgyud rnam pa bzhi'i dgongs pa shes pa ni bya ba'i rgyud dang spyod pa'i rgyud dang gnyi ga'i rgyud dang rnal 'byor bla na med pa'i rgyud kyi dgongs pa shes shing zhes pa'o/ / yang na dgongs pa lung bstan dang lha mo bzhis zhus pa la sogs pa bzhi shes pa de la de skad ces bya'o/ /yang na 'brel ba'i phyir rgyud de dang me dang mnyam du gnas pa la sogs pa 'bras bu dang bcas pa yod pa de la de skad ces bya'o/ /shes rab dang ldan pa ni shes rab yod pa'o//lus dang ngag dang yid thob pa 'dzin pa ni bzlas pa dang sems dang lha'i sku'i rnam pa dang ldan pa'o/ /bden pa gnyis la mos pa ni lha'i sgyu ma lta bu dang 'od gsal ba la gces su byed pa'o/ /de lta bu'i rnal 'byor bas slob dpon yang dag par mnyes par byas te zhes pa ni rab tu gces pa dang yid la 'thad pa la thug gi bar du sems dang bas 'bul ba'o//mnyes nas ci byed ce na/ tshogs kyi mchod pa chen po byas la zhes pa ni tshogs kyi 'khor lo byas la zhe'o/ /chen po ni 'dir 'khor lor shes par bya'o/ /lung gzhan las/spyod pa dgu yi dbang dag tu/ /rnal 'byor pha dang rnal 'byor ma/ /brgya rtsa brgyad nas lnga yi bar/ /zas dang skom yang de bzhin te/ /de bzhin sa gnas bar du mchod/ /ces pa'o/ /lo bcu drug pa rdo rje slob dpon la phul te zhes pa ni bu mo lo bcu drug pa phul te zhes pa'o//yang na skyed par byed pa'i phyir bu mo'o/ /dga' ba bcu drug ster bas lo bcu drug ma'o/ /slob dpon ni ting nge 'dzin de la phan par byed pa'o/ /phul te zhes pa ni phul du byas shes so/ /yang na bu mo gong dang 'dra/ /lo bcu drug pa ni pad+ma bcu drug gi bar du'o/ / slob dpon ni spyi bo'i 'khor lo'o/ /de la phul te zhes pa ni mgrin pa nas rlung gis bzlog ste bde ba chen por gnas pa'o/ /yang na lo bcu drug pa ni 'dir bde ba chen po'i rtsa sum cu rtsa gnyis pa'i bde ba cher skyes pa bcu drug po slob dpon la phul te zhes pa ni snying gar khu ba 'dzag pa'o/ / gzhan go sla'o/ /gzhan ni gzhan du shes par bya'o/ /khong stong khyod kyi lus la med/ /ces pa ni lus kyi nang na stong pa med ce'o/ /sha dang rus pa khrag med kyang ston par mdzad ce'o/ /ji ltar zhe na/ nam mkha' la ni 'ja' tshon ltar ston zhe'o//dper na nam mkha' la ni kha dog sna lnga la sogs pa'i 'ja' tshon de'i rgyu med de ngo bo nyid kyis stong ngo / /de bzhin sangs rgyas thams cad kyi/ /dbang phyug khyod kyi sku yang ston par mdzad ce'o/ /sku la snyun med mi gtsang med/ /ces pa ni rlung la sogs pa'i nad dang /bu ga las byung ba'i mi gtsang ba med ce'o/ /bkres dang skom zhes pa ni bkres pa dang skom pa'o/ /de lta bu 'byung ba med kyang ston par mdzad ces sbyar ro/ /gang dang gang gi phyir gang dang mthun par zhe na/ khyod ces pa ste gong du bshad do/ /'jig rten rjes 'jug phyir zhes pa ni 'jig rten gyi sems can kha drang ba'i phyir ro//'jig rten bya ba ston par mdzad/ /ces pa ni sems can dang mthun pa'i las byed pa'o/ /chu zla dang 'dra bas chu zla ste snang ba na rang bzhin med pa'o/ /chos rnams kun la gnas pa med ces pa ni 'khor ba'i chos thams cad la mi gnas pa'o//nga rgyal med pa ni nga rgyal med pa ste/ sems khengs pa med pa'o/ /rmongs pa ni ma rig pa ste de dang bral ba gang yin pa de la de skad ces bya'o/ /dmigs pa med pa ni dmigs pa dang bral ba ste/ de ci'i phyir zhe na/de lta bu rnam par rtog pa dang bral ba'i phyir ro/ /phyag 'tshal ba ni de lta bu'i don dang ldan pa khyod la phyag 'tshal lo zhes pa'o/ /gshegs dang zhes pa la sogs pa'i don ni 'gro ba nas 'chi ba'i tshul gyis bar du rtag tu mnyam par 'jog pa gang yin pa de la de skad ces bya'o//sgyu ma lta bu'i ting nge 'dzin gyis zhes pa sgyu ma dang 'dra ba'i lha'i rnam pa la dmigs pa'i ting nge 'dzin gang yin pa de la de skad ces bya'o/ /rdzu 'phrul chel rnam 'phrul zhing / /zhes pa ni kun du sku bsam gyis mi khyab pa nas thugs kyi bar du'o//sna tshogs pa la snyoms par 'jug pa zhes pa ni sku sna tshogs pa la dmigs pa'i ting nge 'dzin gang yin pa de la de skad ces bya'o/ /gzhan go sla'o/ /kun mkhyen ye shes phung po can/ /zhes pa ni thams cad mkhyen pa ni kun mkhyen no/ /sgyu ma'i dpes mtshon pa'i sku ni ye shes kyi phung po'o//spyir phung po ni gnyis te ye shes kyi phung po dang las kyi phung po'o/ /de la ting nge 'dzin las skyes pa ni ye shes kyi phung po'o/ /rkyen rnam bzhi las skyes pa ni las kyi phung po'o/ /srid pa'i 'khor lo ni srid pa'i 'khor lo'o//ci'i phyir zhe na las dang nyon mongs pas srid pa gsum du yang nas yang du 'khor ba'i phyir de la de skad ces pa'o/ /de rnam par sbyong ba ni zhi ba la sogs pa'i sbyor bas so/ /de ring zhes bya ba ni dus so/ /bshad pa ni bdag byin gyis rlob pa'i rim pa'o//de ni rin po che ste gang la dgos pa'i don 'byung ba de ni rin po che'o/ /gtso bo zhes pa ni bod pa'o/ /bdag la bka' drin stsol zhes bya ba ni bdag la chos bshad du gsol zhes pa'o/ /khyod zhabs pad+ma spangs nas ni//khyod kyi zhabs kyi pad+ma spangs nas skyabs gzhan med pa ste skyabs med pa'o/ /gzhan go sla'o/ /de nas de nyid kyi ming bstan pa'i phyir bdag byin gyis brlab pa'i rim pa ste gong du bshad do/ /gang du rtogs pa bstan pa'i phyir/ /kun rdzob bden pa bstan pa ste gang du rgyu rkyen gyis bskyed pa yod pa de ni kun rdzob ste/de'i dbang du byas na dngos po yod par bden pas kun rdzob kyi bden pa'o/ /rtogs pa dang de'i dus bstan pa'i phyir de ni bla ma'i drin dag gis thob ces pa ste/ bla ma'i drin gyis zhes pa ni 'byung khungs kyi dbang du byas pa'o//thob pa ni dus de gong du bla ma las thos pa'i dus na thob ce'o/ /thob pa zhes bya ba'ang sa bon gyi tshul dang mngon du gyur pa'i tshul gnyis su 'gyur grang na/ sa bon ni ye shes yod pa'i phyir ma yin/ mngon du gyur pa yang ma yin te de la bstan pa med pa'i phyir ro zhe na/'di ni bla ma'i man ngag sngon med pa las rtogs pa'i phyir ro/ /gang gi phyir gsum pa rnyed par dka' ba dang ma rnyed pa'i skyon bstan pa de'i phyir gang gis rnyed par ma gyur pa zhes pa ni rtog ge ba gang gis kyang rnyed par ma gyur pa'o//mdo sde rgyud la sogs pa la/ de ni ngal ba don med 'gyur/ /zhes te mdo sde dang rgyud mang po brtags pa don med par 'gyur/ /gang gi tshe byin gyis brlab pa thob pa'i yon tan bstan pa'i phyir/ bdag la byin rlabs rim thob pa//zhes smos te bdag la byin gyis brlabs pa gang gis thob pa ni 'gyur zhes sbyar ro/ /gang du zhe na/ de bstan pa'i phyir/ gtso bo sangs rgyas kun bdag nyid/ /ces smos te sangs rgyas thams cad kyi gtso bo'am bdag por 'gyur ba'o//dus ji tsam gyis she na tshe 'di nyid kyis so/ /gang du zhe na sangs rgyas te mchog 'grub par 'gyur ba'o/ /de nas go rims bstan pa'i phyir bdag byin brlabs pa'i dang zhes pa ni rgyu'i khyad par ro/ /'od gsal ba ni 'bras bu'o/ /gang gi phyir 'bras bu bas rgyu snga ma de'i phyir de la de bstan to//gzhan go sla'o/ /rnam par rtog pas 'ching bar 'gyur ba dang de'i grol ba po bstan pa'i phyir/ 'gro kun rang dbang med pa ste/ /zhes pa ni 'gro ba kun rgyu rnam par rtog pa ma spangs pas 'bras bu thob pa ma yin pa'o/ /rang dbang du ni 'byung ba yin//zhes pa bdag la byin gyis brlab pa'i rim pas rang dbang du 'byung ba'o/ /de nas ldang ba'i rim pa bstan pa ni/ de yi rgyu ni 'od gsal ba/ /'od gsal thams cad stong pa yin/ /zhes pa sems can thams cad ni rgyu rang bzhin med pa las 'byung ba'o zhes pa ni sems can gyi dbang du byas pa'o//yang na 'od gsal ba'i ngang las lha'i sku gcig dang du ma'i rang bzhin du 'byung ba ni slob pa'i dbang du byas pa'o/ /sems gang gis ni byis pa rnams 'khor ba'i 'ching bas bcings/ zhes pa ni rnam par rtog pa dang ldan pa'i sems gang yin pa des don la shed ma bye ba rnams bcings she'o//gang zhags pas bcings pa'i sems can de ni de nyid las gzhan du ni 'gro'i/ de'i sdug bsngal nyams su myong ngo / /de bzhin du nyon mongs pa'i zhags pas bcings pa'i sems can de ni 'khor ba'i gnas de nyid las sangs rgyas kyi sar 'gro bar mi nus so//'khor ba'i sdug bsngal nyid nyams su myong ngo / /de bas na/ sems de nyid kyis rnal 'byor pa/ /bde gshegs gnas su 'gro'o zhes pa ni sems rnam par rtog pa dang bral bas ni sangs rgyas kyi sar 'gro zhe'o/ /don dam pa'i dbang du byas te bshad pa/rnam par rtog pa dang bral ba'i bden pa 'dir ni dngos po gang yang skye ba med ce'o/ /'chi ba med ce'o/ /sems ni rang bzhin rnam dag par/ /'khor ba nyid ni shes par bya/ /zhes pa ni 'khor ba thams cad rang bzhin gyis rnam par dag par bsam pa'o/ / rlung gi sbyor ba med par ni/ /zhes pa ni rdo rje bzlas pa med par zhe'o/ /sems kyi rang bzhin gzung du med/ /ces pa ni/ sems la dmigs pa bsgom du med/ /ce'o/ /sems kyi rang bzhin rgyur gyur pas/ /zhes pa ni chos rnams thams cad sems las byung bas zhes pas ni de'i phyir zhes pa'o//las dang skye ba kun du 'byung / /zhes pa ni las rnam pa bzhi dang skye ba bzhi 'byung zhe'o/ /de nyid rlung dang yang dag ldan/ /zhes pa ni shes pa dang rlung 'grogs te byed ce'o/ /rnam shes gsum po slar yang ni/ /rnal 'byor pa yi lus su 'byung / /zhes pa ni sgyu ma lta bu'i sku 'byung ba'o//sgyu ma'i lus zhes de la bshad/ /ces pa la sogs pas ni rnal 'byor pa'i phung po la sogs pa thams cad sgyu ma'i dpe bcu gnyis kyis nye bar mtshon pa'i lha'i skur bsam pa'o/ /de nas sgyu ma lta bu'i sku la mchod pa'i go bstan pa'i phyir/ /de bas bdag nyid mchod la 'jug /ces pa la sogs pa smos te/ thams cad bdag gis snang ba sgyu ma tsam yin pa de'i phyir bdag mchod par bya zhe'o/ /bdag nyid sangs rgyas thams cad dang / /zhes pa ni sangs rgyas thams cad kyi ngo bo yang dag nyid yin zhe'o/ /byang chub sems dpa' thams cad nyid//ces pa ni byang chub sems dpa' thams cad kyi ngo bo'ang bdag nyid yin zhe'o/ /de bas kun nas 'bad pa yis/ /bdag nyid rtag tu mchod par bya/ /zhes pa ni sangs rgyas dang byang chub sems dpa'i ngo bo yin pa de'i phyir thams cad 'bad pa mchod ce'o//de'i ni bdag mchod pa'i snod du rung bar bstan pa'o/ /gang gi phyir/ mchod pa'i rdzas dang thabs bstan pa/ /de'i phyir/ sngags dang phyag rgya'i sbyor ba dang / /zhes pa la sogs pa smos te/ de la sngags ni mchod pa dbul ba'i sngags so/ /phyag rgya'ang de'i phyag rgya'o//dkyil 'khor ni mchod pa'i dkyil 'khor ro/ /gzhan go sla'o/ /yang na sngags ni yid skyob ba'i phyir te snying gar bsgom pa'i a'o/ /phyag rgya ni des rnam par rtog pa thams cad la 'debs pa'i phyir ro/ /de ni snying po len pa'i phyir dkyil 'khor ro/ /de nas klad pa'i gzhal yas khang nas byang chub sems 'og gi me klong du 'bab pa ni sbyin sreg go//de thams cad sgyu mar bsam pa'o/ /zhi ba dang ni zhes pa la sogs pas ni sgyu ma lta bu las bstan te/ de la sgyu ma lta bu'i skur bsams te zhi ba ni gdug rtsub zhi bar byed pa'i sbyor ba ste snang mdzad kyi sbyor bas so//rgyas pa ni rin chen 'byung ldan gyi sbyor bas so/ /dbang la snang ba mtha' yas kyi sbyor ba'o/ /mngon spyod la ni don yod grub pa'i sbyor ba'o/ /dgug pa la sogs pa'i sbyor ba la ni rdo rje 'chang gi sbyor bas so/ /gang gis she na sngags la sogs pa'i sbyor bas so//ji ltar zhe na/ dbang po'i gzhu dang mtshungs par bya/ /zhes pa ni dbang po'i gzhu dang 'dra bas mtshungs pa ste/ dper na dbang po'i gzhu la ni kha dog la sogs pa dang ldan yang ngo bo nyid med do/ /de bzhin du las kyi tshogs thams cad kyang de ltar bsam par bya'o//yang na zhi ba lte ba'i 'khor lo la byang chub sems kyi thig le bsams pa'o/ /de la rgyas pa ni smad kyi rlung g.yos pas lus la byang chub kyi sems kyi thig le gang ba'o/ /des rnam par rtog pa 'joms pas mngon spyod kyi las so/ /gang gi tshe byang chub sems la dbang thob pa de'i tshe dbang zhes sbyar ro//dgug pa ni bde ba chen po'i gnas nas byang chub sems 'gugs pa'o/ /sgeg dang nye bar longs spyod dang / /zhes pa ni sgeg pa dang / 'dod pa lnga la longs spyod pa'o/ /gzhan go sla'o/ /dbang po gang dang gang las gyur//de dang de yi ngo bor byas/ /zhes pa ni gzugs la sogs pa lha mo drug sgyu mar bsam zhe'o/ /des cir 'gyur zhe na/ mnyam par ma bzhag sbyor ba yis/ /sangs rgyas kun dang mnyam par sbyor/ /zhes pa ste mnyam par ma bzhag kyang sangs rgyas dang mnyam par mthong zhes pa'o//de nas de'i yon tan bstan pa'i phyir/ kun nas kun du thams cad dang / /zhes pa la sogs pa smos te/ de la dus kun dang rnam pa thams cad du sangs rgyas kun gyi bdag por 'gyur zhe'o/ /dngos grub ni gang thob ce na/ de'i phyir/ rang nyid kyis ni de mthong 'gyur//zhes pa ste rnal 'byor pa rang gis zhing khams yongs su dag pa de mthong zhe'o/ /yon tan gzhan yang gtso bo bde ba chen po'o/ /kun gyi rang bzhin zhes pa ni sangs rgyas kun gyi rang bzhin no/ /sems dpa' chen po ni rdo rje 'chang chen po'o/ / 'gro ba la sogs pa ni go sla'o/ /mkha' las skad cig dag gis rnyed/ /ces pa ni nam mkha' dang 'dra ba'i chos kyi dbyings las 'byung zhe'o/ /yang na lte ba'i phyogs kyi khu ba ni gtso bo bde ba'i rang bzhin no/ /sems dpa' chen po ni de la dmigs pa'i ting nge 'dzin to/ /'gro ba ni btsun mo'i b+ha ga'o//'ong ba ni rlung gi lcags kyus bkug pa'o/ /gnas pa ni lte ba'i phyogs na gsal ba'o/ /des zas dang skom ni bkres pa dang skom pa'i gdung ba sel ba de la de skad ces bya'o/ /de gang la brten pas 'byung zhe na btsun mo'i b+ha ga la brten pas skad cig tsam gyis rnyed ce'o//des cir 'gyur zhe na/ srid pa gcod par 'gyur ba zhes smos te/ srid pa gsum po 'joms pa'o/ /'gro la rab mchog ston zhes pa ni 'gro ba la sku sna tshogs ston zhe'o/ /gzhan go sla'o/ /gang gi phyir byin gyis brlab pa ma shes pa'i skyon bstan pa de'i phyir bdag byin gyis brlab pa'i man ngag ces bya ba la sogs pa smos te de la bdag byin gyis brlab pa'i man ngag ni gzhung gi tshogs so//gang gis bla ma las ma bsgrubs/ /zhes pa ni sems can gang dang gang gis bla ma'i man ngag ma thob pa de dang des phyir ldog ces sbyar ro//de'i phyir/ mchod pa thams cad yongs spangs nas/ /zhes pa ni mchod pa gzhan mi bya'o/ /bla ma mchod la yang dag brtsam/ /zhes pa ni bla ma la thams cad mnyes par bya'o/ /gzhan go sla'o//rim pa lnga'i don gsal bar ston pa las rim pa gsum pa'i bshad pa'o// //de nas rim pa bzhi pa bstan pa'i phyir/ thams cad stong pa nyid ston pa'o/ /zhes pa la sogs pa smos te/ gang gis gang la ston zhe na/ de bstan pa'i phyir ston pa po rdo rje sems dpa' zhes smos te/de la don dam pa'i rdo rje la sems dpa' rdo rje sems dpa'o/ /thams cad stong pa ni 'od gsal ba'o/ /de ston pa gang yin pa de la de skad ces bya'o/ /de la phyag 'tshal te bshad ces sbyar ro/ /gang gis gang gi phyir zhe na/ bzhi pa mngon par byang chub pa'i rim pa bdag gis bshad ce'o//de nas slob dpon gyi yon tan bstan te/ 'di ni zhes pa lhag ces sbyar ro/ /gang bas lhag ce na/ rang byung bcom ldan 'das zhes pa ni rdo rje 'chang la sogs pa'o/ /gcig bsdus bdag nyid che ba'i lha//zhes pa ni gcig tu bsdus pa'i bdag can no/ /de bas lhag ces sbyar ro/ /gang bas lhag ce na/ rang byung bcom ldan 'das zhes smos te/ 'od gsal ba'i man ngag dngos su ston pa'i phyir ro/ /rdo rje slob dpon de bas lhag /ces pa ni gong ma dang 'brel ba'o//de ni yang dag mnyes byas te/ /zhes pa ni rdo rje slob dpon mnyes pa ni gong du bshad do/ /dus ji tsam zhe na/ lo'am yang na zla ba la/ /zhes pa la sogs pa ni go sla'o/ /tshogs kyi dkyil 'khor dbus su ni/ /zhes pa ni 'dus pa'i dkyil 'khor gyi dbus su zhes pa'o//cho ga ji bzhin mchod par bya/ /zhes pa ni phyi nang gi mchod pa mang po dbul ba'o/ /de nas 'dod yon lnga spyod pas/ /zhes pa ni gzugs la sogs pa'o/ /rnal 'byor chen po mnyes zhes pa ni rdo rje slob dpon mnyes pa'o/ /snyoms par 'jug pa'i cho ga ni sbyor ba byed pa'o//des cir 'gyur zhe na/ snang ba bskyed pa ni snang ba'i ye shes skyes zhes pa'o/ /yang na tshogs kyi dkyil 'khor ni spyi bo'i 'khor lo'o/ /ci'i phyir zhe na/ yi ge bdun cu rtsa gnyis tshogs pa'i phyir ro/ /de'i dbus ni/ rtsa'i mdud pa'o/ / cho ga ji bzhin mchod pa ni der dbus thig le la blo gtad de bsgom pa'o/ /'dod yon lnga spyod pas zhes pa spyi bo las 'byung ba'i rtsa'i rtse mor thig le la blo gtad pa'o/ /rnal 'byor chen po mnyes zhes pa ni byang chub sems 'bab pa'o/ /snyoms par 'jug pa ni dus der phyag rgya ma dang snyoms par 'jug pa'o//des ci byed ce na/ snang ba'i ye shes bskyed pa'o/ /byang chub sems ni rab 'bad pas/ /zhes pa ni byang chub sems phyung ba'o/ /ka la sha sogs dag tu gzhag /ces pa ni bum pa dang nya phyis la sogs pa gzhag pa'o/ /gzhan go sla'o//de nas bla ma la bstod pa ni/ khams gsum las ni rnam grol zhing / /zhes pa ni khams gsum gyi rnam par rtog pa las grol zhe'o/ /nam mkha' dang ni mnyam gyur pa/ /zhes pa nam mkha' dang 'dra bas nam mkha' ste de dang mnyam pa'o/ /'dod pa rnams kyis ma gos pa//zhes pa ni gzugs la sogs pa 'dod par bya ba dang / byed pa thams cad dang bral ba'i phyir ro/ /dmigs pa med pa ni dmigs pa med pa ste/ dmigs pa'i rnam pa dang bral ba de la rtogs pa'i tshul gyis phyag 'tshal lo zhe'o/ /phung po rnams dang khams rnams dang //zhes pa la sogs pa'i don ni rnam par rtog pa dang ldan pa'i phung po dang skye mched la sogs pa dang bral ba'o/ /rnam rtog med cing kun rtog med/ /ces pa ni rnam par rtog pa dang kun du rtog pa dang bral zhe'o/ /thugs ni rab tu mi gnas pa/ / zhes pa ni thugs rnam par rtog pa la mi gnas pa'o/ /bsam gyis mi khyab pa yi thugs/ /zhes pa ni dpag cing gzhal du med pa gang yin pa de la de skad ces bya'o/ /ci ltar nam mkha' gnas med cing / /zhes pa ni nam mkha' la ni gnas dang gnas pa dang gnas pa byed pa po med do zhe'o//spros med gos pa med ces pa ni spros pa dang gos pa dang spros pa'o/ /dgos pa po dang spros pa'i chos la sogs pa dmigs shing dmigs su med do/ /ltar zhes pa ni de bzhin du'o/ /mkha' dang mnyam pa ni nam mkha' dang 'dra ba'o/ / thams cad stong pa'i rang bzhin can/ /zhes pa ni 'od gsal ba'o/ /mngon par byang chub blta bar 'tshal/ /zhes pa ni 'od gsal ba rtog par 'tshal zhes pa'o/ /gzhan go sla'o/ /las dang 'bras bu las grol zhing / /zhes pa ni de kho na nyid las kyang / 'di lta ste 'od gsal ba ni dge ba mi dmigs/ sdig pa mi dmigs dge ba po mi dmigs/ sdig pa po mi dmigs/ dge ba'i chos dang mtshan nyid mi dmigs/ sdig pa'i chos dang mtshan nyid mi dmigs/ dge ba'i 'bras bu mi dmigs so/ /sdig pa'i 'bras bu mi dmigs so//chos thams cad rang bzhin gyis rnam par dag pa'i phyir ro zhe'o/ /gzhan go sla'o/ /de nas bla ma'i man ngag sbyin pa bstan pa'i phyir mtshan mo snang ba'i cha ste zhes pa la sogs pa gsungs te/ de la mtshan mo ni snang ba'i cha'o/ /nyi ma shar dang 'dra bar gsal ba ni snang ba mched pa'o//mtshams ni nyin mo dang mtshan mo'i mtshams te de gang yin zhe na/ snang ba thob pa'o/ de nas 'od gsal ba la sogs pa bstan pa'i phyir mtshan min zhes pa la sogs pa gsungs te/ de la don dam pa'i bden pa 'od gsal ba ni mtshan mo ste snang ba dang bral ba'o//nyin par snang ba mched pa dang bral ba'o/ /mtshams ma yin te snang ba thob pa dang bral ba'o/ /de gang yin zhe na byang chub ste mngon par byang chub pa 'od gsal ba'o/ /gang gi yul zhe na/ rnal 'byor pa ste ting nge 'dzin dang ldan pa'i yul lo/ /lhag ma gang du bshad par bas//slob dpon mchog ni rab rib bral bas/ shes rab ni rnam par rtog pa dang bral ba'i slob dpon gyis bstan zhe'o/ /gang la bstan zhe na slob ma ste rin po che lta bu'i gang zag la'o/ /de la bstan pa ni bstan pa'o/ /de la gang bstan zhe na phyir rol byang chub bstan zhes pa ni/phyi'i mngon par byang chub pa bstan pa'o/ /des ci byed ce na/ nang gi mngon par byang chub pa ston te nang gi bde ba rnyog bral zhes bya ba ni rnam par rtog pa dang bral ba'i bde ba'o/ /dngos gang yin zhe na sangs rgyas ye shes te sangs rgyas kyi mi rtog pa'i ye shes skad cig tsam gyis thob ce'o//mthar 'byung ba zhes pa la sogs pa ni stong pa zhes sbyar ro/ /de'i don ni mthar 'byung ba stong pa'o/ /mthar 'byung ba'i rgyu stong pa'o/ /mthar 'byung ba'i chos stong pa'o/ /de ci'i phyir zhe na/ don dam pa la ni mtha' dang mtha'i chos dmigs su med pa'o zhes de kho na nyid kyi rgyan las 'byung ngo //gzhan yang de bzhin du shes par bya'o/ /de nas nyams su blang ba bstan pa'i phyir/ man ngag thob pa'i slob ma yis/ /zhes bya ba la sogs pa smos te/ de la man ngag ni 'od gsal ba'o/ /thob pa ni rtogs pa'o/ /gang gis gang rtogs pa de la de skad ces bya'o//yis zhes pa ni brlab ces pa dang sbyar ro/ /gang zhe na rnal 'byor gnyis la brlab par bya'o/ /gnyis po de nyid bstan pa'i phyir ril po 'dzin pa dang zhes pa la sogs pa gsungs te de'i don 'og nas bstan to/ /mgo bo nas ni rkang pa'i bar/ /zhes pa ni mgo bo nas rkang pa'i bar ro//snying gar phyin pa'i bar zhes pa ni snying ga la thug gi bar du'o/ /rnal 'byor yang dag mtha' 'jug ces pa ni don dam pa la 'jug pa'o/ /de'i don ni 'di ltar lus thams cad 'byung ba bzhir 'dus te/ dang po sa chu la thim pa'am/ yang na rlung chu la thim/chu sa la thim/ me yang sa'i ngang la thim pa ni snying ga'i dbang du byas pa'i man ngag go/ /yang na snying ga dang ldan pas snying ga ste/ mgrin par pad+ma 'dab ma bzhi dang ldan pa'i dbus su byang chub sems kyi thig le bsams te/ 'dab ma bzhi la yi ge bzhi bkod pa ni man ngag go//lung gzhan las kyang / dang po sa ni chu la thim/ chu yang me la thim 'gyur te/ /me ni rlung la thim 'gyur nas/ /rlung yang rang bzhin med par gyur/ /de tshe rtags lnga rim par skye//zhe'o/ /yang na snying ga dang nye bas snying ga ste/ lte ba'i phyogs su 'dab ma bzhi dang brgyad dang bcu drug la sogs pa'i rnam par bsams te/ phyi nas nang du 'dus pa ni lte ba'i dbang du byas pa'o/ /yang na snying ga dang 'dra bas snying ga ste/ bde ba chen po'i 'khor lor bsam pa ni man ngag go/ /de ni ril por 'dzin pa'i rnal 'byor gyi dbang du byas pa'o/ /rjes su gzhig pa'i dbang du bya ba ni/ rgyu ba dang ni mi rgyu nyid/ /ces pa ni snod dang bcud kyi 'jig rten no/ /yang na rgyu ba ni rlung rgyu ba'i dbang du byas pa'o//mi rgyu ba ni khyab byed kyi rlung ngo / /dang po 'od gsal bar byas te/ /zhes pa ni don dam pa'i man ngag bsgom pa'o/ /de'i don yang dang por lte ba'i zla ba'i steng du thig le bsams te/ rlung gis bskyod pa nas tha ma lus kyi ba spu la thug gi bar du til gyi gang bu bzhin du gang nas bde bar gyur te/de la dmigs nas sgyu ma lta bur gyur/ /tha ma rang bzhin med par bsams pa'o/ /phyi nas de bzhin bdag nyid byed/ /ces pa ni lha'i skur slar ldang pa'o/ /gzhan go sla'o/ / 'od gsal ba'i dbang du byas pa ni dang por 'od gsal ba zhes bya ba ni don dam pa'i bden pa'o/ /de'i don yang lung gzhan las bshad par bya ste/ chos rnams rang bzhin rnam dag pas/ /ngo bo nyid med bzang po yin/ /stong pa nyid ni rab rtogs pa'i/ / don nyid gsal ba pa ru bshad/ /sems ni yongs su dag pa ste/ /dus dang khams la sogs mi dmigs/ /rtog dang rtag pa'i rgyu 'bras med/ /rnal 'byor de ni 'od gsal te/ /rnam rtog mun pa sel phyir ro/ /de ni rnam pa gnyis su ste/ / slob pa dang ni mi slob pa'o/ /slob pa bsam gtan rnam pa gnyis/ /ril 'dzin dang ni rjes gzhig go/ /gnas bzhi so so'am gcig tu ni/ /bsams te 'byung ba nam mkhar sdud/ /de ni ril por 'dzin pa'o/ /lus rnams byang chub sems kyis ni//til gyi 'bru bzhin gang gyur nas/ /thams cad de yi ngo bor gyur/ /de nyid sgyu ma rang bzhin med/ /rjes su gzhig pa'i dbang du'o/ /de yi ye shes gang yin pa/ /de ni ye shes 'od gsal lo/ /de yi 'bras bu gang yin pa/ /sgyu 'phrul lha yi rnam pa'o//'od gsal gtan la dbab pa ni/ /sgyu 'dra'i dngos por gang 'dod pa/ /mthar phyin byed na tshad ma med/ /mnyam par gzhag pa'i rnal 'byor pa/ /don ni don dam shes bya ste/ /rjes la sangs rgyas sku 'byung ba'o/ /'di ni kun rdzob bden par 'dod//yang na bden gnyis so so ru/ /yul du byed pa 'di yi dus/ /phyi ni gnyis ka gcig 'dus nas/ /yul du byed phyir de skad do/ /zhes 'byung ba lta bu'o/ /rim pa lnga'i dka' 'grel don gsal ba zhes bya ba las/ / rim pa bzhi pa'i bshad pa'o// //de nas zung du 'jug pa'i rim pa bstan pa'i phyir/ mgon po rgyu dang 'bras bcas nyid/ /ces bya ba la sogs pa smos te/ de la mgon po ni rdo rje 'chang chen po'o/ /rgyu dang 'bras bur bcas gang 'bras bu skyed par byed pa de ni rgyu'o/ / gang de las byung nas don byed nus pa de ni 'bras bu'o/ /rgyu dang 'bras bu gnyis su med pa thugs su chud pa ni/ gnyis pa thams cad rnam spangs la zhe'o/ /ci byed ce na/ phyag 'tshal nas bshad ces sbyar ro/ /gang zhe na/ zung du 'jug pa'i rim pa tha ma bshad ce'o/ /zung du 'jug pa'i rim pa bshad pa de nyid rgyas par bstan pa'i phyir/'khor ba dang ni mya ngan 'das/ /zhes bya ba la sogs pa gsungs te/ de la 'khor ba ni ma rig pa nas rga shi'i bar du yang dang yang du 'khor/ mya ngan las 'das pa ni 'khor ba'i sdug bsngal las thar pa'o/ /'di dag ni gnyis su snang ba'i phyir gzung ngo //gang la de gnyis gnyis su med par yod pa de ni zung du 'jug pa'o/ /gang du kun nas nyon mongs pa/ /zhes pa la sogs pa'ang gong bzhin no/ /gang gi tshe dngos po'i chos rnam pa dang bcas pa ni rnam bcas so/ /ci'i phyir zhe na/ dmigs pa'i rnam pa dang bcas pa'i phyir ro/ /dngos po med pa ni rnam pa med pa'o/ /rnal 'byor pa ni gnyis med spyod/ /ces pa ni rnal 'byor pa gnyis su med cing gnyis su dbyer tha mi dad de gcig gi ngo bo yang mi dmigs pa 'di ni zung du 'jug pa'o/ /gzung du 'dzin pa ni gzung ba dang 'dzin pa ste yul dang yul can no//de gnyis su med cing gcig gi ngo bo yang mi dmigs pa ni zung du 'jug pa'o/ /rtag dang chad pa ni rtag pa dang chad pa ste de'i blo med pa ni zung du 'jug pa'o/ /gzhan las ci ste mchis zhes bgyis na ni rtag par 'gyur ro/ /ma mchis zhes bgyis na ni chad par 'gyur te/dbu ma'i lam ni dmigs su med do zhe'o/ /shes rab ni rab tu 'byed pa'i mtshan nyid can no/ /snying rje ni snying rje'o/ /de gnyis su med pa gang yin pa de la de skad ces bya'o/ /rim 'di sangs rgyas spyod yul lo/ /zhes pa ni sangs rgyas kyi yul yin gyi gzhan gyi ma yin pa'i phyir ro//thabs dang shes rab snyoms 'jug par/ /zhes pa ni thabs dang shes rab kyi pha rol tu byed pa'o/ /'dis ni spyod pa la bslabs pa'ang shes par bya'o/ /lhag mar bcas pa ni phung po lhag ma dang bcas pa'o/ /lhag med pa ni lhag med pa'o/ /'di dag gnyis su med pa ni zung du 'jug go//gang zag gi bdag ni gang zag la bdag tu 'dzin pa'o/ /chos la 'dzin pa ni chos la bdag tu 'dzin pa'o/ /bdag tu 'dzin pa gnyis dang bral ba'i phyir ro/ /bdag byin rlabs pa ni kun rdzob kyi bden pa'o/ /'od gsal ba ni don dam pa'i bden pa'o//gnyis su med pa ni zung du 'jug pa'o/ /ril por 'dzin pa ni ril por 'dzin pa'o/ /rjes su gzhig pa ni rjes su gzhig pa'o/ /gnyis su med pa ni zung du 'jug pa'o/ /'jug pa dang gnas pa dang ldang ba ni rlung gsum 'dus pa'o/ /de'i dbye ba med pa ni zung du 'jug pa'o//de bzhin nyid la dmigs pa ni mnyam pa la gzhag pa'i dus so/ /gang du ldang ba ni rjes las thob pa'o/ /mnyam pa la gzhag pa dang rjes las thob pa gnyi ga yongs su dag cing dbyer med pa ni zung du 'jug pa'o/ /gnyid log pa ni gnyid log pa'o//sad pa ni sad pa'o/ /gang la gnyid log pa dang sad pa gnyis med pa ni zung du 'jug pa'o/ /gzhan go sla'o/ /chags dang chags pa med las grol zhing zhes pa chags pa med pa las grol zhing gnyis su med pa'o/ /mchog tu dga' ba'i lus dang ldan//zhes pa ni gang ltar 'dod pa'i skur 'byung ba'o/ /'khor ba srid dang gnas byed pa/ /zhes pa ni 'khor ba ji srid du sangs rgyas gnas par byed pa'o/ /de lta bu'i ting nge 'dzin gang yin pa de la de skad ces bya'o/ /gzhan go sla'o/ /sgyu 'phrul dra bar mngon sangs rgyas//zhes pa ni gnyis su med pa'i ngang du sangs rgyas pa'o/ /lung gzhan las kyang / gang tshe bcom ldan rdo rje can/ /sangs rgyas thams cad 'dus pa'i sku/ /mchog tu brjod pa'i bdag nyid can/ /'di yi thugs kyi ye shes las/ /dag pa dang ni ma dag med/ / 'di la sgrib dang mi sgrib med/ /'khor ba mya ngan 'das pa med/ /mnyam gzhag dang ni rjes thob med/ /'di la don dam kun rdzob med/ /snang ba dang ni mun pa dang / /pho dang mo dang ma ning med/ /'jig rten 'jig rten 'das pa med/ /'di la gnyis sogs dbye ba kun//rang bzhin gyis ni rnam par dag /'di la gnyis kyi dngos po rnams/ /rdzas su yod pa ma yin te/ /tshul med gnyis kyi sa bon med/ /gcig tu yang ni gyur pa med/ /de thob 'dod pa'i rnal 'byor gyis/ /don dam pa yi ngang la gnas//langs nas khams gsum thams cad lta/ /sgyu ma dang 'dra'i bdag nyid can/ /'dus pa lnga yi bar du'o/ /tha ma gcig ni rnam pa ste/ /de yi snying gar thig le bsam/ /rjes kyi rtog pa bzlog pa'i phyir/ /thig le phra mo brgya yi bar//slar 'dus gcig gi rnam par blta/ /de 'ong 'dus pas rang bzhin med/ /ces de kho na nyid kyi rgyud las gsungs so/ /zung 'jug go 'phang la gnas pa/ /slob bzhin pa yi rnal 'byor che/ /zhes pa ni zung 'jug slob pa'i dbang du byas pa'o//gzhan dag las kyang / gnyis med ye shes 'dod pa yis/ /spyod pa gsum dang thig le bsam/ /de nyid ting 'dzin mthar phyin pas/ /phyis ni gang la'ang mi slob bo/ /zhes 'byung ba lta bu'o/ /ji ltar bdag nyid de bzhin dgra/ /zhes pa ni bdag dang dgra gnyis su med pa'o//gzhan yang de bzhin du shes par bya'o/ /sbas pa'i brtul zhugs kun bsgrubs na/ /phun sum tshogs pa thams cad 'grub/ /ces pa ni spros bcas la sogs pa'i spyod pa dang / zung du 'jug pa'i ting nge 'dzin la gnas na mchog gi dngos grub thob ces sbyar ro//gzhan las kyang / gnyis su med pa'i ting 'dzin dang ma chags pa'i spyod pa la brten pa'i rnal 'byor pa de ni sangs rgyas thams cad dang mnyam par 'gyur ro/ /lha dang klu dang gnod sbyin la sogs pa thams cad kyis phyag bya ba dang mchod pa'i gnas su 'gyur ro zhes rgya cher gsungs so//dpal ldan gnod sel gsang ba de nyid legs bsdus pa/ /yon tan kun 'dzin rgyal sras zab mo'i don la dpog par mi nus kyang / /gang zag bdag bas dman la phan phyir 'di ni bdag gis brtsams//'di la nyes gyur ci mchis mkhas dang 'phags la bzod par gsol/ /'dod rgyal zhags pas zin pa kun la gsang phyir gsal ma byas/ /de ni gang zag dman pa'i don du 'di las bdag ni dga' ba skyes/ /dge ba'i rtsa ba 'di yis khams 'dir don gsal ring gnas shing //'di la brten nas gang dag dngos grub rnam gnyis thob par shog/ //rim pa lnga'i dka' 'grel don gsal ba zhes bya ba slob dpon klu'i byang chub kyis mdzad pa rdzogs so//