CLOSE WINDOW

D1831
བོད་ཡིག

zhu chen gyi lo tsA ba 'bro dge bsnyen chen po shes rab brtson 'grus kyis bsgyur cing zhus te gtan la phab pa'o//[ ]@##/ /rgya gar skad du/ pany+tsa kra ma ma ti TI kA tsan+d+ra pra b+ha nA ma/ bod skad du/ rim pa lnga pa'i dgongs 'grel zla ba'i 'od zer zhes bya ba dpal rdo rje sems dpa' la phyag 'tshal lo//dgrol dka' snying gi mdud gdung gcad bya'i phyir/ /thub dbang sras de'i gnyis med bdud rtsi'i mchog /gsung gi thigs pas 'gro rnams reg bya'i phyir/ /skal ldan 'jigs med bdag gis 'bad par bya/ /'dir dpal ldan 'phags pa klu sgrub kyis dpal gsang ba 'dus pa la sogs pa'i rgyud kyi rjes su 'brangs nas go rims ji lta ba bzhin du zung du 'jug pa'i ting nge 'dzin rtogs te/thugs brtse bas de nyid bstan par bzhed pas rim pa lnga'i don ji lta bar grub pas bsgrub par bya ba'i bcom ldan 'das rdo rje sems dpal la phyag 'tshal ba ni khams gsum zhes bya ba la sogs pa'o//'dir rim pa dang po lus rnam par dben pa bstan nas gnyis pas ngag gi dben pa ste/ sems dben tsam gyi don du'o/ /sems kyi dben pa tsam nyid ni rim pa gnyis pa zhes bya bar brjod do zhes gsungs pa'i phyir ro//gsum pa dang bzhi pa kun rdzob dang don dam pa'i rang bzhin dag gis ni sems dben no/ /lnga pas bden pa gnyis tha mi dad pa'i phyir mthar thug sems rnam par dben pa nyid do/ /de'i nang du gtogs pas lus dang ngag rnam par dben pa yang ngo //gang gi phyir lus mthar thug pa las longs spyod rdzogs pa dang sprul pa'i sku gnyis so/ /ngag ni longs spyod rdzogs pa'i sku ste/ gsang sngags kyi theg par longs sku ni ngag gi ngo bo rnam par gzhag pa'i phyir ro/ /lus dang ngag 'di dag kyang sems kyi snang ba tsam ste/sems lus lta bu dang / sems tshig tu brjod pa lta bur skyed cig ces gsungs pa'i phyir ro/ /sems kyang bde ba chen po'i bdag nyid can mngon par shes pa dang stobs dang ma 'dres pa la sogs pa'i yon tan gyi rang bzhin kun rdzob kyang yin la/ rang bzhin med pas don dam pa yang yin te zung du 'jug pa'o//'di nyid sgrub pa po dbang po rab kyis bsgom pa yin no/ /chung ngu ni rim pa dang pos ji lta bar lha'i skur bsgom pa'i bdag nyid rim gyis sam/ cig car du 'od gsal du rab tu 'jug cing ldang ba dang / rdo rje'i bzlas pa dang chung ngu'i chung ngus ngag gi bzlas pa yang goms par bya'o//'di gnyis ka'i dbang du byas nas gsungs pa'i rdo rje'i bzlas pa ni rim pa gnyis pas rgyas par bstan to/ /blo gros 'bring gis ni skad cig ye shes rdzogs pa'i rnal 'byor rdzogs pa zhes brjod do zhes gsungs pa'i phyir ro//skad cig gis sgyu ma'i rang bzhin lha'i skur bshad pa'i bdag nyid rim mam/ cig car du 'od gsal du 'jug cing ldang ba'o/ /de ni dang por bdag byin gyis brlab pa'i ming can kun rdzob kyi bden pa'i longs spyod rdzogs pa'i sku gnyis pa gsum pa bsgom pa'i phyir 'jug pa yin no//de'i rjes su kun rdzob kyi bden pa dang tha mi dad par bsgom par bya'o/ /'on kyang de kho na nyid bsgom pa kho nas mi nus pas tha dad ltar rnam par gzhag pa'i rang bzhin med par rab tu 'jug pa dang / bden pa gnyis tha dad pa'i tshul gyis ldang ba'i phyir slob pa'o//kun rdzob kyi ngo bo nyid rang bzhin med pa ni don dam pa ste rang bzhin gyis rnam par dag par 'od gsal du brjod pa yin gyi/ de tha dad par yod pa ma yin pas tha mi dad par bsgom par bya'o/ /'on kyang de kho na nyid bsgom pa kho nas bsgrib pa glo bur ba'i tshogs ma lus pa zad par 'gyur bas 'od gsal gyi cha 'bad par bsgom par bya bar shes nas rim pa bzhi pa dang rim pa dang po la slob pa'o//de nyid kyi phyir dbang po rab kyis lha rnams bsgom pa dang / rab tu 'jug cing ldang ba dang / bzlas pa bzhag nas stong pa nyid kyi cha la 'bad de bsgoms pas/cig car skad cig rdzogs pa lha'i sku zung du 'jug pa rgyun ma chad par bsgom pa'o/ /de ltar 'di rnams gang zag tha dad kyi rim pa lnga yin no/ /kha cig ni gang zag gcig kho na dang por chung ngu yin pas bskyed pa'i rim pa bsgom pa sngon du 'gro bas 'od gsal la rab tu 'jug cing ldang ba dang /bzlas pa'i rim pa dang po gnyis kyis goms par byas nas de'i blo gros 'bring du gyur te skad cig gis lha'i skur 'char ba de rim pa gsum pa dang bzhi pas rab tu 'jug cing ldang ba'o/ /de goms rab tu gyur pa las zung du 'jug pa lha'i skur ldang ba nyid rim pa lnga pas so zhes pa ni rnam par gzhag pa gnyis pa'o//gnyis ka la yang zung du 'jug pa'i bdag nyid kyi bcom ldan 'das rdo rje 'dzin pa gsang sngags kyi theg par sku bzhi'i bdag nyid du bsgrub par bya ste/ de nyid kyi phyir de la phyag 'tshal te/ de la khams gsum pa'i spyod pa las grol zhes pa ni 'dod pa dang / gzugs dang gzugs med pa'i sems can rnams ni khams gsum pa ste/ de dag gi spyod pa ni gzung ba dang 'dzin par sgro btags shing rab tu 'jug pa la sogs pa ste/ kun nas nyon mongs pa gsum gyi khongs su bsdu ba'o//de las grol ba ni rten yongs su gyur pas rnam par byang ba mtshan ma med pa chos kyi sku'o/ /mkha' dang mnyam gyur ni 'dra bar rtogs pa ste/ 'dus ma byas pa dang rtag pa dang 'gyur ba med pa dang dbyibs dang kha dog la sogs pa dang bral ba dang / rang bzhin gyis yongs su dag pa dang /ro gcig pa nyid la sogs pa dang 'dra ba'o/ /phung po la sogs pa'i dngos po thams cad rten cing 'brel bar 'byung ba 'dus byas pa kun rdzob kyi bden pa rnams kyi ngo bo ni don dam pa rang bzhin med pa'o/ /de bas na 'di rtag tu kun la khyab pa nyid du bstan to/ dag cing ni nyon mongs pa'i sgrib pa dang bral ba'o/ /zhi ba ni shes bya'i sgrib pa spangs pa'o/ /dben pa ni de gnyi ga'i bag la nyal bcom pa'o/ /de ltar nyon mongs pa la sogs pa mi mthun pa'i phyogs thams cad zad pa'i rnam par byang ba la sogs pa'i yon tan gyi tshogs kyi mthar thug pa'i phyir mchog tu dge ba'i rang bzhin no//de ni nyan thos dang / rang sangs rgyas dang / byang chub sems dpa'i rtogs pa las rtogs pa 'di bla na med par bstan to/ /de nyid kyi phyir rnal 'byor pa nyid yul te/ yang dag par rdzogs pa'i sangs rgyas rnams kho na'o/ / ji ltar nas bcu'i dbang phyug rnams kyi yul ma yin zhe na gsungs pa rtogs dka' ste/ rnam pa thams cad du mngon du ma gyur pa'i phyir ro/ /brtag par dka' ba ni bag la nyal ba dang bcas pa'i sgom pa lhun gyis grub pa'i yang yul ma yin no/ /brtag par dka' ba'i rang bzhin zhes bstod pa'i phyir ro//bdag gzhan rab phan zhes pa ni chos kyi sku nyid do/ /dben pa las ni tha mi dad/ /dben pa gang phyir 'dod pa yin/ /zhes bshad pa'i phyir longs sku'i rang bzhin dang gzhan gyi bla na med pa chos kyi bdud rtsi'i ro la dga' bas longs spyod pa'i phyir ro/ /bdag dang gzhan la phan pa phun sum tshogs pa chen po'i rten gyur zhes kyang bstod pa'i phyir ro//khyab cing de nyid de kho na bzhin du sprul pa'i sku'i ngo bo ste/ mthar thug pa med par khams gsum gyi sems can re re la sprul pa'i skus khyab pa'o/ /phrin las khyab pa nyid kyi phyir/ /sangs rgyas khyab pa nyid du brjod//ces mngon par rtogs pa'i rgyan las gsungs so/ /mtshan ma med pa ni yod med dang / gzung 'dzin dang rtag chad dang / tha dad pa dang / gcig la sogs pa sgro btags pa'i bye brag ni mtshan ma ste/ de dang bral ba rang bzhin med cing spros pa dang bral ba'o//rgyal ba'i bde ba ni chos kyi sku nyid lhan cig skyes pa'i bde ba dang tha dad med pa bde ba chen po'i sku'o/ /de bas na bde ba chen po'i tshul gyis mnyam med kyang yin la stong pa nyid du mnyam pa yang yin no/ /yod pa la sogs pa'i rtog pa rnams nyams pas mi rtog pa dang bden pa gnyis dang ro gcig pa zung du 'jug pa'i sku yin pas mi rtog sku gcig yin no//rdo rje'i theg pa 'dir bde ba chen po dang ro gcig pa'i longs sku yang bsod nams dang ye shes kyi tshogs kyi sprul pas sprul pa'i sku zhes rnam par gzhag go/ /sku gsum po de yang kun rdzob kyi bden pa ste/de rang bzhin med pa ni 'od gsal chos kyi sku don dam pa'i bden pa'o/ /de ltar bcom ldan 'das kyis gsungs pa'i don sgron gsal du bris pa ni/ sku gsum dag ni tha dad par/ /skyob pa yis ni yang dag bstan/ /rdzogs pa'i rim pa'i sbyor ba yis/ /rnam gcig tu ni gyur pa'ang yin//gang zhig sangs rgyas sku mtshan nyid/ /kun rdzob bden pa gsungs pa yin/ /de nyid rdzogs par sbyor gyur pas/ /'od gsal bas ni rnam dag 'gyur/ /tshig gi lam gyi yul 'di nyid/ /gtso bo ye shes sku rang bzhin/ /sems can kun la phan pa'i phyir/ / 'ja' tshon bzhin du snang ba yin/ /zhes so/ /de lta bas na bden pa gnyis ni bdag gcig pa nyid do/ /ldog pa'i dbye bas sku bzhir rnam par gzhag go/ /la lar ni sku lnga ste/ gdul bya'i khyad par rjes su gzung ba'i phyir ro/ /zung du 'jug pa'i sku yongs su brtags nas so/ /gang 'dis sprul pas sprul pa'i sku de yang stong pa nyid dang snying rje tha mi dad pa bde ba chen po dang ldan pa'i sems kyi rnam pa tsam yin pas longs sku ma gtogs pa sku gsum gyi bdag nyid du rnam par gzhag go//la lar ni gdul bya 'ga' zhig la sprul pa'i sku don dam pa'i sku gcig pur bstan to//de lta bu'i rang bzhin gyis bstod pa sngon du 'gro bas phyag byas nas/ 'jug pa'i yan lag yin pas brjod par bya ba la sogs pa bshad par brtsams te/ dpal ldan zhes bya ba la sogs pa'o/ /drang ba dang nges pa'i don dang / dgongs pa'i bshad pa dang / dgongs pa ma yin pa dang /sgra ji bzhin pa dang / ji bzhin ma yin pa ste/ mtha' rnam pa drug go/ /snying po'i don can gyi gzhung rnams bsdus pa ni paN+Di ta ste de nyung ba yin pas paN+Di ta'o/ /byang chub sems dpa' rnams kyi nyon mongs pa ni rnam par rtog pa yin pas/ rnam par rtog pa rnams dang rnam par rtog pa'i bag chags rnams ni rnam rtog bag chags yin la/sems nyon mongs par byed pas nyes pa ste/ nyon mongs pa dang shes bya'i sgrib pa'i rang bzhin 'dod chags la sogs pa'o/ /rnal 'byor ni thabs dang shes rab snyoms par zhugs te/rgyud ni bstan par bya ba yin pas rgyud thams cad 'bras bu'i bdag nyid can no/ /'dis ni snying po bsdus pa'i dngos grub thams cad bsdus pa'i rnal 'byor gyi rgyud 'di'i brjod bya dang / de nyid bstan pa'i dgos pa dang / dgos pa'i dgos pa ni sgrib pa gnyis byang ba dang /de'i 'bras bu'i rgyud rtogs par bstan pa'o/ /des ni byang bar bya ba'i phyir rnal 'byor gyi rgyud spros pa dang bcas pa dang spros pa med pa dang / shin tu spros pa med pa'i spyod pa rnams spyod cing bde bas bsgom par bya'o zhes gsungs te/ 'dod pa lnga ni zhes bya ba la sogs pa'o/ /rdo rje'i theg pa 'dir sdom pa ni rdo rje sems dpa'i sdom pa'o//mi phyed pa ni bsgoms pa las mi dge ba'i bshes gnyen dag gis so/ /stong pa dang ro gcig pa'i phyir 'di'i sku gsung thugs rdo rje yin pas sku gsung thugs kyi rdo rje ste rdo rje 'dzin pa'o/ /zhe sdang zhes bya ba la sogs pa ni 'dir sgrub pa pos dang por snying gar nyi ma la gnas pa'i sa bon hUM gi 'od zer de dag gis 'og min nas dkyil 'khor sa bon dang bcas pa'i rdo rje 'chang spyan drangs la mdun gyi nam mkha' la bltas te/sa bon las byung ba'i me tog la sogs pa dang / gzugs rdo rje ma la sogs pas yang dag par mchod de/sdig pa bshags pa la sogs pa nas stong pa nyid kyi bar du bsgoms la sems las byung ba'i sna tshogs pad+ma la gnas pa'i yi ge AHlas byung ba'i nyi ma la b+h+rUM ser po las byung ba'i 'khor lo ser po rtsibs bcu pa g.yas skor du 'khor bar bsams te/ de'i lte bar bdag nyid skad cig gis rdo rje sems dpa' sku mdog dkar po zhal gsum phyag drug pa rang snang gi shes rab ma dang ldan pa/dang po'i mgon po 'og nas 'chad pa'i phyag mtshan can du mos nas/ rang gi snying ga'i sa bon gyi 'od kyis 'chad par 'gyur ba'i dkyil 'khor spyan drangs la/kha'am dag pa'i sgo nas rab tu zhugs te/ rdo rje'i lam nas 'thon nas/ /lha mo'i pad+mar badzra d+h+r-i ka dang / hUM bcu'i tshul du spros te/ thugs kyi rdo rjes gtso mdzad pa'i khro bo gzhug par bya'o/ /de bzhin gshegs pa la sogs pa dang lha mo rnams la gsol ba btab pa ste/spyan drangs nas dbang bskur la rgyas btab par bsam par bya'o/ /'dir stong pa dang snying rje'i rang bzhin rdo rje sems dpa' dang mi bskyod pa gnyis tha mi dad kyang gzhan don byed pa'i gtso bo snying rje yin pas 'dir dkyil 'khor gyi gtso bo ni mi bskyod pa'o/ /de yang stong pa nyid la dbang nyid kyis gzhan don byed pa'i phyir rdo rje sems dpas rgyas btab pa'o//gang gi tshe rdo rje sems dpa' gtso bor gyur pa de'i tshe mi bskyod pas rgyas btab ba'o/ /de bzhin gshegs pa rnam par snang mdzad la sogs pa gang yang rung ba gtso bo yin na yang ngo / /de bzhin gshegs pa lnga'i ral pa'i thor tshugs la rdo rje 'dzin pa bdag por bsgom zhes bya ba ni sgron gsal du lugs gzhan gsungs pa'o//lha rnams la rang rang gi rigs kyi bdag pos rgyas btab pa ni rdzogs pa'i rnal 'byor gyi phreng ba las gsal lo/ /'dir dkyil 'khor gyi gtso bo nyid yum dang bcas pa'o//'di tsam gyis dkyil 'khor rgyal po mchog ces bya ba'i ting nge 'dzin ni gnyis pa'o/ /sna'i rtse mor ni mi'i sna ste/ de la yungs 'bru ni byang chub kyi sems de g.yo ba'i phyir dang / yungs 'bru'i tshad tsam yin pa'i phyir ro/ /g.yo ba ni lha'i 'khor lo'o//mi g.yo ba ni gzhal yas khang ngo / /'jig rten las 'das pa'i ye shes kyi gnas ni rgyu'o/ /mchog ni 'ja' tshon lta bu yin pas so/ /gsang ba ni phyi rol gyis brtags pa'i rnal 'byor la zhen pa rnam pa la bstan par mi rung ba'o/ /shes pas brtags pa ni shes pa nyid du bsam pa ste yid kyi rang bzhin zhes bya ba'i don to//gnyis pa phra ba'i rnal 'byor bshad par bya ste/ lnga pa lhan cig skyes pa ni rigs lnga'i kha dog gang yang rung ba'o/ /rin chen zhes pa ni yid bzhin gyi nor bu rin po che lta bu dgos 'dod 'byung ba'i phyir te/ rang gi lha'i gtso bo phyag mtshan g.yas pa'i dang por bshad pas so//sna ni sna'i dbang po ste rin chen zhes bya ba ni sems brtan par gyur na phyag mtshan dang des nye bar mtshon pa'i brtan pa dang g.yo ba las sangs rgyas kyi tshogs gzhan don du spro bar bya'o zhes bya ba'i tha tshig go/ /rang gi 'od zer 'bar ba dang mnyam pa'i 'od zer gang yin pa de sangs rgyas gang la yod pa'o//da ni rdo rje'i bzlas pa bshad par bya ste/ slong mo zhes bya ba'i drang don ni go sla'o/ /nges pa'i don ni gang la yi ge tha dad par yod pa de ni b+hi k+Sha ste/ brjod par bya ba'i sngags kyi bdag nyid can no//de la mngon du phyogs pas bzlas par mi bya'o/ /gal te bzlas na de'i tshe de la chags par mi bya'o/ /sngags ni yi ge gsum ste/ 'chad par 'gyur ba'i rim pas bzlas so/ /yan lag nyams pa ni thabs dang shes rab tha mi dad pa'o/ /ngag gi bzlas pa bshad pa ni brjod nas zhes bya'o//rdo rje ni yi ge gsum la sogs pa'i sngags te/ lhag pa'i lha spro zhing ngag tu bzlas so/ /bzlas pa'i rjes la spros pa'i lha rnams rang la bsdu'o/ /don dam ni mchog gi zhi ba la sogs pa ste/ de'i ched du'o/ /sgron ma gsal bar don gzhan du bshad pa ni tshigs su bcad pa gzhan gyi ste/'phags pas gsungs pa'i ngag gi bzlas pa'i tshig le'ur byas pa'i ma yin no/ /gzhug par bya zhes pa ni rim mam cig car gyis so/ /drod gsher las skyes pa'i rnam par dag pas zhu ba'i thig le'i tshul de gzhag go zhes zer ba ni dbugs rlung bzhin du kun du mi dmigs pa'i ming can yang dag pa'i mthar rab tu gzhag go zhes bya ba'i don mi shes pa kho na'o//khyod ces pa ni mdun du bzhugs pa lta bur bsams la spyan mas bskul par ro/ /rdo rje'i thugs ni sems la dbang thob pa'i phyir ro/ /gnas kyi dbang phyug ni khams gsum du chos kyi rgyal por 'gyur ba'i phyir ro//sems can gyi khams ni 'byung po thams cad kyi rang bzhin yin pas so/ /dga' ba ni rol pa ste de la spro ba bskyed pa'o/ /don chen ni lhan cig skyes pa'i dga' ba ste/ 'dod pa ni bskyed pa ste/ 'khyud pa la sogs pa'o/ / 'dir rten gsol zhes pa ni dga' bar bgyis pa'o/ /yab gcig ces pa ni sems can thams cad skye ba'i rgyu yin pa'i phyir ro/ /gnyen mchog chen po ni sems can thams cad la phan par mdzad pa'i phyir ro/ /mA ma kIs bskul ba ni nyams pa med pa'i rdo rje'i sku'o/ /sku ni sems can kun la phan pa'i rjes su bstan pa gang yin pa'o//sangs rgyas ni phung po lnga ste/ de dag don ni kun rdzob kyi bden pa'o/ /byang chub ni don dam pa'i bden pa'o/ /mchog tu ni de bden pa gnyis kyi sbyor ba las byung ba'i bde ba chen po'i snying po'o/ /de sems can rnams la bstan pas phan par ston pa'o//chags pas ni chags pa rnam par sbyangs pa'i rnam pa'o/ /chags pa'i dam tshig ni chags pa la spyod pa'o/ /gos dkar mos bskul ba sems can gyi khams kun la dga' ba'i phyir spyod pas sems can gyi khams kun du bzang po ni dge ba gang las so//sgron mas rdo rje'i 'dod pa ni sems can thams cad dga' bar byas pa'i phyir ro/ /dam tshig ni las kyi rigs can rnams te/ de'i mchog yin no/ /gdung mchog ni bya ba grub pa'i ye shes nyid kyis 'gro ba'i don mdzad pa'o/ /yon tan gang gi phyir dga' ba dang dga' bral dang dga' ba bar ma dang 'od gsal gyi ye shes bdag gis bskyed pa yin no//de ltar tshangs pa'i gnas bzhi'i rang bzhin gyi lha mo rnams kyis bskul ba dang / sngon gyi smon lam gyis stong pa nyid kyi sbyor bas las bzhengs pa'o/ /nyon mongs pa rnams kyis 'di'i rdo rje'i thugs bskyod mi nus pas mi bskyod rdo rje'o//ye shes chen po'i ni stong pa bzhi'i bdag nyid yin pas so/ /mi bskyod pa la sogs pa'i rdo rje 'dzin pa rdo rje'i dbyings so/ /bden pa gnyis mkhyen pas mkhas pa chen po'o/ /sku dang spros pa dang don dam dkyil 'khor gyi rang bzhin pas dkyil 'khor gsum mo//sku gsung thugs rdo rje'i mchog yin no/ /gsang ba gsungs shig pa'o/ /rnam par snang mdzad ni 'od gsal gyi mes snang bar mdzad pa'o/ /de nyid kyi phyir dag pa chen po'o/ /rdo rje ni de bzhin gshegs pa rnams te de rnam par dag pa'i tshul gyis zhi ba ni drug pa'o//dgyes chen zhes pa ni mchog tu dga' ba'i rang bzhin yin pas so/ /rang bzhin gyis rnam par dag pa'i chos kyi mchog rnams ston cig kye'i rdo rje zhes pa'o/ /rin chen rgyal po ni rin chen gyi rigs can rnams la dga' ba bskyed pa'o//rab tu zab pa ni mnyam pa nyid kyi ye shes ngo bo yin pa'i phyir ro/ /de nyid kyi phyir rdo rje nam mkha'i dri ma med de/ gdod nas dag pa'i phyir rang bzhin gyis yongs su dag pa'o/ /chos thams cad kyi ma rig par gos pa med pa'o/ /dpag med rdo rje rgyal po che//zhes pa ni rigs lnga'i rigs rnams la dbang chen por gyur pas so/ /'dod chags ni zhen pa ste/ de'i pha rol tu phyin pa'o/ /don yod rdo rje rdzogs sangs rgyas ni don yod grub pa'i rigs can rnams kyis bskur ba'i phyir ro/ /dag pa'i ngo bo nyid ni 'od gsal ba ste de las byung ba'i phyir ro//bstod nas ni bdag nyid bstod du bcug pa dang / lha mo rnams kyis mchod du bcug nas so/ /rjes chags zhes pa ni spros nas lha mo'i 'khor la 'khyud de bde ba chen po dang ldan par byas nas dkyil 'khor gyi 'khor lo'i de kho na nyid kyi mchog 'od gsal dang ro gcig pa bde ba chen po'i rang bzhin ni dkyil 'khor ba rnams yongs su dag pa'i phung po la sogs pa'i rang bzhin la bstan nas so//'khor lo ni rnam par snang mdzad la sogs pa'i dkyil 'khor ba rnams te/ de rang gi lus la rab tu gzhug pa'o//gcig pu ni de dang bcas pa'o/ /rang gi snying ga na gnas pa'i yi ge hUM spros te/ yongs su gyur pa las sems can rnams rdo rje 'dzin pa'i rang bzhin du bsams la/ de'i yid dang ldan pas sbyang do zhes thams cad kyi don bsdus pa yin no/ /hUM nyid snying po bskyed pa'i rgyu yin pas hUM gi snying po'o//de ltar 'dir drod gsher las skyes pa'i rnam par dag pa bstan pa'o/ /ting nge 'dzin ni mgo steng gi nam mkha' la oM las byung ba mgo thur du bstan pa'i yi ge oM gyis byin gyis brlabs pa'i zla ba'i dkyil 'khor las bdud rtsi'i rgyun gyis bdag nyid gsal gdab par bya'o//zan la sogs pa bdud rtsi lnga dang sgron ma lnga'i rang bzhin yi ge oM gyis mtshan pa'i thod pa'i nang du bsams pa ste/ steng du hUM las byung ba'i mes bzhu zhing bskol ba dan/ AH yig gis dri ma med par byas nas ye shes kyi bdud rtsi'i rang bzhin du mos pa ni khas zas sbyang ba'o//dung zhes pa ni dung dmar po'i rnam pa can gyi mgrin pa bsams nas de'i steng du pad+ma'o/ /sprin gyi sgra ni yi ge hUM ngo / /sreg pa ni bdud rtsi myang bya'o/ /de nas rlung gis me bskyod/ nges chu bskol te des kyang kha zas bzhu nas zas de yang steng 'og gi rlung kha sbyor gyis yongs su bsgyur ro//de'i snyigs ma ni thal ba bzhin 'thob pa de tsam gyis las kyi rgyal po mchog ces bya ba ting nge 'dzin gsum bstan to/ /de ltar bskyed pa'i rim pas grub pa'i rdo rje 'chang gi skur lhag par mos pa tsam ni lus kyi dben par gsungs so//'di ltar skabs dang por yang rang bzhin gyis yongs su dag pa'i de bzhin nyid kyi bdag nyid du mos pas brtan par nus kyang / sgrib pa rnam par dag pa'i de bzhin nyid kyi bdag nyid du mos pa ni mi nus so zhes dgongs nas spyod bsdus kyi lus rnam par dben pa'i le'ur bdag rang bzhin gyis yongs su dag go zhes rang nyid brten par bskyed nas/rdo rje gsum mi phyed pa'i bdag nyid can gyi rdo rje 'chang chen por lhag par mos pa ni byin gyis brlab pa'i sbyor bas brjod do zhes gsungs so/ /gang gi phyir skabs 'dir phal cher lus la bems po'i rdul phra rab kyi phung po'i rang bzhin du 'khrul pa ni ngang gis 'byung la/rang bzhin gyis rnam par dag pa'i de kho na nyid kyi bdag nyid yid kyi skur lhag par mos pas shin tu 'bad kyang brgya lam tsam las mi 'byung bas chung ngu yin la/ mi bstan pa'i rang byin gyis brlab pa'i rnal 'byor du brjod do//de bas na 'di med pa dang mtshungs pas spyod pa bsdus pa'i le'u drug pa las gsungs pa/ lus kyi dben pa la lha'i sku med de zhes pa ste/ rdo rje gsum mi phyed pa yid kyi sku'o zhes bya ba mdor bsdus pa'i dgongs 'grel lo/ /rdo rje bzlas pa'i zhes pa ni ngag tu brjod par bya ba ni ma yin pa dang /gzhan gyis mi phyed cing stong pa nyid dang ro gcig pa'i phyir/ bzlas pa ni yid kho nas bsam par bya ba'i phyir ro/ /de la goms pa'i rim pa ni bskyed pa'i rim pas mdor bsdus pa'i rim pas spros pa dang bcas pa'i bsgoms pa las byung ba'i lha'i sku 'khor dang bcas pa ste/rdo rje bzlas pa'ang de ltar bsgom pa goms shing dang por de'i yan lag tu bshad pas bskyed pa'i rim pa rnam par gzhag go/ /'di ltar spyod pa bsdus pa'i dag dben gyi mthar nye bar bzhed pa de ltar gsung gi rdo rje'i ting nge 'dzin la gnas pa'i bskyed pa'i rim pa las 'das nas sems kyi dben pa rjes su tshol lo zhes bya ba'o//skad cig gis yongs su rdzogs pa lha'i skur skad cig gis dmigs pa ni rdzogs pa'i rim pa ste/ de la ltos pa nyid kyis spyod bsdus las/ ngag gi rnam par dben pa ni bskyed rim pa la spyod pa rnams kyi spyod yul ma yin no zhes gsungs so//rnam pa thams cad kyi rdzogs pa'i rim pa ni zung du 'jug pa'i sku nyid do/ /de sgom pa'i thabs yin pa dang / skad cig gis rdzogs pa'i tshul du bsgom pa'i phyir rdo rje'i bzlas pa dang / sgyu ma lta bu'i lha'i sku dang 'od gsal ba rab tu 'jug pa ni rdzogs pa'i rim pa'o//'di ltar skad cig gis lha'i bdag nyid du bsgyur bas dang po bya ba dang smra ba la sogs pa dang / zhi ba la sogs pa'i las kun byed pa'i snying dang bshang lam dang / lta ba dang mgrin pa dang lus thams cad la gnas pa'i srog rlung dang thur sel dang mnyam gnas dang /gyen rgyu dang khyab byed kyi bdag nyid can dang / mig gi dbang po la sogs par gnas pa'i ni klu dang / rus sbal dang rtsangs pa dang / lha sbyin dang / nor las rgyal dang / rnam pa bcur 'gyur ba'i rnam shes rlung gi de nyid blta bar bya ste/ de yang kun rdzob dang don dam par ro gcig tu gyur pa'i yid kyi rang bzhin byang chub sems de nyid dgongs pa lung ston du gsungs pa/rlung ni byang chub sems yin te/ nam mkha' las ni rnam gnas pa/ /zhes so/ /yang / 'di ni byang chub sems kyi ngo bo 'di/ /phung po la sogs gnyis su med dang mnyam//shes rab thabs cig sbyor ba yis/ /'gro rnams byang chub sems su 'gyur/ /zhes pas ji ltar phung po la sogs pa'i gnyis su med pa'i sems yin pa de ltar rlung yin no/ /de'i rjes su ji srid 'jig rten brda rnams ni/ /de bzhin sna tshogs rtag pa rnams/ /byang chub sems la byung ba de//rtag tu rnam rtog rlung la sogs/ /zhes dgongs pa lung ston du gsungs pa'i phyir ro/ /rnam par rtog pa'i rgyu rlung yin pas nang du rtog pa'i bdag nyid can ni rdo rje'i bzlas pa yin no/ /de ni oM AH hUM zhes pa yi ge gsum dbugs rngub pa dang gnas pa dang 'byung ba'i rang bzhin du yongs su shes pa sngags kyi dmigs pa gang yin pa de la slob pa yin no//de la brtan pa thob nas sems kyi dmigs pa ji lta ba bzhin du yongs su shes pa ste/ des lus dang ngag dang sems kyi mtshan nyid rnams su shes rab dang thabs dang dmigs pa'i shes pa rnams ro gcig pa'i tshul du yid kyi rang bzhin lha'i sku sgyu ma lta bu'i ting nge 'dzin kun rdzob kyi bden pa lus ngag yid kyis dmigs par nges par spyod do//thob pa'o/ /de bag chags dang bcas pa rnam par sbyang ba ni 'od gsal don dam pa la 'jug pa'o/ /de nas kun rdzob kyi bden pa dang don dam pa'i bden pa gcig tu byas par rgyu med pa'i ye shes kyi rang bzhin rdo rje lta bu'i ting nge 'dzin zung du 'jug pa'i rgyun gyis rim pa ni rdzogs pa'i sbyor ba'o//de yang mthar thug pa'i 'khrul pa'i bdag nyid can ni/ /rdo rje 'dzin pa'i sa la'o/ /dang por rgyu'i skabs su ni de'i mos pas sgom pa'i phyir rdzogs pa'i rnal 'byor du brjod ces bya ba ni brgyud pa dang bcas pa'i bsdus don yin no//sna'i rtse mor ni sna'i dbang po'i bu gar ro/ /'gro ba yin pas na yungs 'bru tsam yin pas yungs kar phra bar 'dra bas rlung yin no/ /'gro ba ni yi ge e dang hUM dag go/ /mi 'gro ba ni yi ge AHyin no/ /ye shes gnas ni snang ba dang /snang ba mched pa dang / snang ba thob pa'i ye shes pa gsum gyis sbyor bas so/ /mchog ni dkar po la sogs pa'i kha dog dang ldan pa'i phyir ro/ /gsang ba ni lha'i bskyed pa'i rim pa tsam bsgom pa rnams kyi yul ma yin pas so/ /ye shes brtags pa ni 'od gsal gyi ye shes kyi rang bzhin yin pa'i phyir ro//kha dog lnga ni rnam par snang mdzad la sogs pa de bzhin gshegs pa'i rang bzhin me long lta bu'i ye shes la sogs pa lnga'i ngo bo 'od lnga'i rang bzhin yin pa'i phyir ro/ /rin po che zhes pa ni rlung brtan par 'gyur bas na yid bzhin gyi nor bu lta bur dgos 'dod 'byung ba'i phyir dang /de bzhin gshegs pa lnga'i rang bzhin yin pa'i phyir ro/ /snying po las zhes pa ni lus rnam par dben pa las so/ /ye shes lnga'i ngo bo ni rlung brtan par gyur na rim pa phyi ma phyi ma la goms pas me long lta bu'i ye shes la sogs pa skye bar 'os pa'i phyir ro//skyes na ni de'i ngo bo nyid du 'gyur ro/ /nyid ces pa ni rlung gi ngo bos so/ /dbus na ni de dang bdag gcig pos lha ni ye shes gsum ste/ sngags dang lha tha mi dad par mos pa'i phyir ro/ /mi gsal ba ni don dam par rang bzhin med pa'o/ /gsal ba ni kun rdzob tu'o//gso bar byed pa dbugs te/ steng du gnas pa'i rlung yin no/ /de dbang po gnyis sprad pa'i sbyor bas 'dod chags chen po'i mes zhu nas rdo rje'i lam nas 'thon te/ shes rab ma'i pad+ma'i rtse mor byang chub kyi sems thig le'i tshul du lhung ste/ gang bskyed pa'i rim pa sgom pa pos rdo rje sems dpa'i tshul du bsgom pa'o//rlung de nyid steng ni sna'i bu gnas dkyil 'khor bzhi'i rim pa las 'byung ba ni srog rtsol zhes brjod de/ 'tsho bar byed pas srog kyang yin la/ snang ba gsum gang yang rung ba'i rang bzhin gyi bye brag spro ba sems kun nas sdud pa ni rtsol ba yin pas srog rtsol te rlung yin no//de nyid gsungs pa/ rlung gi gang dang gang du gnas/ /rang bzhin de dang der 'gyur ro/ /zhes so/ /srog ni tshe ste rtsol ba ni de ring du gang gis gtong ba de ni srog rtsol gyi rlung zhes sgron gsal du gsungs so/ /de la srog dang sems dang 'tsho ba rnams ni rnam grangs te/gang gi phyir srog ni sems su 'dod ces rgyud las gsungs pa'i phyir ro/ /dbugs de nyid brtan par bya ba'i phyir/ snying gar rang gi sngags ting nge 'dzin sems dpa' bsams la/ de'i thig le'i steng du nA da'i rnam pa'i rang bzhin gyi sems ni yid kyi ngo bor bsam par bya'o//'dis srog rtsol gyi yan lag bshad zin to/ /yan lag drug kyang 'chad par 'gyur ro/ /nges par 'byung ba ni srog rtsol lo/ /lkog ma dang lte ba dang gsang ba'i pad+mar 'gro ba dang 'ong ba ni phal cher shas che ba'i me dang chu dang rlung dang sa'i dkyil 'khor gyi dbye bas rim pa nye bar mtshon pa gnas pa yang ngo //'od kyi 'od kyi bdag nyid can gyi rlung yin no/ /sna'i bug g.yas pa'i ngos kyi steng du rgyu ba'i rlung ni me'i dkyil 'khor gyi rang bzhin no/ /g.yon gyi ngos su thad kar rgyu ba ni rlung gi 'khor lo'o/ /drang po gnyis ka las rgyu ba ni sa'i 'khor lo 'o//'og tu rgyu ba ni chu'i 'khor lo'i rang bzhin lus thams cad la khyab par byed pa'i rlung gang yin pa de ni bde ba skyed pa'i 'os su gyur pas bde ba'i tshul du nam mkha'i rang bzhin te/ de'i tshe re re'i 'od zer dkar po'i ngo bo ni mngal nas phyir 'byung ba nas brtsams nas la sogs pa'i 'khor bzhi'i gang yang rung ba sna'i bug nas byung ba dang lhan cig 'gro'o//spyod pa bsdus par 'di kho na bzhin du gsungs te/ de bzhin gshegs pa lnga'i kha dog can gyi 'od zer rnams 'byung ste/ nam mkha'i khams kyi dkyil 'khor phyi sa la sogs pa'i khams bzhi la khyab pa'o/ /rlung bcu po ni 'byung ba dang rngub par 'gyur zhing 'khor lo bzhi'i bdag nyid can 'byung ba lnga'i ngo bo nyid ces bya'o//shi ba'i lus la ni khyab byed thams cad nges par 'thon la/ nam mkha'i dkyil 'khor ni sa la sogs pa'i dkyil 'khor bzhin du rang dbang gis tha dad du 'byung ba ni ma yin no//gzhung gzhan du byung nas tha dad du nam mkha'i dkyil 'khor bstan pa ni mu stegs rnams gdul ba'i don du drang don te/ dper na snod kyi 'jig rten gyi tshad bstan pa lta bu'o/ /'di yang rgyas par brgyud pa'i snye mar nges par dpyad zin to/ /rtog ge rnams ni snying rlung can no/ / rnal 'byor byis pa ni bskyed pa'i rim pa'i lha tsam sgom pa rnams so/ /bdag nyid ni rdo rje 'dzin pa chen po ste/ de'i sku las yi ge oM dang / gsung las yi ge AHdang / thugs las yi ge hUM ngo / /tshig gi lam ni zhal te nges par brjod pa ni gsungs pa'o/ /sngags ni pho mo 'am ma ning gi rang bzhin gyi yi ge rnams te/de gang du btus par gyur pa rnams ni sngags btus pa'o/ /de ni yi ge oM la sogs pa rnams kyi sku la rdo rje la sogs pa ste/ de rtogs pa ni stod pa nyid dang ro gcig pas rgyun ma chad par spro ba'i dus gsum du bzhugs pa'i de bzhin gshegs pa rnams brtags pa ni rang bzhin med par rtogs pa rdo rje'i bzlas pa ste/'dis rang bzhin med pa'i bsgom pa kho na la 'bad pa'i phyir ro/ /tshig 'dis don rtogs pa ste 'dir ngag yin no/ /dpal ldan ni phyag na rdo rje'o/ /sems can thams cad ni khams gcig rigs dang skye gnas kyi dbye bas dpag tu med de de'i tshul gyis 'byung ba'i tshul ni kun rdzob pa ste don dam par rang bzhin med pa'o//de bas thabs dang shes rab tha mi dad pa'i byang chub kyi sems dang / de kho na nyid zung du 'jug pa'i bdag nyid can rdo rje 'dzin pa chen pos de rtogs pa yin pas de bstan par gsal lo//rgyud gzhan du bstan zin mod ces pa la lan gsungs pa/ /sgrub pa zhes bya ba la sogs pa ste/ dgongs pa ma rig par khyab bdag gi gsung dag gang yin pa de ni bdag nyid kyi ste dbang du byas nas 'di gsungs pa yin la/ bdag kho nas gsang ba'i don 'di rig pa yin gyi gzhan gyis ma yin no zhes pa'i tshig ni de bzhin gshegs pa'i gsung 'jig par byed do//'di ltar mthar thug pa'i zung du 'jug pa ni de bzhin du lhag par mos pa dang de rtogs pa'i thabs brjod pa la sogs pa byang chub kyi sems su yang gsungs te/de las gzhan ni ma yin no zhes pa ni dgongs pa'o/ /de nyid gsal bar byed pa ni mi rtog ces bya ba la sogs pa ste/ som nyi med pa'i tshul gyis so/ /thun mong ni gzhan dag gis kyang thos pa'i phyir ro/ /rgyas par bshad cing yi ge gsum bsdus te dang po zhes bya ba'o/ / dang po yang yin la gcig kyang yin pas a'o/ /'chad par 'gyur ba'i sde tshan dgu yi ge bzhi bcu zhe dgu'i bdag nyid can gyi bcu tshan bzhi dang yi ge brgyad kyi dbus ma byas pa ni yi ge ha'o/ /dang po'i gcig po de dang yi ge ni ha ni bcings med du shes par bya'o/ /dbyangs yig bcu drug ni sde tshan dang po'o//nga nya Na na ma zhes lnga pa'i lnga pa ni yi ge ma'o/ /de ltar byas pas bzhi dang gsum ni gsum ste de dag sbyar ba ni 'brel bar bya'o/ /de la dang por a u ma yi ge rnams so/ /dbus su yi ge a gnyis dang tsheg drag dang ma ste bzhi'o/ /tha mar ha u mu rnams so//dbus su a tsheg drag gcig byas nas re re la gsum ste/ sku gsung thugs bstan pa'o/ /sku gsung thugs ro gcig tu gyur pa ni thig le la sogs pa dang bcas par byed pa'o/ /ring po ni dbus a yig go/ /yon tan ni dang po'i a la o yig go/ /sbyor ba ni ha dang U'o//bsrubs pa ni yi ge u dang dbus su a gnyis dang klad kor ro/ /des phan tshun du ma 'brel bar bstan to/ /ji ltar zhe na/ gsungs pa/ thung ngu zhes pa ste/ gang gi phyir a'i sbyor ba'i yi ge rnams phan tshun tha dad du brjod par nus kyi gzhan du ni ma yin no/ /de'i phyir a yig gis khyab pa'i phyir du ma ma yin rang gi mtshan nyid tha dad pas gcig kyang ma yin te/yi ge don dam par skye ba med cing rang bzhin med pa'o/ /des khyab pa'i ngag gi rang bzhin thams cad stong pa nyid kyi ngo bo ni dgos pa'o/ /stong pa nyid las byung ba'i spros pa med pa'i sngags btu ba yang bstan to//sngar bshad pa'i gsal byed rnams kyi dbyangs yig rnams te mo rigs so/ /mngon par phyogs pa ni ga la sogs pa'i pho'i ming rnams so/ /nga nya Na na ma/ r-i r-I l-i l-I rnams ni ma ning du rnam par gzhag go/ /sgra'i bstan bcos las ni rnam pa gzhan du bshad do//de ltar btus pa'i yi ge gsum 'og gi tha mar hUM dang / steng gi thog mar oM dang / bar du AH zhes pa rim pa bzhin du brjod par bya'o/ /de ltar brjod pa'i sngags kyis yid kyi bzhon par 'gyur ba'i nA da don dam pa rang bzhin med pa las byung ste/ byang chub sems kyi bdag nyid can no//des rgyud bzhin du sngags thams cad kyang bden pa gnyis tha mi dad par rtogs shing zlos te gzhan du 'dod pa'i don mi 'grub po zhes dgongs pa yin no/ /de nas ni sngags bzlas te/ bskyed rim bsgoms nas gzugs ni gzugs sku'o/ /lha'i sku gang du nye bar dmigs pa de ni nye bar dmigs pa'i ming can te/bden pa gnyis las tha mi dad pa'i byang chub sems dpa'o/ /de nyid gsum ni yi ge gsum las te/ bdag gcig pa'i tshul du gnas pa ste/ sngags kyi de kho na byang chub sems so/ /a ni gzhom du med pa'i nA da ste/de'i tshul gyis gnyis su med pa'i yi ge snying gar gsal bar bsgoms pa na thugs su 'gyur ro/ /rdo rje snying po'i rgyan las kyang / /mar me lta bur 'bar ba yi/ /snying ga'i dbus su gzhom du med/ /yi ge mchog tu phra ba ste/ /a yig mchog tu gtso bo yin/ /zhes gsungs so/ /chos thams cad kyi sgo ni yi ge a ste/gdod ma nas ma skyes pa'i phyir zhes gsungs so zhes bya ba 'dis bsam gtan thams cad kyi sgo sa bon gyi gnas su bcom ldan 'das kyis a yig gsungs so/ /gzhom du med pa ni dngos po dang dngos med pa la sogs par sgro 'dogs pa'i spros pas gzhom du med pa'o/ / yi ge ni nyams pa med pa ste/ don dam par skye ba dang 'gag pa med pa'i phyir ro/ /thabs dang shes rab kyi gzhi ni bden pa gnyis dbyer med pa'i phyir gnas so/ /yan lag mnyams pa ni rlung dang tha mi dad par ro/ /des rdo rje 'dzin pa'i rnal 'byor dang ldan pas snying ga'i a yig nA nga'i steng du yi ge a gnas la yi ge oM gyis sems can rnams sangs rgyas par byas la/sna bug las nA da de nyid la rab tu 'jug ste/ sangs rgyas par gyur pa'i sems can de nyid la spro ba'i yi ge hUM gis stong par byed do/ /de la 'jug pa gnas pa ldang ba'i byang chub kyi sems kyi bdag nyid can oM AH hUM zhes bya ba rim pas bsgom par bya'o//gos dkar la sogs pa ni gos dkar mo dang / sgrol ma dang / spyan ma dang / mA ma kI dang / me rlung sa chu'i dkyil 'khor gyi rang bzhin rnams so/ /so sor byung ba las ni 'byung ba rnams kyi grangs byas pa'o/ /'dir sa chu me rlung gi dkyil 'khor bzhi'i grangs sor nyis brgya lnga bcu ste/thun phyed la dbugs dgu brgya rgyu'o/ /khar yang 'pho ste thun phyed la bzhi'o/ /de ltar thun phyed nyi shu rtsa bzhi la dkyil 'khor bzhi'i 'pho ba ni nyi shu rtsa bzhi ste/ nyin zhag gcig la nyi khri chig stong drug brgyar 'gyur ba ni bzlas pa'i grangs so/ / 'dir la lan re sna bug gcig las bar ma chad par rlung 'pho ba gnyis rgyu la/ de'i rjes su 'pho ba gcig tu bshad pa ni mgrin pa'i rtsa 'dab bcu drug la bshad do/ /gzhan dag na re sna bug gcig la 'pho ba phyed dang gnyis/ de'i rjes su sna bug gzhan du 'pho ba phyed dang gnyis rgyu bas nyin zhag gcig la 'pho ba gcig nyid du 'gyur te/lte ba'i pad+ma'i rim pa gsum pa'i rtsa 'dab bzhi dor te 'pho ba gcig gnyis su rnam par bzhag pas phyi rol gyi 'pho ba dang mthun par bya'o/ /yang na phyi dang nang thams cad du mthun par gzhag pa ni mi dgos so/ /phyogs gnyis ka la phyi dang nang du 'pho ba phyed dang gnyis kyi thun phyed nas gzhag pa yin no//rdo rje phreng ba la sogs pa las ni 'pho ba re res nang thun phyed du gzhag pa tsam la 'gal ba med do/ /'di lta bu'i rgyas par bshad pa ni brgyud pa'i snye ma las shes par bya'o/ /rig ma ni shes rab ste/ de gtso bor byas pa'i theg pa ni rdo rje'i theg pa'o/ /yi ge'i grangs kyis ni 'bum tsho gsum mo/ /phyi rol bzlas pa ni ngag tu bzlas pa'o/ /sngags kyi don ni 'grub par bya'o/ /de yongs su gyur pa'i rdo rje can gyi bdag nyid dngos po yin pas de bsgom pa'i bar chad byed pa mtshon pa'i yig 'bru ngag tu mi bzlas so//gzhan ni des mtshon pa'o/ /sbyor ba gsum ni rdo rje gsum dang ldan pa'o/ /myur ba ni 'byung ba'i rlung ngo / /gnyis ka min pa ni gnas pa'o/ /brtan pa ni mi g.yo bar gyur pa'i rlung las so/ /gsang zhing dgongs ni nang gi rlung ste/ kha cig na re dgongs pa lung bstan zer ro//klog pa ni ngag tu brjod pa'o/ /bsam gtan ni sems khyad par du 'phags pa'o/ /bsten pa ni zhag gsum pas stong phrag bzhi bcu zhe brgyad bcas pa 'bum phrag drug gi bsnyen pa'o/ /phyag byas ni rdo rje sems dpa' bsgom pa sngon du 'gro ba'i don to/ /sngags ni ngag tu brjod pa'o//gzung ba ni btsan thabs su rlung gzung pa'o/ /gzhan dang gzhan ni mchod pa la sogs pa'o/ /ngag tu brjod pa'i sngags dang sbyin sreg la sogs pas bsgrub par bya ba ni sems bzlas pa kho nas 'grub po zhes ya yig la sogs pas bshad de/ ya'i don ni rlung gi dkyil 'khor las gnyis ni dngos dang shugs gnyis te/dper na chu'i dkyil 'khor rgyu ba la zhi ba'i las grub la/ gang na gnas yod pa'i sar bzhi ka yod de/ sa la sogs pa yod pas rgyas pa dang dbang du byed pa dang mngon spyod rnams ni shugs las 'byung ngo / /'bras bu chung ba'i phyir ngag tu bzlas pa dang sbyin sreg la sogs pa ni mchod pa la sogs pa spang bar bya ba bstan te/rnam par dag pa ni sdig pa zad pas so/ /'byor pa ni 'jig rten gsum gyi phun sum tshogs pa'o/ /bsam gtan ni 'dir rdo rje'i bzlas pa dang / sgyu lus dang 'od gsal gyi rim pa zung du 'jug pa'i sku bsgom pa'o//thar pa ni sgrib pa gnyis spang ba ste/ gang gi phyir nyon mongs pa dang shes bya'i sgrib pa gnyis kyis 'khor ba dang mya ngan las 'das pa gnyis la chags pas 'ching ba'i phyir ro/ /thabs ni dngos po'i mtshan nyid can/ /de dngos med pa shes rab nyid/ /ces gsungs pa'i phyir ro//thabs dang shes rab kyi rang bzhin snying rje dang stong pa tha mi dad pa de bzhin nyid don dam pa byang chub kyi sems bstan te de nyid bsgoms pas byis pa bzhin du yul rnams la zhen pa med pa'i spyod pa'o/ /'dod pa'i don phun sum tshogs pa lhun gyis grub par 'gyur ro//gsang sngags ni man+t+ra te/ man ni gang du bstan pa'i yid do/ /tra ni skyob pa yin pas don dam pa'i byang chub sems sngags yin no/ /de goms pa yang lhun grub tu 'gyur ro/ /brjod pa dang nye bar dmigs pa dang brdar gyur pa ni kun rdzob pa'i sngags so/ /nye bar dmigs pa ni brjod pa las byung ba'i phyir nye bar brtags pas las sngags yin no//sngags bzhi po 'di 'khor dang bcas pa ston par byed pas gsang ba 'dus pa la sogs pa ni gsang sngags kyi theg pa yin no/ /rim pa 'dir brdar gyur gyi sngags ni gtsor bstan pa ste/ ngag g.yem yin pa'i phyir ro/ / 'di ltar spyod bsdus las/ lus ngag dben gyi mthar thug ni rdo rje'i bzlas pa tsam yongs su shes pa ste/ de la lha'i rnam pa med do zhes gsungs so/ /de nyid kyi phyir gsung rdo rje zhes bya ba la sogs pa gsungs te/ gsung nyid rdo rje stong pa nyid de gsung gi rdo rje rang dbang du byas la byang chub sems kyi rang bzhin du rtogs pas gsung gi rdo rje bsgrub pa'o//sems tsam la ni bdag byin gyis brlab pa'i rim pa las te nges par sbyar ro/ /de nas bdag byin gyis brlab pa'i rim pa dang 'brel bar bstan to/ /sngags kyi rlom pa ni ngag tu bzlas pa la zhen pas so/ /gzung bar bya zhes pa ni rdo rje bzlas pa'i rim pa nas zung 'jug gi byang chub sems kyi gdams ngag gi rjes su gsang bar bya ste/ji ltar slob pas byang chub sems de la yod pa dang / yon tan dang ldan pa dang sgrub par nus pa'i nges par shin tu dad par 'gyur ro/ /gang las de rgyun mi 'chad par yun ring por dad pa dang bcas pas bsgoms shing grol bar 'gyur ro//de ltar goms par mi byed na yang ri dbang rtse la sogs pa ste grol bar 'gyur zhes pa ni thar par 'os pa nyid de/ thar pa'i rgyu byang chub sems brtan par gzung ba'i phyir ro/ /rdo rje bzlas pa'i rim pa'i dgongs 'grel lo//'dir rtogs par dka' ba'i thugs dang ldan pa 'phags pa chen po'i mchog gis gsungs so/ /ye shes gsum gyi dbye ba yis/ /sems tsam la ni nges par sbyar/ /zhes bshad par 'dod pas de'i thugs kyi sras 'phags pa shAkya bshes gnyen gyis rim pas bsgrub par bya ba'i rdo rje sems dpa' la phyag bya ste/khyod la phyag 'tshal zhes bya ba la sogs pa'o/ /phyag 'tshal ba bzhi rim pa bzhin du zung du 'jug pa'i bcom ldan 'das la ste/ stong pa dang shin tu stong pa dang / stong pa chen po'i rang bzhin gyi dbang du byas pa'o/ /phyag 'tshal ba lan gnyis su brjod pa ni stong pa nyid la khyab par shin du dad par gyur pa'o//rgyu tha dad pa khyod la bstod nas rdo rje 'dzin pa'i rang bzhin dang mnyam pas rang gi rgyud kyi rang bzhin khyed la phyag 'tshal lo/ /gang gi phyir phyag 'tshal ba ni dgyes pa'i phyir te/ de yang gzhan don du gnyer ba'i bcom ldan 'das la phyag byed pa po rang gi rgyud las byung ba'i 'bras bu rdo rje 'dzin pa dang /rgyu'i gnas skabs su rang bzhin gyis yongs su dag pa'i de bzhin gshegs pa'i snying por yongs su dgos nas mos pa bstan pas phyag bya ba ni mchog yin no/ / phyag 'tshal ba yang phyag bya bar 'os pa la yid tshim pas mchog tu gyur pas de nyid bstod pa'i ngag gi rgyud yin pa'i phyir ro/ /de ltar rang la phyag byas pa gang la zhes bya ba la sogs pa ste/ don dam par dbye ba thams cad med pa'i phyir ro/ /kun rdzob tu ni ji ltar zhes bya ba la sogs pa'o//rang gi ye shes zung du 'jug pa tha mi dad par rang gis rig pa ni phyag yin zhes bya ba'i don to/ /de yang so so'i gnas skabs su lhag par mos pa dang / lam gyi gnas skabs su rnam pa 'ga' zhig gis rig la rnam pa thams cad du ni ma yin no zhes bshad do//'on kyang zhes bya ba la sogs pa'i kun mkhyen ni rnam pa thams cad du chos thams cad kyi de kho na nyid rtogs pa'o/ /rang bzhin gyis yongs su dag pa ni rtag tu yod pas ji ltar mi dmigs she na/ glo bur gyi ma rig pa'i mun pas khebs pa'i phyir ro/ /mun pa de spang ba'i rnam pa ni rab tu dga' ba la sogs pas gsal ba'i rim pas mar me bzhin du snang bar byed pa'i ye shes stong pa nyid bzhi dang tha mi dad par rtogs pa'o//de bas na gsal ba'i rim pa dang rtogs pa'i rim pa bstan par bya ste/ stong nyid ces bya ba la sogs pa'o/ /gzung bar brtags pa 'ga' zhig dang bral bas stong pa ste/dga' ba dang snang ba'i bdag nyid can no/ /gzung bar brtags pa ma lus pa dang 'dzin par brtag pa 'ga' zhig spangs pa shin tu stong pa de mchog tu dga' ba dang snang ba mched pa'i rang bzhin no/ /'dzin par brtags pa ma lus pa dang bral bas stong pa nyid chen po ste/dga' bral dang snang ba thob pa'i nges pa'o/ /de ltar bshad pas gzung 'dzin dang bral ba bde ba'i sems don dam par yod pa sgro btags pa dang ma bral bas/ chos thams cad rang bzhin med pa dang ro gcig pa'i kun rdzob lhan cig skyes pa'i dga' ba'i rang bzhin no//de lta bu'i stong pa nyid la sogs pa des dga' ba la sogs pas bde blag tu rtogs par bya ba'i phyir 'chad par 'gyur ro/ /'dir stong pa nyid la sogs pa ni skad cig gcig la mthong lam gyi bdag nyid rab tu dga' ba'i sa'i rang bzhin lhan cig skyes pa'i dga' ba rtogs pa dang tha mi dad pa ste/ltos pa tha dad pas tha dad pa ltar rnam par gzhag go/ /ji ltar skad cig gcig gis bden pa mthong ba la skad cig bcu drug bzhin no/ /de ltar 'dir 'di ni stong pa nyid bzhi dang ro gcig pa'i snying rje chen po'i rang bzhin sgyu ma'i skur/ snang ba zung du 'jug pa'i bde ba chen po 'od gsal gyi mthar thug sngon du lhag par mos te/bsgoms pa'i 'bras bu mthong ba'i lam gyi bdag nyid can no/ /de ltar mthong ba 'di'i gnas skabs phyi ma de dang der bsgoms pas sa bcu rgyun gyi tha mar sgro btags pa thams cad kyi bag chags zad pa'i mthar 'od gsal gyi rang bzhin 'byung ngo zhes bshad de shes rab ces bya'o//mthong lam nas bag chags kyi phyogs spangs pas/ khyad par du 'gyur ba'i ye shes ni shes rab ste snang ba'o/ /rtogs pa phyi ma'i rgyu yin pas thabs te snang ba mched pa'o/ /de gnyis tha mi dad pa snang ba thob pa ste rgyu'o/ /de nas de dang ro gcig pa'i 'bras bu ni 'od gsal te/rnam rtog gi mun pa thams cad ma lus par spangs pa'o/ /de ltar rgya'i rim pas rnam par dag pa bar chad med pa'i lam gyi rang bzhin de las stong pa bzhi dang / rang bzhin gcig pa rnam pa gsum gyi bdag nyid bde ba chen po'i rang bzhin stobs dang mngon par shes pa la sogs pa rnam pa thams cad dang ldan pa/mtshan dang dpe byad kyis gsal ba longs sku'i rang bzhin zung du 'jug pa rdo rje 'dzin pa chen po'i go 'phang cig car skye bar 'gyur ro/ /de ltar na yongs su dag pa'i skabs su yang ci rigs par sems kyi gnas skabs kyi bye brag las/ rang bzhin skye bas snang ba la sogs pa'i rnam grangs dang /de'i rang bzhin rnams rnam par gzhag pa'i phyir bshad de snang ba zhes bya ba la sogs pa'o/ /zhi ba ni zhi ba'o/ /nyer len ni 'dod pas yongs su gzung ba'o/ /'dzin pa'i gzhi ni rgyun du gnas pa'i tshor ba'i kun du rtog pa'i kun rdzob tu snang ba'i rang bzhin gsal ba ni mtshan mo la sogs pa'o//dgongs pa mi shes shing mos pa chung bas zla ba'i dkyil 'khor ram pad+ma'am yi ge a'am bud med kyi gzugs snang ba'i rang bzhin du mos par bya'o/ /nye bar mi len pa ni yongs su ma bzung ba'o/ /skad cig thang cig la sogs pa ni nye bar mtshon par bya'o//kun rdzob tu snang ba mched pa'i rang bzhin gsal ba ni nyon mo la sogs pa'o/ /sngar bzhin du nyi ma'i dkyil 'khor la sogs pa snang ba mched pa'i rang bzhin du mos par bya'o/ /phra mo'i rnal 'byor ni rdo rje bzlas pa'i rnal 'byor pa'o/ /sa bon ni a'o//sna bug g.yas g.yon las ma byung zhing rtsa dbu ma'i nang du gnas pa'o/ /rlung gi g.yo ba'i bdag nyid can ni dbu ma'i mtshams su shes par bya'o/ /sngar bzhin du a la sogs pa snang ba thob par mos par bya'o/ /rang bzhin 'di dag phal cher nges pa can yin te/ la la ni ma nges pa yin no/ /dper na spyod bsdus su snang ba la yang chags pa'o/ /snang ba mched pa la yang chags pa dang bral bar bshad do/ /snang ba gsum po 'di'ang rang bzhin rnams ni sems kyi gnas skabs kyi bye brag rnams te/ de yang nang ni tshor ba tsam kun rdzob yin la/ don dam par rang bzhin med pa nam mkha' dang 'dra'o//de bshad pa rang rig tsam mo zhes bya ba la sogs pa'o/ /ma lus lus pa med pa ni rim gyis sam cig car ro/ /bar do la sogs pa'i skabs su ji srid du snang ba ni sems te brtan par mi 'gyur ba'o/ /g.yo ba ni dbugs 'byung dang rngub pa bdag gis so//sgron gsal las snang ba'i dbye bas 'di dag las/ mtshams dang mtshan mo nyin mo zhes/ /'jig rten du ni tha snyad byas/ /ye shes gsum gyi dpe yin no/ /skye dang gnas dang 'jig pa'o/ /bar do'i srid par gnas pa dang / /'jig rten gyis ni ji srid btags//sems dang rlung gi rnam 'gyur ro/ /zhes so/ /'di ni brten par 'gyur zhe na/ /gang gi tshe mtshan dang dpe byad kyis 'bar ba zung 'jug snang ba la sogs pa'i mtshan nyid can gyi dga' ba bzhi'i rang bzhin goms pa las 'char par 'gyur ro/ /'on kyang dang por goms pa'i phyir dga' ba la sogs pa'i dbye bas ni shes par bya'o zhes bshad de sgyu ma zhes bya ba la sogs pa'o//rtog pa mtha' dag nub pa'i phyir bzhi pa 'od gsal lhan cig skyes pa mtshon par 'gyur ro/ /'di ltar brtag gnyis las/ mtshan nyid bral ba gsum las gzhan/chags dang chags bral rnam par spangs/ /zhes gsungs so/ /de bas na sngar dang 'dir bzhi pa bstan la 'og tu yang 'chad do/ /rgyud gzhan las kyang / lhan skyes bzhi bar drang ba yin/ /zhes bya ba la sogs pa gsungs so/ /'dod chags ni dga' ba zla ba'i 'od dang 'dra ba ste/spro ba skyed pa'i phyir dang khyad par nyid kyi phyir la 'khyud pa dang tsum+ba na la sogs pa bde ba'i rang bzhin du 'jug pa dang / dad pa nyid kyi phyir sdug bsngal dang btang snyoms dang zhe sdang la sogs pa'i rnyog pa dang 'byung bar sgro btags pa 'ga' zhig mi 'jug pa'i phyir 'khyud pa la sogs pa'i bde ba'i rang bzhin du shes pas shes rab kyi rang bzhin du snang ba'o//bar ma ni mchog tu dga' ba snang ba mched pa nyi ma'i 'od zer dang 'dra ba ste/ gsal bar snang ba dang 'khyud pa la sogs khyab pa nyid kyi phyir gsal zhing mchog tu gyur pa bde ba'i rang bzhin du rtogs pa'i phyir/gzung bar sgro btags pa ma lus pa dang / 'dzin par sgro btags pa 'ga' zhig mi 'jug pa'i phyir thabs yin te/ thabs las byung ba lhan cig skyes pa'i dga' ba'o/ /shes rab dang thabs 'di gnyis snyoms par zhugs pa ro gcig tu gyur pa'i tshul gyis chags bral gyi dga' ba snang ba thob pa khyad par du 'phags pa'i bde ba myong ba mtshan nyid kyi mun pa dang 'dra ba ste/gzung ba dang 'dzin par sgro btags pa gzhan ma lus pa med kyang bdag gis bde ba spyod ces bde ba myong ba'i rnam par rtog pa phra ba de kho na nyid mthong ba la gegs byed pa dang 'brel pa'i phyir ro//lhan cig skyes pa'i don dam par chos thams cad rang bzhin med pa'o/ /lhan cig skyes pa'i cha dang 'dra bas lhan cig skyes pa kun rdzob ni bde ba chen po'o/ /gnyis ka la yang lhan cig skyes pa'i dga' ba/ 'od gsal la zung 'jug 'dzin pa dang bral ba don dam par bde ba dam pa'i sems tsam yod pa la sogs pas sgro btags pa'i rtogs pa thams cad kyi mun pa dang bral bas bde ba chen po myong ba'i phyir rang gis rig ste/de'i bdag nyid du 'od gsal gyi rnam par 'gyur ba'i phyir ro/ /dga' ba la sogs pa 'di dag ji ltar skye zhe na/gsungs pa/ dbang po gnyis zhes so/ /phyi'i shes rab dang thabs kyi pad+ma dang rdo rje sbyor ba'o/ /tshangs par spyod pa la de med na sngar dbang bskur ba la sogs pa'i dus su myong ba'i bde ba mos shing ye shes kyi phyag rgya'i sbyor bas so/ /dper gyur pa dga' ba la sogs pa 'di dag sngar bshad pa'i stong pa dang /shin tu stong pa dang / stong pa chen po dang thams cad stong pa'i rang bzhin du rtogs la/ ci rigs par de'i rang bzhin rnams kyang de bzhin du rtogs par bya'o zhes bshad de/ ye shes la sogs pa'o/ /zhugs nas ni rtogs nas so/ /'dir 'od gsal ba ni sems kyi rang bzhin yang ba dang dad par rnam par bzhag ste/skad cig ma de la rab tu bcug cing 'dra ba'i rgyun ldog par tha snyad du byed do/ /de nyid shes pa ni rang bzhin gyi snang ba bskyed pa'i tshul dang rdzogs pa'i bdag nyid can du shes nas so/ /ji ltar zhe na/ gsungs pa shes rab ces bya ba la sogs pa ste/shes rab dang sems snang ba'o/ /rdo rje dang thabs dang sems las byung ba ste snang ba mched pa'o/ /shes rab thabs su ni zla ba dang rdo rje ro gcig tu gyur pa las byung ba'i lha'i sku stong pa nyid ro gcig pa'o/ /de bas gsungs pa/ phyag rgya bzhis zhes te/ stong nyid bzhis so/ / rnam gzhag gi rim pas klu'i blos bcom ldan 'das ni phyag rgya chen po dang yum ni dam tshig gi phyag rgya dang / sngags kyi ye shes ni chos kyi phyag rgya dang / gzugs sna tshogs pas sems can gyi don phun sum tshogs pa ni las kyi phyag rgya'o zhes so/ /de ltar bskyed pa'i rim pa bsgom pa'i rnal 'byor pa yin no//stong pa gsum ni sgyu lus kyis te/ rnam rtog gi bag chags dang bcas pa'i sgrib pa spang ba'o/ /de nyid ni shes pa gsum rang bzhin med pa'i chos kyi sku'o/ /thams cad mkhyen pa ni ji ltar dgongs pa'o/ /'gyur ba med pa ni 'khor ba med pa'i phyir ro/ /snang ba med pa ni rang bzhin med pa ste/snang ba dang rang bzhin gyi sgra ni don gcig pa'i phyir ro/ /gnyis med ni mi mthun phyogs zad pas so/ /yod pa la sogs pa dang bral ba ni ci yang ma yin pa'i phyir ro/ /'byung 'gyur zhes pa ni kun rdzob tu'o/ /des ni sgyu ma'i lus dang / 'od gsal dang /zung 'jug gi sku yongs su rdzogs par bstan to/ /mi g.yo'i ting nge 'dzin ni rlung 'gog pa mtshams kyi bdag nyid snang ba thob pa dag pa ste/ de kho na nyid ma rtogs pa'i phyir ro/ /de nyid ni gsal ba ste spros pa med pa'i phyir ro/ /rmad chen po ni rang bzhin gyis kyang so sor snang ba'i phyir ro//ye shes ni bde ba chen po'o/ /byang chub shing drung du bzhugs te mtshan phyed dus su rgyal ba'i gsung las/ rgyal ba de dag gis bka' stsal ba'i shes rab ma las skya rengs 'char ba'i dus su rgyal ba'i gsung la dmigs te/ lhan cig skyes pa'i dga' ba'i bdag nyid can de kho na nyid 'od gsal ba dang /rang rig tu gsal ba rdo rje lta bu'i zung du 'jug pa'i ting nge 'dzin gzigs par 'gyur ro/ /de ni nyon mongs pa dang phung po dang 'chi bdag gi bdud 'joms par mdzad do/ /srod la ni lha'i bu'i bdud btul lo/ /'dir gsang sngags kyi theg par ro/ /de nyid ni 'od gsal ba rang bzhin med pa ste/des bdag gcig pa'i tshul de'i rnam par bstan pa'i phyir ro/ /ye shes dga' ba bzhi'i rang bzhin zung du 'jug pa ni 'bras bu'o/ /rgyu'i gnas skabs su dga' ba bzhi dang ro gcig par myong ba dang / rang bzhin med pa ni tha mi dad pa kho na'o/ /chags pa dang chags pa bar ma dang chags bral gyi dga' ba dang /mchog tu dga' ba dang dga' bral gyi bdag nyid de bzhin nyid kyi ye shes dang gcig tu gyur pas tha dad du mi dmigs so/ /ye shes bzhi po de yang stong pa min te/ kun rdzob tu bde ba chen po'i tshul gyis yod pa'i phyir ro/ /mi stong min ni don dam pa rang bzhin med pa'i phyir ro//stong pa dang stong pa ma yin pa las gzhan dbu mar gnas pa ni 'gal ba yang med do/ /ye shes gsum ni lhan cig skyes pa'i dga' ba dang ro gcig pa'i ye shes gsum gyi rim pa gang yin pa de dang sbyor ro/ /de bas na de nyid kyi ye shes kho na las grol ba yin te/ de yang bskyed rdzogs rim pa gnyis la goms pas las dang po pa'i sbyor bas rtsol ba dang bcas pa mtshan ma med pa'i sgom gyi sa brgyad pa mi g.yo ba'i sa rtogs nas/de nas brtsams te rtsol ba med par rgyu ba snang ba gsum dang gnyis su med par bde ba chen po'i rang bzhin sgyu ma'i sku gzigs shing 'od gsal lhag par rtogs la/zung du 'jug pa'i longs spyod rdzogs pa'i sku 'og min du bzhugs pa/ skye ba 'di'am 'ga' zhig la thams cad mkhyen par 'gyur ro/ /goms pa de yang spyod pa gsum gang rung gis bya'o zhes gsungs pa ste/ chos 'byung ba la sogs pa'i chos 'byung rtag tu brtan pas mngon par 'byung ba la slob par byed do zhes pa dang 'brel lo//chos kyi dbyings ni chos 'byung ste/ de snyed pa ji lta bar dus 'ga' zhig tu brten pas mngon par byang chub pa kho na spyod pa yin gyi/ phyi'i chos 'byung gis ni ma yin no/ /de ltar go rims bzhin du spros pa dang bcas pa dang /spros pa med pa dang / spros pa med pa'i spyod pa rnams kyis shing ta la dang ras bal tshig pa bzhin du yun ring ba dang thung ba dang shin tu thung bas dngos grub sgrub byed rnams kyis goms par byed do/ /de'i dbye ba ni snang ba la sogs pa'i ye shes rnams kyi dbye ba khyad par can no//bstan bcos mchu ni bstan bcos la ngal bar byas pa tsam mo/ /gnas drug ni mtha' drug go/ /sgrib pa rnams las ring du song bas 'phags pa'ang yin la/ rdo rje'ang yin pas rdo rje 'dzin pa dpal ldan klu sgrub bo/ /rim pa 'dis phal cher ye shes gsum gyi rang bzhin gyi dbye bas sems kyi dben pa gsal bar mdzad do//'di ltar spyod bsdus las/ rang bzhin gyi snang ba tsam shes pa ni sems dben gyi mthar thug go/ /de yang snang ba thams cad dang bcas shing mtshan ma dang ldan pa lha'i gzugs ni mi dmigs te/ sems snang ba tsam yin pa'i phyir ro zhes gsungs so//'dir dgongs pa bla na med pa bstan pa yin pas bla na med pa'i dgongs pa zhes bya'o/ /de'i dgongs 'grel rdzogs so// //bdag byin gyis brlab pa'i bdag nyid kun rdzob kyi bden pa bsgom pa'i nus pa thob pas de nyid kyi don dam pa'i bdag nyid can rang bzhin 'od gsal bsgom pa la nges par sbyar ba'i phyir bshad de/thams cad ces pa la sogs pa'o/ /mngon par byang chub pa'i 'od gsal rtogs pa'o/ /bla ma'i gsung gis spyod yul du ma gyur pa so so rang gis rig par bya ba'i de kho na nyid rtogs pa las byung ba ni rang byung ngo //lhag pa'i lha ni rnam par shes pa'i phung po la sogs pa'i rang bzhin mi bskyod pa la sogs pa'i gtso bo'o/ /snyoms par 'jug pa'i cho ga ni 'khyud pa la sogs pa'o/ /snang ba ni stong pa bzhi myong zhing dga' ba la sogs pa'i rang bzhin no/ /byang chub sems bdud rtsi yin pas de'i snod ka la sha ni rdo rje nor bu ste/des rtse mor shin tu brtan par bzhag nas gsang ba'i dbang bskur bar bya'o/ /gang zag blo chung ngu yin na spyod bsdus las gsungs pa/ bum pa'am yang na dung dkar la/ /byang chub sems ni bzhag nas su/ /de la dam tshig sbyin bya ste/ /gnyug ma'i phyag rgyar yang dag ldan//zhes pa 'dir gnyug ma'i phyag rgya ni slob mas mngon sum rdo rje sems dpar mos nas sngar gang phul ba'o/ /khams gsum gyi sgro btags pa rnams dang / khyad par bral ba yin pas 'dod pa rnams kyis ma gos pa'o/ /nam mkha' dang mnyam gyur ni spros pa med pa ste/de nyid kyi phyir ci yang mi dmigs so/ /mi brten pa ni rten dang brten pa la sogs pa dang rang bzhin med pa'i phyir ro/ /ma bsams pa'i kun rtog ni smon lam ste de'i 'bras bu'i gnas skabs su ma bsams pa kho na las smon lam gyi don kun phun sum tshogs pa 'byung ngo //bsam gyis mi khyab pa'i ting nge 'dzin gyi tshul gyis de'i thugs so/ /gos pa ni bag chags so/ /byang chub ni shes rab ye shes kyi dbang gis bde ba chen po mngon par 'byung ba ni snang ba la sogs pa'i rim pas so/ /las dang skye ba'i bag chags dang bcas pa'o/ /snang ba gsum spangs pa ni rang bzhin gyis yongs su dag pa dang /'jig rten las 'das pa'i rtog pa'i gnas skabs su glo bur gyi dri ma dag pas so/ /rdo rje ye shes ni theg pa chen po'o/ /ye shes chen po ni zung 'jug go/ /de ji ltar zhe na/ sangs rgyas thams cad de goms pa las 'byung ba'i phyir de dang bdag gcig pa'i tshul du de la gnas pa'i phyir ro//de bas gsungs pa/ de bzhin gshegs pa kun gyi gnas/ /zhes so/ /thog mtha' med pa ni skye ba dang 'jig pa med pa'i phyir ro/ /zhi ba ni shes bya'i sgrib pa med pa'o/ /rim pa ni snang ba la sogs pa'o/ /brtsams pa ni brtan par bya ba'i ched du'o//zla ba'i 'od dang bcas pa'i mtshan mo'i cha ltar spro ba bskyed pa dang mi gsal ba snang ba'i phyir mtshan mo'i cha ste/ dga' ba ste snang ba'o/ /nyi ma'i 'od dang ldan pa'i nyin mo bzhin du gsal bar snang ba'i nyin mo ste/ mchog tu dga' ba snang ba mched pa'o//mtshan ni shin du dmar ba bzhin du nyin mtshan ro gcig pa'i tshul gyis shin tu yid du 'ong bar snang bas mtshams te/ dga' bral snang ba thob pa'o/ /'gyur ba la sogs pa'i rnam par rtog pa phra bar gyur pa bde bas khyad par du 'phags pa'i rnam rtog gi rang bzhin dag ni rim pa bzhin du snang ba gsum dang sbyar ro//kun rtog gsum pa des stong pa bde ba chen po'i snang ba dang ro gcig pa'i snang ba gsum dang lhan cig pa'i dga' ba byang chub kyi skad cig ste 'od gsal ba'o/ /gang gi phyir don dam pa 'od gsal ba chos thams cad rang bzhin med pa'i byang chub ni kun rdzob lhan cig skyes pa'i bde ba myong bas so sor lhag par rtogs pa ste/de dang bdag gcig tu 'od gsal ba'i phyir rnam par 'gyur ba'i phyir ro/ /la lar ni ldog pa tha dad par 'dod nas don tha dad par btags pa tsam yin no/ /dper na lhan cig skyes pa'i bde ba ni de bzhin gshegs pa'i dbugs 'byung yin la/de rang bzhin med pa ni rdo rje 'dzin pa'i dbugs 'byung zhes bshad pa yin no/ /la lar ni de tha mi dad par smra bar 'dod pas tha mi dad par gzhag ste dper na/ 'bras bus rgyu la rgyas btab ste/ rgyu yis 'bras bu rgyas btab bsgom/ /zhes pa bzhin no//bstan pa ni kun rdzob tu brjod pa'i tshig gis so/ /don dam par ni rnam par rtog pa dang / ngag tu brjod pa'i spyod yul ma yin no/ /de nyid kyi spyir gsungs pa/ rnal 'byor pa nyid yul de rang gi rig par bya'o/ /'jig rten las 'das pa 'od gsal ba dang ro gcig pa bde ba chen po byang chub mtshon par bya ba'i phyir na/gang gi dpe 'di nges par mi nus pa la gsungs te/ ngag tu zhes bya ba la sogs pa'o/ /dri med ni yod pa dang med pa la sogs par sgro btags pa thams cad kyi rnyog mas ma gos pa'o/ /yang dag mtha' ni stong pa nyid bshad par bya'o//slob mas kyang skad cig de la phyi'i byang chub kyi dper gyur pa mthong ba'i nges pas thob ste rtogs par 'gyur ro/ /nang gi bde ba de yang kun rdzob kyi rang bzhin bde ba chen po dang don dam pa'i rang bzhin thams cad stong pa'o/ /de ldog pa tha dad par yang yongs su brtags te/dang po ni skye ba dang gnas pa nyams pa'i chos dang ldan par rnam par gzhag go/ /gnyis pa ni de dang bral ba'o/ /ji ltar de bzhin gshegs pa rnams byung yang rung / ma byung yang rung chos rnams kyi chos nyid ni gnas pa nyid de/ dper na de bzhin nyid ces bya ba la sogs pa bzhin no//bag chags la sogs pa dang yang bral ba yin te/ 'di ltar 'gro ba ni mya ngan las 'das pa dang 'ong ba ni snying rje chen pos 'khor ba ste/ de gnyis 'di la med do/ /gang gi phyir gsungs pa/ rigs kyi bu de bzhin nyid ni gang nas kyang 'ong ba med cing 'gro ba med de/de bzhin nyid gang yin pa de ni de bzhin gshegs pa'o zhes so/ /zad pa ni sgrib pa dang bcas pa rnams so/ /'phel ba ni mngon par shes pa la sogs pa yon tan gyi rang bzhin no/ /gang gi phyir gsungs pa dngos po brjod du med pa'o/ /nyams pa dang ni 'phel mi rung / /zhes so/ / dngos dang dngos min ni yod pa la sogs par sgro btags pa'i spros pa las 'das pa'i phyir ro/ /de nyid kyi phyir spros pa med pa'i chos sku yin yang kun rdzob kyi tshul gyis 'gro ba la sogs pa dang ldan pas ngo mtshar ba'o/ /ngo mtshar min pa ni sems rtag tu bden pa gnyis kyi rang bzhin yin pas so//de nyid kyi phyir 'gro ba la sogs pa'i sbyor bas gnas pa min te/ 'gro ba la sogs pa med pa'i phyir ro/ /kun rdzob kyi tshul du ci rigs par yod pa la sogs pa'i tha snyad 'byung ngo / /de nyid ni bden zhing mi slu ba bden pa gnyis tha mi dad pa'i mtshan nyid can zung du 'jug pa'i rim pa yang dag pa'i ting nge 'dzin to//dmigs pa thams cad zhi ba de kho na nyid do zhes spyod bsdus su gsungs so/ /rgyu dang mi rgyu 'di'i ngo bo yin pas rgyu dang mi rgyu'i bdag nyid can no/ /'di ltar sngar gsungs pa/ rnal 'byor gang dang gang dmigs pa/ /de ni bdag nyid bzhin du rtog/ /ces so//gang gi phyir bdag nyid du nye bar brtags nas bems po dang gzhan sems med pas ji ltar snying rje chen po la sogs pas 'gro ba'i gnyen gcig pu la sogs par 'grub pa'o/ /ye shes ni bde ba chen po'o/ /mi zad pa ni chos kyi sku stong pa nyid do/ /don gnyis kyi bdag nyid can no//rtag tu mnyam par bzhag pas zhi ba'i sku'o/ /zhi ba min na ni mchog tu gyur pa'i brtson 'grus dang ldan pa'o/ /rdo rje 'dzin pa'i rang bzhin yin pas gnas pa kho na'o/ /sangs rgyas mig ni shes rab kyi spyan phye bas so/ /lus la sogs pas bya ba byed kyang de bzhin nyid la sems brtan pas g.yo ba med pa'i phyir sems mnyam par bzhag pas so//de nyid kyi phyir ngag gi brjod pa dang bral ba'o/ /de lta bus lha dang mi'i yid du 'ong ba phun sum tshogs pa brtan pa'i phyir longs spyod ldan te/ bla na med pa'i chos kyi bdud rtsi la longs spyod pas kyang ngo //snying rje chen pos 'gro ba 'don pa la brtson pas 'jig rten mgon po'o/ /de ltar shes rab tu gyur pa 'dis ni stong nyid snying rje tha mi dad pa dag rdo rje 'dzin pa'i sku rang nyid dang ba dang bsam pa rgyun mi 'chad par goms par byed do/ /shes rab 'bring pos rdo rje 'dzin pa'i rang bzhin yang nas yang du stong par byas shing /dngos por 'dzin pa'i mdud pa grol ba dang ldan par bya zhing med par 'dzin par grol zhes bya ste man ngag ces bya ba la sogs pa'o/ /ril po ni lus de stong pa nyid kyis 'dzin pa ni ril por 'dzin no/ /'gro ba thams cad 'od gsal du byas nas de'i rjes su rang 'dzin pa ni stong par byed pa ste rjes su gzhug pa'o//stong pa nyid du rab tu zhugs pas ji ltar gzhan don byed ces gsungs pa de dang de gzugs zhes bya ba la sogs pa ste/ de ni rnam par snang mdzad la sogs pa'i kha dog dang ldan pa de dang de'i mdog dang mtshungs pa'i 'od zer rnams ni de dang de'i gzugs 'od zer ro//de dang yid kyi rang bzhin bdag byin gyis brlab pa'i rang bzhin gyis kyang ngo / /gnas skabs 'dir skye ba snga ma'i dri ma bkru ba'i phyir ro/ /'od gsal du 'jug pa kho na la cher 'bad pas lan 'ga' 'gyur zhes gsungs so//'o na ni sems can gyi don la sogs pa ni ldang ba yod na 'byung ste/ de yang gang zhe na/ gsungs pa/ ji ltar zhes bya ba la sogs pa'o/ /rung ba las ni rang bzhin gyis yongs su dag pa las so/ /sgyu 'phrul dra ba ji lta bu zhe na/ gsungs pa rigs zhes pa ste/sangs rgyas lnga'i rigs rnams ni rnam par snang mdzad la sogs pa ste/ rdo rje sems dpa' gang la ltos pa yin pa de de bzhin no/ /phyag rgya chen po ni rdo rje 'dzin pa'i skur rang nyid ldan par bya ste/ spros pa'i de bzhin gshegs pa rnams dang 'od zer dag gis sems can gyi don mdzad par bsgom par bya'o//de lta bur gyur pa'i bdag nyid dang ro gcig pa'i tshul du rang bzhin med par bsgom pa la khyad par du sbyar ba'i phyir bshad de/ thams cad stong pa'i gzhi la gnas/ /zhes pa ste/ gang gi phyir thams cad stong pa nyid rang bzhin med par bsgoms pas bag chags dang bcas pa'i sgrib pa ma lus par spangs pa'i rang bzhin glo bur gyi dri ma yongs su dag par 'gyur ro//de ltar bla mas gsungs pa la des par byas pa'i snang ba la sogs pa rang rig tu rtogs par bya ba'i phyir/ slob ma la dngos po thams cad dang bral ba'i zhes pa nas stong pa nyid kyi ngo bo nyid kyi bar du brjod cing gnyis su med par dmigs la shes rab ye shes kyi dbang bskur ro//rim pa 'di gnyis kyis bcom ldan 'das shAkya seng ge byang chub kyi shing drung du zhugs te/ mtshon byed kyi bar du 'od gsal mngon du mdzad la/ sgyu ma lta bu'i ting nge 'dzin gyis bzhengs so zhes spyod pa bsdus pa las gsungs te/de ni 'dir rig par bya'o/ /gang gi phyir 'di nyid des bshad do/ /de la 'di nyid kyis ni dga' ba la sogs pa'i rim pas so/ /'od gsal ni lhan cig skyes pa'i dga' ba dang / sgyu ma lta bu ni zung du 'jug pa dang / de bshad pa'i bcom ldan 'das dbang bskur bzhi po rang bzhin du bstan te/gang 'dir dngos po thams cad ces bya ba la sogs pas bstan pa'o/ /'dis ni dbang bskur gnyis bstan te/ 'di ltar de la dngos po thams cad kyi ni 'od gsal yin la/ de dang mnyam pa ni gnyis su med de des rang sems ma skyes pa rdo rje gsum mi phyed pa'i lus so//stong pa nyid kyi ngo bo nyid ni rdo rje gsum mi phyed pa'i sku'o/ /rang sems bde ba chen po myong ba kun rdzob dang don dam pa rang bzhin med pa de bas na kun rdzob don dam pa gnyis su med par rtogs pa ni shes rab ye shes so/ /de nyid goms pa'i khyad par gyi mthar thug pa las byung ba sgrib pa med pa'i mchog dang mtshan dang dpe byad kyis 'bar ba'i longs spyod rdzogs pa'i sku la sogs pa'i rang bzhin ni dbang bzhi ste/bde ba chen po'i lus sems khyad par du 'khrung par byed de/ kun du rtog pa'i dri ma thams cad spangs pa'i phyir 'gal ba med do//bdag byin gyis brlab pa'i le'u las shes rab ye shes kyi dbang bshad pa gang yin pa de ni der bde ba chen po'i tshul bsgom pa gtso bo yin pas so/ /'dir ni de rang bzhin med pa'i cha bsgom pa gtso bo bstan to/ /rab tu gyur pa las su gnyi ga'i bdag nyid bsgom pa nyid dbang bzhi pa yongs su rdzogs pa'i rgyu'o//de bas na shes rab ye shes rab tu gyur pa'i dbang du byas pa nas gsungs pa/ slob dpon las ni zhes bya ba la sogs pa'o/ /phyin ci log pa dang bral bas dri ma med cing bden pa'i don nges par bstan pa'i blo gang gi yin pa'o/ / brtan pa dang g.yo ba'i dngos po kun gyi rang bzhin ni rang bzhin med pa ste/ gang gi yin pa de mnyam pa med pa'i ting nge 'dzin dang ldan pa zhes bya ba'i don to/ /dang ba ni 'dod chags la sogs pa'i snyigs ma zad pa'o/ /dga' ba ni shes bya'i sgrib pa zad pa'o/ /shin tu phra ba ni don dam pa yin pas rags pa rig pa rnams kyi spyod yul ma yin pa'o//mchog zhi ba'i rang bzhin ni rang bzhin la phan pa'o/ /'dis sam 'di la sgrib pa rnams spangs pa'i phyir mya ngan las 'das pa'o/ /khams ni rang bzhin te de bzhin gshegs pa rnams kyi sku'o/ /gnyis med ni dngos po dang dngos med la sogs pa spros pa'i bag chags dang bral bas so//de nyid kyi phyir rtog bral lo/ /rtag tu bde ba'i rang bzhin mi mdzad pa med cing khyad par du 'phags pa bar ma chad pa lhan cig skyes pa'i bde ba chen po dang ro gcig pa'o/ /bsod nams bsod nams min las ni/ /bde 'gro dang ngan 'gror 'khor ba'i rgyu las so//de ltar kun rdzob kyi rang bzhin snying rje chen po'i bdag nyid can bde ba chen po'i yid rang bzhin longs spyod rdzogs pa'i sku don dam pa rang bzhin med pa las tha mi dad par bsgom pa na de'i rang bzhin khyad par gyis mthar thug pa chos kyi sprin longs spyod pa'i skad cig tha ma bar chad med pa'i lam sgrub pa med pa'i 'od gsal ba las bag chags dang bcas pa'i rten ldog pas de ma thag tu rdo rje sems dpa' shin tu gsal bar skye bar 'gyur ro//'od gsal ba rang bzhin med pa las skye'o zhes gang rnam par gzhag pa de ni bsgoms pa la 'bad par bya ba'i phyir/de nyid kyi phyir mchog ces bya ba la sogs pa'o/ /mchog ni 'jig rten las 'das pa'i sgrib pa med pa dang / gsang ba ni de rang bzhin med pa dang / bde ba ni lhan cig skyes pa'i dga' ba ste/ mchog tu gsang zhing bde ba'o/ /de nyid gnyis su med pa'i rnam pa thams cad du rtogs pa'i rim pa ni mngon par 'byung ba'i rim pa ste de'i dgongs 'grel lo//ji ltar sems la nges par sbyar ba ni bshad la/ rang sems nges par sbyar yang ji lta ba bzhin yongs su shes pa ste/ shes pa tsam gyis mtshan nyid thams cad dang ldan pa lha'i skur gzung ba'o//de nyid yang dag par rdzogs pa'i sangs rgyas rnams kyi sgyu ma la sogs pa'i bdag nyid yid kyi rang bzhin gyi sku ni bdag byin gyis brlab pa'o/ /ji ltar 'phags pa lha'i zhabs kyis/ gang gi kun rdzob bden par bshad/ /rdzogs sangs rgyas kyi sku can no/ /de ni sgyu mar yang dag bshad//bdag byin brlabs zhes brjod pa yin/ /zhes gsungs so/ /de'i rim pa bshad pa/ rdo rje can la sogs pa ste/ khyad par can gyi mthar thug pas chen po'o/ /stong pa dang snying rje ro gcig tu gyur pas rdo rje mi phyed pa'i ye shes 'di la yod pas rdo rje sems dpa'o//rdo rje sems dpa' dang por skyed pa po gang gi yin pa de ni dkyil 'khor rnams so/ /de dag gtso bo ni rdo rje sems dpa' 'o/ /rgyud rnam pa bzhi ni bya ba dang / spyod pa dang / rnal 'byor dang / rnal 'byor bla na med pa'i rgyud kyi dbye bas so/ /de dag gi nang na 'ga' zhig shes pa'o//man ngag ni rang nyid stong pa dang snying rje tha mi dad pa'i longs sku'i tshul du bskyed pa ni bdag byin gyis brlab pa'o zhes thun mong du bstan par bya'o/ /gsang ba'i dbang ni nye bar mtshon pa yin pas shes rab ye shes kyi yang thob pas so/ /de len pa yang bdag byin gyis brlab pa lhan cig skyes pa'i bde ba chen po'i rang bzhin du rtogs pa'i phyir ro//lus ni longs sku'o/ /chos thams cad la mi brten par ni don dam par rten dang brten pa med pa'i phyir ro/ /dmigs med ni sgro 'dogs thams cad spangs pa'o/ /sna tshogs min pa ni spros pa dang bral ba'i phyir ro//'jigs med ni rig pa yin la grol zhing g.yo ba med pa ste/ bdag byin gyis brlabs par khyad par gyis bshad pa'i zhes pa dang sbyar ro/ /kun rdzob ni phung po la sogs pa'i bdag nyid can rang yin te/ de'i bden pa ni sgyu ma nyid bar do'i srid pa 'dra ba nyid/ longs sku nyid dang lhan cig skyes pa'i bde ba'i rang bzhin nyid du bla ma dam pa'i gsung las rtogs pa nyid do/ /'di'i rang bzhin med pa ni kun rdzob pa ste/ 'od gsal kun rdzob dang don dam pa'i bden pa 'di gnyis kho na don dam par bdag gcig tu bzhag pas na zung du 'jug pa'o/ / 'di dag tha dad par brtags pa ni kun rdzob pa ste/ sgrub pa po'i mos pa'i bye brag gis so/ /gang gi phyir sgrub pa po la la ni/ dang po kun rdzob nyid bsgom par nus la/ de'i rjes su don dam pa de nas zung du 'jug par nus las bsgoms pas 'od gsal ba'i de nyid rab tu dga' ba'i sa la gtogs pa'i phyir ro//kun rdzob kyi bden pa bdag byin gyis brlab pa'i rags pa gang nas gang du rtogs pa yin pas rgyur rnam par bzhag ste/ 'od gsal ni shin tu rnam par phra ba'i rgyu mthong lam du rtogs pas 'bras bu'o/ /de nyid phyi ma dang phyi mas bsgoms pas dri ma med pa'i sa la sogs pa dgu'i rang bzhin bdag byin gyis brlab pa'i rgyu yin zhes bshad de/bdag byin gyis brlab pa zhes bya ba la sogs pa'o/ /'dis bden pa gnyis bdag gcig pa yin yang 'od gsal kho na 'bad pas bsgoms na rnam par byang ba'i rgyur 'gyur te/ bdag byin gyis brlab pa'i rgyur rnam par gzhag go//la la ni sems kun rdzob skyed pa por bshad de/ ji ltar 'phags pa klu sgrub kyis/ /'di ni thams cad sems tsam ste/ /sgyu ma mkhan las byung ba yin/ /de las dge dang mi dge'i las/ /de las skye dang dge mi dge/ /zhes gsungs so/ /yang ji ltar sems gang yin pa de ni/sems kyi nying mtshams sbyor te zhes bya ba la sogs pa bzhin no/ /la lar gnyi ga rgyur bzhag ste/ ji ltar 'phags pas/ stong pa'i chos rnams kho na las/ stong pa'i chos rnams skye ba yin/ /zhes gsungs te/ kun nas nyon mongs pa'i gnas skrabs su yang ngo //'od gsal la la ni rang bzhin gyis nyon mongs pa can ma yin kyang glo bur ba'i dri mas gos pa nyon mongs pa dang las dang skye ba'i kun nas nyon mongs pa'i rgyu ste/ dper na/ 'od gsal las ni stong nyid che/ /zhes bya ba nas/ sems can rnams ni 'byung ba yin/ /zhes bya ba'i bar bzhin no//rnam pa thams cad du rgyu 'bras kyi 'brel pa don dam pa med pas kun rdzob pa dag kho na gdul bya'i bsam pa sna tshogs pa'i rjes su 'jug pa'i rigs pas gzhag par rig par bya'o/ /bdag byin gyis brlab pa'i ting nge 'dzin 'di ma shes pa rnams bcings par 'gyur la/shes pa rnams ni grol ba ste/ gang gi phyir de dag ni rgyu'i gnas skabs su yang skye ba dang / gnas pa dang 'jig pa la sogs pa dang 'khor ba ni don dam pa mi yin no zhes bdag byin gyis brlabs pas kun rdzob pa'i sems kyi rnam pa can yin no zhes gsungs pa las nges par byed do//'di ltar khyed rnams sems ni lus lta bu dang / lus ni sems lta bu dang / sems ngag tu brjod pa lta bur skyed cig ces gsungs so/ /sgron gsal nas 'di ni bshad pa ni 'od kyi rang bzhin gyi lus bskyed de/ ci ltar zhe na/ sems gsum phra ba'i khams dang lhan cig tu longs spyod kyi sku'i rnam pas gang skur bskyed pa de ni sems kho na'o//lus sems lta bu ni gang gi phyir sems las gzhan gang yang med do/ /ngag tu brjod pa gang yin pa de'i rang bzhin gyis sems kho na skyed cig /de ltar lus ngag yid stong pa nyid kyi rang bzhin 'do gsal dang gcig tu byas nas rdo rje 'dzin pa chen por bdag nyid skye bar bya'o zhes so//'o na ji ltar byis pa rnams kyis rang gi sems kyi rang bzhin ma nges she na/ gsungs pa/ rlung zhes bya ba la sogs pa'i rdo rje bzlas pa'i rim pas rlung bstan par gyur na sems kyi rang bzhin nges pa yin gyis gzhan du ni ma yin no//sems ni bar do'i rang bzhin phyin ci ma log pa las so/ /'di ltar skal ba dang mnyam pa'i sems kyi rgyun gyi mtha' ma'i skad cig kun rdzob pa don dam par 'od gsal dang ro gcig pa 'gags pa na skal pa dang mi mnyam par par ma de'i sems dang de dang der sgro btags pa bzlog pas skyed par byed de/sgro btags pa thams cad bzlog pas ni rang bzhin gyis stong pa zhi ba'i bdag nyid can no/ /de ltar yin kyang de'i gnas skabs kyi bye brag la rang bzhin gyis bye brag skye bas snang ba la sogs par rnam par gzhag go/ /de la tha ma'i skad cig gi rang bzhin 'od gsal las rnam shes dang po skad cig gis rdzogs pa'i phyir yongs su rdzogs pa snang ba thob ste/sems kyi de nyid kyi bye brag ma rtogs pa 'di ni zhes mngon par zhen cing snang ba thob pa'o/ /bden pa'i don mthong ba la sogs pa la gegs byed pas ma rig pa'i mun pa dang bcas pa'i kun nas nyon mongs pa'i bdag nyid can no//de la 'dod chags dang / zhe sdang dang / ma rig pa dang / srid pa dang / nyer len ni nyon mongs pa'i kun nas nyon mongs pa'o/ /bsod nams dang bsod nams ma yin pa'i bdag nyid 'du byed rnams dang / de'i rjes la bag chags kyi bdag nyid srid pa ni las kyi kun nas nyon mongs pa'o//nying mtshams sbyor ba'i rnam shes la sogs pa'i yan lag bdun ni skye pa'i kun nas nyon mongs pa'o/ /de nas bar do'i rnam pa can gyi sems de nyid nyi ma'i snang ba dang 'dra ste/ ston ka'i nyi ma'i snang ba bzhin du dri ma med pas mig gi dbang po la sogs pas 'jig rten gyi khams gzhan du yang phra ba la sogs pa'i dngos po thams cad snang ba dang mtshungs pa'i phyir ro//de nyid kyi phyir shin tu cher snang zhing gsal bas snang ba mched pa dang / bdag dang gzhan du btags pas rtog pa dang pha dang ma dang ci rigs par 'dod chags dang zhe sdang gi sbyor bas sems las byung ba dang dge ba dang mi dge ba'i las mngon par phyogs pas skye ba'i rgyu yin pas thabs te las kyi kun nas nyon mongs pa'i bar do'i rnam pa'i sems de nyid las las kyi dba' rlabs kyis ma'i mngal du khrag dang khu ba 'dres pa las nying mtshams sbyor ba'i rnam shes skye bar 'gyur te/las la rag las pas dbang dang nye bar bsags pa'i las kyi bag chags kyis bsags pa yin pas sems dang / 'dod chags dang bcas pa yin pas chags pa dang rig pa'i bdag nyid can yin pas shes rab dang zla ba'i rnam pa dang 'dra ste/ dper na ston ka'i zla ba'i 'od zer bzhin no/ /sdug bsngal dang / btang snyoms kyi rnyog pa med pas dwangs pa'i phyir dang / spro ba skyed pa'i phyir khrag dang khu ba'i rang bzhin la sogs pa'i dngos po rnams yid kyi dmigs pa dang mtshungs pas snang ba'o/ /rnam par shes pa ni rlung gi bzhon pa dang /las dang nyon mongs pa'i rkyen gyis nying mtshams sbyor ba'i skad cig tu de ltar nus pa dang ldan par bskyed de/ gang gi gnyis la gzugs dang ming gi skad cig la sogs pa'i gnas skabs su rlung dang me dang chu dang sa dang snang ba dang snang ba mched pa dang snang ba thob pa rnams tshogs pa gcig la rag las pa'i tshul gyis phan tshun bskyed de/'di ltar ngo bo ni bskyed pa'i rim pa ste/ 'od gsal nas ni stong pa ste/ /stong pa las kyang thabs bskyed 'gyur/ /de las shes rab 'byung ba ste/ /de las rlung gnyis skye ba yin/ /rlung las me ni yang dag 'byung / /chu yang me las skye ba yin//sa ni chu las skye ba ste/ /'di ltar sems can 'byung ba yin/ /zhes bya ba 'dis bstan to/ /de'i rjes su tha ma'i skabs nye bar gyur nas lus kyi sa'i khams bri ste/ de nas chu khams dang / de nas me dang / de nas rlung dang / de'i rjes su rang bzhin dang bcas pa'i snang ba dang /de nas snang ba mched pa dang / de nas snang ba thob pa 'gags te/ de'i skad cig tha ma ni skal ba dang mnyam pa'i sems kyi skad cig gzhan skye mi nus shing 'gags pa ni kun rdzob tu 'chi ba zhes brjod do/ /'di'i don dam pa ni 'od gsal gyi rang bzhin kho na yin no/ /rim pa 'di yang / sa yi khams ni chu la thim/ chu khams me la thim pa yin/ /me yang phra ba'i khams la ste/ /rlung ni sems la rnam par thim/ /sems ni sems byung kho na la/ /sems byung ma rig pa la ste/ /de las 'od gsal nyid du 'gro/ /'di ni srid gsum 'gog pa yin/ / zhes bya bas bstan to/ /de'i rjes su de kho na bzhin du skal ba dang mi mnyam par de'i sems byung ngo / /de ltar 'di ni thog mtha' dang / /bar ma med pa'i 'khor ba yi/ /'khor lo mgal me 'khor ba bzhin/ /phan tshun brgyud de 'khor ba yin/ /de ni bdag byin gyi rlabs kyi rang bzhin du mi shes pa'i phyir ro//shes pa na ni de nyid ces bya ba la sogs pa ste/ me long la sogs pa ni mdor bstan pa'o/ /khyab pa ni sprul pa'i sku sna tshogs kyis so/ /me long zhes bya ba la sogs pa ni rgyas par bshad pa'o/ /longs spyod rdzogs pa ni rnam par byang ba'i gnas skabs su'o/ /dri ba'i sems ni mtshan dpe 'bar ba chog mi shes pa'i lus kyi rnam pa can te kun nas nyon mongs pa'i gnas skabs su'o//stong pa dang snying rje tha mi dad pa'i rdo rje'i sku 'di la yod pas rdo rje'i sku ste rdo rje 'dzin pa'o/ /mchod pa ni rnyed pa bzhin du 'dod pa'i yon tan rnams sgrub pa'o/ /bdag nyid sangs rgyas thams cad ni rnam par snang mdzad la sogs pa'i rang bzhin no//rdo rje sems dpa' ni rdo rje 'dzin pa chen po ste de ston pa'o/ /sgyu ma ni skyes pa dang bud med dang rta dang glang po la sogs pa'i tshul can no/ /dmigs pa ni 'gro ba mthong ba la sogs pa ste/ don dam du med la 'on kyang kun rdzob tu'o//sgyu ma de ni 'khrul pa rnams kyis don dam par btags pa'o/ /gang gi phyir de lta yin pa de'i phyir dbang po la sogs pa ste/ gzugs dang sgyu ma la sogs pa gang ngo bor ni don dam par ro/ /mnyam par ma bzhag sbyor ba ni a sa ma ba sa hi ta yo ga te/ de la a sa ma ni mnyam pa med pa nyid de ting nge 'dzin to//ba sa hi ta yo ga zhes pa gnyis ro gcig pa sgyu ma'i rang bzhin no/ /kun la sogs pa ni yul kun du dang / thag nye ring kun nas dang / brtan pa dang g.yo ba thams cad dang / rnam pa kun ni rnam pa sna tshogs pa'o/ /rtag tu mnyam par bzhag pa dang ma bzhag pa'i gnas skabs su'o//sna tshogs ye shes ni bdag byin gyis brlab pa ste/ de la goms pas rdo rje sems dpa' ni rang nyid kyis mtshan mo ni mngon par 'dod par byas pa'o/ /phyag rgya thams cad ni lha dang mi la sogs pa'i bud med do/ /yang nyon mongs pa la sogs pa ste/'di 'dra ni smig rgyu la sogs pa dang 'dra bar bdag byin gyi rlabs kyi ting nge 'dzin to/ /nye bar dmigs pa ni bden par sgro btags pa'o/ /sgyu ma ni bdag byin gyi rlabs kyi ting nge 'dzin to/ /rnam par mkhas na ni spang bya dang blang bya'i dbye ba shes pa'o/ /bdag byin gyis brlab pa'i dgongs 'grel rdzogs so// //ji skad bshad pa'i bcom ldan 'das rdo rje sems dpa'i khyad par gnyis su med pa'i gzugs bstan par bya ste/ mgon po la sogs pa'o/ /rgyu dang 'bras bu ni byin gyis brlab pa'i 'od gsal gyi bdag nyid gang gi yin pa ni gnyis su med pa'o//gang gi phyir/ bya ba dang ni byed pa dag /ces bya ba la sogs pa 'chad par 'gyur ro/ /gnyis pa ni snang ba thob pa la sogs pa rim pas skye bas rtogs pa ste/ de'i yul ma yin pas so/ /spyod bsdus las/ /'od gsal las 'od gsal dang tha mi dad pa sgrib pa dang bral bas shin du rnam par dag pa'i chos kyi dbyings kyi ye shes ni snang ba thob pa dga' bral gyi bdag nyid can skye'o//de la snang ba mched pa nyi ma chen po'i snang ba bzhin du 'jig rten gyi khams mtha' yas pa snang bar byas pa'i me long lta bu'i ye shes mchog tu dga' ba'o/ /de las snang ba ste dga' ba zla ba snang ba bzhin du snang ba spro ba bskyed pa'i phyir te/mnyam pa nyid dang / so sor rtog pa dang / bya ba grub pa rnams kyis ci rigs par rang dang gzhan gyi 'khor pa'i gdung ba zhi bar byed pa'i phyir don gyi rim par 'byung bar gzhag pa gang yin pa de ni ye shes lnga tha dad du gzhag pa bzhin du ldog pa tha dad pa'i phyir te gdul bya'i bsam pa dang bstun pas rang don yin no//gang gi phyir ji skad bshad pa'i 'od gsal ba las 'od gsal ni cig car nyid du skye'o/ /'di ltar de nyid du rim pas skye bar bshad pa'i mjug thogs su de la stong pa bzhi dang gcig tu gyur pa snang ba'i phung po ltar 'jig rten gyi khams thams cad snang bar byed pa'i mchog tu dga' ba'i rang bzhin gzugs sku skyes te/gang gzugs dang ming gi bdag nyid can rdo rje 'dzin pa chen po zhes bya ba dang / skad cig ye shes las byung ba'i/ /spros pa dang ni sdud mdzad pa/ /spros pa'i ye shes rlabs phra bas//rnam pa sna tshogs du ma'i sku/ /zhes bya ba'i nges don du bshad pa'i ming ni tshor ba dang / 'du shes dang / 'du byed dang / rnam par shes pa'i phung po rnams dang / gzugs ni gzugs kyi phung po ste/ /phung po lnga yi bdag nyid can/ /zhes pa'i don to/ /dngos po gcig bsgyur ba ni gang gi phyir srid pa yongs su shes pa kho na las 'das pa yin pa'i phyir shes rab kyi rang bzhin yin pas 'khor ba ma yin snying rje chen po'i bdag nyid yin pas mya ngan las 'das pa ma yin te/rab tu mi gnas pa'i mya ngan las 'das pa zung du 'jug pa'o/ /'di ltar dpal saM pu Ta las/kun rtog mang po'i mun pas bsgribs gyur pa/ /rlung ni myong zhing mi brtan glog ltar g.yo/ /chags sogs dgag dka' dri mas gos gyur pa'i/ /sems ni rdo rje can gyis 'khor bar gsungs/ /rang bzhin rtog pa dang bral ba/ /'dod chags la sogs dri mas ma gos shing //gzung ba dang ni 'dzin pa med pa'i sems/ /de nyid mya ngan las 'das pa'i mchog tu gsungs zhes so/ /de bas kun nas nyon mongs pa dang / rnam par byang bar dbye ba med do/ /don dam par de bzhin nyid ni kun nas nyon mongs shing rnam par byang bar yang mi 'gyur ro//rang bzhin gyis yongs su dag pa'i phyir ro/ /glo bur ba'i nyon mongs pa la sogs pa dang / de dang bral ba la sogs pa'i kun rdzob tu kun nas nyon mongs pa dang / rnam par byang bar rnam par gzhag go/ /kun rdzob tu dngos po'i rang bzhin can te/ de nyid don dam par rang bzhin med pa ste tha mi dad do//gzung 'dzin ni de kho na nyid du rang bzhin med pas te/ de nyid tha mi dad du zhes rang don no/ /gzung ba ni rang bzhin med par shes pa ste/ mngon sum du byed pa'i shes pa ni de'i rnam par 'dzin pa ste/ de gnyis tha mi dad do zhes des don to/ /rtag pa ni yod pa nyid dang chad pa ni med pa nyid de don dam par med do//kun rdzob dang de'i rang bzhin med pa yod de tha mi dad do/ /stong pa nyid kyi ye shes ni shes rab ste/ de nyid sems can gyi don byed pas snying rje ste/ rtog pa med pa'i gnas skabs su dang po'i snying rje'am kun rtog las byung ba'i 'du byed pas na rang gi don du rab tu 'jug pa'i phyir ro//de ltar saM pu Ta las/ sems can don byed snying po'o/ /zhes gsungs so/ /rang bzhin med gang shes rab ste/ /thabs ni dngos po'i mtshan nyid can/ /zhes gsungs te/ de gnyis tha mi dad do/ /phung po lnga ni sgrib pa dang bral bas lhag ma ste/ de dang bcas pa'i mya ngan las 'das pa dang /phung po lhag ma gang la med pa de ni phung po lhag ma med pa ste/ de la dbye ba med do/ /rnam par dag pa'i phung po rnams kho na rang bzhin med cing mya ngan las 'das pa ste/ gnyis su med pa'i gang zag gi bdag med ni bdag byin gyi rlabs kyi lus dang / chos kyi bdag med ni rang bzhin med pa ste gang gi phyir de gnyis tha mi dad de bsdus pa ni dbye ba med pa'o//'od gsal ni spros pa thams cad med pas gnyid log pa bzhin te/ de las langs na bden pa ji lta ba bzhin du rtogs par bya'o/ /de gnyis med 'od gsal las tha mi dad par rtag tu gnas pa'i phyir ro//mnyam par gzhag pa la sogs pa rgyas par bstan pa ni dran pa la sogs pa ste/ dran pa ni gzhan don byed pa la sogs pa mnyam par ma bzhag pa'i skabs su yang de kho na nyid bsam par bya'o/ /dran min ni bsam pa thams cad dang bral ba'i ting nge 'dzin te/ de gnyis 'di la med do//gang gi phyir 'di gnyis rtag tu 'chang zhing yid bzhin nor bu ltar rnam rtog med kyang gzhan don mdzad pa'o/ /chags pa ni dga' ba'o/ /chags bral ni mchog dang dga' bral lo/ /rim gyis 'byung ba de dag dang bral ba ni gang gi phyir bdag nyid dang ro gcig tu gyur pas mchog ni bla na med pa lhan cig skyes pa'i dga' ba nyid kyi sku longs spyod rdzogs pa ste de dang ldan pa'o//bskyed pa'i rim pa ni lha'i sku dang / rdzogs pa'i rim pa ni de bzhin nyid do/ /dag pa ni sgrib pa med pa'o/ /mi phyed ni dbye ba'i rtog pa dang bral bas so/ /gzugs can ni bde ba chen po dang longs spyod rdzogs pa dang /sprul pa'i sku ste sku gsum mo/ /gzugs med ni rang bzhin med cing 'od gsal chos kyi sku ste/ gzugs dang gzugs can de gnyis tha mi dad do/ /bden pa gnyis ni kun rdzob dang don dam pa'i bdag nyid can no/ /tshul ni mthar thug la dbye ba 'gog pa tsam mo//bdag gcig pa'am de bzhin no/ /zung du 'jug pa'i sgra don gyi mthar thug kyang de yin te/ gang gi phyir don dam pa rang bzhin med pa dang / kun rdzob ni gcig kyang ma yin pa bzhin du gnyis ka'i yang ma yin no/ /de dang de las gzhan du brjod par bya ba ma yin pa nyid do//dngos po yod na de dang de las gzhan gyi rtog pa 'byung la/ dngos po rang bzhin med pa rnams la don med pa nyid do/ /phyag rgya chen po ni rdo rje 'dzin pa'i sku'o/ /rnal 'byor chen po ni shes rab tu gyur pa'o/ /bsgom par bya'o zhes pa ni spyod bsdus las/ kun rdzob dang don dam gnyis rang bzhin med par 'dir yongs su shes pa bsgom pa'o zhes gsungs so//so sor sdud la sogs pa'i yan lag drug gis bsgom par gang bshad pa de nyid du bsdus te tha dad du ma bshad do/ /de la mdor bsdus kyi rim pas so sor sdud dang bsam gtan te/ rdo rje bzlas pa'i rim pas srog rtsol gyi yan lag go//bdag byin rlabs dang 'od gsal gyi rim pa dag gis ji ltar dang / ngag tu 'dzin pa de 'dzin pa'i yan lag bstan to/ /zung du 'jug pa'i rim pas rjes su dran pa dang ting nge 'dzin gyi yan lag go/ /gang gi phyir so sor sdud pa ni lha rnams bsgom pa ste/ de dag kun rdzob dang don dam pa'i tshul gyis nges par brtags la rnam par rtog pa dang rnam par dpyod pa'o/ /de nas de kho na nyid la 'jug pa la mngon par phyogs pas dga' ba dang bde ba'o/ /de nas stong pa nyid gcig pa la sems gtad pa ni sems rtse gcig pa ste/ bsam gtan yan lag lnga pa'o//gzhom du med pa la bsdus pa'i rlung ni srog rtsol lo/ /sgyu ma'i rang bzhin rdo rje 'dzin pa'i sku 'od gsal gyi bdag nyid ni 'dzin pa'o/ /'od gsal gyi rjes su dran pa ni skad cig gis rdo rje 'dzin pa'i skur rdzogs pa ste/ rjes su dran pa'o/ /rdo rje 'dzin pa de nyid zung du 'jug pa'i bdag nyid can du bsgom pa ni ting nge 'dzin to//sgron gsal gyi rjes su 'brangs pa bsdus shing snying por gyur pa'i bshad pa 'di nyid do/ /khyad par du yan lag drug ni brgyud pa'i snye ma las gsal ba'i phyir 'dir ma bshad do/ /spyod pa ni spros bcas dang / spros med dang / shin tu spros med kyi spyod pa gang rung ste/gang gi phyir dbang du byas nas spyod pa bsdus la/ don gyi de ltar 'dod pa la spyod pa rnams kyis phyi'i shes rab ma dang snyoms par 'jug ste/ mchog tu dga' ba'i bde ba skad cig re re myong ba dang / yongs su rdzogs pa'i skabs su 'khor bar rtag tu dga' ba'i tshul du 'gyur ro zhes gsungs so//'dir dang por zung du 'jug pa sgom pa dang / de'i khyad par mthar thug pa'i 'bras bu la lhan cig skyes pa'i rang bzhin nyid dang / de sad par byed pa'i phyir phyag rgya bstan pa yang bstan to/ /tha ma shin tu spros med kyi spyod pa ni dang por ye shes kyi phyag rgya la sogs par byed la sad par byed pa ni phyi'i phyag rgya nyid kyis so//de nyid kyi phyir/ 'di la 'dod kun bde ba'i dga' ston kun/ /'bad pa med bzhin 'grub par 'gyur/ /zhes gsungs so/ /de dang mtshungs pa ni zung du 'jug pa'i rjes su 'gro ba ste/ tha dad du 'dzin pa yongs su spong bar byed do//de nyid bshad pa ji ltar zhes bya ba la sogs pa'o/ /de ltar na bdag nyid sgra la sogs pa re re kun rdzob dang / don dam zung du 'jug pa nyid shes nas spyod pa la 'bad pa med pa nyid kyang phun sum tshogs pa thams cad lhun grub tu 'byung ngo / /de ltar spyod bsdus las/ kun las the tshom nges spangs nas//rnal 'byor byis pa bzhin du spyod/ /gang tshe rnal 'byor 'bad med 'gyur/ /de tshe phun sum tshogs pa 'byung / /zhes gsungs so/ /sgron gsal las kyang / rdo rje pad+ma mnyam sbyor bas/ /ye shes gsum gyi dbye ba shes/ /gos dang ma gos blo gros der/ /rtag tu bde bas spyod pa yin//bkag pa yang ni byas nas su/ /bya dang bya min rnam spangs la/ /pad+ma chu yis ma gos bzhin/ /rang bzhin shes pas gos ni 'gyur/ /sgyu ma lta bu'i ting 'dzin gyis/ /dngos po kun gyi bdag nyid 'phel/ /dam tshig bzhi nyid la gnas shing / /sangs rgyas phrin las byed par 'gyur//dbang phyug yon tan brgyad dang ldan/ /rang nyid thams cad mkhyen par 'gyur/ /ma lus 'jig rten khams kun don/ /ye shes sku yis rnam par spyod/ /de yi khams ni nam mkha' ste/ /gtso bo gang la kun spyod pa/ /sgyu ma lta bu'i ting 'dzin gyis/ / de nyid du ni rtsi bar 'gyur/ /zhes bshad do/ /zung du 'jug pa'i dgongs 'grel rdzogs so// //gsang 'dus bshad pa 'phags pa'i gsung / /de dang mthun pa mtha' drug pa/ /gsum gnad gsal ba'i 'grel pa 'di/ /mtshan mo phyogs bcu'i zla 'od bzhin/ /ye shes bdud rtsi'i rgya mtsho 'phel 'gyur de steng 'dzam gling 'dir//dpag bsam shing 'khrungs 'gro rnams skye dang yongs su smin pa'i gzhi/ /bdag kyang yun rings gnyis med gnas ni 'gro la nyer bstan cing / /dga' bcas tshogs la sku chen rol pas thub pa'i dbang phyug gyur/ /rim lnga'i dgongs 'grel zla ba'i 'od zer zhes bya ba/