CLOSE WINDOW

D1829
བོད་ཡིག

/ //rgya gar gyi mkhan po A tsAr+ya shrad+hA hUM ka ra warma dang zhu chen gyi lo tsA ba ban+de rin chen bzang pos bsgyur ba'o/[ ]@##/ //rgya gar skad du/ bo d+hi tsi t+ta pi ba ra Na TI kA/ bod skad du/ byang chub sems kyi 'grel pa'i rnam par bshad pa/gcig dang du ma min sbyor ba/ /mkhyen nas rtog pa kun spangs pa'i/ /ston pa'i bdag nyid thugs rje can/ /btud nas rnam bshad 'di byas so/ /nga rgyal gyis sam grags dang rnyed/ /'dod nas brtsams pa ma yin te/ /dad pas phyogs tsam byas 'di la//mkhas pas dpya yang bzod par gsol/ /de la 'di'i gleng gzhi ni ston pa sangs rgyas bcom ldan 'das byang chub kyi sems rdo rjes bsngags pa'i sgo nas spyad pa spyod pa'i byang chub sems dpa' rnal 'byor pha dang ma'i don du bla na med pa yang dag par rdzogs pa'i byang chub kyi sems bsgom pa'i thabs rgyud kyi rgyal po gsang ba 'dus pa las/dngos po thams cad dang bral ba zhes bya ba la sogs pa'i man ngag gi lung rtsa ba bstan to/ /de'i bsdus pa'i don dam pa'i byang chub kyi sems dang //de bsgom par dam bca' ba dang / kun rdzob byang chub kyi sems dang / de gnyis rtogs par bya ba'i thabs so/ /de la don dam pa byang chub kyi sems bsgom pa'i rim pa la bzhi ste/ dngos po thams cad dang bral bas shes pa mu stegs kyi lta ba sun dbyung ba bstan pa dang /phung po dang khams dang skye mched dang gzung ba dang 'dzin pa rnams sngangs zhes pas bye brag tu smra ba dang mdo sde pa'i lta ba sun dbyung ba dang / chos bdag med pa mnyam pa nyid ces pas sems tsam pa'i lta bsun dbyung ba dang / rang sems gdod nas ma skyes pa stong pa nyid kyi rang bzhin zhes bya bas dbu ma pa'i lta ba grub nas rnam par gzhag pa dang /ji ltar sangs rgyas bcom ldan 'das zhes pa la sogs pas don dam pa byang chub kyi sems bsgom par dam bca' ba bstan pa'o/ /kun rdzob byang chub kyi sems bskyed pa la yang ma bsgral ba'i sems can rnams bsgral ba'i don dang zhes bya ba la sogs pa'i tshig bzhis ngan song gsum dang /lha dang / mi dang / nyan thos dang / rang sangs rgyas dang / byang chub sems dpa' rnams rim pa bzhin du bsgral ba la sogs par bstan to//rtogs par bya ba'i thabs kyang gnyis te/ /smon pa ni 'di ltar zhes pa la sogs pa ste/ kun rdzob byang chub kyi sems so/ /bsgom pa ni don dam pa ni zhes bya ba la sogs pa ste/don dam pa'i byang chub kyi sems te/ de ltar na rtsa ba'i don bcu gcig go/ /da ni de'i don rgyas par rtogs par bya ba'i phyir/ de nas zhes bya bas 'grel pa'i mgo brtsams pa ste/ de gang du/ gang gis/ gang las/ gang / gang gi phyir byas she na/dpal gyi ri bo la 'phags pa klu sgrub zhabs kyis/ gsang ba 'dus pa las/ dbu ma'i lta bar bsdus pa don dam pa dang kun rdzob byang chub sems gnyis yin la/ dgos pa phyi rol gyi lta ba bsal nas rang bzhin med pa'i ye shes dang snying rje gtsor bzhag ste/yi ge nyung ngus don gsal bar go rims su phyogs su byas nas 'grel to/ /de ltar na rtog pa sngon du byed pa'i gang zag la rtsis mgo lngas bstan to/ /de'i sa gcod ni bco lnga ste/ phyag 'tshal ba dang / dbu zhabs kyi don dang / bshad par dam bca' ba dang /don dam pa'i byang chub kyi sems cher gzhag pa'i don dang / dngos po thams cad dang bral ba 'grel ba'i don dang / phung po la sogs pa spang ba 'grel pa dang / chos bdag med pa mnyam pa nyid 'grel pa dang / rang gi sems ma skyes pa la sogs pa'i 'grel pa dang /kun rdzob byang chub kyi sems cher gzhag pa'i don dang / ma bsgral ba'i sems can bsgral ba la sogs pa'i 'grel pa'i don bzhi dang / byang chub kyi sems gnyis kyi yon tan dang / dge ba bsngo ba'o/ /de la phyag 'tshal ba'i don ni byang chub kyi sems zhes pa nas bstan to//dbu zhabs kyi don ni byang chub kyi sems bsgom pa srid pa 'joms zhes pas so/ /bshad par dam bca' ba ni bdag gis bshad ces pas so/ /don dam pa byang chub kyi sems cher gzhag pa ni bdag dang zhes pas so//dngos po thams cad dang bral ba'i 'grel pa ni mu stegs zhes pa nas so/ /phung po dang bzhi zhes bya ba la sogs pa'i 'grel pa ni 'jig rten bdag sogs zhes pa nas so/ /chos bdag med pa mnyam pa nyid kyi 'grel pa ni sems tsam 'di zhes pa nas so/ / rang gi sems zhes bya ba la sogs pa'i 'grel pa ni mtshan nyid med pa mi skye ba zhes bya ba nas so/ /kun rdzob byang chub kyi sems cher gzhag pa'i don ni de ltar sgom par byed pa na zhes bya ba nas so/ /ma bsgral ba sgrol ba'i 'grel pa ni gang gis dgongs pa zhes pa nas so//ma bsgral ba'i 'grel pa ni sems can bsgral ba'i zhes pa nas so/ /dbugs dbyung ba'i 'grel pa ni theg pa chen po zhes bya ba nas so/ /mya ngan las zlo ba'i 'grel pa ni gzungs rnams zhes pa nas so/ /byang chub kyi sems gnyis kyi yon tan ni phyag rgya zhes pa nas so//bsngo ba ni rgyal ba zhes pa nas bstan to/ /da ni rtsa 'grel de'i 'bru gnon te/ de la re zhig mu stegs pa sun dbyung ba'i dngos po thams cad dang bral ba zhes pa ste/ de la dngos po thams cad ni phyi dang nang ngo / /de la nang gi dngos po bcu drug bshad pa/bdag dang sems can srog dang ni/ /skye ba gso ba skyes bu dang / /gang zag shed skyes shed bu dang / /byed po byed du 'jug tshor ba/ /shes mthong slong ba kun slong rnams/ phyi rol dngos po bum rnams dang / /re lde la sogs rdzas mtha' yas/ / de yod pas don byed phyir ro/ /thams cad ces bya ba ni skye mched bcu gnyis kyi bdag nyid grangs med la shes par bya ste/ grangs dang bcas pa ni ma yin no/ /dngos po yang de thams cad kyang de nyid pas dngos po thams cad ces bya'o/ /de ltar yang kye bram ze thams cad ces bya ba ni skye mched bcu gnyis kho na'o zhes gsungs so//de nyid kyi dpyad pa la med pas na bral ba ste dngos po rnams ma brtags na gcig tu nyams dga' ba'i phyir ro/ /bye brag tu smra ba dang mdo sde pa sun 'byin pa ni phung po zhes bya ba sogs pa ste/ de la phung po ni gzugs la sogs pa ste spungs pa'i phyir ro/ /de yang dus gsum gyi gzugs bzang ngan dang / che phra yod do cog gcig tu spungs pa dang / de bzhin du bde ba la sogs pa myong ba rnams dang / 'di ni dkar po zhes bya ba la sogs pa kha dog dang /ring po la sogs pa dbyibs dang / bzang po la sogs pa bye brag mtshan mar 'dzin pa rnams dang / dus gsum pa'i sems las byung ba rnams dang / mi ldan pa'i 'du byed rnams dang / dus gsum gyi yul tha dad pa la shes pa'i rnam par shes pa/shes pa'i tshogs bdun po rnams gcig tu spungs pa'i rnam par shes pa ste phung po lnga'o/ /khams ni mig la sogs pa'i khams bco brgyad de/ spyi dang rang gi mtshan nyid 'dzin pa'i phyir dang / rigs kyi don 'dzin pa'i phyir dang / srid pa'i sa bon yin pa'i phyir khams so//skye mched ni mig la sogs pa'i skye mched bcu gnyis te/ rnam par shes pa bskyed cing 'phel bar byed pas na skye mched do/ /gzung 'dzin ni phyi'i gzugs la sogs pa'i skye mched drug dang / nang gi mig la sogs pa skye mched drug la sems tsam pas kun du brtag pa'i ming ste/dbang pos spyod yul du gzung ba'i phyir dang / dbang po 'dzin mkhan yin pa'i phyir ro/ /de rnams don dam par rdzas su med par spangs te/ 'og nas kyang 'byung ba'i/ gzugs ni dbu ba 'dra zhes brjod//ces bya ba la sogs pas 'grel to/ /sems tsam pa'i lta ba sun dbyung ba ni chos bdag med pa mnyam pa nyid ces bya ste/ de la chos ni mdor na phung po lnga ste/ spyi dang rang gi mtshan nyid 'dzin pas na lung las kyang / mtshan nyid 'dzin pas na chos zhes bya zhe'o//bdag med ces bya ba ni sbrul gyi pags pa brje ba ltar lus kyi phung po'i nang na/ phung po snga ma 'dor zhing / phyi ma len pa brtag pa'i ngo bo dang nga yir 'dzin pa'i gzhi/ bdag ces bya bar mu stegs pas brtags pa'o/ /de dang 'dra bar sangs rgyas pa'i chos dang /mu stegs pa'i chos bdag bsal nas rnam par rig pa tsam du gzhag pa'o/ /de ji ltar phung po dang bdag med pa de bzhin du rnam par rig pa yang med par 'dra bas na chos bdag med pa mnyam pa nyid ces bya ste/ 'og nas/ sems tsam 'di yis sna tshogs su/ /zhes bya ba la sogs pas 'grel to/ /de ltar dngos po la sogs par lta ba bsal nas/ dbu ma'i don cher gzhag pa ni/ /rang sems gdod nas ma skyes pa/ /zhes pa ste don dam par rang gi sems tsam yang mi skye ste yod med dbus las 'das pa'i phyir ro//'di ltar mu stegs pa'i dbang phyug la sogs pas byas pa lta bu ma yin pa/ gdod nas ma skyes pa sems dang po nas yod zin pa cig yin na ni skye mi dgos la dngos po med na med pa ji ltar skye ba mi sbyor ba'o/ /de ltar yod pa dang med pa'i mtha' med ma thag tu dbu mar skye ba mi dmigs so//'o na ji lta bu zhig gi ngo bo nyid yin zhe na/ stong pa nyid kyi rang bzhin te/ dngos po med pa nam mkha' lta bu'o/ /'di lta ste/ nam mkha' nam mkha' zhes tha snyad la yod kyang / dpyad na stong pa yin pa'i phyir ro//de ltar yang shes rab kyi pha rol tu phyin pa las/ rnal 'byor nam mkha' bsgom pa ni/ /ji skad du gsungs pa'i shes rab kyi pha rol tu phyin po bsgom pa zhes gsungs so/ /don dam par byang chub kyi sems bsgom par dam bca' ba bstan par bya ba ni/ ji ltar sangs rgyas bcom ldan 'das zhes bya ba la sogs pa ste de la ji ltar zhes bya ba ni dpe 'dren pa'o/ /sangs rgyas bcom ldan 'das ni rnam par snang mdzad la sogs pa ste/ sangs rgyas kyang yin la bcom ldan 'das kyang yin pas so/ /de la sangs rgyas ni skyes bu sad pa ltar ma rig pa'i gnyid sad nas pad+ma kha bye ba ltar chos rnams khong du chud pas thugs rgyas pa'o//bcom ldan 'das zhes bya ba ni nyan thos kyi theg pa las bdud bzhi bcom pa ste/ 'di ltar ma rig pa'i zag pa zad nas nyon mongs pa'i bdud bcom pa ste/nyon mongs pa kun ni ma rig pa las 'byung ba'i phyir ro/ /srid pa'i zag pa zad pas 'chi bdag gi bdud bcom pa ste 'du byed kyi sdug bsngal spangs pas chags pa dang bral ba'i phyir ro/ /lta ba'i zag pa zad pas phung po'i bdud bcom pa ste nye bar len pa'i phung po ni 'jig tshogs su lta ba yin pa'i phyir ro//'dod pa'i zag pa zad pas lha'i bu'i bdud bcom ste phyin ci log pa'i 'dod chags spangs pa'i phyir ro/ /de ltar bdud bzhi bcom nas zad pa dang mi skye bshes pa'i ye shes dang ldan pa'o/ /yang na byang chub sems dpa'i theg pa la dbul po dang /ngan song dang / gzugs mi sdug pa dang / grags pa med pa dang / dpal med pa dang / ma rig pa rnams pha rol tu phyin pa drug gis rim pa bzhin du bcom ste/ 'bras bu dbang phyug dang / rab mchog dang / gzugs bzang dang / grags pa dang /dpal dang / ye shes dang ldan pa'o/ /yang na de bzhin gshegs pa'i theg pa'i sems tsam la de bzhin nyid dang stobs bcu mngon du gyur pas kun gzhi dang / shes bya'i sgrib pa bcom ste me long lta bu'i ye shes dang ldan pa dang / yang dag pa'i mtha' mi 'jigs pa bzhi mngon du gyur pas nyon mongs pa can gyi yid dang /nyon mongs pa'i sgrib pa bcom ste mnyam pa nyid kyi ye shes dang ldan pa dang / mtshan ma med par so so yang dag par rig pa mngon du gyur pas rnam par rtog pa'i rnam par shes pa dang / las kyi sgrib pa bcom ste so sor kun du rtog pa'i ye shes dang ldan pa dang /don dam pa dang snying rje chen po mngon sum du gyur pas 'jug pa'i rnam par shes pa dang / skye ba'i sgrib pa bcom ste bya ba nan tan gyi ye shes dang ldan pa'o/ /de bzhi ni zad pa'i ye shes te de kho na'i phyir skyes pa ni mi skye ba shes pa'i ye shes kyi ngo bo chos kyi dbyings kyi ye shes so//de bzhin gshegs pa'i theg pa dbu ma ni gnyis su med pa'i ye shes kyis shes bya'i sgrib pa la sogs pa thams cad bcom ste/ rnam par mi rtog pa'i ye shes dang ldan pas na bcom ldan 'das so//de yang mu bzhi ste/ mu dang po sangs rgyas yin la bcom ldan 'das ma yin pa ni nyan thos dang rang sangs rgyas te/ sbyin pa la sogs pa drug mi spyod pas legs pa drug dang mi ldan pa'o/ /mu gnyis pa bcom ldan 'das yin la sangs rgyas ma yin pa ni sa bcu'i byang chub sems dpa' rnams te/thugs rje'i dbang gis 'khor bam spangs pa'i phyir ro/ /mu gsum pa gnyis ka yin pa ni de bzhin gshegs pa ste pha rol tu phyin pa mthar phyin nas mi gnas pa'i mya ngan las 'das pa la zhugs pa'i phyir ro//mu bzhi pa gnyis ka ma yin pa ni so so'i skye bo rnams so/ /de lta bas na sangs rgyas dang bcom ldan 'das gnyis kyi tshig gnyis gcig tu byas pa'i sgra las de bzhin gshegs pa la shes par bya'o/ /byang chub sems dpa' chen po zhes bya ba ni byang chub sems dpa' yang yin la sems dpa' chen po yang yin pas sems dpa'i sgra gcig mi mngon par byas nas byang chub sems dpa' chen po zhes bya bar 'dod do//de la byang chub ni rnam pa thams cad mkhyen pa'i ye shes so/ /de bsgom pa'i sems brtan pas sems dpa' ste/mu stegs pa las khyad par du ye shes kyi tshogs bsags pa'i phyir ro/ /chen po ni mtha' yas pa'i sems can gyi don chen po byed pa ste/ nyan thos las khyad par du bsod nams kyi tshogs bsags pa'i phyir ro/ / yang na yum las che ba bdun dang ldan pas kyang ste/ sems can chen po'i nang nas mchog tu gyur pa dang / sems can gyi khams chen po'i log pa'i lta ba gcod pa dang / sbyin pa dang / blo dang / mthu che ba dang / theg pa chen po la gnas pa dang / go cha chen po bgos nas kyang bdud 'joms par byed pa'o//de yang mu bzhi ste byang chub sems dpa' min la/ sems dpa' chen po ma yin pa ni nyan thos dang rang sangs rgyas te sems can gyi don mi byed pa'i phyir ro/ /chen po yin la byang chub sems dpa' ma yin pa ni phyi rol pa'i ston pa lha chen po rnams te nyon mongs pa ma spangs pa'i phyir ro//gnyis ka yin pa dang ma yin pa ni snga ma yin no/ /de ltar na byang chub sems dpa' chen po ni sa bcu pa rnams la bya'o/ /de dag gis zhes pa ni sangs rgyas bcom ldan 'das dang byang chub sems dpa' chen po la mtshon pa'o//byang chub ni dam tshig chen po rdo rje lta bu'i de kho na nyid mngon par rdzogs pa'i byang chub ste zad pa dang mi skye ba'i rang bzhin ye shes lnga'i ngo bo yin pa'i phyir 'di lta ste/ zad pa'i ye shes kyi mtshan nyid me long lta bu'i ye shes la sogs pa bzhis ni byang la mi skye ba'i ye shes kyi mtshan nyid chos kyi dbyings kyi ye shes kyis chub pa rdzogs par byas pa'o//yang na chos thams cad phyin ci ma log par bslab par rtog pa ni byang chub ste thams cad mtshan nyid do/ /de nyid chen po ste 'og ma gnyis dang yang dag par rdzogs pa'i byang chub las phye ba'i phyir ro//de la sems bskyed pa ni bsgom pa'i stobs kyis sems gnyis su med par mngon du byas pa'o/ /de ltar zhes bya ba ni don gyi mgo 'dren pa'o/ /bdag gis zhes bya ba ni sngags kyi sgor zhugs pa'i rnal 'byor pa'o//kyang gi sgras ni sangs rgyas bcom ldan 'das dang / byang chub sems dpa' gcig pur ma zad de zhes bya ba'i tha tshig go/ /dus ni phung po lnga'i ngo bo ste skad cig la 'jig cing mi rtag pa'i phyir ro/ /'di zhes bya ba ni mngon du mtshon pa'o/ / bzung nas zhes pa ni dang du len pa'o/ /mdor bsdu na dus 'di nas bzung nas zhes pa ni de bzhin gshegs pa dang slob dpon gyi spyan sngar dam bcas pa'i dus la shes par bya'o/ /ji snyed ces bya ba ni mtha' yas pa'i dus la snyegs pa'i sgra'o/ / byang chub ni bshad pa nyid do/ /de'i snying po ni byang chub snying po ste rang bzhin gyi don 'dod pa bsgrub pa'i phyir ro/ /la zhes pa ni rten gnas brtan pa'o/ /gnas pa ni mngon du gyur pa'o/ /rab tu zhes pa ni dus mthar phyin pa'i tshad bstan pa'o/ /lhag ma ni bshad zin to//da ni kun rdzob byang chub sems kyis sems can ma bsgral ba rnams bdag gis bsgral lo zhes bya ba la sogs pa bcom ldan 'das kyis rgyud las sil bu bstan pa las/ 'dir mu gcig tu byas pa las re zhig ngan song gsum bsgral ba'i don ni ma bsgral ba'i sems can rnams zhes te/ma bsgral ba yang yin la sems can yang yin pas na ma bsgral ba'i sems can te ngan song gsum mo/ /de la ma bsgral ba ni sdug bsngal gyis gzir bas dge ba'i sems kyi dran pa nyams te ngan song gsum las mi thar pa'i phyir ro//sdug bsngal gyi sdug bsngal ni 'di lta ste/ tsha grang dang bkres skom la sogs pa'o/ /kun gzhi dang ldan pa ste dge mi dge'i las sems kyis sdud pas na sems can te lang kar gshegs pa las/ las ni sems kyis sdud par byed/ /yid kyis kyang ni rnam par rtog /las ni mthong bar rtogs pa yin/ /zhes gsungs so/ /de rnams lha dang mi thob par byed pas na bsgral ba ste/ cho 'phrul chen po'i mthus sdug bsngal bcom nas dge ba'i sems bskyed par bya ste/ dper na 'phags pa spyan ras gzigs kyi dbang phyug tsha ba'i dmyal bar gshegs nas dmyal ba'i sa gzhi mtshor bsgyur ba la sogs pa lta bu ste 'dir smras pa/thugs rje che ldan dmyal bar ched du gshegs/ /sa gzhi mtshor bsgyur pad+ma rnams kyang skyes/ /tsha ba rnams ni sdug bsngal nyid bral te/ / dge ba'i sems kyis bran pa skyed par mdzad/ /de bzhin khab kyi mchu can la sogs pa'i/ /kha la phyag gis bdud rtsi'i rgyun phab nas/ /bkres skom bcom nas dge ba'i sems la bkod/ /bung ba la sogs gzugs kyis skal mnyam du/ /dkon mchog mtshan brjod dge ba thob par mdzad//ces za ma tog gi mdo las bstan pa bzhin no/ /don zhes bya ba ni sems bskyed pa'i dgos pa'o/ /lha dang mi'i don ni ma grol ba'i zhes bya ba la sogs pa ste/ 'dod chags la sogs pas bcings pa'i phyir ro/ /de dag la ma chags pa dang byams pa dang yang dag pa'i lta ba bskyed nas 'khor ba las thar bar byas pa ni sgrol ba ste thar pa'i cha la bskyed pa'o//nyan thos la sogs pa dbugs dbyung ba'i don ni dbugs ma phyung ba'o zhes pa ste/ sems dang sems las byung ba'i chos bkag nas shin tu stong pa la gnas pa'i phyir ro//de dag la theg pa chen po'i don bstan nas te/ 'khor ba'i 'jigs pa bsal ba ni dbugs dbyung ba ste gzhan don la btsud pa'o/ /byang chub sems dpa' mya ngan las 'da' ba ni yongs su zhes bya ba la sogs pa ste thugs rje'i dbang gis 'khor ba la gnas pa'i phyir ro//de dag la mi dmigs pa'i snying rje chen po bstan pas yongs su mya ngan las 'da' ba ste/ yongs su ma lus pa'i go 'phang mi gnas pa'i mya ngan las 'das pa'o/ / kun rdzob byang chub kyi sems bskyed par bya ba'i thabs bstan pa ni de ltar zhes bya ba gnas te/ de ltar zhes bya ba'i tshig gis 'das ma thag pa mtshon pa'o/ /kun rdzob kyi chos thams cad rang bzhin med pa las/ 'jig rten pa'i tha snyad kun la tshig dang yi ge bstan pa'i sgo nas 'jug pa de'i cha ni kun rdzob kyi rnam pa zhes bya ba ste bye brag tu 'byed do//de smon pa byang chub kyi ngo bo bskyed nas zhes bya ba la/ /de la smon pa ni don du gnyer ba'i ngo bo ste gzhan gyi don du bdag sangs rgyas par 'dod pa'i phyir ro/ /smon pa des bskyed pa'i byang chub kyi sems shes te mi dmigs pa'i snying rje chen po'o//de'i rang bzhin ni ngo bo ste snying rje chen po'o/ /rang gi mtshan nyid ces bya ba'i don to/ /de smon pa'i sgo nas rkyen bzhis 'dus byas pa ni bskyed pa ste yid la mngon du byas pa'o/ /don dam pa byang chub kyi sems bsgom pa'i sgo nas bskyed pa'i thabs bstan pa ni don dam pa ni zhes bya ba nas te/de la don dam pa ni 'jig rten las 'das pa'i ye shes dam pas dmigs pa'i sdug bsngal thams cad med pa mya ngan las 'das pa ste 'phags pa'i ye shes kyi spyod yul lo/ / de'i phyir byang chub tu sems bskyed par bya'o zhes pa dang 'brel to/ /de ji ltar bskyed par bya zhe na/ de ni bsgom pa'i stobs kyis te/ de la bsgom pa chos nyid la mnyam par gzhag pa'i yon tan sems la chags par byed pa'o/ /de'i nus pa'i khyad par/ ni stobs te ye shes kyi stobs so/ /byang chub kyi sems de gnyis gang gis bskyed ce na/ de bstan pa ni sngags kyi sgo nas zhes bya ba la sogs pa ste/ de la sngags ni shes skyob ste/ /rnam par mi rtog pa'i ye shes dang snying rje'i rang bzhin gsungs nas bzlas pa'i phyir ro//de dang po nas dang du len pa'i sems ni sngags kyi sgo nas spyad pa spyod pa ste de la dang po 'jug pa'i theg pa ni sgo'o/ /dam tshig gi sdom pa srung zhing zla ba'i dkyil 'khor dang yig 'bru la sogs pa bsgom pa'i mngon par rtogs pa'i rim pa ni spyad pa'o/ / de rtse gcig tu bsgom pa ni spyod pa'o/ /sngags kyi sgo nas spyad pa spyod pa yang yin la/ byang chub sems dpa' yang yin pas na/ sngags kyi sgo nas spyad pa spyod pa'i byang chub sems dpa' ste rnal 'byor pho mo la bya'o/ /de dag gis kyang byang chub sems brtan par byed pas na rgyu la 'bras bu'i ming btags pa'o//yang na bskal pa bzang po'i byang chub sems dpa' rnams la shes par bya'o/ /da ni chos 'di'i 'grel pa rtsom pa ni/ de nas de'i ngo bo nyid bshad do zhes bya ba la sogs pa ste de nas zhes bya ba ni rtsa 'grel la sogs mjug sbrel ba'i tshig go//yang na bkra shis kyi tshig ste yi ge thams cad kyi mchog a yin pa'i phyir/ a ni yig 'bru kun gyi mchog /ces 'byung ba'o/ /de'i zhes bya ba ni rtsa ba las mtshon pa'o/ /ngo bo nyid ni rtsa ba'i rang bzhin no/ /bshad pa ni 'grel pa'o/ / de la re zhig rtog pa mngon du byed pa'i sems dad pa bskyed pa dang / rang gi bya ba 'di la bar chad zhi bar gyur nas mthar phyin par bya ba dang / rang gi ston pa bcom ldan 'das kyi che ba'i yon tan brjod par 'dod nas/ 'phags pa klu sgrub kyis phyag 'tshal ba gsungs pa ni byang chub sems kyi zhes bya ba la sogs pa ste/de la byang chub sems ni stong pa chen po rdo rje lta bu'i ye shes te/ chos thams cad phyin ci ma log par lhag par rtogs pa'i phyir ro/ /de'i rang bzhin du gyur pa ni byang chub sems kyi bdag nyid ces pa ste/ bdag gi sgras ni rang bzhin la shes par bya ba'i bdag nyid du lta ba ni ma yin no//de'i rnam par smin pa dus gsum gyi de bzhin gshegs pa thams cad kyi rten mi gnas pa'i mya ngan las 'das pa'i ngo bo ni byang chub sems kyi bdag nyid gzugs zhes te/ rdo rje sems dpa'i sku phyag rgya chen po'o//de ni ye shes kyi tshogs rang gi don phun sum tshogs pa'i sgo nas bstod pa'o/ /yang dpal ldan de lha'i rigs phun sum tshogs pa dang ldan pa'i phyir ro/ /yang na rdo rje sems dpa'i sku phyag rgya chen po dang ldan pas na dpal ldan no/ /de ni bsod nams kyi tshogs gzhan gyi don phun sum tshogs pa'i sgo nas bstod pa'o//rdo rje ni ye shes lnga dang rigs lnga'i rang bzhin stong pa nyid kyi bdag nyid do/ /des phyin ci log gi nyon mongs pa bcom pas na mtshon cha'o/ /de ye shes kyi rtags su phyag na ldan pas can zhes bya'o//de ni phyag mtshan gyi sgo nas bstod pa'o/ /btud pa ni lus la sogs pas phyag 'tshal ba'o/ /de la rang dang gzhan gyi don phun sum tshogs pa'i sgo nas bstod pa'o/ /yan lag lngas sa la rig par thal mo sbyar ba dang / sems la mdun du byas pa'i tshul gyis so//da ni dbu zhabs kyi don du gsungs te/ byang chub kyi sems bsgom pa srid pa 'joms zhes te byang chub sems bsgom pa ni bshad zin to/ /de ci 'dra zhe na srid pa 'joms pa ste/ de la srid pa ni nye bar len gyi phung po lnga'i rang bzhin 'dod pa dang /gzugs dang gzugs med pa'i srid pa ste 'byung zhing 'gyur ba'i phyir ro/ /de rang bzhin gyis sgyu ma dang 'dra bar shes pa'i srid pa 'joms pa ste chos thams cad phyin ci ma log par rtogs pa'o/ /bshad par dam bca' ba ni bdag gis bshad ces gsungs te/'phags pa klu sgrub bdag gis tshig gi gnas lnga dang ldan par 'grel pa'o/ /de gang zhe na/ nges pa'i tshig dang / de'i rgyu dang / dpe dang / nye bar 'gro ba dang / nges par 'gro ba'o/ /don dam byang chub kyi sems cher gzhag pa'i don ni/ bdag dang phung po zhes pa nas te/bdag dang phung po ni snga ma bzhin no/ /sogs pa zhes pa ni gnyis ka la mtshon pa yin te/ bdag la sogs pa ni sems can la sogs pa bco lnga'o/ /phung po la sogs pa dang / sangs rgyas rnams kyi zhes bya ba la sogs pa ste/ 'jig rten gyi rdul phra rab ji snyed dang mnyam pa rdo rje theg pa'i sgo nas mngon par rdzogs par sangs rgyas pa'i dus gsum gyi de bzhin gshegs pa rnams te/ snga ma ltar sang pa dang rgyas pa'i phyir ro/ /de yang mu gsum ste dang po yang dag par rdzogs pa'i sangs rgyas yin la bla na med pa ma yin pa ni theg pa chen po mdo sde'i sgo nas sangs rgyas te rdo rje'i theg pa bla na yod pa'i phyir ro//gnyis pa gnyis ka yin pa ni gsang sngags rdo rje theg pa'i sangs rgyas te mthar thug pa'i phyir ro/ /mu gsum pa gnyis ka ma yin pa ni theg pa chung ngu'i sangs rgyas te theg pa chen po gang na yod pa'i phyir dang shes bya'i sgrib pa ma spangs pas yang dag par rdzogs pa'i sangs rgyas ma yin pa'i phyir ro//de lta bu'i sangs rgyas rnams kyis byang chub sems 'dod ces 'brel lo/ /de'i mtshan nyid ci 'dra zhe na stong pa'i mtshan nyid de'i rang bzhin med pa la spyi'i mtshan nyid ces bya ba'i tha tshig go//rtag tu zhes pa ni rgyun mi 'chad pa ste skad cig ma la skye zhing 'jig pa'i dus gsum mo/ /'dod pa ni don dam par dbu ma'i mtshan nyid kyi lta bar phye nas 'dod pa'o/ /byang chub sems de ji ltar bsgom zhe na/snying rjes brlan pa'i zhes pa nas te/ snying rje ni rnam par 'tshe ba'i gnyen po ste zhe sdang med pa'i ngo bo sdug bsngal dang de'i rgyu dang bral bar byed pa'i mtshan nyid do/ /de yang don gyi rnam pa brgyad dang ldan pa'i snying rje chen po ste/ 'di ltar rang bzhin dang /rnam pa dang / dmigs pa dang / sa dang / rigs dang / rnyed pa dang / skyabs med pa la skyabs sbyin pa dang / mi mnyam pa dang mnyam pa'o/ /de la rang bzhin ni dus gsum med pa'i rang bzhin no/ /rnam pa ni sdug bsngal gsum pa snying rje ba'o/ /dmigs pa ni gcig nas khams gsum gyi sems can la snying rje ba'o//sa ni mi lcogs pa med pa dang / bsam gtan khyad par can dang / bsam gtan bzhi pa la snying rje ba'i phyir ro/ /rigs ni nyan thos dang rang rgyal ba dang so so'i skye bo la snying rje pa'o/ /rnyed pa ni 'dod pa dang srid pa'i rtse mo'i nyon mongs pa dang bral ba las thob pa'o//skyabs sbyin pa ni 'khor ba chen pos 'jigs pa la'o/ /mi mnyam pa dang mnyam pa ni grangs med pa'i sems can thams cad la snying rje ba'i phyir ro/ /des 'jam par gyur pa ni snying rjes brlan pa ste/ khong khro ba med pa'i phyir ro//snying rjes brlan pa yang de nyid sems kyang de nyid pas snying rjes brlan pa'i sems te/ sems can sdug bsngal ba dang de'i rgyu dang bral bar byed pa'i phyir shes rab kyi bag chags so/ /kyis zhes bya ba ni bsgom pa'o/ /ni'i sgra ni nges pa'i don bstan pa'o//nan tan ni phyin ci ma log par bsgom pa la brtan pa'o/ /bsgom par bya zhes pa ni byang chub sems la mnyam par gzhag pa'i yon tan sems la goms par byed pa'o/ /byang chub kyi sems de dus gsum gyi sangs rgyas kyis bsgoms zhes so//bstan pa ni sangs rgyas snying rje'i zhes bya ba la sogs pa'o/ /nga ni sngar dngos po thams cad dang bral ba zhes bya ba de 'grel pa ni mu stegs rnams kyi zhes bya ba nas te/ mu stegs pa ni bye brag pa la sogs pa'o/ /de dag gis med pa'i phyin ci log par sgro 'dogs pa ni btags pa ste bdag yod do zhes smra'o//gang gi sgra ni spyir bstan pa ste/ bdag dang gang zag la sogs pa gang yang rung ba zhes bya ba'i tha tshig go/ /de dang gang dang 'brel pa de'o/ /rigs pa ni mngon sum la sogs pa'o/ /de yang mngon sum ni rtog pa dang bral zhing ma 'khrul ba ste dbang po la sogs pa'o//rjes su dpag pa ni tshul gsum la sogs pas dpyad pa ste rang gi don la sogs pa'o/ /brtag pa ni dpyad pa'o/ /rig pas dpyad na 'dir 'gyur te/ phung po kun gyi nang na ni/ /bdag po 'ga' yang mi rnyed do//snod la rdzas gzhag pa ltar ram de dang tha mi dad pa'i bdag kyang med do zhes bstan pa'o/ /de nyid rtag pa dad ni phung po yod pa ste mi rtag rkyen gyi dbang du 'gyur ba'i phyir ro/ /de dang 'dra ba'i bdag gzugs min/ /phung po ltar mi rtag pa bdag gi ngo bo ma yin te/lus kyi phung po brje ba la gcig zhugs nas rgyun mi 'chad par rtag par bdag ces mu stegs pa 'dod do/ /de lta bsan phung po gang yin na bdag yin zhes tha mi dad par grub pa ma yin no/ /'o na snod du gzhag pa'i rdzas ltar grub po zhe na/ rten dang brten pa'i tshul gyis kyang / /rtag dang mi rtag 'ga' yang med/ /rten ni snod lta bu ste phung po'o/ /brten pa ni rdzas lta bu ste bdag go/ /de lta bu'i tshul gyis kyang rtag pa dang ni mi rtag pa med de bde ba dang / sdug bsngal lhan cig tu mi gnas pa ltar rtag pa ni mi rtag pa dang lhan cig tu mi gnas pa'i phyir bdag ces bya ba med do//de ltar bdag ma grub na gang zag la sogs pa mi 'grub pas na/ bdag ces bya ba de med pas zhes bya ba la sogs pa ste/ de la byed pa ni byed pa po dang byed du 'jug pa po la sogs pa'o/ /ci'i phyir zhe na/chos can yod na zhes bya ba la sogs pa ste/ bdag chos can byed mkhan grub na byed pa po dang / byed du 'jug pa po la sogs pa'i chos yod du chug na bdag med pa la sogs pa'i chos yod par ga la 'gyur te mi 'gyur ro/ /de la chos can ni bdag ste bdag po'i mtshan nyid 'dzin pa'i phyir ro//chos rnams zhes bya ba la sogs pa ni bdag gir 'dzin pa'i chos rnams so/ /'jig rten ni 'khor ba ste skye zhing 'jig pas mi rtag pa'o/ /bsam pa 'jug pa'i chos can yod na yod la chos yod na chos can yod ces nges par rtogs pa'o//de ltar bdag sun phyung nas brtags pa sun 'byin pa ni rim gyis zhes bya ba nas de la rim ni snga phyi'o/ /cig car ni dus gcig tu'o/ /ci phyir rtag don byas pa med/ /rtag pa ni rang bzhin dang dbang phyug la sogs pa ste/ gnas skabs su chos gzhan dang gzhan du gyur na yang rdzas de bzhin du gnas par 'dod pa'i phyir ro//des bskyed par bya ba'i 'bras bu ni don te phyi'i dngos po'o/ /de yang rig pas brtags na brtag pa'i don med de rgyu rkyen la rag las pa'i phyir ro/ /cig car yang mi 'grub ste/ snga phyir 'jig rten tha dad nas 'byung ba'i phyir ro//de bas na phyi dang zhes bya ba la sogs pa ste phyi ni bdag gir 'dzin pa bum pa la sogs pa'o/ /nang ni bdag la sogs pa'o/ /gal te rgyu rkyen la bsdad pa yin no zhe na/ gal te nus na zhes bya ba la sogs pa ste de la gal te ni brgya lam na'o//nus pa ni mthu'i khyad par ro/ /ci ste ni dri ba'o/ /ltos pa ni bsdad pa'o/ /de'i zhes pa ni brtag pa'o/ /dngos po kun ni 'jig rten gyi khams so/ /dus gcig bskyed pa ni tha mi dad par lhan cig byas pa'o/ /gal te zhes bya ba ni rim pa gzhan bsnyag pa'o//gzhan la ltos pa yin na zhes bya ba ni rgyu rkyen la bsnyad pa'o/ /de bas na/ rtag dang nus pa dang ldan min/ /zhes te dus gcig tu byas pa ma yin pa'i phyir dang rgyu la ltos pa'i phyir ro/ /de lta bas na gal te dngos po brtags pa nyid med de/ /rig pas brtags na dngos po thams cad mi rtag par 'gyur ba'o//mi rtag pa de ma thag pa dngos po skad cig la skad cig ma re re la skye zhing 'jig pa'i phyir ro/ /de la rtag tu zhes bya ba ni dus gsum la rgyu 'bras nyid du rgyu byas pa'i rgyu de mu stegs pa'i rtag pa shes par bya ba'o//dngos po zhes bya ba ni bshad zin to/ /skad cig ma ni dus kyi mtha' ste rtsal po che'i se gol gcig la dus kyi cha drug cu rtsa lnga 'gag pa'i phyir ro/ /de lta bas na dngos po mi rtag pa'i phyir byed pa gang gis mi slu'o zhes te/ de la mi rtag pa'i skad cig la skye zhing 'jig pa ste ngo bo zin ma thag 'das pa'i phyir ro//byed pa ni dbang phyug la sogs pa'o/ /gang gis slu'o zhes bya ba ni bden pa dang ldan pa'i lta ba gang gis kyang zlog par mi byed do zhes bya ba'i tha tshig go/ /de ltar mu stegs pa'i lta ba bkag nas nyan thos kyi lta ba gtso bor gzhag pa gsungs pa ni/gzugs dang zhes bya ba la sogs pa ste/ de la gzugs ni thog pa dang bcas shing reg tu yod pa'i phyir ro/ /de yang bcu gcig ste dbang po lnga dang / yul lnga dang rnam par rig byed ma yin pa'i gzugs so/ /tshor ba ni bde ba dang sdug bsngal ba dang btang snyoms te/de yang mig gi 'dus te reg pa la sogs pa bco brgyad do/ /'du shes ni mtshan mar 'dzin pa'i bdag nyid do/ /'du byed ni phung po bzhi las gzhan pa'i mtshan nyid do/ /ldan pa ma yin pa'i gzugs dang sems dang sems las byung ba'i chos grangs med pas so//phung po lnga char 'du byed yin pa la/ 'di gcig pu la 'du byed kyi phung por ci'i phyir gdags she na/ gzugs dang / sems dang sems gang yang ma yin pa 'du byed pa tsam ldan pa ma yin pa bcu bzhi'o/ /rnam par shes pa ni so sor rnam par rig pa'i mtshan nyid de mig gi rnam par shes pa la sogs pa drug dang yid do//de rnams phung po lnga zhes te bzhi dang drug sun phyung ba lha sbyin gyis smras pa ltar phung po drug med pa'i phyir ro/ /gsungs pa ni theg pa chung ngu las dus gsum dang / gtam bzhi dang /nges par 'byung ba dang bzhi dang bcas pa yang phung po lnga zhes pa bstan pa'i phyir ro/ /ci'i phyir bstan ce na nyan thos rnams la phan 'dogs pa ste/ nyan thos ni dgra bcom pa'i sangs rgyas te ston pa la nyan cing thos nas nges par 'byed pa'i cha bzhi tshe gcig la mngon du grub pa'i phyir ro//phan pa ni phyis legs pa'o/ /da ni/ phung po khams dang skye mched dang / /gzung dang 'dzin pa rnam par spangs/ /zhes pa'i 'grel pa ni/ 'jig rten bdag sogs med pa la/ /zhes bya ba la sogs pa gsungs te/ sogs pa'i sgras ni gang zag la sogs pa bco lnga bsdu'o//dpyad na ma grub pa ni med pa'o/ /de 'dra ba'i phung po tsam yang gzhom par bya ste/ theg pa chen po la phung po lnga bkag nas khams gsum la sogs pa'i rang bzhin rnam par rig pa tsam du gzhag pa'o/ /phung po kho na bkag par ma zad kyi khams dang zhes bya ba la sogs pa dag kyang ste ji ltar gzhag ce na//gzugs ni dbu ba 'dra zhes bya ba la sogs pa ste/ rang bzhin gyis nyam chung bas dbu ba ste reg tu med pa'i phyir ro/ /de ltar gzugs kyang ngo / /byung ma thag tu 'jig pa ni chu bur te tshor ba yang bde ba byung ma thag tu sdug bsngal 'byung bas so//snang ba yang med pas smig rgyu ste/ de bzhin du 'du shes kyang ka ba zhes bya ba rtse mo dang / dbus dang / rtsa bar phye na de'i 'du shes med pa'o/ /snying po med pas chu shing ste/ /'du byed kyang 'khor ba'i chos su phyi rol du snang yang snying po med de rten cing 'brel bar 'byung ba tsam yin pa'i phyir ro//gzhan slu bas na sgyu ma ste/ /de bzhin du rnam par shes pa yang shes pa dang shes bya med pa la shes pa bzhin snang ba'i phyir ro/ /de ltar phung po zhes bya ba la sogs pa bstan pa ni bslab par bya ba'i chos so//thams cad du zhes pa ni rnam pa tha dad pa ma lus pa'o/ /byang chub sems dpa' ni sa bcu pa rnams la'o/ /la zhes bya ba ni yul lo/ /bstan pa ni rjes su slob pa'o/ /de ltar phung po lnga'i rang bzhin med par bstan to zhes bya ba yin no//dbu ba la sogs pa rnams gang zhe na/ 'byung ba chen po zhes bya ba la sogs pa gsungs te sa la sogs pa ni gzugs che phra yod do cog gi 'byung gnas dang gzugs kun la spyi'i mtshan nyid kyis khyab pa'i phyir ro/ /de bas na nam mkha' ni 'byung ba ma yin te kun du khyab pa'i phyir ro//de rnams las byung ba'i chos ni 'byung ba chen po bzhi'i dngos gzhi'o/ /de ni/ gzugs kyi phung por rab tu gsal/ /zhes bya ste gsal ba ni mngon du gyur pa'o/ /gzugs med nyid du gzhan rnams ni/ /zhes pa ni ming bzhi'i phung po'o//gzugs las gzhan gzugs med pa ste thogs pa med cing gzung du med pa'i phyir ro/ /de ltar phung po lnga'i nang na gcig ni gzugs dang bzhi ni gzugs ma yin pa som nyi med par gsal bar ni the tshom med pa ste phung po bzhi ni sems dang sems las byung ba'i chos yin pa'i phyir ro//gzugs dang gzugs ma yin pa'i mtshan nyid las khams la sogs pa yang gzhan ma yin pa ni khams zhes brjod pa zhes bya ba la sogs pa'o/ /'o na dbu ba dang 'dra ba'i gzugs ni rdzas su 'dod pa ma yin te ci'i phyir zhe na/ gzugs kyi mtha' rdul phra rab rdzas su 'dod do zhe na/ gzugs dang gzugs med kyi rdul phran/ /zhes pa la sogs pa ste/ gzugs kyi mtha' ma'i cha ni rdul phran te/ thogs pa med cing mdun rgyab kyi cha med pa'o/ /de yang gnyis te bsags pa'i rdul phra rab dang rdzas kyi rdul phra rab po//dang po ni brgyad dang dgu dang bcu bsags pa'i phyir ro/ /de la brgyad bsags pa ni 'byung ba chen po bzhi dang / gzugs dang / dri dang / ro dang / reg bya rnams te brgyad phan tshun bsags nas 'byung ba'i phyir ro/ /dgu bsags pa ni sgra ste gong ma rnams dang sgra nyid bsags pa'i phyir ro//bcu bsags pa ni lus la sogs pa'i dbang po ste/ gong ma dgu dang lus la sogs pa nyid bsags nas 'byung ba'i phyir ro/ /rdzas kyi rdul phra rab ni gcig pur snang ba'o/ /rdzas kyi rdul phra rab des mig la sogs pa'i rnam par shes pa ni bskyed mi nus pas/gzugs kyi rdul phran dbang shes min/ /rdul phra rab de dbang pos mi sod pa'i phyir ro/ /de la dbang po ni bag byed pa dang rten mdzes par byed pa dang / rang rang gi spyod yul la dbang byed pa dang / rang rang gi rnam par shes pa bskyed par bya ba rnams la dbang byed pa'i phyir ro//de'i shes pa ni tshogs drug gi rnam par shes pa'o/ /min zhes bya ba ni bskyed pa ma yin no zhes bya ba'o/ /de'i gtan tshigs gsungs pa ni/ bskyed pas 'das pa ma yin la/ /zhes bya ba la sogs pa ste dbang po lnga las 'das pa'i spyod yul gyi rnam par shes pa bskyed pa'i don mi nus pa'i phyir ro//'o na/ gang gis bskyed ce na/ /de dag 'dus pa las skye ste rdul phra rab de dag brgyad la sogs pa 'dus pa bum pa dang / snam bu la sogs pa'i spyod yul gyis mig la sogs pa'i rnam shes skyed par byed kyi gzhan gyis ni ma yin no zhes bya ba'i don to//'dus pa de yang 'dod pa min/ /bum snam la sogs pa lta bu rdul phra rab 'dus pa'i spyod yul ni don dam pa'i rdzas su mi 'dod pa ste ci'i phyir zhe na/ 'jig pa'i mtshan nyid kyi phyir ro/ / de bas na rdul phra rab kyis ni rnam par shes pa mi bskyed la 'dus pas ni bskyed na yang rdzas don dam pa ma yin pas phyi rol gyi rdzas la spyod yul ni med do/ /phyi rol pa'i rdzas su yod pa'i rdul phra rab kyis bkag par gsungs pa ni phyogs kyi cha zhes bya ba la sogs pa ste de la phyogs kyi cha ni phyogs kyi cha bzhi dang steng 'og ste drug go//de ltar tha dad pa ni rab phye bas she'o/ /de bas na lto rgyab kyi cha med par 'dod pa'i rdul phra rab la yang dbye bar mngon zhes te/ rdzas su gnas pa'i chos la phyogs bzhi dang steng 'og khas blangs dgos so//mngon zhes pa ni bum pa la sogs pa'i gong ma'i don yin par gsal zhes pa'i don to/ /de'i phyir/ zur dang zur can rtog pa gang / /de ni rdul phran ga la 'gyur te/ de la zur ni phyogs cha drug go/ /zur can ni rdul phran te zur dang ldan pa'i phyir ro/ / de dag tu ni rtog pa gang / /de ni rdul phran gal 'gyur/ /zhes te bsags pa ni yan lag dang ldan par 'gyur ro zhes bya ba'i don to/ /'o na gnas kyi tshad ma dang / rigs kyi tshad ma dang / dus kyi tshad ma dang don byed pa'i tshad ma bzhi dang 'gal lo zhe na/ phyi'i don rnam pa gcig dang / yang zhes bya ba la sogs pa ste de la phyi'i don ni gzugs la sogs pa drug ste zhes bya ba'i ngo bo nyid kyi phyir ro/ /phyi'i don yang de rnam pa gcig kyang de nyid pas phyi'i don rnam pa gcig la yang zhes pa ste/ bde ba'i rdzas gcig la zhes bya ba'i tha tshig go//yang zhes bya ba ni rnam grangs gzhan la bsnyag pa'o/ /rnam shes bde bar rab tu 'jug /ces pa ni bde bde la yang 'phags pa rnams kyis sdug bsngal du dmigs te 'gyur ba'i sdug bsngal gyi phyir ro/ /de nyid ni bde dang zhes bya ba la sogs pa ste sim pa dang sim pa ma yin pa de dag bskyed par 'gyur ba ni byed pa'i gzugs te mdzes pa dang mi mdzes pa'o//bde ba dang sdug bsngal de nyid gzhan dang gzhan du 'gyur zhes te bde ba sdug bsngal bde bar 'gyur ba'o/ /de'i dpe gang zhe na/ dper na bud med ces bya ba la sogs pa ste gcig ces bya ba ni gcig kho na'i lus te/lang tsho dang ldan pa'i lus te lus gcig pu de la'o/ /de la kun du rgyu ni mu stegs pa mi gtsang ba bsgom pa'o/ /lhag ma ni go sla'o/ /de bas na rigs la sogs pa'i tshad ma gsungs pa ni med pa kho na'o/ / phyi rol kyi rdzas med na don med par mi rung ngo zhe na/ rmi lam gnod sbyin don byed pa/ /zhes bya ba la sogs pa ste/ rmi lam de ni nye ba'i nyon mongs pa gnyis kyis zil gyis gnon pa la bag chags dang khams dang mi ma yin pa'i dbang du gyur nas mthong ba'o/ /de'i rgyus pho mo phrad pa med kyang khu ba zag pa'i gnod pa 'byung ba bzhin don du byed pa ste gzugs la sogs pa phyi rol gyi don med kyang mthong ba la sogs pa'i bya ba byed do//de bas na ngo bo nyid ma yin no zhes te/ sems snang ba las gzhan don byed pa'i phyir rdzas kyi ngo bo nyid med pa'i phyir ro//gnyid log pa dang sad pa mi 'dra'o zhe na/ rmi lam ni zhes bya ba la sogs pa ste/ ji ltar rmi lam na rdzas med par gnod pa ltar/ sad pa na yang phyi'i rdzas med pa kho nar don byed pa grub pa ste/ dpyad na gzung 'dzin 'khrul pa tsam yin pa'i phyir ro//'o na gzung 'dzin gyi ngo bo gang la bya zhe na gzung dang zhes bya ba la sogs pa ste/ gzhan yang rnam par rtog pa'i dbang gis sems tsam gzung ba dang 'dzin pa'i dngos po rnams so zhes bya ba'i tha tshig go/ /de la che ru zhes pa ni khyad par zhes pa'i don to/ /don de nyid ni/rnam par shes pa med par ni/ /phyi don yod pa 'ga' yang min/ /zhes de ltar rigs pas phyi rol gyi don sun phyung nas rnam par rig pa sems tsam cher gzhag pa ni dngos po zhes pa nas te/ de la thams cad du zhes bya ba ni gzung 'dzin gyi bdag nyid khams gsum dang dus gsum dang g.yo ba dang mi g.yo ba'i chos so//de'i phyir zhes pa ni gong gi gtan tshigs bsnyag pa'o/ /rnam par shes pa rab snang ba'i/ /gzugs kyi rnam par snang ba yin/ /zhes bya ba ni don dam pa thogs pa med cing reg tu med cing gzugs ma yin pa'i rnam par shes pa yang thogs pa dang bcas shing reg tu yod pa'i gzugs su snang ba yin zhes pa'i tha tshig go//ji ltar gzugs med pa'i chos gzugs su snang ba yin zhe na/ ji ltar sgyu ma zhes bya ba la sogs pa ste/ de la dri za'i grong khyer ni 'khrul pa'i dbang gis bar snang la snang ba'i rta la sogs pa'o//sogs pa'i sgras ni chu zla la sogs pa bsdu'o/ /skye bo ni so so'i skye bo ste nyon mongs pa dang las kyi dbang gis skye ba'i phyir ro/ /sems 'khrul pa ni sems tha dad pa'o/ /de ltar zhes pa ni don gyi mgo 'dren pa'o/ / sogs pa'i sgras ni sgra la sogs pa bsdu'o/ /'o na bcom ldan 'das kyis ci'i phyir phung po la sogs pa bstan pa yin zhe na/ bdag tu 'dzin pa log don du/ /zhes pa la sogs pa ste/ de yang zhes bya ba ni phung po la sogs pa'o/ /skal chen ni byang chub sems dpa' ste mtha' yas pa'i 'gro ba'i don byed pa'i skal ba dang ldan pa'i phyir dang /theg po chen po la gnas pa'i skal ba dang ldan pa'i phyir dang / khams gsum gyi mchod pas mchod pa'i skal ba dang ldan pa'i phyir ro/ /sems tsam cher ni gzhag pa yin//khams gsum la sogs pa'i rang bzhin du sems tsam khyad par gnas so zhes bya ba'i tha tshig go/ /da ni chos bdag med par mnyam pa nyid 'grel pa ni/ sems tsam 'di ni sna tshogs su/ /zhes bya ba la sogs pa la sna tshogs su zhes bya ba ni g.yo ba dang mi g.yo ba'i 'jig rten gyi khams so//de ni rnam pa gnyis te kun nas nyon mongs pa dang rnam par byang ba'o/ /de la kun nas nyon mongs pa ni mi mjed kyi 'jig rten gyi khams lta bu'o/ /grub ste zhes bya ba ni sems tsam gcig pu las byung ngo zhes bya ba'o/ / gang gi yin zhe na rnam shes smra ba rnams kyi zhes te rnal 'byor spyod pa'i lta ba rnams kyi'o/ /ji ltar rnam shes ngo bo nyid/ /ces bya ba ni rnam par rig pa tsam ni rang bzhin gang ji lta ba bzhin du yin pa de da ni bshad par bya ste/ da ni zhes bya ba ni 'og ma'i mgo rtsom pa'o//de la re zhig sems tsam du bstan pa'i dgos pa ni 'di dag ces bya ba la sogs pa ste/ 'di dag thams cad ces bya ba ni sngon du snang ba'i g.yo ba dang mi g.yo ba'i chos rnams so/ /da ni sems tsam zhes thub pa'i bstan pa zhes bya ba ni/ sangs rgyas bcom ldan 'das te sku gsung thugs kyi dge ba rnam pa thams cad du rtag tu zhi ba'i bdag nyid yin pa'i phyir ro//de ltar sems tsam du bstan pa gang yin pa de ni/ byis pa skrag pa spang don du/ /zhes te de la byis pa zhes bya ba ni thos pa med pa'i so so'i skye bo'o/ / yang na stong pa nyid bco brgyad kyi don ma rtogs pa'i byang chub sems dpa' rnams te de bzhin gshegs pa las dman pa'i phyir ro/ /skrag pa spangs pa ni chad par lta bar ltung du dogs na dang ngas pa ste/ bskal pa grangs med pa gsum du tshogs sogs pa med na sangs rgyas par mi 'gyur ro snyam du bsams pa'o//de bas na rnam par rig pa tsam du bstan pa yin no zhes bya ba'i tha tshig go/ /de zhes bya ba ni gong dang 'brel pa'o/ /de bzhin nyid ni 'gyur ba med pa ste/ de bzhin gshegs pa'i spyod yul du 'gyur ba'i phyir ro/ /min pa ni rnam par rig pa tsam yang don dam pa dang rang bzhin yod pa min zhes bya ba'o//de ltar rnam par rig pa tsam med na kun brtags dang gzhan dbang dang yongs su grub pa rnams ji ltar yin zhe na/ stong nyid gcig bdag ngo bo ni/ /sems la 'di ltar rtog pa ste/ / don dam pa'i rang bzhin med pa sems tsam kho na las ngo bo nyid don gsum du rtog go zhes bya ba'i don to/ /gang zhe na kun brtags ni zhes pa la sogs pa ste/ de la kun brtags ni gzung 'dzin te/ phyi nang brtag pa tsam ni yin la rang bzhin med pa'i phyir ro/ /gzhan dbang ni rtog pa'i rang bzhin te rgyu rkyen gzhan gyi dbang byas pa'i phyir ro//yongs su grub pa ni gzung 'dzin gyi rnam par rtog pa med pas so/ /mi 'gyur bar yongs su gnas pa'i phyir ro/ /de ltar ngo bo nyid gsum du bstan pa de ni/ chos bdag med pa lta bu ni/ /zhes te chos thams cad bdag med pa ni ma yin no zhes bya ba'i don to//gang la bstan pa yin zhe na/ theg chen dga' ba zhes bya ba ste byang chub sems dpa' rnams so/ /chen po ni dmigs pa chen po la sogs pa ste zab cing rgya che ba'i chos la dmigs pa dang / rang gzhan don 'grub pas na grub pa che//bdag med gnyis ldan ye shes chen po dang / /bskal pa gsum la brtson dang bla med pa'i/ /byang chub thob pa'i thabs dang mi gnas pa'i/ /mya ngan 'das pa grub pas 'bras bu che/ /'khor ba srid du gzhan don las che nyid/ /don bdun ldan pas theg pa chen por bshad//ce'o/ /yang na srid pa dang zhi bar mi rtog pa ni theg pa chen po ste dus gsum pa rnams kyi lam yin pa'i phyir ro/ /de la mos pa ni dga' ba'o/ /de 'dra ba'i rnam pa dang bcas pa'i sems tsam ni/ rang sems gdod nas ma skyes pa/ / mdor bsdu na ni de yin no/ /zhes te yod med kyi chos skye ba mi 'thad pa'i phyir ro/ /de la mdor bsdus pa ni sangs rgyas kyi lta ba mdor bstan pa'o/ /yin pa ni stong pa nyid dang rang bzhin med pa'o/ /de ltar rnam pa dang bcas pa sun phyung nas da ni rnam pa med pa mi 'thad par bstan pa las/re zhig rnam pa med pa'i sems tsam gyi ngo bo ni/ /rang sems dbang du gyur nyid phyir/ /zhes bya ba la sogs pa ste gzhan dbang du gyur pa'i kun gzhi bsgom pa'i stobs kyis rtog pa spangs te bdag rang gi ngo bor gyur pa'o//brten pa ni kun gzhi ste dge ba la sogs pa bag chags kyi rten yin pa'i phyir ro/ /de rtogs pa las gzhan mi rtog par gyur pa ni gzhan 'gyur ba dag pa ni zhes te/ rnam par rtog pa'am de las byung ba'i nyon mongs pa'i dri ma ma bsal ba'i phyir ro//de gang zhe na/ so so rang rig spyod yul sems/ /zhes te de la so so rang zhes bya ba ni gzhan la bstan du med pa ste brjod kyis mi lang ba'i chos nyid kyi phyir bu mo bde ba'i tshor ba bzhin no/ /de la 'dzin cing dmigs pa ni/ /so so rang rig spyod yul sems//zhes bya'o/ /rnal 'byor spyod pa ni rnam par shes par smra ba ste rang rig pa tsam goms par byed pa'i phyir ro/ /gsungs pa ni rnam pa med pa'i sems mya ngan las 'das pa'i ngo bo ste de lta bu yod do zhes bstan pa'o/ /dngos po bstan nas de nyid sun 'byin pa ni 'das pa gang de zhes bya ba la sogs pa ste de la 'das pa ni rten du gyur pa'i kun gzhi'o//med pa ni 'jig cing 'gag pa'o/ /ma 'ongs pa ni gzhan du gyur pa'i rang rig pa'i sems te de yang thob pa med de mi skye ba'i phyir ro/ /de bas na brten pa gzhan du 'gyur ba ni zhes don dam pa med de 'das pa dang ma 'ongs pa la ltos te da ltar yin pa'i phyir ro//yang kun gzhi med pa'i gtan tshigs gzhan yang de ltar zhes bya ba la sogs pa ste/ de la/ de ltar mi snang ji ltar de/ /zhes bya ba ni gal te kun gzhi'i rnam par shes pa yod ni ji ltar de'i rnam pa dang dmigs pa'i rang bzhin dang de ltar mi snang ste/de dmigs pa dang rnam pa med par ni rnam par shes par rigs pa ma yin no/ /ji ltar snang ba de ltar min/ /zhes pa ni tshogs drug gi rnam par shes pa dang / nyon mongs pa can gyi yid ji ltar rnam pa dang dmigs pa dang snang ba de ltar kun gzhi ma yin te phyi rol gyi spyod yul la yongs su spyod mi nus pa'i phyir ro//des na ngo bo nyid bdag med pa'i rnam shes te don dam par rang bzhin med pa'i phyir ro/ /de ltar ngo bo nyid med pa'i rnam shes de ni kun gzhi mchog ces te/de la kun gzhi ni nyon mongs pa can gyi chos rnams kyi sa bon gyi gnas kun rdzob tsam du snang ba'i phyir ro/ /de nyid mchog ste dbyings dang 'gro ba dang / gnas dang ris thams cad la dge ba dang mi dge ba'i las kun rdzob tsam du snang ba'i phyir ro//de ltar kun gzhi med kyang g.yo ba yod pa'i dpe bstan pa ni/ ji ltar zhes bya ba la sogs pa ste khab len gyis lcags g.yo ba ltar kun gzhi med pa ste lcags kun kyang g.yo ba de lta bas na zhes bya ba la sogs pa ste de med pa ni kun gzhi med par ro//mthong ba ni sems dang ldan zhing g.yo bar mthong bas mig gi spyod yul du gyur pa'o/ /don de nyid ni de bzhin kun gzhi zhes bya ba la sogs pa ste de la med pa ni kun gzhi med pa ste mi gnas pa'i phyir ro/ /yod pa bzhin zhes pa ni sems dang ldan pa ltar ro/ /'gro dang 'ong ba rnams zhes bya ba ni phan tshun bskyed pa'o//'gro ba dang 'ong ba bzhin du rtag tu zhes bya ba ni bcud 'ba' zhig tu ma zad kyi snod kyang zhes bstan to/ /yang kun gzhi med par ring du 'gro ba'i dpe gsungs pa ji ltar rgya mtsho zhes bya ba la sogs pa'o/ /don dang sbyar ba ni//de ltar kun gzhi rnam shes ni/ /lus la brten nas g.yo ba yin/ /zhes te rang bzhin med pa'i kun gzhi lus la rten cing 'brel nas dus ring por g.yo bar gyur to zhes bya ba'o/ /de la lus ni gzugs phung ste yan lag 'dus pa'i phyir ro/ /de bas na lus med pa'i rnam shes ni yod ces yongs su gang brtags pa ste/lus la brten pa'i kun gzhi rnam par shes pa lus la med kyang rtag par yod ces bya ba ni yongs su brtags pa tsam yin zhes bya ba'i don to/ /de lta bas na so so rang rig pa zhes bya ba ji ltar smra bar bya ste/de la de yis zhes rnam pa med pa'i sems tsam gyi lta bas so/ /des na rang rig pa'i ye shes yongs su brtags pa tsam yin pas ngo bo nyid yod ces ji ltar smra bar bya/ gal te so so rang rig pa'i ye shes yod na ngo bo nyid 'di yin zhes bstan dgos so zhes gsungs pa ni so so rang rig ces bya ba la sogs pa ste de la so so rang rig mkhan gyis zhes pa ni rnam pa med pa'i sems tsam mo//de ni zhes pa ni so so rang rig pa'i ye shes so/ /dngos po nyid du zhes pa ni don dam par yod par 'dod ce'o//de ltar dngos por yang 'dod la/ /de 'di rjes su brjod pa ste/ /mi nus zhes kyang smra ba'o/ /zhes pa ni rig pa ma yin no zhes bya ba ste de la 'di zhes bya ba ni mngon du mtshon pa'o/ /mi nus pa ni mthu dang mi ldan pa'o/ /de bas na rang gi nges pa gzhan rnams la//nges pa bskyed pa'i don du ni/ /zhes pa ste so so rang rig pa'i sems tsam pa'i lta ba rang gi de 'di zhes rang rig pa'i chos rang la nges par byas nas phyi nang lta ba gzhan la rang rig pa'i ye shes nges par bskyed par bya'i rang la ma nges pa gzhan la nges par byar btub pa ma yin no zhes bya ba'i tha tshig go//de 'dra bas na sems tsam pa'i lta ba rnams la ni/ legs pa rnams ni rab zhus te/ /zhes dad pas rjes su 'brang ba rnams nges par gnas so zhes bya ba'o/ /de ci 'dra ba yin zhe na//rtag tu the tshom med rnams te/ /shes pa med pas na rtog dpyod mi byed pa'i phyir ro/ /gzhan yang rang rig pa'i sun 'byin pa ni tshor bas zhes bya ba la sogs pa ste/ de la tshor ba ni rang rig par nyams su myong bar byed pa'o/ /tshor ba ni rang rig pa'i don te tshor ba zhes bya ba ni rig par byed pa'i las so//de gsum phan tshun ltos nas 'byung bas na tshor bya med pas na tshor ba med/ don ni 'di lta ste/ dang po tshor ba pos tshor bar ma gyur na tshor byar mi rung ste/ de bzhin du tsher bya dang las med na tshor ba po yang mi skye ste/tshor bya la tshor bar byed pas tshor ba po yin pa'i phyir ro/ /de bas na tshor bya tshor byed gnyis kho na med par ci ste mi 'dod do zhes te/ so so rang gi rig pa'i ye shes la tshor ba po dang tshor byed dus gcig tu mi 'byung ba'i phyir ro/ /de ltar rig pa med na sems ji ltar bya zhe na/sems 'di zhes bya ba la sogs pa ste/ de la sems 'di dag ni ming tsam ste zhes pa ni/ rnam par rig pa'i sems de ni tha snyad du mtshan mar 'dzin pa'i ming tsam yin te don dam pa rang bzhin med pa'i phyir ro/ /de bas na bstan du ming las gang la yin zhe na/don ma lus par tha snyad du ming tsam yin gyi kun gyi ngo bo sems tsam zhes gal 'gyur te zhes bya ba'i tha tshig go/ /de la ming zhes bya ba ni mtshon par byed pa'o/ /ming de yang bkag pa rnams zhes dngos su mthong bas na/ ming de yang ni rang bzhin med//ces te mig la sogs pa'i rnam par shes pas spyod yul dngos su mthong zhing spyod par zad kyis gzugs la sogs pa'i ming ni dngos su med de zhes bya ba'i tha tshig go/ /'di lta ste/ ming gi mtha' ni yi ge ste/ /yi ge'ang rang bzhin med pa ste/ /bum pa zhes bya ba de la bum pa skye la/mir skyes pa na bum pa 'das pa'i phyir ro/ /de ltar mi rtog pa ni ji ltar rang bzhin yod ces bya'o/ /de ltar rig pas dpyad pa la ngo bo yod pa ma yin pas/ sems ni nang min phyi rol na yang med/ /ces te de la nang min zhes bya ba ni so so rang rig pa'i ye shes sam mig gi rnam par shes pa'i ngo bo yang ma yin no//gzugs la sogs pa'i yul drug gi ngo bo yang ma yin zhes pa'o/ /bar ni de nyid las gzhan du mi rnyed pa'o/ /de lta bas na/ sems kyi rang bzhin sgyu ma la/ rgyal ba rnams kyi thob pa yin/ /sdig pa mi dge ba dang nyon mongs pa'i yul bcom pas na rgyal ba'o/ /thob pa min zhes pa ni don dam par ni phyi la sogs pa gang na yang sems kyi ngo bo med pa'i phyir ro/ /de ltar ngo bo sun phyung nas sems dngos po gang yang rung ba ma yin par gsungs pa ni kha dog ces bya ba la sogs pa ste/sogs pas ni za ma gzung ngo / /de rnams kyi gzugs su yid ni gnas pa min te/ gzugs ma yin pa'i chos yin pa'i phyir ro/ /de la rnam par shes pa drug po 'gags pa'i ngo bo ni yid de/rnam par shes pa drug po'i rten du gyur pa'o/ /de yang sems la shes par bya ba ste/ sems dang yid dang rnam par shes pa don gcig par bshad pas so/ /de 'dra ba'i sems don dam par sangs rgyas kyi spyod yul yang ma yin no zhes bya ba ni sangs rgyas rnams zhes bya ba nas te mdor bsdu na zhes pa ni rang bzhin gyi sgo nas bsdus pa'o//min zhes bya ba gnyis ni da ltar dang ma 'ongs pa la gzung ngo / /ci'i phyir zhe na/ rang bzhin med pa'i ngo bo zhes bya ba la sogs pa ste/ don dam par rang bzhin med pa'i chos mig gi spyod yul du gyur na yang tha snyad tsam cung zad de ngo bo ni ma grub pa'i phyir ro//gzugs la sogs pa 'ba' zhig kho na nyid dngos po yin la gzhan ni ma yin no zhe na/ dngos po zhes bya ba la sogs pa ste/ de la dngos po zhes bya ba rnam rtog ste zhes pa ni sems tsam pas ji ltar yongs su grub pa'am so so rang rig pa'i ye shes brtags pa de kho na nyid dngos po yin te de yod pas don dam pa'i mtshan nyid dang ldan pa'i phyir ro//rnam par mi rtog nyid ces bya ba ni gang rnam par mi rtog pa'i chos de ni stong pa nyid ces sangs rgyas kyis gsungs so//de la yang mi rtog pa ni yod med dbus 'das so/ /stong pa nyid ni rang bzhin med pa'o/ /de bas na/ gang la rtog pa mthong gyur na/ /de la stong nyid gang zhes bya/ /mu stegs dang / mdo sde pa dang / rnam par rig pa gang dang gang du dngos po dang phung po dang /sems tsam du rtag par gyur pa de'i bdag med pa'i chos stong pa nyid du ga la 'gyur zhes bya ba'o/ /de ltar chos rnams stong pa nyid yin na byang chub kyi 'bras bu ji ltar 'gyur zhe na/ byang chub ces bya ba la sogs pa ste/ thams cad mkhyen pas kyang don dam par byang chub sems dpa' mi dmigs shing rtogs su med pa'i phyir ro/ /de ltar yid dang byang chub pa de la byang chub ma mthong ngo zhes te gang la zhes pa ni rnam par rtog pa can du lta ba gang yang rung ba'o/ /byang chub ni byang chub don du gnyer ba'o//de gnyis su rtogs pa'i lta ba de la byang chub ma mthong zhes rnam par rtog pa can du gyur pa la stong pa nyid du ma gyur pa'i phyir ro/ /de ltar lta ba thams cad sun phyung nas da ni dbu ma'i lta ba byang chub sems cher bzhag pa'i don rang sems gdod nas ma skyes pa stong pa nyid kyi rang bzhin zhes bya ba de'i 'grel pa ni/re zhig dbu ma'i byang chub kyi mtshan nyid bstan pa ni/ mtshan nyid med pa mi skyel/ /zhes pa nas te de la mtshan nyid med pa ni rang gi mtshan nyid kha dog la sogs pa'o/ /yang na 'du byed kyi mtshan nyid skye ba la sogs pa'o//de kho na'i phyir na mi skye ba zhes pa ni yod pa dang med pa ma yin pa'i phyir ro/ /'di lta ste/ chos thams cad yod pa skyer mi rung ste skyes zin pa'i phyir ro/ /med pa ni rus sbal gyi sgong dang 'dra bas so/ /tshig mi brjod ces pa ni tshig brjod pa'i ming gi yi ge dus gcig tu mi 'byung bas don dam par tshig ces bya ba med de snga ma byung ba bzhin no//'dus byas min pa ni 'dus byas kyi mtshan nyid dus gcig tu byas pa ma yin la rim gyis kyang mi 'grub pa'i phyir ro/ /'di lta ste gang gi tshe skye ba'i dus na de'i tshe gnas pa med na gang zhig skye bar 'gyur te mi gnas pa'i phyir ro//dus gcig na yang ma skyes na gnas pa med pa'i phyir ro/ /'o na ji ltar zhe na/ nam mkha' dang ni zhes pa ste de la/ nam mkha' dang ni zhes pa ni/ /zhe'o/ /byang chub sems ni rnam par mi rtog pa'i ye shes so//byang chub ni chos rnams phyin ci ma log par mngon par rtogs pa'o/ /gnyis med pa'i mtshan nyid ni nam mkha' dang byang chub sems so so ma yin tha mi dad pa'o/ /'di lta ste/ dper na nam mkha' tha snyad du yod la don dam par med pa ltar byang chub sems kyang yang dag pa'i kun rdzob tu yod la don dam par med pa'i phyir ro//don de nyid ni/ stong pa ye shes nam mkha' 'dra/ /zhes te/ stong pa yang yin la ye shes kyang yin pas stong pa ye shes ngo bo nyid med pa'i phyir ro/ /de ni nam mkha' ltar tha snyad du yod kyang dpyad na med pa'i phyir ro//don de ni sangs rgyas mkhyen zhes pa dang 'brel lo/ /ci 'dra ba'i sangs rgyas she na/ /dus gsum gnas su byed pa'i dus gsum la sangs rgyas pa'o/ /de yang ci 'dra zhe na/ byang chub snying po rtogs pa kun//thams cad mkhyen pa'i ye shes dang ldan pa'i phyir ro/ /bdag nyid chen po ni stong pa nyid chen po ste bdag rang bzhin du 'dod pa'i phyir ro/ /de 'dra ba'i yon tan dang ldan pa'i sangs rgyas la/ stong pa nyid kyi ye shes mkhyen/ /zhes pa'i don to/ /de bas na/byang chub sems dpa' de ni bsgom par bya/ /zhes gsungs pa ni chos rnams zhes bya ba nas te/ de la chos kun gyi gnas ni phung po la sogs pa'i ngo bo nyid yin pa'i phyir ro/ /zhi ba ni thog mar dge ba la sogs pa bkra shis kyi rang bzhin yin pa'i phyir ro//gnas med pa ni gnyen po dang mi mthun pa'i phyogs rang bzhin med par rtogs pa'o/ /lhag ma ni bshad zin to/ /'on kyang / /skye ba med pa stong pa nyid/ /ces bya ba la sogs pa la/ phung po la sogs pa'i chos gzhan med la stong pa nyid ni 'du shes rtogs pa'o//de la dmigs pa med ces bya ba ni sems dang sems las byung bas dmigs pa ma yin pa'o zhes bya ba'i don to/ /blo zhan pa ni thos pa chung ba'am las dang po pa'o/ /de yis de ni bsgom pa min/ /zhes pa ni stong pa nyid de ni kun gyi gnyen por 'gyur ba yod do//sgom pa po des bsgom pa min/ /zhes bya ba'o/ /de ltar yang rtsa ba shes rab las/ /lta ba thams cad gcod pa yis/ /stong pa nyid ces rgyal bas gsungs/ /gang zhig stong pa'i lta ba can/ /de ni bcos su dka' bar gsungs zhes gsungs so//sems med pa'i mtshan nyid stong pa gang gi ngo bo yin zhe na/ dge dang zhes bya ba la sogs pa ste/ dge ba ni smad pa las log pa ste/ srog gcod pa spangs pa la sogs pa'o/ /yang na rtswa ku sha'i rtse mo ltar rno ba'i shes rab ltar ni dge ba yin la/de las phyin ci log tu gyur pa ni mi dge ba'o/ /de gnyis rang gi mtshan nyid du shes pa ni dge ba dang mi dge ba'i rtog pa rnams so/ /de dag rgyu 'bras kyi rten 'brel brgyud pa ni rgyun dang zhes pa'o/ /yang skad cig re re la skye zhing 'jig pas na chad pa'i mtshan nyid ce'o//de dang 'dra ba'i dge ba dang mi dge ba tha mi dad par stong pa nyid du sangs rgyas kyis gsungs te zhe'o/ /de bas na stong pa nyid de las gzhan mi 'dod ces te/ lta ba kun gyis kyang kun rdzob tu dge ba dang mi dge ba rten cing 'brel ba las stong pa nyid gzhan mi 'dod do zhes pa'o//de ltar kun rdzob dang gzhan du ma gyur pa'i stong pa'i sems ci 'dra ba'i mtshan nyid yin zhe na/ mtshon bya med pa'i sems kyis na/ /gnas pa nam mkha'i mtshan nyid yin/ /zhes te/ yod pa dang med pa 'di zhes bya ba'i tshig gis mtshon par bya ba'i don med pa'i sems ni nam mkha' dang mtshan nyid mthun par gnas so//'di lta ste/ 'jig rten pas nam mkha' zhes tha snyad du brjod pa'o/ /don dam par ngo bo nyid med pa'i mtshan nyid lta bu'o/ /de bas na nam mkha' sgom pa chud pa ni stong pa nyid sgom par 'dod pa yin//chud pa ni don rtogs pa'o/ /de bas na yum las kyang rab 'byor nam mkha' sgom pa ni shes rab kyi pha rol tu phyin pa sgom pa'o zhe'o/ /de ltar kun rdzob kyi chos thams cad dang dbyer med pa las stong pa nyid yin pas na stong pa nyid las brtags pa'i lta ba po rnams kyi chos gang de stong pa nyid yin par gsungs pa ni stong pa nyid ces bya ba la sogs pa ste/de la stong pa nyid ni seng ge yin te ri dwags skrag par byed pa ltar dngos por smra ba thams cad de mu stegs la sogs bshad pa rnams so//des na mu stegs pa ni dngos po phyi nang rdzas su smra la/ nyan thos pa gnyis ni phyi'i rdzas su smra'o/ /sems tsam ni rnam par rig pa tsam du smras so/ /de dang 'dra ba gang dang gang la zhugs na yang zhes te lta ba de dag kyang rang bzhin med pa'i phyir ro//de ltar lta ba spyir stong pa nyid du gsungs nas/ yang sems tsam kho na stong pa'i mtshan nyid du gsungs pa ni/ gang gi rnam shes zhes bya ba la sogs pa ste/ sems tsam pa gang rnam shes skad cig mar gyur pa de'i rnam par shes pa ni rtag gyur min te skad cig ma thams cad mi rtag pa'o//de bas na/ mi rtag pa yi sems kyis ni/ /stong pa nyid du mi 'gal lo/ /zhes te/ mi rtag pa dang stong pa nyid tha mi dad cing don gcig pa'i phyir ro/ /de ltar sems tsam pa'i lta bas kyang rnam par rig pa tsam ni stong pa kho nar khas blang dgos so//yang rig pa gzhan sems kyi mi rtag pa nyid du ni zhes pa la sogs pa ste/ lta ba bzhi ka yang mthun par sems ni skad cig mar 'dod do/ /de la lta ba bzhi ni bye brag tu smra ba la sogs pa ste/ gsum la skyabs su gsol ba'i phyir dang /bdag med pa dang / mi rtag par 'dod pa 'dra bas so/ /de bas na de rnams zhes bya ba la sogs pa ste de ni lta ba po de rnam pa bzhi nad pa yin pas sems stong pa nyid du khas blangs par rigs so zhes bya ba'o/ /yang dbu ma pas rigs pa gsungs pa/ dngos po rang bzhin med nyid du//sems ni grub ste dus kun la/ /zhes te gdong nas ma skyes pa'i sems rten 'brel tsam du dus gsum la gnas so zhes bya ba'i tha tshig go/ /de bas na/ dngos po'i rang bzhin med nyid pas/ /rang bzhin med nyid gsungs pa'o/ /phung po la sogs pa dang rnam par rig pa dpyad na rang bzhin med pas ngo bo nyid med pa'i phyir ro//gal te tshig tu yang / bdag por gnas pa spangs nas su/ /zhes bya ba la sogs pa ste sangs rgyas kyi lta bas mthun par bdag med pa'i lta ba la gnas pa las/ yang sems tsam zhes bya ba bsgrubs nas 'dod pa ni rigs pa ma yin no//ci'i phyir zhe na/ chos rnams kyi ni zhes pa la sogs pa'i chos rnams kyi bdag med pa stong pa nyid kyi chos rang gi mtshan nyid kyi rang bzhin las gzhan pa ma yin no zhes bstan to/ /de'i dpe ni bu ram la sogs pa ste/gang ltar yang mngar ba tsha ba mi 'dor ba ltar ro/ /don de ni thams cad ces pa nas te/ phung po la sogs pa'i chos gang yang dpyad na rang bzhin med do zhes bya ba'i don to/ /de ltar chos thams cad stong pa nyid du gyur na dbu ma'i lta ba ni tshad mar mi 'gyur ram zhe na rang bzhin zhes pa la sogs pa ste/chos rnams kyi rang bzhin stong par zad kyi rten 'brel gyi rgyu 'bras ni stong par mi 'dod do/ /'o na rtag par 'gyur ro zhe na de bas na zhes pa gsungs te/ de bas zhes bya ba ni stong pa nyid yin pas na rgyu 'bras kyi chos rten 'brel tsam mo//don de kho na gsungs pa/ ma rig ces bya ba la sogs pa gsungs te/ rten 'brel bcu gnyis kyang rgyu 'bras 'brel pa tsam yin gyi rgyu 'bras kyi 'brel pa ni med do zhes bya ba'o/ /de la ma rig pa ni tshe snga ma'i las nyon mongs pa ste yang dag pa'i don la sgrib pa'o//dang po zhes pa'i sgra ni sogs pa'i sgras shes par bya ste 'du byed la sogs pa'o/ /rga shi zhes pa ni rnam par shes pa nas tshor ba'i bar gyi yan lag la ste sdug bsngal yin pas so/ /de nyid mtha' zhes te bcu gnyis kyi grangs rdzogs pa tsam yin gyi mthar thug pa ni ma yin te tshe phyi ma la rnam par shes pa la sogs pa'i yan lag lnga'i ngo bo yin pa'i phyir ro//de ltar byas pa med na ci 'dra zhe na/ sgyu ma zhes bya ba la sogs pa ste/ de la yan lag bcu gnyis pa zhes pa ni tshe snga ma'i yan lag ma rig pa dang /'du byed gnyis dang tshe snga ma'i skye ba dang rga shi gnyis dang / rang gi brgyad de dum bu gsum dang tshe gsum mgo rmongs pa bzlog pa'i phyir ro/ /yang na rgyu'i yan lag dang 'bras bu'i yan lag ste ma rig pa dang /'du byed dang / sred pa dang / len pa dang / srid pa rnams ni rgyu'o/ /lhag ma rnams ni 'bras bu'o/ /de 'dod de zhes pa ni dbu ma pa rnams kyi yan lag bcu gnyis rang bzhin med par 'dod pa'o/ /de ltar rang bzhin med pa'i sgo nas yan lag ces bya ba la sogs pa ste/tshe snga ma'i srid pa dang / len pa dang 'dis ma rig pa skye/ ma rig pa las 'du byed skye/ de las rnam par shes pa nas tshor ba'i bar lnga skye/ /de nas sred pa dang len pa skye/ de las srid pa skye//de las tshe snga ma'i skye ba dang rga shi skye'o/ /de yang mdzod las/ nyon mongs pa la nyon mongs dang / /bya ba nyid do de las gzhi/ /de las gzhi dang nyon mongs skye/ /'di ni srid pa'i yan lag lugs/ /gang du 'khor zhe na/srid pa'i lam du ste 'dod pa'i srid pa la sogs pa srid pa 'gro ba drug gi 'khor ba'o/ /yang na/ bar dor skye ba sngon dus dang / /'chi ba'i srid par 'khor ba yin/ /las 'bras tshor ba yid ches gang / /de las gzhan ni sems can med/ / rten cing 'brel ba'i chos las sems/ /zhes bya ba ni mu stegs pa'i brtags pa'i gang zag lta bu rgyu 'bras kyi las tshor ba po med ces bya ba'i tha tshig go/ /de las zhes pa ni de dag la sogs pa ste bya ba'i dngos po yin pa'i phyir ro/ /de rten cing 'brel pa'i brgyud pa gang zhe na/dpe ni ji ltar zhes pa nas te rten me long dang 'brel pa ngo'i dkyil 'khor 'dus ma thag tu gzugs brnyan 'byung bar zad kyi ngo dang me long gi bar na brgyud pa mthong ba med do/ /de bas na de la ni skye ba med de me long la ngo 'jug pa med do/ /'on kyang de med par yang ni ga la min te gnyis med na gzugs brnyan gal 'byung ngo //dpe don de ltar zhes pa nas te de la bskyed ces bya ba ni nyon mongs pa dang las kyi mthu las 'byung ba'o/ /srid pa'i bar na zhes bya ba ni shi ba'i srid pa dang / skye ba'i srid pa'i mtshams so/ / 'brel pa ni bar do'i srid pa'o/ /don ni 'di lta ste bar na brgyud pa po med par rang bzhin med pa'i rten 'brel gyi mthus tshe 'di dang phyi mar skye'o zhes bya ba'i tha tshig go/ /don nyid ni bskyed pa med kyang zhes bya ba nas te/ mkhas pa ni khams drug cu rtsa gnyis la mkhas pa'o//yang na de bzhin gshegs pa ste thams cad mkhyen pa'i ye shes dang ldan pa'o/ /de rnams kyis bskyod pa med pa'i skye ba'i don gtan la phab pa ste nges par byas pa'o/ /de dag ci 'dra ba'i ngo bo nyid gcig pa skye zhe na/ stong pa zhes bya ba la sogs pa ste nges par byas pa'o//don dam par ni stong pa'i rang bzhin gyi chos ma rig pa lta bu las stong pa'i rang bzhin gyi chos 'du byed pa lta bu skye zhes pa'o/ /de lta bas na las 'bras zhes bya ba la sogs pa ste/ rgyu 'bras kyi las la tshor ba po dang tshor bya ni kun rdzob kyi mtshan nyid yin la don dam par ni rgyal bas bstan pa ma yin no zhes pa'i don to//de ltar na nang gi rten 'brel gsungs nas/ da ni phyi'i gsungs pa ni 'di yang zhes bya ba la sogs pa ste/ 'di zhes bya ba ni snod kyi 'jig rten no/ /'brel pas bskyed pa ni 'brel pa can gyi rten cing 'brel pa las bskyed do zhes bya ba'i don to//'di lta ste don dam par rang bzhin du spyi mthun gyi las rgyu 'bras kyis bskyed do zhes bya ba'i don to/ /de'i dpe ni myu gu zhes bya ba la sogs pa ste/ sa bon la sogs pa dang pags pa la sogs pa rnam pa gang la yang med kyang 'brel pa tha dad du 'byung ba ltar phyi nang gi chos rnams kyang de bzhin no zhes bya ba'i don to//de bas na don dam par na ci 'dra zhe na sgyu ma la sogs pa'o/ /de la phyi ni 'dus byas pa'i chos gzugs kyi phung po ste/ 'brel ba can gyi rten 'brel gyi mtshan nyid yin pa'i phyir ro//de ltar med pa las byung ba rgyu 'bras kyi chos mi rung ngo zhe na/ chos rnams zhes pa nas te phung po la sogs pa'i chos rnams kun rdzob tu rang gi sa bon nam rgyu las skyes pa 'gal ba med pa'o/ /ci'i phyir zhe na/ rgyu yang rgyu nyid stong pa ste gang chos rnams rgyur gyur pa de'i rgyu'i ngo bo ma grub pas rang bzhin med pa 'di lta ste/'du byed kyi rgyu ma rig pa de tshe snga ma'i sred len gyi rgyu'i 'bras bu'o/ /de bzhin du rnam par shes pa'i rgyu 'du byed kyi mtshan nyid de ma rig pa'i 'bras bu yin no//de ltar gcig la rgyu 'bras kyi ngo bor snang bas na/ rten cing 'brel pa tsam du zad kyi rgyu nyid 'di nyid 'di yin zhes bya ba'i ngo bo nyid do/ /de ltar rgyu rang bzhin med pa las byung ba'i chos ni mi skye ba nyid shes par bya/ rgyu yod na skye ba yod pa'i phyir ro/ /de ltar mi skye ba'i chos rnams ni stong pa nyid ces rab tu grags/de'i rgyu'i ngo bo nyid med pas na skye ba med la mi skye ba'i chos ni stong pa nyid du grags te bcom ldan 'das kyis gsungs so zhes pa'i tha tshig go/ /mi skye ba'i chos gang zhe na/ mdor bsdus pa ni phung po lnga khams la sogs pa der gsungs pa'o//de ltar chos rnams mi skye ba yin na kun rdzob tu gang las 'byung zhe na ji ltar zhes pa la sogs pa ste/ de nyid ces bya ba ni don dam par rang bzhin med pa de 'gyur ba med pa'i phyir ro/ /ci'i phyir zhe na/ kun rdzob yin pas zhes pa ste bden pa gnyis tha mi dad pa'i phyir ro//don de nyid kun rdzob ces pa nas/ ci'i phyir zhe na/ ma 'brel nges pa med pa'i phyir te/ gang dang gang du kun rdzob kyi chos yin pa de dang de ru don dam pa'i stong pa nyid yod de me dang du ba bzhin no/ /de'i dpe ni byas pa mi rtag pa bzhin no//byas pa ni 'dus byas pa bum pa lta bu mi rtag pa ni 'jig pa ste rkyen gyi dbang du gyur pa'i phyir ro/ /des na 'dus byas yod pas 'jig pa bzhin du'o zhes bstan to/ /de ltar de bzhin nyid dang kun rdzob gcig tu gyur nas thar par ji ltar 'gyur snyam na/kun rdzob ces bya ba la sogs pa ste kun rdzob gnyis nyon mongs pa yin te rtsa ba'i drug pos sems nyid nyon mongs par byed pa dang / ma 'ongs pa'i dge ba mi skye bar byed pa dang / skyes pa sgrib par byed pa'i phyir ro/ /de yang ma rig pa la shes par bya'o/ /de bas kun rdzob nyon mongs pa las skyes/nyon mongs pa'i dbang gis dge ba la sogs pa'i las sems pa skye ba'o/ /las las sems kyang skye/ /dge ba la sogs pa'i las bag chags pa'i gnas sems 'byung ngo zhes bstan to/ /sems ni bag chags sdug bsngal te/sems de yang dge ba la sogs pa ste bag chags 'du byed kyis gzir ba'i phyir ro/ /sdug bsngal gyi bag chags de rang bzhin shes nas spangs pa ni/ bag chags bsal nas bde ba'o/ /zhes te sems las su rung ba la shes par bya'o/ /bde ba'i sems ni zhi ba ste//nyon mongs pa med pa ste sems rnam par dben par lta ba'i phyir ro/ /de'i phyir/ zhi ba'i sems ni rmongs pa min/ /yang dag pa'i don ni rtogs pa la mi sgrib pa'i phyir ro/ /ma rmongs pa yis de nyid rig /don dam pa'i bden pa stong pa nyid kyi rang bzhin no zhes pa'i don to//de nyid rig pas grub pa 'thob/ /mya ngan las 'das pa 'thob ste sdug bsngal gsum las thar ba'i phyir ro/ /de bas na byang chub sems mchog de nyid ni stong pa nyid ces rab tu gsungs te/ rang bzhin med pa'i stong pa nyid ni byang chub sems kyi nang na rab tu gsungs pa'i phyir ro//stong pa nyid rang bzhin med pa'i byang chub sems de'i khyad par gsungs pa ni/ de bzhin de nyid de mi 'gyur ba'i phyir ro/ /yang dag pa'i mtha' ste phyin ci ma log pa'i phyir ro/ /sdug bsngal ni phung po lnga ste/'du byed kyi sdug bsngal nyid kyi phyir ro/ /de ltar yang / 'khor ba'i phung po sdug bsngal yin/ /zhes gsungs so/ /sdug bsngal dang bdag med pa'i byang chub sems ni sdug bsngal bdag med do/ /sogs pa'i sgras ni/ mtshan ma med dang don dam dang //chos kyi dbyings ni gzung ba yin/ /de ltar don dam pa'i byang chub kyi sems kyi ngo bo bstan nas don des bsdu ba ni gang dang zhes pa la sogs pa ste/ gang dag ces pa ni rnal 'byor pa gang yang rung ngo / /stong nyid mi shes pa ni dbu ma'i byang chub kyi sems rang bzhin med pa ma rtogs pa'o//grol ba'i skal ba mi ldan pa ni yang dag par rdzogs pa'i byang chub mngon du mi 'gyur ba'o/ /des cir 'gyur zhe na/ sred pa'i zhes bya ba nas te/ gti mug can ni chos rnams rang bzhin med pa'i don yang dag par mi shes pa ste dngos po thams cad la zhen pa'i phyir ro//'gro drug ni 'jig rten pa'i lta ba'i tshul gyis gsungs te lha la sogs pa'o/ /don ni 'di yin te rang bzhin med pa'i don ma rtogs nas dngos po can du gyur ma thag yod pa'i rnam par rtog pa 'gyur bas na srid par ltung ngo zhes bya ba'o//don dam pa'i byang chub sems kyi 'grel pa bshad zin to/ /da ni yang dag pa'i kun rdzob kyi byang chub kyi sems cher gzhag pa ni stong nyid ces bya ba nas te/ de la stong nyid de'i rnal 'byor pas de ltar sgom par byed pas na/ don dam par rang bzhin med pa'i byang chub sems de ltar bsgom pa'i rnal 'byor pas snying rje dang ldan par bsgom par bya'o//de la snying rje dang stong pa nyid sbyor bas rnal 'byor ro/ /de kho na nyid ni gzhan gyi don la zhes pa la sogs pa ste/ mtho ris dang byang grol ni smon cing grol bar byed pas gzhan don no//sems can gyi don la chags pa'i shes rab ni dga' ba'i blo'o/ /de la the tshom mi za bas the tshom yang med pa'o/ /snying rje bsgom dgos pa'i gtan tshigs ni pha dang zhes bya ba la sogs pa'o/ /de la sa bon dang lus rtas par byed pa'i phyir na pha dang ma'o//pha dang ma'i rigs ni bshes gnyen no/ /legs par byed pas phan byed pa'o/ /phan dus gang gi tshe zhe na/ sngon dus te thog ma med pa'i tshe rabs nas so/ /des na sems can la drin lan bya bar 'os te/phan lan bya dgos so zhes bstan to/ /ci'i phyir zhe na/ nyon mongs pa'i zhes bya ba la sogs pa ste gdug par byed pas so/ /gang du zhe na srid pa'i zhes bya ba la sogs pa ste/ de la ma rig pa'i dbang gis sdug bsngal sbyin pa ltar rig pa'i dus su bde ba sbyin pa yin zhes pa'i don to//ci'i phyir sems can la phan par bya zhe na/ mtho ris zhes bya ba la sogs pa ste/ lha dang mi ste dge ba'i 'bras bu yin pa'i phyir ro/ /gang zhes pa ni sbyin pa la mtshon pa'o/ /'byung ba ni sems can la phan gnod byas pas mtho ris dang ngan song 'byung ba'i phyir ro//der ma zad de bla med ces bya ste thob bo zhes sbyar ro/ /de bas na tshangs pa zhes bya ba la sogs pa ste/ 'dod pa'i nyon mongs pa zhi bas tshangs pa'o/ /drag po ni drag po'i las byed pa ste/ srog sna bstung ba dang gdangs pa dang /sha khrag tshil za ba la sogs pas na drag po'o/ /srid thub cing dgra las rgyal bas na brgya byin no/ /sogs pa'i sgras ni brgya byin la sogs pa bsdu'o/ /de rnams la mchod cing brten pa ni brten pa'o/ /ci'i phyir ngo mtshar min zhe na/ sems can rnams la brten nas sangs rgyas pa'i phyir ro//don de nyid lha zhes pa la sogs pa ste rang gi 'od la longs spyod pas lha'o/ /rig pa dang ldan pa'i yid las byung bas mi'o/ /yang na 'jig rten pa'i sgra las drangs na skye dgu'i bdag po shed bu yin pa'i phyir ro/ /bde ba'i 'bras bu ni longs spyod do//med pa 'di ni gang yang min/ /lha ma'i longs spyod de 'jig rten 'dir med pa ma yin te/ yod pa kho nar shes par bya'o zhes pa'i don to/ /longs spyod de ni sems can la phan par zhes bya ba la sogs pa ni de la tsam gyi sgras ni sems can la phan par byed pa las gzhan la mi rag go//'gro gsum ni 'dod pa la sogs pa'am/ sa 'og la sogs pa'o/ /de'i don ni 'di lta ste/ lha mi'i longs spyod khams gsum la ni ji snyed yod pa sems can la phan par byas na nyan thos kyi dka' thub la sogs pa la gnas pas mtho ris tsam thob kyang longs spyod dang ldan pa ni ma yin no//de ltar phan par byas nas mtho ris su 'gro ba gsungs nas/ da ni bzlog pa'i 'bras bu gsungs pa/ dmyal ba ni bsod nams ma yin pas mi rnams khrid pa'i phyogs te mi rnams bcom pa'i phyir ro//phyir mi ldog par 'das pa'i phyir yi dwags so/ /yang na zas skom yid la btags pas yi dwags so/ /lha dang mi las log par 'gro bas dud 'gro'o/ /de rnams sdug bsngal ba ni sems can la gnod pa byas pas byung ngo zhes bya'o/ /sdug bsngal ba ci 'dra zhe na/rnam pa du ma'i gzugs su ni sdug bsngal zhes te grang ba la sogs pa'i dbang gis sems can thams cad kyi gzugs tha dad pa'o/ /de 'dra ba'i sdug bsngal gang las 'byung zhe na/ sems can gnod byed phyir te nyes pa med pa'i phyir ro/ /don de nyid ni bkres pa dang //zhes bya ba la sogs pa ste phan tshun zhes pa ni bdag dang gzhan gyi mtshan nyid do/ /de 'dra ba'i sdug bsngal rtag pa ni zhes te ngan song du rgyun mi 'chad pa'o/ /sdug bsngal de'i khyad par gsungs pa ni bzlog par dka' ste/ mchod sbyin dang rdzu 'phrul gyis kyang ma yin te nges par myong ba'i las yin pa'i phyir ro//gsor med pa ni 'byung ba'i nad lta bu ma yin pa ste sdig pa'i las las byung ba'i phyir ro/ /de 'dra ba'i sdug bsngal ni gzhan las byung ba ma yin te/ sems can gnod byed 'bras bu de/ /zhe'o/ /sems can gyi dngos po gsungs pa sangs rgyas zhes te/nyan thos dang rang rgyal ba dang bla na med pa yang dag pa dang bzhi'o/ /byang chub sems dpa'i rigs dang sa thob pa ste/ /de ni rnam par byang ba'i sems can no/ /mtho ris ngan song ris la gang / /zhes pa ni kun nas nyon mongs pa'o//gang zhes pa ni thun mong gi tshig go/ /sangs rgyas nas dmyal ba'i bar rnams ni sems can kho nar shes par bya ste zhe'o/ /ji ltar zhe na rnam par smin pa nyid kyi gzugs te/ sangs rgyas dang byang chub sems dpa' zag pa med pa'i dge ba'i rtsa ba'i las kyi rnam par smin pa'i sems can no//mtho ris ni zag pa dang bcas pa'i dge ba'o/ /ngan song ni de nyid mi dge ba'o/ /sems can de rnams la thabs rnams kun gyis bsnyen bkur bya/ lus ngag yid ni thabs so/ /yang na mchod pa'i sgo nas sbyin pa la sogs pa'o/ /rang gi lus bzhin bsrungs kyang /rang gi lus gnod par byed pa las bsrungs pa ltar sems can la yang ngo / /dug bzhin bya ba la sogs pa ni dug 'dor ba ltar sems can bral ba yang spang ngo zhes bya ba'o/ /de bas na sems can dang bral ba na bla na med pa yang dag par rdzogs pa'i byang chub mi 'thob par bstan pa ni/chags bral zhes bya ba la sogs pa ste/ so sor brtags pa'i 'gog pa ni 'khor ba dang bral bas chags bral la/ de'i ro dang gcig pa'i phung po lhag med kyi byang chub ni ro gcig byang chub ste/ sems dang sems las byung ba'i chos bkag nas mar me snum med pa ltar yid gnas so//byang chub de ni gang gis 'thob ce na/ thob pa nyan thos rnams kyis de bas na sems can yongs su ma bor ba zhes bya bas gsungs te 'khor ba dang ma bral na sems can spangs pas ni ma yin no//de lta bas na rnam pa de ltar zhes bya ba la sogs pa ste/ sems can la phan gnod byas pas bde ba dang / sdug bsngal 'byung ba bsams nas theg pa chung ngu'i rang don la gnas par mi bya'o zhes bstan to/ /de bas na byang chub myu gu zhes bya ba la sogs pa la nyan thos las byung ba'i byang chub sems kyi myu gu'i 'bras bu'i snying po las mi g.yo bar rgyal ba'i sras kyis sgom gyi gzhan nyan thos la sogs pas sgom pa ni ma yin no zhes bya ba'i tha tshig go//de la rgyal sras ni rnam par mi rtog pa'i mtshan nyid de bzhin gshegs pa'i thugs rtogs nas byung ba'i phyir ro//da ni ma bsgral ba bsgral ba'i don bshad pa ni gang gi zhes bya ba la sogs pa ste/ gang zhes bya ba ni de bzhin gshegs pa'am/ byang chub sems dpa' rnams so/ /ci 'dra ba yin zhe na/ dgongs pa bstan pa rnams bsgom pa ste/gzugs khams kyi sems can gyi don du bsam gtan gyi ting nge 'dzin du zhugs te sems rtse gcig pa'i phyir ro/ /de nyid bsam gtan bde zhes te/ rtog pa dang dpyod pa dang dga' ba dang bde ba dang sems rtse gcig pa'i yan lag lngas bsam gtan dang po dang /nang yongs su dang ba dang / dga' ba dang bde ba sems rtse gcig pa'i yan lag bzhis bsam gtan gnyis pa dang / btang snyoms dang dran pa dang yang dag par skye ba dang / bde ba dang sems rtse gcig pa'i yan lag lngas bsam gtan gsum pa'o//de lta bu'i bde ba spangs te gzhan gyi sdug bsngal gyis gdungs pa zhes bya ba ste/ gdungs pa ni snying rje dang ldan pa'i phyir ro/ /des na/ snying rje'i gangs ni bcer ba la/ /gzhan gyi sdug bsngal nyi tshogs kyis/ /gdungs shing snying las zhu ba bzhin//kha mig gnyis nas mchi ma 'dzag /lhag ma ni go sla'o/ /de ltar rang rang gis dga' ba dang bde ba spangs nas gzhan gyi sdug bsngal dang du len pa ni ngo mtshar te/ sngon du ma mthong ma thos ma rtogs pa'i don mthong ba dang / rmad du byung ba ste thos nas rtogs pa'o//grags pa ni snyan pa ste don thams cad grub pa dang / spyan ras gzigs lta bu ste dam pa ni snang ba la sogs pa ste sangs rgyas so/ /de rnams kyi spyod pa'i nang na rab tu gyur pa dam pa'i spyod pa mchog yin te/ bla na med pa'i 'bras bu 'thob par byed pas so//de bas na rang lus don du gnyer ba zhes bya ba la sogs pa ste/ rang gi don du sbyin pa bdun ni zag pa dang bcas pa ste/ pha rol zil gyis mnan pa dang / 'gran dang chags dang lan 'dod dang / /rigs dang mtho ris grags don to/ /ngo mtshar gyi khyad par gsungs pa ni chos rnams zhes bya ba la sogs pa ste/de la chos rnams rang bzhin med pa stong pa nyid du rtogs nas gzhan don sbyin pa la sogs pa'i rgyu 'bras spyod pa gang yin pa de ni ngo mtshar las kyang zhes pa nas te/ de gnyis rgyu 'bras kyi sgo nas brtags pa'o//de ltar rgyu'i sgo nas ya mtshan pa ni ngo mtshar che'o/ /'bras bu'i sgo nas ya mtshan pa ni rmad du byung ba'o/ /da ni ma grol ba dgrol ba'i 'grel pa'i don bshad pa ni sems can zhes bya ba la sogs pa ste/ de la sems can dgrol ba ni lha dang mi dgrol ba'o//de'i byed pa'i rkyen thugs rje ni sems can bsgral ba'i zhes bya ba ste/ 'dam las skyes pa ni sangs rgyas rnams te lha'i rigs ni rnam par snang mdzad lta bu'o/ /mi'i rigs ni shAkya thub pa lta bu ste/ thugs rje'i dbang gis skye bar mdzad do/ /de la srid pa nyid 'dam ste/chags pa'i gnas yin pa dang / rgal dka' ba yin pa'i phyir ro/ /de ltar srid pa'i nang du skyes kyang skyon gyis mi gos te/ rang bzhin med pa'i don rtogs pa'i phyir ro/ /de'i dpe ni chu yis zhes bya ba la sogs pa ste/ lung las/ shes pas srid la mi gnas shing //zhe'o/ /don de nyid ni/ stong nyid shes pa'i me yis ni/ /zhes bya ba la sogs pa'o/ /stong pa nyid kyi ye shes ni stong pa nyid shes pa'o/ /nyon mongs pa bsregs pas na me'o/ /don ni de ltar me dang 'brel pa'i bud shing zad par 'gyur ba ltar de bzhin gshegs pas kyang rnam par mi rtog pa'i ye shes dang 'brel pa'i nyon mongs pa zad par 'gyur ro//'on kyang zhes pa ni nyon mongs pa med kyang snying rje'i dbang gis 'khor bar skye bar mdzad pas na snying rjes brlan pa'i zhes bya ba la sogs pa'o/ /mi'i rigs su skye ba blangs pa'i tshul bstan pa/'chi 'pho zhes bya ba la sogs pa ste/ 'chi 'pho ba ni dbang po lnga'i rgyun 'dus pa ste/ gnas gzhan lha yul du bskyed pa'i phyir ro/ /skye ba'i srid pa dang du blangs pa ste ser skya'i rigs lta bu'o/ /byang chub che gshegs ni ser skya nas byang chub bsnyags pa'i phyir ro//khyim nas 'byung ba ni grong khyer ser skya nas chu bo'i 'gram du'o/ /dka' thub brtan pa ni til phyed kyis lo drug tu 'tsho ba'o/ /bdud bcom pa ni nyon mongs pa la sogs pa pha ma par byas pa dgu bcu rtsa brgyad dang lha'i bdud bzhi ni rnam pa sna tshogs pa ste/byang chub kyi shing gi rtsar srod dang tho rangs la'o/ /gnyis pa ni bcu drug yangs pa can du'o/ /chos kyi 'khor lo bskor ba ni bA rA Na sIr ro/ /bram ze'i yul ga yar tshangs pa dang / brgya byin dang khyab 'jug la sogs pa'i rigs kyi gtso bo byed pas lha'i rigs zhugs pa'o//de 'dra ba'i tshal tsam ni snying rje'i dbang du gnas pa'i zhes pa la sogs pa ste/ gzhal du med pa'i ye shes thob par 'dod pa'i 'gro ba rnams kyis bskyed pas na mgon po'o/ /lha'i ris su skye bar mdzad pa gsungs pa ni/tshangs pa zhes bya ba nas te nye dbang ni khyab 'jug go/ /yang na sum cu rtsa gnyis so/ /de rnams kyi gzugs su snang bas na/ gzugs brnyan la gnas te'o/ /'dul ba'i 'gro ba dang sbyar bas te/ 'gro ba'i skal ba dang mthun par byas nas rang gi skyon med par byed pa'o//de yang tshangs pa la sogs pa gang gis 'dul ba la de'i lus su bstan pa ni rang gi skyon med par byed pa'o/ /de bas na sangs rgyas rnams kyis ni snying rje'o bsams nas gang bzhin byed/ gcig gis kyang kun byed ces bya ba'o//da ni dbugs dbyung ba'i don 'grel pa ni/ theg pa chen po las byung ba zhes pa la sogs pa ste/ yang dag par na theg pa chen po gcig las gzhan med pa la de bas bskyed nas snying las chung du ston pa rnams kyis yang gsungs pa'o zhes bstan pa'o//ci'i phyir bstan zhe na/ srid pa lam gyis zhes pa la sogs pa ste/ thog ma nas tha ma med pa'i srid pa'i lam du brgyud pa'i sdug bsngal gyis gzir ba rnams 'gog pa la btsud nas ngal bso ba tsam du gzhag pa yin gyi don dam pa min zhes pa ste/theg pa chung ngu ni theg pa yang dag pa ma yin pa'i phyir mya ngan las 'das pa ma yin pa'i don to/ /de ltar yang rab 'byor theg pa ni gcig ste theg pa chen po zhe'o/ /dgos pa de la ji tsam du gnas she na ye shes zhes bya ba la sogs pa ste/ sku gcig ngo bo ni shin tu stong pa nyid kyi ye shes te sems dang sems las byung ba'i g.yo ba 'gog pa'i phyir ro//des na ma zhum pa'i sems kyis ni zhes bya ba lta bu'o/ /de nyid ting 'dzin rig pa ste/ /shin tu ston pa nyid la sems rtse gcig pa de la chags pa'i phyir ro/ / des yang dag pa'i don ma mthong ba ni myos pa'o/ /de 'dra ba'i gnas su sangs rgyas kyi bya ba la sogs pa ste/ ma bskul na mi khom pa dang 'dra bar sems dang sems las byung ba'i chos dang mi ldan par gnas so/ /des bskul na cir 'gyur zhe na/ bskul bas lha tshogs gzugs dag gi//zhes bya ba ni de bzhin gshegs pa'i sprul pas gdul bya'i skal ba dang sbyor ba'i gzugs sna tshogs kyis bskul ma thag tu nyan thos de dag sems can don la zhes te theg pa chen po la zhugs nas don byed do/ /de nas bsod nams ye shes kyis gsos te sbyin pa nas bzod pa'i bar du bsod nams tha ma gnyis ni ye shes so//brtson 'grus ni gnyis ka'i grogs so/ /de ltar thams cad gsang chen mchog las gsungs pa/ ma rig med pa'i ye shes ni/ /tshogs ni rnam par 'byung ba yin/ /zhe'o/ /de gnyis kyis rgyas par byed pa ni gsos pa'o//de ltar gyur ma thag tu ni/ /sangs rgyas byang chub thob par 'gyur/ /de kho na'i don ni bag chags gnyis kyi phyir/ /tshogs gnyis kyi bag chags bsags pa'o/ /bag chags sa bon du ni gsungs/ /bag chags de ni srid pa'i sa bon du gyur pa'o//sa bon rjes mthun grogs mthun nas/ /de ltar bag chags kyi sa bon yod ma thag tu phung po'am sems dang sems las byung ba ste chos sam de'i nye ba'i rgyu pha ma la sogs pa dang ldan pa'o/ /de yis srid pa'i myu gu bskyed/ /des ni 'khor ba las skye bar 'gyur zhes pa'i don to//de ltar theg pa gcig yin pa las theg pa chung ngu bstan pa/ ci'i phyir zhe na/ bstan pa zhes pa la sogs pa ste/ sems can bsam pa'i rigs dang dbang po dang bsam pa'i dbang gis tha dad pa'o/ /de'i dbang gis bcom ldan 'das kyis bstan pa ni gdul bya'i bsam pa'i rjes su 'gro ba'o//de'i phyir/ 'jig rten rnam pa mang po yis/ /thabs kyi rnam pa mang du phye/ /rnam pa mang po ni rigs la sogs pa tha dad pa ste/ rigs ni mu stegs pa la sogs pa'o//dbang po ni chung ngu'i chung ngu la sogs pa'o/ /skal ba ni tshogs gnyis kyi skal ba can no/ /thabs ni bsgom pa'i mtshan nyid mngon rtogs kyi rim pa dgu ste/ nyan thos nas de bzhin gshegs pa'i rigs kyi theg pa'i bar ro/ /de ltar thams cad tha dad kyang don dam par gnyis su med pa'i don gsungs pa ni/zab cing rgya che zhes pa la sogs pa ste/ de la gnyis su med pa'i shes rab ni zab pa ste/ rang bzhin med pa'i phyir ro/ /rgya che ba ni bsgom pa'i mtshan nyid thabs te rang bzhin phye ba nyid kyi phyir ro/ /de ltar gnyis su gyur pa ni dbye ba dang zhes so//de'i phyir gang zhig mtshan nyid gnyis ka yang ste bden pa gnyis kyi spyi dang rang gi mtshan nyid do/ /de ltar bden pa gnyis kyi sgo nas bstan pa phye yang don dam par dbyer med de zhe'o/ /de ci'i phyir zhe na/ stong nyid gnyis med mtshan nyid phyir//stong pa ni rang bzhin med pa'o/ /ci 'dra zhe na/ gnyis med gnyis ni 'ong ba dang / 'gro ba dang / skye ba dang / 'gag pa dang / rtag pa dang / chad pa dang / gcig dang du ma'o/ /de rnams med pa ni gnyis med pa'o/ /de'i ngo bo ni stong pa nyid gnyis med mtshan nyid do//da ni yongs su mya ngan las 'das pa'i don 'grel pa ni gzungs zhes pa la sogs pa ste/ de la tshig dang don dang spobs pa dang / nges pa'i tshig ni gzungs so/ /yang na tshig dang don dang / sngags gsum lus ngag yid kyis 'chang bas kyang ngo //pha rol tu phyin pa shas che ma thag smon lam gyi dbang gis cher rgyas par nyan thos dang / thun mong ma yin pa'i ye shes gnas skabs du ma'am/ spyod yul zhes khyad par mi rtag pa ni sa'o/ /de'i rgyur gyur pas na sangs rgyas pha rol phyin zhes te sa bcu'o//de yang zang zing la sogs pa ni sbyin pa'o/ /sdom pa ni tshul khrims so/ /chos zab mo la bzod pa ni bzod pa'o/ /sbyor ba dang cho ga dang mi 'gong mi ldog chog par mi 'dzin pa ni brtson 'grus so/ /mi g.yo ba dang sems can don dang yon tan chen po mngon par sgrub pa ni bsam gtan no//thos pa la sogs pa ni shes rab po/ /rang gi skyon sel ba dang sems can 'dzud par byed pa dang / myur du mngon par byang chub pa ni thabs so/ /stobs las bzlog par bya ba dang / nyon mongs pa bzlog par bya ba'i stobs dang /bdud dang smra ba gzhan bzlog par bya ba'i 'o/ /smon lam ni bdag tshogs dang 'brel pa'i lam mo/ /gzhan gyi don dang sangs rgyas kyi zhing yongs su dag par byed pa'i smon lam mo/ /ye shes ni rnam par mi rtog pa dang rtog pa mnyam pa nyid du shes pa dang /thabs thams cad med pa ma yin pa'i ye shes so/ /de rnams 'khor gsum yongs su dag pas na pha rol du phyin pa'o/ /de dag byang chub sems kyi char gzugs la sogs pa rnams so/ /thams cad mkhyen pas stong pa nyid byang chub sems kyi yan lag tu bstan to//de ltar gzugs la sogs pa stong pa'i char gyur na chad par lta bar mi ltung ngam snyam pa la/ rtag tu zhes bya ba la sogs pa ste/ sgo gsum nas mi dge ba bcu spangs pas sems can la gnod pa mi byed pa'o/ /de lta bas na stong pa nyid ces bya ba la sogs pa ste/don dam par chos rnams rang bzhin med pa stong pa nyid du rtogs na yang / dge ba bcu spyod pas rgyu 'bras kyi chos chad pa med pa'o/ /de la chad pa ni log par lta ba'o/ /de bzhin du mya ngan las 'das pa yod par gsungs pa ni/mya ngan 'das dang zhes pa la sogs pa ste/ bdag nyid chen po de bzhin gshegs pa rnams rnam par mi rtog pa'i ye shes kyi mthus srid pa dang / thugs rjes zhi ba la mi bzhugs pa'o/ /gang du gnas she na/ mi gnas mya ngan 'das par ni//zhes pa la sogs pa ste/ srid par skye zhing srid pa'i skyon gyis mi gos pa'i go 'phang la sangs rgyas bzhugs so zhes bya ba'o/ /de lta bas na byang chub sems dpa' ni 'di lta bu yin zhes gsungs pa/ snying rje ro gcig ces bya ba la sogs pa ste/gzhan gyi sdug bsngal gyi sdug bsngal ba'i mtshan nyid ni snying rje ste/ de dang dbyer med pas ro gcig pa'o/ /de snying rje 'ba' zhig gi sgo nas thob pa'i dge ba ste/ gso zhing rgyas par byed pa'i phyir ro/ /de dang 'brel pa'i ye shes kyi tshogs ni stong pa nyid bdud rtsi mchog ste/stong pa nyid bdud de 'khor ba'i 'du byed kyi sdug bsngal la rtsi'i phyir ro/ /de nyid gzhan las rab tu gyur pas na mchog ste/ sdug bsngal gyi sdug bsngal la rtsi lta bu'o/ /bdag gzhan so so'i don bsgrub phyir/ /zhes pa ni nyan thos ltar bdag don 'ba' zhig kyang ma yin la/byang chub sems dpa' ltar gzhan don 'ba' zhig kyang ma yin gyi gnyis ka'i don bsgrub pa'i phyir byang chub sems kyi bdud rtsi 'di 'thung bar byed pa rgyal ba'i sras so zhes te don dam par byang chub sems dpa' de yin no zhes bya ba'i don to//da ni byang chub sems rnam pa gnyis kyi yon tan gsungs pa ni/ phyag bya zhes pa la sogs pa ste/ lha la sogs pas phyag bya bar 'os pa'o/ /gang la 'os she na/ de'o zhes te stong pa nyid dang snying rje'i sgom pa de la'o/ ci 'dra ba'i phyir zhe na/ dngos po kun gyis te lus ngag yid kyis so/ /rtag tu mchod 'os ni dngos grub thams cad mthar phyin pa'o/ /gang du mchod pa yin zhe na/ srid gsum la zhes te 'dod pa la sogs pa srid pa'i lha mos so/ /sangs rgyas kyi gsung ni de'i rabs so//chad pa med pa ni de'i brgyud pa'o/ /de la de dag gnas zhes te/ stong pa nyid dang snying rje chen po bsgoms pas so/ /ji ltar gnas she na 'jig rten 'dren pas so zhes te/ mtho ris dang byang grol du 'dren pa'i ston par gyur pa'o/ /de bas na theg pa chen po'i mchog 'di ni/byang chub sems zhes gnas par 'dod do/ /theg pa chen po'i nang nas snying rje dang stong nyid byang chub sems kyi mchog yin zhes pa'i don te/ so sor brtags pa'i 'gog pa dang / yongs su grub pa dang / so so rang gis rig pa'i ye shes las rab tu gyur pa'o zhes bya ba'o//de ltar yin pas na mnyam par gnas zhes bya ba la sogs pa ste/ snying rje dang stong pa nyid cha mnyam zhing mthar ma lhung bar nan tan bya zhing / byang chub sems bsgom pa dang / smon pa'i sgo nas bskyed par bya'o zhes pa'i don to//ci'i phyir zhe na/ bdag gzhan don ni zhes bya ba la sogs pa ste/ nyon mongs pa spangs ba'i rang bzhin can stong pa nyid kyi ye shes rang don no/ /snying rjes gzhan sdug bsngal las thar bar byed pa ni gzhan don no/ /mthar phyin pa ni rab tu grub pa'o/ /des na de gnyis mnyam par bsgoms pa las grub pa'i thabs gzhan med pa'o//don de nyid ni/ byang chub sems nyid ma yin pa/ /zhes pa la sogs pa'o/ /byang chub sems de kho na bsgoms pa tsam gyis bsod nams kyi tshogs su 'gyur ba ni gang gi bya ba gnas so/ /bsod nams de tshad med par gsungs pa ni/gal te gzugs su gyur na zhes pa nas so/ /de ltar bsod nams mtha' yas par bstan nas/ bgrang du med par gsungs pa ni/ /skyes bu gang gis zhes pa la sogs pa'o/ /yang byang chub sems de ci 'dra zhe na/ nyon mongs zhes pa la sogs pa ste/ de la nyon mongs pa med pa ni nyon mongs pa dang de dang ldan pa'o/ /de las byung ba ma yin pa'i phyir ro/ /de ltar nyon mongs pa med pa'i rang bzhin 'od gsal ba'i sems ni rin chen zhes te/ dkon zhing mchog tu gyur pa'i phyir ro//gcig tu 'di gsungs te/ bcom ldan 'das kyis rang bzhin med pa'i stong pa nyid 'di ni byang chub kyi sems gcig pur gsungs kyi yongs su grub pa la sogs pa ni der ma gsungs so zhes pa'i don to/ /rin chen sems de yang ci 'dra zhe na/ 'phrog pa med pa la sogs pa ste/ gzhan gyis mngon du dbang byar med pas mi 'phrogs pa'o/ /gzung ba med pa ni mi skye ba'i ngo bo'i phyir ro/ /gang gis she na nyon mongs bdud sogs te sogs pa'i sgras ni phung po'i bdud bsdu'o/ /thabs kyis 'phrog pas na rkun ma'o//byang chub kyi sems gsungs pa'i thabs gsungs pa/ byang chub sems zhes pa la sogs pa ste/ snying rje dang stong pa nyid gsungs pa'i phyir gsungs pa'i dpe ni ji ltar zhes bya ba la sogs pa ste/ rnam par thar pa dang / ting nge 'dzin la sogs pa'i spyod pa kun la legs par spyad pas kun du bzang po'o//des rdzogs pa'i byang chub don du gnyer ba ni bzang po'i smon lam mo/ /don bzang po'i smon lam stobs kyis byang chub bsrung ba bzhin du bsdom pa yang smon pa dang / bsgom pa'i stobs kyis bsrung bar bya//zhes bstan to/ /don de nyid gzhan don zhes bya ba la sogs pa ste/ mi dmigs pa'i snying rje'i sgo nas gzhan don byed pa la sems mi g.yo bar bya'o zhes pa'o/ /de dang 'dra ba'i yon tan dang ldan pa'i byang chub kyi sems 'di yin pas/ byang chub don du gnyer ba'i rnal 'byor pas/ngo mtshar du yang khyed rnams kyis zhes pa la sogs pa ste/ phyis 'byung ba'i sems can gyis 'di la spyad na sangs rgyas pa'i thabs gzhan med do zhes bya ba'o/ /de'i 'bras bu thob pa ni kun du bzang po'i zhes pa la sogs pa ste/ kun du bzang po'i smon lam gyis byang chub thob pa bzhin du 'di sgom pa pos kyang smon lam dang snying rje'i sgo nas rang kho nas 'thob bo zhes bya ba'o/ /da ni mdzad pa pos bsngo ba gsung pas ni/ rgyal ba zhes bya ba la sogs pa ste/ rgyal ba gzhan las rab tu gyur pas rgyal ba mchog /de'i rang bzhin med pa'i ngo bo ni byang chub sems mchog ste/ byang chub gzhan las phul du byung ba'i phyir ro/ /de 'grel pas mnyes par byed pa ni bstod pas so/ /de byas pas shin tu zhes pa la sogs pa ste/ mnyam pa med pa'i byang chub sems bstod pas bsod nams kyang mi mnyam mo//bdag ni klu sgrub zhabs so/ /srid pa gsum gyi rgya mtsho'i nyon mongs pa dang nye ba'i nyon mongs pa'i rlabs ni srid pa'i rgya mtsho'i chu rlabs so/ /des 'khor ba las ldang bar gyur pa'i sems can ni bying ba'i ltas can te lus dang 'brel pa'o//de ni gang dang 'brel te/ de ring zhes pa ni nyi ma nub kyi bar du ste/ myur ba'i don bstan pa'o/ /rkang gnyis gtso bo ni rgyal ba'o/ /des mnyes pa'i go 'phang mi gnas pa'i mya ngan las 'das pa'o/ /de ltar byas pa'i bsod nams kyis//srid pa'i rgya mtsho la bying ba'i sems can gyi mngon du gyur cig ces bya ba'i don to/ /'phags pa zhes bya ba ni 'phags pa'i chos mthong lam brnyes pa'i phyir ro/ /slob dpon rnam par 'byed pa'i lam mnyan nas bslab pa'i gnas yin pa'i phyir ro//dpal zhes pa ni bsod nams dang ye shes kyi tshogs dang ldan pa'i phyir ro/ /klu sgrub ces pa ni klus mchod gnas su byas ba'i phyir/ mdzad mkhan gyis btags pa'i ming ngo / /zhabs zhes pa ni bkur ba'i tshig ste/ zhabs tsam smos kyi sku lus gzhan smos kyis mi langs pas so//kyis zhes pa ni mdzad mkhan du mtshon pa'o/ /mdzad pa zhes pa ni 'grel pa byas pa'o/ /rdzogs so zhes pa ni don mthar phyin pa'o/ /smr-i ti dz+nyA na kI rti yis/ /byang chub sems kyi 'grel bshad 'di/ /bsgyur bas 'gro ba thams cad ni//byang chub sems ni thob par shog /lho brag d+harmA seng ge yis/ /chos re'ang lam rings bgrod nas zhus/ /rgya gar gyi mkhan po smr-i ti dz+nyA na kI rtis bsgyur cing bshad nas gtan la phab pa'i byang chub sems kyi 'grel pa bshad pa rdzogs so// //