CLOSE WINDOW

D1827
བོད་ཡིག

/ //rgya gar gyi mkhan po karma badzra nyid kyis bsgyur zhing gtan la phab pa'o/[ ]@##/ /rgya gar skad du/ ska ha ra tsar+ya a ba tar/bod skad du/ sgrub pa'i spyod pa la 'jug pa/ dpal rdo rje sems dpa' la phyag 'tshal lo/ /gang zhig shes rab mtshon ni rnon po yis/ /dngos por lta ba'i dra ba rab dral zhing / /dus kyi dgrar gyur nag po'i dpung bcom pa/ /mya ngan 'das rnyed de la phyag 'tshal te//'gro rnams de yi dbang du gyur pa yis/ /bdud bzhi stobs ni rab tu gzhom pa'i phyir/ /mdo rgyud rtog pa rnams las gsungs pa yi/ /man ngag ye shes rdo rjes bsdus te bstan/ /long ba nyam nga'i lam du bgrod pa dang / /skya 'dzin med par gru yis rgal 'dod ltar//yongs 'dzin med dang ngan par gyur brten na/ /rtag tu bdud kyis glags ni rnyed par 'gyur/ /tshul 'dir zhugs pas de ma thag nyid kyis/ /goms pa med dang goms par gyur pa'i phyir/ /thob bya med la 'bras bu ji bzhin du/ / nag po'i phyogs la mngon du phyogs par 'gyur/ /rtsa ba'i dgrar gyur yul la 'dod min dang / /lhag par 'jig pa nyid du gyur pa'i phyir/ /mtha' gnyis gyur pas log pa'i grong khyer du/ /dbang med sprin gyi dgra yis bdas par 'gyur/ /spro ba med pas las kyi mtha' gong zhing //ha cang brtun ngas rab tu ldog pas na/ /mtha' de gnyis ka'ang rab tu spang bya zhes/ /nyi ma'i rigs las 'khrungs pas mdor gsungs so/ /rang gi sems ni thog ma med pa nas/ /log par zhen phyir rnam par rtog dang bcas/ /de phyir rnam par rtog pa 'dir gyur zhes//rdo rje 'dzin pa'i dbang pos rab tu gsungs/ /yang dag pa'i lam thob par 'dod pa'i skyes bus rang gi lam nyid du brtsams te/ slob dpon bla ma la zhus pa/ bdud kyi las rnams du zhig mchis pa thos par 'tshal na/ bdag la thugs brtse bas bstan du gsol/bka' stsal pa/ lha'i bdud dang 'chi bdag phung po dang / /nyon mongs yin phyir bdud ni rnam pa bzhi/ /'gro kun snying la nges par gnas pas na/ /thub pa'i lung bzhin de dag las rgyal bya/ /gso ba rig pa mthar phyin gyur pa yis//yan lag rnam bzhi tshul du 'jug pa ltar/ /bdud bzhi'i nad las nges par thar bya'i phyir/ /gso ba'i yan lag rnam bzhir shes par bya/ /gso ba'i yan lag rnam bzhi tshul gcig gis 'grub par 'gyur ba mchis sam/ bka' stsal pa yod de/mtshan nyid dang ldan pa'i dge ba'i bshes gnyen la tshul bzhin du brten pas so/ /tshul gcig gis ni don 'grub pa/ /bdag gis ma mthong ngo mtshar don/ /gtso bo ji ltar bsnyen bkur zhing / /de yi rgyu mtshan bdag zhu lags/ /bkal stsal pa/ mchod pa thams cad rnam spangs la/ /bla ma yang dag mchod par bya/ /de mnyes pa yis kun mkhyen pa'i/ /ye shes dam pa de thob 'gyur/ /bla med byed pa slob dpon ni/ /rdo rje sems dpa' nyid mchod byas/ /de yis bsod nams ma byas ci/ /dka' thub ma brten ci zhig yod//de nyid mi bzad 'dod pa yis/ /shin tu dga' ba gang dang gang / /shin tu khyad par can nyid de/ /de dang de ni bla mar sbyin/ /slob dpon gyis ni sdig pa 'phrog /slob dpon gyis ni 'jigs pa sel/ /slob dpon gyis ni sdug bsngal gyi//rgya mtsho 'jig rten pha rol sgrol/ /zhes gsungs so/ /yang bka' stsal pa/ bskal pa dpag tu med par ni/ /thos pa'i pha rol phyin pas kyang / /bla ma'i bka' med sgyu ma ni/ /mngon par bya bar mi nus so/ /de phyir sangs rgyas 'bras 'dod pas/ /nga rgyal yongs su btang byas la//rdo rje theg pa la bzhon nas/ /'bad pas bla ma mnyes par bya/ /zhes gsungs so/ /yang bka' stsal pa/ bla ma sangs rgyas chos gyur cing / /dge 'dun yang ni de nyid de/ /de yi drin gyis shes gyur pas/ /de bas dkon mchog mchog gsum yin//mi shes rab rib kyis rmongs la/ /'di ni lam rab ston byed yin/ /bde ba kun gyi mchog 'gyur zhing / /'dod pa thams cad ster ba yin/ /zab mo'i chos la nges pa'i bdag /sdig bral snying rje'i bdag nyid can/ /dkon mchog gsum gnas don du gnyer//chos sbyin pa la zang zing med/ /slob ma sdud pa'i bla ma de/ /sangs rgyas kun zhes sgrub byed ces/ /'gro ba'i mgon gyis bka' stsal te/ /gzhan dag bla ma min par bshad/ /de bas de dang mnyam pa yi/ /mchod bya bla med yod ma yin//des na 'bad pa thams cad kyis/ /brtul zhugs can gyis bla ma mchod/ /de mnyam 'gro ba 'jig rten na/ /khams gsum na ni gzhan med de/ /rdo rje sems nyid 'jig rten na/ /phun tshogs kun phyir zhugs pa yin/ /slob ma phun tshogs mchog 'dod cing / bsod nams mi zad 'dod pa dang / /bdud dang bgegs kun zlog byed pas/ /rnam pa du mas mnyes par bya/ /dam tshig dag ni thams cad kyis/ /bla med dam tshig 'di yin te/ /phun sum tshogs kun ster bas so/ /bcom ldan 'das kyis rtag tu bsrung / / zhes pa dang yang bka' stsal pa/ de bas bla ma bsten pa ni/ /yang dag gus ldan slob ma yis/ /yongs su brtag par bya'o zhes/ /rgyal ba'i dam pas rab tu bsngags/ /dkon mchog gsum la dang gis dad/ /sems can kun la snying rjer ldan/ /brten zhing gtong sogs yon tan ldan//bsod nams thams cad cher bskyed pa/ /byang chub sems ni yang dag bskyed/ /blo bzang rab dang yon tan ldan/ /khro ba med cing spro ba che/ /zab mo'i chos la rnam par mos/ /de ni chos kyi sbyin pa dag /zang zing med la rtag par dga'//de ni rtag tu 'dod pa chung / /tshogs gnyis yang dag bsags pa'o/ /de ni bla mar sangs rgyas dang / /rdo rje 'dzin bcas kun gyis gsungs/ /de nyid sems can thams cad kyi/ /ston pa 'jig rten 'dren pa yin/ /zhes gsungs so/ /yang bka' stsal pa/sangs rgyas kun gyis bsngags pa yi/ /bla ma la ni yon dbul zhing / /kun du sna tshogs pad+ma la/ /yon phul bas ni dam pa 'grub/ /gang la gang ni gtang dka' ba/ /de ni mchog tu bshad pa yin/ /gang dang gang ni bsdus pa'i mchog /yang na shin tu khyad par can//de dang de ni bla ma la/ /de ni mi zad 'dod pas dbul/ /yang na de nyid 'dod gyur pa'am/ /yang na sems la dgongs pa gang / /des sbyin na yang dgos pa bya/ /de ni chung yang mchog yin no/ /gal te de la mchog yod la/ /de yang ngan pa'i yon phul na//kun gyi slob dpon brnyas pas na/ /des ni rtag tu sdug bsngal thob/ /ces gsungs so/ /yang gsungs pa rigs kyis mdor byas nas bstan par bya ste/ phyogs bcu'i 'jig rten gyi khams na sangs rgyas dang byang chub sems dpa' ji snyed 'khod cing 'tsho ba dang skyong ba de thams cad dus gsum du lhags nas/slob dpon de la de bzhin gshegs pa thams cad kyis mchod pa rnams kyis mchod de/ sangs rgyas thams cad kyi zhing der yang 'gro'o/ /ngag rdo rje'i yi ge yang 'di skad brjod do/ /bdag cag de bzhin gshegs pa thams cad kyi pa'o//bdag cag de bzhin gshegs pa thams cad kyi ma'o/ /bdag cag de bzhin gshegs pa thams cad kyi ston pa'o zhes bya ba'i bar du'o/ /'di lta ste dper na/ /rigs kyi bu sangs rgyas bcom ldan 'das phyogs bcu na ji snyed bzhugs shing rab tu spyod pa'i sangs rgyas bcom ldan 'das de rnams kyi sku dang gsung dang thugs rdo rje'i bsod nams kyi phung po bas kyang slob dpon gyi ba spu'i bu ga gcig 'phags so//de ci'i phyir zhe na/ rigs kyi bu byang chub kyi sems ni sangs rgyas thams cad kyi ye shes snying por gyur pa dang /skye ba'i gnas su gyur pa dang thams cad mkhyen pa'i ye shes kyi 'byung gnas yin no zhes 'byung ngo / /de ci'i phyir zhe na/ gtan tshigs gzhan yang yod de/ bcom ldan 'das kyis ji skad du/ /rdo rje slob dpon lus 'di la/ /rgyal ba'i sku ni rim bzhin gnas//dang po sku yi rdo rje ni/ /gzugs phung la ni rab tu bzhugs/ /rjes su chags pa'i rdo rje ni/ /tshor ba yi ni phung por bzhugs/ /bcom ldan gsung gi rdo rje ni/ /'du shes kyi ni phung por bzhugs/ /mchod pa kun gyi rdo rje ni/ /'du byed kyi ni phung por bzhugs//bcom ldan 'das thugs kyi rdo rje ni/ /rnam shes phung por yang dag bzhugs/ /'di yi sha sogs sa khams la/ /bcom ldan 'das yum spyan ma bzhugs/ /khrag sogs chu yi khams rnams la/ /bcom ldan 'das yum ma ma bzhugs/ / dro ba la sogs me khams la/ /bcom ldan 'das yum gos dkar bzhugs/ /bskyod pa la sogs rlung khams la/ /bcom ldan 'das yum sgrol ma bzhugs/ /de yi mig gi dbang gnyis la/ /de bzhin gshegs pas snying po/ /de yi rna ba'i dbang gnyis la//bde gshegs phyag na rdo rje'o/ /de yi sna yi dbang gnyis la/ /de bzhin gshegs pa mkha' snying bzhugs/ /de yi lce yi dbang bzhugs pa/ /de bzhin gshegs pa 'jig rten dbang / /khams bzhi'i rang bzhin gong bu ni/ /rang gi lus zhes bya ming las/ / sgrib pa thams cad rnam par sel/ /de bzhin gshegs pa 'dir bzhugs so/ /de yi yid kyi dbang po la/ /de bzhin gshegs pa 'jam dpal bzhugs/ /lus kyi tshigs ni thams cad la/ /de bzhin gshegs pa kun du bzang / /lus kyi rtsa rgyus thams cad la/ / de bzhin gshegs pa byams pa bzhugs/ /lag pa g.yas pa'i rtsa bar ni/ /de bzhin gshegs pa gshin rje gshed/ /lag pa g.yon pa'i rtsa bar ni/ /bde gshegs gzhan gyis mi thub pa'o/ /kha yi pad+mar bzhugs pa ni/ /de bzhin gshegs pa rta mgrin no/ / gsang ba'i gnas su bzhugs pa ni/ /de bzhin gshegs pa bdud rtsi 'khyil/ /dpung pa g.yas par bzhugs pa ni/ /de bzhin gshegs pa mi g.yo ba/ /dpung pa g.yon par bzhugs pa ni/ /de bzhin gshegs pa 'dod pa'i rgyal/ /pus mo g.yas par bzhugs pa ni//de bzhin gshegs pa dbyug pa sngo/ /pus mo g.yon par bzhugs pa ni/ /de bzhin gshegs pa stobs po che/ /rang gi spyi bor bzhugs pa ni/ /de bzhin gshegs pa 'khor los sgyur/ /rkang pa'i mthil du bzhugs pa ni/ /de bzhin gshegs pa gnod mdzes te//lus ni 'di nyid kun la 'dir/ /de bzhin gshegs pa thams cad bzhugs/ /sku yi 'khor lo zhes brjod pa/ /rdo rje slob dpon nyid kyi lus/ /'di dag ma lus rdzogs sangs rgyas/ /sangs rgyas rnams kyi sku rdzogs pa/ / rdo rje spyan kun legs bstan pa/ /mya ngan 'das la 'jug pa yin/ /bcom ldan mya ngan 'das myur thob/ /khyod kyi dge ba yongs su smin/ /da ni rdo rje slob dpon gyi/ /lus la rgyal ba thams cad bzhugs/ /nyon cig mthong ba don yod ces/ /phyi ma'i dus na sems dpa' che//dang po'i las kyi sems can gyis/ /rab tu 'bad de bla ma bkur/ /de tshe mthong ba don yod bcas/ /byang chub sems dpa' grags pa che/ /dga' zhing mgu la rab dang bas/ /phyag 'tshal nas ni mchi ma blags/ /zhes gsungs so//yang gsungs pa/ tshul khrims dag cing sbyin pa gtong / /bzod dang brtson 'grus mchog dang ldan/ /nyin mtshan rtag tu bsgom la zhen/ /shes rab ldan zhing bzo la mkhas/ /bla ma'i phyir ni yon tan rdzogs/ /dpal ldan slob dpon zhes brjod de/ /nang gi gsang ba 'dus pa dga'//phyi rol nyan thos las brjod pa/ /de lta'i man ngag rim pa yis/ /slob ma rnams la rjes su slob/ /de ni ston par yongs su shes/ /ji skad smras pa de bzhin byed/ /rtog pa rnams dang dkyil 'khor sogs/ /dam pa'i don gyi bya ba dang /slar yang rnam pa gsum dang ni/ /rnal 'byor mchog gi spyod pa la/ /slob cing gzhan la slob tu gzhug /de ni slob dpon zhes bya'o/ /de nyid bcu ni yongs shes nas/ /dkyil 'khor la sogs bya ba shes/ /slob ma rjes su sad nus dang / /gsang ba'i dbang ni bskur ba dang //shes rab snying rjer yang dag ldan/ /rgyud dang man ngag la mi 'jigs/ /zab cing rgya cher yang dag ldan/ /rdo rje sems dpa' gnyis pa mchog /tshar gcod phan 'dogs pa la mkhas/ /de ni rdo rje 'chang du bshad/ /ce'o/ /yang gsungs pa/ rigs kyi bu dge ba'i bshes gnyen gyis yongs su zin pa la ni bdud kyis glags mi rnyed do/ /dper na dpa' bos bsrungs pa'i bud med la skyes bu 'phyon ma rnams kyis glags mi rnyed do/ /de bzhin du dge ba'i bshes gnyen dpa' bos bsrungs pa'i gang zag la bdud sdig can gyis glags mi rnyed do zhe'o//yang gsungs pa/ dge ba'i bshes gnyen ni gang de la bdud kyi las rnams nye bar ston te/ bdud kyi las ni 'di dag yin/ /bdud kyi nyes pa ni 'di dag yin/ /bdud kyi las 'di dag khyod kyis rtogs nas spang bar bya'o zhes 'byung ngo //'phags pa rtag tu du'i le'u las kyang / rigs kyi bu khyod kyis dge ba'i bshes gnyen la phyir mi bsngo bar bya'o/ /'di snyam du bsam par bya ste/ bdag ni thabs la mkhas pa de mi shes kyi 'dis ni thabs la mkhas par rab tu shes so zhes gsungs so/ / 'phags pa dpal 'byung ba'i rnam par thar pa las kyang sangs rgyas kyi chos thams cad kyi rtsa ba ni dge ba'i bshes gnyen no/ /dge ba'i bshes gnyen la rag las pa la sogs pa gsungs so/ /bdud kyi las rnams spang ba'i phyir/ /bla ma bsten par 'tshal lags na/ / yang dag dge ba'i bshes gnyen la/ /bdag cag gang gis brten par bgyi/ /bka' stsal pa/ dad cing bla ma la yang gus/ /rtag tu dge ba'i las la gnas/ /rtog pa ngan pa rnam par spangs/ /lung ni mang du thos pa dang / /gsod pa dang ni 'tshe ba spangs/ / sems can rnams ni gdon pa'i blos/ /kun du brtson dang yang dag ldan/ /de la sogs pa'i yon tan ldan/ /dad pa che ba'i slob ma bzang / /zhe'o/ /yang bka' stsal pa/ ji ltar 'ga' zhig grur zhugs pa/ /skya ba 'dzin pa legs thob na/ /mtsho chen pha rol sgrol 'gyur gyi//gzhan du dogs su phyin mi 'gyur/ /de bzhin bla ma dang mi bral/ /dkon mchog gsum la gus pa dang / /byang chub sems dpa' dad ldan zhing / /'jig rten na ni snying rjer ldan/ /'di ni gru zhes bya bar bshad/ /bla ma mkhas pa skya ba 'dzin/ /gru ni thams cad rab ston pa//'khor ba'i pha rol 'gro rnams la/ /rdo rje sems dpas gsungs pa yin/ /skya ba 'dzin pa med par ni/ /gru yis pha rol bgrod mi nus/ /yon tan thams cad kun rdzogs kyang / /bla ma med par srid mthar min/ /de bas nges pa nyid du ni/ /brtul zhugs brtan pas de bzhin du//phyi dang nang gi bdag nyid kyis/ /rtag tu rnal 'byor pas mchod bya/ /phyag la sogs pa'i bya ba kun/ /dus rnams kun du shes par bya/ /shes rab dad par yang dag ldan/ /skye bo rnams la snying rjer ldan/ /khro ba med cing slu ba med//gtong sogs yon tan rnams kyis brgyan/ /spro tshe rang gi brtson 'grus ldan/ /rtag tu bla ma'i bka' bzhin byed/ /ma bskos yang ni rang gi blos/ /yo byad la sogs dngos po rnams/ /ci rnyed pa dad ci nus pa/ /de bzhin bza' bca' la sogs dbul//ji ltar brnyas par gyur kyang ni/ /yid ni zhum pa med par bzod/ /slob ma yon tan kun ldan pa/ /lung dang rigs pas rtog pa po/ /ma brtags pa yi rang bzhin can/ /gang yang 'di 'dra med par ni/ /slob ma bya bar mi nus zhes/ /sangs rgyas rnams kyis rab tu gsungs//ji ltar byis pa rang dgar ni/ /pong ba 'phen pa ji lta bar/ /gang zhig gzhan gyi dbang gyur pa/ /dam pa'i chos kyi snod ma yin/ /zhes gsungs so/ /bla ma brnyas shing sgyu can dad pa med/ /sngags kyis rlom zhing glegs bam mthong bas khengs//dad pa med cing dbang bskur dman pa la/ /gtam gyi rim pa tsam yang brjod mi bya/ /'ga' zhig bla ma la gus dad dang ldan/ /mos pas bsnyen bkur la ni rtag tu brtson/ /thos pas 'dzin gang bla ma dam pa yis/ /bla ma'i drin byin bla mas nor mi rtog /ri rab rtse las 'ga' zhig lhung gyur na/ /lhung bar mi bya snyam yang lhung bar 'gyur/ /bla ma'i drin gyis phan pa'i lung thob na/ /grol bar mi 'gyur snyam yang grol bar 'gyur/ /zhes bka' stsal te/ yang gsungs pa/ gang zhig g.yo sgyu blo can le lo can//nyon mongs bla ma'i skyon mthong yon tan min/ /bla ma la smod dbang bskur thob ces rlom/ /blo dman sems can kun mkhyen thob mi 'gyur/ /bsnyen bkur med par myur du de nyid 'dod/ /log par 'dzin zhes khro bcas g.yo ba dang / /tshogs na bla ma mthong na rgyab phyogs shing //de nas dben par song nas phyag byed pa/ /rang bzhin ngan par gyur pa'i slob ma ni/ /rang bu yin yang gzhan bzhin yongs su spang / /rgyal rigs la sogs mchog las skyes gyur kyang / /bstan pas de ni drung du gzhag mi bya/ /yon tan mchog ldan shes rab brtson bcas dang //yang na bla ma la gus sangs rgyas ltar/ /rgyal ba'i chos rtogs bstan la rab tu dad/ /de ni gnod gyur yin phyir drin sbyin bya/ /rgyud la thos shing lung la legs sbyangs kyang / /bla ma'i bsnyen bkur med cing lung ma thob/ /de ni rang la'ang phan med bstan bcos chung //de ni bstan bcos skye ba'i rgyu tsam yin/ /yang na skal ldan de ni man ngag thob/ /blo gros blun zhing don la sbyor mi nus/ /gzhan don blo yis ston la rab tu 'jug /tshig gi yon tan med na brnyas par 'gyur/ /rgyud mang thos shing shes ldan tshig don shes//dran dang blo gros 'dzin blo brtson par ldan/ /bla ma'i zhabs bkur bcas shing lung thob dang / /rgyud rgyal man ngag bstan par 'os pa yin/ /zhes gsungs so/ /don 'di rdo rje phreng ba las/ /gsang bar gsungs phyir bsdus pa de//gdul dka' tshul 'chos sgyu can dang / /rmongs dang sems khro g.yon can dang / /dad med rtog ge ba lhan cig /rtags kyis nye bar mtshon pa dang / /nyan thos dang ni nor la brkam/ /de kho na nyid sun 'byin pa'i/ /don dam pa ni mi shes pa//med par lta dang tshul khrims 'chal/ /gtam dang tshig ni skyel ba dang / /'dre ba la sogs mi bya zhing / /bla ma dang ni slob ma yi/ /mtshan nyid bstan pa rtogs gyur kyang / /de yis de la ji ltar na/ /gus par bgyi la the tshom mchis/ /mdo rgyud cho gzhib mo dang / bla ma'i zhal nas thos pa yis/ /bdag gi the tshom bsal bar bya/ /rab tu dang ba'i sems kyis nyon/ /gtan tshigs gzhan yang yod pa ste/ /de nas bcom ldan rdo rjes gsungs/ /slob ma'i bya ba'i spyod pa ni/ /zhib la sogs bya ba yang / /sngags dang rnal 'byor rim pa yis//lham dang gdugs dang gtsug tor dang / /so rtsi la sogs myang ba dang / /snabs kyi gong bu mchil ma sogs/ /'dor zhing rkang pa rkyong ba dang / /gzhan du lta dang spyi brtol smra/ /rigs kyis snyems dang ngar 'dzin dang / rgyal la sogs la blta ba dang / /bag med par ni smra ba dang / /bla ma'i gdams ngag mi bsgom pa/ /de la sogs pa'i skyon gyi tshogs/ /bla ma'i mdun du rnam par spang / /'jigs pas thal mo sbyar nas ni/ /spyi bos phyag bya bka' lung nod/ /rang bdog kun gtong dam bcas la//ngo mtshar bcas shing gdong smad pa/ /slob ma bla ma'i mdun nas bya/ /gal te dngos grub mchog 'dod na/ /bla ma'i mdun du slob ma rnams/ /de lta bu sogs spyod shes bya/ /dam tshig sdom pa sngar bshad pa/ /de rnams slob ma'i spyod pa'o//zhes bka' stsal te/ yang gsungs pa/ yon tan kun gyi gzhir gyur bla ma ni/ /rab tu 'bad de dngos grub 'dod pa dang / /bdud kyi tshogs las rgyal phyir thod bzhin du/ /rang gi spyi bo'i gtsug tu bkur bar bya/ /rgyal ba rnams dang sku gsung thugs dang ni//yon tan phrin las rab tu mnyam pa'i phyir/ /rtag tu mdun bsams lus dang ngag yid kyis/ /phyag 'tshal tshigs su bcad pa 'di brjod do/ /sems can nyam thag gnas nas 'don la phyag 'tshal lo/ /dngos su ston cing dri ma bral la phyag 'tshal lo//ma lus tshig med yi ge bral la phyag 'tshal lo/ /bsod nams ye shes tshogs kyi dpal la phyag 'tshal lo/ /tshegs chen po yis lung ston pa la phyag 'tshal lo/ /sku gsung thugs ni nyi ma bdud rtsi dang / /nam mkha' lta bur 'gro ba la khyab cing / /yon tan phrin las yid bzhin nor la phyag 'tshal lo//bla ma khyod la bdag ni rab gnas te/ /bdag gis lus sogs 'byor pa kun 'bul lo/ /dang por phrad na gus par thal sbyar te/ /yan lag lngas btud phyag ni legs par btsal/ /de rjes sa phyogs skyang nul byi dor byas/'jam pa'i stan ni legs par bting nas kyang / /rgyab rten mdun du chol zangs so shing dang / /zhal dang zhabs bsil dri yi chu dag dang / /spyan lam mi mdzes dngos po spang bar bya/ /gtsang zhing bsod pa'i kha zas legs sbyar nas/ /rin chen snod du ras kyis rdul med byas//mdun du 'dud byas lag gnyis legs bkru ste/ /gus pa'i tshul du lag pa gnyi gas dbul/ /lag pa'i snod dam bla mas ci gnang ba/ /phyag byas lag pa gnyis kyis legs zhus te/ /gus pa'i spyod lam bstan pas ci bder bya//de rjes phyag zhabs dri chus rab bsil nas/ /bzang po'i khri stan legs shing mtho ba la/ /gtsang ma'i gos kyis gdong ni rab g.yogs te/ /zhabs rten 'jam po'i khri la bzhugs su gsol/ /rgyab rten dmar po gzer dang bcas pa la/ /steng du bla bre gdugs dang yol ba bres//chos dang dge ba'i bshes la dkyil 'khor ni/ /tshul dang mthun pa'i ri mo bris pa dbul/ /me tog bdug pa mar me byug pa dang / /zhal zas sil snyan dag gis bstod bya ste/ /gser dang nor bu mu tig be+e DUr+ya/ /spug dang rdo yi snying po dngul dag dang //shaM ka shi la byi ru rin chen shel/ /ras dang dar gos glang chen rta dang ni/ /bu dang bu mo chung ma bran dang 'bru/ /bdag gi 'byor pa stobs kyis dbul bar bya/ /de rjes gus par gsol pa gsum gdab ste/ /'gro la snying rje chen po rab bskyed nas//rdzogs pa'i byang chub yid la bsams nas kyang / /nyon mongs med pa'i sems kyis rna blags te/ /tshul dang mthun pa'i spyod lam bsten par bya/ /chos smras pa la legs par gsungs tshig gis/ /dbang po rab dang tha mar gdams par bya/ /mnyan las byung ba'i dge rtsa rgya chen kun//rdzogs pa'i byang chub phyir ni bsngo bar bya/ /chos smra ba la rigs gzugs thos pa dang / /ngang tshul ngan dang ji ltar brnyas gyur kyang / /chos la brten phyir brnyas pa'i sems mi bya/ /rnyed dang grags dang thos dang tshul khrims dang //gzugs sogs yon tan rnams kyis khengs mi bya/ /shes khe rnyed 'dod phyir ni ma yin te/ /mdor na nyon mongs can sems tshar gcad bya/ /de la sogs te mtha' yas mchog gyur phyir/ /rang gi bla ma yon tan kun rdzogs la/ / sgo gsum bsnyen bkur rnam pa mtha' yas phyir/ /bskal par yang ni smra bar su zhig nus/ /mdor bsdus pas ni brjod pa 'di yin te/ /sangs rgyas la sogs rin chen ji bzhin dang / /rang gi pham rang lus rang gces nor/ /rang la gang phangs de bsrung bsgrub pa bzhin//bla ma dang slob ma'i tshul bstan pa ste le'u dang po'o// //slob mas gsol pa/ bla ma bsnyen bkur bya ba'i tshul ni khong du chud lags na/ /dgos pa gang gi don du bgyi ba bdag la bstan du gsol/ /slob dpon ston pas bka' stsal pa/ 'khor ba thog ma med pa nas/ /mi mthun mthun byas gnod byed pa'i/ /bdud bzhi las ni rgyal bya'i phyir/ /'dri ba rgyas par bshad par bya/ /gang gis 'chi med lus mchog ni/ /thob pa yon tan rnams kyi rten/ /gang phyir sems can tshe thung ba/ /'chi med go 'phang sgrub mi nus//de bas 'bad pa thams cad kyis/ /'chi ba med pa bsgrub par bya/ /'chi bdag las rgyal 'chi ba med pa de/ /gtan du thob phyir 'gro ba tshe ring bas/ /dam chos bsgrub phyir 'bras bu dpag med la/ /'chi ba 'joms zhes rgyal bas rab tu gsungs//phyi dang nang gi 'chi ba'i rtags gsungs pa'i/ /mtshan nyid la mkhas 'chi bdag slu ba yi/ /thabs su gyur pa 'bad pa cher byas te/ /'bad pa'i blo la 'bras bu lag na gnas/ /ma rig pa nas rga shi'i mthar thug par/ /skye dang 'chi ba'i dus ni nges pa med//'khor lo bskor ba lta bur rab tu gnas/ /de yi bar chad zhi ba 'chi bdag bslu/ /dbang po lnga la phyi yi rtags 'byung ste/ /drug pa la ni nang du shes par bya/ /'chi bdag nang gi las ni go rims bzhin/ /thabs mkhas ldan pas 'chi ba 'joms par 'gyur//de dag rnal 'byor gtsug lag gdan bzhi dang / /bde mchog mkha' 'gro dus kyi 'khor lo las/ /gsungs pa mdor bsdus bdag gis khyod la bshad/ /gzhan du ma yengs yid kyis mnyan par gyis/ /mig ni zlum zhing gzugs mthong 'khrul pa med//gyen du lta dang sa dang nam mkha' yi/ /bu ga chod dang med par snang ba ni/ /'chi bdag 'ong ba mkhas pas shes par bya/ /shing dang ri dang rang gi spyi bor me/ /'bar dang ra man yi grong mthong dang / /dbyug pa gdengs pa nag po 'bar bar mthong //chu la dbang po'i gzhu ni ma mthong dang / /grib ma mgo med rang gi lce rtser min/ /tha mal mig la rin chen 'khor lo mthong / /zla bar ri mo med dang nyi ma bzlog /khyi khwa bya rog gtor ma za mi byed/ /bkab pa'i rna bar rnga yi sgra med dang / /sgra mi thos dang gnod sbyin sgra grags thos//nag po'i gzugs kyis lho phyogs 'dong zhes dang / /dri mi zhim dang dri ldan sna rtse stod/ /glo bur sna ni yo dang zhom pa dang / /ro mi tshor dang ro ni med pa tshor/ /rtsa bar nub dang rtsa ba nag por 'gyur/ /rgyu med ldib pa'i tshig 'khrul 'chi ba'i rtags//ha phu grang dang dro ba'i reg bya dang / /gzhogs phyed skams dang phyed grang phyed ni dro/ /'jam rtsub lci yang bzlog pa'i lus 'dzin dang / /bshang gci gser dang dngul gyi kha dog dang / /sbring dang dus gcig 'byung dang sdom par byed/ / chu dang sa bon 'dres par 'byung ba dang / /'khrig pa spyod tshe dril bu'i sgra thos dang / /nyin dang mtshan mo'i gzugs ni bzlog mthong zhing / /phyogs kyang de bzhin bzlog pa nyid du mthong / /thos pa la sogs de bzhin snang gyur na/ /de ni 'chi bdag dbang du song zhes bya//bshang gci med dang mang gyur 'chi ba'i rtags/ /glo bur zha dang sbeg dang rgyu med tsho/ /stobs med ha cang stobs dang ldan pa dang / /dri zhim dri mi zhim pas lus la ni/ /srog chags 'du dang 'bros pa 'chi ba'i rtags/ /gnyen gyis 'dor dang dgra ni byams pa dang //dud mo skra 'bal bsam gtan khad pa 'dor/ /grib gnon lus la yang yang 'jug pa dang / /lag mthil rkang pa de bzhin tsha dang 'bigs/ /chu sbugs lcags bsregs bzhin du myur du skam/ /lkog mar 'brum pa dmar po 'byung ba dang / / glo bur mtshan ma nub par gyur dang 'phyangs/ /de la sogs pa lus kyi rtags shes bya/ /thams cad sems kyi dbang du byed pa ste/ /sems las ma gtogs don gzhan med par gsungs/ /de phyir rang sems brtag pa ma gtogs pa'i/ /phyi rol don ni thams cad 'khrul kyang snang //rnal 'byor pa ni shin tu khro bar 'dod/ /lhag par chags dang lhag par gnyid che dang / /rab tu mi dga' kyi hud smre sngags 'don/ /ha cang dga' dang mngon shes thob snyam dang / /mkha' la 'phur snyam ting 'dzin thob snyam dang / /dmigs pa brjed dang de la yid mi 'gro//nang gi nyi zla'i rlung ni log pa dang / /lhag dang chad dang ha cang 'phel dang 'grib/ /dus su min dang ha cang thag ring dran/ /phug dang mun pa bug pa la sogs sems/ /'jig rten pa ni brgya dang drug cur dran/ /'jig rten 'das las sems ni log pa dang //rnyed dang nyo tshong gnyen gyi bya ba dang / /lus dang zas kyi cha sgeg 'dun pa dang / /'khor dang bsod snyoms ster la mngon par dga'/ /grags pa'i gtam dang rab byung khyim pa dang / /mang por 'dre dang bdag gi bde ba 'dod/ /'khor 'dod 'khor la ha cang mi dga' dang //bsgom dang bzlas dang sbyin sreg tshogs 'khor ro/ /sngon du byed pa las ni nyams pa dang / /ma byin pa dang yul pa'i gtam la dga'/ /gnyen dang 'brug dang rgyal po'i 'thab mo dang / /dug dang byang stems ma mo'i sbod gtong dang / /gzhon nu'i sbyor dang bsad dang bsad dbang med//sa bdag dang ni mi yi bdag po dang / /gdon dang 'dre can gnas la chags pa dang / /srog chags gdug dang g.yang sa'i lam gnas pa'i/ /rnal 'byor pa ni 'chi ba myur du 'thob/ /rang gi sems ni yongs su gyur pa'i phyir/ / 'khrul kyang rmi lam khyad du gsad mi bya/ /thub pa'i dbang pos chos kun rmi 'drar gsungs/ /de phyir rlung sogs ma yin rtags kyis kyang / /rmi lam na ni dus mtshan nag mo mthong / /de la chags spyod de yi dbang gyur dang / /shing la 'dzegs dang shing dang ri las lhung / / bong bu rnga mos lho dang shar phyogs dang / /spre'u zhon pas shar du 'gro ba dang / /shing ring thal phung grog mkhar srog shing 'dzeg /ka ra bI ra'i phreng thogs dri tshogs byugs/ /thog dang ser ba rdo ba'i char pas non/ /sngar shi'i mi dang 'grogs dang lam du zhugs/ /yan lag lcags sgrog ldan dang gzeb tu bcug /gos med gos dang rgyan phreng dmar po thogs/ /de la sogs pa 'chi ltas rnam par 'gyur/ /tha mal rtags su de ltar bshad pa ste/ /'byung ba rlung sogs nang ni rnam gnyis gzhan/ /'chi bdag sde rnams gzhom phyir sngags dang ni//sman dang bsam gtan rin chen rnams kyis so/ /'byung po'i gdon la sngags kyis bsrung ba ste/ /'byung ba 'khrug pa la ni sman gyis gso/ /nang gi rlung la ting 'dzin stobs kyis te/ /gdug pa rnams la tshe yi nor bus so/ /gnod 'joms sman ni gang dang gang bshad pa//gang du gcig gis thams cad 'grub par bshad/ /de dag bsdus pa'i stobs las byung shes nas/ /mkhas pa rnams kyis rab tu brtag par bya/ /'chi bdag gzhom pa'i le'u ste gnyis pa'o// //'khor bar srog ni yun ring gnas gyur kyang //bgegs kyis bsod nams ma lus zad byas pas/ /yon tan rnams ni 'grub par mi 'gyur bas/ /bgegs rnams bzlog phyir bsrung ba chen po bya/ /gsol pa/ bcom ldan 'das kyis bshad du gsol/ bka' stsal pa/ rigs pa mchog dang dpung bzangs la sogs su//lta ba'i gdon ni gang dang gang bshad pa/ /sde dpon 'khor dang de yi rigs su gtogs/ /sa stengs mi la rtag tu 'tshe bar byed/ /de dag bzlog phyir gnas dang mtshan nyid dang / /bsrung dang dengs par bya phyir ngas bshad do/ /dge ba'i bshes la gus pa cher bskyed la//'gro la phan phyir nyon la yid la zung / /sgrub pa po yi sems la rab zhugs nas/ /rab tu 'bad de bar chad byed pa ni/ /lha yi bu ni tshangs pa la sogs pa'i/ /phyogs bcu skyong ba'i lha las grangs 'dra ba/ /tshangs pa'i srin po dang ni 'dod pa'i lha//gzugs med lhas ni bar chad byed pa min/ /glang chen gdong dang pad+ma'i phreng la sogs/ /ded dpon bcus ni gnod pa rab tu byed/ /ris su gtogs pa bgegs rigs stong phrag ni/ /brgyad cu mi la 'tshe bar byed pa ste/ /tshangs pa la sogs lha ni steng gi phyogs//'og na 'dug pa sa dang klu yi ste/ /shar phyogs na ni dri za'i rigs rnams te/ /lho ni grul bum nub na klu yi rigs/ /byang du gnod sbyin shar du dbang po dang / /lhor ni gshin rje nub tu chu yi bdag /byang du gnod sbyin shar lhor byin za'o//lho nub bden bral nub byang sprin gyi sgra/ /byang shar mtshams su dbang ldan gnas pa ste/ /bdud rnams phyogs ni bcu po rab tu bsrung / /de dag thar par 'bad la bgegs byed do/ /rang gi spyod yul las ni 'da' snyam sems/ /bsod nams gzi ni lus la 'jug byed de//'khor dang rnyed dang grags dang snyan pa dang / /'jig rten pa yi bsam gtan skyed par byed/ /de yi sems kyis gzengs ni bstod byas pas/ /skye bo phal chen dbang du sdud byed cing / /bsod nams dngos po la ni rab tu 'jog /ye shes tshogs la mngon par mi dga' zhing //'khor bar 'dren pa'i gtam la rtag tu brtson/ /kha cig mngon shes thob phyir gzugs rnams mthong / /ting 'dzin dpag med mngon du gyur snyam dang / /sangs rgyas zhing du 'ga' zhig lung bstan thob/ /'gro ba'i don du kun du 'gro bar rig /sgra dang 'od 'byung nam mkha' gzugs kyang ston/ /me tog 'thor zhing sngon gyi spyod tshul dang / /da lta ma 'ongs lung ni ston par byed/ /sangs rgyas zhing ni mang por rab ston cing / /mya ngan 'das la mchog gzhol lung yang ston/ /de yis gzhan gyi sems ni rab bskul te//sbyin sogs rgya chen gus pa rgya chen yang / /kha cig la ni 'dun pa zlog byed cing / /zas dang gos med ting 'dzin las nyams byed/ /'dod chags can la 'dod pa skyed byed cing / /khro 'dod khro byed la rmongs lhag par rmongs/ /rlung can lus la rlung du 'jug byed cing //mkhris sogs nad can rnams la de bskyed de/ /kha cig sems g.yeng ting 'dzin thob mi byed/ /kha cig thos las nyams byed dman par bsgyur/ /kha cig la ni rgyal ba'i skur ston cing / /gzhan las rgyal sras nyan thos gzhan dag las/ / mkhan po slob dpon lhan cig gnas pa dang / /nye gnas tshul gyis dge las zlog par byed/ /kha cig la ni pha ma spun zla dang / /sring mo chung ma byi mo snying nye dran/ /kha cig la ni lha yi cha byad dang / /lha mo'i cha lugs skra ni rab tu gnag /nu ma pho long mig ni ri dwags 'dra//glang chen brla 'dra rked pa rdo rje bzhin/ /chags pa'i mtshan ma rab tu ston byed pas/ /rnal 'byor pa yi sems ni shing bal bzhin/ /de dag sems kyis kha cig mnar sems rgyu'i/ /tshig gi zhe sdang me ni shing skam bzhin/ /kha cig la ni bya dang mi bya ba/ / mi shes phyir na mun par gzugs bzhin te/ /kha cig 'byung po drag po'i cha byad can/ /mtshon cha 'bar dang sdigs mdzub bsdigs par byed/ /kha cig la ni 'dod pa lnga stobs shing / /kha cig la ni grags sogs 'jig rten chos/ /gzhan la thos sogs la lar 'byor ba'i stobs//la la la ni thog dang ser ba 'bebs/ /kha cig ting 'dzin las bzlog tshul khrims dang / /de las bzlog nas la la sbyin la 'god/ /la la bsam gtan las bzlog 'chad pa dang / /'chang ba po ni zhal ta'i las la sbyor/ /la la rab tu byung ba khyim gnas la//theg chen las bzlog nyan thos theg la 'dzud/ /bslab gsum gnas las gzhan ni bzlog nas su/ /mchod rten la sogs bsod nams che la dgod/ /la la bsam gtan khang par sgra 'byin cing / /sgo nas 'jigs pa'i sgra 'byung cho nges 'debs//mnyam gzhag ming nas 'bod cing rab tu dgod/ /sgyugs pa glu len pheg rdob dung gi sgra/ /se gol gtogs 'dra 'khun dang sen mo'i dri/ /'dar dang dngangs pa glo bur skyed byed cing / /mi sdug gzugs ston rdeg dang 'phul ba dang / / bsam gtan mi dga' lus ni yang dang ljid/ /rgyu med gcig pur smra dad dgod dang khro/ /glo bur du ni gzhan gyi sems shes shing / /'jigs pa'i skar mda' 'od zer me 'bar dang / /dman pa'i man ngag ston pa'i 'dod lha bzhin/ /la lar bdag ni myur du 'chi snyam dang //bsam gtan 'grub par mi nus thos sogs yin/ /da ni ci bya 'bras bu ma thob cing / /dman pas yi chad sgyid ni lug par byed/ /kha cig ma brtags brtson la 'jog byed de/ /bar dor nyams pas 'bras bu med par byed/ /gzhan dag gang byed de las zlog byed de//de dang de med 'bras bu de bor bzhin/ /kha cig cho ga nyams la sbyor byed de/ /'bad pa byas kyang de don 'grub mi 'gyur/ /la la 'gro ba mi 'dod la gnas pas/ /thar dad 'chi ba'i gnas ni des mi shes/ /mdor na ngang gi la ni theg chen la/ /zhugs pa'i ting 'dzin la sogs bar chad byed//srog dang dngos grub gnyis ka 'phrog pa'i phyir/ /bla ma'i lung gis bzlog pa tshogs dang bral/ /bla ma'i ngag med sgrub pa la 'jug pa/ /srog dang dngos grub bgegs kyis 'phrog byed de/ /bgegs kyi sbyor ba stong phrag brgyad cu sogs//brjod par mi nus 'on kyang mdor bshad do/ /bsod nams bsags pa'i lus la gdon dang ni/ /de yi rigs kyis gnod par mi rigs kyang / /sngon chad byas pa'i las kyi nus pa dang / /'phral gyi rkyen gyi gnod pa 'byung ba srid/ /las kyi nyon mongs stobs kyi nus skyed de//de phyir nyon mongs bzlog pas de med 'gyur/ /'byung ba 'khrugs sogs rkyen las gang byung ba/ /gso ba rig pa las ni shes par byed/ /rkyen dang gzhan gnod 'byung ba'i rgyur gyur pa/ /sgrub pa'i sa gzhi legs par ma sbyangs shing //bsrung ba'i cho ga tshul bzhin ma byas pas/ /bgegs kyi bar chad dag ni byed par 'gyur/ /gnyug mar gnas pa'i 'byung po la 'tshe dang / /yi dwags rnams la gtor ma sbyin mi byed/ /'dre la sogs pa lha bzhin mchod byed cing / /dkon mchog gsum dang bral na bgegs 'byung 'gyur//gzhan gyi rig sngags gcod par byed pa dang / /bgegs la phur bus 'debs dang sbod gtong byed/ /dbang ma thob dang lung med log zhugs la/ /bgegs ni rtag tu 'tshe bar byed pa yin/ /byams sogs dang bral gsang sngags drag zlos dang //rang gi dam tshig las nyams gdug sems can/ /klu yi gnas su sbyin sreg byed pa dang / /bshang dang gci dang 'khrig spyod srog chags gsod/ /nub tu kha bltas chu mig se skyer ldan/ /drag po chags pa'i rdo bzlog shing gcig gcod//thab gtong byed pa klu yis brlag 'gyur te/ /byang du kha bltas pa yang de bzhin no/ /sngags pa sgrub khang sgo ni lhor bstan dang / /nub tu sngas bstan dad lha mi sgrub dang / /bla ma dge slong lha khang phyag mi byed/ /de dag rnams dang pha dang ma yi ni//gong du 'gro la gdon gyi gnas skabs rnyed/ /mi ro gnas klu sa dur thal phung dang / /lha khang sgo dang ri sna chu yi mdor/ /nyal bar byed la bgegs ni 'byung bar 'gyur/ /gcig pu 'gro dang mtshan 'gros byed pa dang / /gzhan la 'tshe ba'i bsam pa rtag ldan zhing //rang gi srung bsgrub las la mi brtson zhing / /de la gdon ni rab tu 'byung bar bshad/ /gsang sngags zlos pas mdze po rme can dang / /rta rgyug lcag gzhu rnams dang la phug dang / /chang dang chang 'dra rnams ni spang bar bya/ /de dag byas pas gsang sngags mi 'grub la//de ma grub phyir gdon ni 'jug par 'gyur/ /dpung bzangs zhus pa'i dam tshig la gnas grol/ /rgyud gzhan las 'byung bzlog pa'i cho ga ni/ /bstan par bya yis rab tu gus pas nyon/ /rang sems snang phyir sngags dang cho ga spyad/ /byams la sogs pas rnal 'byor bsrung byas la//bsod nams la sogs tshogs kyis bdag bsrung bya/ /hUM las byung ba'i gnas ni kun du bsrung / /de rjes khro bo la sogs skur bsgoms te/ /chog rdzogs pas yongs su sbyang bar bya/ /rdo rje rigs gtso pho nya ma yi tshogs//rigs pa mang po bsten pa'i lha mo de/ /bzlas pa tsam gyis bgegs rnams phung ba dang / /rngam pa 'don zhing phyogs bcur 'bros par 'gyur/ /ye shes gzugs can khro bo bcu yis ni/ /phyogs skyong bcu po dbang du byas pas kyang //bgegs kyi sbyor ba ma lus zhi bar 'gyur/ /byams sems thob pas bdag la srung bar byed/ /ye shes me yi 'od zer 'phro 'du yis/ /seng ge'i gzugs can sngags kyi phreng ba yi/ /rab tu 'khor ba'i bzlas pa byas pas kyang / /bgegs rnams lus ni rab tu 'bar bar 'gyur//gru gsum re pha'i sa bon las skyes pa'i/ /'bar ba'i nang du ting 'dzin 'od kyis bkug /til bsregs bzhin du thal bar byas pas kyang / /sbyor ba ma lus rlag par byed par bshad/ /hUM skyes rdo rje ra ba 'od dang bcas//sa gzhi rdo rje'i rgyal por rab sprul te/ /me 'bar nang gi lha yi 'khor gyis bsrung / /bgegs kyis mthong bar mi 'gyur 'ong mi 'gyur/ /hUM skyes rnam par snang mdzad gzhal yas su/ /ye shes 'od zer yi ge'i sgras bskul nas/ / 'chi med lus la drangs pas bgegs kyis ni/ /sbyor ba ma lus snang mdzad sgo nas 'byed/ /hUM las byung ba'i bdud rtsi'i zas bsten pas/ /rdo rje mi 'chi lus thob bgegs med de/ /me yi lce la phye ma leb bzhin du/ /thal bar gyur nas nam mkhar dengs par bya//rdo rje'i go cha ya lad mtshon thogs nas/ /bdud kyi dpa' bo rnams ni 'byer bar 'gyur/ /byams pa'i go bgos snying rje'i mtshon thogs te/ /dga' ba'i dpa' sems byang chub sems kyis ni/ /rta zhon btang snyoms kyis ni g.yul 'gyed pas//zhe sdang las byung bgegs kyi g.yul chen 'joms/ /stong pa nyid la rang gi blo gnas te/ /snang ba rnam rtog las skyes shes byas nas/ /dngos med chos kyi rang bzhin bsgom pa yis/ /rnam rtog las byung bdud ni med par 'gyur/ /lha la sogs pa'i bdud gzhom pa ste le'u gsum pa'o// //nyon mongs bdud ni gzhom par ma byas par/ /lha la sogs pa'i bdud bzlog mi 'gyur bas/ /me mi 'dod pas shing ni spong ba ltar/ /nyon mongs bdud ni bzlog phyir 'bad par bya/ /gnas pa rnam pa gsum ni rab gnas pas//nyes pa rnams ni rab 'joms lung nyid las/ /thub pa'i dbang pos rgyud las gsungs pa bzhin/ /rab tu bstan gyis rab tu gus pas nyon/ /'dod chags shas cher mi gtsang sha tshil dang / /pags pa keng rus lha bas rnam par bzlog / lus ni mi gtsang pags pa sha khrag rkang / /glad rgyas rgyu ma mtsher mchin mkhal ma khrag /mkhris pa bad kan khu chu phyi sa dang / /gcin rnams ba sbu sgo dang rus pa dang / /mig dang rna ba sna dang kha dang ni/ /bshang sgo mtshan dang bu ga dgu pa yi/ /rma nas dri ma sna tshogs mi gtsang ba'i//'dzag pa'i rgyun ni rtag par 'byung ba yin/ /de ltar yan lag thams cad 'dus pa dang / /sa chu me rlung nam mkha' rnams dang ldan/ /ji bzhin las kyi rjes 'brang mi yi lus/ /thams cad ldan pa'i lus la gnas pa yin/ /'dod chags kyis ni gdungs par gyur na yang //lus kyi yan lag 'di dag thams cad la/ /dran pa rtse gcig mngon du byas nas ni/ /ye shes mig gis so sor rnam par brtag /de ltar gang zhig nges par brtag pa dang / /lus dang srog la rjes su chags pa yis/ /'dod chags rtsa nas yong ye zhi gyur te//nyi mas mun nag gtan nas bsal ba bzhin/ /'tshol dang mdza' bshes dang ni rnam par bral/ /mi sdug pa dang phrad cing 'dod pas gdungs/ /na ba skye rga 'chi ba'i sdug bsngal can/ /yul rnams kun du song na'ang de med min/ /sha sbrang tsha grang bkres dang skom la sogs//gang du sod na'ang sdug bsngal nyid yin pas/ /yul mngon dga' ba'i sems ni byung bas na/ /rnam rtog de dag rnam par bzlog par bya/ /sems ni glog dang spre'u dang sprin dang mtshungs/ /de bzhin rgya mtsho chen po'i rlabs dang 'dra//rgyu mtshan 'dong rgyur yul la mngon par dga'/ /g.yo zhing 'phrin pas nges par gdul bar bya/ /de phyir bcom ldan rgyal ba'i dbang po yis/ /chos 'di kun gyi rtsa ba sems zhes gsungs/ /sems dang bas ni lha mi'i bde ba dang / /mtho ris dang ni byang grol thob par 'gyur//sems kyi skyon gyis dud 'gro'i skye gnas dang / /sems dmyal gnas shing mi sdug thob par 'gyur/ /sems de rab tu dang bar gyur pa yis/ /sa chu me rlung skye rga 'chi sogs dang / /bar dang tha mar gnod pa kun dang bral/ /rnam grol bde zhing zhib thob par 'gyur//gsang sngags dngos grub kun dang thun mong ba/ /bde ba chung zhing bde ba brgyad dang bral/ /nyon mongs dug bcas rnam par 'jig 'gyur ba/ /dang ba'i sems kyis thob bar bya ba yin/ /'dod rgyal las kyang ma byung dus las min//rang bzhin dbang phyug las kyang ma yin te/ /rgyu med rkyen min skyes bus ma byas kyang / /las dang nyon mongs pa las sems can byung / /gzugs ni 'byung ba chen po bzhi dang ldan/ /de ni bdag min bdag kyang gzugs ma yin/ /gzugs la bdag med bdag la gzugs med de//gzugs ni stong pa'i phung bzhir rig par gyis/ /gzugs ni dbu ba rdos pa dag dang 'dra/ /tshor ba chu bur bzhin du rtag tu med/ /de ltar mthong ba lta ba bzang po yin/ /gang zhig gzhan gyur de ni lta ngan gsungs/ / tshig rtsub 'khyal pa smra ba smra ba dang / /gzhan gyi bud med bgrod dang brdzun smra dang / /rku dang gzhan gyi srog gcod gnod byed dang / /chang dang byed pa rtag tu spang bar bya/ /rmongs pa gang zhig lus dang ngag dang ni/ /de bzhin yid kyis bsod nams/ bsags byas kyang / /thams cad log par lta ba bcom pas na/ /de yi rnam smin mi 'dod 'bras bur 'gyur/ /dper na sa dang chu dang dus ldan yang / /sa bon tshig las myu gu mi skye ltar/ /de bzhin mi shes log ltas bcom pa yi/ /sems la dge ba'i chos rnams mi skye'o//rtag tu sems ni dge ba bcu dag gis/ /chos kyi lam la gnas par byas na legs/ /ser sna dregs dang rgyags pa rnam par spangs/ /gang zhig dgra bcom pha ma gsod pa dang / /mthun pa'i dge 'dun dbyen ni byed pa dang / /de bzhin gshegs la sdang ba'i sems kyis su//gang zhig mi dag sku mtshal 'byin byed pa/ /shin tu mi bzad pa yi las 'di rnams/ /rgyal bas mtshams med lnga po bsten par bshad/ /gti mug gis ni sdig pa ci byas na/ /phung po 'di la grub pa thob mi 'gyur//mchod rten 'jig cing byang chub sems dpa' gsod/ /nyon mongs zad pa ma ni sun 'byin dang / /slob ma gsod cing dge 'dun mnga' ba la/ /'dod pas mang nyung sku 'phrog byed pa dang / /mtshams med nyer lnga de bzhin gshegs pas gsungs/ / tshul nyams mi ni gang zhig 'di byed pa/ /bskal pa'i bar du mnar med sdug bsngal myong / /gsang sngags dngos grub sgrub kyang yong mi 'thob/ /gang zhig bde gshegs gsung gi glegs bam dag /chud gzon pa'am mes ni bsreg pa'am/ /bsam pa dran pas chur ni 'dor ba dang //yang na chos kyi sku ni spong ba dang / /bslab tshig ma lus pas ni brgyan pa yi/ /dge slong dag dang dge slong ma gsod dang / /dge bsnyen dag dang dge bsnyen ma gsod dang / /ngan pa'i sems kyis lha khang bsreg kyang rung / /mi yi yul na sdig pa 'di byas pas//dka' ba spyod pa ldan pa grub mi mthong / /gang zhig dkon mchog gsum la gnod byed pa'i/ /bsam pas gnod pa cung zad byas kyang rung / /bdag nyid mnar med yun ring dmyal bar gnas/ /de nas thar nas las kyi dbang gis ni//rigs ngan mi dang dud 'gro'i skye ba thob/ /ngas ni 'di dag khyed la mdor bshad do/ /gang zhig mi bzad las byed thub pa gsod/ /rigs sngags gcod dang gnod par byed pa dang / /bsam pa ngan pas rig sngags tshogs mi 'chang / / don med bzhin du sen mos rtswa gcod dang / /rkang pas ske ba nyed pa la sogs pa'i/ /sna 'bigs dge 'dun la ni mi gus dang / /'byung por byin pa'am lha bshos gtor ma 'am/ /sa la lhung ba sngags pas bza' mi bya/ /'dod chags zil gyis gnon pas dud 'gro dang //bud med bgrod bya min pa bgrod mi bya/ /glang chen mi gdul sbrul yang mi gzung zhing / /rtag rgyug pa dang lcag gis gzhu mi bya/ /gang zhig sems can nad dang sdug bsngal la/ /byams pa'i bsam pa brtan po med pa dang / /las de rnams dang ldan par gyur pa de//dngos grub nam yang 'grub par mi 'gyur ro/ /dper na nam mkha' thug pa med pa las/ /'dom gyis gzhal bas mtha' rtogs mi nus ltar/ /de bzhin dkon mchog gsum la brten nas ni/ /phan gnod byas pa'i dge sdig mtha' mi rtogs/ / rgya dang rnyi stor rtsa ba'i dug dag gis/ /khyi la sogs pa'i sems can gsod pa dang / /bya rgod la sogs gzeb kyis bcing byas na/ /'di dang pha rol dag tu grub mi 'thob/ /bdud dgra'i me tog rnying pa bor ba rnams/ /rkang pas mi brdzi mgo la gdags mi bya//bkres par gyur kyang de dag rnams la ni/ /phul ba'i lha bshos nam yang bza' mi bya/ /dge dang mi dge'i bshes pa bzung na ni/ /bram ze dmangs rigs dag la khyad par med/ /'on kyang 'gro ba'i blos ni bram ze dang / /'di ni dmangs rigs yin zhes btags par zad//bden pa'i lam dmigs dge ba'i rjes 'brangs na/ /dmangs rigs dag kyang skye shi med par 'gro/ /log pa'i lam zhugs pa yi spyod ldan na/ /bram ze yin yang mi bzad dmyal bar 'gro/ /lus can shin tu dri ma ldan pa dag /'di na gzhan gyis dag par mi 'gyur te//de ni sdig pa rnam par bsal ba dang / /bsod nams ma lus yongs su bzung bas 'dag /de ltar sdig pa'i chos las rnam grol na/ /bde bar gshegs pas legs par gsungs pa'i chos/ /dag cing grol ba dang ni ldan gyur pa/ / bzlas pas skyon mdo sde bklag par bya/ /gtsang zhing dben pa'i sa phyogs dag tu ni/ /'jim pa'am bye ma'i las las byas pa yis/ /bde gshegs mchod rten rten 'brel snying po can/ /sdig pa sbyang ba'i phyir ni rtag tu gdab/ /ring bsrel can gyi gzugs sku'am mchod rten la//bstod cing dri dang phreng ba mar me dbul/ /gdugs dang rgyal mtshan ba dan rol mo dang / /mchog tu dad pa yis ni dbul bar bya/ /ji ltar chu klung nyin mtshan rtag par ni/ /rgyun mi 'chad par 'bab par 'gyur ba ltar/ /de bzhin phyag bcas bzlas dang brtul zhugs kyis//bsod nams ma lus par ni 'phel bar 'gyur/ /ji ltar sbyin sreg dang ni bzlas brjod kyis/ /gsang sngags bsgrags dang dngos grub ma thob na/ /'jim pa la ni mchod rten 'bum btab bam/ /yang na chu 'gram bye ma dag la gdab//des ni de yi sdig pa srid gzhan la/ /byas pa gang yin de ni zad gyur nas/ /des ni gsang sngags mthu yis 'di nyid la/ /mthong ba'i chos la bsod nams 'bras bu 'thob/ /de yis bde bar gshegs la dad bskyed nas/ /de bzhin du ni byang chub sems kyang bskyed//rdo rje'i rigs zhes brjod pa rgya chen dang / /nga la yang ni dad cing dga' bar byas/ /grags dang ma grags rnyed dang ma rnyed dang / /bde dang sdug bsngal de bzhin bstod dang smad/ /sems kyis 'jig rten chos rnams rab bcom ste/ /sdig pa'i gnas su gyur pa spang bar bya//dper na rgya mtsho skad cig tsam yang ni/ /mi yi ro dang lhan cig mi gnas ltar/ /de bzhin rnam rtog sems kyis sdig byas pa/ /sngags pas skad cig tsam yang gnas mi bya/ /byams dang snying rje'i chus gdab zhe sdang la/ /re zhig cig na dgra yang mdza' bor 'gyur//mdza' bo dag kyang dgrar ni 'gyur ba nyid/ /de bzhin kha cig kyang ni bar mar 'gyur/ /bar ma de nyid kyang ni dgra bor 'gyur/ /de ltar mdza' bshes 'gyur bar rig bya ste/ /blo gros ldan pas nam yang chags mi bya//gnyen la dga' ba'i sems dag rnam rtog dang / /bzlog nas dge la ci bder gnas par bya/ /le lo 'dod chags mi dge ldan pa'i sems/ /gang nas gang du g.yeng zhing rgyu ba dag /de dang de ni myur du bzlog nas ni/ /gsang sngags yi ge mchod la legs par sbyar//dkon mchog gsum la dad pa brtan por bya/ /sos ka'i nags me mched pa'i me lce yis/ /ma bsgrims bzhin du tshang tshing kun bsregs ltar/ /bzlas brjod me la tshul khrims rlung gis sbar/ /brtson 'grus chen po'i me lces sdig pa sreg / me tog dri bstod mar me phul ba dang / /tshul khrims brtson 'grus dka' thub byas pa yis/ /dge ba de kun bla na med pa yi/ /sangs rgyas byang chub bla med mchog tu bsdo/ /dper na chu klung rgya mtshor phyin pa na/ /lan tshwa'i ror ni gcig tu 'gyur ba bzhin/ /de ltar bla med byang chub mchog bsngos pa'i//bsod nams rgyal ba'i ror ni gcig tu 'gyur/ /dper na skyes bu la las 'bras bu'i phyir/ /sA lu bskyed kyi sog ma'i phyir min yang / /sA lu bskyed nas sgrim pa med par ni/ /sog ma'i phung po zhor las 'byung ba bzhin//de bzhin byang chub 'bras bu 'dod pa'i phyir/ /bsod nams sgrub kyi longs spyod phyir min yang / /sog ma'i phung po dag dang mtshungs par ni/ /ma bsgrubs bzhin du mi yi longs spyod 'grub/ /tshe ring ba 'di legs par thob pa dang / /tshul bzhin bsgrub pa'i yul dag rnyed pa'am//skye ba med par gyur cing 'gro ba yi/ /bsam pa rnams ni rtag tu rdzogs par bya/ /'greng dang 'dug dang gnyid log nyal ba dang / /mgo 'phres za klog bzlas brjod byed pa na/ /rjes su dran drug so so'i yon tan dang / /rig pa bcas te rjes su dran par bya//bde gshegs chos dang dge 'dun bcas dran te/ /shA ri'i bu dang nga la thal sbyar 'dud nas nyal/ /de ltar bsam pa'i dge ba mtha' dag zad/ /lha la sogs dang bgegs dang log 'dren rnams/ /brtul zhugs gnas pa de la glags mi lta//dper na lo thog thams cad sa dag la/ /brten nas skyon med par ni skye ba ltar/ /de bzhin tshul khrims bsten nas chos dkar mchog /snying rje'i chus brlan pa ni rnam par skye/ /rgyal ba ngas gsungs so sor thar pa yi/ /tshul khrims rnam dag 'dul ba ma lus las//sngags pa khyim pas rtags dang cho ga spang / /lhag ma rnams ni nyams su blang bar bya/ /lha yi bde ba dang ni 'byor pa dang / /tshe dang stobs gzugs phun sum tshogs pa dang / /thos mang mdangs bzang gcig tu yid gzhungs dang //dbang thang che kun dka' thub stobs kyis 'thob/ /gang gi tshe na sems ni dang ba yis/ /mi yi yul na byang chub sems blangs pa/ /de ni phyin chad lha dang lha min dang / /'jig rten ma lus rnams kyis phyag bya'o/ /mis ni mngon par mtho ba ma lus pa'i//bslab pa mtha' dag blangs par gyur pa dang / /sems can kun la mi 'jigs sbyin pa dang / /dkon mchog gsum gyi gdung yang bsabs pa yis/ /ji ltar gangs la nyi ma'i 'od zer gyis/ /gdungs na gzi brjid mi bzod 'ju ba ltar/ / tshul khrims nyi ma'i 'od zer bzlas brjod kyis/ /gdungs na sdig pa'i gangs kyang zad par 'gyur/ /mun nag smag la mar me byung ba yis/ /mun nag ma lus sel bar byed pa ltar/ /tshe rabs stong nas gnas pa'i sdig pa kun/ /bzlas brjod mar mes myur du sel bar byed//tshe rabs gzhan du gang dag byas pa yi/ /sdig pa ma lus bzlas brjod byas pas 'byung / /bzlas pas sdig pa ma lus byung bar 'gyur/ /las kyi dbang gyur bdag po med pa dang / /mgon med rten med tshe rabs gcig nas gcig / lus kyi kha bsgyur rjes su gang 'gro ba/ /de yi rjes su dge dang mi dge 'brang / /sngags kyi rtsa ba dang po tshul khrims te/ /de nas brtson 'grus dang ni bzod pa dang / /rgyal ba la ni dad dang byang chub sems/ /gsang sngags dang ni le lo med pa'o//chags dang rnam bral dge pa dang / /rtag tu dkon mchog gsum la sems gzhol zhing / /sdig pa spangs shing bzlas brjod ldan pa yi/ /mi la lha rdzas dngos grub ring ba med/ /khyod kyis ji ltar gsungs pa de bzhin du/ /mi yis legs par sbyangs pa bgyis na ni//de dag myur bar dbul ba'i mun bsal nas/ /nyi ma bzhin du shin tu 'bar bar 'gyur/ /yan lag mi nyams sems kyang mi nyams shing / /nad dang sdug bsngal lus nyams mi 'gyur ba/ /khyod la dad pa'i mis ni thob par 'gyur/ /lus dang ngag yid lag pa mig dang ni//smin mtshams yan lag rnam par g.yo ba dang / /rab tu bsdams nas de la yid gzhol zhing / /byams la gnas shing ku sha'i khri la 'dug /ji srid du ni rtse gcig gnas gyur pa/ /de srid du ni 'bum mam nyi shu bzlas/ /ji ltar ri dwags dbang po khros pa dag /mthu stobs chen po glang chen gsod pa dang / /de bzhin spyang ki phag dang ri dwags dang / /wa rnams kyang ni myur du gsod pa ltar/ /de bzhin sngags pas seng ge'i tshul gyis su/ /rab dang 'bring dang tha mal las rnams la/ /brtson 'grus chen po dag dang ldan pa dang //'bad pa mchog rnams kyis kyang bsten bar bya/ /rtse gcig sems dang ldan pa'i rmi lam ni/ /yid las byung ba'i dga' ba rab tu skyes/ /dga' bas lus ni shin tu sbyangs pa thob/ /lus sbyangs pas ni bde ba'i skal ldan 'gyur/ lus bde rtse gcig sems dang ting 'dzin gyis/ /de tshe bzlas brjod dogs pa med par 'gyur/ /dngos grub nye dang bzlog pa la dga' dang / /sems ni nam yang sdig la dga' mi 'gyur/ /bkres skom tsha rlung grang dang dal ba yi/ /sdug bsngal drag pos nyen kyang g.yo mi 'gyur//sbrang bu sha sbrang srin bu grog sbur dang / /sdig sbrul rkang pa brgyad dang sbrul dang 'dre/ /sha za srul po rnams kyang de yi ni/ /lus dang grib ma la yang mi 'gom mo/ /tshig ni gzung bar 'os shing yid gzhungs la/ /snyan dngags dang ni 'dri ba rnams la mkhas//chos la mngon dga' gter rnams mthong ba dang / /lus kyi nad dang dri ma med par 'gyur/ /skye bos mthong ngam thos par gyur kyang rung / /myur du mngon dga' yid du 'ong bar 'gyur/ /bud med 'dod lha'i mda' yis phog pa rnams/ /'dod lha'i longs spyod phyir ni 'dod par 'gyur//gang tshe mkhas pas lha dang gnod sbyin dang / /dri za lha yi bu mo'i lus dang sgra/ /mis ni dga' ba'i yid kyis mthong thos dang / /de tshe shin tu nye bar gyur pa yin/ /dper na rlung med khang pa'i nang du ni/ /mar me btsugs pa mi g.yo 'bar ba ltar//rtse gcig sems kyis bzlas la mngon dga' ba'i/ /lus la chos kyang de bzhin 'bar bar 'gyur/ /sna rtser blta zhing rnam par rtog pa spong / /nam zhig bskyed kyang rnam par mi g.yo ba/ /de tshe dmigs la gnas pa thob pa ste//sems ni las su rung bar 'gyur bar des/ /sangs rgyas kyis gsungs yan lag brgyad pa 'di/ /yang dag 'tsho dang las mtha' ting 'dzin gang / /rtsol dang rtog dang dran dang lta ba rnams/ /so so so sor yan lag bsten par bya/ /'jigs kyang tshangs pa brgya byin khyab 'jug dang //drag po rlung sogs rnams la phyag mi bya/ /de yi chos 'chad pa la mi brten cing / /de dag dka' thub mi bya brtag mi bya/ /de rnams chos la ngan sems mi bya zhing / /de yi spyod la nam yang dga' mi bya/ /de dag bskyod pa mi gdon sngags mi bzlas//sbyin pa sbyin chen snying rje bskyed nas kyang / /bde bar gshegs pa kun gyis bsten pa yin/ /gnas dang rgyal sras rnams la phyag bya'o/ /rang sangs rgyas dang rgyal ba'i nyan thos dang / /de dag rtag tu phyag bya'i gnas yin no/ /ji ltar zla ba tshes la mi rnams kyis//phyag 'tshal nya ba lus can phyag mi 'tshal/ /de bzhin dad pas rgyal ba'i thugs sras la/ /phyag bya'i de ltar bde bar gshegs la min/ /'jig rten kun gyi mngon mtho bslab pa can/ /snying rje'i bdag nyid 'gro ba'i don du ni//skye ba len pa 'di la ci yi phyir/ /bu gcig bdag nyid kun gyis phyag mi bya/ /skyes bu bsam yas rmad byung rdzu 'phrul can/ /de la mi ngan gang zhig mi 'dud pa/ /de la rgyal ba thams cad thugs byung nas/ /de yi gsang sngags dngos grub mi stsol to/ /dper na shing gi me tog dang por ni//yid 'ong phyi nas 'bras bur gyur pa ltar/ /sems can mchog rnams me tog 'dra bar ltos/ /'bras bu bzhin du rgyal ba rig par gyis/ /gang gi rang bzhin chags sdang rnam bral yang / /gdul bya'i don phyir khro la khro ba dang / /'dod chags can la chags chen ltar ston dang //byang chub mchog gnas de la phyag 'tshal lo/ /gang zhig las dang rnam smin mkhyen pa yi/ /'gro ba kun dang ji ltar mthun pa yi/ /gsang sngags gzugs kyi rjes su chags mdzad pa/ /sngags kyi rnams 'dren de la phyag 'tshal lo//de phyir log par lta ba rnam spangs la/ /yang dag lta ba la ni brten par gyis/ /bud med mtshan nyid skyes pa'i mtshan nyid dang / /sman dang glang chen brtag pa'am skar ma'i dpyad/ /mtshon cha brtag pa'am rta dpyad rang bzo'am/ bstan bcos ngan pa slob cing klog pa spang //yul pa'i gtam dang mi dbang bsten pa dang / /dmag dang gyad dang na chung gtam dag dang / /sgrung ldebs dang ni sngon gyi lo rgyus gtam/ /'dod chags dang ni smad 'tshong gtam mi bya/ /bdag la bstod par nam yang mi bya zhing / / sems can gzhan la smad par mi bya'o/ /stag dang sbrul dang me 'drar 'jig rten dag /bsams nas spangs te dben la dga' bar bya/ /sngags la gsang sngags bzlas pa mnos nas ni/ /grong dang grong khyer khyim dang gtsug lag khang / /mchod rten bsti gnas ri dang dka' thub gnas//kun dga' lu ma'am rdzing bur 'gro mi bya/ /sngar bshad pa yi gnas rnams ma rnyed na/ /lha khang stong pa nyams dga'i shing drung ngam/ /ri dang chu klung chu bo 'bab chu dang / /nags tshal stong pa dag dang yul stong dang / /gnas gang rung bar sngags pas gnas shing bzlas//yang na gnas ni nges par ma byas na/ /zla ba brgyad po 'di yi dus dag tu/ /gnas 'di gang yang rung ba gcig tu bsten/ /mtsho dang shing dang ri bo'am dgon pa'i gnas/ /mtshe'u dang khang pa nags dang chu ngogs su/ /dgun dpyid zla ba rnams su gnas byas la//sngags pas dbyar ni gcig pur gnas bya ste/ /ji ltar rgyal bas dge slong dbyar zla gsum/ /tshul zhugs gzhan du mi 'gro gsungs pa bzhin/ /de bzhin bcom ldan 'das kyis sngags pa la/ /zla ba gsum du gcig pur gnas par gsungs//sngags pas dbyar ni bsgrub la mi 'jug par/ /bzlas brjod kyis ni dus kyang 'da' bar bya/ /dbyar zla nas ni sngags pas gzi bskyed nas/ /bdag nyid bsrung byas sgrub la 'jug par bya/ /yongs su 'dzin pa rnam par spangs nas su/ / chos gos dang ni bsod snyoms ngan ngon dang / /stan dang mal stan ngan ngon tsam gyis kyang / /chog pa'i sems dang ldan pas bsod nams thob/ /gtsug phud bzhag nas sgra ni bregs nas su/ /'byung khungs tshon gyis gos kyi kha dog bsgyur/ /gos dkar dag gam shing lo 'am gso ma 'am//zar ma shing shun rnams kyi gos bgo'o/ /ku 'am lcags sam 'jim pa las byas pa/ /dbyibs ni legs shing mi rtsub 'jam pa dang / /ma chag zlum zhing ma nyams rma med pa/ /yid du 'ong ba'i lhung bzed bcad bar bya/ / bza' btung mod cing dmangs rigs mang ba dang / /mgron la mchod byed legs par gnas pa'i grong / /ha cang mi nye ha cang mi ring ba/ /bram ze'i phyi rol skye bo med pa bsten/ /nga rgyal gyis ni non pa'i bram ze rnams/ /rigs kyis rlom zhing snying rje mi ldan pa//de dag bde bar gshegs pa'i mchod rten la/ /mchod pa mthong na gegs kyang byed par 'gyur/ /bram ze sangs rgyas pa las ji ltar dman/ /dmangs las bram ze dag la dmangs rigs rnams/ /bsnyen bskur dang ni mchod par 'gyur bas na//dmangs rigs kyis kyang gsang sngags ji ltar bzlas/ /lha dang mgron mchod pa dang las drug dang / /rgyal po dang ni me la brten pa dang / /bu yi don du 'gro bar bya ba dag /bram ze rnams kyis nges par 'grub pa yin/ /rgyal rigs rje'u rigs dag kyang rang gi las//'grub pa 'di la the tshom ma byed ces/ /brdzun du smra ba sna tshogs skyon dag gis/ /bdag dang gzhan gyi sems ni sreg par byed/ /yan lag brgyad la gnas par rtag tu ni/ /nyi ma phyed mtshams tshun chad blang bar bya/ /bram ze'i dus ni phyi dro yin pas na//de phyir bram ze'i khyim du 'gro mi bya/ /dper na rma ni gso dang bsal ba'i phyir/ /nad pa dag la sman pas sbyin pa ltar/ /de bzhin 'dir yang bkres pa'i sdug bsngal dag /bsal phyir rgyal bas kha zas bza' bar gsungs/ la la lam gyis dub cing 'gro ba'i tshe/ /bkres skom gdungs pas rang gi bu yi sha/ /za ba bzhin du rnal 'byor sems dman zhing / /khe dang rgyags phyir bza' bar mi bya'o/ /mang du blugs na rtsol med mtho ba dang / /de bzhin nyung ngu yang ni dmas 'gyur la//ran par skad cig mnyam par 'gro ba ltar/ /lus can kha zas de ltar bza' bar bya/ /dper na khang rnying mi shigs bya ba'i phyir/ /mi yis ka ba brtan po btsugs pa ltar/ /de bzhin lus kyis 'khrul 'khor gnas pa dang / /rta yi mig dku bzhin du kha zas bza'//'dod pa'i khams ni zas kyis gnas pa shes/ /rgyal bas chos gcig tu ni bka' stsal pa/ /lus ni chu shing bzhin du rig bya ste/ /sems ni bza' btung sogs la chags mi bya/ /dbang po drug po yul la 'phyo ba na/ /bde gshegs gsungs pa'i shes pas bsrung bar bya//lhung bzed de dag las ni gcig thogs nas/ /gnya' shing gang du blta zhing bsod snyoms spyad/ /'dzum zhing 'gro la smra zhing mig zur can/ /yan lag thams cad yid 'phrog byed pa'i gzugs/ /bud med gzugs ni mtshon cha 'obs 'dra bas//skyes pa'i sems ni mngon du 'phrog par byed/ /lcags kyi thong lcags rab tu 'bar ba yis/ /mig ni rnam par bkag pa ches sla'o/ /nyis na dran pa nyams byed bud med kyi/ /dkyus ring mig can bzhin ni ma mthong sla/ /gang du dga' bar 'dzin cing mthong byed la//sems kyis sems ni rnam par 'dul bzhin du/ /rab dang 'bring la sogs pa spangs nas su/ /mi smra ba ni gzhan gyi khyim du 'gro/ /gang na bzhon be'u phru gu chung ba dang / /gang na bu mo gzhon bsten rtse ba dang / /de bzhin gang na gzhon nu rtse ba dang //gang na khye'u za dga' ston byed pa dang / /gang na skye bo mang po 'dus pa dang / /de bzhin gang na rol mo byed pa rnams/ /der ni skyes bu nam yang 'gro mi bya/ /bsod snyoms ci rnyed khyer te 'ongs nas kyang / /dang po ji ltar bde bar bgo bar bya//rkang bkrus glo bur ba la byin nas su/ /lus bsrung phyir ni kha zas bza' bar bya/ /dus su zos nas dus su khrus byas te/ /gang tshe zlos dga'i sems ni zhi ba la/ /brten pa nyid kyis dran pa rmongs gyur na/ /langs nas 'chag cing phyogs su blta ba dang //chu yis gdong yang yongs su bkru bar bya/ /gling bu'i sgra dang rnga yi sgra rnams dang / /shin tu 'jigs byed skye bo'i sgra dag dang / /gad rgyangs ku co dag dang glu sgra dang / /bing dang pi wang dag dang rdza rnga'i sgra/ /bya bran sna tshogs sgra dang chu sgra dang / /bud med rgyan gyi sil khrol sgra rnams dang //sha sbrang tsha grang rlung gi gnod pa yis/ /mi yi sems ni g.yeng zhing g.yo bar byed/ /stangs dang mchongs pa dang ni gar byed dang / /glu len rnga brdung skye pos dbyas 'gyur dang / /lhag pa'i nga rgyal sred dang 'dod chen dang / / rgyal po dang ni 'dus pa blta 'dod dang / /dus min gnyid dang mi 'grub smra ba dang / /bstan bcos nyan dang snyan dngags glog 'don dang / /'dod chags 'jigs dang dregs dang rgyags pa dang / /zhe la 'dzin dang le lo g.yo sgyu spang / /glang chen rta dang ba lang bya gag khyi//gong mo sreg pa 'ug pa skyes pa dang / /bud med bu mo de bzhin ra lug sogs/ /'thab mo 'gyed pa mi lta mi bya'o/ /'dod chags la sogs nyon mongs tshogs ldan pa'i/ /sems ni 'khor ba yin par kun du brjod/ /nyon mongs rnam grol shel dang zla 'dra la//srid pa'i rgya mtsho'i mthar ni rab tu bsgrags/ /dper na dri med chu ni rdul sogs kyis/ /skad cig tu yang rnyog par byed pa ltar/ /de bzhin rnam dag dri ma med pa'i sems/ /'dod chags la sogs skyon gyis rnyog par 'gyur/ /lam 'di rnams kyis gsang sngags dngos grub cing //de bzhin 'dir ni mtho ris thar pa 'thob/ /rgyal sras sngon gyi rgyal ba 'das pa dang / /'di nas gshegs shing de bzhin gshegs par 'gyur/ /grogs med sems kyis lus dang ngag yid kyi/ /gus pas bsod nams gang dag bsags pa yang //bde gshegs gsungs pa'i bden pa'i lam dmigs na/ /dge ba'i las de yang dag bskyed pa yin/ /slob dpon man ngag gces par bsten pa yi/ /don sbas pa dang las kyi skabs rnams kyi/ /so so'i ting 'dzin sgo sogs tha dad pas/ /dpung bzangs zhus las gnas pa rim bzhin min//gnas pa'i le'u las gnas pa dang po'i le'u ste bzhi pa'o// //rnal 'byor sgrub pos 'khor ba yid dbyung zhing / /mya ngan 'das la mchog tu gzhol ba des/ /snyoms 'jug sgrib pa dang ni bral don du/ /ting 'dzin sbyor phyir lha yi gnas pa bsgom//rtog dang dpyod dang dga' dang bde ba ni/ /sems rtse gcig pa'i dang po yan lag lnga/ /'das pa'i tshig gis ma 'ongs gnas pa rnams/ /gsang sngags mdo sde'i tshul las bshad pa yin/ /gling bu'i sgra dang rnga yi sgra rnams dang / /shin tu 'jigs byed skye ba'i dgra rnams dang //sha sbrang tsha grang rlung gi gnod pa yis/ /mi yi sems de g.yeng zhing g.yo bar byed/ /'dzum zhing 'gro la smra zhing mig zur can/ /yan lag thams cad yid 'phrog byed pa'i gzugs/ /bud med gzugs ni mtshon cha 'jebs pa 'dra//skyes pa'i sems ni mngon du 'phrog par byed/ /lcags kyi thong sregs rab tu 'bar ba yis/ /mig ni rnam par bkag pa ches bla yi/ /nyis na dran pa nyams byed bud med kyi/ /dkyus rings mig can bzhin ni ma mthong sla/ /stag dang sbrul dang me 'drar 'jig rten na//bsams nas spangs te dben la dga' bar bya/ /dga' ba lus ni shin tu sbyangs par mthong / /lus sbyangs pas ni bde ba'i skal ldan 'gyur/ /rtse gcig sems dang ldan pa'i mi la ni/ /yid las byung ba'i dga' ba rab tu skye/ /rtog dpyod med pas nad ni rab tu skye//dga' sogs gnyis pa'i yan lag rnam bzhir bstan/ /sems ni dang bas lha yi bde ba dang / /mtho ris dang ni byang grol thob par 'gyur/ /btang snyoms dang ni dran dang shes bzhin dang / /bde dang rtse gcig pa yi yan lag lnga/ / btang snyoms ldan zhes tshangs pa'i tshe gcig dang / /dper na rlung med khang pa'i nang du ni/ /mar me btsugs pa mi g.yo 'bar ba ltar/ /rtse gcig sems kyis zlos la mngon dga' ba'i/ /lus la chos kyang de bzhin 'bar bar 'gyur/ /btang snyoms yongs dag dran pa yongs su dag /sdug bsngal ma yin bde min sems rtse gcig /grags dang ma grags rnyed dang mi rnyed dang / /bde dang sdug bsngal de bzhin bstod smad dag /sems kyis 'jig rten chos brgyad rab bcom ste/ /sdig pa'i gnas su gyur pa spang bar bya//bsam gtan gyi lha'i gnas pa ste le'u lnga pa'o// //rgyal sras rnams kyi lhag pa'i bsam pa ni/ /gnas skabs kun du gzhan don lhur len pas/ /gnas pa tshangs pa'i rgyu ni bshad bya ste/ /byams dang snying rje dga' dang btang snyoms ldan/ / tshad med pa'i gnas pa ste le'u drug pa'o// //chos dbyings rtogs pa la 'jug gzhol ba'i yul/ /rnam thar sgo gsum bsgom par bya ba'i phyir/ /gnas pa gsum pa bdag gis khyod la bshad/ /thub pa'i lung bzhin gus pa'i sems kyis nyon/ gzugs ni 'byung ba chen po bzhi dang ldan/ /de ni bdag min bdag kyang gzugs ma yin/ /bud med mtshan nyid skyes pa'i mtshan nyid dang / /sman dang glang chen brtag pa'am skar ma'i dpyad/ /mtshon tshe brtag pa'am rta dpyad rang bzo'am/ /bstan bcos ngan pa spang zhing klog pa spang //yul pa'i gtam dang mi dbang bsten pa dang / /dmag dang gyad dang na chung bsten pa dang / /sgrung ldebs dang ni sngon gyi lo rgyus gtam/ /'dod pa'i gtam dang smad 'tshong gtam mi bya/ /rnam par thar pa bstan pa ste le'u bdun pa'o// // ji ltar rtsa ba ma bcad shing / /yal ga de las skye 'gyur ltar/ /nyon mongs rtsa ba ma bcad la/ /dngos por lta ba nyon mongs 'byung / /de phyir nyon mongs bdud gzhom phyir/ /chos rnams stod pa nyid bsgom pa/ /bdag gis rgyud las gsungs bzhin du/ /bshad kyis dga' ba'i yid kyis nyon//bcom ldan rdo rje can gsungs pa/ /stong nyid dbye ba bsdus pa ni/ /rnal 'byor pa ni gang gis shes/ /stong nyid de ni shes par 'gyur/ /mi mthun pa dang gnyen po'i phyir/ /stong nyid bsgom par yongs su gsungs/ /nang gi bdag nyid chos rnams ni//kun du rtog pa'i gnyen po dang / /phyin ci log gi rnam pa dag /phyi nang stong pa nyid du bshad/ /phyi rol dmigs pa dang bral ba/ /phyi rol stong pa nyid du bshad/ /nang gi cho ga chos rnams dang / /phyi rol du yang mi rtog pa/ /'dir ni phyi dang nang gi ni//stong pa nyid du yang dag bshad/ /snod kyi 'jig rten rten bral ba/ /chen po stong pa nyid du brjod/ /le lo ye shes rdzogs pa la/ /rjes su dmigs pa byed phyir ro/ /de yi mi mthun phyogs stong pa/ /dngos med stong pa nyid stong nyid/ /don dam par ni brdzun pa'i dngos//shes pa don dam stong pa nyid/ /'dus byas sbyin pa la sogs kyis/ /dge ba dmigs su med pa'i phyir/ /rang gi rnam rtog mtshan nyid spyod/ /'dus byas stong pa nyid du bshad/ /yang dag byang chub 'dus ma byas/ /rgyu mtshan yang ni dmigs su med/ / dngos dang dngos med rnam par spangs/ /'dus ma byas pa stong nyid gsungs/ /sems can don du smon lam sogs/ /rab dga' la sogs dmigs su med/ /kun rtog thams cad rnam spangs pa/ /mtha' las 'das pa stong nyid gsungs/ /thog mtha' med pa'i 'jig rten gyis//'gro ba'i phyir ni smon lam nyid/ /rlom sems med pa de brjod do/ /thog mtha' med pa'i stong pa nyid/ /mya ngan 'das par dmigs pa med/ /dge ba'i bdag nyid mi gtong ba/ /rlom sems med pa zhes bshad de/ /dor ba med pa stong pa nyid/ / 'dod chags la sogs dri ma ni/ /bdag gi rang bzhin gyis dag pa'o/ /de ltar rlom sems med ces gsungs/ /rang bzhin stong pa nyid du gsal/ /mtshan dang dpe byad la sogs pa'i/ /gzugs sku de ni yon tan no/ /gzhan rnams la yang mi dmigs pa/ /rang gi mtshan nyid stong pa nyid//byang chub phyogs kyi chos rnams ni/ /spyod pa la yang rlom sems med/ /chos rnams thams cad stong nyid bshad/ /bdag dang skyes bu'i chos rnams ni/ /sgro btags dngos po med pa'i mchog /'ching ba thams cad rnam par bcad/ /dngos po stong pa nyid du gsungs//ji ltar mngon sum stong pa nyid/ /de ltar dngos po med shes pa/ /slar yang mi dmigs pa nyid ni/ /dngos po med pa'i stong nyid 'dod/ /de ltar stong nyid phye ba yang / /bag chags rnams kyi gnyen po'i phyir/ /smra ba mchog gis gsungs pa de//nyon mongs bdud ni gzhom pa'i phyir/ /rnal 'byor pa rnams rtag tu bsgom/ /stong pa nyid kyi le'u ste brgyad pa'o// //da ni stong pa nyid kyi tshul ji ltar gsungs pa bshad du gsol/ /rdo rje slob dpon ston pas yang gsungs pa/ da ni chos kun yang dag par//dngos po'i tshul gyis mi len te/ /sgyu ma rmi lam smig rgyu ltar/ /rkyen gyi dbang gis 'jug phyir ro/ /dgag par bya ba med pas na/ /yang dag bgag pa med par mngon/ /de ltar de nyid rtogs pa de/ /thams cad dngos por len mi byed//de yis de ni rtogs pa ste/ /mi stong ma yin yod med min/ /mi skye ma yin skye min zhes/ /bya ba la sogs bcom ldan gsungs/ /bsam gtan gyi ni las 'di yin/ /gsang ba'i tshig rnams bsams na ni/ /'bras bu rdzogs par thob 'gyur gyi/ /'dod pa tsam gyis de ltar min//tshig rnams re re'i rnal 'byor la/ /mngon du phyogs par byed bzhin du/ /gsang sngags ngan pa brjod pa 'di/ /tshig gi sgras ni tshig re la/ /mi byar mi rung bstan pa yin/ /rnal 'byor med pa'i gsang sngags 'di/ /de ltar 'bras bu ster mi 'gyur//gsang sngags tshig 'di gsang sngags te/ /de phyir rnal 'byor med mi bya/ /mdo'i don 'dis 'od gsal ba la 'jug par byas te/ oM shU n+ya tA zhes bya ba'o/ /'od gsal ba yi ngo bo las/ /rdo rje 'dzin pas snyoms zhugs nas/ /zung du 'jug pa'i rnal 'byor la//thabs dang ldan pas ldan par bya/ /bskyed pa'i rim pa'i sbyor ba dang / /de bzhin rdzogs pa'i rim pa yang / /gang la de gnyis gcig gyur pa/ /de ni zung du 'jug par bshad/ /'khor ba dang ni mya ngan 'das/ /rtog pa gnyis po spangs pa ni//gang zhig dngos po gcig 'gyur pa/ /zung du 'jug ces de la bshad/ /kun rdzob dang ni don dam dag /rtog pa gnyis dang yang dag bral/ /gang du yang dag 'dres gyur pa/ /de ni zung du 'jug par bshad/ /rdo rje bzlas par rab sbyor bas/ /rlung gi mtshan nyid shes nas ni//rnam rtog rlung rnams yang dag gcod/ /sems la dmigs pa thob par 'gyur/ /bdag byin brlab pa'i rim pas kyang / /dngos grub chen po brgyad thob 'gyur/ /sra ba la sogs rim pas shes/ /mngon par byang chub thob par 'gyur/ / zung 'jug rim pa la gnas pas/ /dngos grub thams cad sdud pa ni/ /tshe 'di nyid la 'grub par 'gyur/ /rnal 'byor pa yis the tshom med/ /phyag rgya chen po dngos grub che/ /zung du 'jug pa'i ting 'dzin gyis/ /rnam rtog med par zhugs pas ni/ /thob par 'di la the tshom med//'od gsal ba dang zung du 'jug pa'i le'u ste dgu pa'o// //dran pa nye bar gzhag pa la sogs pas nyon mongs pa'i bdud bcom nas/ yongs su mya ngan las 'das pa chen pos phung po'i bdud bcom te/ /rnam par rtog pa'i rab rib bsal nas ni//mi rtog ye shes zla ba ji bzhin du/ /shar ba'i dri med phung po rab spangs nas/ /mya ngan 'das pa chen po zhes bshad do/ /mi rtog chos kun nam mkha'i dkyil nas ni/ /gzugs sku dri med nyi ma zla ba shar/ /gdul bya gnyis kyi ma rig mun sel ba//thub pa chos kyi sku la phyag 'tshal lo/ /thub pa longs spyod rdzogs pa'i sku la phyag 'tshal lo/ /thub pa sprul pa'i sku la phyag 'tshal lo/ /thub pa dpag med 'phro la phyag 'tshal lo/ /thub pa 'od kyis mun pa sel la phyag 'tshal lo/ / e ma 'gro kun 'gro dbang phyug /nam mkha' dang ni mtshungs pa rnyed/ /e ma dam tshig de nyid gsum/ /mchog tu rmad byung ston par mdzad/ /khams gsum las ni rnam par grol/ /chos kyi dbyings kyi ngo bo nyid/ /'dod pa rnams kyis ma gos pa/ /dmigs med khyod la phyag 'tshal lo//phung po rnams dang khams rnams dang / /skye mched rnams la mi brten cing / /srid dang mya ngan 'das las grol/ /ji ltar nam mkha' gnas med cing / /spros pa med cing gos pa med/ /mkha' dang mnyam pa'i thugs mnga' ba/ / dmigs med khyod la phyag 'tshal lo/ /gang zhig dge ba mi spyoms shing / /nyes pa rnams ni 'chab par byed/ /gzhan la gcig tu phan mdzad pa/ /bla ma rnams la phyag 'tshal lo/ /mig gis mig ni bsrung ba ltar/ /gang la brten de bdag bsrung zhing / / spyod pa thun mong lta gnas pa/ /byang chub sems dpa' kun phyag 'tshal/ /gang zhig la brten thub pa rnams/ /mngon par rdzogs par byang chub mdzad/ /gdul bya rnams phyir sna tshogs gzugs/ /sems can rnams la phyag 'tshal lo/ /gang la rmongs na 'khor 'gyur zhing //gang shes thar pa'i ngo bo nyid/ /rtag bzhugs lha yi 'khor lo mchog /bdag nyid la ni phyag 'tshal lo/ /bdud phyir bzlog pa'i rim pa sgrub pa'i spyod pa la 'jug pa la bstod pa'i le'u ste bcu pa'o// //sgrub pa'i spyod pa la 'jug pa zhes bya ba/slob dpon chen po dpal dz+nyA na badzra zhes bya ba/ gsang ba 'dus pa'i rim pa gsum gyi man ngag dang ldan pa/ bcom ldan 'das mi bskyod pa'i zhabs kyi ze'u 'bru spyi bos len pas mdzad pa rdzogs so// //rgya gar gyi mkhan po dge bsnyen chen po btsun pa ku mA ra dang bod kyi lo tsA ba lha btsun pas bsgyur cing zhus pa dge'o/