CLOSE WINDOW

D1818
བོད་ཡིག

[ ]@##/ /rgya gar skad du/ yug ga ta nan d+ha pra kA sha nA ma She ka pra kri ya/ bod skad du/ zung du 'jug pa gsal ba zhes bya ba'i dbang gi bya ba/ 'phags pa 'jam dpal gzhon nur gyur pa la phyag 'tshal lo/ /kun du stong pa'i ngo bo nyid/ /rdo rje sems dpa' la btud de//'phags pa klu sgrub kyis mdzad pa'i/ /dbang gi cho ga gsal bar bshad/ /de la 'di yi rim pa ni/ /tshes dang rgyu skar sogs dga'i tshe/ /slob mas thal sbyar btud pa yis/ /sdig pa thams cad bshags bya ste/ /skyabs gsum gzung ba nyid du bya/ /byang chub sems ni legs bstan te//dge bsnyen sdom pa nyid dang yang / /byang chub sems dpa'i sdom pa dang / /de nas gso sbyong nyid kyang blang / /'di yi rjes mthun rim pa yang / /rdo rje slob dpon tshul dam par/ /bsten te 'dir ni [(]gzhungs [,]gzhung [)]mangs pas//'jigs pa'i phyir ni ma bris so/ /de ltar byas nas bla ma la/ /bdag la dbang bskur stsol zhes gsol/ de la dbang gi mdor bya ba'am/ dpal 'dus phyi ma ji bzhin te/ /dbang ni rnam gsum tha dad du/ /rgyu 'di ru ni rab tu brtag /dang po bum pa'i dbang bskur te//gnyis pa la ni gsang ba'i dbang / /gsum par shes rab ye shes te/ /bzhi pa de yang de bzhin no/ /de la phreng ba dang / chu dang / rdzogs pa'i sangs rgyas dang / rdo rje dang / dril bu dang / me long dang / ming dang / slob dpon gyi dbang bskur ba rnams ni bum pa'i dbang ste dang po'o//kun rdzob kyi byang chub kyi sems sbyin pa ni gsang ba'i dbang ste gnyis pa'o/ /rang byin gyis brlab pa mtshon pa'i phyir shes rab mtshon pa ni shes rab ye shes kyi dbang ste gsum pa'o/ /'phags pa klu sgrub kyi zhal snga nas kyis bdag byin gyis brlab pa'i rim par phreng ba dang / chu dang /rdzogs pa'i sangs rgyas dang / rdo rje dang / dril bu dang / me long dang / ming dang / slob dpon dang / rjes su gnang ba ste 'di rnams dang lhan cig gsang ba'i dbang thob nas/ bdag byin gyis brlab pa nye bar bstan pa'i phyir/ gsum pa shes rab ye shes blang bar bya'o/ /'od gsal ba mtshon par bya ba'i phyir slar yang shes rab de nyid gtad pa'i shes rab ye shes ni bzhi pa'o//de dag nyid slob dpon gyis slar yang mngon par byang chub pa'i rim par/ byang chub sems ni rab 'bad pas/ /bum pa la sogs su gzhag ste/ /bla mas slob ma mchog la dbang / / mtshan mo phyed nas brtse bas sbyin/ /zhes gsungs so/ /dbang bskur ba 'di rnams kyang dkyil 'khor du bcug la sbyin par bya ste/ rdo rje slob dpon gyi tshul dam pa'i dkyil 'khor cho ga'i rim pas rdul tshon gyi dkyil 'khor ram bris sku la sogs pa yang rung ste/ slob dpon snying rje dang ldan pas slob ma dam pa gzhug par 'dod pas ting nge 'dzin gsum la gnas te phyi 'phred kyi dus su bum pa lhag par gnas par bya'o//de la gser ram yang na dngul/ /zangs sam 'jim pa'i ngo bo'ang rung / /ji ltar rnyed pa'i bum pa zhig /blangs te brtul zhugs can gyis gzhag /bum pa de dag nang nas ni/ /rnam rgyal mtshan nyid ldan par bya/ /sor mo brgyad kyi tshad kyis ni/ /mgrin pa mtho zhing rnam par mdzes/ /sor mo gnyis kyis mchu 'phyang ba/ /lto ba'i rgyar ni sor lnga'o/ /gal te de las tshad gzhan na/ /yon bdag dge bar 'gyur ma yin//nag po rnam par spangs pa dang / /rtsa ba dor zhing ma 'byar ba/ /bu ga rnam par spangs pa dang / /de bzhin gshegs pa med pa gzung / /baM gyi yi ge las byung ba/ /rin chen rnam pa cher 'bar ba'o/ /gzhan pa rnams la nges med de/ /ji ltar mdzes pa rab tu brtag /rdul tshon la ni lha grangs sam/ /yang na bum pa lnga brgyad dgu/ /de skad du yang / sangs rgyas thams cad kyi dam tshig rab tu gnas pa'i rgyud las/ bum pa lnga'am yang na brgyad dgu ste/ /tsan+dan sogs kyis mngon par byugs nas ni/ /sna tshogs dri yi chu yis gtams pa la//zlum por byas te mngon par bsngags par bya/ /zhes gsungs pas so/ /bris sku'i dkyil 'khor la ni bum pa gcig nyid yongs su gzung ste/ de'i gdong la nyi ma'i dkyil 'khor gyi steng du mi bskyod pa'i rigs kyi bdag po rdo rje bri bar bya'o/ /de bzhin du ngos bzhi po rnams su zla ba'i dkyil 'khor gyi steng du 'khor lo dang /rin po che'i steng du rin po che dang / pad+ma dmar po'i steng du pad+ma dmar po dang / sna tshogs rdo rje'i steng du ral gri rnams so/ /yang na bgegs dgra la nyi ma'i dkyil 'khor gyi steng du sna tshogs rdo rje bri bar bya'o/ / bum pa lnga'am brgyad dam dgu po rnams la go rims bzhin du dkyil 'khor gyi cho gar bshad pa'i mtshan nyid kyis mtshan par bya'o/ /byi ru dang ni dngul dang gser/ /pad+ma rA ga nya phyis skyes/ /bsngags pa'i rin chen rnam pa lnga/ /bum pa'i lto bar rab tu gzhug /nas gro ma sha'i sran ma dang //de bzhin til dang mud+ga rnams/ /so ba lnga por bsngags pa ste/ /bum pa'i lto bar gzhug par bya/ br-i ha ti dang tsher ma byed/ /gzhan gyi mi thub lhar bcas pa/ /ut+pal sdong bu rtsa ba yi/ /sman lnga rab tu gzhug par bya/ /a mra u dum wa ra dang / mya ngan 'tshang dang a shwad+tha/ /de bzhin klu skyes lo 'dab lngas/ /bum pa rnams kyi khams mdzes pa'o/ /bum pa rnams kyi mgrin pa ni/ /che zhing dkar ba'i ras kyis dkri/ /cho ga khas pas mgul bcings te/ /mdzes shing dkar ba'i srad bu dgod/ /de rjes cho ga bzhin du rnal 'byor pas//bsrung ba'i 'khor lor gnas te gtor ma sbyin/ /ye shes 'khor lo spyan drangs te/ /bsang gtor la sogs dbul bar bya/ /dgug cing gzhug par bya ba dang / /de bzhin bcing dang mnyes par bya/ /dzaHhUM baM hoH'i sgra brjod de/ /mtshan ma'i nang du yongs su gzhug /bum par gnas pa'i rdza phor gyi//steng du rdo rje gzhag par bya/ /me tog phreng ba yang dag ldan/ /mnyam par gzhag ste gsang sngags bzla/ /me tog phreng ba dang bcas pa'i/ /mtha' mar dril bu gzung bar bya/ /gtsug tor rnam rgyal zhes bya ba 'am/ /yang na phyir bzlog blo gros bzang / / rang gi lhag pa'i lha yang rung / /brgya rtsa brgyad yin de bzhin du/ /las kun byed pa'i sngags kyis kyang / /bum pa lhag par gnas par bya/ /de skad du yang bcom ldan 'das kyis sangs rgyas thams cad kyi dam tshig rab tu gnas pa'i rgyud las/ gtsug tor rnam rgyal zhes bya ba'am//yang na phyir bzlog pa yang rung / /dge zhing zhi bar byed pa'i sngags/ /khrus kyi don du mngon par bsngags/ /zhes gsungs so/ /'di ni bum pa lhag par gnas pa'i cho ga'o/ /de'i rjes su/ slob ma dad ldan blo gros can/ /don du gnyer zhing rigs las byung / /nga rgyal med cing 'dod bral ba//sngags kyi skal bar ldan rnams la/ /lag tu me tog phreng gtad de/ /pus mo'i lha nga btsugs nas su/ /dkyil 'khor mngon du byas nas kyang / /snga ma bzhin du lhag gnas bya/ /gsol ba gdab pa byas nas kyang / /legs par bshad pa nyan du gzhug// slob dpon sbyor ba rab mkhas pas/ /tshigs su bcad pa bshad par bya/ /de la 'dis gsol ba gdab ste/ mA ma kI dang rab sbyor ba'i/ /dga' chen khyod bdag ston ba ste/ /byang chub chen po'i tshul bstan pa/ /mgon po chen po bdag 'tshal lo/ /dam tshig de nyid bdag la gsol//byang chub sems kyang bdag la gsol/ /sangs rgyas chos dang dge 'dun te/ /skyabs gsum dag kyang bdag la gsol/ /thar pa chen po'i grong mchog tu/ /mgon po bdag ni gzhug tu gsol/ /de skad gsol te slob ma la/ /legs bshad 'di ni brjod par bya//sngags kyi dngos grub don gnyer gang / /dkyil 'khor 'dir ni gzhug bya ste/ /bsod nams 'dod pas de las gzhan/ /gzhan dag 'jig rten pha rol gnyer/ /dad pa chen po ldan bya ste/ /'jig rten pha rol don gnyer na/ /blo ldan dkyil 'khor gzhug bya ste//'di yis 'bras bu 'dod mi bya/ /gal te 'di la dmigs gyur na/ /'jig rten pha rol 'byung ma yin/ /'jig rten pha rol don gnyer ba'i/ /mi la 'di 'bras ma lus 'grub/ /ces brjod la de'i rjes su/ /sngags pas mi bskyod sbyor ldan pas/ /ting 'dzin sems dpa'i 'od zer gyis//slob ma bkug ste de nyid la/ /blo gros ldan pas bcug nas ni/ /rdo rje'i lam nas phyung nas su/ /lha mo'i pad nang byang sems kyi/ /zhu ba yis ni dbang bskur te/ /shar gyi sgo ru'ang gzhag par bya/ /slob ma thams cad phyogs pa la/ /slob ma gcig ni gtsor byas te//rdo rje slob dpon mkhas pa yis/ /slar yang tshig 'di bsgrag par bya/ /bu tshur theg pa chen po la/ /khyed ni tshul chen snod yin te/ /gsang sngags spyod tshul cho ga ni/ /khyod la yang dag bshad par bya/ /dus gsum du ni legs 'byung ba'i/ /sku gsung thugs kyi rdo rje can//sangs rgyas ye shes mnyam med pa/ /rdo rje sngags kyi stobs kyis thob/ /sngags kyi sbyor ba mnyam med pa/ /dregs pa chen po bdud kyi sde/ /stobs chen dag kyang de yis bcom/ /shAkya seng ge mchog la sogs/ /'jig rten mthun par gshegs nas kyang //'khor lo bskor nas mya ngan 'das/ /de bas kun mkhyen thob bya'i phyir/ /bu yis blo gros 'di gyis shig /de nas blo gros ldan pa yis/ /byang chub sems sogs slob ma la/ /de tshe rim pa 'di nyid ni/ /lan gsum brjod de sbyin par bya/ / sangs rgyas byang chub sems dpa' kun/ /bdag la dgongs par mdzad du gsol/ /bdag ming 'di zhes bya ba ni/ /dus 'di nas ni bzung nas ni/ /byang chub snying por mchis kyi bar/ /ji ltar dus gsum mgon po rnams/ /byang chub tu ni nges mdzad pa'i/ /byang chub sems ni bla na med//dam pa bdag gis bskyed par bgyi/ /tshul khrims kyi ni bslab pa dang / /dge ba'i chos ni sdud pa dang / /sems can don byed tshul khrims gsum/ /so sor brtan por bdag gis gzung / /sangs rgyas chos dang dge 'dun te/ /bla na med pa'i dkon mchog gsum/ / sangs rgyas rnal 'byor las skyes pa'i/ /sdom pa deng nas bdag gis gzung / /rdo rje rigs mchog chen po yi/ /rdo rje dril bu phyag rgya yang / /yang dag nyid du gzung bar bgyi/ /slob dpon dag kyang gzung bar bgyi/ /rin chen rigs mchog chen po yi/ /dam tshig yid du 'ong ba la//nyin re zhing ni dus drug tu/ /zang zing mi 'jigs dam chos dang / /byams pa rin chen rigs mchog gi /sbyin pa rnam bzhi rtag tu sbyin/ /byang chub chen po las byung ba'i/ /pad+ma'i rigs chen dag pa la/ /phyi nang gsang ba theg pa gsum/ /dam chos so sor gzung bar bgyi//las kyi rigs mchog chen po la/ /sdom pa thams cad ldan par ni/ /yang dag nyid du so sor gzung / /mchod pa'i las ni ci nus bgyi/ /byang chub sems ni bla na med/ /dam pa bdag gis bskyed par bgyi/ /sems can kun gyi don gyi phyir/ /bdag gis sdom pa ma lus gzung //ma bsgral ba rnams bdag gis bsgral/ /ma grol ba ni bdag gis dgrol/ /dbugs ma phyin pa dbugs dbyung zhing / /sems can mya ngan 'das la dgod/ /ces so/ /de nas big+h+nA kr-i ta ces bya ba'i sngags kyis bsrungs la/ /de rnams kyis mgo bo dang / mgrin pa dang / snying ga'i phyogs su gnas pa'i 'khor lo dkar po dang / pad+ma dmar po dang / rdo rje nag po rnams kyi dbus su oM AHhUM zhes bya ba'i yi ge bsgom par bya'o/ /de las langs te slob dpon gyis de'i mgo bo dang / mgrin pa dang / snying ga'i phyogs su rdo rje yongs su gtugs te/oM AHhUM zhes brjod la spyi bor me tog dang mdun du bdug spos dang mar me'o/ /snying gar dri yis byug par bya'o/ /de'i rjes la chu ru sor mo bcu gnyis la 'o ma can gyi shing las byung ba/ ma gas rtse mo me tog bzang / /sar pa sngags 'dis bza' bar bya/ / oM badzra sa hAH/ dang por byang du mngon phyogs la/ /sa la bgegs dgras mngon bsngags nas/ /ba lang ko lpags tsam byugs te/ /de nas so shing rma med par/ /zos te phyi nas dor bar bya/ /bla mas phyogs kyi cha dbye bas/ /zhi la sogs pa rjes su bstan/ /gal te de ni steng phyogs te//gnas na rig 'dzin 'grub par 'gyur/ /de la bla mas yang dag bstan/ /gal te mngon par phyogs lhung na/ /mchog 'grub par ni shes par bya/ /so shing dor ba brgya lam na/ /gal te thur du bltas lhung na/ de ni nges par sa 'og gi /dngos grub 'byung la brtag mi dgos//de nas baM gyi yi ge las byung ba'i chus sngags 'dis 'thor 'thung bya ste/ oM hrIHsu bi shud+d+ha d+harmAHsarba pA pa nish+tsA s+ya bi sho d+ha ya sarba bi ka wAn a pa na ya hUM/ de nas ku sha kha ba can/ /nyes pa spangs pa blangs nas su/ /mal stan dang ni sngas kyi phyir//slob ma la ni sngags 'dis sbyin/ /oM badzra tik+Sh+Na baM/ bu mos bkal ba'i skud pa ni/ /gsum sgril mdud pa gsum pa la/ /sngags 'dis mngon par bsngags nas su/ /rang gi dpung pa g.yas par bcing / /oM bud+d+ha mai trir rak+Sha rak+Sha sarban sa hA/ de nas de yi snying ga mgrin//mgo la rim bzhin bla ma yis/ /rdo rje chu skyes 'khor lo rnams/ /yi ge gsum las byung ba bsgom/ /slar yang yi ge gsum bzlas pa'i/ /dri yi chu ni legs sbyangs pa/ /de nyid rig pas sngags 'di yis/ /sdig pa sbyang phyir blud par bya/ /oM hrIHtashud+d+ha d+ha rmAHsarba pA pa ni sh+tsA s+ya bi shud+ha sarba bi ka lpAn a pa na ya hUM/de nas de nyid rig pa yis/ /de nyid don ni dran pa dang / /sems kyi g.yeng ba zhi bya'i phyir/ /slob ma la ni dam chos bshad/ /'jig rten du ni kun mkhyen dag /u du m+WA ra'i me tog ltar//brgya lam na ni res 'ga' zhig /'byung 'gyur yang ni mi 'byung ngo / /gsang sngags spyod pa'i tshul 'byung ba/ /de bas kyang ni dkon pa ste/ /gang gis mnyam med sems can don/ /mya ngan mi 'da' byed par nus/ /sangs rgyas rnams kyi chos bstan pa//bden pa gnyis la yang dag brten/ /'jig rten kun rdzob bden pa dang / /dam pa'i don gyi bden pa'o/ /zab cing rgya che zhes bshad pa/ /rnam par rtog med zab pa ste/ /rgya che sangs rgyas rnams kyi sku/ /'di ni bden pa gnyis su bshad/ /kun rdzob dang ni dam pa'i don//phye ste so sor shes nas su/ /de nas gcig tu 'dres byas pa'i/ /zag med go 'phang bsgom par bya/ /bskal pa bye ba du ma ru/ /sngon du sdig pa byas pa gang / /dkyil 'khor 'di 'dra mthong ma thag /de dag thams cad zad par 'gyur/ /gang gis spyod pa'i mchog 'di la//blo gros shin tu dri med na/ /sdug bsngal thams cad 'byung ba yi/ /ngan 'gro de yis gcod par 'gyur/ /bdag nyid chen po khyed rnams kyis/ /rnyed pa bla med de ring rnyed/ /gang phyir rgyal ba sras bcas pas/ /bstan pa 'di la khyed rnams kun//yongs su bzung ste skye bzhin par/ /bdag nyid chen po khyed gnas te/ /gang gis khyed rnams theg chen du/ /sang ni rab tu skye 'gyur ba/ /theg pa chen po cher 'byung ba'i/ /lam mchog 'di ni dpal dang ldan/ /khyed rnams der ni dong bas na/ /de bzhin gshegs pa rnams su 'gyur//de ltar yang dag bstan byas nas/ /ku sha bkram la nyal du gzhug /mtshan ma mthong ba gang yin pa/ /de kun snga dro nga la smros/ /'di ni slob ma lhag par gnas pa'i cho ga'o// //snga dro dge mi dge thos te/ /dge bar gyur na dga' ba spel//rmi lam dge ba ma yin pa/ /bdag med bshad de rnam par sbyang / /de nas slob dpon rang gi lhag pa'i lha'i nga rgyal dang ldan pas gtor ma byin la big+h+nA n+ta kr-i ta ces bya ba'i sngags kyis slob ma bsrungs te/ ras ris la sogs pa dkyil 'khor la bgegs nye bar zhi ba'i don du rgya chen po'i mchod pa rnams kyis mchod la/rang nyid dkyil 'khor du 'jug pa'i cho gas zhugs te/ 'chad par 'gyur ba'i phreng ba dang / chu la sogs pa'i dbang bskur ba rnams bcom ldan 'das dkyil 'khor gyi bdag po las blang bar bya'o/ /de nas slob ma gzhug don du/ / rang nyid kyis ni thal sbyar te/ /bden pa'i byin rlabs sngon 'gro bas/ /'khor lo che la mkhyen par gsol/ /'od gsal ba las yang dag byung / /rdo rje sems dpa' bde chen po/ /gzugs brnyan gyis ni dpe yang ste/ /dkyil 'khor yang ni de dang mtshungs/ /bden pa 'di yis slob ma rnams//thugs kyi dkyil 'khor dag tu gzhug /'khor lo rdzu 'phrul ma lus pa/ /mthong na sdig pa mtha' dag spong / /de bzhin gshegs pa kun gyi gnas/ /rdo rje ye shes sgrub byed pa/ /snying po'i dkyil 'khor 'di ru ni/ /bdag gis slob ma gzhug par bgyi//chos kyi dbyings kyi byin rlabs dang / /dam tshig dran par byas pa las/ /zhugs pas de bzhin gshegs pa kun/ /phun sum tshogs pa thams cad gsol/ slob ma shar sgor bkug nas kyang / /bum pa'i chu yis bkang nas su/ /gdong dar blangs te sngags 'di yis//de la bcing ba nyid du bya/ /oM tsak+Shur ban+d+ha ba ra mA na ye hUM/ oM pra bi sha b+ha ga wAn ma hA su kha mo k+Sha su raM sarba si d+d+hi su khaM pra daM pa ra ma su khaM ud+d+ha ma sid+d+h+ya dzaHhUM baM hoHpra sid+d+h+ya swa/ /phyi rol yol bas g.yogs pa la/ /slob ma yis ni yon phul te/ /bla mas rab tu dang sems kyis//rtag pa'i gzugs su rnam par bsam/ /de la AHkhaM bI ra hUM sngags kyis/ /me tog phreng ba rab bzang po/ /gus pas me tog dor don du/ /'bad pas blo ldan 'dzin du gzhug /de nas slob ma bzang po la/ /khyod su ci la dga' zhes dri/ /slob ma yis kyang de rjes su//skal bzang bdag yin bde chen la'o/ /zhes smras slob mas thal sbyar te/ /mnyam pa'i rkang pas gnas pa la/ /tshigs su bcad pa 'di brjod pas/ /byang chub sems ni slar yang sbyin/ /dkon mchog gsum la bdag skyabs mchi//sdig pa thams cad so sor bshags/ /'gro ba'i dge la rjes yi rang / /sangs rgyas byang chub yid kyis gzung / /de nas slob ma de nyid ni/ /sngon du mi bskyod par mos te/ /rdo rje thal sbyar dge ba yis/ /lag pa brkyang ste gsang sngags 'di/ /brjod de rab tu 'dud par bya//oM sarba ta thA ga ta pU dzo pas+tha nA ya At+ma nAM nir+yA ta yA mi/ sarba ta thA ga ta badzra sa twa a d+hi tiSh+Tha swa mAM/ rin chen 'byung bar bas ma nas ni/ /slar yang thal mo snying gar dgug /gsang sngags 'di ni 'don pa yis/ /sngags las 'dud pa byed du gzhug /oM sarba ta thA ga ta pU dza a b+hi She kA ya At+ma nAM ni r+yA ta yA mi/sarba ta thA ga ta badzra rat+na aM b+hi Shiny+tsa mAM/ de nas 'od dpag med bsams te/ /thal mo dpral bar sbyar nas su/ /sngags brjod bla mas slob ma ni/ /phyag 'tshal gsum pa byed du gzhug /oM sarba ta thA ga ta pU dzA brtA na ya At+ma nAM ni r+yA ta yA mi/sarba ta thA ga ta badzra d+ha rmA pra brta ya maM/ de nas don yod bsam pa yis/ /btud de snying gar thal sbyar te/ /blo dang ldan pas gsang sngags 'dis/ /phyag 'tshal bzhi pa byed du gzhug /oM sarba ta thA ga ta pU dza karma Na At+ma nAM ni r+yA ta yA mi/ /sarba ta thA ga ta badzra karma ku ru mAM//sems ma rdo rje bsdams pa yis/ /me tog phreng ba mchog bzung nas/ /sa ma ya s+t+waM zhes brjod de/ /brtan pa'i mna' ni rab tu sbyin/ /rdo rje bsdams pa las dbu ma gtso mor sbyar ba ni sems ma rdo rje'i phyag rgya'o/ /oM satwa badzre a d+hi tiSh+Tha swa mAM hUM/deng khyod de bzhin gshegs pa thams cad kyi rigs su zhugs kyis/ ye shes gang gis khyod de bzhin gshegs pa thams cad kyi dngos grub kyang thob par 'gyur na/ dngos grub gzhan lta smos kyang ci dgos/ de lta bu'i rdo rje ye shes ngas khyod la bskyed par byas/ khyod kyis dkyil 'khor chen po ma mthong ba rnams kyi mdun du smra bar ma byed cig /khyod dam tshig nyams par gyur ta re/ zhes brjod do/ /yang bla mas phyag rgya de nyid slob ma'i spyi bor gtugs te/ slar yang 'di skad ces brjod la rdo rje'i mna' brtan par bya'o/ /'di ni khyod kyi dam tshig gi rdo rje ste/gal te tshul 'di su 'ang rung ba la smras na 'dis khyod kyi mgo bo 'gems par 'gyur ro/ /slar yang bla mas slob ma yi/ /snying gar phyag rgya bzhag nas ni/ /da dung du yang rdo rje'i mna'/ /gsang sngags 'di yis bskul bar bya/ /rdo rje sems dpa' deng khyod kyi//snying la yang dag gnas par 'gyur/ /gal te tshul 'di smras na ni/ /de ma thag tu dral te gshegs/ /de nas dung chen por bzhag pa/ /yi ge gsum gyis rdo rje'i chu/ /mngon par bsngags te byin nas ni/ /mna' yi btung ba nyid du bya/ /'di ni khyod kyi dmyal ba'i chu//dam tshig 'das na sreg par byed/ /dam tshig bsrungs na 'grub pa yi/ /rdo rje bdud rtsi'i chu 'thung shig /oM badzrod ThaH/ slob mas rdo rje'i chu 'thungs te/ /gus bcas lag pa bzung nas ni/ /dbyangs 'di gsal bar brjod pa yis/ /mna' yi dam pa nyan du gzhug /deng phyin chad khyed kyi phyag na rdo rje nga yin gyis ngas 'di byos shig bya ba de khyod kyis bya dgos so/ /khyod kyis nga la brnyas par ma byed cig /byas na khyod ya nga ba ma spangs par 'chi ba'i dus byas nas dmyal bar ltung bar gyur ta re zhes brjod do/ /'di ni dam tshig gi chu sbyin pa'o//de nas gal te slob dpon gyis 'bebs pa'i cho ga'i nus pa thob par gyur na/ de lta na grub pa'i slob dpon klu'i byang chub kyis rnam par spel ba'i dkyil 'khor gyi cho gas dbab ste/ de nas 'dir ni ma smras so/ /de nas dkyil 'khor du gzhug par 'dod pas/ khyod kyi mig lam na snang ba ji lta bu zhes dris te/ des dkar po dang / ser po dang / dmar po dang nag por snang ngo zhes smra na/ zhi ba la sogs pa 'grub pa'i skal ba dang ldan par bshad de/ g.yas nas bskor ba yang byed du bcug la bden pa'i byin rlabs brjod par bya ste/yang dag dkyil 'khor 'di ru ni/ /bdag gi slob ma gzhug par bgyi/ /bsod nams ji bzhin lha rnams kyi/ /rigs kyi rim pa'ang de bzhin shog /ji ltar 'dir ni 'grub 'gyur ba'i/ /gang gi rigs kyi snod gyur dang / /ji lta'i bsod nams mthu yod pa//dkyil 'khor 'dir ni de bzhin shog /ces brjod do/ /de nas me tog gi phreng ba sngags 'dis dkyil 'khor du dor bar bya ste/ tiSh+Tha badzra dr-i D+ho me b+hA ba shA shA to me b+hA ba hr-i da yaM me a d+hi tiSh+Tha sarba sid+d+hi m+me pra ya ts+tsha hUM ha ha ha ha hoH/ /oM A khaM bI ra hUM pra ti ts+tsha ku su mA ny+dza la nI tha ho//me tog dor nas mchog dang tha ma'i dngos grub mtshon par bya ste/ de la gang gi tshe sangs rgyas rnams kyi dbu'am mdzod spu'i gtsug tor la lhung na ni de'i tshe phyag rgya chen po 'grub po/ /gang gi tshe spyan nam zhal la lhung na de'i tshe gsang sngags 'grub po/ /sku'i stod kyis mchog dang /sku'i dbus kyis 'bring dang / sku'i smad kyis tha ma dang / gzugs brnyan las 'gyangs na ring la/ nye na myur du 'grub pa rnams dang / lha rnams kyi rang gi gnas dang re mig la sogs par rnam par bcad de shes par bya'o/ /gang gi tshe lha gnyis kyi bar du lhung na de'i tshe gang la nye ba de'i rigs su 'gyur ro//dkyil 'khor gyi pha rol du lhung na dngos grub phra mo 'grub bo/ /gang gi tshe rtsig pa la lhung na slar yang dor bar bya'o/ /lan gsum gyi bar du dor kyang de nyid du lhung na 'grub par mi 'gyur ro/ /phyi rol gyi rdo rje'i ra ba'i pha rol du lhung na dngos grub 'grub par mi 'gyur ro//lte ba la lhung na shin tu dga' bas 'grub pa'o/ /'di ni me tog dor ba'i cho ga'o/ /de nas de'i mig la phreng ba sngags 'dis bcing bar bya ste/ /pra ti gr-i h+Na twa mi maM satwa ma hA ba laM/ 'di ni phreng ba'i dbang bskur ro/ /de skad du'ang grub pa'i slob dpon klu'i byang chub kyi zhal snga nas kyis/mkhas pas rigs kyi bye brag dag /me tog dor la shes par bya/ /sngags dang bcas pas phreng ba yi/ /dbang bskur ba ni spyi bor sbyin/ /zhes gsungs so/ /slob ma sdig pa rnam spangs pa'i/ /mig gnyis oM yig gis mnan te/ brtul zhugs bzang pos sngags 'di yis/ /gdong g.yogs rab tu dgrol bar bya/ /rdo rje sems dpa' deng khyod kyi/ /mig 'byed par ni brtson par mdzad/ /phye bas thams cad mthong 'gyur ba/ /rdo rje'i mig ni bla na med/ /dkyil 'khor 'di la ltos shig dang / /da ni dad pa rab tu bskyed//khyed ni sangs rgyas rigs su skyes/ /sngags dang phyag rgyas byin gyis brlabs/ /he badzra pA sh+ya/ dkyil 'khor gyi ni go rims bzhin/ /de nas de nyid rab tu bshad/ /de nas sum cu rtsa gnyis kyi/ /rang gi ngo bo'ang nye bar bstan/ /logs bzhi 'phags pa'i bden pa ste//tshangs pa'i gnas pa gru bzhi'o/ /sgo rnams bsdu ba'i dngos po ste/ /re re'ang rnam pa bzhir shes bya/ /dad pa'i dbang po la sogs sems/ /rtsig pa lngar ni 'gyur ba'o/ /rdzu 'phrul rkang pa bzhi po ni/ /sgo khyud rnam pa bzhi yin no/ /de yi dbus kyi 'khor lo gang //dkyil 'khor brgyad pa lta bu ste/ /de nyid rnam par thar pa brgyad/ /dngos grub thams cad rab sgrub byed/ /sangs rgyas kun gyi khang chen gyi/ /ka bar gyur pa thams cad du/ /'phags pa'i lam gyi yan lag brgyad/ /ka ba brgyad ces bya bar bshad/ / chos kyi de nyid don gyi brda/ /'khor lo'i nang gi don gyi'o/ /sems kyi dkyil 'khor gang yin nyid/ /thar pa chen po'i grong khyer mchog /ces bya ba dang / de nas 'khor lo'i gtso bo nas/ /brtsams te gnod mdzes bar gyi lha/ /rdo rje can gyis slob ma la/ /de nyid rnam bzhi ji bzhin bstan//de la dbus kyi mi bskyod pa ni rnam par shes pa'i phung po'o/ /shar la sogs pa'i phyogs rnams su gzugs kyi phung po ni rnam par snang mdzad do/ /tshor ba ni rin chen 'byung ldan no/ /'du shes ni 'od dpag tu med pa'o/ /'du byed ni don yod grub pa'o//me la sogs pa'i mtshams ni sa'i khams ni spyan no/ /chu ni mA ma kI'o/ /me ni gos dkar mo'o/ /rlung ni sgrol ma'o/ /'phar ma gnyis pa'i me la sogs pa'i mtshams rnams su yul gzugs ni gzugs rdo rje ma'o/ /sgra ni sgra rdo rje ma'o/ /dri ni dri rdo rje ma'o/ / ro ni ro rdo rje ma'o/ /reg ni reg rdo rje ma'o/ /'phar ma gsum ba la mig sa'i snying po'o/ /rna ba phyag na rdo rje'o/ /sna nam mkha'i snying po'o/ /lce 'jig rten dbang phyug go/ /yid 'jam pa'i dbyangs so/ /lus sgrib pa thams cad rnam par sel ba'o//mgo byams pa'o/ /tshigs thams cad kun du bzang po'o/ /lag pa g.yas pa gshin rje'i gshed do/ /g.yon pa gzhan gyis mi thub pa'o/ /kha rta mgrin no/ /rdo rje bdud rtsi 'khyil pa'o/ /dpung pa g.yas pa mi g.yo ba'o/ /g.yon pa 'dod pa'i rgyal po'o//rje ngar g.yas pa dbyig sngon can no/ /g.yon pa stobs po che'o/ /spyi gtsug gtsug tor 'khor los sgyur ba'o/ /rkang pa'i mtha' ni gnod mdzes rgyal po'o/ /mi bskyod la sogs go rims bzhin/ /lus kyi 'khor lor son pa ste/ /de nas phyi yi 'khor lo ni//slob ma gcig nas brtsams te bstan/ /'di ni dkyil 'khor du 'jug pa'i cho ga'o// //chu'i dbang ni rab bsgrub phyir/ /sngags pa yis ni shar phyogs sam/ /dbang ldan du yang dkyil 'khor bri/ /gru bzhi pa dang sgo bzhi pa/ /khru do ba dang 'phar ma gnyis//de dbus sna tshogs pad+ma ni/ /rdul tshon dkar po dmar po dang / /de bzhin nag po rnams kyis bya/ /ra ba rnam pa gsum byas te/ /phyag rgya bzhi po dgod par bya/ /shar du rdo rje lhor rin chen/ /nub tu chu skyes ge sar bzang / /sna tshogs rdo rje nor sbyin du//legs par bkod de bum pa gzhag /'di ni khrus kyi dkyil 'khor gyi cho ga'o// //de nas chu yi dbang bskur phyir/ /pus mo g.yas pa'i lha nga ni/ /sa la legs par btsugs nas kyang / /me tog snyim pa dang bcas te/ /tshigs su bcad pa 'di yis ni//bla ma rdo rje gsol ba gdab/ /byang chub rdo rjes sangs rgyas la/ /mchod chen ji ltar gsol ba ltar/ /bdag kyang bskyab pa'i don gyi phyir/ /nam mkha'i rdo rje deng bdag gsol/ /phreng ba'i dbang bskur byas pa yi/ /slob ma dkyil 'khor du bkug ste//rtag pa'i nga rgyal 'dzin pa yis/ /dkyil 'khor dbus su bzhag nas ni/ /slob dpon tshogs pa dang bcas pas/ /rdo rje slob ma dbang bskur bya/ /bum pa bzung ste bkra shis pa'i/ /tshigs su bcad pa thog mar bklag /til gyi gzugs brnyan ltar gang ba'i//rgyal ba bum pa 'dzin pa yis/ /de ring khyod la dbang rab bskur/ /de ltar shes nas yid bder gyis/ /rdo rje khu tshur dang bcas pa'i/ /lo 'dab bum pa'i chu yis blugs/ /dbang bskur rdo rje chen po ste/ /khams gsum pa yis phyag byas pa/ / sangs rgyas kun gyi gsang gsum pa'i/ /gnas las byung ba sbyin par bya/ /oM ma hA su kha badzra satwa a b+hi She ke Na t+t+waM a b+hi Shi ny+tsA mi sarba ta thA ga ta a d+hi pa ti twe no pa dr-i D+ho b+ha ba/ bkra shis gang zhig sems can kun gyi snying la gnas/ /kun gyi bdag nyid dam pa'i rigs rnams kyi ni rje//ma lus sems can skyed byed bde ba chen po ste/ /bkra shis des ni di ring khyod la dbang rab bskur/ /bkra shis gang zhig ma lus rdo rje'i rigs dang ldan/ /sdang bas zil mnan skye bo rnam par sbyong byed pa/ /mi bskyod mgon po zhes byar mtshan gsol de yi ni/ /bkra shis des ni di ring khyed la dbang rab bskur//bkra shis gang zhig mtha' dag 'khor lo'i rigs dang ldan/ /rnam par snang mdzad 'khor ba'i sdug bsngal rtag 'phrog cing / /rmongs pas zil mnan skye bo yongs su sbyong mdzad pa/ /bkra shis des ni di ring khyed la dbang rab bskur/ /bkra shis gang zhig ma lus rin chen rigs dang ldan//phongs pa'i sdug bsngal 'grol bar yongs su rab brtson zhing / /khengs pas zil mnan 'gro ba yongs su sbyong mdzad pa/ /bkra shis des ni di ring khyed la dbang rab bskur/ /bkra shis gang zhig ma lus pad+ma'i rigs dang ldan//'jig rten dbang phyug srid pa'i dra ba 'joms pa po/ /chags pas zil mnan 'gro ba yongs su sbyong mdzad pa/ /bkra shis des ni de ring khyed la dbang rab bskur/ /bkra shis gang zhig ma lus las kyi rigs dang ldan/ /brtse ba'i bdag nyid log par lta ba nges par spong //de sbyong thabs ston de ni kun nas sel mdzad pa/ /bkra shis des ni di ring khyed la dbang rab bskur/ /sangs rgyas rdo rje'i dbang bskur bas/ /di ring khyed la dbang bskur ro/ /oM AHbadzra a b+hi Shiny+tsa hUM su ra ta s+t+waM a haM/ /'di ni chu'i dbang bskur ba ste me long lta bu'i ye shes so//chu yi dbang bskur thob pa yis/ /khrus kyi dkyil 'khor las brgal te/ /rgyan rnams thams cad rab bzung bas/ /dkyil 'khor chen po'i 'gram nyid du/ /rgyal po'i rgyan gyis rnam brgyan te/ /gdugs dkar po ni bzung ba la//dbyangs 'di yis ni dga' bar bya/ /bde ba chen po 'dod chags che/ /rdo rje chen po nor che ba/ /shes rab chen po ye shes che/ /rdo rje sems dpa' deng bdag bsgrubs/ /sangs rgyas kun gyi rdo rje che/ /dngos grub kun gyi bde ster ba/ /kun gyi dbang ni bskur don du//rdo rje dbang phyug bla na med/ /dza a A i bud+d+ha par mar+tha de ha o/ /dza a kA ma mo k+Sha d+harmA d+ha a o/ /dza a pany+tsa dz+nyA na su ra a sa mA ha a o/ /dza a badz+dza pA Ni ma hA su ha Na ha o/ /phyi nas bla ma dkyil 'khor la/ /'dir ni bskor ba lan gsum bya//gser sogs las ni bsgrubs pa yi/ /cod pan gtso bo la bzhag ste/ /de yi phyag rgya'i gos kyis kyang / /rin chen 'byung ba'i sbyor ldan pas/ /de nas shar gyi sgo drung du/ /'jam pa'i stan la rab bsdad de/ /sangs rgyas kun gyis dbang bskur bas//bla mas slob ma dbang bskur bya/ /mgo bo'i dbus dang dpral ba dang / /de bzhin mgo bo'i logs gnyis dang / /rgyab tu 'ang phyag rgya bzhag nas ni/ /gsang sngags 'di ni brjod par bya/ /rdo rje thal sbyar mthe bo dag /dpa' bo'i skyil krung nyid du bskum//rtse mo rtse mo mnyam par sbyar/ /bar ma mchog gi yan lag kyang / /rdo rje dbyings kyi phyag rgyar bshad/ /de'i sngags ni/ oM badzrod d+hA twI shwa ri a b+hi Shiny+tsa aH/ rdo rje khu tshur gnyis bcings te/ /lag gnyis rdo rje bsdams pa'i rgya/ /de yi dbus ma rtse sbyar bya//sems ma rdo rje'i phyag rgya yin/ /de'i sngags ni/ oM satwa badzra a b+hi Shiny+tsa hUM/ de nyid las gung mo'i tshigs dbus ma bcag pa ni rin chen rdo rje ma'i phyag rgya'o/ /de'i sngags ni/ oM rat+na badzri a b+hi Shiny+tsa hUM/ de nyid las gung mo pad+ma'i rnam pa ltar byas pa ni chos kyi rdo rje ma'i phyag rgya'o//de'i sngags ni/ oM d+harmA badzri a b+hi Shiny+tsa hrIH/ de nyid las dbus ma'i rtse mo bcag pa ral gri ste/ las kyi rdo rje ma'i phyag rgya'o/ /de'i sngags ni/ oM karma badzri a b+hi Shiny+tsa taM/ dbang bskur ba yi rim 'di yis/ /sangs rgyas lnga yi cod pan la//dar dpyangs mngon par dpyangs nas su/ /mnyam pa'i thal mos mnyes par bya/ /badzra tu Sh+ya hoH/ /'di ni cod pan gyi dbang bskur ba ste/ mnyam pa nyid kyi ye shes so/ /de rjes 'od dpag med bdag tu/ /dmigs te slob ma'i snying ga ru/ / rdo rje gtad de rdo rje yis/ /mgrin gtsug gtugs te 'di skad brjod/ /sangs rgyas kun gyi rdo rje'i dbang / /di ring khyod la bskur bar bya/ /'di de sangs rgyas thams cad nyid/ /legs par grub phyir rdo rje zung / /rdo rje lag pa g.yas par sbyin/ /bla ma rdo rje 'dzin bdag gi /dbang bskur rdo rje chen po ste/ /zhes sogs brjod pa sngon 'gro bas/ /lha yi nga rgyal dang bcas pa'i/ /slob mas rdo rje bsgyings te gzung / /rdo rje sems dpa'i ting 'dzin gyis/ /rdo rje de nyid gsor bar bya/ /'di ni rdo rje'i dbang ste so sor rtog pa'i ye shes so//don yod grub pa'i gzugs su ni/ /slob ma cho ga bzhin du bsam/ /AHyig las byung dril bu slar/ /slob ma la ni 'bad pas sbyin/ /de nas bla mas byin brlabs pa'i/ /dril bu blangs nas dang por ni/ /rang gi lag nyid kyis dkrol te//tshigs bcad 'di ni brjod par bya/ /zla ba'i 'od can ye shes sku mnga' rgyal ba'i cod pan 'dzin pa pad zla'i gdan la bzhugs/ /gdug pa rnams ni 'dul ba'i don du srid gsum 'dul mdzad bsdigs pa'i de nyid rdo rje can/ /sangs rgyas rnams ni bskul phyir de kho na nyid so sor sgrogs pa'i chos nyid dril bu 'khrol//dngos po kun gyi ngo bo ma lus stong pa'i bcom ldan gang yin de ni rgyal gyur cig /de nas slar yang phab nas su/ /rked pa'i phyogs su rnam gzhag ste/ /snyems pas rdo rje bzung nas kyang //tshigs su bcad pa 'di brjod bya/ /oM badzra satwa sa ma ya ma nu pA la ya/ /badzra satwa twe no pa tiSh+Tha dr-i D+ho me b+ha ba/ su to Sh+yo me b+ha ba/ a nu ra k+to me b+ha ba/ /su po Sh+yo me b+ha ba/ sarba sid+d+hi m+me pra yats+tsha/ sarba rkarma su tsa me/ tsi t+taM shre yaHku ru hUM/ ha ha ha ha hoHb+ha ga wAn sarba ta thA ga ta badzra mA me mu ny+tsa badzrI b+ha ba ma hA sa ma ya sa twa AH/oM badzra g+ha N+De aH/ bdag gis bcom ldan bzung lags kyis/ /bcom ldan bdag la nye bar gyur/ /slob dpon gyis oM badzra a d+hi pa ti twaM a b+hi Shi ny+tsA mi tiSh+Tha badzra hI/ sa ma ya s+t+waM zhes brjod par bya'o/ /'di ni dril bu'i dbang bskur ba ste bya ba grub pa'i ye shes so//de'i rjes la/ gser ram yang na dngul gyi ni/ /snod du mig sman bzhag pa la/ /thur ma'ang de yi rang bzhin gyis/ /de nyid rig pas sngags 'di brjod/ /badzra ne tra a pa ha ra pa Ta laM hrIH/ ji ltar sman pa'i rgyal po yis//thur mas 'jig rten ling tog ltar/ /bu khyod kyis ni mi shes pa'i/ /sgrib g.yogs rgyal ba rnams kyis bsal/ /de nas aH yi yi ge yis/ /mngon par bsngags pa'i me long blangs/ /tshigs su bcad pa 'di brjod de/ /rdo rje slob ma la bstan bya//chos rnams gzugs brnyan lta bu ste/ /gsal zhing dag la rnyog pa med/ /gzung du med cing brjod du med/ /rgyu dang las las kun du 'byung / /ngo bo nyid med gnas med pa/ /de ltar chos rnams shes gyis la/ /sems can don ni bla med byos/ /'on kyang skyob pa'i sras su skyes//'di ni me long gi dbang bskur ba'o/ /mi bskyod gzugs su dmigs nas su/ /de nas rdo rje dril bu sbyin/ /de yi mgo la gtugs nas su/ /rdo rje ming gi dbang bskur te/ /oM badzra sa twa twaM a b+hi Shi ny+tsA mi badzra nA ma a b+hi She ka ta/ kye dpal che ge mo rdo rje zhes bya ba'i de bzhin gshegs pa sa ma ya sid+d+hi sa ma ya s+t+waM b+hur b+hu ba swaHaH/de la rigs dang rjes su mthun pa'i ming du bya ste/ mi bskyod pa'i rnams ni bzhad pa'i rdo rje dang / sgeg pa'i rdo rje dang / gnyis med rdo rje dang / mi phyed rdo rje dang / dga' rab rdo rje dang /rol pa'i rdo rje zhes bya ba la sogs pa rnams so/ /rnam par snang mdzad kyi ming rnams ni gti mug rdo rje dang / oM mdzad rdo rje dang / rtag pa'i rdo rje dang / sgyu 'phrul rdo rje zhes bya ba la sogs pa rnams so/ /rin chen 'byung ldan gyi ming rnams ni yid bzhin nor bu rdo rje dang /mkha' rdo rje dang / gzi brjid rdo rje zhes bya ba la sogs pa rnams so/ /'od dpag tu med pa'i ming rnams ni 'dod chags rdo rje dang / spyan ras gzigs rdo rje dang / chos kyi rdo rje dang / pad+ma rdo rje zhes bya ba la sogs pa rnams so/ /don yod grub pa'i ming rnams ni rta mchog rdo rje dang /dam tshig rdo rje dang / las kyi rdo rje zhes bya ba la sogs pa rnams so/ /mi bskyod pa'i rigs kyi lha mo'i ming rnams ni rdo rje bdag med ma dang / rdo rje lag pa ma dang / rdo rje phreng ba ma dang / rdo rje 'byung gnas ma zhes bya ba la sogs pa rnams so/ /rnam par snang mdzad kyi lha mo rnams kyi ming ni rdo rje mkha' 'gro ma dang /rdo rje sgeg mo zhes bya ba la sogs pa rnams so/ /rin po che'i lha mo rnams kyi ming ni rdo rje do shal ma dang / rdo rje dbugs dbyung ma dang / rdo rje 'bar ma dang / rdo rje phreng ba ma la sogs pa rnams so/ /'od dpag tu med pa'i rigs kyi lha mo rnams ni rdo rje chags pa ma dang /rdo rje dbyangs ma dang / rdo rje blo gros ma dang / rdo rje gos dkar mo zhes bya ba la sogs pa rnams so/ /don yod grub pa'i rigs kyi lha mo rnams kyi rdo rje snyems ma dang / rdo rje sgyu 'phrul ma dang / rdo rje dgod ma dang /rdo rje grol ma la sogs pa rnams so/ /'di ni ming gi dbang bskur ba ste/ shin tu rnam par dag pa'i chos kyi dbyings kyi ye shes so/ /'khor lo dang ni rin chen dang / /de bzhin pad+ma rdo rje rnams/ /tshigs bcad 'di dag brjod pa yis/ /mtshan ma'i dbang bskur sbyin par bya//sems can kun la phan pa'i phyir/ /'jig rten kun la thams cad du/ /ji ltar sna tshogs 'dul 'gyur ba'i/ /chos kyi 'khor lo rab tu bskor/ /rgyal bar gyur cig rgyal bar gyur cig /de bzhin gshegs pa thams cad kyi bdag po chos kyi 'khor lo rab tu bskor cig /sems can kun la phan pa'i phyir/ /'jig rten kun la thams cad du/ /ji ltar sna tshogs 'dul ba yi/ /sangs rgyas rin chen rab tu ston/ /oM badzra rat+na sarba d+ha rmA pi shud+d+ha dz+nyA na a b+hi She ka prA p+ta oM oM oM//sems can kun la phan pa'i phyir/ /'jig rten kun la thams cad du/ /ji ltar sna tshogs 'dul ba yi/ /'dod chags dag pa rab tu ston/ /oM badzra d+ha rmA sarba bi shud+d+ha dz+nyA na rA ga pad+ma da la swa b+hA wa hrIHaH/ sems can kun la phan pa'i phyir//'jig rten kun la thams cad du/ /ji ltar sna tshogs 'dul 'gyur ba'i/ /rdo rje mchod pa rab tu bskor/ /oM badzra karma sarba d+ha rmA bi shud+d+ha dz+nyA na sarba bU dza swa b+hA wa aH/ de'i rjes su slob dpon rang gi snying ga'i sa bon las byung ba'i lha'i tshogs nam mkha' la gnas pa rnams kyi dbang bskur ba dang ldan pa'i slob ma rgyan thams cad kyis bklubs te/gdugs dang / rgyal mtshan dang / ba dan bsgreng bas brgyan la shar gyi sgor seng ge'i khri la bzhag ste/ sna tshogs pad+ma 'dab ma brgyad pa'i steng du/ rdo rje sems dpa'i gzugs su rnam par bsams la/rdo rje'ang hUM gi yi ge las byung bar bsgoms te/ thog mtha' med pa'i sems dpa' ni/ rdo rje sems dpa' dga' ba che/ /kun du bzang po kun bdag nyid/ /rdo rje snyems pa'i bdag po'i bdag /bcom ldan 'das dang po mchog gi skyes bu'o zhes bya ba'i de kho na nyid kyis gzung bar bya'o//de'i rjes su aH'i yi ge las byung ba'i dril bu lag pa g.yon par byin te/ 'di de sangs rgyas thams cad kyi/ /shes rab dbyangs kyi rjes 'gror bshad/ /khyod kyis kyang ni rtag tu gzung //byang chub mchog tu rgyal ba bzhes/ /srid pa ngo bo nyid kyis dag /ngo bo nyid kyis srid bral byas/ /rang bzhin dag pa'i sems ldan ba'i/ /srid pa dam pa byed par 'gyur/ /zhes brjod la slob mas kyang dkrol bar bya'o/ /de'i rjes su yid kyi lus ni brtan bya'i phyir/phyag rgya dam tshig zhes su bshad/ /lus kun brtan par byed pas na/ /de phyir phyag rgya zhes su bsgrags/ /zhes bya ba 'dis rang 'dod pa'i lha'i gzugs nang gi bdag nyid kyi phyag rgya chen po rdo rje dbyings kyi dbang phyug mas 'khyud par bsams la/dbang bskur rdo rje chen po ste/ /khams gsum pa yis phyag byas pa/ /sangs rgyas kun gyi gsang gsum gyi/ /gnas las byung ba sbyin par bya/ /zhes brjod do/ /de skad du yang / shes rab bcu drug lon pa la/ /lag la dag gis yang dag 'khyud//rdo rje dril bu mnyam sbyor ba/ /slob dpon dbang du yang dag 'dod/ /ces gsungs so/ /de ltar rdo rje slob dpon gyi dbang gi mthar thug pa ni/ thams cad du bum pa'i bya ba kho na 'jug pas na bum pa'i dbang zhes bya ste dang po'o// //rdo rje slob dpon gyi dbang ni phyir mi ldog pa'i dbang zhes kyang brjod do/ /dbang bskur ba de dag gis kyang sngags dang rgyud nyan pa dang / bshad pa dang / gsang sngags sgrub pa la dbang bar 'gyur ro/ /de rjes bla mas rtag pa yi/ /gzugs su legs par rab dmigs te//sangs rgyas kun gyis mngon mchod pa'i/ /rjes su gnang ba slob mar sbyin/ /phreng ba la sogs dbang rnams kyi/ /dbang bskur nga yis byin pa yis/ /sdig pa thams cad rnam spangs te/ /sangs rgyas kun gyi mdun na gnas//da ni dkyil 'khor slob dpon te/ /sngags dang rgyud rnams 'dzin par 'gyur/ /sangs rgyas byang chub sems dpa' dang / /lha rnams kyis kyang mthun par bsam/ /khyod ni bdud rnams las rgyal te/ /sangs rgyas thams cad 'thob par 'gyur//seng ge'i spyod pa legs spyad pas/ /khyod kyis sems can don rnams byos/ /chos rnams kun la ser sna dang / /sems can rnams la mi phan gang / /nyam nga shin tu che na yang / /bu khyod kyis ni de mi bya/ /'di la the tshom mi bya ste//gsang sngags spyod pa'i tshul gyi mchog /mnyam med khyed kyis bsgrag par bya/ /dkyil 'khor legs par bri bya ste/ /slob ma yongs su bsdu bar gyis/ /dogs pa med pa'i sems kyis su/ /slob ma rnams la dbang bskur yang / /brtul zhugs brtan pas 'jig rten dang //'jig rten 'das pa'i dngos grub bsgrubs/ /de nyid rig pa'i sems kyis ni/ /dngos grub de rnams thams cad 'byung / /chos kyi dbyings kyi byin rlabs dang / /dam tshig rnams kyang bskyangs pa dang / /khyod rtag bla ma la gus pas//de ltar byas na sangs rgyas la/ /phan 'dogs drin du gzo zhes brjod/ /des na byas pa gzo ba yin/ /sangs rgyas rnams kyang khyod la bsrung / /de nas slob mas bla ma la/ /lus btud nas ni phyag 'tshal te/ /snying gar thal mo sbyar ba yis/ /de kun bgyi zhes brjod par bya//slob ma rjes su gnang ba'i cho ga'o// //de nas slob ma mi bskyod pa'i gzugs su lhag par mos la/ /rdo rje'i brtul zhugs sbyin par bya ste/ /'di de sangs rgyas thams cad nyid/ /rdo rje sems dpa'i phyag na bsnams/ /khyod kyis kyang ni rtag tu zung / / phyag na rdo rje'i brtul zhugs brtan/ /zhes bya ba ni/ 'dis hUM las byung ba'i rdo rje byin la/ /oM sarba ta thA ga ta sid+d+hi badzra sa ma ya a d+hi tiSh+Tha e Sha twaM d+ha ra yA mi hi hi hi hi hUM/ zhes brjod de slob ma rdo rje'i brtul zhugs 'dzin du gzhug go/ /'di ni rdo rje'i brtul zhugs sbyin pa'o/ /de nas bla mas mchog sbyin pas//slob ma spro bas lung bstan bya/ /rang nyid de bzhin gshegs par 'gyur/ /slob ma rdo rje 'dzin pa'i bdag /g.yon pa yis ni chos gos gzung / /g.yas pa mchog sbyin ldan pa yis/ /de bzhin gshegs pa thams cad dang / /lhan cig tshigs bcad 'di brjod pas//'dir ni khyod la ngas lung bstan/ /rdo rje sems dpa' de bzhin gshegs/ /srid pa shin tu dag pas na/ /srid pa'i ngan 'gro rnams las bton/ /kye dpal che ge mo zhes bya ba'i de bzhin gshegs pa sid+d+hi sa ma ya s+t+waM b+hur b+hu wa swaH/ zhes lung bstan to/ /gang la phyag rgya 'dis lung bstan par byas pa de la/ de bzhin gshegs pa thams cad dang / byang chub sems dpa' 'khor dang bcas pa'i dkyil 'khor thams cad kyis mgrin gcig tu bla na med pa yang dag par rdzogs pa'i byang chub tu lung bstan par mdzad de/phyag rgya 'di nyid kyi mthu dang sngags 'di'i stobs yin no zhes slob ma la brjod par bya'o/ /'di ni lung bstan pa'o/ /de'i rjes su mi 'jigs pa'i phyag rgyas/ /ma hA sa ma ya ha na hUM phaT/ ces brjod la dbugs dbyung bar bya ste/ mchog tu gsang ba'i dkyil 'khor 'dir//zhugs pa dang ni mthong ba yis/ /sdig pa kun las rnam grol te/ /de ring khyed rnams bde bar gnas/ /bde chen theg pa 'di la ni/ /phyi nas 'chi ba yod ma yin/ /srid pa shin tu dag pas na/ /srid pa'i sdug bsngal rnams las grol//byang chub sems ni rnam mi spang / /rdo rje zhes bya'i phyag rgya ni/ /gang zhig bskyed pa nyid tsam gyis/ /sangs rgyas nyid du the tshom med/ /dam pa'i chos la smad mi bya/ /nam yang dor bar mi bya ste/ /mi shes pa'am gti mug gis/ /rnam par bstan par bya ma yin//rdo rje dang ni dril bu dang / /phyag rgya 'ang nam yang smad mi bya/ /slob dpon smad par mi bya ste/ /'di ni sangs rgyas kun dang mnyam/ /rang gi bdag nyid yongs gtang ste/ /dka' thub kyis kyang gdung mi bya/ /ji ltar bde bas bde bzung na//'di ni ma 'ongs rdzogs sangs rgyas/ /'di ni dbugs dbyung sbyin pa'o/ /'dir phreng ba nas rdo rje slob dpon gyi dbang gi bar bya ba'i rgyud rnams su yang mi 'gal te/ 'jam dpal gyi rgyud la sogs pa rnams su yang dag par rdzogs pa'i sangs rgyas kyis gsungs pa'i phyir ro//de dag kyang rjes su gnang ba la sogs pa bzhi po slob dpon gyi dbang gi don du sngon nam/ phyi nas kyang sbyin du rung ste/ de yang rnal 'byor mi'i rgyud rnams la mi 'gal lo/ /de lta bu bum pa'i dbang bskur bas/sku rdo rje rnam par sbyangs nas/ de'i rjes su dbang bskur ba gnyis pa dang / gsum pa dang / bzhi pa'i rim pa bshad par bya ste/ /rmongs pa la min mu stegs can la min/ /rgyal po la min gzhon nu rnams la'ang min/ / ma ning la ma ni rgan po rnams la min/ /gcig tu rtog ge la dga' rnams la min/ /byang chub sems ni bu la ma yin te/ /dad pa med pa rnams la'ang de ma yin/ /ngag dang yid kyi rdo rje sbyong byed pa/ /nyan thos rnams la sbyin par bya ma yin/ /de nas dben pa'i phyogs su yol ba la sogs pas bsgribs te/slob ma dang bcas pa'i bla ma rdo rje chen po la gzugs dang / sgra dang / dri dang / ro rnams dbul zhing / lnga pa reg bya'i yul yang dbul bar bya'o/ /slob ma rang gi yid dga' ba/ /gzugs la lang tshos rnam par brgyan//dam tshig sdom pa'i skal ldan pa'i/ /shes rab de la dbul bar bya/ /gsang ba'i dbang gi don du'o/ /bla mas kyang sems dpa' gsum gyi bdag nyid kyi rdo rje 'chang chen po'i ngo bor bskyed la/ de'ang rigs lnga'i tshogs su byas te/rdo rje pad+ma 'du byed pa sngon du 'gro bas/ oM sarba ta thA ga ta a nu rA ga Na badzra swa b+hA wa At+ma kou0f85haM zhes bya ba'i sngags brjod do/ /rin chen 'byung ldan gyi nga rgyal dang ldan pas hUM gi yi ge'i dbyangs kyis/ ni ra taHsa ma pat+ti byas la kun du bskyod pas stong pa la sogs p a'i ye shes gsum po 'od gsal ba'i ye shes kyi ngo bo mchog tu dga' ba'i rang bzhin nyams su myong nas phaT ces bya ba'i gsang sngags brjod de/shes rab kyi chu byang chub kyi sems sbyin par bya'o/ /de bton te rgan po dang ming med dag gis slob ma'i khar ltung bar bya'o//slob ma rnam par snang mdzad kyi bdag nyid du bsams te/ rang gi lus la gnas pa'i de bzhin gshegs pa thams cad mnyes par bya ba'i phyir/ a ho su kha zhes brjod la longs spyad par bya'o/ /slar yang byang chub kyi sems dung chos la sogs par bzhag nas dri'i chus sbangs te/bkra shis kyi tshigs bcad sngon du 'gro bas rdo rje bla mas slob ma la dbang bskur bar bya'o/ /ji skad du/ bcom ldan 'das kyis zla gsang thig le las/ pad+ma'i dbus nas rin chen 'bar ba rab phyung te//rgyal ba rnams kyi dbu ni shin tu skams pa la/ /rnam dag rdo rje las ni byung ba'i ye shes chu/ /dri med char gyis spyi bor dbang bskur cig /ces gsungs so/ /gsang ba'i dbang bskur bas gsung gi rdo rje dang / thugs kyi rdo rje dag rnam par sbyangs ste/de'ang / rlung rnams phra ba'i gzugs kyis ni/ /sems dang yang dag 'dres par 'gyur/ /zhes gsungs so/ /'di ni gsang ba'i dbang bskur ba'i cho ga'o// //de ltar gsang ba'i dbang bskur ba'i bar gyis rdo rje slob mas lus dang / ngag dang / sems dben pa thob nas rdo rje gsum med na mi 'byung ba'i bde ba'i rang bzhin bdag byin gyis brlabs pa rtogs par bya ba'i don du/gsum pa shes rab ye shes kyi dbang la 'jug par bya ste/ de la/ dam tshig sdom pa'i skal ldan pa/ /na tshod bcu gnyis lon pa'am//yang na lo ni bcu drug ste/ /nyi shu lon yang mdzes pa ni/ /shes rab sgrub po la dga' ste/ /gsol ba btab nas gtad par bya/ /slob ma rin chen gang zag la/ /rdo rje sngar bshad tshigs bcad kyis/ /de yi lag tu bla ma yi/ / lag pas 'bad de gtad nas su/ /rdo rje slob dpon mkhas pa yis/ /dam tshig rdo rje rab tu sbyin/ /spyi bor rdo rje legs bzhag ste/ /de bzhin gshegs rnams dpang du gzugs/ /de bzhin rdo rje 'dzin pa yang / /bla ma rdo rje 'dzin gyis brjod//khyod kyis dga' ma 'di zung shig /bsten par sangs rgyas rnams kyis dgongs/ /'khor lo'i rim pa'i sbyor ba yis/ /srid pa gsum na dga' 'di las/ /gzhan pa'i thabs kyis sangs rgyas min/ /des na 'di dang nam du yang //khyod kyis 'bral bar ma byed cig/ /'di de sangs rgyas thams cad kyi/ /rig ma'i brtul zhugs bla na med/ /rmongs pa gang zhig 'da' byed pa/ /de la mchog gi dngos grub med/ /ces brjod la reg rdo rje sbyin par bya'o/ /de'ang gur kum dang tsan+dan la sogs pas byugs te/dri zhim po'i me tog gi phreng bas nye bar spud la/ phyogs kyi gos kyis rang gi chu skyes gsal bar byas ste 'di skad ces brjod do/ /e ma nga yi pad+ma 'di/ /bde ba thams cad yang dag ldan/ /gang zhig cho ga bzhin bsten na//de yi mdun na nga 'dug ste/ /sangs rgyas bsnyen la sogs pa yi/ /bya ba pad+mar ji bzhin byed/ /bde chen rgyal po rang nyid de/ /'di nyid du ni yang dag gnas/ /de nas twaM b+ha ny+dza mo k+Sha hoH/ zhes bya ba'i sngags kyis sbyin par bya'o/ /de nas oM sarba ta thA ga ta a nu rA ga Na badzra swa b+hA wa At+ma kou0f85haM/zhes bya ba'i sngags 'dis de 'ang rin chen 'byung ldan gyi nga rgyal dang ldan pas/ oM AHhUM swA hA/ zhes bya ba'i sngags kyis shes rab rigs lnga'i tshogs su bya ste/ hUM gi yi ge las byung ba'i rdo rje rtse mo lnga pa la dbu ma'i rtse mor oM gyi yi ge bsams la/de'i a'i yi ge las byung ba'i pad+ma dmar po 'dab ma brgyad pa 'od zer lngas kun du dkrigs pa'o/ /de nas rdo rje dbyings kyi dbang phyug ma'i rtsa g.yon gyi cha la gnas pa sor mos bskul te/ de las cung zad myong ba'i bde ba 'dod pa la sogs pa'i bya bas/hUM zhes bya ba'i dbyangs kyis bde ba bsgrub pa brtsam par bya'o/ /de nas bla ma'i zhal nas rdo rje nor bu'i byang chub kyi sems yongs su gang ba'i mtshan nyid gsum pa dga' bral snang ba nye bar thob pa zhes bya ba rang gis nyams su myong bar bya'o//de skad du yang / rdo rje pad+mar rab gnas te/ /byang chub sems kyang spang mi bya/ /bskyod bya de yi dga' ba yis/ /sems ni kun du gang bar bsgom/ /rnal 'byor pas ni byang chub sems/ /ji srid ma dor de srid du/ /rgyun mi 'chad par dga' ba las//byung ba'i bde ba cis mi thob/ /ces gsungs so/ /de'i rjes su phaT/ ces bya ba'i sngags brjod cing byang chub kyi sems yang dag par bton la/ don yod grub pa'i nga rgyal dang ldan pas yang de nyid phyogs bcu na bzhugs pa'i sangs rgyas thams cad la sngags 'dis yang dag par mchod par bya'o//oM sarba ta thA ga ta pU dzA badzra swa b+hA wa At+ma kou0f85haM/ zhes brjod do/ /gsum pa shes rab ye shes kyi dbang gi dpes bde ba chen po'i rang bzhin longs spyod rdzogs pa'i s ku rtogs par bya'o//da ni chos kyi sku rtogs par bya ste/ bzhi pa yang ni de bzhin no/ /zhes gsungs pas/ gang gi tshe mya ngan las 'das pa thams cad stong pa so so rang gis rig par bya ba'i mtshan nyid rtogs par bya ba de'i tshe/ de bzhin zhes bya ba'i sgras snga ma'i dngos po la dpyod pa'i phyir/gsum pa shes rab ye shes kyi dbang gang yin pa de nyid bzhi par 'gyur ro/ /ji ltar sngon du gsungs pa'i mtshan nyid rtogs pa'i gsum pa shes rab kyi dbang la de nyid yin na gsum pa shes rab ye shes kyi dbang du 'gyur ro/ /de bzhin du 'dir yang dbang bzhi pa mtshon par bya ba'i phyir shes rab ni bzhi par 'gyur te/de nyid shes rab ye shes yin no/ /des na shes rab kyi dpes rdo rje bla ma'i zhal las chos kyi sku'i don rtogs par bya'o/ /de nyid kyis na rdo rje slob ma'i ngag gis dris la/ dngos grub kun gyi gter gyur pa'i/ /byang chub sems ni ltung gyur na//rnam shes phung po brgyal 'gyur bas/ /ma smad dngos grub ga la yod/ /mkha' dbyings rdo rje'i sbyor ba yis/ /reg pa las kyang ches mtshar ba'i/ /bde ba skye 'gyur gang yin te/ /mchog tu dga' bar byed pa'o/ /khyab pa gzung byas dus su yang / /phung po la sogs brgyal 'gyur bas//phyag rgya che bdag dngos grub ni/ /gang las de nyid 'byung ba lags/ /mchog tu dga' dang 'od gsal las/ /zhes gsungs so/ /gang gi tshe bdag byin gyis brlab pa'i rim pas 'od gsal ba thob ste/ ye shes gsum las tha mi dad pa'i 'od gsal ba bsgoms pa'i stobs kyis ji srid phung po dang bral ba'i mchog tu bde bar ma gyur pa de srid du rnal 'byor pa zung du 'jug pa'i bdag nyid kyi dngos grub mngon sum du mi byed do//bcom ldan 'das kyis kyang / phung po med pa'i bde ba'i mchog /ces gsungs so/ /de yang bzhi pa lhan cig skyes pa'o//dgyes pa'i rdo rje las kyang / ji ltar pha las bde thob pa/ /de yi bde ba rang gis bza'/ /bde ba gang gis 'ching ba 'dir/ /de yi bde ba bsam gtan brjod/ /dang po dga' ba tsam nyid de/ /gnyis pa'i grangs la mchog dga' nyid/ / gsum pa la ni dga' bral bshad/ /bzhi pa lhan cig skyes par brjod/ /dga' ba bde ba cung zad de/ /mchog tu dga' ba de bas lhag /dga' bral dga' bas chags bral 'gyur/ /lhag mas lhan cig skyes dga' ste/ /'dod chags med cing chags bral med/ /dbu mar dmigs par mi 'gyur te//gsum po spangs pa nyid kyi phyir/ /lhan cig skyes pa byang chub brjod/ /ces gsungs la/ rgya cher rol pa las kyang / ma dag pa yi bsam gtan 'di/ /'dod pa sgrub par byed pa'ang min/ /nam mkha'i dbyings dang 'dra ba'i mchog/ / 'od gsal nyid la dmigs nas ni/ /'od gsal go 'phang thob nas su/ /rang 'dod pa yi gzugs su 'gyur/ /de tshe 'byor ba kun thob ste/ /rdo rje'i sku ni rab dgar 'gyur/ /zhes gsungs so/ /dgongs pa bla na med pa las kyang / stong nyid gsum po rnam dag gang / / de nyid 'od gsal pa zhes bshad/ /thams cad stong pa'i go 'phang yang / /ye shes gsum po rnam dag las/ /ye shes dga' bzhi de kho na/ /thams cad mkhyen nyid bla na med/ /rnam 'gyur med cing snang ba med/ /gnyis su med cing mchog tu zhi/ /yod dang med pa ma yin la//de ni ngag gi spyod yul min/ /des na 'od gsal dag pa las/ /'du shes gsum po yang dag byung / /sum cu rtsa gnyis mtshan 'dzin cing / /dpe byad brgyad cu dag dang ldan/ /rnam pa kun gyi mchog ldan pa'i/ /thams cad mkhyen par de nas 'gyur/ / zhes gsungs la/ 'phags pa lha'i zhal snga nas kyang / 'od gsal ba dang stong pa che/ /zhes gsungs pas zung du 'jug pa'i mtshan nyid grub bo/ /dgongs pa bla na med pa las kyang / /stong pa nyid dang shin tu stong / /gsum pa stong pa chen po ste/ /bzhi pa thams cad stong pa yang //rgyu dang 'bras bur rab tu dbye/ /shes rab thabs kyi sbyor ba yis/ /rdzogs pa nye bar thob pa las/ /thams cad stong pa 'od gsal yin/ /rgyu yi go rims dag pa yang / /rnam shes rim pa'i sbyor bas so/ /stong nyid gsum po rab sbyor las/ go 'phang bla na med pa 'thob/ /ces gsungs so/ /de bzhin du dgyes pa'i rdo rje las kyang / ston pa sum cu rtsa gnyis mtshan/ /gtso bor dpe byad brgyad cur ldan/ /btsun mo'i b+ha ga bde can du/ /khu ba zhes byas rnam par gnas/ /de med pas na bde med 'gyur/ /nus pa med phyir ltos dang bcas//lha yi rnal 'byor bde ba las/ /de phyir sangs rgyas dngos po min/ /de nyid dngos med tshul yang min/ /zhal phyag rnam pa'i gzugs can dang / /mchog tu bde ba gzugs med pa/ /de phyir 'gro kun lhan cig skyes/ /rang bzhin lhan cig skyes zhes brjod//rnam dag dam pa'i sems kyis ni/ /rang bzhin mya ngan 'das pa nyid/ /lha yi rnam pa'i gzugs kyis ni/ /bzhin dang kha dog gnas pa ni/ /skyes pa tsam gyis rnam par gnas/ /'on kyang bag chags phal pas so/ /zhes gsungs so/ /gal te gnyis pa gsang ba'i dbang bskur ba'i rjes thogs kho na la/gsum pa shes rab dang ye shes kyi dbang gis chos kyi sku mtshon pa yin gyi/ bdag byin gyis brlab pas ma yin no zhe na/ de dag gis de ltar brtags pa de brtags pa nyid ma yin te/ rang byin gyis brlabs pa'i rim pa med pa'i phyir ro/ /de nas rdo rje nor bu'i rang bzhin byin gyis brlabs pa'i dpes shes rab ye shes su brjod par bya'o//de'i rjes thogs nyid la chos kyi sku thams cad stong pa'i mtshan nyid bde blag tu rtogs par nus te/ 'phags pa klu sgrub kyi zhal snga nas kyang / bdag byin brlab pa'i rim pa yis/ /'od gsal ba nyid thob par 'gyur//de nas rdo rje bla ma yis/ /thog mar bdag byin brlab pa bstan/ /zhes gsungs so/ /de bzhin du gsum pa dang bzhi pa'i shes rab dang ye shes kyi dbang gis rtogs pa'i don nyid tshig gis brjod par bya'o/ /de skad du yang / slob ma'i mos pa yid kyis legs brtags nas//ji ltar gsungs pa'i cho gas dbang bskur te/ /zab cing rgya che'i tshul la mos pa la/ /rin chen tshig gi dbang nyid sbyin par bya/ /zhes gsungs so/ /gal te zab cing rgya che ba'i tshul la mos pa nyid du gang las shes she na/ mtshan ma las te/ de skad du yang / du ba las ni mer shes te/ /chu skyar las ni chur shes bzhin/ /blo ldan byang chub sems dpa' yi/ /rigs ni mtshan ma dag las shes/ /gdong gi chu skyes rab dang zhing / /dga' bas lus kyi spu ldang pa'i/ /slob ma dam pa de kho na/ /mthong nas mkhas pas rjes su gzung / /zhes gsungs pas so//dpal ldan 'dus par ji ltar gsungs nyid bzhin/ /dbang bzhi'i rim pa rnam par phye ba las/ /bdag gis bsod nams bsgrubs pa gang yod des/ /'gro kun rtag tu dbang don ldan par shog /ji ltar mkhas pa du ma dag gis mdzad pa yi/ /dbang gi don 'byed cho ga yod mod de lta na'ang / / klu sgrub zhabs kyi pad+mo'i sbrang rtsi thob pas na/ /de yi dgongs pa 'dir ni bdag gis gsal bar spel/ /zung du 'jug pa gsal ba zhes bya ba dbang gi cho ga /dkyil 'khor chen po'i dngos grub brnyes pa'i mkhas pa chen po sgra gcan 'dzin dpal bshes gnyen gyis mdzad pa rdzogs so// //mkhas pa chen po bsod snyoms pa/ shAkya shrI b+ha dra'i zhal snga nas dang / shAkya'i dge slong kun dga' rgyal mtshan dpal bzang pos thob ste/ thos nas bsgyur cing zhus te gtan la phab pa'o/ /'di la sh+lo ka phyed dang brgyad brgya'o// //