1a1 @#/
1b1 /sgrub pa'i thabs mdor byas pa/ @##/ /rgya gar skad du/ piN+Da bi d+hi sA d+ha naM / bod skad du/ sgrub pa'i thabs mdor byas pa/ 'jam dpal gzhon nur gyur pa la phyag 'tshal lo/ /khams gsum spyod pa las grol
1b2 mkha' dang mnyam gyur dngos po'i ngo bo nyid//dag cing zhi la rnam dben mchog zhi rang bzhin rnal 'byor pa nyid yul/ /rtogs dka' brtag par dka' la bdag gzhan rab phan khyab cing mtshan ma med/ /
1b3 rgyal ba'i bde ba mnyam med mnyam sku mi rtog tshul gcig la phyag 'tshal/ /dpal ldan 'dus pa'i rgyud kyi ni/ /mdor bsdus rtogs par bya ba'i phyir/ /sems can kun la phan bskyed pa'i/ /mdor
1b4 bsdus bdag gis bshad par bya//rnam rtog bag chags nyes pa yis/ /'gro ba gsum po rnam rmongs la/ /blo dang ldan pas legs bltas te/ /rnal 'byor rgyud kyis sbyang bar bya/ /'dod pa lnga ni
1b5 yongs spangs nas//dka' thub kyis ni gdung med par/ /rnal 'byor rgyud kyi rjes 'brangs la/ /bde bas byang chub sgrub par bya/ /des na 'di na sdom gnas yin/ /rtag tu mi phyed brtul zhugs
2a1 gang //sku gsung thugs kyi rdo rje yi/ /sgrub pa dag kyang brtsam par bya/ /dgon pa chen po'i sa phyogs ni/ /me tog 'bras bu sogs kyis brgyan/ /ri bo dben pa dag tu ni/ /dngos grub thams
2a2 cad bsdus pa bsgrub//'jam pa'i stan la 'dug nas ni/ /sems dpa'i skyil krung legs gnas te/ /zhe sdang rdo rje'i ting 'dzin gnas/ /gnas bsrung ba ni bsam par bya/ /'bar ba'i 'od 'phro 'jigs par
2a3 byed//nyi ma la gnas hUM las byung / /g.yon brkyang pa yi gnas pas gnas/ /khro bo bcu ni spro bar bya/ /phyogs bcu'i dkyil 'khor rtse mo ni/ /rim pa bzhin du bsam par bya/ /bgegs kun rnam par gzhig pa'i
2a4 phyir//gnod mdzes bka' stsal phur bus gdab/ /oM sum+b+ha ni sum+b+ha hUM/ /gr-ih+Na gr-ih+Na hUM/ gr-ih+NA pa ya gr-ih+NA pa ya hUM/ A na ya ho/ b+ha ga bAn bid+yA rA dza hUM phaT/ khro bo'i gzugs can 'di yis ni/ /bgegs kyi dbang po
2a5 nyid bkug nas//blo dang ldan pas sbyor ba yis/ /cho ga bzhin du phur bus gdab/ /rdo rje bdud rtsi rgyal po che/ /ut+pal sngon po 'dab ma'i mdog /'bar phreng 'khrigs pa'i 'od ldan pa/ /rdo rje phur bu rnam par bsgom/ /lte
2b1 ba'i phyogs nas smad kyi cha//rtse mo lta bur rnam par bsam/ /stod ni khro bo'i dbyibs can te/ /zhal gsum phyag drug lta bur bsgom/ /de yi gsang sngags legs brjod la/ /bgegs kyi tshogs la 'og gzigs pas/ /rdo rje phur bu des btab na/ /bgegs kyi lus
2b2 ni mi g.yo 'gyur//oM g+ha g+ha g+hA ta ya g+hA ta ya/ sarba du Sh+TaM phaT phaT/ kI la ya kI la ya/ sarba pA paM phaT phaT hUM hUM hUM/ badzra kI la ya/ badzra d+ha ro A dz+nyA pa ya ti/ sarba bi g+h+nA na/ kA ya wA ka tsit+ta/ badzra kI la ya hUM hUM hUM phaT phaT/ rdo rje thob phyag bsnams pa'i/ /gnod mdzes rgyal po
2b3 rnam par bsam//rdo rje me yis kun du ni/ /rnam par 'phro bas nges par bsgom/ /gdug pa tshig pa phan tshun du/ /'bros par gyur par rnam par bsam/ /phyogs bcur phus bus btab nas ni/ /steng 'og yang dag byin gyis brlab/ /dam pa'i don du dngos po rnams/ /srid
2b4 gsum dngos po med par bsgom//dngos po med la bsgom pa'i dngos/ /bsgom par bya ba bsgom pa min/ /de ltar dngos po dngos med pas/ /bsgom pa dmigs su med pa'o/ /tshigs bcad 'di yis rgyu mi rgyu'i/ /bdag nyid can rnams stong par bsgom/ /cho ga'i sbyor ba 'di
2b5 yis ni//ye shes sa gzhir byin gyis brlab/ /nam mkha' dbyings kyi dbus gnas par/ /hUM gnyis sa bon yaM las byung / /rdo rje gnyis dang yang dag ldan/ /rlung gi dkyil 'khor bsgom par bya/ /hUM gnyis sa bon raM las byung / /rdo rje gnyis dang yang dag ldan/ /me yi dkyil
2b6 'khor nyid kyang ni//de yi steng du rnam par bsam/ /hUM gnyis sa bon baM las byung / /rdo rje gnyis dang yang dag ldan/ /chu yi dkyil 'khor nyid kyang ni/ /de yi steng du rnam par bsam/ /hUM gnyis sa bon laM las byung / /rdo rje gnyis dang yang dag ldan/ /sa yi dkyil 'khor
2b7 nyid dang ni//de yi steng du rnam par bsam/ /dkyil 'khor bzhi po yang dag bsdu/ /rdo rje sa yi dkyil 'khor la/ /der ni b+h+rUM las byung ba yi/ /gzhal yas khang ni rnam par bsgom/ /zur bzhi dang ni sgo bzhi dang / /rta babs bzhi yis mdzes byas pa/ /thig bzhi dang ni yang dag
3a1 ldan//ka ba brgyad kyis yang dag mdzes/ /dra ba dra ba phyed pa dang / /rdo rje nor bu zla phyed brgyan/ /grwa yi mtshams ni thams cad dang / /sgo dang sgo khyud mtshams rnams su/ /rdo rje rin chen rnams kyis sbras/ / bum pa ka ba rdo rje che/ /bre la phreng bar rim
3a2 bzhin gnas//ba dan dril bus mdzes byas la/ /rnga yab sogs kyis rnam par brgyan/ /bdag nyid phyag rgyar ldan pa ni/ /zhal gsum phyag drug rnam pa can/ /in+d+ra nI la'i 'od mnyam pa/ /dkyil 'khor dbus su bsgom par bya/ /rnam snang mdzad dang rin chen dang / /'od
3a3 dpag med dang las kyi rgyal//zhal gsum phyag drug lta bur ni/ /shar la sogs pa'i phyogs su bsam/ /gti mug dga' sogs lha mo rnams/ /zhal gsum phyag drug rnam pa can/ /me yi phyogs nas brtsams nas su/ /rim ba ji bzhin nges par dgod/ /de bzhin
3a4 gzugs rdo rje la sogs//phyi yi mtshams ni rnam pa bzhir/ /reg bya rdo rje nyid kyang ni/ /rdo rje sems dpa' dang ldan gnas/ /byams pa sa yi snying po dag /shar gyi snam bur dgod par bya/ /phyag na rdo rje mkha' snying po/ /brtul zhugs can gyis lho ru dgod/ /'jig rten dbang
3a5 phyug 'jam pa'i dbyangs//nub tu yang ni dgod par bya/ /sgrib pa thams cad rnam sel dang / /kun du bzang po byang phyogs su/ /gshin rje gshed ni shar gyi sgor/ /gzhan gyis mi thub lho phyogs su/ /nub phyogs su ni rta mgrin te/ /bdud rtsi 'khyil pa byang du'o/ /mi g.yo
3a6 'dod pa'i rgyal po dang //dbyug sngon dang ni stobs po che/ /shar lho mtshams sogs nas brtsams te/ /rim pa ji bzhin bsgom par bya/ /gnod mdzes rgyal po khro bo che/ /de yi 'og tu rnam par bsam/ /gtsug tor 'khor los sgyur rgyal yang / /de bzhin steng du rnam par
3a7 bsgom//cho ga ji bzhin dkyil 'khor pa/ /de ltar lhag par mos bsams nas/ /slar yang kha sbyar sbyor ba yis/ /rang gi lus la de rnams gzhug /lus kyi 'khor lo rdzogs sangs rgyas/ /rim pa ji bzhin yang dag bsam/ /don dam pa yi rdo rje yis/ /de bzhin nyid la
3b1 gzhug bya bas//de bzhin gshegs pa'i tshogs bsad na/ /dngos grub rab mchog thob par 'gyur/ /'di don rdo rje phreng ba las/ /gsal bar ji bzhin rnam phye ste/ /gzugs phung rtog dang me long dang / /sa khams mig gi dbang po dang / /gzugs dang rnam lngar gyur pa ste//
3b2 khro bo gnyis dang yang dag ldan/ /tshor ba'i phung po mnyam nyid dang / /chu khams rna ba'i dbang po dang / /sgra dang rnam lngar gyur pa ste/ /khro bo gnyis dang yang dag ldan/ /'du shes so sor rtog pa dang / /byin za sna yi dbang po dang / /dri dang rnam lngar gyur pa ste/ /khro bo gnyis dang
3b3 yang dag ldan//'du byed bya ba grub pa dang / /rlung khams lce yi dbang po dang / /ro dang rnam lngar gyur pa ste/ /khro bo gnyis dang yang dag ldan/ /steng 'og khro bo shin tu bcas/ /rang bzhin gyis ni snang ba nyid/ /rnam shes phung por zhugs pa ste/ /rnam shes kyang ni 'od gsal
3b4 ba'o//mya ngan 'das bcas kun stong dang / /chos kyi skur yang bshad pa yin/ /brtan par bya ba'i don du ni/ /gsang sngags 'di ni brjod par bya/ /oM shU n+ya tA dz+nyA na badzra swa b+hA wa At+ma kou0f85haM/ 'di ni don dam dkyil 'khor te/ /snang ba med cing mtshan nyid med/ /don dam bden p
3b5 a zhes bya ba//de bzhin gshegs pa kun gyi gnas/ /'od gsal bar ni rab zhugs nas/ /ldang ba yang ni bstan par bya/ /sngags kyi sku yi sbyor ba yis/ /lha yi gzugs la dmigs par 'gyur/ /nam mkha'i dbyings kyi dbus gnas par/ /nyi ma'i dkyil 'khor bsgom par
3b6 bya//sngags pas de yi steng du yang / /zla ba'i dkyil 'khor rnam par bsam/ /der ni pad+ma 'dab ma brgyad/ /kha dog dmar po bsgom par bya/ /pad+ma'i steng du sngags chen po/ /yi ge gsum ni de nas bsam/ /sngags dang pad+ma nyi ma dag /zla ba'i dkyil 'khor la zhugs pas/ /zla
3b7 ba'i dkyil 'khor kun rdzogs 'gyur //byang chub sems su rnam par brtag /rgyu dang mi rgyu thams cad kyang / /de nyid du ni rnam bsam zhing / /brtan par bya ba'i don du ni/ /gsang sngags 'di ni brjod par bya/ /oM d+harma d+hA tu swa b+hA wa At+ma kou0f85haM/ de ltar sbyor ba dmigs n
4a1 as su//rjes su sbyor ba brtsam par bya/ /rnal 'byor pa yis yig gsum yang / /zla ba'i dbus su rnam par bsam/ /de nas yig gsum las byung ba/ /kun da zla ba dkar dang mtshungs/ /dang po mgon po bsams nas kyang / /shin tu
4a2 sbyor ba yang dag brtsam//mi bskyod pa ni rjes zhugs pas/ /zhal gsum phyag drug 'bar ba dang / /in+d+ra nI la'i 'od mnyam pa'i/ /rdo rje sems dpa' rnam par bsgom/ /rdo rje 'khor lo pad+ma ni/ /g.yas pa'i phyag tu rnam par bsam/ /dril bu rin chen ral gri ni/ /g.yon
4a3 pa'i phyag tu bsam par bya//de nas phung po la sogs pa'i/ /dbye ba shes pas snang mdzad sogs/ /gnod mdzes bar du sa bon gyis/ /dgod pas yang dag nyid du dgod/ /rnam snang mdzad kyi sa bon ni/ /kha dog dkar po yi ge oM/ /gzugs phung ngo bo nyid kyis ni/ /sngags shes
4a4 pas ni spyi bor dgod//AH ni mgon po 'od dpag med/ /'du shes phung po'i ngo bo nyid/ /mdog dmar kha la bsams nas ni/ /ngag gi dbang phyug nyid thob 'gyur/ /mi bskyod pa yi yi ge hUM/ /rab tu bzang po'i mthing shun mdog /rnam shes phung po'i ngo bo nyid/ /sngags pas
4a5 snying gar rnam par dgod//rin chen mgon po'i yi ge swA/ /tshor ba'i phung po'i ngo bo nyid/ /tshor ba dag gi rgyu can ni/ /kha dog ser po lte bar dgod/ /rkang pa gnyis la yi ge hA/ /'du byed phung po'i ngo bo nyid/ /las kyi mgon po de nyid ni/ /sngags pas kha dog ljang gur dgod/
4a6 gti mug dga' sogs sngags kyis ni/ /sa la sogs la rab tu gzhug /sra dang gsher dang dro ba dang / /rlung sogs der ni rim pa bzhin/ /th+liM mig tu bkod nas ni/ /sa yi snying po rnam par bsgom/ /oM ni rna ba dag la dgod/ /phyag na rdo rje bsgom par bya/ /oM ni sna la rab bkod
4a7 de//nam mkha'i snying po rab tu bsgom/ /AH ni lce la bkod nas ni/ /'jig rten dbang po brtag par bya/ /yid la hUM ni bsams nas su/ /'jam pa'i dbyangs ni rab tu bsgom/ /yi ge oM ni lus kun la/ /bsgoms nas sgrib sel dran par bya/ /yi ge mai ni rtsar bzhag ste//
4b1 byams pa nyid du yongs su brtag /tshigs kun la ni saM bkod de/ /kun tu bzang po bsam par bya/ /lag pa g.yas par gshin rje gshed/ /g.yon par gzhan gyis mi thub pa/ /rta mgrin kha la bsam par bya/ /rdo rje la ni bdud rtsi 'khyil/ /dpung pa g.yas par mi
4b2 g.yo mgon//g.yon par 'dod pa'i rgyal po'o/ /pus mo g.yas par bsam pa ni/ /dbyug pa sngon po cher 'bar ba/ /pus mo g.yon par stobs po che/ /spyi bor gtsug tor 'khor los sgyur/ /gnod mdzes rgyal po bsam pa ni/ /rkang pa gnyis la dgod par bya/ /dgod
4b3 byas de nas sngags pa yis//phung po la sogs cho ga bzhin/ /sku yi dkyil 'khor rdzogs gyur nas/ /sbyor ba chen po yang dag brtsam/ /zla ba'i dkyil 'khor yang dag rdzogs/ /spyi bo'i dbus su rnam par bsam/ /der ni yi ge oM dkar po/ /'od zer lnga ni rab 'phro ba'o//
4b4 de las lha mo dbyung ba ni/ /bdag po dang ni rab sbyor ba'i / /spyan ni du ma bsams nas ni/ /nam mkha' thams cad rab tu dgang / /de nas sku yi rdo rje ni/ /nam mkha' gang bar legs gnas pa/ /de dbus bdag po bsgom pa ni/ /sum cu rtsa gnyis mtshan 'chang zhing / /dpe byad
4b5 bzang po brgyad cus brgyan//bdag kyang de yi mdun gnas la/ /de nas sngags pas tshigs bcad 'di/ /gnyis brjod nas ni gsol ba gdab/ /dpal ldan sangs rgyas sku 'chang ba/ /rdo rje mi phyed gsum bsgoms pas/ /deng bdag byin gyis brlabs nas su/ /rdo rje sku ni mdzad du
4b6 gsol//phyogs bcur bzhugs pa'i sangs rgyas rnams/ /rdo rje mi phyed gsum bsgoms pas/ /deng bdag byin gyis brlabs nas su/ /rdo rje sku ni mdzad du gsol/ /spyan dang lhan cig ldan pa yi/ /rnam par snang mdzad bsams nas su/ /de bcug nas ni byin brlabs te/ /
4b7 sku yi byin gyis brlab pa brtsam/ /sangs rgyas kun gyi sku gang yin/ /phung po lnga yis rab gang ba/ /sangs rgyas sku yi ngo bo yis/ /bdag kyang de dang 'dra bar shog /oM sarba ta thA ga ta kA ya badzra swa b+hA wa At+ma kou0f85haM/ AH ni kha dog dmar ldan pas / /lce yi pad+mar rnam
5a1 bsams te//gos dkar zhes bya nam mkha' ru/ /spros nas nam mkha'i khams rnams dgang / /gsung gi rdo rje'i sngags pa ni/ /nam mkha'i dbus na bzhugs pa la/ /de nas sngags pas tshigs bcad 'di/ /gnyis brjod nas ni gsol ba gdab/
5a2 chos kyi gsung lam dpal dang ldan/ /rdo rje mi phyed gsum bsgoms pas/ /deng bdag byin gyis brlabs nas su/ /rdo rje gsung du mdzad du gsol/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms pas/ /deng bdag byin gyis brlabs nas su/ /rdo rje
5a3 gsung du mdzad du gsol//gos dkar mo dang lhan cig nyid/ /rang gi gtso bor yang dag ldan/ /lce la zhugs par rab bsams te/ /gsung gi byin gyis brlab pa brtsam/ /rdo rje chos kyi gsung gang yin/ /nges pa'i tshig ni phun sum tshogs/ /bdag gi tshig kyang de 'dra zhing / /chos
5a4 'dzin pa dang 'dra bar shog /oM sarba ta thA ga ta wA ka badzra swa b+hA wa At+ma kou0f85haM/ sngags pas snying gar nyi ma yi/ /gzugs brnyan 'bar ba bsam bya ste/ /der ni mthing shun lta bu yi/ /'od zer lngar ldan hUM dgod do/ /de las lha mo mA ma kI/ /tshogs dang bcas pa dbyung bar bya/ /de bzhin
5a5 thugs kyi rdo rje bsgom//de la sngon bzhin gsol ba gdab/ /dpal ldan rdo rje thugs 'chang ba/ /rdo rje mi phyed gsum bsgoms pas/ /deng bdag byin gyis brlabs nas su/ /rdo rje thugs su mdzad du gsol/ /phyogs bcur bzhugs pa'i sangs rgyas rnams/ /rdo rje mi phyed
5a6 gsum bsgoms pas//deng bdag byin gyis brlabs nas su/ /rdo rje thugs su mdzad du gsol/ /mA ma kI tshogs ma lus pa/ /rdo rje thugs dang yang dag ldan/ /snying gar yang ni bcug nas su/ /thugs kyi byin gyis brlab pa brtsam/ /kun du bzang po'i thugs gang yin/ /
5a7 gsang ba'i bdag po blo ldan pa/ /bdag kyang de dang 'dra gyur cig /rdo rje 'dzin dang mtshungs par shog /oM sarba ta thA ga ta tsit+ta badzra swa b+hA wa At+ma kou0f85haM/ de ltar rigs gsum dbye ba yis/ /so sor byin gyis brlabs nas ni/ /blo dang ldan pas gsang sngags 'dis/ /slar yang
5b1 thams cad bdag nyid bya//oM sarba ta thA ga ta kA ya wA ka tsit+ta badzra swa b+hA wa At+ma kou0f85haM/ de ltar bdag nyid byin gyis brlabs/ /zla ba'i dkyil 'khor dbus gnas pa'i/ /mtshan ma drug dang yang dag ldan/ /dam tshig sems dpa' bsgom par bya/ /snying ga'i dbus su phra mo y
5b2 i//ye shes sems dpa' rnam par bsgom/ /ting 'dzin sems dpa' zhes bya ba'i/ /yi ge hUM ni de ru dgod/ /sems dpa' gsum gyi bdag nyid can/ /de ltar sbyor ba cher bskyed nas/ /cho ga'i sbyor ba 'di yis ni/ /sgrub pa chen po brtsam par bya/ /gzugs bzang
5b3 gzhon pas brgyan pa ni//sme sha can ni bdag nyid che/ /bu mo ut+pal mthing ga'i mdog /mig yangs dam pa rnyed nas ni/ /mnyam par bzhag cing legs par bslab/ /sgrub pa po la shin tu mos/ /oM ni spyi bor bsam par bya/ /AH ni ngag gi lam la dgod/ /hUM ni snying
5b4 gar bsam bya zhing //lte bar swA dang rkang gnyis hA/ /spyan dang mA ma kI dang ni/ /de bzhin du ni gos dkar mo/ /sgrol ma yang ni sngags pa yis/ /sa la sogs la rnam par dgod/ /lha mo rdo rje gzugs la sogs/ /de nyid la ni rnam bsams la/ /sa snying la sogs de
5b5 rnams dang //snyoms par 'jug pa bsgom par bya/ /lag g.yas rdo rje ro langs ma/ /g.yon la gzhan gyi mi thub ma/ /de yi khar ni khro gnyer ma/ /gsang bar ral pa gcig ma'o/ /gzhan yang dpung pa g.yas par ni/ /de bzhin gshegs yum rdo rje ma/ /g.yon du sna tshogs
5b6 rin chen gyi//phyag rgya dag ni bsgom par bya/ /pus mo g.yas la gnas par yang / /sna tshogs pad+ma de bzhin gshegs/ /g.yon pa la ni sna tshogs las/ /spyi bor nam mkha'i rdo rje ma/ /rkang pa gnyis la sa yi ni/ /sa 'dzin lha mo gzhag par bya/ /de ltar 'dus byas
5b7 rnal 'byor pas//rdo rje pad+ma yang dag brtsam/ /hUM gi sngags skyes rdo rje ni/ /rtse mo mnga' ba bsam par bya/ /de tshe de yi rtse dbus su/ /oM ni rnam par bsam par bya/ /de bzhin a las byung ba yi/ /pad+ma 'dab ma brgyad pa ni/ /'od zer lnga yis khyab bsams la/ /de 'og sgrub pa
6a1 brtsam par bya//oM sarba ta thA ga tA nu rA ga Na badzra swa b+hA wa At+ma kou0f85haM/ rdo rje 'dzin pa'i nga rgyal legs 'chang ste/ /hUM gi glu yis kyang ni bskyod bya zhing / /rang gi byang chub sems nyid phyung ba'i tshe/ /des ni phaT kyi gsang sngags brjod par bya/ /phyung nas slar y
6a2 ang sngags pas ni//phyogs bcur bzhugs pa'i sangs rgyas rnams/ /byang chub sems kyis mchod nas ni/ /gsang sngags 'di ni brjod par bya/ /oM sarba ta thA ga ta pU dza badzra swa b+hA wa kou0f85haM/ rang sngags yi ge las dbyung ba/ /rdo rje gsum gyis byin brlabs bdag /
6a3 pad+ma'i dbus su bskyed nas ni/ /slar yang zhe sdang rdo rjer gyur/ /badzra d+h+r-ika sngags kyis dbyung ba/ /mi bskyod rdo rje bsam pa yang / /mgon po ral pa thor tshugs can/ /mi bskyod pas ni dbu rgyan byas/ /mthing shun bzang po'i mdog ltar snang / /sngo nag dkar dang dmar ba'i
6a4 zhal//rgyan rnams thams cad yongs su rdzogs/ /phyag drug par ni rnam par bsgom/ /rdo rje 'khor lo pad+ma ni/ /g.yas pa'i phyag tu bsam bya zhing / /dril bu rin chen ral gri ni/ /de yi g.yon la bsam par bya/ /'di ni thugs ka las byung nas/ /phyogs bcu rnams su gzigs
6a5 nas ni//chos kyi 'khor lo bskor ba dang / /sangs rgyas mdzad pa kun mdzad de/ /sems can ma lus kun sbyangs nas/ /zhe sdang rdo rje gnas la 'jog /slar byon rdo rje mgon po yi / /spyan snga ru ni 'dug par 'gyur / /sngags pas de yi snying ga ru/ /rjes zhugs bdag
6a6 nyid rnam bsgoms pas//snga ma'i gzugs ni yongs gyur nas/ /zhe sdang rdo rje gnas su zhugs/ /in+d+ra nI la'i 'od 'bar ba/ /nyi ma'i dkyil 'khor dbus su bzhugs/ /dpa' bo rang gi phyag rgyas 'khyud/ /rgyan rnams kun gyis rnam par brgyan/ /drag po zhi dang 'dod
6a7 chags che//zhal gsum gyis ni rnam par mdzes/ /zhe sdang rdo rje ting 'dzin gnas/ /dkyil 'khor thams cad spro bar mdzad/ /dzi na dzikasngags kyis dbyung ba/ /gtso bo rnam par snang mdzad dbyung / /mi bskyod pa ni dbu rgyan byas/ /ston ka'i zla zer ltar snang zhing / /thor tshugs
6b1 cod pan dag gis brgyan//dkar dang nag dang dmar ba'i zhal/ /phyag drug zhi ba'i gzugs can te/ /'khor lo rdo rje pad+ma dag /g.yas pa la ni rnam par bsam/ /dril bu rin chen ral gri ni/ /'di yi g.yon du rnam par bsgom / /de bzhin thugs ka las byung ste/ /
6b2 gti mug spyod nas sems can rnams/ /yang dag sbyangs te slar byon nas/ /shar phyogs kyi ni zla bar bzhugs/ /rat+na d+h+r-ika sngags kyis dbyung ba/ /rin chen tog ni sngags pas dbyung / /zhi ba'i thor tshugs cod pan 'chang / /mi bskyod pas ni dbu rgyan byas/ / ser dang
6b3 gnag dang dkar ba'i zhal//phyag drug par ni rnam par bsgom/ /yid bzhin nor bu rdo rje dang / /'khor lo de yi g.yas su bsgom/ /dril bu pad+ma ser po dang / /ral gri g.yon du bsgom par bya/ /de bzhin thugs ka nas byung ste/ /nga rgyal gnas la gnas pa rnams/ /
6b4 yang dag sbyangs nas lho yi char/ /rin chen dbus su bzhugs par gsungs/ /A ro l-ika sngags kyis dbyung ba/ /mtha' yas rdo rje can dbyung ste/ /zhi ba pad+ma rA ga'i 'od / /mi bskyod pas ni dbu rgyan byas/ /mgon po ral pa thor tshugs can/ /dmar dang gnag dang
6b5 dkar ba'i zhal//sgeg pa'i nyams dang yang dag ldan/ /phyag drug par ni rnam par bsgom/ /g.yon pa'i phyag gis dril bu dang / /pad+ma sdong bu 'dzin par mdzad/ /pad+ma thugs ka'i phyogs gnas pa/ /g.yas pa yis ni 'byed par mdzad/ /rdo rje 'khor lo g.yas
6b6 gnyis la//rin chen ral gri g.yon gnyis la/ /sngon bzhin 'dod chags can sbyangs nas/ /rgyab kyi pad+ma la bzhugs 'gyur/ /pradz+nyA d+h+r-ika sngags kyis dbyung ba / /sngags pas don yod rdo rje can/ /mgon po sku mdog ljang gur dbyung / /mi bskyod pas ni dbu rgyan byas/ /
6b7 thor tshugs cod pan dag gis brgyan/ /ljang dang gnag dang dkar ba'i zhal/ /phyag drug 'od zer rnam par 'phro/ /ral gri sna tshogs rdo rje dang / /'khor lo g.yas su bsgom par bya/ /phyag g.yon na ni dril bu dang / /de bzhin pad ljang nor bu'o/ /log pa'i ngang can sems
7a1 can rnams//rnam par sbyangs nas slar byon te/ /de bzhin byang gi phyogs su ni/ /sna tshogs rdo rje dag la bzhugs/ /zhe sdang gti mug de bzhin chags/ /yid bzhin nor bu dam tshig ste/ /rigs ni lnga po 'di dag nyid/ /'dod dang thar par rab sgrub pa'o/
7a2 mo ha ra ti sngags kyis dbyung / /lha mo spyan ni dbyung bar bya/ /dkar zhing zhi ba'i nyams dang ldan/ /rnam snang mdzad kyis spyi bor mtshan/ /dkar dang gnag dang dmar ba'i zhal/ /phyag drug par ni rnam par bsgom/ /'khor lo rdo rje de bzhin du/ /ut+pal dkar po g.yas su
7a3 bsam//dril bu de bzhin rin chen dang / /ral gri g.yon du bsgom par bya/ /de bzhin thugs ka nas byung ste/ /phyogs bcu dag tu gzigs nas ni/ /gdon dang nad gdungs 'jigs pa rnams/ /thugs rje chen pos zhi mdzad de/ /sA ra byon nas ni zla dkyil du/ /shar
7a4 gyi mtshams su bzhugs par gyur //dwe Sha ra ti'i sngags kyis dbyung / /lha mo mA ma kI dbyung ste/ /ut+pal sngon po'i 'dab ltar sngo/ /bzhin bzangs shin tu yid du 'ong / /gnag dang dkar dang dmar pa ste/ /mi bskyod pas ni dbu rgyan byas/ /'khor lo rdo rje de bzhin du/ /
7a5 ut+pal sngo dmar g.yas pa la/ /dril bu rin chen ral gri ni/ /g.yon gyi phyag na bsnams par mdzad/ /bgegs chen 'jigs pas gzir ba rnams/ /thugs rje chen pos srung bar mdzad/ /byung nas slar ni byon nas su/ /lho nub tu ni bzhugs par gyur/ /rA ga ra ti'i sngags
7a6 kyis dbyung //gos dkar mo ni dbyung bya ste/ /zhal ni dmar dang gnag dang dkar/ /pad+ma rA ga'i 'od dang ldan/ /'od dpag med bcas ral pa'i tshogs/ /phyag drug pa ni rnam bsgoms te/ /g.yon pa dril bur bcas pa yis/ /ut+pal sdong bu 'dzin mdzad la/ /thugs
7a7 kar gnas pa'i ut+pal//dmar po g.yas kyis 'byed par mdzad/ /rdo rje 'khor lo g.yas dag la/ /nor bu rin chen ral gri g.yon/ /bsnams par mdzad pa phyung nas ni/ /gdon gyis nyen pa zhes mdzad de/ /slar byon pad+ma'i dbus nyid du/ /nub byang mtshams su bzhugs par
7b1 'gyur//badzra ra ti'i sngags kyis dbyung / /yid 'ong sgrol ma dbyung bya ste/ /ljang dang gnag dang dkar ba'i zhal/ /dUr ba'i lo ma'i mdangs dang ldan/ /don yod pas ni gtsug tor byas/ /phyag drug par ni rnam par bsgom/ /sna tshogs rdo rje 'khor lo dang / /
7b2 ut+pal dkar po g.yas pa na/ /dril bu rin chen ral gri ni/ /brtul zhugs can gyis g.yon du bsam/ /sems can thams cad dbang mdzad de/ /sna tshogs rdo rje'i gdan la yang / /byung nas slar ni byon nas su/ /byang shar mtshams su bzhugs par 'gyur/ /rnal 'byor
7b3 pas ni rim gnyis par//gzugs rdo rje la sogs pa dbyung / /me yi mtshams su dgod bya ba/ /rdo rje gzugs ni yid 'ong ba/ /zhal gsum phyag drug dkar ba ste/ /dbu rgyan rnam par snang mdzad dpal/ /gnyis kyis me long 'dzin mdzad de/ /lhag ma gti mug dag
7b4 dang mtshungs//bden bral phyogs dgod lha mo ni/ /rdo rje sgra ste phyag drug ma / /zhal gsum sku mdog ser mo ste/ /dbu rgyan rin chen 'byung ldan yin/ /phyag gnyis kyis ni bi wang bsnams/ /lhag ma mA ma kI dang mtshungs/ /rlung gi phyogs dgod lha mo ni/ /rdo rje
7b5 dri ste phyag drug ma //zhal gsum sku mdog dmar mo ste/ /snang mtha' yas kyi thor tshugs can/ /phyag gnyis kyis ni dung bsnams te/ /lhag ma gos dkar can dang mtshungs/ /dbang ldan phyogs dgod lha mo ni/ /rdo rje ro ste phyag drug ma / /zhal gsum sku mdog ljang
7b6 gu ste//dbu rgyan la ni [(]rda [,]rnga [)]sgra bzhugs/ /phyag gnyis la ni ro yi snod/ /lhag ma sgrol ma lta bu yin/ /rdo rje sems dpa' legs 'khyud de/ /'khor lo'i dbus na rab bzhugs par/ /rdo rje reg bya bsam bya ste/ /zhal sogs bdag po lta bu'o/ /rim pa gsum pa
7b7 shar gyi ni//snam bur brtul zhugs can gyis dbyung / /maiM th+liM sa bon las byung ba/ /byams pa sa yi snying po gnyis/ /oM gyi sa bon las byung ba/ /phyag na rdo rje mkha' snying po/ /lho yi phyogs kyi snam bu la/ /go rims bzhin du dgod par bya/ /oM dang hUM las yang dag byung / /'jig rten
8a1 dbang po 'jam pa'i dbyangs//'di dag nub tu dbyung bar bya/ /byang gi phyogs su dbyung ba ni/ /oM dang saM ki sa bon skyes/ /sgrib sel kun du dbang por bcas/ /'di dag dbu rgyan rang gi mgon/ /sku mdog sogs pa de dang mtshungs/ /phyag dang mtshon cha dag kyang ni/ /rang rang gi ni bdag por mtshungs/ /
8a2 byams pa 'ba' zhig g.yas pa na/ /klu shing me tog bsnams par mdzad/ /'di dag skye mched rnam sbyangs shing / /lha yi mig sogs stsol ba po/ /sems can skye mched sbyangs nas su/ /slar byon nas ni stan la bzhugs/ /ya mAn+ta kr-ita sngags kyis ni/ /sngags pas gshin
8a3 rje gshed dbyung ba//rnam par snang mdzad dbu rgyan can/ /zhal ni gnag dang dkar dang dmar/ /'bar ba'i tshogs kyis rnam par 'khrigs/ /dbyug pa rdo rje 'khor lo rnams/ /phyag g.yas na ni bsnams par mdzad/ /thugs kar sdigs mdzub zhags pa dang / /dril bu dgra sta
8a4 g.yon pa na//g.yon brkyang pa yi gnas pa yis/ / dbang po la sogs tshogs bcas dang / /mi bzad bgegs kyang skrag par mdzad/ /pad+ma nyi ma mnan nas ni/ /shar gyi phyogs su bzhugs par gyur/ /pradz+nyA n+ta kr-ita sngags kyis ni/ /rin chen 'byung ldan dbu rgyan can/ /
8a5 sku mdog dkar zhing nor bus brgyan/ /gzhan gyis mi thub sngags kyis dbyung / /gsus khyim che zhing spyan gsum pa/ /dkar dang gnag dang dmar ba'i zhal/ /mche ba gtsigs shing rnam par 'gyur/ /'bar ba'i tshogs kyis rnam par 'khrigs/ /rdo rje dbyug pa ral gri
8a6 ni//g.yas kyi phyag na bsnams par mdzad/ /snying gar sdigs mdzub zhags pa dang / /dril bu dgra sta g.yon pa na/ /g.yon brkyang ba yi gnas pa yis / /mi bzad bgegs ni skrag par mdzad/ /pad+ma nyi ma mnan nas ni/ /lho yi phyogs su bzhugs par gyur/ /pad+mA n+ta
8a7 kr-ita sngags kyis ni//brtul zhugs can gyis rta mgrin dbyung / /spyan gsum pad+ma rA ga'i mdog /zhal ni dmar dang gnag dang dkar/ /zhal gdangs gsus khyim che ba dang / /'od dpag med pa'i cod pan can/ /dpa' bo g.yon brkyang ba yis gnas/ /'bar ba'i tshogs
8b1 ni rnam par 'khrugs//pad+ma ral gri gtun shing ni/ /g.yas kyi phyag na bsnams par mdzad/ /bsnyems dang bcas pas dril bu dang / /dgra sta zhags pa g.yon na bsnams/ /pad+ma nyi ma la gnas te/ /phyogs bcu dag tu gzigs nas ni/ /klu rnams skrag par
8b2 mdzad nas su//nub kyi phyogs su bzhugs par 'gyur/ /big+h+nAn+ta kr-ita sngags kyis ni/ /rnga sgra'i cod pan yang dag ldan/ /ut+pal sngon po'i 'dab ltar ljang / /bdud rtsi'i 'khyil pa dbyung bar bya/ /zhal ni sngo dang dmar dang dkar/ /zhal gdangs pa ni rnam par 'gyur/
8b3 gsus khyim che zhing spyan gsum pa/ /'bar ba'i 'od kyis rnam par brgyan/ /sna tshogs rdo rje 'khor lo dang / /gtun shing rnams ni g.yas pa na/ /sdigs mdzub zhags par bcas pa dang / /dril bu dgra sta g.yon na bsnams/ /g.yon brkyang ba yi gnas pa yis/ /
8b4 pad+ma nyi ma mnan nas ni/ /byang gi phyogs su bzhugs par gyur/ /rang gi sngags kyis bskyed pa yis/ /mi g.yo ba yang dbyung bar bya/ /spyan gsum in+d+ra nI la'i mdog /dbu rgyan rnam par snang mdzad dpal/ /mche ba rnam par gtsigs pa'i zhal/ /zhal ni gnag
8b5 dang dmar dang dkar//mi bzad ha ha zhes bzhad sgra/ /gsus khyim che zhing stobs po che/ /ral gri rdo rje 'khor lo rnams/ /g.yas pa'i phyag na bsnams par mdzad/ /sdigs mdzub dang ni dgra sta dang / /zhags pa g.yon pa'i phyag na bsnams/ /rims sogs 'jigs
8b6 pa'i gdon 'joms te//g.yon brkyang pa yi gnas pa yis/ /pad+ma nyi ma la gnas nas/ /shar lho mtshams su bzhugs par gyur/ /rang gis nags kyis bskyed pa yi / /brtul zhugs can gyis 'dod rgyal dbyung / /drag po in+d+ra nA la'i mdog /rin chen 'byung ldan
8b7 dbu rgyan can//zhal ni gnag dang dmar dang dkar/ /spyan gsum mche ba 'jigs su rung / /phyag gnyis rdo rje hUM mdzad kyang / /phyag rgya dag ni 'ching bar mdzad/ /rdo rje ral gri g.yas dag na/ /g.yon na zhags pa lcags kyu'o/ /bden bral bgegs ni 'joms pa'o/ /g.yon
9a1 brkyang gnas pas nyi mar bzhugs//rang gi sngags kyis bskyed pa yi / /brtul zhugs can gyis dbyug sngon bskyed/ /spyan gsum sprin sngon lta bu ste/ /'od dpag med pa'i dbu rgyan can/ /zhal ni sngo dang dkar dang dmar/ /gsus khyim che zhing
9a2 'jigs par mdzad//dbyug pa ral gri 'khor lo ni/ /g.yas kyi phyag na bsnams par mdzad/ /snying gar sdigs mdzub zhags pa dang / /dgra sta rnams ni g.yon na bsnams/ /yams kyi 'jigs pa bsal nas ni/ /gtum po g.yon brkyang gnas pa yis/ /pad+ma
9a3 nyi ma la gnas te//nub byang mtshams su bzhugs par gyur / /rang gi sngags kyis bskyed pa yi / /rnga sgra yis ni dbu rgyan can/ /stobs po che ni sngags pas dbyung / /ut+pal sngon po'i mdog 'dra ba/ /zhal ni gnag dang dmar dang dkar/ /spyan gsum 'jigs pa'i
9a4 sgra dang ldan//yan lag thams cad sprul gyis brgyan/ /gsus khyim che zhing 'jigs par byed/ /dbyug pa ral gri 'khor lo ni/ /g.yas kyi phyag na bsnams par mdzad/ /snying gar sdigs mdzub zhags pa dang / /dgra sta rnams ni g.yon na bsnams/ /g.yon
9a5 brkyang ba yi gnas pa yis//mkha' 'gro la sogs 'jigs pa 'joms/ /pad+ma nyi ma la gnas te/ /byang shar mtshams su bzhugs par gyur/ /rang gi sngags kyis bskyed pa yi/ /gtsug tor 'khor los sgyur ba dbyung / /mkha' ltar sngo bsangs 'jigs pa po/ /
9a6 mi bskyod pas ni dbu rgyan byas/ /zhal ni sngo dang dmar dang dkar/ /gtso bo spyan gsum gsus pa 'phyang / /g.yas g.yon gnyis kyi phyag gnyis kyis/ /spyi bor gtsug tor 'dzin par mdzad/ /rdo rje pad+ma g.yas dag na/ /sdigs mdzub ral gri g.yon na bsnams/ /
9a7 'tshe ba thams cad rnam 'jigs can / /gtum po g.yon brkyang gnas pa yis/ /pad+ma nyi ma la gnas te/ /tshangs pa'i gnas su de bzhugs pa'o/ /rang gi sngags kyis bskyed pa yi/ /brtul zhugs can gyis gnod mdzes dbyung / /spyan gsum nam mkha' lta bu'i mdog /
9b1 zhal ni gang dang dmar dang dkar/ /gsus khyim che zhing 'jigs pa'i zhal/ /mi bskyod pas ni dbu rgyan byas/ /rdo rje 'khor lo rin chen ni/ /g.yas pa'i phyag na 'dzin par mdzad/ /snying gar sdigs mdzub zhags pa dang / /pad+ma ral gri g.yon na bsnams/ /rgyu ba
9b2 dang ni gnas pa'i dug /ka la ku ta sogs kun dang / /bgegs kyi bdag po kun bcom ste/ /thams cad zhi bar mdzad nas ni/ /ma lus bka' ni rdzogs byas la/ /g.yon brkyang pa yi gnas pa yis/ /pad+ma nyi ma la gnas te/ /sa yi 'og tu de bzhugs so/ /lha
9b3 ni sum cu gnyis rang bzhin//dkyil 'khor thams cad bskyed nas ni/ /'khor lo'i dbus su gnas gyur na/ /de nas phra mo'i rnal 'byor brtsam/ /sna yi rtse mor yungs kar bsam/ /'gro dang mi 'gro yungs kar la/ /gsang ba'i sngags kyis brtags pa yi/ /
9b4 ye shes mchog gi gnas bsgom mo/ /rin chen kha dog sna lnga la/ /yungs kar gyi ni 'bru tshod tsam/ /sna yi rtse mor nan tan du/ /rnal 'byor rig pas rtag tu bsgom/ /rin chen brtan par gyur nas spro/ /brtan par ma gyur de mi spro/ /sangs rgyas 'bar ba'i 'od mnyam pa/ /
9b5 rab mchog sprin ni spro bar bya/ /slong mo za zhing mi bzlas te/ /ma bslangs pa la'ang chags mi bya/ /'dod pa kun las longs spyod cing / /sngags kyi yan lag ma nyams bzlas / /brjod nas rdo rje spro ba ni/ /rdzogs nas rab tu bsdu bar bya/ /'di ni sangs rgyas thams cad kyi/ /
9b6 don dam pa yi bzlas par bshad/ /phra mo'i rnal 'byor bzlas pa yang / /ci 'dod par ni rnam gnyis bya/ /slar yang sngags pas bdag nyid ni/ /de bzhin nyid la gzhug par bya/ /de nas dkyil 'khor gnas pa 'di/ /lha mos bdag po ma mthong bas/ /tshigs su bcad pa
9b7 'di bzhi yis//bde ba chen po skul bar byed/ /sems can khams na gnas kyi dbang phyug khyod ni rdo rje'i thugs/ /dga' ba yid 'ong don chen 'dod pas bdag la bskyab tu gsol/ /mgon po gal te de ring bdag ni gson par mchis bzhed na/ /sems can yab chen gnyen
10a1 mchog bdag la dgyes par mdzad du gsol//rdo rje sku khyod bka' yi 'khor lo sems can kun la phan/ /sangs rgyas don du byang chub mchog bsgrub rab tu phan par gzigs/ /mgon po gal te de ring bdag ni gson par mchis bzhed na/ /
10a2 'dod chags dam tshig chags pas bdag la dgyes par mdzad du gsol/ /khyod ni rdo rje gsung ste kun la phan zhing thugs brtse ba/ /'jig rten dag gi dgos pa'i don mdzad pa la rtag tu brtson/ /mgon po gal te de ring bdag ni gson par mchis bzhed na/ /spyod
10a3 pa dri med kun du bzang pos bdag la dgyes par mdzod//khyod ni rdo rje'i thugs te dam tshig mchog gi phan don che/ /yang dag rdzogs sangs rgyas kyi gdung mchog mnyam pa nyid gzigs pa/ /mgon po gal te de ring bdag ni gson par mchis bzhed na/ /yon tan rin chen
10a4 mang po'i gter gyur bdag la dgyes par mdzod//de ltar yang dag yon tan ni/ /brjod pas mgon po de bskul nas/ /mi bskyod la sogs ngo bo yis/ /de bzhin gshegs pa bstod par mdzad/ /mi bskyod pa ni rdo rje che/ /rdo rje dbyings ni mkha' chen po/ /rdo rje
10a5 gsum mchog dkyil 'khor gsum//gsang ba'i dbyangs la phyag 'tshal lo/ /rnam par snang mdzad rab tu dag /rdo rje zhi ba dga' ba che/ /rang bzhin gyis ni 'od gsal mchog /ston pa rdo rje phyag 'tshal lo/ /rin chen rgyal po rab tu zab/ /rdo rje nam mkha' dri ma
10a6 med//dngos nyid dag pa gos med pa/ /gsang ba'i gsung la phyag 'tshal lo/ /rdo rje mi 'chi 'dod chags che/ /mi rtog nam mkha'i rdo rje 'dzin/ /'dod chags pha rol phyin pa brnyes/ /rdo rje gsungs la phyag 'tshal lo/ /rdo rje dga' ba gdon mi za/ /bsam pa thams cad
10a7 yongs rdzogs pa//sangs rgyas ngo bo nyid las byung / /rdo rje sems dpa' phyag 'tshal lo/ /de nas 'khor lo sangs rgyas kyis bstod gsol/ /mchog tu gsang ba ji bzhin don spyad nas/ /rang gi 'khor lo la ni 'khor lo gzhug /mgon po bde ba chen po gcig po bzhugs/
10b1 de ltar rnal 'byor bzhi byed rnal 'byor pa/ /hUM gi snying pos 'jig rten rab tu bsgom/ /de byung 'gro kun rdo rje sems dpar bsam/ /langs nas 'gro la bltas te ji bzhin spyad par bya/ /sngags pas ting 'dzin dmigs pa'i tshe/ /gang tshe lus ni bskams gyur na/ /lus ngag
10b2 yid ni tshim byed pa'i//sbyor ba 'di ni bsgom par bya/ /mtho gang tsam gyis dpags pa ru/ /spyi bor dkyil 'khor bsgom par bya/ /bdud rtsi lnga ni nges 'bebs pa'i/ /oM ni de ru bas mkhar bya/ /rdo rje sbyor ba 'di yis ni/ /skad cig gis ni gzi can 'gyur/ /lus
10b3 ngag yid ni bde ba dag /thob 'gyur 'di la the tshom med/ /de ltar slob pa'i sngags pa yis/ /sbyangs dang de bzhin rtogs par bya/ /lkog ma snying ga legs sbyangs shing / /de bzhin gshegs rnams tshim par bya/ /hUM gis legs par sbyangs byas la/ /yi ge AH yis
10b4 rtogs byas te//oM gyis mnan nas sbar bar bya/ /'di ni kha zas sbyang bya ba'o/ /dang po mgrin pa'i mtshams bsam pa/ /der ni hrIH las byung ba yi/ /pad+ma 'dab ma brgyad pa bsgom/ /lte ba'i nang du yi ge hUM/ /hUM las skyes pa'i rdo rje che / /rtse mo lnga pa rnam par bsam/ /
10b5 rtse mo dbus ma'i steng du ni/ /oM bsam lkog ma sbyang ba'o/ /sprin gyi sgra ni snying gar bsam/ /rtse gsum me ni de la spro/ /der ni bza' ba bsreg pa dag /'di ni nang gi sbyin sreg yin/ /rlung gis me ni sbar byed pa/ /der ni tshu gang 'tshed par byed/ /dbang chen dkyil 'khor gnas su ni/ /
10b6 gang du me ni rgyu ba dag /bza' ba dang ni btung ba rnams/ /gang ci rung ba chu'i dkyil 'khor/ /bza' ba kha yi pad+ma las/ /snying ga'i pad+mar yang dag gzhug /lte ba'i dkyil 'khor phyin 'og tu/ /kha sbyar ba yi sbyor ba yis / /gsang ba'i pad+ma las byung ba/ /thal pa'i mthar ni
10b7 rnam par brtag /rims nad med cing nad kyang med/ /dug la sogs pas mi 'chi la/ /de ni dus min 'chi mi 'gyur/ /'tshe ba thams cad rnam 'joms pa'o/ /rdo rje phreng ba dpal mchog srub shing gis/ /gsang 'dus sbas chu'i rgya mtsho bsrubs pa las/ /sgrub pa'i yan
11a1 lag bdud rtsi gang thob des//'jig rten ma lus 'chi med myur thob shog /sgrub pa'i thabs mdor byas pa slob dpon chen po klu sgrub kyis mdzad pa rdzogs so// //rgya gar gyi mkhan po A tsAr+ya shrad+d+hA ka ra warma dang / zhu chen gyi lo tsA ba ban+de rin chen
bzang pos bsgyur cing zhus te gtan la phab pa/