བོད་ཡིག |
244b4 @##/ /rgya gar skad du/ Ar+ya saM br-i ti pa ra mAr+tha sat+ya nir de sha nA ma ma hA yA na sU tra/ bod skad du/ 'phags pa kun rdzob dang don dam pa'i bden pa bstan pa zhes bya ba theg pa chen po'i
244b5 mdo/bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na/ bya rgod kyi phung po'i ri la dge slong brgyad stong gi dge slong gi dge 'dun chen po dang /
244b6 byang chub sems dpa' bdun khri nyis stong dang / 'dod pa na spyod pa dang / gzugs na spyod pa'i lha'i bu rnams dang thabs cig tu bzhugs te/ de nas bcom ldan 'das 'khor brgya stong du mas yongs su bskor cing mdun gyis bltas nas chos ston to/ /de nas lha'i bu rab tu
244b7 zhi ba rnam par dul ba'i dbang phyug ces bya ba 'khor der 'dus par gyur te 'dug pa des/bcom ldan 'das kyi zhabs la spyi bos phyag 'tshal te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das
245a1 'jam dpal gzhon nur gyur pa da ltar gang na mchis bcom ldan 'das bdag dang 'khor mang po 'di rnams kyang skyes bu dam pa des chos bstan par rab tu 'tshal lo//bcom ldan 'das kyis bka' stsal pa/ lha'i bu sangs rgyas kyi zhing 'di nas shar phyogs su
245a2 sangs rgyas kyi zhing stong phrag bco brgyad 'das pa na/'jig rten gyi khams rin po che dang ldan pa zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas rin po che'i tog ces bya ba da ltar bzhugs pa 'tsho zhing gzhes la chos kyang ston to/ /
245a3 'jam dpal gzhon nur gyur pa'ang da ltar de na 'dug go/ /de skad ces bka' stsal pa dang / bcom ldan 'das la lha'i bu rab tu zhi ba rnam par dul ba'i dbang phyug gis 'di skad ces gsol to/ /bcom ldan 'das 'jam dpal gzhon nur gyur pa la ci nas de mtshan ma rig pas
245a4 'dir mchi bar sems pa de lta bu'i mtshan ma zhig mdzad na legs so//de ci'i slad du zhe na/ bcom ldan 'das ji ltar 'jam dpal gzhon nur gyur pa las thos pa lta bur nyan thos dang rang sangs rgyas thams cad dang / byang chub sems dpa' dmigs pa can rnams las/ de lta
245a5 bu'i chos bstan pa mi thos te/de bzhin gshegs pa ma gtogs par gzhan su yang de lta bur chos ston mi nus so/ /bcom ldan 'das nam 'jam dpal chos ston pa de na bdud kyi khang pa thams cad mog mog por 'gyur ro/ /bdud thams cad kyis kyang glags mi rnyed do/ /
245a6 pha rol rgol ba thams cad kyang shin tu tshar chod par 'gyur ro/ /dmigs pa can rnams kyang dmigs pa ma mchis par 'gyur ro/ /dam pa'i chos kyang yun ring du gnas par 'gyur ro/ /de bzhin gshegs pa yang de la rjes su yi rang zhing rab tu gzung ba mdzad do/ /de nas
245a7 bcom ldan 'das kyis lha'i bu rab tu zhi ba rnam par dul ba'i dbang phyug gsol ba 'debs par mkhyen nas/zhal gyi mdzod spu nas 'od zer gcig btang ste/ des stong gsum gyi stong chen po'i 'jig rten gyi khams 'di snang ba chen pos snang bar byas nas/ sangs
245b1 rgyas kyi zhing stong phrag bco brgyad po de dag las thal te/bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i tog de'i sangs rgyas kyi zhing / 'jig rten gyi khams rin po che dang ldan pa zhes bya ba de snang ba chen pos khyab par byas
245b2 so//de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i tog bzhugs pa la/ byang chub sems dpa' sems dpa' chen po kha cig gis gsol pa/ bcom ldan 'das 'di ltar 'od chen po rab tu gda' ba 'di su'i
245b3 ltas sngon du byung ba lags/bcom ldan 'das rin po che'i tog gis bka' stsal pa/ rigs kyi bu sangs rgyas kyi zhing 'di nas nub phyogs su sangs rgyas kyi zhing stong phrag bco brgyad 'das pa na 'jig rten gyi khams mi mjed ces bya ba yod de/ de na bcom ldan 'das de
245b4 bzhin gshegs pa dgra bcom pa yang dag par rdzogs pa'i sangs rgyas shAkya thub pa da lta na bzhugs te/'tsho zhing gzhes la chos kyang ston to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa des zhal gyi
245b5 mdzod spu nas 'od zer gcig btang bas/'od zer gyi snang ba des sangs rgyas kyi zhing stong phrag bco brgyad las thal nas 'jig rten gyi khams 'di snang ba chen pos snang bar byas so/ /byang chub sems dpa' sems dpa' chen po de dag gis gsol pa/ bcom ldan
245b6 'das ci'i slad du de bzhin gshegs pa dgra bcom pa yang dag par rdzogs pa'i sangs rgyas des 'od zer 'di btang /bcom ldan 'das rin po che'i tog gis bka' stsal pa/ 'jam dpal gzhon nur gyur pa sbran pa'i phyir ro/ /de ci'i phyir zhe na/ 'jam dpal gzhon
245b7 nur gyur pa der 'ong bar bya ba'i phyir te/byang chub sems dpa' sems dpa' chen po bgrang ba las 'das pa rnams dang / lha dang / klu dang / gnod sbyin dang / dri za mang po la sogs pa 'khor der tshogs pa de dag 'jam dpal gzhon nur gyur pa la blta ba dang /
246a1 chos nyan par 'dod do/ /de nas de bzhin gshegs pa rin po che'i tog gis 'jam dpal gzhon nur gyur pa la 'di skad ces bka' stsal to/ /'jam dpal bcom ldan 'das de bzhin gshegs pa shAkya thub pa dang / 'khor de dag thams cad khyod la
246a2 lta 'dod kyis/'jig rten gyi khams mi mjed ces bya ba der song shig /'jam dpal gyis gsol pa/ bcom ldan 'das bdag gis kyang ltas sngon du byung ba 'di 'tshal to/ /de nas 'jam dpal gzhon nur gyur pa byang chub sems dpa' stong phrag bcu dang lhan cig
246a3 tu de bzhin gshegs pa rin po che'i tog gi zhabs la mgo bos phyag 'tshal te/bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i tog la lan gsum du bskor ba byas nas 'di lta ste/ skyes bu stobs po ches
246a4 lag pa bskum pa las rkyong ba'am/lag pa brkyang ba las skum pa bzhin du skad cig yud tsam thang cig de nyid kyis 'jig rten gyi khams mi mjed 'dir phyin te/ de bar snang la lus mi snang bar 'dug nas/ bcom ldan 'das de bzhin gshegs pa dgra bcom pa
246a5 yang dag par rdzogs pa'i sangs rgyas shAkya thub pa la mchod pa bya ba'i phyir/me tog sngon ma mthong ma thos pa/ dri zhim pa kha dog dang ldan pa yid du 'ong ba'i char chen po mngon par phab ste/ me tog gi char chen po phab pa des stong gsum gyi stong chen po'i 'jig rten
246a6 gyi khams 'di pus mo nub tsam du gang bar gyur to//de nas 'khor de thams cad me tog gi char chen po mthong nas ngo mtshar du gyur te/ bcom ldan 'das la gsol pa/ bcom ldan 'das su'i mthus 'di lta bur blta na sdug pa'i me tog gi char chen po mngon par
246a7 phab/bcom ldan 'das kyis bka' stsal pa/ 'di ni 'jam dpal gzhon nur gyur pa 'jig rten gyi khams rin po che dang ldan pa nas byang chub sems dpa' stong phrag bcu dang 'grogs te/ 'jig rten gyi khams mi mjed 'dir phyin nas de dag gi lus mi snang bar
246b1 de bzhin gshegs pa la mchod pa'i phyir 'di lta bu'i me tog gi char chen po mngon par phab po//'khor de dag gis gsol pa/ bcom ldan 'das 'jam dpal gzhon nur gyur pa de dang / byang chub sems dpa' sems dpa' chen po de dag bdag cag gis blta'o/ /
246b2 de nas 'jam dpal gzhon nur gyur pa/ byang chub sems dpa' stong phrag bcu dang lhan cig tu bar snang las babs te/ bcom ldan 'das kyi zhabs la mgo bos phyag 'tshal nas/ byang chub sems dpa' sems dpa' chen po de dag dang / 'jam dpal gzhon
246b3 nur gyur pa rang rang gi rdzu 'phrul gyis sprul pa'i stan la 'khod do//de nas lha'i bu rab tu zhi ba rnam par dul ba'i dbang phyug gis bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan
246b4 'das 'khor 'di dag nyan 'tshal na/bcom ldan 'das kyis bka' mchid kyi rgyud 'ga' zhig 'jam dpal gzhon nur gyur pa la smrar gsol/ bcom ldan 'das kyis bka' stsal pa/ lha'i bu khyod nyid kyis gang 'dod pa dris shig /lha'i bus smras pa/ 'jam dpal
246b5 bcom ldan 'das de bzhin gshegs pa rin po che'i tog de'i sangs rgyas kyi zhing na chos bstan pa ji lta bu dag 'byung na der mngon par dga'/'jam dpal gyis smras pa/ don dam par na 'dod chags bskyed pa'i phyir yang ma yin/ 'dod chags zad par bya ba'i
246b6 phyir yang ma yin no//don dam par na zhe sdang bskyed pa'i phyir yang ma yin/ zhe sdang zad par bya ba'i phyir yang ma yin no/ /don dam par na gti mug bskyed pa'i phyir yang ma yin/ gti mug zad par bya ba'i phyir yang ma yin no/ /don dam par na ye shes bskyed
246b7 pa'i phyir yang ma yin/ye shes zad par bya ba'i phyir yang ma yin no/ /lha'i bus smras pa/ 'jam dpal ci'i phyir/ 'jam dpal gyis smras pa/ lha'i bu mi skye ba la skye ba'am/ zad pa gang yang med do/ /lha'i bu don dam par na byang chub sems dpa'
247a1 sems dpa' chen po rnams la rnam par rtog pa skyes pa'am/skye ba'am/ skye bar 'gyur ba gang yang med do/ /de ci'i phyir zhe na/ don dam par na chos thams cad rang bzhin gyis ma skyes pa'i phyir ro/ /lha'i bus smras pa/ 'jam dpal de bzhin
247a2 gshegs pa de ci zhig spang ba'i phyir chos ston/'jam dpal gyis smras pa/ don dam par na rang bzhin gyis mi skye mi zad pa'i phyir de bzhin gshegs pa de chos ston to/ /de ci'i phyir zhe na/ byang chub sems dpa' sems dpa' chen po de dag ni don dam pa'i bden pa la lhur byed
247a3 pa yin gyi kun rdzob kyi bden pa la yang lhur byed pa ma yin no//lha'i bus smras pa/ 'jam dpal don dam pa'i bden pa gang yin/ 'jam dpal gyis smras pa/ lha'i bu gal te don dam par na don dam pa'i bden pa lus dang / ngag dang / yid kyi yul gyi rang
247a4 bzhin du 'gyur na ni don dam pa'i bden pa zhes bya ba'i grangs su mi 'gro ste/kun rdzob kyi bden pa nyid du 'gyur ro/ /'on kyang lha'i bu don dam par na don dam pa'i bden pa ni/ tha snyad thams cad las yang dag par 'das pa/ bye brag med pa/ ma skyes pa/ ma
247a5 'gags pa/smra bar bya ba dang / smra ba dang / shes par bya ba dang / shes pa dang bral ba'o/ /lha'i bu don dam pa'i bden pa ni rnam pa thams cad kyi mchog dang ldan pa dang / thams cad mkhyen pa'i ye shes kyi yul gyi bar las yang dag par 'das pa yin te/
247a6 lha'i bu de la rtog pa dang rnam par rtog pa thams cad 'jug pa'ang med/ ldog pa'ang med do/ /don dam par na de la pha rol yang med/ tshu rol yang med/ dbus kyang med de/ lha'i bu 'di ni don dam pa'i bden pa zhes sgro btags te brjod mod kyi/ ji ltar
247a7 don dam pa'i bden pa'o zhes bya ba ltar ni ma yin no//lha'i bu don ni don dam par mi skye ba ste/ de la tha snyad thams cad mi 'jug go/ /don dam par gang la tha snyad thams cad mi 'jug pa de ni lha'i bu don dam pa'i bden pa ste/ ji ltar don dam pa'i bden pa'o/ /
247b1 zhes brjod pa ltar na ma yin no/ /lha'i bu de bzhin gshegs pa dgra bcom pa yang dag par rdzogs pa'i sangs rgyas kyis kyang don dam par na chos thams cad dang / sgra thams cad ni te slu ba'i chos so zhes bka' stsal to/ /lha'i bus smras pa/ 'jam dpal ji ltar
247b2 de bzhin gshegs pas chos bshad pa de du mi 'gyur ram/'jam dpal gyis smras pa/ lha'i bu de bzhin gshegs pa ni don dam par na du'ang mi 'chad/ bden par yang mi 'chad do/ /de ci'i phyir zhe na/ lha'i bu don dam par na de bzhin gshegs pa ni ma skyes pa
247b3 ste/de don dam par na bden pa dang par mi 'chad do/ /lha'i bu de ji snyam du sems/ de bzhin gshegs pa'i sprul pas bshad pa de bden nam 'on te / lha'i bus smras pa/ 'jam dpal de bzhin gshegs pa sprul pas bshad pa ni bden pa'ang ma
247b4 yin pa'ang ma yin no//de ci'i phyir zhe na/ 'jam dpal don dam par na de bzhin gshegs pas sprul pa la yang dag par yongs su grub pa gang yang med do/ /'jam dpal gyis smras pa/ lha'i bu de de bzhin te/ de bzhin gshegs pas don dam par chos thams cad
247b5 yongs su ma grub par mkhyen to//gang don dam par yongs su ma grub pa de ni don dam par na bden pa zhes kyang mi bya/ pa zhes kyang mi bya'o/ /de ci'i phyir zhe na/ don dam par na chos thams cad ma skyes pa'i phyir ro/ /lha'i bus smras pa/ ci 'jam dpal
247b6 de bzhin gshegs pa don dam pa'i bden pa ston tam/'jam dpal gyis smras pa/ lha'i bu don dam pa'i bden pa ni bstan par mi nus so/ /de ci'i phyir zhe na/ gang ston pa dang gang gis ston pa dang ci ston pa dang / gang la ston pa dang / ci'i phyir ston pa'i chos de dag
247b7 thams cad don dam par na rab tu ma skyes pa'o//rab tu ma skyes pa'i chos rnams kyis ni rab tu ma skyes pa'i chos rnams bshad mi nus so/ /'jam dpal gzhon nur gyur pas don dam pa'i bden pa bstan pa 'di mi ston pa'i tshul gyis bstan pa na dge slong lnga brgya len pa med par
248a1 zag pa rnams las sems rnam par grol lo//byang chub sems dpa' sems dpa' chen po bgrang ba las 'das pa rnams ni mi skye ba'i chos la bzod pa ma skyes pa'i tshul gyis bzod pa skyes so/ /lha'i bus smras pa/ 'jam dpal don dam pa'i
248a2 bden pa la mos par dka'o//'jam dpal gyis smras pa/ lha'i bu don dam pa'i bden pa la ni dmigs pa can thams cad kyis mos par dka'o/ /lha'i bus smras pa/ 'jam dpal don dam pa'i bden pa khong du chud par dka'o/ /'jam dpal gyis smras pa/
248a3 lha'i bu mi brtson pas don dam pa'i bden pa khong du chud par dka'o/ /lha'i bus smras pa/ 'jam dpal ji ltar na dge slong mngon par brtson pa yin/ 'jam dpal gyis smras pa/ lha'i bu don dam par na nam yongs su shes pa dang / spang ba dang / bsgom pa
248a4 dang /mngon du bya ba'i phyir brtson par ma gyur na lha'i bu de ltar dge slong mi brtson pa'i tshul gyis mngon par brtson pa yin no/ /de ci'i phyir zhe na/ gang 'di snyam du don dam par 'di yongs su shes par bya'o/ /'di spang bar bya'o/ /'di bsgom par bya'o/ /'di mngon du
248a5 bya'o snyam du sems pa'i sbyor ba de ni mtshan ma dang bcas pa/spros pa dang bcas pa/ dmigs pa dang bcas pa/ nyon mongs pa dang bcas pa/ 'khrug pa dang bcas pa/ 'jigs pa dang bcas pa/ nad dang bcas pa/ sdug bsngal dang bcas pa/ zug rngu
248a6 dang bcas pa/dug dang bcas pa ste/ de'i sbyor ba de ni yang dag pa ma yin no/ /lha'i bus smras pa/ 'jam dpal yang dag par sbyor ba ni gang yin/ 'jam dpal gyis smras pa/ lha'i bu don dam par na de bzhin nyid dang / chos kyi dbyings dang / shin tu mi
248a7 skye ba gang dang mnyam pa/don dam par na mtshams med pa lnga po dag kyang de dang mnyam mo/ /don dam par na de bzhin nyid dang / chos kyi dbyings dang / shin tu mi skye ba gang dang mnyam pa/ don dam par na lta bar gyur pa rnams kyang de dang mnyam mo/ /don dam
248b1 par na de bzhin nyid dang /chos kyi dbyings dang / shin tu mi skye ba gang dang mnyam pa/ don dam par na so so'i skye bo'i chos rnams kyang de dang mnyam mo/ /don dam par na de bzhin nyid dang / chos kyi dbyings dang / shin tu mi skye ba gang dang mnyam pa/ don dam par na
248b2 slob pa'i chos rnams kyang de dang mnyam mo//don dam par na de bzhin nyid dang / chos kyi dbyings dang / shin tu mi skye ba gang dang mnyam pa/ don dam par na mi slob pa'i chos rnams kyang de dang mnyam mo/ /don dam par na de bzhin nyid dang / chos kyi dbyings dang /
248b3 shin tu mi skye ba gang dang mnyam pa/ don dam par na yang dag par rdzogs pa'i sangs rgyas kyi chos rnams kyang de dang mnyam mo/ /don dam par na yang dag par rdzogs pa'i sangs rgyas kyi chos rnams gang dang mnyam pa/ don dam par na de bzhin nyid dang / chos kyi dbyings dang /
248b4 shin tu mi skye ba'ang de dang mnyam mo/ /don dam par na yang dag par rdzogs pa'i sangs rgyas kyi chos rnams gang dang mnyam pa/ don dam par na mya ngan las 'das pa yang de dang mnyam mo/ /don dam par na mya ngan las 'das pa gang dang mnyam pa/ don dam par na 'khor
248b5 ba yang de dang mnyam mo//don dam par na 'khor ba gang dang mnyam pa/ don dam par na kun nas nyon mongs pa yang de dang mnyam mo/ /don dam par na kun nas nyon mongs pa gang dang mnyam pa/ don dam par na rnam par byang ba yang de dang mnyam mo/ /don dam par na
248b6 rnam par byang ba gang dang mnyam pa/don dam par na chos thams cad kyang de dang mnyam mo/ /de ltar don dam par na chos thams cad mnyam pa nyid la yang dag par sbyor ba'i dge slong ni lha'i bu don dam par na yang dag par sbyor ba zhes bya ste ji skad brjod pa bzhin du ni ma yin
248b7 no//lha'i bus smras pa/ 'jam dpal mnyam pa nyid gang gis don dam par na rnam par byang ba'i bar du gang dang mnyam pa don dam par na chos thams cad kyang de dang mnyam zhes bya/ 'jam dpal gyis smras pa/ don dam par na chos thams cad shin tu mi 'byung bar
249a1 mnyam pa dang /don dam par na chos thams cad shin tu mi skye bar mnyam pa dang / don dam par na chos thams cad shin tu dngos po med par mnyam pas/ lha'i bu don dam par na chos thams cad mnyam mo/ /de ci'i phyir zhe na/ lha'i bu don dam par na shin
249a2 tu mi 'byung ba nyid kyi phyir chos thams cad ni tha dad du bya ba med do//lha'i bu 'di lta ste dper na/ kham pa'i snod kyi nang gi nam mkha' gang yin pa dang / rin po che'i snod kyi nang gi nam mkha' gang yin pa de ni nam mkha'i khams nyid yin te/ de la don dam par na chung
249a3 zad kyang tha dad du bya ba med do//lha'i bu de bzhin nyid du nyon mongs pa gang yin pa de don dam par na shin tu mi 'byung ba nyid do/ /rnam par byang ba gang yin pa de yang don dam par na shin tu mi 'byung ba nyid do/ /don dam par na 'khor ba yang shin tu mi 'byung ba nyid do/ /don
249a4 dam par na mya ngan las 'das pa'i bar du yang shin tu mi 'byung ba nyid do//'di la don dam par na tha dad du bya ba kyang med do/ /de ci'i phyir zhe na/ /don dam par na chos thams cad shin tu mi 'byung ba'i phyir ro/ /lha'i bus smras pa/ 'jam dpal byang chub sems
249a5 dpa' sems dpa' chen pos 'phags pa'i bden pa dag la ji ltar brtson par bya/'jam dpal gyis smras pa/ /lha'i bu gal te byang chub sems dpa' sems dpa' chen po 'phags pa'i bden pa dag la brtson par mi byed na/ ji ltar nyan thos rnams la mi ston pa'i
249a6 tshul gyis chos ston//lha'i bu de lta mod kyi byang chub sems dpa' sems dpa' chen po'i bden pa sgom pa ni lta ba dang bcas pa'o/ /nyan thos kyi bden pa sgom pa ni mi lta ba'o/ /de ci'i phyir zhe na/ lha'i bu byang chub sems dpa' sems dpa' chen po rnams ni
249a7 kun rdzob tu sems can thams cad la lta ba ste//bden pa rnams mi sgom pa'i tshul gyis kyang sgom mod kyi/ dngos po med par dmigs pa'i rnam pas yang dag pa nyid kyi mtha' de yang mngon du mi byed do/ /kun rdzob tu thabs mkhas pa bsgrub pa'i phyir byang chub
249b1 sems dpa' sems dpa' chen po dag bden pa rnams la mi sgom pa'i tshul gyis sgom mo//kun rdzob tu 'khor ba dang / mya ngan las 'das pa'i bden pa yang mi 'dor la/ kun rdzob tu sangs rgyas kyi ye shes la so sor brtag pa'i phyir byang chub sems dpa' sems
249b2 dpa' chen po dag bden pa rnams la mi sgom pa'i tshul gyis kyang sgom mo//lha'i bu 'di lta ste/ dper na 'dron pa mang po bcings nas skyes bu gcig bros te/ 'dron pa mang po'i nang nas byung nas/ 'brog dgon par zhugs pa dang / de yid 'jigs shing skrag nas phyir mi
249b3 ldog par 'brog dgon pa las 'das so//lha'i bu de bzhin du nyan thos rnams 'khor bas 'jigs shing skrag nas 'khor ba las bros te/ 'jig rten 'dir phyir mi 'ong zhing gcig pu gnyis su med par bden pa sgom ste/ thabs kyi rigs pa dang bral bas sems can thams
249b4 cad la mi lta ba nas thams cad mkhyen pa'i ye shes kyi bar la mi lta ba'o//lha'i bu 'di lta ste/ dper na ded dpon g.yog mang po lam rgyags thams cad 'byor pa/ zong chen po bsdu ba'i phyir 'gro'o snyam nas skye bo mang po bsdus te/ de 'jigs shing skrag pa med par
249b5 'brog dgon pa de las 'da'o//lha'i bu de bzhin du byang chub sems dpa' sems dpa' chen po yang kun rdzob tu ded dpon chen po ltar 'jig rten gyi spyod pas/ sems can thams cad nye bar 'tsho ba/ g.yog mang po snying rje chen po'i sbyor ba can/ dge ba'i rtsa ba thams cad
249b6 kyi lam rgyags 'byor pa/pha rol tu phyin pa drug dang / bsdu ba'i dngos pos yongs su bzung zhing bla na med pa'i bsod nams dang ye shes yang dag par bsdu ba'i khe chen po dang ldan pa yang sems can gyi khams thams cad kyi don byed cing / sangs rgyas kyi zhing nas sangs
249b7 rgyas kyi zhing du 'gro ste/sems can thams cad nye bar 'tsho bar gyur cing thabs la mkhas pas bden pa rnams la sgom mo/ /lha'i bu 'di lta ste/ dper na sha na'i ras la me tog tsam pa ka dang me tog 'bar shi kas bsgos na de'i dri myur du yal bar 'gyur ro/ /
250a1 lha'i bu de bzhin du nyan thos kyi bden pa la sgom pa ni yun thung bar blta ste/ de myur du mya ngan las 'das nas sangs rgyas kyi tshul khrims dang / thos pa dang / ting nge 'dzin dang / shes rab dang ye shes kyi dri yang mi 'byin/ bag chags kyi mtshams sbyor
250a2 ba'i nyon mongs pa yang spong mi nus so//lha'i bu 'di lta ste/ dper na yul ka shi ka'i gos rin po che la/ mi dang lha'i spos dang / me tog gi dris bskal pa chen po brgya stong du bsgos na/ de'i lha'i dri de rtag tu bro zhing / dri gtsang mas lha dang mi zil gyis gnon to/ /
250a3 lha'i bu de bzhin du byang chub sems dpa' sems dpa' chen po'i bden pa sgom pa mi sgom pa'i tshul gyis bskal pa brgya stong grangs med par bsgoms pa ni/ rnam pa thams cad kyi mchog dang ldan pa thams cad mkhyen pa'i ye shes ma thob kyi bar du bar ma dor de yongs su mya ngan las
250a4 mi 'da' zhing 'di lta ste/rnam pa thams cad kyi mchog dang ldan pa thams cad mkhyen pa'i ye shes kyi dri mi dmigs pa'i tshul gyis shin tu dri zhim par 'gyur ro/ /'jig rten gyi tha snyad du nyon mongs pa'i bag chags thams cad kyang spong zhing / lha dang / mi dang / lha
250a5 ma yin du bcas pa'i 'jig rten rnams kyang 'du bar 'gyur ro//de nas lha'i bu rab tu zhi ba rnam par dul ba'i dbang phyug gis 'jam dpal gzhon nur gyur pa la 'di skad ces smras so/ /'jam dpal bcom ldan 'das de bzhin gshegs pa dgra bcom pa yang dag par rdzogs
250a6 pa'i sangs rgyas rin po che'i tog de'i nyan thos kyi dge 'dun de ci 'dra/'jam dpal gyis smras pa/ don dam par na dad pa'i rjes su 'gro ba yang ma yin/ gzhan la dad pas 'gro ba yang ma yin no/ /don dam par na rigs kyi rjes su 'gro ba yang ma yin te/ don
250a7 dam par na de bzhin gshegs pa'i rigs kyang mi gtong ngo //don dam par na chos kyi rjes su 'gro ba yang ma yin te/ don dam par na chos gang yang mi dmigs so/ /don dam par na brgyad pa yang ma yin te/ kun rdzob tu na log pa'i chos brgyad dang yang
250b1 bral lo//don dam par na rgyun du zhugs pa yang ma yin te/ 'jig rten gyi tha snyad kyi bden par na ngan song thams cad las kyang 'das so/ /don dam par na lan cig phyir 'ong ba yang ma yin te/ kun rdzob tu na sems can yongs su smin par bya ba'i phyir yang
250b2 'ong ngo //don dam par na phyir mi 'ong ba yang ma yin te/ kun rdzob tu na chos thams cad las 'ong ba med do/ /don dam par na dgra bcom pa yang ma yin te/ 'jig rten gyi tha snyad du na lha dang bcas pa'i 'jig rten gyis bla na med pa'i mchod par 'os pa yang yin no/ /
250b3 don dam par na nyan thos kyang ma yin te/ mi dmigs pa'i tshul gyis sangs rgyas bcom ldan 'das thams cad las thos pa yang 'dzin to/ /don dam par na 'dod chags dang bral ba yang ma yin te/ kun rdzob tu na 'dod chags kyi yongs su gdung bas kyang mi gdung ngo / /
250b4 don dam par na zhe sdang dang bral ba yang ma yin te/ kun rdzob tu na zhe sdang gi yongs su gdung bas kyang mi gdung ngo / /don dam par na gti mug dang bral ba yang ma yin te/ kun rdzob tu na chos thams cad mun pa mun nag dang bral ba'o/ /don dam par na nyon mongs pa dang bral ba
250b5 yang ma yin te/kun rdzob tu na sems can thams cad kyi nyon mongs pa gdul ba'i phyir yang brtson no/ /don dam par na thog ma nas ma skyes pa nges par zhugs kyang kun rdzob tu na bsams bzhin du srid pa len to/ /kun rdzob tu na 'khor ba yang yongs su 'dzin mod kyi/ don
250b6 dam par na chos gang yang yongs su 'dzin pa dang gtong ba yang med do//de don dam par na chos thams cad shin tu dran pa dang bral bar mi mthong bas mthong ba ste/ kun rdzob tu na dran pa nye bar gzhag pa rnams kyang sgom mo/ /de don dam par na chos thams cad shin tu ma skyes ma 'gags
250b7 par mi shes pa'i tshul gyis kyang rab tu shes la/'jig rten gyi spyod par na yang dag par spong ba rnams kyang sgom mo/ /de don dam par na lus dang sems med pa yang 'jig rten gyi kun rdzob kyi bden par na rdzu 'phrul gyi rkang pa rnams kyang sgrub bo/ /de don dam par na
251a1 dbang po thams cad dang bral yang kun rdzob tu na dbang po rnams kyang sgrub bo//de don dam par na chos thams cad rab tu dngos po med par mi mthong ba'i tshul gyis mthong yang nga rgyal can dmigs pa can thams cad tshar gcod pa'i phyir mi sgom pa'i tshul gyis stobs kyang sgom mo/ /de
251a2 don dam par na chos thams cad shin tu dngos po med par khong du chud par bya ba'i phyir mi sgom pa'i tshul gyis byang chub kyi yan lag rnams kyang sgom mo//de don dam par na shin tu dngos po med kyang kun rdzob tu na sgom pa'i tshul gyis lam yang sgom mo/ /de don dam par na yang dag pa'i mtha' la zhi
251a3 gnas mngon par sgrub bo//de don dam par na lhag mthong shin tu mi skye bar mi sgom pa'i tshul gyis mthong ngo / /de don dam par na ma rig pa zad pa nyid du mi dmigs pa'i tshul gyis rig pa skyed de/ don dam par na zad pa'am skye ba mi dmigs so/ /de sha'i mig gis sems can thams
251a4 cad dang /sangs rgyas kyi zhing thams cad kyang mthong la de don dam par na ci yang mi mthong ngo / /de lha'i mig gis sems can thams cad kyi 'chi 'pho dang skye ba yang dag pa ji lta ba bzhin du mthong yang don dam par na ci yang mi mthong ngo / /de shes rab kyi mig gis sems can thams
251a5 cad kyi sems kyi spyod pa dang /g.yo ba rnams yang dag pa ji lta ba bzhin du shes kyang don dam par na ci yang mi shes so/ /de chos kyi mig gis chos thams cad yang dag pa ji lta ba bzhin du mthong yang don dam par na chos ci yang mi mthong ngo / /de sangs rgyas kyi spyan
251a6 gyis sangs rgyas kyi mdzad pa thams cad byed kyang don dam par na ci yang mi byed do//de lha'i rna bas sangs rgyas bcom ldan 'das thams cad kyis chos bstan pa thos kyang don dam par na ci yang mi thos so/ /de sems gcig gis sems can thams cad kyi sems la lta yang don dam
251a7 par na ci yang mi lta'o//de rjes su dran pa'i ye shes kyis sngon gyi mtha' yang rjes su dran mod kyi don dam par na ci yang mi dran no/ /de rdzu 'phrul gyis sangs rgyas kyi zhing bsam gyis mi khyab par 'gro yang don dam par na/ 'ong ba'am 'gro ba med do/ /de ni zag pa zad kyang don dam
251b1 par na zad pa'i chos can ma yin no//snang yang snang la don dam par na de'i lus yongs su grub pa yang med do/ /smra yang smra la don dam par na yi ger yang mi brjod do/ /sems kyang sems la don dam par na sems dang sems las byung ba'i chos su brjod par bya ba ma yin no/ /don dam
251b2 par na gzugs su yang mi snang la kun rdzob tu skyes bu chen po'i mtshan sum cu rtsa gnyis kyis ni brgyan/dpe byad bzang pos ni spras/ bsod nams dang ye shes kyi tshogs kyis ni brgyan/ gzi brjid ni bsnyen par dka'/ brjod pa ni rnam par bsgrags/ tshul khrims kyi
251b3 byug pas ni byugs/ngan du smra ba'i tshig rnams kyis ni kun nas nyon mongs par gyur pa med/ mngon par shes pas ni rnam par rol/ thos pas ni rnam par shigs/ spobs pas ni rab tu sgrog /kun rdzob tu na ye shes kyis ni rnam par 'phrul/ ye shes kyi 'od kyis ni mun
251b4 pa mun nag sel/shes rab kyis ni snang bar byed/ mtha' yas par bstan pa ni rtogs par khong du chud do/ /kun rdzob tu na sems can thams cad kyi ni skyabs/ sangs rgyas bcom ldan 'das rnams kyis ni rtag tu gzigs/ nyan thos dang rang sangs rgyas dang / mu
251b5 stegs can dmigs pa can thams cad kyis ni mi blta zhing byang chub kyi phyir ni rtag tu blta ba ste/kun rdzob tu na bstan pa ni zad mi shes/ dran pa ni rgya mtsho dang 'dra/ ting nge 'dzin ni ri rab dang mtshungs/ bzod pa ni sa dang 'dra'o/ /kun rdzob tu na rnam par rtog pa thams cad sel
251b6 ba'i phyir dpa' ba'o//mi shes pa'i mun pa mun nag sel ba'i phyir nyi ma lta bu'o/ /rab tu snang ba'i phyir zla ba dang 'dra'o/ /kun rdzob tu na 'du ba'i phyir dbang po dang mtshungs so/ /kun rdzob tu na sems la dbang byed pa'i phyir tshangs pa dang 'dra'o/ /kun rdzob tu na nam mkha' la dbang
251b7 byed pa'i phyir mi mnyam pa dang mnyam pa'o//kun rdzob tu na thams cad rjes su song yang don dam par na gang du song ba'am 'ongs pa'am/ 'dug pa med do/ /de ci'i phyir zhe na/ don dam par na chos thams cad shin tu ma byung ba'i phyir ro/ /lha'i bu bcom ldan 'das de bzhin gshegs pa
252a1 dgra bcom pa yang dag par rdzogs pa'i sangs rgyas rin po che'i tog de'i nyan thos kyi dge 'dun ni de dang 'dra ste/de bas kyang lhag par bsam gyis mi khyab pa'i chos dang yang ldan no/ /'jam dpal gzhon nur gyur pas mi dmigs pa'i tshul gyis bstan pa 'di bshad pa na dge
252a2 slong lnga brgya dang /dge bsnyen lnga brgya dang / lha'i bu lnga stong dmigs pa can de dag thams cad kyis 'di skad ces gsol to/ /bcom ldan 'das bdag cag kyang de bzhin gshegs pa dgra bcom pa yang dag par rdzogs pa'i sangs rgyas rin po che'i tog de'i nyan thos su gyur cig /
252a3 'jam dpal gyis smras pa/ kye grogs po dag sangs rgyas kyi zhing der dmigs pa can thams cad mi skye'o/ /kye grogs po dag byang chub sems dpa' sems dpa' chen po dmigs pa med pa rnams ni mi skye ba'i tshul gyis der skye'o/ /kye grogs po dag gal te khyed kyang der 'dod na
252a4 khyed kyis mi dmigs pa'i tshul gyis/shes rab kyi pha rol tu phyin pa la brtson par gyis shig /kye grogs po dag khyed nam shes rab kyi pha rol tu phyin pa la mi dmigs pa'i tshul gyis brtson par gyur pa de'i tshe/ grogs po dag khyed la rnam pa'i mchog thams cad
252a5 dang ldan pa/thams cad mkhyen pa'i ye shes kyang rnyed par mi dka' na/ sangs rgyas kyi zhing yongs su dag par skye ba lta smos kyang ci dgos/ lha'i bu rab tu zhi ba rnam par dul ba'i dbang phyug gis yang 'jam dpal gzhon nur gyur pa la 'di skad ces smras
252a6 so//'jam dpal nyan thos kyi 'dul ba ni ji lta bu/ byang chub sems dpa' sems dpa' chen po'i 'dul ba ni ji lta bu/ 'jam dpal gyis smras pa/ lha'i bu khams gsum gyis skrag pas btul ba ni nyan thos kyi 'dul ba'o/ /dge ba'i rtsa ba'i tshogs thams
252a7 cad bsags shing sems can thams cad dbugs 'byin pa dang /khams gsum du bsams bzhin du skye bas btul ba ni kun rdzob tu na byang chub sems dpa' sems dpa' chen po'i 'dul ba'o/ /nyon mongs pa thams cad la sdang ba ni nyan thos kyi 'dul ba'o/ /sems
252b1 can thams cad kyi nyon mongs pa spong ba'i phyir rjes su btul ba ni kun rdzob tu na byang chub sems dpa' sems dpa' chen po'i 'dul ba'o//phyogs gcig rig pa ni nyan thos kyi 'dul ba'o/ /phyogs bcu mtha' yas mu med pa'i 'jig rten gyi khams thams cad rig pa ni kun
252b2 rdzob tu na byang chub sems dpa' sems dpa' chen po'i 'dul ba'o//bdud thams cad la btang snyoms pa ni nyan thos kyi 'dul ba'o/ /phyogs bcu mtha' yas mu med pa'i 'jig rten gyi khams su gtogs pa'i bdud kyi rigs thams cad dkrugs shing / phyir rgol ba thams
252b3 cad 'joms pa ni kun rdzob tu na byang chub sems dpa' sems dpa' chen po'i 'dul ba'o//bdag gi rgyud gsal bar byed pa ni nyan thos kyi 'dul ba'o/ /sems can thams cad kyi rgyud gsal bar byed cing / thams cad mkhyen pa'i ye shes snang bar byed pa dang / chos
252b4 thams cad la bsgribs pa med pa'i ye shes mthong ba snang bar byed pa ni kun rdzob tu na byang chub sems dpa' sems dpa' chen po'i 'dul ba'o//rang gi sems kyis bsams pa ni nyan thos kyi 'dul ba'o/ /'das pa dang / ma byon pa dang / da ltar gyi sangs rgyas thams
252b5 cad kyi dgongs pa ni kun rdzob tu na byang chub sems dpa' sems dpa' chen po'i 'dul ba'o//rdo chag pa'i 'phro mi 'byor pa lta bu ni nyan thos kyi 'dul ba'o/ /gser dang / dngul chag pa'i 'phro 'byor pa lta bu ni kun rdzob tu na byang chub sems dpa' sems dpa' chen po'i 'dul
252b6 ba'o//sangs rgyas kyi chos thams cad dang / thabs mkhas pa dang bral ba ni nyan thos kyi 'dul ba'o/ /thabs mkhas pa chen po dang / sangs rgyas kyi chos thams cad du bsdu bas bsdus pa ni kun rdzob tu na byang chub sems dpa' sems dpa' chen po'i 'dul ba'o/ /stobs
252b7 bcu dang /mi 'jigs pa dang / ma 'dres pa dang / thams cad mkhyen pa'i ye shes dang bral ba ni nyan thos kyi 'dul ba'o/ /stobs bcu dang / mi 'jigs pa dang / ma 'dres pa dang / thams cad mkhyen pa'i ye shes su bsdu bas bsdus pa ni kun rdzob tu na byang chub
253a1 sems dpa' sems dpa' chen po'i 'dul ba'o//mes tshig pa las 'bros pa lta bu ni nyan thos kyi 'dul ba'o/ /skyed mos tshal dang / gzhal med khang lta bur chos kyi dga' bas dga' ba ni kun rdzob tu na byang chub sems dpa' sems dpa' chen po'i
253a2 'dul ba'o//bag chags kyi rgyun ma chad pa ni nyan thos kyi 'dul ba'o/ /bag chags thams cad yang dag par bcom pa ni kun rdzob tu na byang chub sems dpa' sems dpa' chen po'i 'dul ba'o/ /lha'i bu mdor na tshad du gtogs pa tshad kyi chos kyis drangs pa ni nyan thos
253a3 kyi 'dul ba'o//tshad du gtogs pa ma yin pa tshad med pa'i chos kyis drangs pa ni kun rdzob tu na byang chub sems dpa' sems dpa' chen po'i 'dul ba'o/ /tshad yod pa'i tshul khrims dang / thos pa dang / ting nge 'dzin dang / shes rab dang / rnam par grol ba dang /
253a4 rnam par grol ba'i ye shes mthong ba thob par byed pa ni nyan thos kyi 'dul ba'o/ /tshad yod pa ma yin pa/ tshad med pa'i yon tan dang ldan zhing / tshad med pa'i tshul khrims dang / thos pa dang / ting nge 'dzin dang / shes rab dang / rnam par grol ba dang / rnam
253a5 par grol ba'i ye shes mthong ba thob par byed pa ni kun rdzob tu na byang chub sems dpa' sems dpa' chen po'i rnam par grol ba'o//de nas bcom ldan 'das kyis 'jam dpal gzhon nur gyur pa la legs so/ /zhes bya ba byin te/ 'jam dpal khyod kyis kun rdzob tu na byang
253a6 chub sems dpa' sems dpa' chen po rnams kyi 'dul ba legs par bshad pa legs so legs so//'jam dpal yang 'di ltar don de nyid bstan pa'i phyir khyod la dpe bstan to/ /'jam dpal 'di lta ste/ dper na skyes bu gnyis shig yod la/ de las skyes bu gcig
253a7 ni ba lang gi rjes kyi bsngags pa smra/skyes bu gcig ni rgya mtsho chen po'i bsngags pa smra na/ 'jam dpal de ji snyam du sems/ skyes bu des ba lang gi rjes kyi bsngags pa ji snyed cig brjod nus/ 'jam dpal gyis gsol pa/ bcom ldan 'das ba lang gi rjes
253b1 thams cad kyang chung na/de'i bsngags pa lta ci smos/ bcom ldan 'das kyis bka' stsal pa/ 'jam dpal de bzhin du ba lang gi rjes chung ba ltar nyan thos kyi 'dul bar blta'o/ /'jam dpal 'di ji snyam du sems/ skyes bu cig shos des rgya mtsho chen po'i bsngags pa ji
253b2 tsam zhig brjod nus/'jam dpal gyis gsol pa/ bcom ldan 'das rgya mtsho chen po'i bsngags pa ni shin tu mang ste/ dpag tu ma mchis/ bsam gyis mi khyab bo/ /bcom ldan 'das kyis bka' stsal pa/ 'jam dpal de bzhin du rgya mtsho chen po'i bsngags pa dpag
253b3 tu med pa ltar kun rdzob tu na byang chub sems dpa' sems dpa' chen po'i 'dul bar blta'o//de nas bstan pa 'di mi ston pa'i tshul gyis bshad pa na lha'i bu khri nyis stong gis don dam par na ma skyes pa'i tshul gyis bla na med pa yang dag par rdzogs pa'i byang chub tu sems skyes nas tshig
253b4 'di skad ces kyang smra ste/bcom ldan 'das bdag cag ni byang chub sems dpa'i bslab pa 'di la mi slob pa'i tshul gyis slob bo/ /de nas lha'i bu rab tu zhi ba rnam par dul ba'i dbang phyug gis 'jam dpal gzhon nur gyur pa la 'di skad ces smras so/ /ci 'jam dpal khyod
253b5 nyan thos kyi 'dul ba la bslabs sam/'on te byang chub sems dpa'i 'dul ba la bslabs/ 'jam dpal gyis smras pa/ lha'i bu 'di ji snyam du sems/ rgya mtsho chen por mi shong ba'i chu gang yang yod dam/ lha'i bus smras pa/ 'jam dpal rgya mtsho chen por mi
253b6 shong ba'i chu gang yang med do//'jam dpal gyis smras pa/ lha'i bu de bzhin du kun rdzob tu na byang chub sems dpa' sems dpa' chen po'i 'dul ba ni rgya mtsho chen po dang 'dra'o/ /lha'i bus smras pa/ 'jam dpal 'dul ba 'dul ba zhes bya ba'i tshig gi don gang yin/
253b7 'jam dpal gyis smras pa/ lha'i bu nyon mongs pa 'dul ba ni kun rdzob tu na 'dul ba'o/ /nyon mongs pa yongs su shes pa'ang 'dul ba'o/ /lha'i bus smras pa/ 'jam dpal ji ltar na nyon mongs pa 'dul bar 'gyur/ ji ltar na nyon mongs pa yongs su shes pa
254a1 yin/'jam dpal gyis smras pa/ don dam par na chos thams cad ma byung ma skyes dngos po med pa yin na kun rdzob tu med pa la phyin ci log tu gyur te/ med pa las phyin ci log tu gyur pa de las kun tu rtog pa dang / rnam par rtog pa'o/ /kun tu rtog
254a2 pa dang /rnam par rtog pa de las tshul bzhin ma yin pa yid la byed pa'o/ /tshul bzhin ma yin pa yid la byed pa de las bdag tu sgro 'dogs pa'o/ /bdag tu sgro 'dogs pa de las lta ba kun nas ldang ba'o/ /lta ba kun nas ldang ba de las nyon mongs pa rnams
254a3 'byung ngo //gang yang lha'i bu don dam par na chos thams cad shin tu ma skyes ma byung dngos po med par mi shes pa'i tshul gyis rab tu shes pa de ni don dam par na phyin ci ma log pa'o/ /gang don dam par na phyin ci ma log pa de ni rtog pa med cing rnam par mi rtog pa'o/ /gang rtog
254a4 pa med cing rnam par mi rtog pa de ni tshul bzhin rab tu sbyor ba'o//gang tshul bzhin rab tu sbyor ba de la don dam par na bdag tu sgro 'dogs pa mi 'byung ngo / /gang la don dam par na bdag tu sgro 'dogs pa mi 'byung ba de la lta ba kun nas ldang bar mi 'gyur ba nas don dam par na mya ngan
254a5 las 'das par lta ba kun nas ldang bar yang mi 'gyur te/de ltar ma skyes pa la spyod pa de ni nyon mongs pa shin tu rnam par dul bar mi lta ba'i tshul gyis bgyi ste/ lha'i bu 'di ni nyon mongs pa 'dul ba zhes bya'o/ /lha'i bu nam nyon mongs pa rnams la snang ba med pa'i
254a6 shes rab dang ye shes kyis don dam par na shin tu stong pa dang /shin tu mtshan ma med pa dang / shin tu smon pa med do/ /don dam par na shin tu ma skyes ma byung / dngos po med par mi shes pa'i tshul gyis rab tu shes na/ lha'i bu de'i tshe mi shes pa'i tshul gyis
254a7 nyon mongs pa rnams yongs su shes pa yin no//lha'i bu 'di lta ste/ dper na sbrul kha gdug pa'i rig sngags 'don pa des ni sbrul kha gdug pa'i gdug pa rab tu zhi bar byed do/ /lha'i bu de bzhin du gang nyon mongs pa rnams kyi rigs rab tu shes pa de'i nyon mongs pa
254b1 rnams shin tu mi dmigs pa'i tshul gyis rab tu zhi bar 'gyur ro//lha'i bus smras pa/ 'jam dpal nyon mongs pa'i rigs de gang yin/ 'jam dpal gyis smras pa/ lha'i bu don dam par na chos thams cad shin tu ma skyes ma byung / dngos po med pa la gang kun tu rtog pa de
254b2 ni nyon mongs pa rnams kyi rigs so//don dam par na kun tu mi rtog pa'i phyir kun nas nyon mi mongs so/ /lha'i bu kun nas nyon mongs pas kun gzhi med do/ /kun gzhi med pas don dam par na mi gnas so/ /mi gnas pas don dam par mi 'tshig go /mi 'tshig pas
254b3 don dam par na nye bar zhi ba zhes bya'o//don dam par na ji skad smras pa bzhin du ni ma yin te/ lha'i bu kun rdzob tu na 'di ni nyon mongs pa 'dul ba'o/ /lha'i bus smras pa/ 'jam dpal ji ltar na nyon mongs pa rnams 'dul bar 'gyur/ ci yod pa zhig gam/ 'on te med pa zhig /'jam
254b4 dpal gyis smras pa lha'i bu 'di lta ste/dper na skyes bu zhig gnyid kyis log pa'i rmi lam la sbrul kha gdug pas zin nas de sdug bsngal gyis gtse ba las yang dug sman btang nas/ de'i gdug pa med par gyur te/ gdug pa med par gyur pas sdug bsngal yang med par gyur na/ lha'i bu de ji
254b5 snyam du sems/skyes bu de yang dag par zin tam 'on te yang dag pa ma yin/ lha'i bus smras pa/ 'jam dpal don dam par na shin tu yang dag pa ma yin no/ /'jam dpal gyis smras pa/ lha'i bu ji ltar dug de med par 'gyur/ lha'i bus smras pa/ 'jam dpal ji ltar zin pa shin tu mi
254b6 bden pa de bzhin du dug med par gyur pa yang shin tu bden pa ma yin no//'jam dpal gyis smras pa/ lha'i bu de bzhin du 'phags pa rnams kyis nyon mongs pa thams cad kyang don dam par mi blta ba'i tshul gyis blta'o/ /lha'i bu gang yang 'di skad du ji ltar na nyon mongs pa rnams 'dul bar 'gyur zhes
254b7 zer ba ni lha'i bu ji ltar bdag don dam par na bdag med pa de bzhin du lha'i bu don dam par na nyon mongs pa rnams kyang nyon mongs pa rnams ma yin no//lha'i bu de ste don dam par na bdag de bzhin nyid yin na ni lha'i bu don dam par na nyon mongs pa yang de bzhin nyid du 'gyur ro/ /lha'i bu 'di ltar bdag don dam par na
255a1 bdag ma yin te/lha'i bu de bas na nyon mongs pa rnams kyang don dam par na nyon mongs pa ma yin no/ /lha'i bu de la gang gi don dam par nyon mongs pa 'dul bar dmigs par 'gyur ba ni don dam par na gang yang mi dmigs so/ /de ci'i phyir zhe na/ lha'i bu don dam par na
255a2 shin tu ma byung ba'i phyir chos thams cad ni zhi ba'o//lha'i bu don dam par na 'dzin pa med pa'i phyir chos thams cad ni nye bar zhi ba'o/ /lha'i bu don dam par na chos thams cad sgro btags pa med pa'i phyir chos thams cad ni rab tu zhi ba'o/ /lha'i bu don dam par na shin tu ma skyes pa'i
255a3 phyir chos thams cad ni mi zad pa'o//lha'i bu don dam par na shin tu dngos po med pa'i phyir chos thams cad ni shin tu ma skyes pa'o/ /lha'i bus smras pa/ 'jam dpal chos thams cad kyi sgo gang yin/ 'jam dpal gyis smras pa/ lha'i bu smra bar bya ba dang / smra ba dang shes pa dang /
255a4 shes par bya ba dang bya ba dang tha snyad dang / byed pa thams cad 'jug pa'i kun rdzob kyi bden pa ni chos thams cad kyi sgo'o/ /smra ba dang / smra bar bya ba dang / shes pa dang / shes par bya ba dang / bya ba dang / tha snyad dang / byed pa thams cad las rnam par log pa'i phyir don dam pa'i bden
255a5 pa ni chos thams cad kyi sgo'o//yang lha'i bu kun rdzob tu na tshul bzhin ma yin pa'i yid la byed pa ni 'khor ba'i sgo'o/ /kun rdzob tu na tshul bzhin yid la byed pa ni mya ngan las 'das pa'i sgo'o/ /kun rdzob tu na the tsom ni sgrib pa'i sgo'o/ /kun rdzob tu na rnam par grol ba ni sgrib pa med pa'i
255a6 sgo'o//kun rdzob tu na kun tu rtog pa ni nyon mongs pa rnams kyi sgo'o/ /kun rdzob tu na kun tu mi rtog pa ni nyon mongs pa med pa'i sgo'o/ /kun rdzob tu na rnam par g.yeng ba ni rnam par rtog pa rnams kyi sgo'o/ /kun rdzob tu na zhi gnas ni nye bar zhi ba'i sgo'o/ /kun rdzob tu na lta bar gyur pa rnams ni nga
255a7 rgyal gyi sgo'o//kun rdzob tu na stong pa nyid ni nga rgyal med pa'i sgo'o/ /kun rdzob tu na sdig pa'i grogs po dang sten pa ni mi dge ba'i rtsa ba thams cad kyi sgo'o/ /kun rdzob tu na dge ba'i bshes gnyen dang sten pa ni dge ba'i rtsa ba thams cad kyi sgo'o/ /kun rdzob tu na log par lta ba ni sdug bsngal thams cad kyi sgo'o/ /
255b1 kun rdzob tu na yang dag par lta ba ni bde ba thams cad kyi sgo'o/ /kun rdzob tu na ser sna ni dbul ba'i sgo'o/ /kun rdzob tu na sbyin pa ni longs spyod chen po'i sgo'o/ /kun rdzob tu na ngang tshul ngan pa ni ngan 'gro thams cad kyi sgo'o/ /kun rdzob tu na tshul khrims ni lha dang mir skye ba thams
255b2 cad kyi sgo'o//kun rdzob tu na gnod sems ni byad gzugs ngan pa'i sgo'o/ /kun rdzob tu na bzod pa ni gzugs phun sum tshogs pa'i sgo'o/ /kun rdzob tu na le lo ni mi rtogs pa'i sgo'o/ /kun rdzob tu na brtson 'grus ni rtogs pa'i sgo'o/ /kun rdzob tu na rnam par rtog pa ni rgod pa'i
255b3 sgo'o//kun rdzob tu na bsam gtan ni sems shin tu sbyangs pa'i sgo'o/ /kun rdzob tu na 'chal pa'i shes rab ni khong du mi chud pa'i sgo'o/ /kun rdzob tu na shes rab ni byang chub kyi phyogs kyi chos sum cu rtsa bdun gyi sgo'o/ /kun rdzob tu na byams pa ni khong mi khro ba'i sgo'o/ /kun rdzob tu
255b4 na snying rje chen po ni lhag pa'i bsam pa'i sgo'o//kun rdzob tu na lhag pa'i bsam pa ni g.yo med pa'i sgo'o/ /kun rdzob tu na dga' ba ni chos la mos pa'i sgo'o/ /kun rdzob tu na btang snyoms na nyes pa thams cad dang bral ba'i sgo'o/ /kun rdzob tu na dran pa nye bar gzhag pa rnams ni dge ba'i rtsa
255b5 ba thams cad yongs su mi 'bri ba'i sgo'o//kun rdzob tu na yang dag par spong ba rnams ni yang dag pa'i nan tan gyi sgo'o/ /kun rdzob tu na rdzu 'phrul gyi rkang pa rnams ni lus dang sems las su rung ba'i sgo'o/ /kun rdzob tu na dbang po rnams ni dad pa thob pa'i sgo'o/ /kun rdzob tu na stobs rnams
255b6 ni nyon mongs pa thams cad 'joms pa'i sgo'o//kun rdzob tu na byang chub kyi yan lag rnams ni thams cad mkhyen pa khong du chud pa'i sgo'o/ /kun rdzob tu na 'phags pa'i lam yan lag brgyad pa ni lam ngan pa thams cad las 'da' ba'i sgo'o/ /lha'i bu gzhan yang kun rdzob tu na byang chub kyi
255b7 sems ni sangs rgyas kyi chos thams cad kyi sgo'o//kun rdzob tu na dam pa'i chos yongs su 'dzin pa ni chos thams cad kyi dbang phyug gi sgo'o/ /kun rdzob tu na sems can smin par byed pa ni dam pa'i chos yongs su 'dzin pa'i sgo'o/ /kun rdzob tu na thabs ni gnas dang gnas ma yin pa la
256a1 mkhas pa'i sgo'o//kun rdzob tu na shes rab kyi pha rol tu phyin pa ni mya ngan las 'das pa'i sgo'o/ /don dam par na shin tu mi 'byung ba ni chos thams cad kyi sgo'o// //bam po gnyis pa ste tha ma/ lha'i bus smras pa/ 'jam dpal shin tu mi skye
256a2 ba'i sgo gang /'jam dpal gyis smras pa/ lha'i bu don dam par na shin tu mi 'byung ba ni kun nas sgo'o/ /lha'i bus smras pa/ 'jam dpal shin tu mi 'byung ba'i rang bzhin gang / 'jam dpal gyis smras pa/ lha'i bu don dam par na shin tu
256a3 dngos po med pa ni shin tu mi 'byung ba'i rang bzhin no//lha'i bus smras pa/ 'jam dpal shin tu mi 'byung ba la cha shas dbye ba gang yang yod dam/ 'jam dpal gyis smras pa/ lha'i bu de ji snyam du sems/ nam mkha' la cha shas dbye ba gang yang yod dam/
256a4 lha'i bus smras pa/ 'jam dpal med do/ /'jam dpal gyis smras pa/ lha'i bu de bzhin du ji ltar na nam mkha' la cha shas dbye ba med pa de bzhin du lha'i bu shin tu ma skyes pa la yang cha shas dbye ba med do/ /lha'i bus smras pa/ 'jam dpal khyod kyis don
256a5 dam par na shin tu mi 'byung ba yongs su shes sam/'jam dpal gyis smras pa/ lha'i bu shin tu mi 'byung bas shin tu mi 'byung ba yongs su mi shes so/ /de ci'i phyir zhe na/ lha'i bu chos thams cad ni shin tu ma skyes shing ma byung la/ dngos po med pa'i
256a6 phyir ro//lha'i bus smras pa/ 'jam dpal khyod kyis chos gang yang yongs su shes shing gang khong du chud pas 'di lta bu'i spobs par gyur/ 'jam dpal gyis smras pa/ lha'i bu 'di ji snyam du sems/ brag cas chos gang yongs su shes na/ gang de las sgra
256a7 'byung /lha'i bus smras pa/ 'jam dpal brag cas chos gang yang yongs su shes pa med mod kyi kun rdzob tu na rkyen las sgra 'byung ngo / /'jam dpal gyis smras pa/ lha'i bu de bzhin du sems can thams cad la dmigs pa'i rkyen gyis kun rdzob tu na/ byang chub
256b1 sems dpa' sems dpa' chen po mi smra ba'i tshul gyis smra'o//lha'i bus smras pa/ 'jam dpal khyod ci la gnas te de ston/ 'jam dpal gyis smras pa/ lha'i bu de bzhin gshegs pa sprul pa gang la gnas te de ston pa la'o/ /lha'i bus smras pa/ 'jam dpal de bzhin
256b2 gshegs pa sprul pa ni don dam pa na ci la'ang gnas pa med do//'jam dpal gyis smras pa/ lha'i bu de bzhin du don dam par na chos thams cad la mi gnas par bdag mi ston pa'i tshul gyis ston to/ /lha'i bus smras pa/ 'jam dpal de ste khyod don dam par na chos thams cad la
256b3 mi gnas par mi ston pa'i tshul gyis ston na khyod ci la gnas te/bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur/ 'jam dpal gyis smras pa/ lha'i bu bdag ni mtshams med pa rnams la gnas te/ mngon par rdzogs par 'tshang mi rgya ba'i tshul gyis
256b4 bla na med pa yang dag par rdzogs pa'i byang chub tu mngon par rdzogs par 'tshang rgya'o//lha'i bus smras pa/ mtshams med pa rnams ci la gnas/ 'jam dpal gyis smras pa/ lha'i bu don dam par na mtshams med pa rnams ni shin tu ma byung zhing dngos po med pa la mi gnas pa'i tshul gyis gnas so/ /
256b5 lha'i bus smras pa/ 'jam dpal mtshams med pa rnams byed pa ni de bzhin gshegs pas sems can dmyal bar bshad do/ /'jam dpal gyis smras pa/ lha'i bu ji ltar de bzhin gshegs pas mtshams med pa byed pa sems can dmyal bar bshad pa de bzhin du/ lha'i bu de bzhin gshegs
256b6 pas mtshams med pa byed pa mi gnas pa'i tshul gyis mtshams med pa la gnas na myur du bla na med pa yang dag par rdzogs pa'i byang chub mngon par rdzogs par 'tshang rgya'o zhes mi ston pa'i tshul gyis ston to//lha'i bus smras pa/ 'jam dpal mtshams med pa de gang yin/ 'jam dpal
256b7 gyis smras pa/lha'i bu mtshams med pa gang gis byang chub sems dpa' sems dpa' chen po rnams myur du bla na med pa yang dag par rdzogs pa'i byang chub mngon par rdzogs par 'tshang mi rgya ba'i tshul gyis mngon par rdzogs par 'tshang rgya ba'i byang chub sems dpa' sems dpa' chen po rnams kyi mtshams med pa
257a1 ni 'di lta ste/lha'i bu mtshams med pa lnga po de dag gang zhe na/ lha'i bu 'di la nam byang chub sems dpa' sems dpa' chen po lhag pa'i bsam pas bla na med pa yang dag par rdzogs pa'i byang chub tu mi skye ba'i tshul gyis sems bskyed nas bar ma dor nyan thos dang / rang sangs rgyas dang / dmigs pa can
257a2 dang /mu stegs can thams cad kyi sar sems mi skyed pa 'di ni lha'i bu byang chub sems dpa' sems dpa' chen po'i mtshams med pa dang po'o/ /lha'i bu gzhan yang nam byang chub sems dpa' sems dpa' chen po bdog pa thams cad gtong ba la mi skye ba'i tshul gyis sems bskyed nas/ nam byang chub kyi
257a3 snying po la 'dug gi bar du ser sna dang lhan cig mi gnas pa 'di ni lha'i bu byang chub sems dpa' sems dpa' chen po'i mtshams med pa gnyis pa'o//lha'i bu gzhan yang nam byang chub sems dpa' sems dpa' chen po sems can thams cad la bdag gis rnam pa thams cad kyis yongs su bskyab bo snyam du
257a4 sems mi skyed pa'i tshul gyis de ltar sems bskyed nas bar ma dor mi nur ba de ni lha'i bu byang chub sems dpa' sems dpa' chen po'i mtshams med pa gsum pa'o//lha'i bu gzhan yang byang chub sems dpa' sems dpa' chen po don dam par na chos thams cad rab tu ma skyes pa/ ma byung ba/ dngos po med
257a5 pa'o zhes bzod pa ma thob pa'i tshul gyis bzod pa thob nas bar du rdzas dang /ngo bo dang / dngos por 'dzin pa len pas ma zin pa 'di ni lha'i bu byang chub sems dpa' sems dpa' chen po'i mtshams med pa bzhi pa'o/ /lha'i bu gzhan yang nam byang chub sems dpa' sems dpa' chen po
257a6 skad cig gcig dang ldan pa'i shes rab kyis chos thams cad rnam pa thams cad du mngon par rdzogs par byang chub par bya'o//zhes de ltar ma skyes pa'i tshul gyis sems bskyed nas/ rnam pa'i mchog thams cad dang ldan pa'i thams cad mkhyen pa'i ye shes mi 'thob pa'i tshul gyis ma thob
257a7 kyi bar du mi 'dug /kun tu mi 'dug pa de ni lha'i bu byang chub sems dpa' sems dpa' chen po'i mtshams med pa lnga pa'o/ /de ltar mi gnas pa'i tshul gyis gnas na byang chub sems dpa' sems dpa' chen po myur du bla na med pa yang dag par rdzogs pa'i byang chub don dam par mngon par rdzogs
257b1 par 'tshang mi rgya ba'i tshul gyis mngon par rdzogs par 'tshang rgya'o//lha'i bus smras pa/ 'jam dpal mtshams med pa gang dag gis byis pa so so'i skye bo rnams sems can dmyal bar 'gro bar 'gyur ba'i mtshams med pa de nyid la byang chub sems dpa' sems dpa' chen po gnas na mngon par
257b2 rdzogs par 'tshang mi rgya ba'i tshul gyis bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de lta bu'i rnam grangs yod dam/'jam dpal gyis smras pa/ lha'i bu yod do/ /de ci'i phyir zhe na/ lha'i bu don dam par na chos thams cad ni shin
257b3 tu stong pa ste/lha'i bu shin tu stong pa nyid khong du chud pa ni byang chub ste/ don dam par na byang chub ces ji skad du brjod pa ltar ni ma yin no/ /lha'i bu don dam par na chos thams cad ni mtshan ma med pa ste/ lha'i bu mtshan ma med pa khong du chud pa ni byang chub ste/
257b4 don dam par na byang chub ces ji skad du brjod pa ltar ni ma yin no/ /lha'i bu don dam par na chos thams cad ni shin tu smon pa med pa ste/ lha'i bu smon pa med pa khong du chud pa ni byang chub ste/ don dam par na byang chub ces ji skad du brjod pa ltar ni ma yin no/ /lha'i bu
257b5 don dam par na chos thams cad ni shin tu gzung bar bya ba med pa ste/lha'i bu shin tu gzung bar bya ba med pa khong du chud pa ni byang chub ste/ don dam par na byang chub ces ji skad du brjod pa ltar ni ma yin no/ /lha'i bu don dam par na chos thams cad ni shin tu mngon par 'du mi byed
257b6 pa ste/lha'i bu shin tu mngon par 'du mi byed pa'i khong du chud pa ni byang chub ste/ don dam par na byang chub ces ji skad du brjod pa ltar ni ma yin no/ /lha'i bu don dam par na chos thams cad ni shin tu 'dus ma byas pa ste/ lha'i bu shin tu 'dus ma byas pa khong du chud pa ni byang chub ste/ don dam par
257b7 na byang chub ces ji skad du brjod pa ltar ni ma yin no//lha'i bu don dam par na chos thams cad ni shin tu mi mthong ba ste/ lha'i bu shin tu mi mthong ba khong du chud pa ni byang chub ste/ don dam par na byang chub ces ji skad du brjod pa ltar ni ma yin no/ /lha'i bu don dam par na chos thams cad ni shin tu
258a1 ma skyes pa ste/lha'i bu shin tu ma skyes pa khong du chud pa ni byang chub ste/ don dam par na byang chub ces ji skad du brjod pa ltar ni ma yin no/ /lha'i bu don dam par na chos thams cad ni shin tu ma byung ba ste/ lha'i bu shin tu ma byung ba khong du chud pa ni byang chub ste/
258a2 don dam par na byang chub ces ji skad du brjod pa ltar ni ma yin no/ /lha'i bu don dam par na chos thams cad ni shin tu dngos po med pa ste/ lha'i bu shin tu dngos po med pa khong du chud pa ni byang chub ste/ don dam par na byang chub ces ji skad du brjod pa ltar ni ma yin no/ /lha'i bus
258a3 smras pa/'jam dpal chos kyi rnam grangs 'di la su dad par 'gyur/ 'jam dpal gyis smras pa/ lha'i bu don dam par na de bzhin gshegs pa la yang dad pas mi 'gro na/ gang nyan thos dang / rang sangs rgyas dang / mu stegs can dmigs pa can thams
258a4 cad lta ci smos/lha'i bus smras pa/ su dag mos par 'gyur/ 'jam dpal gyis smras pa/ gang don dam par na chos gang la yang mngon par mi chags pa de mos par 'gyur ro/ /lha'i bus smras pa/ yang su dag nan tan byed par 'gyur/ 'jam
258a5 dpal gyis smras pa/gang don dam par na chos gang la yang nan tan mi byed pa'o/ /lha'i bus smras pa/ su dag mngon par rdzogs par 'tshang rgya bar 'gyur/ 'jam dpal gyis smras pa/ gang don dam par na chos thams cad gang yang mngon par rdzogs par 'tshang mi rgya'o/ /lha'i
258a6 bus smras pa/'jam dpal don dam par na su dag chos gang yang mngon par rdzogs par 'tshang mi rgya/ 'jam dpal gyis smras pa/ lha'i bu kun rdzob tu na rnam pa'i mchog thams cad dang ldan pa thams cad mkhyen pa'i ye shes mngon par rdzogs par 'tshang rgya ba dag go/ /lha'i bus smras pa/
258a7 'jam dpal de dag ji lta bu'i rang bzhin du 'gyur/ 'jam dpal gyis smras pa/ lha'i bu don dam par na de dag rab tu ma skyes pa'i rang bzhin du 'gyur ro/ /lha'i bus smras pa/ 'jam dpal mdo sde 'di lta bu su dag gi lag tu 'gro /'jam dpal gyis smras pa/ lha'i bu kun rdzob tu na gang sems can thams cad
258b1 la dam pa'i chos kyi lag sbyin par byed pa rnams kyi'o//lha'i bus smras pa/ 'jam dpal de dag ji lta bur gnas par 'gyur/ 'jam dpal gyis smras pa/ lha'i bu don dam par na shin tu ma skyes/ ma byung dngos po med pa la de dag gnas par 'gyur ro/ /lha'i bus smras pa/ 'jam
258b2 dpal de dag cis 'gro bar 'gyur/'jam dpal gyis smras pa/ lha'i bu don dam par na ma skyes/ ma byung dngos po med par de dag 'gro bar 'gyur ro/ /lha'i bus smras pa/ 'jam dpal phyir mi ldog pa'i byang chub sems dpa' sems dpa' chen pos ci byang chub 'thob bam/ 'jam
258b3 dpal gyis smras pa/lha'i bu gang phyir mi ldog pa'i byang chub sems dpa' sems dpa' chen po des byang chub mi 'thob pa ni gnas ma yin te/ go skabs med do/ /lha'i bus smras pa/ 'jam dpal byang chub sems dpa' sems dpa' chen po rnams ci las ldog par 'gyur/
258b4 'jam dpal gyis smras pa/ lha'i bu byang chub sems dpa' sems dpa' chen po don dam par na rnam par rtog pa thams cad las ldog go/ /nyan thos dang / rang sangs rgyas thams cad dang / mu stegs can dmigs pa can gyi sa las ldog go/ /lha'i bus smras pa/ 'jam
258b5 dpal byang chub sems dpa' sems dpa' chen po ci las mi ldog /'jam dpal gyis smras pa/ lha'i bu byang chub sems dpa' sems dpa' chen po rnams ni chos thams cad shin tu mi 'byung ba'i mnyam pa nyid las mi ldog go/ /de ci'i phyir zhe na/ don dam par na chos
258b6 thams cad shin tu mi 'byung bar mnyam pa'i phyir byang chub sems dpa' sems dpa' chen po dag mnyam ste/de bas na phyir mi ldog go/ /lha'i bus smras pa/ chos thams cad shin tu mi 'byung bar mnyam pa nyid ces bya ba de 'jam dpal chos gang gi tshig / 'jam dpal gyis
258b7 smras pa/chos thams cad shin tu mi 'byung bar mnyam zhes bya ba ni lha'i bu don dam par sna tshogs med pa'i tshig so/ /lha'i bus smras pa/ 'jam dpal chos thams cad shin tu mi 'byung bar mnyam pa la ci'i phyir sna tshogs su snang / 'jam dpal gyis smras pa/ gang lha'i bu chos
259a1 thams cad shin tu mi 'byung bar mnyam pa la don dam par rdzas dang /dngos po dang / ngo bor yongs su rtog pas de dag don dam par na sna tshogs su spyod do/ /de dag don dam par sna tshogs su spyod pa la dmigs pa'i lta ba mang du 'gyur ro/ /de dag dmigs pa'i lta ba mang pos
259a2 'gro ba rnam pa tha dad pa rnams su dbang med par 'khyam mo//gang lha'i bu chos thams cad shin tu mi 'byung bar mnyam pa la don dam par ngo bo dang / rdzas dang / dngos po yongs su mi rtog na/ de dag don dam par na sna tshogs su mi spyod do/ /de dag don dam par sna tshogs su mi spyod na/ don
259a3 dam par shin tu dngos po med par 'gro ba'i tshul gyis don dam par chos thams cad shin tu ma skyes pa'i mtshan nyid dang mnyam par khong du chud par 'gyur ro//lha'i bus smras pa/ rnam grangs gang gis nyon mongs pa dang bcas pa'i byang chub sems dpa' sems dpa' chen po la byang chub yod kyi nyon mongs pa
259a4 med pa la ma yin pa'i rnam grangs yod dam/'jam dpal gyis smras pa/ lha'i bu yod do/ /de ci'i phyir zhe na/ lha'i bu chos thams cad ni kun rdzob tu 'byung ba yang 'byung ngo / /mi 'byung yang mi 'byung ste/ byang chub sems dpa' sems dpa' chen po rnams kyi byang chub kyang kun rdzob tu 'byung ngo / /
259a5 de ci'i phyir zhe na/ lha'i bu don dam par na chos thams cad ni nyon mongs pa med cing mi skye mi 'gag ste/ chos gang don dam par mi skye mi 'gag pa de don dam par gang gis kyang mngon par rdzogs par sangs ma rgyas so/ /mngon par rdzogs par 'tshang rgya bar mi 'gyur ro/ /mngon par rdzogs par
259a6 'tshang mi rgya'o//de ci'i phyir zhe na/ lha'i bu don dam par chos thams cad shin tu ma skyes pa'i phyir te/ lha'i bu rnam grangs de lta bus byang chub sems dpa' sems dpa' chen po nyon mongs pa dang bcas pa la byang chub 'byung ste/ nyon mongs pa med pa la ni ma yin no/ /lha'i bus smras pa/
259a7 'jam dpal rnam grangs gang gis byang chub sems dpa' sems dpa' chen po ser sna can la sbyin pa'i pha rol tu phyin par 'gyur te/ gtong ba dang ldan pa la ma yin pa'i rnam grangs yod dam/ 'jam dpal gyis smras pa/ yod de lha'i bu rnam grangs gang gis byang chub sems dpa' sems dpa' chen
259b1 po ser sna can gyi sbyin pa'i pha rol tu phyin par 'gyur gyi gtong ba dang ldan pa la ma yin pa'i rnam grangs yod do//de ci'i phyir zhe na/ gang sems can thams cad dang sangs rgyas kyi chos thams cad kun rdzob tu yongs su mi gtong mi 'dor ba de ni lha'i bu byang chub sems dpa' sems dpa' chen po'i ser sna'o/ /lha'i
259b2 bus smras pa/'jam dpal gang byang chub sems dpa' sems dpa' chen po ngan pa'i ngang tshul can la tshul khrims kyi pha rol tu phyin par 'gyur gyi tshul khrims dang ldan pa la ma yin pa'i rnam grangs yod dam/ 'jam dpal gyis smras pa/ yod de lha'i bu byang chub sems dpa' sems dpa' chen po
259b3 gang sems can yongs su smin par bya ba'i phyir sems can la lta'i tshul khrims la ma yin pa de ni kun rdzob tu na byang chub sems dpa' sems dpa' chen po'i tshul khrims kyi pha rol tu phyin pa'o//lha'i bus smras pa/ 'jam dpal byang chub sems dpa' sems dpa' chen pos gang bzod pa
259b4 bor la bzod pa can gyi rnam grangs yod dam/'jam dpal gyis smras pa/ lha'i bu yod de byang chub sems dpa' sems dpa' chen po gang la la don dam par chos thams cad la rdzas dang dngos po dang / ngo bor mi bzod pa de ni shin tu ma smras pa'i tshul gyis bla na med pa'i bzod pa dang ldan par 'gyur te/
259b5 lha'i bu de ni mi dmigs pa'i tshul gyis byang chub sems dpa' sems dpa' chen po'i bzod pa dam pa'o/ /lha'i bus smras pa/ 'jam dpal byang chub sems dpa' sems dpa' chen po le lo can brtson 'grus dang ldan par 'gyur ba'i rnam grangs yod dam/ 'jam dpal gyis smras pa lha'i bu yod de/
259b6 lha'i bu byang chub sems dpa' sems dpa' chen po le lo can du gyur pa ni bla'i nyan thos dang rang sangs rgyas dang / mu stegs can dmigs pa'i brtson 'grus kyis brtson 'grus dang ldan pa ni de lta ma yin no/ /lha'i bus smras pa/ 'jam dpal byang chub sems dpa' sems dpa' chen po brjed ngas pa
259b7 gang mnyam par gzhag par 'gyur ba'i rnam grangs yod dam/'jam dpal gyis smras pa/ lha'i bu yod de/ lha'i bu byang chub sems dpa' sems dpa' chen po gang la la rmi lam du yang don dam par rdzas dang / ngo bo dang / dngos po'i sems mi skye ba de ni mi dmigs pa'i tshul gyis shin tu
260a1 mnyam par gzhag par 'gyur ro//lha'i bus smras pa/ 'jam dpal byang chub sems dpa' sems dpa' chen po gang shes rab med pa/ shes rab chen por 'gyur ba'i rnam grangs yod dam/ 'jam dpal gyis smras pa/ lha'i bu yod do/ /de ci'i phyir
260a2 zhe na/lha'i bu don dam par na chos thams cad la shes rab kyis rnam par dpyad de/ btsal na shin tu med cing mi dmigs te/ shes rab de yang don dam par na shin tu med cing mi dmigs pas na/ kun rdzob tu shes rab can zhes bya ste/ shes rab de yang don dam
260a3 par na shin tu ma skyes pa yin no//lha'i bu rnam grangs des na/ byang chub sems dpa' sems dpa' chen po shes rab med pa ni shes rab chen po can zhes bya'o/ /shes rab bye brag tu 'phags pa zhes bya'o/ /shes rab dam pa dang ldan pa zhes bya'o/ /shes rab gya nom pa
260a4 zhes bya'o//mi dmigs pa'i shes rab can zhes bya ste/ don dam par na ji skad du brjod pa ltar ni ma yin no/ /de nas bcom ldan 'das kyis 'jam dpal gzhon nur gyur pa la legs so/ /zhes bya ba byin te/ legs so/ /legs so/ /'jam dpal khyod
260a5 kyis byang chub sems dpa' sems dpa' chen po rnams kyi bya ba dang /mi bya ba mi bstan pa'i tshul gyis bstan pa ni/ tshig 'di legs par smras so/ /'jam dpal 'di lta ste/ dper na skyes bu bkres pa ltogs pas nyam chung ba mnags pa bla'i/ mi shes pas kha zas
260a6 dug can zos pa de lta ma yin no//'jam dpal de bzhin du byang chub sems dpa' sems dpa' chen po mi dmigs pa'i ser sna can dang / ngan pa'i ngang tshul can dang / gnod sems can dang / le lo can dang / brjed ngas pa dang / shes rab med pa bla'i nyan thos dang rang sangs rgyas dmigs pa can
260a7 gyi sems kyi sbyin pa dang /tshul khrims dang / bzod pa dang / brtson 'grus dang / bsam gtan dang / shes rab kyi sbyor ba ni de lta ma yin no/ /de ci'i phyir zhe na/ dmigs pa'i dug gi skyon chags pa'i phyir de la kun rdzob tu 'jigs par shes par bya'o/ /de nas bcom ldan 'das la lha'i bu mtshams
260b1 kyis 'di skad ces gsol to//bcom ldan 'das byang chub sems dpa' sems dpa' chen pos nyon mongs pa rnams la 'jigs par mi bgyi'am/ bcom ldan 'das kyis bka' stsal pa/ lha'i bu kun rdzob tu byang chub sems dpa' sems dpa' chen pos nyon mongs pa rnams la 'jigs par
260b2 bya'o//de bas kyang des nyan thos dang rang sangs rgyas dmigs pa can gyi sems la shin tu 'jigs par bya ste/ nyon mongs pa rnams la ni de lta ma yin no/ /lha'i bus gsol pa/ bcom ldan 'das de ci'i slad nas/ bcom ldan 'das kyis bka' stsal pa/ lha'i bu khyod nyid la dris khyod
260b3 kyis ci nus pa de bzhin du lung ston cig /lha'i bu 'di yid la ji snyam/ skyes bu 'tsho bar 'dod par gyur pas yan lag gcad pa la 'jigs par bya'am/ 'on te mgo gcad pa la rab tu 'jigs par bya/ lha'i bus gsol pa/ bcom ldan 'das yan lag gcad pa'i skyes bu ni 'tsho ste/
260b4 bsod nams 'dod pa bsod nams kyi lam yang dag par blangs shing gnas pa de ni mtho ris su skye ba'i rgyur 'gyur gyi/ bcom ldan 'das mgo bcad pa ni 'tsho ba las yongs su nyams te/ bsod nams 'tshal ba bsod nams kyi lam yang dag par len cing spyod mi nus so/ /bcom ldan 'das kyis bka' stsal pa/ lha'i
260b5 bu de bzhin te byang chub sems dpa' sems dpa' chen po mi dmigs pa ni spyod pa nyams kyang bla'i/nyan thos dang / rang sangs rgyas dmigs pa can gyi lta bar ltung ba rnams kyis bslab pa dang / sbyangs pa'i yon tan thams cad dang ldan pa ni de lta ma yin no/ /byang chub sems dpa' sems
260b6 dpa' chen po ser sna can ni bla'i/sems can thams cad yongs su btang ste/ sangs rgyas kyi chos thams cad 'dor ba ni de lta ma yin no/ /byang chub sems dpa' sems dpa' chen po ngan pa'i ngang tshul can du gyur pa ni bla'i/ sems can thams cad yongs su smin par mi byed par gyur
260b7 pa ni de lta ma yin no//byang chub sems dpa' sems dpa' chen po dad pas spyod pa'i sa la spyod pa/ mi dmigs pa la mos shing / nyon mongs pa dang bcas pa bla'i/ nyan thos dang / rang sangs rgyas dmigs pa can nges par gyur pa thob pa/ nyon mongs
261a1 pa med pa ni de lta ma yin no//lha'i bus gsol pa/ bcom ldan 'das byang chub sems dpa' sems dpa' chen po rnams kyi mi spyod pa'i tshul gyis spyod pa ni 'jig rten thams cad dang mi 'thun pa lags so/ /bcom ldan 'das dmigs pa'i dug gi
261a2 skyon chags pas na/gang nyan thos dang / rang sangs rgyas dmigs pa can rnams kyi tshul khrims de ni byang chub sems dpa' sems dpa' chen po rnams kyi ngan pa'i ngang tshul lags so/ /ji tsam du gang nyan thos dang / rang sangs rgyas dmigs pa can rnams kyi brtson 'grus de ni dmigs
261a3 pa'i dug gi skyon chags pa'i phyir byang chub sems dpa' sems dpa' chen po'i le lo'i bar du'o//bcom ldan 'das kyis bka' stsal pa/ lha'i bu 'di lta ste/ dper na gang mi dbul po'i kha zas de ni 'khor los sgyur ba'i rgyal po'i dug go/ /lha'i bu de bzhin du gang nyan thos dang /
261a4 rang sangs rgyas dmigs pa can rnams kyi tshul khrims dang / brtson 'grus kyi bar du de dag ni byang chub sems dpa' sems dpa' chen po'i ngan pa'i ngang tshul dang le lo'i bar du'o/ /de ci'i phyir zhe na/ dmigs pa'i dug gi skyon chags pa'i phyir ro/ /lha'i bu 'di lta ste/ dper na gang
261a5 bdag nyid bsgrubs pa'i las byed pa'i skyes bu'i nor des grong khyer gyi skye bo thams cad bde bar sbyor mi nus so//lha'i bu de bzhin du gang nyan thos dang / rang sangs rgyas dmigs pa can dbul ba'i sems dang / dman pa'i sems dang / dmigs pa'i sems dang ldan pa rnams kyi brtson
261a6 'grus kyi bar gyis 'dzam bu'i gling gi sems can yongs su thar bar byed kyang mi nus na sems can thams cad lta ci smos/lha'i bu 'di lta ste/ dper na nor chen po longs spyod chen po gtong ba dang ldan pa/ byams pa la gnas pa/ snying rje chen po dang ldan pa ded dpon chen po ni/ sems
261a7 can thams cad bla na med pa'i bde bar byed pa la zhugs pa'i nor des grangs med dpag tu med pa'i sems can bde bar byed do//lha'i bu de bzhin du gang byang chub sems dpa' sems dpa' chen po lhag pa'i bsam pa la zhugs pa/ sems can thams cad la shes rab dang / thabs dang / snying
261b1 brtse ba chen pos bskul ba/bskal pa chen po bye ba khrag khrig brgya stong grangs med par bsod nams dang ye shes kyi tshogs bsags pa'i nor chen po mi dmigs pa'i brtson 'grus kyi bar du de dag gis sems can grangs med/ dpag tu med pa yongs su smin par byed do/ /mi gzhog
261b2 pa'i tshul gyis rnam pa thams cad mkhyen pa nyid la'ang rab tu 'god do//de nas bcom ldan 'das la tshe dang ldan pa 'od srung chen pos 'di skad ces gsol to/ /bcom ldan 'das nyan thos kyis 'dus ma byas kyi chos rnams mngon sum du bgyis la/ bcom ldan 'das byang chub sems
261b3 dpa' sems dpa' chen po ni 'dus byas su gtogs pa lags na/de ji ltar 'dus ma byas su gtogs pa'i nyan thos dang / rang sangs rgyas dmigs pa can thams cad zil gyis gnon/ bcom ldan 'das kyis bka' stsal pa/ 'od srung de'i don rab tu grub par bya ba'i phyir dper bya ste/
261b4 skyes bu mkhas pas smras pa'i don rig pa la la dpes de'i don go bar 'gyur ro/ /'di lta ste/ dper na rgya mtsho chen po bzhi mar gyis gang bar gyur la/ de nas skyes bu la las skra brgyar gshegs pa'i rtse mo'i thog mas mar gyi thigs pa gcig blangs na/ 'od srung 'di ji snyam du sems/
261b5 skrar brgyar gshegs pa'i rtse mo'i thog mas mar gyi thigs pa bcus pas rgya mtsho chen po bzhi mar gyis gang ba zil gyis gnon par nus sam/ 'od srung gis gsol pa/ bcom ldan 'das de ma lags so/ /bde bar gshegs pa de ma lags so/ /bcom ldan 'das kyis bka'
261b6 stsal pa/yang 'od srung de dag las ches mang ba dang / ches mchog tu gyur pa dang / ches dam pa dang / ches rin che ba gang yin/ 'od srung gis gsol pa/ bcom ldan 'das 'di ltar rgya mtsho chen po gcig gi bye ba brgya stong gi cha shas de'ang / bcom ldan 'das shin tu mang /
261b7 shin tu mchog /shin tu dam pa/ shin tu rin che ba lags te/ bcom ldan 'das brgyar gshegs pa'i skra'i rtse mo'i thog mas mar gyi thigs pa blangs pa de lta ma lags na/ bcom ldan 'das rgya mtsho chen po bzhi lta ci smos/ bcom ldan 'das kyis bka' stsal pa/ 'di lta ste/
262a1 dper na brgyar gshegs pa'i skra'i rtse mo'i thog mas mar gyi thigs pa blangs pa tshad yod pa de bzhin du nyan thos dang / rang sangs rgyas dmigs pa can gyi 'dus ma byas kyi ye shes ni chung ngo / /dmigs pa dang bcas pa'o/ /'od srung 'di lta ste/ dper na rgya mtsho chen
262a2 po bzhi mar gyis gang ba de tsam du byang chub sems dpa' sems dpa' chen po dmigs pa med pa/dad pa spyod pa'i sa la mi spyod pa'i tshul gyis spyod pa'i rnam pa'i mchog thams cad dang ldan pa/ bsod nams dang ye shes kyi tshogs thams cad bsdus pa/ 'dus byas kyi ye shes su
262a3 mi blta ba'i tshul gyis blta'o//de yang don dam pa'i me 'bar bas yongs su smin par byas pas rnam pa thams cad kyi mchog dang ldan pa'i thams cad mkhyen pa'i ye shes su mi dmigs pa'i tshul gyis 'gyur ro/ /'od srung de bzhin du byang chub sems dpa' sems dpa' chen po yang
262a4 'dus ma byas thob pa'i nyan thos dang /rang sangs rgyas dmigs pa can thams cad mi dmigs pa'i tshul gyis zil gyis gnon to/ /'od srung 'di lta ste/ dper na grong khyer chen por chud pa'i mching bu'i nor bu khur brgya stong du gyur pa dang / rgya mtsho chen po'i nang na yod pa grur bcug pa/
262a5 rin che ba'i bai dUr+ya nor bu rin po che chen po de bde zhing nye zho med par 'dzam bu'i gling du phyin na de ji snyam du sems/ grong khyer chen por chud pa'i mching bu'i nor bus gru'i nang du bcug pa rin po che bai dUr+ya nor bu rin po che zil gyis non par nus sam/ 'od srung gis gsol pa/ bcom ldan 'das
262a6 de ma lags so//bde bar gshegs pa de ma lags so/ /bcom ldan 'das kyis bka' stsal pa/ 'od srung ji ltar grong khyer chen por chud pa'i mching bu'i nor bu bzhin du/ 'dus ma byas thob pa'i nyan thos dang / rang sangs rgyas dmigs pa can thams cad du blta'o/ /'od srung ji
262a7 ltar nor bu rin po che chen po'i bai dUr+ya rgya mtsho chen po'i nang na yod pa grur bcug pa bde zhing nye zho med par tshong khang gi bar du 'ongs par gyur pa/'od srung de bzhin du byang chub sems dpa' sems dpa' chen po 'khor ba'i grong khyer gyi tshong khang gi bar du 'ongs na sems can thams cad bla na med pa
262b1 yang dag par rdzogs pa'i byang chub tu mi 'jog pa'i tshul gyis rab tu 'god par blta'o//'od srung 'di lta ste/ dper na dpyid zla tha zla ba la sa chen po lo tog gis rab tu gang ba la grog sbur phra mos zas kyi 'bru gcig khyer ba dang / sa chen po 'di de dag gis gang ba gnyis gang mang bar
262b2 sems/'od srung gis gsol pa/ bcom ldan 'das lo tog gis gang ba'i sa chen po de dpag tu ma mchis pa'i 'bru'i phung po chen po 'byung bar 'gyur te/ des sems can grangs ma mchis dpag tu ma mchis pa rnams tshim par 'gyur gyi/ bcom ldan 'das grog sbur phra mos 'tshal
262b3 ba'i zas kyi 'bras bus lta ci zhig bgyi ste/des sems can gang yang 'tsho bar mi 'gyur ro/ /bcom ldan 'das kyis bka' stsal pa/ 'od srung ji ltar grog sbur phra mos khyer ba'i zas kyi 'bru gcig po de bzhin du 'od srung nyan thos dang / rang sangs rgyas dmigs pa can thams cad kyi zag
262b4 pa med pa'i rnam par grol ba'i 'bras bur blta'o//'od srung ji ltar lo tog mang pos rab tu gang ba'i sa chen po de bzhin du 'od srung byang chub sems dpa' sems dpa' chen po mi gnas pa'i tshul gyis kun rdzob dang don dam pa'i bden pa la gnas pas/ pha rol tu phyin pa drug la sogs pa
262b5 sangs rgyas kyi chos thams cad dang /bla na med par bsdus pa'i bsod nams dang ye shes kyi tshogs kyi dge ba'i rtsa ba'i lo tog tu blta'o/ /de yongs su smin par gyur nas 'di lta ste/ bla na med pa rnam pa thams cad kyi mchog dang ldan pa'i ye shes kyi bde ba mi dmigs pa'i tshul gyis sems can
262b6 thams cad kyi 'tsho bar 'gyur ro//de nas bcom ldan 'das la tshe dang ldan pa 'od srung chen pos 'di skad ces gsol to/ /bcom ldan 'das ngo mtshar to/ /bde bar gshegs pa ngo mtshar to/ /bcom ldan 'das kyis mi 'chad pa'i tshul gyis ji ltar bshad pa de de bzhin no/ /bcom ldan 'das
262b7 de ltar rnam pa thams cad kyi mchog dang ldan pa/bla na ma mchis pa mi dmigs pa'i ye shes kyis byang chub sems dpa' sems dpa' chen po dad pas spyod pa'i sa la mi spyod pa'i tshul gyis spyod pas nyan thos dang / rang sangs rgyas dmigs pa can thams cad zil gyis non to/ /de nas bcom
263a1 ldan 'das de bzhin gshegs pa rin po che'i tog gi sangs rgyas kyi zhing nas 'phags pa 'jam dpal gzhon nur gyur pa dang /lhan cig tu 'jig rten gyi khams mi mjed ces bya ba 'dir 'ongs pa'i byang chub sems dpa' sems dpa' chen po dag gis bstan pa 'di thos nas/
263a2 bcom ldan 'das la 'di skad ces gsol to/ /bcom ldan 'das 'di lta ste/ nyan thos dang / rang sangs rgyas dmigs pa can kun nas nyon mongs pa spong ba'i bka' mchid dang / ltung ba rnam par gzhag pa'i bar gyi bka' mchid 'di dag thams cad ni spros pa'i bka' mchid do/ /rnam pa
263a3 tha dad pa'i bka' mchid do//dmigs pa'i bka' mchid de/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i tog gi sangs rgyas kyi zhing na de lta bu'i dmigs pa can gyi bka' mchid ma mchis so/ /de lta bu'i dmigs pa can gyi bka' mchid
263a4 mi gda' ste/bcom ldan 'das de ni byang chub sems dpa' sems dpa' chen po rnams kyi dag pa'i bka' mchid mi thos pa'i tshul gyis thos so/ /phyir mi ldog pa'i bka' mchid mi thos pa'i tshul gyis thos so/ /mi dmigs pa'i bka' mchid mi thos pa'i tshul gyis thos so/ /don dam par
263a5 chos thams cad shin tu ma skyes pa'i bka' mchid mi thos pa'i tshul gyis thos so//don dam par chos thams cad shin tu ma byung ba'i bka' mchid mi thos pa'i tshul gyis thos so/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ni
263a6 shin tu dka' ba mdzad de/gang 'di snyed kyi nyam nga ba bzod cing gang thams cad don dam par shin tu ma skyes pa la/ chos rnams rab 'bring tha mar ston par mdzad do/ /'di lta ste/ don dam par na shin tu ma skyes pa dang / ma byung ba dang / dngos po ma mchis pa'i rnam pa ste/ bcom ldan
263a7 'das de ltar don dam par chos thams cad rnam pa gcig las sems can rnams kyi dmigs pa gzhom pa'i slad du mi ston pa'i tshul gyis rnam pa du mar chos ston to//de nas byang chub sems dpa' sems dpa' chen po de rnams kyis/ lha'i me tog dang / spos dang / bdug pa dang / phreng
263b1 ba dang /byug pa dang / phye ma dang / chos gos dang / gdugs dang / rgyal mtshan dang / ba dan dang / rnam par rgyal ba'i ba don dang bcas pa'i bla res/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la bla na med pa'i
263b2 mchod pa byas nas/'jam dpal gzhon nur gyur pa la 'di skad ces smras so/ /'jam dpal bdag cag 'jig rten gyi khams rin po che dang ldan pa zhes bya bar 'dong ngo / /'jam dpal gyis smras pa/ rigs kyi bu dag da de'i dus la bab par shes na deng shig /byang chub
263b3 sems dpa' sems dpa' chen po de dag gis smras pa/'jam dpal ci khyod da mi 'gro'am/ 'jam dpal gyis smras pa/ rigs kyi bu sangs rgyas kyi zhing thams cad ni sangs rgyas kyi zhing gcig go/ /de bzhin du sangs rgyas thams cad ni sangs rgyas gcig go/ /de bzhin
263b4 du chos thams cad ni chos gcig go//de bzhin du sems can thams cad ni sems can gcig go/ /de dag 'di las khyad par ci yod na/ rigs kyi bu bdag der 'gro/ de skad ces smras pa dang / byang chub sems dpa' sems dpa' chen po de dag gis smras pa/ 'jam dpal
263b5 ji ltar sangs rgyas kyi zhing thams cad sangs rgyas kyi zhing gcig /'jam dpal ji ltar sangs rgyas thams cad sangs rgyas gcig /'jam dpal ji ltar chos thams cad chos gcig /'jam dpal ji ltar sems can thams cad sems can gcig /'jam dpal gyis smras pa/
263b6 rigs kyi bu dag sangs rgyas kyi zhing thams cad ni zhing ma yin no/ /de ci'i phyir zhe na/ don dam par shin tu ma skyes pa'i phyir ro/ /rigs kyi bu dag sangs rgyas thams cad ni sangs rgyas ma yin no/ /de ci'i phyir zhe na/ don dam par na shin tu ma byung ba'i phyir ro/ /rigs kyi bu dag chos
263b7 thams cad ni chos ma yin no//de ci'i phyir zhe na/ don dam par na shin tu dngos po med pa'i phyir ro/ /rigs kyi bu dag sems can thams cad ni sems can ma yin no/ /de ci'i phyir zhe na/ don dam par na shin tu kun nas ma byung ba'i phyir ro/ /de nas de'i tshe 'jam dpal gzhon nur gyur
264a1 pas ci nas stong gsum gyi stong chen po'i 'jig rten gyi khams 'di bcom ldan 'das de bzhin gshegs pa rin po che'i tog gi 'jig rten gyi khams rin po che dang ldan pa zhes bya ba de ci 'dra ba de 'dra bar lhag chad med par snang ba de lta bur bsam pa rab tu rdzogs nas de 'dra bar ting
264a2 nge 'dzin la snyoms par zhugs so//de nas byang chub sems dpa' sems dpa' chen po de dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i tog de dang / 'jig rten gyi khams rin po che dang ldan pa zhes bya ba de'ang mthong ste/ byang
264a3 chub sems dpa' sems dpa' chen po de dag 'di snyam du 'jig rten gyi khams rin po che dang ldan pa zhes bya bar phyin par sems so//de dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa yang bcom ldan 'das de bzhin
264a4 gshegs pa rin po che'i tog gi kha dog dang dbyibs ci 'dra ba bzhin du mthong ngo //nyan thos chen po de dag kyang byang chub sems dpa' sems dpa' chen po yin snyam du sems so/ /de nas byang chub sems dpa' sems dpa' chen po de dag bcom ldan 'das de bzhin gshegs pa shAkya thub pa
264a5 la rin po che'i tog yin snyam pa byed nas 'di skad ces gsol to//bcom ldan 'das bdag cag 'jig rten gyi khams rin po che dang ldan pa zhes bgyi ba 'dir sus phyin par bgyis/ bcom ldan 'das shAkya thub pas bka' stsal pa/ rigs kyi bu dag khyed sus khrid/ byang chub sems dpa'
264a6 sems dpa' chen po de dag gis gsol pa/bcom ldan 'das 'jam dpal gzhon nur gyur pas bdag cag khrid do/ /bcom ldan 'das shAkya thub pas bka' stsal pa/ rigs kyi bu khyed ni 'jam dpal gzhon nur gyur pas ma 'ongs ma song ba'i tshul gyis phyin par byas so/ /de nas 'jam
264a7 dpal gzhon nur gyur pas byang chub sems dpa' sems dpa' chen po de dag la 'di skad ces smras so//rigs kyi bu dag khyed gang du khrid/ gang nas khrid par byas pa mnyam par zhog la ltos shig /de nas byang chub sems dpa' sems dpa' chen po de dag gis rang rang gi ting nge 'dzin
264b1 la mnyam par gzhag ste bltas na/'jig rten gyi khams mi mjed de nyid nas bdag nyid gang du yang ma g.yos par mthong ste/ ngo mtshar du gyur rmad du gyur nas/ 'di ltar bdag cag stan 'di nyid las ma 'phags par 'jig rten gyi khams rin po che dang ldan pa zhes bya bar yang phyin pa
264b2 snyam byed de/'jam dpal gzhon nur gyur pa'i byin gyi rlabs med pa'i tshul gyis byin gyi rlabs bsam gyis mi khyab po zhes ched du brjod pa ched du brjod do/ /de dag gis yang smras pa/ bcom ldan 'das sems can thams cad kyis kyang mi dmigs pa'i tshul gyis byin gyi rlabs 'di thob par
264b3 gyur cig /de nas bcom ldan 'das shAkya thub pas byang chub sems dpa' sems dpa' chen po de dag la bka' stsal pa/ rigs kyi bu dag 'di lta ste/ dper na nam mkha' ni sa'i snod dang / shing gi snod dang / khar ba'i snod dang / zangs kyi snod dang / dngul gyi snod dang / gser
264b4 gyi snod dang /nor bu dang / mu tig dang / bai dUr+ya dang / dung dang / man shel dang / byi ru dang / a mra gar ba dang / spug dang / dung g.yas phyogs su 'khyil ba dang / mu tig dmar po'i snod la sogs pa'i nang du zhugs par gyur pa rigs kyi bu dag kun rdzob tu snod la tha dad pa yod mod kyi nam mkha'
264b5 la tha dad yod pa ma yin no//de ci'i phyir zhe na/ don dam par na nam mkha' shin tu dngos po med pa'i phyir te/ de bzhin du rigs kyi bu dag don dam par chos thams cad shin tu ma skyes/ ma byung / dngos po med mod kyi/ 'jig rten kun rdzob kyi tha snyad kyis tha snyad du 'dogs shing rab tu 'jog
264b6 ste/'di ni gzugs so/ /'di ni tshor ba'o/ /'di ni 'du shes so/ /'di dag ni 'du byed rnams so/ /'di ni rnam par shes pa'o/ /'di dag ni skye mched rnams so/ /'di dag ni khams rnams so/ /'di ni sangs rgyas dkon mchog go/ /'di ni chos dkon mchog go/ /'di ni dge 'dun dkon mchog go/ /
264b7 'di ni nyan thos kyi theg pa'o/ /'di ni rang sangs rgyas kyi theg pa'o/ /'di ni bla na med pa'i theg pa chen po'o/ /'di dag ni dge ba bcu'i las kyi lam rnams so/ /'di dag ni mi dge ba bcu'i las kyi lam rnams so/ /'di dag ni sems can dmyal ba'o/ /'di dag ni dud 'gro'i skye gnas so/ /'di dag ni
265a1 kyi yul lo//'di dag ni lha ma yin no/ /'di dag ni mi'o/ /'di dag ni lha'o/ /'di dag ni 'dod pa na spyod pa'i lha'o/ /'di dag ni gzugs na spyod pa'i lha'o/ /'di dag ni gzugs med pa na spyod pa'i lha'o/ /'di ni 'dod pa'i khams so/ /'di ni gzugs kyi khams so/ /
265a2 'di ni gzugs med pa'i khams so/ /'di ni lus kyis legs par spyod pa'o/ /'di ni ngag gis legs par spyod pa'o/ /'di ni yid kyis legs par spyod pa'o/ /'di ni sbyin pa'i pha rol tu phyin pa'o/ /'di ni tshul khrims kyi pha rol tu phyin pa'o/ /'di ni bzod pa'i pha rol tu phyin pa'o/ /'di ni brtson
265a3 'grus kyi pha rol tu phyin pa'o//'di ni bsam gtan gyi pha rol tu phyin pa'o/ /'di ni shes rab kyi pha rol tu phyin pa'o/ /'di ni thabs kyi pha rol tu phyin pa'o/ /'di ni smon lam gyi pha rol tu phyin pa'o/ /'di ni stobs kyi pha rol tu phyin pa'o/ /'di ni ye shes kyi pha rol tu phyin pa'o/ /'di ni sa bcu dang /
265a4 dbang bcu dang / byang chub sems dpa'i stobs bcu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / dbang po lnga dang / stobs lnga dang / ji tsam du sangs rgyas kyi chos ma 'dres pa bco brgyad dang / ji tsam du rnam pa thams cad kyi mchog
265a5 dang ldan pa'i thams cad mkhyen pa'i ye shes dang /ji tsam du sangs rgyas kyi byang chub dang / ji tsam du de bzhin nyid dang / yang dag pa'i mtha' dang / stong pa nyid dang / mtshan ma med pa dang / smon pa med pa dang / mngon par 'dus ma byas pa dang / ji tsam du 'dus byas dang / 'dus ma byas pa'i chos
265a6 thams cad dang /ji tsam du 'khor ba dang / mya ngan las 'da' ba dang / ji tsam du smra ba dang / smra bar bya ba dang / shes pa dang / shes byar tha snyad 'dogs pa dang / 'brel par 'jug pa de tsam du 'jig rten kun rdzob kyi tha snyad 'jug go/ /don dam par na spyod pa thams cad med par gyur pa ste/ de ci'i
265a7 phyir zhe na/rigs kyi bu don dam par na chos thams cad shin tu ma skyes pa/ ma byung ba/ dngos po med pa'o/ /de nas byang chub sems dpa' sems dpa' chen po de dag shin tu ngo mtshar du gyur nas stan las langs te/ bcom ldan 'das de bzhin gshegs pa dgra bcom pa yang dag par rdzogs
265b1 pa'i sangs rgyas shAkya thub pa la yang shin tu rgya che ba/shin tu khyad par dang ldan pa'i mchod pa byas nas/ bcom ldan 'das kyi zhabs la mgo bos phyag 'tshal te/ tshig 'di skad ces gsol to/ /bcom ldan 'das sems can thams cad 'di lta bu'i seng ge'i sgra/ bye brag tu 'phags pa'i sgra/ khyu
265b2 mchog gi sgra/skyes bu chen po'i sgra/ yang dag pa'i sgra/ de kho na'i sgra/ mi dmigs pa'i sgra/ don dam pa'i sgra/ mi dmigs pa'i tshul gyis 'byin par gyur cig /de nas byang chub sems dpa' sems dpa' chen po de dag dga' mgu rangs nas bcom ldan 'das de bzhin gshegs pa dgra
265b3 bcom pa yang dag par rdzogs pa'i sangs rgyas shAkya thub pa la lan brgya stong du mar bskor ba byas nas/bcom ldan 'das kyi gan nas slar dong ste/ de dag phyogs bcur song nas mi dmigs pa'i brtson 'grus kyi go cha chen po go cha med pa'i tshul gyis bgos nas don dam pa dang / kun rdzob kyi bden pa gnyis la gnas
265b4 pa'i chos bstan pa 'di nyid mi ston pa'i tshul gyis ston to//chos 'dul ba 'di nyid la sems can thams cad 'dul zhing ston to/ /mi 'jog pa'i tshul gyis rab tu 'god do/ /'jam dpal gzhon nur gyur pa stan de la 'dug ste ma langs par 'di 'dra ba'i ting nge 'dzin la mnyam par bzhag ste/ ting nge 'dzin
265b5 des 'jam dpal gzhon nur gyur pa'i gtsug tor gyi gseb spyi bo'i gtsug nas sems can thams cad kyi dmigs pa dang /mi shes pa sel ba zhes bya ba'i 'od zer byung ste/ de byung nas phyogs bcu'i 'jig rten gyi khams thams cad du sangs rgyas kyi zhing rab 'byam thams cad snang bar byas so/ /'od zer snang ba
265b6 des bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas chos bshad pa/kun rdzob dang don dam pa'i bden pa gnyis la brten pa mi thos pa'i tshul gyis thos so/ /'di ltar phyogs bcu mtha' yas mu med pa'i 'jig rten gyi khams thams cad
265b7 na bzhugs pa'i sangs rgyas dang /byang chub sems dpa' sems dpa' chen po thams cad la mchod pa bya ba'i phyir 'od zer gyi snang ba de las lha'i me tog gi char 'bebs pa'i sprin byung ngo / /lha'i bdug pa'i char 'bebs pa'i sprin byung ngo / /lha'i spos kyi char 'bebs pa'i sprin byung ngo / /lha'i phreng
266a1 ba'i char 'bebs pa'i sprin byung ngo //lha'i byug pa'i char 'bebs pa'i sprin byung ngo / /lha'i phye ma'i char 'bebs pa'i sprin byung ngo / /lha'i gos kyi char 'bebs pa'i sprin byung ngo / /lha'i gdugs kyi char 'bebs pa'i sprin byung ngo / /lha'i rgyal mtshan gyi char 'bebs
266a2 pa'i sprin byung ngo //lha'i ba dan gyi char 'bebs pa'i sprin byung ngo / /lha'i rnam par rgyal ba'i ba dan gyi char 'bebs pa'i sprin byung ngo / /lha'i bla re'i char 'bebs pa'i sprin gyi bar du byung ngo / /lha'i me tog dang / bdug pa dang / spos dang / phreng ba dang / byug pa dang /
266a3 phye ma dang / chos gos dang / gdugs dang / rgyal mtshan dang / ba dan dang / rnam par rgyal ba'i ba dan dang / bla re'i char 'bebs pa'i sprin byung ngo / /rnam pa thams cad kyi mchog dang ldan pa/ bla na med pa'i bde ba chen po thams cad phun sum tshogs pa'i lha'i me tog dang /
266a4 bdug pa dang / spos dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan dang / rnam par rgyal ba'i ba dan dang / bla re'i char gyi sprin rab tu gtong ngo / /de nas 'jam dpal gzhon nur gyur pa ting nge 'dzin de las langs te/ langs
266a5 nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la lan brgya stong du mar mi dmigs pa'i tshul gyis bskor ba byas nas 'jig rten gyi khams mi mjed ces bya ba 'di nas slar song ngo //de nas bcom ldan 'das kyis tshe dang ldan pa
266a6 kun dga' bo la bka' stsal pa/kun dga' bo chos kyi rnam grangs sangs rgyas dang byang chub sems dpa' sems dpa' chen po thams cad kyi 'byung gnas 'di zung shig /rgyas par gyis shig /de nas tshe dang ldan pa kun dga' bos bcom ldan 'das la 'di skad ces gsol to/ /bcom ldan 'das chos
266a7 kyi rnam grangs 'di bdag gis gzung ba ni lags na/rgyas par bgyid ni mi nus so/ /de ci'i slad du zhe na/ bcom ldan 'das don dam par dmigs pa la mngon par zhen pa'i sems can shin tu mang ste/ rdzas la mngon par zhen pa nas dngos po'i bar la mngon par zhen te/ log par 'dzin pa
266b1 de las dbye ba shin tu dka'o//de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo chos kyi rnam grangs 'di ni 'das pa dang / ma 'ongs pa dang / da ltar gyi sangs rgyas bcom ldan 'das thams cad kyis byin gyis mi rlob
266b2 pa'i tshul gyis byin gyis brlabs so//kun dga' bo khyod rkyen tsam gyis shig /kun dga' bos gsol pa/ bcom ldan 'das rigs kyi bu'am/ rigs kyi bu mo gang chos kyi rnam grangs 'di chung ngu na nyan par 'gyur ba de dag ci 'dra bar 'gyur/ bcom ldan 'das kyis bka' stsal pa/
266b3 kun dga' bo chos kyi rnam grangs 'di las de bzhin gshegs pas yang dag par bstan pa/ de kho na bstan pa/ mi dmigs pa bstan pa/ don dam pa bstan pa/ mi ston pa'i tshul gyis bstan to/ /bstan pa de yang bsam gyis mi khyab/ dpag tu med de/ kun dga' bo de bzhin
266b4 du gang chos kyi rnam grangs 'di las chung ngu na yi ge 'bru gcig tsam yang mi nyan pa'i tshul gyis mnyan na sangs rgyas kyi chos thams cad bsam gyis mi khyab cing dpag tu med par 'gyur ro//de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das
266b5 chos kyi rnam grangs 'di'i ming ci lags/'di ji ltar gzung bar bgyi/ bcom ldan 'das kyis bka' stsal pa/ kun dga' bo de'i phyir chos kyi rnam grangs 'di kun rdzob dang / don dam pa'i bden pa bstan pa zhes bya bar zung shig /bcom ldan 'das kyis de skad ces bka' stsal nas/
266b6 byang chub sems dpa' sems dpa' chen po de dag dang / nyan thos chen po de dag dang / tshe dang ldan pa kun dga' bo dang / 'khor de dag thams cad dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis bshad pa la mngon par bstod do/ /'phags
266b7 pa kun rdzob dang don dam pa'i bden pa bstan pa zhes bya ba theg pa chen po'i mdo rdzogs so// //rgya gar gyi mkhan po shAkya pra b+hA dang / dzi na mi tra dang / zhu chen gyi lo ts+tsha ba ban de d+harma tA shI la la sogs pas bsgyur cing zhus nas gtan la phab pa// //
CLOSE WINDOW