CLOSE WINDOW

D1784
བོད་ཡིག

@##/ /rgya gar skad du/ shrI gu h+ya sa ma dza tan+ta s+ya tan+t+ra TI kA nA ma/ bod skad du/ dpal gsang ba 'dus pa'i rgyud kyi rgyud 'grel zhes bya ba/ dpal rdo rje sems dpa' la phyag 'tshal lo//sna tshogs sprul pa'i rol pa spro ba'i tshogs kyis sems can ma lus don mdzad pa/ /rang snang longs spyod bde ba nyams myong bas ni ma lus rtog pa'i dra ba 'joms/ /sum cu rtsa gnyis grangs ldan lha yi 'khor lor lhan skyes ngo sku gang zhig bzhugs//srid pa'i 'jigs pa ma lus gcod mdzad rdor sems de ni khyed la srung bar shog /nyon mongs kyi tshogs rab rib snying gi mun pa'i skye bo yi//shin tu rno ba'i shes rab ral gri yis ni rnam par gcod/ /ma lus skye bo'i dpa' bo gang zhig dpal ldan 'jam rdo rje/ /lus dang ngag dang yid rnams kyis ni de la bdag phyag 'tshal//gting med 'khor ba'i rgya mtsho las/ /bskal pa brgya yis brgal mi 'gyur/ /gang gi drin gyis pha rol phyin/ /bla ma'i zhabs la rab btud de/ /dpal ldan 'dus pa'i mdzod grags pa//man ngag gter gyi rnam par brgyan/ /de bzhin gshegs pas gsang ba'i phyir/ /rgyas btab gang zhig sngar yod pa/ /man ngag nor ni ma thob pas/ /dbul po rnams la phan pa'i phyir//byang chub rgyal srid thob phyir dang / /'grel pa'i lde mig gis grol bya/ /skyon tshogs yang dag spangs nas ni/ /yon tan cha la blo gdab bya/ /mkhas pa rnams kyis 'grel pa 'dir//gang phyir skyes bu gzhan don mdzad/ /re zhig skyes bu chen po rnams/ /bdag nyid chung bar 'dod pa ste/ /gzhan don gzhan ni rab mdzad pa/ /dam pa'i rang bzhin zla ba bzhin/ /'dir ni bcom ldan 'das shAkya thub pas rgyud la sogs pa rnam pa bzhi yi rigs pas rang dang gzhan gyi don mdzad la/bya ba dang spyod pa la sogs pa'i tshul gyis sems can rnams 'dul te/ de la mos pa dang ldan pa'i sems can gyi khams la yang dag par rdzogs pa'i byang chub kyi tshig bshad la/de'i rjes la dbang po dman pa la sogs pa'i dbye ba la brten te/ sku gsum gyi bdag nyid can rdo rje 'chang chen po'i go 'phang thob par bya ba'i phyir rim gyis gong nas gong du khyad par dang ldan pa/bya ba dang / spyod pa dang / rnal 'byor dang rnal 'byor chen po dang / rnal 'byor ma'i rgyud kyi dbye bas sngags kyi theg pa chen po rnam pa lnga bstan to/ /de la gti mug gi rigs can gyi sems can la brten te dkyil 'khor dang / bskor ba dang / mchod rten gyi las dang / khrus kyi cho ga dang / sbyin sreg dang / mchod pa dang / bsnyen gnas dang / brtul zhugs dang sdom pa la sogs pa gtso bor gyur pa'i bya ba'i rgyud bka' stsal te/ dper na sgron ma 'byung ba la sogs pa'o/ /de'i rjes la dbang po dman pa dang bar pa'i gti mug gi rigs can gyi sems can gyi khams la brten te dngos grub dang ting nge 'dzin dang spyod pa dang mthu dang ldan pa dpal mchog dang po la sogs pa spyod pa'i rgyud gsungs so//de'i rjes la 'dod chags dang zhe sdang dman pa'i rigs can gyi sems can la brten te de rnam par dag pa'i thabs su gyur pa de kho na nyid bsdus pa la sogs pa'i rnal 'byor gyi rgyud gsungs so//de bzhin du bar pa dang lhag pa'i 'dod chags dang zhe sdang gi rigs can la brten te rnam par dag par bya ba'i phyir dpal gsang ba 'dus pa la sogs pa rnal 'byor chen po'i rgyud gsungs so/ /'ba' zhig lhag pa 'dod chags dang zhe sdang gi rigs can la brten te rnal 'byor ma'i rgyud gsungs so//de la bya ba'i phyogs ni dbang po dman pa rnams kyi'o/ /spyod pa'i phyogs ni dbang po bar pa rnams la'o/ / rnal 'byor chen po dang rnal 'byor ma'i rgyud kyi phyogs ni dbang po rab kyi rab rnams la bstan te/dbang po dbye ba'i rim pa dang yul gyi rnam par dbye ba rab tu bstan to/ /de la rnal 'byor bla na med pa'i rgyud kyi phyogs 'di ni 'dod pa'i khams kyi gdul bya sems can gyi rigs rnam pa bzhi la brten te bskal pa bzang po la lag na rdo rje la brten te snyigs ma lnga'i dus 'di la sems can rnams kyi tshe dang /brtson 'grus dang stobs chung ba nyid du gzigs te/ de rnams gdon par bya ba'i phyir snying rje chen po la sogs pas thugs dbang du mdzad nas spyod pa gsum spyod pas bde ba'i thabs kyis byang chub thob par 'gyur ba 'ba' zhig ting nge 'dzin tsam gtso bor gyur pa spros pa dang bral ba dpal gsang ba 'dus pa bcom ldan 'das kyis gsungs so//de la 'di'i re zhig dang po brjod pa la sogs pa lnga bshad par bya ste/ gang gi phyir de med pas nyan pa po rnams mi 'jug pa'i phyir de rnams bstan par bya'o/ / brjod pa dang / brjod par bya ba dang / 'brel pa dang / dgos pa dang / dgos pa'i dgos pa'o/ /ji skad du/ bstan bcos rnams ni thams cad dang / /rgyud sogs gang yang rung ba yi/ /brjod pa med pas 'jig rten 'di/ /lkugs dang long ba 'dra bar 'gyur/ /zhes 'byung ngo / /brjod par bya ba med pa'i tshig ni le'u bcu la sogs pa'i tshig bzhin du don med par bstan bcos 'gyur ba'i phyir ro//ji skad du nyan pa po 'jug 'grub pa ni/ gang phyir 'brel pa bstan pa ste/ /de phyir bstan bcos rnam kun la/ /'brel pa sngon du brjod par bya/ /de la 'di'i brjod pa ni dpal gsang ba 'dus pa zhes bya'o//brjod par bya ba ni le'u bco brgyad kyi rim pas rdzogs pa bcom ldan 'das rdo rje 'chang chen po dang de'i dkyil 'khor ro/ /yang na dang po sbyor ba la sogs pa'i dbye ba'i ting nge 'dzin gsum mam/ rim pa gnyis sam/ 'ba' zhig pa rdzogs pa'i rim pa gtso bor gyur pa ni rim pa lnga'am/ rang bzhin la sogs pa'i dbye bas gnas pa don drug ste/ brjod par bya ba med pa'i tshig ni le'u bcu pa la sogs pa'i tshig bzhin du/ don med par bstan bcos 'gyur ba'i phyir ro/ /de bzhin du/ nyan pa po 'jug 'grub pa ni/ /gang phyir 'brel pa bstan pa ste/ /de phyir bstan bcos rnam kun la//'brel pa sngon du brjod par bya/ /zhes thabs dang thabs las byung ba'i mtshan nyid can nam brjod pa dang brjod par bya ba'i mtshan nyid can sgra dang don dag la 'brel bar bstan to/ /gal te sgra dang don la don dam pa'i 'brel pa med na yang blos byas pa ni yod pa kho na yin te/ rnam par rtog pa la phal cher du rnam par dpyad do//'brel pa de yang rnam pa drug yin te/ de bzhin gshegs pa dang / lha mo dang / byang chub sems dpa' dang / lha dang / lha ma yin dang / mi'o/ /de la bcom ldan 'das rdo rje 'chang chen po don dam pa'i ngo bo gzugs dang ldan pa bshad mi nus te/ de dang ldan pas na lam po che'i skyes bu bzhin du mi rtag pa nyid du thal bar 'gyur ba'o//rnam pa dang bcas pa'i dngos po la 'jig pa mthong ba'i phyir ro/ /gzugs dang ldan pa ma yin na ri bong gi rwa bzhin shin tu med pa la mi dmigs pa'i phyir bsnyen bkur byed pa med pas lkugs pa dang /long ba dang 'dra ba bla ma dang slob ma med par grol bar thal bar 'gyur te/ med pa la don bya ba mi dmigs pa'i phyir ro/ /de bas na 'dir ji ltar gnas par bya'o/ /de'i lan 'di yin te bcom ldan 'das rdo rje 'chang chen po ni rnam pa dang bcas pa yin la rnam pa med pa yang yin no/ /'o na grib ma dang nyi ma bzhin du 'gal ba'i chos gnas par 'gyur ro//mi 'gyur te gang gi phyir bcom ldan 'das kyis 'od gsal ba las gcig tu ldang bar mdzad la/ brgya byin gyi gzhu bzhin du sems can rjes su gzung ba'i phyir sku sprul pa ste/ 'dus byas pa ma yin te/ skye ba dang rga ba dang / mi rtag pa la sogs pas 'dus byas pa'i mtshan nyid med pa'i phyir dang / ye shes kyi sku nyid yin pa'i phyir dang / rdo rje bzhin du mi phyed pa'i phyir ro/ /de bas na rnam pa dang bcas pas bcom ldan 'das rigs pa yin no/ /rnam pa med pa yang bcom ldan 'das ni 'od gsal ba la bzhugs pa'i dus su pho mo ma ning ni rnal 'byor gyi bsgom pas phung po dang /khams dang / skye mched ma lus pa la stong pa nyid kyi mes bsregs pa'i phyir ro/ /'di skad du/ gos bzhin dngos po rnams la ni/ /rnam pa du mas tha dad la/ /stong nyid me yis bsregs pa la/ /thal ba'i dbye ba gang yang med/ / ces 'byung ngo / /de bas na rnam pa med pa yang ngo / /'gal ba yang ma yin te/ tha dad pa'i bya ba la brten pa'i phyir ro/ /bcom ldan 'das rdo rje 'chang chen po de lta bus rang gi thugs ka'i sa bon las sam/ nang gi bdag nyid kyi dkyil 'khor gyi rim pas de bzhin gshegs pa lnga spros te/ de rnams la de kho na nyid gang bstan pa de ni de bzhin gshegs pa'i 'brel pa'o//bcom ldan 'das de nyid kyis 'dod chags kyi rigs can gyi sems can rnam par dag par bya ba'i phyir rang gi sa bon de nyid las lha mo bzhi spros te/ de rnams la gang chos kyi de kho na nyid gsungs pa de ni lha mo'i 'brel pa ste/dper na lha mo bzhis yongs su zhus pa'i rgyud la sogs pa'o/ /de la ni rdo rje 'chang chen po kho na gdul bya'i phyir bud med kyi gzugs can te/ gang gi phyir de kho na nyid la bud med dang skyes bu'i dbye ba med pa ste/ rnam pa med pas nam mkha' bzhin du mi phyed pa'i phyir ro//rdo rje snying po la sogs pa la brten te dpal kye rdo rje la sogs pa'i rgyud rnams las gang zhig de kho na nyid gsungs pa ni byang chub sems dpa'i 'brel pa'o/ /brgya byin gyis yongs su zhus pa la sogs pa la gang bcom ldan 'das kyis chos bstan pa de ni lha'i 'brel pa'o/ /lha dang klu dang drang srong la brten te gang zhig de kho na nyid bstan pa de ni lha dang lha ma yin gyi 'brel pa ste/dper na mi sbyin gyi bu la brten te/ sgron ma'i rtog pa la sogs pa la'o/ /rgyal po rab gsal la sogs pa la bcom ldan 'das kyis chos gang bstan pa de ni mi'i 'brel pa'o/ /la la na re rdo rje 'chang chen pos de bzhin gshegs pa rnams la gsungs pa ste/de rnams kyis kyang lha mo rnams la gsungs so zhes zer ro/ /bems po bems po mi rten pas/ /'brel pa rnam pa gnyis su 'dod/ /bems po sgra dang don 'brel pas/ /gnyis pa rjod byed nyan pa po'i/ /gnyis pa'i rnam pa drug yin te//zhal nas zhal gyi rim pas byung / /de bzhin gshegs sogs dbye ba yis/ /blo ldan rnams kyis bshad pa yin/ /zhes bya ba mdor bsdus pa'i tshigs su bcad pa gnyis so/ /'dir ni de bzhin gshegs pa'i 'brel pa ste/ de bzhin gshegs pa lnga bskyed de/ de rnams la bcom ldan 'das kyis rgyud gsungs pa'i phyir ro//dang po sbyor ba la sogs pa don bcu drug la thos pa dang bsam pa dang bsgom pa'i rim pas rnal 'byor pas gang zhig rdo rje 'chang chen po'i go 'phang thob pa de ni dgos pa'o/ /rang gi don phun sum tshogs pa thob pa'i rnal 'byor pas dbugs dbyung ba rnam pa gnyis kyi rim pas gang zhig gzhan ma rnams rdo rje 'chang chen po nyid du mdzad pa de ni dgos pa'i dgos pa'o//de nas 'dir ni rnam par dpyad par bya ste/ gsung rab yan lag bcu gnyis bcom ldan 'das kyis gsungs te/ dper na mdo'i sde dang / dbyangs kyis bsnyad pa dang / lung du bstan pa dang / tshigs su bcad pa dang / ched du brjod pa dang / gleng gzhi dang / nges par brjod pa dang / 'di ltar byung ba dang / shin tu rgyas pa dang / skyes pa'i rabs dang / rmad du byung ba dang / chos gtan la phab pa zhes bya ste/ de rnams kyi nang nas 'di gang yin zhe na/ 'dir lan smras pa mdo sde zhes bya ba'o//ji skad du/ sna tshogs don dang yang dag ldan/ /tshig nyung yang dag ldan pa ste/ /gtan tshigs dpe rnams kyis grub pa/ /mdo sde mkhan gyis brjod de bzhin/ /zab pa'i don gsal bar byed pas na mdo sde zhes bshad pa yin no/ /gal te de lta bu yin na/ dgos pa bsdus dang bcas pa dang //tshig don bcas dang dgos par ldan/ /the tshom lan dang bcas pa ste/ /mdo sde'i don la mkhas pas brjod/ /ces bya bas dgos pa la sogs pa bshad du rung ba yin no/ /de ni bden pa yin te/ 'on kyang brjod pa la sogs pa lngas de rnams bshad zin te/ logs su mi bshad do/ / 'di lta ste dgos pas ni dgos pa bshad zin to/ /brjod par bya bas ni tshig gi don dang don bsdus pa dang dgongs pa rnams te tshig gi don kho na brjod par bya ba ste/ de ji srid du mdor bsdus pa ma byas pa'am/ dgongs pa dang bcas pa ma bstan pa ste/ de srid du sus len par byed de/ de bzhin du 'brel pas ni the tshom dang lan bstan pa ste/gang gi phyir de bzhin gshegs pa la sogs pa'i dbye bas gang zhig sngar 'brel pa bshad pa de la nges par the tshom dang lan gyi sgo nas chos kyi bstan pa byung ba ste/ de bas na dgos pa la sogs pa drug brjod pa la sogs pa'i nang du bsdus pa ste logs su mi bstan to//da ni byis pa'i blo grub par bya ba'i phyir mdor bsdus pas le'u bco brgyad kyi don bsdus pa bshad par bya ste/ de la re zhig le'u dang po las rnam pa gnyis kyis lha'i rnal 'byor sgom pas sprul pa'i dkyil 'khor spros te/ rgyud ma lus pa'i don gyis 'bras bur gyur pa rdo rje 'chang chen po'i dkyil 'khor bcom ldan 'das mi bskyod pa byung ba'i rjes su zhugs pas rdo rje 'chang chen po'i dkyil 'khor bka' stsal to//rnam pa gnyis kyi rim pa'i lha'i rnal 'byor gyis dgod pa byung bas de bzlog par bya ba'i phyir don dam pa'i bden pa la bzhugs pa'i rdzogs pa'i rim pa 'ba' zhig gtso bor gyur pa byang chub kyi sems kyi le'u bstan to//don dam pa la zhugs pas gzhan gyi don med pa'i phyir smon lam gyi 'bras bu med pas de'i skyon sel bar bya ba'i phyir yongs su dag pa'i lha'i rnal 'byor bstan pa'i le'u gsum pa'o/ /yongs su dag pa'i sgra ni rnam pa gnyis te/gcig ni bskyed pa'i rim pa rjod par byed pa dang / gnyis pa ni rang la byin gyis brlab pa'i rim pa rjod par byed pa'o/ /'dir ni gnyis ka yang gzung bar bya'o/ /rig ma'i dbang thob pas phyir mi ldog pa'i phyir le'u bzhi pa'o/ /dbang thob pas spyod pa spyod de le'u lnga pa'o/ / sku gsung thugs byin gyis brlabs pa med pas spyod pa 'grub par mi 'gyur te/ sku gsung thugs byin gyis brlab pa ston par byed pa le'u drug pa'o/ /de yang nye bar mtshon pa tsam yin la/ gzhan yang phra mo'i rnal 'byor la sogs pa bstan pa ste/ 'di rgyud yin pa'i phyir ro/ /le'u lnga pa las gsungs pa'i spyod pa le'u bdun pa las rgyas par bstan pa ste/khyad par ni ma yin no/ /rgyas pa'i don shes nas bde bas go ba'i phyir ro/ /ji skad du cho ga de rnams ni legs par bsdus pa yin te/ gang gi mtshan nyid dang spros pa bstan pa yin no/ /de ltar na yang dngos grub med pas gtsang ba dang mi gtsang ba'i rnam par rtog pa zhi bar mi 'gyur te/de'i phyir gsang ba'i dbang bskur ba'i le'u brgyad pa'o/ /gsang ba'i dbang bskur ba thob pas de'i dus grub pa'i phyir rdo rje 'chang chen po'i stobs kyis rnal 'byor gyi ting nge 'dzin rdzogs par bya ba'i phyir le'u dgu pa'o/ /sngags la mos pa dang ldan pa'i rnal 'byor pas gsang ba'i dbang thob pas phyi nas sngags kyis bskul bas rdo rje 'chang chen po grub pa'i phyir le'u bcu pa'o//de ltar na le'u dgu pa dang bcu pa ni brgyad pa'i yan lag tu gyur pa ste/ myur ba dang ring bar dpyod par byed pa'i slob ma'i dbye bas so/ /drag shul gyi rnal 'byor dang snying po bskul bdag gis gang zhig rdo rje 'chang chen po thob pa de ni de'i dbye ba gnyis pa ste/sngags kyi sku rdzogs pa dang / ye shes kyi sku rdzogs pa'o/ /sngags kyi sku ni bskyed pa'i rim pa dang / ye shes kyi sku ni rdzogs pa'i rim pa ste/ de'i phyir le'u bcu gcig pa'o/ /ye shes kyi sku la zhugs pas sems can gyi don bya ba'i phyir rigs kyi dbye bas phyag rgya chen por yongs su 'gyur ba'i mtshan nyid bstan pa'i le'u bcu gnyis pa'o//sems can gyi don de yang rigs kyi dbye bas las kyi tshogs pas 'grub par 'gyur te/ de'i phyir le'u bcu gsum pa'o/ /lha'i 'khor lo'i dbye bas las kyi tshogs grub par bya ba'i phyir le'u bcu bzhi pa'o//gal te las kyi tshogs kyi sgo nas zhen pa rags pa skye bar 'gyur ba de'i skyon sel bar bya ba'i phyir sgyu ma lta bu'i ting nge 'dzin mngon du byed pa'i le'u bco lnga pa'o/ /le'u bcu drug pa ni le'u bzhi pa'i yan lag tu gyur pa ste/ de la le'u bzhi pa bzhin du dkyil 'khor gyi cho ga'i rim pa bstan to//khyad par ni rgyas pa dang mdor bsdus pas byas pa'o/ /de yang nye bar mtshon pa tsam yin te/ le'u thams cad kyi yang na de yan lag yin pas de nyid kyi phyir phyis bstan to/ /de ltar na rang gi don sgrub pa dang gzhan gyi don sgrub pa bstan to/ /de dag kyang dam tshig dang sdom pa'i sgo nas 'grub par 'gyur te/de'i don ston par byed pa le'u bcu bdun pa'o/ /de'i 'og ma le'u gzhan med de bya ba med pa'i phyir ro/ /'o na le'u bco brgyad pa yod pa ma yin nam zhe na/ bden te/ de ni gzhan ma rnams kyi 'grel pa dang 'dra ba yin te/ 'gal ba ma yin no/ /de nyid kyi phyir de'i ming ni rgyud phyi ma dang 'dus pa phyi ma zhes so//de'i don gyi rnam par dbye ba ni de nyid du bshad par bya'o/ /da ni brjod pa la sogs pa lnga'i nang nas gnyis pa brjod bya rnam pa bcu drug pa gang yin pa de'i dbye ba bshad pa'i rgyud rnams las bshad par bya ste/ de la re zhig dang po tshig gi don bcu drug ni 'di yin te/ dang po sbyor ba dang / dkyil 'khor rgyal ba mchog dang /las rgyal ba mchog dang / bskyed pa'i rim pa dang / rdzogs pa'i rim pa dang / rdo rje bzlas pa dang / sems rnam par dag pa dang / rang byin gyis brlab pa dang / mngon par byang chub pa dang / zung du 'jug pa'i rim pa dang / rang bzhin dang / rgyu dang / las dang / 'bras bu dang / rnal 'byor dang / sgrub pa rnams kyi de kho na nyid shes pas rdo rje 'chang chen po'i go 'phang thob par 'gyur ro/ /mdor bstan pa'i tshig 'di rnams kyi rgyas par bshad pa ni rnal 'byor chen po'i rgyud rdo rje phreng ba las bshad par bya ste/ de nas rdo rje 'chang ba bcom ldan 'das/ /'jig rten gsum bdag chen po ni//phyag na rdo rje yid dga'i phyir/ /lha yi rnam pa 'grub pa bstan/ /byang chub kyi sems bskyed nas ni/ /sdig pa bshags pa la sogs te/ /tshad med pa rnams bsgoms nas ni/ /bsod nams kyi ni 'phel bya'i phyir/ /bla ma sangs rgyas sogs dge slong / /yang dag mchod cing 'gro don bya//sngags ni rjes su dran byas nas/ /thams cad stong pa rjes dran bya/ /lus ngag yid ni stong nyid du/ /de bzhin du ni khams gsum pa/ /bsgoms nas de ltar rnal 'byor ni/ /dang po sbyor ba zhes 'dod do/ /de nas gzhan don grub pa'i phyir/ /stong nyid rang bzhin spang ba'i phyir/ / blo ldan lha mos bskul ba ni/ /gzugs brnyan bzung bar bya ba'o/ /nyon mongs nye nyon gzhig bya'i phyir/ /rim pa ji bzhin gnas ji bzhin/ /phung po khams la sogs las 'byung / /dkyil 'khor pa rnams spro bar bya/ /bsgom pa'i lam ni de lta bu/ /rnal 'byor pas gang bsgom pa ste / /de ni dkyil 'khor rgyal ba mchog /rgyal ba rnams kyis gsungs pa'o/ /sku gsung thugs la dgod pa dang / /ye shes sems sogs sbyor ba ste/ /bstod mchod bdud rtsi myang ba ni/ /las kyi rgyal mchog bstan pa yin/ /de nyid tha mal pa'i yan lag drug gi rnal 'byor sgom pa yin no/ /don yod grub pa'i rgyud las /gzhal yas khang ni rnam snang mdzad/ /dbang ni mi bskyod de bzhin gshegs/ /bdud rtsi myang ba 'od dpag med/ /bstod pa dpal ldan rin chen 'byung / /mchod pa don yod grub yin te/ /rdor sems rjes su chags pa yin/ /rdo rje rjes su chags pa dang / /sangs rgyas gnas ni rnam bsgom dang //dbang dang bdud rtsi myang ba dang / /mchod pa bstod pa yan lag drug /yan lag drug ni rnal 'byor pas/ /bsgoms na dngos grub brnyes par 'gyur/ /de ni dang por sbyor ba po la sogs pa'i bsgom pa'i lam mo/ /de bzhin du 'dus pa'i rgyud phyi ma las kyang / bskyed pa yi ni rim pa dang / /rdzogs pa'i rim pa de bzhin du//rim pa gnyis la brten nas ni/ /rdor 'chang rnams kyis chos bstan pa'o/ /dang po stong nyid byang chub dang / /gnyis pa sa bon bsdus pa'o / /gsum pa gzugs brnyan 'grub pa ste/ /bzhi pa yi ge dgod pa yin/ /zhes 'byung ngo / /de tsam gyis bskyed pa'i rim pa bstan to//gzhan du yang khyad par gyis bstan pa ste/ dper na rnal 'byor ma'i snying po'i rgyud las kyang / da ni bshad par bya ba ste/ /dam tshig rnams kyi mtshan nyid ni/ /dngos grub rnams kyi rgyud nyid dang / /dam tshig rnams ni bsrung ba'o/ /dam tshig dang ni sgrub pa dang / /de bzhin sgrub pa chen po ste//gal te dngos grub mchog 'dod na/ /de phyir gsum po rtag tu bya/ /dam tshig bdud rtsi lnga nyid dang / /sgrub pa sha ni lnga po ste/ /bla ma dang bcas dga' ba ni/ /sgrub pa chen po de nyid yin/ /the tshom yang dag yongs spangs nas/ /dgod pa rol pa de bzhin du/ /gtso bo bla mas lha mo kye/ /dga' ba'i rol pa sba mi bya// mchan khung nas ni de bzhin du/ /bla ma dga' bar gyur pa na/ /des kyang thar pa'i 'bras bu ster/ /zhes bya ba la sogs pa gsungs so/ /lha mo bzhis yongs su zhus pa las kyang / lha mo nyon cig rab bshad bya/ /chos kyi dbyings kyi sgrub pa ste/ /gzugs dang sgra dang dri dang ni/ /ro dang reg pa de bzhin du//chos kyi khams dag bshad pa ni/ /khams ni bco brgyad de bzhin du/ /de rnams las ni yang dag byung / /shu kra zhes ni bshad pa yin/ /shu kra las kyang gong bu skye/ /gong bu las kyang yid byung ba'o/ /nam mkha'i khams dang chu yi khams/ /chos kyi khams dang skye mched rnams/ / dbang po phung po 'byung ba rnams/ /chu yi khams ni pha las skye / /me khams ma las skyes pa yin/ /pags pa sha dang khrag dag ni/ /ma las skyes zhes bshad pa yin/ /tsa rgyus glad pa shu kra dang / /de ni pha las skyes pa yin/ /de dag cha rnams thams cad ni/ /gong bu sdud par byed pa yin/ /gzugs dang tshor ba 'du shes dang //'du byed rnam par shes pa dang / /sangs rgyas lnga po gzugs brnyan ni/ /phung po la sogs bshad pa yin/ /zhes gsungs so/ /de bzhin du rdo rje bdud rtsi las kyang / b+ha ga'i dbus su nam mkha' gang / /nam mkha' lnga yis brgyan pa ste/ /lte ba ge sar dang bcas pa/ / 'dab ma brgyad kyis rnam par brgyan/ /thig le'i ngo bo bdud rtsi ni/ /de la gnas pa rtag tu 'dzag /gang zhig bdud rtsi 'dzag pa'i rtsa/ /b+ha ga'i dbus su rab gnas pa/ /sum cu rtsa gnyis rtsa gzhan dag /de rnams kyi nang gtso bo ste/ /zhes gsungs so/ /de lta'i rim pa ni A li dang / kA li dang / 'dod pa'i gdugs dang /rus sbal ma dang / zla ba ma ste/ rtsa lnga las byung ba'i byang chub kyi sems las nang gi dkyil 'khor gyi rim pa'am/ spro ba'i rim pa'am/ bu dang tsha bo la sogs pa'i rim pas khams gsum pa gang skyed par gyur pa de yang bskyed pa'i rim pa yin no/ /rnam pa de lta bu gzhan ma yang bla ma'i zhal nas thob nas dpyad par bya'o//de bzhin du phra mo'i thig le'i rnal 'byor gyi bsgom pa'i rim pa dang / de kho na nyid bzhi pa mngon du bya ba ni rdzogs pa'i rim pa'o/ /dpal rdo rje phreng ba'i rgyud las kyang / cha gnyis pa dang dgu pa nyid du bshad/ /sum cu bcu pa lnga pa'i sa bon nyid//cha gnyis pa dang lnga pa drug pa phye/ /de ni thig le nges par 'byung bar bshad/ /ces 'byung ngo / /de bzhin du kha sbyor thig le las kyang / cha bzhi yang dag ldan pa ni/ /pad+ma bzhi la rnam par gnas/ /mgo med snying ga'i pad+mar gnas/ /lkog ma'i pad+mar mgo bo gnas/ /lte ba'i pad+mar sgra gnas pa//gsang ba'i pad+mar sgra mtha'o/ /'gro dang 'ong ba byed pa ni/ /thig le'i rnal 'byor rab tu zhugs/ /snom pa dang ni nyan pa dang / /blta ba de bzhin mdzes pa dang / /reg pa la ni zhugs pa dang / /bde ba sdug bsngal la sogs tshor/ /glo bur dgos pa smra ba dang / /ngu ba smre sngags byed pa dang //gcod pa dang ni phye ba dang / /de bcings pa dang grol 'gyur ba/ /rgyal po'i bya ba byed pa dang / /de bzhin du ni phyug po nyid/ /bram ze rgyal rigs rje rigs dang / /dmangs rigs la sogs rigs rnams ni/ /bud med sgyu ma mang byas nas/ /dud 'gro yi dwags la sogs pa//gzugs ldan gzugs ni mi ldan pa/ /nam mkha' gzugs can gyur pa 'am/ /de nyid sgyu ma la gnas pa/ /sems can thams cad skye bar byed/ /bud med gzugs can skyes bu gzugs/ /bde chen go 'phang la gnas pa/ /de ltar de nyid gang gis shes/ /mchog gi yi ger tshor ba ste//thams cad bdag nyid gnas pa gang / /gsang ba zhes ni des tshor ba'o/ /kha dog med pa kha dog dmar/ /kha dog dkar po ser po dang / /thig le'i ngo bo de yin pa/ /'gro dang 'ong ba rab bstan pa'o/ /gang zhig rig ma sgyu ma che/ /mtha' yas sna tshogs gzugs ldan ma/ /skye dang 'jig pa'i gnas su ni//thig le'i ngo bo rab tu 'jug /chos kyi phung po brgyad khri dang / /bzhi stong yang ni shes pas na/ /de nyid gang gis mi shes na/ /de ni thams cad 'bras bu med/ /bcu gnyis lnga pa brgyad pa mtha'/ /thams cad 'byung ba bsdus pa ste/ /a sogs yi ge rnams kyis ni//lnga pa'i gdan du byas pa ste/ /de ni snying rje che ri mo/ /drug ldan 'og tu kha bltas pa/ /thog med mtha' ma med pa'i lha/ /de yi mgo bor gdab par bya/ /de ltar gsang ba mchog yin te/ /lha mo bdag gis rab tu bshad/ /ces gsungs so/ /'dus pa'i rgyud phyi ma las kyang / dbang bskur ba ni rnam pa gsum/ /rgyud 'di la ni rab tu gsal/ /dang po bum pa'i dbang bskur ba/ /gnyis pa gsang ba'i dbang bskur ba/ /gsum pa shes rab ye shes te/ /de ltar de bzhin bzhi pa'o/ /zhes bzhi pa gsungs so/ /de nyid yang bshad pa ni dgongs pa lung bstan pa'i bshad pa'i rgyud las kyang /chos dbyings 'di ni dag pa ste/ /sems can khams ni grol bar byed/ /bde chen rgyal po nyid 'di ru/ /dngos po kun gyis yang dag gnas/ /pha rol phyin pa bcu rdzogs nas/ /stobs dang dbang rnams de bzhin du/ /sa ni bcu pa 'das nas ni/ /rtags ni 'greng ba de nas 'gyur//zhes 'byung ngo / /de bzhin du gnyis su med par grub pa las kyang / srid gsum gnas ni thams cad du/ /g.yo dang mi g.yo dngos po gang / /de rnams de nyid rnal 'byor gyis/ /rdo rje 'dzin bzhin blta bar bya/ /pha rol rgol ba gang yang rung / /rtags kyi dbye bas rnam gnas pa//de dag yang ni smad mi bya/ /rdo rje sems dpa'i sprul pa yin/ /zhes 'byung ngo / /bde ba mchog las kyang / gsang ba mchog gi dgyes pa na/ /thams cad bdag nyid rtag tu gnas/ /sangs rgyas thams cad dngos sems dpa'/ /rdo rje sems dpa' bde ba che/ / zhes 'byung ngo / /rtsa ba'i rgyud las kyang / phra mo rdo rje rab sbyor bas/ /sems ni mnyam par gzhag par 'gyur/ /zhes 'byung ngo / /rgyal ba'i yum las kyang / lus rnam par dag pa'i gnas 'di yin te/ gang zhig byang chub sems dpa'i gnas so/ /ngag rnam par dag pa'i gnas 'di yin te/gang zhig byang chub sems dpa'i gnas so/ /sems rnam par dag pa'i gnas 'di yin te/ gang zhig byang chub sems dpa'i gnas so zhes bya ba la sogs pa gsungs so/ /rgyud 'di nyid las kyang / 'di lta ste/ rigs kyi bu nam mkha' ni thams cad du rjes su 'gro ba zhes bya ba nas brtsams te/rnam rtog med pa'i chos rnams la/ /kun rdzob yang ni rab tu brjod/ /ces bya ba'i bar gyis ni rdzogs pa'i rim pa kho nar bshad pa ste/ rab tu bstan pa'o/ /da ni rdo rje bzlas pa bstan par bya ste/ dper na rab tu byed pa las ni/ rlung gi de nyid rim gyis ni//sngags kyi de nyid la zhugs bya/ /sngags kyi grub pa thob nas ni/ /rdo rje bzlas pa la bslab bya/ /zhes 'byung ngo / /de la rdo rje bzlas pa 'di'i thabs bstan par bya ste/ snying ga'i gnas las gang zhig srog ces bya ba'i rlung phung po dang dbang po la gnas pa/ rnam pa bcus nyin mo dang mtshan mo'i zo chun gyi 'khrul 'khor gyi rim pas gyen du rgyu ba kha dang sna las srog dang rtsol ba'i ngo bos 'jug pa dang gnas pa dang ldang bar byed pa 'khor ba'i 'khor lor thams cad 'jug par byed de/yi ge gsum gyi bdag nyid kyis de nyid ni rnal 'byor pas spyi bo dang lkog ma dang snying gar nye bar bsdus nas rdo rje bzlas par bya'o//de'i rim pa 'di yin te/ de bzhin gshegs pa gsum gyi rim pas 'khor lo la sogs pa'i gzhi la gnas pa spro ba dang sdud par byed pa spyi bo la sogs par yi ge gsum bkod la/ cha phyed dang gsum dang ldan pa'i yi ge oM rim gyis thig le'i nang du bsdus te/ thig le de yang gsung gi sa bon gyi thig le gnyis la bsdus te/ gsung gi sa bon de yang cha gnyis pa rang gi thig le gnyis po la nye bar bsdus te/ thig le yang thugs rdo rje sa bon gyi thig le la zhugs par 'gyur ro/ /thugs kyi sa bon ni cha bzhi pa ste/ dper na ha u mgo bo la sogs pa de rnams ni gcig la gcig zhugs pas thig le'i nang du bsdu bar 'gyur ro//de nas gsal ba dang / mi gsal ba'i ngo bo dang / sngags dang / dkyil 'khor pa dang / phyag rgya ma lus pa'i ngo bo kha dog lnga pa de srid du bsgom par bya ste/ ji srid du de la dmigs pa yang rnal 'byor pa la ldog par 'gyur ro/ / dmigs pa ldog pas ngag rnam par dag par 'gyur ro/ /de bzhin du dbus kyi lam las thig le de nyid pad+ma'i sna ru 'gag par byas te/ snga ma bzhin du spro ba pa la sogs pa byas la rdo rje 'chang chen po'i bsgom pas gnas par bya'o/ /de bzhin du thig le de nyid yang gyen du drangs pa kun rdzogs sna la tsa sna ka'i tshad tsam spro ba la sogs pa'i rim pas bsam par byas la rdo rje sems dpa'i nga rgyal skyed par byed de/zhe sdang dang 'dod chags dang gti mug gi rigs can gyi sems can la brten te sna gsum brtag pa yin no/ /'o na kun rdzob kyi sna dang / snying ga'i sna dang / pad+ma'i nang gi sna dang /pad+ma'i phyi'i sna yang gzhan du bstan pa ste/ ji ltar rigs gsum gyi sems can gtso bor gyur pa 'grub po zhe na/ bden te/ 'on kyang phyi rol gyi sna la thig le dgod pa mi rigs te/ bcom ldan 'das kyis de la ni char rengs pa'i sngags gsungs so/ /dper na/ hUM phaT yang dag ldan pa ni//g.yo ba grub par rab tu bshad/ /ces 'byung ngo / /de lta bu'i bzlas pa la goms pa'i rnal 'byor pa skad cig mas rdo rje 'chang chen po nyid du 'gyur te/ rlung gi de kho na nyid bstan to/ /rtsa ba'i rgyud las kyang / sna'i rtse mor yungs kar bsam/ /g.yo dang mi g.yo yungs kar la//gsang ba'i ye shes kyis brtags pa/ /dgyes pa'i ye shes gnas bsgom bya/ /kha dog lnga pa nor bu che/ /yungs kar tsam ni rags pa ste/ /rtsol bas sna yi rtse mo ru/ /rtag tu rnal 'byor pas bsgom bya/ /zhes gsungs so/ /de bzhin du gsang ba dang lte ba dang snying ga dang lkog ma'i gnas rnams la 'byung ba chen po bzhi'i rang bzhin can 'khor lo bzhi ste/de rnams las rim pa ji lta ba bzhin du kha dog dmar po 'od zer g.yas pa las spro zhing sna'i rtse mor thun phyed phyed kyi dus su gnas pa dang 'jug par 'gyur ro/ /de bzhin du g.yon pa las 'byung ba ljang ser gnas pa dang 'jug par 'gyur ro//sna khung gnyis ka las kha dog ser po gnas pa dang 'jug par 'gyur ro/ /de bzhin du dal bus dman par rgyu ba kha dog dkar po rlung gi gnas pa 'jug go/ /'od dpag tu med pa dang / don yod grub pa dang / rin chen 'byung ldan dang / rdo rje 'chang gi bdag po nyid du dmigs par bya'o//de ltar na 'bad pa med par rnal 'byor pa la zhi ba la sogs pa 'grub ste/ de kho na nyid yongs su shes pas so/ /ji skad du/ don dam par ni don gcig mthong ba na/ /'gro ba ma lus don gcig mthong bar 'gyur/ / 'gram gyi phyogs su chu ni 'thung bas kyang / /rgya mtsho ma lus pa ni shes par 'gyur/ /zhes 'byung ngo / /lus thams cad khyab par byed pa'i rlung gang yin pa de rnam par snang mdzad kyi rang bzhin shi ba'i lus las 'byung bar 'gyur te/ de la las gzhan ni ma mthong ste rlung gi de kho na nyid do/ / sngags kyi de kho na nyid ni dpal gsang ba 'dus pa las gsungs pa/ de bzhin gshegs pa thams cad kyi sku dang gsung dang thugs kyi gsang ba sngags thams cad kyi snying po bskul ba zhes bya ba shin tu zab pa nyid kyi sku gsung thugs kyi rdo rje las ngag gi lam gyi nges par tshig gis phyung ngo / / oM AHhUM zhes bya ba'i de kho na nyid ji lta bu yin zhe na/ re zhig dang po nam mkha' las rlung byung ste/ de yang g.yon dang g.yas pa'i lam gyis brgyud bzhin lus las 'byung zhing khar phyin par 'gyur ro/ /de nas gnas brgyad du reg par byed de/ dper na/ yi ge rnams kyi gnas brgyad de//brang dang lkog ma spyi bo ste / /lce rtsa dang ni so rnams dang / /sna dang mchu dang rkan rnams so/ /zhes 'byung ngo / /de rnams su reg cing A li kA li'i yi ge'i tshogs kyi bdag nyid can yi ge bzhi bcu rtsa dgu pa'i rang bzhin can thabs dang shes rab kyi ngo bo yi ge'i phyi mo skyed par byed de/yi ge'i phyi mo de yang shing la sogs pa'i sgra bzhin du tshig rnams skyed par byed de/ de rnams kyis kyang 'di skad bdag gis thos pa zhes bya ba la sogs pa'i ngag dang ngag chen po dang / ji srid rig pa'i gnas rnam pa lnga dang / 'jig rten pa'i rnam pa bcu bzhi dang / brda dang skad drug dang /sna tshogs pa'i rol mo la sogs pa skyed par byed de/ de bas na de rnams thams cad dang / 'jig rten gyi tha snyad yi ge phyi mo nyid las 'byung ba yin no/ /ji skad du/ gal te sgra zhes sgron ma 'di/ /'khor bar gsal bar mi 'gyur na/ /khams gsum pa ni thams cad 'di/ / mun nag nyid du skye bar 'gyur/ /dang po rgyal po'i grags gzugs kyis/ /ngag dngos me long la brten te/ /de rnams gnas par mi 'gyur yang / /ltos shig rang bzhin mi 'gyur ba/ /zhes bya ba'i tshig gis ni chos kyi phung po brgyad khri bzhi stong yang A li dang kA li'i rang bzhin yin no zhes bskyed pa'i rim pa bstan to//bsdu ba'i rim pa yang bshad par bya ste/ dper na A li la sogs pa'i sde tshan brgyad ni rnam par shes pa brgyad kyi ngo bo yin no/ /de rnams kyang dang po'i yi ge rnams la thim pa ste yi ge brgyad du 'gyur ro/ /yi ge brgyad po de rnams kyang dbyangs dang gsal byed dang yi ge'i dbye bas gsum du 'gyur ro//dper na dbyangs ni shes rab kyi ngo bo yin pa dang / gsal byed ni thabs kyi ngo bo yin no/ /ya la sogs pa ni gnyis ka'i rang bzhin yin no/ /de nyid kyi phyir de rnams ni bud med dang skyes pa dang ma ning gi ngo bor shes par bya'o/ / de bas ni AHni dbyangs sdud par byed pa ste shes rab kyi rang bzhin no/ /hUM ni gsal byed sdud par byed pa ste thabs kyi rang bzhin no/ /oM ni ya ra la wa la sogs pa sdud par byed pa ste ma ning gi rang bzhin no/ /yi ge gsum po de yang khams gsum gyi bdag nyid can dang / sku gsung thugs kyi ngo bo dang /zla ba dang nyi ma dang me'i ngo bo rnam par snang mdzad dang / 'od dpag tu med pa dang / mi bskyod pa'i rang bzhin dang / 'jug pa la sogs pa'i rang bzhin dang / 'chi ba la sogs pa srid pa gsum gyi rang bzhin du shes par bya'o/ /de rnams kyang snga ma bzhin du nye bar bsdus te lte ba'i 'khor lo rtsibs brgyad pa'i chos kyi dbyings kyi 'khor lo'i rtsibs kyi yi ge la zhugs te/tshig thams cad skyed par byed pa'i ngo bo la 'jug pa la sogs pa'i rnam par dbye ba dang bral ba dam pa'i yi ge thung ba la zhugs te/ chos kyi dbyings kyi ngo bo'i rnal 'byor pas gnas par bya'o/ /dpal sgyu 'phrul dra ba'i rgyud rnal 'byor chen po las kyang /gang zhig yi ge kun gyi mchog /ces bya ba la sogs pa gsungs so/ /de bzhin du gzhan yang sngags kyi ngo bo rnam pa bzhi yin te/ sngags btu ba dang / sngags kyi brda dang / sngags kyi don dang / sngags kyi de kho na nyid do/ / de la re zhig sngags btu ba ni sngar bshad pa ste/ rnam pa gzhan gyis bshad par bya'o/ /'dir ni lte bar gnas pa'i rtsibs brgyad pa'i chos kyi dbyings kyi 'khor lo'i yi ge a las rnam par snang mdzad kyi nga rgyal gyis kha dog dkar po'i 'od spros te zla ba'i dkyil 'khor la 'khor lo'i steng du yi ge oM gyi ngo bos spyi bo'i gnas su gzhag par bya'o//de bzhin du gsung rdo rje'i nga rgyal gyis lkog mar nyi ma'i dkyil 'khor la pad+ma'i steng du kha dog dmar po yi ge AHdgod par bya'o/ /de bzhin du snying gar nyi ma'i dkyil 'khor la rdo rje'i steng du thugs rdo rje'i nga rgyal gyis nam mkha'i kha dog dang 'dra ba'i yi ge hUM dgod par bya'o//de nas bzlas par byas te/ nang gi bdag nyid kyi rim pas sngags btu ba'o/ /sngags kyi brda ni dper na sbrul lta bu'i sngags ni/ oM dang swA hA dang ldan pa'o/ /mgo med sngags ni oM med pa'o/ /mtha' med sngags ni swA hA med pa'o/ / btu ba'i sngags ni gnyi ga med pa'o/ /rigs de dang mthun pa brda gzhan ma rnams kyang las kyi tshogs kyi rjes su 'brang bar shes par bya ste/ dper na snying po ni bcom ldan 'das la mngon du rjod par byed pa'o/ /nye ba'i snying po ni yan lag gi sgo nas so/ /snying po skul bar byed pa ni gzhan las dngos grub mngon du byed par bya ba'i phyir ro//rtsa ba'i sngags ni bzlas pa'i phyir ro/ /phreng ba'i sngags ni mchod pa'i phyir ro/ /rig sngags ni las kyi tshogs grub par byed pa'o/ /gzung sngags ni 'jig rten pa dang 'jig rten las 'das pa'i dngos grub 'grub par byed pa'o/ /sa bon rnams ni lha'i sku rdzogs par bya ba'i phyir te/de la sogs pa'i brda rnam pa sna tshogs pa'i mos pa dang ldan pa'i sems can gyi don du bcom ldan 'das kyis gsungs so/ /sngags kyi don ni dper na sku gsung thugs kyi rigs kyi gtso bor gyur pa rnam par snang mdzad la sogs pa yi ge gsum po'i don yin no//a'i don ni rdo rje 'chang chen po'i yin no/ /ji skad du/ a yig bstan pa'i ye shes ni/ /sangs rgyas kyi ni snying po yin/ /zhes gsungs te/ de lta bu'i don gyi sgo nas bzlas pa bya'o/ /de bzhin du/ don rtogs pa yi bzlas pa ni/ /ngo bo nyid med bzang po yis//dus gsum sangs rgyas rnams brtag pa/ /de ni rdo rje bzlas par bshad/ /ces gsungs so/ /sngags kyi de kho na nyid ni de bzhin nyid yin te/ gang gi phyir sngags thams cad ni 'od gsal ba las 'byung zhing de nyid du thim par 'gyur ro/ /'od gsal ba yang gang zhig rnal 'byor pas thams cad stong pa nyid yang dag pa'i mtha'i ngo bor shes na de ni khams gsum pa'i bla ma lha dang mi rnams kyis mchod par 'gyur ro//de nyid kyi phyir gang gis sngags kyi de kho na nyid mi shes na/ de las kun rtsom pa ni 'bras bu med pa yin no/ /ji skad du/ so mchu rkan dang lce rnams kyis//gang zhig g.yo bar gyur pa na/ /'gyur ba nyid du gang gnas pa/ /de ni yi ge ga la yin/ /de phyir yi ge ngo bo nyid/ /sngags rnams 'dod pa ma yin no / /gang phyir rtsa mchog dag kyang ni/ /'gugs par byed par mi nus so/ /de bzhin du/ 'dus pa'i rgyud phyi ma las kyang /dbang po rnams dang yul rnams la/ /brten dang yid ni gang byung ba/ /de ni man zhes bshad pa yin/ /tra ni skyob pa'i don du'o/ /brjod pa bzlas pa zhes bshad pa/ /ngag ni thams cad sngags su brjod/ /sngags ni yid skyob bshad pa ste/ /de nyid dbye bas brjod pa yin//zhes gsungs so/ /don 'di nyid la dgongs nas dgongs pa lung bstan pa'i 'dus pa bshad pa'i rgyud las kyang / /dang po gcig ni dgu dbus na/ /gang zhig bcu yis ma bcings na / /de ni bcings med ces bya ste/ /de shes pa ni mchog gi gnas//dbyangs dang gsal bya'i yi ge ste/ /grangs dgu yi ni rjes 'jug pa/ /as bcings phan tshun yang dag sbyor/ /gang gis shes de 'gro ba'i bla/ /gang zhig shes nas dngos grub 'dod/ /gzugs med gzugs dang bral ba ste / /rnam grol 'bras bu phun sum tshogs/ /de tshe des ni thob par 'gyur//'byung po'i mtha' dang yang dag ldan/ /cha la sogs te bcu drug gnas/ /lnga pa lnga ni yang dag ldan/ /bzhi ni gsum du nges par sbyar/ /yi ge oM bcas ring por bcas/ /yon tan sbyor sogs byis dang mtshungs/ /thung ngu ma lus ngag tu 'gyur/ /gcig min du ma ma yin no//ya yi don gyis gang yang rung / /dngos grub 'dod par bya ba ste/ /ra la sogs pa gsum nyid kyis/ /'gro ba'i don la rab tu 'jug /yi ge gang zhig sngar bshad dang / /gang yang mngon par phyogs pa rnams/ /bud med skyes pa ma ning ste//khams la sogs pa rab tu brtag /'og nas steng du bcas par ni/ /shes nas blo ni nges par sbyar/ /drug bshad bzhi dang gsum dang gcig /ngo med ngo bo las skyes pa / /de rnams ya sogs don sbyar na/ /dus gsum ye shes skye bar 'gyur/ /'gro ba dag ni dgu mthar na/ /rmi lam mig 'phrul 'dra bar bya//'di ni brjod pa'i sngags rnams te/ /ngo med ngo bo las skyes pa/ /de nas yongs su 'gyur ba'i gzugs/ /gang zhig lha ni nyer dmigs pa/ /de nyid gsum gnas brda yin te/ /rang bzhin bzlas pa'i mtshan nyid do/ /brjod du med cing bstan du med/ /'di ni byang chub sems kyi mchog /de ni gsum po gcig 'gyur te/ /'byung ba med cing 'gro ba med/ /'gog pa med cing rang zhi ba/ /rtag dang chad pa rnam par spangs/ /dus gsum rig pas brda byas pa/ /nam mkha' dbyer med mtshan nyid do/ /'di ni don dam las byung ba/ /so so rang rig mtshan nyid do/ / 'dug pa la sogs thams cad ni/ /bya ba kun la rnal 'byor pas/ /brjod du med cing bstan du med/ /dus gsum las 'das rtag tu bzlas/ /gos dkar la sogs bzlas bshad pa/ /brgya phrag gnyis dang nyi shu lnga/ /bzhi po legs par bsgres nas ni/ /sbyor bzhi bsdus pas brgya phrag dgu/ / dgu brgya dag tu gang bstan pa/ /nyi shu rtsa bzhi rim gyis ni/ /de ni so sor byung ba las/ /nyi khri chig stong drug brgya'o/ /de ltar gsang ba'i dgos pa las/ /phra mo'i rnal 'byor rab tu brtan / /bsam gtan kha don med pa ni/ /de ltar yin yang bzlas par bshad/ /ces 'byung ngo / /de lta bu'i rim pas ni rdo rje'i bzlas pa'i rim pa bstan to// //da ni sems la dmigs pa'i rim pa bstan par bya ste/ de'i dbye ba 'di yin te/ kun gzhi rnam par shes pa dang / nyon mongs pa can gyi yid kyi rnam par shes pa dang / mig gi rnam par shes pa la sogs pa drug ste/ rnam par shes pa brgyad kyi bdag nyid can khams gsum pa 'di bzang 'gro dang ngan 'gro la nyon mongs pa dang rnam par smin pa'i bag chags rnams kyi shing rta'i 'khor lo bzhin du 'khor bar byed pa yang dang yang du skye ba len par byed pa ste de srid du 'khor ba yin no//rnam par shes pa brgyad kyi bdag nyid kyi sems de yang gsum gyis bsdus par shes par bya'o//ji skad du/ rnam par smin pa kun gzhi ste/ /'gro ba skyed par byed pa'i rgyu/ /bdag lta sogs pa'i 'brel pa yis/ /nyon mongs pa can yid bshad do/ /don bzung ba yi rtsol ba yin/ /rnam shes mig la sogs pa'o//zhes 'phags pa byams pas gsungs pa'i phyir ro/ /sems rnam pa gsum po de lta bu rnam par shes pa gsum po nyid du bshad do/ /de bzhin du/ rnam shes shes pa'i bdag nyid do/ /zhes mdzod las 'byung ba'i phyir ro/ /de la re zhig 'jug pa'i rnam par shes pa ni snang ba dang stong pa dang /shes rab dang / sems dang gzhan dbang gi rang bzhin can no/ /de'i rang bzhin ni 'dod chags dang bral ba la sogs pa sum cu rtsa gsum ste/ kun rdzob kyi bden pas mtshan mo dang / bud med dang / 'jam pa dang / g.yon pa dang / pad+ma dang / zla ba'i dkyil 'khor dang / rjes su 'jug pa'i dbyangs dang / zla ba snang ba'i rang bzhin can rang rig pa'i mtshan mas rtogs par shes par bya'o/ /nyon mongs pa can gyi yid kyi rnam par shes pa ni snang ba mched pa dang / shin tu stong pa dang / thabs dang / kun brtags dang / sems las byung ba'i rang bzhin can yin no//de'i rang bzhin ni 'dod chags la sogs pa bzhi bcu ste/ nyin mo dang / skyes pa dang / rno ba dang / g.yas pa dang / nyi ma'i dkyil 'khor dang / rdo rje dang / tsheg drag dang / nyi ma'i snang ba'i rang bzhin du shes par bya'o/ /kun gzhi rnam par shes pa ni snang ba nye bar thob pa dang / /stong pa chen po dang /nye bar thob pa dang / yongs su grub pa dang / ma rig pa'i ngo bo yin no/ /de'i rang bzhin ni chags pa bar pa la sogs pa bdun te/ thig le dang / sa bon dang bral ba dus mtshams kyi snang ba'i ngo bo nyid du shes par bya'o/ /sems de rnams dang rang bzhin rnams kyi nyin mo dang mtshan mo'i byed pas rnam pa ni brgyad dang bcu drug yin no//de rnams kho na ni 'gro ba drug srid pa'i 'khor lor 'gro ba rnams 'khor bar byed de/ skad cig ma la sogs pa'i dbye bas khams gsum la khyab cing mngon pa'i chos kyi tshul gyis ni nyon mongs pa dgu bcu rtsa brgyad kyi rang bzhin yin pa dang /dbu ma pa'i tshul gyi ni rtag pa dang chad pa la sogs pa lta ba drug cu rtsa gnyis kyi rang bzhin du rang bzhin de rnams shes par bya ste/ de rnams rnam par dag par bya ba'i phyir/ thabs kyi rim pa gnyis yin te/ gcig ni sngags kyi rim pa dang gnyis pa ni phyag rgya'i rim pa'o//de la sngags kyi rim pa ni 'di yin te/ re zhig dang po sngar bshad pa'i gdan la gnas pa oM la sogs pa'i yi ge gsum po ni spyi bo la sogs par bsams te / de las spro ba dang bsdu ba bya ste de la yi ge oM ni 'jug pa'i rnam par gnas pa'i bdag nyid du bsams te/ thig les brgyan pa'i yi ge gtso bo ni zhi ba'i phyir 'jam pa'i ngo bo a la sogs pa'i yi ge bcu drug nye bar sdud par byed pa'i phyir bud med dang shes rab kyi rang bzhin kun rdzob byang chub sems kyi ngo bo nyid kyi phyir kun rdzob kyi bdag nyid can nang dang phyi nang gnyi ga dang gsum gyi stong pa nyid de/ stong pa nyid bzhi'i rang bzhin yin pa'i phyir stong pa nyid dang shes rab de kho na nyid yin te/ shes rab kyi ngo bo de nyid kyi phyir rnam par rtog pa'i 'gro ba dang 'ong ba dang bral bas mtshan mo'i rang bzhin dang / rnam par shes pa drug la khyab par byed pa'i phyir sems gcig gi ngo bo yul dang dbang po snang ba'i yid la byed pa ste/gzhan ma rnams kyis skyed par byas pa'i phyir gzhan dbang gi ngo bo lte bar gnas pa'i rtsibs brgyad pa chos kyi dbyings kyi 'khor lo la pad+ma dang zla ba'i dkyil 'khor gyi steng du rnam par bkod la/ de las byung ba'i snang ba dang 'dra ba'i 'od zer gyi 'khor lo rtsa g.yon pa las zhugs pa gang yin pa ni spyi bo'i gnas la gdan dang bcas pa'i yi ge oM bkug la/de nyid kha dog tu bltas pa gtso bo'i yi ge'i thig le la thim par bya'o/ /de nas 'ba' zhig pa rjes su 'jug pa'i dbyangs ni zla ba'i 'od zer lta bu bsams la/ 'jug pa'i rnam par shes pa dang de'i rang bzhin rnams zhi bar gyur te/de'i tshe snang ba zlog pas zla ba'i snang ba dang 'dra ba'i snang ba'i ye shes skye bar 'gyur ro/ /de bzhin du lte ba'i 'khor lo la chos kyi dbyings kyi 'khor lo'i lte bar nyi ma shar ba'i 'od lta bu de nyid kyi phyir/ nyin mo'i rang bzhin stong pa 'di chen po la sogs pa stong pa nyid bzhi'i rang bzhin can shin tu stong pa nyid kyi ngo bo nyi ma la gsal ba nyid kyi phyir/mun pa 'jig par byed pa'i phyir rno ba dang 'dod chags la sogs pa'i rang bzhin rnams rang bzhin gyis mi dmigs pa'i phyir kun brtags kyi ngo bo nyid kyi phyir sems las byung ba dang /nyon mongs pa can gyi yid dang tha mi dad pas sems las byung ba dang / nyi ma'i dkyil 'khor dang / rdo rje la gnas pa thig le gnyis dang ldan pa'i yi ge'i gtso bo rnam par bsgoms la/ de las byung ba'i g.yon pa'i lam nas zhugs pa nyi ma'i snang ba dang 'dra ba'i 'od zer gyi 'khor lo thabs kyi ngo bo yin pa'i phyir skyes pa'i rang bzhin can gyis lkog mar gnas pa'i nyon mongs pa can yid kyi rnam par shes pa'i rang bzhin gsung gi dbang phyug bkug la/gtso bo'i yi ge'i thig le gnyis la thim pa ste/ de'i tshe nyon mongs pa can gyi yid snang ba mched pa'i rnam par shes pa ldog cing snang ba mched pa'i ye shes nyi ma'i snang ba dang 'dra ba skya bar 'gyur ro//de bzhin du lte bar 'khor lo dang sa bon dang / thig le bsgom pa spangs la/ nyon mongs pa kun gyi gzhi yin pa'i phyir ma rig pa'i ngo bo rnam pa dang bcas pa'i bsgom pa dang bral bas yongs su grub pa'i rang bzhin snang ba gnyis spangs pa'i phyir snang ba nye bar 'thob pa de bzhin du shin tu stong pa nyid las brtsams te/chos thams cad stong pa nyid kyi bar gyi rang bzhin can gyi stong pa nyid chen po shin tu rnam par dag pa'i ngo bo kun gzhi rnam par shes pa gang yin pa de nyid ni nam mkha' nyid du bsams te/ de las byung ba'i dbus kyi lam nas zhugs pa'i dus mtshams kyi snang ba dang 'dra ba'i snang bas/snga ma bzhin snying gar gnas pa'i yi ge hUM bkug la mar la mar bzhin du ro gcig par gyur par bya ste/ de'i tshe snang ba nye bar thob pa'i ngo bo kun gzhi rnam par shes pa ldog la dus mtshams kyi snang ba dang 'dra ba'i snang ba nye bar thob pa'i ye shes skye bar 'gyur ro//de'i rjes la nam mkha'i rnam par rtog pa yang spangs la rang gi mtshan nyid la sogs pa'i stong pa nyid bzhi'i ngo bo thams cad stong pa nyid kyi ngo bo nyid 'od gsal ba rdo rje 'chang chen po'i go 'phang rnal 'byor pas thob par 'gyur ro//dgongs pa de nyid la brten te rab tu byed pa las kyang / /stong pa shin tu stong pa dang / /stong pa chen po gsum pa ste/ /bzhi pa thams cad stong pa dang / /rgyu dang 'bras bu'i dbye bas so/ /thabs dang shes rab sbyor ba yi/ /nye bar thob pa grub pa ste/ /nye bar thob pa grub pa las/ /thams cad stong pa 'od gsal ba'o//rnam par shes pa gsum sbyor bas/ /rgyu yi rim pas rnam dag pa/ /stong pa gsum gyi sku sbyor bas/ /bla med go 'phang thob par 'gyur/ /zhes 'byung ba ste/ sngags kyi rim pas sems rnam par dag pa'o/ /phyag rgya'i rim pas kyang bshad par bya ste/ re zhig dang po bla ma la slob mas dad pa mchog gis mchod pa byas la/ khyed la phyag 'tshal phyag 'tshal 'dud / ces bya ba la sogs pa'i tshigs su bcad pa rnams kyis yang dag par bstod la shin tu bslabs pa'i phyag rgya ma de nyid la phul te/ phyi nas kyang sa phyogs su pus mo gnyis btsugs pa'i slob ma de la phyag rgya ma de nyid bla mas sbyin par bya'o//de dag kyang rnam par snang mdzad chen po dang chos kyi dbyings kyi dbang phyug ma'i ngo bor bla mas bsgom par bya'o/ /de'i rjes la slob mas kyang rdo rje dang pad+ma snyoms par 'jug par bya ste/ de yang 'khyud pa dang / 'o dang / 'jib pa dang /so dang sen mos 'debs pa dang / bo la'i 'khyud pa dang / drang po'i stang stabs kyis lus kyi spyod pa dang / de bzhin du bde ba'i sgra dang / 'ba' zhig pa'i dbyangs dang / phug ron dang / ngang pa dang / bung ba dang / chu la lhung ba'i 'bras bu'i skad de dag gi bya ba dang / rangs ba dang /rdul dang / ba spu ldang ba dang / skad 'gyur ba dang / 'dar ba dang / mdog log pa dang / mchi ma 'dzag pa dang / thim pa ste sems kyi bya ba brgyad kyis dang po'i dga' ba nyams su myong zhing 'jug pa'i rnam par shes pa 'gog pas de las byung ba'i rang bzhin gyi tshogs yongs su zad cing ye shes byung ba gang yin pa de ni snang ba'i ye shes so//de nas rtsa bdun khri nyis stong byang chub kyi sems kyis khyab par byed pa ste/ de'i tshe mchog tu dga' ba nyams su myong zhing nyon mongs pa can gyi yid 'gags pas de las byung ba'i rang bzhin gyi tshogs zad par gyur nas ye shes gang zhig shar ba de ni snang ba mched pa'i ye shes te gnyis pa'o//de'i rjes la dga' ba'i 'khor lo byung ba'i dus gsum rtse mo rnams las byang chub kyi sems 'dzag cing rdo rje nor bu'i chang gzungs la ma phyin par gnas sa dbus ma'i gnas su kun gzhi'i rnam par shes pa ldog pas/ de las byung ba'i rang bzhin gyi tshogs kyang zad par 'gyur zhing ye shes gang byung ba de ni snang ba nye bar thob pa'i ye shes te gsum pa'o/ /dus de rnams su yang rim pa ji lta ba bzhin du zla ba dang nyi ma dang / dus mtshams kyi snang ba dang 'dra ba snang ba rnams gsal bar 'gyur te/ bag chags phra mo ma lus pa ni zad par mi 'gyur te/rags pa'i rang bzhin rnams med pa'i phyir ro/ /de nyid kyi phyir 'dir ni sa brgyad pa yin no/ /rab tu byed pa las kyang / dang po'i las kyi sbyor ba yis/ /sa brgyad pa ni thob par 'gyur/ /zhes 'byung ngo / /gang gi tshe rdo rje'i rtse mo'i chang gzungs su byang chub kyi sems phyin la/srog dang rtsol ba skam pa'i rigs pa'am/ sa bon dgod pa'i rigs pas byang chub kyi sems de nyid rengs pa dang brtan par 'gyur na/ g.yo ba dang mi g.yo ba'i rnam par rtog pa rnams zad pas ma lus pa'i sgo rnams 'gag par 'gyur zhing g.yon pa dang g.yas pa rus sbal ma dang zla ba ma ste/rtsa gnyis 'dod pa'i gdugs rtsa dbus ma dang lhan cig ro gcig par gyur na de'i tshe rang rig pa'i mngon gsum gyis brtag par bya ba brjod du mi nus pa rnam par rtog pa dang bral ba me long gi gzugs brnyan bzhin du yod pa dang med pa dag gis rnam par grol ba dpe'i ngo bo gang zhig ye shes shar bar 'gyur ba de ni lhan cig skyes pa'i bde ba 'od gsal ba bzhi pa zhes bstan pa ste/de nyid ni rdo rje lta bu'i ting nge 'dzin te/ las dang ye shes kyi dbang nyid thob pa'i phyir ro/ /kun du 'od kyis bcu gcig pa ste/ de ni dpe las byung ba'i rim pa bzhi pa la 'bad par 'gyur ro//'dir ni chos kyi sprin te sa bcu pa 'thob par 'gyur ro/ /rab tu byed pa las kyang / snang ba gsum ni mthong ba yis/ /sa bcu pa la rab tu gnas/ /zhes 'byung ngo / /rigs pa 'di nyid kyis ni de bzhin gshegs pa rnams kyis bcom ldan 'das shAkya thub pa mi g.yo ba zhes bya ba ming gi rnam grangs gzhan yod pa snang ba gsum gyi ye shes kyi ting nge 'dzin bral du bcug pa dgongs pa gcig dang gsung gcig gis 'od gsal ba nyan du bcug ste/de thos pa tsam gyis ni thams cad mkhyen par gyur cig /sangs rgyas kyi zhing la sangs rgyas kyi zhing du phyir mi ldog par 'gyur zhing sems can gyi don mdzad do//de'i phyir de kho na nyid 'di la rgyud thams cad las bcom ldan 'das kyi phan yon bstan pa'o/ /gal te kun rdzob kyi phyag rgya ma ma rnyed na de'i tshe sngar nyams su myong ba'i dpe dang 'dra bas ye shes kyi phyag rgya ma'i rim pa bsgom par bya ste/phyag rgya'i rim pas sems rnam par dag par bstan to/ /da ni bdag byin gyis brlab pa'i rim pa bshad par bya ste/ re zhig dang po 'dir sngar bshad pa'i rim pas sems rnam par dag par byas te/ don dam pa la mngon par zhen pa spang pa'i phyir dang / sems can gyi don bya ba'i phyir dang /dkyil 'khor dang / sngags bzlas pa dang / bsgom pa la sogs pa'i bya ba rnams sgyu ma bzhin du tha snyad bya ba'i phyir kun rdzob kyi bden pa mthong ba'i rim pa brtsam par bya ste/ de'i rim pa ni 'di yin te/ 'od gsal ba de nyid las kyang cig car ldan par byas la/mtshan sum cu rtsa gnyis dang / dpe byad brgyad cus sku brgyan pas phung po dang khams dang / skye mched ma lus pa rnam par dag pa'i ngo bo dkyil 'khor pa rnams kyis yongs su bskor ba dri za'i grong khyer dang / chu'i zla ba dang / brag ca dang / gzugs brnyan dang / sgyu ma dang / smig rgyu dang / rmi lam dang / mgal me'i 'khor lo dang / sprul pa rnams la sogs pa'i dpe rnams kyis dper byas pa brgya byin gyi gzhu lta bu kha dog lnga pa 'od zer gyi 'khor lo spro bar byed pa rdo rje 'chang chen po'i sku gang zhig rnal 'byor pas 'dzin pa de ni sgyu ma'i sku ste/ longs spyod rdzogs pa dang /sprul pa'i sku'i bdag nyid bdag la byin gyis brlab pa zhes bya'o/ /de ni sgyu ma'i rang bzhin gyi sku kun rdzob kyi bden pa mthong ba rdo rje'i sku ste rdo rje sems dpa'o/ /de'i phyir sangs rgyas thams cad kyi ngo bo de nyid mchod par bya ba dang / phyag btsal bar bya ba'o/ / phyi rol du yang mthong ba dang / reg pa gang yin pa de thams cad snga ma bzhin du blta bar bya'o/ /phyag rgya dang dkyil 'khor dang / sbyin sreg dang / bzlas pa dang / bsgom pa dang / 'dzin pa dang / bsam gtan brtsam pa'i spyod pa gtso bor gyur pa dngos po gang yin pa de rnams kyang de bzhin du blta bar bya'o//de bas ting nge 'dzin 'di mi shes pas gang zhig las byed pa de la thal bar sbyin sreg bzhin du thams cad 'bras bu med par 'gyur ro/ /bsod nams dang ye shes kyi tshogs bsdu ba 'di nyid las thob par 'gyur / spyod lam thams cad la yang ting nge 'dzin 'di nyid kyis spyod cing rdo rje 'chang bzhin du khams gsum pa yang de'i ngo bor bya ste/bdag byin gyis brlab pa'i rim pa gcig yin no/ /gnyis pa yang dper na re zhig dang po snga ma bzhin du nye bar bsdu ba'i rim pas 'od gsal ba las lang te dus mtshams kyi snang ba dang 'dra ba mthong bar 'gyur te/ de'i tshe snang ba nye bar thob pa'i ye shes la 'jug go//de'i rjes la skad cig ma gzhan la nyi ma'i dkyil 'khor gyi steng du rdo rje rnam par bsgoms la/ de'i steng du thig le gnyis kyi rnam par brgyan pa yi ge'i gtso bo bkod la/ nyi ma'i snang ba dang 'dra bas snang ba mthong bar 'gyur te/ de'i tshe snang ba mched pa'i ye shes la 'jug go//de'i tsheg tu pad+ma dang zla ba'i dkyil 'khor la gnas pa'i rjes su 'jug pa'i dbyangs zla ba'i snang ba dang 'dra ba mthong bar 'gyur te/ de'i tshe snang ba'i ye shes 'jug go/ /de ltar na thabs dang shes rab kyi ngo bo zla ba dang / nyi ma dang pad+ma dang rdo rje'i yi ge gnyis kyi 'od zer gnyis yang dag par sbyor bas lha'i sku skye bar 'gyur ro//lha'i sku de la yang 'gugs pa la sogs pa phyag rgya bzhi pos rgyas btab par byas la rdo rje 'chang chen po'i nga rgyal gyis gnas par bya'o/ /kun du brtags pa'i lha'i sku de'ang gal te 'od gsal ba las byung ba sgyu ma lta bu yin pa'i phyir yongs su dag pa yin no//snga ma yang yongs su dag pa ste/ rnam par mi rtog pa'i phyir te/ sgyu ma lta bu'i ting nge 'dzin gyi rim pa'o/ /da ni mngon par byang chub pa'i rim pa bstan par bya ste/ de'i thabs ni gnyis te/ gcig ni phyag rgya'i rim pas thob pas de kho na nyid kyi dus su bla mas man ngag gi sgo nas gang bstan pa'o//gnyis pa ni ril por 'dzin pa dang rjes su gzhig pa'i ting nge 'dzin dag gis so/ /de la dang po dad pa dang gus pa dang bcas pas thos pa dang bsam pa dang / bsgom pa la mngon par brtson pa'i slob mas bla ma la de bzhin gshegs pa lnga'i rang bzhin gyi mchod pa dang bstod pa byas la phyag rgya yang phul te/mngon par byang chub pa'i rim pa la gsol ba gdab pa'i phyir tshigs su bcad pa rnams brjod par bya'o/ /rdo rje slob dpon gyis de dag thos nas thugs rje'i dbang du gyur pa dang bas sngar nyams su myong bas gsal bar bya ba'i phyir slob ma la de kho na nyid bstan par bya'o//kye skal ba dang ldan pa snang ba la sogs pa snang ba gsum dga' ba la sogs pa'i rim gyis khyod kyis nyams su myong ba gang yin pa de dag ni mtshan mo dang nyin mo dang mtshams kyi rang bzhin dang bral ba yin yang de bzhin du phra ba'i ngo bo de rnams dang sbyar bar 'gyur te/ldang ba'i dus dang bag chags la gnas pa'i phyir ro/ /lhan cig skyes pa'i ngo bo 'od gsal ba'i de kho na nyid khyod kyis myong ba gang yin pa ni mtshan mo dang nyin mo dang mtshan mo dang bral bas rang bzhin dang bral ba de ni kho na'o/ /'dir phyi rol gyi dpe ni ji ltar nyi ma ma shar ba dang mtshams kyi cha nub cing /mtshan mo'i snang ba 'byung ba blo rno bas skad cig ma'i khyad par mtshon pas de bzhin du dga' ba'i mtshan nyid kyi snang ba'i ye shes 'das pa dang / dga' bral gyi mtshan nyid snang ba nye bar thob pa'i ye shes ma byung ba dang / mchog gi dga' ba'i mtshan nyid can snang ba mched pa'i ye shes zad pas glog gi snang ba ltar mtshon par dka' ba skad cig ma'i khyad par gang yin pa de la khyod kyis bsgom pa nyams su myong ba la brtsam pa lhur blang bar bya'o//gang gi phyir bu de kho na nyid de thog ma dang bar dang tha ma dang bral ba yang / tha ma'i rang bzhin 'gro ba dang / 'ong ba dang zad pa dang / 'phel ba dang dngos po dang / de ma yin pa dang / bsod nams dang sdig pa dang / yod pa dang med pa dang / gnas pa dang 'gro ba dang / ngo mtshar ba dang / ngo mi mtshar ba thams cad stong pa nyid thob la mig btsums pa'am sad pa/ gdan dang bcas pa'am de med pa/ drang po'am sgur po/ ngag sdom pa'am de rjod par byed pa/ lus dang bcas pa'am lus med pa/ rgyal po'am 'bangs gang yang rung bar gnas pa khyod ni thams cad mkhyen pa zhes brjod pa ste/ phyi'i mngon par byang chub pa'i lta bas nang gi mngon par byang chub pa'i rim pa bstan to/ /thabs gnyis pa ni dper na de nas slob ma de nyid man ngag thob pas de nyid bstan par bya ba'i phyir/dang po ril por 'dzin pa'i ting nge 'dzin bsgom par bya ste/ de la rim pa 'di yin te/ rtsibs brgyad pa'i chos kyi dbyings kyi 'khor lo'i rtsibs dbus ma la bskal pa'i me 'bar ba dang 'dra ba'i yi ge rnam par bsgoms te/ de las byung ba'i 'od zer gyi 'khor los mgo nas brtsams te rkang pa'i bar bsregs la me long la thim pa'i dbugs bzhin du 'od gsal ba'i ngo bor rang gi lus po mthong bar bya ste/ ril por 'dzin pa'i ting nge 'dzin yin no/ /de bzhin du de nyid las 'od zer gyi 'khor lo spros te/ des kyang dang po snod dang 'jig rten gyi khams bsregs la/yang de bzhin du rang gi lus po mi snang bar byas nas dag pa'i chu'i nang du thim pa'i zla ba bzhin du rang dang gzhan rnams blta bar bya ste/ rjes su gzhig pa'i ting nge 'dzin yin te/ mngon par byang chub thob pa'i phyir ro/ /de ni bla na med pa'i dgongs pa'i rim pa ste bzhi pa'o//de'i rjes la 'od gsal ba'i ting nge 'dzin las langs te/ bde ba gnyis dbyer med pa'i mtshan nyid can 'bras bur gyur pa zung 'jug gi rim pa 'dis bsgom par bya ste/ /re zhig dang po bzhi pa'i man ngag gi rim pas 'od gsal ba mngon du byas la smig rgyu la sogs pa'i rtags lnga pos lhun gyis grub pas bstan pa nyid du nye bar mtshon te/gzhan yang mi gnas pa'i mya ngan las 'das pa la gnas pa'i phyir dang / sna tshogs pa'i sangs rgyas kyi bya ba yang byed pa'i phyir dang / smon lam rnams kyang 'bras bu dang bcas pa byed pa'i phyir dang / de nyid kyis cig car du langs te/ de'i ngo bor yang 'gro ba bltas te zung 'jug gi ting nge 'dzin dmigs par bya'o//de yang ji lta bu zhe na/ dmigs pa dang bcas pa dang / dmigs pa med pa/ stong pa dang stong pa ma yin pa/ yod pa dang med pa/ rnam pa dang bcas pa dang rnam pa med pa/ gzung ba dang 'dzin pa/ rtag pa dang chad pa/ 'khor ba dang mya ngan las 'das pa/ bcings pa dang grol ba/ dge ba dang mi dge ba/ las dang las ma yin pa/ thabs dang shes rab/ stong pa nyid dang snying rje la sogs pa tha mi dad pa'i blos ro gcig par gyur pas 'gro ba ma lus pa'i bsam pa yongs su rdzogs par byed pa/ dpag bsam gyi shing lta bu spro ba dang sdud par byed pa/dbang phyug mchog dang ldan pa/ phra ba dang rags pa la sogs pa'i dbye bas phye bar gyur pa'i rdzu 'phrul brgyad dang ldan pa/ zla ba dang nyi ma dang me'i snang ba 'jig par byed pa/ phyag rgya chen po'i ngo bo rdo rje 'chang chen po'i sku rnal 'byor pas gang bsgom par bya ba de ni zung 'jug gi ting nge 'dzin yin no//'o na ldang ba dang sems can gyi don dang ting nge 'dzin te/ phan tshun 'gal ba ma yin nam zhe na/ de ltar ma zer cig /gang gi phyir bcom ldan 'das sangs rgyas rnams ni rtag tu mnyam par gzhag pa'o/ /de rnams kyi bzhugs pa ni gzhi yin te/ spyod lam gyi bzhugs pa dang /bstan pa'i bzhugs pa dang / ting nge 'dzin gyi bzhugs pa dang / nang du yang dag 'jog la bzhugs pa'i bzhugs pa'o/ /bzhugs pa de rnams ni rim pa ji lta ba bzhin du sku gsung thugs kyi sgyu 'phrul la mnyam par gzhag pa'i spyod pa nyid shes par bya'o/ /de lta bas na ldang ba'am ting nge 'dzin la bcom ldan 'das rnams ni 'od gsal ba'i ngo bo yin no//de rnams kyi yang bstan pa dang / smin pa la sogs pa'i rnam pa gang yin pa de ni lhun gyis grub par 'byung ba yin te/ dper na kun du 'od kyi sa la gzhal yas khang pa dra ba dang dra ba phyed pa la sogs pa las dmigs pa med pa'i snying rje'i nus pa dang sngon gyi smon lam gyi stobs kyis rdza mkhan gyi 'khor lo bzhin du chos bstan pa rnams 'byung bar 'gyur ro//ji skad du/ skyes bu yid bzhin nor bu bzhin/ /de yi gnas pa tsam gyis ni/ /rtsig pa la sogs bstan pa rnams/ /ji ltar 'dod pa bzhin du 'byung / / zhes 'byung ngo / /de ltar na zung 'jug gi ting nge 'dzin la gnas pa'i spyod pa gang yin pa de ni spros pa med pa'i spyod pa'o/ /dper na bu dang dgra dang / gser dang rdo dang / rang dang gzhan dang / gtsang ba dang mi gtsang ba dang / bram ze dang rigs ngan la sogs pa la blo mnyam pa 'dod chags dang / zhe sdang dang bral ba ji srid du 'khor ba'i bar du sems can gyi don ma chad par byed pa'i rnal 'byor pa gang yin pa de ni rdo rje sems dpa' gnyis pa yin no//rnal 'byor de nyid kyi sku ni shi ba dang / rgas pa la sogs pa'i skyon rnams dang 'dod chags la sogs pa'i skyon gyis kyang 'dom gyis pad+ma bzhin du mi gos te zung du 'jug pa'i ting nge 'dzin bstan pa'o//re zhig ni rang bzhin dang rgyu dang las dang 'bras bu rnam pa bzhi po'i mdor bstan pa ni rdo rje phreng rgyud la 'jug par bya ste/ rang bzhin bsnyen par bshad pa ste/ /rgyu ni nye bar sgrub pa yin/ /las ni sgrub pa zhes bshad pa/ /'bras bu sgrub pa chen po yin/ mdor bstan pa'i tshig 'di rnams kyi rgyas par bshad pa'i tshig 'dus pa'i rgyud phyi ma las ni/ bsgrub bya sgrub byed sbyor ba yis/ /gang phyir bsnyen pa zhes bshad pa/ /rdo rje pad+ma yang dag sbyor/ /[(]nya [,]nye[)]bar bsgrub pa bshad pa yin/ /hUM phaT yang dag ldan pa ni/ /sgrub pa bskyod par rab tu bshad//rang bzhin rang bde zhi ba dang / /de ni sgrub pa chen por bshad/ /dpal ldan sangs rgyas kun gyi bdag /rdor 'chang chen po'i go 'phang ste/ /sangs rgyas thams cad rnams kyi thabs/ /de ni chos kun chos nyid do/ /zhes gsungs so/ /de'i don 'di yin te/ rigs lnga'i tshogs dang ldan pa'i rnal 'byor ma dang lhan cig tu dgod pa dang /'o byed pa la sogs pa phyi rol gyi byed pa dang ldan pa'i bya ba gang yin pa de ni bsnyen pa ste/ de nyid rang bzhin yin te/ rang bzhin ni 'dod chags rnam par dag pa'i rgyur gyur pa'i phyir ro/ /de'i rjes la mig dang / lcags kyu dang ba dan ni mdzub mo gnyis drang [(]bo [,]po [)]ste/b+ha gar rab tu zhugs pa la 'dod pa'i gdugs kyi steng du mi'i sna dang 'dra ba'i pags pas g.yogs pa mchod rten gyi rnam pa can bde ba chen po'i gzhi ji srid dro ba'i reg pa rnyed pa de srid du bskul bar bya'o/ /de'i rjes la oM sarba ta thA ga ta / a nu rA ga ya mi zhes bya ba'i sngags kyis rdo rje dang pad+ma sbyar bar bya ste nye bar sgrub pa yin te/de kho na nyid nye bar sgrub pa'i phyir de nyid rgyu yin te/ 'og nas 'chad par 'gyur ba'i 'bras bu gsal bar byed pa'i phyir ro/ /de nas rdo rje dang mtsho skyes yang dag par sbyor bas shin tu g.yo ba'i khams tha ma'i rgyu ba 'gags pa'i phyir rim pa ji lta ba bzhin du nor bu'i rtse mo dang /sna'i rtse mo ru thugs rdo rje'i sa bon dag rnam par bkod la rtog pa med cing sna tshogs pa'i byed pa'i bya ba rnams kyis gang zhig skyod par byed pa de ni sgrub pa ste/ khams bdun pa'i rgyu ba 'gags pa sgrub par byed pa ste/ de nyid las de rengs pa'i bya ba mngon du byed pa'i phyir ro/ /de'i rjes la lhan cig skyes pa thob pas rigs mi mthun pa'i yid la byed pa rnams ldog pas ye shes gang gsal bar gyur pa de ni sgrub pa chen po ste/ rdo rje 'chang chen po'i go 'phang chen po 'grub par byed pas na de nyid kyang 'bras bu yin te/ rang bzhin la sogs pa bzhi po bstan to/ /da ni rnal 'byor bshad par bya ste/ de yang yan lag drug gi mtshan nyid can yin la/ so sor sdud pa dang / bsam [(]btan [,]gtan [)#]dang / srog dang / rtsol ba dang / 'dzin pa dang / rjes su dran pa dang / ting nge 'dzin rnams te/ de nyid ni mchog gi bsnyen pa'o/ / rgyud phyi ma las kyang / tha mal mchog gi dbye ba yis/ /bsnyen pa rnam pa gnyis su 'dod/ /rdo rje bzhi pos tha mal pa/ /mchog ni yan lag drug gis so/ /dang po stong nyid byang chub ste/ /gnyis pa sa bon bsdus pa dang / /gsum pa sku ni grub pa ste/ /bzhi pa yi ge dgod pa'o/ /rdo rje bzhi pos bsnyen pa 'di//tha mal pa yi sgrub pa yin/ /mchog ni ye shes bdud rtsi yis/ /rnal 'byor rtsol ba rnams kyis bya/ /bsnyen pa yan lag drug pa yis/ /mchog gi sgrub pa byas nas ni/ /sgrub pa bya ste gzhan du ni/ /mchog gi dngos grub 'byung mi 'gyur/ /so sor sdud dang bsam gtan dang //srog dang rtsol ba 'dzin pa dang / /rjes su dran dang ting 'dzin te/ /yan lag drug pa'i rnal 'byor bshad/ /dbang po rnams dang don rnams bcu/ /rang rang yul la thams cad gnas/ /'dod pa re re kun spyod pa/ /de ni so sor bsdus par bshad/ /'dod pa lnga ni mdor bsdus pas//sangs rgyas lnga ru rab sbyor bas/ /brtag pa bsam gtan bshad pa ste/ /bsam gtan de yang rnam lngar 'gyur/ /rtog pa dang ni dpyod pa dang / /dga' ba de bzhin bde ba dang / /sems ni rtse gcig pa nyid de/ /lnga po des ni bsam gtan bsdus/ /rtog pa gsang ba gsum byung ba//dpyod pa de yis sbyor ba ste/ /gsum pa dga' ba dang 'dra ba/ /bzhi pa bde ba sdud par byed/ /shes dang shes bya byung mdzad pa/ /rang sems lnga par shes pa bya/ /sangs rgyas kun gyi rang bzhin dbugs/ /nam mkha' kun la rab gnas pa/ /ye shes lnga yi rang bzhin dbugs//'byung ba lnga yi ngo bo nyid/ /pad+ma'i sna rtser byung nas ni/ /gong bu'i gzugs su brtag par bya/ /rin chen kha dog sna lnga pa/ /srog dang rtsol ba zhes su bshad/ /rang rtags snying gar bsams nas ni/ /srog gi thig le la gnas dgod/ /dbang po 'gags nas rin chen ni//'dzin par byed pas 'dzin par bshad/ /'gog pa rdo rjer sems gnas na/ /mtshan ma 'dzin pa 'byung bar 'gyur/ /mtshan ma de yang rnam pa lnga/ /byang chub rdo rjes bka' stsal to/ /dang po smig rgyu lta bu ste/ /gnyis pa du ba dang 'dra ba/ /gsum pa srin bu me khyer mtshungs/ / bzhi pa mar me bzhin 'bar ba/ /lnga pa rtag tu gsal ba ste/ /sprin med nam mkha' 'dra ba'o/ /bstan pa rdo rje lam nas ni/ /nam mkha'i khams su spro bar bya/ /bsgoms nas gang zhig rjes dran pas/ /de dang 'dra ba spro bar bya/ /de ni rjes dran zhes bya ste/ /so sor snang ba ma skyes so/ /thabs dang shes rab snyoms 'jug pas//dngos po thams cad mdor bsdus pas/ /gong bu'i sbyor ba bsdus nas ni/ /sku ni dbus su bsgom par bya/ /cig car ye shes rdzogs pa ni/ /ting 'dzin zhes ni bshad pa yin/ /so sor sdud pa snyoms 'jug pas/ /sngags thams cad kyis byin rlob 'gyur//bsam gtan ye shes snyoms 'jug pas/ /mngon shes lnga ni thob par 'gyur/ /srog dang rtsol bas nges par ni/ /byang chub sems dpa' rnams kyis gzigs/ /'dzin pa'i stobs kyis gtan du ni/ /rdo rje sems dpa'i 'bab par 'gyur/ /rjes dran yang dag sbyor ba yin/ / 'od kyi dkyil 'khor 'byung bar 'gyur/ /ting 'dzin dbang ba tsam gyis ni/ /sgrib pa med par 'gyur ba yin/ /zhes gsungs so/ /de rnams kyi don 'di yin te/ yongs su rdzogs pa dang ldan pa'i lha'i nga rgyal dang bcas pa'i rnal 'byor pas/ lha mos rjes su 'brang ba dang /phyi rol gyi gzugs la sogs pa'i yul lnga mig la sogs pa'i dbang po lngas stong par byed pa gang yin pa de ni so sor sdud pa zhes bstan to/ /gzugs la sogs pa'i yul de rnams kyang rnam par snang mdzad la sogs pa de bzhin gshegs pa lnga'i rang bzhin du bsgom par bya ba gang yin pa de ni bsam gtan no//bsam gtan de yang rtog pa dang / dpyod pa dang / dga' ba dang / bde ba dang / sems rtse gcig pa'i dbye bas rnam pa lnga yin no/ /de la 'dod par bya ba dang / 'dod pa dang 'dod par byed pa rnams 'byung ba ni rtog pa'o/ /de rnams longs spyod pa'i bya ba ni dpyod pa'o//chags pa yod na dga' ba byung ba'o/ /de las kyang dga' ba'i bde ba'o/ /de las kyang mchog tu dga' ba'i bde ba ni sems rtse gcig par gyur pa'o/ /me long la sogs pa'i ye shes lnga'i bdag nyid can dang / sa la sogs pa'i 'byung ba lnga'i ngo bo'i yungs kar gyi 'bras bu'i tshad tsam kha dog lnga pa'i rin chen dbugs kyi sbyor bas snying ga las spros te/pad+ma'i sna'i rtse mor bsam par bya ba gang yin pa de ni srog dang rtsol ba'o/ /sngar bshad pa'i rim pas rang gi snying ga'i sngags kyi thig ler gnas pa'i sems mtshan ma lnga byung ba'i bar du yang dang yang du 'dzin par bya ba gang yin pa de ni 'dzin pa'o//de la mtshan ma lnga ni smig rgyu dang / du ba dang srin bu me khyer dang mar me dang sprin med pa'i nyi ma phyed kyi nam mkha' dang 'dra bar thams cad du rtag tu snang ba ste/ mtshan ma de rnams kyis sngags dam pa'i thig le'i ngo bor rang gi sems brtan par gyur par shes par bya'o//de nas byang chub kyi sems de ni rang gi snying ga'i rdo rje'i lam nas btsun mo'i nam mkha'i khams su spros te/ de nyid kyis kyang ma lus pa'i nam mkha'i khams rdo rje'i chu'i bum pa bzhin du yongs su gang ba bsgom pa gang yin pa de ni rjes su dran pa'o/ /rjes su dran pa de nyid kyi mthar ni nam mkha' rdo rje la gnas pa'i sems can thams cad byang chub kyi sems kyi dbang bskur ba'i reg pas de bzhin gshegs pa dgra bcom pa yang dag par rdzogs pa'i sangs rgyas kun du bzang por gyur pa ste/snang ba shar bar 'gyur ro/ /de'i rjes la dngos po thams cad ni byang chub kyi sems re re'i rdul phra rab bzhin du rang rang gi phyag rgya dang bcas pa'i de bzhin gshegs pa la sogs pa lha thams cad kyi rnam par bsams te/bsdus la de'i rdul phra rab kyis yongs su rdzogs pa'i ting nge 'dzin la gnas pa bde ba chen po'i bdag nyid lha'i gzugs su rang gi bdag nyid rdo rje dkyil 'khor du gnas pa bsgom par bya ba gang yin pa de ni ting nge 'dzin zhes bya ste/yan lag drug po de dag gis ye shes bdud rtsis yongs su rdzogs pa'i mchog gi rnal 'byor bstan to/ /da ni bsgrub pa rnam par dpyad par bya ste/ de yang dam tshig dang sdom pa gtso bor gyur pa yin no/ / dam tshig ni bsrung bar bya ba dang bza' bar bya ba gnyis yin no / /sdom pa la ni zhi ba la sogs pa dngos grub brgyad sgrub par byed pa ste/ bshad pa'i rgyud las bcom ldan 'das kyis gsungs so/ /de la bsrung bar bya ba'i dam tshig ni rtsa ba'i ltung ba bcu bzhi dang / kha na ma tho ba sbom po bcu yin te/ dper na/ slob dpon la ni smod pa dang / /bde gshegs bka' las 'das pa dang / /sdang bas spun rnams yod min bshad/ /byams pa chen po rnam spangs dang / /byang chub sems ni yongs spong dang / /theg pa gsum la smod pa dang / /skal min gsang ba bshad pa dang / /rgyal ba'i bdag nyid phung po smod//chos rnams mtha' gnyis sgro 'dogs dang / /dad pa'i sems ni mi smod dang / /dad pa'i chos la som nyi dang / /gdug la byams pa chags bral dang / /ji snyed dam tshig mi brten dang / /shes rab rang bzhin bud med smod/ /de ni rtsa ba'i ltung ba rnams so/ / de bzhin du / rig ma brten par mi dga' dang / /dam tshig rnams ni mi sbyor dang / /tshogs kyi 'khor lor rtsod pa dang / /gsang ba'i chos ni bstan pa dang / /dad dang ldan pa'i sems can la/ /dam pa'i chos ni log ston dang / /zhag bdun bar du nyan thos pa'i/ /nang na gnas dang nga rgyal dang //ma nges mi sbyor snod min la/ /gsang ba'i chos ni bstan pa'o/ /des ni kha na ma tho sbom / /sngags pa'i sdom pa 'chal bar 'gyur/ /zhes bya ba ni kha na ma tho ba sbom po rnams so/ /bza' ba'i dam tshig rnams ni lha mo bzhis yongs su zhus pa'i rgyud la 'jug par bya ste/chos rnams bsgrub pa bshad byas nas/ /yan lag brgyad pa rdzas bsgrub bya/ /mi dang glang po rta dang ni/ /ba glang khyi dang bong bu dang / /rnga mo dang ni ma he dang / /cha ni mnyam par bya ba ste/ /mthe bong gi ni tshigs tshad tsam / /mnyam par bzhag pas sbyar bar bya//bshang gci dang ni khrag khu dang / /nas kyi 'bru ni tshad tsam ste/ /sngags kyi gtso bor sbyar byas te/ /gzhan yang byin gyis brlab par bya/ /yi ge oM dang AHdang ni/ /bar du yi ge hUM nyid dang / /dz+wa la dz+wa la yi ge hri / /dgu po 'dis ni rab tu grub/ /lan ni nyi shu rtsa gcig gi/ sngags 'di nyid kyis dag par bya/ /yungs kar lnga yi tshad tsam ni/ /lnga dang lnga gnyis bsre bar bya/ /bdud rtsi dbang po lnga dri ma/ /de nas ri lu bya ba ni/ /tshes brgyad pa'am bcu bzhi la/ /pad+ma'i snod du bzhag nas ni/ /stong phrag brgyad ni bza' bar bya/ /nyin dang nyin re bza' ba dang //thun bzhi yang ni bsgom par bya/ /ji ltar bskal pa'i mthar thug par/ /rgya chen dngos grub des thob 'gyur/ /gzi brjid mdog dang stobs brtson 'grus/ /smon lam dag ni lnga pa ste/ /ril bu chen po spyod pa yis/ /mngon shes lnga ni thob par 'gyur/ /zhes bya ba'i dam tshig go//da ni sdom pa bshad par bya ste/ zhi ba dang ni rgyas pa dang / /dbang nyid dang ni mngon spyod dang / /rnam par snang dang dgug pa dang / /rengs pa dang ni gnas spro ba'o/ /de la re zhig las kyi tshogs kyi go rims bshad pa'i rgyud la 'jug par bya ste/ zhi ba dang ni rgyas pa dag /yar ngo'i dus su bya ba yin//dbang dang mngon spyod la sogs pa/ /mar ngo yi ni dus su bya/ /zhi ba byang phyogs kha bltas pas/ /shar du kha bltas rgyas pa bya/ /gshin rje'i phyogs su drag po'i las/ /dbang dang dgug pa nub phyogs su/ /me yi mtshams su gsod pa dang / /bden bral phyogs su de bzhin sdang //rlung gi mtshams su gnas las so/ /dbang ldan mtshams su rengs par 'gyur/ /zhi ba la ni kha dog dkar/ /rgyas pa la ni kha dog ser/ /dbang dang dgug pa dag la dmar/ /gsod pa la ni mdog nag pa'o / /byams pa'i sems kyis zhi ba dang / /dga' ba'i sems kyis rgyas pa dang //chags pa'i sems kyis dbang ba dang / /khro ba'i sems kyis gsad par bya/ / tho rangs su ni rgyas pa yi / /dbang dang mngon spyod lam dag ni/ /nyin phyed mtshan phyed dag la'o/ /zhi la zhi ba'i mtha' can gyis/ /rgyas pa bau ShaT mtha' can gyis/ /gsod pa hUM phaT mtha' can gyis//dgug pa ni ba dzaHhris so/ /zhes bya ba la sogs pa gzhan rnams la yang bshad pa'i rgyud rnams las brtag par bya'o/ /de ni sdom pa yin no/ /de ltar na sgrub pa bstan to/ /de bas ni don bcu drug po de dag gis dpal gsang ba 'dus pa'i rgyud ma lus pa gang gis rtogs par gyur pa de ni 'gro ba'i bla ma bzhin du 'gyur ro//gzhan du na 'ba' zhig pa tshig gi don tsam gzung bas rang gi mos pa tsam la rjes su 'brang zhing rang dbang gis glegs bam klog cing bla ma rnams la smod la kho bo cag gis rtogs par 'gyur zhes rmongs pa rnams sems so/ / dgongs pa lung du bstan pa las kyang / rgyud dag la ni mi mkhas pa/ /sgrub pa'i thabs tsam shes nas ni/ /kho bo cag gi slob dpon zhes/ /lung las mkhas pa yin zhes zer/ /nga yi tshig ni ngas nyid ces/ /rmongs pas ji ltar brjod cing smod/ /dgongs pa'i byang chub kyi sems ni/ / don bzhin de rnams mi shes so/ /zhes gsungs so/ /de ltar rnam par dpyad la bla ma'i zhal snga la bsnyen pa'i rtsol ba la rtsol bar bya ba ste/ gang gi drin gyis de kho na nyid thob par gyur pas phyag rgya chen po'i dngos grub rnyed par 'gyur ba ste/ ha cang thal bar 'gyur bas chog go/ /da ni don rnal ma rnam par dpyad par bya ste/gang gi tshe bcom ldan 'das kyis dga' ldan gyi gnas la sogs par chos bstan par mdzad pa de'i tshe tshad med pa'i chos kyi phung po bsrung ba'i phyir phyag na rdo rje la gtad pa yin te/ kye rdo rje chos de bzhin gshegs pa rnams kyi de kho na nyid 'di khyod kyis gzung bar gyis shig /ces gsungs so/ /de'i tshe phyag na rdo rje nyid kyis sdud pa por gyur cing bcom ldan 'das las ji ltar thos pa'i rgyud bstan par bya ba'i phyir gleng gzhi'i tshig bstan par bya ste/ 'di skad bdag gis zhes bya ba la sogs pa ni rgyud 'di la ni dngos po bzhi yin te/gleng gzhi dang / nye bar bsdu ba dang / skabs dang bstan bcos kyi lus rnams so/ /de la nye bar bsdu ba ni mtha' ru bcom ldan 'das kyis de skad ces bka' stsal to zhes bya ba la sogs pa'o/ /skabs ni dper na de nas de bzhin gshegs pa de rnams thams cad kyis bcom ldan 'das la 'di skad ces gsol te /bstan bcos kyi lus ni don bcu drug go/ /gleng gzhi dang po'i tshig ste/ ston pa po dang / 'khor dang dus dang gnas phun sum tshogs pa gtso bor gyur pa yin no/ /'di skad ces bya ba'i tshig phrad kyis ni stong pa nyid kyi ngo bo bcom ldan 'das bstan pa'o//bdag gi zhes pas 'khor phun sum tshogs pa bstan to/ /dus gcig na zhes bya ba ni dus gcig la ste gang gi tshe bcom ldan 'das kyis sngags kyi tshul bstan pa ste dus gzhan du ni ma yin no/ /yang na dus gcig na zhes bya ba ni skad cig ma gcig la ste/ de nyid kyis ni mngon par shes pa thob pa nyid bdag nyid la bstan pa yin no//gang las dang gang du thos pa ste ston pa po dang gnas kyi phun sum tshogs pa bstan par bya ste/ bcom ldan 'das zhes bya ba la sogs pa ni bcom ldan 'das ni b+ha ga wan yin te/ b+ha ni gsal ba la'o/ /ga ni 'gro ba la'o/ / b+ha dang ga dag ni b+ha ga ste/ gsal ba dang 'gro ba'i rang bzhin can srog dang rtsol ba'i rlung ngo / /de dag byang chub kyi sems gang la yod pa de ni b+ha ga wAn te bcom ldan 'das so/ /de bzhin gshegs pa thams cad ni rlung bcu ste/ de rnams kyi nang du sku dang gsung dang thugs rnams ni srog dang rtsol ba dang mnyam pa ste rlung gsum mo//de rnams kyi snying po ni srog gi rlung ste de'i rdo rje'i btsun mo ni thams cad stong pa nyid de/ de'i b+ha ga ni 'od gsal ba ste/ de la zhugs pa ni ting nge 'dzin de la dmigs la gnas par 'gyur zhes ston to/ /des ni don 'di bshad pa yin te/ dang po sems can gyi don bya ba'i phyir khams gsum pa dang dkyil 'khor gyi 'khor lo nye bar bsdus la rlung bcu'i bdag nyid can longs spyod rdzogs pa'i sku gcig dang /du ma'i bsgom pas mi snang bar byas la/ rnam par thar pa bzhi'i ting nge 'dzin gyis stong pa nyid kyi de kho na nyid la bcom ldan 'das bzhugs zhes ston to//de ni dang po sbyor ba'o/ /de bzhin du bdag gis shes pa ni e waM ma yA ste spyan la sogs pa'i rigs kyi lha mo bzhi yin te/ de rnams kyis ni khyod ni rdor sems zhes bya ba la sogs pa'i tshigs su bcad pa bzhi pos bcom ldan 'das bskul bas de nyid thob pa ni rmi lam bzhin du gsan cing /dus gcig na zhes pa ni gsan pa'i dus de nyid du stong pa nyid kyi ngo bo'i bcom ldan 'das kyis ci mdzad ce na/ de bzhin gshegs pa thams cad ces bya ba la sogs pa ni de bzhin gshegs pa thams cad ni phung po lnga dang / sku dang gsung dang thugs ni gsum ste/de ni longs spyod rdzogs pa'i sku yin no/ /snying po zhes pa ni dzin dzika ces bya ba la sogs pa'i sngags rnams kyis de bzhin gshegs pa rnams dang rdo rje btsun mo ni spyan la sogs pa spros te/ de rnams thams cad kyi b+ha ga ni dkyil 'khor gyi gzhir gyur pa'i chos 'byung gi gzhal yas khang par bzhugs pa'o//de la dgongs pa 'di yin te lha mos bskul ma thag tu zla ba dang rdo rje la sogs pa'i rim pas rang gi sku la dmigs te/ rang rang gi sngags kyis dkyil 'khor pa rnams spros te/ chos 'byung gzhir gyur pa'i sna tshogs pa'i rin po che'i gzhal yas khang pa la gsal ba'i dkyil 'khor gyi dbus su bcom ldan 'das bzhugs pa yin zhes ston to//de ni dkyil 'khor rgyal ba mchog go/ /de bzhin du e waM mA ya bzhi po ni dgongs pa'i bshad pas dgug pa dang / gzhug pa dang bcing ba dang / dbang du bya ba bzhi po ste/ de rnams kyis thos pa zhes pa ni ye shes sems dpa' dang lhan cig tu dbyer med par byas la/de'i rjes la dus gcig na zhes bya ba ni ye shes sems dpa' zhugs pa'i dus de nyid la bcom ldan 'das de bzhin gshegs pa thams cad de rnam par snang mdzad dang / snang ba mtha' yas dang / mi bskyod pa ste/ de rnams kyis nye bar mtshon pa ni yi ge oM AHhUM de rnams rang gi sku gsung thugs dang /dkyil 'khor pa rnams kyi sku gsung thugs la dgod par byas la/ snying po zhes pa ni sa'i snying po la sogs pa'i sa bon rnams te/ de dag ni skye mched rnams la dgod de tha mi dad pa'i sgo nas rdo rje ni bstod pa ste/bla na med pa'i phyir rdo rje'i btsun mo zhes bya ba ni mchod pa ste/ b+ha ga zhes bya ba ni b+ha ga las 'byung ba'i phyir bdud rtsi myang ba byas la bzhugs pa ni rdo rje 'chang chen po zhes tshig gi lhag ma'o/ /des ni 'di bshad pa yin te/ yongs su rdzogs pa'i dkyil 'khor gyi 'khor lo bltas la ye shes sems dpa'i dkyil 'khor zhugs te/sku gsung thugs kyi byin gyis brlab pa dang / skye mched rnam par dag pa byas la bstod pa dang mchod pa dang bdud rtsi myang ba byas la 'khor lo'i dbang phyug gi tshul gyis bcom ldan 'das bzhugs so zhes ston to/ /de ni las kyi rgyal ba mchog go//de bzhin du e waM ma yA zhes pa ni shes rab dang thabs yin no/ /ji skad du/ e ni shes rab yin pa ste / /waM yig 'di ni thabs su bshad/ /thig le sa bon mi 'jigs pa/ /zhes 'byung ngo / /bdag gis shes pa ni bdag go/ /de bas na shes rab dang thabs bdag nyid kyi thig le nga bdag yin te/de lta bu'i nga ni thig le/ thos pa ni spro ba'o/ /gang gi tshe zhe na/ dus gcig na zhes pa ni mchog tu dga' ba'i skad cig ma la'o/ /thig le de nyid kyang rigs mi mthun pa'i yid la byed pa rnams 'joms par byed pas na bcom ldan 'das te/ des ni thig le rdo rje dang pad+ma'i mtha' ru gnas pa nyid bstan to//de nas thig le de nyid mtsho skyes kyi nang du zhugs pas ci byed pa yin zhe na/ de bzhin gshegs pa thams cad ces bya ba ni rigs lnga'i rgyal ba rnams sam/ phyi rol gyi kun rdzob kyi rigs lnga'i sems can rnams so/ /sku dang / gsung dang / thugs zhes pa ni rigs gsum gyi bud med dang skyes pa dang ma ning rnams sam khams gsum la'o//snying po zhes pa ni sngags thams cad dam/ rnam par shes pa brgyad do/ /rdo rje btsun mo ni spyan la sogs pa'am/ de rnams rnam par dag pa'i ngo bo la sogs pa'i khams so/ /de'i rim pas gang zhig b+ha ga zhes pa ni spros pa ste/spros pa de ru 'jig rten dang 'jig rten las 'das pa'i tshul du skyes pas bzhugs pa zhes pa ni gnas pa yin no/ /des ni 'di bshad pa yin te/ byang chub sems kyi thig le ni rdo rje 'chang chen po'i ngo bo gcig pu gang yin pa des lha'i 'khor lo dang sngags kyi phung po dang rnam par shes pa rnams dang /sna tshogs pa'i rang bzhin khams gsum skyed par byed pa ste/ gzhan la bskyed pa'i nus pa med pa zhes tshig gi don to/ /des ni bskyed pa'i rim pa'o/ /de bzhin du e waM ma yA zhes pa ni e ni shes rab kyi pad+ma dang / waM ni chu'i khams so/ /thig le ni byang chub kyi sems te de nyid mi 'jig pa nyid du bstan pa'i phyir ro//bdag gis thos pa ni de nyid sku gnyis tha mi dad pas nyams su myong ba'o/ /gang gi tshe zhe na/ dus gcig na zhes pa ni shes rab ye shes kyi dbang bskur ba'i dus su'o/ de yang ji lta bu zhe na/ bcom ldan 'das zhes pa ni b+ha ga'i nam mkha' la gnas pa'i phyir ro//de bzhin du de bzhin gshegs pa thams cad ces pa ni rtsa lnga ste/ de rnams kyi sku dang gsung dang thugs zhes pa ni 'dod pa'i gdugs dang rus sbal ma dang / zla ba ma'o/ /de rnams kyi snying po zhes pa ni dbus ma ste/ chos kyi dbyings kyi dbang phyug ma kun du bzang mo'o //nyid kyi rdo rje btsun mo zhes pa ni shes rab kyi pha rol tu phyin ma ste/ mA ma kI'o/ /de'i b+ha ga zhes pa ni sgrib pa med pa'i phyogs te nam mkha'o/ /de la zhugs pa zhes pa ni gnas pa yin no/ /'dir ni dgongs pa 'di yin te/ gang gi tshe nam mkha'i khams la gnas pa'i de bzhin gshegs pa thams cad kyis bcom ldan 'das shAkya'i seng ge skul ba de'i tshe des mi g.yo ba'i ting nge 'dzin spangs la 'od kyi sprul pa'i phyag rgya ma dang /yang dag par sbyor zhing 'od gsal ba rtogs te/ shes rab kyi pad+mar rdo rje lta bu'i ting nge 'dzin mngon du byas la/ kun rdzob dang don dam pa'i byang chub kyi sems kyi ngo bos rdo rje'i skyil mo krung la bzhugs pa'o zhes ston to//de ni rdzogs pa'i rim pa'o/ /de bzhin du e waM ma yA zhes pa ni shes rab dang thabs kyi ngo bo bcom ldan 'das mi bskyod pa'o/ /bdag gis zhes pa ni snang ba mtha' yas so/ /thos pa zhes pa ni rnam par snang mdzad do//de rnams kyis nye bar mtshon pas sa bon rnams dang de bzhin du bshad pa ste/ oM AHhUM ngo / /dus gcig na zhes pa ni yan lag ma nyams pa'i dus su rdo rje 'chang chen po nyams su myong ba'i tshul gyis so/ /bcom ldan 'das zhes pa de rnams tha mi dad pa'i blos 'jig pa'i phyir ro//de rnams kyang dus gsum gyi de bzhin gshegs pa thams cad nye bar bsdus pas sku dang gsung dang thugs so/ /de dag snying po ni snying ga'i sna dang / rdo rje'i lkog ma dang / btsun mo'i b+ha ga ni tshangs pa'i rtsa'i mtha' ru rnam par dgod cing tha mi dad pa'i blo rlung tsam gyis bzhugs pa ni khyad par gyis bzlas so//'dir yang dgongs pa 'di yin te/ snying ga la sogs pa'i gnas gsum du yi ge dgod cing rdo rje 'chang chen po'i nga rgyal byas la sku gsung thugs kyi ngo bo de bzhin gshegs pa gsum gyi rnam par rtog pa spangs te/ yan lag ma nyams pa bzlas pa'i rnal 'byor pas de srid du bzlas pa bya ste/ji srid du 'od gsal ba mthong ba'o zhes ston to/ /rab tu byed pa las kyang / slong mo za zhing mi bzlas te / /ma bslangs pa la'ang chags mi bya/ /'dod pa thams cad longs spyod byed/ /yan lag ma nyams sngags bzlas bya//zhes gsungs te/ rdo rje bzlas pa'i rim pa'o/ /de bzhin du/ 'di skad bdag gis thos pa zhes pa ni 'di skad ni 'di lta bu ste/ bdag gis sems rnam par dag pa'i de kho na nyid thos pa ni rnyed pa'o/ /ji lta bu zhe na/ de bzhin gshegs pa thams cad ni sems can thams cad de de rnams kyi gang zhig sku dang gsung dang thugs ni snang ba dang snang ba mched pa dang snang ba nye bar thob pa ste/sku gsung thugs kyi bdag nyid 'gro ba'i rgyu yin pa'i phyir ro/ /snying po ni de rnams kyi snying po ste/ mtshan mo dang nyin mo'i dbye bas rgyu ba rang bzhin brgya drug cu'o/ /de yang gang gi tshe rgyu ba zhe na/dus gcig na zhes pa ni skad cig ma gcig la'o/ /de yang nye bar mtshon pa tsam yin la/ skad cig dang thang cig dang yud tsam dang mig btsums pa la sogs pa la rgyu ba'o/ /rdo rje btsun mo ni dmigs pa med pa'i shes rab ste/ des byas pa rang bzhin de rnams la gang zhig b+ha ga ni 'joms pa ste/'od gsal ba la zhugs pa thams cad stong pa nyid rdzogs pa de la bzhugs pa ni 'od gsal ba la zhugs pa'o/ /de'i dgongs pa 'di yin te/ sngags dang phyag rgya'i rim pas rnam par shes pa gsum dang / de rnams kyi rang bzhin gyi tshogs rnam par dag cing 'od gsal ba'i go 'phang de nyid la bcom ldan 'das bzhugs so zhes ston to//de ni sems rnam par dag pa'i rim pa'o/ /de bzhin du e waM ma yA zhes pa ni/ e ni las kyi phyag rgya'o/ /waM ni chos kyi phyag rgya'o/ /ma ni phyag rgya chen po'o/ /yA ni dam tshig gi phyag rgya ste/ phyag rgya bzhi po de dag gis thos pa ni byin gyis brlab pa'o//dus gcig na zhes bya ba ni cig car du bskyed pa yin gyi/ bskyed pa'i rim pas bskyed pa ni ma yin no/ /rdo rje 'chang chen po'i sku de nyid kyi phyir bcom ldan 'das te rnam pa sna tshogs pa'i rdzu 'phrul dang ldan pa'o/ /de bzhin du de bzhin gshegs pa thabs kyi rang bzhin dang / sku dang gsung dang thugs kyi snying po zhes bya ba ni khams gsum pa dang ro gcig par 'gyur ba'o//rdo rje ni de bzhin gshegs pa dang / btsun mo ni lha mo rnams kyi/ b+ha ga ni dbang phyug la sogs pa yon tan drug dang ldan pa'i phyir dkyil 'khor gang yin pa'o/ /de la bzhugs pa ni 'ja' tshon la sogs pa dang 'dra ba sgyu ma'i rang bzhin gyi skus bzhugs pa'o//'di skad bshad pa yin te/ bcom ldan 'das 'od gsal ba las langs te/ dkyil 'khor pa'i dbus su gnas pa gzugs brnyan dang 'dra ba phyag rgya chen po'i sku bzhengs nas 'gro ba'i don mdzad pa'i phyir sgyu ma lta bu'i ting nge 'dzin la bzhugs so zhes bya ba'i don to//phyag rgya'i dbye ba ni dpal thams cad mkhyen pa 'jigs byed kyi rgyud las gsungs pa/ de nas gzhan yang bshad bya ba/ /gsang ba yi ni rnal 'byor mchog /ye shes sems dpa' rnam bsgoms nas/ /phyag rgya chen po 'dzin pa yin/ /zla ba'i dkyil 'khor dang 'dra ba//byang chub sems ni snying gar gnas/ /yi ge phyi mo'i yi ger ldan/ /cung zad 'jig rten gcig mtshungs pa/ /rnal 'byor chen pos bltas nas ni/ /dam tshig tu grangs 'dzin par bya/ /sna tshogs rdo rje snying gar gnas/ /las kyi phyag rgya rtag tu bcings/ /nges pa yis ni shes bya ste//de bzhin nges par yang dag 'grub/ /lce ni rdo rjer rnam bsgoms nas/ /chos kyi phyag rgya yang dag brjod/ /las thams cad ni ci 'dod pas/ /myur du grub ste the tshom med/ /de ltar phyag rgya rnam pa bzhi/ /blo ldan gang zhig mi shes pas/ /sdom pa'i rnal 'byor mchog dag ni//de yis mnyes par 'grub mi 'gyur/ /bde ba'i thabs ni rnyed dka' ba/ /sangs rgyas rol mo gsang ba ni/ /byang chub sems zhes grags pa ste/ /shes rab rgya mtshor rtag tu gnas/ /zhes gsungs so/ /de ni bdag la byin gyis brlab pa'i rim pa'o/ / de bzhin du e waM ma yA zhes pa ni e ni shes rab ste mtshan ma'o/ /waM ni thabs te nyi ma'o/ /thig le ni de dag gi nang du gnas pa'i mtshan mo'i dus mtshams sam/ nyin mo'i dus mtshams so/ /bdag gis thos pa ni de rnams man ngag gi dbang bskur ba'i rim pas nyan pa'o/ /dus gcig na zhes pa ni dus gsum po de dag med pa'i skad cig ma la'o//thos pa de ci yin zhe na/ bcom ldan 'das zhes pa ni 'od gsal ba'o/ /ji lta bu zhe na/ de bzhin gshegs pa thams cad ces pa thams cad ni dpe nyid du gnas pa phyi rol gyi smig rgyu la gnas pa'i snang ba lnga'o/ /de bzhin gshegs pa ni dpe las byung ba'i ngo bo nang gi stong pa nyid la sogs pa'o//de'i rang bzhin can yin no/ /de bzhin du sku dang gsung dang thugs ni bdag nyid kyi gang yin pa de rnams dang snying po ni khams gsum pa ste/ rdo rje ni ril por 'dzin pa'i ting nge 'dzin dang / btsun mo ni rjes su gzhig pa'i ting nge 'dzin gyis gang zhig b+ha ga ni mi snang bar byed pa/de la bzhugs pa ni ting nge 'dzin de mngon du byas pa la bzhugs pa'o/ /'dir ni mdor bsdus pa'i don 'di yin te/ phyi rol gyi mngon par byang chub pa'i rim pas nang gi bdag nyid mngon par byang chub thob la de bstan par bya ba'i phyir ril por 'dzin pa dang rjes su gzhig pa'i ting nge 'dzin gnyis pos bcom ldan 'das 'od gsal bar zhugs zhes tshig gi don to//de ni mngon par byang chub pa'i rim pa'o/ /de bzhin du 'di skad bdag gis zhes bya ba la sogs pa ni zung du 'jug pa'i rdo rje phreng ba'i rgyud la 'jug par bya ste/'di skad bdag gis thos de nyid/ /dus ni gcig tu gsungs pa nyid/ /bcom ldan gsang ba'i rdor dbang phyug /rdo rje gsum gyi dam tshig mchog /de bzhin gshegs kun ye shes ni/ /bsam gyis mi khyab yon tan tshogs/ yod med gnyis ka las 'das pa/ /gnas min gnas na brdar byas pa//nam mkha' gcig gi ngo bo nyid/ /kun mkhyen ye shes rang bzhin ldan/ /rnam dag grags pa'i 'gro snying gar/ /thub pa chen po bzhugs pa'o/ /zhes gsungs so/ /de ni zung 'jug gi rim pa'o/ /gzhan yang e waM ma yA zhes pa ni lha'i dbang pos zhus pa las/e ni ma nyid yin pa ste/ /waM yig yang ni pha ru dran/ /thig le de ru rnal 'byor yin/ /rnal 'byor de ni rmad byung mchog /ces gsungs so/ /[(]da [,]de[)]bas na bsgrub bya sgrub byed yang dag par sbyor ba ni e waM gyi don yin no/ /bdag ni rdo rje 'chang chen po ste/ thos pa ni des 'khyud pa la sogs pa'i bya bas nyams su myong ba'o//dus gcig na zhes pa ni 'khyud pa la sogs pa'i bya ba dang ldan pa'i rnam pa sna tshogs ma'i skad cig ma la'o/ /de dag ni pha dang ma dag yin no/ /bcom ldan 'das ni sgrub byed do/ /de bzhin gshegs pa thams cad ni phung po lnga'o/ /sku dang gsung dang thugs rnams ni rnam par shes pa gsum mo//snying po ni de rnams kyi snying por gyur pa gang zhig mchog tu dga' ba skyed par byed pa rdo rje btsun mo ni bsgrub bya shes rab ma/ de dag gi b+ha ga ni yang dag par sbyor ba ste/ bzhugs pa ni de nyid du gnas pa'o/ /de bas na bsgrub par bya ba dang sgrub par byed pa'i yang dag par sbyor ba'i mtshan nyid can bsnyen par bstan to//de ni rang bzhin no/ /de bzhin du e waM ma yA zhes pa ni e ni pad+ma zhes bshad pa/ waM ni rdo rje nyid du bshad/ /thig le der ni sa bon yin/ /de las skyes pa khams gsum pa'o zhes gsungs so/ /de'i don 'di yin te/rdo rje dang pad+ma yang dag par sbyor ba ni e waM yin te / bdag gis thos pa ni de nyid bdag gis bsdus pa'o/ /ji ltar zhe na/ gcig ni shes rab la'o/ /dus ni thabs la'o/ /ci'i phyir zhe na/ bcom ldan 'das kyis de bzhin gshegs pa thams cad phung po lnga ste/ sku dang gsung dang thugs ni sku gsum ste/snying po ni de rnams chos kyi dbyings dang ro gcig par gyur pa'i phyir ro/ /de bzhin du rdo rje btsun mo ni gang zag dang chos la bdag med pa'i mtshan nyid can ye shes kyi b+ha ga ni de'i rjes las thob pa'i dag pa 'jig rten pa'i ye shes gang thob pa de'i phyir bzhugs pa ni gnas pa'o zhes bstan to//b+ha ga la zhes bya ba 'di rgyu mtshan gyi bdun pa'o/ /de ltar na rdo rje dang pad+ma yang dag par sbyor ba'i mtshan nyid can nye bar bsgrub pa bstan to/ /de'i rgyu'o/ /de bzhin du e waM ma yA zhes pa ni e ni shes rab nyid yin te/ waM ni dga' ba'i bdag po nyid //thig le mi 'jig de nyid ni/ /yi ge rnams ni de las skyes/ /de bas na don 'di yin te/ yi ge e dang waM dag ni shes rab dang thabs te/ de dag gis yang dag par sbyor zhing ma yA zhes yi ge gnyis rdo rje dang pad+ma ste/ thos pa ni de dag skyod par byed pa'o/ /ji ltar zhe na/ gcig ni pad+ma dang /dus ni rdo rje la'o/ /de bcom ldan 'das ni gang zhig de bzhin gshegs pa thams cad kyi sku dang gsung dang thugs kyi snying po ni yi ge gsum ste/ de rnams rdo rje ni mtshan ma dang rdo rje btsun mo'i b+ha ga ni shes rab kyi pad+ma ste/ der zhugs pa ni/ rnam par dgod cing gnas pa'o zhes ston to//de'i dgongs pa 'di yin te/ yi ge hUM yongs su gyur pa las rdo rje rtsa lnga pa yi ge oM gyis nor bu'i char byin gyis brlab pa rdzogs te/ yi ge hri yongs su gyur pa las skyes pa pad+ma'i lte bar oM gyis byin gyis brlab pa rnam par bsgoms te/ de nyid du yang char rengs pa'i sngags rnam par dgod la yang dag par bskul bar bya ste sgrub pa yin no//des ni las so/ /de bzhin du/ e waM ma yA zhes pa ni e ni snod kyi 'jig rten no/ /waM ni sems can gyi 'jig rten no/ /ma ni 'byung ba chen po rnams so/ /yA ni skye mched rnams so/ /thos pa ni phung po rnams so/ /bcom ldan 'das ni dus gsum mo//de bzhin gshegs pa thams cad ni ye shes lnga'o/ /sku dang gsung dang thugs ni khams gsum pa'am/ sa 'og dang sa bla dang / mtho ris sam/ sku gsum mam/ 'dod pa la sogs pa gsum po yin no/ /snying po ni chos kyi dbyings kyi ye shes so/ /rdo rje btsun mo ni stong pa nyid do//b+ha ga ni de rnams kyi rang bzhin te/ lhan cig skyes pa'i bde ba'o/ /dus gcig ni mtshon par dka' ba skad cig ma de nyid de/ de nyid du zhugs pa ni gnas pa'o zhes ston to/ /des 'di bshad pa yin te/ phyi dang nang gi rnam par rtog pa ma lus pa dang bral ba'i bde ba chen por rab tu bzhugs pa ste/sgrub pa chen po yin no/ /de ni 'bras bu'o/ /de bzhin du/ 'di skad bdag gis zhes bya ba la sogs pa ni sgra ji bzhin ma yin pa'i don du ni 'di skad bdag gis zhes bya ba ni so sor sdud pa'o/ /thos pa ni bsam gtan no/ /dus gcig na zhes pa ni srog dang rtsol ba'o//bcom ldan 'das ni 'dzin pa'o/ /de bzhin gshegs pa thams cad kyi sku dang gsung dang thugs kyi snying po 'di rjes su dran pa'o/ /rdo rje btsun mo ni phyag rgya chen po'i ngo bo ting nge 'dzin to/ /b+ha ga ni de rnams rim pas bsgoms te/ de la bzhugs pa ste/ yan lag drug go/ /de ni rnal 'byor ro//de bzhin du/ 'di skad bdag gis zhes pa ni 'di skad ni 'di'o/ /bdag gis thos pa ni zos pa ste myang ba'o/ /dus gcig na zhes pa ni dam tshig gi dus na ste/ bstan bcos las gsungs pa'i zhag rnams la'o/ /ji lta bu zhe na/ bcom ldan 'das ni bshad pa'o/ / de bzhin gshegs pa thams cad ni sha'o/ /sku dang gsung dang thugs ni khrag go/ /snying po ni byang chub kyi sems so/ /rdo rje dang btsun mo'i b+ha ga las 'byung ba gci ba'o/ /de nyid du bzhugs pa bdud rtsi myang ba'i mtshan nyid can gyi rnal 'byor des bzhugs pa ste sgrub pa bstan to/ /de lta bu'i dang po'i gleng gzhi'i tshig gis rgyud ma lus pa'i don rab tu gsal bar byed pa ste/gang zhig gzhan yang bshad pa de ni spros pa ste/ byis pa'i blo rnams kyis bde blag tu rtogs par bya ba'i phyir ro/ /ji skad du/ gleng gzhi dbang du byas nas ni/ /gang zhig don ni rab bstan pa/ /rgyud kyi don ni de nyid bshad//lhag ma skabs kyis gyur pa yin/ /zhes 'byung ngo / /da ni bcom ldan 'das gang zhig dang lhan cig bzhugs pa de rnams kyis bshad par bya ste/ brjod kyis mi lang ba zhes bya ba la sogs pa ni sprul pa'i sku la tshad med pa'i phyir grangs med pas brjod du mi nus pa rnams dang /sgyu 'phrul gyi mthu mtha' yas pa'i phyir yang brjod kyis mi lang pa'o/ /sangs rgyas kyi zhing gi rdu phra rab snyed kyis zhes pa ni dpe yin no/ /yang na rdul phra rab kyi cha shas kyis yongs su rtog pas rang bzhin mi dmigs pa de bzhin du rang bzhin med pa ste/ dang por ma skyes pa'i de kho na nyid la rnam par gnas pa rnams lhan cig tu zhes ston te/ rdzogs pa'i rim pa'o/ /gtso bor gyur pa'i phyir dkyil 'khor pa rnams bshad par bya ste/ byang chub sems dpa' sems dpa' chen po zhes bya ba la sogs pa ni dam tshig gtso bor gyur pa'i phyir dam tshig rdo rje ni don yod grub pa ste/'dir ni de'i rigs can sgrib pa thams cad rnam par sel ba'o/ /sku gsung thugs kyi rigs las byung ba'i phyir sku rdo rje dang gsung rdo rje dang thugs rdo rje ni sa'i snying po dang 'jig rten dbang phyug dang phyag na rdo rje rnams so/ /ting nge 'dzin sems rtse gcig pa de nyid de/ de nyid ni rdo rje ste mi phyed pa'i phyir ro//de gang la yod pa de ni ting nge 'dzin rdo rje ste kun du bzang po'o/ /shes rab kyi mtshon chas nyon mongs pa dang shes bya'i sgrib pa dag las rgyal bar byed pas na rgyal ba'i rdo rje dang 'jam dpal lo/ /de bzhin du sa la sogs pa bzhi po rnam par dag par byed pa'i phyir sa rdo rje dang chu rdo rje dang me rdo rje dang rlung rdo rje rnams ni lha mo spyan dang /mA ma kI dang gos dkar mo dang dam tshig sgrol ma ste/ rigs kyi lha mo rnams so/ /nam mkha'i lding ni mi zad pa'i phyir/ rdo rje ni mdzod gang la yod pa de ni nam mkha' rdo rje ste nam mkha'i snying po'o/ /gzugs la sogs pa'i yul lnga rnam par dag pa'i ngo bo nyid yin pa'i phyir gzugs rdo rje la sogs pa'o//chos kyi dbyings ni mi gnas pa'i mya ngan las 'das pa ste/ de la rdo rje ni chos kyi rgyal srid mi phyed par mdzad pas na/ chos kyi dbyings kyi rdo rje ste byams pa'o/ /de rnams ji lta bu yin zhe na/ byang chub ni rdo rje 'chang chen po'i go 'phang ste/de la sems dpa'i rang bzhin gang la yod pa de ni byang chub sems dpa'o/ /chen po ni khams gsum pa ste/ de la byang chub sbyin pa'i phyir sems dpa' chen po'o/ /'dir yang lha mo rnams la yod pa ste/ de dag kyang byang chub sems dpa' zhes brjod do/ / yang na byang chub sems dpa'i sgra ni 'bru mang po pa'i bsdu ba la mo rtags kyi ngo bor shes par bya'o/ /de ltar na byang chub sems dpa' brgyad dang / rigs kyi lha mo bzhi dang / mchod pa'i lha mo lnga ste de rnams dang lhan cig tu bzhugs pa ste/ gzhan ma rnams ni ma yin no zhes bshad par bya ba'i phyir/de la sogs pa zhes bya ba la sogs pa ni nam mkha'i khams bzhin du grangs las 'das pa'o/ /de bzhin nyid ni de bzhin nyid de chos kyi dbyings so/ /de las gshegs pa ni chos kyi skus so/ /yang na de bzhin nyid de nyid las longs spyod rdzogs pa ni ma yin no zhes bshad par bya ba'i phyir de bzhin gshegs pa ste/phung po lnga rnam par dag pa'i gtso bor gyur pa lnga kho na bshad par bya ste/ 'di lta ste zhes bya ba la sogs pa ni chos kyi dbyings kyi ye shes thob pas sgrib pa gnyis kyis bskyod par mi 'gyur bas na mi bskyod pa'o/ /de nyid kyi phyir ni rdo rje'o/ /de bzhin du me long lta bu'i ye shes kyis me long bzhin du khyad par du snang bas na rnam par snang mdzad do//nam mkha'i mdzod kyi ting nge 'dzin ni bsam pa thams cad rdzogs par byed pas na rin chen te/ de nyid dpal gang la yod pa de ni rin chen dpal lo/ /yang na rin chen ni mnyam pa nyid kyi ye shes te/de nyid dpal gang la yod pa de la de skad ces bya'o/ /so sor rtog pa'i ye shes nyid rgya mtsho bzhin du 'od dpag tu med pa gang la yod pa de ni rdo rje'i 'od dpag tu med pa'o/ /bya ba nan tan grub pa'i ye shes de nyid 'gro ba ma lus pa'i don byed pa gdon mi za ba ni 'bras bu dang bcas pa de nyid kyi phyir rgyun ma chad pa'i rdo rje gang la yod pa de ni rdo rje gdon mi za ba'o//de dag la sogs pa zhes pa ni de rnams gtso bor gyur pa'o/ /nam mkha'i dbyings thams cad kyang mnyam pa zhes pa ni mtha' yas pa'o/ /de rnams kyi mtha' yas pa de nyid dpe'i sgo nas bsgom par bya ba'i phyir/ dper na zhes bya ba la sogs pa gsungs te/ ji bzhin du/ til gyi gang bu gcig la til rnams phan tshun 'brel nas gnas pa de bzhin du rgyud kyi rgyal po nyan pa'i phyir thams cad nam mkha' yang dag par 'dus par gyur pa'o zhes stan to/ /yang na til 'bru gcig la gzugs dang ro dang mdog mnyam pa'i til rnams gnas pa de bzhin du nam mkha'i dbyings kyi ngo bo rdo rje 'chang chen po dang /de bzhin gshegs pa la sogs pa ro gcig par gyur pa'i gnas pa ste/ longs spyod rdzogs pa dang / sprul pa'i sku dang tha mi dad pas mdzad pa gcig yin pa'i phyir ro//de ni bskyed pa dang rdzogs pa'i rim pa'i don yin no/ /gleng bzhi bstan nas bcom ldan 'das rnam par snang mdzad chen pos 'dod chags kyi rigs can sems can rnams la brten te/ de rnams gdul bar bya ba'i phyir de dang rjes su mthun pa'i ting nge 'dzin bstan pa'i phyir/de nas bcom ldan 'das zhes bya ba la sogs pa gsungs te/ 'dod pa'i yon tan lnga byang chub thob pa'i phyir sten par byed pas na bcom ldan 'das so/ /chen po ni nyan thos dang rang sangs rgyas te/ de rnams kyi nang na yang dag pa'i ye shes thob pas khyad par du snang bas na rnam par snang mdzad chen po ste/rdo rje 'chang chen po yin no/ /de bzhin gshegs pa thams cad kyis zhes pa ni 'dod chags la sogs pa'i rang bzhin brgya drug cu ste/ 'dod chags chen po'i tshul ni de rnams sngar bshad pa'i sngags dang phyag rgya'i rim pas 'od gsal ba nyid du bya ba'o//de zhes bya ba'i ting nge 'dzin ni thugs rdo rje rtse gcig pa nyid la snyoms par zhugs nas de bzhin gshegs pa'i dgongs pa de dag thams cad ces pa ni dkyil 'khor la lha'i 'khor lo ste/ de dang de'i rang bzhin sku la sogs pa'i rnam par rtog pa nyid kyi sku la zhes pa ni 'od gsal bar zhugs par mdzad de sems rnam par dag pa'o//sngar bshad pa'i 'dod pa'i dbang phyug bstan par bya ba'i phyir/ de nas zhes bya ba la sogs pa gsungs te gang zhig dkyil 'khor pa rnams sngar nye bar bsdus pa de rnams kho na de bzhin gshegs pa thams cad do/ / de bzhin gshegs pa thams cad kyi sku dang gsung dang thugs kyi dbang po ni rdo rje chen po ste/ de nyid yongs su mnyes par bya ba'i phyir shes pa ni lhan cig skyes pa 'grub par bya ba'i phyir ro/ /nyid kyi sku ni rang gi sku ste/ de rnams kyis bud med kyi gzugs su shes pa ni gdul bya'i dbang gis lha mo'i gzugs su sprul te/don dam pas ni ma yin no/ /gang gi phyir de kho na nyid la bud med dang skyes pa'i dbye ba'i dgongs pa'i dbang gis bcom ldan 'das kyis sangs rgyas kyi rol mo mdzad pa yin no/ /bcom ldan 'das kyi de nyid kyi sku'i dkyil 'khor las mngon par byung ba ni de bzhin gshegs pa de rnams bud med kyi gzugs su phyi rol du byung zhes tshig gi lhag ma'o//gang zhig byung ba de rnams bstan par bya ba'i phyir/ de la la la ni zhes bya ba la sogs pa gsungs te/ sangs rgyas spyan ni sa'i khams kyi ngo bo ste/ de rnams gzigs na de'i rnam par dag pa'i phyir sangs rgyas spyan no//mA ma kI zhes pa ni mA zhes pa ni zla ba ste/ de nyid chu'i khams so/ /de rtogs pa dang 'joms pa'i phyir mA ma kI ste chu'i khams rnam par dag pa zhes ston to/ /gos dkar mo zhes pa ni me'i khams kyi ngo bo nyid kyi phyir nyon mongs pa dang /rnam par rtog pa rnams bsreg cing don dam pa'i bdag nyid kyi gos dkar po dang ldan pas na gos dkar mo'o/ /rlung gi khams kyi ngo bo nyid kyi phyir skye ba dang las dang nyon mongs pa'i bdag nyid rnam pa bcu gnyis kyi srid pa'i 'khor lo las myur du sgrol bar byed pas na sgrol ma'o/ / de bzhin du la la gzugs kyi ngo bo lta bu zhes bya ba la sogs pa ni sa la sogs pa'i rnam par dag pa'i ngo bo lha mo rnams gcig pu byung ba ma yin gyi / 'on kyang gzugs dang sgra dang dri dang ro dang reg bya ste/ yul rnams rnam par dag pa'i bdag nyid gzugs dang sgra dang dri dang ro dang reg bya'i rdo rje ma rnams 'byung zhing gnas par gyur to zhes bya ba'i don te/bskyed pa dang rdzogs pa'i rim pa dag go/ /de lta bu'i lha mo'i 'khor spros te/ dam tshig chen po'i dkyil 'khor sprul par bya ba'i phyir/ de nas zhes bya ba la sogs pa gsungs te/ mi bskyod pa zhes bya ba ni rdo rje 'chang chen po la rjes su zhugs pas thugs kyi rdo rje ste/'dir ni de nyid gtso bor gyur pa'i phyir ro/ de bzhin gshegs pa thams cad kyi ngo bo'am/ de bzhin gshegs pa thams cad kyi sa bon gyis byin gyis brlabs pa gang zhig btsun mo rang snang gi shes rab ste/de nyid kyi b+ha ga ni chos 'byung gi phyag rgya'i gnas so/ /dam tshig chen po'i dkyil 'khor ni dam tshig ni lha mo spyan la sogs pa bzhis sa la sogs pa rnam par dag pa'i rang bzhin dang / gzugs la sogs pa rnam par dag pa'i ngo bo gzugs rdo rje ma la sogs pa'i lnga po'i gzhir gyur pa'i dkyil 'khor ni dam tshig chen po'i dkyil 'khor ro//de yang ji lta bu zhe na/ gru bzhir zhes pa ni gru bzhi'i yon tan dang ldan pa dang / de bzhin du rdul med pa ni rin po che la sogs pa'i ngo bor byin gyis brlabs pa ni zla ba dang rdo rje la sogs pa'i sa bon gyi rim pa'o zhes tshig gi lhag ma'o//dam tshig gi 'khor lo de yang ji lta bu zhe na/ gsal ba zhes bya ba la sogs pa ni gsal ba ni rin po che'i rang bzhin yin pa'i phyir gsal bar gyur pa'o/ /de'i ngo bo nyid ces pa ni nam yang dri ma nyid du mi 'gyur ba'o/ /sna tshogs gzugs zhes bya ba ni kha dog sna lnga'o//sangs rgyas sprin gyis kun du khyab pa ste 'gro ba'i don du skyob pa du ma du ma spro ba'o/ /'od zer 'phro ba mang po 'khrug /ces pa ni 'od kyi tshogs kyis khyab pa dang phyi rol du yang de dag spro bar byed pa'o/ /gsal ba la sogs dkyil 'khor zhes pa ni zla ba dang nyi ma'i dkyil 'khor dang ldan pa'o//de bzhin gshegs pa ni 'og nas 'chad par 'gyur ba'i dkyil 'khor pa rnams kyi gnas su gyur pa'i phyir ro/ /gnas ni gzhi'o/ /byin gyis brlab par mdzad do zhes bya ba ni snga ma dang sbyor ro/ /sprul nas ji ltar mdzad ce na/de nas zhes bya ba la sogs pa gsungs te/ de nyid bcom ldan 'das de bzhin gshegs pa thams cad kyi sku dang gsung dang thugs kyi bdag po ste/ rdo rje 'chang chen po la rjes su zhugs pas mi bskyod pa'o/ /de bzhin gshegs pa thams cad kyi dkyil 'khor gyi dbus ni dam tshig chen po'i dkyil 'khor gyi dbus der bzhag par gyur to zhes bya ba ni rang gi bdag nyid dkyil 'khor gtso bo nyid du bzhag par gyur to zhes bya ba'i don to//'di skad bshad pa yin te/ rim pa gcig gi phyogs la spyan la sogs pa dang / rim pa gnyis pa'i grwa ru gzugs rdo rje ma la sogs pa dang /reg bya rdo rje ma la sogs pa rang snang ba'i shes rab dang tha mi dad pas 'khyud par gyur to zhes bya ba ni dkyil 'khor rgyal po mchog go/ /de bzhin gshegs pa mi bskyod pa ni rdo rje 'chang chen po'o/ /thams cad ni lkog ma dang / de bzhin gshegs pa ni snying ga dang / rdo rje ni lte ba dang /rdo rje btsun mo ni gsang ba la'o/ /gru bzhi pa ni sa'i dkyil 'khor ro/ /rdul med pa ni chu'i dkyil 'khor ro/ /dam tshig chen po ni rlung gi dkyil 'khor ro/ /dkyil 'khor ni me'i dkyil 'khor ro/ /byin gyis brlabs pa ni bsams nas so/ /dkyil 'khor de rnams la gsal ba ni 'od zer gyi 'khor lo ste/de'i ngo bo nyid ni de bzhin gshegs pa'i rang bzhin no/ /sna tshogs gzugs ni dmar po dang / ser po dang / ljang gu dang / kun du ni g.yas pa dang g.yon pa dang gnyi ga las 'byung ba'o/ /sangs rgyas sprin gyis kun du khyab pa ni pad+ma dang rin po che dang las kyi rdo rje mgon po'i bdag pos khyab pa'o//'od zer 'phro bas 'khrug pa ni sna'i rtse mor 'od zer gyi tshul gyis 'dzin pa'o/ /gsal ba la sogs pa'i dkyil 'khor ldan pa ni zla ba dang nyi ma'i rang bzhin gyis rlung gnyis kyis zo chun gyi 'khrul 'khor dang 'dra bar rgyu ba'o/ / de bas na de bzhin gshegs pa thams cad ni zhi ba la sogs pa'i las bzhi po'i gnas te gzhir gyur pa zhes bya ba'i don to/ /de ltar bsgoms nas de bzhin gshegs pa thams cad kyi sku gsung thugs kyi bdag ni yi ge gsum ste/ de bzhin gshegs pa thams cad ni lkog ma la sogs pa'i me la sogs pa'i dkyil 'khor gang yin pa de rnams kyi dbus su bzhag par gyur to zhes bya ba ni dgod par gyur pa zhes bya ba ste/rdo rje bzlas pa'i rim pa'o/ /de ltar dam tshig chen po'i dkyil 'khor gyi dbus su bcom ldan 'das gnas par gyur na de bzhin gshegs pa lnga gang du zhugs she na/de nas zhes bya ba la sogs pa gsungs te/ mi bskyod pa la sogs pa de bzhin gshegs pa lnga ni byang chub sems kyi rdo rje ste dkyil 'khor gyi gtso bo'i thugs kar bzhugs pa ni gnas par gyur te/ 'dod chags kyi rigs can gdul bar bya ba'i phyir lha mo'i dbus su bzhugs pas da ltar de bzhin gshegs pa rnams dgos pa med pa'i phyir te/las kyi rgyal po mchog go/ /yang na de nas zhes bya ba ni mi bskyod pa la sogs pa de bzhin gshegs pa lnga ste/ bdud rtsi lnga de dag sbyong ba la sogs pa'i rim gyis bsgrubs la byang chub sems kyi rdo rje ni byang chub sems kyi ngo bo nyid du brtan par bya la/snying po ni sngags kyi byin gyis brlabs te/ bzhugs pa ni nyams su myong bar mdzad pa ste sgrub pa'o/ /bcom ldan 'das kyi tshul ni 'di yin te/ chos bstan pa ji lta bu byung ba de'i dang por de dang 'dra ba ting nge 'dzin la snyoms par zhugs par 'gyur ro//'dir ni de bzhin gshegs pa'i dkyil 'khor spro ba'i skabs yin na de'i tshe dang por stong pa nyid kyi ting nge 'dzin mngon du byed pa'i phyir/ de nas zhes bya ba la sogs pa gsungs te/ byang chub kyi sems kyi rdo rje ni rdo rje 'chang chen po'o/ / de bzhin gshegs pa thams cad ni phung po la sogs pa ste/ de rnams zil gyis gnon pa ni stong pa nyid la sogs pa'i rnam par thar pa bzhi'i sgo nas mi snang bar mdzad pa'i ting nge 'dzin gang la yod pa de la de skad ces bya'o/ /bcom ldan 'das zhes bya ba la sogs pa ni ting nge 'dzin la snyoms par zhugs ma thag tu ji srid nam mkha'i dbyings de ni de bzhin gshegs pa thams cad kyi rdo rje'i ngo bo ni thams cad stong pa nyid kyi bdag nyid du gnas par gyur to//don 'di nyid rgyas par bshad pa ji srid sems can thams cad nam mkha'i dbyings la gnas pa ni nam mkha'i dbyings bzhin du grangs med par gnas pa de dag thams cad rdo rje sems dpa'i byin gyis brlabs pa stong pa nyid kyi ting nge 'dzin gyi rdzu 'phrul gyis bde ba dang yid bde ba thob par 'gyur zhes pa ni lus dang sems dang nyon mongs pa'i rnam par rtog pa med pas/rab tu zhi ba'i stong pa nyid kyi ro nyams su myong ba thob par gyur pa ste/dang po sbyor ba'i ting nge 'dzin to/ /yang na rdo rje dang pad+ma yang dag par sbyor bas de bzhin gshegs pa thams cad ni dga' ba la sogs pa ste/ de rnams zil gyis gnon pa'i rdo rje ni lhan cig skyes pa'i dga' ba ste/ de zhes bya ba'i ting nge 'dzin la snyoms par zhugs la/de'i dus su nam mkha'i dbyings thams cad ni khams bzhi'i ngo bo lus po de bzhin gshegs pa thams cad ni byang chub kyi sems te de'i sgo nas rdo rje'i ngo bo ni rdo rje'i nor bur gnas par gyur to/ /de bzhin du gang zhig sems can rnams ni pad+ma'i nang du gnas pa'i 'dod pa'i gdugs la sogs pa'i rtsa ste/de rnams rdo rje sems dpa' ni lhan cig skyes pa ste/ de'i byin gyis brlabs pa ni nus pa ste/ de nyid kyi sgo nas bde ba dang yid bde ba ni byang chub kyi sems rnam pa gnyis te/ de thob par gyur pa ni bde ba chen po'i ye shes rnyed par gyur te/sgrub pa chen po'o// //da ni bstan par mdzad pa'i phyir bskyed pa'i rim pas mi bskyod pa'i dkyil 'khor bcom ldan 'das kyis spro ba'i phyir/ de nas zhes bya ba la sogs pa gsungs te/ byang chub kyi sems rdo rje ni rdo rje 'chang chen po'o/ /de bzhin gshegs pa ni sngar bshad pa'i sgrub pa chen po'i rim pas de nyid ni rnam par mi rtog pa nyid de/de la gshegs pas na de bzhin gshegs pa'o/ /gzhan yang de bzhin gshegs pa thams cad ni dkyil 'khor rnam pa gnyis te/ de rnams kyi sku dang gsung dang thugs ni sku la sogs pa rdo rje'i rigs las byung ba'o//dam tshig ni de rnams rim pa ji lta ba bzhin du'o/ /'byung ba ni sngags thams cad spro bas skyed par byed pa'o/ /de nyid 'khor ba'i bar sems can gyi don mdzad pa'i phyir gnas pas na rdo rje ste/ de zhes bya ba'i ting nge 'dzin ni thugs rtse gcig pa nyid la snyoms par zhugs te/'og nas 'chad par 'gyur ba'i byin gyi rlabs kyis byin gyis brlabs so zhes tshig gi 'brel pa'o/ /byin gyis brlabs pa de gang yin zhe na/ rig pa chen po ni lha mo spyan ma la sogs pa dang / gzugs rdo rje ma la sogs pa'o/ /skyes bu ni byang chub sems dpa' rnams so//gzugs ni khro bo rnams kyi gzugs dang de'i rang bzhin no/ /de bzhin gshegs pa thams cad ni mi bskyod pa la sogs pa'o/ /sngags ni de rnams kyi sngags te/ badzra d+h+r-ika ces bya ba la sogs pa'o/ /de rnams kyis byin gyis brlabs pa ni rang rang gi sngags rnams kyis skye ba ste/bdag nyid kyang byin gyis brlabs so zhes ston to/ /ting nge 'dzin 'di la snyoms par zhugs ma thag tu de bzhin gshegs pa thams cad ni lha mo spyan la sogs pa ste/ de rnams kyis zhal gsum dang phyag drug la sogs pa'i sku mdog dang dbyibs kyi bdag nyid du bcom ldan 'das mthong ba ste/dgongs pa 'dis/ de nas zhes bya ba la sogs pa gsungs te/ de yang bskyed pa'i rim pa'o/ /de la rim pa ni 'di yin te/ dgon pa chen po'i sa phyogs dang / /'bras bu me tog la sogs brgyan//skye bo med pa'i ri bo la/ /dngos grub kun bsdus bsgrub par bya/ /re zhig dang po gdan 'jam po'i steng na sems dpa'i skyil mo krung bcas nas zhe sdang rdo rje'i ting nge 'dzin mngon du byas la rim pa 'dis rnal 'byor pas gnas bsrung bar bya ste rang gi snying gar pad+ma nyi ma'i gdan la gnas pa'i khro bo rdo rje'i hUM las phyi rol du phyogs bcu la nyi ma'i dkyil 'khor gyi steng du khro bo bcu spros te/de'i rjes la de'i nang na gnod mdzes kyi rgyal po la bka' stsal te/ phyogs bcu la gnas pa'i lha chen po dang khyab 'jug la sogs pa ji bzhin du dbyibs dang kha dog dang lag ca dang /stan dang ldan pa phur bus gdab par bya'o/ /oM suM b+ha ni suM b+ha zhes pa la sogs pa tshig bzhi pos dgug par bya'o/ /de'i rjes la gnod mdzes kyi rgyal po rdo rje phur bu steng du bdud rtsi 'khyil pa'i gzugs dang / 'og tu rtse gcig pa'i rnam pa ru bsgoms te/'phags pa rta mgrin gyi ngo bo rdo rje tho bas oM g+ha g+ha g+hA ta ya zhes bya ba la sogs pa'i tshig bzhi pos sa 'og bdun la sogs pa bgegs de rnams phur bus gdab par bya'o/ /de'i rdo rje'i tho ba mthong ba dang / 'od zer gyi 'khor lo spros pa gnod mdzes kyi rgyal po bltas te/gang yang rung ba'i bgegs ni phyogs bcur 'bros par bsgom par bya'o/ /de'i rjes la dngos po med cing zhes bya ba la sogs pa'i tshigs su bcad pa rnams kyis bdag nyid bsrung bar bya ba'i phyir chos thams cad kyi stong pa nyid mngon du byas la g.yo ba dang mi g.yo ba'i dngos po thams cad rang bzhin med par bsam par bya'o//de'i rjes la ye shes kyi sa gzhi bskyed par bya ba'i phyir yi ge hUM dang ldan pa dang / sgra dang thig les mgo bor rnam par brgyan pa mthar gnas pa'i yi ge bzhi po bsgoms te/de yongs su gyur pa las skyes pa 'bar ba'i rdo rje gnyis kyis mtshan pa sa la sogs pa'i dkyil 'khor rnams bltas te/ de'i steng gi yi ge b+hUM yongs su gyur pa las skyes pa rig ma dang bcas pa'i rnam par snang mdzad bsgoms te/ de'i yan lag las 'byung ba grwa bzhi la sogs pa'i yon tan dang ldan pa gzhi'i dkyil 'khor te rin po che'i ngo bo gzhal yas khang pa blta bar bya'o/de'i dbus su ni thugs rdo rje'i sa bon las 'byung ba in+d+ra nI la'i mdog dang 'dra ba cho ga bzhin du rang gi bdag nyid mi bskyod par blta bar bya'o/ /de bzhin du shar la sogs pa'i phyogs la zhal gsum pa phyag drug pa rnam par snang mdzad la sogs pa'o//de bzhin du mtshams rnams su spyan la sogs pa'o/ /de bzhin du de'i phyi rol gyi mtshams bzhi po la gzugs rdo rje ma la sogs pa'o/ /reg bya rdo rje ma ni bcom ldan 'das kyis 'khyud par bsgom par bya'o//de bzhin du shar la sogs pa'i snam bu bzhi la rim pa ji lta ba bzhin du byams pa dang / sa'i snying po dang / phyag na rdo rje dang / nam mkha'i snying po dang / 'jig rten dbang phyug dang / 'jam dpal dbyangs dang / sgrib pa rnam par sel ba dang /kun du bzang po rnams bsgom par bya'o/ /de bzhin du shar la sogs pa'i sgo rnams su gshin rje mthar byed dang / gzhan gyis mi thub pa dang / rta mgrin dang / bdud rtsi 'khyil pa rnams so/ /de bzhin du shar la sogs pa'i mtshams su mi g.yo ba dang / 'dod pa'i rgyal po dang / dbyig pa sngon pa can dang / stobs po che rnams so/ /de bzhin du steng dang 'og tu gnod mdzes kyi rgyal po dang gtsug tor 'khor los sgyur ba dag go/ /de lta bu'i phyi'i dkyil 'khor bsgoms la de nyid sku'i dkyil 'khor bsgom par bya ba yin te/ dper na gzugs kyi phung po la rnam par snang mdzad de/de nyid ni me long lta bu'i ye shes so/ /sa'i khams la spyan no/ /mig la sa'i snying po dang byams pa dag go/ /gzugs la gzugs rdo rje ma'o/ /'byung ba dang 'byung ba las gyur pa dag la gshin rje mthar byed dang / mi g.yo ba dag go/ /tshor ba'i phung po la ni rin chen rgyal po/ de nyid mnyam pa nyid kyi ye shes so/ /chu'i khams la mA ma kI'o/ /rna ba'i dbang po la phyag na rdo rje'o/ /sgra la sgra rdo rje ma'o/ /gzhan gyis mi thub pa dang / 'dod pa'i rgyal po dang / khro bo gnyis po kha sbyar bya'o/ /'du shes la snang ba mtha' yas so//de nyid ni so sor rtog pa'i ye shes so/ /me'i khams la gos dkar mo'o/ /sna la nam mkha'i snying po'o/ /dri la dri rdo rje ma'o/ /rta mgrin dang dbyug sngon can te/ khro bo gnyis po kha sbyar bya'o/ /'du byed la don yod grub pa'o/ /de nyid ni bya ba nan tan grub pa'i ye shes so//rlung gi khams la sgrol ma'o/ /lce la 'jig rten dbang phyug go/ /ro la ro rdo rje ma'o/ /bdud rtsi 'khyil pa dang stobs po che dag gis kha sbyar bya'o/ /rnam par shes pa'i phung po la mi bskyod pa'o/ /de nyid ni chos kyi dbyings kyi ye shes so/ /lus la sgrib pa rnam par sel ba'o//yid la 'jam dpal lo/ /yan lag dang nying lag thams cad kyi mtshams rnams la kun du bzang po'o/ /reg bya la reg bya rdo rje ma'o/ /gnod mdzes dang gtsug tor dag gis kha sbyar bya'o/ /de nas snang ba dang snang ba mched pa dang snang ba nye bar thob pa'i rim pas rnam par shes pa mi snang bar byas la/ston ka'i nyi ma phyed pa sprin med pa'i nam mkha' dang 'dra ba rang gi bdag nyid dang khams gsum pa rnam par bsgoms la de nyid brtan par bya ba'i sngags 'di dran par bya ste/ oM shU n+ya tA dz+nyA na badzra swa b+hA ba At+ma kou0f85haM/ nam mkha'i khams la hUM las byung ba'i nyi ma'i dkyil 'khor bsams te/ de'i steng du oM las byung ba'i zla ba'i dkyil 'khor bsgoms la de'i steng du yang aHlas byung ba'i pad+ma bltas te/ pad+ma de nyid kyi steng du yang yi ge gsum bkod la spro ba dang bsdu ba byas la nyi ma dang pad+ma yi ge gsum po de rnams zla ba'i dkyil 'khor la thim par byas te/oM d+harmA d+hA tu swa b+hA wa At+ma kou0f85haM zhes bya ba'i sngags 'di brjod do/ /de ni rnal 'byor ro/ /de nas zla ba'i dkyil 'khor de nyid la yi ge gsum yang bkod cing de yongs su gyur pa las bskyed pa sku mdog dkar po rdo rje ' chang chen po rnam par bsgoms te/de'i rjes la de nyid kyi thugs ka las mi bskyod pa spros nas rjes su zhugs pas/ in+d+ra nI la dang 'dra ba zhal gsum pa phyag drug pa/ phyag g.yas pa rnams la rdo rje dang 'khor lo dang pad+ma bsnams pa/ phyag g.yon pa rnams la dril bu dang ral gri dang rin chen bsnams pa/rang gi bdag nyid rdo rje sems dpa' nyid du bsgom par bya ste/ de'i rjes su rnal 'byor ro/ /de nas de nyid kyi spyi bo dang lkog ma dang thugs ka dang lte ba dang zhabs gnyis po la rim pa ji lta ba bzhin du kha dog dkar po dang dmar po dang sngon po dang ser po dang ljang gu ste/phung po rnam par dag pa'i ngo bo yi ge oM AHhUM swA hA/ rnam par snang mdzad la sogs pa'i ngo bo dgod par bya'o/ /de nas mo ha ra ti zhes bya ba la sogs pa'i sngags rnams kyis sra ba dang snum pa dang dro ba dang g.yo ba'i ngo bos sa la sogs pa byin gyis brlab par bya'o//de bzhin du th+liM oM oM oM hUM hUM mai saM zhes bya ba'i sa bon rnams kyis rim pa ji lta ba bzhin du mig dang rna ba dang sna dang lce dang lus dang yid dang / rtsa rgyus dang yan lag thams cad kyi tshigs rnams byin gyis brlab par bya'o/ /de bzhin du lag pa g.yas pa dang g.yon pa'i rtsa dang /kha dang gsang ba'i gnas dang / lag pa g.yas pa dang g.yon pa dang / pus mo g.yas pa dang g.yon pa dang / spyi bo dang rkang mthil rnams la rim pa ji lta ba bzhin du yi ge hUM bcu las 'byung ba'i gshin rje mthar byed la sogs pa khro bo bcu dgod par bya ste/shin tu rnal 'byor ro/ /de'i rjes la spyi bor zla ba'i dkyil 'khor la yi ge oM dkar po rnam par bkod la de las byung ba'i 'od zer gyi 'khor los rang gi bdag po dang bcas pa'i lha mo spyan gyi tshogs spros te/ de nyid kyis nam mkha' la gnas pa'i rnam par snang mdzad bkug cing de'i mdun du gnas te/dpal ldan sangs rgyas sku 'chang ba/ /zhes bya ba la sogs pa'i tshigs su bcad pa dang / phyogs bcu la zhugs sangs rgyas rnams/ /zhes bya ba la sogs pas de'i dkyil 'khor la yang gsol ba gdab par byas la/oM sarba ta thA ga ta kA ya badzra swa b+hA ba At+ma kou0f85haM zhes bya ba'i sngags brjod cing de nyid du zhugs te sku rdo rje'i nga rgyal gyis gnas par bya'o/ /de bzhin du lce dang snying ga'i pad+ma dang nyi ma'i dkyil 'khor gyi steng du yi ge AHdang hUM dmar po dang nag po b sgoms la de dag las byung ba'i 'od zer gyi 'khor los rang rang gi bdag mo dang bcas pa'i gos dkar mo dang mA ma kI'i tshogs spros te snga ma bzhin du gsung rdo rje dang thugs rdo rje de dag gis bkug cing de'i mdun du yang /dpal ldan chos ni gsung gi lam/ /zhes bya ba la sogs pa'i tshigs su bcad pa rnams kyis gsol ba btab la/oM sarba ta thA ga ta wA ka badzra swa b+hA ba At+ma kou0f85haM zhes bya ba dang / oM sarba ta thA ga ta tsit+ta badzra swa b+hA ba At+ma kou0f85haM zhes bya ba'i sngags dag gis brtan par byas la/ yi ge de dag gnyis pos rang rang gi bd ag po dang bcas pa'i dkyil 'khor gnyis zhugs te/de'i nga rgyal gyis gnas par bya'o/ /de nas phyag mtshan drug dang ldan pa'i dam tshig sems dpa' rdzogs par bltas te/ de'i snying gar de dang 'dra ba'i ye shes sems dpa' phra mo rnam par bsgoms la/ de'i snying gar yang ting nge 'dzin sems dpa' yi ge hUM dgod par bya ste/rnal 'byor chen po'o/ /de ni dang po'i sbyor ba'i ting nge 'dzin yin no/ /de'i rjes la dam tshig dang sdom pa la gnas pa thos pa dang bsam pa la gnas pa dang bsgom pa'i rim pas yid rdzogs pa'i khrus mkhan la sogs pa gang yang rung ba'i rigs can mdog ljang gu dam tshig gi phyag rgya ma blangs te/snga ma bzhin du de nyid kyi spyi bo la sogs pa'i gnas lnga por yi ge oM la sogs pa bkod la/ spyan la sogs pa'i yi ge rnams kyis khams bzhi po'i rang bzhin nu ma dang ma mchu dang / b+ha ga dang de'i nam mkha' rnams byin gyis brlabs la gzugs rdo rje ma la sogs pa dang snyoms par zhugs pa'i sa'i snying po la sogs pas skye mched rnams byin gyis brlabs shing snga ma bzhin du lag pa g.yas pa la sogs pa'i gnas bcu la rdo rje ro langs ma dang /gzhan gyis mi thub ma dang / khro gnyer ma dang ral pa gcig ma dang /sna tshogs rdo rje ma dang / sna tshogs rin chen ma dang / sna tshogs pad+ma dang / sna tshogs las ma dang / nam mkha' rdo rje ma dang / sa 'dzin ma ste/ khro bo'i rgyal po'i btsun mo bcu dgod par bya'o/ /de'i rjes la bdag nyid kyi yi ge hUM las byung ba'i rdo rje rtse lnga pa rnam par bsams te/de nyid kyi rtse dbus ma la yi ge oM dgod cing de bzhin du lha mo'i pad+ma dang / yi ge AHlas byung ba bsams la/ de nyid kyi lte bar oM byin gyis brlabs pa byas la/ oM sar+b+ba ta thA ga tA nu rA ga Na badzra swa b+hA ba At+ma kou0f85haM zhes bya ba'i sngags brjod c ing sgrub pa brtsam par bya'o//yi ge hUM gi rang bzhin gyi lus bde ba chen po'i de kho na nyid nyams su myong zhing / de nas phyung ba'i dus su yi ge phaT kyis de bzhin gshegs pa thams cad la mchod par dmigs te/ oM sarba ta thA ga ta pU dza badzra swa b+hA ba At+ma kou0f85haM zhes bya ba'i sngags b rjod cing pad+ma'i nang du spro bar bya'o//de'i rjes la pad+ma'i nang du badzra d+h+r-ika ces bya ba'i sngags kyis rdzogs pa sems dpa' gsum gyi bdag nyid can ral pa'i cod pan dang ldan pa rang gi bdag pos spyi bor brgyan pa/ sku mdog nag po zhal gzhan gnyis dmar po dang / dkar po mnga' ba/phyag g.yas pa rnams la rdo rje dang 'khor lo dang pad+ma 'chang ba/ g.yon pa rnams la dril bu dang yid bzhin gyi nor bu dang ral gri bsnams pa/ rgyan thams cad kyis rnam par brgyan pa/ rdo rje skyil krung gis bzhugs pa bcom ldan 'das mi bskyod pa bsams te/ de nas bcom ldan 'das de nyid rdo rje'i steng gi lam nas gshegs te/ye shes sems dpa'i rdo rjer zhugs shing de'i steng gi lam nas yang gshegs la/ de nyid kyi zhal nas byung ste lha mo'i zhal gyi lam nas de nyid kyi ye shes sems ma'i snying gar zhugs te/ de las kyang phyi rol du byung la zhe sdang gi rigs can gyi sems can rnams sa bcu'i dbang phyug tu mdzad cing yang tshur gshegs la mdun du gshegs te/dkyil 'khor gyi bdag po dang tha mi dad par gyur cing nyi ma dang pad+ma'i gdan gyi steng du rang gi rig mas 'khyud pa/ drag po dang zhi ba dang chags pa chen po ste/ /ro gsum gyi bdag nyid can rnal 'byor pas rang gi bdag nyid bsgom par bya'o//de'i rjes la dzi na dzika ces bya ba la sogs pa'i sngags bzhi pos rnam par snang mdzad dang / rin chen 'byung ldan dang / snang ba mtha' yas dang / don yod grub pa rnams zhal gsum pa phyag drug pa sku mdog dkar po dang ser po dang dmar po dang ljang gu dang /dkar po dang dmar po dang ser po dang nag po dang / dkar po dang ljang gu dang nag po dang dkar po'i zhal mnga' ba/ 'khor lo dang sna tshogs rdo rje dang pad+ma dkar po dang / dril bu dang yid bzhin gyi nor bu dang / ral gri dang yid bzhin gyi nor bu dang /rdo rje dang 'khor lo dang / dril bu dang / pad+ma ser po dang / ral gri dang / thugs kar pad+ma kha phye ba dang / rdo rje dang 'khor lo dang rin po che dang ral gri dang / dril bu dang / ral gri dang / sna tshogs rdo rje dang / 'khor lo dang dril bu dang pad+ma ljang gu dang / rin chen te/rim pa ji lta bu bzhin du phyag mtshan de rnams phyag g.yas pa dang g.yon pa rnams la bsnams pa/ 'khor lo dang rin po che dang / pad+ma dang sna tshogs rdo rje'i gdan la bzhugs pa snga ma bzhin du spros te/ slar yang 'byung zhing gti mug dang / nga rgyal dang / 'dod chags dang /phrag dog gi rigs can gyi sems can rnams rnam par dag par mdzad la/ rim pa ji lta ba bzhin du shar dang lho dang nub dang byang phyogs su bzhugs pa/ bcom ldan 'das la mngon par phyogs par bsam par bya'o/ /de bzhin du mo ha ra ti zhes bya ba la sogs pa'i sngags rnams kyis lha mo spyan dang /mA ma kI dang gos dkar mo dang / sgrol ma rnams snga ma bzhin du zhal gsum pa dang / phyag drug pa dang / rdo rje skyil mo krung gis bzhugs pa/ rnam par snang mdzad la sogs pa bzhin du sku mdog dang phyag mtshan mnga' ba ste/ 'on kyang ut+pa la dkar po dang sngon po lha mo spyan dang mA ma kI dag la'o//ut+pa la dmar po'i sdong bu kha phye ba ni gos dkar mo'o / /sgrol ma'i g.yon par ut+pa la dmar po'o/ /de bzhin du thugs ka nas 'byung zhing nad zhi ba dang / bgegs 'joms pa dang / rgyas pa dang dbang gi las mdzad nas shar la sogs pa'i grwa rnams su bzhugs pa rang rang gi bdag po'i cod pan can bcom ldan 'das la mngon par phyogs par bsam par bya'o//de nas rim pa gnyis pa'i me'i mtshams nas brtsams te/ dzaHhUM baM hoH zhes bya ba'i sngags kyis gzugs rdo rje ma la sogs pa bzhi spyan la sogs pa sku mdog dang phyag mtshan 'dra ba rnam par snang mdzad la sogs pa'i cod pan can/me long lta bu la sogs pa'i ye shes bzhi po thob par mdzad nas me long dang / pi wang dang / dri phor dang / ro snod phyag gis bsnams pa/ bcom ldan 'das la mngon par phyogs par bsam par bya'o//de nas sngar bshad pa'i sa bon las phyi rol gyi snam bu'i shar phyogs su byams pa dang / sa'i snying po/ lho ru lag na rdo rje dang nam mkha'i snying po/ nub phyogs su 'jig rten dbang phyug dang 'jam dpal dbyangs so/ /byang phyogs su sgrib pa rnam par sel ba dang /kun du bzang po'o/ /byang chub sems dpa' de rnams ni phyag dang phyag mtshan rnams ni rang gi mgon po dang 'dra ba dang de'i cod pan can/ 'on kyang byams pa'i phyag g.yas pa la klu shing gi me tog gi yal ga'o/ /de rnams kyis sems can thams cad kyi kun nas nyon mongs pa'i skye mched rnams dag cing lha'i mig la sogs pa'i rang bzhin du bskyed de slar yang byung zhing bcom ldan 'das la mngon par phyogs par bsam par bya'o//de bzhin du shar la sogs pa'i sgo rnams su gshin rje mthar byed la sogs pa zhal gsum phyag drug pa sku mdog nag po dang /dkar po dang / dmar po dang / ljang gu mnga' ba nyi ma dang pad+ma'i gdan la bzhugs pa/ g.yon brkyang ba'i gnas pas bzhugs pa/ dbyig pa dang 'khor lo dang / rdo rje dang zhags pa dang / dril bu dang dgra sta dang / rdo rje dang dbyug pa dang / ral gri dang sdigs mdzub kyi zhags pa dang / dril bu dang dgra sta dang / tho ba dang dril bu dang / dgra sta dang zhags pa dang / sna tshogs rdo rje dang / 'khor lo dang / tho ba dang / sdigs mdzub kyi zhags pa dang / dril bu dang dgra sta bsnams pa/ gsus pa che ba/spyan gsum pa/ mi'u thung ba 'od zer gyi phreng bas 'khrugs pa/ spyan dang smin ma ser ba/ rang rang gi bdag po'i cod pan dang ldan pa/ gnod sbyin dang srin po dang / 'byung po dang / klu dang lha la sogs pa dgug pa dang / rengs pa dang rmongs pa dang / bskrad pa la sogs pa'i las mdzad pa/bcom ldan 'das mngon par phyogs par bsam par bya'o/ /de bzhin du mtshams bzhi po la mi g.yo ba la sogs pa ni/ in+d+ra nI la dang 'dra ba'i sku mdog mnga' ba/ zhal gsum pa phyag drug pa/ spyan gsum pa/ rnam par snang mdzad dang rin chen 'byung ldan dang /snang ba mtha' yas dang / don yod grub pa'i cod pan dang ldan pa/ g.yon brkyang pas bzhugs pa/ khro ba dang sgeg pa dang ldan par sngar bshad pa'i khro bo rnams kyi phyag mtshan rnams bsnams pa ste/ 'on kyang rdo rje hUM mdzad kyi phyag rgya dang ldan pa ni 'dod pa'i rgyal po ste/char 'bebs pa dang char rengs pa dang / me shi ba dang / dug sel ba la sogs pa'i las rnams mdzad cing snga ma bzhin du bsam par bya'o/ /de'i rjes la gtsug tor rgyal po ni sprin nag po dang 'dra ba'i sku mdog mnga' ba/ thugs rdo rje'i cod pan dang ldan pa/ zhal gsum pa phyag drug pa/spyan gsum pa phyag gnyis pos gtsug tor bsnams pa/ phyag g.yas pa gnyis po la rdo rje dang pad+ma/ gzhan la sdigs mdzub dang ral gri bsnams pa/ skyon thams cad ldog par mdzad cing tshangs pa'i gnas su zhugs pa bsgom par bya'o/ /de bzhin du 'og tu ni gnod mdzes rgyal po ste/in+d+ra nI la'i sku mdog can mi bskyod pa'i cod pan dang ldan pa/ phyag g.yas pa rnams la rdo rje dang / 'khor lo dang rin chen dang / phyag g.yon pa rnams la sdigs mdzub kyi zhags pa dang / pad+ma dang ral gri bsnams pa/ dug rtsi nag po la sogs pa 'jig par mdzad cing bcom ldan 'das la mngon par phyogs par bsam par bya'o//de ni dkyil 'khor rgyal ba mchog gi ting nge 'dzin yin no/ /de'i rjes la phra mo'i rnal 'byor bsgom pa dang / spro ba dang / bsdu ba'i rim pas rdo rje'i bzlas pa byas pa/ ro de nyid kyi dbang po gnyis dang snyoms par bzhugs pas reg bya rdo rje ma dang lhan cig thim par gyur cing /de bzhin du zhugs pa'i rang gi bdag nyid rdo rje thig le'i ngo bor bsam par bya'o/ /de dang 'dra ba'i bcom ldan 'das bltas la/ tshad med pa bzhi'i ngo bo rigs kyi lha mo rnams kyis khyod ni rdo rje thugs zhes bya ba la sogs pa'i tshigs su bcad pa rnams kyis sems can rjes su gzung ba'i phyir bskul bas dkyil 'khor gyi bdag po'i nga rgyal gyis ldang bar bya'o//ldang ba'i bcom ldan 'das de nyid ni/ mi bskyod rdo rje ye shes che/ /zhes bya ba la sogs pa'i tshigs su bcad pa rnams kyis de bzhin gshegs pa mi bskyod pa la sogs pa stod par mdzad pa bsgom par bya'o//de'i 'og tu gsum mi dmigs pas mchod pa byas la 'khor lo ni rang gi sku la snga ma bzhin zhugs te/ bde ba chen po'i ngo bor gnas par bya'o/ /ting nge 'dzin las skyo ba'i dus su spyi bor mtho gang tsam gyi steng du zla ba'i dkyil 'khor la yi ge oM de las byung ba'i bdud rtsi'i rgyun gyis sku gsung thugs tshim par bya'o//go ku da ha na'i sa bon rnams kyang bsdus te/ de las byung ba'i bdud rtsi rnams yi ge gsum gyis sbyang ba la sogs pa byas la rtsa ba'i sngags kyis byin gyis brlabs la nang gi bdag nyid kyis sbyin sreg bya ste/yi ge hrIHlas byung ba'i pad+ma 'dab ma brgyad pa mgrin par bsams te / de'i lte bar yi ge hUM las byung ba'i rdo rje rtse lnga pa bsgoms te/ de nyid kyi dbus ma'i rtse mo la yi ge oM bkod cing de'i rjes la snying gar yi ge hUM las byung ba'i me 'bar bar bsams te bdud rtsi de nyid kha'i pad+mar byin la snying ga'i pad+mar bzhugs te/lte ba'i pad+ma kha sbyar byas la gsang ba'i pad+ma las phyung ba thar par gyur pa bsam par bya'o/ /de las kyang skyo na g.yon pa dang g.yas pa'i sna'i bu ga gnyis po las ye shes sems dpa'i dkyil 'khor phyi rol du spros te/gnas sum cu rtsa gnyis la mchod pa rnam lngas mchod cing bzlas pa bya'o/ /dkyil 'khor pa rnams kyi sngags rnams ni thog mar oM dang yi ge gsum dang rang rang gi mtshan rnams dang tha mar swA hAs spel lo/ /bzlas pas kyang skyo na dkyil 'khor gshegs su gsol te/a kA ro mu khaM zhes bya ba la sogs pa'i sngags rnams kyis 'byung po thams cad kyi gtor ma gtong bar bya'o/ /langs nas kyang smon lam btab la bsam gtan gyi khang par gnas par bya ste/ las rgyal ba mchog gi ting nge 'dzin yin no//dgongs pa 'di nyid kyis sngar gsungs pa ni de bzhin gshegs pa de nyid zhal gsum pa lta bur de bzhin gshegs pa thams cad kyis gzigs par gyur ces gsungs so/ /de nyid kyi phyir dkyil 'khor de nyid de bzhin gshegs pa'i gsol ba sngon du 'gro ba bla ma dang / slob ma'i 'brel ba'i sgo nas bstan par bya ba'i phyir/de nas zhes bya ba la sogs pa gsungs te/ mi bskyod pa la sogs pa'i thugs rdo rje la sogs pa'o/ /rnam par snang mdzad ni rdo rje 'chang chen po'o/ /thugs ka ni de nyid kyi ye shes sems dpa'i sa bon te/ de las byung zhing 'di skad gsol to zhes ston to zhes gsungs so zhe na/e ma'o zhes bya ba la sogs pa la/ e ma'o zhes bya ba ni ngo mtshar ba ste/ gang zhig sangs rgyas thams cad ni dkyil 'khor pa rnams te de rnams kyi byang chub kyi sems ni bskyed pa'i rim pas bskyed par mdzad pa'o/ /de nyid rang byung ba ni zhal gsum la sogs pa'i rnam pas phyi rol du gsal ba'o//de nas ngo mtshar ba'o/ /sku gsal ba tsam gcig pu yang ma yin gyi ji srid de bzhin gshegs pa kun ni rnam par snang mdzad la sogs pa ste/ de rnams kyi gsang ba ni sku gsung thugs byin gyis brlab pa dang ye shes sems dpa' bzhugs pa la sogs pa'o//de bzhin du rab tu mi rtog pa ni rnam par mi rtog pa'i phra mo'i rnal 'byor la sogs pa'o/ /gnas med pa zhes pa ni thabs dang shes rab snyoms par bzhugs pas thig le'i ngo bo nyid du gyur pa'o/ /de nyid las kyang ldang ba dang tshim pa la sogs pa ste/de yang ngo mtshar ba'o/ /de ni dang po'i sbyor ba la sogs pa'i ting nge 'dzin gsum yin no/ /de ltar gsungs nas de bzhin gshegs pa rnams kyis ci mdzad ce na/ de nas zhes bya ba la sogs pa gsungs te/ yang gcig tu 'dus nas zhes pa ni/ sngar ni re zhig gcig tu 'dus pa yin te/phyi nas de kho na nyid chen po gsol ba btab pa'i phyir 'dus nas so/ /bcom ldan 'das de bzhin gshegs pa byang chub sems dpa' rdo rje ni rdo rje 'chang chen po'o/ /de bzhin gshegs pa thams cad kyi mchod pa ni gzugs rdo rje ma la sogs pa'o/ /de rnams kyi sprin ni tshogs so//spros pa ni byung ba ste / de rnams rnal 'byor pa rnams kyis rtag tu spyod pas na dam tshig go/ /chos kyi dbyings kyi rang bzhin nyid yin pa'i phyir de kho na nyid do/ /sems can thams cad kyi bsam pa rdzogs par byed pas na rin po che'o/ /de rnams kyis yang dag par mchod cing phyag 'tshal nas 'di skad gsol te bskyed pa'i rim pa'o//'dus pa gsang ba las byung ba zhes bya ba la sogs pa ni bcom ldan 'das zhes bya ba ni bod pa'i tshig ste/ kyai bcom ldan 'das rdo rje 'chang chen po de nyid ni de kho na nyid de don dam pa gnang du gsol zhes pa ni bka' stsal par mdzod cig ces ston to//ji lta bu zhe na/ rdo rje snying po 'dus pa zhes pa ni rdo rje snying po ni de bzhin gshegs pa dang / lha mo dang byang chub sems dpa' dang / khro bo ste de rnams 'dus pa ni dkyil 'khor gyi rim pas 'dus pa'o/ /de bzhin gshegs pa kun gyi gsang zhes pa ni de bzhin gshegs pa kun zhes pa ni rdo rje 'chang chen po ste/de nas byung bas na de bzhin gshegs pa kun gyi'o/ /gsang ba ni de nyid kyi phyir dkyil 'khor la ma zhugs pa rnams la sbas pa'i phyir ro/ /de bzhin du 'dus pa gsang ba las byung ba zhes pa ni 'dus pa ni ye shes kyi 'khor lo la zhugs pas ro gcig par gyur pa nyid thob pa'o//de bzhin du gsang ba ni sku gsung thugs kyi rang bzhin gyi sa bon rnams las de'i rigs can thugs rdo rje la sogs pa 'byung ba ni skyed pa gang du yod pa de lta bu bshad du gsol zhes 'brel ba'o/ /de ni bskyed pa'i rim pa'o/ /de bzhin du de nyid ni lhan cig skyes pa'i bde ba ste bshad du gsol/ji lta bu zhe na/ rdo rje snying po ni dga' ba gsum ste/ de rnams 'dus pa ni bzhi pa'o/ /nyid kyi phyir de bzhin gshegs pa thams cad ni b+ha ga'i nang du gnas pa'i rtsa lnga ste/ de las byung bas na gsang ba'o/ /thams cad kyi nye bar blang ba'i phyir 'dus pa ni phung po dang khams dang skye mched ro gcig par gyur pa'o//gsang ba ni dbang po gnyis te rdo rje dang pad+ma'o/ /de dag las byung ba gang yin pa de bshad du gsol zhes tshig gi don to/ /de ni sgrub pa chen po'o/ /gsol ba btab ma thag tu mang du bsnyen bkur bskyed par bya ba'i phyir dkyil 'khor gyi gtso bos 'dus pa bshad du mi nus pa nyid bstan par bya ba'i phyir/de nas zhes bya ba la sogs pa gsungs te/ byang chub ni 'dus pa'i de kho na nyid mi bstan pa ste/ de la sems ni rdo rje bzhin du mi phyed pa gang la yod pa de ni rdo rje 'chang chen po ste/ des de bzhin gshegs pa thams cad ni mi bskyod pa la sogs pa ste/de rnams la 'di skad bka' stsal to/ /kye bcom ldan 'das de bzhin gshegs pa thams cad legs so legs so zhes pa ni khyed kyi the tshom ni shin tu yid du 'ong ba yin te/ 'on kyang bdag gis bshad du mi rigs so/ / de kho na nyid 'di yin pas bshad du mi 'dod pa'i phyir ro/ /de nyid kyi phyir de bzhin gshegs pa thams cad ni sa bcu gnyis thob pa ste/ de rnams la the tshom skye bar byed pa yin te/ mtshon par dka' ba'i phyir ro/ byang chub sems dpa' ni sa bcu thob pa gzhan rnams la lta ci smos pa ni the tshom byed pa yin zhes 'dir ma 'ongs pa'i sems can rnams kyi bla ma bsten te/lan gnyis sam gsum gyi bar du gsol ba gdab par bya'o zhes don bstan to/ /de ni sgrub pa'i phyogs gcig yin no/ /yang na de bzhin gshegs pa thams cad ni snang ba la sogs pa rtsa ba'i rnam par shes pa ste/de rnams kyang the tshom bskyed pa ni 'jig par byed pa'o/ /'on kyang gzhan rnams byang chub sems dpa' ni rang bzhin brgya drug cu ste/ de rnams 'jig par byed pa smos ci dgos/ de ni sems rnam par dag pa'o/ /'gyod pa skyes pa'i de bzhin gshegs pa rnams/ /de bzhin gshegs pa thams cad kyi bdag po drug pa ste/de la 'di skad ces gsol to zhes tshig gi 'brel pa'o/ the tshom thams cad gcod par mdzad pa ni rang dang gzhan gyi sde pa rnams la'o/ /bcom ldan 'das ni chags pa dang ldang ba 'joms par mdzad pas na thugs mnyam pa'o/ /gsol ba gdab pa gang yin zhe na/gang bcom ldan 'das zhes bya ba la sogs pa ni bcom ldan 'das zhes bya ba ni bod pa'i tshig go/ /yon tan stobs dang mi 'jigs pa la sogs pa ste/ de rnams kyis khyad par can de gyur pa ni phul du byung ba'o/ /thams cad ni lha mo dang byang chub sems dpa' dang / khro bo rnams so/ / de rnams dang de bzhin gshegs pa'i 'khor du'o/ /de bzhin gshegs pa thams cad ni rnam par snang mdzad la sogs pa ste/ de rnams kyi gang zhig sku gsung thugs ni dbang bskur ba'i ngo bo yi ge gsum ste/ de rnams kyi gsang ba ni de rnams las byung ba'i dkyil 'khor gyi 'khor lo rnams te/ston par mi spro ba ni gsung bar byed na de nyid kyi phyir de bzhin gshegs pa thams cad ni sku la sogs pa'i ngo bo ste/ da rnams kyi byin gyis brlab pa ni sku gsung thugs kyi byin gyis brlabs pa bdag cag rnams la mdzad cing de bzhin gshegs pa thams cad ni de rnams kho na ste/ de nyid kyi rdo rje dam tshig ni rtsa ba'i sngags te/de rnams las 'byung ba'i tshig ni badzra d+h+r-ika ces bya ba la sogs pa ste de rnams kyis so/ /ci'i don du zhe na/ de bzhin gshegs pa thams cad ni sna tshogs pa'i nyon mongs pa dang / nye ba'i nyon mongs pa'i rigs can gyi sems can rnams te/ de rnams kyi bde ba ni lus shin tu sbyangs pa'o//yid bde ba ni rtse gcig pas rnam par rtog pa ldog cing sems shin tu sbyangs pa ste/ de nyid kyi phyir ro/ /de bas sku sgom pas de bzhin gshegs pa thams cad kyi ye shes ni 'bras bur gyur pa me long lta bu la sogs pa dang / mngon par shes pa ni zag bzad pa'i bar du drug dang 'bras bu ni rdo rje 'chang chen po nyid thob par bya ba'i phyir yang dag pa ni rim pa ji lta ba bzhin du rab tu ni phul du byung ba ste/ting nge 'dzin sngon du 'gro bas re re spro bas bstan du gsol cig pa'o zhes bskyed pa'i rim pa'o/ /yang na gang bcom ldan 'das zhes bya ba la sogs pa ni 'di lta bu'i yon tan ni 'dod chags dang 'dod chags dang bral ba la sogs pa'i yon tan rnams kyis khyad par can du gyur pa gang zhig 'khor lo ni lha'i sku ste de la'o//de bzhin gshegs pa thams cad ni dga' ba la sogs pa ste/ de rnams kyi sku dang gsung dang thugs kyi gsang ba ni gang zhig shes rab ye shes kyi dbang gis thob pa de kho na nyid bzhi pa ste ston par mi spro ba de ni rang rig pa'i phyir gsung du mi bzhed pa de ni rigs so//de dang 'dra ba bzhi pa gang yin pa de ni de bzhin gshegs pa thams cad ni mtshams dang mtshan mo dang nyin mo'i bdag nyid can la byin gyis brlab pa ni 'jig par mdzad nas de bzhin gshegs pa thams cad kyi rdo rje'i dam tshig ni rtags lnga ste/de rnams las 'byung ba ni gang zhig de mtshon pa'i tshig ni sems rtse gcig pa nyid kyi mtshan nyid can skad cig ma rnams kyis so/ /de bzhin gshegs pa thams cad ni bdag dang khams gsum pa ste/de dag gi bde ba ni ril por 'dzin pa dang / yid bde ba ni rjes su 'jig pa myong bar bgyi ba ni mi snang bar bya'o/ /de bzhin gshegs pa thams cad kyi ye shes dang / mngon par shes pa ni 'bras bur gyur pa ste/ de rnams thob par bya ba'i phyir yang dag par rab tu bstan du gsol zhes mngon par byang chub pa'i rim pa'o//de nas zhes bya ba la sogs pa snga ma bzhin no/ /ye shes kyi sgron ma rdo rje zhes bya ba'i ting nge 'dzin zhes bya ba la sogs pa ni ye shes ni chos kyi dbyings kyi ye shes te/ de nyid rnam par rtog pa'i mun pa 'jig par byed pas na sgron ma'o//de nyid yang rtag pa nyid kyi phyir rdo rje ste/ de zhes bya ba'i ting nge 'dzin la snyoms par zhugs te rdzogs pa'i rim pa'o/ /de bzhin du ye shes ni snang ba la sogs pa ste/ de rnams kyi sgron ma ni 'od gsal ba'o/ /de nyid kyang mi phyed pa'i phyir rdo rje de zhes bya ba'i ting nge 'dzin te sems rnam par dag pa'o//yang na ye shes ni yi ge gsum ste/ de rnams kyi sgron ma ni rlung ste/ rdo rje ni des bzlas pa ste/ de zhes bya ba'i ting nge 'dzin te rdo rje bzlas pa'o/ /yang na dz+nyA ni rtogs pa la'o/ /na ni bkag pa la ste ye shes med pa zhes ston to//sgron ma ni mar me las mar me bzhin du brgyud ma lta bu'i ting nge 'dzin to/ /rdo rje ni bden pa gnyis tha mi dad par byed pa'i mtshan nyid can gyi ting nge 'dzin te mngon par byang chub pa dang / bdag la byin gyis brlab pa dang / zung 'jug gi rim pa rnams so/ /da ni zhe sdang gi rigs ni mi bskyod pa'i rigs kyi mchog ni rtsa ba'o//snying po ni rnam par sdang ba la sogs pa'i las mdzad pa'o/ /nyid kyi sku dang gsung dang thugs las ni sku gsung thugs kyi ngo bo gcig gis snyoms par zhugs pa las byung ba ni spro bar mdzad pa ste sgrub pa'o/ /badzra d+h+r-ika ces bya ba la sogs pa ni badzra ni chos kyi dbyings kyi ye shes 'dzin pas na badzra d+h+r-ika ste rdzogs pa'i rim pa'o//rdo rje ni rtse lnga pa ste de 'dzin pas na badzra d+h+r-ika ste/ bskyed pa'i rim pa'o/ /de nas zhes bya ba la sogs pa la/ 'di phyung ma thag tu ni sngags 'di gsungs pa tsam gyis so/ /de nyid bcom ldan 'das zhes bya ba ni bcom ldan 'das kyi ngo bo sngags te/de bzhin gshegs pa thams cad kyi sku gsung thugs kyi rang bzhin no/ /rig pa ni don dam pa'i bden pa dang / skyes bu ni kun rdzob kyi bden pa ste/ de'i rang bzhin mi bskyod pa ni kun gzhi rnam par shes pa'i bag chags kyis mi g.yo ba'o/ / de nyid phyag rgya chen po'i sbyor ba ni sngags dang ye shes kyi sku dang 'brel pa'o/ /de ni zhal gsum phyag drug pa la sogs pa de rnams kyis so/ /de nyid kyi phyir nag po dang / dkar po dang / dmar po'i tshul gyi zhal gyi kha dog go/ /nag po ni snang ba nye bar thob pa dang / dkar po ni snang ba dang /dmar po ni snang ba mched pa'i ye shes dang ldan pa'o/ /de bzhin gshegs pa thams cad kyi sku gsung thugs kyi rdo rje ni rdo rje 'chang chen po'o// //de bzhin gshegs pa thams cad kyi rang bzhin gyi sku gsung thugs kyi rdo rje la zhugs so zhes bya ba ni de'i bdag nyid kyis rjes su zhugs so//de ni rdo rje sems dpa' phyung ba ste bskyed pa'i rim pa dang / rdzogs pa'i rim pa dang / sems rnam par dag pa'i rim pa rnams so/ /de nas bcom ldan 'das zhes bya ba la sogs pa la/ dam tshig 'byung ba rdo rje zhes bya ba ni dam tshig ni me long lta bu'i ye shes las 'byung ba ni [(]bskyad [,]bskyed [)]pa/rdo rje ni ting nge 'dzin gang yin pa de zhes bya ba ste/ bdag la byin gyis brlab pa'i rim pa'o/ /dam tshig ni zhi ba gtso bor gyur pa'i phrin las gang las 'byung ba dang de nyid mi phyed pas na rdo rje zhes bya ba'i ting nge 'dzin te bsgrub pa'o/ / gti mug gi rigs ni gti mug rnam par dag pa'i rigs te/ rnam par snang mdzad kyi rigs kyi'o/ /mchog ni zhi ba bsgrubs pas na dam pa'o/ /sku rdzogs pas na snying po'o/ /nyid kyi sku gsung zhes bya ba la sogs pa ni bshad zin to/ /de ni bskyed pa dang rdzogs pa dang / bsgrub pa rnams so//dzi na dzika ces smos pa la/ dzi na ni sangs rgyas kyi rigs so/ /me long lta bu'i ye shes kyis nyon mongs pa'i sgrib pa las rgyal bas na dzika go/ /de ni bskyed pa dang rdzogs pa'i rim pa dag go/ /de nas zhes bya ba la sogs pa ni snga ma bzhin no/ /rnam par snang mdzad kyi phyag rgya chen po'i sbyor ba'i thabs kyis zhes bya ba ni khyad par du mdzes shing spro bas na rnam par snang mdzad de bskyed pa'i rim pa'o//me long lta bu'i ye shes sam zhi bas ma snang bas na rnam par snang mdzad de ni rdzogs pa'i rim pa dang bsgrub pa dag go/ /de'i phyag rgya chen po ni sku dang sbyor ba gang yin pa de ni 'khor ba'i bar du sems can gyi don mdzad pa'i phyir gnas pas na thabs te/bskyed pa'i rim pa'o/ /phyag rgya chen po ni 'od gsal ba ste/ des sbyor ba ni ye shes kyi sku dang snyoms par zhugs pa'o/ /de nyid thabs ni rdo rje 'chang chen po'i go 'phang ste/ bdag la byin gyis brlab pa'i rim pa'o/ / dkar po zhes bya ba la sogs pa ni snga ma bzhin no/ /spyan sngar bzhugs so zhes bya ba ni shar phyogs su gnas par gyur ces bskyed pa'i rim pa'o/ /de nas bcom ldan 'das zhes bya ba la sogs pa ni rin po che 'byung ba'i rdo rje dpal zhes pa ni rin po che ni nam mkha' mdzod kyi bdag nyid 'dod pa thams cad rdzogs par byed pa ste/de las 'byung ba rdo rje ni rin po che 'byung ba'i rdo rje ste/ nam mkha'i ting nge 'dzin to/ /de nyid ngan 'gro 'jig par bya ba'i phyir/ dpal ni phun sum tshogs pa ste/ de zhes bya ba'i ting nge 'dzin zhes te bskyed pa'i rim pa'o/ /rin po che ni yungs kar gyi 'bras bu'i tshad tsam gyi byang chub sems kyi thig le'o//'byung ba ni de nyid las kha dog lnga pa 'od zer gyi tshogs so/ /de nyid mi phyed pa'i phyir rdo rje ste/ de nyid kyang byang chub sems dpa' dang / sangs rgyas la sogs pa spro ba'i phyir dpal lo/ /de zhes bya ba'i ting nge 'dzin te rnal 'byor gyi phyogs cig srog dang rtsol ba'o/ /yid bzhin nor bu'i rigs mchog gi snying po'i snying po zhes pa ni bsam pa thams cad yongs su rdzogs par byed pa'i yid bzhin gyi nor bu'i rigs mchog gi snying po'i snying po zhes te/bskyed pa'i rim pa'o/ /nyid kyi sku dang zhes bya ba la sogs pa ni snga ma bzhin no/ /rat+na d+h+r-ika ces pa rat+na ni bsam pa thams cad rdzogs par byed pa'i phyag mtshan te/de 'dzin par byed pas na rat+na d+h+r-ika ste bskyed pa'i rim pa'o/ /rat+na ni mnyam pa nyid kyi ye shes te/ de 'dzin par byed pa ste/ rdzogs pa'i rim pa'o/ /rat+na ni stong pa nyid kyi de kho na nyid de/ de kho na 'dzin par byed pas dang po sbyor ba'o/ /rat+na ni lha'i 'khor lo ste/de 'dzin par byed pas dkyil 'khor rgyal mchog go/ /rat+na ni ye shes sems dpa' la sogs pa bzhugs pa ste/ de 'dzin par byed pas na rat+na d+h+r-ika ste/ las kyi rgyal ba mchog go/ /rat+na ni gsal ba'i ngo bo nyid yin pa'i phyir yi ge gsum ste de rnams zo chun gyi 'khrul 'khor gyi rigs pas zhugs pa la sogs pa'i rim pas 'dzin par byed pa ste/rdo rje bzlas pa'o/ /rnam par shes pa gsum rnam par dag pa'i 'od gsal ba ni rat+na ste/ de 'dzin par byed pas na rat+na d+h+r-ika ste sems rnam par dag pa'o/ /dbang po'i gzhu dang 'dra ba'i skus 'gro ba'i don mdzad pa ni rat+na ste de 'dzin par byed pa ni spro bar mdzad pa ste/bdag la byin gyis brlab pa'i rim pa'o/ /rat+na ni dbang bskur ba'i rin chen bzhi pa mngon par byang chub kyi rim pa 'dzin par byed pa ste mngon par byang chub kyi rim pa'o/ /'bras bur gyur pa nyid kyi phyir dang / slob bzhin ma yin pa'i phyir rat+na ni zung 'jug ste de 'dzin par byed pas na rat+na d+h+r-ika te/zung 'jug gi rim pa'o/ /rat+na dang rat+na ni rat+na zhes bya ba'i bsdu ba byas la gcig lus pa'o/ /de bas na rat+na ni thabs dang shes rab yang dag par sbyor ba ste/ rang bzhin no/ /rdo rje dang pad+ma ni rat+na ste/ de nyid 'dzin pa ni yang dag par sbyor ba ste rgyu yin no//hUM dang phaT la sogs pa ni rat+na ste/ de dang ldan pa'i pad+mas 'dzin pa ni g.yo ba ste las so/ /rat+na ni lhan cig skyes pa ste/ de 'dzin par byed pas na rat+na d+h+r-ika ste 'bras bu'o/ /rat+na ni so sor sdud pa la sogs pa'i rim pas rdo rje 'chang chen po nyid 'dzin par byed pa ste rnal 'byor ro//rat+na ni bstan pa srung bar byed pa'i phyir slob pa ste de 'dzin par byed pas na rat+na d+h+r-ika go/ /rat+na ni rnam par snang mdzad la sogs pa'i ngo bo rdzas rnams te/ de dag sbyar ba la sogs pa'i rim pas 'dzin pa ni spyod par byed pa ste rat+na d+h+r-ika go/ /de ni sgrub pa'o//de nas zhes bya ba la sogs pa ni snga ma bzhin no/ /rin chen dpal gyi phyag rgya chen por sbyor ba'i thabs kyis zhes pa ni rin chen dpal gyi phyag mtshan gang la yod pa de ni rin chen dpal te / rdo rje nyi ma'o/ /phyag rgya chen por sbyor ba'i thabs kyis ni zhal gsum dang phyag drug pa'i rab tu gnas pas de nyid lho phyogs su bzhugs te bskyed pa'i rim pa'o//de nas bcom ldan 'das zhes bya ba la sogs pa la/ 'dod chags chen po'i tshul ni chen po ni sems can gyi tshogs kyi 'dod chags nyon mongs pa rnam par dag par bya ba'i phyir tshul ni lam ste so sor rtog pa'i ye shes so/ / de zhes bya ba'i ting nge 'dzin ni de bzhin du bshad pa ste rdzogs pa'i rim pa'o/ /chen po ni 'dod chags dang bral ba la sogs pa rang bzhin sum cu rtsa gsum ste shes rab bo/ /'dod chags ni 'dod chags la sogs pa'i rang bzhin bzhi bcu ste/ thabs so/ /tshul ni ma rig pa'i rang bzhin bdun te /de rnams 'od gsal ba gang gis rnam par dag par bya ba ste/ de la de skad ces bya'o/ /de ni sems rnam par dag pa'o/ /nyid kyi sku dang zhes bya ba la sogs pa ni snga ma bzhin du'o/ /A ro l-ika ces pa ni sgra'i don du'o/ /A ni sngon du ste kun du sgra byed pas na A ro ste ngag la bya'o//de nyid l-ika ces pa ni rnam par dag par 'gro bas na a ro l-ika ste/ snang ba mtha' yas so/ /de ni rdzogs pa'i rim pa'o/ /A zhes bya ba ni dbyangs ring pos brjod par bya ba'i gos dkar mo'o/ /ra a o zhes bya ga la yon tan du byas la ro yin no/ /de la ra ni khrag go/ /a ni bdud rtsi ste byang chub kyi sems so//o zhes pa ni de dag ro gcig par byas pa'o/ /de rnams l-ika ces pa ni rtogs par byed pa ste A ro li ka ces so/ /de'i don 'di yin te gos dkar mo dang gnyis su med pa de'i pad+mar zla ba dang nyi ma gcig tu shes pas de nyid kyi phyir 'di sangs rgyas thams cad la sogs pa'i rgyud rnams la pad+ma gar gyi dbang phyug ma zhes brjod pa ste rgyu yin no//rdo rje 'dod chags kyi rigs ni 'dod chags rnam par dag pa'i rigs te snang ba mtha' yas kyi rigs so/ /mchog gi snying po'i snying pa zhes pa ni de nyid bskyed pa'i rgyu'i sngags te bskyed pa'i rim pa dang rdzogs pa'i rim pa dag go//nyid kyi sku zhes bya ba la sogs pa ni snga ma bzhin no/ /'jig rten dbang phyug rig pa chen po zhes pa ni dngos po'i rang bzhin gang gis rnam par dpyod par byed pa de ni 'jig rten te/ so sor rtog pa'i ye shes so/ /de la dbang phyug ni de'i ngo bo snang ba mtha' yas so//rig pa chen po'i bdag po ni sngags thams cad dang rig pa rnams kyi bdag po ste/ gsung gi rang bzhin yin pa'i phyir ro/ /de nyid kyi phyag rgya chen po sbyor ba'i thabs kyis zhes pa ni snga ma bzhin du bskyed pa dang / rdzogs pa'i rim pa dag go/ /rgyab tu bzhugs so zhes pa ni nub phyogs su zhugs pa'o zhes ston to//de nas bcom ldan 'das zhes bya ba la sogs pa ni gdon mi za ba'i dam tshig ni sems can smin pa dang grol ba dang spro ba la sogs pa'i mtshan nyid kyi bya ba nan tan grub pa'i ye shes te/ de las byung ba'i rdo rje gang yin pa de ni gdon mi za ba'i dam tshig 'byung ba'i rdo rje ste don yod grub pa'o//de zhes bya ba'i ting nge 'dzin de bskyed pa dang rdzogs pa'i rim pa dag go/ /dam tshig 'gugs pa'i rigs zhes pa ni/ dam tshig ni mu stegs pa'i mkha' 'gro dang mkha' 'gro ma la sogs pa ste/ de rnams dgug par bya ba'i phyir rigs ni don yod grub pa'i rigs te/rlung gi khams gtso bor gyur pas 'gugs pa'i las mdzad pa'i phyir ro/ /mchog gi snying po'i snying po zhes pa ni de nyid bskyed pa'i sngags te/ snga ma bzhin du bskyed pa dang rdzogs pa'i rim pa dag go/ /pradz+nyA d+h+r-ika ces bya ba ni 'gro ba'i don mdzad pa ni pradz+nyA ste de 'dzin pa ste/rdzogs pa'i rim pa'o/ /shes rab bzhin du ral gri rno ba ni pradz+nyA ste/ de 'dzin par byed pas na bskyed pa'i rim pa'o/ /phul du byung ba'i shes pa ni pradz+nyA ste 'od gsal ba'o/ /de 'dzin pa ste mngon par byang chub pa'o//de nas zhes bya ba la sogs pa ni go sla'o/ /gdon mi za ba ni 'bras bu dang bcas pa'i dngos grub sa bcu la gnas par bya ba'i mtshan nyid can sems can thams cad la gang las byung ba ni gdon mi za ba'i dngos grub ste rta mchog go/ /de nyid kyi phyag rgya chen por sbyor ba'i thabs kyis zhes pa ste bskyed pa'i rim pa'o//byang phyogs su zhugs so zhes pa ni don rtogs pa'o/ /zhe sdang gti mug 'dod chags dang zhes bya ba la sogs pa'i don nye bar bsdus pa bshad par bya ste/ 'dir ni dang po 'gro ba mun pa dang 'dra ba stong par yod pa ste/ de'i rjes la gzugs med pa'i khams kyi nam mkha' mtha' yas kyi skye mched la sogs pa gzugs med pa na yang zhe sdang gi bag chags drag par gyur to//de ma thag tu gzugs dang ldan par 'gyur te/ de nas nyon mongs pa'i bag chags kyi mthus zla ba mthong ba tsam gyis chu shel gyi nor bu dang 'dra ba de rnams kyis rang gi lus las snum pa'i rang bzhin chu'i rgyun 'bebs par gyur to//'bebs pa de rnams kyi kha dog ser po'i sa'i khams chags par gyur to/ /de rnams kyang nam mkha' las byung zhing nyon mongs pa drag po'i dbang gis sa'i khams kyi bskal pa byas shing bdag po byed pa dang /de rnams kyang mtshan ma gnyis su gyur to/ /bud med dang skyes pa'i sbyor bas 'gro ba rnams 'byung bar gyur to/ /ma dum pa la sogs srung bar byed pa/ rgyal po la sogs pa dang / lus tshim par bya ba'i phyir 'bru la sogs pa byung ngo / /de nas rnam pa sna tshogs pa 'gro ba drug skye bar gyur to zhes bya ba ni nyon mongs pa dang nye ba'i nyon mongs pa'i bdag nyid can gyi 'khor ba zo chun gyi 'khrul 'khor dang 'dra ba byung bar gyur to//de nas bcom ldan 'das kyis nyon mongs pa gtso bor gyur pa'i 'gro ba gzigs nas 'dod chags dang bral ba'i lam spangs te/ de'i gtso bor gyur pa nyon mongs pa lnga rnam par dag pa'i ngo bo rigs lnga spros so//zhe sdang gi rigs la mi bskyod pa'i rigs dang / gti mug gi rigs can la gti mug gi rigs te rnam par snang mdzad kyi rigs dang / 'dod chags kyi rigs can la 'dod chags kyi rigs te snang ba mtha' yas kyi rigs dang /nor gyi dregs pas khengs pa'i sems can rnams kyi nga rgyal spong ba'i phyir nam mkha' mdzod kyi yid bzhin nor bu ni rin chen 'byung ldan gyi rigs dang / khyab 'jug dang drag po dang / dbyig gi snying po la sogs pa'i lha rnams ni gdul bar dka' ba'i gzhan gyi 'tshe ba'i mtshan nyid kyi dam tshig dgug par bya ba'i don du dam tshig gi rigs ni sprul par mdzad do//rigs lnga po de dag ni de bzhin gshegs pa dang / lha mo dang byang chub sems dpa' dang khro bo rnams spros pas mtha' yas pa'i rigs brgya ru 'gyur ro/ /de rnams kyang sna tshogs pa'i bag chags dang ldan pa'i sems can gdul ba'i don du rigs bye bar 'gyur ro //zhes gtso bo nyid du lnga bstan to/ /de dag ji lta bu zhe na/ 'dod dang thar pa rab grub pa/ /zhes bya ba ni gang gi de rnams la mchod pa tsam phul ba de rnams la 'dod pa ni mtho ris kyi bde ba grub par byed pa ni ster bar byed pa dang /thob pa la sogs pa'i rim gyis de'i ngo bo rtogs pa gang yin pa de rnams la thar pa dang mya ngan las 'das pa sgrub pa yin no zhes bskyed pa dang rdzogs pa'i rim pa'o// //de nas zhes bya ba la sogs pa la rdo rje 'chang ni mi bskyod pa ste/ de la rjes su chags par bya ba ni snyoms par zhugs pa'i bde bas mnyes par bya ba'i phyir dam tshig ni de'i bya ba gcig dang ldan pa mA ma kI ste/de zhes bya ba'i ting nge 'dzin te bskyed pa'i rim pa'o/ /rdo rje thams cad ni lnga'i nang na gtso bor gyur pa mi bskyod pa ste/ de'i btsun mo mchog ni dam tshig lha mo gtso mo mA ma kI ste/bskyed pa'i rim pa nyid do/ /dwe Sha ra ti zhes bya ba la/ dwe Sha ni thugs rdo rje la dga' ba'i rgyu yin pas dwe Sha ra ti ste/ bskyed pa'i rim pa'o/ /dwe Sha ni rtogs pa'i rang bzhin mtshams la sogs pa'i bde ba sel bar byed pa mngon par byang chub la/ ra ti ni chags pa gang la yod pa zhes mngon par byang chub pa'i rim pa'o/ /bud med kyi gzugs su gyur to zhes bya ba ni bud med kyi gzugs kyis 'jig rten dbang zhes gsungs pa'i phyir ro/ /gang gi phyir de kho na nyid la bud med dang skyes pa'i dbye ba ni med de/ sems can thams cad gdul bar bya ba'i phyir sangs rgyas kyi rol mo rnam pa sna tshogs pa bstan to zhes bskyed pa'i rim pa'o/ /shar phyogs kyi grwa zhes bya ba la sogs pa ni go sla'o/ /de nas zhes bya ba la sogs pa la thams cad ni kha dog dang dbyibs kyi bdag nyid gzugs rnams nyi shu ste/de'i rang bzhin de bzhin gshegs pa ni sku rdo rje'o/ /de'i rjes su mnyes par byed pa ni lha mo spyan no/ /de zhes bya ba'i ting nge 'dzin te bskyed pa'i rim pa'o/ /de bzhin gshegs pa thams cad ni bshad pa'i rim gyis sku rdo rje ste/ de'i btsun mo mchog ces bya ba ni snga ma bzhin du bskyed pa'i rim pa'o//mo ha ra ti zhes bya ba la mo ha ni sgrib pa gnyis te/ de'i gnyen po me long lta bu'i ye shes kyi bdag nyid kyis rtag pa dgyes par mdzad pas na lha mo spyan te/ bskyed pa'i rim pa'o/ mo ha ni sems kyi gti mug ste/ rnam par shes pa gsum mo/ / de rnams 'od gsal bas rnam par dag pa ste ra ti ste/ sems rnam par dag pa'i rim pa'o/ /de nas zhes bya ba la sogs pa la lho phyogs kyi grwa ru bzhugs so zhes pa ni don go sla ba'o/ /rjes su chags pa ni so sor rtog pa'i ye shes kyis dngos po'i rang bzhin rtogs pas chos la dmigs pa'i mtshan nyid can snying rje chen po ste/de nyid mi phyed pa'i phyir rdo rje ste/ de zhes bya ba'i ting nge 'dzin to/ /de ni bskyed pa'i rim pa'o/ /de bzhin gshegs pa thams cad ces bya ba la sogs pa la/ thams cad ni 'dod chags la sogs pa ste/ de rnams kyi de bzhin gshegs pa ni 'od gsal ba ste/de'i ngo bo snang ba mtha' yas kyi btsun mo'i mchog ces bya ba ni snga ma bzhin du gos dkar mo ste/ bskyed pa dang rdzogs pa'i rim pa dag go/ /rA ga ra ti zhes pa la/ rA ga ni 'dod chags rdo rje la dgyes pa rA ga ra ti ste/ gos dkar mo ste bskyed pa'i rim pa'o//rA ga ni bde ba chen po la dgyes pa ste rA ga ra ti'o/ /de ni 'bras bu'o/ /nub phyogs kyi grwa ru bzhugs so zhes pa ni go sla'o/ /de nas zhes bya ba la sogs pa la/ de bzhin gshegs pa thams cad ni phung po lnga dang / sku dang gsung dang thugs slu ba ni mi snang bar mdzad pa ste/de nyid mi phyed pa'i phyir rdo rje'o/ /de zhes bya ba'i ting nge 'dzin te/ rdzogs pa'i rim pa'o/ /yang na de bzhin gshegs pa thams cad ni sems can thams cad de/ de rnams kyi gang zhig rnam par rtog par byas pa sku dang gsung dang thugs ni lus ngag yid de/ de rnams bya ba nan tan grub pa'i ye shes kyis gang gis slu bar byed pa ni lha'i ngo bo ni rdzogs par byed de de skad ces bya ste rim pa de nyid do//de bzhin gshegs pa thams cad kyi ngo bo don yod grub pa'i shes rab ni 'phags ma sgrol ma ste de nyid btsun mo'i mchog go/ /de ni bskyed pa'i rim pa'o/ /thams cad ni go sla'o //de bzhin gshegs pa ni sku'o/ / shes rab ni nga'o/ /'dzin pa ni ha'o/ /btsun mo'i mchog ni na ste/ de rnams kyi rang bzhin ni lcags kyu lnga'i ngo bo sgron ma ste sgrub pa'o/ /badzra ra ti zhes bya ba ni badzra ni rlung gi khams dang / bya ba nan tan grub pa'i ye shes kyi bdag nyid bcom ldan 'das don yod grub pa la 'di dgyes pas na badzra ra ti ste/bskyed pa'i rim pa'i rdo rje ni 'od gsal ba ste de la 'di dgyes pas na badzra ra ti ste rdzogs pa'i rim pa'o/ /badzra ni 'gugs pa dang dbang la sogs pa la dgyes pas na badzra ra ti'o/ /de ni bsgrub pa'o/ /de nas zhes bya ba nas byang phyogs kyi grwar bzhugs so zhes bya ba'i bar ni go sla'o//de bzhin gshegs pa la sogs pa la/ de bzhin gshegs pa thams cad ni mi bskyod pa la sogs pa'i btsun mo'i mchog phun sum tshogs pa ni phyag rgya gtso mo'i phun sum tshogs pa ste/ bskyed pa'i rim pa'o/ /de bzhin gshegs pa thams cad ni rtsa bdun khri nyis stong ste/de rnams kyi btsun mo'i mchog ni rtsa bzhi ste/ 'dod pa'i gdugs nam mkha' bzhi'i rnam pas bskor nas gnas pa ste rgyu'o/ /yang na de bzhin gshegs pa thams cad ni sems can thams cad de/ de rnams kyi btsun mo'i mchog ni zhi ba dang rgyas pa dang dbang dang dgug pa'i bya ba ste/de rnams rdzogs par byed pas na phun sum tshogs pa ste/ lha mo spyan la sogs pa de sgrub pa ste / de ni nye bar bsdu ba dang sgrub pa'o/ /de nas zhes bya ba la sogs pas khro bo'i dkyil 'khor bshad par bya ste/rnam par snang mdzad ni rigs sam cod pan du gang la yod pa de ni 'phags pa gshin rje mthar byed dang de zhes bya ba'i ting nge 'dzin to/ /de ni bskyed pa'i rim pa'o/ /de bzhin gshegs pa thams cad kyi dkyil 'khor ni sngar bshad pa ste/ de byin gyis brlab pa ni srung bar byed pa'o//khro bo chen po ni 'phags pa gshin rje mthar byed de rim pa de nyid do/ /ya mAn+ta kr-ita ces bya ba la ya mAn ni ma dad pa dang 'chi bdag gi bdud dang nyon mongs pa'i sgrib pa dang 'jig tshogs su lta ba dang / ser sna rnams so/ /de rnams 'jig par byed pas na gshin rje mthar byed de rdzogs pa'i rim pa'o//ya mAn ni 'jig rten pa'i mkha' 'gro dang / mkha' 'gro ma rnams te/ de rnams 'joms par byed pas na gshin rje mthar byed de bskyed pa'i rim pa'o/ /ya mAn ni gdon dang nad la sogs pa ste de rnams kyi mthar ni zhi bar byed pas na gshin rje mthar byed de sgrub pa'o//de nas zhes bya ba la sogs pa la/ de bzhin gshegs pa thams cad ni sa la sogs pa khams bzhi po'i ngo bo lus te/ de bsnyengs par byed pa ni tha mal pa'i lus po'i rnam par rtog pa 'joms par byed pa ste/ de'i tshul ni de'i rang bzhin gyi ste rdzogs pa'i rim pa //yang na de bzhin gshegs pa thams cad ni de bzhin gshegs pa'i gnyen po mu stegs pa rnams te/ de rnams bsnyengs par byed pa ni khro bo'i gzugs kyis 'joms pa'o/ /de'i tshul du ste sgrub pa'o/ /de nas zhes bya ba la sogs pa la/ de bzhin gshegs pa thams cad kyi nang du mngon par byang chub pa ni chos kyi rgyal srid kyi bdag po nyid de/de nyid tshul ni lam gang la yod pa de ni rin chen 'byung ldan no/ /de nyid kyang rdo rje ni rigs sam cod pan du gang la yod pa de ni 'phags pa gzhan gyis mi thub pa ste/ de zhes bya ba'i ting nge 'dzin to/de ni bskyed pa'i rim pa'o/ /de bzhin gshegs pa thams cad dkyil 'khor zhes bya ba la sogs pa ni snga ma bzhin du ste/ bskyed pa'i rim pa'o/ /pradz+nyAn+ta kr-ita ces bya ba la le lo dang / phung po'i bdud dang / shes bya'i sgrib pa dang / mthar 'dzin pa'i lta ba dang / ma rig pa rnam shes rab kyis 'joms par byed pas na pradz+nyAn+ta kr-ita de rdzogs pa'i rim pa'o//phul du byung bas gzhan gyi gnod pa shes pas na pradz+nyA ste/ khyab 'jug dang lha chen po la sogs pa'o/ /de rnams khro bo'i gzugs kyis mthar ni 'dul bar byed pas na pradz+nyAn+ta kr-ita de bskyed pa'i rim pa'o//rdo rje'i dam tshig bsnyengs par byed pa'i tshul du zhes pa ni rdo rje'i dam tshig ni de bzhin gshegs pa bsrung ba'i phyir bsnyengs par byed pa'i tshul ni khro bo'i tshul du ste bskyed pa'i rim pa'o/ /de nas zhes bya ba la sogs pa la/ chos rin po che'i 'byung gnas ting nge 'dzin zhes pa ni chos ni yan lag bcu gnyis pa'i gsung rab ste de nyid gzhan gyi bstan pa rnams las phul byung ba'i phyir rin po che ste/de'i 'byung gnas ni bskyed pa'i gnas te gsung gi rang bzhin yin pa'i phyir snang ba mtha' yas te/ de'i ngo bo ting nge 'dzin te bskyed pa'i rim pa'o/ / yang na chos ni lus kyis bskyod pa la sogs pa ste / de rnams kyi rin po che ni hUM dang phaT la sogs pa'i sngags rnams so/ /'byung ba nas ni de dag gis thob pa'i mchog tu dga' ba'i bde ba ste las so/ /de bzhin gshegs pa thams cad kyi 'dod chags zhes bya ba la sogs pa ni snga ma bzhin te bskyed pa'i rim pa'o//pad+mAn+ta kr-ita ces bya ba la ma dran pa dang nyon mongs pa'i bdud dang / log par lta ba dang / las kyi sgrib pa dang / 'dod pa'i 'dod chags rnams pad+ma bzhin du kha phye ba'i shes rab kyi mthar ni 'joms par byed pas na pad+mAn+ta kr-ita de rdzogs pa'i rim pa'o//pad+ma dang An+ta ni rdo rje ste de dag byed pa ni yang dag par sbyor ba ste pad+mAn+ta kr-ita de ni rgyu'o / / de bzhin gshegs pa thams cad kyi sku gsung thugs kyi dkyil 'khor ni gsum gang yin pa de rnams la byin gyis brlab pa ni las thams cad pa yin pa'i phyir srung bar mdzad pa'o//de nyid kyi phyir khro bo chen po ste gzugs kyis gnas pa ste/ bskyed pa'i rim pa'o/ /yang na de bzhin gshegs pa thams cad ni rdo rje theg pa la zhugs pa'i sgrub pa po rnams so/ /de rnams kyi sku gsung thugs kyi dkyil 'khor dang / dam tshig gi dkyil 'khor la dam tshig nyams pa'i dbang gis dri ma dang ldan pa de rnams la byin gyis brlab pa ni gzhan 'tsho ba ste/gang gi phyir don yod grub pa'i rigs kyi dkyil 'khor pa rnams ni dam tshig nyams pa gso ba'i nus pa dang ldan pa yin no zhes bla ma rnams bzhed do/ /yang na de bzhin gshegs pa thams cad ni bstan pa'i mi mthun par gyur pa'i bgegs rnams kyi sku gsung thugs gang yin pa de rnams la byin gyis brlab pa ni phur bus gdab pa ste bskyed pa'i rim pa'o//'og tu rtse gcig pa'i bdud rtsi 'khyil pas bgegs rnams la phur bus gdab pa ni sngar bshad zin to//big+h+nAM ta kr-ita ces bya ba ni g.yeng ba dang lha'i bu'i bdud dang / rnam par smin pa'i sgrib pa dang / lta ba mchog tu 'dzin pa dang / khong khro ba ste big+h+nAM no / /de rnams la de'i gnyen pos mthar byed pas na big+h+nAM ta kr-ita de rdzogs pa'i rim pa'o/ /big+h+nAM ni khyab 'jug dang drag po la sogs pa de rnams kyi bdag po ste/glang po che'i gdong can log 'dren yang big+h+nAM no / /de la mthar ni zhabs kyi 'og tu gnon par mdzad pa na big+h+nAM ta kr-ita de bskyed pa'i rim pa'o/ /big+h+nAM ni bdag dang gzhan gyi rnam par rtog pa de dag stong pa nyid du bsgoms pas/ mtha'i snang bar byed pas ni big+h+nAM ta kr-ita de dang por sbyor ba'o//big+h+nAM ni sems can gyi don la bgegs te stong pa nyid bsgom pa'o/ /de las zla ba dang rdo rje la sogs pa'i rim gyis sku dang dkyil 'khor spro bas an+ta ni de stong par byed pas na big+h+nAM ta kr-ita de dkyil 'khor rgyal ba mchog go/ / big+h+nAM ni sa bcu ma thob pa'o/ /bdud rtsi myang ba la sogs pas de mthar byed pas na big+h+nAM ta kr-ita de las kyi rgyal ba mchog go/ /big+h+nAM ni snang ba la sogs pa'o/ /de rnams 'od gsal bas mthar byed pas big+h+nAM ta kr-ita de sems rnam par dag pa'o/ /yi ge gsum 'jug pa dang gnas pa dang ldang ba'i rim gyis tha dad par bzlas pa gang yin pa de ni bgegs so//yan lag ma nyams pa'i bzlas pas de mthar byed pas na bgegs mthar byed de/ rdo rje bzlas pa'o/ /phung po dang khams dang skye mched brtags pa sgyu ma lta bu'i ting nge 'dzin gyis mthar byed pas na bgegs mthar byed de/bdag la byin gyis brlab pa'o/ /'dod chags dang 'dod chags dang bral ba dang 'dod chags bar pa rnams ni bgegs te/ de rnams lhan cig skyes pa'i rim gyis mtha' ni mi dmigs par byed pas ni bgegs mthar byed de mngon par byang chub pa'o/ / kun rdzob dang don dam pa tha dad pa ni bgegs so/ /de dag gi mtha' ni dbyer med par byed pas na bgegs mthar byed de zung du 'jug pa'o/ /dgongs pa bshad pas ni shes rab bo/ /big+h+nAM ni thabs so/ /de dag gi mtha' ni sbyor bar byed pas na bgegs mthar byed de rang bzhin no//tha mal pa'i 'jig rten gyi skyes pa dang bud med kyi rgyal mtshan dag ni bgegs te/ de dag gi mtha' ni 'jig rten las 'das pa'i spyod pas sdud par byed pas na bgegs mthar byed de rgyu'o/ /byang chub kyi sems 'pho ba ni bgegs te/ lhan cig skyes pa'i bde ba nyams pa'i phyir ro//de bas na hUM phaT la sogs pa'i yig 'brus de rengs par byas shing mtha' ni skyong bar byed pas na bgegs mthar byed de las so/ /bgegs ni dga' ba dang mchog dga' dang dga' bral lo/ /de rnams la bzhi pa ni mthar te/ des ro gcig par byed pas na bgegs mthar byed de 'bras bu'o//so sor sdud pa la sogs mi mthun pa ni bgegs te/ de rnams so sor sdud pa la sogs pa yan lag drug gi mthar ni 'jig par byed pas na bgegs mthar byed de rnal 'byor ro/ /rtsa ba'i ltung ba dang kha na ma tho ba sbom po ni bgegs te/ de rnams la dam tshig dang sdom pas mthar byed pas na bgegs mthar byed de sgrub pa'o//de bzhin gshegs pa thams cad ni sems can thams cad kyi sku gsung thugs ni gang zhig lus dang ngag dang sems la gnod par byed pa ste srin po rnams so/ /de rnams la skrag pa ni 'jigs par byed pa'i rnam pa phyag rgya chen po'i khro bo'i gzugs kyis so//byang phyogs kyi sgor bzhugs so zhes bya ba ste bskyed pa'i rim pa'o/ /de bzhin gshegs pa thams cad ces bya ba la sogs pas nye bar bsdu bar bya ste/ de bzhin gshegs pa thams cad ni dkyil 'khor gyi bdag po dang bcas pa dkyil 'khor pa rnams kyi sku gsung thugs kyi bgegs 'joms pas mnyes par byed pa ni mgu bar mdzad pa gang yin pa de la de skad ces bya'o//de bzhin du dkyil 'khor ni gzhi'i dkyil 'khor te/ de'i dam tshig ni rdo rje'i ra ba la sogs pa bcing ba'i bya ba ste/de'i don du sems pa ni rtsol ba dang ldan pa'i sems so/ /de bzhin du dkyil 'khor ni gzhi can gyi dkyil 'khor te/ de'i dam tshig ni dka' ste dbye ba'i phyir sems pa ni rtsol ba dang ldan pa'i sems te bskyed pa'i rim pa'o/ /de ltar na dbus kyi pad+mar bcom ldan 'das so//'dab ma rnams la de bzhin gshegs pa bzhi'o/ /grwa rnams su lha mo spyan la sogs pa'o/ /phyi rol gyi rim pa'i grwa bzhi po la gzugs rdo rje ma la sogs pa'o/ /reg bya rdo rje ma ni bcom ldan 'das kyis 'khyud pa'o/ /snam bu bzhi po la ni shar gyi snam bu nas brtsams te/byams pa la sogs pa gnyis gnyis te/ byang chub sems dpa' brgyad yin no/ /shar la sogs pa'i sgo rnams la gshin rje mthar byed la sogs pa'o/ /shar lho la sogs pa'i sgo'i grwa rnams la mi g.yo ba la sogs pa'o/ /steng dang 'og tu gnod mdzes kyi rgyal po dang gtsug tor 'khor los sgyur ba dag dgod par bya'o//de rnams kyi sku mdog phyag la sogs pa'i rnam par dbye ba ni sngar bstan pa yin no/ /'o na bcom ldan 'das kyis le'u 'di la lha bcu gsum bstan pa yin te/ ci'i phyir sum cu rtsa gnyis brjod ce na/de'i lan 'di yin te/ gleng gzhi 'das ma thag tu bcom ldan 'das kyis bstan pas te/ skyon med pa'o/ /dper na de bzhin gshegs pa dang lha mo dang khro bo rnams ni the tshom med do/ /byang chub sems dpa' sems dpa' chen po gzugs rdo rje dang zhes bya ba la sogs pas gzugs rdo rje ma la sogs pa bstan pa yin no//byang chub sems dpa' sems dpa' chen po dam tshig rdo rje dang zhes bya ba la sogs pas byang chub sems dpa' brgyad bstan to/ /de ltar na khro bo bzhi lus par mi 'gyur ram zhe na/ lus par mi 'gyur te grwar bzhugs pa de rnams la gshin rje mthar byed la sogs pa'i sprul pa yin te/gshin rje mthar byed la sogs pa rnams ni de bzhin gshegs pa bzhi po dang tha mi dad pa'i phyir ro/ /de'i phyir lha sum cu rtsa gnyis kyi bdag nyid kyi dkyil 'khor gyi 'khor lo yin te/ de nyid gnas pa yin no/ / da ni le'u'i ming brjod par bya ste/ de bzhin gshegs pa thams cad ces bya ba la sogs pa la/ de bzhin gshegs pa thams cad ni mi bskyod pa la sogs pa ste/ de rnams kyi gang zhig sku dang gsung dang thugs kyi gsang ba'i yi ge gsum ste/ de rnams nyid nyan thos la sogs pa'i rigs la sbas pa'i phyir gsang ba ste/de rnams kyis gang zhig 'dus pa ni de rnams yongs su gyur pa las skyes pa dkyil 'khor pa rgyud gang la yod pa de la ni de skad ces bya ste de las so/ /de bzhin gshegs pa thams cad ni rdo rje 'chang chen po ste/ de nyid kyi gang zhig dam tshig gi dkyil 'khor ni nang gi bdag nyid kyi rim pas sprul pa'i dkyil 'khor te/de yang phyi rol du spro ba ste/ de nyid byin gyis brlab pa ni rim pa ji lta ba bzhin du dgod pa'i tshul le'u gang la yod pa de ni de zhes bya'o/ /dper na bya khang bzhin du ni khang pa'i steng du gnas pas rlung dang char pa la sogs pa sel bar byed pa ste/de bzhin du nyon mongs pa dang shes bya'i sgrib pa'i skyon 'joms par byed pas na bya khang bzhin du le'u zhes brjod do/ /rgyud 'grel las le'u dang po'i tshig gi don bcu drug gi bshad pa'o// //le'u dang po'i 'grel pa'i tshigs su bcad pa'i grangs ni stong phrag gcig dang tshigs su bcad pa brgya tham pa'o// rnam pa gnyis kyi lha'i rnal 'byor bsgom pas rgod pa bskyed pas de nyid sel bar bya ba'i phyir don dam pa'i bden pa gtso bor gyur pa byang chub kyi sems kyi le'u gnyis pa brtsam par bya ste/ de nas zhes bya ba la sogs pa la/de bzhin gshegs pa thams cad ni rnam par snang mdzad la sogs pa'o/ /bcom ldan 'das ye shes la dbang thob pa de bzhin gshegs pa thams cad kyi sku dang gsung dang thugs kyi bdag po ni rdo rje 'chang chen po ste/ de la mchod pa ni phyi nang gsang ba'i mtshan nyid can byas nas phyag 'tshal ba yang byas nas 'di skad gsol to zhes pa ni 'di skad 'dri ba yin no//de'i don 'di yin te/ rang gi thugs ka las gzugs rdo rje ma la sogs pa'i lha mo lnga spros te/ de dag gis me tog la sogs pa'i mchod pa rnam pa lngas yang dag par mchod cing reg bya rdo rje mas kyang snyoms par zhugs pa'i mchod pa byas la/de nas mar la mar bzhin du tha mi dad pa'i blos phyag btsal nas rnam par snang mdzad la sogs pa the tshom zhugs pa'o zhes ston to/ /rab tu byed pa las kyang / ji bzhin chu la chu thim dang / /ji ltar mar la mar bzhin du//rang gis rang gi ye shes ni/ /thim pa de ni phyag yin no/ /'on kyang kun mkhyen rtogs pa ni/ /med na de ni mi dmigs te/ /mun pa'i tshogs kyis bkab pa na / /drin gyis mar me thob par 'gyur/ /zhes gsungs pa'i phyir ro/ ci zhig gsol to zhe na/sku dang gsung dang thugs zhes bya ba la sogs pa ni kye bcom ldan 'das kun nas nyon mongs pa dang rnam par byang ba'i bag chags 'joms par byed pa kye rdo rje 'chang chen po byang chub sems ni byang chub ni 'od gsal ba ste/ de la sems ni de'i bdag nyid du zhugs pa rnam par shes pa gsum bshad du gsol/ji lta bu zhe na/ snying po zhes pa ni chos nyid kyi ngo bo de bzhin du sku dang gsung dang thugs kyi kun brtags kyi mchog ces bya ba ni thams cad stong pa nyid kyi ngo bos phul du byung ba'o zhes ston to/ /de bzhin gshegs pa kun ni phung po la sogs pa mi snang bar byed pa'o//bskyed pa'i rim pa'i rnal 'byor pa rnams la mi bstan pa'i phyir gsang ba'o/ /bla na med pa ni slob bzhin ma yin pa'i ngo bo byang chub kyi sems de nyid snga ma dang sbyar ro/ /de ni rdzogs pa'i rim pa'o/ /de nas zhes bya ba la sogs pa la/ thams cad stong pa nyid kyi ngo bo nyid la mos pa dang ldan pa'i de bzhin gshegs pa rnams la ji ltar rdo rje 'chang chen pos de bzhin nyid bstan par mdzad pa de ltar gsungs pa ni de bzhin gshegs pa thams cad kyi sku dang gsung dang thugs rdo rje ni mi snang bar mdzad pa de bzhin gshegs pa drug ste/de nyid kyis de bzhin gshegs pa thams cad la gsol ba ni zhu ba mkhyen cing byams pa la sogs pa byang chub sems dpa' gzhan ma rnams kyi yongs su rtog pa ni sems la gnas pa'i don dam pa'i rtog pa sgyu 'phrul gyi mthus nyid kyi ye shes kyis mkhyen nas/de rnams la 'di skad ces bkal stsal to zhes pa ni 'og nas 'chad par 'gyur ba'i de kho na nyid gsungs so zhes ston to//de yang rdzogs pa'i rim pa'o/ /khyed kyi sems zhes bya ba la sogs pa ni khyed ni de bzhin gshegs pa dang byang chub sems dpa' la sogs pa la'o/ /sems lus lta bu zhes bya ba la sems ni rnam par shes pa brgyad kyi ngo bo'o//de lus lta bu zhes pa ni de las lus tha mi dad pa'o zhes ting nge 'dzin bskyed par gyis shig pa'o/ /de bzhin du lus ni sgo dgu'i bdag nyid/ sems lta bu zhes pa ni sems kho na lus yin te/ de las tha dad pa ma yin zhes pa'o/ /de bzhin du sems tshig tu brjod pa lta bu zhes pa ni gang zhig ngag brjod pa 'di ni yi ge dang tshig dang ngag la sogs pa'i rim pas brjod pa de yang de nyid kyi rnam pas sems ni yid bskyed par gyis shig pa'o//de ni 'di skad bshad pa yin te/ sems 'di dang tshig 'di dang lus 'di zhes bya ba'i dbye ba gzung bar ma byed cig pa ste/gang gi phyir chos thams cad rang bzhin gyis stong pa ste/ rten cing 'brel pa'i dbang gis rnam pa sna tshogs pa nyid du snang ste/ me long la gzugs brnyan snang ba bzhin du 'khrul pa'i dbang gis so sor snang ba ste/ don dam pas ni ma yin no/ / ji skad du/ dngos po las ni dngos skyes min/ /dngos med las kyang skye ba min/ /dngos po'i 'khrul pas dngos po ni/ /skye ste nam mkha'i me tog bzhin/ /de bzhin du/ chos ni stong pa nyid rnams las/ /stong pa'i chos rnams 'byung ba yin/ /kha don mar me me long brgya//me shel sa bon skyur dang sgra/ /zhes 'byung ngo / /byang chub sems kyi rnam 'grel las kyang / gzugs ni dbu ba lta bur bshad/ /tshor ba chu bur dang mtshungs pa/ /'du shes smig rgyu dang 'dra ba/ /'du byed rnams ni chu shing bzhin/ /sgyu ma lta bur rnam shes ni//de ltar phung po rnams bstan pa'o/ /zhes bya bas dngos po'i rang bzhin stong pa yin pa tha dad pa'i sems skyed par ma byed cig pa ste rdzogs pa'i rim pa'o/ /de nas zhes bya ba la sogs pa la/ byang chub sems dpa' ni byams pa la sogs pa'o/ /de bzhin gshegs pa thams cad kyi sku gsung thugs ni rdo rje 'chang chen po ste thams cad stong pa'i rang bzhin no//nam mkha'i tshul du sbyor ba ni 'od gsal ba'i ngo bos yang dag par sbyor zhing sgyu ma'i sku blangs nas ched du brjod pa 'di ched du brjod do/ /de ni bdag byin gyis brlab pa'o/ /e ma'o ngo mtshar ba 'di yin te /kun du bzang po ni rdo rje 'chang chen po'o/ /ji lta bu zhe na/ sku dang gsung dang thugs ni khams gsum pa'i rdo rje 'chang gi rang bzhin mkhyen pa khyed kyi'o/ /gang zhig skye ba med pa'i tshul ni 'od gsal ba bstan pa ste/ des ni skye ba dngos po thams cad rab tu 'byung ba/grags pa ni bstan pa ste bdag byin gyis brlab pa'o/ /rab tu byed pa las kyang / ji ltar dang ba'i chu las ni/ /nya ni myur du 'phar bar 'gyur/ /thams cad stong pa dang ba las/ /sgyu 'phrul dra ba de bzhin 'byung / /zhes bshad do/ /da ni tshigs su bcad pa drug gis de bzhin gshegs pa drug pos 'od gsal ba nyid bstan par bya ba'i phyir/de nas zhes bya ba la sogs pa smos te/ de bzhin gshegs pa thams cad kyi sku dang gsung dang thugs rdo rje de bzhin gshegs pa ni rdo rje 'chang chen po'o/ /de bzhin gshegs pa thams cad ni ye shes lnga'i gang zhig mngon par rdzogs par byang chub pa ni shes pa dang shes bya bral ba'i thams cad stong pa nyid de/de nyid kyi tshul ni thabs te rdo rje bzlas pa'i rim pa'o/ /de zhes bya ba'i ting nge 'dzin bsgom pa'i khyad par snyoms par zhugs te/ byang chub kyi sems 'di ni 'od gsal ba'i go 'phang thob pa'i rgyur gyur pa'i tshig gsungs te/dngos po med pa zhes bya ba la sogs pa ni phyi rol gyi so dang mchu gnyis la sogs pa 'byung ba'i sngags rnams skad cig ma nyid yin pas brjod pa tsam gyis 'jig pas na dngos po med pa bsgom pa ni de'i ngo bo ngag gi bzlas pa'i mtshan nyid can med pa ni re zhig tshad mas grub po//dper na dngos po gang dang gang rten cing 'brel pa las 'byung ba de dang de ni rang bzhin med pa ste snam bu bzhin no/ /so dang mchu la sogs pa'i rtsol ba las 'byung ba'i sngags rnams yin no / /de'i phyir stong pa yin no zhes rang bzhin gyi gtan tshigs yin no//de ltar na re zhig sgra'i bdag nyid sngags ni skad cig ma nyid yin pa'i phyir med pa yin mod kyi sgra tsam gyi bdag nyid de yod pa yin no/ /ji skad du/ nam mkha'i rlung las 'byung zhing lus po las/ /yang dag brjod cing sgra ni khar phyin te/ /gnas rnams gzhan la rab tu phye 'gyur ba//yi ge yid du gyur pa de ni sgra/ /yi ge de ni tshangs pa dag byed mchog /phug na gnas pa bram zes yang dag brjod/ /de ni yang dag rab tu sbyar ba ni/ /nges legs mngon mtho skyes bu sbyor bar byed/ /ces 'byung ngo / /de bzhin du dpal rdo rje sa 'og gi rgyud las kyang /yi ge dbyangs dang sgra dang ni/ /sgra sgrogs nga ro snyan sgra skad/ /brtsegs dang sgra mtha' tsheg drag ste/ /sgra ni mtshan nyid bcu pa'o/ /lkog ma mchu rkan so la sogs/ /rnam par dbye bas nyer dmigs pa/ /gsal ba'i yi ge tshig dmigs pa/ /de ni yi ge zhes bshad pa'o/ / drug ldan la sogs dbyangs dbye bas/ /tshangs par smra ba rnams kyis brjod/ /tshangs pa la sogs 'jig rten du/ /dbyangs ni rnam pa bdun du gnas/ /gang zhig sgra yi bstan bcos rnams/ /skad dbyings rtags dang tshig sogs pa/ /ming gi ngo bo 'byung ba yi / /sgra ni thams cad la gnas pa'o//sgra ni mtha' ru gang yang rung / /dbyangs ni snyan pa thos gyur pa/ /yid ni dga' ba byed pa bzhin/ /de ni sgra sgrogs zhes brjod pa'o/ /rol mo bya dang skye bo yi/ /tshogs pa las ni gang skyes 'gyur/ /dbye ba med cing gsal ba po/ /de ni nga ro zhes bsgrags so//dril bu pi wang la sogs sgra/ /gang zhig de las dbyangs snyan 'gyur/ /yid ni dga' ba byed pa bzhin/ /de ni snyan sgra brjod pa yin/ /ji ltar 'bar bar gyur pa yi/ /me yi sgra ni thos 'gyur ram/ /gzhan yang rlung ngam chu sogs sgra/ /de ni skad ces yang dag brjod//rlung med char pa dang 'dra ba/ /gang zhig dbyangs kyi nang du gnas/ /rna ba 'gags shing rnyed 'gyur ba/ /de ni brtsegs dang sgra mthar bshad/ /ji ltar pi wang rlung gis bskyod/ /sgra ni rab tu 'byin par byed/ /de ltar sgra mtha'i gnas las byung / /shes rab can gyis de 'drar rtogs//dmigs par gyur pa de nyid kyi/ /zab pa dang ni snyan pa'i dbyangs/ /ji ltar bung ba bum pa'i nang / /shin tu phra ba rab byung ba/ /sems tsam reg pa'i mtshan nyid can/ /de ni tshig dreg ces drag pa'o/ /des ni thams cad 'di khyab ste/ /mar khu til la sogs pa bzhin//the tshom med cing brjod du med/ /dbyangs dang gsal bya rnams spangs pa/ /phyi nang bcas pa rtag pa ste/ /de ni tshangs pa mchog tu bshad/ /ces bya ba'i rig pas sgra mtha'i bdag nyid kyi bcu pa yod pa yin no zhes rtogs shing bshad par bya ste/ gang zhig sgra mtha'i bdag nyid sgra bsgom par bya ba ni rtogs pa ste/de yang bsgom pa min zhes pa ni yang dag par yod pa ma yin te/ sngar bshad pa'i rigs pas sgra med pas de'i nang du dmigs pa'i sgra mtha' yang grub par mi 'gyur ba'i phyir te/ 'bras bu ni rgyu la rjes su 'brang ba'i phyir ro/ /sgra dang sgra mtha' dag la rlung rgyu ba yin pas gcig yin pa'i phyir dang /rlung yang rnam pa bcu'i dbye bas gcig ma yin pa ste/ snga ma bzhin du mi rtag pas rnam par shes pa'i bzhon pa'i phyir rnam par shes pa bzhin du skad cig ma yin pas rang bzhin gyis ma grub pa'i phyir ro/ /de bas na sgra mtha' tsam gyi sngags rnams bsgom par bya ba ma yin no/ / 'o na ji ltar rnal 'byor pas dngos grub rnyed ce na/ de ltar dngos dang dngos med pas/ /zhes bya ba la/ de ltar na sngar bshad pa'i gtan tshigs kyis yi ge gsum bsgom pa ni 'gro ba dang 'ong ba'i bsgom pa gal te mi dmigs na de'i tshe rdo rje 'chang chen po'i go 'phang thob pa ste/ ma ning gi bzlas pa rab tu bstan pa yin no//de ni rdo rje'i bzlas pa'i rim pa'o/ /bcom ldan 'das zhes bya ba la sogs pa la/ de bzhin gshegs pa thams cad kyi sku gsung thugs rdo rje zhes pa ni rdo rje 'chang chen po drug pa'o/ /de nas zhes bya ba la sogs pa la/ rnam par snang mdzad rdo rje ni khyad par du snang ba'i mdzes pa ste/sems rnam par dag pas so/ /de bzhin gshegs pa thams cad ni rnam par shes pa gsum dang / mngon par rtogs pa ni rang bzhin rnams/ rdo rje ni mi snang bar byed pa 'od gsal ba ste de zhes bya ba'i ting nge 'dzin la snyoms par zhugs te/ snga ma bzhin du byang chub kyi sems 'di zhes pa ni 'od gsal ba ston par byed pa'i ngag gsungs so zhes 'brel ba'o//dngos po thams cad dang bral ba/ /zhes bya ba la sogs pa la/ dngos po thams cad ni kun gzhi rnam par shes pa dang nyon mongs pa can gyi yid kyi rnam par shes pa dang / 'jug pa'i rnam par shes pa ste gsum mo//de rnams kyang ma rig pa dang / thabs dang / shes rab dang / bud med dang / skyes pa dang / ma ning dang / dus mtshams dang / mtshan mo dang / nyin mo dang / snang ba dang / snang ba mched pa dang / snang ba nye bar 'thob pa dang / g.yon dang / g.yas dang / dbus dang / 'jam pa dang /rno ba dang / bar pa dang / pad+ma dang / rdo rje dang / zla ba dang / nyi ma dang / rjes su 'jug pa'i dbyangs dang / tsheg drag dang gnyi ga'i stong pa'i rang bzhin te de rnams dang bral ba ni thams cad stong pa'o/ /gzhan yang lus ngag yid la gnas pas na dngos po ni yi ge gsum mo/ /de rnams dngos po ma yin te/kha dog dang dbyibs dang / lha la sogs pa'i rang bzhin gyis de kho na nyid ma yin te/ bzlas pa ni brtag pa'i ngo bo yin pa'i phyir ro/ /yang na dngos po ni 'jug pa la sogs pa'i mtshan nyid de yang sgra mtha'i bdag nyid yin pa'i phyir dang / mi rtag pa yin pa'i phyir dngos po med pa ni de kho na nyid ma yin/ji ltar dngos grub ce na/ bsgom pa dag ni mi chags so/ /zhes bya ba ni ji lta bu zhe na/ phung po dang khams dang / gzung ba dang 'dzin pa rnams ni shes pa dang shes bya ste/ de rnams kyi rgyur gyur pa rang bzhin brgya drug cu dag spangs pa'o/ /'dir yang rim pa 'di yin te/sems rnam par dag par bya ba'i phyir dngos po bzhi yin te/ snang ba dang snang ba mched pa dang / snang ba nye bar thob pa dang / 'od gsal ba ste gsum ni spang bya yin la/ bzhi pa ni blang bya ste 'bras bu yin no/ /de rnams la yang chung ba la sogs pa dbye ba rnam pa bzhi yin te/re zhig snang ba ni snang ba chung ba dang / snang ba 'bring dang snang ba chen po dang / snang ba chen po'i chen po'o/ /de bzhin du snang ba mched pa chung ba nas 'od gsal ba chen po'i chen po'i bar du skad cig ma bcu drug yin no/ /de bzhin du snang ba chung ngu'i chung ba dang / snang ba chung ngu'i 'bring dang / snang ba chung ngu'i chen po dang / snang ba chen po'i chen po'o/ /de ltar 'bring la sogs pa nas 'od gsal ba'i bar du skad cig ma drug cu rtsa bzhi ste/ nyin mo dang mtshan mo'i dbye bas skad cig ma brgya nyi shu rtsa brgyad du 'gyur ro/ /'dod chags dang bral ba la sogs pa'i rang bzhin brgya drug cu yang chung ba la sogs pa'i dbye bas nyin mo dang mtshan mor bsgres na lnga stong brgya nyi shu yin no//snang ba la sogs pa'i rang bzhin de rnams 'od gsal ba mngon du byas pas skad cig ma bcu drug pas rnam par dag par bya ba yin te/ de la rim pa 'di yin te/ dang po shes rab kyi ye shes ni zla ba'i 'od zer lta bu shar bar 'gyur te/de la dang po sprin gyis bkab pa'i zla ba'i 'od zer lta bu mthong ba dang / gnyis pa sprin med pa'i mi gsal ba'i 'od zer lta bu'o/ /gsum pa shin tu gsal ba'i zla ba'i 'od zer lta bu'o/ /bzhi pa zla ba'i dkyil 'khor lta bu ste snang ba'i ye shes shar ba'o//de bzhin du gnyis pa ni thabs kyi ye shes te/ nyi ma'i 'od zer lta bu shar bar 'gyur ro/ /de la dang po sgra gcan gyis 'dzin pa'i nyi ma'i 'od zer lta bu mthong ba'o/ /gnyis pa ni sgra gcan gyis grol ba'i nyi ma'i 'od zer lta bu'o/ /gsum pa ni shin tu gsal ba'i nyi ma'i 'od zer lta bu'o//bzhi pa ni shar ba'i dus su nyi ma'i dkyil 'khor lta bu'o/ /snang ba nye bar thob pa'i ye shes ni dang po zla ba dang nyi ma'i 'od zer gyis 'dres pa cung zad mtshams kyi snang ba lta bu'o/ /de dag med pa mtshams kyi snang ba lta bu'o/ /gsum pa ni shin tu mun pa mi gsal ba mtshams kyi snang ba lta bu'o//bzhi pa ni mun pa med pa 'ba' zhig pa mtshams kyi snang ba lta bu'o/ /de bzhin du 'od gsal ba'i ye shes la yang dang po smig rgyu lta bu'o/ /gnyis pa du ba lta bu'o/ /gsum pa srin bu me khyer lta bu'o/ /bzhi pa ni mar me 'bar ba lta bu'o//skad cig ma bzhi po de dag gis sprin med pa'i nam mkha' dang 'dra ba 'bras bur gyur pa gsal ba dang / dga' ba'i rang bzhin skad cig ma bcu drug 'das ma thag tu byung ba 'od gsal ba'i de kho na nyid 'char ba gang yin pa de ni sems rnam par dag pa'o/ /de nyid chos kyi dbyings kyi ye shes shes rab kyi pha rol tu phyin pa'i rang bzhin rnal 'byor pa la gsal bar 'gyur ro//sngags dang phyag rgya'i bdag nyid sngar bshad pas na/ 'dir ma bstan pa'o/ /mi mthun pa dang gnyen po dang de'i thabs de gsum gyi dbye bas gso ba'i rig pa lta bu'o/ /sems rnam par dag pa yin te/de la yang nad ni mi mthun pa dang / sman ni gnyen po dang / sman pa la sogs pa ni thabs so/ /de bzhin du rnam par shes pa gsum ni mi mthun pa dang / 'od gsal ba dang gnyen po dang / sngags dang phyag rgya'i rim pa ni thabs so/ /de bzhin du 'du byed sems pa dang ldan pa dang /'du byed lnga bcu rtsa gcig gi re re'i rigs brgya'i dbye bas lnga stong dang brgya phrag gcig dang nyi shur 'gyur ro/ /de bas na phung po dang khams dang skye mched dang gzung ba dang / 'dzin pa'i ngo bo'i rang bzhin rnams spangs pa'o/ /de bzhin chos ni sngar bshad pa'i rang bzhin rnams so//bdag med ni ngo bo med pa gang zag la sogs pa bdag med pa gang yin pa'o/ /des mnyam pa nyid ni rang bzhin re re mtshungs pa'i rgyus rang sems ni rnam par shes pa gsum gyi ngo bo gzod nas ma skyes pa ni thog ma nyid du rang bzhin med pa de bas na stong pa nyid kyi rang bzhin no zhes bya ba ni thams cad stong pa'i ngo bo zhes bya ba'i don te/sems rnam par dag pa'i rim pa'o zhes bcom ldan 'das zhes pa ni rnam par shes pa gsum dang de la gnas pa'i rang bzhin rnams 'joms par mdzad pas na bcom ldan 'das so/ /de bzhin du rnam par snang mdzad ni rtags lnga ste/de rnams 'das ma thag tu rdo rje ni 'od gsal ba ste/ de nyid de bzhin gshegs pa'i 'bras bu ster ba'i phyir/ de bzhin gshegs pa ste sa bcu la rab tu gnas pa'i phyir ro/ /ji skad du/ las dang po yi rnal 'byor gyis/ /se ni brgyad pa thob 'gyur te//snang ba gsum ni mthong bas na/ /bcu pa la ni legs gnas so/ /zhes 'byung ngo / /de nas zhes bya ba la sogs pa la/ rdo rje mi bskyod pa zhes bya ba ni sgyu ma lta bu'i ting nge 'dzin gyis bskyod par mi 'gyur bas na mi bskyod pa ste/ de nyid mi phyed pa'i phyir rdo rje gang la yod pa de la de skad ces bya'o//de bzhin gshegs pa thams cad ni 'das pa dang / ma 'ongs pa dang / de ltar byung ba phyogs bcu la gnas pa'i mi zad pa ni sems can gyi mi 'jig pa ste/ de'i don du rdo rje ni sgyu ma'i ngo bo ting nge 'dzin te/ de la snyoms par zhugs te snga ma bzhin du byang chub kyi sems gsungs pa ni brjod pa ste/dngos po 'di rnams ma skyes par/ /zhes bya ba la sogs pa la/ dngos po 'di rnams ni phung po dang khams dang skye mched de rang bzhin gyis dang po kho na ma skyes pa ni skyes pa ma yin te/ sgyu ma mkhan gyi sprul pa'i grong khyer bzhin du byis pa rnams la so sor snang ba ste/ngo bo nyid kyis ni rkyen gyi tshogs pa la brten te skyes pa ni ma skyes pa dang 'dra ba yin te/ phan tshun ltos pa'i phyir ro/ /rig pa drug cu pa las kyang / de la brten nas gang skyes pa/ /de ni don dam skyes pa min/ /gang zhig ngo bos ma skyes pa/ /de ni skyes pa ji ltar yin/ /rgyu ni zad pas shi ba ni/de ni zad pa zhes bstan te/ /gang zhig ngo bos ma zad pa/ /de ni zad pa ji ltar bshad/ /des na gang yang skyes pa min/ /gang yang 'gag pa ma yin te/ /skye dang zad pa'i lam dag ni/ /dgos pa'i don du bstan pa yin/ /zhes 'byung ngo / /rje btsun rin chen sgron ma las kyang /ji ltar chu shing rul ba'i sdong po las/ /snying po 'dod nas skyes bu de gshegs te/ /phyi dang nang med snying po yod mi snang / /de ltar chos rnams thams cad shes par gyis/ /zhes 'byung ngo / /de bzhin du/ dngos las dngos po skyes pa min/ /dngos min las kyang skye mi 'gyur//rtag tu dngos po dngos 'khrul bas/ /nam mkha'i me tog bzhin du skye/ /bdag las ma skyes gzhan las min/ /gnyi ga las med rgyu med min/ /dngos po gang dang gang du yang / /skye ba nam yang 'thad pa min/ /zhes 'byung ngo / /de nyid kyi phyir dngos po thams cad dang po nas ma skyes pa de bas na chos ni me la sogs pas sreg pa dang /gcod pa la sogs pa bzhin du mig la sogs pas gzugs la sogs pa gzung ba'i bya ba med do/ /chos nyid med pa zhes pa ni mig la sogs pa'i dbang po rnams chos can te/ de rnams kyang med pa ni gnyis po de dag phan tshun ltos pas ma grub pa'i phyir ro//chos can yod pas chos rnams kyi/ /'jig rten la ni bsam pa zhugs/ /zhes 'byung ba'i phyir ro/ /yang na snga ma bzhin du phung po la sogs pa med pas na chos ni rtag pa nyid la sogs pa'i mtshan nyid can yang med pa yin no/ /chos nyid med pa zhes pa ni gzhan rnams kyis yongs su brtags pa bdag la sogs pas brdar byas pa'i chos can yang med pa ste tshad ma med pa'i phyir ro//'o na phung po kho na bdag yin zhes mngon sum gyi tshad mas sbed pa mi nus pa yod pa ma yin nam zhe na/ de la lan smras pa/ re zhig gzhan ma rnams kyis bdag ni rtag pa dang /thams cad byed pa dang / khyab bdag dang / dbang phyug tu khas blangs te/ phung po rnams ni skye ba dang / 'jig pa dang gnas pa'i rim pa mthong bas mi brtan pa'o/ /de'i phyir gal te phung po rnams kho na bdag tu khas blangs na de'i tshe bdag kyang mi rtag pa nyid du thal bar 'gyur ro//phung po rnams mi rtag pa yin gyi/ bdag ma yin no zhe na/ 'o na ji ltar de dag gi de'i bdag nyid kyi 'brel pa yin te/ de yod pas na tha mi dad pa'i tshul gyis mthun pa'i chos nyid yod pa yin no/ /'o na yang de'i bdag nyid kyang dngos po gnyis la gzhan las ldog pas byas pa khyad par yod pa ste/dper na shing dang sha pa dag la shing ma yin pa dang sha pa ma yin pas byas pa ste/ de bzhin du phung po dang bdag la'ang rtag pa dang mi rtag par byas par 'gyur ro zhe na de skad ma zer cig /ldog pa zhes bya ba ni med par bkag pa yin gyi/ ma yin par bkag pa ni ma yin no//med par bkag pa ni nus pa thams cad dang bral ba med pa'i mtshan nyid de/ des ni dngos po yang dag par reg par bya bar mi nus so/ /'ba' zhig rnam par rtog pa'i blos/ /ldog pa tsam du rnam par phye zhing dngos po tha mi dad pa la tha dad par sgro btags te/gzhan yid ches pa'i slad du chos dang chos can gyi tha snyad bya'i/ dngos po la dbye ba gang yang med de / de ltar yin na tshad mas kyang brtags pa yin pa'i phyir dngos po nges par thob par mi 'gyur zhe na/ thob par 'gyur te tshad ma ni brtags pa yin pa'i phyir khyad par du ni rjes su dpag pa'o//ji srid tshad ma'i bya ba rnam par rtog pa'i sprul pa yin la/ rnam par mi rtog pa'i skabs su tshad ma dang gzhal bya ldog cing chos dang gang zag bdag med pa'i mtshan nyid don dam pa rtog pa med pa rang gi ngang gis rnal 'byor pa'i rgyud la snang ba ste de bzhin gshegs pa bzhin no//ji skad du rjes su dpag par bya ba'i tha snyad 'di dag ni blo la gnas pa'i chos dang chos can gyi rigs pa ste gang gi phyir chos dang chos can gyi dbye ba ni blo'i rnam pas byas pa yin gyi don gyis ma yin no/ /de bzhin du/ de dngos ma yin yongs ldog pa'i/ /dngos po tsam ni rab bsgrubs pas //rtags ni spyi yul ma yin dang / /tha dad la ni mi gnas bshad/ /ces 'byung ngo / /de bas na gzhan ldog pa ni dngos po yod pa ma yin no/ /dngos po ni tha mi dad pa kho na'o/ /de bas na phung po dang bdag ni tha mi dad pa yin pas mi rtag par thal bar 'gyur ro/ /gal te de lta bu'i skyon du ma gyur cig ces bya bar bdag nyid gzhi la phung po yod do zhe na/de yang mi rigs te gang gi phyir bdag ces bya ba tshad mas 'grub pa mi dmigs te phung po bzhin no/ /yod na yang gzhi rtag pa la gzhi can mi rtag pa mi rigs te/ nam mkha' dang bum pa bzhin no/ /gzugs can dang gzugs can ma yin pa dag la gzhi dang gzhi can gyi ngo bo mi 'thad pa'i phyir ro//de yod na yang de rnams la gzhi ni phan 'dogs pa yin nam/ de las gzhan yin/ phan 'dogs pa ma yin pa gzhi dang gzhi can med pa'i phyir ro/ /gzhan du na ha cang thal bar 'gyur ro/ /phan 'dogs pa yin na ngo bo gang gis phan 'dogs lhung ba bzlog pa bzhin du rgya shug dang lhung bzed bzhin no zhe na/de ltar yin na rgya shug lhung ba rnams kyis mi lhung ba'i chos gzhan bskyed pas lhung bzed ni rgyu nyid yin te/ de bas na gang zhig 'di gzhi dang gzhi can gyi 'brel pa de ni rgyu dang 'bras bu'i ngo bo yin no//de bas na rgyu ni gzhi yin la rgyu can ni 'bras bu yin no/ /'bras bu skyes na rgyu ni 'jig pas bdag ni mi rtag pa nyid yin no/ /gzhi ni gzhi can mngon du phan 'dogs pa ma yin te/ 'on kyang nus pa'i khyad par gyis so zhe na/ de'i tshe na nus pa ni phan 'dogs par byed pa nyid yin mod kyi/bdag gis ci bya/ yang na bdag kho na phan 'dogs pa ste/ nus pas ci bya/ yang na nus pa ni phan 'dogs par byed pa yin mod kyi/ de ni bdag la tha dad pa yin nam tha mi dad pa yin/ tha dad pa yin na bdag gi nus pa zhes ci'i phyir brjod pa'o//tha mi dad pa yin na bdag kho na phan 'dogs pa ste nus pa ni ma yin no/ /tha dad pa'i nus pa ni bdag gi 'brel pas bya ba byed do zhe na/ bdag gi zhes bya ba'i 'brel pa ni de'i bdag nyid dam/ de las byung ba'i 'brel pa dag las gang yin/ de'i bdag nyid yin na snga ma bzhin du tha mi dad pas tha dad pa'i 'brel pa drug pa rigs so//gal te de las byung ba yin na bdag rgyu yin pas nus pa 'bras bu 'byung zhing 'jig pa'i phyir ro/ /yang na 'di ltar smra ba yin na/ 'dir ni gnas skabs gnyis yin te/ /'bras bu dang ni byed pa dag /'bras bu nyid ni zad 'gyur te/ /byed pa nyid ni mi zad pa'o/ /'dir ni dpe 'di yin te/ dug gi shing ni/ yal ga dang ni myu gu dang / lo ma dang me tog dang 'bras bu rnams rim gyis zad na dug gi shing ni mi 'jig pa kho na'o/ /'dir ni lan 'di yin te/ rags pa'i mngon par zhen pa'i bag chags kyis ye shes kyi mig bsgribs pa'i byis pa rnams kyis rgyu ni mi 'jig go zhes so sor snang ste/don dam pas ni 'jig pa kho na yin no/ /gang gi phyir 'bras bu bskyed pa'i dus su rgyu ci 'dra ba de 'dra ba yang 'bras bu 'jig pa'i dus su ma yin te/ bcud dang bcas pa dang bcud med pa nyid tha dad pa'i phyir dang / nus pa dang nus pa mi ldan pa'i phyir ro/ /gal te ngo bo gcig pa mi 'jig pa rgyur 'dod na/ de'i tshe rtag tu 'bras bu skye bar byed pa'am dus gang du mi byed pa ste nam mkha' bzhin no/ /skyed par byed pa dang skyed par byed pa ma yin pa'i phyir dang /snga ma'i dus nas phyi ma'i dus su khyad par mthong ba'i phyir dang ngo bo gcig nyams pa'i phyir mi rtag pa nyid yin no/ /'o na bum pa chag pa'o zhes mngon sum gyis mi rtag pa nyid du mthong ba zhe na/ de'i tshe byis pa rnams kyis mi rtag pa nyid du rtogs pa ste/ngo bo nyid kyis thog mar de ni 'jig pa kho na yin no/ /gyo mo'i dus su 'bras bu gzhan byung bas rmongs pa rnams kyis blo ni bum pa 'jig go zhes skye bar 'gyur ro/ /de bas na gzhi dang gzhi can gyi kho bo khas blangs na mi rtag pa nyid yin pa'i phyir bdag ni 'grub par mi 'gyur ro zhes pa 'di ni gnas pa kho na yin no//phung po rnams la yang dag gnas par mi 'gyur te/ snga ma bzhin du gzhi dang gzhi can gyi ngo bo mi rigs pa'i phyir ro/ /phung po rnams kyang gzhi yin pas rgyu yin la rgyu ni 'bras bu dang rjes su mthun pa yin pa'i phyir bdag mi rtag pa nyid yin pa'i phyir ro//rgyu rnams kyang nges pas 'bras bu dang ldan pa ma yin pas res 'ga' bdag kyang yod par mi 'gyur ro/ /bar chad med pa'i dus su res 'ga' yang yod pa yin te/ yod pa dang med pa'i chos dag rtag pa bdag la mi rigs te nam mkha' bzhin du'o/ / lhung bzed 'di la rgya shug gi 'bras bu bzhin du ldan pa'i 'brel pa yin na skyon te thal bar 'gyur ro/ /rgyu spun 'di rnams la snam bu 'di zhes bya ba bzhin du 'du ba'i 'brel pa yod na skyon med do zhe na/ 'o na 'du ba zhes bya ba gang yin/ cha shas dang cha shas can gyi dngos po'i mtshan nyid can yin no zhe na/'o na cha shas 'di rnams kyis cha shas can tha dad pa'am/ tha mi dad pa skyed par byed/ rgyu spun snam bu dag la tha dad pa mi dmigs pa'i phyir re zhig tha dad pa ni skyed par mi byed/ rgyu spun dang snam bu dag la tha dad pa yin na rgyu spun kho na cha shas dmigs te cha can snam bu ni ma yin no//g.yogs pa la sogs pa'i bya ba byed pas snam bu ni yod pa kho na yin zhe na/ 'o na rgyu spun rnams med pas ji lta bu 'du ba'i 'brel pa yin te/ rgyu spun dang snam bu dag tha mi dad pa'i phyir dang / cha shas dang cha shas can gyi dngos po med pa'i phyir ro//de bas na rgyu spun kho na phun sum tshogs pa'i khyad par gyis de ltar gyur pa yin no zhes rtog pas byas pa'i tha snyad 'di ni snam bu zhes bya ba'o/ /des ni rtsom par byed pa dang tha mi dad par gyur pa ni cha shas yin no zhes pa'i gzhung sel lo / /de'i phyir phung po rnams ni bdag gi ma yin no//de las tha dad pa bdag kyang mi dmigs pa'i phyir ji ltar dmigs par mi 'gyur bar stobs kyis de la zhen pas rang gi sems slu bar byed pa'o/ /'dir ni bum pa med de zhes bya ba'i snang ba mi dmigs pas re zhig bdag med do/ /mi snang ba mi dmigs pas ji ltar bdag med do zhe na/de ltar ma zer cig tshad ma gnyis las ldog pa'i mtshan nyid can de ni the tshom gyi rgyu yin te/ de nyid kyi phyir des ni de yod pa'i tha snyad mi rigs so/ /'o na the tshom las rtog pa dang ldan pa 'jug par 'gyur ro zhe na/ 'dir smras pa/ don gyi the tshom dang / don med pa'i the tshom dang gnyi ga'i the tshom mo/ /de la don gyi the tshom ni 'jug pa'i yan lag yin la don med pa'i the tshom dang gnyi ga'i the tshom ni ldog pa'i yan lag yin la / gter bton pa dang / drag po'i chu bor rgyal ba dang / ro langs pa bzhin no/ /de'i phyir phyi ma'i the tshom dag la brten te/rtog pa dang ldan pas ldog pa kho na rigs so/ /the tshom las 'jug na yang phyi dus rtog pa sngon du byed pas snang ba mi dmigs pas bdag mi dmigs pa ste/ phung po las tha dad pa bdag mi dmigs so/ /me dang bud shing bzhin du bdag dang phung po 'dres pa mi dmigs te/ gang gi phyir 'di me dang bud shing zhes bya ba'i ji ltar tha dad pa med pa de bzhin du bdag dang phung po dag la gal te khas blangs na de'i tshe phung po dang bdag la gzhi mthun pa las 'byung ba'i skyon tha dad par 'gyur te de ni gnas pa yin no/ /da ni rnal ma'i don rjes su 'brang bar bya ste/ de ltar phung po dang bdag la gzhi mthun pa la sogs pa med pas brag gi rtse mo nyi shu las 'byung ba'i 'jig tshogs la lta ba zad pas 'ba' zhig pa dri ma med pa'i mtha' yas pa nam mkha' dang 'dra ba 'od gsal bar 'gyur ro//ji skad du/ phung po bdag min de der min//de la de min de med min/ /me dang bud shing bzhin du ni/ /bdag phung 'dres min gang phyir yod/ /bdag ces dngos po med pa ste/ /byed pa po zhes gang la brjod/ /chos can yod na chos rnams ni/ /'jig rten pa la smos zhes 'byung ngo / /de ltar phyi'i bdag la sogs pa'i phung po'i lta rnams sel bas ji ltar rnal 'byor pas sems can gyi don 'grub ce na/nam mkha' lta bu zhes bya ba la sogs pa ni nam mkha' la gnas pa'i phyir/ nam mkha' ni 'ja' tshon te/ de dang 'dra ba ni sgyu ma'i ngo bo lha'i sku 'od gsal ba las cig car du spros pa dkyil 'khor gyi gtso bo nyid du dkyil 'khor pa'i nang du gnas pa gzugs brnyan blangs te/sems can gyi don rnal 'byor pas bya'o/ /ji lta bu zhe na/ bdag med pa zhes pa ni bdag med pa'i tshul sgyu ma'i dpe bcu gnyis kyis nye bar mtshon pa'o/ /ji skad du/ me long gi ni gzugs brnyan dang //rmi lam sgyu ma chu bur dang / /mig 'phrul dang 'dra gang gis ni/ /lta ba de ni khyab bdag yin/ /zhes 'byung ngo / /de nyid kyi phyir/ byang chub tshul 'di bstan pa'o/ /zhes pa ni byang chub ni 'od gsal ba'i de kho na nyid de/ de las tshul ni sems can gyi don bya ba'i phyir sgyu ma lta bu'i ting nge 'dzin gyis lha'i sku blang ba'o//de yang ji lta bu zhe na/ bstan pa ni ma lus pa'i khams gsum gyi sems can smin pa dang grol ba la sogs pa'i bya ba la mi g.yo bar gyur pa rnal 'byor pa la skye ba yin te/ bdag la byin gyis brlab pa'i rim pa gsum pa'o zhes bcom ldan 'das zhes bya ba la sogs pa don rtogs pa'o//de nas zhes bya ba la sogs pa la/ rin chen ni byang chub kyi sems te de nyid dpal ni mtshan ma rgyal mtshan gyi rtse mor 'dzin pa'i yan lag gis gang gis 'dzin pa de ni rin chen dpal rdo rje'o//de bzhin gshegs pa thams cad ni rtsa bdun khri nyis stong ste/ de rnams kyi gang zhig chos ni dga' ba la sogs pa gsum ste/ de rnams kyi bdag med pa'i mngon par byang chub kyi rim pa bzhi pa ste de nyid mi phyed pa'i phyir rdo rje'o/ /de zhes bya ba'i ting nge 'dzin la snyoms par zhugs te/byang chub kyi sems 'di zhes pa ni mngon par byang chub kyi rim pa ston par byed pa'i tshig gsungs so/ /chos rnams thams cad ces bya ba la sogs la/ chos rnams thams cad ni 'dod chags dang / 'dod chags dang bral ba dang / 'dod chags bar pa ste/ de rnams bskyod pa dang dga' ba dang / dga' bral gyi bdag nyid du brtags pa'i phyir dngos med ces pa ni spang bar bya ba'o zhes ston te/ chos ni dga' ba gsum gyi de nyid yin la de rnams kyi mtshan nyid ni rnam pa sna tshogs pa dang / rnam par smin pa dang / rnam par 'joms pa'i skad cig ma ste/de rnams dang rnam par spang ba ni don dam pas nye bar mtshon pa brtags pa'i phyir med pa'o zhes ston te/ skad cig ma dang dga' ba dag rgyu dang 'bras bu rang bzhin med pa'i phyir ro/ /gal te de ltar yin na blang bar bya ba'i de kho na nyid gang yin zhe na/ bdag med chos las kun du 'byung //zhes bya ba la chos ni phung po la sogs pa'am/ 'dod chags la sogs pa ste/ de rnams bdag med pa ni bla ma'i man ngag gis snang ba bzhi pa thob pa ste/ de las kun du byung zhes pa ni rnam par rtog pa med pa dang / gsal ba gang zhig dpe las byung ba'i bde ba skyes pa de nyid kyi rim pa thams cad kyi 'bras bur gyur pa'i phyir blang bar bya'o//gal te res 'ga'i tshe shin tu phra ba'i phyir sems la brtan par mi 'gyur na de'i tshe byang chub ni ril por 'dzin pa'i ting nge 'dzin dang / tshul ni rjes su gzhig pa'i ting nge 'dzin gyis 'di zhes pa ni de kho na nyid bzhi pa brtan pa ste mi g.yo bar bya'o zhes tshig gi don te mngon par byang chub pa'i rim pa'o//bcom ldan 'das zhes bya ba la sogs pa la rin chen dpal rdo rje zhes bya ba la snga ma bzhin du'o/ /de nas zhes bya ba la sogs pa la dpag tu med pa ni tshad med pa ste/ srid pa dang mya ngan las 'das pa dag la mi gnas pa'i phyir tshe ni sems can gyi don mdzad pa'i phyir gnas pa ste/de nyid rdo rje gang la yod pa de la de skad ces bya'o/ /chos ni kun rdzob dang / don dam pa dang / 'dod chags dang / 'dod chags dang bral ba dang / rnam pa dang bcas pa dang /rnam pa med pa la sogs pa ste de rnams 'od zer 'bar ba ni zung 'jug tu bya ba ste/ de nyid gtsang ba dang mi gtsang ba la sogs pa'i mun pa'i tshogs 'jig pas na sgron ma ni sgron me dang 'dra ba ste/ de zhes bya ba'i ting nge 'dzin ni sems rtse gcig pa'i mtshan nyid la snyoms par bzhugs te/byang chub kyi sems 'di ni mi gnas pa'i mya ngan las 'das pa'i ting nge 'dzin gtso bor gyur pa'i tshig gsungs so/ /ma skyes pa zhes bya ba la sogs pa la kun rdzob dang don dam pa la sogs pa'i mtshan nyid ma skyes pa dang / zung du 'jug pa'i rim gyis dbyer med par gyur na de'i tshe rnal 'byor pa'i ngo bo med pa ni kun rdzob kyi bden pa la sogs pa rtogs pa'o//bsgom pa yang med de don dam pa'i bden pa la sogs pa rtogs pa'o/ /zung du 'jug pa'i rim pa la gnas pas 'khor ba'i bar du sangs rgyas thams cad kyi bya ba byed do zhes bya ba'i don to//kun du 'od kyi sa la snga ma'i smon lam gyi shugs kyis rtogs pa med na yang rang gi ngang gis dmigs pa med pa ni thugs rje chen po'i dbang gis mi 'dod pas kyang sems can gyi don byed do zhes mi slob pa'i lam la cung zad kyang slob par mi 'gyur ro/ /ji skad du rab tu byed pa las kyang /zung 'jug ting 'dzin la gnas pas/ /slar yang cung zad mi slob bo/ /zhe na 'byung ngo / /de ltar yin na rnal 'byor pa'i spyod pa ji lta bu zhe na/ nam mkha'i gnas su sbyor ba yis/ /zhes gsungs te/ rang bzhin med pa'i ting nge 'dzin te mnyam pa nyid kyi ye shes kyi rnal 'byor pas spyod par bya'o zhes bya ba'i tha tshig go//rab tu byed pa las kyang / ji ltar bdag nyid de bzhin dgra/ /ji ltar chung ma de bzhin sring / /ji ltar smad 'tshong de bzhin ma/ /ji ltar bram ze de bzhin gdol/ /ji ltar pags pa de bzhin gos/ /ji ltar khrag nyid de bzhin dug /ji ltar chang dang de bzhin gcin/ /ji ltar bza' ba de bzhin bshang / /ji ltar dri bzangs ga bur dag /de bzhin bshang ba las byung dri/ /ji ltar bstod pa byed pa'i tshig /de bzhin du ni smod pa'i tshig /drag po rdo rje can de bzhin/ /ji ltar nyin mo de bzhin mtshan/ / ji ltar rmi lam de bzhin mthong / /ji ltar 'jig pa de bzhin gnas/ /ji ltar bde ba de bzhin sdug /ji ltar sdang ba de bzhin du/ /mnar med mtho ris de bzhin te/ /de bzhin sdig dang bsod nams so/ /de ltar shes na ye shes can/ /dogs pa med par thams cad byed/ /sbas pa'i brtul zhugs kun bsgrubs na//phun sum tshogs pa thams cad 'grub/ /ces 'byung ngo / /de bzhin du rdzogs pa'i rim pa'i rnal 'byor pa la yang spyod pa'i brtul zhugs ni rdo rje phreng ba las gsungs te/ skyes pa'i sa ni yongs spangs nas/ /tshogs kyi dbang phyug gzugs byas nas//yul ni gzhan la zhugs byas te/ /gang du sus kyang ngo mi shes/ /tshogs kyi rtags ni blangs byas te/ /mgo bo'i skra ni bregs byas nas/ /rags pa ral pa gcig byas pa/ /gtsug phud gcig cig gzhag par bya/ /'od spro ba yis khyab pa ni//dpung rgyan dang ni gdu bu mchog /ru drA k+Sha dang shel mchog ni/ /phan tshun 'dres par byas pa ste/ /smad kyi cha la 'chang ba ni/ /ske ba la ni mgul rgyan btags / /'bad pas thig le gsum byas la/ /mdzub mor zangs kyi sor gdub gdags/ /mdun gyi cha la 'phyang ba ni//sham thabs kyang ni gyon par bya/ /gtsag pu dang bcas za ma tog /mchan khung du ni 'phyang bar btags/ /yan lag thams cad kyis brgyan pa'i/ /tshogs bdag gzugs ni blangs nas su/ /tshem bu gyon par byas nas ni/ /rigs ngan gnas la 'jug par bya//dngos grub phyir ni de ltar mchog /shin tu sbas par byas nas ni/ /gang du sus kyang ngo mi shes/ /yul mchog de la spyad par bya/ /de ltar rdzogs pa'i spyod pa la gnas pa'i rnal 'byor pas rang dang gzhan gyi don bsgrub par nus par 'gyur ro/ /de ltar dngos po rab tu grags//zhes bya ba'i rigs pas dngos po ni spyod pa ste/ rdzogs pa'i brtul zhugs kyi mtshan nyid khyad par du brten par bya'o zhes bya ba'i don te zung du 'jug pa'i rim pa'o/ /de ltar gsungs so zhes bya ba ni snga ma bzhin no/ /de nas zhes bya ba la sogs pa la/gdon mi za ba zhes bya ba rim pa lnga po nye bar bsdus nas 'bras bu dang bcas pa grub pa ni rdo rje 'chang chen po'i phyag rgya'i dngos grub gang la yod pa de la de skad ces bya'o/ /de bzhin gshegs pa thams cad ni ye shes lnga'i rim pa lnga ste/ de rnams zil gyis gnon pa ni gang gis ro gcig par byed pa ste/de nyid sreg par mi 'gyur ba dang / 'jig par mi 'gyur ba dang / mi phyed pa'i mtshan nyid can rdo rje ting nge 'dzin gang la yod pa de la snyoms par zhugs te/ byang chub kyi sems 'di ni rim pa dang rim pa ma yin pa dang bral ba gsungs so zhes ston to//chos rnams rang bzhin 'od gsal ba/ /zhes bya ba la sogs pa la/ chos rnams ni 'jug pa dang gnas pa dang ldang ba'i mtshan nyid dam/ dkyil 'khor bzhi'i 'od spro ba ste/ de rnams thams cad rang bzhin 'od gsal ba zhes pa ni ngo bo nyid kyis 'od gsal ba'i rang bzhin yin te/'on kyang las dang po la skas bzhin du 'jug pa la sogs pa'i thabs bstan pa'o / /gzod nas dag pa nam mkha' bzhin/ /zhes bya ba la nam mkha' ni ye shes gsum ste/ de dang mthun pa ni rang bzhin rnams te de rnams kyang gdod nas dag pa zhes pa ni don dam pa'i chos nyid kyi ngo bo zhes ston to//byang chub ni gang zhig 'di sgyu ma lta bu'i ting nge 'dzin 'ja' tshon dang 'dra ba de yang med ces pa ni brtags pas med pa ste don dam pa'i ngo bor yod pa'o zhes ston to/ /mngon rtogs med ces pa ni de kho na nyid bzhi pa yang de la zhen pa dang ldan pa med pa yin te/'on kyang 'od gsal ba'i ngo bo rnam par mi rtog pa kho na yin no/ /de nyid kyi phyir gang gis 'di zhes pa/ de la byang chub tshul zhes pa la/ byang chub ni zung 'jug gi bsam gtan te tshul ni de'i rjes la thob pa'i ye shes bstan pa'i rdzogs pa'i spyod pas byas la 'byung bar 'gyur zhes tshig gi don te rdzogs pa'i rim pa'o zhes bya ba la sogs pa ni snga ma bzhin no//de nas zhes bya ba la sogs pa la/ byams pa la sogs pa ni byams pa gtso bor gyur pa'i byang chub sems dpa' ni sgrib pa med pa'i ye shes dang ldan pa de bzhin gshegs pa thams cad ni phung po lnga dang /sku ni bdag la byin gyis brlab pa dang / gsung ni rdo rje bzlas pa dang / thugs ni sems rnam par dag pa dang / chos ni chos nyid de mngon par byang chub pa dang / de kho na nyid ni kun rdzob dang don dam pa tha mi dad pa zung 'jug dang / yi ge zhes pa ni g.yo ba dang 'jig par mi 'gyur ba'i 'od gsal ba'i de kho na nyid thos nas ngo mtshar ba ni thos pa/rmad du byung ba ni mngon du byas nas ro de nyid kyis ldang zhing ched du brjod pa 'di zhes bya ba ni stong pa'i tshig brjod pa'o zhes ston to/ /e ma'o sangs rgyas e ma'o chos/ /zhes bya ba la sogs pa'i tshigs su bcad pa 'di la rdo rje'i bzlas pa dang /sems la dmigs pa dang / bdag byin gyis brlab pa dang / mngon par byang chub pa dang / zung 'jug gi rim pa rnams yod pa ste/ de la sangs rgyas zhes pa ni yi ge gsum [(]te[,]ste[)]/ de rnams 'jug pa la sogs pa'i rim pas bshad pa de ni ngo mtshar ba ste/rdo rje bzlas pa'i rim pa'i sgo nas bstan pa'o/ /e ma'o chos zhes pa ni chos ni sems dang sems las byung ba rnams te/ de rnams kyi sngags dang phyag rgya'i rim pas rnam par dag pa bstan pa de yang ngo mtshar ba ste/ sems rnam par dag pa'i sgo nas bstod pa'o/ /de bzhin du chos ni sgyu ma lta bu'i sku la brten te/ sems can rnams la gang bstan pa de yang shin tu ngo mtshar ba ste/ bdag la byin gyis brlab pa'i sgo nas bstod pa'o/ /de nyid ni 'dod chags la sogs pa gsum ste/ de rnams dag par bya ba'i phyir don ni bzhi pa ste bstan pa ngo mtshar ba ste/mngon par byang chub pa'i sgo nas bstod pa'o/ /dag pa'i don ni rtag pa dang chad pa la sogs pa'i rnam par rtog pa'i tshogs dang bral ba zung 'jug gi ting nge 'dzin te/ de nyid gang bstan pa de yang ngo mtshar ba ste/ de'i phyir kye bcom ldan 'das byang chub sems dpa' ni don dam pa'i ngo bo thams cad ro mnyam pa'i mtshan nyid can rdo rje 'chang chen po'o/ /khyod la phyag 'tshal lo zhes pa ni khyod kyi bdag nyid du kho bo cag 'jug pa'o zhes don te rim pa lnga'o/ /da ni ma lus pa'i dkyil 'khor pa'i ngo bo bcom ldan 'das la bstod pa bshad par bya ba'i phyir/bdag med pa yi chos las 'byung / /zhes bya ba la sogs pa gsungs pa ste/ chos ni me long lta bu'i ye shes kyi ngo bo rnam par snang mdzad do/ /bdag med pa ni sems can thams cad la mnyam pa nyid kyi ye shes kyi ngo bo rin chen 'byung ldan no//rnam par mi rtog pa'i khams 'di las 'byung bas na 'byung ba ste/ so sor rtog pa'i ye shes kyi ngo bo snang ba mtha' yas so/ /sangs rgyas ni rab tu rtogs pa ste/ chos kyi dbyings kyi ye shes kyi ngo bo mi bskyod pa'o/ /byang chub ni mngon par byang chub ste/de nyid bya ba nan tan sgrub pa'i ye shes kyis sems can thams cad la rdzogs par mdzad pas na byang chub rdzogs mdzad pa ni don yod grub pa ste/ de'i rang bzhin dang / de bzhin du zhi ba'i las mdzad pa'i phyir rnam par mi rtog pa ni the tshom med pa ste / sangs rgyas spyan no/ /chos kyi dbyings kyi ye shes kyi rigs yin pa'i phyir dmigs su med pa ni mA ma kI'o/ /byang chub ni so sor rtog pa'i ye shes kyi ngo bo gos dkar mo'o/ /sems ni sems dbang du mdzad pa'i mtshan nyid can sgrol ma'o/ /de'i ngo bo bcom ldan 'das khyod la phyag 'tshal lo zhes ston to//de bzhin du kun du bzang pos nye bar mtshon pa ni byang chub sems dpa' brgyad de/ de rnams kyi ngo bo dang thams cad don zhes pa ni 'dod yon lnga ste/ de rnams kyis byang chub kyi sems ni bde ba chen po'i ting nge 'dzin rab tu skor bar byed pas na thams cad don byang chub sems rab tu bskor ba ni gzugs rdo rje ma la sogs pa lnga po ste/de'i ngo bo dang / byang chub spyod pa rdo rje che/ /zhes bya ba la nyon mongs pa'i sgrib pa'i gnyen po'i sgo nas byang chub spyod par byed pas na byang chub spyod pa ste/ 'phags pa gshin rje mthar byed do/ / shes bya'i sgrib pa'i ri bo chen po 'jig par byed pas na rdo rje ste shes rab mthar byed do/ /byang chub sems ni las kyi sgrib pa'i gnyen po ye shes gang la yod pa de ni byang chub sems te 'phags pa pad+ma mthar byed do/ /de bzhin gshegs pa'i thugs dag pa zhes bya ba la sogs pa la rnam par smin pa'i sgrib pa zad pas thugs rje'i ngo bo thob pa'i phyir thugs ni bdud rtsi 'khyil pa'o//de bzhin gshegs pa'i bkas gdul bar dka' ba 'dul ba'i phyir de bzhin gshegs pa ni mi g.yo ba'o/ /sdig pa byed pa rnams bcings shing sems dag par mdzad pas dag pa ni 'dod pa'i rgyal po'o//bdud rnams kyi lus ngag yid rmongs par mdzad pas na/ sku dang gsung dang thugs ni dbyig pa sngon po can no/ /rdo rje brgya bas sprin gyi tshogs gcod la char 'bebs par mdzad pa'i phyir rdo rje 'dzin ni stobs po che'o/ / sa 'og la gnas pa'i bgegs rnams skrag cing / sangs rgyas byang chub ni rdo rje 'chang chen po'i go 'phang thob pa rnams la rab tu ston par mdzad pas na sangs rgyas byang chub rab ston pa ni gnod mdzes rgyal po'o/ /de bzhin du byang chub ni mu stegs pa thams cad kyi mkha' 'gro ma'i sgyu 'phrul dang sngags dang las rnams 'joms pa ste/de las sems gang la yod pa de la byang chub sems te/ gtsug tor 'khor los sgyur te/ de rnams kyi ngo bo bcom ldan 'das khyod la phyag 'tshal lo zhes snga ma dang sbyar ro/ /de ltar byang chub sems dpa' rnams kyis lha sum cu rtsa gnyis kyi rang bzhin rdo rje 'chang chen po bstod pa ste dkyil 'khor rgyal ba mchog go//'dir ni gal te na yang rdo rje 'chang chen po ston pa po yin te/ 'on kyang mi bskyod pa la sogs pas byang chub kyi sems kyi tshigs su bcad pa rnams gsungs pa ste/ longs spyod rdzogs pa dang sprul pa'i sku dag tha mi dad par bstan par bya ba'i phyir ro//la la na re de rnams kyi sgo nas bcom ldan 'das kho nas gsungs pa ste/ gang gi phyir de rnams ni 'dod chags la sogs pa'i rigs dang ldan pa'i sems can rnams kyis rim pa'i dbye ba la brtan te tha dad par rtogs pa ste/ngo bo nyid kyis ni de rnams dang rdo rje 'chang chen po'i rang bzhin gcig yin pa'o/ /byang chub kyi sems ni rdo rje'i bzlas pa la sogs pa'i rim pa lngas thob pa 'od gsal ba thob pa ste/ de nyid ston par byed pa'i le'u ni byang chub sems kyi le'u'o// le'u'i don ni snga ma bzhin du'o/ / rgyud 'grel las le'u gnyis pa'i tshig gi don bcu drug pa bshad pa'o/ /le'u 'di la tshigs su bcad pa'i grangs ni sum brgya'o// // byang chub kyi sems bsgom pas don dam pa'i bden pa la zhugs te/ gzhan gyi don med pas de nyid grub par bya ba'i phyir rdo rje bkod pa zhes bya ba'i lha'i le'u brtsam par bya ste/ de nas zhes bya ba la sogs pa gsungs te/ dbang phyug la sogs pa'i yon tan drug dang ldan pas na bcom ldan 'das so/ /sku gsung thugs rdo rje ni rigs gsum skyed par byed pa'i rgyu yin pas sku dang gsung dang thugs rdo rje'o //de bzhin gshegs pa ni rdo rje 'chang chen po'o/ /des ci mdzad ce na de bzhin gshegs pa thams cad ni dkyil 'khor pa'i gtso bo lnga ste/ de rnams kyi gang kun du ni shar la sogs pa'i phyogs rnams su snang ba ni 'od zer te/ de nyid 'phro ba ni rim gyis bkod pa de nyid kyang lha mo dang byang chub sems dpa' dang khro bo rnams mtha' yas pa'i phyir sprin te/de rnams kyi yang bkod pa ni spros pa ste/ de nyid sems can gyi don bya ba'i phyir bstan pas na rdo rje ste/ de ting nge 'dzin gang la yod pa de la snyoms par zhugs te/rdo rje bkod pa zhes bya ba la rdo rje ni de bzhin gshegs pa ste de rnams bkod pa ni spros pa le'u gang la yod pa de ni rdo rje bkod pa zhes bya ba'i ting nge 'dzin gyi le'u ste de bzhin gshegs pa'i sku sgom pa gtso bor gyur pa le'u gsungs te bskyed pa'i rim pa'o/ /yang na de bzhin gshegs pa thams cad ni phung po lnga'i gang zhig sku gsung thugs ni yi ge gsum ste/de rnams rdo rje ni 'jug pa la sogs pa'i rim pa de bzhin gshegs pa gang la yod pa de ni rdo rje 'chang chen po'o/ /de bzhin gshegs pa thams cad ni dkyil 'khor bzhi ste/ de rnams kyi gang zhig kun du ni lkog ma la sogs pa'i gnas rnams la snang ba ni dmar po la sogs pa'i 'od zer te/de nyid 'phro ba ni sna'i rtse mor 'dzin pa ste/ de nyid zhi ba la sogs pa'i las 'grub par byed pas na sprin te/ de dgod pa ni g.yas pa dang g.yon pa dang gnyis ka dang dal bus rgyu ba bas gang zhig rdo rje ni lha'i rjes su dran pa ste/de zhes bya ba'i ting nge 'dzin la snyoms par zhugs te/ rdo rje ni rlung gsum ste de rnams kyi bkod pa ni 'gro ba dang 'ong ba'i bya ba le'u gang la yod pa de gsungs so zhes 'brel pa ste/ rdo rje bzlas pa'i rim pa'o//dang po dkyil 'khor gyi 'khor lo sgom pa'i dus su chos thams cad stong pa nyid mngon du byas te mngon du bya ba de byung na bcom ldan 'das kyis gsungs pa'i 'grub pa'i sngags kyi mthu stobs kyis stong pa nyid de kho na nyid rnal 'byor pa la mngon du gyur te/oM shU n+ya tA zhes bya ba la sogs pa'i sngags 'di brjod nas rang dang gzhan gyi sems nam mkha' bzhin du blta bar bya ste dang po sbyor ba'o/ /oM zhes pa ni rnam par snang mdzad de / shU n+ya tA ni mi bskyod pa'o/ /dz+nyA na ni rin chen 'byung ldan la'o/ /badzra ni snang ba mtha' yas so//swa b+hA ba ni don yod grub pa ste/ At+ma kou0f85haM zhes pa ni de rnams kyi bdag nyid ye shes lnga ste de'i rang bzhin no zhes rdzogs pa'i rim pa'o/ /yang na oM ni thabs so/ /shU n+ya tA ni shes rab bo/ /dz+nyA na ni pad+ma'o/ /badzra ni rgyal mtshan no/ /swa b+hA ba ni sngags d god pa'i sngon du 'gro ba bskyod pa'o//At+ma ni bde ba chen po ste de rnams kyi rang bzhin bdag yin te/ rang bzhin dang rgyu dang las dang 'bras bu rnams so/ /thams cad stong pa nyid bsgoms nas ci bya zhe na/ nam mkha'i dbyings kyi dbus gnas pa/ /zhes bya ba la sogs pa la [(]rnam [,]nam [)] mkha'i rtsa lnga ste/de rnams dang ldan pas na nam mkha' ste/ chos 'byung gi phyag rgya gru gsum pa'o/ /khams kyi rdzas drug gi nang na gtso bor gyur pa'i khams ni byang chub kyi sems te/ des gang ba'i chos 'byung gi phyag rgya ni nam mkha'i dbyings te/ de'i dbus su gnas pa sangs rgyas kyi dkyil 'khor ni rnam par snang mdzad kyi dkyil 'khor te/rtag pa'i gzhal yas khang bsgom pa ni bsam par bya'o/ /ji lta bu zhe na/ 'od zer sprin gyi tshogs chen po/ /zhes bya ba la/ 'od zer sprin ni sprul pa'i sku'i ngo bo sa'i snying po la sogs pa byang chub sems dpa' rnams kyis tshogs chen po ni spros pa gang la yod pa de la de skad ces bya'o//de bzhin du sangs rgyas ye shes ni rnam par snang mdzad de/ de dang mnyam pa 'od dkar po gang la yod pa de ni de bzhin no/ /'od zer sna lnga ste de'i rang bzhin gyi lha mo bzhi pos khyab pa ni mdzes pa'o//kun nas yongs su zlum pa ste/ thams cad du bzang po 'dod pa'i yon tan lnga ni gzugs rdo rje ma la sogs pa'i lha mo rnams kyis khyab pa'o/ /de bzhin du sha lnga ni mchod pa ste/ gang la yod pa de ni mchod pa lnga ste khro bo'i rgyal po bcu yin no/ /de rnams kyis kyang brgyan pa'o//mdor na de ltar bsgoms nas su/ /zhes pa ni de lta bu'i dkyil 'khor gyi 'khor lo'i mdor na zhes pa ni mdor bsdus pa'i zla ba dang rdo rje la sogs pa'i rim gyis bsgoms te/ dbus su zhes pa ni 'khor lo'i dbus su gzugs ni rnam par snang mdzad de sku bsgom par bya'o//ji lta bu zhe na/ rnam par snang mdzad phyag rgya che/ /zhes pa la/ skyes bu chen po'i mtshan sum cu rtsa gnyis kyis brgyan pa/ rnam par snang mdzad kyi phyag rgya chen po ni sku gsung thugs ni dkar po dang dmar po dang nag po ste zhal gsum gyis mtshan pa ni ldan pa'am/ dam tshig la sogs pa'i sems dpa' gsum dang bcas pa 'am/ sku gsung thugs byin gyis brlab pa'i sngags rnams dang ldan pa bsgom par bya'o/ /sku gsung thugs kyi rigs nye bar bsdu ba rdo rje ni rdo rje 'chang chen po ste/ de nyid kyi phyag rgya ni sku bsgom par bya'o/ des ni 'di bshad pa yin te gang zhig 'di bcom ldan 'das rnam par snang mdzad chen po de ni rdo rje 'chang chen po dang tha mi dad par bsgom par bya'o/ /de nyid kyi phyir de rjes su zhugs pa rnam par snang mdzad ni/ zla ba bzhin du dkar dmar bsgom par bya'o / / zhes ston te/ de ni rnam par snang mdzad kyi dkyil 'khor ro/ /tshogs gnyis dang ni ldan pa yis/ /zhes bya ba la sogs pa'i gzhung gis ni mi bskyod pa la sogs pa gtso bor gyur pa 'khor lo bzhi de bzhin du bsgom par bya'o/ /glegs bam mthong bas nga rgyal dang ldan pa rnams 'khrul par bya ba'i phyir go bzlog pas sku mdog la sogs pa'i dbye ba bshad par bya ste/in+d+ra nI la'i kha dog 'dra/ /zhes pa ni in+d+ra nI la'i nor bu dang 'dra ba'o/ /sku gsung thugs kyi rdo rje can ni mi bskyod pa'o/ /gtso bo'i phyag gis rdo rje 'dzin pas na rdo rje bsnams pa'o//lhag ma ni sngar bshad zin to/ /rab 'byor ni rnam pa sna tshogs pa'i sprul pa'i sku spro ba'i bdag nyid do/ /rnam par gtsigs la 'jigs 'jigs lta zhes pa ni rnam par gtsigs pa ni sgeg pa'i ro gtso bor gyur pa yang yin la/ 'jigs 'jigs lta ni drag po'i nyams gtso yang yin te/zhe sdang gi rigs yin pa'i phyir ro/ /rnam par snang mdzad kyi bsgom pa bshad par bya ste/ shel dang zla ba 'od 'dra ba ni chu shel gyi nor bu dang 'dra ba'o/ /thor tshugs cod pan ni ral pa'i cod pan gyis brgyan pa ste/ zhi ba gtso bor gyur pas thub pa'i cha lugs dang ldan pa'i phyir ro//rab 'bar ni phyi rol du dkyil 'khor pa rnams spro bar mdzad pa'o/ /phyag na 'khor lo bsnams pa ni rtsibs brgyad pa chos kyi dbyings kyi rnam par dag pa dang ldan pa'i 'khor lo 'chang ba'o/ /sna tshogs kun gyis mdzes par brgyan//zhes bya ba ni byang chub kyi phyogs kyi chos kyi rgyu mthun pa'i rang bzhin gyi rgyan dang ldan pa'o/ /de nas rin chen 'byung ldan gyi bsgom pa bshad par bya ste/ 'dzam bu chu bo'i gser 'od 'dra ba ni rgyas pa'i las 'grub pa'i phyir ro/ /sangs rgyas sprin gyis kun du 'khrigs//zhes pa ni phyi rol du yang de bzhin du sangs rgyas spro bar mdzad pa'o/ /sngar bshad pa mi bskyod pa'i phyag mtshan gang yin pa de ji lta bu rtse dgu pa ni ye shes lnga dang nyon mongs pa bzhi rnam par dag pas de'i phyag na bsgom par bya'o/ /mar gad 'dra ba'i 'od 'dra ba ni/nam mkha' lding gi nor bu dang 'dra ba dgug pa gtso bor gyur pa/ rdo rje 'bar ni dgug pa gtso bor gyur pa'i 'od zer te de rnams kyis brgyan pa don yod grub pa bsgom par bya'o/ /phyag na rin chen zhes pa ni rin chen 'byung ldan gyi phyag na'o/ /'bar ba'i sprin gyis kun tu khyab//ces pa ni rin chen gyi khyad par ro/ /'od dpag tu med pa'i bsgom pa bshad par bya ste/ pad+ma rA ga ni nor bu zhes bya ste/ de'i 'od 'dra ba ni de'i 'od zer dang 'dra ba dbang gi las gtso bo yin pa'i phyir ro/ /ral pa'i cod pan gyis brgyan pa ni 'dod chags rab tu zhi ba'i thabs yin pa'i phyir ro//phyag mtshan bstan par bya ste/ so sor rtog pa'i ye shes kyi rang bzhin gyis 'dod chags la sogs pa'i nyon mongs pa'i dri mas ma gos pa'i pad+ma gang la yod pa de la de skad ces bya'o/ /de bzhin du rab 'bar ni snga ma bzhin du'o//'dod chags rnam par dag pas na 'dod chags rdo rje can no/ don yod grub pa'i bsgom pa bshad par bya ste/ gdon mi za ba rdo rje can ni don yod grub pa ste/ sngar mar ka ta'i 'od 'phro ba bshad zin to / /'od zer sna lnga'i 'od ni rlung gi khams dang bya ba nan tan grub pa'i ye shes kyi rang bzhin yin pa'i phyir ro//ral gri ni nyon mongs pa gcod pa de phyag na bsnams pa bsgom par bya'o/ /de ni dkyil 'khor rgyal ba mchog go/ /don bsdus pa ni 'di yin te/ re zhig dang po stong pa nyid mngon du byas la sprin med pa'i nam mkha' dang 'dra ba rang dang gzhan bsams te/de nas kha dog dkar po b+h+rUM yongs su gyur pa las byung ba'i 'gro ba ma lus bskyed pa'i rgyur gyur pa nang du byang chub kyi sems kyi rdzas kyis gang ba/ kha dog dkar po gru gsum pa chos 'byung gi phyag rgya rnam par bsgoms la/ de'i 'og tu sa 'og gi bar thams cad khyab pa yi ge raM yongs su gyur pa las byung ba'i sna tshogs rdo rje 'bar ba'i tshogs las skyes pa rdo rjes gzhi bsam ste/rdo rje de bzhin du phyogs bzhi po la rdo rje ra ba ste/ de'i nang du rdo rje ra ba dang / steng du rdo rje bla re dang / ra ba'i phyi rol du me'i dra ba dang /de'i phyi rol du rdo rje mda'i dra ba ste/ de ltar drug de bzhin gshegs pa'i rigs drug gi ngo bo gnas bsrung bar bya ba'i phyir bsgom par bya'o/ /de rnams byin gyis brlab pa'i sngags 'di yin te/ oM me di nI badzri b+hA ba badzra ban+d+ha hU~M/ oM badzra prA ka ra hU~M ba~M hU~M phaT/ oM badzra pany+tsa ra hU~M ba~M hU~M/oM badzra bi dA ni hU~M ba~M hU~M/ oM badzra a na lArka hU~M hU~M hU~M / oM sha ra dzA la trAM saM trAM zhes bya ba'i sngags rnams kyis rdo rje'i sa gzhi la sogs pa byin gyis brlabs te/ de'i rjes la chos 'byung gi phyag rgya'i steng du yi ge b+h+rUM yongs su gyur pa las skyes pa zhal gsum pa phyag drug pa sku mdog dkar po phyag rgya ma dang bcas pa zhi ba'i ngo bo sku la sogs par byin gyis brlabs pa spro ba dang bsdu bar mdzad pa'i bcom ldan 'das rnam par snang mdzad bsgoms te/de'i rjes la sems can gyi khams ma lus pa zhugs pa la sngon du 'gro ba bde ba chen po'i dbang gis me'i reg pas zhu ba mar gyi bum pa bzhin du zhu ba skar ma dang 'dra ba byang chub kyi sems kyi thig le tsam du bsam par bya'o//de yongs su gyur pa las skyes pa gru bzhi dang sgo bzhi pa ka ba brgyad kyis nye bar brgyan pa/ dra ba dang dra ba phyed pa dang / dar dpyangs dang /me tog gi phreng ba dang / dril bu g.yer kha'i dra ba dang / 'dod pa'i yon tan lnga dang / sna tshogs gsang ba'i mchod pa dang bcas pa rin po che'i ngo bo 'od zer chen po'i tshogs kyis nam mkha'i khams ma lus pa gsal bar byed pa gzhal yas khang pa bsgom par bya'o/ / de'i nang du A li dang kA li las byung ba pad+ma 'dab ma brgyad pa'i lte bar yi ge gsum las byung ba'i zla ba'i dkyil 'khor la yi ge gsum bsgom par bya'o/ /dkyil 'khor gyi cho ga'i rim pas mi bskyod pa la nyi ma'i gdan yin no/ /gzhan ma rnams la zla ba'i gdan no//lha mo rnams dang gzugs rdo rje ma la sogs pa'i lha mo brgyad po la zla ba'i gdan/ byang chub sems dpa' rnams la yang de bzhin du zla ba'i gdan no/ /khro bo rnams la yi ge gsum las byung ba'i nyi ma'i dkyil 'khor gyi gdan bcu yin no/ /de'i rjes la dbus kyi zla ba'i dkyil 'khor gyi steng du yi ge gsum po bkod la de las byung ba'i bcom ldan 'das sku mdog dkar po sngar bshad pa'i phyag mtshan dang /zhal la sogs pa mnga' ba bsam par bya'o/ /de nas rim pa de nyid kyis dkyil 'khor pa rnams spros te/shin tu gsal ba'i dkyil 'khor gyi 'khor lo bltas te/ ye shes kyi 'khor lo gzhug par bya'o/ /de'i rjes la snying ga dang lkog ma dang spyi bo rnams la rdo rje dang pad+ma dang 'khor lo'i steng du nag po dang dmar po dang dkar po'i yi ge gsum bkod la/ oM sar+b+ba ta thA ga ta kA ya badzra swa b+hA ba At+ma kou0f85 zhes bya ba dang /dpal ldan sangs rgyas sku 'chang ba/ /zhes bya ba la sogs pa'i tshigs su bcad pa rnams kyis sku gsung thugs byin gyis brlab pa brtan par bya ste/ ye shes sems dpa'i thugs ka'i 'od zer gyis bskul ba nam mkhar bzhugs pa'i de bzhin gshegs pa'i rigs la gsol ba gdab cing /des kyang ye shes kyi chus gang ba'i bum pa rnams kyis bdag nyid dbang bskur te/ de bzhin du yang gzugs rdo rje ma la sogs pa spros te/ de rnams kyis yang mchod pa byas la slar yang 'dus shing gsum mi dmigs pas bstod pa byas la/go ku da ha na dang / mar bi shu mu gcig tu gyur par byas la de bzhin gshegs pa'i gzugs su bsams te/ spro ba la sogs pa'i rim pas bdud rtsir bsams shing yi ge gsum gyis sbyang ba la sogs pa byas te/ rang gi sngags kyis byin gyis brlabs shing /bdag nyid kyi lce la a las byung ba'i pad+ma'i 'dab ma ru hUM las skyes pa'i rdo rje phra mo kha dog dkar po bkod cing / dbang po dang dbang po'i rnam par shes pa dag par byas la kha'i me thab la snying gar gnas pa'i ye shes sems dpa'i me la mchog gi bdud rtsi'i blos nang gi bdag nyid dang rang gi 'khor lo la sbyin sreg bya'o//de nas langs te smon lam yongs su bsngo ba byas la/ 'og nas 'chad par 'gyur ba'i phra mo'i rnal 'byor bsgom par bya ste/ dang po sbyor ba dang dkyil 'khor rgyal ba mchog dang / las kyi rgyal ba mchog gi ting nge 'dzin rnams so/ /de nyid kyi phyir ting nge 'dzin gsum la/ stong pa nyid kyi sngags las dang po gang zhig yan lag tu gyur pa sngags de nyid bshad par bya ba'i phyir/ de nas zhes bya ba la sogs pa la sku gsung thugs rdo rje ni rdo rje 'chang chen po'o//chos kyi dbyings ni thams cad stong pa nyid de/ de'i ngo bo nyid kyi ting nge 'dzin la snyoms par zhugs te/ tha mal pa'i lus ngag yid byin gyis rlob pa ni sngags gang gis mi snang bar byed pa de la de skad ces bya'o/ /oM d+harmA d+hA tu swa b+hA ba At+ma kou0f85haM zhes bya ba la/ a ni b com ldan 'das te cha phyed dang bzhi'o//dper na a o ma/ de la/ a ni yig 'bru kun gyi mchog /don chen yi ge dam pa yin/ /zhes 'byung ba'i phyir ro/ /a ni ak+Sho b+ha ste mi bskyod pa'o/ /a ni a mi tA b+ha ste 'od dpag tu med pa'o/ /a ni a mo g+ha ste don yod grub pa'o//o ni rgyas pa'i phyir rin chen 'byung ldan no/ /ma ni rnam par snang mdzad do/ /de bzhin gshegs pa lnga nye bar bsdu ba'i rang bzhin shes pa dang / shes bya'i stong pa nyid kyi mtshan nyid can zla phyed dang sgra dag go/ /de la zla phyed ni shes pa'i stong pa nyid do/ /sgra ni shes bya'i stong pa nyid de/de dag dang bral ba ni sgra mtha' ste/ thams cad stong pa nyid kyi ngo bo rdo rje 'chang chen po'o/ /cha shas cha ni med pa dang / /cha dang phyed dang bzhi bcas pa/ /oM yig gang gis mi shes pa/ /bram ze de ni bram ze min/ /sgyu 'phrul dra ba las kyang / tshangs ris bram ze tshangs pa dang / /tshangs pa'i mya ngan 'das pa thob/ /ces 'byung ngo / /'dir ni oM gyi ngo bo ni tshangs pa ste/ de nyid gang gis shes pa de ni tshangs ris so / /de bzhin du de nyid ni bram ze tshangs pa'o/ /tshangs pa ni yi ge oM gyis mya ngan las 'das pa ni/ sgra mtha' cha dang bcas pa ma yin pa gang gis shes pa de'ang des kyang mya ngan las 'das pa thob par 'gyur ro//de nyid las kyang / yi ge lnga pa stong pa che/ /thig le stong pa yi ge brgya/ /de'i don 'di yin te/ dper na a o ma zhes bya ba lnga ni mi g.yo ba ste/ mi 'gyur zhing mi g.yo bas na yi ge ste/de bzhin gshegs pa lnga'o zhes ston to/ /stong pa chen po zhes pa ni sgra mtha' ste/ de nyid thig le stong pa ni rjes su 'jug pa'i dbyangs med pa ste/ ji srid du thig le bsgom pa de srid du sgra yod pa ste/ thig le zad na sgra yang med par 'gyur ro//shes rab kyi pha rol phyin ma las kyang / spros pa med cing snang ba med/ /rnam rtog med cing gnas med pa/ /rang bzhin med pa mchog tu phra/ /sgra dang thig le rnams spangs pa'o/ /zhes gsungs so/ /bsdu ba'i rim pa bshad nas/ spro ba'i rim pa bshad par bya ste/bcom ldan 'das de nyid yi ge oM ni yi ge brgya pa ste/ dper na a nas brtsams te k+Sha'i bar du yi ge phyi mo ni yi ge lnga bcu yin te/ de nyid mtshan mo dang nyin mo'i dbye bas rang bzhin nyid du lte ba'i phyogs nas 'byung zhing brgyar 'gyur ro/ /yang shes rab dang thabs kyi ngo bos so//de ni gang las 'byung zhe na/ smras pa/ oM kho na las so/ /'o na/ a ni yi ge kun gyi mchog /ces bya ba'i tshig gis a de nyid 'byung ba'i rgyu yin mod kyi/ yi ge oM gyis ni ci bya'o zhe na/ yang smras pa/ sngags thams cad kyi dang po bcom ldan 'das kyis mdo sde la sogs pa dang /rgyud kyi rgyal po rnams las gsungs pa ste/ de nyid bskyed pa'i rgyu yin no/ /yang na a la yongs su zhugs pas so/ /gal te yon tan byas nas a mi dmigs pa ste/ de ltar yin na yang rna ba'i dbang pos oM brjod pa'i dus su yi ge a dang po thos par 'gyur ro//de'i 'og tu yi ge o la sogs pa'o/ /myur du brjod pas dbye ba ni mi shes / mgal me'i 'khor lo dang / ut+pal gyi 'dab ma brgya phug pa bzhin no/ /de bzhin du phyi rol gyi bstan bcos rnams la yang rig byed rnams la dang po oM brjod pa yin te/bram ze rnams kyis zer ba ni/ /thog ma dang ni tha ma ru/ /rtag tu rig byed oM brjod bya/ /sngon du oM med 'jig pa dang / /zhabs su yang ni 'jig par 'gyur/ /kha zhabs zad pa'i rgyal pa ru/ /'bru rnams blugs na 'bo ba bzhin/ /de nyid yi ge brgya pa yin/ / zhes dgongs pa'o/ /de bzhin du de nyid las/ rnam pa kun dang rnam pa med/ /bcu drug thig le phyed phyed 'chang / /cha med pa dang cha las 'das/ /bsam gtan bzhi po'i mthar 'dzin pa/ /de la rnam pa kun ni yi ge thams cad kyi bskyed pa'i rgyu yin pa'i phyir ro/ /rnam pa med pa ni sgra mtha' tsam la ngal so pas so//bcu drug ni dbu ma'i stong pa nyid bcu drug gi rang bzhin dbyangs bcu drug dang / nyan thos pa rnams kyi btsog pa dang / rtsol ba rjes su dran pa bcu drug gam/ /skad cig ma bcu drug gi rang bzhin dang / sngags kyi bstan pa la zla ba'i cha bcu drug gi rang bzhin te/a la sogs pa'o/ /de rnams kyi phyed ni a ka tsa Ta ta pa ya sha ste brgyad do/ /nyan thos pa rnams kyi rnam par shes pa brgyad kyi rang bzhin dang / dbu ma pa rnams kyi bsam gtan rnam par thar pa brgyad kyi rang bzhin dang / sngags kyi theg pa chen po rjes su 'brang ba rnams la rdo rje'i bzlas pa'i dus su thun brgyad kyi rang bzhin no//de rnams kyi yang phyed ni bzhi ste/ a o ma/ nyan thos rnams kyi 'phags pa'i bden pa bzhi'i rang bzhin dang / dbu ma pa rnams kyi rnam par thar pa'i sgo bzhi'i rang bzhin dang / sngags kyi theg pa la dga' ba bzhi'i rang bzhin no//bcu drug phyed phyed yi ge bzhi po rnams kyi thams cad bsdu ba'i rang bzhin thig le ni sgra mtha' gang yin pa de 'dzin pas na bcu drug phyed phyed thig le can te yi ge oM nyid do/ /gang gi tshe de lta bu yin na de'i tshe cha med pa ste/ cha ni cha dang gug skyed ces bya ba'i bar du'o//de dag kyang phyed dang bzhi ste de dang bral bas na bsdu ba'i dus su cha med pa'o/ /cha rnams ni yi ge bdag nyid yin pas sgra yin la sgra yang rnam par rtog pa'i rgyu yin pa'i phyir de med pas na cha las 'das pa ste/ rtog pa las 'das pa'o/ /de bzhin du bsam gtan bzhi ni nam mkha' mtha' yas kyi skye mched dang /ci yang med pa'i skye mched dang / yod min med min gyi skye mched do/ /de rnams kyi mtha' ni srid pa'i rtse mo'o/ /nyan thos rnams ni mthong ba dang bsgom pa'i lam dag gis nyon mongs pa dgu bcu rtsa brgyad spong ba dang / de bzhin du 'dod pa'i khams dang / bsam gtan bzhi dang / gzugs med pa bzhi ste/ sa dgu pa'i 'khor ba'i dbye bas 'dod chags la sogs pa'i nyon mongs pa brgyad cu rtsa gcig spong zhing chos kyi ye shes dang / rjes su rtog pa'i ye shes dang bzod pa'i ye shes kyis dgra bcom pa nyid thob cing khams gsum pa'i chags pa dang bral bar 'gyur ro//de bzhin du dbu ma pa rnams kyi bsam gtan bzhi ni stong pa nyid dang / mtshan ma med pa dang / smon pa med pa dang / mngon par 'dus ma byas pa ste rnam par thar pa'i sgo bzhi'o/ / de rnams kyi rtse mo ni rang bzhin dang bral ba dang / mtshan ma med pa dang / smon pa med pa'i dbang gis bag chags dang bral ba ste / chos kyi dbyings kyi de kho na nyid mngon du byed do/ /chos kyi dbyings gang yin pa de ni mthong ba'i sngags kyi theg pa chen po'i bsam gtan bzhi ni dga' ba bzhi ste/de rnams kyi mtha' ni dpe'i bde ba'i phyir dus su dpe las 'byung ba'i bde ba ste/ de 'dzin pas na bsam gtan bzhi po'i mtha' 'dzin pa'o/ /yi ge oM gyi sgra mtha'i dus ni bsam gtan bzhi po'i mtha'i mtshan nyid chos kyi dbyings dang / chos nyid kyi ngo bo yi ge oM gyi gtan tshigs bstan to//de nyid d+harma d+hA tu ste thams cad stong pa nyid do/ /swa b+h+wa ba At+ma kou0f85haM de'i rang bzhin nga yin no zhes nga rgyal skyed par byed/ dang por sbyor ba'o/ /de nas zhes bya ba la sogs pa la/ sku gsung thugs kyi rdo rje ni sku gsung thugs gong bu gcig gi gzugs can byang c hub kyi sems kyi rnam pa ste rdo rje 'chang chen po'o//de bzhin gshegs pa thams cad ni rtsa bdun khri nyis stong ste de rnams las kun du ni yan lag thams cad las/ snang ba ni byang chub sems te de nyid 'phro ba ni rgyu ba ste/ de ni sprin bzhin du bkod pa ni yang dag par bkod pa/ rdo rje ni rdo rje'i rtse mor ting nge 'dzin gang la yod pa de la snyoms par zhugs te/rdo rje bkod pa zhes bya ba la rdo rje ni rdo rje'i rtse mor bkod pa ni byang chub sems kyi thig le gnas pa le'u gang la yod pa de ni de bzhin no/ /ting nge 'dzin ni sems rtse gcig pa ste de dag gtso bor gyur pa'i le'u gsungs zhes 'brel pa'o//oM shU n+ya tA zhes bya ba la sogs pa la/ oM ni dga' ba'o/ /shU n+ya tA ni mchog tu dga' ba'o/ /dz+nyA na ni dga' bral lo/ /badzra ni lhan cig skyes pa'i dga' ba'o/ /de rnams kyi swa b+hA ba At+ma kou0f85haM ni de'i rang bzhin bdag yin no zhes ston to/ /de ltar dga' b a'i ngo bo sku rdzogs par byas la ci bya'o zhe na/nam mkha'i dbyings zhes bya ba la sogs pa la/ nam mkha'i dbyings ni lus te de nyid kyi dbus na gnas pa ni yan lag dang nying lag gi dbus su gnas pa sangs rgyas ni rtsa bdun khri nyis stong ste/ de rnams kyi dkyil 'khor ni 'khor lo bsgom pa ni bsam par bya'o//ji lta bu zhe na/ 'od zer sprin zhes pa ni kun rdzob byang chub sems kyis khyab pa dang / sangs rgyas 'bar ba ni rnam par snang mdzad kyi 'od de/ de dang 'od mnyam pa ni kha dog dkar po'o/ /de bzhin du 'od zer sna lnga ni pags pa dang / sha dang khrag dang rtsa rgyus dang /rus pa dang / de rnams kun du khyab pa ni bskyed par byas pa ste gang gi phyir lus po'i cha ni drug ste ma dang pha'i dbye bas so/ /lnga po skyed par byed pa ni byang chub kyi sems kho na'o/ /de bzhin du kun nas shes pa ni spyi bo nas rkang pa'i bar du yongs su zlum por te zhes pa ni zlum po ni rnam par gnas pa'o//'dod pa'i yon tan lnga ni yul lnga ste/ de rnams la longs spyod pa dbang po rnams ni mchod pa lnga dang phung po rnams so/ /de rnams kyis brgyan pa ni de rnams kyi yang rgyu yin na zhes ston to/ /de lta bu'i byang chub sems dang ldan pa'i rtsa'i 'khor lo mdor na zhes pa ni khams gsum pa ni nye bar bsdus nas bsgoms te/gzugs ni don dam pa'i byang chub kyi sems so/ /dbus su bsgom par bya ba ni rtsa'i 'khor lo'i nang du bsgom par bya'o/ /rnam par snang mdzad phyag rgya che/ /zhes pa ni rdo rje dang pad+ma'i nang du gnas pa rtsa 'dod pa'i gdugs so//sku gsung thugs ro gcig par gyur pa'i phyir sku gsung thugs kyi mtshan ma'o/ /sku ni shu kra'o/ /gsung ni khrag go/ /thugs ni dri chab ste/ de rnams kyi rang bzhin rtsa g.yon pa dang / g.yas pa dang / dbu ma rnams kyi phyag rgya ni bsdu ba'i phyag rgya bsgom par bya'o//de nyid kyi phyir 'dod pa'i gdugs de ni chu rgyu ba'i phyir mi bskyod pa'i phyag rgya chen po'i ngo bo'o/ /g.yon dang g.yas dag bsdu ba ni ngo bo gcig pas so/ /de nyid gnyis su med pa'i sbyor ba ni tha mi dad pa'i ting nge 'dzin gyis bsgom par bya'o//dkon mchog dpal zhes pa ni khrag go/ /de nyid kyi phyag rgya chen po ni rtsa g.yas pa ste rus sbal ma'o/ /de bzhin du tshe dpag tu med pa ni shu kra'o/ /de nyid kyi 'od byed pa ni rtsa g.yon pa ste zla ba ma'o/ /de dag g.yon dang g.yas su bsgom par bya'o/ /thogs med ni sha'o//'grub pa ni bshang ba ste/ de dag gi rgya chen ni shar dang nub phyogs na gnas pa'i rtsa gnyis te/ lha sbyin ma dang nor rgyas ma'o/ /de dag sangs rgyas dkyil 'khor ni nam mkha' lnga'i rang bzhin pad+ma'i nam mkhar bsgom par bya'o/ /in+d+ra nI la'i kha dog 'dra ba ni chu rgyu ba rtsa dbus ma'o//sku gsung thugs nye bar bsdu bas na 'di nyid sku gsung thugs kyi rdo rje can no/ /rdo rje ni chos kyi dbyings kyi ye shes te/ de'i rnam pa yin pa'i phyir phyag na rdo rje bsnams pa'o/ /'od zer chen po'i tshogs spro ba'i phyir rab 'bar ro/ /rnam par gtsigs pas 'jigs pa ni shu kra dang khrag dag /'jigs lta ni za bar byed pa'o/ /shel dang zla ba'i 'od 'dra ba/ /zhes pa ni kha dog dkar po rtsa g.yon pa'o/ /byang chub kyi sems rgyu ba'i phyir/ thor tshugs cod pan ni byang chub kyi sems rgyu ba'i rtsa'i 'khor los brgyan pa bsgom par bya'o/ /'khor lo ni byang chub kyi sems kyi dkyil 'khor te/de nyid phyag ste khong stong na gang la yod pa de ni de bzhin no/ /de bzhin du sna tshogs rgyan ni spro ba'i thig le rnams kyis brgyan pa'o/ /'dzam bu'i chu gser ni bshang ba'o/ /de dang 'dra ba ni des gang ba shar phyogs kyi rtsa lha sbyin ma'o/ / sangs rgyas sprin ni rnam par snang mdzad kyi rdzas rnams kyis kun du 'khrigs pa ni khyab pa'o/ /rtse mo dgu ni sgo dgu ste/ de rnams kyi rdo rje ni bshang sgo/ phyag na khong stong la de nyid la gnas pa bsgom par bya ste/ b+ha ga'i dbus na gnas pa'i bshang ba'i rtsas bshang sgo khyab par byed pa zhes ston to//ma ra ka ta'i 'od ni don yod grub pa ste/ de dang 'dra ba ni de'i rang bzhin sha'o/ /de rgyu gang zhig rdo rje 'bar ba ni nub kyi rtsa ste/ de nyid phyag ni nang gi khong stong la/ rin chen ni sha'o/ /'bar ba'i sprin ni lus kyi sha'i dum bu rnams kyis kun du khyab par bsgom pa'o //de bzhin du pad+ma rA ga'i mdog ni snang ba mtha' yas so/ /de dang 'dra ba ni khrag go/ /de'i rnam pa ni rtsa g.yas pa'o/ /snga ma bzhin du thor tshugs cod [(]can [,]pan [)]gyis brgyan pa'o/ /de bzhin du pad+ma dang 'dra ba khrag phyag na khong stong gi nang na gang la yod pa de ni phyag na pad+mo'o//rab 'bar ni kha dog dmar po'i 'od zer spro ba'o/ /'dod chags rdo rje can zhes pa ni de nyid shes rab kyi ngo bo bsam par bya'o/ /nye bar bsdu ba bshad par bya ste/ 'od zer sna lnga'i 'od 'dra'i sku/ /zhes pa ni rtsa lnga'o/ /gdon mi za ba rdo rje can gyi sku ni rdo rje 'chang chen po'i ngo bo kun rdzob byang chub kyi sems so//de nyid kyis gang ba de rnams bsgom par bya'o/ /zhi ba phyag na ral gri bsnams/ /zhes bya ba la/ ral gri ni rno ba'i ngo bo don dam pa'i byang chub kyi sems 'dzin pa'o/ /rnam par rtog pa ma lus pa nye bar bsdu ba'i phyir zhi ba'o/ / sangs rgyas dkyil 'khor ni rtsa'i 'khor lo'i dbus su de nyid rang gi ngo bo dang / rang bde ba bsgom par bya'o/ /de nas zhes bya ba la sogs pa la snga ma bzhin no/ /chos kyi dbyings ni bde ba chen po de'i ngo bo ting nge 'dzin la snyoms par zhugs te/ sku gsung thugs ni kun rdzob byang chub kyi sems byin gyis rlob pa ni bde ba chen po dbang du byed pa'i sngags brjod par bya ste/oM zhes bya ba la sogs pa la/ oM ni rdo rje 'chang chen po'o/ /d+harmA d+hA tu ni de nyid bde ba chen po swa b+hA ba At+ma kou0f85haM zhes pa ni de'i bdag nyid bdag yin no zhes de'i dus su nga rgyal g zung bar bya ste 'bras bu'o//da ni phra mo'i rnal 'byor bsgom par bya ba'i phyir/ rin chen chen po kha dog lnga/ /zhes bya ba la sogs pa gsungs te/ re zhig 'dir ni sngags kyi rim pas bsgom pa bstan par bya ste/ 'dir ni sna rnam pa lnga yin te/ gdong gi sna dang / lkog ma'i sna dang /snying ga'i sna dang / lte ba'i sna dang / gsang ba'i sna'o/ /de la rnam par snang mdzad kyi rnal 'byor pas gdong gi sna ru bsgom par bya'o/ /snang ba mtha' yas kyi rnal 'byor pas lkog ma'i sna la'o/ /mi bskyod pa'i rnal 'byor pas snying ga'i sna la'o//rin chen 'byung ldan gyi rnal 'byor pas lte ba'i sna la'o/ /don yod grub pa'i rnal 'byor pas gsang ba'i sna la bsgom par bya ste/ dbang gi dbye bas bstan to/ /kha dog lnga ni yi ge lnga ste/ oM AHhU~M trAM khaM zhes so/ /de rnams rim pa ji lta ba bzhin du zhi ba dang /dbang dang mngon spyod dang / rgyas pa dang dgug par byed pa'i phyir rin chen chen po'o/ /yungs kar gyi 'bras bu bzhin du rags pa'i tshad dang ldan pa'o/ /sna'i rtse mo zhes pa ni/ sngar bshad pa'i sna'i rtse mo rnams su'o/ /nan tan du zhes pa ni sems rtse gcig pas so/ / rnal 'byor pa yis rtag tu bsgom/ /zhes pa ni/ sngags kyi de kho na nyid shes pas so/ /rin chen brtan par zhes pa ni bdag nyid dang khams gsum pa'i thig le tsam du shes nas/ spro ba ni sngags thams cad skyed par byed pa'i yi ge'i phyi mo de las spro bar bya'o/ /brtan par ma gyur pa ni sngar bshad pa'i ting nge 'dzin mngon du ma gyur na spro bar mi bya ste/bsgom pa de nyid de srid du bsgom par bya ste/ ji srid du brtan pa nyid du 'gyur ro/ /spro ba bshad par bya ste/ mchog rab ces bya ba la sogs pa mchog rab sprin rnams ni mchog tu gyur pa'i yi ge phyi mo'i sde tshan rnams gyis so//sangs rgyas ni rnam par snang mdzad la sogs pa ste/ de dang 'dra ba ni de dang mtshungs pa'i 'od rnams kyis so/ /de bzhin du/ 'khor lo rdo rje'i sprin chen dang / /zhes bya ba la/ 'khor lo la sogs pas nye bar mtshon pa de bzhin gshegs pa'i ngo bo 'od zer ram/de'i phyag mtshan 'chang ba rnams kyis so/ /mos pa'i dbang gis byang chub sems dpa'i sprin chen gyi ngo bo dang nye bar mtshon pa tsam gyis lha mo dang / khro bo rnams kyis kyang las kyi dbang gis spro ba'i bdag nyid can gyi rnal 'byor pas spro bar bya ste/ bskyed pa'i rim pa'o//'dir ni man ngag 'di yin te/ re zhig 'dir ni A li dang kA lI'i ngo bo yi ge phyi mo ni/ sngags thams cad la bskyed pa'i rgyu yin te/ de yang dbyangs dang gsal bar bya ba'i bdag nyid kyis/ shes rab dang thabs kyi rang bzhin rnam pa gnyis yin no/ /de dag kyang de bzhin gshegs pa'i ngo bo nyid yin te/dper na a dang A ni rnam par snang mdzad dang / lha mo spyan no/ /i dang I ni rin chen 'byung ldan dang mA ma kI'o/ /u dang U ni snang ba mtha' yas dang gos dkar mo'o/ /r-i dang r-I ni mi bskyod pa dang / /mA ma kI chen mo'o/ / l-i dang l-I ni don yod grub pa dang / lha mo sgrol ma'o/ /e ai/ o au zhes bya ba gshin rje mthar byed dang / shes rab mthar byed dang / pad+ma mthar byed dang / bgegs mthar byed rnams so/ /de bzhin du ka kha ga g+ha nga zhes pa ni ka ni spyan no/ /kha ni mA ma kI'o/ /ga ni gos dkar mo'o//g+ha ni lha mo sgrol ma'o/ /nga ni rnam par snang mdzad de/ rnam par snang mdzad kyi dkyil 'khor ro/ /de bzhin du tsa tsha dza dz+ha nya zhes bya ba / tsa la sogs pa ni lha mo spyan la sogs pa'o/ /nya ni rin chen 'byung ldan te/ rin chen 'byung ldan gyi dkyil 'khor ro//Ta Tha Da D+ha Na zhes bya ba la/ Ta la sogs pa ni lha mo spyan la sogs pa'o/ /Na ni snang ba mtha' yas te/ snang ba mtha' yas kyi dkyil 'khor ro/ /de bzhin du ta tha da d+ha na zhes bya ba la/ ta la sogs pa ni lha mo spyan la sogs pa'o/ /na ni mi bskyod pa ste/mi bskyod pa'i dkyil 'khor ro/ /de bzhin du pa pha b+ha ba ma zhes bya ba la/ pa la sogs pa ni lha mo spyan la sogs pa'o/ /ma ni don yod grub pa ste/ don yod grub pa'i dkyil 'khor ro/ /ya ra la wa sha Sha sa ha aM aHzhes bya ba ni khro bo'i rgyal po bcu yin te/de ltar na yi ge phyi mo ma lus pa ni/ de bzhin gshegs pa'i ngo bo yin no/ /de la rnam par snang mdzad kyi rnal 'byor pas ni/ gdong gi sna la zla ba'i dkyil 'khor gyi steng du dbus kyi cha ru 'o ma'i rgya mtsho bzhin dkar ba/ spro ba'i 'od zer gyi 'khor los khams gsum pa gsal bar byed pa nang du me long gi pra dbab pa bzhin du rnam par snang mdzad kyi dkyil 'khor dang bcas pa/sgra mtha' ni chos kyi sku'i ngo bo sgra dang / thig le dag gis longs spyod rdzogs pa'i sku'i ngo bo/ /lhag ma'i yi ges ni sprul pa'i sku'i bdag nyid 'jug pa'i ngo bos ni sku'i rang bzhin/nad la sogs pa zhi bar byed pa'i phyir/ zhi ba'i las byed pa/ rig byed kyi dang po rnam par dgod cing de nyid kyi phyi rol du g.yon skor bas/ phreng ba gcig la zla ba'i dkyil 'khor gyi steng du/ a la sogs pa'i dbyangs kyi yi ge bcu drug kha dog dkar po dgod par bya'o// dbyangs kyi phreng ba'i phyi rol du yang phreng ba gnyis pa la g.yas skor bas/ yi ge ka la sogs pa ha'i mtha' can kha dog snga ma dang 'dra ba dgod par bya'o/ /de'i rjes la de nyid las 'od zer gyi 'khor lo spros te/ 'gro ba drug gi sems can rnams rnam par snang mdzad kyi sangs rgyas kyi zhing la/sa bcu thob par gnas par byas shing / slar yang bsdus te/ oM a kA ro mu khaM sarba d+harmA NAM Ad+ya nut+pan+na twAta oM AHhUM phaT swA hA zhes bya ba'i sngags brjod cing / snga ma bzhin du gsal bya'i yi ge de bzhin gshegs pa'i rigs dang mthun pas/dbyangs kyi sde la zhugs nas ro gcig par bya'o/ /de'i rjes la khro bo'i yi ge bzhi ni rigs kyi dbye ba la brten te/ a la sogs pa'i yi ge bzhi po la thim par bya'o/ /de nas shes rab kyi ngo bo yi ge ring ba lnga po ni/ yi ge thung ba rnams la thim par bya'o//yi ge thung ba bzhi po ni yi ge a la dang / de yang yi ge oM la dang / yi ge oM gyi cha gsum ni thig le la thim par bya'o/ /thig le tsam yungs kar gyi 'bru'i tshad phung po dang / khams dang skye mched ma lus pa rjes su zhugs pas gsal ba dang /mi gsal ba'i ngo bo dang / tho rangs kyi skar ma dang 'dra ba de bzhin gshegs pa thams cad kyi rdul phra rab yongs su rdzogs pa'i ngo bo zhes te/ 'od gsal ba'i go 'phang la gnas par bya'o/ /'di ni nang gi bdag nyid kyi dus dang / shes rab kyi pha rol du phyin pa'i chos nyid dang chos kyi dbyings yin no//de'i rjes la snga ma'i 'du byed kyi dbang gis snying rje chen pos dbang du byas pa'i rnal 'byor pas rmi lam las sad pa bzhin du thig le brtan par byas te/ rim pa de nyid kyis zla ba'i dkyil 'khor la thig le las spro ba'i 'od zer gyi 'khor los A li dang kA li phreng ba gnyis su spro bar bya'o//de nas yang phyi rol du nam mkha' la sogs par a dang a las zhal gsum pa phyag drug pa 'khor lo la sogs pa'i phyag mtshan 'chang ba sku mdog dkar por spros te/ bsgrub bya rnams kyi grong khyer la sogs pa la zhi ba'i las bya'o/ / e la sogs pa yang de bzhin du spros te/ rgyas pa dang mngon spyod dang dbang dang dgug pa rnams bya'o/ /gsal bya'i sde tshan lnga yang spros te/ snga ma bzhin du phyag dang zhal dang phyag mtshan dang sku mdog tu ldan pa de rnams kyis zhi ba la sogs pa bya ste/ 'gro ba kun ni sangs rgyas kyi zhing la sogs par gzhag par bya'o//de nas kyang khro bo'i yi ge rnams de'i ngo bor spros te 'jig rten skyong ba brgyad dang sa 'og tu klu mo dang / nam mkhar lha'i bu mo dgug par bya'o / /de ltar byas na rang gi sems dbang du gyur pa'o/ /ji skad du rdul phra rab dang shin tu che ba nyid kyi mthar sems dbang du 'gyur ro//yang dag pa so sor rtogs pas rang gi don dang / zhi ba la sogs pa grub pas gzhan gyi rnal 'byor pa las 'byung ba ste/ rnam par snang mdzad kyi rnal 'byor pas phra mo'i rnal 'byor sgom pa'i rim pa'o/ /de ltar yang snang ba mtha' yas la sogs pa'i rnal 'byor pas lkog ma la sogs pa'i sna rnams su zla ba dang nyi ma'i dkyil 'khor rnams la ngag gi dbang phyug ma la sogs pa'i sa bon rnams las yi ge phyi mo spros te 'gro ba'i don byas la slar yang gsal bya dang dbyangs kyi dbye bas bsdus te thig le tsam gyi bsgom pa brten par bya zhing de bzhin du yi ge'i lha rnams kyi dbang po la sogs pa byas te/ci bde ba'i spyod pas spyad par bya ste/ snang ba mtha' yas la sogs pa'i rnal 'byor pa rnams kyi phra mo'i rnal 'byor gyi bsgom pa'i rim pa bstan to/ /sngags kyi rim pa bshad nas phyag rgya'i rim pas phra mo'i rnal 'byor bshad par bya ste/rin chen chen po kha dog lnga/ /zhes bya ba la sogs pa la/ phung po lnga nye bar bsdu ba'i rang bzhin nam/ ye shes lnga'i ngo bo khams drug gtso bor gyur pas chen po yang yin la 'gro bskyed par byed pas rin chen yang yin te rin chen chen po'o//yungs kar ni don dam pa ste phra mo/ /'bru ni kun rdzob ste rags pa'o/ /tshad tsam zhes pa ni gnyi ga'i rang bzhin te/ yungs kar ni 'bru tshod tsam mo/ /sna'i rtse mor zhes pa ni 'dod pa'i gdugs kyi rtse mor ro/ /nan tan du zhes pa ni rtsol ba'i rlung 'gags pas sngags dgod pas bsgom pa ni 'dzin par bya'o//rnal 'byor pa ni yan lag drug pa'i rnal 'byor la mkhas pas so/ /de nas brtan par ni smig rgyu la sogs pa'i mtshan ma lnga bltas nas spro bar bya'o/ /sngar bshad pa'i mtshan ma mthong na bstan par ma gyur pa ni spro bar mi bya'o/ / srog dang rtsol ba'i ting nge 'dzin mngon du ma gyur na spro bar mi bya'o zhes ston to/ /rigs kyi dbye bas ni spro ba bstan par bya ste/ mchog rab sprin rnams spro bar bya/ /zhes pa ni de bzhin gshegs pa'i rigs mchog go/ /ji lta bu zhe na/ sangs rgyas 'bar ni 'od lnga ste/ de dang 'dra ba'i 'od ni de'i kha dog 'dzin pa'o//'khor lo rdo rje sprin chen dang / /zhes pa ni phyag mtshan gyis nye bar mtshon pa'i de bzhin gshegs pa rnams sam/ phyag mtshan rnams so/ /de ltar spro ba'i bdag nyid can ni spro ba'i rim pa shes pas spro bar bya ste/ rnal 'byor de ni phyag rgya'i rim pas phra mo rnal 'byor ro//rlung gi rim pas bshad par bya ste/ rin chen chen po kha dog lnga/ /zhes bya ba la sogs pa la/ srog la sogs pa'i rlung lnga'i rang bzhin te/ de nyid kyi phyir de rnams nye bar bsdu ba'i phyir mchog tu gyur pas na/ rin chen chen po'o/ /yungs kar ni tshim par bya ba'i phyir 'jug pa'o//'bru ni ldang ba'i bdag nyid yin pas ldang ba'o/ /tshod tsam ni gnas pa tsam gyi phyir gnas pa'o/ /de rnams nye bar bsdu ba ni yungs kar gyi 'bru'i tshod tsam ste/ 'jug pa la sogs pa gsum po dang bral ba'o zhes ston to/ /de lta bu'i 'od gsal ba gang du bsgom zhe na/sna'i rtse mo nan tan du/ /zhes pa ni sna ni stong pa dang shin tu stong pa dang / stong pa chen po ste gsum mo/ /de rnams kyi rtse mo ni thams cad stong pa nyid de de ru bsgom par bya'o/ /nan tan du zhes pa ni rlung gi rtsol ba 'gags pas so/ /rnal 'byor pa zhes pa ni rdo rje'i bzlas pa la mkhas pas so//brtan pa ni 'od gsal ba brtan par shes nas spro bar bya ste/ de nas 'od zer rnams spro bar bya'o/ /brtan par ma gyur ces bya ba la sogs pa ni snga ma bzhin no/ /mchog rab sprin rnams spro bar bya/ /zhes pa ni dkyil 'khor bzhi'o/ /sangs rgyas ni mi bskyod pa la sogs pa ste/de rnams kyi 'bar ba ni sku mdog ste/ de dang 'dra ba'i 'od dang ldan pa'o/ /'khor lo la sogs pa'i phyag mtshan rnams kyis nye bar mtshon pa'i de bzhin gshegs pas byin gyis brlab pa'o/ /byang chub sems dpa' zhes bya ba la sogs pa la/ byang chub ni gdong pa'o//de nyid kyi sems dpa' ni sna khung gnyis so/ /de dag gi sprin chen po ni g.yon dang g.yas dang gnyis ka dang / dal bus rgyu ba'i dmar po la sogs pa'i 'od zer rnams kyis sna'i rtse mor thun phyed phyed kyi dus su gnas par bya'o/ /spro ba'i bdag nyid can zhes pa ni spro ba'i 'od zer gyi lha'i nga rgyal dang ldan pas te rdo rje bzlas pa'i rim pa'o// ye shes kyi rim pas bshad par bya ste/ rin chen chen po kha dog lnga/ /zhes bya ba la sogs pa la/ kha dog lnga ni dbang po lnga'i sgo las byung ba'i yid kyi rnam par shes pa'o/ /bdag tu lta ba la sogs pa chen po rnams kyi gnas yin pa'i phyir/rin chen chen po ni nyon mongs pa thams cad kyi yid kyi rnam par shes pa'o/ /shin tu mtshon par dka' ba'i phyir bag chags phra mos rjes su 'brang bar yungs kar gyi 'bru'i tshod tsam ni kun gzhi rnam par shes pa'o/ /rnam par shes pa de dag gsum sna'i rtse mo zhes pa ni chos kyi dbyings kyi 'khor lo'i gnas su thig le dang yi ge med pa'i 'od gsal ba'i go 'phang la bsgom pa ni thim par bya'o//nan tan du zhes pa ni rang bzhin brgya drug cu'i bsdus nas so/ /rnal 'byor pa zhes pa ni sngags dang phyag rgya'i rnal 'byor la mkhas pas so//rin chen brtan par gyur nas spro/ /zhes bya ba la sogs pa la/ sems rnam par dag pa brtan par shes te/ phyi nas cig car du bdag la byin gyis brlab pa'i rim pas rdo rje 'chang chen po'i sku spro bar bya'o/ /mchog rab sprin rnam spro bar bya//zhes bya ba la sogs pas spro ba brtan par bya ste/ mchog rab ni mig 'phrul can gyi sgyu ma'o/ /sprin rnams ni brag ca'o/ /sangs rgyas 'bar ni smig rgyu'o/ /'khor lo ni me long gi gzugs brnyan no/ /rdo rje ni dbang po'i gzhu'o/ /sprin chen ni sprin gyi char pa las byung ba'i chu bur ro//pad+ma ni pad+ma'i 'dab mar gnas pa'i chu'o/ /ral gri ni des nye bar mtshon pa'i pra dbab pa'o/ /mtshon cha ni dri za'i grong khyer ro/ /byang chub sems dpa' sprin chen rnams/ /zhes pa ni rmi lam mthong ba bzhin du dpe sna tshogs pa'i dpe 'di rnams kyis nye bar mtshon par sgyu ma'i sku 'od gsal ba las spro bar bya'o//spro ba'i bdag nyid can gyis zhes pa ni spro ba'i rnam par rtog pa dang bral ba'o zhes ston to/ /de ni sems rnam par dag pa dang bdag la byin gyis brlab pa'i rim pa'o/ / dga' ba la sogs pa'i rim pa bshad par bya ste/rin chen chen po kha dog lnga/ /zhes bya ba la sogs pa la/ lnga ni de bzhin gshegs pa'i rang bzhin no/ /kha dog ni drug pa ste rdo rje 'chang chen po'o/ /rin chen chen po khams gsum pa'i sems can gyi don byed pa nus pa dang ldan pa ste bzhi pa'o/ /yungs kar bzhin du snum pa'i phyir yungs kar ni pad+ma'o//'bru ni rdo rje'o/ /de dag yang dag par sbyor ba ni tshod tsam mo/ /sna ni dga' ba dang mtshan ma'o / /nan tan ni dga' bral dang dus mtshams so/ /bsgom pa ni de dag gsum po nye bar bsdus na bzhi pa nyams su myong bar bya'o/ /de ltar 'bras bur gyur pa'i phyir rin chen te/de nyid brtan par byas la spro ba ni blta bar bya'o/ /brtan par ma gyur yong mi spro/ /zhes pa ni mi brtan par bsgom par mi bya'o/ /mchog rab ces pa ni ril por 'dzin pa'i ting nge 'dzin dang / sprin rnams ni rjes su gzhig pa'i ting nge 'dzin gyis spro bar bya ba ni de'i bsgom pas brtan par bya'o//ji lta bu zhe na/ sangs rgyas 'bar ba ni me 'bar ba ste/ de dang 'dra ba'i 'od ni 'od gsal ba'i snang ba'i ting nge 'dzin rnams kyis bsgom par bya'o/ /'khor lo ni 'dod chags so/ /rdo rje ni 'dod chags dang bral bas so//sprin chen ni 'dod chags bar ma'o / /pad+ma ni b+ha ga'o/ /ral gri ni rdo rje'o/ /de dag kho na mtshon cha'o/ /de rnams kyis spro ba ni mtshon par byed pa / 'dod chags dang 'dod chags dang bral ba dang / 'dod chags bar ma'i rim pas rdo rje dang pad+ma dag gis bzhi pa bsgom par bya'o zhes ston to//gal te dbang bskur gyi phyag rgya ma'i drin gyis mngon par byang chub kyi rim pa nyams su myong ba de'i phyi dus su phyag rgya ma rnyed na de'i tshe byang chub sems dpa' ni ye shes kyi phyag rgya ste/ de dang lhan cig tu sprin chen rnams yang dag par sbyor ba'i bya bas spro ba ni de kho na nyid nye bar mtshon par bya'o//gang gi zhe na spro ba'i bdag nyid can zhes pa ni spro ba ni rdo rje lta bu'i ting nge 'dzin te/ der gnas pa'i bdag nyid ni yid gang la yod pa de lta bu rnal 'byor pas te/ mngon par byang chub kyi rim pa'o/ / mi gnas pa'i mya ngan las 'das pa'i rim pas bshad par bya ste/ rin chen chen po kha dog lnga/ /zhes bya ba la sogs pa la/ kha dog lnga ni longs spyod rdzogs pa'i sku las dkar po la sogs pa'i 'od zer lnga spro bar mdzad pa'o/ /rin chen chen po zhes bya ba la/ rin po che ni dkyil 'khor pa rnams kyi dbus su rin po che bzhin du rab tu snang ba'o/ /yungs kar gyi 'bru tshod tsam zhes pa ni don dam pa'i bden pa la yang zhugs pa'o// de lta bu'i mi gnas pa'i mya ngan las 'das pa'i ngo bo ting nge 'dzin la snyoms par zhugs te/ brtan par shes nas spro ba ni 'gro ba'i don bya'o/ /'gro ba'i don de yang brtan par ma gyur pa ni mi rtag par mi bya'o//ting nge 'dzin de nyid kyi 'bras bu bstan par bya ste/ sangs rgyas 'bar ba 'dra ba 'od/ /ces bya ba la sogs pa la/ mchog rab ni bram ze rnams so/ /sprin rnams ni gdol pa can no/ /sangs rgyas ni rdzas gtsang ba'o/ /'bar ba ni me 'bar ba bzhin du reg par dka' ba rdzas mi gtsang ba'o//de rnams 'dra ba'i 'od/ /ces pa ni mnyam pa nyid du spro bar bya ba ni shes par bya'o/ /'khor lo ni bskor nas gnas pa'i rags pa'i tshogs so/ /rdo rje ni gsod pa po ste dgra'i tshogs so/ /chen po ni phyug po rnams so//sprin ni dbul po rnams te de dag kyang mnyam pa nyid du shes par bya'o/ /pad+ma ni blo dman pa'o/ /ral gri ni 'dzin pa'i ral gri bzhin du rno ba ste/ de dag kyang snga ma bzhin du shes par bya'o/ /de bzhin du mtshon cha ni mtshon cha bzhin du gsod par byed pa ste dug la sogs pa'o//byang chub sems dpa' ni byang chub sems dpa' bzhin du bde ba ster ba ste/ mu tig gi phreng ba dang tsan+dan dang btsun mo la sogs pa'o/ /sprin ni ngal ba sel bar byed pa ste rang gi btsun mo la sogs pa'o/ /de rnams kyang spro ba ni mnyam pa nyid du shes par bya'o/ / spro ba'i bdag nyid can zhes pa ni mi phyed pa'i ye shes la gnas pa'i sngags pas so zhes bstan to/ /de ni zung 'jug gi rim pa'o/ /da ni sngar bshad pa de bzhin gshegs pa lnga po'i bskyed pa'i rim pa bstan par bya ba'i phyir/ nam mkha'i dbyings kyi dbus gnas par/ / zhes bya ba la sogs pa gsungs te/ nam mkha'i dbyings ni snga ma bzhin du chos 'byung gi phyag rgya'o/ /de'i dbus su gnas pa'i yi ge gsum las 'byung ba'i/ zla ba'i dkyil 'khor bri bar bya/ /zhes pa ni bsam par bya'o/ /gsal ba'i dkyil 'khor ni zla ba'i dkyil 'khor de nyid de de'i dbus su sngar bshad pa'i rim pas 'khor lo'i dkyil 'khor ni rnam par snang mdzad kyi dkyil 'khor bsam par bya ste/gzhal yas khang pa'i nang du'o zhes tshig gi lhag ma'o/ /de bzhin du pad+ma'i dkyil 'khor ni mtsho skyes kyi tshogs te/ de dang 'dra ba ni snang ba mtha' yas kyi dkyil 'khor dmar po'o//rdo rje bsgom pa ni bskyed pa'i rim pa'i bsgom pas bsgom par bya'o/ /de bzhin du rin chen dkyil 'khor ni rin chen gyi tshogs [(]ste[,]te[)]/ de dang 'dra ba ni rin chen 'byung ldan gyi dkyil 'khor ser po ste/ rin chen brtson pa ni rin chen 'byung ldan gyi rnal 'byor pas bsam par bya'o//de bzhin du sbyor ba ni las thams cad de de rnams kyi dkyil 'khor ni sna tshogs rdo rje'o / /de las byung ba ni bskyed pa ste/ don yod grub pa'i dkyil 'khor ro/ /ji lta bu zhe na/ nam mkha' dang 'dra bar bri bar bya zhes pa ni nam mkha' bzhin du ljang gu yin no zhes ston to//rab kyi mchog ces pa ni phul du byung ba'o/ /sangs rgyas ni sangs rgyas la sogs pa'i dkyil 'khor rnams bstan pa'o/ /sku gsung thugs ni gsum ste/ de rnams bsgom pas ni sdud par byed pa ste mi bskyod pa'i dkyil 'khor shugs kyis sngon po bsgom par bya'o zhes tshig gi lhag ma'o//nye bar bsdu ba bshad par bya ste/ dkyil 'khor de dag ji lta bu zhe na/ rdo rje las byung ba zhes pa la/ de las byung ba ni skyes pa'o/ /yang na rdo rje la sogs pa ni de bzhin gshegs pa rnams kyi phyag mtshan te de las byung ba bsgom par bya'o//phan yon bstan par bya ste/ thams cad mkhyen pa ni me long lta bu la sogs pa'i ye shes can de lnga'o/ /de rnams kyi tshul ni ngo bo dkyil 'khor gang gis rnyed pa de ni thams cad mkhyen pa'i tshul thob pa ste bskyed pa'i rim pa'o/ /rdo rje bkod pa zhes bya ba'i ting nge 'dzin gyi le'u zhes pa ni rdo rje ni de bzhin gshegs pa rnams kyi bkod pa'i tshul dkyil 'khor gang la yod pa de ni rdo rje bkod pa ste bskyed pa'i rim pa'o//ting nge 'dzin ni phra mo rnal 'byor bsgom pa gang la yod pa de la da skad ces bya ste bskyed pa'i rim pa la sogs pa'o//yang nam mkha'i dbyings ni b+ha ga ste/ de'i dbus su gnas pa zla ba'i byang chub kyi sems kyi dkyil 'khor ni 'dod pa'i gdugs so/ /de nyid kyang 'od gsal ba'i ngo bo yin pa'i phyir gsal ba'i dkyil 'khor ro/ /de'i dbus su gnas pa 'khor lo'i dkyil 'khor ni rtsa bdun khri nyis stong gi 'khor lo bsgom par bya ste/'dod pa'i gdugs kyi rtse mor thams cad kyi rtse mo gnas pa yin no zhes bcom ldan 'das kyis gsungs pa'i phyir ro/ /pad+ma'i dkyil 'khor 'dra bar ni/ /zhes pa ni khrag gi rtsa g.yas pa ste rus sbal ma zhes bya'o //de nyid rdo rje bsgom pa ni rnal 'byor pas bsgom par bya'o/ /'gro ba ma lus skyed par byed pas ni rin chen te/ byang chub kyi sems so/ /de nyid kyi dkyil 'khor ni tshogs te/ de dang 'dra ba ni dkar po dang gang ba ste/ rtsa g.yon pa zla ba zhes bya'o / / de nyid ni rin chen brtson pas ni rnal 'byor pas bsgom par bya'o/ /sbyor ba ni sha la sogs pas yang dag par sbyor ba ste/ de'i dkyil 'khor ni tshogs te/ de las 'byung ba ni rtsa lha sbyin ma'o/ /de ni nam mkha'i rtsa dbus ma'i 'dra ba ni shar phyogs su bsam par bya'o/ /'di dag sangs rgyas rab kyi mchog /ces bya ba la/ rab mchog ni rang rang gi rdzas rgyu bas so/ /sangs rgyas ni sangs rgyas kyi 'bras bu ster bar ston to/ /de bzhin du sku gsung thugs las 'byung ste sku gsung thugs ni bshang ba'o / /de nyid sgom par byed pa ni bshang ba'i rtsa ste nor rgyas ma 'o//de yang bsgom par bya ste don gyi bshad pa yin no/ /dkyil 'khor de dag ni rtsa lnga'i ngo bo/ /rdo rje ni gsang ba rdo rje dang yang dag par sbyor bas 'byung ba ni byang chub kyi sems bskyed pa rnal 'byor pa gang rnams kyis byed pa de ni thams cad mkhyen pa ste rdo rje 'chang chen po'i tshul ni chos dang longs spyod rdzogs pa dang sprul pa ste/sku thob pa yin no zhes tshig gi don te sgrub pa chen po'o/ /rdo rje bkod pa zhes pa ni rdo rje'i rtsa ba'i 'khor lo ste/ de nyid bkod pa ni g.yon pa la sogs pa'i rim pas gnas pa'i le'u gang la yod pa de ni de bzhin no/ /ting nge 'dzin ni bde ba chen po'i mngon par byang chub ste/de brtan par byed pa'i le'u la de skad ces bya'o/ /ji skad du na/ b+ha ga'i dbus su nam mkha' gang / /nam mkha' lnga yis rnam par brgyan/ /lte ba ge sar dang bcas pa/ /'dab ma brgyad kyis rnam brgyan pa'o/ /bdud rtsi shu kra'i ngo bo nyid/ / der gnas rtag tu 'dzag pa'o/ /zhes 'byung ngo / /rgyud 'grel las le'u gsum pa'i tshig gi don bcu drug gi bshad pa'o/ /le'u gsum pa'i tshigs su bcad pa'i bshad pa'i grangs ni sum brgya'o// //lta ba'i sku bsgom pas brtan pa nyid thob pas rdul tshon gyi dkyil 'khor bri bar bya ba'i phyir thugs kyi dkyil 'khor le'u bzhi pas bstan par bya ba'i phyir/de nas zhes bya ba la sogs pa gsungs te/ de bzhin gshegs pa thams cad kyi sku gsung thugs kyi bdag po rdo rje 'chang chen po ste/ de la bstod pa'i rgyal po 'di ni mchog bstod pas de bzhin gshegs pa thams cad ni mi bskyod pa la sogs pas gsol ba gdab pa ni zhu ba mdzad pa ste/de bzhin gshegs pa kun zhes bya ba ni de bzhin gshegs pa lnga po'i rang bzhin du bstod pa'o/ /zhi ba zhes pa ni zhi ba la sogs pa'i las mdzad pa'i lha mo spyan la sogs pa'i sgo nas bstod pa mdzad pa'o//de bzhin gshegs pa kun gyi gnas/ /zhes pa ni byams pa la sogs pa byang chub sems dpa' rnams te de'i sgo nas bstod pa'o/ /chos kun ni dgug pa la sogs pa ste/ de rnams kyi mchog ni 'phags pa gshin rje mthar byed la sogs pa ste khro bo'i rgyal po'i sgo nas bstod pa'o//bdag med pa zhes pa ni dkyil 'khor ma lus pa nye bar bsdus pa'i rdo rje 'chang chen po'i ngo bos bstod pa'o/ /kye de lta bu'i bcom ldan 'das kyi dkyil 'khor bshad du gsol zhes gsol ba btab pa ste bskyed pa'i rim pa'o/ /da ni rigs gsum gtso bor gyur pas bstod pa yin te/mtshan rnams thams cad ni tshad la sogs pa ste de dang ldan pa'o/ /de nyid kyi phyir de las ldog pa'i mtshan ma ma yin pa thams cad dang bral ba'o/ /kun du bzang po zhes pa ni me long lta bu'i ye shes kyi rang bzhin dang / sku'i mchog ni rnam par snang mdzad kyi rang bzhin no//dkyil 'khor dam pa ni thugs rje'i dkyil 'khor bshad du gsol zhes gsol ba gdab pa ste bskyed pa'i rim pa'o/ /yang na mtshan rnams thams cad ni bdud rtsi dang lcags kyu rnams so/ /de dag gis yang dag par rdzogs pa ni lha mos phul ba'i bla na med pa'i mchod pas gang ba'o//mtshan min thams cad ni rtsa ba'i ltung ba bcu bzhi dang / kha na ma tho ba sbom po bcu ste/ de rnams dang spangs pa ni dkyil 'khor la zhugs pa la de rnams med pa'i phyir ro/ /de bas na kun du ni gong ma dang bar ma dang tha ma rnams la/ bzang po ni de bzhin gshegs pa'i rigs dang 'brel pa'i dam tshig dang sdom pa blangs pa gtso bor gyur pa'o//kye sku mchog ces pa ni rus pa dang sha la sogs pa dang bral ba'i sku mnga' ba'i dkyil 'khor bshad du gsol zhes 'brel pa ste sgrub pa'o/ /de bzhin du/zhi ba'i chos ni mchog las 'byung / /zhes bya ba la sogs pa la/ zhi ba ni ngag rnam pa bzhi dang sgra rnam pa bcu'i mtshan nyid spros pa dang rnam par dag par mdzad pa'i phyir ro/ /chos ni 'od gsal ba / de nyid kho na mchog yin la de las 'byung ngo / /ye shes ni so sor rtog pa'i ye shes te/de spyod pa ni gsung gi sgo nas 'gro ba 'dul bar mdzad pa ste de nyid kyi sbyor bas nyon mongs pa 'jig par mdzad pa'o/ /de nyid kyi phyir kun du ni dbyangs kyi yan lag drug cu dang ldan pa'i gsung gi mchog ni snang ba mtha' yas kyi ngo bo'o/ /dkyil 'khor bshad du gsol ba'o //de ni bskyed pa dang rdzogs pa'i rim pa dag go/ /yang na zhi ba'i chos ni yi ge gsum mo/ /de rnams kyi mchog ni mchog gi rlung ste de las 'byung ba'o/ /ye shes spyod pa ni 'jug pa la sogs pa ste/ de dag gi rnam par sbyong ba ni 'od gsal ba'i go 'phang thob par mdzad pa'o//kun du bzang po ni dkyil 'khor bzhi ste/ de rnams kyi gsung gi mchog ni g.yon la sogs pa rgyu ba'i 'od zer gyi 'khor lo spro bar mdzad pa'o/ /dkyil 'khor ni dkyil 'khor bzhi'i rim pa bshad du gsol zhes 'brel pa ste rdo rje'i bzlas pa'i rim pa'o//sems can kun ni khams gsum nang na gnas pa'i rigs rnam pa bzhi dang ldan pa ste/ de rnams kyi sems can chen po thugs gcig pa'i ngo bo mi bskyod pa'o/ /ji skad du/ rtog pa'i dra ba gang yang rung / /skye bo thams cad la mthong ba/ /de kun sems bskyed dra ba ste//de nyid ston pa pos gsungs so/ /zhes 'byung ngo / /dag pa ni 'dod chags la sogs pa'i skyon dang bral ba'o/ /sprin bzhin du nyon mongs pa rnams glo bur ba yin pas rang bzhin dri ma med pa ni shin tu rnam par dag pa'i chos kyi dbyings kyi ye shes kyi ngo bo nyid kyi phyir/kun du bzang po ni de ngo bos 'gro ba'i don mdzad pa'o/ /thugs kyi mchog ni thugs kyi ngo bo bcom ldan 'das dkyil 'khor bshad du gsol zhes 'brel pa ste rdzogs pa'i rim pa'o/ /yang na sems can kun ni rang bzhin rnams so/ /sems chen po ni rnam par shes pa gsum mo//de rnams sngags dang phyag rgya'i rim pas dag pas na/ rang bzhin dri ma med pa ste 'od gsal ba'i ngo bo de nyid kyi phyir kun ni mi g.yo ba'i ting nge 'dzin te/ de yongs su spong bas thob pa gang zhig /thugs mchog ni rdo rje lta bu'i ting nge 'dzin te/ de'i ngo bo bcom ldan 'das dkyil 'khor ni snying po dang mchog ste/sems rnam par dag pa'i mtshan nyid can bshad du gsol zhes 'brel pa'o/ /rab tu byed pa las kyang / sgra ni de ltar thos nas ni/ /mi g.yo ba yang rnam spangs te/ /mtshan phyed dus su de nyid la/ /dmigs nas rgyal ba'i sras po yis//skya rengs shar ba'i dus su ni/ /rdo rje lta bu'i ting 'dzin gyis/ /byang chub rtsa la zhugs nas ni/ /bdud 'joms des ni mdzad pa'o/ /zhes 'byung ngo / /de ni sems rnam par dag pa'i rim pa'o/ /de nas zhes bya ba la sogs pa la/ rdo rje ni bgegs 'jigs par byed pa rtse lnga pa ste/de 'dzin pas na rdo rje 'dzin no/ /gdul bar dka' ba rnams 'dul bas na ston pa'o/ /'jig rten gsum la gnas pa'i nyon mongs pa rnams las rgyal bas na/ 'jig rten gsum mchog go/ /khams gsum skyed par byed pas na khams gsum pa'o//'jig rten gsum ni rig byed gsum mo/ /mchog ni nyan thos pa rnams so/ /rdo rje ni rang sangs rgyas dang byang chub sems dpa' rnams so/ /de dag gi gtso bo ni bsnyen bkur gyi gnas so/ /'jig rten gsum ni grangs can dang / chur lhung ba'i 'jigs pa dang /rigs pa dang khyad par ba'i 'jig rten dang / mchod 'os pa dang / spyod pa dang / 'jig rten rgyang 'phen pa'i 'jig rten te/ de rnams kyi mchog ni bye brag pa dang / mdo sde pa dang / rnal 'byor spyod pa po rnams so/ /de rnams kyi yang mchog ni yang dbu ma pa rnams te/de dag rjes su 'dul ba ni rang rang gi lta ba las zlog cing yang dag pa'i shes pa la 'jug par byed pas na 'jig rten gsum mchog ston pa'o/ /dkyil 'khor rab tu nyams dga' ba ni rdul tshon la sogs pas byas pa'i phyir mdzes pa'o//de bzhin gshegs pa kun ni mi bskyod pa la sogs pa ste/ de rnams kyi gnas ni gzhir gyur pa'o/ /de bzhin gshegs pa thams cad kyi yon tan gyi rnam par dag pas gnas pas na de bzhin gshegs pa kun gyi'o/ /thugs zhes pa ni thugs gtso bor gyur pa'i dkyil 'khor ni don dam pa'i ngo bo yin na yang phyi rol du dkyil 'khor gyi rnam pas grags pa ste 'gro ba 'dul bar bya ba'i phyir ro zhes tshig gi lhag ma'o//de lta bu'i dkyil 'khor rdo rje 'chang chen pos gsungs pa'o zhes sdud pa pos smras pa'o/ /de ni bskyed pa'i rim pa'o//yang na rdo rje ni 'greng ba'i rdo rje ste de 'dzin par byed pas rdo rje 'dzin to/ /ston pa ni rdo rje'i lam las spro ba'i sgo nas 'gro ba'i don mdzad pa'o/ /'jig rten gsum ni ma las skyes pa'i cha rnams so/ /khams gsum ni pha las skyes pa'i cha rnams te/ de rnams kyi mchog ni bde ba chen pos ro gcig par byed pa la nus pa dang ldan pa'o//'jig rten gsum ni sku gsung thugs te/ de rnams kyi mchog ni byang chub sems te/ de nyid rdo rje'i rtse mor gang la yod pa de la de skad ces bya'o/ /'jig rten gsum ni dga' ba dang mchog tu dga' ba dang dga' bral lo//de rnams kyi mchog ni lhan cig skyes pa ste dpe'i bde ba'o/ /de nyid kyi yang mchog ni dpe las byung ba'i bde ba ste/ de ston pa ni nyams su myong bar byed pa ste/ 'jig rten gsum mchog ston pa ste/ des dkyil 'khor bshad pa ni gsungs pa'o/ /ci gsungs pa zhe na/dkyil 'khor ni b+ha ga'i dkyil 'khor ro/ /ji lta bu zhe na/ rab tu nyams dga' zhes pa ni bde ba'i rgyu yin no/ /de bzhin gshegs pa kun ni rtsa lnga ste/ de rnams kyi gnas ni gzhi'o/ /de bzhin du de bzhin gshegs pa kun ni de nyid kyi nang na gnas pa'i bdud rtsi ste/ de rnams kyi rgyu yin pa'i phyir ro/ /sems rnam par dag par byed pa'i phyir thugs so/ /dkyil 'khor ni snying po ste/ yang dag par sbyor ba'o/ /de nyid len par byed pas na dkyil 'khor ro/ /dkyil 'khor ni hUM dang phaT la sogs pa ste/ de dag rnam pa ni rim pas dgod pa gang la yod pa de lta bu'i b+ha ga'i dkyil 'khor bshad do zhes ston te rang bzhin dang rgyu dang las dang 'bras bu rnams so//da ni sdud pa pos rdo rje 'chang chen po'i bstan pa rjes su smra ba'i phyir/ de nas zhes bya ba la sogs pa gsungs te/ yang dag ni phyin ci log ma yin pa ste/ dkyil 'khor gyi cho ga'i rim pas gnas pa'o//rab tu ni tshad la sogs pa dang ldan pas bshad par bya'o/ /thugs kyi dkyil 'khor ni mi bskyod pa'i dkyil 'khor te/ sku dang gsung gi dkyil 'khor dag le'u drug cu pa las 'og nas 'chad par 'gyur ba'i thugs kyi dkyil 'khor gtso bor gyur pa'i phyir sngon du bshad pa'o//de nyid kyi phyir mchog ni sku dang gsung dag gi nang na thugs phul du byung ba'i phyir ro/ /kha dog bshad par bya ste/ thugs rdo rje ni mi bskyod pa ste/ de dang rab 'dra ba ni de dang mnyam pa'i mdog ste/ 'dis gzhi dang gzhi can gyi dkyil 'khor dag tha mi dad par bstan to//sku dang gsung gi dkyil 'khor med na thugs khyab par byed pa ma yin no zhes rtog pa sel bar bya ba'i phyir bshad par bya ste/ sku dang gsung dang thugs rnams kyi zhes pa ni de dag gsum po ro gcig pa'i ngo bo yin pa'i phyir mi bskyod pa kho na sku gsung thugs kyi dkyil 'khor ro//lus ngag sems zhes bya ba la sogs pa la/ thig skud sar pa zhes pa ni dkyil 'khor gzhan la ma btab pa'o/ /legs bkal ba ni bu mos bkal ba'i snal ma bsgril ba'o/ /tshad ma rab tu zhes pa ni dkyil 'khor gyi nyis 'gyur ba ste/ snal ma nyi shu rtsa lnga de de bzhin gshegs pa'i rang bzhin du byas pa'am/de bzhin gshegs pa dang lha mo'i rang bzhin snal ma rgyu bsgril bas so/ /mdzes pa ni sngags kyis byin gyis brlabs pa'i rdul tshon gyis btsos pa'am sbangs pas so/ /de lta bu'i thig skud ni dkyil 'khor ston par byed pas thig btab pa ni dkyil 'khor gyi re mig rnams gsal bar bya'o//shes rab can ni thig btab pa'i rim pa mthong bas so/ /ji ltar zhe na/ lus ngag sems ni bsgom pa yis/ /zhes pa ni lus la sogs pa la de nyid kyi rigs can gyi sngags dgod pa'i cho ga'am ting nge 'dzin gyis so//tshad bshad par bya ste/ khru ni bcu gnyis zhes bya ba la sogs pa la/ yul dbus nas skyes pa'i skyes bu'i khru'i tshad kyis phyogs bzhi po la phyogs re rer khru bcu gnyis pa ste/ sa bcu gnyis dang / rten 'brel bcu gnyis dang / rnam pa bcu gnyis pa chos kyi 'khor lo dang /pha rol phyin par rnam par dag par shes par bya'o/ /thugs kyi dkyil 'khor ni mi bskyod pa'i gnas te chos kyi rang bzhin yin no/ /ngos bzhi ni kun du ngos bzhi pos mnyam pa nyid kyi ye shes la rang bzhin dang ldan pa'o/ /grwa bzhi ni mi 'jigs pa'i ngo bo dang ldan pa'o//sgo bzhi ni dran pa nye bar gzhag pa dang / dbang po dang rdzu 'phrul gyi rkang pa dang ldan pa/ rab tu brtag pa ni bri bar bya'o/ /de ni phyi rol gyi dkyil 'khor gyi rim pa'o/ /de'i dbus su zhes pa ni de'i nang du 'khor lo ni chos kyi dbyings kyi ngo bo'o/ /rab tu zlum po ni mnyam pa nyid kyi rang bzhin te/bri bar bya ba ni rim pa ji lta bu bzhin du dbye bar bya'o/ /de nas zhes bya ba la sogs pa la/ de nas ni de'i 'og tu ste las kyi cho ga mthong ba ni dkyil 'khor gyi cho ga las gsungs pa ste/ sa yongs su bsrung ba la sogs pas so/ /phyag rgya ni gdan dang / phyag mtshan dang / sa bon dang / sku dang / 'od zer dang / mtshan gyi mtshan nyid can te/ dgod pa ni de rnams kyi nang nas bsgrub bya'i 'dod pa gang yang rung ba bri bar bya'o/ /re zhig rgyu yin pa'i phyag mtshan bshad par bya ste/ de'i dus su ni 'khor lo'i lte bar rdo rje rtse lnga pa ni ye shes lnga'i rang bzhin no//in+d+ra nI la'i kha dog 'dra ba ni de bzhin gshegs pa'i rigs dang mthun pa'o/ /'bar ba chen po ni zhe sdang gi rigs yin pa'i phyir ro/ /de bas na 'jigs pa dag ni zhe sdang gi nyon mongs pa ste/ de yang rab 'jigs byed pa ni de nyid sbyang ba'i phyir ro/ / de bzhin du shar phyogs su 'khor lo chen po ni rtsibs brgyad pa ste/ rnam par shes pa brgyad pa sbyang ba'i me long lta bu'i ye shes kyi ngo bo'o/ /de nyid kyi phyir rdo rje 'bar ba ni rno ba'i 'od zer nyon mongs pa 'jig par byed pa rnams kyis rnam par brgyan pa'o/ /lho phyogs su rin chen chen po ste/nam mkha'i ting nge 'dzin gyi ngo bo yin pas mnyam pa nyid kyis re ba thams cad rdzogs par byed pa'o/ /'od zer ni gser gyi 'od dang 'dra ba ste/ de rnams kyis 'khrig pa ni nang dang phyi rol du yang spro bas 'khrigs pa'o/ /nub phyogs su ni 'dod chags la sogs pa'i nyon mongs pa'i dri mas ma gos pa'i phyir so sor rtog pa'i ye shes kyi ngo bo pad+ma chen po'o//pad+ma rA ga'i nor bu ni rang gi rigs kyi bdag po'i kha dog dang 'dra'o/ /byang phyogs su ni ral gri chen po ste/ bya ba nan tan grub pa'i ye shes kyis phrag dog gi zhags pa gcod par byed pa'o/ / 'od zer ni nam mkha' ste de nyid kyi 'bar bas rnam par brgyan pa ste/ nam mkha' bzhin du ljang gu'o zhes ston to/ /shar gyi grwa ni shar dang lho'i mtshams te de ru spyan ni byams pa dang sa dang stong pa nyid rnam par thar pa'i ngo bo bri bar bya'o/ /srin gyi dbus ni nang ste de dang 'dra ba'i 'od ni mig sman dang bcas pa'o zhes ston to// lho nub kyi mtshams te de la rdo rje ni snying rje dang chu'i khams dang / mtshan ma med pa'i ngo bo bri bar bya'o/ /nub phyogs ni nub byang gi mtshams su pad+ma ni dga' ba dang / me'i khams dang / smon pa med pa'i rang bzhin bri bar bya'o//de nyid kyi phyir kha phye ba ni dga' ba'i rang bzhin yin pa'i phyir ro/ /sdong bu dang bcas pa ni tshangs pa'i gnas rgyun ma chad pa'i phyir ro/ /byang phyogs su ni ut+pal mdzes te sgron ma'i phyag mtshan no/ /mthing ga'i sprin dang 'dra ba'i 'od kyis 'khrigs pa rigs dang mthun pas btang snyoms dang /rlung gi khams dang mngon par 'dus ma byas pa rnam par dag pa bri bar bya'o/ /de bzhin du shar phyogs kyi sgo ru tho ba ni nyon mongs pa'i sgrib pa'i ri bo 'joms par byed pa khro bo'i phyag mtshan yin pa'i phyir 'bar ba'i 'od gsal ba ste rno ba'o/ /lho'i sgo ru be con ni shes bya'i sgrib pa rnam par dag par byed pa rdo rje dang 'bar ba ni de dag gi 'od bzang ba ste/rdo rjes mtshan pa dang 'bar ba'i rang bzhin yin pas 'od bzang ba ste/ khro bo'i ngo bo yin pa'i phyir ro/ /de bzhin du nub tu pad+ma ni las kyi sgrib pa dag par byed pa'i phyir nub phyogs su bri'o//byang phyogs kyi sgo ru rnam par smin pa'i sgrib pa dag par byed pa rdo rje'o/ /bdud rtsi 'khyil pa yang yin la/ rdo rje can yang yin pa ste de bri bar bya'o zhes bskyed pa dang rdzogs pa'i rim pa dag go/ /de yang nye bar mtshon pa yin te/ nang gi 'khor lo'i phyi rol gyi mtshams su me'i phyogs su me long dang / rlung gi mtshams su pi wang dang / bden bral gyi mtshams su dri'i phung po dang / dbang ldan gyi mtshams su ro snod de/ bsdu ba'i dngos po bzhi'i ngo bo rigs dang rjes su mthun pa bri'o/ /phyi rol gyi snam bu'i char klu'i me tog dang 'khor lo dag go//lho phyogs kyi snam bur rdo rje dang rin po che'o/ /nub phyogs kyi snam bur dri dang / pad+ma dag go/ /byang gi snam bur rdo rje ut+pal dang rin po che bri bar bya'o/ /de dag gi skye mched drug dang kun rdzob dang don dam pa'i rnam par dag pas dgod par bya'o//de bzhin du sgo'i grwa rnams su lcags kyu dang dbyig pa dang rtse gsum dang ral gri'o/ /'og dang steng du rdo rje dang 'khor lo rang rang gi bdag po dang mtshungs pa mdog dang ldan pa dgug pa dang gzhug pa dang bcing ba dang / dbang du byed pa sa 'og dang mtho ris rnam par dag pas bri bar bya'o//rgya cher ni le'u bcu drug pa las bshad par bya'o/ /dkyil 'khor de ni rdul tshon nam mos pa dang las dang rjes su mthun pa'i dbang gis rdzas gzhan gyis bri bar bya'o/ /rdo rje phreng ba las ji skad du/ de nas gzhan yang bshad bya ba/ /dkyil 'khor rnams ni rim ji bzhin//gang zhig rdzas kyis ci 'dra ba/ /mchod pa'i dus su rab tu bya/ /cho ga dang ni rdzas dbye ba/ /mdor bsdus pas ni rtogs par gyis/ /brtags pa dang ni rdul tshon dang / /ba yu dang ni chu dag dang / /chang dang khrag dang ga pur dang / /gur kum a kar tsan+dan dang //mar dang gi wang thal ba dang / /sbrang rtsi dang ni shing kun nam / /gzhan yang lha mo rgya skyegs kyi/ /khu ba yis ni bri bar bya/ /dkyil 'khor rnam pa bcu drug ni/ /rim pa yis ni bshad par bya / /re re yi ni tshad dang ni/ /bzhin bzangs ma kye bshad par bya//rtog pa ci mdzad byang ba ste/ /rdul tshon gyis ni khru gcig pa/ /sor ni sum cu drug dang ni/ /ba yu yis ni dkyil 'khor bya/ /chus ni sor ni nyi shu gnyis/ /chang gis nyi shu rtsa bzhi bya/ /de nas khrag gis sor bcu bya/ /ga pur gyis ni sor bcu drug /gur gum gyis ni nyi shu bzhi/ /a ka ru yis bcu gnyis so/ /tsan+dan gyis ni bzhi dang lnga/ /mar gyis kyang ni bcu gsum ste/ /gi wang gis ni sor brgyad pa/ /thal ba yis ni sor drug bya/ /sbrang rtsi bu ram gyis bzhi pa/ /rgya skyegs khu bas sor gsum bya//de ltar sor gyi tshad tsam ni/ /bya yi bsdum pa gzhan du min/ /de ltar rdo rje bstan pa la/ /dkyil 'khor yang ni bri bar bya/ /zhes 'byung ngo / /yang de nas zhes bya ba la sogs pa la/ /thugs kyi dkyil 'khor ni/ thugs kyi gzhi yin pas na thugs kyi dkyil 'khor ro//ji lta bu zhe na mchog ni dkyil 'khor ma lus pa'i rang bzhin no/ /thugs rdo rje ni chos kyi dbyings kyi ye shes dang 'dra ba ste de'i ngo bo'o/ /de bas na sku gsung thugs kyi rigs can lha kun gyi rten du gyur pa'i phyir sku dang gsung dang thugs rnams kyi dkyil 'khor ro/ / sar pa ni de bzhin gshegs pa lnga dang lha mo bzhi ste phung po dang khams dang rang bzhin no/ /tshad ma ni rab tu tshangs pa'i gnas bzhi dang / gzugs rdo rje ma la sogs pa skye mched dang ldan pa'o/ /mdzes pa ni reg bya rdo rje dang ldan pa'o/ /lus ngag sems ni sku gsung thugs kyi rang bzhin de bzhin gshegs pa gsum ste/de dag gis thig gdab pa ni nye bar bsdu bar bya'o/ /de lta bu'i sems kyi gzhi sku'i dkyil 'khor khru bcu gnyis ni/ phyi dang nang gi skye mched bcu gnyis/ lha mo dang byang chub sems dpa'i ngo bor tshad du bya bar ni de'i mos pa dmigs par bya'o//ngos bzhi ni lag pa gnyis dang rkang pa gnyis dang / mi g.yo ba dang 'dod pa'i rgyal po dang / dbyig pa sngon po can dang / stobs po che'i rang bzhin no/ /grwa bzhi ldan pa ni rkang pa'i mthil dang / spyi bo dang khams drug gi ngo bo gong bu dang /yan lag thams cad kyi tshigs te/ gnod mdzes kyi rgyal po dang / gtsug tor dang / sgrib pa thams cad rnam par sel ba dang / kun du bzang po'i ngo bo'o/ /sgo bzhi pa ni mchan khung gnyis dang / kha dang gsang ba'i gnas te/ gshin rje mthar byed dang /shes rab mthar byed dang / pad+ma mthar byed dang / bgegs mthar byed kyi ngo bo'o/ /de'i dbus su 'khor lo ni/ /zhes bya ba la sogs pa la/ de'i dbus su ni lus kyi nang du 'khor lo ni rtsa'i 'khor lo ste/ rab tu ni yan lag thams cad khyab par byed pa/zlum po ni byang chub sems dpa' byams pa'i ngo bor bri ba ni shes par bya ba'o/ /phyag rgya ni khams rnams te/ dgod pa ni las kyi cho ga mthong bas te/ rnam par dag pa'i rim pa nye bar mtshon pas shes par bya'o/ /de nyid bshad par bya ste/ de dbus rdo rje bri ba la/ / zhes bya ba la/ de dbus ni sku'i 'khor gyi dbus te/ rtsa dbu ma'i gnas su rdo rje ni mi bskyod pa'i ngo bo'o/ /in+d+ra nI la'i kha dog 'dra/ /zhes bya ba la/ rtsa'i khong stong du nam mkha'i kha dog dang 'dra bar shes par bya'o/ /rtsa de nyid kyang 'bar ba chen po ni mchog tu dga' ba ster bar byed pa dang /rtse lnga pa ni yal ga lnga dang ldan pa'o/ /gzhan yang 'jig pa dag ni kun rdzob kyi rnam par rtog pa ste/ de yang rab 'jig byed pa ni 'jig par byed pa'o/ /shar phyogs su ni lha sbyin ma'i rtsa ru 'khor lo chen po ni sha chen te/ rdo rje 'bar ba ni don yod grub pa'i 'od zer te/de rnams kyis rnam par brgyan pa ni de'i ngo bor bsgom par bya'o/ /lho phyogs su ni lho'i rtsa ru rus sbal ma la rin chen chen po'i khrag ste/ 'od zer mang po ni rin chen 'byung ldan gyi 'od zer rnams kyis 'khrigs pa ni de'i ngo bor bsgom par bya'o//de bzhin du nub kyi phyogs su ni nor rgyal ma'i rtsal/ pad+ma chen po ni bshang ba chen po ste/ pad+ma rA ga ni rnam par snang mdzad de/ de'i kha dog dang 'dra ba ni de'i ngo bor bsam par bya'o/ /de bzhin du byang phyogs su ni rtsa g.yon pa la zla ba ma la rnam par rtog pa gcod pa'i phyir/ral gri chen po ni kun rdzob byang chub kyi sems te/ 'od zer 'bar ba ni snang ba mtha' yas kyi snang ba ste/ de rnams kyis 'khrigs pa ni de'i ngo bo nyid du bsgom par bya'o/ /de bzhin du shar gyi grwa ni dgongs pa'i bshad pas mig g.yon pa la spyan ni de nyid kyi dri ma ste/dbus na sprin dang 'dra ba ni 'phags pa rdo rje ro langs ma'i ngo bo nyid du bsgom par bya'o/ /mig g.yas pa la rdo rje ni mig g.yas pa'i rgyu ba mA ma kI'i rigs ni 'phags ma gzhan gyis mi thub ma las 'byung ba ni de'i ngo bo nyid du bsam par bya'o/ /nub phyogs su zhes pa ni snga ma bzhin du rna ba g.yon pa la pad+ma ni de nyid kyi dri ma ste/kha phye ba sdong bur bcas pa ni 'phags ma khro gnyer ma'i ngo bor bsgom par bya'o/ /byang phyogs ni rna ba g.yas pa ut+pa la ni de nyid kyi dri ma ste/ mthing ga'i sprin dang 'dra ba ni 'phags ma ral pa gcig ma'i ngo bo nyid bsam par bya'o//shar phyogs ni rdo rje ste der rdo rje sa 'dzin ma ste de'i dri ma'i ngo bor bsam par bya'o/ /lho phyogs kyi sgo ni lte ba ste de la rdo rje lu gu rgyud ma ni lte ba'i dri ma'i ngo bor bsam par bya'o/ /nub phyogs kyi sgo ni bshang sgo ste/ de la rdo rje ska rags ma ni de'i dri ma'i ngo bor bsam par bya'o//byang phyogs kyi sgo ni rgyab ste de la rin chen sgrol ma ni de'i dri ma'i ngo bor bsam par bya'o/ /des ni 'di bshad pa yin te/ thob pa la sogs pas nye bar mtshon pa'i mi g.yo ba la sogs pa'i btsun mo rnams kyi rang bzhin du dri ma rnams ni sku'i dkyil 'khor la bsgom par bya'o//de'i phyir thams cad rnam par dag pa dang / sems kyi ngo bo sku'i dkyil 'khor rnal 'byor pas bsam par bya ste rdzogs pa'i rim pa'o/ /yongs su gsal bar shes byas nas/ /zhes bya ba la sogs pa la/ de lta bu'i thugs kyi dkyil 'khor yongs su gsal ba ni bsgom pa'i stobs kyis mngon du gyur pa ste/sangs rgyas kyi mchod pa ni phyi dang nang dang gsang ba'i mchod pas mchod par bya'o zhes tshig gi lhag ma'o/ /nan tan du zhes pa ni brtson 'grus kyis so/ /ji ltar zhe na/ lus dang ngag sems mchod pa yis/ /zhes pas de dag gsum po byin gyis brlab pas so/ /mchod pa gsum gyi nang na gsang ba'i mchod pa ni bla na med pa'i phyir bshad par bya ste/ bud med rab tu mdangs bzang ba/ /zhes bya ba la sogs pa la/ lo grangs bcu drug pa ni bcu drug lon pa ste/gzhon nu ma'i phyir dga' ba mi 'jigs pas blang bar gyur pa'o/ /bud med ni gdol pa dang / khrus mkhan dang / gar mkhan gyi bu mo ste/ rang gi rigs dang mthun pa'o/ /gzugs dang mdangs la sogs pa'i phun sum tshogs pas bzang ba ste gsal bar gyur pa'o//rang bzhin gyi mdzes pa nyid bstan nas/ brtags pa'i mdzes pa bstan par bya ste/ dri dang me tog ni/ gur gum dang sih+la ka dang tsam pa ka la sogs pas ni brgyan cing de'i dbus su 'das ma thag tu bshad pa'i dkyil 'khor gyi dbus su'o/ / mnyes par bya ba ni gsang ba'i mchod pas mchod par bya'o/ /ji ltar zhe na/ sangs rgyas zhi ba'i gnas spros pas/ /zhes bya ba la sogs pa la/ de bzhin gshegs pa'i oM la sogs pa'i sa bon lnga po spyi bo dang / lkog ma dang snying ga dang lte ba dang / rked pa dang / gsang ba'i gnas byin gyis brlabs nas so//shes rab can ni sngags dgod pa la mkhas pas so/ /bud med de ji lta bu zhe na/ mA ma kI zhes pa ni/ mA ma kI ni rnam par rdzogs pa dang / yon tan ni dad pa la sogs pa ste/ de nyid ska rags ni rgyan gang la yod pa de ni yon tan ska rags mA ma kI'o/ /yang na yon tan ni byang chub kyi sems rgyu ba la sogs pa dang /bde ba'i sgra dang / sen mos 'debs pa dang / 'khyud pa dang tsum+ba la sogs pa la mkhas pa ste/ bud med kyi mtshan nyid ni rked pa phra ba dang / smad sha shin du rgyas pa la sogs pa ste/ de rnams nyid ska rags gang la yod pa de la de skad ces bya'o//de'i rjes la las dang dam tshig dag las de lta bu'i gang yang rung ba phyag rgya ma dang yang dag par sbyor la/ dga' ba la sogs pa'i rim gyis lhan cig skyes pa nyams su myong zhing bdag gi don byas la bsod nams dang ye shes kyi tshogs 'phel bar bya ba'i phyir dkyil 'khor mchod par bya ste/sangs rgyas zhes bya ba la sogs pa la / sangs rgyas ni de bzhin gshegs pa'i bdag nyid phung po ste/ de rnams kyi gnas ni ro gcig par gyur pa'i mtshan nyid can kun rdzob kyi khams tha ma ste/ zhi ba ni zhi ba'i ngo bo yin no/ /nam mkha'i dbyings ni pad+ma'i nam mkha' la rgyan du gyur pa ste/de'i dbang gis pad+ma mdzes pa yin te/ gzhan du ni ma yin no/ /ji skad du/ ji bzhin pad mtsho yid dga' ba/ /ngang pa'i phreng ba rnams kyis mdzes/ /de bzhin pad khong yid dga' ba/ /byang chub sems kyis mdzes pa yin//zhes 'byung ngo / /gdan bzhi las kyang / zla ba med pas mtshan mo yin/ /mi mdzes zla ba mtshan med pas/ /zhes bya ba la sogs pa 'byung ngo / /de nas de nyid pad+ma'i snod du blangs te/ bshang ba la sogs pa rdzas bzhi po dang bsres la sngags rnams kyis byin gyis brlabs te /lha rnams ni dkyil 'khor pa rnams la phul bar byas nas/ bdag nyid kyis kyang spyod par bya'o/ /'bras bu bstan par bya ste/ de ltar na sangs rgyas ni/ dkyil 'khor pa rnams dang / byang chub sems dpa'i dkyil 'khor rnams te/ de rnams grags chen mnyes zhes pa ni grags pa chen po dang ldan pa/mnyes pa ni dgyes par 'gyur ro/ /sgrub pa po la mchog dang tha ma dang dad pa'i dngos grub ster bar 'gyur ro / /bdag gi yang sangs rgyas ni phung po dang / byang chub sems dpa' ni mig la sogs pa'i dbang po rnams te/ de ltar byas nas mnyes pa ni rgas pa dang shi ba dang skra la sogs pa'i nad rnams kyis grol bar 'gyur ro//grags chen ni dus ring por gnas par 'gyur ro/ /pad+ma'i rtse mo'i rgyud chen po las kyang / de ltar nyams su myong bas ni/ /sangs rgyas kun gyi rang bzhin nyid/ /bdud rtsi lnga ni lo gcig gam/zla re zla phyed nyin re'am/ rgas pa med cing skra dkar med/ /de bzhin dus min shi ba med/ /'jig rten dbang phyug bzhin du ni/ /tshe dang nad med na sos 'gyur/ /zhes 'byung ngo / /de ni bsgrub pa'o/ /yang na yongs su gsal ba ni shin tu gsal ba ste/thugs kyi dkyil 'khor ni rnam par shes pa gsum gyi 'khor lo ste/ de shes nas mchog ni 'od gsal ba ste/ de nyid kyis mchod pa ni rnam par shes pa gsum mi snang bar bya'o/ /ji ltar zhe na/ lus dang ngag sems mchod pa yis/ / zhes pa ni lus ngag yid kyi rgyud gyur pa'i rang bzhin gyi tshogs nye bar bsdus nas so/ /rim pa bshad par bya ste/ lo grangs bcu drug ces bya ba la sogs pa la/ sngar bshad pa'i skad cig ma bcu drug dang ldan pa'i snang ba chung ba la sogs pa'i ye shes kyi rim pas/ bud med ni dmigs pa med pa'i shes rab kyi ngo bo 'od gsal ba thob nas de la zhugs te/mdangs ni zla ba la sogs pa'i snang ba dang bral ba/ rang bzhin gyis dag pa ni nyon mongs pas ma gos pa'i snang bas/ bzang po ni 'od gsal ba'o/ /dri ni sems 'khrugs par byed pa'i 'dod chags dang 'dod chags dang bral ba dag go//me tog ni zhi ba ste/ 'dod chags dang bral ba'o/ /de dag gis brgyan te zhes pa ste/ de dag dang bral bar byas la/ de'i dbus su ste de dag gi nang du ni / mnyes par bya ba ni nyams su myang bar bya'o/ / de lta bu'i 'od gsal ba'i ye shes byin gyis brlab pa ni mngon du bya ba'o/ /ji ltar zhe na/ mA ma kI ni zla ba dang rjes su 'jug pa'i dbyangs dag go/ /yon tan ni nyi ma tsheg drag dag go/ /ska rags ni de gnyis ka dang bral ba'i dus mtshams kyi snang ba ste/ de'i rim pa'o zhes tshig gi lhag ma'o//sangs rgyas kyi gnas ni ye shes gsum ste/ de nyid spro ba ni spang bar bya'o/ /nam mkha'i dbyings ni 'od gsal ba ste/ de nyid blang bar bya ba'i phyir brgyan te/ de ni blang bar bya'o zhes tshig gi lhag ma'o/ /bshang ba zhes pa ni yul rnams so//gci ba zhes bya ba ni dbang po rnams so/ /khrag ni 'dod chags so/ /khu ba la sogs pa gzhan ma rnams ni nyon mongs pa dang nye ba'i nyon mongs pa ste/ de rnams/ lha rnams la ni dbul bar bya/ /zhes bya ba la/ lha rnams zhes bya ba'i mang po'i tshig ni bsnyen bkur bya ba'i phyir ro//de bas na lha ni lha kun bskyed pa'i rgyu ste 'od gsal ba la dbul bar bya ba ni bsdu bar bya'o/ /de ltar byas na sangs rgyas ni rnam par shes pa gsum dang / byang chub sems dpa' ni rang bzhin brgya drug cu ste/ de rnams mnyes pa ni thob par 'gyur ba dang / grags chen ni chos kyi dbyings kyi ye shes thob par gyur pa ste/sems rnam par dag pa'i rim pa'o/ /yang na thugs kyi dkyil 'khor zhes bya ba la sogs pa la/ thugs ni lus te de nyid kyi dkyil 'khor ni bzhi ste/ sa dang chu dang me dang rlung rnams kyi dkyil 'khor yongs su gsal ba ni dmar po la sogs pa'i snang ba dang ldan pa shes nas mchod par bya ba ni spro bar bya'o//nan tan du zhes pa ni srog dang rtsol ba'i rlung dag g.yas pa la sogs pa'i dbye bas rgyu ba'o/ /lus dang ngag sems mchod pa yis / /zhes pa ni sku la sogs pa'i rang bzhin lha mo spyan la sogs pa'i byin gyis brlabs pas so//ji skad du/ pad+ma'i mgon po 'dir lha ma yin zhes bya ba la sogs pa 'byung ba'i phyir ro/ /lo grangs bcu drug ces pa ni dkyil 'khor re re la sa la sogs pa'i dbye bas dbye ba bzhi yin pas bcu drug go/ /yang na nyin mo dang mtshan mor thun phyed phyed dbye ba'i dus su byung bas thun brgyad ni bcu drug tu 'gyur ro//de lta bu'i bud med ni dus te/ mdangs ni dmar po la sogs pa'i 'od zer gyi tshogs kyis bzang ba ni gsal bar gyur pa ste/ de la brten nas dri dang me tog ni g.yon dang g.yas pa'i sna khung gis brgyan pa ni spro bar byas la g.yon dang g.yas kyi spro ba de nyid kyi dbus ni dal bus dang gnyi ga'i rgyu ba byas la mnyes par bya ba ni spro bar bya'o//de lta bus byin gyis brlabs la mA ma kI ni gdong gi sna ste/ de nyid kyi yon tan ni rtse mo ste der ska rags ni gnas pa ste/ shes rab can ni rlung gi de kho na nyid shes pas bsgom par bya'o//de las kyang sangs rgyas gnas ni de bzhin gshegs pa'i tshogs sems can gyi don du spro bar bya'o/ /ji lta bu zhe na/ nam mkha'i dbyings ni nam mkha'i ngos te de brgyan par gyur pa'o/ /de nas nye bar bsdus la/bshang gci khu ba khrag la sogs / /zhes pa ni de bzhin gshegs pa bzhi'i ngo bo dkyil 'khor de rnams/ lha rnams ni spyan la sogs pa dbul bar bya ba ni de'i ngo bor bsgom par bya'o/ /de ltar byas na sangs rgyas ni/ sems can thams cad mnyes pa ni zhi ba la sogs pa'i las kyi tshogs kyi nus pas nad med par gyur pa'o//de bzhin du byang chub sems ni bdag gi sems kyi skad cig ma ste/ de rnams kyang grags chen ni 'das pa dang ma 'ongs pa dang da ltar byung ba'i dus gsum du shes par gyur te/ tshig gi don te/ de ni rdo rje bzlas pa'i rim pa'o//yang na thugs kyi dkyil 'khor ni 'od gsal ba shes nas nan tan du sems can gyi don bya ba'i phyir/ mchod pa ni spro bar bya ba 'od gsal ba las cig car du sgyu ma lta bu'i sku spro bar bya'o/ /lus ni sprul pa'i sku'o/ /ngag ni longs spyod rdzogs pa'i sku'o/ /sems ni chos kyi sku ste de rnams mchod pa ni gzung ba ste sku gsum gyi bdag nyid sgyu ma'i sku blang bar bya'o zhes ston to//ji lta bu zhe na/ bud med ni phyag rgya chen po'o/ /lo grangs bcu drug lon pa ni sgyu ma'i dpe bcu gnyis dang phyag rgya bzhi nye bar mtshon pa'o/ /de lta bu thob nas mdangs ni 'ja' tshon lta bu kha dog dang ldan pa dang /dri dang me tog ni ye shes sems dpa' dang / dam tshig sems dpa' dag gis brgyan pa khyab par byas la de'i dbus su ni 'od gsal ba'i dbus su mnyes par bya ba ni bzhugs par bya'o/ /rab tu byed pa las kyang / dbugs rlung ji ltar me long la//de nyid du ni thim par 'gyur/ /yang dang yang du rnal 'byor pas/ /yang dag mtha' la zhugs par bya/ /zhes 'byung ngo / /de lta bu'i phyag rgya chen po byin gyis brlabs pa ni 'od gsal ba la zhugs par byas la/ mA ma kI yon tan ni chos kyi dbyings kyi ye shes te de nyid ska rags ni rgyan gang la yod pa de ni de bzhin no//de lta bu byas nas sangs rgyas kyi gnas ni rdo rje 'chang chen po'i sku/ nam mkha'i dbyings ni nam mkha' dang dkyil 'khor te de nyid brgyan par byed pa'o/ /'od 'phro ba dang dbus kyi cha ru gnas pa ste spro bar bya'o/ / bshang ba ni stong pa nyid do/ /gci ba ni shin du stong pa nyid do/ /khrag ni stong pa nyid chen po'o/ /khu ba ni thams cad stong pa nyid do/ /sogs pa'i sgras 'od gsal ba'i thabs su gyur pa man ngag gzhan rnams kyang lha rnams ni dkyil 'khor pa rnams dang / /'gro ba rnams phul bar bya ba ni bstan par bya'o//de ltar byas nas sangs rgyas ni khams gsum pa'i sems can rnams mnyes pa ni chos thos pa'i nus pas rab tu dga' ba la sogs pa'i sa la zhugs par 'gyur zhing thams cad mkhyen pa nyid du 'gyur ro/ /byang chub sems dpa' zhes bya ba la/byang chub ni sa bcu gnyis pa ste/ de la sems dpa' ni gnas pa gang la yod pa de ni byang chub sems dpa' ste/ de rnams kyang 'gro ba'i don mdzad pas grags chen ni grags pa phul du 'byung bar 'gyur te/ bdag la byin gyis brlab pa'i rim pa'o/ yang yongs su gsal ba ni skyes bu chen po'i mtshan sum cu rtsa gnyis dang dpe byad bzang po brgyad cus brgyan pa'o/ /thugs ni 'od gsal ba las byung ba/ dkyil 'khor ni sgyu ma'i sku zhes te rtogs nas gzhan yang lus ngag yid de sku gsum de la mchod pa ni 'od gsal ba'i mtshan nyid du bya'o//nan tan du ni bla ma'i man ngag gis so/ /de las man ngag ni 'di yin te/ lo grangs bcu drug pa ni stong pa nyid bcu drug gi rang bzhin/ bud med ni dam tshig gi phyag rgya/ mdangs ni rang gi rigs dang rjes su mthun pa'i kha dog gis bzang ba ni mdog mtshungs pa thob nas bsams te/dri dang me tog ni nyin mo dang mtshan mo / de dag gis brgyan pa ni mtshams kyi dus te blangs nas bla ma la dbul bar bya'o/ /des kyang phreng ba dang / chu dang / me long dang / cod pan dang / dar dpyangs dang / rdo rje dang / dril bu dang / ming dang / phyir mi ldog pa dang / gsang ba la sogs pas dbang bskur zhing des brjod pa'i gsol ba gdab pa dang bstod pa gsan nas thugs dang ba'i rdo rje slob dpon gyis rdo rje 'chang gi ting nge 'dzin mngon du byas la rnam par snang mdzad kyi sku dmigs pa'i slob ma de la sbyin par bya'o/ /mA ma kI'i sku 'dzin pa des kyang dam tshig la sogs pa de la sbyin zhing rengs pa'i rdo rje rtse mo la zhugs par bya'o//dga' ba dang ba spu ldang ba skyes pa de yang blta ste/ de'i dus su ni mtshan phyed kyi dus su mnyes pa ni spyod par bya'o/ /de byin gyis brlab pa ni de las dpe'i lhan cig skyes pa thob nas/yon tan ska rags mA ma kI ni 'od gsal ba'i chos nyid de dpe las 'byung ba'i lhan cig skyes pa bsgom par bya'o/ /de nas sangs rgyas ni chags pa dang bral ba dag go/ /gnas ni chags pa bar pa ste/ de dag spro ba ni spong bar bya'o/ /nam mkha'i dbyings ni 'od gsal ba mngon par byang chub pas brgyan pa ni bsgom mo//bshang gci ni ril por 'dzin pa ting nge 'dzin to/ /khrag khu ni rjes su gzhig pa'i ting nge 'dzin to/ /ting nge 'dzin de dag gis lha ni phung po rnams la phul bar bya ba ni 'od gsal ba'o/ /de ltar byas na sangs rgyas ni rdzogs pa'i rnal 'byor pa mnyes pa ni 'grub par 'gyur ba dang /byang chub sems dpa' ni gal te bskyed pa'i rim pa'i rnal 'byor pa rnams kyang rim pa 'di sgom par byed na de'i tshe grags chen ni ye shes thob par 'gyur ba ste/ mngon par byang chub kyi rim pa'o/ /yang ni thugs ni sems te/rdo rje bzlas pa la sogs pa'i rim pa bzhi pos dkyil 'khor ni rnam par dag pa dang / yongs su gsal ba ni the tshom med cing gsal bar shes te thob la/ mchod pa ni zung 'jug gi ting nge 'dzin bya'o/ /lus dang ngag sems mchod pa yis/ /zhes pa ni de rnams kyi rnam par rtog pa mi dmigs pas so//ji ltar zhe na/ lo grangs bcu drug ces pa ni skad cig ma bcu drug yin te/ dper na dga' ba dang / mchog tu dga' ba dang / dga' bral dang / lhan cig skyes dga' ste bzhi yin no/ /de la dga' ba la ni chos dang longs spyod rdzogs pa dang /sprul pa dang ngo bo nyid de skad cig ma bcu gnyis yin no/ /de la yang dga' ba la ni chung ba la sogs pa'i dbye ba bzhi yin te/ de nye bar mtshon pa'i dus su de rnams nyams su myang bar bya'o/ /de la dga' ba chung ba'i dus su sprul pa'i sku'o//dga' ba bar pa'i dus su longs spyod rdzogs pa'i sku'o/ /dga' ba rab kyi dus su chos kyi sku'o/ /dga' ba rab kyi rab kyi dus su ngo bo nyid kyi sku ste/ de ltar yang gzhan rnams la yang shes par bya'o/ /gsum po'i skad cig ma bcu gnyis ni 'jig rten pa'i ye shes so//bzhi pa'i skad cig ma bzhi ni 'jig rten las 'das pa'i ye shes so/ /de'i rjes la dag pa 'jig rten gyi ye shes te/ 'jig rten 'das pa'i rjes las thob pa'i ye shes rnal 'byor pa las skye bar 'gyur ro/ /rnam par mi rtog pa 'jug pa'i shes rab kyi pha rol du phyin pa las kyang zhes bya ba las khyad med pa'i ye shes kyi nam mkha' dang 'dra ba'i chos kun mthong bar 'gyur ro//de'i rjes la thob par smig rgyu dang / sgyu ma dang / rmi lam dang / mig yor dang / brag ca dang / gzugs brnyan dang / chu zla dang / sprul pa dang 'dra ba'i chos kun mthong bar 'gyur ro//de nas skad cig ma bcu drug nyams su myong ba mthar bud med ni rdo rje 'chang chen po'i sku ste/ mdangs ni 'od zer rnams kyis bzang ba ni shin tu gsal bar gyur pa thob nas bsgom par bya'o/ /ji lta bu zhe na/ dri ni kun rdzob kyi bden pa dang / me tog ni don dam pa'i bden pa ste/ de dag gis brgyan pa ni khyab cing de'i dbus su zhes pa ni de dag gi bar du tha mi dad pas mnyes par bya ba ni bsgom par bya ba'o/ /kun rdzob dang don dam pa gnyis su med pa'i mtshan nyid can gyi sku de lta bu shes rab can ni rdzogs pa'i rim pa'i rnal 'byor pas byin gyis brlabs nas/mA ma kI'i yon tan ni rdo rje lta bu'i ting nge 'dzin gyis ska rags ni brgyan par byas la/ sangs rgyas ni kun rdzob kyi bden pa dang / gnas ni don dam pa'i bden pa ste/ de dag spro ba ni ro gcig par bya'o/ /sku de nyid kyang zhi ba ni mi gnas pa'i mya ngan las 'das pa'i phyir ro//nam mkha'i dbyings ni rab tu brgyan/ /zhes pa ni mtha' yas pa'i sangs rgyas spro ba'i phyir / bshang gci khu ba khrag la sogs / /zhes pa ni 'jig rten pas smod pa'o/ /de bzhin du sogs pa'i sgras ni 'o ma la sogs pa'o/ / gzhan yang rigs ni bram ze dang gdol pa la sogs pa'o/ /rdzas ni gser dang sa la sogs pa'o/ /de bzhin du rnyed pa dang ma rnyed pa la sogs pa'i 'jig rten gyi chos brgyad kyang lha rnams la dbye ba med pa'i sems kyis dbul bar bya ba ni shes par bya'o/ /ji skad du/ sangs rgyas gzhan du mi dmigs te//'jig rten khams ni gang yang rung / /gang phyir sems ni sangs rgyas nyid/ /ces bya ba la sogs pa gsungs so/ /sangs rgyas thams cad kyi rgyud las kyang / bdag ni sangs rgyas kun nyid dang / /byang chub sems dpa' kun nyid dang / /de phyir thams cad nan tan du//rang gi bdag nyid rab mchod bya/ /skyon ni thams cad rnam grol dang / /rnam rtog mun pa sel bar byed/ /nyon mongs dri ma kun dag pas/ /zla bzhin sems kyi zla ba yin/ /zhes bya ba'i rigs pa'i gnyis su med pa'i sems ni lha yin no/ /de ltar byas nas/sangs rgyas ni nam mkha' la bzhugs pa'i de bzhin gshegs pa rnams mnyes pa ni legs pa'i sgra gsung ba'am/ 'od zer gyi 'khor los dbang bskur bar mdzad pa'o/ /byang chub sems dpa' ni sa bcu'i dbang phyug /grags chen ni grags pa chen po'i sgra gsum pa'am/rnal 'byor pa la bstod ces ston to/ /yang na sangs rgyas ni dus gsum ste/ de dag mnyes pa ni rnal 'byor pa'i shes pa la 'bad pa med pas 'jug par 'gyur ro/ /byang chub sems dpa' ni dmigs pa la sogs pa ste/ de rnams kyang grags chen lha'i spyan la sogs pa thob pa phul du 'byung bar 'gyur ro zhes tshig gi don te/zung 'jug gi rim pa'o/ /thugs kyi dkyil 'khor zhes pa ni mi bskyod pa'i dkyil 'khor te/ de gtso bor gyur pa'i le'u ni thugs kyi dkyil 'khor gyi le'u ste bskyed pa'i rim pa'o/ /thugs kyi dkyil 'khor ni snying po ste rdo rje bzlas pa la sogs pa'o//de rnams len par byed pas na thugs kyi dkyil 'khor te rdzogs pa'i rim pa'o/ /de gtso bor gyur pa'i tshig gi tshogs ni thugs kyi dkyil 'khor gyi le'u zhes bya'o/ /rgyud 'grel las le'u bzhi pa'i tshig gi don bcu drug gi bshad pa'o/ /le'u bzhi pa'i tshigs su bcad pa'i grangs ni phyed dang sum brgya'o// //dkyil 'khor gyi dbang bskur ba thob nas spyod pa bya bar rigs te/ sngags kyi spyod pa mchog gi le'u lnga pa bstan par bya ba'i phyir/ de nas zhes bya ba la sogs pa gsungs te/ de bzhin gshegs pa kun ni lnga ste/de rnams kyi sku gsung thugs spros pa med pa'i spyod pas 'chang ba ni rdo rje 'chang chen po'i go 'phang thob pa la 'jug pas na de bzhin gshegs pa'i sku gsung thugs te de bzhin gshegs pa drug pa'o/ /'od gsal ba'i snang ba mdzes pas na rgyal po'o/ /kun ni ye shes gsum ste de rnams ni snang bar mdzad pas na kun mchog go//gnas ni 'dod chags dang bral ba dang 'dod chags bar pa ste/ de rnams lhan cig skyes pa'i bde ba dang sbyar bar mdzad pas na gnas kyi dbang phyug go/ /spyod pa kun ni rnam pa gsum ste/ spros pa dang bcas pa dang /spros pa med pa dang / shin du spros pa med pa'o/ /de la spros pa dang bcas pa ni 'dod pa'i yon tan lnga la nye bar longs spyod pa'i sgo nas chos 'byung gi mngon par byang chub thob par byed pa'o/ /spros pa med pa'i spyod pa ni ji snyed pa'i bza' ba la sogs pas chos kyi dbyings kyi mngon par byang chub thob par byed pa'o//shin tu spros pa med pa'i spyod pa ni ji snyed pa'i bza' ba la sogs pas chos kyi dbyings kyi mngon par byang chub thob par byed pa'o/ /spyod pa rnam pa gsum de dag thams cad la gnas shing gsal bar byed pa'i phyir kun mchog chos ni 'jig rten gyi chos rnams te/de rnams kyi don ni dbyer med pa ston pas na chos kyi don to/ /de lta bu'i bcom ldan 'das sngar bshad pa'i spyod pa rnam pa gsum gyi mtshan nyid ni ngo bo nyid bka' stsal pa ste/ rdo rje'i bzlas pa dang sems rnam par dag pa dang /sgrub pa po rnams so/ /yang na sku gsung thugs ni bshang ba dang gcin dang khrag go/ /de rnams 'chang ba ni shu kra'o/ /rgyal po ni sha'o/ /kun mchog ni lcags kyu lnga'o/ /gnas kyi dbang phyug ni yi ge gsum ste/ de rnams sbyang ba dang / sang ba dang / 'bar ba'i mtshan nyid can spyod pa ste/ des thob pa ni gang zhig mchog ni rdo rje 'chang chen po'i ngo bo ste/ chos kyi don ni bdud rtsir bya ba'o/ /de lta bu'i spyod pa'i mtshan nyid ni bdud rtsi bza' ba'i bya ba bka' stsal to zhes 'brel pa'o/ /de ni sgrub pa'o/ /yang na sku gsung thugs ni de bzhin gshegs pa'i rigs gsum ste/de rnams srog gcod pa la sogs pa'i dam tshig gi sgo nas 'dzin par byed pas na sku gsung thugs 'chang ba ste/ spros pa med pa'i spyod pa'o/ /rgyal po ni sangs rgyas kyi yum nges pa'i mtshan nyid can te/ shin tu spros pa med pa'i spyod pa'o//dkon mchog ni dam tshig gi phyag rgya rnams te/ de dag gi gnas kyi dbang phyug ni dkyil 'khor gyi gtso bo ste/ de nyid kyi sgo nas gang zhig spyod pa kun ni 'khyud pa dang 'o byed pa la sogs pa'i bya ba ste/ de nyid byang chub kyi rgyu yin pa'i phyir mchog yin no/ /de lta bu'i chos kyi don ni chos kyi dbyings kyi ye shes kyi chos nyid thob par bya ba'i phyir/don ni brjod par bya ba ste spros pa dang bcas pa'i spyod pa'i mtshan nyid bka' stsal to zhes dkyil 'khor rgyal mchog dang rdzogs pa'i rim pa dag go/ /rnam par mi rtog don las byung / /zhes bya ba la sogs pa la/'dir spyod pa la dang po dbang byed pa bstan par bya ste/ rnam par mi rtog pa ni gnyis dang bral ba'o/ /don ni sems kyi rgyud gang yin pa de las 'byung ba ni de bsgom pa'i ting nge 'dzin la dmigs te gnas pa ni rnal 'byor pa yin na/ de'i tshe 'dod chags dang zhe sdang dang gti mug nye bar mtshon pa nyon mongs pa gzhan dang gzhan gyi rigs can sna tshogs kyi nyon mongs pas 'khrug pa yin na yang /dngos grub mchog ni phyag rgya chen po'i dngos grub sgrub par byed pa ni thob par 'gyur ro/ /de bas na nyan thos pa la sogs pa'i theg pa rnams las theg pa 'di ni mchog ste/de bas na/ bla na med de rnyed par dka'/ /zhes bya ba ste tshig gi don to/ /de ni bsgrub pa dang rdzogs pa'i rim pa dag go/ /'dir ni man ngag 'di yin te/ phyag rgya chen po'i dngos grub 'dod pa'i rnal 'byor pas bdag nyid kyis 'dod chags la sogs pa che bar bltas te/de bas na byang chub thob pa'i phyir shing la sogs pas byas pa'i khang pa sum brtsegs byas la 'og khang la bza' ba dang btung ba sna tshogs byed pa gzhan la bar khang la glu dang rol mo mkhan la sogs pa bzhag cing / yang khang la shin tu 'jam pa'i bya 'gan la skyil mo krung gis 'dug ste/rnam pa sna tshogs pa'i dam tshig gi phyag rgyas bskor ba rdo rje 'chang chen po'i nga rgyal mngon du bya'o/ /lha mo de rnams kyis kyang rang gi bdag nyid mdor bsdus pa zla ba dang rdo rje la sogs pa'i rim pa'am/ cig car gyi rim pas rdo rje 'chang chen po dang / gzugs dang gzugs rdo rje ma la sogs pa'i lha mo rnams bsgoms te/ oM sarba ta thA ga ta pa ra ma tsu pa ri g+ha d+he ta swa b+hA wa At+ma kou0f85haM zhes bya ba'i sngags kyis de bzhin gshegs pa thams cad kyi nga rgyal bskyed la 'od zer gyi 'khor lo spro ba'i sbyor bas sems can gyi don byas la yang bsdus te de dang lhan cig tu phyi nang gsang ba'i mchod pa bya'o//de la re zhig dang po spyan la sogs pa'i gnas su dam tshig gi phyag rgya la a rnams rim pa ji lta ba bzhin du bzhag cing gzugs rdo rje ma la sogs pa yang de bzhin du bkod la/dbus su rang gi bdag nyid gnas shing spyan gyi rang bzhin gyi lha mo'i zhal bltas nas dga' ba dang sa'i khams rnam par dag cing mA ma kI'i ngo bo lha mo'i zhal bltas nas mchog tu dga' ba dang / chu'i khams rnam par dag pa ste/ gos dkar mo'i rang bzhin gyi lha mo'i zhal bltas nas dga' bral dang me'i khams rnam par dag pa ste/sgrol ma'i rang bzhin gyi lha mo'i zhal bltas shing lhan cig skyes pa dang rlung gi khams rnam par dag par bsgoms la/ de'i rjes la gzugs rdo rje ma'i rang bzhin gyi lha mo'i zhal bltas nas mig gi dbang po'i bde ba chen po nyams su myong la sgra rdo rje ma'i lha mo'i zhal bltas nas rna ba'i dbang po'i rnam par dag pa bsgoms la/dri rdo rje ma'i rang bzhin gyi lha mo'i zhal bltas pas sna'i dbang po rnam par dag pa ste/ ro rdo rje ma'i rang bzhin gyi lha mo'i zhal bltas nas/lce'i dbang po rnam par bcing / reg bya rdo rje ma'i rang bzhin gyi lha mo'i nu ma dag gi sra ba'i rang bzhin reg pa sa'i ngo bo dang de'i mchu'i ro myang ba ni chu'i khams kyi ngo bo dang / de nyid kyi pad+ma bsrubs pa las byung ba'i drod kyi reg pa ni me'i khams kyi rang bzhin dang /de nyid kyi ngang du rdo rje 'gro ba dang 'ong ba'i bya ba ni rlung gi khams kyi rang bzhin dang / de nyid kyi nang gi cha ru 'dod pa'i gdugs kyi khong stong nyams su myong ba ni nam mkha'i khams kyi rang bzhin du bsgoms la de'i rjes la de nyid kyi yan lag dang nying lag gi mdzes pa'i gzugs blta ba ni gzugs kyi ngo bo dang /ngang pa dang khu byug la sogs pa dang 'dra ba'i bde ba'i sgra snyan pa nyan pa ni sgra'i ngo bo dang de nyid kyi pad+ma las 'byung ba'i pad+ma dang ut+pa la la sogs pa dang 'dra ba'i dri ni dri'i ngo bo dang / pad+ma'i rdzas kyi ro myang ba ni ro'i ngo bo dang / de nyid 'khyud pa'i mtshan nyid ni reg bya'i ngo bo nyams su myong la phyi rol gyi mchod pa rnam lnga nye bar bsdus la tshogs kyi 'khor lo'i mchod pas lha mo'i 'khor lo yang dag par tshim ste mchod cing bdud rtsi lnga'i ri lu khar bcug la rol mo la sogs pas sems dpa' bar bya'o//spyan la sogs pa'i lha mo bzhi po ni rdo rje'i glu mdzad cing sems dga' bar byed pa'o//gzugs rdo rje ma ni nu ma bstan pas dbus kyi gtso bo mnyes par byed pa'o/ /sgra rdo rje ma ni pi wang gi rol mos mnyes par byed pa'o/ /dri rdo rje ma ni tsan+dan dang a ka ru dang ga pur dang / me tog tsam pa ka la sogs pas dgyes par byed pa'o//ro rdo rje ma ni bdud rtsi lngas gang ba'i snod phul bas mnyes par byed pa'o/ /reg bya rdo rje ma ni 'khyud pa'i bya bas mnyes par byed pa'o/ /de'i rjes la rnal 'byor pas dbus kyi gtso bo'i tshul gyis lha mo de dag thams cad rigs lnga'i sa bon rnams kyis byin gyis brlabs la rim gyis de dag dang lhan cig tu 'khyud pa dang tsum+ba na rnam pa brgyad du byas la mig dang lcags kyu dang gdan dag mdzub mo gnyis de nyid kyi pad+ma'i nang du bcug ste/'dod pa'i gdugs ni de srid bskyod par bya'o/ /ji srid du grang ba ma yin pa'i reg pa nyams su myong bar skyed pa'o//drod kyi rig pa nyams su myong ba thob la pad+ma g.yo ba'i 'dab ma'i tshul du bdud rtsi de lces nyams su myong zhing 'khyud la sen mo dang sos 'debs pa ni rnam pa brgyad du byas la/ 'phyang mo nyug dang yan lag 'khrug pa la sogs pa'i byed pa rnams kyis rdo rje bcing ba byas la /'dod chags la sogs pa'i rim pas mngon du byas la/ oM sarba ta thA ga ta a nu rA ga Na badzra swa b+hA ba At+ma kou0f85haM zhes bya ba'i sngags rmi lam bzhin du dmigs shing de nas cig car du langs te ro de nyid kyis rdo rje 'chang c hen po'i nga rgyal gyis 'dod pa'i yon tan lnga pos rang dang gzhan rnams mchod cing gzhan gyi don byas te/'dod chags kyi rigs can gyi rnal 'byor pas lha mo longs spyod pa'i bde bas mngon par byang chub kyi bde ba thob ste/ spros pa dang bcas pa'i spyod pa'o/ /de bzhin du rnam par mi rtog don ni dngos po thams cad yongs su spangs pa'o//de las byung ba ni ye shes thob pa'i rnal 'byor pa rnams so/ /'dod chags ni snang ba mtha' yas kyi rigs can gyi rnal 'byor pa'am/ zhe sdang dang gti mug gi rigs can nam/ rin chen 'byung ldan dang don yod grub pa'i rigs can gyi sgrub pa po rnams kyis dngos grub rab mchog ni spros pa med pa'i spyod pa la brten te/theg pa'i mchog ni mngon par byang chub 'grub par byed pa ste/ bskyed pa dang rdzogs pa'i rim pa dag go/ /re zhig dang po rnal 'byor pas gtsang ba dang mi gtsang ba'i rnam par rtog pa med pas bla ma'i man ngag gis dngos po thams cad bdag med pa'i chos rtogs pas 'od gsal ba'i snang ba gsal te/lo'am zla ba drug gam/ gsum mam/ bzhi'am/ gcig gam/ zla ba phyed dam/ zhag bdun gyis bsnyen bkur rab kyis de bzhin gshegs pa'i lung bstan pas dam tshig gi phyag rgya ma blangs te/de dang lhan cig tu spros pa med pa'i spyod pa rim pa 'dis spyad par bya ste/ smyon pa'i brtul zhugs blangs te tshem bu gyon la ru drA k+Sha'i phreng bas lkog ma rnam par brgyan te/ thal ba'i thig le gsum pos dpral bar mtshan te/thal bas yan lag bskus pas thal ba dang ldan pa'i snod kyis mchan khung mtshan pa/ gseg shang gi sgra sgrogs shing gdol pa'i rigs nga yin no zhes 'jig rten gyi reg pa spangs la 'gal ba'i bza' ba spyod pas bdag po med pa'i sa phyogs su gnas pa rang dbang du spyod pa'o//gal te rnam par snang mdzad la mos pa dang ldan pa yin na de'i tshe ral pa'i cod pan byas la shing ngam sa la sogs pa'i g.yas dang g.yon du dong pa btags pa bzhin du phyag dang phyag mtshan 'dzin pa rdul dkar pos de'i mdog 'dzin pa'o//gal te thugs rdo rje la sogs pa'i rnal 'byor pa yin na de'i tshe de nyid kyi sku mdog dang phyag mtshan dang tshul 'dzin pas phyag rgya ma'ang de dang 'dra bar byas la 'jig rten gyi chos rnam par rtog pa dang bral ba nags tshal la slong mo slong zhing lha ma yin pa'i bu mo rnams de la slong mo ster te/de za zhing phyag rgya ma de dang lhan cig tu de srid du ting nge 'dzin la goms par bya ba ste/ ji srid du rdzu 'phrul rnams thob par 'gyur ro/ /de thob nas de kho na nyid brtan par shes te/ 'gro ba'i don bya ba'i phyir smin pa dang /grol ba dang brtan pa'i rnam pas zhi ba la sogs pa dang / phyag rgya chen po'i dngos grub sems can rnams la ster bar byed pa ste/ spros pa med pa'i spyod pa'o/ /de bzhin du rnam par mi rtog don ni sgrib pa med pa'i ye shes te/ de las 'byung ba ni bskyed pa ste ye shes kyi phyag rgya ma'o//'dod chags dang zhe sdang dang gti mug gsum gyi rigs ni rdo rje dbyings kyi dbang phyug ma'i ngo bo phyag rgya ma de dang snyoms par zhugs te/ dngos grub rab mchog ni rdo rje 'chang chen po'i ngo bo nyid sgrub par byed pa ni sten par byed pa'o/ /theg pa'i mchog ni bla med pa//zhes pa ni de nyid bla na med pa'i mngon par byang chub mngon du byed pa'o zhes ston to/ /de ni bdag la byin gyis brlab pa'i rim pa'o/ /'dir bsdus pa'i don 'di yin te/ bskyed pa'i rim pa'i pha rol tu phyin pa'i rnal 'byor pas rdzogs pa'i rim pa'i spyod pa mngon du bya bar 'dod na dngos po thams cad kyi rang bzhin gyi chos kyi dbyings kyi rang bzhin 'od gsal ba la zhugs te cig car du sgyu ma lta bu'i ting nge 'dzin la brten te/rang gi thugs ka nas shes rab kyi pha rol tu phyin pa'i ngo bo ye shes kyi phyag rgya ma spros la de dang lhan cig tu bsam gtan gyi bza' ba can gyi phyi rol gyi bza' ba la mi ltos pa gang yang rung ba'i gnas su gnas shing gang yang rung ba'i gos gyon pa/gang yang rung ba smra ba ci 'dod pa spyod pa dang ldan pa/ sngags dang phyag rgya'i spros pa spangs pa smyon pa 'di yin no zhes 'jig rten pas dgod cing lta ba/bde ba dang sdug bsngal ba la sogs pa'i 'jig rten gyi chos la sems mnyam pa chu la sa bzhin du 'gro ba dang / sa la yang nub pa dang / 'byung bar byed cing 'bar ba dang snang ba la sogs pa'i 'gro ba'i yid dga' bar byed pa/mi snang ba la sogs pa'i sbyor ba'i bya ba la mkhas pa/ ji lta ba bzhin du yang dag pa'i ye shes rtogs pas tha mal pa'i bag chags kyi 'dam bu 'joms pa sngar bshad pa'i mtshan ma shin tu gsal bar mthong bas/ des dngos grub thob pa yin no zhes rtogs nas sdug bsngal gsum gyis mnan pa'i 'gro ba rnams la snying rje chen po bskyed cing 'od zer spro ba'i sbyor ba 'am/chos bstan pa'i sgo nas de nyid byas la bcud kyis len la sogs pas lus brtan par bya ba'am/ gzhan gyi grong la zhugs te yun ring du sems can gyi don bya ste shin tu spros pa med pa'i spyod pa'o//spyod pa gsum po de dag gis mngon par byang chub pa gsum rnal 'byor pas bsgrub par bya'o/ /rab tu byed pa las kyang ji skad du/ chos 'byung mngon par byang chub pa/ /'dod chags rlung sogs rgya che ba//chos dbyings mngon par byang chub pa/ /ji snyed pa yi spyod pa yis/ /bla med mngon par byang chub pa/ /mngon par byang chub sbyor bas so / /spros pa la sogs spyod pa yis/ /rnal 'byor pa rnams slob par byed/ /ces 'byung ngo / / 'o na bcom ldan 'das kyis sngags kyi theg par nyan thos pa'i byang chub bzhin du byang chub rnams tha dad par ma gsungs na/ de ji ltar byang chub gsum gsungs so zhe na de ni skyon ma yin te/ thabs kyi dbye ba dang spyod pa'i dbye bas 'bras bu tha dad pa tsam du bstan gyi/ don dam par 'bras bu ni gcig kho na yin gyi /sgo du ma la sogs pa'i grong khyer chen po bzhin no/ /de ltar gsungs te/ da ni spyod pa gsum gyi rten du gyur pa sngags kyi theg pa'i che ba'i bdag nyid bstan pa'i phyir rigs ngan smyig ma mkhan la sogs pa zhes bya ba la sogs pa gsungs te/gang zhig dgon pa'i lam du gzhan ma rnams la sol ba dang ldan pa drag po'i las byed pa'o/ /smyig ma mkhan ni drag po'i sems dang ldan pa rigs lnga pa ste kye 'chad pa'o/ /de bzhin du sogs pa'i sgras ni ri brags pa dang / khyi ra ba dang / nya shor pa la sogs pa'o//ji lta bu zhe na/ gsod don don gnyer sems pa rnams/ /zhes bya ba la/ gsod pa'i don srog gcod pas don ni bdag nyid 'tsho ba sems pa ni bya ba byed pa'o/ /de rnams kyang theg mchog 'di la zhes pa ni nyan thos la sogs pa'i theg pa las phul du byung ba'i theg pa chen po 'di la spyod pa rnam pa gsum gyi gzhir gyur pas bla na med pa ni mngon par byang chub rnam pa gsum sbyin pa'i nus pa dang ldan pa la 'grub par 'gyur ba ni rdo rje 'chang chen po'i sa thob par 'gyur ro//mtshams med pa ni lnga ste/ sogs pa'i sgras ni nye ba'i mtshams med pa lnga ste/byang chub sems dpa' rnams ni rnam par rtog pa nyon mongs pa yin no zhes de bzhin du sdig pa chen por byed pa ni dkon mchog gsum gyi rdzas 'phrogs pa'i sems can rnams kyang snga ma bzhin du rnam pa gsum gyi spyod pa gtso bor gyur pa'i sngags kyi theg pa chen po la brten te/byang chub chen po 'grub par byed pa ste/ spyod pa'i mthu brtan pa yin no/ /de ni sgrub pa'o/ /yang na rigs ngan ni kun gzhi rnam par shes pa ste/ 'khor ba'i dgon par bzhag cing dmyal ba'i ral gris sems can rnams gsod pa'i phyir ro//smyig ma mkhan ni nyon mongs pa can gyi yid kyi rnam par shes pa ste/ nyon mongs pa bzhi'i mtshon chas 'gro ba'i phyugs gsod cing za ba'i phyir ro/ /sogs pa'i sgras ni ri dwags pa dang khyi ra ba dang shor ba la sogs pa 'jug pa'i rnam par shes pa ste/ yul la sogs pa'i za ba sbyin pa tsam gyis sems can ri dwags dang nya rnams gsod pa'i phyir ro//de rnams gsod don ni ye shes gsum ste/ de rnams kyi yang don ni 'od gsal ba ste/ de gsal ba ni 'od gsal ba'i go 'phang sgom par byed pa'i rnal 'byor pa rnams 'grub par 'gyur ba ni phyag rgya chen po'i dngos grub thob par 'gyur ba'o//theg pa mchog ces bya ba la sogs pa ni snga ma bzhin te/ sems rnam par dag pa'i rim pa'o/ /mtshan ma med pa ni smig rgyu la sogs pa mtshan ma lnga ste/ de 'das ma thag tu de kho na nyid thob pa'i phyir ro//sogs pa'i sgras ni dus mtshams dang mtshan mo dang nyin mo'i rang bzhin 'dod chags dang 'dod chags dang bral ba dang 'dod chags bar pa'o/ /de rnams ji lta bu zhe na/ sems can ni rnam par rtog pa dang bcas pa'o/ /de nyid kyi phyir sdig pa chen po ni skyes pa 'od gsal ba'i snang ba dga' ba'i ngo bo ye shes kyis mi snang bar byed pa gang yin pa de ni sdig pa chen po byed pa ste rdzogs pa'i rim pa'i rnal 'byor pa rnams so//de lta bus phyag rgya chen po'i dngos grub 'grub par byed pa'o zhes ston to/ /de ni mngon par byang chub kyi rim pa'o//sngags kyi theg pa chen po la brten pa'i spyod pas thams cad 'grub par 'gyur ram zhe na/ snying nas slob dpon smad pa dag /ces bya ba la sogs pa la/ gang gi phyir sems dang po bskyed pa nas brtsams te/ rig pa'i dbang la sogs dbang bskur ba rnams kyi de kho na nyid the tshom med pa nyid thob cing shes rab kyi khyad par 'di bdag rang yin te/bdag gis thams cad shes pas 'dis ci bgyi'o zhes/ gang gis bla ma smod pa de ni slob dpon smod pa dag go/ /de rnams gal te rnam pa gsum gyi spyod pa la brten te nam yang theg pa 'di ni sngags kyi theg pa la 'grub par mi 'gyur ro//gang gi phyir des ni de nyid las dam tshig blangs te/ khyod kyis bdag ni smod par mi bya'o/ /dka' ba ma spangs pas dus byas te khyod dmyal bar ltung nga re/ de lta bu yang khas blangs nas/gal te de bzhin du byed na de'i phyir de la rang gi ngag gis dngos grub nyams par 'gyur ro zhes dgongs pa'o/ /de bzhin du rdo rje 'chang chen po dang slob dpon tha mi dad par rgyud 'di nyid la le'u bcu bdun pa las 'chad par 'gyur ba ste/ kho bo cag sangs rgyas la pha yin pa dang ma yin pa'o zhes gsungs so//de bzhin du gdan bzhi las kyang / slob dpon la ni yon tan smra/ /skyon ni nam yang ma yin te/ /sangs rgyas thams cad smad pa yis/ /des ni rtag tu sdug bsngal thob/ /tsha dang sbyar dug dug nad dang / mkha' 'gro'i chom rkun bgegs rnams kyis/ /gdon dang log 'dren rnams kyis kyang / /bsad nas dmyal bar ltung ba'o/ /zhes bya ba la sogs pa ni slob dpon smod pa rnams la 'bras bu ngan pa bstan pa ste sgrub pa'o/ /yang na slob dpon ni rdo rje 'chang chen po 'od gsal ba ste/de thob nas glo bur du byung ba'i nga rgyal gyi skyon gyis de nyid spangs te/ gang zhig zla ba dang rdo rje la sogs pa'i rim gyis bskyed pa'i rim pa la brten nas gnas pa de ni/ snying nas slob dpon smod pa dag /ces pa ni rtog pa'i rnal 'byor pa rnams te/ de dag 'grub par mi 'gyur ba ni 'od gsal ba'i go 'phang thob par mi 'gyur te/rnam par rtog pa nyid du dus zad pa'i phyir ro/ /rab tu byed pa las kyang / zla ba'i dkyil 'khor 'dra bar ni/ /rang gi sems ni blta bar bya/ /gal te zla ba la dmigs nas/ /rdo rje mtshan ma rtog par byed//bskyed pa'i rnal 'byor pa rnams kyis / /rdo rje la sogs thabs ston yin/ /zla rdo rje sogs sbyor ba yis/ /sems dang sems byung yang dag phrad/ /thabs dang shes rab kun sbyor bas/ /lha yi sku ni bskyed par 'gyur/ /phyag rgya bzhi pos rgyas btab cing //lha yi nga rgyal 'dzin pa ste/ /bskyed rim rnal 'byor dang ldan pa'i/ /rnal 'byor pa yis rtag tu spyod/ /dpal ldan 'dus pa la sogs las/ /de dang der ni rgya cher gsungs/ /ji srid bsgom pa'i rnal 'byor 'gyur / /de srid las ni dang po la//de ni yongs su rdzogs pa yi/ /rnal 'byor yang ni brtan par bya/ /zhes bya ba la sogs pa 'byung ste bskyed pa'i rim pa'o/ /de bzhin du A zhes pa ni snang ba mtha' yas dang mi bskyod pa dang don yod grub pa ste gsum mo/ /dza zhes pa ni rnam par snang mdzad do//rgya ni rin chen 'byung ldan te/ de rnams kyi ngo bo rin chen lnga ste/ bshang ba la sogs pa bdud rtsi lnga'o/ /de rnams smad pa ni nyan thos pa dang pha rol pa rnams so/ /de dag blang zhing spyod nas phyi nas kyang snang ba'o / /de nyid kyi phyir 'grub par mi 'gyur ba ni 'jig rten dang 'jig rten las 'das pa'i dngos grub las nye bar mi 'gyur ro zhes ston to//dam tshig rnams ni mi sbyor bas/ /zhes bya ba'i rtsa ba'i ltung ba thob pa'i phyir ro/ /de ni sgrub pa'o/ /da ni spros pa dang bcas pa bshad par bya ste/ srog gcod pa'i sems can gang zhes bya ba la sogs pa la/srog gi nye bar mtshon pa'i lus ni srog ste/ de nyid gcod pa ni tha mal pa'i ngo bo spangs la rnam par snang mdzad kyi ngo bo nyid du bya ba'o/ /smra ba ni ngag ste de nyid kyang tha mal pa'i bum pa dang snam bu la sogs pa'i sgra brjod pa'i ngo bo ste/ de la brdzun du byed pa ni de nyid kyi ngo bo spangs la snang ba mtha' yas nyid du bya'o//gzhan gyi nor ni rnam par shes pa brgyad kyi ngo bo yin te/ de nyid 'phrog pas sna tshogs pa'i nyon mongs pa dang / nye ba'i nyon mongs pa ldog pa ni mi bskyod pa nyid du bya ba la chags pa'o/ /gang zhig rnal 'byor pa rnams tha mal pa'i lus ngag yid stong pa nyid la zhugs te/zla ba dang rdo rje la sogs pa'i rim gyis de bzhin gshegs pa'i phyag rgya'i ngo bo nyid du byed pa'o/ /de bzhin du/ rtag tu 'dod pa spyad gang dang / /zhes bya ba la/ 'dod par bya zhing spyod pas na 'dod pa ste/lha mo spyan la sogs pa dang gzugs rdo rje ma la sogs pa'o/ /de dag spyad pa ni sngar bshad pa'i rim pas/ sum brtsegs la sogs pa'i rol pa'i khang par gnas shing / sna tshogs pa'i me tog la sogs pas brgyan pa'i/ rdo rje rnal 'byor ma dang lhan cig tu 'dod chags chen po'i ting nge 'dzin nyams su myong zhing byang chub sgrub par byed pa'o/ /de bzhin du bshang gci zas su za ba ni phan tshun bdud rtsi lnga nye bar spyod pa ste/ sbyang ba la sogs pa'i rim pas so/ /de rnams kyang snod du gyur pa ni snod du gyur pa'o//gang gi zhe na bsgrub pa yi / /zhes pa ni spros pa dang bcas pa'i spyod pa'o / /de bskyed pa'i rim pa dang sgrub pa dag ste/ spros pa dang bcas pa'i spyod pa'o/ /de bzhin srog ces bya ba'i rlung ste / snying ga nas langs nas kha dang sna dag las 'byung ba'o/ /de lta bu'i 'khor bar ltung bar byed pa'i rnal 'byor pa bcu gcod par byed pa ni rdo rje bzlas pa'i rim pas 'od gsal ba'i go 'phang la zhugs pa'i rnal 'byor pa gang yin pa de ni srog gcod pa'o//de bzhin du smra zhing bstan pa ni brgya drug cu'i dbye bas gang zhig de ni smra ba ste/ rang bzhin rnams so//de rnams brdzun du byed pa ni spong ba la/ gang zhig dga' ba ni chags pa ste/ sems rnam par dag pa'i rim pa'i rnal 'byor pa rnams so/ /gzhan gyi nor ni 'od gsal ba ste/ de nyid 'phrog pa ni de las cig car du sgyu ma'i sku blang ba ste/ gzhan gyi nor 'phrog pa ni bdag la byin gyis brlab pa'i rim pa'i rnal 'byor pa rnams so//de bzhin du rtag tu ni dus mtshams dang / mtshan mo dang nyin mo'i dbye bas so/ /'dod pa ni 'dod chags dang 'dod chags dang bral ba dang 'dod chags bar pa rnams la spyod pa ni rnam par dag par byed pa la nus pa dang ldan pa ste/mngon par byang chub kyi rim pa'i rnal 'byor pa rnams so/ /de bzhin du mi gnas pa'i mya ngan las 'das pa'i ting nge 'dzin la dmigs te/ gang zhig 'jig rten la grags pa'i bshang gci dang rdzas tha mi dad par shes pa de ni bshang gci zas su za ba ste/yongs su rdzogs pa'i zung 'jug gi rim pa'i rnal 'byor pa rnams te/ de dag sgrub pa 'di la rnam pa gsum gyi spyod pa brtan par byed pa'i theg pa la 'grub par 'gyur ba ni rdo rje 'chang chen po nyid du 'gyur ba zhig slob bzhin ma yin par 'grub bo/ /rab tu byed pa las kyang zung 'jug ting nge 'dzin la gnas nas/slar ni gang la'ang mi slob po zhes 'byung ste/ rdo rje'i bzlas pa dang / sems rnam par dag pa dang / bdag la byin gyis brlab pa dang / mngon par byang chub pa dang / zung 'jug gi rim pa rnams so/ /spros pa dang bcas pa'i spyod pa bstan nas spros pa med pa'i spyod pa bshad pa'i phyir/ma dang sring mo zhes bya ba la sogs pa gsungs te/ ma ni lha mo spyan gyi rang bzhin no/ /sring mo ni mA ma kI'i rang bzhin no/ /bu mo ni gos dkar mo'i rang bzhin no/ /ngang gi sgras ni lha mo sgrol ma'i rang bzhin tsha mo yin te/dam tshig gi phyag rgya ma de rnams blangs la nags tshal la sogs par 'bras bu la sogs pa ci snyed pa za zhing / de nyid mnyes par byas nas/ sgrub pa ni rig ma'i brtul zhugs can rnal 'byor pas dngos grub rgya chen po ni phyag rgya chen po'i dngos grub thob pa'o//theg pa chen po ni nags tshal du mchog ni rdzu 'phrul gyi khyad par can/ chos ni spyod pa gang la yod pa de ni theg chen mchog gi chos nyid de/ nags tshal gyi lha mo rnams so/ /de rnams la bza' ba rnyed nas dngos grub kyi skal ba dang ldan par gyur pa ste/ rdzogs pa'i rim pa dang sgrub pa dag go/ /yang na ma ni lkog ma'i dkyil 'khor ro/ /sring mo ni snying ga'i dkyil 'khor ro/ /bu mo ni lte ba'i dkyil 'khor ro/ /ngang gi sgras ni tsha mo yin te gsang ba'i dkyil 'khor ro/ /dkyil 'khor de dag gang gis mnyes pa ni dmar po la sogs pa'i 'od zer gyis ting nge 'dzin gyi nang gi bdag nyid kyi dus la goms par byed pa des ni dngos grub ni zhi ba la sogs pa'i dngos grub dang /rgya chen ni phyag rgya chen po'i dngos grub thob par 'gyur ro/ /theg chen ni g.yon dang g.yas kyi sna khung gnyis so//de nyid kyi mchog gi chos ni g.yas pa la sogs pa'i dbye ba'i spro ba ste de las thob par 'gyur te rdo rje'i bzlas pa'i rim pa'o/ /yang na ma ni chos kyi sku'o/ /sring mo ni longs spyod rdzogs pa'i sku'o/ /bu mo ni sprul pa'i sku'o/ /sgrub pa pos ni rnal 'byor pas stong pa nyid dang /dbus kyi gtso bo dang / dkyil 'khor pa'i rnam pas sku gsum gyi bdag nyid dkyil 'khor gyi 'khor lo gang gis mnyes pa ni sgom par byed pa'o/ /des dngos grub rgya chen te rdo rje sems dpa'i dngos grub thob par 'gyur ro/ /theg chen ni stong pa nyid do/ / mchog ni zla ba dang rdo rje sa bon bkod pa'o/ /chos ni sku rdzogs pa la sogs pa'i bsgom pa'o/ /de lta bu grub par bya'o zhes ston te/ dang po sbyor ba dang dkyil 'khor rgyal ba mchog dang las rgyal ba mchog gi ting nge 'dzin rnams dang spros pa med pa'i spyod pa'o/ /shin tu spros pa med pa'i spyod pa bshad par bya ba'i phyir/sangs rgyas gtso bo'i yum dag la/ /zhes bya ba la sogs pa gsungs te/ sangs rgyas kyi yum ni shes rab kyi pha rol tu phyin ma'i ngo bo ye shes kyi phyag rgya ma'o/ /de nyid gtso bo ni snying ga las spros te/ mnyes par byas pa ni rdzogs pa'i rnal 'byor pas bsgom zhing mi gos pa ni rnam par rtog pa'i dri ma rnams kyis mi reg pa'o zhes ston to//de lta bu bsgom pa'i rnal 'byor pas sangs rgyas 'grub par 'gyur ba ni mngon par byang chub kyi go 'phang thob par 'gyur ro/ /ji lta bu zhe na/ rnam par mi rtog ces pa ni snga ma bzhin du gnyis su med pa'i bsgom pa la gnas pas so//khyi la sogs pa las khyad par bstan par bya ste/ blo can zhes bya ba ni thabs dang shes rab kyi bsgom pa la sogs pa dang ldan pa ste/ shes rab dang bcas pas so zhes ston to/ /des ni 'di bshad pa yin te/gtsang ba dang mi gtsang ba la sogs pa'i rtog pa spangs pa'i rdzogs pa'i rim pa'i rnal 'byor pas rang gi snying ga las rnal 'byor ma spros te/ gnyis su med pa'i spyod pas rnam par rtog pa med cing bsam gtan gyi bza' ba can de srid du bsgom par bya ste ji srid du mngon par byang chub kyi go 'phang thob par 'gyur te/bskyed pa dang rdzogs pa'i rim pa dag dang / shin tu spros pa med pa'i spyod pa'o/ /yang na sangs rgyas ni kha phye ba'i pad+ma'o/ /yum ni de nyid kyi rtsa dbus ma ste 'dod pa'i gdugs so/ /mnyes par bya ba ni de nyid 'gags shing byang chub kyi sems 'dzin te/mi gos pa ni 'dod chags la sogs pa'i rnam par rtog pa'i dri mas reg par mi 'gyur ro/ /rnal 'byor pa des ni sangs rgyas ni lhan cig skyes pa'i bde ba 'grub par 'gyur ba ni rdzogs par 'gyur ro/ /ji lta bu zhe na rnam par mi rtog pa zhes bya ba la/rnam par rtog pa ni dpe'i lhan cig skyes pa ste de las 'das pas so/ /blo ni dpe las byung ba'i lhan cig skyes pa ste/ de nyid gang la yod pa de ni blo can te/ sgrub pa chen po'i rnal 'byor pas sangs rgyas rnyed par mi dka'o zhes tshig gi don te de ni 'bras bu'o//yang na sangs rgyas ni khams gsum pa'o/ /yum ni de nyid kyi yum ste yi ge bzhi bcu rtsa dgu'i bdag nyid yi ge'i phyi ma'o / /de nyid bud med dang skyes pa dang ma ning gi rang bzhin gyi yi ge gsum gyis nye bar bsdus la/ mnyes par bya ba ni 'jug pa la sogs pa'i rim gyis zo chun gyi 'khrul 'khor bzhin du bzlas pas ngag gi bzlas pa'i mtshan nyid can gyi phyi rol gyi rnam par rtog pa rnams kyis gos par mi 'gyur ro//ji srid sangs rgyas ni rdo rje 'chang chen po'o/ /rnam par snang mdzad la sogs pa'i bzlas pa'i rim pas 'grub par 'gyur ro//ji lta bu zhe na/ rnam par mi rtog ces pa ni yan lag ma nyams pa'i bzlas pas so/ /blo can ni nyin mo dang mtshan mo nyi khri chig stong drug brgya'i bzlas pas so zhes ston to/ /de ni rdo rje bzlas pa'i rim pa'o/ /yang na sangs rgyas ni rnam par shes pa gsum gyi yum ni 'od gsal ba'i rang bzhin shes rab ste/de nyid mnyes par bya ba ni rang bzhin rnam par dag pa'i sgo nas bsgom zhing / mi gos pa ni rang bzhin gyis byas pa'i skyon gyi dri ma rnams kyis gnod par mi 'gyur ro/ /ji srid rnal 'byor pa des sangs rgyas ni zla ba'i dkyil 'khor gyi snang ba dang /rnam par mi rtog pa ni nyi ma'i dkyil 'khor gyi snang ba ste/ blo can zhes pa ni zla ba dang nyi ma'i snang ba med pa'i 'od gsal ba'i snang ba 'grub par 'gyur te/ sems rnam par dag pa'i rim pa'o/ /yang na sangs rgyas kyi yum ni 'od gsal ba kho na'o//de mnyes par bya ba ni de nyid las cig car du sgyu ma lta bu'i sku spros par byas shing / mi gos pa ni spros pa dang bcas pa'i bsgom pas dbang du bya ba ma yin no/ /'on kyang dri za'i grong khyer la sogs pa'i sgyu ma'i dpe bcu gnyis kyi lha'i sku la dmigs te/khams gsum pa yang de nyid kyi ngo bor blta bar bya'o/ /de nyid kyi phyir sangs rgyas ni rus pa dang sha la sogs pa med pa'i ye shes kyi sku rnal 'byor des 'grub par 'gyur ro/ /rnam par mi rtog ni zla ba dang rdo rje la sogs pa'i bsgom pa dang bral bas so//de bzhin du blo ni spros pa med pa'i shes rab ste/ de nyid gang la yod pa de ni blo can rnal 'byor pa ste bdag la byin gyis brlab pa'i rim pa'o/ /de bzhin du sangs rgyas yum ni 'dod chags la sogs pa spong bas de kho na nyid bzhi pa'o/ /mnyes par bya ba ni snang ba la sogs pa'i rim gyis de nyid la goms par byas shing /mi gos pa ni rnam par rtog pa rags pa rnams kyis bsten par mi 'gyur ro/ /ji srid sangs rgyas te mngon par byang chub des 'grub par 'gyur ba ni bskyed par 'gyur ro/ /ji lta bu zhe na/ rnam par mi rtog ni ril por 'dzin pa'i ting nge 'dzin dang ldan pas so//blo can ni rjes su gzhig pa'i gtso bor gyur pa'i rnal 'byor pa ste mngon par byang chub kyi rim pa'o/ /de bzhin du sangs rgyas kyi yum ni bden pa gnyis tha mi dad pa'i mtshan nyid can gyi ting nge 'dzin to/ /mnyes par bya ba ni de nyid la brten nas mi gos pa ni bram ze gdol ma la sogs pa'i rnam par rtog pa rnams kyis reg par mi 'gyur ro//de nyid kyi phyir sangs rgyas ni mi gnas pa'i mya ngan las 'das pas grub par 'gyur ro/ /rnam par mi rtog pa ni rdo rje lta bu'i ting nge 'dzin to/ /blo ni kun du 'od kyi sa ste gang la yod pa de ni blo can te sangs rgyas kyi sa thob pa'i rnal 'byor pas so zhes ston te/zung du 'jug pa'i rim pa'o/ /de bzhin du yum ni shes rab bo/ /sangs rgyas ni rnal 'byor pa ste dang po'i don grub pa'o/ /gtso bo ni gnyi ga yang shin tu bslab pa'o/ / mnyes par bya ba ni yang dag par sbyor bar byas shing / mi gos pa ni nyan thos la sogs pa'i rnam par rtog pa rnams kyis mi gzung ba'o/ /de ltar na bsgrub bya dang sgrub byed yang dag par sbyor ba dang ldan pa'i rnal 'byor pas/ nye bar bsgrub pa la sogs pa'i phyi ma'i bya ba rnams kyi sangs rgyas ni rnam par mi rtog pa nyid dang /blo can ni nges par 'byed pa'i shes rab dang ldan pa'i ye shes thob par 'gyur ro/ /de ni rang bzhin no/ /yum ni pad+ma'o/ /sangs rgyas ni rdo rje'o/ / de dag mnyes par bya ba ni yang dag par sbyor zhing mi gos pa ni yid kyis smod par mi bya'o//'grub par 'gyur zhes bya ba la sogs pa ni snga ma bzhin du de rgyu'o/ / yum ni yi ge hUM ngo / /sangs rgyas ni yi ge phaT do/ /de dag char rengs pa'i phyir gtso bo'o/ /mnyes par bya ba ni de dag dgod pa sngon du 'gro ba'i bskyod pa byas shing mi gos pa ni dga' ba dang bral bar mi bya ste byang chub kyi sems spro bar mi bya'o//gzhan ni snga ma bzhin du'o/ /ji skad du/ b+ha gar ling+ga rab zhugs nas/ /byang chub sems gnas 'gro mi bya/ /dga' ba de nyid 'khrugs nas ni/ /sems ni gang zhig bsgom par bya/ /byang chub kyi sems spro ba ni//ji srid sngags pas mi bya ste/ /dga' skyes bde ba gang yang rung / /de srid rgyun ma chad par thob/ /bde ba'i ngo bo de nyid dang / /ldan zhing mchog dang zhi ba dang / /bdag nyid rtag tu bsgom byas na/ /'grub 'gyur 'dir ni the tshom med/ /dngos grub thams cad ster ba'o//byang chub kyi sems lhung 'gyur na/ /rnam shes phung po brgyal gyur pas / /bla med dngos grub ga la yod/ /ces 'byung ngo / /de ni las so/ /yang na sangs rgyas ni dbang po dang yul bcu ste/ de rnams kyi yum ni de dag gi rnam par shes pa rnams so//de rnams gsum yang dag par sbyor ba'i reg pas mnyes par byas shing / mi gos pa ni rnal 'byor pa de phyugs bzhin du bcing bar mi 'gyur te/ phul du byung ba'i thabs dang ldan pa'i phyir te so sor sdud pa'o/ / sangs rgyas ni dbang po dang yul rnams so/ /yum ni de rnams gcig tu byas nas/ sangs rgyas lnga'i rang bzhin du mnyes par bya ba ni bsgoms shing mi gos pa ni rigs mi mthun pa'i yid la byed pa gzung bar mi bya'o/ /gzhan ni snga ma bzhin te bsam gtan no/ / sangs rgyas ni byang chub kyi sems so/ /yum ni de nyid kyi thig le'o/ /gtso bo ni sna tshogs pa'i ngo bo nyid do/ /mnyes par bya ba ni de nyid spro ba'i rim pas 'gro ba dang 'ong bar byas shing rigs mi mthun pa'i rnam par rtog pa rnams mi gos so/ /gzhan ni snga ma bzhin te srog dang rtsol ba'o//sangs rgyas kyi yum ni rnam par mi rtog pa'i shes rab bo/ /mnyes par bya ba ni shes rab de nyid kyis rdo rje'i rtse mor byang chub kyi sems kyi thig le 'dzin te/ mi gos pa ni g.yo bar mi 'gyur ro/ /gzhan ni snga ma bzhin te 'dzin pa'o/ /sangs rgyas ni de bzhin gshegs pa rnams so//yum ni rigs kyi lha mo spyan la sogs pa dang gzugs rdo rje ma la sogs pa dang khro bo rnams so/ /mnyes par bya ba ni de rnams thig le las 'gro ba'i don du spros te/ de'i tshe mi gos pa ni 'ba' zhig pa'i stong pa nyid tsam gyi rnam par rtog pas gzung bar mi 'gyur ro//gzhan ni snga ma bzhin te rjes su dran pa'o/ /de bzhin sangs rgyas kyi yum ni/ de bzhin gshegs pa thams cad nye bar bsdu bas de bzhin gshegs pa thams cad kyi rdul phra rab kyis byas la kun rdzob dang don dam pa'i bden pa'i rnam pa gnyis su med pa srid pa dang zhi ba ro gcig pa'i ngo bo lha'i sku'o//de nyid 'gro ba'i don sna tshogs mdzad pa'i nus pas gtso bo de mnyes pa ni dmigs par byed pa'i rnal 'byor pas mi gos pa ste tha mal pa'i bag chags rnams kyis yang 'khrul bar mi 'gyur ro/ /de'i tshe sangs rgyas ni mi gnas pa'i mya ngan las 'das pa'i rang bzhin gyi gnas 'grub par 'gyur ba ni mngon du 'gyur ro//rnam par mi rtog pa ni snying rje chen po dang ldan pa dang / blo can ni shes rab chen po dang ldan pa ste ting nge 'dzin to/ /de ni don yod grub pa'i rnal 'byor ro/ / sangs rgyas ni rdzas lnga'o/ /de rnams kyi yum ni yi ge gsum mo/ /de mnyes pa ni sbyong ba la sogs pa'i don du dgod pas tha mal pa'i bag chags kyi rnam par rtog pa mi bya'o/ /bdud rtsi lnga spyod pa'i rnal 'byor pa de nyid kyis sangs rgyas ni rdo rje 'chang nyid 'grub par 'gyur ro//gang gi tshe zhe na/ gal te rtog pa ni gtsang ba dang mi gtsang ba la sogs par mi 'gyur ro/ /blo can zhes pa ni blo ni ji bzhin byas pa'i bsgom pa ste/ de gang la yod pa de ni blo can te des so/ /yang na blo ni bskyed pa'i rim pa la sogs pa dran pa ste/ de gang la yod pa de ni de bzhin sgrub pa'o//'dir ni las rtsod par byed de/ bshang gci zas su za ba ste/ /zhes gang bshad pa de ni 'jig rten dang 'gal ba spyod pas khyi dang spyang ki la sogs pa bzhin du byis pa'i spyod par rnal 'byor pa thal bar mi 'gyur ram zhe na/ smras pa/ thal bar mi 'gyur te/gang gi phyir rigs pas rtogs pa'i dngos po rnams gtsang ba la sogs pa mi dmigs te/ de la re zhig phyi rol gyi dngos po rnams ni gtsang ba ma yin la / mi gtsang ba yang ma yin te/ gang gi phyir kho bo cag la tshad ma gnyis yod pa ste/ mngon sum dang rjes su dpag pa dag go//de la mngon sum du ni rnam par mi rtog pa'i rang bzhin rang gi mtshan nyid tsam 'dzin pas tshul 'di lta bu ma yin te/ 'di ni gtsang ba dang 'di ni mi gtsang ba zhes pa'o/ /de lta bu yin na mngon sum de ni rnam par rtog pa dang bcas par thal bar 'gyur ba'i phyir ro//de ni rang gi mtshan nyid kyi rjes su 'gro ba dang ldog pa'i rjes su 'brang ba tsam yin pa'i phyir ro/ /nges pa'i shes pas rtogs par 'gyur ro zhe na/ de ni ma yin te nges pa'i shes pa ni rang gi mtshan nyid tsam nges par byed pa yin gyi/gtsang ba dang mi gtsang ba la sogs pa ni ma yin no/ /gang gi phyir rang gi mtshan nyid ni ngo bo gang gis mngon sum du snang ba ngo bo de nyid kyis nges pa'i shes pa ni rnam par gzhag pa'i rgyur rigs te/ gzhan du na bum pa snang ba'i dus su snam bu nges par thal bar 'gyur ro//gzhan yang re zhig rnam par mi rtog pa ni tshad ma gtso bor rigs te/ de ni de rnam par gzhag pa'i rgyu tsam yin pa'i phyir ro/ /gang zhig 'di ni gtsang ba dang mi gtsang ba la sogs pa'i rnam par rtog pa de ni thog ma med pa'i bag chags kyis mnan pa'i rang dbang gi rnam par rtog par byas pa yin gyi/dngos po las skyes pa'i shes pas ni ma yin no/ /gang gi phyir tha dad pa dang tha mi dad pa ma yin pa'i phyir ro/ /de nyid rnam par gzhag pa yang rnam par rtog pa'i dbang gis de rnam par rtog pa de yang tshad ma ma yin te/ bgres po rnams kyis gtan la bab pa'o//de'i phyir mngon sum gyis ni gang gtsang ba dang mi gtsang ba la sogs pa'i rnam par dbye ba mi bya'o/ /rjes su dpag pas kyang ma yin te/ de ni med par mi 'byung ba'i rtags mthong ba'i stobs kyis bskyed pa'i phyir te/ du ba dang me bzhin du'o//rdzas rnams kyang gtsang ba dang mi gtsang ba la sogs pa rjes su dpag na med par mi 'byung ba'i rtags ni gang mi mthong ba ste/ gang gis 'di ltar rnam par gzhag par bya ba ste/ 'di ni gtsang ba nyid dang 'di ni mi gtsang ba zhes so/ /'o na gang zhig 'di dri ngan pa dang mdog ser po la sogs pa ste/rtags yod pa ma yin nam zhe na/ dri ngan pa ni gzhan rnams sgog pa la sogs pa yod pa ste/ 'khrul pa can gyi rtags yin no/ /sgog pa la sogs pa ni thams cad kyis bza' bar bya ba yin no/ /'o na der yang 'di nyid rtsod par bya ba ma yin nam zhe na/de skad ma zer cig /bcud len bsgrub pa'i dus su sna tshogs pa'i rdzas kyi tshogs bskol na dri ngan pa dang bzang ba dmigs pa ste/ de nyid kyang mi bza' bar thal bar 'gyur ro/ /gzhan yang dri ngan pa ni mi gtsang ba'i rtags yin pa dang /dri bzang ba ni gtsang ba'i rtags yin na/ dgun chang la ni dri bzang ba yod pa ste bram ze rnams ci'i phyir mi 'thung ste/ 'on kyang btung ba nyid du thal bar 'gyur ro/ /mdog ser po la sogs pa mi gtsang ba la sogs pa'i rtags ma yin te/ gser la sogs pa ser po yin pas reg par bya ba'i phyir gser de rnams ni bram zes ci'i phyir blang /de'i phyir 'di ni thams cad 'khrul pa yin no/ /khong pa'i me'i reg pas mi gtsang ba yin no zhe na/ de ltar yin na ba'i khong pa'i me'i reg pas 'o ma yang mi btung bar thal bar 'gyur ro//dro ba'i reg pa dag ni khong pa'i me'i reg pa kho bo cag mi zer te/ 'on kyang skyes pa'i smin ma'i gnas su smin pas mi gtsang ba ni bshang ba la sogs pa yin no zhe na/ de ltar yin na khrag dang shu kra dag smin ma'i gnas su mi smin pas yas cag gis btung bar thal bar 'gyur te ha cang thal bar 'gyur bas chog go//de bas na 'khrul pa'i rtags mthong bas dngos po ni gtsang ba dang mi gtsang ba la sogs pa ma yin no/ /gzhan yang yas cag gis ni gtsang ba nyid du rtogs pa ste/ de la ni tshad ma gang yang mi dmigs te/ de rnams phyugs yin pas bshang ba la sogs pa za ba ste/de las byung ba'i 'o ma ni btung bar mi 'gyur te/ yas cag rnams kyis 'di ltar smra ba'i tshig ni 'gal ba yin te/ ba'i pags pa la zla ba btung bar bya ba ste ro ni mi reg pa'i phyir ro/ /sngags kyis dag par byas pas skyon med do zhe na/de ltar yin na sngags kyis dag par byas pa'i skyes pa'i pags pa la yang zla ba btung bar thal bar 'gyur ro/ /'jig rten la ma grags pa yin zhe na/ de ltar yin na 'jig rten la grags pa tshad ma yin gyi/ rig byed kyi ngag ni tshad ma gang yang ma yin pas de'i tshe 'jig rten pas ni btsong bza' bar byed pa ste/de yang khyed cag rnams la tshad mar thal bar 'gyur te/ 'jig rten la grags pa'i phyir ro/ /'jig rten la grags pa dang ldan pa'i rig byed kyi ngag tshad ma yin no zhe na/ de la gal te rig byed kyi ngag tshad ma yin na/'jig rten la grags pas ci bgyi ba'o/ /gal te tshad ma ma yin na de'i tshe yang 'jig rten la grags pas ci bgyi ba'o/ /lhan cig byed pa tsam yin no zhe na/ lhan cig byed pa ni phan par byed pa yin nam phan par byed pa ma yin zhe na/ phan par byed pa yin na sngar bstan pa'i skyon 'byung bar 'gyur ro/ /phan par byed pa ma yin na ha cang thal bar 'gyur ro/ /de bas na rtags med do/ /de bzhin du bram ze la sogs pa'i rigs rnams kyang bstan to/ /de la srog dang / rigs dang / lus dang / shes pa dang / spyod pa dang / 'dus byas pa ni bram ze ni ma yin te/ srog ni bram zer mi rigs te/ de ni bde ba dang sdug bsngal gyi bdag nyid kyi dbus nas brtsams te/ srid pa'i rtse mo'i bar du mtshungs pa yin pa'i phyir khyad par med do/ /srog bram ze yin na bram ze'i lus gsod pas bram ze gsod pa nyid du thal bar mi 'gyur ro//rigs ni bram ze ma yin te/ rigs ni gsal ba la gnas sam mi gnas/ gsal ba la gnas pa yin na gsal ba bzhin du mi rtag pa nyid du thal bar 'gyur te/ rigs de yang khyed rnams ni rtag par 'dod do//gsal ba mi gnas na gzhan du mi dmigs te/ ri bong gi rwa bzhin no/ /lus kyang bram ze ma yin te/ rkang pa dang lag pa la sogs pa dang / shu kra dang khrag la sogs pa ni sme sha can dang mtshungs pa'i phyir ro/ /skra ser po la sogs pa nyid ni bram ze'i lus la 'khrul pa can yin te/spre'u la sogs pa de mthong ba'i phyir ro/ /rig byed klog pa'i shes pa'i mtshan nyid can bram ze nyid ni ma yin te/ dmangs rigs la sogs pa yang de shes pa rnams bram zer thal bar 'gyur ro/ /khrus dang sbyin sreg la sogs pa'i spyod pa'i bram ze nyid du khas blangs nas/de ni de dang ldan pa'i dmangs rigs kyi skyes pa yang bram ze nyid du thal bar 'gyur ro/ /dus byas pa ni sgra mtshams phye ba la sogs pa'i mtshan nyid can bram ze yin na/ rigs ngan mo rnams kyang de byed pas na bram ze nyid du ma yin pa'i phyir ro//de bas na bram ze la sogs pa'i rigs 'di rnams ni rtog pas byas pa'i tha snyad tsam yin no/ /gzhan yang khyed rnams kyi grub mtha' 'di yin te/ skye dgu'i bdag po tshangs pa'i spyi bo las skyes pa bram ze rnams skyes pa dang / lag pa dag las rgyal rigs dang /brla las rje rigs dang / rkang pa dag las dmangs rigs so/ /de ltar yin na bram ze mo gang las skyes/ phyi rol pa la sogs pa las skyes na rigs gzhan du thal bar 'gyur ro/ /spyi bo nas skyes pa yin no zhe na/ de ltar na rigs gcig las skyes pa'i bram ze mo dag phan tshun ming po dang sring mo yin te/gzhan yang bram ze'i chung ma ni bram ze mo yin te/ rang gi rus la 'gro bar thal bar 'gyur ro/ /de nyid kyi phyir gtsang ba dang mi gtsang ba la sogs pa'i rnam par dbye ba'am/ rigs kyi dbye ba don dam pa ma yin no//'on kyang bcom ldan 'das yang dag par rdzogs pa'i sangs rgyas gcig pu bram ze kho na yin te/ gang gi tshangs pa'i de kho na nyid ni kun rdzob dang don dam pa dbyer med pa'i mtshan nyid can mkhyen pa dang ston par mdzad pa'o/ /de nyid kyi theg pa la zhugs pa'i dge slong rnams kyang bram ze yin te/rtag tu dge ba'i las spyod pa'i phyir te / ha cang thal bar 'gyur bas chog go/ /da ni rnal ma'i don dpyad par bya ste/ de nas sgrib pa thams cad rnam par sel ba zhes bya ba la sogs pa la sgrib pa thams cad sel ba gtso bor gyur pa'i byang chub sems dpa' rnams ni sa bcu'i dbang phyug go//ngo mtshar du gyur pa ni gdol pa la sogs pa rnams rdo rje 'chang chen po'i go 'phang thob pa dang / rmad du gyur pa ni srog gcod pa rnams byang chub thob par thos so/ /nyon mongs pa dang nye ba'i nyon mongs pa 'joms pas bcom ldan 'das so//de nyid kyi phyir de bzhin gshegs pa thams cad ni nyan thos la sogs pa dang / de bzhin gshegs pa lnga'i bdag po ni stong pa nyid du gyur pa yin na yang / de bzhin gshegs pa thams cad ni nyon mongs pa dang shes bya'i sgrib pa spong ba ste/de rnams kyi 'khor gyi dkyil 'khor gyi nang du tshig ngan pa ni rigs zhes bya ba la sogs pa ste/ de nyid gsung ba ni shin tu gsal bar ston par mdzad pa de ni ngo mtshar che ba yin no zhes gsol te de ni sgrub pa'o/ /de nas zhes bya ba la sogs pa la/ byang chub sems dpa'i tshig gsan nas de rnams kyi the tshom sel bar mdzad pa'i phyir mi bskyod pa la sogs pas 'di skad ces bka' stsal to//'di mthong ba ni bkag pa la'o/ /ma'i sgra ni yang dang yang du'o/ /des na don 'di yin te/ rigs kyi bu rnams zhes pa ni de bzhin gshegs pa'i rigs las byung ba'i khyed rnams de skad ma zer cig /mi bskyod pa la sogs pa'i de bzhin gshegs pa drug gi rigs las byung ba'i khyod cag gis kyang tshig gi don de lta bu mi shes na gzhan sus shes pa ste gtad pa'o/ /tshig rnams kyi dgongs pa de nyid gsungs pa yin te/snying po ye shes can rnams kyi/ /zhes bya ba la sogs pa la/ sangs rgyas ni 'dod chags la sogs pa'i nyon mongs pa rnam par dag pa'i ngo bo de bzhin gshegs pa'i chos nyid 'di yin te/ gang zhig tshig rnams kyis brjod par bya ba thams cad stong pa nyid do//dag pa zhes pa ni thabs la mkhas pas kun du bzang po'o / /sangs rgyas ji lta bu zhe na/ snying po ni 'od gsal ba ste/ de shes pas na snying po ye shes can te de rnams kyi'o/ /chos nyid ji lta bu zhe na/ snying po chos nyid ni 'od gsal ba ste/ de'i mchog ni sgyu ma lta bu'i sku ste de las 'byung ba'o/ /sgyu ma lta bu'i ting nge 'dzin la dmigs te/ bstan pa 'di rdo rje sems dpas mdzad pa'o/ /de nyid kyi phyir bstan pa 'di ji lta bu zhe na/ byang chub spyod pa'i gnas 'di yin/ /zhes pa la/ byang chub ni spros pa dang bcas pa'i spyod pa'o//spyod pa ni spros pa med pa'i spyod pa'o/ /gnas ni shin tu spros pa med pa'i spyod pa ste/ de rnams kyi rang bzhin yin pas mngon par byang chub pa rnam pa gsum ster bar byed pa'o zhes tshig gi lhag ma'o/ /de ni sems rnam par dag pa dang / bdag la byin gyis brlab pa'i rim pa dang sgrub pa rnams so//yang na sangs rgyas ni yan lag bcu gnyis pa'i chos kyi gsung rab mkhyen pa'i de bzhin gshegs pa rnams kyi chos nyid ni rtogs par bya ba'i don bstan pa'o/ /dag pa ni gsal ba'o/ /sangs rgyas ni ji lta bu zhe na/ snying po ni 'gro ba'i sems te/ de mkhyen pas na snying po ye shes can no/ /chos nyid ji lta bu zhe na/ snying po'i chos ni tshig ste de nyid kyi mchog ni brjod par bya ba'i don de las byung ba ni skyes pa ste/ rtogs par bya ba'i don bstan pa ni byang chub spyod pa ni rnam pa gsum gyi spyod pas bsgom par byas na/gnas ni rdo rje 'chang chen po'i go 'phang thob par 'gyur ro zhes tshig gi don to/ /de ni rdzogs pa'i rim pa'o/ /'dir ni sgra brjod pas bum pa la sogs pa bzhin du lto ba che ba'i rnam pa'i mtshan nyid can don rtogs par bya ba gang yin pa de ni rjod par byed pa'i brjod bya'i mtshan nyid can gyi don yin no//brjod bya'i don shes nas de nyid kyi stobs kyis don gzhan rtogs par bya ba gang yin pa de ni rtogs par bya ba'i don yin te/ dper na kye dge slong 'jigs pa med cing song shig /gtsang po'i ngos la gnas pa'i seng ges khyi de bsad do zhes tshig gi don dpyod na brjod bya'i don 'gro ba'i mtshan nyid can yin pa dang /rtogs par bya ba'i don dpyod na 'on kyang 'gro ba bkag pa rtogs par bya ba ni / brjod bya dang rtogs par bya ba'i don dag tha dad pa'o/ /ldog pa'i mtshan nyid can gyi don yang sgra rnams kyis yod pa ste/dper na shing zhes bya ba brjod na shing ma yin pa las ldog pa'i mtshan nyid can gyi don rtogs pa de / yi ge dbyangs dang sgra dag ni/ /zhes bya ba la sogs pa sngar bstan pa'i phyir ro/ /sgra la yang don du ma ston pa'i nus pa yang yod pa ste/ gang dang gang don bstan par 'dod pa de dang de gsal bar 'gyur te/rma bya'i sgo nga'i khu ba bzhin dang rtsangs pa bzhin no/ /dper na sgra gcig pu go zhes bya ba ni don bcu ston pa ste/ dag phyogs sa 'og rdo rje mda'/ /phyugs mig mtho ris chu rnams te/ /blo dang ldan pas don bcu la//go yi sgra ni nges par brjod/ /ces bya ba ni don du ma bstan pa'i nus pa'i dpe yin no/ /de bas na rtogs par bya ba ni don bstan pa gzung ba yin na/ kye byang chub sems dpa' rnams rdo rje 'chang chen po ni rim pa lnga la sogs pa'i don gtso bor gyur pa bstan pa ste/khyed rnams kyis 'gal ba'i don yin no zhes rtogs par ma byed cig /de ni rdzogs pa'i rim pa'o/ /de nas zhes bya ba la sogs pa la brjod kyis mi long ba la sogs pa ni sngar bshad zin to/ /byang chub sems dpa' rnam par sel ba la sogs pa'o/ / 'jigs pa ni spros pa dang bcas pa'i spyod pa'i don thos nas cung zhig rnam par rtog pa zad pa'o/ /skrag pa ni spros pa med pa'i spyod pa sgom pas sems rtse gcig par gyur pa'o/ /rgyal bar gyur pa ni shin tu spros pa med pa'i spyod pa sgom pas rnam par rtog pa ma lus pa med cing /'od gsal ba tsam la gcig tu rtsol ba ri bo bzhin du mi g.yo ba rdo rje lta bu'i ting nge 'dzin la zhugs par gyur pa ste/ mngon par byang chub pa dang zung 'jug gi rim pa dang sgrub pa rnams so/ /de ltar bcom ldan 'das chen po'i bstan pa gsal bar byed pa'i de bzhin gshegs pa'i tshig thos pa dang bsam pa dang bsgom pa'i rim pas 'od gsal ba la zhugs pa'i byang chub sems dpa'i 'khor gzigs te/rgyud kyi le'u gzhan bshad pa'i phyir nyan pa po med pas ji ltar de bzhin gshegs pa rnams kyis dkyil 'khor gyi dbang phyug bskul bar bya ba'i phyir/de nas zhes bya ba la sogs pa gsungs te / byang chub sems dpa' rnams rgyal bar gyur pa gzigs pa ni ting nge 'dzin la zhugs par gzigs te/ de bzhin gshegs pa thams cad kyi sku gsung thugs kyi bdag po ni bcom ldan 'das rdo rje 'chang chen po la 'di skad ces gsol to//slang bar gsol zhes pa ni dpal gsang ba 'dus pa ma rdzogs pas byang chub sems dpa' rnams ni bcom ldan 'das kyis bstan pa'i mthus 'od gsal ba la zhugs pa de ni mi rigs te/ sems can gyi don med pa'i phyir ro//de bas na bcom ldan 'das kyis 'di rnams bslang bar gsol zhes de bzhin gshegs pa rnams kyis gsol ba btab pa'o/ /gsol ba btab ma thag tu rdo rje 'chang chen pos nam mkha' dang mnyam pa ni 'od gsal ba ste/ de dang gnyis su med pa ni de nyid las/cig car du spro ba'i rdo rje ni sgyu ma lta bu'i sku ste/ ting nge 'dzin gang la yod pa de ni bdag la byin gyis brlab pa'i rim pa la zhugs so/ /de 'das ma thag tu bcom ldan 'das kyi sku'i 'od ni/ 'ja' tshon dang 'dra bas byang chub sems dpa' de rnams la reg pa ste/snying gar zhugs shing 'od gsal ba'i ting nge 'dzin las langs te sgyu ma lta bu'i sku 'dzin par gyur to/ /rang rang gi stan ni pad+ma dang zla ba'i dkyil 'khor la sogs pa'i gdan la 'gro ba'i don mdzad pa'i phyir rgyud lhag ma mnyam du gnas par gyur pa de bdag la byin gyis brlab pa'i rim pa'o//yang rang rang gi stan ni sgyu ma'i dpe bcu gnyis te de la sems can gyi don mdzad pa'i phyir/ gnas par gyur te don de nyid do/ /de nas zhes bya ba la sogs pa la spyod pa'i don gtan la dbab pa'i de bzhin gshegs pa rnams dang / byang chub sems dpa' rnams kyis bcom ldan 'das la bstod pa ste/ ji lta bu zhe na/ ngo mtshar du gyur pa ni spros pa dang bcas pa'i spyod pas so/ /rmad du gyur pa ni spros pa med pa'i spyod pas so/ /dgyes par khyab par gyur pa ni shin tu spros pa med pa'i spyod pas so/ /chos thams cad kyi ngo bo rdo rje 'chang chen po la chos kyi dbyings ni bstod pa'i tshig mdzad pa ste/sgrub pa'o/ /e ma'o chos zhes bya ba la sogs pa la/ e ma'o chos zhes pa ni spros pa dang bcas pa'i spyod pa'o/ /chos kyi sgra gnyis pas spros pa med pa'i spyod pa'o/ /chos dang don ni spros pa gnyis las 'byung bas na/chos ston pa las 'byung ba ni shin tu spros pa med pa'i spyod pa'o/ /rgyu bstan nas 'bras bu bstan par bya ste/ chos don dag pa ni chos 'byung gi mngon par byang chub pa'o/ /bdag med pa ni chos dbyings mngon par byang chub pa'o//rdo rje rgyal po ni bla na med pa'i mngon par byang chub pa bcom ldan 'das kyis bdag cag la bstan pa gang yin pa de bas na khyod la phyag 'tshal 'dud ces bya ste sgrub pa'o/ /sku dang gsung dang thugs ni yi ge gsum mo/ /de las 'jug pa la sogs pa'i rim pa dang /dkyil 'khor spro ba'i rim pas 'byung ba ni 'od gsal ba gang yin pa de'i rang bzhin no/ /nam mkha' ni rnam par shes pa gsum dang rang bzhin rnams te/ don dam par thog ma nas ma skyes pa'i phyir ro/ /de rnams kyi mnyam pa nyid ni snang ba la sogs pa'i rim gyis nye bar bsdus pa de'i gnas ni thams cad stong pa ste de'i rang bzhin no//de'i rang bzhin du rnam par mi rtog pa ni 'od gsal ba las langs te/ sha la sogs pa'i rnam pa med pa'i ye shes kyi sku la gnas pa'o/ /snang ba med pa zhes bya ba la snang ba ni mtshan mo dang nyin mo dang mtshams kyi bdag nyid 'dod chags la sogs pa gsum ste/de med pa ni man ngag bzhi pa'i rang bzhin no/ /yang na snang ba ni ril por 'dzin pa dang rjes su 'jug pa'i mtshan nyid kyi ting nge 'dzin dag gis rnam par mi rtog pa'i ye shes thob pa'o/ /de dag gi rdo rje'i sku ni/rdo rje lta bu'i ting nge 'dzin gyis mi gnas pa'i mya ngan las 'das pa'i ngo bo zung du 'jug pa'i bdag nyid kyi sku la gnas pa khyod la phyag 'tshal 'dud ces pa ni dad pa phul du byung bas ni tshig gnyis so/ /de ni rdo rje'i bzlas pa dang sems rnam par dag pa dang /bdag byin gyis brlab pa dang / mngon par byang chub pa dang / zung du 'jug pa'i rim pa rnams so/ /thugs ni de bzhin gshegs pa zhes bya ba ni stong pa nyid kyi bsgom pas chos thams cad mi snang bar byed pa'i rang bzhin no/ /gtso bo ni de la sa bon bkod pas mchog go//dus gsum gyi dam tshig dang ye shes dang ting nge 'dzin sems dpa' ste/ de rnams kyi lam ni gzugs sgrub pa dang / ye shes 'khor lo la zhugs pa la sogs pa ste 'jug par byed pas na dus gsum dag gi lam 'jug pa'o/ /de nas khams ni spyan la sogs pa dang /gyur pa ni de bzhin gshegs pa dang / chen po ni gzugs rdo rje ma la sogs pa dang / nam mkha' ni byang chub sems dpa' dang / khro bo rnams 'jug pa snga ma dang sbyar ro/ /de bzhin du nam mkha'i lam ni nam mkha' bzhin mi dmigs pas bstod pa dang mchod pa dang bdud rtsi myong bas de rnams kyi lam gang la yod pa de la de skad ces bya'o//de 'dra ba'i rang bzhin khyod la phyag 'tshal bstod ces bya ba ni snga ma bzhin du tshig gnyis so/ /dang por sbyor ba dang dkyil 'khor rgyal ba mchog dang las kyi rgyal ba mchog rnams so//de ni de bzhin gshegs pa lnga'i rang bzhin la bstod pa ni nam mkha' ni me long lta bu'i ye shes las sku drang ba byung ba ni skye ba gang la yod pa de ni rnam par snang mdzad do/ /nam mkha' ni so sor rtog pa ste/ de'i lam 'jug pa gang yin pa de ni 'od dpag tu med pa'o/ / nam mkha' ni chos kyi dbyings kyi ye shes te/ de'i rang bzhin thugs la yod pa de ni mi bskyod pa'o/ /chos mnyam par byed pas na chos ni mnyam pa nyid kyi ye shes te/ de'i chos ni rin chen 'byung ldan no/ /bya ba nan tan sgrub pa'i ye shes kyis bstan pa dang / smin pa dang grol ba'i mtshan nyid spyod pa ste/de la gnas pa bzhugs pa gang yin pa de ni don yod grub pa ste/ de ltar gyur pa khyod la phyag 'tshal lo zhes bya ba ni bstod pa ste bskyed pa'i rim pa'o/ /sngags pa'i sgo nas spyod pa ni rnam pa gsum ste/ de nyid kyi mchog ni byang chub dam pa'i 'bras bu le'u gang la gsungs pa de skad ces bya ste sgrub pa'o//rgyud 'grel las le'u lnga pa'i tshig gi don bcu drug gi bshad pa'o/ /le'u lnga pa'i tshigs su bcad pa'i grangs ni sum brgya drug cu'o// //sku gsung thugs byin gyis brlab pa sngon du 'gro ba'i spyod pa'o zhes bya bas sku gsung thugs byin gyis brlab pa'i don du'o //de nas zhes bya ba la sogs pas le'u drug pa bstan par bya ste/ chos kyi dbyings kyi ye shes kyi mthus bag chags rnams kyis mi 'khrugs pas na mi bskyod pa ste de nyid thugs rdo rje'o//de bzhin gshegs pa thams cad kyi sku gsung thugs kyi rang bzhin gyi gsang ba ni yi ge gsum mo/ /de'i dam tshig rdo rje ni gtso bor gyur pa yi ge hUM ngo / /de zhes bya ba'i ting nge 'dzin la snyoms par zhugs te/ byin gyis brlabs pa ni thugs mi bskyod pa nyid du byed par nus pa'o //sngags ni gsang ba dag gam/ yid skyob pa'i chos gsungs te/ bskyed pa'i rim pa'o/ /oM sarba ta thA ga ta tsit+ta badzra swa b+hA wa At+ma kou0f85haM zhes bya ba la/ oM ni chos kyi dbyings kyi ye shes so/ / sarba ta thA ga ta ni de bzhin gshegs pa lnga'o/ /de r nams kyi nang na tsit+ta badzra ni mi bskyod pa nyid do//de'i swa b+hA ba At+ma kou0f85haM zhes pa ni de'i rang bzhin bdag yin no zhes sngags kyi don rnam par spyod la nga rgyal dmigs par bya'o/ /de nas zhes bya ba la sogs pa la/ me long lta bu'i ye shes kyi rnam par snang bas na rnam p ar snang mdzad do//rdul dang bral ba'i gnas rdo rje ni me long lta bu'i ye shes te/ de zhes bya ba'i ting nge 'dzin la snyoms par zhugs te/ 'di ni snga ma bzhin du sku byin gyis brlab pa'i sngags bka' stsal to/ /oM sarba ta thA ga ta kA ya badzra swa b+hA ba At+ma kou0f85haM/ oM zhes p a ni me long lta bu'i ye shes so//de nyid de bzhin gshegs pa thams cad kyi sku rdo rje ni rnam par snang mdzad de/ de'i bdag nyid bdag yin no zhes nga rgyal dmigs par bya'o/ /de nas zhes bya ba la sogs pa la/ mnyam pa nyid gnyis su mi dmigs pa'i rdo rje ni so sor rtog pa'i ye shes te/de zhes bya ba'i ting nge 'dzin la snyoms par zhugs te/ sngags 'di bka' stsal to/ /oM sarba ta thA ga ta bA ka badzra swa b+hA ba At+ma kou0f85haM/ zhes bya ba la oM ni so sor rtog pa'i ye shes so/ /de nyid de bzhin gshegs pa thams cad kyi g sung rdo rje ni snang ba mtha' yas te/de'i bdag nyid bdag yin no zhes sngags kyi don rnam par dpyod la nga rgyal dmigs par bya'o/ /nye bar bsdu ba bshad par bya ste/ rdo rje gsum ni oM la sogs pa'i yi ge gsum mo/ /de bzhin gshegs pa ni thugs rdo rje la sogs pa'i rang bzhin no//snying po yin pa'i phyir gsang ba'o/ /gnas ni yi ge phyi mo nye bar bsdus pas gsum du bsdus pas so/ /gnas ni 'od gsal ba ste de nyid gang gis bsgom par bya ba de ni gnas kyis rnam par bsgom par bya ba'o/ /de lta bu'i 'das ma thag tu bshad pa'i sngags rnams mchog rab rnams kyis bsgrub par bya ba ni de rnams nyid snying ga la sogs par dgod par bya'o//sngags ni A li dang kA li'o/ /de rnams kyi mtshan ni rtags gsum mo/ /de rnams kyis shin tu mtshan par bya ba yi ge gsum dgod par bya ste tshig gi don to//de ni bskyed pa'i rim pa'o/ /sngags de rnams brjod pas stobs kyis mi 'dod na yang rnal 'byor pa de la de bzhin gshegs pa rnams byin gyis brlab po/ /rab tu byed pa las kyang ji skad du/ ri bo rgyal po'i rtse mo las/ /gang zhig ltung bar 'gyur ba ste/ / lhung bar mi 'gyur snyam yang lhung bar 'gyur/ /zhes bya ba la sogs pa 'byung ngo / /yang na de bzhin gshegs pa thams cad ni rnam par shes pa gsum pa'o / /sku gsung thugs ni rang bzhin rnams so/ /de rnams kyi rdo rje ni 'od gsal ba ste/ de zhes bya ba'i ting nge 'dzin la snyoms par zhugs te sngags 'di gsungs so//oM ni snang ba'i ye shes so/ /sarba ta thA ga ta ni snang ba mched pa'i ye shes so/ /tsit+ta badzra ni snang ba nye bar thob pa'i ye shes so/ /swa b+hA ba ni 'od gsal ba ste de'i bdag nyid bdag yin te sems rnam par dag pa'i rim pa'o//de bzhin gshegs pa'i yi ge gsum ste/ de rnams kyi mnyam pa nyid gnyis su med pa'i 'jug pa la sogs pa'i rim pas yan lag ma nyams pa'i bzlas pa ste/ de zhes bya ba'i ting nge 'dzin ni de bzhin du bshad pa'o/ /oM ni rnam par snang mdzad kyi sa bon no/ / sarba ta thA ga ta ni yi ge A'o / /bAka badzra ni yi ge hUM ste gsung dang thugs tha mi dad pa'i phyir ro/ /swa b+hA ba ni 'jug pa la sogs pa'i rim pas rang bzhin te de yongs su spong bas ma ning gi bzlas pa ste/ de'i bdag nyid nga yin te rdo rje'i bzlas pa'i rim pa'o//rdul dang bral ba'i gnas ni 'od gsal ba ste/ de las byung ba'i rdo rje ni sgyu ma lta bu'i sku 'dzin pa ste/ de zhes bya ba'i ting nge 'dzin to/ /oM ni chos kyi sku'o/ /sarba ta thA ga ta ni longs spyod rdzogs pa'i sku'o/ /kA ya badzra ni sprul pa'i sku ste/ de ni thugs med pa ste/sgyu ma'i skyes bu bzhin no/ /swa b+hA ba ni de rnams kyi rang bzhin te/ sgyu ma la sogs pa'i dpe dang chos mthun pa'o/ /de'i bdag nyid bdag yin te/ bdag la byin gyis brlab pa'i rim pa'o/ /de nyid kyi phyir thugs dang sku dang gsung rdzogs pa'i phyir rim pa gsum po de dag bstan pa'o//rab tu byed pa las kyang / rang bzhin snang ba'i dbye ba yis/ /de nyid bzhi pa la brten te/ /rnam pa gsum du gang bsgom pa/ /des ni myur du 'bras bu thob/ /ces sems rnam par dag pa'o/ /de bzhin du/ rnam pa thams cad mchog dang ldan//shin tu mdzes pa'i sku mnga' ba/ /de nyid slob ma la bstan pa/ /bdag la byin rlabs de brjod pa'o/ /zhes lus rnam par dag pa'o/ /de bzhin du/ sngags kyi de nyid 'di gsal ba/ /gsung gi rdo rje sgrub pa ste/ /ye shes gsum gyi dbye ba yis/ /sems tsam la ni nges sbyor bya//zhes bya ba ni gang rnam par dag pa'o/ /yang na sku rdo rje gsum po zhes bya ba la sogs pa la/ rdo rje gsum po ni sku gsung thugs kyi yi ge gsum mo/ /de bzhin gshegs pa'i ye shes gsum mo/ /gsang ba ni sku gsum mo/ /gnas ni de dag thams cad yan lag ma nyams pa bzlas pa'o//gnas kyi rnam par bsgom par bya ba ni 'od gsal ba nyid du'o / /gang zhe na mchog rab ni rim pa de dag gsum pos rdzogs pa'i rim pa rang bzhin can gyis so/ /sngags kyi mtshan nyid ni 'od gsal ba'o/ /shin tu mtshan byas ni de nyid las byung ba'i sgyu ma lta bu'i sku yang bsgrub par bya ba ste/snga ma dang sbyar ro/ /de ni rim pa gsum mo/ /de nas zhes bya ba la sogs pa la rin chen ni nam mkha'i mdzod kyis re ba thams cad rdzogs par byed pa'o/ /de nyid dpal gang la yod pa de la de skad ces bya'o/ / sgron ma ni mnyam pa nyid kyi ye shes so/ /de nyid snying po yin pa'i phyir rdo rje ste de zhes bya ba'i ting nge 'dzin to/ /oM sarba ta thA ga ta a nu rA ga Na badzra swa b+hA ba At+ma kou0f85haM zhes bya ba la/ de bzhin gshegs pa gsum gyi nga rgyal gyis rang snang ba ni rigs lnga'i sngags kyis yan lag byin gyis brlab pa byas la shing la 'dzeg pa la sogs pa'i dbye bas 'khyud pa brgyad pa bya ba'i dus su sngags 'di brjod par bya'o//de la oM ni rdo rje 'chang chen po'o/ /sarba ta thA ga ta ni sangs rgyas gsum mo/ /a nu rA ga Na ni de rnams rjes su chags pa ste/ bde ba chen po bskyed pa'o//de nyid bskal pa'i bar du gnas pa'i phyir badzra ste/ swa b+hA ba At+ma kou0f85haM zhes pa ni de'i bdag nyid nga yin no zhes nga rgyal gzung bar bya'o/ /de ni rang bzhin no/ /yang na sgron ma rdo rje ni mngon par byang chub ste de zhes bya ba'i ting nge 'dzin to/ /oM ni chags pa'o/ /sarba t a thA ga ta ni chags pa dang bral ba'o//a nu rA ga Na ni chags pa bar pa'o/ /rdo rje ni bzhi pa'o/ /swa b+hA ba ni ril por 'dzin pa dang rjes su gzhig pa'i ting nge 'dzin dag go/ /de'i bdag nyid bdag yin te mngon par byang chub kyi rim pa'o/ /'khyud pa byas nas nang gi mchod pa bshad par bya ba'i phyir/de nas zhes bya ba la sogs pa gsungs te/ gdon mi za ba ni bya ba nan tan grub pa'i ye shes te/ de nyid rdo rje ni 'gro ba'i don mdzad pa'i phyir te/ de zhes bya ba'i ting nge 'dzin to/ /oM sarba ta thA ga ta pU dza badzra swa b+hA ba At+ma kou0f85haM zhes bya ba 'di brjod cing / mA ma kI la sogs pa'i pad+mar rdo rje sbyar bar bya'o/ /oM ni rdo rje 'chang chen po'o/ /sarba ta thA ga ta ni b+ha ga'i dbus su gnas pa'i rtsa rnams so/ /pU dza ni mchod pa ste/ de dag shu kras mchod par bya'o/ /de dag gi rang bzhin bdag yin te rgyu yin no/ /yang na gdon mi za ba'i rdo rje ni bden pa gnyis dbyer med pa'i mtshan nyid can gyi ting nge 'dzin to//oM ni rdo rje bzlas pa'o/ /sarba ta thA ga ta ni 'od gsal ba'o/ /pU dza ni sgyu ma lta bu'i sku'o/ /badzra ni lhan cig skyes pa'o/ /de rnams kyi swa b+hA ba ni rang bzhin te mi gnas pa'i mya ngan las 'das pa'i ting nge 'dzin to//de nyid kyi bdag nyid nga yin te/ zung 'jug gi rim pa'o/ /mchod pa de nyid bshad par bya ste/ rtag tu 'dod pa'i yon tan lnga/ /zhes bya ba la sogs pa la/ 'dod pa'i yon tan lnga ni gzugs rdo rje ma la sogs pa'i lha mo rnams so//de dag gi sangs rgyas ni rang gi dbang po rnams mchod par bya ba ni mnyes par bya ba'o/ /ji ltar zhe na/ tshul bzhin zhes pa ni snga ma bzhin du khang pa sum brtsegs la sogs pa la bskyed pa'i rim pas de rnams rnam par bsams la spros pa dang bcas pa'i spyod pas so zhes ston to//rtag tu zhes pa ni rgyun ma chad pa ste/ gzhan du na bsgom pa brjed pa'i phyir ro/ /lnga ni yum rnams te de rnams gang zhig nye bar sdud par byed pa de ni de'i rnam pa lnga ste/ rnam par shes pa rnams so/ /de rnams mchod pa ni yul 'dod pa yongs su rdzogs pa'i phyir/ myur du sangs rgyas nyid ni rdo rje 'chang chen po nyid thob par 'gyur ro/ /de ni las kyi rgyal ba mchog go/ /yang na 'dod pa'i yon tan lnga ni smig rgyu dang / du ba dang / srin bu me khyer ba dang / mar me dang / sprin med pa'i nam mkha' dang 'dra ba'i snang ba rnams so/ /de dag gis sangs rgyas ni 'od gsal ba'i de kho na nyid mchod par bya ba ni mtshon par bya'o//tshul bzhin du sems rtse gcig pa nyid du'o/ /rtag tu nges pa ni dus mtshams dang / mtshan mo dang / nyin mo'i bdag nyid kyis so/ /mchod pa rnam pa lnga ni 'dod chags dang 'dod chags dang bral ba dang / 'dod chags bar pa dang /ril por 'dzin pa dang rjes su gzhig pa rnams so/ /de dag mchod pa ni sgom pa ste/ des myur du sangs rgyas nyid ni mngon par byang chub thob par 'gyur te/ mngon par byang chub pa'i rim pa'o zhes bcom ldan 'das zhes bya ba la sogs pa ni nye bar bsdus pa'o//da ni gnyi ga'i rnal 'byor pa rnams kyis rim pa gnyis kyi sgo nas bsgom pa bshad par bya ste/ de nas zhes bya ba la sogs pa la go sla'o/ /sngags la dmigs pa'i lus dang ni/ /zhes bya ba la/ sngags kyi stong pa nyid ni sngags so/ /de nyid kyis dmigs pa ni stong pa nyid de kho na nyid bsam pa'o//ji lta bu zhe na/ lus ngag yid gsum po dang / khams gsum pa bskul ba ni mi snang bar byed pa'o/ /de'i tshe dngos grub rab mchog ni don dam pa'i dngos grub/ yid dga' ba ni rnam par shes pa brgyad kyi ngo bo yid rnam par dag par byed par 'grub par 'gyur ro zhes ston to//de nas sems ni zla ba'i dkyil 'khor la sogs pa la rnam pa ste de la dmigs pa ni de'i steng du yi ge gsum la sogs pa'i sa bon dgod cing / bdag med pa ni sa bon gyi rnam par rtog pa yongs su spangs pas so / /ngag dang lus kyi nye bar mtshon pa'i yid kyang yin te/de nas lus ngag yid kyi ngo bo sa bon de rnams la khams gsum pa thim par bsgom par bya'o/ /de'i rjes la phyag mtshan dang sa bon yongs su gyur pa las sbyor ba rnam gsum ni dam tshig dang ye shes dang / ting nge 'dzin sems dpa' dang ldan pa'i sku bsgom par bya'o//ji lta bu zhe na/ nam mkha' bzhin du mnyam pa'i gnas/ /zhes bya ba la/ nam mkha' dang mnyam pa nyid gang la yod pa de ni nam mkha' bzhin du mnyam pa ste chos 'byung gi phyag rgya'o/ /de nyid gnas ni gzhi gang la yod pa de lta bu bsgom par bya'o//chos 'byung gi phyag rgya'i steng na gnas pa'i sna tshogs pa'i rgyan gyis brgyan pa'i gzhal yas khang pa'i nang na gnas pa'o zhes ston to/ /de'i rjes la lus ngag yid ni yi ge gsum ste/ de rnams dmigs pa ni bsgom par bya'o/ /ngo bo nyid ni bstod pa dang /mchod pa dang / bdud rtsi myong ba ste/ de rnams kyang bya'o/ /ji ltar zhe na/ dmigs su med ces pa ni gsum mi dmigs pas so/ /de'i rjes la sngags kyi lus ni sems dpa' gsum gyi bdag nyid kyi lus te / de dang sbyor ba ni ye shes kyi phyag rgya ma dang / snyoms par zhugs te mar gyi bum pa bzhin du ro gcig par gyur pa nyid du bsgom par bya'o/ /de'i rjes la byang chub med pa'i rnam pa gzung ba'i rnam par rtog pa med cing bsgom pa med pa ni dkyil 'khor pa'i rnam par rtog pa med pa'o/ /de'i rjes la khyod ni rdo rje sems zhes bya ba la sogs pa'i lha mo'i glu rnams kyis bskul bas sems can gyi don mdzad pa'i phyir dpyad pa ni gsan nas mdor na zhes pa ni cig car du sku gsung thugs ni sems dpa' gsum pos mtshan par bya ba ste/sku gsung thugs kyi mtshan nyid can sngags kyi sku bsgom par bya'o//ji lta bu zhe na/ byang chub ni rang snang ba'i shes rab ste/ de dang sbyor ba gang la yod pa de ni de bzhin no/ /de bzhin du sngags kyi dkyil 'khor pa rnams kyis so/ /brtags pa ni kun du yongs su bskor ba'i ting nge 'dzin bsgom par bya'o/ /'dir ni re zhig bskyed pa'i rim pas rdo rje 'chang chen po'i ting nge 'dzin bstan pa ste/de bzhin du rnam par snang mdzad la sogs pa'i ting nge 'dzin rnams bsgom par bya'o/ /de ni dang po sbyor ba dang dkyil 'khor rgyal ba mchog dang / las rgyal ba mchog gi ting nge 'dzin rnams so/ / yang na sngags ni dbang po dang yul rnams la dmigs pa ni phan tshun du yang dag par bsdus pa'o/ /ji lta bu zhe na/ lus ngag yid bskul ba ni ro gcig par gyur par bya'o/ /de'i rjes la dngos grub rab mchog ni bcu po de rnams gcig tu byas pas de bzhin gshegs pa mos pa'i rang bzhin can yid ni rtog pa dang /dpyod pa dang / dga' ba dang / bde ba rnams kyis yid dga' bar byed pa'o/ /mgu bar ni sems rtse cig par gyur pa'i mtshan nyid can no/ /dngos grub ni ting nge 'dzin la slob pa nas bsgrub par bya ba ni bsgom par bya'o/ /sems ni byang chub kyi sems te/de la dmigs pa ni thig le'i ngo bor gnas pa'o/ /de nyid ngag ni rdo rje'i ngag gis so/ /lus ni sna'i rtse mor dgod cing bsgom par bya'o/ /de nas sbyor ba rnam gsum ni 'jug pa dang gnas pa dang ldang ba'i rim pas bsgrub par bya'o/ /ji lta bu zhe na/nam mkha' ni dkyil 'khor bzhi ste/ de dag las mnyam pa ni g.yas la sogs pa'i spro ba'i rim pas de'i rigs kyi de bzhin gshegs pa'i bsgom pa'o/ /gnas ni de nyid kyi gnas te yungs kar gyi 'bru'i tshad tsam thig le bsam par bya'o/ /de'i rjes la thig le de nyid spro ba dang bsdu ba'i rim pas bstan par gyur cing rdo rje la sogs pa'i sna ru 'dzin par lus dang ngag dang sems dmigs zhes pa ni lus la sogs pa'i rnam par rtog pa'i ngo bo nyid dmigs par mi 'gyur to /rnam par rtog pa'i 'od gsal ba mngon du bya'o zhes ston to/ / thig le de nyid las sku la sogs pa'i rigs kyi de bzhin gshegs pa rnams kyi nam mkha'i khams spro ba'i rim pas yongs su gang zhig /sngags kyi lus su sbyor ba la/ /zhes pa ni de bzhin gshegs pa'i sku spro bas/ byang chub med cing bsgom pa med/ /ces pa ni rang dang gzhan gyi dbye ba'i rnam par rtog pa spang bar bya'o//de nas thams cad yongs su spangs la/ mdor na zhes pa ni kun rdzob dang don dam pa'i bden pa gnyis gnyis su med par bya bas sku gsung thugs ni bdag la byin gyis brlab pa dang / rdo rje'i bzlas pa dang / sems rnam par dag pa dang /de bzhin du byang chub sbyor ba ni mngon par byang chub kyi rim pa dang / sngags kyi bskyed pa'i rim pa dang / brtags pa ni rdzogs pa'i rim pa ste/ de rnams ro gcig par gyur pa'i mi gnas pa'i mya ngan las 'das pa'i ting nge 'dzin bsgom par bya'o / /de ni rnal 'byor ro//yang na sngags ni A li dang kA li'i ngo bo la sogs pa'i k+Sha'i mtha' can te yi ge lnga bcu'o/ /dper na/ a A a I a U r-i r-I l-i l-I e ai o au aM aH ka kha ga g+ha nga / tsa tsha dza dz+ha nya/ Ta Tha Da D+Da Na/ ta tha da d+ha na/ pa pha ba b+ha ma/ ya ra la wa sha Sha sa hak+ShaH de la dbye ba ni 'di yin te/thung ba ni lnga'o/ /ring ba ni dgu'o/ /de bzhin du 'phar ba dgu'o/ /dper na A I U r-I l-I ai au aM aH lce rtsa dang sbud pa gnyis te/ dper na u0f88u0f90 u0f89u0fa4/ rjes su 'jug pa'i dbyangs dang bcas pa'i mthar gnas pa'i yi ge bzhi ste/ dper na r aM yaM laM waM/thog ma dang tha ma yang dag par sbyar bas zung bzhi yin te/ dper na k+nga kh+nga g+nga g+h+nga/ de rnams kyi gal te/ rigs kyi dbye bas brgya yod na yang / gtso bor gyur pa'i phyir bzhi kho na blang ba dang / sngags thams cad kyi gtso bo yi ge gsum mo//oM AHhUM de ltar na yi ge bdun cu rtsa gnyis yin te/ rtsa bdun khri nyis stong gi ngo bo'o/ /gang gi stong re re ni rtsa re re'i gtso bor gyur pa ste/ de'i phyir rtsa re re de nyid la a la sogs pa'i yi ge rnams dbang byed pa'o/ /de la phung po lnga dang skye mched bcu gnyis dang / khams bco brgyad dang rtsa'i rnam par shes pa ste/rdzas sum cu rtsa drug yin no/ /mtshan mo dang nyin mo'i dbye ba'am/ thabs dang shes rab kyi rang bzhin gyis de rnams bdun cu rtsa gnyis su gyur pa'o/ /de nyid kyi phyir phung po dang khams dang skye mched kyi rang bzhin rtsa rnams yin no zhes bcom ldan 'das kyis gsungs pa'o//yang na sgo dgu ni mig la sogs pa'o/ /lus ngag yid ni gsum mo/ /de rnams bsdus nas bcu gnyis yin no/ /de la ma las skyes pa ni cha gsum dang / pha las skyes pa yang cha gsum ste cha drug dang ldan pa'i gong bu yin no/ / de la ma las skyes pa'i cha gsum ni pags pa dang sha dang khrag go/ /pha las skyes pa'i cha gsum ni rtsa rgyus dang rus pa dang shu kra'o/ /de'i phyir sngar bshad pa'i sgo la sogs pa'i rdzas bcu gnyis po re re khams drug dang ldan pa yin pas bdun cu rtsa gnyis su 'gyur ro/ /de rnams nyid rtsa bdun cu rtsa gnyis yin te skra'i rtse mo'i rtse mo yin pas rtsa re rer stong stong gtso 'khor yin no//de'i phyir bdun khri nyis stong du 'gyur te/ de bzhin gshegs pa rigs brgya'i dbye ba bzhin no/ /de lta bu'i sngags ni yi ge rnams te/ de la dmigs pa ni rtsa'i ngo bor rtogs pa'o//rtsa de rnams kyang lus ngag yid kyis bskul ba ni lus la sogs pa'i ngo bo nyid kyis khams gsum pa khyab cing gnas pa'o/ /rtsa de rnams nyid dngos grub rab mchog ni lhan cig skyes pa'i dngos grub grub par bya ba ni 'grub par byed pa ji lta bu zhe na/ yid ni rnal 'byor pa'i shes pa la/dga' ba ni bde ba ster ba'o/ /de nyid kyi phyir mgu ba ni mi gtong ba zhes bya ba'i bar du'o/ /ji ltar zhe na sems la dmigs pa ni yid las byung ba'i shes rab kyi pha rol du phyin pa/ bdag med pa ni gang zag dang chos la bdag med pa'i phyi rol gyi brtags pa'i phyir phyag rgya sel ba'i mtshan nyid can lus dang ngag gi rang bzhin ni sku'i rnam pa lta bu dang bcas pa bsgom par bya'o//sbyor ba rnam gsum ni bcu po gsum gyis sbyor ba gang la yod pa de ni sbyor ba rnam pa gsum ste zla ba'o/ /sbyor ba rnam gsum de la nam mkha' mnyam nyid ni lhan cig skyes pa'i bde ba'i ngo bo rdo rje lus med gnas pa bzhi bsgom par bya'o//'di skad bshad pa yin te/ yar ngo'i phyogs go bzlog pa nas brtsams te/ mar ngo'i tshes gcig gi bar du ye shes kyi phyag rgya dang lhan cig rtsa kun du spyod pa bsgoms na phyag rgya chen po'i dngos grub ster bar 'gyur ro//rdo rje phreng ba las kyang / nya la mur gong gnyis po la/ /'dod pa 'byung bar byed pa yin/ /bzhi pa la ni gnya' ba ste/ /mchan khung dag la bcu gsum pa/ /bcu gnyis la ni brang la gnas/ /nu ma dag la bcu gcig la/ / lte ba'i dbus su tshes bcu la/ /tshes dgu la ni b+ha gar gnas/ /lkog ma'i phyogs su tshes brgyad la/ /sna g.yas la ni tshes bdun la/ /sna g.yon la ni tshes drug la/ /brla g.yas la ni lnga par gnas/ /brla g.yon la ni bzhi pa la/ /rje ngar dag la tshes gsum la'o//rkang pa g.yas la tshes gnyis la/ /rkang pa g.yon la tshes gcig la'o/ /gnam stong la ni lto bar gnas/ /nyi shu dgu la de glo g.yas/ /nyi shu brgyad la de g.yon la/ /nyi shu bdun la rgyu zhabs la/ nyi shu drug la g.yon logs su/ /nyi shu lnga la de g.yas la//nyi shu bzhi la b+ha gar ni/ /'dod la rtag tu gnas par byed/ /mar ngo'i nyi shu gsum pa la/ /lus med rgyal po snying gar gnas/ /nyi shu gnyis la rtag tu ni/ /rkang pa g.yon pa'i mthil la gnas/ /nyi shu gcig la lag g.yas la/ /nyi shu la ni lag ngar la//lag ngar de ni g.yas pa la/ /bcu dgu la ni 'dod la gnas/ /bco brgyad la ni ko sko la/ /bcu bdun la ni ma mchur gnas/ /gnam stong la ni mig gnyis la/ /de ni 'dod la shar ba'o/ /'di ni srog ste bde ba zhes/ / thar pa yongs su bsrung ba'o/ /dga' ba de nyid yang dag brtan/ /dbang ba'i chu 'khyil gyis 'khrugs pa/ /gang tshe rtog pa rnam spangs pa/ /de tshe grol ba'i lam la gnas/ /zhes bya ba la sogs pa gsungs so/ /rim pa 'di gnyis kyis rtsa kun du spyod pa'i rim pas de kho na nyid thob na de'i tshe byang chub med pa ni ye shes kyi phyag rgya'i rnam par rtog pa med pa'o//sgom pa med pa ni yi ge phyi mo yi ge'i rang bzhin rtsa'i sgom pa yang med do/ /ji skad du/ de srid du ma chos rnams byung / /ji srid yid ni som nyi ste/ /dga' ba'i 'khor lo rab byung na//dam chos der min rim pa med/ /ces bya ba la sogs pa gsungs so/ /de lta bu'i ye shes kyi phyag rgya ma dang snyoms par zhugs pa las byung ba'i lhan cig skyes pa'i bde ba rnam par dpyad nas/ mdor na zhes pa ni nye bar bsdus pas sku gsung thugs kyi mtshan nyid ni nye bar mtshon pa'o//de'i tshe rnal 'byor pas byang chub sbyor ba ni rdo rje 'chang chen po'i ngo bo sngags kyis brtags pa ni ngo bo med pa'i ye shes dang ldan pa bsgom par bya'o/ /de ni bskyed pa'i rim pa dang 'bras bu dag go/ /da ni dbye ba gzhan gyis phra mo'i rnal 'byor bshad par bya ste/de nas dpal ldan rdo rje 'dzin/ /zhes bya ba la sogs pa la/ rdo rje 'dzin pas na rdo rje 'dzin pa ste bskyed pa'i rim pa'o/ /rdo rje ni ye shes lnga'i rang bzhin gyi de kho na nyid de/ de 'dzin pas na rdo rje 'dzin te rdzogs pa'i rim pa'o/ /rdo rje ni stong pa nyid de/de 'dzin pas rdo rje 'dzin pa ste dang po sbyor ba'o/ /rdo rje ni sems dpa' gsum gyi bdag nyid kyi ngo bo ste/ de 'dzin pas na rdo rje 'dzin te/ dkyil 'khor rgyal ba mchog go/ /rdo rje ni dkyil 'khor pa rnams te/ de dag 'dzin pa ni spro bar byed pas na rdo rje 'dzin te las kyi rgyal ba mchog go//rdo rje ni rdo rje'i bzlas pa ste/ de nyid 'jug pa la sogs pa'i rim pas 'dzin pas na rdo rje 'dzin te rdo rje'i bzlas pa'o/ /rdo rje ni rnam par shes pa gsum [(]te[,]ste[)]/ de rnams 'od gsal ba la zhugs pas 'dzin pa ni rnam par dag pa ste rdo rje 'dzin to/ /de ni sems rnam par dag pa'o//rdo rje ni mi g.yo ba'i sgyu ma lta bu'i ting nge 'dzin te/ de nyid 'dzin pa ni 'od gsal ba las spro bar byed pas na rdo rje 'dzin te bdag la byin gyis brlab pa'o/ /rdo rje ni 'dod chags la sogs pa rnam pa gsum ste/ de rnams 'dzin pa ni bzhi pa'i man ngag gis mi snang bar byed pas na rdo rje 'dzin te mngon par byang chub pa'o//mi gnas pa'i mya ngan las 'das pa'i mtshan nyid can gyi kun rdzob dang don dam pa dbyer med pas shes na rdo rje 'dzin te zung 'jug go/ /ba ni thabs so/ /dzra ni shes rab bo/ /de dag gnyi ga 'dzin pa ni yang dag par sbyor bas na rdo rje 'dzin te rang bzhin no//de bzhin du rdo rje dang rdo rje ni rdo rje dag ste gsungs pa rnams kyi byed tshig gcig la gcig lus par 'gyur ro zhes bya bas/ rdo rje'i sgra gcig ni bye bar 'gyur ro/ /gnyis pa ni lus par 'gyur ro/ /des ni don 'di yin te gcig ni rdo rje rdo rje kho na'o//gnyis pa ni rdo rjes nang na mtshan pa'i phyir rdo rje ste pad+ma'o/ /skyes bu'i rtags mtshungs mi yi sna dag ni/ /'dra ba'i pags pas g.yogs su byas pa ste/ /'jam zhing phra ba'i dkyil 'khor rtse mo can / /me tog snying po'i kha sbyor nang dang mtshungs/ /rgya chen dpal gyi be'u 'dab mtshungs pa yi//yan lag can gyi spyi bo'i cha la brten/ /bud med dbang po gnyis po de 'dod pas / /sor mo'i rtse mos de ni shin tu btsir/ /zhes 'byung ngo / /rdo rje dang pad+ma de dag 'dzin pa ni bsdus pa nas rgyu'o/ /rdo rje ni hUM dang phaT la sogs pa char rengs pa dang bskyed pa'i sa bon de dag dgod cing 'dzin par byed pas na rdo rje 'dzin de las so//rdo rje ni rang gi rig pa gnyis su med pa'i ye shes te/ de 'dzin pa ni nyams su myong bas rdo rje 'dzin te 'bras bu'o/ /rdo rje ni rdo rje 'chang chen po'i go 'phang thob pa'i rgyur gyur pas so sor sdud pa la sogs pa'i yan lag drug gi rnal 'byor de 'dzin pa ni rtag tu goms pas na rdo rje 'dzin te rnal 'byor ro//rdo rje ni dam tshig chen po lnga ste/ de 'dzin pa ni ston pa'am spyod pas na rdo rje 'dzin te sgrub pa'o/ /dpal ni bsod nams dang ye shes kyi tshogs dag gang la yod pa de ni dpal ldan no//de bzhin gshegs pa kun ni rigs kyi gtso bo lngas mchod pa ni mchod par 'gyur ro/ /de bas na sangs rgyas kun ni/ nyan thos dang rang sangs rgyas rnams kyi mchog ni yang dag par rdzogs pa'i sangs rgyas rnams te/ de rnams kyi nang na kun mkhyen ni rdo rje 'chang chen pos so //bsgom pa mchog ni thams cad kyi phul du byung ba'i ting nge 'dzin gyi khyad par bka' stsal pa ni gsungs so/ /nam mkha'i dbyings zhes bya ba la sogs pa la/ nam mkha'i dbyings ni snying ga ste/ de'i dbus su gnas pa ni zla ba'i dkyil 'khor te/yi ge gsum las byung ba zla ba'i dkyil 'khor bsgom par bya'o/ /de'i steng du sangs rgyas kyi sku ni rdo rje 'chang chen po'i sku ste/ ye shes sems dpa'i gzugs rnam par bsgoms shing phra mo'i rnal 'byor ni thig le bsgom pa brtson par bya'o/ /ji ltar zhe na/ sna'i rtse mo ni ye shes sems dpa'i rdo rje la sogs pa'i sna'i rtse mor ro//yungs kar ni sngags la sogs pa'i thig le bsam par bya'o/ /des ni sems dbang du bya ba yin no/ /sems dbang du bya ba bstan par bya ste/ 'gro dang mi 'gro yungs kar de la bsgom par bya ste/ de'i rang bzhin bsam par bya ba'am/'gro dang mi 'gro bar der thim par bya'o/ /bstan pa dang g.yo ba khyad par bstan nas/ rigs lnga'i rang bzhin bstan par bya ste/ ye shes ni mi bskyod pa'o/ /gnas ni rnam par snang mdzad do/ /nyams dga' ba ni 'od dpag tu med pa'o/ /gsang ba ni rin chen 'byung ldan no//ye shes kyi brtag pa ni don yod grub pa ste/ de rnams kyi rang bzhin du bsgom par bya ba ni bsam par bya'o/ /le'u bco brgyad pa las kyang / sna'i rtse mor yungs kar zhes/ /srog dang rtsol ba brtag pa ste/ /sangs rgyas ngo bo 'od zer lnga/ /srog dang rtsol la gnas pa'o//zhes 'byung ngo / /'dir ni rigs pa 'di yin te/ gang zhig bde ba chen po'i ngo bo'i gzugs thig le tsam de ni chos kyi dbyings kyi ye shes te mi bskyod pa'o/ /gang zhig snang bar gyur pa'i gzugs ni me long lta bu'i ye shes kyi ngo bo ste rnam par snang mdzad do/ / gang zhig 'gro ba dang mi 'gro ba'i dngos po thams cad kyi bdag nyid so sor rtog pa'i ye shes te/ de ni snang ba mtha' yas so/ /dbang po thams cad dang rnam par shes pa dang / khams drug po ro gcig par gyur pa'i mtshan nyid can mnyam pa nyid kyi ye shes kyi rang bzhin te rin chen 'byung ldan no//gang zhig 'di 'od zer ma lus pa'i spro ba'i mtshan nyid can bya ba nan tan grub pa'i ye shes kyi rang bzhin te don yod grub pa'o/ /des ni 'di bshad pa yin te/ yungs kar ni de bzhin gshegs pa lnga'i rang bzhin du bsam par bya'o/ /des ni ye shes sems dpa'i sgo nas phra mo'i rnal 'byor bstan pa'o//da ni dam tshig sems dpa'i sgo nas rigs kyi dbye bas phra mo'i rnal 'byor bshad par bya ste/ nam mkha'i dbyings zhes bya ba la sogs pa la/ nam mkha'i dbyings ni pad+ma'i sna ste/ de'i dbus su gnas pa'i nyi ma'i dkyil 'khor ni rnam par rtog pa ma lus pa bsreg pa'i ngo bo dang /chos kyi dbyings kyi rang bzhin mi bskyod pa'i gdan du gyur pa rtsa dbus ma la bsam par bya'o/ /nyi ma'i gdan de nyid kyi steng du sangs rgyas kyi sku ni mi bskyod pa'i sku ste/ zhal gsum phyag drug pa mA ma kI dang snyoms par zhugs pa rnam par bsgoms te/de'i rjes la chags pa chen po'i mes spro ba dang bsdu ba sngon du 'gro ba 'od du zhu ba bsams la gnas ni thig le tsam du/ de'i steng du ni rtsa dbus ma'i gzhir gyur pa'i nyi ma'i dkyil 'khor la dgod par bya'o/ /'dir ni sngags 'di yin te/ hUM sngags 'di brjod nas sna'i rtse mor thig le bsam par bya'o//de'i rang bzhin thig le yin no zhes kha cig 'dod do/ /la la na re de'i ye shes sems dpa'i sngags kyi thig le de'i rnam pa yin no zhes zer ro/ /lte ba'i mi bskyod pa gtso bor gyur pa'i phra mo'i rnal 'byor bsgoms la rnam par snang mdzad la sogs pa'i gtso bor gyur pa bshad par bya ba'i phyir/nam mkha'i dbyings zhes bya ba la sogs pa gsungs te/ snga ma bzhin du pad+ma'i sna'i nub phyogs su rtsa lha sbyin ma'i dbus su gnas pa gsal ba'i dkyil 'khor ni zla ba'i dkyil 'khor bsams te/ spyan gyi tshul du sbyor ba la/ /zhes bya ba ni lha mo spyan dang snyoms par zhugs pa'i rtag pa bsgoms te/ rdo rje pad+ma ni de dag gis bde ba chen po nyams su myong bas ji srid chags pa'i mes zhu zhing snga ma bzhin du thig le tsam du de nyid bsgom par bya ste/ rnam par snang mdzad kyi rnal 'byor pa'i phra mo'i rnal 'byor ro//de bzhin du nam mkha'i dbyings ni pad+ma'i dbus su gnas pa'i g.yas phyogs su rtsa rus sbal ma la rin chen dkyil 'khor ni rin chen 'byung ldan gyi gdan du gyur pa nyi ma'i dkyil 'khor bsgom ste/ de'i steng du dang po sbyor ba ste dang po sbyor ba la sogs pa'i rim pas 'byung ba rang gi lha mo dang snyoms par zhugs pa rin chen 'byung ldan nan tan gyis ni yang snga ma bzhin du zhu ba bsams te/de nyid tsam du bsgom par bya ste/ rin chen 'byung ldan gyi rnal 'byor pa'i phra mo'i rnal 'byor ro/ /de bzhin du nam mkha'i dbyings ni pad+ma nyid kyi dbus su g.yon phyogs su rtsa zla ba ma la 'od zer gtso bor gyur pa'i zla ba'i dkyil 'khor bsams te/de'i steng du sangs rgyas tshul ni snang ba mtha' yas kyi sku zhi ba'i ngo bo 'khor gos dkar mo dang bcas par bsams te/ khyad par ni snga ma bzhin du 'od du zhu ba de nyid la thig le tsam du bsgom par bya ste/snang ba mtha' yas kyi rnal 'byor pa'i phra mo'i rnal 'byor ro/ /de bzhin du shar phyogs kyi rtsa la ut+pal mthing ga'i mdog 'dra ba zhes pa ni don yod grub pa ste/ rtse mo lnga pa ni rigs lnga nye bar sdud par byed pa lha mo sgrol ma dang snyoms par zhugs pa/khyad par du zhes pa ni 'od du zhu zhing thig le tsam gyi ngo bo nas kyi 'bru tsam zhes pa tshad de nyid kyis nye bar mtshon pa sna'i rtse mor ni rtsa nor rgyal ma de nyid la bsam par bya ste/ las kyi rigs kyi rnal 'byor pa'i phra mo'i rnal 'byor ro/ /pad+ma'i sna'i rtse mor thig le bsgom par bya ste /rdo rje la yang bshad par bya ba'i phyir/ tsa na ka yi 'bru tsam la/ /zhes bya ba la sogs pa gsungs te/ rdo rje bu ga'i nang du/ 'dab ma brgyad pa ge sar bcas/ /zhes pa ni snga ma bzhin du rtsa g.yon pa la tsa na ka'i 'bru'i tshad tsam bsams te/de yongs su gyur pa las skyes pa snang ba mtha' yas snga ma bzhin du 'od du zhu ba kha dog lnga pa thig le'i ngo bo byang chub gzhol bar gyur pa ni snang ba mtha' yas rnal 'byor pas bsam par bya ste/ snang ba mtha' yas kyi rnal 'byor pa'i phra mo'i rnal 'byor ro/ / 'khor lo la sogs pa khyad par du zhes bya ba la sogs pa la/ snga ma bzhin du rdo rje'i rtse mor de nyid g.yas dang shar dang nub dang dbus rnams su 'khor lo la sogs par bsam par bya ste/ rnam par snang mdzad la sogs pa'i rnal 'byor pa rnams kyi phra mo'i rnal 'byor bsgom pa ra bya'o//de ltar byas nas byang chub grub par gyur pa ni mi bskyod pa 'grub par 'gyur ba'o/ /gnas ni rin chen 'byung ldan grub po/ /nyams dga' ba ni snang ba mtha' yas grub bo/ /dngos grub thams cad ni rnam par snang mdzad grub po/ /yon tan ni zhi ba la sogs pa'i las rnams kyi gnas ni gdon mi za ba grub ste/dngos grub de rnams lnga po rnal 'byor pas 'grub par 'gyur zhes tshig gi don to/ /rang gi sems dbang du byas la/ gzhan gyi don grub par bya ba'i phyir/ sangs rgyas byang chub ces bya ba la sogs pa gsungs te/ mdor na zhes pa cig car du sangs rgyas ni rigs lnga'i de bzhin gshegs pa rnams te/ de dag byang chub ni rang rang gi shes rab ma ste de rnams kyi b+ha gar gnas pa'o/ /de bzhin du chos ni rin chen 'byung ldan gyi rang bzhin dang / gnas ni don yod grub pa'i rigs can dang / sku gsung thugs kyis mtshan pa ni rnam par snang mdzad la sogs pa'i rigs can du de rnams spro bar bya'o//yang na rtsa lnga rtse mo de rnams kyi gang zhig thig le de rnams bsgom pa de dag sangs rgyas ni de bzhin gshegs pa'i rang bzhin te/ byang chub gnas pa ni rtsa dbus ma la ro gcig par gyur pa nyid du bya'o//de byas nas sku la sogs pa'i rigs can gyi de bzhin gshegs pa rnams de nyid las spro bar bya ste rdzogs pa'i rim pa'o/ /phra mo'i rnal 'byor gyi 'og rol du mchod pa'i rim pa bshad par bya ste/ mchod pa de yang rnam pa gsum ste/gsang ba'i mchod pa dang / de kho na nyid kyi mchod pa dang / mchod pa chen po'o/ /de nas zhes bya ba la sogs pa la/ rdo rje ni rigs pa'i rdo rje ste/ de 'dzin ni pad+ma'i nang du zhugs par mdzad pas na rdo rje 'dzin te rgyu'o/ /rdo rje ni chos kyi dbyings kyi ye shes te de 'dzin pas na rdo rje 'dzin te 'bras bu'o//rdo rje bdud rtsi ni lcags kyu rnams te de 'dzin pa ni spyod par byed pas na 'dzin te de sgrub pa'o/ /dpal ni rang snang ba'i shes rab ma ste/ de gang la yod pa de ni dpal ldan te rang bzhin no/ /dpal ni ye shes phun sum tshogs pa ste/de gang la yod pa ste rdzogs pa'i rim pa'o/ /dpal ni bdud rtsi myong ba ste de gang la yod pa ste sgrub pa'o/ /kun ni gsang ba'i mchod pa dang / don ni mchod pa chen pos te/ de rnams ston par mdzad pas na/ de nyid don kun ston pa pa'o / /spyod pa kun ni rnam pa gsum ste/spros pa dang bcas pa dang / spros pa med pa dang / shin tu spros pa med pa rnams so/ mchog ni de dag gi phul du byung ba'o/ /legs dag pa ni byang chub chen po'i go 'phang thob pa'o/ /gsang ba dam pa ni mchod pa rnam pa gsum rdo rje 'dzin des bka' stsal to zhes ston to//gzugs dang sgra dang ro ldan pa/ /zhes bya ba la sogs pa la/ /drug ces pa ni drug gi grangs dang ldan pa zla ba ni zla ba re re la me tog 'byung ba'i phyir/ zla ba drug ni rigs drug las byung ba'i lha mo gzugs rdo rje ma la sogs pa ste/ dam tshig gi phyag rgya ma rnams bsgom par bya'o//gang gis she na/ gzugs dang sgra la sogs pa'i 'dod pa'i yon tan rnams dang ldan pas so/ /gzhan ji lta bu zhe na/ shes rab can gyi ni phyag rgya ma de rnams dang ldan pas gal te bsgom pa ni sngar bshad pa'i rim pas snyoms par zhugs par byed na de'i tshe rdo rje 'chang chen po nyid du 'gyur ro zhes tshig gi lhag ma'o//de'i rang bzhin dang rgyu dang las dang 'bras bu dang / gsang ba'i mchod pa dang / spros pa dang bcas pa'i spyod pa rnams so/ /yang na zla ba drug ni bshang gci la sogs pa lnga dang lcags kyu lnga gcig ste drug go//de rnams gzugs la sogs pa'i rang bzhin de bzhin gshegs pa dang ldan pa ni sbyang ba la sogs pa'i rim pas dri ma med par byas te/ shes rab can ni smod pa med pa'i rnal 'byor pas gal te spyod par byed na de'i tshe rdo rje 'chang chen po nyid du 'gyur ro zhes tshig gi lhag ma'o//de ni sgrub pa dang de kho na nyid kyi mchod pa dang spros pa med pa'i spyod pa rnams so/ /yang na go ku da ha na'i sha lnga dang / dbang po'i dri ma ste zla ba drug go/ /gzugs dang sgra dang dri dang ro la sogs pa'i rang bzhin gyi de bzhin gshegs pa rnams la/ gang zhig shes rab can gyi rim pas bsgom pa ni gtor ma phul na de'i tshe rnal 'byor pa de ni/ snga ma bzhin du rdo rje 'chang chen po nyid du 'gyur ro/ /de ni sgrub pa dang mchod pa chen po dang / shin tu spros pa med pa'i spyod pa rnams so/ /'di nyid bshad par bya ba'i phyir/ /gsang ba de nyid mchod chen gyis //zhes bya ba la sogs pa la gsungs te/ mchod pa de dag rnam pa gsum gyis mchod pa byas la bsgom par bya ba ni khyad par du rdo rje 'chang chen po nyid thob par 'gyur te sgrub pa'o/ /de kho na nyid dang gsang ba'i mchod pa dang mchod pa chen po dag rgya che bar bshad par bya ste/bshang gci zhes bya ba la sogs pa la/ bshang gci dag nye bar mtshon pa'i phyir rdzas lnga ste/ sngags dang phyag rgyas byin gyis brlab par byas la/ 'jig rten dang 'jig rten las 'das pa'i dngos grub kyi 'bras bu 'dod pas/ khyad par gyi zhag la brten cing gal te spyod na de'i tshe de la bla med de de kho na nyid ni gtsang ba la sogs pa'i rnam par rtog pa dang bral ba'i yid/de bzhin du byang chub ni rnam par mi rtog pa'i ye shes dang / skyon med pa ni ye shes kyi sku 'grub par 'gyur te sgrub pa nyid do/ /ji skad du/ de dus brtsams te de ni rtog pa med//de mchog dbyibs dang phyag mtshan ci 'dod pa/ /bsam gyis mi khyab rnam par smin pa'i sku/ /sdom pa de las bya ba byas pa bsgom/ /zhes 'byung ngo / /yang bshang gci la sogs pa'i phung po lnga ste/ de dag zos pa ni sems rnam par dag pa'i rim gyis 'od gsal bar zhugs pa gang yin pa de rnams zas su bshang gci za ba ste rdzogs pa'i rim pa'i rnal 'byor pa rnams so//'bras bu 'od gsal ba don du gnyer bas na 'bras bu 'dod pa'o/ /yang dag bla med ni sems dang sems las byung ba spong bas mchog tu gyur pa'o//byang chub ni 'od gsal dri ma med pas na skyon med pa de dang 'dra ba'i rnal 'byor pa la 'grub par 'gyur te/ sems rnam par dag pa'i rim pa dang / de kho na nyid kyi mchod pa'o/ /zas su sha rnams zhes bya ba la sogs pas mchod pa chen po bstan par bya ste/dkyil 'khor gyi 'khor lo la mchod pa'i don du gal te lha bshos phul na de'i tshe sha dbul bar bya'o/ /rigs thams cad kyi yin nam zhe na ma yin te/ sha chen zhes bya ba ni kha na ma tho ba med pa mi ro'i lus las byung ba de dang 'dra ba rab brtags pa ni dbul ba dang spyod par bya'o//'dir man ngag ni skye ba bdun pa la sogs pa mtshan nyid dang ldan pa'am/ lcebs nas shi ba'i skyes pa'i rdo rje bdud rtsi'i rgyud las gsungs pa'i cho gas/ mchod pa sngon du 'gro ba blangs te/ de nyid kyi lag par mtshon cha sbyin zhing des byin pa lus kyi dum bu byin pa gang yin pa de ni sha chen te/lha rnams la phul na dngos grub ster bar 'gyur ro zhes mkhas pa rnams kyis gsungs so/ /de ltar byas nas sku gsung thugs ni sku la sogs pa gsum mam/ de bzhin gshegs pa rigs lnga 'grub par 'gyur ba ni 'khor lo'i rig pa 'dzin pa la sogs pa'i dngos grub rnams rtsol ba med pas 'grub par 'gyur ro//gsang ba ni ro langs pa'i cho ga yang 'grub par 'gyur ro/ /ji lta bu zhe na/ dngos grub thams cad ni 'das pa dang ma 'ongs pa dang da ltar byung ba'i dus su shes pa'i dngos grub rnams ster ba ste/dngos grub thams cad ster ba'o/ /de ni sgrub pa dang mchod pa chen po'o/ /yang na sha ni rnam par shes pa gsum mo/ /de rnams bza' ba ni snang ba la sogs pa'i rim pas mi snang bar byed pa'o/ /sha chen ni de nyid 'od gsal bar brtags par bsgom par bya'o/ /de ltar byas nas sku gsung thugs 'grub par 'gyur ba ni lus ngag yid bskyed pa'i rgyur gyur pa rang bzhin rnams bkag pas so//gsal ba ni thams cad stong pa'i go 'phang ngo / /dngos grub thams cad ster ba ni stobs dang mi 'jigs pa la sogs pa 'jig rten las 'das pa'i dngos grub ster bar 'gyur zhes ston to//de ni sems rnam par dag pa'o/ /sha'i skabs su gzhan yang bshad par bya ba'i phyir/ glang po'i sha dang zhes bya ba la sogs pa gsungs te/ glang po che la sogs pa gsum ni 'jig rten las 'gal ba'i srog chags so/ /de bzhin gyi sgras ni ba lang yang stobs so//dam pa ni skyes pa'i'o/ /srog chags de rnams kyi sha blangs te/ oM trAM hrIH hUM khaM zhes bya ba'i sa bon rnams kyis byin gyis brlabs la khro bo'i rgyal po rnams la phul zhing de nas bdag nyid kyis bza' bar bya'o/ /zas kyi phyir zas gzhan ma rnams zhes pa ni de ma yin pa'i zas bza' bar mi bya ste/zhi ba'i zas ni khro bo'i rgyal po'i dkyil 'khor la dgos pa ma yin te sgrub pa'o/ /yang na glang po ni mig gi rnam par shes pa ste/ gzugs glang po mo'i reg pas phyi rol du chags pa'i phyir ro/ /rta ni rna ba'i rnam par shes pa ste/sgra'i rtswa la sogs pa la chags pa'i phyir ro/ /khyi ni sna'i rnam par shes pa ste/ dri'i zas la chags pa'i phyir ro/ /ba lang ni lce'i rnam par shes pa ste ro'i gnas la rtag tu chags pa'i phyir ro/ /skyes pa ni lus kyi rnam par shes pa ste reg bya med pas shi ba 'dod phyir ro//de rnams kyi sha ni yul lnga ste/ de rnams bcu bza' bar bya ba ni mngon par byang chub kyi rim pas ril por 'dzin pa dang rjes su gzhig pa'i ting nge 'dzin dag gis 'od gsal ba la 'jug par bya'o/ /zas gzhan dag ni ma zos na zhes bya ba la mngon par byang chub pa'i rim pa la gnas pa'i rnal 'byor pas zas ni kham gyi za ba'i mtshan nyid can gyis za bar mi bya ste/bsam gtan za ba can gyi rnal 'byor pas gnas par 'gyur ro zhes ston to / /mngon par byang chub pa'i rim pa'o/ /mchod pa rnam pa gsum gyi 'bras bu bstan par bya ste/mnyes par gyur pa ni de lta bu'i rnal 'byor pas sangs rgyas ni de bzhin gshegs pa rnams mnyes par 'gyur ba'o/ /byang chub sems dpa' ni sa'i snying po la sogs pa ste/ de nyid kyi blo ni shes rab ma rnams te de rnams gang la yod pa de ni blo can te rigs mthun pa nyid kyis khro bo'i rgyal po rnams so//de rnams yang mnyes par gyur pa ste/ dkyil 'khor pa ma lus pa mnyes par 'gyur ro zhes ston to/ /de nyid kyi phyir 'di lta bu'i sbyor ba ni rnam pa gsum gyi mchod pa'i rim pas myur du ni yun ring pa ma yin par sangs rgyas nyid thob par 'gyur te/ thabs mang ba yod pa'i phyir ro zhes dgongs pa'o/ /de bzhin du 'dod khams ni gnas nyi shu ste de la dbang phyug ni gtso bo ste mchod pa'i rim pas byin la sogs pa la dbang byed pa'i phyir ro/ /go 'phang ni bsam gtan gtso bor gyur pa'i gzugs kyi khams so/ /las ni las kyi bag chags yod pa'i phyir gzugs med pa'i khams so//de dag byed pa ni bdag po nyid du gnas te go 'phang las ni byed par 'gyur ro/ /de bzhin du gzi ni mngon par shes pa lnga ste/ de gang la yod pa de ni gzi can no/ /stobs ni de bzhin gshegs pa'i stobs te gnas dang gnas ma yin pa'i ye shes kyi stobs la sogs pa bcu'o//de rnams yod pas na stobs dang ldan pa'o/ /gtso bo mi 'jigs pa bzhi'o/ /mdangs ni skyes bu chen po'i mtshan sum cu rtsa gnyis te/ de rnams bzang po gang la yod pa ni de bzhin no/ / mthong na yid du 'ong ba ni dpe rnams te/ de dang ldan pa'i phyir yid du 'ong ba'o/ /'jig rten 'di dag dbang du gyur/ /zhes pa ni 'gro ba'i gling bzhi pa dang mtho ris la gnas pa'i lha la sogs pa'i dbang du gyur pa ni bstan pa'i sgo nas dbang du byed pa'o/ /mthong ba tsam gyis zhes pa ni gzugs mthong ba tsam gyis kyang dbang du byed pa ste/rnal 'byor pa ni de lta bu'i mtshan nyid dang ldan pa'i phyir ro/ /bskul ba ni gzhan yang 'jig rten gyi lha mo gzhan ma rnams kyis gnod par gyur na de rnams dbang du bya ba la smos ci dgos zhes ston to/ /nye bar bsdu ba bshad par bya ste/'di ni sngar bshad pa'i mchod pa rnam gsum gyi mtshan nyid dang / phra mo'i rnal 'byor bsgom pa ste/ sangs rgyas thams cad ni gnyi ga'i rnal 'byor pa rnams kyi gsang ba ni/ rtag tu bsgom par byas pa dang / sbas par byas nas byang chub dam pa ni rdo rje 'chang chen po'i dngos grub ster bar byed do//'di las yang sngon du sngags ni de bzhin gshegs pa gsum ste/ de rnams kyi gsang ba ni sku gsung thugs byin gyis brlab pa'i sa bon gsum mo/ /yang dag pa ni rjes su dran par byed pa'i sngags rnam gsum mo/ /yang ji ltar bya zhe na tha mal pa'i lus ngag sems lta ba ni sbyar bar byed pa ste/bskyed pa dang rdzogs pa'i rim pa dag go/ /sku gsung thugs byin gyis rlob pa ni yig 'bru'i sngags dgod pa dang / klog pa dag gis rnam par dag pa le'u gang la yod pa de la de skad ces bya'o/ /rgyud 'grel las le'u drug pa'i tshig gis don bcu drug gi bshad pa'o//le'u drug pa'i tshigs su bcad pa'i grangs ni nyis brgya bdun cu rtsa lnga'o// //da ni sku gsung thugs byin gyis brlab pa'i rnal 'byor pa las le'u lnga pa las gsungs pa'i spyod pa spros pas yang spyod par bya ste/de'i phyir le'u bdun pa bstan par bya ba'i phyir/ de nas zhes bya ba la sogs pa gsungs te/ de bzhin gshegs pa thams cad kyi sku gsung thugs kyi bdag ni rdo rje 'chang chen po'o/ /dam tshig chen po ni spros pa dang bcas pa'i spyod pa'o/ /de kho na nyid ni spros pa med pa'i spyod pa'o//sngags ni shin tu spros pa med pa'i spyod pa ste/ spyod pa de rnams kyis thob pa gang zhig mngon par byang chub pa ni chos 'byung ba dang chos kyi dbyings dang / bla na med pa'i mngon par byang chub pa ste gsum mo/ /gtso bor gyur pa'i gzhung gi tshogs ni le'u ste/ de nyid gsungs ni bka' stsal pa ste sgrub pa'o//de rnams nyid dang po bshad par bya ba'i phyir/ 'dod pa'i longs spyod thams cad la/ /zhes bya ba la sogs pa gsungs te/ 'dod pa thams cad ni phyi'i phyag rgya ma ste/ gzugs rdo rje ma la sogs pa'i rang bzhin lnga'o//de dag mdor bsdus pa'i zla ba dang rdo rje la sogs pa'i rim gyis bskyed cing sa bon lngas spyi bo la sogs par byin gyis brlabs la/ sngar bshad pa'i khang pa sum brtsegs la sogs pas gnas pa ste rang gis rdo rje 'chang chen po'i nga rgyal byas la/ sngags dang phyag rgya'i rim pas gal te de rnams longs spyod ni de'i tshe ji ltar 'dod pa ni ji ltar sems dga' bar byas nas sangs rgyas thob par 'gyur ro//ji skad du/ la la gzhon nu mar 'dod dang / /la la dar la bab 'dod dang / /gzhan mas rag pa gang yang rung / /phra ba ljang gu gzhan mas 'dod//ces 'byung ngo / /yang na mdog dkar po la sogs pas nye bar mtshon pa dang / rnam par snang mdzad la sogs pa'i rigs kyi lha gang yang rung ba'i bsgom pa la chags pa dang / dam tshig gi phyag rgya ma rnams longs spyod par bya ste/ ji ltar 'dod pa'i sgra'i don to//de ltar de rnams bsten na sbyor ba ni 'dod chags la sogs pa'i rol pa'i tshogs kyi sbyor bas myur du ni bde bas so/ /sangs rgyas ni chos 'byung gi mngon par byang chub thob par gyur pa ni rnyed par 'gyur te/ spros pa dang bcas pa'i spyod pa ste bskyed pa'i rim pa dang bsgrub pa dag go//spros pa med pa'i spyod pa bshad par bya ste/ 'dod pa thams cad ni gzugs rdo rje ma la sogs pa'i yul lnga'o/ /de rnams ji ltar 'dod pa ni ji snyed pas lus 'dzin par bya ba'i phyir bsten pa ni spyod pa'o/ /de dag bsten pa ni rang gi lha ste/ rdo rje sems dpa' la sogs pa las gang yang rung ba'i de bzhin gshegs pa'o//sbyor ba ni de nyid shing la sogs pas phyag dang zhal la sogs pa'i sbyor ba'o/ /des nye bar mtshon pa'i rnal 'byor pas bdag nyid rang gi bdag nyid dang / gzhan gyi lung du bstan pa'i dam tshig gi phyag rgya ma ste de dag mchod par bya'o//de yang de bzhin du byas la nags la slong mo slong zhing nags tshal gyi lha mo rnams las kha zas rnyed cing lus 'tsho bar bya ba ste/ spros pa med pa'i spyod pa dang / bskyed pa'i rim pa dang bsgrub pa rnams so/ /spyod pa gnyi ga la zhugs pa'i rnal 'byor pa dag la mi bzad pa'i spyod pa dgag par bya ba'i phyir/dka' thub sdom pa zhes bya ba la sogs pa gsungs te/ dka' thub ni lus ngal bar byed pa'i nyan thos pa rnams kyis sbyangs pa'i yon tan bcu gnyis so/ /sdom pa ni lan gsum du gos brje ba dang / lan gsum du khrus dang nye reg la sogs pa ste/bya ba'i rgyud kyi sngags pa rnams kyi'o/ /mi bzad pa ni lus kyi phyag rgya dang / g.yas brkyang pa la sogs pa ste/ rnal 'byor gyi rgyud kyi sngags pa rnams kyi'o/ /de dag brten na yang 'grub par mi 'gyur ba ni myur du dang phyin ci ma log par sangs rgyas nyid thob par mi 'gyur ro zhes ston to//la la na re mu stegs pa la sogs pa'i zla ba spyod pa la sogs pa dka' thub la sogs pa'i sgra rnams kyis bshad pa yin la/ de ni mi rigs te nyan thos la sogs pas kyang de rnams spang bya yin te/ sngags pa rnams kyis smos ci dgos so//de bas na tha mal pa'i theg pa la sogs pa'i dka' thub la sogs pa 'dir bkag par rigs so/ /rgyal po'i rin chen phreng ba las kyang / lus ni gcig pu ngal ba yis/ /gang phyir chos dag de las med/ /gzhan gyi 'tshe ba bral min dang //gzhan rnams la ni phan pa med/ /sbyin pa tshul khrims bzod pas gsal/ /gang gis bstan bcos lam po che/ /spangs te lus kyi ngal ba yi/ /dgon pa'i lam ngan las 'gro ba/ de ni/ srid pa'i dgon pa mi bzod pa/ /mtha' yas skye bo shing drung can//nyon mongs sprul cing des lus khyab/ /shin tu ring bar zhugs par 'gyur/ /zhes 'byung ngo / /ji ltar grub par 'gyur zhe na/ sngar bshad pa'i 'dod pa thams cad la longs spyod pa la brten nas myur du 'grub par 'gyur te/ bde ba dang ldan pas sems mnyam par gzhag par 'gyur ro//zhes gsungs pa'i phyir ro/ /de bzhin du 'jig rten dang 'jig rten las 'das pa'i rdo rje'i rgyud las kyang / bde bas byang chub thob pa yi/ /lus gdungs pas ni byang chub min/ /gang phyir blo ni bde ba yis/ /ting nge 'dzin las sangs rgyas 'byung //mi za ba sogs dka' thub kyis/ /lus gdung de bzhin gzhan rnams dang / /lus ngal dang ni nyon mongs pas/ /rnam par g.yeng bas 'grub mi 'gyur/ /dman pa'i sems can grub min te/ /des ni mi zad rab tu brtan/ /zhes 'byung ngo / /de bzhin du dpal mchog dang po las kyang /bdag ni sangs rgyas thams cad nyid/ /sangs rgyas kyi sras nyid de bzhin/ /rang gi lha yi sbyor ba yis/ /de phyir bdag nyid bsgrub par bya/ /dka' thub sdom pa mi zad pas/ /lus ni sdug bsngal ldan bskams 'gyur/ /sdug bsngal gyis ni sems g.yengs pas//g.yengs pas dngos grub thob mi 'gyur/ /yid dang lus ngag brtan pa'i phyir/ /rang gi bde bas brtan par 'gyur/ /sdug bsngal gyis ni g.yo 'gyur dang / /'gal ba yang ni thob par 'gyur/ /zhes 'byung ngo / /'o na phyi rol gyi yul rnams 'dod chags la sogs pa'i nyon mongs pa'i rgyu yin pas 'on kyang ngan 'gror skul bar byed pa bstan pa yin te/byang chub kyi rgyu ji ltar yin no zhes yang dag pa'i shes pa ma yin pa'i rmongs pa rnams kyis smyon pa la sogs pa bzhin du tshig 'di yin no zhe na de skad ma zer cig /thabs kyi khyad par gyis yul de rnams longs spyod na byang chub kyi rgyu yin te phyin ci log pas bsten na dmyal ba'i rgyu yin te/ dper na ke ta ka'i me tog spos kyi glang pos zos na gla rtsi bzhin du 'gyur ro/ /tha mal pa'i glang po gzhan mas zos na de nyid mi gtsang ba nyid du 'gyur ro//de bzhin du 'dod chags la sogs pa ni dag pa'i rgyud la gnas pas 'bras bu khyad par can byed pa ste/ bsam pa'i dbye bas so/ /gzhan yang dper na sbrul la sogs pas 'o ma 'thungs na dug la sogs pa'i ngo bo nyid du 'gyur ro/ /mi gzhan ma rnams kyis 'thungs na de nyid bdud rtsi la sogs pa nyid du 'gyur ro//de bzhin du 'dod chags la sogs pa de rnams ni bsam pa khyad par dang ldan pa la khyad par gyi 'bras bu ster ba ste/ rang bzhin gyi kha na ma tho ba ma yin pa'i phyir ro/ /'dir ni sbyor ba 'di yin te/ gang dang gang khyad par gyi rgyud la gnas pa de dang de khyad par gyi 'bras bu ster ba ste/ dper na ke ta ka la sogs pa bzhin no/ /'dod chags la sogs pa yang khyad par gyi rgyud la gnas pa ste/ rang bzhin gyi gtan tshigs so/ /'dir ni khyad par gyi rgyud la dgos pa'i yongs su gyur pa tsam gyi 'grel pa dang ldan pas khyad par gyi 'bras bu byed pa thogs pa med pa'i nus pa dang ldan pa rgyu'i tshogs kyis skyed par byed pa kho na'o//gang gi rang bzhin de tsam gyis 'brel pa dang ldan pa de ni des byed pa yin te thogs pa med pa'i phyir ro/ /med na yid ches par mi 'gyur ro//de bas na khyad par gyi yongs su 'gyur ba ni gzhan la ltos pa ma yin te/ de tsam gyi 'brel pa bstan to/ /de la yang thogs pa med pa ste ltos pa med pa'i phyir ro/ /ltos pa med pa ni rtogs par bya ba gzhan med pa'i phyir ro/ /de bas na de tsam gyis 'brel pa'i nges pas rang bzhin gyi gtan tshigs bstan pa yin te/rigs pa 'di nyid kyis 'dod chags la sogs pa yang rnal 'byor pa'i byang chub kyi rgyu yin te rab tu sgrub pa'o/ /don yod grub pa'i rgyud las kyang / rmongs pa gang gis bcings 'gyur ba/ /mkhas pa nyid kyis grol 'gyur ba//de ltar byang chub bsgom pa yis/ /thams cad phyin ci log 'di yin/ /lcags kyi gong bu chur bskur na/ /'ba' zhig tu ni nub par 'gyur/ /snod du byas pa de nyid ni/ /gzhan bsgral ba dang rang brgal ba'o/ /zhes 'byung ngo / /shin tu spros pa med pa'i spyod pa bshad par bya ste/slong mo za zhing mi bzla ste/ /zhes bya ba la sogs pa la/ slong mo ni phyi rol gyi kham gyi za ba ste/ de nyid gang gis bza' bar byed pa de ni slong mo za ba'o/ /phyi rol gyi zas zab de lta bu'i rnal 'byor pas mi bzla ste zhes pa ni bsgom par mi bya ste/'on kyang bsam gtan gyi bza' bas 'tsho bar bya'o zhes ston to/ /slong la dga' bar mi bya'o/ /zhes pa ni bsod nams kyi tshogs 'phel bar bya ba'i phyir shin tu dad pas bcom ldan 'das bzhin du gal te gzhan ma rnams 'byor pa la bza' ba byin na de spang bar mi bya ste 'on kyang de nyid du dga' ba ni chags pa mi bya'o//gzhan du na bsam gtan za ba nyid rim gyis nyams par 'gyur ro/ /de bzhin du sngags ni mi 'jigs pa'i yi ge bzlas par bya'o/ /yan lag ma nyams pa ni gnyis su med pa'i ngo bo ste mdog dang dbyibs dang rlung dang rnam par shes pa spangs pa ste/'on kyang ma ning gi bzlas pa'i rang bzhin du bzlas par bya'o/ /rnal 'byor pa ji lta bu zhe na/ 'dod pa kun ni de rnams kyi rang bzhin bcom ldan 'das ma shes rab kyi pha rol tu phyin pa'i ngo bo ye shes kyi phyag rgya ma ste/ de dang lhan cig tu longs spyod pa ni bde ba chen po nyams su myong ba ste/ 'dod pa kun la longs spyod pa'i rnal 'byor pa'o zhes ston to/ /de ni shin tu spros pa med pa'i spyod pa dang / rdo rje'i bzlas pa'i rim pa dang sgrub pa rnams so/ /spros pa dang bcas pa'i spyod pa'i 'bras bu bstan par bya ste/lus dang ngag dang sems zhes bya ba la sogs pa la/ spros pa dang bcas pa'i rnal 'byor pas gal te/ tha mal pa'i lus la sogs pa yongs su gyur pas bde bar gnas pa ni rnam par snang mdzad la sogs pa'i de bzhin gshegs pa'i rnam pa'i rang bzhin gyi brtan pa nyid gsal por thob na de'i byang chub ni chos 'byung gi mngon par byang chub thob pa ni rnyed par dka'o //gal te rnal 'byor pa de nyid kyis bskyed pa'i rim pa'i ting nge 'dzin brtan pa'am/ gsal por ma rdzogs na de'i tshe dus ma yin par 'chi ba dang / dam tshig nyams pas so//yang na bdud rtsi myong ba'i cho ga ma bsgoms pas dus ma yin par 'chi bar 'gyur te/ 'jig rten 'di nyid kyi 'bras bu'o/ /dmyal bar nges par bsreg par 'gyur/ /zhes pa ni ting nge 'dzin spangs pas skye bo bzhin du dmyal bar 'gro'o zhes ston to/ /de'i phyir yun ring du rgyun ma chad par brten par byas na ting nge 'dzin ni brtan par 'gyur te bskyed pa'i rim pa'o//spros pa med pa'i spyod pas 'bras bu bsten par bya ste/ sangs rgyas ni de bzhin gshegs pa lnga'i rigs can gyi rnal 'byor rnams so/ /ji lta bu zhe na/ byang chub ni lung du bstan pa'i dam tshig gi phyag rgya ma ste/de dang lhan cig sems dpa' gang la yod pa de ni byang chub sems dpa' ste/ dam tshig gi phyag rgya ma dang ldan pa'o zhes ston to/ /de lta bu'i rnal 'byor pa rnams chos mchog mi g.yo ba bsnyengs pa yang zhes pa la/ chos mi g.yo ba'i chos ni chos nyid do//mi g.yo ba ni g.yo ba mi 'gyur ba'o/ /chos kyang de yin la mi g.yo ba 'ang de yin te/ chos mi g.yo ba ste chos kyi dbyings kyi mngon par byang chub pa thob par 'gyur ro/ /gang gis she na/ 'dod pa thams cad ni ral pa'i cod pan dang / shing la sogs pas byas pa'i gdong pa can dang /lag pa dang mtshon cha la sogs pa'o/ /de bzhin du bsten pa ni shing thog la sogs pa za ba dang / nags tshal la slong mo slong ba ste/ bskyed pa'i rim pa nyid do/ /shin tu spros pa med pa'i spyod pa'i 'bras bu bstan par bya ste/ chags can ye shes 'dod pa yis/ /zhes bya ba la sogs pa la/ 'dod yon lnga ni de bzhin gshegs pa lnga'i rang bzhin gyi bsam gtan gyi bza' ba ste/ de nyid bstan pa ni spyod pa'o/ /de bzhin du ye shes ni ye shes kyi phyag rgya ma ste/ de 'dod pas na ye shes 'dod pa'o/ / chags pa ni snying rje chen po ste de gang la yod pa de ni chags can no/ /de lta bu'i rnal 'byor pas byang chub sems dpa' mnyes par bya ba ni rnam par mi rtog pa'i go 'phang thob pa'o/ /de bzhin du chags par bya ba ni bla na med pa'i mngon par byang chub nyid du bya ba ste rdzogs pa'i rim pa'o//da ni yul la longs spyod pa'i sgo nas rnam par dag pa bshad par bya ste/ gzugs la rnam gsum shes byas nas/ /zhes bya ba la sogs pa la/ phyi dang nang dang gnyi ga'i rang bzhin gyi gzugs rnam gsum du zhes pa ni ro gcig par gyur pa yongs su brtags te lha ni mig gi dbang po dang /de'i shes pa la dbul bar bya'o/ /de nyid bcom ldan 'das sna tshogs pa shes pa ni 'gro ba dang mi 'gro ba'i dngos po thams cad kyi rang bzhin rnam par snang mdzad yin no zhes mos par bya'o/ /mig dang gzugs dag las mig gi rnam par shes pa gang byung ba de ni rnam par snang mdzad kyi ngo bo me long lta bu'i ye shes bsgom par bya'o//de bzhin du phyi rol la sogs pas tha dad pa'i sgra rnam pa gsum du shes te/ /de las byung ba'i sna'i rnam par shes pa ni mnyam pa nyid kyi ngo bo rin chen 'byung ldan bsgom par bya'o//de bzhin du rnam pa gsum gyi dri rna ba'i rnam par shes pas rtog pa so sor rtog pa'i ye shes kyi rang bzhin 'od dpag tu med pa bsgom par bya'o/ /rim pa de nyid kyis rnam pa gsum gyi ro myang ba'i skabs su ro'i rnam par shes pa bya ba nan tan sgrub pa'i bdag nyid kyi ngo bo don yod grub pa'i ngo bo bsgom par bya'o//de nas rnam pa gsum gyi reg pa las 'byung ba lus kyi rnam par shes pa chos kyi dbyings kyi rang bzhin gyi mi bskyod pa bsgom par bya'o/ /nye bar bsdu ba bshad par bya ste/ gzugs la sogs pa'i yul rnams de dang de lta bu'i bsgom pa'i rim pas gal te rnal 'byor pa sems nges par sbyong zhing nye bar gtang na de'i tshe 'di nyid de la sangs rgyas thams cad kyi ni sangs rgyas kun gyi rang bzhin ye shes lnga'i ngo bo gsang ba ste bya ba la sogs pa'i tshul la brten pa la mi brten pa snying po ni de bzhin gshegs pa ste/de rnams bsdus pa ni ye shes lnga'i ngo bo ting nge 'dzin rnal 'byor pas thob par 'gyur ro zhes tshig gi don to//gzugs so/ /rnal 'byor ro/ /zhes bya ba la/ gzugs la sogs pa lnga pos lha ni ye shes sam dam tshig gi phyag rgya gcig pu de bzhin gshegs pa lnga'i rnam par dag pa bsgom par bya'o//de la mdangs dang mdzes pa dang ldan pa de'i lus sra ba ste sa'i khams kyi rang bzhin rnam par snang mdzad bsam mo/ /de bzhin du ngang pa dang phug ron la sogs pa de dang 'dra ba de'i bde ba'i sgra ni rin chen dpal gyi rang bzhin nam mkha' rnam par dag pa dang / mtsho skyes dang gla rtsi la sogs pa dang 'dra ba de'i lus dang pad+ma'i dri ni 'od dpag tu med pa'i rang bzhin te/me'i rnam par dag pa dang / de'i ma mchu'i ro myang ba ni don yod grub pa'i rang bzhin te/ rlung rnam par dag pa dang / de'i yan lag reg pa las 'jam pa'i reg pa chu'i khams rnam par dag pas mi bskyod pa'i rang bzhin bsam par bya'o//de ni phyag rgya gcig gi rim pas de kho na nyid la byed pa'o/ /yang na zhes bya ba la sogs pa la/ de la ni ye shes dang dam tshig gi phyag rgya dag las gang yang rung ba/ rigs kyi tshul du ni spyan la sogs pa dang / gzugs rdo rje ma la sogs pa'i dbye bas bsgom par bya'o//de la ni de'i nu ma'i sra ba ni spyan gyi ngo bo dang / de'i ma mchu'i ngo bo ni chu'i khams mA ma kI dang / de'i pad+ma'i drod kyi rang bzhin gos dkar mo dang / de'i bskum pa dang brkyang ba dag ni rlung gi khams kyi rang bzhin sgrol ma dang / de'i pad+ma'i nang gi khong stong nam mkha'i rang bzhin te chos kyi dbyings kyi dbang phyug ma ste/ gzugs rdo rje ma la sogs pa de'i mdangs dang bde ba'i sgra dang kha dang pad+ma'i dri dang ma mchu'i ro dang lus reg pa la sogs par shes par bya ste rdzogs pa'i rim pa'o/ /yang na gzugs ni rnam pa gsum//zhes bya ba la sogs pa la/ gzugs la sogs pa'i yul lnga po rnam par spyod na gcig dang du ma'i rang bzhin gyis stong pa ste rnam par rtog pa'i dbang gis 'byung ngo / /rnam par rtog pa de yang sgra las byung ngo / /sgra'i rgyu ni rtog pa dang rtog pa'i rgyu yang sgra yin no zhes rnam par rtog pa dang sgra dag phan tshun rgyu dang 'bras bu'i ngo bor rab tu grags pa nyid do//de bas na sgra rnam par dpyad na/ A li dang kA li las logs su med de A li dang kA li de dag kyang bud med dang skyes pa dang ma ning gi ngo bo 'jug pa dang gnas pa dang ldang ba'i bdag nyid can gyis bcom ldan 'das yi ge gsum la ldan par 'gyur ro//des na gzugs la sogs pa ni yi ge gsum gyi bdag nyid du gyur pa ste/ rnam pa gsum du bstan to/ /de rnams spyi bo la sogs par bsams la/ 'jug pa la sogs pa'i rim gyis lha rnams te/ rnam par snang mdzad la sogs pa de bzhin gshegs pa lnga'i rang bzhin rdo rje 'chang chen po'i rnam pa 'od gsal ba la dbul ba ni bsdu bar bya'o//de ni nges pa'i don yin no/ /de nyid kyi phyir gzugs dang sgra dang ro la sogs pa'i phyi rol pa la rtag tu sems ni rjes su mthun pa nyid du thob par sbyor ba ni 'jug pa la sogs pa'i rim gyis slob par bya'o//de bas na sangs rgyas thams cad ni rnam par snang mdzad la sogs pa'i rang bzhin gyi sngags rnams kyi gsang ba ni yi ge gsum mo/ /snying po ni snying por gyur pa'o/ /'dus pa ni A li dang kA lis bsdus pa slob par bya'o zhes tshig gi lhag ma'o//de nyid kyi phyir gzugs dang sgra la sogs pa ste yi ge gsum gyi bdag nyid kyis lha ni 'od gsal ba'i go 'phang thob par bya'o/ /yang rnal 'byor pa'i rgyud kyi dbye bas le'u bcu gsum pa las gsungs pa'i rim gyis rigs kyi tshul du rnam par bsgom pa ni rnam par snang mdzad la sogs pa'i bzlas pa'i dbye bas yi ge gsum de bzlas par bya'o//de ni rdo rje'i bzlas pa'i rim pa'o/ /de bzhin du gzugs la sogs pa shes pa la tha dad pa gzhan med do zhes rnam par shes pa'i rnam pa yin no/ / rnam gsum ni snang ba la sogs pa'i dbye bas shes nas lha rnams ni thams cad stong pa nyid la phul ba ni 'jug par bya'o/ /rigs pa 'dis ni gzugs la sogs pa la rtag tu sems nges par sbyor ba ni gzugs la sogs pa'i rang bzhin sems par bya'o/ /'di de sangs rgyas thams cad ni ye shes gsum gyi gsang ba ste 'od gsal ba'o//snying po ni brtan pa dang / 'dus pa ni stong pa bcu drug bsdus pa'i mtshan nyid de thams cad stong pa'i ngo bo bsgom par bya'o/ /ji lta bu zhe na/ gzugs la sogs pa ste/ de'i rang bzhin rnam par shes pa gsum gyis so//lha nyid du bsgom pa ni zla ba'i dkyil 'khor la sogs pa'i rim pas bsgom par bya'o/ /yang na rigs kyi tshul ni shes rab dang thabs dang ma rig pa la sogs pa'i dbye ba des ni rang bzhin brgya drug cu nye bar bsdu bar bsgom par bya'o/ /de ni sems rnam par dag pa'i rim pa'o//yang na gzugs la sogs pa ni chos dang longs spyod rdzogs pa dang sprul pa'i sku'i rang bzhin rnam pa gsum sgyu ma'i ngo bo sku zhes pa ni 'od gsal ba las langs te gzhan yang lha rnams ni 'od gsal ba la dbul bar bya ba ni bzhugs par bya'o/ /rab tu byed pa las kyang ji skad du/ji ltar dang ba'i chu dag las/ /nya ni myur du ldang bar 'gyur/ /thams cad stong pa dang ba las/ /sgyu 'phrul dra ba de bzhin 'byung / /zhes 'byung ngo / /de nas rnam par snang mdzad la sogs pa'i ngo bos bsgom pa ni rigs lnga'i dbye bas de nyid las cig car du ldang bar bya'o//de nyid kyi phyir sangs rgyas thams cad ni rdzogs pa'i rim pa'i rnal 'byor pa rnams kyis so/ /gsang ba ni blang bar bya'o/ /snying po ni bskyed pa'i rim pa'i rnal 'byor pa rnams kyis so/ /'dus pa ni skad cig mas byang chub ster ba'o//rigs pa 'di nyid kyis gzugs dang sgra la sogs pa de'i ngo bo nyid kyi sku'i sems nges par sbyor ba ni bsgom par bya'o/ /gang zhig gzugs dang sgra la sogs pa blta ba de rnams lha nyid du bsgom pa ni sgyu ma'i ngo bor dran par bya'o/ /yang na rigs kyi tshul ni sgyu ma'i rigs kyi dbye ba ste/sgyu ma'i dpe bcu gnyis bsgom par bya'o/ /rab tu byed pa las kyang / me long la ni gzugs brnyan dang / /rmi lam sgyu ma chu bur dang / /mi 'phrul dra ba dang 'dra ba/ /gang gis blta ba de gtso yin/ /zhes bya ba la sogs pa 'byung ste/ bdag la byin gyis brlab pa'i rim pa'o//yang na gzugs rdo rje ma la sogs pa dam tshig gi phyag rgya ma dang / ye shes kyi phyag rgya ma rnams te de dang lhan cig tu snyoms par zhugs pa'i bde ba rnam gsum ni chags pa dang bral ba dang / chags pa bar pa'i dbye bas shes nas lha rnams la ni de kho na nyid bzhi pa la dbul bar bya ba ni 'dod chags la sogs pa 'od gsal ba la bzhugs par bya'o//gang zhig 'od gsal ba de yang rnam par snang mdzad la sogs pa'i ye shes lnga'i rang bzhin du shes par bya'o/ /'di de sangs rgyas thams cad kyi/ /zhes pa ni 'dod chags la sogs pa'i gsang ba ni bzhi pa'o//snying po ni ye shes lnga ste de rnams 'dus pa ni/ shes pa dang shes bya bral ba'o zhes ston to/ /gzugs dang sgra la sogs pa ni lha mo rnams dang lhan cig tu snyoms par zhugs pa'i dus su bdag nyid lha ni rdo rje 'chang chen po nyid du bsgom pa ni bsam par bya ste/des na bzhi po thob par 'gyur ro zhes ston to/ /gal te ting nge 'dzin 'di nyid kyis sems brtan par mi 'gyur na/ de'i tshe rigs ni ril por 'dzin pa'i ting nge 'dzin dang / tshul ni rjes su gzhig pa'i ting nge 'dzin te/ de dag gi rnam par bsgom pa ni dbye ba rnams kyis bsgom par bya'o zhes ston to//de ni mngon par byang chub pa'i rim pa'o/ /yang na gzugs la sogs pa ni phyi dang nang gi dngos po rnams te/ de dag rnam gsum ni kun rdzob dang don dam pa'i nang na dbu ma'i lam gsum pa ste zung 'jug gi bdag nyid can no//de shes nas lha ni mi gnas pa'i mya ngan las 'das pa'i ngo bo'i ting nge 'dzin la sbyor ba ni rab tu sbyor bar bya'o/ /ting nge 'dzin de nyid kyi gal te gzugs la sogs pa la sems sbyar na de'i tshe sangs rgyas thams cad kyi gsang ba ni rdo rje 'chang chen po nyid/ snying po ni bstan par mi bya ba dang /'dus pa ni de bzhin gshegs pa la sogs pa'i ngo bo thob par 'gyur ro/ /sgra dang gzugs la sogs pa'i phyi rol gyi yul rnams longs spyod na lha ni mi gnas pa'i mya ngan las 'das pa'i sku/ rtag tu ni dus gsum du bsgom par bya'o/ /rigs kyi dbye ba ni gtsang ba la sogs pa ste/de rnams rnam par bsgom pa ni dbye ba spang ba'i yid la byed pa rnams kyis bsgom par bya ba ni shes par bya'o/ /rigs dang rdzas la sogs pa'i dbye ba rtogs par mi bya ste zung 'jug gi rim pa'o/ /yang na gzugs la sogs pa ni gzugs la sogs pa dang ldan pa'i bdud rtsi dang /lcags kyu rnams so/ /rnam gsum ni de rnams yi ge gsum gyis byin gyis brlab par byas la lha rnams ni phung po rnams la dbul bar bya'o/ /phung po de nyid rnam par snang mdzad la sogs pa'i ngo bor 'gyur ro zhes bsgom par bya'o/ /'di de sangs rgyas thams cad kyi//zhes pa ni bdud rtsi lnga'i ngo bo ste gsang ba ni bstan par mi bya ba dang / snying po ni gsang ba'i dbang bskur ba'i ngo bo dang / 'dus pa ni lnga po bsdus pas byang chub kyi sems kyi ngo bo nyid du bsam par bya'o/ /de'i 'og tu gzugs dang sgra la sogs pa'i ngo bo bzung bar snod du gyur pa'i dmigs pa la sogs pa'i rnam par shes pa rnams lha nyid du bsgom pa ni de'i rnam par gyur pa'o zhes ston to//yang na rigs kyi tshul du rnam par bsgom pas bsgom pa ni de bzhin gshegs pa lnga'i sa bon gyis byin gyis brlabs pas/ go ku da ha na lnga po bsgom par bya'o zhes tshig gi don to//de ni sgrub pa'o/ /da ni rim pa gnyis kyi rjes su dran pa drug de bzhin gshegs pa lnga dang rdo rje 'chang chen po'i ngo bo nyid du bshad par bya ste/ sangs rgyas rjes su dran par bsgom pa ni sbyor ba la sogs pa'o / /sangs rgyas ni rnam par snang mdzad de/de nyid rjes su dran pa ni de'i sa bon dang phyag mtshan yongs su gyur pa las skyes pa de'i dkyil 'khor gyi 'khor lo bsgom pa ni dang po sbyor ba la sogs pa'i dbye bas bsam par bya'o / /tshig gi lhag ma'o/ /de bzhin du chos rjes su dran pa ni snang ba mtha' yas kyi dkyil 'khor bsgom par bya'o//de bzhin du/ sku dang gsung dang thugs rnams bsgom/ /zhes pa ni sku la sogs pa'i stong pa nyid sngon du 'gro ba'i rdo rje ni mi bskyod pa'i dkyil 'khor te/ de nyid rjes su dran pa ni bskyed pa'i rim pas cho ga bzhin du bsgom par bya'o/ /rigs ni rin chen gyi rigs te/de nyid rjes su dran pa ni de bzhin nyid dang zla ba dang sa bon la sogs pa'i rim pas bskyed par bsgom par bya'o/ /de'i rjes la gdul bar dka' ba rnams stobs kyis 'gugs pa dang / dbang du mdzad pa'i phyir/ khro bo ni don yod grub pa ste/ de nyid rjes su dran pa ni dang po sbyor ba la sogs pa'i rim gyis 'byung bar bsgom par bya'o//de'i rjes la de bzhin gshegs pa thams cad kyi rdul phra rab kyis yongs su rdzogs pa'i rdo rje 'chang chen po'i sku ni lha ste/ de nyid rjes su dran pa ni dkyil 'khor lngas kun du bskor ba ste/ de lta bu'i sbyor ba ni ting nge 'dzin gyis bsgoms na/byang chub ni rdo rje 'chang chen po'i go 'phang thob par 'gyur te bskyed pa'i rim pa'o/ /yang na sangs rgyas ni dbang po lnga dang yul phrad par byas la/ rjes su dran pa ni yul re re de nyid la dbang po bskul bar bya'i nyan thos bzhin du 'gags pa ni ma yin no//de'i rjes la chos rjes su dran pa'i yul dang dbang po rnams lha ru byas te/ de bzhin gshegs pa lnga'i ngo bor bsgom par bya'o/ /de bzhin du sku gsung thugs byang chub kyi sems kyi thig le'i ngo bor bsdus te/ rdo rje ni rdo rje'i rtse mor rjes su dran pa ni 'dzin pa bsgom par bya'o//de'i rjes la rigs ni sna gsum gyi rtse mor/ rjes su dran pa ni de bzhin du spro ba dang bsdu ba'i rim pas de nyid du srog dang rtsol ba bsgom par bya'o/ /de'i rjes la khro bo ni shin tu gsal ba'i dkyil 'khor rnams rjes su dran pa ni phyi rol du spro bar bya'o//de bzhin du lha ni rdo rje 'chang chen po'i sku ste/ de nyid rjes su dran pa ni 'khor ba dang mya ngan las 'das pa la mi gnas pa'i ngo bor bsgoms na byang chub rdo rje 'chang chen po'i go 'phang thob par 'gyur te/ so sor sdud pa dang / bsam gtan dang /srog dang / rtsol ba dang / 'dzin pa dang / rjes su dran pa dang / ting nge 'dzin rnams te rnal 'byor ro/ /yang na rigs brgya'i dbye bas lus rnam par dben par byas na sangs rgyas rjes su dran pa thob par 'gyur ro/ /lus rnam par dag pa byung zhing de'i rjes la chos ni ngag ste/'jug pa la sogs pa'i rim pas de nyid rjes su dran par byas na ngag rnam par dben pa la 'jug go/ /de'i rjes la sku gsung thugs kyi ngo bo rnam pa gsum la stong pa dang snang ba gsum la sogs pa'i rim gyis rdo rje ni sems te/ de nyid rjes su dran par byas na sems rnam par dben pa la 'jug go//de bzhin du rigs ni sgyu ma'i dpe bcu gnyis te/ de nyid rjes su dran pa ni sgyu ma lta bu'i sku bsgoms na bdag la byin gyis brlab pa'i ting nge 'dzin thob par 'gyur ro/ /de'i rjes la chags pa dang chags pa dang bral ba dang chags pa bar pa rnams spang ba'i phyir khro bo ni de rnams 'jig par byed pas man ngag bzhi pa'i rim pa ste/de nyid rjes su dran pa ni phyi rol gyi dus mtshams la sogs pa'i dpe dang nang gi smig rgyu la sogs pa'i dpe rnams kyis rnam par dben pa byas na kun rdzob kyi bden pa rnam par dag pa thob par 'gyur ro//de nas lha ni mi gnas pa'i mya ngan las 'das pa'i ngo bo rdo rje 'chang chen po'i sku ste/ de bsgoms na byang chub ni kun du 'od kyis la gnas pa'i rdo rje 'dzin gyi go 'phang rnal 'byor pas thob par 'gyur te/ rdo rje'i bzlas pa dang / sems rnam par dag pa dang /bdag la byin gyis brlab pa dang / mngon par byang chub pa dang / zung 'jug gi rim pa rnams so/ /gnyi ga'i rnal 'byor pa rnams kyis phyi rol gyi phyag rgya ma dang snyoms par zhugs pas/ byang chub thob par bya ba'i phyir bud med gzugs ldan zhes bya ba la sogs pa gsungs te/lo grangs bcu drug ces pa ni na so gzhon pas dga' ba ma nyams pa thob pa'i rgyu yin pa'i phyir gzhon nu ma thob ste/ bud med ni gar mkhan ma dang / khrus mkhan ma dang / smyig ma mkhan te rigs kyi dbye bas rnam pa gsum mo/ /ji lta bu zhe na/ mdangs ni mdangs dang ldan pa'o/ /bzang ba ni rigs kyi dbye bas dkar po la sogs pa'i mdog dang ldan pa'o/ /de ltar bud med thob nas dben pa'i le'u bzhi pa las gsungs pa'i rim pas thugs rdo rje la sogs pa'i rim pas dkyil 'khor las gang yang rung ba'i gnas la mchod pa ni gsang ba'i mchod pa rab tu brtsam pa ni spyod par bya'o//ji lta zhe na/ byin gyis brlab pa ni yi ge gsum ste/ de dag gis bdag de nyid la dgod par byas pas so/ /yang na byin gyis brlabs pa gsum ni bud med dang skyes pa'i dbang po rnam pa gsum ste/de dag mnyam pa pos so zhes ston to/ /dper na skyes pa gsum ni ri bong dang khyu mchog dang rta rnams so/ /ri dgas mo dang rgod ma dang glang po ste bud med gsum mo/ /de la sor mo bdun dang dgu dang bcu gnyis kyi tshad dang ldan pa'i rtags ni ri bong la sogs pa'o//chung ba dang bar pa dang rags pa'i rtags dang ldan pa ni ri dwags mo la sogs pa'o/ /de'i phyir rang dang yul dang dus dang rtags mnyam por shes nas snyoms par zhugs par bya ste/ gzhan du na 'gal ba'i 'brel bas dga' ba zad par 'gyur ro//yang na gal te mtshungs pa rnams rnyed par ma gyur na de'i tshe rgod ma la sogs pa'i byed pa'i sbyor bas rags pa dang chung ba la sogs pa mnyam por sbyor ba snyoms par zhugs pa brtsam par bya'o/ /gzhan yang bud med de ji lta bu zhe na/ de bzhin gshegs pa'i btsun mo mchog /spyan ni rnam par snang mdzad kyi rnal 'byor pa dang / sogs pa'i sgras ni mi bskyod pa la sogs pa'i rnal 'byor pa rnams kyis de nyid mA ma kI la sogs pa'i ngo bor bsgom par bya'o/ /de nas bskyed pa'i rim pa bsam par bya'o zhes ston to//dbang po gnyis ni rus sbal ma dang zla ba ma ste rtsa gnyis so/ /de dag mnyam sbyor ni lcags kyu la sogs pa'i lag pa'i phyag rgyas bskyod pa ste/ de byas na sangs rgyas ni byang chub kyi sems kyi dngos grub ni zhu ba nyid/ thob par gyur pa ni dro ba'i reg pa rnyed par 'gyur ro zhes ston to//reg pa de nyid thob nas lce'i rtse mor bldag ste/ rdo rje bcing ba brtsam par bya'o/ /ji ltar zhe na/ yi ge hUM las skyes pa'i rdo rje sems te/ de nyid kyi lte ba yi ge oM gyis mtshan par byas la pad+ma yang yi ge hUM las skyes te ngag gi dbang phyug gi sa bon gyis lte bar byin gyis brlabs te/dga' ba la sogs pa'i rim gyis de srid du lhan cig skyes pa mtshon par bya'o/ /ji srid du sems rtse gcig pa nyid du 'gyur ro/ /de kho na nyid mtshon pas de'i rjes la gzhan gyi don bya ba'i phyir phaT kyi sgras sangs rgyas thams cad kyi ngo bo byang chub kyi sems spro bar bya'o//de'i dang por ni 'od zer rnam pa lngas nye bar mtshon pa'i de bzhin gshegs pa lnga'i rigs kyi dkyil 'khor gyi 'khor los brgyan pa pad+ma dang rdo rje bsgom par bya ste/ rnam par snang mdzad la sogs pa'i rnal 'byor pa rnams kyis so zhes tshig gi lhag ma'o//rdo rje 'chang chen po'i rnal 'byor pas kyang pad+ma dang rdo rje ni zla ba'i 'od nang du 'bar ba dang bcas pa ni dkar po'i 'od kyi tshogs spro ba dang / de bzhin du yid du 'ong ba ni byang chub kyi sems kyis gang ba'i phyir bde ba chen po'i ngo bo bsam par bya'o/ /de ltar byas na cir 'gyur zhe na/sangs rgyas rjes dran sbyor ba la sogs pa/ /zhes pa ni de bzhin gshegs pa'i rigs drug gi phyag rgya'i dngos grub ste bskyed pa'i rim pa'i rnal 'byor pa rnams dang / yan lag drug gi rnal 'byor gyi dngos grub rnams dang / lus rnam par dben pa la sogs pa'i dngos grub rnams rdzogs pa'i rim pa'i rnal 'byor pa rnams kyis bsgom par bya na thob par 'gyur ro//ji lta bu zhe na/ byang chub ni rdo rje 'chang chen po'i go 'phang ste/ de 'dod pa ni gzhan rnams la 'dod pa sngon du 'gro bas ster bas na byang chub 'dod pa ste/ gnyi ga'i rnal 'byor pa rnams kyis so zhes ston to//des ni 'di bshad pa yin te/ gnyi ga'i rnal 'byor pa rnams kyis phyag rgya ma dang snyoms par zhugs pas phyag rgya chen po'i dngos grub thob par 'gyur ro zhes ston to/ /de ni rang bzhin dang rgyu dang las dang 'bras bu rnams so/ / la la na re/ sangs rgyas rjes su dran par sbyor/ /zhes bya ba la sogs pa'i tshig ni mdor bstan pa yin la/ de bzhin du de las sangs rgyas rjes su dran pa ji ltar bsgom zhes bya ba la sogs pa rgyas par bshad pa yin no zhes zer ro/ /de ni mi rigs te gang gi phyir mdor bstan pa dang rgyas par bshad pa dag rim pa dang grangs kyis bshad pa yin te/dper na rab tu byed pa las ni rlung gi de kho na nyid dang sngags kyi de kho na nyid mdor bstan nas/ rim pa de nyid rgyas par bshad pa dang / yang bshad pa dag bstan to/ /'dir ni sangs rgyas rjes su dran pa la sogs pa gal te drug mdor bstan pa yin na de'i tshe phyi dus su bcu drug gis ji ltar rgyas par bshad pa yin no//gal te de'i nang nas drug rgyas par bshad na/ de'i tshe gzhan rnams la mdor bstan par mi rigs so/ /gal te de rnams rang dbang du bshad na de'i tshe drug po yang de bzhin du ston cig /nges pa gang yin/ de ma bshad pas mdor bstan pa dang rgyas par bshad pa'i rim pa ni ma yin no/ /'on kyang bcom ldan 'das kyi gsung gi dgongs pa gtso bo yin pas grangs ni ldan pa yin no zhes ha cang thal bar 'gyur bas chog go//'dir bcom ldan 'das kyis bshad pa'i rgyud las rjes su dran pa bcu drug bstan te/ sangs rgyas dang / chos dang / rdo rje dang / rigs dang / khro bo dang / dam tshig dang / dkyil 'khor dang / sku dang / gsung dang / thugs dang / sems can dang / sngags kyi sku thams cad sku gsung thugs dang / dam tshig dang / shes rab kyi pha rol tu phyin pa'i dam tshig dang / skye ba med pa dang / /zhe sdang dang rigs la mchod pa dran pa ste bcu drug go/ /de nyid dang po sbyor ba dang / dkyil 'khor rgyal ba mchog dang /las kyi rgyal ba mchog dang / bskyed pa'i rim pa dang / rdzogs pa'i rim pa dang / rdo rje'i bzlas pa dang / sems rnam par dag pa dang / bdag la byin gyis brlabs pa dang / mngon par byang chub pa dang / zung 'jug dang / rang bzhin dang / rgyu dang / las dang / 'bras bu dang / rnal 'byor dang / sgrub pa rnams te tshig gi don to/ /gang gis mos pa'i dbang gis rnal 'byor pa rnams kyis rdo rje 'chang chen po'i go 'phang thob par 'gyur ro/ /nyan thos pa'i rigs can gyi phyogs su dbugs 'byung ba dang rngub pa rjes su dran pa bcu drug gi rnam par dag pa dang /theg pa chen po rnams kyis bcom ldan 'das bcu drug gi rnam par shes pa de dag yin no/ /de la zhes bya ba la sogs pas de nyid bshad par bya ste/ sangs rgyas ni stong pa nyid kyi de kho na nyid de/ de'i rjes su dran pa ni zhugs pa ste/de bsgom pa ni bsam pa ji lta bu zhe na/ nyon mongs pa dang shes bya'i sgrib pa thams cad 'joms pas na b+ha ga ni stong pa nyid do/ /b+ha ga de la ling+ga bzhag pa ni phung po dang khams dang skye mched rnams gzhug par byas la/ sangs rgyas ni rdo rje 'chang chen po'i sku'i rang bzhin du bsgom pa ni bsam par bya'o//ba spu rnams ni rtsa bdun khri nyis stong gi bdag nyid kyi lus kyi bu ga ni kun gzhi'i rnam par shes pa ste/ de'i rtse mo ni yid kyi rnam par shes pa dang bar ni 'jug pa'i rnam par shes pa rnams te/ de dag thams cad sangs rgyas sprin ni stong pa nyid chen po ste/de'i rang bzhin du spro ba ni shes par bya ste dang po sbyor ba'o/ /de la chos rjes su dran pa zhes bya ba la sogs pa la/ chos ni dkyil 'khor gyi dbang phyug ste/ de nyid rjes su dran pa ni bskyed pa ste/ de bsgom pa ni bsam pa ste/ ji ltar zhe na/ b+ha ga la zhes bya ba la sogs pa la/b+ha ga ni stong pa nyid de sprin med pa'i nam mkha' dang 'dra ba'i rang gi sems skar ma dang 'dra ba'o/ /ling+ga ni rdo rje 'chang chen po'i ting nge 'dzin nye bar mtshon par gyur pa yi ge gsum mo/ /'jug pa ni de yongs su gyur pa las skyes pa rdo rje bsam zhing de las byung ba chos ni chos thams cad kyi ngo bo rdo rje sems dpa' la sogs pa'i sku bsgom par bya ba ni bskyed par bya'o//de bskyed nas ba spu rnams ni phung po rnams so/ /bu ga ni khams rnams so/ /rtse mo ni skye mched rnams so/ /bar ni sgo rnams so/ / chos kyi sprin ni de dag thams cad de bzhin gshegs pa lnga'i rang bzhin du spro ba ni shes par bya ste/ de bzhin gshegs pa thams cad kyi ngo bo rdo rje sems dpa' nyid du rtogs par bya ste/ dkyil 'khor rgyal ba mchog go/ /de la zhes bya ba la sogs pa la rdo rje ni dkyil 'khor pa rnams rjes su dran pa ni spro ba'i sbyor ba dang /de bzhin du sgom pa ni sku la sogs pa byin gyis brlab pa ji lta bu yin zhe na/ b+ha ga ni phyag rgya ma'i pad+mar ling+ga rdo rje ste sngags las skyes pa dang / sngags kyis byin gyis brlab par bzhag pa ni zhugs te/ rdo rje sems dpa' ni byang chub kyi sems te lhan cig skyes pa'i dga' ba'i ngo bo khyad par du le'u dang po las gsungs pa'i badzra [(]d+h+r-ig [,]d+h+r-ika [)]ces bya ba la sogs pa'i sngags kyi tshul du bsgo ba ni pad+ma'i lte bar dam tshig gi dkyil 'khor spro bar bya'o//de'i rjes la ba spu rnams kyi bu ga ni rtsa ba'o/ /rtse mo ni mtha'o//bar ni spu gnyi ga'i bar ro/ /de rnams las rdo rje sprin ni dkyil 'khor pa'i tshogs te/ ye shes sems ma'i zhal dang / dam tshig sems ma'i ba spu'i bu ga nas phyi rol du zla ba dang nyi ma'i gdan rnams la spro ba ni sngon du 'gro ba dang / sku la sogs pa byin gyis brlab pa sngon du 'gro ba dgod par bya ste/las kyi rgyal ba mchog go/ /de la zhes bya ba la sogs pa la/ rigs ni lus te de nyid rjes su dran pa ni bskyed pa ste/ de bsgom pa ni de bzhin gshegs pa'i brtags pa'o/ /de yang ji ltar yin zhe na/ b+ha ga ni phung po lnga'i bdag nyid kyi lus la/ ling+ga ni rtsa'i 'khor lo bzhag pa ni rim pa ji lta ba bzhin du shes te/ sangs rgyas gzugs ni de nyid las 'byung ba'i 'gro ba dang mi 'gro ba'i bdag nyid kyi khams gsum pa dang / rang gi bdag nyid bsgom pa ni shes par bya'o/ / rtsa'i 'khor lo de nyid ba spu rnams kyi bu ga la sogs pa'i dbye bas phye bar 'gyur ba/ rigs kyi sprin ni de bzhin gshegs pa'i rigs kyi rang bzhin du spro bar bya ba ni mos par bya ste bskyed pa'i rim pa'o/ /de la zhes bya ba la sogs pa la/ khro bo ni phung po la sogs pa ye shes kyi mes bsreg pa'o//de nyid rjes su dran pa ni 'byung ba ste/ de bsgom pa ni yang dang yang du bsgom pa ste/ de ji ltar yin zhe na/ b+ha ga ni sna'i rtse mor ling+ga'i thig le ste/ bzhag pa ni bsam par bya'o/ /ji lta bu zhe na/ khro bo ni shin tu rno ba'i 'od zer rnams te/ /de'i dbang po ni thig le de nyid bsgom par bya'o//de'i rjes la ba spu'i bu ga rnams nas khro bo'i sprin ni shin tu rno ba'i 'od zer rnams te/ lus po gsal bar byed pa spro bar bya ste rdzogs pa'i rim pa'o/ /de la zhes bya ba la sogs pa la dam tshig ni yi ge gsum ste/ de nyid rjes su dran pa ni 'jug pa la sogs pa'i rim pas bzlas pa ste /de bsgom pa ni dkyil 'khor bzhi'i rim gyis spro ba dang bsdu ba'o/ /de yang ji ltar yin zhe na/ rdo rje ni yi ge hUM ngo / /pad+ma ni yi ge AH'o/ /ldan pa ni yi ge oM mo/ /dbang po gnyis ni srog dang rtsol ba'o/ /sbyor ba ni gnas pa'i rlung ste mnyam pa'o//'jug pa la sogs pa'i rlung rnams kyis bzlas par bya'o/ /de bzhin du rang gi khu ba ni byang chub sems kyi ngo bo sngags rnams so/ /thig le ni de rnams kyi spyod pa tha mar gnas pa'i rjes su 'jug pa'i dbyangs dang tsheg drag dag go/ /sangs rgyas ni dkyil 'khor bzhi dang /rdo rje sems dpa' ni bdag po snang ba mtha' yas la sogs pa ste/ de rnams kyis mchod pa ni kha dog dmar po la sogs pa'i dbye bas g.yas pa la sogs pa'i rim gyis spro bar bya ste/ rdo rje bzlas pa'i rim pa'o/ /de la zhes bya ba la sogs pa la/dkyil 'khor ni sems kyi 'khor lo ste rnam pa gsum mo/ /rjes su dran pa ni snang ba la sogs pa'i dbye bas de nyid 'od gsal ba nyid du byed pa'o/ /de bsgom pa ni yang dang yang du slob pa ste ji ltar yin zhe na/ dbang po gnyis ni mnyam gzhag ste /zhes bya ba la dbang po gnyis ni snang ba dang snang ba mched pa'i ye shes dag go/ /mnyam gzhag ni snang ba nye bar thob pa'i ye shes so/ /rnam par shes pa gsum ste de rnams dang rang gi rang bzhin rnams te khu ba ni 'od gsal ba la'o/ /mkhas pa ni rnal 'byor pas 'bad pa ni nye bar bsdu bar bya'o//dkyil 'khor ni de nyid 'od gsal ba la zhugs pa'i mtshan nyid yin te/ dkyil ni snying po ste de len par byed pas na dkyil 'khor ro/ /de bzhin du khams gsum brgyan par byed pas na dkyil 'khor ni rdo rje 'chang chen po'o/ /de nyid kyi tshul ni bdag la byin gyis brlab pa'i rim pas thim pa'o zhes ston to/sems rnam par dag pa'i rim pa'o/ /de la zhes bya ba la sogs pa la/ sku ni sgyu ma lta bu ste/ de nyid rjes su dran pa ni 'od gsal ba las gcig tu spro ba'o/ /bsgom pa ni bdag la byin gyis brlab pa'i rim pa'i bsgom pa'o//sangs rgyas kun gyi sku gang yin/ /zhes bya ba la/ sku gang yin zhes pa ni ji ltar sgyu ma'i rang bzhin gyi sku'o/ /sangs rgyas thams cad ni de bzhin gshegs pa rnams kyi sku gang zhig sku/ phung po lnga nye bar mtshon par gyur pas khams dang skye mched rnams kyis kyang rab tu ni sgyu ma'i dpe bcu gnyis kyis rgyas pa ni dper byas par bsgoms la/sangs rgyas kyi sku ni mig 'phrul dang 'ja' tshon dang 'dra ba'i sku'i rang bzhin bdag dang kyang gi sgras 'gro ba rnams kyang de dang 'dra bar gyur cig pa'o zhes bdag nyid dang 'gro ba dag sgyu ma'i rang bzhin du blta bar bya ste/bdag la byin gyis brlab pa'i rim pa'o/ /de la zhes bya ba la sogs pa la/ gsung ni rnam pa bzhi ste/ mchog dang lta bar byed pa dang / bar ma dang gsal ba rnams so/ /de la rlung dang rnam par shes pa dag phrad cing gang zhig nang gi rnam par rtog pa 'byung ba tsam 'dod pa de ni mchog go//ji skad du/ bdag ni blo yi yul brtags shing / /yid ni smra bar 'dod pas sbyar/ /yid kyi lus kyi me reg ste/ /des kyang rlung rab skul bar byed/ /ces 'byung ngo //de'i rjes la rlung la zhon pa'i rnam par shes pa'i rnam par rtog pa de nyid rlung gi ngo bo gang gi tshe g.yon dang g.yas pa'i rtsa dag las rgyu zhing mi gsal ba nyid du 'gro bar 'dod pa de ni lta bar byed pa'o/ /de'i rjes la rlung de nyid kyis gnas brgyad du reg ste yi ge phyi mo'i ngo bo nyid thob cing rna ba'i dbang pos cung zad nyan par gyur pa gang yin pa de ni bar ma'o//ji skad du nam mkha'i rlung las 'byung zhes bya ba la sogs pa snga ma bzhin du 'byung ngo / /de bzhin du yi ge'i phyi mo de nyid yi ge dang ngag dang ngag chen po la sogs pa'i dbye bas bgrangs shing chos kyi phung po brgyad khri bzhi stong dang /ji srid skad drug la sogs pa'i dbye bas nyan par gyur pa gang yin pa ni gsal ba'o/ /ngag kyang shes pa la rag lus pa'i phyir/ gsal ba ni chags pa'i rnam par shes pa'i ngo bo'o/ /bar pa ni chags pa bar pa'i rnam par shes pa'i ngo bo'o//lta bar byed pa ni chags pa dang bral ba'i rnam par shes pa'i ngo bo'o/ /mchog ni chags pa dang / chags pa dang bral ba dang / chags pa bar pa dang / shes pa dang / shes bya rnams dang bral zhing rang bzhin gyis 'od gsal ba'i snang ba bzhi pa'i ngo bo yin no//de lta bu'i snang ba bzhi'i gsung rjes su dran pa ni bzhi pa nyid du byed pa'o/ /de bsgom pa ni mngon du bya ba'o/ /ji ltar zhe na/ rdo rje chos kyi gsung gang yin/ /zhes bya ba la rdo rje ni 'dod chags so/ /chos ni 'dod chags dang bral ba'o/ /gsung gi nges tshig ni 'dod chags bar pa'o//phun sum tshogs pa de ni de rnams ril por 'dzin pa dang / rjes su 'jug pa dag gis lhan cig skyes pa nyid du byed pa ste/ de ni bdag dang kyang gi sgras 'gro ba kun gyis de lta bu bsgom par bya'o/ /chos 'dzin ni nam mkha'i dbyings so / / de dang 'dra ba ni de dang mnyam pa'o zhes tshig gi don te mngon par byang chub pa'i rim pa'o/ /de la zhes bya ba la sogs pa la thugs ni kun rdzob dang don dam pa dbyer med pa'i ngo bo/ rjes su dran pa ni 'od gsal ba'i ting nge 'dzin gyi 'og tu dran pa'o/ /bsgom pa ni de nyid mngon du bya'o / / ji ltar zhe na/ gsang ba'i bdag po blo ldan pa/ /zhes bya ba la/ kun du bzang po ni mi gnas pa'i mya ngan las 'das pa'i ting nge 'dzin te/ de nyid kyi thugs ni gnyis dang gnyis ma yin pa dang bral ba nyid do/ /de nyid kyi phyir gsang ba ni don dam pa'i bden pa dang / bdag po ni kun rdzob kyi bden pa ste/de dag gnyis su med par byed pa'i mtshan nyid can gyi blo ni dmigs pa'i shes rab gang la yod pa de ni blo ldan no/ /de lta bu'i thugs ni bdag dang kyang gi sgras 'gro ba kun gyis 'gyur ba ni bsgom par bya'o/ /da ni don 'di bshad pa yin te/ sgra dang grogs po dang bde ba dang sdug bsngal ba la sogs pa la/ rdo rje 'dzin bzhin du sems 'dra bar bsgom par bya'o / /zung 'jug gi rim pa'o/ /de la zhes bya ba la sogs pa la sems can ni byang chub kyi sems la sogs pa'i yon tan dang ldan pa'i shes rab ma'o/ / rjes su dran pa ni thabs so/ /bsgom pa ni de dag yang dag par sbyor ba'o/ /ji ltar zhe na/ sems can gyi sems gang yin zhes bya ba la/ sku gsung thugs ni yi ge gsum gyis mtshan pa ni byin gyis brlabs pa'i sems ni yid du 'ong ba'i shes rab ma ste/ sems las byung ba'i ye shes kyi lha mo'o//bdag gi zhes bya ba'i drug pa ni dang po'i don du ste/ des na bdag kyang sems de dang 'dra ba ni de dang 'dra bar byas la byin gyis brlab pa'o/ /nam mkha' dang mtshungs pa ni dmigs pa med pa'i ye shes kyi rgyur gyur pa yang dag par sbyor ba ste/de nyid kyis sangs rgyas thams cad ni de bzhin gshegs pa rnams la mchod par gyur te rang bzhin no/ /de la zhes bya ba la sogs pa la/ sngags thams cad ni thabs shes rab ste de dag gi gang zhig gzugs ni pad+ma dang rdo rje'i tshul te/de nyid kyang sku gsung thugs ni khrag dang chu dang sa bon rnams kyi gnas yin pa'i phyir sku gsung thugs so/ /rjes su dran pa de nyid sbyor ba'o/ /bsgom pa ni lha'i rnam pa sngon du 'gro ba de nyid mnyes pa'o/ /ji ltar zhe na/ sngags kyi rdo rje sku gang yin/ /zhes bya ba la sogs pa la/sngags ni pad+ma'o/ /rdo rje ni ling+ga'o/ /sku ni de dag snga ma bzhin du tshad mnyam pa'o/ /gsung gi sku yang zhes pa ni de dag snang ba mtha' yas dang rnam par snang mdzad de/ de nyid rnam par bsgom pa ni de'i rang bzhin nyid do/ /de bzhin du pad+ma ni dmar po yin pa'i phyir snang ba mtha' yas dang /rdo rje ni sra ba nyid yin pa'i phyir rnam par snang mdzad bsams la/ bdag ces pa ni snga ma bzhin du thabs dang shes rab dag sems 'dra bar gyur pa ni sbyor bar bya'o/ /de ltar byas nas sngags 'dzin pa ni rdo rje 'chang chen po ste/de dang 'dra ba'i rnal 'byor pa 'byung ba yin te rgyu'o/ /de la zhes bya ba la sogs pa la/ dam tshig ni rdo rje dang pad+ma yang dag par sbyor zhing bskyod pa'o/ /rjes su dran pa ni de nyid du hUM dang phaT la sogs pa'i sa bon bkod pa'o/ /de nyid bsgom pa ni ji ltar zhe na/khu ba phyung ste cho ga bzhin/ /zhes bya ba la/ dam tshig ni hUM dang phaT kyi sa bon bkod pa'o/ /khu ba phyung ba ni yan lag dang nying lag thams cad las 'dzag pa byang chub kyi sems gang yin pa de ni btung bar byed pa ni yi ge de nyid kyis bsrung bar bya'o/ /ji ltar zhe na/cho ga bzhin zhes pa ni char rengs pa'i sa bon gyis so/ /ci'i phyir zhe na/ 'bras bu 'dod pa zhes pa ni 'og nas 'chad par 'gyur ba'i 'bras bu 'dod pas so/ /de ltar byas nas de bzhin gshegs pa'i tshogs ni nam mkha'i dbyings la gnas pa'i sangs rgyas kyi tshogs gsod pa ni de nyid du thim par bya'o//de'i rnal 'byor pas 'og nas bshad par 'gyur ba'i dngos grub ni 'bras bu'i rang bzhin gyi bde ba chen po'i dngos grub thob par gyur pa ste las so/ /de la zhes bya ba la sogs pa la/ shes rab kyi pha rol du phyin pa ni chos kyi dbyings kyi ye shes de bzhin nyid do//de nyid kyi dam tshig ni rdo rje lta bu'i ting nge 'dzin to/ /de rjes su dran pa ni lhan cig skyes pa'i de kho na nyid mngon du byed pa'o/ /de nyid bsgom pa ste/ thos pa dang bsam pa'i shes rab dag gis bsgom pa'i ngo bo shes rab dag go//de ji ltar zhe na/ rang bzhin gyis ni 'od gsal ba/ /zhes bya ba la/ chos thams cad ni g.yo ba dang mi g.yo ba ste/ de rnams rang bzhin gyis 'od gsal ba ni bde ba chen po'i ngo bo yin no zhes bsgoms pa dmigs par bya'o/ /g.yo dang mi g.yo ba gang zhig 'di skye ba dang 'jig pa'i mtshan nyid lta ba de ni don dam par ma yin te/gang gi phyir ma skyes pa ni thog ma nas ma skyes pa ste/ de rnams gang las 'jig ste/ skye ba yod na 'jig pa rig pa'i phyir ro/ /'o na gal te de ltar yin na dga' ba la sogs pa yang nyon mongs pa'i rang bzhin te/rnam par rtog pa dang ldan pa'i phyir yod pa kho na yin te/ de las byung ba'i 'od gsal ba'i bde ba chen po yang / de dang 'dra ba'i phyir zag pa dang bcas pas mi rtag pa'i phyir/ de kho na nyid ma yin no zhe na de ni ma yin te/ zag pa med pa zhes pa ni 'dod chags dang /'dod chags dang bral ba dang / 'dod chags bar pa'o/ /de rnams dpyad na phyi dang nang dang gnyi ga'i rang bzhin du yod pa ma yin te/ ri bong gi rwa bzhin du med pa'i phyir dang / nam mkha'i me tog bzhin du med pa ste/ byis pa rnams kyis brtag pa'i phyir ro//ji skad du/ dbang po'i tshogs la 'dod chags med/ /don la med cing sems la med/ /gzhan la gnas min bdag la min/ /yod pa de min med pa min/ /ma rtogs pa yi 'brel pa yi/ /rgyu can sems kyi 'khrul pa las//gang yang sprin gyi bu ga las/ /thog dang 'dra ba skye bar 'gyur/ /de bzhin zhe sdang gti mug dang / /nyon mongs rigs ni gang gzhan rnams/ /khams gsum la ni khyab pa ste/ /rtog pa'i dug las yang dag byung / /zhes 'byung ngo / /de bas na rgyu med pas zag pa dang bcas pa'i 'bras bu ga la yod/'o na de ltar yin na/ rdo rje pad+ma sbyor ba yis/ /khyod kyi byang chub 'dod pa ste/ /de yang rnam rtog dang bcas phyir/ /de nyid rnam rtog dang bcas 'gyur/ /zhe na/ byang chub med ces pa ni/ thabs dang shes rab yang dag 'byung //zhes 'byung ngo / /dpe'i mtshan nyid kyi byang chub ni bde ba ste/ de nyid byang chub ma yin te/ rnam par rtog pa dang bcas pa'i phyir ro/ /'on kyang dpe las byung ba gang yin pa de ni byang chub yin no/ /'o na de yang de rtsod pa ma yin nam zhe na mngon rtogs med ces pa ni/mngon rtogs ni rgyu dang 'bras bu'i 'brel pa ste/ de ni der med pa yin te gang gi phyir dpe'i byang chub kyi dpe las byung ba'i byang chub me dang du ba bzhin du skyed par byed pa ma yin no/ /'on kyang de'i phyir dus su skyes pa'i lag pa'i rtsol ba med pa'i 'khor lo bzhin du de ni rang gi ngang gis gsal ba'i phyir ro//yang na/ skye dang gnas dang gsal ba dang / /'gyur ba shes pa thob pa dang / /sbyor ba gzhan nyid 'dzin rnams te/ /rgyu ni rnam pa bcu ru 'dod/ /ces bya ba 'byung ba'i phyir dpe'i bde ba ni gsal ba'i rgyu yin pa ste bum pa la sogs pa la mar me bzhin du'o//'o na gal te de ltar yin na byang chub sems kyi thig le la brten te/ lhan cig skyes par mtshon par 'gyur te/ de yang khams kyi ngo bo yin pa'i phyir mi rtag pa yin te de nyid kyi gzhi can yang mi rtag pa nyid du thal bar 'gyur ram zhe na de ni yang dag pa ma yin te/khams kyang med ces pa ni khams ni thig le'i ngo bo ste/ de yang kun rdzob kyi rang bzhin yin pa'i phyir de kho na nyid ma yin no/ /'on kyang de la brten nas don dam pa'i ngo bo gang zhig mtshon pa de ni rtag pa nyid yin te/ chos nyid gang yang mi 'jig pa'i phyir ro//gang gi phyir gzhi 'jig na gzhi can mi 'jig pa ste/ shing bcad na bya rog bcad par mi 'gyur ba'i phyir ro/ /de bas na lhan cig skyes pa ni mi 'jig pa'i ngo bo yin no/ /'on kyang dga' ba la sogs pa'i rim pas de nyid 'byung ba bstan pa gang yin pa de ni 'byung ba ma yin te/de ni rang bzhin gyis grub pa'i phyir ro/ /'on kyang las dang po pa'i byis pa rnams kyis thabs kyi khyad par gyis mtshon pa yin te/ sor mo zla ba bzhin du'o/ /de la sor mos zla ba skyed par byed pa ma yin te/ des ni de nyid nye bar mtshon pa'i phyir ro//nye bar mtshon pa ni skyed par byed pa yin na/ bya rog dang khang bzangs nye bar mtshon pas skyed par byed pa nyid thal bar 'gyur ba'i phyir ro/ /bsgom pa la slob pa ni glo bur ba'i dri ma sbyang ba'i phyir te/ de kho na nyid ni rang bzhin gyis grub pa kho na yin no//ji skad du/ sems ni rang bzhin 'od gsal ba/ /dri ma rnams ni glo bur ba'o/ /chu khams gser dang nam mkha' bzhin/ /dag pa bzhin du dag par 'dod/ /ces 'byung ngo / /de ni shes rab kyi pha rol du phyin pa'i ngo bo rang gi bde ba dang zhi ba'i ngo bo de kho na nyid rnal 'byor pas bsgom par bya ste 'bras bu'o//de la zhes bya ba la sogs pa la/ ma bskyed pa ni bskyed pa'i rim pa'i bsgom pas rgyab kyis phyogs pa'o/ /rjes su dran pa ni de nyid brtan par byed pa'o/ /bsgom pa ni yan lag drug gi rnal 'byor bsgom pa'o/ / ji ltar zhe na/ thams cad rang bzhin 'od gsal ba/ /zhes bya ba la/ yul thams cad rang bzhin gyis 'od gsal ba'i ngo bor shes te/ nam mkha' ni nam mkha' bzhin du mi gos pas yul de rnams la mig la sogs pa de rnams bskul te spyod par bya'o/ /de'i rjes la mtshan ma ni gzugs la sogs pa'i rang gi mtshan nyid spangs nas de bzhin gshegs pa'i ngo bor shes par bya'o//de nas mi 'gyur ba ni sngags kyi rnam par spangs pa'i thig le'i ngo bo tsam bsgoms te/ srog dang rtsol ba dag cing de'i rjes la thig le tsam de nyid rdo rje'i rtse mor 'dzin te/gnyis dang gnyis su med pa bral ba'i de kho na nyid mngon du byas te/ de nas spro ba byas la nam mkha'i khams bdag dang 'dra ba'i lha'i sku rnams kyis khyab cing nye bar bsdus te/ shin tu gsal ba'i bden pa gnyis su dbyer med pa'i mtshan nyid can dang /mi gnas pa'i mya ngan las 'das pa'i ngo bo rdo rje 'chang chen po'i sku bsgom par bya ste rnal 'byor ro/ /de la zhes bya ba la sogs pa la/ zhe sdang gi rigs ni thams cad las phul du byung ba'i thugs kyi rigs so/ /sogs pa'i sgras ni rigs gzhan rnams gzung ba'o//de bas na rigs lnga mchod pa ni gsang ba'i mchod pa'o/ /de nyid rjes su dran pa ni rtag tu brtan pa'o/ /bsgom pa ni phyin ci ma log pa'i sems kyis nan tan to/ /ji ltar zhe na/ bud med sems ni rab tu brtan/ /zhes bya ba la/ lo grangs bcu gnyis lon pa'i bud med ni rigs kyi lha mo ste/ thos pa la sogs pa'i rim pas sems brtan pa ni sems rtse gcig par gyur pa rnyed la/ rigs ni thugs la sogs pa'i rigs rnams kyi sbyor ba ni 'dra ba nyid do/ /de lta bu'i dbye bas gar mkhan ma dang / khrus mkhan ma dang / gdol pa la sogs pa'i dbye bas thob cing bdag gi khu ba ni byang chub kyi sems spro bas lcags kyu la sogs pa'i sbyor ba 'am/ bdud rtsi ri lu khar bcug pas mchod par bya ba mnyes par bya ste sgrub pa'o/ /de ltar rjes su dran pa bcu drug bstan nas/ de'i sgom pa po'i 'bras bu bstan par bya ba'i phyir/ de ni zhes bya ba la sogs pa gsungs te/ 'di zhes bya ba'i rigs la gcig gi tshig ste/ des na rjes su dran pa bcu drug bsgom pa de rnams kyis de bzhin gshegs pa gsum gyi rang bzhin gyi sku gsung thugs thob par 'gyur ro/ / gal te de ltar yin na shes rab kyi pha rol tu phyin pa'i rnal 'byor pa las 'di la khyad ji ltar zhe na/ tshe 'di nyid ni mthong ba'i chos la zhes bya ba'i don to/ /pha rol tu phyin pa'i rnal 'byor pa ni thabs ma tshang bas bskal pa grangs med pa gsum gyis byang chub thob pa yin te/ bskyed pa'i rim pa'i rnal 'byor pa rnams kyi dngos grub bstan nas rdzogs pa'i rim pa'i rnal 'byor pa rnams kyi bshad par bya ste/ sku gsung thugs ni rigs gsum mam/ khams gsum mam/ ye shes gsum mam/ 'dod chags la sogs pa'am/ yi ge gsum yang dag par phyin ci ma log pa'i dngos grub ni mi snang ba'i mtshan nyid phyag rgya chen po'i dngos grub rnal 'byor pa des 'grub par 'gyur ro//de bzhin gang gzhan phra mo ni tshogs kyi dngos grub ste sa 'og gi dngos grub bo/ /de bzhin du bshad pa'i sgras ni bar pa'i dngos grub ste/sman mchog dang dngul chu dang bcud kyis len dang / khams smra ba dang / sbyor ba dang / dbang du byed pa dang / nam mkha' lding dang / sgom par smra ba dang / ro langs dang / ral gri dang / ri lu dang / mig sman dang / sngags smra ba la sogs pa zhes pa ste/de rnams 'grub par 'gyur ro/ /ji ltar zhe na/ bzlas pa tsam zhes pa ni sems rtse gcig par gyur pas so/ /sku gsung thugs gsum po ni 'das pa dang da ltar byung ba dang ma 'ongs pa'i gsum shes pa yang 'grub par 'gyur ba ste sgrub pa'o/ /de bzhin gshegs pa thams cad ces bya ba la sogs pa la sngags ni spros pa dang bcas pa'i spyod pa'o//spyod pa ni spros pa med pa'i spyod pa'o/ /mchog ni shin tu spros pa med pa'i spyod pa ste/ de ston par byed pa'i gzhung gi tshogs ni sngags kyi spyod pa'i mchog ces bya'o/ /rgyud 'grel las le'u bdun pa'i tshig gi don bcu drug gi bshad pa'o// le'u bdun pa'i tshigs su bcad pa'i grangs ni sum brgya lnga bcu'o// //spyod pa thob pa'i rnal 'byor pas gtsang ba dang mi gtsang ba'i rnam par rtog pa spang ba'i phyir gsang ba'i dbang bskur ba don du gnyer ba ste de'i phyir le'u brgyad pa bstan par bya ba'i phyir/de nas zhes bya ba la sogs pa gsungs te/ rin chen ni re ba thams cad yongs su rdzogs par byed pa'i khyad par gyi nor bu'o/ /de nyid dpal ni mtshan ma gang la yod pa de ni rin chen dpal lo//nam mkha'i mdzod nyid kyi dbang phyug nyid sbyor bas na bcom ldan 'das so/ /de bzhin gshegs pa thams cad kyi bdag po ni dbang phyug dam pa ni rdo rje 'chang chen po'o/ /khyab 'jug dang lha chen dang tshangs pa la sogs pa gdul bar bya ba'i phyir dam pa'o/ / nyan thos pa la sogs pa la ston pa yin pa'i phyir dbang phyug go/ /bstod pa 'di ni mchog gis bstod pas gsol ba gdab ste/ rdo rje sems dpa' zhes bya ba la sogs pa la rdo rje sems dpa' ni rdo rje 'chang chen po ste drug pa'i rang bzhin no/ /theg pa che zhes pa ni me long lta bu'i ye shes kyi rang bzhin rnam par snang mdzad kyi ngo bo'o//de bzhin du nam mkha' la spyod pa ni mdzod gang la yod pa de ni nam mkha'i spyod pa ste/ mnyam pa nyid kyi ye shes kyi ngo bo rin chen 'byung ldan no/ /sems can gyi khams sbyor bar byed pa ni smin par byed pa ste/ phyi dang nang dang gsang ba dang / theg pa gsum gyi chos bstan pas na/ sbyang ba ni so sor rtog pa'i ye shes kyi ngo bo snang ba mtha' yas te de'i ngo bo'o/ /kun ni chos kyi ye shes so/ /bzang po ni thar pa gang las byung ba de ni kun du bzang po ste/ mi bskyod pa'i ngo bo'o/ /mchod pa ni dam tshig dang sdom pa la sogs pa bsrung ba dang /bza' bar bya ba'i mtshan nyid can de la bya ba nan tan sgrub pa'i ye shes kyi mchog ni phul du byung ba'o/ /de nyid kyi phyir rgyal ba ni lnga po'i mchog ste gtso bo'o/ /mchod pa ni gsang ba'i dbang bskur ba'i mtshan nyid can bshad du gsol ba gdab pa ste rigs drug gi ngo bo bcom ldan 'das la bstod pa'o//de ni bskyed pa dang rdzogs pa'i rim pa dang sgrub pa rnams so/ /da ni rigs gsum gyi sgo nas gsol ba gdab par bya ste/ 'dod chags dang zhe sdang dang gti mug rigs gsum gyi mchog yin pa'i phyir ro //'dod chags zhe sdang gti mug che ni thugs rdo rje'o/ /rdo rje bzhin du mi phyed pa'i ye shes ni chos kyi ye shes te/ de la 'gro ba zhugs par mdzad pas na rdo rje ye shes la zhugs pa'o/ /nam mkha'i dbyings ni 'dod pa'i gdugs te/de dang mtshungs pa ni 'dra ba ste chu'i ngo bo la bzhugs pa'o/ /rigs gsum las phul du byung ba'i phyir mchog go/ /rgyal ba ni sku gsung thugs kyi rigs can bskyed par bya ba'i phyir rgyal ba bzhi'o/ /mchod pa ni 'og nas 'chad par 'gyur ba ste/ bshad du gsol zhes te thugs rdo rje 'dzin gyi sgo nas bstod pa'o//de ni bskyed pa dang rdzogs pa'i rim pa dag go/ /thar pa'i lam ni so sor rtog pa'i ye shes te/ de nyid rab tu ston pa ni gsal bar mdzad pa'o/ /de bzhin du theg pa gsum ni phyi nang gsang ba dang theg pa gsum gyi chos kyi phung po ste/de nyid kyi lam ni A li kA li ste/ de dag ston par mdzad pas na theg pa gsum gyi lam la gnas pa'o/ /ye shes kyi rang bzhin yin pa'i phyir mchog kyang yin la/ sangs rgyas skal mchog ni byang chub kyi sems te/ des dag pa ni de'i rang bzhin gyi bdag nyid gang la yod pa de la de skad ces bya'o//de bzhin du mi ni khams lnga ste de rnams kyi mchog ni sa bon te de'i rang bzhin no/ /na dang ra ni na ra ste na ni thabs so/ /ra ni shes rab bo/ /de dag yang dag par sbyor bas ye shes kyi chu'i ngo bo ni mchog go/ /mchod pa bshad du gsol zhes pa ni rim pa gnyis kyi ngo bo'o//de ni gsung rdo rje 'chang gi sgo nas bstod pa'o/ /byang chub sems ni me long lta bu'i ye shes te/ de nyid kyi rgyas pa ni yangs pa spyan lnga gang la yod pa de ni de bzhin no/ /chos kyi 'khor lo ni rtsibs brgyad pa'i 'khor lo bskor ba ni/phyag na 'dzin pas na chos kyi 'khor lo rab tu bskor ba'o/ /sku gsung thugs ni nad kyis gdungs pa'i sems can rnams la zhi ba'i las mdzad pa'i phyir shin tu dag pa'o/ /rdo rje theg pa ni sngags kyi theg pa chen po la dang po yin pa'i phyir tha mi dad pas de nyid rdo rje theg pa ste tshe ni mar yin no zhes bya ba bzhin no//khyod la phyag 'tshal lo zhes pa ni sku rdo rje 'dzin gyi sgo nas bstod pa'o/ /de ni bskyed pa dang rdzogs pa'i rim pa dag go/ /bstod pa 'di nyid gnas nas ji ltar bcom ldan 'das kyis bka' stsal pa/de nyid bshad par bya ba'i phyir/ /de nas rgyal po rdo rje 'dzin/ /zhes bya ba la sogs pa gsungs te/ rdo rje ni rtse dgu pa 'dzin pas na rdo rje 'dzin no/ /rgyal po ni gtso bo'o/ /thams cad nam mkha'i ni de bzhin gshegs pa rnams spro bar mdzad pas na thams cad nam mkha'o//mi 'gyur che ba ni bdun khri nyis stong sngags kyi dbye ba gsungs pas na mi 'gyur che'o/ /thams cad dbang bskur ba ni rjes su gzung bas na thams cad dbang bskur bar bya'o/ /kun gyi don ni zhi ba la sogs pa'i 'jig rten pa dang stobs dang mi 'jigs pa la sogs pas 'jig rten las 'das pa ste/don de rnams mdzad pas na kun gyi don no/ /kun ni sangs rgyas lnga ste de rnams kyi dbang po ste bdag po'o/ /rdo rje rin chen ni chos kyi dbyings kyi dbang phyug ma chen po ste de nyid 'dzin pa ni lha mo'i gzugs la longs spyod pas na rdo rje rin chen 'dzin no//de lta bu'i bcom ldan 'das mchod pa ni gsang ba'i dbang bskur ba'i mtshan nyid can dang / de bzhin gshegs pa'i go 'phang ster bar byed pa'i phyir de bzhin gshegs pa dang / de nyid kyi phyir mchog ni gsang ba dang rdo rje gsum ni sku gsung thugs te/ de rnams kyi mi phyed pa ste gnyis su med pa nyid du gnas pa ni de nyid byed pa'o//de bzhin du sku gsung thugs skal ba ni rgas pa la sogs pa'i skyon dang bral ba nyid du byed pas na sku gsung thugs skal mchog dang / de bzhin du rgyal ba ni phung po lnga ste de rnams las byung bas na rgyal ba byung bar gyur pa'i mchod pa bshad pa ni bcom ldan 'das kyis bka' stsal pa'o zhes tshig gi don to//de ni bskyed pa'i rim pa dang sgrub pa dag go/ /yang na rdo rje ni rengs pa'i rdo rje ste/ de nyid pad+ma'i nang du 'dzin pas na rdo rje 'dzin to/ /byang chub kyi sems kyi thig le'i ngo bo nyid du mdzes pa ni rgyal ba'o//thams cad ni nam mkha' ni nam mkha' lnga'o/ /de rnams 'dab ma brgyad pa'i pad+ma'i nang du byin gyis brlabs la/ gnas pa'i phyir thams cad nam mkha'o/ /rdo rje bdud rtsi las kyang / b+ha ga'i dbus su nam mkha' gang / nam mkha' lnga yis rnam par brgyan//lte ba ge sar dang bcas pa/ /zhes bya ba la sogs pa gsungs so/ /che ba ni chos kyi dbyings kyi ye shes te/ de nyid g.yo bar mi 'gyur bas mi 'gyur ba'o/ /mi 'gyur ba yang yin la/ chen po yang yin pas na mi 'gyur che'o//chen po kun rdzob kyi byang chub kyi sems dang / mi 'gyur ba ni/ don dam pa'i byang chub kyi sems te/ de dag gang la yod pa de ni mi 'gyur che'o/ /thams cad ni rtsa'i 'khor lo bdun khri nyis stong ste/ de rnams kyi sems ni rgyun rnams kyis dbang skur bar byed pas na thams cad dbang bskur ba'o//kun ni dga' ba la sogs pa ste/ de rnams kyi don ni bde ba chen po ste de'i rang bzhin no/ /kun ni rus sbal ma la sogs pa bzhi'o/ /dbang po ni 'dod pa'i gdugs so/ /rdo rje ni rdo rje'i rtse mor [(]ste [,]te[)]de la rin chen ni yungs kar gyi 'bras bu'i tshad tsam thig le 'dzin pas rdo rje rin chen 'dzin to//de bzhin gshegs pa'i rigs kyis byin gyis brlabs pa'i phyir ro/ /de bzhin gshegs pa ni btsun mo ste/ de nyid las 'byung ba'i mchod pa ni de bzhin gshegs pa'i mchod pa'o/ /rig pa dang phyir mi ldog pa dag las phul du byung ba'i phyir mchog go//rdo rje gsum ni g.yon dang g.yas dang dbus kyi rtsa rnams so/ /de dag mi phyed pa ni rdo rje dang pad+ma yang dag par sbyor bas ro gcig par gyur pa nyid du gnas pa ni bskyed pa'o/ /de'i rjes la sku gsung thugs ni slob ma'i lus po la sogs pa/skal mchog ni rnam par mi rtog pa'i go 'phang thob par byed pa'o/ /zla gsang thig le las kyang / de dus brtsams te de ni rnam mi rtog /ces bya ba la sogs pa gsungs so/ /rgyal ba'i sgras ni sangs rgyas thams cad rjes su zhugs pa ste/de las byung bas na rgyal ba 'byung ba'o/ /des ni don 'di bshad pa yin te/ de bzhin gshegs pa thams cad dang / lha mo rnams rdo rje slob dpon dang lha mo'i zhal nas rang gi bdag nyid la zhugs te/ rdo rje'i rtse mor bsdus la thig le'i ngo bos phyi rol du spros te skyes pa'o zhes ston to//de lta bu'i mchod pa rdo rje 'dzin gyis bka' stsal pa'o zhes tshig gi 'brel pa'o/ /de ni rang bzhin dang rgyu dang las dang 'bras bu dang sgrub pa rnams so/ /da ni rdo rje slob dpon gyis dbang bskur ba ji bzhin ster ba de bzhin bshad par bya ba'i phyir/na chung gzhon nu mig yangs pa/ /zhes bya ba la sogs pa gsungs te/ re zhig dang po bskyed pa'i rim pa'i rnal 'byor pas dang po sbyor ba la sogs pa'i ting nge 'dzin gsum gyis rang gi bdag nyid kyi lha sum cu rtsa gnyis kyi dkyil 'khor gyi 'khor lo la bdag po nyid du bzhag cing de'i rjes su gzung bar bya ba'i phyir snying rje chen po'i thugs kyi sems can thams cad la dmigs te/rim pa 'dis dam tshig gi phyag rgya ma byin gyis brlab par byas te/ de la re zhig mtshan nyid bshad pa yin te/ na chung gzhon nu zhes pa ni skye gnas mi zad pa 'am zad pa'i bu mo lo grangs bcu gnyis lon pa thob nas/gzugs bzang ba ni mdangs dang gzhon pa dang rgyan rnams dang ldan pa'o/ /de med na lo grangs nyi shu rtsa lnga lon pa'o/ /de yang med na blang bar bya ba ma yin te/ bla ma rnams kyis gsungs so//gal te lo nyi shu rtsa lnga lon pa ma rnyed na de'i tshe dgos pa'i don du byol song dang 'dra ba rmongs pa'i rigs can las kyi phyag rgya ma rab tu brtag pa ni blang bar bya'o/ /gang gi phyir bcom ldan 'das kyi rgyud 'di la ting nge 'dzin gtso bor gyur pa ston pa yin gyi dngos po ni ma yin no//de bas na slob dpon gyi bsgom pa'i stobs kyis dngos po be+ems po yang bems po ma yin par 'gyur ba ste phyag rgya ma smos ci dgos/ de nyid kyi phyir la la na re kun med pas byol song mngon du blang bar bya ste tshig gi don to/ /de ni sgrub pa'o/ / phyag rgya ma blangs te gnas bshad par bya ste/ sa phyogs gtsang zhing rnam par dben pa'am/ /zhes bya ba la sogs pa la/ phub ma dang rde'u la sogs pa med pa gtsang ba'o/ /skye bo med pas na rnam par dben pa'o/ /sa phyogs ni ri bo dang nags tshal dang / yul la sogs pa las gang yang rung ba'o/ /rgyal ba'i gnas ni lha khang ngo / /gal te de nyid du yang kun rdzob dang bsrung bar bya ba'i phyir sems brtan par mi 'gyur na/ de'i tshe zhi ba ni stong pa gang yin pa zhi ba'i gnas te/ lha chen po'i khang pa 'am ma mo rnams kyi khang pa ste de la'o//de la yang mu stegs pa'i gnas 'di yin no zhes rnam par rtog par mi bya ste/ gang gi phyir de rnams rdo rje sems dpa'i sprul pa'i khyad par yin no/ /ji skad du/ pha rol rgol ba gang yang rung / /rtags kyi dbye bas rnam par gnas//de rnams 'dir ni smod mi bya/ rdo rje sems dpa'i sprul pa yin/ /zhes 'byung ngo / /gnas de rnams su bshang gci la sogs pa bdud rtsi lnga dang / chu la sogs pa ni chu dang ba yu la sogs pas byugs pas/ rtag pa ni dus thams cad du rgyal ba de nyid/rnam par snang mdzad mchod pa'i phyir/ /zhes pa ni slob ma dang bdag rnam par snang mdzad kyi rang bzhin du mchod par bya ba'i phyir byug par bya ste/ bskyed pa'i rim pa dang sgrub pa dag go/ /gnas de lta bu gnas byin gyis brlabs la der gnas pa'i rdo rje slob dpon gyis phyag rgya ma'i yan lag dgod par bya ba yin te/de bshad par bya ba'i phyir nu ma'i dbus su zhes bya ba la sogs pa gsungs te/ nu ma'i dbus ni snying gar yi ge hUM ngo / /spyi gtsug mtha' ni spyi bor yi ge oM mo/ /bar ni nu ma dang spyi bo'i bar de mgrin par yi ge AH'o//rkang pa'i bar nas brla'i mtshams kyi bar te gsang ba'i gnas la yi ge hA'o/ /lte ba dang rked pa ni lte ba dang rked pa ste glo g.yas g.yon gnyis so/ /de dag gi gsang ba ni lte ba kho na ste dbus su gnas pa'i phyir ro/ /de la yi ge swA'o/ /de lta bu'i rgyal ba'i sras ni de bzhin gshegs pa lnga'i rang bzhin du skyes pa/gang zhig rigs lnga ni yi ge oM la sogs pa'i sa bon lnga ste/ de rnams rab tu ni zla ba'i dkyil la sogs pa'i gdan gyi steng du de bzhin gshegs pa'i gzugs kyis sku mdog dang /sgeg pa dang / dpa' ba dang / 'jigs su rung ba dang / rgod pa dang / drag po'i nga ro'i rang bzhin du dgod par bya ste bskyed pa'i rim pa'o/ /de yang nye bar mtshon pa tsam yin la/ gzhan yang sngar bshad pa'i rim pas gzugs rdo rje ma la sogs pa'i sa bon rnams kyis skye mched rnams dang lha mo spyan la sogs pa'i sa bon rnams kyis khams rnams dang /rdo rje ro langs ma la sogs pa'i sa bon gyis yan lag dang nying lag dgod par bya ste/ bskyed pa'i rim pa'o/ /bdag dang lha mo la sngags kyis byin gyis brlab par byas shing slob ma la yang 'dus byas pa'i phyir bsgom par bshad par bya ste/nam mkha'i dbyings kyi dbus gnas par/ /zhes bya ba la sogs pa la/ re zhig dang po rnal 'byor pas rang gi snying ga'i ye shes sems dpa'i sa bon las byung ba'i rno ba'i me 'bar ba'i tshogs kyis slob ma thal bar byas la/nam mkha'i dbyings kyi dbus gnas pa ni/ nam mkha'i dbus bzhin du stong pa nyid kyi ngo bor bsams te/ de'i 'og tu ye shes rgya mtsho ni spro ba dang bsdu ba'i bya ba byed pa yi ge gsum bsgoms te/ de yongs su gyur pa las skyes pa zla ba bsams shing /de'i steng du yi ge gsum bkod la/ bdag nyid ni slob ma'i bdag nyid zla ba'i dbus su gnas pa ste/ khyad par ni rnam par snang mdzad kyi ngo bor bsgom par bya'o/ /de'i rjes la bsdu ba dang kyang gi sgras spro ba yang bya ste/ rnam par snang mdzad kyi sangs rgyas kyi zhing la sems can thams cad 'od zer gyis phyin par byas la/slar yang de rnams zhi ba rdo rje 'dzin ni rdo rje slob dpon gyis bsdu bar bya'o/ /'dod na zhes pa ni gal te 'dod pa mnyam por yod pa de'i tshe de'i slob ma yang rnam par snang mdzad kyi bsgom pa la zhugs par bya'o//slob ma de nyid la yang rin chen sna bzhi'i mchod rten zhes pa ni sa la sogs pa'i khams bzhi'i dkyil 'khor la gnas pa gzhal yas khang pa bsgom par bya'o/ /ji lta bu zhe na/ 'od zer gyi phreng ba ni chos 'byung gi phyag rgya ste de nyid kyi gdan du gyur par rnam par brgyan pa'o//yang ji lta bu zhe na/ ye shes rgya mtsho ni/ dbus kyi gtso bo dang dus gsum gnas pa'i de bzhin gshegs pa rnams dang / lha mo dang byang chub sems dpa' dang khro bo rnams te/ de dag gi gnas ni gzhir gyur pa'o/ /mkhas pa ni rdo rje slob dpon gyi bdag nyid ba spu'i bu ga nas bsod nams dang ye shes kyi tshogs 'phel ba'i phyir/mchod pa'i sprin ni gzugs rdo rje ma la sogs pa'i lha mo'i tshogs nam mkha'i dbyings la gnas pa'i de bzhin gshegs pa rnams mchod pa'i phyir spro bar bya'o zhes ston to/ /mchod bya rnams bshad par bya ste/pad+ma rnam pa lnga zhes pa ni rigs lnga'i de bzhin gshegs pa'o/ /ut+pal rnam pa lnga ni gzugs rdo rje ma la sogs pa lnga'o/ /me tog kar+Ni ka dang / ma li ka dang / yu ti ka dang / ka ra bI ra rnams ni re re zhing rnam pa lnga yin pa'i phyir nyi shu'o/ / dzA ti yang rnam pa gsum yin te bsdus nas nyi shu rtsa gsum mo/ /de la dbye ba ni lha mo spyan la sogs pa bzhi dang / byang chub sems dpa' brgyad dang / khro bo bcu dang / reg bya rdo rje ma ni bcom ldan 'das la 'khyud pa ste/ nam mkha' la dkyil 'khor gyi 'khor lo bsams la lha de rnams mchod par bya ba'i phyir/rab tu brtag pa ni slob ma bsgom du gzhug pa'o/ /de ni bskyed pa'i rim pa'o/ /yang na nam mkha'i dbyings ni 'od gsal ba ste/ de'i dbus su gnas pa ni de las cig car spro ba'i ye shes rgya mtsho ni 'ja' tshon lta bu spro bar bya ste/slob ma de lta bu'i sgom pa byed du gzhug go/ /bdag nyid ni slob ma'i lus te/ zla ba'i dbus gnas pa ni 'od zer gyi 'khor lo'i dbus su gnas pa dang / snying gar yang de bzhin du snang ba'i ngo bo bsgom pa dang / bsdu ba ni sgyu ma'i dpe bcu gnyis bsgom pa rdo rje 'dzin ni slob dpon gyis slob ma de nyid byed du gzhug go//de'i rjes la rin chen sna bzhi ni khams bzhi'i ngo bo mchod rten ni dkyil 'khor bzhi'i mgrin pa la sogs par gnas pa ste/ 'od zer phreng ba ni dmar po dang dkar po dang ljang gu dang ser po'i 'od zer rnams kyis rnam par brgyan par bsams te/ye shes rgya mtsho ni snang ba mtha' yas la sogs pa'i de bzhin gshegs pa rnams dang / dus gsum ni yi ge gsum mam 'jug pa la sogs pa ste/ de rnams kyi gnas ni gzhir gyur pa bsam pa ni shes par bya'o//bdag gi ba spu ni gdong gi sna ste/ de nyid kyi bu ga ni g.yon dang g.yas kyi sna khung ngo / /de dag las g.yas dang g.yon dang gnyi ga dang dal bus dman par gyur pa'i rim pas mchod pa'i sprin ni dmar po la sogs pa'i 'od zer rnams spro ba ni sna'i rtse mor 'dzin par bya'o//pad+ma dang ut+pa la rnams ni rlung bcu'o/ /de bzhin du dzA ti ni rnam pa gsum ste/ de rnams nye bar bsdus pas srog dang rtsol ba dang mnyam pa ste/ 'jug pa la sogs pa'i rang bzhin gyi rlung gsum mo/ /kar+Ni ka ra la sogs pa bzhi po ni dkyil 'khor byin gyis rlob par byed pa lha mo spyan la sogs pa'o//de rnams bsams nas mchod pa ni rdo rje bzlas pa'i mtshan nyid can 'od gsal ba'i mchod pa byas te/ slob ma byed du gzhug go/ /de ni bdag la byin gyis brlab pa dang / rdo rje bzlas pa'i rim pa dag go/ /yang na pad+ma ni gsang ba'i pad+ma'o//de yang rnam pa lnga ni nam mkha' lngas brgyan pa'i phyir/ ut+pa la dang 'dra bas ni ut+pa la ni rdo rje ste/ de yang shin tu shes nas dzA ti zhes pa ni phyag rgya ma'i rigs te/ de yang rigs kyi dbye bas sme sha can dang / khrus mkhan dang / gar mkhan ma sta rnam pa gsum shes nas lha rnams ni lha mo de rnams la dbul ba ni rdo rje dang pad+ma yang dag par sbyar bar bya'o//yang na rigs dga' mo dang / rgod ma dang / glang mo ste bud med rnams kyi rigs rnam pa gsum shes nas/ dbul bar bya ba ni de dang 'dra ba'i byed pa bcings pas zhugs par bya'o/kar+Ni ka ni dga' ba'o/ /ma li ka ni mchog tu dga' ba'o/ /ka ra wI ra ni dga' bral lo/ /yu ti ka ni lhan cig skyes pa ste de dag bsam zhing mtshon la/ mchod pa rab tu brtag pa ni bde ba chen po nyams su myong ba la byed du gzhug go/ /de ni rang bzhin dang rgyu dang las dang 'bras bu rnams so//de ltar bla ma dang phyag rgya ma dang slob ma'i 'dus byas nas mchod bya'i dkyil 'khor bsgom par bstan par bya ste/ dpag tshad ces bya ba la sogs pa la/ dpag tshad brgya pa rgya che ba 'khor lo'i dkyil 'khor ni 'khor lo las skyes pa ste rtag pa'i dkyil 'khor ro//de bsgom pa 'am bri bar bya'o/ /'on kyang le'u bcu drug pa las gsungs pa'i cho gas brin khru bcu drug pa bri'o/ /de la rigs rnams zhes bya ba ni zhe sa'i don du mang po'i tshig ste/ des na 'bras bu rnam par snang mdzad dgod par bya'o//mkhas pa zhes bya ba ni sngar bshad pa'i sgom pa'i spros pas so/ /de nas pad+ma dang rdo rje la sogs pa ni de bzhin gshegs pa'i rigs kyi mtshan ma rnams so/ /de bzhin gyi sgras ni mig la sogs pa yang phyogs dang mtshams kyi dbye bas bsgom pa'am dgod pa'o//gal te bsgom pa'i dkyil 'khor yin na de'i tshe rnal 'byor pa'i bsam pa rgya che bas dpag tshad bye ba'i khyon tsam ni khams gsum pa'i dkyil 'khor nas brtsams te srid pa'i rtse mo'i bar du'o/ /dpal sangs rgyas thams cad mnyam par sbyor ba'i rgyud las kyang /rnal 'byor thams cad bcom ldan 'das/ /rdo rje sems dpa' de bzhin gshegs/ /khams gsum pa ni ma lus pa/ /de nyid kyi ni longs spyod yin/ /zhes 'byung ngo / /yang gsungs pa/ kun du phyag dang zhabs ldan pa/ /kun du spyan dang zhabs dang dbu/ / kun du snyan ldan 'jig rten la/ thams cad khyab nas zhugs pa'o/ /zhes 'byung ngo / /gal te bri ba'i dkyil 'khor yin na de'i tshe gru bzhi la sogs pa yon tan dang ldan pa dang shin tu mdzes pa ni rdul tshon gyis mdzes pa bsgom par bya ba'am/ dgod par bya'o zhes tshig gi lhag ma'o//dkyil 'khor rdzogs nas gsang ba dang phyi'i dbye bas mchod pa'i slob mas bya ba'i phyir bshad par bya ste/ rin chen sna bzhi ni gzugs dang sgra dang dri dang / ro rdo rje ma la sogs pa'i lha mo rnams so/ /gsal ba ni reg bya rdo rje ma'o//rang bzhin dri ma med pa ni chos kyi dbyings kyi rdo rje ma'o/ /de rnams kho na mchod rten ni sna tshogs pa'i bde ba'i phung po'o/ /de dag bsgoms nas rigs rnams ni dkyil 'khor pa rnams mchod pa'i phyir ni tshim par bya ba'i phyir ro/ /shes rab can ni bskyed pa'i rim pa'i bsgom pa brjed mi ngas pa'i rnal 'byor pas bsgom pa ni spro bar bya'o//phyi'i mchod pa bshad par bya ste/ 'dod pa lnga ni me tog la sogs pa'o/ /yon tan ni rol mo la sogs pa'o/ /de dag gis mchod pa rgya mtsho ni mchod pa du ma brtsam pa ni dad pas phul bar bya'o//rin chen na bza' la sogs pa ni bum pa la gnas pa dang / 'ba' zhig pa'i na bza' rnams kyis mchod par bya'o/ /gang gis she na/ byang chub 'dod pa ni gsang ba'i dbang bskur ba 'dod pa'i rnal 'byor pas so/ /rtag tu zhes pa ni dkyil 'khor brtsams nas de nyid rdzogs pa'i bar du'o//mchod pa de dag dngos su med na yang yid kyis bsam par bya ste/ dkyil 'khor gyi mchod pa'o/ /de ni bskyed pa'i rim pa'o/ /yang na/ dpag tshad bye ba'i khyon tsam la/ /zhes pa ni rigs brgya'i dbye bas 'khor lo'i dkyil 'khor ni sku'i dkyil 'khor bsgoms te/de nyid 'jug pa la sogs pa'i rim pas dgod pa ni bzlas pa byas nas pad+ma dang / rdo rje dang / ral gri dang / ut+pa la rnams ni 'jug pa'i rnam par shes pa dang / nyon mongs pa can gyi yid kyi rnam par shes pa dang / kun gzhi'i rnam par shes pa dang / 'od gsal ba rnams te/ de dag rang bzhin snang ba'i rim pas bsgom pa ni sbyang bar bya'o/ /gang gis she na/ mkhas pa zhes pa ni rang bzhin gyis dbye ba shes pas so/ /de'i rjes la de las langs te/ cig car du gru bzhi ni lha mo bzhis bskor ba dang /shin tu mdzes pa ni 'ja' tshon bzhin du snang ba dang / dpag tshad bye ba'i khyon tsam zhes pa ni dpag tshad bye ba'i khyon tsam gyi 'od kyi tshogs dang ldan pa'i rdo rje 'chang chen po'i sku bsams te/ de nas rin chen sna bzhi ni 'dod chags dang / 'dod chags dang bral ba dang /'dod chags bar pa dang lhan cig skyes pa ste/ de rnams kyi rim pas mchod rten ni chos kyi sku'i ngo bo bzhi pa bsams te/ de nas kyang gsal ba ni bden pa gnyis dbyer med pa dang / rang bzhin dri ma med pa mi gnas pa'i mya ngan las 'das pa'i ngo bo rdo rje 'chang chen po'i sku bsgom par bya'o//rigs ni bram ze la sogs pa dang / gtsang ma la sogs pa ste de rnams mchod pa'i phyir zhes pa ni tha mi dad par rtogs pa'i phyir/ gnas su bsgom pa ni spyod par bya'o/ /de ltar byas nas 'dod pa'i yon tan ni yul lngas mchod pa'i rgya mtsho ni dbang po rnams tshim par byas la/rin chen ni yungs kar gyi 'bru'i tshad kyi thig le spro ba dang / na bza' ni g.yogs pa rdo rje'i rtse mor byang chub kyi sems kyi thig le 'dzin pas / mchod pa ni de rnam pa'i ngo bos nam mkha' yongs su gang bar bya'o/ /gang gis she na/ byang chub 'dod pa zhes pa ni bden pa gnyis dbyer med pa'i rnam pa thob par 'dod pas so//rtag tu ni yul dang dbang po dbyer med par byas pas de bzhin gshegs pa'i mos pa'i bsgom pa la rtsol ba dang ldan pa'i rnal 'byor pas so zhes ston to/ /de ni bskyed pa'i rim pa dang rdo rje'i bzlas pa dang / sems rnam par dag pa dang / bdag la byin gyis brlab pa dang / mngon par byang chub pa dang / zung 'jug gi rim pa dang / so sor sdud pa dang / bsam gtan dang / srog rtsol dang / 'dzin pa dang / rjes su dran pa dang / ting nge 'dzin rnams so/ /de ltar dkyil 'khor gyi 'khor lo la mchod pa byas nas/slob mas bla ma mchod par bya ba'i phyir/ mchod pa rnam pa lnga'i mchog rnams kyis zhes bya ba la sogs pa gsungs te/ lha dang bla ma'i zhabs tha mi dad pas lha ni bla ma'i zhabs so/ /bla ma'i zhabs de dag mchod pa rnam pa lnga ni me tog la sogs pa'i mchog rnams kyis mchod par bya'o//rtag tu'i sgras ni gsol ba gdab pa sngon du 'gro ba ste dper na khyod ni rdo rje sems dpa' sgrub byed ces bya ba la sogs pa'i tshigs su bcad pa lnga dang tshig rkang gcig gis gsol ba gdab par byas la/ sngar bshad pa'i na chung mchog rin chen ni bde ba chen po'am byang chub kyi sems kyi 'byung gnas ni bskyed pa'i rgyu dang / mchog ni sems dag pa dang / rin chen sna tshogs ni sna tshogs pa'i rgyan rnams kyis brgyan pa'am/ sna tshogs pa'i yon tan gyis brgyan pa sangs rgyas thams cad kyi ngo bo bla ma la dbul bar bya'o//ci'i phyir zhe na/ sgrub pa tshar ba ni rtog pa med pa'i go 'phang ste/ de nyid bsgrub par bya ba'i phyir ro zhes ston to/ /rin chen sna bdun ni btsun mo dang rta dang glang po la sogs pa yang dbul bar bya'o/ /de med na zhing 'di zhes pa ni khams gsum ma lus de rnams kyis yongs su gang bar bsams la dbul bar bya'o//gang gis she na/ sbyin pa'i phyir zhes pa ni sbyin pa ni rnam pa gsum ste/ des bla ma las gsang ba'i don du gnyer bas so/ /yang ji lta bu zhe na/ dngos grub 'dod pa zhes pa ni rnam par mi rtog pa'i ye shes kyi dngos grub 'dod pas so//shes rab can ni bsgom pa brjed mi ngas pas so/ /nyin re zhes pa ni dkyil 'khor brtsam pa nas mchod pa rdzogs pa'i bar du bla ma la de dbul bar bya'o/ /de ni sgrub pa'o/ /yang na mchod pa rnam pa lnga ni rlung lnga dang mchog rnams ni nye ba'i rlung lnga'o//lha rnams mnyes par bya ba ni de rnams 'od gsal ba la bzhugs par bya'o/ /de bzhin du na chung ni kun gyi sa bon yin pa'i phyir kun gzhi rnam par shes pa'o/ /rin chen 'byung gnas ni lta ba bzhi dang ldan pa nyon mongs pa can yid kyi rnam par shes pa'o//mchog ni 'jug pa'i rnam par shes pa'o/ /rin chen sna tshogs kyis brgyan pa ni rang bzhin rnams so/ /de rnams thams cad sangs rgyas kun gyi rang bzhin 'od gsal ba la rdo rje 'chang chen po'i go 'phang thob pa'i phyir/ dbul ba ni nye bar bsdu bar bya'o/ /rin chen sna bdun ni ro dang /khrag dang / sha dang / tshil dang / rus pa dang / glad pa dang / shu kra rnams so/ /bdun po de dag gis zhing 'di yongs su bkang ba ni lus po ste/ dbul ba ni de nyid du bzhugs par bya'o/ /dngos grub 'dod pa ni 'od gsal ba'i dngos grub 'dod pa dang / sbyin pa'i phyir ni ye shes gsum dang lus de nyid du nye bar bsdu bar bya ste/sems rnam par dag pa'i rim pa'o/ /slob mas byas pa'i mchod pa'i 'og tu slob dpon gyi bya ba bshad pa'i phyir/ bdag po'i phyag rgyar mnyam bzhag la/ /zhes bya ba la sogs pa gsungs te/ bdag po ni sngar bshad pa'i rim pas rdo rje 'chang chen po ste/de nyid kyi phyag rgya ni sku'o/ /de nyid sangs rgyas dkyil 'khor dbus ni sngar bshad pa'i lha sum cu rtsa gnyis kyi bdag nyid kyi dbus na bzhugs pa/ mnyam gzhag pa ni cig car du dmigs te/ reg pa ni reg bya rdo rje ma'i ngo bo phyag rgya ma ste/de dang sbyor ba dbul bar bya ba ni snyoms par zhugs par bya'o/ /ci'i phyir zhe na/ sangs rgyas ni phung po dang khams dang skye mched kyi 'dod chags dang 'dod chags chen po ste 'dod chags rnam par dag pa'i gnas so/ /de la blo ni rang bzhin te de'i phyir ro//de ni bskyed pa'i rim pa'o/ /yang na bdag po mi bskyod pa'o/ /de nyid kyi phyag rgya ni yi ge hUM ngo / /sangs rgyas kyi dkyil 'khor ni dkyil 'khor bzhi ste/ de rnams kyi dbus su yi ge hU~M de nyid mnyam gzhag pa ni yang dag par dgod par bya'o/ /der lkog ma'i pad+mar mgo'o//snying ga'i pad+mar ha'o/ / lte ba'i pad+mar U'o/ / gsang ba'i pad+mar zla phyed dang thig le'o/ /de'i rjes la reg pa ni rlung ste/ des sbyor ba ni yi ge hU~M de nyid la sbyor ba dbul ba de nyid gcig pus bzlas pa bya'o/ /sangs rgyas ni rnam par snang mdzad kyi sa bon gyi yi ge oM mo//'dod chags ni snang ba mtha' yas kyi sa bon te yi ge A'o/ /blo zhes pa ni de dag gnyis la blo gcig gis yi ge hU~M kho na bzlas par bya ste/ ci 'dod pa'i bzlas pa bstan pa'o/ /rab tu byed pa las kyang / de nas rnal 'byor dbang phyug gi/ /zhes bya ba nas/sgyu ma lta bu'i ting 'dzin gyis/ /bya ba thams cad 'grub par byed/ /ces bya ba 'byung ngo / /rdo rje'i bzlas pa'i rim pa'o/ /de'i rjes la ci bya'o zhe na/ nam mkha'i dbyings kyi dbus gnas pa/ /zhes bya ba la sogs pa la/ nam mkha'i dbyings kyi dbus su gnas pa'i dkyil 'khor bkod pa ni/de bzhin gshegs pa dang / lha mo dang / byang chub sems dpa' dang / khro bo'i dkyil 'khor bsgoms la rang gi snying ga'i ye shes sems dpa'i sa bon spros te/ de nyid dgug cing nang du gzhug ste / bdag gi lus ni rang gi gzugs so//de bzhin gshegs pa ni de bzhin gshegs pa thams cad kyis rdul phra rab kyis yongs su rdzogs par byas la/ de'i rjes la bshang gci ni bdud rtsi yin te de nyid kyis bla ma ni rang gi kha mchod pa ni gang bar byas te bskyed pa'i rim pa dang sgrub pa dag go/ /nam mkha'i dbyings ni glad pa'o//de'i dbus su gnas pa'i dkyil 'khor bkod ni zla ba'i dkyil 'khor bsgoms te/ bdag gi lus ni zla ba'i dkyil 'khor de nyid de/ de bzhin gshegs pa ni cha bcu drug gi tshogs las byung ba bsgom ste/ de las byung ba'i bshang gci dang 'dra ba de'i ngo bo bsil ba'i bdud rtsi rnams kyis bla ma rang gi lus so//mchod pa ni tshim par byas te/ las rgyal ba mchog go/ /de nas sngar bshad pa'i bud med ni reg bya rdo rje ma'i ngo bo phyag rgya ma blang bar bya'o/ /ji lta bu zhe na bzhin bzangs ni mchog tu dga' ba'i dbang gis zhal gyi pad+ma 'dzum pa'o//de bzhin du shin tu mdzes pa ni rengs pa dang dngul la sogs pas brgyan pa'o/ /byin gyi rlabs kyi gnas ni sngar bshad pa'i sa bon las de nyid bsam pa ni/ de'i yan lag rnams la gsal por bkod la de nyid mchod pa ni dbang po gnyis snyoms par zhugs pa rab tu brtag pa ni bya ba yin no//de ni bskyed pa'i rim pa'o/ /yang na bud med ni bcom ldan 'das ma yi ge phyi mo ste/ yi ge bzhi bcu rtsa dgu'i bdag nyid can no/ /de nyid zhi ba la sogs pa'i las byed pa'i phyir/ skal ba mchog dang ldan pa'o/ /bzhin bzangs ni rdo rje 'chang chen po'i rang bzhin yin pa'i phyir ro//de bzhin du mdzes pa ni thams cad las dkar po'o/ /de thob pa ni bsgom zhing byin gyis brlab pa ni yan lag la dgod pa ste/ de nyid kyi gnas ni sngags kyi sku'o/ /bsam pa ni de nyid sngags kyi sku la yan lag dang nying lag gi dbye bas yi ge phyi mo de dgod par bya'o//de la rim pa 'di yin te yi ge ka'i sde tshan ni lag pa g.yas pa'i sor mo lnga la'o/ /yi ge tsa'i sde tshan ni lag pa g.yon pa'i sor mo lnga la'o/ /yi ge Ta'i sde tshan ni rkang pa g.yas pa'i sor mo lnga la'o/ /yi ge ta'i sde tshan ni rkang pa g.yon pa'i sor mo lnga la'o//yi ge pa'i sde tshan ni rdo rje rtse lnga pa'o/ /ya'i sde tshan ni bshang sgo'i shar la sogs pa la'o/ /sha ni mig gnyis pa la'o/ /Sha ni rna ba gnyis pa la'o/ /sa ni sna la'o/ /ha ni kha la'o/ /k+Sha ni tshangs pa'i bu ga la'o/ /dbyangs bcu drug ni snying gar zla ba'i dkyil 'khor gyi steng na'o//yang na gsang ba'i pad+mar sa'i khams kyi ngo bo yi ge a la sogs pa bzhi'o/ /lte ba'i pad+mar rlung gi khams kyi ngo bo oM la sogs pa'i yi ge bzhi'o/ /snying ga'i pad+mar chu'i khams kyi ngo bo l-i la sogs pa yi ge bzhi'o//lkog ma'i pad+mar me'i khams kyi ngo bo/ u la sogs pa yi ge bzhi'o/ /de ltar dgod par bya la de nyid mchod pa ni/ thabs dang shes rab snyoms par zhugs pa byas te bskyed pa'i rim pa'o/ /da ni slob ma'i bya ba yang bshad par bya ste/ rdo rje slob dpon gyis pad+ma'i nang du spros te/mig yangs ma ni lha mo'i byang chub kyi sems gang zhig dung gi nang du blangs pa/ de nyid brtan pa'i blo ldan pa ni/ rnam par rtog pa med pa'i rnal 'byor pas de bzhin gshegs pa thams cad bsdus pa'i bdag nyid kyi blos/ bza' bar bya ba ni blang bar bya zhing btung bar bya ste/e ma'o bde ba chen po zhes lan gsum du brjod nas so/ /de ni sgrub pa'o/ /'bras bu bstan par bya ste/ 'di ni sngags rnams thams cad kyi zhes bya ba la sogs pa la/ sngags thams cad ni rnal 'byor pa rnams kyi sku gsung thugs ni tha mal pa'i lus la sogs pa ldog cing /mchod pa ni rdo rje sems dpa'i nyid du byed pa'o/ /sngags rnams ni yi ge oM la sogs pa'o/ /dngos grub byed pa ni de rnams kyi sgo nas zhi ba la sogs pa'i las grub par byed pa ste/ gsang ba'i dbang thob pa'i rnal 'byor pas/sngags thams cad 'grub par 'gyur te/ rnam par rtog pa med pa'i phyir ro/ /gsang ba ni sba bar bya'o/ /yang na ra rdo rje rtse mo dang 'dra ba yin pa'i phyir dang / ha ni bya'i gdong dang 'dra ba'i phyir dang / ha rdo rje dang pad+ma'o/ /sa ni 'dzag pa'o/ /ra dang ha las 'dzag pas na ra ha sa ni gsang ba ste/rdo rje dang pad+ma las byung ba'i byang chub kyi sems kyi ngo bo'o/ /ye shes ni lnga dang / rdo rje can ni de bzhin gshegs pa rnams te ye shes kyi rang bzhin yang yin la/ rdo rje can yang yin pas/ ye shes rdo rje can te/ bar gyi tshig mi mngon pa'i las 'dzin pa'i bsdu pa'o//de rnams kyi de kho na nyid do/ /bshang gci dag gis nye bar mtshon pa'i bdud rtsi bshang gci'o/ /de ston par byed pa'i gzhung gi tshogs ni bshang gci'i le'u zhes bya ba'o/ /rgyud 'grel las le'u brgyad pa'i tshig gi don bcu drug gi bshad ba'o// le'u brgyad pa'i tshigs su bcad pa'i grangs ni nyis brgya nyi shu rtsa lnga'o// // gsang ba'i dbang thob nas rdo rje 'chang chen po nyid de'i dus su grub par bya ba'i phyir/ drag shul gyi rnal 'byor gyi ting nge 'dzin gtso bor gyur pa'i le'u dgu pa bstan par bya ba'i phyir/de nas zhes bya ba la sogs pa gsungs te/ rdo rje ni chos kyi sku de 'dzin pas na rdo rje 'dzin to/ /mtshan dang dpe byad ldan pa'i longs spyod rdzogs pa'i skus mdzes pas na rgyal po'o/ /sprul pa'i sku rnams kyis nam mkha' ma lus par khyab par mdzad pas na/thams cad nam mkha'o/ /rnam pa bcu gnyis kyi 'khor lo bskor bas na mi 'gyur ba che'o/ /slob dpon dang gsang ba dang shes rab ma ste thams cad dbang bskur ba'o/ /de rnams kyi spyod pa ni ji bzhin du nan tan no/ /de nyid kyi mchog ni bzhi pa ste/ de yang de bzhin gyi rang bzhin no/ /kun don ni zhi ba la sogs pa'i las kyi tshogs te/ de rnams kyi dbang phyug dam pa ni sprul par mdzad pa'o/ /de lta bu'i rdo rje 'chang chen po'i dkyil 'khor rab tu bshad pa'o/ /tshig gi 'brel pa'o/ /ji lta bu zhe na/ rdo rje gsum ni de bzhin gshegs pa rnams te/de rnams kyi mi phyed pa ni yon tan dang gtso bo'i dngos pos gnas pa'o/ /dkyil 'khor ni de bzhin gshegs pa lnga'i dkyil 'khor ro/ /sku gsung thugs ni rnal 'byor pa'i lus la sogs pa ste/ de la longs spyod pa ni rdo rje 'chang chen po'i go 'phang gi ting nge 'dzin gyi longs spyod kyi bde ba ster ba'o//mchog ni thams cad skyong ba'o/ /gsang ba ni srog gcod pa la sogs pa'i 'gal ba'i sgras bstan par bya ba'o/ /sangs rgyas ye shes ni ye shes lnga ste/ de rnams thob pa'i phyir sangs rgyas ye shes can no//nam mkha'i dbyings kyi dbus gnas par/ /zhes bya ba la sogs pa la/ nam mkha'i dbyings ni snying ga'o/ /de'i dbus su gnas pa sangs rgyas dkyil 'khor ni/ rab tu sad par byed pa'i dkyil 'khor te/ nyi ma'i dkyil 'khor bsam par bya'o/ /de'i steng du spro ba dang bsdu ba'i sbyor bas yi ge gsum las byung ba'i rdo rje mi bskyod pa'i le'u dang po las bshad pa'i zhal dang phyag mtshan dang sku mdog ldan par bsgom zhing de nyid kyi lag tu rdo rje ni phyag mtshan gtso bo ste/gzhan rnams kyang ji ltar byung ba bsgom par bya'o//ji lta bu zhe na/ 'od 'phro mang po ni mA ma kI ste des 'khyud pa'o/ /'od zer sna lnga ni de bzhin gshegs pa lnga'i rigs can gyi dkyil 'khor pa rnams so/ /rab tu gang ba ni de dag gis rim pa ji lta ba bzhin du bskor ba'o/ /de'i rjes la mA ma kI dang gnyis su med pa'i sbyor bas 'dod chags chen po'i sgras sangs rgyas ni nam mkha'i dbyings la bzhugs pa'i de bzhin gshegs pa rnams dang /dus gsum pa ni lus ngag yid kyis mi dge ba bcu byed pa'i sems can rnams khar zhugs te/ ye shes sems dpa'i kha las rtsa dbus ma nas lha mo'i pad+mar spros te/der yang rim pa bzhin du bsams la/ rdo rje ni yi ge hUM las byung ba'i gsang ba'i rdo rjes phye mar brlag par ni 'jig par bya'o/ /de'i tshe de rnams kyi sku gsung thugs ni mtshams med pa la sogs pa'i byed pa'i lus la sogs pa longs spyod ni rnam pa dang bcas pa ste/rdo rjes phye mar brlag cing med par gyur pa ni stong pa nyid du bsam par bya'o/ /de'i rjes la mchog ni sangs rgyas thams cad dang / gdul bar dka' ba'i sems can rnams kyi rnam par shes pa ste/ de nyid bsam gtan ni yi ge gsum gyi rnam pa rtsa gsum la rim pa ji lta ba bzhin du gnas par bsams te/thugs ni yi ge ho gnyis lha sbyin ma dang / nor rgyal ma'i rtsa gnyis po la gnas pas dag pa thob par gyur pa ni bskor ba bsgom par bya'o/ /rdo rje gsang ba 'di lta bus//zhes pa ni/ bdag nyid kyi gsang ba'i rdo rjes so/ / sems can thams cad ni yi ge lnga/ de dag bsad pa ni ye shes sems ma'i pad+ma'i rtsa rnams la bskyod cing / de nyid kyi steng gi lam nas zhal nas phyung ste/ dam tshig sems ma'i zhal du zhugs la de nyid kyi pad+ma las dam tshig sems dpa'i rdo rjer phyin la de nyid kyi steng gi lam nas dam tshig sems dpa'i zhal nas phyung zhing nam mkha'i dbyings la thim ste/de bzhin gshegs pa mi bskyod pa 'khor dang bcas pa bsam par bya'o/ /mi bskyod pa sangs rgyas kyi zhing dag tu zhes pa ni mngon par dga' ba'i 'jig rten gyi khams las rgyal ba ni de bzhin gshegs pa rnams dang /sras ni byang chub sems dpa' rnams skye bar 'gyur ro/ /zhe sdang gi rigs ni mi bskyod pa'i rigs kyi dam tshig 'di ni bsgom pa'i rim pa ste/ de kho na ni bskyed pa'i rim pa ji bzhin du shes par bya ba ni bsgom par bya ste bskyed pa'i rim pa'o//de nyid kyi phyir gsang ba'i mdzod kyi nor bu'i thig le'i rgyud las/ bcom ldan 'das khams gsum rnam par rgyal bas/ rdo rje hUM mdzad kyi gzugs spros te lha chen po bsad la slar yang gso bar bya ste thal bas g.yogs pa'i 'jig rten gyi khams la thal ba'i dbang phyug ces bya ba'i de bzhin gshegs pa rab tu gzhag go//ting nge 'dzin 'di nyid kyis snying rje chen pos dkon mchog gsum la gnod pa can gal te bsad na de'i tshe sdom pa nyams par mi 'gyur ro//srog gcod pa ni yan lag lnga pa ste/ yan lag gcig med na yang srog gcod par mi 'gyur te/ 'on kyang snying rje chen pos de bzhin gshegs pa nyid du byed pa smos ci dgos/ de nas zhes bya ba la sogs pa la/ gti mug gi rigs kyi dam tshig bshad par bya ste/rdo rje 'dzin ni rdo rje sems dpa'o/ /ye shes dang thar pa ni ye shes thar pa ste/ de dag rab tu sgrub par byed pa gang yin pa de ni de bzhin no/ /dag pa kun gyi rang bzhin yin pa'i phyir ngo bo nyid dag pa'o/ /'dod chags la sogs pa'i nyon mongs pa'i dri mas ma gos pa med pa'o//byang chub spyod pa ni sngags kyi spyod pa ste/ de nyid la bya ba'i rgyud kyi rnal 'byor pa rnams zhugs par byed pa ni byang chub spyod pa rab zhugs pa'o/ /de lta bu'i bcom ldan 'das kyi dam tshig bka' stsal to zhes sbyar ro/ /dam tshig ni ser sna can gyi sems can gyi khams 'dul ba'i dam tshig go//yang dag pa ni de kho na nyid thob par byed pa'o/ /sangs rgyas byang chub ni rnam par snang mdzad nyid du byed pa ste/ de nyid sgrub par byed pa'o/ /nam mkha'i dbyings zhes bya ba la sogs pa la/ nam mkha'i dbyings ni lte ba ste/de'i dbus su gnas pa'i yi ge gsum las byung ba'i 'khor lo'i dkyil 'khor ni/ zla ba'i dkyil 'khor bsams te/ de'i steng du spro ba dang bsdu ba'i rim pas yi ge gsum kho na las 'byung ba'i rim pas ji ltar bshad pa'i sku mdog la sogs pa dang ldan pa dang /lha mo spyan dang bcas pa rnam par snang mdzad bsams te/ sangs rgyas thams cad ni snga ma bzhin du dkyil 'khor pa rnams kyang bsgom pa ni/ rim pa ji bzhin du dgod par bya'o/ /de'i rjes la rin chen kun ni kha dog lnga'i rin chen rnams so/ /de rnams kyi sbyor ba ni sku mdog de dang 'dra ba'i rdo rje gzugs khro bo'i rgyal po bcu'i sku bsams te/ye shes sems ma'i pad+ma las snga ma bzhin du phyi rol du spros te/ ser sna can gyi bskyed pa'i mdzod la zhugs shing nyid kyi sku mdog dang mtshungs pa'i rin po che la sogs pa rlung gi dkyil 'khor gyi sbyor bas zhags pa dang lcags kyu dag gis 'dren cing rang gi mdzod la zhugs par bsams te/khro bo'i sku de rnams kyang snga ma bzhin du de nyid du thim par bsam par bya'o/ /nor rnams thams cad ni rin po che la sogs pa ste/de rnams rdo rje gsum ni khro bo'i rgyal po'i sku rnams kyis 'phrogs pa ni 'gugs par bsams la/ de nas sems can de rnams nor gyi rgya mtshos gang ba ni nor gyi bdag po dang yid bzhin gyi nor bu dang 'dra bar gyur cing / sangs rgyas sku'i sras dzam+b+ha la la sogs pa'i byang chub sems dpa' dang 'dra ba dang /thob pa'i skyes bu ni rin chen 'byung ldan dang 'dra bar 'gyur ro/ /'di ni gti mug gi rigs kyi dam tshig ni rnam par snang mdzad kyi rigs kyi bsgom pa'i rim pa shes par bya'o/ /rigs kyi rgya mtsho thams cad las zhes pa ni gal te mi bskyod pa la sogs pa'i rnal 'byor rnams kyis sgom na de'i tshe skyon gang yang ma yin no zhes dgongs pa'o//de ni bskyed pa'i rim pa'o/ /'o na ji ltar nor gyi bdag po de rnams ni dzam+b+ha la la sogs pa dang 'dra bar gyur pa ste/ 'on kyang de rnams kyis ni dad pas sbyin pa ma btang bas stobs kyis blang ba'i rdzas de thob nas 'on kyang sems sdug bsngal ba dang ldan par gyur te/'bras bu dang 'brel pa ji ltar yin/ ji skad du/ gang zhig yid kyis bsams nas ni/ /slar yang mi des mi sbyin na/ /dngos po chung ba tsam gyis kyang / /de ni yi dgas nyid du 'gyur//zhes gsungs pa dang / dad pa yis ni sbyin par bya/ /zhes gzhan las kyang gsungs so zhe na/ 'dir smras pa/ byang chub sems dpas ni thams cad las kyang thams cad du ma sbyin par len pa las thams cad du ldog par bya'i ser sna can ni ma gtogs so zhes gsungs so//'dir yang rigs pa ni gang gi tshe rnal 'byor pas khro bo'i rgyal po'i sgo nas nor 'phrog pa de'i tshe sa bcu'i dbang phyug gi lag na thob pas nor gyi bdag po 'bras bu dang 'brel par 'gyur ro/ /rkun ma la sogs pas kyang 'phrog pa yang tshe phyi mar drug 'gyur du 'gyur te/mes tshig pa dang chus khyer ba/ /rgyal po rnams kyis gang phrogs te/ /rang gi sbyin pa gang yin pa/ /tshe phyi mar de drug 'gyur 'gyur/ /zhes smos pa na byang chub sems dpa'i lag na gnas pa smos ci dgos/ bsam pa med do zhe na bsam pas ci zhig bya/ ser sna can la bskal pa brgya stong gis sbyin pa'i bsam pa ni med de/ de bas na yi dwags nyid du rung ba'am/ 'on te byang chub sems dpa' nyid du rung / gsad bya'i lag pa bcad nas ni/ /gtong ba yin na ci ma rung //mi ngal bas ni dmyal ba las/ /gtong ba yin na ci ma rung / /zhes 'byung ngo / /yang na rnal 'byor pas ni nor dgug cing de'i sdug bsngal bltas te yang de la sbyin zhing / sbyin pa bstan pas 'dul te nor kun gtong ba la 'jug cing lam la gnas shing ser sna can ni sangs rgyas nyid la gzhag par bya ste/ha cang thal bar 'gyur bas chog go/ /nam mkha' zhes bya ba la sogs pa gsungs te/ 'dod chags kyi rigs kyi dam tshig bshad par bya ste/ nam mkha'i dbyings kyi ye shes kyi lha mo'i pad+mo'o/ /de la snga ma bzhin du pad+ma'i dkyil 'khor ni yi ge gsum yongs su gyur pa las skyes pa/pad+ma dang zla ba'i dkyil 'khor bsgoms te/ de'i dbus su yi ge gsum las 'byung ba tshe dpag tu med pa dbyibs dang kha dog ji ltar ldan pa/ sangs rgyas thams cad ni dkyil 'khor pa rnams kyis snga ma bzhin du bskor bar bsam mo//gang zhig bud med dang skyes pa'i rnam pa dkyil 'khor pa de rnams thams cad bud med lta bu ni gos dkar mo'i rigs can gyi lha mo rnams bsam mo/ /phyi rol du yang dam tshig bzhi ni/ sgo nga las skyes pa dang / drod gsher las skyes pa dang /mngal nas skyes pa dang / rdzus te skyes pa'i bud med rnams 'od zer gyi lcags kyus dgug pa dang gzhug pa dang dbang du byas te/ de'i sbyor bas gcig tu byas shing yang gos dkar mo dang gnyis su med pa'i sbyor bas de bzhin gshegs pa thams cad la rjes su chags pa'i sngags brjod bzhin pas de kun spyod par bya'o//yang de kun spros te bde ba can gyi 'od dpag tu med pa'i ting nge 'dzin la gzhag par bya'o/ /'di ni tshul mchog ste byang chub kyi lam 'dod chags kyi tshul gyis byang chub thob par byed pa'i bsam gtan no//de nyid kyi phyir sangs rgyas thams cad ni sems can gyi rigs rnam pa bzhi'o/ /rdo rje mi phyed gsum zhes bya ba 'od dpag tu med pa'i sgom pa ste de'i go 'phang thob par byed pa'o/ /'di ni 'dod chags kyi rigs kyi dam tshig ste/gsung gi rigs kyi dam tshig bsngags pa rnams bor bas bsgom par bya ste bskyed pa'i rim pa'o/ /las kyi rigs kyi dam tshig go / /de nas zhes bya ba la sogs pa gsungs te/ rdo rje ni bya ba nan tan grub pa'i ye shes 'dzin pas na rdo rje 'dzin no/ /las thams cad pa yin pas na rgyal po'o//sngags thams cad ni brdzun gyi tshig ste/ de rnams kyi don ni ngo bo nyid med pa de sgrub pa ni ston pa'o/ /ye shes ni chos thams cad yongs su shes pas bdag med pa ni thams cad stong pa nyid/ 'byung ba ni bskyed par mdzad pa de la de skad ces bya'o//gsungs ni 'di skad bka' stsal te / 'og nas bshad pa'i man ngag gsungs pa'o/ /nam mkha'i dbyings ni rtsa dbus ma ste de la gnas pa sangs rgyas dkyil 'khor ni zla ba'i dkyil 'khor ro/ /de la sngar bshad pa'i rim gyis don yod grub pa bsams te/sangs rgyas thams cad ni dkyil 'khor pa rnams kyang bsams la/ der khams gsum pa yang zhugs la dkyil 'khor pa yang gcig tu byas shing sku de kun ni sems can thams cad kyi sems te/ brdzun smra ba ni 'dus byas pa thams cad mi rtag pa dang /zag pa dang bcas pa thams cad sdug bsngal ba / chos thams cad bdag med pa dang / mya ngan las 'das pa stong pa zhi ba ste/ rton pa bzhi 'am/ rnam par thar pa'i sgo bzhi'i tshig gis dngos po thams cad brdzun pa nyid du rjod par byed pa bsam par bya'o//'dis ni 'di bshad pa yin te/ rgyal ba ni de bzhin gshegs pa dang / rgyal ba'i gnas ni dkyil 'khor pa ste/ de'i bdag nyid gcig tu gnas pa 'di ltar bslu bar bya ste/ chos rnams sgyu ma lta bur slob tu gzhug go/ /de ni sangs rgyas thams cad ni 'gro ba thams cad kyi dri ma med pa chos kyi dbyings kyi rang bzhin no//nam mkha'i ni ngag gi lam gyi byang chub bo/ /sngags ni sgrub po rnams te/ ye shes blo can ni gnyis su med pa'i ye shes 'dod pa rnams kyis gsang ba ni blang bar bya ba'o/ /dam tshig 'gugs pa'i rigs ni don yod grub pa'i rigs kyi dam tshig ni bsgom pa'i rim pa ste/spro ba ni shes par bya'o/ /de ni bskyed pa'i rim pa'o/ /rin chen rigs kyi dam tshig bshad par bya ste/ de nas rgyal po rdo rje 'dzin/ /zhes bya ba la sogs pa la/ rdo rje ni mnyam pa nyid kyi ye shes te/de 'dzin pas na rdo rje 'dzin to/ /nam mkha' mdzod nyid kyis mdzes pas na rgyal ba'o/ /rdo rje gsum mi phyed pas na/ rdo rje mi phyed gsum mo/ /rgyal ba ni rgyal ba ste de nyid kyi gnas ni 'byung gnas so/ /dngos grub ni tshig rtsub mo la sogs pa'i skyon gyis rdo rje 'chang chen po nyid du byed pa'o//rdo rje ni 'jig rten pa'i dngos grub ste de nyid rab tu ston pa ni gsung ba ste de bzhin no/ /nam mkha'i dbyings ni rang gi phyag rgya ma'i chos 'byung ngo / /de'i dbus su gnas pa ni dam tshig gi dkyil 'khor ni nyi ma'i dkyil 'khor bsams te/de nas snga ma bzhin du de nyid du yi ge gsum gyi rim pas rin chen 'byung ldan phyag rgya ma dang dkyil 'khor pa rnams dang bcas pa bsams te/ khams gsum pa yang de nyid du zhugs nas dkyil 'khor pa'i rnam pas bsres la tshig rtsub mo la sogs pa dang /slob dpon dang / bde bar gshegs pa'i bka' las 'das pa la sogs pa las 'byung ba'i mnar med pa la sogs pa'i sdug bsngal/ dam tshig las 'das pas 'di ni dmyal ba'i chu yin no zhes bya ba la sogs pa la nyan du bcug la de'i nan tan gyis byang chub thob pa'i sems can rnams phyi rol du nam mkha' la de bzhin gshegs pa'i ngo bo spro ba ste/ting nge 'dzin de nyid la brten nas ye shes ni mnyam pa nyid kyi ye shes thob par 'gyur ro/ /bcom ldan 'das zhes bya ba la sogs pa la/de bzhin gshegs pa thams cad ni dkyil 'khor lnga ste/ de rnams rdo rje ni srog gcod pa la sogs pa'i rim pas rdo rje 'chang nyid du byed pa ste/ de nyid kyi bkod pa ni tha dad pa'i bsgom pa'i tshogs gang las byung ba de ni rdo rje 'chang chen pos de ltar bka' stsal to zhes snga ma dang sbyar ro//de ni bskyed pa'i rim pa dang sgrub pa dag go/ /yang na nam mkha'i dbyings ni gnas gsum ste/ spyi bo dang lkog ma dang snying ga rnams so/ /de'i dbus su gnas pa'i sangs rgyas dkyil 'khor ni de bzhin gshegs pa'i sa bon rnams yi ge oM AHhU~M bsgoms la/rdo rje mi bskyod ni yi ge hU~M ste/ gnyi ga zhugs pas de nyid gcig pu bsam zhing / yi ge hU~M de nyid kyi lag pa ni cha gsum ste/ mgo bo dang mgo bo med pa dang dbyangs rnams so/ /de rnams rdo rje ni thig le bsgom par bya'o/ / ji lta bu zhe na/ 'od 'phro ni 'od zer rnams kyis khyab pa'o/ /'bar ba ni skar ma dang 'dra ba'o/ /de bzhin gshegs pa lnga'i rang bzhin yin pa'i phyir/ 'od zer sna lngas rab tu gang ba'o/ /de lta bu bsgoms nas dus gsum pa'i sangs rgyas ni nam mkha' la bzhugs pa'i de bzhin gshegs pa rnams bkug la/rdo rje ni thig le de nyid kyis phye mar brlag pa ni gcig tu bya'o/ /gzhan yang sku gsung thugs kyi longs spyod ces pa ni bdag nyid kyi lus la sogs pa yang / rdo rje ni thig les phye mar brlag pa ni de nyid du thim pa ro gcig par bya'o//mchog de ni phra mo'i rnal 'byor gyi mtshan nyid can gyi bsam gtan bsgoms na/ thugs ni sems kyi spros pa'i rnam par rtog pa/ dag pa thob par gyur pa ni spyad par gyur to/ /rdo rje gsang ba 'di lta bus zhes pa ni yungs kar gyi 'bru'i tshad tsam gyi thig le 'dis bsgom pa'o //sems can thams cad ni A li dang kA li las 'byung ba'i rnam par rtog pa thams cad las/ bsad pa ni rgyal bar 'gyur ro/ /mi bskyod pa'i zhing ni snying ga'o/ /rgyal ba'i sras rnal 'byor pa rnams te/ skye bar gyur pa ni brtan par 'gyur ro//zhe sdang gi rigs kyi dam tshig ni yi ge hUM ngo / /de nyid kyi kho na nyid ni thig le tsam bsgom pa'o/ /de yang don ji lta ba bzhin du bla ma'i man ngag las shes par bya'o/ /lha mo bzhis ye shes zhus pa las kyang ji skad du/ cha gnyis pa dang zhes pa la sogs pa gsungs so//rab tu byed pa las kyang / dang po gcig dang bar du dgu/ /zhes bya ba nas/ ngo bo dang ngo bo las skyes pa'i bar 'byung ngo / /de bzhin du/ don rtogs pa yi bzlas pa yis/ /zhes bya ba la sogs pa'i tshigs su bcad pa 'byung ngo //de ni rdo rje'i bzlas pa'i rim pa'o/ /nam mkha'i dbyings ni rtsibs brgyad pa'i chos kyi dbyings kyi 'khor lo'o/ /de'i dbus su gnas pa 'khor lo ni zla ba dang / dkyil 'khor ni nyi ma dang / rnam par snang mdzad ni rjes su 'jug pa'i dbyangs dang / sangs rgyas thams cad ni tsheg drag bsgoms te/rin chen kun ni rnam par shes pa gsum ste/ de rnams sbyor ba ni snang ba la sogs pa'i rim pas rdo rje gzugs ni 'od gsal ba ste/ rab tu brtags pa ni bsgom par bya'o/ /nor rnams thams cad ni rang bzhin brgya drug cu'o/ / rdo rje gsum ni thabs dang shes rab dang ma rig pa'i ngo bos bsgom pa ni 'od gsal ba de nyid la zhugs par bya'o/ /de ltar byas nas yid bzhin nor bu dang 'dra bar ni re ba thams cad rdzogs par byed pa'i rdo rje sems dpa' nyid du 'gyur ro/ /nor ni sa bcu dang / pha rol tu phyin pa rnams so//de dag gis gang ba ni de rnams rdzogs par 'gyur ro/ /ji skad du/ dang po las kyi sbyor ba yis/ /sa brgyad pa ni thob par 'gyur/ /snang ba gsum ni mthong ba yis/ /bcu pa la ni rab tu gnas/ /zhes 'byung ngo / /sangs rgyas kun ni de bzhin gshegs pa lnga'i nang na/sras ni thugs las skyes pa ste bya ba thams cad byed pas so/ /de nyid kyi phyir thub pa'i skyes bu ni ji srid rdo rje 'chang chen po yin no/ /gti mug gi rigs ni de'i rang bzhin gyi rnam par shes pa gsum dang / rigs kyi rgya mtsho ni rang bzhin gyi tshogs te/de rnams kyi dam tshig ni mi snang bar byed pa'i mtshan nyid can gyi bsgom pa'i khyad par shes par bya ba ni bsgom par bya ste/ sems rnam par dag pa'i rim pa'o/ /nam mkha'i dbyings ni sems rnam par dag pa'i rim pas 'od gsal ba ste/ de'i dbus su gnas pa ni de nyid las cig car du ldang ba ste/pad+ma bzhin du mi gos pa'i dkyil 'khor ni pad+ma'i dkyil 'khor [(]ste[,]te[)]/ rdo rje 'chang chen po'i sku'o/ /ji lta bu zhe na/ 'khor ba'i bar du sems can gyi don mdzad pa'i phyir/ dpag med tshe ni yun ring bzhugs pa'o//sangs rgyas rnams kyis thams cad gang ba ni/ /de bzhin gshegs pa kun gyi rang bzhin no/ /bud med ni sgyu ma ste/ de dang 'dra ba'i sbyor ba la ni de'i rang bzhin gyi sku'o/ /thams cad ni sgyu ma'i dpe bcu gnyis kyi sku de nyid du bsgom par bya'o/ /dam tshig bzhi ni phyag rgya bzhi ste/sku ni phyag rgya chen po dang gsung ni dam tshig gi phyag rgya dang / thugs ni las kyi phyag rgya dang / lha mo ni ye shes kyi phyag rgya'o/ /sbyor ba de nyid kyis rdo rje tshul ni mi phyed pa'i ting nge 'dzin/ mchog ni dam par bsgom par bya'o/ /dbang po gnyis ni kun rdzob dang don dam pa ste/bden pa gnyis so/ /rab tu sbyor ba ni de dag sgyu ma lta bur snang ba'o/ /de nyid kyis de dag thams cad ni phung po la sogs pa nye bar spyad pa ni blta bar bya'o/ /rab tu byed pa las kyang / sgyu ma lta bu'i ting 'dzin gnas/ /thams cad de dang 'dra ba'i lha//gzugs dang de bzhin tshor ba dang / /'du shes de bzhin 'du byed dang / /rnam par shes pa lnga po dang / /de bzhin khams ni bzhi po dang / /dbang po de bzhin yul rnams dang / /ye shes lnga ni de bzhin du/ /phyi dang nang gi tha dad pa/ /thams cad sgyu ma gzhan du min//me long la ni gzugs brnyan bzhin/ /sgyu ma'i sku ni mtshon par bya/ /mdog ni 'ja' tshon dang 'dra ba/ /khyab pa nyid kyi chu zla bzhin/ /dri med gsal ba me long la/ /gzugs brnyan rab tu snang ba ste/ /dngos dang dngos min dang bral ba/ /rdo rje sems dpa' legs bris pa//rnam pa thams cad mchog dang ldan/ /mchog ni mi shes sku mnga' ba/ /slob ma bzang la gang bstan pa/ /de ni bdag byin brlab par bshad/ /zhes bya ba la sogs pa 'byung ngo / /'di ni rdo rje thams cad kyi/ /zhes bya ba ni/ rdzogs pa'i rim pa'i rnal 'byor pa rnams kyi/mi phyed sku gsum ni sgyu ma lta bu'i ting nge 'dzin no/ /bsgom pa ni ldang ba'o zhes tshig gi lhag ma'o/ /'dod chags ni snying rje ste de nyid kyi rigs ni sems can dang chos dang dmigs pa med pa'i dbye ba rnams so/ /snying rje de lta bu rnam pa gsum gyis gang zhig dam tshig ni sgyu ma lta bu'i sku blang ba ste/de nyid rnal 'byor pas bsgom par bya ste/ bdag la byin gyis brlab pa'o/ /nam mkha'i dbyings zhes bya ba la sogs pa la/ nam mkha'i dbyings ni 'od gsal ba'o/ /de'i dbus su gnas pa'i sangs rgyas ni/ 'dod chags dang /'dod chags dang bral ba dang / 'dod chags bar ma rnams te/ de rnams kyi dkyil 'khor ni de dag gsum po bsgom par bya ba ni bzhugs par bya'o/ /rdo rje thogs med ni bzhi pa ste lhan cig skyes pa bsgoms la/ sangs rgyas thams cad ni smig rgyu la sogs pa'i mtshan ma lnga bsgom par bya ba ni mtshon par bya ba'o//de'i rjes la thams cad gzugs ni 'dod chags la sogs pa'i ming du byas la dus mtshams dang mtshan mo dang nyin mo rnams te/ de dag rdo rje tshig gi brdzun smra ba ni bden pa ma yin pa'i 'du shes kyis stong pa nyid du bsgom par bya'o//de ltar byas nas rgyal ba ni phung po rnams dang / rgyal ba'i gnas ni khams dang skye mched rnams te/ de dag bslu bar bya ba ni 'od gsal ba la zhugs par bya'o/ /'di ni sangs rgyas thams cad kyi/ /zhes bya ba ni 'dod chags la sogs pa'i skad cig ma rnams kyi gsung ni man ngag gis thob pa'i nam mkha' ni bzhi pa'o//ji lta bu zhe na/ dri ma med pa zhes pa ni rang bzhin gyis dag pa'o/ /de bzhin du sngags ni rnal 'byor pa rnams te/ de rnams kyi dngos grub ni bla na med pa'i mngon par byang chub pa ste/ de ster bas na sngags kyi dngos grub thob pa'o//ye shes blo can ni bskyed pa'i rim pa'i rnal 'byor pa rnams so/ /gsang ba ni de dag la sba bar bya ba'o / /dam tshig ni phung po la sogs pa la 'gugs pa la/ rigs ni phul du byung ba ste/ ril por 'dzin pa'i ting nge 'dzin no/ /dam tshig gi de kho na nyid ni rjes su 'jig pa'i ting nge 'dzin no//ting nge 'dzin de dag gi spro ba ni ril po 'di bsgom par bya'o/ /don ji bzhin du ni gal te 'dod chags la sogs pa'i rim pas bstan par ma gyur na de'i tshe ting nge 'dzin gnyis pos bstan par bya ste/ mngon par byang chub pa'i rim pa'o//nam mkha'i dbyings zhes bya ba la sogs pa la/ nam mkha'i dbyings ni mngon par byang chub pa'i rim pas thob pa'i thams cad stong pa nyid kyi go 'phang ngo / /de'i dbus su gnas pa dam tshig gi dkyil 'khor ni de las ldang ba'i rdo rje 'chang chen po'i sku bsgom par bya'o/ / ji lta bu zhe na/ dkon mchog ni kun rdzob dang don dam pa ste/ de dag gi dpal ni gnyis su med par byed pa'i rtags so/ /sangs rgyas thams cad ni spro ba dang bsdu ba bsgom par bya'o/ /rtsub pa'i ngag ni khros pa'i tshig rnams dang / sogs pa'i sgras ni snyan pa'i tshig rnams te/ de dag brten pa ni dbyer med pas blta bar bya'o//de yang nye bar mtshon pa tsam yin la/ rnyed pa dang mi rnyed pa la sogs pa'i chos rnams dang / bram ze la sogs pa'i rigs dang / gtsang ba dang mi gtsang ba la sogs pa'i rdzas rnams mnyam par bltas nas / ye shes ni mi gnas pa'i mya ngan las 'das pa'i ting nge 'dzin thob par gyur pa ni rnyed par 'gyur ba ste zung 'jug gi rim pa'o//de bzhin gshegs pa thams cad ni rim pa lngas thob pa'i byang chub bo/ /de nyid mi slob pa'i phyir rdo rje ste/ de nyid dgod pa ni rim gyis bsgom pa gang las byung ba de ni de bzhin gshegs pa thams cad kyi rdo rje bkod pa ste/rdo rje 'chang chen pos de skad ces bka' stsal to zhes snga ma dang 'brel to/ /rab tu byed pa las kyang / zung 'jug ting 'dzin la gnas par/ /slar yang cung zad mi slob pa/ /'di ni rdzogs pa'i rnal 'byor grags//de yang rdor 'chang chen po nyid/ /rnam pa thams cad mchog dang ldan/ /thams cad mkhyen pa de las skyes/ /zhes bya ba la sogs pa 'byung ngo / /dam tshig lnga thos ma thag tu byang chub sems dpa' rnams kyis ci smra ba de nyid bshad par bya ba'i phyir/ de nas zhes bya ba la sogs pa gsungs te/ de bzhin gshegs pa thams cad kyi rigs las byung ba'i dam tshig rdo rje'i dpal ni sgrib pa thams cad rnam par sel ba'o/ /de dang po gang la yod pa de ni de bzhin no/ /byang chub sems dpa' ni byang chub sems dpa' dang ldan pa'o//de rnams srog gcod pa la sogs pa'i sgra thos nas ngo mtshar du gyur pa'o/ /de byas na yang byang chub thob ste rmad du gyur pa'o/ /'di ni ngag gi lam gyis rdo rje'i tshig ni khros pa gtso bor gyur pa'i tshig ste/ ma rtogs pas byas pa'i ku co smras so/ /de bzhin gshegs pa thams cad kyi bdag po ni rdo rje sems dpa' rdo rje'i tshig 'di ci'i slad du gsung ba ni bstan par mi rigs so zhes pa dang sbyar ro//rdo rje'i tshig ji lta bu zhe na/ 'jig rten thams cad ni nyan thos pa la sogs pa nas bya ba'i rgyud la sogs pa'i tshul la zhugs pa ste/ de las 'das pa ni de rnams kyis spangs pa'o/ /de bzhin du khams gsum ni sku gsum gyi ngo bo bcom ldan 'das kyis kyang spangs pa'o/ /byang chub sems dpa' thams cad dang / de bzhin gshegs pa ni sa bon thob pa'i 'khor gyi nang du ngo mtshar ba ni sngar ma thos pa'i tshig gi lam ni nyid kyi zhal gyis gsung ba de ni mi rigs so//bcom ldan 'das rdo rje 'chang chen po'i dgongs pa rtogs nas de bzhin gshegs pa rnams kyis ji bzhin byang chub sems dpa' rnams kyi the tshom gcod pa de bzhin du bshad par bya ba'i phyir/de nas zhes bya ba la sogs pa gsungs te/ de bzhin gshegs pa thams cad ni mi bskyod pa la sogs pa'o/ /brjod kyis mi lang ba zhes bya ba la sogs pa ni sngar bshad zin to/ /de bzhin gshegs pa de rnams kyis byang chub sems dpa' de dag la 'di skad ces bka' stsol te/rigs kyi bu zhes bya ba la sogs pa la rigs kyi ni rdo rje'i rigs la sogs pa ste/ de la bu ni de'i rigs dang ldan pa'o/ /dman pa'i 'du shes ni nyan thos kyi theg pa pa bzhin du chung ba'i yid dang smad pa'i 'du shes ni mi sdug pa bsgom pa bzhin du smod pa'i 'du shes ma bskyed cig ces pa ni skyed par ma byed cig /de ci'i phyir zhe na/ rdo rje la sogs pa'i rigs dang ldan pa'i byang chub sems dpa' rnams kyi rgya che ba rnams kyis mtshan nyid kyi spyod pa gang yin pa de nyid ni/ re zhig nyan thos la sogs pa la ltos nas spyod pa mchog go/ /de'i rjes la de bzhin gshegs pa ni de kho na nyid rtogs pa rnams kyi gang zhig spyod pa ni spros pa la sogs pa'i dbye ba rnam pa gsum ste/de nyid sngags kyi tshul la de nyid spyod pa yin no zhes ston to/ /de ltar na byang chub sems dpa'i spyod pa dang de bzhin gshegs pa'i spyod pa ste/spyod pa gnyis kho na sngags kyi spyod pa bstan to/ /nyan thos pa la sogs pa'i spyod pa des ni/ sngags kyi spyod pa ma yin no zhes tshig gi don to/ /de ni 'di bshad pa yin te/ khyed rnams ni byang chub sems dpa' ste sa bcu'i dbang phyug go/ /de bas na khyed rnams kyi rigs ni spyod pas shes par 'gyur te/de bas na de bzhin gshegs pa'i rigs dang ldan pa'i phyir khyed rnams kyi spyod pa gang yin pa de ni de bzhin gshegs pa'i dgongs pa yin no/ /lang kar gshegs pa las kyang / du ba la ni mer shes dang / /chu skyar las ni chur shes bzhin//byang chub sems dpa' blo ldan pa'i/ /mtshan ma rnams ni rigs zhes 'gyur/ /zhes 'byung ba ste sgrub pa'o/ /de bas na sngags kyi spyod pa zhes bya ba gal te 'gal ba'i tshig gi sgo nas bstan na de tsam gyis dman pa dang / smod pa'i 'du shes skye ba ni mi rigs so//de bzhin gshegs pa rnams ni zur gyi tshig gis sngags kyi spyod pa bstan gyi/ rab tu grags pa'i sgra'i sgo nas ni ma yin no/ /dper na/ pha dang ma ni bsad pa dang / /rgyal po dang ni gtsang sbra gnyis/ /yul 'khor bcas pa bsad na ni/ /mi de dag par 'gyur zhes bshad//ces 'byung ngo / /'o na rnal mo'i don spangs nas gtso bo ma yin pa don ci'i phyir brten par bya zhe na/ smras pa dgos pa'i dbang gis ni / de la mtshon par byed pa'i sgra ni rnam pa gsum ste/ gtso bo'i don 'gal ba dang rgyu dang mtshan dang dgos pa'o//dper na mi'i seng ge bzhin no/ /sen mo la sogs pa dang ldan pa la mi mi 'jug na yang de'i ngo bo gzhi mthun pas brjod de/ gtso bo mi de dang 'gal ba'o/ /dpa' bo la sogs pa'i yon tan gyi khyad par gyis de'i ngo bo yin no zhes rgyu mtshan no/ /de'i gzugs seng ge bzhin du mthong nas gzhan rnams 'jigs par 'gyur ro zhes dgos pa'o//de ltar mtshon par byed pa'i sgra rnams ni rnam par gnas so/ /'dir sred pa la sogs pa nyon mongs pa gang yin pa de rnams ma ma la sogs pa'i sgra rnams kyis bstan to zhes gtso bo'i don dang 'gal ba'o//ma la sogs pa bcings par byed pas na de'i ngo bo yin no zhes rgyu mtshan no/ /nyan thos pa la sogs pa'i rigs kyis de'i don ma rtogs pa de dgongs pa'o/ /de bas na mtshon byed kyi sgra'i sgo nas gal te/ bcom ldan 'das kyis gsang ba'i don ston na/de'i phyir khyed rnams ngan par gsungs pa'o zhes rtogs pa yin no/ /kye byang chub sems dpa' rnams de bzhin gshegs pa rnams kyi chos nyid nyon cig /'di lta ste zhes bya ba la sogs pa la/ 'di lta ste zhes pa ni tshig phrad kyi tshogs so/ /dper na zhes pas ni don bshad pa yin te/rigs kyi bu zhes pa ni bod pa'i tshig go/ /nam mkha' ni 'byung ba chen po lnga pa ste/ thams cad ni 'gro ba dang mi 'gro ba'i bdag nyid kyi khams gsum la rjes su song ba ni khyab cing gnas pa'o/ /chos thams cad kyang zhes pa ni/bems po dang bems po ma yin pa'i dngos po de rnams nam mkha'i khongs su gtogs pa ni nam mkha' de nyid la brten te gnas pa yin no/ /de ltar na chos thams cad nam mkha' dang lhan cig tu de'i bdag nyid kyis 'brel pa bstan to/ /chos de rnams dpyad pa yin na/'dod pa'i khams ni gnas nyi shu'i bdag nyid de/ de la mi gnas pa'o/ /gzugs kyi khams ni rnam pa bcu bdun te/ de la yang mi gnas pa'o/ /gzugs med pa'i khams ni rnam pa bzhi ste/ de la yang mi gnas pa ste/ chos thams cad nam mkha'i rang bzhin yin pa'i phyir de las so sor mi dmigs so//gal te de rnams so sor dmigs par gyur pa yin na de'i tshe nam mkha' khyab par byed par ma gyur pa yin pa dang / med pa mi 'byung ba yang 'jig par 'gyur ba yin no/ /de bzhin du 'byung ba chen po bzhi ni sa la sogs pa bzhi po la yang so sor gnas par mi dmigs pa ste/de'i bdag nyid kyi 'brel pa kho nas so/ /de'i phyir rigs kyi bu chos thams cad ni phung po la sogs pa yang de ltar rjes su rig par bya ba ni shes par bya'o/ /dpe bstan nas dpe las byung ba bshad par bya ste/ don gyi dbang 'di ni nam mkha' gnyis su med par mkhyen nas dpe nyid du blangs te/de bzhin gshegs pa thams cad ni rdo rje 'chang chen pos sems can rnams ni nyan thos la sogs pa'i rigs can gyi bsam pa ni sna tshogs pa'i nyon mongs pa dang nye ba'i nyon mongs pa'i sems mkhyen nas/ chos bstan par mdzad de/nad pa la nad dang rjes su mthun pa'i sman sman pas sbyin pa bzhin no/ /de bas na rigs kyi bu rnams de bzhin gshegs pa'i dam tshig ni lnga ste/ gang zhig srog gcod pa la sogs pa'i mi dge ba'i las kyi lam du bstan pa ste/ de rnams kyi nam mkha'i tshig nges par brjod pa ni dngos po med pa'i rang bzhin gyis 'od gsal ba'i bdag nyid du shes par bya'o//dper na dam tshig lnga'i lam gyis bsgrub bya rnams dang / sgrub par byed pa gang yin pa de dag 'od gsal ba la thim par 'gyur ro/ /gang zhig dam tshig ni bsgom pa'i ngo bo dang /gang zhig bsgrub bya ni bsgom pa dang / gang zhig sgrub byed ni bsgom pa po ste/ de dag thams cad 'od gsal ba de'i bdag nyid kyis gnas par gyur te/ dngos po med po'i theg pa la zhugs pa rnams kyi gsad bya dang / gsod par byed pa dang / 'phrog bya dang / 'phrog byed dang /'dod bya dang 'dod par byed pa la sogs pa'i bya ba rnams mi dmigs pa'i phyir te/ sgyu ma'i rnam pa bzhin du dngos po thams cad mthong bas so/ /bcom ldan 'das ma las kyang / ji ltar sprul pas sprul pa yi/ /grong khyer mthong bar gyur pa ste/ /las kyi sprul pa'i 'gro ba yis//gzugs rnams de ltar mthong ba yin/ /zhes gsungs so/ /gzhan las kyang / drag po nyer 'gro rig pa ni/ /skad cig nyid la'ang mi 'dod na/ /gsad bya med cing gsod byed med/ /tshul 'di la ni smos ci dgos/ /zhes bya ba la sogs pa 'byung ngo //de'i bdag nyid kyi 'brel pa bstan nas/ de las byung ba'i 'brel pas chos thams cad rang bzhin med pa nyid du bstan par bya ba'i phyir/ 'di ltar zhes bya ba la sogs pa gsungs te/ gtsub stan ni 'og ma'i shing ngo / /gtsub shing ni steng gi shing ngo / /mi'i lag pa bskyod pas ni me skyed par byed pa'i thabs te/de dag gsum po la brten te/ me 'byung bar 'gyur ro/ /me de nyid dpyad na gang las kyang de ma bskyed par blta ba yin te/ dper na me de nyid gtsub stan la mi gnas pa ni gtsub shing med pa na de las mi 'byung ba'i phyir ro/ / gtsub shing la yang mi gnas pa ni gtsub stan med na de med pa'i phyir ro/ /de nyid med na mi'i lag pa bskyod pas bskyed par mi 'gyur te/ de la yang mi gnas pa'o/ /'on kyang tshogs pa la brten nas me skyed par 'gyur te/ gcig ni gang yang rung ba skyed par byed pa ma yin te/ tshogs pa ni skyed byed yin no/ /de'i phyir gang zhig 'di tshogs pas skyed pa de ni 'byung ba ma yin te phan tshun du ltos pa'i phyir ro/ /ji skad du/ de de rten las gang byung ba/ /de ni ngo nyid ma skyes pa/ /gang zhig ngo nyid kyis ma byung / /de ni byung ba ji ltar yin//zhes bya ba la sogs pa 'byung ngo / /dpe las ma byung ba bshad par bya ste/ de bzhin du rigs kyi bu zhes pa ni bod pa'i tshig go/ /de bzhin gshegs pa thams cad kyi dam tshig ni lnga ste/ de rnams de bzhin du shes par bya'o/ /dper na bsgrub bya dang / sgrub byed dang /sgrub pa rnams mi dmigs pa'i tshul gyis bya bar gyur pa gang yin pa thams cad de ni 'od gsal ba'i go 'phang thob par byed pa yin te/ 'khor gsum rnam par dag pas sbyin pa la sogs pa'i pha rol tu phyin pa spyod pa bzhin no/ /'gro ba dang 'ong ba la sogs pa yang de bzhin du shes par bya ste/'gro ba ni chos thams cad 'od gsal ba la zhugs pa dang / 'ong ba ni de nyid las byung ba'o/ /rab tu byed pa las kyang / ji ltar dngas pa'i chu dag las/ /zhes bya ba la sogs pa 'byung ngo / /de lta bu dpyad cing rnal 'byor pas bcings pa grol ba dang /bsod nams dang / sdig pa dang / de bzhin gshegs pa dang so so'i skye bo rnam par gzhag pa ni rtogs par mi 'gyur te/ sprul pa bzhin du des ni chos thams cad snang ba'i phyir ro/ /ji skad du/ smig rgyu rmi lam sgyu ma chu zla 'dra ba'i srid pa gsum/ /tha mar 'gag phyir yod min byung phyir gzhan min gnyis ka min//'byung dang gnas dang 'jig 'brel dang bral dngos de de phyir brtag /rten med pa'i blo'i 'khor dang thar pa cung zad dbye bya med/ /ces 'byung ngo / /'on kyang glo bur ba'i dri ma sbyang bar bya ba'i phyir rtsol ba dang bla ma dang slob ma'i rim pas bcom ldan 'das kyis rab tu bstan to//dmigs pa med pa'i bstod pa las kyang / ji ltar 'o ma dngas pa yis/ /mar gyi snying po mthong mi 'gyur/ /de bzhin nyon mongs dang 'dres pa'i/ /chos kyi dbyings ni mthong mi 'gyur/ /ji bzhin 'o ma sbyangs pa las//mar gyi rdzas ni dri med 'byung / de bzhin nyon mongs sbyangs nas ni/ /chos kyi dbyings ni dri med 'byung / /zhes bya ba la sogs pa 'byung ngo / /de bas na rigs kyi bu rnams sngags kyi spyod pa de bzhin du shes par gyis shig ces tshig gi lhag ma'o / / rdzogs pa'i rim pa'o/ /de bzhin gshegs pa'i gsung 'das ma thag tu de nas byang chub sems dpa' de dag ces pa sgrib pa thams cad rnam par sel ba la sogs pa ste/ ngo mtshar du gyur pa ni de'i bdag nyid kyi 'brel pa'i dpe nye bar mtshon pa'i dngos po med pas so/ / rmad du byung ba ni de las byung ba'i 'brel pa'i dpe nye bar mtshon pa'i dngos po med pas so/ /de'i don thos nas ngoms shing tshim pa ste/ de nyid bsams nas mig gdangs te/ de nyid bsgoms pa'i stobs kyis tshig 'di ni bsgom par bya ba yin na yang / dga' ba'i dbang gis phyi rol du byung ba'i chos nyid ston par byed pa'i tshig smras so zhes ston to//rmad byung chen po'i chos rnams ni/ /zhes bya ba la sogs pa la/ gang zhig 'dir chos rnams ni phung po lnga la sogs pa ste/ de rnams rmad byung chen po ni skye ba dang 'jig pa dang gnas pa'i tshul gyis gnas pa'o//de rnams don dam par dpyad na/ nam mkha' dang mtshungs pa ni stong pa nyid kyi rang bzhin yin no/ /mtshan ma med pa'i phyir rnam par mi rtog pa'o/ /smon pa med pa'i phyir dag pa ste/ de lta bu'i dngos po rnams la 'gro ba'i don mdzad pa'i phyir dang /glo bur gyi dri ma dag pa'i phyir bcom ldan 'das rdo rje 'dzin gyis skye ba ni lha'i rnam pa rdzogs pa dang / dam tshig dang sngags kyi rnam pa sna tshogs pa nyid dang / spros pa ni phul du byung bas rigs la sogs pa'i dbye bas gdul bar dka' ba dang / ser sna can dang /'dod chags dang ldan pa dang / dam tshig nyams pa'i sems can rnams gsod pa la sogs pa'i las dang sgom pa gsungs pa de ni ngo mtshar ba'o/ /bdag cag gi de kho na nyid rtogs pa ste/ the tshom dang bral ba'o/ /drin ni mchog yin no/ /snying rje chen po bdag nyid kyi rdo rje 'chang chen po khyed la phyag 'tshal 'dud ces byang chub sems dpa' rnams kyis smras te/ci yang ma gsungs so/ /de ni rdzogs pa'i rim pa dang / bdag la byin gyis rlob pa dang / sgrub pa rnams so/ /don dam pa ni de bzhin gshegs pa rnams te/de dag gi dag pa'i de kho na nyid ni rigs kyi dbye bas srog gcod pa la sogs pa byed pa rnams phye mar brlag pa la sogs pa ste/ de nyid de kho na nyid kyi don ni nges pa'i don gang zhig dam tshig ni ting nge 'dzin lnga'i le'u gang la yod pa de bstan par byed pa'i gzhung gi tshogs ni don dam pa'i dag pa'i de kho na nyid kyi don gyi dam tshig gi le'u zhes bya'o// rgyud 'grel las le'u dgu pa'i tshig gi don bcu drug gi bshad pa'o/ / le'u dgu pa'i tshigs su bcad pa'i grangs ni nyis brgya drug cu'o// // drag shul gyi rnal 'byor gyis kyang gang gis dngos grub ma thob na de rnams sngags la mos pa dang ldan pas snying po bskul ba'i lam gyis byang chub 'grub par byed pa yin te/ de'i phyir de bzhin gshegs pa thams cad kyi snying po bskul ba zhes bya ba'i le'u bstan par bya ba'i phyir/de nas zhes bya ba la sogs pa gsungs te/ de bzhin gshegs pa thams cad ni mi bskyod pa la sogs pa'o/ /de rnams yang 'dus te/ bcom ldan 'das la 'di skad ces gsol to zhes pa ni gsol ba gdab pa'i tshig smras so zhes 'brel pa'o//nyon mongs pa'i bdud la sogs pa 'joms par mdzad pas na/ bcom ldan 'das so/ /de ji lta bu zhe na/ dam tshig chen po ni yi ge oM la sogs pa'i sngags rnams so/ /rdo rje ni de rnams kyis de bskul bas de kho na nyid mngon par rdzogs pa'i byang chub ni de bzhin gshegs pa rnams kyi sku gsung thugs kyi gsang ba ni sku gsung thugs kyi snying po 'gugs par mdzad do //de bzhin du de bzhin gshegs pa ni rnam par mi rtog pa'i ye shes dang / las kyi dbang nyid thob pa'o/ /de lta bu'i rdo rje 'dzin la phyag 'tshal ba ni de dang gnyis su med pa'i ngo bor zhugs te 'di skad ces gsol to//de nyid sngags snying kun bsdus pa/ /zhes bya ba la sogs pa la/ kye bcom ldan 'das de nyid ni don dam pa bshad du gsol/ ji lta bu zhe na/ sngags ni A li dang kA li'i ngo bo yi ge phyi mo de nyid kyi snying po ni A la sogs pa brgyad do//de rnams bsdus pa ni a ka tsa Ta ta pa ya sha ste/ de rnams kyang bsdus pa ni bud med la sogs pa'i dbye bas yi ge gsum mo/ /de nyid kyi phyir sku gsung thugs ni/ de bzhin gshegs pa gsum ste/de rnams kyis gsang bar bsgrags pa ni gsang ba'i snying po'o/ /de bzhin du dngos grub chen po ni rdo rje 'chang gi dngos grub ste/ de nyid kyi tshul gyi mchog ni phul du byung ba'i lam yin no zhes ston to/ /de ni bskyed pa'i rim pa'o/ /de bzhin gshegs pa rnams kyis gsol ba btab ma thag tu rdo rje 'chang chen pos gsungs pa'o zhes sdud pa pos bshad par bya ba'i phyir te/de nas zhes bya ba la sogs pa la/ rdo rje ni yi ge gsum 'dzin pas na rdo rje 'dzin te bskyed pa'i rim pa'o/ /rdo rje ni sngags kyis bskul bas nus pa 'gugs pa 'dzin pa mdzad pa ste rdo rje 'dzin no//de ni las rgyal ba mchog go/ /rdo rje ni sems dpa' gsum gyi bdag nyid kyi sku ste/ de nyid 'dzin pa ni skyed par mdzad pas na rdo rje 'dzin no/ /de ni dkyil 'khor rgyal bya mchog go/ /de bzhin gshegs pa thams cad kyi nus pa 'gugs pas ni rgyal ba'o//nyon mongs kun ni de'i rnam par dag pa'i ngo bo de bzhin gshegs pa rnams te/ de nyid rigs brgya'i dbye ba mang ba'i phyir rgya mtsho ste/ de rnams kyi gtso bo ni spro ba dang bsdu ba las dbang dang ldan pa'o/ /'bar ba ni 'bar ba'i ngo bo lha mo rnams bskyed pa'i phyir ro//drag po ni khro bo rnams te/ de bskyed pa'i phyir drag po'o/ /spyan ni yangs pa lnga po gang la yod pa de ni spyan yangs pa'o/ /de lta bu'i bcom ldan 'das kyis 'di skad ces bka' stsal te/ lus dang ngag dang yid rnams dang / /zhes bya ba la sogs pa/lus la sogs pa gsum po gang yang yin pa de nyid de bzhin gshegs pa'i rang bzhin yin pa'i phyir rdo rje ste/ de nyid sku gsung thugs kyi rang bzhin de bzhin gshegs par bsgom par bya'o/ /gzhan yang lha'i rnam pa brtan par gyur na/rnam par mi rtog pa ni spros pa med pa'i sems so/ /mi dmigs pa ni dmigs pa dang bral ba'i ngag go/ /khams gsum pa mnyam pa'i phyir mnyam pa nyid kyi ngo bo ni lus so/ /de rnams de lta bur sgom par bya ste/ bskyed pa dang rdzogs pa'i rim pa dag go//yang na lus la sogs pa ni tha mal pa'i phyir rdo rje ste bstan pa'o/ /de rnams sku la sogs pa'i stong pa nyid kyis bsgom pa ni bsam bya'o/ /ji ltar zhe na/ rnam par mi rtog pa ni stong pa nyid do/ /mi dmigs pa ni mtshan ma med pa'o/ / mnyam pa nyid ni smon pa med pa'o/ de ltar rnam par thar pa'i sgo gsum gyis/ lus la sogs pa bsgom par bya ba ni gang du yang mi gnas zhes sgom mo/ /de ni dang po sbyor ba'o/ /yang na lus la sogs pa ni dang po ting nge 'dzin gyis stong pa nyid du 'gyur ba'i phyir mi phyed pas na rdo rje'o//de rnams sku gsung thugs kyi ngo bo zhal gsum dang phyag drug gi rnam pa'i rdo rje sems dpa' dang lhan cig tu dbyer med par bsgom par bya'o/ /rnam par mi rtog pa ni de bzhin gshegs pa rnams dang mi dmigs pa ni lha mo rnams dang /mnyam pa nyid kyi ngo bo ni phyogs bcu la mnyam pa nyid kyis gnas pa'i khro bo rnams dang lhan cig tu bsgoms la/ gang na yang mi gnas pa ni thog ma dang tha ma med pa'i ngo bo chos 'byung gi phyag rgya gzhir gyur pa'i gzhal yas khang pa la zla ba dang nyi ma la sogs pa'i gdan la zhugs pa'i dkyil 'khor bsgom par bya ste/dkyil 'khor rgyal ba mchog go/ /lus la sogs pa'i rdo rje ni bdag dang dkyil 'khor pa rnams sku gsung thugs bsgom pa ni sku la sogs pa'i sa bon rnams kyis byin gyis brlabs la de'i rjes la rnam par mi rtog pa ni gsum mi dmigs pa'i bsam pas bstod la/mi dmigs pa ni mchod bya dang mchod byed dang mchod pa dang bral ba'i bsam pas mchod pa byas la/ mnyam pa nyid ni sbyang ba la sogs pa'i rim pas bdud rtsi lnga ro gcig par byas la/ gang na yang mi gnas pa ni de nyid rdo rje 'chang chen po'i ngo bor myang bar bya ste/ las rgyal ba mchog go/ /de bzhin du lus la sogs pa ni yi ge gsum ste/ de nyid rnam par snang mdzad la sogs pa'i rang bzhin yin pa'i phyir rdo rje'o/ /de rnams sku gsung thugs ni 'jug pa dang gnas pa dang ldang ba'i rim pas bsgoms la/rnam par mi rtog pa ni chos kyi dbyings kyi ye shes dang / mi dmigs pa ni so sor rtog pa'i ye shes dang / mnyam pa nyid ni me long lta bu'i ye shes bsgom par bya'o/ /de nas ye shes kyi rnam par rtog pa yang spangs la 'jug pa la sogs pa la nye bar bsdus te/gang na yang mi gnas pa ni ma ning gi bzlas par bya'o/ /rab tu byed pa las kyang / don rtogs pa yi bzlas pa yis/ /zhes bya ba la sogs pa gsungs te/ rdo rje'i bzlas pa'i rim pa'o/ /yang na lus la sogs pa rgyu yin pa'i phyir/lus ngag yid ni rnam par shes pa gsum ste/ de nyid nyon mongs pa dang ldan pa'i phyir rdo rje'o/ /de rnams sku la sogs pa nya bar bsdu ba'i rang bzhin 'od gsal ba bsgom pa ni zhugs par bya'o/ /ji ltar zhe na/ rnam par mi rtog pa ni snang ba'i ye shes dang /mi dmigs pa ni snang ba mched pa'i ye shes dang / mnyam pa nyid ni snang ba nye bar thob pa'i ye shes te/ ye shes gsum po de dag gi rim pas rnam par shes pa de rnams 'od gsal ba la bzhugs shing gang na yang mi gnas pa ni 'od gsal ba de nyid kyi ngo bor bsgom par bya ste/sems rnam par dag pa'i rim pa'o/ /de bzhin du sku la sogs pa ni sgyu ma lta bu'i ngo bo yin pa'i phyir rdo rje ste sku la sogs pa nye bar bsdu ba'i rang bzhin 'od gsal ba las cig car du bsgom pa ni spro bar bya'o/ /rnam par mi rtog pa ni sgyu ma lta bu dang mi dmigs pa ni me long gi gzugs brnyan dang 'dra ba dang /mnyam pa nyid ni chu zla dang 'dra ba dang / gang na yang mi gnas pa ni yod pa dang med pa las 'das pa'i ye shes kyi sku ste/ de nyid bsgom par bya'o / /bdag la byin gyis brlab pa'i rim pa'o//yang na lus la sogs pa ni/ 'dod chags dang / 'dod chags dang bral ba dang / 'dod chags bar pa'i rang bzhin rnams so/ /de nyid 'khor ba pa rnams kyis mi phyed pa'i phyir rdo rje ste/ de rnams sku gsung thugs ro gcig par gyur pa'i bzhi pa dang lha na cig tu bsgom par bya'o//gal te de ltar byas na yang de kho na nyid brtan par mi 'gyur na/ de'i tshe rnam par mi rtog pa ni ril por 'dzin pa dang / mi dmigs pa ni rjes su gzhig pas bsgom zhing mnyam pa nyid kyi ngo bo 'dod chags dang / 'dod chags bral ba dang bsre bar gyur pa gang du yang mi gnas pa ni de kho na nyid rnal 'byor pas snang bar 'gyur te/mngon par byang chub pa'i rim pa'o/ /de bzhin du sku gsung thugs ni rdo rje 'chang chen po dang mnyam pa'i phyir rdo rje ste/ lus ngag yid ni khams gsum pa dang lhan cig tu byas nas bsgom par bya'o//rnam par mi rtog pa ni kun rdzob kyi bden pa dang / mi dmigs pa ni don dam pa'i bden pa dang / de dag mnyam pa nyid ni dbyer med par byed par de'i ngo bo dang / gang na yang mi gnas pa ni 'khor ba dang mya ngan las 'das pa dag la mi gnas par rdo rje 'chang chen po'i sku bsgom par bya ste zung 'jug gi rim pa'o//de bzhin du sku gsung thugs rdo rje ni chos 'byung gi phyag rgya dang ldan pa'i shes rab ma'o/ /lus la sogs pa skyed par byed pa'i rdo rjes nye bar mtshon pa'i rnal 'byor pas bsgom pa ni yang dag par sbyor ba'o//rnam par rtog pa 'joms par byed pa'i phyir rnam par mi rtog pa ni a ling+ga na'o/ /yid mi bde ba'i dmigs pa la gnyen po yin pa'i phyir/ mi dmigs pa ni tsum+ba na'o/ /rtsa rnams ro gcig par byed pa'i phyir mnyam pa nyid bskyod pa'o//gang na yang mi gnas pa ni 'ja' tshon dang 'dra ba bsgom pa'o/ /de rnams bya ba ste rang bzhin no/ /de bzhin du sku gsung thugs kyi rdo rje ni chos 'byung gi phyag rgya ste/ lus ngag yid ni rdo rje ste/ de nyid kyi bsgom pa ni de dang yang dag par sbyor zhing / de'i tshe rnam par mi rtog pa ni rtsa zla ba ma dang / mi dmigs pa ni rus sbal ma ste/ de dag mnyam por byas la/ mnyam pa nyid ni 'dod pa'i gdugs ma ste/ de rnams rdo rje dang pad+ma yang dag par sbyor bas/ gang na yang mi gnas pa ni dmigs pa med par skyed par 'gyur te rgyu'o//de bzhin du sku gsung thugs ni khams rnams kyi gnas yin pas sku gsung thugs ni pad+ma'o/ /rdo rje ni gsang ba'i rdo rje'o/ /de dag lus ngag yid ni hUM dang phaT la sogs pa'i sa bon gyis byin gyis brlab par byas la/ rnam par mi rtog pa ni pad+ma bskyod pa dang /mi dmigs pa ni rdo rje bskyod pa dang / mnyam pa nyid ni gnyi ga bskyod pa ste/ de rnams byas la gang du yang mi gnas pa'i bde ba chen po thob par gyur te las so/ /de bzhin du sku gsung thugs kyi rdo rje ni byang chub sems kyi thig le ste/ de nyid lus ngag yid ni rdo rje'i rtse mor bsgom pa ni 'dzin par bya'o//rnam par mi rtog ni dga' ba zad pas mi dmigs pa ni mchog tu dga' ba med pa dang / mnyam pa nyid ni dga' bral dang mi dmigs pas/ gang na yang mi gnas pa ni bde ba chen po'i rang rig par bsgom par bya ste 'bras bu'o//sku gsung thugs kyi rdo rje ni dbang po rnams te/ de dag lus ngag yid ni yul rnams dang gcig tu byas la/ bsgom pa ni 'dod pa spyad par bya'o/ /rnam par mi rtog pa ni dman pa'i 'du shes dang bral ba dang / mi dmigs pa ni bar pa'i 'du shes dang bral ba dang /mnyam pa nyid ni mchog gi 'du shes dang bral zhing gang na yang mi gnas pa ni rdo rje 'chang chen po'i ngo bos yul de rnams spyad par bya ste/ so sor sdud pa'o/ /de bzhin du sku gsung thugs kyi rdo rje ni yul dang dbang po rnams te/ de dag lus ngag yid ni de bzhin gshegs pa dang lhan cig tu byas la bsgom par bya'o//rnam par mi rtog pa dang / mi dmigs pa dang mnyam pa nyid dang / gang na yang mi gnas pa ni rim pa ji lta ba bzhin du rtog pa dang / dpyod pa dang / dga' ba dang / bde ba dang / sems rtse gcig pa nyid gong nas rim pas yongs su spangs te/ bsam gtan la gnas par bya ste bstan no/ /sku gsung thugs kyi rdo rje ni thig le ste/ de nyid lus ngag yid ni rnam pa gsum gyi sna'i rtse mor bsgom par bya ba ni 'dzin par bya'o//ji lta bu zhe na/ rnam par mi rtog pa ni yungs kar gyi 'bras bu'i 'bru'i tshad tsam mo/ /mi dmigs pa ni don dam pa'i rang bzhin no/ /mnyam pa nyid du steng du rgyu ba dang yang nye bar bsdu ba ste/ nyin mo dang mtshan mo zo chun gyi 'khrul 'khor dang 'dra bar rgyu ba'o/ /gang na yang mi gnas pa ni/kun du 'gro ba chos kyi dbyings kyi rang bzhin blta bar bya ste/ srog dang rtsol ba'o/ /sku gsung thugs kyi rdo rje ni thig le tsam de nyid de/ lus ngag yid ni 'jug pa la sogs pa'i bya ba dang bral ba/ bsgom pa ni 'dzin par bya ste/ de'i tshe rnam par mi rtog pa ni 'jug pa'i rtog pa dang bral ba dang /mi dmigs pa ni gnas pa'i rtog pa dang bral ba dang / mnyam pa nyid ni ldang ba'i rnam par rtog pa dang bral ba dang / gang na yang mi gnas pa ni rdo rje 'chang chen po'i rang bzhin mi 'gyur ba bsgom par bya ste 'dzin pa'o//sku gsung thugs kyi rdo rje ni rdo rje 'chang chen po'i sku ste/ lus ngag yid ni de bzhin gshegs pa rnams kyi sku dang lhan cig tu byas la/ bsgom pa ni bsam pa'o/ /rnam par mi rtog pa ni sa thim pas na smig rgyu lta bu'o/ /mi dmigs pa ni chu thim pas na du ba lta bu'o//mnyam pa nyid ni me thim pas na srin bu me khyer lta bu'o/ /gang du ni rlung thim pas na mar me lta bu'o/ /mi gnas pa ni khams bzhi'o/ /rnam par rtog pa thim pas na sprin med pa'i nam mkha' lta bu'o/ /de lta bu'i sku mthong bas shin tu gsal ba rjes su dran pa skye bar 'gyur te/rjes su dran pa'o/ /de bzhin du sku gsung thugs ni kun rdzob bo/ /yang lus ngag yid ni don dam pa'o/ /bsgom pa de ni de dag gnyis su med par bsgom pa lta bu'o / /rnam par mi rtog pa ni gtsang ba dang mi gtsang ba la sogs pa'i rnam par rtog pa dang bral ba'o//mi dmigs pa ni rnam pa dang bcas pa dang rnam par rtog pa med pa'i rnam par rtog pa dang bral ba'o/ /mnyam pa nyid ni dgra dang zin la sogs pa la rang bzhin mnyam pa'o/ /gang na yang mi gnas pa ni zung 'jug gi bdag nyid kyi ting nge 'dzin bsgom par bya ste ting nge 'dzin no//de ltar rnal 'byor ro/ /sku gsung thugs gsum ni sku gsung thugs kyi rigs kyi sdom pa ste/ dkon mchog gsum la skyabs su 'gro ba dang / phyi la sogs pa dam pa'i chos nyan pa dang rdo rje la sogs pa dang / kha zas la sogs pa sbyin pa dang /mchod pa la sogs pa'o/ /lus ngag yid las byung ba'i bdud rtsi ni lus ngag yid do/ /de nyid bsgom pa ni bdud rtsi myang ba bsgom par bya'o/ /rnam par mi rtog pa dang / mi dmigs pa dang / mnyam pa nyid rnams ni sha gsum mo/ /gang yang zhes pa ni rta'o//mi gnas pa ni mi'o/ /lcags kyu 'di rnams sngags dang phyag rgya'i rim pas 'dus byas te bza' bar bya'o/ /de ni sgrub pa'o/ /de ltar snying po bskul ba'i dang po bcom ldan 'das kyi ting nge 'dzin bstan te/ snying po bskul ba la rjes su mthun pa ting nge 'dzin thob pa'o zhes bstan par bya ba'i phyir/de nas zhes bya ba la sogs pa gsungs te/ rang bzhin gyis dag pa ni rdo rje 'chang chen po'o/ /thams cad la pha rol tu phyin pa'i phyir/ pha rol tu phyin pa ni de bzhin gshegs pa thams cad do/ /sngags ni snying po'i sngags rnams so//tshul ni zhags pa dang lcags kyu la sogs pa'i sbyor bas de rnams dgug par bya'o / /de nyid yin pa'i phyir rdo rje'o/ /de zhes bya ba'i ting nge 'dzin la snyoms par zhugs te/ de bzhin gshegs pa thams cad ni mi bskyod pa la sogs pa la 'di skad bka' stsal te/bskyed pa'i rim pa'o/ /bcom ldan 'das zhes bya ba la sogs pa la/ de bzhin gshegs pa thams cad mi bskyod pa la sogs pa zhes pa ni bod pa'i don du byed tshig dang po'o/ /gzhan yang de bzhin gshegs pa zhes pa ni rtags kyi don tsam la byed tshig dang po'o//yod ces pa ni 'og nas bshad par 'gyur ba'i gzhal bya yod pa'o zhes ston to/ /de bzhin gshegs pa ni mi bskyod pa la sogs pa'o/ /de bzhin mngon par dga' ba la sogs pa'i sangs rgyas kyi zhing rnams la zhugs te/du ma ni rigs kyi dbye bas bzhugs pa gang zhig rigs ni lha mo spyan la sogs pa ste/ de rnams kyi zhi ba dang drag po la sogs pa'i dbye bas bye ba khrag khrig brgya stong dang lhan cig tu sems can ni 'dod chags la sogs pa'i rigs can gyi 'dod chags la sogs pa'i nyon mongs pa spang ba'i phyir gang zhig don ni yang dag par rdzogs pa'i byang chub ste/de nyid kyi bya ba ni smin pa dang grol ba dang brtan pa la sogs pa ste/ de nyid rol pa ni mtha' yas pa'i lus dang / ngag dang / yid dang / cha lugs la sogs pa'i dbye bas dbye bar gyur pa/phyag rgya dang / sngags dang / ting nge 'dzin dang / brtul zhugs la sogs pa dang ldan pa'i rol mo dang 'dra ba'i rol mo ston par mdzad pa ni gsal bar mdzad de/ de ltar re zhig de bzhin gshegs pa rnams sems can gyi don mdzad pa'i phyir gtso bo nyid du bzhugs pa'o//de rnams la ni bdag nyid kyi don 'di ma yin no / /phyogs bcu'i 'jig rten gyi khams nam mkha'i mtha' klas pa ni 'dod pa'i khams la sogs pa'i 'jig rten gyi khams te/ de rnams la 'dod pa'i yon tan lnga ni gzugs rdo rje ma la sogs pas rol pa ste/spros pa dang bcas pas spyod pa mdzad pa'o/ /gzhan yang dgyes pa ni spros pa med pa'i spyod pas so/ /yongs su spyod pa ni ye shes kyi phyag rgya ma'i rim pas shin tu spros pa med pa'i spyod pas so/ /de bas na sems can gyi don du de rnams rtsol ba mdzad pa yin gyi/bdag nyid kyi don du ni ma yin no/ /sems can de rnams 'dul bar dka' ba yin pa ste/ bskal pa du mas gal te sems can gcig cig snod du rung bar mdzad na de'i tshe bcom ldan 'das de rnams skyo bar mi 'gyur ro/ / ji skad du/ sangs rgyas kun gyi snying po kun/ /rdo rje 'chang chen go 'phang ste/ /dge ba 'dis ni thob 'gyur dang / /de yang 'gro bas bdag thob 'jug /ces 'byung ba dang / de bzhin du/ phyogs bcu nam mkha'i mthas gtugs par / /sems can gyi don mdzad pa'i phyir//ji ltar 'jam dpal gyis spyod pa/ /de bzhin spyod pa bdag la shog /ces bya ba la sogs pa 'byung ngo / /de bzhin gshegs pa de rnams kyang sngags kyi spyod pa la rtsol ba dang ldan pa'i rnal 'byor pa la spyan ras kyis mi gzigs so / /sngags dang spyod pa ni sngags spyod pa ste/de dag tshul ni lam mo/ /de la sngags kyi tshul ni mdor bsdus pas rnam pa gnyis te/ shes rab dang thabs kyi bdag nyid do/ /de la shes rab kyi bdag nyid ni dbyangs rnams dang / thabs kyi bdag nyid ni gsal bya rnams so/ / de rnams kyang zla ba dang nyi ma'i bdag nyid yin no/ /gzhan yang de rnams sde tshan brgyad pos rnam par shes pa brgyad rnam par dag pa'i ngo bor byung ba ste/ de rnams kyang 'byung ba chen po bzhi'i rang bzhin gyi a ka ya sha'i ngo bor byung ngo / /de rnams kyang bud med dang skyes pa dang /ma ning gi ngo bor yi ge gsum gyi rnam pa 'byung ngo / /yi ge gsum po de rnams kyang cha shas dang cha shas kyi dbye bas 'od gsal ba la thim par 'gyur te/ de ni sngags kyi rang bzhin no/ /de bzhin du sngags kyi brda ni rnam pa bcu gcig yin te/ dpal rdo rje sa 'og gi rgyud las kyang / ji skad du/ kha sbyar bcings dang zos pa dang / /ma bltas rnam par spel ba dang / /gnod dang de las thog mthar ldan/ /dbus gnas kun nas bskor ba dang / /de bzhin rnam par spel ldan dang / /de bzhin rnam spel bcings zhes pa//sngags ni rnam pa bcu gcig go/ /las rnams sgrub phyir sbyar bar bya/ /dbus gnas de bzhin zos pa dang / /kun nas bskor ba gang bshad dang / /gnon pa rnam pa gnyis brjod de/ /bri dang de bzhin gdon par bya/ /gsum por bshad pa gang yin pa//bri dang gdon par mi bya'o/ /gnod pa kun nas ming gi ni/ /sngags kyis yongs su bskor bar bya/ /dbus gnas de bzhin zos pa la/ /sngags ni phyogs su spel bar bya/ /gnon pa la ni ji skad bshad/ /de bzhin kun nas bskor shes bya//de ni bri ba'i cho gar bshad/ /bzlas pa'i cho gar bshad bya ste/ /thog mthar sngags ni gang yang rung / /dbus su mi ldan kha sbyar yin/ /dang por sngags kyi yig ldan zhing / /tha mar bsgrub bya'i ming yig bcas/ /rnam pa de ltar bzlas pa'i sngags//de ni bcing bar brjod pa yin/ /dang po oM ldan na maHmthar/ /ma lus rang bzhin shes par bya/ /dang por sngags dang ming lan cig /brjod pa rnam spel gcig par bya/ /dang por oM dang bcas pa yi / /bsgrub bya nges par sbyar bar bya/ /de nas las dang de nas sngags//gnod pa dam par gyur pa yin/ /thog mthar kha sbyar dang mtshungs shing / /dbus na sngags bcas yang na ni/ /dang por sngags ldan bsgrub bya'i ming / /lan gsum sbyar ba mkhas pa yis/ /las rnams bsgrub par bya ba'i phyir/ /de ni rnam spel yin zhes bya//sngags ni lan gsum bsgrub bya gsum/ /dang por oM dang na maHmthar/ /de ni rnam par spel ldan pa'i/ /sbyor ba yang dag brjod pa yin/ /de ni thun mong bar ma'o/ /cho ga ru ni rab tu bsgrags/ /mchog tu gyur pa'i sngags rnams la/ / rdo rje sems dpa' nges par sbyar/ /stobs chen rang bzhin bsal ba ste/ /de 'dra'i sngags ni rnam bcu gcig /gang gis shes de dngos grub snod/ /ces gsungs pa bzhin no/ /de bzhin du las kyi tshogs kyi rjes su 'brang nas sbrul la sogs pa'i brda gzhan rnams kyang shes par bya'o//de bzhin du a'i sde tshan las thung ngu lnga'i don ni mi bskyod pa la sogs pa rnams so/ /ring po'i sde tshan ni spyan la sogs pa rnams so/ /'brel pa'i yi ge ni khro bo rnams so/ /ka'i sde tshan ni sa'o/ /tsa'i sde tshan ni chu'o/ /Ta'i sde tshan ni me'o//ta'i sde tshan ni rlung ngo / /pa'i sde tshan ni nam mkha'o/ /ya'i sde tshan ni rnam par shes pa'i khams so/ /sha'i sde tshan ni sems can gyi rigs rnam pa bzhi'o/ /aM A ni kun rdzob bo/ /k+Sha ni don dam pa'o zhes bya ba la sogs pa ni sngags kyi don yin no//sngags btu ba yi ge phyi mo ste/ de yang dkyil 'khor bzhi ru dgod par bya'o/ /de la dbus su ni dbyangs bzhi dang yi ge ha'o/ /'dab ma rnams la gsal bya brgyad do/ /'di lta ste a A i I ha ni sa'i rang bzhin gyi gsang ba'i dkyil 'khor gyi dbus dang shar la sogs pa'i phyogs rnams su'o//'dab ma brgyad la ni ka kha ga g+ha tsa tsha dza dz+ha rnams so/ /de bzhin du lte ba'i dkyil 'khor gyi dbus su yi ge ha/ phyogs rnams su u U r-i r-I/ 'dab ma rnams la Ta Tha Da D+ha ta tha da d+ha'o/ /de bzhin du snying ga'i dkyil 'khor gyi dbus su ha/phyogs rnams su l-i l-I/ e ai/ 'dab ma rnams la pa pha ba b+ha ya ra la wa rnams so/ /de bzhin du lkog ma'i dkyil 'khor gyi dbus su ya ge ha/ shar la sogs pa'i phyogs rnams su o au aM A/ 'dab ma rnams la nga nya Na na sha Sha sa ma'o//dkyil 'khor bzhi po de rnams la brten nas bcom ldan 'das ma yi ge phyi mo de nyid bya ba thams cad byed de/ 'di lta ste sa'i dkyil 'khor las byung ba'i 'od zer kha dog ser po gnyi ga nas rgyu bas ni rgyas pa'o/ /g.yon nas byung ba'i ljang ser gyis ni dgug pa'o//dal bar rgyu ba'i dkar po gnyi ga nas byung bas ni zhi ba'o/ /g.yas nas byung ba'i dmar pos ni dbang ngo / /de rnams nyid la go rims bzhin du rin chen 'byung ldan dang / don yod grub pa dang / mi bskyod pa dang / 'od dpag tu med pa ste lha rnams so sor bzhugs so//lus thams cad la khyab pa'i rnam par snang mdzad gang yin pa de ni yi ge k+Sha'i gzugs su khyab byed la brten nas bzhugs te/ de la 'od zer gyi rnam par dbye ba dang bsdu ba yang med do/ /de ni 'chi ba'i dus su phyi rol du 'byung ba 'ba' zhig tu zad de/zad pa'i phyir na k+Sha zhes bya ba'i phyir ro/ /rab tu byed pa las kyang / /lus kun la ni gnas pa'i rlung / /bya ba kun la 'jug pa po/ /'di ni rnam snang ngo bo ste/ /'chi ba'i lus las 'byung bar 'gyur/ /zhes bshad do/ / de nyid kyi phyir shi ba'i ro bsregs pa'i dus su sAts+tsha zhes 'byung ba ni sgras 'byung ba gang yin pa de yi ge k+Sha'i bdag nyid yin no/ /des ni sngags btu ba bshad do/ /de'i rjes la sngags kyi de kho na nyid ni de bzhin nyid dang yang dag pa'i mtha' dang / stong pa nyid dang sangs rgyas nyid dang /rdo rje 'chang nyid ces bya ba'i rnam grangs can no/ /'di ltar sngags thams cad ni A li dang kA li'i rang bzhin can yin zhing / de rnams kyang 'od gsal ba'i gnas kyi chos kyi dbyings kyi 'khor lo rtsibs brgyad pa las srog ni rlung gis bskul nas 'byung zhing de nyid du thim par 'gyur ro//sgra brnyan bzhin du dmigs par yang 'gyur ro/ /ji skad du rab tu byed pa las/ ji ltar sprin ni sna tshogs shing / /mdog dang dbyibs ni tha dad par/ /nam mkha'i dbyings su byung nas ni/ /de nyid du ni thim par 'gyur/ /de bzhin rang bzhin thams cad ni//snang ba gsum gyi rgyu can te/ /ma lus pa rnams spyad nas ni/ /'od gsal ba ni 'jug par 'gyur/ /zhes bshad pa bzhin no/ /der rang bzhin rnams smos su zin kyang / 'on kyang sgra rnams ni rnam par rtog pa'i rgyu can nyid yin pa'i phyir rang bzhin dang sgra dag tha mi dad par 'dod do//byang chub sems kyi 'grel pa las kyang / bu ram gyi ni mngar dang me'i/ /tsha ba rang bzhin yin pa ltar/ /de bzhin chos rnams thams cad kyi/ /stong pa rang bzhin yin par 'dod/ /ces bshad do/ /'phags pa byams pas kyang /chos kyi dbyings la dbyer med phyir/ /rigs ni tha dad rung ba yin/ /brten pa'i chos kyi bye brag gis/ /de ni dbye ba yongs su brjod/ /ces gsungs so/ /de bas na 'od gsal ba'i ngo bo de bzhin nyid ni sngags kyi don to/ /de'i phyir ma lus pa'i ngag gi ngo bo bcom ldan 'das ma yi ge phyi mo ni sngags kyi tshul yin no//de nyid kyang rnal 'byor pa rnams longs spyod dang thar pa ster bar byed pa'o/ /dpal rdo rje sa 'og gi rgyud kyi rgyal po las/ de nas gzhan yang bshad par bya/ /khyod la cho ga rdo rje 'dzin/ / gang gis shes pa tsam gyis ni/ /'dod pa'i dngos grub thob par 'gyur/ /bzhi bcu rtsa dgu dbye ba yi/ /yi ge mi 'gyur gnas pa ste/ /ngag gi thams cad ngo bo'i rgyu/ /yi ge phyi mo lha mo yin/ /rnam pa kun yang rnam pa med/ /phyag mtshan kun ni 'dzin par mchog /sems ngo mi bzad mtshan nyid can/ /sems can thams cad khyab mdzad pa'o/ /de ni shes rab dang por bshad/ /'gro ba 'di ni des khyab pa/ /sems can kun gyi skye gnas te/ /sngags rnams kun gyi rang bzhin nyid/ /rtogs pas skyob pa'i chos nyid kyis//kun du rtogs pa rjes mdzad pa'o/ /sngags kyi tshogs ni de las byung / /de nyid du ni thim par 'gyur/ /de yi sgra dag shes nas ni/ /ci 'dod 'bras bu thob par 'gyur/ /gang dang gang gi dngos po yis/ /de nyid mthong bas bsam gyur na/ dri med shel sgong dang 'dra ba/ /de de rnam par de 'gyur ro/ /ji ltar yid bzhin nor bu ltar/ /bsam pa dag ni ster bar byed/ /de bzhin lha mo'i mchog 'di yis/ /dngos grub thams cad ster bar mdzad/ /yi ge thig le sgra dang ni/ /snang ba rlung dang rtse mo cha//dbye ba gtso bo bdun po yis/ /nus pa de ru bzhugs pa yin/ /snying lkog rkan gyi phyogs rnams su/ /thig le'i ngo bo de bzhugs pa/ /sgra yi rang bzhin gyis sgrogs pa/ /'byung rngub dag ni mdzad pa yin/ /me yi 'bar ba'i rtse mo bzhin/ /sems can thams cad lto ba la//rlung gi ngo bo rnam pa bcu/ /de ni rtsa ba kun bzhugs pa'o/ /tshangs pa la sogs mi 'gro'i mthar/ /rtag tu de ni rab mdzad cing / /sems can thams cad 'dul mdzad de/ /sems ngo de ni rab tu brjod/ /de las gzhan ni gang bshad pa//gsang ba'i bdag po khyod smros shig /de kho na nyid ngo bo 'di/ /kun du zhal ni bdag gis bshad/ /ces bya ba 'byung ngo / /de bzhin du spyod pa ni spros pa la sogs pa'i dbye ba rnam pa gsum ste bshad zin to/ /sngags kyi spyod pa dang tshul de dag la mngon par brtson pa ni 'bad pa dang ldan pa'i rnal 'byor pa ste/de la spyan gyi ras kyis mi gzigs pa'o/ /mi gzigs pa'i rgyud bstan par bya ste/ sngags kyi spyod pa'i tshul dang / chos kyi spyod pa'i tshul gyi chos te/ sngags kyi tshul gyi chos dang bstan bcos la gang gi phyir/'di rdzogs par gyur to zhes bya ba ni mthar phyin pas na 'di la spyan ras kyis gzigs pa ci dgos zhes bya ba'i don to/ /sngags kyi tshul ni rnam pa bcu ste/ ji skad du/ dkyil 'khor ting 'dzin mchod pa sngags dang ni/ / byed pa stang stabs bzlas pa sbyin sreg dang / /sngags dang phyag rgya nges sbyor bsdu ba ni/ /sngags kyi tshul ni 'di nyid bcu ru bshad/ /spyod pa'i tshul ni rnam pa gsum ste/ chos 'byung mngon par byang chub pa la sogs pa sngar bshad zin to/ /de nas rdzogs pa yin pa'i phyir/de bzhin gshegs pa rnams kyis spyan gyis mi gzigs na yang / 'on kyang cig car du dngos grub 'dod pa de'i don du skyes bu dam pa'i rnal 'byor pa de rnams la spyan ras kyis gzigs pa'i phyir ni de bzhin gshegs pa rnams kyis gzigs pa'i phyir ro/ / 'di ni 'og nas 'chad par 'gyur ba'o/ /de bzhin gshegs pa thams cad sku rdo rje la sogs pa'i sku gsung thugs byin gyis rlob par byed pa'i sngags kyang yin la/ skyed pa'i rgyu yin pa'i phyir thams cad kyang yin la/ sngags thams cad ni de bzhin gshegs pa rnams so//de rnams kyi snying po ni ye shes sems dpa'i snying po ste/ ting nge 'dzin sems dpa'i sa bon rnams so/ /de skul bar byed pa ni de'i nus pa 'phrog par byed pa'o/ /yang na sngags thams cad ni dbang phyug chen po la sogs pa'i sngags rnams kyi snying po ni nus pa de skul bar byed pa ni nus par byed pa zhes bya ba'i tha tshig go//drag shul gyi sngags rnams ni/ yi ge gsum gyis 'joms par byed/ /ces man ngag go/ /de nyid kyi phyir rab tu gsang ba ni rig sngags dang / nye ba'i snying po dang / phreng sngags dang / gzungs sngags kyi nang na snying po'i rang bzhin no//snying po la sogs pa'i dbye ba ni le'u bcu bzhi las bshad par 'gyur ro/ /de bzhin gshegs pa thams cad ni rnam par snang mdzad do/ /de'i sku gsung thugs kyi dam tshig la dmigs pa ni/ de'i sku skyed par byed pa'i rgyur gyur pa yi ge oM mo//rdo rje 'dzin pa thams cad ni mi bskyod pa'o/ /de'i sku gsung thugs kyi dam tshig la dmigs pa ni de'i longs spyod rdzogs pa dang sprul pa'i sku dag skyed pa yi ge hU~M ngo / /chos 'dzin pa thams cad ni 'od dpag tu med pa'o/ /de'i sku gsung thugs kyi dam tshig la dmigs pa ni de'i dang po sbyor ba la sogs pa'i rgyu ste yi ge AH'o//nyid kyi sku gsung thugs ni rim pa ji lta ba bzhin du sku gsung thugs dang thugs las so/ /tshig gi lam nges par brjod pa ni tshig gi lam nas te/ sku la sogs pa dbyer med pa'i phyir dgongs pa'o//sems ni lus lta bu zhes le'u gnyis pa las bstan to/ /sngags bsdus pa ni snga ma bzhin du ma ning la sogs pa'i rim gyis sngags kyi snying po gsungs pa ni bstan to/ /oM AHhU~M zhes bya ba'i sngags kyi don ni sngar bshad zin to//hU~M ni dbus su bshad pa ste/ sems ni snying ga'i nang na gnas pa'i phyir dang / ngag dang lus ni phyi rol du kha bltas pa'i phyir ro/ /de nas zhes bya ba la sogs pa la/ 'di gsungs pa tsam gyis te rdo rje 'chang gis gsungs pa tsam gyis sangs rgyas thams cad sras dang bcas pa ni de bzhin gshegs pa dang byang chub sems dpa' rnams so//'dar bar gyur zhing brgyal gyur pa ni bskul bar 'gyur zhing sgrub pa po la mngon par phyogs par gyur to/ /rdo rje sems dpa' rjes su dran pa zhes pa ni rdo rje sems dpa'i go 'phang don du gnyer ba'i rnal 'byor pa la spyan ras kyis gzigs pa dang /de nyid la rtse gcig par gyur pa dang / de nyid la dngos grub stsol to zhes tshig gi lhag ma'o/ /de ni bskyed pa'i rim pa'o/ /snying po bskul ba'i sngags bstan nas de'i thabs bskyed pa'i rim pa ston par byed pa ste/nam mkha'i dbyings ni stong pa nyid do/ /de'i dbus gnas dgod pa'i dkyil 'khor ni/ yi ge gsum yongs su gyur pa las skyes pa zla ba dang nyi ma la sogs pa'i gdan bsgom par bya'o/ /de'i steng du yang yi ge hU~M ni gtso bo yin pa'i phyir yi ge oM dang /AHdag kyang dgod cing de las byung ba rang gi gzugs ni mi bskyod pa'i sku rab tu brtag pa ni bsgom par bya'o/ /rdo rje ni phyag mtshan gtso bo 'od zer ni de'i sku las phyung ba'i 'od zer rnams kyis cher 'bar ba ni shin tu 'bar ba dang /phyi rol du yang 'od zer de rnams spro bar byed pa bsam par bya'o/ /sangs rgyas rnams kyi sku gsung thugs ni ye shes sems dpa' ste/ drangs pa ni dam tshig sems dpa'i snying gar bsgom par bya'o/ /de nas snying gar yang sku gsung thugs rdo rje ni sku la sogs pa sa bon 'dzin pa'i dgod pa ste/de skad cig ma cig car du ye shes sems dpa'i snying gar ting nge 'dzin sems dpa' dgod par bya'o/ /de nas rdo rje sems dpa' ni rdo rje 'chang chen po'o/ /rgyal po chen po ni de bzhin gshegs pa'i bdag po / /kun gyi gtso bo ni lha la sogs pa 'gro ba ris drug dang /khams gsum gyi rab mchog go/ /dbang phyug mchog ni rdzu 'phrul la sogs pa mdzad pa'o/ /de la rjes su zhugs shing rdo rje 'chang chen po'i bdag nyid bsams pa ji srid rang gi dkyil 'khor ni rdo rje 'chang chen po la rjes su zhugs pa'i mi bskyod pa'i dkyil 'khor ro//rang sngags ni dzi na dzika ces bya ba la sogs pa'i sngags rnams las skyed par byed pa'i tshul ni bskyed cing spros par bya'o/ /'di ni sngar bshad pa'i ye shes sems dpa' dang / ting nge 'dzin sems dpa' zhugs pa dang dgod pa sngags thams cad ni dkyil 'khor rnams la yang bya ste/snying po ni phyir mi ldog pa'i dbang dang / rdo rje ni mig la sogs pa'i dbang po rnams la/ bsdu ba ni th+liM la sogs pa'i sa bon dgod par bya'o/ /de nas rang sngags skyes bu ni rdo rje 'chang chen po'i sku gnas bzhi dag ni phyogs bzhi dang nam mkha' la bsgoms te/zhal gsum lta bu dang sbyor ba'i tshig gis phyag drug pa dang / kha dog gsum ni dam tshig dang ye shes dang ting nge 'dzin sems dpa'i rang bzhin no/ /de ni bcom ldan 'das rdo rje 'chang chen pos bka' stsal to//de ltar bsgrub bya dang sgrub pa po'i bskyed pa bstan nas/ sgrub pa'i sbyor ba bstan par bya ba'i phyir/ de la zhes bya ba la sogs pa gsungs te/ de la ni bsgrub bya dang sgrub pa po'o / /ngag gi mchog ni snying po nus pa 'gugs pa dang /gsang ba'i bla ma'i man ngag gis rtogs par bya'o/ /snying ga ni ye shes sems dpa'i snying ga ste/ de'i dbus gnas la phra mo ni yi ge hU~M la sogs pa las gang yang rung ba'i sa bon te ting nge 'dzin sems dpa' zhes bya ba/ dkyil 'khor rnams ni zla ba dang nyi ma rnams las gang yang rung ba'i gdan la bsams te/phyi rol du gnas pa'i de bzhin gshegs pa la sogs pa'i bsgrub bya'i dbus su gnas pa ni ye shes sems dpa'i snying gar gnas pa/ mchog ni thugs rdo rje la sogs pa'i yi ge'o / /sa bon gnas ni zla ba'i dkyil 'khor la sogs pa la gnas par bsam par bya'o//de'i rjes la bsgrub bya dang sgrub byed de dag gi sa bon de yongs su gyur pa las skyes pa 'od zer gyi 'khor lo spro ba'i rdo rje rtse lnga pa bsam par bya'o/ /ji ltar zhe na/ sbyor ba zhes pa ni nus pa 'gugs pa'i sbyor ba zhes ston to//rdo rje gsum ni phyi rol gyi nam mkha' la gnas pa'i dam tshig dang ye shes sems dpa' dang / ting nge 'dzin sems dpa' zhes bya'o/ /de rnams kyang bdag nyid kyi ting nge 'dzin sems dpa'i ngo bo rdo rje rtse lnga pa las byung ba'i shin tu rno ba'i lcags kyu dang 'dra ba'i 'bar ba'i tshogs kyis de'i snying gar gnas pa'i ye shes sems dpa'i snying gar gnas pa'i rdo rje rtse lnga pa la 'bar ba'i 'od zer rnams phog ste drag shul gyis bkug la de'i zhal lam ba spu'i bu ga rnams las byung zhing rang gi kha'i lam la zhugs shing ye shes sems dpa'i zhal lam ba spu'i bu ga rnams las snying gar phyin te de'i ting nge 'dzin sems dpa'i rdo rje rtse lnga pa'i 'bar ba'i tshogs rdo rje la zhugs shing de nyid du thim par bsam par bya'o//yang na rigs pa de nyid kyis dkyil 'khor pa rnams kyi snying ga ni ting nge 'dzin sems dpa'i rdo rje 'bar bas/nam mkha' la gnas pa'i snying ga ni ting nge 'dzin sems dpa' ste/ de nyid brtan pa ni bskul zhing dgug par bya'o/ /de ltar byas nas khams gsum gyi bdag po nyid du 'khor dang bcas pa'i rnal 'byor pas thob bo//gal te de ltar rnal 'byor pas bya bar mi nus na/ de'i lha rnams ni khro bo dag phyogs bcu la bskul te/ oM suM b+ha ni suM b+ha zhes bya ba la sogs pa'i sngags rnams kyi khros pa'i tshig gis/ na maHsar+b+ba ta thA ga ta ti ti de he zhes bya ba dang /phaT badzra hri zhes bya ba brjod cing bskul bar bya ba ni bka' stsal pa'o/ /de nas khro bo de rnams de bzhin gshegs pa rnams kyi mdun du gnas la/ sgrub pa po'i bka' 'jigs pa'i 'jigs pas rang gi phyag mtshan lcags kyu dang zhags pa la sogs pa'i 'khor los/de'i snying gar gnas pa'i ting nge 'dzin sems dpa'i 'bar ba'i tshogs bkug ste/ rang gi dkyil 'khor gyi bdag po 'khor dang bcas pa'i snying gar dga' bas zhugs par bsam par bya'o/ /bla ma'i zhal gyi man ngag yin no//'bras bu bstan par bya ste/ 'di ni rdo rje thams cad kyi/ /zhes bya ba la sogs pa la/ rdo rje thams cad ni sgrub pa po rnams so/ /de rnams la sangs rgyas ni de bzhin gshegs pa rnams kyi byang chub ni rang gi snying ga'i nus pa ste/ de nyid sgrub par byed pa ste rdo rje 'chang chen po la rjes su zhugs pa'i mi bskyod pa'i sgo nas snying po bskul ba'o//ji srid 'khor lo dang pad+ma'i rigs la sogs pa ni rnam par snang mdzad la sogs pa'i rnal 'byor pa rnams kyis kyang sngar bshad pa'i rdo rje lcags kyu bsgom par bya'o zhes ston to//nye bar bsdu ba bshad par bya ste/ de yi snying po bskul bar bshad/ /ces bya ba la/ gang zhig 'di snying po bskul ba bshad pa de ni rol mo dang 'dra ba ste/ dper na bud med dang skyes pa dang byis pa la sogs pa'i dbye bas gar mkhan gyi rol mo brtsam pa de bzhin du sgrub pa po gcig pos bsgrub bya dang sgrub pa'i dbye ba la brten te/snying po bskul bar bya ste/ chos thams cad gnyis su med pas bya ba yin te/ bskyed pa'i rim pa'o/ /da ni dus kyi nges pa bshad par bya ste/ zhag bdun zhes bya ba la sogs pa la zhag bdun gyi bar du rdo rje'i tshul 'di ni de bzhin gshegs pa'i lam las byung ba'i bsgom pa bya'o//de'i tshe rnal 'byor pa de nyid kyis ye shes rdo rje can ni de bzhin gshegs pa rnams kyi sku gsung thugs ni de dang 'dra ba sku la sogs pa 'grub par 'gyur ba ni thob par 'gyur ro/ /de nyid kyi phyir/gsang ba ni nyan thos la sogs pa la 'di nyid bstan par mi bya'o zhes tshig gi lhag ma'o/ /yang zhag bdun ni khams bdun gyi rang bzhin gyi lus so/ /de nyid gal te sngar bshad pa'i rim pas rdo rje tshul mchog ni skad cig ma gcig gis bsgom na de'i tshe sku gsung thugs 'grub par 'gyur ro zhes snga ma bzhin no//de ltar byas nas 'jigs pa ni 'jigs pa thob pa de bzhin gshegs pa de rnams mchog gsol ba ni mchog stsol ba la sogs pa dang ldan pa dang / yid skrag par 'gyur ba ni ngo mtshar du gyur cing rnal 'byor pa de la gzigs par mdzad pa'o//gzigs nas kyang dngos grub rgya che ba ni/ nyid dang mthun pa'i phyag rgya chen po'i dngos grub ster bar mdzad pa'o/ /ji lta bu zhe na/ yid la mgu ba zhes bya ba la/ yid ni ting nge 'dzin sems dpa'o/ / mgu ba ni de nyid la de bzhin gshegs pa thams cad kyi nus pa ster ba'o/ /dga' ba ni rdzu 'phrul dang cho 'phrul la sogs pa 'grub par byed pa ste sgrub pa'o/ /sangs rgyas byang chub sems dpa' rnams/ /zhes bya ba la sogs pa la sangs rgyas ni bskyed pa'i rim pa'i rnal 'byor pa rnams so//ji lta bu zhe na/ byang chub ni de bzhin gshegs pa'i snying po 'gugs pa ste/ de la sems dpa' ni bsam pa gang la yod pa de ni byang chub sems dpa'o/ /yang ji lta bu zhe na/ sngags dang spyod pa ni sngags kyi spyod pa ste/de dag gi don ni dgos pa 'grub tu 'dod pas na sngags kyi spyod pa'i don 'grub pa'o/ /gal te de rnams rmongs pa'i dbang gis bla ma'i man ngag brjed ngas pas snying po skul ba 'di zlo bar byed pa ni sgom par mi byed na de'i tshe de rnams kyi srog ni bskyed pa'i rim pa'i bsgom pa/der zad 'gyur ba ni de tsam yin gyi de bzhin gshegs pa'i nus pa ma thob pa'o/ /de bas na de bzhin gshegs pa'i phyag rgya chen po'i dngos grub med pa yin no zhes ston te/ de ni bskyed pa'i rim pa'o/ /da ni bskyed pa'i rim pa'i rnal 'byor pa rnams kyi dngos grub rim pa gzhan gyis bshad par bya ba'i phyir/de nas zhes bya ba la sogs pa gsungs te/ rdo rje 'dzin ni rdo rje 'chang chen po'o/ /sna tshogs pa'i bsgom pa'i man ngag ston pas 'gro ba 'dul bas rgyal ba'o/ /'jig rten gsum mchog ni bya ba dang spyod pa rnal 'byor gyi rgyud la sogs pa'i rnal 'byor pa rnams so//de dag 'dul ba ni rnal 'byor bla na med pa'i rgyud la zhugs par mdzad pas na 'jig rten gsum mchog go/ /yang na 'jig rten gsum ni rtsa gsum mo/ / mchog ni gzhan te rtsa gnyis so/ /de ltar na rtsa lnga ste de la rdo rje ni rdo rje sbyor bas mchog ni thams cad mkhyen pa'i ye shes thob pa'o/ /de lta bu'i bcom ldan 'das kyi gsung ni 'di skad ces pa ni 'og nas 'chad par 'gyur ba'i gsung bka' stsal to/ /sngags kyi skyes bu ji snyed pa//zhes bya ba la sogs pa la/ ji snyed pa zhes pa ni ji srid grags dang ldan pa'i rtsa bdun khri nyis stong ngo / /de rnams kyang ji ltar zhe na/ sngags kyi skyes bu zhes bya ba la/ sngags ni khams rnams kyis skyes bu ni gang bar byas pa'o/ /de dag thams cad rdo rje gsum gyi ye shes ni khrag dang shu kra dang chu rnams kyis rdzogs pas gtso bo'i sgo nas gnas pa'o//dbang po gnyis ni rtsa gzhan gnyis te/ rnam par snang mdzad dang don yod grub pa dag gi'o/ /sbyor ba ni de dag thams cad srog dang rtsol ba'i rlung gi sbyor bas 'gags te/dngos po thams cad ni phung po dang khams dang / skye mched kyi ngo bo byang chub kyi sems rtag par bya ba ni rdo rje'i rtse mo'am pad+ma'i rtse mor 'dzin par bya ste/ 'di ni rtsa kun du spyod par 'dzin pa ste/ sangs rgyas thams cad ni bskyed pa dang rdzogs pa'i rim pa'i rnal 'byor pa rnams kyi sngags kyi dam tshig ni 'od gsal ba bsgom pa ni thob par byed pa'o//rig ma'i dbang phyug ni ye shes kyi phyag rgya ma ste/ de la zhugs pa ni de nyid bsgom zhing rnal 'byor pa thams cad ni khams gsum pa/ sbyor ba ni gcig tu bya ba ste/de nyid bsgom pa ni bsam par bya'o/ /chags pa ni/ bcom ldan 'das ma shes rab kyi pha rol tu phyin ma'i ngo bo chos kyi sku'o/ /chags pa blta ba ni 'gro ba rjes su gzung ba'i longs spyod rdzogs pa'i sku'o/ /dam tshig dkyil 'khor ni sprul pa'i sku ste/ de rnams blta bar bya ba ni thob pa yin no/ /des ni 'di bshad pa yin te/ ye shes kyi phyag rgya ma dang snyoms par zhugs pas rtsa kun du spyod pa 'gags te/ khams gsum pa rjes su zhugs pas rnal 'byor pas sku gsum thob par 'gyur ro zhes tshig gi don to/de ni rnal 'byor ro/ /da ni rdzogs pa'i rim pa'i rnal 'byor pa rnams kyi bsgom pa bshad par bya ste/ de nas zhes bya ba la sogs pa gsungs te/ rdo rje ni 'od gsal ba 'dzin pas na rdo rje 'dzin no/ /rang bzhin dang snang ba rnam par dag pa'i rim pas mdzes pas na rgyal ba'o//de bzhin gshegs pa kun ni rang bzhin rnams te/ de dag sras ni gang las byung ba yin pa de ni de bzhin gshegs pa kun gyi sras po/ thams cad dbang bskur ba ni zla ba dang / nyi ma dang / rjes su 'jug pa'i dbyangs dang /tsheg drag dang / pad+ma dang rdo rje rnams so/ /de dag gi gtso bo ni de'i snang ba la sogs pa'i snang ba dang bral ba'o/ /de lta bu'i bcom ldan 'das kyi gsung 'di ni 'og nas 'chad par 'gyur ba'i gsung bka' stsal to/ /'jig rten khams ni thams cad na//zhes bya ba la sogs pa la/ 'jig rten ni 'gro ba dang mi 'gro ba'i ngo bo khams gsum mo/ /de rnams skyed par byed pas na 'jig rten khams te/ rnam par shes pa gsum mo/ /de rnams la bud med ji snyed pa ni rang bzhin rnams yod pa ste/ phyag rgya che ni 'od gsal ba'i ye shes te/ sbyor ba ni sgom pa de nyid kyis rang bzhin de rnams thams cad nye bar spyod pa ni 'od gsal ba nyid la zhugs par bya'o/ /de'i rjes la 'od gsal ba la zhugs pas gzhan gyi don med pa de 'grub par bya ba'i phyir snang ba nye bar thob pa la sogs pa'i rim pas/sangs rgyas gnas ni de bzhin gshegs pa'i tshogs spro bar bya'o/ /de rnams grangs med ces pa ni spro ba'i nus pa bstan to/ /byang chub kyi dam tshig ni rdo rje sems dpas de skad bka' stsal to/ /'bras bu bstan par bya ba'i phyir/rdo rje gsum po zhes bya ba la sogs pa gsungs te/ 'di yis zhes pa ni ting nge 'dzin 'di nyid kyis byang chub ni sems rnam par dag pa ste/ rdo rje gsum po 'dra ba ni rdo rje 'chang chen po ste de dang 'dra ba thob par 'gyur ro/ /de bzhin du rdo rje sems dpa'i tshe ni [(]'go [,]'gro [)#] ba'i don bya ba'i phyir rang 'dod pas rdo rje sems dpa' bzhin du tshe thob par gyur to//byang chub sems dpa' dang rgyal ba dang sangs rgyas rnams spro ba'i phyir rnal 'byor de ni rgya mtsho dang 'dra ba yin te/ sems rnam par dag pa'i rim pa'o/ /de bzhin gshegs pa thams cad kyi snying po ni snying po'i nus pa ste/de bskul ba ni 'gugs pa ste/ de gtso bor gyur pa'i gzhung gi tshogs ni le'u'o/ /rgyud 'grel las le'u bcu pa'i tshig gi don bcu drug gi bshad pa'o/ / le'u bcu pa'i tshigs su bcad pa'i grangs ni nyis brgya dgu bcu'o// // de bzhin gshegs pa'i snying po bskul bas gang zhig de bzhin gshegs pa'i sku thob pa de yang rnam pa gnyis te/ sngags kyi sku dang ye shes kyi sku'o/ /de la sngags kyi sku ni bskyed pa'i rim pas so/ /ye shes kyi sku ni bdag la byin gyis brlab pa'i rim pa ste/ de'i phyir le'u bcu gcig pa bstan par bya ba'i phyir/de nas zhes bya ba la sogs pa gsungs te/ sku gsung thugs rdo rje ni rdo rje 'chang chen po'o/ /de bzhin gshegs pa thams cad ni rigs lnga'i dkyil 'khor pa rnams te/ de dag rdzogs par bya ba'i phyir/ rdo rje ni yi ge oM la sogs pa ste/de rnams kyi mngon par byang chub pa lnga'i rim pas rdzogs pa/ skyes bu mchog ni de bzhin gshegs pa dang byang chub sems dpa' la sogs pa/ ting nge 'dzin gang la yod pa de ni de bzhin te/ de zhes bya ba'i ting nge 'dzin la snyoms par zhugs te/'di zhes pa ni 'og nas 'chad pa'i le'u gsungs so/ /ji lta bu zhe na/ de bzhin gshegs pa thams cad kyi sngags ni yi ge oM la sogs pa ste/ de rnams nyid spro ba la sogs pa byed pa'i phyir dam tshig ste de dag gis rdzogs pa'i rim pa'i skyes bu ste rig ma dang bcas pa'i skyes bu ni de bzhin gshegs pa'i le'u gang la yod pa de ni de bzhin te bskyed pa'i rim pa'o//yang na de bzhin gshegs pa thams cad ni ye shes lnga ste/ de rnams dang ro gcig par gyur pa ni 'od gsal ba ste/ de nyid mi phyed pa'i phyir rdo rje ste/de las cig car du spro ba'i skyes bu mchog ni 'ja' tshon dang 'dra ba'i rdo rje 'chang chen po la sogs pa'i sku'i ting nge 'dzin gang la yod pa de ni de bzhin no/ /de bzhin gshegs pa thams cad ni ye shes gsum ste/ de rnams yang dag par 'gro ba ni thim pa gang la yod pa de ni de bzhin gshegs pa thams cad kyi dam tshig ni 'od gsal ba'o//de las byung ba'i sngags dang rig pa'i ngo bo skyes bu ni de bzhin gshegs pa'i sku'i le'u gang la yod pa de ni de bzhin te/ bdag la byin gyis brlab pa'i rim pa'o//de la dang po mdor bstan pa bshad par bya ba'i phyir/ rdo rje gsum yig sngags kyi mchog /ces bya ba la sogs pa gsungs te/ rdo rje gsum yig ni de bzhin gshegs pa gsum gyi sa bon rnams te/ de nyid sngags ni snying po nye ba'i snying po la sogs pa'i mchog ni gtso bo yin no//gsum po de dag gis phyag rgya chen po ni rdo rje 'chang chen po la sogs pa'i sku/ rnam par ni khyad par te chos 'byung gi gzhir gyur pas bsgom par bya'o/ /ye shes thob par bya ba'i phyir rdo rje rnal 'byor pas/ bya ba ni bsgom pa ste bya'o/ /ji lta bu zhe na/byang chub thams cad ni de bzhin gshegs pa lnga'i dngos grub dang / mngon par shes pa'i dngos grub ste/ de dag thob pa ni 'grub par byed pa ste byang chub thams cad thob par byed pa'o/ /de ni bskyed pa'i rim pa'o/ /rdo rje gsum ni rnam par shes pa gsum ste/de nyid tha mal pa rnams kyis mi 'gyur ba'i phyir yi ge ste/ de rnams sngags kyi mchog ni rjes su 'jug pa'i dbyangs tsheg drag dag gis so/ /phyag rgya chen po ni 'od gsal ba la bsgom pa na zhugs par bya'o/ /de'i rjes la ye shes rdo rje ni sgyu ma'i ngo bo'i sku 'ja' tshon 'dra ba/bya ba ni spro bar bya ste dang po'i don du gsungs pa'o/ /byang chub thams cad ni 'jig rten dang 'jig rten las 'das pa'i dngos grub ste thob par byed pa ni 'grub par byed pa ste/ bdag la byin gyis brlab pa'i rim pa'o/ /rab tu byed pa las kyang / 'das pa de bzhin ma 'ongs dang //da ltar byung ba srid gsum la/ /'od gsal rnam par dag pa yis/ /skad cig de yis ma lus thob/ /ces 'byung ba dang / dngos po thams cad dngos po gcig rang bzhin/ /dngos gcig de nyid dngos po kun rang bzhin/ /dngos po gcig ni de nyid gang gis mthong //dngos po thams cad de nyid de yis mthong / /zhes bya ba la sogs pa 'byung / don dgod par byas nas sa bon gyi yi ge'i rang bzhin bstan par bya ste/ oM ni phyag 'tshal bar byed pa ste/ de ni ye shes te me long lta bu'i ye shes kyi rang bzhin gyi rnam par snang mdzad kyi rang bzhin gyi snying po ni sa bon no//sku ni thob par byed pa'o zhes pa ni rtag pa'i sku bskal pa'i bar du gnas pa skyed par byed pa'o/ /de bzhin du AHni gsung gi sa bon no/ /byang chub bdag med pa ni so sor rtog pa'i ye shes te/ de'i ngo bo gsung rdo rje'i ngo bo 'od dpag tu med pa'i mi 'jigs pa'i gsung thob par byed pa'o//de bzhin du hUM ni sprin sgra ste/ sku gsung thugs kyi rang bzhin mi bskyod pa'i sa bon/ rdo rje mi phyed gsum ni/ chos kyi dbyings kyi ye shes thob par byed pa ste/ bskyed pa'i rim pa'o/ /oM la sogs pa gsum ni lus ngag yid mtshon par byed pa'i rang bzhin rnams so//de rnams dgug cing 'od gsal bar 'gyur te/ de nyid las cig car du khyad par gyi sku gsung thugs sgyu ma'i rang bzhin skyed par byed pa ste/ bdag la byin gyis brlab pa'i rim pa'o/ / de bzhin gshegs pa thams cad kyi sku gsung thugs skyed par byed pa sngags ni sa bon rnams so/ /de rnams skyed pa'i skyes bu ni mi bskyod pa la sogs pa gang la de ni rdo rje 'chang chen pos 'di skad bka' stsal to/ /de ni bskyed pa'i rim pa'o/ /de bzhin gshegs pa thams cad kyi sku gsung thugs nye bar bsdu ba ni 'od gsal ba ste/de las byung ba sngags kyi skyes bu ni sgyu ma'i rang bzhin gyi sku gang gis de la de skad ces bya'o/ /'di skad bka' stsal to zhes snga ma bzhin te bdag byin gyis brlab pa'i rim pa'o/ /nam mkha' rdo rje ni stong pa nyid de de'i dbus gnas ni de'i dbus na gnas pa'i dkyil 'khor ni nyi ma'i dkyil 'khor rdo rje kun skyes pa ni yi ge gsum las skyes pa bsam par bya'o//nyi ma'i dkyil 'khor gyi steng du yi ge b+h+rUM yongs su gyur pa las gru bzhi la sogs pa'i yon tan dang ldan pa rnam pa sna tshogs pa rin po ches spros pa gzhal yas khang pa g.yer kha'i dra ba'i phreng ba can bzhi bsams te/rdo rje sprin ni zhi ba'i de bzhin gshegs pa'i tshogs te/ de dag spro bas na rdo rje sprin ni 'phro ba'o/ /bde ba skyed par byed pas na skyes bu ni chos 'byung gi phyag rgya'o//rdo rje spro ba yang yin la bskyed pa yin te las 'dzin pa'i bsdu'o/ /de nas gzhal yas khang pa'i gzhi ni chos 'byung ba bsam par bya'o/ /de la zhes bya ba ni gzhal yas khang pa dang / chos 'byung ba'i ye shes ni bskyed pa'i snying po ni sa bon te b+hU'i don ni 'di yin/b+hU ni sa'i sa bon no/ /ra ni shes rab kyi rang bzhin te spyan no/ /de nas sa'i khams kyi rang bzhin gyi sa bon las gzhi'i dkyil 'khor bsam par bya'o zhes man ngag go/ /dper na b+h+rUM mo/ /de nas gzhal yas khang pa'i nang de la rdo rje'i dkyil 'khor ni nyi [(]mi'i [,]ma'i [)]dkyil 'khor ro//de'i dbus su gnas pa'i yi ge oM bsgoms la/ de yongs su gyur pa las gsal ba'i dkyil 'khor ni zla ba'i dkyil 'khor bsams te/ de'i dbus su yi ge A las chos kyi dkyil 'khor ni pad+ma'i dkyil 'khor la gnas pa yi ge gsum bsgom mo//thams cad du yi ge b+h+rUM ni gnas pa bsgoms te zhes bya bas/ sngar bshad pa'i don dran par byed de/ de'i tshe rdo rje ni bskyed pa'i rim pa bsgom par bya'o/ /bka' stsal to zhes bya ba ni snga ma bzhin no/ /de ltar chos 'byung la gnas pa'i khang bzangs la/zla ba dang nyi ma'i gdan la gnas pa'i yi ge gsum dgod cing / rdo rje 'chang chen po'i bskyed pa bstan par bya ste/ dus gsum sangs rgyas ni dus gsum rig par byed pa'i snying po'i sa bon gsum ste/ sku gsung thugs ni mnyes par byed pa ste/tha mal pa de rnams ye shes kyi rang bzhin byed pa'o/ /de rnams ji ltar bsgom par bya zhe na/ oM ni dag pa'i sku ste kha dog dkar po'o/ /AHni sangs rgyas gsung gi lam ste/ 'od dpag tu med pa dang 'dra'o/ /hU~M ni thugs kyi ye shes 'dzin ni mi bskyod pa dang 'dra ba'o//de ltar bsams nas byang chub tshul ni rdo rje 'chang chen po'i rnam par rdzogs pa la/ mchog ni byung ba'i thabs yin no zhes ston to/ /yi ge de dag gsum pos spro ba dang bsdu ba sngon du 'gro ba sangs rgyas thams cad kyi ngo bo rdo rje 'chang chen po'i sku rdzogs te/byang chub thams cad ni lha mo spyan la sogs pa ste/ de rnams rab sgrub pa ni rdzogs par mdzad pa ste/ de rnams kyang de bzhin du 'byung bar bsam par bya'o zhes ston to/ /de'i rjes la ye shes rdo rje ni de bzhin gshegs pa rnams te/de dag kyang sprul pa ni spro bar bya'o zhes ston to/ /sangs rgyas rgyu gang la yod pa de ni sangs rgyas rgyu ste byang chub sems dpa' rnams so/ /'bras bu ni bde ba chen po gang las byung ba de ni 'bras bu byung ste/ gzugs rdo rje ma la sogs pa'o/ /de yang nye bar mtshon pa tsam yin la khro bo rnams kyang snga ma bzhin du bsgom par bya'o//nye bar bsdu ba bshad par bya ste/ 'di dag sangs rgyas skyes bu ste/ /zhes bya ba la sogs pa la sangs rgyas skyes bu ni rdo rje 'chang chen po'i dkyil 'khor rnams te/ de dag thams cad sngags te yi ge gsum ste de dang rig pa rnams ni dzi na dzika ces bya ba la sogs pas bsgrags pa ni 'byung ba bsgom par bya'o//'dir re zhig rdo rje 'chang chen po'i bskyed pa la yi ge gsum rigs pa yin te/ dkyil 'khor pa gzhan rnams rdzogs pa ni/ bskyed pa'i dus su rdo rje gsum ni yi ge gsum gyis mi phyed pa ni/dzi na dzika ces bya ba la sogs pa'i sngags kyi tshogs dang spel bar byas la/ rnam par snang mdzad la sogs pa'i dkyil 'khor pa rnams kyi bsgom par bya'o/ /des ni 'di bshad pa yin te/ de rnams bsgom pa'i dus su dzi na dzika ces bya ba la sogs pa gcig pu'am/yi ge oM la sogs pas mi bsgom mo/ /nye bar bsdu ba bshad par bya ste/ de bzhin gshegs pa zhes bya ba la sogs pa la/ de bzhin gshegs pa thams cad ni sku rdo rje la sogs pa ste/de rnams kyi sku gsung thugs kyi dam tshig gi de kho na nyid ni sa bon gsum ste/ de dag gi rdzogs pa gang zhig ye shes rdo rje ni rdo rje 'chang chen po ste/ de nyid byin gyis brlab pa ni spro bar bya ba'i phyir/ dkyil 'khor pa rnams kyi rgyu ting nge 'dzin gang la yod pa de ni de bzhin du bshad pa'o//de ni bskyed pa'i rim pa'o/ /yul dang dus kyi rnam par dbye ba bshad par bya ste/ dben pa ni skye bo med pa ste/ dgon pa chen po la sogs pa'i sa phyogs su'o/ /nyams dga' ba ni mchog gi shing gis rnam par mdzes pa'i nags tshal gyi phyogs so//gnas de rnams la nyams dga' ba'i phyir rnal 'byor 'di ni sngar bshad pa'i rdo rje 'chang chen po'i ting nge 'dzin rnal 'byor pas brtsams na zhes pa ni bya ba yin na / de la sku gsung thugs ni 'jig rten las 'das pa'i sku gsung thugs 'grub par 'gyur ro//zla ba phyed kyis zhes pa ni nye bar mtshon pa tsam yin la / yun ring ma yin pas 'grub par 'gyur te/ 'dir ni the tshom med do zhes ston to/ /rdo rje 'chang chen po'i ting nge 'dzin bstan nas/ rnam par snang mdzad la sogs pa'i rnal 'byor pa rnams kyi ting nge 'dzin bshad par bya ba'i phyir/gsal ba'i dkyil 'khor dam pa ni/ /zhes bya ba la sogs pa gsungs te/ nam mkha'i rdo rje ni nam mkha'i dbyings dang 'dra ba'i stong pa nyid de/ de'i dbus su yi ge gsum las byung ba'i gsang ba'i dkyil 'khor ni / phyi rol du spro ba'i bdag nyid yin pa'i phyir dam pa ste/de nyid bsgoms la rang gi sngags ni rnam par snang mdzad de/ de'i dam tshig ni yi ge oM ste/ de'i snying ga ni zla ba'i dkyil 'khor gyi dbus su dgod par bya'o/ /'od zer lnga yi sprin chen po/ /zhes pa ni 'od zer gyi tshogs spro bar mdzad de de yongs su gyur pa las skyes pa'i rnam par snang mdzad bsgom par bya'o//mchog de nyid kyi dkyil 'khor pa rnams kyang bsam mo/ /de ltar byas nas sangs rgyas dang 'dra ba'i sku rdo rje rnam snang ni rnam par snang mdzad kyi rigs can gyi rnal 'byor pa rnams kyis rgya mtsho dang 'dra ba thob par 'gyur ro//zla ba phyed kyis zhes pa ni de la mngon par zhen pa'i bya bas sangs rgyas sku ni rnam par snang mdzad kyi ngo bo 'dra ba'i mdog rnal 'byor pa des thob par 'gyur ro/ /rnal 'byor pa de nyid kyis kyang ye shes lnga ldan ni yul lnga ste de rnams bsten na yang /rdo rje bskal pa gsum ni bskal pa gsum du gnas par 'gyur ro/ /sku rdo rje ni gsang ba ste rnam par snang mdzad kyi ngo bo rdo rje 'chang chen pos de skad bka' stsal te/ snga ma bzhin du sbyar ro/ /de bzhin gshegs pa thams cad kyi rang bzhin gang zhig sku rdo rje ni rnam par snang mdzad de/de nyid kyi 'od zer bkod pa ni dkyil 'khor pa'i 'khor lo'i ting nge 'dzin gang la yod pa de ni de bzhin du bshad pa ste/ bskyed pa'i rim pa'o/ /chos kyi 'khor lo zhes bya ba la sogs pa la/ snga ma bzhin du nam mkha' ni chos 'byung la gnas pa'i gzhal yas khang pa na chos kyi dkyil 'khor ni zla ba'i dkyil 'khor gzhir gyur pa'i pad+ma bsams te/de'i steng du rang gi sngags kyi skyes bu ni ngag gi dbang phyug snang ba mtha' yas bskyed pa'i phyir/ ngag gi lam ni snang ba mtha' yas de nyid dang mdog mtshungs pa'i phyir yi ge AH dmar po bkod la de yongs su gyur pa las skyes pa/kha dog lnga ni de bzhin gshegs pa lngas bskor ba/ rdo rje che ni gos dkar mos 'khyud pa/ 'jig rten dbang phyug ni yan lag bcu gnyis pa'i chos kyi gsung rab bstan pa gtso bor gyur pa snang ba mtha' yas bsgom par bya'o//ji lta bu zhe na/ mchog ni dkyil 'khor pa rnams kyis bskor pa dang / dam tshig ye shes ni dam tshig sems dpa' dang / ye shes sems dpa'i rang bzhin dang / tshig gi dam tshig ni ting nge 'dzin sems dpa' yi ge AHdang ldan par byas la/lnga ni de bzhin gshegs pa lnga dang dbyer med pa'i sku bsgom par bya'o/ /chos kyi tshig gi lam ni snang ba mtha' yas kyi ngo bo de nyid la gnas pa'i rnal 'byor pa rdo rje chos ni snang ba mtha' yas dang mtshungs pa ni 'dra bar 'gyur ro/ / ye shes lnga ldan zhes bya ba la sogs pa ni snga ma bzhin no/ /rdo rje gsum ni gsung rdo rje'i rang bzhin rdo rje 'chang chen pos de skad bka' stsal to zhes bya ba dang sbyar ro/ /de bzhin gshegs pa thams cad kyi rang bzhin gang zhig gsung rdo rje ni yi ge AHste/ de las 'byung ba snang ba mtha' yas kyi ting nge 'dzin gang la yod pa de ni de bzhin du bshad pa ste/bskyed pa'i rim pa'o/ /rdo rje dkyil 'khor dam pa ni/ /zhes bya ba la sogs pa la/ snga ma bzhin du nam mkha'i dbyings kyi dbus su rdo rje dkyil 'khor ni yi ge gsum las byung ba'i nyi ma'i dkyil 'khor bsgoms la/de'i steng du pad+ma dang rdo rje bsams te/ de la yang yi ge hU~M bsgom par bya'o/ /ji lta bu zhe na/ rang sngags skyes bu ni mi bskyod pa dang mdog mtshungs pa'o/ /thugs kyi sa bon yin pa'i phyir sems la gnas pa'o//dam tshig chen po ni lha mo bzhi ste/ de rnams kyi de nyid ni skyed pa'i rgyu'o/ /kha dog rnam lnga ni de bzhin gshegs pa rnams kyang skyed pa'o/ /de lta bu'i ye shes rdo rje ni yi ge hU~M yongs su gyur pa las skyes pa mi bskyod pa bsgom par bya'o/ /ji lta bu zhe na/rdo rje kun ni de bzhin gshegs pa rnams dang / rgyal ba ni byang chub sems dpa' rnams kyi gnas so/ /de ltar bsgom zhing rnal 'byor pa'i rdo rje thugs ni thugs rdo rje dang 'dra bar 'gyur ro/ /'gro ba gdul bar bya ba'i phyir ston pa'o/ /ye shes ni lnga ste de rnams kyi rgya mtsho dang 'dra bas rgya mtsho'o//ye shes lnga ldan zhes bya ba la sogs pa snga ma bzhin no/ /thugs rdo rje gsang ba ni de'i ngo bo rdo rje 'chang chen pos de skad bka' stsal to zhes pa dang sbyar ro/ /de bzhin gshegs pa thams cad ni lnga po'i sku gsung thugs gcig tu byas pa'i ngo bo mi bskyod pa ste/de nyid kyi dam tshig ni yi ge hU~M ste de las byung ba rdo rje ni dkyil 'khor pa rnams kyi ting nge 'dzin gang la yod pa de ni de bzhin du bshad de/ bskyed pa'i rim pa'o/ /ye shes kyi dkyil 'khor zhes bya ba la sogs pa la/ rdo rje chen po ni stong pa nyid de de la dmigs nas ye shes kyi dkyil 'khor ni ye shes kyi dkyil 'khor te/zla ba'i dkyil 'khor gnyis so/ /de dag gi pad+ma'i steng du rin chen dang ral gri bsams la/ de dag gi steng du yang yi ge khaM dang traM bsgoms la de yongs su gyur pa las skyes pa'i rin chen 'byung ldan dang don yod grub pa bsams na/rdo rje mkha' ni rin chen 'byung ldan dang / ye shes ni don yod grub pa ste de dag dang 'dra bar 'gyur ro/ /khaM zhes bya ba ni nye bar mtshon pa yin pas traM yang bsgom par bya'o/ /de ltar byas na sangs rgyas ni de bzhin gshegs pa rnams dang /byang chub sems dpa' dang rang gi sgras ni gzugs rdo rje ma la sogs pa'i lha mo rnams kyis mchod pa ni dkyil 'khor gyi dbang phyug nyid du bsnyen bkur byed pa'i de bzhin gshegs pa de dag yang dang yang du bsam par bya'o/ /bskal pa gsum du shes par bya ba la sogs pa ni snga ma bzhin no//nam mkha' rdo rje dang dam tshig ni nam mkha' rdo rje dam tshig ste/ rin chen 'byung ldan dang don yod grub pa'o/ /de dag gi rang bzhin rdo rje 'chang chen pos de skad bka' stsal to zhes snga ma dang sbyar ro/ /sku gsung thugs rdo rje ni tha mal pa'i lus la sogs pa mi snang ba ni 'jig rten las 'das pa'i de bzhin gshegs pa nyid du mdzad pa rin chen 'byung ldan dang don yod grub pa ste/de dag las 'byung ba bkod pa ni dkyil 'khor pa'i tshogs te/ de nyid kyi phreng ba ni bskor ba ting nge 'dzin gang la yod pa de ni de bzhin du bshad pa ste/bskyed pa'i rim pa'o/ /de ltar gzugs la sogs pa'i phung po lnga dang / nyon mongs pa lnga rnam par dag pa bstan nas/ skye mched kyi rnam par dag pa bshad par bya ste/ rdo rje dkyil 'khor dbus su ni/ /zhes bya ba la sogs pa la/rdo rje'i dkyil 'khor ni nyi ma'i dkyil 'khor te/ de'i dbus su rang sngags skyes bu ni 'jam dpal dang mdog 'dra ba ste/ gur gum dang mtshungs pa'i yi ge maM bkod la de yongs su gyur pa las skyes pa snang ba 'bar ba'i rnam pa ral gri bsams te/snying ga'i ral gri de'i nang na rdo rje rigs kyi sa bon 'od zer gyi tshogs dang ldan pa'i yi ge haM bsgoms la/ de yongs su gyur pa las 'byung ba 'jam dpal gyi longs spyod ni longs spyod rdzogs pa'i sku gsung thugs kyi rdo rje can ni sku la sogs pa la byin gyis brlab pa byas la/snying ga ni yid kyi dbang po'i gnas su bsgoms la rnal 'byor pa de ni de'i ting nge 'dzin gyi mthus byang chub sems dpa' ni 'jam dpal dang 'dra bar 'gyur ro/ /sa bcu dag la gnas pa'i zhes pa ni rnal 'byor pa de nyid kyi phan yon bstan pa'o/ / byang chub sems dpa' ni 'jam dpal te/ de nyid kyi ye shes kyi dam tshig ni yi ge maM dang hi ste/ de dag las byung ba'i zla ba ltar dmar skya'i rdo rje ni 'jam pa'i rdo rje ting nge 'dzin gang la yod pa de ni de bzhin mig gi dbang po rnam par dag pa bshad par bya ste/ 'od zer 'bar ba'i yi ge th+liM zhes bya ba la sogs pa la nam mkha'i dbyings ni mig gi dbang po'i stong pa'i cha'o//de'i dbus su yi ge th+liM zhes yi ge la dang tha ni sa'i snying po'i sa bon yin pa'i phyir dgod par bya'o/ /'od zer 'bar ba ni 'od zer dang ldan pa'o/ /yi ge de nyid kyis mtshan mchog ni 'khor lo ste/de nyid phyag mtshan dang ldan pa dang / rdo rje'i lus ni rnam par snang mdzad dang 'dra ba'i sa'i snying po bsgom par bya'o/ /th+liM zhes pa ni dpe yin te/ de'i snying gar yang de nyid bsgom par bya'o/ /nam mkha'i rdo rje ni nam mkha'i dbyings la gnas pa'i yul dang dus dang /rang bzhin gyis bskal pa'i gzugs rnam pa gsum pa ste/ de nyid kyi dam tshig ni mdun na gnas pa'i gzugs bzhin du mthong ba ste/ de'i dgod pa ni bsgom pa ste de nyid kyi gnas ni 'byung po'i gnas te/ sa'i snying po'i ting nge 'dzin gang la yod pa de ni de bzhin du bshad pa ste/bskyed pa'i rim pa'o/ /'bras bu bstan par bya ste/ sangs rgyas ni de bzhin gshegs pa rnams kyi mngon par shes pa ni lha'i mig la sogs pa'i ngo bo ste/ de rnams kyi dam tshig mchog ni byang chub sems dpa' lnga'i sku bsgom pa'o//bsgom pa de nyid kyis mngon par shes pa lnga ldan ni de bzhin gshegs pa rnams dang 'dra bar 'gyur ro/ /'di zhes pa ni bshad zin pa dang 'og nas 'chad par 'gyur ba'i dngos grub thams cad ni zag pa zad pa'i dngos grub dang / phra ba la sogs pa'i sangs rgyas mngon shes drug po dag ste/'byor pa des 'grub par 'gyur te/ bar gyi tshigs su bcad pa'o/ /rna ba'i dbang po'i rnam par dag pa bshad par bya ste/ nam mkha'i dbyings kyi dbus gnas pa/ /zhes bya ba la sogs pa la/ nam mkha'i dbyings ni rna ba'i khong stong ngo / /de'i dbus su gnas pa'i sangs rgyas dkyil 'khor ni zla ba'i dkyil 'khor bsams la/de'i steng du rdo rje sems dpa' ni rdo rje sems dpa' dang mdog 'dra ba'i ye shes ni chos kyi dbyings kyi ye shes kyi rnam par dag pas yi ge oM bsgom par bya'o/ /oM zhes pa ni dpe yin no/ / de'i rjes la rdo rje dam tshig gsum ni rdo rje phyag rgya ste/ de nyid yi ge oM las 'byung ba bsgoms na/ mi bskyod rdo rje gsum ni rdo rje 'chang chen po'i ste/ de dang 'dra bar 'gyur ro/ /mi bskyod rdo rje ni rdo rje 'chang chen pos de skad bka' stsal to zhes ston to/ /mi bskyod dam tshig ni bskyed pa gang la yod pa de ni mi bskyod dam tshig ste phyag na rdo rje'o//de nyid kyi sku gsung thugs rdo rje ni 'dzin pa rna ba'i dbang po'i nang du chud pa'i rnal 'byor pa gang yin pa de ni 'jig rten khams rnams ni sems can dang snod kyi 'jig rten rnams la mi bskyod rdo rje ni de dang 'dra bar mchod par 'gyur ro//mi bskyod pa'i dam tshig ni yul la sogs pas bskal pa'i sgra'i tshogs so/ /de nyid kyis mngon par byang chub pa ni mdun gyi sgra thos pa bzhin no/ /de nyid kyi rdo rje ni ting nge 'dzin gang la yod pa de ni de bzhin no/ /sna'i dbang po rnam par dag pa bshad par bya ste/nam mkha'i dbyings kyi dbus su zhes bya ba la sogs pa la/ nam mkha'i dbyings na sna'i dbang po'i khong stong ngo / /de'i dbus su gnas pa'i sangs rgyas dkyil 'khor ni zla ba'i dkyil 'khor te 'bar ba'i phyir 'od bzangs bsams te/nam mkha' rdo rje ni de nyid kyi mdog dang 'dra ba'i rin chen oM ni rin chen gyi rigs kyi snying po dgod par bya'o/ /oM zhes pa ni dpe yin no/ /de nyid yongs su gyur pa las skyes pa rdo rje dam tshig gsum ni nam mkha'i snying po ste de bsgoms na/ rdo rje gsum gyi dbal ni rin chen 'byung ldan gyi ngo bo rdo rje 'chang chen po ste de dang 'dra bar 'gyur ro//rdo rje dkon mchog dpal ni snga ma bzhin du rdo rje 'chang chen pos de skad bka' stsal to zhes par sbyar ro/ /'bras bu bstan par bya ste/ lus ngag yid ni rnal 'byor pas lus las sogs pa ste/de rnams dkon mchog dpal gyi ni de'i ngo bo rin chen 'byung ldan dang 'dra bar 'gyur ro/ /de bzhin du bdag med byang chub ni nam mkha'i dbyings te/ sna'i khong stong ngo / /de nyid kyi ye shes ni yul la sogs pas bskal pa'i dri snom pa ste/ de nyid gsang ba gang la yod pa de ni de bzhin te/'dra ba ni mnyam pa nyid kyi ye shes kyi gnas su 'gyur ro/ /rin po che'i dam tshig ni rin chen 'byung ldan te/ de nyid longs spyod rdo rje ni longs spyod rdzogs pa'i sku skyed par mdzad pa'i rdo rje ni skyed pa'i rgyu gang la yod pa de ni de bzhin gshegs pa'o//lce'i dbang po rnam par dag pa bshad par bya ste/ nam mkha'i dbyings kyi dbus zhes bya ba la sogs pa la/ nam mkha'i dbyings ni lce'i bar ro/ /de'i dbus su gnas pa sangs rgyas dkyil 'khor ni zla ba'i dkyil 'khor bsams te/ de'i steng du 'jig rten dbang phyug ni cha gsum dang ldan pa'i yi ge oM las 'byung ba'i spyan ras gzigs bsgom par bya'o//ji lta bu zhe na/ rdo rje dam tshig gsum ni sems dpa' gsum dang ldan pa'o/ /rdo rje gsum dpag med ni pad+ma 'dzin pa'i ngo bo rdo rje 'chang chen po'i ngo bo 'dra bar 'gyur ro//bcom ldan 'das rdo rje 'od ces bya ba la sogs pa ni snga ma bzhin no/ /'bras bu bstan par bya ste/ lus ngag sems ni bdag nyid kyi lus la sogs pa ste/ de dag gi 'od dpag med ni de'i ngo bo rdo rje 'chang chen po dang 'dra bar 'gyur ro//de bzhin du sems can thams cad la rnam par dag par theg pa chen po ni yan lag bcu gnyis pa'i chos kyi gsung rab lam ni smra ba'i lam gang las 'byung ba de ni de bzhin no zhes ston to/ /yon tan dpag tu med pa ni yul la sogs pas bskal pa'i ro drug ste/de rnams rdo rje ni lce'i rtse mor 'od kyi dpal ni mdun du gnas pa'i ro myang ba bzhin du dmigs pa ting nge 'dzin gang la yod pa ni de bzhin du bshad pa'o/ /lus rnam par dag pa bshad par bya ste/ nam mkha'i dbyings kyi dbus su zhes bya ba la sogs pa la/nam mkha'i dbyings ni zla ba phyed pa dang 'dra ba'i gsang ba'i rdo rje'i nam mkha'o/ /de'i dbus su gnas pa sangs rgyas dkyil 'khor ni zla ba'i dkyil 'khor bsams te/ de'i steng du rdo rje ut+pal ni nam mkha' ltar ljang gu dam tshig oM ni don yod grub pa'i rigs kyi sa bon bkod la de yongs su gyur pa las skyes pa'i rdo rje dam tshig gsum ni sgrib pa rnam par sel ba bsams na/rdo rje gdon mi za ba'i don yod grub pa'i ngo bo rdo rje 'chang chen po dang 'dra bar 'gyur ro/ /bcom ldan 'das rdo rje gdon mi za ba zhes bya ba la sogs pa ni snga ma bzhin no//'bras bu bstan par bya ste/ lus ngag sems rdo rje ni reg pa gsum mo/ /de nyid yul la sogs pas bskal pas de nyid 'dzin pa la rdo rje thogs med ni rdo rje 'chang chen po dang 'dra bar 'gyur ro/ /de bzhin du ye shes ni bya ba nan tan grub pa'i ye shes te/de nyid rgya mtsho dang 'dra bar 'gyur ro/ /de bzhin du dpal ni 'dod pa thams cad longs spyod pa'i phun sum tshogs pa ste/ de nyid dang ldan pas na dpal dang ldan no/ /de bzhin du sems can kun don ni smin pa dang grol ba la sogs pa rnal 'byor pa gang las byung ba de ni de bzhin no//gdon mi za ba'i dam tshig ni yul la sogs pas bskal pa'i reg pa ste/ de nyid 'byung ba ni mdun du gnas pa'i reg pa bzhin 'dzin pa ste/ de nyid kyi phyir 'od zer 'byung ba ni rnam par sel ba'i sku 'dzin pa ting nge 'dzin gang la yod pa de ni de bzhin du bshad pa ste/bskyed pa'i rim pa'o/ /de ltar skye mched drug gi rnam par dag pa bstan nas/ da ni ye shes kyi sku rdzogs par bya ba'i phyir bsgom pa bshad par bya ste/ nam mkha'i dbyings kyi dbus su ni/ /zhes bya ba la sogs pa la/nam mkha'i dbyings ni snang ba la sogs pa'i rim pas rnam par dag pa'i 'od gsal ba'o/ /de'i dbus su gnas pa ni nye bar thob pa la sogs pa'i rim gyis thob par sangs rgyas dkyil 'khor ni rnam par snang mdzad kyi dkyil 'khor bsgom par bya ste/cig car du bsgom par bya'o/ /rdo rje snang mdzad ni mos pa'i dbang gis rtag pa'i gzugs bsgoms te/ sku gsum ni chos dang longs spyod dang sprul pa'i sku'i rang bzhin yi ge oM ni tshangs pa'i rang bzhin de'i ngo bo sku bsam par bya'o/ /rdo rje dam tshig gsum ni khams gsum pa sgyu mar blta ba'i rnam pa de spro bas rnam par snang mdzad ni rdo rje 'chang chen po dang mtshungs pa brtag pa bzhin du 'gyur ro//'bras bu bstan par bya ste/ sku gsung thugs kyi rdo rje ni chos dang longs spyod dang sprul pa'i sku'o/ /rnam par snang mdzad 'od dang 'dra ba ni me long lta bu'i ye shes kyi rang bzhin du rdo rje 'chang dang 'dra bar 'gyur ro//de bzhin du ye shes ni sgyu ma'i dpe bcu gnyis te/ de rnams kyi rdzogs pa'i byang chub ni yang dag par blta ba'o/ /sku ni khams gsum ma ma sku gsung thugs so/ /de rnams mi phyed pa ni bdag nyid kyi ting nge 'dzin gyis sgrub par byed pas na de skad ces bya'o//sku gsung thugs nye bar bsdus pa'i 'od gsal ba las dmigs pa ni sgyu ma'i sku 'dzin pa gang yin pa dang / mngon par byang chub pa ni sgyu ma'i dpe mthong ba gang la yod pa de la de skad ces bya'o//gnyi ga'i rnal 'byor pa rnams kyi gnas kyi phun sum tshogs pa bstan par bya ba'i phyir/ rnam par dben pa'i ri bo dang / /zhes bya ba la sogs pa gsungs te/ sna tshogs pa dang skye bo med pa'i shing drung dang me tog la sogs pa dang ldan pa'i ri bo rnams dang / klung ni chu bo chen po dang chu mdo dang 'bab chu ni gang las dang po chu byung ba ste/gnas de rnams dang de bzhin du dur khrod la sogs pa ni/ dur khrod dang / rtags gcig dang / khang stong dang / bzhi mdo dang / sum mdo la sogs pa la 'di sngar bshad zin pa dang / 'og nas 'chad par 'gyur ba'i bsam gtan ni bskyed pa'i rim pa'i bsgom pa dang /mdor bsdus pa dang / ye shes kyi sku bsgom par bya'o / /gang gi phyir ri bo la sogs pa'i skye bo med pa'i phyir bskyed pa'i rim pa'i rnal 'byor pa rnams kyi sems rtse gcig par gyur pa nyid du byed do/ / de rnams kyang dngos grub kyi gnas yin te/ bcom ldan 'das kyis gsungs pa'o/ /rdzogs pa'i rim pa'i rnal 'byor pa rnams kyi ri bo la sogs pa'i bshad pa'i rgyud la 'jug par bya ste/ rtags ni/ shing gcig dang ni dur khrod dam/ /chu mdo'am ni bzhi mdo dag /ri mchog ma ni sum mdo'am//shing drung rtsa ba pha bong rtsar/ /rgya mtsho chen po dgyes 'gram na/ /rnal 'byor ma thugs dgyes par byed/ /nyon mongs thams cad 'joms byed pa'i/ /rnal 'byor pa ni de ltar grub/ /man ngag rab tu bshad bya ba/ /mchog gi mdangs ldan 'gro ba dag /bdag nyid gzugs ni gcig yin te/ /'gro dang mi 'gro der gnas pa/ /rtags gcig de ni bshad yin gyi/ /yid 'ong rdo la sogs pa min/ /gang zhig 'od gsal de kho na'i/ /gang zhig drag po 'jigs par byed/ /gsang ba'i pad+ma de bzhin gzhan/ /dur khrod du ni shes par bya//rus sbal ma dang zla ba ma/ /chu bo'i sgras ni bshad pa ste/ /de gnyis gang du phrad pa ni/ /chu mdo de nyid bshad pa yin/ /spyan dang mA ma kI sgrol ma/ /gos dkar mchog gi dbang phyug ma/ /phyag rgya bzhi pos mtshan pa yi / /bzhi mdo yi ge phyi mo mchog /ri mdo de bzhin gshegs par bshad/ /de yi mchog ni rdo rje 'dzin/ /rdo rje theg par rab grags pa'i/ /ri mchog de ni shes par bya/ /sku gsung thugs ni rdo rje rnams/ /dngos po gcig nyid du gyur pa/ /shin tu rnyed dka'i dam chos 'dir//sum mdor de ni shes par bya/ /shing drung rdor 'dzin bshad pa ste/ /rtsa ba yang ni spros pa med/ /de ni shing drung gcig bshad pa/ /'gro dang mi 'gro des 'dzin pa'o/ /pha bong bzhin ni bems dngos pa / /bdag ni yod pa ma yin te/ /de nyid rtog pa rtsar bshad pas//pha bong rtsa ba 'dir bshad pa'o/ /a de chu yis gang ba dang / /ka ni sde tshan dba' rlabs mchog /tsa yi sde tshan lbu bas rgyas/ Ta yi sde tshan 'gram gyis mdzes/ /ta yi sde tshan ri bor ldan/ /pa yi sde tshan dba' rlabs ldan/ /ya yi sde tshan nya chu srin//sha yi sde tshan rin chen sogs/ /Sha ni rgod ma'i me dang ldan/ /phyogs ni khyab cing yang dag gnas/ /klog pa dang ni nyan pa dang / /rgyud thams cad la rab tu gnas/ /de la gnas pa gang yang rung / /mtsho chen 'gram na de gnas pa'o/ /de ltar yi ge dbye ba yis//mdzes ma khyod la bshad pa ste/ /mi 'gyur don gyi man ngag 'di/ /don ni mang po yang dag brjod/ /rnal 'byor ye shes mchog gi mchog /rdo rje zhi ba'i gnas la gnas/ /the tshom med cing lha mo skye / /khyod la gsang ba bshad pa yin/ /zhes gsungs so//mi bskyod pa la sogs pa'i rnal 'byor pa rnams kyis kyang nam mkha' rdo rje ni nang nas sku spros te bsgom par bya'o/ /de nyid kyi phyir bshad pa yin te/ mi bskyod ye shes dag ces bya ba la sogs pa la mngon shes lnga ni lha'i mig la sogs pa'i dngos grub bo/ de rnams kyi sbyor ba ni de gtso bor gyur pa'i gnas rnams la/ sangs rgyas mchog ni rdzogs pa'i rim pa bsgom par bya'o/ /bcom ldan 'das zhes bya ba la sogs pa la snga ma bzhin no/ /rdzogs pa'i rim pa'i rnal 'byor pa'i bsgom pa gzhan bshad par bya ba'i phyir/ rdo rje chen po rtse lnga pa/ /zhes bya ba la sogs pa gsungs te/ rtse lnga pa ni rtsa lnga'i ngo bo rdo rje 'chang chen po dang pad+ma ste/ de dag gnyis 'bar ba lnga ni khams lnga pos rnam par brgyan pa ni gang ba'o/ /de nyid gnas lnga po ni gdan du bsgoms la sbyor ba ni snyoms par zhugs pa'i sbyor bas rdo rje mngon shes dga' ba la sogs pa gsum po ste/de rnams dang 'dra ba ni lhan cig skyes pa ste/ de gyur pa ni de nyid thob par gyur ces pa 'bras bu'o/ /rang sngags ni yi ge gsum ste/ de nyid za chun gyi 'khor lo bzhin du bskor bas na 'khor lo ste/ 'khor lo'i rnam par bsgoms la/ me stag mang po ni 'od zer lnga ste/ de dag gis 'khrug pa ni thob pa ste/ de rnams phyi rol du spro bar bya'o/ /de nas rdo rje lnga ni srog la sogs pa'i rlung lnga ste/ de rnams sbyor ba ni ro gcig par byed pa ste/ des rdo rje mngon shes ni rdo rje 'chang chen po ste/de dang 'dra bar gyur te rdo rje'i bzlas pa'o/ /rdo rje nam mkha'i dkyil nyid du/ /zhes bya ba la sogs pa la/ rdo rje nam mkha' ni 'od gsal ba'o/ /de'i dkyil du gnas pa ni de las byung ba'i 'khor lo ni rdo rje 'chang chen po ste/ dkyil 'khor pa dang bcas pas bsgom par bya'o//ji lta bu zhe na/ sangs rgyas 'bar ba ni 'ja' tshon dang 'dra ba'i 'od zer rnams te/ de dang 'dra ba'i 'od gang la yod pa de ni de bzhin no/ /de lta bu bsams nas sangs rgyas 'jug pa ni sangs rgyas thams cad ro gcig par byed pas/ sangs rgyas gnas ni sngags kyi sku ste/ rdo rje 'chang chen po'o/ /de dang 'dra bar gyur pa ste bdag la byin gyis brlabs pa'o/ /da ni dbye ba gzhan pas ye shes kyi sku bstan par bya ba'i phyir/ sangs rgyas dkyil 'khor dbus gnas par/ /zhes bya ba la sogs pa gsungs te/sangs rgyas dkyil 'khor ni rang gi rig ma'i chos 'byung gi phyag rgya'o/ /de'i dbus su gnas pa ni de'i nang du bdag gi lus zhugs te/ rnam par snang mdzad kyi ngo bo bsams la/ de'i snying gar ni ye shes sems dpa'i snying gar yi ge oM bkod la/de'i rjes la sngags ni ting nge 'dzin sems dpa'i thig le la rnam par shes pa bsgom pa ni de nyid du rnam par shes pa thim par bya'o/ /de'i rjes la chos 'byung gi phyag rgya'i reg pas/ sems ni gsung gi bdag nyid de rnam par snang mdzad kyi ngo bo//'gog pa'i dbus su ni thig le tsam la thim pa ste/ ji srid nam mkha' la sprin gyi dum bu bzhin du lte ba'i mthar de nyid du thim par gyur na de'i tshe yid bzhin ni de las ldang zhing ra ba thams cad rdzogs par byed pa dang / dpal ldan ni bsod nams dang ye shes kyi tshogs dang ldan par 'gyur ro//sangs rgyas kun ni bskyed pa'i rim pa'i rnal 'byor pa rnams te/ de rnams kyi mchog 'dzin pa gtso bor gyur pa dang 'dul bar mdzad pa ste/ 'bras bu dag la byin gyis brlab pa'i rim pa dag go/ /rig pa 'di nyid kyis sangs rgyas dkyil 'khor ni chos 'byung gi phyag rgya'i nang du khams gsum pa 'jug pa sngon du 'gro ba'i rdo rje mi bskyod pa bsgom zhing de'i ye shes sems dpa'i snying gar ting nge 'dzin sems dpa'i ngo bo yi ge hU~M bkod la/de'i thig le la sems bzhag cing chos 'byung gi phyag rgya'i reg pas gsum po yang thim par bsgoms la snga ma bzhin du cig car du langs te/de dang 'dra bar gyur pa ste / 'bras bu dang bdag la byin gyis brlabs pa'o/ /de bzhin du sangs rgyas dkyil 'khor ni chos 'byung gi phyag rgya'i nang du tshe dpag med ni gsung rdo rje 'dzin pa ste/ khams gsum pa 'jug pa sngon du 'gro bar bsams la/de'i ye shes sems dpa'i snying gar yi ge a ni ngag gi dbang phyug gi sa bon ting nge 'dzin sems dpa' bkod la/ de nyid kyi thig le la rang gi sems bzhag cing chos 'byung gi phyag rgya'i reg pas thim par bsgoms la/ de las ldang zhing snga ma bzhin du gyur pa ste 'bras bu dang bdag la byin gyis brlab pa'i rim pa'o//nye bar bsdu ba bshad par bya ste/ 'di ste dam tshig mchog gi mchog /ces bya ba la sogs pa la/ dam tshig mchog ni chos 'byung gi phyag rgya'o/ /de'i mchog ni de la 'jug pa'i de bzhin gshegs pa rnams dgod pa'o//rdo rje gsum ni sems dpa' gsum ste/ de nyid mi phyed bsgom pa ni thig le tsam la thim par bsgom pa'o/ /'gog pa'i dam tshig ye shes te/ /zhes pa ni nyan thos pa'i rigs can gyis 'gog pa la snyoms par zhugs pa'i go 'phang gi rnam par rtog pa'i ye shes thob par byed pa'o//de las ldang zhing sangs rgyas dngos grub ni sgyu ma lta bu'i dngos grub ste/ de nyid thob par 'gyur ro/ /de ni 'bras bu dang bdag la byin gyis brlab pa'i rim pa'o/ /rdzogs pa'i rim pa'i rnal 'byor pas bskal par gnas pa nyid bstan par bya ba'i phyir khyad par can gyi ting nge 'dzin bshad par bya ste/rdo rje nam mkha'i dbyings gnas pa/ /zhes bya ba la sogs pa la/ rdo rje nam mkha'i dbyings ni stong pa nyid do/ /de'i dbus su gnas pa gsal ba'i dkyil 'khor ni zla ba'i dkyil 'khor la gnas pa'i rnam par snang mdzad kyi sku bsgom ste de nyid kyi ye shes sems dpa'i thugs kar yi ge oM bkod la/de nyid kyi lus ngag sems ni dam tshig dang ye shes dang ting nge 'dzin sems dpa' gsum ste/ de rnams ting nge 'dzin sems dpa'i thig le la zhugs shing thig le yang sgra la dang /sgra yang sgra mtha' la thim par bsgoms na ji srid bskal pa'i bar du ting nge 'dzin des gnas par 'gyur te/ rnal 'byor pa de dus ma yin pa'i shi ba 'byung ba ma yin te/ sems dbang du gyur pas lus ngag yid kyi rnam par rtog pa mi dmigs pa'i phyir ro//gang gi phyir nad rnams ni rnam par rtog pa las 'byung ba yin no/ /ji skad du/ ji srid sems ni g.yo gyur pa/ /de srid bdud kyi spyod yul min/ /de ltar yin pas skyon med 'di/ /de ni ci phyir rigs pa min//zhes 'byung ngo / /de bzhin du rdo rje nam mkha'i dbyings gnas pa ni 'od gsal ba las chos kyi 'khor lo ni pad+ma la gnas pa'i snang ba mtha' yas bsgoms la de nyid kyi ye shes sems dpa'i snying gar ting nge 'dzin sems dpa' 'am ngo bo yi ge AHbkod la/snga ma bzhin du lus ngag sems ni sems dpa' gsum ting nge 'dzin sems dpa'i thig le la cha shas kyi sgo nas thim par gyur na sgrub pa po des bskal pa'i bar du gnas par 'gyur ro/ /de bzhin du stong pa nyid bsgom pa'i sngon du 'gro ba'i dam tshig rdo rje gsum ni rdo rje bzlas pa'i bka' stsal pa ste rdo rje bzlas pa'i rim pa'o//yang na rdo rje ni rnam par shes pa gsum ste/ de rnams 'dzin pa ni 'od gsal ba la zhugs pas na rdo rje 'dzin no/ /rang bzhin rnams nye bar bsdus pas ston pa'o/ /zla ba dang nyi ma'i 'od zer gyi snang ba mtshon cing gnas pas na bskyed pa'o//ye shes mchog ni snang ba la sogs pa gsum ste/ de rnams sgrub pa ni mdzad pas na ye shes mchog sgrub pa'o/ /rdo rje gsum ni ye shes gsum yang dag par 'gro ba ni/ thim pas na dam tshig ni gsal ba'o/ / ji lta bu zhe na/ de nyid ni stong pa nyid kyi rang bzhin no/ /rdo rje gsung ni rdo rje'i tshig gis rtogs par bya ba'i don gyi mtshan nyid bka' stsal pa ste/ sems rnam par dag pa'i rim pa'o/ /yang na rdo rje ni sgyu ma'i sku ste/ de nyid 'dzin pa ni 'od gsal ba las spro bar mdzad pas na rdo rje 'dzin no//de nyid kyi phyir longs spyod pa'i skus yan lag drug cu dang ldan pa'i gsung gis 'gro ba gsum rjes su 'dul bar mdzad pas na ston pa'o/ /sprul pa'i sku rnams kyi sna tshogs pa'i dkyil 'khor gyi 'khor lo bskyed par mdzad pas na bskyed pa'o//rnam par mi rtog pa'i ye shes las phyi dus su byung ba'i sgyu ma dang smig rgyu la sogs pa'i rnam pa ni ye shes mchog ste de rnams sgrub pa ni khams gsum pa de bzhin du gzigs pas na ye shes mchog sgrub pa'o/ /rnam par mi rtog pa la 'jug pa las kyang / shes bya dang khyad par med pa'i ye shes kyis zhes bya ba la sogs pa gsungs so//rdo rje gsung ni chos dang longs spyod dang sprul pa'i sku rnams te/ de dag gi dam tshig ni mnyam par gyur pa ste/ sku gsum gyi rang bzhin no zhes ston to/ /de nyid ces pa ni sgyu ma la sogs pa'i rang bzhin gyi sku gsum de'i dngos po ni de nyid de'i ngo bo zhes ston to //gzhan dang ldan pa'i rnam par gcod pa srid pa drug pa ni gzhu 'dzin pa bzhin no/ /rdo rje gsung bka' stsal pa ni snga ma bzhin te bdag la byin gyis brlab pa'i rim pa'o/ /yang na rdo rje ni bzhi pa'i de kho na nyid de/ de 'dzin pa ni mngon du byed pas na rdo rje 'dzin no//'dod chags dang 'dod chags dang bral ba dang 'dod chags bar pa'i rnam par rtog pa rnams sel ba'am bsre bar mdzad pas na ston pa'o/ /byang chub thob par mdzad pas na bskyed pa'o/ /ye shes ni 'byung bar gyur pa'i 'od gsal ba ste/de nyid kyi mchog ni sngon du byung ba'i smig rgyu la sogs pa lnga ste/ de dag sgrub pa ni nye bar mtshon pas na ye shes mchog sgrub pa'o/ /rdo rje gsum ni 'dod chags la sogs pa yang dag par bsdu bas na rdo rje gsum ste/ mngon par byang chub pa'i de kho na nyid do/ / mar la mar bzhin du mnyam por thim par gyur pas na dam tshig go/ /de nyid kyi phyir dam tshig ni thams cad stong pa'o/ /rdo rje gsung ni nyams par ma gyur pa'i sgra bka' stsal te/ mngon par byang chub pa'i rim pa'o/ /yang na mi gnas pa'i mya ngan las 'das pa'i dbyings ni rdo rje ste de 'dzin pas na rdo rje 'dzin no//rnam bcas dang rnam pa med pa la sogs pa tha dad pa dang tha mi dad pa yongs su spangs nas gzigs pas na ston pa'o/ /chos thams cad sprul par mdzad pas na bskyed pa'o/ /ye shes ni lnga ste de rnams kyi mchog ni chos kyi dbyings kyi ye shes te/de sgrub pa ni gzhan rnams la ston pa ste/ ye shes mchog sgrub pa'o/ /rdo rje gsum ni sku gsung thugs te/ de rnams kyi dam tshig ni dmigs pa med pa'i sbyor ba las 'gro ba'i don mdzad pa'o/ /de nyid ni rdo rje dkyil 'khor ni nyi ma'i dkyil 'khor la gnas pa mi bskyod pa bsgoms te/de nyid kyi ye shes sems dpa'i snying gar ting nge 'dzin sems dpa'i ngo bo yi ge hU~M bkod la/ lus ngag sems ni sems dpa' gsum de'i thig le la thim zhing sgra mtha' tsam la gnas na rnal 'byor pa des bskal pa'i bar du gnas par gyur te/rdzogs pa'i rim pa'o/ /gsum rtog pa ni lha'i sku rdzogs par bya ba'i phyir spyod pa ste/ gsung gi rtog pa ni lha'i sku rnam pa gsum mo/ /de rnams nyid dam tshig gang la yod pa de ni rdo rje gsum gyi rtog pa'i dam tshig ste/ thams cad stong pa nyid kyi ngo bo rdo rje 'chang chen pos de skad bka' stsal te/snga ma dang sbyar ro/ /yang na rdo rje ni nam mkha' bzhin du dbyings ni rnam par shes pa'i khams gang la yod pa de ni rdo rje mkha' dbyings te ro'i lus so/ /de la gnas pa ni de'i snying gar gnas pa'i gsal ba'i dkyil 'khor ni zla ba'i dkyil 'khor bsams la rang gi snying ga'i ye shes sems dpa'i snying ga la yi ge oM/lus ngag sems ni hU~M phaT sa bon rnams kyis bdag gi lte ba'i 'khor lo las bskul te/ de'i lus kyi snying gar gnas pa'i zla ba'i dkyil 'khor la zhugs par bsams la/de'i tshe lus gsar pa blangs nas rnying pa'i lus spangs te/ 'gro ba'i don mdzad pa'i phyir rnal 'byor pa de ni bskal pa'i bar du gnas par 'gyur ro/ /de bzhin du snang ba mtha' yas dang rdo rje'i rigs la sogs pa'i rnal 'byor pa rnams kyis kyang bsgom par bya ste/bskyed pa'i rim pa'o/ /lag na rdo rje nam mkha' ni tshangs pa'i bu ga ste de'i dbus su gnas pa'i gsal ba'i dkyil 'khor ni zla ba'i dkyil 'khor bsgoms te/ de'i dbus su ston ka'i zla ba dang 'dra ba'i yi ge oM bkod la/ de las byung ba'i 'o ma'i rgya mtsho'i rlabs dang 'dra ba'i bdud rtsi'i rgyun gyis bdag gi lus la sogs pa tshim par bsgom pa byas na/phyi rol gyi bza' ba mi rtog pas bsam gtan gyi bza' ba can rnal 'byor pa des ni bskal pa'i bar du gnas par gyur te las kyi rgyal ba mchog go/ /de bzhin du gsung rdo rje dang thugs rdo rje'i rnal 'byor pa bdag gis kyang bsgom par bya'o//yang na nam mkha' ni mkha'o/ /rdo rje ni lce'o/ /de'i dbus su gnas pa ni gsal ba'i dkyil 'khor ni zla ba'i dkyil 'khor la gnas pa'i phra mo rdo rje bsgoms la/ de'i rjes la rdo rje de nyid kyis bza' ba dang btung ba la sogs pa ni yi ge oM gyis bdud rtsir byas la bza' bar bya'o//lus ngag sems ni snying ga dang lte ba dang gsang bar gnas pa'i dkyil 'khor gsum nang gi sbyin sreg gi rim pas tshim par byas na/ rnal 'byor des ni bskal par gnas par 'gyur ro/ /de bzhin du yang gnyi ga'i rnal 'byor pa dag gis bsgom par bya ste las kyi rgyal ba mchog go//yang na rdo rje nam mkha' ni lag pa gnyis te de dag gi dbus su gnas pa ni dkyil du gnas pa'i gsal ba ni zla ba'i dkyil 'khor te/ lag pa g.yon pa dang dkyil 'khor ni nyi ma'i dkyil 'khor te/ g.yas pa la bkod la yi ge oM ni oM yongs su gyur pa las skyes pa'i phreng ba bsams te/phreng ba de nyid kyis lus ngag sems ni sku la sogs pa'i ngo bo sangs rgyas dang byang chub sems dpa'i rnams la bzlas pa byas na/ bskal pa ni rtog pa las gsungs pa'i 'bras bu thob par 'gyur te/bskyed pa'i rim pa'o/ /gzhan yang de bzhin du shes par bya'o/ /rdo rje nam mkha'i dbyings ni dang po sbyor ba la sogs pa'i rim pas stong pa nyid la zhugs pa'o/ /de'i dbus su gnas pa'i rdo rje'i dkyil 'khor ni don yod grub pa'i dkyil 'khor te/ pad+ma 'dab ma brgyad pa'i lte bar bsams te/yi ge oM las byung ba rnam par snang mdzad kyi ris kyi lha mo'i 'khor los dbang bskur te/ dam tshig nyams pa ldog cing yongs su rdzogs pa'i don yod grub pa'i skus bskal pa'i bar du dam tshig nyams pa'i 'jigs pa dang bral zhing gnas par 'gyur ro//gsung dang thugs rdo rje'i rnal 'byor pa dag gis kyang de bzhin du bsgom par bya ste/ bskyed pa'i rim pa'o/ /'bras bu bstan par bya ste/ sku dang gsung zhes bya ba la sogs pa la/ rnal 'byor 'di ni rnam pa gnyis te/ sngags kyi sku dang ye shes kyi sku'i mtshan nyid do//'gyur phyin chad ces pa ni ting nge 'dzin gyi dus la brtsams te/ sku dang gsung dang / thugs rdo rje ni rdo rje 'chang chen po'i ting nge 'dzin la zhugs pa'i rnal 'byor pas ngo bo nyid du klog gam zhes pa ni bzlas pa bya'am bsam zhes pa ni bsgom par bya ba yin la/rnal 'byor pa de nyid rdo rje 'dzin ni rdo rje 'chang chen po dang 'dra bar 'gyur ro/ /bskyed pa'i rim pa'o/ /de bzhin gshegs pa thams cad kyi sngags kyi dam tshig yi ge oM la sogs pa'o/ /de rnam pa de kho na nyid ni spros pa la sogs pa ste/ de las 'byung ba gang zhig rig ma lha mo rnams dang bcas pa'i skyes bu ni sngags kyi sku'i ngo bo'i de bzhin gshegs pa rnams le'u gang la de ni de bzhin no/ /de nyid kyi mchog ni phul du byung ba ste/ bskyed pa'i rim pa'o/ /de bzhin gshegs pa thams cad ni lnga dang / sngags ni dkyil 'khor pa rnams kyi gang zhig de kho na nyid ni don dam pa ste 'od gsal ba'o//de las cig car du spro ba gang zhig rig ma'i skyes bu ni lha mo dang bcas pa'i de bzhin gshegs pa rnams te/ de nyid sgyu ma'i rang bzhin yin pa'i phyir/ mchog le'u gang la yod pa de ni de bzhin du bshad pa ste/bdag la byin gyis brlab pa'i rim pa'o/ /rgyud 'grel las le'u bcu gcig gi tshig gi don bcu drug gi bshad pa'o/ / le'u bcu drug pa'i tshigs su bcad pa'i grangs ni nyis brgya bzhi bcu'o// // sku rnam pa gnyis kyi nus pa thob pa'i rnal 'byor pas phyag rgya chen po yongs su gyur pa la brten te/gzhan gyi don bya ba ste de'i phyir le'u bcu gnyis pa bstan par bya ba'i phyir/ de nas zhes bya ba la sogs pa gsungs so / /rdo rje ni rdo rjes nye bar mtshon pa'i 'khor lo la sogs pa ste/ de nyid rig pa 'dzin pa'i dngos grub 'grub pa'i phyir/'dzin pas na rdo rje 'dzin pa ste/ bskyed pa'i rim pa'o/ /rdo rje ni yan lag drug pa'i rnal 'byor te/ de 'dzin pas na rdo rje 'dzin te rnal 'byor ro/ /rdo rje ni ye shes lnga ste de rnams 'dzin pas na rdo rje 'dzin te/ rdzogs pa'i rim pa'o//ston pa ni 'khor lo'i rig pa 'dzin pa la sogs pa'i dngos grub rnams kyis gsal bas na ston pa'o/ /spro ba'i rim pas 'gro ba sprul pas na bskyed pa'o/ /ye shes mchog ni rnam par snang mdzad la sogs pa ste de rnams sgrub pa'am/ skyed par mdzad pas na ye shes mchog sgrub pa'o//de lta bu'i bcom ldan 'das kyis dam tshig rdo rje gsum ni phyag rgya chen po yongs su gyur pa ste/ de'i de nyid ni snying po ste rdo rje gsung ni gsung kho na rdo rje ste/ gsal ba'i gsung bka' stsal te/ bskyed pa'i rim pa'o/ / yang na rdo rje ni sa bon gsum ste/ de nyid zo chun 'khrul 'khor gyi rim pas 'jug pa dang / gnas pa dang ldang ba'i rim pas 'dzin pa ni rdo rje 'dzin no/ /dkyil 'khor bzhi'i rim pas 'od zer gyi 'khor lo spro bas na ston pa'o/ /dmar po la sogs pa'i dbye bas srog dang rtsol ba ni sna'i rtse mor 'dzin pas na bskyed pa'o//ye shes ni yi ge gsum gyi brjod par gyur pa'i de bzhin gshegs pa rnams te/ de dag gi mchog ni ye shes lnga ste de grub pa ni thob par byed pas na ye shes mchog grub pa'o/ /dam tshig rdo rje gsum de nyid de ma ning gi bzlas pa'i mtshan nyid dang /rdo rje gsung ste rdo rje bzlas pa bka' stsal pa ni gsungs pa'o/ /de ni rdo rje bzlas pa'i rim pa'o/ /yang na rang bzhin rnam ston cing / /nye bar sdud pas na ston pa'o/ /rdo rje ni rnam par shes pa gsum ste/ de rnams 'od gsal bar 'dzin cing 'dzud pas na rdo rje 'dzin no//zla ba dang nyi ma'i 'od zer gyi snang ba shes nas skyed cing gnas pas na skyed pa'o/ /ye shes mchog ni snang ba la sogs pa gsum ste/ de rnams sgrub cing mngon du mdzad pas na ye shes mchog sgrub pa'o/ /rdo rje gsum ste ye shes gsum yang dag par zhugs shing thim pas na dam tshig ste 'od gsal ba'o//de ni de nyid de thams cad stong pa nyid kyi rang bzhin no/ /rdo rje gsung ste rdo rje tshig gis rtogs par bya ba'i don gyi mtshan nyid bka' stsal pa ni bshad pa'o/ /de ni sems rnam par dag pa'i rim pa'o/ / yang na rdo rje ste sgyu ma lta bu'i sku 'dzin cing 'od gsal ba las spro bas na rdo rje 'dzin no/ /de nyid kyi phyir longs spyod rdzogs pa'i skus gsung yan lag drug cu dang ldan pa'i sgo nas 'gro ba gsum la rjes su ston par mdzad pa nyid yin pas na ston pa'o/ /sprul pa'i sku rnams kyis dkyil 'khor gyi 'khor lo gsar pa gzhan dang gzhan skyed par mdzad pas na skyed pa'o//ye shes mchog ni rnam par mi rtog pa'i ye shes las dus phyis 'byung ba'i sgyu ma dang smig rgyu la sogs pa'i rnam pa dag ste/ de rnams kyis bsgrub cing khams gsum pa la de dang mtshungs par gzigs pas na ye shes mchog sgrub pa'o//rnam par mi rtog pa la 'jug pa las/ /shes bya khyad par du 'phags pa'i ye shes kyis ni chos thams cad nam mkha'i dkyil dang mtshungs par mthong ngo / /de'i rjes la thob pas ni sgyu ma dang smig rgyu dang dri za'i grong khyer dang chu zla dang sgra brnyan dang rmi lam dang mtshungs par mthong ngo zhes gsungs so//rdo rje gsum ni chos dang longs spyod rdzogs pa dang sprul pa'i sku rnams so/ /de dag yang dag par 'dus pas na dam tshig ste gsum gyi rang bzhin can zhes bya ba'i don to//de nyid ces bya ba la sgyu ma la sogs pa'i rang bzhin gyi sku gsum po de'i dngos po tsam ni de nyid de de'i rang bzhin no zhes gzhan dang ldan pa bcad pa ste/ srid sgrub 'phong sbyin zhes bya ba lta bu'o/ /rdo rje gsum 'di bka' stsal pa zhes bya ba 'di ni snga ma bzhin no/ /de ni bdag byin gyis brlab pa'i rim pa'o//yang na ston pa ste gang zhig 'dod chags dang 'dod chags dang bral ba dang 'dod chags bar ma'i rnam par rtog pa spangs pa'am 'degs par mdzad pa de ni ston pa'o/ /rdo rje ste de kho na nyid bzhi pa 'dzin cing mngon du mdzad pas na rdo rje 'dzin no//bskyed pa ste byang chub thob par mdzad pas na bskyed pa'o/ /ye shes te 'byung bar 'gyur ba'i 'od gsal ba'i mchog ni sngon du 'byung ba'i smig rgyu la sogs pa lnga ste/ de dag sgrub cing nye bar mtshon par byed pas na ye shes mchog sgrub pa'o/ /de bzhin du rdo rje gsum ste 'dod chags la sogs pa rnams gcig tu bsdus pa ni rdo rje gsum ste mngon par byang chub pa'i de kho na nyid do//yang dag par 'dres shing mar la mar bzhag pa bzhin du thim pas na dam tshig go/ /de nyid kyi phyir te thams cad stong pa nyid do/ /rdo rje gsung ni sgras te thogs pa med pa'i gsung bka' stsal pa ni 'chad par 'gyur ba'o//de ni mngon par byang chub pa'i rim pa'o/ /rnam pa dang bcas pa dang rnam pa med pa la sogs pa rnams tha dad pa dang gcig pa spangs par ston cing gzigs pas na ston pa'o/ /rdo rje ni mi gnas pa'i mya ngan las 'das pa'i dbyings te/de 'dzin pas na rdo rje 'dzin no/ /chos thams cad sprul par mdzad pas skyed pa'o/ /ye shes lnga po de rnams kyi mchog ni chos kyi dbyings kyi ye shes te/ de bsgrub cing gzhan rnams la nye bar ston pas na ye shes mchog sgrub pa'o//rdo rje gsum ni sku dang gsung dang thugs rnams so/ /de dag gi dam tshig ni dmigs pa med pa'i rnal 'byor gyis 'gro ba'i don bya ba'o/ /de ni de nyid de ye shes kyi tshogs mthar phyin pa'o/ /de lta bu'i gsung ni bcom ldan 'das mi phyed pa'i phyir rdo rje bka' stsal pa ste/zung 'jug gi rim pa'o/ /gsung de nyid bshad pa'i phyir/ mkha' dang mtshungs par mnyam 'gyur zhes bya ba la sogs pa gsungs te/ mkha' dang mtshungs pa ni nam mkha' dang 'dra ba ste 'od gsal ba las 'byung ba'i phyir ro/ /gyur pa ni sku gsung thugs kyi de kho na nyid thob par byed pas na gyur pa ste/yi ge gsum mo/ /de nyid cha shas dang cha shas can gyi dbye bas ma ning gi bzlas pa'i rim pas bsdu bar gyur na/ rnam par mi rtog kho bo nyid ni nam mkha' bzhin du spros pa med par 'gyur ro/ /de ltar byas nas rang bzhin dag pa ni 'od gsal ba'i de kho na nyid de/de nyid chos rnams ni chos nyid gang la yod pa de ni chos rnams rang bzhin dag pa'o/ /sngags rnams de lta bu yin na yang sems rnam par dag par bya ba'i phyir rol mo ni rol mo dang 'dra/ sna tshogs pa'i spros pa dang bcas pa'i 'jug pa dang gnas pa dang ldang ba'i mtshan nyid rab tu ni dkyil 'khor la sogs pa'i rim pas bsgom pa ni bzlas par bya ba ste/rdo rje'i bzlas pa'i rim pa'o/ /yang na mkha' dang mtshungs pa ni nam mkha' bzhin du thog ma nas ma skyes pa'o/ / gang zhe na/ gyur pa na rnam par shes pa rnams dang / de'i rang bzhin rnams so/ /ji lta bu zhe na/ rnam par mi rtog ngo bo nyid/ /ces pa ni gzung ba dang 'dzin pa dag phan tshun gcig dang du ma dang bral bas rnam par dpyad na ngo bo nyid med pa'i phyir ro/ /de bas na rang bzhin dag pa ni 'od gsal ba las chos rnams ni skye ba dang 'jig pa'i chos gang la yod pa de lta bu'i rnam par shes pa gsum dang rang bzhin rnams yin te/rol mo 'di ni sngags dang phyag rgya'i rim pas snang ba la sogs pa'i ye shes kyi spros pa bsgom pa ni rnal 'byor pa rnams kyis bslab par bya ba ste/sems rnam par dag pa'i rim pa'o/ /yang na mkha' dang mtshungs par mnyam gyur pa ni 'byung ba chen po lnga'i bdag nyid kyi sgyu ma'i sku ste/ de nyid sems can gyi don mdzad na yang dmigs pa med pa'i snying rje'i stobs kyis rnam par mi rtog pa'i ngo bo nyid do//de lta bu'i rnam pa gang yin pa de yang rang bzhin dag pa ni 'od gsal ba'i go 'phang dran par byed pa gang zhig chos rnams ni sgyu ma'i dpe bcu gnyis te/ de la rol mo 'di ni spro ba dang bsdu ba'i bya ba bsgom pa ni bya ba ste/ bdag la byin gyis brlab pa'i rim pa'o//yang na mkha' dang mtshungs pa ni ngo bo nyid kyis med pa dang / mnyam pa ni rang rig pa dang / gang gyur pa de ni 'dod chags la sogs pa ste/ de rnams kyi rang bzhin dpyad na/ rnam par mi rtog pa'i ngo bo nyid gang la yod pa de ni rnam par mi rtog pa'i ngo bo nyid de/ji srid lhan cig skyes pa'i rang bzhin yin no zhes ston to/ /rang bzhin dag pa ni smig rgyu la sogs pa ste/ de dag gi 'dod chags la sogs pas chos rnams ni mtshon par bya ba yin na/ rol mo 'di ni ril por 'dzin pa dang rjes su 'jug pa'i ting nge 'dzin bsgom pa ni yang dang yang du bslab par bya ba ste/mngon par byang chub pa'i rim pa'o/ /mkha' dang mtshungs pa ni kun rdzob dang don dam pa'i bden pa dag gnyis su med pa'i bsgom par bya'o/ /gyur pa ni brtan pa ste mi gnas pa'i ting nge 'dzin la bzhugs pa'i rdo rje 'chang chen po'i sku rnams te/de dag rnam par dpyad na rnam par mi rtog ngo bo nyid ni rang dang gzhan gyi rnam par rtog pa dbye ba spangs pa'o/ /de bzhin du rang bzhin dag pa ni dag pa dang ma dag pa'i dbye ba med pa'i chos rnams kyi spyod pa gang la yod pa de ni chos rnams rang bzhin dag pa ste/de lta bu'i sku thob nas kyang rol mo 'di zhes pa ni sems can gyi don mdzad pa'i rol mo 'di mang ba ste zung 'jug gi rim pa'o/ /'og nas bshad par gyur pa'i rnal 'byor pa rnams kyi ting nge 'dzin bsgrub pa'i gnas bshad par bya ba'i phyir/dgon pa chen po sa phyogs sam/ /zhes bya ba la sogs pa gsungs te/ dgon pa chen po ni 'bigs byed dgon pa la sogs pa'o/ /dgon pa chen po de kho na nyid rjes su dran pa'i phyir sa phyogs ni dri ma med pa'i chu rgyu ba dang ldan pa chu mdo'i gnas de la sems ni rab tu zhi ba'i 'du byed dang ldan par 'gyur ro//de bzhin du me tog 'bras bu la sogs kyis brgyan pa zhes pa ni ri bo gang yin pa de la rnam pa sna tshogs pa'i dkyil 'khor gyi 'khor lo spro ba'i ting nge 'dzin mngon du gyur pa'i phyir ro//dben pa ni skye bo dang bral ba'i lha khang la sogs pa ste de la chos kyi sku rjes su dran par 'byung ba'i phyir ro/ /gnas de rnams su dngos grub thams cad ni 'jig rten pa dang 'jig rten las 'das pa'i dngos grub ste/ de rnams bsdus pas rim pa gnyis kyi sgom pa sgrub pa ste rnal 'byor pas bsgrub par bya'o//de ni bskyed pa dang rdzogs pa'i rim pa dag go/ /yang na/ chos dang gang zag bdag med pa/ /dgon pa chen po zhes bstan to/ /sgyu ma'i sku ni yongs 'dzin pa/ /sangs rgyas rnams kyis sa phyogs gsungs//me tog 'bras bu tshogs kyis brgyan/ /ri bo lha rnams kyis bskor ba/ mtshan ni sum cu gnyis ldan pa'o/ /de bzhin gshegs pa'i sku yi mchog /skye bos dben pa thams cad stong / /dngos po thams cad rnam pa spangs pa'o/ / de ni sems rnam par dag pa dang / bdag la byin gyis brlab pa dang / mngon par byang chub pa dang / zung du 'jug pa'i rim pa rnams so/ /phyag rgya chen po yongs su gyur pa bshad par bya ste/ re zhig dang po rnal 'byor pas cig car du 'od gsal ba las langs te/rang gi lus ngag sems 'jam pa'i rdo rje ni rdo rje 'chang chen po'i rang bzhin shes rab rnon po dang 'dres pa bsgom pa de'i rang bzhin sku gsung thugs ni spro ba 'ja' tshon dang 'dra bar gyur na ni sgyu ma'i sku'i rang bzhin gyi rdo rje 'chang chen po dang 'dra bar 'gyur ro//ji lta bu zhe na/ dpag tshad brgya ni dbye bas bzhugs pa'i de bzhin gshegs pa'i tshogs so/ /de nyid kyi khyon tsam ni sna tshogs pa'i ris kyi dbye bas bya ba'i rigs te/ de rnams kyi 'od ni nyid kyi sku'i 'od kyis rdo rje 'bar ba ni nyi ma stong dang 'dra bas snang bar gyur pa ni spro bar byed pa'o//de nyid kyi phyir sgrub pa ni phyag rgya chen po'i dngos grub thob pa'i bdag nyid gang la yod pa de ni de bzhin du bshad pa'o/ /de bzhin du rgyan rnams kun ni gzugs brnyan la sogs pa'i dpe rnams te/ de dag gis brgyan pa ni de rnams mthong ba'o//tshangs pa ni kun gzhi rnam par shes pa ste/ thams cad kyi sa bon yin pa'i phyir ro/ /drag po ni nyon mongs pa can gyi yid kyi rnam par shes pa ste/ bag la nyal bzhi yis mi bzod pa'i phyir ro/ /sogs pa'i sgras khyab 'jug ni yid kyi rnam par shes pa ste/dbang po'i shes pa kun gnas pa'i rgyu yin pa'i phyir ro/ /de bzhin du lha rnams kyang zhal lnga pa rtag tu zhi ba ste/ de la phral du skyes pa ni mig gi dbang po'o/ /g.yon pa'i lta ni rna ba'i dbang po'o/ /mi bzod pa ni sna'i dbang po'o//de'i skyes bu ni lce'i dbang po'o/ /dbang ldan ni lus kyi dbang po ste/ yul lnga la legs par spyod pa la chags pa'i phyir ro/ /tshangs pa la sogs pa'i lha de rnams ni 'khor ba'i lam la yongs su skor bar byed pa ste/ bskyed pa dang gnas pa dang /'jig pa'i rim pas 'gro ba drug la yang dang yang du sems can gyi khams skor bar byed pa'o/ /de rnams mthong bar mi nus pa'i rnal 'byor pa des ni rnam par shes pa dang ldan pa'i tha mal pa'i lus po yang dang yang du blang ba ma yin no zhes ston to//nam kyang zhes pa ni ldan pas kyang ngo / /ji skad du/ 'tshe ba med dang yang dag don/ /rang bzhin dag ni ldog pa yis/ /rtsol ba yod kyang gnod med de/ /blo ni de phyogs la 'jug phyir/ /zhes bya ba la sogs pa 'byung ngo / /de bzhin du gzhan las kyang /sgyu ma chu yi dba' rlabs chu zla dang ni rmi lam mig 'phrul dang 'dra ba/ /sna tshogs du ma rnam rtog spyod pos byas pa'i 'khor ba gang gis kun bltas nas/ /gsal ba'i de bzhin nyid ni go 'phang 'khrul pa med cing skad cig gnas 'byung na/ /rnam dpyod la chags yid ldan de la nges legs yal ga brgya yis 'phel bar 'gyur//zhes 'byung ngo / /mngon ni ye shes la 'jug ni mdo'i skad kyi dbyings te 'gro ba'i don du'o/ /de bas na ye shes ni 'od gsal ba las 'byung ba ni gang zhig rdo rje 'chang chen po gang yin pa de ni many+dzu ste 'jam pa'o//'ja' tshon dang 'dra bas na dpal lo/ /ye shes kyi sku yin pa'i phyir rdo rje'o/ /de nyid bskyed pa'i rim pa'i rnal 'byor pa rnams la gsang ba'i phyir dam tshig go/ /mi snang ba ni kun gzhi la sogs pa'i rnam par shes pa rnams med pa ste/de byed pas na de zhes bya ba'i ting nge 'dzin yang de bzhin du'o/ /phyag rgya chen po rab tu bsgrubs nas yongs su gyur pa bshad par bya ba'i phyir/ rdo rje mi phyed gsum las 'byung / /zhes bya ba la sogs pa gsungs te/ bshang gci bzhin du ma dag pa gang zhig dam tshig lnga ni phung po rnams dang /rdo rje gsum ni lus ngag yid de mi phyed pa ni mi phyed par mi nus pa'i rnam par shes pa gsum dang / 'byung ba ni de rnams las 'gyur ba ste rang bzhin no / /de dag thams cad lcags gsum ni 'dod chags dang 'dod chags dang bral ba dang 'dod chags bar pa ro gcig par gyur pa'i bzhi pa'i de kho na nyid la ldan pa ni zhugs par byas la/kha ni bzhi pa las phyis byung ba la bcug pa ni zhugs par byas la/ bsgom par bya ba ni mi snang bar bya'o//rnal 'byor pa de ni phyag rgya chen po yongs su gyur pa dang ldan pas sangs rgyas kun ni 'dod chags la sogs pa'i bag chags rnams kyis mi phyed pa ni thob par mi 'gyur ro/ /de bzhin du thugs ni sems rtag pa'i mtshan nyid can gyi de kho na nyid de ru ni de kho na nyid bzhi pa de las bsgoms na de ma thag tu ni de kho na nyid la 'jug pa'i 'das ma thag tu rdo rje 'jam pa ni de las byung ba'i rdo rje 'chang chen po dang 'dra bar 'gyur te/bdag la byin gyis brlab pa dang mngon par byang chub pa'i rim pa dag go/ /da ni phyag rgya chen po sgrub pas rigs kyi dbye bas rtsa'i 'khor lo bsgom pa'i rnal 'byor pa'i rdo rje 'chang chen po'i dngos grub bshad par bya ba'i phyir//'khor lo 'od 'phro mdangs mchog can/ /zhes bya ba la sogs pa gsungs te/ rang gi rig pa'i pad+mar rang gi sngags ni yi ge oM gyis rtsa bdun khri nyis stong bsdus nas gnas pa ste/de nas 'khor lo ni rnam par snang mdzad kyi phyag mtshan dang 'dra bar bsgom par bya'o/ /ji lta bu zhe na/ mdangs mchog can zhes bya ba ni 'bar zhing snang ba'i rnam pa can no/ /sangs rgyas thams cad ni khrag dang shu kra dang bshang ba dang gci ba dang sha rnams kyi gnas yin no//yang na sangs rgyas thams cad rjes su zhugs pas gnas ni gzhir bsgoms la rang gi bdag nyid kyi dbus kyi lte ba la gnas pa'i thig le'i ngo bor gnas pa'i rnal 'byor pa de ni sangs rgyas te sangs rgyas thams cad kyi ngo bo rnam par snang mdzad chen po dang 'dra bar 'gyur ro//'khor lo ni rtsa'i 'khor lo'i ngo bo de nyid sum cu rtsa drug dang sum cu rtsa drug ni sum cu drug ste/ gcig lus par byas pas bdun cu rtsa gnyis te/ ri rab ni rtsa rnams stong gi rdul phran ni cha ste yal ga rnams so/ /de'i rjes su 'brang ba ni gtso bo'i rtsa la gtogs te/'khor lo de dag thams cad rdo rje 'dzin ni bde ba chen po'i ngo bo rnam par snang mdzad chen po ngo bo 'dra bar bsgom par bya'o/ /'khor lo ni rtsa'i 'khor lo ste/ de yongs su gyur pa las skyes pa'i 'khor lo'i dam tshig ni de la rjes su zhugs pas/ rnam par snang mdzad nyid du byed pa'i ting nge 'dzin gang la yod pa de ni de bzhin du bshad pa'o//rdo rje 'chang chen po rang sngags kyis zhes bya ba la sogs pa la/ snga ma bzhin du thugs rdo rje'i rnal 'byor pas kyang mA ma kI'i pad+mar rang sngags ni yi ge hUM yongs su gyur pa las byung ba'i rtsa'i 'khor lo/ /rdo rje 'chang chen po ni rtse dgu pa'i rdo rje bsams la/dkyil 'khor ni rtsa'i 'khor lo de nyid kyi lte ba'i dbus su rdo rje kun ni rdo rje'i rigs dang ldan pa rnams zhugs la/ de nyid du yang bdag nyid kyang thig le'i ngo bor bsams la rdo rje ni rdo rje 'chang chen po'i ngo bo thugs rdo rje dang 'dra bar 'gyur ro//de bzhin du ri rab sum cu rtsa drug ces bya ba la sogs pa ni snga ma bzhin no/ /bud med rnams ni rtsa rnams te/ ji snyed ni grangs ji srid dang ldan pa de snyed pa rtsa'i rdo rje nyid kyi yon tan ni bde ba chen po ste/ de'i gnas su gyur pa ni de'i rang bzhin du 'gyur ro/ /khams gsum pa ni brtag pa'i lus ngag yid de de nyid bde ba chen po'i rang bzhin yin pa'i phyir/rdo rje 'chang chen po rnal 'byor pa gang la yod pa de ni de bzhin du bshad pa'o/ /de bzhin du drag po ni/ kun gzhi la sogs pa'i rnam par shes pa brgyad pos phyag byas pas slar yang ma bskyed pa'i phyir bkag par 'gyur ro//rdo rje dam tshig ni rtsa'i 'khor lo rdo rje nyid du yongs su gyur pa'i ting nge 'dzin gang la yod pa de ni de bzhin du bshad pa'o/ /pad+ma chen po 'dab ma brgyad/ /ces bya ba la sogs pa la/ de bzhin du ngag gi dbang phyug gi sa bon yongs su gyur pa las skyes pa rtsa'i 'khor lo//pad+ma'i rnam par bsams la pad+ma de yang 'dab ma brgyad pa ste/ shar dang nub kyi 'dab ma dag ni phra ba yin no zhes bla ma rnams kyis gsungs pa ste/ de'i dbus su chos rnams kun ni chos kyi rigs kyi sangs rgyas rnams rjes su zhugs par byas la/ bdag nyid kyang de nyid du thig le'i ngo bor bsams na/ rdo rje chos dang 'dra bar 'gyur ro/ /ri rab sum cu rtsa drug ces bya ba la sogs pa ni snga ma bzhin te/ rnal 'byor pa des kyang de snyed kyi rtsa rnams 'jug par byed pa ste/ bde ba chen po'i ngo bor mos par byed pa'o//de bzhin du dag pa'i bdag nyid ni rnam par mi rtog pa'i ye shes kyi dbang thob pa'o/ /de bzhin du sangs rgyas ni de bzhin gshegs pa rnams kyi mchod pa ni bla na med pa'i mchod pa ste/ pad+ma'i rnam pa'i rtsa'i 'khor lo la zhugs pa'o//de nyid mchog ni rdul tshon dang bral ba'i dkyil 'khor ni snying po'i don len pa ste/ de la gnas par gyur pa ste tshig gi don to/ /pad+ma ni snang ba mtha' yas kyi phyag mtshan te/ mnyam pa nyid ni rtsa'i 'khor lo de nyid du yongs su gyur pa ting nge 'dzin gang la yod pa de ni de bzhin du bshad pa'o//ye shes lnga ldan rab bsten na/ /zhes bya ba la sogs pa gsungs te/ snga ma bzhin du rin chen 'byung ldan gyi rnal 'byor pas rang gi rig ma'i pad+ma'i nang du bskal pa gsum gyi yun ni lus ngag yid ni 'dod pa'i dgongs pa ste/de nyid yang dag par rdzogs par byed pas na bskal pa gsum gyi yun te zur brgyad pa'i rin po che'o/ /de nyid ye shes lnga'i rang bzhin gyi rtsa'i 'khor lo bstan zhes pa ni rin chen rigs kyi sa bon yongs su gyur pa las skyes pa bsgom par bya'o/ /de'i rjes la phyogs bcu'i sangs rgyas thams cad ni rin chen gyi rigs can te/de rnams kyang de nyid du zhugs la/ gsang ba gsum ni bdag nyid kyi lus ngag yid de nyid du thig le'i ngo bor bsnyen bkur byed pa ni gzhag par bya'o/ /ri rab sum cu rtsa drug ces bya ba la sogs pa ni 'dir yang 'jug la 'bras bu'i gzhung du bshad par bya'o//'od zer lnga'i mdog 'dra ba'i 'od ces bya ba la sogs pa la/ don yod grub pa'i rnal 'byor pas sgron me'i pad+ma'i nang du yi ge khaM las byung ba'i rtsa'i 'khor lo ral gri'i rnam par bsams la/ 'od zer lnga ni de bzhin gshegs pa rnams te/de dag rjes su zhugs pas 'dra ba'i 'od ni gcig tu gyur pa ste/ bdag nyid kyang de bzhin du zhugs la/ lag na ni ral gri'i dbus su thogs pa ni 'dzin pa bcings la/ mig yangs ni mig lnga dang ldan pa'i rnal 'byor par de nyid 'gyur ro//rdo rje gsum ni lus ngag yid gsum ste/ de rnams kyi rig pa ni bde ba chen po nyams su myong ba ste/ de 'dzin pas na rdo rje gsum rig pa ste de dang 'dra bar 'gyur ro/ /de bzhin du khams gsum ni 'dod chags la sogs pa gsum pos rab mchod ni lhan cig skyes pa'i rang bzhin nyid du byas pa'o//lha min ni rno ba yin pa'i phyir yul rnams dang / tshangs pa ni dbang po rnams kyis phyag byas pa ni gnod par mi 'gyur ro/ /de ldang zhing stong gsum ni 'jig rten gyi khams la lan cig tu 'gro ba'i don byed pa'i phyir gcig pu dpa' ba'o //de bzhin du mi mchog ni nyan thos la sogs pas rjes su gzung ba'i phyir phyag byas pa'o/ /gsang ba ni bskyed pa'i rim pa'i rnal 'byor pa rnams te/ de dag gi mchog go/ /de bzhin du sku gsung thugs kyi rdo rje 'dzin ni sems can rnams kyi bsam pas gang zhig 'dod pa de lta bu ster ba'o//thugs ni mi zad pa'i phyir rdo rje ste yid bzhin nor bu'o/ /de las byung ba ni de nyid las bskyed pa'o/ /thams cad ni rtsa rnams te/ de dag ral gri'i ngo bo nyid du yongs su gyur pa'i ting nge 'dzin gang la yod pa de la de bzhin du bshad pa ste/bskyed pa dang rdzogs pa'i rim pa dang 'bras bu rnams so/ /dpal rdo rje sa 'og gi rgyud las kyang / sems ni 'jug pa rnams 'gog pa/ /de ni rnal 'byor zhes bshad do/ /srog dang rtsol ba me dang mnyam/ /gyen du 'gro ba khyab byed dang //klu dang rus sbal rtsangs pa dang / /lha sbyin dang ni nor rgyal dang / /srog la sogs pa'i rlung lnga ste/ /klu sogs nye ba'i klu rnams so/ /de rnams rim pa sbyor ba yis/ /rtsa bcu yang dag gnas pa ste/ /rus sbal ma dang zla ba ma/ /'dod pa'i gdugs ni de bzhin du//sa 'dzin ma dang glang lce ma/ /nyi ma ma dang de bzhin lci / /chu 'dzag ma dang gnam stong ma/ /dung ma de bzhin bcu par 'dod/ /shar la sogs pa'i phyogs rtsa rnams/ /b+ha ga'i steng 'og 'dab mar 'dod / /de 'og 'pho ba'i sbyor ba yis//rlung rnams yang dag brjod pa'o/ /rus sbal ma grags srog rtsa ni/ /de nyid gyen du gdong spyod yol / /rtsol ba'i zla ba ma brtsams te/ /lte ba las ni rkang mthar gnas/ /'dod pa'i rtsa ni dbus ma ste/ /rgyal po'i rtsa zhes grags pa yin//rnam pa gcig dang phyi nas gsum/ /gzhan yang bcu dang brgya nyid du/ /de yi dbye ba rnams kyang ni/ /bdun khri nyis stong 'dod pa yin/ /chos dang longs spyod sprul pa dang / /rang bzhin du yang rab tu grags/ /glo snying lte ba gsang ba rnams/ / rim pa ji bzhin gnas rnams so/ /phyi yi shes rab sprul pa ste/ /nang gi shes rab longs spyod bshad/ /shes rab med pa chos dag ste/ /rang bzhin thams cad bral ba'o/ /bzhi pa nam mkha' mchog yin te/ /rdo rje sems dpa' mchog gi gnas/ /gcig dang ldan pa'i brgya nyid ni//rdo rje'i rtsa yi yang dag brjod/ /de rnams shin tu phra ba bu/ /bcu ni gtso bo nyid du bshad/ /ba spu'i bu ga la brten nas/ /shin tu phra ba gzhan zhes bya/ /de ni gong bu tha mal pa'i/ /rtogs na thar pa ster bar byed/ /ces bya ba la sogs pa gsungs so//da ni le'u gsum pa las gsungs pa'i phra mo'i rnal 'byor rnam pa gzhan gyis bshad par bya ba'i phyir/ oM ni ri lu tsa na ka'i/ /zhes bya ba la sogs pa gsungs te/ 'dir ni rnam par snang mdzad kyi rnal 'byor pas gdong gi sna la yi ge oM bkod la de la yang bdag nyid kyi lus zhugs te/yi ge oM yang thig le la zhugs shing thig le tsam 'ba' zhig pa ni skar ma dang 'dra ba dang / shin tu phra ba'i tsa na ka'i 'bru'i tshad tsam de nyid ri lu'i rnam par bsams te/ nam mkha'i dbyings la zhugs pa'i rang gi lha'i gzugs ni rnam par snang mdzad kyi rigs de nyid du zhugs la/gang gis sgom par byed pa yin pa de de ma thag tu zhes pa ni skad cig ma gcig gis sangs rgyas ni rnam par snang mdzad do / de nyid kyi byang chub ni me long lta bu'i ye shes te/ de dang 'dra ba'i 'od ni ye shes kyi 'od gang la yod pa de ni de bzhin du bshad pa'o//de las kyang ldang zhing nyi ma shar ba ni nang par gyi nyi ma ste de dang 'od 'dra ba ni mthu chen po ston par byed pa'o/ /de bzhin du 'dzam bu chu'i gser ni de dang 'dra ba'i mdog ste/ re ba thams cad rdzogs par byed pa'i rnal 'byor par 'gyur ro zhes ston to//AH ni ri lu tsa na ka'i/ /zhes bya ba la sogs pa la/ snang ba mtha' yas pa'i rnal 'byor pas kyang pad+ma'i lte bar yi ge AHbkod la snga ma bzhin du de nyid du yang zhugs te/ rang gi lha'i gzugs ni gsung rdo rje de nyid du thim la phra ba'i tsa na ka'i 'bru'i tshad tsam de nyid ri lu'i rnam par bsams la/gang zhig sgom par byed pa ste / de ma thag tu zhes pa ni skad cig ma gcig gis byang chub ye shes ni so sor rtog pa'i ye shes te/ de dang 'od 'dra ba ni de thob par 'gyur ro zhes ston to//nyi ma shar ba zhes bya ba la sogs pa ni snga ma bzhin no/ /hUM ni ri lu tsa na ka'i/ /zhes bya ba la sogs pa la/ thugs rdo rje'i rnal 'byor pas snying ga'i pad+ma'i sna la yi ge hUM bkod la de nyid cha shas kyi dbye bas thig le tsam la nye bar bsdus la/rang gi lus dang rang gi lha'i gzugs ni nam mkha'i dbyings la zhugs pa'i rdo rje'i rigs de nyid du dgod cing de nyid kyang ri lu'i rnam par bsams la/ gang zhig sgom par byed pa de/ rdo rje'i sku ni chos kyi dbyings kyi ye shes te/ de dang 'od 'dra ba ni de nyid thob par 'gyur ro zhes ston to/ /nyi ma shar ba zhes bya ba la sogs pa ni snga ma bzhin no/ /ting nge 'dzin de rnams la kha'i sgras ni gdong la sogs pa'i sna bshad pa yin no/ /de bzhin du rin chen 'byung ldan dang / don yod grub pa'i rnal 'byor pa dag gis smin ma'i bar dang lte ba'i dbus su snga ma bzhin du sngags kyi thig le bsgom par bya ste bla ma rnams so//de ni rdzogs pa'i rim pa'o/ /nyan thos pa'i theg pa pa rnams kyis 'gog pa'i snyoms par zhugs pa de nyid yin no/ /da ni phyag mtshan 'dzin pa'i sgo nas rig pa 'dzin pa'i dngos grub bshad par bya ba'i phyir/mkha' dbyings gsal ba'i dkyil gnas par/ /zhes bya ba la sogs pa gsungs te/ mkha' dbyings ni de bzhin nyid do/ /de'i dkyil du gnas pa ni cig car du rnam par snang mdzad sgom pa ni spros te/ mdun du yang yi ge oM las byung ba'i 'khor lo bskyed la/de nyid kyis du ba la sogs pa'i mtshan ma rnams bltas la/ lag tu blangs te 'khor lo'i rig pa 'dzin pa zhes pa ni/ don dang mthun pa'i ming can rnal 'byor par gyur to zhes ston to/ /de nas zhi ba byas la sems can thams cad rnam par snang mdzad kyi zhing la bzhag cing de nyid du ji srid du bskal pa'i bar du sems can gyi don la rtsol ba dang ldan pa'i rnal 'byor pas gnas par bya'o//'khor lo rig pa 'dzin pa'i sgom pa de ni 'khor lo chen po'i rig pa ni rdo rje 'chang chen po sngon du bsgoms la ye shes 'di ni lnga po ste/ de dag gi mchog ni rnam par snang mdzad bsgom pa ste/ye shes rdo rje ni rnal 'byor pas bya ba yin no/ /ji ltar zhe na/ 'khor lo ni bsgrub bya dang / sku ni rnam par snang mdzad kyi sku dang / rab sbyor ba ni mtshan ma nye bar mtshon pa ste/ rgyur gyur pa de rnams kyis so zhes ston to/ /de bzhin du 'og nas bshad par 'gyur ba'i ting nge 'dzin rnams rdo rje 'chang chen po yongs su gyur pas shes par bya'o//mkha' dbyings rdo rje dbus gnas par/ /zhes bya ba la sogs pa la/ mkha' dbyings ni de bzhin nyid do/ /de'i dbus gnas pa ni de ldang ba'i mi bskyod pa bsgoms te/ snga ma bzhin du mdun du yang thugs kyi sa bon las byung ba'i rdo rje rtse dgu pa bskyed la/de nyid mtshan ma nye bar mtshon par sngon du 'gro bar lag tu blang zhing / rdo rje rig pa 'dzin par 'gyur/ /zhes bya ba ni snga ma bzhin du 'byung bar 'gyur ro/ /rdo rje chen po zhes bya ba la sogs pa ni snga ma bzhin no/ /mkha' dbyings rin chen dbus gnas par //zhes bya ba la sogs pa la/ mkha' dbyings ni de bzhin nyid do/ /de las cig car du byung ba'i rin chen rdo rje bsgoms te/ mdun du yang snga ma bzhin du rang gi sa bon las rin po che bskyed la de nyid lag tu blangs shing rin chen rig pa 'dzin par 'gyur ro//rin chen rigs zhes bya ba la sogs pa ni snga ma bzhin no/ /mkha' dbyings chos kyi dbyings gnas par/ /zhes bya ba la sogs pa la/ mkha' dbyings ni de bzhin nyid do/ /de las byung ba'i tshe dpag tu med pa bsgoms la/ snga ma bzhin du mdun du rang gi sa bon las pad+ma bskyed la lag tu blangs shing pad+ma'i rig pa 'dzin par 'gyur ro//pad+mo rigs chen zhes bya ba la sogs pa snga ma bzhin no/ /mkha' dbyings dam tshig dbus gnas par/ /zhes bya ba la sogs pa la/ mkha' dbyings ni de bzhin nyid las byung ba'i bdag nyid don yod grub par bsgoms la/snga ma bzhin du rang gi sa bon ral gri bskyed la/ de nyid lag tu blangs na ral gri'i rig pa 'dzin par 'gyur ro/ /dam tshig chen po'i rigs zhes bya ba la sogs pa ni snga ma bzhin no/ /des ni zhi ba dang / rgyas pa dang / dbang dang / dgug pa dang / rnam par sdang ba dang /gsod pa la sogs pa'i las rnams bya ba dang / ji srid 'khor ba'i bar du 'gro ba'i don bya ba ste/ rig pa 'dzin pa'i dngos grub lnga bstan to/ /gal te lha mo dang / byang chub sems dpa' dang / khro bo'i phyag mtshan bsgrub par 'dod na de'i tshe lha mo rnams kyi phyag mtshan ni 'khor lo la sogs pa dang /gzugs rdo rje ma la sogs pa'i phyag mtshan ni me long la sogs pa dang / byang chub sems dpa' rnams kyi phyag mtshan ni nA ga ge sar gyi yal ga la sogs pa dang / khro bo rnams kyi phyag mtshan ni/ rtse gsum ye shes lcags kyu sogs//zhes pa ste/ sogs pa'i sgras ni tho ba dang / dbyig pa dang / pad+ma dang / rdo rje la sogs pa ste/ de rnams bskyed la rdo rje ni dkyil 'khor pa rnams kyi khyad par gyis bdag nyid dang de rnams bskyed la/ bsam gtan ni sngar bshad pa'i phyag rgya chen po yongs su gyur pas blangs te/sku gsung thugs ni khams gsum pa'i phrin las dang / sgrub pa ni sprin dral ba dang / char rengs pa dang / 'byung po dbab pa dang / char 'bebs pa dang / bskal pa nyid du bya ba la sogs pa 'grub par 'gyur ro zhes pa ni bdag byin gyis brlab pa dang bskyed pa'i rim pa dag go//chen po ni 'gro ba'i don mdzad pa'i phyir chen po dang / dam tshig gi rnam par snang mdzad la sogs pa'i rnal 'byor pa rnams kyis nges par bya ba'i phyir dam tshig chen po 'khor lo rig pa 'dzin pa la sogs pa'i dngos grub rnams so/ /de rnams kyi dngos grub ni 'bras bu thob pa de nyid mi ldog pas na rdo rje gang las byung ba de ni dam tshig chen po'i dngos grub rdo rje 'chang chen pos bka' stsal to zhes snga ma dang sbyar ro//don 'di nyid rdzogs pa'i rim pas dpal rdo rje sa 'og gi rgyud la 'jug par bya ste/ rnam par snang mdzad khyab byed rlung //'khor lo lus kun tshig rnams so/ /lag pa stong pa nyid bsdus la/ /'khor lo'i rig pa 'dzin par 'gyur/ /mi bskyod pa ni me dang mnyam/ /rdo rje snying ga'i dkyil 'khor 'dod/ /lag pa der ni thim byed na/ /rdo rje'i rig pa 'dzin par 'gyur/ /gyen du 'gro ba'i 'od dpag med//pad+ma lkog ma'i dkyil 'khor yin/ /lag pa der ni bsdu byed na/ /pad+ma'i rig pa 'dzin par 'gyur/ /gsang ba'i pad+ma rin chen mdzod/ /rin chen 'byung ldan thur du sel/ /lag pa der ni nyer bsdu na/ /rin chen rig pa 'dzin par 'dod/ /srog gi rlung ni gdon mi za//ral gri lte ba'i dkyil 'khor te/ /lag pa der ni nyer bsdu bas/ /ral gri rig pa 'dzin par 'dod/ /rgyu ba la sogs rlung gang yin/ /de rnams rtse gsum kyo ba sogs/ /de rnams gang zhig nyer bsdus pa/ /de na de yi rig 'dzin 'dod/ /ces gsungs te/ rdzogs pa'i rim pa'o//da ni 'og nas bshad par 'gyur ba'i ting nge 'dzin rnams kyi phun sum tshogs pa bstan par bya ba'i phyir/ lam gyi bzhi mdo 'am shing gcig drung / /zhes bya ba la sogs pa gsungs te/ lam gyi bzhi mdo ni shar la sogs pa'i phyogs rnams sam/ phyogs mtshams su lam bzhi'o//shing gcig drung zhes pa ni gang du shing gi rigs [(]cam [,]tsam [)]gzhan [(]mad [,]med [)]pa'o/ /mtshan gcig ni 'ba' zhig pa'i mchod rten la sogs pa'i mtshan ma'i gnas so/ /zhi gnas ni ma mo'i rigs kyi gnas te/ gnas de rnams la 'og nas bshad par 'gyur ba'i rdo rje bsgrub bya rnams 'gugs pa'i khyad par phul du byung ba sgrub pa ni bsgrub par bya'o//gang gis she na/ sgrub pa po ni rnal 'byor pa ste/ rtag tu zhes pa ni brtsam pa'i dus nas brtsams te/ ji srid rdzogs pa'i bar du'o zhes ston to/ /yang na lam gyi bzhi mdo ni las kyi phyag rgya ma dang shing gcig drung ni dam tshig gi phyag rgya ma dang / mtshan ma gcig ni ye shes kyi phyag rgya ma dang /zhi gnas ni phyag rgya chen po ste/ de rnams la brten nas bsgrub par bya'o zhes bya ba ni snga ma bzhin te/ bskyed pa'i rim pa'o/ /sbyor ba gsum zhes bya ba la sogs pa la/ 'dir ni re zhig dang po bsgrub bya sbyor gsum ni dam tshig dang ye shes dang ting nge 'dzin sems dpa' dang ldan par bsgoms la bdag nyid dang sbyor ba gsum dang mi bskyod pa'i rang bzhin du byas te/rdo rje can ni lag na yod pa'i mtshon cha yang sbyor ba gsum du bsgoms la/ rdo rje de yang kyo ba'i rnam pa dang mdog nag por spros te/ sku gsung thugs ni bsgrub bya'i sems dpa' gsum/sangs rgyas ni sangs rgyas kyi bdag nyid/ ye shes blo ldan ni rnal 'byor pas dgug ste/ rlung gi dkyil 'khor gyi steng du de nyid kyis 'dren pas mdun du phyin par bsam par bya'o/ /sangs rgyas dgug pa dam pa yin/ /zhes pa ni sangs rgyas ni bsgrub bya rnams te/dgug pa dam pa ni de rnams skad cig ma tsam gyis 'grub pa'o zhes ston to/ /ting nge 'dzin de nyid kyis phyogs bcur gnas la gang zhig dam tshig ni rang gi dam tshig gis te khyab 'jug dang zhi ba'i sngags kyi dam tshig gis 'byung ba'i sgrub pa ste/ gzhan gyi rnal 'byor rnams so//de dag kyang rdo rje ni rdo rje lcags kyu 'dis bkug nas/ nye bar spyad pa ni rang gi bstan pa la gzhug par bya'o/ /nam mkha'i dbyings kyi dam tshig ni dpag tu med pa'i bsgrub bya rnams te/ de dag rdo rje ni rdo rje lcags kyus dgug pa ni 'dren pa'i ting nge 'dzin gang la yod pa de ni de bzhin du bshad pa'o//rnam par snang mdzad 'khor lo che/ /zhes bya ba la sogs pa la/ rnam par snang mdzad la sogs pa'i rnal 'byor pa rnams kyis bsgrub bya dang sgrub pa dang sgrub pa po rnams sems dpa' gsum gyi bdag nyid du bsams la/ snga ma bzhin du 'khor lo dang /rin po che dang / pad+ma dang / ral gri dang / lcags kyu rnams kyis rlung gi dkyil 'khor gyi sbyor bas bsgrub bya bkug la bka' nyan du gzhug go/ /khams gsum gyi dam tshig ni bsgrub bya rnams te/ de dag 'khor lo la sogs pa'i lcags kyu rnams kyis dgug pa'i ting nge 'dzin gang la yod pa de ni de bzhin du bshad pa'o//gal te rigs lnga bsgom pas bsgrub bya dgug par 'grub par mi 'gyur na/ de'i tshe rdo rje sems dpa'i bsgom pas de nyid bya ba yin no zhes bshad par bya ba'i phyir/ rnam pa mchog rnams kun ldan pa'i/ /zhes bya ba la sogs pa gsungs te/rnam pa kun ni de bzhin gshegs pa lnga ste/ mchog ni phul du byung ba de rnams dang ldan pa'i sangs rgyas sku ni rdo rje 'chang chen po'i sku bsgoms la/ de nyid kyi phyag drug po la 'khor lo dang / rin po che dang / rdo rje dang / pad+ma dang / ral gri dang / sna tshogs rdo rje rnams lcags kyu'i rnam pa bsams la/de dag gi snga ma bzhin du rlung gi dkyil 'khor la gnas pa'i sems dpa' gsum gyi bdag nyid kyi bsgrub bya bkug la mdun du bzhag la de rang gi bka' bzhin la 'jug par bya'o/ /'di lta bu yi sbyor ba yis/ /zhes pa ni rigs drug dang ldan pa'i lcags kyu'i sbyor bas gnas ni snod kyi 'jig rten dang /las la brten pa'i phyir las ni sems can gyi 'jig rten te/ de dag byed par gyur pa ni rang gi bzhin la 'jug par byed pa ste/ de ni gnas las byed par 'gyur/ /zhes rnal 'byor pa yin no zhes ston te/ bskyed pa'i rim pa'o/ /rdzogs pa'i rim pa'i rnal 'byor pa rnams kyis dgug pa bshad par bya ste/sbyor gsum ni rnam par shes pa gsum mo/ /de rnams nyid sngags ni rnam par rtog pa rnams skyed par byed pa'i phyir/ skyes bu ni so sor nges pa'i nus pa dang ldan pa'o/ /rnam par shes pa de gsum ni rnam pa gsum gyi shes rab dang thabs dang nye bar thob pa zhes bya ba'i rang bzhin rnams dang sbyor ba ni rgyu dang 'bras bu'i 'brel pa ste/de nyid mi phyed pa'i phyir rdo rje ste/ de bsgoms nas sku gsung thugs ni zla ba dang nyi ma'i snang ba dang snang ba med pa'i snang ba rnams te/ de nyid rno ba'i phyir kyo ba ste/ de rnams kyi sangs rgyas ni rnam par shes pa gsum mo//ji lta bu zhe na/ ye shes blo ldan ni rang bzhin gyi rgyur gyur pa'o/ /rlung gi dkyil 'khor ni lte ba'i dkyil 'khor gyi rtsibs brgyad pa'i chos kyi dbyings kyi 'khor lor gnas pa'i rjes su 'jug pa'i dbyangs dang cho ga dang de gnyis ka dang bral ba'i ye shes gsum pos sangs rgyas zhes pa ni sangs rgyas kyi ngo bo 'od gsal ba la dgug pa dam pa ni 'khor ba zad par byed pa'i nye bar bsdu bar bya'o//'ba' zhig pa'i ye shes gsum ma yin gyi/ 'on kyang dam tshig bcu ni rlung bcu ste/ de rnams las byung ba ni rang bzhin rnams te/de dag kyang dgug pa ni sngar bshad pa'i rim pas yang dag par bsdus la/ nye bar spyad pa ni 'od gsal ba la gzhag par bya'o/ /ji skad du gang dang gang du gnas pa rang bzhin de dang de 'dzin pa'o/ /ji srid du rlung ni mi spro bas/ snang ba mi g.yo mi 'gyur ro/ /zhes 'byung ngo / / nam mkha'i dbyings ni rnam par shes pa gsum dang / dam tshig ni rang bzhin rnams te/ de dag 'gugs pa ni mi snang ba'i ting nge 'dzin gang la yod pa de ni de bzhin du bshad pa ste/ sems rnam par dag pa'i rim pa'o/ rnam par snang mdzad ces bya ba la rnam par snang mdzad ni khyab byed kyi rlung ste/de nyid kyi 'khor lo che ni tshigs thams cad dang rtsa rgyus dang ldan pa'i lus so/ /ji lta bu zhe na/ rgyal ba ni rtsa bdun khri nyis stong ste/ de rnams kyi gnas so/ /de nyid lcags kyu ni lcags kyu dang 'dra ba'i shin tu rno ba'i 'od zer gyi tshogs kyi nang du shin tu snang bar byed pa'o/ / ji ltar zhe na/ rkang pa nas brtsams te tshangs pa'i bu ga'i bar dang tshangs pa'i bu ga nas rkang pa'i bar du'o/ /de nas khams gsum pa yang mi snang bar bya ba'o/ /gzhan yang de nyid bsgom par bya ste/ mngon par byang chub pa'i rim pa'o/ /rab tu byed pa las/ man ngag thob pa'i slob ma yis//zhes bya ba la sogs pa 'byung ngo / /pad+ma ni mdog dmar po ste/ gru gsum pa'i lkog ma'i dkyil 'khor ro/ /rdo rje ni mdog dkar po'i zlum po ste snying ga'i dkyil 'khor ro/ /sogs pa'i sgras ni mdog ljang gu'i dbyibs can te lte ba'i dkyil 'khor ro/ / de bzhin du mdog ser po'i gru bzhi pa ste/ gsang ba'i dkyil 'khor bsgoms la/ dam tshig ni srog la sogs pa ste/ de rnams dgug pa ni mdog dmar po la sogs pa'i g.yas pa la sogs pa'i dbyibs spro bar bya'o/ /mchog ni de nyid phul du byung ba ste/ nang ni bdag nyid kyi dus kyi rang bzhin no//khams gsum gyi dam tshig ni dkyil 'khor bzhi ste/ de rnams dgug pa ni spro ba'i ting nge 'dzin gang la yod pa de ni de bzhin du bshad pa ste/ rdo rje bzlas pa'i rim pa'o/ /rnam pa mchog rnams kun ldan pa'i/ /zhes pa ni mtshan dang dpe byad rnams kyis brgyan pa ni sangs rgyas sku ni 'od gsal ba las rdo rje 'chang chen po'i sku bsgom pa ni spro bar bya'o//[(]da [,]de[)#]nyid kyi lag tu ni snying gar sku gsung thugs ni khams gsum pa rnams bsgoms la skyo ba la sogs ni sgyu ma'i dpe bcu gnyis bsgom par bya'o/ /'di dag lta bu sbyor ba yis/ /zhes pa ni bdag la byin gyis brlab pa'i rim pas gnas ni kun rdzob kyi bden pa dang /las ni don dam pa'i bden pa ste/ de dag byed par gyur pa ni mnyam par byed pa ste/ bdag la byin gyis brlab pa'i rim pa'o/ /gzhan yang rim pa gzhan gyis sku gsung thugs kyi dngos grub bshad par bya ba'i phyir/ rnam pa mchog rnams kun ldan pa'i//zhes bya ba la sogs pa gsungs te/ rnam pa rnams ni rnam par shes pa dang rlung dang srog gi dbang po rnams so/ /mchog ni mig gi dbang po la sogs pa'o/ /de rnams oM pa ni gang nas/ oM da ni gang las song ba de ni rnam pa mchog rnams kun ldan pa ste/ ro'i lus po de nyid kyi sku ni lus po'o//rdo rje ni bdag nyid kyi yi ge gsum gyi rang bzhin rnam par shes pa ste/ de nyid gyen du 'dren pa'i sa bon gyis bskul zhing tshangs pa'i bu ga las byung ste/ ro de nyid kyi snying gar zhugs par bsams na de'i tshe rnying pa'i lus spangs pas sar pa'i lus thob ste/ rdo rje'i skur gyur pa ste/ rnam par snang mdzad nyid du byed pa'o//snang ba mtha' yas kyi rnal 'byor pas ni dang po lce stong par bsgoms la/ de'i rjes la A li dang kA li'i sa bon yongs su gyur pa las byung ba'i lce ni rdo rje'i rtse mor bsgoms la/ de'i steng du dbang phyug gi sa bon las pad+ma phra mo bsams la / de'i lte bar yang sa bon de nyid bkod la de lta bu'i rdo rje'i lces gang yang rung ba klog pa de nyid lan cig gis bzung zhing /rdo rje gsung ni snang ba mtha' yas dang 'dra bar 'gyur te/ snang ba mtha' yas nyid du byed pa'o/ /de bzhin du mi bskyod pa'i rnal 'byor pas rang gi snying ga'i pad+ma'i dbus su gsang gsum ni yi ge gsum bkod la/de yongs su gyur pa las byung ba'i dam tshig ni rtse lnga pa'i rdo rje 'bar ba bsams te/ de'i steng du yang mchod pa'i mchog ni yi ge gsum bkod la/ de las byung ba'i 'od zer gyi 'khor lo gsum gyis khams gsum pa'i snying ga'i pad+ma'i yi ge gsum gyi 'od zer rnams bkug la de nas mchod pa'i 'od zer rnams kyis mchod nas zhes pa ni de nyid du zhugs te/rab tu bsgrub pa ni thugs rdo rje 'dzin pa'i dngos grub ste/ gzhan gyi sems shes pa'i dngos grub bsgrub par bya ba ste mi bskyod pa nyid du bya ba'o/ /'di ni dngos grub thams cad kyi/ /zhes pa ni mi zad pa'i sku gsung thugs kyi dngos grub kyi gsang ba bla ma'i zhal nas thob pa dang /snying po ni lus la sogs pa yongs su shes pas 'dus pa ni mdor bsdus pa'o zhes ston to/ /gsang ba chen po ni sku la sogs pa'i gsang ba rnams te/ de dag bsdus pa ni snying po'i don ston par mdzad pa'i rdo rje 'chang chen pos de skad gsungs so zhes snga ma dang sbyar te/bskyed pa'i rim pa'o/ /da ni khro bo'i rgyal po rnams tshim par bya ba'i phyir gtor ma dbul ba ste/ de nyid bshad par bya ba'i phyir/ sha chen dam tshig mchog gis ni/ /zhes bya ba la sogs pa gsungs te/ gsal shing la btsugs pa'i skyes pa'am/'gegs nas shi ba'i gdol pa la sogs pa rdo rje bdud rtsi las gsungs pa'i ro langs kyi cho gas de nyid 'bab cing 'das pa la sogs pa dris la des byin pa'i sha gang yin pa de ni sha chen yin gyi/ gzhan ni rtswa mchog dang 'dra ba ma yin te/ de nyid dam tshig mchog ni don yod grub pa'i sngags kyis byin gyis brlabs la/don yod grub pa'i rigs kyi khro bo bdud rtsi 'khyil pa dang / stobs po che dag la gtor ma phul la de nas kyang tshogs kyi 'khor lo spyod na/ rdo rje gsum mchog ni gzhan gyis mi thub pa'i don yod grub pa'i sku bsgrub pa ni thob par bya ba'o//bshang gci dam tshig mchog gis ni/ /zhes pa la sogs pa la/ sha chen de nyid bshang gci la sogs pa dang ldan par byas la/ dam tshig mchog ni sbyang ba la sogs pas 'dus byas pa'i gtor ma phul te/ tshogs kyi 'khor lor yang spyod na/ rig pa 'dzin pa'i dngos grub ni sngar bshad pa'i 'khor lo'i rig pa 'dzin pa la sogs pa'i dngos grub thob par 'gyur ro//ji lta bu zhe na/ gtso bo'i ni thams cad la dbang byed pa'i phyir ro/ /de bzhin du glang po'i sha thugs rdo rje'i sa bon gyi byin gyis brlabs par byas la/ rdo rje'i rigs can gtsug tor 'khor los sgyur ba dang gnod mdzes kyi rgyal po dag la gtor ma phul te tshogs kyi 'khor lo la yang spyod na mngon shes lnga thob par 'gyur ro//de bzhin du kha na ma tho ba med pa rta'i sha snang ba mtha' yas kyi sa bon gyi byin gyis brlabs la/ de'i rigs can pad+ma mthar byed dang / dbyig sngon can dag la gtor ma phul te snga ma bzhin du spyod na mi snang ba ste grib ma mi mngon pa la bdag po nyid du 'gyur ro//de bzhin du khyi sha ni rin chen 'byung ldan gyi sa bon gyi byin gyis brlabs la/ de'i rigs can shes rab mthar byed dang 'dod pa'i rgyal po dag la gtor ma phul te snga ma bzhin du spyod na dngos grub thams cad de dbang dang dgug pa la sogs pa'i dngos grub rnams thob par 'gyur ro//de bzhin du ba lang gi sha yang rnam par snang mdzad kyi sa bon gyi byin gyis brlabs la/ de'i rigs can gshin rje mthar byed dang mi g.yo ba dag la gtor ma phul te snga ma bzhin du spyod na dgug pa'i dngos grub thob par 'gyur ro//sha rnams thams cad med na yang / /zhes bya ba la sogs pa la/ med pa ni lcags kyu lnga rnams ma rnyed na de dag thams cad bsam gtan gyis kyang bya'o zhes ston to/ /ji skad du/ bzlas pa dka' thub thams cad ni/ /yun ring du ni byas na yang / /g.yeng ba'i sems kyis de byas na//de nyid rig pas don med gsungs/ /zhes 'byung ngo / /de bas na yid kyi mchod pa ni mchod pa thams cad kyi mchog yin zhes ston to/ /de lta bu'i lcags kyu'i gtor ma'i cho ga rdo rje sbyor ba ni de bzhin gshegs pa'i sa bon rnams kyis byin gyis brlabs na rnal 'byor pa ste sangs rgyas thams cad kyis byin gyis rlob pa ni de rnams kyis ston par 'gyur ro zhes ston to//dpal gdan bzhi las kyang ji skad du/ de nas mchod pa'i khyad par te/ /rtog pa rtog min dang bral ba/ /lcags kyu la sogs lnga po ni/ /de nyid lnga po dag tu bya/ /lcags kyu chen po zhes bya ba/ /ye shes kyi lha 'dod pa yin//rdo rje lcags kyur mi bskyod pa/ /khyi yi lcags kyur rin chen 'byung / /don yod rgyal po lcags kyu la/ /g.yo ba'i lcags kyur 'od dpag med/ /de ltar lcags kyu la sogs pa/ /de nyid thams cad rab sbyor bya/ /gal te lha mi'i 'phang 'dod na/ /rnal 'byor ma kun tshim par bya/ /zhes bya ba la sogs pa 'byung ste bsgrub pa'o//sha chen la sogs pa ni bshad pa'i rgyud la 'jug par bya ste/ kun gzhi rnam shes gang yin pa/ /de ni sha chen bshad pa'o/ /de nyid stong nyid dam tshig ste/ /rdo rje gsum gyi dam tshig 'gyur/ /glang sha yid du bshad pa ste/ /stong pa nyid la de phul la/ /rnal 'byor pa de dngos grub snod//rta yi sha ni mig yid dang / /de bzhin rna ba'i rnam par shes/ /gang zhig chos dbyings rab gnas byed/ /de ni de nyid rig pa'o/ /khyi ni lce yi rnam shes te/ /sha ni de nyid brtag pa'o/ /phul ba stong nyid bshad pa ste/ /rnal 'byor pa des dngos grub thob/ /ji bzhin ba lang lus la chags/ /sna yi rnam shes bshad pa'o//de yi sha ni brtag byas nas/ /gang gis stong byas rnal 'byor de/ /zhes gsungs so/ /da ni ting nge 'dzin las dal la tshim pa bshad par bya ba'i phyir/ rnam pa mchog rnams kun ldan pa/ /zhes bya ba la sogs pa gsungs te/ re zhig dang po rang cig car du rang gi bdag nyid rnam pa mchog rnams kun ldan pa'i mtshan dang dpe byad kyis brgyan pa'i rnam par rdzogs pa gang yang rung ba'i de bzhin gshegs pa bsams la/sku gsung thugs rdo rje can spyi bo la sogs par bkod la/ snying gar ye shes ni ye shes sems dpa' dang / dam tshig ni dam tshig sems dpa' dgod par bya ste/dbu rgyan ni spyi bor mtho gang tsam 'das la/ rdo rje ni cha bcu drug ste de yongs su gyur pa las skyes pa'i mchog 'dzin pa ni bdud rtsi'i rgyun 'dzag pa'i zla ba'i dkyil 'khor bsgoms te/ de las byung ba 'o ma'i rgya mtsho'i dba' rlabs dang 'dra ba'i bdud rtsi'i rgyun rkan gyi bu gar bzhag pa'i lces myang bar byas la/sangs rgyas thams cad ni rang gi lus ngag yid mnyes par byed pa'o / /dam tshig ni tshim pa'i cho ga'o/ /mchog ni phyi'i zas la mi ltos pa ste/ bsam gtan gyi bza' ba tsam bsgrub par bya'o zhes ston to/ /dam tshig ni sgrub pa pos gal te de ltar byed na/de'i tshe sgrub pa po de'i dngos grub thams cad ni sa 'og la 'jug pa la sogs pa 'jig rten pa'i dngos grub thams cad dang / 'khor lo'i rig pa 'dzin pa la sogs pa'i 'jig rten las 'das pa'i dngos grub bya ba ni sgrub par byed pa ste zas la mi ltos pa las thams cad kyi tshogs 'grub pa'i phyir te/bskyed pa'i rim pa dang bsgrub pa dag go/ /yang na rnam pa mchog rnams kun ni A li'i phreng ba dang ldan pa ni kA li'i phreng ba'o/ /de las byung ba'i sku gsung thugs rdo rje can ni rin chen 'byung ldan du bdag nyid bsams la//de'i snying gar ye shes dam tshig ni A li'i sde tshan yongs su gyur pa las byung ba'i zla ba'i dkyil 'khor bsams te/ de'i dbu rgyan ni de'i steng du rdo rje 'dzin pa bzhin du rno ba'i ngo bo yi ge bkod la/ snang ba 'bar ba'i rnam pa yi ge des de 'od du zhu bar bsgoms la de'i bdud rtsi'i rgyun rnams srog gi rlung gis gyen du 'dren pa dang /rtsol ba'i rlung gis thur du 'dren zhing tshim ste/ rnal 'byor pa de bsam gtan gyi bza' ba can du gyur te/ bskyed pa'i rim pa'o/ /sangs rgyas thams cad mnyes 'gyur ba/ /zhes bya ba la sogs pa ni snga ma bzhin du'o //rdzogs pa'i rim pa tshim pa'i cho ga 'di nyid rnam pa gzhan gyis bshad par bya ste/ rnam pa mchog rnams kun ni byang chub kyi sems yin la/ de dang ldan pa ni gang ba ste rang gi rig ma'i pad+ma'o/ /sku gsung thugs ni de rnams kyi yi ge gsum gyis byin gyis brlabs/ rdo rje ni rdo rje'i rnam pa'i lce ste/ lce de nyid kyis snying ga'i pad+ma de'i nang du zhugs pas ye shes dam tshig mchog ni byang chub kyi sems dbu rgyan ni khar 'dzin zhing rdo rje 'dzin pa ni rdo rje sems dpa' rjes su dran pas spyod na de'i tshe sangs rgyas thams cad ni phung po la sogs pa mnyes zhing tshim par byas par 'gyur ro//de nyid kyi phyir dam tshig mchog 'di zhes pa ni mchog ni sbas par bya ba dang / dam tshig gi spyod pa rnal 'byor pas spyad par bya'o/ /rnal 'byor pa ji lta bu zhe na/ dam tshig mchog ni rdzogs pa'i rim pa'i rnal 'byor pas de byed na de'i tshe dngos grub thams cad ni lha'i mig la sogs pa'i dngos grub rnams 'grub par 'gyur ro//dam tshig thams cad ni bdud rtsi lnga bza' ba la sogs pa ste/ de rnams kyi ye shes rdo rje ni rdo rje sku ste/ de nyid du 'gyur ba ni 'grub par byed pa'i ting nge 'dzin kyang de bzhin du bshad pa ste/ bskyed pa'i rim pa dang sgrub pa dag go//da ni bza' ba'i dus su bsam gtan bshad par bya ba'i phyir/ lce yi dam tshig rdo rje mchog /ces bya ba la sogs pa gsungs te/ re zhig dang por rang gi lce stong pa nyid du bsams la/ de'i rjes la ngag gi dbang phyug gi sa bon dmar po las byung ba'i de nyid pad+ma'i 'dab ma'i rnam par bsgoms la/de'i steng du thugs rdo rje'i sa bon yi ge hUM bkod la/ de yongs su gyur pa las bskyed pa'i phra mo'i rdo rje dkar po bsams la/ lag pa g.yon pa dang g.yas pa dag la yi ge dang po dang raM yongs su gyur pa las byung ba'i zla ba dang nyi ma'i dkyil 'khor bsams la/sor mo rnams kyang yi ge oM la sogs pa dang laM la sogs pas de bzhin gshegs pa dang lha mo'i gzugs rnams kyi rang bzhin du byas la/ rang gi kha yang yi ge raM las byung ba'i me thab tu bsgoms te/ lkog ma dang snying ga dang lte ba dang gsang ba'i gnas rnams la dkar mo la sogs pa dang snyoms par zhugs pa'i de bzhin gshegs pa rnams bsgoms la/bza' ba dang btung ba la sogs pa ni sbyor ba la sogs pa'i rim pas bdud rtsi lngar bya la/ sbyar ba de nyid kyis spyod na rdo rje gsum ni rdo rje 'chang chen po nyid thob par 'gyur ro//de nyid kyang nang gi bdag nyid kyi sbyin sreg yin no/ /de bzhin du rnam par snang mdzad dang / snang ba mtha' yas kyi rnal 'byor pa dag gis kyang lce'i rtse mor yi ge oM dang AHdag bkod la bsgom par bya'o/ /'di ni rdo rje tshul mchog ni//zhes pa ni sngags kyi theg pa la khyad par gyi bsam gtan no/ /ting nge 'dzin gyi sbyor ba 'dis rdo rje mi phyed gsum ni rdo rje 'chang ste/ de dang 'dra bar rnal 'byor par 'gyur ro zhes phan yon no/ /rin chen dang don yod grub pa'i rnal 'byor pa dag gis kyang sbyor ba nyid kyis bya ste gang gi phyir gal te yid bzhin gyi nor bu dang dam tshig gi rigs dag ni nga rgyal dang phrag dog gi rang bzhin yin pa'i phyir zhe sdang gi rigs la bsdu na/de'i tshe de dag gi rnal 'byor pa dag gis lce'i rtse mor yi ge hUM dgod par bya'o/ /gal te phrag dog ni zhe sdang las byung ba dang / nga rgyal ni gti mug las byung ba'i phyogs yin na de'i tshe don yod grub pa'i rnal 'byor pas yi ge hUM dgod pa dang /rin chen gyi rnal 'byor pas A+oM dgod par bya ste/ de dag gi sngags dgod pa ni gud du ma bstan to zhes khyad par te bskyed pa'i rim pa dang las kyi rgyal ba mchog go/ /dam tshig rdo rje ni bza' ba'o//de'i ting nge 'dzin gyi stobs kyis bdud rtsir bya ba ni bdud rtsi'i phreng ba'i ting nge 'dzin gang la yod pa de la de skad do/ /da ni rim pa gnyis kyi rnal 'byor pa rnams kyis rdzu 'phrul bstan par bya ste/ rdo rje dam tshig gsum ni rdo rje 'chang chen po'o/ /de'i grub mchog ni de'i rnam par byung na sku gsum rdo rje can te de nyid du 'gyur ro//phyogs bcu la gnas pa'i sems can thams cad gang yin pa de rnams la nor bur yid bzhin rgya mtsho ste/ mngon par 'dod pa'i don rdzogs par 'gyur ba dang / 'od kyi dkyil 'khor gyis 'jig rten gyi khams thams cad snang bar byed pa dang / rdo rje bdag nyid ni/ rdo rje lus can du yang 'gyur/ /zhes pa phan yon te/ bskyed pa'i rim pa'o/ /yang na rdo rje gsum ni yi ge gsum ste/ de'i dam tshig ni yan lag mnyams pa'i bzlas pa ste/ de nyid grub mchog ni rdzogs pas na/ sku gsum rdo rje can du 'gyur/ /zhes bya ba la sogs pa ni snga ma bzhin te/rdo rje bzlas pa'i rim pa'o/ /'khor lo'i dam tshig ni rnam par snang mdzad yin la/ de nyid kyi grub pa ni sku rdzogs pas na sangs rgyas sku ni rnam par snang mdzad dang 'dra bar 'gyur ro/ /gang+gA'i bye snyed thams cad du/ /zhes pa ni de dang mnyam pa'i 'jig rten gyi khams thams cad rnam par spyod pa ni sa'i khams kyi rang bzhin gyis rnam par dag par byed pa ste bskyed pa'i rim pa'o//'khor lo ni rnam par shes pa gsum dang / dam tshig ni rang bzhin rnams te/ de dag grub pa ni 'od gsal ba nyid du byed pa ste/ de nyid mchog yin pas/ sangs rgyas sku dang 'dra bar 'gyur//zhes bya ba la sogs pa snga ma bzhin te/ sems rnam par dag pa'i rim pa'o/ /dam tshig thams cad ni mi bskyod pa ste/ de nyid dam pa ni de'i rnam pa mngon du byed pa ste/ de rdzogs pas na rig pa 'dzin pa ni gtso bor 'gyur zhes pa ni snga ma bzhin te/ bdag la byin gyis brlab pa'i rim pa'o//yang na dam tshig thams cad ni 'od gsal ba ste/ de nyid las cig car du gang zhig sku 'phro ba de nyid sgyu ma dang 'dra ba'i phyir mchog ste/ de gyur pas na/ rig pa 'dzin pa'i gtso bor 'gyur/ /zhes pa ni snga ma bzhin te/ bdag la byin gyis brlab pa'i rim pa'o//rdo rje sku ni rab bsgoms pas/ /zhes bya ba la sogs pa la/ thams cad nam mkha'i dbyings kyi rang bzhin ni rin chen dpal lo/ /dam tshig ni don yod grub pa'o/ /mchog tu 'grub pa ni snang ba mtha' yas so/ /de rnams kyi rdo rje sku ni rnam pa ste de nyid bsgom pa ni dmigs pas mi snang ba ni tha mal pa'i lus ngag yid med pas stong khams dag ces bya ba 'od kyis 'jig rten gyi khams rnams snang bar byed pa ste/bskyed pa'i rim pa'o/ /yang na thams cad ni 'dod chags la sogs pa ste/ de rnams kyi dam tshig ni bzhi pa ste/ de nyid kyi mchog tu grub pa ni de la rjes su zhugs pa'o//de bzhin du rdo rje sku ni mi gnas pa'i mya ngan las 'das pa'i ting nge 'dzin te/ de bsgom pa ni thob pas so/ /mi snang ba thams cad ni 'dod chags kyi rnam par rtog pa zad pas rang gi 'od kyis stong khams dag snang bar byed pa ste/ mngon par byang chub dang zung 'jug gi rim pa dag la'o //da ni rdo rje 'chang chen po la sogs pa'i nga rgyal gyis mngon shes drug bshad par bya ba'i phyir/ sangs rgyas kun las 'phrog pa dang / /zhes bya ba la sogs pa gsungs te/ 'dir ni rnam par snang mdzad grub pas lha'i mig thob pa'o//rin chen 'byung ldan grub pas lha'i rna ba'o/ /mi bskyod pa grub pas gzhan gyi sems shes pa'o/ /'od dpag med grub pas sngon gyi gnas rjes su dran pa'o/ /don yod grub pa grub pas las thams cad pa yin pa'i phyir rdzu 'phrul lo/ /rdo rje 'chang chen po grub pas zag pa zad par gyur pa'o//de nyid bshad par bya ste/ sangs rgyas kun las 'phrog pa ni sngags kyi sku dang ye shes kyi sku'i rim pas de bzhin gshegs pa drug gi sku dmigs pas/ lha'i bu mo mchog ni rigs kyi ma mo lha mo spyan la sogs pa ste/ de rnams la spyod pa ni de rnams kyis 'khyud pa'i rigs drug gi rnal 'byor pa gang gis bsgoms pa de la 'dir 'og nas 'chad pa'i 'bras bu 'byung ngo zhes dgongs pa ste/gang+gA'i bye snyed sangs rgyas rnams/ /zhes pa ni de dang 'dra ba'i sangs rgyas rnams dang / rdo rje gsum ni khams gsum la gnas pa'i sems can rnams lag mthil gyi skyu ru ra bzhin du mthong par 'gyur ro//de bzhin du de dang 'dra ba'i sgra rnams gang yin pa de dag kyang rna ba'i nang du zhugs pa'i sgra bzhin du mngon shes gtso bor gyur pas thob par 'gyur ro/ /de bzhin du de dang 'dra ba'i sku gsung thugs mtshan pa ni lus la sogs pa skyed par byed pa'i rgyu nyon mongs pa dang nye ba'i nyon mongs pa'i bag chags dang ldan pa'i sems can thams cad kyi yid kyi rol mo shes par 'gyur ro//de bzhin du de dang 'dra ba'i sems can thams cad kyi 'khor ba dag na gnas pa ni yul dang dus dang rnam par nges pa'i bde 'gro dang ngan 'gror 'gro ba shes par gyur pa ste/zhag gsum lon pa bzhin du zhes pa ni phul du byung ba'i tshig go/ /de bzhin du 'gro ba gdul bar bya ba'i phyir de dang 'dra ba'i sangs rgyas sprin la sogs pas brgyan pa'i dkyil 'khor rnams spro bar byed pa'o/ /bskal pa gang+gA'i bye snyed du//zhes pa ni dus kyi nges pa rnam par gcod pa'o/ /dam tshig ni rnam par snang mdzad la sogs pa'i sku rnams kyi mngon par shes pa gang gis thob pa de ni bcom ldan 'das rdo rje 'chang chen pos de skad bka' stsal to zhes dang sbyar ro/ /de la mngon par shes pa lnga ni zhes bya ba la sogs pas ni mngon par shes pa rnams nye bar bsdus pa'o//da ni zag pa zad pa bshad par bya ba'i phyir/ sangs rgyas mngon shes lnga don sgrub/ /ces bya ba la sogs pa gsungs te/ sangs rgyas ni lnga ste/ de rnams kyi mngon shes ni lha'i mig la sogs pa ste/ de rnams kyi don ni rang rang gi yul 'dzin pa ste/de nyid kyis sgrub pa ni de bzhin gshegs pa lnga ro gcig par byed pas rdo rje 'chang chen po rdzogs pa ste/ de'i rnam pa bsgoms na sangs rgyas rnams gang gi sku la yod pa de ni sangs rgyas sku ste/ rdo rje 'chang de nyid de de dang 'dra bar 'gyur ro/ /de nas/ gang+gA'i bye snyed grangs med pa'i/ /zhes pa ni de dang mtshungs pa'i gang zhig 'khor ni shin tu phra ba'i sems kyi bag la nyal te/ de rnams kyis bskor ba gang zhig sku gsung thugs ni lus la sogs pa'i bdag nyid kyi nye bar len pa'i phung po lnga ste/ de rnams bgrod par gyur pa ni rnam par sbyang bar byed pa'o//'jig rten khams kun zhes pa ni 'gro ba rnams kyi yang sbyong bar byed pa ste/ bskyed pa'i rim pa'o/ /da ni rim pa gnyis kyi thun mong rnyed pa la sogs pa bshad par bya ba'i phyir/ bsnyen pa'i dam tshig sbyor ba dang / /zhes bya ba la sogs pa gsungs te/ bsnyen pa stong pa nyid kyi ting nge 'dzin gang gis mngon du bya ba de ni bsnyen pa yin la de nyid dam tshig ni thams cad ro mnyam par byed pa'i phyir te/de nyid kyi sbyor ba ni oM shU n+ya tA la sogs pa'i sngags dang sbyor ba gang la yod pa de ni de bzhin du bshad pa'o/ /de'i rjes la nye bar ni stong pa nyid dang sku bsgoms pa'i bar na sgrub pa ni sa bon gang gis bsdus par byed pa ste de ni nye bar sgrub pa'o//'byung ba de nyid las zla ba dang nyi ma la sogs pa dang phyag mtshan 'byung ba gang la yod pa de ni de bzhin du bshad pa'o/ /sgrub pa ni sku sgrub pa ste/ de nyid kyi don du dam tshig ni/ khyod ni rdor sems zhes bya ba la sogs pas lha mo rnams kyis bskul ba ste/de ni las 'dzin pa'i bsdu ba'o/ /de nas sgrub pa po zhes bya ba la/ chen po ni sku la sogs pa dang mig la sogs pa ste/ de rnams byin gyis brlab pa sgrub pa ni sgrub pa chen po ste yan lag bzhi pa'o/ /de ni mdor bstan pa yin no//rdo rje bye brag shes byas la/ /zhes bya ba la sogs pa la/ bzhi po de rnams rdo rje bye brag ni rdo rje bzhi po'i brdas/ shes byas la ni bsgoms te las rnams ni rdzogs pa'i rim pa'i bya ba sgrub par byed pa'o/ /yang na bskyed pa'i rim pas lha'i sku rdzogs pas las rnams ni zhi ba la sogs pa bya'o//rgyas par bstan par bya ste/ bsnyen pa'i ting 'dzin rab sbyor ba/ /zhes bya ba la sogs pa la/ bsnyen pa mchog ni spros pa thams cad dang bral ba ste/ byang chub ni sprin med pa'i nam mkha' dang 'dra ba'i stong pa nyid bsgom pa'o/ /la la na re mchog ni byang chub kyi sems bskyed nas brtsams te tshangs pa'i gnas bzhi bsgoms pa'i mthar yin pa'i phyir ram/bsod nams kyi tshogs gtso bor gyur pa'i phyir ro zhes zer ro/ /nye bar sgrub pa zhes bya ba la/ rdo rje ni de bzhin gshegs pa rnams kyis/ gang zhig skye mched ni sngags spro ba yongs su gyur pa las skyes pa'i zla ba dang nyi ma dang pad+ma'i gang na rnams te/de rnams rnam par dpyad pa ni de dag gi steng du yi ge gsum la sogs pa dgod pa'o/ /de bzhin du bsgrub pa'i tshe na bskul ba'i lha mos bskul ba las byung ba'i sngags kyi bdag po ni dbus kyi gtso bo ste de nyid bsgom pa ni rdzogs pa'o/ /sgrub pa chen po zhes bya ba la/ gzugs ni dbus kyi gtso bor dang dkyil 'khor pa rnams kyi gang zhig rang sngags rdo rje can ni sku la sogs pa dang phung po dang khams dang skye mched rnams te/de dag byin gyis brlab pa'o/ /skabs kyi khyad par bshad par bya ste/ phyir mi ldog pa'i dbang thob pas dbu rgyan zhes pa ni dbu la bdag po ni de bzhin gshegs pa rnams la rdo rje sems dpa' dang /gzhan rnams la rigs dang mthun pa'i sku bsgoms na ye shes ni bskyed pa'i rim pa'i rnal 'byor pa rnams 'grub par 'gyur te/ dang po sbyor ba dang / dkyil 'khor rgyal ba mchog dang las kyi rgyal ba mchog gi ting nge 'dzin rnams so//le'u bco brgyad pa las/ dang po byang chub stong pa nyid/ /gnyis pa sa bon bsdus pa'o/ /gsum pa sku ni rdzogs pa ste/ /bzhi pa yi ge dgod pa'o/ /zhes gsungs so/ /rim pa gzhan gyis bshad par bya ba ste/ bsnyen pa'i ye shes zhes bya ba la sogs pa la/ ye shes bdud rtsis ni yan lag drug gi rnal 'byor bsnyen par bya ba ste/mchog gi bsnyen pa bya'o zhes ston to/ /'dus pa'i phyi ma las kyang / tha ma mchog gi dbye ba yin/ /bsnyen pa rnam pa gnyis su 'dod/ /rdo rje bzhi pos tha ma dang / /yan lag drug gi mchog yin no/ /zhes gsungs so/ /de la yan lag drug ni sngar bshad zin te/yan lag drug po de dag gis yongs su rdzogs pa'i mchog gi rnal 'byor le'u bco brgyad pa las rgyas par 'chad par 'gyur ro/ /'dir ma bstan to/ /yan lag drug gi rnal 'byor de yang sngags rnams thams cad ni rdzogs pa'i rim pa'i rnal 'byor pa rnams kyi sngags kyi de nyid ni/kun rdzob dang don dam pa ste/ de dag gi don ni dbyer med pa sgrub pa ste/ sngags kyi de nyid don sgrub pa ste rnal 'byor ro/ /yan lag drug pa'i rnal 'byor pa rnams kyi ting nge 'dzin gyis gnas par bya ba'i phyir/ dgon pa chen po'i sa phyogs dang //zhes bya ba la sogs pa gsungs te/ dgon pa chen po ni 'jug pa'i rnam par shes pa ldog pa'o/ /sa phyogs ni nyon mongs pa can gyi yid kyi rnam par shes pa ldog pa'o/ /dben pa ni sa brgyad pa la kun gzhi rnam par shes pa ldog pa'o/ /chen po ni sa dgu pa la las kyi dbang nyid do/ / ri bo nags 'dab chu ngogs zhes pa ni sa bcu pa dang bcu gcig pa dag la ye shes kyi dbang nyid dang rdo rje lta bu'i ting nge 'dzin to/ /gnas de rnams la yan lag drug gi rnal 'byor slob pa'i rnal 'byor pas dngos grub thob par 'gyur ro/ /sgrub pa chen po ni mchog gi sgrub pa ste/ yan lag drug gis bsgom pa'o//de gtso bor gyur pa'i rdo rje ni rdo rje 'chang chen pos de skad bka' stsal to zhes pa dang sbyor te/ rdzogs pa'i rim pa'o/ /gnyi ga'i rnal 'byor pa rnams kyi nye bar bsdu ba bshad par bya ste/ yang na rdo rje bzhi dag gi /zhes bya ba la sogs pa la/ rdo rje bzhi ni stong pa nyid la sogs pa'i rim pas bsnyen pa la sogs pa byas na dngos grub ni sngags kyi sku thob par 'gyur ro//sku gsum dam tshig ni chos dang longs spyod rdzogs pa dang sprul pa'i sku ro mnyam par gyur pa'i 'od gsal ba'o/ /de nyid las rnal 'byor ni cig car du sgyu ma'i sku blang bya ste/de bsgoms na dngos grub ni ye shes kyi sku thob par 'gyur te/ bskyed pa bdag la byin gyis brlab pa'i rim pa dag go/ /da ni rdzogs pa'i rim pa'i rnal 'byor pa'i bzlas pa'i grangs kyis byang chub bshad par bya ba'i phyir/ dus bzhi dag tu rab ces bya ba la sogs pa gsungs te/ dus bzhi ni mtshan mo dang nyin mo la'o//de bas na dus bzhi'i bdag nyid kyi mtshan mo dang nyin mo'i nang nas/ srog dang rtsol ba'i 'jug pa la sogs pa'i rim pas nyi khri chig stong drug brgya bzlas pa ste/ de bzhin gshegs pa drug gtso bor gyur pa'i phyir ro/ /gnas lnga ni zhag lnga lngas bzlas pa 'bum phrag re bzlas par byas la zla ba gcig gis 'bum phrag drug bzlas pa'o//gang gis she na blo ldan ni grangs brjed mi ngas pa'i rang bzhin can gyis so/ /oM zhes pa ni des nye bar mtshon pa'i yi ge gsum ste/ de nyid ye shes rdo rje ni 'jug pa la sogs pa'i rim pas bsgoms na zhes pa ni bzlas par byas na/sdom pa ni 'od gsal ba ste de nyid thob par 'gyur ro/ /yang na yi ge oM ni rnam par snang mdzad de'i bzlas pa nas brtsams te/ ye shes rdo rje ni rdo rje 'chang chen po'i bar du'o/ /bsgoms na zhes bya ba la sogs pa snga ma bzhin du'o/ /rlung gi grangs bshad par bya ste/ zhag bdun zhes bya ba la sogs pa la/zhag ces pa ni nyin mtshan re'o/ /bdun dang zla phyed ni nyi shu rtsa gnyis te/ stong phrag nyi shu rtsa gcig dang / nyi shu rtsa gnyis pa'i sgras ni drug brgya mtshon par 'gyur te/ srog dang rtsol ba de rnams zla ba gcig ni zhag sum cu ste/ 'bum phrag drug bzlas par bya'o/ /ji ltar zhe na phyed dang gnyis zhes pa ni 'bum phrag phyed dang bcas pa'i 'bum phrag gcig ni phyed dang gnyis te/stong phrag brgyad dang bcas pa'i 'bum phrag gcig ste/ de bzhin gshegs pa re re'i bzlas pa yin no/ /gang gi phyir brgyad stong dang bcas pa'i 'bum phrag ni 'bum phrag gcig bzlas pa yin no zhes zer ro//rnal 'byor pas de lta bu'i rdo rje dam tshig ste rdo rje bzlas pa bsgrubs na dngos grub ni rdo rje 'chang chen po'i dngos grub thob par 'gyur te/rdo rje bzlas pa'i rim pa'o/ /rab tu byed pa las kyang / sngags ni gzhan med bzlas byas nas/ /sgrub pa'i bdag nyid kyis bsgrub bya//zla ba gcig gis khams gsum pa/ /'grub par 'gyur te gdon mi za/ /sngags ni rnam shes las byung ba'i/ /'bum phrag drug tu bzlas byas nas/ /rdo rje sems dpa' la btud na/ /zla ba nya yis de 'grub 'gyur/ /zhes 'byung ngo / /de nyid kyi dbye ba gzhan bshad par bya ste/ zhag grangs bye brag ni nyin mo dang mtshan mo ste/ de nyid kyis rab bskul ba ni zla ba'i grangs kyis so/ /ji bzhin zhes pa ni 'bum phrag drug gang bshad pa ste nyid kyi bzlas pa re zhig bzhag la/ zla ba phyed ni dkyil 'khor bzhi'i nang du dmar mo la sogs pa'i 'od zer gyi rim pas gsang ba mchog ni snang ste/de las byung ba ni g.yas la sogs pa'i rim pas 'dzin pa'i rlung rnams kyis dngos grub ni rdo rje 'chang gi dngos grub gsungs pa ste/ rdo rje bzlas pa'i rim pa'o/ /rab tu byed pa las kyang / ya yi don gyis gang ci'ang rung / /zhes bya ba la sogs pa 'byung ngo / /da ni le'u drug pa las gsungs pa'i sku gsung thugs kyis byin gyis brlab pa bstan par bya ba'i phyir tshigs su bcad pa rnams bshad par bya ste/de la zhes bya ba la sogs pa la/ nye bar ni mngon du lus sku'i rdo rjes 'grub pa ni mngon du byed pa ste de nyid bskyed pa'i rim pa'i rnal 'byor pas nges par bya ba'i phyir sdom pa ste/ de yul ting nge 'dzin gang la yod pa'i de ni de bzhin du bshad pa'o//sangs rgyas sku 'dzin ni rnam par snang mdzad de/ dpal ldan ni nyid kyi rig ma dang bcas pa'o/ /rdo rje gsum ni sku la sogs pa'i rdo rje rnams kyis mi phyed pas bsgom pa ste de'i rang bzhin no/ /rang gi lus la byin gyis brlab pa'i gnas ni rtag tu bzhugs pa nyid de/rdo rje sku dang ldan pa ni rnam par snang mdzad kyis mdzad do zhes gsol ba gdab pa'o/ /longs spyod rdzogs pa'i sku'i sgo nas bshad nas sprul pa'i sku'i sgo nas bshad par bya ste/ phyogs bcu nas zhes bya ba la sogs pa ni snga ma bzhin no/ /gsung byin gyis brlab pa bshad par bya ste/de la zhes bya ba la sogs pa la/ sgrub pa'i sdom pa ni ngag snang ba mtha' yas nyid du byed pa ste/ de yul gang la yod pa de ni de bzhin du bshad pa'o/ /chos ni snang ba mtha' yas so/ /yan lag bcu gnyis pa chos kyi 'khor lo rab tu bskor bas na de nyid gsung gi lam mo//gos dkar mo dang ldan pa'i phyir dpal ldan no/ /de lta bu'i gsung rdo rjes ngag la byin gyis brlab pa ni yang dag par bzhugs par mdzad do zhes gsol ba gdab pa'o/ /phyogs bcu zhes bya ba la sogs pa ni sprul pa'i sku'i sgo nas gsol ba btab pa ste snga ma bzhin no/ / thugs byin gyis brlab pa bshad par bya ste/ de la zhes bya ba la sogs pa la chen po sems te/ de nyid sgrub pa ni mi bskyod pa nyid du byed pa ste/ de nyid sdom pa ste de'i yul dang ldan pa'i ting nge 'dzin yang de bzhin du bshad pa'o/ /rdo rje thugs 'dzin ni mi bskyod pa'o/ /mA ma kI dang ldan pas na dpal ldan no//rdo rje mi phyed gsum zhes bya ba la sogs pa snga ma bzhin no/ /phyogs bcu zhes bya ba la sogs pa yang snga ma bzhin du sprul pa'i sku'i sgo nas gsol ba gdab pa'o/ /sku gsung thugs byin gyis brlab pa nges par bya ba nyid bshad par bya ba ste/ sangs rgyas zhes bya ba la sogs pa la/sangs rgyas ni rnam par snang mdzad kyi rnal 'byor pa dang / rdo rje chos ni snang ba mtha' yas kyi rnal 'byor pa dang / rdo rje sems dpa' ni mi bskyod pa'i rnal 'byor pa ste/ rnal 'byor pa de rnams kyis gal te rmongs pa'i dbang gis le'u drug pa las gsungs pa'i sa bon gyi sngags dgod par klog cing tshigs su bcad pa de rnams las 'da' bar byed na de'i tshe rnal 'byor pa de rnams tshal par 'gas pa'o//rnal 'byor pa de rnams kyi yang sngags de dag bems po'i ngo bor 'gyur te/ de bzhin gshegs pa rnams kyis byin gyis brlabs pa'i phyir ro/ / de bas na yi ge'i sngags tsam la mngon par zhen par mi bya ste/ji srid de'i srog dang 'dra ba'i de bzhin gshegs pa rnams kyis byin gyis brlab pa'i phyir ro/ /ji skad du/ sngags ni yi ge'i ngo bo nyid/ /ces bya ba la sogs pa 'byung ngo / /de bzhin gshegs pa thams cad kyi rdo rje ni rnam par snang mdzad la sogs pa ste/ de rnams kyi sbyor ba ni phyag rgya chen po yongs su gyur pa'o/ /dam tshig ni lcags kyu rnams so/ /sgrub pa ni 'khor lo'i rig pa 'dzin pa la sogs pa'i dngos grub rnams so/ /mchog ni mngon par shes pa la sogs pa ste/ de'i le'u gang las bstan pa de ni de bzhin du bshad pa'o/ /rgyud 'grel las le'u bcu gnyis pa'i tshig gi don bcu drug gi bshad pa'o// le'u bcu gnyis pa'i tshigs su bcad pa'i grangs ni bzhi brgya lnga bcu'o// //phyag rgya chen po yongs su gyur pa'i rnal 'byor pas sems can gyi don bya ba'i phyir las kyi tshogs rnams byed pa ste/ de'i phyir le'u bcu gsum pa bstan par bya ba'i phyir/de nas zhes bya ba la sogs pa gsungs te/ phyag rgya chen po yongs su gyur pa'i 'og rol du bcom ldan 'das ni nyon mongs pa 'joms pa'i phyir te/ bde gshegs kun ni mi bskyod pa la sogs pas bcom ldan 'das la phyag 'tshal nas/ rdo rje dbyangs so zhes dang sbyar ro//mi bskyod pa ji lta bu zhe na/ ye shes ni lnga ste/ me long lta bu la sogs pa'o/ /mchog ni de rnams las byung ba'i zhi ba la sogs pa'i las rnams te/ de dag la 'dzin pas na ye shes rdo rje mchog 'dzin pa'o/ /sems can kun don ni mya ngan las 'das pa'i grong khyer la zhugs pa ste/de'i don du yang dag 'byung ba ni rdo rje 'chang chen pos sprul pa'o/ /de bzhin du byang chub sems dpa' ni byams pa la sogs pa'o/ /blo ni lha mo spyan la sogs pa ste/ de rnams gang la yod pa de ni blo ldan te/ de bzhin gshegs pa rnams la bya'o/ /bcom ldan 'das ji lta bu zhe na/chen po ni mi bskyod pa la sogs pa rnams la ston par mdzad pas na chen po'o/ /rnam pa sna tshogs pa'i las kyi tshogs kyis gdug pa rnams 'dul bar mdzad pas na thub pa'o/ /thams cad ni sku gsung thugs kyi don ni rang bzhin med par bya ba rdo rje bzlas pa ste/ de nyid mi g.yo ba yin pas na rdo rje'o//de ston par mdzad pas na don kun rdo rje can no/ /mchod pa ni phyi nang gsang ba la sogs pa dang / dam tshig ni bsrung ba dang bza' bar bya ba la sogs pa ste/ de rnams kyi de nyid ni don dam pa mkhyen pas na de la phyag 'tshal ba ni btud de/ dbyangs ni dad pa dang bcas gsol ba gdab pa'i tshig gsungs pa ni ston te/ bskyed pa dang rdo rje bzlas pa'i rim pa dang bsgrub pa rnams so/ /e ma'o ni ngo mtshar ba'o/ /sangs rgyas tshul re bzang ni phyag rgya chen po yongs su gyur pa ni bcom ldan 'das kyis gsungs pa gang yin pa de ni ngo mtshar bar 'gyur ba'o//de bzhin du byang chub tshul re bzang ni 'khor lo'i rig pa 'dzin pa la sogs pa dngos grub kyi bsgom pa'i rim pa gang yin pa de yang ngo mtshar bar gyur pa'o/ /de bzhin du chos kyi tshul re bzang ni lcags kyu la sogs pa sbyang zhing spyod pa gang yin pa de yang ngo mtshar ba'o//de bzhin du sngags kyi thabs 'dzin pas na sngags ni rdo rje bzhi dang yan lag drug pa'i rnal 'byor ro/ /tshul ni sku gsung thugs byin gyis brlab pa ste ngo mtshar ba'o/ /de bas na 'di dag thams cad kho bo cag gis bstan par bya ste/ khong du chud pa yin gyis 'on kyang bcom ldan 'das kyis bstan pa ni bdag cag la 'di ltar snang ste/chos ni brtan pa dang g.yo ba'i dngos po 'di dag don dam par dpyad na ma skyes pa ste thog ma nyid du skyes pa'o/ /de bzhin du khyad par can ni 'di ni dngos po yod do zhes pa'i rtog pa las 'das nas gnas pa'o//de nyid kyi phyir rnam par mi rtog pa ni ming dang rigs la sogs pa'i rtog pa las 'das pa ste/ chos can yod na chos rnams kyi/ /'jig rten pa la bsam pa 'jug /ces rig pas so/ /de bas na yang dag pa ni ngag gi spyod yul las 'das pa ste/ dngos po dang dngos po med pa nyid du brjod du mi nus pa'o/ /de dang 'dra ba ni phung po la sogs pa'i chos rnams kyi yul du ye shes 'byung ba ni rdo rje 'chang chen po'i de kho na nyid sgyu ma lta bu'i ting nge 'dzin gyis longs spyod rdzogs pa'i sku/ rab tu bshad pa ni bstan pa ste ngo mtshar ba'o/ / 'di dang 'dra ba'i bcom ldan 'das kyis bstan pa de ni sku drin che ste kho bo cag gis rtogs so/ /'on kyang bcom ldan 'das dbang phyug chen po thob pa ste/ rdo rje bzlas pa ni mi phyed pa'i ye shes kyi bzlas pa bshad du gsol te bka' stsol cig pa'o/ /ji ltar zhe na/ yid 'ong ste ngag gi spros pa las 'das pa'o //sngags rnams kun bsdus pas ni A li dang kA lis yang dag par bsdus pa yi ge gsum ste/ de la dmigs pas na de yang sngags rnams kun bsdus pa'o/ /ye shes che ni rdo rje 'chang chen po'i go 'phang thob par byed pas na ye shes che'o/ /sku gsum ni rnam par snang mdzad la sogs pa de bzhin gshegs pa gsum mo//de dag yan lag ma nyams pa'i bzlas pa'i rim gyis mi phyed pas na sku gsum ni mi phyed pa'o/ /nyin mo dang mtshan mo rgyun ma chad par zo chun gyi 'khrul 'khor dang 'dra bar 'byung bas na dkyil 'khor bzhin dkyil 'khor ro/ / yang na chu'i dkyil 'khor la sogs pa las g.yas la sogs pa'i dbye bas 'byung bas na dkyil 'khor ro/ /de lta bu'i rdo rje bzlas pa gsungs zhes pa ni bshad du gsol ba ste/ gang gis rdo rje mi phyed gsum bsgom pa ni/ yan lag ma nyams pa'i bzlas pa'i rim pas/ sangs rgyas ye shes ni me long lta bu la sogs pa'i ye shes rnams thob par 'gyur ro//de bzhin du rdo rje bzlas pa'i sbyor bas/ sangs rgyas kun gyis byin gyis brlab pa ni/ sangs rgyas thams cad kyi rang bzhin du rnal 'byor par 'gyur ro/ /'ba' zhig pa'i rdo rje bzlas pa ni bcom ldan 'das kyis gsung ba ma yin te/'on kyang ji srid rigs ni de bzhin gshegs pa lnga'i dbye ba dang / gsang sngags thams cad ni rdo rje 'chang ste de'i dbye bas so/ /ji lta bu zhe na/ sku gsung thugs kyi mtshan ni sku gsung thugs 'od gsal ba nyid du mtshon pa ste/ gang gis thob par 'gyur ba de ni de bzhin du bshad pa'o//yang ji lta bu zhe na/ sngags ni yi ge gsum gyi bdag nyid du bsdu ba ste/ de rnams kyi bzlas pa ni dbyangs brjod pa dang bral ba/ de ring gsung zhes pa ni/ bka' stsal par mdzod cig ces ston to/ /ye shes rgya mtsho ni byang chub sems dpa' 'di rnams dang /bdag cag rnams gsan pa ni thos nas de nyid mngon du byed pa'o/ /gang gi phyir bcom ldan 'das bdag cag gis/ 'di ltar thos mthong ba ste/ dus gsum las 'byung ba ni/ 'das pa dang ma 'ongs pa dang da ltar byung ba'i dus la bzhugs pa'i sangs rgyas ni grub pa rnams dang /de bzhin du 'byung ba ni smon pa'i byang chub kyi sems dang ldan pa ste/ slob bzhin pa rnams so/ /de dag thams cad rdo rje sngags ni rdo rje bzlas pa bsgoms na/ sku gsung thugs rdo rje can ni/ rdo rje 'chang chen po'i mnyam med ni thun mong ma yin pa'i ye shes te/chos kyi dbyings kyi ye shes thob par gyur pa dang / 'thob pa'o/ /de bas na de lta bu'i rdo rje bzlas pa bshad du gsol zhes gdab pas bskyed pa'i rim pa dang bsgrub pa dang rdo rje bzlas pa rnams so/ /de nas zhes bya ba la sogs pa la/ de nas zhes pa ni de bzhin gshegs pas gsol ba btab pa'i 'og tu'o//rdo rje ni yan lag ma nyams pa'i bzlas pa 'dzin pas na rdo rje 'dzin no/ /'jug pa la sogs pa'i rim pas sems 'dul bar mdzad pas na ston pa'o/ /nam mkha' bzhin du dmigs pa med pa'i rdo rje ni/ nam mkha'i rdo rje de nyid ye shes rnams te srog la sogs pa'i rlung rnams so//de rnams gang las byung ba de ni nam mkha' rdo rje ye shes 'byung ste/ 'od gsal ba'i ngo bo'o/ /dkyil 'khor spros nas zhi ba la sogs pa mdzad pas na byed pa'o/ /mtshan mo dang nyin mo nyi khri chig stong drug brgya srog dang rtsol bar sprul pas na bskyed pa'o//dam pa ni sngags kyi tshogs te de rnams bskyed pa'i phyir mchog ni yi ge phyi mo ste de nyid kyang bsdu ba'i phyir gtso bo ni yi ge gsum ste/ de'i bdag nyid yin pa'i phyir dam pa mchog gi gtso bo'o/ /de lta bu'i bcom ldan 'das kyis rdo rje bzlas pa 'di ni mi phyed pa'i bzlas pa gsungs so zhes pa ni bka' stsal pa ste/sdud pa po tshigs su bcad pa'o/ /'dir na rdo rje bzlas pa bcu gcig yod pa ste/ de la dang po rdo rje 'chang chen po'i rang bzhin gyi bzlas pa bshad par bya ba'i phyir/ sngags kyi don kun bzlas pa ni/ / zhes bya ba la sogs pa gsungs te/ sngags kun ni A li kA li'i rang bzhin te/ de rnams kyi don ni yi ge gsum ste/ de nyid bzlas pa ni 'jug pa la sogs pas so/ /bzlas pa de ji lta bu zhe na/ rdo rje gsung ni de bzhin gshegs pa gsum gyis mi phyed ni gcig tu gyur pa'i mtshan ni mtshan nyid gang la yod pa/de ni rdo rje mi phyed gsum gyis mtshan pa'o/ /dbye ba gsum gyis gnas pa'i gang zhig rdo rje ni sku gsung thugs kyi gnas te spyi bo dang mgrin pa dang snying ga rnams so/ /de dag gi mtha' ni rtsibs brgyad pa'i chos kyi dbyings kyi 'khor lor gnas pa'i yi ge a'o yi ge a de nyid la dgod pa ni/de rnams thim par byas na/ rdo rje 'di ni rdo rje 'chang chen po'i bzlas pa 'di bshad pa yin no/ /yi ge a de la thams cad thim pas rnam par mi rtog pa'i ye shes la zhugs te/ 'jug pa la sogs pa dang bral ba'i rnal 'byor pas gnas par bya ste/ rdo rje 'chang chen po'i bzlas pa'o//sku gsung thugs kyi gnas rnams su/ /zhes bya ba la sogs pa la/ gzhan gyi don bya ba'i phyir yi ge hUM la sogs pa'i rim pas spro ba byas la/ sku gsung thugs kyi gnas ni yi ge hUM la sogs pa de nyid de/ de rnams la dmigs nas spro ba ni 'od zer gyi 'khor lo spro bar bya'o//rdo rje bzlas pa 'di yis ni/ /zhes pa ni rdo rje 'chang chen po'i bzlas pas/ rdo rje gsum gyi thugs ni rdo rje 'chang chen po ste/ de dang 'dra bar rnal 'byor pa 'gyur ro zhes phan yon bstan to/ /rdo rje 'chang chen po'i spro ba'i rnam pa gzhan bshad pa'i phyir/sangs rgyas rnams kyi sku gsung thugs/ /zhes bya ba la sogs pa gsungs te/ sangs rgyas rnams kyi sku gsung thugs ni snang ba dang bcas pa'i de bzhin gshegs pa rnams yi ge a de nyid las spros te/ mchod pa'i mchog brtags pa ni 'di nyid yin gyi gzhan ni ma yin no/ / ye shes rdo rje zhes bya ba la sogs pa ni snga ma bzhin no/ /yang na de bzhin du sangs rgyas rnams bsgoms la yi ge a las yi ge gsum spros te/ mchod pa'i mchog brtags pa ni bla na med pa'i mchod pa'i tshogs 'grub pa dang / byang chub ster bar byed pa ni sangs rgyas nyid thob par byed pa'o zhes ston to//yang na dbye ba rnams gsum gyis/ /zhes bya ba la sogs pa la/ a las byung ba'i yi ge gsum gyi 'od zer rnams so/ /dbye ba gsum ni lha mo dang khro bo dang byang chub sems dpa'i dbye bas spro bar bya'o/ /ji ltar zhe na/ so so dag tu zhes pa ni rigs kyi dbye bas so//de rnams kyi yang sku gsung thugs bdag med pa'i ngo bo bltas la/ ye shes sems ni dmigs pa med pa'i sems kyis/ yang dag spro ba ni nam mkha' la spro bar bya'o/ /rigs gsum gyi dbye bas brjod pa ni spros te/ yang spro ba ni yi ge gsum po de nyid du thim par bya'o//rdzogs pa ni spro ba rdzogs nas yi ge gsum yang yi ge a la bsdus pa ni thim par bya'o/ /'di zhes pa ni rdo rje bzlas pa 'di sangs rgyas rnams kun ni rdzogs pa'i rim pa'i rnal 'byor pa rnams kyis zhes bya ba'o/ /ji lta bu zhe na/ ye shes spyan phye ba zhes pa ni rnam par mi rtog pa'i ye shes kyis dngos po thams cad kyi rang bzhin shes pas so//sangs rgyas rnams kun gyis zhes pa'i drug pa ni byed pa po'i don du ste/ rdo rje 'chang chen po'i bzlas pa'o/ /sku'i rdo rje rdzogs byang chub/ /ces bya ba la sogs pa la/ re zhig dang po rang gi bdag nyid rnam par snang mdzad du cig car du bsams te/yi ge oM la yi ge gnyis thim ste de nyid 'jug pa la sogs pa'i rim pas 'dzin zhing khams gsum pa yang rang gi lus la zhugs par byas na sku'i rdo rje'i rdzogs pa'i byang chub la/ dngos dang dngos med rnam dpyad pa/ /zhes pa ni rang dang gzhan rnams yod pa dang med pa las 'das par bsams te/'di sangs rgyas kun zhes pa ni rnam par snang mdzad kyi rang bzhin gyi sku'i bzlas pa bshad pa ste/ sku'i bzlas pa'o/ /gsung gi dam tshig rdzogs byang chub/ /ces bya ba la sogs pa la/ snga ma bzhin du rang gi bdag nyid cig car du ngag gi dbang phyug tu bsams la/yi ge AHla yi ge gnyis thim zhing / de nyid 'jug pa la sogs pa'i rim pas 'dzin te/ khams gsum pa'i zin pa dang ma zin pa la sogs pa'i sgra rnams gcig tu byas pas/ sgra dang sgra min rnam dpyad pa ni/ yod pa dang med pa las 'das par rang gzhan gyi sgra rnams bsgoms nas gnas pa gang yin pa de ni gsung gi bzlas par bshad pa ste/gsung gi bzlas pa'o/ /thugs kyi dam tshig rdzogs byang chub/ /ces bya ba la sogs pa la/ snga ma bzhin du thugs kyi dam tshig ni yi ge hUM la khams gsum pa'i sems/ rdzogs pa'i byang chub ces bya bas thim par bstan la/spros pa'i dra ba thams cad 'di sems la gnas pa zhes bya ba ni gang zhig rdo rje bzhin du brtan pa'o/ /rnam par dpyad pa ni sgom pa ste/ de nyid thugs kyi rdo rje zhes bya bar brjod pa rdo rje bzlas pa zhes bshad pa ste/ thugs kyi bzlas pa'o/ /don gyi rjes 'gro'i bzlas pa'i zhes bya ba la sogs pa la/don ni yi ge gsum gyi don te/ de ye shes gsum gyi rang bzhin de bzhin gshegs pa gsum mo/ /de rnams dang rjes su 'gro ba ni 'jug pa la sogs pa'i rang bzhin gyis de'i ngo bo nyid kyis bzlas pas dang po'i sems dbang du byas la/ de'i 'og tu thams cad 'dir stong pa yin no zhes ngo bo nyid med pa dang /rnam par rtog pa thams cad med pas bzang po ste/ des sangs rgyas thams cad ni snod dang 'jig rten gyi khams dang / dus gsum ni dus gsum gyi de bzhin gshegs pa rnams kyang / gang zhig ngo bo nyid med pa/ /zhes bya ba'i rnam par dpyad pa/de ni rin chen 'byung ldan gyi bzlas pa ste/ nam mkha'i dbyings kyi rang bzhin yin pa'i phyir ji srid khyab par byed pa ste/ rin po che'i bzlas pa'o/ /sangs rgyas zhing rnams thams cad du/ /zhes bya ba la sogs pa la/ yi ge gsum po de nyid don yod grub pa'i ting nge 'dzin sngon du 'gro bar bsams la/dkyil 'khor bzhi po las sku'i sprin rnams ni sna tshogs pa'i rigs dang ldan pa'i de bzhin gshegs pa'i tshogs/ sangs rgyas zhing rnams thams cad du/ /zhes pa ni phyogs dang phyogs mtshams rnams thams cad la spro ba ste/ bzhud cing byon pa ni spro ba dang bsdu bas rdo rje'i don ni sems can gyi don byas la/ gang zhig gnas par gyur pa de ni bya ba nan tan grub pa'i ye shes kyi mtshan nyid can dang / rlung gi khams rnam par dag pas las thams cad pa dang / dam tshig gis rigs kyi bdag nyid kyi thogs med kyi bzlas pa ni don yod grub pa'i bzlas pa'o//khro bo'i dam tshig ye shes kyis/ /zhes bya ba la sogs pa la/ dbyangs brjod pa med pa'i bzlas pa yongs su spangs la zhi ba la sogs pa'i las bsgrub par bya ba'i phyir gsal ba'i ngang gi sngags ni sbrul la sogs pa ste/ yi ge ni oM la sogs pa'i sa bon rnams te/de dag rang gi rdo rje ni lces/ dkyil 'khor ni dkyil 'khor bzhin du gsal ba de bzhin du brjod par bya ba ste/ ji bzhin du thos pa ni rnal 'byor pa rang dang gzhan gyis kyang thos par 'gyur ro/ /khro bo'i dam tshig ni myur ba dang dal bus bral ba'i/gang zhig ye shes ni bar pa'i ngag ste des bzlas pa gang yin pa de ni khro bo'i bzlas par bshad pa ste/ khro bo'i bzlas pa'o/ /'dod pa'i don gyis myos 'gyur ba/ /zhes bya ba la sogs pa la/ sku rdo rje'i ting nge 'dzin mngon du byas la/ lte ba'i 'khor lor yi ge oM la yi ge gnyis thim par bsams la/'dod pa'i don ni longs spyod pa'i don du/ myos 'gyur ba ni g.yeng bar 'gyur ba/ kun du ni rnam pa thams cad du/ srog ni lus po la phan par/ /brtags pa ni 'tsho bar 'dod pa ste/ sems can de rnams 'od zer gyis bkug la de nyid du thim zhing /gti mug gnas ni gti mug rnam par dag pa ste/ de la sems can thams cad gti mug rnam par dag par gyur cig ces smon lam btab la gnas shing bzlas pa gang yin pa de ni gti mug bzlas par bshad pa ste/ gti mug gi bzlas pa'o/ /'dod chags rdo rje las byung tshig /ces bya ba la sogs pa la/ snga ma bzhin du lte ba'i 'khor lo'i yi ge a bkod la/ lus ngag sems la gnas pa ni khams gsum pa'i sems can rnams te/ de dag gi tshig 'dod chags ni bdag dang bdag gi mngon par zhen pa gnas ngan len pas brtan pa'i phyir rdo rje las byung ba ste/de lta bu'i sgra'i bdag nyid kyi tshig de'i 'od zer gyis bkug cing / 'dod chags mtshor gnas ni 'dod chags rnam par dag pa'i gnas la sems can thams cad bdag gis gzhag par bya'o zhes rnal 'byor pa gang gis dmigs par byed pa de nyid 'dod chags bzlas par bshad pa ste/'dod chags kyi bzlas pa'o/ /zhe sdang rdo rje las byung sems/ /zhes bya ba la sogs pa la/ snga ma bzhin du thugs rdo rje'i ting nge 'dzin la gnas pa'i rnal 'byor pas chos kyi dbyings kyi 'khor lor yi ge hUM bkod la/ de'i 'od zer gyis lus ngag sems ni khams gsum pa la gnas pa'i zhe sdang gi ngo bo sems gang yin pa de bkug la de nyid du thim zhing sems can thams cad bdag gis zhe sdang gnas ni zhe sdang rnam par dag pa'i gnas la gzhag par bya'o zhes dmigs par byed pa gang yin pa de ni zhe sdang gi bzlas par bshad pa ste zhe sdang gi bzlas pa'o//dam tshig de nyid rdo rje gsum/ /zhes bya ba la sogs pa la/ rdo rje gsum ni yi ge gsum ste/ de rnams kyi dam tshig ni spyi bo la sogs pa'i gnas rnams te/ de dag gi de nyid ni yi ge gsum de nyid do/ /de rnams dbu ma ni gnas pa'i rlung la 'jug pa dang ldang ba dag bzhag cing de nyid gnas pa'i tshul gyis/dam tshig rdo rje ni 'od gsal ba la thim zhing / dba' rlabs med pa'i rgya mtsho chen po dang 'dra ba'i gnas pa gang yin pa de ni dam tshig rdo rje rdo rje'i bzlas pa'i rnal 'byor pa rnams kyi ma ning gi bzlas par bshad pa ste/ bud med de 'jug pa ma yin pa dang /skyes pa ste ldang ba ma yin te/ ma ning gi bzlas pa ni brjod du med pa'o zhes ston to/ /ji skad du/ dmigs bcas de gzhan dbye ba ni / /gnas pa rnam pa gnyis bshad de/ /dmigs bcas gnyis gang las grol ba/ /dmigs pa med pa 'od gsal ba'o/ / zhes 'byung ste/ ma ning gi bzlas pa'o/ /de ni rdo rje bzlas pa bcu gcig pa'o/ /da ni 'dod chags dang zhe sdang dang gti mug gi rigs can rnams rjes su gzung bar bya ba'i phyir rim pa gnyis kyi ting nge 'dzin bstan par bya ba'i phyir/ 'dod chags de nyid don bsgoms pa/ /zhes bya ba la sogs pa gsungs te/rdo rje bdag po ni rnal 'byor pa rnams so/ /thams cad ces pa ni rigs la sogs pa yongs su spangs pa'o / /'dod chags ni 'dod chags rnam par dag pa'i rigs te/ de'i de nyid ni yi ge AHste de'i don de las 'byung ba'i snang ba mtha' yas kyi dkyil 'khor/rnal 'byor pa gang gis bsgoms pa de ni 'dod chags de nyid don bsgom pa'o/ /de yang 'dod chags byang chub ni 'dod chags rnam par dag pa'i mtshan nyid can gyi byang chub mdzad pa ni mngon du byed pa'o/ /ji lta bu zhe na/ sems can kun la phan 'dod pa'i/ /zhes pa ni sems can thams cad la 'dod chags rnam par dag pas phan 'dogs pa'o zhes ston to//rnal 'byor pa de rnams gal te spros pa dang bcas pa'i spyod pa byed na de'i tshe/ rig pa chen po spyan la sogs/ /zhes pa ni rigs kyi lha mo bzhi dang 'dod pa'i yon tan te/de la brtson pa ni gzugs rdo rje ma la sogs pa ste/ de rnams 'dod pa'i longs spyod ni spros pa dang bcas pa'i spyod pa dang ji ltar 'dod pa ni spros pa med pa'i spyod pas 'dod chags rnams bsten pa ni longs spyod na 'grub pa ni rnal 'byor pa des phyag rgya chen po'i dngos grub thob par 'gyur ro//gti mug dam tshig las byung ba/ /zhes bya ba la sogs pa la/ gti mug ni gti mug rnam par dag pa'i ngo bo rnam par snang mdzad de/ de'i dam tshig ni yi ge oM ste de las byung ba ni de yongs su gyur pa las skyes pa'i rim pa ni lha mo spyan la sogs pa ste/ de dag gi rgyal po rdo rje can ni de rnams dang ldan pa'i rnam par snang mdzad rig pa'i rgyal po'o//de rnams thams cad ma ning gi gti mug ste/ de'i gnas ni de nyid rnam par dag pa ste/ gti mug rnam par dag pa'i gnas de la/ 'grub pa ni bdag nyid che ba thob pas dngos grub dam pa ni gti mug rnam par dag pa sems can thams cad la rab tu ster ba'o//khro bo zhe sdang gnas pa skyes/ /zhes bya ba la sogs pa la/ khro bo dang zhe sdang rnam par dag pa'i rang bzhin ni mi bskyod pa'o/ /de nyid kyi gnas ni yi ge hUM ste de las skyes pa ni de yongs su gyur pa las byung ba'i mi bskyod pa de nyid do//ji lta bu zhe na/ rtag pa gsod pa ni zhe sdang rnam par dag pa la sogs pa ni brtson pa dang ldan pa'o/ /bcom ldan 'das de nyid kyang sgrub pa po rnams mchog gi chos can ni chos kyi dbyings kyi ye shes thos par mdzad pa 'grub bo/ /ci'i phyir zhe na/ gsod pa ni zhe sdang dang khro ba gsod pa ste/de'i don ni dgos pas so zhes ston to/ /chen po ni 'dod chags dang zhe sdang dang gti mug rnams sel bar bya ba'i phyir skyes bu ni snang ba mtha' yas la sogs pa'i de bzhin gshegs pa gsum ste/ de rnams kyi dam tshig ni sgom pa gang las byung ba de ni skyes bu chen po'i dam tshig ste rdo rje 'chang chen pos de skad bka' stsal to zhes pa dang sbyar te/bskyed pa'i rim pa'o/ /yang na rdo rje bdag po ni rdzogs pa'i rim pa'i rnal 'byor pa rnams so/ /de dag thams cad 'dod chags ni 'dod chags dang / 'dod chags dang bral ba dang 'dod chags bar pa rnams kyi de nyid ni bzhi pa ste de'i don sgom pa ni mngon du byed pa ste/'dod chags de nyid don sgom pa'o/ /de'i tshe de rnams kyis 'dod chags la sogs pa'i gsum po rnam par dag pa las byung ba'i yang dag par rdzogs pa'i byang chub mdzad pa ni thob par 'gyur ro/ /sems can kun ni smig rgyu la sogs pa'i mtshan ma rnams te/de dag gis phan 'dod pa ni de kho na nyid bstan par byed pa'o/ /spyan la sogs pa ni las kyi phyag rgya ma la sogs pa'o/ /rig pa chen mo ni de rnams nyid byed pa yan lag 'khrug pa'i sbyor ba la mkhas pa'o/ /'dod pa ni 'dod chags la sogs pa ste/de rnams kyi don ni lhan cig skyes pa bstan pa ste/ de la brtson pa ni mtshon par byed pa'o/ /de rnams la brten nas 'dod pa'i longs spyod ni dga' ba la sogs pa'i rim pas/ ji ltar 'dod pa ni 'dod pa'i lha'i rnam pa bsgom pas rnal 'byor pa rnams 'grub pa ni dngos grub thob par gyur te mngon par byang chub pa'i rim pa'o//gti mug ni yi ge oM mo/ /dam tshig ni yi ge AH'o/ /'byung ba ni yi ge hUM ngo / /de rnams rig pa ni sngags rnams kyi gtso bo yin pa'i phyir rgyal po ste bdag po'o/ /de bzhin gshegs pa'i rang bzhin yin pa'i phyir rdo rje can no//de rnams kyi ma ning gi gnas ni 'jug pa la sogs pa dang bral ba'i bzlas pa ste/ de 'byung bas na 'grub pa ni de rnams rdzogs pas sgrub pa po'i rnal 'byor pa la mchog gi dngos grub ster ba ste rdo rje bzlas pa'i rim pa'o/ /de bzhin du khro ba zhes bya ba la sogs pa la/khro ba dang zhe sdang gi gnas ni khro ba la sogs pa'i rigs las skyes pa ni khyi la sogs pa'o/ /ji lta bu zhe na/ rtag tu ni dus thams cad du gsod pa la brtson pa ni phyugs yin pa'i phyir gzhan rnams la rnam par 'tshe ba can te/ de rnams kyis kha na ma tho ba med pa'i lcags kyu rnyed la/gsod pa'i don ni sbyong ba la sogs pa'i rim pas tha mal pa'i rnam par rtog pa sel bas gtor mar phul na mchog gi chos can ni rnam par rtog pa med pa'i sgrub pa po ste/ de la grub par gyur pa ni rnam par snang mdzad la sogs pa'i dngos grub ster ba ste sgrub pa'o//chen po ni mngon par byang chub pa dang rdo rje bzlas pa dag go/ /skyes bu ni skyes pa la sogs pa'i sha rnams kyis dam tshig ni/ lcags kyu nye bar phul ba gang las byung ba de ni skyes bu chen po'i dam tshig ste/ rdo rje 'chang chen pos de skad bka' stsal to zhes snga ma bzhin du sbyar ro//bskyed pa'i rim pas zhi ba la sogs pa bshad par bya ba'i phyir/ ye shes 'khor lo can rnams kyi/ /zhes bya ba la sogs pa gsungs te/ rnam par snang mdzad kyi rnal 'byor pas snying ga ni ye shes sems dpa'i snying gar zla ba'i dkyil 'khor gyi dbus su oM las byung ba'i rtsibs brgyad pa'i 'khor lo dkar po bsgoms la/mdun du yang ye shes rdo rje can ni bsgrub bya nad pa ste/ de nyid gsal ba'i dkyil 'khor ni zla ba'i dkyil 'khor gyi dbus su gnas par bsams la/ bsgrub bya de nyid kyi dbus ni sgo dgu'i nang 'khor lo ni ting nge 'dzin sems dpa'i ngo bo'i don ni 'od zer dgu dkar po spros la nad pa'i sgo dgu la zhugs par bsams na de'i tshe zhi ba'o//ye shes rdo rje can rnams kyi/ /zhes bya ba la sogs pa la/ snga ma bzhin du mi bskyod pa'i rnal 'byor pas ye shes sems dpa'i snying gar yi ge hUM las byung ba'i kha dog nag po rtse dgu pa bsams la/mdun du yang ye shes rdo rje can ni gdug pa'i bsgrub bya rdo rje dkyil 'khor ni nyi ma'i dkyil 'khor gyi dbus su gnas par bsams la/ de'i sgo dgu la rdo rje ni ting nge 'dzin sems dpa'i ngo bo ste/ de'i don ni 'od zer nag po dgu spros la/gdug pa'i sgo dgu la zhugs par bsams na de'i tshe gsod pa'o/ /rin chen ye shes can rnams kyi/ /zhes bya ba la sogs pa la/ de bzhin du rin chen 'byung ldan gyi rnal 'byor pas ye shes sems dpa'i snying gar yi ge swA las byung ba'i kha dog ser po'i rin po che bsams la/mdun du yang rin chen ye shes can ni bsgrub bya dbul po rin chen dkyil 'khor ni zla ba'i dkyil 'khor gyi dbus su gnas par bsams te/ de'i sgo dgu la rin chen ni ting nge 'dzin sems dpa'i ngo bo ste/ de'i don ni 'od zer ser po dgu spros la dbul po'i sgo dgu la zhugs par bsams na rgyas pa'o//pad+mo ye shes can rnams kyi/ /zhes pa la sogs pa la/ pad+ma'i rigs kyi rnal 'byor pas ye shes sems dpa'i snying gar yi ge a las byung ba'i pad+ma 'dab ma brgyad pa dmar po bsams la/ mdun du yang pad+ma ye shes can ni rgyal po la sogs pa'i bsgrub bya pad+ma'i dkyil 'khor ni pad+ma dang zla ba'i dkyil 'khor gyi dbus su gnas par bsams te/de'i sgo dgu la pad+ma ni ting nge 'dzin sems dpa'i ngo bo ste/ de'i don ni 'od zer dgu dmar po spros la/ rgyal po la sogs pa'i sgo dgu la zhugs par bsams na de'i tshe dbang ngo / / ral gri ye shes can rnams kyi/ /zhes bya ba la sogs pa la/ don yod grub pa'i rnal 'byor pas ye shes sems dpa'i snying gar khaM las byung ba'i kha dog ljang gu rtse brgyad pa'i rdo rje ral gri bsams la/mdun du yang ral gri ye shes can ni bsgrub bya/ dam tshig dkyil 'khor ni nyi ma'i dkyil 'khor gyi dbus su gnas par bsams la/de'i sgo dgu la ral gri ni ting nge 'dzin sems dpa'i ngo bo ste/ de'i don ni 'od zer dgu ljang gu spros la/ bsgrub bya'i sgo dgu la zhugs par bsgoms na de'i tshe 'gugs pa'o/ dkyil 'khor kun gyi ngos rnams su//zhes bya ba la sogs pa la/ gang zhing 'di 'od zer dkar po la sogs spros pa de ni bsgrub bya de nyid kyi ngos ni phung po lnga la/ 'od zer lnga ni de bzhin gshegs pa'i rnam par dgod par bya ba ni 'jug par bya'o/ 'dis ni 'od zer lnga'i dbye bas spro bas spro ba byed na byang chub ni zhi ba la sogs pa'i dngos grub rnal 'byor pas thob par gyur pa ni bsgrub byas rnyed par 'gyur zhes ston no//sngags rnams thams cad ni 'khor lo la sogs pa'i 'od zer rnams te/ de dag spro ba ni rnam pa gnyis zhes pa ni kha'am ba spu'i bu ga thams cad las spro ba ste/ brjod pa ni bcom ldan 'das kyis gsungs pa'o//rdo rje 'chang chen po'i sgo nas spro ba bshad pa'i phyir/ sku gsum rdo rje bye brag gis/ /zhes pa la sogs pa gsungs te/ sku gsum ni chos kyi sku la sogs pa'o/ /rdo rje ni de bzhin gshegs pa rnams so/ / de dag nyid bye brag spros pa gang las byung ba de ni/ sku gsum rdo rje bye brag ste rdo rje 'chang chen po'o/ /'di'i ting nge 'dzin la dmigs te spro ba dang bsdu ba bya'o/ /ji ltar zhe na lus kyi ngo bo ni zhi ba'i snod kyi bsgrub bya la/ sku ni rnam par snang mdzad kyis bsgrub bya de nyid kyi spyi bor thim zhing tshim pas spro ba byed na de'i tshe zhi ba'o//de bzhin du sems ni mngon spyod kyi gnas bsgrub bya la thugs kyi ngo bo nyid ni mi bskyod pa spyi bor thim zhing 'od du zhu ba ste/ de'i tshe gsod pa'o/ /ngag ni dbang du ma gyur pa'i bsgrub bya la gsung gi ngo bo snang ba mtha' yas kyi spyi bor thim zhing spro ba byed na de'i tshe dbang ngo //de bzhin du rgyas pa dang dgug pa dag la yang shes par bya'o/ /de ltar mchod na zhes pa ni spro bas mchod pa ni zhi ba la sogs pa'i dngos grub gnas su gyur pa ni thob par 'gyur te bskyed pa'i rim pa'o/ /dbye ba gzhan gyis zhi ba la sogs pa bshad par bya ste/dkyil 'khor chen po'i 'khor lo yis/ /zhes bya ba la sogs pa la/ dkyil 'khor chen po'i 'khor lo ni rang gi rig ma'i pad+ma'o/ /de la rdo rje lnga rnams ni 'dod pa'i gdugs la sogs pa'i rtsa lnga bsgoms la/ rtsa dbus ma la rang gi gzugs ni rang gi bdag nyid bdag po ni mi bskyod par bsams te/dkyil 'khor rnam pa bzhi dag tu zhes pa ni rus sbal ma la sogs pa'i rtsa bzhi po la/ rang sngags rdo rje'i gzugs ni rnam par snang mdzad la sogs pa'i gzugs te/ kha dog rnam pa bzhi ni dkar po la sogs pa'i sku mdog dang ldan par bsams la/de rnams kyi snying ga ni ye shes sems dpa'i snying gar sngags kyi don ni zhi ba la sogs pa'i bsgrub bya rnams bsgom pa ni zhugs par bya'o/ /de lta bu'i bsam gtan ni ting nge 'dzin gyis rdo rje can ni sgrub pa pos rdo rje rnam pa bzhi'i las ni zhi ba la sogs pa'i las byed pa ni rdzogs par byed pa'o/ji lta bu zhe na/ sngags thams cad ni bya ba la sogs pa'i tshul la gnas pa la gsang ba ni sbas par bya'o/ /gzhan yang nang gi bdag nyid yin pa'i phyir rab tu bzang po'o/ /gtan du bsgrub par bya ba'i phyir brtag pa'o/ /zhi ba la ni spyan gyi tshul//zhes bya ba la sogs pa la/ zhi ba'i las bya ba yin na de'i tshe spyan gyi tshul ni bsgrub bya dkar por bsams la phyi rol du spro bar bya'o/ /rgyas pa'i las bya ba yin na rdo rje pad+mo can ni gser gyi mdog dang 'dra ba spro bar bya'o/ /dbang gi las bya ba yin na khyad par du snang bas na rnam par snang mdzad ni nyi ma ste/de'i gnas ni de byung bas kha phye ba'i pad+ma ste/ de dang 'dra ba'i mdog can bsgrub bya phyi rol du spro bar bya'o/ /rdo rje khro bo ni mdog nag po ste de dang 'dra ba spro bar bya'o/ /'di rdo rje thams cad kyi zhes bya ba la sogs pa la/ rdo rje thams cad ni sgrub pa po rnams te/de dag gi gsang ba ni chos 'byung ste/ de la sku gsum ni de bzhin gshegs pa rnams te/ de dag las byung ba'i bskyed pa gang la yod pa de bzhin no/ /de nyid kyi phyir sngags rnams kun ni zhi ba la sogs pa'i gnas su gyur pa bsgrub bya rnams kyi don du sprul pa ni bcom ldan 'das kyis gsungs pa'o//bya ba ni zhi ba la sogs pa yin la de rnams nyid rol mo ste spros pa dang bcas pa'i phyir ro/ /de lta bu'i rnam pas mtshan pa ni 'byung ba ste bskyed pa'i rim pa'o/ /zhi ba la sogs pa bstan nas drag po yin pa'i phyir mngon spyod bshad par bya ste/ma dad smra ba'i sems can dang / /zhes bya ba la sogs pa la/ ma dad smra ba ni ma dad pa gtso bor gyur pa'i tshig smra ba'o/ /de bzhin du slob dpon dang rdo rje ni rdo rje 'dzin la smod pa ni sun 'byin pa'o/ /gdug pa'i sems can gzhan rnams zhes pa ni mtshams med pa la sogs pa byed pa rnams 'di ni 'og nas 'chad par 'gyur ba'i bar du bsgrub pa ni mngon spyod bya'o//ye shes chen po ni mi bskyod pa'i ting nge 'dzin te de'i 'khor lo ni dkyil 'khor pa rnams te/ de rnams kyis byas pa'i rdo rje ni/ mngon spyod gang gis mdzad pa de ni de bzhin du bya'o//khams gsum zhes bya ba la sogs pa la/ gdug pa'i sems can rnams gang yin pa de rnams kyis khams gsum gnas pa'i sems can rnams sangs rgyas kyi ngo bor bsgom zhing dgra'i rang bzhin rnams kyis sems can de dag gsod par bltas la/de nas las rnams ni mngon spyod kyi las brtsam par bya'o/ /'dis ni gdug pa rnams sdig pa chen po can nyid du byed pa bstan pa'o/ /nam mkha'i dbyings kyi dbus gnas par/ /zhes bya ba la sogs pa la/ re zhig dang po rnal 'byor pas rang gi bdag nyid stong par bsams la/de'i dbus su yi ge hUM las rdo rje rtse mo lnga pa kha bzhi pa ni sna tshogs rdo rje bsams shing de yongs su gyur pa las byung ba'i/ rnam mchog rnam pa kun dang ldan/ /zhes pa ni zhal gsum pa dang phyag drug pa rdo rje sems dpa' ni rdo rje hUM mdzad de/ phyag g.yas pa rnams na rdo rje dang ral gri dang lcags kyu bsnams pa/phyag g.yon pa rnams na dbyug to dang 'khor lo dang zhags pa bsnams pa / dam tshig las byung ba ni ye shes dang ting nge 'dzin sems dpa' dang ldan par bsams la/ sangs rgyas 'khor lo ni ye shes sems dpa'i snying ga las spros pa'i khro bo bcu'i 'khor lo 'khor gyi ngo bor bsams par bya'o//de'i rjes la khro bo bcu de rnams kyi lag pa g.yas pa la/ sangs rgyas ni sangs rgyas thams cad kyi ngo bo khro bo rdo rjer bsgoms la/ phyag lhag ma rnams la rdo rje hUM mdzad bzhin du/ stobs po che ni phyag mtshan gzhan rnams bsgoms shing ye shes sems dpa'i snying ga'i 'od zer rnams kyis phyogs bcu nas byung ba'i sems can rnams sangs rgyas kyi sku'i rnam pa nye bar bsdus te/rang gi lus ni ye shes sems dpa'i snying gar gong bu'i tshul ni thig le'i ngo bor thim par bya'o/ /sangs rgyas ye shes rdo rje can//zhes bya ba la sogs pa la/ slar yang phyogs bcu la sangs rgyas ye shes rdo rje can ni ye shes lnga'i rang bzhin gyi khro bo'i gzugs rnams spro bar bya'o/ /ji lta bu zhe na/ khro bo'i sgo nas 'khrugs pa ni nga rgyal dang ldan pa'o/ /mi sdug ni zhal la sogs pas so//'jigs su rung ni shin tu rno ba'i 'od zer 'phro la rigs kyi rlung rnams kyis brgyan pa'o/ mtshon cha sna tshogs ni ral gri la sogs pa ste/ de rnams 'dzin pa'o/ /bsad pa'i don gyis don sems pa/ /zhes pa ni gdug pa rnams gsod pa ste thugs kyis so/ /gdug pa chen po rnams nyid kyis gsod par byed pa ni sku'i sgo nas so//rdo rje sems dpa' rang nyid dam/ /zhes phul du byung ba'i tshig go/ /de lta bu'i khro bo rnams spros te mngon spyod byas la/ slar yang sdud cing de nyid du thim par bya'o/ /sangs rgyas sku gsum zhes bya ba la sogs pa la/las des sangs rgyas ni 'jig rten pa la gnod par byed pa la mkhas pa ste/ sku gsum ni dkon mchog gsum ste/ de'i mchog ni dam pa'i nor te de nyid stsol ba ni 'jigs par byed pas na/ sangs rgyas sku gsum mchog stsol ba ste/ dkon mchog gsum gyi nor 'phrog par byed pa'o//rdo rje gsum ni lus ngag yid kyi nyon mongs pa rnams kyi gnas so/ /de bzhin du dkyil 'khor ni sems can gyi khams/ 'khor ni gnod par byed pa ste dkyil 'khor ro/ /dngos grub ni 'tshe ba'i thabs/ ster ba ni 'jigs par byed de dngos grub ster bar gyur pa'o//de lta bu'i gdug pa 'chi ba ni shi bar gyur pa ste/ rmongs pa ni gti mug dang ldan pa gshin rje'i khar zhugs par 'gyur te 'dir ni the tshom med do/ /dus kyi nges par bshad par bya ste/ nyi ma bdun zhes pa ni de lta bu'i las nyi ma bdun du gal te byas na de'i tshe 'grub par 'gyur te/nyung bas ni mi 'grub bo/ /sangs rgyas zhes pa ni phul du phyung ba'i tshig go/ /des ni 'di bshad pa yin te/ rdo rje hUM mdzad kyi ngo bos bdag nyid khro bo bcu spros la de rnams kyis gdug pa rnams bkug cing mdun du khro bo de rnams kyis dum bur bcad cing za bar byed par bsam par bya'o//rdo rje ni rdo rje hUM mdzad do/ /de'i dam tshig ni khro bo bcu'o/ /de rnams kyi bka'i 'khor lo ni gdug pa gdul bar bya ba'i phyir bka' stsal pa'i tshogs ting nge 'dzin gang la yod pa de bzhin du bshad pa ste bskyed pa'i rim pa'o/ /de bzhin gshegs pa gtso bor gyur pas mngon spyod bshad par bya ste/nam mkha'i dbyings kyi dbus su zhes bya ba la sogs pa la/ nam mkha'i dbyings ni de bzhin nyid do/ /de'i dbus su gnas pa'i yi ge oM la sogs pa las yongs su gyur pa las skyes pa 'khor lo dang / rdo rje dang / 'bar ni rin chen dang /ral gri dang / brgyan pa ni shin tu mdzes pa'i pad+ma bsgoms la/ de rnams yongs su gyur pa las byung ba'i/ rnam pa mchog ni kun dang ldan/ /zhes pa ni mtshan dang dpe byad kyis brgyan pa/ rnam par snang mdzad ni khyad par du snang ba ste de bzhin gshegs pa lnga'o/ / de rnams bsgom par bya'o/ /ji lta bu zhe na/ dus gsum dam tshig las byung ba/ /zhes pa ni sems dpa' gsum gyi bdag nyid can no/ /rdo rje sems dpa' ni rdo rje 'chang chen po yongs gyur pa las byung ba'i phyir grags chen bsgoms la de rnams kyi phyag na rdo rje me stag 'phro ba can/ bsgom par zhes pa ni/ gtso bo'i phyag mtshan bstan pa'o/ /phyag mtshan lhag ma rnams ni rdo rje hUM mdzad bzhin du zhes pa man ngag go/ /phyogs bcu zhes bya ba la sogs pa la/ phyogs bcu las byung ba'i rdo rje sku ni sangs rgyas rnams/ 'od zer tshul ni snying ga'i 'od zer sbyor bas 'gugs shing rang gi lus la zhugs te/de dag nyid rdo rje thams cad ni khro bo thams cad kyi ngo bor spros te/ de'i 'og tu ye shes mchog gi gnyen ni rnal 'byor pas de rnams la bka' stsal par byas te/ sangs rgyas thams cad kyi rang bzhin sku gsung thugs sbyor ba can khro bo rnams/bdag rdo rje 'dzin ni rnam par snang mdzad la sogs pa las gang yang rung ba ste/ dpal ldan ni spro bar byed pa khyed rnams la/ bka'i 'khor lo ni yul gyi dbye bas bka'i tshogs/ rab sbyor ba ni bka' stsal par byed pa ste/ rdo rje ni lag pa na thogs pa'i rdo rje/sku gsum las byung ba ni gdug pa rnams dgas par bgyi ba ni khyed rnams kyis dgas par bgyis so zhes ston to/ /gal te nga'i bka' 'di khyed rnams kyis 'das pa yin na/ de'i tshe khyed rnams kyi lus po zhig par 'gyur ro/ /gdon mi za zhes pa ni brtan par bya ba'i tshig go//des ni tshad bshad pa yin te rnam par snang mdzad la sogs pa'i las gang yang rung ba'i gzugs la dmigs te/ rang gi snying gar sangs rgyas thams cad bzhugs shing de rnams nyid khro bo'i 'khor lor spros te/ bka' stsal par byas la gdug pa de rnams kyang snga ma bzhin du de rnams kyis za bar bsams la/slar yang bsdus te mngon spyod grub par 'gyur ro zhes ston to/ /'khor lo ni rnam par snang mdzad la sogs pa'i dkyil 'khor ro/ /de'i dam tshig ni bka' stsal pa ste/ de nyid kyis rdo rje ni mngon spyod kyi ting nge 'dzin gang la yod pa de ni de bzhin no//rdo rje hUM mdzad la sogs pa'i sgom pas mngon spyod bstan nas gshin rje gshed la sogs pa gang yang rung ba gtso bor gyur pas de nyid bshad par bya ba'i phyir/ sangs rgyas dkyil 'khor rdo rje can/ /zhes bya ba la sogs pa gsungs te/ nam mkha'i rdo rje ni nam mkha'i dbyings so//de'i dbus su gnas pa sangs rgyas dkyil 'khor ni snang ba'i rang bzhin gyi nyi ma'i dkyil 'khor bsams la/ de'i steng du yi ge hUM las byung ba'i gshin rje gshed ni gshin rje gtso bor gyur pa'i/ 'khor lo che na khro bo'i dkyil 'khor te/ rang gi rdo rje ni rnam par snang mdzad/yin pa ni spyi bo la mtshan ma gang la yod pa de lta bu bsams nas/ de'i rjes la sems dpa' gsum gyi bdag nyid du byas la/ phyogs bcu na gnas pa'i sems can gyi khams de nyid zhugs te/ de nyid gshin rje gshed dang 'dra ba spros la/ khro bo de rnams kyis dus gsum las byung ba'i sems can/gsod pa ni dgra bo rnams gsod par bsgom par bya'o/ /'di ni rdo rje bka'i dkyil 'khor zhes bya ba la/ rdo rje bka' ni khro bo rnams kyi dkyil 'khor te/ gdug pa rnams gdul bar bya ba'i phyir bcom ldan 'das kyis gsungs so zhes tshig gi don to//gdug pa thams cad 'jig pa'i phyir/ dam tshig ni skye ba gang la yod pa de ni dam tshig thams cad de gshin rje gshed la sogs pa'o/ /de rnams las 'byung ba ni skye ba yin la de gang la yod pa de ni dam tshig thams cad las byung ba ste/ de dang 'dra ba'i khro bo rnams so/de rnams kyis byas pa'i sku gsum ni gdug pa rnams/ rdo rje ni gsod pa'i ting nge 'dzin gang la yod pa de ni de bzhin du bshad pa ste/ bskyed pa'i rim pa'o/ /da ni mos pa'i dbang gis mngon spyod kyi dbye ba gzhan bshad par bya ste/ sku gsung thugs kyi rdo rje'am zhes bya ba la sogs pa la/sku gsung thugs rdo rje ni rdo rje 'chang chen po yongs su gyur pa las byung ba'i de bzhin gshegs pa'i rnam pa'am/ rang sngags don ni byang chub sems dpa' ste/ de rnams sam gtsug tor dam tshig ni khro bo'i gzugs te / de rnams kyi gcig gtso bor byas la/gdug pa 'jig pa'i phyir bka' stsal pa sbyor bar bya'o/ /sngags kun ni dkon mchog gsum la sogs pa dang / ye shes ni de bzhin gshegs pa'i dkyil 'khor dang / rdo rje can ni rdo rje slob dpon te/ de rnams bsrung ba'i phyir ni gdug pa'i gnod pa bsrung bar bya ba'i phyir/rdo rje thams cad ni sgrub pa po rnams kyi cho ga de bya ba yin te nye bar bsdu ba'o/ /sbyor ba ni snga ma bzhin du bsgom par bya ba ste/ bskyed pa'i rim pa'o/ /rdzogs pa'i rim pas kyang mngon spyod bshad par bya ba'i phyir/ nam mkha' rdo rje dbus gnas pa/ /zhes bya ba la sogs pa gsungs te/nam mkha' rdo rje ni snying ga dang lkog ma dang spyi bo rnams te/ de'i dbus su gnas pa'i chos ni yi ge AHdang / snang mdzad ni yi ge oM dang / sku mchog ni lus ngag yid dag ste/ de dag gang las byung ba de ni sku mchog las byung ba ste/ thugs kyi ngo bo yi ge hUM bsams pa ni bkod la/sku gsum dam tshig ni gdug pa rnams kyi lus ngag yid de/ de rnams kyi yi ge gsum po de nyid gang na ni gzhi ru brtag pa ni bsgom par bya'o/ /de'i rjes la mkha' dbyings ni yi ge hUM/ sangs rgyas thams cad ni yi ge oM dang AHdag gis yongs su gang ba ni gcig tu gyur par bsams la/yi ge hUM de yang rang sngags ni mi bskyod pa yin la/ de yi ge'i gnas na sa bon gyi yi ge ste thugs kyi rnam pa ni de nyid rim gyis 'od gsal ba la thim par bsgom par bya'o/ /de'i 'og tu sems tsam ni 'gro ba 'di stong pa nyid kyi rang bzhin no zhes ting nge 'dzin gyis sangs rgyas rnams ni dus gsum gyi sems can rnams bsgom par bya'o//thugs kyi rdo rje ni 'od gsal ba'i ngo bo'i 'gro ba 'di yin no zhes bsams nas/ de'i phyir sku gsum ni snang ba la sogs pa'i bdag nyid kyi 'od gsal ba la 'dzud pa ni kha sbyor bya'o//de ni 'di bshad pa yin te/ spyi bo la sogs par dgod pa'i ye shes gsum gyi thig le rnams la/ rim pa ji lta ba bzhin du gdug pa rnams kyi lus ngag yid zhugs la/ de rnams kyang phan tshun du rjes su thim pas 'gro ba dang 'od gsal bar bltas pas thams cad mi snang bar bya ba ste/rdzogs pa'i rim pa'o/ /rdo rje rin po che ni yi ge gsum ste/ de rnams nye bar bsdus pa thob pa gang zhig rab tu snang bar ni 'od gsal ba ste/ /de byed pa ni mngon du rdzogs par byed pas na de skad ces bya ba'i ting nge 'dzin to/ /mngon spyod bstan nas rengs pa bshad par bya ste/rnam pa'i mchog rnams kun ldan pa'i/ /zhes bya ba la sogs pa la/ re zhig dang po rnal 'byor pas rang gi bdag nyid rdo rje sems dpa'/ rnam pa'i mchog rnams kun ldan pa ni mtshan la sogs pas brgyan par bsams la/ chu ni rgya mtsho la sogs pa'i steng du/sangs rgyas ni snang ba'i ngo bo nyi ma'i dkyil 'khor bdun te/ rim pa ni mchog bzhi la bzhi dang / steng dang 'og tu gnyis dang dkyil du gcig bzhag la/ de'i 'od zer rnams kyis bkab pa'i chu'i steng du 'chag pa ni 'gro bar bya'o/ /rkang pa mnyam pa ni chu la bzhag pa'i rkang pa mnyam pa dag gis/spyi bo ni chu'i steng du rkang pa bsgom pa ni de dag gis 'gro bar 'gyur ro/ /ngo bo nyid dag pa ni rdo rje 'chang chen pos de skad bka' stsal to zhes dang sbyar ro/ /rdo rje rgya mtsho ni gting med pa'i rgya mtsho ste/ de nyid rkang pa dag gis gnon pa ni rgal ba ting nge 'dzin gang la yod pa de ni de bzhin du bshad pa'o//yang na rang gi bdag nyid rdo rje sems dpar bsgoms la/ sangs rgyas ni rlung bcu ste de rnams rim par dgod pa ni 'jug pa la sogs pa'i rim pas mnyam par byas la/ chu ni bems po ste rlung gi 'khor lo'i steng du 'chag pa ni rlung gi 'khor lo las rgyal bar bya'o//rkang pa mnyam pa ni srog dang rtsol ba ste/ de dag gi sbyor ba ni ma ning gi bzlas pas spyi bo ni thams cad las phul du byung ba'i 'od gsal ba la/ rkang pa bsgom pa ni/ rlung rnams zhugs par bya'o/ /bcom ldan 'das zhes bya ba la sogs pa ni snga ma bzhin no//rdo rje rgya mtsho ni rlung rnams te/ de dag rkang pas gnon pa ni ma ning gi bzlas pas mi snang bar byed pa'i ting nge 'dzin gang la yod pa de ni de bzhin du bshad pa ste/ rdo rje bzlas pa'i rim pa'o/ /ngag rengs pa bshad par bya ba'i phyir/dbang chen dkyil 'khor bsgoms nas ni/ /zhes bya ba la sogs pa la/ re zhig dngos po dang bsgrub bya'i lce la gru bzhi pa dang ser po'i dbang chen gyi dkyil 'khor te sa'i dkyil 'khor bkod la/ dbus su zhes pa ni lce'i dkyil du khro bo ni yi ge hUM bkod cing / spyi bo ni lce rtsar/ las kyi rdo rje rkang pa ni/ r-i r-I l-i l-I zhes bya ba'i ma ning gi yi ge bzhi nag po dang / zhags pa dang lcags kyu 'dzin par bsams la/ de rnams kyi 'og tu lkog ma'i khron par lce de nyid 'dren par bsam par bya'o/ /de nas rtsod pa'i dus su de rnams kyis ci yang smra bar mi nus te lce med pa'i phyir ro//mu stegs thams cad ni grangs can la sogs pa'o/ /de nyid phas kyi rgol ba ste de rnams kyi 'khrul 'khor ni 'jigs pa'i sa bon rnams kyis gnon pa ni/ ngag rengs pa ting nge 'dzin gang la yod pa de ni de bzhin du bshad pa ste bskyed pa'i rim pa'o//rdo rje gsum mchog khro bo'i tshul/ /zhes bya ba la sogs pa la/ khro bo'i tshul ni rigs kyi ri bo brgyad bsams la/ dbus su ge sar ser po dang 'dra ba'i ri'i rgyal po ni gser gyi ri bo bsgoms shing / de rnams kyang yi ge hUM las byung bar bsams nas/spyi bo ni rgyal po la sogs pa'i dpung gi spyi bor mnan pas na de'i tshe sangs rgyas dpung yang gnon byed pa'o/ /bcom ldan 'das zhes bya ba la sogs pa ni snga ma bzhin no/ /dpung thams cad ni rgyal po la sogs pa'i dpung rnams te/ de rnams gnon pa'i ting nge 'dzin gang la yod pa de ni de bzhin no//yul bshad par bya ste/ dgra bo skrag pa'i dus su bsam gtan 'di ni gnon pa'i sbyor ba rab tu brtag pa ni bsam par bya'o/ /sbyor ba 'di nyid gal te sangs rgyas kyis kyang 'das pa na de'i tshe de yang 'gag pa ni 'jig par 'gyur te/de yang gnon par 'gyur ro zhes ston te bskyed pa'i rim pa'o/ /da ni phur bu brdeg pa bshad par bya ste/ hUM las phur bur bsams pa ni/ /zhes bya ba la sogs pa la bsgrub bya'i snying gar hUM las byung ba'i rtse lnga pa/ phur bu ni rdo rje phur bu bkod la/ de'i rjes la rdo rje ni/bdud rtsi 'khyil pa la sogs pa gang yang rung ba ste/ snying ga ni phur bu de nyid kyi steng du gnas shing rdo rje thobs brdung bar bsams na/ sangs rgyas dpung yang 'jig par 'gyur ro zhes phul du byung ba'i tshig go/ /dgra bo rnams rmongs pa ni/ rmongs par byed pa ste de nyid gnon pa yin te/de'i don gyi ting nge 'dzin gang yin pa de la de skad ces bstan te/ bskyed pa'i rim pa'o/ /de ni zhi ba chen po bshad par bya ba'i phyir/ grong ngam yang na grong khyer ram zhes bya ba la sogs pa gsungs te/ grong khyer ni rgyal po'i gnas dang / grong ni yul gyi phyogs gcig dang / ljongs ni grong gi tshogs su 'og nas bshad par gyur pa'i ting nge 'dzin/ rab 'byor ba ni bya ba yin na de'i tshe nad thams cad spong bar byed pa'i zhi ba 'byung bar 'gyur ro/ /re zhig dang por grong la sogs pa las ji srid nam mkha'i bar du de'i tshad dang ldan pa'i yi ge gsum las byung ba dkar po de bzhin gshegs pa lngas byin gyis brlabs pa'i rtse lnga pa'i rdo rje chen po zla ba'i dkyil 'khor la gnas par bsams la/rdo rje de nyid bskal pa'i me 'bar ba'i tshogs dang 'dra ba'i 'od zer gyis phyogs bcu la gnas pa'i bgegs kyi tshogs bsregs par bsgoms la/'od zer de rnams de nyid du nye bar bsdus nas de nyid du thim par bya ste/ bgegs bskrad pa'i cho ga'o/ /de'i 'og tu 'o ma'i rgya mtsho dang 'dra ba'i 'od zer gyi tshogs spros la/ rin chen yid bzhin nor bu gang la yod pa de ni rin chen yid bzhin gyi nor bu ste/'o ma'i rgya mtsho dang 'dra ba'i 'od zer gyi tshogs de dag gis/ chos kyi sprin ni sangs rgyas dang byang chub sems dpa' rnams grong la sogs par gnas pa'i sems can de rnams la/ dbang bskur ba ni 'od zer 'bab par bya'o//de'i tshe de ma thag tu char 'bebs pa ste zhi ba'i rtags so/ /rdo rje bsam gtan 'di yis ni/ /zhes bya ba la sogs pa la/ brtan pa'i ting nge 'dzin 'dis dgang dka' ba ni lus phra ba'i nad pa rnams rab tu 'gengs pa ni tshim par 'gyur ro/ /nad pa de rnams yid bzhin gyi nor bu ni de dang 'dra ba'i mdangs dang ldan pa dang /dpal ldan ni rgyas par 'gyur ba dang / sbyin pa'i rdo rje sbyin pa gtong bas sgom byed pa ni grags pa yang thob par 'gyur ro/ /de'i rjes la sa nyid du sangs rgyas sprin rnam par snang mdzad kyi rigs can dang / chos chen ni gsung gi rigs can dang /rdo rje sems dpa' ni thugs kyi rigs can rnams te/ de dag spros na bskal pa gsum gyi bar du sangs rgyas thams cad kyis kyang / byin gyis rlob pa ni gnas par 'gyur ro/ /bsam gtan 'di yang sangs rgyas thams cad ni nad thams cad kyi sku ni nad kyis non pa'i lus po/skyon med pa ni nad med par 'gyur ro/ /sbas pa'i phyir gsang ba'o/ /nad thams cad ni tsha ba'i nad la sogs pa ste/ de rnams med par byed pa ni zhi ba ste/ de nyid rdo rje ni ji srid bskal pa'i bar du gnas pa'i ting nge 'dzin gang la yod pa de ni de bzhin du bshad pa'o//gzhan yang gnas bsrung bar bya ba'i phyir phur bu 'debs pa bshad par bya ste/ bsam gtan las byung mnyam bzhag pa/ /zhes bya ba la sogs pa la/ bsam gtan las byung ba'i phur bus gnas gang du zhes pa ni/ lha khang la sogs pas mnyam par gzhag pa ni ting nge 'dzin rnal 'byor pas brtsams na/de'i tshe bsam gtan sbyor ba de nyid kyis/ sangs rgyas ni de bzhin gshegs pa rnams kyis byin gyis brlab pa ni gnas de byin gyis rlob par 'gyur ro/ de nyid bshad par bya ste/ rdo rje bdud rtsi rgyal po che/ / zhes bya ba la sogs pa la/ rdo rje bdud rtsi rgyal po che ni bdud rtsi 'khyil pa ste/ de nyid rdo rje phur bu stod ni de'i rnam pa dang / smad ni rdo rje rtse'i rnam pa ste/ de nyid bsgoms la phyogs skyong rnams kyi spyi bor/ me stag 'bar ba ni 'bar ba'i me stag dang ldan par btab cing ting nge 'dzin bya ste/ dkyil 'khor brtsams pa la yang cho ga de nyid bya'o/ /'gro ba'i tsher ma ni brgya byin la sogs pa ste/ de rnams 'dul ba ni khro bo'i rgyal po rnams so/ /zhi ba ni de rnams kyis byas pa'i gnas bsrung ba ste/ de nyid mi g.yo ba'i phyir rdo rje ting nge 'dzin gang la yod pa de ni de bzhin du bshad pa ste/bskyed pa'i rim pa'o/ /da ni rim pa gzhan gyi zhi ba la sogs pa bshad pa'i phyir/ zhi ba'i dkyil 'khor dam pa ni/ /zhes bya ba la sogs pa gsungs te/ khams gsum ni lus ngag yid kyi rang bzhin rtsa bdun khri nyis stong dang ldan pa'i lus te/ de'i dbyings ni smin ma'i bar du zhi ba'i dkyil 'khor ni/A li'i sde las byung ba'i zla ba'i dkyil 'khor bsams la/ de'i steng du yi ge oM las byung ba'i rnam par snang mdzad bsgom zhing / rang gi thugs kar ni rnam par snang mdzad de nyid kyi ye shes sems dpa'i thugs kar 'dod pa ni bsgrub bya bkod la/nam mkha'i dbyings kyang spyan la sogs pa'i mchog ni/ rnam par snang mdzad kyi rigs can rnams kyis gdab par bsams shing bsdus nas/ 'od kyi gong bu ni 'od kyi ngo bos nad pa de'i spyi bo la dbab par bya'o/ /de'i rjes la smin ma'i bar nas nad pa spros la/ba spu'i bu ga nas sangs rgyas ni/ sngar nye bar bsdus pa'i rnam par snang mdzad kyi rigs can de rnams spros te/ de rnams kyang bdud rtsis gang ba'i bum pa rnams kyis nad pa de la dbang bskur ba ster bar bsgom par bya'o/ /de'i 'og tu nad pa de nyid rdo rje 'dra ba ni brtan pa'i lus dang 'dra ba dang /dpal ldan ni skad cig ma gcig gis nad med par 'gyur ro/ /sangs rgyas dam tshig ni rnam par snang mdzad de/ de'i bkod pa ni de'i 'khor gyis dbang bskur ba'i ting nge 'dzin gang la yod pa de ni de bzhin du bshad pa'o/ /zla ba'i dkyil 'khor dbus su ni//zhes bya ba la sogs pa la/ zla ba dang zla ba ni zla ba ste gsang ba'i gnas dang lkog ma dag go/ /de dag gi dbus su gnas pa'i gsang chen ni yi ge laM las byung ba gru bzhi pa dang / dkyil 'khor dam pa ni 'od 'bar ba'i me'i dkyil 'khor gru gsum pa bsgoms la/de dag gi dkyil du rin chen 'byung ldan dang / chos 'dzin pa ni snang ba mtha' yas bsgom zhing de dag gi snying ga ni ye shes sems dpa'i thugs kar 'dod pa ni bsgrub bya ste de bzhag la/ snga ma bzhin du nam mkha'i dbyings kyang nyams dga' ba ni mA ma kI gtso bor gyur pa'i rin chen rigs can dang /dkar mo ni pad+ma'i rigs can rnams kyis bsams shing bsdus la/ rin chen 'od dang yid bzhin nor bu ni pad+ma rA ga ste/ de dang 'dra ba'i de rnams kyis 'dod pa ni bsgrub bya'i lus ngag yid tshim par byas la slar yang phyi rol du spros te/rin chen ni rin po che'i rigs dang / sprin ni pad+ma'i rigs te de rnams/ brtul zhugs can ni rnal 'byor pas phyi rol du spros te/ chos ni pad+ma'i rigs can dang / sprin ni rin chen gyi rigs rnams kyis snga ma bzhin du dbang bskur na rgyas pa dang dbang gi las 'grub par 'gyur ro//rdo rje bsam gtan 'di yis ni/ /zhes bya ba la sogs pa la/ rdo rje bsam gtan ni 'das ma thag tu bshad pa bstan pa'i ting nge 'dzin gyis/ dgang dka' ni skyes bu dbul po khengs pa ni rgyas par bya'o/ /de bzhin du pad+ma'i rigs kyi ting nge 'dzin gyis kyang bsgrub bya yid bzhin nor bus ni sgrub pa po la re ba thams cad rdzogs par byed pa dang /dpal ni phun sum tshogs pa ste/ de btang pas na dpal ldan no/ /de bzhin du sbyin pa'i rdo rje ni rgyun ma chad par gtong bas sgrub pa po sgrub pa ni dga' bar byed pas na sbyin pa'i rdo rje sgrub pa'o//chos ni snang ba mtha' yas dang / dam tshig ni rin chen 'byung ldan te/ de dag gi sprin ni rigs can rnams te/ de dag gis byas pa'i bkod pa ste dbang bskur ba'i ting nge 'dzin gang la yod pa de ni de bzhin no/ /nam mkha'i dbyings kyi dbus su ni//zhes bya ba la sogs pa la/ nam mkha'i dbyings dang nam mkha' dbyings ni/ nam mkha'i dbyings te snying ga dang lte ba dag go/ /de dag ni dbus su gnas pa'i rdo rje dkyil 'khor ni yi ge baM las byung ba'i chu'i dkyil 'khor zlum po dang zla gam ni yi ge yaM las byung ba'i rlung gi dkyil 'khor gzhu'i dbyibs can bsams te /de dag gi steng du yi ge suM las byung ba'i rdo rje nam mkha' ni mi bskyod pa dang / chos mchog ni don yod grub pa ste/ de dag gi gzugs ni sku gnyis bsams la/ de dag gi snying ga ni ye shes sems dpa'i snying gar 'dod pa ni bsgrub bya bzhag la/de'i rjes la thugs dang dam tshig gi rigs can gyis sangs rgyas dang byang chub sems dpa' rnams kyis nam mkha' gang bar bsgoms shing 'od zer rnam pa lnga spros pa de rnams bkug la bsgrub bya de la rigs dang mthun pa'i gzi brjid kyi tshogs 'bab cing slar yang bsgrub bya de dang de rnams spros te de rnams kyis dbang bskur na/rang dang mthun pa'i las dag 'grub par 'gyur ro/ /de ni zhes pa gang zhig thugs rdo rje'i ting nge 'dzin gyis rgyas btab pa de ni de ma thag tu sangs rgyas kun ni mi bskyod pa'i sangs rgyas kyi zhing du skye bar 'gyur ro//de bzhin du 'jam dpal ni thugs rdo rje rigs can gyi byang chub sems dpa' ste/ de dang 'dra bar gyur pa dang las gnas ni bstan bcos rnams dang sdeb sbyor te/ de dag byed pas na las gnas byed pa ste ngag gi dbang phyug nyid du 'gyur ro//dgyes pa'i bdag nyid ni rtag tu dgyes pa'i de bzhin gshegs pa rnams te/ de dag gis de la dbang bskur bar mdzad pa'o/ /de bzhin gshegs pa ji lta bu zhe na/ dga' ston che ni sangs rgyas kyi 'bras bu gsol ba la shin tu dgyes pa'o zhes ston to/ / de bzhin du gang zhig don yod grub pa'i ting nge 'dzin gyis 'gugs pa de yang dbang du gyur par 'gro ba thams cad ni rang gi lus/ dbang du gyur pa ni de'i mdun du gnas par 'gyur ro/ /de bzhin du bltas tsam zhes pa ni lus snang ba tsam gyis bskul ba ni 'jigs par 'gyur zhing rnal 'byor pa'i bka' yang byed do zhes ston to//rin po che ni thugs kyi rin po che'i rang bzhin gyis mi bskyod pa dang / dam tshig gi rigs yin pa'i phyir/ dam tshig ni don yod grub pa ste/ de dag gi bkod pa ni de'i rigs can gyi lha'i 'khor lo spro bas dbang bskur ba ste de zhes bya ba'i ting nge 'dzin kyang de bzhin du bshad pa ste/bskyed pa'i rim pa'o/ /da ni dbye ba gzhan gyi mngon spyod bshad pa'i phyir/ nam mkha' rdo rje srin po ni/ /zhes bya ba la sogs pa gsungs te/ 'dir re zhig dang por rnal 'byor pas khro bo'i rgyal po bcu las gang yang rung ba'i ting nge 'dzin mngon du byas la nam mkha'i dbyings kyang yi ge hUM las byung ba'i srin po dang /ce spyang dang / bya rog dang khyi la sogs pas gang bar bsams la/ srin po la sogs pa de rnams kyang sna tshogs ni sna tshogs pa'i gzugs dang ldan pa dang /drag ni lus dang / khro ba ni ngag dang / rab gtum ni yid kyis te/ de lta bu bsams la/ yi ge raM las byung ba gru gsum pa me'i dkyil 'khor la gnas pa/ dgra bo ni bsgrub bya skra grol ba dang gcer bu ste/ 'og dang steng du rdo rje'i rtse zhugs pas khrag gi rgyun skyug pa dang /ha ha'i sgra sgrog pa dang mig bzlog par bsgrub bya bsams la/ sangs rgyas ni dkon mchog gsum la sogs pa gnod pa 'di yin no zhes shes nas las de ni drag po'i las te sbyar ba ni bya'o/ /de'i rjes la yi ge hUM gi sgras srin po la sogs pa 'gugs shing che ge mo 'di zhes bya ba gdug pa khyed rnams kyis zo shig ces kyang bskul na de rnams 'ong zhing bsgrub bya de nyid kyi rgyu ma dang /rkang dang khrag la sogs pa'i khams nyi shu rtsa bzhi ni rang bzhin gyi gong bu kun de rnams kyis za bar bsam par bya'o/ / de bzhin rnam pa sna tshogs pa'i mtshon cha thogs pa'i gzhan ma mo dang srin mo la sogs pas kyang dum bur gyur pa za bar bsams te/ de'i tshe dgra rnams 'chi ba ni zad par 'gyur ro/ /sangs rgyas ni rnam par snang mdzad kyi rnal 'byor pa dang / rdo rje 'dzin pa mi bskyod pa'i rnal 'byor pa dang /yang gi sgras ni rin chen la sogs pa'i rnal 'byor pa rnams kyis gal te sbyor ba 'di bsgoms na de'i tshe zla ba phyed kyi bar ram zla ba phyed rdzogs nas dgra bo 'chi bar 'gyur ro/ /rdo rje dam tshig ni khro bo/ /dam tshig ni srin po la sogs pa'o/ /de rnams kyis byas pa dgod pa ni dgra bsad pa'i ting nge 'dzin gang la yod pa de de bzhin no//da ni sngar bshad pa'i de bzhin gshegs pa la sogs pa'i zhal dang phyag la sogs pa'i dbye ba rnam par snang mdzad ces bya ba la sogs pas bshad par bya ste/ ston kar smin pa yin pas na 'dam bu ni dkar ba yin no//ral pas bcings pa'i dbu rgyan ni ral pa'i tshogs dbu rgyan te/ de 'dzin pas na ral pa'i thor tshugs 'dzin pa'o/ /de dag thams cad zhal gsum dang phyag drug par bsgom par bya'o/ /rdo rjes mtshan pa'i ut+pal ni rdo rje ut+pal lo/ / 'di nas brtsams te bsam gtan gyi dkyil 'khor zhes bya ba'i bar du zhal dang phyag dang sku mdog gi dbye ba ni go sla ba'o/ /'on kyang kun gyi/ g.yon pa'i zhal ni sngon po min/ /g.yas zhal dmar po ma yin te/ /dpal ldan gsang ba 'dus pa 'dir/ /bsgom par mkhas pa shes par bya//gtso bo'i phyag ni g.yas pa la/ /'khor lo rdo rje mtsho skyes dang / /rin chen dang ni ral gri dag /g.yon gyi gtso bor dril bu dang / /de las gzhan yang kun gyi yin/ /khro bo rnams kyi phyag g.yon la/ /dril bu gzhan ni bdag po 'dra//phyogs la g.yas brkyang mtshams na gnas/ /steng dang 'og gnas g.yon brkyang ba/ /de bzhin gshegs pa'i cod pan du/ /rdo rje sems dpa' bsgom par bya/ /lha mo byang chub sems dpa' dang / /khro bo rnams kyis rang bdag 'dod/ /mgon po rdo rje skyil krung can//lha mo sangs rgyas sras de bzhin/ /sku ni sangs rgyas kun gyis brgyan/ /sku mdog lnga dang ldan par grags/ /zhes bsdu ba'i tshigs su bcad pa rnams so/ /'dir yi ge hUM khro bo rnams kyis bskyed pa'i sa bon du shes par bya ste/ gal te ya mAn+ta kr-ita ces bya ba la sogs pa la sngar bshad pa/de bzhin du yang yi ge hUM dang de dag spel bar bya'o zhes pa man ngag go/ /seng ge'i lta ba'i rig pas rjes su 'jug par bya'o/ /gzi brjid phung po ni gshin rje gshed do/ /gtsug tor rgyal po ni gtsug tor 'khor los sgyur ba'o//gang gzhan ni ba'i rna ba can dang glang bo'i rna ba can la sogs pa dang / rdo rje ro langs ma la sogs pa khro bo'i lha mo rnams so/ /sngags kyi 'khor lo can ni rdzu 'phrul la sogs pa'i rgyud la sogs pa las gtsug tor bcu'o/ /de dag thams cad dam tshig ni sa bon rnams dang /longs spyod ni de'i rigs rnams kyis so so zhes pa ni dbye bas gnas par bsgom par bya'o zhes ston to/ /ci'i phyir zhe na/ dpag tu med pa ni bsam gyis mi khyab pa'i ting nge 'dzin rnams sems can gdul bar bya ba'i phyir bcom ldan 'das kyis gsungs pa'o//sngags rnams ni dpag tu med pa ni zhi ba dang drag po la sogs pa'i dbye bas de bzhin du gsungs pa'o/ /de bzhin du/ khro bo dag ni re re yang / /zhes pa ni gshin rje mthar byed la sogs pa'i 'khor lo yang nam mkha'i dbyings las kyang lhag pa yin te/sprul pa'i bdag nyid kyi che ba bstan to/ /da ni rnam par snang mdzad la sogs pa rim pa gnyis kyis bskyed pa bshad par bya ba'i phyir/ nam mkha'i dbyings kyi dbus gnas pa/ /zhes bya ba la sogs pa gsungs te/ nam mkha'i dbyings ni de bzhin nyid do//de'i dbus su gnas pa'i gsal ba'i dkyil 'khor ni yi ge gsum las byung ba'i zla ba'i dkyil 'khor bsams la/ de'i steng de bzhin du 'byung ba'i rnam par snang mdzad bsgom par bya'o/ /ji lta bu zhe na/ gsal zhing zhes bya ba la sogs pas sku mdog dang rgyan dang ldan pa'o//me long lta bu zhes pa ni me long lta bu'i ye shes kyi rang bzhin du bsams na/ tshe 'di nyid du sangs rgyas che ba'i bdag nyid ni/ rnam par snang mdzad kyi rdzu 'phrul thob par 'gyur ro zhes pa ste/ lhag ma ni go sla'o/ /rnam par snang mdzad 'byung ba ni bskyed pa ste/de nyid phyir mi ldog pa'i phyir rdo rje ting nge 'dzin gang la yod pa de ni de bzhin bshad pa ste/ bskyed pa'i rim pa'o/ /yang na nam mkha'i dbyings ni 'od gsal ba ste/ de'i dbus su gnas pa ni de las cig car du gsal ba'i dkyil 'khor la sogs pa bsam par bya'o//lhag ma ni snga ma bzhin te bdag la byin gyis brlab pa'i rim pa'o/ /rdo rje dkyil 'khor dam pa ni/ /zhes bya ba la sogs pa la/ nam mkha'i dbyings ni chos 'byung gi gnas su rdo rje dkyil 'khor ni nyi ma'i dkyil 'khor bsams la/ de'i steng du sangs rgyas gzugs ni rdo rje 'chang chen po dang gcig tu gyur pa/rdo rje sems dpa' ni mi bskyod pa bsgom par bya'o/ /lhag ma ni snga ma bzhin no/ /ye shes gnas ni chos kyi dbyings kyi ye shes so/ /rdo rje bdag nyid che ba ni mi bskyod pa'i sangs rgyas kyi zhing tshe 'di nyid du thob par 'gyur ro zhes phan yon bstan pa ste/bskyed pa'i rim pa'o/ /yang nam mkha'i dbyings ni snang ba la sogs pa rnam par dag pa ste/ de las byung ba'i rdo rje dkyil 'khor zhes bya ba la sogs pa snga ma bzhin no/ /dam tshig thams cad ni de bzhin gshegs pa lnga ste/de rnams 'byung ba ni gang las bskyed pa dang / mdzes pa ni nam mkha' dang 'dra ba rdo rje ni sku gang la yod pa de ni mi bskyod pa ste/ de skyed par byed pa'i ting nge 'dzin te/ bdag la byin gyis brlab pa'i rim pa'o/ /chos kyi dkyil 'khor zhes bya ba la sogs pa la/nam mkha'i rdo rje ni de bzhin nyid do/ /chos kyi dkyil 'khor ni pad+ma'i steng du zla ba'i dkyil 'khor ro/ /chos kyi sems dpa' ni snang ba mtha' yas so/ /chos kyi bdag nyid che ba ni so sor rtog pa'i ye shes te/ bskyed pa'i rim pa'o/ /yang na nam mkha'i rdo rje ni shes rab dang thabs dang nye bar thob pa'o//de las byung ba'i chos kyi dkyil 'khor zhes bya ba ni snga ma bzhin no/ /chos kyi de bzhin nyid ni snang ba mtha' yas te/ de nyid kyi dam tshig ni rim pa gnyis te/ de las byung ba'i ting nge 'dzin gang yin pa de ni de bzhin du bshad pa ste/bdag la byin gyis brlab pa'o/ /zla ba'i dkyil 'khor zhes bya ba la sogs pa la/ nam mkha'i rdo rje ni de bzhin nyid do/ /zla ba'i dkyil 'khor ni rab tu grags pa'o/ /bud med sgyu ma ni bud med nyid du yin te/ gang gi phyir de kho na nyid la bud med dang skyes pa'i dbye ba mi dmigs pa ste/'dus byas pa'i phyir ram bud med dang skyes bu bzhin du de kho na nyid mi rtag pa nyid du thal bar 'gyur ba'i phyir ro/ /'on kyang nyon mongs pa gdul bya'i sems can rnams kyi phyir/ /bud med sgyu ma bcom ldan 'das kyi sprul pa'o/ / rin chen 'khor lo ste bskyed pa'i rim pa'o/ /yang nam mkha' rdo rje ni stong pa gsum mo/ /gzhan ni snga ma bzhin no/ /spyan gyi dam tshig ni lha mo spyan gyi dam tshig /lha mo spyan bskyed pa ni / de nyid kyi phyag gi mchog ni phyag mtshan dang po 'khor lo'i ting nge 'dzin gang la yod pa de ni de bzhin du bshad pa ste/bdag la byin gyis brlab pa'i rim pa'o/ /rdo rje dkyil 'khor zhes bya ba la sogs pa la/ nam mkha'i dbyings ni de bzhin nyid do/ /khams gsum dag gis phyag byas pa ni 'gugs pa'i rang bzhin gyi phyir ro/ /nam mkha'i dbyings ni rang bzhin rnam par dag pa'o//yul ni mi bskyod pa ste/ de las 'od zer gyi sprin spro ba ste/ de nyid kyis rdo rje mi bskyod pa dang / rin chen 'byung ldan dag /tshim par byed pa ni dgyes par byed pa'i mA ma kI'i ting nge 'dzin gang la yod pa de ni de bzhin du bshad pa ste/ bskyed pa dang bdag la byin gyis brlab pa'i rim pa'o//chos kyi 'khor lo zhes bya ba la sogs pa la/ nam mkha'i rdo rje ni de bzhin nyid dam ye shes gsum mo/ /rdo rje chos ma ni gos dkar mo'o/ /chos kyi ye shes ni so sor rtog pa'i ye shes so/ /chos kyi dam tshig ni snang ba mtha' yas pa ste/de nyid kyi de kho na nyid mngon par byang chub pa ni so sor rtog pa'i ye shes te/ de nyid kun du ston pa na mtshon par byas pa'i phyir rdo rje ni gos dkar mo'i ting nge 'dzin gang la yod pa de ni de bzhin du bshad pa ste/ bskyed pa dang bdag la byin gyis brlab pa'i rim pa'o//dngos grub dkyil 'khor zhes bya ba la sogs pa la/ nam mkha'i rdo rje ni de bzhin nyid dam dus mtshams la sogs pa rnam par dag pa'o/ /dngos grub dkyil 'khor ni don yod grub pa'i gzhir gyur pa zla ba'i dkyil 'khor ro/ /rdo rje ting nge 'dzin ni bya ba nan tan grub pa'i ye shes so//dam tshig sgrol ma ni dbang dang 'gugs pa gtso bor gyur pa lha mo sgrol ma ste/ de nyid las thams cad mdzad pa'i mchog dang ldan pa ste/ de gtso bor gyur pa'i ting nge 'dzin yang de bzhin du bshad pa ste/ bskyed pa dang / bdag la byin gyis brlab pa'i rim pa'o//nyi ma'i dkyil 'khor zhes bya ba la sogs pa la/ nam mkha'i rdo rje ni de bzhin nyid dam bzhi pa'o/ /snang mdzad dbu rgyan de'i rigs yin pa'i phyir ro/ /gshin rje gshed kyi spros pa ni gshin rje gshed de/ de nyid snang ba bkod pa ni 'od gsal ba'i rnam pa ting nge 'dzin gang la yod pa de ni de bzhin du bshad pa'o//nyi ma'i dkyil 'khor zhes bya ba la sogs pa la/ nam mkha'i rdo rje ni de bzhin nyid dam/ yang dag pa'i mtha'o/ /mi bskyod dam tshig dbu rgyan la/ /zhes pa ni de'i rigs yin pa'i phyir / gzhan gyis mi thub pa'i rdo rje ni mi bskyod pa ste/ de las bkod pa ni shes rab mthar byed spro ba'i ting nge 'dzin gang la yod pa de ni de bzhin no/ /nyi ma'i dkyil 'khor zhes bya ba la sogs pa la/ nam mkha'i rdo rje ni stong pa nyid dam thams cad stong pa nyid do/ /dpag med dbu rgyan la zhes pa ni de'i rigs yin pa'i phyir ro//rta bskyed pa ni snang ba mtha' yas te/ de'i bkod pa ni rta mgrin te de zhes bya ba'i ting nge 'dzin to/ /nyi ma'i dkyil 'khor zhes bya ba la sogs pa la/ nam mkha' rdo rje ni dang po sbyor ba'am 'od gsal ba'o/ / mi bskyod dam tshig dbu rgyan la/ /zhes pa ni de'i rigs yin pa'i phyir ro/ /mi 'chi ba'i dam tshig ni mi bskyod pa ste/ de las byung ba'i dam tshig ni ting nge 'dzin gang la yod pa de ni de bzhin du bshad pa'o/ /nyi ma'i dkyil 'khor zhes bya ba la sogs pa la/ nam mkha' rdo rje ni spros pa med pa'am/thams cad stong pa'o/ /mi bskyod dbu rgyan la ni de'i rigs yin pa'i phyir ro/ /bsam gtan rdo rje ni mi bskyod pa ste/ de las mngon par byang chub pa'i dga' ba ni skyed pa'i dga' ba gang la yod pa de ni ting nge 'dzin yang de bzhin du bshad pa'o//nyi ma'i dkyil 'khor zhes bya ba la sogs pa la/ nam mkha'i rdo rje ni de bzhin nyid dam 'od gsal ba dag go/ /rdo rje gsum ni mi bskyod pa ste/ de nyid kyis gzigs pa ting nge 'dzin gang la yod pa de ni de bzhin no/ /nyi ma'i dkyil 'khor zhes bya ba la sogs pa la/ nam mkha'i rdo rje ni de nyid dam zla ba la sogs pa'i snang ba'o//rdo rje dbyig pa ni rdo rjes mtshan pa'i dbyig pa ste/ de nyid dam tshig mchog ni phyag mtshan gang la yod pa de ni ting nge 'dzin yang de bzhin du bshad pa'o/ /nyi ma'i dkyil 'khor zhes bya ba la sogs pa la/ nam mkha'i rdo rje ni de bzhin nyid dam spros pa dang bral ba'o//rdo rje nam mkha'i dbyings ni chos kyi dbyings kyi ye shes te/ de'i dam tshig ni mi bskyod pa ste/ de nyid kyi zhabs kyis mnan pa ni spros pa gang yin pa de'i ting nge 'dzin yang de bzhin du bshad pa'o/ /nyi ma'i dkyil 'khor zhes bya ba la sogs pa la/nam mkha'i rdo rje ni stong pa nyid dam spros pa med pa'o/ /gtsug tor dam tshig ni mi bskyod pa ste/ de nyid rigs gang la yod pa de ni gtsug tor dam tshig rigs te/ 'khor lo 'dzin pa'i phyir 'khor lo gang la yod pa de ni ting nge 'dzin yang de bzhin du bshad pa'o//nyi ma'i dkyil 'khor zhes bya ba la sogs pa la/ /nam mkha'i rdo rje ni ting nge 'dzin nam 'od gsal ba'o/ /rdo rje dam tshig ni sa 'og la gnas pa rnams te/ de rnams suM b+ha ni gnon la/ 'byung ba ni bskyed pa gang yin pa de ni ting nge 'dzin yang de bzhin du bshad pa ste/bskyed pa dang bdag la byin gyis brlab pa'i rim pa dag go/ /'gog pa khro bo'i 'khor lo ni/ /zhes bya ba la sogs pa la/ 'gog pa stong pa nyid dam/ 'od gsal ba ste/ de dag las zla ba dang rdo rje la sogs pa'i rim pa'am cig car du sangs rgyas 'khor lo ni de bzhin gshegs pa'i dkyil 'khor dang khro bo'i dkyil 'khor bsten pa ni bsgom par bya'o//de bzhin du ting nge 'dzin lha mo rnams dang / rdo rje ye shes ni byang chub sems dpa' rnams kyang rnal 'byor pas bsgoms na de'i tshe rdo rje dkyil 'khor ni de bzhin gshegs pa'i snying po chos kyi dbyings la 'grub par 'gyur ba ni rdzogs par 'gyur ro//rdo rje dam tshig ni bsad pa la sogs pa dang / bkod pa ni de bzhin gshegs pa'i rnam pa bsgom pa dang / de kho na nyid kyi don bsgom pa ni bdag la byin gyis brlab pa'i rim pa bsgom pa ste/de rnams kyis thob par 'gyur ba ni mngon par byang chub pa'i le'u gang la yod pa de'i don ston par byed pa'i gzhung gi tshogs kyang de bzhin du bshad pa'o/ /rgyud 'grel las le'u bcu gsum pa tshig gi don bcu drug gi bshad pa'o/ /le'u gsum pa'i tshigs su bcad pa'i grangs sum brgya dgu bcu'o// //sngar bshad pa'i zhi ba la sogs pa'i las sngags kyi sgo nas byed par 'dod pa la le'u bcu bzhi pa bstan par bya ba'i phyir de nas zhes bya ba la sogs pa gsungs te/ de bzhin gshegs pa thams cad kyi dam tshig ni zhi ba la sogs pa ste/de rnams kyi bdag po ni sprul par mdzad pa'o/ /rdo rje chen po ni bsgrub par dka' ba'i 'chi ba slong ba la sogs pa ste/ de rnams 'dzin pa ni rdzogs par mdzad pas na rdo rje 'dzin chen po'o/ /zhi ba'i dam tshig ni zhi ba/de'i mchog ni de byed pa ste/ dus ma yin pa'i 'chi ba slu ba'o/ /de zhes bya ba'i ting nge 'dzin ni thugs rtse gcig par gyur pa la zhugs te/ de bzhin gshegs pa thams cad kyi bdag po yin pa'i phyir/ de bzhin gshegs pa thams cad ni rnam par snang mdzad de/ de'i btsun mo ni lha mo gtso mo ste de nye bar brtags pas rig sngags kyang de bzhin du bshad pa ste/de nyid nyid kyi sku la sogs pa la sogs pa las byung ngo / /de la oM ni rnam par snang mdzad do/ /yi ge raM ni me'i sa bon no/ /de'i rang bzhin gyi sreg par byed pa gang zhig oM ru ru ni yun du gnas pa'i rigs la sogs pa ste/de rnams spu ru ni bskyod par mdzad de zhes ston to/ /de bzhin du 'chi ba slang bas rab tu snang ba'i phyir dz+wa la'o/ /de nyid brtan par mdzad pa'i phyir tiSh+Tha ni 'gro ba ldog pa'o/ /sarbAr+tha ni don thams cad de zhi ba la sogs pa sgrub par mdzad pas ni sarbAr+tha sA d+ha ne zhes bya ba ni bod pa'i tshig go//swA hA'i sgra ni zhi ba gsal bar byed pa'i phyir ro/ /de nas zhes bya ba la sogs pa la/ rig sngags 'di gsungs pa tsam gyis ni bcom ldan 'das kyis bzlas pa tsam gyis/ kun ni rims la sogs pa'i nad rnams zhi bas gang zhig thob pa/ 'byor ba ni nad med pa ste de nyid yid kyis cig car du gang gis 'dod pa de ni/ 'byor ba kun la dgyes pa ste/ zhi ba la sogs pa 'dod pa'i sgrub pa po rnams so/ /ji lta bu zhe na/ mnyes pa ni sngags thos pas so/ /rab tu dgyes gyur pa ni rims la sogs pa zhi ba mngon du byed pas so//sangs rgyas rdo rje ni rnam par snang mdzad dang tha mi dad pa'i lha mo spyan te/ de nyid rjes su dran pa ni de rnams kyis bsgoms so/ /phan yon bshad par bya ste/ sangs rgyas rnams kyi zhi byung ba/ /zhes bya ba la sogs pa la/ sangs rgyas rnams ni bsgrub bya rnams kyi rims la sogs pa bzlog pas/zhi ba 'byung ba ni nad med pa'i lus rdzogs par mdzad pa'o/ /de bzhin du shi ba ni srog dang bral ba'i sems can rnams/ sos par byed pa ni slong bar mdzad pa'o/ /de bzhin du gzhan rnams kyang mos pa mthun pa'i dbang gis las rnams thams cad sgrub par byed pa'o//rdo rje bzhin du mi phyed pa'i dam tshig ste nad rnams/ bskul ba ni med par mdzad pa'o/ /'dir sbyor ba 'di yin te cig car du rnam par snang mdzad kyi sku dkar po/ de dang 'dra ba'i lha mo spyan gyis 'khyud par bsgoms la/ de'i pad+ma'i lte ba'i dbus su ye shes sems dpa'i thugs ka'i sa bon gyi 'od zer rnams kyis bsgrub bya bkug cing bzhag la snying ga'i pad+mar kha dog dkar po'i rig sngags 'di bkod la rtsa dbus ma'i lam nas bdud rtsir zhu ba'i ngo bos rdo rje dang pad+ma'i rtse mor phyin la/che ge mo 'di la shAn+tiM ku ru hrIHzhes bya ba brjod cing yab yum gnyis kas kyang de'i spyi bor/byang chub kyi sems dkar pos dbang bskur bar bya'o/ /de'i rjes de nyid las phyi rol du spros te sngags de nyid kyis sku gsung thugs byin gyis brlabs na sos par 'gyur ro/ /de nas tsan+dan dkar pos ri mo med pa'i grog la rtsibs bcu pa'i 'khor lo bris te/dbus su oM dang rtsibs gzhan rnams la yi ge gnyis bkod la/ sgyu ma'i sa bon gyis 'khor lo'i mthar bskor zhing lcags gsum gyis bskor bar byas te/ skud pa dkar pos bcings shing nad pa de'i g.yas pa'i dpung pa la bcing bar bya'o/ /de nas rims la sogs pa slar mi 'byung ngo //de bzhin du de ma thag tu shi ba'i skyes pa rnyed la/ rang gi bdag nyid snga ma bzhin du bsgoms shing shi ba de tsan+dan dkar po 'dres pa'i chus bkrus la/ de srid pa bar ma dor yang yi ge gsum gyi rang bzhin nam mkha' las bkug cing lha mo'i pad+ma'i lte ba'i nang du zhugs la/snga ma bzhin du sngags kyi yi ge yongs su gyur pa las byung ba'i byang chub kyi sems kyi dbang bskur bas thim par byas shing phyi rol du spros te/ ro'i lus kyi snying gar zhugs shing mdog ser po rdo rjes mtshan pa'i dbang chen gyi dkyil 'khor gyis bskor zhing sngags de nyid kyis spyi bo la sogs pa byin gyis brlabs na shi ba de slong bar 'gyur ro//de nas snga ma bzhin du srung ba'i 'khor lo yang bcing bar bya'o/ /las gzhan rnams byed par 'dod na de'i tshe sngags kyi yi ge dang mchod pa'i rdzas rnams dmar po la sogs pa'i kha dog tu bsgom par bya'o//phreng ba'i dbye ba ni las tshogs kyi dbye bas so/ /ji skad du/ shel dang dung dang mu tig dang / /de bzhin dkar po'i khams rang bzhin/ /zhi ba'i las la blo ldan pas/ /bya ba grub phyir blang bar bya/ /dngul dang gser dang zangs ma ni/ /rgyas pa la ni rgyal bas gsungs/ / gur kum gla rtsi bzhi mnyam mo/ /dbang gi las la shes par bya/ /dgug pa la ni ru dwAkA / /sdang ba la sogs glang po yin/ /rtsa ba'i sngags rnams bzlas pa la/ /mi rus rang bzhin brjod pa yin/ /phrin las thams cad rab grub phyir/ /bo de tse ni 'dod pa yin/ /zhes gsungs so//lag pa la dgod pa ni za ba'i dus bzhin du rjes su dran par bya ste/ de yang sngar bshad pa'o/ /de ni bskyed pa'i rim pa'o/ /de nas zhes bya ba la sogs pa la/ sku gsum gyi dam tshig ni de bzhin gshegs pa rnams te/ de dag gi khro bo nye bar bsdu ba ste/de nyid gtso bor gyur pa'i rdo rje ni rdo rje 'chang chen po'o/ /dngos po dang dngos po med pa ni sems can dang snod kyi 'jig rten te/ de dag gi dam tshig ni gcig tu gyur pa ste chos kyi dbyings kyi ye shes so/ /de'i rang bzhin gyi mi bskyod pa ste/ de nyid kyi rdo rje ni mA ma kI ste/ de zhes bya ba'i ting nge 'dzin la snyoms par zhugs nas rdo rje 'dzin thams cad ni mi bskyod pa ste/ de nyid btsun mo'i mchog ni mA ma kI ste/ de nye bar bstan pas rig sngags kyi de bzhin du bshad pa ste/ de nyid nyid kyi sku zhes bya ba la sogs pa snga ma bzhin no/ /oM ni rdo rje 'chang chen po'o//shaM ni dge legs te de byed pas na shaM ka ri'o/ /shAn+tiM ni 'jigs pa zhi ba ste de byed pas na shAn+tiM ka ri'o/ /g+hu Ti ni zhes pa ni gdug pa 'dul bar mdzad pa'o/ /gdul bas kyang gal te dbang du ma gyur na de'i tshe g+hu Ta yaM zhes pa ni gdug pa rnams gsod par mdzad pa'o/ / tshig gnyis ni zlos pa'o/ /swA hA'i sgras ni gdul ba dang gsod pa rnams slar yang slong ba'i phyir zhi ba'i don du'o/ /de nas zhes bya ba la sogs pa la sngags 'di nyid gsungs pa tsam gyis sku gsum dbyer med rdo rje can ni lus ngag yid la 'jigs par byed pa'i dgra bo rnams dang / rdo rje bzhin du shin tu rno ba'i srin po la sogs pa'o/ /mnyes pa'i spyan ni gdangs nas su/ /zhes pa ni de'i 'jigs pa ldog pas dga' ba'i yid dang ldan pa'i sgrub pa po rnams kyi/ rdo rje thugs ni mA ma kI dang snyoms par zhugs pa'i thugs rdo rje dang / rin chen 'byung ldan rjes su dran pa ni sgom pas so//rig sngags 'di ro langs la sogs pa'i 'jigs pas non pa rnams kyi/ rdo rje bsrung ba'i sbyor ba la zhes pa ni de rnams kyis dpung pa la bsrung ba'i 'khor lo bris nas rtag tu zhes pa ni dus thams cad du las rnams ni bgegs 'jig pa'i las rnams sgrub par byed do//rdo rje chen po ni thog bzhin du rnam par 'joms par byed pa'i sha za la sogs pa ste/ de rnams kyi 'jigs pas nyen pa la stobs byed pa de ldog pas rang gi nus pa skyed par byed pa'o/ /'dir ni sbyor ba 'di yin te/ mi bskyod pa dang rin chen 'byung ldan gyi rnal 'byor pa dag gi rang gi rig ma'i pad+ma'i nang du srin po sogs pas non pa'i skyes bu la sogs pa zhugs te/snga ma bzhin du sngags kyang snying gar bzhag la de nyid kyang rtsa dbu ma'i lam nas zhu ste/ gnyis kas kyang 'od zer nag po lcags kyu dang 'dra ste de nyid bsgrub bya'i spyi bor phab la de nyid snying gar gnas pa'i kha dog nag po sha za la sogs pa de'i kha'i sgo nas byung bar byas la phyi rol du spros te snga ma bzhin du byin gyis brlabs na nad pa de skyon dang bral ba'o//de nas bsrung ba'i 'khor lo bcings na sos par 'gyur te bskyed pa'i rim pa'o/ /de nas zhes bya ba la sogs pa la 'dod chags chen po ni snang ba mtha' yas te/de nyid kyi dam tshig ni snyoms par zhugs pa'i phyir/ gzigs pa gos dkar mo'i ting nge 'dzin gang la yod pa de la snyoms par zhugs nas chos kyi sku ni snang ba mtha' yas te/ de nyid kyi btsun mo'i mchog ni gos dkar mo ste/de dang tha mi dad pa'i rig sngags kyang de bzhin du bshad pa ste/ de nyid nyid kyi sku zhes bya ba la sogs pa snga ma bzhin no/ /oM ni bkra shis pa'i don du'o/ /ka Te zhes pa ni 'tsho bar dka' ba la'o/ /ni ka Te zhes pa ni dbul po rnams la mngon par phyogs pa'o/ /ka ni bde ba ste de nyid dang ka sbyar bas ka Ta ka ste a d+ha ni nor thob tu 'dzud pa'o//ka Ta dang ni ka yang yin pas ka Ta ka ste phyi ma'i a mi mngon par 'gyur ro/ /wi ka Te zhes pa ni khyad par du sdug bsngal dang ldan pa rnams la/ ka ro Ta ni mgo bo bzhin du gtso bo sbyin par bya ba'i phyir/ bIr+ya ni brtson 'grus gang la yod pa de ni de bzhin no//swA hA'i sgra ni mngon du bya ba'i phyir ro/ /sngags 'di gsungs pa tsam gyis rdo rje 'dzin ni snang ba mtha' yas te/ de'i mchog gi rigs 'dzin pas na rdo rje chos mchog 'dzin pa ste/ pad+ma'i rigs can rnams mnyes pa ni dga' zhing / bsam gtan ni gos dkar mo'i gzugs bsgom pa thob par 'gyur ro//rdo rje chos ni gos dkar mo dang snyoms par zhugs pa'i snang ba mtha' yas rjes su dran pa ni bsgoms so/ /rig sngags 'dis chos ni ba lang dang ma he dang gser la sogs pa la/ rgyas pa ni skal ba dang bcas pa dang /stobs ni yan lag bzhi pa'i dpung ste/ de dag thams cadadang thams cad du mdzod chen po ni mi zad pa'i mdzod dang mdzad pa ste/ bzlas pa tsam gyis gsung rdo rje'i gsung bzhin no zhes the tshom med pa'o zhes bya ba'i don to/ /'di sbyor ba ni 'od dpag tu med pa'i rnal 'byor pas/ gos dmar mo'i pad+ma'i nang du dbul po zhugs te/ snga ma bzhin du zhu nas kha dog ser po'i 'od zer spro ba'i dbang bskur gyis tshim par byas la/ yang spros te de nyid lcags gsum gyis bskor ba'i srung ba'i 'khor lo de'i dpung pa la btags na phyug por 'gyur ro/ /de nas zhes bya ba la kun ni las thams cad la/'byung ba ni dbang gang la yod pa de kun nas 'byung ba ni don yod do/ /de'i rdo rje ni rdo rje'i rtse mor bzhugs pa'i sgron ma ting nge 'dzin gang la yod pa de bzhin no/ /de thob cing dam tshig sems dpa' ni don yod de/ de'i btsun mo mchog ni sgrol ma'i rang bzhin rig sngags te/nyid kyi sku la sogs pa las zhes snga ma bzhin no/ /oM ni rdo rje 'chang chen po 'khor ba las sgrol bar byed pas tA re'o/ /tu ta ni 'jigs pa chen po brgyad las sgrol zhing srung bas na tut+tA re'o/ /myur du don grub pas tu re'o/ /swA hA ni bod pa'o/ /'di gsungs pa tsam gyis sangs rgyas kun ni dam tshig gi rigs can no//bdag che las skyes ni byang chub sems dpa' rnams so/ /mnyes shing ni dgu pa'o/ /ye shes ni bya ba nan tan sgrub pa thob nas/ rdo rje sku ni don yod grub pa'i sku la dbyer med pa'i sgrol ma/ rjes su dran zhing bsgoms so/ /sangs rgyas rdo rje ni shes rab dang ldan zhing bstan pa'i rgyal po rnams te/de dag gi sde chen ni yan lag bzhi pa'i dpung ngam btsun mo'i 'khor/ sems kyi khams ma lus pa ni phyogs bcu la gnas pa/ dran bzhin g.yo ba med cing ni skyabs gzhan med par bzlas pa tsam gyis dbang du byed do/ /'dir ni sbyor ba 'di yin te don yod grub pa'i rnal 'byor pas sgrol ma'i pad+ma'i nang du bsgrub bya zhugs shing snying gar dgod pa'i yi ge bcu pa'i rig sngags dbus kyi lam nas kha dog dmar por zhu zhing 'od zer dmar po'i rang bzhin gyi byang chub kyi sems kyi rgyun rnams kyis spyi bor dbang bskur zhing spros na de dbang du 'gyur ro/'jigs pa chen po bzlog pa la gi wang dang gur gum dag gis bsrung ba'i 'khor lo bris la bcings na 'jigs pa med par 'gyur ro/ /de nas zhes bya ba la sogs pa la/ dri ma med pa'i 'od zer ni rtags te/ de gnyis dang 'dra ba'i rdo rje ni khro bo ste gshin rje gshed do/ /de zhes bya ba'i ting nge 'dzin la snyoms par zhugs nas/rdo rje gshin rje gshed ni khro bo'i sngags nyid kyi sku zhes bya ba la sogs pa snga ma bzhin no/ /na maHzhes bya ba la sogs pa la rdo rje 'chang chen po la phyag 'tshal ba ste/ de bzhin du thams cad shes par bya'o/ /oM ni rnam par snang mdzad do/ /kha kha khA hi khA hi zhes pa ni khros pas tshig gnyis so//ji skad du/ 'jigs pa dang ni rtsod pa dang / /khro dang dman pa nges dpyad la/ /bzod pa gsol ba dag la ni/ /tshig gcig gnyis su brjod pa'o/ /zhes 'byung ngo / /de bas na zo shig ces ston to/ /a si mu sa zhes bya ba la sogs pa la ral gri la sogs pa'i phyag mtshan gyis nye bar mtshon pa'o//tsa tur+b+hu dza tsa turmu kha Sha Ta tsa ra Na zhes bya ba la/ phyag bzhi dang zhal bzhi dang zhabs drug gi gzugs kyi bdag nyid che bas sna tshogs pa nyid bstan pa ste/ 'dir ni zhal gsum phyag drug pa zhabs gnyis pa kho na'o/ /mahA big+h+nAn+ta ka zhes bya ba la sogs pa ni 'dod pa'i tshig go//ku ru ku ru sarba kar+m+ma ni zhes bya ba la sogs pa ni las la bskul ba'o/ /bai wa swa ta zhes pa ni bai ba swa ni nyi ma ste/ de'i bu ni bai wa swa tA gshin rje'o/ /mA bi laM pa zhes pa ni myur du gyis shig ces ston to/ /kiM tsa ra ma zhes pa ni khros pa la'o//de bas na 'jigs par bya ba'i phyir mig gnyis so/ /phaT kyi sgras ni gal te khyod kyis de ltar mi byed na de'i tshe khyod gcod pa'o/ /swA hA'i sgras ni zhi ba'i don du'o/ /sngags 'di gsungs pa tsam gyis/ sangs rgyas kun ni rnam par snang mdzad kyi rigs can rnams/ 'jigs pa ni 'jigs pa med par 'gyur ro/ /ji lta bu zhe na/ grags pa chen po ni 'gro ba'i don byed pa la sogs pa dang ldan pa'o/ /kun du skrag 'gyur ni dad pas sems 'khrug pa'o/ /rdo rje sems dpa' rnam par snang mdzad dang tha mi dad pa'i 'phags pa gshin rje mthar byed rjes su dran pa ni de rnams kyis bsgoms so//'dir ni sbyor ba 'di yin te/ /thod pa ma chag ma gas pa/ /zhes bya ba la sogs pa la/ rgyal po'i bu mo'i thod pa ma chag pa rnyed cing de'i nang du mngon par 'dod pa'i bud med kyi ming smyo ba'i khu bas bris la/ gshin rje gshed kyi rnal 'byor gyis rig sngags bzlas shing rkang pa g.yon pas lcags kyu'i tshul gyis de nyid mnan zhing nyi ma'i phyed pa ji srid du bzlas par bya'o//ji srid du 'gugs pa 'grub par 'gyur ro/ /bsgrub par bya ba'i dbye ba bshad par bya ste/ mA ma kI 'am spyan yang rung ba zhes bya ba la sogs pa la/spyan ni dung can ma'o/ /mA ma kI ni ut+pa la'o / /rdo rje chen po ni pad+ma chen po ste de'i rigs las byung ba pad+ma'o/ /de dag thams cad dam gang yang rung ba 'dod pas 'gugs par shes par bya'o/ /thugs rdo rje ni rdo rje 'chang chen pos de skad bka' stsal to zhes pa dang sbyor ro//de nas zhes bya ba la sogs pa khyad par du snang bas na rnam par snang mdzad de/ rdo rje sems dpa'o/ /dam tshig ni las kyi rdo rje/ de nyid kyi 'od zer ni spro ba ste de nyid kyis nam mkha'i mchog ni nam mkha' bzhin du ljang gu bdud rtsi 'khyil pa ste/ de skad ces bya ba'i ting nge 'dzin la snyoms par zhugs nas/mi 'chi ba'i dam tshig ni bdud rtsi 'khyil pa ste/ de nyid kyi khro bo ni de nyid kyi khro bo'i rig sngags te/ de nyid nyid kyi sku zhes bya ba la sogs pa la snga ma bzhin no/ /na maHzhes bya ba la sogs pa yang snga ma bzhin no/ /badzra kro d+hA ya zhes bya ba la sogs pa ni bod pa'o//a si mu sa la zhes bya ba la sogs pa la ni mtshon cha dang ldan pas brtson 'grus 'phel ba'o/ /oM mr-i ta kuN+Da li zhes pa ni rang gi ming brjod pas myur du las la 'jug pa'o/ /kha kha zhes bya ba la sogs pa yang snga ma bzhin du bya ba sgrub pa'o/ /swA hA'i sgra ni zhi ba'i don du'o//sngags 'di gsungs ma thag tu sangs rgyas kun ni dga' bar byed pa drag po la sogs par te/ grags pa chen po ni byed pas grags pa thob pa yang / brgyal ba ni ngo mtshar bar gyur pa dang / 'jig par gyur cing / rdo rje sku ni don yod grub pa dang tha mi dad pa'i bdud rtsi 'khyil pa/rjes su dran pa de nyid la skyabs su 'gro bar 'gyur ro/ /de nyid kyi phyir bgegs kyi bdag po rnam par 'dren pas/ bcom ldan 'das kyi zhabs la brten pa yin no/ /'dir sbyor ba ni 'di yin te/ sngags rnams kun gyi sbyor ba dang / /zhes bya ba la sogs pa la/sngags rnams kun ni bsgrub par dka' ba'i dgra bo rnams te/ de rnams kyi sbyor ba ni khang pa la sogs pa la/ rdo rje bskrad pa ni bskrad pa bstan pa ste/ de'i las bya ba yin pas rig sngags 'dis bskrad pa'o/ /ji ltar zhe na/ tshul bzhin zhes pa ni rgyud las gsungs pa'i ting nge 'dzin gyis so//sangs rgyas dpung zhes pa ni phul du byung ba'i tshig go/ /bdud rtsi 'khyil pa'i rnal 'byor pas khros pa'i sems kyis gcer bu dang / skra grol bar byas shing dur khrod kyi ras la rang byung gi me tog dang bsres pa'i smyo byed kyi khu bas bsgrub bya'i ming bris te/mi'i rkang gi nang du bcug la bya rog dang 'ug pa'i gshog pa dag gis phyogs gnyis su bkab cing rkang pas mnan te/ rig sngags de nyid brgya rtsa brgyad bzlas shing / gang gi sgo la skor bar byed pa de ni zhag bdun gyis skrod par byed pa'o / /de nas zhes bya ba la sogs pa la/sangs rgyas 'od zer ni rin chen 'byung ldan te/ de nyid kyi rdo rje'i sprul pa ni shes rab mthar byed do/ /de zhes bya ba'i ting nge 'dzin la snyoms par zhugs nas rdo rje rin chen ni rdo rje ste/ de nyid kyi gzhan gyis mi thub pa ni shes rab mthar byed de/ de'i khro bo ni khro bo'i rig sngags te/de nyid nyid kyi sku zhes bya ba la sogs pa ni snga ma bzhin no/ /na maHzhes bya ba la sogs pa ni sngar bshad zin to/ /oM ni rdo rje 'chang chen po'o/ /dzi na zhes pa ni gdug pa rnams las rgyal ba'o/ /de rnams bsregs pas ri Ti ta zhes pa ni dza Ta dza Ta'i sgra dang ldan pa'o//hUM ni bskul ba la'o/ /phaT ni khros pa la'o/ /swA hA'i sgra ni mngon du byed pa la'o/ /sngags de nyid gsungs pa tsam gyis thams cad shes pas na sangs rgyas kun te gzhan gyi sems shes pa'i sha za la sogs pa'o/ /ji lta bu zhe na che ba ni drag po la sogs pa ste/de rnams las skyes pa ni sprul pa'o/ /de rnams 'jigs pa ni 'jigs par 'gyur ba dang / skrag par 'gyur ba ni skyabs med pa ste/ byang chub sems ni rin chen gyi rigs can gyis mi thub pa la skyabs su 'gro'o/ /srin po ma rungs pa zhes bya ba la sogs pa la/ srin po ma rungs pa ni srin po'i gtso bo ste/rnam par 'jigs pa la sogs pa'o/ /gtum po ni gnod sbyin gyi bdag po rnams so/ /'jigs pa chen po ni ro langs dang yi dags dang mkha' 'gro ma la sogs pa ste/ de rnams kyis 'khrug pa ni gnon pa'i bsgrub bya la/ rig sngags 'di cho ga bzhin ni rim par rab tu sbyar na thams cad 'grub par byed do//gang gis she na rdo rje sems ni sems rtse gcig pa'i sgrub pa pos so/ 'dir ni sbyor ba 'di yin te/ rin chen 'byung ldan gyi rnal 'byor pas shes rab mthar byed kyi gzugs blangs la rang gi snying gar me'i dkyil 'khor gru gsum pa bsgom zhing de'i 'od zer rnams kyis bsgrub bya'i snying ga las/kha dog nag po dang khyi la sogs pa'i rnam pa can gyis / sha la sogs pa 'gugs shing de nyid du zhugs la thal bar gyur par byas te de'i rjes la kha las byung ba'i yi ge hUM gi dbugs kyis phyogs bcu la thal ba 'thor zhing rigs kyis bsgrub bya byin gyis brlabs la/de nyid srung ba'i 'khor lor bcings na bsgrub bya de sos par 'gyur ro/ /de nas zhes bya ba la sogs pa la/ dpag tu med pa 'byung ba ni 'od dpag tu med pa ste/ de nyid kyi rdo rje ni de'i rigs can gyi rta mgrin te/ de zhes bya ba'i ting nge 'dzin de yang de bzhin du bshad pa ste/de la snyoms par zhugs nas pad+mo 'byung ba ni snang ba mtha' yas te/ de nyid kyi rdo rje ni rta mgrin te/ de'i khro bo ni khro bo'i sngags kyi sku zhes bya ba la sogs pa snga ma bzhin no/ /na maHzhes bya ba la sogs pa yang snga ma bzhin no/ /yi ge hUM gsum la gnas pa dug 'gugs pa la bskul bar bya ba'i phyir ro//ta ru ni 'khrugs par byed pa'i dug ste/ de nyid ces pa gzung bar byed pas na ta ru la'o/ /bi zhes pa ni mi mnyam pa ste de nyid kyang ru zhes pa ni zhal gyi sgras/ la zhes pa ni klu'i rgyal po la sogs pa gzung bar byed pas ni bi ru la'o//sar+b+ba ba sha g+hA ta ka zhes bya ba la sogs pa ni don dang mtshungs pa'i spyod pa dang gzugs la sogs pa gtso bor gyur pas bod pa'o/ /Ar+ya ga Na ni dge bsnyen la sogs pa ste/ de rnams b+hi ta ni 'jigs par byed pa'i gang zhig b+hU ta ni 'byung po dang gzhan gyi mkha' 'gro ma la sogs pa la ste/de rnams kyi gnas kyi ga Na ni tshogs te/ bu d+h+ya ni khug cing / /khA hi zhes pa ni zo shig ces ston to/ /ha ya grI bA ya phaT ces bya ba la sogs pa mthar phaT kyi sgra bcu gcig ni/ khro bo bcus yongs su bskor ba de nyid bod pa'i phyir ro//hUM gsum po ni lus la sogs pa bskul ba la'o/ /phaT gsum po ni de nyid kyi lus la sogs pa skrag pa'i phyir ro/ /swA hA'i sgra ni zhi ba'i don du'o/ /sngags 'di nyid gsungs pa tsam gyis chos kyi rdo rje ni rigs kyi klu brgyad de/ de rnams kyi mche ba ni gdengs ka rnams te/de dag gi mchog skyes ni dug ste de nyid brgyal bar gyur pa dang / 'jigs pa ni 'jigs par 'gyur ro/ /de nas ye shes rgyal po ni snang ba mtha' yas te/ de nyid rjes su dran pa ni skyabs su 'gro bar bya'o/ /nam mkha' dbyings ni nam mkha'i dbyings te/de nyid rdo rje ha la ha la ni lha chen po'i mgrin par gnas pa'i nag brtsegs kyis gal te gang ba yin na/ de'i tshe rig sngags 'di bskul ba ni spyir na/ dug thams cad sel bar 'gyur ro/ /'di'i sbyor ba 'di yin te/ rta mgrin gyi rnal 'byor dang ldan pa'i rnal 'byor pas bsgrub bya'i snying gar dug nag po bltas la/lte ba'i 'og tu yi ge raM las byung ba'i me'i dkyil 'khor la/ yi ge yaM las byung ba'i rlung gi dkyil 'khor gyis 'bud par bsams la/ me'i dkyil 'khor des dug de nyid bsregs par bsgoms zhing rlung gis bud pa'i thal ba ba spu'i bu ga thams cad las byung bar bsgom par bya'o//de'i rjes la lag pa g.yon pa la dbyangs dang po las byung ba'i zla ba'i dkyil 'khor la thig les mtshan pa'i dbyangs drug pa dgod cing lhag ma la dgod pa snga ma bzhin du byas shing chab blangs la rig sngags kyis byin gyis brlab cing bsgrub bya'i khar hub gsum blud par byas na bsgrub bya de'i dug sel bar 'gyur ro//de nas zhes bya ba la sogs pa la/ gdon mi za ba'i dam tshig ni don yod grub pa ste/ de nyid 'byung ba ni bskyed pa la dpal gang la yod pa dbyig sngon can te/de zhes bya ba'i ting nge 'dzin la snyoms par zhugs nas/ dbyig sngon can gyi rgyal po ni sngags kyi rgyal po nyid kyi sku bya ba la sogs pa snga ma bzhin no/ /na maHzhes bya ba la sogs pa ni snga ma bzhin no/ /oM ni rdo rje 'chang ngo / /e h+ye hi zhes pa ni bod pa'o//b+ha ga bAn nI la daN+Da zhes pa ming gi sgo nas brtson 'grus bskyed pa'o/ /tu ru tu ru zhes pa ni na ru 'dzud pa dang sgra sgrogs pa'o/ /tu ni na ba la'o/ /ru ni sgra la'o/ /hu lu hu lu zhes pa ni 'byung po rnams tshig pa dang gcod par gyis shig ces ston to/ /gu la pa ya zhes pa ni gnod du gzhug pa'o//b+ha ga bA na zhes pa ni bod pa'o/ /da ha da ha zhes bya ba la sogs pa ni sreg pa la sogs pa'i bya ba nges par 'jug pa'o/ /sarba bid+yA zhes pa pha rol pa rnams kyi phreng ba'i sngags rnams so/ /sarba man+t+ra ni snying po la sogs pa'o/ /mU la karmA ni zhes pa ni pha rol po'i 'khrul 'khor rnams so//sarba gra ha ni sa dgu'o/ /de rnams thams cad ha na ha na zhes bya ba la sogs pa ni bya ba la 'jug pa'o/ /hUM gsum po ni lus la sogs pa la bskul ba'o/ /badzra daN+De na zhes pa ni rdo rje dbyig pa ste/ de rnams sod cig sod cig ces ston to/ / swA hA ni zhi ba'i don du'o/ /sngags 'di gsungs pa tsam gyis gdug pa kun ni gza' dgu ste/ de rnams las mchog tu byung ba ni gdon chen po nyi shu rtsa gnyis so/ /de rnams thams cad 'jigs shing skrag pa ni dran pa med pas sems dpa'i rdo rje ni don yod grub pa rjes su dran pa ni skyabs su 'gro ba'o//khro bo'i rgyal po'i sngags 'di brgya rtsa brgyad bzlas pa/ de'i tshe sgrub pa pos ni gdug pa thams cad gsod par 'gyur ba dang / grags pa chen po thob par 'gyur ro/ /'dir ni sbyor ba 'di yin te bsgrub bya'i rkang rjes kyi rdul dang 'dres pa'i spra tshil gyis ngo bo'i gzugs brnyan byas la/de'i nang du bcug la bsgrub bya'i ming bris te tsher ma rnams kyis sgo dgu phug cing tsher ma'i me'am/ dur khrod kyi me la/ dbyig sngon can gyi ting nge 'dzin gyis gcer bu dang skra bkrol bar byas te/ ji srid du gdung bar byas pa de srid du zhu bar 'gyur ro//zhu ba'i mthar dgra bo de 'jig par 'gyur ro/ /de nas zhes bya ba la sogs pa la kun nas sprin ni mi bskyod pa ste/ sprin lta bu'i mdog yin pa'i phyir ro/ /de'i dpal ni spro ba gang la yod pa de ni de bzhin du bshad pa ste/ de zhes bya ba'i ting nge 'dzin la snyoms par zhugs nas/stobs po che rdo rje'i sngags nyid kyi sku zhes bya ba la sogs pa la snga ma bzhin no/ /na maHzhes bya ba la sogs pa ni rtogs pa'o/ /u kra shU la ba ni zhes pa ni mtshon cha 'dzin pas spro ba bskyed pa'o/ /hUM gsum po ni snga ma bzhin du'o/ /phaT gsum po ni khros pa'o/ dz+yo ti ni snang ba'o/ /nir nA da ni sprin gyi sgra sgrogs pa'o/ /hUM dang phaT gzhan gsum po ni zlos pa la'o/ /ma hA ba la zhes pa ni ming gis bskul ba la'o/ /swA hA'i sgra ni zhi ba'i don du'o/ /sngags 'di gsungs pa tsam gyis stobs po che ni 'jog po la sogs pa'i klu rnams 'jigs pa ni mi bskyod pa'i gzi brjid dang /skrag pa ni dran pa med par gyur pas/ sku gsum rdo rje ni mi bskyod pa ste/ de nyid rjes su dran pa ni skyabs su 'gro ba'o/ /than pa byung ba'i 'jigs pa la gal te sngags 'di nyid bzlas tshe klu rnams kyis chu'i dkyil 'khor te char gyi rgyun rnams 'bebs par byed do//ji srid bsam pa'i dbye ba las thams cad ni zhi ba la sogs pa yang byed pa ste/ sngags kyi mthu bstan pa'o/ /'dir ni sbyor ba 'di yin te/ dur khrod kyi thal bas klu'i chu mig gi ngos su gdengs ka dang mjug ma lu gu rgyud ltar bcings pa'i klu brgyad po bris la/shar la sogs pa'i phyogs rnams su yang de'i bdag po rgyal bzangs la sogs pa bkod la/ de rnams kyi yang stan du 'brug sgra la sogs pa'i sprin brgyad po bris la/ dbus su yang bcom ldan 'das rdo rje dril bu 'dzin pa sbrul gyis brgyan cing de'i gdan mdzad pa sgeg pa'i ro dang ldan pa'i rdo rje sems dpa' bkod la/de'i 'og tu 'o mas bkang ba'i snod brgyad du lha bshos phul zhing me tog la sogs pas mchod par byas la rang gi bdag nyid dang sems dpa'i bka' byed pa stobs po cher bsams te/oM b+hur b+hu wa swA hA zhes bya ba brjod cing / de'i rjes la/ oM bA su ki hUM swA hA / oM tak+Sha ka hUM swA hA/ oM karko Ta hUM swA hA/ oM pad+ma hUM swA hA/ oM ma hA pad+ma hUM swA hA/ oM shaM kha pA la hUM swA hA/ oM ku li ka hUM swA hA/ oM hu luM Ta hUM swA hA/ zhes bya ba klu'i rgyal po brgyad rnams kyi sngags rnams brjod la/oM kha li kha li waR+ShA pa ya hUM hUM hUM ho ho ho Da Da Da swA hA/ zhes bya ba'i sprin gyi rgyal po'i sngags brjod cing / phyogs brgyad po la pad+ma bskor zhing bstan la g.yon pa'i khu tshur gyi mthe bong dang / mthe'u chung brkyang la/ gdengs ka'i rnam par byas pa'i phyag rgya bcings shing / oM badzra d+h+r-ika AHhUM waR+Sha b+hu swA hA/ zhes bya ba'i sngags brjod la char dbab par bya'o/ /gal te ma bab na de'i tshe rdo rje sems dpa'i bkas stobs po che la bka' stsal te/ rdo rje lcags kyus byin gyis brlabs pa'i rkang pa g.yon pas klu'i dkyil 'khor mnan cing rig sngags brjod na de'i tshe klu rnams kyis char 'bebs par byed do//de nas zhes bya ba la sogs pa la/ kun du 'joms pa ste sdig pa rnams 'jig pa la/ rdo rje ni brtan pa'am nus pa dang ldan pa ste 'dod pa'i rgyal po'o/ /de zhes bya ba'i ting nge 'dzin la snyoms par zhugs nas/Tak+ki rgyal po khro bo chen po ni de nyid kyi rig sngags 'di nyid kyi sku zhes bya ba la sogs pa snga ma bzhin no/ /Tak+ki ni 'dod pa ste 'dod pa de nyid kyis hUM zhes pa ni gdug pa pa rnams la sdigs mdzub byed pa'o/ /dzaHzhes bya ba ni dgug pa'i sa bon no//sngags 'di gsungs pa tsam gyis sangs rgyas kun ni lha ma yin kyi bu mo la sogs pa dang / bdag nyid chen po ni gser mig la sogs pa'i lha ma yin gyi bdag po'i bu mo rnams te/ de dag 'jigs pa ni khro bo'i sngags thos pas so/ /de nas dam tshig ni de'i bka' thob nas rdo rje sku gsum ni de'i bdag po ste thugs rdo rje la rjes su dran pa ni skyabs su 'gro ba'o//rdo rje sems dpa'i sbyor ba yis/ /zhes bya ba la sogs pa la/ ling ni rtags te bsgrub par bya ba'i gzugs brnyan no/ /de nyid rkang pa g.yas pas snga ma bzhin du rdo rje sems dpa'i ting nge 'dzin la gnas pas sngags 'di nyid brjod cing mnan na/sngags rnams thams cad ni lha ma yin gyi bu mo rnams 'gugs par 'gyur ro/ /'dir ni sbyor ba 'di yin te/ chu bo'i 'gram gnyis kyi grog mo'i sas lha ma yin gyi bu mo la sogs pa gang yang rung ba'i gzugs brnyan byas la/de'i skye gnas su da ru ra'i khu ba bzhag cing snying gar yang ma ma a su ra ka n+ya sA mi pa mA gats+tsha tu hrI zhes bya ba'i sngags gro ga la bris la bzhag cing de gnyis kyi mig gnyis kyang sngags kyis brlabs pa'i rgya skyegs kyi khu bas mig sman byas la/Tak+ki rgyal po'i sngags dang de'i rnal 'byor gyis brlabs shing gzugs brnyan de/ lcags kyus byin gyis brlabs pa'i rkang pa g.yas pas mnan cing / ji srid du gnas par bya ba de srid du lha ma yin gyi bu mo sa 'og gi bu ga las 'byung bar 'gyur ro//de mthong ste ci 'dod par mnyes par bya'o/ /de nas zhes bya ba la sogs pa la/ ye shes kyi phreng ba ni chos kyi dbyings kyi ye shes te/ de'i rang bzhin dang chu ni chu'i khams te/ de'i rang bzhin gyi mi bskyod pa ste/ de nyid rang bzhin mi g.yo ba ste/ de zhes bya ba'i ting nge 'dzin la snyoms par zhugs nas/ mi g.yo ba'i rdo rje gtum po'i dam tshig ni/ lha la sogs pa 'dul bar byed pa'i rig sngags te/ de nyid nyid kyi sku zhes bya ba la sogs pa ni snga ma bzhin no/ /a tsa la zhes bya ba la sogs pa ni bod pa'o/ / ka na ni kun rdzob dang don dam pa dag gcig tu mthong ba'i phyir ro/ /da na Ta zhes bya ba la sogs pa ni bya ba la 'jug pa'o/ /de'i don ni 'jigs par gyis shig ces bya'o/ /traT kyi sgra ni khros pa'o/ /swA hA'i sgra ni zhi ba la'o/ /sngags 'di gsungs pa tsam gyis 'khor dang bcas pa'i lha rnams brgyal ba ni thos pa dang ngo //skrag pa ni sngags kyi don dran pa ste/ rdo rje sku ni mi bskyod pa la rjes su dran pa ni skyabs su 'gro ba'o/ /sngags 'di nyid bklags pa tsam gyis lha chen po la sogs pa'i lha rnams/ mthu chen ni mngon par shes pa lnga dang ldan pa yang 'gugs par 'gyur ro//ji ltar zhe na/ kha sbyar lus ni 'khrul 'khor gyi sbyor bas so zhes ston to/ /'dir ni sbyor ba 'di yin te/ so ma btang ba'i rdza ma gnyis blangs te/ gcig la gi wang dang gur gum dag gis zla ba'i dkyil 'khor bri ba dang /gnyis pa la nyi ma'i dkyil 'khor bri ba ste/ de la gcig la bud med kyi gzugs brnyan dang / gnyis pa la skyes pa'i gzugs brnyan bris la / de'i rjes la steng du rdo rjes mtshan pa'i sa'i dkyil 'khor bris te/ snga ma bzhin du khros pa'i sems kyis sngags brjod cing /'khrul 'khor rkang pas mnan te/ ji srid du gnas par bya ba de srid du lha la sogs pa 'gugs par 'gyur ro/ /de nas zhes bya ba la sogs pa la/ dam tshig rnam par 'phrul pa ni mi bskyod pa ste/ de nyid kyi rdo rje ni gnod mdzes kyi rgyal po ste/de zhes bya ba'i ting nge 'dzin la snyoms par zhugs nas/ rdo rje 'dzin thams cad ni de bzhin gshegs pa rnams te/ de dag gi dam tshig ni mi bskyod pa ste/ da las byung ba'i gang zhig gnod mdzes ni sa 'og spyod pa ste/ de nyid kyi khro bo chen po ni/khro bo chen po'i sngags nyid kyi sku zhes bya ba la sogs pa snga ma bzhin no/ /oM ni rdo rje 'chang ngo / /suM b+ha zhes pa ni bod pa'o/ /ni suM b+ha zhes pa ni bgegs rnams non cig ces ston to/ /yi ge hUM ni snying po bskul ba'o/ /gr-ih+Na zhes pa ni 'bros par 'gyur ba'i bgegs rnams bcings shing /gr-ih+NA pa ya zhes pa ni 'khor gyis kyang chings shig pa'o/ /de bzhin du A na ya zhes pa ni de rnams mdun du khug cig pa'o/ /bid+yA rA dza zhes pa ni sngags kyi dbang phyug ste/ spro bar byed pa'o/ /hUM gnyis pa ni bskul ba'o/ / gal te de ltar mi byed na/ de'i tshe phaT ces pa ni khros pa ste/ khyod gcod pa'o zhes ston to/ /sngags 'di gsungs pa tsam gyis bu mo thams cad de / klu'i bu mo rnams 'gugs par 'gyur ro/ /lhag ma ni go sla'o/ /'dir sbyor ba ni gnod mdzes rgyal po'i rnal 'byor pas/ rlung gi dkyil 'khor gyi sbyor bas 'od zer gyi lcags kyus klu'i bu mo rnams dgug par bya'o//bu mo ji lta bu zhe na/ rdo rje sems dpa' bzhin nus pa dang ldan pa'i bdag pos gzung ba ste/ bskyed pa'i rim pa'o/ /de nas zhes bya ba la sogs pa la/ rdzogs pa'i rim pas kyang dgug pa bshad par bya ste/dam tshig chen po ni rnam par shes pa gsum ste/ de nyid sems can bskyed pa'i rgyu yin pas/ de nyid 'byung ba ni rang bzhin rnams so/ /de rnams kyi rdo rje ni thams cad stong pa'i go 'phang thob par byed pa'i ting nge 'dzin la snyoms par zhugs te/ dam tshig chen po'i ye shes rnams dang /rdo rje gsum ni shes rab dang thabs dang nye bar thob pa'i ngo bo'i rang bzhin rnams so/ /gsang ba ni 'od gsal bas dgug pa'o/ /gsung dang dam tshig dag ni lus dang ngag dang sems te/ de rnams kyis de kho na nyid kyi gnas ni 'od gsal bar byed pa'i tshig /nyid kyi sku zhes bya ba la sogs pa ni snga ma bzhin no/ /rtogs par bya bas na sangs rgyas dang / phye ba dka' bas na rdo rje dang / sku gsum ni rigs kyi dbye ba gang la yod pa de ni sangs rgyas rdo rje sku gsum ste snang ba la sogs pa'o/ /de rnams rdo rje sems dpa' rnam par bsgom pa ni 'od gsal bar zhugs pa'o//zhags pa ni zla ba'i snang ba dang / kyo ba ni nyi ma'i snang ba dang / 'dzin pa ni gnyis ka'i snang ba dang bral ba'i snang ba ste/ de rnams kyis sangs rgyas dgug pa dang dam pa ni ye shes rnams dgug pa mchog tu bya ba'o//sangs rgyas ni ye shes dang sku gsum ni rang bzhin rnams te/ de dag thams cad 'khor lo chen po ni 'od gsal bar sbyor ba ni bsdu bar bya'o/ /rdo rje sems dpa' ni brtan pa kun gzhi'i rnam par shes pa dang / rgyal chen ni sems can dang snod kyi 'jig rten gnyis te/nges par dgug pa ni slar yang mi ldog pa nyid du med par bya ba ste/ sems rnam par dag pa'i rim pa'o/ /'khor lo pad+mo rdo rje che/ /zhes bya ba la sogs pa la/ 'khor lo pad+mo che ni rigs kyi dbye bas/ mi phyed rdo rje 'chang chen po bsgom pa ni spro bas/ rdo rje kyo ba ni de dang 'dra ba'i shin tu rno ba'i 'od gsal ba ste/de nyid rgyur gyur pas sngags rnams thams cad ni rigs thams cad de / lha rnams dgug pa ni spro bar bya'o/ /ji lta bu zhe na/ mchog ni zla ba dang rdo rje la sogs pa la mi ltos pa'o/ /de nyid rgyas par bshad par bya ste/ thams cad rdo rje'i dngos zhi ba//zhes bya ba la sogs pa la/ rang zhes pa ni bdag la byin gyis brlabs pas 'byung ba ste/ rang sngags skyes bu ni sgyu ma'i ngo bo'i sku rang bzhin dang / thams cad rdo rje dngos ni de bzhin gshegs pa thams cad kyi rang bzhin dang / zhi ba ni ye shes kyi sku sgom pa ni spros te/ bu mo ni ye shes kyi phyag rgya ma ste/mchog ni phul du byung ba dang / snying ga ni snying ga las byung ba dang shes rab pha rol tu phyin pa'i rang bzhin te/ de la rdo rje kyo ba sbyar ba'i rdo rje bskul bas rlung gi dkyil 'khor ni rlung bcu ste/ de rnams sbyor ba ni 'gog pa ste lhan cig skyes pa'i dus kyi sbyor bas/ sangs rgyas ni rtsa ba'i rnam par shes pa dgug cing 'od gsal ba la thim par bya ste/ bdag la byin gyis brlab pa dang / mngon par byang chub pa'i rim pa dag go/ /zla ba'i dkyil 'khor zhes bya ba la sogs pa la/ rnam par snang mdzad ni yi ge oM ste/ de yongs su gyur pa las skyes pa'i gzugs chen ni rnam par snang mdzad chen por bdag nyid bsams la/de'i rjes la lan grangs lnga bcu ni a la sogs pa nas k+Sha'i bar du yi ge'i phyi mo ste/ de yongs su gyur pa las byung ba'i zla ba'i dkyil 'khor spyi bor bsams te/ de'i 'og tu sha tsi ni lce ste/ de ni gnas pa ni zla ba'i dkyil 'khor gyi bdud rtsi myang bar 'dod pa dang /rkan gyi bu gar gnas par bsgom zhing 'bar ba rdo rje ni me'i sa bon yi ger bkod la/ de las byung ba'i 'od zer gyis bdud rtsi bzhu la/ me 'chi sbyor ba ni bdud rtsi dgug par bya ste/ las kyi rgyal ba mchog go/ /rdo rje kyo ba gzugs po che//zhes bya ba la sogs pa la/ 'dir ni mkha' spyod dang sa 'og spyod rnams gtsug tor rgyal po dang gnod mdzes rgyal po dag gis 'gugs pa bshad pa yin te/ de la rdo rje dang lcags kyu rnam pa'i gtsug tor 'khor los sgyur ba'i rgyal po bsam par bya'o/ /ji lta bu zhe na/'bar ba'i rdo rje ni me ste/ de dang 'dra ba'i 'od ni de'i ma dngas dang ldan pa'o/ /de'i rjes la rdo rje dkyil 'khor ni rlung gi dkyil 'khor bsams te/ nam mkha'i bu mo ni lha'i bu mo'i rigs de'i steng du bsams te 'od zer gyi 'khor lo lcags kyu dang 'dra bas dgug par bya'o//ji lta bu zhe na/ mchog ni myur ba dang sgom pa'i bde bas so/ /de bzhin du khro bo rdo rje dam tshig ni sa 'og la gnas pa'i khro bo gnod mdzes rgyal por rang gi bdag nyid bsams te/ tri shU la ni rtse gsum ste/ de dang 'dra ba'i rdo rje kyo ba ste/ de'i gnas ni bskul bas snga ma bzhin du rlung gi dkyil 'khor gyi sbyor bas lha ma yin gyi bu mo dgug par bya'o//bskyed pa'i rim pa'o/ /da ni 'khrul 'khor gyi sbyor bas 'gugs pa bshad par bya ba'i phyir/ btsag gam rdo rgyus dag kyang rung / /zhes bya ba la sogs pa gsungs te/ btsag ni khams kyi rdzas so/ /rdo rgyus dang de'i khyad par te de nyid dang po dpa' bo'i tshong gis blangs te/rdo rje lcags kyu dang 'dra bar byas pa'am bsgoms te/ zla ba gzas ni 'dzin pa'i tshe/ /zhes pa'i zla ba gzas zin pa'i dus su kha ni rdo rje dang pad+ma'i nang du bcug la/ bsgrub par bya ba ni 'dzin par bya'o/ /de nas btang ba'i dus su drag po la sogs pa'i ming de la bris te/de rnams 'gyur zhing 'gugs par 'gyur ro/ /rdo rje gsum gyi bka' bzhin du/ /zhes pa ni rdo rje 'chang gi gsung bzhin du nges par 'gyur ro zhes ston te/ bskyed pa'i rim pa'o/ /yang na rdo btsag ni srog gi rlung ngo / /rdo rgyus ni rtsol ba'i rlung ngo //de dag gnyis rdo rje kyo ba'i sbyor ba ni/ me dang mnyam pa'i rlung gi sbyor bas skam pa dang bya rog gi mchu bzhin du 'dzin par 'gyur ro / /zla ba ni byang chub kyi sems dang / gza'i khrag ste/ de dag gi tshe ni rtsa dbus ma ste/ de nyid kha ni rtse mor srog dang rtsol ba dang shu kra dang rak+ta de rnams bcug nas bsgrub pa ni 'dzin par bya'o//de nas drag po la sogs pa ni srog la sogs pa'i rlung bcu'i nang na/ rlung gang la ming ni rang gi ngo bo bris pa ni de la zhugs pa ste/ rlung de yang 'jigs shing skrag pa ni dbang du gyur pas 'ong bar gyur pa ni/de nyid du ro gcig par 'gyur ro/ /rdo rje gsum gyi bka' zhes pa ni snga ma bzhin te/ 'bras bu'o/ /rnam pa gzhan gyis 'gugs pa bshad par bya ba'i phyir/ rnam pa'i mchog rnams kun ldan pa/ /zhes bya ba la sogs pa gsungs te/ yi ge maM las byung ba'i bcom ldan 'das 'jam pa'i rdo rje mtshan la sogs pas brgyan pa bsgoms te/de'i bka' byed pa gshin rje gshed dang po yin pa'i phyir/ 'dzin pa ni rdo rje dang kyo ba bsnams pa/ bskal pa sreg pa ni bskal pa'i me 'bar ba bzhin du bsams te/ g+ha tsha traM ya ke Ni A kAR+Sha ya hrIHzhes bya ba brjod cing de nyid byed du 'dzud la/des kyang 'khor lo chen po ni rlung gi dkyil 'khor la gnas pa'i gnod sbyin mo bkug cing mdun du bzhag par bsams la/ gnod sbyin mo de mnyes par bya ni/ bdag po'i sgo nas 'gugs pa ste bskyed pa'i rim pa'o/ /dgug pa'i yul bshad par bya ste/kun gyi phyag rgya'i khyad par dang / /zhes bya ba la sogs pa la/ phyag rgya'i khyad par ni rnam pa'i dbye ba dang / sngags kyi khyad par ni rigs kyi dbye ba ste/ de dag gis dgug par bya ba ste/ gzhan du rnal 'byor pa de 'jigs par 'gyur ba'o/ rnam pa gzhan la sngags gzhan sbyor na skyon yin no/ /de bas na ci dang 'dra ba'i rnam pa dang 'dra ba'i sngags te/ tshig gi don de kho na bzhin du dpe bstan pa'o/ /yang na gal te rnam pa dang sngags 'dres par gyur na/ de'i tshe skyon de sel bar bya ba'i phyir/ rdo rje sems dpa' rgyal po che ni rdo rje 'chang chen po/yang dang yang du bskul bar bya ba ni de nyid kyi rnam pa skad cig ma re re bsgom par bya'o/ /de ltar byas na sngags dang phyag rgya 'dres pa'i skyon mi 'byung ba ste/ dam tshig nyams pa'i dus su las rdo rje'i rnam pa sgom pa bzhin du'o/ /'dir ni bcom ldan 'das rdo rje 'chang chen po/de nyid sngags rnams thams cad ni/ rnam pa dang / rig sngags dang / phyag rgya rnams kyi rgyal po ni gtso bo ste spro ba dang bsdu bar mdzad pa'o/ /gzhan yang mchog tu rtag par ni mi 'jig pa'i rang bzhin te/ de bas na de'i rnam par thob pas sngags thams cad kyi sku yin la/'dres pa dang ma 'dres pa gang yang rung bar byed pa de ni gnod par mi 'gyur ro/ /rab tu byed pa las kyang / glang po rnyed nas 'phral du ni/ /zhes bya ba la sogs pa 'byung ngo / /de nas zhes bya ba la sogs pa la/ kun du ni thams cad rnam par 'khrul pa las thams cad pa nyid du/ye shes rdo rje ni bya ba nan tan sgrub pa'i ye shes gang la yod pa de ni de bzhin te/ de zhes bya ba'i ting nge 'dzin la snyoms par zhugs nas 'di zhes pa ni 'og nas 'chad par 'gyur ba'i rdo rje ni bdud rtsi 'khyil pa'i btsun mo thor tshugs gcig ma ni ral pa gcig ma ste/dam tshig chen po'i rgyal po ni don yod grub pa ste/ de nyid kyi gzhan gyis mi thub pa'i gsung rdo rje ni sngags te/ de nyid rdo rje mchog ni/ rig sngags gtso bo nyid kyi sku/ /zhes bya ba la sogs pa snga ma bzhin no/ /oM ni rdo rje 'chang chen po'o/ /shu li ni zhes pa ni gdug pa rnams la nad skyed pa'i phyir/de nyid kyi bod pa ni shu li ni'o/ /swA hA ni zhi ba'i phyir ro/ /sngags 'di gsungs pa tsam gyis klu'i bu mo ni/ 'jog po la sogs pa klu'i bu mo rnams te/ de dag gi tshig par gyur pa ni 'dod chags kyi mes gdungs par gyur pa dang / gos dang bral ba ni rang gi ming rnams kyis gzung ba'i phyir gos bor zhing 'bros par 'gyur ba ste/sangs rgyas ni don yod grub pa ste/ de nyid kyi byang chub ni rnam pa rjes su dran pa ni bsgoms pas so/ /klu'i bu mo gcig po ma yin gyi klu thams cad ni 'jog po la sogs pa yang rig sngags 'di nyid kyis 'gugs par 'gyur ro//de nyid kyi phyir klu mo mig bzangs ni gzugs dang rgyan la sogs pa dang ldan pa de nyid bkug cing mnyes par bya'o/ /'dir ni sbyor ba 'di yin te/ 'gegs nas shi ba'i bram ze mo'i thod par klu'i rgyal po dang de'i bu mo'i gzugs brnyan da du ra dang rgya skyegs kyi khu bas bris te/gdol pa mo'i rang byung gi me tog gis gos pa'i ras sngon pos bkab la ral pa gcig ma'i rnal 'byor gyis de'i sngags bzlas shing rdo rje dang lcags kyus mtshan pa'i rkang pa g.yon pa dang g.yas pa dag gis rim gyis g.yas brkyang ba dang g.yon brkyang bas thod pa de nyid mnan cing ji srid du gnas par bya ba de srid du klu'i bu mo la sogs pa 'gugs par 'gyur ro//de nas zhes bya ba la sogs pa nam mkha'i dam tshig ni snang ba mtha' yas te/ de las 'byung ba de ni skye ba gang la yod pa de nam mkha'i dam tshig 'byung ba'o/ /rdo rje ni khro gnyer ma'i ting nge 'dzin gang la yod pa de la snyoms par zhugs nas/dam tshig chen po ni snang ba mtha' yas te/ de nyid kyi rdo rje ni khro gnyer ma ste/ de nye bar btags pas rig sngags kyang de bzhin du bshad pa ste de nyid kyi sku zhes bya ba la sogs pa snga ma bzhin no/ /oM ni rdo rje 'chang rjes su dran pa'o//b+ha ya ni srin po la sogs pas byas pa'am/ 'jigs pa brgyad de de rnams na sha ni zhes pa ni 'jig par mdzad pa'o/ /gdug pa rnams la 'bru tshugs su blta bas na b+h+r-i ku Ta ste khro gnyer ma'o/ /da Shi zhes pa ni gdug pa gsod pa'o/ /wI ti zhes pa ni khyad par du gsod pa'o/ /shwe te zhes pa dkar po ste/'ba' zhig pa'i dkar po'i phyogs la gnas pa'o/ /shwe ta dza Ti ni zhes pa ni byang chub kyi sems dkar po'i rang bzhin gyi snang ba mtha' yas kyis ral pa'i cod pan du brgyan pa'o/ /swA hA ni zhi ba'i don du'o/ /sngags 'di gsungs pa tsam gyis rig pa 'dzin pa'i bu mo rnams/'dod pa'i lha'i tshogs kyis 'dar bar gyur nas/ ye shes rdo rje ni snang ba mtha' yas rjes su dran pa ni bsgoms so/ /de nyid kyi phyir sngags kyi rig pa 'di ni khro gnyer ma'i rig sngags kyi dam tshig la gtso bo ni sgrub pa pos/ gser gyi rna cha g.yo ba ni rgyan dang bcas pa'i rig pa 'dzin pa'i bu mo dgug cing gnyer bar 'gyur ro//'dir ni sbyor ba 'di yin te/ dur khrod kyi ras la thal chen gyis rig pa 'dzin pa'i bu mo bris te/ de'i skye gnas la dzi hi dmar po bkod la/ khro gnyer ma'i ting nge 'dzin gyis rdo rje lcags kyu byin gyis brlabs pa'i rkang pa g.yon pas nu ma gnyis kyi bar gnon cing rig sngags 'di nyid bzlas shing rnal 'byor pas ji srid du gnas pa'i bya ba de srid du de nyid 'bar bar 'gyur ro//de'i rjes la 'dod chags kyis gdungs pa'i rig pa 'dzin pa'i bu mo des sgrub pa po la 'khyud par byed do/ /de ni sngar bshad pa'i sngags rnams kyi bzlas pa'i khyad par bshad par bya ba'i phyir/'gog pa'i rdo rje rgyal po ni/ /zhes bya ba la sogs pa gsungs te/ 'gog pa rdo rje ni rnam par rtog pa thams cad dang bral ba'i 'od gsal ba ste/ de nyid mdzes pa dang snang bas na rgyal po ste/ de la yongs su gyur pa ni zhugs pa dang /mchog ni phul du byung ba dang mdzes pa ni 'jug pa la sogs pa'i rang bzhin/ rdo rje gsum ni yi ge gsum las byung ba'i bzlas pa ni rdo rje bzlas pa ste/ ma ning gi bzlas pa'i rang bzhin no/ /de ma thag tu ni de'i sgo nas skad cig ma gcig gis sngar bshad pa'i de rnams thams cad 'gugs par 'gyur te/de kho na nyid la zhugs pas thams cad dka' ba ma yin pa 'grub pa'i phyir te/ rdo rje bzlas pa'i rim pa'o/ /yang na zhes bya ba la sogs pa yang na thams cad ni de bzhin gshegs pa la sogs pa dang khro bo rnams la 'bum bzlas pas/ dgon pa chen po la sogs par gnas pa'i rnal 'byor pas sngar bshad pa'i las rnams thams cad ni zhi ba la sogs par 'grub par byed pa'o//de la yang de bzhin gshegs pa la sogs pa'i sngags kyang gang yang rung ba'i sngags bzlas na/ de'i tshe lha de nyid kyang yid kyis bsgom par bya ste/ bskyed pa'i rim pa'o/ /mngon spyod kyi yul bshad par bya ste/ rdo rje slob dpon smod pa dang / /zhes bya ba la sogs pa la/ rdo rje slob dpon smod pa ni bla ma la sun 'byin pa'o/ /theg pa chen po smod pa ni gcer bu la sogs pa mu stegs pa rnams te/ de dag thams cad nan tan du gsad par bya'o//gal te las byed par mi 'dod na de'i tshe/ gnas nas spro ba ni bskrad par bya'o/ /las 'di nyid kyis snga ma bzhin du rdo rje slob dpon la sogs pa smod par byed pa rnams la byang chub mchog ni mi bskyod pa la sogs pa'i zhing la skye ba bstan to/ / de bzhin du bdag gis kyang sngags kyi dngos grub thob par 'gyur te/ bskyed pa'i rim pa'o/ /yang rdo rje slob dpon ni 'khor ba'i spyod pa la 'jug par byed pa'i nyon mongs kyi yid dang yid kyi rnam par shes pa dang / kun gzhi rnam par shes pa'o/ /smod pa ni de dang 'brel pa dang ldan pa'i rang bzhin rnams so//chen po ni yul lnga ste/ de rnams la 'gro bas na theg pa chen po ste dbang po rnams so/ /de rnams kyi mchog ni mig la sogs pa'i rnam par shes pa rnams te/ 'jug pa'i rnam par shes pa'o/ /smod pa ni de'i rang bzhin rnams te/ de dag thams cad bsad pa ni 'od gsal ba la zhugs par bya'o//ji ltar zhe na/ nan tan du zhes pa ni snang pa la sogs pa'i rim pas so/ /yang na gnas ni 'od gsal ba de nyid las nye bar thob pa la sogs pa'i rim pas de rnams spro ba ni spro bar bya'o/ /ting nge 'dzin 'dis byang chub mchog ni 'od gsal ba'i mtshan nyid can gyi rnam par dag pa dang /sngags ni ye shes kyi sku'i dngos grub thob par 'gyur te/ sems rnam par dag pa'i rim pa dang bdag la byin gyis brlab pa'i rim pa dag go/ /phyogs bcu'i sems can thams cad kyi zhes bya ba la sogs pa la/ mngon spyod la snod du rung ba rnams phyogs bcu na gnas pa'i sems can gyi khams kyi lus la sogs pa gsod pas/sdig pa chen po nyid du bsgoms pas / de'i tshe gdug sems ni dgra bo rnams gsod par bya ste/ gzhan du na skyon med pa dang skyon phra mo'i sgo nas drag po'i las mi rigs so//mngon spyod byed pa'i cha lugs kyi khyad par bstan par bya ste/ khrag dang chu yis gsher ba'am/ /zhes bya ba la sogs pa la/ khrag dang chu ni byang chub kyi sems dang bshang ba dang / gci ba ni gsang ba'i rdo rje chu ste/ de rnams blangs la/ gos ni mi'i pags pa ste sha'i rang bzhin no//de bas na bdud rtsi lnga'i go gyon pa / snga ma bzhin du khro bo'i sngags brjod cing / ling+ga ni gzugs brnyan rkang pa g.yon pas gnon cing / rdo rje 'chang chen po'i rnal 'byor pas mngon spyod bya'o/ /de la gang gi tshe gos de nyid bskams pa de'i tshe dgra bo de shi bar 'gyur ro/ /chu yis gos rnams gsher byas zhes bya ba la sogs pa la/mi bskyod pa'i rnal 'byor pas chu ni rdo rje'i chus gsher ba'i gos gyon par bya'o/ /rin chen 'byung ldan dang rnam par snang mdzad kyi rnal 'byor pa dag gis/ bshang ba dang gci ba ni ci bzhin du 'byung ba'i khrag gis gsher ba'i gos gyon par bya'o//don yod grub pa'i rnal 'byor pas/ rul pa ni rnag gi dbang gis te/ de nyid kyis dri ngan pa dang ldan pa'i gos gyon par bya'o/ /snang ba mtha' yas kyi rnal 'byor pas thal ba'i skyo ma ni/ shin tu dkar ba'i byang chub kyi sems kyis gsher ba'i gos gyon par bya'o/ / de rnams thams cad kyang / gcer bu dang skra bshig pa yin no/ /gzhan yang gtsigs pa ni khro bo'i rnam pa dang ldan pa dang / 'jigs pa'i tshul ni yid kyis khros pa dang / g.yas brkyang ba'o/ /de rnams kyi ling+ga ni sngar bshad pa'i gzugs brnyan bya ba ste sgrub pa'o/ /da ni gnas bshad par bya ste/ma mo'i gnas sam/ dur khrod dam zhes bya ba la sogs pa la/ ma mo ni 'jig rten gyi ma mo brgyad de/ dbang mo la sogs pa'o/ /de rnams kyi gnas su rdo rje 'chang chen po'i rnal 'byor pas bya'o/ /dur khrod la mi bskyod pa'i rnal 'byor pas so/ /khang stong la rin chen 'byung ldan gyi rnal 'byor pas so//bzhi mdo la rnam par snang mdzad kyi rnal 'byor pas so/ /mtshan ma gcig la don yod grub pa'i rnal 'byor pas so/ /shing gcig drung gi gnas la snang ba mtha' yas kyi rnal 'byor pas mngon spyod kyi las bya ste/ yul gyi dbye ba bstan to//da ni phur bu gdab pa bshad par byas te/ mi rus las byas phur bu ni/ /zhes bya ba la sogs pa la/ mi'i rkang sor brgyad pa ste/ khro bo'i sngags kyis brgya rtsa brgyad du bzlas shing dgra bo'i sgo ru brkos nas sbas na de'i tshe/ sangs rgyas ni rgyal ba ste/ sku gsum ni sku gsum gyi rang bzhin dang /mchog sbyin pa ni rjes su gzung bar mdzad pa dang / shes pa dang mi shes pa ni dngos po dang dngos po ma yin pa dag /rnam spangs ni rtog pa med pa yang / zla ba phyed ni yun ring ma yin pas 'chi bar 'gyur te/ sbyor ba'i khyad par bstan to//yang na thod par gang ba dag /ces bya ba la sogs pa la/ gdol pa mo'i ma chag pa'i thod pa la khro bo'i sngags kyis spel ba'i bsgrub bya'i ming bris te/ de med na ta la'i lo ma la sogs pa la yang bris shing dgra bo'i sgo ru brkos nas sbas na mngon spyod 'grub par 'gyur ro/ /dam tshig chen po ni mngon spyod la sogs pa ste/de rnams kyi dpal ni bskyed pa'i rgyu rdo rje ni rdo rje 'chang gis de skad bka' stsal to zhes pa dang sbyor ba ni rnal 'byor pa thams cad kyi thun mong gi las te/ bskyed pa'i rim pa'o/ /gnod mdzes kyi sngags kyi phyi ma bshad pa'i phyir/ de nas zhes bya ba la sogs pa gsungs te/thams cad ni sems can thams cad de/ de rnams la de bzhin ni bgegs nyid du gshegs pa ni 'gro bar 'gyur te/ de bzhin gshegs pa thams cad ni 'jig rten skyong ba rnams te/ de dag gi sku la sogs pa ni lus la sogs pa nges par bcing ba ni phur bus gdab pa la/rdo rje ni phyed pa ste/ de zhes bya ba'i ting nge 'dzin la snyoms par zhugs nas/ khams gsum pa thams cad kyi ngo bo 'jig rten skyong ba rnams kyi sku la sogs pa ni lus ngag yid gnon pa'i rdo rje ni/ khro bo'i sngags kyi dum bu nyid kyi sku la sogs pa las phyung ngo / /de la sngar bshad pa'i dum bus ni 'gugs pa'o//phyi mas phur bu 'debs pa ste/ oM ni rdo rje 'chang chen po'o/ /g+ha g+ha zhes bya ba ni khros pa la tshig gnyis so/ /g+hA ta ya zhes pa ni sod cig ces ston to/ /ji ltar zhe na/ kI la ya zhes pa ni phur bu btab pa'i sbyor bas so zhes ston to/ /sarba pA pa ni bgegs rnams so//yi ge hUM gsum po ni lus la sogs pa la bskul ba la'o/ /badzra d+ha ra Adz+nyA pa ya ti zhes pa ni bskur ste bskyed pa'i phyir ro/ /hUM dang phaT ni khros pa la'o/ /sngags kyi dum bu 'di gsungs pa tsam gyis sangs rgyas kun ni brgya byin la sogs pa ste/ rdzu 'phrul chen po ni rdzu 'phrul thob pa yang brgyal ba ni dran pa med par 'gyur ba dang /'jigs par 'gyur nas rdo rje thugs ni mi bskyod pa dran 'gyur ni bsgoms so/ /'dir sbyor ba bshad par bya ste/ mi rus las byas phur bu 'am/ /zhes bya ba la sogs pa la/ mi'i rus pa'am seng ldeng la sogs pa rnams kyis phur bu byas te/rdo rje sems dpa'i rnal 'byor gyis de nyid 'od 'phro 'khrug pa ni 'od zer 'bar ba dang ldan par bsams te/ dkyil 'khor gyi phyogs la sogs pa ru/ rdo rje gsum ni bgegs rnams kyi sku ni lus te mgo bo nas brtsams te/ ji srid rkang pa'i bar du sbyar bar bya ste/de'i tshe phur bu 'debs pa 'grub bo/ /rnam par snang mdzad rgya chen nam/ /zhes bya ba la sogs pa la/ rnam par snang mdzad dang snang ba mtha' yas la sogs pa'i ting nge 'dzin mngon du byas la/ gshin rje gshed dang bdud rtsi 'khyil pa'i ngo bo'i phur bu bsams te/de yang steng du khro bo'i rnam pa dang 'og tu rdo rje rtse gcig pa'i ngo bo snga ma bzhin du gdug pa rnams la zhugs par bsams na/ rdo rje sems dpa' yang 'chi bar 'gyur ro zhes phul du byung ba'i tshig ste/ bskyed pa'i rim pa'o/ /dbye ba gzhan gyis phur bu gdab pa bshad par bya ba'i phyir/de nas zhes bya ba la sogs pa gsungs te/ sku ni rnam par snang mdzad kyi sku ste/ de nyid kyi rnam par 'phrul pa ni bsgrub bya'i lus la phur bu 'debs pa ste/ de nyid rdo rje ting nge 'dzin gang la yod pa de la snyoms par zhugs nas/ sku'i dam tshig ni lus te/de nyid tsham dam 'gugs pa ste/ de'i rjes la rdo rje gnon pa ni brtan par phur bu 'debs pa ste/ de'i don du sngags 'di nyid kyi sku zhes bya ba la sogs pa snga ma bzhin no/ /oM ni rnam par snang mdzad do/ /ts+tshin+da zhes pa ni chod ces ston to/ /ha na zhes bya ba la bsgrub bya'i lus sod cig ces par ston to//dip+ta badzra zhes pa ni rdo rje 'bar ba ste/ bod pa'i tshig go/ /hUM dang phaT ni khros pa la'o/ /sbyor ba bshad par bya ba'i phyir/ phan tshun dkri ba'i tshul du zhes bya ba la sogs pa la/ phan tshun dkri ba ni snyoms par zhugs pa ste/ mthe bong ni rdo rje ste/gzhi ni lha mo spyan gyi pad+ma/ bsdam pa de dag sbyar zhing rnam par snang mdzad tshul gnas ni yi ge oM ste/ de'i 'od zer rnams kyis bsgrub bya'i lus bkug cing / pad+ma'i nang du zhugs te yi ge oM gyis byin gyis brlabs pa'i rdo rje phur bu ni rengs pa'i rdo rjes nges par btab ni phur bus gdab par bya'o//btab ma thag tu sems dpa' che/ /zhes bya ba la sogs pa la/ /phur bus btab ma thag tu sems dpa' che ni bsgrub bya'i lus te/ rdo rje gsum las byung ba ni lus ngag yid kyi rang bzhin gyis khams rnams dang / ldang bar 'gyur ba ni nus pa dang bral bar gyur pa'am/'chi ba'i gnas su gyur pa ni zad par 'gyur ro/ /ngag la phur bus gdab pa'i phyir/ /de nas zhes bya ba la sogs pa gsungs te/ 'jig rten dbang phyug ni 'od dpag tu med pa'o/ /des byas pa'i gsung rnam par 'phrul ba ni/ ngag la phur bus gdab pa de nyid brtan pas na rdo rje ste/de zhes bya ba'i ting nge 'dzin la snyoms par zhugs nas/ gsung gi dam tshig ni lce de la gnon pa ni phur bus gdab pa/ ngag dgug pa sngon du 'gro ba de'i sngags gsungs so/ /oM ni rdo rje 'chang chen po'o/ /hrI ni gsung gi sa bon no/ / b+hur b+hu wa zhes bya ba 'jig rten gsum gyi ngag ste/ de la phur bus gdab par bya/ /zhes tshig gi lhag ma'o/ /'od dpag tu med pa'i rnal 'byor pas/ gos dkar mo'i kha phye ba'i pad+mar rdo rje sor mo ni rdo rje rtse mo zhugs shing / 'dod chags rdo rje tshul ni de'i rtse mor yi ge a dgod cing / de'i 'od zer gyis bsgrub bya'i lce dgug cing de'i nang du zhugs la/ rdo rje phur bus gdab par bya'o/ /btab ma thag tu ni lce phur bus btab na sku gsum dri med ni rnam pa gsum gyi sgra ste/ de 'byung ba ni skyed par byed pa'i sgra'o/ /ldang ba ni lkugs par 'gyur ba'am/ yang na shi bar 'gyur te zad par 'gyur ro//de nas zhes bya ba la sogs pa la/ thugs ni mi bskyod pa ste/ des byas pa'i rnam par 'phrul pa ni bsgrub bya'i sems la phur bus gdab pa de nyid rdo rje ste/ de zhes bya ba'i ting nge 'dzin la snyoms par zhugs nas/ thugs kyi dam tshig ni sems te de la tsham ngam zhes bya ba la sogs pa ni snga ma bzhin no//oM ni rdo rje 'chang ngo / /de'i rang bzhin/ badzra rA ni sems so/ /hUM zhes bya ba ni kye thugs rdo rje sangs rgyas kyi zhing la/ dzaHni song shig ces bya ba'i don to/ /mi bskyod pa'i rnal 'byor pas mA ma kI'i pad+mar rdo rje rtse lnga po 'od spro ba rang gi rdo rje bcings pa ni zhugs te rdo rje thugs kyi gnas ni/yi ge hUM de'i rtse mor bkod la de'i 'od zer gyis bsgrub bya'i snying gnas yi ge hoHgnyis kyis spel ba yi ge gsum gyi rnam pa'i sems dgug cing de la zhugs te/ rdo rje phur bus gdab par bya'o/ /btab pa tsam gyis rdo rje che ni/de'i sems phur bus btab ma thag tu rdo rje gsum ni dge ba dang mi dge ba dang lung du ma bstan pa rnams kyis 'byung ba ni sems te/ ldang ba ni smyo bar 'gyur ba'am/ yang na 'chi ba ni bsgrub bya'i lus las 'byung bar 'gyur ro zhes ston to/ /cho ga legs pa brjed mi ngas pa'i bsgom pa'i lam gyis sku gsung thugs ni rnam par snang mdzad la sogs pa'i sbyor ba ni ting nge 'dzin la dmigs te bsgoms na/de'i tshe mkha' dbyings nam mkha' dbyings pa'i na du mtha' yas pa'i sems can rnams la phur bus 'debs par 'gyur na bsgrub bya la smos ci dgos zhes phul du byung ba'i tshig go//chen po ni 'jig rten skyong ba rnams te/ de rnams rjes su phur bus 'debs pa'i phyir/ rdo rje phur bus ni rdo rje 'chang chen pos de skad bka' stsal to zhes pa dang sbyar ro/ /de nas zhes bya ba la sogs pa la/ de nas zhes pa ni bstan pa'i 'og tu sangs rgyas ni mi bskyod pa la sogs pa dang /sku gsum ni lha mo rnams dang / mchog ni byang chub sems dpa' rnams dang / sems can gyi khams bgegs 'dzoms pa'i phyir/ sems can khams la phan mdzad pa ni khro bo rnams te/ de rnams thams cad mnyes pa ni chos thos pa dang /rab tu dgyes 'gyur ba ni bsam pa dang sgom pa dag gis te/ gsung pa de ni bskur sti'i tshig tu gsungs so/ /ji lta bu zhe na/ e ma'o gsang ba'i gnas kyi mchog ces bya ba la sogs pa la/ gsang ba'i gnas ni zhi ba la sogs pa la / mchog ni sngags la sogs pa dang /snying po ni de bzhin gshegs pa rnams te/ de dag bsdus pa ni/ yi ge gsum bzlas pa ste/[ (]da [,]de [)]bzhin du chos thams cad ni sngags rnams kyi gnas zhi ba ni rang bzhin gyis dag pa ste/ de yang shin tu ngo mtshar ba'o/ /rdo rje ni lha'i bu mo la sogs pa ste/de rnam par 'joms pa ni 'gugs pa ste/ de yang shin tu ngo mtshar ba'o/ /sangs rgyas thams cad ni 'jig rten skyong ba rnams dang / byang chub sems dpa' ni tha mal pa'i bsgrub bya rnams dang / grags chen ni rgyal po la sogs pa dang / sku gsung thugs ni rdo rje dang pad+ma/snyoms par zhugs pas gang zhig phur bus 'debs par gsungs pa de yang shin tu ngo mtshar ba'o/ /'dir yang sngags rnams thams cad ni khro bo la sogs pa'i sngags rnams kyis/ gang zhig phur bus 'debs pa de yang / de nyid las byung ba ni rdo rje 'chang chen po rjes su dran pa las skyes pa dang /sku gsung thugs ni sgrub pa po rnams la mchog byin pa ni dngos grub ster ba ste/ sngags de nyid kyi bsdus pa ni/ rdo rje bzlas pa sngon du 'gro ba ste/ de yang shin tu ngo mtshar ba'o/ /sku gsung thugs ni bsgrub bya rnams la rmad du byung ba ni zhi ba la sogs pa dang sngags ni rig sngags rnams dang /'gugs pa dang rnam par 'phrul pa ni phur bus 'debs pa ste/ de rnams nyid rgyal bo ni gtso bor gyur pa'i le'u gang la yod pa de gtso bor gyur pa'i gzhung gi tshogs kyang de bzhin du bshad pa'o/ /rgyud 'grel las le'u bcu bzhi pa'i tshig gi don bcu drug gi bshad pa'o// le'u bcu bzhi pa'i tshigs su bcad pa'i grangs sum brgya drug cu'o// //gal te las kyi tshogs kyi sgo nas mngon par zhen par rags par gyur na/ de'i tshe de spang bar bya ba'i phyir sgyu ma lta bu'i ting nge 'dzin mngon du bya ste/ de'i phyir le'u bco lnga pa bstan par bya ba'i phyir/de nas zhes bya ba la sogs pa gsungs te/ rdo rje ni 'od gsal ba ste/ de 'dzin pas na rdo rje 'dzin no/ /rdo rje ni sgyu ma'i sku ste/ de nyid 'dzin pa ni 'od gsal ba las spro bas na rdo rje 'dzin no/ /'ja' tshon dang 'dra ba'i skus mdzes pas na rgyal po'o/ /thams cad nam mkha' ni sgyu ma'i dpe bcu gnyis te/de gzigs pas na thams cad nam mkha'o/ /che ni nyan thos dang rang sangs rgyas rnams te de dag gi nang na/ mi 'gyur ni 'jig par mi 'gyur bas mi 'gyur che'o/ /thams cad dbang bskur ba ni mngon par byang chub pa'i rim pa 'jug pas thams cad dbang bskur ro//kun ni 'dod chags dang 'dod chags dang bral ba dang 'dod chags bar ma'i rang bzhin rnams te/ de dag 'od gsal ba la zhugs par mkhyen pas na kun mkhyen no/ /rdo rje ni sgyu ma lta bu'i ting nge 'dzin te/ de'i tshul ni lam bka' stsal pa ste/ sems rnam par dag pa dang bdag la byin gyis brlab pa dang /mngon par byang chub pa'i rim pa rnams so/ /sme sha can ni bdag nyid che/ /zhes bya ba la sogs pa la/ lo grangs bcu gnyis pa ni lo de rnams lon pa/ sme sha can ni rigs tha ma'i bu mo/ sgrub pa ni sngags dang phyag rgya'i rim pas yon tan dang ldan par bya'o//sme sha can ji lta bu zhe na/ rab tu grags pa'i gdol pa'i las byed pa'o/ /gang du bsgrub ce na/ dben pa'i skye bo'i tshogs dang bral ba'i ri bo la sogs pa'i gnas su'o/ ji ltar zhe na/ khyad par du zhes pa ni dad pa la sogs pa'i sems las byung ba'i yon tan gyis te/ji srid rdo rje 'chang chen bo'i go 'phang thob pa'i phyir ro/ /bshang gcis nye bar mtshon pa'i dam tshig ni dam tshig lnga ste/ sogs pa'i sgras ni de dang mtshungs pa'i tsan+dan la sogs pas gnas de ru gru bzhi la sogs pa'i yon tan dang ldan pa'i dkyil 'khor bya'o/ / ji ltar zhe na/ rdo rje dkyil 'khor bsgom pa ni rdo rje tshul gyi dkyil 'khor gyi cho ga la mkhas pa'i slob ma dang lhan cig tu'o/ /de'i 'og tu dkyil 'khor gyi cho ga'i rim pas mchod pa byas te/ bu mo de yang snga ma bzhin du rigs lngas byin gyis brlabs la bdag nyid mi bskyod pa'i ngo bo dang bu mo de yang mA ma kI'i ngo bor bsam par bya'o//bu mo de ji lta bu zhe na/ mtshan nyid thams cad yongs su dag /ces bya ba la sogs pa'i mtshan nyid dam/ byed pa dang yan lag 'khrud pa la sogs pa la mkhas pa ste/ de dag dang ldan pa dang de bzhin du bzhin yangs mdzes pa ni dga' ba bskyed ba'i dus su'o//rab tu bzang ba ni kha dog ljang gu'o/ /rgyan rnams thams cad ni brdungs pa dang bris pa dang / srog chags dang khams kyi rang bzhin te/ de dag gis yongs su rdzogs pa ni rgyan dang ldan par byas nas phang bar bzhag la/ oM sarba ta thA ga ta a nu rA ga Na badzra swa b+hA ba At+ma kou0f85haM/zhes pa'i sngags brjod la/ sngags kyi 'khor lo can ni de bzhin gshegs pa rnams la mchod pa byas pa yin no zhes bsams te/ rnal 'byor pas gnas par bya ste/ rang bzhin dang rgyu dang las dang 'bras bu rnams so/ /sku gsung thugs ni rdo rje can zhes bya ba la sogs pa la/de bzhin du rnam par snang mdzad kyi rnal 'byor pas 'od gsal ba las cig car du rnam par snang mdzad chen po'i sku spros te/ sku gsung thugs rdo rje can ni sku la sogs pa de rnams rdo rje'i rnam pa sgyu ma lta bu bsam ste / bsam gtan sngags ni bsam gtan te 'od gsal ba la zhugs pa dang /sngags ni de nyid las ldang ba ste bsam gtan sngags ni zhugs pa dang spros pa ste/ de'i sbyor bas sangs rgyas ni rdo rje 'chang chen po ste/ de'i 'od dang 'dra bar gyur cing / ut+pal mthing ga'i mdog dang 'dra ba'i btso blag ma lan gyi bu mo bdag nyid che ba ni lo bcu drug lon pa blangs te/lha mo spyan gyi rnam pas/ rigs lnga'i sa bon gyis byin gyis byin rlabs la/ rdo rje ni rang gi rdo rje dang pad+ma ni de'i gsang ba'i pad+ma ste/ de dag sbyor ba ni yang dag par sbyor zhing de'i rjes la cho ga de nyid ni sngags kyi yi ge dgod pas sbyor ba ni bskyod pa byas la/las rnams brtsams pa ni gsang ba'i mchod pa'i bya ba brtsam par bya'o/ /de nyid kyi phyir cho ga 'di ni sngags rnams thams cad de rnam par snang mdzad kyi rnal 'byor pa rnams kyi dam tshig ni mchod pa dang po ste 'da' dka' ni rtag tu spyod par bya'o/ /de ltar byed na de ma thag tu ni snyoms par zhugs ma thag tu rdo rje sems dpa' ni rnam par snang mdzad de/de'i 'od 'dra ba ni de dang 'dra bar 'gyur ro/ /chos thams cad sgyu ma lta bur 'dzin pas ni blo la bzhag pas ni chos rnams kun dang mtshungs pa'o/ /de bzhin du de kho na nyid kyi rin po ches mdzes pas na rgyal po'o//'dod dang thar pa ni 'od gsal ba dang bdag la byin gyis brlab pa'i rim pa ste/ /de dag rab tu byed pa ni mngon du byed pas na 'dod dang thar par sgrub pa ste/ rang bzhin dang rgyu dang las dang 'bras bu rnams so/ /rdo rje'i chos ni rnams bsgoms pas/ /zhes bya ba la sogs pa la/de bzhin du snang ba mtha' yas kyi rnal 'byor pas/ snga ma bzhin du khru nyi shu'i dkyil 'khor shin tu 'dus byas pa la rang bzhin rang gi bdag nyid cig car du gsung rdo rjer bsgoms te/ gar mkhan gyi bu mo bzhin bzangs ni/ lo nyi shu lon pa dang / rab mdzes ni kha dog dmar po dang ser po ste/mig dkyus ring ba ni pad+ma shin tu rgya che ba'am/ rgyas pa'i pad+ma dang 'dra ba'i mig yangs pa ste/ de nyid gos dkar mo'i ngo bo dang de bzhin gshegs pa lnga'i sa bon gyis byin gyis brlabs la/ rdo rje chos ni snga ma bzhin du rdo rje dang pad+ma dag sngags dgod pa sngon du 'gro ba yang dag par sbyor zhing /oM sar+b+ba ta thA ga ta a nurA ga Na zhes bya ba la sogs pa'i sngags rjes su dran pa sngon du 'gro ba'i snyoms par zhugs pa'i sgo nas gnas par bya'o/ /de'i tshe rnal 'byor pa de yang rdo rje chos ni snang ba mtha' yas te/ de'i bdag ni so sor rtog pa'i ye shes thob pa dang /sa bcu ni rab tu dga' ba la sogs pa ste/ de rnams la yang gnas par 'gyur ro/ /gsung gi dam tshig ni sna tshogs pa'i bstan bcos sprul pa dang / 'dzin pa ni lan cig gis bstan bcos gzung ba'o/ /rgyal po ni smra ba'i seng ge'i nang nas rgyal po'o//kun ni gcer bu pa dang / grangs can pa dang / rig pa pa dang / khyad par ba dang / dpyod pa pa la sogs pa rnams kyi mchog ni gtso bor gyur pa'o/ /dam pa ni bud med dam rgyal po'i bud med rnams te/ de rnams la shin tu yid du 'ong ba'i phyir/ dbang phyug ni bdag po nyid du 'gyur te/ngag gi de nyid dang 'dod pa'i de nyid dang / spros pa med pa'i de dag ste/ de kho na nyid gsum thob par 'gyur ro zhes pa tshig gi don to/ /rin chen dang las kyi rnal 'byor pa dag zhe sdang gi rigs kyi nang du bsdu ba ste/ de dag gis snga ma bzhin du sme sha can gyi bu mo bsgrub par bya ste/rang bzhin dang rgyu dang las dang 'bras bu rnams so/ /da ni rdo rje 'chang chen po'i rnal 'byor pa'i bsgrub ba bshad par bya ba'i phyir/ bram ze rgyal rigs rje rigs dang / /zhes bya ba la sogs pa gsungs te/ bram ze la sogs pa bzhi po las gang yang rung ba thams cad la dbang byed pa'i phyir bu mo rnyed nas snga ma bzhin du rdo rje chos dag ni/rdo rje 'chang chen po'i rnal 'byor pas bsgrub par bya'o/ /sgrub pa de lta bu gsang ba'i tshul 'di sngags kyi theg pa chen po'i tshul gyi mchog ni bzhi pa'i dbang bskur ba gtso bor gyur pa'i phyir ro zhes ston to//man ngag bzhi pa de nyid bshad par bya ste/ rdo rje nyi ma nub nas zhes bya ba la sogs pa la/ nub pa ni dus mtshams kyi skad cig ma la rdo rje nyi ma ni nyi ma ma nub pa'i dus su bla ma la mchod pa chen po byas te/ de nyid la phyag rgya ma phul zhing des gnang ba de nyid blangs te/mtshan phyed kyi dus su sgrub pa ni gsang ba'i mchod pa brtsams nas/ skya rengs 'char ba'i dus ni nang par gyi dus la de kho na nyid/ nyams su myong zhing sgom pa mchog ni rnal 'byor pa des 'grub par 'gyur ba ni dngos grub thob par 'gyur ro/ /yang na rdo rje ni dga' ba dang nyi ma'i ni mchog tu dga' ba dang /de dag nub pa ni zad par sgrub pa ste lhan cig skyes pa'i bde ba nyams su myong ba'i phyir brtsam par bya'o/ /de'i rjes la skya rengs 'char ba'i dus ni snang ba'i rang bzhin yin pa'i phyir lhan cig skyes pa'i dus te/ dus re la bsgom pa mchog ni 'dzin pa'i de kho na nyid rig pa'i rnal 'byor pa 'grub par 'gyur ba ni phyag rgya chen po dmigs par byed do//rab tu byed pa las kyang bla ma'i zhal gyi drin gyis ni/ /de nas de ni gsal mthong 'gyur/ /ma 'ongs pa dang 'das pa dang / /da ltar byung ba'i srid gsum ste/ /'od gsal rnam par dag pa yis//skad cig gcig gis kun mthong 'gyur/ /chu zla smig rgyu la sogs pa'i/ /sgyu ma'i yon tan rnams kyis brgyan/ /rdo rje lta bu'i ting 'dzin gyis/ /skya rengs shar ba'i dus su ni/ /byang chub shing drung rtsar bzhugs nas/ /des na bdud rnams 'joms par mdzad/ / yang dag ye shes bla na med/ /shAkya'i mgon pos thob nas ni/ /sems can kun la phan pa'i phyir/ /de nyid 'dir ni rab tu bstan/ /mngon par byang chub mtshan nyid ni/ /de nyid ye shes zhes bshad do/ /mtshams med lnga ni byed pa dang / /bsod nams dman pa'i mi gang dang //yid bzhin nor bu gzhan 'dra ba/ /bla ma'i drin gyis thob par 'gyur/ /rdzogs pa'i sangs rgyas ma 'ongs pa/ /'di ni ci 'dod las byed do/ /chags dang chags pa bral ba min/ /bar ma yang ni mi dmigs te/ /stong dang stong pa ma yin min/ /bar ma yang ni mi dmigs so//zhes bya ba la sogs pa 'byung ste/ /mngon par byang chub pa'i rim pa'o/ /de'i rjes la gzhan gyi don bya ba'i phyir rgyan thams cad ni mtshan dang dpe byad rnams kyis brgyan pa dang / dri dang me tog ni sgyu ma'i dpe rnams kyis brgyan pa rdo rje sems dpa' ni de bzhin gshegs pa rnams te/de dag gi mchog ni rdo rje 'chang gi sku/ /sgom pa ni cig car du spros na grub pa myur du thob par 'gyur zhes pa ni phyag rgya chen po'i dngos grub dang / rang dang gzhan gyi don gyi dngos grub rnal 'byor pas myur du thob par 'gyur te/ bdag la byin gyis brlab pa'i rim pa'o/ /rnal 'byor pa de ni sku gsum ni khams gsum pa rnams la mchog sbyin pa ni rjes su gzung ba'o//de bzhin du sangs rgyas mtshan ni rdzu 'phrul la sogs pa ste/ de rnams kyis mtshan par gyur pa ni brgyan par 'gyur ro/ /de bzhin du rang gi lus las 'byung ba'i snang bas/ dpag tshad brgya ni nye bar mtshon pa yin te/stong gsum gyi 'jig rten gyi khams kyang snang bar byed do/ /dbang po gnyis sbyor ba ni kun rdzob dang don dam pa'i bden pa gnyis su med pas/ sbyor ba thams cad ni ldang ba dang 'dug pa dang nyal ba dang 'chag pa rnams brtsam par bya ba ni bya ba ste zung 'jug gi rim pa'o//de nyid kyi phyir rnal 'byor pa 'di dngos grub thams cad ni 'jig rten dang 'jig rten las 'das pa'i dngos grub rnams kyi dam tshig go/ /de nas dam tshig ste de rnams so sor bshad par bya'o / /rab tu byed pa las kyang / brtul zhugs phreng ba sngangs pa dang / /de la gang yang mi bshad de/ / zhes bya ba la sogs pa 'byung ngo / /phyag rgya chen po'i dngos grub thob pa la rtag tu dam tshig ni bshang gcis nye bar mtshon pa'i rdzas lnga ste/ de rnams bza' bar bya'o/ /ji ltar zhe na rdo rje grub pa na yi ge gsum gyis brlabs nas so/ /dngos grub thams cad ni rnam par snang mdzad la sogs pa'i dngos grub pa'i phyir dam tshig ni sngags pa'i slob pa shin tu 'da' dka' ba ni spang bar mi bya'o zhes ston to//de bzhin du/ bshang gci dam tshig la sogs la/ /zhes bya ba la sogs pa la/ bshang gci ni srog dang rtsol ba ste/ de dag gi dam tshig ni yang dag par sbyor bas/dbang po gnyis sbyor ba ni 'og dang steng 'gog pa ste ma ning gi bzlas pas/ bla na med pa'i phul du byung ba'i dam tshig de kho na nyid 'od gsal ba 'grub par 'gyur ro/ /ji lta bu zhe na/ sangs rgyas ni phung po rnams te/ de dag gi byang chub ni rnam par mi rtog pa de nyid de/ de nyid kyi gnas so//zhi ba ni rang bzhin gyi don phun sum tshogs pa'i gzhir gyur pa'o/ /'dod pa ni snyoms par zhugs pa dang / thar pa ni bla na med pa'i mngon par byang chub pa dang / dam tshig ni bdud rtsi myong ba dang / rdo rje ni rdo rje bzlas pa gang las 'byung ba de ni de bzhin du bshad pa ste/ rdo rje 'chang chen po'o//de ni bsgrub pa dang rdo rje bzlas pa'i rim pa dag go/ /da ni gzhan yang 'gro ba'i don byas pa'i phyir las kyi chogs bshad par bya ste/ de nas zhes bya ba la sogs pa la/ dam tshig chen po ni rnam par snang mdzad de/ de'i khro ba ni 'phags pa gshin rje gshed do/ /de nyid kyi rdo rje ni sngags te/de zhes bya ba'i ting nge 'dzin la snyoms par zhugs nas/ de bzhin gshegs pa thams cad ni sems can thams cad de/ de rnams skrag par byed pa ni 'jig rten skyong ba rnams so/ /de rnams kyi yang khro bo ni gshin rje mthar byed de/ de dang dbyer med pas sngags kyang de bzhin du bshad pa ste/de nyid kyi sku zhes bya ba la sogs pa snga ma bzhin no/ /oM ni rnam par snang mdzad rjes su dran pa'o/ /hrIHni sgyu ma'i sa bon te gsung gi rang bzhin no/ /ShaN+r-i zhes pa ni rnam par gcig pa'i phyir thugs kyi sa bon no/ /de bas na sku gsung thugs kyi rang bzhin no//bi kr-itA na na zhes pa ni zhal drag po'o / /sar+b+ba sha trU na zhes pa ni 'jig rten skyong ba rnams/ nA sha ya zhes pa 'jigs shig pa'o/ /'bros pa de rnams kyang / s+t+waM b+ha ya zhes pa ni rengs shig pa'o/ /hUM ni bskul ba la'o/ /phaT ni khros pa la'o/ /swA hA ni mngon du byed pa'i phyir ro//da ni sbyor ba bshad par bya ba'i phyir/ dug ni khrag dang kun du sbyar/ /zhes bya ba la sogs pa gsungs te/ gru gsum pa'i me thab la tsher ma'i me sbar zhing me de yang dang po rgyal rigs sam rje'u'i rigs kyi khang pa nas blangs te/ gcer bu dang skra dkrol zhing gshin rje gshed kyi nga rgyal dang ldan pas dug dang khrag dang ske tshe dang lan tshwa rnams nyi ma phyed dang mtshan phyed na brgya rtsa brgyad du bzlas te/che ge mo 'di zhes bya ba wa sha mA nA ya hrIH/ zhes pa bu mo'i ming la brten te brjod cing zhag gsum bsregs na de'i tshe bu mo de rengs par 'gyur ro/ / bskal pa grangs med pa gsum du yang zhes pa ni gal te rnal 'byor pa dus de tsam gyis 'chi bar mi 'gyur na de'i tshe bskal pa de tsam gyi bar du 'grub par 'gyur ro zhes phul du byung ba'i tshig go/ /sangs rgyas ni tshangs pa dang chos 'dzin pa ni khyab 'jug dang / rdo rje sems dpa' ni drag po ste/gal te lha rnams bu mo de rnams kyi bdag po yin pas sgrub pa po'i sbyor ba las 'das par byed na de'i tshe de rnams kyi srog sbyor ba de nyid kyis zad par 'gyur te/ mi 'jig pa'i nus pa dang ldan pa'i sngags 'di yin no zhes ston to/ /'di nyid kyi sbyor ba gzhan bshad par bya ste/bcu bzhi'am yang na tshes brgyad la/ /zhes bya ba la sogs pa la/ mar ngo'i tshes brgyad pa'am bcu bzhi la bud med kyis rjes su 'brang ba'i skyes bu bsregs pa'i sol ba'i dum bu blangs te/ de nyid sngags 'dis byin gyis brlabs nas brgya rtsa brgyad du bzlas te/gshin rje gshed kyi dmigs pas sol ba de'i cha mgo bo la btab ma des ni sgrub pa po de la ster bar 'gyur ba ni nor dang 'bru la sogs pa ster bar byed pa'o/ /de bzhin du sngags 'di nyid kyis dur khrod kyi sol ba'i dum bu byin gyis brlabs la bsgrub bya'i gzugs thal bas bris te/'byung po'i zhag gi nyi ma phyed dang mtshan la/ sems drag pos bsgrub bya'i mgo bo la sol ba'i dum bu des sog le'i tshul gyi ri mo bris na dgra bo de de ma thag tu gnyis su phye zhing 'chi bar 'gyur ro/ /sngags 'di nyid kyis sa la sogs pa las byas pa'i gzugs brnyan la/tho ba ni rdo rje tho ba ste brgya rtsa brgyad du bzlas la/ de nyid hUM ni rab tu 'bar dang bcas/ /zhes pa ni 'bar ba'i rdo rjes mtshan par bsams te/ de'i mgo bo la drag po'i sems kyis mngon spyod kyi zhag la phab na bsgrub bya shi bar 'gyur ro/ / de nyid kyi phyir gdug pa thams cad ni bla ma la sogs pa smod pa rnams rdo rje tho ba 'dis 'jig par byed do/ /phyag na rdo rje'i rigs ni gal te de'i rigs la gdug pa yod na de yang 'jig par 'gyur to/ nus pa bstan to/ /de bzhin du sngags 'di nyid kyis rdo rjes mtshan pa'i sta re byin gyi rlabs kyis brlabs te/mngon spyod kyi rdzas rnams kyis dgra bo'i gzugs brnyan bris te/ dmar po la sogs pa'i rdo rgyus kyi sta res skyes pa'am bud med kyi mgrin pa bcad na 'chi bar 'gyur ro/ /sbyor ba 'dis sangs rgyas ni gzhan gyi sbyor ba la mkhas pa dang / sku gsum ni lus ngag yid kyi rin chen mchog ni phul du byung ba'i rang bzhin dang ldan pa ste/sems can kun la phan 'dod pa ni sems can kun ni nor phrogs te bdag la phan 'dod pa gang yin pa de lta bu'i gdug pa rgyal po la sogs pa gal te yin na de'i tshe gnad par 'gyur ba'am/shi bar 'gyur ro zhes 'dir the tshom med do/ /sngags 'di nyid kyis gshin rje gshed kyi rnal 'byor pas las kyi rdo rje ni sna tshogs rdo rje ste/ me stag mang po 'khrig pa can ni 'od zer gyi tshogs spro bar bsams te/ de'i dbus su yang yi ge hUM las byung ba'i nyi ma bcu gnyis kyi 'od dang 'dra ba'i khro bo rdo rje rtse lnga pa bsgom zhing de las byung ba'i 'od zer gyi 'khor los sprin gyi rgyun rnams bskams na chu rengs par 'gyur ro//de bzhin du slob dpon gyi rigs gang yang rung bas dkyil 'khor bri bar brtsams na de la gal te rlung la sogs pa'i bgegs rnams 'byung na 'dir mche ba'i phyag rgya ni rdo rje gnod sbyin gyi phyag rgya bcings nas/gdug pa'i dgra ni gshin rje gshed de de nyid dran par bya ba ni de'i bsam gtan dmigs par bya zhing de nyid kyi sngags kyang brjod par bya'o/ /de ltar byas na gal te sangs rgyas ni lha rnams dang /byang chub sems dpa' ni lha ma yin rnams kyis bgegs de sprul par gyur na yang de'i tshe mthong ba tsam gyis ni rnal 'byor pas bltas pa tsam gyis 'jig par 'gyur ro/ /gzhan yang gal te 'bigs byed la sogs pa'i dgon pa rnams su 'gro ba yin na/ de'i tshe sangs rgyas ni gzhan gsod pa la mkhas pa seng ge la sogs pa dang / byang chub ni mi snang bar byed pa/ sems ni bsam pa gang la yod pa de ni byang chub sems dpa' ste/ phra men ma la sogs pa dang de bzhin gzhan gdug pa ni sbrul dang spyang ki dang chu srin la sogs pa ste/ de rnams sngags 'di dang bsam gtan gyis skrag par byas na 'chi bar 'gyur ro/ /khyad par bshad par bya ste/ sngags thams cad ni kho bo'i sngags rnams kyis gsang ba ni sba bar bya ba dang / snying po ni dga' bar byed pas na nus pa skyed par byed pa phaT do/ /'di dang po brjod la phyi nas oM hri zhes bya ba la sogs pa brjod na gdug pa 'chi bar 'gyur te bskyed pa'i rim pa'o//da ni rdzogs pa'i rim pa'i rnal 'byor pa rnams kyi ting nge 'dzin gyi khyad par bstan par bya ba'i phyir/ ye shes sems dpa' zhes bya ba la sogs pa gsungs te/ ye shes ni 'od gsal ba las byung ba'i sems dpa' ni ye shes sems dpa' ste/ye shes kyi sku zhes bya ba'i don to/ /don sbyor ba ni de la dmigs shing / dbus su ni zla ba'i dkyil 'khor gyi dbus su sku'i rdo rje ni rdo rje 'chang chen po la gang yang rung ba'i sku bsgom par bya'o/ / gnas bzhi ni lkog ma dang snying ga dang lte ba dang / gsang ba rnams/ sngags zhes pa ni sngags kyi ngo bo'i dbye ba shes pa'i rnal 'byor pas/ bud med ni spyan la sogs pa gzhan pa ni de la gnas par bsgom par bya'o/ /de nas rgyan rnams thams cad kyis rdzogs pa ni dmar po dang dkar po dang nag po dang ser po'i mdog dang ldan pa'i rlung rnams so//mtshan rnams thams cad kyis mtshan pa ni g.yas dang g.yon dang gnyis ka dang dal bus dman par gyur pas spro zhing pad+mo ni yi ge a dang rgyas pa ni oM dang sngags 'di ni thugs kyi sa bon te/ de'i rjes la bsgom par bya ste dgod par bya'o/ /oM AHhUM de dag 'od zer lnga'i dbye bas ni spro ba dang bsdu ba'i rim gyis rdo rje 'chang gi rang bzhin bsgom zhing spros la yang rang gi lus la sogs pa la phab pa ni bsdu bar bya'o/ /de ltar rnal 'byor pas byang chub ni phyag rgya chen po'i dngos grub thob par 'gyur ro//de ma thag pa ni bzlas ma thag tu ldang na/ rnam par snang mdzad ni brtag pa dang mtshungs pa dang / rdo rje sems dpa' ni mi bskyod pa dang / rgyal po chen po ni 'od dpag tu med pa dang / sangs rgyas sku ni rin chen 'byung ldan dang / rdo rje 'dzin ni don yod grub pa ste de dang 'dra bar 'gyur ro//sems dpa' thams cad ni de bzhin gshegs pa rnams kyi sku ste/ de bskyed pa ni de'i go 'phang thob par bya ba'i phyir rdo rje ltar brtan par zhes bya ba'i ting nge 'dzin te bdag la byin gyis brlabs pa dang rdo rje bzlas pa'i rim pa dag go/ /de bzhin du phyag rgya la mos pa'i rim pa gzhan bstan par bya ba'i phyir bzhin bzangs zhes bya ba la sogs pa gsungs te/snga ma bzhin du mi bskyod pa la sogs pa'i rnal 'byor rnams kyis snga ma bzhin du bzhin bzangs la sogs pa'i yon tan dang ldan pa'i gdol pa la sogs pa'i bu mo rnams rnyed cing dben pa'i gnas la sngags dang phyag rgya'i rim pa sngon du 'gro ba'i mchod pa ni snyoms par zhugs pa'i mtshan nyid can byas te/de las byung ba'i gsang ba ni byang chub kyi sems blangs te/ bza' bar bya ba ni pad+ma'i snod du gnas pa kho na lces blang bar bya'o//de ltar gsang ba'i dbang bskur ba bla ma las rnyed pa gang yin pa de yang dang yang du slob pa'i phyir rim pa de bstan to/ /'bras bu bshad par bya ste/ de ma thag tu rnal 'byor pa de 'jam dpal ni lo bcu drug lon pa'i gzhon nu ste/ de dang 'dra ba'i gzi brjid ni mdangs dang ldan par 'gyur ro//mi snang ba ni so dang skra dang sen mo la sogs pa'i rnying pa 'jig pa'o/ /bdag po ni ngag snyan pa'o/ /dpal dang ldan pa ni stobs dang ldan pa'o/ /'dzam bu gser gyi mdangs 'drar 'gyur/ /zhes pa ni gser gyi mdangs dang 'dra bar 'gyur ro//ji skad du/ dus de nas brtsams de ni rnam mi rtog /ces bya ba la sogs pa 'byung ngo / /de bzhin du bshang ba'am yang na bza' ba'am zhes bya ba la sogs pa la/ bza' ba dang bshang ba ni tshod ma dang sha ste/ de la sogs pa gang yang rung ba bsngags nas ni zhes pa ni yi ge gsum gyis byin gyis brlabs shing zos na de'i tshe/sangs rgyas ni de bzhin gshegs pa rnams kyis rnal 'byor pa de la mi mthong ni mi gzigs pa yin no zhes ston to/ /de bzhin du bshang ba ni rnam par snang mdzad kyi mtha' ma'i dum bu gcig ste/ de nyid byin gyis brlabs la kham phor kha sbyor ni/thod pa'i kha sbyor la bzhag cing brgya rtsa brgyad du bzlas te zos na/ sangs rgyas nyi ma ni rdzu 'phrul thob pa'i kha sbyor rnams kyis mthong bar mi 'gyur ro/ /de bzhin du khyi dang rta dang mi sha rdo rje 'chang chen po'i rnal 'byor pas snga ma bzhin du thod pa'i kha sbyor la bsgrubs shing zos na mi snang bar 'gyur ro//gzhan yang rdo rje 'chang chen po'i rnal 'byor pas bshang ba la sogs pa bdud rtsi lnga'i ri lu ka ra shus dkris par byas la de nyid rdo rje dang pad+ma'i nang du bcug cing de las byung ste zos na mi snang bar 'gyur ro/ / mi bskyod pa'i rnal 'byor pas sha chen dang / rin chen 'byung ldan gyi rnal 'byor pas khyi sha dang / snang ba mtha' yas kyi rnal 'byor pas glang po'i sha dang / rnam par snang mdzad kyi rnal 'byor pas ba lang gi sha dang / don yod grub pa'i rnal 'byor pas ga pur dang tsan+dan gyi ri lu 'dzin par bya'o//dbang po gnyis zhes bya ba la sogs pa ni go sla'o/ /bshang ba las byung srog chags las/ /zhes bya ba la sogs pa la/ mi bskyod pa'i rnal 'byor pas bshang ba las byung ba'i srog chags kyi ri lu 'dzin par bya'o/ /rnam par snang mdzad kyi rnal 'byor pas ga pur dang tsan+dan gyi ri lu 'dzin par bya'o//snang ba mtha' yas kyi rnal 'byor pas gi wang dang a ka ru'i ri lu 'dzin par bya'o/ /dbang po gnyis zhes bya ba la sogs pa snga ma bzhin te bsgrub par bya'o / /da ni rdzogs pa'i rim pa'i rnal 'byor pa'i ting nge 'dzin gyi khyad par bshad par bya ba'i phyir/rdo rje 'dzin pa gang yang rung zhes bya ba la sogs pa gsungs te/ re zhig dang po rnal 'byor mngon par byang chub pa'i rim pas 'od gsal ba la zhugs te/ de'i rjes la phyag rgya chen po ni de bzhin gshegs pa gang yang rung ba'i sku la dmigs te/ de ni de dang 'dra ba ni de'i dngos grub gtso bor gyur pa dang / dpal ldan ni ye shes kyi phyag rgya ma dang ldan pa'i phyir te/ stobs chen ni de bzhin gshegs pa'i stobs bcu dang / pha rol gnon pa ni mngon par shes pa drug gang la yod pa de ni de bzhin no/ /rdzu 'phrul de nyid bshad par bya ste/dpag tshad bye ba rdzogs pa'i zhes bya ba la sogs pa la/ dpag tshad bye ba ni rgya che ba gang zhig steng du tshangs pa'i sgo ste/ de'i steng du rdo rje bzhin du mnyam pas 'gro bar 'gyur ro/ /stong gsum ni 'jig rten gyi khams te der yang der ni 'og dang steng gi dbye bas 'gro bar 'gyur ro//bsod nams dang ye shes kyi tshogs dang ldan pa'i phyir dpal ldan no/ /sangs rgyas kyi sku dang 'dra ba'i 'od gang la yod pa de ni bshad pa ste/ rang gi lus po'i 'od zer rnams kyis sangs rgyas kyi sku rnams spro bar byed pa'o zhes ston to//'dod pa ni gzugs la sogs pa'i yul lnga ste/ de rnams 'dzin pas na 'dod khams te dbang po rnams so/ /de la gnas pa'i gang zhig bu mo ni ye shes skye ba'i rgyur gyur pa'i rnam par shes pa drug go/ /lha'i longs spyod ni bdag tu lta ba la sogs pa'i nyon mongs pa bzhi ste/de dang ldan pa'i lha'i longs spyod ni nyon mongs pa can gyi yid kyi rnam pa'o/ /'khrugs pa ni 'khor bar ltung bar byed pa'i brtul zhugs spyod pa gang la yod pa de ni 'khrugs pa'i brtul zhugs te/ kun gzhi rnam par shes pa'o/ /gzugs ni cha brug pa'i gong bu te skyed par byed pas na gzugs khams ni rang bzhin rnams so//de la gnas pa'i bu mo ni shes rab dang thabs dang ma rig pa ste/ de rnams thams cad stobs che ni drag shul gyis 'dod pa spyod pa ni mi snang bar bya'o zhes ston to/ /dam tshig ni ye shes rnams dang tha mal pa'i lus te/de rnams mi snang ba ni snang ba nyid du gang gis mdzad pa de lta bu'i rdo rje 'chang chen pos de skad bka' stsal to zhes bsdus pa'i tshig ste/ zung 'jug dang sems rnam par dag pa'i rim pa'o/ /de nas sangs rgyas rab dgyes dag / ces bya ba la sogs pa la/ de nas ni de'i 'og tu'o / /sangs rgyas ni mi bskyod pa la sogs pa ste/ gsan pas rab tu dgyes pa dang / sems 'khrul pa ni thugs 'khrul ba la ldog pas/ yid la dbang ba ni bsam pa'i sgo nas ye shes kyi snang ba thob pa dang /spyan gdangs pa ni sgom pa'i sgo nas te/ gsung ni 'di skad ces pa ni dgyes pa'i ngag bka' stsal pa'o/ /de nyid bshad par bya ba ste e ma'o zhes bya ba la sogs pa la e ma'o zhes pa ni ngo mtshar ba ste/ sgyu ma lta bu'i ting nge 'dzin to/ /gsang gnas ni sngags kyi tshig rnams te/de dag gis 'grub pa gang zhig mi 'gyur ba ni mi 'jigs pa'i las kyi tshogs te/ de yang ngo mtshar ba'o/ /ngo bo nyid kyis dag pa ni 'od gsal ba rtogs pa dang / chos ni sngags kyi sku ste/ de yang shin tu dri med ni rnam par mi rtog pa ste/ de yang shin tu ngo mtshar ba'o//de nas zhes bya ba la sogs pa la/ de bzhin gshegs pa'i tshig gsan ma thag tu'o/ /rdo rje ni de bzhin gshegs pa'i rigs kyi mtshan ma rnams te/ de nyid 'dzin pa ni spyi bor 'dzin pas ni rdo rje 'dzin no/ /rigs kyi dbye bas ston par mdzad pas na ston pa'o//'gro ba sprul pa'i phyir bskyed pa'o/ /phyir mi ldog pa'i dbang sogs pa'i phyir mi 'gyur che'o/ /dag pa rdo rje ni chos kyi dbyings kyi ye shes te/ de nyid las chos chen po ni lha 'byung ba gang la yod pa de ni de bzhin du bshad pa'o/ /bcom ldan 'das des rdo rje gsum de bzhin gshegs pa'i rigs kyi mtshan ma ston par byed pa'i gsung bka' stsal to//sems dpa' rdo rje sbyor ba yis/ /zhes bya ba la sogs pa la sems dpa' rdo rje ni mi bskyod pa ste/ de'i sbyor ba ni de nyid kyi dbang bskur bas rdo rje 'dzin rnams ni mi bskyod pa'i rigs can rnams mnyes par gyur pa ni cod pan bya'o//de bzhin du sangs rgyas byang chub ni rnam par snang mdzad de/ de nyid kyi rab dbye ba ni bsam gtan gyis rdo rje can ni rnam par snang mdzad kyi rigs can rnams la cod pan bya'o/ /rdo rje sa'i snying po la sogs pa dang /spyan gyi gzugs la sogs pa ni spyan dang gzugs rdo rje ma la sogs pa ste/ de rnams la rnam par snang mdzad de nyid kyis gtsug tor mnyes par byed pa ni cod pan byed pa yin no/ /khro bo ni de nyid kyi khro bo gshin rje gshed la sogs pa ste/ de rnams la yang sangs rgyas rdo rje ni rnam par snang mdzad de nyid kyis rab bsgom pa ni cod pan bya'o//rig pa'i rgyal po ni mi bskyod pa ste/ de nyid kyi mchog ni mA ma kI dang / chos rnams ni sgra rdo rje ma dang phyag na rdo rje la sogs pa ste/ de rnams la dkon mchog dpal ni rin chen 'byung ldan gyis cod pan bya'o//gal te mA ma kI sku mdog ser mo yin na de'i tshe/ rin chen 'byung ldan gyis cod pan bya'o/ /gang gi tshe de nyid sku mdog nag mo yin na de'i tshe thugs rdo rjes cod pan du bya ste khyad par ro/ /gang gi phyir mA ma kI ni rigs gnyis pa yin no//rig pa'i rgyal mo ni gos dkar mo dang sbyor ba ni 'jig rten dbang phyug dang / rta mgrin dang dri rdo rje la sogs pa ste/ de rnams kyi dbu la 'od dpag tu med pa bsgom par bya'o/ /thams cad las byed pa'i lha mo sgrol ma dang / sngags rnam par sel ba dang / bdud rtsi 'khyil pa dang / ro rdo rje ma la sogs pa ste/ de rnams la gdon mi za ba ni don yod grub pas cod pan bya ba yin no/ /sngags rnams thams cad ni mi bskyod pa la sogs pa ste/ de rnams la rdo rje sems dpa' ni rdo rje 'chang chen po dang / mi bskyod pas cod pan du bya'o//gnod sbyin ma ni rdo rje ro langs ma la sogs pa dang / sngags rgyud ni khro gnyer ma dang rdo rjes 'dzin ma dang / ral pa gcig ma la sogs pa ste/ de rnams la gshin rje gshed kyis cod pan du bya'o/ /sngags rnams thams cad ni phyi nas gsungs pa'i khro gnyer ma la sogs pa'i spyi bor bskul ba ni rgyas gdab pa ste/rigs dang rjes su mthun pas shis pa ni 'dod pa yin no/ /dam tshig chen po ni rang rang gi rigs kyis rgyas btab pa la/ rdo rje ni dbang dang ldan pa ste rdo rje 'chang chen pos de skad bka' stsal ba dang sbyar ro/ /bsam gtan 'khor lo 'dis zhes pa ni 'das ma thag tu bshad pa'i cod pan byed pa'i bsam gtan gyi tshogs kyis/sngags ni de bzhin gshegs pa rnams mnyes pa ni drin byed pa dang / dkyil 'khor ni de nyid snying por gyur pa dang / rang gi rigs rjes su dran pa'i phyir sgrub pa po rnams la yang phan pa'o//de bzhin du dam tshig chen po ni rdo rje 'chang / sgrub pa ni thob par byed pa ste/ las kyi rgyal ba mchog gi ting nge 'dzin no/ /da ni dbab pa'i cho ga bshad par bya ste/ de nas zhes bya ba la sogs pa la/ rdo rje ni snod 'dus byas pa ste/ de 'dzin pas na rdo rje 'dzin no//lus ngag yid rnam par dag par mdzad pa'i phyir ston pa'o/ /chos rnams kun ni rengs pa la sogs pa ste/ de rnams kyi dbang phyug ni byed pa'o/ /de rnams bstan pas na gtso bo'o/ /sku gsung thugs ni 'das pa dang ma 'ongs pa dang da ltar byung ba ste/ de rnams yang dag par mkhyen pas na rdzogs sangs rgyas so/ /bcom ldan 'das des ye shes ni snod de/ de'i rdo rje ni dbab pa'i cho ga bka' stsal pa'o/ /de nyid bshad par bya ste/ ri rtse nyams ni dga' ba dang / /zhes bya ba la sogs pa la/ ri bo'i rtse mo dang rab tu dben pa ni dgon pa chen po la sogs pa'i gnas te/nyams dga' ba ni me tog dang 'bras bu la sogs pa dang ldan pa'i gnas su/ bsam gtan rdo rje ni mi g.yo ba'i ting nge 'dzin te de bya'o/ /ci'i phyir zhe na/ bzlas sngags ni dbab pa'i sngags rnams te/ de rnams kyi sbyor ba ni yang dag par sbyor ba ste/de'i phyir ro zhes ston to / /gang gi rdo rje sems dpa' la sogs pa ni snod gzhan la gnas pa'i de bzhin gshegs pa rnams te de dag thams cad/ /sngags ni bzlas pa'i sngags dang / bsam gtan ni ting nge 'dzin gyis bskul ba ni sad pa yin na/de'i tshe las rnams sna tshogs ni 'das pa la sogs pa byed par gyur pa ni slob ma'i sgo nas smra bar byed pa'o/ /gsung gi las ni snang ba mtha' yas te/ de'i bka' bzhin zhes pa ni 'dir ni the tshom mi bya'o zhes ston to/ /ting nge 'dzin bshad par bya ste/rdo rje chos kyi gzugs chen po/ /zhes bya ba la sogs pa la/ rdo rje chos ni snang ba mtha' yas te/ de'i gzugs chen po ni de'i rnam pa'i snod do/ /pad+ma rA ga'i 'od 'dra ba/ /zhes pa ni kha dog dmar po dang ji ltar dbyibs dang / tshul dang ldan par bsgoms la/de nyid kyi sku gsung thugs kyi rdo rje ni sku la sogs pa'i gnas la rigs gsum gyi sa bon btab pa ni byin gyis brlab par bya'o/ /de lta bu'i dbab pa'i cho ga byed na 'grub par 'gyur te / gzhan du ni ma yin no/ /dbye ba bshad par bya ste/ bskul ba ni ma 'ongs pa'i lha'i nus pas snying stobs kyi rgyal po brgyad do//dper na/ rengs pa rdul dang ba spu ldang / /skad 'gyur de bzhin 'dar ba nyid/ /mdog 'gyur mchi ma thigs ba ste/ /de ni snying stobs brgyad bstan pa'o/ /rengs pa ni 'phar ba dang 'dar ba dang 'khor ba'o/ / de la 'phar ba ni steng du 'gro ba dang / 'dar ba ni dbang po thams cad 'khrugs pas yan lag 'dar ba'o/ /bskor ba ni phyogs dang mtshams rnams su 'khor lo bzhin du 'gro ba'o/ /mchog chen po ni rdo rje sems dpa' la sogs pa rjes su zhugs pas gar gyi nyams dgu'i rnam pas gnas pa'o//de la/ sgeg pa dpa' bo 'jigs su rung / /dgod pa drag po 'jigs byed dang / /snying rje rmad byung zhi ba ste/ /gar gyi nyams ni dgu yin no/ /'phags pa'i lam ni bla mas dris pa bsgrub bya 'das pa la sogs pa smra ba'o/ /bzhi po de lta bu'i rdo rje grub pa ni bskyed pa'i rim pa la mthar thug pa dang /las mthong ba'i bla mas bya ba yin no/ de ltar yin na rtag pa ni nges par 'bab pa 'grub par 'gyur ro/ /snod kyi mtshan nyid bshad par bya ste/ bu mo lo grangs zhes bya ba la sogs pa la/ lo bcu gnyis lon pa'i bu mo 'am khye'u mtshan nyid thams cad ni yan lag ma nyams pa la sogs pa dang ldan pa'i snod rnyed nas byin gyis brlab par bya'o//de yang nye bar mtshon pa tsam yin te/ ci 'dra ba'i slob ma yang bzung nas dbab pa'i cho ga bya'o/ /cho ga thams cad ni bsang gtor la sogs pa byas nas /de'i rjes la las rnams ni dbab pa'i cho ga bya ba yin te/ gzhan du na khams gsum ni dman pa dang bar pa dang rno ba'i skyes pa rnams kyis skyes bus dpyad par gyur pa ni rnal 'byor pa de la de rnams kyis dpyas par 'gyur ro zhes ston to/ /de la zhes bya ba la sogs pa la de zhes pa ni dbab pa'i cho ga la/'di rnams zhes pa ni 'og nas 'chad par 'gyur ba'i snying po ni de bzhin gshegs pa rnams kyi sngags ni sbas pa'i phyir dang / yi ge ni mi g.yo ba'i las byed pa ste/ gnas ni de bzhin gshegs pa rnams kyi gnas su gyur pa'o/ / hUM ha A dz+haiM zhes bya ba la/ de rnams rim pa ji lta ba bzhin du snying ga dang spyi bo dang / lkog ma dang rkang mthil rnams la dgod par bya'o/ /nus pa bshad par bya ste/ nam mkha'i khams ni sems med cing / /zhes pa ni/ gal te sems med pa'i nam mkha'i khams yod pa yin na de'i tshe de nyid kyang 'bab par 'gyur ba ste/gzugs dang ldan pa ni smos ci dgos/ yang na gzugs dang ldan pa ni rnam par rtog pa thams cad dang bral ba'i ro ste de yang 'bab par 'gyur ro/ /ji srid rdo rje sems dpa' ni 'gro ba'i gtso bo ste/ bdag nyid chen po bstan to//yi ge'i rang bzhin bshad par bya ste/ hUM ni rdo rje sems dpa' zhes bya ba la sogs pa la/ yi ge gsum po de rnams rim pa ji lta ba bzhin du mi bskyod pa dang rnam par snang mdzad dang snang ba mtha' yas kyi rang bzhin du shes par bya'o/ /de ni gsang tshig bstan pa'o zhes pa ni phul du byung ba'i gsang ba'i lam de bshad pa'o //gang zhig bskul ba la sogs pa gsum sngar bshad pa de rnams yi ge dz+haiH yis bya'o/ /bskul ba thams cad ni gsum po de dag gis gsang ba 'di nyid bcom ldan 'das kyis gsungs pa'o//khru gang tsam mam khru do'am/ /zhes bya ba la sogs pa la/ dman pa ni khru gang dang bar pa ni 'khru do dang / rab ni khru lnga dang / rab kyi rab ni khru brgyad 'phar bar 'gyur ro/ /ji ltar zhe na/ rdo rje rgyal po ni cho ga bzhin du mkhas pa'i bla mas bskul ni dgug pa'o/ /de rnams ji lta bu zhe na/'jigs shing skrag pa ni/ rdo rje 'chang chen pos bka' stsal pa/ 'jigs pas 'jigs pa'i snod rnams so/ /zhes ston to/ /snga ma bzhin du thams cad 'gyur/ /zhes pa ni yi ge dz+haiM bzhin du hUM la sogs pa gsum po yang 'bab par byed pa yin no zhes bstan to/ / 'di ni gsang ba thob pa'o zhes pa ni lus bskul ba la sogs pa byed pa'i phyir/ 'di gsang ba thob pa'o zhes nye bar bsdu ba'o/ /'dir ni bsgom pa'i rim pa 'di yin te re zhig dang po rang gi snying gar 'od zer dang ldan pa'i dbyangs kyi mtha' ma bkod la/ slob ma yang yi ge hUM las rdul dang bral zhing gsal ba'i snang ba mtha' yas su bsams te/de nyid kyi snying gar dang / smin par dang / lkog ma dang / spyi bo rnams la/ rdo rje dang / rin po che dang / pad+ma dang sna tshogs rdo rje'i steng du yi ge hUM dang trAM dang hrIHdang khaM bkod la sgo phye ba'i phyag rgyas rang gi snying ga dang /slob ma'i snying ga phye zhing rang gi snying ga las dbyangs tha ma spros te de bzhin gshegs pa thams cad kyi ngo bo de nyid slob ma'i snying gar gnas pa'i rdo rje'i dkyil du bcug la de'i lus kyang de nyid kyis rdzogs par bsams te/ 'di ltar smra ba ni/ smros shig / de bzhin gshegs pa thams cad kyi byin gyis brlabs pa dang / rdo rje sems dpa' yang bdag la 'bab par gyur cig ces slob ma brjod du bcug la/ de'i 'og tu rang gis kyang rdo rje sems dpa'i phyag rgya bcings la 'di ltar brjod par bya ste/ 'di ni dam tshig rdo rje ste//rdo rje sems dpa' zhes brjod pa/ /rdo rje ye shes bla med pa/ /de ring khyod la 'bab gyur cig /ces brjod pa dang oM badzrA we sha a zhes bya ba lan bcu'am/ nyi shu'am sum cu'am/ bzhi bcu nas brgya'i bar du brjod na nges par 'bab par 'gyur ro/ /gal te des kyang 'bab par ma gyur na de'i tshe rdo rje sems dpa'i phyag rgya khro bo'i khu tshur gyis dril bar bya ba dang /rdo rje sems dpa' yang a'i mtha' can brjod par bya'o/ /de ltar byas kyang ma bab na de'i tshe rdo rje dang dril bu blangs la rkang pa g.yon pas slob ma'i rkang pa g.yas pa mnan cing steng du nam mkha' las dpal rdo rje sems dpa' dbab pa'i phyir rnam par snang mdzad khros pa 'od zer gyi tshogs kyis khyab par bsgoms la/'og tu yang rlung gi dkyil 'khor gyis bskul ba'i yi ge hUM bsams zhing rang rang gi phyogs la bzhugs pa'i mi bskyod pa la sogs pas kyang rim gyis hUM trAM hrIHa zhes bya ba'i sa bon gyi 'od zer gyi tshogs kyis slob ma bskul bar bsam par bya'o//de'i tshe yang badzra satwa A zhes bya ba lan bcu brjod par bya'o/ /de ltar byas na yang gal te sdig pa'i dbang gis ma bab na de'i tshe sdig pa dral ba'i phyag rgyas sdig pa dral zhing hUM a zhes bya ba lan mang du bzlas par bya'o//rdo rje bsdams pa brtan byas nas/ /gung mo gnyis po sbyar ba ste/ /mtha' ma bzhi po rtse sbyar na/ /sdig pa dral ba zhes brjod do/ /oM badzra pA Ni bi s+pho Ta ya/ sarba a ba ya/ ban+d+ha nA ni pra mo tsa yaM/ sar+b+ba a pa ya ga te b+h+yaH sarba na/sar+b+ba ta thA ga ta badzra sa ma ya tra Ta ces kyang brjod par bya'o/ /yang na de bzhin dbab cing brjod de/ de'i snying gar dbang chen gyi dkyil 'khor la gnas pa'i yi ge hUM dang / spyi bor chu'i dkyil 'khor la gnas pa'i yi ge ha dang / lkog mar rlung gi dkyil 'khor la gnas pa'i yi ge a dang /rkang pa'i 'og tu rlung dang me'i dkyil 'khor la gnas pa'i yi ge dz+haiM 'bar ba bkod la/ A be sha ya staM b+ha ya/ ra ra ra ra tsA la ya tsA la ya hUM ha a dz+haiM zhes bya bas bskul zhing / spyi bor yi ge oM las rnam par snang mdzad dang / lkog mar yi ge AHlas snang ba mtha' yas te /snying gar yi ge hUM las mi bskyod pa'am/ de rnams kyi yi ge bsgoms la/ rkang pa dag gi 'og tu yi ge ya gnyis las/ rlung gi dkyil 'khor gzhu'i dbyibs can dang / mtha' gnyis po la ba dan dang ldan pa bsgoms la/ / de'i steng du yi ge raM las me'i dkyil 'khor gru gsum pa bsam zhing de la gnas pa'i slob ma rdo rje 'bar bas gdungs par gyur pa dang / skul byed ma'i gzugs kyi ngo bor bsgom zhing rdo rje dang dril bu bskyod pas nga rgyal dang ldan pa'i slob dpon gyis 'phags ma skul byed ma'i phreng ba'i sngags brjod par bya'o//na maHsap+tA nA na / samyak+saM bud+d+ha ko TI nAM/ oM tsa le tsu le tsun+de swA hA/ ma hA bid+yA a pra ti ha ta shA sa ne/ ma hA ba la pa ra kra me/ a si mu sa la par shu pA sha gra hi ta ha ste/ ma hA kro d+ha kro d+hI shwa re/ u gra rU pi ni / a nan+ta mu khe/ sa ha sra b+hu dze a dzi te a ba rA dzi ti/ a mo g+he/ dur da mi/ sa ha sra ak+She / sar+b+ba ta thA ga ta a d+hiSh+thi te/ sarba de ba tA nAM/ ban+di ta pU dzi te pra sA d+hi te/ badzra g+ho Ne badzre badzra wa te / badzra a yu d+he/ badzra kA yi ni / badzro n+mi li ta ak+She/ ak+Sha ye/ a g+ho re/ g+ho ra rU pi Ni wi krI ta dar+sha ne/ badzra bid+ya a laM kr-ita sha rI re/ oM b+ha ga ba ti tsun+de druM druM kruM kruM mruM mruM sruM sruM rUM rUM/A be sha ya A be sha ya/ gr-i h+Na gr-i h+Na/ gr-i h+NA pa ya gr-i h+NA pa ya/ ha ra ha ra/ b+haM dza b+haM dza/ sa ra sa ra/ ma ra ma ra/ mA ra ya mA ra ya/ pa tsa pa tsa/ da ha da ha/ gr-i h+Na gr-i h+Na/ i daM duSh+TAM gra haM dz+wa raM/ e kAh+ne kaM/ t+r+ya h+ne ne kaM/ tsa tu r+thi kaM/ sa man+ta a hi kaM/ni t+ya dz+wa raM/ mA hu ti kaM/ gra haM/ b+hU taM/ pre taM/ pi shA tsaM/ rak+Sha saM / kum+b+ha N+DaM/ yaM ni dza karma dzaM s+tha wa raM/ dzaM g+ha maM/ ye mAM hi san+ti ke tsid/ duSh+Ti taM sarbA na sA d+ha ya sA d+ha ya/ marda ya marda ya/ sho Sha ya sho Sha ya/ ta pa ya ta pa ya/ uts+tsha da ya uts+tsha da ya/ ha na ha na badzre Na /sa ra sa ra/ daN+De Na/ mA ra ya mA ra ya khaD+ge Na/ hUM hUM hUM/ tsuM tsuM tsuM/ druM druM druM/ oM tsa le tsu le tsun+de sarbAM sA d+ha ya swA hA/ zhes bya ba 'di brjod na nges par 'bab par 'gyur ro/ /snod la dbab pa cho ga 'di nyid kyis dpal rnam par snang mdzad chen po'i rnal 'byor ram/ 'jam dpal gyi rnal 'byor gyis bya'o//babs na mngon par shes pa lnga la sogs pa rdzogs par 'gyur ro/ /de nas de'i lce la yi ge a dmar po bsams te/ b+h+rUM te badzre zhes bya ba brjod na dge ba dang mi dge ba thams cad smra bar byed do/ /de'i 'og tu mngon par 'dod pa thams cad dris la babs pa brtan par byed pa sngon du 'gro ba mchod pa dang bstod pa byas na snod la phab pa'i lha gshegs su gsol lo//de nas snod de bsrung bar bya ba'i phyir bdud rtsi 'khyil pa'i phreng ba'i sngags kyis srung skud byin gyis brlabs la dpung ba g.yas pa la bcing bar bya ste/ las kyi rgyal ba mchog go//de nas rgyal po rdo rje 'dzin/ /zhes bya ba la sogs pas gzhan yang las kyi tshogs bshad par bya ste/ rdo rje ni phyag mtshan rnon po ste/ de 'dzin pas na rdo rje 'dzin no/ /gdug pa 'dul bas na rgyal po'o/ /de bzhin gshegs pa kun ni zhi ba la sogs pa ste/de de rnams kyi bdag po ni byed pa'o/ /sku gsum gnas ni gdug pa rnams te/ de dag mngon spyod kyi sgo nas mi bskyod pa la sogs pa'i sangs rgyas kyi zhing la bzhag pas yongs su dag par mdzad pas na sku gsum gnas ni yongs su dag pa ste/ des gsung 'di skad ni klog pa tsam gyis 'grub pa'i las kyi tshogs kyi gsung bka' stsal pa'o//rtse gcig ces bya ba la sogs pa la/ du ma ni gnyen dang g.yog po dang 'khor gyi nang na/ rtse gcig gyur pa ni phul du byung bar gnas pa dang / brtul zhugs brtan pa ni mi g.yo ba'i ting nge 'dzin dang ldan pa dang /sbyor ba ni ting nge 'dzin gzhan ma ste/ de yongs su spang bas 'di byed na de'i tshe gdug pa thams cad ni bla ma smod pa la sogs pa rnams gzhig pa ni gsod pa grub po/ /dur khrod sol dang zhes bya ba la sogs pa la/ dur khrod kyi sol ba dang phub ma la sogs pa'i mngon spyod kyi rjes rnams kyis dgra bo'i gzugs brnyan byas te/gcer bu la sogs pa'i yon tan dang ldan pa dang / lho phyogs su kha bltas pas de'i snying gar rkang pa g.yon pas gnon cing khams gsum yang 'jig par byed do/ /yang dgra bo'i gzugs brnyan dur khrod kyi thal ba gcig pus byas te/snying gar ming spel te stong phrag brgyad kyi bzlas pas gsod par byed pa'o/ /dkyil 'khor gru gsum byas pa la/ /zhes bya ba la sogs pa la/ rnam par snang mdzad dang / rin chen 'byung ldan dang /don yod grub pa'i rnal 'byor pa rnams kyis ba lang dang rta dang khyi sha rnams kyis gzugs brnyan byas la/ dkyil 'khor gru gsum ni gru gsum pa'i me thab la tsher ma'i me la sems drag pos bsregs na dgra 'chi bar 'gyur ro/ /sha chen zhes bya ba la sogs pa la/mi bskyod pa'i rnal 'byor pas sha chen gyi gzugs brnyan byas te snga ma bzhin du bsreg par bya'o/ /dgra thams cad ni gdug pa thams cad kyi shin tu mi bzad pa ni shin tu rno ba'i 'jigs pa ni gsod pa yin no/ /rin chen 'byung ldan gyi rnal 'byor pas rta sha las gzugs brnyan byas la bsreg par bya ste/'dir brjod par bya'o/ /de bzhin du rdo rje 'chang chen po'i rnal 'byor pas bshang gci la sogs pa'i bdud rtsi lngas gzugs brnyan byas la/ snga ma bzhin du tsher ma'i me la bsregs na/ sangs rgyas kyang 'jig ces pa ni phul du byung ba'i tshig go//rnam par snang mdzad kyi rnal 'byor pas chu'i 'gram gyi sa bsgrub bya'i rkang rjes kyi sas bsres la gzugs brnyan byas te/ de'i yan lag gi tshigs rnams dang / sgo rnams la ma da na'i shing la sogs pa'i tsher ma btsugs te/ khro bo'i sngags brjod la snga ma bzhin du bsregs na dgra de 'chi bar 'gyur ro//ske tshe dang lan tshwa dang 'bru mar dang dug dang / smyo byed kyi khu bas snga ma bzhin du mi bskyod pa'i rnal 'byor pas dur khrod kyi thal bas gzugs brnyan byas la bsregs na dgra bo 'chi bar 'gyur ro/ /rin chen 'byung ldan gyi rnal 'byor pas sol ba'i khu bas gsher ba'i gos gyon la mngon spyod kyi gzugs brnyan sems khro bas rkang pa g.yon pas mnan na de'i tshe bsgrub bya srin po rnams kyis gzung ba yin no//de bzhin du snang ba mtha' yas kyi rnal 'byor pas mi rus kyi phye ma'i gzugs brnyan dug dang khrag gis bsres par byas la/snga ma bzhin du gnon na rdo rje sems dpa' yang khyer ba ni srin po rnams kyis gzung bar 'gyur te/ bdag nyid che ba bstan to/ /don yod grub pa'i rnal 'byor pas/ bshang gci sbyor ba ni bdud rtsi lngas byas pa'i gzugs brnyan/ ske tshe'i phye dang ldan par byas la snga ma bzhin du mnan na/tsha ba chen pos dgra gzung bar 'gyur ro/ /de la zhes bya ba la sogs pa la/ de la zhes pa ni mngon spyod la'o/ /de bzhin gshegs pa thams cad ni de rnams kyi rang bzhin gyi don yod grub pa ste/ de nyid kyi dam tshig chen po'i khro bo ni bdud rtsi 'khyil pa ste/de nyid kyi snying po ni snying po'i sngags te/ las thams cad pa yin pa'i phyir dam tshig go/ /na maHzhes bya ba la sogs pa ni snga ma bzhin no/ /sngags 'di nyid brjod la mngon spyod kyi rdzas rnams kyis sbyin sreg gam/ yang na bsam gtan ni ting nge 'dzin gyi sbyin sreg gang gis byed pa de ni/lus ngag sems ni dgra bo'i lus la sogs pa 'jig par byed do/ /ma yengs pa'i sems ni rtse gcig par gyur pa'i sems kyis 'di byed na/ gsod pa'i mchog ni nges par gsod pa 'grub po zhes ston to/ /da ni mngon spyod kyi ting nge 'dzin gyi khyad par bshad par bya ste/rdo rje sems dpa' khro bo che/ /zhes bya ba la sogs pa la/ sta re dang tho ba thogs pa dang rdo rje bzhin du sems drag po gang la yod pa de ni sems dpa' ste/ gdug pa'i sems dang ldan pa'i bsgrub bya bsams la/ de nyid kyi khro bo che ni de'i rang bzhin gyi gdug pa'i las bsams nas/de bzhin gshegs pa thams cad kyis nam mkha'i khams yongs su gang bar bsgoms la/ sta re dang tho ba thogs pa'i gdug pa des de bzhin gshegs pa rnams dang sa bcu'i dbang phyug dang byang chub sems dpa' dang rdo rje 'chang la sogs pa yang gsod par bsgoms la/gdug pa de sangs rgyas thams cad la gnod par byed pa yin no zhes rnal 'byor pas bsam par bya'o/ /de'i rjes re zhig dang po rtse gnyis kyis btsugs pa'i bshang sgo dang kha las byung ba'i khrag gi rgyun skyugs pa dang /snying ga las kyang de nyid 'dzag pa dang / rlung gi dkyil 'khor gyi steng du 'dren pa dang / srin po dang 'ug pa dang khyi dang bya rog la sogs pas skrag par byas pa dang / de nyid kyi phyir 'jigs pa ni skyabs med pa ste/ srin po la sogs pa de rnams kyis dum bur byas te za bar bsams par gyur na de'i tshe/ sangs rgyas dag kyang nges par 'jig /ces pa ni phul du byung ba'i tshig go/ /rim pa gzhan gyis mngon spyod bshad par bya ste/ sbrul nag rab tu khro ba ni/ /zhes bya ba la sogs pa ni/ga pe ga tsu dang dug dang khrag dang / lan tshwas sa la sbrul nag po bris te/ de'i rjes la phyogs bcu la gnas pa'i sems can thams cad la yams dang gnod pa 'gro ba dang mi 'gro ba'i dug dang nye ba'i dug la sogs pa la yi ge hUM gis de rnams kha dog nag po du ba'i phung po dang 'dra ba bkug la/sbrul de nyid kyi dpral ba'i gdengs ka'i tshogs kyi nang du 'jug par bya'o/ /de nas sbrul de nyid hUM nAM hUM zhes bya ba'i sngags kyis bskul te/ /oM Ta TaN+Ta da ra hUM phaT ces bya ba'i sngags kyis klu'i rgyal po brgyad kyi snying po de nyid du 'jug la/de ma thag tu sbrul bskyod par 'gyur ro/ /de'i 'og tu rta mgrin gyi rnal 'byor dang ldan pa'i rnal 'byor pas sbrul de la bka' stsal par bya ste/ song la che ge mo 'di zo shig pa'o/ /de nas sbrul de ru phyin nas bsgrub bya de za ba yin te/ 'di ni zos pas mi snang ba'i sbyor ba'o//tho ba rab tu drag po yis/ /zhes bya ba la sogs pa la/ snga ma bzhin du mngon spyod kyi rdzas rnams kyis dgra bo'i gzugs brnyan byas la/ gshin rje gshed la sogs pa las gang yang rung ba'i khro bo'i gzugs la dmigs te/ de nyid kyi sngags ming spel ba sngon du 'gro ba brjod cing rdo rje tho ba dang sta re la sogs pas dgra bo'i snying gar brdungs na/rdo rje sems dpa' ni mngon spyod la mkhas pa ste/ de yang 'chi bar 'gyur ro/ /srung ba la sogs zhes bya ba la sogs pa la/ dgra bo de'i phyogs byed pa gang zhing srung ba'i sngags dang /lha rnams ni tsaN+Di ka la sogs pa ste/ de rnams kyang sbyor ba 'di nyid kyis phur bus gdab par bya'o/ /de'i phyir sbyor ba 'dis gsod par byed pa'o/ /sngar bshad pa'i sbyor ba rnams kyi nang na/ mchog ni gtso bor gyur pa ste/ gzhan gyi phyogs kyang 'jig pa'i phyir ro//dam tshig shin tu 'da' dka' ba/ /zhes bya ba ni 'di nyid de/ gzhan rnal 'byor pas mi thub pa'i phyir te/ bskyed pa'i rim pa'o/ /rdo rje'i phung por ji tsam du/ /zhes bya ba la sogs pa la/ sems can thams cad kyi ji tsam du phung po ni phung po lnga'i rang bzhin gyis lus ngag zhig yod pa de nyid/rdo rje ni 'od gsal bas gsad pa ni ril por 'dzin pa dang rjes su gzhig pa dag gis bdag nyid rtog pa 'od gsal ba de nyid la zhugs par bsam par bya'o/ /de'i tshe sems can de rnams mnyes par 'gyur ba ni rdo rje 'chang chen po'i go 'phang thob par 'gyur ro//gzhan du min zhes pa ni 'od gsal ba'i go 'phang spangs nas ma yin no zhes ston to/ /'od gsal ba'i ting nge 'dzin 'dis/ sangs rgyas ni gzugs kyi phung po dang / rdo rje 'dzin ni tshor ba'i phung po dang /ston pa ni 'du shes kyi phung po dang / rdo rje chos ni 'du byed kyi phung po dang / rdo rje can ni rnam par shes pa'i phung po ste/ lnga po de dag bsam gtan sbyor ba ni/ ting nge 'dzin 'dis 'chi bar gyur pa ni 'od gsal ba nyid du gyur pa'o/ /rdo rje thugs kyi bka' bzhin du zhes pa ni yid ches pa'i phyir ro//drag po chen po ni gsod pa'i bsam gtan dang / dam tshig ni 'od gsal sgom pa ste/ de dag gang las byung ba de ni rdo rje 'chang chen po ste/ mngon par byang chub pa'i rim pa'o/ /de nas zhes bya ba la sogs pa la/ rdo rje 'dzin ni rdo rje'i phyag mtshan dang ldan pa'o//drag po'i las la mdzad pas na rgyal po'o/ /gdug pa thams cad stong pa nyid du mdzad pas na thams cad nam mkha'o/ /de ltar yin na yang / thub chen po ni rdo rje 'chang chen po ste/ de'i go 'phang thob tu 'jug pas na thub chen po'o//thams cad dbang bskur ba ni drag po'i las la 'jug pa'i phyir ro/ /bsam pa ji lta ba bzhin du sems can gyi khams 'dul bar mdzad pas na rdzogs sangs rgyas so/ /de lta bu'i bcom ldan 'das kyis ye shes ni de kho na nyid dang / rdo rje ni drag po'i las bka' stsal pa ste bskyed pa'i rim pa'o//e ma'o zhes bya ba la sogs pa la/ kye de bzhin gshegs pa rnams/ e ma'o zhes bya ba ni ngo mtshar ba'o/ /rdo rje theg pa ni sngags kyi tshul te rang bzhin gyis dag pa dang / bla na med pa ni phul du byung ba ste/ gang du thog ma nas ma skyes pa'i chos rnams ni phung po la sogs pa ste/ de la rgyal ba rnams kyis ni kho bo cag gis skye bar bstan pa ni bsgrub bya dang sgrub byed dang sgrub pa'i dbye ba ste/ de la zhi ba la sogs pa la/ de la zhes pa ni spros pa de rnams la/ phran tshegs ni gdug pa'i sems can rnams kyi sgrub pa ni gsod pa la sogs pa de nyid las yin pa ste/de'i 'khor lo'i tshogs yin no/ /sbrul ni mi sdug ces bya ba la sogs pa la/ rdo rgyus kyi sol ba ni mtshon chas shi ba'i skyes pa'i sol ba'i rdo rgyus kyis lce gnyis pa ste sbrul nag po sa la bris te/de'i gdings ka'i nang na yi ge khaM bkod la/ de la klu khro bo ni nor rgyas kyi bu la sogs pa'i snying gar gnas pa'i dug dang / de bskul ba ni de nyid dgug pa bris pa'i sbrul gyi kha'i dbus su yi ge khaM la bzhag cing / sbrul de nyid klu'i rgyal po thams cad kyi dug gis yongs su gang bar bsams la/de nas sbrul de bskyod pas che ge mo sod cig ces bskul na bsgrub bya des 'chi bar 'gyur ro/ /dug sel ba bshad par bya ste/ de la zhes bya ba la sogs pa la/ dug thams cad na dug dang nye ba'i dug rnams te/de dag 'byin pa ni dgug pa ste/ de la snying po sa bon te yi ge hri'o / /yi ge 'dis khams gsum par gnas pa'i 'gro ba dang mi 'gro ba'i dug bkug la/ sbrul gyi lus la zhugs par bya ste/ de'i tshe sbrul de nyid dug gi rgya mtshor gyur cing gang la reg pa de dang ji srid 'gro ba rnams kyang 'chi bar 'gyur ro//de bzhin du sdig pa dang sbal pa la sogs pa'i sems can phran tshegs bsgrub par bya'o/ /de la zhes bya ba la sogs pa la/ dug ni rnam pa gnyis te/ spo ba ni gnas las gnas gzhan du spo ba ste/ de la snying po ni sa bon te yi ge oM mo/ /lta ba dang dran pa dang reg pa la sogs pa'i dug gang yin pa de ni re zhig dang por sngar bshad pa'i rim pas/ nam mkha'i rdo rje dkyil 'khor ni bsgrub bya'i lus la 'jug cing yi ge oM gyis spyi bor bcing bar bya ste/ de ni 'jug pa'i rang bzhin yin pa'i phyir ro//dug gi dam tshig chen po ni dgug cing 'jug pa ste/ de la rdo rje ni brtan pa'i rdo rje 'chang gis de skad bka' stsal to zhes pa dang sbyar ro/ /de la zhes bya ba la sogs pa la/ dug gso ba ni sel ba ste/ de la dam tshig ni bsgom pa ste/rdo rje snying po ni mi bskyod pa'i rdo rje ste/ yi ge hUM ngo / /yi ge 'di dkar po sgrub bya'i snying gar bsams la/ de las byung ba'i zla ba dang 'dra ba'i 'od zer gyi 'khor los/ gnas bzhi ni pags pa dang sha dang khrag dang glad pa ste/ de la gnas pa'i dug sbyor ba ni 'od zer gyi sbyor bas dgug ste/'byung bar gyur pa ni/ thams cad bsdus nas lkog ma'i rtsar phyin pa'o/ /de'i rjes la lan gsum mam gnyis kyi bar du de las bskul zhing nad pa'i khas skyug par bsam par bya'o/ /nam mkha'i khams zhes bya ba la sogs pa ni phul du byung ba'i tshig go//de la zhes bya ba la sogs pa la/ nye ba'i dug ni nad kyis byas pa'i dug rnams te/ de rnams thams cad drang ba ni sel ba ste/ de la snying po ni yi ge AHste byang chub kyi sems kyi rang bzhin yin pa'i phyir bdud rtsi'i sa bon no/ /'bras dang phol mig ces bya ba la sogs pa la/'bras la sogs pa'i nad rnams dang / /gzhan ni mtshan rul dang skran dang / skrangs pa la sogs pa dang / mdze'i rnam pa bco brgyad de/ de rnams kyis non pa'i nad pa rnams kyi snying gar gsung gi sa bon bkod la des kyang snga ma bzhin du pags pa la sogs par gnas pa'i dug bkug cing sgo gnyis las skyugs par bsam par bya'o//de'i tshe de rnams las byung ba'i dug med pas lus kyi nad rnams zhi bar 'gyur ro/ /phyag na rdo rje bka' bzhin zhes pa ni yid ches pa'i tshig go//bsgom pa gzhan bshad par bya ba'i phyir/ pad+ma chen po zhes bya ba la sogs pa gsungs te/ re zhig dang po rnal 'byor pas lag pa g.yas pa la ngag gi dbang phyug gi sa bon las byung ba'i pad+ma dkar po 'dab ma brgyad pa bsgoms te/ de'i lte bar gnas pa'i zla ba'i dkyil 'khor gyi steng du yang ngag gi sa bon de nyid bkod la/'dab ma brgyad po la yang / 'od zer lnga rdzogs pa ni dbyangs kyi sde tshan bkod cing de las byung ba'i 'od zer gyi 'khor los chu byin gyis brlabs la/ gang la byin pa de ni de ma thag tu dug dang bral bar 'gyur ro//khyad par bshad par bya ste/ sdug pa ni dug spo ba la/ dam tshig gnag ni sa bon dang bdag nyid bsgrub bya rnams nag por bsgom par bya'o/ /bskul ba ni dug sel ba la de rnams dkar por bsgom mo zhes dgongs pa'o/ /bsam gtan gnas zhes bya ba la sogs pa la/bsam gtan ni ting nge 'dzin to/ /ji lta bu zhe na/ gnas ni sngags pa'i 'gro ba'i don gyi gnas su gyur pa dang / gsang ba ni nyan thos la sogs pa la sba bar bya ba dang / gsang chen ni zhal gyi man ngag la gnas pa ste/ sho be la sogs pa la ni ma yin no//ye shes dri med ni rnam par dpyad na de kho na nyid mngon du byed pa'o/ /de la zhes bya ba la sogs pa la/ phyi ni sems dang ldan pa dang sems dang mi ldan pa la sogs pas byas pa'i skyon rnams so/ /nang gi nad ni rlung dang mkhris pa dang bad kan tshogs pa byas te/de rnams gso ba ni sel ba ste/ de la snying po ni/ de bzhin gshegs pa rnams kyi snying po ste/ de nyid sbas pa'i rnam pas smra ba'i phyir sngags dang / yi ge ni nad sel ba la brten pa'i nus pa dang ldan pa'i phyir ro/ /dzi na dzika ces bya ba la sogs pa la/ sngags de rnams sku gsung thugs kyi de bzhin gshegs pa'i rigs gsum skyed par byed pa ste/ de nyid kyi phyir gang zhig yi ge'i tshig ni de bzhin gshegs pa'i sku ste/ dad pas yon tan thob 'gyur ba ni gang zhig dad pa'i mos pa'i dbang gis rnal 'byor pas mngon par 'dod pa de lta bu'i de bzhin gshegs pa'i sku bsgom par bya'o//ci'i phyir zhe na/ nad kyi rdo rje bskul ba yis/ /zhes pa ni sngar bshad pa'i rdo rje bzhin du mi thub pa'i nad rnams bskul ba ni sel ba ste de'i phyir ro/ /de ltar bdag nyid kyis bsgom pa byas la nad kyis zin pa gang zhig yod pa de rnams de'i snying ga las spre'u dang 'dra ba'am/khyi la sogs pa 'dra ba ste/ de nyid kyi lus ngag yid las byung zhing phyi rol du bltas te/ 'od zer 'bar ba'i 'khor lo dang rdo rje la sogs pa de rnams kyi lus la sogs pa phye mar brlag par bsgom par bya'o//de'i rjes la nad rnams 'jig pas rdzogs sangs rgyas ni de bzhin gshegs pa rnams de'i phung po rnams dang / mig la sogs pa la byang chub sems dpa' rnams dgod par bya'o/ /de'i rjes la nad pa de nyid kyi lus la sogs pa la/ nam mkha' la bzhugs pa'i sangs rgyas rdo rje 'chang gi sprin rnams 'od zer gyi ngo bor zhugs par bsgoms na de'i tshe nad las thar par 'gyur ba ste bskyed pa'i rim pa'o//phyogs bcu'i sangs rgyas thams cad dang / /zhes bya ba la sogs pa la/ phyogs bcu'i sangs rgyas thams cad ni rlung bcu dang /byang chub sems dpa' ni rang bzhin rnams dang / blo ldan ni ye shes rnams te/ de dag thams cad khros pa ni de rnams nye bar sdud par byed pa la rtsol ba dang ldan pa'i rnal 'byor pas bsam pa ni 'od gsal ba nyid du bya'o/ /'chi bar byed pa dam pa yin/ /zhes pa ni/don dam pa'i ngo bo mi snang bar byed pa de yin no zhes ston to/ /bsam gtan sbyor ba ni ting nge 'dzin gyi sbyor ba 'dis las las skyes pa ni las skyes te/ yan lag bcu gnyis pa'i 'khor ba'i 'khor lo ste/ grags pa ni bcom ldan 'das kyis gsungs pa gang yin pa ste/brgya rtsa brgyad bzlas pa ni brgyad kyis lhag pa'i brgya'i bzlas pa ste rdo rje bzlas pas/ nyi ma bdun gyis ma rig pa'i ngo bo'i rang bzhin rnams 'gags pas 'jig par 'gyur ro/ /yang na zhes bya ba la sogs pa la/ bdag gi sngags rgyal ni bdag la byin gyis brlab pa'i rim pa ste/de'i sgo nas rdo rje bsam gtan ni/ sgyu ma lta bu'i ting nge 'dzin te/ de las byung ba ni gang zhig spro ba'i rnam pa ste/ de nyid kyis/ nad rnams thams cad de rnam par rtog pa thams cad zad par 'gyur ro/ /de yang nad rnams thams cad kyi/ dam tshig ni 'khor ba'i zhags par gyur pa'i nad rnams kyi dam tshig ste yang dag par bral bar byed pa'o//gzhan yang 'da' dka' ba ni rdzogs pa'i rim pa'i rnal 'byor pa rnams kyis spang bar mi bya ba ste/ sems rnam par dag pa dang rdo rje bzlas pa dang / bdag la byin gyis brlab pa'i rim pa rnams so//de nas zhes bya ba la sogs pa la/ rdo rje ni phyag rgya chen po ste de 'dzin pas na rdo rje 'dzin no/ /'od gsal ba nyid du mdzes shing snang bas na rgyal po'o/ /ye shes ni lnga ste de rnams nyid ma rig pa 'gugs pa'i phyir skyo ba ste/ de'i sgo nas 'od po che ni phul du byung ba thob pa'o//'dod pa ni spyod pa rnam pa gsum ste/ de nyid kyis gang zhing rdo rje che ni byang chub rnam pa gsum gang gis thob pa de ni de bzhin du bshad pa ste/ bcom ldan 'das des gsung 'di ni 'og nas 'chad par 'gyur ba'i gsung bka' stsal pa ste/ rdzogs pa'i rim pa dang sgrub pa dag go//chos rnams rmi lam lta bu ste/ /zhes bya ba la sogs pa la/ chos rnams ni phung po la sogs pa ste/ de rnams rmi lam lta bu yin pa ste/ de bzhin du ngo bo nyid kyis ma skyes pa ni lha'i rnam pa rnams so/ /gnyi ga de dag kyang rang bzhin dag pa ni 'od gsal ba'i ngo bo dang / de nyid ni ngo bo de nyid kyis gnas pa ste/ rtag pa dang chad pa la sogs pa dang bral ba de rnams kyi nang na 'khrul pa ni rmi lam ste/ de nyid rdo rje 'chang chen po'i go 'phang thob par byed pa'i phyir ram/ 'bras bu ngan pa rtsol ba'i phyir rdo rje gsung pa ste bshad pa'o/ /de bas na 'di dag thams cad kun nas nyon mongs pa dang rnam par byang ba ste/sgyu ma'i rnam par 'phrul pa yin no zhes shes par gyis shig pa'o/ /de nyid bshad par bya ste bsam gtan bzlas pa zhes bya ba la sogs pa la/ sgrub pa po ni rnal 'byor pa rnams te/ bsam gtan bzlas pa'i brtson pa ni/ bsam gtan dang bzlas pa la sogs pa dang ldan pa de rnams kyis sangs rgyas dang byang chub sems dpa' rnams mthong bar 'gyur ro/ /ji ltar zhe na/ dbye ba rnam pa gnyis su zhes pa ni rlung la sogs pa 'khrugs pa/ de med pa mthong bas ni rmi lam mthong bar 'gyur ro/ / de la zhes bya ba la sogs pa la de la 'di zhes pa ni rmi lam rnam pa gnyis pa la'o/ /rmi lam chen po ni bzang ba dang ngan pa'i rmi lam rnams kyi dam tshig ni de rnams mthong ba'o/ /byang chub ye shes mchog thob pa ni zhes bya ba la sogs pa la/ 'od zer dang ldan pa'i sangs rgyas bcom ldan 'das gal te mthong ba'am/rang gi bdag nyid longs spyod rdzogs pa'i sku'i rang bzhin gyis sangs rgyas mthong na rnal 'byor pa de sems can chen po khams gsum pa ni lha chen po dang khyab 'jug la sogs pas mchod par 'gyur te/ rmi lam gyi rnam par smin pa'o//sprul pa'i sku bshad par bya ste/ ye shes chen po'i 'od 'dra ba'i gzugs zhes bya ba la sogs pa la/ sangs rgyas byang chub sems dpa' ni mi bskyod pa la sogs pa dang / sa'i snying po la sogs pas 'dod pa'i yon tan lnga ni gzugs rdo rje ma la sogs pas mchod pa byas pa dang /ye shes chen po ni nyi ma ste/ de'i 'od dang 'dra ba ni de'i mdangs dang mnyam pa de bzhin du rdo rje sems dpa' ni mi bskyod pa dang / gzugs chen ni rnam par snang mdzad dang / rdo rje chos ni snang ba mtha' yas dang / grags pa chen po ni rin chen 'byung ldan dang / gsang ba rdo rje ni don yod grub pa dang / grags chen ni rdo rje sems dpa'o/ / rang gi gzugs ni rang gi bdag nyid sangs rgyas dang byang chub sems dpa' rnams kyis dkyil 'khor gyi 'khor lo'i tshul du bskor zhing phyag btsal bar byas par rmi lam mthong na de'i tshe rnal 'byor pa de la sku gsung thugs kyi dngos grub ni rdo rje 'chang chen po'i dngos grub yun ring ma yin pas 'byung ba ste 'bras bu bstan pa'o//rgyan rnams thams cad yongs su rdzogs pa'i zhes bya ba la sogs pa la/ rgyan dang bcas pa'i lha'i bu mo'am khye'u rmi lam du gal te mthong na/ de'i tshe dngos grub ni zhi ba la sogs pa'i dngos grub thob par 'gyur te 'bras bu bstan pa'o/ /phyogs bcu'i sangs rgyas ni sangs rgyas kyi zhing la gnas pa'i mi bskyod pa la sogs pa rnams gang la/ chos mchog ni shes rab kyi pha rol phyin pa la sogs pa'i po ti stsol ba mthong ba dang /de rnams kyang de la bzhugs par mthong ba dang / rang gi bdag nyid kyang chos kyi 'khor lo bskor ba dang / sangs rgyas thams cad kyis bskor ba rmi lam du mthong na de ni/ dam tshig sbyor ba ni ting nge 'dzin dang spobs pa rnams dang /bsam gtan rdo rje ni mi g.yo ba'i ting nge 'dzin gyi ngo bo'i de kho na nyid la zhugs par 'gyur te 'bras bu bstan pa'o/ /de bzhin du kun dga' ra ba dang / skyed mos tshal ni rtswa mchog dang / shing drung dang / me tog dang / 'bras bu la sogs pas rgyas pa'i ngal so ba'i gnas rnam pa sna tshogs pa'i lha'i bu rnams kyis mi gang la rmi lam na dbang bskur ba stsol ba de ni /bsam gtan dam tshig ni ting nge 'dzin gyi dus su sangs rgyas thams cad kyis byin gyis brlabs pa yin te 'bras bu bstan pa'o/ /de bzhin du sangs rgyas dang byang chub sems dpa' rnams kyis mi gang la rmi lam na dbang bskur ba stsal ba de ni rig pa 'dzin pa'i rgyal pos mchod par 'gyur te 'bras bu bstan pa'o//rdo rje las byung sna tshogs pa'i/ /zhes bya ba la sogs pa la/ rdo rje las byung ba ni dge ba'i dbang gis byung ba ste / sna tshogs pa ni rnam pa du ma'i rmi lam dri med ni dge ba'i rmi lam gal te mthong na de'i tshe/ sku gsung thugs kyi rdo rje ni rdo rje 'chang chen po las byung ba'i bla na med pa'i de kho na nyid 'grub par 'gyur ro/ /rmi lam gyi 'bras bu'o/ /rmi lam ngan pa bshad par bya ste/ gdol ba zhes bya ba la sogs pa la/gdol pa ni mtshon cha 'dzin pa rnams dang / khyi la sogs pa ni khyi la sogs pa'i srog chags ngan pa rnams/ gal te rdo rje 'chang chen po'i rnal 'byor pas mthong na de'i tshe/ blo ldan ni shes rab can des dam tshig nyams pa sel zhing / tshogs kyi 'khor los mchod par bya'o//de nas rdo rje sems dpa' ni rnal 'byor de'i sems kyi gnas ni zhes pa rdo rje sems dpa' dang 'dra ba'i lus 'grub par 'gyur ro zhes ston to/ /de la zhes bya ba la sogs pa la/ de la ni rmi lam gyi skabs su'o/ /rmi lam rnam par dpyad pa ni yod pa dang med pa dag las grol ba nyid de/de'i dam tshig ni sgom pa ste/ de nyid rtse gcig par gyur pas thob pa'i phyir snying po'o/ /rang sems zhes bya ba la sogs pa la/ rang sems ni rnam par shes pa drug gi ngo bo'i sems te/ de nyid sems dmigs pa ni yang dag par rnam par dpyad par bya ste/gcig dang du ma bral ba'o/ /des byas pas chos rnams thams cad ni sems can dang snod kyi rang bzhin gyi chos rnams sems dmigs pa de nyid kyi ngo bo la/ rab tu gnas pa ni de nyid du thim par 'gyur ba'o/ /de bas na nam mkha'i dbyings bzhin du de rnams gzung bar mi nus pa dang /brjod par mi nus pa'o/ /de bas na chos ni phung po la sogs pa med pa dang / chos nyid med pa ni stong pa nyid las tha dad pa ma yin no zhes tshig gi lhag ma ste/ ji srid de nyid rmi lam rnam par dpyad pa'o/ /de nas zhes bya ba la sogs pa la/ ngo mtshar du gyur pa ni chos thams cad ngo bo nyid med par thos pa dang /rmad du gyur pa ni rmi lam dang de'i 'bras bu thos pas/ the tshom gcod pa'i bcom ldan 'das rdo rje sems dpa' la sangs rgyas dang byang chub sems dpa' rnams kyis 'di skad zhus pa ste/ kye bcom ldan 'das 'di ci zhig ngo mtshar ba lags/gang gi phyir/ chos rnams ngo bo med pa la/ /zhes pa ni stong pa nyid kyi ngo bo phung po la sogs pa la/ chos ni rmi lam rnams dang de nyid ni de rnams kyi 'bras bu'ang bshad pa de ni ngo mtshar ba'o/ /nam mkha' las nam mkha' dang stong pa las stong pa 'byung ba'o zhes dgongs pa'o//de nas zhes bya ba la sogs pas rdo rje 'chang gis de rnams la 'di skad gsungs pa ste/ bcom ldan 'das zhes bya ba la sogs pa la/ kye de bzhin gshegs pa rnams nyon cig /nam mkha' ni gzugs la sogs pa chos gang dang yang mi ldan te/thogs pa med pa dang bstan du med pa'i phyir ro/ /mi ldan pa yang ma yin te khyab byed kyi phyir ro/ /de bzhin du nam mkha' de la nga rgyal 'di lta bu yod pa ma yin te/ nga ni thams cad du 'gro ba ni khyab byed dang / thams cad kyi rjes su lta ba ni bstan du med pa'o//de bzhin du rmi lam dang de'i 'bras bu dag la nam mkha'i dpes mnyam pa nyid du shes par gyis shig pa'o/ /dpe las byung ba bshad par bya ste/ bcom ldan 'das zhes bya ba la sogs pa la/ dper na nam mkha' ni thogs pa med pa dang / bltar mi snang ba ni gzugs la sogs pa bzhin du gnod par mi 'gyur ba ste/'dir ni 'di yin no zhes shes pa bzhin du bstan du med pa ste/ de bzhin du chos thams cad ni phung po la sogs pa shes par gyis shig pa'o/ /lus la sogs pa tha dad pas dpe bstan par bya ste/ chos thams cad ni khams gsum na gnas pa'i sems can rnams kyis lus ngag yid rnams stong pa'i rang bzhin yin pa'i phyir rdo rje dang /kun rdzob kyi ngo bo yin pa'i phyir gnas te/ de rnam par dpyad na sems can gyi rigs rnam bzhi khyab par byed pa'i phyir thams cad kyi rjes su song ba dang /'on kyang bde ba dang sdug bsngal gyi rang bzhin gyis mnyam pas rang bzhin gcig pa'o/ /de rnams gnyis su med pa yin nam ma yin zhe na/ lus kyi rang bzhin sems de dang dbyer med pa'i phyir ro/ /sems kyi ngo bo nyid ni lus te/ de med pas na de mi 'byung ba'i phyir ro//de bzhin du ngag dang sems dang lus dag dbyer med pa nyid du shes par bya'o/ /de bas na lus la sogs pa dang nam mkha'i khams gnyis su med pa ste/ 'dis bum pa dang snam bu bzhin du yang dag par sbyor ba'i gnyis su med pa sel ba ste/ gnyis su med pa ni shing dang sha ba bzhin du'o//bcom ldan 'das zhes bya ba la sogs pa la/ nam mkha'i khams kyi rang bzhin gyi phyir sems can thams cad nam mkha'i khams la gnas pa ste re zhig shes pa yin la/ nam mkha'i khams de yang 'dod pa'i khams la sogs pa rnams la gnas pa ma yin te/so sor nges pa'i gnas med pas khyab byed kyi phyir ro/ /de ltar gang du yang mi gnas pa'i dngos po gang yin pa de ni skyed pa yang ma yin te/ don gyis shes par bya'o/ /de bas na chos thams cad ni phung po la sogs pa/ ngo bo nyid med pa ni skye ba dang 'jig pa dang bral ba'o zhes shes par bya'o//rnam par byang ba'i dpe bstan par bya ste/ byang chub kyi sems ni 'od gsal ba ste/ de nyid de bzhin gshegs pa thams cad kyi ye shes ni ye shes kyi sku skyed par byed pa ste/ rim pa gnyis kyis skyes pa dang spro bar byed pa ste / byang chub kyi sems de yang zhes pa ni de kho na nyid de lus la sogs pa la mi gnas pa ste/'dus byas pa ma yin pa'i phyir ro/ /gang zhig lus la sogs pa la mi gnas pa de ni rtag pa yin pa'i phyir skye ba dang 'jig pa ma yin no/ /de bzhin gshegs pa thams cad kyi ye shes ni 'od gsal ba dang /ye shes kyi sku 'byung ba'i rdo rje'i gnas ni mi g.yo ba'i ting nge 'dzin to/ /de bzhin du rmi lam la ni 'di ltar 'byung ba ma yin te/ bdag gis skyes bu la sna tshogs pa 'di ltar bstan to/ /bdag gis rmi lam mthong bar bya'o zhes skyes bu la yang sems pa mi 'byung ste/'dod na mi mthong ba'i phyir dang / mi 'dod na yang mthong ba'i phyir ro/ /de bzhin du khams gsum pa'i bya ba ni dge ba'am mi dge ba ste/ rmi lam bzhin du shes par bya'o/ /sgyu ma mkhan gyi sprul pa'i skyes pas bskor ba mthong ba bzhin du 'gro ba thams cad yin no zhes bshad par bya'o//de bzhin du phyogs bcu na gnas pa'i 'phags par gyur pa sangs rgyas dang byang chub sems dpa' rnams dang / so so'i skye bor gyur pa'i sems can thams cad de/ de rnams rmi lam la bdag med pa ni 'khrul pa'i ngo bo ste/ de dang 'dra bar shes par bya'o//'o na gal te de ltar yin na gang sbyin pa dang / gang la sbyin pa dang / 'bras bu gang las 'byung ba dang / sgom pa gang yin pa dang / 'bras bu gang yin zhe na/ bcom ldan 'das zhes bya ba la sogs pa la/ yid bzhin gyi nor bu ni rin po che thams cad kyi gtso bor gyur pa dang /yon tan thams cad dang ldan pa ni re ba thams cad rdzogs par byed pa'i phyir ro/ /'dod pa po rnams kyis gang zhig 'dod par gyur pa gser la sogs pa / de dag thams cad 'dod pa tsam gyis ster ba ste/ ngag gis ni ma yin no//rin po che des sbyin pa'i nor la sogs pa de sems la mi gnas pa ni 'dod pa'i skyes pa'i yid la gnas pa ma yin te/ sngar 'dod na yang med pa'i phyir ro/ /yid bzhin nor bu la gnas pa ma yin zhes pa ni/ don du ma gnyer na mi ster ba'i phyir te/ ba lang la sogs pa bzhin no/ /'on kyang de ltar ma yin na yang rkyen gyi dbang gis de lta bu'i 'bras bu 'byung bar 'gyur ro/ /de bzhin du shes pa ni yid bzhin gyi nor bu'i dpe tsam gyis de bzhin gshegs pa thams cad 'gro ba thams cad la chos bstan pa'i sgo nas bla na med pa'i byang chub kyi 'bras bu la thob tu 'jug pa'o//de rnams la yang rnam par rtog pa gang yang mi mnga' ste/ rnam par mi rtog pa nyid kyi phyir ro/ /de rnams kyis kyang thob tu 'dzud pa ma yin te/ sngar thob pa'i phyir ro/ /'on kyang glo bur ba'i dri ma sel ba'i phyir/ bsnyen bkur bya ba dang bsnyen bkur byed pa yin no//de bas na thams cad sangs rgyas pa yin te/ rang bzhin la brten nas de bzhin gshegs pa dang so sor skyes bo dag don dam par dbyer med pa'i phyir ro/ /chos thams cad ni sbyin pa la sogs pa'i pha rol tu phyin pa rnams so/ / dper na ngo bo nyid med pa'i phyir gang gis sbyin pa dang gang la sbyin pa'o/ /'on kyang 'dus byas pa tsam la brten nas rgya skyegs kyi khu bas gsher ba'i ras bal gyi sa bon las de dang mthun pa'i 'bras bu 'byung ba kho na yin no/ /de bas na chos thams cad stong pa yin na yang 'das ma thag tu bshad pa'i rigs pas las dang 'bras bu'i 'brel pa 'byung ngo //sangs rgyas kyi chos ni byang chub kyi phyogs kyi chos rnams te/ de rnams kyang 'jig rten dang 'jig rten las 'das pa'i lam gyi dbye bas sems can thams cad sangs rgyas nyid du thob par byed pa ste/ 'on kyang don dam par de rnams dngos po med do//thams cad stong pa nyid kyi bdag nyid kyi sangs rgyas dag rnam par mi rtog pa'i ting nge 'dzin la zhugs pas yid bzhin nor bu bzhin du sems can thams cad la chos bstan pa la sogs pa mdzad pa'o/ /ji skad du/ skyes bu yid bzhin nor bu bzhin//zhes bya ba la sogs pa 'byung ngo / /de nas zhes bya ba la sogs pa la/ de bzhin gshegs pa thams cad ni mi bskyod pa la sogs te/ chos nyid rtogs pas dgyes shing spyan gdangs nas rdo rje 'chang chen po la 'di skad zhus te/ kye bcom ldan 'das 'di ni ngo mtshar ba yin te/gang zhig nam mkha'i khams dang 'dra ba chos thams cad ni sbyin pa la sogs pa dang / phung po la sogs pa ste/ sangs rgyas kyi chos rnams ni byang chub kyi phyogs la sogs pa gang yin pa de rnams/ rjes su 'brang ba ni de dang 'dra ba dang de'i bdag nyid dang 'bras bu'i 'brel pa dang ldan par gyur pa zhes bya ba 'di ni kho bo cag gis rtogs pa yin te/the tshom bral ba'o/ /de nas zhes bya ba la sogs pa la/ byang chub sems dpa' thams cad ni byams pa la sogs pas bcom ldan 'das ni dkyil 'khor gyi bdag po'i zhabs gnyis la phyag 'tshal nas 'di skad zhus so//sngags thams cad ni zhi ba dang drag po gtso bor gyur pa ste/ de rnams kyis byas pa'i gang zhig dngos grub ni zhi ba la sogs pa dang / 'dus pa ni lha'i dkyil 'khor gyi 'khor lo bsgom pa ste/de dag gang la gnas pa lags zhes 'dri ba'o/ /de'i dgongs pa 'di yin te/ re zhig bcom ldan 'das kyis chos kun gyi rang bzhin med pa nyid gsungs pa ste/ de bas na spros pa du ma'i dra ba dang ldan pa'i dngos grub rnams cung zad kyang ma yin te the tshom ldang ba'o//de nas zhes bya ba la sogs pas rdo rje 'dzin gyis de rnams la 'di skad bka' stsal te/ de la legs so zhes bya ba byin pa ni the tshom za ba'i phyir ro/ /sngags thams cad kyi dngos grub 'di rnams sku gsung thugs ni bdag la byin gyis brlab pa'i rim pas bsgrub pa'i ye shes kyi sku la gnas pa ste/de la brten nas de rnams 'grub pa'i phyir ro/ /rab tu byed pa las kyang / sngags dang phyag rgya'i sbyor ba dang / /dkyil 'khor la sogs rnam brtag pa/ /gtor ma sbyin sreg bya ba kun//rtag tu sgyu ma lta bur bya/ /zhi ba dang ni rgyas pa dang / /dbang dang mngon spyod de bzhin du/ /gang zhig dgug pa la sogs kun/ /de dag 'ja' tshon lta bur bya/ /zhes bya ba la sogs pa 'byung ngo / /de ci'i phyir zhes bya ba la sogs pa la/ gang gi phyir de bzhin gshegs pa ni sangs rgyas rnams dang /dngos grub thams cad ni zhi ba la sogs pa dang / sangs rgyas kyi chos thams cad ni byang chub kyi phyogs la sogs pa ste/ de rnams bdag gi lus dang ngag dang sems rdo rje ni sgyu ma dang 'dra ba'i rnam par gnas pa ste/sngar bshad pa'i rim pas so zhes tshig gi lhag ma'o/ /sgyu ma'i rang bzhin gyi lha'i rnam pa'i sku la sogs pa de rnams kyang 'dod pa'i khams la sogs pa la mi gnas pa ste/ bye brag med pas thams cad de'i rang bzhin yin pa'i phyir ro/ /lus la sogs pa de rnams kyang phan tshun du gzhi dang gzhi can gyi 'brel pas mi gnas pa ste/sgyu ma lta bu nyid gcig yin pa'i phyir dang / mar la mar bzhin du dbye ba med pa'i phyir te/ nam mkha' bzhin du rang bzhin gyis dag pa'o zhes pa gtan tshigs so/ /de nas zhes bya ba la sogs pas dkyil 'khor pa rnams kyis zhus pa ste/kye bcom ldan 'das gal te de ltar yin na/ de bzhin gshegs pa thams cad kyi chos ni sgyu ma'i dpe bcu gnyis te/ de rnams gang du gnas pa ste/ gang gi drin gyis sgyu ma'i rgyu yongs su gzung ba ste dgongs pa'o//bcom ldan 'das kyis bka' stsal pa/ rang gi lus ngag sems ni sgyu ma lta bu'i sku la sogs pa'i bdag nyid kyi ye shes tsam de la gnas pa / de nyid la brten nas 'byung ba ni phyi rol du snang ba yin no zhes dgongs pa'o/ /de bzhin gshegs pa rnams kyis gsol pa/de lta bu'i ye shes tsam gyi sems de sgyu ma'i sku'i rnam pa ste gang du gnas zhes 'dri ba'o/ /bcom ldan 'das kyis bka' stsal pa/ nam mkha' la gnas pa ni 'od gsal ba la gnas pa'o/ /rab tu byed pa las kyang / bdag la byin rlabs ting 'dzin dang / / 'od gsal go 'phang de bzhin du/ /rgyu dang 'bras bu'i dbye ba yis/ /bden pa gnyis po de bshad pa'o/ /bdag la byin rlabs go rims kyis/ /gang phyir 'od gsal thob 'gyur te/ /de phyir rdo rje slob dpon gyis/ /sngon du bdag la byin rlabs bstan/ /zhes 'byung ngo //yang gsol ba/ nam mkha' ni 'od gsal ba ste/ de yang gang du gnas zhes dri ba'o/ /gang na yang mi gnas zhes pa ni lan te/ thams cad du gnas pa'o zhes ston to/ /byang chub kyi sems kyi rnam 'grel las kyang / ji ltar bu ram mngar ba dang //me yi rang bzhin tsha ba ste/ /zhes bya ba la sogs pa 'byung ngo / /de nas zhes bya ba la sogs pa mi bskyod pa la sogs pa dang / byams pa la sogs pa de rnams ngo mtshar du gyur pa ni the tshom chod pa dang / rmad du gyur pa ni chos kyi don rtogs pas so/ /de nyid kyi phyir rang gi sems kyi chos nyid la gnas pa ni 'od gsal ba'i ting nge 'dzin bsgom pa ste/cang mi smra ba ni rnam par rtog pa thams cad yongs su zad pas zhi ba'i sems kyi rang bzhin du 'gyur pa ste/ sems rnam par dag pa dang bdag la byin gyis brlab pa'i rim pa dag go/ /sems thams cad ni rnam par shes pa gsum ste/de rnams kyi dam tshig ni 'od gsal ba ste/ de nyid kyi snying po ni blang bar bya ba ste/ de las rdo rje ni sgyu ma'i sku 'byung ba le'u gang la yod pa de rjod par byed pa'i gzhung gi tshogs kyang de bzhin du bshad pa'o/ /rgyud 'grel las le'u bco lnga pa'i tshig gi don bcu drug gi bshad pa'o/ / le'u bco lnga pa'i tshigs su bcad pa'i grangs ni bzhi brgya drug cu'o// //le'u bzhi pa las gsungs pa'i thugs kyi dkyil 'khor rdzogs par bya ba'i phyir dang / sku dang gsung gi dkyil 'khor gnyis gtso bor gyur pa le'u bcu drug pa bstan par bya ba'i phyir/de nas zhes bya ba la sogs pa gsungs te/ de bzhin gshegs pa thams cad ni mi bskyod pa la'ang 'dus te/ de bzhin gshegs pa thams cad kyi sku gsung thugs kyi rdo rje ni rdo rje 'chang chen po la/ de bzhin gshegs pa thams cad kyi sku gsung thugs kyi rdo rje'i tshig ni/mi bskyod rdo rje ye shes che/ /zhes bya ba la sogs pa'i tshigs su bcad pa rnams kyis gsol ba btab cing de bzhin gshegs pa thams cad kyi ngo bo rin chen gyi mchod pa ni gzugs rdo rje ma la sogs pa'i mchod pa rnams te/de dag gi tshogs ni re re'i 'khor du ma rnams kyis mchod pa byas te/ las kyi rgyal ba mchog go/ /de nas zhes bya ba la sogs pa la/ de bzhin gshegs pa thams cad ni rnam par snang mdzad la sogs pa ste/ de rnams kyis gang zhig rdo rje thams cad kyi dkyil 'khor ni sku la sogs pa'i dkyil 'khor rnams te/de dag gi seng ge ni dkyil 'khor gyi bdag po rnams te/ de dag mchod par bya ba'i phyir dam tshig ni phyi dang gsang ba la sogs pa'i mchod pa rnams te/ de dag nyid dag pa thob par byed pa'i phyir mdzes pas na rgyal po ste/tshogs ni slob ma 'jug pa la sogs pa ste/ de dag gi ting nge 'dzin gang la yod pa de la/ snyoms par zhugs nas rdo rje'i sku ni rnam par snang mdzad de/ de'i dkyil 'khor sangs rgyas thams cad ni rdo rje 'chang chen po sku la sogs pa las phyung ngo //de nas zhes bya ba la sogs pa la/ de nas gsol ba gdab pa dang / mchod pa'i 'og tu/ sku'i dkyil 'khor ni rnam par snang mdzad kyi dkyil 'khor rab tu bshad pa ni phul du byung bas phye zhing bshad par bya'o/ /ji lta bu zhe na/ mchog ni me long lta bu'i ye shes thob par byed pa'o//de bzhin du thugs rdo rje ni mi bskyod pa ste/ de'i dkyil 'khor gyi thig gdab pa la sogs pa'i yon tan dang gru bzhi la sogs pa'i yon tan dang 'dra ba'o/ /de nyid kyi phyir thams cad ni de bzhin gshegs pa rnams te/ de dag gi dkyil 'khor dag ste gang dang gang de ru bdag po gnyis su gyur pa de dag de'i dkyil 'khor yin no zhes 'og nas gsungs pa'i phyir ro//yang ji lta bu zhe na/ khru ni bcu drug ces bya ba la sogs pa la phyogs bzhi yin pa'i phyir ro/ /rnam par snang mdzad ni gzugs kyi rang bzhin yin la/ gzugs kyang sa'i rang bzhin yin pa ste/ sa yang 'byung ba chen po bzhi'i rang bzhin yin pas phyogs re re khams bzhi bzhi yin pa'i phyir ro zhes rnam par dag pa'o/ /gru bzhi zhes pa ni phyi dang nang du'o/ /rab tu mdzes pa ni dri ma med pa dang gsal ba'i tshon gyi ri mo dang ldan pa'o//de nyid kyi phyir sangs rgyas kun ni rnam par snang mdzad kyi rigs can rnams te/ de dag gi dkyil 'khor ni bzhir gyur pa'o/ /sku rdo rje ni rnam par snang mdzad de/ de nyid kyi dbus kyi gtso bo nyid du rab tu gnas pa ni dbus su bzhugs par mdzad pa'o/ /de'i nang du zhes bya ba la sogs pa la/'das ma thag tu bshad pa'i dkyil 'khor de'i dbus su 'khor lo ni 'khor lo'i phreng ba bri ba ni dgod par bya'o/ /gang gis she na/ cho ga'i rdo rje zhes pa la/ cho ga ni dkyil 'khor gyi cho ga ste/ de nyid rdo rje bzhin du brtan pa gang la yod pa de ni sgrub pa'i blos bri bar bya'o//'dir ni cho ga'i sgra'i don yin te/ re zhig dang po rdo rje slob dpon gyi mtshan nyid ni/ phyi yi rnam rtog ngan 'dra ba/ /rnam par dben pa'i yid las spangs/ /rdo rje pad+ma'i dbang bskur gyis/ /gnang ba thob dang blo ldan pas//zla ba nyi ma chu sman dang / /de bzhin dri yang sngags byas pa/ /'bad pas bri ba'i dkyil 'khor la/ /dam tshig gsang ba bsnyen par bya/ /lan ni gnyis gsum slob dpon la/ /gsol btab gsang ba'i bdud rtsi snod/ /thar pa 'dod dang dad pa can/ / slob ma dam pa bltas nas ni/ /dpal ldan gsang ba 'dus tshul gyis/ /'di rnams bdag gis byang chub la/ /gzhag par bya zhes rjes gzung ba/ /de ltar rnal 'byor pa yis bsam/ /de la re zhig dang po slob dpon ni theg pa chen po'i tshul la mkhas pa dang /'gro ba ma lus pa gdon pa la thugs rje dang ldan pa dang / dad pa dang thos pa la sogs pa'i stobs kyis 'byung ba'i 'od gsal ba rtogs pas ma lus pa'i yul nye bar spyod pa dri ma med par mdzad pa dang / kun du 'gro ba'i chos kyi dbyings so sor rtog pa'i bsam pas spyod pa rnam par dag pa la gnas pa dang /ye shes kyi tshogs 'phel bas dri ma dang bcas pa'i bag chags dang gti mug gi rab rib yun ring du gdon nus pa'o/ /de lta bu'i slob dpon la gang gi tshe slob mas dkyil 'khor bri ba'i phyir lan gnyis lan gsum du gsol ba btab na/de'i tshe des kyang de la dri ba ste/ phun sum tshogs pa thams cad khyod kyis rdzogs sam ma rdzogs/ gal te cung zad rdzogs pa dang cung zad ma rdzogs so zhes zer na de'i tshe/ yi ge hUM las byung ba'i steng du khro bo'i gzugs dang 'og tu rtse gcig pa'i rnam pa'i khro bos de'i sems kyi bgegs rnams phur bus btab la/de'i 'od zer gyi 'khor las kyang gdug pa de rnams bsregs nas slob ma'i sems bsrung bar bya ba'i phyir dbyangs tha ma las byung ba'i dkyil 'khor bsams te/ de'i steng du las kyi rdo rje yang bsam par bya'o//bden pa ji bzhin dkyil 'khor rnams/ /bar brtags gang gis nus pa'o/ /rang gi lha yi rnal 'byor gyis/ /dkyil 'khor brtags pas bsgrub pa'o/ /de bas na rang gi lha'i rnal 'byor gyis dang po sbyor ba la sogs pa'i ting nge 'dzin gsum gyi mthar phra mo rdo rje bsgom pa dang /rdo rje thig le bsgom pas sems brtan par byas la dkyil 'khor pa rnams kyi sngags re re 'bum bzlas te/ rang gi snying ga'i rdo rje'i lte bar gnas pa'i dkyil 'khor bsgom pas nges par byas la/ de bzhin gshegs pa'i bka' sngon du 'gro ba rim pa 'dis dkyil 'khor bri bar bya ste/re zhig dang po oM b+hu khaM zhes bya ba'i sngags kyis nam mkhar gyur pa'i sa gzhi hUM laM hUM zhes bya ba'i sngags kyis zla ba rdo rje'i rang bzhin du bsams la/ oM me di nI badzri b+ha ba badzra ban+d+ha hUM zhes bya ba'i sngags kyis byin gyis brlabs la/sngar bshad pa'i bsam gtan gyis phur bus 'debs shing yi ge hriHlas byung ba'i nam mkha'i khams khyab par byed pa'i chos 'byung gi phyag rgya'i nang du A li dang kA li las skyes pa'i sngar bshad pa'i gnas pa rdzogs pa'i sa gzhi bsgoms la/de nyid lag pa g.yas pas reg cing yi ge gsum gyis byin gyis brlab par bya'o/ /sa gzhi ji lta bu zhe na gru bzhi dang sgo bzhi dang rdo rje'i ka bas rnam par brgyan pa dang / phyogs bzhi la sgo dang rta babs dang / rgyal mtshan dang me tog gi phreng ba la sogs pas brgyan pa dmigs te/lha thams cad kyi gnas rnams la gnas pa'i zla ba dang nyi ma'i gdan rnams yi ge gsum gyis byin gyis brlab par bsams la/ de'i dbus kyi gtso bo'i nga rgyal gyis phyi rol gyi bud med rigs kyi dbye bas lha mo spyan la sogs pa'i rang bzhin de rigs kyi sa bon lngas byin gyis brlabs shing de'i pad+mar yang yi ge a la sogs pa dgod cing snga ma bzhin du dam tshig ni dkyil 'khor gyi lha rnams 'byung bar bya'o//de'i 'og tu de bzhin gshegs pa re re lha mo bzhi dang ldan pa dang / khro bo rnams kyang rang rang gi ye shes kyi phyag rgya ma dang bcas pa dang /byang chub sems dpa' rnams dang gzugs rdo rje ma la sogs pa dang bcas pa spro ba dang bsdu ba dang gnas pa dang / brtan par bya ba dang / rjes su chags pas las la gnas par byas la/ oM badzra At+ma kou0f85haM zhes b ya ba brjod cing bdag nyid dang rang bzhin gyis dag pa'i lha thams cad kyi ngo bo rang bdag nyid bsgom par bya'o//de nas de bzhin gshegs pa'i nga rgyal byas pa'i sngon du 'gro ba'i slob ma rnams kyis rdo rje dang dril bu lag na thogs shing bla ma la gsol ba gdab par bya ste/ de bzhin gshegs pa kun zhi ba/ /de bzhin gshegs pa kun gyi gnas/ /chos mchog kun gyi bdag med pa/ /dkyil 'khor dam pa bshad du gsol/ /zhes bya ba la sogs pa'i tshigs su bcad pa rnams kyis gsol ba gdab par bya'o/ / de'i 'og tu slob dpon gyis rdo rje dang dril bu bsnams la/ hUM badzro tiSh+Tha zhes bya ba la dkyil 'khor gyi 'khor lo bteg cing rdo rje sems dpa'i nga rgyal gyis yi ge Ta dang ma dag las byung ba'i mig gnyis ni zla ba dang nyi mar bsams te/ phyogs thams cad la yang de nyid las rdo rje ra ba la sogs pa bsams te/rkang pa'i 'og tu sna tshogs rdo rje bkod la/ nga rgyal dang bcas pa'i gar gyis dkyil 'khor gyis gzhi la yi ge gsum brjod cing rdo rje sems dpa'i nga rgyal gyis bcag par bya'o/ /rdor sems yang dag sbyor ba yis/ / mchu gnyis yang dag gzung byas te/ /dpal ldan g.yon phyogs nga rgyal 'dzin/ /phyogs kyi 'khor lo bcas par bya/ /sa 'og sa bla sa steng rnams/ /'og dang steng ni bcings byas te/ /gdug pa rnams kyis mi thub pas/ /yi ge hUM ni brjod par bya/ /de nas rdo rje rgyu'i rang bzhin gyi gsang ba'i dkyil 'khor/oM badzra maN+Dal hUM dzaHzhes bya bas bkug cing oM ma hA badzra tsakra a d+hi tiSh+Tha sid+d+hi hUM zhes bya bas dbyer med par byas la/ oM badzra kI li kI la ya hUM phaT ces bya bas phur bus btab la sa gzhi de bdud rtsi lnga'i chus byugs shing lha thams cad kyi gnas rnams la tsan+dan dang bdud rtsi lnga'i chus thig le rnams byas shing me tog gtor te/lha'i dkyil 'khor dang rang gi gnas su zhugs par byas la/ gsang ba dang de las gzhan pa'i mchod pas mchod cing gser dang dngul dang zangs la sogs pa'i ngo bo mtshan nyid dang ldan pa rnam par rgyal ba'i bum pa ha sa de ba dang /ba hu pu krita dang pr-i ha ti dang / daN+Dot+pa la dang / a pa rA dzi ta zhes bya ba sman chen po dang ldan pa dang / shel dang / dngul dang / mu tig dang / dung dang / bye ru ste rin po che dang bcas pa dang / til dang / nas dang / ma sha dang / gro dang / 'bras dang ldan pa dang / cung zad bdud rtsi lnga'i chu dang bcas pa rigs kyi bdag po'i sngags kyis bzlas la/ 'khor lo'i rtsibs kyi dbus na bzhag nas spos gtul zhing mchod par bya'o/ /las thams cad pa'i bum pa yang rang gi sngags kyis byin gyis brlabs la shar phyogs kyi sgo'i phyi rol du bzhag la/de bzhin gshegs pa thams cad la spos gtul bas zhu bar bya'o/ /khyed rnams mchod par bya phyir dang / /slob ma rnams kyang rjes gzung phyir/ /snying rje'i bdag nyid bdag de yis/ /dkyil 'khor bri bar 'dod pa'o//de phyir dad ldan bdag la ni/ /bcom ldan bka' drin mdzad du gsol/ /'jig rten mgon po thugs rje can/ /khyed rnams bdag la dngos su gsol/ /dgra bcom byang chub sems dpa' dang / sngags kyi lha mo gzhan gang rnams/ / lha dang 'jig rten skyong ba dang / /mthu chen gang zhig 'byung po rnams/ /gang zhig lha yi spyan ldan pa/ /bstan pa la dga' de rnams kun/ /bdag ming 'di zhes bgyi pa yis/ /dkyil 'khor chen po 'di zhes pa/ /ci nus pa yi nyer spyod pas/ /nang par bri bar bya ba'o/ / de phyir slob ma nang bcas pa/ /bdag ni snying rjes bzung nas ni/ /thams cad bcas pa dkyil 'khor la/ /byin gyis brlab pa mdzad du gsol/ /zhes bya ba lan gsum brjod par bya'o/ /de'i 'og tu slob ma rnams bkug cing me'i dkyil 'khor la gnas pa'i yi ge ra'i mes de rnams re re thal bar byas la/yi ge gsum gyi rang bzhin rang gi kha nas zhugs te/ bde ba chen po'i ngo bo de nyid rdo rje nas spro bar byas la/ de nyid sku la sogs pas byin gyis brlabs la/ yi ge hUM las byung ba'i rdo rjes byin gyis brlabs la/ dkyil 'khor gyi rtsa ba'i sgo'i ngos su bzhag nas 'di yis lhag par gnas par bya'o//sdig pa bdag gis gang byas pa / /byed du bcug dang rjes yi rang / /slar yang de nyid mi bya'i phyir/ /de dag thams cad bshags par bgyi/ /sangs rgyas mgon po'i bsod nams dang / / rang rgyal slob ma las byung dang / /'gro ba'i bsam pa las skyes gang / /thams cad bdag ni rjes yi rang / /sangs rgyas byang chub sems dpa' yis / /bla med chos ni rin po che/ /sangs rgyas chos dang dge 'dun dang / /rin chen mchog gsum bla med pa//sdom pa sangs rgyas sbyor skyed pa/ /de ring bdag gis mchog tu gzung / /rdo rje dril bu phyag rgya yang / /bdag gis yang dag gzung bar bgyi/ /slob dpon yang ni gzung bya ste/ /rdo rje rin chen bsdus pa'o/ /nyin dang mtshan du lan gsum du/ /sbyin pa bzhi dag rab tu sbyin//rin chen chen po'i rigs mchog la/ /de ni dam tshig yid du 'ong / /phyi nang gsang ba theg gsum gyi/ /dam pa'i chos ni blang bar bgyi/ /byang chub chen po'i las byung ba'i/ /pad+ma chen po'i rigs dag pa'o/ /sdom pa thams cad yang dag ldan/ / yang dag tu ni blang bar bgyi/ /mchod pa'i las ni ci nus pas/ /las kyi rigs chen bsdu ba'o/ /tshul khrims gsum po'i rnam dag dang / /ting 'dzin de bzhin sdom pa rnams/ /byang chub sems dpa' slob dpon la/ /bdag gis skyabs su 'gro ba'o/ /sangs rgyas de yi sras rnams kyis//shes rab chen pos ji bzhin bskyed/ /byang chub sems ni che mchog go/ /de bzhin bdag gis bskyed par bgyi/ /sangs rgyas dang ni de sras rnams/ /mgon po bdag la dgongs su gsol/ /deng nas brtsams te ji srid du/ /bla med byang chub thob kyi bar//sangs rgyas chos dang dge 'dun dang / /sdom pa chos dag bsdu ba dang / /sems can don byed tshul khrims dang / /bdag gis brtan por blang bar bya/ /dge ba 'di yis bdag gis ni/ /sangs rgyas nyid du thob pa ste/ /gting med srid pa'i rgya mtsho las/ / 'gro ba thams cad bdag gis bsgral/ /zhes bya ba lan gsum du bcug la/ de nyid kyi snying ga dang spyi bo dang lkog ma rnams la rdo rje dang 'khor lo dang pad+ma bsams la/ yi ge gsum brjod la reg cing de'i lag pa la dri dang me tog sbyin te/ yi ge gsum gyis byin gyis brlabs la spos kyis gtul bar bya ba dang /mar mes kyang snang bar byas shing de nyid lha bshos byin te/ bdud rtsi 'khyil pas bzlas pa'i so shing dang / 'thong 'thung byin la ku sha yang sbyin te/ dpung pa g.yas pa la mdud pa gsum byas pa'i srung skud bcings shing oM bi shud+d+ha d+har+m+maHsarba pA paM ni tsa a s+ya sho d+ha ya/sarba bikawA na a pa na ya hUM zhes byas pas dri chu 'thung du bcug la/ ci nus pas zab pa dang rgya che pa'i chos bstan cing / kye bzhin bzangs rnams song shig /nang par dkyil 'khor chen po rdo rje sems dpa'i drin gyis mthong bar gyis shig ces slob ma rnams la smras te/dkyil 'khor gyi 'khor lo yang dag par mchod la nam mkha'i dbyings la bteg cing mnyam par bzhag pas dkyil 'khor gyi gzhi la nyal bar bya'o/ /de nas zhag gnyis pa la lha'i rnal 'byor gyis brlabs la / bya ba'i sa bon rnams las bskyed pa'i thig skud ni dkar po dang /ser po dang / marka ta 'dra ba dang / dmar po dang / in+d+ra nI la dang 'dra ba ste/ dkyil 'khor las nyis 'gyur du byas la/ sa bon de rnams kyis byin gyis brlabs la/ dam tshig las byung ba'i de bzhin gshegs pa lnga de rnams la thim zhing yi ge gsum brjod cing bsgril ba dag sbyangs te byin gyis brlab par bya'o//de'i 'og tu yi ge dza las byung ba'i zla ba dang nyi ma mig gnyis su bkod cing / hUM pra yats+tsha bai ro tsa na tsakra sU trA NA ya zhes bya bas rang gi mdog dang 'dra ba'i rnam par snang mdzad kyi snying gar zla ba'i 'od zer lta bu'i lcags kyu rnams kyi 'od zer gyi thid skud bkug la thid skud dkar po la thim par bya'o//de bzhin du snang ba mtha' yas la sogs pa'i snying ga'i zla ba rnams las rang rang gi mdog dang 'dra ba'i thig skud rnams ji bzhin du thig skud bzhi la thim zhing sku gsum gyi sgom pas rang gi sku rdo rjer bsgom zhing /thig skud 'dzin pa gal te shes rab ma yin na de'i tshe lha mo spyan du bsgom par bya'o/ /gal te slob ma yin na de'i bdud rtsi 'khyil pa'am/ rdo rje sems dpar bsgom par bya'o/ / de bzhin du gsung dang thugs kyi dkyil 'khor la rang gi bdag nyid gsung rdo rje dang thugs rdo rjer bsams la/ thig skud 'dzin pa gal te shes rab ma yin na de'i tshe gos dkar mo dang mA ma kI bsam par bya'o/ /gal te slob ma yin na de'i tshe rnam par snang mdzad dam bdud rtsi 'khyil pa'am rdo rje sems dpar bsams la/oM dz+dza dz+dza dz+dza zhes bya bas bskul bar bya'o/ /nye ba'i sgrub pas kyang oM dz+dza dz+dza dz+dza zhes bya bas gzung zhing g.yon pa'i khu tshur gyis gzung bas lte ba'i phyogs su thig skud 'dzin par bya'o/ /de'i 'og tu mtho ris dang gnod sbyin gyi bdag po'i phyogs kha bltas pas rdo rje can gyis nam mkha' la thig skud gdab par bya'o//de'i 'og tu de bzhin du rang rang gi phyogs la dmigs te/ tshangs pa'i thig skud gnyis sa la btab cing gnod sbyin dang / yi dags dang / dbang po dang /klu'i phyogs la kha bltas nas phyi rol du thig gdab par bya'o/ /de'i 'og tu me dang bden bral gyi mtshams su kha bltas pas thig gdab par byas te/ shar nub byang dang lho phyogs su/ /thig skud bzhi dang dum bu brgyad/ /ces bya ba'i rim pas thig gdab par bya'o//thig skud kyi sgras kyang / khyed la sems can don dus yin/ /zhes bya bas de bzhin gshegs pa rnams bskul bar bya'o/ /de la bla ma dang slob ma dag g.yas phyogs nas bskor bas 'gro ba shes par bya'o/ /gru bzhi pa dang sgo bzhi pa/ /rta babs bzhi yis brgyan pa ste// dar dpyangs me tog phreng bas brgyan/ /gra yi cha ni thams cad dang / /sgro dang sgo khyud mtshams rnams su/ /rdo rje rin chen gyis spras pa/ /kun du yang ni zlum po'o/ /rdo rje ka ba mchog gis spras/ /rdo rje phreng bas rnam par brgyan/ /hi yig khro bo'i lta ba yis//de nas sgo ni dbye bar bya/ /sgo ni 'khor lo'i brgyad kyi cha/ /de yi phyed ni kha khyer ro/ /sgo khyud sgo yi tshad ldan pa/ /rta babs sum 'gyur 'dod pa'o/ /'gram dang logs ni sgo phyed de/ /rdul tshon sa ni de yi phyed/ /'khor lo khru ni bcu drug pa'i/ / lha yi snam bu khru gnyis pa'o/ /'phel dang mi 'phel dbye ba yis/ /lhag ma rnams ni rtag par 'dod/ /de ltar thig btab nas yi ge dza'i 'bar ba'i lta bas kha dog dkar po la sogs pa'i rdul tshon rnams byin gyis brlabs la/ de rnams la re rer lha mo bzhis bskor ba'i de bzhin gshegs pa thim zhing yi ge gsum gyis byin gyis brlabs la/oM badzra tsi tra sa ma ya hUM zhes bya ba brjod cing rang gi lha'i rnal 'byor gyis bla na med pa'i shes rab kyi dril bu'i sgras mtshan ma ngan pa la sogs pa sel zhing chos kyi dbyings kyi rnam dag la dmigs te/dang po g.yon pa'i khu tshur gyis dbang ldan gyi phyogs nas brtsams te mnyam pa dang mtshungs pa dang ma chad pas dkar po dang / ser po dang / dmar po dang / ljang gu dang / nag po'i rim pas rdul tshon rnams dgye bar bya'o/ /re re'i rdul tshon gyi ri mo ni sgo'i cha nyi shu'i rags pa bya ste/pany+tsa ra re khA'o/ /'dra ba'i dkyil 'khor de la shar phyogs kyi sa ni nag po dang / gshin rje'i sa ni ser po dang / chu lha'i sa ni dmar po dang / /rnam thos sras kyi sa ni ljang gu dang / dbus kyi sa ni dkar po'o/ /dkyil 'khor bri ba'i dus su gal te bgegs byung na de'i tshe sngar bshad pa'i bdud rtsi 'khyil pa'i sngags hUM dang phaT kyi mtha' can gyis de'i rnal 'byor dang ldan zhing de rnams skrag par bya'o//yang na don dam pa'i byang chub kyi sems bsgom par bya'o/ /de nas lha bzhugs pa'i gnas rnams su pad+ma dang nyi zla'i gdan rnams ji bzhin du bkod la 'khor lo la sogs pa'i phyag mtshan rnams dgod par bya'o//yang na sngar bshad pa'i lha rnams zhal dang phyag dang mtshon cha dang sku mdog gis mtshan pa dkyil 'khor gyi 'khor lo'i rim pa gnas ji lta ba bzhin du dgod par bya'o//dkyil 'khor gyi 'khor lor zhugs pa dang byung ba la sogs pa'i dus thams cad du yi ge gsum brjod par bya'o/ /gal te lha'i gzugs bri ba yin na de'i tshe dbus su rnam par snang mdzad dang / shar du mi bskyod pa dang / lho ru rin chen 'byung ldan dang /nub tu snang ba mtha' yas dang / byang du don yod grub pa'o/ /dbang ldan gyi mtshams la sogs pa'i grwa bzhi po la lha mo spyan dang / mA ma kI dang / gos dkar mo dang / sgrol ma rnams so/ /de nas phyi'i dkyil 'khor la ste shar la sogs pa'i sgo rnams su gshin rje gshed la sogs pa dang /grwa rnams la mi g.yo ba la sogs pa'o/ /dbang ldan la sogs pa'i mtshams rnams su gzugs rdo rje ma la sogs pa bzhi'o/ /shar phyogs kyi snam bu nas lho byang gi bar du byams pa dang sa'i snying po la sogs pa byang chub sems dpa' gnyis dgod par bya'o//shar dang nub kyi sgo dag la gshin rje mthar byed dang pad+ma mthar byed kyi cung zad rgyab tu gnod mdzes rgyal po dang gtsug tor 'khor los sgyur ba'i rgyal po dag dgod par bya'o/ /reg bya rdo rje ma ni dbus kyi gtso bo dang snyoms par zhugs par dgod par bya'o//de rnams kyang sngar bshad pa'i dkyil 'khor phyung ba'i snying po rnams kyis bkod la/ nam mkha' la zhugs pa rnams dang dbyer med par byas te/ dkyil 'khor gyi bdag po bzlas pa'i rnam par rgyal ba'i bum pa de'i mdun du bzhag cing /lhag ma lha'i bum pa gzhan rnams kyang rang rang gi sngags rnams kyis byin gyis brlabs la dkyil 'khor gyi mtshams la sogs par bzhag cing khro bo gnod mdzes kyi nga rgyal dang ldan pa'i rnal 'byor pas/ oM suM b+ha ni suM b+ha hUM/ gr-ih+Na gr-ih+Na hUM/gr-ih+NA pa ya gr-ih+NA pa ya hUM/ A na ya ho b+ha ga bAn bid+yA rA dza hUM phaT ces bya ba brjod cing / me tog gi phreng ba blangs te dkyil 'khor du zhugs shing bskor ba gsum byas la/ bcom ldan 'das la phul te dbus su gnas par bdag nyid bsgoms la/ mnyam par gzhag pa'i rdo rje slob dpon gyis yid kyis sgo dbye bar bya'o//de'i dbus su yi ge gsum brjod par bya'o/ /de'i 'og tu bcu drug lo lon pa dang / rgyan thams cad kyis brgyan pa'i khrus mkhan gyi bu mo dam tshig gi rigs kyi bdag po'i nga rgyal dang ldan pas byin gyis brlabs te/dga' ba'i mthar zhu ba'i byang chub kyi sems kyi nang du gnas pa'i dam tshig gi 'khor lo phra mo blos dmigs te/ sngar bshad pa'i dkyil 'khor phyung ba'i snying po rnams brjod cing spro ba dang / bsdu ba dang / gnas pa dang / brtan par bya ba dang / rjes su chags pas thabs dang shes rab kyi bsgom pa'i lha'i 'khor lo bsams te/yi ge hUM bzhi pa'i sngags dzaH'i mtha' can gyis zhags pa dang lcags kyu bsnams pa'i gnod mdzes kyi rgyal po bskul te/ ye shes kyi dkyil 'khor dgug cing ji bzhin du rang rang gi gzugs brnyan rnams la phaT kyi mtha' can de'i sngags kyis bcing bar bya'o//de'i 'og tu snyoms par zhugs pa las byung ba'i 'dod pa'i yon tan lnga nye bar spyad pa mtha' yas pa bza' bar bya ba dang / bldag par bya ba dang / gzhibs par bya ba dang / myos pa dang / ma myos pa'i chang dang ldan pa'i yi ge gsum gyis byin gyis brlabs pa'i mchod pas mchod la/ ha s+ya dang / lA mya ma dang / dga' ba dang rjes su mthun pa'i rol mo la sogs pa sna tshogs pa'i phyi nang gi mchod pa'i tshogs dbul bar bya'o/ /'di ni mchod pa dam pa ste/ / gang zhig yid ni dga' bar byed/ /de phyir kun bdag rnal 'byor pas/ /rang rang gzhan rnams mchod par bya/ /de'i 'og tu/ mi bskyod rdo rje ye shes che/ /zhes bya ba la sogs pa'i tshigs su bcad pa lnga po'i bstod pa gzhan gyis bstod cing bzlas pa'am/ bsgom pa byas la/zla ba dang nyi ma dang chu dang / sman dang dri rnams dung chen po'i nang du man ngag ji lta ba bzhin du bsgrubs te/ 'khor lo'i nang du zhugs la de nyid mngon par 'dus byas te/ dbang ldan gyi phyogs nas lha dang lha min la sogs pa la gtor ma sbyin zhing cho ga 'dis sbyin sreg bya'o//sor bzhi pa'i kha khyer dang ldan zhing khru ni gcig pa ste/ 'og tu khru phyed chad ldan pa/ /me thab yongs su zlum po yin/ /nang gi cha ni rgya che ba/ /sor re dpangs su 'phel bar bya/ /rin chen rdo rje mtsho skyes dang / /ral gri yis na kun du bskor/ / dbus su 'khor lo'i phyag rgya ste/ /rdo rje la sogs phyogs rnams la'o/ /las kun byed pas bzlas pa ni/ /mkhas pas byas te yo byad rnams/ /g.yon du bzhag ste sreg rdzas rnams/ /yang dag bzlas te g.yas su bzhag /mngar ba shing drung bud shing sogs//yi ge gsum gyis gsal ba'i me/ /rlung g.yab kyis ni sbar byas nas/ /g.yas skor bas ni ku sha dgra ma/ /de nas snying byung gru gsum ni / /pad+ma la gnas raM las byung / /zhal bzhi pa ni sku mdog ser/ /ral pa'i cod pan mchod sbyin dag/ /gun+d+he mi 'jigs dbyig pa dang //phreng 'dzin zhal dkar me lha bsgom/ / ye shes me lha dgug par bya/ /bsang gtor la sogs byas nas ni/ /de nas mda' rnams gzugs par bya/ /rang lha'i sa bon bsams nas ni/ /shin tu 'bar ba'i dgang blugs rnams/ / de khar re pha bkod nas ni/ /de nas yam shing bsreg par bya/ /sngags kyis mngon par bzlas pa'i mthar/ /'bar ba'i me la bsreg par bya/ /de nas til dang 'bru la sogs/ /cho ga 'dir ni mdor bsdus pa'o/ /de bzhin ye shes me lha yi/ /snying ga'i zla bar rang bdag yin//bsams te de skyed de 'dra ba / /snyoms par zhugs pas rnam par gnas/ /zla ba nyi ma la sogs dang / /rdzas gzhan gyis ni me lha mchod/ /rim bzhin 'bar ba'i lce ldan pa/ /mthar ni dgang blugs bsreg par bya/ /zhi ba'i don du rdzas rnams ni//rang lha sbyor bas bsreg par byas / /yig gsum bdud rtsi sngags kyis ni/ /sngags pas bsams te bsreg par bya/ /rdzas ni yam shing mar dang ni/ /til dang 'bras dang nas rnams ni/ /gro dang ma sha 'bras so ba/ /spos dang star ga bil ba dang //gla gor zho sha zho dang ni/ /'o ma dUr ba ku sha dang / /'bras bu gsum dang sles tres dang / /kha ra rgyal mo khar lo ma/ /ge sar dang ni tsan+dan dang / /pri yang ku dang gur gum dang / /spos gnyis dang ni sman rnams dang / /dzA ti pha la nor bu dang / /dar dang so rtsi me tog phreng //de bzhin mchod pa rnams la lnga/ /rnal 'byor rgyud la de tsam ni/ /go rims kyis ni rdzas rnams so/ /rdzas rnams de yi rnam dag pa/ /dkyil 'khor rim pas bshad par bya/ /ji ltar bla mas slob ma la/ /rjes su gzung bas yang dag bya / /yam shing nas ni gro yi bar//sreg par byed pa de ma thag /mig la sogs pa dbang po drug /tha mal ba de sbyor bar gyur/ /gang zad pas ni sa snying sogs/ /byang chub sems dpa'i tshogs rang nyid/ /sngags kyi sku yi sbyor ba yis/ /slob ma'i lus la 'jug par bya/ / ma sha nas brtsams bu ga'i bar/ /bsreg pa de ma thag tu ni/ /gzugs la sogs pas don grub po/ /rmongs par byed pa dag par 'gyur/ /gang zag gzugs gtor la sogs pa/ /lha yi rnam pa'i ngo bo nyid/ /'od gsal ba yi rang bzhin gyis/ /slob ma des na 'jug par bya//zho nas sle tres kyi ni bar/ /bsam gtan rtsol pas bsreg par bya/ /rnam shes drug pos 'khor ba yi/ /mig 'phrul mkhan ni dag par 'gyur/ /gang zad pas ni ye shes lnga/ /ngo bo de bzhin gshegs pa rnams/ /rdo rje 'chang chen dang bcas pas/ /slob ma de ni rang bzhin byed//kha ra nas brtsams sman gyi bar/ /rtse gcig pa ni bla mas bsreg /'dod chags la sogs so ma nyi pa/ /lta ba lnga ni dag par 'gyur/ /gang zad pas ni ye shes bcu/ /yang na sa ni bcu po ste/ /skad cig tsam gyis slob ma yis / /yang dag par ni mngon du gyur//dzA ti phal nas dri'i bar/ /rdzas brgyad po ni bsreg par bya/ /'jig rten chos rnams 'jig pa'i phyir/ /blo ldan slob ma la ni bya/ /gang zad pas ni mngon du ni/ /pha rol phyin pa brgyad pa ste/ /slob dpon dam pa'i bka' drin gyis/ /sgrub pa pos ni tshe 'dir thob// lha bshos gcig pu bsreg byas na / /nga rgyal rnam par dag par 'gyur/ /gang zhig zad ba'i slob ma yis/ /pha rol phyin mchog dgu pa thob/ /dgang blugs kyi ni sbyor ba dang / /bum pa'i chu yis bsang gtor gyis/ /pha rol phyin pa bcu thob pa/ / blo dang ldan pas slob ma byas/ /sbyin sreg las kyi rnam dag pa/ /de ni bdag gis yang dag bshad/ /rdzas rnams phyi rol kun rdzob kyis/ /don dam pa ni rab ston pa'o/ /de nas las kun gtor ma ni/ /mchog tu grub pa rab ster ba/ /khams gsum pa ni tshim pa'i phyir//blo dag pas ni sngags brjod bya/ /lhag ma sreg rdzas bsregs nas ni/ /rdor can rang gi rnal 'byor ldan/ /dkyil 'khor pa ni rim pa bzhin/ /cho ga 'di ni tshim par bya/ /slob ma gzhug pa'i cho ga bzhin/ /rang nyid kyang ni 'jug bya ste//dbang bskur mthar thug rdzogs pa dang / /rigs bdag pos ni gnang ba thob/ /gzhan yang slob ma gzhug pa'i phyir/ /de ltar bden pas gsol gdab bya/ /chos rnams gzugs brnyan dang mtshungs pa/ /dang zhing dag pa dri ma med/ /gzung ba med cing brjod du med//rgyu dang las las yang dag byung / /de bzhin de nyid las byung ba/ /de rnams bden pas dkyil 'khor ni/ /dri med pa yi slob ma kun/ /gzugs brnyan ltar snang mthong bar shog /nam mkha' bskyed pa'i mtshan ma can/ /thog mtha' med pa'i gtso bo ste//sems dpa' rdo rje che rang bzhin/ /rdor sems de dang bdag grub shog /thams cad mchog ni dngos grub che/ /dbang phyug chen po lhag pa'i lha/ /rdo rje kun 'dzin rgyal po ni/ /mi 'gyur dam pa bdag grub shog /khyod ni 'jig pa skyon med pa/ /chags pa kun gyis rjes chags te//bcom ldan chags chen dga' ba che/ /yang dag tu ni bdag grub shog /shin tu dag pa chos mchog ni/ /thog ma nas dag de bzhin gshegs/ /kun du bzang po kun bdag nyid/ /byang chub sems dpa' bdag grub shog /thams cad mchog ni dngos grub che//phyag rgya mchog gis dbang bskur che/ /rdo rje sgeg gdab rdo rje che/ /'gying ba rdo rje bdag grub shog /sems can kun la yid khyab pa/ /sems can kun gyi yab gyur cing / /dam tshig mchog ldan 'dod pa mchog /bden pa gang gis dam tshig che //thabs dang shes rab bdag dkyil 'khor/ /bdag po 'dis ni mgon po bdag /'dod pa khyod kyis rdzogs par mdzod/ /de ltar dam tshig gi glu yis mchod par bya'o/ /de nas slob ma 'jug pa'i cho ga 'di yin te/ ji ltar bshad pa'i cho gas slob ma mngon par 'dus byas la/sdom pa blangs pa de'i snying gar snyoms par zhugs pas bde ba chen po bsams te/ de'i sbyor ba'i bskyod pa las byung ba 'od zer gyi phreng ba can lus kun snang bar byed pa'i yi ge a bsams te/ gos dmar po thogs pa dang /ras dmar pos mig g.yogs pa/ a khaM bI ra hUM zhes bya ba'i sngags kyis thal mos me tog phreng ba blangs pa mgo ru bzhag cing gsol ba gdab pa la 'jug go/ /bde ba la dga' ba khyod gang yin zhes dris pa dang / kye bde ba chen po nga ni skal ba dang ldan pa yin no zhes zhu ba brjod par bya'o//de nas yi ge lnga pas zhugs shing 'di ltar smra bar bya ste/ khyod ni de ring de bzhin gshegs pa'i rigs thams cad la zhugs pas de bas na bdag gis khyod la rdo rje ye shes bskyed par bya ste/ ye shes gang gis de bzhin gshegs pa thams cad kyi dngos grub thob na/dngos grub gzhan dag smos ci dgos/ dkyil 'khor ma mthong ba'i mdun du khyod kyis kyang smra bar mi bya ste/ dka' ba ma spangs pas dus byas nas dmyal bar lhung nga re/ rdo rje sems dpa' deng khyod kyi / /snying la yang dag gnas pa ste//gal te tshul 'di smras na ni/ /de ma thag tu gas nas 'byung / /zhes smra bar bya'o/ /ga bur dang ni tsan+dan bcas/ /rdo rje yang ni mngon bzlas te/ /dung phor las ni bdud rtsi lnga/ /de nas de ni 'thung du gzhug /gsum dang yi ge lnga sngags kyis/ /blo brtan slong mi byas nas ni//'di ni dmyal ba'i chu yin te/ /dam tshig 'das na sreg par byed/ /dam tshig bsrung pas dngos grub ster/ /bdud rtsi lnga chu btung bar gyis/ /oM badzrod ka tha/ deng nas brtsams te khyod kyi lag na rdo rje bdag yin pas/ bdag gis 'di gyis shig ces ji ltar smra pa de khyod kyis bya'o//khyod kyis kyang bdag la smod par mi bya ste/ gzhan du na dka' ba ma spangs par dus byas la dmyal bar ltung bar gyur ta re/ de nas slob ma la bstan par byas te/ de bzhin gshegs pa thams cad kyis bdag la byin gyis rlobs shig pa dang /rdo rje sems dpa' bdag la dbab par mdzod cig /ces smra ba 'jug go/ /de nas le'u bco lnga las gsungs pa'i cho gas dbab la/ dbab pa de yang tiSh+Tha badzra dr-i D+ho me b+ha ba/ sha shwa to me b+ha ba/ hr-i da yaM me a d+hi tiSh+Sha sarba sid+h+hiM me pra ya ts+tsha/ ha ha ha ha ho / zhes brjod pas brtan par byas te/yi ge lnga pas phreng ba de dkyil 'khor la gtor du 'jud cing de nyid kyis kyang blangs te de nyid kyis spyi bor bcings la/ snying ga'i zla bar bdag po dang / mig gnyis la oM dang / dpral bar raM bsams te yi ge lnga pas mig phye zhing man ngag ji lta ba bzhin du dkyil 'khor ston cing /kye rdo rje ltos shig ces smra bar bya'o/ /mi mnyam med pas gru bzhi pa/ /dran pa'i dang po sgo bzhi yin/ /bsam gtan bzhi po rta babs ldan/ /kha khyer ting nge 'dzin du bshad/ /kha khyer la gnas rdo rje mchog /gzugs ni lha mo dang ldan pa/ / rgyan ni sna tshogs thams cad ldan/ /bsam pa thams cad rdzogs byed pa/ /kun gyi rtse mo ba dan dang / /dril bu sgra sgrogs gdul bya ston/ /ye shes me long me tog dang / /byang chub yan lag me tog phreng / /dra ba dra phyed rin chen mchog /zla ba nyi mas kun du bskor/ / kun gyi dngos grub mi 'gyur pa de/ /bde ba chen po zhes bstan to/ /de yi nang gi 'khor lo ni/ /dkyil 'khor brgyad pa dang mtshungs pa/ /de ni rnam par thar pa brgyad/ /dngos grub thams cad bde ster ba/ /rdo rje tshig gis yongs bskor ba/ /thams cad du ni yongs su rdzogs//de la zhugs pa tsam gyis ni/ /zil gyis mi gnon phyir mi ldog /bde ba chen po rab grub phyir/ /mkhas pa rnams ni 'byung bar 'gyur/ /de nas rdo rje slob dpon la/ /yon ni shin tu mchog phul nas/ /rab tu 'dud de tshigs bcad 'dis/ /dbang bskur don du gsol gdab bya//'gro ba skyob phyir rdor can gyis/ /sangs rgyas rnams la dbang bskur ni/ /yon tan 'byung gnas ji ltar gsol/ /de bzhin deng bdag la stsol mdzod/ /zhugs pa'i sgo yi mngon phyogs su/ /pad+ma 'dab brgyad lte ba ru/ /rang bdag sbyor ldan slob ma ni//sna tshogs gdan khri la bzhag nas/ /lus la dkyil 'khor bkod nas ni/ /cho ga 'dis ni dbang bskur bya/ /gdugs dang rgyal mtshan ba dan dang / /bum pa rol mo gos bzangs dang / /lha yi rgyan ni thogs pa ste/ /snga ma'i thugs rje'i shugs kyis ni/ /chags pa dgug cing kun byung ba/dbang gi dus su slob dpon gyis/ /mkha' dbyings sems can thams cad kyis/ /yongs su gang bar bsgom par bya/ /bum pa'i chu la thim byas nas/ /bdag po bdud rtsi ldar bzhugs pa/ /mgrin par gos bzangs bcings pa na/ /spyan la sogs pas de gzung zhing //bum pas ba spu'i bu ga nas/ /sangs rgyas thams cad zhugs par bya/ /tshigs bcad sngags 'di brjod bzhin pas/ /slob ma'i lus la dbang bskur bya/ /dbang bskur ba ni rdo rje chos / /khams gsum pas ni phyag byas pa/ /sangs rgyas kun gyi gsang gsum//gnas las byung ba bdag gis sbyin/ /zhes bya ba ni chu'o/ /dad pa'i blos ni ji bzhin du/ /cod pan gyis kyang dbang bskur bya/ /sbyor ba yis ni brtan byas te/ /rim pas ji ltar phyag mtshan bzhin/ /de ni cod pan no/ /sangs rgyas rdo rje dbang gis ni/ /de ring khyod ni dbang bskur ba//'di de sangs rgyas thams cad kyi/ /dngos grub phyir ni rdo rje long / /oM badzra a d+hi pa ti s+t+waM a b+hi Shiny+tsA mi tiSh+Tha badzra sa ma ya s+t+wAM/ thog mtha' med pa'i sems dpa' ni/ /rdo rje sems dpa' dga' ba che/ /kun du bzang po kun bdag nyid/ /rdo rje 'gying ba bdag po'i bdag / ces pa ni rdo rje'o/ /'di de sangs rgyas thams cad kyi/ /shes rab dbyangs kyi rjes 'gror bshad/ /rgyal bas byang chub mchog 'dod pa/ /khyod kyis kyang ni rtag tu bcang / /zhes pa ni dril bu'o/ / srid pa rang bzhin gyis dag pa/ /ngo bo nyid kyis srid bral byas/ /rang bzhin dag pa'i sems dpa' yis//srid pa dam par byed pa'o/ /zhes dkrol bar bye'o/ /srid pa'i bde ba shin tu chung / /sdug bsngal chen po tshogs yin te/ /shin tu bde ba dam pa'i thabs/ /dam tshig 'di nang de skyid pa'o/ /'dod pa thams cad longs spyod ni//ci bde bas ni bsten par bya/ /rang gi lha yi sbyor ba yis/ /rang dang gzhan la mchod par bya/ /byang chub sems dpa' rab tu mchog /ji srid 'khor ba la gnas pa/ /de srid mtshungs med sems can don/ /byed du nus te 'tshang mi rgya/ /shes rab pha rol phyin thabs dang //bsod nams byin rlabs las byung ba/ /dngos grub kun ni dbang phyug 'grub/ /sems can don ni brtan par byed/ /sngags kyi sku ni brtan pa'i phyir/ /sku kun rab tu brtan pa ni/ /des na phyag rgya rab tu grags/ /zhes bya ba ni dam tshig go/ /de nyid kyis ni rdo rje blang //chos kyi dril bu dkrol bar bya/ /dam tshig gis ni phyag rgya che/ /byin gyis brlabs nas snying po bzlas/ /zhes bya ba gang gsungs pa de so sor bstan to/ /oM badzra a d+hI pa ti s+t+waM a b+hi Shiny+tsA mi badzra nA mA b+hi She ka ta/ kye dpal rdo rje che ge mo zhes bya ba dpal gyi sgra brjod par bya'o/ /de bzhin du/sku gsum sa la sogs pa dang / /stobs dang pha rol phyin la sogs/ /'di de sangs rgyas thams cad kyi/ /lag na rdo rje phyag na gnas/ /lag na rdo rje brtul zhugs brta na/ /khyod kyis kyang ni rtag tu bcang / /oM sarba ta thA ga ta sid+d+hi badzra sa ma ya tiSh+Tha e Sha twaM d+ha ra yA mi hi hi hi hi hUM zhes bya bas ni rdo rje brtul zhugs so//de nas/ sdig med slob ma dam pa ni/ /me tog sogs kyis mchod par bya/ /pad+ma'i dkyil 'khor la bzhag nas/ /de nas de la dbang bskur byin/ /mA ma kI sogs dang sbyar nas/ /bdag ni skal ldan zhes brjod nas/ /rdo rje pad+ma dag bsdus te//de bde la ni snyoms zhugs na/ /rdo rje pad+ma las dgug cing / /slob ma'i mkhar ni mkhas pas bcug /kye ma bde ba zhes brjod pas/ /sems byung ba ni myang bar bya/ /mi mkhas pa yi slob ma la/ /de nyid 'di ni bstan par bya/ /dbang bskur ba tsam 'di nyid kyis//slob ma'i yon tan 'phel bar 'gyur/ /'gro dang mi 'gro thams cad du/ /bde bas slob dpon nyid du 'gyur/ /de ni gsang ba'o/ /shes rab kyi dbang bskur ba'i dang por dam tshig rnams sbyin par bya ste/ rdo rje slob dpon smod pa dang / /zhes bya ba la sogs pa rtsa ba'i ltung ba bcu bzhi dang /kha na ma tho ba spom po bcu ste/ de rnams slob ma nyan du gzhug pa dang / khas blang ba byas la/ gdol pa dang khrus mkhan dang gar mkhan ma rnams las gang yang rung ba'i phyag rgya ma rigs lngas byin gyis brlabs te/ rdo rje slob dpon gyis mtshan phyed la slob ma de la sbyin par bya'o//de'i tshe phyag rgya mas slob ma la 'di skad smra ba ste/ bshang gci dang ni khrag dang ni/ /shu kra de bzhin sha nyid dang / /b+ha ga'i pad+mar tsum+ba na/ /bud med rnams la dad pa'i mchog /khyod kyis rdor can ci nus sam/ /bde chen bu ni smra bar gyis/ de nas bcom ldan rdo rje can/ /bzhad cing 'di ltar bka' stsal te/ /shu kra khrag la sogs za ba/ /lha mo ci phyir bdag mi nus/ /b+ha ga'i tsum+ba na dang ni/ /rtag tu bud med la dad bya/ /de'i 'og tu lha mo des/ na bza' phud cing nyid kyi pad+ma yang dag par bstan pa ste/ e ma'o bdag gi pad+ma 'di//bde ba thams cad dang ldan pa/ /cho ga gang gis sten byed na/ /de yi mdun du bdag gnas pa'o/ /sems can khams ni rab grol ba/ /chos kyi dbyings ni dag pa 'di/ /dngos po kun gyi rang bzhin nyid/ /'di la bde chen rgyal po gnas/ / de na de'i nang du gnas pa'i/ /rtsa yi 'khor lo bstan pa yin / /b+ha ga'i dbus su nam mkha' gang / /nam mkha' lnga yis brgyan pa ste/ /ze ba ge sar dang ldan pa/ /'dab ma brgyad kyis rnam par brgyan/ /shu kra'i rang bzhin bdud rtsi ni/ /de la gnas pa rtag tu 'dzag / de nas slob ma bka' stsal te / /b+hany+dza mo k+Sha ho zhes bya'o/ /de nas sngags bshad pas/ rdo rje dbyings kyi dbang phyug ma/ /b+ha ga'i dbus su rtsa gang gnas/ /sum cu rtsa gnyis rtsa gzhan rnams/ /de yi nang na de gtso bo/ /goms dang bla ma'i zhal nas ni/ /btsal bas de nyid rnyed nas ni//cung zad sor mos bskul ba dang / /slar yang lce yi rtse mos bskul/ /dkar mchog rab tu rgyu ba ni/ /de nas rtsa de kha phyed gyur/ /pha rol phyin pa bcu stobs nas/ /de bzhin stobs dang dbang nyid bcu/ /sa ni bcu la 'das nas ni/ /de nas rdo rje rengs par gyur//de nyid kyi phyir le'u bco brgyad pa las kyang / bsgrub bya sgrub byed sbyor ba ni/ /gang phyir bsnyen pa bshad pa dang / /rdo rje pad+ma sbyor bas ni/ /nye bar bsgrub par 'dod pa yin/ /hUM dang phaT gnyis ldan pa ni/ /bskyod pa sgrub par rab bshad pa'o/ /rang ngo rang bde bzhi pa ni//sgrub pa chen por bshad pa yin/ /dpal ldan sangs rgyas kun gyi bdag /rdo rje 'chang chen gyi go 'phang / /sangs rgyas kun gyi thabs 'byung ba/ /de ni chos rnams chos nyid do/ /zhes gsungs so / /de kho na nyid do/ /de nas lha mo des rengs pa rdo rje'i steng du bzhugs la bsgrub pa bya'o//slob mas kyang oM sar+b+ba ta thA ga ta A nu ra ga Na badzra swa b+hA ba At+ma kou0f85haM zhes bya ba la brjod par bya'o/ /de nas slob dpon gyis kyang rdo rje dbang phyug ma dang snyoms par zhugs pa'i slob ma gzigs te rang gi thugs ka nas mo ha ra ti la sogs pa lha mo b zhi po slob ma'i snying gar zhugs par bya'o//mkha' dbyings rdo rje sbyor ba yis/ /yang dag rig pas rmad byung che/ /mchog tu dga' ba skyed byed pa'i/ /gang zhig bde ba de skye 'gyur/ /bral dang dga' ba'i dbus su ni/ /mtshon cha bltas nas brtan par gyis/ / pad+ma yin ni mkha' dang / /rdo rje nor bu'i lte ba dag /btsir bas rdo rje skyil krung gis/ /nor bu'i nang 'gro'i sems blta bya/ /gang zhig ye shes skye 'gyur te/ /ye shes de ngo smra mi nus/ /chags pa ma yin chags bral min/ /bar pa yang ni mi dmigs so/ /gang tsho ye shes lta ba yis //rnal 'byor pa yis skad cig gam/ /yang na thun gcig gam bdun nam/ /zla phyed zla gcig lo gcig gam/ /bskal pa bskal pa stong gi phrag /ye shes sbyor bas gnas 'gyur ro/ /de nas ci nus pas slob ma phyung zhing rig ma'i pad+mar gnas pa'i byang chub kyi sems/de bzhin gshegs pa thams cad 'dus pa'i bdag nyid kyi blos lce bskul bas btung bar bya'o/ /de'i dus su yang lha mo de la b+hany+dza mo k+Sha ho zhes bya ba'i sngags kyis bka' stsal pa yin te/ shes rab dang shes rab ye shes kyi dbang ngo / /de nas don dam pa'i yum dang chos kyi sku skyed par byed pa'i rig ma'i brtul zhugs kyi ngo bo tshigs su bcad pa rnams kyis bskul zhing /slob ma'i lag tu de gtad nas/ /bla ma rdo rje can gyis smra/ /thabs gzhan gyis ni 'tshang mi rgya/ /de phyir rig ma'i phyogs zung shig /chos kun gnyis su med pa ste//tshul ni gnyis kyis brtan pa yin/ /de phyir 'khor ba 'di nyid dang / /khyod kyis bral bar mi bya'o/ /'di ni sangs rgyas thams cad nyid/ /rig ma'i brtul zhugs bla med pa/ /rmongs pa gang gis 'da' byed pa/ /mchog gi dngos grub des mi 'thob/ /ces bya ba sa phyag rgya ma des slob ma de la gtan du sbyin par bya ste/rig ma'i brtul zhugs so/ /snying dang spyi bor sangs rgyas dgod/ /hUM yig mchog gi tshul brjod rnams/ /sangs rgyas kun gyis de bsten pa'i/ /dam tshig de ni nyan 'jug bya/ /thabs dang shes rab bsam pa yis//cung zad mi byar med pa ste/ /rtag tu rtog pa med 'gyur zhing / /'dod pa'i yon tan lnga spyod cig /ji bzhin rang bzhin nyid kyis ni/ /sems can 'dul bar 'gyur ba yin/ /'dod chags la sogs rnam dag pas/ /de bzhin sems can gyi don bya/ / chags pa mnyam pa med pa ste/ /rgyal ba rnams la de dbul bya/ /sems can don phyir gzhan bud med/ /bsten na bsod nams thob par 'gyur/ /sems can kun la phan pa'i phyir/ /sangs rgyas sku yi sbyor ba yis/ /gzhan gyi nor rnams 'phrog byed na/ /sdig pas gos par mi 'gyur ro//gang zhig dam tshig la sdang dang / /gang zhig skye bo dam tshig nyams/ /sangs rgyas bstan pa'i rgyu yis ni/ /rtsol bas de rnams gsad par bya/ /gdon mi za yi ting 'dzin gyis/ /brdzun dag rdo rje tshig rnams ni/ /rgyud las gsungs pa'i cho ga yis/ /mkhas pas dam tshig mchog bsten bya//de nas de bzhin gshegs pa nyid du gyur cing gzengs bstod kyis g.yon pa'i khu tshur gyis chos gos kyi dbus nas gzung ba dang / g.yas pas kyang mchog sbyin gyi phyag rgya byas la lung bstan par bya ste/ rdo rje sems dpa' de bzhin gshegs//bdag gis khyod la lung bstan bya/ /srid pa'i ngan 'gro las bton zhing / /yang dag srid pa sgrub phyir ro/ /kye yi rdo rje che ge mo/ /zhes bya ba'i de bzhin gshegs par gang la gzengs bstod pa 'di yis lung bstan par byas pa de ni bla na med pa yang dag par rdzogs pa'i byang chub la de bzhin gshegs pa thams cad kyis slob dpon nyid du lung bstan pa ste/lung du bstan pa'o/ /de nas dbugs dbyung bar byas la/ sngags dang bsam gtan byin par bya'o/ /de la sngags ni yi ge gsum gyis spel ba'i dzin dzi ka ces bya ba la sogs pa ste/ swA hA'i mtha' can gyi bzlas pa'i sngags rnams so//de'i mos pa'i dbye bas snga ma bzhin lha'i dkyil 'khor bsam gtan no/ /de nas slob ma mchod pa rnam pa lngas dkyil 'khor mchod du bcug la rang gis kyang mchod cing gtor ma'i cho ga'i rim pas rgyal po bzhi'i gtor ma dang / 'byung po thams cad kyi gtor ma dang /khro bo'i gtor ma bya'o/ /de nas zhi ba'i don du snga ma bzhin du sbyin sreg kyang bya'o/ /de nas slob ma gdugs dang bcas pa mthe po g.yas pa la gzung zhing dkyil 'khor la bskor ba gsum byed du bcug cing gdugs dang bcas pa de nyid dkyil 'khor gyi shar phyogs kyi sgo la dbul bar bya ste/slob ma 'di ni dad pa yis/ /dam tshig dkyil 'khor la phul te/ /mgon po de ni rab bsgrub phyir/ /rjes su brtse bar mdzad du gsol/ /zhes brjod par bya'o/ /de nas yi ge mu'i mtha' can gyi yi ge brgya pas gshegs su gsol zhing dkyil 'khor gyi rdul tshon bsdus te gtsang po la gtor ro//phur bu rnams kyang bton te'o mas bkrus shing spos kyis gdugs la/ me tog sbyin zhing gzhag par bya'o/ /dkyil 'khor gyis gzhi yang ba chus byugs la/ me tog gis dgram par bya'o/ /'phags pa brgyad stong pa kla gcing bsod nams bsngo ba dang /smon lam dang / bstod pa dang / bskor ba byas nas bzod par gsol zhing langs te rang gi gnas su phyin nas mnyam par gzhag par bya zhing yid la byed pa de nyid kyis spyod lam bzhi pos ci 'dod pas gnas par bya'o/ /des ni cho ga'i sgras ni bstan pa yin te/ dang po'i sbyor ba la sogs pa'o//de nyid bstan pa'i phyir phyag rgya zhes bya ba la sogs pa gsungs te/ dkyil 'khor de la phyag rgya ni 'khor lo la sogs pa dang / rdo rje de bzhin gshegs pa'i sku dang / gnas ni yig 'bru ste/ de rnams bsam pa ji bzhin bya ba ni bri bar bya'o/ /sngags ni sgrub pa po rnams kyis gsang ba mchog de ni bstan par bya ba ma yin pa'o//dbus su rnam par snang mdzad gnas/ /zhes bya ba la/ dkyil 'khor gyi dbus su de'i sa bon nam/ phyag mtshan nam sku bri bar bya'o/ /mi bskyod pa la sogs pa yang / /zhes pa ni shar la sogs pa phyogs bzhi la de rnams bri bar bya'o//sku gsung thugs rdo rje mchog ni lha mo spyan la sogs pa ste/ de rnams grwa rnams su bri bar bya'o/ /khro bo rnams ni sgo rnams dang de'i grwa rnams dang / steng 'og tu bri bar bya'o/ /rdo rje gsang ba zhes bya ba la sogs pa la/ sngags zhes pa ni rnal 'byor pas de nas mchod par bya'o//ji lta bu zhe na/ gsang ba dang rdo rje ni gsang ba rdo rje ste/ pad+ma dang rdo rje'o/ /de dag gis rab bsgoms pa ni khrus mkhan ma dang snyoms par zhugs par bya'o zhes ston to/ /sngags rnams thams cad ni rnam par snang mdzad kyi dkyil 'khor pa rnams kyi dam tshig ni mchod pa ste/'da' dka' ba ni spang bar mi bya'o zhes ston to/ /bshang dang gci bzhes bya ba la sogs pa la/ dkyil 'khor de nyid du bshang gci la sogs pa'i bdud rtsi rnams rnal 'byor pa nyid kyis spyod pa dang / slob ma rnams la yang sbyin par bya'o/ /sngags rnams thams cad ni snga ma bzhin du rnam par snang mdzad kyi rigs can gyi dam tshig 'di yin te bskyed pa'i rim pa dang sgrub pa dag go//de bzhin gshegs pa thams cad ni de rnams kyi rang bzhin gyi sku ni rnam par snang mdzad de/ de'i dkyil 'khor ro zhes bya ba ni nye bar bsdu ba'o/ /de nas zhes bya ba la sogs pa la/gsung rdo rje thams cad kyi dam tshig ni pad+ma'i rigs can rnams te/ de dag gi sprin ni tshogs te/ de nyid bkod pa ni gnas ji lta ba bzhin du bzhag pa ste/ de zhes bya ba'i ting nge 'dzin la snyoms par zhugs nas/ gsung rdo rje'i dkyil 'khor ni snang ba mtha' yas kyi dkyil 'khor gsungs so//de nas zhes bya ba la sogs pa ni snga ma bzhin no/ /khru ni nyi shu'i tshad du bya/ /zhes bya ba la sogs pa la/ khru nyi shu'i tshad ni phyogs re re khru lnga lnga yin pa'i phyir ro/ /'dir yang sgra rlung lnga'i bdag nyid yin pa dang / de nyid gsang ba la sogs pa'i dkyil 'khor rnams la zhugs pa'i phyir ro zhes rnam par dag pa'o//de bzhin du snga ma bzhin du gru bzhi pa la sogs pa'i yon tan dang ldan pa de nyid rdo rje sgom pa ni brtan pa'i ting nge 'dzin dang ldan pa'i sgrub pa po rnams kyis bri bar bya'o/ /nyid kyi sku'i dkyil 'khor ni nam mkha'i dkyil 'khor te/ de'i gnas ni de dang dbyer med par bya'o//sku'i rdo rje ni snying ga'i pad+ma ste/ de'i yon tan ni phreng ba yin la/ de skyed pa ni de 'dzin pa ste pad+ma'i phreng bas rnam par brgyan pa'o zhes ston to/ /rgyal po chen po rdo rje chos/ /zhes bya ba la sogs pa la/ dkyil 'khor de nyid du rdo rje chos ni snang ba mtha' yas pa dang /rgyal po chen po ni de bzhin gshegs pa rnams dang / rig pa ni lha mo rnams dang / dbang po ni khro bo dang / byang chub sems dpa' rnams te/ de dag dbab par bya ba ni bri bar bya'o/ /de'i dbus su 'khor lo chen po ni 'khor lo'i tshul gyis zla ba dang nyi ma'i gdan rnams dang /kun du zlum po ni sna tshogs pad+ma rnams kyang bri bar bya'o/ /phyag rgya thams cad ni de bzhin gshegs pa thams cad kyi phyag mtshan phyag rgya la sogs pa bri bar bya'o/ /ji ltar zhe na/ cho ga bzhin du zhes pa ni dkyil 'khor gyi cho ga las 'byung ba'i rim pas so//tshe dpag med kyi phyag rgya che/ /zhes bya ba la dkyil 'khor de nyid kyi dbus su snang ba mtha' yas kyi phyag mtshan gyi phyag rgya las gang yang rung ba bri bar bya'o/ /snang ba mtha' yas de nyid kyi gang zhig rdo rje'i gnas ni dkyil 'khor pa rnams te/ de rnams thams cad snga ma bzhin du bri bar bya'o//yongs su gsal ba dang cho ga bzhin du rdzogs pa'i dkyil 'khor bris la/ de'i dbus su gsang ba'i mchod pa bya ba ni shin tu bslabs pa dang 'dus byas pa'i gar mkhan gyi bu mo dang snyoms par zhugs par bya'o/ /de ltar byas na rdo rje can ni gsung rdo rje'i rigs can rnams mnyes par 'gyur ro//de bzhin du bshang ba la sogs pa'i bdud rtsi lngas mchod par byas na/ dngos grub ni gsung rdo rje 'dzin gyi dngos grub thob par 'gyur ro/ /sangs rgyas thams cad ni gsung rdo rje'i rnal 'byor pa rnams te/ de dag gi dam tshig mchod pa ste/'da' dka' ba ni spang bar mi bya'o zhes ston to/ /de bzhin gshegs pa thams cad kyi rang bzhin ni gsung gi snang ba mtha' yas te/ de'i dkyil 'khor yin no zhes nye bar bsdu ba ste/ bskyed pa'i rim pa dang sgrub pa dag go/ /de nas zhes bya ba la sogs pa la/kun nas spri na ni rin chen dpal la sogs pa ste/ de rnams kyi tshogs ni dkyil 'khor pa rnams te/ de rnams bkod pa ni rim pa ji lta ba bzhin du gnas pa ste/ de nyid rdo rje 'dzin gang la yod pa de la snyoms par zhugs nas/ rab tu gsang ba ni bya ba'i tshul la gnas pa rnams la bstan par mi bya ba dang /gsang ba ni de bzhin gshegs pa gtso bor gyur pa sa de'i rang bzhin te/ dkyil 'khor ni rin chen dpal la sogs pa'i dkyil 'khor dag ste/ de nyid kyi sku zhes bya ba la sogs pa ni snga ma bzhin no/ /rdo rje 'dzin mchog gang yin pa//zhes bya ba la sogs pa la/ re zhig thugs dang gsung dang sku'i dkyil 'khor gsum bstan pa yin la/ de'i nang na rdo rje 'dzin mchog ni rin chen 'byung ldan dang don yod grub pa la sogs pa'i sgom pa la sogs pa byed na/ de'i tshe de nyid kyi gzugs sam phyag mtshan gyi phyag rgyal sogs pa bri ba'o //de bzhin gshegs pa de nyid kyi dkyil 'khor de shes par bya'o/ /ji lta bu zhe na/ sku gsung thugs ni rigs gsum ste/ de rnams kyi gsang ba bsdu ba ste/ de las byung ba ni rin chen la sogs pa'i rigs rdzogs pa ste/ de yang sngar bshad zin to//de bzhin gshegs pa thams cad ni rigs gsum gyi sku gsung thugs rnams yin la/ gsang ba ni bsdu ba'i rang bzhin te/ nyid kyi sku la sogs pa'i rdo rje ni dkyil 'khor pa rnams kyi gang zhig gnas ni dkyil 'khor te/ de nyid kyi ye shes ni de bzhin gshegs pa gzhan dag ste/de'i gsang ba ni de'i bdag po nyid de/ de'i dngos grub ster ba'o zhes pa bskyed pa'i rim pa'o/ /de nas zhes bya ba la sogs pa la/ dkyil 'khor thams cad ni sku la sogs pa'i dkyil 'khor te/ de rnams 'byung ba ni gang las skyes pa de zhes bya ba'i ting nge 'dzin la snyoms par zhugs nas/dkyil 'khor thams cad ni sngar bshad pa'i sku la sogs pa'i dkyil 'khor rnams te/ de dag gi gsang ba ni sa bon rnams nyid kyi sku las zhes bya ba la sogs pa ni snga ma bzhin no/ /rdo rje dkyil 'khor ni de bzhin gshegs pa rnams kyi dkyil 'khor te/de'i sngags ni gsang bar smra ba dang / snying po ni de dag nyid bskyed pa'i sa bon dang / mdor na thig skud byin gyis brlab pa'i phyir te/ yi ge'i tshig ni dkyil 'khor bskyed pa bstan pa nyid kyi phyir ro/ /oM AHhUM zhes bya ba ni yi ge rnams kyis rdo rje thig ni de bzhin gshegs pa'i thig skud dang /tshon rtsi ni tshon rnam pa lnga ste/ de dag byin gyis brlabs la gdab par bya'o/ /sngags kyi sems dpa' ni sngags kyis byin gyis brlabs pa'i rnal 'byor pas gal te de ltar byed na/ de'i tshe byang chub rnyed par mi dka' ba ni rnam par snang mdzad la sogs pa'i dngos grub rnyed par sla ba'o zhes ston to//de'i phyir dam tshig ni dkyil 'khor te/ de nyid kyi tshul ni thig gdab pa la sogs pa'i las gang gis shes pa des bdag nyid sngags kyi lha ni rang gi yi dam gyi lha bsgom pa dang / sgrub pa po la yang rnam snang la sogs pas byin gyis brlabs la/ dkyil 'khor rnam par brtag pa ni bri bar bya'o//de nyid bshad par bya ba'i phyir/ rgyal chen rnam par snang mdzad dang / /zhes bya ba la sogs pa gsungs te/ rang gi bdag nyid rnam par snang mdzad du bsgoms la/ khrus mkhan mo yang lha mo spyan gyi rang bzhin du bsgom par bya ba gang yin pa de ni sku'i dkyil 'khor bskyed pa yin la/gnas ni gnas par gyur pa'i bsam gtan no/ /gang gi phyir sku rdo rje ni rnam par snang mdzad dang lha mo spyan gyi bdag nyid de/ de'i yon tan ni de nyid kyi sa bon byin gyis brlabs pa la sogs pa ste/ de rnams thob par byed pas na de bzhin du shes par bya'o/ gsung gi dkyil 'khor bri bar 'dod na/ de'i rang gi bdag nyid rdo rje chos ni snang ba mtha' yas bsams la/ rang gi chos ma ni gar mkhan gyi bu mo gos dkar mo'i rang bzhin du bsgoms la/ thig skud 'dzin pa de nyid kyis bya'o/ /sngags rnams thams cad ni pad+ma'i rigs can te/ de dag gi gsang ba ni gsang ba'i sgom pa ste/de nyid rab tu rtag pa ni mi 'gyur ba'i 'bras bu ster bar byed pa'o/ thugs kyi dkyil 'khor bri bar 'dod na/ de'i tshe rdo rje sems dpa' ni rigs bdag nyid mi bskyod par bsam la/ gdol pa'i bu mo mA ma kI'i rang bzhin du bsams te de nyid kyis thig skud 'dzin par bya'o//sngags rnams zhes bya ba la sogs pa snga ma bzhin no/ /de ltar byas nas yid la dbang ba ni de bzhin gshegs pa rnams te/ de dag nyid gshegs nas dkyil 'khor bri ba yin no/ /ji lta bu zhe na/ rab tu dgyes par gyur pa ni sgrub pa po la dgyes par gyur pa ste/ phul du byung ba'i tshig go//sngags kyi sems dpas bya ba ni/ /zhes bya ba la sogs pa ni de'i rjes la rang gi snying ga las gnod mdzes kyi rgyal po spros te/ khro bo'i rgyal po de nyid kyis sangs rgyas thams cad ni nam mkha' la bzhugs pa rnams dgug cing dkyil 'khor la zhugs te/ de rnams kyis bzhugs la tsan+dan la sogs pas thig le'i ngo bor byas la de rnams mchod par bya'o//de la dus gsum ni dus mtshams gsum la thig gdab pa dang dam tshig mchod pa ni bla na med pa'i mchod pa bya'o/ /gang la zhe na/ rdo rje gsum ni de bzhin gshegs pa rnams te/ de dag gi dri ma med pa'i dkyil 'khor la'o zhes ston to//gang gis she na/ rdo rje gsum gyi sbyor ba ni sems dpa' gsum gyi bdag nyid can gyi sgrub pa pos so/ /de ltar byas na sngags thams cad ni de bzhin gshegs pa rnams te/ de dag dkyil 'khor de la rab tu zhugs pa ni byin gyis brlabs par 'gyur ro//sngags rnams thams cad ces bya ba la sogs pa la/ mchod pa'i 'og tu dkyil 'khor gyi 'khor lo tshim par bya ba'i phyir/ gtor ma ni lha bshos dbul bar bya'o/ /de gang yin zhe na/ bshang gci zhes bya ba la sogs pa la bshang gci la sogs pa ni bdud rtsi lngas dbul bar bya'o//de la shu kra ni tho rangs kyi skar ma bzhin du kha dog dkar po'i lha bshos dang / me tog la sogs pa rnam par snang mdzad kyi dkyil 'khor dbul bar bya'o/ /sngags rnams kun ni mi bskyod pa la sogs pa'i dkyil 'khor rnams la kha dog nag po la sogs pa'i lha bshos la sogs pa dbul ba yin no zhes 'dir bshad par bya'o//tshim par gyur pa de ni de bzhin gshegs pa rnams tshim pa kun du bshad pa ni bshad pa'i rgyud las gsungs te/ ma li ka dang mal ti / /kun+da sangs rgyas la dbul bya/ /zhes bya ba la sogs pa gsungs so//'di ni dam tshig mchog yin te/ /zhes bya ba la sogs pa la/ gtor ma'i cho ga'i dam tshig 'di ni mchod pa'i bya ba ste/ mchog ni phul du byung ba dang / sangs rgyas byang chub ni de bzhin gshegs pa thams cad kyi dngos grub ste/ de yang rdzogs par byed pa'o/ / thig gdab ces bya ba la sogs pa la/ gal te shin tu bslab pa la sogs pa'i yon tan dang ldan pa'i gdol pa mo dang khrus mkhan dang gar mkhan gyi bu mo rnams mi rnyed na de'i tshe/ bdag nyid ni rnal 'byor pa nyid kyis rang gi bdag nyid rnam par snang mdzad dang / slob ma yang rdo rje sems dpa' 'am/bdud rtsi 'khyil par bsams la thig gdab par bya'o/ /de bzhin du bdag nyid ni mi bskyod pa la sogs pa bsgom pa dang / /slob ma yang rnam par snang mdzad la sogs pa'i ngo bor bsgom par bya'o zhes dgongs pa'o/ /de bzhin du rin chen 'byung ldan la sogs pa'i dkyil 'khor rnams la/las ni don yod grub pa ste/ de'i go 'phang ni de'i rigs can gyi bdud rtsi 'khyil pa ste slob ma der bsam par bya'o/ /rang gi bdag nyid kyang sangs rgyas kun ni rnam par snang mdzad la sogs pa las gang yang rung ba'i rigs dang mthun pa'i skus/ des bstan pa ni byin gyis brlab par bsam par bya'o//de'i rjes la sangs rgyas lnga ni rnam par snang mdzad la sogs pa dang / rgyal chen ni lha mo spyan la sogs pa ste/ de rnams rdo rje thig skud la dgod par bya ste/ lha mo bzhis bskor ba'i de bzhin gshegs pa re re thig skud re re la dgod par bya'o zhes ston to//'di ni sangs rgyas thams cad kyi/ /zhes bya ba la sogs pa la/ sangs rgyas thams cad ni bya ba'i rgyud la zhugs pa rnams la 'di gsang ba ni sbas par bya'o/ /bgegs med par dkyil 'khor bsgrub par bya ba'i phyir rab tu rmad du byung ba'o/ /thig skud gcig bu rnams nyi shu rtsa lnga'i dbye bas bsgoms pa ma yin te/'on kyang tshon rtsi yang de bzhin du bsam par bya ste/ mdog gi dbye bas de bzhin gshegs pa rnams zhugs pa'i phyir ro/ /sangs rgyas thams cad ni de bzhin gshegs pa rnams kyi gsang ba ni tshon rtsi la de rnams dgod pa ste/ de nyid byang chub bsgrub pa ni dkyil 'khor la byin gyis brlab par bya'o zhes dgongs pa ste bskyed pa'i rim pa'o/ /yang na dkyil 'khor bri ba'i dus la ni 'jug pa la sogs pa ste/ de nyid kyi go 'phang ni gnas su gyur pa'i yi ge gsum ste/ de nyid sangs rgyas kun ni rnam par snang mdzad la sogs pas/des bstan pa ni de'i rang bzhin no/ /sangs rgyas lnga ni de bzhin gshegs pa lnga'i rgyal mtshan ni lha mo spyan la sogs pa ste/ de rdo rje'i thig skud ni dkyil 'khor bzhin la/ dgod pa ni brtag par bya'o/ /sangs rgyas thams cad ni rnal 'byor pa rnams te/ de dag gi gsang ba ni sbas par bya'o//rab tu rmad du byung ba ni nyi khri chig stong drug brgya'i grangs kyi bzlas pa'o/ /ji ltar zhe na/ rnam pa nyi shu rtsa lnga ni dkyil 'khor re re la nyis brgya nyi shu rtsa lnga'i dbye bas dgu brgyar brtags pas so/ /sngags thams cad de yi ge gsum gyi gsang ba ni de kho na nyid do//byang chub ni byang chub bsgrub par byed pa ste/ nyin mo dang mtshan mo'i dbye bas bzlas na rdo rje 'chang chen po'i go 'phang thob par byed pa ste/ rdo rje bzlas pa'i rim pa'o/ /rab tu byed pa las kyang / nyis brgya nyi shu rtsa lnga ni/ /gos dkar la sogs slar bshad pa'o / /sngags rnams thams cad ces bya ba la sogs pa la/sngags rnams thams cad ni dkyil 'khor rnams te/ de dag bri ba'i dus su rdo rje hUM mdzad ni gnod mdzes kyi rgyal po ste/ de nyid bskul nas sku gsung thugs ni de bzhin gshegs pa rnams te/ de dag gnas lnga ni thig skud dang tshon rtsi rnams la bsgom pa ni thim par bya'o//de ltar byas nas rdo rje mi phyed gsum ni sangs rgyas de rnams kyis byin gyis brlabs pa mdzad pa'o/ /gang las she na rdo rje sems dpa' ni des mtshon pa'i dkyil 'khor dang blo ldan pa la ni rnal 'byor pa'o/ /sangs rgyas ji lta bu zhe na/ 'jigs shing skrag pa ni thugs rje 'khrugs pa ste/ bskyed pa'i rim pa'o/ /rdo rje bum pa zhes bya ba la sogs pa la/ thig gdab pa dang dkyil 'khor bris ma thag tu dkyil 'khor pa'i grangs kyis bum pa rnams gzhag par bya'o/ /yang na bcu las nyung bar mi bya'o zhes bya ba'i tshig gis bum pa bcu gzhag par bya'o//phyogs de la rdo rje can ni de bzhin gshegs pa rnams dang / lha mo rnams dang / bdud rtsi 'khyil pa ste/ de rnams zhags pa dang lcags kyu bsnams pa'i gnod mdzes kyi rgyal pos 'gugs shing lha'i sku'i ngo bos bum pa'i nang du dgod par bya'o/ /de'i rjes la sngags ni sku la sogs pa'i byin gyis brlabs pa dang /rgyud ni so shing dang dbab pa dang bsrung ba la sogs pas/ bdag po ni rnam par snang mdzad la sogs pa las gang yang rung ba'i slob ma bya'o/ /rdo rje sems dpa' ni dkyil 'khor pa la sogs pa las gang yang rung ba'i lha'i sku ste/de'i ting nge 'dzin gyis bya ba'o/ /gang gis she na/ brtan pa'i blo ni rdo rje slob dpon gyis so/ /sbyin sreg ni rmi lam mthong ba'i 'og tu zhag gnyis pa la snga ma bzhin du zhi ba'i don du sbyin sreg bya'o/ /bshang gci zhes bya ba la sogs pa la dngos po thams cad 'dod pa'i rnal 'byor pas bdud rtsi lnga yang bsreg par bya'o zhes ston to//de'i rjes la rdzas thams cad nye bar bsdus te/ de bzhin gshegs pa thams cad kyi ngo bo rdo rje 'chang chen po mo'i snying gar bsams la/ de'i zhal la/ dgang blugs phul na de'i tshe zhi ba la sogs pa'i dngos grub thob par 'gyur ro//'di skad kyang gsungs so zhes pa ni sdud pa po'i tshig ste/ las kyi rgyal ba mchog go/ /dbang po gnyis zhes bya ba la sogs pa la/ dbang po la sogs sbyor ba ni de las byung ba'i byang chub kyi sems te/ de nyid rtsa ba'i sngags kyis brgya rtsa brgyad du bzlas shing bsreg par bya'o//sangs rgyas thams cad ni sngags pa rnams kyi dam tshig ni shin tu 'da' dka' ba ste sgrub pa'o/ /yang na dbang po gnyis kyi sbyor ba ni de srog dang rtsol ba sbyor ba ste/ de nyid kyis brgya rtsa brgyad ni brgyad brgyad dang bcas pa'i brgya rtsa brgyad de dgu brgya'o/ /de nyid dkyil 'khor re re la sbyin sreg bya ba ni bzlas par bya'o//sangs rgyas thams cad ni rdzogs pa'i rim pa'i rnal 'byor pa rnams kyi dam tshig ni bsgom pa'i rim pa ste/ 'da' dka' ba ni rtag tu bya'o zhes ston te / rdo rje bzlas pa'i rim pa'o/ /rnam par snang mdzad sbyor ba yis/ /zhes bya ba la sogs pa la/sku'i dkyil 'khor la rang gi bdag nyid rnam par snang mdzad bsgoms te/ slob ma yang rdo rje gsum las byung ba ni sems dpa' gsum gyi bdag nyid dang / yi ge AHlas byung ba'i snang ba mtha' yas bsgoms la/ lus ngag sems ni de nyid sku la sogs pas byin gyis brlabs shing /rdo rje ni le'u bco lnga pa las gsungs pa'i rdo rje dbab pa las / gzung bar bya ba ni slob ma de la de nyid bskyed par bya'o/ /ji ltar zhe na/ rdo rje sems dpa' ni yi ge hUM dang / rnam par snang mdzad ni yi ge ha dang / grags chen ni yi ge AHste/ de rnams sku gsung thugs ni snying ga dang spyi bo dang lkog mar dgod par bya'o//dam tshig ni dbab par byed pa'i yi ge dz+haiM/ de gnyis ni rkang pa gnyis kyi 'og tu dgod par bya'o/ /de la zhes bya ba la sogs pa la/ de la zhes pa ni dbab pa de la/ dkyil 'khor chen po ni sku la sogs pa 'jug pa la/ dam tshig ni rim pa 'di yin te/ ras dmar pos slob ma'i mig bkab la/ a khaM bI ra hUM zhes bya ba'i sngags kyis de nyid zhugs shing khyod gang yin zhes bya ba la sogs pas dris la/ rdo rje sems dpa' mngon du nyid/ /ces bya ba la sogs pas mig phye la/ de'i 'og tu sku gsung thugs kyis byin gyis brlab par bya'o//de'i rjes la gsol ba btab pa'i slob ma la dbang bskur ba'i phyir dang / rdo rje slob dpon gyis bsgom pa bshad par bya ba'i phyir/ sangs rgyas kun gyi nam mkha'i khams/ /zhes bya ba la sogs pa gsungs te/ re zhig dang po nam mkha'i khams sangs rgyas thams cad kyis yongs su gang bar bsams la/rol mo la sogs pa sna tshogs pa'i mchod pa rnams kyis de rnams mchod par bya'o/ /de'i rjes la bgegs bskrad pa'i phyir/ oM sar+b+ba pA paM da ha na zhes bya ba la sogs pa'i sngags kyis yungs kar byin gyis brlabs la/oM re re Ti Ti phaT ces bya ba'i sngags kyis slob ma la brdegs te rdul spro ba'i cho ga bya'o/ /de'i tshe bdag nyid ni sangs rgyas nyid kyis slob ma la dbang bskur ba ste/ byin gyis brlabs pa'i bdag nyid che ba bstan to/ /rdo rje sems dpa'i ting nge 'dzin gyis zhes bya ba la sogs pa la/de'i rjes la rdo rje 'chang chen po'i ting nge 'dzin la gnas pa'i rnal 'byor pas bum pa rnams sangs rgyas kyi ngo bor bsgoms la/ dam tshig ni nye bar sgrub pa po brgyad po de bzhin gshegs pa'i rang bzhin can rnams kyis bum pa de rnams gzung bar bsams la/rnam par snang mdzad kyi ngo bo slob ma la sku la sogs pa'i byin gyis brlabs pa sngon du 'gro bas sa'i snying po la sogs pa'i sa bon rnams mig la sogs pa la dgod par bya'o/ /de la zhes bya ba la sogs pa la/ de zhes bya ba ni bkod ma thag tu'o/ /dbang bskur ba thams cad kyi gsang ba ni sba bar bya'o//slob dpon thams cad ni sku rdo rje 'dzin pa la sogs pa'i ngo bo'i slob dpon rnams kyi tshig tu smra ba ni tshigs su bcad pa'o/ /sangs rgyas rnams zhes bya ba la sogs pa la/ dbang bskur khyod la sbyin par bya'o/ /ji lta bu zhe na/ rdo rje chen po ni rdo rje 'chang chen po'i rang bzhin no//yang ji lta bu zhe na/ khams gsum dag ni khams gsum na bzhugs pa'i de bzhin gshegs pa'i tshogs kyis phyag byas pa ni mngon du 'dud pa'o/ /sangs rgyas rnams kyi rdo rje gsang ba gsum ni sku la sogs pa las 'byung ba ni bskyed pa'o zhes ston to/ /de la zhes bya ba la sogs pa la/de la zhes pa ni bla mas gsungs ma thag tu'o/ /slob ma thams cad ni rnam par snang mdzad la sogs pa'i dkyil 'khor la zhugs pa'i bsgrub bya rnams kyis rdo rje chen po ni bla ma la/ gsol ba ni dbang bskur ba'i phyir gsol ba gdab pa ste/ de nyid kyi phyir cho ga ni tshig ste/ de nyid sbas pa'i phyir gsang ba'o/ /byang chub rdo rjes zhes bya ba la sogs pa la/ byang chub rdo rje ni rdo rje 'chang chen pos/ sangs rgyas ni mi bskyod pa la sogs pa la/ mchod chen ni dbang bskur ba ji ltar stsal pa de bzhin du/ nam mkha' ni rdo rje 'chang chen po'i rang bzhin gyi slob ma la/bdag kyang rab tu bsgral ba'i phyir/ /zhes pa ni 'khor ba'i rgya mtsho'i pha rol tu phyin pa'i phyir de nyid bdag la stsol cig pa'o/ /de'i tshe zhes bya ba la sogs pa la slob ma des gsol ba btab pas/ rab tu dgyes pa ni bla ma des rab tu dgyes shing slob ma de la dbang bskur ba stsol ba'o//dbang bskur ma thag tu tshangs pa'i bu ga las zhugs pa'i de bzhin gshegs pa thams cad kyi tshogs zhu zhing / lha'i gzugs ni sangs rgyas thams cad kyi rang bzhin gyi rdo rje sems dpa' ste/ de'i snying gar bsgom par bya'o/ /de'i rjes la gzhi dang gzhi can gyi bdag nyid kyi dkyil 'khor mnyam pa nyid kyis gru bzhi pa zhes bya ba la sogs pas bstan par bya'o//gang la / rdo rje'i slob ma blo ldan la/ /zhes pa ni ting nge 'dzin dang ldan pa'i slob ma la'o/ /de'i rjes la sangs rgyas thams cad kyis gsungs pa ste de'i rang bzhin gyi dam tshig rnams ni sngar bshad pa'i/khyed kyis srog chags gsad par bya/ /zhes bya ba la sogs pas dam tshig bzhi po bsgrag par bya ba ni nyan du gzhug par bya'o/ /rdo rje'i lam ni 'di dag gis/ /zhes bya ba la sogs pa la/ rdo rje'i lam ni rdo rje tshul las gsungs pa'i dam tshig gi tshogs kyis/ sems can thams cad ni slob ma rnams bskul ba ni nyan du gzhug par bya'o//de'i tshe sangs rgyas thams cad ni de dag gi ngo bo dang / mchog tu brtag pa ni phyir mi ldog par 'gyur ro/ /sngags kyis bskul ba zhes bya ba la sogs pa la / phyir mi ldog pa'i 'og tu slob ma de la sngags kyang sbyin par bya'o/ / ji ltar zhe na/ sngags kyis bskul ba smra ba yis/ /zhes pa la sngags ni snying po dang / bskul ba ni nye ba'i snying po dang / smras pa ni phreng ba'i sngags te/ de rnams kyang sbyin par bya'o/ /sngags kyi rgyal pos ting 'dzin dang / zhes bya ba la sogs pa la/ sngags dang mthun pa'i ting nge 'dzin ni lha'i sku sgom pa sbyin la/gsang ba'i dbang sbyin pa'i phyir brtsam par bya'o/ /khu ba bshang gci la sogs ni bdud rtsi rnams kyang snga ma bzhin du byin gyis brlabs la slob ma za ru gzhug par bya'o/ de ltar byas na dngos grub rnyed mi dka' ni de'i dus su brtsams te de ni rtogs pa med pas zhes bya ba la sogs pa bzhin du'o//rnam pa 'di bzhi zhes bya ba la sogs pa la/ de'i rjes la gsang ba'i dbang thob pas shes rab dang shes rab ye shes ster bar bya'o/ /gsang chen ni shin tu bslabs pa dang 'dus byas pa'i phyag rgya ma de nyid do/ /de'i rjes la de dang snyoms par zhugs pa las byung pa'i bde ba chen po nye bar mtshon pa'i phyir/rdo rje can kun ni 'dod chags dang 'dod chags dang bral ba dang 'dod chags bar pa rnams kyi gsang ba ni ro gcig par gyur pa'i de kho na nyid bstan par bya'o/ /de nas rig pa'i brtul zhugs sbyin par bya ba'i don du'o//bud med kyi gzugs ni rig ma ste/ bla ma'i g.yon phyogs su bzhag cing / slob ma g.yas phyogs su bzhag la/ de dag gi dbus su gnas pas/ sngags kyi 'khor lo ni sngags kyi sku dang ldan pa des gnyis ka'i lag pa gzung zhing sems can gyi don gyi spyod pa bya ba'i phyir gnang ba khyod kyis ji srid 'tsho'i bar du lha mo 'di dang lhan cig gnas par gyis shig ces bstan par bya'o//de nas dam tshig chen po rtag tu spyod pa'i phyir sbyin par bya ste/ glang po'i lcags kyu la sogs pa lnga dkyil 'khor la phul zhing bza' bar bya'o/ /de ltar na snga ma bzhin du dngos grub thob bo//de nas slob ma la yid ches pa bstan par bya ste/ oM la sogs pa yi ge gsum gyis bshang gci la sogs pa dkyil 'khor la bzhag cing sbyang ba la sogs pa'i rim gyis 'bar ba bstan la/ de'i tshe slob ma yid ches par gyur pas de bzhin du spyad do/ /sngags kyi rigs chen po de bzhin gshegs pa dang lha mo rnams te/de rnams kyi skyes bu ni bdag po ste/ rdo rje 'chang chen pos de skad gsungs so/ /de bzhin du kye bu de ring nas brtsams te sngar bshad pa'i rig pa 'dzin pa la sogs pa'i dngos grub thams cad dang / de rnams kyi rgyur gyur pa'i dam tshig chen po ni bdud rtsi bza' ba la sogs pa ste/de rnams thams cad nan tan gyis khyod kyis bsgrub par bya'o/ /de ltar byas na nyid ces pa ni mngon sum du tshe 'di nyid la/ sangs rgyas byang chub ni rdo rje 'chang chen po nyid thob par 'gyur ro/ /gcig pu de rnams sgrub pa ma yin gyi/'on kyang 'jig rten gyi dngos grub rnams kyang 'grub par 'gyur te/ dper na mi snang ba ni snang bar mi 'gyur ba dang / stobs ni glang po che dgu stong gi stobs dang / brtson 'grus ni sa 'gul ba la sogs pa dang / rdo rje dgug pa ni lha'i bu mo la sogs pa dgug pa ste/de'i lha'i bu la sogs pa'i dngos grub rnams/ dkyil 'khor ni sems can gyi khams la khyod kyis 'grub par 'gyur ro/ /rdo rje sku yi bka' bzhin du/ /zhes pa ni bden pa'i tshig go/ /bshang gci zhes bya ba la sogs pa la/ de bzhin du ri lu'i dngos grub kyang khyed kyis bsgrub par bya'o//tshes brgyad pa'am bcu bzhi la sogs pa'i bshang ba la bdud rtsi lnga'i ri lu kham phor kha sbyor gyi nang du bsgrubs la/ rgya shug gi 'bras bu'i tshad tsam de nyid yi ge gsum gyis byin gyis brlabs la/ yi ge dgu pa bzlas shing nyin re'am zla ba re re'am lo re re zos na de'i tshe/sangs rgyas kun dang lhan cig tu 'khod par 'gyur ba ni mkha' spyod la sogs pa'i dngos grub thob par 'gyur te/ bskyed pa'i rim pa dang sgrub pa dag go/ /ting nge 'dzin gzhan gyis kyang dngos grub sgrub pa'i thabs bshad par bya ba'i phyir/ de la zhes bya ba la sogs pa gsungs te/de la zhes pa ni dkyil 'khor gyi las rdzogs pa dang / dbang bskur gyi bya ba rdzogs pas/ gsang ba thams cad kyi rdo rje de bzhin gshegs pa rnams kyi gang zhig mngag gzhug pa ni gshin rje gshed la sogs pa ste/ de rnams kyi sgrub pa chen po bsgom pa sngon du 'gro ba'i bskul ba ste/de'i tshig ni sa bon gyi yi ge rnams te/ de la sgrub pa'i mchog ni mngag gzhug pa'i gzugs so/ /de nyid bshad par bya ste/ hrIHni zhes bya ba la sogs pa la/ nam mkha'i dbyings la 'bar bas 'khrug pa'i yi ge hrIHbsams la/ / de'i rjes la nam mkha'i dbyings de nyid sangs rgyas kun gyis yongs su gang ba bsgoms te/ sku gsung thugs kyi ngo bo sangs rgyas de rnams yi ge hrIHde la 'jug par bya ste/ de'i tshe de bzhin gshegs pa thams cad kyi ngo bor gyur pa'o/ / de la zhes pa ni sngags thams cad kyi bdag nyid sa bon de la sku gsung thugs kyi sngags byin gyis brlabs pa la/gnas ni g.yo bar mi 'gyur ba de rnams 'jug par bya'o / /a khaM d+hI / de rnams zhugs shing sa bon de yongs su gyur pas/ phyag na rdo rje la sogs pa ni bdud rtsi 'khyil pa la sogs pa'i mngag gzhug rnams rigs dang mthun par bsgom par bya'o//de la zhes bya ba la sogs pa la/ de la zhes pa ni mngag gzhug pa de rnams bskyed pas/ gsang ba'i rdo rje ni de bzhin gshegs pa rnams te/ de rnams kyi gnas su oM AHhUM swA hA/ zhes bya ba'i sa bon rnams te/ de dag yongs su gyur pa las byung ba'i nyi ma'i dkyil 'khor la sogs pa la bzhugs pa'i rdo rje la sogs pa'i sku'i rang bzhin gyi rang gi bdag nyid bsgom par bya'o//de'i rjes la sdug bsngal chen po ni snying rje dang ldan pa'i rang gi sems kyis mngag gzhug pa de rnams bskul bar bya'o/ /de la zhes bya ba la sogs pa la/ de la zhes pa ni lha'i sku de rnams rdzogs pas/rdo rje sems ni mngag gzhug pa de rnams bskul ba ni dgug pa'i phyir/ snying po'i sa bon te yi ge A'o/ /gsung gi dbang phyug gi sa bon des bka' 'jug pa rnams bskul bar bya'o/ /de'i tshe de rnams rtse gsum la sogs pa'i sna tshogs pa'i mtshon cha 'dzin cing 'gro bas lha'i bu mo la sogs pa dang /rdzu 'phrul brgyad sgrub pa po la sgrub par byed do/ /gzhan yang ji srid sangs rgyas kyi byang chub kyang 'grub par byed pa ste/ phul du byung ba'i tshig go/ /de skad ces kyang gsungs so zhes nye bar bsdu bas te/ bskyed pa'i rim pa'o/ / da ni yul dang dus kyi bye brag bshad par bya ba'i phyir/ nyams dga' ba yi ri dag dang / /zhes bya ba la sogs pa gsungs te/ ri bo la sogs pa'i gnas de rnams rnam par dben pa'i phyir dngos grub kyi gnas yin te/ de rnams dngos grub bsgrub par bya'o/ /mngag gzhug pa'i dngos grub 'di ni zla ba phyed kyi bar ram/zla ba phyed po rdzogs pas 'grub pa ste/ sangs rgyas kyang thob par 'gyur ro/ /'dis ni 'di bshad pa yin te/ mngag gzhug pa'i sgrub pa pos re zhig 'jig rten pa'i dngos grub mngon du 'gyur te/ gang gi tshe le'u bcu pa las gsungs pa'i rig pas drag shul gyi rnal 'byor gyis de bzhin gshegs pa thams cad kyi snying po nus pas dgug cing rang gi bdag nyid la zhugs par gyur pa de'i tshe/de bzhin gshegs pa thams cad kyis yongs su rdzogs pa'i rdul phra rab kyis yongs su rdzogs pa'i rdo rje 'chang chen po'i sku thob par 'gyur ro zhes ston to//de nyid kyi phan yon bshad par bya ste/ ri rab sum cu rtsa drug gi /zhes bya ba la sogs pa la/ ri rab sum cu rtsa drug gi rdul phra rab dang mnyam pa'i 'khor gyi tshogs ni lha dang lha ma yin la sogs pa'i bu mo rnams rnal 'byor pa de'i bka' bzhin byed cing yongs su bskor nas gnas par 'gyur ro//de bzhin du 'dod pa ji lta ba bzhin du mngon par dga' ba la sogs pa'i sangs rgyas kyi zhing rnams su 'gro zhing de na bzhugs pa'i de bzhin gshegs pa rnams las/ zab mo'i chos ni sngags kyi tshul gyis chos thos nas sangs rgyas kyis thob par 'gyur ro//dam tshig chen po ni mngag gzhug pa'i sgrub pa ste/ de nyid rdo rje ni bstan pa ste/ de nyid bshad pa ni ngo mtshar bar byed pa'i las gang las byung ba de ni rdo rje 'chang chen pos de skad bka' stsal te zhes pa dang sbyar te bskyed pa'i rim pa'o/ /de la zhes bya ba la sogs pa la/ de la zhes mngag gzhug pa'i sgrub pa la/mngag gzhug pa thams cad kyi gsang ba'i rdo rje ni rigs kyi dbye ba la gnas pa de rnams kyi rang rang gi bdag po de rnams las 'byung ba'i gsang ba ni bka' stsal pa'i rnam pa'o/ /rdo rje sems dpa' zhes bya ba la sogs pa la/ rdo rje sems dpa' la sogs de bzhin gshegs pa'i rigs dang rjes su 'gro bas rang gi bdag nyid bsams te/de rnams kyi rigs dang mthun pa'i mngag gzhug pa rnams bskul bar bya'o/ /de la zhes bya ba la sogs pa la/ de la zhes pa ni sku de rnams rdzogs pas/ rdo rje ni mi bskyod pa dang /ye shes ni snang ba mtha' yas dang / 'khor lo ni rnam par snang mdzad dang / sngags ni rin chen 'byung ldan dang / dam tshig ni don yod grub pa ste/ bdag po nyid du gyur pa de rnams kyi gnas ni bka' stsal pa'i rang bzhin gyis gsung ngo / /dam tshig mngag gzhug pa skyed par byed pa'i sa bon te yi ge a'o //de nyid bskul ba ni de bzhin gshegs pa thams cad kyi sku gsung thugs dang dbyer med par byas la/ mngag gzhug pa'i rnam pa mthong ba'o/ /mngag gzhug pa'i rnam pa mthong bas dam tshig ni 'jig rten dang 'jig rten las 'das pa'i dngos grub kyi ngo bo dgug pa brtsam par bya ba'i phyir gtong ba ni de rnams la bka' stsal pa ste/sgrub pa po'i las gnyis so/ /de'i rjes la mngag gzhug pa de rnams kyis sgrub pa po'i bka' nyan byed cing / bsgrub bya de rnams la dam tshig 'bod pa'i 'dum pas dngos grub gnyer ba ste/bdag cag la 'dod pa gsol cig ces tshig gis so/ /gal te de rnams kyis mngag gzhug pa'i tshig mi nyan na de'i tshe/ drag shul gyis tshig ni bsgrub pa de rnams/ /bcings pa ni dgug pa sngon du 'gro bar bcings shing bdag po'i mdun du phyin par byed pa ste/ mngag gzhug pa'i las gnyis so/ /mkha' dbyings zhes bya ba la sogs pa la/ de ltar byas nas mkha' dbyings ni nam mkha'i dbyings te/ rgya chen ni sa la sogs pa'i bye brag dang bral ba dang / dag pa ni gzugs med pa dang / chos rnams thams cad ni thogs pa dang bcas pa la sogs pa'i chos dang spangs pa ste/de yang mngag gzhug pa de rnams kyis gong bu'i tshul du byed pa ni ri bo bzhin du byed pa ste/ dngos grub gzhan rnams smos ci dgos zhes ngo mtshar ba gsungs pas bdag nyid che ba bstan to/ /sangs rgyas thams cad ni de bzhin gshegs pa rnams dang bu ni byang chub sems dpa' rnams te/de rnams ngo bo gcig pa'i rdo rje 'chang chen pos de skad bka' stsal to zhes sdud pa po'i tshig ste skyed pa'i rim pa'o/ /da ni dbang du byed pa bshad par bya ba'i phyir/ sangs rgyas rdo rje sems dpa' rung / /zhes bya ba la sogs pa gsungs te/ sangs rgyas ni rnam par snang mdzad kyi rnal 'byor pa dang /rdo rje mi bskyod pa'i rnal 'byor pa dang / sems dpa' ni snang ba mtha' yas la sogs pa'i rnal 'byor pa rnams kyis gal te bsgrub bya dbang du gyur par 'dod na de'i tshe/ /rdo rje gsum ni sangs rgyas gsum ste/ de dag gi mchog 'dzin ni mi bskyod pa'i rigs te/dbang du byed pa la nus pa dang ldan pa'i phyir phye ba dang / bstan par mi bya ba'i phyir gsang ba chen po ste/ rdo rje 'chang ba ni de nyid rdo rje lus med pa zhes bya ba'i rnam grangs gzhan yod pa bsam par bya'o/ /de la nam mkha'i rdo rje ni rang gi rig ma'i pad+ma'i lte ba ste/ de'i dbus su yi ge maM las byung ba'i rang gi bdag nyid 'jam pa'i rdo rje bsam par bya ste/ sku mdog dmar po zhal gsum phyag drug pa/ zhal g.yas pa dang g.yon pa ni nag po dang dkar po ste/ phyag lnga la smyo byed dang / myos byed dang / rmongs byed dang / gdung byed dang / skem byed de mda' lnga 'dzin pa dang / mda' de rnams kyang sgro ni yi ge oM gyis brgyan pa dang / bar smyug ma ni yi ge AHyis bskyed pa dang / mde'u ni yi ge hUM gis bskyed pa ste/ kha dog dmar po dang yi ge gsum gyis gsum la byin gyis brlabs pa de rnams 'dzin pa dang / phyag g.yon pa'i gtso bos de bzhin du bskyed pa'i gzhu 'dzin pa dang /spyi bor mi bskyod pas byin gyis brlabs pa ste/ de lta bu'i rang gi bdag nyid bsams la/ gzhu'i mtha' gnyis bar gyi cha rnams mda' lnga po de rnams 'dren cing / rgyal po la sogs pa'i bsgrub bya'i spyi bo dang / lkog ma dang /snying ga dang / lte ba dang / gsang ba'i gnas rnams la oM AHhUM swAhA/ zhes bya ba'i sa bon gyi rnam pa'i mda' lnga po phog pa dang sa bon de rnams kyang klog cing mda' de rnams kyis bsgrub bya'i phung po lnga dbang du gyur par bsam par bya'o/ /mda' lnga po de nyid yang dang yang du bsgrub bya la phog pa ji srid bsgom par bya ba de srid bsgrub bya de bdag nyid dang nor gyi dbang du 'gyur ro//de bshad par bya ste/ brgyal ba ni dbang du gyur pa dang / skrag pa ni skyabs gzhan med pa dang / byis pa'i blo ni mkhas pa yin na yang byis pa nyid du gyur pa'o//de gang zhe na/ grags chen ni rgyal po la sogs pa ste/ de lta bu'i bsgrub bya bsgom pa ni bsgrub par bya'o/ /bsam gtan 'di gsang ba'i bskul ba dag ni bdag gis che ge mo 'di zhes bya ba dbang du byed pa'o zhes bya ba sngon du de bzhin gshegs pa rnams la zhus te/zla ba phyed kyis 'grub par 'gyur ro/ /sngags rnams kun zhes bya ba la sogs pa la/ rdo rje don gyi blo ni rdo rje 'chang chen po ste/ des sngags rnams kun gyi rgyal po la sogs pa dbang du bya ba'i phyir bcom ldan 'das kyis de gsungs te bskyed pa'i rim pa'o/ /ting nge 'dzin gzhan bshad par bya ste/sangs rgyas dkyil 'khor zhes bya ba la sogs pa la/ nam mkha' rdo rje ni phyi rol gyi nam mkha' la yi ge hUM la sogs pa lnga po las/ sangs rgyas dkyil 'khor ni thugs rdo rje la sogs pa'i de bzhin gshegs pa'i rigs kyi 'khor lo 'khor dang bcas pas bsgoms la/gdug pa rnams kyang de bzhin du yongs su gyur pas sangs rgyas nyid du bsams te/ de rnams kyi mig gi dbang po la yi ge oM bkod la/ khyed rnams kyis nam mkha' ltos shig ces bya bas de rnams la rnal 'byor bas nam mkha'i dbyings bstan par bya'o/ /de'i 'og tu de rnams kyang sngags rnams ni de bzhin gshegs pa rnams te/de dag gi sku gsum gyi rang bzhin gyi sku mthong bar 'gyur te/ bsgrub byed de rnams 'dul bar 'gyur te/ dang po sbyor ba dang dkyil 'khor rgyal ba mchog dang las kyi rgyal ba mchog gi ting nge 'dzin rnams so/ / bkres skom la sogs zhes bya ba la sogs pa la/ bkres pa dang skom pa sgom pa la sogs pa'i sdug bsngal byung ba'i dus su gal te bsam gtan 'di bsgoms na de'i tshe/ sdug bsngal thams cad ni de rnams nyid 'jig par 'gyur ro/ /rdo rje thugs kyi bka' bzhin du/ /zhes pa ni bden pa'i don du'o//rnam par snang mdzad ces bya ba la sogs pa la/ re zhig dang po cig car du don rnams thams cad ni dkyil 'khor pa rnams kyi phun sum tshogs pa gang la yod pa de lta bu'i sku rnam par snang mdzad kyi sku bsgoms la/ rkan gyi bu ga la bdud rtsi'i sa bon yi ge wa bkod cing lce'i rtse mor yang yi ge oM bkod la lce de nyid bzlog pas za bar byed pa thams cad kyi gnas dang /bdud rtsi'i rang bzhin gyi yi ge wa 'dzin la/ de'i tshe yid bzhin gyi nor bu bzhin du rtsol ba med pas rgyas pa ni tshim par 'gyur ro/ /sdug bsngal thams cad ni bkres pa dang skom pa la sogs pa'i sdug bsngal rnams sel bar 'gyur ro//de'i tshe zhi ba ni yongs su 'tsho ba'i lus su 'gyur ro/ /ye shes rdo rje ni rnam par snang mdzad kyi sku ste/ de'i tshe nas de bsgom par bya'o/ /yid bzhin gyi nor bu rtsol ba med pas rgyas par mdzad pas na yid bzhin gyi nor bu ste/rdo rje 'chang chen pos de skad bka' stsal to zhes bya bar sbyar ro / /las kyi rgyal ba mchog dang sbyar ro/ /yang na rnam par snang mdzad ni khyad par du mdzes pa'i rang bzhin gyi byang chub kyi sems te/ de nyid kyi gzugs chen po ni gzhir gyur pa'i rdo rje ste/ don rnams thams cad ni/ byang chub kyi sems kyi rgyun rnams te/ de dag 'gro ba dang 'ong ba'i spyor bas srog dang rtsol ba dag gis 'gags shing rdo rje de nyid kyi nang gi cha ru chu'i khams kyi sa bon yi ge waM dgod la/ phyi rol gyi lce la char rengs pa'i phyir yi ge oM bkod cing de'i rjes la kun ni rlung bcu ste/ de rnams za bar byed pa dang /bza' bar bya ba kun ni srog dang rtsol ba ste/ de dag gi gnas ni g.yon dang g.yas pa'i rdo rje rtse gnyis te/ de dag gis yid bzhin gyi nor bu dang 'dra ba'i byang chub kyi sems kyi thig le'i phreng ba brgyan par 'gyur ba'o/ /de nas 'gro ba dang 'ong bas yongs su bskor te/ de srid du 'dzin par bya ba ji srid du brtan par 'gyur ro/ /de ltar byas na sdug bsngal thams cad ni 'dod chags la sogs pa ste/ de rnams sel ba ni 'jig par byed pas na sdug bsngal thams cad sel ba ste bsam gtan no/ /de bas na 'dzin pa'i rang bzhin yin pa'i phyir zhi ba'o/ / ye shes ni ye shes kyi bdag nyid kyi rdo rje ni gsang ba'i rdo rje ste/ gnas de la bsgom par bya'o/ /'dir don 'di yin te/ A li dang kA li'i bdag nyid kyi yi ge lnga bcu'i rang bzhin gyi yi ge'i phyi mo'i phreng ba las byang chub kyi thig le phreng ba rlung gnyis pos yongs su bskor ba dang /rdo rje'i rtse mor gnas pa'i yi ge oM gyis ri rab kyi rnam par brgyan pa ste/ de mi lhung ba'i ting nge 'dzin brtan par byed pas ma ning gi bzlas pa'i rang bzhin gyis rdo rje bzlas pa byed pa yin no zhes ston to/ /de nyid kyi phyir rdo rje sa 'og gi rgyud las/ bcom ldan 'das rdo rje sems dpa'i ling+ga la phreng ba 'phyang ba mthong ba ste/rdo rje bzlas pa'i rim pa dang las dang rnal 'byor rnams so/ /de nas zhes bya ba la sogs pa la/ dpa' bo chen po ni thams cad kyi bdag po yin pa'i phyir/ rdo rje 'chang ngo / /rdo rje ni nor rgyun ma ste/ de bsgom par bya ba'i phyir tshig gi mchog ni sa bon te/de nyid rdo rje gsum ni gsung gi sgo nas phyung ngo / /ri d+ha zhes pa ni nor dang 'bru ster ba'i phyir yi ge d+ha'o/ /yi ge i ni dpal mo'i sa bon no/ /tsheg drag ni rgyas pa'i don du'o/ /sangs rgyas dkyil 'khor zhes bya ba la sogs pa la/ nam mkha'i rdo rje ni rang gi rig ma'i pad+mar yi ge d+hi yongs su gyur pa las skyes pa'i sangs rgyas kyi dkyil 'khor bsgoms te/de yongs su gyur pa las skyes pa'i rdo rje sku gsum sbyor ba yis zhes pa ni sems dpa' gsum gyi bdag nyid dang / rgyan thams cad kyis rnam par brgyan pa dang / ral pa'i cod pan gyis dbul brgyan pa dang / zhi ba'i bdag nyid dang /sku mdog ser po dang / zhal gsum phyag drug pa dang / zhal g.yas pa dang g.yon pa ni nag po dang dmar po ste/ rdo rje dang 'khor lo dang rin chen gyi mchog sbyin phyag g.yas pa rnams la bsnams pa dang / phyag g.yon pa rnams la pad+ma dang ral gri dang 'bras kyi yal ga bsnams pa ste/pad+ma dang zla ba'i dkyil 'khor gyi steng du rdo rje skyil krung gis bzhugs pa'i lha mo nor rgyun ma bsams te/ de'i rjes la thams cad brtsam par bya ba ni de nyid kyis dbul po rnams la rin chen gyi char phab par byas te/ slar yang byon te/ rang gi bdag nyid de dang dbyer med par bsgom par bya'o//rdo rje dpa' bo ni lha mo nor rgyun te / de nyid kyi dba' rlabs kyi phreng ba ni 'od zer gyi sbyor bas rgyas pa'i ting nge 'dzin gang la yod pa de ni de bzhin du bshad pa'o/ /de nas zhes bya ba la sogs pa la/ kun nas dbyangs ni grags pa mnyams pa'i lha mo skul byed ma'i sku ste/de nyid zhi ba la sogs pa bsgrub pa la nus pa ldan pa'i phyir rdo rje ting nge 'dzin gang la yod pa de la snyoms par zhugs nas/ rdo rje chen po mi bskyod pa ste/ de nyid bsgom pa ni cod pa na la zhugs pa gnas gang yang yod pa de ni lha mo skul byed ma'i sku ste/ de nyid dbyer med pas de'i sa bon yang de bzhin du bshad pa ste/ de nyid sku zhes bya ba la sogs pa snga ma bzhin no/ /tsuM zhes pa ni gdug pa thams cad phye mar brlag par mdzad pa'i phyir ro/ /nyi ma'i dkyil 'khor zhes bya ba la sogs pa la/ rang gi rig ma'i chos 'byung gi nam mkhar/yi ge raM las byung ba'i nyi ma'i dkyil 'khor la yi ge tsuM yongs su gyur pa las skyes pa'i sangs rgyas thams cad rjes su zhugs pa las byung ba'i sems dpa' gsum gyi bdag nyid sku mdog dkar po dbul rdo rje sems dpas brgyan pa/ zhal gsum phyag drug pa/ zhal g.yas dang g.yon ni nag po ste/phyag g.yas pa rnams la rdo rje dang 'khor lo dang rin chen bsnams pa/ phyag g.yon pa rnams na pad+ma dang ral gri dang dril bu bsnams pa/ rgyan thams cad kyis brgyan pa'i lha mo skul byed ma bsgoms la/ de'i 'og tu phyi rol du spros te las thams cad mdzad nas slar yang byon te/bdag nyid de dang dbyer med par bsgom par bya'o/ /rdo rje dam tshig ni mi bskyod pa ste/ de las byung ba'i ye shes kyi 'od zer ni lha mo skul byed ma'i sku ste ting nge 'dzin gang la yod pa de ni de bzhin du bshad pa'o/ /de nas zhes bya ba la sogs pa la/ bsam pa thams cad ni 'bru dang nor la sogs pa'i 'dod pa ste/ de rnams nyid mi zad pa'i phyir rdo rje ste/ de rnams kyi longs spyod ni nye bar spyod pa'i ting nge 'dzin gang la yod pa de la snyoms par zhugs nas ting nge 'dzin ni gang ba bzang po la sogs pa'i gnod sbyin chen po brgyad de/ de rnams kyi 'khor lo ni dkyil 'khor te/de nyid 'dul bas bdag po nyid du dbang du byed pas na/ ting nge 'dzin 'khor lo'i tshul ni lha dzaM b+ha la ste/ de dang dbyer med pas de'i sa bon yang de bzhin du bshad pa ste/ nyid kyi sku zhes bya ba la sogs pa snga ma bzhin no/ /dzaM zhes pa ni dzaM ni 'byung ba la'o//na ni rjes su 'jug pa'i dbyings su 'gyur ro/ /de bas na 'bru dang nor rin po che la sogs pa 'byung bar byed pas na dzaM zhes bya'o/ /sangs rgyas dkyil 'khor zhes bya ba la sogs pa la/ snga ma bzhin du rang gi rig ma'i pad+mar pad+ma dang zla ba'i dkyil 'khor gyi steng du yi ge dzaM yongs su gyur pa las byung ba'i sangs rgyas thams cad rjes su zhugs pa las skyes pa/ral pa'i cod pan can zhal gsum phyag drug pa/ sku mdog ser po zhal g.yas pa dang g.yon pa ni nag po dang dmar po ste/ phyag g.yas pa rnams la mda' dang kyo ba dang bi dza pu ra ka bsnams pa/phyag g.yon pa rnams la gzhu dang zhags pa dang / ne'u le'i gter bsnams pa/ sngar bshad pa'i lha mo nor rgyun mas 'khyud pa dang / oM la sogs pa'i sa bon lnga yongs su gyur pa las skyes pa'i rnam par snang mdzad la sogs pas spyi bo la sogs par byin gyis brlabs la/rdo rje sems dpa'i cod can dang ldan pa'i gnod sbyin chen po ni 'phags pa dzaM b+ha la bsgoms te/ de'i 'og tu spros nas sems can thams cad kyi re ba thams cad rdzogs par mdzad la/ slar yang byon te/ bdag nyid de dang dbyer med par bsams la/ de dang 'dra ba'i ye shes kyi dzaM b+ha la snying ga las spros te/de'i spyi bor bzhugs pa'i rdo rje sems dpa' dang mA ma kI snyoms par zhugs pa las byung ba'i byang chub kyi sems kyis/ oM dzaM b+ha la dza len drA ya swA hA/ zhes bya ba'i sngags kyis de'i spyi bo la dbang bskur gsol bar bya'o/ /de ltar byas na gnod sbyin gyi dbang ni 'phags pa dzaM b+ha la mnyes par 'gyur ro//'od chen po ni rnal 'byor pa yang de dang 'dra bar 'gyur ro/ /rdo rje dam tshig ni rdo rje sems dpa' ste/ sngags de nyid kyi phyag rgya ni mA ma kI ste/ de dag dpal ni spyi bor mtshan pa ste/ de nyid dpal ni mdzes pa nyid gang la yod pa de ni dzaM b+ha la ste/de'i ting nge 'dzin yang de bzhin du bshad pa ste/ las kyi rgyal ba mchog go/ /de nas zhes bya ba la sogs pa la/ rdo rje bzhin du mi phyed pa'i 'dod pa'i lha dang 'dra ba'i gzugs dang ldan pa'i gnod mdzes mo rnams te/ de dag nye bar spyod pa ni bsten pa dang / dpal ni 'bru dang gser la sogs pa'i mtshan nyid can ting nge 'dzin gang la yod pa de la snyoms par bzhugs nas/gnod sbyin mo ni zla ba'i 'od ma la sogs pa ste/ de rnams kyi dam tshig ni snyoms par zhugs pa'am skyed par byed pa'i phyir/ rdo rje tshig ni sa bon te de nyid kyi sku zhes bya ba la sogs pa snga ma bzhin no//k+ShaM zhes pa ni gnod sbyin mo'i sgra'i tha ma'i yi ge te/ tshogs pa la 'jug pa'i sgra rnams cha shas la yang 'jug pa ste/ dper na yul tshig pa dang / snam bu tshig pa bzhin no/ /tshig rnams la tshig gi phyogs gcig kyang yod pa de/ dper na 'jigs sde ni 'jigs pa dang /bden par khros ma ni khros ma bzhin no/ /mkha' dbyings dbus zhes bya ba la sogs pa la nam mkha'i khams kyi dbus su yi ge b+h+rUM las skyes pa'i gzhal yas khang pa gru bzhi pa/ dra ba dang dra ba phyed pas rnam par spras pa/ 'od zer thams cad kyis phyogs bcu rnam par brgyan pa/dri dang me tog la sogs pa 'dod pa'i yon tan sna tshogs pas byin gyis brlabs nas de'i dbus su rin po che'i khri'i steng du pad+ma dang zla ba'i gdan la yongs su bsdus pa'i shing gi yal ga lag pa g.yon pas 'dzin cing lag pa g.yas pas ni rol pa'i pad+ma gcod par byed pa/rgyan thams cad kyis brgyan pa/ smad yangs pa gser gyi mdog lta bu'i smad g.yogs kyis mdzes pa/ rgyas pa dang mtho ba gser lta bu'i nu ma gnyis dang ldan pa/ bung ba dang mig sman dang 'dra ba'i skra'i tshogs kyi nang na yongs su bsdus pa'i me tog btags pa/ dri la chags pas 'ong ba'i bung ba'i skad kyis yid 'phrog pa/rkang gdub dang ska rags kyi sgra snyan pas ngang pa'i rgyal po las rgyal bar 'dod pa'i lha'i mda'i tshogs kyis snying mnan pa/ zur dang bcas pa'i g.yon pas lta ba/ lo bcu drug lon pa/ yi ge k+ShaM las skyes pa'i gnod sbyin mo bsams te/de dang 'dra ba'i gnod sbyin mo'i rigs sna tshogs pas nam mkha'i khams gang bar bsams la/ de'i bdag nyid gcig pu bsgom par bya'o/ /las gsum rdo rje ni de bzhin gshegs pa gsum ste/ de rnams kyi bye brag ni de bzhin gshegs pa gsum gyi ting nge 'dzin gyis de nyid bsgom par bya ste/de bzhin gshegs pa'i sa bon rnams de'i lus la sogs pa la dgod par bya'o/ /de'i 'og tu rang gi bdag nyid gsang ba'i bdag po ni phyag na rdo rje bsgoms te/ gnod sbyin mo de'i spyi bor rengs pa'i phyir/ khro bo ni gnod mdzes kyi rgyal po 'am bdud rtsi 'khyil pa dgod par bya'o//de nas snying ga ni rang gi snying gar sngags kyi tshogs ni yi ge hUM bsgoms la/ sbyor ba ni gnod sbyin mo de dang lhan cig tu snyoms par zhugs par bya ste/ de ltar byas na gnod sbyin mo rnams 'grub par 'gyur ro/ /gnod sbyin mo bsgrub pa'i spros pa ni 'byung po 'dul ba'i rgyud dang rig pa 'dzin pa'i sde snod las shes par bya'o//gnod sbyin mo thams cad dang mnyam pa ni gnod sbyin mo gcig la thim pa ste/ de nyid bsgom pa ni bsam gtan te/ de yang nges par 'grub pa'i phyir rdo rje ste/ ting nge 'dzin gang la yod pa de ni de bzhin du bshad pa'o//de nas zhes bya ba la sogs pa la/ rdo rje sngags thams cad ni de bzhin gshegs pa lnga ste/ de rnams kyi dngos grub ni de'i rnam pas gnod sbyin mo la sogs 'grub pa ste/ de'i rnam par 'phrul pa ni 'dod pa rnam pa lnga nye bar spyod pa ste/ de nyid brtan pa'i phyir rdo rje ting nge 'dzin gang la yod pa de la snyoms par zhugs nas/dngos grub phra mo ni 'dod pa rnam pa lnga nye bar spyod pa'i dngos grub nyid kyi sku zhes bya ba la sogs pa snga ma bzhin no/ /sku dang gsung thugs zhes bya ba la sogs pa la/ sku gsung thugs ni rnam par snang mdzad dang snang mtha' yas dang mi bskyod pa gsum ste/de dag gi gzugs kyi dag pa ni gnod sbyin mo rnams yang dag par sbyang zhing byin gyis brlabs te bsgrub par bya'o/ /de bzhin du sangs rgyas gzugs ni don yod grub pa'i gzugs blangs te/ 'od bzang po ni 'od dang ldan pa de rnams nyid bsgrub par bya'o/ /de bzhin du 'dzam bu chu'i gser 'od 'dra ni rin chen 'byung ldan gyi rnal 'byor ba rnams kyis kyang gnod sbyin mo de rnams bsgrub par bya'o//de rnams ji lta bu zhes na/ dngos grub phra mo ni mkha' spyod dang sa spyod la sogs pa'i dngos grub rnams la gnas pa de dag gal te bsgrubs na/ de'i tshe rnal 'byor pa mi snang ba la bdag po nyid du 'gyur ba dang /de nyid kyi mthus 'jam pa'i phyir zla ba ste/ de'i 'od dang 'dra bar gyur te/ gnod sbyin mos sbyar ba'i longs spyod nye bar spyod pa'i phyir ro/ /gnod sbyin mo'i rgyal po rnams grub pas rig pa 'dzin pa ni 'khor lo'i rig pa 'dzin pa la sogs pa'i dbang po ste bdag po nyid du 'gyur ro//de la zhes bya ba la sogs pa la/ de la zhes pa ni gnod sbyin mo rnams te/ 'khor lo thams cad ni rnam par snang mdzad dang / dngos grub ni mi bskyod pa dang / gzugs ni rin chen 'byung ldan dang / gsang ba ni snang ba mtha' yas dang / sngags kyi dngos grub ni don yod grub pa ste/de rnams kyi gzugs kyis gnod sbyin mo de rnams thams cad/ mdzes pa'i gzugs ni shin tu mdzes pa'i gzugs dang ldan pa dang / sngags kyi dngos grub kyis 'grub pa de rnams/ thams cad ni 'dod pa'i yon tan lngas sgrub pa po dga' bar byed pa'o/ / 'on kyang de rnams de bzhin gshegs pa lnga'i gzugs kyis 'grub par 'gyur ba dang / yang na gtsug tor 'khor los sgyur ba'i gzugs kyi mngag gzhug pas/ thams cad 'grub pa ni gnod sbyin mo de rnams te/ yid bzhin gyi nor bu bzhin du mngon par 'dod pa ster bar 'gyur ro/ /bdag po ni sgrub pa po de yang de rnams kyi bdag por gyur te/gtsug tor ma ni mkha' spyod yin pas thams cad la dbang byed pa'i phyir ro zhes dgos pa'o/ /sangs rgyas byang chub ces bya ba la sogs pa la/ ji srid 'grub pas 'grub pa'i gnod sbyin mo de rnams dang lhan cig tu rol pa dang / 'dod chags la sogs pa'i rgya che bas spros pa dang bcas pa'i spyod pas rnal 'byor pa spyod na/de'i tshe sangs rgyas byang chub ni chos 'byung gi mngon par byang chub byed pa ni mngon du byed pa'o/ /bsam pa thams cad ni 'dod pa'i yon tan lnga la nye bar spyod pa ste/ de nyid gnod sbyin mo sgrub pa'i sgo nas/ yongs su rdzogs par mdzad pa'i rdo rje ni rdo rje 'chang chen pos de skad bka' stsal to zhes pa dang sbyar te/ bskyed pa'i rim pa dang sgrub pa'o/ / spros pa dang bcas pa'i spyod pa bshad zin to / /da ni brtul zhugs kyi sgo nas spros pa med pa'i spyod pa bshad par bya ba'i phyir/ de nas zhes bya ba la sogs pa gsungs te/ de bzhin gsheg pa thams cad kyi sku gsung thugs ni rnal 'byor pa gsum ste/ de rnams kyi rig pa'i brtul zhugs nyid spyod pa ste/ /spros pa med pa'i spyod pa'o/ /yang dag par len pa ni de nyid blang ba ste/ de nyid kyi sku zhes bya ba la sogs pa snga ma bzhin no//sku gsung thugs zhes bya ba la sogs pa la/ sku la sogs pa ni de bzhin gshegs pa gsum ste/ de rnams sgom pa ni de dag gi rnam pa/ ngang tshul ni shing la sogs pa las sbyar ba dang brdungs pa dang bris pa la sogs pa'i gzugs kyi ngo bo nyid du byas na dngos grub thob par 'gyur ro//de la zhes bya ba la sogs pa la/ de zhes pa ni gzugs bya ba la/ sku la sogs pa'i rnal 'byor pa rnams kyi rig pa'i brtul zhugs 'di yin te/ rnam par snang mdzad kyi rnal 'byor pas rang gi bdag nyid ral pa'i cod pan 'dzin pa dang / thal ba la sogs pas kha dog dkar po sngags kyi spyod pa la gnas pas bya'o//rig ma yang lo grangs bcu drug lon pa'i khrus mkhan gyi bu mo ste/ bzhin sdug pa la sogs pa'i yon tan dang ldan pa dang / sngags dang rgyud la sogs pa la mkhas pa rnyed nas rig pa'i brtul zhugs bya'o / /de yang spyan gyi go 'phang longs spyod ni lha mo spyan gyi zhal dang phyag dang sku mdog la sogs pa dang /mtshan ma ni de'i phyag mtshan 'khor la sogs pa bsgom par bya ba ni ngo bo nyid du bya'o/ /de yang sngags dang phyag rgya'i cho ga la mkhas par bya'o/ /sngags dang rgyud legs par bslabs pa la rang bzhin gang la yod pa de ni de bzhin no//de bzhin gshegs pa'i btsun mo'i sku rdo rje 'dzin pa'i lha mo'o/ /sangs rgyas byang chub ni rnam par snang mdzad kyi byang chub ste/ de'i gnas ni de nyid thob pa'i rgyur gyur pa ste/ de dang lhan cig tu gsang ba'i mchod pa bya'o/ /nam zhes dus bzhi ni nyin mo dang mtshan mo'o/ /gang gis she na/brtul zhugs chen po ni rnam par snang mdzad kyi brtul zhugs 'dzin pa'i rnal 'byor pas so/ /sdong bu dang rtsa ba dang 'bras bu rnams shing las blangs te bza' ba'o/ /yang na dgongs pas bshad pa'i / sdong bu la sogs pa ni bdud rtsi lnga ste/ de rnams bza' bar bya'o/ /de ltar byas na sangs rgyas te rnam par snang mdzad du 'gyur ro//ye shes che ni me long lta bu'i ye shes te/ de nyid zab phyir rgya mtsho ste de yod pas bdag po ni gtso bor gyur pa'o/ /de bzhin du zla ba drug gi bar du rig pa'i brtul zhugs spyod na mngon par 'dod pa'i dngos grub thob par 'gyur te/ 'dir ni the tshom mi bya'o/ /rtag tu gzhan gyi nor rku zhing / /zhes bya ba la sogs pa la/ rnal 'byor pa de'i sgrub pa yang le'u lnga pa las gsungs pa'i rig pas gzhan gyi nor 'phrog pa la sogs pa dam tshig rnams shes par bya'o/ /'dod chags rdo rje zhes bya ba la sogs ba la/'dod chags rdo rje ni snang ba mtha' yas te/ de nyid kyi lcags kyu mo dang 'dra bas lcags kyu mo dang gos dkar mo'i rang bzhin gyi gar mkhan ma'i bu mo snga ma bzhin du gsung rdo rje'i rnal 'byor pas rgyan la sogs pa dang ldan par bya'o/ /de bzhin du mA ma kI'i rang bzhin gyi gdol ba'i bu mo yang /yon tan ska rags ni sngags dang rgyud la sogs pa rtogs pa'i yon tan dang ldan pa thugs rdo rje'i rnal 'byor pas bya'o/ /spyod pa yang snga ma bzhin du spyad par bya ste/ bskyed pa'i rim pa dang sgrub pa dag go/ /de ni spros pa med pa'i spyod pa'o/ /shin tu spros pa med pa'i spyod pa bshad par bya ba'i phyir/bsam gtan zhes bya ba la sogs pa gsungs te/ yang na shin tu spros pa med pa'i spyod pa'i rnal 'byor pa rnams/ yi ge gsum bsgoms pas rnam par snang mdzad la sogs pa'i rnal 'byor pas/ rang gi phyag rgya ni lha mo spyan la sogs pa ste/ de rnams bsam pa ni ye shes kyi phyag rgya ma'i rnam pas bsgom par bya'o/ /de ltar byas nas de rnams sangs rgyas kun mkhyen ni rnam pa thams cad mkhyen pa nyid du 'gyur te/ 'dir ni the tshom mi bya'o/ /rnal 'byor de rnams kyang / blo brtan pa ni brtan pa'i ting nge 'dzin dang ldan pas nags tshal la bsod snyoms blang bar bya'o//de rnams la nags tshal gyi lha mo rnams/ kha zas ni bza' ba ster bar byed pa'o/ /lha mo ji lta bu zhe na/ skrag pa ni rdo rje 'chang chen po'i bkas 'jigs par gyur pa'o/ /gal te 'das pa ni bsod snyoms rnal 'byor pa rnams la mi ster na/de'i tshe 'jigs par 'gyur ba ni de rnams kyi rang gi dngos grub nyams par 'gyur te/ rnal 'byor pa'i mthus so/ /rdo rje yi ge ni rdo rje bzhin du mi phyed pa'i gsung 'di yin no zhes ston te/ rdzogs pa'i rim pa dang sgrub pa dag go/ /de ni shin tu spros pa med pa'i spyod pa'o//spros pa dang bcas pa dang spros pa med pa'i rnal 'byor pa dag gi khyad par bshad par bya ste/ lha mo klu mo zhes bya ba la sogs pa la/ lha mo la sogs pa rnams sngar bshad pa'i rim pa bzhin du dgug ste/ rigs pa'i brtul zhugs bya'o/ /gang zhe na/ rdo rje gsum gyi ye shes bsten//zhes pa ni rnam par snang mdzad la sogs pa'i rnal 'byor pa rnams kyis so/ /'di yang sngags rnams thams cad ni spros pa dang bcas pa dang spros pa med pa'i spyod pa dag gis gsang ba'i tshul ni sbas par bya ba'i snyoms par zhugs pa'o/ /theg pa chen po la gsungs pa'i phyir tshul chen no//rdo rje gsum gyi 'khor lo ni rnam par snang mdzad la sogs pa'i rnal 'byor pa'i tshogs la/ sangs rgyas byang chub ni chos 'byung dang / chos kyi dbyings dang / bla na med pa'i mngon par byang chub pa rnams te/ de rnams 'jug pa ni thob par byed pa ste/ spyod pa'i brtul zhugs so zhes pa tshig gi lhag ma'o//de bzhin gshegs pa thams cad ni rnam par snang mdzad la sogs pa'i rnal 'byor pa rnams te/ de dag gi gang zhig rig pa'i brtul zhugs ni rnam pa gsum gyi rig pa'i brtul zhugs te/ de'i dam tshig ni spyod pa ste/ de kho na nyid ni byang chub rnam pa gsum ste/de nyid rdo rje ni mi g.yo ba gang las 'byung ba de ni rdo rje 'chang chen pos de skad bka' stsal to zhes pa dang sbyar te sgrub pa'o/ /thams cad ni rnam par snang mdzad la sogs pa ste/ de rnams kyi dkyil 'khor ni sku la sogs pa'i dkyil 'khor gsum mo / /de bzhin du rdo rje dkyil 'khor de rnams la zhugs pa'i slob ma ste/de'i mngon par byang chub ni rig pa'i brtul zhugs mthar yod pa'i dbang bskur bas/ byang chub thob pa le'u gang la yod pa de ston par byed pa'i gzhung gis tshogs kyang de bzhin du bshad pa'o/ /rgyud 'grel las le'u bcu drug pa'i tshig gi don bcu drug gi bshad pa'o//le'u bcu drug pa'i tshigs su bcad pa'i grangs ni drug brgya bcu'o// //rig pa'i brtul zhugs thob pa'i rnal 'byor pa rnams kyis dam tshig dang sdom pa med pas rdo rje 'chang chen po'i go 'phang mi thob ste/ de'i don du le'u bcu bdun pa bstan par bya ba'i phyir/ de nas zhes bya ba la sogs pa gsungs te/de bzhin gshegs pa thams cad ni mi bskyod pa la sogs pa ste/ de rnams yang 'dus nas de bzhin gshegs pa thams cad kyi sku gsung thugs rdo rje 'chang chen po la 'di skad gsol ba btab pa ni bstod pa mdzad pa ste/ las kyi rgyal ba mchog go/ / yang na de bzhin gshegs pa thams cad ni bdud rtsi lnga 'am lcags kyu rnams te/ de dag 'dus pa ni gcig tu gyur pa ste/ byang chub kyi sems kyi ngo bor gyur cing / de bzhin gshegs pa thams cad kyi sku gsung thugs rdo rje ni yi ge gsum ste/ de nyid kyi de bzhin gshegs pa ni sbyang ba la sogs pa'i rim pas rdo rje 'chang chen po'i rang bzhin du gyur nas/gsol ba gdab pa ni spyod par bya ste 'grub pa'o/ /gsol ba gdab pa de nyid bshad par bya ba'i phyir/ mi bskyod rdo rje ye shes che/ /zhes bya ba la sogs pa gsungs te/ chos kyi dbyings kyi ye shes rnam par dag pas mi g.yo ba'i rang bzhin yin pa'i phyir mi bskyod rdo rje'o//ye shes kyi mchog yin pa'i phyir ye shes che'o/ /rdo rje ni de bzhin gshegs pa rnams te/ de dag 'dzin pas ni rdo rje dbyings so/ /rnam par shes pa'i phung po rnam par dag pas nam mkha' che'o/ /dkyil 'khor gsum di sku la sogs pa'i dkyil 'khor rnams te/de dag gi rdo rje gsum ni bdag po rnams te/ de dag gi mchog go/ /de lta bu'i bcom ldan 'das dbyangs ni gsungs shig pa'o/ /phyag btsal ba ni khyod la phyag 'tshal lo/ /khyad par du me long lta bu'i ye shes kyi snang bas na rnam par snang mdzad do//che ba ni nad kyis gzung ba rnams la zhi bar mdzad pas na dag pa che'o/ /rdo rje'i nang du zhi ba ni zhi ba'i rang bzhin no/ /che ba ni sa'i khams rnam par sbyang ba'i phyir dag pa che'o/ /rang bzhin 'od gsal ba ni rang bzhin gyis dag pa'i chos ston pa ni gsungs shig pa'o/ / nam mkha'i mdzod kyis bsam pa thams cad rdzogs par mdzad pa'i phyir yid bzhin gyi nor bu dang 'dra bas na rin chen rgyal po'o/ /mnyam pa nyid kyi ye shes kyi rang bzhin yin pa'i phyir rab tu zab pa'o/ /rdo rje nam mkha'i khams rnam par dag pas nam mkha' bzhin du dri med ni dag pa'o/ / rgyas pa ni mdzad pa'i phyir rang bzhin dag pa'o/ /nga rgyal gyi 'dam gyis mi gos pa'i phyir gos pa med pa'o/ /gsang ba ni gsungs shig pa'o/ /rdo rje bdud rtsi ni byang chub kyi sems kyi rang bzhin no/ /che ba ni me'i khams te de'i rnam par dag pas mdzes pas na rgyal po che'o/ /so sor rtog pa'i ye shes kyi rang bzhin yin pa'i phyir rnam par mi rtog pa'o//nam mkha' rdo rje ni rtsa zla ba ma ste/ de 'dzin ma ni tshim par byed pas na nam mkha'i rdo rje 'dzin no/ /'dod chags ni 'dod chags spang pas 'khor ba pa rnams 'khor ba las pha rol tu phyin par mdzad pas na 'dod chags pha rol phyin pa brnyes so//rdo rje'i dam tshig gsungs shig pa ni bshad du gsol cig pa'o/ /don thams cad bsgrubs pa'i 'bras bu dang ldan pa'i phyir don yod rdo rje'o/ /phrag dog rnam par dag pa'i phyir dag pa'o/ /bya ba nan tan sgrub pa'i ye shes kyis 'gro ba thams cad kyi bsam pa thams cad rdzogs par mdzad pas na bsam pa thams cad rdzogs mdzad pa'o//dag pa'i ngo bo nyid ni dam tshig rnam par sbyang bas slar yang rang gi dam tshig la bzhag pa'i phyir/ dag pa'i ngo bo nyid las byung ba'o/ /kun gyi bdag nyid yin pa'i phyir rdo rje sems dpa'o/ /phyag 'tshal ba ni khyod la phyag 'tshal lo zhes dang sbyar ro//sangs rgyas kun gyi zhes bya ba la sogs pa la/ bstod pa'i tshig lnga po 'di rnams kyis gang yang rung ba'i sgrub pa pos rdo rje longs spyod ni de bzhin gshegs pa rnams bstod na/ sgrub pa po yang sangs rgyas 'dra bar 'gyur ba ni rdo rje 'chang chen po 'dra bar 'gyur ro//bstod pa'i tshig ji lta bu zhe na/ zhi ba ni bla na med pa'i go 'phang thob par byed pa dang / sangs rgyas kun gyis bskul ba ni mi bskyod pa la sogs pa gsungs pa'o/ /'dis ni 'di bshad pa yin te/ bstod pa tsam gyis rdo rje 'chang dang 'dra bar gyur pa ste/don dpyad pa dang sgom pa'i sgo nas smos ci dgos zhes bstod pa'i phan yon bstan pa ste/ bskyed pa dang rdzogs pa'i rim pa dag go/ /yang mi bskyod rdo rje ni yi ge hUM dang / ye shes che ni yi ge AHdang / rdo rje dbyings ni yi ge oM dang de rnams kyi 'jug pa la sogs pa'i rim pas/ che ba ni 'od gsal ba rtogs pas mngon du byed pas na mkhas pa che'o/ /dkyil 'khor gsum ni srog dang rtsol ba dang me dang mnyam pa rnams so/ /de dag gi rdo rje gsum ni de bzhin gshegs pa gsum dmigs pa ste/ des mchog ni byang chub thob pa ste/ de lta bu'i rdo rje ni rdo rje'i bzlas pa gsungs pa ste/bzlas pa'i rim pa'o/ /rnam par snang mdzad ni snang ba'i ye shes dang / dag pa che ni snang ba mched pa'i ye shes dang / rdo rje zhi ba ni snang ba nye bar thob pa'i ye shes te/ che ba de rnams dga' ba ni mi snang bar byed pa'o/ /de bzhin du rang bzhin ni 'dod chags la sogs pa brgya drug cu'i rang bzhin rnam par dag pa'i phyir 'od gsal ba'o//chos ni chos nyid do / /ston pa ni gsungs shig pa'o/ /ji lta bu zhe na/ rdo rje ni rdo rje bzhin du mi phyed pa ste/ sems rnam par dag pa'i rim pa'o/ /bsam pa thams cad rdzogs par mdzad pa'i phyir rin chen dang / mtshan dang dpe byad rnams kyis mdzes pa'i phyir rgyal po dang /shin tu zab pa'i 'od gsal ba la zhes pa'i phyir rab tu zab pa'o/ /rdo rje nam mkha' ni sgyu ma lta bu'i ting nge 'dzin te/ de dang ldan pa'i phyir rdo rje nam mkha' dang / nam mkha'i 'ja' tshon dang 'dra bas rdo rje nam mkha'o/ /nam mkha' bzhin du rus pa dang sha la sogs pa dang bral ba'i phyir dri ma med pa ste/ye shes kyi sku'i rang bzhin no/ /de'i phyir sgyu ma'i dpe bcu gnyis kyi rang bzhin du khams gsum pa gzigs pa'i phyir rang bzhin dag pa dang / de'i bag chags kyis 'gro ba'i don mdzad pas na gos pa med pa'o/ /de lta bu'i gsang ba bshad du gsol cig pa ste/bdag la byin gyis brlab pa'i rim pa'o/ /rdo rje ni 'dod chags dang / bdud rtsi ni 'dod chags bar pa dang / rgyal po che ni 'dod chags dang bral ba ste/ de rnams kyi rnam par rtog pa ni 'dod chags la sogs pa rnams dang bral ba'i de kho na nyid do/ / de nyid nam mkha' dang 'dra bas nam mkha' dang / rdo rje bzhin du mi phyed pa 'dzin pas na nam mkha' rdo rje 'dzin no/ /'dod chags ni dus mtshams dang mtshan mo dang nyin mo rnams te/ de rnams phyi dang nang gi mngon par byang chub pa'i rim pas mtshan ma nye bar mtshon pa'i phyir/ pha rol phyin pa ni bzhi pa'i skad cig ma mngon du mdzad pa ste/'dod chags pha rol phyin pa brnyes pa'o/ /de lta bu'i rdo rje ni mngon par byang chub pa gsungs pa ni bka' stsol cig pa ste/ mngon par byang chub pa'i rim pa'o/ /mi gnas pa'i mya ngan las 'das pa la zhugs pa'i phyir don yod rdo rje dang / kun rdzob dang don dam pa dag gcig tu mdzad pa'i phyir dag pa'o/ /bsam pa thams cad ni 'jig rten gyi chos rnams te/ de dag bye brag med pas rdzogs mdzad pa ni mkhyen pas na bsam pa thams cad rdzogs mdzad pa'o/ /de bzhin du dag pa ngo bo nyid ni gtsang ba la sogs pa'i dngos po rnams te/ de dag byung ba ni bye brag med par mkhyen pas na dag pa ngo bo nyid las 'byung ba'o/ /de nyid kyi phyir drug pa yin pas rdo rje sems dpa' ste/ de la phyag 'tshal ba ni de'i bdag nyid du rjes su zhugs par bya ba ste/ zung 'jug gi rim pa'o/ /de lta bu'i bstod pa'i tshig rnams kyis gang gis bstod pa de yang rdo rje 'chang dang 'dra bar 'gyur ro//rab tu byed pa las kyang khyod la phyag 'tshal 'dud ces pa la sogs pa 'byung ngo / /de bzhin gshegs pa rnams kyis gsol ba btab ma thag tu rdo rje 'chang gis bka' stsal pa ste/ de nas zhes bya ba la sogs pa la de nas ni de'i 'og tu'o/ / rdo rje ni mi phyed pa'i dam tshig ste/ de 'dzin pas na rdo rje 'dzin no/ /lam de nyid kyis gdul bya rnams 'dul bar mdzad pas na ston pa'o/ /sangs rgyas kun ni sna tshogs pa'i mos pa dang ldan pa'i bsgrub bya rnams te/ de dag rjes su mthun pa'i lam rnams kyis rjes su brtse ba ni rjes su gzung bar mdzad nas sangs rgyas kun la rjes brtse ba'o//rdo rje gsang ba ni bsrung bar bya ba dang / bza' bar bya ba'i dam tshig rnams te/ de dag gi gsung ni de ston par byed pa'i tshig go/ /ji lta bu zhe na/ dag pa ni rnam par dag pa thob pa'i phyir ro/ /de lta bu'i rdo rje gsung ni brtan pa'i gsung rdo rje 'dzin gyis bka' stsal pa ste/sdud pa po'i tshigs su bcad pa 'di ni sgrub pa'o/ /e ma ho zhes bya ba la sogs pas dam tshig gsung gi gong du chos nyid bka' stsal pa ste/ kye de bzhin gshegs pa rnams sangs rgyas thams cad ni phung po dang khams dang skye mched de chos kyi dbyings kyi rang bzhin de rnams kyi mi 'gyur che ni mi g.yo ba'i chos nyid do//gang gi phyir 'jig rten dang 'gal ba'i dam tshig gi sgo nas rang bzhin 'od gsal ba ni rdo rje 'chang chen po'i go 'phang ste/ de nyid yongs su dag pa ni nyon mongs pa dang shes bya'i sgrib pa dang bral ba dang / nam mkha'i dbyings bzhin du dri ma med pa ni ye shes kyi sku thob par 'gyur ba ste/ de ni ngo mtshar ba ste/ sgrub pa dang rdzogs pa'i rim pa dang / bdag la byin gyis brlabs pa'i rim pa rnams so/ /de nas zhes bya ba la sogs pa la/ phyag na rdo rje ni rdo rje 'chang chen pos sangs rgyas thams cad kyi sku rdo rje rnam par snang mdzad la sogs pa ni rnal 'byor pa rnams te/de dag gi dam tshig ni bsrung bar bya ba dang / bza' bar bya ba'i mtshan nyid can te/ de nyid sku zhes bya ba la sogs pa la/ phyung ba ni gsungs so/ /sangs rgyas zhes bya ba la sogs pa la/ dam tshig bzhi ni/le'u lnga pa las gsungs pa ste/ rigs thams cad kyi thun mong yin no/ /khyad par ni sha chen gyis nye bar mtshon pa ste/ don yod grub pa'i dam tshig nang du 'gro bas bsrung bar bya ba dang bza' bar bya ba'o/ /gang gis she na/ sangs rgyas ni rnam par snang mdzad kyi rnal 'byor pa rnams kyis so//ji lta bu zhe na/ ye shes rgya mtsho ni me long lta bu'i ye shes la mos pa dang ldan pa de rnams kyis/ 'di mchog ni dam tshig gi nan tan bya'o zhes ston to/ /de nas zhes bya ba la sogs pa la/ phyag na rdo rje ni rdo rje 'chang chen pos/ gsung gi dam tshig ni gsung gi rigs kyi dam tshig nyid kyi sku zhes bya ba la sogs pa snga ma bzhin no//dam tshig bzhi po zhes bya ba la sogs pa la/ dam tshig bzhi po ni srog gcod pa la sogs pa dang / khyad par ni bshang gci ste/ rnam par snang mdzad dang mi bskyod pa'i dam tshig go/ /de dag gsung gi rdo rje yi ge che ni snang ba mtha' yas kyi rnal 'byor pas nan tan du bya'o//'di ni gsang ba zhes pa ni bya ba la sogs pa'i tshul la sogs pa rnams la brten par mi bya'o/ /rmad byung ni so sor rtog pa'i ye shes thob par byed pa'i phyir ro/ /de nas zhes bya ba la sogs pa la/ phyag na rdo rje ni rdo rje 'chang chen pos rdo rje 'dzin thams cad mi bskyod pa'i rnal 'byor pa rnams kyi dam tshig nyid kyi sku la sogs pa las phyung ste gsungs so//rdo rje sems dpa' zhes bya ba la sogs pa la/ dam tshig bzhi po bshad zin to/ /khrag dang shu kra ni rin chen 'byung ldan dang snang ba mtha' yas kyi dam tshig go//de dag rdo rje sems dpa' rdzu 'phrul che ni mi bskyod pa'i rnal 'byor pa rnams kyis bsrung bar bya ba dang bza' bar bya'o/ /brtul zhugs brtan pa ni brtul zhugs spyod pas so/ /nye bar bsdu ba bshad par bya ste/ sku gsung thugs zhes bya ba la sogs pa la/ sku gsung thugs kyi rdo rje ni de bzhin gshegs pa gnyis nang du bsdus pas rnam par snang mdzad la sogs pa'i rnal 'byor pa gsum gyi dam tshig 'di ni zhes pa ni bsrung bar bya ba dang bza' bar bya ba'i dam tshig yin no//ji lta bu zhe na/ rmad pa che ni ye shes thob pa'i rgyur gyur pa'o//de bzhin du sangs rgyas kun ni phung po la sogs pa ste/ de dag gi rgas pa la sogs pa'i skyon zad par bya ba'i phyir rtag pa'o/ /de lta bu'i dam tshig rdo rje ni rnam par snang mdzad la sogs pa'i rnal 'byor pa rnams kyis yang dag par blangs shing bsrung bar bya ba ni bsten par bya'o//phan yon bshad par bya ste/ gang zhig ces bya ba la sogs pa la/ rnal 'byor pa gang gis dam tshig 'di bsrungs na de ni rnam par mi rtog pa'i go 'phang thob cing lus ngag yid rim gyis sbyangs te/ sangs rgyas rdo rje 'chang chen po nyid thob par 'gyur te/ dbugs dbyung ba gnyis rnyed par 'gyur ro zhes ston to//zab pa dang rgya che ba'i tshul la mos pa dang ldan pa'i byang chub sems dpa' rnams kyi dam tshig de yin te sgrub pa'o/ /da ni de nas zhes bya ba la sogs pas rang sangs rgyas kyi dam tshig bshad par bya ste/ gzung ba dang 'dzin pa dag phan tshun gcig dang du ma dang bral ba'i phyir/byang chub sems dpa' rnams kyis med pa khas blangs pa bzhin du de'i chos dang ldan pa'i chos thams cad sems can rnams la ston par byed de/ rang sangs rgyas rnams ni phyi rol gyi don 'dod pa ma yin te/ shes pa nyid ni rnam pa dang bcas pa don gyi tshul du snang ba ste/de bas na de dag rnam pa dang bcas pa'i rnam par shes pa snang ba yin no/ /de tsam la gnas pa de dag rnams chos kyi sku mngon du byed pas ngag gis ston pa mi byed kyi/ 'on kyang 'bar dang snang ba la sogs pas rdzu 'phrul bstan pas sems can 'dul bar byed de gang gi phyir bstan pa ni bcom ldan 'das kyis bstan pa gsum gsum gsungs pa dang sku dang gsung dang thugs kyi'o//nyan thos pa rnams kyis rang gi don la zhes pas gsum med de/ gang gi phyir de rnams ni brtul zhugs dang sbyangs pa'i yon tan dang ldan pa bdag ngal ba nyid du bsgom zhing 'gog pa dang 'du shes med pa'i snyoms par zhugs pa thob bo//lus kyi ston pa ni rang sangs rgyas kyi'o/ /ngag gi ston pa ni byang chub sems dpa'i'o/ /sku dang gsung dang thugs kyi ston pa ni yang dag par rdzogs pa'i sangs rgyas kyi'o/ /dper na de rnams kyi sku'i ston pa ni sprul pa'i sku spros te 'gro ba'i don mdzad pa dang /gsung gi ston pa ni yan lag drug cu dang ldan pa'i gsung gis chos ston par mdzad pa dang / thugs kyi ston pa ni zhags pa dang / lcags kyu la sogs pa 'dzin pa'i khro bo la bka' stsal pas lha la sogs pa'i snying po rjes su zhugs pas drag shul gyis dgug par mdzad cing de rnams 'dul bar mdzad pa'o//sangs rgyas thams cad mnyam sbyor gyi rgyud las kyang / 'dod pa can la 'dod lha dang / /drag po rnams la drag po'i mchog /zhi ba rnams la zhi mchog dang / /drag shul rnams la drag shul tshul/ /dbang phyug chen po ma nan nas ni/ /skyon med stobs kyis cig car du//lha mo u ma bkug nas ni/ /rang longs spyod kyis de nyid spyod/ /khyab 'jug yang dag mnan nas ni/ /skyon med stobs kyis cig car du/ /lha mo drug min bkug nas ni/ /de nyid rang longs spyod kyis spyod/ /skye dgu'i bdag po mnan nas ni/ /skyon med stobs kyis cig car du//zhi ba'i lha mos bkug nas ni/ /de nyid rang longs spyod kyis spyod/ /'dod pa'i lha nyid mnan nas ni/ /skyon med stobs kyis cig car du/ /dga' dang bde ma bkug nas ni/ /de nyid rang longs spyod kyis spyod/ /de la sogs pa mtha' yas mchog /chos kyi dbyings dang mnyam mi mnyam//nam mkha'i dbyings kyi mtha' can te/ /rdo rje las kyi mchog gis gnon/ /zhes bya ba la sogs pa gsungs so/ /spyod lam gyi zhugs pa ni sku'i ston pa dang / bstan pa'i zhugs pa ni gsung gi ston pa dang / ting nge 'dzin gyi zhugs pa dang so so yang dag par bzhugs pa'i zhugs pa ni thugs kyi ston pa ste/yang dag par rdzogs pa'i sangs rgyas kyi rim pa yin no/ /de nyid kyi phyir rang sangs rgyas kyi rigs can gyi rnal 'byor pa de rnams kyis lus kyis bstan pa'o/ /de ji lta bu zhe na/ rdo rje sku ni lha'i ste/ de la rab tu gnas pa'o/ /dper na snying gar zla ba'i rdo rje las 'od zer 'khor lo spros te/de nyid kyis rang gi lus gsal bar byas la/ nam mkha'i khams kyang gsal bar bya'o/ /de nyid kyi sems can gzung ba ni 'od zer spro bas sems rnams snang bar byas la/ de'i mthus de rnams lam la gnas par 'gyur ro/ /dam tshig mchog tu brtag pa ni 'bras bu ster bar byed pa'o zhes ston te/bskyed pa'i rim pa dang bsgrub pa dag go/ /de nas zhes bya ba la sogs pas nyan thos pa'i dam tshig bshad par bya ste/ phyag na rdo rje ni rdo rje 'chang chen po'o/ /dge ba bcu'i las ni srog gcod pa la sogs pa las ldog pa ste/ de rnams ye shes spangs pa rnams ni de kho na nyid la ma zhugs pa rnams te/ las dang po pa dag gis byed pa yin no/ /de nyid kyi dman par mos pa thams cad ni nyan thos pa rnams 'jug pa'i phyir/ dam tshig 'di ni rmad po che ni de'i lam gyis dbang bskur thob nas rdo rje 'chang nyid mngon du byed pa'o//dper na dkyil 'khor la slob ma zhugs par byas la rigs lnga'i dam tshig gi 'og tu/ khyod kyis srog chags gsad mi bya/ /zhes bya ba la sogs pas so sor thar pa'i sdom pa dang 'dra ba'i bslab pa'i gnas nyan du bcug na sngags kyi theg pa chen po la de rnams kyi dad pa bskyed cing de la zhugs shing thos pa dang bsam pa dang sgom pa'i rim pas nyan thos pa'i rigs can de rnams kyi rdo rje 'chang chen po nyid thob par 'gyur ro//de nas zhes bya ba la sogs pas/ tshangs pa ni skye dgu'i bdag po'i dam tshig nyid kyi sku la sogs pa las phyung ste gsungs pa'o/ /gti mug lam ni yi ge oM gyi sgo nas de nas byin gyis brlabs pa'i rdo rjes/las ni snyoms par zhugs pa'i mtshan nyid can byed pa'o/ /ji lta bu zhe na/ 'jigs shing mi sdug pa ni nyan thos pa rnams la sdom pa nyams pa'i 'jigs pas skrag par byed pa yin na yang sngags pa la sangs rgyas byang chub ni rnam par snang mdzad nyid de ston pa ni ster bar byed pa ste 'gro ba rnams rnam par snang mdzad kyi zhing la bzhag cing sku rdo rje 'dzin cing thob par 'gyur ro//'dir ni man ngag 'di yin te/ rang gi bdag nyid cig car du rnam par snang mdzad bsgoms la/ rang gi rig ma'i pad+ma'i nang du yi ge oM las byung ba mdog dkar po/gdong bzhi pa dang lag pa bzhi pa/ zhi ba'i rang bzhin dang ral pa'i cod pan gyis brgyan pa/ lag pa bzhi la dbyig pa dang spyi blugs dang / phreng ba dang pad+ma 'dzin pa ngang pa'i stan la 'dug pa dang / zhi ba'i lha mo phang par 'dzin cing de'i nu ma reg par byed pa'i tshangs pa bsgoms te/de la byang chub kyi sems kyi rgyun gyis dbang bskur gsol zhing ye shes kyi lha mo'i zhal nas spros te/ de'i 'od zer rnams kyis tshangs pas gdul bya gti mug gi rigs can 'jig rten gyi khams chos bstan pas rnam par snang mdzad kyi zhing la bzhag cing slar yang bsdus te/de dbyer med pa'i bdag nyid bsgom par bya ste/ de nyid sku'i rdo rje nyid du gyur pa ni rang dang gzhan rnams rnam par snang mdzad nyid du byed pa'o zhes ston te bskyed pa'i rim pa'o/ /de nas zhes bya ba la sogs pas/ drag pos gdul bya rnams la drag po'i dam tshig gsungs pa'o/ / de la khams gsum la gnas pa'i bud med ji srid yod pa de rnams rdo rje gsum 'byung ba ni ri dgas mo dang / rgod ma dang / glang mo ste dbye ba gsum gyi gnas pa gang yin pa de dag rnam pa gsum gyis longs spyod ni lus ngag yid kyi longs spyod kyis mnyes par bya'o/ /dam tshig ni drag po la mos pa dang ldan pa dang 'dod chags kyi rigs kyi sems can rnams kyi dam tshig 'di yin no//ji lta bu zhe na/ rmad du byung ba ni snang ba mtha' yas kyi go 'phang thob par byed pa'o/ /'dir yang man ngag 'di yin te/ re zhig dang por rang gi bdag nyid cig car du ngag gi dbang phyug bsams la/rang gi rig ma'i pad+ma'i nang du yi ge A las byung ba'i kha dog dmar po/ gdong gsum lag pa drug pa/ khyu mchog la gnas pa/ lag pa g.yas pa dang g.yon pa na rtse gsum pa dang thod pa 'dzin pa lag pa lhag ma rnams rdo rje dang / 'khor lo dang rin po che dang pad+ma 'dzin pa/ mgo bo la zla ba phyed kyis brgyan pa dang /ral pa'i cod pan dang ldan pa sgeg pa'i ro dang bcas pa'i phang par lha mo u ma 'dzin cing de'i nu ma reg par byed pa'i drag po bsams la/ de la snga ma bzhin du byang chub kyi sems kyi rgyun gyis dbang bskur ba gsol zhing spros te/ de nas gdul bya'i 'dod chags kyi rigs kyi sems can gyi khams bstan pa dang /smin pa la sogs pas rnam par sbyangs la snang ba mtha' yas kyi zhing la bzhag cing khams gsum na gnas pa'i bud med thams cad lha mo u ma la thim zhing de nye bar spyod cing de rnams slar yang bsdus te/ rang gi bdag nyid de dang dbyer med par bsams nas /de'i tshe gsung rdo rje'i dngos grub rnyed par 'gyur ro/ /de nas zhes bya ba la sogs pas khyab 'jug gi dam tshig gsungs pa ste/ zhe sdang gi rigs kyi rnal 'byor pa rnams kyi dam tshig 'di yin te/ khams gsum na gnas pa'i ji snyed sems can gyi rigs yod pa de rnams bsam gtan rdo rje ni ting nge 'dzin gyis gsad par bya ba ni nye bar bsdu bar bya'o//yang na khams gsum yang cig car du'o zhes khyab 'jug gi dam tshig go/ /'dir yang man ngag 'di yin te/ re zhig dang po rang gi bdag nyid mi bskyod par bsams la/ mA ma kI'i pad+ma'i nang du yi ge hUM las byung ba'i kha dog ljang gu/gdong gsum pa lag pa bzhi pa/ gdong g.yas pa dang g.yon pa ni phag dang mi dang seng ge ste/ lag pa bzhi la 'khor lo dang be con dang / dung dang pad+ma 'dzin pa nam mkha' lding la gnas pa/ ral pa'i cod pan gyi steng du sna tshogs pa'i rin po ches byas pa'i rgyan 'dzin pa/phang pa g.yon pa la lha mo pad+ma 'dzin cing de'i nu ma reg pa'i sbyor bas gnas pa'i khyab 'jug bsams te/ snga ma bzhin du dbang bskur zhing phyi rol du spros te/ zhe sdang gi rigs kyi sems can rnams bstan pa dang / smin pa la sogs pas rnam par sbyang zhing mngon par dga' ba'i sangs rgyas kyi zhing la bzhag cing khams gsum skye bo rnams dang bral zhing ston par bltas la slar yang bsdus te/de dang dbyer med pa'i rang gi bdag nyid bsgom par bya'o/ /de nyid kyi phyir/ sku yi rdo rje tshangs par gyur/ /zhes bya ba la sogs pa gsungs te bskyed pa'i rim pa'o//de nas zhes bya ba la sogs pas gnod sbyin mo'i dam tshig bshad par bya ste/ khrag dang sha zhes bya ba la sogs pa la/ gnod sbyin mo rnams ni khrag dang sha za ba dang / 'dod chags la dga' ba ste/ de rnams rdo rje 'chang chen po ni rnal 'byor pas dam tshig de rnams nyid kyis mnyes par bya ste/de yang le'u bcu drug pa las bshad zin to/ /de nas zhes bya ba la sogs pas klu mo'i dam tshig bshad par bya ste/ 'o ma 'thung ba zhes bya ba la sogs pa la/ klu mo de rnams ni phra ma'i tshig gi gtso bor gyur pa dang / 'o ma 'thung ba dang me tog dang dri la sogs pa la dga' ba ste/de rnams 'o ma 'thung ba la sogs pa'i dam tshig de rnams nyid kyis bsgrub par bya'o/ /gal te de ltar mi byed na de'i tshe nyon mongs 'gyur ba ni rnal 'byor pa des klu mo'i dngos grub thob par mi 'gyur ro/ /de nas zhes bya ba la sogs pas lha ma yin gyi bu mo'i dam tshig bshad par bya ste/khro zhing rgyal zhes bya ba la sogs pa la lha ma yin gyi bu mo rnams khro ba'i rang bzhin dang / bud med gzhan la chags pa la phrag dog byed pa dang / me tog dang dri la sogs pa la dga' ba ste/ de rnams rdo rje 'jigs byed dang / rdo rje sa 'og gi sbyor bas sa 'og tu zhugs pas bsgrub par bya'o//dpal rdo rje sa 'og gi rgyud kyi rgyal po las kyang / phag dang 'bigs byed ri bo las / /'og dang steng du sgo chen te/ /'khrul 'khor thams cad dang bral ba/ /mdor bsdus pas ni rab bshad bya/ /sri ta mthong bar 'dod pa yis/ / gang du spre'u rnams zhugs pa ste/ /gang du spre'u yi bdag po rnams/ /mun par zla gcig bskor ba'o/ /lha yi gzugs can 'od mo che/ /ri rab mdog mtshungs kyi bu mo/ /rang snang zhes bya'i bu mo de/ /de tshe de rnams kyis thob bo/ /'bras bu za bar 'jug nas ni/ /bu mos de rnams de las phyung //sgo ni gzhan gyis skad cig mas/ /rgya mtshor phyin par gyur pa dang / /lha min rgyal po ma la ya'i/ /gser zhes bya ba'i grong khyer yod/ /gser gyi khang bzangs phreng ba rnams/ /grong khyer der ni yod pa de / /'dod pa thams cad 'bras bu 'byung / /lha yi bcud len de bzhin du/ / sna tshogs 'grub pa'i rdzas rnams te/ /sngon ni ma yin byas pa'o/ /nyi khri chig stong grangs ldan pa'i/ /mchog gi bud med des gnas te/ /gser gyi mdog 'dra'i mchog de rnams/ /sgrub po mchog gis thob par bya/ /der ni sgrub pa pos bzhugs bya/ /rang snang bu mo thob pa'i phyir//bzhin bzangs de ni lha yi ni/ /gnas kyi mchog la gnas pa ste/ /sgrub pa pos ni der phyin nas/ /legs 'ongs dang ni phyag 'tshal bya/ /bskyed bzangs des yang de mchod nas/ /grong khyer de ni bstan byed pa'o/ /ji srid zla ba skar ma'i bar/ /de dang lhan cig der gnas byas / / mar me dang ni rkang mgyogs dang / /bza' ba mig sman gyis zhugs bya/ /lha min gsod pa'i dod pa yis/ /grong khyer dbang pos sngon 'jig ste/ /de nas brtsams te grong khyer de/ /'jig rten la grags 'khrul 'khor med/ /star ka yi ni pags pa dang / bu mo'i sa bon dang bcas te//zan du gu gul rgya skyegs bcas/ /des ni dbyig pa gos par bya/ /pad rtsa'i skud pas bsgril nas ni/ /nyi 'od dang 'dra'i sdong bu de/ /sngags kyis 'bar bar byas nas ni/ /zhag ni mang po yongs bskor bya/ /shing ni ma da na 'bras dang / /ga gA dzAng g+ha dkar po dang / /ba ni dkar mo'i mar dang ni//yang na kye bu ser mo yin/ /ka ba na da'i khu ba bcas/ /de ni rkang mgyogs yang dag yin/ /rdo rje sprin ni thams cad dang / /sa yi 'dab ma chu rnams dang / /me 'obs thams cad kun rnams su/ /'dod pa bzhin du 'gro bar 'gyur/ /rdo rje'i 'bras dag blangs nas ni/ / nA ga yi ni sa bon bcas/ /ka'i de'i sa bon dang bcas pa'i/ /mkhas pas thug pa bsgrub par bya/ /mar bcas 'grangs pa de zos nas/ /bkres bral zla ba gnyis kyi bar/ /sa bon dang ni phug rnams su/ /blo ldan sgrub pa pos 'gror 'gyur/ /mig sman rnams ni gang bshad pa/ /de yis dngos po ji bzhin gsungs//khong gseng gtso bo rnams zhugs la/ /de ni cho ga yang dag bshad/ /'khrul 'khor thams cad dang bral ba'i/ /grong khyer de ni bshad par te / /sa yi bye brag so so ru/ /der ni sgrub pa pos mthong 'gyur/ /zhes bya ba la sogs pa'i rim pa'am rim pa gzhan gyis lha ma yin gyi bu mo rnams bsgrub par bya'o//de nas zhes bya ba la sogs pas srin mo rnams kyi dam tshig bshad par bya ste/ thod rus zhes bya ba la/ srin mo de rnams la thod pa'i nang du mi'i rus pa'i phye ma'i spos ni dgug par bya ba'i phyir byin te mi'i mar khu'i mar me dang / rkang gi lha bshos dang / rang byung ba'i me tog gi ar+g+haM byin te dga' bar bya'o/ /de nyid kyi phyir 'byung po kun ni srin po rnams kyi dam tshig dag byed pa ni/ dga' bar byed pa dang / don chen byed pa ni mngon par 'dod pa'i dngos grub ster bar byed pa'o zhes ston to/ /mkha' 'gro ma sgrub pa ni 'byung po 'dul ba'i rgyud las shes par bya'o//de nas zhes bya ba la sogs pas/ rdo rje mkha' 'gro ma'i dam tshig bshad par bya ste/ bshang gci zhes bya ba la sogs pa la/ bshang gci zhes bya ba la sogs pa'i bdud rtsi rnams de rnams la gtor mar phul te/ rang gis kyang spyad par bya'o//sha chen de la la sogs pa la yang de rnams la phul te rang gis kyang btung bar bya'o/ /rdo rje mkha' 'gro ma'i sbyor ba des gsang bya ni bla ma smod pa la sogs pa la mngon spyod bya'o/ /gang gis she na gnas kyi mtshan nyid ni sngags la sogs pa'i sgrub pa po rnams kyis so//rdo rje mkha' 'gro ma la sogs pa 'di rnams ngo bo nyid kyi phyir sku 'byung ba ni/ rdo rje 'chang gi bkas 'jig rten rjes su gzung bar bya ba'i phyir rgya che ba'i spyod pa la dmigs te/ khams gsum na spyod pa yin te/ de'i phyir rgya che ba kho na'i spyod pa la brten te/ de rnams kyi dam tshig rang dang gzhan la dngos grub thams cad 'dod pa'i phyir spyod na des ni nges par dngos grub thob par 'gyur ro//rdo rje mkha' 'gro ma sgrub pa ni sangs rgyas thams cad mnyam sbyor gyi rgyud las shes par bya'o/ /khams gsum pa thams cad kyi dam tshig ni tshangs pa la sogs pa'i dam tshig rnams te/de rnams kyi rjes su 'brang ba'i khyab par byed pa nyid gang la yod pa de ni rdo rje 'chang chen pos de skad bka' stsal to zhes dang sbyar ro/ /de nas zhes bya ba la sogs pas lus kyi dngos grub 'grub par bya ba'i phyir/ dam tshig rdo rje ni rdo rje bzhin du brtan pa'i dam tshig bka' stsal pa ste/lus kyi rnam gsum zhes bya ba la sogs pa la/ lus kyi rnam gsum ni srog gcod pa la sogs pa las ldog pa'i mtshan nyid de/ de nyid rdo rje las byung ni rnam par snang mdzad kyi ngo bo gal te byed na de'i tshe sems can gyi khams dang rang gi bdag nyid sangs rgyas kyi sku nyid du thob par 'gyur ro//de nas zhes bya ba la sogs pas ngag gi dngos grub ni tha mal pa'i ngag log pas dam tshig ni 'jig rten las 'das pa'i rang bzhin te/ de gsungs te tshig gi las gnas zhes bya ba la sogs pa la/ tshig gi las gnas ni ngag gi bya ba ste/ma lus pa ni rnam pa bzhi'i dge ba'i rang bzhin te/ de nyid khams gsum dri med ni snang ba mtha' yas te de nyid kyi dkyil 'khor ni de nyid du gzung bar byas na/ de ni tshig gi dngos grub ni 'jig rten las 'das pa'i ngag thob par byed pa ste/ dam tshig shin tu 'da' dka' ba ni snang ba mtha' yas kyi rnal 'byor pa rnams kyis so//de nas zhes bya ba la sogs pas sems rdo rje ni sems nyid de/ de'i dngos grub ni rnam par mi rtog pa'i go 'phang thob pa ste/ de'i don du dam tshig ni rnam pa gsum gyis sems 'dul ba ste/ de gsungs pa yid kyi rdo rje zhes bya ba la sogs pa la/yid kyi rdo rje dam tshig ni rdo rje bzhin du mi phyed pa'i mnar sems la sogs pa las ldog pa ste/ de dag thams cad brtan par rdo rje 'dzin ni mi bskyed pas rnam par dag pa bsgom par bya'o/ /rdo rje gsum gyis mi phyed pa'i gzugs gang la yod pa de ni mi bskyod pa ste/de'i dam tshig yin no/ /dam tshig ni lus la sogs pa bcu ste/ de rnams kyi rdo rje sems dpa' ni de bzhin gshegs pa gsum gang las byung ba de ni rdo rje 'chang chen pos de skad bka' stsal te zhes dang sbyar ro/ / sgrub pa'o/ /de nas zhes bya ba la sogs bas sngags thams cad ni rnam par snang mdzad la sogs pa'i rnal 'byor pa rnams te/de dag gi rdo rje dam tshig ni phyag btsal ba ste/ de nyid gsungs pa sangs rgyas zhes bya ba la sogs pa la/ bskyed pa'i rim pa'i rnal 'byor pas/ sangs rgyas la sogs pa la sku gsung thugs ni tha mal pa'i lus la sogs pas phyag mi bya'o//gal te byed na de'i tshe ma rung ba ni tha mal pa'i so so'i skye bo nyid du 'gyur ro/ /de bas na rang gi lha'i nga rgyal la dmigs te/ rang dang 'dra ba'i sangs rgyas la sogs pa de rnams la phyag 'tshal bar bya'o/ /de nas zhes bya ba la sogs pas rdzogs pa'i rim pa'i rnal 'byor pa'i bsam gtan gyi dam tshig bshad par bya ba'i phyir kun du rdo rje sems dpa'i zhes bya ba la sogs pa gsungs te/sku gsung thugs ni dkyil 'khor gsum dang / dkyil 'khor ni bzhi pa ste/ de ltar na dkyil 'khor bzhi de rnams rdo rje sems dpa' ni de bzhin gshegs pa rnams kyis byin gyis brlabs par bsgoms la/rdo rje gsum sbyor ba ni 'jug pa la sogs pa/ bsam gtan ni sna'i rtse mor spro ba ste/ sngags kyi 'khor lo ni yi ge gsum gyis bskor bar bya ba ste/ g.yas pa la sogs pa'i dbye bas kha dog dmar po la sogs pas bya ba ste/rdo rje bzlas pa'i rim pa'o/ /de nas zhes bya ba la sogs pa la/ sngags thams cad ni rdzogs pa'i rim pa'i rnal 'byor pa rnams kyis bsgrub pa'i dam tshig ni sangs rgyas la sogs pa la/ sdom pa ni phyag 'tshal ba ste/ de gsungs pa mdor na sems can zhes bya ba la sogs pa la/sems can khams rnams ni phung po dang khams dang skye mched rnams te/ de rnams mdor bsdus pas gcig tu byas na ye shes gsum 'byung ba ste/ de rnams rdo rje ni 'od gsal bas bskul ba ni bsdu bar bya'o//rdo rje gsum gyis phyag 'tshal ba de/ mchog ni shin tu phul du byung ba ste/ rdzogs pa'i rim pa'i rnal 'byor pa rnams kyis spang bar mi bya ste/ sems rnam par dag pa'i rim pa'o/ /de nas zhes bya ba la sogs pas rnyed pa la sogs pa la 'jug pa'i dam tshig bshad par bya ste/rdo rje bshang gci zhes bya ba la sogs pa la nam mkha' ni shes rab dang dbyings ni thabs te/ de dag gi sbyor bas bshang gci ni pad+ma dang rdo rje ste de dag gcig tu bya'o/ /de'i rjes la rdo rje hUM dang / phaT la sogs pa'i sa bon gyis yongs su gang ba ni byin gyis brlabs la/ rnam par bsam pa ni bskyod par bya'o/ /de'i rjes la dus gsum rdo rje ni 'dod chags la sogs pa gsum po ste/ de rnams dbul ba ni bzhi pa la thim par bya'o/ /dam tshig ni bsgom pa'i khyad par 'di/ rab ni rang rig pa dang / rtag pa ni mi g.yo ba'i bde ba chen po'i rang bzhin no zhes ston te/rang bzhin dang rgyu dang las dang 'bras bu rnams so/ /de nas zhes bya ba la sogs pas rdo rje mi snang ba ni rnam par rtog pa ma lus pa dang bral ba'i dam tshig ni bsgom pa'i rim pa gsungs pa ste dus bzhi zhes bya ba la sogs pa la/ dus bzhi ni bcom ldan 'das yi ge hUM cha bzhi dang ldan pa sgom par byed pa ni snying ga la sogs pa'i gnas bzhi po la dgod cing bzlas par bya'o//ji ltar zhe na/ nyin re ni nyin mo dang mtshan ma'o/ /de la snying gar ni mgo med ha dang / lkog mar mgo bo dang / gsang ba ni zhabs kyu dang / lte bar sgra mtha' ste/de lta bu'i bsgom pa byas nas/ rdzas ni rnam par shes pa brgyad kyi mtshan nyid can gyis sems 'phrog pa ni 'jig par bya'o/ /dam tshig 'di rdo rje ni sgrub pa po'i rdzogs byed de bsam pa thams cad rdzogs par byed pa ste/ rdo rje bzlas pa'i rim pa'o/ /yang dus bzhi ni stong pa bzhi ste/nyin re ni skad cig ma la sogs pa la spyod pa ni bsgom par bya ste/ de'i tshe rdzas ni rang bzhin gyi tshogs/ 'phrog pa ni nye bar bsdu bar bya'o/ /dam tshig rdo rje rdzogs byed pa ni 'od gsal ba'i go 'phang thob par byed pa'i dam tshig 'di yin no zhes ston te/ sems rnam par dag pa'i rim pa'o//yang na dus bzhi ni go bzlog pa ste/ thams cad stong pa nas brtsams te stong pa'i bar du'o/ /mchog bzhin ni sgyu ma lta bu ste/ rdzas ni lha'i spyod pa ni ldang bar bya ba dang / 'phrog pa ni bskyed pa'i rim pa'i rnam par rtog pa spang bar bya'o/ /dam tshig 'di rdo rje ni khams gsum pa'i rdzogs byed ni bsam pa thams cad rdzogs par byed pa ste/bdag la byin gyis brlab pa'i rim pa'o/ /yang na dus bzhi ni 'dod chags la sogs pa gsum po dang / 'od gsal ba ste/ de dag spyod pa ni 'dod chags la sogs pa gsum po rnam par sbyang bar bya ba'am ro gcig par bya'o//gal te brtan par mi 'gyur na de'i tshe rdzas ni ril por 'dzin pa dang / rjes su gzhig pa'i ting nge 'dzin gnyis po la 'phrog pa ni dmigs par bya'o/ /dam tshig rdo rje ni mngon par byang chub pa'i rim pa rdzogs pa'i byed pa'o zhes ston to / /mngon par byang chub pa'i rim pa'o//yang na dus bzhi ni rim pa bzhi bsgom par bya'o/ /de ltar byas nas mi gnas pa'i mya ngan las 'das pa'i rdo rje'i sku bsgom par bya'o/ /rdzas ni kun rdzob dang don dam pa ste/ de 'phrog pa ni gnyis su med par bya'o/ /dam tshig rdo rje ni rdzogs pa'i rim pa'i rnal 'byor pa'i rdzogs byed ni mthar thob par byed pa ste/de'i 'og tu slob bzhin pa ma yin pa'i phyir ro/ /rab tu byed pa las kyang / rlung gi de nyid go rims kyis / /sngags kyi de nyid la 'jug bya/ /zhes bya ba la dang / zung 'jug ting 'dzin la gnas pas/ /slar zhing cung zad mi slob po//zhes 'byung ste zung 'jug gi rim pa'o/ /de nas zhes bya ba la sogs pa la/ nam mkha' rig 'dzin ni gtsug tor 'khor los sgyur ba ste/ de'i dam tshig ni sgom pa gsungs te/ sku gsung thugs zhes bya ba la sogs pa la/ sku gsung thugs kyi rdo rje ni rnam par snang mdzad la sogs pa'i rnal 'byor ba rnams te/de dag gis rang gi bdag nyid gtsug tor 'khor los sgyur bsam ste / dbu brgyan ni cod pan du de rnams bsgom par bya'o/ /de ltar byed na rdo rje gsum gyi dam tshig ni khams gsum na gnas pa'i drag po la sogs pa ste/ khros pa de rnams kyis kyang sgrub pa po de rnams thub par 'gyur te/gtsug tor 'khor los sgyur ba ni thams cad kyi bdag po yin pa'i phyir ro zhes dgongs pa'o/ /de nas zhes bya ba la sogs pa la/ sngags pa thams cad 'dzin pa ni sgrub pa po rnams te/ de rnams kyi las dang po'i dam tshig ni slob bzhin pa'i bslab pa gsungs ba ste/sku yi rdo rje kha zas la/ /zhes bya ba la sogs pa la/ zan za ba'i dus su lus tshim par bya ba'i phyir rang gi bdag nyid rnam par snang mdzad bsgom par bya'o/ /de bzhin du phyi rol ni sna tshogs pa'i bsam pa rnams la rdo rje 'dzin pa ni rang gi bdag nyid mi bskyod par bsgom par bya'o//de bzhin du mdo sde la sogs pa'i dam pa'i chos klog pa'i dus su/ rdo rje chos ni rang gi bdag nyid snang ba mtha' yas bsgom par bya'o/ /snyoms par zhugs pa dang mchod pa'i dus su rang gi bdag nyid rin chen 'byung ldan dang don yod grub par bya ste/le'u drug pa las gsungs pa'i phyir ro/ /ngo bo nyid dag pa rdo rje ni rdo rje 'chang chen pos de skad bka' stsal to zhes dang sbyar te bskyed pa'i rim pa'o/ /de nas zhes bya ba la sogs pa la/ bcom ldan 'das rdo rje 'chang chen pos/ rdo rje 'dzin pa thams cad ni de bzhin gshegs pa rnams kyi sku gsung thugs mnyam pa nyid ni sku la sogs pa'i ro mnyam par 'gyur ba nyid bstan pa'i nus pa thob pa gzhan gyi sems mkhyen pa'i bdag nyid che bas thob par dgongs te/ da ni bstan pa gzhan gyis ci bgyi'o zhes dgongs te cang mi gsung bar gyur te/'od gsal ba'i ting nge 'dzin la cig car du zhugs so zhes bya ba ni tshig gi don to/ /bcom ldan 'das kyis cang mi gsung pa nyid rtogs nas byams pa la sogs pa'i byang chub sems dpa' rnams kyis de bzhin gshegs pa rnams la phyag 'tshal nas 'di skad gsol to //brjod du med pa zhes bya ba la sogs pa ni snga ma bzhin no/ /bcom ldan 'das zhes bya ba la sogs pa la/ kye bcom ldan 'das mi bskyod pa la sogs pa rnams gzhal bya ma rdzogs pas 'di lta bu'i de bzhin gshegs pa rnams dang / byang chub sems dpa' rnams dang ldan pa'i 'khor gyi nang na de bzhin gshegs pa thams cad kyi bdag nyid rdo rje 'chang chen po ste/ de ci'i slad du cang mi gsung bar bzhugs te/ gang gi phyir ston pa rnams ni gzhal bya phyed gsungs pas de 'joms par mdzad pa'o zhes dgongs pa'o/ / de nas zhes bya ba la sogs pa ni byang chub sems dpa' rnams la mi bskyod pa la sogs pas 'di skad bka' stsal pa ste/ rigs kyi bu zhes bya ba la sogs pa la/ kye byang chub sems dpa' rnams bcom ldan 'das 'di glo bur pa'i ngal ba la sogs pa mi spyod pa'am/ phrag dog gi dbang gis cang mi gsung bar gyur pa ma yin te/'on kyang le'u bcu gsum pa las gsungs pas nyid kyi sku dang gsung dang thugs mi dmigs pa'i ngo bo ni 'od gsal ba'i de kho na nyid de/ de nyid rdo rje lta bu'i ting nge 'dzin gyi rang bzhin yin pa'i phyir/ yi ge ni mi 'gyur ba dang 'gro ba dang mi 'gro ba'i rang bzhin gyi khams gsum pa'i gnas yin pa'i phyir gnas te/de lta bu'i ngo bo nyid med pa'i ni gzung ba dang 'dzin pa dang bral ba'i mtshan nyid can/ yi ge ni mi 'gyur ba'i de kho na nyid la dgongs nas cang mi gsung bar bzhugs te/ de kho na nyid mngon du mdzad pa'o//de bzhin gshegs pa rnams kyis de nyid bka' stsal pa ste/ rigs kyi bu'am zhes bya ba la sogs pa la/ rigs kyi bu ni rdo rje'i rigs la sogs pa'i byams pa la sogs pa rnams/ de bzhin gshegs pa thams cad kyi bdag po ni rdo rje 'chang chen pos ting nge 'dzin 'di dgongs nas 'di snyam du gyur pa ni 'di lta bu'i 'jig rten las 'das pa'i rnam par rtog pa zhi ba 'byung bar 'gyur ba ste /rdzogs pa'i rim pa'o/ /sku mi 'gyur ba ma skyes pa zhes bya ba la sogs pa la/ sku ni lus nyid mi 'gyur ba ni yi ge bzhin du brjod pa tsam gyis 'jig pa ste/ma skyes pa ni 'od gsal ba'i phyir dang po nas ma skyes pa'o/ /de bzhin du gsung dang thugs ni ngag dang sems kyang mtshan nyid dang bral ba'o/ /de la ngag ni gzhan rtog par byed pa nyid de/ brjod bya dang rjod byed kyi ngo bos brtan par byed pa nyid dang /sems ni chos thams cad rtogs par byed pa'i mtshan nyid can te/ de dag thams cad don dam pas dpyad na mi rigs so/ /dper na re zhig lus ni gcig dang du ma dang bral ba'i phyir stong pa kho na yin no/ /ngag kyang sgra'i bdag nyid de/ sgra ni brjod pa tsam gyis 'jig pa'i phyir don dang de de la 'brel ba med do//gang gi phyir sgra dang don la de'i bdag nyid 'brel pa'am/ de las byung ba'i 'brel pa yod ce na/ re zhig dang po ni mi rigs te/ sgra dang don ni tha dad pa'i phyir te/ sgra ni kha la dmigs pa dang / don kyang phyi rol du ste/ gang gi phyir tha mi dad pas de'i phyir bdag nyid rigs pa yin te/shing dang sha pa bzhin du'o/ /bsgrub bya dang sgrub pa'i dngos po ni rnam par rtog pa'i gzhan sel gyi blos tha snyad bya ba yin no/ /de las byung ba'i 'brel pa yang med pa ste/ gang gi phyir de ni rjes su 'gro ba dang ldog pa'i rjes su 'brang bas 'byung ba ni me dang du ba bzhin du ste/me yod na du ba byung ba dang me med na du ba shi ba la sogs pa/ gzhan rnams nus pa so sor 'gags pas du ba mi 'byung ngo / /de bas ni rjes su 'gro ba dang ldog par gyur pa rgyu dang 'bras bu'i dngos po'i gnas skabs bstan pa yin no/ /'dir ni rnam pa deng dang 'dra ba yod pa ma yin te/don yod na yang gzhan dang 'brel pa'i sems la sgra mi 'byung ba'i phyir dang / don med na yang rgya mtsho la sogs pa'i sgra rnams 'byung ba'i phyir ro/ /de bas na don dang lhan cig tu sgra rnams rgyu dang 'bras bu'i 'brel pa med pa ste/ sgra'i tha snyad 'di 'khrul pa yin no/ / 'o na rnam par rtog pa dang lhan cig tu sgra rnams la de las byung ba'i 'brel pa yod pa kho na yin te/ ji skad du/ sgra ni rnam par rtog rgyu dang / /rnam rtog sgra yi rgyu yin no/ /zhes 'byung ba'i phyir ro/ /de bas na rnam par rtog pa ni don mthong ba med pa ma yin pas 'byung ba ste/ 'brel pa yod pa de kho na yin te/'brel pa can gyi 'brel pas sgra dang don la 'brel pa yod pa kho na yin no zhe na/ de skad ma zer cig /gang gi phyir rnam par rtog pa yang don mthong bar 'byung bar mi 'gyur te/ rgyun du rgyu ba'i rnam par shes pa rnams don la mi ltos pas 'byung ba'i phyir te/ dran pa dang ngo shes pa'i rnam par shes pa rnams don la mi ltos bas 'byung ba'i phyir te/dran pa dang ngo shes pa'i rnam par rtog pa bzhin no/ /rnam par rtog pa rnams ni thog ma med pa'i ma rig pa'i bag chags kyi stobs kyis 'byung bar gyur ba ste/ don gyi rnam par rtog pa de rnams la cung zad kyang phan par gyur pa ma yin no//gzhan yang na le ke ra'i gling na gnas pa rnams la dngos po'i don mthong na yang rnam par rtog pa gang yang mi 'byung zhe na/ de yang mi rigs te nges par dngos po ma yin pa'i yul can yul dang dus kyi bye brag ma nges pa'i dngos po dang 'dra ba'i rnam par rtog pa 'byung ba ste/sngar nyams su myong ba'i na le ke ra'i shing mthong ba'i khyad par bzhin du'o/ /ci'i phyir sngar nyams su myong ba'i rnam par rtog pa'i don med ma yin pa'i yul nyid yin te/ ngag rnams ni yul med pa yin te/ ha cang thal bar gyur pas chog go/ /sems kyang dngos po gzung bar byed pa ma yin te/gang gi phyir phyi'i dngos po ni re zhig gcig dang du ma dang bral ba'i phyir yod pa ma yin no/ /de bas na gzung ba med na 'dzin pa yang med pa ste/ sems ni rig par byed pa ma yin no/ /gzhan yang gal te phyi rol gyi dngos pos sems skyed par byed pa yin na/ 'das pa'am ma 'ongs pa'am da ltar byung ba des bskyed pa ma yin zhe na/ 'das pa dang ma 'ongs pa dag ni med pa'i phyir de dag la skyed par byed pa'i nus pa med do/ /da ltar byung ba yang skad cig ma gnyis kyis gnon pa'i phyir yod pa ma yin te/ des kyang sems bskyed par mi nus so//'on gal te dus gcig tu don gyi skad cig mas sems kyi skad cig ma skyed par byed na de'i tshe sems don gyi yul ci'i phyir ma yin te/ de bas na sems gzung ba dang don 'dzin par thal bar 'gyur ro/ /gal te don bems po yin pa'i phyir 'dzin ba ma yin na 'o na de rnams tha dang pa yin no//de bas na ba'i rwa gnyis bzhin du gang yang skyed par byed pa ma yin no/ /de'i phyir 'dzin pa nyid med pas sems kyi mtshan nyid med pa yin no/ /de bas na lus ngag sems kyi mtshan nyid ni rang bzhin med pa'o/ /nam mkha'i rdo rje ni 'od gsal ba ste/de nyid rtog pa ni de las 'byung ba'i lha'i gzugs te/ log par gzung ba ni sgyu ma lta bu'i ting nge 'dzin gyis bsdus pa'i phyir 'ja' tshon bzhin snang bar 'gyur ro zhes ston to/ /de nas zhes bya ba la sogs pa la/ de bzhin gshegs pa'i gsung gsan ma thag tu 'jam dpal la sogs pas 'di skad gsol te/bcom ldan 'das zhes bya ba la sogs pa la gsol ba gdab pa 'jam dpal nye bar gzung ba ni shes rab kyi rang bzhin yin pas rno ba nyid bstan pa yin pa'i phyir ro/ /bcom ldan 'das ni mi bskyod pa la sogs pa'o/ /mi'i sgra ni dgag pa la'o/ / gsung rdo rje'i tshig ni rdo rje 'chang chen po'i bstan pa'i gsung de ltar phyin ci log ba ni bden pa ma yin par/ mi rtag tu gsol ba ni rtag par ma mdzad cig ces pa ste/ gang zhig lus la sogs pa'i mtshan nyid med pa zhes bya'o/ /de ci'i slad du zhe na pa ni gang gi phyir de bzhin gshegs pa thams cad ni sngar bshad pa'i de bzhin gshegs pa'i tshogs te/de nyid kyi gang zhig rdo rje dbyings kyi ngo bo nyid ni ye shes lnga ste/ de rnams kyi spyod pa ni mngon du byed pa ste/ de la rjes su 'gro ba ni zhugs pa dang / 'ong ba ni de las bzhengs shing sems can gyi don mdzad pa gang yin pa de ni de bzhin te/rdo rje 'chang chen po re zhig khams gsum pa la phan pa mdzad par rab tu grags pa'o/ /de nyid kyi zab pa'i gsung ci'i slad du brdzun du gsung ba'o/ /de ci'i slad du zhes pa ni tshangs pa la sogs pa'i lha rnams dang / byang chub sems dpa' chen po ni sa bcu'i dbang phyug rnams dang /mngon par shes pa thob pa ni lha'i mig la sogs pa'i yon tan dang ldan pa rnams te/ de dag kyang rdo rje 'chang chen pos gsungs pa'i chos thams cad kyi mtshan nyid kyi ngo bo nyid ni dngos po'i rang bzhin mi shes pa ste/ zab pa'i phyir mi rtogs na/ bdag cag smos ci dgos zhes de bzhin gshegs pa la tshul gyis bstan par byed pa'o//de rnams kyang rang gi sems la rnam par rtog pa 'di ltar byed pa ste/ rdo rje 'chang chen po 'di de bzhin gshegs pa thams cad kyi rdo rje lus la sogs pa dang ye shes rnams te/ de dag gi de kho na nyid ni don dam pa ste/de nyid yongs su zhes pa ni yang dag par rtogs nas gsang ba'i yi ge ni rdo rje'i tshul gyis chos bstan par mdzad pa'am/ yang na ma rtogs nas mdzad pa ste/ de lta bu'i rnam par rtog par byed pa'i tshangs pa la sogs mkhyen nas de rnams rjes su gzung ba'i phyir rdo rje 'chang gis 'od gsal ba'i ting nge 'dzin las cig car du bzhengs te/sgyu ma lta bu'i sku blang bar mdzad par 'gyur ro/ /zab pa'i don ma rtogs pa'i byang chub sems dpa' rnams la/ mi bskyod pa la sogs pas 'di skad gsungs te/ byang chub sems dpa' zhes bya ba'i bod pa'i tshig go/ /de nyid rgyud kyi rigs pas bskor te/byang chub sems dpa' ni tshangs pa la sogs pa ste mngon par shes pa lnga dang ldan pa'o/ /de rnams smos ci dgos te/ nyid ni mngon par shes pa drug dang ldan pa yang / de bzhin gshegs pa thams cad kyi sku gsung thugs kyi rang bzhin gyi rdo rje 'chang chen po'o / / gsang ba'i mi 'gyur ni 'od gsal ba'i de kho na nyid de/ de rnyed pa ni thos nas sku gsung thugs kyi byang chub ni sgyu ma lta bu'i sku yongs su bzung ba dang / 'od gsal ba'i de kho na nyid mi shes ni mngon du byed par ma gyur to/ /de ci'i phyir zhe na zhes pa ni skye ba med pa'i phyir rdo rje'i rnam par shes pa thams cad rang bzhin gyi tshogs 'gags pa'i mtshan nyid can gyi thams cad stong pa ste/de nyid mngon par byang chub ni rim pa gzhan gyis phyag rgya dang / ril por 'dzin pa dang rjes su 'jog pa'i ting nge 'dzin gyis thob par 'gyur ba ste/ ngo bo nyid med pa ni rnam par rtog pa'i bag chags kyi dri ma dang bral bar mi 'gyur ba las 'byung ba'i chos nyid kyis ngo bor grags pa'o//de lta bu'i chos nyid nges kyis kyang mngon du byed par dka' ba yin na/ tshangs pa la sogs pa gzhan rnams lta smos ci dgos zhes dgongs pa'o/ /ji skad du/ dbu ma'i lam ni de nyid dang / /chos rnams bdag med de nyid dang //yang dag mtha' dang de bzhin nyid/ /stong pa nyid kyang de nyid do/ /mnyam pa nyid dang grol ba nyid/ /rnam par rig tsam de nyid do/ /chos kun nang du 'gro ba'i phyir/ /yun ring ma yin nye ba min/ /de bzhin nyid de rtogs dka'i phyir/ / phra bar gzigs pa'i sangs rgyas kyi//phra phyir rang gis rig 'gyur te/ /rags pa'i blo can nged rnams kyis/ /rang gnas na yang mthong mi 'gyur/ /zhes bya ba la sogs pa 'byung ngo / /chad pa'i lta ba sel ba'i phyir bshad par bya ste/ byang chub de yang rnyed par mi dka' ste/ ci'i phyir rigs kyi bu zhes bya la sogs pa la/ji srid sems can ni 'gro ba rnams te/ de dag sems can gyi khongs su gtogs pa ni rnam pa bzhis bsdu ba ste/ de dag thams cad byang chub ni 'od gsal ba'i de kho na nyid dang po nas thob cing gnas par 'gyur te/ chos nyid ni rang bzhin gyis grub pas bskyed par bya ba ma yin pa'i phyir ro//bskyed par bya ba yin na 'dus byas pa mi rtag pa nyid kyi phyir ro/ /'o na ci'i phyir sems can rnams grol bar ma gyur zhe na/ de ci'i phyir zhes bya ba la sogs pa la/ sku gsung thugs ni de rnams nye bar sdud par byed pa'i rdo rje ye shes ni 'od gsal ba'i de kho na nyid yongs su shes par bya ba'i phyir lam dang bla ma'i zhal las thob nas sems de dag sku gsung rdo rje ni rdo rje 'chang chen po ste/de'i chos nyid ni don dam pa'i 'od gsal ba nyid thob par 'gyur ro/ /de bas na glo bur ba'i dri ma sel bar bya ba'i phyir lam dang / bla ma rnams la bsnyen bkur bya ba yin te/de kho na nyid thob par bya ba'i phyir ni ma yin no/ /de bas na de kho na nyid ni rnyed par sla ba yin pa dang / rnyed par dka' ba yang ngo / /de'i phyir bcom ldan 'das kyis de kho na nyid mngon du mdzad pa'i phyir cang mi gsung bar gyur te/ mi mkhyen pa la sogs pa gzhan gyis yin no zhes khyed rnams la the tshom ma bskyed cig pa'o//ji skad du/ rnal 'byor rig pas nams kyang ni/ /thar par yun ring sems mi bya/ /kun brtags ngo bos stong pa yi/ /bdag nyid mthong ba thar pa yin/ /zhes 'byung ngo / /de bzhin gshegs pa dang byang chub sems dpa' rnams kyi drin lan gsan nas don de nyid bstan par bya ba'i phyir bcom ldan 'das rdo rje 'chang chen pos/de nas zhes bya ba la sogs pa bka' stsal pa ste/ rang bzhin dag cing bdag med la/ /zhes bya ba la sogs pa la/ rang bzhin dag pa ni phung po la sogs pa'i chos 'di rnams thams cad stong pa'i rang bzhin dang /gnas med pa ni yongs su brtags pa'i so sor nges pa dang ldan pa'i mtshan ma dang bral ba'o/ /de bzhin du gang zhig sangs rgyas kyi chos byang chub kyi phyogs la sogs pa ste/ de rnams de dang 'dra ba'o/ /'o na byang chub sems dpa' ni 'gro ba'i don ji ltar mdzad ce na/rtog pa ni sgyu ma lta bu'i ting nge 'dzin te/ des rdo rje 'ja' tshon dang 'dra ba'i sku blang ba ste/ de las byung ba ni byang chub sems dpa' 'gro ba'i don gyi bya ba rnams so/ /de bas na sgyu ma lta bu'i sku la brten te bya ba thams cad dang / sangs rgyas kyi chos rnams smra bar byed pa ni brjod pa kun rdzob kyis bstan par bya'o//'od gsal ba la dmigs te rang rig pa'i phyir/ smra ba yin na de rnams brjod du mi nus pa ste/ lha dang dmyal ba pa rnams kyis bde ba dang sdug bsngal nyams su myong ba'i tshor ba ston pa bzhin dang / bu mo'i dga' ba bzhin du ste rdzogs pa'i rim pa dang /sems rnam par dag pa dang mngon par byang chub pa dang / bdag la byin gyis brlab pa'i rim pa rnams so/ /de nas zhes bya ba la sogs pas de bzhin gshegs pa rnams kyis gsol ba btab pa ste/ kye bcom ldan 'das gang zhig sngar zhi ba la sogs pa'i 'jig rten dang 'jig rten las 'das pa'i dngos grub rnams gsungs pa de rnams gang las byung ba dang gang du gnas pa lags zhes dris pa de'i dgos pa 'di yin te/re zhig 'od gsal ba dang sgyu ma'i sku dag tha mi dad pa'i phyir rnam par mi rtog pa nyid yin te/ gang zhig dngos grub 'di rnams de ltar spros pa mang pos bsgrub par bya ba yin te/de rnams de las byung ba'am der gnas pa zhes bya ba ni rigs pa ma yin no zhes the tshom gyi sa bon no/ /rdo rje 'dzin pas bka' stsal pa/ bcom ldan 'das zhes bya ba la sogs pa la/ rang gi sku gsung thugs kyi rdo rje ni rang gi 'od gsal ba dang /de las byung ba'i sku gsung thugs kyi rdo rje ni sgyu ma'i sku ste/ dngos grub de rnams de la gnas pa dang / de nyid la brten te 'byung bar 'gyur te/ gzugs brnyan bzhin du'o/ /'di ni shin tu nyung ba bshad pa ste/ khams gsum pa de dag kyang 'di nyid du gnas pa dang de nyid las 'byung ba'o//rab tu byed pa las kyang / rlung gi sbyor ba med pa yis/ /sems kyi rang bzhin gzung mi 'gyur/ /rang bzhin rgyur gyur sems las ni/ /las dang skye ba yang dag 'byung / /rlung dang bcas pa de nyid ni/ /rnam par shes pa gsum po las/ /rnal 'byor pa yi sku skyes te//sgyu ma'i sku ni de bshad pa'o / /sgyu ma lta bu'i ting 'dzin gnas/ /thams cad de dang 'dra bar mthong / /zhes bya ba la sogs pa 'byung ngo / /de bzhin gshegs pa rnams kyis gsol pa/ bcom ldan 'das zhes bya ba la sogs pa la gang zhig de bzhin gshegs pa thams cad kyi sku gsung thugs kyi dngos grub ni byang chub kyi phyogs kyi chos rnams thob pa dang /khams gsum ni sku gsum ste/ de dag gang nas byung ba dang gang du gnas zhes 'dri ba'o/ /gsungs pa/ nam mkha' ni 'od gsal ba la gnas pa dang / de nyid las byung ba dang / thams cad ni de'i ngo bo nyid yin pa'i phyir ro//de rnams kyis gsol pa/ nam mkha' gang na gnas zhes pa ni dri ba'o/ /gang na yang ma yin no zhes pa ni khyab par byed pa'i phyir so sor nges pa dang ldan pa med pas nam mkha' dang 'dra ba yin no zhes dgongs pa'o/ /de nas zhes bya ba la sogs pa la de bzhin gshegs pa thams cad ni mi bskyod pa la sogs pa dang /byang chub sems dpa' ni 'jam dpal la sogs pa ste/ de rnams ngo mtshar du gyur pa ni thos pa dang / rmad du gyur pa ni bsams pa dang de'i 'og tu don 'di nyid bsgoms pas 'di ltar gsungs pa ste/e ma ho zhes bya ba la sogs pa la/ e ma ho rdo rje zhes pa ni 'od gsal ba dang / yang e ma ho rdo rje ni de las byung ba'i 'jig rten dang / 'jig rten las 'das pa'i dngos grub rnams dang / rdo rje ni de las byung ba'i sgyu ma lta bu'i sku ste/ de nyid bstan pa ni rab tu bstan pa ste de ni ngo mtshar ba'o//de ci'i phyir zhe na/ gang du zhes bya ba la sogs pa la/ 'od gsal ba gang du lus ni snang ba'i ye shes dang / ngag ni snang ba mched pa'i ye shes dang / sems ni snang ba nye bar thob pa'i ye shes yod pa ma yin te/ de ru zhes pa ni de nyid las gzugs ni sgyu ma lta bu'i sku'i rnam pa rnam par sgom pa ni khyad par du 'gro ba'i don du spro bar bya ba yin te/de ni shin tu ngo mtshar ba ste/ sems rnam par dag pa dang / bdag la byin gyis brlab pa dag go/ /de nas zhes bya ba la sogs pas bcom ldan 'das kyis ting nge 'dzin gzhan gsungs pa ste/ rdo rje ni 'od gsal ba ste/de 'dzin pas na rdo rje 'dzin no/ /rnam par shes pa gsum mi snang bar mdzad pas na ston pa'o/ /sangs rgyas kun ni rang bzhin gyi tshogs te/ de dag gis phyag byas pa ni bral ba'o/ /rdo rje gsum yang yin la blang bar bya ba'i phyir mchog kyang yin pas rdo rje gsum mchog ste stong pa dang /shin tu stong pa dang stong pa chen po ste/ de rnams kyi mchog ni thams cad stod pa ste/ des mchog ni de'i go 'phang thob pas dam pa'o/ /rdo rje gsum ni chos dang longs spyod rdzogs pa dang / sprul pa'i sku ste/ de rnams kyi mchog ni ngo bo nyid kyi sku'i rang bzhin no/ / dngos grub thams cad ni stobs bcu dang mi 'jigs pa la sogs pa'i bsdu ba ni bsdu bar gyur pa/ rigs pa ni 'od gsal ba/ de las byung ba'i skyes bu ni ye shes kyi sku'i rang bzhin gyi lha'i sku'i rnam par bshad par mdzad pa ni gsungs te sdud pa po'i tshig go/ /de ni sems rnam par dag pa dang bdag la byin gyis brlab pa'i rim pa dag go//dang po re zhig rnal 'byor pas mkha' dbyings ni 'od gsal ba ste/ thams cad stong ba'i mtshan nyid de nyid chos thams cad kyi nang du chud pas na rdo rje de'i dbus gnas pa de'i nang du nye bar bsdus pa/ sangs rgyas dkyil 'khor ni ye shes gsum bsgom pa ni bsam par bya'o//de bzhin du sku dang rdo rje ni sku rdo rje ste lus dang ngag go/ /de dag gi spyi bor ni de'i rjes la rdo rje ste sems so/ /rab tu bsgom pa ni lus dang ngag dang sems khyab par byed pa rang bzhin gyi tshul du de nyid du zhugs par bya'o/ /zhal gsum ni shes rab dang thabs dang nye bar thob pa'i ngo bo sku gsum las byung ba ni khams gsum bskyed pa'i mtshan nyid can gyi rang bzhin rnams te/de rnams kyang rnam par 'phro ba ni de nyid du gsal ba'i ngo bor gyur pa dri ma med par bsam par bya'o/ /de ltar 'od gsal ba thob cing rdo rje la sogs pa nyid thob pa'i sgyu ma'i sku bsam pa ni spro zhing myur du ni cig car/byang chub ni mi gnas pa'i mya ngan las 'das pa'i mtshan nyid rdo rje 'chang chen po nyid thob par 'gyur ro/ /rigs kyi bye brag ni sgyu ma'i dpe bcu gnyis kyis/ tha snyad ni gzugs la sogs pa dang spyod lam bzhin bsam par bya'o//gsang ba ni rtog pa'i rnal 'byor pa rnams la bstan par bya ba ma yin pa'o/ /gzhan du ni ting nge 'dzin spong zhing rtogs pa'i rnal 'byor gyi rim gyis/ mchog ni rdo rje 'chang chen po'i dngos grub mi 'gyur ni dga' bas 'gyur ro zhes ston to/ /rig pa'i skyes bu rdo rje 'chang chen pos 'di skad bka' stsal to zhes bya ba dang sbyar ro//de ni sems rnam par dag pa dang bdag la byin gyis brlab pa'i rim pa dag go/ /de bzhin du rgyal po che ni yi ge dang tshig dang ngag dang ngag chen po la sogs pa thams cad kyi rgyur gyur pa yi ge phyi mo bzhi bcu rtsa dgu pa'o/ /ji lta bu zhe na/dbyings gyur pa ni khrag dang sha dag gi rang bzhin gyi srog dang rtsol ba dag gi rgyur gyur pa'o/ / de nyid yi ge gsum gyi bdag nyid du mnyes par byed pa ni 'jug pa la sogs pa'i rim pas rgyu ba bsams pa ni bzlas par bya'o/ /de ltar byas na khyu mchog ni rdzogs pa'i rnal 'byor pa rnams mnyes par gyur pa ni rdo rje 'chang chen po nyid thob par 'gyur ro//rdo rje sku gsum ni chos kyi sku la sogs pa gsum ste/ des mtshan pa ni de rnams thob par 'gyur ro/ /gang zhig ces bya ba la sogs pa la/ gang zhig ces pa ni rtag pa'i rnal 'byor pa'am rdzogs pa'i rnal 'byor ba ste/byang chub sems dpa' ni rdo rje 'chang chen po'i go 'phang thob pa'i bsam pa dang ldan pa dang / grags chen ni mchog gi spyod pa rtogs pas grags pa thob pas bsgom pa'i rim pa 'di bsgoms na/ de ni zhag bdun ni dkyil 'khor bzhi la 'jug pa la sogs pa'i rig pa gsum pos sku gsum dngos grub ni sngar bshad pa ste/de thob par 'gyur ro/ /gzi che ba ni sprul pa'i sku rnams kyis 'gro ba'i don byed pa yin no zhes ston to/ /rdo rje bzlas pa'i rim pa'o/ /de nas zhes bya ba la sogs pa la/ sku gsung thugs ni 'dod chags dang bral ba dang /'dod chags bar pa ste de rnams sbyangs pa'i thabs rdo rje mngon par byang chub pa'o/ /de nyid bsdus pa ni 'dod chags la sogs pa dang 'dres pa ste/ de nyid gsang ba ni rtogs pa'i rnal 'byor rnams kyi yul ma yin te / de nyid 'bras bur gyur pa gsungs pa ste/sku gsung thugs zhes bya ba la sogs pa la/ sku gsung thugs ni dus mtshams dang mtshan mo dang nyin mo'i bdag nyid kyi ye shes rnams te/ de dag phyi'i mngon par byang chub pa'i rim pas gang du gcig tu gyur pa de ni sku gsung thugs kyi dam tshig ste/bzhi pa'i de kho na nyid do/ /de nyid rdo rje 'chang chen po'i go 'phang thob par byed pa'i rgyu yin pa'i phyir phyag rgya chen po ste/ de nyid kyi don ni gsum pa dang bral ba'i khyad par ni skad cig ma ste/ de bstan pa ni bsgom par bya'o/ /kun ni de dag thams cad cho ga bzhin ni smig rgyu la sogs pa'i mtshan ma lnga nye bar mtshon pa sngon du 'gro bar sgom pa ni nang gi bdag nyid kyi mngon par byang chub la zhugs par bya'o//de'i tshe skad cig ni skad cig ma bzhi ba de nyid kyis sangs rgyas ni rdo rje sems dpa' nyid thob par 'gyur te/ mngon par byang chub pa'i rim pa'o//de nas zhes bya ba la sogs pas sgrub pa po thams cad ni rdzogs pa'i rim pa spyod pa'i rnal 'byor pa rnams kyi lus ngag sems gsang ba ni phyi rol gyi phyag rgya ma la sogs pa'i spros pa dang bral ba nyid gsungs pa ste/ gal te byang chub ces bya ba la sogs pa la/ lag pa'i phyag rgya ni de kho na nyid bsdus pa las gsungs pa 'gugs pa la sogs pa'i phyag rgya ste/ de bcing bar mi bya ste/ bdag la byin gyis brlab pa'i rim pas sgrub pa'i rnal 'byor pa nyid kyi sku ni rdo rje 'chang nyid yin pa'i phyir ro/ /gal te byang chub mchog ni rdo rje 'chang nyid 'dod de'i tshe dam tshig 'di ni rgyal ba'i sras te dpal gsang ba 'dus pa las dbang bskur ba rnams kyis spang bar mi bya'o//rab tu byed pa las kyang / glang po rnyed nas zhes bya ba la sogs pa 'byung ste/ rdzogs pa'i rim pa'o/ /de nas zhes bya ba la sogs pas sangs rgyas kyi dam tshig ni sku rdo rje'i dam tshig gsungs pa ste/bshang gci zhes bya ba la sogs pa la/ bshang gci la sogs pa de rnams smad par mi bya ste/ 'on kyang cho ga bzhi ni sngags dang phyag rgya'i rim pas bza' bar bya'o/ /rdo rje gsum 'byung ni lus la sogs pa dag par byed pa'i de kho na nyid de sgrub pa'o//de nas zhes bya ba la sogs pa'i gsung rdo rje'i dam tshig ni snang ba mtha' yas kyi dam tshig gsungs pa ste/ khams gsum zhes bya ba la sogs pa la/ khams gsum zhes pa bud med rnams ye shes kyi phyag rgya ma dang gcig tu byas la cho ga bzhi ni sngags kyis 'dus byas pa sngon du 'gro bar spyad pa ni nye bar spyod pa bya'o//gsung gi rdo rje ni de las byung ba'i snang ba mtha' yas mi smad pa ni lces bldag par bya'o zhes ston te sgrub pa'o/ /de nas zhes bya ba la sogs pas thugs rdo rje'i dam tshig gsungs pa ste/rdo rje gsum zhes bya ba la sogs pa la/ ji srid sems can ni sgo nga las skyes pa la sogs pa'i dbye ba rnam pa bzhi'i sems can gyi rigs te/ de rnams rdo rje gsum las byung ba ni rdo rje 'chang chen po'i sprul pa las 'byung ba'o/ /de rnams rdo rje gsum gyi dam tshig ni phyi dang gsang ba dang nang gi bdag nyid kyi mchod pa rnams kyis mgu zhing tshim par bya'o//de rnams kyi thugs ni rang gi sems kyang mi smad pa ni smad par mi bya ste/ 'on kyang de'i bdag nyid kyis rdo rje 'chang bzhin du mthong bar bya'o/ /ji skad du/ pha rol smra ba yang dag rung //zhes bya ba la sogs pa 'byung ngo / /rdo rje gsum po rnam par snang mdzad la sogs pa ste/ de rnams kyi dam tshig gang las byung ba de ni rdo rje 'chang chen pos bkal stsal te sgrub pa'o/ /de nas zhes bya ba la sogs pas gsang ba rdo rje ni phung po dang khams dang skye mched rnam par dag pa ste/de gsungs pa mdor na zhes bya ba la sogs pa la/ gang zhig tha ma la pa'i phung po ni gzugs la sogs pa 'di rnams snang bar gyur pa de nyid rnam par dag na/ sangs rgyas lnga ni sangs rgyas lnga'i rang bzhin te/ rnam par snang mdzad la sogs pa'i rang bzhin shes par bya'o//de bzhin du gang zhig rdo rje skye mched ni mig la sogs pa'i dbang po 'di rnams drug ste/ de dag kyang byang chub sems dpa' ni sa'i snying po la sogs pa'i dkyil 'khor mchog ni phul du byung ba'i tshogs su zhes par bya ste/ bskyed pa'i rim pa'i rnal 'byor pa rnams kyi rigs brgya'i dbye bas rnam par dben pa 'di yin no//rdzogs pa'i rim pa'i rnal 'byor pa rnams kyi sems kyi mos pa ni khams gsum pa 'di dag thams cad sangs rgyas kun gyi rang bzhin yin no zhes bya ba'o/ /de ci'i phyir zhe na/ rnam par dag pa ni rnam pa gnyis te khyab par byed pa dang nyi tshe ba'o//de la khyab par byed pa ni rdzogs pa'i rim pa'i rnal 'byor pa rnams kyi dang / nyi tshe ba ni phyogs gcig pa ste bskyed pa'i rim pa'i rnal 'byor pa rnams kyi'o/ /de nas zhes bya ba la sogs pas/ khams gsum gyi dam tshig ni sa la sogs pa'i khams rnams te/de rnams kyi 'khor lo rnam par dag pa gsungs pa ste/ sa ni spyan zhes bya ba la sogs pa la/ sa la sogs pa khams bzhi po 'di rnams lha mo spyan la sogs pa'i rang bzhin te/ gang zhig nam mkha'i khams 'di de nyid rdo rje 'chang chen por shes par bya'o//de bzhin gshegs pa thams cad ni phung po dang khams dang skye mched de/ de rnams kyi yang dag pa ni de kho na nyid de/ sangs rgyas la sogs pa'i rang bzhin du shes pa'o/ /de'i dbang phyug ni bdag po ste mngon du byed pa rdo rje sems dpas de skad bka' stsal to zhes pa dang sbyar te rdzogs pa'i rim pa'o//de nas zhes bya ba la sogs pa la bcom ldan 'das ni rdo rje 'chang chen po'o/ /de bzhin gshegs pa thams cad ni phung po la sogs pa ste/ de rnams kyi rnam par dag pa gsung ba dang de'i rang bzhin bsgoms pas mnyam pa nyid ni 'od gsal ba chen po'i chos nyid rtogs pa ste/de nyid spyod pa ni ji lta ba bzhin du thugs la brtags pa ste/ de zhes bya ba'i ting nge 'dzin la snyoms par zhugs nas slar 'dri ba'i skabs gsol ba'i phyir cang mi gsung bar gyur pa rtse gcig pa nyid la zhugs par 'gyur ro/ / de nas zhes bya ba la sogs pas bcom ldan 'das cang mi gsung bas rgyud ma rdzogs par rtogs shing / byang chub sems dpa' byams pas de bzhin gshegs pa ni mi bskyod pa la sogs pa la 'di skad gsol to / /bcom ldan 'das zhes bya ba la sogs pa la/ de bzhin gshegs pa thams cad kyi sku gsung thugs ni slob dpon dang gsang ba dang shes rab kyi dbang bskur ba gsum po dang /rdo rje gsang ba ni de yang de bzhin bzhi pa'o zhes bya bas gang zhig dpal gsang ba 'dus pa'i rgyud 'di la dbang bskur ba ni dbang thob pa'i slob dpon ni rdo rje slob dpon te/de nyid sangs rgyas dang byang chub sems dpa' de rnams kyis ji ltar blta ba ni ji ltar shes par gyis zhes dris pa'o/ /de bzhin gshegs pa rnams kyis gsungs pa/ rigs kyi zhes bya ba la sogs pa la byang chub kyi sems rdo rje ni rdo rje 'chang chen po bzhin du blta bar bya'o//ci'i phyir zhe na/ byang chub kyi sems ni don dam pa'i byang chub kyi sems kyi rang bzhin gyi rdo rje 'chang ste/ de dang slob dpon rdo rje'i bla ma ste/ de dag gnyis po gcig yin no zhes shes par gyis shig pa'o/ /rigs kyi bu zhes bya ba la sogs pa la/mdor bstan pa 'di yin te/ phyogs bcu la gang zhig 'jig rten gyi khams ni skye bo'i gnas rnams te/ de ji srid sangs rgyas dang byang chub sems dpa' rnams 'khod pa ni thob pa dang / 'tsho ba ni bsam pa dang / skyong ba ni bsgoms pa ste/ de rnams thams cad dus gsum mtshan mo dang nyin mo la mchod pa rnam pa lngas snang bar mi 'gyur bas slob dpon de la mchod la/bdag cag gi 'di pha dang ma ste/ ji srid 'di nyid ston pa ni de bzhin gshegs pa'o zhes ngag brjod cing 'gro bar 'gyur ro/ /'di lta ste zhes bya ba la sogs pa la/ phyogs bcu'i de bzhin gshegs pa rnams gsan pa la sogs pa'i rim pa rnams rang dang gzhan gyi don mdzad pa/ji snyed pa'i bsod nams kyi phung po ni bsod nams kyi tshogs/ de yang slob dpon gyi ba spu'i bu ga gcig tsam dang mnyam pa ma yin no/ /de ci'i phyir zhe na/ de'i drin gyis byang chub kyi sems ni don dam pa'i 'od gsal ba ste/sangs rgyas thams cad kyi ye shes ni me long lta bu la sogs pa ste/ de rnams kyi snying por gyur pa ni 'bras bur gyur pa thams cad mkhyen pa'i ye shes kyi rang bzhin te/ slob dpon de nyid las 'byung ba yin no/ / de nas zhes bya ba la sogs pa la de bzhin gshegs pa'i gsung thob nas 'jigs shing skrag pa ni ngo tsha ba'i dbang gis so/ /rdo rje 'chang dang slob dpon gcig yin pas de la the tshom med pa yin na/ 'dri ba'i rgyud gang yang med pa ste/ ngo tsha ba'i rgyu'o/ /de bas na cang mi smra bar gyur to//de nas zhes bya ba la sogs pa la byams pa cang mi smra bar gyur pas the tshom ma sel bar mkhyen nas/ mi bskyod pa la sogs pa de bzhin gshegs pa rnams rdo rje 'dzin thams cad ni rnam par snang mdzad la sogs pa ste/ de rnams kyi dngos grub ni zhi ba la sogs pa'i 'jig rten pa dang /'khor lo 'dzin pa la sogs pa'i 'jig rten las 'das pa ste/ de rnams kyi dam tshig la dmigs pa ni dbang bskur ba'i rim pa ste/ de la rdo rje ni rdo rje slob dpon te/ de zhes bya ba'i ting nge 'dzin la snyoms par zhugs nas byams pa la sogs pa rnams la 'di skad ces bka' stsal to//byang chub sems dpa' zhes bya ba la sogs pa khyed rnams ni byams pa la sogs pa byang chub sems dpa' rnams nyon cig gang zhig phyogs bcur bzhugs pa'i sangs rgyas la sogs pa ste/ de rnams kyang rdo rje slob dpon de la mchod cing phyag mdzad pa'o//gang gi phyir de dang rdo rje 'chang mnyam pa yin te / spros pa smra ba ste gnyis su bcing ba ni legs par bcing bar 'gyur ba'i zhes bya ba'i rigs pas so/ /gdan bzhi'i rgyud las kyang / lam bzhin rdo rje khyod nyon cig /'khor las rgal ba'i mtshan nyid do/ /sngags dang phyag rgya la sogs mkhas//slob dpon dag ni gzung bar gyis/ /bcom ldan ji ltar blta bya ste/ /slob dpon yon tan ji ltar lags/ /slob dpon sbyor ba ji ltar dang / /bla ma zhes bya ji ltar lags/ /yang dag byang chub kun mtshan nyid/ /de nyid phyag na rdo rje nyon//sangs rgyas thams cad 'di yi sku/ /byang chub yan lag yan lag gnas/ /ba spu'i bu ga'i grangs bcom ste/ /rigs ni lnga po dbu yin no/ /'jig rten rnams ni zhabs 'di yi/ /gzi brjid gnod sbyin bdag po nyid/ /de ltar yon tan rang bzhin sku/ /rtag tu rnal 'byor pas blta bya//ye shes zhes bya mtshan nyid yin/ /gang gi mtshan nyid rab bshad pa'o/ /dul ba dang ni zhi ba'i tshul/ /sems can kun la mi 'jigs stsol/ /sngags dang rgyud kyi sbyor mkhas pas/ /rnal 'byor sgyu rtsal la sogs mkhas/ /ngag kun 'jam pa nyid smra dang //sems can kun la bu bzhin byed/ /sbyin pa la sogs la dga' ba/ /rnal 'byor bsam gtan la sogs stsol/ /bden par smra dang 'tshe med pa/ /snying rje 'khrugs pa'i thugs dang ldan/ /thugs ni mnyam pa nyid byung ba/ /sems can rnams kyi mgon por gyur//de nyid bcu la gang mkhas pa/ /de ni slob dpon zhes bshad pa'o/ /zhes gsungs so/ /de lta bu'i yon tan dang ldan pa'i slob dpon la sangs rgyas la sogs pas mchod pa mdzad pa yin gyi/ gzhan la ma yin te/ bskyed pa'i rim pa'o/ /de bzhin gshegs pa'i gsung thos ma thag tu/de nas zhes bya ba la sogs pas byang chub sems dpa' rnams kyis yang zhu ba ste/ bcom ldan 'das zhes bya ba la sogs pa la/ de bzhin gshegs pa thams cad kyi sku gsung thugs kyi dngos grub ni 'jig rten pa dang 'jig rten las 'das pa ste/ de rnams ci la gnas zhes 'dri ba'o//de rnams kyis gsungs pa/ rdo rje slob dpon gyi lus la sogs pa la gnas pa ste/ de nyid las de rnams thos pa'i phyir ro/ /byang chub sems dpa' rnams kyis gsol ba/ gal te de ltar lags na lus ngag sems rdo rje de rnams gang la gnas zhes 'dri ba ste/gang la yang mi gnas so zhes pa ni snga ma bzhin du len yin te rdzogs pa'i rim pa'o/ /de nas zhes bya ba la sogs pa la/ de ltar rdo rje slob dpon dang rdo rje 'chang gnyis su med par bstan nas/ de bzhin gshegs pa rnams cang mi gsung par gyur te/de'i 'og tu byang chub sems dpa'i rnams kyang ngo mtshar du gyur pa ni rdo rje 'chang dang slob dpon dbyer med pa'i phyir dang / rmad du gyur pa ni de kho na nyid kyi rang bzhin rtogs pa'i phyir ro/ /cang mi smra bar 'khod pa ni the tshom sel ba'i phyir ro/ /de nas zhes bya ba la sogs pas rdo rje 'chang chen pos ting nge 'dzin gzhan gsungs pa ste/gsang ba rdo rje'i ting nge 'dzin ni 'od gsal ba ste/ de nyid las bzhengs pa ni cig car du sad nas de rnams la bka' stsal pa ste/ de bzhin gshegs pa zhes bya ba la sogs pa la/ dkyil 'khor chen po ni nang gi bdag nyid kyi dkyil 'khor ro//ji lta bu zhe na/ de bzhin gshegs pa thams cad ni rtsa lnga dang / byang chub sems dpa' ni byang chub kyi sems te/ de las kun 'byung ba la yod pa de bzhin gshegs pa'o/ /rdo rje ni mi 'jigs pa ste/ rdul tshon la sogs pa la mi ltos pa'o//de nas zhes bya ba la sogs pas de bzhin gshegs pa la pa sogs pas gsol ba btab pa'o/ /de nas bcom ldan 'das kyis bka' stsal pa ste/ nam mkha'i dbyings ni rang gi rig ma'i pad+ma ste/ de'i dbus su gnas pa gru bzhi pa ni rtsa bzhi dang ldan pa ste/rab tu mdzes pa ni 'dod pa'i gdugs zhes bya ba'i dkyil 'khor bsam par bya'o/ /de'i rjes la sangs rgyas ni shu kra la sogs pa'i bdud rtsi lnga ste de rnams kyi dkyil 'khor ni tshogs te/ de dang sbyor ba ni gang ba ste/ bsam gtan rdo rje ni de nyid de bzhin gshegs pa'i rnam pa'i rab bskul ba ni rdo rjes bskyod par bya'o//de nyid kyi phyir rdo rje dkyil 'khor ni rang gi rdo rje'i rtsa lnga'i dkyil 'khor yang 'khor lo can kun ni shu kra la sogs pa'i rang bzhin gyi de bzhin gshegs pa rnams kyi rten ni bzhi bsam par bya'o/ /de ltar na dkyil 'khor gnyis kyi ting nge 'dzin yin no//kha sbyor bshad par bya ste/ mchod pa zhes bya ba la sogs pa la/ cho ga de nyid ni 'das ma thag tu bshad pa'i ting nge 'dzin de lta bu'i mchod pa ni snyoms par zhugs par bya'o/ /gang gis she na blo dang ldan pa ni phyag rgya ma dang bcas pa'i rnal 'byor pas so//slob dpon zhes bya ba la sogs pa la/ re zhig slob dpon gyi dbang bskur bar 'dod pa 'od zer gyi lcags kyu rnams kyis 'gugs shing snying ga ni rdo rje dang pad+ma'i nang du bsgoms la dbang bskur ba ni byang chub kyi sems kyi rgyun rnams kyis spyi bo dang kha la dbang bskur bar bya'o//sangs rgyas kun ni bshang ba la sogs pa bdud rtsi rnams kyis nam mkha' dbyings ni rdo rje dang pad+ma yongs su gang bar bsams la/ slob ma de'i khar dbab par bya'o/ /dbang bskur ba'i gnas gsum ni 'dod chags dang 'dod chags dang bral ba dang / 'dod chags bar pa gsum ste/de rnams kyang ye shes kyi phyag rgya ma dang snyoms par zhugs pas sgom pa la 'jug par bya'o/ /'di ni nang gi bdag nyid kyi dkyil 'khor la dbang bskur bas byang chub ni rdo rje 'chang nyid slob mas thob par 'gyur te rang gi don to/ /sems can kun la phan 'dod pa ni 'gro ba'i don yang byed pa ste gzhan gyi don to//de bzhin du dngos grub kun gyis ngo mtshar ba ni 'jig rten dang 'jig rten las 'das pa'i dngos grub kyis ngo mtshar bar 'gyur ba'i sku gsung thugs 'grub par 'gyur ba ni thob par 'gyur te/ rang bzhin dang rgyu dang las dang 'bras bu rnams so//byang chub thams cad kyi don ni dam tshig ni lnga ste/ de rnams kyi 'khor lo ni rdo rje dang pad+ma ste/ de la bsam gtan gyi 'khor lo ni slob ma la dbang bskur bar bya ba'i phyir nang gi bdag nyid kyi dkyil 'khor 'di yin te las kyi rgyal ba mchog go/ /lha mo bzhis yongs su zhus pa'i rgyud las kyang /dkyil 'khor rnams kyi bshad bya ba/ /yid 'ong rtse gcig mnyan par gyis / /dkyil 'khor lus zhes bshad pa dang / /b+ha ga'i dkyil 'khor bshad pa dang / /byang chub kyi sems dkyil 'khor te/ /dkyil 'khor gsum ni rab tu brtag /rtag tu tshogs kyi sbyor ba yis/ /gang du gtso bo yang dag spyod/ /phung po rnams kyi sangs rgyas bshad/ /'byung ba rig ma rnams brtan pa/ /'dod pa lcags kyu yin pa dang / /zhags pa pad+ma la zhugs pa/ /kha la 'o byed lcags sgrog ste / /'dzag pa'i dril bur bshad pa'o/ / spos ni bshang bar bshad pa ste/ /chang ni khrag ces bshad pa yin/ /rkang dang tshil ni mar me ste/ /dri ni shu kra yin par bshad/ /sgeg pa mtshan ma bstan pa dang / /me tog b+ha ga yin par bshad/ /rtag tu kha sbyor sbyor ba yis/ /dbugs dbyung ba ni lung bstan to/ /de nyid kun du brtags pa ni//b+ha ga kun du bzang po yin/ /byams pa la sogs bcu drug ni/ /cha ni bcu drug rab tu brtags/ /sngar bshad pa yid dkyil 'khor ni/ /rang gi bdag nyid yin par bshad/ /ces 'byung ngo / /de nas zhes bya ba la sogs pa la/ de bzhin gshegs pa thams cad kyi sbyor ba ni 'dus pa las skyes pa rdo rje hUM mdzad kyi ting nge 'dzin gang la yod pa de la de skad ces bya'o//re zhig dang po rus pa dang sha la sogs pa'i dkyil 'khor te rang gi lus ni / nam mkha'i dbyings kyi dbus gnas pa ste rnam par thar pa'i sgo nas/ oM shU n+ya tA dz+nyA na badzra swa b+hA ba At+pa kou0f85haM/ zhes pa'i sngags kyis stong par bsgoms la/ hUM hrIHkhaM zhes bya ba sku rdo rje la sogs pa'i kha dog nag po yi ge gsum las bcom ldan 'das rdo rje sems dpa' rdo rje 'chang bsams te/ de yongs su gyur pa las rdo rje hUM mdzad/ drag po ni thugs kyis khros pa/ mi sdug pa ni sku yis 'jigs pa/khros pa ni gsung gis ha ha dang hi hi'i sgra sgrogs pa ut+pal sngon po ni sku gnag pa/ zhal gcig pa/ phyag bzhi pa/ g.yas pa na rtse gsum dang / rdo rje 'dzin pa/ g.yon pas rdo rje phur bu dang thod pa bsnams pa/ lce bskyod pa/ rkang ba mnyam par gnas pa/ r-i r-I l-i l-I ra zhes bya ba yi ge lnga yongs su gyur pa las 'od zer lnga'i rang bzhin gyi lce dang ldan pa bsams te/de nas 'od zer gyi gzugs can yi ge lnga spro zhing / bsgrub bya'i lus kyi mgo bo la sogs pa la dgod de/ sbrul gyi kha dang 'dra ba lcags kyu'i rnam pa des yan lag thams cad kyi tshigs rnams kyi khrag dgug cing thod pa de nyid la bzhag ste/bdag nyid btung bar byed par bsams na de'i tshe gdug pa'i lus kyi khrag med par 'gyur ro zhes dang po sbyor ba dang dkyil 'khor rgyal ba mchog dang las kyi rgyal ba mchog rnams so/ / de nas zhes bya ba la sogs pas za ba'i rnam par dag pa bshad par bya ste/ bza' ba dang btung ba la sogs pa spro ba dang bcas pa'i spyod pas 'grub pa dang spros pa med pa'i spyod pa'i sgo nas ci snyed pa dang / shin tu spros pa med pa'i spyod pas nags tshal gyi lha mo rnams kyis byin pa de thams cad sbyang ba la sogs pa'i rim gyis bdud rtsi ru byas nas spyad par bya ste las kyi rgyal ba mchog go//de nyid nang gi sbyin sreg gi cho ga yin te/ lha mo bzhis yongs su zhus pa las 'di skad du/ dkyil 'khor rnams ni bshad zin pas/ /sbyin sreg las ni mnyan par gyis/ / phyi dang nang gi dbye ba yis/ /sbyin sreg rnam pa gnyis su bshad/ /phyi rol gyi ni sngar bshad zin/ /nang gi bdag nyid nyan par gyis/ /pad+ma bzhi po'i kha sbyor ni/ /lus kyi nang du rnam par gnas/ /me nyid dang ni rlung nyid dang / /dbang chen dang ni de nyid chu/ /rlung gis me ni spar ba dang //chus ni yongs su smin par byed/ /dbang chen dkyil 'khor gnas su ni/ /gang du khyab bdag rab tu spyod/ /bza' ba btung ba gang yang rung / /de kun des ni 'dzin par byed/ /kha yi pad+mas bza' ba dang / /snying gi pad+mar zhugs par 'gyur/ /lte ba'i pad+mar gnas pa ni//kha sbyor rnam pa'i sbyor ba yis/ /gsang ba'i pad+ma las byung ba'i/ /mthar ni thal ba brtan par bya/ /rtag tu nyin re bya ba ni/ /de nyid bdag gis rab tu bshad/ /thams cad za zhing spyod byed na/ /tshe 'di nyid du 'grub par 'gyur/ /rgas pa ma yin skra dkar min/ /'chi ba ma yin nad rnams min//dus min 'chi ba ma yin dang / /'tshe ba thams cad 'jigs par 'gyur/ /zhes 'byung ngo / /de nas zhes bya ba la sogs pas spros pa dang bcas pa'i rnal 'byor pas mchod pa bstan par bya ste/ de bzhin gshegs pa thams cad kyi sku gsung thugs ni sngags kyi byin gyis brlabs pa'i mchod pa de gsungs so//mchod pa thams cad ni gzugs rdo rje ma la sogs pa'i rang bzhin rnam pa thams cad kyis brgyan pa las dang dam tshig gi phyag rgya rnams te/ de dag bsdu zhing lha khang sum brtsegs la mchod pa'i spyod pa ste sgrub pa'o//de nyid las gsungs pa/ sbyin sreg las ni bshad zin dang / /mchod pa'i las ni mnyen par gyis/ /dri dang me tog gos dang ni/ /spos dang dri dang lha bshos dang / /dbang po gnyis kyi sbyor ba yis/ /rang gi bdag nyid mchod par bya/ /bdag nyid sangs rgyas thams cad nyid//de yang sras kyang thams cad de/ /de phyir pad+ma thams cad kyis/ /rang gi bdag nyid mchod par bya/ /bsgom pa la sogs rnal 'byor pas/ /gang zhig las ni byed pa ste/ /bza' ba btung ba gos rnams dang / /dri dang phreng ba de bzhin no/ /rig pa'i gnas kyis rnam brgyan pa//ngo bo dam pa bsgom par bya/ /zhes 'byung ngo / /de nas zhes bya ba la sogs pa la spros pa med pa'i spyod pa dang ldan pa'i mchod pa bshad par bya ste/ de bzhin gshegs pa thams cad ni spros pa med pa'i rnal 'byor pa rnams so/ /de rnams kyi sku dang gsung dang thugs ni rang dang gzhan gyi 'brel pa dang ldan pa'i mchod pa'i gsang ba ni bdag gi mchod pa gsungs so//mi bskyod pa la sogs pa'i rnal 'byor pa rnams kyis sme sha can dang khrus mkhan dang gar mkhan gyi bu mo rnams 'du byas pa ji snyed pa'i zas kyis tshim zhing sbyor ba las byung ba'i shu kra'i thig les mchod par bya ba dang /sogs pa'i sgras ni bdud rtsi lnga btung ba dang / gzhan ni sangs rgyas rnams kyang de bzhin du mchod par byas na mchod pa po byang chub rdo rje 'chang chen po'i go 'phang thob par 'gyur te sgrub pa'o/ /de nas zhes bya ba la sogs pas shin tu spros pa med pa'i spyod pa dang ldan pa'i mchod pa bshad pa bya ste/de bzhin gshegs pa thams cad ni bsam gtan gyi bza' ba can gyi rnal 'byor pa rnams so/ /de rnams kyi sku gsung thugs kyi sdom pa ni sku la sogs pa'i dam tshig ste/ sku la sogs pa las phyung ngo //sems can gyi khams ni mtha' yas pa'i khams gsum gyi ma ni shes rab kyi pha rol tu phyin pa ye shes kyi phyag rgya'i rang bzhin gyi lha mo de nyid dam tshig 'dzin pa ste/ bla na med pa'i mngon par byang chub pa ster ba phyi rol gyi zas la ma ltos pa'i rnal 'byor pas rdo rje gsum gyi dam tshig ni sku gsum gyi spyad par bya ba bsten par bya ba de ni dam tshig ste/mchod pa'i rim pa'i rmad byung che ste/ ngo mtshar du gyur cing dngos grub ster ba yin zhes sgrub pa'o/ /rdzogs pa'i rim pa'i rnal 'byor pa'i mchod pa'i rim pa bshad par bya ste/lus la sogs pa'i longs spyod ni yul dang dbang po bsdus pa las byung ba sems kyi dga' ba gang yin pa de dag gsang ba gsum gnas ni de bzhin gshegs pa lnga gcig tu byas pa las 'byung ba bsam par bya'o/ /bdag rnal 'byor pa bzang po ste yul dang dbang po nye bar spyod pa'i sgo nas rdo rje 'chang nyid bsgrub par bya ba ni thob par bya'o zhes sems la bzhag cing gang gi tshe spyod na de'i tshe 'jig pa ni tha mal pa'i rnam par rtog pa zad par 'gyur ro zhes rnal 'byor ro//rnal 'byor pa thams cad kyi thun mong tshim pa'i cho ga bshad par bya ste/spyi bo nas mtho gang tsam gyi steng du cha bcu drug yongs su gyur pa las zla ba'i dkyil 'khor yi ge oM bkod cing phung po lnga la bdud rtsi phab na de'i tshe gzi brjid dang kha dog dang lus la sogs pa'i bde ba dang ldan par gyur te/ las kyi rgyal ba mchog go/ /yang na rig ma'i pad+ma'i nang du lte ba nas brtsams te/mtho gang tsam gyis spags te lte ba gang yin pa de'i spyi bor ni steng du zla ba'i dkyil 'khor byang chub kyi sems brtag pa ni gnas so/ /zla ba'i dkyil 'khor de oM gyi ngo bor mos te/ rtsa lnga dbab pa ni gzhib par bya'o/ /de ltar na gzi brjid ces bya ba la sogs pa ni sa la sogs pa snga ma bzhin te sgrub pa'o//rdzogs pa'i rim pa'i rnal 'byor pa rnams kyi spyod pa bshad par bya ste/ sngags 'dzin pa thams cad ni rdzogs pa'i rim pa'i rnal 'byor pa'i lus la sogs pa'i gsang ba ni lus la sogs pa'i spyod pa de gsungs so//mchod rten gyi las ni sa la sogs pa las byas pa'i sAts+tsha ste/ de mi bya ste bdag byin gyis brlab pa'i rim gyis dkyil 'khor yang dang yang spro zhing sangs rgyas kyi zhing thams cad skad cig ma gcig gis byas pa'i phyir ro/ /'ba' zhig tu ngag ngal bar byed pa glegs bam bklag par mi bya ste/ma ning gi bzlas pa nyid kyis sngags kyi dbye ba bdun khri nyis stong gi de kho na nyid rtogs pas so/ /ba byung la sogs pas kyang dkyil 'khor mi bya ste/ dkyil 'khor bzhi gnas pa de bzhin gshegs pa kun gyis byin gyis brlab pa'i phyir ro//rdo rje gsum la phyag mi bya ni sems rnam par dag pa'i rim pas mar la mar bzhugs pa bzhin du rdo rje 'chang gi de'i bka' nyid la zhugs pa'i phyogs yod pa'i phyir ro/ /sems can gyi don du de byed na skyon med pa dang bskyed pa'i rim pa'i rnal 'byor pa rnams la gnang ngo zhes khyad par ro//de ni bdag byin gyis brlab pa dang / sems rnam par dag pa dang / rdo rje'i bzlas pa'i rim pa rnams so/ /de nas zhes bya ba la sogs pa la/ dug thams cad ni brtan pa dang g.yo ba'i dug rnams te/ de rnams 'byin pa dang sel ba dang gnon pa ni de nyid du bzhag pa dang /'dren pa ni gnas gzhan las gzhan du spo ba nyid kyi sku la sogs pa las phyung ngo / /bsgrub bya'i snying ga'i dbus su 'khor lo la zla ba'i dkyil 'khor gyi steng du dgod pa 'od zer dkar po 'bar ba'i phreng ba can yi ge hUM bsams te/ de gyen du 'dren pa'i tshe dug dgug pa ni bsgoms na nad pa de dug skyug par 'gyur ro//de bzhin du rkang gi bu gar dbang chen gyi dkyil 'khor rdo rje ra bas bskor zhing 'od zer ser pos 'khrigs pa ni khyab par bsams na de'i tshe dug rengs par 'gyur te / de bzhin du le'u bco lnga pa las gsungs pa'i rim gyis du ba dang 'dra ba'i 'od zer gyis dug bkug la gdug pa'i lus la zhugs par bya'o//yi ge AHyang snying gar dgod par bya ste/ ser po lta bu ni ser nag bsgom par bya ste/ dug spong ba'o/ /de nyid bshad par bya ste/ rdor gsum 'od zer dam tshig gis/ /zhes bya ba la sogs pa la/kha dog gsum dang yi ge gsum gyis gsang ba ni dug sel ba la sogs pa 'byung ba shes par bya ste bskyed pa'i rim pa'o/ /da ni bsrung ba'i 'khor lo bshad par bya ste/ de nas zhes bya ba la sogs pa la lus ngag sems ni bsgrub bya rnams kyi lus la sogs pa bsrung bar bya ba'i phyir 'khor lo'i nang du bris pa'i sngags gsungs pa ste/oM hu lu hu lu zhes bya ba la sogs pa la/ sngags 'di nyid sna tshogs rdo rje'i nang du gur gum dang gi wang gis bris pa'i rtsibs brgyad pa'i 'khor lo bkra shis pa'i zhag la yi ge hri dgod cing /hu lu hu lu la sogs pa'i sngags kyi yi ge rnams kyis bskor te/ za ma tog la sogs par bzhag cing mchod de bsgrub bya'i dpung pa la bcing bar bya'o/ /'di ni sngags thams cad kyi bsgrub bya rnams te/ de dag gi gsang ba gsum ni lus te/ de'i skyon sel bas zhi ba la sogs pa bsdus pa'i phyir bsdus pa yin no//'dir ni dgongs pa 'di yin te/ rtsibs bcu gnyis pa'i sna tshogs pa'i rdo rje'i lte ba'i dbus su rtsibs brgyad pa'i 'khor lo bris te/ 'khor lo dbus ma'i rtsibs la yi ge haM dgod cing de'i rjes la dzin dzi ka ces bya ba'i sngags kyis bsgrub bya'i ming bris la 'khor lo'i shar la sogs pa'i rtsibs rnams la mi bskyod pa la sogs pa'i sngags rnams dgod cing /grwa rnams la lha mo spyan la sogs pa'i sngags rnams dgod de/ shar la sogs pa'i rtsibs kyi gnas rnams la cung zad rgyab tu gshin rje gshed la sogs pa'i khro bo bzhi po'i phyung ba'i sngags rnams dgod cing /phyi rol du hu lu hu lu la sogs pas bskor bar bya'o/ /la la na re dbus su bsgrub bya'i ming dang spel ba'i yi ge haM dang / rtsibs rnams la hu lu hu lu la sogs pa bri bar bya'o zhes zer ro/ /de nas zhes bya ba la sogs pa la rdo rje mig sman gyi cho ga bshad par bya ste/lam gyi bzhi mdo zhes bya ba la sogs pa'i gnas rnams rab tu grags pa'o/ /tshil chen po zhes bya ba la sogs pa la/ pad+ma dang arga'i skud pa bu mos bkal ba'i sdong bu byas la/ de nyid bdud rtsi lngas gsher zhing mar ngo'i tshes brgyad pa'am bcu bzhi pa la gshin rje gshed la sogs pa las gang yang rung ba'i khro bo'i sku 'dzin cing tshil chen po'i mes spar zhing khro bo'i sngags kyis thod par brgya rtsa brgyad du bzlas te/gcer bu dang skra dkrol bas phyogs bcing zhing rgun chang gis ra ro ba'i rnal 'byor pas thod pa'i sgyed pu gsum la mig sman de 'bab par bya'o//de nas de blangs te drod 'bab pa dang / du ba 'byung ba dang 'bab par gyur pa ste/ mtshan ma mtshon par bya'o/ /de'i 'og tu za ma tog la sogs pa'i nang du khro bo'i sngags kyis mchod cing blangs te/ mig gnyis la bskus nas dngos grub rnam pa gsum ni mkha' la spyod pa'i dngos grub ni 'khor lo'i rig pa 'dzin pa la sogs dang /sa spyod kyi dngos grub ni dbang dang dgug pa la sogs pa dang / sa 'og na spyod pa la sogs pa'i dngos grub ni sa 'og tu zhugs pas lha ma yin gyi bu mo la sogs pa nye bar spyod pa ste/de rnams 'grub par 'gyur ro/ /kun du bzang po ni dngos grub thams cad kyi bde ba stsol ba'i rdo rje 'chang chen pos de skad gsungs so zhes pa dang sbyar te bskyed pa'i rim pa'o/ /de nas zhes bya ba la sogs pas dpal gsang ba 'dus ba'i rgyud la zhugs pa'i byin gyis brlabs pa sangs rgyas rnams kyis zhus pa ste/kye bcom ldan 'das rdo rje 'chang chen po gsang ba'i yi ge du zhes pa ni de bzhin gshegs pa thams cad kyi gsang ba 'dus pa la zhugs pa'i byang chub sems dpa' de rnams byin gyis brlab par 'gyur/ gang gis dpal gsang ba 'dus pa 'di la dad pa ni dad pa sngon du 'gro ba thos pa dang bsam pa de bzhin du sgom pa ni mngon du byed pa'o//de nas zhes bya ba la sogs pa la bcom ldan 'das kyis bka' stsal pa/ bcom ldan 'das zhes bya ba la sogs pa la/ gsang ba'i yi ge gsum ni de bzhin gshegs pa rnams kyis byin gyis brlab pa'o//de rnams kyis gsol pa/ gsum po gang zhig lags/ bcom ldan 'das kyis bka' stsal pa/ de bzhin gshegs pa zhes bya ba la sogs pa la/ sku rdo rje la sogs pa rnams kyis so sor ni dgongs pa 'di yin te/ thos pa'i dus su rnam par snang mdzad dang /bsam pa'i dus su snang ba mtha' yas dang / bsgom pa'i dus su mi bskyod pa dang / ji srid bsgom pa rdzogs pa'i dus su rnal 'byor pa de de bzhin gshegs pa thams cad kyi sku gsung thugs kyi bdag nyid kyi rdo rje 'chang chen por 'gyur ro zhes ston te bskyed pa'i rim pa'o//yang na rdo rje'i bzlas pa'i sgom pas gsung rdo rje dang sems rnam par dag pa dang / mngon par byang chub pa'i sgom pas thugs rdo rje dang / bdag la byin gyis brlab pa dang / zung 'jug sgom pas sku rdo rje byin gyis brlab par 'gyur te/rdo rje bzlas pa sems rnam par dag pa dang / mngon par byang chub pa dang / bdag la byin gyis brlab pa dang / zung 'jug gi rim pa rnams so/ /yang na rang bzhin dang rgyu'i sgom pas sku rdo rje dang / lam sgom pas gsung rdo rje dang / 'bras bu sgom pas thugs rdo rjes brlab par 'gyur ro//so sor sdud pa dang bsam gtan dang 'dzin pa'i sgom pas thugs rdo rje dang / srog dang rtsol ba'i sgom pas gsung rdo rje dang / ting nge 'dzin dang rjes su dran pa'i sgom pas sku rdo rje byin gyis brlab par 'gyur ro/ /phra mo rnal 'byor gyi thig le sgom pas thugs rdo rje dang /dang po sbyor ba dang dkyil 'khor rgyal ba mchog gi sgom pas sku rdo rje dang / las rgyal ba mchog gi sgom pas gsung rdo rje byin gyis brlab par 'gyur te tshig gi don bcu drug go/ /de nas zhes bya la sogs pas dad pa'i dbang gis bcom ldan 'das la phyag 'tshal nas/de bzhin gshegs pa dang / byang chub sems dpa' rnams cang mi gsung bar 'gyur ro/ /de nas zhes bya ba la sogs pas rgyud kyi bdag nyid che ba bstan pa'i phyir de bzhin gshegs pa dang byang chub sems dpa' de rnams dgug cing rdo rje 'chang gis bka' stsal pa ste/bcom ldan 'das zhes bya ba la sogs pa la/ kye bcom ldan 'das sangs rgyas dang byang chub sems dpa' rnams 'khor ba'i 'khor lo la thog ma med pa'i phyir bskal pa ni bskal ba bzang po la sogs pa ste/ sangs rgyas kyi zhing rdul phra rab dang mnyam pa zhes bya bas bskal pa de rnams kyi grangs med pa bstan pa yin no//brjod kyis mi lang ba zhes bya ba la sogs pa snga ma bzhin no/ /de la thig le bcu drug ni bskal pa grangs med pa'o zhes chos 'don pa rnams zer ro/ /la la na re rgas pa dang 'chi ba med pa'i skyes bus mi zad pa'i gos kyis ri rab kyi rgyal po 'dar ba ste/de nyid du ji tsam gyis zad par gyur pa ni bskal pa yin no zhes zer ro/ /de dang 'dra ba'i skyes bus rgya mtsho'i 'gram du 'dug la khab kyi rtse mos chu'i thig le re re 'gram du gtor ba de ni dus ji srid kyis zad par gyur pa de ni bskal pa yin te mdo sde pa rnams so//se gol gtogs pa ni skad cig ma'o/ /skad cig ma drug ni thang cig go/ /thang cig drug ni yud tsam mo/ /yud tsam drug ni mig btsums pa'o/ /mig btsums pa drug ni thal mo sbyar ba'o/ /thal mo sbyar ba drug ni dbugs so/ /dbugs drug ni cha'o/ /cha drug cu ni tsha sha ka'o//tsha sha ka drug cu ni chu tshod do/ /chu tshod drug cu ni nyin mo dang mtshan mo'o/ /de rnams sum cu ni zla ba gcig /de rnams bcu gnyis ni mi'i lo gcig ste/ de nyid rgyal po chen po bzhi'i zhag gcig yin no/ /de'i grangs kyi lo gcig ni sum cu rtsa gsum pa'i zhag gcig go/ /de'i lo gcig ni 'thab bral ba rnams kyi zhag gcig go//de'i lo gcig ni dga' ldan pa rnams kyi zhag gcig go/ /de'i lo gcig la 'phrul dga' ba rnams kyi zhag gcig go/ /de'i lo gcig ni gzhan 'phrul dbang byed pa rnams kyi zhag gcig go/ /de'i grangs kyi lo gcig ni gzugs kyi khams kyi zhag gcig go//de'i grangs kyi lo gcig ni gzugs med pa'i khams kyi zhag gcig go/ /de'i lo gcig ni bcom ldan 'das yang dag par rdzogs pa'i sangs rgyas kyi zhag gcig go/ /de'i grangs kyi lo 'bum phrag nyi shu ni rdzogs ldan no/ /lo 'bum phrag bco lnga ni sum ldan no//'bum phrag bcu ni gnyis ldan no/ /'bum phrag lnga ni rtsod ldan no / /de rnams nyid bskal ba bzhi yin te/ de lta bu'i tshad dang ldan pa sangs rgyas kyi zhing gi rdul rab tu phra ba dang mnyam pa'i bskal ba rnams zad par 'gyur te/ ji srid bskal pa re re bcom ldan 'das mngon par rdzogs pa'i sangs rgyas de bzhin gshegs pa rnams kyis chos ston pa dang 'gro ba'i don mdzad nas yongs su mya ngan las 'das pa ste/de rnams kyi grangs ldan par mi 'gyur ro/ /de nas dus phyi ma'i lnga brgya'i bskal pa dang po la de bzhin gshegs pa mar me mdzad byung ba ste/bcom ldan 'das de nyid kyi sems can sa ya phrag bcu mngon par byang chub pa thob par mdzad cing yongs su mya ngan las 'das pa'o/ /de'i rjes la rnam par gzigs zhes bya ba'i sangs rgyas de gau ta ma'i rigs te rgyal rigs so//de'i grong khyer ni skya rengs ldan ma dang / yab ni skya rengs can dang / yum ni 'od ldan ma dang / zhabs 'bring ba mya ngan med pa'o/ /bcom ldan 'das de kun du sdong bu can zhes bya ba'i sA la'i shing gi rgyal po'i drung du sangs rgyas so/ de la tshogs pa bzhi yod pa ste/dang po drug khri mngon par sangs rgyas pa dang / gnyis pa la bdun khri dang / gsum pa la brgyad khri dang / bzhi pa la 'bum dang khri mngon par sangs rgyas so/ /bsdus na 'bum phrag gsum dang nyi khri'o/ /de'i 'og tu bskal pa sum cu pa la de rnams dang lhan cig yongs su mya ngan las 'das so//dus de la mi'i tshe tshad ni brgyad khri'o/ /lo ma'i pany+tsi ka de rnams kyi bgo ba yin no/ /de'i 'og tu gtsug tor can zhes bya ba sangs rgyas te/ gau ta ma'i rigs te rgyal rigs so/ /de'i grong khyer ni gnyen can dang / yab ni gnyen ldan dang yum ni nor gyi blo gros ma dang /zhabs 'bring ba ni bde byed de/ pa ta la'i shing gi drung du mngon par sangs rgyas so/ /snga ma bzhin du 'bum phrag gsum dang khri mngon par sangs rgyas par mdzad do/ /mi'i tshe'i tshad ni de bzhin no/ /de'i 'og tu dus 'das pa la gtsug tor can de chags pa dang bral ba rnams dang lhan cig tu yongs su mya ngan las 'das so//de'i 'og tu thams cad skyob ces bya ba'i sangs rgyas de gau ta ma'i rigs te rgyal rigs so/ /de'i yab ni legs par rtogs pa zhes bya/ yum ni grags can ma dang / grong khyer ni skya rengs can dang /zhabs 'bring ba ni zhi ba zhes bya ste/ puN+Da rI ki'i shing gi drung du mngon par sangs rgyas so/ /de la tshogs pa stong phrag drug cu rtsa gcig mngon par sangs rgyas so/ /de'i tshe'i tshad ni drug khri'o/ /de dang bcas te dus gcig tu mya ngan las 'das so/ /de nas log par dad sel zhes bya ba'i sangs rgyas byung ba de ni bram ze'i rigs te/de'i yab ni me bzhin zhes bya ba dang / yum ni dkar mo zhes bya ba dang / de'i grong khyer bde byed ces bya ba dang / zhabs 'bring ba ni thigs pa'i ros 'tsho ba ste/ shi ri sha'i shing gi drung du mngon par sangs rgyas so//de'i tshogs pa dge slong brgyad khri mngon par sangs rgyas so/ /de nas gser thub ces bya ba sangs rgyas te/ gau ta ma'i rigs te rgyal rigs so/ /de'i yab mchod sbyin dang / yum ni bla ma dang / zhabs 'bring ba ni yid gnyis bral ba ste / u dum+WA ra'i shing gi drung du mngon par sangs rgyas so//gcig tu tshogs pas nyan thos pa bzhi khri mngon par sangs rgyas so/ /mi rnams kyi tshe'i tshad ni lo bzhi khri ste/ de rnams dang lhan cig tu mya ngan las 'das so/ /de nas 'od srungs zhes bya ba'i sangs rgyas te/ ka sh+ya pa'i rigs te bram ze'i rigs so/ /de'i grong khyer ni wA rA Na sI dang /yab ni tshangs pa'i grags pa dang / yum ni nor rgyal ma/ zhabs 'bring ba ni kun gyi bshes gnyen te/ shing n+ya gro d+ha'i drung du mngon par sangs rgyas so/ /gcig tu tshogs pas nyan thos pa nyi khri yang dag par sangs rgyas so/ /sangs rgyas de ni de rnams dang lhan cig tu 'das pa'i dus la yongs su mya ngan las 'das so//phyi ma'i dus kyi phyi ma'i tshe lo lnga brgya la khyud mo lcags ri nas khyud mo lcags ri'i bar du rdzu 'phrul dang dam pa'i chos nub pas bskal pa du ma'i bar du sangs rgyas med par 'gyur ro/ /de'i tshe bskal pa bzang po 'di la shAkya thub pa zhes bya ba'i de bzhin gshegs pa byung ngo //rgyal rigs dang / de'i grong khyer ni ser skya zhes bya ba dang / yab ni zas gtsang dang / yum ni sgyu ma chen mo dang / zhabs 'bring ba ni kun dga' bo ste/ shing a shwad+tha'i drung du dge slong stong sum brgya lnga bcu dang lhan cig tu mngon par rdzogs par sangs rgyas so//de'i dus su mi'i tshe'i tshad ni lo brgya 'phel 'grib bam cung zad kyang ma yin no/ /de bzhin gshegs pa de yongs su mya ngan las 'das te/ de'i 'og tu byams pa 'tshang rgya bar 'gyur ro/ /yang dag par rdzogs pa'i sangs rgyas de rnams sangs rgyas te mya ngan las 'das so//gang zhig 'od srungs zhes bya ba drug pa bskal pa 'di las sngon du mngon par sangs rgyas te/ de'i dus su yang dpal gsang ba 'dus pa'i rgyud 'di ma bshad pa'o/ /de ci'i phyir zhe na/ bcom ldan 'das zhes bya ba la sogs pa la/gang gi phyir dus de la sems can rnams sbyin pa dang tshul khrims la sogs pa la rtsol ba dang ldan pa'i phyir chags pa dang bral ba'i lam la brten nas/ mgo bo la sogs pa sbyin pa la chags pa ste/ pha rol tu phyin pa'i lam la brten nas 'jug pas dpal gsang ba 'dus pa'i man ngag sgom pa'i snod ma yin pa ste/rigs ma yin pa'i phyir ro/ /de'i phyir bskal pa grangs med pa gsum gyis de rnams kyis byang chub thob par gyur pa ste/ de'i phyir dus de la gsang ba 'dus pa'i rgyud 'di ma bstan to/ /ji skad du/ dge slong dngos por gang gnas dang //rtog ge la dga'i mi gang rnams/ /rgas pa'i dngos por gang gnas te/ /de la de nyid brten mi bya/ /zhes bya ba dang / nyan thos mang du zhag bdun gnas/ zhes bya ba la sogs pa rtsa ba'i ltung ba'i rgyur gsungs pa ste/ de'i dus sngags kyi tshul bstan pa ma yin no//bcom ldan 'das zhes bya ba la sogs pa la/ bcom ldan 'das de bzhin gshegs pa zhes bya ba ni bod pa'i tshig go/ /rtsod ldan gyi dus 'di 'dod chags la sogs pa'i nyon mongs pas 'khrugs pas sems kyi rgyud yin na'ang 'on kyang rna bar zhugs pa'i chu chu gzhan gyis sel ba'i rigs pa bzhin du 'dod chags la sogs pa kho na'i thabs rnams kyis 'dod chags la sogs pa sel bar gyur te zhes bya ba'i rigs pa la brten cing skad cig dang /thang cig dang / yud tsam gyis byang chub ni rdo rje 'chang chen po thos par 'gyur ro / / sngags kyi theg pa chen po'i rigs dang ldan pa'i phyir ro/ /sngar bshad pa rnams la khyad par bshad par bya ste/ gang+gA'i bye ma zhes bya ba la sogs pa la dang po'i bskal pa las byung ba la gang zhig nyan thos la sogs pa la mos pa dang ldan pa rnams chu bo gang+gA'i bye ma dang 'dra ba mtha' yas pa'i bskal pa rnams kyis 'bad pa ni thos pa dang bsam pa dag gis so//brtsal ba'i bsgom pa ste/ byang chub ni yang dag par rdzogs pa'i byang chub sems dpa' de rnams kyis thob par mi 'gyur te/ nyan thos pa rnams ni thabs med pa dang byang chub sems dpa' de rnams ni thabs mi mkhas pa'i phyir ro//dper na mi sdug pa'i sgom pas thog ma nas ma skyes pa'i de kho na nyid thob par mi 'gyur ba'i phyir dang / nyon mongs pa spangs na yang de rnams kyi gang zag bdag med pa 'grub par 'gyur ba yin gyi/ chos bdag med pa ni ma yin no/ /de'i phyir nyan thos de rnams la thabs med cing thabs las byung ba yang med pa'o//byang chub sems dpa' rnams la gang zag dang chos bdag med pa kho na nyid bstan na yang de rnams thabs la mi mkhas pa'o/ /dper na de rnams ni sems can gcig gi phyir rang gi lus byin te/ sbyin pa'i pha rol tu phyin pa rdzogs par bgyi'o zhes rtogs pa ste/de yang pha rol tu phyin par ma gyur te/ phyogs gcig pa yin pa'i phyir ro/ /de bas na yang bskyed cing de bzhin du spyod pa ste/ bskal pa grangs med pa gsum gyis byang chub thog par gyur pa ste/ de pas na de rnams thabs la mi mkhas pa yin no//de bzhin du tshul khrims kyi pha rol tu phyin pa la sogs pa yang sbyar bar bya'o/ /sngags kyi theg pa chen po'i spyod pa la 'jug pa'i byang chub sems dpa' rnams ni dang por sbyor ba la sogs pa'i ting nge 'dzin gsum gyis rigs brgya'i dbye bas lus rnam par dben par byed pa dang /rdo rje bzlas pa'i rim pas ngag rnam par dben pa dang / sems rnam par dag pa'i rim pas sems rnam par dben pa dang / bdag la byin gyis brlab pa'i rim pas kun rdzob kyi bden pa rnam par dag pa dang / mngon par byang chub pa'i rim pas don dam pa'i bden pa rnam par dag pa mngon du byas la tshe 'di nyid de mthong ba'i chos la/gsang ba 'dus pa la dga' ba ni dpal gsang ba 'dus pa'i man ngag sgom pa'i byang chub sems dpa' ni sngags pa rnams 'dod chags kyis 'dod chags spang la/ de bzhin gshegs pa rnams ni de bzhin gshegs pa lnga nyid dang /sangs rgyas ni rdo rje sems dpa' nyid de/ de zhes bya ba'i grangs ni de'i go 'phang ste / dbus su byung ba nyid mngon du byed pa yin no/ /de nas 'das pa'i bskal pa rnams la ma bstan pa dang / byams pas dbang mdzad pa'i ma 'ongs pa'i bskal pa la yang bstan par mi 'gyur te/shin tu dka' ba nyid bstan pa yin no/ /de bas na rang gi skyon rnams spangs te/ dge ba'i bshes gnyen la bsnyen bkur byas shing de kho na nyid rtogs par bya'o/ /ji skad du/ skyon gyi ngo bos rang skyon rnams ni mi shes dang / /yon tan rnams kyang log cing nga rgyal gyis yon tan//dge ba'i bshes gnyen rnams la gang gis smod byed pa/ des ni de nyid ji ltar mngon du mthong bar 'gyur/ /zhes 'byung ste/ tshig gi don bcu drug go/ /de nas zhes bya ba la sogs pa la/ bcom ldan 'das kyi gsung thos nas byams pa la sogs pas dus so//de rnams la gzigs nas mi bskyod pa la sogs pas bka' stsal pa ste/ ma ngu shig ces bya'o/ /byang chub sems dpa' rnams kyis yang gsol ba/ bcom ldan 'das zhes bya ba la sogs pa la/ bcom ldan 'das de bzhin gshegs pa thams cad ces bya ba ni bod pa'o//ji ltar mi ngu bar bgyi zhes pa ni rab tu ngu bar bgyi ba'o zhes ston to/ /de bzhin du sdug bsngal gsum ni lus la sogs pa'i sdug bsngal ji ltar mi sgom par bgyis na 'chang par bgyi'o zhes ston to/ /de ci'i phyir zhe na/ bcom ldan 'das zhes bya ba la sogs pa la gang gi phyir ded rnams sngar bshad pa'i rigs pas gsang ba'i yi ge gsum ni dpal gsang ba 'dus pa'i skal ba bye ma mchis pa ni rigs pa ma yin pa'i phyir ro//de yang lan cig bzhag ste/ ji srid ming tsam yang thos pa'i snod nged rnams ma yin no zhes bya ba gang zhig bcom ldan 'das kyis gsungs pa de ni nged rnams kyis thos pa ma thos pa bzhin dang /bsams pa ma bsams pa bzhin dang / bsgoms pa ma bsgoms pa bzhin dang / ji srid thams cad byas pa ma byas pa dang 'dra bar 'gyur ro/ /de bzhin gshegs pa rnams kyis bka' stsal pa/ de skad ma zer cig ces bya ba la sogs pa la/gsang ba'i yi ge gsum gyis zhes bya ba la/ gsang ba gsum ni sku gsung thugs te/ de rnams kyi yi ge ni stong pa nyid de/ dang po sbyor ba'o/ /de'i 'og tu lha'i sku rdzogs par bya ba'i phyir yi ge gsum gsang ba gsum gyi yi ge ste/ dkyil 'khor rgyal ba mchog go//sku la sogs pa gsum po byin gyis brlab pa'i phyir yi ge gsum gsum dgod pa ni gsang ba gsum gyi yi ge ste las rgyal ba mchog go/ /rtsa ba gsum ni gsang ba gsum ste/ de nyid las yi ge'i rang bzhin gyi sems can gyi khams 'byung ba ste/ bskyed pa'i rim pa'o//gsang ba gsum ni sna gsum gyi rtse mor yi ge phra ba'i thig le bsgom pa ste rdzogs pa'i rim pa'o/ /'jug pa la sogs pa gsum po ni gsang ba gsum po ste/ de thos pa'i yi ge ni 'od gsal ba ste/ rdo rje bzlas pa'i rim pa'o/ /ye shes gsum po sbyang bar byed pa'i yi ge ni gsang ba gsum gyi yi ge ste/sems rnam par dag pa'i rim pa'o/ /chos dang longs spyod rdzogs pa dang sprul pa dag nyid kyi sgyu ma'i sku blang ba gsang ba gsum gyi yi ge ste/ bdag la byin gyis brlab pa'i rim pa'o/ /'dod chags dang 'dod chags dang bral ba dang /'dod chags bar ma gsum po bzhi pas sbyar bar bya ba'am 'dres pa gsang ba gsum gyi yi ge ste mngon par byang chub pa'i rim pa'o/ /khams gsum pa'i mnyam pa nyid kyis mi gnas pa'i mya ngan las 'das pa'i rang bzhin gyi rdo rje 'chang chen po'i sku gsang ba gsum gyi yi ge ste zung 'jug gi rim pa'o//gsang ba gsum gyi yi ge byin gyis brlabs shing shin tu 'dus byas pa'i shes rab dang thabs gsang ba gsum gyi yi ge ste rang bzhin no/ /sku gsung thugs gcig tu byed pa'i rdo rje dang pad+ma gsang ba gsum ste/ de dag gi yi ge ni rdo rje skyil mo krung ste rgyu'o/ / yi ge gsum gyi byin gyis brlabs pa de dag nyid bskyed pa gsang ba gsum gyi yi ge ste las so/ /'dod chags la sogs pa gsum po'i rnam par rtog pa'i gsang ba gsum ni mi dmigs par mi 'gyur ba gsang ba gsum gyi yi ge ste 'bras bu'o/ /dman pa dang bar ma dang gya nom pa'i gzugs la sogs pa'i yul nye bar spyod pa'i gsang ba gsum gyi yi ge ste so sor sdud pa'o//gsang ba gsum gyis bdag nyid kyi de bzhin gshegs pa rnams kyis de rnams mos pa gsang ba gsum gyi yi ge ste bsam gtan no/ /khams gsum pa'i bdag nyid kyi yungs kar gyi 'bras bu'i tshad tsam gyi thig le steng dang 'og tu 'gro ba dang 'ong ba la sbyor ba gsang ba gsum gyi yi ge ste srog dang rtsol ba'o//srog dang thur du sel ba dang me dang mnyam pa rnams thig le'i rang bzhin du pad+ma'i lte bar 'dzin pa gsang ba gsum gyi yi ge ste 'dzin pa'o//rigs kyi bdag nyid kyi de bzhin gshegs pa rnams spros pa gsang ba gsum gyi yi ge ste rjes su dran pa'o/ /sku gsum gyi bdag nyid kyi rdo rje 'chang chen po'i gzugs rdzogs pa gsang ba gsum gyi yi ge ste ting nge 'dzin te de ltar rnal 'byor ro/ /sku gsung thugs kyi dam tshig bsrung ba gsang ba gsum gyi yi ge'o//yi ge gsum gyis sbyang ba'i bdud rtsi lnga bza' ba gsang ba gsum gyi yi ge ste sgrub pa'o/ /de ltar na tshig gi don bcu drug go/ /byang chub sems dpa' rnams kyis chos nyid rtogs par bya ba'i phyir de bzhin gshegs pa rnams kyis bka' stsal pa/kye rigs kyi bu rnams bcom ldan 'das rdo rje 'chang chen po'i bstan pa ni shin tu zab pa ste/ dper na gsang ba'i yi ge ni de kho na nyid ji ltar khyed rnams kyis ma thos pa dang / mi shes pa ni thos pa dang bsam pa dang bsgom pa'i rnam par rtog pa rnams kyis rnam par rtog pa'i spyod yul du dpyod par ma gyur pa ste/'on kyang rang gi ngang gis bcom ldan 'das la mar me bzhin du brjod pa kun rdzob kyi mngon du byas pa bzhin du de rnams kyis kyang / gsang ba'i yi ge ni de kho na nyid de de nyid ma thob pa ni rnam par rtog pa dang bcas pa'i dngos pos thos pa ma yin no//de bzhin nyid du nyan thos la sogs pa'i byang chub bzhin du dus yun ring dang bag chags dang bcas pas mngon par sangs rgyas pa ni mngon du byed pa ma yin no / /'on kyang rnam par rtog pa dang bcas pa'i dpe'i bde ba spangs la/rnam par rtog pa dang bral ba dang / 'dod chags la sogs pa med pa dang / sa bcu gnyis pa la gzhag par byed pa'i dpe las byung ba'i de kho na nyid rdo rje 'chang chen po las thob pa yin no/ /ci'i phyir zhe na/ gsang ba'i yi ge zhes bya ba la sogs pa la /gang gi phyir gsang ba ni de kho na nyid de/ de'i gnas ni khyed rnams dang nged rnams snod yin te/ rdo rje 'chang chen po la sogs pa'i rigs yin pa'i phyir dang / nyan thos pa bzhin du dman pa'i mos pa med pa'i phyir ro/ /de med pa ni sngags kyi tshul la phul du byung ba'i dad pa dang ldan pa'i phyir ro//gzhan du na dad pa med na rdo rje 'chang chen po'i dkyil 'khor la zhugs shing dpal gsang ba 'dus pa'i rgyud kyi rgyal po ci'i phyir khyed rnams kyis thob par 'gyur/ ji skad du/ du ba las ni mer shes dang / /zhes bya ba la sogs pa 'byung ngo / /de bas na khyed rnams chos nyid la skal ba dang ldan pa yin te/ded bzhin du mngon du byed pa'i phyir ro/ /de bzhin du yi ge ni 'od gsal ba'i de kho na nyid de/ de khyab par byed pa'i phyir rnam par dag pa yin pas khams gsum pa yang de'i rang bzhin yin pa'i phyir te/ de kho na nyid rang gis thob pa dang / gang gis ma thob pa ste/phra mo'i lta bas 'gro ba rnam par dpyad na rdo rje 'chang chen po'i rang bzhin yin pa'i phyir ro/ /'on kyang gang zhig nyan thos la sogs pa snod ma yin pa'o zhes gsungs pa de dag thams cad kun rdzob tu bstan pa yin te/ gang gi phyir de rnams bcom ldan 'das yang dag par rdzogs pa'i sangs rgyas rnams la 'od zer gyi 'khor los bskul nas sangs rgyas nyid kho na thob pa yin no//ji skad du/ snying rje chen po med pa'i phyir/ 'di rnams rang don la rtsol ba/ /rang rgyal ba dang nyan thos rnams/ /theg pa chen po'i sno dam yin/ /gang phyir theg pa chen po'i nor/ / rang gi lam gyis nges tshig pa/ /byang chub sems dpa'i nang du ni/ skyes pa dbul po bzhin du gnas/ /mi shes nyon mongs med spong phyir/ /phyi nas sangs rgyas kyis bskul ba/ /bsod nams kyi tshogs bsags nas ni/ /de rnams 'jig rten 'dren par 'gyur/ / zhes 'byung ngo / /de bas na kun mkhyen gyi ye shes kyi 'od zer gyis bskul ba de rnams phyag rgya chen po 'jug pa'i rim pas sangs rgyas nyid mngon par rdzogs par byed pa ste mdor bsdus pa'o/ /de bzhin du gzhan las kyang / chos dang chos min brtul zhugs stong / /sdom pa dka' thub 'dul ba nyid//dud 'gro dmyal ba yi dags rnams/ /lha dang bcas pa'i mi rnams nyid/ /'byung ba 'byung las 'gyur phung po/ /khams rnams thub pa'i bstan pa nyid/ /ston pa dang ni nyan thos te/ /thams cad kun rdzob ston pa'o/ /las dang po pa'i 'jig rten dag /don dam pa la 'jug pa'i phyir/ / thabs 'di rdzogs pa'i sangs rgyas kyis/ /skas kyi rim pa lta bur gsungs/ /mthar ni thams cad 'jig bya ba'i/ /'di ni byis pa 'jug phyir ro/ /brjod med snang bar mi 'gyur ba/ /gang yang gzhan dag rab snang gyur/ /zhes 'byung ngo / /de bzhin du rgyud la sogs pa'i rigs pa bzhis 'gro ba gdul bar bya ba'i phyir sangs rgyas kyi rol mo bstan pa yin no//dpal gsang ba thun mong ma yin pa'i rnal 'byor chen po'i rgyud las kyang / da ni gzhan yang thams cad mkhyen pa'i 'khor phun sum tshogs pa bshad par bya ste/ dper na rgyal po chen po zas gtsang ni 'jam dpal yin no//lha mo sgyu ma chen mo ni 'jig rten dbang phyug yin no/ /grags 'dzin ma ni dpal gyi lha mo'o/ /sgra gcan 'dzin ni rdo rje sems dpa'o/ /sha ra dwa ti'i bu ni sgrib pa thams cad rnam par sel ba'o/ /'phags pa gnas brtan kun dga' bo ni kun du bzang po'o/ /gnas brtan lha sbyin ni lha'i dbang po'o//dpal shAkya ni yang dag par rdzogs pa'i sangs rgyas te rnam par snang mdzad chen po yin no/ /de bzhin du/ sangs rgyas mya ngan las 'das min/ /chos kyang nub par mi 'gyur te/ /sems can kun rnams 'dul ba'i phyir/ /mya ngan las 'das nyer bstan pa'o/ /zhes bya ba la sogs pa gsungs so//de bas na byang chub sems dpa' khyed rnams kyang 'od gsal ba rtogs pa'i phyir/ de bzhin gshegs pa nyid yin no zhes ston to/ /de nas zhes bya ba la sogs pa la/ de bzhin gshegs pa'i gsung thos nas 'od gsal ba'i ting nge 'dzin la zhugs te/ brjod du mi nus pa'i phyir byang chub sems dpa' rnams kyang mi smra bar gyur te rdzogs pa'i rim pa'o//bstan pa'i sgo nas de bzhin gshegs pa rnams kyis de kho na nyid bstan nas de nyid mngon du mdzad pa'i phyir bshad par bya ste/ de nas zhes bya ba la sogs pa la/ de bzhin gshegs pa thams cad ni mi bskyod pa la sogs pa'o/ / de bzhin gshegs pa thams cad kyi sku dang gsung dang thugs btsun mo'i b+ha ga ni le'u dang po las bshad pa ste/ de la zhugs pa ni rdo rje 'chang chen po'i bde ba chen po'i ting nge 'dzin la bltas te/ de nyid du zhugs shing mar gyi bum pa bzhin du chos 'byung gi phyag rgya'i nang du thim par gyur to zhes ston to//bcom ldan 'das kyang bya ba rdzogs pa'i phyir dang rgyud kyang rdzogs pa'i phyir 'o ma dang chu bzhin du reg bya rdo rje ma dang ro gcig par gyur cing thams cad stong pa nyid kyi ting nge 'dzin la zhugs par gyur to zhes 'dir bshad par bya'o/ /gzhan du na de bzhin gshegs pa rnams bzhugs pa ste/ dkyil 'khor gyi gtso bor bzhugs na lha mo spyan la sogs pa gang la bzhengs su gsol ba'i phyir bskul/ de bzhin gshegs pa la zhe na/ de yang dag pa ma yin te/ gtso bo spangs nas gtso bo ma yin pa bskul ba mi rigs so/ /de bas na gtso bo nyid du gyur pa gang gis 'gro ba'i don mdzad pa de nyid kyi spro ba dang bsdu ba mdzad pa rigs pa yin no//de nas zhes bya ba la sogs pas 'gro ba'i don chags pa'i 'jigs pas tshangs pa'i gnas bzhi'i rang bzhin gyi lha mo spyan la sogs pas bcom ldan 'das rdo rje 'chang chen po bskul ba'o/ /de bzhin gshegs pa thams cad ni de'i rang bzhin gyi rnam par snang mdzad de/de'i sku gsung thugs kyi btsun mo ni lha byams pa'i rang bzhin gyi lha mo spyan te/ des b+ha ga ni stong pa nyid de/ de la zhugs pas na bcom ldan 'das te de la bstod pa'o/ /bcom ldan 'das ji lta bu zhe na/ de bzhin gshegs pa thams cad ni btsun mo'i b+ha ga la bzhugs pa'i mi bskyod pa la sogs pa ste/de rnams kyi bdag po ro gcig pa nyid du bzhugs pa'o/ /de bzhin du rdo rje ni don dam pa'i byang chub kyi sems te/ de 'dzin pa ni de'i ngo bos bzhugs pas na rdo rje 'dzin no/ /de lta bu'i bcom ldan 'das la dga' bas bstod pa ni sems can gyi don mdzad pa la rjes su chags pas bskul ba ste/dkyil 'khor gyi rgyal ba mchog go/ /sems can khams zhes bya ba la sogs pa la khyod ces pa ni yid kyis brtags nas bod pa ste/ thams cad du de bzhin du shes par bya'o/ /rdo rje ni me long lta bu'i ye shes te/ de thugs gang la yod pa de rdo rje thugs so/ /gnas ni sa'i khams te de'i dbang phyug ni de rnam par dag pa'i rang bzhin no/ /de bzhin du sems can gyi khams kyi dbang phyug kyang yin te zhi bar mdzad pa'i phyir ro/ /bdag ni lha mo spyan la skyabs su gsol ba ni srung bar mdzod cig pa'o/ /gang gis she na/dga' ba ni sems can gyi khams la brten te byams pas bsdus pa ste/ sgyur ba de nyid kyis gang zhig don chen ni byang chub thob par byed pa dang / yid 'ong ni bde ba ster ba ste/ 'dod pa ni 'dod pa'i yon tan lnga nye bar spyod pa ste sems can gyi khams la gsol ba'i de rnams kyis so//de bzhin du bdag la dgyes par mdzad du gsol ba ni bdag byams pa rdzogs par mdzod cig pa'o/ /sems can yab ni skyed par mdzad pa'o/ /chen po byang chub thob par mdzad pa'i phyir sems can de nyid kyi gnyen mchog ni phan mdzad pa'o/ /gal te bdag gson par bzhed na de'i tshe mgon po ni bdag po kye bzhengs su gsol zhes tshig gi lhag ma'o//de nas zhes bya ba la sogs pas mA ma kIs bskul ba ste/ rdo rje ni sems can gyi khams te/ de'i 'dod pa dga' ba ni snying rje ste/ de nyid 'gro ba mnyes par bya ba'i phyir mchod pa ste/ de gtso bor gyur pa'i mchog gi yi ge'i tshig ni bstod pa'i tshig gis bskul ba'o//rdo rje sku khyod ces bya ba la sogs pa la chos kyi dbyings kyi ye shes kyis rdo rje sku thob pas rdo rje'i sku'o/ /sems can kun ni khams gsum pa ste/ de la thugs rjes yang dag par sdud par mdzad pa'i phyir/ sems can kun la phan no//bka'i 'khor los 'gro ba'i bsam pa rdzogs par mdzad pa'i phyir bka' 'khor lo'o/ /sangs rgyas don du byang chub ni rdo rje 'chang chen po nyid de / des don dam ni de kho na nyid dang phan pa ni bde ba rjes su ston pa ni sems can rnams la gang gis rab tu ston par mdzad pa de ni de bzhin no//'dod chags ni phyi rol gyi dga' ba'am snying rjes dam tshig chags pa ni 'dod chags rnam par dag pa'am/ 'dod chags kyi rang bzhin 'gro pa yang dag par sdud par mdzad pa bdag la dgyes par mdzad du gsol pa ni rol pa'am bsnams par mdzod cig pa'o//mgon po zhes bya ba la sogs pa snga ma bzhin no/ de nas zhes bya ba la sogs pa la 'jig rten dbang phyug ni snang ba mtha' yas te/ de nyid kyi sku gsung thugs rdo rje can ni gos dkar mo ste/ des 'dod pa la nye par longs spyod pa'i dam tshig phul du byung pa'i snyoms par zhugs pa'i gtso bor gyur pa'i tshig gis bstod pa ni bskul pa'o//khyod ni rdo rje gsung zhes bya ba la sogs pa la yan lag dgug pa'i chos ston pa'i phyir rdo rje gsung ngo / /kun ni 'gro pa kun la dga' bas phan zhing thugs brtse pa'o/ /de bzhin du 'dod chags ye shes kyis 'dod chags nyon mongs pa rnam par sbyang pas rtag tu ni dus gsum du 'jig rten dag gi dgongs pa'i don ni 'dod chags la spyod pa'i sems can gyi khams rnam par spyang bam ste/de la brtson pa'o/ /bdag la dgyes par mdzad du gsol zhes pa ni dgongs shing snyoms par zhugs par mdzod cig pa'o/ / rab dga'i spyod pa ni 'dod chags kyi spyod pa ste/ de nyid kyis kun du bzang po ni rdo rje 'chang gi go 'phang thob par mdzod cig pa'o/ /mgon po zhes bya ba la sogs pa snga ma bzhin no/ de nas zhes bya ba la sogs pa la de bzhin gshegs pa thams cad kyi rang bzhin gyi dam tshig rdo rje don yod grub pa ste/de nyid kyi btsun mo ni btang snyoms kyi rang bzhin gyi lha mo sgrol ma ste/ des yid bde ba'i dga' ba'i thugs dang gsung dang sku dgyes par byed pa'i tshig gam/ bde ba dang yid dga' ba'i dga' ba ni btang snyoms kyis stong pa ni bskul ba'o/ /khyod ni rdo rje'i 'dod pa zhes bya ba la sogs pa la/rdo rje ni 'od gsal ba ste/ de nyid 'dod pa ni btang snyoms kyi tshangs pa'i gnas kyis mngon du mdzad pas na rdo rje 'dod pa'o/ /dam tshig ni las thams cad de de rnams kyi mchog ni gtso bor gyur pa'i phyir ro/ /che ba ni sems can gyi khams te de'i phrag dog rnam par sbyang ba'i phyir don che ba'o//bya ba nan tan grub pa'i ye shes kyi yang dag par rdzogs pa'i sangs rgyas kyi rigs ni de bzhin gshegs pa'i rigs la mchog ni mdzes par gyur pa'o/ /mnyam pa nyid ni bde ba dang sdug bsngal gnyi ga dang bral ba'i thugs te btang snyoms so//des thugs brtse ba ni 'gro ba la gzigs par mdzad pas na mnyam pa nyid thugs brtse ba'o/ /bdag la dgyes mdzod pa ni rol par mdzod cig pa'o/ /ji lta bu zhe na/ yon tan gter ni bde ba chen po'i rang bzhin dang rin chen mang po ni smin pa dang grol ba la sogs pa'i bya ba rnams te/de dag gi rgyur gyur pa ste/ bdag la brten nas 'gro ba'i don rdzogs par 'gyur ro zhes dgongs pa'o/ /mgon po zhes bya ba la sogs pa snga ma bzhin te/ dkyil 'khor rgyal ba mchog go/ /de nas zhes bya ba la sogs pa la/ sngon gyi smon lam gyi dbang gis byams pa la sogs pa'i tshangs pa'i gnas bzhi la dbang du gyur pas de'i rang bzhin gyi lha mo bzhis bskul ba bcom ldan 'das kyis rmi lam bzhin du gsan te/'od gsal ba'i ting nge 'dzin la cig car du bzhengs nas/ 'dod chags thams cad ni a ling+ga na la sogs pa ste/de rnams nye bar longs spyod pa ni nyams su myong ba ste/ de nyid rdo rje ni mi 'jigs pa bde ba chen po thob par byed pa ste/ des dpal ni rang dang gzhan gyi phun sum tshogs pa ting nge 'dzin gang la yod pa de la snyoms par zhugs nas de bzhin gshegs pa thams cad kyi btsun mo ni lha mo spyan la sogs pa ste/de rnams la dam tshig gi 'khor lo ni a ling+ga na la sogs pa'i tshogs kyis 'dod chags dang 'dod chags dang bral ba dang 'dod chags bar ma'i rim pas bzhi pa'i de kho na nyid nye bar mtshon cing nor bu'i nang du 'gro ba de nyid brtan par mdzad nas de nyid ro gcig par mdzad la/'dod pa spyod pa ni nyams su myong zhing cang mi gsung bar gyur pa ni de la rtsol ba mi ldan par gyur pa ste/ rang bzhin dang rgyu dang las dang 'bras bu rnams so/ /de nas zhes bya ba la sogs pa la 'dod chags chen po'i ting nge 'dzin la bcom ldan 'das bzhugs pas nam mkha'i dbyings thams cad ni ji srid khams gsum pa'i snod kyi 'jig rten te/de nyid rdo rje 'chang chen po'i mthus a ling+ga na la sogs pa la 'byung ba'i dga' ba las skyes pa lha mo'i bde ba'i sgra dang de'i dga' ba'i rang bzhin gyi thugs rtse gcig par gyur pas rdo rje 'chang bzhin du snang ba dkar ba dam tshig gi khu bas chus bum pa bzhin du yongs su gang bar 'gyur ro//nam mkha'i dbyings la gnas pa'i gang zhig sems can rnams de yang de lta bu'i rdo rje 'chang gi rdo rje dpal gyis reg pa tsam gyis rdo rje 'chang nyid thob par 'gyur ro/ /de gcig pu ma yin gyi de nas brtsams te kun du bzang po'i go 'phang thob par gyur pa dang /de bzhin gshegs pa thams cad kyis dbang bskur ba thob par 'gyur ro/ /'dir ni dgongs pa 'di yin te/ bcom ldan 'das kyis bde ba chen po'i ting nge 'dzin gyis 'gro ba dang de bzhin du dbyer med par gyur te rdzogs pa'i rim pa'o//de nas zhes bya ba la sogs pa la bde ba chen po'i nyams su myong ba'i bcom ldan 'das rdo rje 'chang chen pos de dang 'dra ba'i ting nge 'dzin ston par mdzad pa yin te/ bcom ldan 'das de bzhin gshegs pa thams cad ces bya ba ni de bzhin gshegs pa'i rigs kyi byang chub sems dpa' rnams bod pa'o//khyed rnams kyis sangs rgyas thams cad kyi phung po la sogs pa dang khams gsum pa'i mnyam pa nyid ni bde ba chen po'i sku kho bos ro gcig tu mthong ba ni nyams su myong ba yin nam/ gang zhig nga yis rab du ston pa yin no zhes dgongs pa'o//de nas zhes bya ba la sogs pas de bzhin gshegs pa thams cad ni de bzhin gshegs pa thams cad kyi rigs can gyi byang chub sems dpa' rnams kyis bcom ldan 'das la sogs pa ste/ bcom ldan 'das zhes bya ba la sogs pa la/ bcom ldan 'das dang bde bar gshegs pa zhes pa ni bka' drin la tshig gnyis te mthong lags so//de bzhin gshegs pa thams cad ni khyod de/ de'i rdo rje ye shes ni 'od gsal ba de'i spyod pa ni shin tu spos pa med pa'i spyod pa ste / gzhan sma ba cang med pa ste bdag cag rnams the tshom dang bral ba'o zhes ston to//de nas zhes bya ba la sogs pa la gang zhig mi bskyod pa la sogs pa chos 'byung la zhugs pa de rnams nyid bcom ldan 'das kyis spros te/ de'i sgo nas de kho na nyid kyi ngo bo ston pa yin te/ /de bzhin gshegs pa thams cad ni mi bskyod pa la sogs pa yin te/ btsun mo'i b+ha ga ni bcom ldan 'das ma reg bya rdo rje ma'i b+ha ga las byung zhing bcom ldan 'das la 'di skad ces gsol to//gang 'dod chags zhes bya ba la sogs pa la ngo mtshar ba ni 'bras bu la'o/ /'dod chags kyi yi ge'i tshig ni 'dod chags kyi chos spyod pa rnams kyis kyang gang zhig byang chub ni rdo rje 'chang nyid thob par gyur pa de ni ngo mtshar ba'o//de nas zhes bya ba la sogs pas rdo rje 'chang gis 'dod chags kyi tshul gyi ting nge 'dzin gyi rnam par dag pa gsungs pa'i phyir de nyid the tshom med pa'i phyir bshad par bya ste/ bcom ldan 'das de bzhin gshegs pa thams cad ces bya ba ni bod pa'o//ma ni dgag pa la'o/ /'dod chags kyi spyod pas byang chub rjes su rtogs pa yin no zhes de skad ma zer cig /'dod chags spyod pa ni ji lta bu zhe na/ phung po la sogs pa thams cad stong pa nyid kyi mtshan nyid yin no/ /de ci'i phyir zhe na/ gang zhig chos 'di rnams ni nam mkha'i rdo rje'i dam tshig dang mtshungs pa ni nam mkha' dang 'dra ba ste/thog ma nas ma skyes pa'i phyir ro/ /de lta bu'i chos rnams nyan thos pa la sogs pas mngon du byed par mi nus te/ 'di lta bu'i spyod pas de rnams skad cig mas rtogs par 'gyur te/ gzugs kyi phung po chos ma yin zhes bya ba la sogs pas phung po lnga rang bzhin med pa dang /khams ma yin zhes bya ba khams bco brgyad kyi rang bzhin med pa dang / skye mched ma yin zhes bya bas dbang po dang yul rnams rang bzhin med pa dang / 'dod chags ma yin zhes bya ba la sogs pas nyon mongs pa dang nye ba'i nyon mongs pa rnams rang bzhin med pa dang /chos ma yin chos ma yin pa yang ma yin zhes bya bas sems can dang snod kyi 'jig rten nam kun rdzob dang don dam pa dag rang bzhin med pa ston to/ /'di skad du/ gzugs ni dbu ba 'dra bar bshad/ /ces bya ba la sogs pa 'byung ba dang / sems ni ma yin chos rnams min//lus kyang ma yin khams rnams min/ /'di ni gnyis su med pa'i lam/ /de nyid rig pa yang dag brjod/ /ces bya ba dang / dbang po'i tshogs la 'dod chags min/ /don la ma yin sems la min/ /gzhan la mi gnas bdag gnas min/ /de ni yod min med ma yin/ /zhes bya ba la sogs pa dang /dngos po rnams ni gos bzhin du shes par bya ba la sogs pa dang / sems can snod ces ming can 'di/ /'jig rten gnyis po bsregs nas ni/ /bdag nyid kyang der de nyid 'dir/ /me sgron bzhin du shi bar 'gyur/ /stong nyid me yis bsregs pa yi/ /de ltar 'gro ba gsum bltas te//'khor bar rnam par spyod na yang / /rnal 'byor ba de bcings mi 'gyur/ /zhes bya ba la sogs pa 'byung ngo / /de nas zhes bya ba la sogs pa la de bzhin gshegs pa de dag thams cad the tshom dang bral ba'i phyir chos nyid kyi ngo bo de nyid dgongs shing cang mi gsung bar gyur to//de nas zhes bya ba la sogs pas bcom ldan 'das rdo rje 'chang chen pos rgyud 'di gtang pa yin te/ de bzhin gshegs pa thams cad ni mi bskyod pa la sogs pa dang / byang chub sems dpa' ni byams pa la sogs pa ste/ de rnams la bka' stsal pa/ kye sangs rgyas dang byang chub sems dpa' rnams de bzhin gshegs pa thams cad kyi sku gsung thugs ni de bzhin gshegs pa thams cad kyi sku la sogs pa'i de kho na nyid thob par byed pa'i dpal gsang ba 'dus pa'i rgyud gzhung dang don gyi bsgom pa ni 'dzin pa dang grags par gyis shig pa'o//gang gi phyir sngar bshad pa'i rigs pas sems can rnams skal ba dang ldan pa'i phyir yin no//de ltar spyi'i gtad pa mdzad nas gang gi lag tu rgyud kyi rgyal po 'di shin tu bsrung bar 'gyur ba dang / gang zhig dbang po rno ba yin pa'i phyir grags par byed nus pa'i rdo rje chos de la rdo rje 'chang gis bka' stsal pa ste/rigs kyi bu zhes bya ba la sogs pa la/ kye phyag na rdo rje de bzhin gshegs pa thams cad kyi dam tshig sku la sogs pa'i dngos grub rnams dang / de kho na nyid de don dam pa ste/ de ltar rim pa gnyis gtso bor gyur ba'i rgyud 'di khyod kyis zung shig ces pa ni gzhung dang don gyis gzung bar gyis shig pa dang /ji bzhin skal ba dang ldan ba rnams la bstan par gyis shig pa'o/ /khyod kyang zhes bya ba la sogs pa la/ de ring nas brtsams te de bzhin gshegs pa thams cad kyis dbang bskur ba yin no zhes gsung gis dbang bskur ba gsol zhing glegs bam gtang ba yin no//de nas zhes bya ba la sogs pas byang chub sems dpa' rdo rje chos kyis bdag la rjes su gzung ba dam pa yin no zhes yid kyis bsam zhing cang mi smra bar gyur te/ de khas blangs ba'i phyir dang 'dzin pa'i phyir ro/ /de'i phyir phyag na rdo rje ni rgyud thams cad kyi sdud ba po yin no//de nas zhes bya ba la sogs pa gtad pa yongs su rdzogs nas de bzhin gshegs pa thams cad rdo rje sems dpa'i yi ge gsum ni bcom ldan 'das rdo rje 'chang chen po la zhugs par gyur to/ /de nas zhes bya ba la sogs pa la/ bcom ldan 'das rnam par snang mdzad de bzhin gshegs pa thams cad kyi sku'i mnyam pa nyid ni sku dang dbyer med ba nyid kyis ting nge 'dzin la dmigs te khams gsum thams cad kyi rdo rje'i gnas ni rdo rje 'chang chen po ste/de la sku'i rang bzhin du zhugs par gyur to/ /de nas zhes bya ba la sogs pa la de bzhin du gsung rdo rje dang thugs rdo rje dag kyang de bzhin gshegs pa thams cad kyi sku gsung thugs kyi mnyam pa nyid kyi ting nge 'dzin la dmigs nas/snga ma bzhin du rdo rje 'chang chen po'i gsung dang thugs dag la de'i bdag nyid zhugs par gyur to/ /de nas zhes bya ba la sogs pa la/ rdo rje 'chang chen pos de bzhin gshegs pa thams cad kyi mnyam pa nyid ni khams gsum pa thams cad dang dkyil 'khor thams cad mnyam pa nyid kyi ting nge 'dzin la dmigs nas de'i ngo bo nyid kyis cang mi smra bar gyur pa ni 'od gsal ba'i ting nge 'dzin thob nas chu bo'i rgyun rgyu ba bzhin du de nyid la dgongs shing bzhugs bar gyur te rdzogs pa'i rim pa'o//'di skad ces bka' stsal to zhes pa ni tshig gi don bcu drug gis bshad pa gtso bor gyur pa bsdus pas na rim pa 'dis ston par byed pa'i dpal gsang ba 'dus pa'i rgyud de bzhin gshegs pa thams cad dang /byang chub sems dpa'i 'khor gyi dkyil 'khor gyi nang du ma 'ongs pa'i sems can gyi khams rjes su gzung bar mdzad pa'i phyir/bcom ldan 'das rdo rje 'chang chen po ste/ de bzhin gshegs pa drug pas de skad ces bka' stsal to zhes sdud pa po ste tshig gi don bcu drug go/ /de bzhin gshegs pa thams cad ces bya ba la sogs pa la/ de bzhin gshegs pa thams cad ni rnam par snang mdzad la sogs pa ste/de rnams kyi sku gsung thugs kyi gsang ba ni rim pa gnyis kyis sgrub pa ste/ de gtso bor gyur pa gang zhig gsang ba 'dus pa zhes pa la/ gsang ba ni bya ba la sogs pa la 'jug pa rnams la bstan par mi bya ba dang / 'dus pa ni sangs rgyas thams cad gcig tu byed pa'i mtshan nyid de/de ston par byed pa'i rgyud las de bzhin gshegs pa thams cad ni rnam par snang mdzad la sogs pa ste/ de rnams kyi gang zhig bsrung bar bya ba dang bza' bar bya ba'i dam tshig dang sdom pa ste/ de rnams nyid spang bar mi bya ba'i phyir rdo rje ste/ de'i byin gyis rlob pa ni mngon du byed pa ste/ de nyid kyi rgyal po ni thams cad las phul du byung ba ste/de ston par byed pa'i gzhung gi tshogs ni de bzhin gshegs pa thams cad kyi dam tshig dang sdom pa rdo rje'i byin gyi rlabs kyi rgyal po zhes bya ba'o/ /le'u zhes pa ni nyon mongs pa dang nye ba'i nyon mongs pa thams cad kyi bag chags rnams 'don par byed pa dang /rdo rje 'chang nyid ster bar byed pas na le'u ste sgrub pa'o/ /rgyud 'grel las le'u bcu bdun pa'i tshig gi don bcu drug gi bshad pa'o/ / le'u bcu bdun pa'i tshigs su bcad pa'i grangs ni bdun brgya brgyad cu'o/ / dpal gsang ba 'dus pa'i rgyud kyi rgyud 'grel zhes bya ba la/ rdo rje theg pa chen po pa slob dpon chen po dpal klu sgrub kyi zhal snga nas kyis mdzad pa rdzogs so// //rgya gar gyi mkhan po shrI tA ra ka la sha'i sras paN+Di ta ku mA ra ka la sha'i dbon po man+t+ra ka la sha zhes bya ba nyid kyis bsgyur cing gtan la phab pa'o// //