CLOSE WINDOW

D1783
བོད་ཡིག

/ @##/ /rgya gar skad du/ a tsa lA b+hi sa ma yaHsu ra tA b+hi d+hA naH/ bod skad du/ mi g.yo ba'i mngon par rtogs pa rab tu dga' bar mngon par brjod pa/ dpal gtum chen drag po la phyag 'tshal lo/ /dpal dbang dpa' bo'i tshogs la phyag byas nas//rang gi rgyud dang gzhung gzhan mthong ba las/ /dpal ldan drag chen sgrub thabs zhes bya ba/ /de dag las phyung 'dir ni bri bar bya/ /dang po re zhig sngags pa sangs rgyas thams cad kyi sku gsum po 'di nyid du mngon sum du bya bar 'dod cing / yang dag pa'i pha rol tu phyin pa bslabs pa/rdo rje'i bla ma mnyes par byas nas dkyil 'khor du zhugs shing dbang bskur ba/ yang dag par rjes su gnang ba/ rgyud thos nas zung du 'jug pa'i de kho na nyid la mkhas pa/ snying rje chen po can sems can thams cad kyi don la brtson pa'i blos/ dpal drag chen gtum po bsgom par 'dod pas/yid dang rjes su mthun zhing nye bar 'tshe ba thams cad dang bral ba'i gnas su bde ba'i stan la 'dug pa'am/ yang na rdo rjes sam/ 'byin pa'i dkyil 'khor gyis 'di la 'dug pa ni stan te shes rab ma mchog gi lus so/ /de la 'dug ste/de nas bdud rtsi lnga'i ril bu khar bcug nas tshangs pa'i gnas pa bzhi bsgom par bya'o/ /de la sems can thams cad la bu gcig pa lta bur brtse ba bde ba nye bar sgrub pa'i rnam pa ni byams pa chen po'o/ /rnam par rtog pa'i chu gter du bying zhing skyabs med pa'i sems can thams cad sdug bsngal dang sdug bsngal gyi rgyu las 'don par 'dod pa'i rang bzhin ni snying rje chen po'o//ches khyad par du 'phags pa'i mi g.yo ba'i sgrub pa'i thabs nye bar bstan pa las thun mong dang mchog gi bde ba dang ldan pas yongs su tshim pa'i mtshan nyid ni dga' ba'o//'jig rten gyi chos brgyad kyi gnyen por lam nye bar sgrub pa'i rnam pa ni btang snyoms so/ /de nas rnal 'byor pa bdag nyid 'chad par 'gyur ba'i kha dog dang / gzugs dang / dbyibs can gyi mi g.yo ba'i rang gi snying gar pad+ma dang zla ba dang nyi ma la gnas pa'i hUM yig sngon po las spros pa'i ye shes lnga'i 'od zer rnams kyis mtha' yas pa'i 'jig rten gyi khams rnams snang bar byas nas/bcom ldan 'das 'khor dang bcas pa dang / bla ma dang / byang chub sems dpa' rnams kyang mdun gyi nam mkhar spyan drangs nas tshogs la bltas te/rang gi snying ga'i sa bon dang nam mkha' mdzod kyi ting nge 'dzin las byung ba'i mchod pa'i rdzas phyag na bsnams pa de'i 'khor lor gnas pa'i gti mug rdo rje ma la sogs pa'i rnal 'byor ma rnams kyis mngon par mchod nas/ bla na med pa'i mchod pa bdun gyi tshigs su bcad pa brjod do//bcas pa dang ni rang bzhin gyis/ /sdig pa bdag gis gang bgyis dang / /bgyis stsal gang yang yi rang ba/ /de dag thams cad bdag 'chags so/ /sangs rgyas de sras 'phags rnams kyis/ /bsags pa'i bsod nams la yi rang / /chos dang tshogs kyi mchog bcas pa'i//sangs rgyas rnams la skyabs su mchi/ /dpal sdug chos ni ston pa yi/ /sgra dbyangs sgrogs shing bzhugs su gsol/ /bdag cag rnams kyi rang gi lus/ /khyad par du ni dbul bar bgyi/ /bsod nams gang bsags de dag ni/ /rdzogs pa'i byang chub tu bsngo'o//dpal ldan gtum po'i dbang phyug tu/ /gyur nas bdag gis 'gro phan bgyi/ /de nas bcom ldan 'das 'khor dang bcas pa'i sku dang gsung dang thugs la mngon par dad pas phyag 'tshal te/ ting nge 'dzin gyi rang bzhin du lhag par mos pas/ oM shU n+ya tA dz+nyA na badzra swa b+hA wa At+ma kou0f85haM/zhes pa'i sngags brjod par bya'o zhes pa ni sbyor ba'o/ /de nas nam mkha'i dkyil 'khor du gnas pa'i bdag nyid kyi sha dang / rus pa dang / khrag la sogs pa dang bral ba/ 'od zer dkar po'i phung po lta bu'i rdo rje sems dpa' zhi ba chen po zhal gcig phyag gnyis pa phyag gi pad+ma ting nge 'dzin gyi phyag rgya can/ral pa'i cod pan dang ldan pa/ mtshan sum cu rtsa gnyis 'dzin zhing / dpe byad brgyad cus mdzes pa/ pad+ma dkar po dang / zla ba'i gdan la sems dpa'i skyil mo krung gis bzhugs par blta bar bya'o//rgyud du yang gsungs pa/ dri med dang ba'i shel bzhin du/ /rang lus rnam par bsgom par bya/ /zhes so zhes pa rjes su rnal 'byor ro/ /de nas rdo rje sems dpa'i bdag nyid du brtan par gyur pa'i snying gar nyi ma dang zla ba kha sbyar ba'i dbus su hUM yig sngon po de yongs su gyur pa las rdo rje hUM gis mtshan pa/nyi ma la sogs pa de dag thams cad zla ba'i gzugs brnyan du bsams nas/ de las 'thon pa'i dpal gtum po'i dbang phyug 'chad par 'gyur ba shin tu drag po'i gzugs can mdun du skad cig tsam gyis bltas nas/slar yang rang la bcug ste/ rang nyid de lta bu'i gtum po'i dbang phyug rab tu gtum par bsgom par bya'o/ /rgyud du yang gsungs pa/ sems dpa'i gzugs brnyan las byung ba'i/ /dkyil 'khor dbang po rnam par bsgom/ /zhes so/ /de nas bdag nyid khros pa'i nyams can gdug pa'i bgegs kyi tshogs thams cad ral gris skrag par mdzad cing hUM hUM traT+khe da ya/hUM hUM hUM traT+khe da ya b+ho zhes 'don par mdzad cing / de rnams kyi mgrin pa/ phyag g.yon par gnas pa'i rdo rje zhags pas bcings nas/ g.yas kyi phyag na gnas pa'i ral gris hUM hUM phaT phaT ces gsungs shing bdag nyid myos pa'i sil snyan bzhin du/bgegs kyi tshogs la hA hA'i sgra sgrogs shing kha cig ni sha'o/ /de nas bgegs med pa'i sems kyis dga' ba dang bcas pa'i rdo rje zhags pa las skyes pa'i 'bar zhing 'bar la 'bar bar byed cing /'bar du 'jug pa'i phur bu bgegs rnams kyi spyi bor bsams nas ral gri las byung ba'i rdo rje tho bas brdungs te/ klad pa nas brtsams te gsang ba'i pad+ma'i bar du thon zhing / phur bu'i sngags brjod par bya'o/ /phur bus btab nas phyogs bcu'i khron par gzhug par bya'o//de la shar du/ oM tsaN+Da ma hA ro Sha Na/ g+ha g+ha g+hA ta ya sarba duSh+Ten+d+ro pon+d+rAn na/ sa pa ri wA ra na/ kI la ya kI la ya hUM phaT/ lhor/ oM tsaN+Da ma hA ro Sha Na/ g+ha g+ha g+hA ta ya sarba duSh+Ta ya mA na sa pa ri wA rA na/ kI la ya kI la ya hUM phaT/ nub tu/ oM tsaN+Da ma hA ro Sha Na/ g+ha g+ha g+hA ta ya sarba duSh+TA ba ru NA na sa pa ri wA rA na/kI la ya kI la ya hUM phaT/ byang du/ oM tsaN+Da ma hA ro Sha Na/ g+ha g+ha g+hA ta ya sarba duSh+Ta ku be+e rA na/ sa pa ri wA ra na/ kI la ya kI la ya hUM phaT/ mer/ oM tsaN+Da ma hA ro Sha Na/ g+ha g+ha g+hA ta ya sarba duSh+TA g+nIn sa pa ri wA ra na kI la ya kI la ya hUM phaT/ bden bral du/ oM tsaN+Da ma hA ro Sha Na/ g+ha g+ha g+hA ta ya sarba duSh+Ta nai r+r-i tI na sa pa ri wA ra na/kI la ya kI la ya hUM phaT/ rlung du/ oM tsaN+Da ma hA ro Sha Na/ g+ha g+ha g+hA ta ya sarba duSh+Ta bA yUn sa pa ri wA ra na/ kI la ya kI la ya hUM phaT/ dbang ldan du/ oM tsaN+Da ma hA ro Sha Na/ g+ha g+ha g+hA ta ya sarba duSh+Ta shA nAn sa pa ri wA ra na/ kI la ya kI la ya hUM phaT/ steng du//oM tsaN+Da ma hA ro Sha Na/ g+ha g+ha g+hA ta ya sarba duSh+Ta brah+ma NaH/ sa pa ri wA ra na kI la ya kI la ya hUM phaT/ 'og tu/ oM tsaN+Da ma hA ro Sha Na/ g+ha g+ha g+hA ta ya sarba duSh+Ta be+e ma tsi tri pr-ith+bI de wa tA/ sa pa ri wA ra na/ kI la ya kI la ya hUM phaT/ ces pa'o/ /de ltar phur bu brdungs pas bgegs med par shes nas gtum po'i dbang phyug mi snang bar byas te/slar yang rdo rje sems dpa'i bdag nyid can du gyur pa'i mdun du rlung la sogs pa'i dkyil 'khor bsam par bya ste/ de la yaM yig las byung ba'i rlung gi dkyil 'khor gzhu lta bu sngo bsangs ba dan gyis mtshan pa/ de'i steng du raM yig las skyes pa'i me'i dkyil 'khor gru gsum dmar po zur rnams su raM yig gis mtshan pa/de'i steng du baM yig las skyes pa'i chu'i dkyil 'khor zlum po dkar po dbus su bum pas mtshan pa/ de'i steng du laM yig las skyes pa'i sa'i dkyil 'khor gru bzhi pa ser po zur rnams su rtse gsum pa'i rdo rjes mtshan pa/ de'i steng du suM yig las skyes pa'i ri rab rin po che bzhi'i rang bzhin bsams nas/ de'i steng du nam mkha'i dbyings khyab pa'i chos 'byung dkar po'i snying por b+h+rUM ser po las skyes pa'i rdo rje'i khang pa brtsegs pa rten cing 'brel par 'byung ba/ sems tsam shin tu rnam par dag pa'i sangs rgyas kyi zhing bsdus pa'i rang bzhin/thar pa chen pa'i grong khyer gru bzhi pa sgo bzhi pa/ ka ba brgyad kyis nye bar mdzes pa/ stegs bu bzhis yongs su bskor ba/ rta babs bzhis brgyan pa rin po che'i do shal dang / do shal phyed pa dang / ba ku li dang / mda' yab dag dang / dbyangs kyis shin tu mdzes par byas pa/ gdugs dang / bla bre dang / dril bu dang / rnga yab dang / seng ge la sogs pas mtshan pa rlung gis bskyod pa'i ba dan rnams kyis brgyan pa bsam par bya'o/ /de'i snying por paM las skyes pa'i sna tshogs pad+ma 'dab ma brgyad pa'i ze'u 'bru la/ aM las skyes pa'i zla ba dang / raM las skyes pa'i nyi ma'i dkyil 'khor gyi steng du hUM yig las skyes pa'i de bzhin gshegs pa mi bskyod pa mA ma kIs yang dag par 'khyud pa bltas nas/de rnams rnal 'byor gyi dbang phyug mi bskyod pa'i mgo bo'i lam nas 'phos nas mA ma kI la rjes su chags par mdzad cing / 'dod chags chen pos zhu bar gyur pa/ a wa d+hU tI khu ba mi bskyod pa rdo rje'i bu ga las lha mo'i pad+ma'i khongs su lhung nas/pad+ma'i bug pa'i nang du zhugs te/ sku'i g.yas su hUM gi sa bon gyis byin gyis brlabs pa de las yongs su grub pa'i mi g.yo ba'i gzugs kyis pad+ma las thon te/ slar yang mA ma kI nyid la shin tu rjes su chags pas mi bskyod pa la thim par bsams la/ mA ma kI yongs su gyur pa'i zhe sdang rdo rje ma la snyoms par zhugs pa 'chad par 'gyur ba'i gzugs dang /kha dog dang / dbyibs can dpal 'khor lo'i 'dren pa'i bdag nyid du blta'o zhes pa shin tu rnal 'byor ro/ /de ltar rnal 'byor gsum gyi bdag nyid can dang po sbyor ba zhes bya ba'i ting nge 'dzin dang po'o// //de nas mi g.yo ba'i bdag nyid can gyi rnal 'byor pa'i shes rab zhe sdang rdo rje ma'i gzugs su bskyed pa de rigs lnga'i cha shas can du bya ba'i don du spyi bo dang /snying ga dang / gsang ba dang / brla zung rnams la/ oM hUM swA AHhA rnams go rims bzhin du 'khor lo dang / rdo rje dang / rin po che dang / pad+ma dang / ral gri ste//de bzhin gshegs pa'i sa bon rnams la bkod la/ de'i rjes su hUM dang AHdag las skyes pa'i rdo rje dang pad+ma dag la/ AH dang oM las skyes pa'i ze'u 'bru dang / rdo rje nor bu'i khar phaT yig ser po rnam par bsgoms nas g.yon dang g.yas kyi yan lag tu gnas pa'i rtsa/ hrIHyig dmar po rtse mor gnas pa'i mdzub mo dang lces kyang /shIta yig sngon du 'gro bas yang dag par bskyod nas/ shIHshIHshIHoM sarba ta thA ga tA nu rA ga Na badzra swa b+hA wa At+ma kou0f85haM/ zhes brjod de dga' ba brtsam par bya'o/ /bde bas de kho na nyid kyi ye shes bskyed pa'i phyir rim pas de dang de nyid ji ltar skye b a yang dag par mtshon par bya'o//de la 'khyud pa dang / 'o byed pa dang / nu ma nyed pa dang / sen mo dang sos 'debs pa la sogs pa pad+ma dang rdo rje yang dag par sbyor ba tsam las byung ba dga' ba 'char ba'i skad cig gi mtshan nyid kyi sems shes rab ma'i khar bzung nas ji ltar g.yo ba med pa yang dag par mtshon par bya'o//pad+ma rdo rje'i shin tu drud pa las nor bu'i rtse mor gnas pa'i byang chub kyi sems las byung ba mchog tu dga' ba 'byung ba'i skad cig gi mtshan nyid kyi sems shes rab ma'i snying ga dang / nu ma zung gi dbus su bzung nas ji lta ba bzhin du gzir zhing g.yo ba med pa srog rengs par yang dag par mtshon par bya'o//nor bu'i rtse mor bzhag pa'i byang chub kyi sems las yang dag par bskyed pa/ lhan cig skyes pa 'char ba'i skad cig gi mtshan nyid rang dang gzhan du snang ba dang bral ba/ byed pa thams cad las 'das pa/ ngag gi rnam par rtog pa shin tu gnon pa'i rang bzhin/ rang rig pa gcig pu'i mthar thug pa/gnyis su med pa/ chos kyi sku'i rang bzhin gyi sems shes rab ma'i b+ha ga'i nang du bzung nas/ ji lta ba bzhin du ngal bso zhing g.yo ba med pa'i srog rengs pa yang dag par mtshon pa las ches bde ba dang / shin tu bde ba'i sku gsum po so sor thob par gyur pa yin no/ /myong zhing byang chub kyi sems g.yo ba med par gyur ba'i bde ba dag gis zos so zhes bya ba yang dag par rig pa tsam khyad par gyi dga' ba 'char ba'i skad cig gi mtshan nyid kyi sems ji ltar g.yo ba ljang gu dbyung bar bya'o//mer dkar por snang ba'i gti mug rdo rje ma'o/ /bden bral du phra ma rdo rje ma gser lta bu'o/ / rlung du 'dod chags rdo rje ma dmar mo dbyung bar bya'o/ /dbang ldan du phrag dog rdo rje ma ljang gu dbyung bar bya'o zhes pa dkyil 'khor rgyal po mchog ces bya ba ting nge 'dzin gnyis pa'o/ /de nas srid pa las shin tu 'das pa mchog gi bde ba chen po'i ros rang rig pa dang / lhan cig tu 'dod chags chen po'i rjes su thig ler zhu bar gyur pa sa bon gyi gzugs kyis gnas par gyur to//rgyud du yang gsungs pa/ shes rab dang bcas zhu ba rtsom/ /zhes so/ /gti mug rdo rje ma la sogs pa rnams kyis rje bo med par yang bltas nas bdag cag gi mgon med par gyur to zhes bya ba ngo mtshar du gyur cing yid mi bde bar gyur te/rang gi sems sad par byed pa'i tshig le'ur byas pa'i rdo rje'i glu rnams kyis 'khor lo'i 'dren pa slong bar mdzad de/ khyab bdag byams pa rnam spangs nas/ /stong pa'i rang bzhin du ma mdzad/ /khyod dang rnam bral bdag 'gum pas/ /'gro kun stong par ma mdzad cig /gti mug rdo rje mas so/ /snying rje'i sems bral bdag 'gum pas//khyab bdag stong par ma mdzad cig /bdag gi lus 'di sdug bsngal bas/ /'tsho ba dang bral ma mdzad cig /phra ma rdo rje mas so/ /ci ste mkhas pa khyod nyid ni/ /dga' ba spangs nas stong par 'jug /'jig rten ma lus pa rnams dang / /bdag gi yid ni khyod la sdod//'dod chags rdo rje mas so/ /lang tsho dang ldan btang snyoms pa'i/ /mig ni stong pa 'bras med can/ /stong pa'i rang bzhin nyid spongs la/ /bdag la mnyam nyid sbyor bar mdzod/ /phrag dog rdo rje mas so/ /de rnams kyis ni 'byed pa'i tshig /gsan nas rmi lam bzhin sad de/ /zhu ba'i gzugs las rab [(]bzhangs [,]bzhengs [)]nas//rang gi lha yi rnam par spros/ /de yang bcom ldan 'das sna tshogs pad+ma'i lte bar zla ba dang nyi ma'i dkyil 'khor gyi dbus su 'khyog po'i cha byad can g.yon gyi pus mo sa la btsugs pa/ zhabs g.yas pa g.yas su stebs pa/ lo bcu drug pa'i rnam par lang tsho gsar pa'i gzugs 'chang ba/sku mdog sngon po zhal gcig phyag gnyis pa/ phyag g.yas pas ral gri 'phyar ba/ phyag g.yon pas sdigs mdzub dang ldan pa rdo rje zhags pa ser po thugs kar 'dzin pa/ rnam par bkra ba'i na bza' can/ rin po che'i rgyan gyis brgyan pa thugs kyi dbang pos mtshan pa'i cod pan dang / zur phud lnga dang rin po che'i cod pan can/tshems kyis ma mchu 'tshir ba/ bdud bzhi rnam par nyed par mdzad pa/ 'khyog por gzigs pa'i spyan dmar ba 'jigs par mdzad pa'o/ /'di'i shes rab ma zhe sdang rdo rje ma ni/ sku mdog sngon mo gri gug dang thod pas mdzes pa'i phyag zung can/ rnam par bkra ba'i gos dang / rin po che'i rgyan gyis brgyan pa bcom ldan 'das la rjes su chags pa la brtson pa'o//mi g.yo ba dkar po la sogs pa'i dpa' bo thams cad ni 'khor lo'i dbang phyug lta bu dang / gti mug rdo rje ma la sogs pa'i dpa' mo rnams ni zhe sdang rdo rje ma dang 'dra bar bsgom par bya'o/ /de ltar yongs su rdzogs pa'i dkyil 'khor gyi 'khor lo'i 'od zer gyi tshogs kyis nam mkha'i mthil khyab par bltas nas/phung po dang / khams dang / skye mched rnams la nga rgyal bya'o/ /gzugs kyi phung po la rnam par snang mdzad do/ /tshor ba'i phung po la rdo rje nyi ma'o/ /'du shes kyi phung po la pad+ma gar gyi dbang phyug go/ /'du byed kyi phung po la rdo rje rgyal po'o/ /rnam par shes pa'i phung po la rdo rje sems dpa'o//mig dag la gti mug rdo rje ma/ rna ba dag la zhe sdang rdo rje ma/ sna dag la phrag dog rdo rje ma/ kha dag la 'dod chags rdo rje ma/ reg la phra ma rdo rje ma'o/ /sa'i khams ni ltung byed ma/ chu'i khams ni gsod byed ma/ me'i khams ni 'gugs byed ma/ rlung gi khams ni pad+ma gar gyi dbang phyug ma/ nam mkha'i khams ni pad+ma'i dra ba can ma'o//spyi bo dang / mgrin pa dang / snying ga rnams su dang / oM AHhUM zhes pa'o/ /de nas rang gi snying ga'i sa bon gyi 'od zer rnams kyis ye shes kyi dkyil 'khor mdun du bkug la/ oM hrAM hrIM/ hrauM zhes bya ba la sogs pa'i sngags kyis bgegs thams cad bskrad la/ mchod yon dang zhabs bsil la sogs pa phul nas mngon par mchod cing bstod de/oM shrI tsaN+Da ma hA ro Sha Na/ sa pa ri wA ra sa hi ta A gats+tsha gats+tsha dzaHhUM baM hoH/ a tra maN+Da le a d+hiSh+ThA naM ku ru hUM phaT swA hA/ zhes lan gsum brjod nas 'gugs pa la sogs pa rnams kyi ye shes dang / dam tshig sems dpa' bdag gcig nyid du rdzogs par byas te/lha'i nga rgyal byas pa'i snying ga'i 'od zer rnams kyis nam mkhar bkug pa'i de bzhin gshegs pa lnga dpa' bo dang dpa' mo'i tshogs dang bcas pa la/ de bzhin gshegs pa thams cad kyis bdag la dbang bskur du gsol zhes gsol ba btab pas/ de bzhin gshegs pa rin po che rnam par rgyal ba'i bum pa phyag na bsnams pa de rnams kyis/ji ltar bltams pa tsam gyis ni/ /zhes bya ba la sogs pa gsungs shing bdag nyid la dbang bskur bar blta'o/ /dbang bskur bzhin pa na lha'i dga' ston chen po 'byung bar 'gyur ro/ /dzo dzo dz+dzo ta rdo rje'i btsun mos rgyal ba 'khru/ /khro rnams phyogs bcur rang gi sku yis gshegs//nam mkha'i mthil nas tsan+dan gur kum sogs/ /dri bzangs me tog mchog dang rin chen char/ /sil snyan gar bcas bstod dang bkra shis dang / /rgyal sras tshogs bcas dga' mgu dga' ston nyid/ /thub dbang sku yi yon tan rin chen brgyan/ /mtha' yas rab 'byam khams rnams kun du'o//dbang bskur ba nas/ bcom ldan 'das la thugs kyi dbang pos rgyas gdab cing / de nyid kyis zhe sdang rdo rje ma la'o/ /mi g.yo ba dkar po la sogs pa'i dpa' bo rnams dang / gti mug rdo rje ma la sogs pa rtag pa dang / rin chen dbang po dang / 'od dpag med dang / don yod grub pa rnams kyis so//de nas snying ga'i sa bon gyi 'od zer rnams kyis sems can gyi khams ma lus pa yongs su smin par byas nas mi g.yo ba'i go 'phang la bkod de/ slar yang 'od zer de rnams bsdus nas sa bon la thim par bsgom mo/ /de nas khams gsum pa mtha' dag dkyil 'khor gyi 'khor lo'i rnam par lhag par mos par bya'o//'khor lo'i dbang phyug kyang gti mug rdo rje ma'i yan lag dam pa la rjes su chags pas re zhig mi g.yo ba dkar po bdag nyid kyi spyi bo'i lam nas zhugs te/ rang nyid mi g.yo ba dkar por gyur la/ de bzhin kho nar bsdus nas zhe sdang rdo rje ma yongs su gyur pa'i gti mug rdo rje ma la snyoms par 'jug par bya'o de bzhin du mi g.yo ba ser po la sogs pa so so'i rim pas bdag nyid la bsdus nas phra ma rdo rje ma la sogs pa'i rnal 'byor ma so so la snyoms par zhugs te/phyi nas zhe sdang rdo rje ma la snyoms par zhugs pa'i dpal mi g.yo ba nag por gyur nas nga nyid mi g.yo bar grub pa'o zhes nga rgyal bya'o/ /rgyud du yang gsungs pa/ lha mo bzhi la rjes chags pas/dkyil 'khor thams cad yang dag bsdu/ /bdag nyid gcig pu'i kha sbyor du/ /brtul zhugs can gyis shin tu bsgom/ /zhes so zhes pa las kyi rgyal po mchog ces bya ba'i ting nge 'dzin gsum pa'o// //de ltar khams gsum po mtha' dag thabs dang shes rab kyi rang bzhin gyi gcig pu'i skur mngon par brtags la dam tshig ji lta ba bzhin du sngags bzla bar bya ste/oM tsaN+Da ma hA ro Sha Na hUM phaT/ ces rtsa ba'i sngags so/ /oM hrAM hrIM hrau tsan+d+ra ru ya/ tsa Ta tsa Ta/ pra tsa Ta pra tsa Ta/ ka ha ka ha/ pra s+pha ra pra s+pha ra/ pra s+phA ra ya pra s+phA ra ya/ ha na ha na/ gra sa gra sa/ ban+d+ha ban+d+ha/ dzaM b+ha ya dzaM b+ha ya/ staM b+ha ya staM b+ha ya/ mo ha ya mo ha ya/ sarba sha trUM NAM mu kha ban+d+ha naM/ku ru ku ru/ sarba DA ki nI nAM gra ha b+hU ta pi shA tsa byA d+hi yak+Sha NaM/ tra sa ya tra sa ya/ ma ra ma ra/ mA ra ya mA ra ya/ ru ru tsaN+Da ru ka rak+Sha rak+Sha/ tsaN+Da ma hA se na/ sarba mA dz+nyA pa ya ti/ oM tsaN+Da ma hA ro Sha Na hUM phaT/ phreng ba'i sngags so zhes pa sngags kyi bzlas pa'o/ /de nas zhe sdang rdo rje ma gri gug dang lhan cig tu bcom ldan 'das kyi thugs ka'i sa bon la bcug nas sprul pa'i 'khor lor byung ste 'bar ba dang /gtum mo'i rtse mos rang rang gi 'khor lo dang lhan cig tu sprul pa'i 'khor lor gnas pa'i de bzhin gshegs pa rig ma dang bcas pa dang / longs spyod rdzogs pa'i 'khor lor gnas pa'i A li dang kA li dang / bde ba chen po'i 'khor lor gnas pa'i ha yig kyang bsregs nas gzhom du med pa byang chub kyi sems ral gri'i mtshan ma yang bzung la thugs ka'i sa bon gyi nang du rnam par bsgom par bya'o//sa bon de yang sangs rgyas lnga'i bdag nyid can 'bar bzhin par blta ste/ slar yang hUM yig gi phrag dog gi rang bzhin U yig ni 'dod chags ha yig la dang /ha yig phra ma re khA la dang / re khA ni gti mug zla ba phyed pa la dang / zla ba phyed pa ni thig le zhe sdang la ste/ thig le ni chos kyi dbyings nA da la bsdus nas/ de nas chos thams cad ro gcig pa'i rang bzhin/ rtag pa dang chad pa dang dbus dang bral ba dang / thams cad la rab tu mi gnas pa bde ba chen po nA da rnam par gnas par bya'o zhes bya ba phra mo'i rnal 'byor ro//slar yang smon lam gyis phug pa'i nus pa dang / gdul bya'i sems can gyi bsam pa'i dbang gis grub pa'i dkyil 'khor gyi 'khor lo'i rnam par byung ba'i dkyil 'khor gyi dbang phyug 'khor dang bcas par bltas nas mi g.yo ba lta bu'i rnal 'byor pas gtor ma'i de kho na nyid brtsam par bya'o//de la khaM las byung ba'i snod la sogs pa bza' ba dang longs spyod pa la sogs pa khyad par can gyis gang ba mdun du bkod nas der yaM las byung ba'i rlung gi dkyil 'khor gyi steng du/ raM las skyes pa'i me la oM AHhUM las byung ba'i mgo bo'i rnam pa'i sgyed pu gsum gyi steng du gnas pa'i a yig las grub pa'i pad+ma'i snod dkar po gang ba b+h+rUM AM dzrIM khaM hUM lAM mAM pAM tAM bAM las skyes pa bza' ba la sogs pa ji snyed pa cig tu bdud rtsi lnga dang sgron ma lnga'i rnam par grub pa la/sa bon de dag gis byin gyis brlabs pa me'i dkyil 'khor gyi shugs kyis 'bar zhing 'bar bas gdungs pa zhu ste/nyi ma'i mdog tu bltas nas/ de'i steng du hUM las skyes pa mtho gang tsam gyi tshad kyi yu ba'i rtse mor bdud rtsi'i rang bzhin gyi ral gri/ de rlangs pas zhu zhing 'dres par gyur te/ dngul chu lta bur bsil bar gyur pa bsams nas/ de'i steng du de nyid gsum gyi 'od zer gyis phyogs bcu na bzhugs pa'i dpa' bo dang dpa' bo'i dbang phyug ma rnams kyi ye shes kyi bdud rtsi bkug la de nyid du bcug nas/oM yig la sogs pa yang rim gyis zhu bar bltas te/ de nyid gsum gyis byin gyis brlabs la/ oM na mo b+ha ga wa te shrI tsaN+Da ma hA ro Sha NA la de wA su ra maNu Sh+r+ya trA sa nA ya sa kA la mA ra wa la bi nA shA nA ya rat+na mu ku Ta kr-i ta shi ra se i mi ba liM gr-ih+Na gr-ih+Na ma ma sarba big+h+nAn ha ra ha ra tsa tu rmA rAn+ni wA ra ya ni war ya/trA sa trA sa/ b+h+rA ma b+h+rA ma/ ts+tshiM da ts+tshiM da/ b+hiM da b+hiM da/ nA shA/ shA tA pa tA pa sho Sha sho Sha/ ts+tshe da ts+tshe da/ b+he da b+he da duSh+Ta satwAn+ma ma bi rud+da tsit+ta kan+b+ha sh+mI ku ru ku ru hUM hUM phaT phaT swA hA/ zhes pa'i sngags 'dis bcom ldan 'das 'khor dang bcas pa la gtor ma dbul bar bya'o//de yang bcom ldan 'das 'khor dang bcas pa'i hUM rdo rje'i ljags kyi 'od zer gyi sbu gus drangs nas gsol zhing dgyes par bltas nas/ oM a kA ro mu khaM zhes bya ba la sogs pa'i sngags kyis tshim par byas nas zhal bsil la sogs pa yang phul/mngon par mchod cing bstod do/ /yi ge brgya pa brjod pas bzod par gsol la gshegs su gsol lo zhes pa gtor ma'i cho ga'o/ /de ltar khams gsum po mtha' dag dkyil 'khor gyi 'khor lo'i bdag nyid can chu'i zla ba lta bur rten cing 'brel par 'byung ba dbang po thams cad mi 'gog cing thams cad la mi gnas pa'i rnal 'byor gyis ji ltar bde bar gnas par bya'o//gzhan yang / mi g.yo'i bdag nyid de nyid shes/ gang des ji lta de bzhin du/ /rnal 'byor pas ni nges med par/ /seng ge bzhin du kun du 'khyam/ /ngag la mi gus 'gro la sngags/ /rang bzhin du snang mi g.yo 'dra//ma skyes chos kyi de nyid shes/ /snying rje'i longs spyod can du 'gyur/ /'di na bstan la gnod byed pa'i/ /gdug pa rnams ni mthar byed la/ /de rnams kyi ni rdzas phrogs nas/ /sems can rnams la phan par spyod/ /de phyir rtag tu bdag gzhan gyi/ /skyon ni brdzun gyis sgrib mi byed/ /de bzhin du yang bdud rtsi lnga'i//dam tshig rnams ni sten par byed/ /bza' dang bza' min mi bya ste/ /bgrod dang bgrod min spang bar bya/ /bya dang bya min mi bya ste/ /btung dang btung min rnam spang bya/ /mgo bor rin chen cod pan te/ /rna ba dag la rna cha'o/ /rkang pa dag la gdu bu ste/ /de bzhin rked par ska rags so//de yang dpal ldan mi g.yo'i bdag /sna tshogs rin chen gyis brgyan pa/ /g.yas pa'i phyag gis ral gri ste/ /g.yon pas zhags pa gzung bya ba/ /btang nas gri gug thod par yang / /byas nas rin chen gyis ni brgyan/ /nyi shu lon pa'i shes rab kyi/ /bde bas mi g.yo bsgrub par bya/ /de nyid gsum gyis byin brlabs pa'i//bza' dang ston mo sogs bsgrubs pa/ /bla ma 'dod lha la sogs la/ /mgos btud seng ge rgyu zhing gnas/ /'od gsal ba la snyoms zhugs shing / /mnyam par bzhag pas 'gro bar bya/ /glu rnams kyis ni bskul ba las/ /rab tu sad pas yang dag bzhengs/ / rnam par mi rtog bdag nyid can/ /gsang spyod rab sbyor gyis grub 'gyur/ /zhes pa'o/ /mi shes dbang gis nye bar bsten pa'am/ /brjed ngas skyon las rab skyes 'di yi gzhung / /byas gang de la dpal ldan rdo rje yi/ /mkha' 'gro'i tshogs bcas khyed rnams bzod par mdzod/ /sdom brtson nags kyi rin chen gyis 'dir mi g.yo'i mngon rtogs kyi//skyon med gzhung ni dang por sarba mi tras gsol btab cing / /dam pa gzhan gyis kyang bskul legs byas gang des mi g.yo mchog /mngon par shes pa drug rnams skye ba 'di nyid la gyur cig /ces pa mi g.yo ba'i mngon par rtogs pa rab tu dga' bar mngon par brjod pa rdzogs so// //slob dpon dpal nags kyi rin chen gyi zhal snga nas mdzad pa'o/ /'di ni lho phyogs kyi sa'i thig ler blo gros chen po can/ dpal a mo g+ha sid+d+hi zhes bya bas/ dpal kun du bzang po'i nags kyi grub pa'i ring lugs pa chen po zab pa dang rgya che ba'i gzhung lugs thams cad pa a nan+da sA d+hu'i zhabs kyi drung du gsol ba btab ste/de nyid kyis ja'i gnang sbyin bzang po dang bcas pa'i bka' gnang ba las/ legs par sbyar ba'i cha shas rig pa chos smra ba'i dge slong gzhon nu dpal gyis bsgyur ba'o// //