CLOSE WINDOW

D1774
བོད་ཡིག

/ @##/ /rgya gar skad du/ shrI ma hA kA la sto tra/ bod skad du/ dpal nag po chen po la bstod pa/ dpal nag po chen po la phyag 'tshal lo/ /hUM srin po'i gzugs kyis gdug pa can/ /tshar gcod byang chub sems dpa' ste//grong khyer sum brtsegs 'jig byed pa'i/ /gtum po khyod la bdag bstod do/ /mdog nag gzugs thung gzi brjid can/ /gdug pa tshar gcod gri gug g.yas/ /g.yon pa gdug pa'i khrag bkang snod/ /thod phreng can la bdag bstod do/ /khros pas zhabs brdabs sa gzhi g.yo//'jigs pa'i gad mos ri rab bsgyel/ /dam tshig nyams pa'i snying 'byin pa/ /dam tshig can la bdag bstod do/ /hUM zhal gcig pa la phyag gnyis pa/ /gri gug thod pa lag na 'dzin/ /ral pa kham nag gyen du 'khyil/ /spyan gsum me yi mdog 'dra ba//mche ba zla ba tshes pa 'dra/ /thod pa'i phreng bas do shal byas/ /gsus khyim che la 'phyang ba po/ /mi thung khros pa'i gzugs 'dra ba/ /'das dang ma byon da ltar gyi/ /bstan pa srung bar zhal bzhes pa/ /nag po khyod ni yin pa ste/ /gdug pa tshar gcod 'jigs pa'i gzugs//dbu skra kham nag gyen brdzes pa/ /steng gi lha tshogs 'jigs par byed/ /spyan bgrad mche gtsigs ljags 'dril bas/ /bar gyi gdon tshogs bsdigs par byed/ /g.yas na gri gug bsnams pa ni/ /dgra bgegs 'dul zhing bdud mgo gcod/ / g.yon pas thod pa bsnams pa ni/ /gnod sems can gyi khrag bkang gsol/ /khros pa'i zhabs gnyis brdab pa yis/ /gnod sems can gyi lus la nyed/ /khyod kyis thub pa'i bstan pa srungs/ /rnal 'byor pa yi bar chad srungs/ /chos dang dpal 'byor rgyas par mdzod/