CLOSE WINDOW

D1769
བོད་ཡིག

/ @##/ /rgya gar skad du/ d+hU mang+gA ri sA d+ha naM/ bod skad du/ dud sol ma'i sgrub thabs/ dud sol ma la phyag 'tshal lo/ /dang por gdug pa'i bgegs tshogs rnams/ /'joms mdzad dud sol mar btud nas//gzhan la phan phyir bdag gis ni/ /'di yi sgrub thabs bshad par bya/ /de la dang por re zhig sngags pas rang gi yid dang rjes su mthun pa'i yul dang gnas su bde ba'i stan la nye bar 'dug nas/ skyabs su 'gro ba dang / byang chub tu sems bskyed pa sngon du song bas gang ci yang rung ba'i lha'i khyad par gyi rang gi cho ga shes pas/'dod pa'i lha'i rnal 'byor dang sngags bzlas pa la sogs pa rdzogs par bdag nyid kyis bya'o/ /mdun gyi phyogs su skad cig gis sku mdog dang phyag dang / dbyibs la sogs pa sngon du bshad pa'i bcom ldan 'das ma dud sol ma blta bar bya ste/de yang / rno ba'i ngar ldan ral gri g.yas pa'i phyag gis steng du 'phyar/ /g.yon gyi lag par 'gro la gnod byed rnams kyi khrag gi snod bzung zhing / /tshangs dbang khyab 'jug sogs kyi bsnyems pa drag po rab tu gzhil ba ma/ /dud pa'i sol ba ma 'di shin tu brtan pa'i yid kyis rab bsgom bya//bdag nyid kyi lhag pa'i lha'i rnal 'byor gyis rang gi snying gar bzlas bya'i sngags kyi yi ge shin tu gsal ba rnams las rang rang gi kha dog dang rjes su mthun pa'i sngags kyi 'od zer rno zhing rtsub pa drag cing gdug pa bzod par dka' ba'i 'od zer gyi tshogs 'phros pa rnams kyis dud sol ma'i snying gi chu skyes la gnas pa'i nyi ma'i dkyil 'khor gyi dbus kyi hUM gi sa bon du ba lta bu shin tu gdung bas gdungs te/yang nas yang du bskyod cing bskyod pas rab tu bskul bar bya'o/ /de las kyang 'di ltar bzod par dka' ba'i 'od zer drag pos de'i snying gdungs shing gdungs pa ma bzod pas/sgrub pa po'i mngon par 'dod pa'i don rig nas/ rang gi snying gi sa bon las/ de lta bu'i 'od zer ches drag po spros pa rnams kyis sgrub pa po la gnod par byed pa bgegs gdug pa can ma lus pa thams cad la bsnun cing bskrad de bcom nas/sgrub pa po bgegs dang bral ba nyid du shes pa las gang dang gang 'dod pa'i bya ba de dang de rdzogs par bya zhing / ji ltar bka' stsol ba de dang de thams cad kyis rjes su 'jug pa dang khas len na/ ci zhig bgyi zhes bka' nod cing 'dug par mngon par mos nas 'di skad du sngags bzla bar bya ba ni/oM d+hU mang+gA rI ye hUM swA hA zhes bya ba ji tsam nus par bzlas so/ /dub par gyur pas langs par 'dod pa na/ rang gi 'dod pa'i lha la phyag byas nas/ mngon par mchod cing yang dag par bstod de/ dge ba gang zhig thob pa dag sems can thams cad kyi ched du bla na med pa'i byang chub tu yongs su bsngo ba dang /bzod par gsol la ye shes sems dpa' gshegs par bya'o/ /dud pa'i sol ba ni/ cho ga ji lta bar gtor ma dang mchod pa dang bdud rtsis tshim par byas pas/ yang dag par mnyes pa las/ rang gi 'dod pa'i don gsol bar bya'o//de nas chos thams cad rten cing 'brel par 'byung ba tsam pa stong pa nyid kyi rang bzhin du mos par byas nas/ oM a kA ro mu khaM sarba d+harmA NAM Ad+ya nut+pan+na twAta ces bya bas spros pa med pa'i ngang du gnas par bya ba 'di ni dud pa'i sol ba ma sgrub pa'i thabs yin no/ /