CLOSE WINDOW

D1763
བོད་ཡིག

lan bdun brjod la gtor ma gtang / byin gyis brlabs pa'i nag po chen po'i sgrub thabs slob dpon chen po sha ba ri pas mdzad pa rdzogs so// @##/ /rgya gar skad du/ shrI ma hA kA la a b+hi Shiny+tsa bi d+hiH/ bod skad du/ dpal nag po chen po'i dbang bskur ba'i cho ga / dpal he ru ka la phyag 'tshal lo/ /srung ma'i mgon po 'khor dang bcas/ /bla ma'i mchog la phyag 'tshal nas/ /dpal ldan nag po chen po yi/ /dbang bskur cho ga bri bar bya/ /slob dpon dbang dang ldan pa yis/ /slob ma'i nus pa bskyed phyir ro/ /de la don ni gsum yin te//bsnyen dang dngos gzhi rjes nyid do/ /de la bsnyen pa ni slob dpon mtshan nyid dang ldan pa la/ slob ma snod dang ldan pas mchod pa dang gtor ma dang yon dbul ba rnams rdzogs par byas/ slob dpon gyis bdag la dpal mgon po nag po'i dkyil 'khor du 'jug pa'i mthu dang /dngos grub kyi dbang bskur ba dang / rjes su gnang ba stsal du gsol zhes lan gsum brjod do/ /de nas slob dpon gyis gnang ba byin nas/ gnas dben par dkyil 'khor la sogs pa dang / tshogs kyi 'khor lo la sogs pa'i dam rdzas tshang bar bkod la/ nag po chen po bskyed par bya ba la sogs pa byas te/sngags nyis stong ngam 'bum phrag brjod par bya'o/ /de nas dngos gzhi'i cho ga la 'jug par bya ste/ sa gzung ba dang / sta gon dang / dkyil 'khor du 'jug cing dbang bskur bar bya'o/ /dkyil 'khor gyi khang par sa bslang ba la sogs pa byas nas chag chag btab ste/bgegs la bka' bsgo ba byas nas/ bgegs kyi rgyal po rnams la/ dpal rdo rje nag po chen pos phur pa btab la/ srung ba'i 'khor lo bsgom par bya'o/ /de nas dkyil 'khor dang / lha dang / bum pa dang / slob ma rnams sta gon du gnas par bya ste/ dpal nag po chen po'i dkyil 'khor gyi lha nam mkha' la bkug ste/ mchod pa la sogs pa byas nas/ dpal ldan mgon po nag po che/ /sngon gyi dam tshig dran byos la/ /bdag dang slob ma'i don du ni/ /sa 'dir byon par mdzad du gsol/ /ces brjod la bzhugs su gsol lo//de nas bum pa mtshan nyid dang ldan par sman la sogs pa blugs nas/ nag po chen po nang du bskyed pa la sogs pa byas te/ oM shrI ma hA kA la che ge mo rak+Sha rak+Sha hUM phaT/ brgya rtsa brgyad dam/ stong ngam/ khri'i bar du brjod pa'i bum pa lnga dag dkyil 'khor gyi nang du dgram mo//las thams cad pa'i bum pa ni shar phyogs su gzhag go/ /de nas slob ma rnams khrus byas te/ bla ma dang dkyil 'khor gyi lha la phyag dang mchod pa byas nas/ kha bshal zhing so shing dor la/ oM AHhUM gnas gsum du bsams te mchod cing srung skud kyis bsrungs la/ku sha'i chun po sngas stan du sbyin par bya'o/ /de rnams kyi sngags ni/ oM ma hA kA la oM AHhUM a d+hiSh+ThA na zhes pa'o/ /de nas dkyil 'khor bdud rtsi lngas byugs la 'khor lo rtsibs brgyad pa'i thig btab la/ tshon rtsi lnga la rigs lnga'i sa bon bsams te//dbus kyi gru gsum nag po/ zla gam dmar po/ 'khor lo'i rtsibs mtshan kha dog sna tshogs par bya/ mu khyud dmar po/ thod pa'i ra ba dkar po bya/ dur khrod ljang gu ser po bya/ rdo rje'i ra ba sngo ba/ me ri dmar po bya'o/ /de nas nag po chen po'i sku dang / gri gug dang / thod pa dang / phur bu dang / bum pa dang / lha'i grangs kyi mchod pa dang gtor ma la sogs pa dkyil 'khor gyi gnas su bkram nas/ yol ba dang bla res bres te/ mda' dang ral gri la sogs pas brgyan par bya'o/ /de nas slob dpon gyis lha rdzogs par bsgoms nas/ dkyil 'khor bsgrub par bya ste/nag po chen po'i sngags kyis bgegs bskrad nas/ dkyil 'khor gyi dbus su brag gi steng du hUM dang gri gug las byung ba'i rdo rje'i gur bgegs la me 'phro ba dang bcas pa bsgoms nas/ de'i nang du gzhal yas khang dang lha bskyed pa la sogs pa dang / bskur ba'i bar rdzogs par byas la/ dkyil 'khor gyi lhas bdag la dbang bskur bar dmigs nas/ slob ma dkyil 'khor du gzhug par bya ste/ de'i dkyil 'khor gyi phyi rol du bla ma la yon legs par phul nas/ dkon mchog gsum la bdag skyabs mchi la sogs pas sems bskyed de/sngags kyi che ba brjod la gdong g.yogs nas/ rdo rje slob dpon dgongs su gsol/ /dus 'di nyid nas bzung nas su/ /ji srid byang chub snying po'i bar/ /sems can kun gyi don gyi phyir/ /nag po chen po'i dkyil 'khor du/ /bdag nyid gzhug par mdzad du gsol//zhes lan gsum gyi bar du brjod pa dang / slob dpon gyis dkyil 'khor gyi khang par khrid do/ /dkyil 'khor la bskor ba dang / phyag byas nas dkyil 'khor gyi sgo'i nang du phyin par bsams te/ dkyil 'khor gyi shar gyi stegs bu la gzhag go/ /de nas slob mas 'di skad ces brjod par bya ste/bdag la dpal nag po chen po'i sku gsung thugs yon tan dang phrin las kyi ye shes dbab tu gsol zhes lan gsum du'o/ /slob dpon gyis slob ma'i snying gar bruM las 'khor lo dang nyi ma'i steng du nag po chen po bskyed pa la sogs pa byas nas ye shes dbab ste/spos bsregs nas nag po chen po'i sngags brjod pas brtan par byas la/ dkyil 'khor gyi lha la me tog dor nas/ oM ma hA kA la tsak+Shu pa Ta laM hrIHgser gyi thur mas mig phye la/ lha bstan pa ni dkyil 'khor du zhugs pa'o/ /de nas dbang gi phyir yon phul nas/rdo rje slob dpon dgongs su gsol/ /dpal ldan nag po chen po yi/ /sku gsung thugs dang phrin las kyi/ /dbang rnams bdag la stsal du gsol/ /zhes lan gsum du gsol ba gdab po/ /de nas rdo rje slob dpon gyis/ /lha yi ting 'dzin rab gsal bas/ / bum pa cod pan rdo rje dang / /dril bu ming dang slob dpon dbang / /rgyal ba rigs lnga'i ngo bo yin/ /nag po chen po lngar bskyed la/ /slob ma la ni sbyin par bya/ /ji ltar bltams pa tsam gyis ni/ /lha yi chu ni dag pa yis/ /de bzhin gshegs kun khrus gsol ltar/ /mi bskyod pa yi chu yi dbang //di ring khyod la bskur bar bya/ /oM shrI ma hA kA lA ya kA ya wA ka tsit+ta karma a b+hi Shiny+tsa AHhUM/ de ma thag tu phyogs bcu'i sangs rgyas rnams mi bskyod pa'i ngo bo nag po chen por bsams la slob ma'i spyi bor bstim mo/ /de nas dbu rgyan dang / rdo rje dang / dril bu dang / ming la yang dkyil 'khor gyi cho ga gzhan nas bshad pa bzhin shes par bya'o/ /sngags kyi mthar trAM dang / hrI dang / oM sbyor bar bya'o/ /de nas nag po chen po'i sku dang / gri gug dang / thod pa dang / phur bu'i dbang rnams bskur bar bya'o/ /sku byin la/ sangs rgyas rnams kyi sku yi rtags/ /gang zhig bsgoms pa tsam gyis kyang / /dngos grub myur du thob 'gyur ba/ /di ring khyed la sbyin par bya/ /oM shrI ma hA kA lA ya a d+hiSh+ThA na a b+hi Shiny+tsa AHhUM/ de nas gri gug lag pa g.yas par byin la/ sangs rgyas rnams kyi thugs kyi rtags//gang zhig bcangs pa tsam gyis ni/ /gdug pa'i nyon mongs gcod byed pa/ /di ring khyod la sbyin par bya/ /oM shrI ma hA kA lA ya tsit+tA d+hiSh+ThA na a b+hi Shiny+tsa AHhUM/ de nas thod pa lag pa g.yon du byin la/ sangs rgyas rnams kyi gsung gi rtags/ /gang zhig bzung ba tsam gyis ni//snying rje ldan zhing bdud skrag pa/ /di ring khyod la sbyin par bya/ /oM shrI ma hA kA lA ya wAka a d+hiSh+ThA na a b+hi Shiny+tsa AHhUM/ de nas phur bu byin la/ sangs rgyas rnams kyi phrin las rtags/ /gang zhig bzung ba tsam gyis ni/ /dgra bgegs thams cad rlag byed pa/ / de ring khyod la sbyin par bya/ /oM shrI ma hA kA lA ya karmA d+hiSh+ThA na a b+hi Shiny+tsa AHhUM/ de nas slob ma la brjod par 'gyur ba'i sngags kyi rjes su gnang ba sbyin no/ /de nas tshogs kyi 'khor lo'i phyir rnal 'byor pas nga rgyal brtan pas/ tshogs kyi rdzas rnams me chu rlung gsum gyi sa bon gyis sbyangs la 'bru gsum gyis byin gyis brlabs te/dkyil 'khor dang rnal 'byor pa rnams mchod par bya'o/ /gsum pa rjes kyi bya ba ni dkyil 'khor lha la mchod pa dang bskor ba byas te/ yi ge brgya pa lan bdun gyi bar du brjod de/ ye shes pa gshegs/ dam tshig pa bdag la bsdus nas//lha gzhan mi dmigs par mos la/ rdul tshon rnams chu bor dor bar bya'o/ /bdag gis nag po chen po yi/ /dbang bskur cho ga bkod pa yi/ /dge bas mgon po bsgrub pa kun/ /dpal ldan mgon po 'dra bar shog /dpal nag po chen po'i dbang bskur ba'i cho ga /