CLOSE WINDOW

D1761
བོད་ཡིག

/ @##/ /rgya gar skad du/ shrI ma hA kA la sA d+ha naM nA ma/ bod skad du/ dpal nag po chen po'i sgrub thabs zhes bya ba/ dpal he ru ka la phyag 'tshal lo/ /bla ma la gus snying rjer ldan/ /tshul khrims sogs ldan bsdu dngos bzhis//sems can don byed brtson 'grus ldan/ /rtag tu bsgrub la dga' ba yis/ /slob dpon la smod bstan la sdang / /dam tshig la 'phya mtshams med byed/ /de rnams bsgral bar bya ba yin/ /gzhan du dam tshig nyams par 'gyur/ /dang por bdag nyid yi dam lha/ / rim pa thams cad rdzogs bsgoms la/ /bstan pa bsrung phyir nag po mchod/ /brag steng dkyil 'khor gru gsum gnas/ /hUM skyes 'bar ba nag po che/ /gri dang ka pA la lag na 'dzin/ /mgo bo'i phreng bas do shal byas/ /mche gtsigs gzugs thung gzi brjid che/ /kha nas khrag 'dzag khros tsam na//rang gi yan lag sha gcod byed/ /khrag gi rgyun yang 'dzag par byed/ /dkon mchog gsum khro bla ma brnyas/ /mtshams med la sogs byed rnams kyi/ /de rnams mgo nas til tsam za/ /de ltar gsal bar byas nas ni/ /rang gi gnas nas spyan 'dren bya//rdo rje 'chang gi spyan snga ru/ /ji ltar khas blangs dam bcas ltar/ /byin gyis brlabs pa'i gnas 'di ru/ /drag po'i las la spyan 'dren na/ /myur du 'ongs nas de la thim/ /mon sran gre'u dang 'dzam bu'i ti/ /me tog bdug spos sha lnga dang / /bdud rtsi lnga sbyar gtor ma sbyin//oM ma hA kA lA ya shA sa no ba hA ri Ne/ e ShA pash+tsi ma kA lo a yaM i daM/ rat+na tra yA yA pa ka ri NAM/ ya di pra tI dz+nyA sma ra si ta dA i daM duSh+TAM kha kha khA hi khA hi/ ma ra ma ra/ gr-ih+Na gr-ih+Na/ ban+d+ha ban+d+ha/ ha na ha na/ da ha da ha/ pa tsa pa tsa/ di na me ke na mA ra ya hUM phaT/ nag po khyod kyis sngon bcom ldan 'das kyi spyan sngar khas blangs pa bzhin du ngas ci bcol ba'i las gyis shig /de ltar ma byas na mgo a rdza ka'i dog pa ltar 'gas so/ /dam chu blud/ lag tu rdo rje sbyin/ de nas bstod pa/ hUM srin po'i gzugs kyis gdug pa can/ /tshar gcod byang chub sems dpa' ste//grong khyer sum brtsegs 'jig byed pa/ /gtum po khyod la bdag bstod do/ /mdog nag gzugs thung gzi brjid can/ /gdug pa tshar gcod gri gug g.yas/ /g.yon pa gdug pa'i khrag bkang snod/ /thod phreng can la bdag bstod do/ /khros pas zhabs brdabs sa gzhi g.yos//'jigs pa'i gad mos ri rab bsgyel/ /dam tshig nyams pa'i snying 'byin pa/ /dam tshig can la bdag bstod do/ /de nas bskul ba/ 'das dang ma byon da ltar gyi/ /bstan pa bsrung bar sems bskyed pa/ /nag po khyod ni yin pa ste/ /gdug pa tshar gcod 'jigs pa'i gzugs//ral pa nag po gyen du g.yengs/ /steng gi lha tshogs 'jigs par byed/ /spyan bgrad ljags 'dril bar gyi lha gdon sdigs/ /g.yas pa gri gug gnod sems can la sdang / /g.yon pas thod pa gnod sems khrag bkang gsol/ /zhabs brdabs gnod sems can gyi lus la nyed//gang zhig dkon mchog gsum khro dang / /bla ma brnyas byed sems can 'tshe/ /bdag gis bsgo ba kun khug la/ /ling+ga 'di la myur du chug /'di yi sha zo khrag la 'thung / /rus pa klad pa nang grol zo/ /rigs rgyud rtsad nas chod la shog /mdza' ba kun dang phrol la shog /bdag gis bsgo ba ma nyan na/ /nag po khyod ni nyams par 'gyur/ /zhes bskul/ gong gi sngags sam yang na/ oM ma hA kA la che ge mo hUM phaT/ stong rtsa brgyad bzlas/ de nas sbyor ba bshad bya ba/ /tsha ba gsum la gzugs brnyan bya//dug dang ske tshe lan tshwA dang / /tshwa gsum smyo byed srin lag khrag /gro gar sngags spel snying gar gzhug /gdug pa'i tsher mas lus la dgang / /dur khrod me la gdungs bzlas na/ /de ma thag tu med par 'gyur/ /yang na rabs chad thod pa ru/ /bcug la dgra yi dur bcug na//the tshom med par gang bsgo 'grub/ /klu yod gnas su'ang gang bsgo 'grub/ /nag po'i 'phan nam rgyal mtshan la/ /sngags dang ming spel byas nas ni/ /mchod rten la btags gang bsgo 'grub/ /gang 'dod yul gyi lha rten nas/ /nag po bskyed la gtor ma sbyin//gong gsungs bzlas pa tshang bar bya/ /yul du ser ba myur du phob/ /bsgo na myur du 'bebs par byed/ /de ru gtor ma gter du sba/ /yul lha'i steng du nag po bzhag /nag po'i sngags bzlas phur bu ni/ /yul lha'i snying gar gdab par bya/ /des ni the tshom med par 'grub//khyi yi thod pa sha med la/ /sngags dang ming spel dgra khyim sba/ /de yis kyang ni gang bsgo 'grub/ /thal ba'am yungs kar gang la yang / /bzlas gtor ser sogs 'chad par byed/ /nag po sngags kyi sbyor ba yi/ /yon tan brjod par mi nus so/ /zhes gsungs so/