CLOSE WINDOW

D1760
བོད་ཡིག

/ //paN+Di ta a b+ha yA ka ra dang / lo tsA ba tsa mi chen pos bsgyur ba'o// @##/ /rgya gar skad du/ shrI ma hA kA la bi ta ra sA d+ha naM nA ma/ bod skad du/ dpal mgon po'i nang sgrub ces bya ba/ dpal nag po chen po la phyag 'tshal lo//nag po bsgrub 'dod rnal 'byor gyis/ /yid dang mthun pa'i dben gnas su/ /rten dang mchod pa'i rdzas bshams te/ /dang po byang chub sems bskyed la/ /mdun du skad cig 'dab brgyad steng / /dpal ldan nag po chen po la/ /lha mo brgyad kyis bskor ba yang / / bya rgod mgo dang khyung gi mgo/ /khwa yi gdong dang 'ug pa'i gdong / /de bzhin phyogs kyi lha mo'o/ /phag gi gdong dang khyi gdong ma/ /spyang ki stag gi gdong can bzhi/ /mtshams kyi lha ni shes par bya/ /kun kyang nag mo gri thod thogs/ /pad+ma ro dang nyi steng na/ /zhabs gnyis brkyang bskum tshul du bzhugs//de la bdun po rnam dag gis/ /mchod la gsol ba btab byas la/ /rang bzhin gnas su gshegs su gsol/ /rang nyid yi dam gsal ba'i mdun/ /stong pa'i ngang las paM dang raM/ /pad+ma nyi ma'i steng du hUM/ /'phros 'dus gri gug hUM gis mtshan//'od 'phros don byas slar 'dus nas/ /sa bon phyag mtshan gyur pa las/ /dpal ldan mgon po'i skur gyur te/ /zhal gcig spyan gsum smin ma 'khyog /khro gnyer zhal gdangs mche ba gtsigs/ /dbu skra dmar ser gyen du 'bar/ /phyag bzhi g.yas gnyis gri gug dang //ral gri 'bar ba 'dzin pa'o/ /g.yon gyi phyag gnyis thod khrag dang / /mdung rtse gsum pa bsnams pa'o/ /zhabs gnyis phyed skyil 'gying bag can/ /stag sham mgo phreng do shal byas/ /phyag rgya lnga dang ldan pa la/ /klu chen brgyad kyis sku la brgyan//de ltar dam tshig gsal bskyed la/ /ye shes spyan drangs mchod cing bstod/ /dzaHhUM baM hoHsa dgug gzhug bya/ /sku gsung thugs gsum byin gyis brlab/ /oM badzra ka wU ba ma hA kA la hUM hUM phaT/ man ngag bzhin du bzlas par bya/ /skyo na gtor ma phul byas la//mchod bstod gsol btab ye shes gshegs/ /dam tshig bsdus la dge ba bsngo/ /dge rtsas bar chad kun bsal nas/ /bstan pa dar zhing rgyas par shog /mgon po bya rog gdong can gyi nang sgrub rdzogs so// //paN+Di ta a b+ha yA ka ra dang / lo tsA ba tsa mi chen pos bsgyur ba'o/