CLOSE WINDOW

D1756
བོད་ཡིག

/ //paN+Di ta chen po sa man+ta shrIs mdzad pa'o/ /paN+Di ta de nyid dang lo tsA ba dge slong chos rab kyis bsgyur cing zhus te gtan la phab pa'o// @##/ /rgya gar skad du/ ma hA kA la a b+hi sa ma ya/ bod skad du/ nag po chen po'i mngon par rtogs pa/dpal nag po chen po la phyag 'tshal lo/ /dang po dka' thub la gnas pas/ dur khrod la sogs pa'i gnas su/ gcig tu dben par gnas pas/ lus yongs su dag par byas la/ sngags 'di brjod par bya'o/ /oM ma hA kA la pUrba in+d+ra ban+d+ha/ dak+Shi na ya mo ban+d+ha/ pash+tsi ma ba ru Na ban+d+ha/ ut+ta ra ku be ra a d+hi pa ti ban+d+ha/ I sha na b+hU ta a d+hi pa ti ban+d+ha/ ag+ni pai shwa ra na/ nai r+R-i t+ye rak+Sha sa ban+d+ha/ bA ya be+e bA yu de ba ta/ ur+d+he si ta ma ho ban+d+ha/ ad+h+wa pr-i th+WI nA gen+d+ra/ tsan+d+ra sUr+ya de ba gra ha/ mA tr-i dzra mi ka b+hU ta/ ka Ta pU ta na sh+tsa dzAk+ShASh+Tar g+ha te/ye ka tsi ta duSh+TA na/ sarban/ ban+d+ha ban+d+ha/ kI la ya kI la ya/ badzra mung+ga re Na ka ha ka ha shap+ta pa ta la/ A ko Ta ya A ko Ta ya hUM phaT phaT swA hA/ 'dis bgegs bsal bar byas la/ de nas sngags bsgrub pa la sngags pas 'bad par bya ste/ rang gi lus kyi snying gar yi ge ra~M` yongs su gyur pa las/nyi ma'i dkyil 'khor gyi dbus su hUM sngon po las 'od zer 'phros pas/ bla ma dang sangs rgyas byang chub sems dpa'i tshogs spyan drangs la/ glang po che'i lta stangs tsam gyi nam mkha' la bzhugs su gsol te/ thugs ka'i sa bon las/me tog ma dang bdug spos ma sogs mchod pa'i lha mo rnams kyis mchod la/ sdig pa yang bshags te/ 'khor ba thog ma med pa nas/ /skye ba'i brgyud pa thams cad du/ /ji ltar byas pa'i sdig pa'i tshogs/ /byas dang rjes su yi rang ba/ /thams cad so sor bshags par bgyi//phyin chad bdag ni mi bgyid do/ /dkon mchog gsum la skyabs su mchi/ /mngon du thams cad so sor bshags/ /bsod nams kun la rjes yi rang / /sangs rgyas byang chub yid kyis gzung / /tshangs pa'i gnas rnams bsgom pa yis//thog ma med pa'i 'khor ba nas/ /bdag gi ma dang / pha dang / spun zla dang / sring mo la sogs pas gtso byas pa'i sems can thams cad la ma bu gcig pa ltar byams pa'i sems ltar du gnas pas/ 'khor ba'i pha rol du bsgral bar bgyi'o//de ltar byams pa chen po'i sems dang ldan la/ 'khor ba'i nags khrod nyam nga ba'am/ sdug bsngal gyis gdungs pa'i sems can rnams yongs su bsgral ba'i blo bskyed la/ sdug bsngal gyi rang bzhin la bsam ste/ snying rje chen po bskyed la/ dga' ba chen po'i sems kyis thams cad bde ba chen po'i sems dang ldan pas/kun la snyoms shing khyab par bya ste/ de nas grub pa'i dpal nag po chen po'i gzugs rnyed pa dang ldan par bsams la/ 'jig rten gyi chos brgyad rnam par spangs te/ btang snyoms chen po'i sems su gnas par bya'o//de ltar tshangs pa'i gnas bzhi rab tu gnas par bya'o/ /de'i nang du rang gi lus kyi kun du spyod pa'i rang bzhin du blta bar bya ba dang / oM swa b+hA ba shud+d+haHsarba d+harmAHswa b+hA ba shud+d+hou0f85haM/ oM shU n+ya tA dz+nyA na badzra swa b+hA ba At+ma kou0f85haM/ skad cig gis nam mk ha'i dkyil du/sna tshogs pad+ma'i lte ba la/ yi ge raM las byung ba'i nyi ma dang hUM nag po yongs su rdzogs pa'i nag po chen po/ bzang po'i dbang phyug phyag gnyis pa/ zhal gcig pa/ rab tu gnag pa/ spyan gsum pa/ mgo bo'i phreng bas brgyan pa/ dbu skra dmar ser gyen du langs pa/ro'i gdan la gnas pa/ mche ba rab tu gtsigs pa/ 'jigs pa'i tshogs rnams kyang rab tu 'jigs par mdzad pa/ klu brgyad kyis rnam par brgyan pa/ mi'u thung gi gzugs can/ gzi brjid dang ldan pa/ mi bskyod pas rgyas btab pa/ g.yas na gri gug 'dzin pa/g.yon pa thod pa dang mchan khung na kha T+wAM ga 'dzin pa/ rab tu rngam pas khrag gsol zhing 'bo ba'i zhal can/ ljags rnam par rol zhing bsgyur ba/ mche ba rab tu gtsigs par rang nyid blta bar bya'o/ /ras ris la byas pa'i sku rnams kyi rang bzhin yang de ltar yongs su rdzogs par bya'o//de dag mdun du 'dug pas kyang myur du 'grub pa yin te/ dug dang / khrag dang sgog pa dang / yungs kar dkar po rnams gcig tu bsres te/ btags pa'i spos kyis bdug par bya ste/ lugs ma dang thang sku la sogs pa yang bdug par bya'o//sran ma dang lhan cig btsos pa'i 'bras dang / chang dang me tog dang / bdug pa dang / byug pa dang / sha lnga dang / bdud rtsi lnga dang / de rnams kyis nag po chen po la gtor ma sbyin par bya'o/ /de rnams yongs su rdzogs nas/ sngags bzlas par bya ste/oM ma hA kA lA ya hUM hUM phaT phaT swA hA/ 'di ni sngags kyi rgyal po dpag bsam gyi ljon shing ngam/ yid bzhin gyi nor bu rin po che lta bu'o/ /snying ga dang kha nas mngon par 'thon te/ lte ba'i pad+ma la babs par bsam par bya'o/ /de yang myur ba ma yin cing bul ba yang ma yin la/yi ge 'bru yang ma lus par ma yengs par bzlas par bya'o/ /de ltar sngags pas bya'o/ /de ltar sngags kyi skyon thams cad spangs pa'o/ /mtshan mo'i thun gsum la gtor ma byin te/ srod dang gung dang tho rangs kyi snang ba spangs pa'o//brtan pa'i sems kyis bzlas pas zla ba drug gis 'grub po/ /grub pa rnams kyang rab tu ster zhing / grub pa rnams gang zhe na/ dbang dang dgug pa dang por 'byung ngo / /gnyis pa la rengs pa dang bskrad pa'o/ /gsum pa la dbye ba dang bsad pa/ zhi ba dang rgyas pa/lnga pa la don thams cad 'grub po/ /de ltar grub pa brgyad grub nas/ ji ltar chu klung gi rgyun 'gro zhing sgra sgrogs pa ltar/ rtag tu nag po chen po sgrub pa'i rnal 'byor la brtson par bya'o/ /sems ma yengs par bsgrubs pas the tshom med par 'grub po/ / sems mi g.yo bas ni sangs rgyas kyi grub pa yang ster ro/ /de nas gzhan brjod par bya ba/ brtson 'grus kyis sngags pa'i 'bras bu brjod par bya ste/ zla ba drug la rtsol ba byas te 'bum phrag gsum bzlas pas/ blo gros rab tu rno bar 'gyur zhing / dri ma med cing kun du rno ba'i shes rab dang ldan par 'gyur ro//'bum phrag drug bzlas pas/ lha rnams kyang dbang du 'gyur na/ dman pa'i mi rnams smos ci dgos te/ ji ltar byas pa bzhin du dbang du 'gyur ro/ /'bum phrag dgu bzlas pas dug thams cad kyang dbang du 'gyur zhing /bsod nams dang grags pa chen po dang ldan par 'gyur ro/ /bye ba'i bar du bzlas na 'jig rten gsum dbang du 'gyur ro/ /bye ba gnyis bzlas na grub pa chen po dang ldan par 'gyur ro/ /ji ltar yid la bsams pa'i lha thams cad 'grub par 'gyur ro/ /sa brgyad kyi rnal 'byor kyang 'grub na/gzhan mang du brjod pas ci bya/ chos dang rdzas dang / don dang 'dod pa dang / rnam par grol ba'i sngags kyi rgyal po 'di brjod pa'i mod la sdig pa thams cad kyang zad par byed la/ rtag tu brgya phrag re bzlas pas kyang grub pa ster ro/ /khri phrag gcig gis bud med dbang du 'gyur zhing /'bum phrag gcig gis rgyal po dbang du 'gyur la/ 'bum phrag lngas lha dang gnod sbyin rnams nges par 'grub na/ mi'i dpa' mo lta ci smos dbang gi sngags so/ /de nas las kyi rab tu dbye ba brjod par bya ste/ las thams cad kyi 'bras bu ster ba ji ltar shes pa'i mod la myur du grub par 'gyur ro//oM k+Shi ha bu ha a mu ka tsa Ta ya hUM phaT/ khri phrag gcig bzlas pas dur khrod kyi rus pa la ling+ga byas nas dgra bo'i sgor sbas na zhag bdun gyis nges par skrod par 'gyur ro/ /oM maM dz+haM k+Sha a mu kaM s+t+waM b+ha ya hUM phaT/brgya phrag bzlas pas dgra bo rengs par 'gyur ro/ /oM dzra hUM ha staM staM b+ha ya hUM phaT/ byi ba'i rnga ma la lan bdun btab ste brgyab pas glang po che rengs par 'gyur ro/ /oM kha ha phaT/ ba glang gi sha la btab ste brgyab na rta rengs par byed do/ /oM mu haM sarba shu na s+t+waM b+ha ya mo ha ya hUM phaT/stag gi pags pa la lan bdun bsngags te brgyab na/ stag la sogs pa'i phyugs thams cad rengs par byed do/ /'di la the tshom med do/ /oM ma hA nan ta hUM gtor ma la lan bdun bzlas te brgyab na sbrul rengs par byed do/ / mi'i ngag bcing bar byed na/ oM mu kha s+t+waM b+ha ya a mu ka sha b+haM phaT/ mi'i ngag 'ching bar byed do/ /de nas gtor ma'i sngags ni/ oM hra ka ha ka ha ma li ni mu khri pra sha tha ya pra sha tha ya/ ma hA kA la b+hU ta a dzra pra ho to Shi mA ra ya kA ra ya kA ra ya/ sarba duSh+Ta pra duSh+Ta na gr-ih+Na gr-ih+Na/ mA ra mA ra/ kha kha/ khA hi khA hi/ shI g+h+raM da ha da ha/ pa tsa pa tsa/ hu lu hu lu/ maM raM hUM phaT/ i daM ba liM gr-ih+Na gr-ih+Na shiHswA hA/ sangs rgyas kyi bstan pa la gnod par byed pa dang / rtsod pa dang rab tu rtsod par byed pa rnams/ mi'i thod pa'i nang du gtor ma khrag gis btab la sha'am sha chen pos brgyan pa nag po'i brgyad la sbyin par bya'o//de ma thag tu dgra bo 'khor dang bcas pa nyams par 'gyur ro/ /gzhan yang mig long ba dang / rims kyis 'debs pa'am/ mgo chag pa'am/ gnod pa chen po'i gtor ma'i cho ga'o/ /de nas sha za'i sgrub thabs brjod par bya ste/na mo rat+na tra yA ya/ oM ma hA kA la pi shA tsI ni sA d+ha ya hUM hUM phaT phaT swA hA/ khri phrag gcig bzlas pas sngon du bsnyen par 'gyur ro/ /de nas sgrub thabs la 'jug par bya ste/ oM kha ra mu khi ma hA bi shA tsI ni de hi da dA b+h+yaHswA hA/ sngags 'di nyi shu rtsa gcig gis lha la mngon par bsngags te/zla ba gcig gi bar du gtor ma'i snod du byin na/ 'gron bu pa Ni nyi shu rtsa gcig rtag tu ster bar 'gyur ro/ /nyin re bzhin du thos pa rtag tu spyad par bya ste/ 'gron bu gcig lus na'ang phyis mi thob par 'gyur ro/ / de nas yang / oM a na le kuN+Da le gr-ih+Na piN+Da pi shA tsI ni swA hA/ lhag ma la lan bdun mngon par bsngags la/ zhag bdun gyi bar du byin na/ zla ba gsum gsum nas gos zung re ster bar 'gyur ro/ /de nas yang / oM a la g+hu sa ti gr-ih+NaM piN+Da pi shA tsI swA hA/ sngags 'di lan brgyad mngon par bsngags pas lhag ma zla ba gcig tu byin na/ rtag tu gser ti na re ster bar 'gyur ro/ /rtag tu zad par spyad par bya'o/ /de nas dpa' mo la bya ba brjod par bya ste/ oM ma hA kA la hriM hriM hriM ha sngags 'di brgya rtsa brgyad bzlas pas/ sngon du bsnyen par 'gyur ro/ /oM tsa le tsa le tsi te tse do muny+tsa pa ya swA hA/ brgya phrag brgyad bzlas pas/ reg pa'i mod la bud med kyi khu ba 'pho zhing chags pa rab tu rgyas par 'gyur ro/ /da du ra dang / ba bla dang / shing thog bi dza pU ra dang / bya pho'i rtug pa dang /de ltar rdzas bzhi mnyam par btags la/ nag po chen po la spos kyis bdug par bya'o/ /oM ma hA kA la a mu kaM mun ma daM ku ru dzaHdgra bo smyo zhing myos par 'gyur ro/ /skra bzhar na grol bar 'gyur ro/ /de nas rkang pas 'gugs pa/ na maHsarba b+hU te b+h+yo ga mi ni b+ha ma dzi lA ya swA hA/sngags 'di rgyab pa'i thal bas brgyab na dbang du 'gyur ro/ /thal ba bkrus pas ni grol bar 'gyur ro/ /de nas mi snang ba'i las la/ na mo bo d+hi sa twe b+h+ya hUM shi gi ni swA hA/ de'i rjes la brgya phrag re bzlas pas/ rgyal po thams cad kyi thig byas pas mgo rmongs par 'gyur ro//de'i tshe dbang gi rang bzhin du'ang 'gyur ro/ /sngags 'di brgya phrag bdun/ yungs kar la mngon par bsngags te brgya rtsa brgyad kyi bzlas pa sgo la btab na sgo bye bar 'gyur ro/ /de nas rengs pa'i las la/ na mo bud+d+he b+h+yaHta ta s+t+waM b+ha ya dzaM b+ha ya mo ha ya swA hA/de'i rjes su khyo po dang bcas pa'i bram ze mo shi ba'i thal ba blangs te/ brgya phrag gcig gis thal ba la bsngags te sangs rgyas gang la gtor ba de/ sangs rgyas rengs par byed na bsod nams dman pa'i mi rnams la lta ci smos/ sngags 'di brjod pa tsam gyis g.yul du zhugs pa'i mtshon cha thams cad kyang rengs par byed do//de nas me bsil bar bya ba'i las la/ na mo ar+han+te b+h+yo/ ru ha ya sa tsa ru ha dza mi dz+wa la ni/ pra be shi ma/ si ta lo mo b+ha ba tu swA hA/ de'i rjes su ma he'i mar blangs la/ nags kyi spo ba rtsi sngo blangs la gcig tu btags te/rang gi lus po la byugs la sngags kyis mngon par btab ste/ me'i nang du phyin yang lus po mi 'tshig par 'gyur ro/ /de nas rgyal po rengs pa'i las la/ na mo rat+na tra yA ya/ dza ya dza ya staM b+ha ni swA hA/ sman tri sha ga ti'i rtsa ba blangs la brgya phrag gcig gis mngon par bsngags te/ rgyal po rengs par byed do/ /de nas chu bcing bar byed pa'i cho ga la/ na mo b+ha ga wa te/ big+h+nAn dre dza laM pra bi sha me swA hA/ chu la 'dug ste bzlas pas/ nya 'ud 'ud pa'i kha ru rin po che bcug la/ rang gi lag par blangs te/chu'i steng du phyin pas chu bcing bar 'gyur ro/ /de nas bskrad par bya ba ni bya rog gi sgro blangs te/ brgya bzlas nas/ gang gi sgo ru sbas pas skrod par 'gyur ro/ /de bton na zhi bar 'gyur ro/ /de'i sngags la/ na mo rat+na tra yA ya/ tsa la pra tsa la shI g+h+raM b+ha mi ni swA hA/de nas zhe sdang bas/ na mo rat+na tra yA ya/ de ba ya ma hA pre sha ka ma hA bi laM su tu swA hA/ bram ze mo dang dge tshul dang / byi ba'i skra blangs la/ gcig tu btags te/ gang gi ming nas bzung te sa la sbas pa de thams cad dang 'khon par 'gyur ro/ /bton na ni grol bar 'gyur ro//de nas sbyin sreg gi las spyad par bya ste/ ba glang gi sha chang gis bsres la thun gsum du bsregs pas/ zla ba gcig gi nang du sangs rgyas kyang dbang du 'gyur na/ mi'i dpa' mo lta ci smos/ wa'i sha la bsngags te/ lan brgya'i bar du bsregs na//zla ba gsum gyis rigs dang rgyud du bcas pa'i phongs pa spong bar 'gyur ro/ /bya rog gi sgro'i sbyin sreg la/ mar khu chen po'i zhag la snag tsha byas la/ oM ma hA kA la sid+d+hi any+tsa dz+nyA na sA d+hA ya swA hA/ khri phrag gcig bzlas la/ rtag tu mig la bskus nas mig sman du byas na/lkog tu gyur pa'i gter la sogs pa mthong bar 'gyur ro/ /de nas ral gri'i sgrub pa brjod de/ 'od dang ldan pa'i lcags las gri brdungs la/ lag pa g.yas pas bzung ste/ nam mkha' la spyod pa'i mig gis dpral bar thig byas la/ bram ze dkar po'i shing 'dab ma blangs la/sngon du mchod pa rgya chen po dbul bar bya'o/ /shing gi thig las lham byas la/ ba glang gi ko bas sgregs te/ khri phrag gcig bzlas pas/ de'i tshe thig grub par 'gyur ro/ /oM ma hA kA la sid+d+ha da da du ka sA d+ha ya swA hA/ de la sogs te 'jig rten gsum gyi grub pa thams cad 'grub par 'gyur ro//nag po chen po'i rnal 'byor dang ldan pas so/ /'bad pa dang rtsol ba chen pos mi sbyin cing sba bar bya'o/ /sbas shing mi sbyin par rtsol ba chen pos 'grub par 'gyur ro/ /smras shing byin na mi 'grub par 'gyur ro//dam tshig nyams pas mi 'grub par 'gyur ro/ /thams cad rab tu mi sbyin sba/ /sbyin bya rdo rje theg pa can/ /byed par ldan pa la sbyin zhing / /de la sogs pa'i las rnams ni/ /rgyud kyi nang nas 'byung ba bzhin/ /de yi rang bzhin rnal 'byor pas/ /rnam grol 'grub ldan rnal 'byor pa//shes rab nag mo la ni 'khyud/ /legs pas mthun byed bdag la gus/ /rdo rje pad+ma rab sbyor bas/ /'jig rten gsum po stong par lta/ /stong nyid ngo bo nyid stong pas/ /stong pa chen po thams cad stong / /'jig rten gsum po bdag med pas/ /bde ba chen po bya ba yin//rtsol bas sangs rgyas thob par 'gyur/ /rang bzhin med pas sgrib kun spangs/ /ye shes sku ste spro bsdu ba/ /'gro ba pha rol yid dang sbyor/ /de nas las thams cad 'grub pa'i gtor ma sbyin te/ de'i sngags la/ oM shri k+Shi hUM phaT/ ma ta ma ya/ puSh+pa/ d+hU pa/ ma le pA tA le/ aSh+Ta nA ga de ba dza k+Sha rA k+Sha sa/ gr-ih+na gr-ih+Na/ i daM ba liM/ ha ha ha hUM/ khA hi khA hi/ kha kha/ hUM hUM dz+ha/ phuM pheM ma hAT+Ta hA sa/ g+ha dza g+ha dz+ha kr-iSh+Na b+ha sna ya phreM phreM swA hA/ rtag tu sha dang / sran ma bsres pa'i thug pa dang / sran ma dang / khrag dang / zan gyis snod rab tu gang bar byas te/de ltar gtor ma byin pas zhag nyi shu rtsa gcig na legs pa dang nyes pa ston par 'gyur ro/ /zla ba gcig tu byin na don thams cad 'grub par 'gyur ro/ /lo gcig gi bar du byin pas/ ji ltar yid la bsams pa 'grub par 'gyur ro/ /oM ka rA la bi ka rA la/hu lu hu lu/ ki li ki li/ ma hA kA la/ ha la/ k+ShiM shriM tsaN+Da tsaN+Da maM haM hUM/ ma hA nan+d+we shwa rA ya swA hA/ sngags 'di lan bdun gyi bar du chu la btab ste gdong bkru bar bya'o/ /mi thams cad mthun par 'gyur ro/ /dgra bo thams cad rmongs par 'gyur ro/ /oM ma hA kA la hriM hriM hriM phaT swA hA/thams cad 'grub par byed pa'i sngags so/ /ma byung 'byung bar mi 'gyur ro/ /de nas ras ris bri ba'i cho ga brjod par bya'o/ /rigs lnga'i bud med kyi zla mtshan blang la mar khu chen po dang bsres te/ ro bsregs pa'i shul du bzhag la/ nag po'i brgyad kyi nang du thun gnyis pa'i gung la ri mo byed pa dbang bskur dang ldan pas/chang 'thungs na mig dmar por gyur pas/ dam tshig gi rdzas ci 'byor pa'i mchod pa bshams te/ ro sol gyis bsres la/ sngon du brjod pa ltar nag po chen po bri bar bya'o/ /nag po'i phyogs kyi mtshams bcu bzhi la bri bar bya'o//rtsi la dngul gyis kyang bsres te/ thun gnyis pa la mig la bskus la/ rab tu gnas pa yang de nyid la'o/ /ji ltar 'byor pa'i stobs kyis bla ma mchod la/ gus pas sgrub thabs bstan par bya'o/ /thang sku bkram la/ gtor ma la sogs pa'i yo byad dang ldan pas/sngon du bsnyen pa 'bum phrag gsum bya'o/ /de nas 'bum phrag gcig bzlas pas 'grub par 'gyur ro/ /thams cad kyi bya ba byed par 'gyur ro/ /sems can thams cad kyi don byed pa'i sangs rgyas su 'gyur ro/ /nag po chen po'i sgrub thabs rdzogs so// //phyag rgya chen po mchog gi dngos grub thob pa'i dpal lhan cig skyes pa'i zhabs kyis mdzad pa'o/ /rgya gar gyi mkhan po shrI na ren+d+ra b+ha dra dang / bod kyi lo tsA ba u rgyan pa rin chen dpal gyis/ ri bo chen po spu tra'i mgul du bsgyur ba'o/