CLOSE WINDOW

D1750
བོད་ཡིག

/rmi lam ngan pa zlog par 'gyur/ /rmi lam brtag pa rdzogs so// //rgya gar shar phyogs kyi paN+Di ta bi b+hU ti tsan+d+ras rang 'gyur du mdzad pa'o// @##/ /rgya gar skad du/ pad+ma dzA lod+b+ha ba sA d+ha ni/ bod skad du/ pad+ma dra ba 'byung ba'i sgrub thabs/ 'phags pa spyan ras gzigs dbang phyug la phyag 'tshal lo/ /chos dang longs spyod rdzogs sprul rnams/ /sku gsum rnams kyis rnam par gnas/ /stong nyid snying rje'i rang bzhin can/ /pad+ma spyan ras gzigs phyag 'tshal/ / lha nyid rnam pa du ma ni/ /de nyid spangs pa min pa gang / /thugs rjes mchog tu chags gyur pa/ /'jig rten mgon ni rgyal bar byed/ /chos bdag med pa dam pa'i dngos/ /rmad byung mthar gnas pa gang de/ /du ma'i dkyil 'khor pa gang nyid/ /thugs rje chen po rnam par 'jog /phun sum tshogs pa kun gyi rgyu/ /pad+ma dra ba dpal la brten/ /ji ltar bla mas nyer bstan pa/ /de yi sgrub thabs rim par brjod/ /ye shes shes rab thabs rang bzhin/ /sgrub thabs sems la kun phan pa/ /tshig don phal cher rnam gsal ba//bdag dang blo mnyam rnams la phan/ /dang po re zhig yang dag pa'i byang chub kyi sems bskyed nas sems can gdon pa la kun du dmigs te lam sngon du bya'o/ /'jig rten 'di thams cad nyid bdag gis 'khor ba'i sdug bsngal las bton nas sangs rgyas nyid la nges par sbyar ba dang /sangs rgyas nyid thob pa'i rgyur sngags kyi theg pa chen po theg pa thams cad kyi mchog bla ma'i drin gyis nye bar bstan pa las yang dag par rtogs te/ thos pa dang / bsam pa dang bsgom pa'i rim pas ji ltar rig pa kun du spyod pa la rab tu 'jug pa brtsam par bya'o//sngags kyi tshul chen po nyid gang las byang chub sems dpa' rnams thams cad kyi byang chub thob bo/ /gang gsungs pa/ sku gsung thugs kyi rdo rje can/ /sangs rgyas lam gsum yang dag byung / /yang dag gsang sngags rab bsgoms pas/ /ye shes mnyam med yang dag thob//ces so/ /de'i phyir sngags kyi tshul brjod pa bsgoms pa'i stobs las dus yun mi ring ba kho nas bsod nams dang ye shes kyi tshogs yongs su rdzogs par byas na/ bde bar gshegs pa'i go 'phang thob par byed do/ /de la/ byams dang snying rje mnyam par sbyor las yid ni rdzogs pa'i byang chub las//sangs rgyas rnams kyi shin tu zab pa'i tshul du'ang lhag par mos par ldan/ /sbyin pa tshul khrims la sogs kun rdzogs srid pa'i longs spyod las phyir phyogs/ /sems la sdug bsngal dang ni dub pa med par lha nyid mnyes par byed//chu dang / cod pan dang / rdo rje dang / bdag po dang / ming dang / gsang ba dang / shes rab ye shes dang / brtul zhugs dang / dbugs dbyung ba la sogs pa dbang bskur ba'i cho ga dang ldan pa/ tshogs par sbyor ba bla ma'i drin gyis byin zhing rjes su gnang ba/gnyug ma'i gsang sngags dngos su byas pa'i bsod nams dang rjes su mthun pa'i sa 'dzin la sogs par gang yang rung bar bde ba'i stan la sems dpa'i skyil mo krung gis 'dug ste/ bdag dang rnal 'byor srung ba'i don du/ rje btsun bgegs mthar byed yud tsam gyis dran par bya'o//oM a mr-i ta ha na ha na sarba big+h+nAM da ha da ha sarba pA paM hUM phaT/ de nas rnam par thar pa'i sgo gsum rnam par sbyangs nas/ byams pa la sogs pa bsgoms pa sngon du 'gro bas rang gi snying gar pad+ma dang zla ba'i dkyil 'khor la hrIH'i yi ge bsams nas nam mkha'i mthil du rdo rje til gyi gang bu bzhin du bar mtshams med par rang gi 'dod pa'i lha'i dkyil 'khor gyi 'khor lo dang de dang tha mi dad pa'i bla ma rnams kyi sku dang de bzhin gshegs pa rnams kyis kyang yongs su gang bar kun tu dmigs nas hrIH'i yi ge de las gzugs dang sgra dang dri dang ro dang reg bya rdo rje'i lha mo dang phyi rol gyi rnam pa sna tshogs pa'i me tog la sogs pa thams cad kyis mchod pa'i lha mo rnams spros nas yang dag par mchod nas bdag nyid de rnams kyi mdun du 'dug ste gus pa dang dul ba'i sems kyis thal mo sbyar ba byas te/pus mo'i lha nga btsugs nas phyag 'tshal bar blta'o/ /'di ltar sngar brjod gzugs sogs dang / /de bzhin rin chen sogs phung pos/ /mchod pa rnam par brtag byas nas/ /sngags pas de rnams 'bad pas mchod/ /de ltar de rnams mdun 'du gnas//pus btsugs thal mo sbyar byas te/ /sdig pa la sogs mi dmigs pas/ /bshags pa la sogs pa bya'o/ /bdag gi sdig kun bshags par bgyi/ /dge la mchog dgas rjes yi rang / /ji srid 'gro gnas gang don du/ /bcom ldan dam chos rin chen dang //dkon mchog gsum la mngon par skyabs su mchi/ /byang chub yid la bzung zhing de yi lam/ /yang dag bsten zhing dge ba'i gter rnams ni/ /rdzogs pa'i byang chub ched du yang dag bsten/ /de bzhin dkon mchog gsum la bdag skyabs so/ /zhes pa la sogs thams cad bklags nas so//de nas sems can thams cad la lha nyid kyi bde ba nye bar bsgrub pa'i byams pa bsgom par bya'o/ /de nas de rnams kho na la sdug bsngal thams cad sel ba'i rnam pa snying rje dang / de nas de rnams kho na la bde ba dang mi 'bral ba'i rnam pa dga' ba dang /de nas de rnams kho na la 'jig rten las 'das pa'i dge ba thams cad nye bar sdud pa'i rnam par btang snyoms so/ /de nas gzung ba dang 'dzin pa'i rang bzhin dang bral ba stong pa/ de'i rnam pa'i ye shes nang gi skye ba med pa'o/ /de bzhin kho nar khams gsum pa'i mthar thug pa las zlog pa'i sems can med pa'i phyir mtshan ma med pa'i ye shes tsam mo//rnam par rtog pa med cing sems pa med pas gang la yang smon pa med pa gang yin pa de las rgyu ba dang bcas pa dang / rgyu ba med pa'i dngos po ma lus pa la smon pa med pa'o//de ltar rnam pa sna tshogs pa'i rnam par thar pa'i sgo'i rang bzhin rang gi sems la rang gi so sor rig pas bltas nas slob dpon gyis 'chad par 'gyur ba'i gsang sngags kyi don la lhag par mos pas byin gyis brlab par bya'o/ /oM swa b+hA ba shud+d+haHsarba d+harmAHswa b+hA ba shud+d+hou0f85haM/oM swa b+hA ba shU n+ya sarba d+harmAHswa b+hA ba shU n+you0f85haM/ oM shU n+ya tA dz+nyA na badzra swa b+hA ba At+ma kou0f85haM/ stong nyid ro gcig ma sbyar bas/ /byang chub mchog tu mi 'gyur ba/ /de phyir rang yid rtag tu ni/ /shes rab thabs kyi bdag nyid bya/ /nam zhig sa ngs rgyas kyi ni zhing //rnam par ma dag sangs rgyas med/ /de nas dang por zhing dag phyir/ /rang sems nyi ma bsgom par bya/ /de la gzi brjid phung po'i gzugs/ /rang gi sems ni blta bar bya/ /hUM yig yongs su gyur pa las/ /skyes pa'i rdo rje phra mo rnams so//de rnams kyi 'og dang steng gi phyogs bzhir rdo rje'i ra ba dang gur bsam par bya'o/ /de phyir thog ma dbus mtha' grol/ /de dang zad pa spangs pa yi/ /ye shes rtsa la gnas pa'i chos/ /thams cad dag pa'i go 'phang gnas/ /'di ltar ji skad bshad ye shes//rdzogs pa yongs su 'jug pa ni/ /chos 'byung phyag rgya gru gsum pa/ /dkar po steng du gnas bsam bya/ /sna tshogs chu skyes rdo rje'i dbus gnas pa/ /nam mkha'i mthar thug pa yi gzugs can no/ /de nas rlung me chu sa'i dkyil 'khor du/ /a yig yongs gyur zla ba de la de'i//steng du zla bar paM yig ser po ni/ /yongs su gyur pa'i sna tshogs pad+ma'o/ /de yi ze 'brur zla ba la b+h+rUM yig las skyes pa'i 'khor lo/ de yongs su gyur pa las rnam par snang mdzad kyi rang gi ngo bo ye shes kyi mchod rten khang pa brtsegs pa blta bar bya'o//ji ltar/ gru bzhi pa la sgo bzhi pa/ /rta babs bzhi yis brgyan pa dang / /dra ba dra phyed me tog phreng / /me long la sogs pas brgyan pa/ /shin tu rnam par dag pa yi/ /chos kyi dbyings las skyes pa'i phyir/ /nyer spyod lnga yis brgyan pa'o/ /'gro ba ma lus pa shin tu rnam dbyer med par brjod pa'i phyir//der gyur pa'i nyes pas rjes su gos pa med pa'i phyir sdong bu gcig la rim pa gsum 'dab ma sum cu rtsa drug pa'i sna tshogs pad+ma'i gdan nye bar mdzes pa'i lha'i gnas sems can thams cad kyi nyon mongs pa'i kun du gdung ba zhi bar byed pa'i phyir dang dge ba'i rtsa ba nye bar bsags pa'i phyir dang /thugs rje chen po'i rang bzhin nyid kyi phyir/ 'dab ma so sor zla ba'i gdan la rjes su son pa ma rig pa'i mun pa rnam par bzlog pa'i phyir dang / mi dge ba'i 'dab ma skems pa'i phyir dang / byang chub kyi sems kyi myu gu smin par byed pa'i phyir dang /shes rab kyi rang bzhin can nyid kyi phyir sgo dang zur du nyi ma'i gdan la gnas pa'o/ /thugs rjes brlan pa nyid kyi phyir dang bsod nams kyi tshogs yongs su rdzogs pa nyid kyi phyir bum pa gang ba rnams kyis yongs su brgyan pa'o/ /ye shes lnga'i rang bzhin gyis rin po che lnga'i rang bzhin no//de bzhin du rang gi sems de rnam par dag par gyur pa/ khang pa brtsegs pa'i rang bzhin khang pa ru/ /de la dbus su zla ba'i gdan la ni/ /bcu drug nyis 'gyur gyi ni dbyangs rnams kyi/ /sum cu rtsa gnyis mtshan gyis tshogs pa yi//nus pas rdzogs par byed par blta bar bya/ /lugs su 'byung dang lugs las bzlog pa yi/ /phreng ba gnyis su nges par gnas pa yis/ /dag pa zla ba shel gyi rnam pa yis/ /rnam par 'phro ba'i 'od zer phreng rnams kyis/ /de nas ka la sogs pa'i sum cu bzhi//de rnams Da D+ha da d+ha ya la dang bcas pa rnams 'bad pa chung ba dang ldan pa nyid kyi phyir rab tu bcug nas bzhi bcur bya'o/ /de rnams kho na nyis 'gyur du bya ste/ dpe byad brgyad cu po rnams so/ /de rnams las skyes pa zla ba'i dkyil 'khor gnyis pa'o/ / de bzhin du/ sku yi byin rlabs la grub pa/ /de ni gang las 'byung bar 'gyur/ /Da D+ha da d+ha la ya bdag /bcug nas nyis 'gyur ka sogs bya/ /de las kyang zla bsam byas nas/ /dpe byad sgrub par byed pa'o/ /byang chub sems kyi rang bzhin phyir/ /snying rje'i rtsa ba las byung drags//de'i phyir kun gzhi rnam par shes pa dang / nyon mongs pa can gyi yid dang 'jug pa'i rnam par shes pa gnas gyur pa/ me long dang mnyam pa nyid dang / so sor rtog pa dang / bya ba rjes su sgrub pa dang / shin tu rnam par dag pa'i chos kyi dbyings te/ye shes lnga'i rang bzhin hrIH'i yi ge'i sa bon yongs su gyur pa las rang nyid dpal pad+ma spyan ras gzigs kyi dbang phyug thub pa'i mchog rdul phra rab kyi lus tshad med pa dang / bsdus pa'i dngos po dang skad cig dang dga' ba bzhi rnam par dag pa yang dag par gsal bar byed pa'i zhal bzhi par blta bar bya'o//'gro ba tshim par byed pa po nyid kyi phyir rtsa ba'i zhal dang lus gang ba'i zla ba ltar dkar ba/ g.yas pa dang rgyab dang g.yon pa'i zhal sngon po dang dmar po dang ljang gu'o/ /sngags dang bdag dang lha'i de nyid gsum gsal bar byed pa po nyid kyi phyir spyan gsum rnam par thar pa brgyad kyi tshul gyi phyir phyag brgyad do//stong pa nyid dang snying rje chen po dag mnyam pa'i bdag nyid can gyi dngos po'i phyir dang shes rab dang thabs kyi bdag nyid dam pa'i sku gsal bar byed pa po nyid kyi phyir rnam pa gnyis sgron mas kun du snang mes byed pa ltar rang snang gi rig ma gos dkar mo g.yon gyi pang du phyag gis 'khyud de 'dzin pa'o//srid pa'i 'ching ba las grol ba'i phyir dang / ting nge 'dzin rnam par 'chad pa yang dag par bsrung ba'i phyir skyil krung phyed pa'o/ /gzugs la sogs pa'i phung po lnga rnam par dag pa'i rang bzhin gyi phyir dang /me long la sogs pa'i ye shes lnga rnam par dag pa'i phyir g.yas pa'i phyag dang por gnas pa'i rtse mo lnga pa'i rdo rjes g.yon gyi phyag dang por gnas pa'i pad+ma 'byed bzhin pa'o/ /ji ltar pad+ma dmar po ni/ / gnas kyi nyes pas mi gos pa/ /de bzhin grub pa'i rnal 'byor ldan/ /gnas nyes sna tshogs kyis kyang ngo / /de phyir pad+ma zhes brjod do/ /gdul dka' ba 'gags par byed pa'i phyir pad+ma'i lcags kyu gdengs pa'o/ /gdul bya ma yin pa 'ching bar byed pa nyid kyi phyir pad+ma'i zhags pas mtshan pa'i phyag go//don dam pa las chos thams cad bdag med pa'o zhes gsal bar byed pa'i phyir ye shes kyi bdud rtsis gang ba'i thod pa phyag tu'o/ /skye mched drug la sogs pa'i lus 'jog pa spangs pa'i phyir ro/ /mgo bo la sogs pa rkang pa'i mthar thug pa'i rnam par dpyad pa las/stong pa nyid ro gcig cing dbye ba med pa'i mgo bo'o/ /g.yo ba med pa'i dngos po'i phyir dag pa'i shel dang dung dang kun+da dang zla ba ltar dkar ba'i kha T+wAM ga bsnams pa dam pa'i chos kyi phyir phyag tu rin po che'o/ /spros pa med pa'i shes rab kyi bdag nyid dang bcas pa nyid kyis lha mo'i nu ma la reg cing dga' ba'o//sdug bsngal gsum gyis gzir ba'i 'gro ba la so sor rtog pa'i mchog nyid kyi phyir 'od dpag med kyi cod pan can no/ /bcud len yongs su rdzogs pa'i phyir dang ye shes kyi zla ba'i cha'i myu gu can gyi ral pa'i tshogs kyis brgyan pa de kho na nyid kyi cha shas bsdus par bcas pa rnam par 'joms pa po ma yin pa nyid kyi phyir pad+ma dkar pos dbu la mtshan pa'o//de bzhin du/ sems can rjes su 'dzin pa yi/ /thugs rjes rjes chags yang dag byung / /yang dag rdzogs pa'i dge chos kyis//nyon mongs thams cad nges 'dul byed/ /kun gyis brgyan pa'i gzugs rnams kyis/ /zhi dang sgeg pa 'chang ba po/ /shes rab thabs bdag dam pa'i sku/ /mtshan mor byed pa mchog 'bar byed/ /ces pa dang / gzhan yang / bcom ldan 'das ma'ang thams cad du//bcom ldan 'das mtshungs bsam par bya'o/ /zhes so/ /yang na phyag gnyis pad+ma dmar po rnam par rgyas par byed bzhin pa'o/ /de bzhin du/ sna tshogs sprul pa'i rnam g.yeng gis/ /ma lus 'gro don bya de mchog /bcom ldan 'das gzugs bdag nyid ni//bsams nas bsgom par brtsam par bya/ /zhes de lta bu ni dang po sbyor ba zhes bya ba'i ting nge 'dzin rang gi don sgrub byed do/ /de nas dkyil 'khor rgyal po mchog /gzhan gyi don du so sor bsgom par bya'o/ /de'i rjes su 'gro ba mtha' dag la thugs rjes bstan nas/snying gar ye shes sems dpa' hrIHyig gi sa bon las 'od zer kun tu spros nas phyogs bcur gnas pa'i de bzhin gshegs pa'i bdag nyid rnams bkug nas rab tu bcug nas bsam par bya'o/ /de rnams kyang mthar de'i gzugs kyi rnam pa yongs su gyur pas 'gro ba rjes su gzung ba'i phyir rab tu phyung nas 'di ltar gzugs kyi rnam pa yongs su gyur nas sngar brjod pa'i zla ba'i dkyil 'khor rnams la ka yig la sogs pa'i sa bon dang mtshan ma rnams su gnas pa bsam par bya'o//de bzhin du/ sangs rgyas tshogs rnams bkug nas ni//rang gi sa bon nang gzhug bya/ /slar yang yid kyis phyung nas ni/ /gnyug ma'i sa bon rim ji bzhin/ /'di yi dgod pa'i rim pa ni/ /dang po'i 'dab ma brgyad kyi rim pa la/ shar du pad+ma spyan ma lha mo bsgom pa blo ldan pa/ /lho ru rin chen pad+ma zhes//nub tu pad+ma rdo rje can/ /de bzhin g.yon du pad+ma sgrol ma/ me ru pad+ma gos ma ste/ /pad+ma 'bar ba bden bral du/ /pad+ma sngon mo'i khro gnyer can/ /rlung gi zur du yang dag gnas/ /pad+ma rtse mo dbang ldan du'o/ /drug gnyis 'dab ma'i rim pa'i lha mo rnams so//de rnams ming ni rim par bshad pa ni/ /pad+ma skar mda' pad+ma sgyu ma dang / /de bzhin pad+ma 'dod pa'i dbang phyug ma/ /pad+ma ldan pa pad+ma mtshungs ma dang / /de bzhin pad+ma gtum po'i dbang phyug ma/ /pad+ma gsang ma pad+ma chen mo dang / /pad+ma zla ba phyi mar bshad pa'o/ / pad+ma snang ma pad+ma gau rI ma/ /pad+ma mdzod ma dang ni bcu gnyis so/ /de nas gsum pa 'dab ma bcu drug pa de la lha mo rnams rim pa ji lta ba bzhin te/ pad+ma dbang phyug pad+ma'i gdong ma dang / /pad+ma gtum mar rab tu grags pa dang / /pad+ma rig pa mchog ma'i mchog dang ni//slar yang pad+ma rgya mtsho ma dang ni/ /pad+ma snang byed ma zhes rab brjod ma/ /de bzhin pad+ma yid bzhin nor bu dang / /pad+ma 'dod ma pad+ma 'gro ma dang / /pad+ma nag mo pad+ma bde ma dang / /bcu bzhi ma ni pad+ma can ma ste/ /gzhan yang pad+ma sngon ma'i gter ma dang / / pad+ma rnal 'byor dbang phyug ma ni mdzes/ /zhes pa rim pa gsum pa'i lha mo rnams/ /'di ni kun+da zla ba ba mo dang / /ga pur gang ba lta bur yan lag gsal/ /dga' ba'i tshogs rnams rnam rgyal dgod pa dang / /mkhur pa'i ri mo cung zad dkar dmar te/ /rnam bkra spyod ma sgeg pa rgyun chags par//gar sdud glu yis rten la rab tu 'jug /ut+pal rnam par rgyal ba'i rdzi mas mtshan/ /spyan gsum kun nas mdzes pa'i zhal gcig pa/ /thod pa'i phreng ba mthil du 'byar bye ba/ /rnam rgyas ge sar dam pa'i 'dab bkra ba/ /mtsho las skyes pa rnam par kha bye ba//dag pa mgo la cod pan du 'chang ba/ /bsnyems bcas gyen du drang por bsgreng ba'i lus/ /kha T+wAM ga la cung zad gzigs par bcas/ /g.yas min la dang g.yas pa'i phyag gnas pa/ /thod pa'i do shal 'od dang rnam sgeg pa/ /phyag gi rtse mor rnam bkra'i zhags pas rol//phyag gzhan du ni drag po'i lcags kyus brel/ /dga' ba dga' bcas mi dal gar byed do/ /khor yug kun du nyams dang bcas pa drag /ces pa bskyod pa'i nyams kyis 'khor lo bcings pas gar bya'o/ /de bzhin du glu ni blang bar bya ste/ ji ltar/oM de bzhin gshegs kun la sogs rnam pa sna tshogs mchog gis gzugs 'chang ba/ /rnam pa sna tshogs rnam bkra sems can 'dul ba mchog tu grub pa mchog /sems can dag pa pad+mo mchog gi dga' ba blta bar gyis/ /a la la la ho/ pad+ma spyan ras gzigs pa yi ni dbang phyug thar pa'i dga' ba'o//oM sangs rgyas khyod/ rdo rje 'dzin pa khyod/ tshangs pa dang khyab 'jug dang dbang phyug chen po khyod/ /zla ba nyi ma khyod/ a la la la ho/ pad+ma dzA la shrIHzhes glu blang / slar yang pra kr-i ta'i skad kyis glu len pa/ /rnam pa mang po 'dul ba'i rnam pa yi ni gnas//rab las gar gyis sdud pa'i sangs rgyas gar dbang phyug /tshogs ni rnam sad yid ni rnam par rmongs pa'i gar/ /gar gyi gar gyis ma 'dres glu 'di blar gsang bcas/ /zhes pra kr-i ta'i glu yis glu len par byed do/ / phyi rol du pi wang ma la sogs pa'i lha mo'i tshogs dang lhan cig tu pad+ma pheg rdob kyi rol mos bcom ldan 'das la yang dag par bstod cing pheg rdob rjod par byed do/ oM pad+ma pad+ma hrIH oM pad+ma pad+ma shrIH oM pad+ma pad+ma d+hi/ oM pad+ma pad+ma trIM/ oM pad+ma pad+ma hIM/ oM pad+ma pad+ma b+h+rUM/ oM pad+ma pad+ma hrAM/ oM pad+ma pad+ma shrI/ zhes pas pad+ma 'dab ma brgyad pa'i snying por gar byed do/ /'di ltar gsal byed sum cu rtsa drug gi rang bzhin gyi lha mo rnams bsam mo/ /ci ltar mthar gnas la sogs pa'i rab tu dbye ba las ra yig spangs pa rjes su sna ldan la sogs pa dang bcas pa rjes su sna ldan la sogs pa dbyangs thung ngu ni thabs so//ring po ni shes rab kyi rang bzhin no/ /de'i phyir rnal 'byor mtha' yas pa'i dkyil 'khor gyi 'khor lo spro bar byed pa'i bdag nyid dkyil 'khor gyi 'dren pa dbus [(]gyi [,]kyi [)]ze 'bru la blta bar bya'o//de la 'phags pa'i lam yan lag brgyad pa rnam par dag pa pad+ma brgyad pa'i nang gi rim pa'o/ /rten cing 'brel bar 'byung ba bcu gnyis rnam par dag pa gnyis pa'o/ /stong pa nyid bcu drug rnam par dag pa gsum pa'i zhes khong du chud nas de'i rjes su hrIHyig las khams gsum pa khyab pa'i 'od zer gyi tshogs spros nas/chos ston pa la sogs pa mtha' yas pa'i thabs rnams kyis sems can thams cad de bzhin gshegs pa nyid la so sor bkod nas/ de bzhin gshegs pa de rnams bkug nas de'i sa bon nang du bcug nas dkyil 'khor gyi 'khor lo bsrung ba'i ched du khro bo'i gzugs kyis dbyung bar bya'o//de la/ ma dad phung po 'jig lta dang / /shes bya'i sgrib pa zad pa dang / /dad pa'i rang bzhin bzang po ni/ /shar sgor pad+ma lcags kyu'o/ / kha dog dkar po chen po'i sku/ /rab spros khro bos kun tu 'khrugs/ /sngon po dmar por snang ba'i zhal/ /spyan gsum 'jigs pa'i gzugs can te/ /lcags kyu tho ba 'khor lo dang / /thod pa kha T+wAM sdigs mdzub rnams/ /'chang zhing nyi ma'i dkyil 'khor dbus/ / son cing rtag tu bzhugs pa'o/ /le lo nyon mongs pa yi bdud/ /mthar 'dzin lta ba mi mthun phyogs/ /rnam dag brtson 'grus yang dag byung / /'bar ba'i gser gyis mtshungs pa ste/ /ge sar sngon po'i zhal la ni/ /spyan ni gsum po 'chang bar byed/ /dbyug pa zhags pa thod pa dang //kha T+wAM sdigs mdzub nor bu'o/ /ma lus sangs rgyas rnams kyi tshogs/ /'dul ba'i don du yang dag gdengs/ /nyi ma'i gdan ni kun tu gnon/ /pad+ma zhags pa'ang lho phyogs su'o/ /'chi dang brjed ngas log lta dang / /chos kyi sgrib pa mi mthun phyogs//rnam dag dran pa yang dag byung / /pad+ma lcags sgrog nyi ma'i 'od/ /dmar gnag dkar ba'i spyan gsum gyi/ /dmar ser me yi 'od rnams kyis/ /gsal ba'i zhal gyis khros pa yi/ /'od kyis nam mkha' kun rtogs pa/ /thod pa kha T+wAM ga bsnams shing //sdigs mdzub 'khor lo 'chang ba po/ /g.yas brkyang gnas su gnas pa'o/ /lcags sgrog pad+ma phyag gis bsnams/ /nub kyi phyogs su kun song ste/ /nyi mar thugs rje'i gter bsam bya/ /rnam g.yeng lta ba mchog 'dzin dang / /lha yi bu bdud bya ba'i sgrib//rnam par g.yeng bas rab gtum 'od/ /dam pa'i ting nge 'dzin rang bzhin/ /ljang gnag dkar ba'i rnam pa yi/ /zhal gyis kyang ni rnam par brgyan/ /bai DUr+ya 'od spyan gsum pa/ /pad+ma 'bebs pa pad chen po/ /rdo rje ral gri kha T+wAM ga /sdigs mdzub snod kyis brgyan par bya//de nas 'gro ba'i bya byas nas/ /de yi mi mthun phyogs zad skyes/ /de bsdus brtan par bltas nas ni/ /byang gi sgo ru nyi ma la'o/ /khros pas stag gi pags pa'i gos/ /sbrul gyi rgyan gyis brgyan pa dang / /thod pa'i phreng ba'i cod pan can/ /thor cog lnga ni 'chang ba dang //dgug dang gzhug dang 'ching ba dang / /de bzhin du ni mnyes par byed/ /rnam par gzhom du med pa'i las/ /gzhan ni khyad par las shes bya/ /zur ma rnams su mkha' 'gro ma/ /zhal gcig pa la phyag bzhi pa/ /spyan gsum kha dog sna tshogs pa//gtsigs pa'i zhal gyis 'jigs par byed/ /snod dang cang te'u kha T+wAM ga /dril bu zhes pa 'chang zhing bstod/ /sna tshogs chu skyes zla dbus gnas/ /de bzhin phyogs rim g.yas brkyang bcas/ /ro langs drag po'i sgra ldan ma/ /rdo rje mche ma stobs chen ma//yan lag thams cad bsdus pa'i rgyus/ /kun du 'khod cing rnam gnas pa/ /dkyil 'khor pa nyid bsam par byas/ /dkyil 'khor bdag po la mngon phyogs/ /de'i rjes su 'di rnams kyi sa bon gyi yi ge rnams ni/ oM trAM hUM khaM hUM lAM mAM pAM tAM b+h+rUM khaM hriM hroM hUM baM oM hUM oM AHhUM zhes pa phung po dang skye mched dang khams dang lus dang ngag dang yid rnams thams cad du ji ltar rigs par thams cad dgod par bya'o//gzhan yang gsungs pa/ buM hUM AM hri khaM lAM mAM pAM tAM dzaHhUM baM hoH/ kha raM k+ShiM dzAM k+ShaM Sh+kaM saM khaM zhes pa de lta bu'i rang gi sa bon gAM raM khaM hUM dang mtshan ma rang gi rten la brten pa'i sku'o//gzugs la sogs pa ni gzugs rdo rje ma la sogs pa'o/ /sa la sogs pa ni spyan ma la sogs pa'o/ /gzugs la sogs pa'i phung po lnga po ni rnam par snang mdzad la sogs pa'i sangs rgyas rnams so/ /de bzhin du mig la sogs pa rnams su bcug pa'i sa'i snying po la sogs pa rnams kyang ngo //legs brtan nyid kyi sems dpa' yis/ /dang por thar pas shes byar grags/ /zhes pa de ltar kun nas grub/ /dam tshig dkyil 'khor bltas nas ni/ /snying ga'i ye shes sems 'od kyis//ye shes dkyil 'khor dgug par bya/ /'di ni dkyil 'khor rgyal po mchog gi ting nge 'dzin du yongs su grags pa'o/ /de nas snying ga'i sngags kyi 'od zer gyis ye shes kyi dkyil 'khor bkug nas dam tshig gi dkyil 'khor gyi 'khor lo la 'o ma la 'o ma bzhin gcig tu 'dres pa'i dngos pos rab tu zhugs par bsam par bya'o//shes rab dang thabs las byung ba bde ba chen po'i ting nge 'dzin gyis mchog tu ro myang ba dang dkyil 'khor gyi 'khor lo mtha' dag blta bar bya'o/ /de'i rjes su mchod yon gyi snod du me tog dang tsan+dan la sogs pa sbyor bar bsams nas/pad+ma lcags kyu la sogs pa'i khro bo rnams kyis dkyil 'khor 'khor lo la srung ba byas te mchod yon dang me tog dang tsan+dan la sogs pa dbul bar bya'o/ /de nas rang gi snying ga'i sa bon gyi 'od zer gyis bkug pa'i de bzhin gshegs pa rnams la mchod pa'i lha mo spros pa rnams kyis yang dag par mchod nas dbang bskur bar gsol ba gdab par bya'o//de nas de rnams ye shes lnga'i rang bzhin gyis gang ba'i nor bu'i bum pas/ dkyil 'khor gyi bdag po dang dkyil 'khor la mngon par dbang bskur bar bsam par bya'o//oM sarba ta thA ga ta a b+hi Shiny+tsa ka sa ma ya shri ye hUM/ de bzhin du rnam par bsams nas mchod par bya ba dang / mchod pa po dang mchod pa'i bdag nyid sems tsam mo zhes rnam par bsams nas sngags 'di brjod par bya'o/ /oM sarba ta thA ga ta pU dza badzra swa b+hA ba At+ma kou0f85haM/slar yang dkyil 'khor gyi 'khor lo la sngar brjod pa'i rim pas mchod par bya'o/ /de'i rjes su sgra brnyan bzhin du sgra'i tshogs mtha' dag nges par brtags nas dkyil 'khor gyi lha mo rnams 'chad bzhin pa'i bstod pa zhal nas brjod par bsams nas/rdo rje chen po phyag 'tshal 'dud/ /bde ba chen po phyag 'tshal bstod/ /dga' ba chen po phyag 'tshal 'dud/ /phrin las chen po phyag 'tshal 'dud/ /khyod las rdo rje dang sems dpa'/ /khyod las pad+ma legs sprul pa/ /khyod las rin chen lha mo che/ / sna tshogs rdo rje de bzhin nyid/ /khyod las sangs rgyas dpa' bo che/ /yang dang yang du yang dag 'byung / /khyod las chos dang dge 'dun yang / /khyod las pha rol phyin pa'i tshogs/ /byang chub sems dpa' sems dpa' che/ /khyod las gzugs kyi dkyil 'khor dang / /khyod las phyag rgya dang sngags kyang //slar yang khro bo'i rgyal po'i tshogs/ /slar yang pra kr-i ta'i skad kyis bstod pa/ /yon tan mchog thob shin tu dga'/ /bde ba chen po mchog tu gyur/ /a la la hoH/ mtha' dag bde chen de bzhin gshegs/ /mthong zhing nyams kyis gnas pa'o//bde ba chen po bsams pa las/ /de ring bde ba chen po yi/ /ro yis gang bar byed pa'o/ /a la la hoH/ mchog tu bde ba chen po ni/ /khyod la phan pa rab tu byed/ /pad+ma'i gnas kyi nang du ni/ /rdo rje rdo rje 'di 'grub byed/ /ces bstod pa dang mchod pa byas la mchod pa'i lha mo rnams lha'i lus la rab tu zhugs par bsams nas de'i rjes su thog mar ya yig gis rlung gi dkyil 'khor nag po gzhu'i dbyibs can bsams nas de'i steng du ra yig gis me'i dkyil 'khor gru gsum 'bar bas mtshan pa/de'i steng du bdud rtsis yongs su gang ba'i thod pa bsams nas bdud rtsi de hUM yig gis spar ba dang /AHyig gis bsil bar 'gyur ba dang / oM yig gis bdud rtsi'i rang bzhin du rnam par bsgoms nas lce la hUM yig gis rdzogs pa'i rdo rjes byin gyis brlabs par bsams la snying gar gnas pa'i dkyil 'khor gyi 'khor lo mtha' dag bdud rtsis tshim par bya'o//de nas hrIHyig de las 'od zer 'phros nas de bzhin gshegs pa rnams bkug ste gnyug ma'i snying ga'i nang du bsgom par bya'o/ /yongs su rdzog pa bsgom pa'i don du rnam par dpyad pa brtsam par bya ste/ gcig dang gcig min sogs brtags pas//phyi rol dngos po mi 'grub ste/ /de nyid phyir na de gzung dang / /rnam par shes pa'ang yod ma yin/ /des na 'di dag rang nyid tshul/ /rang la rag las gdan la khyab/ /ji bzhin yin dang ji bzhin min/ /'gro ba 'di dag rtogs par bya//'di de dam pa'i don can gyi/ /byang chub sems so 'di de ni/ /shes rab pha rol phyin pa'i dngos/ /'di nyid mchog gi stong nyid kyi/ /ye shes de las de bzhin du/ /rnam dag gzugs nyid de yi gzugs/ /med pa nyid phyir de dbyer med/ /dge ba'i sems byung sems rang bzhin//dkyil 'khor pa kun shes par bya/ /zhes pa las rgyal po mchog gi ting nge 'dzin to/ /de'i rjes su snying ga'i zla bar pad+ma phra mo la gnas pa'i hrIHyig thig le dang bcas pa yungs kar gyi 'bru'i tshad tsam gzi brjid kyi gzugs thams cad yang dag par bsdus nas rang gi nga rgyal gyis bsam par bya'o//de la sems brtan par byas nas dub pa skyes pa la sems de la nga rgyal dang bcas par byas nas yud tsam gyis dkyil 'khor gyi 'khor lo bsam par bya'o/ /gzi brjid dang thig le las skyes pa'i 'od zer gyi phung pos lce dang mgo la ngag dang lus la sogs pa spros nas thig le la gzi brjid 'phrog par byed par bsams nas thig le tsam gyi nga rgyal gyis gnas par bya'o//slar yang gzi brjid 'phrog par byas nas rang gi lus las nges par snang bar bya'o/ /de bzhin du yang nas yang du 'phro ba dang sdud par byed pa nyid kyis thig le'i rnal 'byor bsgom par bya'o//rnal 'byor pa ni rgyal ba dang / mngon par shes pa dang grub pa rnyed do zhes pa man ngag go/ /yang na sna'i rtse mor rang gi lha'i mtshan ma phra mo de'i nang du dkyil 'khor gyi 'khor lo mtha' dag bsgom par bya'o//snying rje dang shes rab ma bral bar sgom par byed pa 'di ni phra mo'i rnal 'byor bsgom par bya'o/ /ji srid brtan par gyur par blta bar bya ste/ brtan par gyur pa phra mo'i rnal 'byor spro ba dang sdud par byed pa ni myur du dkyil 'khor gyi 'khor lo'i dngos grub thob par byed do zhes pa dgod pa'i nus pa ji lta ba bzhin du gsungs pa/zla ba'i dkyil 'khor rdzogs pa la/ /de'i nang du gnas bsam pa/ /dang por smig rgyu'i rnam pa ste/ /du ba'i rnam pa gnyis pa can/ /gsum pa mkha' snang dang mtshungs pa/ /bzhi pa sgron ma lta bu ste/ /lnga pa rtag tu snang ba na//sprin med nam mkha' lta bu'o/ /de ltar rim par byas pa'am/ /so so re rer nges med pa/ /srog ni spro zhing dbyung bar bya/ /de ltar mtshan ma lnga yis ni/ /sems ni brtan par gyur pa yi/ /'gro ba'i don ni rab sgrub byed/ /rnal 'byor pa ni phul du byung / /zhes pa thig le'i rnal 'byor la sogs pa bsgom pa'o//de nas sangs rgyas kyi ting nge 'dzin la gnas pa rang dang sngags dbyer mi phyed par byas pa las phan tshun ma 'khrug pa gsal ba myur ba ma yin pa thogs pa ma yin par gsang sngags gdon par bya ste/ da ltar oM yig la sogs pas khyab par bya'o/ / de la 'di ni sngags te hrAM hUM A rmes kha su hA ma re shwa re ki lo barmA sa pa hriM oM/ hriM ni si waHraN+Da pA paM oM zhes so/ /lha mo thams cad kho na yi/ /ming dang sngags ni nges sbyar bya/ /oM yig dang por spel ba yis/ /phyi nas de la hrIM dgod bya/ /de bzhin mkha' 'gro ma dag kyang / / hUM phaT yi ge yang dag ldan/ /khro bo rnams kyi ming oM dang / /hUM phaT yi ges brgyan pa'o/ /de bzhin dzaHhUM baM hoHrnams/ /sa bon rim pa'i mthar thug dgod/ /lha mo'i hri baM yang dag 'byung / /mkha' 'gro ma rnams hUM phaT 'byung / /phyi yi pad+ma'i pi wang sogs/ /sngar brjod cho gas dran par bya//de bzhin de rnams kho na'i tshogs/ /sngar brjod gsang sngags brjod par bya/ /de bzhin rim par bya ba ni/ /re re'am 'khrul med ma yin par/ /'byung zhing spro ba'i bsam gtan dang / /sngags kyi mthar yang yang dag bsdu/ /rtsol ba'i rlung gis bkug nas ni//rang gi sa der nges par gzhag /byang chub rang sa bon der blo/ /bsam gtan bzlas pa'i go char gnas/ /zhes pa bzlas pa'i cho ga'o/ /bsam gtan nam bzlas pa byed pa gang gi tshe bying ba dang rgod pa'i sems la blta ba de'i tshe bying ba'i sems la lha mo'i glus bskul ba bzhin du 'khor lo mchod par bya ba dang bsgom pa brtsam par bya'o//rgod na thig le'i rnal 'byor la sogs pa sgom par byed pas dngos po rnams kyi gcig dang gcig min la sogs pa rnams dpyad par bsam/ de bzhin du bying ba'i sems la ni le lo dang rgod pa zhig nas zad do zhes pa zhum par nges par bzung ba las lha mo rnams kyi glus yang dag par bskul bas dang rgod pa la thig le'i rnal 'byor la sogs pas de kho na nyid bsgoms pas som dngos po rnams kyis rnam par dpyad pas stong pa nyid kun du dmigs pa'i phyir ro//de bzhin du rnal 'byor pa'i sems yod pas chung ngu nas 'khor ba nyid blta bar bya'o/ /de'i tshe mgo bo las mtho gang tsam du a yig gis zla ba'i dkyil 'khor bsgom par bya'o/ /de'i steng du bdud rtsi'i gzugs can gyi oM yig bsams nas snying ga dang mgo bo las sngags kyi 'od zer spros nas oM yig zla ba dang bcas pa de zhu bar bltas nas de'i bdud rtsis lus kyi nang bum pa bzhin du yongs su gang bar bsams nas/bdud rtsis nang dang phyi rol ba spu'i khung rnams su gang bas zil pa bzhin du gang bar bsams pas dub pa nye bar zhi bar bya'o//de ltar ngal sos pa dang skad cig gcig la bde ba'i tshogs ma 'khrugs pa'i thig le la sogs pa bsgoms pas sngar bzhin du gsang sngags ma 'khrugs pas bzlas par bya'o/ /de nas bsgoms pa dang bzlas pa dag gis dub par gyur na phyi rol gyi mchod pa'am cho gas yud tsam du stong pa nyid du bsgom par byas nas rnam par smin pa las byung ba'i lus kyis langs te phyi rol mchod pa'i dus su rang gi lha'i rnal 'byor dmigs te bris sku la sogs pa'i mdun na bcom ldan 'das kyi mdun du dkyil 'khor byas nas bdag nyid la mchod de/dkyil 'khor ba rang gi snying ga nas gzugs brnyan lta bu'i dkyil 'khor gyi 'khor lo spros nas gsang ba dang phyi'i lha sprul pa'i mchod pa rnams kyis mchod nas rang gi snying ga'i sngags kyis dkyil 'khor gyi 'khor lo la mchod par bya'o/ /de nas zas kyi dus su yud tsam gyis rang gi lha'i rnal 'byor byas nas zas la oM yig la sogs pa'i yi ge gsum gyis rim gyis bdud rtsir byas nas mchog tu rnam par dag pa'i sems kyis tshim par bya'o//thun mtshams kyi dus su yud tsam gyis rang gi lha'i 'khor lo bsgom par byas nas sngar brjod pa'i cho gas bsgom pa byas nas bzlas pa bya'o//de nas zla ba'i snying gar bsams nas rnal 'byor pa bde bar gnyid log par bya'o/ /slar yang tho rangs rab tu sad par gyur pa na lha mo'i glu rnams kyis bskul bzhin par bdag nyid bsam par bya'o/ /langs nas sngar brjod pa'i cho gas bsgom pa byas nas bzlas pa byas so//de bzhin du ji srid pa'i srid du rgyud las gsungs pa'i mtshan ma thob pa de srid du nyi ma so sor ro/ /de nas de bzhin du ji ltar nus pa dang ji ltar tshogs pa bzhin du mchod pa'i tshogs byas nas mthar gshegs su gsol bar bya'o/ /bde ba'i sgrub thabs dam pa'i gzhung rigs byas gang 'dir//bsod nams las byung grub pa thob pa las pad+ma/ /dra dpal sgrub pa kho na nye bar spangs pa des/ /skye bo'i tshogs rnams byang chub mchog bde thob gyur cig /ces pa pad+ma dra ba dpal 'byung ba'i sgrub thabs rgyal ba dpal ye shes kyis mdzad pa rdzogs so/